रामायण (लघ्वालोचना पाठ). Rāmāyaṇa (Lower Criticism Text)

You are here:

Home
शिक्षा
॥ रामायण ॥
रामायण (लघ्वालोचना पाठ). Rāmāyaṇa (Lower…

॥ रामायण ॥उद्योग धर्मोरक्षति

रामायण। राम दरबार। राम-जानकी विवाह। बोलो राजा रामचन्द्र जी की जय।

2 Heuristics in Critical Text Editing A 1

॥ रामायण ॥

बाल

क्रमाङ्क	छन्द	श्लोक
1	1001001a	तपःस्वाध्यायनिरतं तपस्वी वाग्विदां वरम्
2	1001001c	नारदं परिपप्रच्छ वाल्मीकिर्मुनिपुंगवम्
3	1001002a	को न्वस्मिन्साम्प्रतं लोके गुणवान्कश्च वीर्यवान्
4	1001002c	धर्मज्ञश्च कृतज्ञश्च सत्यवाक्यो दृढव्रतः
5	1001003a	चारित्रेण च को युक्तः सर्वभूतेषु को हितः
6	1001003c	विद्वान्कः कः समर्थश्च कश्चैकप्रियदर्शनः
7	1001004a	आत्मवान्को जितक्रोधो मतिमान्कोऽनसूयकः
8	1001004c	कस्य बिभ्यति देवाश्च जातरोषस्य संयुगे
9	1001005a	एतदिच्छाम्यहं श्रोतुं परं कौतूहलं हि मे
10	1001005c	महर्षे त्वं समर्थोऽसि ज्ञातुमेवंविधं नरम्
11	1001006a	श्रुत्वा चैतत्त्रिलोकज्ञो वाल्मीकेर्नारदो वचः
12	1001006c	श्रूयतामिति चामन्त्र्य प्रहृष्टो वाक्यमब्रवीत्
13	1001007a	बहवो दुर्लभाश्चैव ये त्वया कीर्तिता गुणाः
14	1001007c	मुने वक्ष्याम्यहं बुद्ध्वा तैर्युक्तः श्रूयतां नरः
15	1001008a	इक्ष्वाकुवंशप्रभवो रामो नाम जनैः श्रुतः
16	1001008c	नियतात्मा महावीर्यो द्युतिमान्धृतिमान्वशी
17	1001009a	बुद्धिमान्नीतिमान्वाग्मी श्रीमाञ्शत्रुनिबर्हणः
18	1001009c	विपुलांसो महाबाहुः कम्बुग्रीवो महाहनुः
19	1001010a	महोरस्को महेष्वासो गूढजत्रुररिंदमः
20	1001010c	आजानुबाहुः सुशिराः सुललाटः सुविक्रमः
21	1001011a	समः समविभक्ताङ्गः स्निग्धवर्णः प्रतापवान्
22	1001011c	पीनवक्षा विशालाक्षो लक्ष्मीवाञ्शुभलक्षणः
23	1001012a	धर्मज्ञः सत्यसंधश्च प्रजानां च हिते रतः
24	1001012c	यशस्वी ज्ञानसंपन्नः शुचिर्वश्यः समाधिमान्
25	1001013a	रक्षिता जीवलोकस्य धर्मस्य परिरक्षिता
26	1001013c	वेदवेदाङ्गतत्त्वज्ञो धनुर्वेदे च निष्ठितः
27	1001014a	सर्वशास्त्रार्थतत्त्वज्ञो स्मृतिमान्प्रतिभानवान्
28	1001014c	सर्वलोकप्रियः साधुरदीनात्मा विचक्षणः
29	1001015a	सर्वदाभिगतः सद्भिः समुद्र इव सिन्धुभिः
30	1001015c	आर्यः सर्वसमश्चैव सदैकप्रियदर्शनः
31	1001016a	स च सर्वगुणोपेतः कौसल्यानन्दवर्धनः
32	1001016c	समुद्र इव गाम्भीर्ये धैर्येण हिमवानिव
33	1001017a	विष्णुना सदृशो वीर्ये सोमवत्प्रियदर्शनः
34	1001017c	कालाग्निसदृशः क्रोधे क्षमया पृथिवीसमः
35	1001018a	धनदेन समस्त्यागे सत्ये धर्म इवापरः
36	1001018c	तमेवंगुणसंपन्नं रामं सत्यपराक्रमम्
37	1001019a	ज्येष्ठं श्रेष्ठगुणैर्युक्तं प्रियं दशरथः सुतम्
38	1001019c	यौवराज्येन संयोक्तुमैच्छत्प्रीत्या महीपतिः
39	1001020a	तस्याभिषेकसंभारान्दृष्ट्वा भार्याथ कैकयी
40	1001020c	पूर्वं दत्तवरा देवी वरमेनमयाचत
41	1001020e	विवासनं च रामस्य भरतस्याभिषेचनम्
42	1001021a	स सत्यवचनाद्राजा धर्मपाशेन संयतः
43	1001021c	विवासयामास सुतं रामं दशरथः प्रियम्
44	1001022a	स जगाम वनं वीरः प्रतिज्ञामनुपालयन्
45	1001022c	पितुर्वचननिर्देशात्कैकेय्याः प्रियकारणात्
46	1001023a	तं व्रजन्तं प्रियो भ्राता लक्ष्मणोऽनुजगाम ह
47	1001023c	स्नेहाद्विनयसंपन्नः सुमित्रानन्दवर्धनः
48	1001024a	सर्वलक्षणसंपन्ना नारीणामुत्तमा वधूः
49	1001024c	सीताप्यनुगता रामं शशिनं रोहिणी यथा
50	1001025a	पौरैरनुगतो दूरं पित्रा दशरथेन च
51	1001025c	शृङ्गवेरपुरे सूतं गङ्गाकूले व्यसर्जयत्
52	1001026a	ते वनेन वनं गत्वा नदीस्तीर्त्वा बहूदकाः
53	1001026c	चित्रकूटमनुप्राप्य भरद्वाजस्य शासनात्
54	1001027a	रम्यमावसथं कृत्वा रममाणा वने त्रयः
55	1001027c	देवगन्धर्वसंकाशास्तत्र ते न्यवसन्सुखम्
56	1001028a	चित्रकूटं गते रामे पुत्रशोकातुरस्तदा
57	1001028c	राजा दशरथः स्वर्गं जगाम विलपन्सुतम्
58	1001029a	मृते तु तस्मिन्भरतो वसिष्ठप्रमुखैर्द्विजैः
59	1001029c	नियुज्यमानो राज्याय नैच्छद्राज्यं महाबलः
60	1001029e	स जगाम वनं वीरो रामपादप्रसादकः
61	1001030a	पादुके चास्य राज्याय न्यासं दत्त्वा पुनः पुनः
62	1001030c	निवर्तयामास ततो भरतं भरताग्रजः
63	1001031a	स काममनवाप्यैव रामपादावुपस्पृशन्
64	1001031c	नन्दिग्रामेऽकरोद्राज्यं रामागमनकाङ्क्षया
65	1001032a	रामस्तु पुनरालक्ष्य नागरस्य जनस्य च
66	1001032c	तत्रागमनमेकाग्रे दण्डकान्प्रविवेश ह
67	1001033a	विराधं राक्षसं हत्वा शरभङ्गं ददर्श ह
68	1001033c	सुतीक्ष्णं चाप्यगस्त्यं च अगस्त्य भ्रातरं तथा
69	1001034a	अगस्त्यवचनाच्चैव जग्राहैन्द्रं शरासनम्
70	1001034c	खड्गं च परमप्रीतस्तूणी चाक्षयसायकौ
71	1001035a	वसतस्तस्य रामस्य वने वनचरैः सह
72	1001035c	ऋषयोऽभ्यागमन्सर्वे वधायासुररक्षसाम्
73	1001036a	तेन तत्रैव वसता जनस्थाननिवासिनी
74	1001036c	विरूपिता शूर्पणखा राक्षसी कामरूपिणी
75	1001037a	ततः शूर्पणखावाक्यादुद्युक्तान्सर्वराक्षसान्
76	1001037c	खरं त्रिशिरसं चैव दूषणं चैव राक्षसं
77	1001038a	निजघान रणे रामस्तेषां चैव पदानुगान्
78	1001038c	रक्षसां निहतान्यासन्सहस्राणि चतुर्दश
79	1001039a	ततो ज्ञातिवधं श्रुत्वा रावणः क्रोधमूर्छितः
80	1001039c	सहायं वरयामास मारीचं नाम राक्षसं
81	1001040a	वार्यमाणः सुबहुशो मारीचेन स रावणः
82	1001040c	न विरोधो बलवता क्षमो रावण तेन ते
83	1001041a	अनादृत्य तु तद्वाक्यं रावणः कालचोदितः
84	1001041c	जगाम सहमारीचस्तस्याश्रमपदं तदा
85	1001042a	तेन मायाविना दूरमपवाह्य नृपात्मजौ
86	1001042c	जहार भार्यां रामस्य गृध्रं हत्वा जटायुषम्
87	1001043a	गृध्रं च निहतं दृष्ट्वा हृतां श्रुत्वा च मैथिलीम्
88	1001043c	राघवः शोकसंतप्तो विललापाकुलेन्द्रियः
89	1001044a	ततस्तेनैव शोकेन गृध्रं दग्ध्वा जटायुषम्
90	1001044c	मार्गमाणो वने सीतां राक्षसं संददर्श ह
91	1001045a	कबन्धं नाम रूपेण विकृतं घोरदर्शनम्
92	1001045c	तं निहत्य महाबाहुर्ददाह स्वर्गतश्च सः
93	1001046a	स चास्य कथयामास शबरीं धर्मचारिणीम्
94	1001046c	श्रमणीं धर्मनिपुणामभिगच्छेति राघव
95	1001046e	सोऽभ्यगच्छन्महातेजाः शबरीं शत्रुसूदनः
96	1001047a	शबर्या पूजितः सम्यग्रामो दशरथात्मजः
97	1001047c	पम्पातीरे हनुमता संगतो वानरेण ह
98	1001048a	हनुमद्वचनाच्चैव सुग्रीवेण समागतः
99	1001048c	सुग्रीवाय च तत्सर्वं शंसद्रामो महाबलः
100	1001049a	ततो वानरराजेन वैरानुकथनं प्रति
101	1001049c	रामायावेदितं सर्वं प्रणयाद्दुःखितेन च
102	1001049e	वालिनश्च बलं तत्र कथयामास वानरः
103	1001050a	प्रतिज्ञातं च रामेण तदा वालिवधं प्रति
104	1001050c	सुग्रीवः शङ्कितश्चासीन्नित्यं वीर्येण राघवे
105	1001051a	राघवः प्रत्ययार्थं तु दुन्दुभेः कायमुत्तमम्
106	1001051c	पादाङ्गुष्ठेन चिक्षेप संपूर्णं दशयोजनम्
107	1001052a	बिभेद च पुनः सालान्सप्तैकेन महेषुणा
108	1001052c	गिरिं रसातलं चैव जनयन्प्रत्ययं तदा
109	1001053a	ततः प्रीतमनास्तेन विश्वस्तः स महाकपिः
110	1001053c	किष्किन्धां रामसहितो जगाम च गुहां तदा
111	1001054a	ततोऽगर्जद्धरिवरः सुग्रीवो हेमपिङ्गलः
112	1001054c	तेन नादेन महता निर्जगाम हरीश्वरः
113	1001055a	ततः सुग्रीववचनाद्धत्वा वालिनमाहवे
114	1001055c	सुग्रीवमेव तद्राज्ये राघवः प्रत्यपादयत्
115	1001056a	स च सर्वान्समानीय वानरान्वानरर्षभः
116	1001056c	दिशः प्रस्थापयामास दिदृक्षुर्जनकात्मजाम्
117	1001057a	ततो गृध्रस्य वचनात्संपातेर्हनुमान्बली
118	1001057c	शतयोजनविस्तीर्णं पुप्लुवे लवणार्णवम्
119	1001058a	तत्र लङ्कां समासाद्य पुरीं रावणपालिताम्
120	1001058c	ददर्श सीतां ध्यायन्तीमशोकवनिकां गताम्
121	1001059a	निवेदयित्वाभिज्ञानं प्रवृत्तिं च निवेद्य च
122	1001059c	समाश्वास्य च वैदेहीं मर्दयामास तोरणम्
123	1001060a	पञ्च सेनाग्रगान्हत्वा सप्त मन्त्रिसुतानपि
124	1001060c	शूरमक्षं च निष्पिष्य ग्रहणं समुपागमत्
125	1001061a	अस्त्रेणोन्मुहमात्मानं ज्ञात्वा पैतामहाद्वरात्
126	1001061c	मर्षयन्राक्षसान्वीरो यन्त्रिणस्तान्यदृच्छया
127	1001062a	ततो दग्ध्वा पुरीं लङ्कामृते सीतां च मैथिलीम्
128	1001062c	रामाय प्रियमाख्यातुं पुनरायान्महाकपिः
129	1001063a	सोऽभिगम्य महात्मानं कृत्वा रामं प्रदक्षिणम्
130	1001063c	न्यवेदयदमेयात्मा दृष्टा सीतेति तत्त्वतः
131	1001064a	ततः सुग्रीवसहितो गत्वा तीरं महोदधेः
132	1001064c	समुद्रं क्षोभयामास शरैरादित्यसंनिभैः
133	1001065a	दर्शयामास चात्मानं समुद्रः सरितां पतिः
134	1001065c	समुद्रवचनाच्चैव नलं सेतुमकारयत्
135	1001066a	तेन गत्वा पुरीं लङ्कां हत्वा रावणमाहवे
136	1001066c	अभ्यषिञ्चत्स लङ्कायां राक्षसेन्द्रं विभीषणम्
137	1001067a	कर्मणा तेन महता त्रैलोक्यं सचराचरम्
138	1001067c	सदेवर्षिगणं तुष्टं राघवस्य महात्मनः
139	1001068a	तथा परमसंतुष्टैः पूजितः सर्वदैवतैः
140	1001068c	कृतकृत्यस्तदा रामो विज्वरः प्रमुमोद ह
141	1001069a	देवताभ्यो वरान्प्राप्य समुत्थाप्य च वानरान्
142	1001069c	पुष्पकं तत्समारुह्य नन्दिग्रामं ययौ तदा
143	1001070a	नन्दिग्रामे जटां हित्वा भ्रातृभिः सहितोऽनघः
144	1001070c	रामः सीतामनुप्राप्य राज्यं पुनरवाप्तवान्
145	1001071a	प्रहृष्टमुदितो लोकस्तुष्टः पुष्टः सुधार्मिकः
146	1001071c	निरायमो अरोगश्च दुर्भिक्षभयवर्जितः
147	1001072a	न पुत्रमरणं केचिद्द्रक्ष्यन्ति पुरुषाः क्वचित्
148	1001072c	नार्यश्चाविधवा नित्यं भविष्यन्ति पतिव्रताः
149	1001073a	न वातजं भयं किंचिन्नाप्सु मज्जन्ति जन्तवः
150	1001073c	न चाग्रिजं भयं किंचिद्यथा कृतयुगे तथा
151	1001074a	अश्वमेधशतैरिष्ट्वा तथा बहुसुवर्णकैः
152	1001074c	गवां कोट्ययुतं दत्त्वा विद्वद्भ्यो विधिपूर्वकम्
153	1001075a	राजवंशाञ्शतगुणान्स्थापयिष्यति राघवः
154	1001075c	चातुर्वर्ण्यं च लोकेऽस्मिन्स्वे स्वे धर्मे नियोक्ष्यति
155	1001076a	दशवर्षसहस्राणि दशवर्षशतानि च
156	1001076c	रामो राज्यमुपासित्वा ब्रह्मलोकं गमिष्यति
157	1001077a	इदं पवित्रं पापघ्नं पुण्यं वेदैश्च संमितम्
158	1001077c	यः पठेद्रामचरितं सर्वपापैः प्रमुच्यते
159	1001078a	एतदाख्यानमायुष्यं पठन्रामायणं नरः
160	1001078c	सपुत्रपौत्रः सगणः प्रेत्य स्वर्गे महीयते
161	1001079a	पठन्द्विजो वागृषभत्वमीया;त्स्यात्क्षत्रियो भूमिपतित्वमीयात्
162	1001079c	वणिग्जनः पण्यफलत्वमीया;ज्जनश्च शूद्रोऽपि महत्त्वमीयात्
163	1002001a	नारदस्य तु तद्वाक्यं श्रुत्वा वाक्यविशारदः
164	1002001c	पूजयामास धर्मात्मा सहशिष्यो महामुनिः
165	1002002a	यथावत्पूजितस्तेन देवर्षिर्नारदस्तदा
166	1002002c	आपृष्ट्वैवाभ्यनुज्ञातः स जगाम विहायसं
167	1002003a	स मुहूर्तं गते तस्मिन्देवलोकं मुनिस्तदा
168	1002003c	जगाम तमसातीरं जाह्नव्यास्त्वविदूरतः
169	1002004a	स तु तीरं समासाद्य तमसाया महामुनिः
170	1002004c	शिष्यमाह स्थितं पार्श्वे दृष्ट्वा तीर्थमकर्दमम्
171	1002005a	अकर्दममिदं तीर्थं भरद्वाज निशामय
172	1002005c	रमणीयं प्रसन्नाम्बु सन्मनुष्यमनो यथा
173	1002006a	न्यस्यतां कलशस्तात दीयतां वल्कलं मम
174	1002006c	इदमेवावगाहिष्ये तमसातीर्थमुत्तमम्
175	1002007a	एवमुक्तो भरद्वाजो वाल्मीकेन महात्मना
176	1002007c	प्रायच्छत मुनेस्तस्य वल्कलं नियतो गुरोः
177	1002008a	स शिष्यहस्तादादाय वल्कलं नियतेन्द्रियः
178	1002008c	विचचार ह पश्यंस्तत्सर्वतो विपुलं वनम्
179	1002009a	तस्याभ्याशे तु मिथुनं चरन्तमनपायिनम्
180	1002009c	ददर्श भगवांस्तत्र क्रौञ्चयोश्चारुनिःस्वनम्
181	1002010a	तस्मात्तु मिथुनादेकं पुमांसं पापनिश्चयः
182	1002010c	जघान वैरनिलयो निषादस्तस्य पश्यतः
183	1002011a	तं शोणितपरीताङ्गं वेष्टमानं महीतले
184	1002011c	भार्या तु निहतं दृष्ट्वा रुराव करुणां गिरम्
185	1002012a	तथा तु तं द्विजं दृष्ट्वा निषादेन निपातितम्
186	1002012c	ऋषेर्धर्मात्मनस्तस्य कारुण्यं समपद्यत
187	1002013a	ततः करुणवेदित्वादधर्मोऽयमिति द्विजः
188	1002013c	निशाम्य रुदतीं क्रौञ्चीमिदं वचनमब्रवीत्
189	1002014a	मा निषाद प्रतिष्ठां त्वमगमः शाश्वतीः समाः
190	1002014c	यत्क्रौञ्चमिथुनादेकमवधीः काममोहितम्
191	1002015a	तस्यैवं ब्रुवतश्चिन्ता बभूव हृदि वीक्षतः
192	1002015c	शोकार्तेनास्य शकुनेः किमिदं व्याहृतं मया
193	1002016a	चिन्तयन्स महाप्राज्ञश्चकार मतिमान्मतिम्
194	1002016c	शिष्यं चैवाब्रवीद्वाक्यमिदं स मुनिपुंगवः
195	1002017a	पादबद्धोऽक्षरसमस्तन्त्रीलयसमन्वितः
196	1002017c	शोकार्तस्य प्रवृत्तो मे श्लोको भवतु नान्यथा
197	1002018a	शिष्यस्तु तस्य ब्रुवतो मुनेर्वाक्यमनुत्तमम्
198	1002018c	प्रतिजग्राह संहृष्टस्तस्य तुष्टोऽभवद्गुरुः
199	1002019a	सोऽभिषेकं ततः कृत्वा तीर्थे तस्मिन्यथाविधि
200	1002019c	तमेव चिन्तयन्नर्थमुपावर्तत वै मुनिः
201	1002020a	भरद्वाजस्ततः शिष्यो विनीतः श्रुतवान्गुरोः
202	1002020c	कलशं पूर्णमादाय पृष्ठतोऽनुजगाम ह
203	1002021a	स प्रविश्याश्रमपदं शिष्येण सह धर्मवित्
204	1002021c	उपविष्टः कथाश्चान्याश्चकार ध्यानमास्थितः
205	1002022a	आजगाम ततो ब्रह्मा लोककर्ता स्वयं प्रभुः
206	1002022c	चतुर्मुखो महातेजा द्रष्टुं तं मुनिपुंगवम्
207	1002023a	वाल्मीकिरथ तं दृष्ट्वा सहसोत्थाय वाग्यतः
208	1002023c	प्राञ्जलिः प्रयतो भूत्वा तस्थौ परमविस्मितः
209	1002024a	पूजयामास तं देवं पाद्यार्घ्यासनवन्दनैः
210	1002024c	प्रणम्य विधिवच्चैनं पृष्ट्वानामयमव्ययम्
211	1002025a	अथोपविश्य भगवानासने परमार्चिते
212	1002025c	वाल्मीकये महर्षये संदिदेशासनं ततः
213	1002026a	उपविष्टे तदा तस्मिन्साक्षाल्लोकपितामहे
214	1002026c	तद्गतेनैव मनसा वाल्मीकिर्ध्यानमास्थितः
215	1002027a	पापात्मना कृतं कष्टं वैरग्रहणबुद्धिना
216	1002027c	यस्तादृशं चारुरवं क्रौञ्चं हन्यादकारणात्
217	1002028a	शोचन्नेव मुहुः क्रौञ्चीमुपश्लोकमिमं पुनः
218	1002028c	जगावन्तर्गतमना भूत्वा शोकपरायणः
219	1002029a	तमुवाच ततो ब्रह्मा प्रहसन्मुनिपुंगवम्
220	1002029c	श्लोक एव त्वया बद्धो नात्र कार्या विचारणा
221	1002030a	मच्छन्दादेव ते ब्रह्मन्प्रवृत्तेयं सरस्वती
222	1002030c	रामस्य चरितं कृत्स्नं कुरु त्वमृषिसत्तम
223	1002031a	धर्मात्मनो गुणवतो लोके रामस्य धीमतः
224	1002031c	वृत्तं कथय धीरस्य यथा ते नारदाच्छ्रुतम्
225	1002032a	रहस्यं च प्रकाशं च यद्वृत्तं तस्य धीमतः
226	1002032c	रामस्य सह सौमित्रे राक्षसानां च सर्वशः
227	1002033a	वैदेह्याश्चैव यद्वृत्तं प्रकाशं यदि वा रहः
228	1002033c	तच्चाप्यविदितं सर्वं विदितं ते भविष्यति
229	1002034a	न ते वागनृता काव्ये काचिदत्र भविष्यति
230	1002034c	कुरु रामकथां पुण्यां श्लोकबद्धां मनोरमाम्
231	1002035a	यावत्स्थास्यन्ति गिरयः सरितश्च महीतले
232	1002035c	तावद्रामायणकथा लोकेषु प्रचरिष्यति
233	1002036a	यावद्रामस्य च कथा त्वत्कृता प्रचरिष्यति
234	1002036c	तावदूर्ध्वमधश्च त्वं मल्लोकेषु निवत्स्यसि
235	1002037a	इत्युक्त्वा भगवान्ब्रह्मा तत्रैवान्तरधीयत
236	1002037c	ततः सशिष्यो वाल्मीकिर्मुनिर्विस्मयमाययौ
237	1002038a	तस्य शिष्यास्ततः सर्वे जगुः श्लोकमिमं पुनः
238	1002038c	मुहुर्मुहुः प्रीयमाणाः प्राहुश्च भृशविस्मिताः
239	1002039a	समाक्षरैश्चतुर्भिर्यः पादैर्गीतो महर्षिणा
240	1002039c	सोऽनुव्याहरणाद्भूयः शोकः श्लोकत्वमागतः
241	1002040a	तस्य बुद्धिरियं जाता वाल्मीकेर्भावितात्मनः
242	1002040c	कृत्स्नं रामायणं काव्यमीदृशैः करवाण्यहम्
243	1002041a	उदारवृत्तार्थपदैर्मनोरमै;स्तदास्य रामस्य चकार कीर्तिमान्
244	1002041c	समाक्षरैः श्लोकशतैर्यशस्विनो; यशस्करं काव्यमुदारधीर्मुनिः
245	1003001a	श्रुत्वा वस्तु समग्रं तद्धर्मात्मा धर्मसंहितम्
246	1003001c	व्यक्तमन्वेषते भूयो यद्वृत्तं तस्य धीमतः
247	1003002a	उपस्पृश्योदकं संयन्मुनिः स्थित्वा कृताञ्जलिः
248	1003002c	प्राचीनाग्रेषु दर्भेषु धर्मेणान्वेषते गतिम्
249	1003003a	जन्म रामस्य सुमहद्वीर्यं सर्वानुकूलताम्
250	1003003c	लोकस्य प्रियतां क्षान्तिं सौम्यतां सत्यशीलताम्
251	1003004a	नानाचित्राः कथाश्चान्या विश्वामित्रसहायने
252	1003004c	जानक्याश्च विवाहं च धनुषश्च विभेदनम्
253	1003005a	रामरामविवादं च गुणान्दाशरथेस्तथा
254	1003005c	तथाभिषेकं रामस्य कैकेय्या दुष्टभावताम्
255	1003006a	व्याघातं चाभिषेकस्य रामस्य च विवासनम्
256	1003006c	राज्ञः शोकं विलापं च परलोकस्य चाश्रयम्
257	1003007a	प्रकृतीनां विषादं च प्रकृतीनां विसर्जनम्
258	1003007c	निषादाधिपसंवादं सूतोपावर्तनं तथा
259	1003008a	गङ्गायाश्चाभिसंतारं भरद्वाजस्य दर्शनम्
260	1003008c	भरद्वाजाभ्यनुज्ञानाच्चित्रकूटस्य दर्शनम्
261	1003009a	वास्तुकर्मनिवेशं च भरतागमनं तथा
262	1003009c	प्रसादनं च रामस्य पितुश्च सलिलक्रियाम्
263	1003010a	पादुकाग्र्याभिषेकं च नन्दिग्राम निवासनम्
264	1003010c	दण्डकारण्यगमनं सुतीक्ष्णेन समागमम्
265	1003011a	अनसूयासमस्यां च अङ्गरागस्य चार्पणम्
266	1003011c	शूर्पणख्याश्च संवादं विरूपकरणं तथा
267	1003012a	वधं खरत्रिशिरसोरुत्थानं रावणस्य च
268	1003012c	मारीचस्य वधं चैव वैदेह्या हरणं तथा
269	1003013a	राघवस्य विलापं च गृध्रराजनिबर्हणम्
270	1003013c	कबन्धदर्शनं चैव पम्पायाश्चापि दर्शनम्
271	1003014a	शर्बर्या दर्शनं चैव हनूमद्दर्शनं तथा
272	1003014c	विलापं चैव पम्पायां राघवस्य महात्मनः
273	1003015a	ऋष्यमूकस्य गमनं सुग्रीवेण समागमम्
274	1003015c	प्रत्ययोत्पादनं सख्यं वालिसुग्रीवविग्रहम्
275	1003016a	वालिप्रमथनं चैव सुग्रीवप्रतिपादनम्
276	1003016c	ताराविलापसमयं वर्षरात्रिनिवासनम्
277	1003017a	कोपं राघवसिंहस्य बलानामुपसंग्रहम्
278	1003017c	दिशः प्रस्थापनं चैव पृथिव्याश्च निवेदनम्
279	1003018a	अङ्गुलीयकदानं च ऋक्षस्य बिलदर्शनम्
280	1003018c	प्रायोपवेशनं चैव संपातेश्चापि दर्शनम्
281	1003019a	पर्वतारोहणं चैव सागरस्य च लङ्घनम्
282	1003019c	रात्रौ लङ्काप्रवेशं च एकस्यापि विचिन्तनम्
283	1003020a	आपानभूमिगमनमवरोधस्य दर्शनम्
284	1003020c	अशोकवनिकायानं सीतायाश्चापि दर्शनम्
285	1003021a	अभिज्ञानप्रदानं च सीतायाश्चापि भाषणम्
286	1003021c	राक्षसीतर्जनं चैव त्रिजटास्वप्नदर्शनम्
287	1003022a	मणिप्रदानं सीताया वृक्षभङ्गं तथैव च
288	1003022c	राक्षसीविद्रवं चैव किंकराणां निबर्हणम्
289	1003023a	ग्रहणं वायुसूनोश्च लङ्कादाहाभिगर्जनम्
290	1003023c	प्रतिप्लवनमेवाथ मधूनां हरणं तथा
291	1003024a	राघवाश्वासनं चैव मणिनिर्यातनं तथा
292	1003024c	संगमं च समुद्रस्य नलसेतोश्च बन्धनम्
293	1003025a	प्रतारं च समुद्रस्य रात्रौ लङ्कावरोधनम्
294	1003025c	विभीषणेन संसर्गं वधोपायनिवेदनम्
295	1003026a	कुम्भकर्णस्य निधनं मेघनादनिबर्हणम्
296	1003026c	रावणस्य विनाशं च सीतावाप्तिमरेः पुरे
297	1003027a	बिभीषणाभिषेकं च पुष्पकस्य च दर्शनम्
298	1003027c	अयोध्यायाश्च गमनं भरतेन समागमम्
299	1003028a	रामाभिषेकाभ्युदयं सर्वसैन्यविसर्जनम्
300	1003028c	स्वराष्ट्ररञ्जनं चैव वैदेह्याश्च विसर्जनम्
301	1003029a	अनागतं च यत्किंचिद्रामस्य वसुधातले
302	1003029c	तच्चकारोत्तरे काव्ये वाल्मीकिर्भगवानृषिः
303	1004001a	प्राप्तराज्यस्य रामस्य वाल्मीकिर्भगवानृषिः
304	1004001c	चकार चरितं कृत्स्नं विचित्रपदमात्मवान्
305	1004002a	कृत्वा तु तन्महाप्राज्ञः सभविष्यं सहोत्तरम्
306	1004002c	चिन्तयामास को न्वेतत्प्रयुञ्जीयादिति प्रभुः
307	1004003a	तस्य चिन्तयमानस्य महर्षेर्भावितात्मनः
308	1004003c	अगृह्णीतां ततः पादौ मुनिवेषौ कुशीलवौ
309	1004004a	कुशीलवौ तु धर्मज्ञौ राजपुत्रौ यशस्विनौ
310	1004004c	भ्रातरौ स्वरसंपन्नौ ददर्शाश्रमवासिनौ
311	1004005a	स तु मेधाविनौ दृष्ट्वा वेदेषु परिनिष्ठितौ
312	1004005c	वेदोपबृह्मणार्थाय तावग्राहयत प्रभुः
313	1004006a	काव्यं रामायणं कृत्स्नं सीतायाश्चरितं महत्
314	1004006c	पौलस्त्य वधमित्येव चकार चरितव्रतः
315	1004007a	पाठ्ये गेये च मधुरं प्रमाणैस्त्रिभिरन्वितम्
316	1004007c	जातिभिः सप्तभिर्युक्तं तन्त्रीलयसमन्वितम्
317	1004008a	हास्यशृङ्गारकारुण्यरौद्रवीरभयानकैः
318	1004008c	बीभत्सादिरसैर्युक्तं काव्यमेतदगायताम्
319	1004009a	तौ तु गान्धर्वतत्त्वज्ञौ स्थानमूर्च्छनकोविदौ
320	1004009c	भ्रातरौ स्वरसंपन्नौ गन्धर्वाविव रूपिणौ
321	1004010a	रूपलक्षणसंपन्नौ मधुरस्वरभाषिणौ
322	1004010c	बिम्बादिवोद्धृतौ बिम्बौ रामदेहात्तथापरौ
323	1004011a	तौ राजपुत्रौ कार्त्स्न्येन धर्म्यमाख्यानमुत्तमम्
324	1004011c	वाचो विधेयं तत्सर्वं कृत्वा काव्यमनिन्दितौ
325	1004012a	ऋषीणां च द्विजातीनां साधूनां च समागमे
326	1004012c	यथोपदेशं तत्त्वज्ञौ जगतुस्तौ समाहितौ
327	1004012e	महात्मानौ महाभागौ सर्वलक्षणलक्षितौ
328	1004013a	तौ कदाचित्समेतानामृषीणां भावितात्मनाम्
329	1004013c	आसीनानां समीपस्थाविदं काव्यमगायताम्
330	1004014a	तच्छ्रुत्वा मुनयः सर्वे बाष्पपर्याकुलेक्षणाः
331	1004014c	साधु साध्वित्य्तावूचतुः परं विस्मयमागताः
332	1004015a	ते प्रीतमनसः सर्वे मुनयो धर्मवत्सलाः
333	1004015c	प्रशशंसुः प्रशस्तव्यौ गायमानौ कुशीलवौ
334	1004016a	अहो गीतस्य माधुर्यं श्लोकानां च विशेषतः
335	1004016c	चिरनिर्वृत्तमप्येतत्प्रत्यक्षमिव दर्शितम्
336	1004017a	प्रविश्य तावुभौ सुष्ठु तदा भावमगायताम्
337	1004017c	सहितौ मधुरं रक्तं संपन्नं स्वरसंपदा
338	1004018a	एवं प्रशस्यमानौ तौ तपःश्लाघ्यैर्महर्षिभिः
339	1004018c	संरक्ततरमत्यर्थं मधुरं तावगायताम्
340	1004019a	प्रीतः कश्चिन्मुनिस्ताभ्यां संस्थितः कलशं ददौ
341	1004019c	प्रसन्नो वल्कलं कश्चिद्ददौ ताभ्यां महायशाः
342	1004020a	आश्चर्यमिदमाख्यानं मुनिना संप्रकीर्तितम्
343	1004020c	परं कवीनामाधारं समाप्तं च यथाक्रमम्
344	1004021a	प्रशस्यमानौ सर्वत्र कदाचित्तत्र गायकौ
345	1004021c	रथ्यासु राजमार्गेषु ददर्श भरताग्रजः
346	1004022a	स्ववेश्म चानीय ततो भ्रातरौ सकुशीलवौ
347	1004022c	पूजयामास पूजार्हौ रामः शत्रुनिबर्हणः
348	1004023a	आसीनः काञ्चने दिव्ये स च सिंहासने प्रभुः
349	1004023c	उपोपविष्टैः सचिवैर्भ्रातृभिश्च परंतपः
350	1004024a	दृष्ट्वा तु रूपसंपन्नौ तावुभौ वीणिनौ ततः
351	1004024c	उवाच लक्ष्मणं रामः शत्रुघ्नं भरतं तथा
352	1004025a	श्रूयतामिदमाख्यानमनयोर्देववर्चसोः
353	1004025c	विचित्रार्थपदं सम्यग्गायतोर्मधुरस्वरम्
354	1004026a	इमौ मुनी पार्थिवलक्ष्मणान्वितौ; कुशीलवौ चैव महातपस्विनौ
355	1004026c	ममापि तद्भूतिकरं प्रचक्षते; महानुभावं चरितं निबोधत
356	1004027a	ततस्तु तौ रामवचः प्रचोदिता;वगायतां मार्गविधानसंपदा
357	1004027c	स चापि रामः परिषद्गतः शनै;र्बुभूषयासक्तमना बभूव
358	1005001a	सर्वापूर्वमियं येषामासीत्कृत्स्ना वसुंधरा
359	1005001c	प्रजापतिमुपादाय नृपाणां जयशालिनाम्
360	1005002a	येषां स सगरो नाम सागरो येन खानितः
361	1005002c	षष्टिः पुत्रसहस्राणि यं यान्तं पर्यवारयन्
362	1005003a	इक्ष्वाकूणामिदं तेषां राज्ञां वंशे महात्मनाम्
363	1005003c	महदुत्पन्नमाख्यानं रामायणमिति श्रुतम्
364	1005004a	तदिदं वर्तयिष्यामि सर्वं निखिलमादितः
365	1005004c	धर्मकामार्थसहितं श्रोतव्यमनसूयया
366	1005005a	कोसलो नाम मुदितः स्फीतो जनपदो महान्
367	1005005c	निविष्टः सरयूतीरे प्रभूतधनधान्यवान्
368	1005006a	अयोध्या नाम नगरी तत्रासील्लोकविश्रुता
369	1005006c	मनुना मानवेन्द्रेण या पुरी निर्मिता स्वयम्
370	1005007a	आयता दश च द्वे च योजनानि महापुरी
371	1005007c	श्रीमती त्रीणि विस्तीर्णा सुविभक्तमहापथा
372	1005008a	राजमार्गेण महता सुविभक्तेन शोभिता
373	1005008c	मुक्तपुष्पावकीर्णेन जलसिक्तेन नित्यशः
374	1005009a	तां तु राजा दशरथो महाराष्ट्रविवर्धनः
375	1005009c	पुरीमावासयामास दिवि देवपतिर्यथा
376	1005010a	कपाटतोरणवतीं सुविभक्तान्तरापणाम्
377	1005010c	सर्वयन्त्रायुधवतीमुपेतां सर्वशिल्पिभिः
378	1005011a	सूतमागधसंबाधां श्रीमतीमतुलप्रभाम्
379	1005011c	उच्चाट्टालध्वजवतीं शतघ्नीशतसंकुलाम्
380	1005012a	वधूनाटकसङ्घैश्च संयुक्तां सर्वतः पुरीम्
381	1005012c	उद्यानाम्रवणोपेतां महतीं सालमेखलाम्
382	1005013a	दुर्गगम्भीरपरिघां दुर्गामन्यैर्दुरासदाम्
383	1005013c	वाजिवारणसंपूर्णां गोभिरुष्ट्रैः खरैस्तथा
384	1005014a	सामन्तराजसङ्घैश्च बलिकर्मभिरावृताम्
385	1005014c	नानादेशनिवासैश्च वणिग्भिरुपशोभिताम्
386	1005015a	प्रसादै रत्नविकृतैः पर्वतैरुपशोभिताम्
387	1005015c	कूटागारैश्च संपूर्णामिन्द्रस्येवामरावतीम्
388	1005016a	चित्रामष्टापदाकारां वरनारीगणैर्युताम्
389	1005016c	सर्वरत्नसमाकीर्णां विमानगृहशोभिताम्
390	1005017a	गृहगाढामविच्छिद्रां समभूमौ निवेशिताम्
391	1005017c	शालितण्डुलसंपूर्णामिक्षुकाण्डरसोदकाम्
392	1005018a	दुन्दुभीभिर्मृदङ्गैश्च वीणाभिः पणवैस्तथा
393	1005018c	नादितां भृशमत्यर्थं पृथिव्यां तामनुत्तमाम्
394	1005019a	विमानमिव सिद्धानां तपसाधिगतं दिवि
395	1005019c	सुनिवेशितवेश्मान्तां नरोत्तमसमावृताम्
396	1005020a	ये च बाणैर्न विध्यन्ति विविक्तमपरापरम्
397	1005020c	शब्दवेध्यं च विततं लघुहस्ता विशारदाः
398	1005021a	सिंहव्याघ्रवराहाणां मत्तानां नदतां वने
399	1005021c	हन्तारो निशितैः शस्त्रैर्बलाद्बाहुबलैरपि
400	1005022a	तादृशानां सहस्रैस्तामभिपूर्णां महारथैः
401	1005022c	पुरीमावासयामास राजा दशरथस्तदा
402	1005023a	तामग्निमद्भिर्गुणवद्भिरावृतां; द्विजोत्तमैर्वेदषडङ्गपारगैः
403	1005023c	सहस्रदैः सत्यरतैर्महात्मभि;र्महर्षिकल्पैरृषिभिश्च केवलैः
404	1006001a	पुर्यां तस्यामयोध्यायां वेदवित्सर्वसंग्रहः
405	1006001c	दीर्घदर्शी महातेजाः पौरजानपदप्रियः
406	1006002a	इक्ष्वाकूणामतिरथो यज्वा धर्मरतो वशी
407	1006002c	महर्षिकल्पो राजर्षिस्त्रिषु लोकृषु विश्रुतः
408	1006003a	बलवान्निहतामित्रो मित्रवान्विजितेन्द्रियः
409	1006003c	धनैश्च संचयैश्चान्यैः शक्रवैश्रवणोपमः
410	1006004a	यथा मनुर्महातेजा लोकस्य परिरक्षिता
411	1006004c	तथा दशरथो राजा वसञ्जगदपालयत्
412	1006005a	तेन सत्याभिसंधेन त्रिवर्गमनुतिष्ठता
413	1006005c	पालिता सा पुरी श्रेष्ठेन्द्रेण इवामरावती
414	1006006a	तस्मिन्पुरवरे हृष्टा धर्मात्मना बहुश्रुताः
415	1006006c	नरास्तुष्टाधनैः स्वैः स्वैरलुब्धाः सत्यवादिनः
416	1006007a	नाल्पसंनिचयः कश्चिदासीत्तस्मिन्पुरोत्तमे
417	1006007c	कुटुम्बी यो ह्यसिद्धार्थोऽगवाश्वधनधान्यवान्
418	1006008a	कामी वा न कदर्यो वा नृशंसः पुरुषः क्वचित्
419	1006008c	द्रष्टुं शक्यमयोध्यायां नाविद्वान्न च नास्तिकः
420	1006009a	सर्वे नराश्च नार्यश्च धर्मशीलाः सुसंयताः
421	1006009c	मुदिताः शीलवृत्ताभ्यां महर्षय इवामलाः
422	1006010a	नाकुण्डली नामुकुटी नास्रग्वी नाल्पभोगवान्
423	1006010c	नामृष्टो नानुलिप्ताङ्गो नासुगन्धश्च विद्यते
424	1006011a	नामृष्टभोजी नादाता नाप्यनङ्गदनिष्कधृक्
425	1006011c	नाहस्ताभरणो वापि दृश्यते नाप्यनात्मवान्
426	1006012a	नानाहिताग्निर्नायज्वा विप्रो नाप्यसहस्रदः
427	1006012c	कश्चिदासीदयोध्यायां न च निर्वृत्तसंकरः
428	1006013a	स्वकर्मनिरता नित्यं ब्राह्मणा विजितेन्द्रियाः
429	1006013c	दानाध्ययनशीलाश्च संयताश्च प्रतिग्रहे
430	1006014a	न नास्तिको नानृतको न कश्चिदबहुश्रुतः
431	1006014c	नासूयको न चाशक्तो नाविद्वान्विद्यते तदा
432	1006015a	न दीनः क्षिप्तचित्तो वा व्यथितो वापि कश्चन
433	1006015c	कश्चिन्नरो वा नारी वा नाश्रीमान्नाप्यरूपवान्
434	1006015e	द्रष्टुं शक्यमयोध्यायां नापि राजन्यभक्तिमान्
435	1006016a	वर्णेष्वग्र्यचतुर्थेषु देवतातिथिपूजकाः
436	1006016c	दीर्घायुषो नराः सर्वे धर्मं सत्यं च संश्रिताः
437	1006017a	क्षत्रं ब्रह्ममुखं चासीद्वैश्याः क्षत्रमनुव्रताः
438	1006017c	शूद्राः स्वधर्मनिरतास्त्रीन्वर्णानुपचारिणः
439	1006018a	सा तेनेक्ष्वाकुनाथेन पुरी सुपरिरक्षिता
440	1006018c	यथा पुरस्तान्मनुना मानवेन्द्रेण धीमता
441	1006019a	योधानामग्निकल्पानां पेशलानाममर्षिणाम्
442	1006019c	संपूर्णाकृतविद्यानां गुहाकेसरिणामिव
443	1006020a	काम्बोजविषये जातैर्बाह्लीकैश्च हयोत्तमैः
444	1006020c	वनायुजैर्नदीजैश्च पूर्णाहरिहयोपमैः
445	1006021a	विन्ध्यपर्वतजैर्मत्तैः पूर्णा हैमवतैरपि
446	1006021c	मदान्वितैरतिबलैर्मातङ्गैः पर्वतोपमैः
447	1006022a	अञ्जनादपि निष्क्रान्तैर्वामनादपि च द्विपैः
448	1006022c	भद्रमन्द्रैर्भद्रमृगैर्मृगमन्द्रैश्च सा पुरी
449	1006023a	नित्यमत्तैः सदा पूर्णा नागैरचलसंनिभैः
450	1006023c	सा योजने च द्वे भूयः सत्यनामा प्रकाशते
451	1006024a	तां सत्यनामां दृढतोरणार्गला;म्गृहैर्विचित्रैरुपशोभितां शिवाम्
452	1006024c	पुरीमयोध्यां नृसहस्रसंकुलां; शशास वै शक्रसमो महीपतिः
453	1007001a	अष्टौ बभूवुर्वीरस्य तस्यामात्या यशस्विनः
454	1007001c	शुचयश्चानुरक्ताश्च राजकृत्येषु नित्यशः
455	1007002a	धृष्टिर्जयन्तो विजयः सिद्धार्थो अर्थसाधकः
456	1007002c	अशोको मन्त्रपालश्च सुमन्त्रश्चाष्टमोऽभवत्
457	1007003a	ऋत्विजौ द्वावभिमतौ तस्यास्तामृषिसत्तमौ
458	1007003c	वसिष्ठो वामदेवश्च मन्त्रिणश्च तथापरे
459	1007004a	श्रीमन्तश्च महात्मानः शास्त्रज्ञा दृढविक्रमाः
460	1007004c	कीर्तिमन्तः प्रणिहिता यथावचनकारिणः
461	1007005a	तेजःक्षमायशःप्राप्ताः स्मितपूर्वाभिभाषिणः
462	1007005c	क्रोधात्कामार्थहेतोर्वा न ब्रूयुरनृतं वचः
463	1007006a	तेषामविदितं किंचित्स्वेषु नास्ति परेषु वा
464	1007006c	क्रियमाणं कृतं वापि चारेणापि चिकीर्षितम्
465	1007007a	कुशला व्यवहारेषु सौहृदेषु परीक्षिताः
466	1007007c	प्राप्तकालं यथा दण्डं धारयेयुः सुतेष्वपि
467	1007008a	कोशसंग्रहणे युक्ता बलस्य च परिग्रहे
468	1007008c	अहितं चापि पुरुषं न विहिंस्युरदूषकम्
469	1007009a	वीराश्च नियतोत्साहा राजशास्त्रमनुष्ठिताः
470	1007009c	शुचीनां रक्षितारश्च नित्यं विषयवासिनाम्
471	1007010a	ब्रह्मक्षत्रमहिंसन्तस्ते कोशं समपूरयन्
472	1007010c	सुतीक्ष्णदण्डाः संप्रेक्ष्य पुरुषस्य बलाबलम्
473	1007011a	शुचीनामेकबुद्धीनां सर्वेषां संप्रजानताम्
474	1007011c	नासीत्पुरे वा राष्ट्रे वा मृषावादी नरः क्वचित्
475	1007012a	कश्चिन्न दुष्टस्तत्रासीत्परदाररतिर्नरः
476	1007012c	प्रशान्तं सर्वमेवासीद्राष्ट्रं पुरवरं च तत्
477	1007013a	सुवाससः सुवेशाश्च ते च सर्वे सुशीलिनः
478	1007013c	हितार्थं च नरेन्द्रस्य जाग्रतो नयचक्षुषा
479	1007014a	गुरौ गुणगृहीताश्च प्रख्याताश्च पराक्रमैः
480	1007014c	विदेशेष्वपि विज्ञाताः सर्वतो बुद्धिनिश्चयात्
481	1007015a	ईदृशैस्तैरमात्यैस्तु राजा दशरथोऽनघः
482	1007015c	उपपन्नो गुणोपेतैरन्वशासद्वसुंधराम्
483	1007016a	अवेक्षमाणश्चारेण प्रजा धर्मेण रञ्जयन्
484	1007016c	नाध्यगच्छद्विशिष्टं वा तुल्यं वा शत्रुमात्मनः
485	1007017a	तैर्मन्त्रिभिर्मन्त्रहितैर्निविष्टै;र्वृतोऽनुरक्तैः कुशलैः समर्थैः
486	1007017c	स पार्थिवो दीप्तिमवाप युक्त;स्तेजोमयैर्गोभिरिवोदितोऽर्कः
487	1008001a	तस्य त्वेवं प्रभावस्य धर्मज्ञस्य महात्मनः
488	1008001c	सुतार्थं तप्यमानस्य नासीद्वंशकरः सुतः
489	1008002a	चिन्तयानस्य तस्यैवं बुद्धिरासीन्महात्मनः
490	1008002c	सुतार्थं वाजिमेधेन किमर्थं न यजाम्यहम्
491	1008003a	स निश्चितां मतिं कृत्वा यष्टव्यमिति बुद्धिमान्
492	1008003c	मन्त्रिभिः सह धर्मात्मा सर्वैरेव कृतात्मभिः
493	1008004a	ततोऽब्रवीदिदं राजा सुमन्त्रं मन्त्रिसत्तमम्
494	1008004c	शीघ्रमानय मे सर्वान्गुरूंस्तान्सपुरोहितान्
495	1008005a	एतच्छ्रुत्वा रहः सूतो राजानमिदमब्रवीत्
496	1008005c	ऋत्विग्भिरुपदिष्टोऽयं पुरावृत्तो मया श्रुतः
497	1008006a	सनत्कुमारो भगवान्पूर्वं कथितवान्कथाम्
498	1008006c	ऋषीणां संनिधौ राजंस्तव पुत्रागमं प्रति
499	1008007a	काश्यपस्य तु पुत्रोऽस्ति विभाण्डक इति श्रुतः
500	1008007c	ऋष्यशृङ्ग इति ख्यातस्तस्य पुत्रो भविष्यति
501	1008008a	स वने नित्यसंवृद्धो मुनिर्वनचरः सदा
502	1008008c	नान्यं जानाति विप्रेन्द्रो नित्यं पित्रनुवर्तनात्
503	1008009a	द्वैविध्यं ब्रह्मचर्यस्य भविष्यति महात्मनः
504	1008009c	लोकेषु प्रथितं राजन्विप्रैश्च कथितं सदा
505	1008010a	तस्यैवं वर्तमानस्य कालः समभिवर्तत
506	1008010c	अग्निं शुश्रूषमाणस्य पितरं च यशस्विनम्
507	1008011a	एतस्मिन्नेव काले तु रोमपादः प्रतापवान्
508	1008011c	अङ्गेषु प्रथितो राजा भविष्यति महाबलः
509	1008012a	तस्य व्यतिक्रमाद्राज्ञो भविष्यति सुदारुणा
510	1008012c	अनावृष्टिः सुघोरा वै सर्वभूतभयावहा
511	1008013a	अनावृष्ट्यां तु वृत्तायां राजा दुःखसमन्वितः
512	1008013c	ब्राह्मणाञ्श्रुतवृद्धांश्च समानीय प्रवक्ष्यति
513	1008014a	भवन्तः श्रुतधर्माणो लोके चारित्रवेदिनः
514	1008014c	समादिशन्तु नियमं प्रायश्चित्तं यथा भवेत्
515	1008015a	वक्ष्यन्ति ते महीपालं ब्राह्मणा वेदपारगाः
516	1008015c	विभाण्डकसुतं राजन्सर्वोपायैरिहानय
517	1008016a	आनाय्य च महीपाल ऋष्यशृङ्गं सुसत्कृतम्
518	1008016c	प्रयच्छ कन्यां शान्तां वै विधिना सुसमाहितः
519	1008017a	तेषां तु वचनं श्रुत्वा राजा चिन्तां प्रपत्स्यते
520	1008017c	केनोपायेन वै शक्यमिहानेतुं स वीर्यवान्
521	1008018a	ततो राजा विनिश्चित्य सह मन्त्रिभिरात्मवान्
522	1008018c	पुरोहितममात्यांश्च प्रेषयिष्यति सत्कृतान्
523	1008019a	ते तु राज्ञो वचः श्रुत्वा व्यथिता वनताननाः
524	1008019c	न गच्छेम ऋषेर्भीता अनुनेष्यन्ति तं नृपम्
525	1008020a	वक्ष्यन्ति चिन्तयित्वा ते तस्योपायांश्च तान्क्षमान्
526	1008020c	आनेष्यामो वयं विप्रं न च दोषो भविष्यति
527	1008021a	एवमङ्गाधिपेनैव गणिकाभिरृषेः सुतः
528	1008021c	आनीतोऽवर्षयद्देवः शान्ता चास्मै प्रदीयते
529	1008022a	ऋष्यशृङ्गस्तु जामाता पुत्रांस्तव विधास्यति
530	1008022c	सनत्कुमारकथितमेतावद्व्याहृतं मया
531	1008023a	अथ हृष्टो दशरथः सुमन्त्रं प्रत्यभाषत
532	1008023c	यथर्ष्यशृङ्गस्त्वानीतो विस्तरेण त्वयोच्यताम्
533	1009001a	सुमन्त्रश्चोदितो राज्ञा प्रोवाचेदं वचस्तदा
534	1009001c	यथर्ष्यशृङ्गस्त्वानीतः शृणु मे मन्त्रिभिः सह
535	1009002a	रोमपादमुवाचेदं सहामात्यः पुरोहितः
536	1009002c	उपायो निरपायोऽयमस्माभिरभिचिन्तितः
537	1009003a	ऋष्यशृङ्गो वनचरस्तपःस्वाध्यायने रतः
538	1009003c	अनभिज्ञः स नारीणां विषयाणां सुखस्य च
539	1009004a	इन्द्रियार्थैरभिमतैर्नरचित्तप्रमाथिभिः
540	1009004c	पुरमानाययिष्यामः क्षिप्रं चाध्यवसीयताम्
541	1009005a	गणिकास्तत्र गच्छन्तु रूपवत्यः स्वलंकृताः
542	1009005c	प्रलोभ्य विविधोपायैरानेष्यन्तीह सत्कृताः
543	1009006a	श्रुत्वा तथेति राजा च प्रत्युवाच पुरोहितम्
544	1009006c	पुरोहितो मन्त्रिणश्च तथा चक्रुश्च ते तदा
545	1009007a	वारमुख्यास्तु तच्छ्रुत्वा वनं प्रविविशुर्महत्
546	1009007c	आश्रमस्याविदूरेऽस्मिन्यत्नं कुर्वन्ति दर्शने
547	1009008a	ऋषिपुत्रस्य घोरस्य नित्यमाश्रमवासिनः
548	1009008c	पितुः स नित्यसंतुष्टो नातिचक्राम चाश्रमात्
549	1009009a	न तेन जन्मप्रभृति दृष्टपूर्वं तपस्विना
550	1009009c	स्त्री वा पुमान्वा यच्चान्यत्सत्त्वं नगरराष्ट्रजम्
551	1009010a	ततः कदाचित्तं देशमाजगाम यदृच्छया
552	1009010c	विभाण्डकसुतस्तत्र ताश्चापश्यद्वराङ्गनाः
553	1009011a	ताश्चित्रवेषाः प्रमदा गायन्त्यो मधुरस्वरैः
554	1009011c	ऋषिपुत्रमुपागम्य सर्वा वचनमब्रुवन्
555	1009012a	कस्त्वं किं वर्तसे ब्रह्मञ्ज्ञातुमिच्छामहे वयम्
556	1009012c	एकस्त्वं विजने घोरे वने चरसि शंस नः
557	1009013a	अदृष्टरूपास्तास्तेन काम्यरूपा वने स्त्रियः
558	1009013c	हार्दात्तस्य मतिर्जाता आख्यातुं पितरं स्वकम्
559	1009014a	पिता विभाण्डकोऽस्माकं तस्याहं सुत औरसः
560	1009014c	ऋष्यशृङ्ग इति ख्यातं नाम कर्म च मे भुवि
561	1009015a	इहाश्रमपदोऽस्माकं समीपे शुभदर्शनाः
562	1009015c	करिष्ये वोऽत्र पूजां वै सर्वेषां विधिपूर्वकम्
563	1009016a	ऋषिपुत्रवचः श्रुत्वा सर्वासां मतिरास वै
564	1009016c	तदाश्रमपदं द्रष्टुं जग्मुः सर्वाश्च तेन ह
565	1009017a	गतानां तु ततः पूजामृषिपुत्रश्चकार ह
566	1009017c	इदमर्घ्यमिदं पाद्यमिदं मूलं फलं च नः
567	1009018a	प्रतिगृह्य तु तां पूजां सर्वा एव समुत्सुकाः
568	1009018c	ऋषेर्भीताश्च शीघ्रं तु गमनाय मतिं दधुः
569	1009019a	अस्माकमपि मुख्यानि फलानीमानि वै द्विज
570	1009019c	गृहाण प्रति भद्रं ते भक्षयस्व च मा चिरम्
571	1009020a	ततस्तास्तं समालिङ्ग्य सर्वा हर्षसमन्विताः
572	1009020c	मोदकान्प्रददुस्तस्मै भक्ष्यांश्च विविधाञ्शुभान्
573	1009021a	तानि चास्वाद्य तेजस्वी फलानीति स्म मन्यते
574	1009021c	अनास्वादितपूर्वाणि वने नित्यनिवासिनाम्
575	1009022a	आपृच्छ्य च तदा विप्रं व्रतचर्यां निवेद्य च
576	1009022c	गच्छन्ति स्मापदेशात्ता भीतास्तस्य पितुः स्त्रियः
577	1009023a	गतासु तासु सर्वासु काश्यपस्यात्मजो द्विजः
578	1009023c	अस्वस्थहृदयश्चासीद्दुःखं स्म परिवर्तते
579	1009024a	ततोऽपरेद्युस्तं देशमाजगाम स वीर्यवान्
580	1009024c	मनोज्ञा यत्र ता दृष्टा वारमुख्याः स्वलंकृताः
581	1009025a	दृष्ट्वैव च तदा विप्रमायान्तं हृष्टमानसाः
582	1009025c	उपसृत्य ततः सर्वास्तास्तमूचुरिदं वचः
583	1009026a	एह्याश्रमपदं सौम्य अस्माकमिति चाब्रुवन्
584	1009026c	तत्राप्येष विधिः श्रीमान्विशेषेण भविष्यति
585	1009027a	श्रुत्वा तु वचनं तासां सर्वासां हृदयंगमम्
586	1009027c	गमनाय मतिं चक्रे तं च निन्युस्तदा स्त्रियः
587	1009028a	तत्र चानीयमाने तु विप्रे तस्मिन्महात्मनि
588	1009028c	ववर्ष सहसा देवो जगत्प्रह्लादयंस्तदा
589	1009029a	वर्षेणैवागतं विप्रं विषयं स्वं नराधिपः
590	1009029c	प्रत्युद्गम्य मुनिं प्रह्वः शिरसा च महीं गतः
591	1009030a	अर्घ्यं च प्रददौ तस्मै न्यायतः सुसमाहितः
592	1009030c	वव्रे प्रसादं विप्रेन्द्रान्मा विप्रं मन्युराविशेत्
593	1009031a	अन्तःपुरं प्रविश्यास्मै कन्यां दत्त्वा यथाविधि
594	1009031c	शान्तां शान्तेन मनसा राजा हर्षमवाप सः
595	1009032a	एवं स न्यवसत्तत्र सर्वकामैः सुपूजितः
596	1009032c	ऋष्यशृङ्गो महातेजाः शान्तया सह भार्यया
597	1010001a	भूय एव च राजेन्द्र शृणु मे वचनं हितम्
598	1010001c	यथा स देवप्रवरः कथयामास बुद्धिमान्
599	1010002a	इक्ष्वाकूणां कुले जातो भविष्यति सुधार्मिकः
600	1010002c	राजा दशरथो नाम्ना श्रीमान्सत्यप्रतिश्रवः
601	1010003a	अङ्गराजेन सख्यं च तस्य राज्ञो भविष्यति
602	1010003c	कन्या चास्य महाभागा शान्ता नाम भविष्यति
603	1010004a	पुत्रस्त्वङ्गस्य राज्ञस्तु रोमपाद इति श्रुतः
604	1010004c	तं स राजा दशरथो गमिष्यति महायशाः
605	1010005a	अनपत्योऽस्मि धर्मात्मञ्शान्ताभर्ता मम क्रतुम्
606	1010005c	आहरेत त्वयाज्ञप्तः संतानार्थं कुलस्य च
607	1010006a	श्रुत्वा राज्ञोऽथ तद्वाक्यं मनसा स विचिन्त्य च
608	1010006c	प्रदास्यते पुत्रवन्तं शान्ता भर्तारमात्मवान्
609	1010007a	प्रतिगृह्य च तं विप्रं स राजा विगतज्वरः
610	1010007c	आहरिष्यति तं यज्ञं प्रहृष्टेनान्तरात्मना
611	1010008a	तं च राजा दशरथो यष्टुकामः कृताञ्जलिः
612	1010008c	ऋष्यशृङ्गं द्विजश्रेष्ठं वरयिष्यति धर्मवित्
613	1010009a	यज्ञार्थं प्रसवार्थं च स्वर्गार्थं च नरेश्वरः
614	1010009c	लभते च स तं कामं द्विजमुख्याद्विशां पतिः
615	1010010a	पुत्राश्चास्य भविष्यन्ति चत्वारोऽमितविक्रमाः
616	1010010c	वंशप्रतिष्ठानकराः सर्वलोकेषु विश्रुताः
617	1010011a	एवं स देवप्रवरः पूर्वं कथितवान्कथाम्
618	1010011c	सनत्कुमारो भगवान्पुरा देवयुगे प्रभुः
619	1010012a	स त्वं पुरुषशार्दूल तमानय सुसत्कृतम्
620	1010012c	स्वयमेव महाराज गत्वा सबलवाहनः
621	1010013a	अनुमान्य वसिष्ठं च सूतवाक्यं निशम्य च
622	1010013c	सान्तःपुरः सहामात्यः प्रययौ यत्र स द्विजः
623	1010014a	वनानि सरितश्चैव व्यतिक्रम्य शनैः शनैः
624	1010014c	अभिचक्राम तं देशं यत्र वै मुनिपुंगवः
625	1010015a	आसाद्य तं द्विजश्रेष्ठं रोमपादसमीपगम्
626	1010015c	ऋषिपुत्रं ददर्शादौ दीप्यमानमिवानलम्
627	1010016a	ततो राजा यथान्यायं पूजां चक्रे विशेषतः
628	1010016c	सखित्वात्तस्य वै राज्ञः प्रहृष्टेनान्तरात्मना
629	1010017a	रोमपादेन चाख्यातमृषिपुत्राय धीमते
630	1010017c	सख्यं संबन्धकं चैव तदा तं प्रत्यपूजयत्
631	1010018a	एवं सुसत्कृतस्तेन सहोषित्वा नरर्षभः
632	1010018c	सप्ताष्टदिवसान्राजा राजानमिदमब्रवीत्
633	1010019a	शान्ता तव सुता राजन्सह भर्त्रा विशाम्पते
634	1010019c	मदीयं नगरं यातु कार्यं हि महदुद्यतम्
635	1010020a	तथेति राजा संश्रुत्य गमनं तस्य धीमतः
636	1010020c	उवाच वचनं विप्रं गच्छ त्वं सह भार्यया
637	1010021a	ऋषिपुत्रः प्रतिश्रुत्य तथेत्याह नृपं तदा
638	1010021c	स नृपेणाभ्यनुज्ञातः प्रययौ सह भार्यया
639	1010022a	तावन्योन्याञ्जलिं कृत्वा स्नेहात्संश्लिष्य चोरसा
640	1010022c	ननन्दतुर्दशरथो रोमपादश्च वीर्यवान्
641	1010023a	ततः सुहृदमापृच्छ्य प्रस्थितो रघुनन्दनः
642	1010023c	पौरेभ्यः प्रेषयामास दूतान्वै शीघ्रगामिनः
643	1010023e	क्रियतां नगरं सर्वं क्षिप्रमेव स्वलंकृतम्
644	1010024a	ततः प्रहृष्टाः पौरास्ते श्रुत्वा राजानमागतम्
645	1010024c	तथा प्रचक्रुस्तत्सर्वं राज्ञा यत्प्रेषितं तदा
646	1010025a	ततः स्वलंकृतं राजा नगरं प्रविवेश ह
647	1010025c	शङ्खदुन्दुभिनिर्घोषैः पुरस्कृत्य द्विजर्षभम्
648	1010026a	ततः प्रमुदिताः सर्वे दृष्ट्वा वै नागरा द्विजम्
649	1010026c	प्रवेश्यमानं सत्कृत्य नरेन्द्रेणेन्द्रकर्मणा
650	1010027a	अन्तःपुरं प्रवेश्यैनं पूजां कृत्वा तु शास्त्रतः
651	1010027c	कृतकृत्यं तदात्मानं मेने तस्योपवाहनात्
652	1010028a	अन्तःपुराणि सर्वाणि शान्तां दृष्ट्वा तथागताम्
653	1010028c	सह भर्त्रा विशालाक्षीं प्रीत्यानन्दमुपागमन्
654	1010029a	पूज्यमाना च ताभिः सा राज्ञा चैव विशेषतः
655	1010029c	उवास तत्र सुखिता कंचित्कालं सह द्विजा
656	1011001a	ततः काले बहुतिथे कस्मिंश्चित्सुमनोहरे
657	1011001c	वसन्ते समनुप्राप्ते राज्ञो यष्टुं मनोऽभवत्
658	1011002a	ततः प्रसाद्य शिरसा तं विप्रं देववर्णिनम्
659	1011002c	यज्ञाय वरयामास संतानार्थं कुलस्य च
660	1011003a	तथेति च स राजानमुवाच च सुसत्कृतः
661	1011003c	संभाराः संभ्रियन्तां ते तुरगश्च विमुच्यताम्
662	1011004a	ततो राजाब्रवीद्वाक्यं सुमन्त्रं मन्त्रिसत्तमम्
663	1011004c	सुमन्त्रावाहय क्षिप्रमृत्विजो ब्रह्मवादिनः
664	1011005a	ततः सुमन्त्रस्त्वरितं गत्वा त्वरितविक्रमः
665	1011005c	समानयत्स तान्विप्रान्समस्तान्वेदपारगान्
666	1011006a	सुयज्ञं वामदेवं च जाबालिमथ काश्यपम्
667	1011006c	पुरोहितं वसिष्ठं च ये चान्ये द्विजसत्तमाः
668	1011007a	तान्पूजयित्वा धर्मात्मा राजा दशरथस्तदा
669	1011007c	इदं धर्मार्थसहितं श्लक्ष्णं वचनमब्रवीत्
670	1011008a	मम लालप्यमानस्य पुत्रार्थं नास्ति वै सुखम्
671	1011008c	तदर्थं हयमेधेन यक्ष्यामीति मतिर्मम
672	1011009a	तदहं यष्टुमिच्छामि शास्त्रदृष्टेन कर्मणा
673	1011009c	ऋषिपुत्रप्रभावेन कामान्प्राप्स्यामि चाप्यहम्
674	1011010a	ततः साध्विति तद्वाक्यं ब्राह्मणाः प्रत्यपूजयन्
675	1011010c	वसिष्ठप्रमुखाः सर्वे पार्थिवस्य मुखाच्च्युतम्
676	1011011a	ऋष्यशृङ्गपुरोगाश्च प्रत्यूचुर्नृपतिं तदा
677	1011011c	संभाराः संभ्रियन्तां ते तुरगश्च विमुच्यताम्
678	1011012a	सर्वथा प्राप्यसे पुत्रांश्चतुरोऽमितविक्रमान्
679	1011012c	यस्य ते धार्मिकी बुद्धिरियं पुत्रार्थमागता
680	1011013a	ततः प्रीतोऽभवद्राजा श्रुत्वा तद्द्विजभाषितम्
681	1011013c	अमात्यांश्चाब्रवीद्राजा हर्षेणेदं शुभाक्षरम्
682	1011014a	गुरूणां वचनाच्छीघ्रं संभाराः संभ्रियन्तु मे
683	1011014c	समर्थाधिष्ठितश्चाश्वः सोपाध्यायो विमुच्यताम्
684	1011015a	सरय्वाश्चोत्तरे तीरे यज्ञभूमिर्विधीयताम्
685	1011015c	शान्तयश्चाभिवर्धन्तां यथाकल्पं यथाविधि
686	1011016a	शक्यः कर्तुमयं यज्ञः सर्वेणापि महीक्षिता
687	1011016c	नापराधो भवेत्कष्टो यद्यस्मिन्क्रतुसत्तमे
688	1011017a	छिद्रं हि मृगयन्तेऽत्र विद्वांसो ब्रह्मराक्षसाः
689	1011017c	विधिहीनस्य यज्ञस्य सद्यः कर्ता विनश्यति
690	1011018a	तद्यथा विधिपूर्वं मे क्रतुरेष समाप्यते
691	1011018c	तथाविधानं क्रियतां समर्थाः करणेष्विह
692	1011019a	तथेति च ततः सर्वे मन्त्रिणः प्रत्यपूजयन्
693	1011019c	पार्थिवेन्द्रस्य तद्वाक्यं यथाज्ञप्तमकुर्वत
694	1011020a	ततो द्विजास्ते धर्मज्ञमस्तुवन्पार्थिवर्षभम्
695	1011020c	अनुज्ञातास्ततः सर्वे पुनर्जग्मुर्यथागतम्
696	1011021a	गतानां तु द्विजातीनां मन्त्रिणस्तान्नराधिपः
697	1011021c	विसर्जयित्वा स्वं वेश्म प्रविवेश महाद्युतिः
698	1012001a	पुनः प्राप्ते वसन्ते तु पूर्णः संवत्सरोऽभवत्
699	1012001c	अभिवाद्य वसिष्ठं च न्यायतः प्रतिपूज्य च
700	1012002a	अब्रवीत्प्रश्रितं वाक्यं प्रसवार्थं द्विजोत्तमम्
701	1012002c	यज्ञो मे क्रियतां विप्र यथोक्तं मुनिपुंगव
702	1012003a	यथा न विघ्नः क्रियते यज्ञाङ्गेषु विधीयताम्
703	1012003c	भवान्स्निग्धः सुहृन्मह्यं गुरुश्च परमो भवान्
704	1012004a	वोढव्यो भवता चैव भारो यज्ञस्य चोद्यतः
705	1012004c	तथेति च स राजानमब्रवीद्द्विजसत्तमः
706	1012005a	करिष्ये सर्वमेवैतद्भवता यत्समर्थितम्
707	1012005c	ततोऽब्रवीद्द्विजान्वृद्धान्यज्ञकर्मसु निष्ठितान्
708	1012006a	स्थापत्ये निष्ठितांश्चैव वृद्धान्परमधार्मिकान्
709	1012006c	कर्मान्तिकाञ्शिल्पकारान्वर्धकीन्खनकानपि
710	1012007a	गणकाञ्शिल्पिनश्चैव तथैव नटनर्तकान्
711	1012007c	तथा शुचीञ्शास्त्रविदः पुरुषान्सुबहुश्रुतान्
712	1012008a	यज्ञकर्म समीहन्तां भवन्तो राजशासनात्
713	1012008c	इष्टका बहुसाहस्री शीघ्रमानीयतामिति
714	1012009a	औपकार्याः क्रियन्तां च राज्ञां बहुगुणान्विताः
715	1012009c	ब्राह्मणावसथाश्चैव कर्तव्याः शतशः शुभाः
716	1012010a	भक्ष्यान्नपानैर्बहुभिः समुपेताः सुनिष्ठिताः
717	1012010c	तथा पौरजनस्यापि कर्तव्या बहुविस्तराः
718	1012011a	आवासा बहुभक्ष्या वै सर्वकामैरुपस्थिताः
719	1012011c	तथा जानपदस्यापि जनस्य बहुशोभनम्
720	1012012a	दातव्यमन्नं विधिवत्सत्कृत्य न तु लीलया
721	1012012c	सर्ववर्णा यथा पूजां प्राप्नुवन्ति सुसत्कृताः
722	1012013a	न चावज्ञा प्रयोक्तव्या कामक्रोधवशादपि
723	1012013c	यज्ञकर्मसु येऽव्यग्राः पुरुषाः शिल्पिनस्तथा
724	1012014a	तेषामपि विशेषेण पूजा कार्या यथाक्रमम्
725	1012014c	यथा सर्वं सुविहितं न किंचित्परिहीयते
726	1012015a	तथा भवन्तः कुर्वन्तु प्रीतिस्निग्धेन चेतसा
727	1012015c	ततः सर्वे समागम्य वसिष्ठमिदमब्रुवन्
728	1012016a	यथोक्तं तत्करिष्यामो न किंचित्परिहास्यते
729	1012016c	ततः सुमन्त्रमाहूय वसिष्ठो वाक्यमब्रवीत्
730	1012017a	निमन्त्रयस्य नृपतीन्पृथिव्यां ये च धार्मिकाः
731	1012017c	ब्राह्मणान्क्षत्रियान्वैश्याञ्शूद्रांश्चैव सहस्रशः
732	1012018a	समानयस्व सत्कृत्य सर्वदेशेषु मानवान्
733	1012018c	मिथिलाधिपतिं शूरं जनकं सत्यविक्रमम्
734	1012019a	निष्ठितं सर्वशास्त्रेषु तथा वेदेषु निष्ठितम्
735	1012019c	तमानय महाभागं स्वयमेव सुसत्कृतम्
736	1012019e	पूर्वसंबन्धिनं ज्ञात्वा ततः पूर्वं ब्रवीमि ते
737	1012020a	तथा काशिपतिं स्निग्धं सततं प्रियवादिनम्
738	1012020c	सद्वृत्तं देवसंकाशं स्वयमेवानयस्व ह
739	1012021a	तथा केकयराजानं वृद्धं परमधार्मिकम्
740	1012021c	श्वशुरं राजसिंहस्य सपुत्रं तमिहानय
741	1012022a	अङ्गेश्वरं महाभागं रोमपादं सुसत्कृतम्
742	1012022c	वयस्यं राजसिंहस्य तमानय यशस्विनम्
743	1012023a	प्राचीनान्सिन्धुसौवीरान्सौराष्ठ्रेयांश्च पार्थिवान्
744	1012023c	दाक्षिणात्यान्नरेन्द्रांश्च समस्तानानयस्व ह
745	1012024a	सन्ति स्निग्धाश्च ये चान्ये राजानः पृथिवीतले
746	1012024c	तानानय यथाक्षिप्रं सानुगान्सहबान्धवान्
747	1012025a	वसिष्ठवाक्यं तच्छ्रुत्वा सुमन्त्रस्त्वरितस्तदा
748	1012025c	व्यादिशत्पुरुषांस्तत्र राज्ञामानयने शुभान्
749	1012026a	स्वयमेव हि धर्मात्मा प्रययौ मुनिशासनात्
750	1012026c	सुमन्त्रस्त्वरितो भूत्वा समानेतुं महीक्षितः
751	1012027a	ते च कर्मान्तिकाः सर्वे वसिष्ठाय च धीमते
752	1012027c	सर्वं निवेदयन्ति स्म यज्ञे यदुपकल्पितम्
753	1012028a	ततः प्रीतो द्विजश्रेष्ठस्तान्सर्वान्पुनरब्रवीत्
754	1012028c	अवज्ञया न दातव्यं कस्यचिल्लीलयापि वा
755	1012028e	अवज्ञया कृतं हन्याद्दातारं नात्र संशयः
756	1012029a	ततः कैश्चिदहोरात्रैरुपयाता महीक्षितः
757	1012029c	बहूनि रत्नान्यादाय राज्ञो दशरथस्य ह
758	1012030a	ततो वसिष्ठः सुप्रीतो राजानमिदमब्रवीत्
759	1012030c	उपयाता नरव्याघ्र राजानस्तव शासनात्
760	1012031a	मयापि सत्कृताः सर्वे यथार्हं राजसत्तमाः
761	1012031c	यज्ञियं च कृतं राजन्पुरुषैः सुसमाहितैः
762	1012032a	निर्यातु च भवान्यष्टुं यज्ञायतनमन्तिकात्
763	1012032c	सर्वकामैरुपहृतैरुपेतं वै समन्ततः
764	1012033a	तथा वसिष्ठवचनादृष्यशृङ्गस्य चोभयोः
765	1012033c	शुभे दिवस नक्षत्रे निर्यातो जगतीपतिः
766	1012034a	ततो वसिष्ठप्रमुखाः सर्व एव द्विजोत्तमाः
767	1012034c	ऋष्यशृङ्गं पुरस्कृत्य यज्ञकर्मारभंस्तदा
768	1013001a	अथ संवत्सरे पूर्णे तस्मिन्प्राप्ते तुरङ्गमे
769	1013001c	सरय्वाश्चोत्तरे तीरे राज्ञो यज्ञोऽभ्यवर्तत
770	1013002a	ऋष्यशृङ्गं पुरस्कृत्य कर्म चक्रुर्द्विजर्षभाः
771	1013002c	अश्वमेधे महायज्ञे राज्ञोऽस्य सुमहात्मनः
772	1013003a	कर्म कुर्वन्ति विधिवद्याजका वेदपारगाः
773	1013003c	यथाविधि यथान्यायं परिक्रामन्ति शास्त्रतः
774	1013004a	प्रवर्ग्यं शास्त्रतः कृत्वा तथैवोपसदं द्विजाः
775	1013004c	चक्रुश्च विधिवत्सर्वमधिकं कर्म शास्त्रतः
776	1013005a	अभिपूज्य ततो हृष्टाः सर्वे चक्रुर्यथाविधि
777	1013005c	प्रातःसवनपूर्वाणि कर्माणि मुनिपुंगवाः
778	1013006a	न चाहुतमभूत्तत्र स्खलितं वापि किंचन
779	1013006c	दृश्यते ब्रह्मवत्सर्वं क्षेमयुक्तं हि चक्रिरे
780	1013007a	न तेष्वहःसु श्रान्तो वा क्षुधितो वापि दृश्यते
781	1013007c	नाविद्वान्ब्राह्मणस्तत्र नाशतानुचरस्तथा
782	1013008a	ब्राह्मणा भुञ्जते नित्यं नाथवन्तश्च भुञ्जते
783	1013008c	तापसा भुञ्जते चापि श्रमणा भुञ्जते तथा
784	1013009a	वृद्धाश्च व्याधिताश्चैव स्त्रियो बालास्तथैव च
785	1013009c	अनिशं भुञ्जमानानां न तृप्तिरुपलभ्यते
786	1013010a	दीयतां दीयतामन्नं वासांसि विविधानि च
787	1013010c	इति संचोदितास्तत्र तथा चक्रुरनेकशः
788	1013011a	अन्नकूटाश्च बहवो दृश्यन्ते पर्वतोपमाः
789	1013011c	दिवसे दिवसे तत्र सिद्धस्य विधिवत्तदा
790	1013012a	अन्नं हि विधिवत्स्वादु प्रशंसन्ति द्विजर्षभाः
791	1013012c	अहो तृप्ताः स्म भद्रं ते इति शुश्राव राघवः
792	1013013a	स्वलंकृताश्च पुरुषा ब्राह्मणान्पर्यवेषयन्
793	1013013c	उपासते च तानन्ये सुमृष्टमणिकुण्डलाः
794	1013014a	कर्मान्तरे तदा विप्रा हेतुवादान्बहूनपि
795	1013014c	प्राहुः सुवाग्मिनो धीराः परस्परजिगीषया
796	1013015a	दिवसे दिवसे तत्र संस्तरे कुशला द्विजाः
797	1013015c	सर्वकर्माणि चक्रुस्ते यथाशास्त्रं प्रचोदिताः
798	1013016a	नाषडङ्गविदत्रासीन्नाव्रतो नाबहुश्रुतः
799	1013016c	सदस्यस्तस्य वै राज्ञो नावादकुशलो द्विजः
800	1013017a	प्राप्ते यूपोच्छ्रये तस्मिन्षड्बैल्वाः खादिरास्तथा
801	1013017c	तावन्तो बिल्वसहिताः पर्णिनश्च तथापरे
802	1013018a	श्लेष्मातकमयो दिष्टो देवदारुमयस्तथा
803	1013018c	द्वावेव तत्र विहितौ बाहुव्यस्तपरिग्रहौ
804	1013019a	कारिताः सर्व एवैते शास्त्रज्ञैर्यज्ञकोविदैः
805	1013019c	शोभार्थं तस्य यज्ञस्य काञ्चनालंकृता भवन्
806	1013020a	विन्यस्ता विधिवत्सर्वे शिल्पिभिः सुकृता दृढाः
807	1013020c	अष्टाश्रयः सर्व एव श्लक्ष्णरूपसमन्विताः
808	1013021a	आच्छादितास्ते वासोभिः पुष्पैर्गन्धैश्च भूषिताः
809	1013021c	सप्तर्षयो दीप्तिमन्तो विराजन्ते यथा दिवि
810	1013022a	इष्टकाश्च यथान्यायं कारिताश्च प्रमाणतः
811	1013022c	चितोऽग्निर्ब्राह्मणैस्तत्र कुशलैः शुल्बकर्मणि
812	1013022e	स चित्यो राजसिंहस्य संचितः कुशलैर्द्विजैः
813	1013023a	गरुडो रुक्मपक्षो वै त्रिगुणोऽष्टादशात्मकः
814	1013023c	नियुक्तास्तत्र पशवस्तत्तदुद्दिश्य दैवतम्
815	1013024a	उरगाः पक्षिणश्चैव यथाशास्त्रं प्रचोदिताः
816	1013024c	शामित्रे तु हयस्तत्र तथा जल चराश्च ये
817	1013025a	ऋत्विग्भिः सर्वमेवैतन्नियुक्तं शास्त्रतस्तदा
818	1013025c	पशूनां त्रिशतं तत्र यूपेषु नियतं तदा
819	1013025e	अश्वरत्नोत्तमं तस्य राज्ञो दशरथस्य ह
820	1013026a	कौसल्या तं हयं तत्र परिचर्य समन्ततः
821	1013026c	कृपाणैर्विशशासैनं त्रिभिः परमया मुदा
822	1013027a	पतत्रिणा तदा सार्धं सुस्थितेन च चेतसा
823	1013027c	अवसद्रजनीमेकां कौसल्या धर्मकाम्यया
824	1013028a	होताध्वर्युस्तथोद्गाता हयेन समयोजयन्
825	1013028c	महिष्या परिवृत्थ्याथ वावातामपरां तथा
826	1013029a	पतत्रिणस्तस्य वपामुद्धृत्य नियतेन्द्रियः
827	1013029c	ऋत्विक्परम संपन्नः श्रपयामास शास्त्रतः
828	1013030a	धूमगन्धं वपायास्तु जिघ्रति स्म नराधिपः
829	1013030c	यथाकालं यथान्यायं निर्णुदन्पापमात्मनः
830	1013031a	हयस्य यानि चाङ्गानि तानि सर्वाणि ब्राह्मणाः
831	1013031c	अग्नौ प्रास्यन्ति विधिवत्समस्ताः षोडशर्त्विजः
832	1013032a	प्लक्षशाखासु यज्ञानामन्येषां क्रियते हविः
833	1013032c	अश्वमेधस्य चैकस्य वैतसो भाग इष्यते
834	1013033a	त्र्यहोऽश्वमेधः संख्यातः कल्पसूत्रेण ब्राह्मणैः
835	1013033c	चतुष्टोममहस्तस्य प्रथमं परिकल्पितम्
836	1013034a	उक्थ्यं द्वितीयं संख्यातमतिरात्रं तथोत्तरम्
837	1013034c	कारितास्तत्र बहवो विहिताः शास्त्रदर्शनात्
838	1013035a	ज्योतिष्टोमायुषी चैव अतिरात्रौ च निर्मितौ
839	1013035c	अभिजिद्विश्वजिच्चैव अप्तोर्यामो महाक्रतुः
840	1013036a	प्राचीं होत्रे ददौ राजा दिशं स्वकुलवर्धनः
841	1013036c	अध्वर्यवे प्रतीचीं तु ब्रह्मणे दक्षिणां दिशम्
842	1013037a	उद्गात्रे तु तथोदीचीं दक्षिणैषा विनिर्मिता
843	1013037c	अश्वमेधे महायज्ञे स्वयम्भुविहिते पुरा
844	1013038a	क्रतुं समाप्य तु तदा न्यायतः पुरुषर्षभः
845	1013038c	ऋत्विग्भ्यो हि ददौ राजा धरां तां क्रतुवर्धनः
846	1013039a	ऋत्विजस्त्वब्रुवन्सर्वे राजानं गतकल्मषम्
847	1013039c	भवानेव महीं कृत्स्नामेको रक्षितुमर्हति
848	1013040a	न भूम्या कार्यमस्माकं न हि शक्ताः स्म पालने
849	1013040c	रताः स्वाध्यायकरणे वयं नित्यं हि भूमिप
850	1013040e	निष्क्रयं किंचिदेवेह प्रयच्छतु भवानिति
851	1013041a	गवां शतसहस्राणि दश तेभ्यो ददौ नृपः
852	1013041c	दशकोटिं सुवर्णस्य रजतस्य चतुर्गुणम्
853	1013042a	ऋत्विजस्तु ततः सर्वे प्रददुः सहिता वसु
854	1013042c	ऋष्यशृङ्गाय मुनये वसिष्ठाय च धीमते
855	1013043a	ततस्ते न्यायतः कृत्वा प्रविभागं द्विजोत्तमाः
856	1013043c	सुप्रीतमनसः सर्वे प्रत्यूचुर्मुदिता भृशम्
857	1013044a	ततः प्रीतमना राजा प्राप्य यज्ञमनुत्तमम्
858	1013044c	पापापहं स्वर्नयनं दुस्तरं पार्थिवर्षभैः
859	1013045a	ततोऽब्रवीदृष्यशृङ्गं राजा दशरथस्तदा
860	1013045c	कुलस्य वर्धनं तत्तु कर्तुमर्हसि सुव्रत
861	1013046a	तथेति च स राजानमुवाच द्विजसत्तमः
862	1013046c	भविष्यन्ति सुता राजंश्चत्वारस्ते कुलोद्वहाः
863	1014001a	मेधावी तु ततो ध्यात्वा स किंचिदिदमुत्तमम्
864	1014001c	लब्धसंज्ञस्ततस्तं तु वेदज्ञो नृपमब्रवीत्
865	1014002a	इष्टिं तेऽहं करिष्यामि पुत्रीयां पुत्रकारणात्
866	1014002c	अथर्वशिरसि प्रोक्तैर्मन्त्रैः सिद्धां विधानतः
867	1014003a	ततः प्राक्रमदिष्टिं तां पुत्रीयां पुत्र कारणात्
868	1014003c	जुहाव चाग्नौ तेजस्वी मन्त्रदृष्टेन कर्मणा
869	1014004a	ततो देवाः सगन्धर्वाः सिद्धाश्च परमर्षयः
870	1014004c	भागप्रतिग्रहार्थं वै समवेता यथाविधि
871	1014005a	ताः समेत्य यथान्यायं तस्मिन्सदसि देवताः
872	1014005c	अब्रुवँल्लोककर्तारं ब्रह्माणं वचनं महत्
873	1014006a	भगवंस्त्वत्प्रसादेन रावणो नाम राक्षसः
874	1014006c	सर्वान्नो बाधते वीर्याच्छासितुं तं न शक्नुमः
875	1014007a	त्वया तस्मै वरो दत्तः प्रीतेन भगवन्पुरा
876	1014007c	मानयन्तश्च तं नित्यं सर्वं तस्य क्षमामहे
877	1014008a	उद्वेजयति लोकांस्त्रीनुच्छ्रितान्द्वेष्टि दुर्मतिः
878	1014008c	शक्रं त्रिदशराजानं प्रधर्षयितुमिच्छति
879	1014009a	ऋषीन्यक्षान्सगन्धर्वानसुरान्ब्राह्मणांस्तथा
880	1014009c	अतिक्रामति दुर्धर्षो वरदानेन मोहितः
881	1014010a	नैनं सूर्यः प्रतपति पार्श्वे वाति न मारुतः
882	1014010c	चलोर्मिमाली तं दृष्ट्वा समुद्रोऽपि न कम्पते
883	1014011a	तन्मनन्नो भयं तस्माद्राक्षसाद्घोरदर्शनात्
884	1014011c	वधार्थं तस्य भगवन्नुपायं कर्तुमर्हसि
885	1014012a	एवमुक्तः सुरैः सर्वैश्चिन्तयित्वा ततोऽब्रवीत्
886	1014012c	हन्तायं विहितस्तस्य वधोपायो दुरात्मनः
887	1014013a	तेन गन्धर्वयक्षाणां देवदानवरक्षसाम्
888	1014013c	अवध्योऽस्मीति वागुक्ता तथेत्युक्तं च तन्मया
889	1014014a	नाकीर्तयदवज्ञानात्तद्रक्षो मानुषांस्तदा
890	1014014c	तस्मात्स मानुषाद्वध्यो मृतुर्नान्योऽस्य विद्यते
891	1014015a	एतच्छ्रुत्वा प्रियं वाक्यं ब्रह्मणा समुदाहृतम्
892	1014015c	देवा महर्षयः सर्वे प्रहृष्टास्तेऽभवंस्तदा
893	1014016a	एतस्मिन्नन्तरे विष्णुरुपयातो महाद्युतिः
894	1014016c	ब्रह्मणा च समागम्य तत्र तस्थौ समाहितः
895	1014017a	तमब्रुवन्सुराः सर्वे समभिष्टूय संनताः
896	1014017c	त्वां नियोक्ष्यामहे विष्णो लोकानां हितकाम्यया
897	1014018a	राज्ञो दशरथस्य त्वमयोध्याधिपतेर्विभो
898	1014018c	धर्मज्ञस्य वदान्यस्य महर्षिसमतेजसः
899	1014018e	तस्य भार्यासु तिसृषु ह्रीश्रीकीर्त्युपमासु च
900	1014018g	विष्णो पुत्रत्वमागच्छ कृत्वात्मानं चतुर्विधम्
901	1014019a	तत्र त्वं मानुषो भूत्वा प्रवृद्धं लोककण्टकम्
902	1014019c	अवध्यं दैवतैर्विष्णो समरे जहि रावणम्
903	1014020a	स हि देवान्सगन्धर्वान्सिद्धांश्च ऋषिसत्तमान्
904	1014020c	राक्षसो रावणो मूर्खो वीर्योत्सेकेन बाधते
905	1014021a	तदुद्धतं रावणमृद्धतेजसं; प्रवृद्धदर्पं त्रिदशेश्वरद्विषम्
906	1014021c	विरावणं साधु तपस्विकण्टकं; तपस्विनामुद्धर तं भयावहम्
907	1015001a	ततो नारायणो विष्णुर्नियुक्तः सुरसत्तमैः
908	1015001c	जानन्नपि सुरानेवं श्लक्ष्णं वचनमब्रवीत्
909	1015002a	उपायः को वधे तस्य राक्षसाधिपतेः सुराः
910	1015002c	यमहं तं समास्थाय निहन्यामृषिकण्टकम्
911	1015003a	एवमुक्ताः सुराः सर्वे प्रत्यूचुर्विष्णुमव्ययम्
912	1015003c	मानुषीं तनुमास्थाय रावणं जहि संयुगे
913	1015004a	स हि तेपे तपस्तीव्रं दीर्घकालमरिंदम
914	1015004c	येन तुष्टोऽभवद्ब्रह्मा लोककृल्लोकपूजितः
915	1015005a	संतुष्टः प्रददौ तस्मै राक्षसाय वरं प्रभुः
916	1015005c	नानाविधेभ्यो भूतेभ्यो भयं नान्यत्र मानुषात्
917	1015006a	अवज्ञाताः पुरा तेन वरदानेन मानवाः
918	1015006c	तस्मात्तस्य वधो दृष्टो मानुषेभ्यः परंतप
919	1015007a	इत्येतद्वचनं श्रुत्वा सुराणां विष्णुरात्मवान्
920	1015007c	पितरं रोचयामास तदा दशरथं नृपम्
921	1015008a	स चाप्यपुत्रो नृपतिस्तस्मिन्काले महाद्युतिः
922	1015008c	अयजत्पुत्रियामिष्टिं पुत्रेप्सुररिसूदनः
923	1015009a	ततो वै यजमानस्य पावकादतुलप्रभम्
924	1015009c	प्रादुर्भूतं महद्भूतं महावीर्यं महाबलम्
925	1015010a	कृष्णं रक्ताम्बरधरं रक्तास्यं दुन्दुभिस्वनम्
926	1015010c	स्निग्धहर्यक्षतनुजश्मश्रुप्रवरमूर्धजम्
927	1015011a	शुभलक्षणसंपन्नं दिव्याभरणभूषितम्
928	1015011c	शैलशृङ्गसमुत्सेधं दृप्तशार्दूलविक्रमम्
929	1015012a	दिवाकरसमाकारं दीप्तानलशिखोपमम्
930	1015012c	तप्तजाम्बूनदमयीं राजतान्तपरिच्छदाम्
931	1015013a	दिव्यपायससंपूर्णां पात्रीं पत्नीमिव प्रियाम्
932	1015013c	प्रगृह्य विपुलां दोर्भ्यां स्वयं मायामयीमिव
933	1015014a	समवेक्ष्याब्रवीद्वाक्यमिदं दशरथं नृपम्
934	1015014c	प्राजापत्यं नरं विद्धि मामिहाभ्यागतं नृप
935	1015015a	ततः परं तदा राजा प्रत्युवाच कृताञ्जलिः
936	1015015c	भगवन्स्वागतं तेऽस्तु किमहं करवाणि ते
937	1015016a	अथो पुनरिदं वाक्यं प्राजापत्यो नरोऽब्रवीत्
938	1015016c	राजन्नर्चयता देवानद्य प्राप्तमिदं त्वया
939	1015017a	इदं तु नरशार्दूल पायसं देवनिर्मितम्
940	1015017c	प्रजाकरं गृहाण त्वं धन्यमारोग्यवर्धनम्
941	1015018a	भार्याणामनुरूपाणामश्नीतेति प्रयच्छ वै
942	1015018c	तासु त्वं लप्स्यसे पुत्रान्यदर्थं यजसे नृप
943	1015019a	तथेति नृपतिः प्रीतः शिरसा प्रतिगृह्यताम्
944	1015019c	पात्रीं देवान्नसंपूर्णां देवदत्तां हिरण्मयीम्
945	1015020a	अभिवाद्य च तद्भूतमद्भुतं प्रियदर्शनम्
946	1015020c	मुदा परमया युक्तश्चकाराभिप्रदक्षिणम्
947	1015021a	ततो दशरथः प्राप्य पायसं देवनिर्मितम्
948	1015021c	बभूव परमप्रीतः प्राप्य वित्तमिवाधनः
949	1015022a	ततस्तदद्भुतप्रख्यं भूतं परमभास्वरम्
950	1015022c	संवर्तयित्वा तत्कर्म तत्रैवान्तरधीयत
951	1015023a	हर्षरश्मिभिरुद्योतं तस्यान्तःपुरमाबभौ
952	1015023c	शारदस्याभिरामस्य चन्द्रस्येव नभोंऽशुभिः
953	1015024a	सोऽन्तःपुरं प्रविश्यैव कौसल्यामिदमब्रवीत्
954	1015024c	पायसं प्रतिगृह्णीष्व पुत्रीयं त्विदमात्मनः
955	1015025a	कौसल्यायै नरपतिः पायसार्धं ददौ तदा
956	1015025c	अर्धादर्धं ददौ चापि सुमित्रायै नराधिपः
957	1015026a	कैकेय्यै चावशिष्टार्धं ददौ पुत्रार्थकारणात्
958	1015026c	प्रददौ चावशिष्टार्धं पायसस्यामृतोपमम्
959	1015027a	अनुचिन्त्य सुमित्रायै पुनरेव महीपतिः
960	1015027c	एवं तासां ददौ राजा भार्याणां पायसं पृथक्
961	1015028a	तास्त्वेतत्पायसं प्राप्य नरेन्द्रस्योत्तमाः स्त्रियः
962	1015028c	संमानं मेनिरे सर्वाः प्रहर्षोदितचेतसः
963	1016001a	पुत्रत्वं तु गते विष्णौ राज्ञस्तस्य महात्मनः
964	1016001c	उवाच देवताः सर्वाः स्वयम्भूर्भगवानिदम्
965	1016002a	सत्यसंधस्य वीरस्य सर्वेषां नो हितैषिणः
966	1016002c	विष्णोः सहायान्बलिनः सृजध्वं कामरूपिणः
967	1016003a	मायाविदश्च शूरांश्च वायुवेगसमाञ्जवे
968	1016003c	नयज्ञान्बुद्धिसंपन्नान्विष्णुतुल्यपराक्रमान्
969	1016004a	असंहार्यानुपायज्ञान्दिव्यसंहननान्वितान्
970	1016004c	सर्वास्त्रगुणसंपन्नानमृतप्राशनानिव
971	1016005a	अप्सरःसु च मुख्यासु गन्धर्वीणां तनूषु च
972	1016005c	यक्षपन्नगकन्यासु ऋष्कविद्याधरीषु च
973	1016006a	किंनरीणां च गात्रेषु वानरीणां तनूषु च
974	1016006c	सृजध्वं हरिरूपेण पुत्रांस्तुल्यपराक्रमान्
975	1016007a	ते तथोक्ता भगवता तत्प्रतिश्रुत्य शासनम्
976	1016007c	जनयामासुरेवं ते पुत्रान्वानररूपिणः
977	1016008a	ऋषयश्च महात्मानः सिद्धविद्याधरोरगाः
978	1016008c	चारणाश्च सुतान्वीरान्ससृजुर्वनचारिणः
979	1016009a	ते सृष्टा बहुसाहस्रा दशग्रीववधोद्यताः
980	1016009c	अप्रमेयबला वीरा विक्रान्ताः कामरूपिणः
981	1016010a	ते गजाचलसंकाशा वपुष्मन्तो महाबलाः
982	1016010c	ऋक्षवानरगोपुच्छाः क्षिप्रमेवाभिजज्ञिरे
983	1016011a	यस्य देवस्य यद्रूपं वेषो यश्च पराक्रमः
984	1016011c	अजायत समस्तेन तस्य तस्य सुतः पृथक्
985	1016012a	गोलाङ्गूलीषु चोत्पन्नाः केचित्संमतविक्रमाः
986	1016012c	ऋक्षीषु च तथा जाता वानराः किंनरीषु च
987	1016013a	शिलाप्रहरणाः सर्वे सर्वे पादपयोधिनः
988	1016013c	नखदंष्ट्रायुधाः सर्वे सर्वे सर्वास्त्रकोविदाः
989	1016014a	विचालयेयुः शैलेन्द्रान्भेदयेयुः स्थिरान्द्रुमान्
990	1016014c	क्षोभयेयुश्च वेगेन समुद्रं सरितां पतिम्
991	1016015a	दारयेयुः क्षितिं पद्भ्यामाप्लवेयुर्महार्णवम्
992	1016015c	नभस्तलं विशेयुश्च गृह्णीयुरपि तोयदान्
993	1016016a	गृह्णीयुरपि मातङ्गान्मत्तान्प्रव्रजतो वने
994	1016016c	नर्दमानांश्च नादेन पातयेयुर्विहंगमान्
995	1016017a	ईदृशानां प्रसूतानि हरीणां कामरूपिणाम्
996	1016017c	शतं शतसहस्राणि यूथपानां महात्मनाम्
997	1016017e	बभूवुर्यूथपश्रेष्ठा वीरांश्चाजनयन्हरीन्
998	1016018a	अन्ये ऋक्षवतः प्रस्थानुपतस्थुः सहस्रशः
999	1016018c	अन्ये नानाविधाञ्शैलान्काननानि च भेजिरे
1000	1016019a	सूर्यपुत्रं च सुग्रीवं शक्रपुत्रं च वालिनम्
1001	1016019c	भ्रातरावुपतस्थुस्ते सर्व एव हरीश्वराः
1002	1016020a	तैर्मेघवृन्दाचलतुल्यकायै;र्महाबलैर्वानरयूथपालैः
1003	1016020c	बभूव भूर्भीमशरीररूपैः; समावृता रामसहायहेतोः
1004	1017001a	निर्वृत्ते तु क्रतौ तस्मिन्हयमेधे महात्मनः
1005	1017001c	प्रतिगृह्य सुरा भागान्प्रतिजग्मुर्यथागतम्
1006	1017002a	समाप्तदीक्षानियमः पत्नीगणसमन्वितः
1007	1017002c	प्रविवेश पुरीं राजा सभृत्यबलवाहनः
1008	1017003a	यथार्हं पूजितास्तेन राज्ञा वै पृथिवीश्वराः
1009	1017003c	मुदिताः प्रययुर्देशान्प्रणम्य मुनिपुंगवम्
1010	1017004a	गतेषु पृथिवीशेषु राजा दशरथः पुनः
1011	1017004c	प्रविवेश पुरीं श्रीमान्पुरस्कृत्य द्विजोत्तमान्
1012	1017005a	शान्तया प्रययौ सार्धमृष्यशृङ्गः सुपूजितः
1013	1017005c	अन्वीयमानो राज्ञाथ सानुयात्रेण धीमता
1014	1017006a	कौसल्याजनयद्रामं दिव्यलक्षणसंयुतम्
1015	1017006c	विष्णोरर्धं महाभागं पुत्रमिक्ष्वाकुनन्दनम्
1016	1017007a	कौसल्या शुशुभे तेन पुत्रेणामिततेजसा
1017	1017007c	यथा वरेण देवानामदितिर्वज्रपाणिना
1018	1017008a	भरतो नाम कैकेय्यां जज्ञे सत्यपराक्रमः
1019	1017008c	साक्षाद्विष्णोश्चतुर्भागः सर्वैः समुदितो गुणैः
1020	1017009a	अथ लक्ष्मणशत्रुघ्नौ सुमित्राजनयत्सुतौ
1021	1017009c	वीरौ सर्वास्त्रकुशलौ विष्णोरर्धसमन्वितौ
1022	1017010a	राज्ञः पुत्रा महात्मानश्चत्वारो जज्ञिरे पृथक्
1023	1017010c	गुणवन्तोऽनुरूपाश्च रुच्या प्रोष्ठपदोपमाः
1024	1017011a	अतीत्यैकादशाहं तु नाम कर्म तथाकरोत्
1025	1017011c	ज्येष्ठं रामं महात्मानं भरतं कैकयीसुतम्
1026	1017012a	सौमित्रिं लक्ष्मणमिति शत्रुघ्नमपरं तथा
1027	1017012c	वसिष्ठः परमप्रीतो नामानि कृतवांस्तदा
1028	1017012e	तेषां जन्मक्रियादीनि सर्वकर्माण्यकारयत्
1029	1017013a	तेषां केतुरिव ज्येष्ठो रामो रतिकरः पितुः
1030	1017013c	बभूव भूयो भूतानां स्वयम्भूरिव संमतः
1031	1017014a	सर्वे वेदविदः शूराः सर्वे लोकहिते रताः
1032	1017014c	सर्वे ज्ञानोपसंपन्नाः सर्वे समुदिता गुणैः
1033	1017015a	तेषामपि महातेजा रामः सत्यपराक्रमः
1034	1017015c	बाल्यात्प्रभृति सुस्निग्धो लक्ष्मणो लक्ष्मिवर्धनः
1035	1017016a	रामस्य लोकरामस्य भ्रातुर्ज्येष्ठस्य नित्यशः
1036	1017016c	सर्वप्रियकरस्तस्य रामस्यापि शरीरतः
1037	1017017a	लक्ष्मणो लक्ष्मिसंपन्नो बहिःप्राण इवापरः
1038	1017017c	न च तेन विना निद्रां लभते पुरुषोत्तमः
1039	1017017e	मृष्टमन्नमुपानीतमश्नाति न हि तं विना
1040	1017018a	यदा हि हयमारूढो मृगयां याति राघवः
1041	1017018c	तदैनं पृष्ठतोऽभ्येति सधनुः परिपालयन्
1042	1017019a	भरतस्यापि शत्रुघ्नो लक्ष्मणावरजो हि सः
1043	1017019c	प्राणैः प्रियतरो नित्यं तस्य चासीत्तथा प्रियः
1044	1017020a	स चतुर्भिर्महाभागैः पुत्रैर्दशरथः प्रियैः
1045	1017020c	बभूव परमप्रीतो देवैरिव पितामहः
1046	1017021a	ते यदा ज्ञानसंपन्नाः सर्वे समुदिता गुणैः
1047	1017021c	ह्रीमन्तः कीर्तिमन्तश्च सर्वज्ञा दीर्घदर्शिनः
1048	1017022a	अथ राजा दशरथस्तेषां दारक्रियां प्रति
1049	1017022c	चिन्तयामास धर्मात्मा सोपाध्यायः सबान्धवः
1050	1017023a	तस्य चिन्तयमानस्य मन्त्रिमध्ये महात्मनः
1051	1017023c	अभ्यागच्छन्महातेजो विश्वामित्रो महामुनिः
1052	1017024a	स राज्ञो दर्शनाकाङ्क्षी द्वाराध्यक्षानुवाच ह
1053	1017024c	शीघ्रमाख्यात मां प्राप्तं कौशिकं गाधिनः सुतम्
1054	1017025a	तच्छ्रुत्वा वचनं तस्य राजवेश्म प्रदुद्रुवुः
1055	1017025c	संभ्रान्तमनसः सर्वे तेन वाक्येन चोदिताः
1056	1017026a	ते गत्वा राजभवनं विश्वामित्रमृषिं तदा
1057	1017026c	प्राप्तमावेदयामासुर्नृपायेक्ष्वाकवे तदा
1058	1017027a	तेषां तद्वचनं श्रुत्वा सपुरोधाः समाहितः
1059	1017027c	प्रत्युज्जगाम संहृष्टो ब्रह्माणमिव वासवः
1060	1017028a	स दृष्ट्वा ज्वलितं दीप्त्या तापसं संशितव्रतम्
1061	1017028c	प्रहृष्टवदनो राजा ततोऽर्घ्यमुपहारयत्
1062	1017029a	स राज्ञः प्रतिगृह्यार्घ्यं शास्त्रदृष्ट्तेन कर्मणा
1063	1017029c	कुशलं चाव्ययं चैव पर्यपृच्छन्नराधिपम्
1064	1017030a	वसिष्ठं च समागम्य कुशलं मुनिपुंगवः
1065	1017030c	ऋषींश्च तान्यथा न्यायं महाभागानुवाच ह
1066	1017031a	ते सर्वे हृष्टमनसस्तस्य राज्ञो निवेशनम्
1067	1017031c	विविशुः पूजितास्तत्र निषेदुश्च यथार्थतः
1068	1017032a	अथ हृष्टमना राजा विश्वामित्रं महामुनिम्
1069	1017032c	उवाच परमोदारो हृष्टस्तमभिपूजयन्
1070	1017033a	यथामृतस्य संप्राप्तिर्यथा वर्षमनूदके
1071	1017033c	यथा सदृशदारेषु पुत्रजन्माप्रजस्य च
1072	1017033e	प्रनष्टस्य यथा लाभो यथा हर्षो महोदये
1073	1017033g	तथैवागमनं मन्ये स्वागतं ते महामुने
1074	1017034a	कं च ते परमं कामं करोमि किमु हर्षितः
1075	1017034c	पात्रभूतोऽसि मे विप्र दिष्ट्या प्राप्तोऽसि धार्मिक
1076	1017034e	अद्य मे सफलं जन्म जीवितं च सुजीवितम्
1077	1017035a	पूर्वं राजर्षिशब्देन तपसा द्योतितप्रभः
1078	1017035c	ब्रह्मर्षित्वमनुप्राप्तः पूज्योऽसि बहुधा मया
1079	1017036a	तदद्भुतमिदं विप्र पवित्रं परमं मम
1080	1017036c	शुभक्षेत्रगतश्चाहं तव संदर्शनात्प्रभो
1081	1017037a	ब्रूहि यत्प्रार्थितं तुभ्यं कार्यमागमनं प्रति
1082	1017037c	इच्छाम्यनुगृहीतोऽहं त्वदर्थपरिवृद्धये
1083	1017038a	कार्यस्य न विमर्शं च गन्तुमर्हसि कौशिक
1084	1017038c	कर्ता चाहमशेषेण दैवतं हि भवान्मम
1085	1017039a	इति हृदयसुखं निशम्य वाक्यं; श्रुतिसुखमात्मवता विनीतमुक्तम्
1086	1017039c	प्रथितगुणयशा गुणैर्विशिष्टः; परम ऋषिः परमं जगाम हर्षम्
1087	1018001a	तच्छ्रुत्वा राजसिंहस्य वाक्यमद्भुतविस्तरम्
1088	1018001c	हृष्टरोमा महातेजा विश्वामित्रोऽभ्यभाषत
1089	1018002a	सदृशं राजशार्दूल तवैतद्भुवि नान्यतः
1090	1018002c	महावंशप्रसूतस्य वसिष्ठव्यपदेशिनः
1091	1018003a	यत्तु मे हृद्गतं वाक्यं तस्य कार्यस्य निश्चयम्
1092	1018003c	कुरुष्व राजशार्दूल भव सत्यप्रतिश्रवः
1093	1018004a	अहं नियममातिष्ठ सिद्ध्यर्थं पुरुषर्षभ
1094	1018004c	तस्य विघ्नकरौ द्वौ तु राक्षसौ कामरूपिणौ
1095	1018005a	व्रते मे बहुशश्चीर्णे समाप्त्यां राक्षसाविमौ
1096	1018005c	मारीचश्च सुबाहुश्च वीर्यवन्तौ सुशिक्षितौ
1097	1018005e	तौ मांसरुधिरौघेण वेदिं तामभ्यवर्षताम्
1098	1018006a	अवधूते तथा भूते तस्मिन्नियमनिश्चये
1099	1018006c	कृतश्रमो निरुत्साहस्तस्माद्देशादपाक्रमे
1100	1018007a	न च मे क्रोधमुत्स्रष्टुं बुद्धिर्भवति पार्थिव
1101	1018007c	तथाभूता हि सा चर्या न शापस्तत्र मुच्यते
1102	1018008a	स्वपुत्रं राजशार्दूल रामं सत्यपराक्रमम्
1103	1018008c	काकपक्षधरं शूरं ज्येष्ठं मे दातुमर्हसि
1104	1018009a	शक्तो ह्येष मया गुप्तो दिव्येन स्वेन तेजसा
1105	1018009c	राक्षसा ये विकर्तारस्तेषामपि विनाशने
1106	1018010a	श्रेयश्चास्मै प्रदास्यामि बहुरूपं न संशयः
1107	1018010c	त्रयाणामपि लोकानां येन ख्यातिं गमिष्यति
1108	1018011a	न च तौ राममासाद्य शक्तौ स्थातुं कथंचन
1109	1018011c	न च तौ राघवादन्यो हन्तुमुत्सहते पुमान्
1110	1018012a	वीर्योत्सिक्तौ हि तौ पापौ कालपाशवशं गतौ
1111	1018012c	रामस्य राजशार्दूल न पर्याप्तौ महात्मनः
1112	1018013a	न च पुत्रकृतं स्नेहं कर्तुमर्हसि पार्थिव
1113	1018013c	अहं ते प्रतिजानामि हतौ तौ विद्धि राक्षसौ
1114	1018014a	अहं वेद्मि महात्मानं रामं सत्यपराक्रमम्
1115	1018014c	वसिष्ठोऽपि महातेजा ये चेमे तपसि स्थिताः
1116	1018015a	यदि ते धर्मलाभं च यशश्च परमं भुवि
1117	1018015c	स्थिरमिच्छसि राजेन्द्र रामं मे दातुमर्हसि
1118	1018016a	यद्यभ्यनुज्ञां काकुत्स्थ ददते तव मन्त्रिणः
1119	1018016c	वसिष्ठ प्रमुखाः सर्वे ततो रामं विसर्जय
1120	1018017a	अभिप्रेतमसंसक्तमात्मजं दातुमर्हसि
1121	1018017c	दशरात्रं हि यज्ञस्य रामं राजीवलोचनम्
1122	1018018a	नात्येति कालो यज्ञस्य यथायं मम राघव
1123	1018018c	तथा कुरुष्व भद्रं ते मा च शोके मनः कृथाः
1124	1018019a	इत्येवमुक्त्वा धर्मात्मा धर्मार्थसहितं वचः
1125	1018019c	विरराम महातेजा विश्वामित्रो महामुनिः
1126	1018020a	इति हृदयमनोविदारणं; मुनिवचनं तदतीव शुश्रुवान्
1127	1018020c	नरपतिरगमद्भयं मह;द्व्यथितमनाः प्रचचाल चासनात्
1128	1019001a	तच्छ्रुत्वा राजशार्दूल विश्वामित्रस्य भाषितम्
1129	1019001c	मुहूर्तमिव निःसंज्ञः संज्ञावानिदमब्रवीत्
1130	1019002a	ऊनषोडशवर्षो मे रामो राजीवलोचनः
1131	1019002c	न युद्धयोग्यतामस्य पश्यामि सह राक्षसैः
1132	1019003a	इयमक्षौहिणी पूर्णा यस्याहं पतिरीश्वरः
1133	1019003c	अनया संवृतो गत्वा योधाहं तैर्निशाचरैः
1134	1019004a	इमे शूराश्च विक्रान्ता भृत्या मेऽस्त्रविशारदाः
1135	1019004c	योग्या रक्षोगणैर्योद्धुं न रामं नेतुमर्हसि
1136	1019005a	अहमेव धनुष्पाणिर्गोप्ता समरमूर्धनि
1137	1019005c	यावत्प्राणान्धरिष्यामि तावद्योत्स्ये निशाचरैः
1138	1019006a	निर्विघ्ना व्रतचर्या सा भविष्यति सुरक्षिता
1139	1019006c	अहं तत्र गमिष्यामि न राम नेतुमर्हसि
1140	1019007a	बालो ह्यकृतविद्यश्च न च वेत्ति बलाबलम्
1141	1019007c	न चास्त्रबलसंयुक्तो न च युद्धविशारदः
1142	1019007e	न चासौ रक्षसां योग्यः कूटयुद्धा हि ते ध्रुवम्
1143	1019008a	विप्रयुक्तो हि रामेण मुहूर्तमपि नोत्सहे
1144	1019008c	जीवितुं मुनिशार्दूल न रामं नेतुमर्हसि
1145	1019009a	यदि वा राघवं ब्रह्मन्नेतुमिच्छसि सुव्रत
1146	1019009c	चतुरङ्गसमायुक्तं मया सह च तं नय
1147	1019010a	षष्टिर्वर्षसहस्राणि जातस्य मम कौशिक
1148	1019010c	दुःखेनोत्पादितश्चायं न रामं नेतुमर्हसि
1149	1019011a	चतुर्णामात्मजानां हि प्रीतिः परमिका मम
1150	1019011c	ज्येष्ठं धर्मप्रधानं च न रामं नेतुमर्हसि
1151	1019012a	किं वीर्या राक्षसास्ते च कस्य पुत्राश्च के च ते
1152	1019012c	कथं प्रमाणाः के चैतान्रक्षन्ति मुनिपुंगव
1153	1019013a	कथं च प्रतिकर्तव्यं तेषां रामेण रक्षसाम्
1154	1019013c	मामकैर्वा बलैर्ब्रह्मन्मया वा कूटयोधिनाम्
1155	1019014a	सर्वं मे शंस भगवन्कथं तेषां मया रणे
1156	1019014c	स्थातव्यं दुष्टभावानां वीर्योत्सिक्ता हि राक्षसाः
1157	1019015a	तस्य तद्वचनं श्रुत्वा विश्वामित्रोऽभ्यभाषत
1158	1019015c	पौलस्त्यवंशप्रभवो रावणो नाम राक्षसः
1159	1019016a	स ब्रह्मणा दत्तवरस्त्रैलोक्यं बाधते भृशम्
1160	1019016c	महाबलो महावीर्यो राक्षसैर्बहुभिर्वृतः
1161	1019017a	श्रूयते हि महावीर्यो रावणो राक्षसाधिपः
1162	1019017c	साक्षाद्वैश्रवणभ्राता पुत्रो विश्रवसो मुनेः
1163	1019018a	यदा स्वयं न यज्ञस्य विघ्नकर्ता महाबलः
1164	1019018c	तेन संचोदितौ तौ तु राक्षसौ सुमहा बलौ
1165	1019018e	मारीचश्च सुबाहुश्च यज्ञविघ्नं करिष्यतः
1166	1019019a	इत्युक्तो मुनिना तेन राजोवाच मुनिं तदा
1167	1019019c	न हि शक्तोऽस्मि संग्रामे स्थातुं तस्य दुरात्मनः
1168	1019020a	स त्वं प्रसादं धर्मज्ञ कुरुष्व मम पुत्रके
1169	1019020c	देवदानवगन्धर्वा यक्षाः पतग पन्नगाः
1170	1019021a	न शक्ता रावणं सोढुं किं पुनर्मानवा युधि
1171	1019021c	स हि वीर्यवतां वीर्यमादत्ते युधि राक्षसः
1172	1019022a	तेन चाहं न शक्तोऽस्मि संयोद्धुं तस्य वा बलैः
1173	1019022c	सबलो वा मुनिश्रेष्ठ सहितो वा ममात्मजैः
1174	1019023a	कथमप्यमरप्रख्यं संग्रामाणामकोविदम्
1175	1019023c	बालं मे तनयं ब्रह्मन्नैव दास्यामि पुत्रकम्
1176	1019024a	अथ कालोपमौ युद्धे सुतौ सुन्दोपसुन्दयोः
1177	1019024c	यज्ञविघ्नकरौ तौ ते नैव दास्यामि पुत्रकम्
1178	1019025a	मारीचश्च सुबाहुश्च वीर्यवन्तौ सुशिक्षितौ
1179	1019025c	तयोरन्यतरेणाहं योद्धा स्यां ससुहृद्गणः
1180	1020001a	तच्छ्रुत्वा वचनं तस्य स्नेहपर्याकुलाक्षरम्
1181	1020001c	समन्युः कौशिको वाक्यं प्रत्युवच महीपतिम्
1182	1020002a	पूर्वमर्थं प्रतिश्रुत्य प्रतिज्ञां हातुमिच्छसि
1183	1020002c	रागवाणामयुक्तोऽयं कुलस्यास्य विपर्ययः
1184	1020003a	यदिदं ते क्षमं राजन्गमिष्यामि यथागतम्
1185	1020003c	मिथ्याप्रतिज्ञः काकुत्स्थ सुखी भव सबान्धवः
1186	1020004a	तस्य रोषपरीतस्य विश्वामित्रस्य धीमतः
1187	1020004c	चचाल वसुधा कृत्स्ना विवेश च भयं सुरान्
1188	1020005a	त्रस्तरूपं तु विज्ञाय जगत्सर्वं महानृषिः
1189	1020005c	नृपतिं सुव्रतो धीरो वसिष्ठो वाक्यमब्रवीत्
1190	1020006a	इक्ष्वाकूणां कुले जातः साक्षाद्धर्म इवापरः
1191	1020006c	धृतिमान्सुव्रतः श्रीमान्न धर्मं हातुमर्हसि
1192	1020007a	त्रिषु लोकेषु विख्यातो धर्मात्मा इति राघवः
1193	1020007c	स्वधर्मं प्रतिपद्यस्व नाधर्मं वोढुमर्हसि
1194	1020008a	संश्रुत्यैवं करिष्यामीत्यकुर्वाणस्य राघव
1195	1020008c	इष्टापूर्तवधो भूयात्तस्माद्रामं विसर्जय
1196	1020009a	कृतास्त्रमकृतास्त्रं वा नैनं शक्ष्यन्ति राक्षसाः
1197	1020009c	गुप्तं कुशिकपुत्रेण ज्वलनेनामृतं यथा
1198	1020010a	एष विग्रहवान्धर्म एष वीर्यवतां वरः
1199	1020010c	एष बुद्ध्याधिको लोके तपसश्च परायणम्
1200	1020011a	एषोऽस्त्रान्विविधान्वेत्ति त्रैलोक्ये सचराचरे
1201	1020011c	नैनमन्यः पुमान्वेत्ति न च वेत्स्यन्ति केचन
1202	1020012a	न देवा नर्षयः केचिन्नासुरा न च राक्षसाः
1203	1020012c	गन्धर्वयक्षप्रवराः सकिंनरमहोरगाः
1204	1020013a	सर्वास्त्राणि कृशाश्वस्य पुत्राः परमधार्मिकाः
1205	1020013c	कौशिकाय पुरा दत्ता यदा राज्यं प्रशासति
1206	1020014a	तेऽपि पुत्राः कृशाश्वस्य प्रजापतिसुतासुताः
1207	1020014c	नकरूपा महावीर्या दीप्तिमन्तो जयावहाः
1208	1020015a	जया च सुप्रभा चैव दक्षकन्ये सुमध्यमे
1209	1020015c	ते सुवातेऽस्त्रशस्त्राणि शतं परम भास्वरम्
1210	1020016a	पञ्चाशतं सुताँल्लेभे जया नाम वरान्पुरा
1211	1020016c	वधायासुरसैन्यानाममेयान्कामरूपिणः
1212	1020017a	सुप्रभाजनयच्चापि पुत्रान्पञ्चाशतं पुनः
1213	1020017c	संहारान्नाम दुर्धर्षान्दुराक्रामान्बलीयसः
1214	1020018a	तानि चास्त्राणि वेत्त्येष यथावत्कुशिकात्मजः
1215	1020018c	अपूर्वाणां च जनने शक्तो भूयश्च धर्मवित्
1216	1020019a	एवं वीर्यो महातेजा विश्वामित्रो महातपाः
1217	1020019c	न रामगमने राजन्संशयं गन्तुमर्हसि
1218	1021001a	तथा वसिष्ठे ब्रुवति राजा दशरथः सुतम्
1219	1021001c	प्रहृष्टवदनो राममाजुहाव सलक्ष्मणम्
1220	1021002a	कृतस्वस्त्ययनं मात्रा पित्रा दशरथेन च
1221	1021002c	पुरोधसा वसिष्ठेन मङ्गलैरभिमन्त्रितम्
1222	1021003a	स पुत्रं मूर्ध्न्युपाघ्राय राजा दशरथः प्रियम्
1223	1021003c	ददौ कुशिकपुत्राय सुप्रीतेनान्तरात्मना
1224	1021004a	ततो वायुः सुखस्पर्शो विरजस्को ववौ तदा
1225	1021004c	विश्वामित्रगतं रामं दृष्ट्वा राजीवलोचनम्
1226	1021005a	पुष्पवृष्टिर्महत्यासीद्देवदुन्दुभिनिस्वनः
1227	1021005c	शङ्खदुन्दुभिनिर्घोषः प्रयाते तु महात्मनि
1228	1021006a	विश्वामित्रो ययावग्रे ततो रामो महायशाः
1229	1021006c	काकपक्षधरो धन्वी तं च सौमित्रिरन्वगात्
1230	1021007a	कलापिनौ धनुष्पाणी शोभयानौ दिशो दश
1231	1021007c	विश्वामित्रं महात्मानं त्रिशीर्षाविव पन्नगौ
1232	1021007e	अनुजग्मतुरक्षुद्रौ पितामहमिवाश्विनौ
1233	1021008a	बद्धगोधाङ्गुलित्राणौ खड्गवन्तौ महाद्युती
1234	1021008c	स्थाणुं देवमिवाचिन्त्यं कुमाराविव पावकी
1235	1021009a	अध्यर्धयोजनं गत्वा सरय्वा दक्षिणे तटे
1236	1021009c	रामेति मधुरा वाणीं विश्वामित्रोऽभ्यभाषत
1237	1021010a	गृहाण वत्स सलिलं मा भूत्कालस्य पर्ययः
1238	1021010c	मन्त्रग्रामं गृहाण त्वं बलामतिबलां तथा
1239	1021011a	न श्रमो न ज्वरो वा ते न रूपस्य विपर्ययः
1240	1021011c	न च सुप्तं प्रमत्तं वा धर्षयिष्यन्ति नैरृताः
1241	1021012a	न बाह्वोः सदृशो वीर्ये पृथिव्यामस्ति कश्चन
1242	1021012c	त्रिषु लोकेषु वा राम न भवेत्सदृशस्तव
1243	1021013a	न सौभाग्ये न दाक्षिण्ये न ज्ञाने बुद्धिनिश्चये
1244	1021013c	नोत्तरे प्रतिपत्तव्यो समो लोके तवानघ
1245	1021014a	एतद्विद्याद्वये लब्धे भविता नास्ति ते समः
1246	1021014c	बला चातिबला चैव सर्वज्ञानस्य मातरौ
1247	1021015a	क्षुत्पिपासे न ते राम भविष्येते नरोत्तम
1248	1021015c	बलामतिबलां चैव पठतः पथि राघव
1249	1021015e	विद्याद्वयमधीयाने यशश्चाप्यतुलं भुवि
1250	1021016a	पितामहसुते ह्येते विद्ये तेजःसमन्विते
1251	1021016c	प्रदातुं तव काकुत्स्थ सदृशस्त्वं हि धार्मिक
1252	1021017a	कामं बहुगुणाः सर्वे त्वय्येते नात्र संशयः
1253	1021017c	तपसा संभृते चैते बहुरूपे भविष्यतः
1254	1021018a	ततो रामो जलं स्पृष्ट्वा प्रहृष्टवदनः शुचिः
1255	1021018c	प्रतिजग्राह ते विद्ये महर्षेर्भावितात्मनः
1256	1021018e	विद्यासमुदितो रामः शुशुभे भूरिविक्रमः
1257	1021019a	गुरुकार्याणि सर्वाणि नियुज्य कुशिकात्मजे
1258	1021019c	ऊषुस्तां रजनीं तत्र सरय्वां सुसुखं त्रयः
1259	1022001a	प्रभातायां तु शर्वर्यां विश्वामित्रो महामुनिः
1260	1022001c	अभ्यभाषत काकुत्स्थं शयानं पर्णसंस्तरे
1261	1022002a	कौसल्या सुप्रजा राम पूर्वा संध्या प्रवर्तते
1262	1022002c	उत्तिष्ठ नरशार्दूल कर्तव्यं दैवमाह्निकम्
1263	1022003a	तस्यर्षेः परमोदारं वचः श्रुत्वा नृपात्मजौ
1264	1022003c	स्नात्वा कृतोदकौ वीरौ जेपतुः परमं जपम्
1265	1022004a	कृताह्निकौ महावीर्यौ विश्वामित्रं तपोधनम्
1266	1022004c	अभिवाद्याभिसंहृष्टौ गमनायोपतस्थतुः
1267	1022005a	तौ प्रयाते महावीर्यौ दिव्यं त्रिपथगां नदीम्
1268	1022005c	ददृशाते ततस्तत्र सरय्वाः संगमे शुभे
1269	1022006a	तत्राश्रमपदं पुण्यमृषीणामुग्रतेजसाम्
1270	1022006c	बहुवर्षसहस्राणि तप्यतां परमं तपः
1271	1022007a	तं दृष्ट्वा परमप्रीतौ राघवौ पुण्यमाश्रमम्
1272	1022007c	ऊचतुस्तं महात्मानं विश्वामित्रमिदं वचः
1273	1022008a	कस्यायमाश्रमः पुण्यः को न्वस्मिन्वसते पुमान्
1274	1022008c	भगवञ्श्रोतुमिच्छावः परं कौतूहलं हि नौ
1275	1022009a	तयोस्तद्वचनं श्रुत्वा प्रहस्य मुनिपुंगवः
1276	1022009c	अब्रवीच्छ्रूयतां राम यस्यायं पूर्व आश्रमः
1277	1022010a	कन्दर्पो मूर्तिमानासीत्काम इत्युच्यते बुधैः
1278	1022011a	तपस्यन्तमिह स्थाणुं नियमेन समाहितम्
1279	1022011c	कृतोद्वाहं तु देवेशं गच्छन्तं समरुद्गणम्
1280	1022011e	धर्षयामास दुर्मेधा हुंकृतश्च महात्मना
1281	1022012a	दग्धस्य तस्य रौद्रेण चक्षुषा रघुनन्दन
1282	1022012c	व्यशीर्यन्त शरीरात्स्वात्सर्वगात्राणि दुर्मतेः
1283	1022013a	तस्य गात्रं हतं तत्र निर्दग्धस्य महात्मना
1284	1022013c	अशरीरः कृतः कामः क्रोधाद्देवेश्वरेण ह
1285	1022014a	अनङ्ग इति विख्यातस्तदा प्रभृति राघव
1286	1022014c	स चाङ्गविषयः श्रीमान्यत्राङ्गं स मुमोच ह
1287	1022015a	तस्यायमाश्रमः पुण्यस्तस्येमे मुनयः पुरा
1288	1022015c	शिष्या धर्मपरा वीर तेषां पापं न विद्यते
1289	1022016a	इहाद्य रजनीं राम वसेम शुभदर्शन
1290	1022016c	पुण्ययोः सरितोर्मध्ये श्वस्तरिष्यामहे वयम्
1291	1022017a	तेषां संवदतां तत्र तपो दीर्घेण चक्षुषा
1292	1022017c	विज्ञाय परमप्रीता मुनयो हर्षमागमन्
1293	1022018a	अर्घ्यं पाद्यं तथातिथ्यं निवेद्यकुशिकात्मजे
1294	1022018c	रामलक्ष्मणयोः पश्चादकुर्वन्नतिथिक्रियाम्
1295	1022019a	सत्कारं समनुप्राप्य कथाभिरभिरञ्जयन्
1296	1022019c	न्यवसन्सुसुखं तत्र कामाश्रमपदे तदा
1297	1023001a	ततः प्रभाते विमले कृताह्निकमरिंदमौ
1298	1023001c	विश्वामित्रं पुरस्कृत्य नद्यास्तीरमुपागतौ
1299	1023002a	ते च सर्वे महात्मानो मुनयः संशितव्रताः
1300	1023002c	उपस्थाप्य शुभां नावं विश्वामित्रमथाब्रुवन्
1301	1023003a	आरोहतु भवान्नावं राजपुत्रपुरस्कृतः
1302	1023003c	अरिष्टं गच्छ पन्थानं मा भूत्कालस्य पर्ययः
1303	1023004a	विश्वामित्रस्तथेत्युक्त्वा तानृषीनभिपूज्य च
1304	1023004c	ततार सहितस्ताभ्यां सरितं सागरं गमाम्
1305	1023005a	अथ रामः सरिन्मध्ये पप्रच्छ मुनिपुङ्गवम्
1306	1023005c	वारिणो भिद्यमानस्य किमयं तुमुलो ध्वनिः
1307	1023006a	राघवस्य वचः श्रुत्वा कौतूहल समन्वितम्
1308	1023006c	कथयामास धर्मात्मा तस्य शब्दस्य निश्चयम्
1309	1023007a	कैलासपर्वते राम मनसा निर्मितं सरः
1310	1023007c	ब्रह्मणा नरशार्दूल तेनेदं मानसं सरः
1311	1023008a	तस्मात्सुस्राव सरसः सायोध्यामुपगूहते
1312	1023008c	सरःप्रवृत्ता सरयूः पुण्या ब्रह्मसरश्च्युता
1313	1023009a	तस्यायमतुलः शब्दो जाह्नवीमभिवर्तते
1314	1023009c	वारिसंक्षोभजो राम प्रणामं नियतः कुरु
1315	1023010a	ताभ्यां तु तावुभौ कृत्वा प्रणाममतिधार्मिकौ
1316	1023010c	तीरं दक्षिणमासाद्य जग्मतुर्लघुविक्रमौ
1317	1023011a	स वनं घोरसंकाशं दृष्ट्वा नृपवरात्मजः
1318	1023011c	अविप्रहतमैक्ष्वाकः पप्रच्छ मुनिपुंगवम्
1319	1023012a	अहो वनमिदं दुर्गं झिल्लिकागणनादितम्
1320	1023012c	भैरवैः श्वापदैः कीर्णं शकुन्तैर्दारुणारवैः
1321	1023013a	नानाप्रकारैः शकुनैर्वाश्यद्भिर्भैरवस्वनैः
1322	1023013c	सिंहव्याघ्रवराहैश्च वारणैश्चापि शोभितम्
1323	1023014a	धवाश्वकर्णककुभैर्बिल्वतिन्दुकपाटलैः
1324	1023014c	संकीर्णं बदरीभिश्च किं न्विदं दारुणं वनम्
1325	1023015a	तमुवाच महातेजा विश्वामित्रो महामुनिः
1326	1023015c	श्रूयतां वत्स काकुत्स्थ यस्यैतद्दारुणं वनम्
1327	1023016a	एतौ जनपदौ स्फीतौ पूर्वमास्तां नरोत्तम
1328	1023016c	मलदाश्च करूषाश्च देवनिर्माण निर्मितौ
1329	1023017a	पुरा वृत्रवधे राम मलेन समभिप्लुतम्
1330	1023017c	क्षुधा चैव सहस्राक्षं ब्रह्महत्या यदाविशत्
1331	1023018a	तमिन्द्रं स्नापयन्देवा ऋषयश्च तपोधनाः
1332	1023018c	कलशैः स्नापयामासुर्मलं चास्य प्रमोचयन्
1333	1023019a	इह भूम्यां मलं दत्त्वा दत्त्वा कारुषमेव च
1334	1023019c	शरीरजं महेन्द्रस्य ततो हर्षं प्रपेदिरे
1335	1023020a	निर्मलो निष्करूषश्च शुचिरिन्द्रो यदाभवत्
1336	1023020c	ददौ देशस्य सुप्रीतो वरं प्रभुरनुत्तमम्
1337	1023021a	इमौ जनपदौ स्थीतौ ख्यातिं लोके गमिष्यतः
1338	1023021c	मलदाश्च करूषाश्च ममाङ्गमलधारिणौ
1339	1023022a	साधु साध्विति तं देवाः पाकशासनमब्रुवन्
1340	1023022c	देशस्य पूजां तां दृष्ट्वा कृतां शक्रेण धीमता
1341	1023023a	एतौ जनपदौ स्थीतौ दीर्घकालमरिंदम
1342	1023023c	मलदाश्च करूषाश्च मुदितौ धनधान्यतः
1343	1023024a	कस्यचित्त्वथ कालस्य यक्षी वै कामरूपिणी
1344	1023024c	बलं नागसहस्रस्य धारयन्ती तदा ह्यभूत्
1345	1023025a	ताटका नाम भद्रं ते भार्या सुन्दस्य धीमतः
1346	1023025c	मारीचो राक्षसः पुत्रो यस्याः शक्रपराक्रमः
1347	1023026a	इमौ जनपदौ नित्यं विनाशयति राघव
1348	1023026c	मलदांश्च करूषांश्च ताटका दुष्टचारिणी
1349	1023027a	सेयं पन्थानमावार्य वसत्यत्यर्धयोजने
1350	1023027c	अत एव च गन्तव्यं ताटकाया वनं यतः
1351	1023028a	स्वबाहुबलमाश्रित्य जहीमां दुष्टचारिणीम्
1352	1023028c	मन्नियोगादिमं देशं कुरु निष्कण्टकं पुनः
1353	1023029a	न हि कश्चिदिमं देशं शक्रोत्यागन्तुमीदृशम्
1354	1023029c	यक्षिण्या घोरया राम उत्सादितमसह्यया
1355	1023030a	एतत्ते सर्वमाख्यातं यथैतद्दरुणं वनम्
1356	1023030c	यक्ष्या चोत्सादितं सर्वमद्यापि न निवर्तते
1357	1024001a	अथ तस्याप्रमेयस्य मुनेर्वचनमुत्तमम्
1358	1024001c	श्रुत्वा पुरुषशार्दूलः प्रत्युवाच शुभां गिरम्
1359	1024002a	अल्पवीर्या यदा यक्षाः श्रूयन्ते मुनिपुंगव
1360	1024002c	कथं नागसहस्रस्य धारयत्यबला बलम्
1361	1024003a	विश्वामित्रोऽब्रवीद्वाक्यं शृणु येन बलोत्तरा
1362	1024003c	वरदानकृतं वीर्यं धारयत्यबला बलम्
1363	1024004a	पूर्वमासीन्महायक्षः सुकेतुर्नाम वीर्यवान्
1364	1024004c	अनपत्यः शुभाचारः स च तेपे महत्तपः
1365	1024005a	पितामहस्तु सुप्रीतस्तस्य यक्षपतेस्तदा
1366	1024005c	कन्यारत्नं ददौ राम ताटकां नाम नामतः
1367	1024006a	ददौ नागसहस्रस्य बलं चास्याः पितामहः
1368	1024006c	न त्वेव पुत्रं यक्षाय ददौ ब्रह्मा महायशाः
1369	1024007a	तां तु जातां विवर्धन्तीं रूपयौवनशालिनीम्
1370	1024007c	जम्भपुत्राय सुन्दाय ददौ भार्यां यशस्विनीम्
1371	1024008a	कस्यचित्त्वथ कालल्स्य यक्षी पुत्रं व्यजायत
1372	1024008c	मारीचं नाम दुर्धर्षं यः शापाद्राक्षसोऽभवत्
1373	1024009a	सुन्दे तु निहते राम अगस्त्यमृषिसत्तमम्
1374	1024009c	ताटका सह पुत्रेण प्रधर्षयितुमिच्छति
1375	1024010a	राक्षसत्वं भजस्वेति मारीचं व्याजहार सः
1376	1024010c	अगस्त्यः परमक्रुद्धस्ताटकामपि शप्तवान्
1377	1024011a	पुरुषादी महायक्षी विरूपा विकृतानना
1378	1024011c	इदं रूपमपहाय दारुणं रूपमस्तु ते
1379	1024012a	सैषा शापकृतामर्षा ताटका क्रोधमूर्छिता
1380	1024012c	देशमुत्सादयत्येनमगस्त्यचरितं शुभम्
1381	1024013a	एनां राघव दुर्वृत्तां यक्षीं परमदारुणाम्
1382	1024013c	गोब्राह्मणहितार्थाय जहि दुष्टपराक्रमाम्
1383	1024014a	न ह्येनां शापसंसृष्टां कश्चिदुत्सहते पुमान्
1384	1024014c	निहन्तुं त्रिषु लोकेषु त्वामृते रघुनन्दन
1385	1024015a	न हि ते स्त्रीवधकृते घृणा कार्या नरोत्तम
1386	1024015c	चातुर्वर्ण्यहितार्थाय कर्तव्यं राजसूनुना
1387	1024016a	राज्यभारनियुक्तानामेष धर्मः सनातनः
1388	1024016c	अधर्म्यां जहि काकुत्स्ह धर्मो ह्यस्या न विद्यते
1389	1024017a	श्रूयते हि पुरा शक्रो विरोचनसुतां नृप
1390	1024017c	पृथिवीं हन्तुमिच्छन्तीं मन्थरामभ्यसूदयत्
1391	1024018a	विष्णुना च पुरा राम भृगुपत्नी दृढव्रता
1392	1024018c	अनिन्द्रं लोकमिच्छन्ती काव्यमाता निषूदिता
1393	1024019a	एतैश्चान्यैश्च बहुभी राजपुत्रमहात्मभिः
1394	1024019c	अधर्मनिरता नार्यो हताः पुरुषसत्तमैः
1395	1025001a	मुनेर्वचनमक्लीबं श्रुत्वा नरवरात्मजः
1396	1025001c	राघवः प्राञ्जलिर्भूत्वा प्रत्युवाच दृढव्रतः
1397	1025002a	पितुर्वचननिर्देशात्पितुर्वचनगौरवात्
1398	1025002c	वचनं कौशिकस्येति कर्तव्यमविशङ्कया
1399	1025003a	अनुशिष्टोऽस्म्ययोध्यायां गुरुमध्ये महात्मना
1400	1025003c	पित्रा दशरथेनाहं नावज्ञेयं च तद्वचः
1401	1025004a	सोऽहं पितुर्वचः श्रुत्वा शासनाद्ब्रह्म वादिनः
1402	1025004c	करिष्यामि न संदेहस्ताटकावधमुत्तमम्
1403	1025005a	गोब्राह्मणहितार्थाय देशस्यास्य सुखाय च
1404	1025005c	तव चैवाप्रमेयस्य वचनं कर्तुमुद्यतः
1405	1025006a	एवमुक्त्वा धनुर्मध्ये बद्ध्वा मुष्टिमरिंदमः
1406	1025006c	ज्याशब्दमकरोत्तीव्रं दिशः शब्देन पूरयन्
1407	1025007a	तेन शब्देन वित्रस्तास्ताटका वनवासिनः
1408	1025007c	ताटका च सुसंक्रुद्धा तेन शब्देन मोहिता
1409	1025008a	तं शब्दमभिनिध्याय राक्षसी क्रोधमूर्छिता
1410	1025008c	श्रुत्वा चाभ्यद्रवद्वेगाद्यतः शब्दो विनिःसृतः
1411	1025009a	तां दृष्ट्वा राघवः क्रुद्धां विकृतां विकृताननाम्
1412	1025009c	प्रमाणेनातिवृद्धां च लक्ष्मणं सोऽभ्यभाषत
1413	1025010a	पश्य लक्ष्मण यक्षिण्या भैरवं दारुणं वपुः
1414	1025010c	भिद्येरन्दर्शनादस्या भीरूणां हृदयानि च
1415	1025011a	एनां पश्य दुराधर्षां माया बलसमन्विताम्
1416	1025011c	विनिवृत्तां करोम्यद्य हृतकर्णाग्रनासिकाम्
1417	1025012a	न ह्येनामुत्सहे हन्तुं स्त्रीस्वभावेन रक्षिताम्
1418	1025012c	वीर्यं चास्या गतिं चापि हनिष्यामीति मे मतिः
1419	1025013a	एवं ब्रुवाणे रामे तु ताटका क्रोधमूर्छिता
1420	1025013c	उद्यम्य बाहू गर्जन्ती राममेवाभ्यधावत
1421	1025014a	तामापतन्तीं वेगेन विक्रान्तामशनीमिव
1422	1025014c	शरेणोरसि विव्याध सा पपात ममार च
1423	1025015a	तां हतां भीमसंकाशां दृष्ट्वा सुरपतिस्तदा
1424	1025015c	साधु साध्विति काकुत्स्थं सुराश्च समपूजयन्
1425	1025016a	उवाच परमप्रीतः सहस्राक्षः पुरंदरः
1426	1025016c	सुराश्च सर्वे संहृष्टा विश्वामित्रमथाब्रुवन्
1427	1025017a	मुने कौशिके भद्रं ते सेन्द्राः सर्वे मरुद्गणाः
1428	1025017c	तोषिताः कर्मणानेन स्नेहं दर्शय राघवे
1429	1025018a	प्रजापतेर्भृशाश्वस्य पुत्रान्सत्यपराक्रमान्
1430	1025018c	तपोबलभृतान्ब्रह्मन्राघवाय निवेदय
1431	1025019a	पात्रभूतश्च ते ब्रह्मंस्तवानुगमने धृतः
1432	1025019c	कर्तव्यं च महत्कर्म सुराणां राजसूनुना
1433	1025020a	एवमुक्त्वा सुराः सर्वे हृष्टा जग्मुर्यथागतम्
1434	1025020c	विश्वामित्रं पूजयित्वा ततः संध्या प्रवर्तते
1435	1025021a	ततो मुनिवरः प्रीतिस्ताटका वधतोषितः
1436	1025021c	मूर्ध्नि राममुपाघ्राय इदं वचनमब्रवीत्
1437	1025022a	इहाद्य रजनीं राम वसेम शुभदर्शन
1438	1025022c	श्वः प्रभाते गमिष्यामस्तदाश्रमपदं मम
1439	1026001a	अथ तां रजनीमुष्य विश्वामिरो महायशाः
1440	1026001c	प्रहस्य राघवं वाक्यमुवाच मधुराक्षरम्
1441	1026002a	पतितुष्टोऽस्मि भद्रं ते राजपुत्र महायशः
1442	1026002c	प्रीत्या परमया युक्तो ददाम्यस्त्राणि सर्वशः
1443	1026003a	देवासुरगणान्वापि सगन्धर्वोरगानपि
1444	1026003c	यैरमित्रान्प्रसह्याजौ वशीकृत्य जयिष्यसि
1445	1026004a	तानि दिव्यानि भद्रं ते ददाम्यस्त्राणि सर्वशः
1446	1026004c	दण्डचक्रं महद्दिव्यं तव दास्यामि राघव
1447	1026005a	धर्मचक्रं ततो वीर कालचक्रं तथैव च
1448	1026005c	विष्णुचक्रं तथात्युग्रमैन्द्रं चक्रं तथैव च
1449	1026006a	वज्रमस्त्रं नरश्रेष्ठ शैवं शूलवरं तथा
1450	1026006c	अस्त्रं ब्रह्मशिरश्चैव ऐषीकमपि राघव
1451	1026007a	ददामि ते महाबाहो ब्राह्ममस्त्रमनुत्तमम्
1452	1026007c	गदे द्वे चैव काकुत्स्थ मोदकी शिखरी उभे
1453	1026008a	प्रदीप्ते नरशार्दूल प्रयच्छामि नृपात्मज
1454	1026008c	धर्मपाशमहं राम कालपाशं तथैव च
1455	1026009a	वारुणं पाशमस्त्रं च ददान्यहमनुत्तमम्
1456	1026009c	अशनी द्वे प्रयच्छामि शुष्कार्द्रे रघुनन्दन
1457	1026010a	ददामि चास्त्रं पैनाकमस्त्रं नारायणं तथा
1458	1026010c	आग्नेयमस्त्र दयितं शिखरं नाम नामतः
1459	1026011a	वायव्यं प्रथमं नाम ददामि तव राघव
1460	1026011c	अस्त्रं हयशिरो नाम क्रौञ्चमस्त्रं तथैव च
1461	1026012a	शक्ति द्वयं च काकुत्स्थ ददामि तव चानघ
1462	1026012c	कङ्कालं मुसलं घोरं कापालमथ कङ्कणम्
1463	1026013a	धारयन्त्यसुरा यानि ददाम्येतानि सर्वशः
1464	1026013c	वैद्याधरं महास्त्रं च नन्दनं नाम नामतः
1465	1026014a	असिरत्नं महाबाहो ददामि नृवरात्मज
1466	1026014c	गान्धर्वमस्त्रं दयितं मानवं नाम नामतः
1467	1026015a	प्रस्वापनप्रशमने दद्मि सौरं च राघव
1468	1026015c	दर्पणं शोषणं चैव संतापनविलापने
1469	1026016a	मदनं चैव दुर्धर्षं कन्दर्पदयितं तथा
1470	1026016c	पैशाचमस्त्रं दयितं मोहनं नाम नामतः
1471	1026016e	प्रतीच्छ नरशार्दूल राजपुत्र महायशः
1472	1026017a	तामसं नरशार्दूल सौमनं च महाबलम्
1473	1026017c	संवर्तं चैव दुर्धर्षं मौसलं च नृपात्मज
1474	1026018a	सत्यमस्त्रं महाबाहो तथा मायाधरं परम्
1475	1026018c	घोरं तेजःप्रभं नाम परतेजोऽपकर्षणम्
1476	1026019a	सोमास्त्रं शिशिरं नाम त्वाष्ट्रमस्त्रं सुदामनम्
1477	1026019c	दारुणं च भगस्यापि शीतेषुमथ मानवम्
1478	1026020a	एतान्नाम महाबाहो कामरूपान्महाबलान्
1479	1026020c	गृहाण परमोदारान्क्षिप्रमेव नृपात्मज
1480	1026021a	स्थितस्तु प्राङ्मुखो भूत्वा शुचिर्निवरतस्तदा
1481	1026021c	ददौ रामाय सुप्रीतो मन्त्रग्राममनुत्तमम्
1482	1026022a	जपतस्तु मुनेस्तस्य विश्वामित्रस्य धीमतः
1483	1026022c	उपतस्थुर्महार्हाणि सर्वाण्यस्त्राणि राघवम्
1484	1026023a	ऊचुश्च मुदिता रामं सर्वे प्राञ्जलयस्तदा
1485	1026023c	इमे स्म परमोदार किंकरास्तव राघव
1486	1026024a	प्रतिगृह्य च काकुत्स्थः समालभ्य च पाणिना
1487	1026024c	मनसा मे भविष्यध्वमिति तान्यभ्यचोदयत्
1488	1026025a	ततः प्रीतमना रामो विश्वामित्रं महामुनिम्
1489	1026025c	अभिवाद्य महातेजा गमनायोपचक्रमे
1490	1027001a	प्रतिगृह्य ततोऽस्त्राणि प्रहृष्टवदनः शुचिः
1491	1027001c	गच्छन्नेव च काकुत्स्थो विश्वामित्रमथाब्रवीत्
1492	1027002a	गृहीतास्त्रोऽस्मि भगवन्दुराधर्षः सुरैरपि
1493	1027002c	अस्त्राणां त्वहमिच्छामि संहारं मुनिपुंगव
1494	1027003a	एवं ब्रुवति काकुत्स्थे विश्वामित्रो महामुनिः
1495	1027003c	संहारं व्याजहाराथ धृतिमान्सुव्रतः शुचिः
1496	1027004a	सत्यवन्तं सत्यकीर्तिं धृष्टं रभसमेव च
1497	1027004c	प्रतिहारतरं नाम पराङ्मुखमवाङ्मुखम्
1498	1027005a	लक्षाक्षविषमौ चैव दृढनाभसुनाभकौ
1499	1027005c	दशाक्षशतवक्त्रौ च दशशीर्षशतोदरौ
1500	1027006a	पद्मनाभमहानाभौ दुन्दुनाभसुनाभकौ
1501	1027006c	ज्योतिषं कृशनं चैव नैराश्य विमलावुभौ
1502	1027007a	यौगन्धरहरिद्रौ च दैत्यप्रमथनौ तथा
1503	1027007c	पित्र्यं सौमनसं चैव विधूतमकरावुभौ
1504	1027008a	करवीरकरं चैव धनधान्यौ च राघव
1505	1027008c	कामरूपं कामरुचिं मोहमावरणं तथा
1506	1027009a	जृम्भकं सर्वनाभं च सन्तानवरणौ तथा
1507	1027009c	भृशाश्वतनयान्राम भास्वरान्कामरूपिणः
1508	1027010a	प्रतीच्छ मम भद्रं ते पात्रभूतोऽसि राघव
1509	1027010c	दिव्यभास्वरदेहाश्च मूर्तिमन्तः सुखप्रदाः
1510	1027011a	रामं प्राञ्जलयो भूत्वाब्रुवन्मधुरभाषिणः
1511	1027011c	इमे स्म नरशार्दूल शाधि किं करवाम ते
1512	1027012a	गम्यतामिति तानाह यथेष्टं रघुनन्दनः
1513	1027012c	मानसाः कार्यकालेषु साहाय्यं मे करिष्यथ
1514	1027013a	अथ ते राममामन्त्र्य कृत्वा चापि प्रदक्षिणम्
1515	1027013c	एवमस्त्विति काकुत्स्थमुक्त्वा जग्मुर्यथागतम्
1516	1027014a	स च तान्राघवो ज्ञात्वा विश्वामित्रं महामुनिम्
1517	1027014c	गच्छन्नेवाथ मधुरं श्लक्ष्णं वचनमब्रवीत्
1518	1027015a	किं न्वेतन्मेघसंकाशं पर्वतस्याविदूरतः
1519	1027015c	वृक्षषण्डमितो भाति परं कौतूहलं हि मे
1520	1027016a	दर्शनीयं मृगाकीर्णं मनोहरमतीव च
1521	1027016c	नानाप्रकारैः शकुनैर्वल्गुभाषैरलंकृतम्
1522	1027017a	निःसृताः स्म मुनिश्रेष्ठ कान्ताराद्रोमहर्षणात्
1523	1027017c	अनया त्ववगच्छामि देशस्य सुखवत्तया
1524	1027018a	सर्वं मे शंस भगवन्कस्याश्रमपदं त्विदम्
1525	1027018c	संप्राप्ता यत्र ते पापा ब्रह्मघ्ना दुष्टचारिणः
1526	1028001a	अथ तस्याप्रमेयस्य तद्वनं परिपृच्छतः
1527	1028001c	विश्वामित्रो महातेजा व्याख्यातुमुपचक्रमे
1528	1028002a	एष पूर्वाश्रमो राम वामनस्य महात्मनः
1529	1028002c	सिद्धाश्रम इति ख्यातः सिद्धो ह्यत्र महातपाः
1530	1028003a	एतस्मिन्नेव काले तु राजा वैरोचनिर्बलिः
1531	1028003c	निर्जित्य दैवतगणान्सेन्द्रांश्च समरुद्गणान्
1532	1028003e	कारयामास तद्राज्यं त्रिषु लोकेषु विश्रुतः
1533	1028004a	बलेस्तु यजमानस्य देवाः साग्निपुरोगमाः
1534	1028004c	समागम्य स्वयं चैव विष्णुमूचुरिहाश्रमे
1535	1028005a	बलिर्वैरोचनिर्विष्णो यजते यज्ञमुत्तमम्
1536	1028005c	असमाप्ते क्रतौ तस्मिन्स्वकार्यमभिपद्यताम्
1537	1028006a	ये चैनमभिवर्तन्ते याचितार इतस्ततः
1538	1028006c	यच्च यत्र यथावच्च सर्वं तेभ्यः प्रयच्छति
1539	1028007a	स त्वं सुरहितार्थाय मायायोगमुपाश्रितः
1540	1028007c	वामनत्वं गतो विष्णो कुरु कल्याणमुत्तमम्
1541	1028008a	अयं सिद्धाश्रमो नाम प्रसादात्ते भविष्यति
1542	1028008c	सिद्धे कर्मणि देवेश उत्तिष्ठ भगवन्नितः
1543	1028009a	अथ विष्णुर्महातेजा अदित्यां समजायत
1544	1028009c	वामनं रूपमास्थाय वैरोचनिमुपागमत्
1545	1028010a	त्रीन्क्रमानथ भिक्षित्वा प्रतिगृह्य च मानतः
1546	1028010c	आक्रम्य लोकाँल्लोकात्मा सर्वभूतहिते रतः
1547	1028011a	महेन्द्राय पुनः प्रादान्नियम्य बलिमोजसा
1548	1028011c	त्रैलोक्यं स महातेजाश्चक्रे शक्रवशं पुनः
1549	1028012a	तेनैष पूर्वमाक्रान्त आश्रमः श्रमनाशनः
1550	1028012c	मयापि भक्त्या तस्यैष वामनस्योपभुज्यते
1551	1028013a	एतमाश्रममायान्ति राक्षसा विघ्नकारिणः
1552	1028013c	अत्र ते पुरुषव्याघ्र हन्तव्या दुष्टचारिणः
1553	1028014a	अद्य गच्छामहे राम सिद्धाश्रममनुत्तमम्
1554	1028014c	तदाश्रमपदं तात तवाप्येतद्यथा मम
1555	1028015a	तं दृष्ट्वा मुनयः सर्वे सिद्धाश्रमनिवासिनः
1556	1028015c	उत्पत्योत्पत्य सहसा विश्वामित्रमपूजयन्
1557	1028016a	यथार्हं चक्रिरे पूजां विश्वामित्राय धीमते
1558	1028016c	तथैव राजपुत्राभ्यामकुर्वन्नतिथिक्रियाम्
1559	1028017a	मुहूर्तमथ विश्रान्तौ राजपुत्रावरिंदमौ
1560	1028017c	प्राञ्जली मुनिशार्दूलमूचतू रघुनन्दनौ
1561	1028018a	अद्यैव दीक्षां प्रविश भद्रं ते मुनिपुंगव
1562	1028018c	सिद्धाश्रमोऽयं सिद्धः स्यात्सत्यमस्तु वचस्तव
1563	1028019a	एवमुक्तो महातेजा विश्वामित्रो महामुनिः
1564	1028019c	प्रविवेश तदा दीक्षां नियतो नियतेन्द्रियः
1565	1028020a	कुमारावपि तां रात्रिमुषित्वा सुसमाहितौ
1566	1028020c	प्रभातकाले चोत्थाय विश्वामित्रमवन्दताम्
1567	1029001a	अथ तौ देशकालज्ञौ राजपुत्रावरिंदमौ
1568	1029001c	देशे काले च वाक्यज्ञावब्रूतां कौशिकं वचः
1569	1029002a	भगवञ्श्रोतुमिच्छावो यस्मिन्काले निशाचरौ
1570	1029002c	संरक्षणीयौ तौ ब्रह्मन्नातिवर्तेत तत्क्षणम्
1571	1029003a	एवं ब्रुवाणौ काकुत्स्थौ त्वरमाणौ युयुत्सया
1572	1029003c	सर्वे ते मुनयः प्रीताः प्रशशंसुर्नृपात्मजौ
1573	1029004a	अद्य प्रभृति षड्रात्रं रक्षतं राघवौ युवाम्
1574	1029004c	दीक्षां गतो ह्येष मुनिर्मौनित्वं च गमिष्यति
1575	1029005a	तौ तु तद्वचनं श्रुत्वा राजपुत्रौ यशस्विनौ
1576	1029005c	अनिद्रौ षडहोरात्रं तपोवनमरक्षताम्
1577	1029006a	उपासां चक्रतुर्वीरौ यत्तौ परमधन्विनौ
1578	1029006c	ररक्षतुर्मुनिवरं विश्वामित्रमरिंदमौ
1579	1029007a	अथ काले गते तस्मिन्षष्ठेऽहनि समागते
1580	1029007c	सौमित्रमब्रवीद्रामो यत्तो भव समाहितः
1581	1029008a	रामस्यैवं ब्रुवाणस्य त्वरितस्य युयुत्सया
1582	1029008c	प्रजज्वाल ततो वेदिः सोपाध्यायपुरोहिता
1583	1029009a	मन्त्रवच्च यथान्यायं यज्ञोऽसौ संप्रवर्तते
1584	1029009c	आकाशे च महाञ्शब्दः प्रादुरासीद्भयानकः
1585	1029010a	आवार्य गगनं मेघो यथा प्रावृषि निर्गतः
1586	1029010c	तथा मायां विकुर्वाणौ राक्षसावभ्यधावताम्
1587	1029011a	मारीचश्च सुबाहुश्च तयोरनुचरास्तथा
1588	1029011c	आगम्य भीमसंकाशा रुधिरौघानवासृजन्
1589	1029012a	तावापतन्तौ सहसा दृष्ट्वा राजीवलोचनः
1590	1029012c	लक्ष्मणं त्वभिसंप्रेक्ष्य रामो वचनमब्रवीत्
1591	1029013a	पश्य लक्ष्मण दुर्वृत्तान्राक्षसान्पिशिताशनान्
1592	1029013c	मानवास्त्रसमाधूताननिलेन यथाघनान्
1593	1029014a	मानवं परमोदारमस्त्रं परमभास्वरम्
1594	1029014c	चिक्षेप परमक्रुद्धो मारीचोरसि राघवः
1595	1029015a	स तेन परमास्त्रेण मानवेन समाहितः
1596	1029015c	संपूर्णं योजनशतं क्षिप्तः सागरसंप्लवे
1597	1029016a	विचेतनं विघूर्णन्तं शीतेषुबलपीडितम्
1598	1029016c	निरस्तं दृश्य मारीचं रामो लक्ष्मणमब्रवीत्
1599	1029017a	पश्य लक्ष्मण शीतेषुं मानवं धर्मसंहितम्
1600	1029017c	मोहयित्वा नयत्येनं न च प्राणैर्वियुज्यते
1601	1029018a	इमानपि वधिष्यामि निर्घृणान्दुष्टचारिणः
1602	1029018c	राक्षसान्पापकर्मस्थान्यज्ञघ्नान्रुधिराशनान्
1603	1029019a	विगृह्य सुमहच्चास्त्रमाग्नेयं रघुनन्दनः
1604	1029019c	सुबाहुरसि चिक्षेप स विद्धः प्रापतद्भुवि
1605	1029020a	शेषान्वायव्यमादाय निजघान महायशाः
1606	1029020c	राघवः परमोदारो मुनीनां मुदमावहन्
1607	1029021a	स हत्वा राक्षसान्सर्वान्यज्ञघ्नान्रघुनन्दनः
1608	1029021c	ऋषिभिः पूजितस्तत्र यथेन्द्रो विजये पुरा
1609	1029022a	अथ यज्ञे समाप्ते तु विश्वामित्रो महामुनिः
1610	1029022c	निरीतिका दिशो दृष्ट्वा काकुत्स्थमिदमब्रवीत्
1611	1029023a	कृतार्थोऽस्मि महाबाहो कृतं गुरुवचस्त्वया
1612	1029023c	सिद्धाश्रममिदं सत्यं कृतं राम महायशः
1613	1030001a	अथ तां रजनीं तत्र कृतार्थौ रामलक्षणौ
1614	1030001c	ऊषतुर्मुदितौ वीरौ प्रहृष्टेनान्तरात्मना
1615	1030002a	प्रभातायां तु शर्वर्यां कृतपौर्वाह्णिकक्रियौ
1616	1030002c	विश्वामित्रमृषींश्चान्यान्सहितावभिजग्मतुः
1617	1030003a	अभिवाद्य मुनिश्रेष्ठं ज्वलन्तमिव पावकम्
1618	1030003c	ऊचतुर्मधुरोदारं वाक्यं मधुरभाषिणौ
1619	1030004a	इमौ स्वो मुनिशार्दूल किंकरौ समुपस्थितौ
1620	1030004c	आज्ञापय यथेष्टं वै शासनं करवाव किम्
1621	1030005a	एवमुक्ते ततस्ताभ्यां सर्व एव महर्षयः
1622	1030005c	विश्वामित्रं पुरस्कृत्य रामं वचनमब्रुवन्
1623	1030006a	मैथिलस्य नरश्रेष्ठ जनकस्य भविष्यति
1624	1030006c	यज्ञः परमधर्मिष्ठस्तत्र यास्यामहे वयम्
1625	1030007a	त्वं चैव नरशार्दूल सहास्माभिर्गमिष्यसि
1626	1030007c	अद्भुतं च धनूरत्नं तत्र त्वं द्रष्टुमर्हसि
1627	1030008a	तद्धि पूर्वं नरश्रेष्ठ दत्तं सदसि दैवतैः
1628	1030008c	अप्रमेयबलं घोरं मखे परमभास्वरम्
1629	1030009a	नास्य देवा न गन्धर्वा नासुरा न च राक्षसाः
1630	1030009c	कर्तुमारोपणं शक्ता न कथंचन मानुषाः
1631	1030010a	धनुषस्तस्य वीर्यं हि जिज्ञासन्तो महीक्षितः
1632	1030010c	न शेकुरारोपयितुं राजपुत्रा महाबलाः
1633	1030011a	तद्धनुर्नरशार्दूल मैथिलस्य महात्मनः
1634	1030011c	तत्र द्रक्ष्यसि काकुत्स्थ यज्ञं चाद्भुतदर्शनम्
1635	1030012a	तद्धि यज्ञफलं तेन मैथिलेनोत्तमं धनुः
1636	1030012c	याचितं नरशार्दूल सुनाभं सर्वदैवतैः
1637	1030013a	एवमुक्त्वा मुनिवरः प्रस्थानमकरोत्तदा
1638	1030013c	सर्षिसंघः सकाकुत्स्थ आमन्त्र्य वनदेवताः
1639	1030014a	स्वस्ति वोऽस्तु गमिष्यामि सिद्धः सिद्धाश्रमादहम्
1640	1030014c	उत्तरे जाह्नवीतीरे हिमवन्तं शिलोच्चयम्
1641	1030015a	प्रदक्षिणं ततः कृत्वा सिद्धाश्रममनुत्तमम्
1642	1030015c	उत्तरां दिशमुद्दिश्य प्रस्थातुमुपचक्रमे
1643	1030016a	तं व्रजन्तं मुनिवरमन्वगादनुसारिणाम्
1644	1030016c	शकटी शतमात्रं तु प्रयाणे ब्रह्मवादिनाम्
1645	1030017a	मृगपक्षिगणाश्चैव सिद्धाश्रमनिवासिनः
1646	1030017c	अनुजग्मुर्महात्मानं विश्वामित्रं महामुनिम्
1647	1030018a	ते गत्वा दूरमध्वानं लम्बमाने दिवाकरे
1648	1030018c	वासं चक्रुर्मुनिगणाः शोणाकूले समाहिताः
1649	1030019a	तेऽस्तं गते दिनकरे स्नात्वा हुतहुताशनाः
1650	1030019c	विश्वामित्रं पुरस्कृत्य निषेदुरमितौजसः
1651	1030020a	रामोऽपि सहसौमित्रिर्मुनींस्तानभिपूज्य च
1652	1030020c	अग्रतो निषसादाथ विश्वामित्रस्य धीमतः
1653	1030021a	अथ रामो महातेजा विश्वामित्रं महामुनिम्
1654	1030021c	पप्रच्छ मुनिशार्दूलं कौतूहलसमन्वितः
1655	1030022a	भगवन्को न्वयं देशः समृद्धवनशोभितः
1656	1030022c	श्रोतुमिच्छामि भद्रं ते वक्तुमर्हसि तत्त्वतः
1657	1030023a	चोदितो रामवाक्येन कथयामास सुव्रतः
1658	1030023c	तस्य देशस्य निखिलमृषिमध्ये महातपाः
1659	1031001a	ब्रह्मयोनिर्महानासीत्कुशो नाम महातपाः
1660	1031001c	वैदर्भ्यां जनयामास चतुरः सदृशान्सुतान्
1661	1031002a	कुशाम्बं कुशनाभं च आधूर्त रजसं वसुम्
1662	1031002c	दीप्तियुक्तान्महोत्साहान्क्षत्रधर्मचिकीर्षया
1663	1031002e	तानुवाच कुशः पुत्रान्धर्मिष्ठान्सत्यवादिनः
1664	1031003a	कुशस्य वचनं श्रुत्वा चत्वारो लोकसंमताः
1665	1031003c	निवेशं चक्रिरे सर्वे पुराणां नृवरास्तदा
1666	1031004a	कुशाम्बस्तु महातेजाः कौशाम्बीमकरोत्पुरीम्
1667	1031004c	कुशनाभस्तु धर्मात्मा परं चक्रे महोदयम्
1668	1031005a	आधूर्तरजसो राम धर्मारण्यं महीपतिः
1669	1031005c	चक्रे पुरवरं राजा वसुश्चक्रे गिरिव्रजम्
1670	1031006a	एषा वसुमती राम वसोस्तस्य महात्मनः
1671	1031006c	एते शैलवराः पञ्च प्रकाशन्ते समन्ततः
1672	1031007a	सुमागधी नदी रम्या मागधान्विश्रुताययौ
1673	1031007c	पञ्चानां शैलमुख्यानां मध्ये मालेव शोभते
1674	1031008a	सैषा हि मागधी राम वसोस्तस्य महात्मनः
1675	1031008c	पूर्वाभिचरिता राम सुक्षेत्रा सस्यमालिनी
1676	1031009a	कुशनाभस्तु राजर्षिः कन्याशतमनुत्तमम्
1677	1031009c	जनयामास धर्मात्मा घृताच्यां रघुनन्दन
1678	1031010a	तास्तु यौवनशालिन्यो रूपवत्यः स्वलंकृताः
1679	1031010c	उद्यानभूमिमागम्य प्रावृषीव शतह्रदाः
1680	1031011a	गायन्त्यो नृत्यमानाश्च वादयन्त्यश्च राघव
1681	1031011c	आमोदं परमं जग्मुर्वराभरणभूषिताः
1682	1031012a	अथ ताश्चारुसर्वाङ्ग्यो रूपेणाप्रतिमा भुवि
1683	1031012c	उद्यानभूमिमागम्य तारा इव घनान्तरे
1684	1031013a	ताः सर्वगुणसंपन्ना रूपयौवनसंयुताः
1685	1031013c	दृष्ट्वा सर्वात्मको वायुरिदं वचनमब्रवीत्
1686	1031014a	अहं वः कामये सर्वा भार्या मम भविष्यथ
1687	1031014c	मानुषस्त्यज्यतां भावो दीर्घमायुरवाप्स्यथ
1688	1031015a	तस्य तद्वचनं श्रुत्वा वायोरक्लिष्टकर्मणः
1689	1031015c	अपहास्य ततो वाक्यं कन्याशतमथाब्रवीत्
1690	1031016a	अन्तश्चरसि भूतानां सर्वेषां त्वं सुरोत्तम
1691	1031016c	प्रभावज्ञाश्च ते सर्वाः किमस्मानवमन्यसे
1692	1031017a	कुशनाभसुताः सर्वाः समर्थास्त्वां सुरोत्तम
1693	1031017c	स्थानाच्च्यावयितुं देवं रक्षामस्तु तपो वयम्
1694	1031018a	मा भूत्स कालो दुर्मेधः पितरं सत्यवादिनम्
1695	1031018c	नावमन्यस्व धर्मेण स्वयंवरमुपास्महे
1696	1031019a	पिता हि प्रभुरस्माकं दैवतं परमं हि सः
1697	1031019c	यस्य नो दास्यति पिता स नो भर्ता भविष्यति
1698	1031020a	तासां तद्वचनं श्रुत्वा वायुः परमकोपनः
1699	1031020c	प्रविश्य सर्वगात्राणि बभञ्ज भगवान्प्रभुः
1700	1031021a	ताः कन्या वायुना भग्ना विविशुर्नृपतेर्गृहम्
1701	1031021c	दृष्ट्वा भग्नास्तदा राजा संभ्रान्त इदमब्रवीत्
1702	1031022a	किमिदं कथ्यतां पुत्र्यः को धर्ममवमन्यते
1703	1031022c	कुब्जाः केन कृताः सर्वा वेष्टन्त्यो नाभिभाषथ
1704	1032001a	तस्य तद्वचनं श्रुत्वा कुशनाभस्य धीमतः
1705	1032001c	शिरोभिश्चरणौ स्पृष्ट्वा कन्याशतमभाषत
1706	1032002a	वायुः सर्वात्मको राजन्प्रधर्षयितुमिच्छति
1707	1032002c	अशुभं मार्गमास्थाय न धर्मं प्रत्यवेक्षते
1708	1032003a	पितृमत्यः स्म भद्रं ते स्वच्छन्दे न वयं स्थिताः
1709	1032003c	पितरं नो वृणीष्व त्वं यदि नो दास्यते तव
1710	1032004a	तेन पापानुबन्धेन वचनं न प्रतीच्छता
1711	1032004c	एवं ब्रुवन्त्यः सर्वाः स्म वायुना निहता भृषम्
1712	1032005a	तासां तद्वचनं श्रुत्वा राजा परमधार्मिकः
1713	1032005c	प्रत्युवाच महातेजाः कन्याशतमनुत्तमम्
1714	1032006a	क्षान्तं क्षमावतां पुत्र्यः कर्तव्यं सुमहत्कृतम्
1715	1032006c	ऐकमत्यमुपागम्य कुलं चावेक्षितं मम
1716	1032007a	अलंकारो हि नारीणां क्षमा तु पुरुषस्य वा
1717	1032007c	दुष्करं तच्च वः क्षान्तं त्रिदशेषु विशेषतः
1718	1032008a	यादृशीर्वः क्षमा पुत्र्यः सर्वासामविशेषतः
1719	1032008c	क्षमा दानं क्षमा यज्ञः क्षमा सत्यं च पुत्रिकाः
1720	1032009a	क्षमा यशः क्षमा धर्मः क्षमायां विष्ठितं जगत्
1721	1032009c	विसृज्य कन्याः काकुत्स्थ राजा त्रिदशविक्रमः
1722	1032010a	मन्त्रज्ञो मन्त्रयामास प्रदानं सह मन्त्रिभिः
1723	1032010c	देशे काले प्रदानस्य सदृशे प्रतिपादनम्
1724	1032011a	एतस्मिन्नेव काले तु चूली नाम महामुनिः
1725	1032011c	ऊर्ध्वरेताः शुभाचारो ब्राह्मं तप उपागमत्
1726	1032012a	तप्यन्तं तमृषिं तत्र गन्धर्वी पर्युपासते
1727	1032012c	सोमदा नाम भद्रं ते ऊर्मिला तनया तदा
1728	1032013a	सा च तं प्रणता भूत्वा शुश्रूषणपरायणा
1729	1032013c	उवास काले धर्मिष्ठा तस्यास्तुष्टोऽभवद्गुरुः
1730	1032014a	स च तां कालयोगेन प्रोवाच रघुनन्दन
1731	1032014c	परितुष्टोऽस्मि भद्रं ते किं करोमि तव प्रियम्
1732	1032015a	परितुष्टं मुनिं ज्ञात्वा गन्धर्वी मधुरस्वरम्
1733	1032015c	उवाच परमप्रीता वाक्यज्ञा वाक्यकोविदम्
1734	1032016a	लक्ष्म्या समुदितो ब्राह्म्या ब्रह्मभूतो महातपाः
1735	1032016c	ब्राह्मेण तपसा युक्तं पुत्रमिच्छामि धार्मिकम्
1736	1032017a	अपतिश्चास्मि भद्रं ते भार्या चास्मि न कस्यचित्
1737	1032017c	ब्राह्मेणोपगतायाश्च दातुमर्हसि मे सुतम्
1738	1032018a	तस्याः प्रसन्नो ब्रह्मर्षिर्ददौ पुत्रमनुत्तमम्
1739	1032018c	ब्रह्मदत्त इति ख्यातं मानसं चूलिनः सुतम्
1740	1032019a	स राजा ब्रह्मदत्तस्तु पुरीमध्यवसत्तदा
1741	1032019c	काम्पिल्यां परया लक्ष्म्या देवराजो यथा दिवम्
1742	1032020a	स बुद्धिं कृतवान्राजा कुशनाभः सुधार्मिकः
1743	1032020c	ब्रह्मदत्ताय काकुत्स्थ दातुं कन्याशतं तदा
1744	1032021a	तमाहूय महातेजा ब्रह्मदत्तं महीपतिः
1745	1032021c	ददौ कन्याशतं राजा सुप्रीतेनान्तरात्मना
1746	1032022a	यथाक्रमं ततः पाणिं जग्राह रघुनन्दन
1747	1032022c	ब्रह्मदत्तो मही पालस्तासां देवपतिर्यथा
1748	1032023a	स्पृष्टमात्रे ततः पाणौ विकुब्जा विगतज्वराः
1749	1032023c	युक्ताः परमया लक्ष्म्या बभुः कन्याशतं तदा
1750	1032024a	स दृष्ट्वा वायुना मुक्ताः कुशनाभो महीपतिः
1751	1032024c	बभूव परमप्रीतो हर्षं लेभे पुनः पुनः
1752	1032025a	कृतोद्वाहं तु राजानं ब्रह्मदत्तं महीपतिः
1753	1032025c	सदारं प्रेषयामास सोपाध्याय गणं तदा
1754	1032026a	सोमदापि सुसंहृष्टा पुत्रस्य सदृशीं क्रियाम्
1755	1032026c	यथान्यायं च गन्धर्वी स्नुषास्ताः प्रत्यनन्दत
1756	1033001a	कृतोद्वाहे गते तस्मिन्ब्रह्मदत्ते च राघव
1757	1033001c	अपुत्रः पुत्रलाभाय पौत्रीमिष्टिमकल्पयत्
1758	1033002a	इष्ट्यां तु वर्तमानायां कुशनाभं महीपतिम्
1759	1033002c	उवाच परमप्रीतः कुशो ब्रह्मसुतस्तदा
1760	1033003a	पुत्रस्ते सदृशः पुत्र भविष्यति सुधार्मिकः
1761	1033003c	गाधिं प्राप्स्यसि तेन त्वं कीर्तिं लोके च शाश्वतीम्
1762	1033004a	एवमुक्त्वा कुशो राम कुशनाभं महीपतिम्
1763	1033004c	जगामाकाशमाविश्य ब्रह्मलोकं सनातनम्
1764	1033005a	कस्यचित्त्वथ कालस्य कुशनाभस्य धीमतः
1765	1033005c	जज्ञे परमधर्मिष्ठो गाधिरित्येव नामतः
1766	1033006a	स पिता मम काकुत्स्थ गाधिः परमधार्मिकः
1767	1033006c	कुशवंशप्रसूतोऽस्मि कौशिको रघुनन्दन
1768	1033007a	पूर्वजा भगिनी चापि मम राघव सुव्रता
1769	1033007c	नाम्ना सत्यवती नाम ऋचीके प्रतिपादिता
1770	1033008a	सशरीरा गता स्वर्गं भर्तारमनुवर्तिनी
1771	1033008c	कौशिकी परमोदारा सा प्रवृत्ता महानदी
1772	1033009a	दिव्या पुण्योदका रम्या हिमवन्तमुपाश्रिता
1773	1033009c	लोकस्य हितकामार्थं प्रवृत्ता भगिनी मम
1774	1033010a	ततोऽहं हिमवत्पार्श्वे वसामि नियतः सुखम्
1775	1033010c	भगिन्याः स्नेहसंयुक्तः कौशिक्या रघुनन्दन
1776	1033011a	सा तु सत्यवती पुण्या सत्ये धर्मे प्रतिष्ठिता
1777	1033011c	पतिव्रता महाभागा कौशिकी सरितां वरा
1778	1033012a	अहं हि नियमाद्राम हित्वा तां समुपागतः
1779	1033012c	सिद्धाश्रममनुप्राप्य सिद्धोऽस्मि तव तेजसा
1780	1033013a	एषा राम ममोत्पत्तिः स्वस्य वंशस्य कीर्तिता
1781	1033013c	देशस्य च महाबाहो यन्मां त्वं परिपृच्छसि
1782	1033014a	गतोऽर्धरात्रः काकुत्स्थ कथाः कथयतो मम
1783	1033014c	निद्रामभ्येहि भद्रं ते मा भूद्विघ्नोऽध्वनीह नः
1784	1033015a	निष्पन्दास्तरवः सर्वे निलीना मृगपक्षिणः
1785	1033015c	नैशेन तमसा व्याप्ता दिशश्च रघुनन्दन
1786	1033016a	शनैर्वियुज्यते संध्या नभो नेत्रैरिवावृतम्
1787	1033016c	नक्षत्रतारागहनं ज्योतिर्भिरवभासते
1788	1033017a	उत्तिष्ठति च शीतांशुः शशी लोकतमोनुदः
1789	1033017c	ह्लादयन्प्राणिनां लोके मनांसि प्रभया विभो
1790	1033018a	नैशानि सर्वभूतानि प्रचरन्ति ततस्ततः
1791	1033018c	यक्षराक्षससंघाश्च रौद्राश्च पिशिताशनाः
1792	1033019a	एवमुक्त्वा महातेजा विरराम महामुनिः
1793	1033019c	साधु साध्विति तं सर्वे मुनयो ह्यभ्यपूजयन्
1794	1033020a	रामोऽपि सह सौमित्रिः किंचिदागतविस्मयः
1795	1033020c	प्रशस्य मुनिशार्दूलं निद्रां समुपसेवते
1796	1034001a	उपास्य रात्रिशेषं तु शोणाकूले महर्षिभिः
1797	1034001c	निशायां सुप्रभातायां विश्वामित्रोऽभ्यभाषत
1798	1034002a	सुप्रभाता निशा राम पूर्वा संध्या प्रवर्तते
1799	1034002c	उत्तिष्ठोत्तिष्ठ भद्रं ते गमनायाभिरोचय
1800	1034003a	तच्छ्रुत्वा वचनं तस्य कृत्वा पौर्वाह्णिकीं क्रियाम्
1801	1034003c	गमनं रोचयामास वाक्यं चेदमुवाच ह
1802	1034004a	अयं शोणः शुभजलो गाधः पुलिनमण्डितः
1803	1034004c	कतरेण पथा ब्रह्मन्संतरिष्यामहे वयम्
1804	1034005a	एवमुक्तस्तु रामेण विश्वामित्रोऽब्रवीदिदम्
1805	1034005c	एष पन्था मयोद्दिष्टो येन यान्ति महर्षयः
1806	1034006a	ते गत्वा दूरमध्वानं गतेऽर्धदिवसे तदा
1807	1034006c	जाह्नवीं सरितां श्रेष्ठां ददृशुर्मुनिसेविताम्
1808	1034007a	तां दृष्ट्वा पुण्यसलिलां हंससारससेविताम्
1809	1034007c	बभूवुर्मुदिताः सर्वे मुनयः सहराघवाः
1810	1034007e	तस्यास्तीरे ततश्चक्रुस्ते आवासपरिग्रहम्
1811	1034008a	ततः स्नात्वा यथान्यायं संतर्प्य पितृदेवताः
1812	1034008c	हुत्वा चैवाग्निहोत्राणि प्राश्य चामृतवद्धविः
1813	1034009a	विविशुर्जाह्नवीतीरे शुचौ मुदितमानसाः
1814	1034009c	विश्वामित्रं महात्मानं परिवार्य समन्ततः
1815	1034010a	संप्रहृष्टमना रामो विश्वामित्रमथाब्रवीत्
1816	1034010c	भगवञ्श्रोतुमिच्छामि गङ्गां त्रिपथगां नदीम्
1817	1034010e	त्रैलोक्यं कथमाक्रम्य गता नदनदीपतिम्
1818	1034011a	चोदितो राम वाक्येन विश्वामित्रो महामुनिः
1819	1034011c	वृद्धिं जन्म च गङ्गाया वक्तुमेवोपचक्रमे
1820	1034012a	शैलेन्द्रो हिमवान्नाम धातूनामाकरो महान्
1821	1034012c	तस्य कन्या द्वयं राम रूपेणाप्रतिमं भुवि
1822	1034013a	या मेरुदुहिता राम तयोर्माता सुमध्यमा
1823	1034013c	नाम्ना मेना मनोज्ञा वै पत्नी हिमवतः प्रिया
1824	1034014a	तस्यां गङ्गेयमभवज्ज्येष्ठा हिमवतः सुता
1825	1034014c	उमा नाम द्वितीयाभूत्कन्या तस्यैव राघव
1826	1034015a	अथ ज्येष्ठां सुराः सर्वे देवतार्थचिकीर्षया
1827	1034015c	शैलेन्द्रं वरयामासुर्गङ्गां त्रिपथगां नदीम्
1828	1034016a	ददौ धर्मेण हिमवांस्तनयां लोकपावनीम्
1829	1034016c	स्वच्छन्दपथगां गङ्गां त्रैलोक्यहितकाम्यया
1830	1034017a	प्रतिगृह्य त्रिलोकार्थं त्रिलोकहितकारिणः
1831	1034017c	गङ्गामादाय तेऽगच्छन्कृतार्थेनान्तरात्मना
1832	1034018a	या चान्या शैलदुहिता कन्यासीद्रघुनन्दन
1833	1034018c	उग्रं सा व्रतमास्थाय तपस्तेपे तपोधना
1834	1034019a	उग्रेण तपसा युक्तां ददौ शैलवरः सुताम्
1835	1034019c	रुद्रायाप्रतिरूपाय उमां लोकनमस्कृताम्
1836	1034020a	एते ते शैल राजस्य सुते लोकनमस्कृते
1837	1034020c	गङ्गा च सरितां श्रेष्ठा उमा देवी च राघव
1838	1034021a	एतत्ते धर्ममाख्यातं यथा त्रिपथगा नदी
1839	1034021c	खं गता प्रथमं तात गतिं गतिमतां वर
1840	1035001a	उक्त वाक्ये मुनौ तस्मिन्नुभौ राघवलक्ष्मणौ
1841	1035001c	प्रतिनन्द्य कथां वीरावूचतुर्मुनिपुंगवम्
1842	1035002a	धर्मयुक्तमिदं ब्रह्मन्कथितं परमं त्वया
1843	1035002c	दुहितुः शैलराजस्य ज्येष्ठाय वक्तुमर्हसि
1844	1035003a	विस्तरं विस्तरज्ञोऽसि दिव्यमानुषसंभवम्
1845	1035003c	त्रीन्पथो हेतुना केन पावयेल्लोकपावनी
1846	1035004a	कथं गङ्गां त्रिपथगा विश्रुता सरिदुत्तमा
1847	1035004c	त्रिषु लोकेषु धर्मज्ञ कर्मभिः कैः समन्विता
1848	1035005a	तथा ब्रुवति काकुत्स्थे विश्वामित्रस्तपोधनः
1849	1035005c	निखिलेन कथां सर्वामृषिमध्ये न्यवेदयत्
1850	1035006a	पुरा राम कृतोद्वाहः शितिकण्ठो महातपाः
1851	1035006c	दृष्ट्वा च स्पृहया देवीं मैथुनायोपचक्रमे
1852	1035007a	शितिकण्ठस्य देवस्य दिव्यं वर्षशतं गतम्
1853	1035007c	न चापि तनयो राम तस्यामासीत्परंतप
1854	1035008a	ततो देवाः समुद्विग्नाः पितामहपुरोगमाः
1855	1035008c	यदिहोत्पद्यते भूतं कस्तत्प्रतिसहिष्यते
1856	1035009a	अभिगम्य सुराः सर्वे प्रणिपत्येदमब्रुवन्
1857	1035009c	देवदेव महादेव लोकस्यास्य हिते रत
1858	1035009e	सुराणां प्रणिपातेन प्रसादं कर्तुमर्हसि
1859	1035010a	न लोका धारयिष्यन्ति तव तेजः सुरोत्तम
1860	1035010c	ब्राह्मेण तपसा युक्तो देव्या सह तपश्चर
1861	1035011a	त्रैलोक्यहितकामार्थं तेजस्तेजसि धारय
1862	1035011c	रक्ष सर्वानिमाँल्लोकान्नालोकं कर्तुमर्हसि
1863	1035012a	देवतानां वचः श्रुत्वा सर्वलोकमहेश्वरः
1864	1035012c	बाढमित्यब्रवीत्सर्वान्पुनश्चेदमुवाच ह
1865	1035013a	धारयिष्याम्यहं तेजस्तेजस्येव सहोमया
1866	1035013c	त्रिदशाः पृथिवी चैव निर्वाणमधिगच्छतु
1867	1035014a	यदिदं क्षुभितं स्थानान्मम तेजो ह्यनुत्तमम्
1868	1035014c	धारयिष्यति कस्तन्मे ब्रुवन्तु सुरसत्तमाः
1869	1035015a	एवमुक्तास्ततो देवाः प्रत्यूचुर्वृषभध्वजम्
1870	1035015c	यत्तेजः क्षुभितं ह्येतत्तद्धरा धारयिष्यति
1871	1035016a	एवमुक्तः सुरपतिः प्रमुमोच महीतले
1872	1035016c	तेजसा पृथिवी येन व्याप्ता सगिरिकानना
1873	1035017a	ततो देवाः पुनरिदमूचुश्चाथ हुताशनम्
1874	1035017c	प्रविश त्वं महातेजो रौद्रं वायुसमन्वितः
1875	1035018a	तदग्निना पुनर्व्याप्तं संजातः श्वेतपर्वतः
1876	1035018c	दिव्यं शरवणं चैव पावकादित्यसंनिभम्
1877	1035018e	यत्र जातो महातेजाः कार्तिकेयोऽग्निसंभवः
1878	1035019a	अथोमां च शिवं चैव देवाः सर्षि गणास्तदा
1879	1035019c	पूजयामासुरत्यर्थं सुप्रीतमनसस्ततः
1880	1035020a	अथ शैल सुता राम त्रिदशानिदमब्रवीत्
1881	1035020c	समन्युरशपत्सर्वान्क्रोधसंरक्तलोचना
1882	1035021a	यस्मान्निवारिता चैव संगता पुत्रकाम्यया
1883	1035021c	अपत्यं स्वेषु दारेषु नोत्पादयितुमर्हथ
1884	1035021e	अद्य प्रभृति युष्माकमप्रजाः सन्तु पत्नयः
1885	1035022a	एवमुक्त्वा सुरान्सर्वाञ्शशाप पृथिवीमपि
1886	1035022c	अवने नैकरूपा त्वं बहुभार्या भविष्यसि
1887	1035023a	न च पुत्रकृतां प्रीतिं मत्क्रोधकलुषी कृता
1888	1035023c	प्राप्स्यसि त्वं सुदुर्मेधे मम पुत्रमनिच्छती
1889	1035024a	तान्सर्वान्व्रीडितान्दृष्ट्वा सुरान्सुरपतिस्तदा
1890	1035024c	गमनायोपचक्राम दिशं वरुणपालिताम्
1891	1035025a	स गत्वा तप आतिष्ठत्पार्श्वे तस्योत्तरे गिरेः
1892	1035025c	हिमवत्प्रभवे शृङ्गे सह देव्या महेश्वरः
1893	1035026a	एष ते विस्तरो राम शैलपुत्र्या निवेदितः
1894	1035026c	गङ्गायाः प्रभवं चैव शृणु मे सहलक्ष्मणः
1895	1036001a	तप्यमाने तपो देवे देवाः सर्षिगणाः पुरा
1896	1036001c	सेनापतिमभीप्सन्तः पितामहमुपागमन्
1897	1036002a	ततोऽब्रुवन्सुराः सर्वे भगवन्तं पितामहम्
1898	1036002c	प्रणिपत्य शुभं वाक्यं सेन्द्राः साग्निपुरोगमाः
1899	1036003a	यो नः सेनापतिर्देव दत्तो भगवता पुरा
1900	1036003c	स तपः परमास्थाय तप्यते स्म सहोमया
1901	1036004a	यदत्रानन्तरं कार्यं लोकानां हितकाम्यया
1902	1036004c	संविधत्स्व विधानज्ञ त्वं हि नः परमा गतिः
1903	1036005a	देवतानां वचः श्रुत्वा सर्वलोकपितामहः
1904	1036005c	सान्त्वयन्मधुरैर्वाक्यैस्त्रिदशानिदमब्रवीत्
1905	1036006a	शैलपुत्र्या यदुक्तं तन्न प्रजास्यथ पत्निषु
1906	1036006c	तस्या वचनमक्लिष्टं सत्यमेव न संशयः
1907	1036007a	इयमाकाशगा गङ्गा यस्यां पुत्रं हुताशनः
1908	1036007c	जनयिष्यति देवानां सेनापतिमरिंदमम्
1909	1036008a	ज्येष्ठा शैलेन्द्रदुहिता मानयिष्यति तं सुतम्
1910	1036008c	उमायास्तद्बहुमतं भविष्यति न संशयः
1911	1036009a	तच्छ्रुत्वा वचनं तस्य कृतार्था रघुनन्दन
1912	1036009c	प्रणिपत्य सुराः सर्वे पितामहमपूजयन्
1913	1036010a	ते गत्वा पर्वतं राम कैलासं धातुमण्डितम्
1914	1036010c	अग्निं नियोजयामासुः पुत्रार्थं सर्वदेवताः
1915	1036011a	देवकार्यमिदं देव समाधत्स्व हुताशन
1916	1036011c	शैलपुत्र्यां महातेजो गङ्गायां तेज उत्सृज
1917	1036012a	देवतानां प्रतिज्ञाय गङ्गामभ्येत्य पावकः
1918	1036012c	गर्भं धारय वै देवि देवतानामिदं प्रियम्
1919	1036013a	इत्येतद्वचनं श्रुत्वा दिव्यं रूपमधारयत्
1920	1036013c	स तस्या महिमां दृष्ट्वा समन्तादवकीर्यत
1921	1036014a	समन्ततस्तदा देवीमभ्यषिञ्चत पावकः
1922	1036014c	सर्वस्रोतांसि पूर्णानि गङ्गाया रघुनन्दन
1923	1036015a	तमुवाच ततो गङ्गा सर्वदेवपुरोहितम्
1924	1036015c	अशक्ता धारणे देव तव तेजः समुद्धतम्
1925	1036015e	दह्यमानाग्निना तेन संप्रव्यथितचेतना
1926	1036016a	अथाब्रवीदिदं गङ्गां सर्वदेवहुताशनः
1927	1036016c	इह हैमवते पादे गर्भोऽयं संनिवेश्यताम्
1928	1036017a	श्रुत्वा त्वग्निवचो गङ्गा तं गर्भमतिभास्वरम्
1929	1036017c	उत्ससर्ज महातेजाः स्रोतोभ्यो हि तदानघ
1930	1036018a	यदस्या निर्गतं तस्मात्तप्तजाम्बूनदप्रभम्
1931	1036018c	काञ्चनं धरणीं प्राप्तं हिरण्यममलं शुभम्
1932	1036019a	ताम्रं कार्ष्णायसं चैव तैक्ष्ण्यादेवाभिजायत
1933	1036019c	मलं तस्याभवत्तत्र त्रपुसीसकमेव च
1934	1036020a	तदेतद्धरणीं प्राप्य नानाधातुरवर्धत
1935	1036021a	निक्षिप्तमात्रे गर्भे तु तेजोभिरभिरञ्जितम्
1936	1036021c	सर्वं पर्वतसंनद्धं सौवर्णमभवद्वनम्
1937	1036022a	जातरूपमिति ख्यातं तदा प्रभृति राघव
1938	1036022c	सुवर्णं पुरुषव्याघ्र हुताशनसमप्रभम्
1939	1036023a	तं कुमारं ततो जातं सेन्द्राः सहमरुद्गणाः
1940	1036023c	क्षीरसंभावनार्थाय कृत्तिकाः समयोजयन्
1941	1036024a	ताः क्षीरं जातमात्रस्य कृत्वा समयमुत्तमम्
1942	1036024c	ददुः पुत्रोऽयमस्माकं सर्वासामिति निश्चिताः
1943	1036025a	ततस्तु देवताः सर्वाः कार्तिकेय इति ब्रुवन्
1944	1036025c	पुत्रस्त्रैलोक्य विख्यातो भविष्यति न संशयः
1945	1036026a	तेषां तद्वचनं श्रुत्वा स्कन्नं गर्भपरिस्रवे
1946	1036026c	स्नापयन्परया लक्ष्म्या दीप्यमानमिवानलम्
1947	1036027a	स्कन्द इत्यब्रुवन्देवाः स्कन्नं गर्भपरिस्रवात्
1948	1036027c	कार्तिकेयं महाभागं काकुत्स्थज्वलनोपमम्
1949	1036028a	प्रादुर्भूतं ततः क्षीरं कृत्तिकानामनुत्तमम्
1950	1036028c	षण्णां षडाननो भूत्वा जग्राह स्तनजं पयः
1951	1036029a	गृहीत्वा क्षीरमेकाह्ना सुकुमार वपुस्तदा
1952	1036029c	अजयत्स्वेन वीर्येण दैत्यसैन्यगणान्विभुः
1953	1036030a	सुरसेनागणपतिं ततस्तममलद्युतिम्
1954	1036030c	अभ्यषिञ्चन्सुरगणाः समेत्याग्निपुरोगमाः
1955	1036031a	एष ते राम गङ्गाया विस्तरोऽभिहितो मया
1956	1036031c	कुमारसंभवश्चैव धन्यः पुण्यस्तथैव च
1957	1037001a	तां कथां कौशिको रामे निवेद्य मधुराक्षरम्
1958	1037001c	पुनरेवापरं वाक्यं काकुत्स्थमिदमब्रवीत्
1959	1037002a	अयोध्याधिपतिः शूरः पूर्वमासीन्नराधिपः
1960	1037002c	सगरो नाम धर्मात्मा प्रजाकामः स चाप्रजः
1961	1037003a	वैदर्भदुहिता राम केशिनी नाम नामतः
1962	1037003c	ज्येष्ठा सगरपत्नी सा धर्मिष्ठा सत्यवादिनी
1963	1037004a	अरिष्टनेमिदुहिता रूपेणाप्रतिमा भुवि
1964	1037004c	द्वितीया सगरस्यासीत्पत्नी सुमतिसंज्ञिता
1965	1037005a	ताभ्यां सह तदा राजा पत्नीभ्यां तप्तवांस्तपः
1966	1037005c	हिमवन्तं समासाद्य भृगुप्रस्रवणे गिरौ
1967	1037006a	अथ वर्ष शते पूर्णे तपसाराधितो मुनिः
1968	1037006c	सगराय वरं प्रादाद्भृगुः सत्यवतां वरः
1969	1037007a	अपत्यलाभः सुमहान्भविष्यति तवानघ
1970	1037007c	कीर्तिं चाप्रतिमां लोके प्राप्स्यसे पुरुषर्षभ
1971	1037008a	एका जनयिता तात पुत्रं वंशकरं तव
1972	1037008c	षष्टिं पुत्रसहस्राणि अपरा जनयिष्यति
1973	1037009a	भाषमाणं नरव्याघ्रं राजपत्न्यौ प्रसाद्य तम्
1974	1037009c	ऊचतुः परमप्रीते कृताञ्जलिपुटे तदा
1975	1037010a	एकः कस्याः सुतो ब्रह्मन्का बहूञ्जनयिष्यति
1976	1037010c	श्रोतुमिच्छावहे ब्रह्मन्सत्यमस्तु वचस्तव
1977	1037011a	तयोस्तद्वचनं श्रुत्वा भृगुः परम धार्मिकः
1978	1037011c	उवाच परमां वाणीं स्वच्छन्दोऽत्र विधीयताम्
1979	1037012a	एको वंशकरो वास्तु बहवो वा महाबलाः
1980	1037012c	कीर्तिमन्तो महोत्साहाः का वा कं वरमिच्छति
1981	1037013a	मुनेस्तु वचनं श्रुत्वा केशिनी रघुनन्दन
1982	1037013c	पुत्रं वंशकरं राम जग्राह नृपसंनिधौ
1983	1037014a	षष्टिं पुत्रसहस्राणि सुपर्णभगिनी तदा
1984	1037014c	महोत्साहान्कीर्तिमतो जग्राह सुमतिः सुतान्
1985	1037015a	प्रदक्षिणमृषिं कृत्वा शिरसाभिप्रणम्य च
1986	1037015c	जगाम स्वपुरं राजा सभार्या रघुनन्दन
1987	1037016a	अथ काले गते तस्मिञ्ज्येष्ठा पुत्रं व्यजायत
1988	1037016c	असमञ्ज इति ख्यातं केशिनी सगरात्मजम्
1989	1037017a	सुमतिस्तु नरव्याघ्र गर्भतुम्बं व्यजायत
1990	1037017c	षष्टिः पुत्रसहस्राणि तुम्बभेदाद्विनिःसृताः
1991	1037018a	घृतपूर्णेषु कुम्भेषु धात्र्यस्तान्समवर्धयन्
1992	1037018c	कालेन महता सर्वे यौवनं प्रतिपेदिरे
1993	1037019a	अथ दीर्घेण कालेन रूपयौवनशालिनः
1994	1037019c	षष्टिः पुत्रसहस्राणि सगरस्याभवंस्तदा
1995	1037020a	स च ज्येष्ठो नरश्रेष्ठ सगरस्यात्मसंभवः
1996	1037020c	बालान्गृहीत्वा तु जले सरय्वा रघुनन्दन
1997	1037020e	प्रक्षिप्य प्रहसन्नित्यं मज्जतस्तान्निरीक्ष्य वै
1998	1037021a	पौराणामहिते युक्तः पित्रा निर्वासितः पुरात्
1999	1037022a	तस्य पुत्रोंऽशुमान्नाम असमञ्जस्य वीर्यवान्
2000	1037022c	संमतः सर्वलोकस्य सर्वस्यापि प्रियंवदः
2001	1037023a	ततः कालेन महता मतिः समभिजायत
2002	1037023c	सगरस्य नरश्रेष्ठ यजेयमिति निश्चिता
2003	1037024a	स कृत्वा निश्चयं राजा सोपाध्यायगणस्तदा
2004	1037024c	यज्ञकर्मणि वेदज्ञो यष्टुं समुपचक्रमे
2005	1038001a	विश्वामित्रवचः श्रुत्वा कथान्ते रघुनन्दन
2006	1038001c	उवाच परमप्रीतो मुनिं दीप्तमिवानलम्
2007	1038002a	श्रोतुमिछामि भद्रं ते विस्तरेण कथामिमाम्
2008	1038002c	पूर्वको मे कथं ब्रह्मन्यज्ञं वै समुपाहरत्
2009	1038003a	विश्वामित्रस्तु काकुत्स्थमुवाच प्रहसन्निव
2010	1038003c	श्रूयतां विस्तरो राम सगरस्य महात्मनः
2011	1038004a	शंकरश्वशुरो नाम हिमवानचलोत्तमः
2012	1038004c	विन्ध्यपर्वतमासाद्य निरीक्षेते परस्परम्
2013	1038005a	तयोर्मध्ये प्रवृत्तोऽभूद्यज्ञः स पुरुषोत्तम
2014	1038005c	स हि देशो नरव्याघ्र प्रशस्तो यज्ञकर्मणि
2015	1038006a	तस्याश्वचर्यां काकुत्स्थ दृढधन्वा महारथः
2016	1038006c	अंशुमानकरोत्तात सगरस्य मते स्थितः
2017	1038007a	तस्य पर्वणि तं यज्ञं यजमानस्य वासवः
2018	1038007c	राक्षसीं तनुमास्थाय यज्ञियाश्वमपाहरत्
2019	1038008a	ह्रियमाणे तु काकुत्स्थ तस्मिन्नश्वे महात्मनः
2020	1038008c	उपाध्याय गणाः सर्वे यजमानमथाब्रुवन्
2021	1038009a	अयं पर्वणि वेगेन यज्ञियाश्वोऽपनीयते
2022	1038009c	हर्तारं जहि काकुत्स्थ हयश्चैवोपनीयताम्
2023	1038010a	यज्ञच्छिद्रं भवत्येतत्सर्वेषामशिवाय नः
2024	1038010c	तत्तथा क्रियतां राजन्यथाछिद्रः क्रतुर्भवेत्
2025	1038011a	उपाध्याय वचः श्रुत्वा तस्मिन्सदसि पार्थिवः
2026	1038011c	षष्टिं पुत्रसहस्राणि वाक्यमेतदुवाच ह
2027	1038012a	गतिं पुत्रा न पश्यामि रक्षसां पुरुषर्षभाः
2028	1038012c	मन्त्रपूतैर्महाभागैरास्थितो हि महाक्रतुः
2029	1038013a	तद्गच्छत विचिन्वध्वं पुत्रका भद्रमस्तु वः
2030	1038013c	समुद्रमालिनीं सर्वां पृथिवीमनुगच्छत
2031	1038014a	एकैकं योजनं पुत्रा विस्तारमभिगच्छत
2032	1038015a	यावत्तुरगसंदर्शस्तावत्खनत मेदिनीम्
2033	1038015c	तमेव हयहर्तारं मार्गमाणा ममाज्ञया
2034	1038016a	दीक्षितः पौत्रसहितः सोपाध्यायगणो ह्यहम्
2035	1038016c	इह स्थास्यामि भद्रं वो यावत्तुरगदर्शनम्
2036	1038017a	इत्युक्त्वा हृष्टमनसो राजपुत्रा महाबलाः
2037	1038017c	जग्मुर्महीतलं राम पितुर्वचनयन्त्रिताः
2038	1038018a	योजनायामविस्तारमेकैको धरणीतलम्
2039	1038018c	बिभिदुः पुरुषव्याघ्र वज्रस्पर्शसमैर्भुजैः
2040	1038019a	शूलैरशनिकल्पैश्च हलैश्चापि सुदारुणैः
2041	1038019c	भिद्यमाना वसुमती ननाद रघुनन्दन
2042	1038020a	नागानां वध्यमानानामसुराणां च राघव
2043	1038020c	राक्षसानां च दुर्धर्षः सत्त्वानां निनदोऽभवत्
2044	1038021a	योजनानां सहस्राणि षष्टिं तु रघुनन्दन
2045	1038021c	बिभिदुर्धरणीं वीरा रसातलमनुत्तमम्
2046	1038022a	एवं पर्वतसंबाधं जम्बूद्वीपं नृपात्मजाः
2047	1038022c	खनन्तो नृपशार्दूल सर्वतः परिचक्रमुः
2048	1038023a	ततो देवाः सगन्धर्वाः सासुराः सहपन्नगाः
2049	1038023c	संभ्रान्तमनसः सर्वे पितामहमुपागमन्
2050	1038024a	ते प्रसाद्य महात्मानं विषण्णवदनास्तदा
2051	1038024c	ऊचुः परमसंत्रस्ताः पितामहमिदं वचः
2052	1038025a	भगवन्पृथिवी सर्वा खन्यते सगरात्मजैः
2053	1038025c	बहवश्च महात्मानो वध्यन्ते जलचारिणः
2054	1038026a	अयं यज्ञहनोऽस्माकमनेनाश्वोऽपनीयते
2055	1038026c	इति ते सर्वभूतानि निघ्नन्ति सगरात्मजः
2056	1039001a	देवतानां वचः श्रुत्वा भगवान्वै पितामहः
2057	1039001c	प्रत्युवाच सुसंत्रस्तान्कृतान्तबलमोहितान्
2058	1039002a	यस्येयं वसुधा कृत्स्ना वासुदेवस्य धीमतः
2059	1039002c	कापिलं रूपमास्थाय धारयत्यनिशं धराम्
2060	1039003a	पृथिव्याश्चापि निर्भेदो दृष्ट एव सनातनः
2061	1039003c	सगरस्य च पुत्राणां विनाशोऽदीर्घजीविनाम्
2062	1039004a	पितामहवचः श्रुत्वा त्रयस्त्रिंशदरिंदमः
2063	1039004c	देवाः परमसंहृष्टाः पुनर्जग्मुर्यथागतम्
2064	1039005a	सगरस्य च पुत्राणां प्रादुरासीन्महात्मनाम्
2065	1039005c	पृथिव्यां भिद्यमानायां निर्घात सम निःस्वनः
2066	1039006a	ततो भित्त्वा महीं सर्वां कृत्वा चापि प्रदक्षिणम्
2067	1039006c	सहिताः सगराः सर्वे पितरं वाक्यमब्रुवन्
2068	1039007a	परिक्रान्ता मही सर्वा सत्त्ववन्तश्च सूदिताः
2069	1039007c	देवदानवरक्षांसि पिशाचोरगकिंनराः
2070	1039008a	न च पश्यामहेऽश्वं तमश्वहर्तारमेव च
2071	1039008c	किं करिष्याम भद्रं ते बुद्धिरत्र विचार्यताम्
2072	1039009a	तेषां तद्वचनं श्रुत्वा पुत्राणां राजसत्तमः
2073	1039009c	समन्युरब्रवीद्वाक्यं सगरो रघुनन्दन
2074	1039010a	भूयः खनत भद्रं वो निर्भिद्य वसुधातलम्
2075	1039010c	अश्वहर्तारमासाद्य कृतार्थाश्च निवर्तथ
2076	1039011a	पितुर्वचनमास्थाय सगरस्य महात्मनः
2077	1039011c	षष्टिः पुत्रसहस्राणि रसातलमभिद्रवन्
2078	1039012a	खन्यमाने ततस्तस्मिन्ददृशुः पर्वतोपमम्
2079	1039012c	दिशागजं विरूपाक्षं धारयन्तं महीतलम्
2080	1039013a	सपर्वतवनां कृत्स्नां पृथिवीं रघुनन्दन
2081	1039013c	शिरसा धारयामास विरूपाक्षो महागजः
2082	1039014a	यदा पर्वणि काकुत्स्थ विश्रमार्थं महागजः
2083	1039014c	खेदाच्चालयते शीर्षं भूमिकम्पस्तधा भवेत्
2084	1039015a	तं ते प्रदक्षिणं कृत्वा दिशापालं महागजम्
2085	1039015c	मानयन्तो हि ते राम जग्मुर्भित्त्वा रसातलम्
2086	1039016a	ततः पूर्वां दिशं भित्त्वा दक्षिणां बिभिदुः पुनः
2087	1039016c	दक्षिणस्यामपि दिशि ददृशुस्ते महागजम्
2088	1039017a	महापद्मं महात्मानं सुमहापर्वतोपमम्
2089	1039017c	शिरसा धारयन्तं ते विस्मयं जग्मुरुत्तमम्
2090	1039018a	ततः प्रदक्षिणं कृत्वा सगरस्य महात्मनः
2091	1039018c	षष्टिः पुत्रसहस्राणि पश्चिमां बिभिदुर्दिशम्
2092	1039019a	पश्चिमायामपि दिशि महान्तमचलोपमम्
2093	1039019c	दिशागजं सौमनसं ददृशुस्ते महाबलाः
2094	1039020a	तं ते प्रदक्षिणं कृत्वा पृष्ट्वा चापि निरामयम्
2095	1039020c	खनन्तः समुपक्रान्ता दिशं सोमवतीं तदा
2096	1039021a	उत्तरस्यां रघुश्रेष्ठ ददृशुर्हिमपाण्डुरम्
2097	1039021c	भद्रं भद्रेण वपुषा धारयन्तं महीमिमाम्
2098	1039022a	समालभ्य ततः सर्वे कृत्वा चैनं प्रदक्षिणम्
2099	1039022c	षष्टिः पुत्रसहस्राणि बिभिदुर्वसुधातलम्
2100	1039023a	ततः प्रागुत्तरां गत्वा सागराः प्रथितां दिशम्
2101	1039023c	रोषादभ्यखनन्सर्वे पृथिवीं सगरात्मजाः
2102	1039024a	ददृशुः कपिलं तत्र वासुदेवं सनातनम्
2103	1039024c	हयं च तस्य देवस्य चरन्तमविदूरतः
2104	1039025a	ते तं यज्ञहनं ज्ञात्वा क्रोधपर्याकुलेक्षणाः
2105	1039025c	अभ्यधावन्त संक्रुद्धास्तिष्ठ तिष्ठेति चाब्रुवन्
2106	1039026a	अस्माकं त्वं हि तुरगं यज्ञियं हृतवानसि
2107	1039026c	दुर्मेधस्त्वं हि संप्राप्तान्विद्धि नः सगरात्मजान्
2108	1039027a	श्रुत्वा तद्वचनं तेषां कपिलो रघुनन्दन
2109	1039027c	रोषेण महताविष्टो हुंकारमकरोत्तदा
2110	1039028a	ततस्तेनाप्रमेयेन कपिलेन महात्मना
2111	1039028c	भस्मराशीकृताः सर्वे काकुत्स्थ सगरात्मजाः
2112	1040001a	पुत्रांश्चिरगताञ्ज्ञात्वा सगरो रघुनन्दन
2113	1040001c	नप्तारमब्रवीद्राजा दीप्यमानं स्वतेजसा
2114	1040002a	शूरश्च कृतविद्यश्च पूर्वैस्तुल्योऽसि तेजसा
2115	1040002c	पितॄणां गतिमन्विच्छ येन चाश्वोऽपहारितः
2116	1040003a	अन्तर्भौमानि सत्त्वानि वीर्यवन्ति महान्ति च
2117	1040003c	तेषां त्वं प्रतिघातार्थं सासिं गृह्णीष्व कार्मुकम्
2118	1040004a	अभिवाद्याभिवाद्यांस्त्वं हत्वा विघ्नकरानपि
2119	1040004c	सिद्धार्थः संनिवर्तस्व मम यज्ञस्य पारगः
2120	1040005a	एवमुक्तोंऽशुमान्सम्यक्सगरेण महात्मना
2121	1040005c	धनुरादाय खड्गं च जगाम लघुविक्रमः
2122	1040006a	स खातं पितृभिर्मार्गमन्तर्भौमं महात्मभिः
2123	1040006c	प्रापद्यत नरश्रेष्ठ तेन राज्ञाभिचोदितः
2124	1040007a	दैत्यदानवरक्षोभिः पिशाचपतगोरगैः
2125	1040007c	पूज्यमानं महातेजा दिशागजमपश्यत
2126	1040008a	स तं प्रदक्षिणं कृत्वा पृष्ट्वा चैव निरामयम्
2127	1040008c	पितॄन्स परिपप्रच्छ वाजिहर्तारमेव च
2128	1040009a	दिशागजस्तु तच्छ्रुत्वा प्रीत्याहांशुमतो वचः
2129	1040009c	आसमञ्जकृतार्थस्त्वं सहाश्वः शीघ्रमेष्यसि
2130	1040010a	तस्य तद्वचनं श्रुत्वा सर्वानेव दिशागजान्
2131	1040010c	यथाक्रमं यथान्यायं प्रष्टुं समुपचक्रमे
2132	1040011a	तैश्च सर्वैर्दिशापालैर्वाक्यज्ञैर्वाक्यकोविदैः
2133	1040011c	पूजितः सहयश्चैव गन्तासीत्यभिचोदितः
2134	1040012a	तेषां तद्वचनं श्रुत्वा जगाम लघुविक्रमः
2135	1040012c	भस्मराशीकृता यत्र पितरस्तस्य सागराः
2136	1040013a	स दुःखवशमापन्नस्त्वसमञ्जसुतस्तदा
2137	1040013c	चुक्रोश परमार्तस्तु वधात्तेषां सुदुःखितः
2138	1040014a	यज्ञियं च हयं तत्र चरन्तमविदूरतः
2139	1040014c	ददर्श पुरुषव्याघ्रो दुःखशोकसमन्वितः
2140	1040015a	ददर्श पुरुषव्याघ्रो कर्तुकामो जलक्रियाम्
2141	1040015c	सलिलार्थी महातेजा न चापश्यज्जलाशयम्
2142	1040016a	विसार्य निपुणां दृष्टिं ततोऽपश्यत्खगाधिपम्
2143	1040016c	पितॄणां मातुलं राम सुपर्णमनिलोपमम्
2144	1040017a	स चैनमब्रवीद्वाक्यं वैनतेयो महाबलः
2145	1040017c	मा शुचः पुरुषव्याघ्र वधोऽयं लोकसंमतः
2146	1040018a	कपिलेनाप्रमेयेन दग्धा हीमे महाबलाः
2147	1040018c	सलिलं नार्हसि प्राज्ञ दातुमेषां हि लौकिकम्
2148	1040019a	गङ्गा हिमवतो ज्येष्ठा दुहिता पुरुषर्षभ
2149	1040019c	भस्मराशीकृतानेतान्पावयेल्लोकपावनी
2150	1040020a	तया क्लिन्नमिदं भस्म गङ्गया लोककान्तया
2151	1040020c	षष्टिं पुत्रसहस्राणि स्वर्गलोकं नयिष्यति
2152	1040021a	गच्छ चाश्वं महाभाग संगृह्य पुरुषर्षभ
2153	1040021c	यज्ञं पैतामहं वीर निर्वर्तयितुमर्हसि
2154	1040022a	सुपर्णवचनं श्रुत्वा सोंऽशुमानतिवीर्यवान्
2155	1040022c	त्वरितं हयमादाय पुनरायान्महायशाः
2156	1040023a	ततो राजानमासाद्य दीक्षितं रघुनन्दन
2157	1040023c	न्यवेदयद्यथावृत्तं सुपर्णवचनं तथा
2158	1040024a	तच्छ्रुत्वा घोरसंकाशं वाक्यमंशुमतो नृपः
2159	1040024c	यज्ञं निर्वर्तयामास यथाकल्पं यथाविधि
2160	1040025a	स्वपुरं चागमच्छ्रीमानिष्टयज्ञो महीपतिः
2161	1040025c	गङ्गायाश्चागमे राजा निश्चयं नाध्यगच्छत
2162	1040026a	अगत्वा निश्चयं राजा कालेन महता महान्
2163	1040026c	त्रिंशद्वर्षसहस्राणि राज्यं कृत्वा दिवं गतः
2164	1041001a	कालधर्मं गते राम सगरे प्रकृतीजनाः
2165	1041001c	राजानं रोचयामासुरंशुमन्तं सुधार्मिकम्
2166	1041002a	स राजा सुमहानासीदंशुमान्रघुनन्दन
2167	1041002c	तस्य पुत्रो महानासीद्दिलीप इति विश्रुतः
2168	1041003a	तस्मिन्राज्यं समावेश्य दिलीपे रघुनन्दन
2169	1041003c	हिमवच्छिखरे रम्ये तपस्तेपे सुदारुणम्
2170	1041004a	द्वाद्त्रिंशच्च सहस्राणि वर्षाणि सुमहायशाः
2171	1041004c	तपोवनगतो राजा स्वर्गं लेभे तपोधनः
2172	1041005a	दिलीपस्तु महातेजाः श्रुत्वा पैतामहं वधम्
2173	1041005c	दुःखोपहतया बुद्ध्या निश्चयं नाध्यगच्छत
2174	1041006a	कथं गङ्गावतरणं कथं तेषां जलक्रिया
2175	1041006c	तारयेयं कथं चैतानिति चिन्ता परोऽभवत्
2176	1041007a	तस्य चिन्तयतो नित्यं धर्मेण विदितात्मनः
2177	1041007c	पुत्रो भगीरथो नाम जज्ञे परमधार्मिकः
2178	1041008a	दिलीपस्तु महातेजा यज्ञैर्बहुभिरिष्टवान्
2179	1041008c	त्रिंशद्वर्षसहस्राणि राजा राज्यमकारयत्
2180	1041009a	अगत्वा निश्चयं राजा तेषामुद्धरणं प्रति
2181	1041009c	व्याधिना नरशार्दूल कालधर्ममुपेयिवान्
2182	1041010a	इन्द्रलोकं गतो राजा स्वार्जितेनैव कर्मणा
2183	1041010c	रम्ये भगीरथं पुत्रमभिषिच्य नरर्षभः
2184	1041011a	भगीरथस्तु राजर्षिर्धार्मिको रघुनन्दन
2185	1041011c	अनपत्यो महातेजाः प्रजाकामः स चाप्रजः
2186	1041012a	स तपो दीर्घमातिष्ठद्गोकर्णे रघुनन्दन
2187	1041012c	ऊर्ध्वबाहुः पञ्चतपा मासाहारो जितेन्द्रियः
2188	1041013a	तस्य वर्षसहस्राणि घोरे तपसि तिष्ठतः
2189	1041013c	सुप्रीतो भगवान्ब्रह्मा प्रजानां पतिरीश्वरः
2190	1041014a	ततः सुरगणैः सार्धमुपागम्य पितामहः
2191	1041014c	भगीरथं महात्मानं तप्यमानमथाब्रवीत्
2192	1041015a	भगीरथ महाभाग प्रीतस्तेऽहं जनेश्वर
2193	1041015c	तपसा च सुतप्तेन वरं वरय सुव्रत
2194	1041016a	तमुवाच महातेजाः सर्वलोकपितामहम्
2195	1041016c	भगीरथो महाभागः कृताञ्जलिरवस्थितः
2196	1041017a	यदि मे भगवान्प्रीतो यद्यस्ति तपसः फलम्
2197	1041017c	सगरस्यात्मजाः सर्वे मत्तः सलिलमाप्नुयुः
2198	1041018a	गङ्गायाः सलिलक्लिन्ने भस्मन्येषां महात्मनाम्
2199	1041018c	स्वर्गं गच्छेयुरत्यन्तं सर्वे मे प्रपितामहाः
2200	1041019a	देया च संततोर्देव नावसीदेत्कुलं च नः
2201	1041019c	इक्ष्वाकूणां कुले देव एष मेऽस्तु वरः परः
2202	1041020a	उक्तवाक्यं तु राजानं सर्वलोकपितामहः
2203	1041020c	प्रत्युवाच शुभां वाणीं मधुरां मधुराक्षराम्
2204	1041021a	मनोरथो महानेष भगीरथ महारथ
2205	1041021c	एवं भवतु भद्रं ते इक्ष्वाकुकुलवर्धन
2206	1041022a	इयं हैमवती गङ्गा ज्येष्ठा हिमवतः सुता
2207	1041022c	तां वै धारयितुं राजन्हरस्तत्र नियुज्यताम्
2208	1041023a	गङ्गायाः पतनं राजन्पृथिवी न सहिष्यते
2209	1041023c	तौ वै धारयितुं वीर नान्यं पश्यामि शूलिनः
2210	1041024a	तमेवमुक्त्वा राजानं गङ्गां चाभाष्य लोककृत्
2211	1041024c	जगाम त्रिदिवं देवः सह सर्वैर्मरुद्गणैः
2212	1042001a	देवदेवे गते तस्मिन्सोऽङ्गुष्ठाग्रनिपीडिताम्
2213	1042001c	कृत्वा वसुमतीं राम संवत्सरमुपासत
2214	1042002a	अथ संवत्सरे पूर्णे सर्वलोकनमस्कृतः
2215	1042002c	उमापतिः पशुपती राजानमिदमब्रवीत्
2216	1042003a	प्रीतस्तेऽहं नरश्रेष्ठ करिष्यामि तव प्रियम्
2217	1042003c	शिरसा धारयिष्यामि शैलराजसुतामहम्
2218	1042004a	ततो हैमवती ज्येष्ठा सर्वलोकनमस्कृता
2219	1042004c	तदा सातिमहद्रूपं कृत्वा वेगं च दुःसहम्
2220	1042004e	आकाशादपतद्राम शिवे शिवशिरस्युत
2221	1042005a	नैव सा निर्गमं लेखे जटामण्डलमोहिता
2222	1042005c	तत्रैवाबभ्रमद्देवी संवत्सरगणान्बहून्
2223	1042006a	अनेन तोषितश्चासीदत्यर्थं रघुनन्दन
2224	1042006c	विससर्ज ततो गङ्गां हरो बिन्दुसरः प्रति
2225	1042007a	गगनाच्छंकरशिरस्ततो धरणिमागता
2226	1042007c	व्यसर्पत जलं तत्र तीव्रशब्दपुरस्कृतम्
2227	1042008a	ततो देवर्षिगन्धर्वा यक्षाः सिद्धगणास्तथा
2228	1042008c	व्यलोकयन्त ते तत्र गगनाद्गां गतां तदा
2229	1042009a	विमानैर्नगराकारैर्हयैर्गजवरैस्तथा
2230	1042009c	पारिप्लवगताश्चापि देवतास्तत्र विष्ठिताः
2231	1042010a	तदद्भुततमं लोके गङ्गा पतनमुत्तमम्
2232	1042010c	दिदृक्षवो देवगणाः समेयुरमितौजसः
2233	1042011a	संपतद्भिः सुरगणैस्तेषां चाभरणौजसा
2234	1042011c	शतादित्यमिवाभाति गगनं गततोयदम्
2235	1042012a	शिंशुमारोरगगणैर्मीनैरपि च चञ्चलैः
2236	1042012c	विद्युद्भिरिव विक्षिप्तैराकाशमभवत्तदा
2237	1042013a	पाण्डुरैः सलिलोत्पीडैः कीर्यमाणैः सहस्रधा
2238	1042013c	शारदाभ्रैरिवाक्रीत्णं गगनं हंससंप्लवैः
2239	1042014a	क्वचिद्द्रुततरं याति कुटिलं क्वचिदायतम्
2240	1042014c	विनतं क्वचिदुद्धूतं क्वचिद्याति शनैः शनैः
2241	1042015a	सलिलेनैव सलिलं क्वचिदभ्याहतं पुनः
2242	1042015c	मुहुरूर्ध्वपथं गत्वा पपात वसुधां पुनः
2243	1042016a	तच्छंकरशिरोभ्रष्टं भ्रष्टं भूमितले पुनः
2244	1042016c	व्यरोचत तदा तोयं निर्मलं गतकल्मषम्
2245	1042017a	तत्रर्षिगणगन्धर्वा वसुधातलवासिनः
2246	1042017c	भवाङ्गपतितं तोयं पवित्रमिति पस्पृशुः
2247	1042018a	शापात्प्रपतिता ये च गगनाद्वसुधातलम्
2248	1042018c	कृत्वा तत्राभिषेकं ते बभूवुर्गतकल्मषाः
2249	1042019a	धूपपापाः पुनस्तेन तोयेनाथ सुभास्वता
2250	1042019c	पुनराकाशमाविश्य स्वाँल्लोकान्प्रतिपेदिरे
2251	1042020a	मुमुदे मुदितो लोकस्तेन तोयेन भास्वता
2252	1042020c	कृताभिषेको गङ्गायां बभूव विगतक्लमः
2253	1042021a	भगीरथोऽपि राजर्षिर्दिव्यं स्यन्दनमास्थितः
2254	1042021c	प्रायादग्रे महातेजास्तं गङ्गा पृष्ठतोऽन्वगात्
2255	1042022a	देवाः सर्षिगणाः सर्वे दैत्यदानवराक्षसाः
2256	1042022c	गन्धर्वयक्षप्रवराः सकिंनरमहोरगाः
2257	1042023a	सर्वाश्चाप्सरसो राम भगीरथरथानुगाः
2258	1042023c	गङ्गामन्वगमन्प्रीताः सर्वे जलचराश्च ये
2259	1042024a	यतो भगीरथो राजा ततो गङ्गा यशस्विनी
2260	1042024c	जगाम सरितां श्रेष्ठा सर्वपापविनाशिनी
2261	1043001a	स गत्वा सागरं राजा गङ्गयानुगतस्तदा
2262	1043001c	प्रविवेश तलं भूमेर्यत्र ते भस्मसात्कृताः
2263	1043002a	भस्मन्यथाप्लुते राम गङ्गायाः सलिलेन वै
2264	1043002c	सर्व लोकप्रभुर्ब्रह्मा राजानमिदमब्रवीत्
2265	1043003a	तारिता नरशार्दूल दिवं याताश्च देववत्
2266	1043003c	षष्टिः पुत्रसहस्राणि सगरस्य महात्मनः
2267	1043004a	सागरस्य जलं लोके यावत्स्थास्यति पार्थिव
2268	1043004c	सगरस्यात्मजास्तावत्स्वर्गे स्थास्यन्ति देववत्
2269	1043005a	इयं च दुहिता ज्येष्ठा तव गङ्गा भविष्यति
2270	1043005c	त्वत्कृतेन च नाम्ना वै लोके स्थास्यति विश्रुता
2271	1043006a	गङ्गा त्रिपथगा नाम दिव्या भागीरथीति च
2272	1043006c	त्रिपथो भावयन्तीति ततस्त्रिपथगा स्मृता
2273	1043007a	पितामहानां सर्वेषां त्वमत्र मनुजाधिप
2274	1043007c	कुरुष्व सलिलं राजन्प्रतिज्ञामपवर्जय
2275	1043008a	पूर्वकेण हि ते राजंस्तेनातियशसा तदा
2276	1043008c	धर्मिणां प्रवरेणाथ नैष प्राप्तो मनोरथः
2277	1043009a	तथैवांशुमता तात लोकेऽप्रतिमतेजसा
2278	1043009c	गङ्गां प्रार्थयता नेतुं प्रतिज्ञा नापवर्जिता
2279	1043010a	राजर्षिणा गुणवता महर्षिसमतेजसा
2280	1043010c	मत्तुल्यतपसा चैव क्षत्रधर्मस्थितेन च
2281	1043011a	दिलीपेन महाभाग तव पित्रातितेजसा
2282	1043011c	पुनर्न शङ्किता नेतुं गङ्गां प्रार्थयतानघ
2283	1043012a	सा त्वया समतिक्रान्ता प्रतिज्ञा पुरुषर्षभ
2284	1043012c	प्राप्तोऽसि परमं लोके यशः परमसंमतम्
2285	1043013a	यच्च गङ्गावतरणं त्वया कृतमरिंदम
2286	1043013c	अनेन च भवान्प्राप्तो धर्मस्यायतनं महत्
2287	1043014a	प्लावयस्व त्वमात्मानं नरोत्तम सदोचिते
2288	1043014c	सलिले पुरुषव्याघ्र शुचिः पुण्यफलो भव
2289	1043015a	पितामहानां सर्वेषां कुरुष्व सलिलक्रियाम्
2290	1043015c	स्वस्ति तेऽस्तु गमिष्यामि स्वं लोकं गम्यतां नृप
2291	1043016a	इत्येवमुक्त्वा देवेशः सर्वलोकपितामहः
2292	1043016c	यथागतं तथागच्छद्देवलोकं महायशाः
2293	1043017a	भगीरथोऽपि राजर्षिः कृत्वा सलिलमुत्तमम्
2294	1043017c	यथाक्रमं यथान्यायं सागराणां महायशाः
2295	1043017e	कृतोदकः शुची राजा स्वपुरं प्रविवेश ह
2296	1043018a	समृद्धार्थो नरश्रेष्ठ स्वराज्यं प्रशशास ह
2297	1043018c	प्रमुमोद च लोकस्तं नृपमासाद्य राघव
2298	1043018e	नष्टशोकः समृद्धार्थो बभूव विगतज्वरः
2299	1043019a	एष ते राम गङ्गाया विस्तरोऽभिहितो मया
2300	1043019c	स्वस्ति प्राप्नुहि भद्रं ते संध्याकालोऽतिवर्तते
2301	1043020a	धन्यं यशस्यमायुष्यं स्वर्ग्यं पुत्र्यमथापि च
2302	1043020c	इदमाख्यानमाख्यातं गङ्गावतरणं मया
2303	1044001a	विश्वामित्रवचः श्रुत्वा राघवः सहलक्ष्मणः
2304	1044001c	विस्मयं परमं गत्वा विश्वामित्रमथाब्रवीत्
2305	1044002a	अत्यद्भुतमिदं ब्रह्मन्कथितं परमं त्वया
2306	1044002c	गङ्गावतरणं पुण्यं सागरस्य च पूरणम्
2307	1044003a	तस्य सा शर्वरी सर्वा सह सौमित्रिणा तदा
2308	1044003c	जगाम चिन्तयानस्य विश्वामित्रकथां शुभाम्
2309	1044004a	ततः प्रभाते विमले विश्वामित्रं महामुनिम्
2310	1044004c	उवाच राघवो वाक्यं कृताह्निकमरिंदमः
2311	1044005a	गता भगवती रात्रिः श्रोतव्यं परमं श्रुतम्
2312	1044005c	क्षणभूतेव सा रात्रिः संवृत्तेयं महातपः
2313	1044005e	इमां चिन्तयतः सर्वां निखिलेन कथां तव
2314	1044006a	तराम सरितां श्रेष्ठां पुण्यां त्रिपथगां नदीम्
2315	1044006c	नौरेषा हि सुखास्तीर्णा ऋषीणां पुण्यकर्मणाम्
2316	1044006e	भगवन्तमिह प्राप्तं ज्ञात्वा त्वरितमागता
2317	1044007a	तस्य तद्वचनं श्रुत्वा राघवस्य महात्मनः
2318	1044007c	संतारं कारयामास सर्षिसंघः सराघवः
2319	1044008a	उत्तरं तीरमासाद्य संपूज्यर्षिगणं तथ
2320	1044008c	गङ्गाकूले निविष्टास्ते विशालां ददृशुः पुरीम्
2321	1044009a	ततो मुनिवरस्तूर्णं जगाम सहराघवः
2322	1044009c	विशालां नगरीं रम्यां दिव्यां स्वर्गोपमां तदा
2323	1044010a	अथ रामो महाप्राज्ञो विश्वामित्रं महामुनिम्
2324	1044010c	पप्रच्छ प्राञ्जलिर्भूत्वा विशालामुत्तमां पुरीम्
2325	1044011a	कतरो राजवंशोऽयं विशालायां महामुने
2326	1044011c	श्रोतुमिच्छामि भद्रं ते परं कौतूहलं हि मे
2327	1044012a	तस्य तद्वचनं श्रुत्वा रामस्य मुनिपुंगवः
2328	1044012c	आख्यातुं तत्समारेभे विशालस्य पुरातनम्
2329	1044013a	श्रूयतां राम शक्रस्य कथां कथयतः शुभाम्
2330	1044013c	अस्मिन्देशे हि यद्वृत्तं शृणु तत्त्वेन राघव
2331	1044014a	पूर्वं कृतयुगे राम दितेः पुत्रा महाबलाः
2332	1044014c	अदितेश्च महाभागा वीर्यवन्तः सुधार्मिकाः
2333	1044015a	ततस्तेषां नरश्रेष्ठ बुद्धिरासीन्महात्मनाम्
2334	1044015c	अमरा निर्जराश्चैव कथं स्याम निरामयाः
2335	1044016a	तेषां चिन्तयतां राम बुद्धिरासीद्विपश्चिताम्
2336	1044016c	क्षीरोदमथनं कृत्वा रसं प्राप्स्याम तत्र वै
2337	1044017a	ततो निश्चित्य मथनं योक्त्रं कृत्वा च वासुकिम्
2338	1044017c	मन्थानं मन्दरं कृत्वा ममन्थुरमितौजसः
2339	1044018a	अथ धन्वन्तरिर्नाम अप्सराश्च सुवर्चसः
2340	1044018c	अप्सु निर्मथनादेव रसात्तस्माद्वरस्त्रियः
2341	1044018e	उत्पेतुर्मनुजश्रेष्ठ तस्मादप्सरसोऽभवन्
2342	1044019a	षष्टिः कोट्योऽभवंस्तासामप्सराणां सुवर्चसाम्
2343	1044019c	असंख्येयास्तु काकुत्स्थ यास्तासां परिचारिकाः
2344	1044020a	न ताः स्म प्रतिगृह्णन्ति सर्वे ते देवदानवाः
2345	1044020c	अप्रतिग्रहणाच्चैव तेन साधारणाः स्मृताः
2346	1044021a	वरुणस्य ततः कन्या वारुणी रघुनन्दन
2347	1044021c	उत्पपात महाभागा मार्गमाणा परिग्रहम्
2348	1044022a	दितेः पुत्रा न तां राम जगृहुर्वरुणात्मजाम्
2349	1044022c	अदितेस्तु सुता वीर जगृहुस्तामनिन्दिताम्
2350	1044023a	असुरास्तेन दैतेयाः सुरास्तेनादितेः सुताः
2351	1044023c	हृष्टाः प्रमुदिताश्चासन्वारुणी ग्रहणात्सुराः
2352	1044024a	उच्चैःश्रवा हयश्रेष्ठो मणिरत्नं च कौस्तुभम्
2353	1044024c	उदतिष्ठन्नरश्रेष्ठ तथैवामृतमुत्तमम्
2354	1044025a	अथ तस्य कृते राम महानासीत्कुलक्षयः
2355	1044025c	अदितेस्तु ततः पुत्रा दितेः पुत्राण सूदयन्
2356	1044026a	अदितेरात्मजा वीरा दितेः पुत्रान्निजघ्निरे
2357	1044026c	तस्मिन्घोरे महायुद्धे दैतेयादित्ययोर्भृशम्
2358	1044027a	निहत्य दितिपुत्रांस्तु राज्यं प्राप्य पुरंदरः
2359	1044027c	शशास मुदितो लोकान्सर्षिसंघान्सचारणान्
2360	1045001a	हतेषु तेषु पुत्रेषु दितिः परमदुःखिता
2361	1045001c	मारीचं काश्यपं राम भर्तारमिदमब्रवीत्
2362	1045002a	हतपुत्रास्मि भगवंस्तव पुत्रैर्महाबलैः
2363	1045002c	शक्रहन्तारमिच्छामि पुत्रं दीर्घतपोऽर्जितम्
2364	1045003a	साहं तपश्चरिष्यामि गर्भं मे दातुमर्हसि
2365	1045003c	ईदृशं शक्रहन्तारं त्वमनुज्ञातुमर्हसि
2366	1045004a	तस्यास्तद्वचनं श्रुत्वा मारीचः काश्यपस्तदा
2367	1045004c	प्रत्युवाच महातेजा दितिं परमदुःखिताम्
2368	1045005a	एवं भवतु भद्रं ते शुचिर्भव तपोधने
2369	1045005c	जनयिष्यसि पुत्रं त्वं शक्र हन्तारमाहवे
2370	1045006a	पूर्णे वर्षसहस्रे तु शुचिर्यदि भविष्यसि
2371	1045006c	पुत्रं त्रैलोक्य हन्तारं मत्तस्त्वं जनयिष्यसि
2372	1045007a	एवमुक्त्वा महातेजाः पाणिना स ममार्ज ताम्
2373	1045007c	समालभ्य ततः स्वस्तीत्युक्त्वा स तपसे ययौ
2374	1045008a	गते तस्मिन्नरश्रेष्ठ दितिः परमहर्षिता
2375	1045008c	कुशप्लवनमासाद्य तपस्तेपे सुदारुणम्
2376	1045009a	तपस्तस्यां हि कुर्वत्यां परिचर्यां चकार ह
2377	1045009c	सहस्राक्षो नरश्रेष्ठ परया गुणसंपदा
2378	1045010a	अग्निं कुशान्काष्ठमपः फलं मूलं तथैव च
2379	1045010c	न्यवेदयत्सहस्राक्षो यच्चान्यदपि काङ्क्षितम्
2380	1045011a	गात्रसंवाहनैश्चैव श्रमापनयनैस्तथा
2381	1045011c	शक्रः सर्वेषु कालेषु दितिं परिचचार ह
2382	1045012a	अथ वर्षसहस्रेतु दशोने रघु नन्दन
2383	1045012c	दितिः परमसंप्रीता सहस्राक्षमथाब्रवीत्
2384	1045013a	तपश्चरन्त्या वर्षाणि दश वीर्यवतां वर
2385	1045013c	अवशिष्टानि भद्रं ते भ्रातरं द्रक्ष्यसे ततः
2386	1045014a	तमहं त्वत्कृते पुत्र समाधास्ये जयोत्सुकम्
2387	1045014c	त्रैलोक्यविजयं पुत्र सह भोक्ष्यसि विज्वरः
2388	1045015a	एवमुक्त्वा दितिः शक्रं प्राप्ते मध्यं दिवाकरे
2389	1045015c	निद्रयापहृता देवी पादौ कृत्वाथ शीर्षतः
2390	1045016a	दृष्ट्वा तामशुचिं शक्रः पादतः कृतमूर्धजाम्
2391	1045016c	शिरःस्थाने कृतौ पादौ जहास च मुमोद च
2392	1045017a	तस्याः शरीरविवरं विवेश च पुरंदरः
2393	1045017c	गर्भं च सप्तधा राम बिभेद परमात्मवान्
2394	1045018a	बिध्यमानस्ततो गर्भो वज्रेण शतपर्वणा
2395	1045018c	रुरोद सुस्वरं राम ततो दितिरबुध्यत
2396	1045019a	मा रुदो मा रुदश्चेति गर्भं शक्रोऽभ्यभाषत
2397	1045019c	बिभेद च महातेजा रुदन्तमपि वासवः
2398	1045020a	न हन्तव्यो न हन्तव्य इत्येवं दितिरब्रवीत्
2399	1045020c	निष्पपात ततः शक्रो मातुर्वचनगौरवात्
2400	1045021a	प्राञ्जलिर्वज्रसहितो दितिं शक्रोऽभ्यभाषत
2401	1045021c	अशुचिर्देवि सुप्तासि पादयोः कृतमूर्धजा
2402	1045022a	तदन्तरमहं लब्ध्वा शक्रहन्तारमाहवे
2403	1045022c	अभिन्दं सप्तधा देवि तन्मे त्वं क्षन्तुमर्हसि
2404	1046001a	सप्तधा तु कृते गर्भे दितिः परमदुःखिता
2405	1046001c	सहस्राक्षं दुराधर्षं वाक्यं सानुनयाब्रवीत्
2406	1046002a	ममापराधाद्गर्भोऽयं सप्तधा विफलीकृतः
2407	1046002c	नापराधोऽस्ति देवेश तवात्र बलसूदन
2408	1046003a	प्रियं तु कृतमिच्छामि मम गर्भविपर्यये
2409	1046003c	मरुतां सप्तं सप्तानां स्थानपाला भवन्त्विमे
2410	1046004a	वातस्कन्धा इमे सप्त चरन्तु दिवि पुत्रकाः
2411	1046004c	मारुता इति विख्याता दिव्यरूपा ममात्मजाः
2412	1046005a	ब्रह्मलोकं चरत्वेक इन्द्रलोकं तथापरः
2413	1046005c	दिवि वायुरिति ख्यातस्तृतीयोऽपि महायशाः
2414	1046006a	चत्वारस्तु सुरश्रेष्ठ दिशो वै तव शासनात्
2415	1046006c	संचरिष्यन्ति भद्रं ते देवभूता ममात्मजाः
2416	1046006e	त्वत्कृतेनैव नाम्ना च मारुता इति विश्रुताः
2417	1046007a	तस्यास्तद्वचनं श्रुत्वा सहस्राक्षः पुरंदरः
2418	1046007c	उवाच प्राञ्जलिर्वाक्यं दितिं बलनिषूदनः
2419	1046008a	सर्वमेतद्यथोक्तं ते भविष्यति न संशयः
2420	1046008c	विचरिष्यन्ति भद्रं ते देवभूतास्तवात्मजाः
2421	1046009a	एवं तौ निश्चयं कृत्वा मातापुत्रौ तपोवने
2422	1046009c	जग्मतुस्त्रिदिवं राम कृतार्थाविति नः श्रुतम्
2423	1046010a	एष देशः स काकुत्स्थ महेन्द्राध्युषितः पुरा
2424	1046010c	दितिं यत्र तपः सिद्धामेवं परिचचार सः
2425	1046011a	इक्ष्वाकोस्तु नरव्याघ्र पुत्रः परमधार्मिकः
2426	1046011c	अलम्बुषायामुत्पन्नो विशाल इति विश्रुतः
2427	1046012a	तेन चासीदिह स्थाने विशालेति पुरी कृता
2428	1046013a	विशालस्य सुतो राम हेमचन्द्रो महाबलः
2429	1046013c	सुचन्द्र इति विख्यातो हेमचन्द्रादनन्तरः
2430	1046014a	सुचन्द्रतनयो राम धूम्राश्व इति विश्रुतः
2431	1046014c	धूम्राश्वतनयश्चापि सृञ्जयः समपद्यत
2432	1046015a	सृञ्जयस्य सुतः श्रीमान्सहदेवः प्रतापवान्
2433	1046015c	कुशाश्वः सहदेवस्य पुत्रः परमधार्मिकः
2434	1046016a	कुशाश्वस्य महातेजाः सोमदत्तः प्रतापवान्
2435	1046016c	सोमदत्तस्य पुत्रस्तु काकुत्स्थ इति विश्रुतः
2436	1046017a	तस्य पुत्रो महातेजाः संप्रत्येष पुरीमिमाम्
2437	1046017c	आवसत्यमरप्रख्यः सुमतिर्नाम दुर्जयः
2438	1046018a	इक्ष्वाकोस्तु प्रसादेन सर्वे वैशालिका नृपाः
2439	1046018c	दीर्घायुषो महात्मानो वीर्यवन्तः सुधार्मिकाः
2440	1046019a	इहाद्य रजनीं राम सुखं वत्स्यामहे वयम्
2441	1046019c	श्वः प्रभाते नरश्रेष्ठ जनकं द्रष्टुमर्हसि
2442	1046020a	सुमतिस्तु महातेजा विश्वामित्रमुपागतम्
2443	1046020c	श्रुत्वा नरवरश्रेष्ठः प्रत्युद्गच्छन्महायशाः
2444	1046021a	पूजां च परमां कृत्वा सोपाध्यायः सबान्धवः
2445	1046021c	प्राञ्जलिः कुशलं पृष्ट्वा विश्वामित्रमथाब्रवीत्
2446	1046022a	धन्योऽस्म्यनुगृहीतोऽस्मि यस्य मे विषयं मुने
2447	1046022c	संप्राप्तो दर्शनं चैव नास्ति धन्यतरो मम
2448	1047001a	पृष्ट्वा तु कुशलं तत्र परस्परसमागमे
2449	1047001c	कथान्ते सुमतिर्वाक्यं व्याजहार महामुनिम्
2450	1047002a	इमौ कुमारौ भद्रं ते देवतुल्यपराक्रमौ
2451	1047002c	गजसिंहगती वीरौ शार्दूलवृषभोपमौ
2452	1047003a	पद्मपत्रविशालाक्षौ खड्गतूणीधनुर्धरौ
2453	1047003c	अश्विनाविव रूपेण समुपस्थितयौवनौ
2454	1047004a	यदृच्छयैव गां प्राप्तौ देवलोकादिवामरौ
2455	1047004c	कथं पद्भ्यामिह प्राप्तौ किमर्थं कस्य वा मुने
2456	1047005a	भूषयन्ताविमं देशं चन्द्रसूर्याविवाम्बरम्
2457	1047005c	परस्परस्य सदृशौ प्रमाणेङ्गितचेष्टितैः
2458	1047006a	किमर्थं च नरश्रेष्ठौ संप्राप्तौ दुर्गमे पथि
2459	1047006c	वरायुधधरौ वीरौ श्रोतुमिच्छामि तत्त्वतः
2460	1047007a	तस्य तद्वचनं श्रुत्वा यथावृत्तं न्यवेदयत्
2461	1047007c	सिद्धाश्रमनिवासं च राक्षसानां वधं तथा
2462	1047008a	विश्वामित्रवचः श्रुत्वा राजा परमहर्षितः
2463	1047008c	अतिथी परमौ प्राप्तौ पुत्रौ दशरथस्य तौ
2464	1047008e	पूजयामास विधिवत्सत्कारार्हौ महाबलौ
2465	1047009a	ततः परमसत्कारं सुमतेः प्राप्य राघवौ
2466	1047009c	उष्य तत्र निशामेकां जग्मतुर्मिथिलां ततः
2467	1047010a	तां दृष्ट्वा मुनयः सर्वे जनकस्य पुरीं शुभाम्
2468	1047010c	साधु साध्विति शंसन्तो मिथिलां समपूजयन्
2469	1047011a	मिथिलोपवने तत्र आश्रमं दृश्य राघवः
2470	1047011c	पुराणं निर्जनं रम्यं पप्रच्छ मुनिपुंगवम्
2471	1047012a	श्रीमदाश्रमसंकाशं किं न्विदं मुनिवर्जितम्
2472	1047012c	श्रोतुमिच्छामि भगवन्कस्यायं पूर्व आश्रमः
2473	1047013a	तच्छ्रुता राघवेणोक्तं वाक्यं वाक्यविशारदः
2474	1047013c	प्रत्युवाच महातेजा विश्वमित्रो महामुनिः
2475	1047014a	हन्त ते कथयिष्यामि शृणु तत्त्वेन राघव
2476	1047014c	यस्यैतदाश्रमपदं शप्तं कोपान्महात्मना
2477	1047015a	गौतमस्य नरश्रेष्ठ पूर्वमासीन्महात्मनः
2478	1047015c	आश्रमो दिव्यसंकाशः सुरैरपि सुपूजितः
2479	1047016a	स चेह तप आतिष्ठदहल्यासहितः पुरा
2480	1047016c	वर्षपूगान्यनेकानि राजपुत्र महायशः
2481	1047017a	तस्यान्तरं विदित्वा तु सहस्राक्षः शचीपतिः
2482	1047017c	मुनिवेषधरोऽहल्यामिदं वचनमब्रवीत्
2483	1047018a	ऋतुकालं प्रतीक्षन्ते नार्थिनः सुसमाहिते
2484	1047018c	संगमं त्वहमिच्छामि त्वया सह सुमध्यमे
2485	1047019a	मुनिवेषं सहस्राक्षं विज्ञाय रघुनन्दन
2486	1047019c	मतिं चकार दुर्मेधा देवराजकुतूहलात्
2487	1047020a	अथाब्रवीत्सुरश्रेष्ठं कृतार्थेनान्तरात्मना
2488	1047020c	कृतार्थोऽसि सुरश्रेष्ठ गच्छ शीघ्रमितः प्रभो
2489	1047020e	आत्मानं मां च देवेश सर्वदा रक्ष मानदः
2490	1047021a	इन्द्रस्तु प्रहसन्वाक्यमहल्यामिदमब्रवीत्
2491	1047021c	सुश्रोणि परितुष्टोऽस्मि गमिष्यामि यथागतम्
2492	1047022a	एवं संगम्य तु तया निश्चक्रामोटजात्ततः
2493	1047022c	स संभ्रमात्त्वरन्राम शङ्कितो गौतमं प्रति
2494	1047023a	गौतमं स ददर्शाथ प्रविशन्तं महामुनिम्
2495	1047023c	देवदानवदुर्धर्षं तपोबलसमन्वितम्
2496	1047023e	तीर्थोदकपरिक्लिन्नं दीप्यमानमिवानलम्
2497	1047023g	गृहीतसमिधं तत्र सकुशं मुनिपुङ्गवम्
2498	1047024a	दृष्ट्वा सुरपतिस्त्रस्तो विषण्णवदनोऽभवत्
2499	1047025a	अथ दृष्ट्वा सहस्राक्षं मुनिवेषधरं मुनिः
2500	1047025c	दुर्वृत्तं वृत्तसंपन्नो रोषाद्वचनमब्रवीत्
2501	1047026a	मम रूपं समास्थाय कृतवानसि दुर्मते
2502	1047026c	अकर्तव्यमिदं यस्माद्विफलस्त्वं भविष्यति
2503	1047027a	गौतमेनैवमुक्तस्य सरोषेण महात्मना
2504	1047027c	पेततुर्वृषणौ भूमौ सहस्राक्षस्य तत्क्षणात्
2505	1047028a	तथा शप्त्वा स वै शक्रं भार्यामपि च शप्तवान्
2506	1047028c	इह वर्षसहस्राणि बहूनि त्वं निवत्स्यसि
2507	1047029a	वायुभक्षा निराहारा तप्यन्ती भस्मशायिनी
2508	1047029c	अदृश्या सर्वभूतानामाश्रमेऽस्मिन्निवत्स्यसि
2509	1047030a	यदा चैतद्वनं घोरं रामो दशरथात्मजः
2510	1047030c	आगमिष्यति दुर्धर्षस्तदा पूता भविष्यसि
2511	1047031a	तस्यातिथ्येन दुर्वृत्ते लोभमोहविवर्जिता
2512	1047031c	मत्सकाशे मुदा युक्ता स्वं वपुर्धारयिष्यसि
2513	1047032a	एवमुक्त्वा महातेजा गौतमो दुष्टचारिणीम्
2514	1047032c	इममाश्रममुत्सृज्य सिद्धचारणसेविते
2515	1047032e	हिमवच्छिखरे रम्ये तपस्तेपे महातपाः
2516	1048001a	अफलस्तु ततः शक्रो देवानग्निपुरोगमान्
2517	1048001c	अब्रवीत्त्रस्तवदनः सर्षिसंघान्सचारणान्
2518	1048002a	कुर्वता तपसो विघ्नं गौतमस्य महात्मनः
2519	1048002c	क्रोधमुत्पाद्य हि मया सुरकार्यमिदं कृतम्
2520	1048003a	अफलोऽस्मि कृतस्तेन क्रोधात्सा च निराकृता
2521	1048003c	शापमोक्षेण महता तपोऽस्यापहृतं मया
2522	1048004a	तन्मां सुरवराः सर्वे सर्षिसंघाः सचारणाः
2523	1048004c	सुरसाह्यकरं सर्वे सफलं कर्तुमर्हथ
2524	1048005a	शतक्रतोर्वचः श्रुत्वा देवाः साग्निपुरोगमाः
2525	1048005c	पितृदेवानुपेत्याहुः सह सर्वैर्मरुद्गणैः
2526	1048006a	अयं मेषः सवृषणः शक्रो ह्यवृषणः कृतः
2527	1048006c	मेषस्य वृषणौ गृह्य शक्रायाशु प्रयच्छत
2528	1048007a	अफलस्तु कृतो मेषः परां तुष्टिं प्रदास्यति
2529	1048007c	भवतां हर्षणार्थाय ये च दास्यन्ति मानवाः
2530	1048008a	अग्नेस्तु वचनं श्रुत्वा पितृदेवाः समागताः
2531	1048008c	उत्पाट्य मेषवृषणौ सहस्राक्षे न्यवेदयन्
2532	1048009a	तदा प्रभृति काकुत्स्थ पितृदेवाः समागताः
2533	1048009c	अफलान्भुञ्जते मेषान्फलैस्तेषामयोजयन्
2534	1048010a	इन्द्रस्तु मेषवृषणस्तदा प्रभृति राघव
2535	1048010c	गौतमस्य प्रभावेन तपसश्च महात्मनः
2536	1048011a	तदागच्छ महातेज आश्रमं पुण्यकर्मणः
2537	1048011c	तारयैनां महाभागामहल्यां देवरूपिणीम्
2538	1048012a	विश्वामित्रवचः श्रुत्वा राघवः सहलक्ष्मणः
2539	1048012c	विश्वामित्रं पुरस्कृत्य आश्रमं प्रविवेश ह
2540	1048013a	ददर्श च महाभागां तपसा द्योतितप्रभाम्
2541	1048013c	लोकैरपि समागम्य दुर्निरीक्ष्यां सुरासुरैः
2542	1048014a	प्रयत्नान्निर्मितां धात्रा दिव्यां मायामयीमिव
2543	1048014c	धूमेनाभिपरीताङ्गीं पूर्णचन्द्रप्रभामिव
2544	1048015a	सतुषारावृतां साभ्रां पूर्णचन्द्रप्रभामिव
2545	1048015c	मध्येऽम्भसो दुराधर्षां दीप्तां सूर्यप्रभामिव
2546	1048016a	स हि गौतमवाक्येन दुर्निरीक्ष्या बभूव ह
2547	1048016c	त्रयाणामपि लोकानां यावद्रामस्य दर्शनम्
2548	1048017a	राघवौ तु ततस्तस्याः पादौ जगृहतुस्तदा
2549	1048017c	स्मरन्ती गौतमवचः प्रतिजग्राह सा च तौ
2550	1048018a	पाद्यमर्घ्यं तथातिथ्यं चकार सुसमाहिता
2551	1048018c	प्रतिजग्राह काकुत्स्थो विधिदृष्टेन कर्मणा
2552	1048019a	पुष्पवृष्टिर्महत्यासीद्देवदुन्दुभिनिस्वनैः
2553	1048019c	गन्धर्वाप्सरसां चापि महानासीत्समागमः
2554	1048020a	साधु साध्विति देवास्तामहल्यां समपूजयन्
2555	1048020c	तपोबलविशुद्धाङ्गीं गौतमस्य वशानुगाम्
2556	1048021a	गौतमोऽपि महातेजा अहल्यासहितः सुखी
2557	1048021c	रामं संपूज्य विधिवत्तपस्तेपे महातपाः
2558	1048022a	रामोऽपि परमां पूजां गौतमस्य महामुनेः
2559	1048022c	सकाशाद्विधिवत्प्राप्य जगाम मिथिलां ततः
2560	1049001a	ततः प्रागुत्तरां गत्वा रामः सौमित्रिणा सह
2561	1049001c	विश्वामित्रं पुरस्कृत्य यज्ञवाटमुपागमत्
2562	1049002a	रामस्तु मुनिशार्दूलमुवाच सहलक्ष्मणः
2563	1049002c	साध्वी यज्ञसमृद्धिर्हि जनकस्य महात्मनः
2564	1049003a	बहूनीह सहस्राणि नानादेशनिवासिनाम्
2565	1049003c	ब्राह्मणानां महाभाग वेदाध्ययनशालिनाम्
2566	1049004a	ऋषिवाटाश्च दृश्यन्ते शकटीशतसंकुलाः
2567	1049004c	देशो विधीयतां ब्रह्मन्यत्र वत्स्यामहे वयम्
2568	1049005a	रामस्य वचनं श्रुत्वा विश्वामित्रो महामुनिः
2569	1049005c	निवेशमकरोद्देशे विविक्ते सलिलायुते
2570	1049006a	विश्वामित्रं मुनिश्रेष्ठं श्रुत्वा स नृपतिस्तदा
2571	1049006c	शतानन्दं पुरस्कृत्य पुरोहितमनिन्दितम्
2572	1049007a	ऋत्विजोऽपि महात्मानस्त्वर्घ्यमादाय सत्वरम्
2573	1049007c	विश्वामित्राय धर्मेण ददुर्मन्त्रपुरस्कृतम्
2574	1049008a	प्रतिगृह्य तु तां पूजां जनकस्य महात्मनः
2575	1049008c	पप्रच्छ कुशलं राज्ञो यज्ञस्य च निरामयम्
2576	1049009a	स तांश्चापि मुनीन्पृष्ट्वा सोपाध्याय पुरोधसः
2577	1049009c	यथान्यायं ततः सर्वैः समागच्छत्प्रहृष्टवान्
2578	1049010a	अथ राजा मुनिश्रेष्ठं कृताञ्जलिरभाषत
2579	1049010c	आसने भगवानास्तां सहैभिर्मुनिसत्तमैः
2580	1049011a	जनकस्य वचः श्रुत्वा निषसाद महामुनिः
2581	1049011c	पुरोधा ऋत्विजश्चैव राजा च सह मन्त्रिभिः
2582	1049012a	आसनेषु यथान्यायमुपविष्टान्समन्ततः
2583	1049012c	दृष्ट्वा स नृपतिस्तत्र विश्वामित्रमथाब्रवीत्
2584	1049013a	अद्य यज्ञसमृद्धिर्मे सफला दैवतैः कृता
2585	1049013c	अद्य यज्ञफलं प्राप्तं भगवद्दर्शनान्मया
2586	1049014a	धन्योऽस्म्यनुगृहीतोऽस्मि यस्य मे मुनिपुंगव
2587	1049014c	यज्ञोपसदनं ब्रह्मन्प्राप्तोऽसि मुनिभिः सह
2588	1049015a	द्वादशाहं तु ब्रह्मर्षे शेषमाहुर्मनीषिणः
2589	1049015c	ततो भागार्थिनो देवान्द्रष्टुमर्हसि कौशिक
2590	1049016a	इत्युक्त्वा मुनिशार्दूलं प्रहृष्टवदनस्तदा
2591	1049016c	पुनस्तं परिपप्रच्छ प्राञ्जलिः प्रयतो नृपः
2592	1049017a	इमौ कुमारौ भद्रं ते देवतुल्यपराक्रमौ
2593	1049017c	गजसिंहगती वीरौ शार्दूलवृषभोपमौ
2594	1049018a	पद्मपत्रविशालाक्षौ खड्गतूणीधनुर्धरौ
2595	1049018c	अश्विनाविव रूपेण समुपस्थितयौवनौ
2596	1049019a	यदृच्छयैव गां प्राप्तौ देवलोकादिवामरौ
2597	1049019c	कथं पद्भ्यामिह प्राप्तौ किमर्थं कस्य वा मुने
2598	1049020a	वरायुधधरौ वीरौ कस्य पुत्रौ महामुने
2599	1049020c	भूषयन्ताविमं देशं चन्द्रसूर्याविवाम्बरम्
2600	1049021a	परस्परस्य सदृशौ प्रमाणेङ्गितचेष्टितैः
2601	1049021c	काकपक्षधरौ वीरौ श्रोतुमिच्छामि तत्त्वतः
2602	1049022a	तस्य तद्वचनं श्रुत्वा जनकस्य महात्मनः
2603	1049022c	न्यवेदयन्महात्मानौ पुत्रौ दशरथस्य तौ
2604	1049023a	सिद्धाश्रमनिवासं च राक्षसानां वधं तथा
2605	1049023c	तच्चागमनमव्यग्रं विशालायाश्च दर्शनम्
2606	1049024a	अहल्यादर्शनं चैव गौतमेन समागमम्
2607	1049024c	महाधनुषि जिज्ञासां कर्तुमागमनं तथा
2608	1049025a	एतत्सर्वं महातेजा जनकाय महात्मने
2609	1049025c	निवेद्य विररामाथ विश्वामित्रो महामुनिः
2610	1050001a	तस्य तद्वचनं श्रुत्वा विश्वामित्रस्य धीमतः
2611	1050001c	हृष्टरोमा महातेजाः शतानन्दो महातपाः
2612	1050002a	गौतमस्य सुतो ज्येष्ठस्तपसा द्योतितप्रभः
2613	1050002c	रामसंदर्शनादेव परं विस्मयमागतः
2614	1050003a	स तौ निषण्णौ संप्रेक्ष्य सुखासीनौ नृपात्मजौ
2615	1050003c	शतानन्दो मुनिश्रेष्ठं विश्वामित्रमथाब्रवीत्
2616	1050004a	अपि ते मुनिशार्दूल मम माता यशस्विनी
2617	1050004c	दर्शिता राजपुत्राय तपो दीर्घमुपागता
2618	1050005a	अपि रामे महातेजो मम माता यशस्विनी
2619	1050005c	वन्यैरुपाहरत्पूजां पूजार्हे सर्वदेहिनाम्
2620	1050006a	अपि रामाय कथितं यथावृत्तं पुरातनम्
2621	1050006c	मम मातुर्महातेजो देवेन दुरनुष्ठितम्
2622	1050007a	अपि कौशिक भद्रं ते गुरुणा मम संगता
2623	1050007c	माता मम मुनिश्रेष्ठ रामसंदर्शनादितः
2624	1050008a	अपि मे गुरुणा रामः पूजितः कुशिकात्मज
2625	1050008c	इहागतो महातेजाः पूजां प्राप्य महात्मनः
2626	1050009a	अपि शान्तेन मनसा गुरुर्मे कुशिकात्मज
2627	1050009c	इहागतेन रामेण प्रयतेनाभिवादितः
2628	1050010a	तच्छ्रुत्वा वचनं तस्य विश्वामित्रो महामुनिः
2629	1050010c	प्रत्युवाच शतानन्दं वाक्यज्ञो वाक्यकोविदम्
2630	1050011a	नातिक्रान्तं मुनिश्रेष्ठ यत्कर्तव्यं कृतं मया
2631	1050011c	संगता मुनिना पत्नी भार्गवेणेव रेणुका
2632	1050012a	तच्छ्रुत्वा वचनं तस्य विश्वामित्रस्य धीमतः
2633	1050012c	शतानन्दो महातेजा रामं वचनमब्रवीत्
2634	1050013a	स्वागतं ते नरश्रेष्ठ दिष्ट्या प्राप्तोऽसि राघव
2635	1050013c	विश्वामित्रं पुरस्कृत्य महर्षिमपराजितम्
2636	1050014a	अचिन्त्यकर्मा तपसा ब्रह्मर्षिरमितप्रभः
2637	1050014c	विश्वामित्रो महातेजा वेत्स्येनं परमां गतिम्
2638	1050015a	नास्ति धन्यतरो राम त्वत्तोऽन्यो भुवि कश्चन
2639	1050015c	गोप्ता कुशिकपुत्रस्ते येन तप्तं महत्तपः
2640	1050016a	श्रूयतां चाभिदास्यामि कौशिकस्य महात्मनः
2641	1050016c	यथाबलं यथावृत्तं तन्मे निगदतः शृणु
2642	1050017a	राजाभूदेष धर्मात्मा दीर्घ कालमरिंदमः
2643	1050017c	धर्मज्ञः कृतविद्यश्च प्रजानां च हिते रतः
2644	1050018a	प्रजापतिसुतस्त्वासीत्कुशो नाम महीपतिः
2645	1050018c	कुशस्य पुत्रो बलवान्कुशनाभः सुधार्मिकः
2646	1050019a	कुशनाभसुतस्त्वासीद्गाधिरित्येव विश्रुतः
2647	1050019c	गाधेः पुत्रो महातेजा विश्वामित्रो महामुनिः
2648	1050020a	विश्वमित्रो महातेजाः पालयामास मेदिनीम्
2649	1050020c	बहुवर्षसहस्राणि राजा राज्यमकारयत्
2650	1050021a	कदाचित्तु महातेजा योजयित्वा वरूथिनीम्
2651	1050021c	अक्षौहिणीपरिवृतः परिचक्राम मेदिनीम्
2652	1050022a	नगराणि च राष्ट्राणि सरितश्च तथा गिरीन्
2653	1050022c	आश्रमान्क्रमशो राजा विचरन्नाजगामह
2654	1050023a	वसिष्ठस्याश्रमपदं नानापुष्पफलद्रुमम्
2655	1050023c	नानामृगगणाकीर्णं सिद्धचारणसेवितम्
2656	1050024a	देवदानवगन्धर्वैः किंनरैरुपशोभितम्
2657	1050024c	प्रशान्तहरिणाकीर्णं द्विजसंघनिषेवितम्
2658	1050025a	ब्रह्मर्षिगणसंकीर्णं देवर्षिगणसेवितम्
2659	1050025c	तपश्चरणसंसिद्धैरग्निकल्पैर्महात्मभिः
2660	1050026a	सततं संकुलं श्रीमद्ब्रह्मकल्पैर्महात्मभिः
2661	1050026c	अब्भक्षैर्वायुभक्षैश्च शीर्णपर्णाशनैस्तथा
2662	1050027a	फलमूलाशनैर्दान्तैर्जितरोषैर्जितेन्द्रियैः
2663	1050027c	ऋषिभिर्वालखिल्यैश्च जपहोमपरायणैः
2664	1050028a	वसिष्ठस्याश्रमपदं ब्रह्मलोकमिवापरम्
2665	1050028c	ददर्श जयतां श्रेष्ठ विश्वामित्रो महाबलः
2666	1051001a	स दृष्ट्वा परमप्रीतो विश्वामित्रो महाबलः
2667	1051001c	प्रणतो विनयाद्वीरो वसिष्ठं जपतां वरम्
2668	1051002a	स्वागतं तव चेत्युक्तो वसिष्ठेन महात्मना
2669	1051002c	आसनं चास्य भगवान्वसिष्ठो व्यादिदेश ह
2670	1051003a	उपविष्टाय च तदा विश्वामित्राय धीमते
2671	1051003c	यथान्यायं मुनिवरः फलमूलमुपाहरत्
2672	1051004a	प्रतिगृह्य च तां पूजां वसिष्ठाद्राजसत्तमः
2673	1051004c	तपोऽग्निहोत्रशिष्येषु कुशलं पर्यपृच्छत
2674	1051005a	विश्वामित्रो महातेजा वनस्पतिगणे तथा
2675	1051005c	सर्वत्र कुशलं चाह वसिष्ठो राजसत्तमम्
2676	1051006a	सुखोपविष्टं राजानं विश्वामित्रं महातपाः
2677	1051006c	पप्रच्छ जपतां श्रेष्ठो वसिष्ठो ब्रह्मणः सुतः
2678	1051007a	कच्चित्ते कुशलं राजन्कच्चिद्धर्मेण रञ्जयन्
2679	1051007c	प्रजाः पालयसे राजन्राजवृत्तेन धार्मिक
2680	1051008a	कच्चित्ते सुभृता भृत्याः कच्चित्तिष्ठन्ति शासने
2681	1051008c	कच्चित्ते विजिताः सर्वे रिपवो रिपुसूदन
2682	1051009a	कच्चिद्बले च कोशे च मित्रेषु च परंतप
2683	1051009c	कुशलं ते नरव्याघ्र पुत्रपौत्रे तथानघ
2684	1051010a	सर्वत्र कुशलं राजा वसिष्ठं प्रत्युदाहरत्
2685	1051010c	विश्वामित्रो महातेजा वसिष्ठं विनयान्वितः
2686	1051011a	कृत्वोभौ सुचिरं कालं धर्मिष्ठौ ताः कथाः शुभाः
2687	1051011c	मुदा परमया युक्तौ प्रीयेतां तौ परस्परम्
2688	1051012a	ततो वसिष्ठो भगवान्कथान्ते रघुनन्दन
2689	1051012c	विश्वामित्रमिदं वाक्यमुवाच प्रहसन्निव
2690	1051013a	आतिथ्यं कर्तुमिच्छामि बलस्यास्य महाबल
2691	1051013c	तव चैवाप्रमेयस्य यथार्हं संप्रतीच्छ मे
2692	1051014a	सत्क्रियां तु भवानेतां प्रतीच्छतु मयोद्यताम्
2693	1051014c	राजंस्त्वमतिथिश्रेष्ठः पूजनीयः प्रयत्नतः
2694	1051015a	एवमुक्तो वसिष्ठेन विश्वामित्रो महामतिः
2695	1051015c	कृतमित्यब्रवीद्राजा पूजावाक्येन मे त्वया
2696	1051016a	फलमूलेन भगवन्विद्यते यत्तवाश्रमे
2697	1051016c	पाद्येनाचमनीयेन भगवद्दर्शनेन च
2698	1051017a	सर्वथा च महाप्राज्ञ पूजार्हेण सुपूजितः
2699	1051017c	गमिष्यामि नमस्तेऽस्तु मैत्रेणेक्षस्व चक्षुषा
2700	1051018a	एवं ब्रुवन्तं राजानं वसिष्ठः पुनरेव हि
2701	1051018c	न्यमन्त्रयत धर्मात्मा पुनः पुनरुदारधीः
2702	1051019a	बाढमित्येव गाधेयो वसिष्ठं प्रत्युवाच ह
2703	1051019c	यथा प्रियं भगवतस्तथास्तु मुनिसत्तम
2704	1051020a	एवमुक्तो महातेजा वसिष्ठो जपतां वरः
2705	1051020c	आजुहाव ततः प्रीतः कल्माषीं धूतकल्मषः
2706	1051021a	एह्येहि शबले क्षिप्रं शृणु चापि वचो मम
2707	1051021c	सबलस्यास्य राजर्षेः कर्तुं व्यवसितोऽस्म्यहम्
2708	1051021e	भोजनेन महार्हेण सत्कारं संविधत्स्व मे
2709	1051022a	यस्य यस्य यथाकामं षड्रसेष्वभिपूजितम्
2710	1051022c	तत्सर्वं कामधुग्दिव्ये अभिवर्षकृते मम
2711	1051023a	रसेनान्नेन पानेन लेह्यचोष्येण संयुतम्
2712	1051023c	अन्नानां निचयं सर्वं सृजस्व शबले त्वर
2713	1052001a	एवमुक्ता वसिष्ठेन शबला शत्रुसूदन
2714	1052001c	विदधे कामधुक्कामान्यस्य यस्य यथेप्सितम्
2715	1052002a	इक्षून्मधूंस्तथा लाजान्मैरेयांश्च वरासवान्
2716	1052002c	पानानि च महार्हाणि भक्ष्यांश्चोच्चावचांस्तथा
2717	1052003a	उष्णाढ्यस्यौदनस्यापि राशयः पर्वतोपमाः
2718	1052003c	मृष्टान्नानि च सूपाश्च दधिकुल्यास्तथैव च
2719	1052004a	नानास्वादुरसानां च षाडवानां तथैव च
2720	1052004c	भाजनानि सुपूर्णानि गौडानि च सहस्रशः
2721	1052005a	सर्वमासीत्सुसंतुष्टं हृष्टपुष्टजनाकुलम्
2722	1052005c	विश्वामित्रबलं राम वसिष्ठेनाभितर्पितम्
2723	1052006a	विश्वामित्रोऽपि राजर्षिर्हृष्टपुष्टस्तदाभवत्
2724	1052006c	सान्तः पुरवरो राजा सब्राह्मणपुरोहितः
2725	1052007a	सामात्यो मन्त्रिसहितः सभृत्यः पूजितस्तदा
2726	1052007c	युक्तः परेण हर्षेण वसिष्ठमिदमब्रवीत्
2727	1052008a	पूजितोऽहं त्वया ब्रह्मन्पूजार्हेण सुसत्कृतः
2728	1052008c	श्रूयतामभिधास्यामि वाक्यं वाक्यविशारद
2729	1052009a	गवां शतसहस्रेण दीयतां शबला मम
2730	1052009c	रत्नं हि भगवन्नेतद्रत्नहारी च पार्थिवः
2731	1052009e	तस्मान्मे शबलां देहि ममैषा धर्मतो द्विज
2732	1052010a	एवमुक्तस्तु भगवान्वसिष्ठो मुनिसत्तमः
2733	1052010c	विश्वामित्रेण धर्मात्मा प्रत्युवाच महीपतिम्
2734	1052011a	नाहं शतसहस्रेण नापि कोटिशतैर्गवाम्
2735	1052011c	राजन्दास्यामि शबलां राशिभी रजतस्य वा
2736	1052012a	न परित्यागमर्हेयं मत्सकाशादरिंदम
2737	1052012c	शाश्वती शबला मह्यं कीर्तिरात्मवतो यथा
2738	1052013a	अस्यां हव्यं च कव्यं च प्राणयात्रा तथैव च
2739	1052013c	आयत्तमग्निहोत्रं च बलिर्होमस्तथैव च
2740	1052014a	स्वाहाकारवषट्कारौ विद्याश्च विविधास्तथा
2741	1052014c	आयत्तमत्र राजर्षे सर्वमेतन्न संशयः
2742	1052015a	सर्व स्वमेतत्सत्येन मम तुष्टिकरी सदा
2743	1052015c	कारणैर्बहुभी राजन्न दास्ये शबलां तव
2744	1052016a	वसिष्ठेनैवमुक्तस्तु विश्वामित्रोऽब्रवीत्ततः
2745	1052016c	संरब्धतरमत्यर्थं वाक्यं वाक्यविशारदः
2746	1052017a	हैरण्यकक्ष्याग्रैवेयान्सुवर्णाङ्कुशभूषितान्
2747	1052017c	ददामि कुञ्जराणां ते सहस्राणि चतुर्दश
2748	1052018a	हैरण्यानां रथानां च श्वेताश्वानां चतुर्युजाम्
2749	1052018c	ददामि ते शतान्यष्टौ किङ्किणीकविभूषितान्
2750	1052019a	हयानां देशजातानां कुलजानां महौजसाम्
2751	1052019c	सहस्रमेकं दश च ददामि तव सुव्रत
2752	1052020a	नानावर्णविभक्तानां वयःस्थानां तथैव च
2753	1052020c	ददाम्येकां गवां कोटिं शबला दीयतां मम
2754	1052021a	एवमुक्तस्तु भगवान्विश्वामित्रेण धीमता
2755	1052021c	न दास्यामीति शबलां प्राह राजन्कथंचन
2756	1052022a	एतदेव हि मे रत्नमेतदेव हि मे धनम्
2757	1052022c	एतदेव हि सर्वस्वमेतदेव हि जीवितम्
2758	1052023a	दर्शश्च पूर्णमासश्च यज्ञाश्चैवाप्तदक्षिणाः
2759	1052023c	एतदेव हि मे राजन्विविधाश्च क्रियास्तथा
2760	1052024a	अदोमूलाः क्रियाः सर्वा मम राजन्न संशयः
2761	1052024c	बहूनां किं प्रलापेन न दास्ये कामदोहिनीम्
2762	1053001a	कामधेनुं वसिष्ठोऽपि यदा न त्यजते मुनिः
2763	1053001c	तदास्य शबलां राम विश्वामित्रोऽन्वकर्षत
2764	1053002a	नीयमाना तु शबला राम राज्ञा महात्मना
2765	1053002c	दुःखिता चिन्तयामास रुदन्ती शोककर्शिता
2766	1053003a	परित्यक्ता वसिष्ठेन किमहं सुमहात्मना
2767	1053003c	याहं राजभृतैर्दीना ह्रियेयं भृशदुःखिता
2768	1053004a	किं मयापकृतं तस्य महर्षेर्भावितात्मनः
2769	1053004c	यन्मामनागसं भक्तामिष्टां त्यजति धार्मिकः
2770	1053005a	इति सा चिन्तयित्वा तु निःश्वस्य च पुनः पुनः
2771	1053005c	जगाम वेगेन तदा वसिष्ठं परमौजसं
2772	1053006a	निर्धूय तांस्तदा भृत्याञ्शतशः शत्रुसूदन
2773	1053006c	जगामानिलवेगेन पादमूलं महात्मनः
2774	1053007a	शबला सा रुदन्ती च क्रोशन्ती चेदमब्रवीत्
2775	1053007c	वसिष्ठस्याग्रतः स्थित्वा मेघदुन्दुभिराविणी
2776	1053008a	भगवन्किं परित्यक्ता त्वयाहं ब्रह्मणः सुत
2777	1053008c	यस्माद्राजभृता मां हि नयन्ते त्वत्सकाशतः
2778	1053009a	एवमुक्तस्तु ब्रह्मर्षिरिदं वचनमब्रवीत्
2779	1053009c	शोकसंतप्तहृदयां स्वसारमिव दुःखिताम्
2780	1053010a	न त्वां त्यजामि शबले नापि मेऽपकृतं त्वया
2781	1053010c	एष त्वां नयते राजा बलान्मत्तो महाबलः
2782	1053011a	न हि तुल्यं बलं मह्यं राजा त्वद्य विशेषतः
2783	1053011c	बली राजा क्षत्रियश्च पृथिव्याः पतिरेव च
2784	1053012a	इयमक्षौहिणीपूर्णा सवाजिरथसंकुला
2785	1053012c	हस्तिध्वजसमाकीर्णा तेनासौ बलवत्तरः
2786	1053013a	एवमुक्ता वसिष्ठेन प्रत्युवाच विनीतवत्
2787	1053013c	वचनं वचनज्ञा सा ब्रह्मर्षिममितप्रभम्
2788	1053014a	न बलं क्षत्रियस्याहुर्ब्राह्मणो बलवत्तरः
2789	1053014c	ब्रह्मन्ब्रह्मबलं दिव्यं क्षत्रात्तु बलवत्तरम्
2790	1053015a	अप्रमेयबलं तुभ्यं न त्वया बलवत्तरः
2791	1053015c	विश्वामित्रो महावीर्यस्तेजस्तव दुरासदम्
2792	1053016a	नियुङ्क्ष्व मां महातेजस्त्वद्ब्रह्मबलसंभृताम्
2793	1053016c	तस्य दर्पं बलं यत्तन्नाशयामि दुरात्मनः
2794	1053017a	इत्युक्तस्तु तया राम वसिष्ठः सुमहायशाः
2795	1053017c	सृजस्वेति तदोवाच बलं परबलारुजम्
2796	1053018a	तस्या हुम्भारवोत्सृष्टाः पह्लवाः शतशो नृप
2797	1053018c	नाशयन्ति बलं सर्वं विश्वामित्रस्य पश्यतः
2798	1053019a	स राजा परमक्रुद्धः क्रोधविस्फारितेक्षणः
2799	1053019c	पह्लवान्नाशयामास शस्त्रैरुच्चावचैरपि
2800	1053020a	विश्वामित्रार्दितान्दृष्ट्वा पह्लवाञ्शतशस्तदा
2801	1053020c	भूय एवासृजद्घोराञ्शकान्यवनमिश्रितान्
2802	1053021a	तैरासीत्संवृता भूमिः शकैर्यवनमिश्रितैः
2803	1053021c	प्रभावद्भिर्महावीर्यैर्हेमकिञ्जल्कसंनिभैः
2804	1053022a	दीर्घासिपट्टिशधरैर्हेमवर्णाम्बरावृतैः
2805	1053022c	निर्दग्धं तद्बलं सर्वं प्रदीप्तैरिव पावकैः
2806	1053023a	ततोऽस्त्राणि महातेजा विश्वामित्रो मुमोच ह
2807	1054001a	ततस्तानाकुलान्दृष्ट्वा विश्वामित्रास्त्रमोहितान्
2808	1054001c	वसिष्ठश्चोदयामास कामधुक्सृज योगतः
2809	1054002a	तस्या हुम्भारवाज्जाताः काम्बोजा रविसंनिभाः
2810	1054002c	ऊधसस्त्वथ संजाताः पह्लवाः शस्त्रपाणयः
2811	1054003a	योनिदेशाच्च यवनः शकृद्देशाच्छकास्तथा
2812	1054003c	रोमकूपेषु मेच्छाश्च हरीताः सकिरातकाः
2813	1054004a	तैस्तन्निषूदितं सैन्यं विश्वमित्रस्य तत्क्षणात्
2814	1054004c	सपदातिगजं साश्वं सरथं रघुनन्दन
2815	1054005a	दृष्ट्वा निषूदितं सैन्यं वसिष्ठेन महात्मना
2816	1054005c	विश्वामित्रसुतानां तु शतं नानाविधायुधम्
2817	1054006a	अभ्यधावत्सुसंक्रुद्धं वसिष्ठं जपतां वरम्
2818	1054006c	हुंकारेणैव तान्सर्वान्निर्ददाह महानृषिः
2819	1054007a	ते साश्वरथपादाता वसिष्ठेन महात्मना
2820	1054007c	भस्मीकृता मुहूर्तेन विश्वामित्रसुतास्तदा
2821	1054008a	दृष्ट्वा विनाशितान्पुत्रान्बलं च सुमहायशाः
2822	1054008c	सव्रीडश्चिन्तयाविष्टो विश्वामित्रोऽभवत्तदा
2823	1054009a	संदुर इव निर्वेगो भग्नदंष्ट्र इवोरगः
2824	1054009c	उपरक्त इवादित्यः सद्यो निष्प्रभतां गतः
2825	1054010a	हतपुत्रबलो दीनो लूनपक्ष इव द्विजः
2826	1054010c	हतदर्पो हतोत्साहो निर्वेदं समपद्यत
2827	1054011a	स पुत्रमेकं राज्याय पालयेति नियुज्य च
2828	1054011c	पृथिवीं क्षत्रधर्मेण वनमेवान्वपद्यत
2829	1054012a	स गत्वा हिमवत्पार्श्वं किंनरोरगसेवितम्
2830	1054012c	महादेवप्रसादार्थं तपस्तेपे महातपाः
2831	1054013a	केनचित्त्वथ कालेन देवेशो वृषभध्वजः
2832	1054013c	दर्शयामास वरदो विश्वामित्रं महामुनिम्
2833	1054014a	किमर्थं तप्यसे राजन्ब्रूहि यत्ते विवक्षितम्
2834	1054014c	वरदोऽस्मि वरो यस्ते काङ्क्षितः सोऽभिधीयताम्
2835	1054015a	एवमुक्तस्तु देवेन विश्वामित्रो महातपाः
2836	1054015c	प्रणिपत्य महादेवमिदं वचनमब्रवीत्
2837	1054016a	यदि तुष्टो महादेव धनुर्वेदो ममानघ
2838	1054016c	साङ्गोपाङ्गोपनिषदः सरहस्यः प्रदीयताम्
2839	1054017a	यानि देवेषु चास्त्राणि दानवेषु महर्षिषु
2840	1054017c	गन्धर्वयक्षरक्षःसु प्रतिभान्तु ममानघ
2841	1054018a	तव प्रसादाद्भवतु देवदेव ममेप्सितम्
2842	1054018c	एवमस्त्विति देवेशो वाक्यमुक्त्वा दिवं गतः
2843	1054019a	प्राप्य चास्त्राणि राजर्षिर्विश्वामित्रो महाबलः
2844	1054019c	दर्पेण महता युक्तो दर्पपूर्णोऽभवत्तदा
2845	1054020a	विवर्धमानो वीर्येण समुद्र इव पर्वणि
2846	1054020c	हतमेव तदा मेने वसिष्ठमृषिसत्तमम्
2847	1054021a	ततो गत्वाश्रमपदं मुमोचास्त्राणि पार्थिवः
2848	1054021c	यैस्तत्तपोवनं सर्वं निर्दग्धं चास्त्रतेजसा
2849	1054022a	उदीर्यमाणमस्त्रं तद्विश्वामित्रस्य धीमतः
2850	1054022c	दृष्ट्वा विप्रद्रुता भीता मुनयः शतशो दिशः
2851	1054023a	वसिष्ठस्य च ये शिष्यास्तथैव मृगपक्षिणः
2852	1054023c	विद्रवन्ति भयाद्भीता नानादिग्भ्यः सहस्रशः
2853	1054024a	वसिष्ठस्याश्रमपदं शून्यमासीन्महात्मनः
2854	1054024c	मुहूर्तमिव निःशब्दमासीदीरिणसंनिभम्
2855	1054025a	वदतो वै वसिष्ठस्य मा भैष्टेति मुहुर्मुहुः
2856	1054025c	नाशयाम्यद्य गाधेयं नीहारमिव भास्करः
2857	1054026a	एवमुक्त्वा महातेजा वसिष्ठो जपतां वरः
2858	1054026c	विश्वामित्रं तदा वाक्यं सरोषमिदमब्रवीत्
2859	1054027a	आश्रमं चिरसंवृद्धं यद्विनाशितवानसि
2860	1054027c	दुराचारोऽसि यन्मूढ तस्मात्त्वं न भविष्यसि
2861	1054028a	इत्युक्त्वा परमक्रुद्धो दण्डमुद्यम्य सत्वरः
2862	1054028c	विधूम इव कालाग्निर्यमदण्डमिवापरम्
2863	1055001a	एवमुक्तो वसिष्ठेन विश्वामित्रो महाबलः
2864	1055001c	आग्नेयमस्त्रमुत्क्षिप्य तिष्ठ तिष्ठेति चाब्रवीत्
2865	1055002a	वसिष्ठो भगवान्क्रोधादिदं वचनमब्रवीत्
2866	1055003a	क्षत्रबन्धो स्थितोऽस्म्येष यद्बलं तद्विदर्शय
2867	1055003c	नाशयाम्येष ते दर्पं शस्त्रस्य तव गाधिज
2868	1055004a	क्व च ते क्षत्रियबलं क्व च ब्रह्मबलं महत्
2869	1055004c	पश्य ब्रह्मबलं दिव्यं मम क्षत्रियपांसन
2870	1055005a	तस्यास्त्रं गाधिपुत्रस्य घोरमाग्नेयमुत्तमम्
2871	1055005c	ब्रह्मदण्डेन तच्छान्तमग्नेर्वेग इवाम्भसा
2872	1055006a	वारुणं चैव रौद्रं च ऐन्द्रं पाशुपतं तथा
2873	1055006c	ऐषीकं चापि चिक्षेप रुषितो गाधिनन्दनः
2874	1055007a	मानवं मोहनं चैव गान्धर्वं स्वापनं तथा
2875	1055007c	जृम्भणं मोहनं चैव संतापनविलापने
2876	1055008a	शोषणं दारणं चैव वज्रमस्त्रं सुदुर्जयम्
2877	1055008c	ब्रह्मपाशं कालपाशं वारुणं पाशमेव च
2878	1055009a	पिनाकास्त्रं च दयितं शुष्कार्द्रे अशनी तथा
2879	1055009c	दण्डास्त्रमथ पैशाचं क्रौञ्चमस्त्रं तथैव च
2880	1055010a	धर्मचक्रं कालचक्रं विष्णुचक्रं तथैव च
2881	1055010c	वायव्यं मथनं चैव अस्त्रं हयशिरस्तथा
2882	1055011a	शक्तिद्वयं च चिक्षेप कङ्कालं मुसलं तथा
2883	1055011c	वैद्याधरं महास्त्रं च कालास्त्रमथ दारुणम्
2884	1055012a	त्रिशूलमस्त्रं घोरं च कापालमथ कङ्कणम्
2885	1055012c	एतान्यस्त्राणि चिक्षेप सर्वाणि रघुनन्दन
2886	1055013a	वसिष्ठे जपतां श्रेष्ठे तदद्भुतमिवाभवत्
2887	1055013c	तानि सर्वाणि दण्डेन ग्रसते ब्रह्मणः सुतः
2888	1055014a	तेषु शान्तेषु ब्रह्मास्त्रं क्षिप्तवान्गाधिनन्दनः
2889	1055014c	तदस्त्रमुद्यतं दृष्ट्वा देवाः साग्निपुरोगमाः
2890	1055015a	देवर्षयश्च संभ्रान्ता गन्धर्वाः समहोरगाः
2891	1055015c	त्रैलोक्यमासीत्संत्रस्तं ब्रह्मास्त्रे समुदीरिते
2892	1055016a	तदप्यस्त्रं महाघोरं ब्राह्मं ब्राह्मेण तेजसा
2893	1055016c	वसिष्ठो ग्रसते सर्वं ब्रह्मदण्डेन राघव
2894	1055017a	ब्रह्मास्त्रं ग्रसमानस्य वसिष्ठस्य महात्मनः
2895	1055017c	त्रैलोक्यमोहनं रौद्रं रूपमासीत्सुदारुणम्
2896	1055018a	रोमकूपेषु सर्वेषु वसिष्ठस्य महात्मनः
2897	1055018c	मरीच्य इव निष्पेतुरग्नेर्धूमाकुलार्चिषः
2898	1055019a	प्राज्वलद्ब्रह्मदण्डश्च वसिष्ठस्य करोद्यतः
2899	1055019c	विधूम इव कालाग्निर्यमदण्ड इवापरः
2900	1055020a	ततोऽस्तुवन्मुनिगणा वसिष्ठं जपतां वरम्
2901	1055020c	अमोघं ते बलं ब्रह्मंस्तेजो धारय तेजसा
2902	1055021a	निगृहीतस्त्वया ब्रह्मन्विश्वामित्रो महातपाः
2903	1055021c	प्रसीद जपतां श्रेष्ठ लोकाः सन्तु गतव्यथाः
2904	1055022a	एवमुक्तो महातेजाः शमं चक्रे महातपाः
2905	1055022c	विश्वामित्रोऽपि निकृतो विनिःश्वस्येदमब्रवीत्
2906	1055023a	धिग्बलं क्षत्रियबलं ब्रह्मतेजोबलं बलम्
2907	1055023c	एकेन ब्रह्मदण्डेन सर्वास्त्राणि हतानि मे
2908	1055024a	तदेतत्समवेक्ष्याहं प्रसन्नेन्द्रियमानसः
2909	1055024c	तपो महत्समास्थास्ये यद्वै ब्रह्मत्वकारकम्
2910	1056001a	ततः संतप्तहृदयः स्मरन्निग्रहमात्मनः
2911	1056001c	विनिःश्वस्य विनिःश्वस्य कृतवैरो महात्मना
2912	1056002a	स दक्षिणां दिशं गत्वा महिष्या सह राघव
2913	1056002c	तताप परमं घोरं विश्वामित्रो महातपाः
2914	1056002e	फलमूलाशनो दान्तश्चचार परमं तपः
2915	1056003a	अथास्य जज्ञिरे पुत्राः सत्यधर्मपरायणाः
2916	1056003c	हविष्पन्दो मधुष्पन्दो दृढनेत्रो महारथः
2917	1056004a	पूर्णे वर्षसहस्रे तु ब्रह्मा लोकपितामहः
2918	1056004c	अब्रवीन्मधुरं वाक्यं विश्वामित्रं तपोधनम्
2919	1056005a	जिता राजर्षिलोकास्ते तपसा कुशिकात्मज
2920	1056005c	अनेन तपसा त्वां हि राजर्षिरिति विद्महे
2921	1056006a	एवमुक्त्वा महातेजा जगाम सह दैवतैः
2922	1056006c	त्रिविष्टपं ब्रह्मलोकं लोकानां परमेश्वरः
2923	1056007a	विश्वामित्रोऽपि तच्छ्रुत्वा ह्रिया किंचिदवाङ्मुखः
2924	1056007c	दुःखेन महताविष्टः समन्युरिदमब्रवीत्
2925	1056008a	तपश्च सुमहत्तप्तं राजर्षिरिति मां विदुः
2926	1056008c	देवाः सर्षिगणाः सर्वे नास्ति मन्ये तपःफलम्
2927	1056009a	एवं निश्चित्य मनसा भूय एव महातपाः
2928	1056009c	तपश्चचार काकुत्स्थ परमं परमात्मवान्
2929	1056010a	एतस्मिन्नेव काले तु सत्यवादी जितेन्द्रियः
2930	1056010c	त्रिशङ्कुरिति विख्यात इक्ष्वाकु कुलनन्दनः
2931	1056011a	तस्य बुद्धिः समुत्पन्ना यजेयमिति राघव
2932	1056011c	गच्छेयं स्वशरीरेण देवानां परमां गतिम्
2933	1056012a	स वसिष्ठं समाहूय कथयामास चिन्तितम्
2934	1056012c	अशक्यमिति चाप्युक्तो वसिष्ठेन महात्मना
2935	1056013a	प्रत्याख्यातो वसिष्ठेन स ययौ दक्षिणां दिशम्
2936	1056013c	वसिष्ठा दीर्घ तपसस्तपो यत्र हि तेपिरे
2937	1056014a	त्रिशङ्कुः सुमहातेजाः शतं परमभास्वरम्
2938	1056014c	वसिष्ठपुत्रान्ददृशे तप्यमानान्यशस्विनः
2939	1056015a	सोऽभिगम्य महात्मानः सर्वानेव गुरोः सुतान्
2940	1056015c	अभिवाद्यानुपूर्व्येण ह्रिया किंचिदवाङ्मुखः
2941	1056015e	अब्रवीत्सुमहातेजाः सर्वानेव कृताञ्जलिः
2942	1056016a	शरणं वः प्रपद्येऽहं शरण्याञ्शरणागतः
2943	1056016c	प्रत्याख्यातोऽस्मि भद्रं वो वसिष्ठेन महात्मना
2944	1056017a	यष्टुकामो महायज्ञं तदनुज्ञातुमर्थथ
2945	1056017c	गुरुपुत्रानहं सर्वान्नमस्कृत्य प्रसादये
2946	1056018a	शिरसा प्रणतो याचे ब्राह्मणांस्तपसि स्थितान्
2947	1056018c	ते मां भवन्तः सिद्ध्यर्थं याजयन्तु समाहिताः
2948	1056018e	सशरीरो यथाहं हि देवलोकमवाप्नुयाम्
2949	1056019a	प्रत्याख्यातो वसिष्ठेन गतिमन्यां तपोधनाः
2950	1056019c	गुरुपुत्रानृते सर्वान्नाहं पश्यामि कांचन
2951	1056020a	इक्ष्वाकूणां हि सर्वेषां पुरोधाः परमा गतिः
2952	1056020c	तस्मादनन्तरं सर्वे भवन्तो दैवतं मम
2953	1057001a	ततस्त्रिशङ्कोर्वचनं श्रुत्वा क्रोधसमन्वितम्
2954	1057001c	ऋषिपुत्रशतं राम राजानमिदमब्रवीत्
2955	1057002a	प्रत्याख्यातोऽसि दुर्बुद्धे गुरुणा सत्यवादिना
2956	1057002c	तं कथं समतिक्रम्य शाखान्तरमुपेयिवान्
2957	1057003a	इक्ष्वाकूणां हि सर्वेषां पुरोधाः परमा गतिः
2958	1057003c	न चातिक्रमितुं शक्यं वचनं सत्यवादिनः
2959	1057004a	अशक्यमिति चोवाच वसिष्ठो भगवानृषिः
2960	1057004c	तं वयं वै समाहर्तुं क्रतुं शक्ताः कथं तव
2961	1057005a	बालिशस्त्वं नरश्रेष्ठ गम्यतां स्वपुरं पुनः
2962	1057005c	याजने भगवाञ्शक्तस्त्रैलोक्यस्यापि पार्थिव
2963	1057006a	तेषां तद्वचनं श्रुत्वा क्रोधपर्याकुलाक्षरम्
2964	1057006c	स राजा पुनरेवैतानिदं वचनमब्रवीत्
2965	1057007a	प्रत्याख्यातोऽस्मि गुरुणा गुरुपुत्रैस्तथैव च
2966	1057007c	अन्यां गतिं गमिष्यामि स्वस्ति वोऽस्तु तपोधनाः
2967	1057008a	ऋषिपुत्रास्तु तच्छ्रुत्वा वाक्यं घोराभिसंहितम्
2968	1057008c	शेपुः परमसंक्रुद्धाश्चण्डालत्वं गमिष्यसि
2969	1057008e	एवमुक्त्वा महात्मानो विविशुस्ते स्वमाश्रमम्
2970	1057009a	अथ रात्र्यां व्यतीतायां राजा चण्डालतां गतः
2971	1057009c	नीलवस्त्रधरो नीलः परुषो ध्वस्तमूर्धजः
2972	1057009e	चित्यमाल्यानुलेपश्च आयसाभरणोऽभवत्
2973	1057010a	तं दृष्ट्वा मन्त्रिणः सर्वे त्यक्त्वा चण्डालरूपिणम्
2974	1057010c	प्राद्रवन्सहिता राम पौरा येऽस्यानुगामिनः
2975	1057011a	एको हि राजा काकुत्स्थ जगाम परमात्मवान्
2976	1057011c	दह्यमानो दिवारात्रं विश्वामित्रं तपोधनम्
2977	1057012a	विश्वामित्रस्तु तं दृष्ट्वा राजानं विफलीकृतम्
2978	1057012c	चण्डालरूपिणं राम मुनिः कारुण्यमागतः
2979	1057013a	कारुण्यात्स महातेजा वाक्यं परम धार्मिकः
2980	1057013c	इदं जगाद भद्रं ते राजानं घोरदर्शनम्
2981	1057014a	किमागमनकार्यं ते राजपुत्र महाबल
2982	1057014c	अयोध्याधिपते वीर शापाच्चण्डालतां गतः
2983	1057015a	अथ तद्वाक्यमाकर्ण्य राजा चण्डालतां गतः
2984	1057015c	अब्रवीत्प्राञ्जलिर्वाक्यं वाक्यज्ञो वाक्यकोविदम्
2985	1057016a	प्रत्याख्यातोऽस्मि गुरुणा गुरुपुत्रैस्तथैव च
2986	1057016c	अनवाप्यैव तं कामं मया प्राप्तो विपर्ययः
2987	1057017a	सशरीरो दिवं यायामिति मे सौम्यदर्शनम्
2988	1057017c	मया चेष्टं क्रतुशतं तच्च नावाप्यते फलम्
2989	1057018a	अनृतं नोक्त पूर्वं मे न च वक्ष्ये कदाचन
2990	1057018c	कृच्छ्रेष्वपि गतः सौम्य क्षत्रधर्मेण ते शपे
2991	1057019a	यज्ञैर्बहुविधैरिष्टं प्रजा धर्मेण पालिताः
2992	1057019c	गुरवश्च महात्मानः शीलवृत्तेन तोषिताः
2993	1057020a	धर्मे प्रयतमानस्य यज्ञं चाहर्तुमिच्छतः
2994	1057020c	परितोषं न गच्छन्ति गुरवो मुनिपुंगव
2995	1057021a	दैवमेव परं मन्ये पौरुषं तु निरर्थकम्
2996	1057021c	दैवेनाक्रम्यते सर्वं दैवं हि परमा गतिः
2997	1057022a	तस्य मे परमार्तस्य प्रसादमभिकाङ्क्षतः
2998	1057022c	कर्तुमर्हसि भद्रं ते दैवोपहतकर्मणः
2999	1057023a	नान्यां गतिं गमिष्यामि नान्यः शरणमस्ति मे
3000	1057023c	दैवं पुरुषकारेण निवर्तयितुमर्हसि
3001	1058001a	उक्तवाक्यं तु राजानं कृपया कुशिकात्मजः
3002	1058001c	अब्रवीन्मधुरं वाक्यं साक्षाच्चण्डालरूपिणम्
3003	1058002a	इक्ष्वाको स्वागतं वत्स जानामि त्वां सुधार्मिकम्
3004	1058002c	शरणं ते भविष्यामि मा भैषीर्नृपपुंगव
3005	1058003a	अहमामन्त्रये सर्वान्महर्षीन्पुण्यकर्मणः
3006	1058003c	यज्ञसाह्यकरान्राजंस्ततो यक्ष्यसि निर्वृतः
3007	1058004a	गुरुशापकृतं रूपं यदिदं त्वयि वर्तते
3008	1058004c	अनेन सह रूपेण सशरीरो गमिष्यसि
3009	1058005a	हस्तप्राप्तमहं मन्ये स्वर्गं तव नरेश्वर
3010	1058005c	यस्त्वं कौशिकमागम्य शरण्यं शरणं गतः
3011	1058006a	एवमुक्त्वा महातेजाः पुत्रान्परमधार्मिकान्
3012	1058006c	व्यादिदेश महाप्राज्ञान्यज्ञसंभारकारणात्
3013	1058007a	सर्वाञ्शिष्यान्समाहूय वाक्यमेतदुवाच ह
3014	1058008a	सर्वानृषिवरान्वत्सा आनयध्वं ममाज्ञया
3015	1058008c	सशिष्यान्सुहृदश्चैव सर्त्विजः सुबहुश्रुतान्
3016	1058009a	यदन्यो वचनं ब्रूयान्मद्वाक्यबलचोदितः
3017	1058009c	तत्सर्वमखिलेनोक्तं ममाख्येयमनादृतम्
3018	1058010a	तस्य तद्वचनं श्रुत्वा दिशो जग्मुस्तदाज्ञया
3019	1058010c	आजग्मुरथ देशेभ्यः सर्वेभ्यो ब्रह्मवादिनः
3020	1058011a	ते च शिष्याः समागम्य मुनिं ज्वलिततेजसं
3021	1058011c	ऊचुश्च वचनं सर्वे सर्वेषां ब्रह्मवादिनाम्
3022	1058012a	श्रुत्वा ते वचनं सर्वे समायान्ति द्विजातयः
3023	1058012c	सर्वदेशेषु चागच्छन्वर्जयित्वा महोदयम्
3024	1058013a	वासिष्ठं तच्छतं सर्वं क्रोधपर्याकुलाक्षरम्
3025	1058013c	यदाह वचनं सर्वं शृणु त्वं मुनिपुंगव
3026	1058014a	क्षत्रियो याजको यस्य चण्डालस्य विशेषतः
3027	1058014c	कथं सदसि भोक्तारो हविस्तस्य सुरर्षयः
3028	1058015a	ब्राह्मणा वा महात्मानो भुक्त्वा चण्डालभोजनम्
3029	1058015c	कथं स्वर्गं गमिष्यन्ति विश्वामित्रेण पालिताः
3030	1058016a	एतद्वचनं नैष्ठुर्यमूचुः संरक्तलोचनाः
3031	1058016c	वासिष्ठा मुनिशार्दूल सर्वे ते समहोदयाः
3032	1058017a	तेषां तद्वचनं श्रुत्वा सर्वेषां मुनिपुंगवः
3033	1058017c	क्रोधसंरक्तनयनः सरोषमिदमब्रवीत्
3034	1058018a	यद्दूषयन्त्यदुष्टं मां तप उग्रं समास्थितम्
3035	1058018c	भस्मीभूता दुरात्मानो भविष्यन्ति न संशयः
3036	1058019a	अद्य ते कालपाशेन नीता वैवस्वतक्षयम्
3037	1058019c	सप्तजातिशतान्येव मृतपाः सन्तु सर्वशः
3038	1058020a	श्वमांसनियताहारा मुष्टिका नाम निर्घृणाः
3039	1058020c	विकृताश्च विरूपाश्च लोकाननुचरन्त्विमान्
3040	1058021a	महोदयश्च दुर्बुद्धिर्मामदूष्यं ह्यदूषयत्
3041	1058021c	दूषिटः सर्वलोकेषु निषादत्वं गमिष्यति
3042	1058022a	प्राणातिपातनिरतो निरनुक्रोशतां गतः
3043	1058022c	दीर्घकालं मम क्रोधाद्दुर्गतिं वर्तयिष्यति
3044	1058023a	एतावदुक्त्वा वचनं विश्वामित्रो महातपाः
3045	1058023c	विरराम महातेजा ऋषिमध्ये महामुनिः
3046	1059001a	तपोबलहतान्कृत्वा वासिष्ठान्समहोदयान्
3047	1059001c	ऋषिमध्ये महातेजा विश्वामित्रोऽभ्यभाषत
3048	1059002a	अयमिक्ष्वाकुदायादस्त्रिशङ्कुरिति विश्रुतः
3049	1059002c	धर्मिष्ठश्च वदान्यश्च मां चैव शरणं गतः
3050	1059002e	स्वेनानेन शरीरेण देवलोकजिगीषया
3051	1059003a	यथायं स्वशरीरेण देवलोकं गमिष्यति
3052	1059003c	तथा प्रवर्त्यतां यज्ञो भवद्भिश्च मया सह
3053	1059004a	विश्वामित्रवचः श्रुत्वा सर्व एव महर्षयः
3054	1059004c	ऊचुः समेत्य सहिता धर्मज्ञा धर्मसंहितम्
3055	1059005a	अयं कुशिकदायादो मुनिः परमकोपनः
3056	1059005c	यदाह वचनं सम्यगेतत्कार्यं न संशयः
3057	1059006a	अग्निकल्पो हि भगवाञ्शापं दास्यति रोषितः
3058	1059006c	तस्मात्प्रवर्त्यतां यज्ञः सशरीरो यथा दिवम्
3059	1059006e	गच्छेदिक्ष्वाकुदायादो विश्वामित्रस्य तेजसा
3060	1059007a	ततः प्रवर्त्यतां यज्ञः सर्वे समधितिष्ठते
3061	1059008a	एवमुक्त्वा महर्षयः संजह्रुस्ताः क्रियास्तदा
3062	1059008c	याजकाश्च महातेजा विश्वामित्रोऽभवत्क्रतौ
3063	1059009a	ऋत्विजश्चानुपूर्व्येण मन्त्रवन्मन्त्रकोविदाः
3064	1059009c	चक्रुः सर्वाणि कर्माणि यथाकल्पं यथाविधि
3065	1059010a	ततः कालेन महता विश्वामित्रो महातपाः
3066	1059010c	चकारावाहनं तत्र भागार्थं सर्वदेवताः
3067	1059011a	नाह्यागमंस्तदाहूता भागार्थं सर्वदेवताः
3068	1059011c	ततः क्रोधसमाविष्टो विश्वमित्रो महामुनिः
3069	1059012a	स्रुवमुद्यम्य सक्रोधस्त्रिशङ्कुमिदमब्रवीत्
3070	1059012c	पश्य मे तपसो वीर्यं स्वार्जितस्य नरेश्वर
3071	1059013a	एष त्वां स्वशरीरेण नयामि स्वर्गमोजसा
3072	1059013c	दुष्प्रापं स्वशरीरेण दिवं गच्छ नराधिप
3073	1059014a	स्वार्जितं किंचिदप्यस्ति मया हि तपसः फलम्
3074	1059014c	राजंस्त्वं तेजसा तस्य सशरीरो दिवं व्रज
3075	1059015a	उक्तवाक्ये मुनौ तस्मिन्सशरीरो नरेश्वरः
3076	1059015c	दिवं जगाम काकुत्स्थ मुनीनां पश्यतां तदा
3077	1059016a	देवलोकगतं दृष्ट्वा त्रिशङ्कुं पाकशासनः
3078	1059016c	सह सर्वैः सुरगणैरिदं वचनमब्रवीत्
3079	1059017a	त्रिशङ्को गच्छ भूयस्त्वं नासि स्वर्गकृतालयः
3080	1059017c	गुरुशापहतो मूढ पत भूमिमवाक्शिराः
3081	1059018a	एवमुक्तो महेन्द्रेण त्रिशङ्कुरपतत्पुनः
3082	1059018c	विक्रोशमानस्त्राहीति विश्वामित्रं तपोधनम्
3083	1059019a	तच्छ्रुत्वा वचनं तस्य क्रोशमानस्य कौशिकः
3084	1059019c	रोषमाहारयत्तीव्रं तिष्ठ तिष्ठेति चाब्रवीत्
3085	1059020a	ऋषिमध्ये स तेजस्वी प्रजापतिरिवापरः
3086	1059020c	सृजन्दक्षिणमार्गस्थान्सप्तर्षीनपरान्पुनः
3087	1059021a	नक्षत्रमालामपरामसृजत्क्रोधमूर्छितः
3088	1059021c	दक्षिणां दिशमास्थाय मुनिमध्ये महायशाः
3089	1059022a	सृष्ट्वा नक्षत्रवंशं च क्रोधेन कलुषीकृतः
3090	1059022c	अन्यमिन्द्रं करिष्यामि लोको वा स्यादनिन्द्रकः
3091	1059022e	दैवतान्यपि स क्रोधात्स्रष्टुं समुपचक्रमे
3092	1059023a	ततः परमसंभ्रान्ताः सर्षिसंघाः सुरर्षभाः
3093	1059023c	विश्वामित्रं महात्मानमूचुः सानुनयं वचः
3094	1059024a	अयं राजा महाभाग गुरुशापपरिक्षतः
3095	1059024c	सशरीरो दिवं यातुं नार्हत्येव तपोधन
3096	1059025a	तेषां तद्वचनं श्रुत्वा देवानां मुनिपुंगवः
3097	1059025c	अब्रवीत्सुमहद्वाक्यं कौशिकः सर्वदेवताः
3098	1059026a	सशरीरस्य भद्रं वस्त्रिशङ्कोरस्य भूपतेः
3099	1059026c	आरोहणं प्रतिज्ञाय नानृतं कर्तुमुत्सहे
3100	1059027a	सर्गोऽस्तु सशरीरस्य त्रिशङ्कोरस्य शाश्वतः
3101	1059027c	नक्षत्राणि च सर्वाणि मामकानि ध्रुवाण्यथ
3102	1059028a	यावल्लोका धरिष्यन्ति तिष्ठन्त्वेतानि सर्वशः
3103	1059028c	मत्कृतानि सुराः सर्वे तदनुज्ञातुमर्हथ
3104	1059029a	एवमुक्ताः सुराः सर्वे प्रत्यूचुर्मुनिपुंगवम्
3105	1059030a	एवं भवतु भद्रं ते तिष्ठन्त्वेतानि सर्वशः
3106	1059030c	गगने तान्यनेकानि वैश्वानरपथाद्बहिः
3107	1059031a	नक्षत्राणि मुनिश्रेष्ठ तेषु ज्योतिःषु जाज्वलन्
3108	1059031c	अवाक्शिरास्त्रिशङ्कुश्च तिष्ठत्वमरसंनिभः
3109	1059032a	विश्वामित्रस्तु धर्मात्मा सर्वदेवैरभिष्टुतः
3110	1059032c	ऋषिभिश्च महातेजा बाढमित्याह देवताः
3111	1059033a	ततो देवा महात्मानो मुनयश्च तपोधनाः
3112	1059033c	जग्मुर्यथागतं सर्वे यज्ञस्यान्ते नरोत्तम
3113	1060001a	विश्वामित्रो महात्माथ प्रस्थितान्प्रेक्ष्य तानृषीन्
3114	1060001c	अब्रवीन्नरशार्दूल सर्वांस्तान्वनवासिनः
3115	1060002a	महाविघ्नः प्रवृत्तोऽयं दक्षिणामास्थितो दिशम्
3116	1060002c	दिशमन्यां प्रपत्स्यामस्तत्र तप्स्यामहे तपः
3117	1060003a	पश्चिमायां विशालायां पुष्करेषु महात्मनः
3118	1060003c	सुखं तपश्चरिष्यामः परं तद्धि तपोवनम्
3119	1060004a	एवमुक्त्वा महातेजाः पुष्करेषु महामुनिः
3120	1060004c	तप उग्रं दुराधर्षं तेपे मूलफलाशनः
3121	1060005a	एतस्मिन्नेव काले तु अयोध्याधिपतिर्नृपः
3122	1060005c	अम्बरीष इति ख्यातो यष्टुं समुपचक्रमे
3123	1060006a	तस्य वै यजमानस्य पशुमिन्द्रो जहार ह
3124	1060006c	प्रनष्टे तु पशौ विप्रो राजानमिदमब्रवीत्
3125	1060007a	पशुरद्य हृतो राजन्प्रनष्टस्तव दुर्नयात्
3126	1060007c	अरक्षितारं राजानं घ्नन्ति दोषा नरेश्वर
3127	1060008a	प्रायश्चित्तं महद्ध्येतन्नरं वा पुरुषर्षभ
3128	1060008c	आनयस्व पशुं शीघ्रं यावत्कर्म प्रवर्तते
3129	1060009a	उपाध्याय वचः श्रुत्वा स राजा पुरुषर्षभ
3130	1060009c	अन्वियेष महाबुद्धिः पशुं गोभिः सहस्रशः
3131	1060010a	देशाञ्जनपदांस्तांस्तान्नगराणि वनानि च
3132	1060010c	आश्रमाणि च पुण्यानि मार्गमाणो महीपतिः
3133	1060011a	स पुत्रसहितं तात सभार्यं रघुनन्दन
3134	1060011c	भृगुतुन्दे समासीनमृचीकं संददर्श ह
3135	1060012a	तमुवाच महातेजाः प्रणम्याभिप्रसाद्य च
3136	1060012c	ब्रह्मर्षिं तपसा दीप्तं राजर्षिरमितप्रभः
3137	1060012e	पृष्ट्वा सर्वत्र कुशलमृचीकं तमिदं वचः
3138	1060013a	गवां शतसहस्रेण विक्रिणीषे सुतं यदि
3139	1060013c	पशोरर्थे महाभाग कृतकृत्योऽस्मि भार्गव
3140	1060014a	सर्वे परिसृता देशा यज्ञियं न लभे पशुम्
3141	1060014c	दातुमर्हसि मूल्येन सुतमेकमितो मम
3142	1060015a	एवमुक्तो महातेजा ऋचीकस्त्वब्रवीद्वचः
3143	1060015c	नाहं ज्येष्ठं नरश्रेष्ठं विक्रीणीयां कथंचन
3144	1060016a	ऋचीकस्य वचः श्रुत्वा तेषां माता महात्मनाम्
3145	1060016c	उवाच नरशार्दूलमम्बरीषं तपस्विनी
3146	1060017a	ममापि दयितं विद्धि कनिष्ठं शुनकं नृप
3147	1060018a	प्रायेण हि नरश्रेष्ठ ज्येष्ठाः पितृषु वल्लभाः
3148	1060018c	मातॄणां च कनीयांसस्तस्माद्रक्षे कनीयसं
3149	1060019a	उक्तवाक्ये मुनौ तस्मिन्मुनिपत्न्यां तथैव च
3150	1060019c	शुनःशेपः स्वयं राम मध्यमो वाक्यमब्रवीत्
3151	1060020a	पिता ज्येष्ठमविक्रेयं माता चाह कनीयसं
3152	1060020c	विक्रीतं मध्यमं मन्ये राजन्पुत्रं नयस्व माम्
3153	1060021a	गवां शतसहस्रेण शुनःशेपं नरेश्वरः
3154	1060021c	गृहीत्वा परमप्रीतो जगाम रघुनन्दन
3155	1060022a	अम्बरीषस्तु राजर्षी रथमारोप्य सत्वरः
3156	1060022c	शुनःशेपं महातेजा जगामाशु महायशाः
3157	1061001a	शुनःशेपं नरश्रेष्ठ गृहीत्वा तु महायशाः
3158	1061001c	व्यश्राम्यत्पुष्करे राजा मध्याह्ने रघुनन्दन
3159	1061002a	तस्य विश्रममाणस्य शुनःशेपो महायशाः
3160	1061002c	पुष्करं श्रेष्ठमागम्य विश्वामित्रं ददर्श ह
3161	1061003a	विषण्णवदनो दीनस्तृष्णया च श्रमेण च
3162	1061003c	पपाताङ्के मुने राम वाक्यं चेदमुवाच ह
3163	1061004a	न मेऽस्ति माता न पिता ज्ञातयो बान्धवाः कुतः
3164	1061004c	त्रातुमर्हसि मां सौम्य धर्मेण मुनिपुंगव
3165	1061005a	त्राता त्वं हि मुनिश्रेष्ठ सर्वेषां त्वं हि भावनः
3166	1061005c	राजा च कृतकार्यः स्यादहं दीर्घायुरव्ययः
3167	1061006a	स्वर्गलोकमुपाश्नीयां तपस्तप्त्वा ह्यनुत्तमम्
3168	1061006c	स मे नाथो ह्यनाथस्य भव भव्येन चेतसा
3169	1061006e	पितेव पुत्रं धर्मात्मंस्त्रातुमर्हसि किल्बिषात्
3170	1061007a	तस्य तद्वचनं श्रुत्वा विश्वामित्रो महातपाः
3171	1061007c	सान्त्वयित्वा बहुविधं पुत्रानिदमुवाच ह
3172	1061008a	यत्कृते पितरः पुत्राञ्जनयन्ति शुभार्थिनः
3173	1061008c	परलोकहितार्थाय तस्य कालोऽयमागतः
3174	1061009a	अयं मुनिसुतो बालो मत्तः शरणमिच्छति
3175	1061009c	अस्य जीवितमात्रेण प्रियं कुरुत पुत्रकाः
3176	1061010a	सर्वे सुकृतकर्माणः सर्वे धर्मपरायणाः
3177	1061010c	पशुभूता नरेन्द्रस्य तृप्तिमग्नेः प्रयच्छत
3178	1061011a	नाथवांश्च शुनःशेपो यज्ञश्चाविघ्नतो भवेत्
3179	1061011c	देवतास्तर्पिताश्च स्युर्मम चापि कृतं वचः
3180	1061012a	मुनेस्तु वचनं श्रुत्वा मधुष्यन्दादयः सुताः
3181	1061012c	साभिमानं नरश्रेष्ठ सलीलमिदमब्रुवन्
3182	1061013a	कथमात्मसुतान्हित्वा त्रायसेऽन्यसुतं विभो
3183	1061013c	अकार्यमिव पश्यामः श्वमांसमिव भोजने
3184	1061014a	तेषां तद्वचनं श्रुत्वा पुत्राणां मुनिपुंगवः
3185	1061014c	क्रोधसंरक्तनयनो व्याहर्तुमुपचक्रमे
3186	1061015a	निःसाध्वसमिदं प्रोक्तं धर्मादपि विगर्हितम्
3187	1061015c	अतिक्रम्य तु मद्वाक्यं दारुणं रोमहर्षणम्
3188	1061016a	श्वमांसभोजिनः सर्वे वासिष्ठा इव जातिषु
3189	1061016c	पूर्णं वर्षसहस्रं तु पृथिव्यामनुवत्स्यथ
3190	1061017a	कृत्वा शापसमायुक्तान्पुत्रान्मुनिवरस्तदा
3191	1061017c	शुनःशेपमुवाचार्तं कृत्वा रक्षां निरामयाम्
3192	1061018a	पवित्रपाशैरासक्तो रक्तमाल्यानुलेपनः
3193	1061018c	वैष्णवं यूपमासाद्य वाग्भिरग्निमुदाहर
3194	1061019a	इमे तु गाथे द्वे दिव्ये गायेथा मुनिपुत्रक
3195	1061019c	अम्बरीषस्य यज्ञेऽस्मिंस्ततः सिद्धिमवाप्स्यसि
3196	1061020a	शुनःशेपो गृहीत्वा ते द्वे गाथे सुसमाहितः
3197	1061020c	त्वरया राजसिंहं तमम्बरीषमुवाच ह
3198	1061021a	राजसिंह महासत्त्व शीघ्रं गच्छावहे सदः
3199	1061021c	निवर्तयस्व राजेन्द्र दीक्षां च समुपाहर
3200	1061022a	तद्वाक्यमृषिपुत्रस्य श्रुत्वा हर्षं समुत्सुकः
3201	1061022c	जगाम नृपतिः शीघ्रं यज्ञवाटमतन्द्रितः
3202	1061023a	सदस्यानुमते राजा पवित्रकृतलक्षणम्
3203	1061023c	पशुं रक्ताम्बरं कृत्वा यूपे तं समबन्धयत्
3204	1061024a	स बद्धो वाग्भिरग्र्याभिरभितुष्टाव वै सुरौ
3205	1061024c	इन्द्रमिन्द्रानुजं चैव यथावन्मुनिपुत्रकः
3206	1061025a	ततः प्रीतः सहस्राक्षो रहस्यस्तुतितर्पितः
3207	1061025c	दीर्घमायुस्तदा प्रादाच्छुनःशेपाय राघव
3208	1061026a	स च राजा नरश्रेष्ठ यज्ञस्य च समाप्तवान्
3209	1061026c	फलं बहुगुणं राम सहस्राक्षप्रसादजम्
3210	1061027a	विश्वामित्रोऽपि धर्मात्मा भूयस्तेपे महातपाः
3211	1061027c	पुष्करेषु नरश्रेष्ठ दशवर्षशतानि च
3212	1062001a	पूर्णे वर्षसहस्रे तु व्रतस्नातं महामुनिम्
3213	1062001c	अभ्यागच्छन्सुराः सर्वे तपःफलचिकीर्षवः
3214	1062002a	अब्रवीत्सुमहातेजा ब्रह्मा सुरुचिरं वचः
3215	1062002c	ऋषिस्त्वमसि भद्रं ते स्वार्जितैः कर्मभिः शुभैः
3216	1062003a	तमेवमुक्त्वा देवेशस्त्रिदिवं पुनरभ्यगात्
3217	1062003c	विश्वामित्रो महातेजा भूयस्तेपे महत्तपः
3218	1062004a	ततः कालेन महता मेनका परमाप्सराः
3219	1062004c	पुष्करेषु नरश्रेष्ठ स्नातुं समुपचक्रमे
3220	1062005a	तां ददर्श महातेजा मेनकां कुशिकात्मजः
3221	1062005c	रूपेणाप्रतिमां तत्र विद्युतं जलदे यथा
3222	1062006a	दृष्ट्वा कन्दर्पवशगो मुनिस्तामिदमब्रवीत्
3223	1062006c	अप्सरः स्वागतं तेऽस्तु वस चेह ममाश्रमे
3224	1062006e	अनुगृह्णीष्व भद्रं ते मदनेन सुमोहितम्
3225	1062007a	इत्युक्ता सा वरारोहा तत्रावासमथाकरोत्
3226	1062007c	तपसो हि महाविघ्नो विश्वामित्रमुपागतः
3227	1062008a	तस्यां वसन्त्यां वर्षाणि पञ्च पञ्च च राघव
3228	1062008c	विश्वामित्राश्रमे सौम्य सुखेन व्यतिचक्रमुः
3229	1062009a	अथ काले गते तस्मिन्विश्वामित्रो महामुनिः
3230	1062009c	सव्रीड इव संवृत्तश्चिन्ताशोकपरायणः
3231	1062010a	बुद्धिर्मुनेः समुत्पन्ना सामर्षा रघुनन्दन
3232	1062010c	सर्वं सुराणां कर्मैतत्तपोऽपहरणं महत्
3233	1062011a	अहोरात्रापदेशेन गताः संवत्सरा दश
3234	1062011c	काममोहाभिभूतस्य विघ्नोऽयं प्रत्युपस्थितः
3235	1062012a	विनिःश्वसन्मुनिवरः पश्चात्तापेन दुःखितः
3236	1062013a	भीतामप्सरसं दृष्ट्वा वेपन्तीं प्राञ्जलिं स्थिताम्
3237	1062013c	मेनकां मधुरैर्वाक्यैर्विसृज्य कुशिकात्मजः
3238	1062013e	उत्तरं पर्वतं राम विश्वामित्रो जगाम ह
3239	1062014a	स कृत्वा नैष्ठिकीं बुद्धिं जेतुकामो महायशाः
3240	1062014c	कौशिकीतीरमासाद्य तपस्तेपे सुदारुणम्
3241	1062015a	तस्य वर्षसहस्रं तु घोरं तप उपासतः
3242	1062015c	उत्तरे पर्वते राम देवतानामभूद्भयम्
3243	1062016a	अमन्त्रयन्समागम्य सर्वे सर्षिगणाः सुराः
3244	1062016c	महर्षिशब्दं लभतां साध्वयं कुशिकात्मजः
3245	1062017a	देवतानां वचः श्रुत्वा सर्वलोकपितामहः
3246	1062017c	अब्रवीन्मधुरं वाक्यं विश्वामित्रं तपोधनम्
3247	1062018a	महर्षे स्वागतं वत्स तपसोग्रेण तोषितः
3248	1062018c	महत्त्वमृषिमुख्यत्वं ददामि तव कौशिक
3249	1062019a	ब्रह्मणः स वचः श्रुत्वा विश्वामित्रस्तपोधनः
3250	1062019c	प्राञ्जलिः प्रणतो भूत्वा प्रत्युवाच पितामहम्
3251	1062020a	ब्रह्मर्षि शब्दमतुलं स्वार्जितैः कर्मभिः शुभैः
3252	1062020c	यदि मे भगवानाह ततोऽहं विजितेन्द्रियः
3253	1062021a	तमुवाच ततो ब्रह्मा न तावत्त्वं जितेन्द्रियः
3254	1062021c	यतस्व मुनिशार्दूल इत्युक्त्वा त्रिदिवं गतः
3255	1062022a	विप्रस्थितेषु देवेषु विश्वामित्रो महामुनिः
3256	1062022c	ऊर्ध्वबाहुर्निरालम्बो वायुभक्षस्तपश्चरन्
3257	1062023a	धर्मे पञ्चतपा भूत्वा वर्षास्वाकाशसंश्रयः
3258	1062023c	शिशिरे सलिलस्थायी रात्र्यहानि तपोधनः
3259	1062024a	एवं वर्षसहस्रं हि तपो घोरमुपागमत्
3260	1062024c	तस्मिन्संतप्यमाने तु विश्वामित्रे महामुनौ
3261	1062025a	संभ्रमः सुमहानासीत्सुराणां वासवस्य च
3262	1062025c	रम्भामप्सरसं शक्रः सह सर्वैर्मरुद्गणैः
3263	1062026a	उवाचात्महितं वाक्यमहितं कौशिकस्य च
3264	1063001a	सुरकार्यमिदं रम्भे कर्तव्यं सुमहत्त्वया
3265	1063001c	लोभनं कौशिकस्येह काममोहसमन्वितम्
3266	1063002a	तथोक्ता साप्सरा राम सहस्राक्षेण धीमता
3267	1063002c	व्रीडिता प्राञ्जलिर्भूत्वा प्रत्युवाच सुरेश्वरम्
3268	1063003a	अयं सुरपते घोरो विश्वामित्रो महामुनिः
3269	1063003c	क्रोधमुत्स्रक्ष्यते घोरं मयि देव न संशयः
3270	1063003e	ततो हि मे भयं देव प्रसादं कर्तुमर्हसि
3271	1063004a	तामुवाच सहस्राक्षो वेपमानां कृताञ्जलिम्
3272	1063004c	मा भैषि रम्भे भद्रं ते कुरुष्व मम शासनम्
3273	1063005a	कोकिलो हृदयग्राही माधवे रुचिरद्रुमे
3274	1063005c	अहं कन्दर्पसहितः स्थास्यामि तव पार्श्वतः
3275	1063006a	त्वं हि रूपं बहुगुणं कृत्वा परमभास्वरम्
3276	1063006c	तमृषिं कौशिकं रम्भे भेदयस्व तपस्विनम्
3277	1063007a	सा श्रुत्वा वचनं तस्य कृत्वा रूपमनुत्तमम्
3278	1063007c	लोभयामास ललिता विश्वामित्रं शुचिस्मिता
3279	1063008a	कोकिलस्य तु शुश्राव वल्गु व्याहरतः स्वनम्
3280	1063008c	संप्रहृष्टेन मनसा तत एनामुदैक्षत
3281	1063009a	अथ तस्य च शब्देन गीतेनाप्रतिमेन च
3282	1063009c	दर्शनेन च रम्भाया मुनिः संदेहमागतः
3283	1063010a	सहस्राक्षस्य तत्कर्म विज्ञाय मुनिपुंगवः
3284	1063010c	रम्भां क्रोधसमाविष्टः शशाप कुशिकात्मजः
3285	1063011a	यन्मां लोभयसे रम्भे कामक्रोधजयैषिणम्
3286	1063011c	दशवर्षसहस्राणि शैली स्थास्यसि दुर्भगे
3287	1063012a	ब्राह्मणः सुमहातेजास्तपोबलसमन्वितः
3288	1063012c	उद्धरिष्यति रम्भे त्वां मत्क्रोधकलुषीकृताम्
3289	1063013a	एवमुक्त्वा महातेजा विश्वामित्रो महामुनिः
3290	1063013c	अशक्नुवन्धारयितुं कोपं संतापमागतः
3291	1063014a	तस्य शापेन महता रम्भा शैली तदाभवत्
3292	1063014c	वचः श्रुत्वा च कन्दर्पो महर्षेः स च निर्गतः
3293	1063015a	कोपेन स महातेजास्तपोऽपहरणे कृते
3294	1063015c	इन्द्रियैरजितै राम न लेभे शान्तिमात्मनः
3295	1064001a	अथ हैमवतीं राम दिशं त्यक्त्वा महामुनिः
3296	1064001c	पूर्वां दिशमनुप्राप्य तपस्तेपे सुदारुणम्
3297	1064002a	मौनं वर्षसहस्रस्य कृत्वा व्रतमनुत्तमम्
3298	1064002c	चकाराप्रतिमं राम तपः परमदुष्करम्
3299	1064003a	पूर्णे वर्षसहस्रे तु काष्ठभूतं महामुनिम्
3300	1064003c	विघ्नैर्बहुभिराधूतं क्रोधो नान्तरमाविशत्
3301	1064004a	ततो देवाः सगन्धर्वाः पन्नगासुरराक्षसाः
3302	1064004c	मोहितास्तेजसा तस्य तपसा मन्दरश्मयः
3303	1064004e	कश्मलोपहताः सर्वे पितामहमथाब्रुवन्
3304	1064005a	बहुभिः कारणैर्देव विश्वामित्रो महामुनिः
3305	1064005c	लोभितः क्रोधितश्चैव तपसा चाभिवर्धते
3306	1064006a	न ह्यस्य वृजिनं किंचिद्दृश्यते सूक्ष्ममप्यथ
3307	1064006c	न दीयते यदि त्वस्य मनसा यदभीप्सितम्
3308	1064006e	विनाशयति त्रैलोक्यं तपसा सचराचरम्
3309	1064006g	व्याकुलाश्च दिशः सर्वा न च किंचित्प्रकाशते
3310	1064007a	सागराः क्षुभिताः सर्वे विशीर्यन्ते च पर्वताः
3311	1064007c	प्रकम्पते च पृथिवी वायुर्वाति भृशाकुलः
3312	1064008a	बुद्धिं न कुरुते यावन्नाशे देव महामुनिः
3313	1064008c	तावत्प्रसाद्यो भगवानग्निरूपो महाद्युतिः
3314	1064009a	कालाग्निना यथा पूर्वं त्रैलोक्यं दह्यतेऽखिलम्
3315	1064009c	देवराज्ये चिकीर्षेत दीयतामस्य यन्मतम्
3316	1064010a	ततः सुरगणाः सर्वे पितामहपुरोगमाः
3317	1064010c	विश्वामित्रं महात्मानं वाक्यं मधुरमब्रुवन्
3318	1064011a	ब्रह्मर्षे स्वागतं तेऽस्तु तपसा स्म सुतोषिताः
3319	1064011c	ब्राह्मण्यं तपसोग्रेण प्राप्तवानसि कौशिक
3320	1064012a	दीर्घमायुश्च ते ब्रह्मन्ददामि समरुद्गणः
3321	1064012c	स्वस्ति प्राप्नुहि भद्रं ते गच्छ सौम्य यथासुखम्
3322	1064013a	पितामहवचः श्रुत्वा सर्वेषां च दिवौकसाम्
3323	1064013c	कृत्वा प्रणामं मुदितो व्याजहार महामुनिः
3324	1064014a	ब्राह्मण्यं यदि मे प्राप्तं दीर्घमायुस्तथैव च
3325	1064014c	ओंकारोऽथ वषट्कारो वेदाश्च वरयन्तु माम्
3326	1064015a	क्षत्रवेदविदां श्रेष्ठो ब्रह्मवेदविदामपि
3327	1064015c	ब्रह्मपुत्रो वसिष्ठो मामेवं वदतु देवताः
3328	1064015e	यद्ययं परमः कामः कृतो यान्तु सुरर्षभाः
3329	1064016a	ततः प्रसादितो देवैर्वसिष्ठो जपतां वरः
3330	1064016c	सख्यं चकार ब्रह्मर्षिरेवमस्त्विति चाब्रवीत्
3331	1064017a	ब्रह्मर्षित्वं न संदेहः सर्वं संपत्स्यते तव
3332	1064017c	इत्युक्त्वा देवताश्चापि सर्वा जग्मुर्यथागतम्
3333	1064018a	विश्वामित्रोऽपि धर्मात्मा लब्ध्वा ब्राह्मण्यमुत्तमम्
3334	1064018c	पूजयामास ब्रह्मर्षिं वसिष्ठं जपतां वरम्
3335	1064019a	कृतकामो महीं सर्वां चचार तपसि स्थितः
3336	1064019c	एवं त्वनेन ब्राह्मण्यं प्राप्तं राम महात्मना
3337	1064020a	एष राम मुनिश्रेष्ठ एष विग्रहवांस्तपः
3338	1064020c	एष धर्मः परो नित्यं वीर्यस्यैष परायणम्
3339	1064021a	शतानन्दवचः श्रुत्वा रामलक्ष्मणसंनिधौ
3340	1064021c	जनकः प्राञ्जलिर्वाक्यमुवाच कुशिकात्मजम्
3341	1064022a	धन्योऽस्म्यनुगृहीतोऽस्मि यस्य मे मुनिपुंगव
3342	1064022c	यज्ञं काकुत्स्थ सहितः प्राप्तवानसि धार्मिक
3343	1064023a	पावितोऽहं त्वया ब्रह्मन्दर्शनेन महामुने
3344	1064023c	गुणा बहुविधाः प्राप्तास्तव संदर्शनान्मया
3345	1064024a	विस्तरेण च ते ब्रह्मन्कीर्त्यमानं महत्तपः
3346	1064024c	श्रुतं मया महातेजो रामेण च महात्मना
3347	1064025a	सदस्यैः प्राप्य च सदः श्रुतास्ते बहवो गुणाः
3348	1064026a	अप्रमेयं तपस्तुभ्यमप्रमेयं च ते बलम्
3349	1064026c	अप्रमेया गुणाश्चैव नित्यं ते कुशिकात्मज
3350	1064027a	तृप्तिराश्चर्यभूतानां कथानां नास्ति मे विभो
3351	1064027c	कर्मकालो मुनिश्रेष्ठ लम्बते रविमण्डलम्
3352	1064028a	श्वः प्रभाते महातेजो द्रष्टुमर्हसि मां पुनः
3353	1064028c	स्वागतं तपसां श्रेष्ठ मामनुज्ञातुमर्हसि
3354	1064029a	एवमुक्त्वा मुनिश्रेष्ठं वैदेहो मिथिलाधिपः
3355	1064029c	प्रदक्षिणं चकाराशु सोपाध्यायः सबान्धवः
3356	1064030a	विश्वामित्रोऽपि धर्मात्मा सहरामः सलक्ष्मणः
3357	1064030c	स्वं वाटमभिचक्राम पूज्यमानो महर्षिभिः
3358	1065001a	ततः प्रभाते विमले कृतकर्मा नराधिपः
3359	1065001c	विश्वामित्रं महात्मानमाजुहाव सराघवम्
3360	1065002a	तमर्चयित्वा धर्मात्मा शास्त्रदृष्ट्तेन कर्मणा
3361	1065002c	राघवौ च महात्मानौ तदा वाक्यमुवाच ह
3362	1065003a	भगवन्स्वागतं तेऽस्तु किं करोमि तवानघ
3363	1065003c	भवानाज्ञापयतु मामाज्ञाप्यो भवता ह्यहम्
3364	1065004a	एवमुक्तः स धर्मात्मा जनकेन महात्मना
3365	1065004c	प्रत्युवाच मुनिर्वीरं वाक्यं वाक्यविशारदः
3366	1065005a	पुत्रौ दशरथस्येमौ क्षत्रियौ लोकविश्रुतौ
3367	1065005c	द्रष्टुकामौ धनुः श्रेष्ठं यदेतत्त्वयि तिष्ठति
3368	1065006a	एतद्दर्शय भद्रं ते कृतकामौ नृपात्मजौ
3369	1065006c	दर्शनादस्य धनुषो यथेष्टं प्रतियास्यतः
3370	1065007a	एवमुक्तस्तु जनकः प्रत्युवाच महामुनिम्
3371	1065007c	श्रूयतामस्य धनुषो यदर्थमिह तिष्ठति
3372	1065008a	देवरात इति ख्यातो निमेः षष्ठो महीपतिः
3373	1065008c	न्यासोऽयं तस्य भगवन्हस्ते दत्तो महात्मना
3374	1065009a	दक्षयज्ञवधे पूर्वं धनुरायम्य वीर्यवान्
3375	1065009c	रुद्रस्तु त्रिदशान्रोषात्सलीलमिदमब्रवीत्
3376	1065010a	यस्माद्भागार्थिनो भागान्नाकल्पयत मे सुराः
3377	1065010c	वराङ्गानि महार्हाणि धनुषा शातयामि वः
3378	1065011a	ततो विमनसः सर्वे देवा वै मुनिपुंगव
3379	1065011c	प्रसादयन्ति देवेशं तेषां प्रीतोऽभवद्भवः
3380	1065012a	प्रीतियुक्तः स सर्वेषां ददौ तेषां महात्मनाम्
3381	1065013a	तदेतद्देवदेवस्य धनूरत्नं महात्मनः
3382	1065013c	न्यासभूतं तदा न्यस्तमस्माकं पूर्वके विभो
3383	1065014a	अथ मे कृषतः क्षेत्रं लाङ्गलादुत्थिता मम
3384	1065014c	क्षेत्रं शोधयता लब्ध्वा नाम्ना सीतेति विश्रुता
3385	1065015a	भूतलादुत्थिता सा तु व्यवर्धत ममात्मजा
3386	1065015c	वीर्यशुल्केति मे कन्या स्थापितेयमयोनिजा
3387	1065016a	भूतलादुत्थितां तां तु वर्धमानां ममात्मजाम्
3388	1065016c	वरयामासुरागम्य राजानो मुनिपुंगव
3389	1065017a	तेषां वरयतां कन्यां सर्वेषां पृथिवीक्षिताम्
3390	1065017c	वीर्यशुल्केति भगवन्न ददामि सुतामहम्
3391	1065018a	ततः सर्वे नृपतयः समेत्य मुनिपुंगव
3392	1065018c	मिथिलामभ्युपागम्य वीर्यं जिज्ञासवस्तदा
3393	1065019a	तेषां जिज्ञासमानानां वीर्यं धनुरुपाहृतम्
3394	1065019c	न शेकुर्ग्रहणे तस्य धनुषस्तोलनेऽपि वा
3395	1065020a	तेषां वीर्यवतां वीर्यमल्पं ज्ञात्वा महामुने
3396	1065020c	प्रत्याख्याता नृपतयस्तन्निबोध तपोधन
3397	1065021a	ततः परमकोपेन राजानो मुनिपुंगव
3398	1065021c	अरुन्धन्मिथिलां सर्वे वीर्यसंदेहमागताः
3399	1065022a	आत्मानमवधूतं ते विज्ञाय मुनिपुंगव
3400	1065022c	रोषेण महताविष्टाः पीडयन्मिथिलां पुरीम्
3401	1065023a	ततः संवत्सरे पूर्णे क्षयं यातानि सर्वशः
3402	1065023c	साधनानि मुनिरेष्ठ ततोऽहं भृशदुःखितः
3403	1065024a	ततो देवगणान्सर्वांस्तपसाहं प्रसादयम्
3404	1065024c	ददुश्च परमप्रीताश्चतुरङ्गबलं सुराः
3405	1065025a	ततो भग्ना नृपतयो हन्यमाना दिशो ययुः
3406	1065025c	अवीर्या वीर्यसंदिग्धा सामात्याः पापकारिणः
3407	1065026a	तदेतन्मुनिशार्दूल धनुः परमभास्वरम्
3408	1065026c	रामलक्ष्मणयोश्चापि दर्शयिष्यामि सुव्रत
3409	1065027a	यद्यस्य धनुषो रामः कुर्यादारोपणं मुने
3410	1065027c	सुतामयोनिजां सीतां दद्यां दाशरथेरहम्
3411	1066001a	जनकस्य वचः श्रुत्वा विश्वामित्रो महामुनिः
3412	1066001c	धनुर्दर्शय रामाय इति होवाच पार्थिवम्
3413	1066002a	ततः स राजा जनकः सचिवान्व्यादिदेश ह
3414	1066002c	धनुरानीयतां दिव्यं गन्धमाल्यविभूषितम्
3415	1066003a	जनकेन समादिष्ठाः सचिवाः प्राविशन्पुरीम्
3416	1066003c	तद्धनुः पुरतः कृत्वा निर्जग्मुः पार्थिवाज्ञया
3417	1066004a	नृपां शतानि पञ्चाशद्व्यायतानां महात्मनाम्
3418	1066004c	मञ्जूषामष्टचक्रां तां समूहुस्ते कथंचन
3419	1066005a	तामादाय तु मञ्जूषामायतीं यत्र तद्धनुः
3420	1066005c	सुरोपमं ते जनकमूचुर्नृपतिमन्त्रिणः
3421	1066006a	इदं धनुर्वरं राजन्पूजितं सर्वराजभिः
3422	1066006c	मिथिलाधिप राजेन्द्र दर्शनीयं यदीच्छसि
3423	1066007a	तेषां नृपो वचः श्रुत्वा कृताञ्जलिरभाषत
3424	1066007c	विश्वामित्रं महात्मानं तौ चोभौ रामलक्ष्मणौ
3425	1066008a	इदं धनुर्वरं ब्रह्मञ्जनकैरभिपूजितम्
3426	1066008c	राजभिश्च महावीर्यैरशक्यं पूरितुं तदा
3427	1066009a	नैतत्सुरगणाः सर्वे नासुरा न च राक्षसाः
3428	1066009c	गन्धर्वयक्षप्रवराः सकिंनरमहोरगाः
3429	1066010a	क्व गतिर्मानुषाणां च धनुषोऽस्य प्रपूरणे
3430	1066010c	आरोपणे समायोगे वेपने तोलनेऽपि वा
3431	1066011a	तदेतद्धनुषां श्रेष्ठमानीतं मुनिपुंगव
3432	1066011c	दर्शयैतन्महाभाग अनयो राजपुत्रयोः
3433	1066012a	विश्वामित्रस्तु धर्मात्मा श्रुत्वा जनकभाषितम्
3434	1066012c	वत्स राम धनुः पश्य इति राघवमब्रवीत्
3435	1066013a	महर्षेर्वचनाद्रामो यत्र तिष्ठति तद्धनुः
3436	1066013c	मञ्जूषां तामपावृत्य दृष्ट्वा धनुरथाब्रवीत्
3437	1066014a	इदं धनुर्वरं ब्रह्मन्संस्पृशामीह पाणिना
3438	1066014c	यत्नवांश्च भविष्यामि तोलने पूरणेऽपि वा
3439	1066015a	बाढमित्येव तं राजा मुनिश्च समभाषत
3440	1066015c	लीलया स धनुर्मध्ये जग्राह वचनान्मुनेः
3441	1066016a	पश्यतां नृषहस्राणां बहूनां रघुनन्दनः
3442	1066016c	आरोपयत्स धर्मात्मा सलीलमिव तद्धनुः
3443	1066017a	आरोपयित्वा मौर्वीं च पूरयामास वीर्यवान्
3444	1066017c	तद्बभञ्ज धनुर्मध्ये नरश्रेष्ठो महायशाः
3445	1066018a	तस्य शब्दो महानासीन्निर्घातसमनिःस्वनः
3446	1066018c	भूमिकम्पश्च सुमहान्पर्वतस्येव दीर्यतः
3447	1066019a	निपेतुश्च नराः सर्वे तेन शब्देन मोहिताः
3448	1066019c	वर्जयित्वा मुनिवरं राजानं तौ च राघवौ
3449	1066020a	प्रत्याश्वस्ते जने तस्मिन्राजा विगतसाध्वसः
3450	1066020c	उवाच प्राञ्जलिर्वाक्यं वाक्यज्ञो मुनिपुंगवम्
3451	1066021a	भगवन्दृष्टवीर्यो मे रामो दशरथात्मजः
3452	1066021c	अत्यद्भुतमचिन्त्यं च अतर्कितमिदं मया
3453	1066022a	जनकानां कुले कीर्तिमाहरिष्यति मे सुता
3454	1066022c	सीता भर्तारमासाद्य रामं दशरथात्मजम्
3455	1066023a	मम सत्या प्रतिज्ञा च वीर्यशुल्केति कौशिक
3456	1066023c	सीता प्राणैर्बहुमता देया रामाय मे सुता
3457	1066024a	भवतोऽनुमते ब्रह्मञ्शीघ्रं गच्छन्तु मन्त्रिणः
3458	1066024c	मम कौशिक भद्रं ते अयोध्यां त्वरिता रथैः
3459	1066025a	राजानं प्रश्रितैर्वाक्यैरानयन्तु पुरं मम
3460	1066025c	प्रदानं वीर्यशुल्कायाः कथयन्तु च सर्वशः
3461	1066026a	मुनिगुप्तौ च काकुत्स्थौ कथयन्तु नृपाय वै
3462	1066026c	प्रीयमाणं तु राजानमानयन्तु सुशीघ्रगाः
3463	1066027a	कौशिकश्च तथेत्याह राजा चाभाष्य मन्त्रिणः
3464	1066027c	अयोध्यां प्रेषयामास धर्मात्मा कृतशासनात्
3465	1067001a	जनकेन समादिष्टा दूतास्ते क्लान्तवाहनाः
3466	1067001c	त्रिरात्रमुषित्वा मार्गे तेऽयोध्यां प्राविशन्पुरीम्
3467	1067002a	ते राजवचनाद्दूता राजवेश्मप्रवेशिताः
3468	1067002c	ददृशुर्देवसंकाशं वृद्धं दशरथं नृपम्
3469	1067003a	बद्धाञ्जलिपुटाः सर्वे दूता विगतसाध्वसाः
3470	1067003c	राजानं प्रयता वाक्यमब्रुवन्मधुराक्षरम्
3471	1067004a	मैथिलो जनको राजा साग्निहोत्रपुरस्कृतः
3472	1067004c	कुशलं चाव्ययं चैव सोपाध्यायपुरोहितम्
3473	1067005a	मुहुर्मुहुर्मधुरया स्नेहसंयुक्तया गिरा
3474	1067005c	जनकस्त्वां महाराज पृच्छते सपुरःसरम्
3475	1067006a	पृष्ट्वा कुशलमव्यग्रं वैदेहो मिथिलाधिपः
3476	1067006c	कौशिकानुमते वाक्यं भवन्तमिदमब्रवीत्
3477	1067007a	पूर्वं प्रतिज्ञा विदिता वीर्यशुल्का ममात्मजा
3478	1067007c	राजानश्च कृतामर्षा निर्वीर्या विमुखीकृताः
3479	1067008a	सेयं मम सुता राजन्विश्वामित्र पुरःसरैः
3480	1067008c	यदृच्छयागतैर्वीरैर्निर्जिता तव पुत्रकैः
3481	1067009a	तच्च राजन्धनुर्दिव्यं मध्ये भग्नं महात्मना
3482	1067009c	रामेण हि महाराज महत्यां जनसंसदि
3483	1067010a	अस्मै देया मया सीता वीर्यशुल्का महात्मने
3484	1067010c	प्रतिज्ञां तर्तुमिच्छामि तदनुज्ञातुमर्हसि
3485	1067011a	सोपाध्यायो महाराज पुरोहितपुरस्कृतः
3486	1067011c	शीघ्रमागच्छ भद्रं ते द्रष्टुमर्हसि राघवौ
3487	1067012a	प्रीतिं च मम राजेन्द्र निर्वर्तयितुमर्हसि
3488	1067012c	पुत्रयोरुभयोरेव प्रीतिं त्वमपि लप्स्यसे
3489	1067013a	एवं विदेहाधिपतिर्मधुरं वाक्यमब्रवीत्
3490	1067013c	विश्वामित्राभ्यनुज्ञातः शतानन्दमते स्थितः
3491	1067014a	दूतवाक्यं तु तच्छ्रुत्वा राजा परमहर्षितः
3492	1067014c	वसिष्ठं वामदेवं च मन्त्रिणोऽन्यांश्च सोऽब्रवीत्
3493	1067015a	गुप्तः कुशिकपुत्रेण कौसल्यानन्दवर्धनः
3494	1067015c	लक्ष्मणेन सह भ्रात्रा विदेहेषु वसत्यसौ
3495	1067016a	दृष्टवीर्यस्तु काकुत्स्थो जनकेन महात्मना
3496	1067016c	संप्रदानं सुतायास्तु राघवे कर्तुमिच्छति
3497	1067017a	यदि वो रोचते वृत्तं जनकस्य महात्मनः
3498	1067017c	पुरीं गच्छामहे शीघ्रं मा भूत्कालस्य पर्ययः
3499	1067018a	मन्त्रिणो बाढमित्याहुः सह सर्वैर्महर्षिभिः
3500	1067018c	सुप्रीतश्चाब्रवीद्राजा श्वो यात्रेति स मन्त्रिणः
3501	1067019a	मन्त्रिणस्तु नरेन्द्रस्य रात्रिं परमसत्कृताः
3502	1067019c	ऊषुः प्रमुदिताः सर्वे गुणैः सर्वैः समन्विताः
3503	1068001a	ततो रात्र्यां व्यतीतायां सोपाध्यायः सबान्धवः
3504	1068001c	राजा दशरथो हृष्टः सुमन्त्रमिदमब्रवीत्
3505	1068002a	अद्य सर्वे धनाध्यक्षा धनमादाय पुष्कलम्
3506	1068002c	व्रजन्त्वग्रे सुविहिता नानारत्नसमन्विताः
3507	1068003a	चतुरङ्गबलं चापि शीघ्रं निर्यातु सर्वशः
3508	1068003c	ममाज्ञासमकालं च यानयुग्यमनुत्तमम्
3509	1068004a	वसिष्ठो वामदेवश्च जाबालिरथ काश्यपः
3510	1068004c	मार्कण्डेयश्च दीर्घायुरृषिः कात्यायनस्तथा
3511	1068005a	एते द्विजाः प्रयान्त्वग्रे स्यन्दनं योजयस्व मे
3512	1068005c	यथा कालात्ययो न स्याद्दूता हि त्वरयन्ति माम्
3513	1068006a	वचनाच्च नरेन्द्रस्य सा सेना चतुरङ्गिणी
3514	1068006c	राजानमृषिभिः सार्धं व्रजन्तं पृष्ठतोऽन्वगात्
3515	1068007a	गत्वा चतुरहं मार्गं विदेहानभ्युपेयिवान्
3516	1068007c	राजा तु जनकः श्रीमाञ्श्रुत्वा पूजामकल्पयत्
3517	1068008a	ततो राजानमासाद्य वृद्धं दशरथं नृपम्
3518	1068008c	जनको मुदितो राजा हर्षं च परमं ययौ
3519	1068008e	उवाच न नरश्रेष्ठो नरश्रेष्ठं मुदान्वितम्
3520	1068009a	स्वागतं ते महाराज दिष्ट्या प्राप्तोऽसि राघव
3521	1068009c	पुत्रयोरुभयोः प्रीतिं लप्स्यसे वीर्यनिर्जिताम्
3522	1068010a	दिष्ट्या प्राप्तो महातेजा वसिष्ठो भगवानृषिः
3523	1068010c	सह सर्वैर्द्विजश्रेष्ठैर्देवैरिव शतक्रतुः
3524	1068011a	दिष्ट्या मे निर्जिता विघ्ना दिष्ट्या मे पूजितं कुलम्
3525	1068011c	राघवैः सह संबन्धाद्वीर्यश्रेष्ठैर्महात्मभिः
3526	1068012a	श्वः प्रभाते नरेन्द्रेन्द्र निर्वर्तयितुमर्हसि
3527	1068012c	यज्ञस्यान्ते नरश्रेष्ठ विवाहमृषिसंमतम्
3528	1068013a	तस्य तद्वचनं श्रुत्वा ऋषिमध्ये नराधिपः
3529	1068013c	वाक्यं वाक्यविदां श्रेष्ठः प्रत्युवाच महीपतिम्
3530	1068014a	प्रतिग्रहो दातृवशः श्रुतमेतन्मया पुरा
3531	1068014c	यथा वक्ष्यसि धर्मज्ञ तत्करिष्यामहे वयम्
3532	1068015a	तद्धर्मिष्ठं यशस्यं च वचनं सत्यवादिनः
3533	1068015c	श्रुत्वा विदेहाधिपतिः परं विस्मयमागतः
3534	1068016a	ततः सर्वे मुनिगणाः परस्परसमागमे
3535	1068016c	हर्षेण महता युक्तास्तां निशामवसन्सुखम्
3536	1068017a	राजा च राघवौ पुत्रौ निशाम्य परिहर्षितः
3537	1068017c	उवास परमप्रीतो जनकेन सुपूजितः
3538	1068018a	जनकोऽपि महातेजाः क्रिया धर्मेण तत्त्ववित्
3539	1068018c	यज्ञस्य च सुताभ्यां च कृत्वा रात्रिमुवास ह
3540	1069001a	ततः प्रभाते जनकः कृतकर्मा महर्षिभिः
3541	1069001c	उवाच वाक्यं वाक्यज्ञः शतानन्दं पुरोहितम्
3542	1069002a	भ्राता मम महातेजा यवीयानतिधार्मिकः
3543	1069002c	कुशध्वज इति ख्यातः पुरीमध्यवसच्छुभाम्
3544	1069003a	वार्याफलकपर्यन्तां पिबन्निक्षुमतीं नदीम्
3545	1069003c	सांकाश्यां पुण्यसंकाशां विमानमिव पुष्पकम्
3546	1069004a	तमहं द्रष्टुमिच्छामि यज्ञगोप्ता स मे मतः
3547	1069004c	प्रीतिं सोऽपि महातेजा इंमां भोक्ता मया सह
3548	1069005a	शासनात्तु नरेन्द्रस्य प्रययुः शीघ्रवाजिभिः
3549	1069005c	समानेतुं नरव्याघ्रं विष्णुमिन्द्राज्ञया यथा
3550	1069006a	आज्ञया तु नरेन्द्रस्य आजगाम कुशध्वजः
3551	1069007a	स ददर्श महात्मानं जनकं धर्मवत्सलम्
3552	1069007c	सोऽभिवाद्य शतानन्दं राजानं चापि धार्मिकम्
3553	1069008a	राजार्हं परमं दिव्यमासनं चाध्यरोहत
3554	1069008c	उपविष्टावुभौ तौ तु भ्रातरावमितौजसौ
3555	1069009a	प्रेषयामासतुर्वीरौ मन्त्रिश्रेष्ठं सुदामनम्
3556	1069009c	गच्छ मन्त्रिपते शीघ्रमैक्ष्वाकममितप्रभम्
3557	1069009e	आत्मजैः सह दुर्धर्षमानयस्व समन्त्रिणम्
3558	1069010a	औपकार्यां स गत्वा तु रघूणां कुलवर्धनम्
3559	1069010c	ददर्श शिरसा चैनमभिवाद्येदमब्रवीत्
3560	1069011a	अयोध्याधिपते वीर वैदेहो मिथिलाधिपः
3561	1069011c	स त्वां द्रष्टुं व्यवसितः सोपाध्यायपुरोहितम्
3562	1069012a	मन्त्रिश्रेष्ठवचः श्रुत्वा राजा सर्षिगणस्तदा
3563	1069012c	सबन्धुरगमत्तत्र जनको यत्र वर्तते
3564	1069013a	स राजा मन्त्रिसहितः सोपाध्यायः सबान्धवः
3565	1069013c	वाक्यं वाक्यविदां श्रेष्ठो वैदेहमिदमब्रवीत्
3566	1069014a	विदितं ते महाराज इक्ष्वाकुकुलदैवतम्
3567	1069014c	वक्ता सर्वेषु कृत्येषु वसिष्ठो भगवानृषिः
3568	1069015a	विश्वामित्राभ्यनुज्ञातः सह सर्वैर्महर्षिभिः
3569	1069015c	एष वक्ष्यति धर्मात्मा वसिष्ठो मे यथाक्रमम्
3570	1069016a	तूष्णींभूते दशरथे वसिष्ठो भगवानृषिः
3571	1069016c	उवाच वाक्यं वाक्यज्ञो वैदेहं सपुरोहितम्
3572	1069017a	अव्यक्तप्रभवो ब्रह्मा शाश्वतो नित्य अव्ययः
3573	1069017c	तस्मान्मरीचिः संजज्ञे मरीचेः कश्यपः सुतः
3574	1069018a	विवस्वान्कश्यपाज्जज्ञे मनुर्वैवैस्वतः स्मृतः
3575	1069018c	मनुः प्रजापतिः पूर्वमिक्ष्वाकुस्तु मनोः सुतः
3576	1069019a	तमिक्ष्वाकुमयोध्यायां राजानं विद्धि पूर्वकम्
3577	1069019c	इक्ष्वाकोस्तु सुतः श्रीमान्विकुक्षिरुदपद्यत
3578	1069020a	विकुक्षेस्तु महातेजा बाणः पुत्रः प्रतापवान्
3579	1069020c	बाणस्य तु महातेजा अनरण्यः प्रतापवान्
3580	1069021a	अनरण्यात्पृथुर्जज्ञे त्रिशङ्कुस्तु पृथोः सुतः
3581	1069021c	त्रिशङ्कोरभवत्पुत्रो धुन्धुमारो महायशाः
3582	1069022a	धुन्धुमारान्महातेजा युवनाश्वो महारथः
3583	1069022c	युवनाश्वसुतः श्रीमान्मान्धाता पृथिवीपतिः
3584	1069023a	मान्धातुस्तु सुतः श्रीमान्सुसंधिरुदपद्यत
3585	1069023c	सुसंधेरपि पुत्रौ द्वौ ध्रुवसंधिः प्रसेनजित्
3586	1069024a	यशस्वी ध्रुवसंधेस्तु भरतो नाम नामतः
3587	1069024c	भरतात्तु महातेजा असितो नाम जायत
3588	1069025a	सह तेन गरेणैव जातः स सगरोऽभवत्
3589	1069025c	सगरस्यासमञ्जस्तु असमञ्जादथांशुमान्
3590	1069026a	दिलीपोंऽशुमतः पुत्रो दिलीपस्य भगीरथः
3591	1069026c	भगीरथात्ककुत्स्थश्च ककुत्स्थस्य रघुस्तथा
3592	1069027a	रघोस्तु पुत्रस्तेजस्वी प्रवृद्धः पुरुषादकः
3593	1069027c	कल्माषपादो ह्यभवत्तस्माज्जातस्तु शङ्खणः
3594	1069028a	सुदर्शनः शङ्खणस्य अग्निवर्णः सुदर्शनात्
3595	1069028c	शीघ्रगस्त्वग्निवर्णस्य शीघ्रगस्य मरुः सुतः
3596	1069029a	मरोः प्रशुश्रुकस्त्वासीदम्बरीषः प्रशुश्रुकात्
3597	1069029c	अम्बरीषस्य पुत्रोऽभून्नहुषः पृथिवीपतिः
3598	1069030a	नहुषस्य ययातिस्तु नाभागस्तु ययातिजः
3599	1069030c	नाभागस्य भभूवाज अजाद्दशरथोऽभवत्
3600	1069030e	तस्माद्दशरथाज्जातौ भ्रातरौ रामलक्ष्मणौ
3601	1069031a	आदिवंशविशुद्धानां राज्ञां परमधर्मिणाम्
3602	1069031c	इक्ष्वाकुकुलजातानां वीराणां सत्यवादिनाम्
3603	1069032a	रामलक्ष्मणयोरर्थे त्वत्सुते वरये नृप
3604	1069032c	सदृशाभ्यां नरश्रेष्ठ सदृशे दातुमर्हसि
3605	1070001a	एवं ब्रुवाणं जनकः प्रत्युवाच कृताञ्जलिः
3606	1070001c	श्रोतुमर्हसि भद्रं ते कुलं नः कीर्तितं परम्
3607	1070002a	प्रदाने हि मुनिश्रेष्ठ कुलं निरवशेषतः
3608	1070002c	वक्तव्यं कुलजातेन तन्निबोध महामुने
3609	1070003a	राजाभूत्त्रिषु लोकेषु विश्रुतः स्वेन कर्मणा
3610	1070003c	निमिः परमधर्मात्मा सर्वसत्त्ववतां वरः
3611	1070004a	तस्य पुत्रो मिथिर्नाम जनको मिथि पुत्रकः
3612	1070004c	प्रथमो जनको नाम जनकादप्युदावसुः
3613	1070005a	उदावसोस्तु धर्मात्मा जातो वै नन्दिवर्धनः
3614	1070005c	नन्दिवर्धन पुत्रस्तु सुकेतुर्नाम नामतः
3615	1070006a	सुकेतोरपि धर्मात्मा देवरातो महाबलः
3616	1070006c	देवरातस्य राजर्षेर्बृहद्रथ इति श्रुतः
3617	1070007a	बृहद्रथस्य शूरोऽभून्महावीरः प्रतापवान्
3618	1070007c	महावीरस्य धृतिमान्सुधृतिः सत्यविक्रमः
3619	1070008a	सुधृतेरपि धर्मात्मा धृष्टकेतुः सुधार्मिकः
3620	1070008c	धृष्टकेतोस्तु राजर्षेर्हर्यश्व इति विश्रुतः
3621	1070009a	हर्यश्वस्य मरुः पुत्रो मरोः पुत्रः प्रतीन्धकः
3622	1070009c	प्रतीन्धकस्य धर्मात्मा राजा कीर्तिरथः सुतः
3623	1070010a	पुत्रः कीर्तिरथस्यापि देवमीढ इति स्मृतः
3624	1070010c	देवमीढस्य विबुधो विबुधस्य महीध्रकः
3625	1070011a	महीध्रकसुतो राजा कीर्तिरातो महाबलः
3626	1070011c	कीर्तिरातस्य राजर्षेर्महारोमा व्यजायत
3627	1070012a	महारोंणस्तु धर्मात्मा स्वर्णरोमा व्यजायत
3628	1070012c	स्वर्णरोंणस्तु राजर्षेर्ह्रस्वरोमा व्यजायत
3629	1070013a	तस्य पुत्रद्वयं जज्ञे धर्मज्ञस्य महात्मनः
3630	1070013c	ज्येष्ठोऽहमनुजो भ्राता मम वीरः कुशध्वजः
3631	1070014a	मां तु ज्येष्ठं पिता राज्ये सोऽभिषिच्य नराधिपः
3632	1070014c	कुशध्वजं समावेश्य भारं मयि वनं गतः
3633	1070015a	वृद्धे पितरि स्वर्याते धर्मेण धुरमावहम्
3634	1070015c	भ्रातरं देवसंकाशं स्नेहात्पश्यन्कुशध्वजम्
3635	1070016a	कस्यचित्त्वथ कालस्य सांकाश्यादगमत्पुरात्
3636	1070016c	सुधन्वा वीर्यवान्राजा मिथिलामवरोधकः
3637	1070017a	स च मे प्रेषयामास शैवं धनुरनुत्तमम्
3638	1070017c	सीता कन्या च पद्माक्षी मह्यं वै दीयतामिति
3639	1070018a	तस्याप्रदानाद्ब्रह्मर्षे युद्धमासीन्मया सह
3640	1070018c	स हतोऽभिमुखो राजा सुधन्वा तु मया रणे
3641	1070019a	निहत्य तं मुनिश्रेष्ठ सुधन्वानं नराधिपम्
3642	1070019c	सांकाश्ये भ्रातरं शूरमभ्यषिञ्चं कुशध्वजम्
3643	1070020a	कनीयानेष मे भ्राता अहं ज्येष्ठो महामुने
3644	1070020c	ददामि परमप्रीतो वध्वौ ते मुनिपुंगव
3645	1070021a	सीतां रामाय भद्रं ते ऊर्मिलां लक्ष्मणाय च
3646	1070021c	वीर्यशुल्कां मम सुतां सीतां सुरसुतोपमाम्
3647	1070022a	द्वितीयामूर्मिलां चैव त्रिर्वदामि न संशयः
3648	1070022c	ददामि परमप्रीतो वध्वौ ते रघुनन्दन
3649	1070023a	रामलक्ष्मणयो राजन्गोदानं कारयस्व ह
3650	1070023c	पितृकार्यं च भद्रं ते ततो वैवाहिकं कुरु
3651	1070024a	मघा ह्यद्य महाबाहो तृतीये दिवसे प्रभो
3652	1070024c	फल्गुन्यामुत्तरे राजंस्तस्मिन्वैवाहिकं कुरु
3653	1070024e	रामलक्ष्मणयोरर्थे दानं कार्यं सुखोदयम्
3654	1071001a	तमुक्तवन्तं वैदेहं विश्वामित्रो महामुनिः
3655	1071001c	उवाच वचनं वीरं वसिष्ठसहितो नृपम्
3656	1071002a	अचिन्त्यान्यप्रमेयानि कुलानि नरपुंगव
3657	1071002c	इक्ष्वाकूणां विदेहानां नैषां तुल्योऽस्ति कश्चन
3658	1071003a	सदृशो धर्मसंबन्धः सदृशो रूपसंपदा
3659	1071003c	रामलक्ष्मणयो राजन्सीता चोर्मिलया सह
3660	1071004a	वक्तव्यं न नरश्रेष्ठ श्रूयतां वचनं मम
3661	1071005a	भ्राता यवीयान्धर्मज्ञ एष राजा कुशध्वजः
3662	1071005c	अस्य धर्मात्मनो राजन्रूपेणाप्रतिमं भुवि
3663	1071005e	सुता द्वयं नरश्रेष्ठ पत्न्यर्थं वरयामहे
3664	1071006a	भरतस्य कुमारस्य शत्रुघ्नस्य च धीमतः
3665	1071006c	वरयेम सुते राजंस्तयोरर्थे महात्मनोः
3666	1071007a	पुत्रा दशरथस्येमे रूपयौवनशालिनः
3667	1071007c	लोकपालोपमाः सर्वे देवतुल्यपराक्रमाः
3668	1071008a	उभयोरपि राजेन्द्र संबन्धेनानुबध्यताम्
3669	1071008c	इक्ष्वाकुकुलमव्यग्रं भवतः पुण्यकर्मणः
3670	1071009a	विश्वामित्रवचः श्रुत्वा वसिष्ठस्य मते तदा
3671	1071009c	जनकः प्राञ्जलिर्वाक्यमुवाच मुनिपुंगवौ
3672	1071010a	सदृशं कुलसंबन्धं यदाज्ञापयथः स्वयम्
3673	1071010c	एवं भवतु भद्रं वः कुशध्वजसुते इमे
3674	1071010e	पत्न्यौ भजेतां सहितौ शत्रुघ्नभरतावुभौ
3675	1071011a	एकाह्ना राजपुत्रीणां चतसॄणां महामुने
3676	1071011c	पाणीन्गृह्णन्तु चत्वारो राजपुत्रा महाबलाः
3677	1071012a	उत्तरे दिवसे ब्रह्मन्फल्गुनीभ्यां मनीषिणः
3678	1071012c	वैवाहिकं प्रशंसन्ति भगो यत्र प्रजापतिः
3679	1071013a	एवमुक्त्वा वचः सौम्यं प्रत्युत्थाय कृताञ्जलिः
3680	1071013c	उभौ मुनिवरौ राजा जनको वाक्यमब्रवीत्
3681	1071014a	परो धर्मः कृतो मह्यं शिष्योऽस्मि भवतोः सदा
3682	1071014c	इमान्यासनमुख्यानि आसेतां मुनिपुंगवौ
3683	1071015a	यथा दशरथस्येयं तथायोध्या पुरी मम
3684	1071015c	प्रभुत्वे नासित्संदेहो यथार्हं कर्तुमर्हथः
3685	1071016a	तथा ब्रुवति वैदेहे जनके रघुनन्दनः
3686	1071016c	राजा दशरथो हृष्टः प्रत्युवाच महीपतिम्
3687	1071017a	युवामसंख्येय गुणौ भ्रातरौ मिथिलेश्वरौ
3688	1071017c	ऋषयो राजसंघाश्च भवद्भ्यामभिपूजिताः
3689	1071018a	स्वस्ति प्राप्नुहि भद्रं ते गमिष्यामि स्वमालयम्
3690	1071018c	श्राद्धकर्माणि सर्वाणि विधास्य इति चाब्रवीत्
3691	1071019a	तमापृष्ट्वा नरपतिं राजा दशरथस्तदा
3692	1071019c	मुनीन्द्रौ तौ पुरस्कृत्य जगामाशु महायशाः
3693	1071020a	स गत्वा निलयं राजा श्राद्धं कृत्वा विधानतः
3694	1071020c	प्रभाते काल्यमुत्थाय चक्रे गोदानमुत्तमम्
3695	1071021a	गवां शतसहस्राणि ब्राह्मणेभ्यो नराधिपः
3696	1071021c	एकैकशो ददौ राजा पुत्रानुद्धिश्य धर्मतः
3697	1071022a	सुवर्णशृङ्गाः संपन्नाः सवत्साः कांस्यदोहनाः
3698	1071022c	गवां शतसहस्राणि चत्वारि पुरुषर्षभः
3699	1071023a	वित्तमन्यच्च सुबहु द्विजेभ्यो रघुनन्दनः
3700	1071023c	ददौ गोदानमुद्दिश्य पुत्राणां पुत्रवत्सलः
3701	1071024a	स सुतैः कृतगोदानैर्वृतश्च नृपतिस्तदा
3702	1071024c	लोकपालैरिवाभाति वृतः सौम्यः प्रजापतिः
3703	1072001a	यस्मिंस्तु दिवसे राजा चक्रे गोदानमुत्तमम्
3704	1072001c	तस्मिंस्तु दिवसे शूरो युधाजित्समुपेयिवान्
3705	1072002a	पुत्रः केकयराजस्य साक्षाद्भरतमातुलः
3706	1072002c	दृष्ट्वा पृष्ट्वा च कुशलं राजानमिदमब्रवीत्
3707	1072003a	केकयाधिपती राजा स्नेहात्कुशलमब्रवीत्
3708	1072003c	येषां कुशलकामोऽसि तेषां संप्रत्यनामयम्
3709	1072004a	स्वस्रीयं मम राजेन्द्र द्रष्टुकामो महीपते
3710	1072004c	तदर्थमुपयातोऽहमयोध्यां रघुनन्दन
3711	1072005a	श्रुत्वा त्वहमयोध्यायां विवाहार्थं तवात्मजान्
3712	1072005c	मिथिलामुपयातास्तु त्वया सह महीपते
3713	1072006a	त्वरयाभुपयातोऽहं द्रष्टुकामः स्वसुः सुतम्
3714	1072006c	अथ राजा दशरथः प्रियातिथिमुपस्थिम
3715	1072007a	दृष्ट्वा परमसत्कारैः पूजार्हं समपूजयत्
3716	1072007c	ततस्तामुषितो रात्रिं सह पुत्रैर्महात्मभिः
3717	1072008a	ऋषींस्तदा पुरस्कृत्य यज्ञवाटमुपागमत्
3718	1072008c	युक्ते मुहूर्ते विजये सर्वाभरणभूषितैः
3719	1072008e	भ्रातृभिः सहितो रामः कृतकौतुकमङ्गलः
3720	1072009a	वसिष्ठं पुरतः कृत्वा महर्षीनपरानपि
3721	1072010a	राजा रशरथो राजन्कृतकौतुकमङ्गलैः
3722	1072010c	पुत्रैर्नरवरश्रेष्ठ दातारमभिकाङ्क्षते
3723	1072011a	दातृप्रतिग्रहीतृभ्यां सर्वार्थाः प्रभवन्ति हि
3724	1072011c	स्वधर्मं प्रतिपद्यस्व कृत्वा वैवाह्यमुत्तमम्
3725	1072012a	इत्युक्तः परमोदारो वसिष्ठेन महात्मना
3726	1072012c	प्रत्युवाच महातेजा वाक्यं परमधर्मवित्
3727	1072013a	कः स्थितः प्रतिहारो मे कस्याज्ञा संप्रतीक्ष्यते
3728	1072013c	स्वगृहे को विचारोऽस्ति यथा राज्यमिदं तव
3729	1072014a	कृतकौतुकसर्वस्वा वेदिमूलमुपागताः
3730	1072014c	मम कन्या मुनिश्रेष्ठ दीप्ता वह्नेरिवार्चिषः
3731	1072015a	सज्जोऽहं त्वत्प्रतीक्षोऽस्मि वेद्यामस्यां प्रतिष्हितः
3732	1072015c	अविघ्नं कुरुतां राजा किमर्थं हि विलम्ब्यते
3733	1072016a	तद्वाक्यं जनकेनोक्तं श्रुत्वा दशरथस्तदा
3734	1072016c	प्रवेशयामास सुतान्सर्वानृषिगणानपि
3735	1072017a	अब्रवीज्जनको राजा कौसल्यानन्दवर्धनम्
3736	1072017c	इयं सीता मम सुता सहधर्मचरी तव
3737	1072017e	प्रतीच्छ चैनां भद्रं ते पाणिं गृह्णीष्व पाणिना
3738	1072018a	लक्ष्मणागच्छ भद्रं ते ऊर्मिलामुद्यतां मया
3739	1072018c	प्रतीच्छ पाणिं गृह्णीष्व मा भूत्कालस्य पर्ययः
3740	1072019a	तमेवमुक्त्वा जनको भरतं चाभ्यभाषत
3741	1072019c	गृहाण पाणिं माण्डव्याः पाणिना रघुनन्दन
3742	1072020a	शत्रुघ्नं चापि धर्मात्मा अब्रवीज्जनकेश्वरः
3743	1072020c	श्रुतकीर्त्या महाबाहो पाणिं गृह्णीष्व पाणिना
3744	1072021a	सर्वे भवन्तः संयाश्च सर्वे सुचरितव्रताः
3745	1072021c	पत्नीभिः सन्तु काकुत्स्था मा भूत्कालस्य पर्ययः
3746	1072022a	जनकस्य वचः श्रुत्वा पाणीन्पाणिभिरस्पृशन्
3747	1072022c	चत्वारस्ते चतसृणां वसिष्ठस्य मते स्थिताः
3748	1072023a	अग्निं प्रदक्षिणं कृत्वा वेदिं राजानमेव च
3749	1072023c	ऋषींश्चैव महात्मानः सह भार्या रघूत्तमाः
3750	1072023e	यथोक्तेन तथा चक्रुर्विवाहं विधिपूर्वकम्
3751	1072024a	पुष्पवृष्टिर्महत्यासीदन्तरिक्षात्सुभास्वरा
3752	1072024c	दिव्यदुन्दुभिनिर्घोषैर्गीतवादित्रनिस्वनैः
3753	1072025a	ननृतुश्चाप्सरःसंघा गन्धर्वाश्च जगुः कलम्
3754	1072025c	विवाहे रघुमुख्यानां तदद्भुतमिवाभवत्
3755	1072026a	ईदृशे वर्तमाने तु तूर्योद्घुष्टनिनादिते
3756	1072026c	त्रिरग्निं ते परिक्रम्य ऊहुर्भार्या महौजसः
3757	1072027a	अथोपकार्यां जग्मुस्ते सदारा रघुनन्दनः
3758	1072027c	राजाप्यनुययौ पश्यन्सर्षिसंघः सबान्धवः
3759	1073001a	अथ रात्र्यां व्यतीतायां विश्वामित्रो महामुनिः
3760	1073001c	आपृच्छ्य तौ च राजानौ जगामोत्तरपर्वतम्
3761	1073002a	विश्वामित्रो गते राजा वैदेहं मिथिलाधिपम्
3762	1073002c	आपृच्छ्याथ जगामाशु राजा दशरथः पुरीम्
3763	1073003a	अथ राजा विदेहानां ददौ कन्याधनं बहु
3764	1073003c	गवां शतसहस्राणि बहूनि मिथिलेश्वरः
3765	1073004a	कम्बलानां च मुख्यानां क्षौमकोट्यम्बराणि च
3766	1073004c	हस्त्यश्वरथपादातं दिव्यरूपं स्वलंकृतम्
3767	1073005a	ददौ कन्या पिता तासां दासीदासमनुत्तमम्
3768	1073005c	हिरण्यस्य सुवर्णस्य मुक्तानां विद्रुमस्य च
3769	1073006a	ददौ परमसंहृष्टः कन्याधनमनुत्तमम्
3770	1073006c	दत्त्वा बहुधनं राजा समनुज्ञाप्य पार्थिवम्
3771	1073007a	प्रविवेश स्वनिलयं मिथिलां मिथिलेश्वरः
3772	1073007c	राजाप्ययोध्याधिपतिः सह पुत्रैर्महात्मभिः
3773	1073008a	ऋषीन्सर्वान्पुरस्कृत्य जगाम सबलानुगः
3774	1073008c	गच्छन्तं तु नरव्याघ्रं सर्षिसंघं सराघवम्
3775	1073009a	घोराः स्म पक्षिणो वाचो व्याहरन्ति ततस्ततः
3776	1073009c	भौमाश्चैव मृगाः सर्वे गच्छन्ति स्म प्रदक्षिणम्
3777	1073010a	तान्दृष्ट्वा राजशार्दूलो वसिष्ठं पर्यपृच्छत
3778	1073010c	असौम्याः पक्षिणो घोरा मृगाश्चापि प्रदक्षिणाः
3779	1073010e	किमिदं हृदयोत्कम्पि मनो मम विषीदति
3780	1073011a	राज्ञो दशरथस्यैतच्छ्रुत्वा वाक्यं महानृषिः
3781	1073011c	उवाच मधुरां वाणीं श्रूयतामस्य यत्फलम्
3782	1073012a	उपस्थितं भयं घोरं दिव्यं पक्षिमुखाच्च्युतम्
3783	1073012c	मृगाः प्रशमयन्त्येते संतापस्त्यज्यतामयम्
3784	1073013a	तेषां संवदतां तत्र वायुः प्रादुर्बभूव ह
3785	1073013c	कम्पयन्मेदिनीं सर्वां पातयंश्च द्रुमाञ्शुभान्
3786	1073014a	तमसा संवृतः सूर्यः सर्वा न प्रबभुर्दिशः
3787	1073014c	भस्मना चावृतं सर्वं संमूढमिव तद्बलम्
3788	1073015a	वसिष्ठ ऋषयश्चान्ये राजा च ससुतस्तदा
3789	1073015c	ससंज्ञा इव तत्रासन्सर्वमन्यद्विचेतनम्
3790	1073016a	तस्मिंस्तमसि घोरे तु भस्मच्छन्नेव सा चमूः
3791	1073016c	ददर्श भीमसंकाशं जटामण्डलधारिणम्
3792	1073017a	कैलासमिव दुर्धर्षं कालाग्निमिव दुःसहम्
3793	1073017c	ज्वलन्तमिव तेजोभिर्दुर्निरीक्ष्यं पृथग्जनैः
3794	1073018a	स्कन्धे चासज्य परशुं धनुर्विद्युद्गणोपमम्
3795	1073018c	प्रगृह्य शरमुख्यं च त्रिपुरघ्नं यथा हरम्
3796	1073019a	तं दृष्ट्वा भीमसंकाशं ज्वलन्तमिव पावकम्
3797	1073019c	वसिष्ठप्रमुखा विप्रा जपहोमपरायणाः
3798	1073019e	संगता मुनयः सर्वे संजजल्पुरथो मिथः
3799	1073020a	कच्चित्पितृवधामर्षी क्षत्रं नोत्सादयिष्यति
3800	1073020c	पूर्वं क्षत्रवधं कृत्वा गतमन्युर्गतज्वरः
3801	1073020e	क्षत्रस्योत्सादनं भूयो न खल्वस्य चिकीर्षितम्
3802	1073021a	एवमुक्त्वार्घ्यमादाय भार्गवं भीमदर्शनम्
3803	1073021c	ऋषयो राम रामेति मधुरां वाचमब्रुवन्
3804	1073022a	प्रतिगृह्य तु तां पूजामृषिदत्तां प्रतापवान्
3805	1073022c	रामं दाशरथिं रामो जामदग्न्योऽभ्यभाषत
3806	1074001a	राम दाशरथे वीर वीर्यं ते श्रूयतेऽधुतम्
3807	1074001c	धनुषो भेदनं चैव निखिलेन मया श्रुतम्
3808	1074002a	तदद्भुतमचिन्त्यं च भेदनं धनुषस्त्वया
3809	1074002c	तच्छ्रुत्वाहमनुप्राप्तो धनुर्गृह्यापरं शुभम्
3810	1074003a	तदिदं घोरसंकाशं जामदग्न्यं महद्धनुः
3811	1074003c	पूरयस्व शरेणैव स्वबलं दर्शयस्व च
3812	1074004a	तदहं ते बलं दृष्ट्वा धनुषोऽस्य प्रपूरणे
3813	1074004c	द्वन्द्वयुद्धं प्रदास्यामि वीर्यश्लाघ्यमिदं तव
3814	1074005a	तस्य तद्वचनं श्रुत्वा राजा दशरतःस्तदा
3815	1074005c	विषण्णवदनो दीनः प्राञ्जलिर्वाक्यमब्रवीत्
3816	1074006a	क्षत्ररोषात्प्रशान्तस्त्वं ब्राह्मणस्य महायशाः
3817	1074006c	बालानां मम पुत्राणामभयं दातुमर्हसि
3818	1074007a	भार्गवाणां कुले जातः स्वाध्यायव्रतशालिनाम्
3819	1074007c	सहस्राक्षे प्रतिज्ञाय शस्त्रं निक्षिप्तवानसि
3820	1074008a	स त्वं धर्मपरो भूत्वा काश्यपाय वसुंधराम्
3821	1074008c	दत्त्वा वनमुपागम्य महेन्द्रकृतकेतनः
3822	1074009a	मम सर्वविनाशाय संप्राप्तस्त्वं महामुने
3823	1074009c	न चैकस्मिन्हते रामे सर्वे जीवामहे वयम्
3824	1074010a	ब्रुवत्येवं दशरथे जामदग्न्यः प्रतापवान्
3825	1074010c	अनादृत्यैव तद्वाक्यं राममेवाभ्यभाषत
3826	1074011a	इमे द्वे धनुषी श्रेष्ठे दिव्ये लोकाभिविश्रुते
3827	1074011c	दृढे बलवती मुख्ये सुकृते विश्वकर्मणा
3828	1074012a	अतिसृष्टं सुरैरेकं त्र्यम्बकाय युयुत्सवे
3829	1074012c	त्रिपुरघ्नं नरश्रेष्ठ भग्नं काकुत्स्ह यत्त्वया
3830	1074013a	इदं द्वितीयं दुर्धर्षं विष्णोर्दत्तं सुरोत्तमैः
3831	1074013c	समानसारं काकुत्स्थ रौद्रेण धनुषा त्विदम्
3832	1074014a	तदा तु देवताः सर्वाः पृच्छन्ति स्म पितामहम्
3833	1074014c	शितिकण्ठस्य विष्णोश्च बलाबलनिरीक्षया
3834	1074015a	अभिप्रायं तु विज्ञाय देवतानां पितामहः
3835	1074015c	विरोधं जनयामास तयोः सत्यवतां वरः
3836	1074016a	विरोधे च महद्युद्धमभवद्रोमहर्षणम्
3837	1074016c	शितिकण्ठस्य विष्णोश्च परस्परजयैषिणोः
3838	1074017a	तदा तज्जृम्भितं शैवं धनुर्भीमपराक्रमम्
3839	1074017c	हुंकारेण महादेवः स्तम्भितोऽथ त्रिलोचनः
3840	1074018a	देवैस्तदा समागम्य सर्षिसंघैः सचारणैः
3841	1074018c	याचितौ प्रशमं तत्र जग्मतुस्तौ सुरोत्तमौ
3842	1074019a	जृम्भितं तद्धनुर्दृष्ट्वा शैवं विष्णुपराक्रमैः
3843	1074019c	अधिकं मेनिरे विष्णुं देवाः सर्षिगणास्तदा
3844	1074020a	धनू रुद्रस्तु संक्रुद्धो विदेहेषु महायशाः
3845	1074020c	देवरातस्य राजर्षेर्ददौ हस्ते ससायकम्
3846	1074021a	इदं च विष्णवं राम धनुः परपुरंजयम्
3847	1074021c	ऋचीके भार्गवे प्रादाद्विष्णुः स न्यासमुत्तमम्
3848	1074022a	ऋचीकस्तु महातेजाः पुत्रस्याप्रतिकर्मणः
3849	1074022c	पितुर्मम ददौ दिव्यं जमदग्नेर्महात्मनः
3850	1074023a	न्यस्तशस्त्रे पितरि मे तपोबलसमन्विते
3851	1074023c	अर्जुनो विदधे मृत्युं प्राकृतां बुद्धिमास्थितः
3852	1074024a	वधमप्रतिरूपं तु पितुः श्रुत्वा सुदारुणम्
3853	1074024c	क्षत्रमुत्सादयं रोषाज्जातं जातमनेकशः
3854	1074025a	पृथिवीं चाखिलां प्राप्य काश्यपाय महात्मने
3855	1074025c	यज्ञस्यान्ते तदा राम दक्षिणां पुण्यकर्मणे
3856	1074026a	दत्त्वा महेन्द्रनिलयस्तपोबलसमन्वितः
3857	1074026c	श्रुतवान्धनुषो भेदं ततोऽहं द्रुतमागतः
3858	1074027a	तदिदं वैष्णवं राम पितृपैतामहं महत्
3859	1074027c	क्षत्रधर्मं पुरस्कृत्य गृह्णीष्व धनुरुत्तमम्
3860	1074028a	योजयस्व धनुः श्रेष्ठे शरं परपुरंजयम्
3861	1074028c	यदि शक्नोषि काकुत्स्थ द्वन्द्वं दास्यामि ते ततः
3862	1075001a	श्रुत्वा तज्जामदग्न्यस्य वाक्यं दाशरथिस्तदा
3863	1075001c	गौरवाद्यन्त्रितकथः पितू राममथाब्रवीत्
3864	1075002a	श्रुतवानस्मि यत्कर्म कृतवानसि भार्गव
3865	1075002c	अनुरुन्ध्यामहे ब्रह्मन्पितुरानृण्यमास्थितः
3866	1075003a	वीर्यहीनमिवाशक्तं क्षत्रधर्मेण भार्गव
3867	1075003c	अवजानामि मे तेजः पश्य मेऽद्य पराक्रमम्
3868	1075004a	इत्युक्त्वा राघवः क्रुद्धो भार्गवस्य वरायुधम्
3869	1075004c	शरं च प्रतिसंगृह्य हस्ताल्लघुपराक्रमः
3870	1075005a	आरोप्य स धनू रामः शरं सज्यं चकार ह
3871	1075005c	जामदग्न्यं ततो रामं रामः क्रुद्धोऽब्रवीद्वचः
3872	1075006a	ब्राह्मणोऽसीति पूज्यो मे विश्वामित्रकृतेन च
3873	1075006c	तस्माच्छक्तो न ते राम मोक्तुं प्राणहरं शरम्
3874	1075007a	इमां वा त्वद्गतिं राम तपोबलसमार्जितान्
3875	1075007c	लोकानप्रतिमान्वापि हनिष्यामि यदिच्छसि
3876	1075008a	न ह्ययं वैष्णवो दिव्यः शरः परपुरंजयः
3877	1075008c	मोघः पतति वीर्येण बलदर्पविनाशनः
3878	1075009a	वरायुधधरं राम द्रष्टुं सर्षिगणाः सुराः
3879	1075009c	पितामहं पुरस्कृत्य समेतास्तत्र संघशः
3880	1075010a	गन्धर्वाप्सरसश्चैव सिद्धचारणकिंनराः
3881	1075010c	यक्षराक्षसनागाश्च तद्द्रष्टुं महदद्भुतम्
3882	1075011a	जडीकृते तदा लोके रामे वरधनुर्धरे
3883	1075011c	निर्वीर्यो जामदग्न्योऽसौ रमो राममुदैक्षत
3884	1075012a	तेजोभिर्हतवीर्यत्वाज्जामदग्न्यो जडीकृतः
3885	1075012c	रामं कमल पत्राक्षं मन्दं मन्दमुवाच ह
3886	1075013a	काश्यपाय मया दत्ता यदा पूर्वं वसुंधरा
3887	1075013c	विषये मे न वस्तव्यमिति मां काश्यपोऽब्रवीत्
3888	1075014a	सोऽहं गुरुवचः कुर्वन्पृथिव्यां न वसे निशाम्
3889	1075014c	इति प्रतिज्ञा काकुत्स्थ कृता वै काश्यपस्य ह
3890	1075015a	तदिमां त्वं गतिं वीर हन्तुं नार्हसि राघव
3891	1075015c	मनोजवं गमिष्यामि महेन्द्रं पर्वतोत्तमम्
3892	1075016a	लोकास्त्वप्रतिमा राम निर्जितास्तपसा मया
3893	1075016c	जहि ताञ्शरमुख्येन मा भूत्कालस्य पर्ययः
3894	1075017a	अक्षय्यं मधुहन्तारं जानामि त्वां सुरेश्वरम्
3895	1075017c	धनुषोऽस्य परामर्शात्स्वस्ति तेऽस्तु परंतप
3896	1075018a	एते सुरगणाः सर्वे निरीक्षन्ते समागताः
3897	1075018c	त्वामप्रतिमकर्माणमप्रतिद्वन्द्वमाहवे
3898	1075019a	न चेयं मम काकुत्स्थ व्रीडा भवितुमर्हति
3899	1075019c	त्वया त्रैलोक्यनाथेन यदहं विमुखीकृतः
3900	1075020a	शरमप्रतिमं राम मोक्तुमर्हसि सुव्रत
3901	1075020c	शरमोक्षे गमिष्यामि महेन्द्रं पर्वतोत्तमम्
3902	1075021a	तथा ब्रुवति रामे तु जामदग्न्ये प्रतापवान्
3903	1075021c	रामो दाशरथिः श्रीमांश्चिक्षेप शरमुत्तमम्
3904	1075022a	ततो वितिमिराः सर्वा दिशा चोपदिशस्तथा
3905	1075022c	सुराः सर्षिगणा रामं प्रशशंसुरुदायुधम्
3906	1075023a	रामं दाशरथिं रामो जामदग्न्यः प्रशस्य च
3907	1075023c	ततः प्रदक्षिणीकृत्य जगामात्मगतिं प्रभुः
3908	1076001a	गते रामे प्रशान्तात्मा रामो दाशरथिर्धनुः
3909	1076001c	वरुणायाप्रमेयाय ददौ हस्ते ससायकम्
3910	1076002a	अभिवाद्य ततो रामो वसिष्ठ प्रमुखानृषीन्
3911	1076002c	पितरं विह्वलं दृष्ट्वा प्रोवाच रघुनन्दनः
3912	1076003a	जामदग्न्यो गतो रामः प्रयातु चतुरङ्गिणी
3913	1076003c	अयोध्याभिमुखी सेना त्वया नाथेन पालिता
3914	1076004a	रामस्य वचनं श्रुत्वा राजा दशरथः सुतम्
3915	1076004c	बाहुभ्यां संपरिष्वज्य मूर्ध्नि चाघ्राय राघवम्
3916	1076005a	गतो राम इति श्रुत्वा हृष्टः प्रमुदितो नृपः
3917	1076005c	चोदयामास तां सेनां जगामाशु ततः पुरीम्
3918	1076006a	पताकाध्वजिनीं रम्यां तूर्योद्घुष्टनिनादिताम्
3919	1076006c	सिक्तराजपथां रम्यां प्रकीर्णकुसुमोत्कराम्
3920	1076007a	राजप्रवेशसुमुखैः पौरैर्मङ्गलवादिभिः
3921	1076007c	संपूर्णां प्राविशद्राजा जनौघैः समलंकृताम्
3922	1076008a	कौसल्या च सुमित्रा च कैकेयी च सुमध्यमा
3923	1076008c	वधूप्रतिग्रहे युक्ता याश्चान्या राजयोषितः
3924	1076009a	ततः सीतां महाभागामूर्मिलां च यशस्विनीम्
3925	1076009c	कुशध्वजसुते चोभे जगृहुर्नृपपत्नयः
3926	1076010a	मङ्गलालापनैश्चैव शोभिताः क्षौमवाससः
3927	1076010c	देवतायतनान्याशु सर्वास्ताः प्रत्यपूजयन्
3928	1076011a	अभिवाद्याभिवाद्यांश्च सर्वा राजसुतास्तदा
3929	1076011c	रेमिरे मुदिताः सर्वा भर्तृभिः सहिता रहः
3930	1076012a	कृतदाराः कृतास्त्राश्च सधनाः ससुहृज्जनाः
3931	1076012c	शुश्रूषमाणाः पितरं वर्तयन्ति नरर्षभाः
3932	1076013a	तेषामतियशा लोके रामः सत्यपराक्रमः
3933	1076013c	स्वयम्भूरिव भूतानां बभूव गुणवत्तरः
3934	1076014a	रामस्तु सीतया सार्धं विजहार बहूनृतून्
3935	1076014c	मनस्वी तद्गतस्तस्या नित्यं हृदि समर्पितः
3936	1076015a	प्रिया तु सीता रामस्य दाराः पितृकृता इति
3937	1076015c	गुणाद्रूपगुणाच्चापि प्रीतिर्भूयो व्यवर्धत
3938	1076016a	तस्याश्च भर्ता द्विगुणं हृदये परिवर्तते
3939	1076016c	अन्तर्जातमपि व्यक्तमाख्याति हृदयं हृदा
3940	1076017a	तस्य भूयो विशेषेण मैथिली जनकात्मजा
3941	1076017c	देवताभिः समा रूपे सीता श्रीरिव रूपिणी
3942	1076018a	तया स राजर्षिसुतोऽभिरामया; समेयिवानुत्तमराजकन्यया
3943	1076018c	अतीव रामः शुशुभेऽतिकामया; विभुः श्रिया विष्णुरिवामरेश्वरः

#	Meter	Shloka
1	1001001a	तपःस्वाध्यायनिरतं तपस्वी वाग्विदां वरम्
2	1001001c	नारदं परिपप्रच्छ वाल्मीकिर्मुनिपुंगवम्
3	1001002a	को न्वस्मिन्साम्प्रतं लोके गुणवान्कश्च वीर्यवान्
4	1001002c	धर्मज्ञश्च कृतज्ञश्च सत्यवाक्यो दृढव्रतः
5	1001003a	चारित्रेण च को युक्तः सर्वभूतेषु को हितः
6	1001003c	विद्वान्कः कः समर्थश्च कश्चैकप्रियदर्शनः
7	1001004a	आत्मवान्को जितक्रोधो मतिमान्कोऽनसूयकः
8	1001004c	कस्य बिभ्यति देवाश्च जातरोषस्य संयुगे
9	1001005a	एतदिच्छाम्यहं श्रोतुं परं कौतूहलं हि मे
10	1001005c	महर्षे त्वं समर्थोऽसि ज्ञातुमेवंविधं नरम्
11	1001006a	श्रुत्वा चैतत्त्रिलोकज्ञो वाल्मीकेर्नारदो वचः
12	1001006c	श्रूयतामिति चामन्त्र्य प्रहृष्टो वाक्यमब्रवीत्
13	1001007a	बहवो दुर्लभाश्चैव ये त्वया कीर्तिता गुणाः
14	1001007c	मुने वक्ष्याम्यहं बुद्ध्वा तैर्युक्तः श्रूयतां नरः
15	1001008a	इक्ष्वाकुवंशप्रभवो रामो नाम जनैः श्रुतः
16	1001008c	नियतात्मा महावीर्यो द्युतिमान्धृतिमान्वशी
17	1001009a	बुद्धिमान्नीतिमान्वाग्मी श्रीमाञ्शत्रुनिबर्हणः
18	1001009c	विपुलांसो महाबाहुः कम्बुग्रीवो महाहनुः
19	1001010a	महोरस्को महेष्वासो गूढजत्रुररिंदमः
20	1001010c	आजानुबाहुः सुशिराः सुललाटः सुविक्रमः
21	1001011a	समः समविभक्ताङ्गः स्निग्धवर्णः प्रतापवान्
22	1001011c	पीनवक्षा विशालाक्षो लक्ष्मीवाञ्शुभलक्षणः
23	1001012a	धर्मज्ञः सत्यसंधश्च प्रजानां च हिते रतः
24	1001012c	यशस्वी ज्ञानसंपन्नः शुचिर्वश्यः समाधिमान्
25	1001013a	रक्षिता जीवलोकस्य धर्मस्य परिरक्षिता
26	1001013c	वेदवेदाङ्गतत्त्वज्ञो धनुर्वेदे च निष्ठितः
27	1001014a	सर्वशास्त्रार्थतत्त्वज्ञो स्मृतिमान्प्रतिभानवान्
28	1001014c	सर्वलोकप्रियः साधुरदीनात्मा विचक्षणः
29	1001015a	सर्वदाभिगतः सद्भिः समुद्र इव सिन्धुभिः
30	1001015c	आर्यः सर्वसमश्चैव सदैकप्रियदर्शनः
31	1001016a	स च सर्वगुणोपेतः कौसल्यानन्दवर्धनः
32	1001016c	समुद्र इव गाम्भीर्ये धैर्येण हिमवानिव
33	1001017a	विष्णुना सदृशो वीर्ये सोमवत्प्रियदर्शनः
34	1001017c	कालाग्निसदृशः क्रोधे क्षमया पृथिवीसमः
35	1001018a	धनदेन समस्त्यागे सत्ये धर्म इवापरः
36	1001018c	तमेवंगुणसंपन्नं रामं सत्यपराक्रमम्
37	1001019a	ज्येष्ठं श्रेष्ठगुणैर्युक्तं प्रियं दशरथः सुतम्
38	1001019c	यौवराज्येन संयोक्तुमैच्छत्प्रीत्या महीपतिः
39	1001020a	तस्याभिषेकसंभारान्दृष्ट्वा भार्याथ कैकयी
40	1001020c	पूर्वं दत्तवरा देवी वरमेनमयाचत
41	1001020e	विवासनं च रामस्य भरतस्याभिषेचनम्
42	1001021a	स सत्यवचनाद्राजा धर्मपाशेन संयतः
43	1001021c	विवासयामास सुतं रामं दशरथः प्रियम्
44	1001022a	स जगाम वनं वीरः प्रतिज्ञामनुपालयन्
45	1001022c	पितुर्वचननिर्देशात्कैकेय्याः प्रियकारणात्
46	1001023a	तं व्रजन्तं प्रियो भ्राता लक्ष्मणोऽनुजगाम ह
47	1001023c	स्नेहाद्विनयसंपन्नः सुमित्रानन्दवर्धनः
48	1001024a	सर्वलक्षणसंपन्ना नारीणामुत्तमा वधूः
49	1001024c	सीताप्यनुगता रामं शशिनं रोहिणी यथा
50	1001025a	पौरैरनुगतो दूरं पित्रा दशरथेन च
51	1001025c	शृङ्गवेरपुरे सूतं गङ्गाकूले व्यसर्जयत्
52	1001026a	ते वनेन वनं गत्वा नदीस्तीर्त्वा बहूदकाः
53	1001026c	चित्रकूटमनुप्राप्य भरद्वाजस्य शासनात्
54	1001027a	रम्यमावसथं कृत्वा रममाणा वने त्रयः
55	1001027c	देवगन्धर्वसंकाशास्तत्र ते न्यवसन्सुखम्
56	1001028a	चित्रकूटं गते रामे पुत्रशोकातुरस्तदा
57	1001028c	राजा दशरथः स्वर्गं जगाम विलपन्सुतम्
58	1001029a	मृते तु तस्मिन्भरतो वसिष्ठप्रमुखैर्द्विजैः
59	1001029c	नियुज्यमानो राज्याय नैच्छद्राज्यं महाबलः
60	1001029e	स जगाम वनं वीरो रामपादप्रसादकः
61	1001030a	पादुके चास्य राज्याय न्यासं दत्त्वा पुनः पुनः
62	1001030c	निवर्तयामास ततो भरतं भरताग्रजः
63	1001031a	स काममनवाप्यैव रामपादावुपस्पृशन्
64	1001031c	नन्दिग्रामेऽकरोद्राज्यं रामागमनकाङ्क्षया
65	1001032a	रामस्तु पुनरालक्ष्य नागरस्य जनस्य च
66	1001032c	तत्रागमनमेकाग्रे दण्डकान्प्रविवेश ह
67	1001033a	विराधं राक्षसं हत्वा शरभङ्गं ददर्श ह
68	1001033c	सुतीक्ष्णं चाप्यगस्त्यं च अगस्त्य भ्रातरं तथा
69	1001034a	अगस्त्यवचनाच्चैव जग्राहैन्द्रं शरासनम्
70	1001034c	खड्गं च परमप्रीतस्तूणी चाक्षयसायकौ
71	1001035a	वसतस्तस्य रामस्य वने वनचरैः सह
72	1001035c	ऋषयोऽभ्यागमन्सर्वे वधायासुररक्षसाम्
73	1001036a	तेन तत्रैव वसता जनस्थाननिवासिनी
74	1001036c	विरूपिता शूर्पणखा राक्षसी कामरूपिणी
75	1001037a	ततः शूर्पणखावाक्यादुद्युक्तान्सर्वराक्षसान्
76	1001037c	खरं त्रिशिरसं चैव दूषणं चैव राक्षसं
77	1001038a	निजघान रणे रामस्तेषां चैव पदानुगान्
78	1001038c	रक्षसां निहतान्यासन्सहस्राणि चतुर्दश
79	1001039a	ततो ज्ञातिवधं श्रुत्वा रावणः क्रोधमूर्छितः
80	1001039c	सहायं वरयामास मारीचं नाम राक्षसं
81	1001040a	वार्यमाणः सुबहुशो मारीचेन स रावणः
82	1001040c	न विरोधो बलवता क्षमो रावण तेन ते
83	1001041a	अनादृत्य तु तद्वाक्यं रावणः कालचोदितः
84	1001041c	जगाम सहमारीचस्तस्याश्रमपदं तदा
85	1001042a	तेन मायाविना दूरमपवाह्य नृपात्मजौ
86	1001042c	जहार भार्यां रामस्य गृध्रं हत्वा जटायुषम्
87	1001043a	गृध्रं च निहतं दृष्ट्वा हृतां श्रुत्वा च मैथिलीम्
88	1001043c	राघवः शोकसंतप्तो विललापाकुलेन्द्रियः
89	1001044a	ततस्तेनैव शोकेन गृध्रं दग्ध्वा जटायुषम्
90	1001044c	मार्गमाणो वने सीतां राक्षसं संददर्श ह
91	1001045a	कबन्धं नाम रूपेण विकृतं घोरदर्शनम्
92	1001045c	तं निहत्य महाबाहुर्ददाह स्वर्गतश्च सः
93	1001046a	स चास्य कथयामास शबरीं धर्मचारिणीम्
94	1001046c	श्रमणीं धर्मनिपुणामभिगच्छेति राघव
95	1001046e	सोऽभ्यगच्छन्महातेजाः शबरीं शत्रुसूदनः
96	1001047a	शबर्या पूजितः सम्यग्रामो दशरथात्मजः
97	1001047c	पम्पातीरे हनुमता संगतो वानरेण ह
98	1001048a	हनुमद्वचनाच्चैव सुग्रीवेण समागतः
99	1001048c	सुग्रीवाय च तत्सर्वं शंसद्रामो महाबलः
100	1001049a	ततो वानरराजेन वैरानुकथनं प्रति
101	1001049c	रामायावेदितं सर्वं प्रणयाद्दुःखितेन च
102	1001049e	वालिनश्च बलं तत्र कथयामास वानरः
103	1001050a	प्रतिज्ञातं च रामेण तदा वालिवधं प्रति
104	1001050c	सुग्रीवः शङ्कितश्चासीन्नित्यं वीर्येण राघवे
105	1001051a	राघवः प्रत्ययार्थं तु दुन्दुभेः कायमुत्तमम्
106	1001051c	पादाङ्गुष्ठेन चिक्षेप संपूर्णं दशयोजनम्
107	1001052a	बिभेद च पुनः सालान्सप्तैकेन महेषुणा
108	1001052c	गिरिं रसातलं चैव जनयन्प्रत्ययं तदा
109	1001053a	ततः प्रीतमनास्तेन विश्वस्तः स महाकपिः
110	1001053c	किष्किन्धां रामसहितो जगाम च गुहां तदा
111	1001054a	ततोऽगर्जद्धरिवरः सुग्रीवो हेमपिङ्गलः
112	1001054c	तेन नादेन महता निर्जगाम हरीश्वरः
113	1001055a	ततः सुग्रीववचनाद्धत्वा वालिनमाहवे
114	1001055c	सुग्रीवमेव तद्राज्ये राघवः प्रत्यपादयत्
115	1001056a	स च सर्वान्समानीय वानरान्वानरर्षभः
116	1001056c	दिशः प्रस्थापयामास दिदृक्षुर्जनकात्मजाम्
117	1001057a	ततो गृध्रस्य वचनात्संपातेर्हनुमान्बली
118	1001057c	शतयोजनविस्तीर्णं पुप्लुवे लवणार्णवम्
119	1001058a	तत्र लङ्कां समासाद्य पुरीं रावणपालिताम्
120	1001058c	ददर्श सीतां ध्यायन्तीमशोकवनिकां गताम्
121	1001059a	निवेदयित्वाभिज्ञानं प्रवृत्तिं च निवेद्य च
122	1001059c	समाश्वास्य च वैदेहीं मर्दयामास तोरणम्
123	1001060a	पञ्च सेनाग्रगान्हत्वा सप्त मन्त्रिसुतानपि
124	1001060c	शूरमक्षं च निष्पिष्य ग्रहणं समुपागमत्
125	1001061a	अस्त्रेणोन्मुहमात्मानं ज्ञात्वा पैतामहाद्वरात्
126	1001061c	मर्षयन्राक्षसान्वीरो यन्त्रिणस्तान्यदृच्छया
127	1001062a	ततो दग्ध्वा पुरीं लङ्कामृते सीतां च मैथिलीम्
128	1001062c	रामाय प्रियमाख्यातुं पुनरायान्महाकपिः
129	1001063a	सोऽभिगम्य महात्मानं कृत्वा रामं प्रदक्षिणम्
130	1001063c	न्यवेदयदमेयात्मा दृष्टा सीतेति तत्त्वतः
131	1001064a	ततः सुग्रीवसहितो गत्वा तीरं महोदधेः
132	1001064c	समुद्रं क्षोभयामास शरैरादित्यसंनिभैः
133	1001065a	दर्शयामास चात्मानं समुद्रः सरितां पतिः
134	1001065c	समुद्रवचनाच्चैव नलं सेतुमकारयत्
135	1001066a	तेन गत्वा पुरीं लङ्कां हत्वा रावणमाहवे
136	1001066c	अभ्यषिञ्चत्स लङ्कायां राक्षसेन्द्रं विभीषणम्
137	1001067a	कर्मणा तेन महता त्रैलोक्यं सचराचरम्
138	1001067c	सदेवर्षिगणं तुष्टं राघवस्य महात्मनः
139	1001068a	तथा परमसंतुष्टैः पूजितः सर्वदैवतैः
140	1001068c	कृतकृत्यस्तदा रामो विज्वरः प्रमुमोद ह
141	1001069a	देवताभ्यो वरान्प्राप्य समुत्थाप्य च वानरान्
142	1001069c	पुष्पकं तत्समारुह्य नन्दिग्रामं ययौ तदा
143	1001070a	नन्दिग्रामे जटां हित्वा भ्रातृभिः सहितोऽनघः
144	1001070c	रामः सीतामनुप्राप्य राज्यं पुनरवाप्तवान्
145	1001071a	प्रहृष्टमुदितो लोकस्तुष्टः पुष्टः सुधार्मिकः
146	1001071c	निरायमो अरोगश्च दुर्भिक्षभयवर्जितः
147	1001072a	न पुत्रमरणं केचिद्द्रक्ष्यन्ति पुरुषाः क्वचित्
148	1001072c	नार्यश्चाविधवा नित्यं भविष्यन्ति पतिव्रताः
149	1001073a	न वातजं भयं किंचिन्नाप्सु मज्जन्ति जन्तवः
150	1001073c	न चाग्रिजं भयं किंचिद्यथा कृतयुगे तथा
151	1001074a	अश्वमेधशतैरिष्ट्वा तथा बहुसुवर्णकैः
152	1001074c	गवां कोट्ययुतं दत्त्वा विद्वद्भ्यो विधिपूर्वकम्
153	1001075a	राजवंशाञ्शतगुणान्स्थापयिष्यति राघवः
154	1001075c	चातुर्वर्ण्यं च लोकेऽस्मिन्स्वे स्वे धर्मे नियोक्ष्यति
155	1001076a	दशवर्षसहस्राणि दशवर्षशतानि च
156	1001076c	रामो राज्यमुपासित्वा ब्रह्मलोकं गमिष्यति
157	1001077a	इदं पवित्रं पापघ्नं पुण्यं वेदैश्च संमितम्
158	1001077c	यः पठेद्रामचरितं सर्वपापैः प्रमुच्यते
159	1001078a	एतदाख्यानमायुष्यं पठन्रामायणं नरः
160	1001078c	सपुत्रपौत्रः सगणः प्रेत्य स्वर्गे महीयते
161	1001079a	पठन्द्विजो वागृषभत्वमीया;त्स्यात्क्षत्रियो भूमिपतित्वमीयात्
162	1001079c	वणिग्जनः पण्यफलत्वमीया;ज्जनश्च शूद्रोऽपि महत्त्वमीयात्
163	1002001a	नारदस्य तु तद्वाक्यं श्रुत्वा वाक्यविशारदः
164	1002001c	पूजयामास धर्मात्मा सहशिष्यो महामुनिः
165	1002002a	यथावत्पूजितस्तेन देवर्षिर्नारदस्तदा
166	1002002c	आपृष्ट्वैवाभ्यनुज्ञातः स जगाम विहायसं
167	1002003a	स मुहूर्तं गते तस्मिन्देवलोकं मुनिस्तदा
168	1002003c	जगाम तमसातीरं जाह्नव्यास्त्वविदूरतः
169	1002004a	स तु तीरं समासाद्य तमसाया महामुनिः
170	1002004c	शिष्यमाह स्थितं पार्श्वे दृष्ट्वा तीर्थमकर्दमम्
171	1002005a	अकर्दममिदं तीर्थं भरद्वाज निशामय
172	1002005c	रमणीयं प्रसन्नाम्बु सन्मनुष्यमनो यथा
173	1002006a	न्यस्यतां कलशस्तात दीयतां वल्कलं मम
174	1002006c	इदमेवावगाहिष्ये तमसातीर्थमुत्तमम्
175	1002007a	एवमुक्तो भरद्वाजो वाल्मीकेन महात्मना
176	1002007c	प्रायच्छत मुनेस्तस्य वल्कलं नियतो गुरोः
177	1002008a	स शिष्यहस्तादादाय वल्कलं नियतेन्द्रियः
178	1002008c	विचचार ह पश्यंस्तत्सर्वतो विपुलं वनम्
179	1002009a	तस्याभ्याशे तु मिथुनं चरन्तमनपायिनम्
180	1002009c	ददर्श भगवांस्तत्र क्रौञ्चयोश्चारुनिःस्वनम्
181	1002010a	तस्मात्तु मिथुनादेकं पुमांसं पापनिश्चयः
182	1002010c	जघान वैरनिलयो निषादस्तस्य पश्यतः
183	1002011a	तं शोणितपरीताङ्गं वेष्टमानं महीतले
184	1002011c	भार्या तु निहतं दृष्ट्वा रुराव करुणां गिरम्
185	1002012a	तथा तु तं द्विजं दृष्ट्वा निषादेन निपातितम्
186	1002012c	ऋषेर्धर्मात्मनस्तस्य कारुण्यं समपद्यत
187	1002013a	ततः करुणवेदित्वादधर्मोऽयमिति द्विजः
188	1002013c	निशाम्य रुदतीं क्रौञ्चीमिदं वचनमब्रवीत्
189	1002014a	मा निषाद प्रतिष्ठां त्वमगमः शाश्वतीः समाः
190	1002014c	यत्क्रौञ्चमिथुनादेकमवधीः काममोहितम्
191	1002015a	तस्यैवं ब्रुवतश्चिन्ता बभूव हृदि वीक्षतः
192	1002015c	शोकार्तेनास्य शकुनेः किमिदं व्याहृतं मया
193	1002016a	चिन्तयन्स महाप्राज्ञश्चकार मतिमान्मतिम्
194	1002016c	शिष्यं चैवाब्रवीद्वाक्यमिदं स मुनिपुंगवः
195	1002017a	पादबद्धोऽक्षरसमस्तन्त्रीलयसमन्वितः
196	1002017c	शोकार्तस्य प्रवृत्तो मे श्लोको भवतु नान्यथा
197	1002018a	शिष्यस्तु तस्य ब्रुवतो मुनेर्वाक्यमनुत्तमम्
198	1002018c	प्रतिजग्राह संहृष्टस्तस्य तुष्टोऽभवद्गुरुः
199	1002019a	सोऽभिषेकं ततः कृत्वा तीर्थे तस्मिन्यथाविधि
200	1002019c	तमेव चिन्तयन्नर्थमुपावर्तत वै मुनिः
201	1002020a	भरद्वाजस्ततः शिष्यो विनीतः श्रुतवान्गुरोः
202	1002020c	कलशं पूर्णमादाय पृष्ठतोऽनुजगाम ह
203	1002021a	स प्रविश्याश्रमपदं शिष्येण सह धर्मवित्
204	1002021c	उपविष्टः कथाश्चान्याश्चकार ध्यानमास्थितः
205	1002022a	आजगाम ततो ब्रह्मा लोककर्ता स्वयं प्रभुः
206	1002022c	चतुर्मुखो महातेजा द्रष्टुं तं मुनिपुंगवम्
207	1002023a	वाल्मीकिरथ तं दृष्ट्वा सहसोत्थाय वाग्यतः
208	1002023c	प्राञ्जलिः प्रयतो भूत्वा तस्थौ परमविस्मितः
209	1002024a	पूजयामास तं देवं पाद्यार्घ्यासनवन्दनैः
210	1002024c	प्रणम्य विधिवच्चैनं पृष्ट्वानामयमव्ययम्
211	1002025a	अथोपविश्य भगवानासने परमार्चिते
212	1002025c	वाल्मीकये महर्षये संदिदेशासनं ततः
213	1002026a	उपविष्टे तदा तस्मिन्साक्षाल्लोकपितामहे
214	1002026c	तद्गतेनैव मनसा वाल्मीकिर्ध्यानमास्थितः
215	1002027a	पापात्मना कृतं कष्टं वैरग्रहणबुद्धिना
216	1002027c	यस्तादृशं चारुरवं क्रौञ्चं हन्यादकारणात्
217	1002028a	शोचन्नेव मुहुः क्रौञ्चीमुपश्लोकमिमं पुनः
218	1002028c	जगावन्तर्गतमना भूत्वा शोकपरायणः
219	1002029a	तमुवाच ततो ब्रह्मा प्रहसन्मुनिपुंगवम्
220	1002029c	श्लोक एव त्वया बद्धो नात्र कार्या विचारणा
221	1002030a	मच्छन्दादेव ते ब्रह्मन्प्रवृत्तेयं सरस्वती
222	1002030c	रामस्य चरितं कृत्स्नं कुरु त्वमृषिसत्तम
223	1002031a	धर्मात्मनो गुणवतो लोके रामस्य धीमतः
224	1002031c	वृत्तं कथय धीरस्य यथा ते नारदाच्छ्रुतम्
225	1002032a	रहस्यं च प्रकाशं च यद्वृत्तं तस्य धीमतः
226	1002032c	रामस्य सह सौमित्रे राक्षसानां च सर्वशः
227	1002033a	वैदेह्याश्चैव यद्वृत्तं प्रकाशं यदि वा रहः
228	1002033c	तच्चाप्यविदितं सर्वं विदितं ते भविष्यति
229	1002034a	न ते वागनृता काव्ये काचिदत्र भविष्यति
230	1002034c	कुरु रामकथां पुण्यां श्लोकबद्धां मनोरमाम्
231	1002035a	यावत्स्थास्यन्ति गिरयः सरितश्च महीतले
232	1002035c	तावद्रामायणकथा लोकेषु प्रचरिष्यति
233	1002036a	यावद्रामस्य च कथा त्वत्कृता प्रचरिष्यति
234	1002036c	तावदूर्ध्वमधश्च त्वं मल्लोकेषु निवत्स्यसि
235	1002037a	इत्युक्त्वा भगवान्ब्रह्मा तत्रैवान्तरधीयत
236	1002037c	ततः सशिष्यो वाल्मीकिर्मुनिर्विस्मयमाययौ
237	1002038a	तस्य शिष्यास्ततः सर्वे जगुः श्लोकमिमं पुनः
238	1002038c	मुहुर्मुहुः प्रीयमाणाः प्राहुश्च भृशविस्मिताः
239	1002039a	समाक्षरैश्चतुर्भिर्यः पादैर्गीतो महर्षिणा
240	1002039c	सोऽनुव्याहरणाद्भूयः शोकः श्लोकत्वमागतः
241	1002040a	तस्य बुद्धिरियं जाता वाल्मीकेर्भावितात्मनः
242	1002040c	कृत्स्नं रामायणं काव्यमीदृशैः करवाण्यहम्
243	1002041a	उदारवृत्तार्थपदैर्मनोरमै;स्तदास्य रामस्य चकार कीर्तिमान्
244	1002041c	समाक्षरैः श्लोकशतैर्यशस्विनो; यशस्करं काव्यमुदारधीर्मुनिः
245	1003001a	श्रुत्वा वस्तु समग्रं तद्धर्मात्मा धर्मसंहितम्
246	1003001c	व्यक्तमन्वेषते भूयो यद्वृत्तं तस्य धीमतः
247	1003002a	उपस्पृश्योदकं संयन्मुनिः स्थित्वा कृताञ्जलिः
248	1003002c	प्राचीनाग्रेषु दर्भेषु धर्मेणान्वेषते गतिम्
249	1003003a	जन्म रामस्य सुमहद्वीर्यं सर्वानुकूलताम्
250	1003003c	लोकस्य प्रियतां क्षान्तिं सौम्यतां सत्यशीलताम्
251	1003004a	नानाचित्राः कथाश्चान्या विश्वामित्रसहायने
252	1003004c	जानक्याश्च विवाहं च धनुषश्च विभेदनम्
253	1003005a	रामरामविवादं च गुणान्दाशरथेस्तथा
254	1003005c	तथाभिषेकं रामस्य कैकेय्या दुष्टभावताम्
255	1003006a	व्याघातं चाभिषेकस्य रामस्य च विवासनम्
256	1003006c	राज्ञः शोकं विलापं च परलोकस्य चाश्रयम्
257	1003007a	प्रकृतीनां विषादं च प्रकृतीनां विसर्जनम्
258	1003007c	निषादाधिपसंवादं सूतोपावर्तनं तथा
259	1003008a	गङ्गायाश्चाभिसंतारं भरद्वाजस्य दर्शनम्
260	1003008c	भरद्वाजाभ्यनुज्ञानाच्चित्रकूटस्य दर्शनम्
261	1003009a	वास्तुकर्मनिवेशं च भरतागमनं तथा
262	1003009c	प्रसादनं च रामस्य पितुश्च सलिलक्रियाम्
263	1003010a	पादुकाग्र्याभिषेकं च नन्दिग्राम निवासनम्
264	1003010c	दण्डकारण्यगमनं सुतीक्ष्णेन समागमम्
265	1003011a	अनसूयासमस्यां च अङ्गरागस्य चार्पणम्
266	1003011c	शूर्पणख्याश्च संवादं विरूपकरणं तथा
267	1003012a	वधं खरत्रिशिरसोरुत्थानं रावणस्य च
268	1003012c	मारीचस्य वधं चैव वैदेह्या हरणं तथा
269	1003013a	राघवस्य विलापं च गृध्रराजनिबर्हणम्
270	1003013c	कबन्धदर्शनं चैव पम्पायाश्चापि दर्शनम्
271	1003014a	शर्बर्या दर्शनं चैव हनूमद्दर्शनं तथा
272	1003014c	विलापं चैव पम्पायां राघवस्य महात्मनः
273	1003015a	ऋष्यमूकस्य गमनं सुग्रीवेण समागमम्
274	1003015c	प्रत्ययोत्पादनं सख्यं वालिसुग्रीवविग्रहम्
275	1003016a	वालिप्रमथनं चैव सुग्रीवप्रतिपादनम्
276	1003016c	ताराविलापसमयं वर्षरात्रिनिवासनम्
277	1003017a	कोपं राघवसिंहस्य बलानामुपसंग्रहम्
278	1003017c	दिशः प्रस्थापनं चैव पृथिव्याश्च निवेदनम्
279	1003018a	अङ्गुलीयकदानं च ऋक्षस्य बिलदर्शनम्
280	1003018c	प्रायोपवेशनं चैव संपातेश्चापि दर्शनम्
281	1003019a	पर्वतारोहणं चैव सागरस्य च लङ्घनम्
282	1003019c	रात्रौ लङ्काप्रवेशं च एकस्यापि विचिन्तनम्
283	1003020a	आपानभूमिगमनमवरोधस्य दर्शनम्
284	1003020c	अशोकवनिकायानं सीतायाश्चापि दर्शनम्
285	1003021a	अभिज्ञानप्रदानं च सीतायाश्चापि भाषणम्
286	1003021c	राक्षसीतर्जनं चैव त्रिजटास्वप्नदर्शनम्
287	1003022a	मणिप्रदानं सीताया वृक्षभङ्गं तथैव च
288	1003022c	राक्षसीविद्रवं चैव किंकराणां निबर्हणम्
289	1003023a	ग्रहणं वायुसूनोश्च लङ्कादाहाभिगर्जनम्
290	1003023c	प्रतिप्लवनमेवाथ मधूनां हरणं तथा
291	1003024a	राघवाश्वासनं चैव मणिनिर्यातनं तथा
292	1003024c	संगमं च समुद्रस्य नलसेतोश्च बन्धनम्
293	1003025a	प्रतारं च समुद्रस्य रात्रौ लङ्कावरोधनम्
294	1003025c	विभीषणेन संसर्गं वधोपायनिवेदनम्
295	1003026a	कुम्भकर्णस्य निधनं मेघनादनिबर्हणम्
296	1003026c	रावणस्य विनाशं च सीतावाप्तिमरेः पुरे
297	1003027a	बिभीषणाभिषेकं च पुष्पकस्य च दर्शनम्
298	1003027c	अयोध्यायाश्च गमनं भरतेन समागमम्
299	1003028a	रामाभिषेकाभ्युदयं सर्वसैन्यविसर्जनम्
300	1003028c	स्वराष्ट्ररञ्जनं चैव वैदेह्याश्च विसर्जनम्
301	1003029a	अनागतं च यत्किंचिद्रामस्य वसुधातले
302	1003029c	तच्चकारोत्तरे काव्ये वाल्मीकिर्भगवानृषिः
303	1004001a	प्राप्तराज्यस्य रामस्य वाल्मीकिर्भगवानृषिः
304	1004001c	चकार चरितं कृत्स्नं विचित्रपदमात्मवान्
305	1004002a	कृत्वा तु तन्महाप्राज्ञः सभविष्यं सहोत्तरम्
306	1004002c	चिन्तयामास को न्वेतत्प्रयुञ्जीयादिति प्रभुः
307	1004003a	तस्य चिन्तयमानस्य महर्षेर्भावितात्मनः
308	1004003c	अगृह्णीतां ततः पादौ मुनिवेषौ कुशीलवौ
309	1004004a	कुशीलवौ तु धर्मज्ञौ राजपुत्रौ यशस्विनौ
310	1004004c	भ्रातरौ स्वरसंपन्नौ ददर्शाश्रमवासिनौ
311	1004005a	स तु मेधाविनौ दृष्ट्वा वेदेषु परिनिष्ठितौ
312	1004005c	वेदोपबृह्मणार्थाय तावग्राहयत प्रभुः
313	1004006a	काव्यं रामायणं कृत्स्नं सीतायाश्चरितं महत्
314	1004006c	पौलस्त्य वधमित्येव चकार चरितव्रतः
315	1004007a	पाठ्ये गेये च मधुरं प्रमाणैस्त्रिभिरन्वितम्
316	1004007c	जातिभिः सप्तभिर्युक्तं तन्त्रीलयसमन्वितम्
317	1004008a	हास्यशृङ्गारकारुण्यरौद्रवीरभयानकैः
318	1004008c	बीभत्सादिरसैर्युक्तं काव्यमेतदगायताम्
319	1004009a	तौ तु गान्धर्वतत्त्वज्ञौ स्थानमूर्च्छनकोविदौ
320	1004009c	भ्रातरौ स्वरसंपन्नौ गन्धर्वाविव रूपिणौ
321	1004010a	रूपलक्षणसंपन्नौ मधुरस्वरभाषिणौ
322	1004010c	बिम्बादिवोद्धृतौ बिम्बौ रामदेहात्तथापरौ
323	1004011a	तौ राजपुत्रौ कार्त्स्न्येन धर्म्यमाख्यानमुत्तमम्
324	1004011c	वाचो विधेयं तत्सर्वं कृत्वा काव्यमनिन्दितौ
325	1004012a	ऋषीणां च द्विजातीनां साधूनां च समागमे
326	1004012c	यथोपदेशं तत्त्वज्ञौ जगतुस्तौ समाहितौ
327	1004012e	महात्मानौ महाभागौ सर्वलक्षणलक्षितौ
328	1004013a	तौ कदाचित्समेतानामृषीणां भावितात्मनाम्
329	1004013c	आसीनानां समीपस्थाविदं काव्यमगायताम्
330	1004014a	तच्छ्रुत्वा मुनयः सर्वे बाष्पपर्याकुलेक्षणाः
331	1004014c	साधु साध्वित्य्तावूचतुः परं विस्मयमागताः
332	1004015a	ते प्रीतमनसः सर्वे मुनयो धर्मवत्सलाः
333	1004015c	प्रशशंसुः प्रशस्तव्यौ गायमानौ कुशीलवौ
334	1004016a	अहो गीतस्य माधुर्यं श्लोकानां च विशेषतः
335	1004016c	चिरनिर्वृत्तमप्येतत्प्रत्यक्षमिव दर्शितम्
336	1004017a	प्रविश्य तावुभौ सुष्ठु तदा भावमगायताम्
337	1004017c	सहितौ मधुरं रक्तं संपन्नं स्वरसंपदा
338	1004018a	एवं प्रशस्यमानौ तौ तपःश्लाघ्यैर्महर्षिभिः
339	1004018c	संरक्ततरमत्यर्थं मधुरं तावगायताम्
340	1004019a	प्रीतः कश्चिन्मुनिस्ताभ्यां संस्थितः कलशं ददौ
341	1004019c	प्रसन्नो वल्कलं कश्चिद्ददौ ताभ्यां महायशाः
342	1004020a	आश्चर्यमिदमाख्यानं मुनिना संप्रकीर्तितम्
343	1004020c	परं कवीनामाधारं समाप्तं च यथाक्रमम्
344	1004021a	प्रशस्यमानौ सर्वत्र कदाचित्तत्र गायकौ
345	1004021c	रथ्यासु राजमार्गेषु ददर्श भरताग्रजः
346	1004022a	स्ववेश्म चानीय ततो भ्रातरौ सकुशीलवौ
347	1004022c	पूजयामास पूजार्हौ रामः शत्रुनिबर्हणः
348	1004023a	आसीनः काञ्चने दिव्ये स च सिंहासने प्रभुः
349	1004023c	उपोपविष्टैः सचिवैर्भ्रातृभिश्च परंतपः
350	1004024a	दृष्ट्वा तु रूपसंपन्नौ तावुभौ वीणिनौ ततः
351	1004024c	उवाच लक्ष्मणं रामः शत्रुघ्नं भरतं तथा
352	1004025a	श्रूयतामिदमाख्यानमनयोर्देववर्चसोः
353	1004025c	विचित्रार्थपदं सम्यग्गायतोर्मधुरस्वरम्
354	1004026a	इमौ मुनी पार्थिवलक्ष्मणान्वितौ; कुशीलवौ चैव महातपस्विनौ
355	1004026c	ममापि तद्भूतिकरं प्रचक्षते; महानुभावं चरितं निबोधत
356	1004027a	ततस्तु तौ रामवचः प्रचोदिता;वगायतां मार्गविधानसंपदा
357	1004027c	स चापि रामः परिषद्गतः शनै;र्बुभूषयासक्तमना बभूव
358	1005001a	सर्वापूर्वमियं येषामासीत्कृत्स्ना वसुंधरा
359	1005001c	प्रजापतिमुपादाय नृपाणां जयशालिनाम्
360	1005002a	येषां स सगरो नाम सागरो येन खानितः
361	1005002c	षष्टिः पुत्रसहस्राणि यं यान्तं पर्यवारयन्
362	1005003a	इक्ष्वाकूणामिदं तेषां राज्ञां वंशे महात्मनाम्
363	1005003c	महदुत्पन्नमाख्यानं रामायणमिति श्रुतम्
364	1005004a	तदिदं वर्तयिष्यामि सर्वं निखिलमादितः
365	1005004c	धर्मकामार्थसहितं श्रोतव्यमनसूयया
366	1005005a	कोसलो नाम मुदितः स्फीतो जनपदो महान्
367	1005005c	निविष्टः सरयूतीरे प्रभूतधनधान्यवान्
368	1005006a	अयोध्या नाम नगरी तत्रासील्लोकविश्रुता
369	1005006c	मनुना मानवेन्द्रेण या पुरी निर्मिता स्वयम्
370	1005007a	आयता दश च द्वे च योजनानि महापुरी
371	1005007c	श्रीमती त्रीणि विस्तीर्णा सुविभक्तमहापथा
372	1005008a	राजमार्गेण महता सुविभक्तेन शोभिता
373	1005008c	मुक्तपुष्पावकीर्णेन जलसिक्तेन नित्यशः
374	1005009a	तां तु राजा दशरथो महाराष्ट्रविवर्धनः
375	1005009c	पुरीमावासयामास दिवि देवपतिर्यथा
376	1005010a	कपाटतोरणवतीं सुविभक्तान्तरापणाम्
377	1005010c	सर्वयन्त्रायुधवतीमुपेतां सर्वशिल्पिभिः
378	1005011a	सूतमागधसंबाधां श्रीमतीमतुलप्रभाम्
379	1005011c	उच्चाट्टालध्वजवतीं शतघ्नीशतसंकुलाम्
380	1005012a	वधूनाटकसङ्घैश्च संयुक्तां सर्वतः पुरीम्
381	1005012c	उद्यानाम्रवणोपेतां महतीं सालमेखलाम्
382	1005013a	दुर्गगम्भीरपरिघां दुर्गामन्यैर्दुरासदाम्
383	1005013c	वाजिवारणसंपूर्णां गोभिरुष्ट्रैः खरैस्तथा
384	1005014a	सामन्तराजसङ्घैश्च बलिकर्मभिरावृताम्
385	1005014c	नानादेशनिवासैश्च वणिग्भिरुपशोभिताम्
386	1005015a	प्रसादै रत्नविकृतैः पर्वतैरुपशोभिताम्
387	1005015c	कूटागारैश्च संपूर्णामिन्द्रस्येवामरावतीम्
388	1005016a	चित्रामष्टापदाकारां वरनारीगणैर्युताम्
389	1005016c	सर्वरत्नसमाकीर्णां विमानगृहशोभिताम्
390	1005017a	गृहगाढामविच्छिद्रां समभूमौ निवेशिताम्
391	1005017c	शालितण्डुलसंपूर्णामिक्षुकाण्डरसोदकाम्
392	1005018a	दुन्दुभीभिर्मृदङ्गैश्च वीणाभिः पणवैस्तथा
393	1005018c	नादितां भृशमत्यर्थं पृथिव्यां तामनुत्तमाम्
394	1005019a	विमानमिव सिद्धानां तपसाधिगतं दिवि
395	1005019c	सुनिवेशितवेश्मान्तां नरोत्तमसमावृताम्
396	1005020a	ये च बाणैर्न विध्यन्ति विविक्तमपरापरम्
397	1005020c	शब्दवेध्यं च विततं लघुहस्ता विशारदाः
398	1005021a	सिंहव्याघ्रवराहाणां मत्तानां नदतां वने
399	1005021c	हन्तारो निशितैः शस्त्रैर्बलाद्बाहुबलैरपि
400	1005022a	तादृशानां सहस्रैस्तामभिपूर्णां महारथैः
401	1005022c	पुरीमावासयामास राजा दशरथस्तदा
402	1005023a	तामग्निमद्भिर्गुणवद्भिरावृतां; द्विजोत्तमैर्वेदषडङ्गपारगैः
403	1005023c	सहस्रदैः सत्यरतैर्महात्मभि;र्महर्षिकल्पैरृषिभिश्च केवलैः
404	1006001a	पुर्यां तस्यामयोध्यायां वेदवित्सर्वसंग्रहः
405	1006001c	दीर्घदर्शी महातेजाः पौरजानपदप्रियः
406	1006002a	इक्ष्वाकूणामतिरथो यज्वा धर्मरतो वशी
407	1006002c	महर्षिकल्पो राजर्षिस्त्रिषु लोकृषु विश्रुतः
408	1006003a	बलवान्निहतामित्रो मित्रवान्विजितेन्द्रियः
409	1006003c	धनैश्च संचयैश्चान्यैः शक्रवैश्रवणोपमः
410	1006004a	यथा मनुर्महातेजा लोकस्य परिरक्षिता
411	1006004c	तथा दशरथो राजा वसञ्जगदपालयत्
412	1006005a	तेन सत्याभिसंधेन त्रिवर्गमनुतिष्ठता
413	1006005c	पालिता सा पुरी श्रेष्ठेन्द्रेण इवामरावती
414	1006006a	तस्मिन्पुरवरे हृष्टा धर्मात्मना बहुश्रुताः
415	1006006c	नरास्तुष्टाधनैः स्वैः स्वैरलुब्धाः सत्यवादिनः
416	1006007a	नाल्पसंनिचयः कश्चिदासीत्तस्मिन्पुरोत्तमे
417	1006007c	कुटुम्बी यो ह्यसिद्धार्थोऽगवाश्वधनधान्यवान्
418	1006008a	कामी वा न कदर्यो वा नृशंसः पुरुषः क्वचित्
419	1006008c	द्रष्टुं शक्यमयोध्यायां नाविद्वान्न च नास्तिकः
420	1006009a	सर्वे नराश्च नार्यश्च धर्मशीलाः सुसंयताः
421	1006009c	मुदिताः शीलवृत्ताभ्यां महर्षय इवामलाः
422	1006010a	नाकुण्डली नामुकुटी नास्रग्वी नाल्पभोगवान्
423	1006010c	नामृष्टो नानुलिप्ताङ्गो नासुगन्धश्च विद्यते
424	1006011a	नामृष्टभोजी नादाता नाप्यनङ्गदनिष्कधृक्
425	1006011c	नाहस्ताभरणो वापि दृश्यते नाप्यनात्मवान्
426	1006012a	नानाहिताग्निर्नायज्वा विप्रो नाप्यसहस्रदः
427	1006012c	कश्चिदासीदयोध्यायां न च निर्वृत्तसंकरः
428	1006013a	स्वकर्मनिरता नित्यं ब्राह्मणा विजितेन्द्रियाः
429	1006013c	दानाध्ययनशीलाश्च संयताश्च प्रतिग्रहे
430	1006014a	न नास्तिको नानृतको न कश्चिदबहुश्रुतः
431	1006014c	नासूयको न चाशक्तो नाविद्वान्विद्यते तदा
432	1006015a	न दीनः क्षिप्तचित्तो वा व्यथितो वापि कश्चन
433	1006015c	कश्चिन्नरो वा नारी वा नाश्रीमान्नाप्यरूपवान्
434	1006015e	द्रष्टुं शक्यमयोध्यायां नापि राजन्यभक्तिमान्
435	1006016a	वर्णेष्वग्र्यचतुर्थेषु देवतातिथिपूजकाः
436	1006016c	दीर्घायुषो नराः सर्वे धर्मं सत्यं च संश्रिताः
437	1006017a	क्षत्रं ब्रह्ममुखं चासीद्वैश्याः क्षत्रमनुव्रताः
438	1006017c	शूद्राः स्वधर्मनिरतास्त्रीन्वर्णानुपचारिणः
439	1006018a	सा तेनेक्ष्वाकुनाथेन पुरी सुपरिरक्षिता
440	1006018c	यथा पुरस्तान्मनुना मानवेन्द्रेण धीमता
441	1006019a	योधानामग्निकल्पानां पेशलानाममर्षिणाम्
442	1006019c	संपूर्णाकृतविद्यानां गुहाकेसरिणामिव
443	1006020a	काम्बोजविषये जातैर्बाह्लीकैश्च हयोत्तमैः
444	1006020c	वनायुजैर्नदीजैश्च पूर्णाहरिहयोपमैः
445	1006021a	विन्ध्यपर्वतजैर्मत्तैः पूर्णा हैमवतैरपि
446	1006021c	मदान्वितैरतिबलैर्मातङ्गैः पर्वतोपमैः
447	1006022a	अञ्जनादपि निष्क्रान्तैर्वामनादपि च द्विपैः
448	1006022c	भद्रमन्द्रैर्भद्रमृगैर्मृगमन्द्रैश्च सा पुरी
449	1006023a	नित्यमत्तैः सदा पूर्णा नागैरचलसंनिभैः
450	1006023c	सा योजने च द्वे भूयः सत्यनामा प्रकाशते
451	1006024a	तां सत्यनामां दृढतोरणार्गला;म्गृहैर्विचित्रैरुपशोभितां शिवाम्
452	1006024c	पुरीमयोध्यां नृसहस्रसंकुलां; शशास वै शक्रसमो महीपतिः
453	1007001a	अष्टौ बभूवुर्वीरस्य तस्यामात्या यशस्विनः
454	1007001c	शुचयश्चानुरक्ताश्च राजकृत्येषु नित्यशः
455	1007002a	धृष्टिर्जयन्तो विजयः सिद्धार्थो अर्थसाधकः
456	1007002c	अशोको मन्त्रपालश्च सुमन्त्रश्चाष्टमोऽभवत्
457	1007003a	ऋत्विजौ द्वावभिमतौ तस्यास्तामृषिसत्तमौ
458	1007003c	वसिष्ठो वामदेवश्च मन्त्रिणश्च तथापरे
459	1007004a	श्रीमन्तश्च महात्मानः शास्त्रज्ञा दृढविक्रमाः
460	1007004c	कीर्तिमन्तः प्रणिहिता यथावचनकारिणः
461	1007005a	तेजःक्षमायशःप्राप्ताः स्मितपूर्वाभिभाषिणः
462	1007005c	क्रोधात्कामार्थहेतोर्वा न ब्रूयुरनृतं वचः
463	1007006a	तेषामविदितं किंचित्स्वेषु नास्ति परेषु वा
464	1007006c	क्रियमाणं कृतं वापि चारेणापि चिकीर्षितम्
465	1007007a	कुशला व्यवहारेषु सौहृदेषु परीक्षिताः
466	1007007c	प्राप्तकालं यथा दण्डं धारयेयुः सुतेष्वपि
467	1007008a	कोशसंग्रहणे युक्ता बलस्य च परिग्रहे
468	1007008c	अहितं चापि पुरुषं न विहिंस्युरदूषकम्
469	1007009a	वीराश्च नियतोत्साहा राजशास्त्रमनुष्ठिताः
470	1007009c	शुचीनां रक्षितारश्च नित्यं विषयवासिनाम्
471	1007010a	ब्रह्मक्षत्रमहिंसन्तस्ते कोशं समपूरयन्
472	1007010c	सुतीक्ष्णदण्डाः संप्रेक्ष्य पुरुषस्य बलाबलम्
473	1007011a	शुचीनामेकबुद्धीनां सर्वेषां संप्रजानताम्
474	1007011c	नासीत्पुरे वा राष्ट्रे वा मृषावादी नरः क्वचित्
475	1007012a	कश्चिन्न दुष्टस्तत्रासीत्परदाररतिर्नरः
476	1007012c	प्रशान्तं सर्वमेवासीद्राष्ट्रं पुरवरं च तत्
477	1007013a	सुवाससः सुवेशाश्च ते च सर्वे सुशीलिनः
478	1007013c	हितार्थं च नरेन्द्रस्य जाग्रतो नयचक्षुषा
479	1007014a	गुरौ गुणगृहीताश्च प्रख्याताश्च पराक्रमैः
480	1007014c	विदेशेष्वपि विज्ञाताः सर्वतो बुद्धिनिश्चयात्
481	1007015a	ईदृशैस्तैरमात्यैस्तु राजा दशरथोऽनघः
482	1007015c	उपपन्नो गुणोपेतैरन्वशासद्वसुंधराम्
483	1007016a	अवेक्षमाणश्चारेण प्रजा धर्मेण रञ्जयन्
484	1007016c	नाध्यगच्छद्विशिष्टं वा तुल्यं वा शत्रुमात्मनः
485	1007017a	तैर्मन्त्रिभिर्मन्त्रहितैर्निविष्टै;र्वृतोऽनुरक्तैः कुशलैः समर्थैः
486	1007017c	स पार्थिवो दीप्तिमवाप युक्त;स्तेजोमयैर्गोभिरिवोदितोऽर्कः
487	1008001a	तस्य त्वेवं प्रभावस्य धर्मज्ञस्य महात्मनः
488	1008001c	सुतार्थं तप्यमानस्य नासीद्वंशकरः सुतः
489	1008002a	चिन्तयानस्य तस्यैवं बुद्धिरासीन्महात्मनः
490	1008002c	सुतार्थं वाजिमेधेन किमर्थं न यजाम्यहम्
491	1008003a	स निश्चितां मतिं कृत्वा यष्टव्यमिति बुद्धिमान्
492	1008003c	मन्त्रिभिः सह धर्मात्मा सर्वैरेव कृतात्मभिः
493	1008004a	ततोऽब्रवीदिदं राजा सुमन्त्रं मन्त्रिसत्तमम्
494	1008004c	शीघ्रमानय मे सर्वान्गुरूंस्तान्सपुरोहितान्
495	1008005a	एतच्छ्रुत्वा रहः सूतो राजानमिदमब्रवीत्
496	1008005c	ऋत्विग्भिरुपदिष्टोऽयं पुरावृत्तो मया श्रुतः
497	1008006a	सनत्कुमारो भगवान्पूर्वं कथितवान्कथाम्
498	1008006c	ऋषीणां संनिधौ राजंस्तव पुत्रागमं प्रति
499	1008007a	काश्यपस्य तु पुत्रोऽस्ति विभाण्डक इति श्रुतः
500	1008007c	ऋष्यशृङ्ग इति ख्यातस्तस्य पुत्रो भविष्यति
501	1008008a	स वने नित्यसंवृद्धो मुनिर्वनचरः सदा
502	1008008c	नान्यं जानाति विप्रेन्द्रो नित्यं पित्रनुवर्तनात्
503	1008009a	द्वैविध्यं ब्रह्मचर्यस्य भविष्यति महात्मनः
504	1008009c	लोकेषु प्रथितं राजन्विप्रैश्च कथितं सदा
505	1008010a	तस्यैवं वर्तमानस्य कालः समभिवर्तत
506	1008010c	अग्निं शुश्रूषमाणस्य पितरं च यशस्विनम्
507	1008011a	एतस्मिन्नेव काले तु रोमपादः प्रतापवान्
508	1008011c	अङ्गेषु प्रथितो राजा भविष्यति महाबलः
509	1008012a	तस्य व्यतिक्रमाद्राज्ञो भविष्यति सुदारुणा
510	1008012c	अनावृष्टिः सुघोरा वै सर्वभूतभयावहा
511	1008013a	अनावृष्ट्यां तु वृत्तायां राजा दुःखसमन्वितः
512	1008013c	ब्राह्मणाञ्श्रुतवृद्धांश्च समानीय प्रवक्ष्यति
513	1008014a	भवन्तः श्रुतधर्माणो लोके चारित्रवेदिनः
514	1008014c	समादिशन्तु नियमं प्रायश्चित्तं यथा भवेत्
515	1008015a	वक्ष्यन्ति ते महीपालं ब्राह्मणा वेदपारगाः
516	1008015c	विभाण्डकसुतं राजन्सर्वोपायैरिहानय
517	1008016a	आनाय्य च महीपाल ऋष्यशृङ्गं सुसत्कृतम्
518	1008016c	प्रयच्छ कन्यां शान्तां वै विधिना सुसमाहितः
519	1008017a	तेषां तु वचनं श्रुत्वा राजा चिन्तां प्रपत्स्यते
520	1008017c	केनोपायेन वै शक्यमिहानेतुं स वीर्यवान्
521	1008018a	ततो राजा विनिश्चित्य सह मन्त्रिभिरात्मवान्
522	1008018c	पुरोहितममात्यांश्च प्रेषयिष्यति सत्कृतान्
523	1008019a	ते तु राज्ञो वचः श्रुत्वा व्यथिता वनताननाः
524	1008019c	न गच्छेम ऋषेर्भीता अनुनेष्यन्ति तं नृपम्
525	1008020a	वक्ष्यन्ति चिन्तयित्वा ते तस्योपायांश्च तान्क्षमान्
526	1008020c	आनेष्यामो वयं विप्रं न च दोषो भविष्यति
527	1008021a	एवमङ्गाधिपेनैव गणिकाभिरृषेः सुतः
528	1008021c	आनीतोऽवर्षयद्देवः शान्ता चास्मै प्रदीयते
529	1008022a	ऋष्यशृङ्गस्तु जामाता पुत्रांस्तव विधास्यति
530	1008022c	सनत्कुमारकथितमेतावद्व्याहृतं मया
531	1008023a	अथ हृष्टो दशरथः सुमन्त्रं प्रत्यभाषत
532	1008023c	यथर्ष्यशृङ्गस्त्वानीतो विस्तरेण त्वयोच्यताम्
533	1009001a	सुमन्त्रश्चोदितो राज्ञा प्रोवाचेदं वचस्तदा
534	1009001c	यथर्ष्यशृङ्गस्त्वानीतः शृणु मे मन्त्रिभिः सह
535	1009002a	रोमपादमुवाचेदं सहामात्यः पुरोहितः
536	1009002c	उपायो निरपायोऽयमस्माभिरभिचिन्तितः
537	1009003a	ऋष्यशृङ्गो वनचरस्तपःस्वाध्यायने रतः
538	1009003c	अनभिज्ञः स नारीणां विषयाणां सुखस्य च
539	1009004a	इन्द्रियार्थैरभिमतैर्नरचित्तप्रमाथिभिः
540	1009004c	पुरमानाययिष्यामः क्षिप्रं चाध्यवसीयताम्
541	1009005a	गणिकास्तत्र गच्छन्तु रूपवत्यः स्वलंकृताः
542	1009005c	प्रलोभ्य विविधोपायैरानेष्यन्तीह सत्कृताः
543	1009006a	श्रुत्वा तथेति राजा च प्रत्युवाच पुरोहितम्
544	1009006c	पुरोहितो मन्त्रिणश्च तथा चक्रुश्च ते तदा
545	1009007a	वारमुख्यास्तु तच्छ्रुत्वा वनं प्रविविशुर्महत्
546	1009007c	आश्रमस्याविदूरेऽस्मिन्यत्नं कुर्वन्ति दर्शने
547	1009008a	ऋषिपुत्रस्य घोरस्य नित्यमाश्रमवासिनः
548	1009008c	पितुः स नित्यसंतुष्टो नातिचक्राम चाश्रमात्
549	1009009a	न तेन जन्मप्रभृति दृष्टपूर्वं तपस्विना
550	1009009c	स्त्री वा पुमान्वा यच्चान्यत्सत्त्वं नगरराष्ट्रजम्
551	1009010a	ततः कदाचित्तं देशमाजगाम यदृच्छया
552	1009010c	विभाण्डकसुतस्तत्र ताश्चापश्यद्वराङ्गनाः
553	1009011a	ताश्चित्रवेषाः प्रमदा गायन्त्यो मधुरस्वरैः
554	1009011c	ऋषिपुत्रमुपागम्य सर्वा वचनमब्रुवन्
555	1009012a	कस्त्वं किं वर्तसे ब्रह्मञ्ज्ञातुमिच्छामहे वयम्
556	1009012c	एकस्त्वं विजने घोरे वने चरसि शंस नः
557	1009013a	अदृष्टरूपास्तास्तेन काम्यरूपा वने स्त्रियः
558	1009013c	हार्दात्तस्य मतिर्जाता आख्यातुं पितरं स्वकम्
559	1009014a	पिता विभाण्डकोऽस्माकं तस्याहं सुत औरसः
560	1009014c	ऋष्यशृङ्ग इति ख्यातं नाम कर्म च मे भुवि
561	1009015a	इहाश्रमपदोऽस्माकं समीपे शुभदर्शनाः
562	1009015c	करिष्ये वोऽत्र पूजां वै सर्वेषां विधिपूर्वकम्
563	1009016a	ऋषिपुत्रवचः श्रुत्वा सर्वासां मतिरास वै
564	1009016c	तदाश्रमपदं द्रष्टुं जग्मुः सर्वाश्च तेन ह
565	1009017a	गतानां तु ततः पूजामृषिपुत्रश्चकार ह
566	1009017c	इदमर्घ्यमिदं पाद्यमिदं मूलं फलं च नः
567	1009018a	प्रतिगृह्य तु तां पूजां सर्वा एव समुत्सुकाः
568	1009018c	ऋषेर्भीताश्च शीघ्रं तु गमनाय मतिं दधुः
569	1009019a	अस्माकमपि मुख्यानि फलानीमानि वै द्विज
570	1009019c	गृहाण प्रति भद्रं ते भक्षयस्व च मा चिरम्
571	1009020a	ततस्तास्तं समालिङ्ग्य सर्वा हर्षसमन्विताः
572	1009020c	मोदकान्प्रददुस्तस्मै भक्ष्यांश्च विविधाञ्शुभान्
573	1009021a	तानि चास्वाद्य तेजस्वी फलानीति स्म मन्यते
574	1009021c	अनास्वादितपूर्वाणि वने नित्यनिवासिनाम्
575	1009022a	आपृच्छ्य च तदा विप्रं व्रतचर्यां निवेद्य च
576	1009022c	गच्छन्ति स्मापदेशात्ता भीतास्तस्य पितुः स्त्रियः
577	1009023a	गतासु तासु सर्वासु काश्यपस्यात्मजो द्विजः
578	1009023c	अस्वस्थहृदयश्चासीद्दुःखं स्म परिवर्तते
579	1009024a	ततोऽपरेद्युस्तं देशमाजगाम स वीर्यवान्
580	1009024c	मनोज्ञा यत्र ता दृष्टा वारमुख्याः स्वलंकृताः
581	1009025a	दृष्ट्वैव च तदा विप्रमायान्तं हृष्टमानसाः
582	1009025c	उपसृत्य ततः सर्वास्तास्तमूचुरिदं वचः
583	1009026a	एह्याश्रमपदं सौम्य अस्माकमिति चाब्रुवन्
584	1009026c	तत्राप्येष विधिः श्रीमान्विशेषेण भविष्यति
585	1009027a	श्रुत्वा तु वचनं तासां सर्वासां हृदयंगमम्
586	1009027c	गमनाय मतिं चक्रे तं च निन्युस्तदा स्त्रियः
587	1009028a	तत्र चानीयमाने तु विप्रे तस्मिन्महात्मनि
588	1009028c	ववर्ष सहसा देवो जगत्प्रह्लादयंस्तदा
589	1009029a	वर्षेणैवागतं विप्रं विषयं स्वं नराधिपः
590	1009029c	प्रत्युद्गम्य मुनिं प्रह्वः शिरसा च महीं गतः
591	1009030a	अर्घ्यं च प्रददौ तस्मै न्यायतः सुसमाहितः
592	1009030c	वव्रे प्रसादं विप्रेन्द्रान्मा विप्रं मन्युराविशेत्
593	1009031a	अन्तःपुरं प्रविश्यास्मै कन्यां दत्त्वा यथाविधि
594	1009031c	शान्तां शान्तेन मनसा राजा हर्षमवाप सः
595	1009032a	एवं स न्यवसत्तत्र सर्वकामैः सुपूजितः
596	1009032c	ऋष्यशृङ्गो महातेजाः शान्तया सह भार्यया
597	1010001a	भूय एव च राजेन्द्र शृणु मे वचनं हितम्
598	1010001c	यथा स देवप्रवरः कथयामास बुद्धिमान्
599	1010002a	इक्ष्वाकूणां कुले जातो भविष्यति सुधार्मिकः
600	1010002c	राजा दशरथो नाम्ना श्रीमान्सत्यप्रतिश्रवः
601	1010003a	अङ्गराजेन सख्यं च तस्य राज्ञो भविष्यति
602	1010003c	कन्या चास्य महाभागा शान्ता नाम भविष्यति
603	1010004a	पुत्रस्त्वङ्गस्य राज्ञस्तु रोमपाद इति श्रुतः
604	1010004c	तं स राजा दशरथो गमिष्यति महायशाः
605	1010005a	अनपत्योऽस्मि धर्मात्मञ्शान्ताभर्ता मम क्रतुम्
606	1010005c	आहरेत त्वयाज्ञप्तः संतानार्थं कुलस्य च
607	1010006a	श्रुत्वा राज्ञोऽथ तद्वाक्यं मनसा स विचिन्त्य च
608	1010006c	प्रदास्यते पुत्रवन्तं शान्ता भर्तारमात्मवान्
609	1010007a	प्रतिगृह्य च तं विप्रं स राजा विगतज्वरः
610	1010007c	आहरिष्यति तं यज्ञं प्रहृष्टेनान्तरात्मना
611	1010008a	तं च राजा दशरथो यष्टुकामः कृताञ्जलिः
612	1010008c	ऋष्यशृङ्गं द्विजश्रेष्ठं वरयिष्यति धर्मवित्
613	1010009a	यज्ञार्थं प्रसवार्थं च स्वर्गार्थं च नरेश्वरः
614	1010009c	लभते च स तं कामं द्विजमुख्याद्विशां पतिः
615	1010010a	पुत्राश्चास्य भविष्यन्ति चत्वारोऽमितविक्रमाः
616	1010010c	वंशप्रतिष्ठानकराः सर्वलोकेषु विश्रुताः
617	1010011a	एवं स देवप्रवरः पूर्वं कथितवान्कथाम्
618	1010011c	सनत्कुमारो भगवान्पुरा देवयुगे प्रभुः
619	1010012a	स त्वं पुरुषशार्दूल तमानय सुसत्कृतम्
620	1010012c	स्वयमेव महाराज गत्वा सबलवाहनः
621	1010013a	अनुमान्य वसिष्ठं च सूतवाक्यं निशम्य च
622	1010013c	सान्तःपुरः सहामात्यः प्रययौ यत्र स द्विजः
623	1010014a	वनानि सरितश्चैव व्यतिक्रम्य शनैः शनैः
624	1010014c	अभिचक्राम तं देशं यत्र वै मुनिपुंगवः
625	1010015a	आसाद्य तं द्विजश्रेष्ठं रोमपादसमीपगम्
626	1010015c	ऋषिपुत्रं ददर्शादौ दीप्यमानमिवानलम्
627	1010016a	ततो राजा यथान्यायं पूजां चक्रे विशेषतः
628	1010016c	सखित्वात्तस्य वै राज्ञः प्रहृष्टेनान्तरात्मना
629	1010017a	रोमपादेन चाख्यातमृषिपुत्राय धीमते
630	1010017c	सख्यं संबन्धकं चैव तदा तं प्रत्यपूजयत्
631	1010018a	एवं सुसत्कृतस्तेन सहोषित्वा नरर्षभः
632	1010018c	सप्ताष्टदिवसान्राजा राजानमिदमब्रवीत्
633	1010019a	शान्ता तव सुता राजन्सह भर्त्रा विशाम्पते
634	1010019c	मदीयं नगरं यातु कार्यं हि महदुद्यतम्
635	1010020a	तथेति राजा संश्रुत्य गमनं तस्य धीमतः
636	1010020c	उवाच वचनं विप्रं गच्छ त्वं सह भार्यया
637	1010021a	ऋषिपुत्रः प्रतिश्रुत्य तथेत्याह नृपं तदा
638	1010021c	स नृपेणाभ्यनुज्ञातः प्रययौ सह भार्यया
639	1010022a	तावन्योन्याञ्जलिं कृत्वा स्नेहात्संश्लिष्य चोरसा
640	1010022c	ननन्दतुर्दशरथो रोमपादश्च वीर्यवान्
641	1010023a	ततः सुहृदमापृच्छ्य प्रस्थितो रघुनन्दनः
642	1010023c	पौरेभ्यः प्रेषयामास दूतान्वै शीघ्रगामिनः
643	1010023e	क्रियतां नगरं सर्वं क्षिप्रमेव स्वलंकृतम्
644	1010024a	ततः प्रहृष्टाः पौरास्ते श्रुत्वा राजानमागतम्
645	1010024c	तथा प्रचक्रुस्तत्सर्वं राज्ञा यत्प्रेषितं तदा
646	1010025a	ततः स्वलंकृतं राजा नगरं प्रविवेश ह
647	1010025c	शङ्खदुन्दुभिनिर्घोषैः पुरस्कृत्य द्विजर्षभम्
648	1010026a	ततः प्रमुदिताः सर्वे दृष्ट्वा वै नागरा द्विजम्
649	1010026c	प्रवेश्यमानं सत्कृत्य नरेन्द्रेणेन्द्रकर्मणा
650	1010027a	अन्तःपुरं प्रवेश्यैनं पूजां कृत्वा तु शास्त्रतः
651	1010027c	कृतकृत्यं तदात्मानं मेने तस्योपवाहनात्
652	1010028a	अन्तःपुराणि सर्वाणि शान्तां दृष्ट्वा तथागताम्
653	1010028c	सह भर्त्रा विशालाक्षीं प्रीत्यानन्दमुपागमन्
654	1010029a	पूज्यमाना च ताभिः सा राज्ञा चैव विशेषतः
655	1010029c	उवास तत्र सुखिता कंचित्कालं सह द्विजा
656	1011001a	ततः काले बहुतिथे कस्मिंश्चित्सुमनोहरे
657	1011001c	वसन्ते समनुप्राप्ते राज्ञो यष्टुं मनोऽभवत्
658	1011002a	ततः प्रसाद्य शिरसा तं विप्रं देववर्णिनम्
659	1011002c	यज्ञाय वरयामास संतानार्थं कुलस्य च
660	1011003a	तथेति च स राजानमुवाच च सुसत्कृतः
661	1011003c	संभाराः संभ्रियन्तां ते तुरगश्च विमुच्यताम्
662	1011004a	ततो राजाब्रवीद्वाक्यं सुमन्त्रं मन्त्रिसत्तमम्
663	1011004c	सुमन्त्रावाहय क्षिप्रमृत्विजो ब्रह्मवादिनः
664	1011005a	ततः सुमन्त्रस्त्वरितं गत्वा त्वरितविक्रमः
665	1011005c	समानयत्स तान्विप्रान्समस्तान्वेदपारगान्
666	1011006a	सुयज्ञं वामदेवं च जाबालिमथ काश्यपम्
667	1011006c	पुरोहितं वसिष्ठं च ये चान्ये द्विजसत्तमाः
668	1011007a	तान्पूजयित्वा धर्मात्मा राजा दशरथस्तदा
669	1011007c	इदं धर्मार्थसहितं श्लक्ष्णं वचनमब्रवीत्
670	1011008a	मम लालप्यमानस्य पुत्रार्थं नास्ति वै सुखम्
671	1011008c	तदर्थं हयमेधेन यक्ष्यामीति मतिर्मम
672	1011009a	तदहं यष्टुमिच्छामि शास्त्रदृष्टेन कर्मणा
673	1011009c	ऋषिपुत्रप्रभावेन कामान्प्राप्स्यामि चाप्यहम्
674	1011010a	ततः साध्विति तद्वाक्यं ब्राह्मणाः प्रत्यपूजयन्
675	1011010c	वसिष्ठप्रमुखाः सर्वे पार्थिवस्य मुखाच्च्युतम्
676	1011011a	ऋष्यशृङ्गपुरोगाश्च प्रत्यूचुर्नृपतिं तदा
677	1011011c	संभाराः संभ्रियन्तां ते तुरगश्च विमुच्यताम्
678	1011012a	सर्वथा प्राप्यसे पुत्रांश्चतुरोऽमितविक्रमान्
679	1011012c	यस्य ते धार्मिकी बुद्धिरियं पुत्रार्थमागता
680	1011013a	ततः प्रीतोऽभवद्राजा श्रुत्वा तद्द्विजभाषितम्
681	1011013c	अमात्यांश्चाब्रवीद्राजा हर्षेणेदं शुभाक्षरम्
682	1011014a	गुरूणां वचनाच्छीघ्रं संभाराः संभ्रियन्तु मे
683	1011014c	समर्थाधिष्ठितश्चाश्वः सोपाध्यायो विमुच्यताम्
684	1011015a	सरय्वाश्चोत्तरे तीरे यज्ञभूमिर्विधीयताम्
685	1011015c	शान्तयश्चाभिवर्धन्तां यथाकल्पं यथाविधि
686	1011016a	शक्यः कर्तुमयं यज्ञः सर्वेणापि महीक्षिता
687	1011016c	नापराधो भवेत्कष्टो यद्यस्मिन्क्रतुसत्तमे
688	1011017a	छिद्रं हि मृगयन्तेऽत्र विद्वांसो ब्रह्मराक्षसाः
689	1011017c	विधिहीनस्य यज्ञस्य सद्यः कर्ता विनश्यति
690	1011018a	तद्यथा विधिपूर्वं मे क्रतुरेष समाप्यते
691	1011018c	तथाविधानं क्रियतां समर्थाः करणेष्विह
692	1011019a	तथेति च ततः सर्वे मन्त्रिणः प्रत्यपूजयन्
693	1011019c	पार्थिवेन्द्रस्य तद्वाक्यं यथाज्ञप्तमकुर्वत
694	1011020a	ततो द्विजास्ते धर्मज्ञमस्तुवन्पार्थिवर्षभम्
695	1011020c	अनुज्ञातास्ततः सर्वे पुनर्जग्मुर्यथागतम्
696	1011021a	गतानां तु द्विजातीनां मन्त्रिणस्तान्नराधिपः
697	1011021c	विसर्जयित्वा स्वं वेश्म प्रविवेश महाद्युतिः
698	1012001a	पुनः प्राप्ते वसन्ते तु पूर्णः संवत्सरोऽभवत्
699	1012001c	अभिवाद्य वसिष्ठं च न्यायतः प्रतिपूज्य च
700	1012002a	अब्रवीत्प्रश्रितं वाक्यं प्रसवार्थं द्विजोत्तमम्
701	1012002c	यज्ञो मे क्रियतां विप्र यथोक्तं मुनिपुंगव
702	1012003a	यथा न विघ्नः क्रियते यज्ञाङ्गेषु विधीयताम्
703	1012003c	भवान्स्निग्धः सुहृन्मह्यं गुरुश्च परमो भवान्
704	1012004a	वोढव्यो भवता चैव भारो यज्ञस्य चोद्यतः
705	1012004c	तथेति च स राजानमब्रवीद्द्विजसत्तमः
706	1012005a	करिष्ये सर्वमेवैतद्भवता यत्समर्थितम्
707	1012005c	ततोऽब्रवीद्द्विजान्वृद्धान्यज्ञकर्मसु निष्ठितान्
708	1012006a	स्थापत्ये निष्ठितांश्चैव वृद्धान्परमधार्मिकान्
709	1012006c	कर्मान्तिकाञ्शिल्पकारान्वर्धकीन्खनकानपि
710	1012007a	गणकाञ्शिल्पिनश्चैव तथैव नटनर्तकान्
711	1012007c	तथा शुचीञ्शास्त्रविदः पुरुषान्सुबहुश्रुतान्
712	1012008a	यज्ञकर्म समीहन्तां भवन्तो राजशासनात्
713	1012008c	इष्टका बहुसाहस्री शीघ्रमानीयतामिति
714	1012009a	औपकार्याः क्रियन्तां च राज्ञां बहुगुणान्विताः
715	1012009c	ब्राह्मणावसथाश्चैव कर्तव्याः शतशः शुभाः
716	1012010a	भक्ष्यान्नपानैर्बहुभिः समुपेताः सुनिष्ठिताः
717	1012010c	तथा पौरजनस्यापि कर्तव्या बहुविस्तराः
718	1012011a	आवासा बहुभक्ष्या वै सर्वकामैरुपस्थिताः
719	1012011c	तथा जानपदस्यापि जनस्य बहुशोभनम्
720	1012012a	दातव्यमन्नं विधिवत्सत्कृत्य न तु लीलया
721	1012012c	सर्ववर्णा यथा पूजां प्राप्नुवन्ति सुसत्कृताः
722	1012013a	न चावज्ञा प्रयोक्तव्या कामक्रोधवशादपि
723	1012013c	यज्ञकर्मसु येऽव्यग्राः पुरुषाः शिल्पिनस्तथा
724	1012014a	तेषामपि विशेषेण पूजा कार्या यथाक्रमम्
725	1012014c	यथा सर्वं सुविहितं न किंचित्परिहीयते
726	1012015a	तथा भवन्तः कुर्वन्तु प्रीतिस्निग्धेन चेतसा
727	1012015c	ततः सर्वे समागम्य वसिष्ठमिदमब्रुवन्
728	1012016a	यथोक्तं तत्करिष्यामो न किंचित्परिहास्यते
729	1012016c	ततः सुमन्त्रमाहूय वसिष्ठो वाक्यमब्रवीत्
730	1012017a	निमन्त्रयस्य नृपतीन्पृथिव्यां ये च धार्मिकाः
731	1012017c	ब्राह्मणान्क्षत्रियान्वैश्याञ्शूद्रांश्चैव सहस्रशः
732	1012018a	समानयस्व सत्कृत्य सर्वदेशेषु मानवान्
733	1012018c	मिथिलाधिपतिं शूरं जनकं सत्यविक्रमम्
734	1012019a	निष्ठितं सर्वशास्त्रेषु तथा वेदेषु निष्ठितम्
735	1012019c	तमानय महाभागं स्वयमेव सुसत्कृतम्
736	1012019e	पूर्वसंबन्धिनं ज्ञात्वा ततः पूर्वं ब्रवीमि ते
737	1012020a	तथा काशिपतिं स्निग्धं सततं प्रियवादिनम्
738	1012020c	सद्वृत्तं देवसंकाशं स्वयमेवानयस्व ह
739	1012021a	तथा केकयराजानं वृद्धं परमधार्मिकम्
740	1012021c	श्वशुरं राजसिंहस्य सपुत्रं तमिहानय
741	1012022a	अङ्गेश्वरं महाभागं रोमपादं सुसत्कृतम्
742	1012022c	वयस्यं राजसिंहस्य तमानय यशस्विनम्
743	1012023a	प्राचीनान्सिन्धुसौवीरान्सौराष्ठ्रेयांश्च पार्थिवान्
744	1012023c	दाक्षिणात्यान्नरेन्द्रांश्च समस्तानानयस्व ह
745	1012024a	सन्ति स्निग्धाश्च ये चान्ये राजानः पृथिवीतले
746	1012024c	तानानय यथाक्षिप्रं सानुगान्सहबान्धवान्
747	1012025a	वसिष्ठवाक्यं तच्छ्रुत्वा सुमन्त्रस्त्वरितस्तदा
748	1012025c	व्यादिशत्पुरुषांस्तत्र राज्ञामानयने शुभान्
749	1012026a	स्वयमेव हि धर्मात्मा प्रययौ मुनिशासनात्
750	1012026c	सुमन्त्रस्त्वरितो भूत्वा समानेतुं महीक्षितः
751	1012027a	ते च कर्मान्तिकाः सर्वे वसिष्ठाय च धीमते
752	1012027c	सर्वं निवेदयन्ति स्म यज्ञे यदुपकल्पितम्
753	1012028a	ततः प्रीतो द्विजश्रेष्ठस्तान्सर्वान्पुनरब्रवीत्
754	1012028c	अवज्ञया न दातव्यं कस्यचिल्लीलयापि वा
755	1012028e	अवज्ञया कृतं हन्याद्दातारं नात्र संशयः
756	1012029a	ततः कैश्चिदहोरात्रैरुपयाता महीक्षितः
757	1012029c	बहूनि रत्नान्यादाय राज्ञो दशरथस्य ह
758	1012030a	ततो वसिष्ठः सुप्रीतो राजानमिदमब्रवीत्
759	1012030c	उपयाता नरव्याघ्र राजानस्तव शासनात्
760	1012031a	मयापि सत्कृताः सर्वे यथार्हं राजसत्तमाः
761	1012031c	यज्ञियं च कृतं राजन्पुरुषैः सुसमाहितैः
762	1012032a	निर्यातु च भवान्यष्टुं यज्ञायतनमन्तिकात्
763	1012032c	सर्वकामैरुपहृतैरुपेतं वै समन्ततः
764	1012033a	तथा वसिष्ठवचनादृष्यशृङ्गस्य चोभयोः
765	1012033c	शुभे दिवस नक्षत्रे निर्यातो जगतीपतिः
766	1012034a	ततो वसिष्ठप्रमुखाः सर्व एव द्विजोत्तमाः
767	1012034c	ऋष्यशृङ्गं पुरस्कृत्य यज्ञकर्मारभंस्तदा
768	1013001a	अथ संवत्सरे पूर्णे तस्मिन्प्राप्ते तुरङ्गमे
769	1013001c	सरय्वाश्चोत्तरे तीरे राज्ञो यज्ञोऽभ्यवर्तत
770	1013002a	ऋष्यशृङ्गं पुरस्कृत्य कर्म चक्रुर्द्विजर्षभाः
771	1013002c	अश्वमेधे महायज्ञे राज्ञोऽस्य सुमहात्मनः
772	1013003a	कर्म कुर्वन्ति विधिवद्याजका वेदपारगाः
773	1013003c	यथाविधि यथान्यायं परिक्रामन्ति शास्त्रतः
774	1013004a	प्रवर्ग्यं शास्त्रतः कृत्वा तथैवोपसदं द्विजाः
775	1013004c	चक्रुश्च विधिवत्सर्वमधिकं कर्म शास्त्रतः
776	1013005a	अभिपूज्य ततो हृष्टाः सर्वे चक्रुर्यथाविधि
777	1013005c	प्रातःसवनपूर्वाणि कर्माणि मुनिपुंगवाः
778	1013006a	न चाहुतमभूत्तत्र स्खलितं वापि किंचन
779	1013006c	दृश्यते ब्रह्मवत्सर्वं क्षेमयुक्तं हि चक्रिरे
780	1013007a	न तेष्वहःसु श्रान्तो वा क्षुधितो वापि दृश्यते
781	1013007c	नाविद्वान्ब्राह्मणस्तत्र नाशतानुचरस्तथा
782	1013008a	ब्राह्मणा भुञ्जते नित्यं नाथवन्तश्च भुञ्जते
783	1013008c	तापसा भुञ्जते चापि श्रमणा भुञ्जते तथा
784	1013009a	वृद्धाश्च व्याधिताश्चैव स्त्रियो बालास्तथैव च
785	1013009c	अनिशं भुञ्जमानानां न तृप्तिरुपलभ्यते
786	1013010a	दीयतां दीयतामन्नं वासांसि विविधानि च
787	1013010c	इति संचोदितास्तत्र तथा चक्रुरनेकशः
788	1013011a	अन्नकूटाश्च बहवो दृश्यन्ते पर्वतोपमाः
789	1013011c	दिवसे दिवसे तत्र सिद्धस्य विधिवत्तदा
790	1013012a	अन्नं हि विधिवत्स्वादु प्रशंसन्ति द्विजर्षभाः
791	1013012c	अहो तृप्ताः स्म भद्रं ते इति शुश्राव राघवः
792	1013013a	स्वलंकृताश्च पुरुषा ब्राह्मणान्पर्यवेषयन्
793	1013013c	उपासते च तानन्ये सुमृष्टमणिकुण्डलाः
794	1013014a	कर्मान्तरे तदा विप्रा हेतुवादान्बहूनपि
795	1013014c	प्राहुः सुवाग्मिनो धीराः परस्परजिगीषया
796	1013015a	दिवसे दिवसे तत्र संस्तरे कुशला द्विजाः
797	1013015c	सर्वकर्माणि चक्रुस्ते यथाशास्त्रं प्रचोदिताः
798	1013016a	नाषडङ्गविदत्रासीन्नाव्रतो नाबहुश्रुतः
799	1013016c	सदस्यस्तस्य वै राज्ञो नावादकुशलो द्विजः
800	1013017a	प्राप्ते यूपोच्छ्रये तस्मिन्षड्बैल्वाः खादिरास्तथा
801	1013017c	तावन्तो बिल्वसहिताः पर्णिनश्च तथापरे
802	1013018a	श्लेष्मातकमयो दिष्टो देवदारुमयस्तथा
803	1013018c	द्वावेव तत्र विहितौ बाहुव्यस्तपरिग्रहौ
804	1013019a	कारिताः सर्व एवैते शास्त्रज्ञैर्यज्ञकोविदैः
805	1013019c	शोभार्थं तस्य यज्ञस्य काञ्चनालंकृता भवन्
806	1013020a	विन्यस्ता विधिवत्सर्वे शिल्पिभिः सुकृता दृढाः
807	1013020c	अष्टाश्रयः सर्व एव श्लक्ष्णरूपसमन्विताः
808	1013021a	आच्छादितास्ते वासोभिः पुष्पैर्गन्धैश्च भूषिताः
809	1013021c	सप्तर्षयो दीप्तिमन्तो विराजन्ते यथा दिवि
810	1013022a	इष्टकाश्च यथान्यायं कारिताश्च प्रमाणतः
811	1013022c	चितोऽग्निर्ब्राह्मणैस्तत्र कुशलैः शुल्बकर्मणि
812	1013022e	स चित्यो राजसिंहस्य संचितः कुशलैर्द्विजैः
813	1013023a	गरुडो रुक्मपक्षो वै त्रिगुणोऽष्टादशात्मकः
814	1013023c	नियुक्तास्तत्र पशवस्तत्तदुद्दिश्य दैवतम्
815	1013024a	उरगाः पक्षिणश्चैव यथाशास्त्रं प्रचोदिताः
816	1013024c	शामित्रे तु हयस्तत्र तथा जल चराश्च ये
817	1013025a	ऋत्विग्भिः सर्वमेवैतन्नियुक्तं शास्त्रतस्तदा
818	1013025c	पशूनां त्रिशतं तत्र यूपेषु नियतं तदा
819	1013025e	अश्वरत्नोत्तमं तस्य राज्ञो दशरथस्य ह
820	1013026a	कौसल्या तं हयं तत्र परिचर्य समन्ततः
821	1013026c	कृपाणैर्विशशासैनं त्रिभिः परमया मुदा
822	1013027a	पतत्रिणा तदा सार्धं सुस्थितेन च चेतसा
823	1013027c	अवसद्रजनीमेकां कौसल्या धर्मकाम्यया
824	1013028a	होताध्वर्युस्तथोद्गाता हयेन समयोजयन्
825	1013028c	महिष्या परिवृत्थ्याथ वावातामपरां तथा
826	1013029a	पतत्रिणस्तस्य वपामुद्धृत्य नियतेन्द्रियः
827	1013029c	ऋत्विक्परम संपन्नः श्रपयामास शास्त्रतः
828	1013030a	धूमगन्धं वपायास्तु जिघ्रति स्म नराधिपः
829	1013030c	यथाकालं यथान्यायं निर्णुदन्पापमात्मनः
830	1013031a	हयस्य यानि चाङ्गानि तानि सर्वाणि ब्राह्मणाः
831	1013031c	अग्नौ प्रास्यन्ति विधिवत्समस्ताः षोडशर्त्विजः
832	1013032a	प्लक्षशाखासु यज्ञानामन्येषां क्रियते हविः
833	1013032c	अश्वमेधस्य चैकस्य वैतसो भाग इष्यते
834	1013033a	त्र्यहोऽश्वमेधः संख्यातः कल्पसूत्रेण ब्राह्मणैः
835	1013033c	चतुष्टोममहस्तस्य प्रथमं परिकल्पितम्
836	1013034a	उक्थ्यं द्वितीयं संख्यातमतिरात्रं तथोत्तरम्
837	1013034c	कारितास्तत्र बहवो विहिताः शास्त्रदर्शनात्
838	1013035a	ज्योतिष्टोमायुषी चैव अतिरात्रौ च निर्मितौ
839	1013035c	अभिजिद्विश्वजिच्चैव अप्तोर्यामो महाक्रतुः
840	1013036a	प्राचीं होत्रे ददौ राजा दिशं स्वकुलवर्धनः
841	1013036c	अध्वर्यवे प्रतीचीं तु ब्रह्मणे दक्षिणां दिशम्
842	1013037a	उद्गात्रे तु तथोदीचीं दक्षिणैषा विनिर्मिता
843	1013037c	अश्वमेधे महायज्ञे स्वयम्भुविहिते पुरा
844	1013038a	क्रतुं समाप्य तु तदा न्यायतः पुरुषर्षभः
845	1013038c	ऋत्विग्भ्यो हि ददौ राजा धरां तां क्रतुवर्धनः
846	1013039a	ऋत्विजस्त्वब्रुवन्सर्वे राजानं गतकल्मषम्
847	1013039c	भवानेव महीं कृत्स्नामेको रक्षितुमर्हति
848	1013040a	न भूम्या कार्यमस्माकं न हि शक्ताः स्म पालने
849	1013040c	रताः स्वाध्यायकरणे वयं नित्यं हि भूमिप
850	1013040e	निष्क्रयं किंचिदेवेह प्रयच्छतु भवानिति
851	1013041a	गवां शतसहस्राणि दश तेभ्यो ददौ नृपः
852	1013041c	दशकोटिं सुवर्णस्य रजतस्य चतुर्गुणम्
853	1013042a	ऋत्विजस्तु ततः सर्वे प्रददुः सहिता वसु
854	1013042c	ऋष्यशृङ्गाय मुनये वसिष्ठाय च धीमते
855	1013043a	ततस्ते न्यायतः कृत्वा प्रविभागं द्विजोत्तमाः
856	1013043c	सुप्रीतमनसः सर्वे प्रत्यूचुर्मुदिता भृशम्
857	1013044a	ततः प्रीतमना राजा प्राप्य यज्ञमनुत्तमम्
858	1013044c	पापापहं स्वर्नयनं दुस्तरं पार्थिवर्षभैः
859	1013045a	ततोऽब्रवीदृष्यशृङ्गं राजा दशरथस्तदा
860	1013045c	कुलस्य वर्धनं तत्तु कर्तुमर्हसि सुव्रत
861	1013046a	तथेति च स राजानमुवाच द्विजसत्तमः
862	1013046c	भविष्यन्ति सुता राजंश्चत्वारस्ते कुलोद्वहाः
863	1014001a	मेधावी तु ततो ध्यात्वा स किंचिदिदमुत्तमम्
864	1014001c	लब्धसंज्ञस्ततस्तं तु वेदज्ञो नृपमब्रवीत्
865	1014002a	इष्टिं तेऽहं करिष्यामि पुत्रीयां पुत्रकारणात्
866	1014002c	अथर्वशिरसि प्रोक्तैर्मन्त्रैः सिद्धां विधानतः
867	1014003a	ततः प्राक्रमदिष्टिं तां पुत्रीयां पुत्र कारणात्
868	1014003c	जुहाव चाग्नौ तेजस्वी मन्त्रदृष्टेन कर्मणा
869	1014004a	ततो देवाः सगन्धर्वाः सिद्धाश्च परमर्षयः
870	1014004c	भागप्रतिग्रहार्थं वै समवेता यथाविधि
871	1014005a	ताः समेत्य यथान्यायं तस्मिन्सदसि देवताः
872	1014005c	अब्रुवँल्लोककर्तारं ब्रह्माणं वचनं महत्
873	1014006a	भगवंस्त्वत्प्रसादेन रावणो नाम राक्षसः
874	1014006c	सर्वान्नो बाधते वीर्याच्छासितुं तं न शक्नुमः
875	1014007a	त्वया तस्मै वरो दत्तः प्रीतेन भगवन्पुरा
876	1014007c	मानयन्तश्च तं नित्यं सर्वं तस्य क्षमामहे
877	1014008a	उद्वेजयति लोकांस्त्रीनुच्छ्रितान्द्वेष्टि दुर्मतिः
878	1014008c	शक्रं त्रिदशराजानं प्रधर्षयितुमिच्छति
879	1014009a	ऋषीन्यक्षान्सगन्धर्वानसुरान्ब्राह्मणांस्तथा
880	1014009c	अतिक्रामति दुर्धर्षो वरदानेन मोहितः
881	1014010a	नैनं सूर्यः प्रतपति पार्श्वे वाति न मारुतः
882	1014010c	चलोर्मिमाली तं दृष्ट्वा समुद्रोऽपि न कम्पते
883	1014011a	तन्मनन्नो भयं तस्माद्राक्षसाद्घोरदर्शनात्
884	1014011c	वधार्थं तस्य भगवन्नुपायं कर्तुमर्हसि
885	1014012a	एवमुक्तः सुरैः सर्वैश्चिन्तयित्वा ततोऽब्रवीत्
886	1014012c	हन्तायं विहितस्तस्य वधोपायो दुरात्मनः
887	1014013a	तेन गन्धर्वयक्षाणां देवदानवरक्षसाम्
888	1014013c	अवध्योऽस्मीति वागुक्ता तथेत्युक्तं च तन्मया
889	1014014a	नाकीर्तयदवज्ञानात्तद्रक्षो मानुषांस्तदा
890	1014014c	तस्मात्स मानुषाद्वध्यो मृतुर्नान्योऽस्य विद्यते
891	1014015a	एतच्छ्रुत्वा प्रियं वाक्यं ब्रह्मणा समुदाहृतम्
892	1014015c	देवा महर्षयः सर्वे प्रहृष्टास्तेऽभवंस्तदा
893	1014016a	एतस्मिन्नन्तरे विष्णुरुपयातो महाद्युतिः
894	1014016c	ब्रह्मणा च समागम्य तत्र तस्थौ समाहितः
895	1014017a	तमब्रुवन्सुराः सर्वे समभिष्टूय संनताः
896	1014017c	त्वां नियोक्ष्यामहे विष्णो लोकानां हितकाम्यया
897	1014018a	राज्ञो दशरथस्य त्वमयोध्याधिपतेर्विभो
898	1014018c	धर्मज्ञस्य वदान्यस्य महर्षिसमतेजसः
899	1014018e	तस्य भार्यासु तिसृषु ह्रीश्रीकीर्त्युपमासु च
900	1014018g	विष्णो पुत्रत्वमागच्छ कृत्वात्मानं चतुर्विधम्
901	1014019a	तत्र त्वं मानुषो भूत्वा प्रवृद्धं लोककण्टकम्
902	1014019c	अवध्यं दैवतैर्विष्णो समरे जहि रावणम्
903	1014020a	स हि देवान्सगन्धर्वान्सिद्धांश्च ऋषिसत्तमान्
904	1014020c	राक्षसो रावणो मूर्खो वीर्योत्सेकेन बाधते
905	1014021a	तदुद्धतं रावणमृद्धतेजसं; प्रवृद्धदर्पं त्रिदशेश्वरद्विषम्
906	1014021c	विरावणं साधु तपस्विकण्टकं; तपस्विनामुद्धर तं भयावहम्
907	1015001a	ततो नारायणो विष्णुर्नियुक्तः सुरसत्तमैः
908	1015001c	जानन्नपि सुरानेवं श्लक्ष्णं वचनमब्रवीत्
909	1015002a	उपायः को वधे तस्य राक्षसाधिपतेः सुराः
910	1015002c	यमहं तं समास्थाय निहन्यामृषिकण्टकम्
911	1015003a	एवमुक्ताः सुराः सर्वे प्रत्यूचुर्विष्णुमव्ययम्
912	1015003c	मानुषीं तनुमास्थाय रावणं जहि संयुगे
913	1015004a	स हि तेपे तपस्तीव्रं दीर्घकालमरिंदम
914	1015004c	येन तुष्टोऽभवद्ब्रह्मा लोककृल्लोकपूजितः
915	1015005a	संतुष्टः प्रददौ तस्मै राक्षसाय वरं प्रभुः
916	1015005c	नानाविधेभ्यो भूतेभ्यो भयं नान्यत्र मानुषात्
917	1015006a	अवज्ञाताः पुरा तेन वरदानेन मानवाः
918	1015006c	तस्मात्तस्य वधो दृष्टो मानुषेभ्यः परंतप
919	1015007a	इत्येतद्वचनं श्रुत्वा सुराणां विष्णुरात्मवान्
920	1015007c	पितरं रोचयामास तदा दशरथं नृपम्
921	1015008a	स चाप्यपुत्रो नृपतिस्तस्मिन्काले महाद्युतिः
922	1015008c	अयजत्पुत्रियामिष्टिं पुत्रेप्सुररिसूदनः
923	1015009a	ततो वै यजमानस्य पावकादतुलप्रभम्
924	1015009c	प्रादुर्भूतं महद्भूतं महावीर्यं महाबलम्
925	1015010a	कृष्णं रक्ताम्बरधरं रक्तास्यं दुन्दुभिस्वनम्
926	1015010c	स्निग्धहर्यक्षतनुजश्मश्रुप्रवरमूर्धजम्
927	1015011a	शुभलक्षणसंपन्नं दिव्याभरणभूषितम्
928	1015011c	शैलशृङ्गसमुत्सेधं दृप्तशार्दूलविक्रमम्
929	1015012a	दिवाकरसमाकारं दीप्तानलशिखोपमम्
930	1015012c	तप्तजाम्बूनदमयीं राजतान्तपरिच्छदाम्
931	1015013a	दिव्यपायससंपूर्णां पात्रीं पत्नीमिव प्रियाम्
932	1015013c	प्रगृह्य विपुलां दोर्भ्यां स्वयं मायामयीमिव
933	1015014a	समवेक्ष्याब्रवीद्वाक्यमिदं दशरथं नृपम्
934	1015014c	प्राजापत्यं नरं विद्धि मामिहाभ्यागतं नृप
935	1015015a	ततः परं तदा राजा प्रत्युवाच कृताञ्जलिः
936	1015015c	भगवन्स्वागतं तेऽस्तु किमहं करवाणि ते
937	1015016a	अथो पुनरिदं वाक्यं प्राजापत्यो नरोऽब्रवीत्
938	1015016c	राजन्नर्चयता देवानद्य प्राप्तमिदं त्वया
939	1015017a	इदं तु नरशार्दूल पायसं देवनिर्मितम्
940	1015017c	प्रजाकरं गृहाण त्वं धन्यमारोग्यवर्धनम्
941	1015018a	भार्याणामनुरूपाणामश्नीतेति प्रयच्छ वै
942	1015018c	तासु त्वं लप्स्यसे पुत्रान्यदर्थं यजसे नृप
943	1015019a	तथेति नृपतिः प्रीतः शिरसा प्रतिगृह्यताम्
944	1015019c	पात्रीं देवान्नसंपूर्णां देवदत्तां हिरण्मयीम्
945	1015020a	अभिवाद्य च तद्भूतमद्भुतं प्रियदर्शनम्
946	1015020c	मुदा परमया युक्तश्चकाराभिप्रदक्षिणम्
947	1015021a	ततो दशरथः प्राप्य पायसं देवनिर्मितम्
948	1015021c	बभूव परमप्रीतः प्राप्य वित्तमिवाधनः
949	1015022a	ततस्तदद्भुतप्रख्यं भूतं परमभास्वरम्
950	1015022c	संवर्तयित्वा तत्कर्म तत्रैवान्तरधीयत
951	1015023a	हर्षरश्मिभिरुद्योतं तस्यान्तःपुरमाबभौ
952	1015023c	शारदस्याभिरामस्य चन्द्रस्येव नभोंऽशुभिः
953	1015024a	सोऽन्तःपुरं प्रविश्यैव कौसल्यामिदमब्रवीत्
954	1015024c	पायसं प्रतिगृह्णीष्व पुत्रीयं त्विदमात्मनः
955	1015025a	कौसल्यायै नरपतिः पायसार्धं ददौ तदा
956	1015025c	अर्धादर्धं ददौ चापि सुमित्रायै नराधिपः
957	1015026a	कैकेय्यै चावशिष्टार्धं ददौ पुत्रार्थकारणात्
958	1015026c	प्रददौ चावशिष्टार्धं पायसस्यामृतोपमम्
959	1015027a	अनुचिन्त्य सुमित्रायै पुनरेव महीपतिः
960	1015027c	एवं तासां ददौ राजा भार्याणां पायसं पृथक्
961	1015028a	तास्त्वेतत्पायसं प्राप्य नरेन्द्रस्योत्तमाः स्त्रियः
962	1015028c	संमानं मेनिरे सर्वाः प्रहर्षोदितचेतसः
963	1016001a	पुत्रत्वं तु गते विष्णौ राज्ञस्तस्य महात्मनः
964	1016001c	उवाच देवताः सर्वाः स्वयम्भूर्भगवानिदम्
965	1016002a	सत्यसंधस्य वीरस्य सर्वेषां नो हितैषिणः
966	1016002c	विष्णोः सहायान्बलिनः सृजध्वं कामरूपिणः
967	1016003a	मायाविदश्च शूरांश्च वायुवेगसमाञ्जवे
968	1016003c	नयज्ञान्बुद्धिसंपन्नान्विष्णुतुल्यपराक्रमान्
969	1016004a	असंहार्यानुपायज्ञान्दिव्यसंहननान्वितान्
970	1016004c	सर्वास्त्रगुणसंपन्नानमृतप्राशनानिव
971	1016005a	अप्सरःसु च मुख्यासु गन्धर्वीणां तनूषु च
972	1016005c	यक्षपन्नगकन्यासु ऋष्कविद्याधरीषु च
973	1016006a	किंनरीणां च गात्रेषु वानरीणां तनूषु च
974	1016006c	सृजध्वं हरिरूपेण पुत्रांस्तुल्यपराक्रमान्
975	1016007a	ते तथोक्ता भगवता तत्प्रतिश्रुत्य शासनम्
976	1016007c	जनयामासुरेवं ते पुत्रान्वानररूपिणः
977	1016008a	ऋषयश्च महात्मानः सिद्धविद्याधरोरगाः
978	1016008c	चारणाश्च सुतान्वीरान्ससृजुर्वनचारिणः
979	1016009a	ते सृष्टा बहुसाहस्रा दशग्रीववधोद्यताः
980	1016009c	अप्रमेयबला वीरा विक्रान्ताः कामरूपिणः
981	1016010a	ते गजाचलसंकाशा वपुष्मन्तो महाबलाः
982	1016010c	ऋक्षवानरगोपुच्छाः क्षिप्रमेवाभिजज्ञिरे
983	1016011a	यस्य देवस्य यद्रूपं वेषो यश्च पराक्रमः
984	1016011c	अजायत समस्तेन तस्य तस्य सुतः पृथक्
985	1016012a	गोलाङ्गूलीषु चोत्पन्नाः केचित्संमतविक्रमाः
986	1016012c	ऋक्षीषु च तथा जाता वानराः किंनरीषु च
987	1016013a	शिलाप्रहरणाः सर्वे सर्वे पादपयोधिनः
988	1016013c	नखदंष्ट्रायुधाः सर्वे सर्वे सर्वास्त्रकोविदाः
989	1016014a	विचालयेयुः शैलेन्द्रान्भेदयेयुः स्थिरान्द्रुमान्
990	1016014c	क्षोभयेयुश्च वेगेन समुद्रं सरितां पतिम्
991	1016015a	दारयेयुः क्षितिं पद्भ्यामाप्लवेयुर्महार्णवम्
992	1016015c	नभस्तलं विशेयुश्च गृह्णीयुरपि तोयदान्
993	1016016a	गृह्णीयुरपि मातङ्गान्मत्तान्प्रव्रजतो वने
994	1016016c	नर्दमानांश्च नादेन पातयेयुर्विहंगमान्
995	1016017a	ईदृशानां प्रसूतानि हरीणां कामरूपिणाम्
996	1016017c	शतं शतसहस्राणि यूथपानां महात्मनाम्
997	1016017e	बभूवुर्यूथपश्रेष्ठा वीरांश्चाजनयन्हरीन्
998	1016018a	अन्ये ऋक्षवतः प्रस्थानुपतस्थुः सहस्रशः
999	1016018c	अन्ये नानाविधाञ्शैलान्काननानि च भेजिरे
1000	1016019a	सूर्यपुत्रं च सुग्रीवं शक्रपुत्रं च वालिनम्
1001	1016019c	भ्रातरावुपतस्थुस्ते सर्व एव हरीश्वराः
1002	1016020a	तैर्मेघवृन्दाचलतुल्यकायै;र्महाबलैर्वानरयूथपालैः
1003	1016020c	बभूव भूर्भीमशरीररूपैः; समावृता रामसहायहेतोः
1004	1017001a	निर्वृत्ते तु क्रतौ तस्मिन्हयमेधे महात्मनः
1005	1017001c	प्रतिगृह्य सुरा भागान्प्रतिजग्मुर्यथागतम्
1006	1017002a	समाप्तदीक्षानियमः पत्नीगणसमन्वितः
1007	1017002c	प्रविवेश पुरीं राजा सभृत्यबलवाहनः
1008	1017003a	यथार्हं पूजितास्तेन राज्ञा वै पृथिवीश्वराः
1009	1017003c	मुदिताः प्रययुर्देशान्प्रणम्य मुनिपुंगवम्
1010	1017004a	गतेषु पृथिवीशेषु राजा दशरथः पुनः
1011	1017004c	प्रविवेश पुरीं श्रीमान्पुरस्कृत्य द्विजोत्तमान्
1012	1017005a	शान्तया प्रययौ सार्धमृष्यशृङ्गः सुपूजितः
1013	1017005c	अन्वीयमानो राज्ञाथ सानुयात्रेण धीमता
1014	1017006a	कौसल्याजनयद्रामं दिव्यलक्षणसंयुतम्
1015	1017006c	विष्णोरर्धं महाभागं पुत्रमिक्ष्वाकुनन्दनम्
1016	1017007a	कौसल्या शुशुभे तेन पुत्रेणामिततेजसा
1017	1017007c	यथा वरेण देवानामदितिर्वज्रपाणिना
1018	1017008a	भरतो नाम कैकेय्यां जज्ञे सत्यपराक्रमः
1019	1017008c	साक्षाद्विष्णोश्चतुर्भागः सर्वैः समुदितो गुणैः
1020	1017009a	अथ लक्ष्मणशत्रुघ्नौ सुमित्राजनयत्सुतौ
1021	1017009c	वीरौ सर्वास्त्रकुशलौ विष्णोरर्धसमन्वितौ
1022	1017010a	राज्ञः पुत्रा महात्मानश्चत्वारो जज्ञिरे पृथक्
1023	1017010c	गुणवन्तोऽनुरूपाश्च रुच्या प्रोष्ठपदोपमाः
1024	1017011a	अतीत्यैकादशाहं तु नाम कर्म तथाकरोत्
1025	1017011c	ज्येष्ठं रामं महात्मानं भरतं कैकयीसुतम्
1026	1017012a	सौमित्रिं लक्ष्मणमिति शत्रुघ्नमपरं तथा
1027	1017012c	वसिष्ठः परमप्रीतो नामानि कृतवांस्तदा
1028	1017012e	तेषां जन्मक्रियादीनि सर्वकर्माण्यकारयत्
1029	1017013a	तेषां केतुरिव ज्येष्ठो रामो रतिकरः पितुः
1030	1017013c	बभूव भूयो भूतानां स्वयम्भूरिव संमतः
1031	1017014a	सर्वे वेदविदः शूराः सर्वे लोकहिते रताः
1032	1017014c	सर्वे ज्ञानोपसंपन्नाः सर्वे समुदिता गुणैः
1033	1017015a	तेषामपि महातेजा रामः सत्यपराक्रमः
1034	1017015c	बाल्यात्प्रभृति सुस्निग्धो लक्ष्मणो लक्ष्मिवर्धनः
1035	1017016a	रामस्य लोकरामस्य भ्रातुर्ज्येष्ठस्य नित्यशः
1036	1017016c	सर्वप्रियकरस्तस्य रामस्यापि शरीरतः
1037	1017017a	लक्ष्मणो लक्ष्मिसंपन्नो बहिःप्राण इवापरः
1038	1017017c	न च तेन विना निद्रां लभते पुरुषोत्तमः
1039	1017017e	मृष्टमन्नमुपानीतमश्नाति न हि तं विना
1040	1017018a	यदा हि हयमारूढो मृगयां याति राघवः
1041	1017018c	तदैनं पृष्ठतोऽभ्येति सधनुः परिपालयन्
1042	1017019a	भरतस्यापि शत्रुघ्नो लक्ष्मणावरजो हि सः
1043	1017019c	प्राणैः प्रियतरो नित्यं तस्य चासीत्तथा प्रियः
1044	1017020a	स चतुर्भिर्महाभागैः पुत्रैर्दशरथः प्रियैः
1045	1017020c	बभूव परमप्रीतो देवैरिव पितामहः
1046	1017021a	ते यदा ज्ञानसंपन्नाः सर्वे समुदिता गुणैः
1047	1017021c	ह्रीमन्तः कीर्तिमन्तश्च सर्वज्ञा दीर्घदर्शिनः
1048	1017022a	अथ राजा दशरथस्तेषां दारक्रियां प्रति
1049	1017022c	चिन्तयामास धर्मात्मा सोपाध्यायः सबान्धवः
1050	1017023a	तस्य चिन्तयमानस्य मन्त्रिमध्ये महात्मनः
1051	1017023c	अभ्यागच्छन्महातेजो विश्वामित्रो महामुनिः
1052	1017024a	स राज्ञो दर्शनाकाङ्क्षी द्वाराध्यक्षानुवाच ह
1053	1017024c	शीघ्रमाख्यात मां प्राप्तं कौशिकं गाधिनः सुतम्
1054	1017025a	तच्छ्रुत्वा वचनं तस्य राजवेश्म प्रदुद्रुवुः
1055	1017025c	संभ्रान्तमनसः सर्वे तेन वाक्येन चोदिताः
1056	1017026a	ते गत्वा राजभवनं विश्वामित्रमृषिं तदा
1057	1017026c	प्राप्तमावेदयामासुर्नृपायेक्ष्वाकवे तदा
1058	1017027a	तेषां तद्वचनं श्रुत्वा सपुरोधाः समाहितः
1059	1017027c	प्रत्युज्जगाम संहृष्टो ब्रह्माणमिव वासवः
1060	1017028a	स दृष्ट्वा ज्वलितं दीप्त्या तापसं संशितव्रतम्
1061	1017028c	प्रहृष्टवदनो राजा ततोऽर्घ्यमुपहारयत्
1062	1017029a	स राज्ञः प्रतिगृह्यार्घ्यं शास्त्रदृष्ट्तेन कर्मणा
1063	1017029c	कुशलं चाव्ययं चैव पर्यपृच्छन्नराधिपम्
1064	1017030a	वसिष्ठं च समागम्य कुशलं मुनिपुंगवः
1065	1017030c	ऋषींश्च तान्यथा न्यायं महाभागानुवाच ह
1066	1017031a	ते सर्वे हृष्टमनसस्तस्य राज्ञो निवेशनम्
1067	1017031c	विविशुः पूजितास्तत्र निषेदुश्च यथार्थतः
1068	1017032a	अथ हृष्टमना राजा विश्वामित्रं महामुनिम्
1069	1017032c	उवाच परमोदारो हृष्टस्तमभिपूजयन्
1070	1017033a	यथामृतस्य संप्राप्तिर्यथा वर्षमनूदके
1071	1017033c	यथा सदृशदारेषु पुत्रजन्माप्रजस्य च
1072	1017033e	प्रनष्टस्य यथा लाभो यथा हर्षो महोदये
1073	1017033g	तथैवागमनं मन्ये स्वागतं ते महामुने
1074	1017034a	कं च ते परमं कामं करोमि किमु हर्षितः
1075	1017034c	पात्रभूतोऽसि मे विप्र दिष्ट्या प्राप्तोऽसि धार्मिक
1076	1017034e	अद्य मे सफलं जन्म जीवितं च सुजीवितम्
1077	1017035a	पूर्वं राजर्षिशब्देन तपसा द्योतितप्रभः
1078	1017035c	ब्रह्मर्षित्वमनुप्राप्तः पूज्योऽसि बहुधा मया
1079	1017036a	तदद्भुतमिदं विप्र पवित्रं परमं मम
1080	1017036c	शुभक्षेत्रगतश्चाहं तव संदर्शनात्प्रभो
1081	1017037a	ब्रूहि यत्प्रार्थितं तुभ्यं कार्यमागमनं प्रति
1082	1017037c	इच्छाम्यनुगृहीतोऽहं त्वदर्थपरिवृद्धये
1083	1017038a	कार्यस्य न विमर्शं च गन्तुमर्हसि कौशिक
1084	1017038c	कर्ता चाहमशेषेण दैवतं हि भवान्मम
1085	1017039a	इति हृदयसुखं निशम्य वाक्यं; श्रुतिसुखमात्मवता विनीतमुक्तम्
1086	1017039c	प्रथितगुणयशा गुणैर्विशिष्टः; परम ऋषिः परमं जगाम हर्षम्
1087	1018001a	तच्छ्रुत्वा राजसिंहस्य वाक्यमद्भुतविस्तरम्
1088	1018001c	हृष्टरोमा महातेजा विश्वामित्रोऽभ्यभाषत
1089	1018002a	सदृशं राजशार्दूल तवैतद्भुवि नान्यतः
1090	1018002c	महावंशप्रसूतस्य वसिष्ठव्यपदेशिनः
1091	1018003a	यत्तु मे हृद्गतं वाक्यं तस्य कार्यस्य निश्चयम्
1092	1018003c	कुरुष्व राजशार्दूल भव सत्यप्रतिश्रवः
1093	1018004a	अहं नियममातिष्ठ सिद्ध्यर्थं पुरुषर्षभ
1094	1018004c	तस्य विघ्नकरौ द्वौ तु राक्षसौ कामरूपिणौ
1095	1018005a	व्रते मे बहुशश्चीर्णे समाप्त्यां राक्षसाविमौ
1096	1018005c	मारीचश्च सुबाहुश्च वीर्यवन्तौ सुशिक्षितौ
1097	1018005e	तौ मांसरुधिरौघेण वेदिं तामभ्यवर्षताम्
1098	1018006a	अवधूते तथा भूते तस्मिन्नियमनिश्चये
1099	1018006c	कृतश्रमो निरुत्साहस्तस्माद्देशादपाक्रमे
1100	1018007a	न च मे क्रोधमुत्स्रष्टुं बुद्धिर्भवति पार्थिव
1101	1018007c	तथाभूता हि सा चर्या न शापस्तत्र मुच्यते
1102	1018008a	स्वपुत्रं राजशार्दूल रामं सत्यपराक्रमम्
1103	1018008c	काकपक्षधरं शूरं ज्येष्ठं मे दातुमर्हसि
1104	1018009a	शक्तो ह्येष मया गुप्तो दिव्येन स्वेन तेजसा
1105	1018009c	राक्षसा ये विकर्तारस्तेषामपि विनाशने
1106	1018010a	श्रेयश्चास्मै प्रदास्यामि बहुरूपं न संशयः
1107	1018010c	त्रयाणामपि लोकानां येन ख्यातिं गमिष्यति
1108	1018011a	न च तौ राममासाद्य शक्तौ स्थातुं कथंचन
1109	1018011c	न च तौ राघवादन्यो हन्तुमुत्सहते पुमान्
1110	1018012a	वीर्योत्सिक्तौ हि तौ पापौ कालपाशवशं गतौ
1111	1018012c	रामस्य राजशार्दूल न पर्याप्तौ महात्मनः
1112	1018013a	न च पुत्रकृतं स्नेहं कर्तुमर्हसि पार्थिव
1113	1018013c	अहं ते प्रतिजानामि हतौ तौ विद्धि राक्षसौ
1114	1018014a	अहं वेद्मि महात्मानं रामं सत्यपराक्रमम्
1115	1018014c	वसिष्ठोऽपि महातेजा ये चेमे तपसि स्थिताः
1116	1018015a	यदि ते धर्मलाभं च यशश्च परमं भुवि
1117	1018015c	स्थिरमिच्छसि राजेन्द्र रामं मे दातुमर्हसि
1118	1018016a	यद्यभ्यनुज्ञां काकुत्स्थ ददते तव मन्त्रिणः
1119	1018016c	वसिष्ठ प्रमुखाः सर्वे ततो रामं विसर्जय
1120	1018017a	अभिप्रेतमसंसक्तमात्मजं दातुमर्हसि
1121	1018017c	दशरात्रं हि यज्ञस्य रामं राजीवलोचनम्
1122	1018018a	नात्येति कालो यज्ञस्य यथायं मम राघव
1123	1018018c	तथा कुरुष्व भद्रं ते मा च शोके मनः कृथाः
1124	1018019a	इत्येवमुक्त्वा धर्मात्मा धर्मार्थसहितं वचः
1125	1018019c	विरराम महातेजा विश्वामित्रो महामुनिः
1126	1018020a	इति हृदयमनोविदारणं; मुनिवचनं तदतीव शुश्रुवान्
1127	1018020c	नरपतिरगमद्भयं मह;द्व्यथितमनाः प्रचचाल चासनात्
1128	1019001a	तच्छ्रुत्वा राजशार्दूल विश्वामित्रस्य भाषितम्
1129	1019001c	मुहूर्तमिव निःसंज्ञः संज्ञावानिदमब्रवीत्
1130	1019002a	ऊनषोडशवर्षो मे रामो राजीवलोचनः
1131	1019002c	न युद्धयोग्यतामस्य पश्यामि सह राक्षसैः
1132	1019003a	इयमक्षौहिणी पूर्णा यस्याहं पतिरीश्वरः
1133	1019003c	अनया संवृतो गत्वा योधाहं तैर्निशाचरैः
1134	1019004a	इमे शूराश्च विक्रान्ता भृत्या मेऽस्त्रविशारदाः
1135	1019004c	योग्या रक्षोगणैर्योद्धुं न रामं नेतुमर्हसि
1136	1019005a	अहमेव धनुष्पाणिर्गोप्ता समरमूर्धनि
1137	1019005c	यावत्प्राणान्धरिष्यामि तावद्योत्स्ये निशाचरैः
1138	1019006a	निर्विघ्ना व्रतचर्या सा भविष्यति सुरक्षिता
1139	1019006c	अहं तत्र गमिष्यामि न राम नेतुमर्हसि
1140	1019007a	बालो ह्यकृतविद्यश्च न च वेत्ति बलाबलम्
1141	1019007c	न चास्त्रबलसंयुक्तो न च युद्धविशारदः
1142	1019007e	न चासौ रक्षसां योग्यः कूटयुद्धा हि ते ध्रुवम्
1143	1019008a	विप्रयुक्तो हि रामेण मुहूर्तमपि नोत्सहे
1144	1019008c	जीवितुं मुनिशार्दूल न रामं नेतुमर्हसि
1145	1019009a	यदि वा राघवं ब्रह्मन्नेतुमिच्छसि सुव्रत
1146	1019009c	चतुरङ्गसमायुक्तं मया सह च तं नय
1147	1019010a	षष्टिर्वर्षसहस्राणि जातस्य मम कौशिक
1148	1019010c	दुःखेनोत्पादितश्चायं न रामं नेतुमर्हसि
1149	1019011a	चतुर्णामात्मजानां हि प्रीतिः परमिका मम
1150	1019011c	ज्येष्ठं धर्मप्रधानं च न रामं नेतुमर्हसि
1151	1019012a	किं वीर्या राक्षसास्ते च कस्य पुत्राश्च के च ते
1152	1019012c	कथं प्रमाणाः के चैतान्रक्षन्ति मुनिपुंगव
1153	1019013a	कथं च प्रतिकर्तव्यं तेषां रामेण रक्षसाम्
1154	1019013c	मामकैर्वा बलैर्ब्रह्मन्मया वा कूटयोधिनाम्
1155	1019014a	सर्वं मे शंस भगवन्कथं तेषां मया रणे
1156	1019014c	स्थातव्यं दुष्टभावानां वीर्योत्सिक्ता हि राक्षसाः
1157	1019015a	तस्य तद्वचनं श्रुत्वा विश्वामित्रोऽभ्यभाषत
1158	1019015c	पौलस्त्यवंशप्रभवो रावणो नाम राक्षसः
1159	1019016a	स ब्रह्मणा दत्तवरस्त्रैलोक्यं बाधते भृशम्
1160	1019016c	महाबलो महावीर्यो राक्षसैर्बहुभिर्वृतः
1161	1019017a	श्रूयते हि महावीर्यो रावणो राक्षसाधिपः
1162	1019017c	साक्षाद्वैश्रवणभ्राता पुत्रो विश्रवसो मुनेः
1163	1019018a	यदा स्वयं न यज्ञस्य विघ्नकर्ता महाबलः
1164	1019018c	तेन संचोदितौ तौ तु राक्षसौ सुमहा बलौ
1165	1019018e	मारीचश्च सुबाहुश्च यज्ञविघ्नं करिष्यतः
1166	1019019a	इत्युक्तो मुनिना तेन राजोवाच मुनिं तदा
1167	1019019c	न हि शक्तोऽस्मि संग्रामे स्थातुं तस्य दुरात्मनः
1168	1019020a	स त्वं प्रसादं धर्मज्ञ कुरुष्व मम पुत्रके
1169	1019020c	देवदानवगन्धर्वा यक्षाः पतग पन्नगाः
1170	1019021a	न शक्ता रावणं सोढुं किं पुनर्मानवा युधि
1171	1019021c	स हि वीर्यवतां वीर्यमादत्ते युधि राक्षसः
1172	1019022a	तेन चाहं न शक्तोऽस्मि संयोद्धुं तस्य वा बलैः
1173	1019022c	सबलो वा मुनिश्रेष्ठ सहितो वा ममात्मजैः
1174	1019023a	कथमप्यमरप्रख्यं संग्रामाणामकोविदम्
1175	1019023c	बालं मे तनयं ब्रह्मन्नैव दास्यामि पुत्रकम्
1176	1019024a	अथ कालोपमौ युद्धे सुतौ सुन्दोपसुन्दयोः
1177	1019024c	यज्ञविघ्नकरौ तौ ते नैव दास्यामि पुत्रकम्
1178	1019025a	मारीचश्च सुबाहुश्च वीर्यवन्तौ सुशिक्षितौ
1179	1019025c	तयोरन्यतरेणाहं योद्धा स्यां ससुहृद्गणः
1180	1020001a	तच्छ्रुत्वा वचनं तस्य स्नेहपर्याकुलाक्षरम्
1181	1020001c	समन्युः कौशिको वाक्यं प्रत्युवच महीपतिम्
1182	1020002a	पूर्वमर्थं प्रतिश्रुत्य प्रतिज्ञां हातुमिच्छसि
1183	1020002c	रागवाणामयुक्तोऽयं कुलस्यास्य विपर्ययः
1184	1020003a	यदिदं ते क्षमं राजन्गमिष्यामि यथागतम्
1185	1020003c	मिथ्याप्रतिज्ञः काकुत्स्थ सुखी भव सबान्धवः
1186	1020004a	तस्य रोषपरीतस्य विश्वामित्रस्य धीमतः
1187	1020004c	चचाल वसुधा कृत्स्ना विवेश च भयं सुरान्
1188	1020005a	त्रस्तरूपं तु विज्ञाय जगत्सर्वं महानृषिः
1189	1020005c	नृपतिं सुव्रतो धीरो वसिष्ठो वाक्यमब्रवीत्
1190	1020006a	इक्ष्वाकूणां कुले जातः साक्षाद्धर्म इवापरः
1191	1020006c	धृतिमान्सुव्रतः श्रीमान्न धर्मं हातुमर्हसि
1192	1020007a	त्रिषु लोकेषु विख्यातो धर्मात्मा इति राघवः
1193	1020007c	स्वधर्मं प्रतिपद्यस्व नाधर्मं वोढुमर्हसि
1194	1020008a	संश्रुत्यैवं करिष्यामीत्यकुर्वाणस्य राघव
1195	1020008c	इष्टापूर्तवधो भूयात्तस्माद्रामं विसर्जय
1196	1020009a	कृतास्त्रमकृतास्त्रं वा नैनं शक्ष्यन्ति राक्षसाः
1197	1020009c	गुप्तं कुशिकपुत्रेण ज्वलनेनामृतं यथा
1198	1020010a	एष विग्रहवान्धर्म एष वीर्यवतां वरः
1199	1020010c	एष बुद्ध्याधिको लोके तपसश्च परायणम्
1200	1020011a	एषोऽस्त्रान्विविधान्वेत्ति त्रैलोक्ये सचराचरे
1201	1020011c	नैनमन्यः पुमान्वेत्ति न च वेत्स्यन्ति केचन
1202	1020012a	न देवा नर्षयः केचिन्नासुरा न च राक्षसाः
1203	1020012c	गन्धर्वयक्षप्रवराः सकिंनरमहोरगाः
1204	1020013a	सर्वास्त्राणि कृशाश्वस्य पुत्राः परमधार्मिकाः
1205	1020013c	कौशिकाय पुरा दत्ता यदा राज्यं प्रशासति
1206	1020014a	तेऽपि पुत्राः कृशाश्वस्य प्रजापतिसुतासुताः
1207	1020014c	नकरूपा महावीर्या दीप्तिमन्तो जयावहाः
1208	1020015a	जया च सुप्रभा चैव दक्षकन्ये सुमध्यमे
1209	1020015c	ते सुवातेऽस्त्रशस्त्राणि शतं परम भास्वरम्
1210	1020016a	पञ्चाशतं सुताँल्लेभे जया नाम वरान्पुरा
1211	1020016c	वधायासुरसैन्यानाममेयान्कामरूपिणः
1212	1020017a	सुप्रभाजनयच्चापि पुत्रान्पञ्चाशतं पुनः
1213	1020017c	संहारान्नाम दुर्धर्षान्दुराक्रामान्बलीयसः
1214	1020018a	तानि चास्त्राणि वेत्त्येष यथावत्कुशिकात्मजः
1215	1020018c	अपूर्वाणां च जनने शक्तो भूयश्च धर्मवित्
1216	1020019a	एवं वीर्यो महातेजा विश्वामित्रो महातपाः
1217	1020019c	न रामगमने राजन्संशयं गन्तुमर्हसि
1218	1021001a	तथा वसिष्ठे ब्रुवति राजा दशरथः सुतम्
1219	1021001c	प्रहृष्टवदनो राममाजुहाव सलक्ष्मणम्
1220	1021002a	कृतस्वस्त्ययनं मात्रा पित्रा दशरथेन च
1221	1021002c	पुरोधसा वसिष्ठेन मङ्गलैरभिमन्त्रितम्
1222	1021003a	स पुत्रं मूर्ध्न्युपाघ्राय राजा दशरथः प्रियम्
1223	1021003c	ददौ कुशिकपुत्राय सुप्रीतेनान्तरात्मना
1224	1021004a	ततो वायुः सुखस्पर्शो विरजस्को ववौ तदा
1225	1021004c	विश्वामित्रगतं रामं दृष्ट्वा राजीवलोचनम्
1226	1021005a	पुष्पवृष्टिर्महत्यासीद्देवदुन्दुभिनिस्वनः
1227	1021005c	शङ्खदुन्दुभिनिर्घोषः प्रयाते तु महात्मनि
1228	1021006a	विश्वामित्रो ययावग्रे ततो रामो महायशाः
1229	1021006c	काकपक्षधरो धन्वी तं च सौमित्रिरन्वगात्
1230	1021007a	कलापिनौ धनुष्पाणी शोभयानौ दिशो दश
1231	1021007c	विश्वामित्रं महात्मानं त्रिशीर्षाविव पन्नगौ
1232	1021007e	अनुजग्मतुरक्षुद्रौ पितामहमिवाश्विनौ
1233	1021008a	बद्धगोधाङ्गुलित्राणौ खड्गवन्तौ महाद्युती
1234	1021008c	स्थाणुं देवमिवाचिन्त्यं कुमाराविव पावकी
1235	1021009a	अध्यर्धयोजनं गत्वा सरय्वा दक्षिणे तटे
1236	1021009c	रामेति मधुरा वाणीं विश्वामित्रोऽभ्यभाषत
1237	1021010a	गृहाण वत्स सलिलं मा भूत्कालस्य पर्ययः
1238	1021010c	मन्त्रग्रामं गृहाण त्वं बलामतिबलां तथा
1239	1021011a	न श्रमो न ज्वरो वा ते न रूपस्य विपर्ययः
1240	1021011c	न च सुप्तं प्रमत्तं वा धर्षयिष्यन्ति नैरृताः
1241	1021012a	न बाह्वोः सदृशो वीर्ये पृथिव्यामस्ति कश्चन
1242	1021012c	त्रिषु लोकेषु वा राम न भवेत्सदृशस्तव
1243	1021013a	न सौभाग्ये न दाक्षिण्ये न ज्ञाने बुद्धिनिश्चये
1244	1021013c	नोत्तरे प्रतिपत्तव्यो समो लोके तवानघ
1245	1021014a	एतद्विद्याद्वये लब्धे भविता नास्ति ते समः
1246	1021014c	बला चातिबला चैव सर्वज्ञानस्य मातरौ
1247	1021015a	क्षुत्पिपासे न ते राम भविष्येते नरोत्तम
1248	1021015c	बलामतिबलां चैव पठतः पथि राघव
1249	1021015e	विद्याद्वयमधीयाने यशश्चाप्यतुलं भुवि
1250	1021016a	पितामहसुते ह्येते विद्ये तेजःसमन्विते
1251	1021016c	प्रदातुं तव काकुत्स्थ सदृशस्त्वं हि धार्मिक
1252	1021017a	कामं बहुगुणाः सर्वे त्वय्येते नात्र संशयः
1253	1021017c	तपसा संभृते चैते बहुरूपे भविष्यतः
1254	1021018a	ततो रामो जलं स्पृष्ट्वा प्रहृष्टवदनः शुचिः
1255	1021018c	प्रतिजग्राह ते विद्ये महर्षेर्भावितात्मनः
1256	1021018e	विद्यासमुदितो रामः शुशुभे भूरिविक्रमः
1257	1021019a	गुरुकार्याणि सर्वाणि नियुज्य कुशिकात्मजे
1258	1021019c	ऊषुस्तां रजनीं तत्र सरय्वां सुसुखं त्रयः
1259	1022001a	प्रभातायां तु शर्वर्यां विश्वामित्रो महामुनिः
1260	1022001c	अभ्यभाषत काकुत्स्थं शयानं पर्णसंस्तरे
1261	1022002a	कौसल्या सुप्रजा राम पूर्वा संध्या प्रवर्तते
1262	1022002c	उत्तिष्ठ नरशार्दूल कर्तव्यं दैवमाह्निकम्
1263	1022003a	तस्यर्षेः परमोदारं वचः श्रुत्वा नृपात्मजौ
1264	1022003c	स्नात्वा कृतोदकौ वीरौ जेपतुः परमं जपम्
1265	1022004a	कृताह्निकौ महावीर्यौ विश्वामित्रं तपोधनम्
1266	1022004c	अभिवाद्याभिसंहृष्टौ गमनायोपतस्थतुः
1267	1022005a	तौ प्रयाते महावीर्यौ दिव्यं त्रिपथगां नदीम्
1268	1022005c	ददृशाते ततस्तत्र सरय्वाः संगमे शुभे
1269	1022006a	तत्राश्रमपदं पुण्यमृषीणामुग्रतेजसाम्
1270	1022006c	बहुवर्षसहस्राणि तप्यतां परमं तपः
1271	1022007a	तं दृष्ट्वा परमप्रीतौ राघवौ पुण्यमाश्रमम्
1272	1022007c	ऊचतुस्तं महात्मानं विश्वामित्रमिदं वचः
1273	1022008a	कस्यायमाश्रमः पुण्यः को न्वस्मिन्वसते पुमान्
1274	1022008c	भगवञ्श्रोतुमिच्छावः परं कौतूहलं हि नौ
1275	1022009a	तयोस्तद्वचनं श्रुत्वा प्रहस्य मुनिपुंगवः
1276	1022009c	अब्रवीच्छ्रूयतां राम यस्यायं पूर्व आश्रमः
1277	1022010a	कन्दर्पो मूर्तिमानासीत्काम इत्युच्यते बुधैः
1278	1022011a	तपस्यन्तमिह स्थाणुं नियमेन समाहितम्
1279	1022011c	कृतोद्वाहं तु देवेशं गच्छन्तं समरुद्गणम्
1280	1022011e	धर्षयामास दुर्मेधा हुंकृतश्च महात्मना
1281	1022012a	दग्धस्य तस्य रौद्रेण चक्षुषा रघुनन्दन
1282	1022012c	व्यशीर्यन्त शरीरात्स्वात्सर्वगात्राणि दुर्मतेः
1283	1022013a	तस्य गात्रं हतं तत्र निर्दग्धस्य महात्मना
1284	1022013c	अशरीरः कृतः कामः क्रोधाद्देवेश्वरेण ह
1285	1022014a	अनङ्ग इति विख्यातस्तदा प्रभृति राघव
1286	1022014c	स चाङ्गविषयः श्रीमान्यत्राङ्गं स मुमोच ह
1287	1022015a	तस्यायमाश्रमः पुण्यस्तस्येमे मुनयः पुरा
1288	1022015c	शिष्या धर्मपरा वीर तेषां पापं न विद्यते
1289	1022016a	इहाद्य रजनीं राम वसेम शुभदर्शन
1290	1022016c	पुण्ययोः सरितोर्मध्ये श्वस्तरिष्यामहे वयम्
1291	1022017a	तेषां संवदतां तत्र तपो दीर्घेण चक्षुषा
1292	1022017c	विज्ञाय परमप्रीता मुनयो हर्षमागमन्
1293	1022018a	अर्घ्यं पाद्यं तथातिथ्यं निवेद्यकुशिकात्मजे
1294	1022018c	रामलक्ष्मणयोः पश्चादकुर्वन्नतिथिक्रियाम्
1295	1022019a	सत्कारं समनुप्राप्य कथाभिरभिरञ्जयन्
1296	1022019c	न्यवसन्सुसुखं तत्र कामाश्रमपदे तदा
1297	1023001a	ततः प्रभाते विमले कृताह्निकमरिंदमौ
1298	1023001c	विश्वामित्रं पुरस्कृत्य नद्यास्तीरमुपागतौ
1299	1023002a	ते च सर्वे महात्मानो मुनयः संशितव्रताः
1300	1023002c	उपस्थाप्य शुभां नावं विश्वामित्रमथाब्रुवन्
1301	1023003a	आरोहतु भवान्नावं राजपुत्रपुरस्कृतः
1302	1023003c	अरिष्टं गच्छ पन्थानं मा भूत्कालस्य पर्ययः
1303	1023004a	विश्वामित्रस्तथेत्युक्त्वा तानृषीनभिपूज्य च
1304	1023004c	ततार सहितस्ताभ्यां सरितं सागरं गमाम्
1305	1023005a	अथ रामः सरिन्मध्ये पप्रच्छ मुनिपुङ्गवम्
1306	1023005c	वारिणो भिद्यमानस्य किमयं तुमुलो ध्वनिः
1307	1023006a	राघवस्य वचः श्रुत्वा कौतूहल समन्वितम्
1308	1023006c	कथयामास धर्मात्मा तस्य शब्दस्य निश्चयम्
1309	1023007a	कैलासपर्वते राम मनसा निर्मितं सरः
1310	1023007c	ब्रह्मणा नरशार्दूल तेनेदं मानसं सरः
1311	1023008a	तस्मात्सुस्राव सरसः सायोध्यामुपगूहते
1312	1023008c	सरःप्रवृत्ता सरयूः पुण्या ब्रह्मसरश्च्युता
1313	1023009a	तस्यायमतुलः शब्दो जाह्नवीमभिवर्तते
1314	1023009c	वारिसंक्षोभजो राम प्रणामं नियतः कुरु
1315	1023010a	ताभ्यां तु तावुभौ कृत्वा प्रणाममतिधार्मिकौ
1316	1023010c	तीरं दक्षिणमासाद्य जग्मतुर्लघुविक्रमौ
1317	1023011a	स वनं घोरसंकाशं दृष्ट्वा नृपवरात्मजः
1318	1023011c	अविप्रहतमैक्ष्वाकः पप्रच्छ मुनिपुंगवम्
1319	1023012a	अहो वनमिदं दुर्गं झिल्लिकागणनादितम्
1320	1023012c	भैरवैः श्वापदैः कीर्णं शकुन्तैर्दारुणारवैः
1321	1023013a	नानाप्रकारैः शकुनैर्वाश्यद्भिर्भैरवस्वनैः
1322	1023013c	सिंहव्याघ्रवराहैश्च वारणैश्चापि शोभितम्
1323	1023014a	धवाश्वकर्णककुभैर्बिल्वतिन्दुकपाटलैः
1324	1023014c	संकीर्णं बदरीभिश्च किं न्विदं दारुणं वनम्
1325	1023015a	तमुवाच महातेजा विश्वामित्रो महामुनिः
1326	1023015c	श्रूयतां वत्स काकुत्स्थ यस्यैतद्दारुणं वनम्
1327	1023016a	एतौ जनपदौ स्फीतौ पूर्वमास्तां नरोत्तम
1328	1023016c	मलदाश्च करूषाश्च देवनिर्माण निर्मितौ
1329	1023017a	पुरा वृत्रवधे राम मलेन समभिप्लुतम्
1330	1023017c	क्षुधा चैव सहस्राक्षं ब्रह्महत्या यदाविशत्
1331	1023018a	तमिन्द्रं स्नापयन्देवा ऋषयश्च तपोधनाः
1332	1023018c	कलशैः स्नापयामासुर्मलं चास्य प्रमोचयन्
1333	1023019a	इह भूम्यां मलं दत्त्वा दत्त्वा कारुषमेव च
1334	1023019c	शरीरजं महेन्द्रस्य ततो हर्षं प्रपेदिरे
1335	1023020a	निर्मलो निष्करूषश्च शुचिरिन्द्रो यदाभवत्
1336	1023020c	ददौ देशस्य सुप्रीतो वरं प्रभुरनुत्तमम्
1337	1023021a	इमौ जनपदौ स्थीतौ ख्यातिं लोके गमिष्यतः
1338	1023021c	मलदाश्च करूषाश्च ममाङ्गमलधारिणौ
1339	1023022a	साधु साध्विति तं देवाः पाकशासनमब्रुवन्
1340	1023022c	देशस्य पूजां तां दृष्ट्वा कृतां शक्रेण धीमता
1341	1023023a	एतौ जनपदौ स्थीतौ दीर्घकालमरिंदम
1342	1023023c	मलदाश्च करूषाश्च मुदितौ धनधान्यतः
1343	1023024a	कस्यचित्त्वथ कालस्य यक्षी वै कामरूपिणी
1344	1023024c	बलं नागसहस्रस्य धारयन्ती तदा ह्यभूत्
1345	1023025a	ताटका नाम भद्रं ते भार्या सुन्दस्य धीमतः
1346	1023025c	मारीचो राक्षसः पुत्रो यस्याः शक्रपराक्रमः
1347	1023026a	इमौ जनपदौ नित्यं विनाशयति राघव
1348	1023026c	मलदांश्च करूषांश्च ताटका दुष्टचारिणी
1349	1023027a	सेयं पन्थानमावार्य वसत्यत्यर्धयोजने
1350	1023027c	अत एव च गन्तव्यं ताटकाया वनं यतः
1351	1023028a	स्वबाहुबलमाश्रित्य जहीमां दुष्टचारिणीम्
1352	1023028c	मन्नियोगादिमं देशं कुरु निष्कण्टकं पुनः
1353	1023029a	न हि कश्चिदिमं देशं शक्रोत्यागन्तुमीदृशम्
1354	1023029c	यक्षिण्या घोरया राम उत्सादितमसह्यया
1355	1023030a	एतत्ते सर्वमाख्यातं यथैतद्दरुणं वनम्
1356	1023030c	यक्ष्या चोत्सादितं सर्वमद्यापि न निवर्तते
1357	1024001a	अथ तस्याप्रमेयस्य मुनेर्वचनमुत्तमम्
1358	1024001c	श्रुत्वा पुरुषशार्दूलः प्रत्युवाच शुभां गिरम्
1359	1024002a	अल्पवीर्या यदा यक्षाः श्रूयन्ते मुनिपुंगव
1360	1024002c	कथं नागसहस्रस्य धारयत्यबला बलम्
1361	1024003a	विश्वामित्रोऽब्रवीद्वाक्यं शृणु येन बलोत्तरा
1362	1024003c	वरदानकृतं वीर्यं धारयत्यबला बलम्
1363	1024004a	पूर्वमासीन्महायक्षः सुकेतुर्नाम वीर्यवान्
1364	1024004c	अनपत्यः शुभाचारः स च तेपे महत्तपः
1365	1024005a	पितामहस्तु सुप्रीतस्तस्य यक्षपतेस्तदा
1366	1024005c	कन्यारत्नं ददौ राम ताटकां नाम नामतः
1367	1024006a	ददौ नागसहस्रस्य बलं चास्याः पितामहः
1368	1024006c	न त्वेव पुत्रं यक्षाय ददौ ब्रह्मा महायशाः
1369	1024007a	तां तु जातां विवर्धन्तीं रूपयौवनशालिनीम्
1370	1024007c	जम्भपुत्राय सुन्दाय ददौ भार्यां यशस्विनीम्
1371	1024008a	कस्यचित्त्वथ कालल्स्य यक्षी पुत्रं व्यजायत
1372	1024008c	मारीचं नाम दुर्धर्षं यः शापाद्राक्षसोऽभवत्
1373	1024009a	सुन्दे तु निहते राम अगस्त्यमृषिसत्तमम्
1374	1024009c	ताटका सह पुत्रेण प्रधर्षयितुमिच्छति
1375	1024010a	राक्षसत्वं भजस्वेति मारीचं व्याजहार सः
1376	1024010c	अगस्त्यः परमक्रुद्धस्ताटकामपि शप्तवान्
1377	1024011a	पुरुषादी महायक्षी विरूपा विकृतानना
1378	1024011c	इदं रूपमपहाय दारुणं रूपमस्तु ते
1379	1024012a	सैषा शापकृतामर्षा ताटका क्रोधमूर्छिता
1380	1024012c	देशमुत्सादयत्येनमगस्त्यचरितं शुभम्
1381	1024013a	एनां राघव दुर्वृत्तां यक्षीं परमदारुणाम्
1382	1024013c	गोब्राह्मणहितार्थाय जहि दुष्टपराक्रमाम्
1383	1024014a	न ह्येनां शापसंसृष्टां कश्चिदुत्सहते पुमान्
1384	1024014c	निहन्तुं त्रिषु लोकेषु त्वामृते रघुनन्दन
1385	1024015a	न हि ते स्त्रीवधकृते घृणा कार्या नरोत्तम
1386	1024015c	चातुर्वर्ण्यहितार्थाय कर्तव्यं राजसूनुना
1387	1024016a	राज्यभारनियुक्तानामेष धर्मः सनातनः
1388	1024016c	अधर्म्यां जहि काकुत्स्ह धर्मो ह्यस्या न विद्यते
1389	1024017a	श्रूयते हि पुरा शक्रो विरोचनसुतां नृप
1390	1024017c	पृथिवीं हन्तुमिच्छन्तीं मन्थरामभ्यसूदयत्
1391	1024018a	विष्णुना च पुरा राम भृगुपत्नी दृढव्रता
1392	1024018c	अनिन्द्रं लोकमिच्छन्ती काव्यमाता निषूदिता
1393	1024019a	एतैश्चान्यैश्च बहुभी राजपुत्रमहात्मभिः
1394	1024019c	अधर्मनिरता नार्यो हताः पुरुषसत्तमैः
1395	1025001a	मुनेर्वचनमक्लीबं श्रुत्वा नरवरात्मजः
1396	1025001c	राघवः प्राञ्जलिर्भूत्वा प्रत्युवाच दृढव्रतः
1397	1025002a	पितुर्वचननिर्देशात्पितुर्वचनगौरवात्
1398	1025002c	वचनं कौशिकस्येति कर्तव्यमविशङ्कया
1399	1025003a	अनुशिष्टोऽस्म्ययोध्यायां गुरुमध्ये महात्मना
1400	1025003c	पित्रा दशरथेनाहं नावज्ञेयं च तद्वचः
1401	1025004a	सोऽहं पितुर्वचः श्रुत्वा शासनाद्ब्रह्म वादिनः
1402	1025004c	करिष्यामि न संदेहस्ताटकावधमुत्तमम्
1403	1025005a	गोब्राह्मणहितार्थाय देशस्यास्य सुखाय च
1404	1025005c	तव चैवाप्रमेयस्य वचनं कर्तुमुद्यतः
1405	1025006a	एवमुक्त्वा धनुर्मध्ये बद्ध्वा मुष्टिमरिंदमः
1406	1025006c	ज्याशब्दमकरोत्तीव्रं दिशः शब्देन पूरयन्
1407	1025007a	तेन शब्देन वित्रस्तास्ताटका वनवासिनः
1408	1025007c	ताटका च सुसंक्रुद्धा तेन शब्देन मोहिता
1409	1025008a	तं शब्दमभिनिध्याय राक्षसी क्रोधमूर्छिता
1410	1025008c	श्रुत्वा चाभ्यद्रवद्वेगाद्यतः शब्दो विनिःसृतः
1411	1025009a	तां दृष्ट्वा राघवः क्रुद्धां विकृतां विकृताननाम्
1412	1025009c	प्रमाणेनातिवृद्धां च लक्ष्मणं सोऽभ्यभाषत
1413	1025010a	पश्य लक्ष्मण यक्षिण्या भैरवं दारुणं वपुः
1414	1025010c	भिद्येरन्दर्शनादस्या भीरूणां हृदयानि च
1415	1025011a	एनां पश्य दुराधर्षां माया बलसमन्विताम्
1416	1025011c	विनिवृत्तां करोम्यद्य हृतकर्णाग्रनासिकाम्
1417	1025012a	न ह्येनामुत्सहे हन्तुं स्त्रीस्वभावेन रक्षिताम्
1418	1025012c	वीर्यं चास्या गतिं चापि हनिष्यामीति मे मतिः
1419	1025013a	एवं ब्रुवाणे रामे तु ताटका क्रोधमूर्छिता
1420	1025013c	उद्यम्य बाहू गर्जन्ती राममेवाभ्यधावत
1421	1025014a	तामापतन्तीं वेगेन विक्रान्तामशनीमिव
1422	1025014c	शरेणोरसि विव्याध सा पपात ममार च
1423	1025015a	तां हतां भीमसंकाशां दृष्ट्वा सुरपतिस्तदा
1424	1025015c	साधु साध्विति काकुत्स्थं सुराश्च समपूजयन्
1425	1025016a	उवाच परमप्रीतः सहस्राक्षः पुरंदरः
1426	1025016c	सुराश्च सर्वे संहृष्टा विश्वामित्रमथाब्रुवन्
1427	1025017a	मुने कौशिके भद्रं ते सेन्द्राः सर्वे मरुद्गणाः
1428	1025017c	तोषिताः कर्मणानेन स्नेहं दर्शय राघवे
1429	1025018a	प्रजापतेर्भृशाश्वस्य पुत्रान्सत्यपराक्रमान्
1430	1025018c	तपोबलभृतान्ब्रह्मन्राघवाय निवेदय
1431	1025019a	पात्रभूतश्च ते ब्रह्मंस्तवानुगमने धृतः
1432	1025019c	कर्तव्यं च महत्कर्म सुराणां राजसूनुना
1433	1025020a	एवमुक्त्वा सुराः सर्वे हृष्टा जग्मुर्यथागतम्
1434	1025020c	विश्वामित्रं पूजयित्वा ततः संध्या प्रवर्तते
1435	1025021a	ततो मुनिवरः प्रीतिस्ताटका वधतोषितः
1436	1025021c	मूर्ध्नि राममुपाघ्राय इदं वचनमब्रवीत्
1437	1025022a	इहाद्य रजनीं राम वसेम शुभदर्शन
1438	1025022c	श्वः प्रभाते गमिष्यामस्तदाश्रमपदं मम
1439	1026001a	अथ तां रजनीमुष्य विश्वामिरो महायशाः
1440	1026001c	प्रहस्य राघवं वाक्यमुवाच मधुराक्षरम्
1441	1026002a	पतितुष्टोऽस्मि भद्रं ते राजपुत्र महायशः
1442	1026002c	प्रीत्या परमया युक्तो ददाम्यस्त्राणि सर्वशः
1443	1026003a	देवासुरगणान्वापि सगन्धर्वोरगानपि
1444	1026003c	यैरमित्रान्प्रसह्याजौ वशीकृत्य जयिष्यसि
1445	1026004a	तानि दिव्यानि भद्रं ते ददाम्यस्त्राणि सर्वशः
1446	1026004c	दण्डचक्रं महद्दिव्यं तव दास्यामि राघव
1447	1026005a	धर्मचक्रं ततो वीर कालचक्रं तथैव च
1448	1026005c	विष्णुचक्रं तथात्युग्रमैन्द्रं चक्रं तथैव च
1449	1026006a	वज्रमस्त्रं नरश्रेष्ठ शैवं शूलवरं तथा
1450	1026006c	अस्त्रं ब्रह्मशिरश्चैव ऐषीकमपि राघव
1451	1026007a	ददामि ते महाबाहो ब्राह्ममस्त्रमनुत्तमम्
1452	1026007c	गदे द्वे चैव काकुत्स्थ मोदकी शिखरी उभे
1453	1026008a	प्रदीप्ते नरशार्दूल प्रयच्छामि नृपात्मज
1454	1026008c	धर्मपाशमहं राम कालपाशं तथैव च
1455	1026009a	वारुणं पाशमस्त्रं च ददान्यहमनुत्तमम्
1456	1026009c	अशनी द्वे प्रयच्छामि शुष्कार्द्रे रघुनन्दन
1457	1026010a	ददामि चास्त्रं पैनाकमस्त्रं नारायणं तथा
1458	1026010c	आग्नेयमस्त्र दयितं शिखरं नाम नामतः
1459	1026011a	वायव्यं प्रथमं नाम ददामि तव राघव
1460	1026011c	अस्त्रं हयशिरो नाम क्रौञ्चमस्त्रं तथैव च
1461	1026012a	शक्ति द्वयं च काकुत्स्थ ददामि तव चानघ
1462	1026012c	कङ्कालं मुसलं घोरं कापालमथ कङ्कणम्
1463	1026013a	धारयन्त्यसुरा यानि ददाम्येतानि सर्वशः
1464	1026013c	वैद्याधरं महास्त्रं च नन्दनं नाम नामतः
1465	1026014a	असिरत्नं महाबाहो ददामि नृवरात्मज
1466	1026014c	गान्धर्वमस्त्रं दयितं मानवं नाम नामतः
1467	1026015a	प्रस्वापनप्रशमने दद्मि सौरं च राघव
1468	1026015c	दर्पणं शोषणं चैव संतापनविलापने
1469	1026016a	मदनं चैव दुर्धर्षं कन्दर्पदयितं तथा
1470	1026016c	पैशाचमस्त्रं दयितं मोहनं नाम नामतः
1471	1026016e	प्रतीच्छ नरशार्दूल राजपुत्र महायशः
1472	1026017a	तामसं नरशार्दूल सौमनं च महाबलम्
1473	1026017c	संवर्तं चैव दुर्धर्षं मौसलं च नृपात्मज
1474	1026018a	सत्यमस्त्रं महाबाहो तथा मायाधरं परम्
1475	1026018c	घोरं तेजःप्रभं नाम परतेजोऽपकर्षणम्
1476	1026019a	सोमास्त्रं शिशिरं नाम त्वाष्ट्रमस्त्रं सुदामनम्
1477	1026019c	दारुणं च भगस्यापि शीतेषुमथ मानवम्
1478	1026020a	एतान्नाम महाबाहो कामरूपान्महाबलान्
1479	1026020c	गृहाण परमोदारान्क्षिप्रमेव नृपात्मज
1480	1026021a	स्थितस्तु प्राङ्मुखो भूत्वा शुचिर्निवरतस्तदा
1481	1026021c	ददौ रामाय सुप्रीतो मन्त्रग्राममनुत्तमम्
1482	1026022a	जपतस्तु मुनेस्तस्य विश्वामित्रस्य धीमतः
1483	1026022c	उपतस्थुर्महार्हाणि सर्वाण्यस्त्राणि राघवम्
1484	1026023a	ऊचुश्च मुदिता रामं सर्वे प्राञ्जलयस्तदा
1485	1026023c	इमे स्म परमोदार किंकरास्तव राघव
1486	1026024a	प्रतिगृह्य च काकुत्स्थः समालभ्य च पाणिना
1487	1026024c	मनसा मे भविष्यध्वमिति तान्यभ्यचोदयत्
1488	1026025a	ततः प्रीतमना रामो विश्वामित्रं महामुनिम्
1489	1026025c	अभिवाद्य महातेजा गमनायोपचक्रमे
1490	1027001a	प्रतिगृह्य ततोऽस्त्राणि प्रहृष्टवदनः शुचिः
1491	1027001c	गच्छन्नेव च काकुत्स्थो विश्वामित्रमथाब्रवीत्
1492	1027002a	गृहीतास्त्रोऽस्मि भगवन्दुराधर्षः सुरैरपि
1493	1027002c	अस्त्राणां त्वहमिच्छामि संहारं मुनिपुंगव
1494	1027003a	एवं ब्रुवति काकुत्स्थे विश्वामित्रो महामुनिः
1495	1027003c	संहारं व्याजहाराथ धृतिमान्सुव्रतः शुचिः
1496	1027004a	सत्यवन्तं सत्यकीर्तिं धृष्टं रभसमेव च
1497	1027004c	प्रतिहारतरं नाम पराङ्मुखमवाङ्मुखम्
1498	1027005a	लक्षाक्षविषमौ चैव दृढनाभसुनाभकौ
1499	1027005c	दशाक्षशतवक्त्रौ च दशशीर्षशतोदरौ
1500	1027006a	पद्मनाभमहानाभौ दुन्दुनाभसुनाभकौ
1501	1027006c	ज्योतिषं कृशनं चैव नैराश्य विमलावुभौ
1502	1027007a	यौगन्धरहरिद्रौ च दैत्यप्रमथनौ तथा
1503	1027007c	पित्र्यं सौमनसं चैव विधूतमकरावुभौ
1504	1027008a	करवीरकरं चैव धनधान्यौ च राघव
1505	1027008c	कामरूपं कामरुचिं मोहमावरणं तथा
1506	1027009a	जृम्भकं सर्वनाभं च सन्तानवरणौ तथा
1507	1027009c	भृशाश्वतनयान्राम भास्वरान्कामरूपिणः
1508	1027010a	प्रतीच्छ मम भद्रं ते पात्रभूतोऽसि राघव
1509	1027010c	दिव्यभास्वरदेहाश्च मूर्तिमन्तः सुखप्रदाः
1510	1027011a	रामं प्राञ्जलयो भूत्वाब्रुवन्मधुरभाषिणः
1511	1027011c	इमे स्म नरशार्दूल शाधि किं करवाम ते
1512	1027012a	गम्यतामिति तानाह यथेष्टं रघुनन्दनः
1513	1027012c	मानसाः कार्यकालेषु साहाय्यं मे करिष्यथ
1514	1027013a	अथ ते राममामन्त्र्य कृत्वा चापि प्रदक्षिणम्
1515	1027013c	एवमस्त्विति काकुत्स्थमुक्त्वा जग्मुर्यथागतम्
1516	1027014a	स च तान्राघवो ज्ञात्वा विश्वामित्रं महामुनिम्
1517	1027014c	गच्छन्नेवाथ मधुरं श्लक्ष्णं वचनमब्रवीत्
1518	1027015a	किं न्वेतन्मेघसंकाशं पर्वतस्याविदूरतः
1519	1027015c	वृक्षषण्डमितो भाति परं कौतूहलं हि मे
1520	1027016a	दर्शनीयं मृगाकीर्णं मनोहरमतीव च
1521	1027016c	नानाप्रकारैः शकुनैर्वल्गुभाषैरलंकृतम्
1522	1027017a	निःसृताः स्म मुनिश्रेष्ठ कान्ताराद्रोमहर्षणात्
1523	1027017c	अनया त्ववगच्छामि देशस्य सुखवत्तया
1524	1027018a	सर्वं मे शंस भगवन्कस्याश्रमपदं त्विदम्
1525	1027018c	संप्राप्ता यत्र ते पापा ब्रह्मघ्ना दुष्टचारिणः
1526	1028001a	अथ तस्याप्रमेयस्य तद्वनं परिपृच्छतः
1527	1028001c	विश्वामित्रो महातेजा व्याख्यातुमुपचक्रमे
1528	1028002a	एष पूर्वाश्रमो राम वामनस्य महात्मनः
1529	1028002c	सिद्धाश्रम इति ख्यातः सिद्धो ह्यत्र महातपाः
1530	1028003a	एतस्मिन्नेव काले तु राजा वैरोचनिर्बलिः
1531	1028003c	निर्जित्य दैवतगणान्सेन्द्रांश्च समरुद्गणान्
1532	1028003e	कारयामास तद्राज्यं त्रिषु लोकेषु विश्रुतः
1533	1028004a	बलेस्तु यजमानस्य देवाः साग्निपुरोगमाः
1534	1028004c	समागम्य स्वयं चैव विष्णुमूचुरिहाश्रमे
1535	1028005a	बलिर्वैरोचनिर्विष्णो यजते यज्ञमुत्तमम्
1536	1028005c	असमाप्ते क्रतौ तस्मिन्स्वकार्यमभिपद्यताम्
1537	1028006a	ये चैनमभिवर्तन्ते याचितार इतस्ततः
1538	1028006c	यच्च यत्र यथावच्च सर्वं तेभ्यः प्रयच्छति
1539	1028007a	स त्वं सुरहितार्थाय मायायोगमुपाश्रितः
1540	1028007c	वामनत्वं गतो विष्णो कुरु कल्याणमुत्तमम्
1541	1028008a	अयं सिद्धाश्रमो नाम प्रसादात्ते भविष्यति
1542	1028008c	सिद्धे कर्मणि देवेश उत्तिष्ठ भगवन्नितः
1543	1028009a	अथ विष्णुर्महातेजा अदित्यां समजायत
1544	1028009c	वामनं रूपमास्थाय वैरोचनिमुपागमत्
1545	1028010a	त्रीन्क्रमानथ भिक्षित्वा प्रतिगृह्य च मानतः
1546	1028010c	आक्रम्य लोकाँल्लोकात्मा सर्वभूतहिते रतः
1547	1028011a	महेन्द्राय पुनः प्रादान्नियम्य बलिमोजसा
1548	1028011c	त्रैलोक्यं स महातेजाश्चक्रे शक्रवशं पुनः
1549	1028012a	तेनैष पूर्वमाक्रान्त आश्रमः श्रमनाशनः
1550	1028012c	मयापि भक्त्या तस्यैष वामनस्योपभुज्यते
1551	1028013a	एतमाश्रममायान्ति राक्षसा विघ्नकारिणः
1552	1028013c	अत्र ते पुरुषव्याघ्र हन्तव्या दुष्टचारिणः
1553	1028014a	अद्य गच्छामहे राम सिद्धाश्रममनुत्तमम्
1554	1028014c	तदाश्रमपदं तात तवाप्येतद्यथा मम
1555	1028015a	तं दृष्ट्वा मुनयः सर्वे सिद्धाश्रमनिवासिनः
1556	1028015c	उत्पत्योत्पत्य सहसा विश्वामित्रमपूजयन्
1557	1028016a	यथार्हं चक्रिरे पूजां विश्वामित्राय धीमते
1558	1028016c	तथैव राजपुत्राभ्यामकुर्वन्नतिथिक्रियाम्
1559	1028017a	मुहूर्तमथ विश्रान्तौ राजपुत्रावरिंदमौ
1560	1028017c	प्राञ्जली मुनिशार्दूलमूचतू रघुनन्दनौ
1561	1028018a	अद्यैव दीक्षां प्रविश भद्रं ते मुनिपुंगव
1562	1028018c	सिद्धाश्रमोऽयं सिद्धः स्यात्सत्यमस्तु वचस्तव
1563	1028019a	एवमुक्तो महातेजा विश्वामित्रो महामुनिः
1564	1028019c	प्रविवेश तदा दीक्षां नियतो नियतेन्द्रियः
1565	1028020a	कुमारावपि तां रात्रिमुषित्वा सुसमाहितौ
1566	1028020c	प्रभातकाले चोत्थाय विश्वामित्रमवन्दताम्
1567	1029001a	अथ तौ देशकालज्ञौ राजपुत्रावरिंदमौ
1568	1029001c	देशे काले च वाक्यज्ञावब्रूतां कौशिकं वचः
1569	1029002a	भगवञ्श्रोतुमिच्छावो यस्मिन्काले निशाचरौ
1570	1029002c	संरक्षणीयौ तौ ब्रह्मन्नातिवर्तेत तत्क्षणम्
1571	1029003a	एवं ब्रुवाणौ काकुत्स्थौ त्वरमाणौ युयुत्सया
1572	1029003c	सर्वे ते मुनयः प्रीताः प्रशशंसुर्नृपात्मजौ
1573	1029004a	अद्य प्रभृति षड्रात्रं रक्षतं राघवौ युवाम्
1574	1029004c	दीक्षां गतो ह्येष मुनिर्मौनित्वं च गमिष्यति
1575	1029005a	तौ तु तद्वचनं श्रुत्वा राजपुत्रौ यशस्विनौ
1576	1029005c	अनिद्रौ षडहोरात्रं तपोवनमरक्षताम्
1577	1029006a	उपासां चक्रतुर्वीरौ यत्तौ परमधन्विनौ
1578	1029006c	ररक्षतुर्मुनिवरं विश्वामित्रमरिंदमौ
1579	1029007a	अथ काले गते तस्मिन्षष्ठेऽहनि समागते
1580	1029007c	सौमित्रमब्रवीद्रामो यत्तो भव समाहितः
1581	1029008a	रामस्यैवं ब्रुवाणस्य त्वरितस्य युयुत्सया
1582	1029008c	प्रजज्वाल ततो वेदिः सोपाध्यायपुरोहिता
1583	1029009a	मन्त्रवच्च यथान्यायं यज्ञोऽसौ संप्रवर्तते
1584	1029009c	आकाशे च महाञ्शब्दः प्रादुरासीद्भयानकः
1585	1029010a	आवार्य गगनं मेघो यथा प्रावृषि निर्गतः
1586	1029010c	तथा मायां विकुर्वाणौ राक्षसावभ्यधावताम्
1587	1029011a	मारीचश्च सुबाहुश्च तयोरनुचरास्तथा
1588	1029011c	आगम्य भीमसंकाशा रुधिरौघानवासृजन्
1589	1029012a	तावापतन्तौ सहसा दृष्ट्वा राजीवलोचनः
1590	1029012c	लक्ष्मणं त्वभिसंप्रेक्ष्य रामो वचनमब्रवीत्
1591	1029013a	पश्य लक्ष्मण दुर्वृत्तान्राक्षसान्पिशिताशनान्
1592	1029013c	मानवास्त्रसमाधूताननिलेन यथाघनान्
1593	1029014a	मानवं परमोदारमस्त्रं परमभास्वरम्
1594	1029014c	चिक्षेप परमक्रुद्धो मारीचोरसि राघवः
1595	1029015a	स तेन परमास्त्रेण मानवेन समाहितः
1596	1029015c	संपूर्णं योजनशतं क्षिप्तः सागरसंप्लवे
1597	1029016a	विचेतनं विघूर्णन्तं शीतेषुबलपीडितम्
1598	1029016c	निरस्तं दृश्य मारीचं रामो लक्ष्मणमब्रवीत्
1599	1029017a	पश्य लक्ष्मण शीतेषुं मानवं धर्मसंहितम्
1600	1029017c	मोहयित्वा नयत्येनं न च प्राणैर्वियुज्यते
1601	1029018a	इमानपि वधिष्यामि निर्घृणान्दुष्टचारिणः
1602	1029018c	राक्षसान्पापकर्मस्थान्यज्ञघ्नान्रुधिराशनान्
1603	1029019a	विगृह्य सुमहच्चास्त्रमाग्नेयं रघुनन्दनः
1604	1029019c	सुबाहुरसि चिक्षेप स विद्धः प्रापतद्भुवि
1605	1029020a	शेषान्वायव्यमादाय निजघान महायशाः
1606	1029020c	राघवः परमोदारो मुनीनां मुदमावहन्
1607	1029021a	स हत्वा राक्षसान्सर्वान्यज्ञघ्नान्रघुनन्दनः
1608	1029021c	ऋषिभिः पूजितस्तत्र यथेन्द्रो विजये पुरा
1609	1029022a	अथ यज्ञे समाप्ते तु विश्वामित्रो महामुनिः
1610	1029022c	निरीतिका दिशो दृष्ट्वा काकुत्स्थमिदमब्रवीत्
1611	1029023a	कृतार्थोऽस्मि महाबाहो कृतं गुरुवचस्त्वया
1612	1029023c	सिद्धाश्रममिदं सत्यं कृतं राम महायशः
1613	1030001a	अथ तां रजनीं तत्र कृतार्थौ रामलक्षणौ
1614	1030001c	ऊषतुर्मुदितौ वीरौ प्रहृष्टेनान्तरात्मना
1615	1030002a	प्रभातायां तु शर्वर्यां कृतपौर्वाह्णिकक्रियौ
1616	1030002c	विश्वामित्रमृषींश्चान्यान्सहितावभिजग्मतुः
1617	1030003a	अभिवाद्य मुनिश्रेष्ठं ज्वलन्तमिव पावकम्
1618	1030003c	ऊचतुर्मधुरोदारं वाक्यं मधुरभाषिणौ
1619	1030004a	इमौ स्वो मुनिशार्दूल किंकरौ समुपस्थितौ
1620	1030004c	आज्ञापय यथेष्टं वै शासनं करवाव किम्
1621	1030005a	एवमुक्ते ततस्ताभ्यां सर्व एव महर्षयः
1622	1030005c	विश्वामित्रं पुरस्कृत्य रामं वचनमब्रुवन्
1623	1030006a	मैथिलस्य नरश्रेष्ठ जनकस्य भविष्यति
1624	1030006c	यज्ञः परमधर्मिष्ठस्तत्र यास्यामहे वयम्
1625	1030007a	त्वं चैव नरशार्दूल सहास्माभिर्गमिष्यसि
1626	1030007c	अद्भुतं च धनूरत्नं तत्र त्वं द्रष्टुमर्हसि
1627	1030008a	तद्धि पूर्वं नरश्रेष्ठ दत्तं सदसि दैवतैः
1628	1030008c	अप्रमेयबलं घोरं मखे परमभास्वरम्
1629	1030009a	नास्य देवा न गन्धर्वा नासुरा न च राक्षसाः
1630	1030009c	कर्तुमारोपणं शक्ता न कथंचन मानुषाः
1631	1030010a	धनुषस्तस्य वीर्यं हि जिज्ञासन्तो महीक्षितः
1632	1030010c	न शेकुरारोपयितुं राजपुत्रा महाबलाः
1633	1030011a	तद्धनुर्नरशार्दूल मैथिलस्य महात्मनः
1634	1030011c	तत्र द्रक्ष्यसि काकुत्स्थ यज्ञं चाद्भुतदर्शनम्
1635	1030012a	तद्धि यज्ञफलं तेन मैथिलेनोत्तमं धनुः
1636	1030012c	याचितं नरशार्दूल सुनाभं सर्वदैवतैः
1637	1030013a	एवमुक्त्वा मुनिवरः प्रस्थानमकरोत्तदा
1638	1030013c	सर्षिसंघः सकाकुत्स्थ आमन्त्र्य वनदेवताः
1639	1030014a	स्वस्ति वोऽस्तु गमिष्यामि सिद्धः सिद्धाश्रमादहम्
1640	1030014c	उत्तरे जाह्नवीतीरे हिमवन्तं शिलोच्चयम्
1641	1030015a	प्रदक्षिणं ततः कृत्वा सिद्धाश्रममनुत्तमम्
1642	1030015c	उत्तरां दिशमुद्दिश्य प्रस्थातुमुपचक्रमे
1643	1030016a	तं व्रजन्तं मुनिवरमन्वगादनुसारिणाम्
1644	1030016c	शकटी शतमात्रं तु प्रयाणे ब्रह्मवादिनाम्
1645	1030017a	मृगपक्षिगणाश्चैव सिद्धाश्रमनिवासिनः
1646	1030017c	अनुजग्मुर्महात्मानं विश्वामित्रं महामुनिम्
1647	1030018a	ते गत्वा दूरमध्वानं लम्बमाने दिवाकरे
1648	1030018c	वासं चक्रुर्मुनिगणाः शोणाकूले समाहिताः
1649	1030019a	तेऽस्तं गते दिनकरे स्नात्वा हुतहुताशनाः
1650	1030019c	विश्वामित्रं पुरस्कृत्य निषेदुरमितौजसः
1651	1030020a	रामोऽपि सहसौमित्रिर्मुनींस्तानभिपूज्य च
1652	1030020c	अग्रतो निषसादाथ विश्वामित्रस्य धीमतः
1653	1030021a	अथ रामो महातेजा विश्वामित्रं महामुनिम्
1654	1030021c	पप्रच्छ मुनिशार्दूलं कौतूहलसमन्वितः
1655	1030022a	भगवन्को न्वयं देशः समृद्धवनशोभितः
1656	1030022c	श्रोतुमिच्छामि भद्रं ते वक्तुमर्हसि तत्त्वतः
1657	1030023a	चोदितो रामवाक्येन कथयामास सुव्रतः
1658	1030023c	तस्य देशस्य निखिलमृषिमध्ये महातपाः
1659	1031001a	ब्रह्मयोनिर्महानासीत्कुशो नाम महातपाः
1660	1031001c	वैदर्भ्यां जनयामास चतुरः सदृशान्सुतान्
1661	1031002a	कुशाम्बं कुशनाभं च आधूर्त रजसं वसुम्
1662	1031002c	दीप्तियुक्तान्महोत्साहान्क्षत्रधर्मचिकीर्षया
1663	1031002e	तानुवाच कुशः पुत्रान्धर्मिष्ठान्सत्यवादिनः
1664	1031003a	कुशस्य वचनं श्रुत्वा चत्वारो लोकसंमताः
1665	1031003c	निवेशं चक्रिरे सर्वे पुराणां नृवरास्तदा
1666	1031004a	कुशाम्बस्तु महातेजाः कौशाम्बीमकरोत्पुरीम्
1667	1031004c	कुशनाभस्तु धर्मात्मा परं चक्रे महोदयम्
1668	1031005a	आधूर्तरजसो राम धर्मारण्यं महीपतिः
1669	1031005c	चक्रे पुरवरं राजा वसुश्चक्रे गिरिव्रजम्
1670	1031006a	एषा वसुमती राम वसोस्तस्य महात्मनः
1671	1031006c	एते शैलवराः पञ्च प्रकाशन्ते समन्ततः
1672	1031007a	सुमागधी नदी रम्या मागधान्विश्रुताययौ
1673	1031007c	पञ्चानां शैलमुख्यानां मध्ये मालेव शोभते
1674	1031008a	सैषा हि मागधी राम वसोस्तस्य महात्मनः
1675	1031008c	पूर्वाभिचरिता राम सुक्षेत्रा सस्यमालिनी
1676	1031009a	कुशनाभस्तु राजर्षिः कन्याशतमनुत्तमम्
1677	1031009c	जनयामास धर्मात्मा घृताच्यां रघुनन्दन
1678	1031010a	तास्तु यौवनशालिन्यो रूपवत्यः स्वलंकृताः
1679	1031010c	उद्यानभूमिमागम्य प्रावृषीव शतह्रदाः
1680	1031011a	गायन्त्यो नृत्यमानाश्च वादयन्त्यश्च राघव
1681	1031011c	आमोदं परमं जग्मुर्वराभरणभूषिताः
1682	1031012a	अथ ताश्चारुसर्वाङ्ग्यो रूपेणाप्रतिमा भुवि
1683	1031012c	उद्यानभूमिमागम्य तारा इव घनान्तरे
1684	1031013a	ताः सर्वगुणसंपन्ना रूपयौवनसंयुताः
1685	1031013c	दृष्ट्वा सर्वात्मको वायुरिदं वचनमब्रवीत्
1686	1031014a	अहं वः कामये सर्वा भार्या मम भविष्यथ
1687	1031014c	मानुषस्त्यज्यतां भावो दीर्घमायुरवाप्स्यथ
1688	1031015a	तस्य तद्वचनं श्रुत्वा वायोरक्लिष्टकर्मणः
1689	1031015c	अपहास्य ततो वाक्यं कन्याशतमथाब्रवीत्
1690	1031016a	अन्तश्चरसि भूतानां सर्वेषां त्वं सुरोत्तम
1691	1031016c	प्रभावज्ञाश्च ते सर्वाः किमस्मानवमन्यसे
1692	1031017a	कुशनाभसुताः सर्वाः समर्थास्त्वां सुरोत्तम
1693	1031017c	स्थानाच्च्यावयितुं देवं रक्षामस्तु तपो वयम्
1694	1031018a	मा भूत्स कालो दुर्मेधः पितरं सत्यवादिनम्
1695	1031018c	नावमन्यस्व धर्मेण स्वयंवरमुपास्महे
1696	1031019a	पिता हि प्रभुरस्माकं दैवतं परमं हि सः
1697	1031019c	यस्य नो दास्यति पिता स नो भर्ता भविष्यति
1698	1031020a	तासां तद्वचनं श्रुत्वा वायुः परमकोपनः
1699	1031020c	प्रविश्य सर्वगात्राणि बभञ्ज भगवान्प्रभुः
1700	1031021a	ताः कन्या वायुना भग्ना विविशुर्नृपतेर्गृहम्
1701	1031021c	दृष्ट्वा भग्नास्तदा राजा संभ्रान्त इदमब्रवीत्
1702	1031022a	किमिदं कथ्यतां पुत्र्यः को धर्ममवमन्यते
1703	1031022c	कुब्जाः केन कृताः सर्वा वेष्टन्त्यो नाभिभाषथ
1704	1032001a	तस्य तद्वचनं श्रुत्वा कुशनाभस्य धीमतः
1705	1032001c	शिरोभिश्चरणौ स्पृष्ट्वा कन्याशतमभाषत
1706	1032002a	वायुः सर्वात्मको राजन्प्रधर्षयितुमिच्छति
1707	1032002c	अशुभं मार्गमास्थाय न धर्मं प्रत्यवेक्षते
1708	1032003a	पितृमत्यः स्म भद्रं ते स्वच्छन्दे न वयं स्थिताः
1709	1032003c	पितरं नो वृणीष्व त्वं यदि नो दास्यते तव
1710	1032004a	तेन पापानुबन्धेन वचनं न प्रतीच्छता
1711	1032004c	एवं ब्रुवन्त्यः सर्वाः स्म वायुना निहता भृषम्
1712	1032005a	तासां तद्वचनं श्रुत्वा राजा परमधार्मिकः
1713	1032005c	प्रत्युवाच महातेजाः कन्याशतमनुत्तमम्
1714	1032006a	क्षान्तं क्षमावतां पुत्र्यः कर्तव्यं सुमहत्कृतम्
1715	1032006c	ऐकमत्यमुपागम्य कुलं चावेक्षितं मम
1716	1032007a	अलंकारो हि नारीणां क्षमा तु पुरुषस्य वा
1717	1032007c	दुष्करं तच्च वः क्षान्तं त्रिदशेषु विशेषतः
1718	1032008a	यादृशीर्वः क्षमा पुत्र्यः सर्वासामविशेषतः
1719	1032008c	क्षमा दानं क्षमा यज्ञः क्षमा सत्यं च पुत्रिकाः
1720	1032009a	क्षमा यशः क्षमा धर्मः क्षमायां विष्ठितं जगत्
1721	1032009c	विसृज्य कन्याः काकुत्स्थ राजा त्रिदशविक्रमः
1722	1032010a	मन्त्रज्ञो मन्त्रयामास प्रदानं सह मन्त्रिभिः
1723	1032010c	देशे काले प्रदानस्य सदृशे प्रतिपादनम्
1724	1032011a	एतस्मिन्नेव काले तु चूली नाम महामुनिः
1725	1032011c	ऊर्ध्वरेताः शुभाचारो ब्राह्मं तप उपागमत्
1726	1032012a	तप्यन्तं तमृषिं तत्र गन्धर्वी पर्युपासते
1727	1032012c	सोमदा नाम भद्रं ते ऊर्मिला तनया तदा
1728	1032013a	सा च तं प्रणता भूत्वा शुश्रूषणपरायणा
1729	1032013c	उवास काले धर्मिष्ठा तस्यास्तुष्टोऽभवद्गुरुः
1730	1032014a	स च तां कालयोगेन प्रोवाच रघुनन्दन
1731	1032014c	परितुष्टोऽस्मि भद्रं ते किं करोमि तव प्रियम्
1732	1032015a	परितुष्टं मुनिं ज्ञात्वा गन्धर्वी मधुरस्वरम्
1733	1032015c	उवाच परमप्रीता वाक्यज्ञा वाक्यकोविदम्
1734	1032016a	लक्ष्म्या समुदितो ब्राह्म्या ब्रह्मभूतो महातपाः
1735	1032016c	ब्राह्मेण तपसा युक्तं पुत्रमिच्छामि धार्मिकम्
1736	1032017a	अपतिश्चास्मि भद्रं ते भार्या चास्मि न कस्यचित्
1737	1032017c	ब्राह्मेणोपगतायाश्च दातुमर्हसि मे सुतम्
1738	1032018a	तस्याः प्रसन्नो ब्रह्मर्षिर्ददौ पुत्रमनुत्तमम्
1739	1032018c	ब्रह्मदत्त इति ख्यातं मानसं चूलिनः सुतम्
1740	1032019a	स राजा ब्रह्मदत्तस्तु पुरीमध्यवसत्तदा
1741	1032019c	काम्पिल्यां परया लक्ष्म्या देवराजो यथा दिवम्
1742	1032020a	स बुद्धिं कृतवान्राजा कुशनाभः सुधार्मिकः
1743	1032020c	ब्रह्मदत्ताय काकुत्स्थ दातुं कन्याशतं तदा
1744	1032021a	तमाहूय महातेजा ब्रह्मदत्तं महीपतिः
1745	1032021c	ददौ कन्याशतं राजा सुप्रीतेनान्तरात्मना
1746	1032022a	यथाक्रमं ततः पाणिं जग्राह रघुनन्दन
1747	1032022c	ब्रह्मदत्तो मही पालस्तासां देवपतिर्यथा
1748	1032023a	स्पृष्टमात्रे ततः पाणौ विकुब्जा विगतज्वराः
1749	1032023c	युक्ताः परमया लक्ष्म्या बभुः कन्याशतं तदा
1750	1032024a	स दृष्ट्वा वायुना मुक्ताः कुशनाभो महीपतिः
1751	1032024c	बभूव परमप्रीतो हर्षं लेभे पुनः पुनः
1752	1032025a	कृतोद्वाहं तु राजानं ब्रह्मदत्तं महीपतिः
1753	1032025c	सदारं प्रेषयामास सोपाध्याय गणं तदा
1754	1032026a	सोमदापि सुसंहृष्टा पुत्रस्य सदृशीं क्रियाम्
1755	1032026c	यथान्यायं च गन्धर्वी स्नुषास्ताः प्रत्यनन्दत
1756	1033001a	कृतोद्वाहे गते तस्मिन्ब्रह्मदत्ते च राघव
1757	1033001c	अपुत्रः पुत्रलाभाय पौत्रीमिष्टिमकल्पयत्
1758	1033002a	इष्ट्यां तु वर्तमानायां कुशनाभं महीपतिम्
1759	1033002c	उवाच परमप्रीतः कुशो ब्रह्मसुतस्तदा
1760	1033003a	पुत्रस्ते सदृशः पुत्र भविष्यति सुधार्मिकः
1761	1033003c	गाधिं प्राप्स्यसि तेन त्वं कीर्तिं लोके च शाश्वतीम्
1762	1033004a	एवमुक्त्वा कुशो राम कुशनाभं महीपतिम्
1763	1033004c	जगामाकाशमाविश्य ब्रह्मलोकं सनातनम्
1764	1033005a	कस्यचित्त्वथ कालस्य कुशनाभस्य धीमतः
1765	1033005c	जज्ञे परमधर्मिष्ठो गाधिरित्येव नामतः
1766	1033006a	स पिता मम काकुत्स्थ गाधिः परमधार्मिकः
1767	1033006c	कुशवंशप्रसूतोऽस्मि कौशिको रघुनन्दन
1768	1033007a	पूर्वजा भगिनी चापि मम राघव सुव्रता
1769	1033007c	नाम्ना सत्यवती नाम ऋचीके प्रतिपादिता
1770	1033008a	सशरीरा गता स्वर्गं भर्तारमनुवर्तिनी
1771	1033008c	कौशिकी परमोदारा सा प्रवृत्ता महानदी
1772	1033009a	दिव्या पुण्योदका रम्या हिमवन्तमुपाश्रिता
1773	1033009c	लोकस्य हितकामार्थं प्रवृत्ता भगिनी मम
1774	1033010a	ततोऽहं हिमवत्पार्श्वे वसामि नियतः सुखम्
1775	1033010c	भगिन्याः स्नेहसंयुक्तः कौशिक्या रघुनन्दन
1776	1033011a	सा तु सत्यवती पुण्या सत्ये धर्मे प्रतिष्ठिता
1777	1033011c	पतिव्रता महाभागा कौशिकी सरितां वरा
1778	1033012a	अहं हि नियमाद्राम हित्वा तां समुपागतः
1779	1033012c	सिद्धाश्रममनुप्राप्य सिद्धोऽस्मि तव तेजसा
1780	1033013a	एषा राम ममोत्पत्तिः स्वस्य वंशस्य कीर्तिता
1781	1033013c	देशस्य च महाबाहो यन्मां त्वं परिपृच्छसि
1782	1033014a	गतोऽर्धरात्रः काकुत्स्थ कथाः कथयतो मम
1783	1033014c	निद्रामभ्येहि भद्रं ते मा भूद्विघ्नोऽध्वनीह नः
1784	1033015a	निष्पन्दास्तरवः सर्वे निलीना मृगपक्षिणः
1785	1033015c	नैशेन तमसा व्याप्ता दिशश्च रघुनन्दन
1786	1033016a	शनैर्वियुज्यते संध्या नभो नेत्रैरिवावृतम्
1787	1033016c	नक्षत्रतारागहनं ज्योतिर्भिरवभासते
1788	1033017a	उत्तिष्ठति च शीतांशुः शशी लोकतमोनुदः
1789	1033017c	ह्लादयन्प्राणिनां लोके मनांसि प्रभया विभो
1790	1033018a	नैशानि सर्वभूतानि प्रचरन्ति ततस्ततः
1791	1033018c	यक्षराक्षससंघाश्च रौद्राश्च पिशिताशनाः
1792	1033019a	एवमुक्त्वा महातेजा विरराम महामुनिः
1793	1033019c	साधु साध्विति तं सर्वे मुनयो ह्यभ्यपूजयन्
1794	1033020a	रामोऽपि सह सौमित्रिः किंचिदागतविस्मयः
1795	1033020c	प्रशस्य मुनिशार्दूलं निद्रां समुपसेवते
1796	1034001a	उपास्य रात्रिशेषं तु शोणाकूले महर्षिभिः
1797	1034001c	निशायां सुप्रभातायां विश्वामित्रोऽभ्यभाषत
1798	1034002a	सुप्रभाता निशा राम पूर्वा संध्या प्रवर्तते
1799	1034002c	उत्तिष्ठोत्तिष्ठ भद्रं ते गमनायाभिरोचय
1800	1034003a	तच्छ्रुत्वा वचनं तस्य कृत्वा पौर्वाह्णिकीं क्रियाम्
1801	1034003c	गमनं रोचयामास वाक्यं चेदमुवाच ह
1802	1034004a	अयं शोणः शुभजलो गाधः पुलिनमण्डितः
1803	1034004c	कतरेण पथा ब्रह्मन्संतरिष्यामहे वयम्
1804	1034005a	एवमुक्तस्तु रामेण विश्वामित्रोऽब्रवीदिदम्
1805	1034005c	एष पन्था मयोद्दिष्टो येन यान्ति महर्षयः
1806	1034006a	ते गत्वा दूरमध्वानं गतेऽर्धदिवसे तदा
1807	1034006c	जाह्नवीं सरितां श्रेष्ठां ददृशुर्मुनिसेविताम्
1808	1034007a	तां दृष्ट्वा पुण्यसलिलां हंससारससेविताम्
1809	1034007c	बभूवुर्मुदिताः सर्वे मुनयः सहराघवाः
1810	1034007e	तस्यास्तीरे ततश्चक्रुस्ते आवासपरिग्रहम्
1811	1034008a	ततः स्नात्वा यथान्यायं संतर्प्य पितृदेवताः
1812	1034008c	हुत्वा चैवाग्निहोत्राणि प्राश्य चामृतवद्धविः
1813	1034009a	विविशुर्जाह्नवीतीरे शुचौ मुदितमानसाः
1814	1034009c	विश्वामित्रं महात्मानं परिवार्य समन्ततः
1815	1034010a	संप्रहृष्टमना रामो विश्वामित्रमथाब्रवीत्
1816	1034010c	भगवञ्श्रोतुमिच्छामि गङ्गां त्रिपथगां नदीम्
1817	1034010e	त्रैलोक्यं कथमाक्रम्य गता नदनदीपतिम्
1818	1034011a	चोदितो राम वाक्येन विश्वामित्रो महामुनिः
1819	1034011c	वृद्धिं जन्म च गङ्गाया वक्तुमेवोपचक्रमे
1820	1034012a	शैलेन्द्रो हिमवान्नाम धातूनामाकरो महान्
1821	1034012c	तस्य कन्या द्वयं राम रूपेणाप्रतिमं भुवि
1822	1034013a	या मेरुदुहिता राम तयोर्माता सुमध्यमा
1823	1034013c	नाम्ना मेना मनोज्ञा वै पत्नी हिमवतः प्रिया
1824	1034014a	तस्यां गङ्गेयमभवज्ज्येष्ठा हिमवतः सुता
1825	1034014c	उमा नाम द्वितीयाभूत्कन्या तस्यैव राघव
1826	1034015a	अथ ज्येष्ठां सुराः सर्वे देवतार्थचिकीर्षया
1827	1034015c	शैलेन्द्रं वरयामासुर्गङ्गां त्रिपथगां नदीम्
1828	1034016a	ददौ धर्मेण हिमवांस्तनयां लोकपावनीम्
1829	1034016c	स्वच्छन्दपथगां गङ्गां त्रैलोक्यहितकाम्यया
1830	1034017a	प्रतिगृह्य त्रिलोकार्थं त्रिलोकहितकारिणः
1831	1034017c	गङ्गामादाय तेऽगच्छन्कृतार्थेनान्तरात्मना
1832	1034018a	या चान्या शैलदुहिता कन्यासीद्रघुनन्दन
1833	1034018c	उग्रं सा व्रतमास्थाय तपस्तेपे तपोधना
1834	1034019a	उग्रेण तपसा युक्तां ददौ शैलवरः सुताम्
1835	1034019c	रुद्रायाप्रतिरूपाय उमां लोकनमस्कृताम्
1836	1034020a	एते ते शैल राजस्य सुते लोकनमस्कृते
1837	1034020c	गङ्गा च सरितां श्रेष्ठा उमा देवी च राघव
1838	1034021a	एतत्ते धर्ममाख्यातं यथा त्रिपथगा नदी
1839	1034021c	खं गता प्रथमं तात गतिं गतिमतां वर
1840	1035001a	उक्त वाक्ये मुनौ तस्मिन्नुभौ राघवलक्ष्मणौ
1841	1035001c	प्रतिनन्द्य कथां वीरावूचतुर्मुनिपुंगवम्
1842	1035002a	धर्मयुक्तमिदं ब्रह्मन्कथितं परमं त्वया
1843	1035002c	दुहितुः शैलराजस्य ज्येष्ठाय वक्तुमर्हसि
1844	1035003a	विस्तरं विस्तरज्ञोऽसि दिव्यमानुषसंभवम्
1845	1035003c	त्रीन्पथो हेतुना केन पावयेल्लोकपावनी
1846	1035004a	कथं गङ्गां त्रिपथगा विश्रुता सरिदुत्तमा
1847	1035004c	त्रिषु लोकेषु धर्मज्ञ कर्मभिः कैः समन्विता
1848	1035005a	तथा ब्रुवति काकुत्स्थे विश्वामित्रस्तपोधनः
1849	1035005c	निखिलेन कथां सर्वामृषिमध्ये न्यवेदयत्
1850	1035006a	पुरा राम कृतोद्वाहः शितिकण्ठो महातपाः
1851	1035006c	दृष्ट्वा च स्पृहया देवीं मैथुनायोपचक्रमे
1852	1035007a	शितिकण्ठस्य देवस्य दिव्यं वर्षशतं गतम्
1853	1035007c	न चापि तनयो राम तस्यामासीत्परंतप
1854	1035008a	ततो देवाः समुद्विग्नाः पितामहपुरोगमाः
1855	1035008c	यदिहोत्पद्यते भूतं कस्तत्प्रतिसहिष्यते
1856	1035009a	अभिगम्य सुराः सर्वे प्रणिपत्येदमब्रुवन्
1857	1035009c	देवदेव महादेव लोकस्यास्य हिते रत
1858	1035009e	सुराणां प्रणिपातेन प्रसादं कर्तुमर्हसि
1859	1035010a	न लोका धारयिष्यन्ति तव तेजः सुरोत्तम
1860	1035010c	ब्राह्मेण तपसा युक्तो देव्या सह तपश्चर
1861	1035011a	त्रैलोक्यहितकामार्थं तेजस्तेजसि धारय
1862	1035011c	रक्ष सर्वानिमाँल्लोकान्नालोकं कर्तुमर्हसि
1863	1035012a	देवतानां वचः श्रुत्वा सर्वलोकमहेश्वरः
1864	1035012c	बाढमित्यब्रवीत्सर्वान्पुनश्चेदमुवाच ह
1865	1035013a	धारयिष्याम्यहं तेजस्तेजस्येव सहोमया
1866	1035013c	त्रिदशाः पृथिवी चैव निर्वाणमधिगच्छतु
1867	1035014a	यदिदं क्षुभितं स्थानान्मम तेजो ह्यनुत्तमम्
1868	1035014c	धारयिष्यति कस्तन्मे ब्रुवन्तु सुरसत्तमाः
1869	1035015a	एवमुक्तास्ततो देवाः प्रत्यूचुर्वृषभध्वजम्
1870	1035015c	यत्तेजः क्षुभितं ह्येतत्तद्धरा धारयिष्यति
1871	1035016a	एवमुक्तः सुरपतिः प्रमुमोच महीतले
1872	1035016c	तेजसा पृथिवी येन व्याप्ता सगिरिकानना
1873	1035017a	ततो देवाः पुनरिदमूचुश्चाथ हुताशनम्
1874	1035017c	प्रविश त्वं महातेजो रौद्रं वायुसमन्वितः
1875	1035018a	तदग्निना पुनर्व्याप्तं संजातः श्वेतपर्वतः
1876	1035018c	दिव्यं शरवणं चैव पावकादित्यसंनिभम्
1877	1035018e	यत्र जातो महातेजाः कार्तिकेयोऽग्निसंभवः
1878	1035019a	अथोमां च शिवं चैव देवाः सर्षि गणास्तदा
1879	1035019c	पूजयामासुरत्यर्थं सुप्रीतमनसस्ततः
1880	1035020a	अथ शैल सुता राम त्रिदशानिदमब्रवीत्
1881	1035020c	समन्युरशपत्सर्वान्क्रोधसंरक्तलोचना
1882	1035021a	यस्मान्निवारिता चैव संगता पुत्रकाम्यया
1883	1035021c	अपत्यं स्वेषु दारेषु नोत्पादयितुमर्हथ
1884	1035021e	अद्य प्रभृति युष्माकमप्रजाः सन्तु पत्नयः
1885	1035022a	एवमुक्त्वा सुरान्सर्वाञ्शशाप पृथिवीमपि
1886	1035022c	अवने नैकरूपा त्वं बहुभार्या भविष्यसि
1887	1035023a	न च पुत्रकृतां प्रीतिं मत्क्रोधकलुषी कृता
1888	1035023c	प्राप्स्यसि त्वं सुदुर्मेधे मम पुत्रमनिच्छती
1889	1035024a	तान्सर्वान्व्रीडितान्दृष्ट्वा सुरान्सुरपतिस्तदा
1890	1035024c	गमनायोपचक्राम दिशं वरुणपालिताम्
1891	1035025a	स गत्वा तप आतिष्ठत्पार्श्वे तस्योत्तरे गिरेः
1892	1035025c	हिमवत्प्रभवे शृङ्गे सह देव्या महेश्वरः
1893	1035026a	एष ते विस्तरो राम शैलपुत्र्या निवेदितः
1894	1035026c	गङ्गायाः प्रभवं चैव शृणु मे सहलक्ष्मणः
1895	1036001a	तप्यमाने तपो देवे देवाः सर्षिगणाः पुरा
1896	1036001c	सेनापतिमभीप्सन्तः पितामहमुपागमन्
1897	1036002a	ततोऽब्रुवन्सुराः सर्वे भगवन्तं पितामहम्
1898	1036002c	प्रणिपत्य शुभं वाक्यं सेन्द्राः साग्निपुरोगमाः
1899	1036003a	यो नः सेनापतिर्देव दत्तो भगवता पुरा
1900	1036003c	स तपः परमास्थाय तप्यते स्म सहोमया
1901	1036004a	यदत्रानन्तरं कार्यं लोकानां हितकाम्यया
1902	1036004c	संविधत्स्व विधानज्ञ त्वं हि नः परमा गतिः
1903	1036005a	देवतानां वचः श्रुत्वा सर्वलोकपितामहः
1904	1036005c	सान्त्वयन्मधुरैर्वाक्यैस्त्रिदशानिदमब्रवीत्
1905	1036006a	शैलपुत्र्या यदुक्तं तन्न प्रजास्यथ पत्निषु
1906	1036006c	तस्या वचनमक्लिष्टं सत्यमेव न संशयः
1907	1036007a	इयमाकाशगा गङ्गा यस्यां पुत्रं हुताशनः
1908	1036007c	जनयिष्यति देवानां सेनापतिमरिंदमम्
1909	1036008a	ज्येष्ठा शैलेन्द्रदुहिता मानयिष्यति तं सुतम्
1910	1036008c	उमायास्तद्बहुमतं भविष्यति न संशयः
1911	1036009a	तच्छ्रुत्वा वचनं तस्य कृतार्था रघुनन्दन
1912	1036009c	प्रणिपत्य सुराः सर्वे पितामहमपूजयन्
1913	1036010a	ते गत्वा पर्वतं राम कैलासं धातुमण्डितम्
1914	1036010c	अग्निं नियोजयामासुः पुत्रार्थं सर्वदेवताः
1915	1036011a	देवकार्यमिदं देव समाधत्स्व हुताशन
1916	1036011c	शैलपुत्र्यां महातेजो गङ्गायां तेज उत्सृज
1917	1036012a	देवतानां प्रतिज्ञाय गङ्गामभ्येत्य पावकः
1918	1036012c	गर्भं धारय वै देवि देवतानामिदं प्रियम्
1919	1036013a	इत्येतद्वचनं श्रुत्वा दिव्यं रूपमधारयत्
1920	1036013c	स तस्या महिमां दृष्ट्वा समन्तादवकीर्यत
1921	1036014a	समन्ततस्तदा देवीमभ्यषिञ्चत पावकः
1922	1036014c	सर्वस्रोतांसि पूर्णानि गङ्गाया रघुनन्दन
1923	1036015a	तमुवाच ततो गङ्गा सर्वदेवपुरोहितम्
1924	1036015c	अशक्ता धारणे देव तव तेजः समुद्धतम्
1925	1036015e	दह्यमानाग्निना तेन संप्रव्यथितचेतना
1926	1036016a	अथाब्रवीदिदं गङ्गां सर्वदेवहुताशनः
1927	1036016c	इह हैमवते पादे गर्भोऽयं संनिवेश्यताम्
1928	1036017a	श्रुत्वा त्वग्निवचो गङ्गा तं गर्भमतिभास्वरम्
1929	1036017c	उत्ससर्ज महातेजाः स्रोतोभ्यो हि तदानघ
1930	1036018a	यदस्या निर्गतं तस्मात्तप्तजाम्बूनदप्रभम्
1931	1036018c	काञ्चनं धरणीं प्राप्तं हिरण्यममलं शुभम्
1932	1036019a	ताम्रं कार्ष्णायसं चैव तैक्ष्ण्यादेवाभिजायत
1933	1036019c	मलं तस्याभवत्तत्र त्रपुसीसकमेव च
1934	1036020a	तदेतद्धरणीं प्राप्य नानाधातुरवर्धत
1935	1036021a	निक्षिप्तमात्रे गर्भे तु तेजोभिरभिरञ्जितम्
1936	1036021c	सर्वं पर्वतसंनद्धं सौवर्णमभवद्वनम्
1937	1036022a	जातरूपमिति ख्यातं तदा प्रभृति राघव
1938	1036022c	सुवर्णं पुरुषव्याघ्र हुताशनसमप्रभम्
1939	1036023a	तं कुमारं ततो जातं सेन्द्राः सहमरुद्गणाः
1940	1036023c	क्षीरसंभावनार्थाय कृत्तिकाः समयोजयन्
1941	1036024a	ताः क्षीरं जातमात्रस्य कृत्वा समयमुत्तमम्
1942	1036024c	ददुः पुत्रोऽयमस्माकं सर्वासामिति निश्चिताः
1943	1036025a	ततस्तु देवताः सर्वाः कार्तिकेय इति ब्रुवन्
1944	1036025c	पुत्रस्त्रैलोक्य विख्यातो भविष्यति न संशयः
1945	1036026a	तेषां तद्वचनं श्रुत्वा स्कन्नं गर्भपरिस्रवे
1946	1036026c	स्नापयन्परया लक्ष्म्या दीप्यमानमिवानलम्
1947	1036027a	स्कन्द इत्यब्रुवन्देवाः स्कन्नं गर्भपरिस्रवात्
1948	1036027c	कार्तिकेयं महाभागं काकुत्स्थज्वलनोपमम्
1949	1036028a	प्रादुर्भूतं ततः क्षीरं कृत्तिकानामनुत्तमम्
1950	1036028c	षण्णां षडाननो भूत्वा जग्राह स्तनजं पयः
1951	1036029a	गृहीत्वा क्षीरमेकाह्ना सुकुमार वपुस्तदा
1952	1036029c	अजयत्स्वेन वीर्येण दैत्यसैन्यगणान्विभुः
1953	1036030a	सुरसेनागणपतिं ततस्तममलद्युतिम्
1954	1036030c	अभ्यषिञ्चन्सुरगणाः समेत्याग्निपुरोगमाः
1955	1036031a	एष ते राम गङ्गाया विस्तरोऽभिहितो मया
1956	1036031c	कुमारसंभवश्चैव धन्यः पुण्यस्तथैव च
1957	1037001a	तां कथां कौशिको रामे निवेद्य मधुराक्षरम्
1958	1037001c	पुनरेवापरं वाक्यं काकुत्स्थमिदमब्रवीत्
1959	1037002a	अयोध्याधिपतिः शूरः पूर्वमासीन्नराधिपः
1960	1037002c	सगरो नाम धर्मात्मा प्रजाकामः स चाप्रजः
1961	1037003a	वैदर्भदुहिता राम केशिनी नाम नामतः
1962	1037003c	ज्येष्ठा सगरपत्नी सा धर्मिष्ठा सत्यवादिनी
1963	1037004a	अरिष्टनेमिदुहिता रूपेणाप्रतिमा भुवि
1964	1037004c	द्वितीया सगरस्यासीत्पत्नी सुमतिसंज्ञिता
1965	1037005a	ताभ्यां सह तदा राजा पत्नीभ्यां तप्तवांस्तपः
1966	1037005c	हिमवन्तं समासाद्य भृगुप्रस्रवणे गिरौ
1967	1037006a	अथ वर्ष शते पूर्णे तपसाराधितो मुनिः
1968	1037006c	सगराय वरं प्रादाद्भृगुः सत्यवतां वरः
1969	1037007a	अपत्यलाभः सुमहान्भविष्यति तवानघ
1970	1037007c	कीर्तिं चाप्रतिमां लोके प्राप्स्यसे पुरुषर्षभ
1971	1037008a	एका जनयिता तात पुत्रं वंशकरं तव
1972	1037008c	षष्टिं पुत्रसहस्राणि अपरा जनयिष्यति
1973	1037009a	भाषमाणं नरव्याघ्रं राजपत्न्यौ प्रसाद्य तम्
1974	1037009c	ऊचतुः परमप्रीते कृताञ्जलिपुटे तदा
1975	1037010a	एकः कस्याः सुतो ब्रह्मन्का बहूञ्जनयिष्यति
1976	1037010c	श्रोतुमिच्छावहे ब्रह्मन्सत्यमस्तु वचस्तव
1977	1037011a	तयोस्तद्वचनं श्रुत्वा भृगुः परम धार्मिकः
1978	1037011c	उवाच परमां वाणीं स्वच्छन्दोऽत्र विधीयताम्
1979	1037012a	एको वंशकरो वास्तु बहवो वा महाबलाः
1980	1037012c	कीर्तिमन्तो महोत्साहाः का वा कं वरमिच्छति
1981	1037013a	मुनेस्तु वचनं श्रुत्वा केशिनी रघुनन्दन
1982	1037013c	पुत्रं वंशकरं राम जग्राह नृपसंनिधौ
1983	1037014a	षष्टिं पुत्रसहस्राणि सुपर्णभगिनी तदा
1984	1037014c	महोत्साहान्कीर्तिमतो जग्राह सुमतिः सुतान्
1985	1037015a	प्रदक्षिणमृषिं कृत्वा शिरसाभिप्रणम्य च
1986	1037015c	जगाम स्वपुरं राजा सभार्या रघुनन्दन
1987	1037016a	अथ काले गते तस्मिञ्ज्येष्ठा पुत्रं व्यजायत
1988	1037016c	असमञ्ज इति ख्यातं केशिनी सगरात्मजम्
1989	1037017a	सुमतिस्तु नरव्याघ्र गर्भतुम्बं व्यजायत
1990	1037017c	षष्टिः पुत्रसहस्राणि तुम्बभेदाद्विनिःसृताः
1991	1037018a	घृतपूर्णेषु कुम्भेषु धात्र्यस्तान्समवर्धयन्
1992	1037018c	कालेन महता सर्वे यौवनं प्रतिपेदिरे
1993	1037019a	अथ दीर्घेण कालेन रूपयौवनशालिनः
1994	1037019c	षष्टिः पुत्रसहस्राणि सगरस्याभवंस्तदा
1995	1037020a	स च ज्येष्ठो नरश्रेष्ठ सगरस्यात्मसंभवः
1996	1037020c	बालान्गृहीत्वा तु जले सरय्वा रघुनन्दन
1997	1037020e	प्रक्षिप्य प्रहसन्नित्यं मज्जतस्तान्निरीक्ष्य वै
1998	1037021a	पौराणामहिते युक्तः पित्रा निर्वासितः पुरात्
1999	1037022a	तस्य पुत्रोंऽशुमान्नाम असमञ्जस्य वीर्यवान्
2000	1037022c	संमतः सर्वलोकस्य सर्वस्यापि प्रियंवदः
2001	1037023a	ततः कालेन महता मतिः समभिजायत
2002	1037023c	सगरस्य नरश्रेष्ठ यजेयमिति निश्चिता
2003	1037024a	स कृत्वा निश्चयं राजा सोपाध्यायगणस्तदा
2004	1037024c	यज्ञकर्मणि वेदज्ञो यष्टुं समुपचक्रमे
2005	1038001a	विश्वामित्रवचः श्रुत्वा कथान्ते रघुनन्दन
2006	1038001c	उवाच परमप्रीतो मुनिं दीप्तमिवानलम्
2007	1038002a	श्रोतुमिछामि भद्रं ते विस्तरेण कथामिमाम्
2008	1038002c	पूर्वको मे कथं ब्रह्मन्यज्ञं वै समुपाहरत्
2009	1038003a	विश्वामित्रस्तु काकुत्स्थमुवाच प्रहसन्निव
2010	1038003c	श्रूयतां विस्तरो राम सगरस्य महात्मनः
2011	1038004a	शंकरश्वशुरो नाम हिमवानचलोत्तमः
2012	1038004c	विन्ध्यपर्वतमासाद्य निरीक्षेते परस्परम्
2013	1038005a	तयोर्मध्ये प्रवृत्तोऽभूद्यज्ञः स पुरुषोत्तम
2014	1038005c	स हि देशो नरव्याघ्र प्रशस्तो यज्ञकर्मणि
2015	1038006a	तस्याश्वचर्यां काकुत्स्थ दृढधन्वा महारथः
2016	1038006c	अंशुमानकरोत्तात सगरस्य मते स्थितः
2017	1038007a	तस्य पर्वणि तं यज्ञं यजमानस्य वासवः
2018	1038007c	राक्षसीं तनुमास्थाय यज्ञियाश्वमपाहरत्
2019	1038008a	ह्रियमाणे तु काकुत्स्थ तस्मिन्नश्वे महात्मनः
2020	1038008c	उपाध्याय गणाः सर्वे यजमानमथाब्रुवन्
2021	1038009a	अयं पर्वणि वेगेन यज्ञियाश्वोऽपनीयते
2022	1038009c	हर्तारं जहि काकुत्स्थ हयश्चैवोपनीयताम्
2023	1038010a	यज्ञच्छिद्रं भवत्येतत्सर्वेषामशिवाय नः
2024	1038010c	तत्तथा क्रियतां राजन्यथाछिद्रः क्रतुर्भवेत्
2025	1038011a	उपाध्याय वचः श्रुत्वा तस्मिन्सदसि पार्थिवः
2026	1038011c	षष्टिं पुत्रसहस्राणि वाक्यमेतदुवाच ह
2027	1038012a	गतिं पुत्रा न पश्यामि रक्षसां पुरुषर्षभाः
2028	1038012c	मन्त्रपूतैर्महाभागैरास्थितो हि महाक्रतुः
2029	1038013a	तद्गच्छत विचिन्वध्वं पुत्रका भद्रमस्तु वः
2030	1038013c	समुद्रमालिनीं सर्वां पृथिवीमनुगच्छत
2031	1038014a	एकैकं योजनं पुत्रा विस्तारमभिगच्छत
2032	1038015a	यावत्तुरगसंदर्शस्तावत्खनत मेदिनीम्
2033	1038015c	तमेव हयहर्तारं मार्गमाणा ममाज्ञया
2034	1038016a	दीक्षितः पौत्रसहितः सोपाध्यायगणो ह्यहम्
2035	1038016c	इह स्थास्यामि भद्रं वो यावत्तुरगदर्शनम्
2036	1038017a	इत्युक्त्वा हृष्टमनसो राजपुत्रा महाबलाः
2037	1038017c	जग्मुर्महीतलं राम पितुर्वचनयन्त्रिताः
2038	1038018a	योजनायामविस्तारमेकैको धरणीतलम्
2039	1038018c	बिभिदुः पुरुषव्याघ्र वज्रस्पर्शसमैर्भुजैः
2040	1038019a	शूलैरशनिकल्पैश्च हलैश्चापि सुदारुणैः
2041	1038019c	भिद्यमाना वसुमती ननाद रघुनन्दन
2042	1038020a	नागानां वध्यमानानामसुराणां च राघव
2043	1038020c	राक्षसानां च दुर्धर्षः सत्त्वानां निनदोऽभवत्
2044	1038021a	योजनानां सहस्राणि षष्टिं तु रघुनन्दन
2045	1038021c	बिभिदुर्धरणीं वीरा रसातलमनुत्तमम्
2046	1038022a	एवं पर्वतसंबाधं जम्बूद्वीपं नृपात्मजाः
2047	1038022c	खनन्तो नृपशार्दूल सर्वतः परिचक्रमुः
2048	1038023a	ततो देवाः सगन्धर्वाः सासुराः सहपन्नगाः
2049	1038023c	संभ्रान्तमनसः सर्वे पितामहमुपागमन्
2050	1038024a	ते प्रसाद्य महात्मानं विषण्णवदनास्तदा
2051	1038024c	ऊचुः परमसंत्रस्ताः पितामहमिदं वचः
2052	1038025a	भगवन्पृथिवी सर्वा खन्यते सगरात्मजैः
2053	1038025c	बहवश्च महात्मानो वध्यन्ते जलचारिणः
2054	1038026a	अयं यज्ञहनोऽस्माकमनेनाश्वोऽपनीयते
2055	1038026c	इति ते सर्वभूतानि निघ्नन्ति सगरात्मजः
2056	1039001a	देवतानां वचः श्रुत्वा भगवान्वै पितामहः
2057	1039001c	प्रत्युवाच सुसंत्रस्तान्कृतान्तबलमोहितान्
2058	1039002a	यस्येयं वसुधा कृत्स्ना वासुदेवस्य धीमतः
2059	1039002c	कापिलं रूपमास्थाय धारयत्यनिशं धराम्
2060	1039003a	पृथिव्याश्चापि निर्भेदो दृष्ट एव सनातनः
2061	1039003c	सगरस्य च पुत्राणां विनाशोऽदीर्घजीविनाम्
2062	1039004a	पितामहवचः श्रुत्वा त्रयस्त्रिंशदरिंदमः
2063	1039004c	देवाः परमसंहृष्टाः पुनर्जग्मुर्यथागतम्
2064	1039005a	सगरस्य च पुत्राणां प्रादुरासीन्महात्मनाम्
2065	1039005c	पृथिव्यां भिद्यमानायां निर्घात सम निःस्वनः
2066	1039006a	ततो भित्त्वा महीं सर्वां कृत्वा चापि प्रदक्षिणम्
2067	1039006c	सहिताः सगराः सर्वे पितरं वाक्यमब्रुवन्
2068	1039007a	परिक्रान्ता मही सर्वा सत्त्ववन्तश्च सूदिताः
2069	1039007c	देवदानवरक्षांसि पिशाचोरगकिंनराः
2070	1039008a	न च पश्यामहेऽश्वं तमश्वहर्तारमेव च
2071	1039008c	किं करिष्याम भद्रं ते बुद्धिरत्र विचार्यताम्
2072	1039009a	तेषां तद्वचनं श्रुत्वा पुत्राणां राजसत्तमः
2073	1039009c	समन्युरब्रवीद्वाक्यं सगरो रघुनन्दन
2074	1039010a	भूयः खनत भद्रं वो निर्भिद्य वसुधातलम्
2075	1039010c	अश्वहर्तारमासाद्य कृतार्थाश्च निवर्तथ
2076	1039011a	पितुर्वचनमास्थाय सगरस्य महात्मनः
2077	1039011c	षष्टिः पुत्रसहस्राणि रसातलमभिद्रवन्
2078	1039012a	खन्यमाने ततस्तस्मिन्ददृशुः पर्वतोपमम्
2079	1039012c	दिशागजं विरूपाक्षं धारयन्तं महीतलम्
2080	1039013a	सपर्वतवनां कृत्स्नां पृथिवीं रघुनन्दन
2081	1039013c	शिरसा धारयामास विरूपाक्षो महागजः
2082	1039014a	यदा पर्वणि काकुत्स्थ विश्रमार्थं महागजः
2083	1039014c	खेदाच्चालयते शीर्षं भूमिकम्पस्तधा भवेत्
2084	1039015a	तं ते प्रदक्षिणं कृत्वा दिशापालं महागजम्
2085	1039015c	मानयन्तो हि ते राम जग्मुर्भित्त्वा रसातलम्
2086	1039016a	ततः पूर्वां दिशं भित्त्वा दक्षिणां बिभिदुः पुनः
2087	1039016c	दक्षिणस्यामपि दिशि ददृशुस्ते महागजम्
2088	1039017a	महापद्मं महात्मानं सुमहापर्वतोपमम्
2089	1039017c	शिरसा धारयन्तं ते विस्मयं जग्मुरुत्तमम्
2090	1039018a	ततः प्रदक्षिणं कृत्वा सगरस्य महात्मनः
2091	1039018c	षष्टिः पुत्रसहस्राणि पश्चिमां बिभिदुर्दिशम्
2092	1039019a	पश्चिमायामपि दिशि महान्तमचलोपमम्
2093	1039019c	दिशागजं सौमनसं ददृशुस्ते महाबलाः
2094	1039020a	तं ते प्रदक्षिणं कृत्वा पृष्ट्वा चापि निरामयम्
2095	1039020c	खनन्तः समुपक्रान्ता दिशं सोमवतीं तदा
2096	1039021a	उत्तरस्यां रघुश्रेष्ठ ददृशुर्हिमपाण्डुरम्
2097	1039021c	भद्रं भद्रेण वपुषा धारयन्तं महीमिमाम्
2098	1039022a	समालभ्य ततः सर्वे कृत्वा चैनं प्रदक्षिणम्
2099	1039022c	षष्टिः पुत्रसहस्राणि बिभिदुर्वसुधातलम्
2100	1039023a	ततः प्रागुत्तरां गत्वा सागराः प्रथितां दिशम्
2101	1039023c	रोषादभ्यखनन्सर्वे पृथिवीं सगरात्मजाः
2102	1039024a	ददृशुः कपिलं तत्र वासुदेवं सनातनम्
2103	1039024c	हयं च तस्य देवस्य चरन्तमविदूरतः
2104	1039025a	ते तं यज्ञहनं ज्ञात्वा क्रोधपर्याकुलेक्षणाः
2105	1039025c	अभ्यधावन्त संक्रुद्धास्तिष्ठ तिष्ठेति चाब्रुवन्
2106	1039026a	अस्माकं त्वं हि तुरगं यज्ञियं हृतवानसि
2107	1039026c	दुर्मेधस्त्वं हि संप्राप्तान्विद्धि नः सगरात्मजान्
2108	1039027a	श्रुत्वा तद्वचनं तेषां कपिलो रघुनन्दन
2109	1039027c	रोषेण महताविष्टो हुंकारमकरोत्तदा
2110	1039028a	ततस्तेनाप्रमेयेन कपिलेन महात्मना
2111	1039028c	भस्मराशीकृताः सर्वे काकुत्स्थ सगरात्मजाः
2112	1040001a	पुत्रांश्चिरगताञ्ज्ञात्वा सगरो रघुनन्दन
2113	1040001c	नप्तारमब्रवीद्राजा दीप्यमानं स्वतेजसा
2114	1040002a	शूरश्च कृतविद्यश्च पूर्वैस्तुल्योऽसि तेजसा
2115	1040002c	पितॄणां गतिमन्विच्छ येन चाश्वोऽपहारितः
2116	1040003a	अन्तर्भौमानि सत्त्वानि वीर्यवन्ति महान्ति च
2117	1040003c	तेषां त्वं प्रतिघातार्थं सासिं गृह्णीष्व कार्मुकम्
2118	1040004a	अभिवाद्याभिवाद्यांस्त्वं हत्वा विघ्नकरानपि
2119	1040004c	सिद्धार्थः संनिवर्तस्व मम यज्ञस्य पारगः
2120	1040005a	एवमुक्तोंऽशुमान्सम्यक्सगरेण महात्मना
2121	1040005c	धनुरादाय खड्गं च जगाम लघुविक्रमः
2122	1040006a	स खातं पितृभिर्मार्गमन्तर्भौमं महात्मभिः
2123	1040006c	प्रापद्यत नरश्रेष्ठ तेन राज्ञाभिचोदितः
2124	1040007a	दैत्यदानवरक्षोभिः पिशाचपतगोरगैः
2125	1040007c	पूज्यमानं महातेजा दिशागजमपश्यत
2126	1040008a	स तं प्रदक्षिणं कृत्वा पृष्ट्वा चैव निरामयम्
2127	1040008c	पितॄन्स परिपप्रच्छ वाजिहर्तारमेव च
2128	1040009a	दिशागजस्तु तच्छ्रुत्वा प्रीत्याहांशुमतो वचः
2129	1040009c	आसमञ्जकृतार्थस्त्वं सहाश्वः शीघ्रमेष्यसि
2130	1040010a	तस्य तद्वचनं श्रुत्वा सर्वानेव दिशागजान्
2131	1040010c	यथाक्रमं यथान्यायं प्रष्टुं समुपचक्रमे
2132	1040011a	तैश्च सर्वैर्दिशापालैर्वाक्यज्ञैर्वाक्यकोविदैः
2133	1040011c	पूजितः सहयश्चैव गन्तासीत्यभिचोदितः
2134	1040012a	तेषां तद्वचनं श्रुत्वा जगाम लघुविक्रमः
2135	1040012c	भस्मराशीकृता यत्र पितरस्तस्य सागराः
2136	1040013a	स दुःखवशमापन्नस्त्वसमञ्जसुतस्तदा
2137	1040013c	चुक्रोश परमार्तस्तु वधात्तेषां सुदुःखितः
2138	1040014a	यज्ञियं च हयं तत्र चरन्तमविदूरतः
2139	1040014c	ददर्श पुरुषव्याघ्रो दुःखशोकसमन्वितः
2140	1040015a	ददर्श पुरुषव्याघ्रो कर्तुकामो जलक्रियाम्
2141	1040015c	सलिलार्थी महातेजा न चापश्यज्जलाशयम्
2142	1040016a	विसार्य निपुणां दृष्टिं ततोऽपश्यत्खगाधिपम्
2143	1040016c	पितॄणां मातुलं राम सुपर्णमनिलोपमम्
2144	1040017a	स चैनमब्रवीद्वाक्यं वैनतेयो महाबलः
2145	1040017c	मा शुचः पुरुषव्याघ्र वधोऽयं लोकसंमतः
2146	1040018a	कपिलेनाप्रमेयेन दग्धा हीमे महाबलाः
2147	1040018c	सलिलं नार्हसि प्राज्ञ दातुमेषां हि लौकिकम्
2148	1040019a	गङ्गा हिमवतो ज्येष्ठा दुहिता पुरुषर्षभ
2149	1040019c	भस्मराशीकृतानेतान्पावयेल्लोकपावनी
2150	1040020a	तया क्लिन्नमिदं भस्म गङ्गया लोककान्तया
2151	1040020c	षष्टिं पुत्रसहस्राणि स्वर्गलोकं नयिष्यति
2152	1040021a	गच्छ चाश्वं महाभाग संगृह्य पुरुषर्षभ
2153	1040021c	यज्ञं पैतामहं वीर निर्वर्तयितुमर्हसि
2154	1040022a	सुपर्णवचनं श्रुत्वा सोंऽशुमानतिवीर्यवान्
2155	1040022c	त्वरितं हयमादाय पुनरायान्महायशाः
2156	1040023a	ततो राजानमासाद्य दीक्षितं रघुनन्दन
2157	1040023c	न्यवेदयद्यथावृत्तं सुपर्णवचनं तथा
2158	1040024a	तच्छ्रुत्वा घोरसंकाशं वाक्यमंशुमतो नृपः
2159	1040024c	यज्ञं निर्वर्तयामास यथाकल्पं यथाविधि
2160	1040025a	स्वपुरं चागमच्छ्रीमानिष्टयज्ञो महीपतिः
2161	1040025c	गङ्गायाश्चागमे राजा निश्चयं नाध्यगच्छत
2162	1040026a	अगत्वा निश्चयं राजा कालेन महता महान्
2163	1040026c	त्रिंशद्वर्षसहस्राणि राज्यं कृत्वा दिवं गतः
2164	1041001a	कालधर्मं गते राम सगरे प्रकृतीजनाः
2165	1041001c	राजानं रोचयामासुरंशुमन्तं सुधार्मिकम्
2166	1041002a	स राजा सुमहानासीदंशुमान्रघुनन्दन
2167	1041002c	तस्य पुत्रो महानासीद्दिलीप इति विश्रुतः
2168	1041003a	तस्मिन्राज्यं समावेश्य दिलीपे रघुनन्दन
2169	1041003c	हिमवच्छिखरे रम्ये तपस्तेपे सुदारुणम्
2170	1041004a	द्वाद्त्रिंशच्च सहस्राणि वर्षाणि सुमहायशाः
2171	1041004c	तपोवनगतो राजा स्वर्गं लेभे तपोधनः
2172	1041005a	दिलीपस्तु महातेजाः श्रुत्वा पैतामहं वधम्
2173	1041005c	दुःखोपहतया बुद्ध्या निश्चयं नाध्यगच्छत
2174	1041006a	कथं गङ्गावतरणं कथं तेषां जलक्रिया
2175	1041006c	तारयेयं कथं चैतानिति चिन्ता परोऽभवत्
2176	1041007a	तस्य चिन्तयतो नित्यं धर्मेण विदितात्मनः
2177	1041007c	पुत्रो भगीरथो नाम जज्ञे परमधार्मिकः
2178	1041008a	दिलीपस्तु महातेजा यज्ञैर्बहुभिरिष्टवान्
2179	1041008c	त्रिंशद्वर्षसहस्राणि राजा राज्यमकारयत्
2180	1041009a	अगत्वा निश्चयं राजा तेषामुद्धरणं प्रति
2181	1041009c	व्याधिना नरशार्दूल कालधर्ममुपेयिवान्
2182	1041010a	इन्द्रलोकं गतो राजा स्वार्जितेनैव कर्मणा
2183	1041010c	रम्ये भगीरथं पुत्रमभिषिच्य नरर्षभः
2184	1041011a	भगीरथस्तु राजर्षिर्धार्मिको रघुनन्दन
2185	1041011c	अनपत्यो महातेजाः प्रजाकामः स चाप्रजः
2186	1041012a	स तपो दीर्घमातिष्ठद्गोकर्णे रघुनन्दन
2187	1041012c	ऊर्ध्वबाहुः पञ्चतपा मासाहारो जितेन्द्रियः
2188	1041013a	तस्य वर्षसहस्राणि घोरे तपसि तिष्ठतः
2189	1041013c	सुप्रीतो भगवान्ब्रह्मा प्रजानां पतिरीश्वरः
2190	1041014a	ततः सुरगणैः सार्धमुपागम्य पितामहः
2191	1041014c	भगीरथं महात्मानं तप्यमानमथाब्रवीत्
2192	1041015a	भगीरथ महाभाग प्रीतस्तेऽहं जनेश्वर
2193	1041015c	तपसा च सुतप्तेन वरं वरय सुव्रत
2194	1041016a	तमुवाच महातेजाः सर्वलोकपितामहम्
2195	1041016c	भगीरथो महाभागः कृताञ्जलिरवस्थितः
2196	1041017a	यदि मे भगवान्प्रीतो यद्यस्ति तपसः फलम्
2197	1041017c	सगरस्यात्मजाः सर्वे मत्तः सलिलमाप्नुयुः
2198	1041018a	गङ्गायाः सलिलक्लिन्ने भस्मन्येषां महात्मनाम्
2199	1041018c	स्वर्गं गच्छेयुरत्यन्तं सर्वे मे प्रपितामहाः
2200	1041019a	देया च संततोर्देव नावसीदेत्कुलं च नः
2201	1041019c	इक्ष्वाकूणां कुले देव एष मेऽस्तु वरः परः
2202	1041020a	उक्तवाक्यं तु राजानं सर्वलोकपितामहः
2203	1041020c	प्रत्युवाच शुभां वाणीं मधुरां मधुराक्षराम्
2204	1041021a	मनोरथो महानेष भगीरथ महारथ
2205	1041021c	एवं भवतु भद्रं ते इक्ष्वाकुकुलवर्धन
2206	1041022a	इयं हैमवती गङ्गा ज्येष्ठा हिमवतः सुता
2207	1041022c	तां वै धारयितुं राजन्हरस्तत्र नियुज्यताम्
2208	1041023a	गङ्गायाः पतनं राजन्पृथिवी न सहिष्यते
2209	1041023c	तौ वै धारयितुं वीर नान्यं पश्यामि शूलिनः
2210	1041024a	तमेवमुक्त्वा राजानं गङ्गां चाभाष्य लोककृत्
2211	1041024c	जगाम त्रिदिवं देवः सह सर्वैर्मरुद्गणैः
2212	1042001a	देवदेवे गते तस्मिन्सोऽङ्गुष्ठाग्रनिपीडिताम्
2213	1042001c	कृत्वा वसुमतीं राम संवत्सरमुपासत
2214	1042002a	अथ संवत्सरे पूर्णे सर्वलोकनमस्कृतः
2215	1042002c	उमापतिः पशुपती राजानमिदमब्रवीत्
2216	1042003a	प्रीतस्तेऽहं नरश्रेष्ठ करिष्यामि तव प्रियम्
2217	1042003c	शिरसा धारयिष्यामि शैलराजसुतामहम्
2218	1042004a	ततो हैमवती ज्येष्ठा सर्वलोकनमस्कृता
2219	1042004c	तदा सातिमहद्रूपं कृत्वा वेगं च दुःसहम्
2220	1042004e	आकाशादपतद्राम शिवे शिवशिरस्युत
2221	1042005a	नैव सा निर्गमं लेखे जटामण्डलमोहिता
2222	1042005c	तत्रैवाबभ्रमद्देवी संवत्सरगणान्बहून्
2223	1042006a	अनेन तोषितश्चासीदत्यर्थं रघुनन्दन
2224	1042006c	विससर्ज ततो गङ्गां हरो बिन्दुसरः प्रति
2225	1042007a	गगनाच्छंकरशिरस्ततो धरणिमागता
2226	1042007c	व्यसर्पत जलं तत्र तीव्रशब्दपुरस्कृतम्
2227	1042008a	ततो देवर्षिगन्धर्वा यक्षाः सिद्धगणास्तथा
2228	1042008c	व्यलोकयन्त ते तत्र गगनाद्गां गतां तदा
2229	1042009a	विमानैर्नगराकारैर्हयैर्गजवरैस्तथा
2230	1042009c	पारिप्लवगताश्चापि देवतास्तत्र विष्ठिताः
2231	1042010a	तदद्भुततमं लोके गङ्गा पतनमुत्तमम्
2232	1042010c	दिदृक्षवो देवगणाः समेयुरमितौजसः
2233	1042011a	संपतद्भिः सुरगणैस्तेषां चाभरणौजसा
2234	1042011c	शतादित्यमिवाभाति गगनं गततोयदम्
2235	1042012a	शिंशुमारोरगगणैर्मीनैरपि च चञ्चलैः
2236	1042012c	विद्युद्भिरिव विक्षिप्तैराकाशमभवत्तदा
2237	1042013a	पाण्डुरैः सलिलोत्पीडैः कीर्यमाणैः सहस्रधा
2238	1042013c	शारदाभ्रैरिवाक्रीत्णं गगनं हंससंप्लवैः
2239	1042014a	क्वचिद्द्रुततरं याति कुटिलं क्वचिदायतम्
2240	1042014c	विनतं क्वचिदुद्धूतं क्वचिद्याति शनैः शनैः
2241	1042015a	सलिलेनैव सलिलं क्वचिदभ्याहतं पुनः
2242	1042015c	मुहुरूर्ध्वपथं गत्वा पपात वसुधां पुनः
2243	1042016a	तच्छंकरशिरोभ्रष्टं भ्रष्टं भूमितले पुनः
2244	1042016c	व्यरोचत तदा तोयं निर्मलं गतकल्मषम्
2245	1042017a	तत्रर्षिगणगन्धर्वा वसुधातलवासिनः
2246	1042017c	भवाङ्गपतितं तोयं पवित्रमिति पस्पृशुः
2247	1042018a	शापात्प्रपतिता ये च गगनाद्वसुधातलम्
2248	1042018c	कृत्वा तत्राभिषेकं ते बभूवुर्गतकल्मषाः
2249	1042019a	धूपपापाः पुनस्तेन तोयेनाथ सुभास्वता
2250	1042019c	पुनराकाशमाविश्य स्वाँल्लोकान्प्रतिपेदिरे
2251	1042020a	मुमुदे मुदितो लोकस्तेन तोयेन भास्वता
2252	1042020c	कृताभिषेको गङ्गायां बभूव विगतक्लमः
2253	1042021a	भगीरथोऽपि राजर्षिर्दिव्यं स्यन्दनमास्थितः
2254	1042021c	प्रायादग्रे महातेजास्तं गङ्गा पृष्ठतोऽन्वगात्
2255	1042022a	देवाः सर्षिगणाः सर्वे दैत्यदानवराक्षसाः
2256	1042022c	गन्धर्वयक्षप्रवराः सकिंनरमहोरगाः
2257	1042023a	सर्वाश्चाप्सरसो राम भगीरथरथानुगाः
2258	1042023c	गङ्गामन्वगमन्प्रीताः सर्वे जलचराश्च ये
2259	1042024a	यतो भगीरथो राजा ततो गङ्गा यशस्विनी
2260	1042024c	जगाम सरितां श्रेष्ठा सर्वपापविनाशिनी
2261	1043001a	स गत्वा सागरं राजा गङ्गयानुगतस्तदा
2262	1043001c	प्रविवेश तलं भूमेर्यत्र ते भस्मसात्कृताः
2263	1043002a	भस्मन्यथाप्लुते राम गङ्गायाः सलिलेन वै
2264	1043002c	सर्व लोकप्रभुर्ब्रह्मा राजानमिदमब्रवीत्
2265	1043003a	तारिता नरशार्दूल दिवं याताश्च देववत्
2266	1043003c	षष्टिः पुत्रसहस्राणि सगरस्य महात्मनः
2267	1043004a	सागरस्य जलं लोके यावत्स्थास्यति पार्थिव
2268	1043004c	सगरस्यात्मजास्तावत्स्वर्गे स्थास्यन्ति देववत्
2269	1043005a	इयं च दुहिता ज्येष्ठा तव गङ्गा भविष्यति
2270	1043005c	त्वत्कृतेन च नाम्ना वै लोके स्थास्यति विश्रुता
2271	1043006a	गङ्गा त्रिपथगा नाम दिव्या भागीरथीति च
2272	1043006c	त्रिपथो भावयन्तीति ततस्त्रिपथगा स्मृता
2273	1043007a	पितामहानां सर्वेषां त्वमत्र मनुजाधिप
2274	1043007c	कुरुष्व सलिलं राजन्प्रतिज्ञामपवर्जय
2275	1043008a	पूर्वकेण हि ते राजंस्तेनातियशसा तदा
2276	1043008c	धर्मिणां प्रवरेणाथ नैष प्राप्तो मनोरथः
2277	1043009a	तथैवांशुमता तात लोकेऽप्रतिमतेजसा
2278	1043009c	गङ्गां प्रार्थयता नेतुं प्रतिज्ञा नापवर्जिता
2279	1043010a	राजर्षिणा गुणवता महर्षिसमतेजसा
2280	1043010c	मत्तुल्यतपसा चैव क्षत्रधर्मस्थितेन च
2281	1043011a	दिलीपेन महाभाग तव पित्रातितेजसा
2282	1043011c	पुनर्न शङ्किता नेतुं गङ्गां प्रार्थयतानघ
2283	1043012a	सा त्वया समतिक्रान्ता प्रतिज्ञा पुरुषर्षभ
2284	1043012c	प्राप्तोऽसि परमं लोके यशः परमसंमतम्
2285	1043013a	यच्च गङ्गावतरणं त्वया कृतमरिंदम
2286	1043013c	अनेन च भवान्प्राप्तो धर्मस्यायतनं महत्
2287	1043014a	प्लावयस्व त्वमात्मानं नरोत्तम सदोचिते
2288	1043014c	सलिले पुरुषव्याघ्र शुचिः पुण्यफलो भव
2289	1043015a	पितामहानां सर्वेषां कुरुष्व सलिलक्रियाम्
2290	1043015c	स्वस्ति तेऽस्तु गमिष्यामि स्वं लोकं गम्यतां नृप
2291	1043016a	इत्येवमुक्त्वा देवेशः सर्वलोकपितामहः
2292	1043016c	यथागतं तथागच्छद्देवलोकं महायशाः
2293	1043017a	भगीरथोऽपि राजर्षिः कृत्वा सलिलमुत्तमम्
2294	1043017c	यथाक्रमं यथान्यायं सागराणां महायशाः
2295	1043017e	कृतोदकः शुची राजा स्वपुरं प्रविवेश ह
2296	1043018a	समृद्धार्थो नरश्रेष्ठ स्वराज्यं प्रशशास ह
2297	1043018c	प्रमुमोद च लोकस्तं नृपमासाद्य राघव
2298	1043018e	नष्टशोकः समृद्धार्थो बभूव विगतज्वरः
2299	1043019a	एष ते राम गङ्गाया विस्तरोऽभिहितो मया
2300	1043019c	स्वस्ति प्राप्नुहि भद्रं ते संध्याकालोऽतिवर्तते
2301	1043020a	धन्यं यशस्यमायुष्यं स्वर्ग्यं पुत्र्यमथापि च
2302	1043020c	इदमाख्यानमाख्यातं गङ्गावतरणं मया
2303	1044001a	विश्वामित्रवचः श्रुत्वा राघवः सहलक्ष्मणः
2304	1044001c	विस्मयं परमं गत्वा विश्वामित्रमथाब्रवीत्
2305	1044002a	अत्यद्भुतमिदं ब्रह्मन्कथितं परमं त्वया
2306	1044002c	गङ्गावतरणं पुण्यं सागरस्य च पूरणम्
2307	1044003a	तस्य सा शर्वरी सर्वा सह सौमित्रिणा तदा
2308	1044003c	जगाम चिन्तयानस्य विश्वामित्रकथां शुभाम्
2309	1044004a	ततः प्रभाते विमले विश्वामित्रं महामुनिम्
2310	1044004c	उवाच राघवो वाक्यं कृताह्निकमरिंदमः
2311	1044005a	गता भगवती रात्रिः श्रोतव्यं परमं श्रुतम्
2312	1044005c	क्षणभूतेव सा रात्रिः संवृत्तेयं महातपः
2313	1044005e	इमां चिन्तयतः सर्वां निखिलेन कथां तव
2314	1044006a	तराम सरितां श्रेष्ठां पुण्यां त्रिपथगां नदीम्
2315	1044006c	नौरेषा हि सुखास्तीर्णा ऋषीणां पुण्यकर्मणाम्
2316	1044006e	भगवन्तमिह प्राप्तं ज्ञात्वा त्वरितमागता
2317	1044007a	तस्य तद्वचनं श्रुत्वा राघवस्य महात्मनः
2318	1044007c	संतारं कारयामास सर्षिसंघः सराघवः
2319	1044008a	उत्तरं तीरमासाद्य संपूज्यर्षिगणं तथ
2320	1044008c	गङ्गाकूले निविष्टास्ते विशालां ददृशुः पुरीम्
2321	1044009a	ततो मुनिवरस्तूर्णं जगाम सहराघवः
2322	1044009c	विशालां नगरीं रम्यां दिव्यां स्वर्गोपमां तदा
2323	1044010a	अथ रामो महाप्राज्ञो विश्वामित्रं महामुनिम्
2324	1044010c	पप्रच्छ प्राञ्जलिर्भूत्वा विशालामुत्तमां पुरीम्
2325	1044011a	कतरो राजवंशोऽयं विशालायां महामुने
2326	1044011c	श्रोतुमिच्छामि भद्रं ते परं कौतूहलं हि मे
2327	1044012a	तस्य तद्वचनं श्रुत्वा रामस्य मुनिपुंगवः
2328	1044012c	आख्यातुं तत्समारेभे विशालस्य पुरातनम्
2329	1044013a	श्रूयतां राम शक्रस्य कथां कथयतः शुभाम्
2330	1044013c	अस्मिन्देशे हि यद्वृत्तं शृणु तत्त्वेन राघव
2331	1044014a	पूर्वं कृतयुगे राम दितेः पुत्रा महाबलाः
2332	1044014c	अदितेश्च महाभागा वीर्यवन्तः सुधार्मिकाः
2333	1044015a	ततस्तेषां नरश्रेष्ठ बुद्धिरासीन्महात्मनाम्
2334	1044015c	अमरा निर्जराश्चैव कथं स्याम निरामयाः
2335	1044016a	तेषां चिन्तयतां राम बुद्धिरासीद्विपश्चिताम्
2336	1044016c	क्षीरोदमथनं कृत्वा रसं प्राप्स्याम तत्र वै
2337	1044017a	ततो निश्चित्य मथनं योक्त्रं कृत्वा च वासुकिम्
2338	1044017c	मन्थानं मन्दरं कृत्वा ममन्थुरमितौजसः
2339	1044018a	अथ धन्वन्तरिर्नाम अप्सराश्च सुवर्चसः
2340	1044018c	अप्सु निर्मथनादेव रसात्तस्माद्वरस्त्रियः
2341	1044018e	उत्पेतुर्मनुजश्रेष्ठ तस्मादप्सरसोऽभवन्
2342	1044019a	षष्टिः कोट्योऽभवंस्तासामप्सराणां सुवर्चसाम्
2343	1044019c	असंख्येयास्तु काकुत्स्थ यास्तासां परिचारिकाः
2344	1044020a	न ताः स्म प्रतिगृह्णन्ति सर्वे ते देवदानवाः
2345	1044020c	अप्रतिग्रहणाच्चैव तेन साधारणाः स्मृताः
2346	1044021a	वरुणस्य ततः कन्या वारुणी रघुनन्दन
2347	1044021c	उत्पपात महाभागा मार्गमाणा परिग्रहम्
2348	1044022a	दितेः पुत्रा न तां राम जगृहुर्वरुणात्मजाम्
2349	1044022c	अदितेस्तु सुता वीर जगृहुस्तामनिन्दिताम्
2350	1044023a	असुरास्तेन दैतेयाः सुरास्तेनादितेः सुताः
2351	1044023c	हृष्टाः प्रमुदिताश्चासन्वारुणी ग्रहणात्सुराः
2352	1044024a	उच्चैःश्रवा हयश्रेष्ठो मणिरत्नं च कौस्तुभम्
2353	1044024c	उदतिष्ठन्नरश्रेष्ठ तथैवामृतमुत्तमम्
2354	1044025a	अथ तस्य कृते राम महानासीत्कुलक्षयः
2355	1044025c	अदितेस्तु ततः पुत्रा दितेः पुत्राण सूदयन्
2356	1044026a	अदितेरात्मजा वीरा दितेः पुत्रान्निजघ्निरे
2357	1044026c	तस्मिन्घोरे महायुद्धे दैतेयादित्ययोर्भृशम्
2358	1044027a	निहत्य दितिपुत्रांस्तु राज्यं प्राप्य पुरंदरः
2359	1044027c	शशास मुदितो लोकान्सर्षिसंघान्सचारणान्
2360	1045001a	हतेषु तेषु पुत्रेषु दितिः परमदुःखिता
2361	1045001c	मारीचं काश्यपं राम भर्तारमिदमब्रवीत्
2362	1045002a	हतपुत्रास्मि भगवंस्तव पुत्रैर्महाबलैः
2363	1045002c	शक्रहन्तारमिच्छामि पुत्रं दीर्घतपोऽर्जितम्
2364	1045003a	साहं तपश्चरिष्यामि गर्भं मे दातुमर्हसि
2365	1045003c	ईदृशं शक्रहन्तारं त्वमनुज्ञातुमर्हसि
2366	1045004a	तस्यास्तद्वचनं श्रुत्वा मारीचः काश्यपस्तदा
2367	1045004c	प्रत्युवाच महातेजा दितिं परमदुःखिताम्
2368	1045005a	एवं भवतु भद्रं ते शुचिर्भव तपोधने
2369	1045005c	जनयिष्यसि पुत्रं त्वं शक्र हन्तारमाहवे
2370	1045006a	पूर्णे वर्षसहस्रे तु शुचिर्यदि भविष्यसि
2371	1045006c	पुत्रं त्रैलोक्य हन्तारं मत्तस्त्वं जनयिष्यसि
2372	1045007a	एवमुक्त्वा महातेजाः पाणिना स ममार्ज ताम्
2373	1045007c	समालभ्य ततः स्वस्तीत्युक्त्वा स तपसे ययौ
2374	1045008a	गते तस्मिन्नरश्रेष्ठ दितिः परमहर्षिता
2375	1045008c	कुशप्लवनमासाद्य तपस्तेपे सुदारुणम्
2376	1045009a	तपस्तस्यां हि कुर्वत्यां परिचर्यां चकार ह
2377	1045009c	सहस्राक्षो नरश्रेष्ठ परया गुणसंपदा
2378	1045010a	अग्निं कुशान्काष्ठमपः फलं मूलं तथैव च
2379	1045010c	न्यवेदयत्सहस्राक्षो यच्चान्यदपि काङ्क्षितम्
2380	1045011a	गात्रसंवाहनैश्चैव श्रमापनयनैस्तथा
2381	1045011c	शक्रः सर्वेषु कालेषु दितिं परिचचार ह
2382	1045012a	अथ वर्षसहस्रेतु दशोने रघु नन्दन
2383	1045012c	दितिः परमसंप्रीता सहस्राक्षमथाब्रवीत्
2384	1045013a	तपश्चरन्त्या वर्षाणि दश वीर्यवतां वर
2385	1045013c	अवशिष्टानि भद्रं ते भ्रातरं द्रक्ष्यसे ततः
2386	1045014a	तमहं त्वत्कृते पुत्र समाधास्ये जयोत्सुकम्
2387	1045014c	त्रैलोक्यविजयं पुत्र सह भोक्ष्यसि विज्वरः
2388	1045015a	एवमुक्त्वा दितिः शक्रं प्राप्ते मध्यं दिवाकरे
2389	1045015c	निद्रयापहृता देवी पादौ कृत्वाथ शीर्षतः
2390	1045016a	दृष्ट्वा तामशुचिं शक्रः पादतः कृतमूर्धजाम्
2391	1045016c	शिरःस्थाने कृतौ पादौ जहास च मुमोद च
2392	1045017a	तस्याः शरीरविवरं विवेश च पुरंदरः
2393	1045017c	गर्भं च सप्तधा राम बिभेद परमात्मवान्
2394	1045018a	बिध्यमानस्ततो गर्भो वज्रेण शतपर्वणा
2395	1045018c	रुरोद सुस्वरं राम ततो दितिरबुध्यत
2396	1045019a	मा रुदो मा रुदश्चेति गर्भं शक्रोऽभ्यभाषत
2397	1045019c	बिभेद च महातेजा रुदन्तमपि वासवः
2398	1045020a	न हन्तव्यो न हन्तव्य इत्येवं दितिरब्रवीत्
2399	1045020c	निष्पपात ततः शक्रो मातुर्वचनगौरवात्
2400	1045021a	प्राञ्जलिर्वज्रसहितो दितिं शक्रोऽभ्यभाषत
2401	1045021c	अशुचिर्देवि सुप्तासि पादयोः कृतमूर्धजा
2402	1045022a	तदन्तरमहं लब्ध्वा शक्रहन्तारमाहवे
2403	1045022c	अभिन्दं सप्तधा देवि तन्मे त्वं क्षन्तुमर्हसि
2404	1046001a	सप्तधा तु कृते गर्भे दितिः परमदुःखिता
2405	1046001c	सहस्राक्षं दुराधर्षं वाक्यं सानुनयाब्रवीत्
2406	1046002a	ममापराधाद्गर्भोऽयं सप्तधा विफलीकृतः
2407	1046002c	नापराधोऽस्ति देवेश तवात्र बलसूदन
2408	1046003a	प्रियं तु कृतमिच्छामि मम गर्भविपर्यये
2409	1046003c	मरुतां सप्तं सप्तानां स्थानपाला भवन्त्विमे
2410	1046004a	वातस्कन्धा इमे सप्त चरन्तु दिवि पुत्रकाः
2411	1046004c	मारुता इति विख्याता दिव्यरूपा ममात्मजाः
2412	1046005a	ब्रह्मलोकं चरत्वेक इन्द्रलोकं तथापरः
2413	1046005c	दिवि वायुरिति ख्यातस्तृतीयोऽपि महायशाः
2414	1046006a	चत्वारस्तु सुरश्रेष्ठ दिशो वै तव शासनात्
2415	1046006c	संचरिष्यन्ति भद्रं ते देवभूता ममात्मजाः
2416	1046006e	त्वत्कृतेनैव नाम्ना च मारुता इति विश्रुताः
2417	1046007a	तस्यास्तद्वचनं श्रुत्वा सहस्राक्षः पुरंदरः
2418	1046007c	उवाच प्राञ्जलिर्वाक्यं दितिं बलनिषूदनः
2419	1046008a	सर्वमेतद्यथोक्तं ते भविष्यति न संशयः
2420	1046008c	विचरिष्यन्ति भद्रं ते देवभूतास्तवात्मजाः
2421	1046009a	एवं तौ निश्चयं कृत्वा मातापुत्रौ तपोवने
2422	1046009c	जग्मतुस्त्रिदिवं राम कृतार्थाविति नः श्रुतम्
2423	1046010a	एष देशः स काकुत्स्थ महेन्द्राध्युषितः पुरा
2424	1046010c	दितिं यत्र तपः सिद्धामेवं परिचचार सः
2425	1046011a	इक्ष्वाकोस्तु नरव्याघ्र पुत्रः परमधार्मिकः
2426	1046011c	अलम्बुषायामुत्पन्नो विशाल इति विश्रुतः
2427	1046012a	तेन चासीदिह स्थाने विशालेति पुरी कृता
2428	1046013a	विशालस्य सुतो राम हेमचन्द्रो महाबलः
2429	1046013c	सुचन्द्र इति विख्यातो हेमचन्द्रादनन्तरः
2430	1046014a	सुचन्द्रतनयो राम धूम्राश्व इति विश्रुतः
2431	1046014c	धूम्राश्वतनयश्चापि सृञ्जयः समपद्यत
2432	1046015a	सृञ्जयस्य सुतः श्रीमान्सहदेवः प्रतापवान्
2433	1046015c	कुशाश्वः सहदेवस्य पुत्रः परमधार्मिकः
2434	1046016a	कुशाश्वस्य महातेजाः सोमदत्तः प्रतापवान्
2435	1046016c	सोमदत्तस्य पुत्रस्तु काकुत्स्थ इति विश्रुतः
2436	1046017a	तस्य पुत्रो महातेजाः संप्रत्येष पुरीमिमाम्
2437	1046017c	आवसत्यमरप्रख्यः सुमतिर्नाम दुर्जयः
2438	1046018a	इक्ष्वाकोस्तु प्रसादेन सर्वे वैशालिका नृपाः
2439	1046018c	दीर्घायुषो महात्मानो वीर्यवन्तः सुधार्मिकाः
2440	1046019a	इहाद्य रजनीं राम सुखं वत्स्यामहे वयम्
2441	1046019c	श्वः प्रभाते नरश्रेष्ठ जनकं द्रष्टुमर्हसि
2442	1046020a	सुमतिस्तु महातेजा विश्वामित्रमुपागतम्
2443	1046020c	श्रुत्वा नरवरश्रेष्ठः प्रत्युद्गच्छन्महायशाः
2444	1046021a	पूजां च परमां कृत्वा सोपाध्यायः सबान्धवः
2445	1046021c	प्राञ्जलिः कुशलं पृष्ट्वा विश्वामित्रमथाब्रवीत्
2446	1046022a	धन्योऽस्म्यनुगृहीतोऽस्मि यस्य मे विषयं मुने
2447	1046022c	संप्राप्तो दर्शनं चैव नास्ति धन्यतरो मम
2448	1047001a	पृष्ट्वा तु कुशलं तत्र परस्परसमागमे
2449	1047001c	कथान्ते सुमतिर्वाक्यं व्याजहार महामुनिम्
2450	1047002a	इमौ कुमारौ भद्रं ते देवतुल्यपराक्रमौ
2451	1047002c	गजसिंहगती वीरौ शार्दूलवृषभोपमौ
2452	1047003a	पद्मपत्रविशालाक्षौ खड्गतूणीधनुर्धरौ
2453	1047003c	अश्विनाविव रूपेण समुपस्थितयौवनौ
2454	1047004a	यदृच्छयैव गां प्राप्तौ देवलोकादिवामरौ
2455	1047004c	कथं पद्भ्यामिह प्राप्तौ किमर्थं कस्य वा मुने
2456	1047005a	भूषयन्ताविमं देशं चन्द्रसूर्याविवाम्बरम्
2457	1047005c	परस्परस्य सदृशौ प्रमाणेङ्गितचेष्टितैः
2458	1047006a	किमर्थं च नरश्रेष्ठौ संप्राप्तौ दुर्गमे पथि
2459	1047006c	वरायुधधरौ वीरौ श्रोतुमिच्छामि तत्त्वतः
2460	1047007a	तस्य तद्वचनं श्रुत्वा यथावृत्तं न्यवेदयत्
2461	1047007c	सिद्धाश्रमनिवासं च राक्षसानां वधं तथा
2462	1047008a	विश्वामित्रवचः श्रुत्वा राजा परमहर्षितः
2463	1047008c	अतिथी परमौ प्राप्तौ पुत्रौ दशरथस्य तौ
2464	1047008e	पूजयामास विधिवत्सत्कारार्हौ महाबलौ
2465	1047009a	ततः परमसत्कारं सुमतेः प्राप्य राघवौ
2466	1047009c	उष्य तत्र निशामेकां जग्मतुर्मिथिलां ततः
2467	1047010a	तां दृष्ट्वा मुनयः सर्वे जनकस्य पुरीं शुभाम्
2468	1047010c	साधु साध्विति शंसन्तो मिथिलां समपूजयन्
2469	1047011a	मिथिलोपवने तत्र आश्रमं दृश्य राघवः
2470	1047011c	पुराणं निर्जनं रम्यं पप्रच्छ मुनिपुंगवम्
2471	1047012a	श्रीमदाश्रमसंकाशं किं न्विदं मुनिवर्जितम्
2472	1047012c	श्रोतुमिच्छामि भगवन्कस्यायं पूर्व आश्रमः
2473	1047013a	तच्छ्रुता राघवेणोक्तं वाक्यं वाक्यविशारदः
2474	1047013c	प्रत्युवाच महातेजा विश्वमित्रो महामुनिः
2475	1047014a	हन्त ते कथयिष्यामि शृणु तत्त्वेन राघव
2476	1047014c	यस्यैतदाश्रमपदं शप्तं कोपान्महात्मना
2477	1047015a	गौतमस्य नरश्रेष्ठ पूर्वमासीन्महात्मनः
2478	1047015c	आश्रमो दिव्यसंकाशः सुरैरपि सुपूजितः
2479	1047016a	स चेह तप आतिष्ठदहल्यासहितः पुरा
2480	1047016c	वर्षपूगान्यनेकानि राजपुत्र महायशः
2481	1047017a	तस्यान्तरं विदित्वा तु सहस्राक्षः शचीपतिः
2482	1047017c	मुनिवेषधरोऽहल्यामिदं वचनमब्रवीत्
2483	1047018a	ऋतुकालं प्रतीक्षन्ते नार्थिनः सुसमाहिते
2484	1047018c	संगमं त्वहमिच्छामि त्वया सह सुमध्यमे
2485	1047019a	मुनिवेषं सहस्राक्षं विज्ञाय रघुनन्दन
2486	1047019c	मतिं चकार दुर्मेधा देवराजकुतूहलात्
2487	1047020a	अथाब्रवीत्सुरश्रेष्ठं कृतार्थेनान्तरात्मना
2488	1047020c	कृतार्थोऽसि सुरश्रेष्ठ गच्छ शीघ्रमितः प्रभो
2489	1047020e	आत्मानं मां च देवेश सर्वदा रक्ष मानदः
2490	1047021a	इन्द्रस्तु प्रहसन्वाक्यमहल्यामिदमब्रवीत्
2491	1047021c	सुश्रोणि परितुष्टोऽस्मि गमिष्यामि यथागतम्
2492	1047022a	एवं संगम्य तु तया निश्चक्रामोटजात्ततः
2493	1047022c	स संभ्रमात्त्वरन्राम शङ्कितो गौतमं प्रति
2494	1047023a	गौतमं स ददर्शाथ प्रविशन्तं महामुनिम्
2495	1047023c	देवदानवदुर्धर्षं तपोबलसमन्वितम्
2496	1047023e	तीर्थोदकपरिक्लिन्नं दीप्यमानमिवानलम्
2497	1047023g	गृहीतसमिधं तत्र सकुशं मुनिपुङ्गवम्
2498	1047024a	दृष्ट्वा सुरपतिस्त्रस्तो विषण्णवदनोऽभवत्
2499	1047025a	अथ दृष्ट्वा सहस्राक्षं मुनिवेषधरं मुनिः
2500	1047025c	दुर्वृत्तं वृत्तसंपन्नो रोषाद्वचनमब्रवीत्
2501	1047026a	मम रूपं समास्थाय कृतवानसि दुर्मते
2502	1047026c	अकर्तव्यमिदं यस्माद्विफलस्त्वं भविष्यति
2503	1047027a	गौतमेनैवमुक्तस्य सरोषेण महात्मना
2504	1047027c	पेततुर्वृषणौ भूमौ सहस्राक्षस्य तत्क्षणात्
2505	1047028a	तथा शप्त्वा स वै शक्रं भार्यामपि च शप्तवान्
2506	1047028c	इह वर्षसहस्राणि बहूनि त्वं निवत्स्यसि
2507	1047029a	वायुभक्षा निराहारा तप्यन्ती भस्मशायिनी
2508	1047029c	अदृश्या सर्वभूतानामाश्रमेऽस्मिन्निवत्स्यसि
2509	1047030a	यदा चैतद्वनं घोरं रामो दशरथात्मजः
2510	1047030c	आगमिष्यति दुर्धर्षस्तदा पूता भविष्यसि
2511	1047031a	तस्यातिथ्येन दुर्वृत्ते लोभमोहविवर्जिता
2512	1047031c	मत्सकाशे मुदा युक्ता स्वं वपुर्धारयिष्यसि
2513	1047032a	एवमुक्त्वा महातेजा गौतमो दुष्टचारिणीम्
2514	1047032c	इममाश्रममुत्सृज्य सिद्धचारणसेविते
2515	1047032e	हिमवच्छिखरे रम्ये तपस्तेपे महातपाः
2516	1048001a	अफलस्तु ततः शक्रो देवानग्निपुरोगमान्
2517	1048001c	अब्रवीत्त्रस्तवदनः सर्षिसंघान्सचारणान्
2518	1048002a	कुर्वता तपसो विघ्नं गौतमस्य महात्मनः
2519	1048002c	क्रोधमुत्पाद्य हि मया सुरकार्यमिदं कृतम्
2520	1048003a	अफलोऽस्मि कृतस्तेन क्रोधात्सा च निराकृता
2521	1048003c	शापमोक्षेण महता तपोऽस्यापहृतं मया
2522	1048004a	तन्मां सुरवराः सर्वे सर्षिसंघाः सचारणाः
2523	1048004c	सुरसाह्यकरं सर्वे सफलं कर्तुमर्हथ
2524	1048005a	शतक्रतोर्वचः श्रुत्वा देवाः साग्निपुरोगमाः
2525	1048005c	पितृदेवानुपेत्याहुः सह सर्वैर्मरुद्गणैः
2526	1048006a	अयं मेषः सवृषणः शक्रो ह्यवृषणः कृतः
2527	1048006c	मेषस्य वृषणौ गृह्य शक्रायाशु प्रयच्छत
2528	1048007a	अफलस्तु कृतो मेषः परां तुष्टिं प्रदास्यति
2529	1048007c	भवतां हर्षणार्थाय ये च दास्यन्ति मानवाः
2530	1048008a	अग्नेस्तु वचनं श्रुत्वा पितृदेवाः समागताः
2531	1048008c	उत्पाट्य मेषवृषणौ सहस्राक्षे न्यवेदयन्
2532	1048009a	तदा प्रभृति काकुत्स्थ पितृदेवाः समागताः
2533	1048009c	अफलान्भुञ्जते मेषान्फलैस्तेषामयोजयन्
2534	1048010a	इन्द्रस्तु मेषवृषणस्तदा प्रभृति राघव
2535	1048010c	गौतमस्य प्रभावेन तपसश्च महात्मनः
2536	1048011a	तदागच्छ महातेज आश्रमं पुण्यकर्मणः
2537	1048011c	तारयैनां महाभागामहल्यां देवरूपिणीम्
2538	1048012a	विश्वामित्रवचः श्रुत्वा राघवः सहलक्ष्मणः
2539	1048012c	विश्वामित्रं पुरस्कृत्य आश्रमं प्रविवेश ह
2540	1048013a	ददर्श च महाभागां तपसा द्योतितप्रभाम्
2541	1048013c	लोकैरपि समागम्य दुर्निरीक्ष्यां सुरासुरैः
2542	1048014a	प्रयत्नान्निर्मितां धात्रा दिव्यां मायामयीमिव
2543	1048014c	धूमेनाभिपरीताङ्गीं पूर्णचन्द्रप्रभामिव
2544	1048015a	सतुषारावृतां साभ्रां पूर्णचन्द्रप्रभामिव
2545	1048015c	मध्येऽम्भसो दुराधर्षां दीप्तां सूर्यप्रभामिव
2546	1048016a	स हि गौतमवाक्येन दुर्निरीक्ष्या बभूव ह
2547	1048016c	त्रयाणामपि लोकानां यावद्रामस्य दर्शनम्
2548	1048017a	राघवौ तु ततस्तस्याः पादौ जगृहतुस्तदा
2549	1048017c	स्मरन्ती गौतमवचः प्रतिजग्राह सा च तौ
2550	1048018a	पाद्यमर्घ्यं तथातिथ्यं चकार सुसमाहिता
2551	1048018c	प्रतिजग्राह काकुत्स्थो विधिदृष्टेन कर्मणा
2552	1048019a	पुष्पवृष्टिर्महत्यासीद्देवदुन्दुभिनिस्वनैः
2553	1048019c	गन्धर्वाप्सरसां चापि महानासीत्समागमः
2554	1048020a	साधु साध्विति देवास्तामहल्यां समपूजयन्
2555	1048020c	तपोबलविशुद्धाङ्गीं गौतमस्य वशानुगाम्
2556	1048021a	गौतमोऽपि महातेजा अहल्यासहितः सुखी
2557	1048021c	रामं संपूज्य विधिवत्तपस्तेपे महातपाः
2558	1048022a	रामोऽपि परमां पूजां गौतमस्य महामुनेः
2559	1048022c	सकाशाद्विधिवत्प्राप्य जगाम मिथिलां ततः
2560	1049001a	ततः प्रागुत्तरां गत्वा रामः सौमित्रिणा सह
2561	1049001c	विश्वामित्रं पुरस्कृत्य यज्ञवाटमुपागमत्
2562	1049002a	रामस्तु मुनिशार्दूलमुवाच सहलक्ष्मणः
2563	1049002c	साध्वी यज्ञसमृद्धिर्हि जनकस्य महात्मनः
2564	1049003a	बहूनीह सहस्राणि नानादेशनिवासिनाम्
2565	1049003c	ब्राह्मणानां महाभाग वेदाध्ययनशालिनाम्
2566	1049004a	ऋषिवाटाश्च दृश्यन्ते शकटीशतसंकुलाः
2567	1049004c	देशो विधीयतां ब्रह्मन्यत्र वत्स्यामहे वयम्
2568	1049005a	रामस्य वचनं श्रुत्वा विश्वामित्रो महामुनिः
2569	1049005c	निवेशमकरोद्देशे विविक्ते सलिलायुते
2570	1049006a	विश्वामित्रं मुनिश्रेष्ठं श्रुत्वा स नृपतिस्तदा
2571	1049006c	शतानन्दं पुरस्कृत्य पुरोहितमनिन्दितम्
2572	1049007a	ऋत्विजोऽपि महात्मानस्त्वर्घ्यमादाय सत्वरम्
2573	1049007c	विश्वामित्राय धर्मेण ददुर्मन्त्रपुरस्कृतम्
2574	1049008a	प्रतिगृह्य तु तां पूजां जनकस्य महात्मनः
2575	1049008c	पप्रच्छ कुशलं राज्ञो यज्ञस्य च निरामयम्
2576	1049009a	स तांश्चापि मुनीन्पृष्ट्वा सोपाध्याय पुरोधसः
2577	1049009c	यथान्यायं ततः सर्वैः समागच्छत्प्रहृष्टवान्
2578	1049010a	अथ राजा मुनिश्रेष्ठं कृताञ्जलिरभाषत
2579	1049010c	आसने भगवानास्तां सहैभिर्मुनिसत्तमैः
2580	1049011a	जनकस्य वचः श्रुत्वा निषसाद महामुनिः
2581	1049011c	पुरोधा ऋत्विजश्चैव राजा च सह मन्त्रिभिः
2582	1049012a	आसनेषु यथान्यायमुपविष्टान्समन्ततः
2583	1049012c	दृष्ट्वा स नृपतिस्तत्र विश्वामित्रमथाब्रवीत्
2584	1049013a	अद्य यज्ञसमृद्धिर्मे सफला दैवतैः कृता
2585	1049013c	अद्य यज्ञफलं प्राप्तं भगवद्दर्शनान्मया
2586	1049014a	धन्योऽस्म्यनुगृहीतोऽस्मि यस्य मे मुनिपुंगव
2587	1049014c	यज्ञोपसदनं ब्रह्मन्प्राप्तोऽसि मुनिभिः सह
2588	1049015a	द्वादशाहं तु ब्रह्मर्षे शेषमाहुर्मनीषिणः
2589	1049015c	ततो भागार्थिनो देवान्द्रष्टुमर्हसि कौशिक
2590	1049016a	इत्युक्त्वा मुनिशार्दूलं प्रहृष्टवदनस्तदा
2591	1049016c	पुनस्तं परिपप्रच्छ प्राञ्जलिः प्रयतो नृपः
2592	1049017a	इमौ कुमारौ भद्रं ते देवतुल्यपराक्रमौ
2593	1049017c	गजसिंहगती वीरौ शार्दूलवृषभोपमौ
2594	1049018a	पद्मपत्रविशालाक्षौ खड्गतूणीधनुर्धरौ
2595	1049018c	अश्विनाविव रूपेण समुपस्थितयौवनौ
2596	1049019a	यदृच्छयैव गां प्राप्तौ देवलोकादिवामरौ
2597	1049019c	कथं पद्भ्यामिह प्राप्तौ किमर्थं कस्य वा मुने
2598	1049020a	वरायुधधरौ वीरौ कस्य पुत्रौ महामुने
2599	1049020c	भूषयन्ताविमं देशं चन्द्रसूर्याविवाम्बरम्
2600	1049021a	परस्परस्य सदृशौ प्रमाणेङ्गितचेष्टितैः
2601	1049021c	काकपक्षधरौ वीरौ श्रोतुमिच्छामि तत्त्वतः
2602	1049022a	तस्य तद्वचनं श्रुत्वा जनकस्य महात्मनः
2603	1049022c	न्यवेदयन्महात्मानौ पुत्रौ दशरथस्य तौ
2604	1049023a	सिद्धाश्रमनिवासं च राक्षसानां वधं तथा
2605	1049023c	तच्चागमनमव्यग्रं विशालायाश्च दर्शनम्
2606	1049024a	अहल्यादर्शनं चैव गौतमेन समागमम्
2607	1049024c	महाधनुषि जिज्ञासां कर्तुमागमनं तथा
2608	1049025a	एतत्सर्वं महातेजा जनकाय महात्मने
2609	1049025c	निवेद्य विररामाथ विश्वामित्रो महामुनिः
2610	1050001a	तस्य तद्वचनं श्रुत्वा विश्वामित्रस्य धीमतः
2611	1050001c	हृष्टरोमा महातेजाः शतानन्दो महातपाः
2612	1050002a	गौतमस्य सुतो ज्येष्ठस्तपसा द्योतितप्रभः
2613	1050002c	रामसंदर्शनादेव परं विस्मयमागतः
2614	1050003a	स तौ निषण्णौ संप्रेक्ष्य सुखासीनौ नृपात्मजौ
2615	1050003c	शतानन्दो मुनिश्रेष्ठं विश्वामित्रमथाब्रवीत्
2616	1050004a	अपि ते मुनिशार्दूल मम माता यशस्विनी
2617	1050004c	दर्शिता राजपुत्राय तपो दीर्घमुपागता
2618	1050005a	अपि रामे महातेजो मम माता यशस्विनी
2619	1050005c	वन्यैरुपाहरत्पूजां पूजार्हे सर्वदेहिनाम्
2620	1050006a	अपि रामाय कथितं यथावृत्तं पुरातनम्
2621	1050006c	मम मातुर्महातेजो देवेन दुरनुष्ठितम्
2622	1050007a	अपि कौशिक भद्रं ते गुरुणा मम संगता
2623	1050007c	माता मम मुनिश्रेष्ठ रामसंदर्शनादितः
2624	1050008a	अपि मे गुरुणा रामः पूजितः कुशिकात्मज
2625	1050008c	इहागतो महातेजाः पूजां प्राप्य महात्मनः
2626	1050009a	अपि शान्तेन मनसा गुरुर्मे कुशिकात्मज
2627	1050009c	इहागतेन रामेण प्रयतेनाभिवादितः
2628	1050010a	तच्छ्रुत्वा वचनं तस्य विश्वामित्रो महामुनिः
2629	1050010c	प्रत्युवाच शतानन्दं वाक्यज्ञो वाक्यकोविदम्
2630	1050011a	नातिक्रान्तं मुनिश्रेष्ठ यत्कर्तव्यं कृतं मया
2631	1050011c	संगता मुनिना पत्नी भार्गवेणेव रेणुका
2632	1050012a	तच्छ्रुत्वा वचनं तस्य विश्वामित्रस्य धीमतः
2633	1050012c	शतानन्दो महातेजा रामं वचनमब्रवीत्
2634	1050013a	स्वागतं ते नरश्रेष्ठ दिष्ट्या प्राप्तोऽसि राघव
2635	1050013c	विश्वामित्रं पुरस्कृत्य महर्षिमपराजितम्
2636	1050014a	अचिन्त्यकर्मा तपसा ब्रह्मर्षिरमितप्रभः
2637	1050014c	विश्वामित्रो महातेजा वेत्स्येनं परमां गतिम्
2638	1050015a	नास्ति धन्यतरो राम त्वत्तोऽन्यो भुवि कश्चन
2639	1050015c	गोप्ता कुशिकपुत्रस्ते येन तप्तं महत्तपः
2640	1050016a	श्रूयतां चाभिदास्यामि कौशिकस्य महात्मनः
2641	1050016c	यथाबलं यथावृत्तं तन्मे निगदतः शृणु
2642	1050017a	राजाभूदेष धर्मात्मा दीर्घ कालमरिंदमः
2643	1050017c	धर्मज्ञः कृतविद्यश्च प्रजानां च हिते रतः
2644	1050018a	प्रजापतिसुतस्त्वासीत्कुशो नाम महीपतिः
2645	1050018c	कुशस्य पुत्रो बलवान्कुशनाभः सुधार्मिकः
2646	1050019a	कुशनाभसुतस्त्वासीद्गाधिरित्येव विश्रुतः
2647	1050019c	गाधेः पुत्रो महातेजा विश्वामित्रो महामुनिः
2648	1050020a	विश्वमित्रो महातेजाः पालयामास मेदिनीम्
2649	1050020c	बहुवर्षसहस्राणि राजा राज्यमकारयत्
2650	1050021a	कदाचित्तु महातेजा योजयित्वा वरूथिनीम्
2651	1050021c	अक्षौहिणीपरिवृतः परिचक्राम मेदिनीम्
2652	1050022a	नगराणि च राष्ट्राणि सरितश्च तथा गिरीन्
2653	1050022c	आश्रमान्क्रमशो राजा विचरन्नाजगामह
2654	1050023a	वसिष्ठस्याश्रमपदं नानापुष्पफलद्रुमम्
2655	1050023c	नानामृगगणाकीर्णं सिद्धचारणसेवितम्
2656	1050024a	देवदानवगन्धर्वैः किंनरैरुपशोभितम्
2657	1050024c	प्रशान्तहरिणाकीर्णं द्विजसंघनिषेवितम्
2658	1050025a	ब्रह्मर्षिगणसंकीर्णं देवर्षिगणसेवितम्
2659	1050025c	तपश्चरणसंसिद्धैरग्निकल्पैर्महात्मभिः
2660	1050026a	सततं संकुलं श्रीमद्ब्रह्मकल्पैर्महात्मभिः
2661	1050026c	अब्भक्षैर्वायुभक्षैश्च शीर्णपर्णाशनैस्तथा
2662	1050027a	फलमूलाशनैर्दान्तैर्जितरोषैर्जितेन्द्रियैः
2663	1050027c	ऋषिभिर्वालखिल्यैश्च जपहोमपरायणैः
2664	1050028a	वसिष्ठस्याश्रमपदं ब्रह्मलोकमिवापरम्
2665	1050028c	ददर्श जयतां श्रेष्ठ विश्वामित्रो महाबलः
2666	1051001a	स दृष्ट्वा परमप्रीतो विश्वामित्रो महाबलः
2667	1051001c	प्रणतो विनयाद्वीरो वसिष्ठं जपतां वरम्
2668	1051002a	स्वागतं तव चेत्युक्तो वसिष्ठेन महात्मना
2669	1051002c	आसनं चास्य भगवान्वसिष्ठो व्यादिदेश ह
2670	1051003a	उपविष्टाय च तदा विश्वामित्राय धीमते
2671	1051003c	यथान्यायं मुनिवरः फलमूलमुपाहरत्
2672	1051004a	प्रतिगृह्य च तां पूजां वसिष्ठाद्राजसत्तमः
2673	1051004c	तपोऽग्निहोत्रशिष्येषु कुशलं पर्यपृच्छत
2674	1051005a	विश्वामित्रो महातेजा वनस्पतिगणे तथा
2675	1051005c	सर्वत्र कुशलं चाह वसिष्ठो राजसत्तमम्
2676	1051006a	सुखोपविष्टं राजानं विश्वामित्रं महातपाः
2677	1051006c	पप्रच्छ जपतां श्रेष्ठो वसिष्ठो ब्रह्मणः सुतः
2678	1051007a	कच्चित्ते कुशलं राजन्कच्चिद्धर्मेण रञ्जयन्
2679	1051007c	प्रजाः पालयसे राजन्राजवृत्तेन धार्मिक
2680	1051008a	कच्चित्ते सुभृता भृत्याः कच्चित्तिष्ठन्ति शासने
2681	1051008c	कच्चित्ते विजिताः सर्वे रिपवो रिपुसूदन
2682	1051009a	कच्चिद्बले च कोशे च मित्रेषु च परंतप
2683	1051009c	कुशलं ते नरव्याघ्र पुत्रपौत्रे तथानघ
2684	1051010a	सर्वत्र कुशलं राजा वसिष्ठं प्रत्युदाहरत्
2685	1051010c	विश्वामित्रो महातेजा वसिष्ठं विनयान्वितः
2686	1051011a	कृत्वोभौ सुचिरं कालं धर्मिष्ठौ ताः कथाः शुभाः
2687	1051011c	मुदा परमया युक्तौ प्रीयेतां तौ परस्परम्
2688	1051012a	ततो वसिष्ठो भगवान्कथान्ते रघुनन्दन
2689	1051012c	विश्वामित्रमिदं वाक्यमुवाच प्रहसन्निव
2690	1051013a	आतिथ्यं कर्तुमिच्छामि बलस्यास्य महाबल
2691	1051013c	तव चैवाप्रमेयस्य यथार्हं संप्रतीच्छ मे
2692	1051014a	सत्क्रियां तु भवानेतां प्रतीच्छतु मयोद्यताम्
2693	1051014c	राजंस्त्वमतिथिश्रेष्ठः पूजनीयः प्रयत्नतः
2694	1051015a	एवमुक्तो वसिष्ठेन विश्वामित्रो महामतिः
2695	1051015c	कृतमित्यब्रवीद्राजा पूजावाक्येन मे त्वया
2696	1051016a	फलमूलेन भगवन्विद्यते यत्तवाश्रमे
2697	1051016c	पाद्येनाचमनीयेन भगवद्दर्शनेन च
2698	1051017a	सर्वथा च महाप्राज्ञ पूजार्हेण सुपूजितः
2699	1051017c	गमिष्यामि नमस्तेऽस्तु मैत्रेणेक्षस्व चक्षुषा
2700	1051018a	एवं ब्रुवन्तं राजानं वसिष्ठः पुनरेव हि
2701	1051018c	न्यमन्त्रयत धर्मात्मा पुनः पुनरुदारधीः
2702	1051019a	बाढमित्येव गाधेयो वसिष्ठं प्रत्युवाच ह
2703	1051019c	यथा प्रियं भगवतस्तथास्तु मुनिसत्तम
2704	1051020a	एवमुक्तो महातेजा वसिष्ठो जपतां वरः
2705	1051020c	आजुहाव ततः प्रीतः कल्माषीं धूतकल्मषः
2706	1051021a	एह्येहि शबले क्षिप्रं शृणु चापि वचो मम
2707	1051021c	सबलस्यास्य राजर्षेः कर्तुं व्यवसितोऽस्म्यहम्
2708	1051021e	भोजनेन महार्हेण सत्कारं संविधत्स्व मे
2709	1051022a	यस्य यस्य यथाकामं षड्रसेष्वभिपूजितम्
2710	1051022c	तत्सर्वं कामधुग्दिव्ये अभिवर्षकृते मम
2711	1051023a	रसेनान्नेन पानेन लेह्यचोष्येण संयुतम्
2712	1051023c	अन्नानां निचयं सर्वं सृजस्व शबले त्वर
2713	1052001a	एवमुक्ता वसिष्ठेन शबला शत्रुसूदन
2714	1052001c	विदधे कामधुक्कामान्यस्य यस्य यथेप्सितम्
2715	1052002a	इक्षून्मधूंस्तथा लाजान्मैरेयांश्च वरासवान्
2716	1052002c	पानानि च महार्हाणि भक्ष्यांश्चोच्चावचांस्तथा
2717	1052003a	उष्णाढ्यस्यौदनस्यापि राशयः पर्वतोपमाः
2718	1052003c	मृष्टान्नानि च सूपाश्च दधिकुल्यास्तथैव च
2719	1052004a	नानास्वादुरसानां च षाडवानां तथैव च
2720	1052004c	भाजनानि सुपूर्णानि गौडानि च सहस्रशः
2721	1052005a	सर्वमासीत्सुसंतुष्टं हृष्टपुष्टजनाकुलम्
2722	1052005c	विश्वामित्रबलं राम वसिष्ठेनाभितर्पितम्
2723	1052006a	विश्वामित्रोऽपि राजर्षिर्हृष्टपुष्टस्तदाभवत्
2724	1052006c	सान्तः पुरवरो राजा सब्राह्मणपुरोहितः
2725	1052007a	सामात्यो मन्त्रिसहितः सभृत्यः पूजितस्तदा
2726	1052007c	युक्तः परेण हर्षेण वसिष्ठमिदमब्रवीत्
2727	1052008a	पूजितोऽहं त्वया ब्रह्मन्पूजार्हेण सुसत्कृतः
2728	1052008c	श्रूयतामभिधास्यामि वाक्यं वाक्यविशारद
2729	1052009a	गवां शतसहस्रेण दीयतां शबला मम
2730	1052009c	रत्नं हि भगवन्नेतद्रत्नहारी च पार्थिवः
2731	1052009e	तस्मान्मे शबलां देहि ममैषा धर्मतो द्विज
2732	1052010a	एवमुक्तस्तु भगवान्वसिष्ठो मुनिसत्तमः
2733	1052010c	विश्वामित्रेण धर्मात्मा प्रत्युवाच महीपतिम्
2734	1052011a	नाहं शतसहस्रेण नापि कोटिशतैर्गवाम्
2735	1052011c	राजन्दास्यामि शबलां राशिभी रजतस्य वा
2736	1052012a	न परित्यागमर्हेयं मत्सकाशादरिंदम
2737	1052012c	शाश्वती शबला मह्यं कीर्तिरात्मवतो यथा
2738	1052013a	अस्यां हव्यं च कव्यं च प्राणयात्रा तथैव च
2739	1052013c	आयत्तमग्निहोत्रं च बलिर्होमस्तथैव च
2740	1052014a	स्वाहाकारवषट्कारौ विद्याश्च विविधास्तथा
2741	1052014c	आयत्तमत्र राजर्षे सर्वमेतन्न संशयः
2742	1052015a	सर्व स्वमेतत्सत्येन मम तुष्टिकरी सदा
2743	1052015c	कारणैर्बहुभी राजन्न दास्ये शबलां तव
2744	1052016a	वसिष्ठेनैवमुक्तस्तु विश्वामित्रोऽब्रवीत्ततः
2745	1052016c	संरब्धतरमत्यर्थं वाक्यं वाक्यविशारदः
2746	1052017a	हैरण्यकक्ष्याग्रैवेयान्सुवर्णाङ्कुशभूषितान्
2747	1052017c	ददामि कुञ्जराणां ते सहस्राणि चतुर्दश
2748	1052018a	हैरण्यानां रथानां च श्वेताश्वानां चतुर्युजाम्
2749	1052018c	ददामि ते शतान्यष्टौ किङ्किणीकविभूषितान्
2750	1052019a	हयानां देशजातानां कुलजानां महौजसाम्
2751	1052019c	सहस्रमेकं दश च ददामि तव सुव्रत
2752	1052020a	नानावर्णविभक्तानां वयःस्थानां तथैव च
2753	1052020c	ददाम्येकां गवां कोटिं शबला दीयतां मम
2754	1052021a	एवमुक्तस्तु भगवान्विश्वामित्रेण धीमता
2755	1052021c	न दास्यामीति शबलां प्राह राजन्कथंचन
2756	1052022a	एतदेव हि मे रत्नमेतदेव हि मे धनम्
2757	1052022c	एतदेव हि सर्वस्वमेतदेव हि जीवितम्
2758	1052023a	दर्शश्च पूर्णमासश्च यज्ञाश्चैवाप्तदक्षिणाः
2759	1052023c	एतदेव हि मे राजन्विविधाश्च क्रियास्तथा
2760	1052024a	अदोमूलाः क्रियाः सर्वा मम राजन्न संशयः
2761	1052024c	बहूनां किं प्रलापेन न दास्ये कामदोहिनीम्
2762	1053001a	कामधेनुं वसिष्ठोऽपि यदा न त्यजते मुनिः
2763	1053001c	तदास्य शबलां राम विश्वामित्रोऽन्वकर्षत
2764	1053002a	नीयमाना तु शबला राम राज्ञा महात्मना
2765	1053002c	दुःखिता चिन्तयामास रुदन्ती शोककर्शिता
2766	1053003a	परित्यक्ता वसिष्ठेन किमहं सुमहात्मना
2767	1053003c	याहं राजभृतैर्दीना ह्रियेयं भृशदुःखिता
2768	1053004a	किं मयापकृतं तस्य महर्षेर्भावितात्मनः
2769	1053004c	यन्मामनागसं भक्तामिष्टां त्यजति धार्मिकः
2770	1053005a	इति सा चिन्तयित्वा तु निःश्वस्य च पुनः पुनः
2771	1053005c	जगाम वेगेन तदा वसिष्ठं परमौजसं
2772	1053006a	निर्धूय तांस्तदा भृत्याञ्शतशः शत्रुसूदन
2773	1053006c	जगामानिलवेगेन पादमूलं महात्मनः
2774	1053007a	शबला सा रुदन्ती च क्रोशन्ती चेदमब्रवीत्
2775	1053007c	वसिष्ठस्याग्रतः स्थित्वा मेघदुन्दुभिराविणी
2776	1053008a	भगवन्किं परित्यक्ता त्वयाहं ब्रह्मणः सुत
2777	1053008c	यस्माद्राजभृता मां हि नयन्ते त्वत्सकाशतः
2778	1053009a	एवमुक्तस्तु ब्रह्मर्षिरिदं वचनमब्रवीत्
2779	1053009c	शोकसंतप्तहृदयां स्वसारमिव दुःखिताम्
2780	1053010a	न त्वां त्यजामि शबले नापि मेऽपकृतं त्वया
2781	1053010c	एष त्वां नयते राजा बलान्मत्तो महाबलः
2782	1053011a	न हि तुल्यं बलं मह्यं राजा त्वद्य विशेषतः
2783	1053011c	बली राजा क्षत्रियश्च पृथिव्याः पतिरेव च
2784	1053012a	इयमक्षौहिणीपूर्णा सवाजिरथसंकुला
2785	1053012c	हस्तिध्वजसमाकीर्णा तेनासौ बलवत्तरः
2786	1053013a	एवमुक्ता वसिष्ठेन प्रत्युवाच विनीतवत्
2787	1053013c	वचनं वचनज्ञा सा ब्रह्मर्षिममितप्रभम्
2788	1053014a	न बलं क्षत्रियस्याहुर्ब्राह्मणो बलवत्तरः
2789	1053014c	ब्रह्मन्ब्रह्मबलं दिव्यं क्षत्रात्तु बलवत्तरम्
2790	1053015a	अप्रमेयबलं तुभ्यं न त्वया बलवत्तरः
2791	1053015c	विश्वामित्रो महावीर्यस्तेजस्तव दुरासदम्
2792	1053016a	नियुङ्क्ष्व मां महातेजस्त्वद्ब्रह्मबलसंभृताम्
2793	1053016c	तस्य दर्पं बलं यत्तन्नाशयामि दुरात्मनः
2794	1053017a	इत्युक्तस्तु तया राम वसिष्ठः सुमहायशाः
2795	1053017c	सृजस्वेति तदोवाच बलं परबलारुजम्
2796	1053018a	तस्या हुम्भारवोत्सृष्टाः पह्लवाः शतशो नृप
2797	1053018c	नाशयन्ति बलं सर्वं विश्वामित्रस्य पश्यतः
2798	1053019a	स राजा परमक्रुद्धः क्रोधविस्फारितेक्षणः
2799	1053019c	पह्लवान्नाशयामास शस्त्रैरुच्चावचैरपि
2800	1053020a	विश्वामित्रार्दितान्दृष्ट्वा पह्लवाञ्शतशस्तदा
2801	1053020c	भूय एवासृजद्घोराञ्शकान्यवनमिश्रितान्
2802	1053021a	तैरासीत्संवृता भूमिः शकैर्यवनमिश्रितैः
2803	1053021c	प्रभावद्भिर्महावीर्यैर्हेमकिञ्जल्कसंनिभैः
2804	1053022a	दीर्घासिपट्टिशधरैर्हेमवर्णाम्बरावृतैः
2805	1053022c	निर्दग्धं तद्बलं सर्वं प्रदीप्तैरिव पावकैः
2806	1053023a	ततोऽस्त्राणि महातेजा विश्वामित्रो मुमोच ह
2807	1054001a	ततस्तानाकुलान्दृष्ट्वा विश्वामित्रास्त्रमोहितान्
2808	1054001c	वसिष्ठश्चोदयामास कामधुक्सृज योगतः
2809	1054002a	तस्या हुम्भारवाज्जाताः काम्बोजा रविसंनिभाः
2810	1054002c	ऊधसस्त्वथ संजाताः पह्लवाः शस्त्रपाणयः
2811	1054003a	योनिदेशाच्च यवनः शकृद्देशाच्छकास्तथा
2812	1054003c	रोमकूपेषु मेच्छाश्च हरीताः सकिरातकाः
2813	1054004a	तैस्तन्निषूदितं सैन्यं विश्वमित्रस्य तत्क्षणात्
2814	1054004c	सपदातिगजं साश्वं सरथं रघुनन्दन
2815	1054005a	दृष्ट्वा निषूदितं सैन्यं वसिष्ठेन महात्मना
2816	1054005c	विश्वामित्रसुतानां तु शतं नानाविधायुधम्
2817	1054006a	अभ्यधावत्सुसंक्रुद्धं वसिष्ठं जपतां वरम्
2818	1054006c	हुंकारेणैव तान्सर्वान्निर्ददाह महानृषिः
2819	1054007a	ते साश्वरथपादाता वसिष्ठेन महात्मना
2820	1054007c	भस्मीकृता मुहूर्तेन विश्वामित्रसुतास्तदा
2821	1054008a	दृष्ट्वा विनाशितान्पुत्रान्बलं च सुमहायशाः
2822	1054008c	सव्रीडश्चिन्तयाविष्टो विश्वामित्रोऽभवत्तदा
2823	1054009a	संदुर इव निर्वेगो भग्नदंष्ट्र इवोरगः
2824	1054009c	उपरक्त इवादित्यः सद्यो निष्प्रभतां गतः
2825	1054010a	हतपुत्रबलो दीनो लूनपक्ष इव द्विजः
2826	1054010c	हतदर्पो हतोत्साहो निर्वेदं समपद्यत
2827	1054011a	स पुत्रमेकं राज्याय पालयेति नियुज्य च
2828	1054011c	पृथिवीं क्षत्रधर्मेण वनमेवान्वपद्यत
2829	1054012a	स गत्वा हिमवत्पार्श्वं किंनरोरगसेवितम्
2830	1054012c	महादेवप्रसादार्थं तपस्तेपे महातपाः
2831	1054013a	केनचित्त्वथ कालेन देवेशो वृषभध्वजः
2832	1054013c	दर्शयामास वरदो विश्वामित्रं महामुनिम्
2833	1054014a	किमर्थं तप्यसे राजन्ब्रूहि यत्ते विवक्षितम्
2834	1054014c	वरदोऽस्मि वरो यस्ते काङ्क्षितः सोऽभिधीयताम्
2835	1054015a	एवमुक्तस्तु देवेन विश्वामित्रो महातपाः
2836	1054015c	प्रणिपत्य महादेवमिदं वचनमब्रवीत्
2837	1054016a	यदि तुष्टो महादेव धनुर्वेदो ममानघ
2838	1054016c	साङ्गोपाङ्गोपनिषदः सरहस्यः प्रदीयताम्
2839	1054017a	यानि देवेषु चास्त्राणि दानवेषु महर्षिषु
2840	1054017c	गन्धर्वयक्षरक्षःसु प्रतिभान्तु ममानघ
2841	1054018a	तव प्रसादाद्भवतु देवदेव ममेप्सितम्
2842	1054018c	एवमस्त्विति देवेशो वाक्यमुक्त्वा दिवं गतः
2843	1054019a	प्राप्य चास्त्राणि राजर्षिर्विश्वामित्रो महाबलः
2844	1054019c	दर्पेण महता युक्तो दर्पपूर्णोऽभवत्तदा
2845	1054020a	विवर्धमानो वीर्येण समुद्र इव पर्वणि
2846	1054020c	हतमेव तदा मेने वसिष्ठमृषिसत्तमम्
2847	1054021a	ततो गत्वाश्रमपदं मुमोचास्त्राणि पार्थिवः
2848	1054021c	यैस्तत्तपोवनं सर्वं निर्दग्धं चास्त्रतेजसा
2849	1054022a	उदीर्यमाणमस्त्रं तद्विश्वामित्रस्य धीमतः
2850	1054022c	दृष्ट्वा विप्रद्रुता भीता मुनयः शतशो दिशः
2851	1054023a	वसिष्ठस्य च ये शिष्यास्तथैव मृगपक्षिणः
2852	1054023c	विद्रवन्ति भयाद्भीता नानादिग्भ्यः सहस्रशः
2853	1054024a	वसिष्ठस्याश्रमपदं शून्यमासीन्महात्मनः
2854	1054024c	मुहूर्तमिव निःशब्दमासीदीरिणसंनिभम्
2855	1054025a	वदतो वै वसिष्ठस्य मा भैष्टेति मुहुर्मुहुः
2856	1054025c	नाशयाम्यद्य गाधेयं नीहारमिव भास्करः
2857	1054026a	एवमुक्त्वा महातेजा वसिष्ठो जपतां वरः
2858	1054026c	विश्वामित्रं तदा वाक्यं सरोषमिदमब्रवीत्
2859	1054027a	आश्रमं चिरसंवृद्धं यद्विनाशितवानसि
2860	1054027c	दुराचारोऽसि यन्मूढ तस्मात्त्वं न भविष्यसि
2861	1054028a	इत्युक्त्वा परमक्रुद्धो दण्डमुद्यम्य सत्वरः
2862	1054028c	विधूम इव कालाग्निर्यमदण्डमिवापरम्
2863	1055001a	एवमुक्तो वसिष्ठेन विश्वामित्रो महाबलः
2864	1055001c	आग्नेयमस्त्रमुत्क्षिप्य तिष्ठ तिष्ठेति चाब्रवीत्
2865	1055002a	वसिष्ठो भगवान्क्रोधादिदं वचनमब्रवीत्
2866	1055003a	क्षत्रबन्धो स्थितोऽस्म्येष यद्बलं तद्विदर्शय
2867	1055003c	नाशयाम्येष ते दर्पं शस्त्रस्य तव गाधिज
2868	1055004a	क्व च ते क्षत्रियबलं क्व च ब्रह्मबलं महत्
2869	1055004c	पश्य ब्रह्मबलं दिव्यं मम क्षत्रियपांसन
2870	1055005a	तस्यास्त्रं गाधिपुत्रस्य घोरमाग्नेयमुत्तमम्
2871	1055005c	ब्रह्मदण्डेन तच्छान्तमग्नेर्वेग इवाम्भसा
2872	1055006a	वारुणं चैव रौद्रं च ऐन्द्रं पाशुपतं तथा
2873	1055006c	ऐषीकं चापि चिक्षेप रुषितो गाधिनन्दनः
2874	1055007a	मानवं मोहनं चैव गान्धर्वं स्वापनं तथा
2875	1055007c	जृम्भणं मोहनं चैव संतापनविलापने
2876	1055008a	शोषणं दारणं चैव वज्रमस्त्रं सुदुर्जयम्
2877	1055008c	ब्रह्मपाशं कालपाशं वारुणं पाशमेव च
2878	1055009a	पिनाकास्त्रं च दयितं शुष्कार्द्रे अशनी तथा
2879	1055009c	दण्डास्त्रमथ पैशाचं क्रौञ्चमस्त्रं तथैव च
2880	1055010a	धर्मचक्रं कालचक्रं विष्णुचक्रं तथैव च
2881	1055010c	वायव्यं मथनं चैव अस्त्रं हयशिरस्तथा
2882	1055011a	शक्तिद्वयं च चिक्षेप कङ्कालं मुसलं तथा
2883	1055011c	वैद्याधरं महास्त्रं च कालास्त्रमथ दारुणम्
2884	1055012a	त्रिशूलमस्त्रं घोरं च कापालमथ कङ्कणम्
2885	1055012c	एतान्यस्त्राणि चिक्षेप सर्वाणि रघुनन्दन
2886	1055013a	वसिष्ठे जपतां श्रेष्ठे तदद्भुतमिवाभवत्
2887	1055013c	तानि सर्वाणि दण्डेन ग्रसते ब्रह्मणः सुतः
2888	1055014a	तेषु शान्तेषु ब्रह्मास्त्रं क्षिप्तवान्गाधिनन्दनः
2889	1055014c	तदस्त्रमुद्यतं दृष्ट्वा देवाः साग्निपुरोगमाः
2890	1055015a	देवर्षयश्च संभ्रान्ता गन्धर्वाः समहोरगाः
2891	1055015c	त्रैलोक्यमासीत्संत्रस्तं ब्रह्मास्त्रे समुदीरिते
2892	1055016a	तदप्यस्त्रं महाघोरं ब्राह्मं ब्राह्मेण तेजसा
2893	1055016c	वसिष्ठो ग्रसते सर्वं ब्रह्मदण्डेन राघव
2894	1055017a	ब्रह्मास्त्रं ग्रसमानस्य वसिष्ठस्य महात्मनः
2895	1055017c	त्रैलोक्यमोहनं रौद्रं रूपमासीत्सुदारुणम्
2896	1055018a	रोमकूपेषु सर्वेषु वसिष्ठस्य महात्मनः
2897	1055018c	मरीच्य इव निष्पेतुरग्नेर्धूमाकुलार्चिषः
2898	1055019a	प्राज्वलद्ब्रह्मदण्डश्च वसिष्ठस्य करोद्यतः
2899	1055019c	विधूम इव कालाग्निर्यमदण्ड इवापरः
2900	1055020a	ततोऽस्तुवन्मुनिगणा वसिष्ठं जपतां वरम्
2901	1055020c	अमोघं ते बलं ब्रह्मंस्तेजो धारय तेजसा
2902	1055021a	निगृहीतस्त्वया ब्रह्मन्विश्वामित्रो महातपाः
2903	1055021c	प्रसीद जपतां श्रेष्ठ लोकाः सन्तु गतव्यथाः
2904	1055022a	एवमुक्तो महातेजाः शमं चक्रे महातपाः
2905	1055022c	विश्वामित्रोऽपि निकृतो विनिःश्वस्येदमब्रवीत्
2906	1055023a	धिग्बलं क्षत्रियबलं ब्रह्मतेजोबलं बलम्
2907	1055023c	एकेन ब्रह्मदण्डेन सर्वास्त्राणि हतानि मे
2908	1055024a	तदेतत्समवेक्ष्याहं प्रसन्नेन्द्रियमानसः
2909	1055024c	तपो महत्समास्थास्ये यद्वै ब्रह्मत्वकारकम्
2910	1056001a	ततः संतप्तहृदयः स्मरन्निग्रहमात्मनः
2911	1056001c	विनिःश्वस्य विनिःश्वस्य कृतवैरो महात्मना
2912	1056002a	स दक्षिणां दिशं गत्वा महिष्या सह राघव
2913	1056002c	तताप परमं घोरं विश्वामित्रो महातपाः
2914	1056002e	फलमूलाशनो दान्तश्चचार परमं तपः
2915	1056003a	अथास्य जज्ञिरे पुत्राः सत्यधर्मपरायणाः
2916	1056003c	हविष्पन्दो मधुष्पन्दो दृढनेत्रो महारथः
2917	1056004a	पूर्णे वर्षसहस्रे तु ब्रह्मा लोकपितामहः
2918	1056004c	अब्रवीन्मधुरं वाक्यं विश्वामित्रं तपोधनम्
2919	1056005a	जिता राजर्षिलोकास्ते तपसा कुशिकात्मज
2920	1056005c	अनेन तपसा त्वां हि राजर्षिरिति विद्महे
2921	1056006a	एवमुक्त्वा महातेजा जगाम सह दैवतैः
2922	1056006c	त्रिविष्टपं ब्रह्मलोकं लोकानां परमेश्वरः
2923	1056007a	विश्वामित्रोऽपि तच्छ्रुत्वा ह्रिया किंचिदवाङ्मुखः
2924	1056007c	दुःखेन महताविष्टः समन्युरिदमब्रवीत्
2925	1056008a	तपश्च सुमहत्तप्तं राजर्षिरिति मां विदुः
2926	1056008c	देवाः सर्षिगणाः सर्वे नास्ति मन्ये तपःफलम्
2927	1056009a	एवं निश्चित्य मनसा भूय एव महातपाः
2928	1056009c	तपश्चचार काकुत्स्थ परमं परमात्मवान्
2929	1056010a	एतस्मिन्नेव काले तु सत्यवादी जितेन्द्रियः
2930	1056010c	त्रिशङ्कुरिति विख्यात इक्ष्वाकु कुलनन्दनः
2931	1056011a	तस्य बुद्धिः समुत्पन्ना यजेयमिति राघव
2932	1056011c	गच्छेयं स्वशरीरेण देवानां परमां गतिम्
2933	1056012a	स वसिष्ठं समाहूय कथयामास चिन्तितम्
2934	1056012c	अशक्यमिति चाप्युक्तो वसिष्ठेन महात्मना
2935	1056013a	प्रत्याख्यातो वसिष्ठेन स ययौ दक्षिणां दिशम्
2936	1056013c	वसिष्ठा दीर्घ तपसस्तपो यत्र हि तेपिरे
2937	1056014a	त्रिशङ्कुः सुमहातेजाः शतं परमभास्वरम्
2938	1056014c	वसिष्ठपुत्रान्ददृशे तप्यमानान्यशस्विनः
2939	1056015a	सोऽभिगम्य महात्मानः सर्वानेव गुरोः सुतान्
2940	1056015c	अभिवाद्यानुपूर्व्येण ह्रिया किंचिदवाङ्मुखः
2941	1056015e	अब्रवीत्सुमहातेजाः सर्वानेव कृताञ्जलिः
2942	1056016a	शरणं वः प्रपद्येऽहं शरण्याञ्शरणागतः
2943	1056016c	प्रत्याख्यातोऽस्मि भद्रं वो वसिष्ठेन महात्मना
2944	1056017a	यष्टुकामो महायज्ञं तदनुज्ञातुमर्थथ
2945	1056017c	गुरुपुत्रानहं सर्वान्नमस्कृत्य प्रसादये
2946	1056018a	शिरसा प्रणतो याचे ब्राह्मणांस्तपसि स्थितान्
2947	1056018c	ते मां भवन्तः सिद्ध्यर्थं याजयन्तु समाहिताः
2948	1056018e	सशरीरो यथाहं हि देवलोकमवाप्नुयाम्
2949	1056019a	प्रत्याख्यातो वसिष्ठेन गतिमन्यां तपोधनाः
2950	1056019c	गुरुपुत्रानृते सर्वान्नाहं पश्यामि कांचन
2951	1056020a	इक्ष्वाकूणां हि सर्वेषां पुरोधाः परमा गतिः
2952	1056020c	तस्मादनन्तरं सर्वे भवन्तो दैवतं मम
2953	1057001a	ततस्त्रिशङ्कोर्वचनं श्रुत्वा क्रोधसमन्वितम्
2954	1057001c	ऋषिपुत्रशतं राम राजानमिदमब्रवीत्
2955	1057002a	प्रत्याख्यातोऽसि दुर्बुद्धे गुरुणा सत्यवादिना
2956	1057002c	तं कथं समतिक्रम्य शाखान्तरमुपेयिवान्
2957	1057003a	इक्ष्वाकूणां हि सर्वेषां पुरोधाः परमा गतिः
2958	1057003c	न चातिक्रमितुं शक्यं वचनं सत्यवादिनः
2959	1057004a	अशक्यमिति चोवाच वसिष्ठो भगवानृषिः
2960	1057004c	तं वयं वै समाहर्तुं क्रतुं शक्ताः कथं तव
2961	1057005a	बालिशस्त्वं नरश्रेष्ठ गम्यतां स्वपुरं पुनः
2962	1057005c	याजने भगवाञ्शक्तस्त्रैलोक्यस्यापि पार्थिव
2963	1057006a	तेषां तद्वचनं श्रुत्वा क्रोधपर्याकुलाक्षरम्
2964	1057006c	स राजा पुनरेवैतानिदं वचनमब्रवीत्
2965	1057007a	प्रत्याख्यातोऽस्मि गुरुणा गुरुपुत्रैस्तथैव च
2966	1057007c	अन्यां गतिं गमिष्यामि स्वस्ति वोऽस्तु तपोधनाः
2967	1057008a	ऋषिपुत्रास्तु तच्छ्रुत्वा वाक्यं घोराभिसंहितम्
2968	1057008c	शेपुः परमसंक्रुद्धाश्चण्डालत्वं गमिष्यसि
2969	1057008e	एवमुक्त्वा महात्मानो विविशुस्ते स्वमाश्रमम्
2970	1057009a	अथ रात्र्यां व्यतीतायां राजा चण्डालतां गतः
2971	1057009c	नीलवस्त्रधरो नीलः परुषो ध्वस्तमूर्धजः
2972	1057009e	चित्यमाल्यानुलेपश्च आयसाभरणोऽभवत्
2973	1057010a	तं दृष्ट्वा मन्त्रिणः सर्वे त्यक्त्वा चण्डालरूपिणम्
2974	1057010c	प्राद्रवन्सहिता राम पौरा येऽस्यानुगामिनः
2975	1057011a	एको हि राजा काकुत्स्थ जगाम परमात्मवान्
2976	1057011c	दह्यमानो दिवारात्रं विश्वामित्रं तपोधनम्
2977	1057012a	विश्वामित्रस्तु तं दृष्ट्वा राजानं विफलीकृतम्
2978	1057012c	चण्डालरूपिणं राम मुनिः कारुण्यमागतः
2979	1057013a	कारुण्यात्स महातेजा वाक्यं परम धार्मिकः
2980	1057013c	इदं जगाद भद्रं ते राजानं घोरदर्शनम्
2981	1057014a	किमागमनकार्यं ते राजपुत्र महाबल
2982	1057014c	अयोध्याधिपते वीर शापाच्चण्डालतां गतः
2983	1057015a	अथ तद्वाक्यमाकर्ण्य राजा चण्डालतां गतः
2984	1057015c	अब्रवीत्प्राञ्जलिर्वाक्यं वाक्यज्ञो वाक्यकोविदम्
2985	1057016a	प्रत्याख्यातोऽस्मि गुरुणा गुरुपुत्रैस्तथैव च
2986	1057016c	अनवाप्यैव तं कामं मया प्राप्तो विपर्ययः
2987	1057017a	सशरीरो दिवं यायामिति मे सौम्यदर्शनम्
2988	1057017c	मया चेष्टं क्रतुशतं तच्च नावाप्यते फलम्
2989	1057018a	अनृतं नोक्त पूर्वं मे न च वक्ष्ये कदाचन
2990	1057018c	कृच्छ्रेष्वपि गतः सौम्य क्षत्रधर्मेण ते शपे
2991	1057019a	यज्ञैर्बहुविधैरिष्टं प्रजा धर्मेण पालिताः
2992	1057019c	गुरवश्च महात्मानः शीलवृत्तेन तोषिताः
2993	1057020a	धर्मे प्रयतमानस्य यज्ञं चाहर्तुमिच्छतः
2994	1057020c	परितोषं न गच्छन्ति गुरवो मुनिपुंगव
2995	1057021a	दैवमेव परं मन्ये पौरुषं तु निरर्थकम्
2996	1057021c	दैवेनाक्रम्यते सर्वं दैवं हि परमा गतिः
2997	1057022a	तस्य मे परमार्तस्य प्रसादमभिकाङ्क्षतः
2998	1057022c	कर्तुमर्हसि भद्रं ते दैवोपहतकर्मणः
2999	1057023a	नान्यां गतिं गमिष्यामि नान्यः शरणमस्ति मे
3000	1057023c	दैवं पुरुषकारेण निवर्तयितुमर्हसि
3001	1058001a	उक्तवाक्यं तु राजानं कृपया कुशिकात्मजः
3002	1058001c	अब्रवीन्मधुरं वाक्यं साक्षाच्चण्डालरूपिणम्
3003	1058002a	इक्ष्वाको स्वागतं वत्स जानामि त्वां सुधार्मिकम्
3004	1058002c	शरणं ते भविष्यामि मा भैषीर्नृपपुंगव
3005	1058003a	अहमामन्त्रये सर्वान्महर्षीन्पुण्यकर्मणः
3006	1058003c	यज्ञसाह्यकरान्राजंस्ततो यक्ष्यसि निर्वृतः
3007	1058004a	गुरुशापकृतं रूपं यदिदं त्वयि वर्तते
3008	1058004c	अनेन सह रूपेण सशरीरो गमिष्यसि
3009	1058005a	हस्तप्राप्तमहं मन्ये स्वर्गं तव नरेश्वर
3010	1058005c	यस्त्वं कौशिकमागम्य शरण्यं शरणं गतः
3011	1058006a	एवमुक्त्वा महातेजाः पुत्रान्परमधार्मिकान्
3012	1058006c	व्यादिदेश महाप्राज्ञान्यज्ञसंभारकारणात्
3013	1058007a	सर्वाञ्शिष्यान्समाहूय वाक्यमेतदुवाच ह
3014	1058008a	सर्वानृषिवरान्वत्सा आनयध्वं ममाज्ञया
3015	1058008c	सशिष्यान्सुहृदश्चैव सर्त्विजः सुबहुश्रुतान्
3016	1058009a	यदन्यो वचनं ब्रूयान्मद्वाक्यबलचोदितः
3017	1058009c	तत्सर्वमखिलेनोक्तं ममाख्येयमनादृतम्
3018	1058010a	तस्य तद्वचनं श्रुत्वा दिशो जग्मुस्तदाज्ञया
3019	1058010c	आजग्मुरथ देशेभ्यः सर्वेभ्यो ब्रह्मवादिनः
3020	1058011a	ते च शिष्याः समागम्य मुनिं ज्वलिततेजसं
3021	1058011c	ऊचुश्च वचनं सर्वे सर्वेषां ब्रह्मवादिनाम्
3022	1058012a	श्रुत्वा ते वचनं सर्वे समायान्ति द्विजातयः
3023	1058012c	सर्वदेशेषु चागच्छन्वर्जयित्वा महोदयम्
3024	1058013a	वासिष्ठं तच्छतं सर्वं क्रोधपर्याकुलाक्षरम्
3025	1058013c	यदाह वचनं सर्वं शृणु त्वं मुनिपुंगव
3026	1058014a	क्षत्रियो याजको यस्य चण्डालस्य विशेषतः
3027	1058014c	कथं सदसि भोक्तारो हविस्तस्य सुरर्षयः
3028	1058015a	ब्राह्मणा वा महात्मानो भुक्त्वा चण्डालभोजनम्
3029	1058015c	कथं स्वर्गं गमिष्यन्ति विश्वामित्रेण पालिताः
3030	1058016a	एतद्वचनं नैष्ठुर्यमूचुः संरक्तलोचनाः
3031	1058016c	वासिष्ठा मुनिशार्दूल सर्वे ते समहोदयाः
3032	1058017a	तेषां तद्वचनं श्रुत्वा सर्वेषां मुनिपुंगवः
3033	1058017c	क्रोधसंरक्तनयनः सरोषमिदमब्रवीत्
3034	1058018a	यद्दूषयन्त्यदुष्टं मां तप उग्रं समास्थितम्
3035	1058018c	भस्मीभूता दुरात्मानो भविष्यन्ति न संशयः
3036	1058019a	अद्य ते कालपाशेन नीता वैवस्वतक्षयम्
3037	1058019c	सप्तजातिशतान्येव मृतपाः सन्तु सर्वशः
3038	1058020a	श्वमांसनियताहारा मुष्टिका नाम निर्घृणाः
3039	1058020c	विकृताश्च विरूपाश्च लोकाननुचरन्त्विमान्
3040	1058021a	महोदयश्च दुर्बुद्धिर्मामदूष्यं ह्यदूषयत्
3041	1058021c	दूषिटः सर्वलोकेषु निषादत्वं गमिष्यति
3042	1058022a	प्राणातिपातनिरतो निरनुक्रोशतां गतः
3043	1058022c	दीर्घकालं मम क्रोधाद्दुर्गतिं वर्तयिष्यति
3044	1058023a	एतावदुक्त्वा वचनं विश्वामित्रो महातपाः
3045	1058023c	विरराम महातेजा ऋषिमध्ये महामुनिः
3046	1059001a	तपोबलहतान्कृत्वा वासिष्ठान्समहोदयान्
3047	1059001c	ऋषिमध्ये महातेजा विश्वामित्रोऽभ्यभाषत
3048	1059002a	अयमिक्ष्वाकुदायादस्त्रिशङ्कुरिति विश्रुतः
3049	1059002c	धर्मिष्ठश्च वदान्यश्च मां चैव शरणं गतः
3050	1059002e	स्वेनानेन शरीरेण देवलोकजिगीषया
3051	1059003a	यथायं स्वशरीरेण देवलोकं गमिष्यति
3052	1059003c	तथा प्रवर्त्यतां यज्ञो भवद्भिश्च मया सह
3053	1059004a	विश्वामित्रवचः श्रुत्वा सर्व एव महर्षयः
3054	1059004c	ऊचुः समेत्य सहिता धर्मज्ञा धर्मसंहितम्
3055	1059005a	अयं कुशिकदायादो मुनिः परमकोपनः
3056	1059005c	यदाह वचनं सम्यगेतत्कार्यं न संशयः
3057	1059006a	अग्निकल्पो हि भगवाञ्शापं दास्यति रोषितः
3058	1059006c	तस्मात्प्रवर्त्यतां यज्ञः सशरीरो यथा दिवम्
3059	1059006e	गच्छेदिक्ष्वाकुदायादो विश्वामित्रस्य तेजसा
3060	1059007a	ततः प्रवर्त्यतां यज्ञः सर्वे समधितिष्ठते
3061	1059008a	एवमुक्त्वा महर्षयः संजह्रुस्ताः क्रियास्तदा
3062	1059008c	याजकाश्च महातेजा विश्वामित्रोऽभवत्क्रतौ
3063	1059009a	ऋत्विजश्चानुपूर्व्येण मन्त्रवन्मन्त्रकोविदाः
3064	1059009c	चक्रुः सर्वाणि कर्माणि यथाकल्पं यथाविधि
3065	1059010a	ततः कालेन महता विश्वामित्रो महातपाः
3066	1059010c	चकारावाहनं तत्र भागार्थं सर्वदेवताः
3067	1059011a	नाह्यागमंस्तदाहूता भागार्थं सर्वदेवताः
3068	1059011c	ततः क्रोधसमाविष्टो विश्वमित्रो महामुनिः
3069	1059012a	स्रुवमुद्यम्य सक्रोधस्त्रिशङ्कुमिदमब्रवीत्
3070	1059012c	पश्य मे तपसो वीर्यं स्वार्जितस्य नरेश्वर
3071	1059013a	एष त्वां स्वशरीरेण नयामि स्वर्गमोजसा
3072	1059013c	दुष्प्रापं स्वशरीरेण दिवं गच्छ नराधिप
3073	1059014a	स्वार्जितं किंचिदप्यस्ति मया हि तपसः फलम्
3074	1059014c	राजंस्त्वं तेजसा तस्य सशरीरो दिवं व्रज
3075	1059015a	उक्तवाक्ये मुनौ तस्मिन्सशरीरो नरेश्वरः
3076	1059015c	दिवं जगाम काकुत्स्थ मुनीनां पश्यतां तदा
3077	1059016a	देवलोकगतं दृष्ट्वा त्रिशङ्कुं पाकशासनः
3078	1059016c	सह सर्वैः सुरगणैरिदं वचनमब्रवीत्
3079	1059017a	त्रिशङ्को गच्छ भूयस्त्वं नासि स्वर्गकृतालयः
3080	1059017c	गुरुशापहतो मूढ पत भूमिमवाक्शिराः
3081	1059018a	एवमुक्तो महेन्द्रेण त्रिशङ्कुरपतत्पुनः
3082	1059018c	विक्रोशमानस्त्राहीति विश्वामित्रं तपोधनम्
3083	1059019a	तच्छ्रुत्वा वचनं तस्य क्रोशमानस्य कौशिकः
3084	1059019c	रोषमाहारयत्तीव्रं तिष्ठ तिष्ठेति चाब्रवीत्
3085	1059020a	ऋषिमध्ये स तेजस्वी प्रजापतिरिवापरः
3086	1059020c	सृजन्दक्षिणमार्गस्थान्सप्तर्षीनपरान्पुनः
3087	1059021a	नक्षत्रमालामपरामसृजत्क्रोधमूर्छितः
3088	1059021c	दक्षिणां दिशमास्थाय मुनिमध्ये महायशाः
3089	1059022a	सृष्ट्वा नक्षत्रवंशं च क्रोधेन कलुषीकृतः
3090	1059022c	अन्यमिन्द्रं करिष्यामि लोको वा स्यादनिन्द्रकः
3091	1059022e	दैवतान्यपि स क्रोधात्स्रष्टुं समुपचक्रमे
3092	1059023a	ततः परमसंभ्रान्ताः सर्षिसंघाः सुरर्षभाः
3093	1059023c	विश्वामित्रं महात्मानमूचुः सानुनयं वचः
3094	1059024a	अयं राजा महाभाग गुरुशापपरिक्षतः
3095	1059024c	सशरीरो दिवं यातुं नार्हत्येव तपोधन
3096	1059025a	तेषां तद्वचनं श्रुत्वा देवानां मुनिपुंगवः
3097	1059025c	अब्रवीत्सुमहद्वाक्यं कौशिकः सर्वदेवताः
3098	1059026a	सशरीरस्य भद्रं वस्त्रिशङ्कोरस्य भूपतेः
3099	1059026c	आरोहणं प्रतिज्ञाय नानृतं कर्तुमुत्सहे
3100	1059027a	सर्गोऽस्तु सशरीरस्य त्रिशङ्कोरस्य शाश्वतः
3101	1059027c	नक्षत्राणि च सर्वाणि मामकानि ध्रुवाण्यथ
3102	1059028a	यावल्लोका धरिष्यन्ति तिष्ठन्त्वेतानि सर्वशः
3103	1059028c	मत्कृतानि सुराः सर्वे तदनुज्ञातुमर्हथ
3104	1059029a	एवमुक्ताः सुराः सर्वे प्रत्यूचुर्मुनिपुंगवम्
3105	1059030a	एवं भवतु भद्रं ते तिष्ठन्त्वेतानि सर्वशः
3106	1059030c	गगने तान्यनेकानि वैश्वानरपथाद्बहिः
3107	1059031a	नक्षत्राणि मुनिश्रेष्ठ तेषु ज्योतिःषु जाज्वलन्
3108	1059031c	अवाक्शिरास्त्रिशङ्कुश्च तिष्ठत्वमरसंनिभः
3109	1059032a	विश्वामित्रस्तु धर्मात्मा सर्वदेवैरभिष्टुतः
3110	1059032c	ऋषिभिश्च महातेजा बाढमित्याह देवताः
3111	1059033a	ततो देवा महात्मानो मुनयश्च तपोधनाः
3112	1059033c	जग्मुर्यथागतं सर्वे यज्ञस्यान्ते नरोत्तम
3113	1060001a	विश्वामित्रो महात्माथ प्रस्थितान्प्रेक्ष्य तानृषीन्
3114	1060001c	अब्रवीन्नरशार्दूल सर्वांस्तान्वनवासिनः
3115	1060002a	महाविघ्नः प्रवृत्तोऽयं दक्षिणामास्थितो दिशम्
3116	1060002c	दिशमन्यां प्रपत्स्यामस्तत्र तप्स्यामहे तपः
3117	1060003a	पश्चिमायां विशालायां पुष्करेषु महात्मनः
3118	1060003c	सुखं तपश्चरिष्यामः परं तद्धि तपोवनम्
3119	1060004a	एवमुक्त्वा महातेजाः पुष्करेषु महामुनिः
3120	1060004c	तप उग्रं दुराधर्षं तेपे मूलफलाशनः
3121	1060005a	एतस्मिन्नेव काले तु अयोध्याधिपतिर्नृपः
3122	1060005c	अम्बरीष इति ख्यातो यष्टुं समुपचक्रमे
3123	1060006a	तस्य वै यजमानस्य पशुमिन्द्रो जहार ह
3124	1060006c	प्रनष्टे तु पशौ विप्रो राजानमिदमब्रवीत्
3125	1060007a	पशुरद्य हृतो राजन्प्रनष्टस्तव दुर्नयात्
3126	1060007c	अरक्षितारं राजानं घ्नन्ति दोषा नरेश्वर
3127	1060008a	प्रायश्चित्तं महद्ध्येतन्नरं वा पुरुषर्षभ
3128	1060008c	आनयस्व पशुं शीघ्रं यावत्कर्म प्रवर्तते
3129	1060009a	उपाध्याय वचः श्रुत्वा स राजा पुरुषर्षभ
3130	1060009c	अन्वियेष महाबुद्धिः पशुं गोभिः सहस्रशः
3131	1060010a	देशाञ्जनपदांस्तांस्तान्नगराणि वनानि च
3132	1060010c	आश्रमाणि च पुण्यानि मार्गमाणो महीपतिः
3133	1060011a	स पुत्रसहितं तात सभार्यं रघुनन्दन
3134	1060011c	भृगुतुन्दे समासीनमृचीकं संददर्श ह
3135	1060012a	तमुवाच महातेजाः प्रणम्याभिप्रसाद्य च
3136	1060012c	ब्रह्मर्षिं तपसा दीप्तं राजर्षिरमितप्रभः
3137	1060012e	पृष्ट्वा सर्वत्र कुशलमृचीकं तमिदं वचः
3138	1060013a	गवां शतसहस्रेण विक्रिणीषे सुतं यदि
3139	1060013c	पशोरर्थे महाभाग कृतकृत्योऽस्मि भार्गव
3140	1060014a	सर्वे परिसृता देशा यज्ञियं न लभे पशुम्
3141	1060014c	दातुमर्हसि मूल्येन सुतमेकमितो मम
3142	1060015a	एवमुक्तो महातेजा ऋचीकस्त्वब्रवीद्वचः
3143	1060015c	नाहं ज्येष्ठं नरश्रेष्ठं विक्रीणीयां कथंचन
3144	1060016a	ऋचीकस्य वचः श्रुत्वा तेषां माता महात्मनाम्
3145	1060016c	उवाच नरशार्दूलमम्बरीषं तपस्विनी
3146	1060017a	ममापि दयितं विद्धि कनिष्ठं शुनकं नृप
3147	1060018a	प्रायेण हि नरश्रेष्ठ ज्येष्ठाः पितृषु वल्लभाः
3148	1060018c	मातॄणां च कनीयांसस्तस्माद्रक्षे कनीयसं
3149	1060019a	उक्तवाक्ये मुनौ तस्मिन्मुनिपत्न्यां तथैव च
3150	1060019c	शुनःशेपः स्वयं राम मध्यमो वाक्यमब्रवीत्
3151	1060020a	पिता ज्येष्ठमविक्रेयं माता चाह कनीयसं
3152	1060020c	विक्रीतं मध्यमं मन्ये राजन्पुत्रं नयस्व माम्
3153	1060021a	गवां शतसहस्रेण शुनःशेपं नरेश्वरः
3154	1060021c	गृहीत्वा परमप्रीतो जगाम रघुनन्दन
3155	1060022a	अम्बरीषस्तु राजर्षी रथमारोप्य सत्वरः
3156	1060022c	शुनःशेपं महातेजा जगामाशु महायशाः
3157	1061001a	शुनःशेपं नरश्रेष्ठ गृहीत्वा तु महायशाः
3158	1061001c	व्यश्राम्यत्पुष्करे राजा मध्याह्ने रघुनन्दन
3159	1061002a	तस्य विश्रममाणस्य शुनःशेपो महायशाः
3160	1061002c	पुष्करं श्रेष्ठमागम्य विश्वामित्रं ददर्श ह
3161	1061003a	विषण्णवदनो दीनस्तृष्णया च श्रमेण च
3162	1061003c	पपाताङ्के मुने राम वाक्यं चेदमुवाच ह
3163	1061004a	न मेऽस्ति माता न पिता ज्ञातयो बान्धवाः कुतः
3164	1061004c	त्रातुमर्हसि मां सौम्य धर्मेण मुनिपुंगव
3165	1061005a	त्राता त्वं हि मुनिश्रेष्ठ सर्वेषां त्वं हि भावनः
3166	1061005c	राजा च कृतकार्यः स्यादहं दीर्घायुरव्ययः
3167	1061006a	स्वर्गलोकमुपाश्नीयां तपस्तप्त्वा ह्यनुत्तमम्
3168	1061006c	स मे नाथो ह्यनाथस्य भव भव्येन चेतसा
3169	1061006e	पितेव पुत्रं धर्मात्मंस्त्रातुमर्हसि किल्बिषात्
3170	1061007a	तस्य तद्वचनं श्रुत्वा विश्वामित्रो महातपाः
3171	1061007c	सान्त्वयित्वा बहुविधं पुत्रानिदमुवाच ह
3172	1061008a	यत्कृते पितरः पुत्राञ्जनयन्ति शुभार्थिनः
3173	1061008c	परलोकहितार्थाय तस्य कालोऽयमागतः
3174	1061009a	अयं मुनिसुतो बालो मत्तः शरणमिच्छति
3175	1061009c	अस्य जीवितमात्रेण प्रियं कुरुत पुत्रकाः
3176	1061010a	सर्वे सुकृतकर्माणः सर्वे धर्मपरायणाः
3177	1061010c	पशुभूता नरेन्द्रस्य तृप्तिमग्नेः प्रयच्छत
3178	1061011a	नाथवांश्च शुनःशेपो यज्ञश्चाविघ्नतो भवेत्
3179	1061011c	देवतास्तर्पिताश्च स्युर्मम चापि कृतं वचः
3180	1061012a	मुनेस्तु वचनं श्रुत्वा मधुष्यन्दादयः सुताः
3181	1061012c	साभिमानं नरश्रेष्ठ सलीलमिदमब्रुवन्
3182	1061013a	कथमात्मसुतान्हित्वा त्रायसेऽन्यसुतं विभो
3183	1061013c	अकार्यमिव पश्यामः श्वमांसमिव भोजने
3184	1061014a	तेषां तद्वचनं श्रुत्वा पुत्राणां मुनिपुंगवः
3185	1061014c	क्रोधसंरक्तनयनो व्याहर्तुमुपचक्रमे
3186	1061015a	निःसाध्वसमिदं प्रोक्तं धर्मादपि विगर्हितम्
3187	1061015c	अतिक्रम्य तु मद्वाक्यं दारुणं रोमहर्षणम्
3188	1061016a	श्वमांसभोजिनः सर्वे वासिष्ठा इव जातिषु
3189	1061016c	पूर्णं वर्षसहस्रं तु पृथिव्यामनुवत्स्यथ
3190	1061017a	कृत्वा शापसमायुक्तान्पुत्रान्मुनिवरस्तदा
3191	1061017c	शुनःशेपमुवाचार्तं कृत्वा रक्षां निरामयाम्
3192	1061018a	पवित्रपाशैरासक्तो रक्तमाल्यानुलेपनः
3193	1061018c	वैष्णवं यूपमासाद्य वाग्भिरग्निमुदाहर
3194	1061019a	इमे तु गाथे द्वे दिव्ये गायेथा मुनिपुत्रक
3195	1061019c	अम्बरीषस्य यज्ञेऽस्मिंस्ततः सिद्धिमवाप्स्यसि
3196	1061020a	शुनःशेपो गृहीत्वा ते द्वे गाथे सुसमाहितः
3197	1061020c	त्वरया राजसिंहं तमम्बरीषमुवाच ह
3198	1061021a	राजसिंह महासत्त्व शीघ्रं गच्छावहे सदः
3199	1061021c	निवर्तयस्व राजेन्द्र दीक्षां च समुपाहर
3200	1061022a	तद्वाक्यमृषिपुत्रस्य श्रुत्वा हर्षं समुत्सुकः
3201	1061022c	जगाम नृपतिः शीघ्रं यज्ञवाटमतन्द्रितः
3202	1061023a	सदस्यानुमते राजा पवित्रकृतलक्षणम्
3203	1061023c	पशुं रक्ताम्बरं कृत्वा यूपे तं समबन्धयत्
3204	1061024a	स बद्धो वाग्भिरग्र्याभिरभितुष्टाव वै सुरौ
3205	1061024c	इन्द्रमिन्द्रानुजं चैव यथावन्मुनिपुत्रकः
3206	1061025a	ततः प्रीतः सहस्राक्षो रहस्यस्तुतितर्पितः
3207	1061025c	दीर्घमायुस्तदा प्रादाच्छुनःशेपाय राघव
3208	1061026a	स च राजा नरश्रेष्ठ यज्ञस्य च समाप्तवान्
3209	1061026c	फलं बहुगुणं राम सहस्राक्षप्रसादजम्
3210	1061027a	विश्वामित्रोऽपि धर्मात्मा भूयस्तेपे महातपाः
3211	1061027c	पुष्करेषु नरश्रेष्ठ दशवर्षशतानि च
3212	1062001a	पूर्णे वर्षसहस्रे तु व्रतस्नातं महामुनिम्
3213	1062001c	अभ्यागच्छन्सुराः सर्वे तपःफलचिकीर्षवः
3214	1062002a	अब्रवीत्सुमहातेजा ब्रह्मा सुरुचिरं वचः
3215	1062002c	ऋषिस्त्वमसि भद्रं ते स्वार्जितैः कर्मभिः शुभैः
3216	1062003a	तमेवमुक्त्वा देवेशस्त्रिदिवं पुनरभ्यगात्
3217	1062003c	विश्वामित्रो महातेजा भूयस्तेपे महत्तपः
3218	1062004a	ततः कालेन महता मेनका परमाप्सराः
3219	1062004c	पुष्करेषु नरश्रेष्ठ स्नातुं समुपचक्रमे
3220	1062005a	तां ददर्श महातेजा मेनकां कुशिकात्मजः
3221	1062005c	रूपेणाप्रतिमां तत्र विद्युतं जलदे यथा
3222	1062006a	दृष्ट्वा कन्दर्पवशगो मुनिस्तामिदमब्रवीत्
3223	1062006c	अप्सरः स्वागतं तेऽस्तु वस चेह ममाश्रमे
3224	1062006e	अनुगृह्णीष्व भद्रं ते मदनेन सुमोहितम्
3225	1062007a	इत्युक्ता सा वरारोहा तत्रावासमथाकरोत्
3226	1062007c	तपसो हि महाविघ्नो विश्वामित्रमुपागतः
3227	1062008a	तस्यां वसन्त्यां वर्षाणि पञ्च पञ्च च राघव
3228	1062008c	विश्वामित्राश्रमे सौम्य सुखेन व्यतिचक्रमुः
3229	1062009a	अथ काले गते तस्मिन्विश्वामित्रो महामुनिः
3230	1062009c	सव्रीड इव संवृत्तश्चिन्ताशोकपरायणः
3231	1062010a	बुद्धिर्मुनेः समुत्पन्ना सामर्षा रघुनन्दन
3232	1062010c	सर्वं सुराणां कर्मैतत्तपोऽपहरणं महत्
3233	1062011a	अहोरात्रापदेशेन गताः संवत्सरा दश
3234	1062011c	काममोहाभिभूतस्य विघ्नोऽयं प्रत्युपस्थितः
3235	1062012a	विनिःश्वसन्मुनिवरः पश्चात्तापेन दुःखितः
3236	1062013a	भीतामप्सरसं दृष्ट्वा वेपन्तीं प्राञ्जलिं स्थिताम्
3237	1062013c	मेनकां मधुरैर्वाक्यैर्विसृज्य कुशिकात्मजः
3238	1062013e	उत्तरं पर्वतं राम विश्वामित्रो जगाम ह
3239	1062014a	स कृत्वा नैष्ठिकीं बुद्धिं जेतुकामो महायशाः
3240	1062014c	कौशिकीतीरमासाद्य तपस्तेपे सुदारुणम्
3241	1062015a	तस्य वर्षसहस्रं तु घोरं तप उपासतः
3242	1062015c	उत्तरे पर्वते राम देवतानामभूद्भयम्
3243	1062016a	अमन्त्रयन्समागम्य सर्वे सर्षिगणाः सुराः
3244	1062016c	महर्षिशब्दं लभतां साध्वयं कुशिकात्मजः
3245	1062017a	देवतानां वचः श्रुत्वा सर्वलोकपितामहः
3246	1062017c	अब्रवीन्मधुरं वाक्यं विश्वामित्रं तपोधनम्
3247	1062018a	महर्षे स्वागतं वत्स तपसोग्रेण तोषितः
3248	1062018c	महत्त्वमृषिमुख्यत्वं ददामि तव कौशिक
3249	1062019a	ब्रह्मणः स वचः श्रुत्वा विश्वामित्रस्तपोधनः
3250	1062019c	प्राञ्जलिः प्रणतो भूत्वा प्रत्युवाच पितामहम्
3251	1062020a	ब्रह्मर्षि शब्दमतुलं स्वार्जितैः कर्मभिः शुभैः
3252	1062020c	यदि मे भगवानाह ततोऽहं विजितेन्द्रियः
3253	1062021a	तमुवाच ततो ब्रह्मा न तावत्त्वं जितेन्द्रियः
3254	1062021c	यतस्व मुनिशार्दूल इत्युक्त्वा त्रिदिवं गतः
3255	1062022a	विप्रस्थितेषु देवेषु विश्वामित्रो महामुनिः
3256	1062022c	ऊर्ध्वबाहुर्निरालम्बो वायुभक्षस्तपश्चरन्
3257	1062023a	धर्मे पञ्चतपा भूत्वा वर्षास्वाकाशसंश्रयः
3258	1062023c	शिशिरे सलिलस्थायी रात्र्यहानि तपोधनः
3259	1062024a	एवं वर्षसहस्रं हि तपो घोरमुपागमत्
3260	1062024c	तस्मिन्संतप्यमाने तु विश्वामित्रे महामुनौ
3261	1062025a	संभ्रमः सुमहानासीत्सुराणां वासवस्य च
3262	1062025c	रम्भामप्सरसं शक्रः सह सर्वैर्मरुद्गणैः
3263	1062026a	उवाचात्महितं वाक्यमहितं कौशिकस्य च
3264	1063001a	सुरकार्यमिदं रम्भे कर्तव्यं सुमहत्त्वया
3265	1063001c	लोभनं कौशिकस्येह काममोहसमन्वितम्
3266	1063002a	तथोक्ता साप्सरा राम सहस्राक्षेण धीमता
3267	1063002c	व्रीडिता प्राञ्जलिर्भूत्वा प्रत्युवाच सुरेश्वरम्
3268	1063003a	अयं सुरपते घोरो विश्वामित्रो महामुनिः
3269	1063003c	क्रोधमुत्स्रक्ष्यते घोरं मयि देव न संशयः
3270	1063003e	ततो हि मे भयं देव प्रसादं कर्तुमर्हसि
3271	1063004a	तामुवाच सहस्राक्षो वेपमानां कृताञ्जलिम्
3272	1063004c	मा भैषि रम्भे भद्रं ते कुरुष्व मम शासनम्
3273	1063005a	कोकिलो हृदयग्राही माधवे रुचिरद्रुमे
3274	1063005c	अहं कन्दर्पसहितः स्थास्यामि तव पार्श्वतः
3275	1063006a	त्वं हि रूपं बहुगुणं कृत्वा परमभास्वरम्
3276	1063006c	तमृषिं कौशिकं रम्भे भेदयस्व तपस्विनम्
3277	1063007a	सा श्रुत्वा वचनं तस्य कृत्वा रूपमनुत्तमम्
3278	1063007c	लोभयामास ललिता विश्वामित्रं शुचिस्मिता
3279	1063008a	कोकिलस्य तु शुश्राव वल्गु व्याहरतः स्वनम्
3280	1063008c	संप्रहृष्टेन मनसा तत एनामुदैक्षत
3281	1063009a	अथ तस्य च शब्देन गीतेनाप्रतिमेन च
3282	1063009c	दर्शनेन च रम्भाया मुनिः संदेहमागतः
3283	1063010a	सहस्राक्षस्य तत्कर्म विज्ञाय मुनिपुंगवः
3284	1063010c	रम्भां क्रोधसमाविष्टः शशाप कुशिकात्मजः
3285	1063011a	यन्मां लोभयसे रम्भे कामक्रोधजयैषिणम्
3286	1063011c	दशवर्षसहस्राणि शैली स्थास्यसि दुर्भगे
3287	1063012a	ब्राह्मणः सुमहातेजास्तपोबलसमन्वितः
3288	1063012c	उद्धरिष्यति रम्भे त्वां मत्क्रोधकलुषीकृताम्
3289	1063013a	एवमुक्त्वा महातेजा विश्वामित्रो महामुनिः
3290	1063013c	अशक्नुवन्धारयितुं कोपं संतापमागतः
3291	1063014a	तस्य शापेन महता रम्भा शैली तदाभवत्
3292	1063014c	वचः श्रुत्वा च कन्दर्पो महर्षेः स च निर्गतः
3293	1063015a	कोपेन स महातेजास्तपोऽपहरणे कृते
3294	1063015c	इन्द्रियैरजितै राम न लेभे शान्तिमात्मनः
3295	1064001a	अथ हैमवतीं राम दिशं त्यक्त्वा महामुनिः
3296	1064001c	पूर्वां दिशमनुप्राप्य तपस्तेपे सुदारुणम्
3297	1064002a	मौनं वर्षसहस्रस्य कृत्वा व्रतमनुत्तमम्
3298	1064002c	चकाराप्रतिमं राम तपः परमदुष्करम्
3299	1064003a	पूर्णे वर्षसहस्रे तु काष्ठभूतं महामुनिम्
3300	1064003c	विघ्नैर्बहुभिराधूतं क्रोधो नान्तरमाविशत्
3301	1064004a	ततो देवाः सगन्धर्वाः पन्नगासुरराक्षसाः
3302	1064004c	मोहितास्तेजसा तस्य तपसा मन्दरश्मयः
3303	1064004e	कश्मलोपहताः सर्वे पितामहमथाब्रुवन्
3304	1064005a	बहुभिः कारणैर्देव विश्वामित्रो महामुनिः
3305	1064005c	लोभितः क्रोधितश्चैव तपसा चाभिवर्धते
3306	1064006a	न ह्यस्य वृजिनं किंचिद्दृश्यते सूक्ष्ममप्यथ
3307	1064006c	न दीयते यदि त्वस्य मनसा यदभीप्सितम्
3308	1064006e	विनाशयति त्रैलोक्यं तपसा सचराचरम्
3309	1064006g	व्याकुलाश्च दिशः सर्वा न च किंचित्प्रकाशते
3310	1064007a	सागराः क्षुभिताः सर्वे विशीर्यन्ते च पर्वताः
3311	1064007c	प्रकम्पते च पृथिवी वायुर्वाति भृशाकुलः
3312	1064008a	बुद्धिं न कुरुते यावन्नाशे देव महामुनिः
3313	1064008c	तावत्प्रसाद्यो भगवानग्निरूपो महाद्युतिः
3314	1064009a	कालाग्निना यथा पूर्वं त्रैलोक्यं दह्यतेऽखिलम्
3315	1064009c	देवराज्ये चिकीर्षेत दीयतामस्य यन्मतम्
3316	1064010a	ततः सुरगणाः सर्वे पितामहपुरोगमाः
3317	1064010c	विश्वामित्रं महात्मानं वाक्यं मधुरमब्रुवन्
3318	1064011a	ब्रह्मर्षे स्वागतं तेऽस्तु तपसा स्म सुतोषिताः
3319	1064011c	ब्राह्मण्यं तपसोग्रेण प्राप्तवानसि कौशिक
3320	1064012a	दीर्घमायुश्च ते ब्रह्मन्ददामि समरुद्गणः
3321	1064012c	स्वस्ति प्राप्नुहि भद्रं ते गच्छ सौम्य यथासुखम्
3322	1064013a	पितामहवचः श्रुत्वा सर्वेषां च दिवौकसाम्
3323	1064013c	कृत्वा प्रणामं मुदितो व्याजहार महामुनिः
3324	1064014a	ब्राह्मण्यं यदि मे प्राप्तं दीर्घमायुस्तथैव च
3325	1064014c	ओंकारोऽथ वषट्कारो वेदाश्च वरयन्तु माम्
3326	1064015a	क्षत्रवेदविदां श्रेष्ठो ब्रह्मवेदविदामपि
3327	1064015c	ब्रह्मपुत्रो वसिष्ठो मामेवं वदतु देवताः
3328	1064015e	यद्ययं परमः कामः कृतो यान्तु सुरर्षभाः
3329	1064016a	ततः प्रसादितो देवैर्वसिष्ठो जपतां वरः
3330	1064016c	सख्यं चकार ब्रह्मर्षिरेवमस्त्विति चाब्रवीत्
3331	1064017a	ब्रह्मर्षित्वं न संदेहः सर्वं संपत्स्यते तव
3332	1064017c	इत्युक्त्वा देवताश्चापि सर्वा जग्मुर्यथागतम्
3333	1064018a	विश्वामित्रोऽपि धर्मात्मा लब्ध्वा ब्राह्मण्यमुत्तमम्
3334	1064018c	पूजयामास ब्रह्मर्षिं वसिष्ठं जपतां वरम्
3335	1064019a	कृतकामो महीं सर्वां चचार तपसि स्थितः
3336	1064019c	एवं त्वनेन ब्राह्मण्यं प्राप्तं राम महात्मना
3337	1064020a	एष राम मुनिश्रेष्ठ एष विग्रहवांस्तपः
3338	1064020c	एष धर्मः परो नित्यं वीर्यस्यैष परायणम्
3339	1064021a	शतानन्दवचः श्रुत्वा रामलक्ष्मणसंनिधौ
3340	1064021c	जनकः प्राञ्जलिर्वाक्यमुवाच कुशिकात्मजम्
3341	1064022a	धन्योऽस्म्यनुगृहीतोऽस्मि यस्य मे मुनिपुंगव
3342	1064022c	यज्ञं काकुत्स्थ सहितः प्राप्तवानसि धार्मिक
3343	1064023a	पावितोऽहं त्वया ब्रह्मन्दर्शनेन महामुने
3344	1064023c	गुणा बहुविधाः प्राप्तास्तव संदर्शनान्मया
3345	1064024a	विस्तरेण च ते ब्रह्मन्कीर्त्यमानं महत्तपः
3346	1064024c	श्रुतं मया महातेजो रामेण च महात्मना
3347	1064025a	सदस्यैः प्राप्य च सदः श्रुतास्ते बहवो गुणाः
3348	1064026a	अप्रमेयं तपस्तुभ्यमप्रमेयं च ते बलम्
3349	1064026c	अप्रमेया गुणाश्चैव नित्यं ते कुशिकात्मज
3350	1064027a	तृप्तिराश्चर्यभूतानां कथानां नास्ति मे विभो
3351	1064027c	कर्मकालो मुनिश्रेष्ठ लम्बते रविमण्डलम्
3352	1064028a	श्वः प्रभाते महातेजो द्रष्टुमर्हसि मां पुनः
3353	1064028c	स्वागतं तपसां श्रेष्ठ मामनुज्ञातुमर्हसि
3354	1064029a	एवमुक्त्वा मुनिश्रेष्ठं वैदेहो मिथिलाधिपः
3355	1064029c	प्रदक्षिणं चकाराशु सोपाध्यायः सबान्धवः
3356	1064030a	विश्वामित्रोऽपि धर्मात्मा सहरामः सलक्ष्मणः
3357	1064030c	स्वं वाटमभिचक्राम पूज्यमानो महर्षिभिः
3358	1065001a	ततः प्रभाते विमले कृतकर्मा नराधिपः
3359	1065001c	विश्वामित्रं महात्मानमाजुहाव सराघवम्
3360	1065002a	तमर्चयित्वा धर्मात्मा शास्त्रदृष्ट्तेन कर्मणा
3361	1065002c	राघवौ च महात्मानौ तदा वाक्यमुवाच ह
3362	1065003a	भगवन्स्वागतं तेऽस्तु किं करोमि तवानघ
3363	1065003c	भवानाज्ञापयतु मामाज्ञाप्यो भवता ह्यहम्
3364	1065004a	एवमुक्तः स धर्मात्मा जनकेन महात्मना
3365	1065004c	प्रत्युवाच मुनिर्वीरं वाक्यं वाक्यविशारदः
3366	1065005a	पुत्रौ दशरथस्येमौ क्षत्रियौ लोकविश्रुतौ
3367	1065005c	द्रष्टुकामौ धनुः श्रेष्ठं यदेतत्त्वयि तिष्ठति
3368	1065006a	एतद्दर्शय भद्रं ते कृतकामौ नृपात्मजौ
3369	1065006c	दर्शनादस्य धनुषो यथेष्टं प्रतियास्यतः
3370	1065007a	एवमुक्तस्तु जनकः प्रत्युवाच महामुनिम्
3371	1065007c	श्रूयतामस्य धनुषो यदर्थमिह तिष्ठति
3372	1065008a	देवरात इति ख्यातो निमेः षष्ठो महीपतिः
3373	1065008c	न्यासोऽयं तस्य भगवन्हस्ते दत्तो महात्मना
3374	1065009a	दक्षयज्ञवधे पूर्वं धनुरायम्य वीर्यवान्
3375	1065009c	रुद्रस्तु त्रिदशान्रोषात्सलीलमिदमब्रवीत्
3376	1065010a	यस्माद्भागार्थिनो भागान्नाकल्पयत मे सुराः
3377	1065010c	वराङ्गानि महार्हाणि धनुषा शातयामि वः
3378	1065011a	ततो विमनसः सर्वे देवा वै मुनिपुंगव
3379	1065011c	प्रसादयन्ति देवेशं तेषां प्रीतोऽभवद्भवः
3380	1065012a	प्रीतियुक्तः स सर्वेषां ददौ तेषां महात्मनाम्
3381	1065013a	तदेतद्देवदेवस्य धनूरत्नं महात्मनः
3382	1065013c	न्यासभूतं तदा न्यस्तमस्माकं पूर्वके विभो
3383	1065014a	अथ मे कृषतः क्षेत्रं लाङ्गलादुत्थिता मम
3384	1065014c	क्षेत्रं शोधयता लब्ध्वा नाम्ना सीतेति विश्रुता
3385	1065015a	भूतलादुत्थिता सा तु व्यवर्धत ममात्मजा
3386	1065015c	वीर्यशुल्केति मे कन्या स्थापितेयमयोनिजा
3387	1065016a	भूतलादुत्थितां तां तु वर्धमानां ममात्मजाम्
3388	1065016c	वरयामासुरागम्य राजानो मुनिपुंगव
3389	1065017a	तेषां वरयतां कन्यां सर्वेषां पृथिवीक्षिताम्
3390	1065017c	वीर्यशुल्केति भगवन्न ददामि सुतामहम्
3391	1065018a	ततः सर्वे नृपतयः समेत्य मुनिपुंगव
3392	1065018c	मिथिलामभ्युपागम्य वीर्यं जिज्ञासवस्तदा
3393	1065019a	तेषां जिज्ञासमानानां वीर्यं धनुरुपाहृतम्
3394	1065019c	न शेकुर्ग्रहणे तस्य धनुषस्तोलनेऽपि वा
3395	1065020a	तेषां वीर्यवतां वीर्यमल्पं ज्ञात्वा महामुने
3396	1065020c	प्रत्याख्याता नृपतयस्तन्निबोध तपोधन
3397	1065021a	ततः परमकोपेन राजानो मुनिपुंगव
3398	1065021c	अरुन्धन्मिथिलां सर्वे वीर्यसंदेहमागताः
3399	1065022a	आत्मानमवधूतं ते विज्ञाय मुनिपुंगव
3400	1065022c	रोषेण महताविष्टाः पीडयन्मिथिलां पुरीम्
3401	1065023a	ततः संवत्सरे पूर्णे क्षयं यातानि सर्वशः
3402	1065023c	साधनानि मुनिरेष्ठ ततोऽहं भृशदुःखितः
3403	1065024a	ततो देवगणान्सर्वांस्तपसाहं प्रसादयम्
3404	1065024c	ददुश्च परमप्रीताश्चतुरङ्गबलं सुराः
3405	1065025a	ततो भग्ना नृपतयो हन्यमाना दिशो ययुः
3406	1065025c	अवीर्या वीर्यसंदिग्धा सामात्याः पापकारिणः
3407	1065026a	तदेतन्मुनिशार्दूल धनुः परमभास्वरम्
3408	1065026c	रामलक्ष्मणयोश्चापि दर्शयिष्यामि सुव्रत
3409	1065027a	यद्यस्य धनुषो रामः कुर्यादारोपणं मुने
3410	1065027c	सुतामयोनिजां सीतां दद्यां दाशरथेरहम्
3411	1066001a	जनकस्य वचः श्रुत्वा विश्वामित्रो महामुनिः
3412	1066001c	धनुर्दर्शय रामाय इति होवाच पार्थिवम्
3413	1066002a	ततः स राजा जनकः सचिवान्व्यादिदेश ह
3414	1066002c	धनुरानीयतां दिव्यं गन्धमाल्यविभूषितम्
3415	1066003a	जनकेन समादिष्ठाः सचिवाः प्राविशन्पुरीम्
3416	1066003c	तद्धनुः पुरतः कृत्वा निर्जग्मुः पार्थिवाज्ञया
3417	1066004a	नृपां शतानि पञ्चाशद्व्यायतानां महात्मनाम्
3418	1066004c	मञ्जूषामष्टचक्रां तां समूहुस्ते कथंचन
3419	1066005a	तामादाय तु मञ्जूषामायतीं यत्र तद्धनुः
3420	1066005c	सुरोपमं ते जनकमूचुर्नृपतिमन्त्रिणः
3421	1066006a	इदं धनुर्वरं राजन्पूजितं सर्वराजभिः
3422	1066006c	मिथिलाधिप राजेन्द्र दर्शनीयं यदीच्छसि
3423	1066007a	तेषां नृपो वचः श्रुत्वा कृताञ्जलिरभाषत
3424	1066007c	विश्वामित्रं महात्मानं तौ चोभौ रामलक्ष्मणौ
3425	1066008a	इदं धनुर्वरं ब्रह्मञ्जनकैरभिपूजितम्
3426	1066008c	राजभिश्च महावीर्यैरशक्यं पूरितुं तदा
3427	1066009a	नैतत्सुरगणाः सर्वे नासुरा न च राक्षसाः
3428	1066009c	गन्धर्वयक्षप्रवराः सकिंनरमहोरगाः
3429	1066010a	क्व गतिर्मानुषाणां च धनुषोऽस्य प्रपूरणे
3430	1066010c	आरोपणे समायोगे वेपने तोलनेऽपि वा
3431	1066011a	तदेतद्धनुषां श्रेष्ठमानीतं मुनिपुंगव
3432	1066011c	दर्शयैतन्महाभाग अनयो राजपुत्रयोः
3433	1066012a	विश्वामित्रस्तु धर्मात्मा श्रुत्वा जनकभाषितम्
3434	1066012c	वत्स राम धनुः पश्य इति राघवमब्रवीत्
3435	1066013a	महर्षेर्वचनाद्रामो यत्र तिष्ठति तद्धनुः
3436	1066013c	मञ्जूषां तामपावृत्य दृष्ट्वा धनुरथाब्रवीत्
3437	1066014a	इदं धनुर्वरं ब्रह्मन्संस्पृशामीह पाणिना
3438	1066014c	यत्नवांश्च भविष्यामि तोलने पूरणेऽपि वा
3439	1066015a	बाढमित्येव तं राजा मुनिश्च समभाषत
3440	1066015c	लीलया स धनुर्मध्ये जग्राह वचनान्मुनेः
3441	1066016a	पश्यतां नृषहस्राणां बहूनां रघुनन्दनः
3442	1066016c	आरोपयत्स धर्मात्मा सलीलमिव तद्धनुः
3443	1066017a	आरोपयित्वा मौर्वीं च पूरयामास वीर्यवान्
3444	1066017c	तद्बभञ्ज धनुर्मध्ये नरश्रेष्ठो महायशाः
3445	1066018a	तस्य शब्दो महानासीन्निर्घातसमनिःस्वनः
3446	1066018c	भूमिकम्पश्च सुमहान्पर्वतस्येव दीर्यतः
3447	1066019a	निपेतुश्च नराः सर्वे तेन शब्देन मोहिताः
3448	1066019c	वर्जयित्वा मुनिवरं राजानं तौ च राघवौ
3449	1066020a	प्रत्याश्वस्ते जने तस्मिन्राजा विगतसाध्वसः
3450	1066020c	उवाच प्राञ्जलिर्वाक्यं वाक्यज्ञो मुनिपुंगवम्
3451	1066021a	भगवन्दृष्टवीर्यो मे रामो दशरथात्मजः
3452	1066021c	अत्यद्भुतमचिन्त्यं च अतर्कितमिदं मया
3453	1066022a	जनकानां कुले कीर्तिमाहरिष्यति मे सुता
3454	1066022c	सीता भर्तारमासाद्य रामं दशरथात्मजम्
3455	1066023a	मम सत्या प्रतिज्ञा च वीर्यशुल्केति कौशिक
3456	1066023c	सीता प्राणैर्बहुमता देया रामाय मे सुता
3457	1066024a	भवतोऽनुमते ब्रह्मञ्शीघ्रं गच्छन्तु मन्त्रिणः
3458	1066024c	मम कौशिक भद्रं ते अयोध्यां त्वरिता रथैः
3459	1066025a	राजानं प्रश्रितैर्वाक्यैरानयन्तु पुरं मम
3460	1066025c	प्रदानं वीर्यशुल्कायाः कथयन्तु च सर्वशः
3461	1066026a	मुनिगुप्तौ च काकुत्स्थौ कथयन्तु नृपाय वै
3462	1066026c	प्रीयमाणं तु राजानमानयन्तु सुशीघ्रगाः
3463	1066027a	कौशिकश्च तथेत्याह राजा चाभाष्य मन्त्रिणः
3464	1066027c	अयोध्यां प्रेषयामास धर्मात्मा कृतशासनात्
3465	1067001a	जनकेन समादिष्टा दूतास्ते क्लान्तवाहनाः
3466	1067001c	त्रिरात्रमुषित्वा मार्गे तेऽयोध्यां प्राविशन्पुरीम्
3467	1067002a	ते राजवचनाद्दूता राजवेश्मप्रवेशिताः
3468	1067002c	ददृशुर्देवसंकाशं वृद्धं दशरथं नृपम्
3469	1067003a	बद्धाञ्जलिपुटाः सर्वे दूता विगतसाध्वसाः
3470	1067003c	राजानं प्रयता वाक्यमब्रुवन्मधुराक्षरम्
3471	1067004a	मैथिलो जनको राजा साग्निहोत्रपुरस्कृतः
3472	1067004c	कुशलं चाव्ययं चैव सोपाध्यायपुरोहितम्
3473	1067005a	मुहुर्मुहुर्मधुरया स्नेहसंयुक्तया गिरा
3474	1067005c	जनकस्त्वां महाराज पृच्छते सपुरःसरम्
3475	1067006a	पृष्ट्वा कुशलमव्यग्रं वैदेहो मिथिलाधिपः
3476	1067006c	कौशिकानुमते वाक्यं भवन्तमिदमब्रवीत्
3477	1067007a	पूर्वं प्रतिज्ञा विदिता वीर्यशुल्का ममात्मजा
3478	1067007c	राजानश्च कृतामर्षा निर्वीर्या विमुखीकृताः
3479	1067008a	सेयं मम सुता राजन्विश्वामित्र पुरःसरैः
3480	1067008c	यदृच्छयागतैर्वीरैर्निर्जिता तव पुत्रकैः
3481	1067009a	तच्च राजन्धनुर्दिव्यं मध्ये भग्नं महात्मना
3482	1067009c	रामेण हि महाराज महत्यां जनसंसदि
3483	1067010a	अस्मै देया मया सीता वीर्यशुल्का महात्मने
3484	1067010c	प्रतिज्ञां तर्तुमिच्छामि तदनुज्ञातुमर्हसि
3485	1067011a	सोपाध्यायो महाराज पुरोहितपुरस्कृतः
3486	1067011c	शीघ्रमागच्छ भद्रं ते द्रष्टुमर्हसि राघवौ
3487	1067012a	प्रीतिं च मम राजेन्द्र निर्वर्तयितुमर्हसि
3488	1067012c	पुत्रयोरुभयोरेव प्रीतिं त्वमपि लप्स्यसे
3489	1067013a	एवं विदेहाधिपतिर्मधुरं वाक्यमब्रवीत्
3490	1067013c	विश्वामित्राभ्यनुज्ञातः शतानन्दमते स्थितः
3491	1067014a	दूतवाक्यं तु तच्छ्रुत्वा राजा परमहर्षितः
3492	1067014c	वसिष्ठं वामदेवं च मन्त्रिणोऽन्यांश्च सोऽब्रवीत्
3493	1067015a	गुप्तः कुशिकपुत्रेण कौसल्यानन्दवर्धनः
3494	1067015c	लक्ष्मणेन सह भ्रात्रा विदेहेषु वसत्यसौ
3495	1067016a	दृष्टवीर्यस्तु काकुत्स्थो जनकेन महात्मना
3496	1067016c	संप्रदानं सुतायास्तु राघवे कर्तुमिच्छति
3497	1067017a	यदि वो रोचते वृत्तं जनकस्य महात्मनः
3498	1067017c	पुरीं गच्छामहे शीघ्रं मा भूत्कालस्य पर्ययः
3499	1067018a	मन्त्रिणो बाढमित्याहुः सह सर्वैर्महर्षिभिः
3500	1067018c	सुप्रीतश्चाब्रवीद्राजा श्वो यात्रेति स मन्त्रिणः
3501	1067019a	मन्त्रिणस्तु नरेन्द्रस्य रात्रिं परमसत्कृताः
3502	1067019c	ऊषुः प्रमुदिताः सर्वे गुणैः सर्वैः समन्विताः
3503	1068001a	ततो रात्र्यां व्यतीतायां सोपाध्यायः सबान्धवः
3504	1068001c	राजा दशरथो हृष्टः सुमन्त्रमिदमब्रवीत्
3505	1068002a	अद्य सर्वे धनाध्यक्षा धनमादाय पुष्कलम्
3506	1068002c	व्रजन्त्वग्रे सुविहिता नानारत्नसमन्विताः
3507	1068003a	चतुरङ्गबलं चापि शीघ्रं निर्यातु सर्वशः
3508	1068003c	ममाज्ञासमकालं च यानयुग्यमनुत्तमम्
3509	1068004a	वसिष्ठो वामदेवश्च जाबालिरथ काश्यपः
3510	1068004c	मार्कण्डेयश्च दीर्घायुरृषिः कात्यायनस्तथा
3511	1068005a	एते द्विजाः प्रयान्त्वग्रे स्यन्दनं योजयस्व मे
3512	1068005c	यथा कालात्ययो न स्याद्दूता हि त्वरयन्ति माम्
3513	1068006a	वचनाच्च नरेन्द्रस्य सा सेना चतुरङ्गिणी
3514	1068006c	राजानमृषिभिः सार्धं व्रजन्तं पृष्ठतोऽन्वगात्
3515	1068007a	गत्वा चतुरहं मार्गं विदेहानभ्युपेयिवान्
3516	1068007c	राजा तु जनकः श्रीमाञ्श्रुत्वा पूजामकल्पयत्
3517	1068008a	ततो राजानमासाद्य वृद्धं दशरथं नृपम्
3518	1068008c	जनको मुदितो राजा हर्षं च परमं ययौ
3519	1068008e	उवाच न नरश्रेष्ठो नरश्रेष्ठं मुदान्वितम्
3520	1068009a	स्वागतं ते महाराज दिष्ट्या प्राप्तोऽसि राघव
3521	1068009c	पुत्रयोरुभयोः प्रीतिं लप्स्यसे वीर्यनिर्जिताम्
3522	1068010a	दिष्ट्या प्राप्तो महातेजा वसिष्ठो भगवानृषिः
3523	1068010c	सह सर्वैर्द्विजश्रेष्ठैर्देवैरिव शतक्रतुः
3524	1068011a	दिष्ट्या मे निर्जिता विघ्ना दिष्ट्या मे पूजितं कुलम्
3525	1068011c	राघवैः सह संबन्धाद्वीर्यश्रेष्ठैर्महात्मभिः
3526	1068012a	श्वः प्रभाते नरेन्द्रेन्द्र निर्वर्तयितुमर्हसि
3527	1068012c	यज्ञस्यान्ते नरश्रेष्ठ विवाहमृषिसंमतम्
3528	1068013a	तस्य तद्वचनं श्रुत्वा ऋषिमध्ये नराधिपः
3529	1068013c	वाक्यं वाक्यविदां श्रेष्ठः प्रत्युवाच महीपतिम्
3530	1068014a	प्रतिग्रहो दातृवशः श्रुतमेतन्मया पुरा
3531	1068014c	यथा वक्ष्यसि धर्मज्ञ तत्करिष्यामहे वयम्
3532	1068015a	तद्धर्मिष्ठं यशस्यं च वचनं सत्यवादिनः
3533	1068015c	श्रुत्वा विदेहाधिपतिः परं विस्मयमागतः
3534	1068016a	ततः सर्वे मुनिगणाः परस्परसमागमे
3535	1068016c	हर्षेण महता युक्तास्तां निशामवसन्सुखम्
3536	1068017a	राजा च राघवौ पुत्रौ निशाम्य परिहर्षितः
3537	1068017c	उवास परमप्रीतो जनकेन सुपूजितः
3538	1068018a	जनकोऽपि महातेजाः क्रिया धर्मेण तत्त्ववित्
3539	1068018c	यज्ञस्य च सुताभ्यां च कृत्वा रात्रिमुवास ह
3540	1069001a	ततः प्रभाते जनकः कृतकर्मा महर्षिभिः
3541	1069001c	उवाच वाक्यं वाक्यज्ञः शतानन्दं पुरोहितम्
3542	1069002a	भ्राता मम महातेजा यवीयानतिधार्मिकः
3543	1069002c	कुशध्वज इति ख्यातः पुरीमध्यवसच्छुभाम्
3544	1069003a	वार्याफलकपर्यन्तां पिबन्निक्षुमतीं नदीम्
3545	1069003c	सांकाश्यां पुण्यसंकाशां विमानमिव पुष्पकम्
3546	1069004a	तमहं द्रष्टुमिच्छामि यज्ञगोप्ता स मे मतः
3547	1069004c	प्रीतिं सोऽपि महातेजा इंमां भोक्ता मया सह
3548	1069005a	शासनात्तु नरेन्द्रस्य प्रययुः शीघ्रवाजिभिः
3549	1069005c	समानेतुं नरव्याघ्रं विष्णुमिन्द्राज्ञया यथा
3550	1069006a	आज्ञया तु नरेन्द्रस्य आजगाम कुशध्वजः
3551	1069007a	स ददर्श महात्मानं जनकं धर्मवत्सलम्
3552	1069007c	सोऽभिवाद्य शतानन्दं राजानं चापि धार्मिकम्
3553	1069008a	राजार्हं परमं दिव्यमासनं चाध्यरोहत
3554	1069008c	उपविष्टावुभौ तौ तु भ्रातरावमितौजसौ
3555	1069009a	प्रेषयामासतुर्वीरौ मन्त्रिश्रेष्ठं सुदामनम्
3556	1069009c	गच्छ मन्त्रिपते शीघ्रमैक्ष्वाकममितप्रभम्
3557	1069009e	आत्मजैः सह दुर्धर्षमानयस्व समन्त्रिणम्
3558	1069010a	औपकार्यां स गत्वा तु रघूणां कुलवर्धनम्
3559	1069010c	ददर्श शिरसा चैनमभिवाद्येदमब्रवीत्
3560	1069011a	अयोध्याधिपते वीर वैदेहो मिथिलाधिपः
3561	1069011c	स त्वां द्रष्टुं व्यवसितः सोपाध्यायपुरोहितम्
3562	1069012a	मन्त्रिश्रेष्ठवचः श्रुत्वा राजा सर्षिगणस्तदा
3563	1069012c	सबन्धुरगमत्तत्र जनको यत्र वर्तते
3564	1069013a	स राजा मन्त्रिसहितः सोपाध्यायः सबान्धवः
3565	1069013c	वाक्यं वाक्यविदां श्रेष्ठो वैदेहमिदमब्रवीत्
3566	1069014a	विदितं ते महाराज इक्ष्वाकुकुलदैवतम्
3567	1069014c	वक्ता सर्वेषु कृत्येषु वसिष्ठो भगवानृषिः
3568	1069015a	विश्वामित्राभ्यनुज्ञातः सह सर्वैर्महर्षिभिः
3569	1069015c	एष वक्ष्यति धर्मात्मा वसिष्ठो मे यथाक्रमम्
3570	1069016a	तूष्णींभूते दशरथे वसिष्ठो भगवानृषिः
3571	1069016c	उवाच वाक्यं वाक्यज्ञो वैदेहं सपुरोहितम्
3572	1069017a	अव्यक्तप्रभवो ब्रह्मा शाश्वतो नित्य अव्ययः
3573	1069017c	तस्मान्मरीचिः संजज्ञे मरीचेः कश्यपः सुतः
3574	1069018a	विवस्वान्कश्यपाज्जज्ञे मनुर्वैवैस्वतः स्मृतः
3575	1069018c	मनुः प्रजापतिः पूर्वमिक्ष्वाकुस्तु मनोः सुतः
3576	1069019a	तमिक्ष्वाकुमयोध्यायां राजानं विद्धि पूर्वकम्
3577	1069019c	इक्ष्वाकोस्तु सुतः श्रीमान्विकुक्षिरुदपद्यत
3578	1069020a	विकुक्षेस्तु महातेजा बाणः पुत्रः प्रतापवान्
3579	1069020c	बाणस्य तु महातेजा अनरण्यः प्रतापवान्
3580	1069021a	अनरण्यात्पृथुर्जज्ञे त्रिशङ्कुस्तु पृथोः सुतः
3581	1069021c	त्रिशङ्कोरभवत्पुत्रो धुन्धुमारो महायशाः
3582	1069022a	धुन्धुमारान्महातेजा युवनाश्वो महारथः
3583	1069022c	युवनाश्वसुतः श्रीमान्मान्धाता पृथिवीपतिः
3584	1069023a	मान्धातुस्तु सुतः श्रीमान्सुसंधिरुदपद्यत
3585	1069023c	सुसंधेरपि पुत्रौ द्वौ ध्रुवसंधिः प्रसेनजित्
3586	1069024a	यशस्वी ध्रुवसंधेस्तु भरतो नाम नामतः
3587	1069024c	भरतात्तु महातेजा असितो नाम जायत
3588	1069025a	सह तेन गरेणैव जातः स सगरोऽभवत्
3589	1069025c	सगरस्यासमञ्जस्तु असमञ्जादथांशुमान्
3590	1069026a	दिलीपोंऽशुमतः पुत्रो दिलीपस्य भगीरथः
3591	1069026c	भगीरथात्ककुत्स्थश्च ककुत्स्थस्य रघुस्तथा
3592	1069027a	रघोस्तु पुत्रस्तेजस्वी प्रवृद्धः पुरुषादकः
3593	1069027c	कल्माषपादो ह्यभवत्तस्माज्जातस्तु शङ्खणः
3594	1069028a	सुदर्शनः शङ्खणस्य अग्निवर्णः सुदर्शनात्
3595	1069028c	शीघ्रगस्त्वग्निवर्णस्य शीघ्रगस्य मरुः सुतः
3596	1069029a	मरोः प्रशुश्रुकस्त्वासीदम्बरीषः प्रशुश्रुकात्
3597	1069029c	अम्बरीषस्य पुत्रोऽभून्नहुषः पृथिवीपतिः
3598	1069030a	नहुषस्य ययातिस्तु नाभागस्तु ययातिजः
3599	1069030c	नाभागस्य भभूवाज अजाद्दशरथोऽभवत्
3600	1069030e	तस्माद्दशरथाज्जातौ भ्रातरौ रामलक्ष्मणौ
3601	1069031a	आदिवंशविशुद्धानां राज्ञां परमधर्मिणाम्
3602	1069031c	इक्ष्वाकुकुलजातानां वीराणां सत्यवादिनाम्
3603	1069032a	रामलक्ष्मणयोरर्थे त्वत्सुते वरये नृप
3604	1069032c	सदृशाभ्यां नरश्रेष्ठ सदृशे दातुमर्हसि
3605	1070001a	एवं ब्रुवाणं जनकः प्रत्युवाच कृताञ्जलिः
3606	1070001c	श्रोतुमर्हसि भद्रं ते कुलं नः कीर्तितं परम्
3607	1070002a	प्रदाने हि मुनिश्रेष्ठ कुलं निरवशेषतः
3608	1070002c	वक्तव्यं कुलजातेन तन्निबोध महामुने
3609	1070003a	राजाभूत्त्रिषु लोकेषु विश्रुतः स्वेन कर्मणा
3610	1070003c	निमिः परमधर्मात्मा सर्वसत्त्ववतां वरः
3611	1070004a	तस्य पुत्रो मिथिर्नाम जनको मिथि पुत्रकः
3612	1070004c	प्रथमो जनको नाम जनकादप्युदावसुः
3613	1070005a	उदावसोस्तु धर्मात्मा जातो वै नन्दिवर्धनः
3614	1070005c	नन्दिवर्धन पुत्रस्तु सुकेतुर्नाम नामतः
3615	1070006a	सुकेतोरपि धर्मात्मा देवरातो महाबलः
3616	1070006c	देवरातस्य राजर्षेर्बृहद्रथ इति श्रुतः
3617	1070007a	बृहद्रथस्य शूरोऽभून्महावीरः प्रतापवान्
3618	1070007c	महावीरस्य धृतिमान्सुधृतिः सत्यविक्रमः
3619	1070008a	सुधृतेरपि धर्मात्मा धृष्टकेतुः सुधार्मिकः
3620	1070008c	धृष्टकेतोस्तु राजर्षेर्हर्यश्व इति विश्रुतः
3621	1070009a	हर्यश्वस्य मरुः पुत्रो मरोः पुत्रः प्रतीन्धकः
3622	1070009c	प्रतीन्धकस्य धर्मात्मा राजा कीर्तिरथः सुतः
3623	1070010a	पुत्रः कीर्तिरथस्यापि देवमीढ इति स्मृतः
3624	1070010c	देवमीढस्य विबुधो विबुधस्य महीध्रकः
3625	1070011a	महीध्रकसुतो राजा कीर्तिरातो महाबलः
3626	1070011c	कीर्तिरातस्य राजर्षेर्महारोमा व्यजायत
3627	1070012a	महारोंणस्तु धर्मात्मा स्वर्णरोमा व्यजायत
3628	1070012c	स्वर्णरोंणस्तु राजर्षेर्ह्रस्वरोमा व्यजायत
3629	1070013a	तस्य पुत्रद्वयं जज्ञे धर्मज्ञस्य महात्मनः
3630	1070013c	ज्येष्ठोऽहमनुजो भ्राता मम वीरः कुशध्वजः
3631	1070014a	मां तु ज्येष्ठं पिता राज्ये सोऽभिषिच्य नराधिपः
3632	1070014c	कुशध्वजं समावेश्य भारं मयि वनं गतः
3633	1070015a	वृद्धे पितरि स्वर्याते धर्मेण धुरमावहम्
3634	1070015c	भ्रातरं देवसंकाशं स्नेहात्पश्यन्कुशध्वजम्
3635	1070016a	कस्यचित्त्वथ कालस्य सांकाश्यादगमत्पुरात्
3636	1070016c	सुधन्वा वीर्यवान्राजा मिथिलामवरोधकः
3637	1070017a	स च मे प्रेषयामास शैवं धनुरनुत्तमम्
3638	1070017c	सीता कन्या च पद्माक्षी मह्यं वै दीयतामिति
3639	1070018a	तस्याप्रदानाद्ब्रह्मर्षे युद्धमासीन्मया सह
3640	1070018c	स हतोऽभिमुखो राजा सुधन्वा तु मया रणे
3641	1070019a	निहत्य तं मुनिश्रेष्ठ सुधन्वानं नराधिपम्
3642	1070019c	सांकाश्ये भ्रातरं शूरमभ्यषिञ्चं कुशध्वजम्
3643	1070020a	कनीयानेष मे भ्राता अहं ज्येष्ठो महामुने
3644	1070020c	ददामि परमप्रीतो वध्वौ ते मुनिपुंगव
3645	1070021a	सीतां रामाय भद्रं ते ऊर्मिलां लक्ष्मणाय च
3646	1070021c	वीर्यशुल्कां मम सुतां सीतां सुरसुतोपमाम्
3647	1070022a	द्वितीयामूर्मिलां चैव त्रिर्वदामि न संशयः
3648	1070022c	ददामि परमप्रीतो वध्वौ ते रघुनन्दन
3649	1070023a	रामलक्ष्मणयो राजन्गोदानं कारयस्व ह
3650	1070023c	पितृकार्यं च भद्रं ते ततो वैवाहिकं कुरु
3651	1070024a	मघा ह्यद्य महाबाहो तृतीये दिवसे प्रभो
3652	1070024c	फल्गुन्यामुत्तरे राजंस्तस्मिन्वैवाहिकं कुरु
3653	1070024e	रामलक्ष्मणयोरर्थे दानं कार्यं सुखोदयम्
3654	1071001a	तमुक्तवन्तं वैदेहं विश्वामित्रो महामुनिः
3655	1071001c	उवाच वचनं वीरं वसिष्ठसहितो नृपम्
3656	1071002a	अचिन्त्यान्यप्रमेयानि कुलानि नरपुंगव
3657	1071002c	इक्ष्वाकूणां विदेहानां नैषां तुल्योऽस्ति कश्चन
3658	1071003a	सदृशो धर्मसंबन्धः सदृशो रूपसंपदा
3659	1071003c	रामलक्ष्मणयो राजन्सीता चोर्मिलया सह
3660	1071004a	वक्तव्यं न नरश्रेष्ठ श्रूयतां वचनं मम
3661	1071005a	भ्राता यवीयान्धर्मज्ञ एष राजा कुशध्वजः
3662	1071005c	अस्य धर्मात्मनो राजन्रूपेणाप्रतिमं भुवि
3663	1071005e	सुता द्वयं नरश्रेष्ठ पत्न्यर्थं वरयामहे
3664	1071006a	भरतस्य कुमारस्य शत्रुघ्नस्य च धीमतः
3665	1071006c	वरयेम सुते राजंस्तयोरर्थे महात्मनोः
3666	1071007a	पुत्रा दशरथस्येमे रूपयौवनशालिनः
3667	1071007c	लोकपालोपमाः सर्वे देवतुल्यपराक्रमाः
3668	1071008a	उभयोरपि राजेन्द्र संबन्धेनानुबध्यताम्
3669	1071008c	इक्ष्वाकुकुलमव्यग्रं भवतः पुण्यकर्मणः
3670	1071009a	विश्वामित्रवचः श्रुत्वा वसिष्ठस्य मते तदा
3671	1071009c	जनकः प्राञ्जलिर्वाक्यमुवाच मुनिपुंगवौ
3672	1071010a	सदृशं कुलसंबन्धं यदाज्ञापयथः स्वयम्
3673	1071010c	एवं भवतु भद्रं वः कुशध्वजसुते इमे
3674	1071010e	पत्न्यौ भजेतां सहितौ शत्रुघ्नभरतावुभौ
3675	1071011a	एकाह्ना राजपुत्रीणां चतसॄणां महामुने
3676	1071011c	पाणीन्गृह्णन्तु चत्वारो राजपुत्रा महाबलाः
3677	1071012a	उत्तरे दिवसे ब्रह्मन्फल्गुनीभ्यां मनीषिणः
3678	1071012c	वैवाहिकं प्रशंसन्ति भगो यत्र प्रजापतिः
3679	1071013a	एवमुक्त्वा वचः सौम्यं प्रत्युत्थाय कृताञ्जलिः
3680	1071013c	उभौ मुनिवरौ राजा जनको वाक्यमब्रवीत्
3681	1071014a	परो धर्मः कृतो मह्यं शिष्योऽस्मि भवतोः सदा
3682	1071014c	इमान्यासनमुख्यानि आसेतां मुनिपुंगवौ
3683	1071015a	यथा दशरथस्येयं तथायोध्या पुरी मम
3684	1071015c	प्रभुत्वे नासित्संदेहो यथार्हं कर्तुमर्हथः
3685	1071016a	तथा ब्रुवति वैदेहे जनके रघुनन्दनः
3686	1071016c	राजा दशरथो हृष्टः प्रत्युवाच महीपतिम्
3687	1071017a	युवामसंख्येय गुणौ भ्रातरौ मिथिलेश्वरौ
3688	1071017c	ऋषयो राजसंघाश्च भवद्भ्यामभिपूजिताः
3689	1071018a	स्वस्ति प्राप्नुहि भद्रं ते गमिष्यामि स्वमालयम्
3690	1071018c	श्राद्धकर्माणि सर्वाणि विधास्य इति चाब्रवीत्
3691	1071019a	तमापृष्ट्वा नरपतिं राजा दशरथस्तदा
3692	1071019c	मुनीन्द्रौ तौ पुरस्कृत्य जगामाशु महायशाः
3693	1071020a	स गत्वा निलयं राजा श्राद्धं कृत्वा विधानतः
3694	1071020c	प्रभाते काल्यमुत्थाय चक्रे गोदानमुत्तमम्
3695	1071021a	गवां शतसहस्राणि ब्राह्मणेभ्यो नराधिपः
3696	1071021c	एकैकशो ददौ राजा पुत्रानुद्धिश्य धर्मतः
3697	1071022a	सुवर्णशृङ्गाः संपन्नाः सवत्साः कांस्यदोहनाः
3698	1071022c	गवां शतसहस्राणि चत्वारि पुरुषर्षभः
3699	1071023a	वित्तमन्यच्च सुबहु द्विजेभ्यो रघुनन्दनः
3700	1071023c	ददौ गोदानमुद्दिश्य पुत्राणां पुत्रवत्सलः
3701	1071024a	स सुतैः कृतगोदानैर्वृतश्च नृपतिस्तदा
3702	1071024c	लोकपालैरिवाभाति वृतः सौम्यः प्रजापतिः
3703	1072001a	यस्मिंस्तु दिवसे राजा चक्रे गोदानमुत्तमम्
3704	1072001c	तस्मिंस्तु दिवसे शूरो युधाजित्समुपेयिवान्
3705	1072002a	पुत्रः केकयराजस्य साक्षाद्भरतमातुलः
3706	1072002c	दृष्ट्वा पृष्ट्वा च कुशलं राजानमिदमब्रवीत्
3707	1072003a	केकयाधिपती राजा स्नेहात्कुशलमब्रवीत्
3708	1072003c	येषां कुशलकामोऽसि तेषां संप्रत्यनामयम्
3709	1072004a	स्वस्रीयं मम राजेन्द्र द्रष्टुकामो महीपते
3710	1072004c	तदर्थमुपयातोऽहमयोध्यां रघुनन्दन
3711	1072005a	श्रुत्वा त्वहमयोध्यायां विवाहार्थं तवात्मजान्
3712	1072005c	मिथिलामुपयातास्तु त्वया सह महीपते
3713	1072006a	त्वरयाभुपयातोऽहं द्रष्टुकामः स्वसुः सुतम्
3714	1072006c	अथ राजा दशरथः प्रियातिथिमुपस्थिम
3715	1072007a	दृष्ट्वा परमसत्कारैः पूजार्हं समपूजयत्
3716	1072007c	ततस्तामुषितो रात्रिं सह पुत्रैर्महात्मभिः
3717	1072008a	ऋषींस्तदा पुरस्कृत्य यज्ञवाटमुपागमत्
3718	1072008c	युक्ते मुहूर्ते विजये सर्वाभरणभूषितैः
3719	1072008e	भ्रातृभिः सहितो रामः कृतकौतुकमङ्गलः
3720	1072009a	वसिष्ठं पुरतः कृत्वा महर्षीनपरानपि
3721	1072010a	राजा रशरथो राजन्कृतकौतुकमङ्गलैः
3722	1072010c	पुत्रैर्नरवरश्रेष्ठ दातारमभिकाङ्क्षते
3723	1072011a	दातृप्रतिग्रहीतृभ्यां सर्वार्थाः प्रभवन्ति हि
3724	1072011c	स्वधर्मं प्रतिपद्यस्व कृत्वा वैवाह्यमुत्तमम्
3725	1072012a	इत्युक्तः परमोदारो वसिष्ठेन महात्मना
3726	1072012c	प्रत्युवाच महातेजा वाक्यं परमधर्मवित्
3727	1072013a	कः स्थितः प्रतिहारो मे कस्याज्ञा संप्रतीक्ष्यते
3728	1072013c	स्वगृहे को विचारोऽस्ति यथा राज्यमिदं तव
3729	1072014a	कृतकौतुकसर्वस्वा वेदिमूलमुपागताः
3730	1072014c	मम कन्या मुनिश्रेष्ठ दीप्ता वह्नेरिवार्चिषः
3731	1072015a	सज्जोऽहं त्वत्प्रतीक्षोऽस्मि वेद्यामस्यां प्रतिष्हितः
3732	1072015c	अविघ्नं कुरुतां राजा किमर्थं हि विलम्ब्यते
3733	1072016a	तद्वाक्यं जनकेनोक्तं श्रुत्वा दशरथस्तदा
3734	1072016c	प्रवेशयामास सुतान्सर्वानृषिगणानपि
3735	1072017a	अब्रवीज्जनको राजा कौसल्यानन्दवर्धनम्
3736	1072017c	इयं सीता मम सुता सहधर्मचरी तव
3737	1072017e	प्रतीच्छ चैनां भद्रं ते पाणिं गृह्णीष्व पाणिना
3738	1072018a	लक्ष्मणागच्छ भद्रं ते ऊर्मिलामुद्यतां मया
3739	1072018c	प्रतीच्छ पाणिं गृह्णीष्व मा भूत्कालस्य पर्ययः
3740	1072019a	तमेवमुक्त्वा जनको भरतं चाभ्यभाषत
3741	1072019c	गृहाण पाणिं माण्डव्याः पाणिना रघुनन्दन
3742	1072020a	शत्रुघ्नं चापि धर्मात्मा अब्रवीज्जनकेश्वरः
3743	1072020c	श्रुतकीर्त्या महाबाहो पाणिं गृह्णीष्व पाणिना
3744	1072021a	सर्वे भवन्तः संयाश्च सर्वे सुचरितव्रताः
3745	1072021c	पत्नीभिः सन्तु काकुत्स्था मा भूत्कालस्य पर्ययः
3746	1072022a	जनकस्य वचः श्रुत्वा पाणीन्पाणिभिरस्पृशन्
3747	1072022c	चत्वारस्ते चतसृणां वसिष्ठस्य मते स्थिताः
3748	1072023a	अग्निं प्रदक्षिणं कृत्वा वेदिं राजानमेव च
3749	1072023c	ऋषींश्चैव महात्मानः सह भार्या रघूत्तमाः
3750	1072023e	यथोक्तेन तथा चक्रुर्विवाहं विधिपूर्वकम्
3751	1072024a	पुष्पवृष्टिर्महत्यासीदन्तरिक्षात्सुभास्वरा
3752	1072024c	दिव्यदुन्दुभिनिर्घोषैर्गीतवादित्रनिस्वनैः
3753	1072025a	ननृतुश्चाप्सरःसंघा गन्धर्वाश्च जगुः कलम्
3754	1072025c	विवाहे रघुमुख्यानां तदद्भुतमिवाभवत्
3755	1072026a	ईदृशे वर्तमाने तु तूर्योद्घुष्टनिनादिते
3756	1072026c	त्रिरग्निं ते परिक्रम्य ऊहुर्भार्या महौजसः
3757	1072027a	अथोपकार्यां जग्मुस्ते सदारा रघुनन्दनः
3758	1072027c	राजाप्यनुययौ पश्यन्सर्षिसंघः सबान्धवः
3759	1073001a	अथ रात्र्यां व्यतीतायां विश्वामित्रो महामुनिः
3760	1073001c	आपृच्छ्य तौ च राजानौ जगामोत्तरपर्वतम्
3761	1073002a	विश्वामित्रो गते राजा वैदेहं मिथिलाधिपम्
3762	1073002c	आपृच्छ्याथ जगामाशु राजा दशरथः पुरीम्
3763	1073003a	अथ राजा विदेहानां ददौ कन्याधनं बहु
3764	1073003c	गवां शतसहस्राणि बहूनि मिथिलेश्वरः
3765	1073004a	कम्बलानां च मुख्यानां क्षौमकोट्यम्बराणि च
3766	1073004c	हस्त्यश्वरथपादातं दिव्यरूपं स्वलंकृतम्
3767	1073005a	ददौ कन्या पिता तासां दासीदासमनुत्तमम्
3768	1073005c	हिरण्यस्य सुवर्णस्य मुक्तानां विद्रुमस्य च
3769	1073006a	ददौ परमसंहृष्टः कन्याधनमनुत्तमम्
3770	1073006c	दत्त्वा बहुधनं राजा समनुज्ञाप्य पार्थिवम्
3771	1073007a	प्रविवेश स्वनिलयं मिथिलां मिथिलेश्वरः
3772	1073007c	राजाप्ययोध्याधिपतिः सह पुत्रैर्महात्मभिः
3773	1073008a	ऋषीन्सर्वान्पुरस्कृत्य जगाम सबलानुगः
3774	1073008c	गच्छन्तं तु नरव्याघ्रं सर्षिसंघं सराघवम्
3775	1073009a	घोराः स्म पक्षिणो वाचो व्याहरन्ति ततस्ततः
3776	1073009c	भौमाश्चैव मृगाः सर्वे गच्छन्ति स्म प्रदक्षिणम्
3777	1073010a	तान्दृष्ट्वा राजशार्दूलो वसिष्ठं पर्यपृच्छत
3778	1073010c	असौम्याः पक्षिणो घोरा मृगाश्चापि प्रदक्षिणाः
3779	1073010e	किमिदं हृदयोत्कम्पि मनो मम विषीदति
3780	1073011a	राज्ञो दशरथस्यैतच्छ्रुत्वा वाक्यं महानृषिः
3781	1073011c	उवाच मधुरां वाणीं श्रूयतामस्य यत्फलम्
3782	1073012a	उपस्थितं भयं घोरं दिव्यं पक्षिमुखाच्च्युतम्
3783	1073012c	मृगाः प्रशमयन्त्येते संतापस्त्यज्यतामयम्
3784	1073013a	तेषां संवदतां तत्र वायुः प्रादुर्बभूव ह
3785	1073013c	कम्पयन्मेदिनीं सर्वां पातयंश्च द्रुमाञ्शुभान्
3786	1073014a	तमसा संवृतः सूर्यः सर्वा न प्रबभुर्दिशः
3787	1073014c	भस्मना चावृतं सर्वं संमूढमिव तद्बलम्
3788	1073015a	वसिष्ठ ऋषयश्चान्ये राजा च ससुतस्तदा
3789	1073015c	ससंज्ञा इव तत्रासन्सर्वमन्यद्विचेतनम्
3790	1073016a	तस्मिंस्तमसि घोरे तु भस्मच्छन्नेव सा चमूः
3791	1073016c	ददर्श भीमसंकाशं जटामण्डलधारिणम्
3792	1073017a	कैलासमिव दुर्धर्षं कालाग्निमिव दुःसहम्
3793	1073017c	ज्वलन्तमिव तेजोभिर्दुर्निरीक्ष्यं पृथग्जनैः
3794	1073018a	स्कन्धे चासज्य परशुं धनुर्विद्युद्गणोपमम्
3795	1073018c	प्रगृह्य शरमुख्यं च त्रिपुरघ्नं यथा हरम्
3796	1073019a	तं दृष्ट्वा भीमसंकाशं ज्वलन्तमिव पावकम्
3797	1073019c	वसिष्ठप्रमुखा विप्रा जपहोमपरायणाः
3798	1073019e	संगता मुनयः सर्वे संजजल्पुरथो मिथः
3799	1073020a	कच्चित्पितृवधामर्षी क्षत्रं नोत्सादयिष्यति
3800	1073020c	पूर्वं क्षत्रवधं कृत्वा गतमन्युर्गतज्वरः
3801	1073020e	क्षत्रस्योत्सादनं भूयो न खल्वस्य चिकीर्षितम्
3802	1073021a	एवमुक्त्वार्घ्यमादाय भार्गवं भीमदर्शनम्
3803	1073021c	ऋषयो राम रामेति मधुरां वाचमब्रुवन्
3804	1073022a	प्रतिगृह्य तु तां पूजामृषिदत्तां प्रतापवान्
3805	1073022c	रामं दाशरथिं रामो जामदग्न्योऽभ्यभाषत
3806	1074001a	राम दाशरथे वीर वीर्यं ते श्रूयतेऽधुतम्
3807	1074001c	धनुषो भेदनं चैव निखिलेन मया श्रुतम्
3808	1074002a	तदद्भुतमचिन्त्यं च भेदनं धनुषस्त्वया
3809	1074002c	तच्छ्रुत्वाहमनुप्राप्तो धनुर्गृह्यापरं शुभम्
3810	1074003a	तदिदं घोरसंकाशं जामदग्न्यं महद्धनुः
3811	1074003c	पूरयस्व शरेणैव स्वबलं दर्शयस्व च
3812	1074004a	तदहं ते बलं दृष्ट्वा धनुषोऽस्य प्रपूरणे
3813	1074004c	द्वन्द्वयुद्धं प्रदास्यामि वीर्यश्लाघ्यमिदं तव
3814	1074005a	तस्य तद्वचनं श्रुत्वा राजा दशरतःस्तदा
3815	1074005c	विषण्णवदनो दीनः प्राञ्जलिर्वाक्यमब्रवीत्
3816	1074006a	क्षत्ररोषात्प्रशान्तस्त्वं ब्राह्मणस्य महायशाः
3817	1074006c	बालानां मम पुत्राणामभयं दातुमर्हसि
3818	1074007a	भार्गवाणां कुले जातः स्वाध्यायव्रतशालिनाम्
3819	1074007c	सहस्राक्षे प्रतिज्ञाय शस्त्रं निक्षिप्तवानसि
3820	1074008a	स त्वं धर्मपरो भूत्वा काश्यपाय वसुंधराम्
3821	1074008c	दत्त्वा वनमुपागम्य महेन्द्रकृतकेतनः
3822	1074009a	मम सर्वविनाशाय संप्राप्तस्त्वं महामुने
3823	1074009c	न चैकस्मिन्हते रामे सर्वे जीवामहे वयम्
3824	1074010a	ब्रुवत्येवं दशरथे जामदग्न्यः प्रतापवान्
3825	1074010c	अनादृत्यैव तद्वाक्यं राममेवाभ्यभाषत
3826	1074011a	इमे द्वे धनुषी श्रेष्ठे दिव्ये लोकाभिविश्रुते
3827	1074011c	दृढे बलवती मुख्ये सुकृते विश्वकर्मणा
3828	1074012a	अतिसृष्टं सुरैरेकं त्र्यम्बकाय युयुत्सवे
3829	1074012c	त्रिपुरघ्नं नरश्रेष्ठ भग्नं काकुत्स्ह यत्त्वया
3830	1074013a	इदं द्वितीयं दुर्धर्षं विष्णोर्दत्तं सुरोत्तमैः
3831	1074013c	समानसारं काकुत्स्थ रौद्रेण धनुषा त्विदम्
3832	1074014a	तदा तु देवताः सर्वाः पृच्छन्ति स्म पितामहम्
3833	1074014c	शितिकण्ठस्य विष्णोश्च बलाबलनिरीक्षया
3834	1074015a	अभिप्रायं तु विज्ञाय देवतानां पितामहः
3835	1074015c	विरोधं जनयामास तयोः सत्यवतां वरः
3836	1074016a	विरोधे च महद्युद्धमभवद्रोमहर्षणम्
3837	1074016c	शितिकण्ठस्य विष्णोश्च परस्परजयैषिणोः
3838	1074017a	तदा तज्जृम्भितं शैवं धनुर्भीमपराक्रमम्
3839	1074017c	हुंकारेण महादेवः स्तम्भितोऽथ त्रिलोचनः
3840	1074018a	देवैस्तदा समागम्य सर्षिसंघैः सचारणैः
3841	1074018c	याचितौ प्रशमं तत्र जग्मतुस्तौ सुरोत्तमौ
3842	1074019a	जृम्भितं तद्धनुर्दृष्ट्वा शैवं विष्णुपराक्रमैः
3843	1074019c	अधिकं मेनिरे विष्णुं देवाः सर्षिगणास्तदा
3844	1074020a	धनू रुद्रस्तु संक्रुद्धो विदेहेषु महायशाः
3845	1074020c	देवरातस्य राजर्षेर्ददौ हस्ते ससायकम्
3846	1074021a	इदं च विष्णवं राम धनुः परपुरंजयम्
3847	1074021c	ऋचीके भार्गवे प्रादाद्विष्णुः स न्यासमुत्तमम्
3848	1074022a	ऋचीकस्तु महातेजाः पुत्रस्याप्रतिकर्मणः
3849	1074022c	पितुर्मम ददौ दिव्यं जमदग्नेर्महात्मनः
3850	1074023a	न्यस्तशस्त्रे पितरि मे तपोबलसमन्विते
3851	1074023c	अर्जुनो विदधे मृत्युं प्राकृतां बुद्धिमास्थितः
3852	1074024a	वधमप्रतिरूपं तु पितुः श्रुत्वा सुदारुणम्
3853	1074024c	क्षत्रमुत्सादयं रोषाज्जातं जातमनेकशः
3854	1074025a	पृथिवीं चाखिलां प्राप्य काश्यपाय महात्मने
3855	1074025c	यज्ञस्यान्ते तदा राम दक्षिणां पुण्यकर्मणे
3856	1074026a	दत्त्वा महेन्द्रनिलयस्तपोबलसमन्वितः
3857	1074026c	श्रुतवान्धनुषो भेदं ततोऽहं द्रुतमागतः
3858	1074027a	तदिदं वैष्णवं राम पितृपैतामहं महत्
3859	1074027c	क्षत्रधर्मं पुरस्कृत्य गृह्णीष्व धनुरुत्तमम्
3860	1074028a	योजयस्व धनुः श्रेष्ठे शरं परपुरंजयम्
3861	1074028c	यदि शक्नोषि काकुत्स्थ द्वन्द्वं दास्यामि ते ततः
3862	1075001a	श्रुत्वा तज्जामदग्न्यस्य वाक्यं दाशरथिस्तदा
3863	1075001c	गौरवाद्यन्त्रितकथः पितू राममथाब्रवीत्
3864	1075002a	श्रुतवानस्मि यत्कर्म कृतवानसि भार्गव
3865	1075002c	अनुरुन्ध्यामहे ब्रह्मन्पितुरानृण्यमास्थितः
3866	1075003a	वीर्यहीनमिवाशक्तं क्षत्रधर्मेण भार्गव
3867	1075003c	अवजानामि मे तेजः पश्य मेऽद्य पराक्रमम्
3868	1075004a	इत्युक्त्वा राघवः क्रुद्धो भार्गवस्य वरायुधम्
3869	1075004c	शरं च प्रतिसंगृह्य हस्ताल्लघुपराक्रमः
3870	1075005a	आरोप्य स धनू रामः शरं सज्यं चकार ह
3871	1075005c	जामदग्न्यं ततो रामं रामः क्रुद्धोऽब्रवीद्वचः
3872	1075006a	ब्राह्मणोऽसीति पूज्यो मे विश्वामित्रकृतेन च
3873	1075006c	तस्माच्छक्तो न ते राम मोक्तुं प्राणहरं शरम्
3874	1075007a	इमां वा त्वद्गतिं राम तपोबलसमार्जितान्
3875	1075007c	लोकानप्रतिमान्वापि हनिष्यामि यदिच्छसि
3876	1075008a	न ह्ययं वैष्णवो दिव्यः शरः परपुरंजयः
3877	1075008c	मोघः पतति वीर्येण बलदर्पविनाशनः
3878	1075009a	वरायुधधरं राम द्रष्टुं सर्षिगणाः सुराः
3879	1075009c	पितामहं पुरस्कृत्य समेतास्तत्र संघशः
3880	1075010a	गन्धर्वाप्सरसश्चैव सिद्धचारणकिंनराः
3881	1075010c	यक्षराक्षसनागाश्च तद्द्रष्टुं महदद्भुतम्
3882	1075011a	जडीकृते तदा लोके रामे वरधनुर्धरे
3883	1075011c	निर्वीर्यो जामदग्न्योऽसौ रमो राममुदैक्षत
3884	1075012a	तेजोभिर्हतवीर्यत्वाज्जामदग्न्यो जडीकृतः
3885	1075012c	रामं कमल पत्राक्षं मन्दं मन्दमुवाच ह
3886	1075013a	काश्यपाय मया दत्ता यदा पूर्वं वसुंधरा
3887	1075013c	विषये मे न वस्तव्यमिति मां काश्यपोऽब्रवीत्
3888	1075014a	सोऽहं गुरुवचः कुर्वन्पृथिव्यां न वसे निशाम्
3889	1075014c	इति प्रतिज्ञा काकुत्स्थ कृता वै काश्यपस्य ह
3890	1075015a	तदिमां त्वं गतिं वीर हन्तुं नार्हसि राघव
3891	1075015c	मनोजवं गमिष्यामि महेन्द्रं पर्वतोत्तमम्
3892	1075016a	लोकास्त्वप्रतिमा राम निर्जितास्तपसा मया
3893	1075016c	जहि ताञ्शरमुख्येन मा भूत्कालस्य पर्ययः
3894	1075017a	अक्षय्यं मधुहन्तारं जानामि त्वां सुरेश्वरम्
3895	1075017c	धनुषोऽस्य परामर्शात्स्वस्ति तेऽस्तु परंतप
3896	1075018a	एते सुरगणाः सर्वे निरीक्षन्ते समागताः
3897	1075018c	त्वामप्रतिमकर्माणमप्रतिद्वन्द्वमाहवे
3898	1075019a	न चेयं मम काकुत्स्थ व्रीडा भवितुमर्हति
3899	1075019c	त्वया त्रैलोक्यनाथेन यदहं विमुखीकृतः
3900	1075020a	शरमप्रतिमं राम मोक्तुमर्हसि सुव्रत
3901	1075020c	शरमोक्षे गमिष्यामि महेन्द्रं पर्वतोत्तमम्
3902	1075021a	तथा ब्रुवति रामे तु जामदग्न्ये प्रतापवान्
3903	1075021c	रामो दाशरथिः श्रीमांश्चिक्षेप शरमुत्तमम्
3904	1075022a	ततो वितिमिराः सर्वा दिशा चोपदिशस्तथा
3905	1075022c	सुराः सर्षिगणा रामं प्रशशंसुरुदायुधम्
3906	1075023a	रामं दाशरथिं रामो जामदग्न्यः प्रशस्य च
3907	1075023c	ततः प्रदक्षिणीकृत्य जगामात्मगतिं प्रभुः
3908	1076001a	गते रामे प्रशान्तात्मा रामो दाशरथिर्धनुः
3909	1076001c	वरुणायाप्रमेयाय ददौ हस्ते ससायकम्
3910	1076002a	अभिवाद्य ततो रामो वसिष्ठ प्रमुखानृषीन्
3911	1076002c	पितरं विह्वलं दृष्ट्वा प्रोवाच रघुनन्दनः
3912	1076003a	जामदग्न्यो गतो रामः प्रयातु चतुरङ्गिणी
3913	1076003c	अयोध्याभिमुखी सेना त्वया नाथेन पालिता
3914	1076004a	रामस्य वचनं श्रुत्वा राजा दशरथः सुतम्
3915	1076004c	बाहुभ्यां संपरिष्वज्य मूर्ध्नि चाघ्राय राघवम्
3916	1076005a	गतो राम इति श्रुत्वा हृष्टः प्रमुदितो नृपः
3917	1076005c	चोदयामास तां सेनां जगामाशु ततः पुरीम्
3918	1076006a	पताकाध्वजिनीं रम्यां तूर्योद्घुष्टनिनादिताम्
3919	1076006c	सिक्तराजपथां रम्यां प्रकीर्णकुसुमोत्कराम्
3920	1076007a	राजप्रवेशसुमुखैः पौरैर्मङ्गलवादिभिः
3921	1076007c	संपूर्णां प्राविशद्राजा जनौघैः समलंकृताम्
3922	1076008a	कौसल्या च सुमित्रा च कैकेयी च सुमध्यमा
3923	1076008c	वधूप्रतिग्रहे युक्ता याश्चान्या राजयोषितः
3924	1076009a	ततः सीतां महाभागामूर्मिलां च यशस्विनीम्
3925	1076009c	कुशध्वजसुते चोभे जगृहुर्नृपपत्नयः
3926	1076010a	मङ्गलालापनैश्चैव शोभिताः क्षौमवाससः
3927	1076010c	देवतायतनान्याशु सर्वास्ताः प्रत्यपूजयन्
3928	1076011a	अभिवाद्याभिवाद्यांश्च सर्वा राजसुतास्तदा
3929	1076011c	रेमिरे मुदिताः सर्वा भर्तृभिः सहिता रहः
3930	1076012a	कृतदाराः कृतास्त्राश्च सधनाः ससुहृज्जनाः
3931	1076012c	शुश्रूषमाणाः पितरं वर्तयन्ति नरर्षभाः
3932	1076013a	तेषामतियशा लोके रामः सत्यपराक्रमः
3933	1076013c	स्वयम्भूरिव भूतानां बभूव गुणवत्तरः
3934	1076014a	रामस्तु सीतया सार्धं विजहार बहूनृतून्
3935	1076014c	मनस्वी तद्गतस्तस्या नित्यं हृदि समर्पितः
3936	1076015a	प्रिया तु सीता रामस्य दाराः पितृकृता इति
3937	1076015c	गुणाद्रूपगुणाच्चापि प्रीतिर्भूयो व्यवर्धत
3938	1076016a	तस्याश्च भर्ता द्विगुणं हृदये परिवर्तते
3939	1076016c	अन्तर्जातमपि व्यक्तमाख्याति हृदयं हृदा
3940	1076017a	तस्य भूयो विशेषेण मैथिली जनकात्मजा
3941	1076017c	देवताभिः समा रूपे सीता श्रीरिव रूपिणी
3942	1076018a	तया स राजर्षिसुतोऽभिरामया; समेयिवानुत्तमराजकन्यया
3943	1076018c	अतीव रामः शुशुभेऽतिकामया; विभुः श्रिया विष्णुरिवामरेश्वरः

अयोध्या

क्रमाङ्क	छन्द	श्लोक
1	2001001a	कस्यचित्त्वथ कालस्य राजा दशरथः सुतम्
2	2001001c	भरतं केकयीपुत्रमब्रवीद्रघुनन्दनः
3	2001002a	अयं केकयराजस्य पुत्रो वसति पुत्रक
4	2001002c	त्वां नेतुमागतो वीर युधाजिन्मातुलस्तव
5	2001003a	श्रुत्वा दशरथस्यैतद्भरतः केकयीसुतः
6	2001003c	गमनायाभिचक्राम शत्रुघ्नसहितस्तदा
7	2001004a	आपृच्छ्य पितरं शूरो रामं चाक्लिष्टकारिणम्
8	2001004c	मातॄंश्चापि नरश्रेष्ठः शत्रुघ्नसहितो ययौ
9	2001005a	युधाजित्प्राप्य भरतं सशत्रुघ्नं प्रहर्षितः
10	2001005c	स्वपुरं प्राविशद्वीरः पिता तस्य तुतोष ह
11	2001006a	स तत्र न्यवसद्भ्रात्रा सह सत्कारसत्कृतः
12	2001006c	मातुलेनाश्वपतिना पुत्रस्नेहेन लालितः
13	2001007a	तत्रापि निवसन्तौ तौ तर्प्यमाणौ च कामतः
14	2001007c	भ्रातरौ स्मरतां वीरौ वृद्धं दशरथं नृपम्
15	2001008a	राजापि तौ महातेजाः सस्मार प्रोषितौ सुतौ
16	2001008c	उभौ भरतशत्रुघ्नौ महेन्द्रवरुणोपमौ
17	2001009a	सर्व एव तु तस्येष्टाश्चत्वारः पुरुषर्षभाः
18	2001009c	स्वशरीराद्विनिर्वृत्ताश्चत्वार इव बाहवः
19	2001010a	तेषामपि महातेजा रामो रतिकरः पितुः
20	2001010c	स्वयम्भूरिव भूतानां बभूव गुणवत्तरः
21	2001011a	गते च भरते रामो लक्ष्मणश्च महाबलः
22	2001011c	पितरं देवसंकाशं पूजयामासतुस्तदा
23	2001012a	पितुराज्ञां पुरस्कृत्य पौरकार्याणि सर्वशः
24	2001012c	चकार रामो धर्मात्मा प्रियाणि च हितानि च
25	2001013a	मातृभ्यो मातृकार्याणि कृत्वा परमयन्त्रितः
26	2001013c	गुरूणां गुरुकार्याणि काले कालेऽन्ववैक्षत
27	2001014a	एवं दशरथः प्रीतो ब्राह्मणा नैगमास्तथा
28	2001014c	रामस्य शीलवृत्तेन सर्वे विषयवासिनः
29	2001015a	स हि नित्यं प्रशान्तात्मा मृदुपूर्वं च भाषते
30	2001015c	उच्यमानोऽपि परुषं नोत्तरं प्रतिपद्यते
31	2001016a	कथंचिदुपकारेण कृतेनैकेन तुष्यति
32	2001016c	न स्मरत्यपकाराणां शतमप्यात्मवत्तया
33	2001017a	शीलवृद्धैर्ज्ञानवृद्धैर्वयोवृद्धैश्च सज्जनैः
34	2001017c	कथयन्नास्त वै नित्यमस्त्रयोग्यान्तरेष्वपि
35	2001018a	कल्याणाभिजनः साधुरदीनः सत्यवागृजुः
36	2001018c	वृद्धैरभिविनीतश्च द्विजैर्धर्मार्थदर्शिभिः
37	2001019a	धर्मार्थकामतत्त्वज्ञः स्मृतिमान्प्रतिभावनान्
38	2001019c	लौकिके समयाचरे कृतकल्पो विशारदः
39	2001020a	शास्त्रज्ञश्च कृतज्ञश्च पुरुषान्तरकोविदः
40	2001020c	यः प्रग्रहानुग्रहयोर्यथान्यायं विचक्षणः
41	2001021a	आयकर्मण्युपायज्ञः संदृष्टव्ययकर्मवित्
42	2001021c	श्रैष्ठ्यं शास्त्रसमूहेषु प्राप्तो व्यामिश्रकेष्वपि
43	2001022a	अर्थधर्मौ च संगृह्य सुखतन्त्रो न चालसः
44	2001022c	वैहारिकाणां शिल्पानां विज्ञातार्थविभागवित्
45	2001023a	आरोहे विनये चैव युक्तो वारणवाजिनाम्
46	2001023c	धनुर्वेदविदां श्रेष्ठो लोकेऽतिरथसंमतः
47	2001024a	अभियाता प्रहर्ता च सेनानयविशारदः
48	2001024c	अप्रधृष्यश्च संग्रामे क्रुद्धैरपि सुरासुरैः
49	2001025a	अनसूयो जितक्रोधो न दृप्तो न च मत्सरी
50	2001025c	न चावमन्ता भूतानां न च कालवशानुगः
51	2001026a	एवं श्रैष्ठैर्गुणैर्युक्तः प्रजानां पार्थिवात्मजः
52	2001026c	संमतस्त्रिषु लोकेषु वसुधायाः क्षमागुणैः
53	2001026e	बुद्ध्या बृहस्पतेस्तुल्यो वीर्येणापि शचीपतेः
54	2001027a	तथा सर्वप्रजाकान्तैः प्रीतिसंजननैः पितुः
55	2001027c	गुणैर्विरुरुचे रामो दीप्तः सूर्य इवांशुभिः
56	2001028a	तमेवंवृत्तसंपन्नमप्रधृष्य पराक्रमम्
57	2001028c	लोकपालोपमं नाथमकामयत मेदिनी
58	2001029a	एतैस्तु बहुभिर्युक्तं गुणैरनुपमैः सुतम्
59	2001029c	दृष्ट्वा दशरथो राजा चक्रे चिन्तां परंतपः
60	2001030a	एषा ह्यस्य परा प्रीतिर्हृदि संपरिवर्तते
61	2001030c	कदा नाम सुतं द्रक्ष्याम्यभिषिक्तमहं प्रियम्
62	2001031a	वृद्धिकामो हि लोकस्य सर्वभूतानुकम्पनः
63	2001031c	मत्तः प्रियतरो लोके पर्जन्य इव वृष्टिमान्
64	2001032a	यमशक्रसमो वीर्ये बृहस्पतिसमो मतौ
65	2001032c	महीधरसमो धृत्यां मत्तश्च गुणवत्तरः
66	2001033a	महीमहमिमां कृत्स्नामधितिष्ठन्तमात्मजम्
67	2001033c	अनेन वयसा दृष्ट्वा यथा स्वर्गमवाप्नुयाम्
68	2001034a	तं समीक्ष्य महाराजो युक्तं समुदितैर्गुणैः
69	2001034c	निश्चित्य सचिवैः सार्धं युवराजममन्यत
70	2001035a	नानानगरवास्तव्यान्पृथग्जानपदानपि
71	2001035c	समानिनाय मेदिन्याः प्रधानान्पृथिवीपतिः
72	2001036a	अथ राजवितीर्णेषु विविधेष्वासनेषु च
73	2001036c	राजानमेवाभिमुखा निषेदुर्नियता नृपाः
74	2001037a	स लब्धमानैर्विनयान्वितैर्नृपैः; पुरालयैर्जानपदैश्च मानवैः
75	2001037c	उपोपविष्टैर्नृपतिर्वृतो बभौ; सहस्रचक्षुर्भगवानिवामरैः
76	2002001a	ततः परिषदं सर्वामामन्त्र्य वसुधाधिपः
77	2002001c	हितमुद्धर्षणं चेदमुवाचाप्रतिमं वचः
78	2002002a	दुन्दुभिस्वनकल्पेन गम्भीरेणानुनादिना
79	2002002c	स्वरेण महता राजा जीग्मूत इव नादयन्
80	2002003a	सोऽहमिक्ष्वाकुभिः पूर्वैर्नरेन्द्रैः परिपालितम्
81	2002003c	श्रेयसा योक्तुकामोऽस्मि सुखार्हमखिलं जगत्
82	2002004a	मयाप्याचरितं पूर्वैः पन्थानमनुगच्छता
83	2002004c	प्रजा नित्यमतन्द्रेण यथाशक्त्यभिरक्षता
84	2002005a	इदं शरीरं कृत्स्नस्य लोकस्य चरता हितम्
85	2002005c	पाण्डुरस्यातपत्रस्यच्छायायां जरितं मया
86	2002006a	प्राप्य वर्षसहस्राणि बहून्यायूंषि जीवितः
87	2002006c	जीर्णस्यास्य शरीरस्य विश्रान्तिमभिरोचये
88	2002007a	राजप्रभावजुष्टां हि दुर्वहामजितेन्द्रियैः
89	2002007c	परिश्रान्तोऽस्मि लोकस्य गुर्वीं धर्मधुरं वहन्
90	2002008a	सोऽहं विश्रममिच्छामि पुत्रं कृत्वा प्रजाहिते
91	2002008c	संनिकृष्टानिमान्सर्वाननुमान्य द्विजर्षभान्
92	2002009a	अनुजातो हि मे सर्वैर्गुणैर्ज्येष्ठो ममात्मजः
93	2002009c	पुरंदरसमो वीर्ये रामः परपुरंजयः
94	2002010a	तं चन्द्रमिव पुष्येण युक्तं धर्मभृतां वरम्
95	2002010c	यौवराज्येन योक्तास्मि प्रीतः पुरुषपुंगवम्
96	2002011a	अनुरूपः स वो नाथो लक्ष्मीवाँल्लक्ष्मणाग्रजः
97	2002011c	त्रैलोक्यमपि नाथेन येन स्यान्नाथवत्तरम्
98	2002012a	अनेन श्रेयसा सद्यः संयोज्याहमिमां महीम्
99	2002012c	गतक्लेशो भविष्यामि सुते तस्मिन्निवेश्य वै
100	2002013a	इति ब्रुवन्तं मुदिताः प्रत्यनन्दन्नृपा नृपम्
101	2002013c	वृष्टिमन्तं महामेघं नर्दन्तमिव बर्हिणः
102	2002014a	तस्य धर्मार्थविदुषो भावमाज्ञाय सर्वशः
103	2002014c	ऊचुश्च मनसा ज्ञात्वा वृद्धं दशरथं नृपम्
104	2002015a	अनेकवर्षसाहस्रो वृद्धस्त्वमसि पार्थिव
105	2002015c	स रामं युवराजानमभिषिञ्चस्व पार्थिवम्
106	2002016a	इति तद्वचनं श्रुत्वा राजा तेषां मनःप्रियम्
107	2002016c	अजानन्निव जिज्ञासुरिदं वचनमब्रवीत्
108	2002017a	कथं नु मयि धर्मेण पृथिवीमनुशासति
109	2002017c	भवन्तो द्रष्टुमिच्छन्ति युवराजं ममात्मजम्
110	2002018a	ते तमूचुर्महात्मानं पौरजानपदैः सह
111	2002018c	बहवो नृप कल्याणा गुणाः पुत्रस्य सन्ति ते
112	2002019a	दिव्यैर्गुणैः शक्रसमो रामः सत्यपराक्रमः
113	2002019c	इक्ष्वाकुभ्यो हि सर्वेभ्योऽप्यतिरक्तो विशाम्पते
114	2002020a	रामः सत्पुरुषो लोके सत्यधर्मपरायणः
115	2002020c	धर्मज्ञः सत्यसंधश्च शीलवाननसूयकः
116	2002021a	क्षान्तः सान्त्वयिता श्लक्ष्णः कृतज्ञो विजितेन्द्रियः
117	2002021c	मृदुश्च स्थिरचित्तश्च सदा भव्योऽनसूयकः
118	2002022a	प्रियवादी च भूतानां सत्यवादी च राघवः
119	2002022c	बहुश्रुतानां वृद्धानां ब्राह्मणानामुपासिता
120	2002023a	तेनास्येहातुला कीर्तिर्यशस्तेजश्च वर्धते
121	2002023c	देवासुरमनुष्याणां सर्वास्त्रेषु विशारदः
122	2002024a	यदा व्रजति संग्रामं ग्रामार्थे नगरस्य वा
123	2002024c	गत्वा सौमित्रिसहितो नाविजित्य निवर्तते
124	2002025a	संग्रामात्पुनरागम्य कुञ्जरेण रथेन वा
125	2002025c	पौरान्स्वजनवन्नित्यं कुशलं परिपृच्छति
126	2002026a	पुत्रेष्वग्निषु दारेषु प्रेष्यशिष्यगणेषु च
127	2002026c	निखिलेनानुपूर्व्या च पिता पुत्रानिवौरसान्
128	2002027a	शुश्रूषन्ते च वः शिष्याः कच्चित्कर्मसु दंशिताः
129	2002027c	इति नः पुरुषव्याघ्रः सदा रामोऽभिभाषते
130	2002028a	व्यसनेषु मनुष्याणां भृशं भवति दुःखितः
131	2002028c	उत्सवेषु च सर्वेषु पितेव परितुष्यति
132	2002029a	सत्यवादी महेष्वासो वृद्धसेवी जितेन्द्रियः
133	2002029c	वत्सः श्रेयसि जातस्ते दिष्ट्यासौ तव राघवः
134	2002029e	दिष्ट्या पुत्रगुणैर्युक्तो मारीच इव कश्यपः
135	2002030a	बलमारोग्यमायुश्च रामस्य विदितात्मनः
136	2002030c	आशंसते जनः सर्वो राष्ट्रे पुरवरे तथा
137	2002031a	अभ्यन्तरश्च बाह्यश्च पौरजानपदो जनः
138	2002031c	स्त्रियो वृद्धास्तरुण्यश्च सायंप्रातः समाहिताः
139	2002032a	सर्वान्देवान्नमस्यन्ति रामस्यार्थे यशस्विनः
140	2002032c	तेषामायाचितं देव त्वत्प्रसादात्समृध्यताम्
141	2002033a	राममिन्दीवरश्यामं सर्वशत्रुनिबर्हणम्
142	2002033c	पश्यामो यौवराज्यस्थं तव राजोत्तमात्मजम्
143	2002034a	तं देवदेवोपममात्मजं ते; सर्वस्य लोकस्य हिते निविष्टम्
144	2002034c	हिताय नः क्षिप्रमुदारजुष्टं; मुदाभिषेक्तुं वरद त्वमर्हसि
145	2003001a	तेषामज्ञलिपद्मानि प्रगृहीतानि सर्वशः
146	2003001c	प्रतिगृह्याब्रवीद्राजा तेभ्यः प्रियहितं वचः
147	2003002a	अहोऽस्मि परमप्रीतः प्रभावश्चातुलो मम
148	2003002c	यन्मे ज्येष्ठं प्रियं पुत्रं यौवराज्यस्थमिच्छथ
149	2003003a	इति प्रत्यर्च्य तान्राजा ब्राह्मणानिदमब्रवीत्
150	2003003c	वसिष्ठं वामदेवं च तेषामेवोपशृण्वताम्
151	2003004a	चैत्रः श्रीमानयं मासः पुण्यः पुष्पितकाननः
152	2003004c	यौवराज्याय रामस्य सर्वमेवोपकल्प्यताम्
153	2003005a	कृतमित्येव चाब्रूतामभिगम्य जगत्पतिम्
154	2003005c	यथोक्तवचनं प्रीतौ हर्षयुक्तौ द्विजर्षभौ
155	2003006a	ततः सुमन्त्रं द्युतिमान्राजा वचनमब्रवीत्
156	2003006c	रामः कृतात्मा भवता शीघ्रमानीयतामिति
157	2003007a	स तथेति प्रतिज्ञाय सुमन्त्रो राजशासनात्
158	2003007c	रामं तत्रानयां चक्रे रथेन रथिनां वरम्
159	2003008a	अथ तत्र समासीनास्तदा दशरथं नृपम्
160	2003008c	प्राच्योदीच्याः प्रतीच्याश्च दाक्षिणात्याश्च भूमिपाः
161	2003009a	म्लेच्छाश्चार्याश्च ये चान्ये वनशैलान्तवासिनः
162	2003009c	उपासां चक्रिरे सर्वे तं देवा इव वासवम्
163	2003010a	तेषां मध्ये स राजर्षिर्मरुतामिव वासवः
164	2003010c	प्रासादस्थो रथगतं ददर्शायान्तमात्मजम्
165	2003011a	गन्धर्वराजप्रतिमं लोके विख्यातपौरुषम्
166	2003011c	दीर्घबाहुं महासत्त्वं मत्तमातङ्गगामिनम्
167	2003012a	चन्द्रकान्ताननं राममतीव प्रियदर्शनम्
168	2003012c	रूपौदार्यगुणैः पुंसां दृष्टिचित्तापहारिणम्
169	2003013a	घर्माभितप्ताः पर्जन्यं ह्लादयन्तमिव प्रजाः
170	2003013c	न ततर्प समायान्तं पश्यमानो नराधिपः
171	2003014a	अवतार्य सुमन्त्रस्तं राघवं स्यन्दनोत्तमात्
172	2003014c	पितुः समीपं गच्छन्तं प्राञ्जलिः पृष्ठतोऽन्वगात्
173	2003015a	स तं कैलासशृङ्गाभं प्रासादं नरपुंगवः
174	2003015c	आरुरोह नृपं द्रष्टुं सह सूतेन राघवः
175	2003016a	स प्राञ्जलिरभिप्रेत्य प्रणतः पितुरन्तिके
176	2003016c	नाम स्वं श्रावयन्रामो ववन्दे चरणौ पितुः
177	2003017a	तं दृष्ट्वा प्रणतं पार्श्वे कृताञ्जलिपुटं नृपः
178	2003017c	गृह्याञ्जलौ समाकृष्य सस्वजे प्रियमात्मजम्
179	2003018a	तस्मै चाभ्युद्यतं श्रीमान्मणिकाञ्चनभूषितम्
180	2003018c	दिदेश राजा रुचिरं रामाय परमासनम्
181	2003019a	तदासनवरं प्राप्य व्यदीपयत राघवः
182	2003019c	स्वयेव प्रभया मेरुमुदये विमलो रविः
183	2003020a	तेन विभ्राजिता तत्र सा सभाभिव्यरोचत
184	2003020c	विमलग्रहनक्षत्रा शारदी द्यौरिवेन्दुना
185	2003021a	तं पश्यमानो नृपतिस्तुतोष प्रियमात्मजम्
186	2003021c	अलंकृतमिवात्मानमादर्शतलसंस्थितम्
187	2003022a	स तं सस्मितमाभाष्य पुत्रं पुत्रवतां वरः
188	2003022c	उवाचेदं वचो राजा देवेन्द्रमिव कश्यपः
189	2003023a	ज्येष्ठायामसि मे पत्न्यां सदृश्यां सदृशः सुतः
190	2003023c	उत्पन्नस्त्वं गुणश्रेष्ठो मम रामात्मजः प्रियः
191	2003024a	त्वया यतः प्रजाश्चेमाः स्वगुणैरनुरञ्जिताः
192	2003024c	तस्मात्त्वं पुष्ययोगेन यौवराज्यमवाप्नुहि
193	2003025a	कामतस्त्वं प्रकृत्यैव विनीतो गुणवानसि
194	2003025c	गुणवत्यपि तु स्नेहात्पुत्र वक्ष्यामि ते हितम्
195	2003026a	भूयो विनयमास्थाय भव नित्यं जितेन्द्रियः
196	2003026c	कामक्रोधसमुत्थानि त्यजेथा व्यसनानि च
197	2003027a	परोक्षया वर्तमानो वृत्त्या प्रत्यक्षया तथा
198	2003027c	अमात्यप्रभृतीः सर्वाः प्रकृतीश्चानुरञ्जय
199	2003028a	तुष्टानुरक्तप्रकृतिर्यः पालयति मेदिनीम्
200	2003028c	तस्य नन्दन्ति मित्राणि लब्ध्वामृतमिवामराः
201	2003028e	तस्मात्पुत्र त्वमात्मानं नियम्यैव समाचर
202	2003029a	तच्छ्रुत्वा सुहृदस्तस्य रामस्य प्रियकारिणः
203	2003029c	त्वरिताः शीघ्रमभ्येत्य कौसल्यायै न्यवेदयन्
204	2003030a	सा हिरण्यं च गाश्चैव रत्नानि विविधानि च
205	2003030c	व्यादिदेश प्रियाख्येभ्यः कौसल्या प्रमदोत्तमा
206	2003031a	अथाभिवाद्य राजानं रथमारुह्य राघवः
207	2003031c	ययौ स्वं द्युतिमद्वेश्म जनौघैः प्रतिपूजितः
208	2003032a	ते चापि पौरा नृपतेर्वचस्त;च्छ्रुत्वा तदा लाभमिवेष्टमाप्य
209	2003032c	नरेन्द्रमामन्त्य गृहाणि गत्वा; देवान्समानर्चुरतीव हृष्टाः
210	2004001a	गतेष्वथ नृपो भूयः पौरेषु सह मन्त्रिभिः
211	2004001c	मन्त्रयित्वा ततश्चक्रे निश्चयज्ञः स निश्चयम्
212	2004002a	श्व एव पुष्यो भविता श्वोऽभिषेच्येत मे सुतः
213	2004002c	रामो राजीवताम्राक्षो यौवराज्य इति प्रभुः
214	2004003a	अथान्तर्गृहमाविश्य राजा दशरथस्तदा
215	2004003c	सूतमाज्ञापयामास रामं पुनरिहानय
216	2004004a	प्रतिगृह्य स तद्वाक्यं सूतः पुनरुपाययौ
217	2004004c	रामस्य भवनं शीघ्रं राममानयितुं पुनः
218	2004005a	द्वाःस्थैरावेदितं तस्य रामायागमनं पुनः
219	2004005c	श्रुत्वैव चापि रामस्तं प्राप्तं शङ्कान्वितोऽभवत्
220	2004006a	प्रवेश्य चैनं त्वरितं रामो वचनमब्रवीत्
221	2004006c	यदागमनकृत्यं ते भूयस्तद्ब्रूह्यशेषतः
222	2004007a	तमुवाच ततः सूतो राजा त्वां द्रष्टुमिच्छति
223	2004007c	श्रुत्वा प्रमाणमत्र त्वं गमनायेतराय वा
224	2004008a	इति सूतवचः श्रुत्वा रामोऽथ त्वरयान्वितः
225	2004008c	प्रययौ राजभवनं पुनर्द्रष्टुं नरेश्वरम्
226	2004009a	तं श्रुत्वा समनुप्राप्तं रामं दशरथो नृपः
227	2004009c	प्रवेशयामास गृहं विविक्षुः प्रियमुत्तमम्
228	2004010a	प्रविशन्नेव च श्रीमान्राघवो भवनं पितुः
229	2004010c	ददर्श पितरं दूरात्प्रणिपत्य कृताञ्जलिः
230	2004011a	प्रणमन्तं समुत्थाप्य तं परिष्वज्य भूमिपः
231	2004011c	प्रदिश्य चास्मै रुचिरमासनं पुनरब्रवीत्
232	2004012a	राम वृद्धोऽस्मि दीर्घायुर्भुक्ता भोगा मयेप्सिताः
233	2004012c	अन्नवद्भिः क्रतुशतैस्तथेष्टं भूरिदक्षिणैः
234	2004013a	जातमिष्टमपत्यं मे त्वमद्यानुपमं भुवि
235	2004013c	दत्तमिष्टमधीतं च मया पुरुषसत्तम
236	2004014a	अनुभूतानि चेष्टानि मया वीर सुखानि च
237	2004014c	देवर्षि पितृविप्राणामनृणोऽस्मि तथात्मनः
238	2004015a	न किंचिन्मम कर्तव्यं तवान्यत्राभिषेचनात्
239	2004015c	अतो यत्त्वामहं ब्रूयां तन्मे त्वं कर्तुमर्हसि
240	2004016a	अद्य प्रकृतयः सर्वास्त्वामिच्छन्ति नराधिपम्
241	2004016c	अतस्त्वां युवराजानमभिषेक्ष्यामि पुत्रक
242	2004017a	अपि चाद्याशुभान्राम स्वप्नान्पश्यामि दारुणान्
243	2004017c	सनिर्घाता महोल्काश्च पतन्तीह महास्वनाः
244	2004018a	अवष्टब्धं च मे राम नक्षत्रं दारुणैर्ग्रहैः
245	2004018c	आवेदयन्ति दैवज्ञाः सूर्याङ्गारकराहुभिः
246	2004019a	प्रायेण हि निमित्तानामीदृशानां समुद्भवे
247	2004019c	राजा वा मृत्युमाप्नोति घोरां वापदमृच्छति
248	2004020a	तद्यावदेव मे चेतो न विमुह्यति राघव
249	2004020c	तावदेवाभिषिञ्चस्व चला हि प्राणिनां मतिः
250	2004021a	अद्य चन्द्रोऽभ्युपगतः पुष्यात्पूर्वं पुनर्वसुम्
251	2004021c	श्वः पुष्य योगं नियतं वक्ष्यन्ते दैवचिन्तकाः
252	2004022a	तत्र पुष्येऽभिषिञ्चस्व मनस्त्वरयतीव माम्
253	2004022c	श्वस्त्वाहमभिषेक्ष्यामि यौवराज्ये परंतप
254	2004023a	तस्मात्त्वयाद्य व्रतिना निशेयं नियतात्मना
255	2004023c	सह वध्वोपवस्तव्या दर्भप्रस्तरशायिना
256	2004024a	सुहृदश्चाप्रमत्तास्त्वां रक्षन्त्वद्य समन्ततः
257	2004024c	भवन्ति बहुविघ्नानि कार्याण्येवंविधानि हि
258	2004025a	विप्रोषितश्च भरतो यावदेव पुरादितः
259	2004025c	तावदेवाभिषेकस्ते प्राप्तकालो मतो मम
260	2004026a	कामं खलु सतां वृत्ते भ्राता ते भरतः स्थितः
261	2004026c	ज्येष्ठानुवर्ती धर्मात्मा सानुक्रोशो जितेन्द्रियः
262	2004027a	किं तु चित्तं मनुष्याणामनित्यमिति मे मतिः
263	2004027c	सतां च धर्मनित्यानां कृतशोभि च राघव
264	2004028a	इत्युक्तः सोऽभ्यनुज्ञातः श्वोभाविन्यभिषेचने
265	2004028c	व्रजेति रामः पितरमभिवाद्याभ्ययाद्गृहम्
266	2004029a	प्रविश्य चात्मनो वेश्म राज्ञोद्दिष्टेऽभिषेचने
267	2004029c	तस्मिन्क्षणे विनिर्गत्य मातुरन्तःपुरं ययौ
268	2004030a	तत्र तां प्रवणामेव मातरं क्षौमवासिनीम्
269	2004030c	वाग्यतां देवतागारे ददर्श याचतीं श्रियम्
270	2004031a	प्रागेव चागता तत्र सुमित्रा लक्ष्मणस्तथा
271	2004031c	सीता चानायिता श्रुत्वा प्रियं रामाभिषेचनम्
272	2004032a	तस्मिन्काले हि कौसल्या तस्थावामीलितेक्षणा
273	2004032c	सुमित्रयान्वास्यमाना सीतया लक्ष्मणेन च
274	2004033a	श्रुत्वा पुष्येण पुत्रस्य यौवराज्याभिषेचनम्
275	2004033c	प्राणायामेन पुरुषं ध्यायमाना जनार्दनम्
276	2004034a	तथा सनियमामेव सोऽभिगम्याभिवाद्य च
277	2004034c	उवाच वचनं रामो हर्षयंस्तामिदं तदा
278	2004035a	अम्ब पित्रा नियुक्तोऽस्मि प्रजापालनकर्मणि
279	2004035c	भविता श्वोऽभिषेको मे यथा मे शासनं पितुः
280	2004036a	सीतयाप्युपवस्तव्या रजनीयं मया सह
281	2004036c	एवमृत्विगुपाध्यायैः सह मामुक्तवान्पिता
282	2004037a	यानि यान्यत्र योग्यानि श्वोभाविन्यभिषेचने
283	2004037c	तानि मे मङ्गलान्यद्य वैदेह्याश्चैव कारय
284	2004038a	एतच्छ्रुत्वा तु कौसल्या चिरकालाभिकाङ्क्षितम्
285	2004038c	हर्षबाष्पकलं वाक्यमिदं राममभाषत
286	2004039a	वत्स राम चिरं जीव हतास्ते परिपन्थिनः
287	2004039c	ज्ञातीन्मे त्वं श्रिया युक्तः सुमित्रायाश्च नन्दय
288	2004040a	कल्याणे बत नक्षत्रे मयि जातोऽसि पुत्रक
289	2004040c	येन त्वया दशरथो गुणैराराधितः पिता
290	2004041a	अमोघं बत मे क्षान्तं पुरुषे पुष्करेक्षणे
291	2004041c	येयमिक्ष्वाकुराज्यश्रीः पुत्र त्वां संश्रयिष्यति
292	2004042a	इत्येवमुक्तो मात्रेदं रामो भारतमब्रवीत्
293	2004042c	प्राञ्जलिं प्रह्वमासीनमभिवीक्ष्य स्मयन्निव
294	2004043a	लक्ष्मणेमां मया सार्धं प्रशाधि त्वं वसुंधराम्
295	2004043c	द्वितीयं मेऽन्तरात्मानं त्वामियं श्रीरुपस्थिता
296	2004044a	सौमित्रे भुङ्क्ष्व भोगांस्त्वमिष्टान्राज्यफलानि च
297	2004044c	जीवितं च हि राज्यं च त्वदर्थमभिकामये
298	2004045a	इत्युक्त्वा लक्ष्मणं रामो मातरावभिवाद्य च
299	2004045c	अभ्यनुज्ञाप्य सीतां च जगाम स्वं निवेशनम्
300	2005001a	संदिश्य रामं नृपतिः श्वोभाविन्यभिषेचने
301	2005001c	पुरोहितं समाहूय वसिष्ठमिदमब्रवीत्
302	2005002a	गच्छोपवासं काकुत्स्थं कारयाद्य तपोधन
303	2005002c	श्रीयशोराज्यलाभाय वध्वा सह यतव्रतम्
304	2005003a	तथेति च स राजानमुक्त्वा वेदविदां वरः
305	2005003c	स्वयं वसिष्ठो भगवान्ययौ रामनिवेशनम्
306	2005004a	स रामभवनं प्राप्य पाण्डुराभ्रघनप्रभम्
307	2005004c	तिस्रः कक्ष्या रथेनैव विवेश मुनिसत्तमः
308	2005005a	तमागतमृषिं रामस्त्वरन्निव ससंभ्रमः
309	2005005c	मानयिष्यन्स मानार्हं निश्चक्राम निवेशनात्
310	2005006a	अभ्येत्य त्वरमाणश्च रथाभ्याशं मनीषिणः
311	2005006c	ततोऽवतारयामास परिगृह्य रथात्स्वयम्
312	2005007a	स चैनं प्रश्रितं दृष्ट्वा संभाष्याभिप्रसाद्य च
313	2005007c	प्रियार्हं हर्षयन्राममित्युवाच पुरोहितः
314	2005008a	प्रसन्नस्ते पिता राम यौवराज्यमवाप्स्यसि
315	2005008c	उपवासं भवानद्य करोतु सह सीतया
316	2005009a	प्रातस्त्वामभिषेक्ता हि यौवराज्ये नराधिपः
317	2005009c	पिता दशरथः प्रीत्या ययातिं नहुषो यथा
318	2005010a	इत्युक्त्वा स तदा राममुपवासं यतव्रतम्
319	2005010c	मन्त्रवत्कारयामास वैदेह्या सहितं मुनिः
320	2005011a	ततो यथावद्रामेण स राज्ञो गुरुरर्चितः
321	2005011c	अभ्यनुज्ञाप्य काकुत्स्थं ययौ रामनिवेशनात्
322	2005012a	सुहृद्भिस्तत्र रामोऽपि ताननुज्ञाप्य सर्वशः
323	2005012c	सभाजितो विवेशाथ ताननुज्ञाप्य सर्वशः
324	2005013a	हृष्टनारी नरयुतं रामवेश्म तदा बभौ
325	2005013c	यथा मत्तद्विजगणं प्रफुल्लनलिनं सरः
326	2005014a	स राजभवनप्रख्यात्तस्माद्रामनिवेशनात्
327	2005014c	निर्गत्य ददृशे मार्गं वसिष्ठो जनसंवृतम्
328	2005015a	वृन्दवृन्दैरयोध्यायां राजमार्गाः समन्ततः
329	2005015c	बभूवुरभिसंबाधाः कुतूहलजनैर्वृताः
330	2005016a	जनवृन्दोर्मिसंघर्षहर्षस्वनवतस्तदा
331	2005016c	बभूव राजमार्गस्य सागरस्येव निस्वनः
332	2005017a	सिक्तसंमृष्टरथ्या हि तदहर्वनमालिनी
333	2005017c	आसीदयोध्या नगरी समुच्छ्रितगृहध्वजा
334	2005018a	तदा ह्ययोध्या निलयः सस्त्रीबालाबलो जनः
335	2005018c	रामाभिषेकमाकाङ्क्षन्नाकाङ्क्षन्नुदयं रवेः
336	2005019a	प्रजालंकारभूतं च जनस्यानन्दवर्धनम्
337	2005019c	उत्सुकोऽभूज्जनो द्रष्टुं तमयोध्या महोत्सवम्
338	2005020a	एवं तं जनसंबाधं राजमार्गं पुरोहितः
339	2005020c	व्यूहन्निव जनौघं तं शनै राज कुलं ययौ
340	2005021a	सिताभ्रशिखरप्रख्यं प्रासदमधिरुह्य सः
341	2005021c	समियाय नरेन्द्रेण शक्रेणेव बृहस्पतिः
342	2005022a	तमागतमभिप्रेक्ष्य हित्वा राजासनं नृपः
343	2005022c	पप्रच्छ स च तस्मै तत्कृतमित्यभ्यवेदयत्
344	2005023a	गुरुणा त्वभ्यनुज्ञातो मनुजौघं विसृज्य तम्
345	2005023c	विवेशान्तःपुरं राजा सिंहो गिरिगुहामिव
346	2005024a	तदग्र्यवेषप्रमदाजनाकुलं; महेन्द्रवेश्मप्रतिमं निवेशनम्
347	2005024c	व्यदीपयंश्चारु विवेश पार्थिवः; शशीव तारागणसंकुलं नभः
348	2006001a	गते पुरोहिते रामः स्नातो नियतमानसः
349	2006001c	सह पत्न्या विशालाक्ष्या नारायणमुपागमत्
350	2006002a	प्रगृह्य शिरसा पात्रीं हविषो विधिवत्तदा
351	2006002c	महते दैवतायाज्यं जुहाव ज्वलितेऽनले
352	2006003a	शेषं च हविषस्तस्य प्राश्याशास्यात्मनः प्रियम्
353	2006003c	ध्यायन्नारायणं देवं स्वास्तीर्णे कुशसंस्तरे
354	2006004a	वाग्यतः सह वैदेह्या भूत्वा नियतमानसः
355	2006004c	श्रीमत्यायतने विष्णोः शिश्ये नरवरात्मजः
356	2006005a	एकयामावशिष्टायां रात्र्यां प्रतिविबुध्य सः
357	2006005c	अलंकारविधिं कृत्स्नं कारयामास वेश्मनः
358	2006006a	तत्र शृण्वन्सुखा वाचः सूतमागधबन्दिनाम्
359	2006006c	पूर्वां संध्यामुपासीनो जजाप यतमानसः
360	2006007a	तुष्टाव प्रणतश्चैव शिरसा मधुसूदनम्
361	2006007c	विमलक्षौमसंवीतो वाचयामास च द्विजान्
362	2006008a	तेषां पुण्याहघोषोऽथ गम्भीरमधुरस्तदा
363	2006008c	अयोध्यां पूरयामास तूर्यघोषानुनादितः
364	2006009a	कृतोपवासं तु तदा वैदेह्या सह राघवम्
365	2006009c	अयोध्या निलयः श्रुत्वा सर्वः प्रमुदितो जनः
366	2006010a	ततः पौरजनः सर्वः श्रुत्वा रामाभिषेचनम्
367	2006010c	प्रभातां रजनीं दृष्ट्वा चक्रे शोभां परां पुनः
368	2006011a	सिताभ्रशिखराभेषु देवतायतनेषु च
369	2006011c	चतुष्पथेषु रथ्यासु चैत्येष्वट्टालकेषु च
370	2006012a	नानापण्यसमृद्धेषु वणिजामापणेषु च
371	2006012c	कुटुम्बिनां समृद्धेषु श्रीमत्सु भवनेषु च
372	2006013a	सभासु चैव सर्वासु वृक्षेष्वालक्षितेषु च
373	2006013c	ध्वजाः समुच्छ्रिताश्चित्राः पताकाश्चाभवंस्तदा
374	2006014a	नटनर्तकसंघानां गायकानां च गायताम्
375	2006014c	मनःकर्णसुखा वाचः शुश्रुवुश्च ततस्ततः
376	2006015a	रामाभिषेकयुक्ताश्च कथाश्चक्रुर्मिथो जनाः
377	2006015c	रामाभिषेके संप्राप्ते चत्वरेषु गृहेषु च
378	2006016a	बाला अपि क्रीडमाना गृहद्वारेषु संघशः
379	2006016c	रामाभिषेकसंयुक्ताश्चक्रुरेव मिथः कथाः
380	2006017a	कृतपुष्पोपहारश्च धूपगन्धाधिवासितः
381	2006017c	राजमार्गः कृतः श्रीमान्पौरै रामाभिषेचने
382	2006018a	प्रकाशीकरणार्थं च निशागमनशङ्कया
383	2006018c	दीपवृक्षांस्तथा चक्रुरनु रथ्यासु सर्वशः
384	2006019a	अलंकारं पुरस्यैवं कृत्वा तत्पुरवासिनः
385	2006019c	आकाङ्क्षमाणा रामस्य यौवराज्याभिषेचनम्
386	2006020a	समेत्य संघशः सर्वे चत्वरेषु सभासु च
387	2006020c	कथयन्तो मिथस्तत्र प्रशशंसुर्जनाधिपम्
388	2006021a	अहो महात्मा राजायमिक्ष्वाकुकुलनन्दनः
389	2006021c	ज्ञात्वा यो वृद्धमात्मानं रामं राज्येऽह्बिषेक्ष्यति
390	2006022a	सर्वे ह्यनुगृहीताः स्म यन्नो रामो महीपतिः
391	2006022c	चिराय भविता गोप्ता दृष्टलोकपरावरः
392	2006023a	अनुद्धतमना विद्वान्धर्मात्मा भ्रातृवत्सलः
393	2006023c	यथा च भ्रातृषु स्निग्धस्तथास्मास्वपि राघवः
394	2006024a	चिरं जीवतु धर्मात्मा राजा दशरथोऽनघः
395	2006024c	यत्प्रसादेनाभिषिक्तं रामं द्रक्ष्यामहे वयम्
396	2006025a	एवंविधं कथयतां पौराणां शुश्रुवुस्तदा
397	2006025c	दिग्भ्योऽपि श्रुतवृत्तान्ताः प्राप्ता जानपदा जनाः
398	2006026a	ते तु दिग्भ्यः पुरीं प्राप्ता द्रष्टुं रामाभिषेचनम्
399	2006026c	रामस्य पूरयामासुः पुरीं जानपदा जनाः
400	2006027a	जनौघैस्तैर्विसर्पद्भिः शुश्रुवे तत्र निस्वनः
401	2006027c	पर्वसूदीर्णवेगस्य सागरस्येव निस्वनः
402	2006028a	ततस्तदिन्द्रक्षयसंनिभं पुरं; दिदृक्षुभिर्जानपदैरुपागतैः
403	2006028c	समन्ततः सस्वनमाकुलं बभौ; समुद्रयादोभिरिवार्णवोदकम्
404	2007001a	ज्ञातिदासी यतो जाता कैकेय्यास्तु सहोषिता
405	2007001c	प्रासादं चन्द्रसंकाशमारुरोह यदृच्छया
406	2007002a	सिक्तराजपथां कृत्स्नां प्रकीर्णकमलोत्पलाम्
407	2007002c	अयोध्यां मन्थरा तस्मात्प्रासादादन्ववैक्षत
408	2007003a	पताकाभिर्वरार्हाभिर्ध्वजैश्च समलंकृताम्
409	2007003c	सिक्तां चन्दनतोयैश्च शिरःस्नातजनैर्वृताम्
410	2007004a	अविदूरे स्थितां दृष्ट्वा धात्रीं पप्रच्छ मन्थरा
411	2007004c	उत्तमेनाभिसंयुक्ता हर्षेणार्थपरा सती
412	2007005a	राममाता धनं किं नु जनेभ्यः संप्रयच्छति
413	2007005c	अतिमात्रं प्रहर्षोऽयं किं जनस्य च शंस मे
414	2007005e	कारयिष्यति किं वापि संप्रहृष्टो महीपतिः
415	2007006a	विदीर्यमाणा हर्षेण धात्री परमया मुदा
416	2007006c	आचचक्षेऽथ कुब्जायै भूयसीं राघवे श्रियम्
417	2007007a	श्वः पुष्येण जितक्रोधं यौवराज्येन राघवम्
418	2007007c	राजा दशरथो राममभिषेचयितानघम्
419	2007008a	धात्र्यास्तु वचनं श्रुत्वा कुब्जा क्षिप्रममर्षिता
420	2007008c	कैलास शिखराकारात्प्रासादादवरोहत
421	2007009a	सा दह्यमाना कोपेन मन्थरा पापदर्शिनी
422	2007009c	शयानामेत्य कैकेयीमिदं वचनमब्रवीत्
423	2007010a	उत्तिष्ठ मूढे किं शेषे भयं त्वामभिवर्तते
424	2007010c	उपप्लुतमहौघेन किमात्मानं न बुध्यसे
425	2007011a	अनिष्टे सुभगाकारे सौभाग्येन विकत्थसे
426	2007011c	चलं हि तव सौभाग्यं नद्यः स्रोत इवोष्णगे
427	2007012a	एवमुक्ता तु कैकेयी रुष्टया परुषं वचः
428	2007012c	कुब्जया पापदर्शिन्या विषादमगमत्परम्
429	2007013a	कैकेयी त्वब्रवीत्कुब्जां कच्चित्क्षेमं न मन्थरे
430	2007013c	विषण्णवदनां हि त्वां लक्षये भृशदुःखिताम्
431	2007014a	मन्थरा तु वचः श्रुत्वा कैकेय्या मधुराक्षरम्
432	2007014c	उवाच क्रोधसंयुक्ता वाक्यं वाक्यविशारदा
433	2007015a	सा विषण्णतरा भूत्वा कुब्जा तस्या हितैषिणी
434	2007015c	विषादयन्ती प्रोवाच भेदयन्ती च राघवम्
435	2007016a	अक्षेमं सुमहद्देवि प्रवृत्तं त्वद्विनाशनम्
436	2007016c	रामं दशरथो राजा यौवराज्येऽभिषेक्ष्यति
437	2007017a	सास्म्यगाधे भये मग्ना दुःखशोकसमन्विता
438	2007017c	दह्यमानानलेनेव त्वद्धितार्थमिहागता
439	2007018a	तव दुःखेन कैकेयि मम दुःखं महद्भवेत्
440	2007018c	त्वद्वृद्धौ मम वृद्धिश्च भवेदत्र न संशयः
441	2007019a	नराधिपकुले जाता महिषी त्वं महीपतेः
442	2007019c	उग्रत्वं राजधर्माणां कथं देवि न बुध्यसे
443	2007020a	धर्मवादी शठो भर्ता श्लक्ष्णवादी च दारुणः
444	2007020c	शुद्धभावे न जानीषे तेनैवमतिसंधिता
445	2007021a	उपस्थितं पयुञ्जानस्त्वयि सान्त्वमनर्थकम्
446	2007021c	अर्थेनैवाद्य ते भर्ता कौसल्यां योजयिष्यति
447	2007022a	अपवाह्य स दुष्टात्मा भरतं तव बन्धुषु
448	2007022c	काल्यं स्थापयिता रामं राज्ये निहतकण्टके
449	2007023a	शत्रुः पतिप्रवादेन मात्रेव हितकाम्यया
450	2007023c	आशीविष इवाङ्केन बाले परिधृतस्त्वया
451	2007024a	यथा हि कुर्यात्सर्पो वा शत्रुर्वा प्रत्युपेक्षितः
452	2007024c	राज्ञा दशरथेनाद्य सपुत्रा त्वं तथा कृता
453	2007025a	पापेनानृतसन्त्वेन बाले नित्यं सुखोचिते
454	2007025c	रामं स्थापयता राज्ये सानुबन्धा हता ह्यसि
455	2007026a	सा प्राप्तकालं कैकेयि क्षिप्रं कुरु हितं तव
456	2007026c	त्रायस्व पुत्रमात्मानं मां च विस्मयदर्शने
457	2007027a	मन्थराया वचः श्रुत्वा शयनात्स शुभानना
458	2007027c	एवमाभरणं तस्यै कुब्जायै प्रददौ शुभम्
459	2007028a	दत्त्वा त्वाभरणं तस्यै कुब्जायै प्रमदोत्तमा
460	2007028c	कैकेयी मन्थरां हृष्टा पुनरेवाब्रवीदिदम्
461	2007029a	इदं तु मन्थरे मह्यमाख्यासि परमं प्रियम्
462	2007029c	एतन्मे प्रियमाख्यातुः किं वा भूयः करोमि ते
463	2007030a	रामे वा भरते वाहं विशेषं नोपलक्षये
464	2007030c	तस्मात्तुष्टास्मि यद्राजा रामं राज्येऽभिषेक्ष्यति
465	2007031a	न मे परं किंचिदितस्त्वया पुनः; प्रियं प्रियार्हे सुवचं वचो वरम्
466	2007031c	तथा ह्यवोचस्त्वमतः प्रियोत्तरं; वरं परं ते प्रददामि तं वृणु
467	2008001a	मन्थरा त्वभ्यसूय्यैनामुत्सृज्याभरणं च तत्
468	2008001c	उवाचेदं ततो वाक्यं कोपदुःखसमन्विता
469	2008002a	हर्षं किमिदमस्थाने कृतवत्यसि बालिशे
470	2008002c	शोकसागरमध्यस्थमात्मानं नावबुध्यसे
471	2008003a	सुभगा खलु कौसल्या यस्याः पुत्रोऽभिषेक्ष्यते
472	2008003c	यौवराज्येन महता श्वः पुष्येण द्विजोत्तमैः
473	2008004a	प्राप्तां सुमहतीं प्रीतिं प्रतीतां तां हतद्विषम्
474	2008004c	उपस्थास्यसि कौसल्यां दासीव त्वं कृताञ्जलिः
475	2008005a	हृष्टाः खलु भविष्यन्ति रामस्य परमाः स्त्रियः
476	2008005c	अप्रहृष्टा भविष्यन्ति स्नुषास्ते भरतक्षये
477	2008006a	तां दृष्ट्वा परमप्रीतां ब्रुवन्तीं मन्थरां ततः
478	2008006c	रामस्यैव गुणान्देवी कैकेयी प्रशशंस ह
479	2008007a	धर्मज्ञो गुरुभिर्दान्तः कृतज्ञः सत्यवाक्शुचिः
480	2008007c	रामो राज्ञः सुतो ज्येष्ठो यौवराज्यमतोऽर्हति
481	2008008a	भ्रातॄन्भृत्यांश्च दीर्घायुः पितृवत्पालयिष्यति
482	2008008c	संतप्यसे कथं कुब्जे श्रुत्वा रामाभिषेचनम्
483	2008009a	भरतश्चापि रामस्य ध्रुवं वर्षशतात्परम्
484	2008009c	पितृपैतामहं राज्यमवाप्स्यति नरर्षभः
485	2008010a	सा त्वमभ्युदये प्राप्ते वर्तमाने च मन्थरे
486	2008010c	भविष्यति च कल्याणे किमर्थं परितप्यसे
487	2008010e	कौसल्यातोऽतिरिक्तं च स तु शुश्रूषते हि माम्
488	2008011a	कैकेय्या वचनं श्रुत्वा मन्थरा भृशदुःखिता
489	2008011c	दीर्घमुष्णं विनिःश्वस्य कैकेयीमिदमब्रवीत्
490	2008012a	अनर्थदर्शिनी मौर्ख्यान्नात्मानमवबुध्यसे
491	2008012c	शोकव्यसनविस्तीर्णे मज्जन्ती दुःखसागरे
492	2008013a	भविता राघवो राजा राघवस्य च यः सुतः
493	2008013c	राजवंशात्तु भरतः कैकेयि परिहास्यते
494	2008014a	न हि राज्ञः सुताः सर्वे राज्ये तिष्ठन्ति भामिनि
495	2008014c	स्थाप्यमानेषु सर्वेषु सुमहाननयो भवेत्
496	2008015a	तस्माज्ज्येष्ठे हि कैकेयि राज्यतन्त्राणि पार्थिवाः
497	2008015c	स्थापयन्त्यनवद्याङ्गि गुणवत्स्वितरेष्वपि
498	2008016a	असावत्यन्तनिर्भग्नस्तव पुत्रो भविष्यति
499	2008016c	अनाथवत्सुखेभ्यश्च राजवंशाच्च वत्सले
500	2008017a	साहं त्वदर्थे संप्राप्ता त्वं तु मां नावबुध्यसे
501	2008017c	सपत्निवृद्धौ या मे त्वं प्रदेयं दातुमिच्छसि
502	2008018a	ध्रुवं तु भरतं रामः प्राप्य राज्यमकण्टकम्
503	2008018c	देशान्तरं नाययित्वा लोकान्तरमथापि वा
504	2008019a	बाल एव हि मातुल्यं भरतो नायितस्त्वया
505	2008019c	संनिकर्षाच्च सौहार्दं जायते स्थावरेष्वपि
506	2008020a	गोप्ता हि रामं सौमित्रिर्लक्ष्मणं चापि राघवः
507	2008020c	अश्विनोरिव सौभ्रात्रं तयोर्लोकेषु विश्रुतम्
508	2008021a	तस्मान्न लक्ष्मणे रामः पापं किंचित्करिष्यति
509	2008021c	रामस्तु भरते पापं कुर्यादिति न संशयः
510	2008022a	तस्माद्राजगृहादेव वनं गच्छतु ते सुतः
511	2008022c	एतद्धि रोचते मह्यं भृशं चापि हितं तव
512	2008023a	एवं ते ज्ञातिपक्षस्य श्रेयश्चैव भविष्यति
513	2008023c	यदि चेद्भरतो धर्मात्पित्र्यं राज्यमवाप्स्यति
514	2008024a	स ते सुखोचितो बालो रामस्य सहजो रिपुः
515	2008024c	समृधार्थस्य नष्टार्थो जीविष्यति कथं वशे
516	2008025a	अभिद्रुतमिवारण्ये सिंहेन गजयूथपम्
517	2008025c	प्रच्छाद्यमानं रामेण भरतं त्रातुमर्हसि
518	2008026a	दर्पान्निराकृता पूर्वं त्वया सौभाग्यवत्तया
519	2008026c	राममाता सपत्नी ते कथं वैरं न यातयेत्
520	2008027a	यदा हि रामः पृथिवीमवाप्स्यति; ध्रुवं प्रनष्टो भरतो भविष्यति
521	2008027c	अतो हि संचिन्तय राज्यमात्मजे; परस्य चाद्यैव विवास कारणम्
522	2009001a	एवमुक्ता तु कैकेयी क्रोधेन ज्वलितानना
523	2009001c	दीर्घमुष्णं विनिःश्वस्य मन्थरामिदमब्रवीत्
524	2009002a	अद्य राममितः क्षिप्रं वनं प्रस्थापयाम्यहम्
525	2009002c	यौवराज्येन भरतं क्षिप्रमेवाभिषेचये
526	2009003a	इदं त्विदानीं संपश्य केनोपायेन मन्थरे
527	2009003c	भरतः प्राप्नुयाद्राज्यं न तु रामः कथंचन
528	2009004a	एवमुक्ता तया देव्या मन्थरा पापदर्शिनी
529	2009004c	रामार्थमुपहिंसन्ती कैकेयीमिदमब्रवीत्
530	2009005a	हन्तेदानीं प्रवक्ष्यामि कैकेयि श्रूयतां च मे
531	2009005c	यथा ते भरतो राज्यं पुत्रः प्राप्स्यति केवलम्
532	2009006a	श्रुत्वैवं वचनं तस्या मन्थरायास्तु कैकयी
533	2009006c	किंचिदुत्थाय शयनात्स्वास्तीर्णादिदमब्रवीत्
534	2009007a	कथय त्वं ममोपायं केनोपायेन मन्थरे
535	2009007c	भरतः प्राप्नुयाद्राज्यं न तु रामः कथंचन
536	2009008a	एवमुक्ता तया देव्या मन्थरा पापदर्शिनी
537	2009008c	रामार्थमुपहिंसन्ती कुब्जा वचनमब्रवीत्
538	2009009a	तव देवासुरे युद्धे सह राजर्षिभिः पतिः
539	2009009c	अगच्छत्त्वामुपादाय देवराजस्य साह्यकृत्
540	2009010a	दिशमास्थाय कैकेयि दक्षिणां दण्डकान्प्रति
541	2009010c	वैजयन्तमिति ख्यातं पुरं यत्र तिमिध्वजः
542	2009011a	स शम्बर इति ख्यातः शतमायो महासुरः
543	2009011c	ददौ शक्रस्य संग्रामं देवसंघैरनिर्जितः
544	2009012a	तस्मिन्महति संग्रामे राजा दशरथस्तदा
545	2009012c	अपवाह्य त्वया देवि संग्रामान्नष्टचेतनः
546	2009013a	तत्रापि विक्षतः शस्त्रैः पतिस्ते रक्षितस्त्वया
547	2009013c	तुष्टेन तेन दत्तौ ते द्वौ वरौ शुभदर्शने
548	2009014a	स त्वयोक्तः पतिर्देवि यदेच्छेयं तदा वरौ
549	2009014c	गृह्णीयामिति तत्तेन तथेत्युक्तं महात्मना
550	2009014e	अनभिज्ञा ह्यहं देवि त्वयैव कथितं पुरा
551	2009015a	तौ वरौ याच भर्तारं भरतस्याभिषेचनम्
552	2009015c	प्रव्राजनं च रामस्य त्वं वर्षाणि चतुर्दश
553	2009016a	क्रोधागारं प्रविश्याद्य क्रुद्धेवाश्वपतेः सुते
554	2009016c	शेष्वानन्तर्हितायां त्वं भूमौ मलिनवासिनी
555	2009016e	मा स्मैनं प्रत्युदीक्षेथा मा चैनमभिभाषथाः
556	2009017a	दयिता त्वं सदा भर्तुरत्र मे नास्ति संशयः
557	2009017c	त्वत्कृते च महाराजो विशेदपि हुताशनम्
558	2009018a	न त्वां क्रोधयितुं शक्तो न क्रुद्धां प्रत्युदीक्षितुम्
559	2009018c	तव प्रियार्थं राजा हि प्राणानपि परित्यजेत्
560	2009019a	न ह्यतिक्रमितुं शक्तस्तव वाक्यं महीपतिः
561	2009019c	मन्दस्वभावे बुध्यस्व सौभाग्यबलमात्मनः
562	2009020a	मणिमुक्तासुवर्णानि रत्नानि विविधानि च
563	2009020c	दद्याद्दशरथो राजा मा स्म तेषु मनः कृथाः
564	2009021a	यौ तौ देवासुरे युद्धे वरौ दशरथोऽददात्
565	2009021c	तौ स्मारय महाभागे सोऽर्थो मा त्वामतिक्रमेत्
566	2009022a	यदा तु ते वरं दद्यात्स्वयमुत्थाप्य राघवः
567	2009022c	व्यवस्थाप्य महाराजं त्वमिमं वृणुया वरम्
568	2009023a	रामं प्रव्राजयारण्ये नव वर्षाणि पञ्च च
569	2009023c	भरतः क्रियतां राजा पृथिव्यां पार्थिवर्षभः
570	2009024a	एवं प्रव्राजितश्चैव रामोऽरामो भविष्यति
571	2009024c	भरतश्च हतामित्रस्तव राजा भविष्यति
572	2009025a	येन कालेन रामश्च वनात्प्रत्यागमिष्यति
573	2009025c	तेन कालेन पुत्रस्ते कृतमूलो भविष्यति
574	2009025e	संगृहीतमनुष्यश्च सुहृद्भिः सार्धमात्मवान्
575	2009026a	प्राप्तकालं तु ते मन्ये राजानं वीतसाध्वसा
576	2009026c	रामाभिषेकसंकल्पान्निगृह्य विनिवर्तय
577	2009027a	अनर्थमर्थरूपेण ग्राहिता सा ततस्तया
578	2009027c	हृष्टा प्रतीता कैकेयी मन्थरामिदमब्रवीत्
579	2009028a	कुब्जे त्वां नाभिजानामि श्रेष्ठां श्रेष्ठाभिधायिनीम्
580	2009028c	पृथिव्यामसि कुब्जानामुत्तमा बुद्धिनिश्चये
581	2009029a	त्वमेव तु ममार्थेषु नित्ययुक्ता हितैषिणी
582	2009029c	नाहं समवबुध्येयं कुब्जे राज्ञश्चिकीर्षितम्
583	2009030a	सन्ति दुःसंस्थिताः कुब्जा वक्राः परमपापिकाः
584	2009030c	त्वं पद्ममिव वातेन संनता प्रियदर्शना
585	2009031a	उरस्तेऽभिनिविष्टं वै यावत्स्कन्धात्समुन्नतम्
586	2009031c	अधस्ताच्चोदरं शान्तं सुनाभमिव लज्जितम्
587	2009032a	जघनं तव निर्घुष्टं रशनादामशोभितम्
588	2009032c	जङ्घे भृशमुपन्यस्ते पादौ चाप्यायतावुभौ
589	2009033a	त्वमायताभ्यां सक्थिभ्यां मन्थरे क्षौमवासिनि
590	2009033c	अग्रतो मम गच्छन्ती राजहंसीव राजसे
591	2009034a	तवेदं स्थगु यद्दीर्घं रथघोणमिवायतम्
592	2009034c	मतयः क्षत्रविद्याश्च मायाश्चात्र वसन्ति ते
593	2009035a	अत्र ते प्रतिमोक्ष्यामि मालां कुब्जे हिरण्मयीम्
594	2009035c	अभिषिक्ते च भरते राघवे च वनं गते
595	2009036a	जात्येन च सुवर्णेन सुनिष्टप्तेन सुन्दरि
596	2009036c	लब्धार्था च प्रतीता च लेपयिष्यामि ते स्थगु
597	2009037a	मुखे च तिलकं चित्रं जातरूपमयं शुभम्
598	2009037c	कारयिष्यामि ते कुब्जे शुभान्याभरणानि च
599	2009038a	परिधाय शुभे वस्त्रे देवदेव चरिष्यसि
600	2009038c	चन्द्रमाह्वयमानेन मुखेनाप्रतिमानना
601	2009038e	गमिष्यसि गतिं मुख्यां गर्वयन्ती द्विषज्जनम्
602	2009039a	तवापि कुब्जाः कुब्जायाः सर्वाभरणभूषिताः
603	2009039c	पादौ परिचरिष्यन्ति यथैव त्वं सदा मम
604	2009040a	इति प्रशस्यमाना सा कैकेयीमिदमब्रवीत्
605	2009040c	शयानां शयने शुभ्रे वेद्यामग्निशिखामिव
606	2009041a	गतोदके सेतुबन्धो न कल्याणि विधीयते
607	2009041c	उत्तिष्ठ कुरु कल्याणं राजानमनुदर्शय
608	2009042a	तथा प्रोत्साहिता देवी गत्वा मन्थरया सह
609	2009042c	क्रोधागारं विशालाक्षी सौभाग्यमदगर्विता
610	2009043a	अनेकशतसाहस्रं मुक्ताहारं वराङ्गना
611	2009043c	अवमुच्य वरार्हाणि शुभान्याभरणानि च
612	2009044a	ततो हेमोपमा तत्र कुब्जा वाक्यं वशं गता
613	2009044c	संविश्य भूमौ कैकेयी मन्थरामिदमब्रवीत्
614	2009045a	इह वा मां मृतां कुब्जे नृपायावेदयिष्यसि
615	2009045c	वनं तु राघवे प्राप्ते भरतः प्राप्स्यति क्षितिम्
616	2009046a	अथैतदुक्त्वा वचनं सुदारुणं; निधाय सर्वाभरणानि भामिनी
617	2009046c	असंवृतामास्तरणेन मेदिनीं; तदाधिशिश्ये पतितेव किन्नरी
618	2009047a	उदीर्णसंरम्भतमोवृतानना; तथावमुक्तोत्तममाल्यभूषणा
619	2009047c	नरेन्द्रपत्नी विमना बभूव सा; तमोवृता द्यौरिव मग्नतारका
620	2010001a	आज्ञाप्य तु महाराजो राघवस्याभिषेचनम्
621	2010001c	प्रियार्हां प्रियमाख्यातुं विवेशान्तःपुरं वशी
622	2010002a	तां तत्र पतितां भूमौ शयानामतथोचिताम्
623	2010002c	प्रतप्त इव दुःखेन सोऽपश्यज्जगतीपतिः
624	2010003a	स वृद्धस्तरुणीं भार्यां प्राणेभ्योऽपि गरीयसीम्
625	2010003c	अपापः पापसंकल्पां ददर्श धरणीतले
626	2010004a	करेणुमिव दिग्धेन विद्धां मृगयुणा वने
627	2010004c	महागज इवारण्ये स्नेहात्परिममर्श ताम्
628	2010005a	परिमृश्य च पाणिभ्यामभिसंत्रस्तचेतनः
629	2010005c	कामी कमलपत्राक्षीमुवाच वनितामिदम्
630	2010006a	न तेऽहमभिजानामि क्रोधमात्मनि संश्रितम्
631	2010006c	देवि केनाभियुक्तासि केन वासि विमानिता
632	2010007a	यदिदं मम दुःखाय शेषे कल्याणि पांसुषु
633	2010007c	भूमौ शेषे किमर्थं त्वं मयि कल्याण चेतसि
634	2010007e	भूतोपहतचित्तेव मम चित्तप्रमाथिनी
635	2010008a	सन्ति मे कुशला वैद्या अभितुष्टाश्च सर्वशः
636	2010008c	सुखितां त्वां करिष्यन्ति व्याधिमाचक्ष्व भामिनि
637	2010009a	कस्य वा ते प्रियं कार्यं केन वा विप्रियं कृतम्
638	2010009c	कः प्रियं लभतामद्य को वा सुमहदप्रियम्
639	2010010a	अवध्यो वध्यतां को वा वध्यः को वा विमुच्यताम्
640	2010010c	दरिद्रः को भवत्वाढ्यो द्रव्यवान्वाप्यकिंचनः
641	2010011a	अहं चैव मदीयाश्च सर्वे तव वशानुगाः
642	2010011c	न ते कंचिदभिप्रायं व्याहन्तुमहमुत्सहे
643	2010012a	आत्मनो जीवितेनापि ब्रूहि यन्मनसेच्छसि
644	2010012c	यावदावर्तते चक्रं तावती मे वसुंधरा
645	2010013a	तथोक्ता सा समाश्वस्ता वक्तुकामा तदप्रियम्
646	2010013c	परिपीडयितुं भूयो भर्तारमुपचक्रमे
647	2010014a	नास्मि विप्रकृता देव केनचिन्न विमानिता
648	2010014c	अभिप्रायस्तु मे कश्चित्तमिच्छामि त्वया कृतम्
649	2010015a	प्रतिज्ञां प्रतिजानीष्व यदि त्वं कर्तुमिच्छसि
650	2010015c	अथ तद्व्याहरिष्यामि यदभिप्रार्थितं मया
651	2010016a	एवमुक्तस्तया राजा प्रियया स्त्रीवशं गतः
652	2010016c	तामुवाच महातेजाः कैकेयीमीषदुत्स्मितः
653	2010017a	अवलिप्ते न जानासि त्वत्तः प्रियतरो मम
654	2010017c	मनुजो मनुजव्याघ्राद्रामादन्यो न विद्यते
655	2010018a	भद्रे हृदयमप्येतदनुमृश्श्योद्धरस्व मे
656	2010018c	एतत्समीक्ष्य कैकेयि ब्रूहि यत्साधु मन्यसे
657	2010019a	बलमात्मनि पश्यन्ती न मां शङ्कितुमर्हसि
658	2010019c	करिष्यामि तव प्रीतिं सुकृतेनापि ते शपे
659	2010020a	तेन वाक्येन संहृष्टा तमभिप्रायमात्मनः
660	2010020c	व्याजहार महाघोरमभ्यागतमिवान्तकम्
661	2010021a	यथाक्रमेण शपसि वरं मम ददासि च
662	2010021c	तच्छृण्वन्तु त्रयस्त्रिंशद्देवाः सेन्द्रपुरोगमाः
663	2010022a	चन्द्रादित्यौ नभश्चैव ग्रहा रात्र्यहनी दिशः
664	2010022c	जगच्च पृथिवी चैव सगन्धर्वा सराक्षसा
665	2010023a	निशाचराणि भूतानि गृहेषु गृहदेवताः
666	2010023c	यानि चान्यानि भूतानि जानीयुर्भाषितं तव
667	2010024a	सत्यसंधो महातेजा धर्मज्ञः सुसमाहितः
668	2010024c	वरं मम ददात्येष तन्मे शृण्वन्तु देवताः
669	2010025a	इति देवी महेष्वासं परिगृह्याभिशस्य च
670	2010025c	ततः परमुवाचेदं वरदं काममोहितम्
671	2010026a	वरौ यौ मे त्वया देव तदा दत्तौ महीपते
672	2010026c	तौ तावदहमद्यैव वक्ष्यामि शृणु मे वचः
673	2010027a	अभिषेक समारम्भो राघवस्योपकल्पितः
674	2010027c	अनेनैवाभिषेकेण भरतो मेऽभिषिच्यताम्
675	2010028a	नव पञ्च च वर्षाणि दण्डकारण्यमाश्रितः
676	2010028c	चीराजिनजटाधारी रामो भवतु तापसः
677	2010029a	भरतो भजतामद्य यौवराज्यमकण्टकम्
678	2010029c	अद्य चैव हि पश्येयं प्रयान्तं राघवं वने
679	2010030a	ततः श्रुत्वा महाराज कैकेय्या दारुणं वचः
680	2010030c	व्यथितो विलवश्चैव व्याघ्रीं दृष्ट्वा यथा मृगः
681	2010031a	असंवृतायामासीनो जगत्यां दीर्घमुच्छ्वसन्
682	2010031c	अहो धिगिति सामर्षो वाचमुक्त्वा नराधिपः
683	2010031e	मोहमापेदिवान्भूयः शोकोपहतचेतनः
684	2010032a	चिरेण तु नृपः संज्ञां प्रतिलभ्य सुदुःखितः
685	2010032c	कैकेयीमब्रवीत्क्रुद्धः प्रदहन्निव चक्षुषा
686	2010033a	नृशंसे दुष्टचारित्रे कुलस्यास्य विनाशिनि
687	2010033c	किं कृतं तव रामेण पापे पापं मयापि वा
688	2010034a	सदा ते जननी तुल्यां वृत्तिं वहति राघवः
689	2010034c	तस्यैव त्वमनर्थाय किंनिमित्तमिहोद्यता
690	2010035a	त्वं मयात्मविनाशाय भवनं स्वं प्रवेशिता
691	2010035c	अविज्ञानान्नृपसुता व्याली तीक्ष्णविषा यथा
692	2010036a	जीवलोको यदा सर्वो रामस्येह गुणस्तवम्
693	2010036c	अपराधं कमुद्दिश्य त्यक्ष्यामीष्टमहं सुतम्
694	2010037a	कौसल्यां वा सुमित्रां वा त्यजेयमपि वा श्रियम्
695	2010037c	जीवितं वात्मनो रामं न त्वेव पितृवत्सलम्
696	2010038a	परा भवति मे प्रीतिर्दृष्ट्वा तनयमग्रजम्
697	2010038c	अपश्यतस्तु मे रामं नष्टा भवति चेतना
698	2010039a	तिष्ठेल्लोको विना सूर्यं सस्यं वा सलिलं विना
699	2010039c	न तु रामं विना देहे तिष्ठेत्तु मम जीवितम्
700	2010040a	तदलं त्यज्यतामेष निश्चयः पापनिश्चये
701	2010040c	अपि ते चरणौ मूर्ध्ना स्पृशाम्येष प्रसीद मे
702	2010041a	स भूमिपालो विलपन्ननाथव;त्स्त्रिया गृहीतो दृहयेऽतिमात्रता
703	2010041c	पपात देव्याश्चरणौ प्रसारिता;वुभावसंस्पृश्य यथातुरस्तथा
704	2011001a	अतदर्हं महाराजं शयानमतथोचितम्
705	2011001c	ययातिमिव पुण्यान्ते देवलोकात्परिच्युतम्
706	2011002a	अनर्थरूपा सिद्धार्था अभीता भयदर्शिनी
707	2011002c	पुनराकारयामास तमेव वरमङ्गना
708	2011003a	त्वं कत्थसे महाराज सत्यवादी दृढव्रतः
709	2011003c	मम चेमं वरं कस्माद्विधारयितुमिच्छसि
710	2011004a	एवमुक्तस्तु कैकेय्या राजा दशरथस्तदा
711	2011004c	प्रत्युवाच ततः क्रुद्धो मुहूर्तं विह्वलन्निव
712	2011005a	मृते मयि गते रामे वनं मनुजपुंगवे
713	2011005c	हन्तानार्ये ममामित्रे रामः प्रव्राजितो वनम्
714	2011006a	यदि सत्यं ब्रवीम्येतत्तदसत्यं भविष्यति
715	2011006c	अकीर्तिरतुला लोके ध्रुवं परिभवश्च मे
716	2011007a	तथा विलपतस्तस्य परिभ्रमितचेतसः
717	2011007c	अस्तमभ्यगमत्सूर्यो रजनी चाभ्यवर्तत
718	2011008a	स त्रियामा तथार्तस्य चन्द्रमण्डलमण्डिता
719	2011008c	राज्ञो विलपमानस्य न व्यभासत शर्वरी
720	2011009a	तथैवोष्णं विनिःश्वस्य वृद्धो दशरथो नृपः
721	2011009c	विललापार्तवद्दुःखं गगनासक्तलोचनः
722	2011010a	न प्रभातं त्वयेच्छामि मयायं रचितोऽञ्जलिः
723	2011010c	अथ वा गम्यतां शीघ्रं नाहमिच्छामि निर्घृणाम्
724	2011010e	नृशंसां कैकेयीं द्रष्टुं यत्कृते व्यसनं महत्
725	2011011a	एवमुक्त्वा ततो राजा कैकेयीं संयताञ्जलिः
726	2011011c	प्रसादयामास पुनः कैकेयीं चेदमब्रवीत्
727	2011012a	साधुवृत्तस्य दीनस्य त्वद्गतस्य गतायुषः
728	2011012c	प्रसादः क्रियतां देवि भद्रे राज्ञो विशेषतः
729	2011013a	शून्येन खलु सुश्रोणि मयेदं समुदाहृतम्
730	2011013c	कुरु साधु प्रसादं मे बाले सहृदया ह्यसि
731	2011014a	विशुद्धभावस्य हि दुष्टभावा; ताम्रेक्षणस्याश्रुकलस्य राज्ञः
732	2011014c	श्रुत्वा विचित्रं करुणं विलापं; भर्तुर्नृशंसा न चकार वाक्यम्
733	2011015a	ततः स राजा पुनरेव मूर्छितः; प्रियामतुष्टां प्रतिकूलभाषिणीम्
734	2011015c	समीक्ष्य पुत्रस्य विवासनं प्रति; क्षितौ विसंज्ञो निपपात दुःखितः
735	2012001a	पुत्रशोकार्दितं पापा विसंज्ञं पतितं भुवि
736	2012001c	विवेष्टमानमुदीक्ष्य सैक्ष्वाकमिदमब्रवीत्
737	2012002a	पापं कृत्वेव किमिदं मम संश्रुत्य संश्रवम्
738	2012002c	शेषे क्षितितले सन्नः स्थित्यां स्थातुं त्वमर्हसि
739	2012003a	आहुः सत्यं हि परमं धर्मं धर्मविदो जनाः
740	2012003c	सत्यमाश्रित्य हि मया त्वं च धर्मं प्रचोदितः
741	2012004a	संश्रुत्य शैब्यः श्येनाय स्वां तनुं जगतीपतिः
742	2012004c	प्रदाय पक्षिणो राजञ्जगाम गतिमुत्तमाम्
743	2012005a	तथ ह्यलर्कस्तेजस्वी ब्राह्मणे वेदपारगे
744	2012005c	याचमाने स्वके नेत्रे उद्धृत्याविमना ददौ
745	2012006a	सरितां तु पतिः स्वल्पां मर्यादां सत्यमन्वितः
746	2012006c	सत्यानुरोधात्समये वेलां खां नातिवर्तते
747	2012007a	समयं च ममार्येमं यदि त्वं न करिष्यसि
748	2012007c	अग्रतस्ते परित्यक्ता परित्यक्ष्यामि जीवितम्
749	2012008a	एवं प्रचोदितो राजा कैकेय्या निर्विशङ्कया
750	2012008c	नाशकत्पाशमुन्मोक्तुं बलिरिन्द्रकृतं यथा
751	2012009a	उद्भ्रान्तहृदयश्चापि विवर्णवनदोऽभवत्
752	2012009c	स धुर्यो वै परिस्पन्दन्युगचक्रान्तरं यथा
753	2012010a	विह्वलाभ्यां च नेत्राभ्यामपश्यन्निव भूमिपः
754	2012010c	कृच्छ्राद्धैर्येण संस्तभ्य कैकेयीमिदमब्रवीत्
755	2012011a	यस्ते मन्त्रकृतः पाणिरग्नौ पापे मया धृतः
756	2012011c	तं त्यजामि स्वजं चैव तव पुत्रं सह त्वया
757	2012012a	ततः पापसमाचारा कैकेयी पार्थिवं पुनः
758	2012012c	उवाच परुषं वाक्यं वाक्यज्ञा रोषमूर्छिता
759	2012013a	किमिदं भाषसे राजन्वाक्यं गररुजोपमम्
760	2012013c	आनाययितुमक्लिष्टं पुत्रं राममिहार्हसि
761	2012014a	स्थाप्य राज्ये मम सुतं कृत्वा रामं वनेचरम्
762	2012014c	निःसपत्नां च मां कृत्वा कृतकृत्यो भविष्यसि
763	2012015a	स नुन्न इव तीक्षेण प्रतोदेन हयोत्तमः
764	2012015c	राजा प्रदोचितोऽभीक्ष्णं कैकेयीमिदमब्रवीत्
765	2012016a	धर्मबन्धेन बद्धोऽस्मि नष्टा च मम चेतना
766	2012016c	ज्येष्ठं पुत्रं प्रियं रामं द्रष्टुमिच्छामि धार्मिकम्
767	2012017a	इति राज्ञो वचः श्रुत्वा कैकेयी तदनन्तरम्
768	2012017c	स्वयमेवाब्रवीत्सूतं गच्छ त्वं राममानय
769	2012018a	ततः स राजा तं सूतं सन्नहर्षः सुतं प्रति
770	2012018c	शोकारक्तेक्षणः श्रीमानुद्वीक्ष्योवाच धार्मिकः
771	2012019a	सुमन्त्रः करुणं श्रुत्वा दृष्ट्वा दीनं च पार्थिवम्
772	2012019c	प्रगृहीताञ्जलिः किंचित्तस्माद्देशादपाक्रमन्
773	2012020a	यदा वक्तुं स्वयं दैन्यान्न शशाक महीपतिः
774	2012020c	तदा सुमन्त्रं मन्त्रज्ञा कैकेयी प्रत्युवाच ह
775	2012021a	सुमन्त्र रामं द्रक्ष्यामि शीघ्रमानय सुन्दरम्
776	2012021c	स मन्यमानः कल्याणं हृदयेन ननन्द च
777	2012022a	सुमन्त्रश्चिन्तयामास त्वरितं चोदितस्तया
778	2012022c	व्यक्तं रामोऽभिषेकार्थमिहायास्यति धर्मवित्
779	2012023a	इति सूतो मतिं कृत्वा हर्षेण महता पुनः
780	2012023c	निर्जगाम महातेजा राघवस्य दिदृक्षया
781	2012024a	ततः पुरस्तात्सहसा विनिर्गतो; महीपतीन्द्वारगतान्विलोकयन्
782	2012024c	ददर्श पौरान्विविधान्महाधना;नुपस्थितान्द्वारमुपेत्य विष्ठितान्
783	2013001a	ते तु तां रजनीमुष्य ब्राह्मणा वेदपारगाः
784	2013001c	उपतस्थुरुपस्थानं सहराजपुरोहिताः
785	2013002a	अमात्या बलमुख्याश्च मुख्या ये निगमस्य च
786	2013002c	राघवस्याभिषेकार्थे प्रीयमाणास्तु संगताः
787	2013003a	उदिते विमले सूर्ये पुष्ये चाभ्यागतेऽहनि
788	2013003c	अभिषेकाय रामस्य द्विजेन्द्रैरुपकल्पितम्
789	2013004a	काञ्चना जलकुम्भाश्च भद्रपीठं स्वलंकृतम्
790	2013004c	रामश्च सम्यगास्तीर्णो भास्वरा व्याघ्रचर्मणा
791	2013005a	गङ्गायमुनयोः पुण्यात्संगमादाहृतं जलम्
792	2013005c	याश्चान्याः सरितः पुण्या ह्रदाः कूपाः सरांसि च
793	2013006a	प्राग्वाहाश्चोर्ध्ववाहाश्च तिर्यग्वाहाः समाहिताः
794	2013006c	ताभ्यश्चैवाहृतं तोयं समुद्रेभ्यश्च सर्वशः
795	2013007a	क्षौद्रं दधिघृतं लाजा धर्भाः सुमनसः पयः
796	2013007c	सलाजाः क्षीरिभिश्छन्ना घटाः काञ्चनराजताः
797	2013007e	पद्मोत्पलयुता भान्ति पूर्णाः परमवारिणा
798	2013008a	चन्द्रांशुविकचप्रख्यं पाण्डुरं रत्नभूषितम्
799	2013008c	सज्जं तिष्ठति रामस्य वालव्यजनमुत्तमम्
800	2013009a	चन्द्रमण्डलसंकाशमातपत्रं च पाण्डुरम्
801	2013009c	सज्जं द्युतिकरं श्रीमदभिषेकपुरस्कृतम्
802	2013010a	पाण्डुरश्च वृषः सज्जः पाण्डुराश्वश्च सुस्थितः
803	2013010c	प्रस्रुतश्च गजः श्रीमानौपवाह्यः प्रतीक्षते
804	2013011a	अष्टौ कन्याश्च मङ्गल्याः सर्वाभरणभूषिताः
805	2013011c	वादित्राणि च सर्वाणि बन्दिनश्च तथापरे
806	2013012a	इक्ष्वाकूणां यथा राज्ये संभ्रियेताभिषेचनम्
807	2013012c	तथा जातीयामादाय राजपुत्राभिषेचनम्
808	2013013a	ते राजवचनात्तत्र समवेता महीपतिम्
809	2013013c	अपश्यन्तोऽब्रुवन्को नु राज्ञो नः प्रतिवेदयेत्
810	2013014a	न पश्यामश्च राजानमुदितश्च दिवाकरः
811	2013014c	यौवराज्याभिषेकश्च सज्जो रामस्य धीमतः
812	2013015a	इति तेषु ब्रुवाणेषु सार्वभौमान्महीपतीन्
813	2013015c	अब्रवीत्तानिदं सर्वान्सुमन्त्रो राजसत्कृतः
814	2013016a	अयं पृच्छामि वचनात्सुखमायुष्मतामहम्
815	2013016c	राज्ञः संप्रतिबुद्धस्य यच्चागमनकारणम्
816	2013017a	इत्युक्त्वान्तःपुरद्वारमाजगाम पुराणवित्
817	2013017c	आशीर्भिर्गुणयुक्ताभिरभितुष्टाव राघवम्
818	2013018a	गता भगवती रात्रिरहः शिवमुपस्थितम्
819	2013018c	बुध्यस्व नृपशार्दूल कुरु कार्यमनन्तरम्
820	2013019a	ब्राह्मणा बलमुख्याश्च नैगमाश्चागता नृप
821	2013019c	दर्शनं प्रतिकाङ्क्षन्ते प्रतिबुध्यस्व राघव
822	2013020a	स्तुवन्तं तं तदा सूतं सुमन्त्रं मन्त्रकोविदम्
823	2013020c	प्रतिबुध्य ततो राजा इदं वचनमब्रवीत्
824	2013021a	न चैव संप्रसुतोऽहमानयेदाशु राघवम्
825	2013021c	इति राजा दशरथः सूतं तत्रान्वशात्पुनः
826	2013022a	स राजवचनं श्रुत्वा शिरसा प्रतिपूज्य तम्
827	2013022c	निर्जगाम नृपावासान्मन्यमानः प्रियं महत्
828	2013023a	प्रपन्नो राजमार्गं च पताका ध्वजशोभितम्
829	2013023c	स सूतस्तत्र शुश्राव रामाधिकरणाः कथाः
830	2013024a	ततो ददर्श रुचिरं कैलाससदृशप्रभम्
831	2013024c	रामवेश्म सुमन्त्रस्तु शक्रवेश्मसमप्रभम्
832	2013025a	महाकपाटपिहितं वितर्दिशतशोभितम्
833	2013025c	काञ्चनप्रतिमैकाग्रं मणिविद्रुमतोरणम्
834	2013026a	शारदाभ्रघनप्रख्यं दीप्तं मेरुगुहोपमम्
835	2013026c	दामभिर्वरमाल्यानां सुमहद्भिरलंकृतम्
836	2013027a	स वाजियुक्तेन रथेन सारथि;र्नराकुलं राजकुलं विलोकयन्
837	2013027c	ततः समासाद्य महाधनं मह;त्प्रहृष्टरोमा स बभूव सारथिः
838	2013028a	तदद्रिकूटाचलमेघसंनिभं; महाविमानोत्तमवेश्मसंघवत्
839	2013028c	अवार्यमाणः प्रविवेश सारथिः; प्रभूतरत्नं मकरो यथार्णवम्
840	2014001a	स तदन्तःपुरद्वारं समतीत्य जनाकुलम्
841	2014001c	प्रविविक्तां ततः कक्ष्यामाससाद पुराणवित्
842	2014002a	प्रासकार्मुकबिभ्रद्भिर्युवभिर्मृष्टकुण्डलैः
843	2014002c	अप्रमादिभिरेकाग्रैः स्वनुरक्तैरधिष्ठिताम्
844	2014003a	तत्र काषायिणो वृद्धान्वेत्रपाणीन्स्वलंकृतान्
845	2014003c	ददर्श विष्ठितान्द्वारि स्त्र्यध्यक्षान्सुसमाहितान्
846	2014004a	ते समीक्ष्य समायान्तं रामप्रियचिकीर्षवः
847	2014004c	सहभार्याय रामाय क्षिप्रमेवाचचक्षिरे
848	2014005a	प्रतिवेदितमाज्ञाय सूतमभ्यन्तरं पितुः
849	2014005c	तत्रैवानाययामास राघवः प्रियकाम्यया
850	2014006a	तं वैश्रवणसंकाशमुपविष्टं स्वलंकृतम्
851	2014006c	दादर्श सूतः पर्यङ्के सौवणो सोत्तरच्छदे
852	2014007a	वराहरुधिराभेण शुचिना च सुगन्धिना
853	2014007c	अनुलिप्तं परार्ध्येन चन्दनेन परंतपम्
854	2014008a	स्थितया पार्श्वतश्चापि वालव्यजनहस्तया
855	2014008c	उपेतं सीतया भूयश्चित्रया शशिनं यथा
856	2014009a	तं तपन्तमिवादित्यमुपपन्नं स्वतेजसा
857	2014009c	ववन्दे वरदं बन्दी नियमज्ञो विनीतवत्
858	2014010a	प्राञ्जलिस्तु सुखं पृष्ट्वा विहारशयनासने
859	2014010c	राजपुत्रमुवाचेदं सुमन्त्रो राजसत्कृतः
860	2014011a	कौसल्या सुप्रभा देव पिता त्वं द्रष्टुमिच्छति
861	2014011c	महिष्या सह कैकेय्या गम्यतां तत्र माचिरम्
862	2014012a	एवमुक्तस्तु संहृष्टो नरसिंहो महाद्युतिः
863	2014012c	ततः संमानयामास सीतामिदमुवाच ह
864	2014013a	देवि देवश्च देवी च समागम्य मदन्तरे
865	2014013c	मन्त्रेयेते ध्रुवं किंचिदभिषेचनसंहितम्
866	2014014a	लक्षयित्वा ह्यभिप्रायं प्रियकामा सुदक्षिणा
867	2014014c	संचोदयति राजानं मदर्थं मदिरेक्षणा
868	2014015a	यादृशी परिषत्तत्र तादृशो दूत आगतः
869	2014015c	ध्रुवमद्यैव मां राजा यौवराज्येऽभिषेक्ष्यति
870	2014016a	हन्त शीघ्रमितो गत्वा द्रक्ष्यामि च महीपतिः
871	2014016c	सह त्वं परिवारेण सुखमास्स्व रमस्य च
872	2014017a	पतिसंमानिता सीता भर्तारमसितेक्षणा
873	2014017c	आद्वारमनुवव्राज मङ्गलान्यभिदध्युषी
874	2014018a	स सर्वानर्थिनो दृष्ट्वा समेत्य प्रतिनन्द्य च
875	2014018c	ततः पावकसंकाशमारुरोह रथोत्तमम्
876	2014019a	मुष्णन्तमिव चक्षूंषि प्रभया हेमवर्चसं
877	2014019c	करेणुशिशुकल्पैश्च युक्तं परमवाजिभिः
878	2014020a	हरियुक्तं सहस्राक्षो रथमिन्द्र इवाशुगम्
879	2014020c	प्रययौ तूर्णमास्थाय राघवो ज्वलितः श्रिया
880	2014021a	स पर्जन्य इवाकाशे स्वनवानभिनादयन्
881	2014021c	निकेतान्निर्ययौ श्रीमान्महाभ्रादिव चन्द्रमाः
882	2014022a	छत्रचामरपाणिस्तु लक्ष्मणो राघवानुजः
883	2014022c	जुगोप भ्रातरं भ्राता रथमास्थाय पृष्ठतः
884	2014023a	ततो हलहलाशब्दस्तुमुलः समजायत
885	2014023c	तस्य निष्क्रममाणस्य जनौघस्य समन्ततः
886	2014024a	स राघवस्तत्र कथाप्रलापं; शुश्राव लोकस्य समागतस्य
887	2014024c	आत्माधिकारा विविधाश्च वाचः; प्रहृष्टरूपस्य पुरे जनस्य
888	2014025a	एष श्रियं गच्छति राघवोऽद्य; राजप्रसादाद्विपुलां गमिष्यन्
889	2014025c	एते वयं सर्वसमृद्धकामा; येषामयं नो भविता प्रशास्ता
890	2014025e	लाभो जनस्यास्य यदेष सर्वं; प्रपत्स्यते राष्ट्रमिदं चिराय
891	2014026a	स घोषवद्भिश्च हयैः सनागैः; पुरःसरैः स्वस्तिकसूतमागधैः
892	2014026c	महीयमानः प्रवरैश्च वादकै;रभिष्टुतो वैश्रवणो यथा ययौ
893	2014027a	करेणुमातङ्गरथाश्वसंकुलं; महाजनौघैः परिपूर्णचत्वरम्
894	2014027c	प्रभूतरत्नं बहुपण्यसंचयं; ददर्श रामो रुचिरं महापथम्
895	2015001a	स रामो रथमास्थाय संप्रहृष्टसुहृज्जनः
896	2015001c	अपश्यन्नगरं श्रीमान्नानाजनसमाकुलम्
897	2015002a	स गृहैरभ्रसंकाशैः पाण्डुरैरुपशोभितम्
898	2015002c	राजमार्गं ययौ रामो मध्येनागरुधूपितम्
899	2015003a	शोभमानमसंबाधं तं राजपथमुत्तमम्
900	2015003c	संवृतं विविधैः पण्यैर्भक्ष्यैरुच्चावचैरपि
901	2015004a	आशीर्वादान्बहूञ्शृण्वन्सुहृद्भिः समुदीरितान्
902	2015004c	यथार्हं चापि संपूज्य सर्वानेव नरान्ययौ
903	2015005a	पितामहैराचरितं तथैव प्रपितामहैः
904	2015005c	अद्योपादाय तं मार्गमभिषिक्तोऽनुपालय
905	2015006a	यथा स्म लालिताः पित्रा यथा पूर्वैः पितामहैः
906	2015006c	ततः सुखतरं सर्वे रामे वत्स्याम राजनि
907	2015007a	अलमद्य हि भुक्तेन परमार्थैरलं च नः
908	2015007c	यथा पश्याम निर्यान्तं रामं राज्ये प्रतिष्ठितम्
909	2015008a	अतो हि न प्रियतरं नान्यत्किंचिद्भविष्यति
910	2015008c	यथाभिषेको रामस्य राज्येनामिततेजसः
911	2015009a	एताश्चान्याश्च सुहृदामुदासीनः कथाः शुभाः
912	2015009c	आत्मसंपूजनीः शृण्वन्ययौ रामो महापथम्
913	2015010a	न हि तस्मान्मनः कश्चिच्चक्षुषी वा नरोत्तमात्
914	2015010c	नरः शक्नोत्यपाक्रष्टुमतिक्रान्तेऽपि राघवे
915	2015011a	सर्वेषां स हि धर्मात्मा वर्णानां कुरुते दयाम्
916	2015011c	चतुर्णां हि वयःस्थानां तेन ते तमनुव्रताः
917	2015012a	स राजकुलमासाद्य महेन्द्रभवनोपमम्
918	2015012c	राजपुत्रः पितुर्वेश्म प्रविवेश श्रिया ज्वलन्
919	2015013a	स सर्वाः समतिक्रम्य कक्ष्या दशरथात्मजः
920	2015013c	संनिवर्त्य जनं सर्वं शुद्धान्तःपुरमभ्यगात्
921	2015014a	ततः प्रविष्टे पितुरन्तिकं तदा; जनः स सर्वो मुदितो नृपात्मजे
922	2015014c	प्रतीक्षते तस्य पुनः स्म निर्गमं; यथोदयं चन्द्रमसः सरित्पतिः
923	2016001a	स ददर्शासने रामो निषण्णं पितरं शुभे
924	2016001c	कैकेयीसहितं दीनं मुखेन परिशुष्यता
925	2016002a	स पितुश्चरणौ पूर्वमभिवाद्य विनीतवत्
926	2016002c	ततो ववन्दे चरणौ कैकेय्याः सुसमाहितः
927	2016003a	रामेत्युक्त्वा च वचनं वाष्पपर्याकुलेक्षणः
928	2016003c	शशाक नृपतिर्दीनो नेक्षितुं नाभिभाषितुम्
929	2016004a	तदपूर्वं नरपतेर्दृष्ट्वा रूपं भयावहम्
930	2016004c	रामोऽपि भयमापन्नः पदा स्पृष्ट्वेव पन्नगम्
931	2016005a	इन्द्रियैरप्रहृष्टैस्तं शोकसंतापकर्शितम्
932	2016005c	निःश्वसन्तं महाराजं व्यथिताकुलचेतसं
933	2016006a	ऊर्मि मालिनमक्षोभ्यं क्षुभ्यन्तमिव सागरम्
934	2016006c	उपप्लुतमिवादित्यमुक्तानृतमृषिं यथा
935	2016007a	अचिन्त्यकल्पं हि पितुस्तं शोकमुपधारयन्
936	2016007c	बभूव संरब्धतरः समुद्र इव पर्वणि
937	2016008a	चिन्तयामास च तदा रामः पितृहिते रतः
938	2016008c	किंस्विदद्यैव नृपतिर्न मां प्रत्यभिनन्दति
939	2016009a	अन्यदा मां पिता दृष्ट्वा कुपितोऽपि प्रसीदति
940	2016009c	तस्य मामद्य संप्रेक्ष्य किमायासः प्रवर्तते
941	2016010a	स दीन इव शोकार्तो विषण्णवदनद्युतिः
942	2016010c	कैकेयीमभिवाद्यैव रामो वचनमब्रवीत्
943	2016011a	कच्चिन्मया नापराधमज्ञानाद्येन मे पिता
944	2016011c	कुपितस्तन्ममाचक्ष्व त्वं चैवैनं प्रसादय
945	2016012a	विवर्णवदनो दीनो न हि मामभिभाषते
946	2016012c	शारीरो मानसो वापि कच्चिदेनं न बाधते
947	2016012e	संतापो वाभितापो वा दुर्लभं हि सदा सुखम्
948	2016013a	कच्चिन्न किंचिद्भरते कुमारे प्रियदर्शने
949	2016013c	शत्रुघ्ने वा महासत्त्वे मातॄणां वा ममाशुभम्
950	2016014a	अतोषयन्महाराजमकुर्वन्वा पितुर्वचः
951	2016014c	मुहूर्तमपि नेच्छेयं जीवितुं कुपिते नृपे
952	2016015a	यतोमूलं नरः पश्येत्प्रादुर्भावमिहात्मनः
953	2016015c	कथं तस्मिन्न वर्तेत प्रत्यक्षे सति दैवते
954	2016016a	कच्चित्ते परुषं किंचिदभिमानात्पिता मम
955	2016016c	उक्तो भवत्या कोपेन यत्रास्य लुलितं मनः
956	2016017a	एतदाचक्ष्व मे देवि तत्त्वेन परिपृच्छतः
957	2016017c	किंनिमित्तमपूर्वोऽयं विकारो मनुजाधिपे
958	2016018a	अहं हि वचनाद्राज्ञः पतेयमपि पावके
959	2016018c	भक्षयेयं विषं तीक्ष्णं मज्जेयमपि चार्णवे
960	2016018e	नियुक्तो गुरुणा पित्रा नृपेण च हितेन च
961	2016019a	तद्ब्रूहि वचनं देवि राज्ञो यदभिकाङ्क्षितम्
962	2016019c	करिष्ये प्रतिजाने च रामो द्विर्नाभिभाषते
963	2016020a	तमार्जवसमायुक्तमनार्या सत्यवादिनम्
964	2016020c	उवाच रामं कैकेयी वचनं भृशदारुणम्
965	2016021a	पुरा देवासुरे युद्धे पित्रा ते मम राघव
966	2016021c	रक्षितेन वरौ दत्तौ सशल्येन महारणे
967	2016022a	तत्र मे याचितो राजा भरतस्याभिषेचनम्
968	2016022c	गमनं दण्डकारण्ये तव चाद्यैव राघव
969	2016023a	यदि सत्यप्रतिज्ञं त्वं पितरं कर्तुमिच्छसि
970	2016023c	आत्मानं च नररेष्ठ मम वाक्यमिदं शृणु
971	2016024a	स निदेशे पितुस्तिष्ठ यथा तेन प्रतिश्रुतम्
972	2016024c	त्वयारण्यं प्रवेष्टव्यं नव वर्षाणि पञ्च च
973	2016025a	सप्त सप्त च वर्षाणि दण्डकारण्यमाश्रितः
974	2016025c	अभिषेकमिमं त्यक्त्वा जटाचीरधरो वस
975	2016026a	भरतः कोसलपुरे प्रशास्तु वसुधामिमाम्
976	2016026c	नानारत्नसमाकीर्णां सवाजिरथकुञ्जराम्
977	2016027a	तदप्रियममित्रघ्नो वचनं मरणोपमम्
978	2016027c	श्रुत्वा न विव्यथे रामः कैकेयीं चेदमब्रवीत्
979	2016028a	एवमस्तु गमिष्यामि वनं वस्तुमहं त्वतः
980	2016028c	जटाचीरधरो राज्ञः प्रतिज्ञामनुपालयन्
981	2016029a	इदं तु ज्ञातुमिच्छामि किमर्थं मां महीपतिः
982	2016029c	नाभिनन्दति दुर्धर्षो यथापुरमरिंदमः
983	2016030a	मन्युर्न च त्वया कार्यो देवि ब्रूहि तवाग्रतः
984	2016030c	यास्यामि भव सुप्रीता वनं चीरजटाधरः
985	2016031a	हितेन गुरुणा पित्रा कृतज्ञेन नृपेण च
986	2016031c	नियुज्यमानो विश्रब्धं किं न कुर्यादहं प्रियम्
987	2016032a	अलीकं मानसं त्वेकं हृदयं दहतीव मे
988	2016032c	स्वयं यन्नाह मां राजा भरतस्याभिषेचनम्
989	2016033a	अहं हि सीतां राज्यं च प्राणानिष्टान्धनानि च
990	2016033c	हृष्टो भ्रात्रे स्वयं दद्यां भरतायाप्रचोदितः
991	2016034a	किं पुनर्मनुजेन्द्रेण स्वयं पित्रा प्रचोदितः
992	2016034c	तव च प्रियकामार्थं प्रतिज्ञामनुपालयन्
993	2016035a	तदाश्वासय हीमं त्वं किं न्विदं यन्महीपतिः
994	2016035c	वसुधासक्तनयनो मन्दमश्रूणि मुञ्चति
995	2016036a	गच्छन्तु चैवानयितुं दूताः शीघ्रजवैर्हयैः
996	2016036c	भरतं मातुलकुलादद्यैव नृपशासनात्
997	2016037a	दण्डकारण्यमेषोऽहमितो गच्छामि सत्वरः
998	2016037c	अविचार्य पितुर्वाक्यं समावस्तुं चतुर्दश
999	2016038a	सा हृष्टा तस्य तद्वाक्यं श्रुत्वा रामस्य कैकयी
1000	2016038c	प्रस्थानं श्रद्दधाना हि त्वरयामास राघवम्
1001	2016039a	एवं भवतु यास्यन्ति दूताः शीघ्रजवैर्हयैः
1002	2016039c	भरतं मातुलकुलादुपावर्तयितुं नराः
1003	2016040a	तव त्वहं क्षमं मन्ये नोत्सुकस्य विलम्बनम्
1004	2016040c	राम तस्मादितः शीघ्रं वनं त्वं गन्तुमर्हसि
1005	2016041a	व्रीडान्वितः स्वयं यच्च नृपस्त्वां नाभिभाषते
1006	2016041c	नैतत्किंचिन्नरश्रेष्ठ मन्युरेषोऽपनीयताम्
1007	2016042a	यावत्त्वं न वनं यातः पुरादस्मादभित्वरन्
1008	2016042c	पिता तावन्न ते राम स्नास्यते भोक्ष्यतेऽपि वा
1009	2016043a	धिक्कष्टमिति निःश्वस्य राजा शोकपरिप्लुतः
1010	2016043c	मूर्छितो न्यपतत्तस्मिन्पर्यङ्के हेमभूषिते
1011	2016044a	रामोऽप्युत्थाप्य राजानं कैकेय्याभिप्रचोदितः
1012	2016044c	कशयेवाहतो वाजी वनं गन्तुं कृतत्वरः
1013	2016045a	तदप्रियमनार्याया वचनं दारुणोदरम्
1014	2016045c	श्रुत्वा गतव्यथो रामः कैकेयीं वाक्यमब्रवीत्
1015	2016046a	नाहमर्थपरो देवि लोकमावस्तुमुत्सहे
1016	2016046c	विद्धि मामृषिभिस्तुल्यं केवलं धर्ममास्थितम्
1017	2016047a	यदत्रभवतः किंचिच्छक्यं कर्तुं प्रियं मया
1018	2016047c	प्राणानपि परित्यज्य सर्वथा कृतमेव तत्
1019	2016048a	न ह्यतो धर्मचरणं किंचिदस्ति महत्तरम्
1020	2016048c	यथा पितरि शुश्रूषा तस्य वा वचनक्रिया
1021	2016049a	अनुक्तोऽप्यत्रभवता भवत्या वचनादहम्
1022	2016049c	वने वत्स्यामि विजने वर्षाणीह चतुर्दश
1023	2016050a	न नूनं मयि कैकेयि किंचिदाशंससे गुणम्
1024	2016050c	यद्राजानमवोचस्त्वं ममेश्वरतरा सती
1025	2016051a	यावन्मातरमापृच्छे सीतां चानुनयाम्यहम्
1026	2016051c	ततोऽद्यैव गमिष्यामि दण्डकानां महद्वनम्
1027	2016052a	भरतः पालयेद्राज्यं शुश्रूषेच्च पितुर्यथा
1028	2016052c	तथा भवत्या कर्तव्यं स हि धर्मः सनातनः
1029	2016053a	स रामस्य वचः श्रुत्वा भृशं दुःखहतः पिता
1030	2016053c	शोकादशक्नुवन्बाष्पं प्ररुरोद महास्वनम्
1031	2016054a	वन्दित्वा चरणौ रामो विसंज्ञस्य पितुस्तदा
1032	2016054c	कैकेय्याश्चाप्यनार्याया निष्पपात महाद्युतिः
1033	2016055a	स रामः पितरं कृत्वा कैकेयीं च प्रदक्षिणम्
1034	2016055c	निष्क्रम्यान्तःपुरात्तस्मात्स्वं ददर्श सुहृज्जनम्
1035	2016056a	तं बाष्पपरिपूर्णाक्षः पृष्ठतोऽनुजगाम ह
1036	2016056c	लक्ष्मणः परमक्रुद्धः सुमित्रानन्दवर्धनः
1037	2016057a	आभिषेचनिकं भाण्डं कृत्वा रामः प्रदक्षिणम्
1038	2016057c	शनैर्जगाम सापेक्षो दृष्टिं तत्राविचालयन्
1039	2016058a	न चास्य महतीं लक्ष्मीं राज्यनाशोऽपकर्षति
1040	2016058c	लोककान्तस्य कान्तत्वं शीतरश्मेरिव क्षपा
1041	2016059a	न वनं गन्तुकामस्य त्यजतश्च वसुंधराम्
1042	2016059c	सर्वलोकातिगस्येव लक्ष्यते चित्तविक्रिया
1043	2016060a	धारयन्मनसा दुःखमिन्द्रियाणि निगृह्य च
1044	2016060c	प्रविवेशात्मवान्वेश्म मातुरप्रियशंसिवान्
1045	2016061a	प्रविश्य वेश्मातिभृशं मुदान्वितं; समीक्ष्य तां चार्थविपत्तिमागताम्
1046	2016061c	न चैव रामोऽत्र जगाम विक्रियां; सुहृज्जनस्यात्मविपत्तिशङ्कया
1047	2017001a	रामस्तु भृशमायस्तो निःश्वसन्निव कुञ्जरः
1048	2017001c	जगाम सहितो भ्रात्रा मातुरन्तःपुरं वशी
1049	2017002a	सोऽपश्यत्पुरुषं तत्र वृद्धं परमपूजितम्
1050	2017002c	उपविष्टं गृहद्वारि तिष्ठतश्चापरान्बहून्
1051	2017003a	प्रविश्य प्रथमां कक्ष्यां द्वितीयायां ददर्श सः
1052	2017003c	ब्राह्मणान्वेदसंपन्नान्वृद्धान्राज्ञाभिसत्कृतान्
1053	2017004a	प्रणम्य रामस्तान्वृद्धांस्तृतीयायां ददर्श सः
1054	2017004c	स्त्रियो वृद्धाश्च बालाश्च द्वाररक्षणतत्पराः
1055	2017005a	वर्धयित्वा प्रहृष्टास्ताः प्रविश्य च गृहं स्त्रियः
1056	2017005c	न्यवेदयन्त त्वरिता राम मातुः प्रियं तदा
1057	2017006a	कौसल्यापि तदा देवी रात्रिं स्थित्वा समाहिता
1058	2017006c	प्रभाते त्वकरोत्पूजां विष्णोः पुत्रहितैषिणी
1059	2017007a	सा क्षौमवसना हृष्टा नित्यं व्रतपरायणा
1060	2017007c	अग्निं जुहोति स्म तदा मन्त्रवत्कृतमङ्गला
1061	2017008a	प्रविश्य च तदा रामो मातुरन्तःपुरं शुभम्
1062	2017008c	ददर्श मातरं तत्र हावयन्तीं हुताशनम्
1063	2017009a	सा चिरस्यात्मजं दृष्ट्वा मातृनन्दनमागतम्
1064	2017009c	अभिचक्राम संहृष्टा किशोरं वडवा यथा
1065	2017010a	तमुवाच दुराधर्षं राघवं सुतमात्मनः
1066	2017010c	कौसल्या पुत्रवात्सल्यादिदं प्रियहितं वचः
1067	2017011a	वृद्धानां धर्मशीलानां राजर्षीणां महात्मनाम्
1068	2017011c	प्राप्नुह्यायुश्च कीर्तिं च धर्मं चोपहितं कुले
1069	2017012a	सत्यप्रतिज्ञं पितरं राजानं पश्य राघव
1070	2017012c	अद्यैव हि त्वां धर्मात्मा यौवराज्येऽभिषेक्ष्यति
1071	2017013a	मातरं राघवः किंचित्प्रसार्याञ्जलिमब्रवीत्
1072	2017013c	स स्वभावविनीतश्च गौरवाच्च तदानतः
1073	2017014a	देवि नूनं न जानीषे महद्भयमुपस्थितम्
1074	2017014c	इदं तव च दुःखाय वैदेह्या लक्ष्मणस्य च
1075	2017015a	चतुर्दश हि वर्षाणि वत्स्यामि विजने वने
1076	2017015c	मधुमूलफलैर्जीवन्हित्वा मुनिवदामिषम्
1077	2017016a	भरताय महाराजो यौवराज्यं प्रयच्छति
1078	2017016c	मां पुनर्दण्डकारण्यं विवासयति तापसं
1079	2017017a	तामदुःखोचितां दृष्ट्वा पतितां कदलीमिव
1080	2017017c	रामस्तूत्थापयामास मातरं गतचेतसं
1081	2017018a	उपावृत्योत्थितां दीनां वडवामिव वाहिताम्
1082	2017018c	पांशुगुण्ठितसर्वाग्नीं विममर्श च पाणिना
1083	2017019a	सा राघवमुपासीनमसुखार्ता सुखोचिता
1084	2017019c	उवाच पुरुषव्याघ्रमुपशृण्वति लक्ष्मणे
1085	2017020a	यदि पुत्र न जायेथा मम शोकाय राघव
1086	2017020c	न स्म दुःखमतो भूयः पश्येयमहमप्रजा
1087	2017021a	एक एव हि वन्ध्यायाः शोको भवति मानवः
1088	2017021c	अप्रजास्मीति संतापो न ह्यन्यः पुत्र विद्यते
1089	2017022a	न दृष्टपूर्वं कल्याणं सुखं वा पतिपौरुषे
1090	2017022c	अपि पुत्रे विपश्येयमिति रामास्थितं मया
1091	2017023a	सा बहून्यमनोज्ञानि वाक्यानि हृदयच्छिदाम्
1092	2017023c	अहं श्रोष्ये सपत्नीनामवराणां वरा सती
1093	2017023e	अतो दुःखतरं किं नु प्रमदानां भविष्यति
1094	2017024a	त्वयि संनिहितेऽप्येवमहमासं निराकृता
1095	2017024c	किं पुनः प्रोषिते तात ध्रुवं मरणमेव मे
1096	2017025a	यो हि मां सेवते कश्चिदथ वाप्यनुवर्तते
1097	2017025c	कैकेय्याः पुत्रमन्वीक्ष्य स जनो नाभिभाषते
1098	2017026a	दश सप्त च वर्षाणि तव जातस्य राघव
1099	2017026c	अतीतानि प्रकाङ्क्षन्त्या मया दुःखपरिक्षयम्
1100	2017027a	उपवासैश्च योगैश्च बहुभिश्च परिश्रमैः
1101	2017027c	दुःखं संवर्धितो मोघं त्वं हि दुर्गतया मया
1102	2017028a	स्थिरं तु हृदयं मन्ये ममेदं यन्न दीर्यते
1103	2017028c	प्रावृषीव महानद्याः स्पृष्टं कूलं नवाम्भसा
1104	2017029a	ममैव नूनं मरणं न विद्यते; न चावकाशोऽस्ति यमक्षये मम
1105	2017029c	यदन्तकोऽद्यैव न मां जिहीर्षति; प्रसह्य सिंहो रुदतीं मृगीमिव
1106	2017030a	स्थिरं हि नूनं हृदयं ममायसं; न भिद्यते यद्भुवि नावदीर्यते
1107	2017030c	अनेन दुःखेन च देहमर्पितं; ध्रुवं ह्यकाले मरणं न विद्यते
1108	2017031a	इदं तु दुःखं यदनर्थकानि मे; व्रतानि दानानि च संयमाश्च हि
1109	2017031c	तपश्च तप्तं यदपत्यकारणा;त्सुनिष्फलं बीजमिवोप्तमूषरे
1110	2017032a	यदि ह्यकाले मरणं स्वयेच्छया; लभेत कश्चिद्गुरु दुःख कर्शितः
1111	2017032c	गताहमद्यैव परेत संसदं; विना त्वया धेनुरिवात्मजेन वै
1112	2017033a	भृशमसुखममर्षिता तदा; बहु विललाप समीक्ष्य राघवम्
1113	2017033c	व्यसनमुपनिशाम्य सा मह;त्सुतमिव बद्धमवेक्ष्य किंनरी
1114	2018001a	तथा तु विलपन्तीं तां कौसल्यां राममातरम्
1115	2018001c	उवाच लक्ष्मणो दीनस्तत्कालसदृशं वचः
1116	2018002a	न रोचते ममाप्येतदार्ये यद्राघवो वनम्
1117	2018002c	त्यक्त्वा राज्यश्रियं गच्छेत्स्त्रिया वाक्यवशं गतः
1118	2018003a	विपरीतश्च वृद्धश्च विषयैश्च प्रधर्षितः
1119	2018003c	नृपः किमिव न ब्रूयाच्चोद्यमानः समन्मथः
1120	2018004a	नास्यापराधं पश्यामि नापि दोषं तथा विधम्
1121	2018004c	येन निर्वास्यते राष्ट्राद्वनवासाय राघवः
1122	2018005a	न तं पश्याम्यहं लोके परोक्षमपि यो नरः
1123	2018005c	अमित्रोऽपि निरस्तोऽपि योऽस्य दोषमुदाहरेत्
1124	2018006a	देवकल्पमृजुं दान्तं रिपूणामपि वत्सलम्
1125	2018006c	अवेक्षमाणः को धर्मं त्यजेत्पुत्रमकारणात्
1126	2018007a	तदिदं वचनं राज्ञः पुनर्बाल्यमुपेयुषः
1127	2018007c	पुत्रः को हृदये कुर्याद्राजवृत्तमनुस्मरन्
1128	2018008a	यावदेव न जानाति कश्चिदर्थमिमं नरः
1129	2018008c	तावदेव मया सार्धमात्मस्थं कुरु शासनम्
1130	2018009a	मया पार्श्वे सधनुषा तव गुप्तस्य राघव
1131	2018009c	कः समर्थोऽधिकं कर्तुं कृतान्तस्येव तिष्ठतः
1132	2018010a	निर्मनुष्यामिमां सर्वामयोध्यां मनुजर्षभ
1133	2018010c	करिष्यामि शरैस्तीक्ष्णैर्यदि स्थास्यति विप्रिये
1134	2018011a	भरतस्याथ पक्ष्यो वा यो वास्य हितमिच्छति
1135	2018011c	सर्वानेतान्वधिष्यामि मृदुर्हि परिभूयते
1136	2018012a	त्वया चैव मया चैव कृत्वा वैरमनुत्तमम्
1137	2018012c	कस्य शक्तिः श्रियं दातुं भरतायारिशासन
1138	2018013a	अनुरक्तोऽस्मि भावेन भ्रातरं देवि तत्त्वतः
1139	2018013c	सत्येन धनुषा चैव दत्तेनेष्टेन ते शपे
1140	2018014a	दीप्तमग्निमरण्यं वा यदि रामः प्रवेक्ष्यते
1141	2018014c	प्रविष्टं तत्र मां देवि त्वं पूर्वमवधारय
1142	2018015a	हरामि वीर्याद्दुःखं ते तमः सूर्य इवोदितः
1143	2018015c	देवी पश्यतु मे वीर्यं राघवश्चैव पश्यतु
1144	2018016a	एतत्तु वचनं श्रुत्वा लक्ष्मणस्य महात्मनः
1145	2018016c	उवाच रामं कौसल्या रुदन्ती शोकलालसा
1146	2018017a	भ्रातुस्ते वदतः पुत्र लक्ष्मणस्य श्रुतं त्वया
1147	2018017c	यदत्रानन्तरं तत्त्वं कुरुष्व यदि रोचते
1148	2018018a	न चाधर्म्यं वचः श्रुत्वा सपत्न्या मम भाषितम्
1149	2018018c	विहाय शोकसंतप्तां गन्तुमर्हसि मामितः
1150	2018019a	धर्मज्ञ यदि धर्मिष्ठो धर्मं चरितुमिच्छसि
1151	2018019c	शुश्रूष मामिहस्थस्त्वं चर धर्ममनुत्तमम्
1152	2018020a	शुश्रूषुर्जननीं पुत्र स्वगृहे नियतो वसन्
1153	2018020c	परेण तपसा युक्तः काश्यपस्त्रिदिवं गतः
1154	2018021a	यथैव राजा पूज्यस्ते गौरवेण तथा ह्यहम्
1155	2018021c	त्वां नाहमनुजानामि न गन्तव्यमितो वनम्
1156	2018022a	त्वद्वियोगान्न मे कार्यं जीवितेन सुखेन वा
1157	2018022c	त्वया सह मम श्रेयस्तृणानामपि भक्षणम्
1158	2018023a	यदि त्वं यास्यसि वनं त्यक्त्वा मां शोकलालसाम्
1159	2018023c	अहं प्रायमिहासिष्ये न हि शक्ष्यामि जीवितुम्
1160	2018024a	ततस्त्वं प्राप्स्यसे पुत्र निरयं लोकविश्रुतम्
1161	2018024c	ब्रह्महत्यामिवाधर्मात्समुद्रः सरितां पतिः
1162	2018025a	विलपन्तीं तथा दीनां कौसल्यां जननीं ततः
1163	2018025c	उवाच रामो धर्मात्मा वचनं धर्मसंहितम्
1164	2018026a	नास्ति शक्तिः पितुर्वाक्यं समतिक्रमितुं मम
1165	2018026c	प्रसादये त्वां शिरसा गन्तुमिच्छाम्यहं वनम्
1166	2018027a	ऋषिणा च पितुर्वाक्यं कुर्वता व्रतचारिणा
1167	2018027c	गौर्हता जानता धर्मं कण्डुनापि विपश्चिता
1168	2018028a	अस्माकं च कुले पूर्वं सगरस्याज्ञया पितुः
1169	2018028c	खनद्भिः सागरैर्भूतिमवाप्तः सुमहान्वधः
1170	2018029a	जामदग्न्येन रामेण रेणुका जननी स्वयम्
1171	2018029c	कृत्ता परशुनारण्ये पितुर्वचनकारिणा
1172	2018030a	न खल्वेतन्मयैकेन क्रियते पितृशासनम्
1173	2018030c	पूर्वैरयमभिप्रेतो गतो मार्गोऽनुगम्यते
1174	2018031a	तदेतत्तु मया कार्यं क्रियते भुवि नान्यथा
1175	2018031c	पितुर्हि वचनं कुर्वन्न कश्चिन्नाम हीयते
1176	2018032a	तामेवमुक्त्वा जननीं लक्ष्मणं पुनरब्रवीत्
1177	2018032c	तव लक्ष्मण जानामि मयि स्नेहमनुत्तमम्
1178	2018032e	अभिप्रायमविज्ञाय सत्यस्य च शमस्य च
1179	2018033a	धर्मो हि परमो लोके धर्मे सत्यं प्रतिष्ठितम्
1180	2018033c	धर्मसंश्रितमेतच्च पितुर्वचनमुत्तमम्
1181	2018034a	संश्रुत्य च पितुर्वाक्यं मातुर्वा ब्राह्मणस्य वा
1182	2018034c	न कर्तव्यं वृथा वीर धर्ममाश्रित्य तिष्ठता
1183	2018035a	सोऽहं न शक्ष्यामि पितुर्नियोगमतिवर्तितुम्
1184	2018035c	पितुर्हि वचनाद्वीर कैकेय्याहं प्रचोदितः
1185	2018036a	तदेनां विसृजानार्यां क्षत्रधर्माश्रितां मतिम्
1186	2018036c	धर्ममाश्रय मा तैक्ष्ण्यं मद्बुद्धिरनुगम्यताम्
1187	2018037a	तमेवमुक्त्वा सौहार्दाद्भ्रातरं लक्ष्मणाग्रजः
1188	2018037c	उवाच भूयः कौसल्यां प्राञ्जलिः शिरसानतः
1189	2018038a	अनुमन्यस्व मां देवि गमिष्यन्तमितो वनम्
1190	2018038c	शापितासि मम प्राणैः कुरु स्वस्त्ययनानि मे
1191	2018038e	तीर्णप्रतिज्ञश्च वनात्पुनरेष्याम्यहं पुरीम्
1192	2018039a	यशो ह्यहं केवलराज्यकारणा;न्न पृष्ठतः कर्तुमलं महोदयम्
1193	2018039c	अदीर्घकाले न तु देवि जीविते; वृणेऽवरामद्य महीमधर्मतः
1194	2018040a	प्रसादयन्नरवृषभः स मातरं; पराक्रमाज्जिगमिषुरेव दण्डकान्
1195	2018040c	अथानुजं भृशमनुशास्य दर्शनं; चकार तां हृदि जननीं प्रदक्षिणम्
1196	2019001a	अथ तं व्यथया दीनं सविशेषममर्षितम्
1197	2019001c	श्वसन्तमिव नागेन्द्रं रोषविस्फारितेक्षणम्
1198	2019002a	आसाद्य रामः सौमित्रिं सुहृदं भ्रातरं प्रियम्
1199	2019002c	उवाचेदं स धैर्येण धारयन्सत्त्वमात्मवान्
1200	2019003a	सौमित्रे योऽभिषेकार्थे मम संभारसंभ्रमः
1201	2019003c	अभिषेकनिवृत्त्यर्थे सोऽस्तु संभारसंभ्रमः
1202	2019004a	यस्या मदभिषेकार्थं मानसं परितप्यते
1203	2019004c	माता नः सा यथा न स्यात्सविशङ्का तथा कुरु
1204	2019005a	तस्याः शङ्कामयं दुःखं मुहूर्तमपि नोत्सहे
1205	2019005c	मनसि प्रतिसंजातं सौमित्रेऽहमुपेक्षितुम्
1206	2019006a	न बुद्धिपूर्वं नाबुद्धं स्मरामीह कदाचन
1207	2019006c	मातॄणां वा पितुर्वाहं कृतमल्पं च विप्रियम्
1208	2019007a	सत्यः सत्याभिसंधश्च नित्यं सत्यपराक्रमः
1209	2019007c	परलोकभयाद्भीतो निर्भयोऽस्तु पिता मम
1210	2019008a	तस्यापि हि भवेदस्मिन्कर्मण्यप्रतिसंहृते
1211	2019008c	सत्यं नेति मनस्तापस्तस्य तापस्तपेच्च माम्
1212	2019009a	अभिषेकविधानं तु तस्मात्संहृत्य लक्ष्मण
1213	2019009c	अन्वगेवाहमिच्छामि वनं गन्तुमितः पुनः
1214	2019010a	मम प्रव्राजनादद्य कृतकृत्या नृपात्मजा
1215	2019010c	सुतं भरतमव्यग्रमभिषेचयिता ततः
1216	2019011a	मयि चीराजिनधरे जटामण्डलधारिणि
1217	2019011c	गतेऽरण्यं च कैकेय्या भविष्यति मनःसुखम्
1218	2019012a	बुद्धिः प्रणीता येनेयं मनश्च सुसमाहितम्
1219	2019012c	तत्तु नार्हामि संक्लेष्टुं प्रव्रजिष्यामि माचिरम्
1220	2019013a	कृतान्तस्त्वेव सौमित्रे द्रष्टव्यो मत्प्रवासने
1221	2019013c	राज्यस्य च वितीर्णस्य पुनरेव निवर्तने
1222	2019014a	कैकेय्याः प्रतिपत्तिर्हि कथं स्यान्मम पीडने
1223	2019014c	यदि भावो न दैवोऽयं कृतान्तविहितो भवेत्
1224	2019015a	जानासि हि यथा सौम्य न मातृषु ममान्तरम्
1225	2019015c	भूतपूर्वं विशेषो वा तस्या मयि सुतेऽपि वा
1226	2019016a	सोऽभिषेकनिवृत्त्यर्थैः प्रवासार्थैश्च दुर्वचैः
1227	2019016c	उग्रैर्वाक्यैरहं तस्या नान्यद्दैवात्समर्थये
1228	2019017a	कथं प्रकृतिसंपन्ना राजपुत्री तथागुणा
1229	2019017c	ब्रूयात्सा प्राकृतेव स्त्री मत्पीडां भर्तृसंनिधौ
1230	2019018a	यदचिन्त्यं तु तद्दैवं भूतेष्वपि न हन्यते
1231	2019018c	व्यक्तं मयि च तस्यां च पतितो हि विपर्ययः
1232	2019019a	कश्चिद्दैवेन सौमित्रे योद्धुमुत्सहते पुमान्
1233	2019019c	यस्य न ग्रहणं किंचित्कर्मणोऽन्यत्र दृश्यते
1234	2019020a	सुखदुःखे भयक्रोधौ लाभालाभौ भवाभवौ
1235	2019020c	यस्य किंचित्तथाभूतं ननु दैवस्य कर्म तत्
1236	2019021a	व्याहतेऽप्यभिषेके मे परितापो न विद्यते
1237	2019021c	तस्मादपरितापः संस्त्वमप्यनुविधाय माम्
1238	2019021e	प्रतिसंहारय क्षिप्रमाभिषेचनिकीं क्रियाम्
1239	2019022a	न लक्ष्मणास्मिन्मम राज्यविघ्ने; माता यवीयस्यतिशङ्कनीया
1240	2019022c	दैवाभिपन्ना हि वदन्त्यनिष्टं; जानासि दैवं च तथाप्रभावम्
1241	2020001a	इति ब्रुवति रामे तु लक्ष्मणोऽधःशिरा मुहुः
1242	2020001c	श्रुत्वा मध्यं जगामेव मनसा दुःखहर्षयोः
1243	2020002a	तदा तु बद्ध्वा भ्रुकुटीं भ्रुवोर्मध्ये नरर्षभ
1244	2020002c	निशश्वास महासर्पो बिलस्थ इव रोषितः
1245	2020003a	तस्य दुष्प्रतिवीक्ष्यं तद्भ्रुकुटीसहितं तदा
1246	2020003c	बभौ क्रुद्धस्य सिंहस्य मुखस्य सदृशं मुखम्
1247	2020004a	अग्रहस्तं विधुन्वंस्तु हस्ती हस्तमिवात्मनः
1248	2020004c	तिर्यगूर्ध्वं शरीरे च पातयित्वा शिरोधराम्
1249	2020005a	अग्राक्ष्णा वीक्षमाणस्तु तिर्यग्भ्रातरमब्रवीत्
1250	2020005c	अस्थाने संभ्रमो यस्य जातो वै सुमहानयम्
1251	2020006a	धर्मदोषप्रसङ्गेन लोकस्यानतिशङ्कया
1252	2020006c	कथं ह्येतदसंभ्रान्तस्त्वद्विधो वक्तुमर्हति
1253	2020007a	यथा दैवमशौण्डीरं शौण्डीरः क्षत्रियर्षभः
1254	2020007c	किं नाम कृपणं दैवमशक्तमभिशंससि
1255	2020008a	पापयोस्ते कथं नाम तयोः शङ्का न विद्यते
1256	2020008c	सन्ति धर्मोपधाः श्लक्ष्णा धर्मात्मन्किं न बुध्यसे
1257	2020009a	लोकविद्विष्टमारब्धं त्वदन्यस्याभिषेचनम्
1258	2020009c	येनेयमागता द्वैधं तव बुद्धिर्महीपते
1259	2020009e	स हि धर्मो मम द्वेष्यः प्रसङ्गाद्यस्य मुह्यसि
1260	2020010a	यद्यपि प्रतिपत्तिस्ते दैवी चापि तयोर्मतम्
1261	2020010c	तथाप्युपेक्षणीयं ते न मे तदपि रोचते
1262	2020011a	विक्लवो वीर्यहीनो यः स दैवमनुवर्तते
1263	2020011c	वीराः संभावितात्मानो न दैवं पर्युपासते
1264	2020012a	दैवं पुरुषकारेण यः समर्थः प्रबाधितुम्
1265	2020012c	न दैवेन विपन्नार्थः पुरुषः सोऽवसीदति
1266	2020013a	द्रक्ष्यन्ति त्वद्य दैवस्य पौरुषं पुरुषस्य च
1267	2020013c	दैवमानुषयोरद्य व्यक्ता व्यक्तिर्भविष्यति
1268	2020014a	अद्य मत्पौरुषहतं दैवं द्रक्ष्यन्ति वै जनाः
1269	2020014c	यद्दैवादाहतं तेऽद्य दृष्टं राज्याभिषेचनम्
1270	2020015a	अत्यङ्कुशमिवोद्दामं गजं मदबलोद्धतम्
1271	2020015c	प्रधावितमहं दैवं पौरुषेण निवर्तये
1272	2020016a	लोकपालाः समस्तास्ते नाद्य रामाभिषेचनम्
1273	2020016c	न च कृत्स्नास्त्रयो लोका विहन्युः किं पुनः पिता
1274	2020017a	यैर्विवासस्तवारण्ये मिथो राजन्समर्थितः
1275	2020017c	अरण्ये ते विवत्स्यन्ति चतुर्दश समास्तथा
1276	2020018a	अहं तदाशां छेत्स्यामि पितुस्तस्याश्च या तव
1277	2020018c	अभिषेकविघातेन पुत्रराज्याय वर्तते
1278	2020019a	मद्बलेन विरुद्धाय न स्याद्दैवबलं तथा
1279	2020019c	प्रभविष्यति दुःखाय यथोग्रं पौरुषं मम
1280	2020020a	ऊर्ध्वं वर्षसहस्रान्ते प्रजापाल्यमनन्तरम्
1281	2020020c	आर्यपुत्राः करिष्यन्ति वनवासं गते त्वयि
1282	2020021a	पूर्वराजर्षिवृत्त्या हि वनवासो विधीयते
1283	2020021c	प्रजा निक्षिप्य पुत्रेषु पुत्रवत्परिपालने
1284	2020022a	स चेद्राजन्यनेकाग्रे राज्यविभ्रमशङ्कया
1285	2020022c	नैवमिच्छसि धर्मात्मन्राज्यं राम त्वमात्मनि
1286	2020023a	प्रतिजाने च ते वीर मा भूवं वीरलोकभाक्
1287	2020023c	राज्यं च तव रक्षेयमहं वेलेव सागरम्
1288	2020024a	मङ्गलैरभिषिञ्चस्व तत्र त्वं व्यापृतो भव
1289	2020024c	अहमेको महीपालानलं वारयितुं बलात्
1290	2020025a	न शोभार्थाविमौ बाहू न धनुर्भूषणाय मे
1291	2020025c	नासिराबन्धनार्थाय न शराः स्तम्भहेतवः
1292	2020026a	अमित्रदमनार्थं मे सर्वमेतच्चतुष्टयम्
1293	2020026c	न चाहं कामयेऽत्यर्थं यः स्याच्छत्रुर्मतो मम
1294	2020027a	असिना तीक्ष्णधारेण विद्युच्चलितवर्चसा
1295	2020027c	प्रगृहीतेन वै शत्रुं वज्रिणं वा न कल्पये
1296	2020028a	खड्गनिष्पेषनिष्पिष्टैर्गहना दुश्चरा च मे
1297	2020028c	हस्त्यश्वनरहस्तोरुशिरोभिर्भविता मही
1298	2020029a	खड्गधाराहता मेऽद्य दीप्यमाना इवाद्रयः
1299	2020029c	पतिष्यन्ति द्विपा भूमौ मेघा इव सविद्युतः
1300	2020030a	बद्धगोधाङ्गुलित्राणे प्रगृहीतशरासने
1301	2020030c	कथं पुरुषमानी स्यात्पुरुषाणां मयि स्थिते
1302	2020031a	बहुभिश्चैकमत्यस्यन्नेकेन च बहूञ्जनान्
1303	2020031c	विनियोक्ष्याम्यहं बाणान्नृवाजिगजमर्मसु
1304	2020032a	अद्य मेऽस्त्रप्रभावस्य प्रभावः प्रभविष्यति
1305	2020032c	राज्ञश्चाप्रभुतां कर्तुं प्रभुत्वं च तव प्रभो
1306	2020033a	अद्य चन्दनसारस्य केयूरामोक्षणस्य च
1307	2020033c	वसूनां च विमोक्षस्य सुहृदां पालनस्य च
1308	2020034a	अनुरूपाविमौ बाहू राम कर्म करिष्यतः
1309	2020034c	अभिषेचनविघ्नस्य कर्तॄणां ते निवारणे
1310	2020035a	ब्रवीहि कोऽद्यैव मया वियुज्यतां; तवासुहृत्प्राणयशः सुहृज्जनैः
1311	2020035c	यथा तवेयं वसुधा वशे भवे;त्तथैव मां शाधि तवास्मि किंकरः
1312	2020036a	विमृज्य बाष्पं परिसान्त्व्य चासकृ;त्स लक्ष्मणं राघववंशवर्धनः
1313	2020036c	उवाच पित्र्ये वचने व्यवस्थितं; निबोध मामेष हि सौम्य सत्पथः
1314	2021001a	तं समीक्ष्य त्ववहितं पितुर्निर्देशपालने
1315	2021001c	कौसल्या बाष्पसंरुद्धा वचो धर्मिष्ठमब्रवीत्
1316	2021002a	अदृष्टदुःखो धर्मात्मा सर्वभूतप्रियंवदः
1317	2021002c	मयि जातो दशरथात्कथमुञ्छेन वर्तयेत्
1318	2021003a	यस्य भृत्याश्च दासाश्च मृष्टान्यन्नानि भुञ्जते
1319	2021003c	कथं स भोक्ष्यते नाथो वने मूलफलान्ययम्
1320	2021004a	क एतच्छ्रद्दधेच्छ्रुत्वा कस्य वा न भवेद्भयम्
1321	2021004c	गुणवान्दयितो राज्ञो राघवो यद्विवास्यते
1322	2021005a	त्वया विहीनामिह मां शोकाग्निरतुलो महान्
1323	2021005c	प्रधक्ष्यति यथा कक्षं चित्रभानुर्हिमात्यये
1324	2021006a	कथं हि धेनुः स्वं वत्सं गच्छन्तं नानुगच्छति
1325	2021006c	अहं त्वानुगमिष्यामि यत्र पुत्र गमिष्यसि
1326	2021007a	तथा निगदितं मात्रा तद्वाक्यं पुरुषर्षभः
1327	2021007c	श्रुत्वा रामोऽब्रवीद्वाक्यं मातरं भृशदुःखिताम्
1328	2021008a	कैकेय्या वञ्चितो राजा मयि चारण्यमाश्रिते
1329	2021008c	भवत्या च परित्यक्तो न नूनं वर्तयिष्यति
1330	2021009a	भर्तुः किल परित्यागो नृशंसः केवलं स्त्रियाः
1331	2021009c	स भवत्या न कर्तव्यो मनसापि विगर्हितः
1332	2021010a	यावज्जीवति काकुत्स्थः पिता मे जगतीपतिः
1333	2021010c	शुश्रूषा क्रियतां तावत्स हि धर्मः सनातनः
1334	2021011a	एवमुक्ता तु रामेण कौसल्या शुभ दर्शना
1335	2021011c	तथेत्युवाच सुप्रीता राममक्लिष्टकारिणम्
1336	2021012a	एवमुक्तस्तु वचनं रामो धर्मभृतां वरः
1337	2021012c	भूयस्तामब्रवीद्वाक्यं मातरं भृशदुःखिताम्
1338	2021013a	मया चैव भवत्या च कर्तव्यं वचनं पितुः
1339	2021013c	राजा भर्ता गुरुः श्रेष्ठः सर्वेषामीश्वरः प्रभुः
1340	2021014a	इमानि तु महारण्ये विहृत्य नव पञ्च च
1341	2021014c	वर्षाणि परमप्रीतः स्थास्यामि वचने तव
1342	2021015a	एवमुक्ता प्रियं पुत्रं बाष्पपूर्णानना तदा
1343	2021015c	उवाच परमार्ता तु कौसल्या पुत्रवत्सला
1344	2021016a	आसां राम सपत्नीनां वस्तुं मध्ये न मे क्षमम्
1345	2021016c	नय मामपि काकुत्स्थ वनं वन्यं मृगीं यथा
1346	2021016e	यदि ते गमने बुद्धिः कृता पितुरपेक्षया
1347	2021017a	तां तथा रुदतीं रामो रुदन्वचनमब्रवीत्
1348	2021017c	जीवन्त्या हि स्त्रिया भर्ता दैवतं प्रभुरेव च
1349	2021017e	भवत्या मम चैवाद्य राजा प्रभवति प्रभुः
1350	2021018a	भरतश्चापि धर्मात्मा सर्वभूतप्रियंवदः
1351	2021018c	भवतीमनुवर्तेत स हि धर्मरतः सदा
1352	2021019a	यथा मयि तु निष्क्रान्ते पुत्रशोकेन पार्थिवः
1353	2021019c	श्रमं नावाप्नुयात्किंचिदप्रमत्ता तथा कुरु
1354	2021020a	व्रतोपवासनिरता या नारी परमोत्तमा
1355	2021020c	भर्तारं नानुवर्तेत सा च पापगतिर्भवेत्
1356	2021021a	शुश्रूषमेव कुर्वीत भर्तुः प्रियहिते रता
1357	2021021c	एष धर्मः पुरा दृष्टो लोके वेदे श्रुतः स्मृतः
1358	2021022a	पूज्यास्ते मत्कृते देवि ब्राह्मणाश्चैव सुव्रताः
1359	2021022c	एवं कालं प्रतीक्षस्व ममागमनकाङ्क्षिणी
1360	2021023a	प्राप्स्यसे परमं कामं मयि प्रत्यागते सति
1361	2021023c	यदि धर्मभृतां श्रेष्ठो धारयिष्यति जीवितम्
1362	2021024a	एवमुक्ता तु रामेण बाष्पपर्याकुलेक्षणा
1363	2021024c	कौसल्या पुत्रशोकार्ता रामं वचनमब्रवीत्
1364	2021024e	गच्छ पुत्र त्वमेकाग्रो भद्रं तेऽस्तु सदा विभो
1365	2021025a	तथा हि रामं वनवासनिश्चितं; समीक्ष्य देवी परमेण चेतसा
1366	2021025c	उवाच रामं शुभलक्षणं वचो; बभूव च स्वस्त्ययनाभिकाङ्क्षिणी
1367	2022001a	सापनीय तमायासमुपस्पृश्य जलं शुचि
1368	2022001c	चकार माता रामस्य मङ्गलानि मनस्विनी
1369	2022002a	स्वस्ति साध्याश्च विश्वे च मरुतश्च महर्षयः
1370	2022002c	स्वस्ति धाता विधाता च स्वस्ति पूषा भगोऽर्यमा
1371	2022003a	ऋतवश्चैव पक्षाश्च मासाः संवत्सराः क्षपाः
1372	2022003c	दिनानि च मुहूर्ताश्च स्वस्ति कुर्वन्तु ते सदा
1373	2022004a	स्मृतिर्धृतिश्च धर्मश्च पान्तु त्वां पुत्र सर्वतः
1374	2022004c	स्कन्दश्च भगवान्देवः सोमश्च सबृहस्पतिः
1375	2022005a	सप्तर्षयो नारदश्च ते त्वां रक्षन्तु सर्वतः
1376	2022005c	नक्षत्राणि च सर्वाणि ग्रहाश्च सहदेवताः
1377	2022005e	महावनानि चरतो मुनिवेषस्य धीमतः
1378	2022006a	प्लवगा वृश्चिका दंशा मशकाश्चैव कानने
1379	2022006c	सरीसृपाश्च कीटाश्च मा भूवन्गहने तव
1380	2022007a	महाद्विपाश्च सिंहाश्च व्याघ्रा ऋक्षाश्च दंष्ट्रिणः
1381	2022007c	महिषाः शृङ्गिणो रौद्रा न ते द्रुह्यन्तु पुत्रक
1382	2022008a	नृमांसभोजना रौद्रा ये चान्ये सत्त्वजातयः
1383	2022008c	मा च त्वां हिंसिषुः पुत्र मया संपूजितास्त्विह
1384	2022009a	आगमास्ते शिवाः सन्तु सिध्यन्तु च पराक्रमाः
1385	2022009c	सर्वसंपत्तयो राम स्वस्तिमान्गच्छ पुत्रक
1386	2022010a	स्वस्ति तेऽस्त्वान्तरिक्षेभ्यः पार्थिवेभ्यः पुनः पुनः
1387	2022010c	सर्वेभ्यश्चैव देवेभ्यो ये च ते परिपन्थिनः
1388	2022011a	सर्वलोकप्रभुर्ब्रह्मा भूतभर्ता तथर्षयः
1389	2022011c	ये च शेषाः सुरास्ते त्वां रक्षन्तु वनवासिनम्
1390	2022012a	इति माल्यैः सुरगणान्गन्धैश्चापि यशस्विनी
1391	2022012c	स्तुतिभिश्चानुरूपाभिरानर्चायतलोचना
1392	2022013a	यन्मङ्गलं सहस्राक्षे सर्वदेवनमस्कृते
1393	2022013c	वृत्रनाशे समभवत्तत्ते भवतु मङ्गलम्
1394	2022014a	यन्मङ्गलं सुपर्णस्य विनताकल्पयत्पुरा
1395	2022014c	अमृतं प्रार्थयानस्य तत्ते भवतु मङ्गलम्
1396	2022015a	ओषधीं चापि सिद्धार्थां विशल्यकरणीं शुभाम्
1397	2022015c	चकार रक्षां कौसल्या मन्त्रैरभिजजाप च
1398	2022016a	आनम्य मूर्ध्नि चाघ्राय परिष्वज्य यशस्विनी
1399	2022016c	अवदत्पुत्र सिद्धार्थो गच्छ राम यथासुखम्
1400	2022017a	अरोगं सर्वसिद्धार्थमयोध्यां पुनरागतम्
1401	2022017c	पश्यामि त्वां सुखं वत्स सुस्थितं राजवेश्मनि
1402	2022018a	मयार्चिता देवगणाः शिवादयो; महर्षयो भूतमहासुरोरगाः
1403	2022018c	अभिप्रयातस्य वनं चिराय ते; हितानि काङ्क्षन्तु दिशश्च राघव
1404	2022019a	इतीव चाश्रुप्रतिपूर्णलोचना; समाप्य च स्वस्त्ययनं यथाविधि
1405	2022019c	प्रदक्षिणं चैव चकार राघवं; पुनः पुनश्चापि निपीड्य सस्वजे
1406	2022020a	तथा तु देव्या स कृतप्रदक्षिणो; निपीड्य मातुश्चरणौ पुनः पुनः
1407	2022020c	जगाम सीतानिलयं महायशाः; स राघवः प्रज्वलितः स्वया श्रिया
1408	2023001a	अभिवाद्य तु कौसल्यां रामः संप्रस्थितो वनम्
1409	2023001c	कृतस्वस्त्ययनो मात्रा धर्मिष्ठे वर्त्मनि स्थितः
1410	2023002a	विराजयन्राजसुतो राजमार्गं नरैर्वृतम्
1411	2023002c	हृदयान्याममन्थेव जनस्य गुणवत्तया
1412	2023003a	वैदेही चापि तत्सर्वं न शुश्राव तपस्विनी
1413	2023003c	तदेव हृदि तस्याश्च यौवराज्याभिषेचनम्
1414	2023004a	देवकार्यं स्म सा कृत्वा कृतज्ञा हृष्टचेतना
1415	2023004c	अभिज्ञा राजधर्माणां राजपुत्रं प्रतीक्षते
1416	2023005a	प्रविवेशाथ रामस्तु स्ववेश्म सुविभूषितम्
1417	2023005c	प्रहृष्टजनसंपूर्णं ह्रिया किंचिदवाङ्मुखः
1418	2023006a	अथ सीता समुत्पत्य वेपमाना च तं पतिम्
1419	2023006c	अपश्यच्छोकसंतप्तं चिन्ताव्याकुलिलेन्द्रियम्
1420	2023007a	विवर्णवदनं दृष्ट्वा तं प्रस्विन्नममर्षणम्
1421	2023007c	आह दुःखाभिसंतप्ता किमिदानीमिदं प्रभो
1422	2023008a	अद्य बार्हस्पतः श्रीमान्युक्तः पुष्यो न राघव
1423	2023008c	प्रोच्यते ब्राह्मणैः प्राज्ञैः केन त्वमसि दुर्मनाः
1424	2023009a	न ते शतशलाकेन जलफेननिभेन च
1425	2023009c	आवृतं वदनं वल्गु छत्रेणाभिविराजते
1426	2023010a	व्यजनाभ्यां च मुख्याभ्यां शतपत्रनिभेक्षणम्
1427	2023010c	चन्द्रहंसप्रकाशाभ्यां वीज्यते न तवाननम्
1428	2023011a	वाग्मिनो बन्दिनश्चापि प्रहृष्टास्त्वं नरर्षभ
1429	2023011c	स्तुवन्तो नाद्य दृश्यन्ते मङ्गलैः सूतमागधाः
1430	2023012a	न ते क्षौद्रं च दधि च ब्राह्मणा वेदपारगाः
1431	2023012c	मूर्ध्नि मूर्धावसिक्तस्य दधति स्म विधानतः
1432	2023013a	न त्वां प्रकृतयः सर्वा श्रेणीमुख्याश्च भूषिताः
1433	2023013c	अनुव्रजितुमिच्छन्ति पौरजापपदास्तथा
1434	2023014a	चतुर्भिर्वेगसंपन्नैर्हयैः काञ्चनभूषणैः
1435	2023014c	मुख्यः पुष्यरथो युक्तः किं न गच्छति तेऽग्रतः
1436	2023015a	न हस्ती चाग्रतः श्रीमांस्तव लक्षणपूजितः
1437	2023015c	प्रयाणे लक्ष्यते वीर कृष्णमेघगिरि प्रभः
1438	2023016a	न च काञ्चनचित्रं ते पश्यामि प्रियदर्शन
1439	2023016c	भद्रासनं पुरस्कृत्य यान्तं वीरपुरःसरम्
1440	2023017a	अभिषेको यदा सज्जः किमिदानीमिदं तव
1441	2023017c	अपूर्वो मुखवर्णश्च न प्रहर्षश्च लक्ष्यते
1442	2023018a	इतीव विलपन्तीं तां प्रोवाच रघुनन्दनः
1443	2023018c	सीते तत्रभवांस्तात प्रव्राजयति मां वनम्
1444	2023019a	कुले महति संभूते धर्मज्ञे धर्मचारिणि
1445	2023019c	शृणु जानकि येनेदं क्रमेणाभ्यागतं मम
1446	2023020a	राज्ञा सत्यप्रतिज्ञेन पित्रा दशरथेन मे
1447	2023020c	कैकेय्यै प्रीतमनसा पुरा दत्तौ महावरौ
1448	2023021a	तयाद्य मम सज्जेऽस्मिन्नभिषेके नृपोद्यते
1449	2023021c	प्रचोदितः स समयो धर्मेण प्रतिनिर्जितः
1450	2023022a	चतुर्दश हि वर्षाणि वस्तव्यं दण्डके मया
1451	2023022c	पित्रा मे भरतश्चापि यौवराज्ये नियोजितः
1452	2023022e	सोऽहं त्वामागतो द्रष्टुं प्रस्थितो विजनं वनम्
1453	2023023a	भरतस्य समीपे ते नाहं कथ्यः कदाचन
1454	2023023c	ऋद्धियुक्ता हि पुरुषा न सहन्ते परस्तवम्
1455	2023023e	तस्मान्न ते गुणाः कथ्या भरतस्याग्रतो मम
1456	2023024a	नापि त्वं तेन भर्तव्या विशेषेण कदाचन
1457	2023024c	अनुकूलतया शक्यं समीपे तस्य वर्तितुम्
1458	2023025a	अहं चापि प्रतिज्ञां तां गुरोः समनुपालयन्
1459	2023025c	वनमद्यैव यास्यामि स्थिरा भव मनस्विनि
1460	2023026a	याते च मयि कल्याणि वनं मुनिनिषेवितम्
1461	2023026c	व्रतोपवासरतया भवितव्यं त्वयानघे
1462	2023027a	काल्यमुत्थाय देवानां कृत्वा पूजां यथाविधि
1463	2023027c	वन्दितव्यो दशरथः पिता मम नरेश्वरः
1464	2023028a	माता च मम कौसल्या वृद्धा संतापकर्शिता
1465	2023028c	धर्ममेवाग्रतः कृत्वा त्वत्तः संमानमर्हति
1466	2023029a	वन्दितव्याश्च ते नित्यं याः शेषा मम मातरः
1467	2023029c	स्नेहप्रणयसंभोगैः समा हि मम मातरः
1468	2023030a	भ्रातृपुत्रसमौ चापि द्रष्टव्यौ च विशेषतः
1469	2023030c	त्वया लक्ष्मणशत्रुघ्नौ प्राणैः प्रियतरौ मम
1470	2023031a	विप्रियं न च कर्तव्यं भरतस्य कदाचन
1471	2023031c	स हि राजा प्रभुश्चैव देशस्य च कुलस्य च
1472	2023032a	आराधिता हि शीलेन प्रयत्नैश्चोपसेविताः
1473	2023032c	राजानः संप्रसीदन्ति प्रकुप्यन्ति विपर्यये
1474	2023033a	औरसानपि पुत्रान्हि त्यजन्त्यहितकारिणः
1475	2023033c	समर्थान्संप्रगृह्णन्ति जनानपि नराधिपाः
1476	2023034a	अहं गमिष्यामि महावनं प्रिये; त्वया हि वस्तव्यमिहैव भामिनि
1477	2023034c	यथा व्यलीकं कुरुषे न कस्य चि;त्तथा त्वया कार्यमिदं वचो मम
1478	2024001a	एवमुक्ता तु वैदेही प्रियार्हा प्रियवादिनी
1479	2024001c	प्रणयादेव संक्रुद्धा भर्तारमिदमब्रवीत्
1480	2024002a	आर्यपुत्र पिता माता भ्राता पुत्रस्तथा स्नुषा
1481	2024002c	स्वानि पुण्यानि भुञ्जानाः स्वं स्वं भाग्यमुपासते
1482	2024003a	भर्तुर्भाग्यं तु भार्यैका प्राप्नोति पुरुषर्षभ
1483	2024003c	अतश्चैवाहमादिष्टा वने वस्तव्यमित्यपि
1484	2024004a	न पिता नात्मजो नात्मा न माता न सखीजनः
1485	2024004c	इह प्रेत्य च नारीणां पतिरेको गतिः सदा
1486	2024005a	यदि त्वं प्रस्थितो दुर्गं वनमद्यैव राघव
1487	2024005c	अग्रतस्ते गमिष्यामि मृद्नन्ती कुशकण्टकान्
1488	2024006a	ईर्ष्या रोषौ बहिष्कृत्य भुक्तशेषमिवोदकम्
1489	2024006c	नय मां वीर विश्रब्धः पापं मयि न विद्यते
1490	2024007a	प्रासादाग्रैर्विमानैर्वा वैहायसगतेन वा
1491	2024007c	सर्वावस्थागता भर्तुः पादच्छाया विशिष्यते
1492	2024008a	अनुशिष्टास्मि मात्रा च पित्रा च विविधाश्रयम्
1493	2024008c	नास्मि संप्रति वक्तव्या वर्तितव्यं यथा मया
1494	2024009a	सुखं वने निवत्स्यामि यथैव भवने पितुः
1495	2024009c	अचिन्तयन्ती त्रीँल्लोकांश्चिन्तयन्ती पतिव्रतम्
1496	2024010a	शुश्रूषमाणा ते नित्यं नियता ब्रह्मचारिणी
1497	2024010c	सह रंस्ये त्वया वीर वनेषु मधुगन्धिषु
1498	2024011a	त्वं हि कर्तुं वने शक्तो राम संपरिपालनम्
1499	2024011c	अन्यस्य पै जनस्येह किं पुनर्मम मानद
1500	2024012a	फलमूलाशना नित्यं भविष्यामि न संशयः
1501	2024012c	न ते दुःखं करिष्यामि निवसन्ती सह त्वया
1502	2024013a	इच्छामि सरितः शैलान्पल्वलानि वनानि च
1503	2024013c	द्रष्टुं सर्वत्र निर्भीता त्वया नाथेन धीमता
1504	2024014a	हंसकारण्डवाकीर्णाः पद्मिनीः साधुपुष्पिताः
1505	2024014c	इच्छेयं सुखिनी द्रष्टुं त्वया वीरेण संगता
1506	2024015a	सह त्वया विशालाक्ष रंस्ये परमनन्दिनी
1507	2024015c	एवं वर्षसहस्राणां शतं वाहं त्वया सह
1508	2024016a	स्वर्गेऽपि च विना वासो भविता यदि राघव
1509	2024016c	त्वया मम नरव्याघ्र नाहं तमपि रोचये
1510	2024017a	अहं गमिष्यामि वनं सुदुर्गमं; मृगायुतं वानरवारणैर्युतम्
1511	2024017c	वने निवत्स्यामि यथा पितुर्गृहे; तवैव पादावुपगृह्य संमता
1512	2024018a	अनन्यभावामनुरक्तचेतसं; त्वया वियुक्तां मरणाय निश्चिताम्
1513	2024018c	नयस्व मां साधु कुरुष्व याचनां; न ते मयातो गुरुता भविष्यति
1514	2024019a	तथा ब्रुवाणामपि धर्मवत्सलो; न च स्म सीतां नृवरो निनीषति
1515	2024019c	उवाच चैनां बहु संनिवर्तने; वने निवासस्य च दुःखितां प्रति
1516	2025001a	स एवं ब्रुवतीं सीतां धर्मज्ञो धर्मवत्सलः
1517	2025001c	निवर्तनार्थे धर्मात्मा वाक्यमेतदुवाच ह
1518	2025002a	सीते महाकुलीनासि धर्मे च निरता सदा
1519	2025002c	इहाचर स्वधर्मं त्वं मा यथा मनसः सुखम्
1520	2025003a	सीते यथा त्वां वक्ष्यामि तथा कार्यं त्वयाबले
1521	2025003c	वने दोषा हि बहवो वदतस्तान्निबोध मे
1522	2025004a	सीते विमुच्यतामेषा वनवासकृता मतिः
1523	2025004c	बहुदोषं हि कान्तारं वनमित्यभिधीयते
1524	2025005a	हितबुद्ध्या खलु वचो मयैतदभिधीयते
1525	2025005c	सदा सुखं न जानामि दुःखमेव सदा वनम्
1526	2025006a	गिरिनिर्झरसंभूता गिरिकन्दरवासिनाम्
1527	2025006c	सिंहानां निनदा दुःखाः श्रोतुं दुःखमतो वनम्
1528	2025007a	सुप्यते पर्णशय्यासु स्वयं भग्नासु भूतले
1529	2025007c	रात्रिषु श्रमखिन्नेन तस्माद्दुःखतरं वनम्
1530	2025008a	उपवासश्च कर्तव्या यथाप्राणेन मैथिलि
1531	2025008c	जटाभारश्च कर्तव्यो वल्कलाम्बरधारिणा
1532	2025009a	अतीव वातस्तिमिरं बुभुक्षा चात्र नित्यशः
1533	2025009c	भयानि च महान्त्यत्र ततो दुःखतरं वनम्
1534	2025010a	सरीसृपाश्च बहवो बहुरूपाश्च भामिनि
1535	2025010c	चरन्ति पृथिवीं दर्पादतो दुखतरं वनम्
1536	2025011a	नदीनिलयनाः सर्पा नदीकुटिलगामिनः
1537	2025011c	तिष्ठन्त्यावृत्य पन्थानमतो दुःखतरं वनम्
1538	2025012a	पतंगा वृश्चिकाः कीटा दंशाश्च मशकैः सह
1539	2025012c	बाधन्ते नित्यमबले सर्वं दुःखमतो वनम्
1540	2025013a	द्रुमाः कण्टकिनश्चैव कुशकाशाश्च भामिनि
1541	2025013c	वने व्याकुलशाखाग्रास्तेन दुःखतरं वनम्
1542	2025014a	तदलं ते वनं गत्वा क्षमं न हि वनं तव
1543	2025014c	विमृशन्निह पश्यामि बहुदोषतरं वनम्
1544	2025015a	वनं तु नेतुं न कृता मतिस्तदा; बभूव रामेण यदा महात्मना
1545	2025015c	न तस्य सीता वचनं चकार त;त्ततोऽब्रवीद्राममिदं सुदुःखिता
1546	2026001a	एतत्तु वचनं श्रुत्वा सीता रामस्य दुःखिता
1547	2026001c	प्रसक्ताश्रुमुखी मन्दमिदं वचनमब्रवीत्
1548	2026002a	ये त्वया कीर्तिता दोषा वने वस्तव्यतां प्रति
1549	2026002c	गुणानित्येव तान्विद्धि तव स्नेहपुरस्कृतान्
1550	2026003a	त्वया च सह गन्तव्यं मया गुरुजनाज्ञया
1551	2026003c	त्वद्वियोगेन मे राम त्यक्तव्यमिह जीवितम्
1552	2026004a	न च मां त्वत्समीपस्थमपि शक्नोति राघव
1553	2026004c	सुराणामीश्वरः शक्रः प्रधर्षयितुमोजसा
1554	2026005a	पतिहीना तु या नारी न सा शक्ष्यति जीवितुम्
1555	2026005c	काममेवंविधं राम त्वया मम विदर्शितम्
1556	2026006a	अथ चापि महाप्राज्ञ ब्राह्मणानां मया श्रुतम्
1557	2026006c	पुरा पितृगृहे सत्यं वस्तव्यं किल मे वने
1558	2026007a	लक्षणिभ्यो द्विजातिभ्यः श्रुत्वाहं वचनं गृहे
1559	2026007c	वनवासकृतोत्साहा नित्यमेव महाबल
1560	2026008a	आदेशो वनवासस्य प्राप्तव्यः स मया किल
1561	2026008c	सा त्वया सह तत्राहं यास्यामि प्रिय नान्यथा
1562	2026009a	कृतादेशा भविष्यामि गमिष्यामि सह त्वया
1563	2026009c	कालश्चायं समुत्पन्नः सत्यवाग्भवतु द्विजः
1564	2026010a	वनवासे हि जानामि दुःखानि बहुधा किल
1565	2026010c	प्राप्यन्ते नियतं वीर पुरुषैरकृतात्मभिः
1566	2026011a	कन्यया च पितुर्गेहे वनवासः श्रुतो मया
1567	2026011c	भिक्षिण्याः साधुवृत्ताया मम मातुरिहाग्रतः
1568	2026012a	प्रसादितश्च वै पूर्वं त्वं वै बहुविधं प्रभो
1569	2026012c	गमनं वनवासस्य काङ्क्षितं हि सह त्वया
1570	2026013a	कृतक्षणाहं भद्रं ते गमनं प्रति राघव
1571	2026013c	वनवासस्य शूरस्य चर्या हि मम रोचते
1572	2026014a	शुद्धात्मन्प्रेमभावाद्धि भविष्यामि विकल्मषा
1573	2026014c	भर्तारमनुगच्छन्ती भर्ता हि मम दैवतम्
1574	2026015a	प्रेत्यभावेऽपि कल्याणः संगमो मे सह त्वया
1575	2026015c	श्रुतिर्हि श्रूयते पुण्या ब्राह्मणानां यशस्विनाम्
1576	2026016a	इह लोके च पितृभिर्या स्त्री यस्य महामते
1577	2026016c	अद्भिर्दत्ता स्वधर्मेण प्रेत्यभावेऽपि तस्य सा
1578	2026017a	एवमस्मात्स्वकां नारीं सुवृत्तां हि पतिव्रताम्
1579	2026017c	नाभिरोचयसे नेतुं त्वं मां केनेह हेतुना
1580	2026018a	भक्तां पतिव्रतां दीनां मां समां सुखदुःखयोः
1581	2026018c	नेतुमर्हसि काकुत्स्थ समानसुखदुःखिनीम्
1582	2026019a	यदि मां दुःखितामेवं वनं नेतुं न चेच्छसि
1583	2026019c	विषमग्निं जलं वाहमास्थास्ये मृत्युकारणात्
1584	2026020a	एवं बहुविधं तं सा याचते गमनं प्रति
1585	2026020c	नानुमेने महाबाहुस्तां नेतुं विजनं वनम्
1586	2026021a	एवमुक्ता तु सा चिन्तां मैथिली समुपागता
1587	2026021c	स्नापयन्तीव गामुष्णैरश्रुभिर्नयनच्युतैः
1588	2026022a	चिन्तयन्तीं तथा तां तु निवर्तयितुमात्मवान्
1589	2026022c	क्रोधाविष्टां तु वैदेहीं काकुत्स्थो बह्वसान्त्वयत्
1590	2027001a	सान्त्व्यमाना तु रामेण मैथिली जनकात्मजा
1591	2027001c	वनवासनिमित्ताय भर्तारमिदमब्रवीत्
1592	2027002a	सा तमुत्तमसंविग्ना सीता विपुलवक्षसं
1593	2027002c	प्रणयाच्चाभिमानाच्च परिचिक्षेप राघवम्
1594	2027003a	किं त्वामन्यत वैदेहः पिता मे मिथिलाधिपः
1595	2027003c	राम जामातरं प्राप्य स्त्रियं पुरुषविग्रहम्
1596	2027004a	अनृतं बललोकोऽयमज्ञानाद्यद्धि वक्ष्यति
1597	2027004c	तेजो नास्ति परं रामे तपतीव दिवाकरे
1598	2027005a	किं हि कृत्वा विषण्णस्त्वं कुतो वा भयमस्ति ते
1599	2027005c	यत्परित्यक्तुकामस्त्वं मामनन्यपरायणाम्
1600	2027006a	द्युमत्सेनसुतं वीर सत्यवन्तमनुव्रताम्
1601	2027006c	सावित्रीमिव मां विद्धि त्वमात्मवशवर्तिनीम्
1602	2027007a	न त्वहं मनसाप्यन्यं द्रष्टास्मि त्वदृतेऽनघ
1603	2027007c	त्वया राघव गच्छेयं यथान्या कुलपांसनी
1604	2027008a	स्वयं तु भार्यां कौमारीं चिरमध्युषितां सतीम्
1605	2027008c	शैलूष इव मां राम परेभ्यो दातुमिच्छसि
1606	2027009a	स मामनादाय वनं न त्वं प्रस्थातुमर्हसि
1607	2027009c	तपो वा यदि वारण्यं स्वर्गो वा स्यात्सह त्वया
1608	2027010a	न च मे भविता तत्र कश्चित्पथि परिश्रमः
1609	2027010c	पृष्ठतस्तव गच्छन्त्या विहारशयनेष्वपि
1610	2027011a	कुशकाशशरेषीका ये च कण्टकिनो द्रुमाः
1611	2027011c	तूलाजिनसमस्पर्शा मार्गे मम सह त्वया
1612	2027012a	महावात समुद्धूतं यन्मामवकरिष्यति
1613	2027012c	रजो रमण तन्मन्ये परार्ध्यमिव चन्दनम्
1614	2027013a	शाद्वलेषु यदासिष्ये वनान्ते वनगोरचा
1615	2027013c	कुथास्तरणतल्पेषु किं स्यात्सुखतरं ततः
1616	2027014a	पत्रं मूलं फलं यत्त्वमल्पं वा यदि वा बहु
1617	2027014c	दास्यसि स्वयमाहृत्य तन्मेऽमृतरसोपमम्
1618	2027015a	न मातुर्न पितुस्तत्र स्मरिष्यामि न वेश्मनः
1619	2027015c	आर्तवान्युपभुञ्जाना पुष्पाणि च फलानि च
1620	2027016a	न च तत्र गतः किंचिद्द्रष्टुमर्हसि विप्रियम्
1621	2027016c	मत्कृते न च ते शोको न भविष्यामि दुर्भरा
1622	2027017a	यस्त्वया सह स स्वर्गो निरयो यस्त्वया विना
1623	2027017c	इति जानन्परां प्रीतिं गच्छ राम मया सह
1624	2027018a	अथ मामेवमव्यग्रां वनं नैव नयिष्यसि
1625	2027018c	विषमद्यैव पास्यामि मा विशं द्विषतां वशम्
1626	2027019a	पश्चादपि हि दुःखेन मम नैवास्ति जीवितम्
1627	2027019c	उज्झितायास्त्वया नाथ तदैव मरणं वरम्
1628	2027020a	इदं हि सहितुं शोकं मुहूर्तमपि नोत्सहे
1629	2027020c	किं पुनर्दशवर्षाणि त्रीणि चैकं च दुःखिता
1630	2027021a	इति सा शोकसंतप्ता विलप्य करुणं बहु
1631	2027021c	चुक्रोश पतिमायस्ता भृशमालिङ्ग्य सस्वरम्
1632	2027022a	सा विद्धा बहुभिर्वाक्यैर्दिग्धैरिव गजाङ्गना
1633	2027022c	चिर संनियतं बाष्पं मुमोचाग्निमिवारणिः
1634	2027023a	तस्याः स्फटिकसंकाशं वारि संतापसंभवम्
1635	2027023c	नेत्राभ्यां परिसुस्राव पङ्कजाभ्यामिवोदकम्
1636	2027024a	तां परिष्वज्य बाहुभ्यां विसंज्ञामिव दुःखिताम्
1637	2027024c	उवाच वचनं रामः परिविश्वासयंस्तदा
1638	2027025a	न देवि तव दुःखेन स्वर्गमप्यभिरोचये
1639	2027025c	न हि मेऽस्ति भयं किंचित्स्वयम्भोरिव सर्वतः
1640	2027026a	तव सर्वमभिप्रायमविज्ञाय शुभानने
1641	2027026c	वासं न रोचयेऽरण्ये शक्तिमानपि रक्षणे
1642	2027027a	यत्सृष्टासि मया सार्धं वनवासाय मैथिलि
1643	2027027c	न विहातुं मया शक्या कीर्तिरात्मवता यथा
1644	2027028a	धर्मस्तु गजनासोरु सद्भिराचरितः पुरा
1645	2027028c	तं चाहमनुवर्तेऽद्य यथा सूर्यं सुवर्चला
1646	2027029a	एष धर्मस्तु सुश्रोणि पितुर्मातुश्च वश्यता
1647	2027029c	अतश्चाज्ञां व्यतिक्रम्य नाहं जीवितुमुत्सहे
1648	2027030a	स मां पिता यथा शास्ति सत्यधर्मपथे स्थितः
1649	2027030c	तथा वर्तितुमिच्छामि स हि धर्मः सनातनः
1650	2027030e	अनुगच्छस्व मां भीरु सहधर्मचरी भव
1651	2027031a	ब्राह्मणेभ्यश्च रत्नानि भिक्षुकेभ्यश्च भोजनम्
1652	2027031c	देहि चाशंसमानेभ्यः संत्वरस्व च माचिरम्
1653	2027032a	अनुकूलं तु सा भर्तुर्ज्ञात्वा गमनमात्मनः
1654	2027032c	क्षिप्रं प्रमुदिता देवी दातुमेवोपचक्रमे
1655	2027033a	ततः प्रहृष्टा परिपूर्णमानसा; यशस्विनी भर्तुरवेक्ष्य भाषितम्
1656	2027033c	धनानि रत्नानि च दातुमङ्गना; प्रचक्रमे धर्मभृतां मनस्विनी
1657	2028001a	ततोऽब्रवीन्महातेजा रामो लक्ष्मणमग्रतः
1658	2028001c	स्थितं प्राग्गामिनं वीरं याचमानं कृताञ्जलिम्
1659	2028002a	मयाद्य सह सौमित्रे त्वयि गच्छति तद्वनम्
1660	2028002c	को भरिष्यति कौसल्यां सुमित्रां वा यशस्विनीम्
1661	2028003a	अभिवर्षति कामैर्यः पर्जन्यः पृथिवीमिव
1662	2028003c	स कामपाशपर्यस्तो महातेजा महीपतिः
1663	2028004a	सा हि राज्यमिदं प्राप्य नृपस्याश्वपतेः सुता
1664	2028004c	दुःखितानां सपत्नीनां न करिष्यति शोभनम्
1665	2028005a	एवमुक्तस्तु रामेण लक्ष्मणः श्लक्ष्णया गिरा
1666	2028005c	प्रत्युवाच तदा रामं वाक्यज्ञो वाक्यकोविदम्
1667	2028006a	तवैव तेजसा वीर भरतः पूजयिष्यति
1668	2028006c	कौसल्यां च सुमित्रां च प्रयतो नात्र संशयः
1669	2028007a	कौसल्या बिभृयादार्या सहस्रमपि मद्विधान्
1670	2028007c	यस्याः सहस्रं ग्रामाणां संप्राप्तमुपजीवनम्
1671	2028008a	धनुरादाय सशरं खनित्रपिटकाधरः
1672	2028008c	अग्रतस्ते गमिष्यामि पन्थानमनुदर्शयन्
1673	2028009a	आहरिष्यामि ते नित्यं मूलानि च फलानि च
1674	2028009c	वन्यानि यानि चान्यानि स्वाहाराणि तपस्विनाम्
1675	2028010a	भवांस्तु सह वैदेह्या गिरिसानुषु रंस्यते
1676	2028010c	अहं सर्वं करिष्यामि जाग्रतः स्वपतश्च ते
1677	2028011a	रामस्त्वनेन वाक्येन सुप्रीतः प्रत्युवाच तम्
1678	2028011c	व्रजापृच्छस्व सौमित्रे सर्वमेव सुहृज्जनम्
1679	2028012a	ये च राज्ञो ददौ दिव्ये महात्मा वरुणः स्वयम्
1680	2028012c	जनकस्य महायज्ञे धनुषी रौद्रदर्शने
1681	2028013a	अभेद्यकवचे दिव्ये तूणी चाक्षयसायकौ
1682	2028013c	आदित्यविमलौ चोभौ खड्गौ हेमपरिष्कृतौ
1683	2028014a	सत्कृत्य निहितं सर्वमेतदाचार्यसद्मनि
1684	2028014c	स त्वमायुधमादाय क्षिप्रमाव्रज लक्ष्मण
1685	2028015a	स सुहृज्जनमामन्त्र्य वनवासाय निश्चितः
1686	2028015c	इक्ष्वाकुगुरुमामन्त्र्य जग्राहायुधमुत्तमम्
1687	2028016a	तद्दिव्यं राजशार्दूलः सत्कृतं माल्यभूषितम्
1688	2028016c	रामाय दर्शयामास सौमित्रिः सर्वमायुधम्
1689	2028017a	तमुवाचात्मवान्रामः प्रीत्या लक्ष्मणमागतम्
1690	2028017c	काले त्वमागतः सौम्य काङ्क्षिते मम लक्ष्मण
1691	2028018a	अहं प्रदातुमिच्छामि यदिदं मामकं धनम्
1692	2028018c	ब्राह्मणेभ्यस्तपस्विभ्यस्त्वया सह परंतप
1693	2028019a	वसन्तीह दृढं भक्त्या गुरुषु द्विजसत्तमाः
1694	2028019c	तेषामपि च मे भूयः सर्वेषां चोपजीविनाम्
1695	2028020a	वसिष्ठपुत्रं तु सुयज्ञमार्यं; त्वमानयाशु प्रवरं द्विजानाम्
1696	2028020c	अभिप्रयास्यामि वनं समस्ता;नभ्यर्च्य शिष्टानपरान्द्विजातीन्
1697	2029001a	ततः शासनमाज्ञाय भ्रातुः शुभतरं प्रियम्
1698	2029001c	गत्वा स प्रविवेशाशु सुयज्ञस्य निवेशनम्
1699	2029002a	तं विप्रमग्न्यगारस्थं वन्दित्वा लक्ष्मणोऽब्रवीत्
1700	2029002c	सखेऽभ्यागच्छ पश्य त्वं वेश्म दुष्करकारिणः
1701	2029003a	ततः संध्यामुपास्याशु गत्वा सौमित्रिणा सह
1702	2029003c	जुष्टं तत्प्राविशल्लक्ष्म्या रम्यं रामनिवेशनम्
1703	2029004a	तमागतं वेदविदं प्राञ्जलिः सीतया सह
1704	2029004c	सुयज्ञमभिचक्राम राघवोऽग्निमिवार्चितम्
1705	2029005a	जातरूपमयैर्मुख्यैरङ्गदैः कुण्डलैः शुभैः
1706	2029005c	सहेम सूत्रैर्मणिभिः केयूरैर्वलयैरपि
1707	2029006a	अन्यैश्च रत्नैर्बहुभिः काकुत्स्थः प्रत्यपूजयत्
1708	2029006c	सुयज्ञं स तदोवाच रामः सीताप्रचोदितः
1709	2029007a	हारं च हेमसूत्रं च भार्यायै सौम्य हारय
1710	2029007c	रशनां चाधुना सीता दातुमिच्छति ते सखे
1711	2029008a	पर्यङ्कमग्र्यास्तरणं नानारत्नविभूषितम्
1712	2029008c	तमपीच्छति वैदेही प्रतिष्ठापयितुं त्वयि
1713	2029009a	नागः शत्रुं जयो नाम मातुलो यं ददौ मम
1714	2029009c	तं ते गजसहस्रेण ददामि द्विजपुंगव
1715	2029010a	इत्युक्तः स हि रामेण सुयज्ञः प्रतिगृह्य तत्
1716	2029010c	रामलक्ष्मणसीतानां प्रयुयोजाशिषः शिवाः
1717	2029011a	अथ भ्रातरमव्यग्रं प्रियं रामः प्रियंवदः
1718	2029011c	सौमित्रिं तमुवाचेदं ब्रह्मेव त्रिदशेश्वरम्
1719	2029012a	अगस्त्यं कौशिकं चैव तावुभौ ब्राह्मणोत्तमौ
1720	2029012c	अर्चयाहूय सौमित्रे रत्नैः सस्यमिवाम्बुभिः
1721	2029013a	कौसल्यां च य आशीर्भिर्भक्तः पर्युपतिष्ठति
1722	2029013c	आचार्यस्तैत्तिरीयाणामभिरूपश्च वेदवित्
1723	2029014a	तस्य यानं च दासीश्च सौमित्रे संप्रदापय
1724	2029014c	कौशेयानि च वस्त्राणि यावत्तुष्यति स द्विजः
1725	2029015a	सूतश्चित्ररथश्चार्यः सचिवः सुचिरोषितः
1726	2029015c	तोषयैनं महार्हैश्च रत्नैर्वस्त्रैर्धनैस्तथा
1727	2029016a	शालिवाहसहस्रं च द्वे शते भद्रकांस्तथा
1728	2029016c	व्यञ्जनार्थं च सौमित्रे गोसहस्रमुपाकुरु
1729	2029017a	ततः स पुरुषव्याघ्रस्तद्धनं लक्ष्मणः स्वयम्
1730	2029017c	यथोक्तं ब्राह्मणेन्द्राणामददाद्धनदो यथा
1731	2029018a	अथाब्रवीद्बाष्पकलांस्तिष्ठतश्चोपजीविनः
1732	2029018c	संप्रदाय बहु द्रव्यमेकैकस्योपजीविनः
1733	2029019a	लक्ष्मणस्य च यद्वेश्म गृहं च यदिदं मम
1734	2029019c	अशून्यं कार्यमेकैकं यावदागमनं मम
1735	2029020a	इत्युक्त्वा दुःखितं सर्वं जनं तमुपजीविनम्
1736	2029020c	उवाचेदं धनध्यक्षं धनमानीयतामिति
1737	2029020e	ततोऽस्य धनमाजह्रुः सर्वमेवोपजीविनः
1738	2029021a	ततः स पुरुषव्याघ्रस्तद्धनं सहलक्ष्मणः
1739	2029021c	द्विजेभ्यो बालवृद्धेभ्यः कृपणेभ्योऽभ्यदापयत्
1740	2029022a	तत्रासीत्पिङ्गलो गार्ग्यस्त्रिजटो नाम वै द्विजः
1741	2029022c	आ पञ्चमायाः कक्ष्याया नैनं कश्चिदवारयत्
1742	2029023a	स राजपुत्रमासाद्य त्रिजटो वाक्यमब्रवीत्
1743	2029023c	निर्धनो बहुपुत्रोऽस्मि राजपुत्र महायशः
1744	2029023e	उञ्छवृत्तिर्वने नित्यं प्रत्यवेक्षस्व मामिति
1745	2029024a	तमुवाच ततो रामः परिहाससमन्वितम्
1746	2029024c	गवां सहस्रमप्येकं न तु विश्राणितं मया
1747	2029024e	परिक्षिपसि दण्डेन यावत्तावदवाप्स्यसि
1748	2029025a	स शाटीं त्वरितः कट्यां संभ्रान्तः परिवेष्ट्य ताम्
1749	2029025c	आविध्य दण्डं चिक्षेप सर्वप्राणेन वेगितः
1750	2029026a	उवाच च ततो रामस्तं गार्ग्यमभिसान्त्वयन्
1751	2029026c	मन्युर्न खलु कर्तव्यः परिहासो ह्ययं मम
1752	2029027a	ततः सभार्यस्त्रिजटो महामुनि;र्गवामनीकं प्रतिगृह्य मोदितः
1753	2029027c	यशोबलप्रीतिसुखोपबृंहिणी;स्तदाशिषः प्रत्यवदन्महात्मनः
1754	2030001a	दत्त्वा तु सह वैदेह्या ब्राह्मणेभ्यो धनं बहु
1755	2030001c	जग्मतुः पितरं द्रष्टुं सीतया सह राघवौ
1756	2030002a	ततो गृहीते दुष्प्रेक्ष्ये अशोभेतां तदायुधे
1757	2030002c	मालादामभिरासक्ते सीतया समलंकृते
1758	2030003a	ततः प्रासादहर्म्याणि विमानशिखराणि च
1759	2030003c	अधिरुह्य जनः श्रीमानुदासीनो व्यलोकयत्
1760	2030004a	न हि रथ्याः स्म शक्यन्ते गन्तुं बहुजनाकुलाः
1761	2030004c	आरुह्य तस्मात्प्रासादान्दीनाः पश्यन्ति राघवम्
1762	2030005a	पदातिं वर्जितच्छत्रं रामं दृष्ट्वा तदा जनाः
1763	2030005c	ऊचुर्बहुविधा वाचः शोकोपहतचेतसः
1764	2030006a	यं यान्तमनुयाति स्म चतुरङ्गबलं महत्
1765	2030006c	तमेकं सीतया सार्धमनुयाति स्म लक्ष्मणः
1766	2030007a	ऐश्वर्यस्य रसज्ञः सन्कामिनां चैव कामदः
1767	2030007c	नेच्छत्येवानृतं कर्तुं पितरं धर्मगौरवात्
1768	2030008a	या न शक्या पुरा द्रष्टुं भूतैराकाशगैरपि
1769	2030008c	तामद्य सीतां पश्यन्ति राजमार्गगता जनाः
1770	2030009a	अङ्गरागोचितां सीतां रक्तचन्दन सेविनीम्
1771	2030009c	वर्षमुष्णं च शीतं च नेष्यत्याशु विवर्णताम्
1772	2030010a	अद्य नूनं दशरथः सत्त्वमाविश्य भाषते
1773	2030010c	न हि राजा प्रियं पुत्रं विवासयितुमर्हति
1774	2030011a	निर्गुणस्यापि पुत्रस्या काथं स्याद्विप्रवासनम्
1775	2030011c	किं पुनर्यस्य लोकोऽयं जितो वृत्तेन केवलम्
1776	2030012a	आनृशंस्यमनुक्रोशः श्रुतं शीलं दमः शमः
1777	2030012c	राघवं शोभयन्त्येते षड्गुणाः पुरुषोत्तमम्
1778	2030013a	तस्मात्तस्योपघातेन प्रजाः परमपीडिताः
1779	2030013c	औदकानीव सत्त्वानि ग्रीष्मे सलिलसंक्षयात्
1780	2030014a	पीडया पीडितं सर्वं जगदस्य जगत्पतेः
1781	2030014c	मूलस्येवोपघातेन वृक्षः पुष्पफलोपगः
1782	2030015a	ते लक्ष्मण इव क्षिप्रं सपत्न्यः सहबान्धवाः
1783	2030015c	गच्छन्तमनुगच्छामो येन गच्छति राघवः
1784	2030016a	उद्यानानि परित्यज्य क्षेत्राणि च गृहाणि च
1785	2030016c	एकदुःखसुखा राममनुगच्छाम धार्मिकम्
1786	2030017a	समुद्धृतनिधानानि परिध्वस्ताजिराणि च
1787	2030017c	उपात्तधनधान्यानि हृतसाराणि सर्वशः
1788	2030018a	रजसाभ्यवकीर्णानि परित्यक्तानि दैवतैः
1789	2030018c	अस्मत्त्यक्तानि वेश्मानि कैकेयी प्रतिपद्यताम्
1790	2030019a	वनं नगरमेवास्तु येन गच्छति राघवः
1791	2030019c	अस्माभिश्च परित्यक्तं पुरं संपद्यतां वनम्
1792	2030020a	बिलानि दंष्ट्रिणः सर्वे सानूनि मृगपक्षिणः
1793	2030020c	अस्मत्त्यक्तं प्रपद्यन्तां सेव्यमानं त्यजन्तु च
1794	2030021a	इत्येवं विविधा वाचो नानाजनसमीरिताः
1795	2030021c	शुश्राव रामः श्रुत्वा च न विचक्रेऽस्य मानसं
1796	2030022a	प्रतीक्षमाणोऽभिजनं तदार्त;मनार्तरूपः प्रहसन्निवाथ
1797	2030022c	जगाम रामः पितरं दिदृक्षुः; पितुर्निदेशं विधिवच्चिकीर्षुः
1798	2030023a	तत्पूर्वमैक्ष्वाकसुतो महात्मा; रामो गमिष्यन्वनमार्तरूपम्
1799	2030023c	व्यतिष्ठत प्रेक्ष्य तदा सुमन्त्रं; पितुर्महात्मा प्रतिहारणार्थम्
1800	2030024a	पितुर्निदेशेन तु धर्मवत्सलो; वनप्रवेशे कृतबुद्धिनिश्चयः
1801	2030024c	स राघवः प्रेक्ष्य सुमन्त्रमब्रवी;न्निवेदयस्वागमनं नृपाय मे
1802	2031001a	स रामप्रेषितः क्षिप्रं संतापकलुषेन्द्रियः
1803	2031001c	प्रविश्य नृपतिं सूतो निःश्वसन्तं ददर्श ह
1804	2031002a	आलोक्य तु महाप्राज्ञः परमाकुल चेतसं
1805	2031002c	राममेवानुशोचन्तं सूतः प्राञ्जलिरासदत्
1806	2031003a	अयं स पुरुषव्याघ्र द्वारि तिष्ठति ते सुतः
1807	2031003c	ब्राह्मणेभ्यो धनं दत्त्वा सर्वं चैवोपजीविनाम्
1808	2031004a	स त्वा पश्यतु भद्रं ते रामः सत्यपराक्रमः
1809	2031004c	सर्वान्सुहृद आपृच्छ्य त्वामिदानीं दिदृक्षते
1810	2031005a	गमिष्यति महारण्यं तं पश्य जगतीपते
1811	2031005c	वृतं राजगुणैः सर्वैरादित्यमिव रश्मिभिः
1812	2031006a	स सत्यवादी धर्मात्मा गाम्भीर्यात्सागरोपमः
1813	2031006c	आकाश इव निष्पङ्को नरेन्द्रः प्रत्युवाच तम्
1814	2031007a	सुमन्त्रानय मे दारान्ये केचिदिह मामकाः
1815	2031007c	दारैः परिवृतः सर्वैर्द्रष्टुमिच्छामि राघवम्
1816	2031008a	सोऽन्तःपुरमतीत्यैव स्त्रियस्ता वाक्यमब्रवीत्
1817	2031008c	आर्यो ह्वयति वो राजा गम्यतां तत्र माचिरम्
1818	2031009a	एवमुक्ताः स्त्रियः सर्वाः सुमन्त्रेण नृपाज्ञया
1819	2031009c	प्रचक्रमुस्तद्भवनं भर्तुराज्ञाय शासनम्
1820	2031010a	अर्धसप्तशतास्तास्तु प्रमदास्ताम्रलोचनाः
1821	2031010c	कौसल्यां परिवार्याथ शनैर्जग्मुर्धृतव्रताः
1822	2031011a	आगतेषु च दारेषु समवेक्ष्य महीपतिः
1823	2031011c	उवाच राजा तं सूतं सुमन्त्रानय मे सुतम्
1824	2031012a	स सूतो राममादाय लक्ष्मणं मैथिलीं तदा
1825	2031012c	जगामाभिमुखस्तूर्णं सकाशं जगतीपतेः
1826	2031013a	स राजा पुत्रमायान्तं दृष्ट्वा दूरात्कृताञ्जलिम्
1827	2031013c	उत्पपातासनात्तूर्णमार्तः स्त्रीजनसंवृतः
1828	2031014a	सोऽभिदुद्राव वेगेन रामं दृष्ट्वा विशां पतिः
1829	2031014c	तमसंप्राप्य दुःखार्तः पपात भुवि मूर्छितः
1830	2031015a	तं रामोऽभ्यपातत्क्षिप्रं लक्ष्मणश्च महारथः
1831	2031015c	विसंज्ञमिव दुःखेन सशोकं नृपतिं तदा
1832	2031016a	स्त्रीसहस्रनिनादश्च संजज्ञे राजवेश्मनि
1833	2031016c	हाहा रामेति सहसा भूषणध्वनिमूर्छितः
1834	2031017a	तं परिष्वज्य बाहुभ्यां तावुभौ रामलक्ष्मणौ
1835	2031017c	पर्यङ्के सीतया सार्धं रुदन्तः समवेशयन्
1836	2031018a	अथ रामो मुहूर्तेन लब्धसंज्ञं महीपतिम्
1837	2031018c	उवाच प्राञ्जलिर्भूत्वा शोकार्णवपरिप्लुतम्
1838	2031019a	आपृच्छे त्वां महाराज सर्वेषामीश्वरोऽसि नः
1839	2031019c	प्रस्थितं दण्डकारण्यं पश्य त्वं कुशलेन माम्
1840	2031020a	लक्ष्मणं चानुजानीहि सीता चान्वेति मां वनम्
1841	2031020c	कारणैर्बहुभिस्तथ्यैर्वार्यमाणौ न चेच्छतः
1842	2031021a	अनुजानीहि सर्वान्नः शोकमुत्सृज्य मानद
1843	2031021c	लक्ष्मणं मां च सीतां च प्रजापतिरिव प्रजाः
1844	2031022a	प्रतीक्षमाणमव्यग्रमनुज्ञां जगतीपतेः
1845	2031022c	उवाच रर्जा संप्रेक्ष्य वनवासाय राघवम्
1846	2031023a	अहं राघव कैकेय्या वरदानेन मोहितः
1847	2031023c	अयोध्यायास्त्वमेवाद्य भव राजा निगृह्य माम्
1848	2031024a	एवमुक्तो नृपतिना रामो धर्मभृतां वरः
1849	2031024c	प्रत्युवाचाञ्जलिं कृत्वा पितरं वाक्यकोविदः
1850	2031025a	भवान्वर्षसहस्राय पृथिव्या नृपते पतिः
1851	2031025c	अहं त्वरण्ये वत्स्यामि न मे कार्यं त्वयानृतम्
1852	2031026a	श्रेयसे वृद्धये तात पुनरागमनाय च
1853	2031026c	गच्छस्वारिष्टमव्यग्रः पन्थानमकुतोभयम्
1854	2031027a	अद्य त्विदानीं रजनीं पुत्र मा गच्छ सर्वथा
1855	2031027c	मातरं मां च संपश्यन्वसेमामद्य शर्वरीम्
1856	2031027e	तर्पितः सर्वकामैस्त्वं श्वःकाले साधयिष्यसि
1857	2031028a	अथ रामस्तथा श्रुत्वा पितुरार्तस्य भाषितम्
1858	2031028c	लक्ष्मणेन सह भ्रात्रा दीनो वचनमब्रवीत्
1859	2031029a	प्राप्स्यामि यानद्य गुणान्को मे श्वस्तान्प्रदास्यति
1860	2031029c	अपक्रमणमेवातः सर्वकामैरहं वृणे
1861	2031030a	इयं सराष्ट्रा सजना धनधान्यसमाकुला
1862	2031030c	मया विसृष्टा वसुधा भरताय प्रदीयताम्
1863	2031031a	अपगच्छतु ते दुःखं मा भूर्बाष्पपरिप्लुतः
1864	2031031c	न हि क्षुभ्यति दुर्धर्षः समुद्रः सरितां पतिः
1865	2031032a	नैवाहं राज्यमिच्छामि न सुखं न च मैथिलीम्
1866	2031032c	त्वामहं सत्यमिच्छामि नानृतं पुरुषर्षभ
1867	2031033a	पुरं च राष्ट्रं च मही च केवला; मया निसृष्टा भरताय दीयताम्
1868	2031033c	अहं निदेशं भवतोऽनुपालय;न्वनं गमिष्यामि चिराय सेवितुम्
1869	2031034a	मया निसृष्टां भरतो महीमिमां; सशैलखण्डां सपुरां सकाननाम्
1870	2031034c	शिवां सुसीमामनुशास्तु केवलं; त्वया यदुक्तं नृपते यथास्तु तत्
1871	2031035a	न मे तथा पार्थिव धीयते मनो; महत्सु कामेषु न चात्मनः प्रिये
1872	2031035c	यथा निदेशे तव शिष्टसंमते; व्यपैतु दुःखं तव मत्कृतेऽनघ
1873	2031036a	तदद्य नैवानघ राज्यमव्ययं; न सर्वकामान्न सुखं न मैथिलीम्
1874	2031036c	न जीवितं त्वामनृतेन योजय;न्वृणीय सत्यं व्रतमस्तु ते तथा
1875	2031037a	फलानि मूलानि च भक्षयन्वने; गिरींश्च पश्यन्सरितः सरांसि च
1876	2031037c	वनं प्रविश्यैव विचित्रपादपं; सुखी भविष्यामि तवास्तु निर्वृतिः
1877	2032001a	ततः सुमन्त्रमैक्ष्वाकः पीडितोऽत्र प्रतिज्ञया
1878	2032001c	सबाष्पमतिनिःश्वस्य जगादेदं पुनः पुनः
1879	2032002a	सूत रत्नसुसंपूर्णा चतुर्विधबला चमूः
1880	2032002c	रागवस्यानुयात्रार्थं क्षिप्रं प्रतिविधीयताम्
1881	2032003a	रूपाजीवा च शालिन्यो वणिजश्च महाधनाः
1882	2032003c	शोभयन्तु कुमारस्य वाहिनीं सुप्रसारिताः
1883	2032004a	ये चैनमुपजीवन्ति रमते यैश्च वीर्यतः
1884	2032004c	तेषां बहुविधं दत्त्वा तानप्यत्र नियोजय
1885	2032005a	निघ्नन्मृगान्कुञ्जरांश्च पिबंश्चारण्यकं मधु
1886	2032005c	नदीश्च विविधाः पश्यन्न राज्यं संस्मरिष्यति
1887	2032006a	धान्यकोशश्च यः कश्चिद्धनकोशश्च मामकः
1888	2032006c	तौ राममनुगच्छेतां वसन्तं निर्जने वने
1889	2032007a	यजन्पुण्येषु देशेषु विसृजंश्चाप्तदक्षिणाः
1890	2032007c	ऋषिभिश्च समागम्य प्रवत्स्यति सुखं वने
1891	2032008a	भरतश्च महाबाहुरयोध्यां पालयिष्यति
1892	2032008c	सर्वकामैः पुनः श्रीमान्रामः संसाध्यतामिति
1893	2032009a	एवं ब्रुवति काकुत्स्थे कैकेय्या भयमागतम्
1894	2032009c	मुखं चाप्यगमाच्छेषं स्वरश्चापि न्यरुध्यत
1895	2032010a	सा विषण्णा च संत्रस्ता कैकेयी वाक्यमब्रवीत्
1896	2032010c	राज्यं गतजनं साधो पीतमण्डां सुरामिव
1897	2032010e	निरास्वाद्यतमं शून्यं भरतो नाभिपत्स्यते
1898	2032011a	कैकेय्यां मुक्तलज्जायां वदन्त्यामतिदारुणम्
1899	2032011c	राजा दशरथो वाक्यमुवाचायतलोचनाम्
1900	2032011e	वहन्तं किं तुदसि मां नियुज्य धुरि माहिते
1901	2032012a	कैकेयी द्विगुणं क्रुद्धा राजानमिदमब्रवीत्
1902	2032012c	तवैव वंशे सगरो ज्येष्ठं पुत्रमुपारुधत्
1903	2032012e	असमञ्ज इति ख्यातं तथायं गन्तुमर्हति
1904	2032013a	एवमुक्तो धिगित्येव राजा दशरथोऽब्रवीत्
1905	2032013c	व्रीडितश्च जनः सर्वः सा च तन्नावबुध्यत
1906	2032014a	तत्र वृद्धो महामात्रः सिद्धार्थो नाम नामतः
1907	2032014c	शुचिर्बहुमतो राज्ञः कैकेयीमिदमब्रवीत्
1908	2032015a	असमञ्जो गृहीत्वा तु क्रीडितः पथि दारकान्
1909	2032015c	सरय्वाः प्रक्षिपन्नप्सु रमते तेन दुर्मतिः
1910	2032016a	तं दृष्ट्वा नागरः सर्वे क्रुद्धा राजानमब्रुवन्
1911	2032016c	असमञ्जं वृषीण्वैकमस्मान्वा राष्ट्रवर्धन
1912	2032017a	तानुवाच ततो राजा किंनिमित्तमिदं भयम्
1913	2032017c	ताश्चापि राज्ञा संपृष्टा वाक्यं प्रकृतयोऽब्रुवन्
1914	2032018a	क्रीडितस्त्वेष नः पुत्रान्बालानुद्भ्रान्तचेतनः
1915	2032018c	सरय्वां प्रक्षिपन्मौर्ख्यादतुलां प्रीतिमश्नुते
1916	2032019a	स तासां वचनं श्रुत्वा प्रकृतीनां नराधिप
1917	2032019c	तं तत्याजाहितं पुत्रं तासां प्रियचिकीर्षया
1918	2032020a	इत्येवमत्यजद्राजा सगरो वै सुधार्मिकः
1919	2032020c	रामः किमकरोत्पापं येनैवमुपरुध्यते
1920	2032021a	श्रुत्वा तु सिद्धार्थवचो राजा श्रान्ततरस्वनः
1921	2032021c	शोकोपहतया वाचा कैकेयीमिदमब्रवीत्
1922	2032022a	अनुव्रजिष्याम्यहमद्य रामं; राज्यं परित्यज्य सुखं धनं च
1923	2032022c	सहैव राज्ञा भरतेन च त्वं; यथा सुखं भुङ्क्ष्व चिराय राज्यम्
1924	2033001a	महामात्रवचः श्रुत्वा रामो दशरथं तदा
1925	2033001c	अन्वभाषत वाक्यं तु विनयज्ञो विनीतवत्
1926	2033002a	त्यक्तभोगस्य मे राजन्वने वन्येन जीवतः
1927	2033002c	किं कार्यमनुयात्रेण त्यक्तसङ्गस्य सर्वतः
1928	2033003a	यो हि दत्त्वा द्विपश्रेष्ठं कक्ष्यायां कुरुते मनः
1929	2033003c	रज्जुस्नेहेन किं तस्य त्यजतः कुञ्जरोत्तमम्
1930	2033004a	तथा मम सतां श्रेष्ठ किं ध्वजिन्या जगत्पते
1931	2033004c	सर्वाण्येवानुजानामि चीराण्येवानयन्तु मे
1932	2033005a	खनित्रपिटके चोभे ममानयत गच्छतः
1933	2033005c	चतुर्दश वने वासं वर्षाणि वसतो मम
1934	2033006a	अथ चीराणि कैकेयी स्वयमाहृत्य राघवम्
1935	2033006c	उवाच परिधत्स्वेति जनौघे निरपत्रपा
1936	2033007a	स चीरे पुरुषव्याघ्रः कैकेय्याः प्रतिगृह्य ते
1937	2033007c	सूक्ष्मवस्त्रमवक्षिप्य मुनिवस्त्राण्यवस्त ह
1938	2033008a	लक्ष्मणश्चापि तत्रैव विहाय वसने शुभे
1939	2033008c	तापसाच्छादने चैव जग्राह पितुरग्रतः
1940	2033009a	अथात्मपरिधानार्थं सीता कौशेयवासिनी
1941	2033009c	समीक्ष्य चीरं संत्रस्ता पृषती वागुरामिव
1942	2033010a	सा व्यपत्रपमाणेव प्रतिगृह्य च दुर्मनाः
1943	2033010c	गन्धर्वराजप्रतिमं भर्तारमिदमब्रवीत्
1944	2033010e	कथं नु चीरं बध्नन्ति मुनयो वनवासिनः
1945	2033011a	कृत्वा कण्ठे च सा चीरमेकमादाय पाणिना
1946	2033011c	तस्थौ ह्यकुषला तत्र व्रीडिता जनकात्मज
1947	2033012a	तस्यास्तत्क्षिप्रमागम्य रामो धर्मभृतां वरः
1948	2033012c	चीरं बबन्ध सीतायाः कौशेयस्योपरि स्वयम्
1949	2033013a	तस्यां चीरं वसानायां नाथवत्यामनाथवत्
1950	2033013c	प्रचुक्रोश जनः सर्वो धिक्त्वां दशरथं त्विति
1951	2033014a	स निःश्वस्योष्णमैक्ष्वाकस्तां भार्यामिदमब्रवीत्
1952	2033014c	कैकेयि कुशचीरेण न सीता गन्तुमर्हति
1953	2033015a	ननु पर्याप्तमेतत्ते पापे रामविवासनम्
1954	2033015c	किमेभिः कृपणैर्भूयः पातकैरपि ते कृतैः
1955	2033016a	एवं ब्रुवन्तं पितरं रामः संप्रस्थितो वनम्
1956	2033016c	अवाक्शिरसमासीनमिदं वचनमब्रवीत्
1957	2033017a	इयं धार्मिक कौसल्या मम माता यशस्विनी
1958	2033017c	वृद्धा चाक्षुद्रशीला च न च त्वां देवगर्हिते
1959	2033018a	मया विहीनां वरद प्रपन्नां शोकसागरम्
1960	2033018c	अदृष्टपूर्वव्यसनां भूयः संमन्तुमर्हसि
1961	2033019a	इमां महेन्द्रोपमजातगर्भिणीं; तथा विधातुं जनमीं ममार्हसि
1962	2033019c	यथा वनस्थे मयि शोककर्शिता; न जीवितं न्यस्य यमक्षयं व्रजेत्
1963	2034001a	रामस्य तु वचः श्रुत्वा मुनिवेषधरं च तम्
1964	2034001c	समीक्ष्य सह भार्याभी राजा विगतचेतनः
1965	2034002a	नैनं दुःखेन संतप्तः प्रत्यवैक्षत राघवम्
1966	2034002c	न चैनमभिसंप्रेक्ष्य प्रत्यभाषत दुर्मनाः
1967	2034003a	स मुहूर्तमिवासंज्ञो दुःखितश्च महीपतिः
1968	2034003c	विललाप महाबाहू राममेवानुचिन्तयन्
1969	2034004a	मन्ये खलु मया पूर्वं विवत्सा बहवः कृताः
1970	2034004c	प्राणिनो हिंसिता वापि तस्मादिदमुपस्थितम्
1971	2034005a	न त्वेवानागते काले देहाच्च्यवति जीवितम्
1972	2034005c	कैकेय्या क्लिश्यमानस्य मृत्युर्मम न विद्यते
1973	2034006a	योऽहं पावकसंकाशं पश्यामि पुरतः स्थितम्
1974	2034006c	विहाय वसने सूक्ष्मे तापसाच्छादमात्मजम्
1975	2034007a	एकस्याः खलु कैकेय्याः कृतेऽयं क्लिश्यते जनः
1976	2034007c	स्वार्थे प्रयतमानायाः संश्रित्य निकृतिं त्विमाम्
1977	2034008a	एवमुक्त्वा तु वचनं बाष्पेण पिहितेक्ष्णह
1978	2034008c	रामेति सकृदेवोक्त्वा व्याहर्तुं न शशाक ह
1979	2034009a	संज्ञां तु प्रतिलभ्यैव मुहूर्तात्स महीपतिः
1980	2034009c	नेत्राभ्यामश्रुपूर्णाभ्यां सुमन्त्रमिदमब्रवीत्
1981	2034010a	औपवाह्यं रथं युक्त्वा त्वमायाहि हयोत्तमैः
1982	2034010c	प्रापयैनं महाभागमितो जनपदात्परम्
1983	2034011a	एवं मन्ये गुणवतां गुणानां फलमुच्यते
1984	2034011c	पित्रा मात्रा च यत्साधुर्वीरो निर्वास्यते वनम्
1985	2034012a	राज्ञो वचनमाज्ञाय सुमन्त्रः शीघ्रविक्रमः
1986	2034012c	योजयित्वाययौ तत्र रथमश्वैरलंकृतम्
1987	2034013a	तं रथं राजपुत्राय सूतः कनकभूषितम्
1988	2034013c	आचचक्षेऽञ्जलिं कृत्वा युक्तं परमवाजिभिः
1989	2034014a	राजा सत्वरमाहूय व्यापृतं वित्तसंचये
1990	2034014c	उवाच देशकालज्ञो निश्चितं सर्वतः शुचि
1991	2034015a	वासांसि च महार्हाणि भूषणानि वराणि च
1992	2034015c	वर्षाण्येतानि संख्याय वैदेह्याः क्षिप्रमानय
1993	2034016a	नरेन्द्रेणैवमुक्तस्तु गत्वा कोशगृहं ततः
1994	2034016c	प्रायच्छत्सर्वमाहृत्य सीतायै क्षिप्रमेव तत्
1995	2034017a	सा सुजाता सुजातानि वैदेही प्रस्थिता वनम्
1996	2034017c	भूषयामास गात्राणि तैर्विचित्रैर्विभूषणैः
1997	2034018a	व्यराजयत वैदेही वेश्म तत्सुविभूषिता
1998	2034018c	उद्यतोंऽशुमतः काले खं प्रभेव विवस्वतः
1999	2034019a	तां भुजाभ्यां परिष्वज्य श्वश्रूर्वचनमब्रवीत्
2000	2034019c	अनाचरन्तीं कृपणं मूध्न्युपाघ्राय मैथिलीम्
2001	2034020a	असत्यः सर्वलोकेऽस्मिन्सततं सत्कृताः प्रियैः
2002	2034020c	भर्तारं नानुमन्यन्ते विनिपातगतं स्त्रियः
2003	2034021a	स त्वया नावमन्तव्यः पुत्रः प्रव्राजितो मम
2004	2034021c	तव दैवतमस्त्वेष निर्धनः सधनोऽपि वा
2005	2034022a	विज्ञाय वचनं सीता तस्या धर्मार्थसंहितम्
2006	2034022c	कृताञ्जलिरुवाचेदं श्वश्रूमभिमुखे स्थिता
2007	2034023a	करिष्ये सर्वमेवाहमार्या यदनुशास्ति माम्
2008	2034023c	अभिज्ञास्मि यथा भर्तुर्वर्तितव्यं श्रुतं च मे
2009	2034024a	न मामसज्जनेनार्या समानयितुमर्हति
2010	2034024c	धर्माद्विचलितुं नाहमलं चन्द्रादिव प्रभा
2011	2034025a	नातन्त्री वाद्यते वीणा नाचक्रो वर्तते रथः
2012	2034025c	नापतिः सुखमेधते या स्यादपि शतात्मजा
2013	2034026a	मितं ददाति हि पिता मितं माता मितं सुतः
2014	2034026c	अमितस्य हि दातारं भर्तारं का न पूजयेत्
2015	2034027a	साहमेवंगता श्रेष्ठा श्रुतधर्मपरावरा
2016	2034027c	आर्ये किमवमन्येयं स्त्रीणां भर्ता हि दैवतम्
2017	2034028a	सीताया वचनं श्रुत्वा कौसल्या हृदयंगमम्
2018	2034028c	शुद्धसत्त्वा मुमोचाश्रु सहसा दुःखहर्षजम्
2019	2034029a	तां प्राञ्जलिरभिक्रम्य मातृमध्येऽतिसत्कृताम्
2020	2034029c	रामः परमधर्मज्ञो मातरं वाक्यमब्रवीत्
2021	2034030a	अम्ब मा दुःखिता भूस्त्वं पश्य त्वं पितरं मम
2022	2034030c	क्षयो हि वनवासस्य क्षिप्रमेव भविष्यति
2023	2034031a	सुप्तायास्ते गमिष्यन्ति नववर्षाणि पञ्च च
2024	2034031c	सा समग्रमिह प्राप्तं मां द्रक्ष्यसि सुहृद्वृतम्
2025	2034032a	एतावदभिनीतार्थमुक्त्वा स जननीं वचः
2026	2034032c	त्रयः शतशतार्धा हि ददर्शावेक्ष्य मातरः
2027	2034033a	ताश्चापि स तथैवार्ता मातॄर्दशरथात्मजः
2028	2034033c	धर्मयुक्तमिदं वाक्यं निजगाद कृताञ्जलिः
2029	2034034a	संवासात्परुषं किंचिदज्ञानाद्वापि यत्कृतम्
2030	2034034c	तन्मे समनुजानीत सर्वाश्चामन्त्रयामि वः
2031	2034035a	जज्ञेऽथ तासां संनादः क्रौञ्चीनामिव निःस्वनः
2032	2034035c	मानवेन्द्रस्य भार्याणामेवं वदति राघवे
2033	2034036a	मुरजपणवमेघघोषव;द्दशरथवेश्म बभूव यत्पुरा
2034	2034036c	विलपित परिदेवनाकुलं; व्यसनगतं तदभूत्सुदुःखितम्
2035	2035001a	अथ रामश्च सीता च लक्ष्मणश्च कृताञ्जलिः
2036	2035001c	उपसंगृह्य राजानं चक्रुर्दीनाः प्रदक्षिणम्
2037	2035002a	तं चापि समनुज्ञाप्य धर्मज्ञः सीतया सह
2038	2035002c	राघवः शोकसंमूढो जननीमभ्यवादयत्
2039	2035003a	अन्वक्षं लक्ष्मणो भ्रातुः कौसल्यामभ्यवादयत्
2040	2035003c	अथ मातुः सुमित्राया जग्राह चरणौ पुनः
2041	2035004a	तं वन्दमानं रुदती माता सौमित्रिमब्रवीत्
2042	2035004c	हितकामा महाबाहुं मूर्ध्न्युपाघ्राय लक्ष्मणम्
2043	2035005a	सृष्टस्त्वं वनवासाय स्वनुरक्तः सुहृज्जने
2044	2035005c	रामे प्रमादं मा कार्षीः पुत्र भ्रातरि गच्छति
2045	2035006a	व्यसनी वा समृद्धो वा गतिरेष तवानघ
2046	2035006c	एष लोके सतां धर्मो यज्ज्येष्ठवशगो भवेत्
2047	2035007a	इदं हि वृत्तमुचितं कुलस्यास्य सनातनम्
2048	2035007c	दानं दीक्षा च यज्ञेषु तनुत्यागो मृधेषु च
2049	2035008a	रामं दशरथं विद्धि मां विद्धि जनकात्मजाम्
2050	2035008c	अयोध्यामटवीं विद्धि गच्छ तात यथासुखम्
2051	2035009a	ततः सुमन्त्रः काकुत्स्थं प्राञ्जलिर्वाक्यमब्रवीत्
2052	2035009c	विनीतो विनयज्ञश्च मातलिर्वासवं यथा
2053	2035010a	रथमारोह भद्रं ते राजपुत्र महायशः
2054	2035010c	क्षिप्रं त्वां प्रापयिष्यामि यत्र मां राम वक्ष्यसि
2055	2035011a	चतुर्दश हि वर्षाणि वस्तव्यानि वने त्वया
2056	2035011c	तान्युपक्रमितव्यानि यानि देव्यासि चोदितः
2057	2035012a	तं रथं सूर्यसंकाशं सीता हृष्टेन चेतसा
2058	2035012c	आरुरोह वरारोहा कृत्वालंकारमात्मनः
2059	2035013a	तथैवायुधजातानि भ्रातृभ्यां कवचानि च
2060	2035013c	रथोपस्थे प्रतिन्यस्य सचर्मकठिनं च तत्
2061	2035014a	सीतातृतीयानारूढान्दृष्ट्वा धृष्टमचोदयत्
2062	2035014c	सुमन्त्रः संमतानश्वान्वायुवेगसमाञ्जवे
2063	2035015a	प्रयाते तु महारण्यं चिररात्राय राघवे
2064	2035015c	बभूव नगरे मूर्च्छा बलमूर्च्छा जनस्य च
2065	2035016a	तत्समाकुलसंभ्रान्तं मत्तसंकुपित द्विपम्
2066	2035016c	हयशिञ्जितनिर्घोषं पुरमासीन्महास्वनम्
2067	2035017a	ततः सबालवृद्धा सा पुरी परमपीडिता
2068	2035017c	राममेवाभिदुद्राव घर्मार्तः सलिलं यथा
2069	2035018a	पार्श्वतः पृष्ठतश्चापि लम्बमानास्तदुन्मुखाः
2070	2035018c	बाष्पपूर्णमुखाः सर्वे तमूचुर्भृशदुःखिताः
2071	2035019a	संयच्छ वाजिनां रश्मीन्सूत याहि शनैः शनैः
2072	2035019c	मुखं द्रक्ष्यामि रामस्य दुर्दर्शं नो भविष्यति
2073	2035020a	आयसं हृदयं नूनं राममातुरसंशयम्
2074	2035020c	यद्देवगर्भप्रतिमे वनं याति न भिद्यते
2075	2035021a	कृतकृत्या हि वैदेही छायेवानुगता पतिम्
2076	2035021c	न जहाति रता धर्मे मेरुमर्कप्रभा यथा
2077	2035022a	अहो लक्ष्मण सिद्धार्थः सततां प्रियवादिनम्
2078	2035022c	भ्रातरं देवसंकाशं यस्त्वं परिचरिष्यसि
2079	2035023a	महत्येषा हि ते सिद्धिरेष चाभ्युदयो महान्
2080	2035023c	एष स्वर्गस्य मार्गश्च यदेनमनुगच्छसि
2081	2035023e	एवं वदन्तस्ते सोढुं न शेकुर्बाष्पमागतम्
2082	2035024a	अथ राजा वृतः स्त्रीभिर्दीनाभिर्दीनचेतनः
2083	2035024c	निर्जगाम प्रियं पुत्रं द्रक्ष्यामीति ब्रुवन्गृहात्
2084	2035025a	शुश्रुवे चाग्रतः स्त्रीणां रुदन्तीनां महास्वनः
2085	2035025c	यथा नादः करेणूनां बद्धे महति कुञ्जरे
2086	2035026a	पिता च राजा काकुत्स्थः श्रीमान्सन्नस्तदा बभौ
2087	2035026c	परिपूर्णः शशी काले ग्रहेणोपप्लुतो यथा
2088	2035027a	ततो हलहलाशब्दो जज्ञे रामस्य पृष्ठतः
2089	2035027c	नराणां प्रेक्ष्य राजानं सीदन्तं भृशदुःखितम्
2090	2035028a	हा रामेति जनाः केचिद्राममातेति चापरे
2091	2035028c	अन्तःपुरं समृद्धं च क्रोशन्तं पर्यदेवयन्
2092	2035029a	अन्वीक्षमाणो रामस्तु विषण्णं भ्रान्तचेतसं
2093	2035029c	राजानं मातरं चैव ददर्शानुगतौ पथि
2094	2035029e	धर्मपाशेन संक्षिप्तः प्रकाशं नाभ्युदैक्षत
2095	2035030a	पदातिनौ च यानार्हावदुःखार्हौ सुखोचितौ
2096	2035030c	दृष्ट्वा संचोदयामास शीघ्रं याहीति सारथिम्
2097	2035031a	न हि तत्पुरुषव्याघ्रो दुःखदं दर्शनं पितुः
2098	2035031c	मातुश्च सहितुं शक्तस्तोत्रार्दित इव द्विपः
2099	2035032a	तथा रुदन्तीं कौसल्यां रथं तमनुधावतीम्
2100	2035032c	क्रोशन्तीं राम रामेति हा सीते लक्ष्मणेति च
2101	2035032e	असकृत्प्रैक्षत तदा नृत्यन्तीमिव मातरम्
2102	2035033a	तिष्ठेति राजा चुक्रोष याहि याहीति राघवः
2103	2035033c	सुमन्त्रस्य बभूवात्मा चक्रयोरिव चान्तरा
2104	2035034a	नाश्रौषमिति राजानमुपालब्धोऽपि वक्ष्यसि
2105	2035034c	चिरं दुःखस्य पापिष्ठमिति रामस्तमब्रवीत्
2106	2035035a	रामस्य स वचः कुर्वन्ननुज्ञाप्य च तं जनम्
2107	2035035c	व्रजतोऽपि हयाञ्शीघ्रं चोदयामास सारथिः
2108	2035036a	न्यवर्तत जनो राज्ञो रामं कृत्वा प्रदक्षिणम्
2109	2035036c	मनसाप्यश्रुवेगैश्च न न्यवर्तत मानुषम्
2110	2035037a	यमिच्छेत्पुनरायान्तं नैनं दूरमनुव्रजेत्
2111	2035037c	इत्यमात्या महाराजमूचुर्दशरथं वचः
2112	2035038a	तेषां वचः सर्वगुणोपपन्नं; प्रस्विन्नगात्रः प्रविषण्णरूपः
2113	2035038c	निशम्य राजा कृपणः सभार्यो; व्यवस्थितस्तं सुतमीक्षमाणः
2114	2036001a	तस्मिंस्तु पुरुषव्याघ्रे निष्क्रामति कृताञ्जलौ
2115	2036001c	आर्तशब्दो हि संजज्ञे स्त्रीणामन्तःपुरे महान्
2116	2036002a	अनाथस्य जनस्यास्य दुर्बलस्य तपस्विनः
2117	2036002c	यो गतिं शरणं चासीत्स नाथः क्व नु गच्छति
2118	2036003a	न क्रुध्यत्यभिशस्तोऽपि क्रोधनीयानि वर्जयन्
2119	2036003c	क्रुद्धान्प्रसादयन्सर्वान्समदुःखः क्व गच्छति
2120	2036004a	कौसल्यायां महातेजा यथा मातरि वर्तते
2121	2036004c	तथा यो वर्ततेऽस्मासु महात्मा क्व नु गच्छति
2122	2036005a	कैकेय्या क्लिश्यमानेन राज्ञा संचोदितो वनम्
2123	2036005c	परित्राता जनस्यास्य जगतः क्व नु गच्छति
2124	2036006a	अहो निश्चेतनो राजा जीवलोकस्य संप्रियम्
2125	2036006c	धर्म्यं सत्यव्रतं रामं वनवासो प्रवत्स्यति
2126	2036007a	इति सर्वा महिष्यस्ता विवत्सा इव धेनवः
2127	2036007c	रुरुदुश्चैव दुःखार्ताः सस्वरं च विचुक्रुशुः
2128	2036008a	स तमन्तःपुरे घोरमार्तशब्दं महीपतिः
2129	2036008c	पुत्रशोकाभिसंतप्तः श्रुत्वा चासीत्सुदुःखितः
2130	2036009a	नाग्निहोत्राण्यहूयन्त सूर्यश्चान्तरधीयत
2131	2036009c	व्यसृजन्कवलान्नागा गावो वत्सान्न पाययन्
2132	2036010a	त्रिशङ्कुर्लोहिताङ्गश्च बृहस्पतिबुधावपि
2133	2036010c	दारुणाः सोममभ्येत्य ग्रहाः सर्वे व्यवस्थिताः
2134	2036011a	नक्षत्राणि गतार्चींषि ग्रहाश्च गततेजसः
2135	2036011c	विशाखाश्च सधूमाश्च नभसि प्रचकाशिरे
2136	2036012a	अकस्मान्नागरः सर्वो जनो दैन्यमुपागमत्
2137	2036012c	आहारे वा विहारे वा न कश्चिदकरोन्मनः
2138	2036013a	बाष्पपर्याकुलमुखो राजमार्गगतो जनः
2139	2036013c	न हृष्टो लक्ष्यते कश्चित्सर्वः शोकपरायणः
2140	2036014a	न वाति पवनः शीतो न शशी सौम्यदर्शनः
2141	2036014c	न सूर्यस्तपते लोकं सर्वं पर्याकुलं जगत्
2142	2036015a	अनर्थिनः सुताः स्त्रीणां भर्तारो भ्रातरस्तथा
2143	2036015c	सर्वे सर्वं परित्यज्य राममेवान्वचिन्तयन्
2144	2036016a	ये तु रामस्य सुहृदः सर्वे ते मूढचेतसः
2145	2036016c	शोकभारेण चाक्रान्ताः शयनं न जुहुस्तदा
2146	2036017a	ततस्त्वयोध्या रहिता महात्मना; पुरंदरेणेव मही सपर्वता
2147	2036017c	चचाल घोरं भयभारपीडिता; सनागयोधाश्वगणा ननाद च
2148	2037001a	यावत्तु निर्यतस्तस्य रजोरूपमदृश्यत
2149	2037001c	नैवेक्ष्वाकुवरस्तावत्संजहारात्मचक्षुषी
2150	2037002a	यावद्राजा प्रियं पुत्रं पश्यत्यत्यन्तधार्मिकम्
2151	2037002c	तावद्व्यवर्धतेवास्य धरण्यां पुत्रदर्शने
2152	2037003a	न पश्यति रजोऽप्यस्य यदा रामस्य भूमिपः
2153	2037003c	तदार्तश्च विषण्णश्च पपात धरणीतले
2154	2037004a	तस्य दक्षिणमन्वगात्कौसल्या बाहुमङ्गना
2155	2037004c	वामं चास्यान्वगात्पार्श्वं कैकेयी भरतप्रिया
2156	2037005a	तां नयेन च संपन्नो धर्मेण निवयेन च
2157	2037005c	उवाच राजा कैकेयीं समीक्ष्य व्यथितेन्द्रियः
2158	2037006a	कैकेयि मा ममाङ्गानि स्प्राक्षीस्त्वं दुष्टचारिणी
2159	2037006c	न हि त्वां द्रष्टुमिच्छामि न भार्या न च बान्धवी
2160	2037007a	ये च त्वामुपजीवन्ति नाहं तेषां न ते मम
2161	2037007c	केवलार्थपरां हि त्वां त्यक्तधर्मां त्यजाम्यहम्
2162	2037008a	अगृह्णां यच्च ते पाणिमग्निं पर्यणयं च यत्
2163	2037008c	अनुजानामि तत्सर्वमस्मिँल्लोके परत्र च
2164	2037009a	भरतश्चेत्प्रतीतः स्याद्राज्यं प्राप्येदमव्ययम्
2165	2037009c	यन्मे स दद्यात्पित्रर्थं मा मा तद्दत्तमागमत्
2166	2037010a	अथ रेणुसमुध्वस्तं तमुत्थाप्य नराधिपम्
2167	2037010c	न्यवर्तत तदा देवी कौसल्या शोककर्शिता
2168	2037011a	हत्वेव ब्राह्मणं कामात्स्पृष्ट्वाग्निमिव पाणिना
2169	2037011c	अन्वतप्यत धर्मात्मा पुत्रं संचिन्त्य तापसं
2170	2037012a	निवृत्यैव निवृत्यैव सीदतो रथवर्त्मसु
2171	2037012c	राज्ञो नातिबभौ रूपं ग्रस्तस्यांशुमतो यथा
2172	2037013a	विललाप च दुःखार्तः प्रियं पुत्रमनुस्मरन्
2173	2037013c	नगरान्तमनुप्राप्तं बुद्ध्वा पुत्रमथाब्रवीत्
2174	2037014a	वाहनानां च मुख्यानां वहतां तं ममात्मजम्
2175	2037014c	पदानि पथि दृश्यन्ते स महात्मा न दृश्यते
2176	2037015a	स नूनं क्वचिदेवाद्य वृक्षमूलमुपाश्रितः
2177	2037015c	काष्ठं वा यदि वाश्मानमुपधाय शयिष्यते
2178	2037016a	उत्थास्यति च मेदिन्याः कृपणः पांशुगुण्ठितः
2179	2037016c	विनिःश्वसन्प्रस्रवणात्करेणूनामिवर्षभः
2180	2037017a	द्रक्ष्यन्ति नूनं पुरुषा दीर्घबाहुं वनेचराः
2181	2037017c	राममुत्थाय गच्छन्तं लोकनाथमनाथवत्
2182	2037018a	सकामा भव कैकेयि विधवा राज्यमावस
2183	2037018c	न हि तं पुरुषव्याघ्रं विना जीवितुमुत्सहे
2184	2037019a	इत्येवं विलपन्राजा जनौघेनाभिसंवृतः
2185	2037019c	अपस्नात इवारिष्टं प्रविवेश पुरोत्तमम्
2186	2037020a	शून्यचत्वरवेश्मान्तां संवृतापणदेवताम्
2187	2037020c	क्लान्तदुर्बलदुःखार्तां नात्याकीर्णमहापथाम्
2188	2037021a	तामवेक्ष्य पुरीं सर्वां राममेवानुचिन्तयन्
2189	2037021c	विलपन्प्राविशद्राजा गृहं सूर्य इवाम्बुदम्
2190	2037022a	महाह्रदमिवाक्षोभ्यं सुपर्णेन हृतोरगम्
2191	2037022c	रामेण रहितं वेश्म वैदेह्या लक्ष्मणेन च
2192	2037023a	कौसल्याया गृहं शीघ्रं राम मातुर्नयन्तु माम्
2193	2037023c	इति ब्रुवन्तं राजानमनयन्द्वारदर्शितः
2194	2037024a	ततस्तत्र प्रविष्टस्य कौसल्याया निवेशनम्
2195	2037024c	अधिरुह्यापि शयनं बभूव लुलितं मनः
2196	2037025a	तच्च दृष्ट्वा महाराजो भुजमुद्यम्य वीर्यवान्
2197	2037025c	उच्चैः स्वरेण चुक्रोश हा राघव जहासि माम्
2198	2037026a	सुखिता बत तं कालं जीविष्यन्ति नरोत्तमाः
2199	2037026c	परिष्वजन्तो ये रामं द्रक्ष्यन्ति पुनरागतम्
2200	2037027a	न त्वां पश्यामि कौसल्ये साधु मां पाणिना स्पृश
2201	2037027c	रामं मेऽनुगता दृष्टिरद्यापि न निवर्तते
2202	2037028a	तं राममेवानुविचिन्तयन्तं; समीक्ष्य देवी शयने नरेन्द्रम्
2203	2037028c	उपोपविश्याधिकमार्तरूपा; विनिःश्वसन्ती विललाप कृच्छ्रं
2204	2038001a	ततः समीक्ष्य शयने सन्नं शोकेन पार्थिवम्
2205	2038001c	कौसल्या पुत्रशोकार्ता तमुवाच महीपतिम्
2206	2038002a	राघवो नरशार्दूल विषमुप्त्वा द्विजिह्ववत्
2207	2038002c	विचरिष्यति कैकेयी निर्मुक्तेव हि पन्नगी
2208	2038003a	विवास्य रामं सुभगा लब्धकामा समाहिता
2209	2038003c	त्रासयिष्यति मां भूयो दुष्टाहिरिव वेश्मनि
2210	2038004a	अथ स्म नगरे रामश्चरन्भैक्षं गृहे वसेत्
2211	2038004c	कामकारो वरं दातुमपि दासं ममात्मजम्
2212	2038005a	पातयित्वा तु कैकेय्या रामं स्थानाद्यथेष्टतः
2213	2038005c	प्रदिष्टो रक्षसां भागः पर्वणीवाहिताग्निना
2214	2038006a	गजराजगतिर्वीरो महाबाहुर्धनुर्धरः
2215	2038006c	वनमाविशते नूनं सभार्यः सहलक्ष्मणः
2216	2038007a	वने त्वदृष्टदुःखानां कैकेय्यानुमते त्वया
2217	2038007c	त्यक्तानां वनवासाय का न्ववस्था भविष्यति
2218	2038008a	ते रत्नहीनास्तरुणाः फलकाले विवासिताः
2219	2038008c	कथं वत्स्यन्ति कृपणाः फलमूलैः कृताशनाः
2220	2038009a	अपीदानीं स कालः स्यान्मम शोकक्षयः शिवः
2221	2038009c	सभार्यं यत्सह भ्रात्रा पश्येयमिह राघवम्
2222	2038010a	श्रुत्वैवोपस्थितौ वीरौ कदायोध्या भविष्यति
2223	2038010c	यशस्विनी हृष्टजना सूच्छ्रितध्वजमालिनी
2224	2038011a	कदा प्रेक्ष्य नरव्याघ्रावरण्यात्पुनरागतौ
2225	2038011c	नन्दिष्यति पुरी हृष्टा समुद्र इव पर्वणि
2226	2038012a	कदायोध्यां महाबाहुः पुरीं वीरः प्रवेक्ष्यति
2227	2038012c	पुरस्कृत्य रथे सीतां वृषभो गोवधूमिव
2228	2038013a	कदा प्राणिसहस्राणि राजमार्गे ममात्मजौ
2229	2038013c	लाजैरवकरिष्यन्ति प्रविशन्तावरिंदमौ
2230	2038014a	कदा सुमनसः कन्या द्विजातीनां फलानि च
2231	2038014c	प्रदिशन्त्यः पुरीं हृष्टाः करिष्यन्ति प्रदक्षिणम्
2232	2038015a	कदा परिणतो बुद्ध्या वयसा चामरप्रभः
2233	2038015c	अभ्युपैष्यति धर्मज्ञस्त्रिवर्ष इव मां ललन्
2234	2038016a	निःसंशयं मया मन्ये पुरा वीर कदर्यया
2235	2038016c	पातु कामेषु वत्सेषु मातॄणां शातिताः स्तनाः
2236	2038017a	साहं गौरिव सिंहेन विवत्सा वत्सला कृता
2237	2038017c	कैकेय्या पुरुषव्याघ्र बालवत्सेव गौर्बलात्
2238	2038018a	न हि तावद्गुणैर्जुष्टं सर्वशास्त्रविशारदम्
2239	2038018c	एकपुत्रा विना पुत्रमहं जीवितुमुत्सहे
2240	2038019a	न हि मे जीविते किंचित्सामर्थमिह कल्प्यते
2241	2038019c	अपश्यन्त्याः प्रियं पुत्रं महाबाहुं महाबलम्
2242	2038020a	अयं हि मां दीपयते समुत्थित;स्तनूजशोकप्रभवो हुताशनः
2243	2038020c	महीमिमां रश्मिभिरुत्तमप्रभो; यथा निदाघे भगवान्दिवाकरः
2244	2039001a	विलपन्तीं तथा तां तु कौसल्यां प्रमदोत्तमाम्
2245	2039001c	इदं धर्मे स्थिता धर्म्यं सुमित्रा वाक्यमब्रवीत्
2246	2039002a	तवार्ये सद्गुणैर्युक्तः पुत्रः स पुरुषोत्तमः
2247	2039002c	किं ते विलपितेनैवं कृपणं रुदितेन वा
2248	2039003a	यस्तवार्ये गतः पुत्रस्त्यक्त्वा राज्यं महाबलः
2249	2039003c	साधु कुर्वन्महात्मानं पितरं सत्यवादिनाम्
2250	2039004a	शिष्टैराचरिते सम्यक्शश्वत्प्रेत्य फलोदये
2251	2039004c	रामो धर्मे स्थितः श्रेष्ठो न स शोच्यः कदाचन
2252	2039005a	वर्तते चोत्तमां वृत्तिं लक्ष्मणोऽस्मिन्सदानघः
2253	2039005c	दयावान्सर्वभूतेषु लाभस्तस्य महात्मनः
2254	2039006a	अरण्यवासे यद्दुःखं जानती वै सुखोचिता
2255	2039006c	अनुगच्छति वैदेही धर्मात्मानं तवात्मजम्
2256	2039007a	कीर्तिभूतां पताकां यो लोके भ्रामयति प्रभुः
2257	2039007c	दमसत्यव्रतपरः किं न प्राप्तस्तवात्मजः
2258	2039008a	व्यक्तं रामस्य विज्ञाय शौचं माहात्म्यमुत्तमम्
2259	2039008c	न गात्रमंशुभिः सूर्यः संतापयितुमर्हति
2260	2039009a	शिवः सर्वेषु कालेषु काननेभ्यो विनिःसृतः
2261	2039009c	राघवं युक्तशीतोष्णः सेविष्यति सुखोऽनिलः
2262	2039010a	शयानमनघं रात्रौ पितेवाभिपरिष्वजन्
2263	2039010c	रश्मिभिः संस्पृशञ्शीतैश्चन्द्रमा ह्लादयिष्यति
2264	2039011a	ददौ चास्त्राणि दिव्यानि यस्मै ब्रह्मा महौजसे
2265	2039011c	दानवेन्द्रं हतं दृष्ट्वा तिमिध्वजसुतं रणे
2266	2039012a	पृथिव्या सह वैदेह्या श्रिया च पुरुषर्षभः
2267	2039012c	क्षिप्रं तिसृभिरेताभिः सह रामोऽभिषेक्ष्यते
2268	2039013a	दुःखजं विसृजन्त्यस्रं निष्क्रामन्तमुदीक्ष्य यम्
2269	2039013c	समुत्स्रक्ष्यसि नेत्राभ्यां क्षिप्रमानन्दजं पयः
2270	2039014a	अभिवादयमानं तं दृष्ट्वा ससुहृदं सुतम्
2271	2039014c	मुदाश्रु मोक्ष्यसे क्षिप्रं मेघलेकेव वार्षिकी
2272	2039015a	पुत्रस्ते वरदः क्षिप्रमयोध्यां पुनरागतः
2273	2039015c	कराभ्यां मृदुपीनाभ्यां चरणौ पीडयिष्यति
2274	2039016a	निशम्य तल्लक्ष्मणमातृवाक्यं; रामस्य मातुर्नरदेवपत्न्याः
2275	2039016c	सद्यः शरीरे विननाश शोकः; शरद्गतो मेघ इवाल्पतोयः
2276	2040001a	अनुरक्ता महात्मानं रामं सत्यपरक्रमम्
2277	2040001c	अनुजग्मुः प्रयान्तं तं वनवासाय मानवाः
2278	2040002a	निवर्तितेऽपि च बलात्सुहृद्वर्गे च राजिनि
2279	2040002c	नैव ते संन्यवर्तन्त रामस्यानुगता रथम्
2280	2040003a	अयोध्यानिलयानां हि पुरुषाणां महायशाः
2281	2040003c	बभूव गुणसंपन्नः पूर्णचन्द्र इव प्रियः
2282	2040004a	स याच्यमानः काकुत्स्थः स्वाभिः प्रकृतिभिस्तदा
2283	2040004c	कुर्वाणः पितरं सत्यं वनमेवान्वपद्यत
2284	2040005a	अवेक्षमाणः सस्नेहं चक्षुषा प्रपिबन्निव
2285	2040005c	उवाच रामः स्नेहेन ताः प्रजाः स्वाः प्रजा इव
2286	2040006a	या प्रीतिर्बहुमानश्च मय्ययोध्यानिवासिनाम्
2287	2040006c	मत्प्रियार्थं विशेषेण भरते सा निवेश्यताम्
2288	2040007a	स हि कल्याण चारित्रः कैकेय्यानन्दवर्धनः
2289	2040007c	करिष्यति यथावद्वः प्रियाणि च हितानि च
2290	2040008a	ज्ञानवृद्धो वयोबालो मृदुर्वीर्यगुणान्वितः
2291	2040008c	अनुरूपः स वो भर्ता भविष्यति भयापहः
2292	2040009a	स हि राजगुणैर्युक्तो युवराजः समीक्षितः
2293	2040009c	अपि चापि मया शिष्टैः कार्यं वो भर्तृशासनम्
2294	2040010a	न च तप्येद्यथा चासौ वनवासं गते मयि
2295	2040010c	महाराजस्तथा कार्यो मम प्रियचिकीर्षया
2296	2040011a	यथा यथा दाशरथिर्धर्ममेवास्थितोऽभवत्
2297	2040011c	तथा तथा प्रकृतयो रामं पतिमकामयन्
2298	2040012a	बाष्पेण पिहितं दीनं रामः सौमित्रिणा सह
2299	2040012c	चकर्षेव गुणैर्बद्ध्वा जनं पुनरिवासनम्
2300	2040013a	ते द्विजास्त्रिविधं वृद्धा ज्ञानेन वयसौजसा
2301	2040013c	वयःप्रकम्पशिरसो दूरादूचुरिदं वचः
2302	2040014a	वहन्तो जवना रामं भो भो जात्यास्तुरंगमाः
2303	2040014c	निवर्तध्वं न गन्तव्यं हिता भवत भर्तरि
2304	2040014e	उपवाह्यस्तु वो भर्ता नापवाह्यः पुराद्वनम्
2305	2040015a	एवमार्तप्रलापांस्तान्वृद्धान्प्रलपतो द्विजान्
2306	2040015c	अवेक्ष्य सहसा रामो रथादवततार ह
2307	2040016a	पद्भ्यामेव जगामाथ ससीतः सहलक्ष्मणः
2308	2040016c	संनिकृष्टपदन्यासो रामो वनपरायणः
2309	2040017a	द्विजातींस्तु पदातींस्तान्रामश्चारित्रवत्सलः
2310	2040017c	न शशाक घृणाचक्षुः परिमोक्तुं रथेन सः
2311	2040018a	गच्छन्तमेव तं दृष्ट्वा रामं संभ्रान्तमानसाः
2312	2040018c	ऊचुः परमसंतप्ता रामं वाक्यमिदं द्विजाः
2313	2040019a	ब्राह्मण्यं कृत्स्नमेतत्त्वां ब्रह्मण्यमनुगच्छति
2314	2040019c	द्विजस्कन्धाधिरूढास्त्वामग्नयोऽप्यनुयान्त्यमी
2315	2040020a	वाजपेयसमुत्थानि छत्राण्येतानि पश्य नः
2316	2040020c	पृष्ठतोऽनुप्रयातानि हंसानिव जलात्यये
2317	2040021a	अनवाप्तातपत्रस्य रश्मिसंतापितस्य ते
2318	2040021c	एभिश्छायां करिष्यामः स्वैश्छत्रैर्वाजपेयिकैः
2319	2040022a	या हि नः सततं बुद्धिर्वेदमन्त्रानुसारिणी
2320	2040022c	त्वत्कृते सा कृता वत्स वनवासानुसारिणी
2321	2040023a	हृदयेष्ववतिष्ठन्ते वेदा ये नः परं धनम्
2322	2040023c	वत्स्यन्त्यपि गृहेष्वेव दाराश्चारित्ररक्षिताः
2323	2040024a	न पुनर्निश्चयः कार्यस्त्वद्गतौ सुकृता मतिः
2324	2040024c	त्वयि धर्मव्यपेक्षे तु किं स्याद्धर्ममवेक्षितुम्
2325	2040025a	याचितो नो निवर्तस्व हंसशुक्लशिरोरुहैः
2326	2040025c	शिरोभिर्निभृताचार महीपतनपांशुलैः
2327	2040026a	बहूनां वितता यज्ञा द्विजानां य इहागताः
2328	2040026c	तेषां समाप्तिरायत्ता तव वत्स निवर्तने
2329	2040027a	भक्तिमन्ति हि भूतानि जंगमाजंगमानि च
2330	2040027c	याचमानेषु तेषु त्वं भक्तिं भक्तेषु दर्शय
2331	2040028a	अनुगंतुमशक्तास्त्वां मूलैरुद्धृतवेगिभिः
2332	2040028c	उन्नता वायुवेगेन विक्रोशन्तीव पादपाः
2333	2040029a	निश्चेष्टाहारसंचारा वृक्षैकस्थानविष्ठिताः
2334	2040029c	पक्षिणोऽपि प्रयाचन्ते सर्वभूतानुकम्पिनम्
2335	2040030a	एवं विक्रोशतां तेषां द्विजातीनां निवर्तने
2336	2040030c	ददृशे तमसा तत्र वारयन्तीव राघवम्
2337	2041001a	ततस्तु तमसा तीरं रम्यमाश्रित्य राघवः
2338	2041001c	सीतामुद्वीक्ष्य सौमित्रिमिदं वचनमब्रवीत्
2339	2041002a	इयमद्य निशा पूर्वा सौमित्रे प्रस्थिता वनम्
2340	2041002c	वनवासस्य भद्रं ते स नोत्कण्ठितुमर्हसि
2341	2041003a	पश्य शून्यान्यरण्यानि रुदन्तीव समन्ततः
2342	2041003c	यथानिलयमायद्भिर्निलीनानि मृगद्विजैः
2343	2041004a	अद्यायोध्या तु नगरी राजधानी पितुर्मम
2344	2041004c	सस्त्रीपुंसा गतानस्माञ्शोचिष्यति न संशयः
2345	2041005a	भरतः खलु धर्मात्मा पितरं मातरं च मे
2346	2041005c	धर्मार्थकामसहितैर्वाक्यैराश्वासयिष्यति
2347	2041006a	भरतस्यानृशंसत्वं संचिन्त्याहं पुनः पुनः
2348	2041006c	नानुशोचामि पितरं मातरं चापि लक्ष्मण
2349	2041007a	त्वया कार्यं नरव्याघ्र मामनुव्रजता कृतम्
2350	2041007c	अन्वेष्टव्या हि वैदेह्या रक्षणार्थे सहायता
2351	2041008a	अद्भिरेव तु सौमित्रे वत्स्याम्यद्य निशामिमाम्
2352	2041008c	एतद्धि रोचते मह्यं वन्येऽपि विविधे सति
2353	2041009a	एवमुक्त्वा तु सौमित्रं सुमन्त्रमपि राघवः
2354	2041009c	अप्रमत्तस्त्वमश्वेषु भव सौम्येत्युवाच ह
2355	2041010a	सोऽश्वान्सुमन्त्रः संयम्य सूर्येऽस्तं समुपागते
2356	2041010c	प्रभूतयवसान्कृत्वा बभूव प्रत्यनन्तरः
2357	2041011a	उपास्यतु शिवां संध्यां दृष्ट्वा रात्रिमुपस्थिताम्
2358	2041011c	रामस्य शयनं चक्रे सूतः सौमित्रिणा सह
2359	2041012a	तां शय्यां तमसातीरे वीक्ष्य वृक्षदलैः कृताम्
2360	2041012c	रामः सौमित्रिणां सार्धं सभार्यः संविवेश ह
2361	2041013a	सभार्यं संप्रसुप्तं तं भ्रातरं वीक्ष्य लक्ष्मणः
2362	2041013c	कथयामास सूताय रामस्य विविधान्गुणान्
2363	2041014a	जाग्रतो ह्येव तां रात्रिं सौमित्रेरुदितो रविः
2364	2041014c	सूतस्य तमसातीरे रामस्य ब्रुवतो गुणान्
2365	2041015a	गोकुलाकुलतीरायास्तमसाया विदूरतः
2366	2041015c	अवसत्तत्र तां रात्रिं रामः प्रकृतिभिः सह
2367	2041016a	उत्थाय तु महातेजाः प्रकृतीस्ता निशाम्य च
2368	2041016c	अब्रवीद्भ्रातरं रामो लक्ष्मणं पुण्यलक्षणम्
2369	2041017a	अस्मद्व्यपेक्षान्सौमित्रे निरपेक्षान्गृहेष्वपि
2370	2041017c	वृक्षमूलेषु संसुप्तान्पश्य लक्ष्मण साम्प्रतम्
2371	2041018a	यथैते नियमं पौराः कुर्वन्त्यस्मन्निवर्तने
2372	2041018c	अपि प्राणानसिष्यन्ति न तु त्यक्ष्यन्ति निश्चयम्
2373	2041019a	यावदेव तु संसुप्तास्तावदेव वयं लघु
2374	2041019c	रथमारुह्य गच्छामः पन्थानमकुतोभयम्
2375	2041020a	अतो भूयोऽपि नेदानीमिक्ष्वाकुपुरवासिनः
2376	2041020c	स्वपेयुरनुरक्ता मां वृक्षमूलानि संश्रिताः
2377	2041021a	पौरा ह्यात्मकृताद्दुःखाद्विप्रमोच्या नृपात्मजैः
2378	2041021c	न तु खल्वात्मना योज्या दुःखेन पुरवासिनः
2379	2041022a	अब्रवील्लक्ष्मणो रामं साक्षाद्धर्ममिव स्थितम्
2380	2041022c	रोचते मे महाप्राज्ञ क्षिप्रमारुह्यतामिति
2381	2041023a	सूतस्ततः संत्वरितः स्यन्दनं तैर्हयोत्तमैः
2382	2041023c	योजयित्वाथ रामाय प्राञ्जलिः प्रत्यवेदयत्
2383	2041024a	मोहनार्थं तु पौराणां सूतं रामोऽब्रवीद्वचः
2384	2041024c	उदङ्मुखः प्रयाहि त्वं रथमास्थाय सारथे
2385	2041025a	मुहूर्तं त्वरितं गत्वा निर्गतय रथं पुनः
2386	2041025c	यथा न विद्युः पौरा मां तथा कुरु समाहितः
2387	2041026a	रामस्य वचनं श्रुत्वा तथा चक्रे स सारथिः
2388	2041026c	प्रत्यागम्य च रामस्य स्यन्दनं प्रत्यवेदयत्
2389	2041027a	तं स्यन्दनमधिष्ठाय राघवः सपरिच्छदः
2390	2041027c	शीघ्रगामाकुलावर्तां तमसामतरन्नदीम्
2391	2041028a	स संतीर्य महाबाहुः श्रीमाञ्शिवमकण्टकम्
2392	2041028c	प्रापद्यत महामार्गमभयं भयदर्शिनाम्
2393	2041029a	प्रभातायां तु शर्वर्यां पौरास्ते राघवो विना
2394	2041029c	शोकोपहतनिश्चेष्टा बभूवुर्हतचेतसः
2395	2041030a	शोकजाश्रुपरिद्यूना वीक्षमाणास्ततस्ततः
2396	2041030c	आलोकमपि रामस्य न पश्यन्ति स्म दुःखिताः
2397	2041031a	ततो मार्गानुसारेण गत्वा किंचित्क्षणं पुनः
2398	2041031c	मार्गनाशाद्विषादेन महता समभिप्लुतः
2399	2041032a	रथस्य मार्गनाशेन न्यवर्तन्त मनस्विनः
2400	2041032c	किमिदं किं करिष्यामो दैवेनोपहता इति
2401	2041033a	ततो यथागतेनैव मार्गेण क्लान्तचेतसः
2402	2041033c	अयोध्यामगमन्सर्वे पुरीं व्यथितसज्जनाम्
2403	2042001a	अनुगम्य निवृत्तानां रामं नगरवासिनाम्
2404	2042001c	उद्गतानीव सत्त्वानि बभूवुरमनस्विनाम्
2405	2042002a	स्वं स्वं निलयमागम्य पुत्रदारैः समावृताः
2406	2042002c	अश्रूणि मुमुचुः सर्वे बाष्पेण पिहिताननाः
2407	2042003a	न चाहृष्यन्न चामोदन्वणिजो न प्रसारयन्
2408	2042003c	न चाशोभन्त पण्यानि नापचन्गृहमेधिनः
2409	2042004a	नष्टं दृष्ट्वा नाभ्यनन्दन्विपुलं वा धनागमम्
2410	2042004c	पुत्रं प्रथमजं लब्ध्वा जननी नाभ्यनन्दत
2411	2042005a	गृहे गृहे रुदन्त्यश्च भर्तारं गृहमागतम्
2412	2042005c	व्यगर्हयन्तो दुःखार्ता वाग्भिस्तोत्रैरिव द्विपान्
2413	2042006a	किं नु तेषां गृहैः कार्यं किं दारैः किं धनेन वा
2414	2042006c	पुत्रैर्वा किं सुखैर्वापि ये न पश्यन्ति राघवम्
2415	2042007a	एकः सत्पुरुषो लोके लक्ष्मणः सह सीतया
2416	2042007c	योऽनुगच्छति काकुत्स्थं रामं परिचरन्वने
2417	2042008a	आपगाः कृतपुण्यास्ताः पद्मिन्यश्च सरांसि च
2418	2042008c	येषु स्नास्यति काकुत्स्थो विगाह्य सलिलं शुचि
2419	2042009a	शोभयिष्यन्ति काकुत्स्थमटव्यो रम्यकाननाः
2420	2042009c	आपगाश्च महानूपाः सानुमन्तश्च पर्वताः
2421	2042010a	काननं वापि शैलं वा यं रामोऽभिगमिष्यति
2422	2042010c	प्रियातिथिमिव प्राप्तं नैनं शक्ष्यन्त्यनर्चितुम्
2423	2042011a	विचित्रकुसुमापीडा बहुमञ्जरिधारिणः
2424	2042011c	अकाले चापि मुख्यानि पुष्पाणि च फलानि च
2425	2042011e	दर्शयिष्यन्त्यनुक्रोशाद्गिरयो राममागतम्
2426	2042012a	विदर्शयन्तो विविधान्भूयश्चित्रांश्च निर्झरान्
2427	2042012c	पादपाः पर्वताग्रेषु रमयिष्यन्ति राघवम्
2428	2042013a	यत्र रामो भयं नात्र नास्ति तत्र पराभवः
2429	2042013c	स हि शूरो महाबाहुः पुत्रो दशरथस्य च
2430	2042014a	पुरा भवति नो दूरादनुगच्छाम राघवम्
2431	2042014c	पादच्छाया सुखा भर्तुस्तादृशस्य महात्मनः
2432	2042014e	स हि नाथो जनस्यास्य स गतिः स परायणम्
2433	2042015a	वयं परिचरिष्यामः सीतां यूयं तु राघवम्
2434	2042015c	इति पौरस्त्रियो भर्तॄन्दुःखार्तास्तत्तदब्रुवन्
2435	2042016a	युष्माकं राघवोऽरण्ये योगक्षेमं विधास्यति
2436	2042016c	सीता नारीजनस्यास्य योगक्षेमं करिष्यति
2437	2042017a	को न्वनेनाप्रतीतेन सोत्कण्ठितजनेन च
2438	2042017c	संप्रीयेतामनोज्ञेन वासेन हृतचेतसा
2439	2042018a	कैकेय्या यदि चेद्राज्यं स्यादधर्म्यमनाथवत्
2440	2042018c	न हि नो जीवितेनार्थः कुतः पुत्रैः कुतो धनैः
2441	2042019a	यया पुत्रश्च भर्ता च त्यक्तावैश्वर्यकारणात्
2442	2042019c	कं सा परिहरेदन्यं कैकेयी कुलपांसनी
2443	2042020a	कैकेय्या न वयं राज्ये भृतका निवसेमहि
2444	2042020c	जीवन्त्या जातु जीवन्त्यः पुत्रैरपि शपामहे
2445	2042021a	या पुत्रं पार्थिवेन्द्रस्य प्रवासयति निर्घृणा
2446	2042021c	कस्तां प्राप्य सुखं जीवेदधर्म्यां दुष्टचारिणीम्
2447	2042022a	न हि प्रव्रजिते रामे जीविष्यति महीपतिः
2448	2042022c	मृते दशरथे व्यक्तं विलोपस्तदनन्तरम्
2449	2042023a	ते विषं पिबतालोड्य क्षीणपुण्याः सुदुर्गताः
2450	2042023c	राघवं वानुगच्छध्वमश्रुतिं वापि गच्छत
2451	2042024a	मिथ्या प्रव्राजितो रामः सभार्यः सहलक्ष्मणः
2452	2042024c	भरते संनिषृष्टाः स्मः सौनिके पशवो यथा
2453	2042025a	तास्तथा विलपन्त्यस्तु नगरे नागरस्त्रियः
2454	2042025c	चुक्रुशुर्भृशसंतप्ता मृत्योरिव भयागमे
2455	2042026a	तथा स्त्रियो रामनिमित्तमातुरा; यथा सुते भ्रातरि वा विवासिते
2456	2042026c	विलप्य दीना रुरुदुर्विचेतसः; सुतैर्हि तासामधिको हि सोऽभवत्
2457	2043001a	रामोऽपि रात्रिशेषेण तेनैव महदन्तरम्
2458	2043001c	जगाम पुरुषव्याघ्रः पितुराज्ञामनुस्मरन्
2459	2043002a	तथैव गच्छतस्तस्य व्यपायाद्रजनी शिवा
2460	2043002c	उपास्य स शिवां संध्यां विषयान्तं व्यगाहत
2461	2043003a	ग्रामान्विकृष्टसीमांस्तान्पुष्पितानि वनानि च
2462	2043003c	पश्यन्नतिययौ शीघ्रं शरैरिव हयोत्तमैः
2463	2043004a	शृण्वन्वाचो मनुष्याणां ग्रामसंवासवासिनाम्
2464	2043004c	राजानं धिग्दशरथं कामस्य वशमागतम्
2465	2043005a	हा नृशंसाद्य कैकेयी पापा पापानुबन्धिनी
2466	2043005c	तीक्ष्णा संभिन्नमर्यादा तीक्ष्णे कर्मणि वर्तते
2467	2043006a	या पुत्रमीदृशं राज्ञः प्रवासयति धार्मिकम्
2468	2043006c	वन वासे महाप्राज्ञं सानुक्रोशमतन्द्रितम्
2469	2043007a	एता वाचो मनुष्याणां ग्रामसंवासवासिनाम्
2470	2043007c	शृण्वन्नतिययौ वीरः कोसलान्कोसलेश्वरः
2471	2043008a	ततो वेदश्रुतिं नाम शिववारिवहां नदीम्
2472	2043008c	उत्तीर्याभिमुखः प्रायादगस्त्याध्युषितां दिशम्
2473	2043009a	गत्वा तु सुचिरं कालं ततः शीतजलां नदीम्
2474	2043009c	गोमतीं गोयुतानूपामतरत्सागरंगमाम्
2475	2043010a	गोमतीं चाप्यतिक्रम्य राघवः शीघ्रगैर्हयैः
2476	2043010c	मयूरहंसाभिरुतां ततार स्यन्दिकां नदीम्
2477	2043011a	स महीं मनुना राज्ञा दत्तामिक्ष्वाकवे पुरा
2478	2043011c	स्फीतां राष्ट्रावृतां रामो वैदेहीमन्वदर्शयत्
2479	2043012a	सूत इत्येव चाभाष्य सारथिं तमभीक्ष्णशः
2480	2043012c	हंसमत्तस्वरः श्रीमानुवाच पुरुषर्षभः
2481	2043013a	कदाहं पुनरागम्य सरय्वाः पुष्पिते वने
2482	2043013c	मृगयां पर्याटष्यामि मात्रा पित्रा च संगतः
2483	2043014a	नात्यर्थमभिकाङ्क्षामि मृगयां सरयूवने
2484	2043014c	रतिर्ह्येषातुला लोके राजर्षिगणसंमता
2485	2043015a	स तमध्वानमैक्ष्वाकः सूतं मधुरया गिरा
2486	2043015c	तं तमर्थमभिप्रेत्य ययौवाक्यमुदीरयन्
2487	2044001a	विशालान्कोसलान्रम्यान्यात्वा लक्ष्मणपूर्वजः
2488	2044001c	आससाद महाबाहुः शृङ्गवेरपुरं प्रति
2489	2044002a	तत्र त्रिपथगां दिव्यां शिवतोयामशैवलाम्
2490	2044002c	ददर्श राघवो गङ्गां पुण्यामृषिनिसेविताम्
2491	2044003a	हंससारससंघुष्टां चक्रवाकोपकूजिताम्
2492	2044003c	शिंशुमरैश्च नक्रैश्च भुजंगैश्च निषेविताम्
2493	2044004a	तामूर्मिकलिलावर्तामन्ववेक्ष्य महारथः
2494	2044004c	सुमन्त्रमब्रवीत्सूतमिहैवाद्य वसामहे
2495	2044005a	अविदूरादयं नद्या बहुपुष्पप्रवालवान्
2496	2044005c	सुमहानिङ्गुदीवृक्षो वसामोऽत्रैव सारथे
2497	2044006a	लक्षणश्च सुमन्त्रश्च बाढमित्येव राघवम्
2498	2044006c	उक्त्वा तमिङ्गुदीवृक्षं तदोपययतुर्हयैः
2499	2044007a	रामोऽभियाय तं रम्यं वृक्षमिक्ष्वाकुनन्दनः
2500	2044007c	रथादवातरत्तस्मात्सभार्यः सहलक्ष्मणः
2501	2044008a	सुमन्त्रोऽप्यवतीर्यैव मोचयित्वा हयोत्तमान्
2502	2044008c	वृक्षमूलगतं राममुपतस्थे कृताञ्जलिः
2503	2044009a	तत्र राजा गुहो नाम रामस्यात्मसमः सखा
2504	2044009c	निषादजात्यो बलवान्स्थपतिश्चेति विश्रुतः
2505	2044010a	स श्रुत्वा पुरुषव्याघ्रं रामं विषयमागतम्
2506	2044010c	वृद्धैः परिवृतोऽमात्यैर्ज्ञातिभिश्चाप्युपागतः
2507	2044011a	ततो निषादाधिपतिं दृष्ट्वा दूरादवस्थितम्
2508	2044011c	सह सौमित्रिणा रामः समागच्छद्गुहेन सः
2509	2044012a	तमार्तः संपरिष्वज्य गुहो राघवमब्रवीत्
2510	2044012c	यथायोध्या तथेदं ते राम किं करवाणि ते
2511	2044013a	ततो गुणवदन्नाद्यमुपादाय पृथग्विधम्
2512	2044013c	अर्घ्यं चोपानयत्क्षिप्रं वाक्यं चेदमुवाच ह
2513	2044014a	स्वागतं ते महाबाहो तवेयमखिला मही
2514	2044014c	वयं प्रेष्या भवान्भर्ता साधु राज्यं प्रशाधि नः
2515	2044015a	भक्ष्यं भोज्यं च पेयं च लेह्यं चेदमुपस्थितम्
2516	2044015c	शयनानि च मुख्यानि वाजिनां खादनं च ते
2517	2044016a	गुहमेव ब्रुवाणं तं राघवः प्रत्युवाच ह
2518	2044016c	अर्चिताश्चैव हृष्टाश्च भवता सर्वथा वयम्
2519	2044017a	पद्भ्यामभिगमाच्चैव स्नेहसंदर्शनेन च
2520	2044017c	भुजाभ्यां साधुवृत्ताभ्यां पीडयन्वाक्यमब्रवीत्
2521	2044018a	दिष्ट्या त्वां गुह पश्यामि अरोगं सह बान्धवैः
2522	2044018c	अपि ते कूशलं राष्ट्रे मित्रेषु च धनेषु च
2523	2044019a	यत्त्विदं भवता किंचित्प्रीत्या समुपकल्पितम्
2524	2044019c	सर्वं तदनुजानामि न हि वर्ते प्रतिग्रहे
2525	2044020a	कुशचीराजिनधरं फलमूलाशनं च माम्
2526	2044020c	विद्धि प्रणिहितं धर्मे तापसं वनगोचरम्
2527	2044021a	अश्वानां खादनेनाहमर्थी नान्येन केनचित्
2528	2044021c	एतावतात्रभवता भविष्यामि सुपूजितः
2529	2044022a	एते हि दयिता राज्ञः पितुर्दशरथस्य मे
2530	2044022c	एतैः सुविहितैरश्वैर्भविष्याम्यहमर्चितः
2531	2044023a	अश्वानां प्रतिपानं च खादनं चैव सोऽन्वशात्
2532	2044023c	गुहस्तत्रैव पुरुषांस्त्वरितं दीयतामिति
2533	2044024a	ततश्चीरोत्तरासङ्गः संध्यामन्वास्य पश्चिमाम्
2534	2044024c	जलमेवाददे भोज्यं लक्ष्मणेनाहृतं स्वयम्
2535	2044025a	तस्य भूमौ शयानस्य पादौ प्रक्षाल्य लक्ष्मणः
2536	2044025c	सभार्यस्य ततोऽभ्येत्य तस्थौ वृक्षमुपाश्रितः
2537	2044026a	गुहोऽपि सह सूतेन सौमित्रिमनुभाषयन्
2538	2044026c	अन्वजाग्रत्ततो राममप्रमत्तो धनुर्धरः
2539	2044027a	तथा शयानस्य ततोऽस्य धीमतो; यशस्विनो दाशरथेर्महात्मनः
2540	2044027c	अदृष्टदुःखस्य सुखोचितस्य सा; तदा व्यतीयाय चिरेण शर्वरी
2541	2045001a	तं जाग्रतमदम्भेन भ्रातुरर्थाय लक्ष्मणम्
2542	2045001c	गुहः संतापसंतप्तो राघवं वाक्यमब्रवीत्
2543	2045002a	इयं तात सुखा शय्या त्वदर्थमुपकल्पिता
2544	2045002c	प्रत्याश्वसिहि साध्वस्यां राजपुत्र यथासुखम्
2545	2045003a	उचितोऽयं जनः सर्वः क्लेशानां त्वं सुखोचितः
2546	2045003c	गुप्त्यर्थं जागरिष्यामः काकुत्स्थस्य वयं निशाम्
2547	2045004a	न हि रामात्प्रियतरो ममास्ति भुवि कश्चन
2548	2045004c	ब्रवीम्येतदहं सत्यं सत्येनैव च ते शपे
2549	2045005a	अस्य प्रसादादाशंसे लोकेऽस्मिन्सुमहद्यशः
2550	2045005c	धर्मावाप्तिं च विपुलामर्थावाप्तिं च केवलाम्
2551	2045006a	सोऽहं प्रियसखं रामं शयानं सह सीतया
2552	2045006c	रक्षिष्यामि धनुष्पाणिः सर्वतो ज्ञातिभिः सह
2553	2045007a	न हि मेऽविदितं किंचिद्वनेऽस्मिंश्चरतः सदा
2554	2045007c	चतुरङ्गं ह्यपि बलं सुमहत्प्रसहेमहि
2555	2045008a	लक्ष्मणस्तं तदोवाच रक्ष्यमाणास्त्वयानघ
2556	2045008c	नात्र भीता वयं सर्वे धर्ममेवानुपश्यता
2557	2045009a	कथं दाशरथौ भूमौ शयाने सह सीतया
2558	2045009c	शक्या निद्रा मया लब्धुं जीवितं वा सुखानि वा
2559	2045010a	यो न देवासुरैः सर्वैः शक्यः प्रसहितुं युधि
2560	2045010c	तं पश्य सुखसंविष्टं तृणेषु सह सीतया
2561	2045011a	यो मन्त्र तपसा लब्धो विविधैश्च परिश्रमैः
2562	2045011c	एको दशरथस्यैष पुत्रः सदृशलक्षणः
2563	2045012a	अस्मिन्प्रव्रजितो राजा न चिरं वर्तयिष्यति
2564	2045012c	विधवा मेदिनी नूनं क्षिप्रमेव भविष्यति
2565	2045013a	विनद्य सुमहानादं श्रमेणोपरताः स्त्रियः
2566	2045013c	निर्घोषोपरतं तात मन्ये राजनिवेशनम्
2567	2045014a	कौसल्या चैव राजा च तथैव जननी मम
2568	2045014c	नाशंसे यदि जीवन्ति सर्वे ते शर्वरीमिमाम्
2569	2045015a	जीवेदपि हि मे माता शत्रुघ्नस्यान्ववेक्षया
2570	2045015c	तद्दुःखं यत्तु कौसल्या वीरसूर्विनशिष्यति
2571	2045016a	अनुरक्तजनाकीर्णा सुखालोकप्रियावहा
2572	2045016c	राजव्यसनसंसृष्टा सा पुरी विनशिष्यति
2573	2045017a	अतिक्रान्तमतिक्रान्तमनवाप्य मनोरथम्
2574	2045017c	राज्ये राममनिक्षिप्य पिता मे विनशिष्यति
2575	2045018a	सिद्धार्थाः पितरं वृत्तं तस्मिन्काले ह्युपस्थिते
2576	2045018c	प्रेतकार्येषु सर्वेषु संस्करिष्यन्ति भूमिपम्
2577	2045019a	रम्यचत्वरसंस्थानां सुविभक्तमहापथाम्
2578	2045019c	हर्म्यप्रासादसंपन्नां गणिकावरशोभिताम्
2579	2045020a	रथाश्वगजसंबाधां तूर्यनादविनादिताम्
2580	2045020c	सर्वकल्याणसंपूर्णां हृष्टपुष्टजनाकुलाम्
2581	2045021a	आरामोद्यानसंपन्नां समाजोत्सवशालिनीम्
2582	2045021c	सुखिता विचरिष्यन्ति राजधानीं पितुर्मम
2583	2045022a	अपि सत्यप्रतिज्ञेन सार्धं कुशलिना वयम्
2584	2045022c	निवृत्ते वनवासेऽस्मिन्नयोध्यां प्रविशेमहि
2585	2045023a	परिदेवयमानस्य दुःखार्तस्य महात्मनः
2586	2045023c	तिष्ठतो राजपुत्रस्य शर्वरी सात्यवर्तत
2587	2045024a	तथा हि सत्यं ब्रुवति प्रजाहिते; नरेन्द्रपुत्रे गुरुसौहृदाद्गुहः
2588	2045024c	मुमोच बाष्पं व्यसनाभिपीडितो; ज्वरातुरो नाग इव व्यथातुरः
2589	2046001a	प्रभातायां तु शर्वर्यां पृथु वृक्षा महायशाः
2590	2046001c	उवाच रामः सौमित्रिं लक्ष्मणं शुभलक्षणम्
2591	2046002a	भास्करोदयकालोऽयं गता भगवती निशा
2592	2046002c	असौ सुकृष्णो विहगः कोकिलस्तात कूजति
2593	2046003a	बर्हिणानां च निर्घोषः श्रूयते नदतां वने
2594	2046003c	तराम जाह्नवीं सौम्य शीघ्रगां सागरंगमाम्
2595	2046004a	विज्ञाय रामस्य वचः सौमित्रिर्मित्रनन्दनः
2596	2046004c	गुहमामन्त्र्य सूतं च सोऽतिष्ठद्भ्रातुरग्रतः
2597	2046005a	ततः कलापान्संनह्य खड्गौ बद्ध्वा च धन्विनौ
2598	2046005c	जग्मतुर्येन तौ गङ्गां सीतया सह राघवौ
2599	2046006a	राममेव तु धर्मज्ञमुपगम्य विनीतवत्
2600	2046006c	किमहं करवाणीति सूतः प्राञ्जलिरब्रवीत्
2601	2046007a	निवर्तस्वेत्युवाचैनमेतावद्धि कृतं मम
2602	2046007c	यानं विहाय पद्भ्यां तु गमिष्यामो महावनम्
2603	2046008a	आत्मानं त्वभ्यनुज्ञातमवेक्ष्यार्तः स सारथिः
2604	2046008c	सुमन्त्रः पुरुषव्याघ्रमैक्ष्वाकमिदमब्रवीत्
2605	2046009a	नातिक्रान्तमिदं लोके पुरुषेणेह केनचित्
2606	2046009c	तव सभ्रातृभार्यस्य वासः प्राकृतवद्वने
2607	2046010a	न मन्ये ब्रह्मचर्येऽस्ति स्वधीते वा फलोदयः
2608	2046010c	मार्दवार्जवयोर्वापि त्वां चेद्व्यसनमागतम्
2609	2046011a	सह राघव वैदेह्या भ्रात्रा चैव वने वसन्
2610	2046011c	त्वं गतिं प्राप्स्यसे वीर त्रीँल्लोकांस्तु जयन्निव
2611	2046012a	वयं खलु हता राम ये तयाप्युपवञ्चिताः
2612	2046012c	कैकेय्या वशमेष्यामः पापाया दुःखभागिनः
2613	2046013a	इति ब्रुवन्नात्म समं सुमन्त्रः सारथिस्तदा
2614	2046013c	दृष्ट्वा दुर गतं रामं दुःखार्तो रुरुदे चिरम्
2615	2046014a	ततस्तु विगते बाष्पे सूतं स्पृष्टोदकं शुचिम्
2616	2046014c	रामस्तु मधुरं वाक्यं पुनः पुनरुवाच तम्
2617	2046015a	इक्ष्वाकूणां त्वया तुल्यं सुहृदं नोपलक्षये
2618	2046015c	यथा दशरथो राजा मां न शोचेत्तथा कुरु
2619	2046016a	शोकोपहत चेताश्च वृद्धश्च जगतीपतिः
2620	2046016c	काम भारावसन्नश्च तस्मादेतद्ब्रवीमि ते
2621	2046017a	यद्यदाज्ञापयेत्किंचित्स महात्मा महीपतिः
2622	2046017c	कैकेय्याः प्रियकामार्थं कार्यं तदविकाङ्क्षया
2623	2046018a	एतदर्थं हि राज्यानि प्रशासति नरेश्वराः
2624	2046018c	यदेषां सर्वकृत्येषु मनो न प्रतिहन्यते
2625	2046019a	तद्यथा स महाराजो नालीकमधिगच्छति
2626	2046019c	न च ताम्यति दुःखेन सुमन्त्र कुरु तत्तथा
2627	2046020a	अदृष्टदुःखं राजानं वृद्धमार्यं जितेन्द्रियम्
2628	2046020c	ब्रूयास्त्वमभिवाद्यैव मम हेतोरिदं वचः
2629	2046021a	नैवाहमनुशोचामि लक्ष्मणो न च मैथिली
2630	2046021c	अयोध्यायाश्च्युताश्चेति वने वत्स्यामहेति वा
2631	2046022a	चतुर्दशसु वर्षेषु निवृत्तेषु पुनः पुनः
2632	2046022c	लक्ष्मणं मां च सीतां च द्रक्ष्यसि क्षिप्रमागतान्
2633	2046023a	एवमुक्त्वा तु राजानं मातरं च सुमन्त्र मे
2634	2046023c	अन्याश्च देवीः सहिताः कैकेयीं च पुनः पुनः
2635	2046024a	आरोग्यं ब्रूहि कौसल्यामथ पादाभिवन्दनम्
2636	2046024c	सीताया मम चार्यस्य वचनाल्लक्ष्मणस्य च
2637	2046025a	ब्रूयाश्च हि महाराजं भरतं क्षिप्रमानय
2638	2046025c	आगतश्चापि भरतः स्थाप्यो नृपमते पदे
2639	2046026a	भरतं च परिष्वज्य यौवराज्येऽभिषिच्य च
2640	2046026c	अस्मत्संतापजं दुःखं न त्वामभिभविष्यति
2641	2046027a	भरतश्चापि वक्तव्यो यथा राजनि वर्तसे
2642	2046027c	तथा मातृषु वर्तेथाः सर्वास्वेवाविशेषतः
2643	2046028a	यथा च तव कैकेयी सुमित्रा चाविशेषतः
2644	2046028c	तथैव देवी कौसल्या मम माता विशेषतः
2645	2046029a	निवर्त्यमानो रामेण सुमन्त्रः शोककर्शितः
2646	2046029c	तत्सर्वं वचनं श्रुत्वा स्नेहात्काकुत्स्थमब्रवीत्
2647	2046030a	यदहं नोपचारेण ब्रूयां स्नेहादविक्लवः
2648	2046030c	भक्तिमानिति तत्तावद्वाक्यं त्वं क्षन्तुमर्हसि
2649	2046031a	कथं हि त्वद्विहीनोऽहं प्रतियास्यामि तां पुरीम्
2650	2046031c	तव तात वियोगेन पुत्रशोकाकुलामिव
2651	2046032a	सराममपि तावन्मे रथं दृष्ट्वा तदा जनः
2652	2046032c	विना रामं रथं दृष्ट्वा विदीर्येतापि सा पुरी
2653	2046033a	दैन्यं हि नगरी गच्छेद्दृष्ट्वा शून्यमिमं रथम्
2654	2046033c	सूतावशेषं स्वं सैन्यं हतवीरमिवाहवे
2655	2046034a	दूरेऽपि निवसन्तं त्वां मानसेनाग्रतः स्थितम्
2656	2046034c	चिन्तयन्त्योऽद्य नूनं त्वां निराहाराः कृताः प्रजाः
2657	2046035a	आर्तनादो हि यः पौरैर्मुक्तस्तद्विप्रवासने
2658	2046035c	रथस्थं मां निशाम्यैव कुर्युः शतगुणं ततः
2659	2046036a	अहं किं चापि वक्ष्यामि देवीं तव सुतो मया
2660	2046036c	नीतोऽसौ मातुलकुलं संतापं मा कृथा इति
2661	2046037a	असत्यमपि नैवाहं ब्रूयां वचनमीदृशम्
2662	2046037c	कथमप्रियमेवाहं ब्रूयां सत्यमिदं वचः
2663	2046038a	मम तावन्नियोगस्थास्त्वद्बन्धुजनवाहिनः
2664	2046038c	कथं रथं त्वया हीनं प्रवक्ष्यन्ति हयोत्तमाः
2665	2046039a	यदि मे याचमानस्य त्यागमेव करिष्यसि
2666	2046039c	सरथोऽग्निं प्रवेक्ष्यामि त्यक्त मात्र इह त्वया
2667	2046040a	भविष्यन्ति वने यानि तपोविघ्नकराणि ते
2668	2046040c	रथेन प्रतिबाधिष्ये तानि सत्त्वानि राघव
2669	2046041a	तत्कृतेन मया प्राप्तं रथ चर्या कृतं सुखम्
2670	2046041c	आशंसे त्वत्कृतेनाहं वनवासकृतं सुखम्
2671	2046042a	प्रसीदेच्छामि तेऽरण्ये भवितुं प्रत्यनन्तरः
2672	2046042c	प्रीत्याभिहितमिच्छामि भव मे पत्यनन्तरः
2673	2046043a	तव शुश्रूषणं मूर्ध्ना करिष्यामि वने वसन्
2674	2046043c	अयोध्यां देवलोकं वा सर्वथा प्रजहाम्यहम्
2675	2046044a	न हि शक्या प्रवेष्टुं सा मयायोध्या त्वया विना
2676	2046044c	राजधानी महेन्द्रस्य यथा दुष्कृतकर्मणा
2677	2046045a	इमे चापि हया वीर यदि ते वनवासिनः
2678	2046045c	परिचर्यां करिष्यन्ति प्राप्स्यन्ति परमां गतिम्
2679	2046046a	वनवासे क्षयं प्राप्ते ममैष हि मनोरथः
2680	2046046c	यदनेन रथेनैव त्वां वहेयं पुरीं पुनः
2681	2046047a	चतुर्दश हि वर्षाणि सहितस्य त्वया वने
2682	2046047c	क्षणभूतानि यास्यन्ति शतशस्तु ततोऽन्यथा
2683	2046048a	भृत्यवत्सल तिष्ठन्तं भर्तृपुत्रगते पथि
2684	2046048c	भक्तं भृत्यं स्थितं स्थित्यां त्वं न मां हातुमर्हसि
2685	2046049a	एवं बहुविधं दीनं याचमानं पुनः पुनः
2686	2046049c	रामो भृत्यानुकम्पी तु सुमन्त्रमिदमब्रवीत्
2687	2046050a	जानामि परमां भक्तिं मयि ते भर्तृवत्सल
2688	2046050c	शृणु चापि यदर्थं त्वां प्रेषयामि पुरीमितः
2689	2046051a	नगरीं त्वां गतं दृष्ट्वा जननी मे यवीयसी
2690	2046051c	कैकेयी प्रत्ययं गच्छेदिति रामो वनं गतः
2691	2046052a	परितुष्टा हि सा देवि वनवासं गते मयि
2692	2046052c	राजानं नातिशङ्केत मिथ्यावादीति धार्मिकम्
2693	2046053a	एष मे प्रथमः कल्पो यदम्बा मे यवीयसी
2694	2046053c	भरतारक्षितं स्फीतं पुत्रराज्यमवाप्नुयात्
2695	2046054a	मम प्रियार्थं राज्ञश्च सरथस्त्वं पुरीं व्रज
2696	2046054c	संदिष्टश्चासि यानर्थांस्तांस्तान्ब्रूयास्तथातथा
2697	2046055a	इत्युक्त्वा वचनं सूतं सान्त्वयित्वा पुनः पुनः
2698	2046055c	गुहं वचनमक्लीबं रामो हेतुमदब्रवीत्
2699	2046055e	जटाः कृत्वा गमिष्यामि न्यग्रोधक्षीरमानय
2700	2046056a	तत्क्षीरं राजपुत्राय गुहः क्षिप्रमुपाहरत्
2701	2046056c	लक्ष्मणस्यात्मनश्चैव रामस्तेनाकरोज्जटाः
2702	2046057a	तौ तदा चीरवसनौ जटामण्डलधारिणौ
2703	2046057c	अशोभेतामृषिसमौ भ्रातरौ रामलक्ष्मणौ
2704	2046058a	ततो वैखानसं मार्गमास्थितः सहलक्ष्मणः
2705	2046058c	व्रतमादिष्टवान्रामः सहायं गुहमब्रवीत्
2706	2046059a	अप्रमत्तो बले कोशे दुर्गे जनपदे तथा
2707	2046059c	भवेथा गुह राज्यं हि दुरारक्षतमं मतम्
2708	2046060a	ततस्तं समनुज्ञाय गुहमिक्ष्वाकुनन्दनः
2709	2046060c	जगाम तूर्णमव्यग्रः सभार्यः सहलक्ष्मणः
2710	2046061a	स तु दृष्ट्वा नदीतीरे नावमिक्ष्वाकुनन्दनः
2711	2046061c	तितीर्षुः शीघ्रगां गङ्गामिदं लक्ष्मणमब्रवीत्
2712	2046062a	आरोह त्वं नर व्याघ्र स्थितां नावमिमां शनैः
2713	2046062c	सीतां चारोपयान्वक्षं परिगृह्य मनस्विनीम्
2714	2046063a	स भ्रातुः शासनं श्रुत्वा सर्वमप्रतिकूलयन्
2715	2046063c	आरोप्य मैथिलीं पूर्वमारुरोहात्मवांस्ततः
2716	2046064a	अथारुरोह तेजस्वी स्वयं लक्ष्मणपूर्वजः
2717	2046064c	ततो निषादाधिपतिर्गुहो ज्ञातीनचोदयत्
2718	2046065a	अनुज्ञाय सुमन्त्रं च सबलं चैव तं गुहम्
2719	2046065c	आस्थाय नावं रामस्तु चोदयामास नाविकान्
2720	2046066a	ततस्तैश्चोदिता सा नौः कर्णधारसमाहिता
2721	2046066c	शुभस्फ्यवेगाभिहता शीघ्रं सलिलमत्यगात्
2722	2046067a	मध्यं तु समनुप्राप्य भागीरथ्यास्त्वनिन्दिता
2723	2046067c	वैदेही प्राञ्जलिर्भूत्वा तां नदीमिदमब्रवीत्
2724	2046068a	पुत्रो दशरथस्यायं महाराजस्य धीमतः
2725	2046068c	निदेशं पालयत्वेनं गङ्गे त्वदभिरक्षितः
2726	2046069a	चतुर्दश हि वर्षाणि समग्राण्युष्य कानने
2727	2046069c	भ्रात्रा सह मया चैव पुनः प्रत्यागमिष्यति
2728	2046070a	ततस्त्वां देवि सुभगे क्षेमेण पुनरागता
2729	2046070c	यक्ष्ये प्रमुदिता गङ्गे सर्वकामसमृद्धये
2730	2046071a	त्वं हि त्रिपथगा देवि ब्रह्म लोकं समीक्षसे
2731	2046071c	भार्या चोदधिराजस्य लोकेऽस्मिन्संप्रदृश्यसे
2732	2046072a	सा त्वां देवि नमस्यामि प्रशंसामि च शोभने
2733	2046072c	प्राप्त राज्ये नरव्याघ्र शिवेन पुनरागते
2734	2046073a	गवां शतसहस्राणि वस्त्राण्यन्नं च पेशलम्
2735	2046073c	ब्राह्मणेभ्यः प्रदास्यामि तव प्रियचिकीर्षया
2736	2046074a	तथा संभाषमाणा सा सीता गङ्गामनिन्दिता
2737	2046074c	दक्षिणा दक्षिणं तीरं क्षिप्रमेवाभ्युपागमत्
2738	2046075a	तीरं तु समनुप्राप्य नावं हित्वा नरर्षभः
2739	2046075c	प्रातिष्ठत सह भ्रात्रा वैदेह्या च परंतपः
2740	2046076a	अथाब्रवीन्महाबाहुः सुमित्रानन्दवर्धनम्
2741	2046076c	अग्रतो गच्छ सौमित्रे सीता त्वामनुगच्छतु
2742	2046077a	पृष्ठतोऽहं गमिष्यामि त्वां च सीतां च पालयन्
2743	2046077c	अद्य दुःखं तु वैदेही वनवासस्य वेत्स्यति
2744	2046078a	गतं तु गङ्गापरपारमाशु; रामं सुमन्त्रः प्रततं निरीक्ष्य
2745	2046078c	अध्वप्रकर्षाद्विनिवृत्तदृष्टि;र्मुमोच बाष्पं व्यथितस्तपस्वी
2746	2046079a	तौ तत्र हत्वा चतुरो महामृगा;न्वराहमृश्यं पृषतं महारुरुम्
2747	2046079c	आदाय मेध्यं त्वरितं बुभुक्षितौ; वासाय काले ययतुर्वनस्पतिम्
2748	2047001a	स तं वृक्षं समासाद्य संध्यामन्वास्य पश्चिमाम्
2749	2047001c	रामो रमयतां श्रेष्ठ इति होवाच लक्ष्मणम्
2750	2047002a	अद्येयं प्रथमा रात्रिर्याता जनपदाद्बहिः
2751	2047002c	या सुमन्त्रेण रहिता तां नोत्कण्ठितुमर्हसि
2752	2047003a	जागर्तव्यमतन्द्रिभ्यामद्य प्रभृति रात्रिषु
2753	2047003c	योगक्षेमो हि सीताया वर्तते लक्ष्मणावयोः
2754	2047004a	रात्रिं कथंचिदेवेमां सौमित्रे वर्तयामहे
2755	2047004c	उपावर्तामहे भूमावास्तीर्य स्वयमार्जितैः
2756	2047005a	स तु संविश्य मेदिन्यां महार्हशयनोचितः
2757	2047005c	इमाः सौमित्रये रामो व्याजहार कथाः शुभाः
2758	2047006a	ध्रुवमद्य महाराजो दुःखं स्वपिति लक्ष्मण
2759	2047006c	कृतकामा तु कैकेयी तुष्टा भवितुमर्हति
2760	2047007a	सा हि देवी महाराजं कैकेयी राज्यकारणात्
2761	2047007c	अपि न च्यावयेत्प्राणान्दृष्ट्वा भरतमागतम्
2762	2047008a	अनाथश्चैव वृद्धश्च मया चैव विनाकृतः
2763	2047008c	किं करिष्यति कामात्मा कैकेय्या वशमागतः
2764	2047009a	इदं व्यसनमालोक्य राज्ञश्च मतिविभ्रमम्
2765	2047009c	काम एवार्धधर्माभ्यां गरीयानिति मे मतिः
2766	2047010a	को ह्यविद्वानपि पुमान्प्रमदायाः कृते त्यजेत्
2767	2047010c	छन्दानुवर्तिनं पुत्रं तातो मामिव लक्ष्मण
2768	2047011a	सुखी बत सभार्यश्च भरतः केकयीसुतः
2769	2047011c	मुदितान्कोसलानेको यो भोक्ष्यत्यधिराजवत्
2770	2047012a	स हि सर्वस्य राज्यस्य मुखमेकं भविष्यति
2771	2047012c	ताते च वयसातीते मयि चारण्यमाश्रिते
2772	2047013a	अर्थधर्मौ परित्यज्य यः काममनुवर्तते
2773	2047013c	एवमापद्यते क्षिप्रं राजा दशरथो यथा
2774	2047014a	मन्ये दशरथान्ताय मम प्रव्राजनाय च
2775	2047014c	कैकेयी सौम्य संप्राप्ता राज्याय भरतस्य च
2776	2047015a	अपीदानीं न कैकेयी सौभाग्यमदमोहिता
2777	2047015c	कौसल्यां च सुमित्रां च संप्रबाधेत मत्कृते
2778	2047016a	मा स्म मत्कारणाद्देवी सुमित्रा दुःखमावसेत्
2779	2047016c	अयोध्यामित एव त्वं काले प्रविश लक्ष्मण
2780	2047017a	अहमेको गमिष्यामि सीतया सह दण्डकान्
2781	2047017c	अनाथाया हि नाथस्त्वं कौसल्याया भविष्यसि
2782	2047018a	क्षुद्रकर्मा हि कैकेयी द्वेषादन्याय्यमाचरेत्
2783	2047018c	परिदद्या हि धर्मज्ञे भरते मम मातरम्
2784	2047019a	नूनं जात्यन्तरे कस्मिं स्त्रियः पुत्रैर्वियोजिताः
2785	2047019c	जनन्या मम सौमित्रे तदप्येतदुपस्थितम्
2786	2047020a	मया हि चिरपुष्टेन दुःखसंवर्धितेन च
2787	2047020c	विप्रायुज्यत कौसल्या फलकाले धिगस्तु माम्
2788	2047021a	मा स्म सीमन्तिनी काचिज्जनयेत्पुत्रमीदृशम्
2789	2047021c	सौमित्रे योऽहमम्बाया दद्मि शोकमनन्तकम्
2790	2047022a	मन्ये प्रीतिविशिष्टा सा मत्तो लक्ष्मणसारिका
2791	2047022c	यस्यास्तच्छ्रूयते वाक्यं शुक पादमरेर्दश
2792	2047023a	शोचन्त्याश्चाल्पभाग्याया न किंचिदुपकुर्वता
2793	2047023c	पुर्त्रेण किमपुत्राया मया कार्यमरिंदम
2794	2047024a	अल्पभाग्या हि मे माता कौसल्या रहिता मया
2795	2047024c	शेते परमदुःखार्ता पतिता शोकसागरे
2796	2047025a	एको ह्यहमयोध्यां च पृथिवीं चापि लक्ष्मण
2797	2047025c	तरेयमिषुभिः क्रुद्धो ननु वीर्यमकारणम्
2798	2047026a	अधर्मभय भीतश्च परलोकस्य चानघ
2799	2047026c	तेन लक्ष्मण नाद्याहमात्मानमभिषेचये
2800	2047027a	एतदन्यच्च करुणं विलप्य विजने बहु
2801	2047027c	अश्रुपूर्णमुखो रामो निशि तूष्णीमुपाविशत्
2802	2047028a	विलप्योपरतं रामं गतार्चिषमिवानलम्
2803	2047028c	समुद्रमिव निर्वेगमाश्वासयत लक्ष्मणः
2804	2047029a	ध्रुवमद्य पुरी राम अयोध्या युधिनां वर
2805	2047029c	निष्प्रभा त्वयि निष्क्रान्ते गतचन्द्रेव शर्वरी
2806	2047030a	नैतदौपयिकं राम यदिदं परितप्यसे
2807	2047030c	विषादयसि सीतां च मां चैव पुरुषर्षभ
2808	2047031a	न च सीता त्वया हीना न चाहमपि राघव
2809	2047031c	मुहूर्तमपि जीवावो जलान्मत्स्याविवोद्धृतौ
2810	2047032a	न हि तातं न शत्रुघ्नं न सुमित्रां परंतप
2811	2047032c	द्रष्टुमिच्छेयमद्याहं स्वर्गं वापि त्वया विना
2812	2047033a	स लक्ष्मणस्योत्तम पुष्कलं वचो; निशम्य चैवं वनवासमादरात्
2813	2047033c	समाः समस्ता विदधे परंतपः; प्रपद्य धर्मं सुचिराय राघवः
2814	2048001a	ते तु तस्मिन्महावृक्ष उषित्वा रजनीं शिवाम्
2815	2048001c	विमलेऽभ्युदिते सूर्ये तस्माद्देशात्प्रतस्थिरे
2816	2048002a	यत्र भागीरथी गङ्गा यमुनामभिवर्तते
2817	2048002c	जग्मुस्तं देशमुद्दिश्य विगाह्य सुमहद्वनम्
2818	2048003a	ते भूमिमागान्विविधान्देशांश्चापि मनोरमान्
2819	2048003c	अदृष्टपूर्वान्पश्यन्तस्तत्र तत्र यशस्विनः
2820	2048004a	यथाक्षेमेण गच्छन्स पश्यंश्च विविधान्द्रुमान्
2821	2048004c	निवृत्तमात्रे दिवसे रामः सौमित्रिमब्रवीत्
2822	2048005a	प्रयागमभितः पश्य सौमित्रे धूममुन्नतम्
2823	2048005c	अग्नेर्भगवतः केतुं मन्ये संनिहितो मुनिः
2824	2048006a	नूनं प्राप्ताः स्म संभेदं गङ्गायमुनयोर्वयम्
2825	2048006c	तथा हि श्रूयते शम्ब्दो वारिणा वारिघट्टितः
2826	2048007a	दारूणि परिभिन्नानि वनजैरुपजीविभिः
2827	2048007c	भरद्वाजाश्रमे चैते दृश्यन्ते विविधा द्रुमाः
2828	2048008a	धन्विनौ तौ सुखं गत्वा लम्बमाने दिवाकरे
2829	2048008c	गङ्गायमुनयोः संधौ प्रापतुर्निलयं मुनेः
2830	2048009a	रामस्त्वाश्रममासाद्य त्रासयन्मृगपक्षिणः
2831	2048009c	गत्वा मुहूर्तमध्वानं भरद्वाजमुपागमत्
2832	2048010a	ततस्त्वाश्रममासाद्य मुनेर्दर्शनकाङ्क्षिणौ
2833	2048010c	सीतयानुगतौ वीरौ दूरादेवावतस्थतुः
2834	2048011a	हुताग्निहोत्रं दृष्ट्वैव महाभागं कृताञ्जलिः
2835	2048011c	रामः सौमित्रिणा सार्धं सीतया चाभ्यवादयत्
2836	2048012a	न्यवेदयत चात्मानं तस्मै लक्ष्मणपूर्वजः
2837	2048012c	पुत्रौ दशरथस्यावां भगवन्रामलक्ष्मणौ
2838	2048013a	भार्या ममेयं वैदेही कल्याणी जनकात्मजा
2839	2048013c	मां चानुयाता विजनं तपोवनमनिन्दिता
2840	2048014a	पित्रा प्रव्राज्यमानं मां सौमित्रिरनुजः प्रियः
2841	2048014c	अयमन्वगमद्भ्राता वनमेव दृढव्रतः
2842	2048015a	पित्रा नियुक्ता भगवन्प्रवेष्यामस्तपोवनम्
2843	2048015c	धर्ममेवाचरिष्यामस्तत्र मूलफलाशनाः
2844	2048016a	तस्य तद्वचनं श्रुत्वा राजपुत्रस्य धीमतः
2845	2048016c	उपानयत धर्मात्मा गामर्घ्यमुदकं ततः
2846	2048017a	मृगपक्षिभिरासीनो मुनिभिश्च समन्ततः
2847	2048017c	राममागतमभ्यर्च्य स्वागतेनाह तं मुनिः
2848	2048018a	प्रतिगृह्य च तामर्चामुपविष्टं सराघवम्
2849	2048018c	भरद्वाजोऽब्रवीद्वाक्यं धर्मयुक्तमिदं तदा
2850	2048019a	चिरस्य खलु काकुत्स्थ पश्यामि त्वामिहागतम्
2851	2048019c	श्रुतं तव मया चेदं विवासनमकारणम्
2852	2048020a	अवकाशो विविक्तोऽयं महानद्योः समागमे
2853	2048020c	पुण्यश्च रमणीयश्च वसत्विह भगान्सुखम्
2854	2048021a	एवमुक्तस्तु वचनं भरद्वाजेन राघवः
2855	2048021c	प्रत्युवाच शुभं वाक्यं रामः सर्वहिते रतः
2856	2048022a	भगवन्नित आसन्नः पौरजानपदो जनः
2857	2048022c	आगमिष्यति वैदेहीं मां चापि प्रेक्षको जनः
2858	2048022e	अनेन कारणेनाहमिह वासं न रोचये
2859	2048023a	एकान्ते पश्य भगवन्नाश्रमस्थानमुत्तमम्
2860	2048023c	रमते यत्र वैदेही सुखार्हा जनकात्मजा
2861	2048024a	एतच्छ्रुत्वा शुभं वाक्यं भरद्वाजो महामुनिः
2862	2048024c	राघवस्य ततो वाक्यमर्थ ग्राहकमब्रवीत्
2863	2048025a	दशक्रोश इतस्तात गिरिर्यस्मिन्निवत्स्यसि
2864	2048025c	महर्षिसेवितः पुण्यः सर्वतः सुख दर्शनः
2865	2048026a	गोलाङ्गूलानुचरितो वानरर्क्षनिषेवितः
2866	2048026c	चित्रकूट इति ख्यातो गन्धमादनसंनिभः
2867	2048027a	यावता चित्र कूटस्य नरः शृङ्गाण्यवेक्षते
2868	2048027c	कल्याणानि समाधत्ते न पापे कुरुते मनः
2869	2048028a	ऋषयस्तत्र बहवो विहृत्य शरदां शतम्
2870	2048028c	तपसा दिवमारूढाः कपालशिरसा सह
2871	2048029a	प्रविविक्तमहं मन्ये तं वासं भवतः सुखम्
2872	2048029c	इह वा वनवासाय वस राम मया सह
2873	2048030a	स रामं सर्वकामैस्तं भरद्वाजः प्रियातिथिम्
2874	2048030c	सभार्यं सह च भ्रात्रा प्रतिजग्राह धर्मवित्
2875	2048031a	तस्य प्रयागे रामस्य तं महर्षिमुपेयुषः
2876	2048031c	प्रपन्ना रजनी पुण्या चित्राः कथयतः कथाः
2877	2048032a	प्रभातायां रजन्यां तु भरद्वाजमुपागमत्
2878	2048032c	उवाच नरशार्दूलो मुनिं ज्वलिततेजसं
2879	2048033a	शर्वरीं भवनन्नद्य सत्यशील तवाश्रमे
2880	2048033c	उषिताः स्मेह वसतिमनुजानातु नो भवान्
2881	2048034a	रात्र्यां तु तस्यां व्युष्टायां भरद्वाजोऽब्रवीदिदम्
2882	2048034c	मधुमूलफलोपेतं चित्रकूटं व्रजेति ह
2883	2048035a	तत्र कुञ्जरयूथानि मृगयूथानि चाभितः
2884	2048035c	विचरन्ति वनान्तेषु तानि द्रक्ष्यसि राघव
2885	2048036a	प्रहृष्टकोयष्टिककोकिलस्वनै;र्विनादितं तं वसुधाधरं शिवम्
2886	2048036c	मृगैश्च मत्तैर्बहुभिश्च कुञ्जरैः; सुरम्यमासाद्य समावसाश्रमम्
2887	2049001a	उषित्वा रजनीं तत्र राजपुत्रावरिंदमौ
2888	2049001c	महर्षिमभिवाद्याथ जग्मतुस्तं गिरिं प्रति
2889	2049002a	प्रस्थितांश्चैव तान्प्रेक्ष्य पिता पुत्रानिवान्वगात्
2890	2049002c	ततः प्रचक्रमे वक्तुं वचनं स महामुनिः
2891	2049003a	अथासाद्य तु कालिन्दीं शीघ्रस्रोतसमापगाम्
2892	2049003c	तत्र यूयं प्लवं कृत्वा तरतांशुमतीं नदीम्
2893	2049004a	ततो न्यग्रोधमासाद्य महान्तं हरितच्छदम्
2894	2049004c	विवृद्धं बहुभिर्वृक्षैः श्यामं सिद्धोपसेवितम्
2895	2049005a	क्रोशमात्रं ततो गत्वा नीलं द्रक्ष्यथ काननम्
2896	2049005c	पलाशबदरीमिश्रं राम वंशैश्च यामुनैः
2897	2049006a	स पन्थाश्चित्रकूटस्य गतः सुबहुशो मया
2898	2049006c	रम्यो मार्दवयुक्तश्च वनदावैर्विवर्जितः
2899	2049006e	इति पन्थानमावेद्य महर्षिः स न्यवर्तत
2900	2049007a	उपावृत्ते मुनौ तस्मिन्रामो लक्ष्मणमब्रवीत्
2901	2049007c	कृतपुण्याः स्म सौमित्रे मुनिर्यन्नोऽनुकम्पते
2902	2049008a	इति तौ पुरुषव्याघ्रौ मन्त्रयित्वा मनस्विनौ
2903	2049008c	सीतामेवाग्रतः कृत्वा कालिन्दीं जग्मतुर्नदीम्
2904	2049009a	तौ काष्ठसंघाटमथो चक्रतुः सुमहाप्लवम्
2905	2049009c	चकार लक्ष्मणश्छित्त्वा सीतायाः सुखमानसं
2906	2049010a	तत्र श्रियमिवाचिन्त्यां रामो दाशरथिः प्रियाम्
2907	2049010c	ईषत्संलज्जमानां तामध्यारोपयत प्लवम्
2908	2049011a	ततः प्लवेनांशुमतीं शीघ्रगामूर्मिमालिनीम्
2909	2049011c	तीरजैर्बहुभिर्वृक्षैः संतेरुर्यमुनां नदीम्
2910	2049012a	ते तीर्णाः प्लवमुत्सृज्य प्रस्थाय यमुनावनात्
2911	2049012c	श्यामं न्यग्रोधमासेदुः शीतलं हरितच्छदम्
2912	2049013a	कौसल्यां चैव पश्येयं सुमित्रां च यशस्विनीम्
2913	2049013c	इति सीताञ्जलिं कृत्वा पर्यगछद्वनस्पतिम्
2914	2049014a	क्रोशमात्रं ततो गत्वा भ्रातरौ रामलक्ष्मणौ
2915	2049014c	बहून्मेध्यान्मृगान्हत्वा चेरतुर्यमुनावने
2916	2049015a	विहृत्य ते बर्हिणपूगनादिते; शुभे वने वारणवानरायुते
2917	2049015c	समं नदीवप्रमुपेत्य संमतं; निवासमाजग्मुरदीनदर्शनः
2918	2050001a	अथ रात्र्यां व्यतीतायामवसुप्तमनन्तरम्
2919	2050001c	प्रबोधयामास शनैर्लक्ष्मणं रघुनन्दनः
2920	2050002a	सौमित्रे शृणु वन्यानां वल्गु व्याहरतां स्वनम्
2921	2050002c	संप्रतिष्ठामहे कालः प्रस्थानस्य परंतप
2922	2050003a	स सुप्तः समये भ्रात्रा लक्ष्मणः प्रतिबोधितः
2923	2050003c	जहौ निद्रां च तन्द्रीं च प्रसक्तं च पथि श्रमम्
2924	2050004a	तत उत्थाय ते सर्वे स्पृष्ट्वा नद्याः शिवं जलम्
2925	2050004c	पन्थानमृषिणोद्दिष्टं चित्रकूटस्य तं ययुः
2926	2050005a	ततः संप्रस्थितः काले रामः सौमित्रिणा सह
2927	2050005c	सीतां कमलपत्राक्षीमिदं वचनमब्रवीत्
2928	2050006a	आदीप्तानिव वैदेहि सर्वतः पुष्पितान्नगान्
2929	2050006c	स्वैः पुष्पैः किंशुकान्पश्य मालिनः शिशिरात्यये
2930	2050007a	पश्य भल्लातकान्फुल्लान्नरैरनुपसेवितान्
2931	2050007c	फलपत्रैरवनतान्नूनं शक्ष्यामि जीवितुम्
2932	2050008a	पश्य द्रोणप्रमाणानि लम्बमानानि लक्ष्मण
2933	2050008c	मधूनि मधुकारीभिः संभृतानि नगे नगे
2934	2050009a	एष क्रोशति नत्यूहस्तं शिखी प्रतिकूजति
2935	2050009c	रमणीये वनोद्देशे पुष्पसंस्तरसंकटे
2936	2050010a	मातंगयूथानुसृतं पक्षिसंघानुनादितम्
2937	2050010c	चित्रकूटमिमं पश्य प्रवृद्धशिखरं गिरिम्
2938	2050011a	ततस्तौ पादचारेण गच्छन्तौ सह सीतया
2939	2050011c	रम्यमासेदतुः शैलं चित्रकूटं मनोरमम्
2940	2050012a	तं तु पर्वतमासाद्य नानापक्षिगणायुतम्
2941	2050012c	अयं वासो भवेत्तावदत्र सौम्य रमेमहि
2942	2050013a	लक्ष्मणानय दारूणि दृढानि च वराणि च
2943	2050013c	कुरुष्वावसथं सौम्य वासे मेऽभिरतं मनः
2944	2050014a	तस्य तद्वचनं श्रुत्वा सौमित्रिर्विविधान्द्रुमान्
2945	2050014c	आजहार ततश्चक्रे पर्ण शालामरिं दम
2946	2050015a	शुश्रूषमाणमेकाग्रमिदं वचनमब्रवीत्
2947	2050015c	ऐणेयं मांसमाहृत्य शालां यक्ष्यामहे वयम्
2948	2050016a	स लक्ष्मणः कृष्णमृगं हत्वा मेध्यं पतापवान्
2949	2050016c	अथ चिक्षेप सौमित्रिः समिद्धे जातवेदसि
2950	2050017a	तं तु पक्वं समाज्ञाय निष्टप्तं छिन्नशोणितम्
2951	2050017c	लक्ष्मणः पुरुषव्याघ्रमथ राघवमब्रवीत्
2952	2050018a	अयं कृष्णः समाप्ताङ्गः शृतः कृष्ण मृगो यथा
2953	2050018c	देवता देवसंकाश यजस्व कुशलो ह्यसि
2954	2050019a	रामः स्नात्वा तु नियतो गुणवाञ्जप्यकोविदः
2955	2050019c	पापसंशमनं रामश्चकार बलिमुत्तमम्
2956	2050020a	तां वृक्षपर्णच्छदनां मनोज्ञां; यथाप्रदेशं सुकृतां निवाताम्
2957	2050020c	वासाय सर्वे विविशुः समेताः; सभां यथा देव गणाः सुधर्माम्
2958	2050021a	अनेकनानामृगपक्षिसंकुले; विचित्रपुष्पस्तबलैर्द्रुमैर्युते
2959	2050021c	वनोत्तमे व्यालमृगानुनादिते; तथा विजह्रुः सुसुखं जितेन्द्रियाः
2960	2050022a	सुरम्यमासाद्य तु चित्रकूटं; नदीं च तां माल्यवतीं सुतीर्थाम्
2961	2050022c	ननन्द हृष्टो मृगपक्षिजुष्टां; जहौ च दुःखं पुरविप्रवासात्
2962	2051001a	कथयित्वा सुदुःखार्तः सुमन्त्रेण चिरं सह
2963	2051001c	रामे दक्षिण कूलस्थे जगाम स्वगृहं गुहः
2964	2051002a	अनुज्ञातः सुमन्त्रोऽथ योजयित्वा हयोत्तमान्
2965	2051002c	अयोध्यामेव नगरीं प्रययौ गाढदुर्मनाः
2966	2051003a	स वनानि सुगन्धीनि सरितश्च सरांसि च
2967	2051003c	पश्यन्नतिययौ शीघ्रं ग्रामाणि नगराणि च
2968	2051004a	ततः सायाह्नसमये तृतीयेऽहनि सारथिः
2969	2051004c	अयोध्यां समनुप्राप्य निरानन्दां ददर्श ह
2970	2051005a	स शून्यामिव निःशब्दां दृष्ट्वा परमदुर्मनाः
2971	2051005c	सुमन्त्रश्चिन्तयामास शोकवेगसमाहतः
2972	2051006a	कच्चिन्न सगजा साश्वा सजना सजनाधिपा
2973	2051006c	राम संतापदुःखेन दग्धा शोकाग्निना पुरी
2974	2051006e	इति चिन्तापरः सूतस्त्वरितः प्रविवेश ह
2975	2051007a	सुमन्त्रमभियान्तं तं शतशोऽथ सहस्रशः
2976	2051007c	क्व राम इति पृच्छन्तः सूतमभ्यद्रवन्नराः
2977	2051008a	तेषां शशंस गङ्गायामहमापृच्छ्य राघवम्
2978	2051008c	अनुज्ञातो निवृत्तोऽस्मि धार्मिकेण महात्मना
2979	2051009a	ते तीर्णा इति विज्ञाय बाष्पपूर्णमुखा जनाः
2980	2051009c	अहो धिगिति निःश्वस्य हा रामेति च चुक्रुशुः
2981	2051010a	शुश्राव च वचस्तेषां वृन्दं वृन्दं च तिष्ठताम्
2982	2051010c	हताः स्म खलु ये नेह पश्याम इति राघवम्
2983	2051011a	दानयज्ञविवाहेषु समाजेषु महत्सु च
2984	2051011c	न द्रक्ष्यामः पुनर्जातु धार्मिकं राममन्तरा
2985	2051012a	किं समर्थं जनस्यास्य किं प्रियं किं सुखावहम्
2986	2051012c	इति रामेण नगरं पितृवत्परिपालितम्
2987	2051013a	वातायनगतानां च स्त्रीणामन्वन्तरापणम्
2988	2051013c	रामशोकाभितप्तानां शुश्राव परिदेवनम्
2989	2051014a	स राजमार्गमध्येन सुमन्त्रः पिहिताननः
2990	2051014c	यत्र राजा दशरथस्तदेवोपययौ गृहम्
2991	2051015a	सोऽवतीर्य रथाच्छीघ्रं राजवेश्म प्रविश्य च
2992	2051015c	कक्ष्याः सप्ताभिचक्राम महाजनसमाकुलाः
2993	2051016a	ततो दशरथस्त्रीणां प्रासादेभ्यस्ततस्ततः
2994	2051016c	रामशोकाभितप्तानां मन्दं शुश्राव जल्पितम्
2995	2051017a	सह रामेण निर्यातो विना राममिहागतः
2996	2051017c	सूतः किं नाम कौसल्यां शोचन्तीं प्रतिवक्ष्यति
2997	2051018a	यथा च मन्ये दुर्जीवमेवं न सुकरं ध्रुवम्
2998	2051018c	आच्छिद्य पुत्रे निर्याते कौसल्या यत्र जीवति
2999	2051019a	सत्य रूपं तु तद्वाक्यं राज्ञः स्त्रीणां निशामयन्
3000	2051019c	प्रदीप्तमिव शोकेन विवेश सहसा गृहम्
3001	2051020a	स प्रविश्याष्टमीं कक्ष्यां राजानं दीनमातुलम्
3002	2051020c	पुत्रशोकपरिद्यूनमपश्यत्पाण्डरे गृहे
3003	2051021a	अभिगम्य तमासीनं नरेन्द्रमभिवाद्य च
3004	2051021c	सुमन्त्रो रामवचनं यथोक्तं प्रत्यवेदयत्
3005	2051022a	स तूष्णीमेव तच्छ्रुत्वा राजा विभ्रान्त चेतनः
3006	2051022c	मूर्छितो न्यपतद्भूमौ रामशोकाभिपीडितः
3007	2051023a	ततोऽन्तःपुरमाविद्धं मूर्छिते पृथिवीपतौ
3008	2051023c	उद्धृत्य बाहू चुक्रोश नृपतौ पतिते क्षितौ
3009	2051024a	सुमित्रया तु सहिता कौसल्या पतितं पतिम्
3010	2051024c	उत्थापयामास तदा वचनं चेदमब्रवीत्
3011	2051025a	इमं तस्य महाभाग दूतं दुष्करकारिणः
3012	2051025c	वनवासादनुप्राप्तं कस्मान्न प्रतिभाषसे
3013	2051026a	अद्येममनयं कृत्वा व्यपत्रपसि राघव
3014	2051026c	उत्तिष्ठ सुकृतं तेऽस्तु शोके न स्यात्सहायता
3015	2051027a	देव यस्या भयाद्रामं नानुपृच्छसि सारथिम्
3016	2051027c	नेह तिष्ठति कैकेयी विश्रब्धं प्रतिभाष्यताम्
3017	2051028a	सा तथोक्त्वा महाराजं कौसल्या शोकलालसा
3018	2051028c	धरण्यां निपपाताशु बाष्पविप्लुतभाषिणी
3019	2051029a	एवं विलपतीं दृष्ट्वा कौसल्यां पतितां भुवि
3020	2051029c	पतिं चावेक्ष्य ताः सर्वाः सस्वरं रुरुदुः स्त्रियः
3021	2051030a	ततस्तमन्तःपुरनादमुत्थितं; समीक्ष्य वृद्धास्तरुणाश्च मानवाः
3022	2051030c	स्त्रियश्च सर्वा रुरुदुः समन्ततः; पुरं तदासीत्पुनरेव संकुलम्
3023	2052001a	प्रत्याश्वस्तो यदा राजा मोहात्प्रत्यागतः पुनः
3024	2052001c	अथाजुहाव तं सूतं रामवृत्तान्तकारणात्
3025	2052002a	वृद्धं परमसंतप्तं नवग्रहमिव द्विपम्
3026	2052002c	विनिःश्वसन्तं ध्यायन्तमस्वस्थमिव कुञ्जरम्
3027	2052003a	राजा तु रजसा सूतं ध्वस्ताङ्गं समुपस्थितम्
3028	2052003c	अश्रु पूर्णमुखं दीनमुवाच परमार्तवत्
3029	2052004a	क्व नु वत्स्यति धर्मात्मा वृक्षमूलमुपाश्रितः
3030	2052004c	सोऽत्यन्तसुखितः सूत किमशिष्यति राघवः
3031	2052004e	भूमिपालात्मजो भूमौ शेते कथमनाथवत्
3032	2052005a	यं यान्तमनुयान्ति स्म पदाति रथकुञ्जराः
3033	2052005c	स वत्स्यति कथं रामो विजनं वनमाश्रितः
3034	2052006a	व्यालैर्मृगैराचरितं कृष्णसर्पनिषेवितम्
3035	2052006c	कथं कुमारौ वैदेह्या सार्धं वनमुपस्थितौ
3036	2052007a	सुकुमार्या तपस्विन्या सुमन्त्र सह सीतया
3037	2052007c	राजपुत्रौ कथं पादैरवरुह्य रथाद्गतौ
3038	2052008a	सिद्धार्थः खलु सूत त्वं येन दृष्टौ ममात्मजौ
3039	2052008c	वनान्तं प्रविशन्तौ तावश्विनाविव मन्दरम्
3040	2052009a	किमुवाच वचो रामः किमुवाच च लक्ष्मणः
3041	2052009c	सुमन्त्र वनमासाद्य किमुवाच च मैथिली
3042	2052009e	आसितं शयितं भुक्तं सूत रामस्य कीर्तय
3043	2052010a	इति सूतो नरेन्द्रेण चोदितः सज्जमानया
3044	2052010c	उवाच वाचा राजानं सबाष्पपरिरब्धया
3045	2052011a	अब्रवीन्मां महाराज धर्ममेवानुपालयन्
3046	2052011c	अञ्जलिं राघवः कृत्वा शिरसाभिप्रणम्य च
3047	2052012a	सूत मद्वचनात्तस्य तातस्य विदितात्मनः
3048	2052012c	शिरसा वन्दनीयस्य वन्द्यौ पादौ महात्मनः
3049	2052013a	सर्वमन्तःपुरं वाच्यं सूत मद्वचनात्त्वया
3050	2052013c	आरोग्यमविशेषेण यथार्हं चाभिवादनम्
3051	2052014a	माता च मम कौसल्या कुशलं चाभिवादनम्
3052	2052014c	देवि देवस्य पादौ च देववत्परिपालय
3053	2052015a	भरतः कुशलं वाच्यो वाच्यो मद्वचनेन च
3054	2052015c	सर्वास्वेव यथान्यायं वृत्तिं वर्तस्व मातृषु
3055	2052016a	वक्तव्यश्च महाबाहुरिक्ष्वाकुकुलनन्दनः
3056	2052016c	पितरं यौवराज्यस्थो राज्यस्थमनुपालय
3057	2052017a	इत्येवं मां महाराज ब्रुवन्नेव महायशाः
3058	2052017c	रामो राजीवताम्राक्षो भृशमश्रूण्यवर्तयत्
3059	2052018a	लक्ष्मणस्तु सुसंक्रुद्धो निःश्वसन्वाक्यमब्रवीत्
3060	2052018c	केनायमपराधेन राजपुत्रो विवासितः
3061	2052019a	यदि प्रव्राजितो रामो लोभकारणकारितम्
3062	2052019c	वरदाननिमित्तं वा सर्वथा दुष्कृतं कृतम्
3063	2052019e	रामस्य तु परित्यागे न हेतुमुपलक्षये
3064	2052020a	असमीक्ष्य समारब्धं विरुद्धं बुद्धिलाघवात्
3065	2052020c	जनयिष्यति संक्रोशं राघवस्य विवासनम्
3066	2052021a	अहं तावन्महाराजे पितृत्वं नोपलक्षये
3067	2052021c	भ्राता भर्ता च बन्धुश्च पिता च मम राघवः
3068	2052022a	सर्वलोकप्रियं त्यक्त्वा सर्वलोकहिते रतम्
3069	2052022c	सर्वलोकोऽनुरज्येत कथं त्वानेन कर्मणा
3070	2052023a	जानकी तु महाराज निःश्वसन्ती तपस्विनी
3071	2052023c	भूतोपहतचित्तेव विष्ठिता वृष्मृता स्थिता
3072	2052024a	अदृष्टपूर्वव्यसना राजपुत्री यशस्विनी
3073	2052024c	तेन दुःखेन रुदती नैव मां किंचिदब्रवीत्
3074	2052025a	उद्वीक्षमाणा भर्तारं मुखेन परिशुष्यता
3075	2052025c	मुमोच सहसा बाष्पं मां प्रयान्तमुदीक्ष्य सा
3076	2052026a	तथैव रामोऽश्रुमुखः कृताञ्जलिः; स्थितोऽभवल्लक्ष्मणबाहुपालितः
3077	2052026c	तथैव सीता रुदती तपस्विनी; निरीक्षते राजरथं तथैव माम्
3078	2053001a	मम त्वश्वा निवृत्तस्य न प्रावर्तन्त वर्त्मनि
3079	2053001c	उष्णमश्रु विमुञ्चन्तो रामे संप्रस्थिते वनम्
3080	2053002a	उभाभ्यां राजपुत्राभ्यामथ कृत्वाहमज्ञलिम्
3081	2053002c	प्रस्थितो रथमास्थाय तद्दुःखमपि धारयन्
3082	2053003a	गुहेव सार्धं तत्रैव स्थितोऽस्मि दिवसान्बहून्
3083	2053003c	आशया यदि मां रामः पुनः शब्दापयेदिति
3084	2053004a	विषये ते महाराज रामव्यसनकर्शिताः
3085	2053004c	अपि वृक्षाः परिम्लानः सपुष्पाङ्कुरकोरकाः
3086	2053005a	न च सर्पन्ति सत्त्वानि व्याला न प्रसरन्ति च
3087	2053005c	रामशोकाभिभूतं तन्निष्कूजमभवद्वनम्
3088	2053006a	लीनपुष्करपत्राश्च नरेन्द्र कलुषोदकाः
3089	2053006c	संतप्तपद्माः पद्मिन्यो लीनमीनविहंगमाः
3090	2053007a	जलजानि च पुष्पाणि माल्यानि स्थलजानि च
3091	2053007c	नाद्य भान्त्यल्पगन्धीनि फलानि च यथा पुरम्
3092	2053008a	प्रविशन्तमयोध्यां मां न कश्चिदभिनन्दति
3093	2053008c	नरा राममपश्यन्तो निःश्वसन्ति मुहुर्मुहुः
3094	2053009a	हर्म्यैर्विमानैः प्रासादैरवेक्ष्य रथमागतम्
3095	2053009c	हाहाकारकृता नार्यो रामादर्शनकर्शिताः
3096	2053010a	आयतैर्विमलैर्नेत्रैरश्रुवेगपरिप्लुतैः
3097	2053010c	अन्योन्यमभिवीक्षन्ते व्यक्तमार्ततराः स्त्रियः
3098	2053011a	नामित्राणां न मित्राणामुदासीनजनस्य च
3099	2053011c	अहमार्ततया कंचिद्विशेषं नोपलक्षये
3100	2053012a	अप्रहृष्टमनुष्या च दीननागतुरंगमा
3101	2053012c	आर्तस्वरपरिम्लाना विनिःश्वसितनिःस्वना
3102	2053013a	निरानन्दा महाराज रामप्रव्राजनातुला
3103	2053013c	कौसल्या पुत्र हीनेव अयोध्या प्रतिभाति मा
3104	2053014a	सूतस्य वचनं श्रुत्वा वाचा परमदीनया
3105	2053014c	बाष्पोपहतया राजा तं सूतमिदमब्रवीत्
3106	2053015a	कैकेय्या विनियुक्तेन पापाभिजनभावया
3107	2053015c	मया न मन्त्रकुशलैर्वृद्धैः सह समर्थितम्
3108	2053016a	न सुहृद्भिर्न चामात्यैर्मन्त्रयित्वा न नैगमैः
3109	2053016c	मयायमर्थः संमोहात्स्त्रीहेतोः सहसा कृतः
3110	2053017a	भवितव्यतया नूनमिदं वा व्यसनं महत्
3111	2053017c	कुलस्यास्य विनाशाय प्राप्तं सूत यदृच्छया
3112	2053018a	सूत यद्यस्ति ते किंचिन्मयापि सुकृतं कृतम्
3113	2053018c	त्वं प्रापयाशु मां रामं प्राणाः संत्वरयन्ति माम्
3114	2053019a	यद्यद्यापि ममैवाज्ञा निवर्तयतु राघवम्
3115	2053019c	न शक्ष्यामि विना राम मुहूर्तमपि जीवितुम्
3116	2053020a	अथ वापि महाबाहुर्गतो दूरं भविष्यति
3117	2053020c	मामेव रथमारोप्य शीघ्रं रामाय दर्शय
3118	2053021a	वृत्तदंष्ट्रो महेष्वासः क्वासौ लक्ष्मणपूर्वजः
3119	2053021c	यदि जीवामि साध्वेनं पश्येयं सह सीतया
3120	2053022a	लोहिताक्षं महाबाहुमामुक्तमणिकुण्डलम्
3121	2053022c	रामं यदि न पश्यामि गमिष्यामि यमक्षयम्
3122	2053023a	अतो नु किं दुःखतरं योऽहमिक्ष्वाकुनन्दनम्
3123	2053023c	इमामवस्थामापन्नो नेह पश्यामि राघवम्
3124	2053024a	हा राम रामानुज हा हा वैदेहि तपस्विनी
3125	2053024c	न मां जानीत दुःखेन म्रियमाणमनाथवत्
3126	2053024e	दुस्तरो जीवता देवि मयायं शोकसागरः
3127	2053025a	अशोभनं योऽहमिहाद्य राघवं; दिदृक्षमाणो न लभे सलक्ष्मणम्
3128	2053025c	इतीव राजा विलपन्महायशाः; पपात तूर्णं शयने स मूर्छितः
3129	2053026a	इति विलपति पार्थिवे प्रनष्टे; करुणतरं द्विगुणं च रामहेतोः
3130	2053026c	वचनमनुनिशम्य तस्य देवी; भयमगमत्पुनरेव राममाता
3131	2054001a	ततो भूतोपसृष्टेव वेपमाना पुनः पुनः
3132	2054001c	धरण्यां गतसत्त्वेव कौसल्या सूतमब्रवीत्
3133	2054002a	नय मां यत्र काकुत्स्थः सीता यत्र च लक्ष्मणः
3134	2054002c	तान्विना क्षणमप्यत्र जीवितुं नोत्सहे ह्यहम्
3135	2054003a	निवर्तय रथं शीघ्रं दण्डकान्नय मामपि
3136	2054003c	अथ तान्नानुगच्छामि गमिष्यामि यमक्षयम्
3137	2054004a	बाष्पवेगौपहतया स वाचा सज्जमानया
3138	2054004c	इदमाश्वासयन्देवीं सूतः प्राञ्जलिरब्रवीत्
3139	2054005a	त्यज शोकं च मोहं च संभ्रमं दुःखजं तथा
3140	2054005c	व्यवधूय च संतापं वने वत्स्यति राघवः
3141	2054006a	लक्ष्मणश्चापि रामस्य पादौ परिचरन्वने
3142	2054006c	आराधयति धर्मज्ञः परलोकं जितेन्द्रियः
3143	2054007a	विजनेऽपि वने सीता वासं प्राप्य गृहेष्विव
3144	2054007c	विस्रम्भं लभतेऽभीता रामे संन्यस्त मानसा
3145	2054008a	नास्या दैन्यं कृतं किंचित्सुसूक्ष्ममपि लक्षये
3146	2054008c	उचितेव प्रवासानां वैदेही प्रतिभाति मा
3147	2054009a	नगरोपवनं गत्वा यथा स्म रमते पुरा
3148	2054009c	तथैव रमते सीता निर्जनेषु वनेष्वपि
3149	2054010a	बालेव रमते सीता बालचन्द्रनिभानना
3150	2054010c	रामा रामे ह्यदीनात्मा विजनेऽपि वने सती
3151	2054011a	तद्गतं हृदयं ह्यस्यास्तदधीनं च जीवितम्
3152	2054011c	अयोध्यापि भवेत्तस्या राम हीना तथा वनम्
3153	2054012a	पथि पृच्छति वैदेही ग्रामांश्च नगराणि च
3154	2054012c	गतिं दृष्ट्वा नदीनां च पादपान्विविधानपि
3155	2054013a	अध्वना वात वेगेन संभ्रमेणातपेन च
3156	2054013c	न हि गच्छति वैदेह्याश्चन्द्रांशुसदृशी प्रभा
3157	2054014a	सदृशं शतपत्रस्य पूर्णचन्द्रोपमप्रभम्
3158	2054014c	वदनं तद्वदान्याया वैदेह्या न विकम्पते
3159	2054015a	अलक्तरसरक्ताभावलक्तरसवर्जितौ
3160	2054015c	अद्यापि चरणौ तस्याः पद्मकोशसमप्रभौ
3161	2054016a	नूपुरोद्घुष्टहेलेव खेलं गच्छति भामिनी
3162	2054016c	इदानीमपि वैदेही तद्रागा न्यस्तभूषणा
3163	2054017a	गजं वा वीक्ष्य सिंहं वा व्याघ्रं वा वनमाश्रिता
3164	2054017c	नाहारयति संत्रासं बाहू रामस्य संश्रिता
3165	2054018a	न शोच्यास्ते न चात्मा ते शोच्यो नापि जनाधिपः
3166	2054018c	इदं हि चरितं लोके प्रतिष्ठास्यति शाश्वतम्
3167	2054019a	विधूय शोकं परिहृष्टमानसा; महर्षियाते पथि सुव्यवस्थिताः
3168	2054019c	वने रता वन्यफलाशनाः पितुः; शुभां प्रतिज्ञां परिपालयन्ति ते
3169	2054020a	तथापि सूतेन सुयुक्तवादिना; निवार्यमाणा सुतशोककर्शिता
3170	2054020c	न चैव देवी विरराम कूजिता;त्प्रियेति पुत्रेति च राघवेति च
3171	2055001a	वनं गते धर्मपरे रामे रमयतां वरे
3172	2055001c	कौसल्या रुदती स्वार्ता भर्तारमिदमब्रवीत्
3173	2055002a	यद्यपित्रिषु लोकेषु प्रथितं ते मयद्यशः
3174	2055002c	सानुक्रोशो वदान्यश्च प्रियवादी च राघवः
3175	2055003a	कथं नरवरश्रेष्ठ पुत्रौ तौ सह सीतया
3176	2055003c	दुःखितौ सुखसंवृद्धौ वने दुःखं सहिष्यतः
3177	2055004a	सा नूनं तरुणी श्यामा सुकुमारी सुखोचिता
3178	2055004c	कथमुष्णं च शीतं च मैथिली प्रसहिष्यते
3179	2055005a	भुक्त्वाशनं विशालाक्षी सूपदंशान्वितं शुभम्
3180	2055005c	वन्यं नैवारमाहारं कथं सीतोपभोक्ष्यते
3181	2055006a	गीतवादित्रनिर्घोषं श्रुत्वा शुभमनिन्दिता
3182	2055006c	कथं क्रव्यादसिंहानां शब्दं श्रोष्यत्यशोभनम्
3183	2055007a	महेन्द्रध्वजसंकाशः क्व नु शेते महाभुजः
3184	2055007c	भुजं परिघसंकाशमुपधाय महाबलः
3185	2055008a	पद्मवर्णं सुकेशान्तं पद्मनिःश्वासमुत्तमम्
3186	2055008c	कदा द्रक्ष्यामि रामस्य वदनं पुष्करेक्षणम्
3187	2055009a	वज्रसारमयं नूनं हृदयं मे न संशयः
3188	2055009c	अपश्यन्त्या न तं यद्वै फलतीदं सहस्रधा
3189	2055010a	यदि पञ्चदशे वर्षे राघवः पुनरेष्यति
3190	2055010c	जह्याद्राज्यं च कोशं च भरतेनोपभोक्ष्यते
3191	2055011a	एवं कनीयसा भ्रात्रा भुक्तं राज्यं विशां पते
3192	2055011c	भ्राता ज्येष्ठा वरिष्ठाश्च किमर्थं नावमंस्यते
3193	2055012a	न परेणाहृतं भक्ष्यं व्याघ्रः खादितुमिच्छति
3194	2055012c	एवमेव नरव्याघ्रः परलीढं न मंस्यते
3195	2055013a	हविराज्यं पुरोडाशाः कुशा यूपाश्च खादिराः
3196	2055013c	नैतानि यातयामानि कुर्वन्ति पुनरध्वरे
3197	2055014a	तथा ह्यात्तमिदं राज्यं हृतसारां सुरामिव
3198	2055014c	नाभिमन्तुमलं रामो नष्टसोममिवाध्वरम्
3199	2055015a	नैवंविधमसत्कारं राघवो मर्षयिष्यति
3200	2055015c	बलवानिव शार्दूलो बालधेरभिमर्शनम्
3201	2055016a	स तादृशः सिंहबलो वृषभाक्षो नरर्षभः
3202	2055016c	स्वयमेव हतः पित्रा जलजेनात्मजो यथा
3203	2055017a	द्विजाति चरितो धर्मः शास्त्रदृष्टः सनातनः
3204	2055017c	यदि ते धर्मनिरते त्वया पुत्रे विवासिते
3205	2055018a	गतिरेवाक्पतिर्नार्या द्वितीया गतिरात्मजः
3206	2055018c	तृतीया ज्ञातयो राजंश्चतुर्थी नेह विद्यते
3207	2055019a	तत्र त्वं चैव मे नास्ति रामश्च वनमाश्रितः
3208	2055019c	न वनं गन्तुमिच्छामि सर्वथा हि हता त्वया
3209	2055020a	हतं त्वया राज्यमिदं सराष्ट्रं; हतस्तथात्मा सह मन्त्रिभिश्च
3210	2055020c	हता सपुत्रास्मि हताश्च पौराः; सुतश्च भार्या च तव प्रहृष्टौ
3211	2055021a	इमां गिरं दारुणशब्दसंश्रितां; निशम्य राजापि मुमोह दुःखितः
3212	2055021c	ततः स शोकं प्रविवेश पार्थिवः; स्वदुष्कृतं चापि पुनस्तदास्मरत्
3213	2056001a	एवं तु क्रुद्धया राजा राममात्रा सशोकया
3214	2056001c	श्रावितः परुषं वाक्यं चिन्तयामास दुःखितः
3215	2056002a	तस्य चिन्तयमानस्य प्रत्यभात्कर्म दुष्कृतम्
3216	2056002c	यदनेन कृतं पूर्वमज्ञानाच्छब्दवेधिना
3217	2056003a	अमनास्तेन शोकेन रामशोकेन च प्रभुः
3218	2056003c	दह्यमानस्तु शोकाभ्यां कौसल्यामाह भूपतिः
3219	2056004a	प्रसादये त्वां कौसल्ये रचितोऽयं मयाञ्जलिः
3220	2056004c	वत्सला चानृशंसा च त्वं हि नित्यं परेष्वपि
3221	2056005a	भर्ता तु खलु नारीणां गुणवान्निर्गुणोऽपि वा
3222	2056005c	धर्मं विमृशमानानां प्रत्यक्षं देवि दैवतम्
3223	2056006a	सा त्वं धर्मपरा नित्यं दृष्टलोकपरावर
3224	2056006c	नार्हसे विप्रियं वक्तुं दुःखितापि सुदुःखितम्
3225	2056007a	तद्वाक्यं करुणं राज्ञः श्रुत्वा दीनस्य भाषितम्
3226	2056007c	कौसल्या व्यसृजद्बाष्पं प्रणालीव नवोदकम्
3227	2056008a	स मूद्र्ह्णि बद्ध्वा रुदती राज्ञः पद्ममिवाञ्जलिम्
3228	2056008c	संभ्रमादब्रवीत्त्रस्ता त्वरमाणाक्षरं वचः
3229	2056009a	प्रसीद शिरसा याचे भूमौ निततितास्मि ते
3230	2056009c	याचितास्मि हता देव हन्तव्याहं न हि त्वया
3231	2056010a	नैषा हि सा स्त्री भवति श्लाघनीयेन धीमता
3232	2056010c	उभयोर्लोकयोर्वीर पत्या या संप्रसाद्यते
3233	2056011a	जानामि धर्मं धर्मज्ञ त्वां जाने सत्यवादिनम्
3234	2056011c	पुत्रशोकार्तया तत्तु मया किमपि भाषितम्
3235	2056012a	शोको नाशयते धैर्यं शोको नाशयते श्रुतम्
3236	2056012c	शोको नाशयते सर्वं नास्ति शोकसमो रिपुः
3237	2056013a	शयमापतितः सोढुं प्रहरो रिपुहस्ततः
3238	2056013c	सोढुमापतितः शोकः सुसूक्ष्मोऽपि न शक्यते
3239	2056014a	वनवासाय रामस्य पञ्चरात्रोऽद्य गण्यते
3240	2056014c	यः शोकहतहर्षायाः पञ्चवर्षोपमो मम
3241	2056015a	तं हि चिन्तयमानायाः शोकोऽयं हृदि वर्धते
3242	2056015c	अदीनामिव वेगेन समुद्रसलिलं महत्
3243	2056016a	एवं हि कथयन्त्यास्तु कौसल्यायाः शुभं वचः
3244	2056016c	मन्दरश्मिरभूत्सुर्यो रजनी चाभ्यवर्तत
3245	2056017a	अथ प्रह्लादितो वाक्यैर्देव्या कौसल्यया नृपः
3246	2056017c	शोकेन च समाक्रान्तो निद्राया वशमेयिवान्
3247	2057001a	प्रतिबुद्धो मुहुर्तेन शोकोपहतचेतनः
3248	2057001c	अथ राजा दशरथः स चिन्तामभ्यपद्यत
3249	2057002a	रामलक्ष्मणयोश्चैव विवासाद्वासवोपमम्
3250	2057002c	आविवेशोपसर्गस्तं तमः सूर्यमिवासुरम्
3251	2057003a	स राजा रजनीं षष्ठीं रामे प्रव्रजिते वनम्
3252	2057003c	अर्धरात्रे दशरथः संस्मरन्दुष्कृतं कृतम्
3253	2057003e	कौसल्यां पुत्रशोकार्तामिदं वचनमब्रवीत्
3254	2057004a	यदाचरति कल्याणि शुभं वा यदि वाशुभम्
3255	2057004c	तदेव लभते भद्रे कर्ता कर्मजमात्मनः
3256	2057005a	गुरु लाघवमर्थानामारम्भे कर्मणां फलम्
3257	2057005c	दोषं वा यो न जानाति स बाल इति होच्यते
3258	2057006a	कश्चिदाम्रवणं छित्त्वा पलाशांश्च निषिञ्चति
3259	2057006c	पुष्पं दृष्ट्वा फले गृध्नुः स शोचति फलागमे
3260	2057007a	सोऽहमाम्रवणं छित्त्वा पलाशांश्च न्यषेचयम्
3261	2057007c	रामं फलागमे त्यक्त्वा पश्चाच्छोचामि दुर्मतिः
3262	2057008a	लब्धशब्देन कौसल्ये कुमारेण धनुष्मता
3263	2057008c	कुमारः शब्दवेधीति मया पापमिदं कृतम्
3264	2057008e	तदिदं मेऽनुसंप्राप्तं देवि दुःखं स्वयं कृतम्
3265	2057009a	संमोहादिह बालेन यथा स्याद्भक्षितं विषम्
3266	2057009c	एवं ममाप्यविज्ञातं शब्दवेध्यमयं फलम्
3267	2057010a	देव्यनूढा त्वमभवो युवराजो भवाम्यहम्
3268	2057010c	ततः प्रावृडनुप्राप्ता मदकामविवर्धिनी
3269	2057011a	उपास्यहि रसान्भौमांस्तप्त्वा च जगदंशुभिः
3270	2057011c	परेताचरितां भीमां रविराविशते दिशम्
3271	2057012a	उष्णमन्तर्दधे सद्यः स्निग्धा ददृशिरे घनाः
3272	2057012c	ततो जहृषिरे सर्वे भेकसारङ्गबर्हिणः
3273	2057013a	पतितेनाम्भसा छन्नः पतमानेन चासकृत्
3274	2057013c	आबभौ मत्तसारङ्गस्तोयराशिरिवाचलः
3275	2057014a	तस्मिन्नतिसुखे काले धनुष्मानिषुमान्रथी
3276	2057014c	व्यायाम कृतसंकल्पः सरयूमन्वगां नदीम्
3277	2057015a	निपाने महिषं रात्रौ गजं वाभ्यागतं नदीम्
3278	2057015c	अन्यं वा श्वापदं कंचिज्जिघांसुरजितेन्द्रियः
3279	2057016a	अथान्धकारे त्वश्रौषं जले कुम्भस्य पर्यतः
3280	2057016c	अचक्षुर्विषये घोषं वारणस्येव नर्दतः
3281	2057017a	ततोऽहं शरमुद्धृत्य दीप्तमाशीविषोपमम्
3282	2057017c	अमुञ्चं निशितं बाणमहमाशीविषोपमम्
3283	2057018a	तत्र वागुषसि व्यक्ता प्रादुरासीद्वनौकसः
3284	2057018c	हा हेति पततस्तोये वागभूत्तत्र मानुषी
3285	2057018e	कथमस्मद्विधे शस्त्रं निपतेत्तु तपस्विनि
3286	2057019a	प्रविविक्तां नदीं रात्रावुदाहारोऽहमागतः
3287	2057019c	इषुणाभिहतः केन कस्य वा किं कृतं मया
3288	2057020a	ऋषेर्हि न्यस्त दण्डस्य वने वन्येन जीवतः
3289	2057020c	कथं नु शस्त्रेण वधो मद्विधस्य विधीयते
3290	2057021a	जटाभारधरस्यैव वल्कलाजिनवाससः
3291	2057021c	को वधेन ममार्थी स्यात्किं वास्यापकृतं मया
3292	2057022a	एवं निष्फलमारब्धं केवलानर्थसंहितम्
3293	2057022c	न कश्चित्साधु मन्येत यथैव गुरुतल्पगम्
3294	2057023a	नेमं तथानुशोचामि जीवितक्षयमात्मनः
3295	2057023c	मातरं पितरं चोभावनुशोचामि मद्विधे
3296	2057024a	तदेतान्मिथुनं वृद्धं चिरकालभृतं मया
3297	2057024c	मयि पञ्चत्वमापन्ने कां वृत्तिं वर्तयिष्यति
3298	2057025a	वृद्धौ च मातापितरावहं चैकेषुणा हतः
3299	2057025c	केन स्म निहताः सर्वे सुबालेनाकृतात्मना
3300	2057026a	तं गिरं करुणां श्रुत्वा मम धर्मानुकाङ्क्षिणः
3301	2057026c	कराभ्यां सशरं चापं व्यथितस्यापतद्भुवि
3302	2057027a	तं देशमहमागम्य दीनसत्त्वः सुदुर्मनाः
3303	2057027c	अपश्यमिषुणा तीरे सरय्वास्तापसं हतम्
3304	2057028a	स मामुद्वीक्ष्य नेत्राभ्यां त्रस्तमस्वस्थचेतसं
3305	2057028c	इत्युवाच वचः क्रूरं दिधक्षन्निव तेजसा
3306	2057029a	किं तवापकृतं राजन्वने निवसता मया
3307	2057029c	जिहीर्षुरम्भो गुर्वर्थं यदहं ताडितस्त्वया
3308	2057030a	एकेन खलु बाणेन मर्मण्यभिहते मयि
3309	2057030c	द्वावन्धौ निहतौ वृद्धौ माता जनयिता च मे
3310	2057031a	तौ नूनं दुर्बलावन्धौ मत्प्रतीक्षौ पिपासितौ
3311	2057031c	चिरमाशाकृतां तृष्णां कष्टां संधारयिष्यतः
3312	2057032a	न नूनं तपसो वास्ति फलयोगः श्रुतस्य वा
3313	2057032c	पिता यन्मां न जानाति शयानं पतितं भुवि
3314	2057033a	जानन्नपि च किं कुर्यादशक्तिरपरिक्रमः
3315	2057033c	भिद्यमानमिवाशक्तस्त्रातुमन्यो नगो नगम्
3316	2057034a	पितुस्त्वमेव मे गत्वा शीघ्रमाचक्ष्व राघव
3317	2057034c	न त्वामनुदहेत्क्रुद्धो वनं वह्निरिवैधितः
3318	2057035a	इयमेकपदी राजन्यतो मे पितुराश्रमः
3319	2057035c	तं प्रसादय गत्वा त्वं न त्वां स कुपितः शपेत्
3320	2057036a	विशल्यं कुरु मां राजन्मर्म मे निशितः शरः
3321	2057036c	रुणद्धि मृदु सोत्सेधं तीरमम्बुरयो यथा
3322	2057037a	न द्विजातिरहं राजन्मा भूत्ते मनसो व्यथा
3323	2057037c	शूद्रायामस्मि वैश्येन जातो जनपदाधिप
3324	2057038a	इतीव वदतः कृच्छ्राद्बाणाभिहतमर्मणः
3325	2057038c	तस्य त्वानम्यमानस्य तं बाणमहमुद्धरम्
3326	2057039a	जलार्द्रगात्रं तु विलप्य कृच्छा;न्मर्मव्रणं संततमुच्छसन्तम्
3327	2057039c	ततः सरय्वां तमहं शयानं; समीक्ष्य भद्रे सुभृशं विषण्णः
3328	2058001a	तदज्ञानान्महत्पापं कृत्वा संकुलितेन्द्रियः
3329	2058001c	एकस्त्वचिन्तयं बुद्ध्या कथं नु सुकृतं भवेत्
3330	2058002a	ततस्तं घटमादय पूर्णं परमवारिणा
3331	2058002c	आश्रमं तमहं प्राप्य यथाख्यातपथं गतः
3332	2058003a	तत्राहं दुर्बलावन्धौ वृद्धावपरिणायकौ
3333	2058003c	अपश्यं तस्य पितरौ लूनपक्षाविव द्विजौ
3334	2058004a	तन्निमित्ताभिरासीनौ कथाभिरपरिक्रमौ
3335	2058004c	तामाशां मत्कृते हीनावुदासीनावनाथवत्
3336	2058005a	पदशब्दं तु मे श्रुत्वा मुनिर्वाक्यमभाषत
3337	2058005c	किं चिरायसि मे पुत्र पानीयं क्षिप्रमानय
3338	2058006a	यन्निमित्तमिदं तात सलिले क्रीडितं त्वया
3339	2058006c	उत्कण्ठिता ते मातेयं प्रविश क्षिप्रमाश्रमम्
3340	2058007a	यद्व्यलीकं कृतं पुत्र मात्रा ते यदि वा मया
3341	2058007c	न तन्मनसि कर्तव्यं त्वया तात तपस्विना
3342	2058008a	त्वं गतिस्त्वगतीनां च चक्षुस्त्वं हीनचक्षुषाम्
3343	2058008c	समासक्तास्त्वयि प्राणाः किंचिन्नौ नाभिभाषसे
3344	2058009a	मुनिमव्यक्तया वाचा तमहं सज्जमानया
3345	2058009c	हीनव्यञ्जनया प्रेक्ष्य भीतो भीत इवाब्रुवम्
3346	2058010a	मनसः कर्म चेष्टाभिरभिसंस्तभ्य वाग्बलम्
3347	2058010c	आचचक्षे त्वहं तस्मै पुत्रव्यसनजं भयम्
3348	2058011a	क्षत्रियोऽहं दशरथो नाहं पुत्रो महात्मनः
3349	2058011c	सज्जनावमतं दुःखमिदं प्राप्तं स्वकर्मजम्
3350	2058012a	भगवंश्चापहस्तोऽहं सरयूतीरमागतः
3351	2058012c	जिघांसुः श्वापदं किंचिन्निपाने वागतं गजम्
3352	2058013a	तत्र श्रुतो मया शब्दो जले कुम्भस्य पूर्यतः
3353	2058013c	द्विपोऽयमिति मत्वा हि बाणेनाभिहतो मया
3354	2058014a	गत्वा नद्यास्ततस्तीरमपश्यमिषुणा हृदि
3355	2058014c	विनिर्भिन्नं गतप्राणं शयानं भुवि तापसं
3356	2058015a	भगवञ्शब्दमालक्ष्य मया गजजिघांसुना
3357	2058015c	विसृष्टोऽम्भसि नाराचस्तेन ते निहतः सुतः
3358	2058016a	स चोद्धृतेन बाणेन तत्रैव स्वर्गमास्थितः
3359	2058016c	भगवन्तावुभौ शोचन्नन्धाविति विलप्य च
3360	2058017a	अज्ञानाद्भवतः पुत्रः सहसाभिहतो मया
3361	2058017c	शेषमेवंगते यत्स्यात्तत्प्रसीदतु मे मुनिः
3362	2058018a	स तच्छ्रुत्वा वचः क्रूरं निःश्वसञ्शोककर्शितः
3363	2058018c	मामुवाच महातेजाः कृताञ्जलिमुपस्थितम्
3364	2058019a	यद्येतदशुभं कर्म न स्म मे कथयेः स्वयम्
3365	2058019c	फलेन्मूर्धा स्म ते राजन्सद्यः शतसहस्रधा
3366	2058020a	क्षत्रियेण वधो राजन्वानप्रस्थे विशेषतः
3367	2058020c	ज्ञानपूर्वं कृतः स्थानाच्च्यावयेदपि वज्रिणम्
3368	2058021a	अज्ञानाद्धि कृतं यस्मादिदं तेनैव जीवसि
3369	2058021c	अपि ह्यद्य कुलं नस्याद्राघवाणां कुतो भवान्
3370	2058022a	नय नौ नृप तं देशमिति मां चाभ्यभाषत
3371	2058022c	अद्य तं द्रष्टुमिच्छावः पुत्रं पश्चिमदर्शनम्
3372	2058023a	रुधिरेणावसिताङ्गं प्रकीर्णाजिनवाससं
3373	2058023c	शयानं भुवि निःसंज्ञं धर्मराजवशं गतम्
3374	2058024a	अथाहमेकस्तं देशं नीत्वा तौ भृशदुःखितौ
3375	2058024c	अस्पर्शयमहं पुत्रं तं मुनिं सह भार्यया
3376	2058025a	तौ पुत्रमात्मनः स्पृष्ट्वा तमासाद्य तपस्विनौ
3377	2058025c	निपेततुः शरीरेऽस्य पिता चास्येदमब्रवीत्
3378	2058026a	न न्वहं ते प्रियः पुत्र मातरं पश्य धार्मिक
3379	2058026c	किं नु नालिङ्गसे पुत्र सुकुमार वचो वद
3380	2058027a	कस्य वापररात्रेऽहं श्रोष्यामि हृदयंगमम्
3381	2058027c	अधीयानस्य मधुरं शास्त्रं वान्यद्विशेषतः
3382	2058028a	को मां संध्यामुपास्यैव स्नात्वा हुतहुताशनः
3383	2058028c	श्लाघयिष्यत्युपासीनः पुत्रशोकभयार्दितम्
3384	2058029a	कन्दमूलफलं हृत्वा को मां प्रियमिवातिथिम्
3385	2058029c	भोजयिष्यत्यकर्मण्यमप्रग्रहमनायकम्
3386	2058030a	इमामन्धां च वृद्धां च मातरं ते तपस्विनीम्
3387	2058030c	कथं पुत्र भरिष्यामि कृपणां पुत्रगर्धिनीम्
3388	2058031a	तिष्ठ मा मा गमः पुत्र यमस्य सदनं प्रति
3389	2058031c	श्वो मया सह गन्तासि जनन्या च समेधितः
3390	2058032a	उभावपि च शोकार्तावनाथौ कृपणौ वने
3391	2058032c	क्षिप्रमेव गमिष्यावस्त्वया हीनौ यमक्षयम्
3392	2058033a	ततो वैवस्वतं दृष्ट्वा तं प्रवक्ष्यामि भारतीम्
3393	2058033c	क्षमतां धर्मराजो मे बिभृयात्पितरावयम्
3394	2058034a	अपापोऽसि यथा पुत्र निहतः पापकर्मणा
3395	2058034c	तेन सत्येन गच्छाशु ये लोकाः शस्त्रयोधिनाम्
3396	2058035a	यान्ति शूरा गतिं यां च संग्रामेष्वनिवर्तिनः
3397	2058035c	हतास्त्वभिमुखाः पुत्र गतिं तां परमां व्रज
3398	2058036a	यां गतिं सगरः शैब्यो दिलीपो जनमेजयः
3399	2058036c	नहुषो धुन्धुमारश्च प्राप्तास्तां गच्छ पुत्रक
3400	2058037a	या गतिः सर्वसाधूनां स्वाध्यायात्पतसश्च या
3401	2058037c	भूमिदस्याहिताग्नेश्च एकपत्नीव्रतस्य च
3402	2058038a	गोसहस्रप्रदातॄणां या या गुरुभृतामपि
3403	2058038c	देहन्यासकृतां या च तां गतिं गच्छ पुत्रक
3404	2058038e	न हि त्वस्मिन्कुले जातो गच्छत्यकुशलां गतिम्
3405	2058039a	एवं स कृपणं तत्र पर्यदेवयतासकृत्
3406	2058039c	ततोऽस्मै कर्तुमुदकं प्रवृत्तः सह भार्यया
3407	2058040a	स तु दिव्येन रूपेण मुनिपुत्रः स्वकर्मभिः
3408	2058040c	आश्वास्य च मुहूर्तं तु पितरौ वाक्यमब्रवीत्
3409	2058041a	स्थानमस्मि महत्प्राप्तो भवतोः परिचारणात्
3410	2058041c	भवन्तावपि च क्षिप्रं मम मूलमुपैष्यतः
3411	2058042a	एवमुक्त्वा तु दिव्येन विमानेन वपुष्मता
3412	2058042c	आरुरोह दिवं क्षिप्रं मुनिपुत्रो जितेन्द्रियः
3413	2058043a	स कृत्वा तूदकं तूर्णं तापसः सह भार्यया
3414	2058043c	मामुवाच महातेजाः कृताञ्जलिमुपस्थितम्
3415	2058044a	अद्यैव जहि मां राजन्मरणे नास्ति मे व्यथा
3416	2058044c	यच्छरेणैकपुत्रं मां त्वमकार्षीरपुत्रकम्
3417	2058045a	त्वया तु यदविज्ञानान्निहतो मे सुतः शुचिः
3418	2058045c	तेन त्वामभिशप्स्यामि सुदुःखमतिदारुणम्
3419	2058046a	पुत्रव्यसनजं दुःखं यदेतन्मम साम्प्रतम्
3420	2058046c	एवं त्वं पुत्रशोकेन राजन्कालं करिष्यसि
3421	2058047a	तस्मान्मामागतं भद्रे तस्योदारस्य तद्वचः
3422	2058047c	यदहं पुत्रशोकेन संत्यक्ष्याम्यद्य जीवितम्
3423	2058048a	यदि मां संस्पृशेद्रामः सकृदद्यालभेत वा
3424	2058048c	न तन्मे सदृशं देवि यन्मया राघवे कृतम्
3425	2058049a	चक्षुषा त्वां न पश्यामि स्मृतिर्मम विलुप्यते
3426	2058049c	दूता वैवस्वतस्यैते कौसल्ये त्वरयन्ति माम्
3427	2058050a	अतस्तु किं दुःखतरं यदहं जीवितक्षये
3428	2058050c	न हि पश्यामि धर्मज्ञं रामं सत्यपराक्यमम्
3429	2058051a	न ते मनुष्या देवास्ते ये चारुशुभकुण्डलम्
3430	2058051c	मुखं द्रक्ष्यन्ति रामस्य वर्षे पञ्चदशे पुनः
3431	2058052a	पद्मपत्रेक्षणं सुभ्रु सुदंष्ट्रं चारुनासिकम्
3432	2058052c	धन्या द्रक्ष्यन्ति रामस्य ताराधिपनिभं मुखम्
3433	2058053a	सदृशं शारदस्येन्दोः फुल्लस्य कमलस्य च
3434	2058053c	सुगन्धि मम नाथस्य धन्या द्रक्ष्यन्ति तन्मुखम्
3435	2058054a	निवृत्तवनवासं तमयोध्यां पुनरागतम्
3436	2058054c	द्रक्ष्यन्ति सुखिनो रामं शुक्रं मार्गगतं यथा
3437	2058055a	अयमात्मभवः शोको मामनाथमचेतनम्
3438	2058055c	संसादयति वेगेन यथा कूलं नदीरयः
3439	2058056a	हा राघव महाबाहो हा ममायास नाशन
3440	2058056c	राजा दशरथः शोचञ्जीवितान्तमुपागमत्
3441	2058057a	तथा तु दीनं कथयन्नराधिपः; प्रियस्य पुत्रस्य विवासनातुरः
3442	2058057c	गतेऽर्धरात्रे भृशदुःखपीडित;स्तदा जहौ प्राणमुदारदर्शनः
3443	2059001a	अथ रात्र्यां व्यतीतायां प्रातरेवापरेऽहनि
3444	2059001c	बन्दिनः पर्युपातिष्ठंस्तत्पार्थिवनिवेशनम्
3445	2059002a	ततः शुचिसमाचाराः पर्युपस्थान कोविदः
3446	2059002c	स्त्रीवर्षवरभूयिष्ठा उपतस्थुर्यथापुरम्
3447	2059003a	हरिचन्दनसंपृक्तमुदकं काञ्चनैर्घटैः
3448	2059003c	आनिन्युः स्नानशिक्षाज्ञा यथाकालं यथाविधि
3449	2059004a	मङ्गलालम्भनीयानि प्राशनीयानुपस्करान्
3450	2059004c	उपनिन्युस्तथाप्यन्याः कुमारी बहुलाः स्त्रियः
3451	2059005a	अथ याः कोसलेन्द्रस्य शयनं प्रत्यनन्तराः
3452	2059005c	ताः स्त्रियस्तु समागम्य भर्तारं प्रत्यबोधयन्
3453	2059006a	ता वेपथुपरीताश्च राज्ञः प्राणेषु शङ्किताः
3454	2059006c	प्रतिस्रोतस्तृणाग्राणां सदृशं संचकम्पिरे
3455	2059007a	अथ संवेपमनानां स्त्रीणां दृष्ट्वा च पार्थिवम्
3456	2059007c	यत्तदाशङ्कितं पापं तस्य जज्ञे विनिश्चयः
3457	2059008a	ततः प्रचुक्रुशुर्दीनाः सस्वरं ता वराङ्गनाः
3458	2059008c	करेणव इवारण्ये स्थानप्रच्युतयूथपाः
3459	2059009a	तासामाक्रन्द शब्देन सहसोद्गतचेतने
3460	2059009c	कौसल्या च सुमित्राच त्यक्तनिद्रे बभूवतुः
3461	2059010a	कौसल्या च सुमित्रा च दृष्ट्वा स्पृष्ट्वा च पार्थिवम्
3462	2059010c	हा नाथेति परिक्रुश्य पेततुर्धरणीतले
3463	2059011a	सा कोसलेन्द्रदुहिता वेष्टमाना महीतले
3464	2059011c	न बभ्राज रजोध्वस्ता तारेव गगनच्युता
3465	2059012a	तत्समुत्त्रस्तसंभ्रान्तं पर्युत्सुकजनाकुलम्
3466	2059012c	सर्वतस्तुमुलाक्रन्दं परितापार्तबान्धवम्
3467	2059013a	सद्यो निपतितानन्दं दीनविक्लवदर्शनम्
3468	2059013c	बभूव नरदेवस्य सद्म दिष्टान्तमीयुषः
3469	2059014a	अतीतमाज्ञाय तु पार्थिवर्षभं; यशस्विनं संपरिवार्य पत्नयः
3470	2059014c	भृशं रुदन्त्यः करुणं सुदुःखिताः; प्रगृह्य बाहू व्यलपन्ननाथवत्
3471	2060001a	तमग्निमिव संशान्तमम्बुहीनमिवार्णवम्
3472	2060001c	हतप्रभमिवादित्यं स्वर्गथं प्रेक्ष्य भूमिपम्
3473	2060002a	कौसल्या बाष्पपूर्णाक्षी विविधं शोककर्शिता
3474	2060002c	उपगृह्य शिरो राज्ञः कैकेयीं प्रत्यभाषत
3475	2060003a	सकामा भव कैकेयि भुङ्क्ष्व राज्यमकण्टकम्
3476	2060003c	त्यक्त्वा राजानमेकाग्रा नृशंसे दुष्टचारिणि
3477	2060004a	विहाय मां गतो रामो भर्ता च स्वर्गतो मम
3478	2060004c	विपथे सार्थहीनेव नाहं जीवितुमुत्सहे
3479	2060005a	भर्तारं तं परित्यज्य का स्त्री दैवतमात्मनः
3480	2060005c	इच्छेज्जीवितुमन्यत्र कैकेय्यास्त्यक्तधर्मणः
3481	2060006a	न लुब्धो बुध्यते दोषान्किं पाकमिव भक्षयन्
3482	2060006c	कुब्जानिमित्तं कैकेय्या राघवाणान्कुलं हतम्
3483	2060007a	अनियोगे नियुक्तेन राज्ञा रामं विवासितम्
3484	2060007c	सभार्यं जनकः श्रुत्वा पतितप्स्यत्यहं यथा
3485	2060008a	रामः कमलपत्राक्षो जीवनाशमितो गतः
3486	2060008c	विदेहराजस्य सुता तहा सीता तपस्विनी
3487	2060008e	दुःखस्यानुचिता दुःखं वने पर्युद्विजिष्यति
3488	2060009a	नदतां भीमघोषाणां निशासु मृगपक्षिणाम्
3489	2060009c	निशम्य नूनं संस्त्रस्ता राघवं संश्रयिष्यति
3490	2060010a	वृद्धश्चैवाल्पपुत्रश्च वैदेहीमनिचिन्तयन्
3491	2060010c	सोऽपि शोकसमाविष्टो ननु त्यक्ष्यति जीवितम्
3492	2060011a	तां ततः संपरिष्वज्य विलपन्तीं तपस्विनीम्
3493	2060011c	व्यपनिन्युः सुदुःखार्तां कौसल्यां व्यावहारिकाः
3494	2060012a	तैलद्रोण्यामथामात्याः संवेश्य जगतीपतिम्
3495	2060012c	राज्ञः सर्वाण्यथादिष्टाश्चक्रुः कर्माण्यनन्तरम्
3496	2060013a	न तु संकलनं राज्ञो विना पुत्रेण मन्त्रिणः
3497	2060013c	सर्वज्ञाः कर्तुमीषुस्ते ततो रक्षन्ति भूमिपम्
3498	2060014a	तैलद्रोण्यां तु सचिवैः शायितं तं नराधिपम्
3499	2060014c	हा मृतोऽयमिति ज्ञात्वा स्त्रियस्ताः पर्यदेवयन्
3500	2060015a	बाहूनुद्यम्य कृपणा नेत्रप्रस्रवणैर्मुखैः
3501	2060015c	रुदन्त्यः शोकसंतप्ताः कृपणं पर्यदेवयन्
3502	2060016a	निशानक्षत्रहीनेव स्त्रीव भर्तृविवर्जिता
3503	2060016c	पुरी नाराजतायोध्या हीना राज्ञा महात्मना
3504	2060017a	बाष्पपर्याकुलजना हाहाभूतकुलाङ्गना
3505	2060017c	शून्यचत्वरवेश्मान्ता न बभ्राज यथापुरम्
3506	2060018a	गतप्रभा द्यौरिव भास्करं विना; व्यपेतनक्षत्रगणेव शर्वरी
3507	2060018c	पुरी बभासे रहिता महात्मना; न चास्रकण्ठाकुलमार्गचत्वरा
3508	2060019a	नराश्च नार्यश्च समेत्य संघशो; विगर्हमाणा भरतस्य मातरम्
3509	2060019c	तदा नगर्यां नरदेवसंक्षये; बभूवुरार्ता न च शर्म लेभिरे
3510	2061001a	व्यतीतायां तु शर्वर्यामादित्यस्योदये ततः
3511	2061001c	समेत्य राजकर्तारः सभामीयुर्द्विजातयः
3512	2061002a	मार्कण्डेयोऽथ मौद्गल्यो वामदेवश्च काश्यपः
3513	2061002c	कात्ययनो गौतमश्च जाबालिश्च महायशाः
3514	2061003a	एते द्विजाः सहामात्यैः पृथग्वाचमुदीरयन्
3515	2061003c	वसिष्ठमेवाभिमुखाः श्रेष्ठो राजपुरोहितम्
3516	2061004a	अतीता शर्वरी दुःखं या नो वर्षशतोपमा
3517	2061004c	अस्मिन्पञ्चत्वमापन्ने पुत्रशोकेन पार्थिवे
3518	2061005a	स्वर्गतश्च महाराजो रामश्चारण्यमाश्रितः
3519	2061005c	लक्ष्मणश्चापि तेजस्वी रामेणैव गतः सह
3520	2061006a	उभौ भरतशत्रुघ्नौ क्केकयेषु परंतपौ
3521	2061006c	पुरे राजगृहे रम्ये मातामहनिवेशने
3522	2061007a	इक्ष्वाकूणामिहाद्यैव कश्चिद्राजा विधीयताम्
3523	2061007c	अराजकं हि नो राष्ट्रं न विनाशमवाप्नुयात्
3524	2061008a	नाराजले जनपदे विद्युन्माली महास्वनः
3525	2061008c	अभिवर्षति पर्जन्यो महीं दिव्येन वारिणा
3526	2061009a	नाराजके जनपदे बीजमुष्टिः प्रकीर्यते
3527	2061009c	नाराकके पितुः पुत्रो भार्या वा वर्तते वशे
3528	2061010a	अराजके धनं नास्ति नास्ति भार्याप्यराजके
3529	2061010c	इदमत्याहितं चान्यत्कुतः सत्यमराजके
3530	2061011a	नाराजके जनपदे कारयन्ति सभां नराः
3531	2061011c	उद्यानानि च रम्याणि हृष्टाः पुण्यगृहाणि च
3532	2061012a	नाराजके जनपदे यज्ञशीला द्विजातयः
3533	2061012c	सत्राण्यन्वासते दान्ता ब्राह्मणाः संशितव्रताः
3534	2061013a	नाराजके जनपदे प्रभूतनटनर्तकाः
3535	2061013c	उत्सवाश्च समाजाश्च वर्धन्ते राष्ट्रवर्धनाः
3536	2061014a	नारजके जनपदे सिद्धार्था व्यवहारिणः
3537	2061014c	कथाभिरनुरज्यन्ते कथाशीलाः कथाप्रियैः
3538	2061015a	नाराजके जनपदे वाहनैः शीघ्रगामिभिः
3539	2061015c	नरा निर्यान्त्यरण्यानि नारीभिः सह कामिनः
3540	2061016a	नाराकजे जनपदे धनवन्तः सुरक्षिताः
3541	2061016c	शेरते विवृत द्वाराः कृषिगोरक्षजीविनः
3542	2061017a	नाराजके जनपदे वणिजो दूरगामिनः
3543	2061017c	गच्छन्ति क्षेममध्वानं बहुपुण्यसमाचिताः
3544	2061018a	नाराजके जनपदे चरत्येकचरो वशी
3545	2061018c	भावयन्नात्मनात्मानं यत्रसायंगृहो मुनिः
3546	2061019a	नाराजके जनपदे योगक्षेमं प्रवर्तते
3547	2061019c	न चाप्यराजके सेना शत्रून्विषहते युधि
3548	2061020a	यथा ह्यनुदका नद्यो यथा वाप्यतृणं वनम्
3549	2061020c	अगोपाला यथा गावस्तथा राष्ट्रमराजकम्
3550	2061021a	नाराजके जनपदे स्वकं भवति कस्यचित्
3551	2061021c	मत्स्या इव नरा नित्यं भक्षयन्ति परस्परम्
3552	2061022a	येहि संभिन्नमर्यादा नास्तिकाश्छिन्नसंशयाः
3553	2061022c	तेऽपि भावाय कल्पन्ते राजदण्डनिपीडिताः
3554	2061023a	अहो तम इवेदं स्यान्न प्रज्ञायेत किंचन
3555	2061023c	राजा चेन्न भवेँल्लोके विभजन्साध्वसाधुनी
3556	2061024a	जीवत्यपि महाराजे तवैव वचनं वयम्
3557	2061024c	नातिक्रमामहे सर्वे वेलां प्राप्येव सागरः
3558	2061025a	स नः समीक्ष्य द्विजवर्यवृत्तं; नृपं विना राज्यमरण्यभूतम्
3559	2061025c	कुमारमिक्ष्वाकुसुतं वदान्यं; त्वमेव राजानमिहाभिषिञ्चय
3560	2062001a	तेषां तद्वचनं श्रुत्वा वसिष्ठः प्रत्युवाच ह
3561	2062001c	मित्रामात्यगणान्सर्वान्ब्राह्मणांस्तानिदं वचः
3562	2062002a	यदसौ मातुलकुले पुरे राजगृहे सुखी
3563	2062002c	भरतो वसति भ्रात्रा शत्रुघ्नेन समन्वितः
3564	2062003a	तच्छीघ्रं जवना दूता गच्छन्तु त्वरितैर्हयैः
3565	2062003c	आनेतुं भ्रातरौ वीरौ किं समीक्षामहे वयम्
3566	2062004a	गच्छन्त्विति ततः सर्वे वसिष्ठं वाक्यमब्रुवन्
3567	2062004c	तेषां तद्वचनं श्रुत्वा वसिष्ठो वाक्यमब्रवीत्
3568	2062005a	एहि सिद्धार्थ विजय जयन्ताशोकनन्दन
3569	2062005c	श्रूयतामितिकर्तव्यं सर्वानेव ब्रवीमि वः
3570	2062006a	पुरं राजगृहं गत्वा शीघ्रं शीघ्रजवैर्हयैः
3571	2062006c	त्यक्तशोकैरिदं वाच्यः शासनाद्भरतो मम
3572	2062007a	पुरोहितस्त्वां कुशलं प्राह सर्वे च मन्त्रिणः
3573	2062007c	त्वरमाणश्च निर्याहि कृत्यमात्ययिकं त्वया
3574	2062008a	मा चास्मै प्रोषितं रामं मा चास्मै पितरं मृतम्
3575	2062008c	भवन्तः शंसिषुर्गत्वा राघवाणामिमं क्षयम्
3576	2062009a	कौशेयानि च वस्त्राणि भूषणानि वराणि च
3577	2062009c	क्षिप्रमादाय राज्ञश्च भरतस्य च गच्छत
3578	2062009e	वसिष्ठेनाभ्यनुज्ञाता दूताः संत्वरिता ययुः
3579	2062010a	ते हस्तिन पुरे गङ्गां तीर्त्वा प्रत्यङ्मुखा ययुः
3580	2062010c	पाञ्चालदेशमासाद्य मध्येन कुरुजाङ्गलम्
3581	2062011a	ते प्रसन्नोदकां दिव्यां नानाविहगसेविताम्
3582	2062011c	उपातिजग्मुर्वेगेन शरदण्डां जनाकुलाम्
3583	2062012a	निकूलवृक्षमासाद्य दिव्यं सत्योपयाचनम्
3584	2062012c	अभिगम्याभिवाद्यं तं कुलिङ्गां प्राविशन्पुरीम्
3585	2062013a	अभिकालं ततः प्राप्य तेजोऽभिभवनाच्च्युताः
3586	2062013c	ययुर्मध्येन बाह्लीकान्सुदामानं च पर्वतम्
3587	2062013e	विष्णोः पदं प्रेक्षमाणा विपाशां चापि शाल्मलीम्
3588	2062014a	ते श्रान्तवाहना दूता विकृष्टेन सता पथा
3589	2062014c	गिरि व्रजं पुर वरं शीघ्रमासेदुरञ्जसा
3590	2062015a	भर्तुः प्रियार्थं कुलरक्षणार्थं; भर्तुश्च वंशस्य परिग्रहार्थम्
3591	2062015c	अहेडमानास्त्वरया स्म दूता; रात्र्यां तु ते तत्पुरमेव याताः
3592	2063001a	यामेव रात्रिं ते दूताः प्रविशन्ति स्म तां पुरीम्
3593	2063001c	भरतेनापि तां रात्रिं स्वप्नो दृष्टोऽयमप्रियः
3594	2063002a	व्युष्टामेव तु तां रात्रिं दृष्ट्वा तं स्वप्नमप्रियम्
3595	2063002c	पुत्रो राजाधिराजस्य सुभृशं पर्यतप्यत
3596	2063003a	तप्यमानं समाज्ञाय वयस्याः प्रियवादिनः
3597	2063003c	आयासं हि विनेष्यन्तः सभायां चक्रिरे कथाः
3598	2063004a	वादयन्ति तथा शान्तिं लासयन्त्यपि चापरे
3599	2063004c	नाटकान्यपरे प्राहुर्हास्यानि विविधानि च
3600	2063005a	स तैर्महात्मा भरतः सखिभिः प्रिय वादिभिः
3601	2063005c	गोष्ठीहास्यानि कुर्वद्भिर्न प्राहृष्यत राघवः
3602	2063006a	तमब्रवीत्प्रियसखो भरतं सखिभिर्वृतम्
3603	2063006c	सुहृद्भिः पर्युपासीनः किं सखे नानुमोदसे
3604	2063007a	एवं ब्रुवाणं सुहृदं भरतः प्रत्युवाच ह
3605	2063007c	शृणु त्वं यन्निमित्तंमे दैन्यमेतदुपागतम्
3606	2063008a	स्वप्ने पितरमद्राक्षं मलिनं मुक्तमूर्धजम्
3607	2063008c	पतन्तमद्रिशिखरात्कलुषे गोमये ह्रदे
3608	2063009a	प्लवमानश्च मे दृष्टः स तस्मिन्गोमयह्रदे
3609	2063009c	पिबन्नञ्जलिना तैलं हसन्निव मुहुर्मुहुः
3610	2063010a	ततस्तिलोदनं भुक्त्वा पुनः पुनरधःशिराः
3611	2063010c	तैलेनाभ्यक्तसर्वाङ्गस्तैलमेवावगाहत
3612	2063011a	स्वप्नेऽपि सागरं शुष्कं चन्द्रं च पतितं भुवि
3613	2063011c	सहसा चापि संशन्तं ज्वलितं जातवेदसं
3614	2063012a	अवदीर्णां च पृथिवीं शुष्कांश्च विविधान्द्रुमान्
3615	2063012c	अहं पश्यामि विध्वस्तान्सधूमांश्चैव पार्वतान्
3616	2063013a	पीठे कार्ष्णायसे चैनं निषण्णं कृष्णवाससं
3617	2063013c	प्रहसन्ति स्म राजानं प्रमदाः कृष्णपिङ्गलाः
3618	2063014a	त्वरमाणश्च धर्मात्मा रक्तमाल्यानुलेपनः
3619	2063014c	रथेन खरयुक्तेन प्रयातो दक्षिणामुखः
3620	2063015a	एवमेतन्मया दृष्टमिमां रात्रिं भयावहाम्
3621	2063015c	अहं रामोऽथ वा राजा लक्ष्मणो वा मरिष्यति
3622	2063016a	नरो यानेन यः स्वप्ने खरयुक्तेन याति हि
3623	2063016c	अचिरात्तस्य धूमाग्रं चितायां संप्रदृश्यते
3624	2063016e	एतन्निमित्तं दीनोऽहं तन्न वः प्रतिपूजये
3625	2063017a	शुष्यतीव च मे कण्ठो न स्वस्थमिव मे मनः
3626	2063017c	जुगुप्सन्निव चात्मानं न च पश्यामि कारणम्
3627	2063018a	इमां हि दुःस्वप्नगतिं निशाम्य ता;मनेकरूपामवितर्कितां पुरा
3628	2063018c	भयं महत्तद्धृदयान्न याति मे; विचिन्त्य राजानमचिन्त्यदर्शनम्
3629	2064001a	भरते ब्रुवति स्वप्नं दूतास्ते क्लान्तवाहनाः
3630	2064001c	प्रविश्यासह्यपरिखं रम्यं राजगृहं पुरम्
3631	2064002a	समागम्य तु राज्ञा च राजपुत्रेण चार्चिताः
3632	2064002c	राज्ञः पादौ गृहीत्वा तु तमूचुर्भरतं वचः
3633	2064003a	पुरोहितस्त्वा कुशलं प्राह सर्वे च मन्त्रिणः
3634	2064003c	त्वरमाणश्च निर्याहि कृत्यमात्ययिकं त्वया
3635	2064004a	अत्र विंशतिकोट्यस्तु नृपतेर्मातुलस्य ते
3636	2064004c	दशकोट्यस्तु संपूर्णास्तथैव च नृपात्मज
3637	2064005a	प्रतिगृह्य च तत्सर्वं स्वनुरक्तः सुहृज्जने
3638	2064005c	दूतानुवाच भरतः कामैः संप्रतिपूज्य तान्
3639	2064006a	कच्चित्सुकुशली राजा पिता दशरथो मम
3640	2064006c	कच्चिच्चारागता रामे लक्ष्मणे वा महात्मनि
3641	2064007a	आर्या च धर्मनिरता धर्मज्ञा धर्मदर्शिनी
3642	2064007c	अरोगा चापि कौसल्या माता रामस्य धीमतः
3643	2064008a	कच्चित्सुमित्रा धर्मज्ञा जननी लक्ष्मणस्य या
3644	2064008c	शत्रुघ्नस्य च वीरस्य सारोगा चापि मध्यमा
3645	2064009a	आत्मकामा सदा चण्डी क्रोधना प्राज्ञमानिनी
3646	2064009c	अरोगा चापि कैकेयी माता मे किमुवाच ह
3647	2064010a	एवमुक्तास्तु ते दूता भरतेन महात्मना
3648	2064010c	ऊचुः संप्रश्रितं वाक्यमिदं तं भरतं तदा
3649	2064010e	कुशलास्ते नरव्याघ्र येषां कुशलमिच्छसि
3650	2064011a	भरतश्चापि तान्दूतानेवमुक्तोऽभ्यभाषत
3651	2064011c	आपृच्छेऽहं महाराजं दूताः संत्वरयन्ति माम्
3652	2064012a	एवमुक्त्वा तु तान्दूतान्भरतः पार्थिवात्मजः
3653	2064012c	दूतैः संचोदितो वाक्यं मातामहमुवाच ह
3654	2064013a	राजन्पितुर्गमिष्यामि सकाशं दूतचोदितः
3655	2064013c	पुनरप्यहमेष्यामि यदा मे त्वं स्मरिष्यसि
3656	2064014a	भरतेनैवमुक्तस्तु नृपो मातामहस्तदा
3657	2064014c	तमुवाच शुभं वाक्यं शिरस्याघ्राय राघवम्
3658	2064015a	गच्छ तातानुजाने त्वां कैकेयी सुप्रजास्त्वया
3659	2064015c	मातरं कुशलं ब्रूयाः पितरं च परंतप
3660	2064016a	पुरोहितं च कुशलं ये चान्ये द्विजसत्तमाः
3661	2064016c	तौ च तात महेष्वासौ भ्रातरु रामलक्ष्मणौ
3662	2064017a	तस्मै हस्त्युत्तमांश्चित्रान्कम्बलानजिनानि च
3663	2064017c	अभिसत्कृत्य कैकेयो भरताय धनं ददौ
3664	2064018a	रुक्म निष्कसहस्रे द्वे षोडशाश्वशतानि च
3665	2064018c	सत्कृत्य कैकेयी पुत्रं केकयो धनमादिशत्
3666	2064019a	तथामात्यानभिप्रेतान्विश्वास्यांश्च गुणान्वितान्
3667	2064019c	ददावश्वपतिः शीघ्रं भरतायानुयायिनः
3668	2064020a	ऐरावतानैन्द्रशिरान्नागान्वै प्रियदर्शनान्
3669	2064020c	खराञ्शीघ्रान्सुसंयुक्तान्मातुलोऽस्मै धनं ददौ
3670	2064021a	अन्तःपुरेऽतिसंवृद्धान्व्याघ्रवीर्यबलान्वितान्
3671	2064021c	दंष्ट्रायुधान्महाकायाञ्शुनश्चोपायनं ददौ
3672	2064022a	स मातामहमापृच्छ्य मातुलं च युधाजितम्
3673	2064022c	रथमारुह्य भरतः शत्रुघ्नसहितो ययौ
3674	2064023a	रथान्मण्डलचक्रांश्च योजयित्वा परःशतम्
3675	2064023c	उष्ट्रगोऽश्वखरैर्भृत्या भरतं यान्तमन्वयुः
3676	2064024a	बलेन गुप्तो भरतो महात्मा; सहार्यकस्यात्मसमैरमात्यैः
3677	2064024c	आदाय शत्रुघ्नमपेतशत्रु;र्गृहाद्ययौ सिद्ध इवेन्द्रलोकात्
3678	2065001a	स प्राङ्मुखो राजगृहादभिनिर्याय वीर्यवान्
3679	2065001c	ह्रादिनीं दूरपारां च प्रत्यक्स्रोतस्तरङ्गिणीम्
3680	2065001e	शतद्रूमतरच्छ्रीमान्नदीमिक्ष्वाकुनन्दनः
3681	2065002a	एलधाने नदीं तीर्त्वा प्राप्य चापरपर्पटान्
3682	2065002c	शिलामाकुर्वतीं तीर्त्वा आग्नेयं शल्यकर्तनम्
3683	2065003a	सत्यसंधः शुचिः श्रीमान्प्रेक्षमाणः शिलावहाम्
3684	2065003c	अत्ययात्स महाशैलान्वनं चैत्ररथं प्रति
3685	2065004a	वेगिनीं च कुलिङ्गाख्यां ह्रादिनीं पर्वतावृताम्
3686	2065004c	यमुनां प्राप्य संतीर्णो बलमाश्वासयत्तदा
3687	2065005a	शीतीकृत्य तु गात्राणि क्लान्तानाश्वास्य वाजिनः
3688	2065005c	तत्र स्नात्वा च पीत्वा च प्रायादादाय चोदकम्
3689	2065006a	राजपुत्रो महारण्यमनभीक्ष्णोपसेवितम्
3690	2065006c	भद्रो भद्रेण यानेन मारुतः खमिवात्ययात्
3691	2065007a	तोरणं दक्षिणार्धेन जम्बूप्रस्थमुपागमत्
3692	2065007c	वरूथं च ययौ रम्यं ग्रामं दशरथात्मजः
3693	2065008a	तत्र रम्ये वने वासं कृत्वासौ प्राङ्मुखो ययौ
3694	2065008c	उद्यानमुज्जिहानायाः प्रियका यत्र पादपाः
3695	2065009a	सालांस्तु प्रियकान्प्राप्य शीघ्रानास्थाय वाजिनः
3696	2065009c	अनुज्ञाप्याथ भरतो वाहिनीं त्वरितो ययौ
3697	2065010a	वासं कृत्वा सर्वतीर्थे तीर्त्वा चोत्तानकां नदीम्
3698	2065010c	अन्या नदीश्च विविधाः पार्वतीयैस्तुरंगमैः
3699	2065011a	हस्तिपृष्ठकमासाद्य कुटिकामत्यवर्तत
3700	2065011c	ततार च नरव्याघ्रो लौहित्ये स कपीवतीम्
3701	2065011e	एकसाले स्थाणुमतीं विनते गोमतीं नदीम्
3702	2065012a	कलिङ्ग नगरे चापि प्राप्य सालवनं तदा
3703	2065012c	भरतः क्षिप्रमागच्छत्सुपरिश्रान्तवाहनः
3704	2065013a	वनं च समतीत्याशु शर्वर्यामरुणोदये
3705	2065013c	अयोध्यां मनुना राज्ञा निर्मितां स ददर्श ह
3706	2065014a	तां पुरीं पुरुषव्याघ्रः सप्तरात्रोषिटः पथि
3707	2065014c	अयोध्यामग्रतो दृष्ट्वा रथे सारथिमब्रवीत्
3708	2065015a	एषा नातिप्रतीता मे पुण्योद्याना यशस्विनी
3709	2065015c	अयोध्या दृश्यते दूरात्सारथे पाण्डुमृत्तिका
3710	2065016a	यज्वभिर्गुणसंपन्नैर्ब्राह्मणैर्वेदपारगैः
3711	2065016c	भूयिष्ठमृष्हैराकीर्णा राजर्षिवरपालिता
3712	2065017a	अयोध्यायां पुराशब्दः श्रूयते तुमुलो महान्
3713	2065017c	समन्तान्नरनारीणां तमद्य न शृणोम्यहम्
3714	2065018a	उद्यानानि हि सायाह्ने क्रीडित्वोपरतैर्नरैः
3715	2065018c	समन्ताद्विप्रधावद्भिः प्रकाशन्ते ममान्यदा
3716	2065019a	तान्यद्यानुरुदन्तीव परित्यक्तानि कामिभिः
3717	2065019c	अरण्यभूतेव पुरी सारथे प्रतिभाति मे
3718	2065020a	न ह्यत्र यानैर्दृश्यन्ते न गजैर्न च वाजिभिः
3719	2065020c	निर्यान्तो वाभियान्तो वा नरमुख्या यथापुरम्
3720	2065021a	अनिष्टानि च पापानि पश्यामि विविधानि च
3721	2065021c	निमित्तान्यमनोज्ञानि तेन सीदति ते मनः
3722	2065022a	द्वारेण वैजयन्तेन प्राविशच्छ्रान्तवाहनः
3723	2065022c	द्वाःस्थैरुत्थाय विजयं पृष्टस्तैः सहितो ययौ
3724	2065023a	स त्वनेकाग्रहृदयो द्वाःस्थं प्रत्यर्च्य तं जनम्
3725	2065023c	सूतमश्वपतेः क्लान्तमब्रवीत्तत्र राघवः
3726	2065024a	श्रुता नो यादृशाः पूर्वं नृपतीनां विनाशने
3727	2065024c	आकारास्तानहं सर्वानिह पश्यामि सारथे
3728	2065025a	मलिनं चाश्रुपूर्णाक्षं दीनं ध्यानपरं कृशम्
3729	2065025c	सस्त्री पुंसं च पश्यामि जनमुत्कण्ठितं पुरे
3730	2065026a	इत्येवमुक्त्वा भरतः सूतं तं दीनमानसः
3731	2065026c	तान्यनिष्टान्ययोध्यायां प्रेक्ष्य राजगृहं ययौ
3732	2065027a	तां शून्यशृङ्गाटकवेश्मरथ्यां; रजोऽरुणद्वारकपाटयन्त्राम्
3733	2065027c	दृष्ट्वा पुरीमिन्द्रपुरी प्रकाशां; दुःखेन संपूर्णतरो बभूव
3734	2065028a	बहूनि पश्यन्मनसोऽप्रियाणि; यान्यन्न्यदा नास्य पुरे बभूवुः
3735	2065028c	अवाक्शिरा दीनमना नहृष्टः; पितुर्महात्मा प्रविवेश वेश्म
3736	2066001a	अपश्यंस्तु ततस्तत्र पितरं पितुरालये
3737	2066001c	जगाम भरतो द्रष्टुं मातरं मातुरालये
3738	2066002a	अनुप्राप्तं तु तं दृष्ट्वा कैकेयी प्रोषितं सुतम्
3739	2066002c	उत्पपात तदा हृष्टा त्यक्त्वा सौवर्णमानसं
3740	2066003a	स प्रविश्यैव धर्मात्मा स्वगृहं श्रीविवर्जितम्
3741	2066003c	भरतः प्रेक्ष्य जग्राह जनन्याश्चरणौ शुभौ
3742	2066004a	तं मूर्ध्नि समुपाघ्राय परिष्वज्य यशस्विनम्
3743	2066004c	अङ्के भरतमारोप्य प्रष्टुं समुपचक्रमे
3744	2066005a	अद्य ते कतिचिद्रात्र्यश्च्युतस्यार्यकवेश्मनः
3745	2066005c	अपि नाध्वश्रमः शीघ्रं रथेनापततस्तव
3746	2066006a	आर्यकस्ते सुकुशलो युधाजिन्मातुलस्तव
3747	2066006c	प्रवासाच्च सुखं पुत्र सर्वं मे वक्तुमर्हसि
3748	2066007a	एवं पृष्ठस्तु कैकेय्या प्रियं पार्थिवनन्दनः
3749	2066007c	आचष्ट भरतः सर्वं मात्रे राजीवलोचनः
3750	2066008a	अद्य मे सप्तमी रात्रिश्च्युतस्यार्यकवेश्मनः
3751	2066008c	अम्बायाः कुशली तातो युधाजिन्मातुलश्च मे
3752	2066009a	यन्मे धनं च रत्नं च ददौ राजा परंतपः
3753	2066009c	परिश्रान्तं पथ्यभवत्ततोऽहं पूर्वमागतः
3754	2066010a	राजवाक्यहरैर्दूतैस्त्वर्यमाणोऽहमागतः
3755	2066010c	यदहं प्रष्टुमिच्छामि तदम्बा वक्तुमर्हसि
3756	2066011a	शून्योऽयं शयनीयस्ते पर्यङ्को हेमभूषितः
3757	2066011c	न चायमिक्ष्वाकुजनः प्रहृष्टः प्रतिभाति मे
3758	2066012a	राजा भवति भूयिष्ठ्गमिहाम्बाया निवेशने
3759	2066012c	तमहं नाद्य पश्यामि द्रष्टुमिच्छन्निहागतः
3760	2066013a	पितुर्ग्रहीष्ये चरणौ तं ममाख्याहि पृच्छतः
3761	2066013c	आहोस्विदम्ब ज्येष्ठायाः कौसल्याया निवेशने
3762	2066014a	तं प्रत्युवाच कैकेयी प्रियवद्घोरमप्रियम्
3763	2066014c	अजानन्तं प्रजानन्ती राज्यलोभेन मोहिता
3764	2066014e	या गतिः सर्वभूतानां तां गतिं ते पिता गतः
3765	2066015a	तच्छ्रुत्वा भरतो वाक्यं धर्माभिजनवाञ्शुचिः
3766	2066015c	पपात सहसा भूमौ पितृशोकबलार्दितः
3767	2066016a	ततः शोकेन संवीतः पितुर्मरणदुःखितः
3768	2066016c	विललाप महातेजा भ्रान्ताकुलितचेतनः
3769	2066017a	एतत्सुरुचिरं भाति पितुर्मे शयनं पुरा
3770	2066017c	तदिदं न विभात्यद्य विहीनं तेन धीमता
3771	2066018a	तमार्तं देवसंकाशं समीक्ष्य पतितं भुवि
3772	2066018c	उत्थापयित्वा शोकार्तं वचनं चेदमब्रवीत्
3773	2066019a	उत्तिष्ठोत्तिष्ठ किं शेषे राजपुत्र महायशः
3774	2066019c	त्वद्विधा न हि शोचन्ति सन्तः सदसि संमताः
3775	2066020a	स रुदत्या चिरं कालं भूमौ विपरिवृत्य च
3776	2066020c	जननीं प्रत्युवाचेदं शोकैर्बहुभिरावृतः
3777	2066021a	अभिषेक्ष्यति रामं तु राजा यज्ञं नु यक्ष्यति
3778	2066021c	इत्यहं कृतसंकल्पो हृष्टो यात्रामयासिषम्
3779	2066022a	तदिदं ह्यन्यथा भूतं व्यवदीर्णं मनो मम
3780	2066022c	पितरं यो न पश्यामि नित्यं प्रियहिते रतम्
3781	2066023a	अम्ब केनात्यगाद्राजा व्याधिना मय्यनागते
3782	2066023c	धन्या रामादयः सर्वे यैः पिता संस्कृतः स्वयम्
3783	2066024a	न नूनं मां महाराजः प्राप्तं जानाति कीर्तिमान्
3784	2066024c	उपजिघ्रेद्धि मां मूर्ध्नि तातः संनम्य सत्वरम्
3785	2066025a	क्व स पाणिः सुखस्पर्शस्तातस्याक्लिष्टकर्मणः
3786	2066025c	येन मां रजसा ध्वस्तमभीक्ष्णं परिमार्जति
3787	2066026a	यो मे भ्राता पिता बन्धुर्यस्य दासोऽस्मि धीमतः
3788	2066026c	तस्य मां शीघ्रमाख्याहि रामस्याक्लिष्ट कर्मणः
3789	2066027a	पिता हि भवति ज्येष्ठो धर्ममार्यस्य जानतः
3790	2066027c	तस्य पादौ ग्रहीष्यामि स हीदानीं गतिर्मम
3791	2066028a	आर्ये किमब्रवीद्राजा पिता मे सत्यविक्रमः
3792	2066028c	पश्चिमं साधुसंदेशमिच्छामि श्रोतुमात्मनः
3793	2066029a	इति पृष्टा यथातत्त्वं कैकेयी वाक्यमब्रवीत्
3794	2066029c	रामेति राजा विलपन्हा सीते लक्ष्मणेति च
3795	2066029e	स महात्मा परं लोकं गतो गतिमतां वरः
3796	2066030a	इमां तु पश्चिमां वाचं व्याजहार पिता तव
3797	2066030c	काल धर्मपरिक्षिप्तः पाशैरिव महागजः
3798	2066031a	सिद्धार्थास्तु नरा राममागतं सीतया सह
3799	2066031c	लक्ष्मणं च महाबाहुं द्रक्ष्यन्ति पुनरागतम्
3800	2066032a	तच्छ्रुत्वा विषसादैव द्वितीया प्रियशंसनात्
3801	2066032c	विषण्णवदनो भूत्वा भूयः पप्रच्छ मातरम्
3802	2066033a	क्व चेदानीं स धर्मात्मा कौसल्यानन्दवर्धनः
3803	2066033c	लक्ष्मणेन सह भ्रात्रा सीतया च समं गतः
3804	2066034a	तथा पृष्टा यथातत्त्वमाख्यातुमुपचक्रमे
3805	2066034c	मातास्य युगपद्वाक्यं विप्रियं प्रियशङ्कया
3806	2066035a	स हि राजसुतः पुत्र चीरवासा महावनम्
3807	2066035c	दण्डकान्सह वैदेह्या लक्ष्मणानुचरो गतः
3808	2066036a	तच्छ्रुत्वा भरतस्त्रस्तो भ्रातुश्चारित्रशङ्कया
3809	2066036c	स्वस्य वंशस्य माहात्म्यात्प्रष्टुं समुपचक्रमे
3810	2066037a	कच्चिन्न ब्राह्मणवधं हृतं रामेण कस्यचित्
3811	2066037c	कच्चिन्नाढ्यो दरिद्रो वा तेनापापो विहिंसितः
3812	2066038a	कच्चिन्न परदारान्वा राजपुत्रोऽभिमन्यते
3813	2066038c	कस्मात्स दण्डकारण्ये भ्रूणहेव विवासितः
3814	2066039a	अथास्य चपला माता तत्स्वकर्म यथातथम्
3815	2066039c	तेनैव स्त्रीस्वभावेन व्याहर्तुमुपचक्रमे
3816	2066040a	न ब्राह्मण धनं किंचिद्धृतं रामेण कस्यचित्
3817	2066040c	कश्चिन्नाढ्यो दरिद्रो वा तेनापापो विहिंसितः
3818	2066040e	न रामः परदारांश्च चक्षुर्भ्यामपि पश्यति
3819	2066041a	मया तु पुत्र श्रुत्वैव रामस्यैवाभिषेचनम्
3820	2066041c	याचितस्ते पिता राज्यं रामस्य च विवासनम्
3821	2066042a	स स्ववृत्तिं समास्थाय पिता ते तत्तथाकरोत्
3822	2066042c	रामश्च सहसौमित्रिः प्रेषितः सह सीतया
3823	2066043a	तमपश्यन्प्रियं पुत्रं महीपालो महायशाः
3824	2066043c	पुत्रशोकपरिद्यूनः पञ्चत्वमुपपेदिवान्
3825	2066044a	त्वया त्विदानीं धर्मज्ञ राजत्वमवलम्ब्यताम्
3826	2066044c	त्वत्कृते हि मया सर्वमिदमेवंविधं कृतम्
3827	2066045a	तत्पुत्र शीघ्रं विधिना विधिज्ञै;र्वसिष्ठमुख्यैः सहितो द्विजेन्द्रैः
3828	2066045c	संकाल्य राजानमदीनसत्त्व;मात्मानमुर्व्यामभिषेचयस्व
3829	2067001a	श्रुत्वा तु पितरं वृत्तं भ्रातरु च विवासितौ
3830	2067001c	भरतो दुःखसंतप्त इदं वचनमब्रवीत्
3831	2067002a	किं नुण्कार्यं हतस्येह मम राज्येन शोचतः
3832	2067002c	विहीनस्याथ पित्रा च भ्रात्रा पितृसमेन च
3833	2067003a	दुःखे मे दुःखमकरोर्व्रणे क्षारमिवादधाः
3834	2067003c	राजानं प्रेतभावस्थं कृत्वा रामं च तापसं
3835	2067004a	कुलस्य त्वमभावाय कालरात्रिरिवागता
3836	2067004c	अङ्गारमुपगूह्य स्म पिता मे नावबुद्धवान्
3837	2067005a	कौसल्या च सुमित्रा च पुत्रशोकाभिपीडिते
3838	2067005c	दुष्करं यदि जीवेतां प्राप्य त्वां जननीं मम
3839	2067006a	ननु त्वार्योऽपि धर्मात्मा त्वयि वृत्तिमनुत्तमाम्
3840	2067006c	वर्तते गुरुवृत्तिज्ञो यथा मातरि वर्तते
3841	2067007a	तथा ज्येष्ठा हि मे माता कौसल्या दीर्घदर्शिनी
3842	2067007c	त्वयि धर्मं समास्थाय भगिन्यामिव वर्तते
3843	2067008a	तस्याः पुत्रं कृतात्मानं चीरवल्कलवाससं
3844	2067008c	प्रस्थाप्य वनवासाय कथं पापे न शोचसि
3845	2067009a	अपापदर्शिनं शूरं कृतात्मानं यशस्विनम्
3846	2067009c	प्रव्राज्य चीरवसनं किं नु पश्यसि कारणम्
3847	2067010a	लुब्धाया विदितो मन्ये न तेऽहं राघवं प्रति
3848	2067010c	तथा ह्यनर्थो राज्यार्थं त्वया नीतो महानयम्
3849	2067011a	अहं हि पुरुषव्याघ्रावपश्यन्रामलक्ष्मणौ
3850	2067011c	केन शक्तिप्रभावेन राज्यं रक्षितुमुत्सहे
3851	2067012a	तं हि नित्यं महाराजो बलवन्तं महाबलः
3852	2067012c	अपाश्रितोऽभूद्धर्मात्मा मेरुर्मेरुवनं यथा
3853	2067013a	सोऽहं कथमिमं भारं महाधुर्यसमुद्यतम्
3854	2067013c	दम्यो धुरमिवासाद्य सहेयं केन चौजसा
3855	2067014a	अथ वा मे भवेच्छक्तिर्योगैर्बुद्धिबलेन वा
3856	2067014c	सकामां न करिष्यामि त्वामहं पुत्रगर्धिनीम्
3857	2067014e	निवर्तयिष्यामि वनाद्भ्रातरं स्वजनप्रियम्
3858	2067015a	इत्येवमुक्त्वा भरतो महात्मा; प्रियेतरैर्वाक्यगणैस्तुदंस्ताम्
3859	2067015c	शोकातुरश्चापि ननाद भूयः; सिंहो यथा पर्वतगह्वरस्थः
3860	2068001a	तां तथा गर्हयित्वा तु मातरं भरतस्तदा
3861	2068001c	रोषेण महताविष्टः पुनरेवाब्रवीद्वचः
3862	2068002a	राज्याद्भ्रंशस्व कैकेयि नृशंसे दुष्टचारिणि
3863	2068002c	परित्यक्ता च धर्मेण मा मृतं रुदती भव
3864	2068003a	किं नु तेऽदूषयद्राजा रामो वा भृशधार्मिकः
3865	2068003c	ययोर्मृत्युर्विवासश्च त्वत्कृते तुल्यमागतौ
3866	2068004a	भ्रूणहत्यामसि प्राप्ता कुलस्यास्य विनाशनात्
3867	2068004c	कैकेयि नरकं गच्छ मा च भर्तुः सलोकताम्
3868	2068005a	यत्त्वया हीदृशं पापं कृतं घोरेण कर्मणा
3869	2068005c	सर्वलोकप्रियं हित्वा ममाप्यापादितं भयम्
3870	2068006a	त्वत्कृते मे पिता वृत्तो रामश्चारण्यमाश्रितः
3871	2068006c	अयशो जीवलोके च त्वयाहं प्रतिपादितः
3872	2068007a	मातृरूपे ममामित्रे नृशंसे राज्यकामुके
3873	2068007c	न तेऽहमभिभाष्योऽस्मि दुर्वृत्ते पतिघातिनि
3874	2068008a	कौसल्या च सुमित्रा च याश्चान्या मम मातरः
3875	2068008c	दुःखेन महताविष्टास्त्वां प्राप्य कुलदूषिणीम्
3876	2068009a	न त्वमश्वपतेः कन्या धर्मराजस्य धीमतः
3877	2068009c	राक्षसी तत्र जातासि कुलप्रध्वंसिनी पितुः
3878	2068010a	यत्त्वया धार्मिको रामो नित्यं सत्यपरायणः
3879	2068010c	वनं प्रस्थापितो दुःखात्पिता च त्रिदिवं गतः
3880	2068011a	यत्प्रधानासि तत्पापं मयि पित्रा विनाकृते
3881	2068011c	भ्रातृभ्यां च परित्यक्ते सर्वलोकस्य चाप्रिये
3882	2068012a	कौसल्यां धर्मसंयुक्तां वियुक्तां पापनिश्चये
3883	2068012c	कृत्वा कं प्राप्स्यसे त्वद्य लोकं निरयगामिनी
3884	2068013a	किं नावबुध्यसे क्रूरे नियतं बन्धुसंश्रयम्
3885	2068013c	ज्येष्ठं पितृसमं रामं कौसल्यायात्मसंभवम्
3886	2068014a	अङ्गप्रत्यङ्गजः पुत्रो हृदयाच्चापि जायते
3887	2068014c	तस्मात्प्रियतरो मातुः प्रियत्वान्न तु बान्धवः
3888	2068015a	अन्यदा किल धर्मज्ञा सुरभिः सुरसंमता
3889	2068015c	वहमानौ ददर्शोर्व्यां पुत्रौ विगतचेतसौ
3890	2068016a	तावर्धदिवसे श्रान्तौ दृष्ट्वा पुत्रौ महीतले
3891	2068016c	रुरोद पुत्र शोकेन बाष्पपर्याकुलेक्षणा
3892	2068017a	अधस्ताद्व्रजतस्तस्याः सुरराज्ञो महात्मनः
3893	2068017c	बिन्दवः पतिता गात्रे सूक्ष्माः सुरभिगन्धिनः
3894	2068018a	तां दृष्ट्वा शोकसंतप्तां वज्रपाणिर्यशस्विनीम्
3895	2068018c	इन्द्रः प्राञ्जलिरुद्विग्नः सुरराजोऽब्रवीद्वचः
3896	2068019a	भयं कच्चिन्न चास्मासु कुतश्चिद्विद्यते महत्
3897	2068019c	कुतो निमित्तः शोकस्ते ब्रूहि सर्वहितैषिणि
3898	2068020a	एवमुक्ता तु सुरभिः सुरराजेन धीमता
3899	2068020c	पत्युवाच ततो धीरा वाक्यं वाक्यविशारदा
3900	2068021a	शान्तं पातं न वः किंचित्कुतश्चिदमराधिप
3901	2068021c	अहं तु मग्नौ शोचामि स्वपुत्रौ विषमे स्थितौ
3902	2068022a	एतौ दृष्ट्वा कृषौ दीनौ सूर्यरश्मिप्रतापिनौ
3903	2068022c	वध्यमानौ बलीवर्दौ कर्षकेण सुराधिप
3904	2068023a	मम कायात्प्रसूतौ हि दुःखितौ भार पीडितौ
3905	2068023c	यौ दृष्ट्वा परितप्येऽहं नास्ति पुत्रसमः प्रियः
3906	2068024a	यस्याः पुत्र सहस्राणि सापि शोचति कामधुक्
3907	2068024c	किं पुनर्या विना रामं कौसल्या वर्तयिष्यति
3908	2068025a	एकपुत्रा च साध्वी च विवत्सेयं त्वया कृता
3909	2068025c	तस्मात्त्वं सततं दुःखं प्रेत्य चेह च लप्स्यसे
3910	2068026a	अहं ह्यपचितिं भ्रातुः पितुश्च सकलामिमाम्
3911	2068026c	वर्धनं यशसश्चापि करिष्यामि न संशयः
3912	2068027a	आनाययित्वा तनयं कौसल्याया महाद्युतिम्
3913	2068027c	स्वयमेव प्रवेक्ष्यामि वनं मुनिनिषेवितम्
3914	2068028a	इति नाग इवारण्ये तोमराङ्कुशचोदितः
3915	2068028c	पपात भुवि संक्रुद्धो निःश्वसन्निव पन्नगः
3916	2068029a	संरक्तनेत्रः शिथिलाम्बरस्तदा; विधूतसर्वाभरणः परंतपः
3917	2068029c	बभूव भूमौ पतितो नृपात्मजः; शचीपतेः केतुरिवोत्सवक्षये
3918	2069001a	तथैव क्रोशतस्तस्य भरतस्य महात्मनः
3919	2069001c	कौसल्या शब्दमाज्ञाय सुमित्रामिदमब्रवीत्
3920	2069002a	आगतः क्रूरकार्यायाः कैकेय्या भरतः सुतः
3921	2069002c	तमहं द्रष्टुमिच्छामि भरतं दीर्घदर्शिनम्
3922	2069003a	एवमुक्त्वा सुमित्रां सा विवर्णा मलिनाम्बरा
3923	2069003c	प्रतस्थे भरतो यत्र वेपमाना विचेतना
3924	2069004a	स तु रामानुजश्चापि शत्रुघ्नसहितस्तदा
3925	2069004c	प्रतस्थे भरतो यत्र कौसल्याया निवेशनम्
3926	2069005a	ततः शत्रुघ्न भरतौ कौसल्यां प्रेक्ष्य दुःखितौ
3927	2069005c	पर्यष्वजेतां दुःखार्तां पतितां नष्टचेतनाम्
3928	2069006a	भरतं प्रत्युवाचेदं कौसल्या भृशदुःखिता
3929	2069006c	इदं ते राज्यकामस्य राज्यं प्राप्तमकण्टकम्
3930	2069006e	संप्राप्तं बत कैकेय्या शीघ्रं क्रूरेण कर्मणा
3931	2069007a	प्रस्थाप्य चीरवसनं पुत्रं मे वनवासिनम्
3932	2069007c	कैकेयी कं गुणं तत्र पश्यति क्रूरदर्शिनी
3933	2069008a	क्षिप्रं मामपि कैकेयी प्रस्थापयितुमर्हति
3934	2069008c	हिरण्यनाभो यत्रास्ते सुतो मे सुमहायशाः
3935	2069009a	अथ वा स्वयमेवाहं सुमित्रानुचरा सुखम्
3936	2069009c	अग्निहोत्रं पुरस्कृत्य प्रस्थास्ये यत्र राघवः
3937	2069010a	कामं वा स्वयमेवाद्य तत्र मां नेतुमर्हसि
3938	2069010c	यत्रासौ पुरुषव्याघ्रस्तप्यते मे तपः सुतः
3939	2069011a	इदं हि तव विस्तीर्णं धनधान्यसमाचितम्
3940	2069011c	हस्त्यश्वरथसंपूर्णं राज्यं निर्यातितं तया
3941	2069012a	एवं विलपमानां तां भरतः प्राञ्जलिस्तदा
3942	2069012c	कौसल्यां प्रत्युवाचेदं शोकैर्बहुभिरावृताम्
3943	2069013a	आर्ये कस्मादजानन्तं गर्हसे मामकिल्बिषम्
3944	2069013c	विपुलां च मम प्रीतिं स्थिरां जानासि राघवे
3945	2069014a	कृता शास्त्रानुगा बुद्धिर्मा भूत्तस्य कदाचन
3946	2069014c	सत्यसंधः सतां श्रेष्ठो यस्यार्योऽनुमते गतः
3947	2069015a	प्रैष्यं पापीयसां यातु सूर्यं च प्रति मेहतु
3948	2069015c	हन्तु पादेन गां सुप्तां यस्यार्योऽनुमते गतः
3949	2069016a	कारयित्वा महत्कर्म भर्ता भृत्यमनर्थकम्
3950	2069016c	अधर्मो योऽस्य सोऽस्यास्तु यस्यार्योऽनुमते गतः
3951	2069017a	परिपालयमानस्य राज्ञो भूतानि पुत्रवत्
3952	2069017c	ततस्तु द्रुह्यतां पापं यस्यार्योऽनुमते गतः
3953	2069018a	बलिषड्भागमुद्धृत्य नृपस्यारक्षतः प्रजाः
3954	2069018c	अधर्मो योऽस्य सोऽस्यास्तु यस्यार्योऽनुमते गतः
3955	2069019a	संश्रुत्य च तपस्विभ्यः सत्रे वै यज्ञदक्षिणाम्
3956	2069019c	तां विप्रलपतां पापं यस्यार्योऽनुमते गतः
3957	2069020a	हस्त्यश्वरथसंबाधे युद्धे शस्त्रसमाकुले
3958	2069020c	मा स्म कार्षीत्सतां धर्मं यस्यार्योऽनुमते गतः
3959	2069021a	उपदिष्टं सुसूक्ष्मार्थं शास्त्रं यत्नेन धीमता
3960	2069021c	स नाशयतु दुष्टात्मा यस्यार्योऽनुमते गतः
3961	2069022a	पायसं कृसरं छागं वृथा सोऽश्नातु निर्घृणः
3962	2069022c	गुरूंश्चाप्यवजानातु यस्यार्योऽनुमते गतः
3963	2069023a	पुत्रैर्दारैश्च भृत्यैश्च स्वगृहे परिवारितः
3964	2069023c	स एको मृष्टमश्नातु यस्यार्योऽनुमते गतः
3965	2069024a	राजस्त्रीबालवृद्धानां वधे यत्पापमुच्यते
3966	2069024c	भृत्यत्यागे च यत्पापं तत्पापं प्रतिपद्यताम्
3967	2069025a	उभे संध्ये शयानस्य यत्पापं परिकल्प्यते
3968	2069025c	तच्च पापं भवेत्तस्य यस्यार्योऽनुमते गतः
3969	2069026a	यदग्निदायके पापं यत्पापं गुरुतल्पगे
3970	2069026c	मित्रद्रोहे च यत्पापं तत्पापं प्रतिपद्यताम्
3971	2069027a	देवतानां पितॄणां च माता पित्रोस्तथैव च
3972	2069027c	मा स्म कार्षीत्स शुश्रूषां यस्यार्योऽनुमते गतः
3973	2069028a	सतां लोकात्सतां कीर्त्याः सज्जुष्टात्कर्मणस्तथा
3974	2069028c	भ्रश्यतु क्षिप्रमद्यैव यस्यार्योऽनुमते गतः
3975	2069029a	विहीनां पतिपुत्राभ्यां कौसल्यां पार्थिवात्मजः
3976	2069029c	एवमाश्वसयन्नेव दुःखार्तो निपपात ह
3977	2069030a	तथा तु शपथैः कष्टैः शपमानमचेतनम्
3978	2069030c	भरतं शोकसंतप्तं कौसल्या वाक्यमब्रवीत्
3979	2069031a	मम दुःखमिदं पुत्र भूयः समुपजायते
3980	2069031c	शपथैः शपमानो हि प्राणानुपरुणत्सि मे
3981	2069032a	दिष्ट्या न चलितो धर्मादात्मा ते सहलक्ष्मणः
3982	2069032c	वत्स सत्यप्रतिज्ञो मे सतां लोकानवाप्स्यसि
3983	2069033a	एवं विलपमानस्य दुःखार्तस्य महात्मनः
3984	2069033c	मोहाच्च शोकसंरोधाद्बभूव लुलितं मनः
3985	2069034a	लालप्यमानस्य विचेतनस्य; प्रनष्टबुद्धेः पतितस्य भूमौ
3986	2069034c	मुहुर्मुहुर्निःश्वसतश्च दीर्घं; सा तस्य शोकेन जगाम रात्रिः
3987	2070001a	तमेवं शोकसंतप्तं भरतं केकयीसुतम्
3988	2070001c	उवाच वदतां श्रेष्ठो वसिष्ठः श्रेष्ठवागृषिः
3989	2070002a	अलं शोकेन भद्रं ते राजपुत्र महायशः
3990	2070002c	प्राप्तकालं नरपतेः कुरु संयानमुत्तरम्
3991	2070003a	वसिष्ठस्य वचः श्रुत्वा भरतो धारणां गतः
3992	2070003c	प्रेतकार्याणि सर्वाणि कारयामास धर्मवित्
3993	2070004a	उद्धृतं तैलसंक्लेदात्स तु भूमौ निवेशितम्
3994	2070004c	आपीतवर्णवदनं प्रसुप्तमिव भूमिपम्
3995	2070005a	निवेश्य शयने चाग्र्ये नानारत्नपरिष्कृते
3996	2070005c	ततो दशरथं पुत्रो विललाप सुदुःखितः
3997	2070006a	किं ते व्यवसितं राजन्प्रोषिते मय्यनागते
3998	2070006c	विवास्य रामं धर्मज्ञं लक्ष्मणं च महाबलम्
3999	2070007a	क्व यास्यसि महाराज हित्वेमं दुःखितं जनम्
4000	2070007c	हीनं पुरुषसिंहेन रामेणाक्लिष्टकर्मणा
4001	2070008a	योगक्षेमं तु ते राजन्कोऽस्मिन्कल्पयिता पुरे
4002	2070008c	त्वयि प्रयाते स्वस्तात रामे च वनमाश्रिते
4003	2070009a	विधवा पृथिवी राजंस्त्वया हीना न राजते
4004	2070009c	हीनचन्द्रेव रजनी नगरी प्रतिभाति माम्
4005	2070010a	एवं विलपमानं तं भरतं दीनमानसं
4006	2070010c	अब्रवीद्वचनं भूयो वसिष्ठस्तु महानृषिः
4007	2070011a	प्रेतकार्याणि यान्यस्य कर्तव्यानि विशाम्पतेः
4008	2070011c	तान्यव्यग्रं महाबाहो क्रियतामविचारितम्
4009	2070012a	तथेति भरतो वाक्यं वसिष्ठस्याभिपूज्य तत्
4010	2070012c	ऋत्विक्पुरोहिताचार्यांस्त्वरयामास सर्वशः
4011	2070013a	ये त्वग्रतो नरेन्द्रस्य अग्न्यगाराद्बहिष्कृताः
4012	2070013c	ऋत्विग्भिर्याजकैश्चैव ते ह्रियन्ते यथाविधि
4013	2070014a	शिबिलायामथारोप्य राजानं गतचेतनम्
4014	2070014c	बाष्पकण्ठा विमनसस्तमूहुः परिचारकाः
4015	2070015a	हिरण्यं च सुवर्णं च वासांसि विविधानि च
4016	2070015c	प्रकिरन्तो जना मार्गं नृपतेरग्रतो ययुः
4017	2070016a	चन्दनागुरुनिर्यासान्सरलं पद्मकं तथा
4018	2070016c	देवदारूणि चाहृत्य चितां चक्रुस्तथापरे
4019	2070017a	गन्धानुच्चावचांश्चान्यांस्तत्र दत्त्वाथ भूमिपम्
4020	2070017c	ततः संवेशयामासुश्चितामध्ये तमृत्विजः
4021	2070018a	तथा हुताशनं हुत्वा जेपुस्तस्य तदर्त्विजः
4022	2070018c	जगुश्च ते यथाशास्त्रं तत्र सामानि सामगाः
4023	2070019a	शिबिकाभिश्च यानैश्च यथार्हं तस्य योषितः
4024	2070019c	नगरान्निर्ययुस्तत्र वृद्धैः परिवृतास्तदा
4025	2070020a	प्रसव्यं चापि तं चक्रुरृत्विजोऽग्निचितं नृपम्
4026	2070020c	स्त्रियश्च शोकसंतप्ताः कौसल्या प्रमुखास्तदा
4027	2070021a	क्रौञ्चीनामिव नारीणां निनादस्तत्र शुश्रुवे
4028	2070021c	आर्तानां करुणं काले क्रोशन्तीनां सहस्रशः
4029	2070022a	ततो रुदन्त्यो विवशा विलप्य च पुनः पुनः
4030	2070022c	यानेभ्यः सरयूतीरमवतेरुर्वराङ्गनाः
4031	2070023a	कृतोदकं ते भरतेन सार्धं; नृपाङ्गना मन्त्रिपुरोहिताश्च
4032	2070023c	पुरं प्रविश्याश्रुपरीतनेत्रा; भूमौ दशाहं व्यनयन्त दुःखम्
4033	2071001a	ततो दशाहेऽतिगते कृतशौचो नृपात्मजः
4034	2071001c	द्वादशेऽहनि संप्राप्ते श्राद्धकर्माण्यकारयत्
4035	2071002a	ब्राह्मणेभ्यो ददौ रत्नं धनमन्नं च पुष्कलम्
4036	2071002c	बास्तिकं बहुशुक्लं च गाश्चापि शतशस्तथा
4037	2071003a	दासीदासं च यानं च वेश्मानि सुमहान्ति च
4038	2071003c	ब्राह्मणेभ्यो ददौ पुत्रो राज्ञस्तस्यौर्ध्वदैहिकम्
4039	2071004a	ततः प्रभातसमये दिवसेऽथ त्रयोदशे
4040	2071004c	विललाप महाबाहुर्भरतः शोकमूर्छितः
4041	2071005a	शब्दापिहितकण्ठश्च शोधनार्थमुपागतः
4042	2071005c	चितामूले पितुर्वाक्यमिदमाह सुदुःखितः
4043	2071006a	तात यस्मिन्निषृष्टोऽहं त्वया भ्रातरि राघवे
4044	2071006c	तस्मिन्वनं प्रव्रजिते शून्ये त्यक्तोऽस्म्यहं त्वया
4045	2071007a	यथागतिरनाथायाः पुत्रः प्रव्राजितो वनम्
4046	2071007c	तामम्बां तात कौसल्यां त्यक्त्वा त्वं क्व गतो नृप
4047	2071008a	दृष्ट्वा भस्मारुणं तच्च दग्धास्थिस्थानमण्डलम्
4048	2071008c	पितुः शरीर निर्वाणं निष्टनन्विषसाद ह
4049	2071009a	स तु दृष्ट्वा रुदन्दीनः पपात धरणीतले
4050	2071009c	उत्थाप्यमानः शक्रस्य यन्त्र ध्वज इव च्युतः
4051	2071010a	अभिपेतुस्ततः सर्वे तस्यामात्याः शुचिव्रतम्
4052	2071010c	अन्तकाले निपतितं ययातिमृषयो यथा
4053	2071011a	शत्रुघ्नश्चापि भरतं दृष्ट्वा शोकपरिप्लुतम्
4054	2071011c	विसंज्ञो न्यपतद्भूमौ भूमिपालमनुस्मरन्
4055	2071012a	उन्मत्त इव निश्चेता विललाप सुदुःखितः
4056	2071012c	स्मृत्वा पितुर्गुणाङ्गानि तानि तानि तदा तदा
4057	2071013a	मन्थरा प्रभवस्तीव्रः कैकेयीग्राहसंकुलः
4058	2071013c	वरदानमयोऽक्षोभ्योऽमज्जयच्छोकसागरः
4059	2071014a	सुकुमारं च बालं च सततं लालितं त्वया
4060	2071014c	क्व तात भरतं हित्वा विलपन्तं गतो भवान्
4061	2071015a	ननु भोज्येषु पानेषु वस्त्रेष्वाभरणेषु च
4062	2071015c	प्रवारयसि नः सर्वांस्तन्नः कोऽद्य करिष्यति
4063	2071016a	अवदारण काले तु पृथिवी नावदीर्यते
4064	2071016c	विहीना या त्वया राज्ञा धर्मज्ञेन महात्मना
4065	2071017a	पितरि स्वर्गमापन्ने रामे चारण्यमाश्रिते
4066	2071017c	किं मे जीवित सामर्थ्यं प्रवेक्ष्यामि हुताशनम्
4067	2071018a	हीनो भ्रात्रा च पित्रा च शून्यामिक्ष्वाकुपालिताम्
4068	2071018c	अयोध्यां न प्रवेक्ष्यामि प्रवेक्ष्यामि तपोवनम्
4069	2071019a	तयोर्विलपितं श्रुत्वा व्यसनं चान्ववेक्ष्य तत्
4070	2071019c	भृशमार्ततरा भूयः सर्व एवानुगामिनः
4071	2071020a	ततो विषण्णौ श्रान्तौ च शत्रुघ्न भरतावुभौ
4072	2071020c	धरण्यां संव्यचेष्टेतां भग्नशृङ्गाविवर्षभौ
4073	2071021a	ततः प्रकृतिमान्वैद्यः पितुरेषां पुरोहितः
4074	2071021c	वसिष्ठो भरतं वाक्यमुत्थाप्य तमुवाच ह
4075	2071022a	त्रीणि द्वन्द्वानि भूतेषु प्रवृत्तान्यविशेषतः
4076	2071022c	तेषु चापरिहार्येषु नैवं भवितुमर्हति
4077	2071023a	सुमन्त्रश्चापि शत्रुघ्नमुत्थाप्याभिप्रसाद्य च
4078	2071023c	श्रावयामास तत्त्वज्ञः सर्वभूतभवाभवौ
4079	2071024a	उत्थितौ तौ नरव्याघ्रौ प्रकाशेते यशस्विनौ
4080	2071024c	वर्षातपपरिक्लिन्नौ पृथगिन्द्रध्वजाविव
4081	2071025a	अश्रूणि परिमृद्नन्तौ रक्ताक्षौ दीनभाषिणौ
4082	2071025c	अमात्यास्त्वरयन्ति स्म तनयौ चापराः क्रियाः
4083	2072001a	अत्र यात्रां समीहन्तं शत्रुघ्नो लक्ष्मणानुजः
4084	2072001c	भरतं शोकसंतप्तमिदं वचनमब्रवीत्
4085	2072002a	गतिर्यः सर्वभूतानां दुःखे किं पुनरात्मनः
4086	2072002c	स रामः सत्त्व संपन्नः स्त्रिया प्रव्राजितो वनम्
4087	2072003a	बलवान्वीर्य संपन्नो लक्ष्मणो नाम योऽप्यसौ
4088	2072003c	किं न मोचयते रामं कृत्वापि पितृनिग्रहम्
4089	2072004a	पूर्वमेव तु निग्राह्यः समवेक्ष्य नयानयौ
4090	2072004c	उत्पथं यः समारूढो नार्या राजा वशं गतः
4091	2072005a	इति संभाषमाणे तु शत्रुघ्ने लक्ष्मणानुजे
4092	2072005c	प्राग्द्वारेऽभूत्तदा कुब्जा सर्वाभरणभूषिता
4093	2072006a	लिप्ता चन्दनसारेण राजवस्त्राणि बिभ्रती
4094	2072006c	मेखला दामभिश्चित्रै रज्जुबद्धेव वानरी
4095	2072007a	तां समीक्ष्य तदा द्वाःस्थो भृशं पापस्य कारिणीम्
4096	2072007c	गृहीत्वाकरुणं कुब्जां शत्रुघ्नाय न्यवेदयत्
4097	2072008a	यस्याः कृते वने रामो न्यस्तदेहश्च वः पिता
4098	2072008c	सेयं पापा नृशंसा च तस्याः कुरु यथामति
4099	2072009a	शत्रुघ्नश्च तदाज्ञाय वचनं भृशदुःखितः
4100	2072009c	अन्तःपुरचरान्सर्वानित्युवाच धृतव्रतः
4101	2072010a	तीव्रमुत्पादितं दुःखं भ्रातॄणां मे तथा पितुः
4102	2072010c	यया सेयं नृशंसस्य कर्मणः फलमश्नुताम्
4103	2072011a	एवमुक्ता च तेनाशु सखी जनसमावृता
4104	2072011c	गृहीता बलवत्कुब्जा सा तद्गृहमनादयत्
4105	2072012a	ततः सुभृश संतप्तस्तस्याः सर्वः सखीजनः
4106	2072012c	क्रुद्धमाज्ञाय शत्रुघ्नं व्यपलायत सर्वशः
4107	2072013a	अमन्त्रयत कृत्स्नश्च तस्याः सर्वसखीजनः
4108	2072013c	यथायं समुपक्रान्तो निःशेषं नः करिष्यति
4109	2072014a	सानुक्रोशां वदान्यां च धर्मज्ञां च यशस्विनीम्
4110	2072014c	कौसल्यां शरणं यामः सा हि नोऽस्तु ध्रुवा गतिः
4111	2072015a	स च रोषेण ताम्राक्षः शत्रुघ्नः शत्रुतापनः
4112	2072015c	विचकर्ष तदा कुब्जां क्रोशन्तीं पृथिवीतले
4113	2072016a	तस्या ह्याकृष्यमाणाया मन्थरायास्ततस्ततः
4114	2072016c	चित्रं बहुविधं भाण्डं पृथिव्यां तद्व्यशीर्यत
4115	2072017a	तेन भाण्डेन संकीर्णं श्रीमद्राजनिवेशनम्
4116	2072017c	अशोभत तदा भूयः शारदं गगनं यथा
4117	2072018a	स बली बलवत्क्रोधाद्गृहीत्वा पुरुषर्षभः
4118	2072018c	कैकेयीमभिनिर्भर्त्स्य बभाषे परुषं वचः
4119	2072019a	तैर्वाक्यैः परुषैर्दुःखैः कैकेयी भृशदुःखिता
4120	2072019c	शत्रुघ्न भयसंत्रस्ता पुत्रं शरणमागता
4121	2072020a	तां प्रेक्ष्य भरतः क्रुद्धं शत्रुघ्नमिदमब्रवीत्
4122	2072020c	अवध्याः सर्वभूतानां प्रमदाः क्षम्यतामिति
4123	2072021a	हन्यामहमिमां पापां कैकेयीं दुष्टचारिणीम्
4124	2072021c	यदि मां धार्मिको रामो नासूयेन्मातृघातकम्
4125	2072022a	इमामपि हतां कुब्जां यदि जानाति राघवः
4126	2072022c	त्वां च मां चैव धर्मात्मा नाभिभाषिष्यते ध्रुवम्
4127	2072023a	भरतस्य वचः श्रुत्वा शत्रुघ्नो लक्ष्मणानुजः
4128	2072023c	न्यवर्तत ततो रोषात्तां मुमोच च मन्थराम्
4129	2072024a	सा पादमूले कैकेय्या मन्थरा निपपात ह
4130	2072024c	निःश्वसन्ती सुदुःखार्ता कृपणं विललाप च
4131	2072025a	शत्रुघ्नविक्षेपविमूढसंज्ञां; समीक्ष्य कुब्जां भरतस्य माता
4132	2072025c	शनैः समाश्वासयदार्तरूपां; क्रौञ्चीं विलग्नामिव वीक्षमाणाम्
4133	2073001a	ततः प्रभातसमये दिवसेऽथ चतुर्दशे
4134	2073001c	समेत्य राजकर्तारो भरतं वाक्यमब्रुवन्
4135	2073002a	गतो दशरथः स्वर्गं यो नो गुरुतरो गुरुः
4136	2073002c	रामं प्रव्राज्य वै ज्येष्ठं लक्ष्मणं च महाबलम्
4137	2073003a	त्वमद्य भव नो राजा राजपुत्र महायशः
4138	2073003c	संगत्या नापराध्नोति राज्यमेतदनायकम्
4139	2073004a	आभिषेचनिकं सर्वमिदमादाय राघव
4140	2073004c	प्रतीक्षते त्वां स्वजनः श्रेणयश्च नृपात्मज
4141	2073005a	राज्यं गृहाण भरत पितृपैतामहं महत्
4142	2073005c	अभिषेचय चात्मानं पाहि चास्मान्नरर्षभ
4143	2073006a	आभिषेचनिकं भाण्डं कृत्वा सर्वं प्रदक्षिणम्
4144	2073006c	भरतस्तं जनं सर्वं प्रत्युवाच धृतव्रतः
4145	2073007a	ज्येष्ठस्य राजता नित्यमुचिता हि कुलस्य नः
4146	2073007c	नैवं भवन्तो मां वक्तुमर्हन्ति कुशला जनाः
4147	2073008a	रामः पूर्वो हि नो भ्राता भविष्यति महीपतिः
4148	2073008c	अहं त्वरण्ये वत्स्यामि वर्षाणि नव पञ्च च
4149	2073009a	युज्यतां महती सेना चतुरङ्गमहाबला
4150	2073009c	आनयिष्याम्यहं ज्येष्ठं भ्रातरं राघवं वनात्
4151	2073010a	आभिषेचनिकं चैव सर्वमेतदुपस्कृतम्
4152	2073010c	पुरस्कृत्य गमिष्यामि रामहेतोर्वनं प्रति
4153	2073011a	तत्रैव तं नरव्याघ्रमभिषिच्य पुरस्कृतम्
4154	2073011c	आनेष्यामि तु वै रामं हव्यवाहमिवाध्वरात्
4155	2073012a	न सकामा करिष्यामि स्वमिमां मातृगन्धिनीम्
4156	2073012c	वने वत्स्याम्यहं दुर्गे रामो राजा भविष्यति
4157	2073013a	क्रियतां शिल्पिभिः पन्थाः समानि विषमाणि च
4158	2073013c	रक्षिणश्चानुसंयान्तु पथि दुर्गविचारकाः
4159	2073014a	एवं संभाषमाणं तं रामहेतोर्नृपात्मजम्
4160	2073014c	प्रत्युवाच जनः सर्वः श्रीमद्वाक्यमनुत्तमम्
4161	2073015a	एवं ते भाषमाणस्य पद्मा श्रीरुपतिष्ठताम्
4162	2073015c	यस्त्वं ज्येष्ठे नृपसुते पृथिवीं दातुमिच्छसि
4163	2073016a	अनुत्तमं तद्वचनं नृपात्मज; प्रभाषितं संश्रवणे निशम्य च
4164	2073016c	प्रहर्षजास्तं प्रति बाष्पबिन्दवो; निपेतुरार्यानननेत्रसंभवाः
4165	2073017a	ऊचुस्ते वचनमिदं निशम्य हृष्टाः; सामात्याः सपरिषदो वियातशोकाः
4166	2073017c	पन्थानं नरवरभक्तिमाञ्जनश्च; व्यादिष्टस्तव वचनाच्च शिल्पिवर्गः
4167	2074001a	अथ भूमिप्रदेशज्ञाः सूत्रकर्मविशारदाः
4168	2074001c	स्वकर्माभिरताः शूराः खनका यन्त्रकास्तथा
4169	2074002a	कर्मान्तिकाः स्थपतयः पुरुषा यन्त्रकोविदाः
4170	2074002c	तथा वर्धकयश्चैव मार्गिणो वृक्षतक्षकाः
4171	2074003a	कूपकाराः सुधाकारा वंशकर्मकृतस्तथा
4172	2074003c	समर्था ये च द्रष्टारः पुरतस्ते प्रतस्थिरे
4173	2074004a	स तु हर्षात्तमुद्देशं जनौघो विपुलः प्रयान्
4174	2074004c	अशोभत महावेगः सागरस्येव पर्वणि
4175	2074005a	ते स्ववारं समास्थाय वर्त्मकर्माणि कोविदाः
4176	2074005c	करणैर्विविधोपेतैः पुरस्तात्संप्रतस्थिरे
4177	2074006a	लतावल्लीश्च गुल्मांश्च स्थाणूनश्मन एव च
4178	2074006c	जनास्ते चक्रिरे मार्गं छिन्दन्तो विविधान्द्रुमान्
4179	2074007a	अवृक्षेषु च देशेषु केचिद्वृक्षानरोपयन्
4180	2074007c	केचित्कुठारैष्टङ्कैश्च दात्रैश्छिन्दन्क्वचित्क्वचित्
4181	2074008a	अपरे वीरणस्तम्बान्बलिनो बलवत्तराः
4182	2074008c	विधमन्ति स्म दुर्गाणि स्थलानि च ततस्ततः
4183	2074009a	अपरेऽपूरयन्कूपान्पांसुभिः श्वभ्रमायतम्
4184	2074009c	निम्नभागांस्तथा केचित्समांश्चक्रुः समन्ततः
4185	2074010a	बबन्धुर्बन्धनीयांश्च क्षोद्यान्संचुक्षुदुस्तदा
4186	2074010c	बिभिदुर्भेदनीयांश्च तांस्तान्देशान्नरास्तदा
4187	2074011a	अचिरेणैव कालेन परिवाहान्बहूदकान्
4188	2074011c	चक्रुर्बहुविधाकारान्सागरप्रतिमान्बहून्
4189	2074011e	उदपानान्बहुविधान्वेदिका परिमण्डितान्
4190	2074012a	ससुधाकुट्टिमतलः प्रपुष्पितमहीरुहः
4191	2074012c	मत्तोद्घुष्टद्विजगणः पताकाभिरलंकृतः
4192	2074013a	चन्दनोदकसंसिक्तो नानाकुसुमभूषितः
4193	2074013c	बह्वशोभत सेनायाः पन्थाः स्वर्गपथोपमः
4194	2074014a	आज्ञाप्याथ यथाज्ञप्ति युक्तास्तेऽधिकृता नराः
4195	2074014c	रमणीयेषु देशेषु बहुस्वादुफलेषु च
4196	2074015a	यो निवेशस्त्वभिप्रेतो भरतस्य महात्मनः
4197	2074015c	भूयस्तं शोभयामासुर्भूषाभिर्भूषणोपमम्
4198	2074016a	नक्षत्रेषु प्रशस्तेषु मुहूर्तेषु च तद्विदः
4199	2074016c	निवेशं स्थापयामासुर्भरतस्य महात्मनः
4200	2074017a	बहुपांसुचयाश्चापि परिखापरिवारिताः
4201	2074017c	तत्रेन्द्रकीलप्रतिमाः प्रतोलीवरशोभिताः
4202	2074018a	प्रासादमालासंयुक्ताः सौधप्राकारसंवृताः
4203	2074018c	पताका शोभिताः सर्वे सुनिर्मितमहापथाः
4204	2074019a	विसर्पत्भिरिवाकाशे विटङ्काग्रविमानकैः
4205	2074019c	समुच्छ्रितैर्निवेशास्ते बभुः शक्रपुरोपमाः
4206	2074020a	जाह्नवीं तु समासाद्य विविधद्रुम काननाम्
4207	2074020c	शीतलामलपानीयां महामीनसमाकुलाम्
4208	2074021a	सचन्द्रतारागणमण्डितं यथा; नभःक्षपायाममलं विराजते
4209	2074021c	नरेन्द्रमार्गः स तथा व्यराजत; क्रमेण रम्यः शुभशिल्पिनिर्मितः
4210	2075001a	ततो नान्दीमुखीं रात्रिं भरतं सूतमागधाः
4211	2075001c	तुष्टुवुर्वाग्विशेषज्ञाः स्तवैर्मङ्गलसंहितैः
4212	2075002a	सुवर्णकोणाभिहतः प्राणदद्यामदुन्दुभिः
4213	2075002c	दध्मुः शङ्खांश्च शतशो वाद्यांश्चोच्चावचस्वरान्
4214	2075003a	स तूर्य घोषः सुमहान्दिवमापूरयन्निव
4215	2075003c	भरतं शोकसंतप्तं भूयः शोकैररन्ध्रयत्
4216	2075004a	ततो प्रबुद्धो भरतस्तं घोषं संनिवर्त्य च
4217	2075004c	नाहं राजेति चाप्युक्त्वा शत्रुघ्नमिदमब्रवीत्
4218	2075005a	पश्य शत्रुघ्न कैकेय्या लोकस्यापकृतं महत्
4219	2075005c	विसृज्य मयि दुःखानि राजा दशरथो गतः
4220	2075006a	तस्यैषा धर्मराजस्य धर्ममूला महात्मनः
4221	2075006c	परिभ्रमति राजश्रीर्नौरिवाकर्णिका जले
4222	2075007a	इत्येवं भरतं प्रेक्ष्य विलपन्तं विचेतनम्
4223	2075007c	कृपणं रुरुदुः सर्वाः सस्वरं योषितस्तदा
4224	2075008a	तथा तस्मिन्विलपति वसिष्ठो राजधर्मवित्
4225	2075008c	सभामिक्ष्वाकुनाथस्य प्रविवेश महायशाः
4226	2075009a	शात कुम्भमयीं रम्यां मणिरत्नसमाकुलाम्
4227	2075009c	सुधर्मामिव धर्मात्मा सगणः प्रत्यपद्यत
4228	2075010a	स काञ्चनमयं पीठं परार्ध्यास्तरणावृतम्
4229	2075010c	अध्यास्त सर्ववेदज्ञो दूताननुशशास च
4230	2075011a	ब्राह्मणान्क्षत्रियान्योधानमात्यान्गणबल्लभान्
4231	2075011c	क्षिप्रमानयताव्यग्राः कृत्यमात्ययिकं हि नः
4232	2075012a	ततो हलहलाशब्दो महान्समुदपद्यत
4233	2075012c	रथैरश्वैर्गजैश्चापि जनानामुपगच्छताम्
4234	2075013a	ततो भरतमायान्तं शतक्रतुमिवामराः
4235	2075013c	प्रत्यनन्दन्प्रकृतयो यथा दशरथं तथा
4236	2075014a	ह्रद इव तिमिनागसंवृतः; स्तिमितजलो मणिशङ्खशर्करः
4237	2075014c	दशरथसुतशोभिता सभा; सदशरथेव बभौ यथा पुरा
4238	2076001a	तामार्यगणसंपूर्णां भरतः प्रग्रहां सभाम्
4239	2076001c	ददर्श बुद्धिसंपन्नः पूर्णचन्द्रां निशामिव
4240	2076002a	आसनानि यथान्यायमार्याणां विशतां तदा
4241	2076002c	अदृश्यत घनापाये पूर्णचन्द्रेव शर्वरी
4242	2076003a	राज्ञस्तु प्रकृतीः सर्वाः समग्राः प्रेक्ष्य धर्मवित्
4243	2076003c	इदं पुरोहितो वाक्यं भरतं मृदु चाब्रवीत्
4244	2076004a	तात राजा दशरथः स्वर्गतो धर्ममाचरन्
4245	2076004c	धन धान्यवतीं स्फीतां प्रदाय पृथिवीं तव
4246	2076005a	रामस्तथा सत्यधृतिः सतां धर्ममनुस्मरन्
4247	2076005c	नाजहात्पितुरादेशं शशी ज्योत्स्नामिवोदितः
4248	2076006a	पित्रा भ्रात्रा च ते दत्तं राज्यं निहतकण्टकम्
4249	2076006c	तद्भुङ्क्ष्व मुदितामात्यः क्षिप्रमेवाभिषेचय
4250	2076007a	उदीच्याश्च प्रतीच्याश्च दाक्षिणात्याश्च केवलाः
4251	2076007c	कोट्यापरान्ताः सामुद्रा रत्नान्यभिहरन्तु ते
4252	2076008a	तच्छ्रुत्वा भरतो वाक्यं शोकेनाभिपरिप्लुतः
4253	2076008c	जगाम मनसा रामं धर्मज्ञो धर्मकाङ्क्षया
4254	2076009a	स बाष्पकलया वाचा कलहंसस्वरो युवा
4255	2076009c	विललाप सभामध्ये जगर्हे च पुरोहितम्
4256	2076010a	चरितब्रह्मचर्यस्य विद्या स्नातस्य धीमतः
4257	2076010c	धर्मे प्रयतमानस्य को राज्यं मद्विधो हरेत्
4258	2076011a	कथं दशरथाज्जातो भवेद्राज्यापहारकः
4259	2076011c	राज्यं चाहं च रामस्य धर्मं वक्तुमिहार्हसि
4260	2076012a	ज्येष्ठः श्रेष्ठश्च धर्मात्मा दिलीपनहुषोपमः
4261	2076012c	लब्धुमर्हति काकुत्स्थो राज्यं दशरथो यथा
4262	2076013a	अनार्यजुष्टमस्वर्ग्यं कुर्यां पापमहं यदि
4263	2076013c	इक्ष्वाकूणामहं लोके भवेयं कुलपांसनः
4264	2076014a	यद्धि मात्रा कृतं पापं नाहं तदभिरोचये
4265	2076014c	इहस्थो वनदुर्गस्थं नमस्यामि कृताञ्जलिः
4266	2076015a	राममेवानुगच्छामि स राजा द्विपदां वरः
4267	2076015c	त्रयाणामपि लोकानां राघवो राज्यमर्हति
4268	2076016a	तद्वाक्यं धर्मसंयुक्तं श्रुत्वा सर्वे सभासदः
4269	2076016c	हर्षान्मुमुचुरश्रूणि रामे निहितचेतसः
4270	2076017a	यदि त्वार्यं न शक्ष्यामि विनिवर्तयितुं वनात्
4271	2076017c	वने तत्रैव वत्स्यामि यथार्यो लक्ष्मणस्तथा
4272	2076018a	सर्वोपायं तु वर्तिष्ये विनिवर्तयितुं बलात्
4273	2076018c	समक्षमार्य मिश्राणां साधूनां गुणवर्तिनाम्
4274	2076019a	एवमुक्त्वा तु धर्मात्मा भरतो भ्रातृवत्सलः
4275	2076019c	समीपस्थमुवाचेदं सुमन्त्रं मन्त्रकोविदम्
4276	2076020a	तूर्णमुत्थाय गच्छ त्वं सुमन्त्र मम शासनात्
4277	2076020c	यात्रामाज्ञापय क्षिप्रं बलं चैव समानय
4278	2076021a	एवमुक्तः सुमन्त्रस्तु भरतेन महात्मना
4279	2076021c	प्रहृष्टः सोऽदिशत्सर्वं यथा संदिष्टमिष्टवत्
4280	2076022a	ताः प्रहृष्टाः प्रकृतयो बलाध्यक्षा बलस्य च
4281	2076022c	श्रुत्वा यात्रां समाज्ञप्तां राघवस्य निवर्तने
4282	2076023a	ततो योधाङ्गनाः सर्वा भर्तॄन्सर्वान्गृहेगृहे
4283	2076023c	यात्रा गमनमाज्ञाय त्वरयन्ति स्म हर्षिताः
4284	2076024a	ते हयैर्गोरथैः शीघ्रैः स्यन्दनैश्च मनोजवैः
4285	2076024c	सह योधैर्बलाध्यक्षा बलं सर्वमचोदयन्
4286	2076025a	सज्जं तु तद्बलं दृष्ट्वा भरतो गुरुसंनिधौ
4287	2076025c	रथं मे त्वरयस्वेति सुमन्त्रं पार्श्वतोऽब्रवीत्
4288	2076026a	भरतस्य तु तस्याज्ञां प्रतिगृह्य प्रहर्षितः
4289	2076026c	रथं गृहीत्वा प्रययौ युक्तं परमवाजिभिः
4290	2076027a	स राघवः सत्यधृतिः प्रतापवा;न्ब्रुवन्सुयुक्तं दृढसत्यविक्रमः
4291	2076027c	गुरुं महारण्यगतं यशस्विनं; प्रसादयिष्यन्भरतोऽब्रवीत्तदा
4292	2076028a	तूण समुत्थाय सुमन्त्र गच्छ; बलस्य योगाय बलप्रधानान्
4293	2076028c	आनेतुमिच्छामि हि तं वनस्थं; प्रसाद्य रामं जगतो हिताय
4294	2076029a	स सूतपुत्रो भरतेन सम्य;गाज्ञापितः संपरिपूर्णकामः
4295	2076029c	शशास सर्वान्प्रकृतिप्रधाना;न्बलस्य मुख्यांश्च सुहृज्जनं च
4296	2076030a	ततः समुत्थाय कुले कुले ते; राजन्यवैश्या वृषलाश्च विप्राः
4297	2076030c	अयूयुजन्नुष्ट्ररथान्खरांश्च; नागान्हयांश्चैव कुलप्रसूतान्
4298	2077001a	ततः समुत्थितः काल्यमास्थाय स्यन्दनोत्तमम्
4299	2077001c	प्रययौ भरतः शीघ्रं रामदर्शनकाङ्क्षया
4300	2077002a	अग्रतः प्रययुस्तस्य सर्वे मन्त्रिपुरोधसः
4301	2077002c	अधिरुह्य हयैर्युक्तान्रथान्सूर्यरथोपमान्
4302	2077003a	नवनागसहस्राणि कल्पितानि यथाविधि
4303	2077003c	अन्वयुर्भरतं यान्तमिक्ष्वाकु कुलनन्दनम्
4304	2077004a	षष्ठी रथसहस्राणि धन्विनो विविधायुधाः
4305	2077004c	अन्वयुर्भरतं यान्तं राजपुत्रं यशस्विनम्
4306	2077005a	शतं सहस्राण्यश्वानां समारूढानि राघवम्
4307	2077005c	अन्वयुर्भरतं यान्तं राजपुत्रं यशस्विनम्
4308	2077006a	कैकेयी च सुमित्रा च कौसल्या च यशस्विनी
4309	2077006c	रामानयनसंहृष्टा ययुर्यानेन भास्वता
4310	2077007a	प्रयाताश्चार्यसंघाता रामं द्रष्टुं सलक्ष्मणम्
4311	2077007c	तस्यैव च कथाश्चित्राः कुर्वाणा हृष्टमानसाः
4312	2077008a	मेघश्यामं महाबाहुं स्थिरसत्त्वं दृढव्रतम्
4313	2077008c	कदा द्रक्ष्यामहे रामं जगतः शोकनाशनम्
4314	2077009a	दृष्ट एव हि नः शोकमपनेष्यति राघवः
4315	2077009c	तमः सर्वस्य लोकस्य समुद्यन्निव भास्करः
4316	2077010a	इत्येवं कथयन्तस्ते संप्रहृष्टाः कथाः शुभाः
4317	2077010c	परिष्वजानाश्चान्योन्यं ययुर्नागरिकास्तदा
4318	2077011a	ये च तत्रापरे सर्वे संमता ये च नैगमाः
4319	2077011c	रामं प्रति ययुर्हृष्टाः सर्वाः प्रकृतयस्तदा
4320	2077012a	मणि काराश्च ये केचित्कुम्भकाराश्च शोभनाः
4321	2077012c	सूत्रकर्मकृतश्चैव ये च शस्त्रोपजीविनः
4322	2077013a	मायूरकाः क्राकचिका रोचका वेधकास्तथा
4323	2077013c	दन्तकाराः सुधाकारास्तथा गन्धोपजीविनः
4324	2077014a	सुवर्णकाराः प्रख्यातास्तथा कम्बलधावकाः
4325	2077014c	स्नापकाच्छादका वैद्या धूपकाः शौण्डिकास्तथा
4326	2077015a	रजकास्तुन्नवायाश्च ग्रामघोषमहत्तराः
4327	2077015c	शैलूषाश्च सह स्त्रीभिर्यान्ति कैवर्तकास्तथा
4328	2077016a	समाहिता वेदविदो ब्राह्मणा वृत्तसंमताः
4329	2077016c	गोरथैर्भरतं यान्तमनुजग्मुः सहस्रशः
4330	2077017a	सुवेषाः शुद्धवसनास्ताम्रमृष्टानुलेपनाः
4331	2077017c	सर्वे ते विविधैर्यानैः शनैर्भरतमन्वयुः
4332	2077018a	प्रहृष्टमुदिता सेना सान्वयात्कैकयीसुतम्
4333	2077018c	व्यवतिष्ठत सा सेना भरतस्यानुयायिनी
4334	2077019a	निरीक्ष्यानुगतां सेनां तां च गङ्गां शिवोदकाम्
4335	2077019c	भरतः सचिवान्सर्वानब्रवीद्वाक्यकोविदः
4336	2077020a	निवेशयत मे सैन्यमभिप्रायेण सर्वशः
4337	2077020c	विश्रान्तः प्रतरिष्यामः श्व इदानीं महानदीम्
4338	2077021a	दातुं च तावदिच्छामि स्वर्गतस्य महीपतेः
4339	2077021c	और्ध्वदेह निमित्तार्थमवतीर्योदकं नदीम्
4340	2077022a	तस्यैवं ब्रुवतोऽमात्यास्तथेत्युक्त्वा समाहिताः
4341	2077022c	न्यवेशयंस्तांश्छन्देन स्वेन स्वेन पृथक्पृथक्
4342	2077023a	निवेश्य गङ्गामनु तां महानदीं; चमूं विधानैः परिबर्ह शोभिनीम्
4343	2077023c	उवास रामस्य तदा महात्मनो; विचिन्तयानो भरतो निवर्तनम्
4344	2078001a	ततो निविष्टां ध्वजिनीं गङ्गामन्वाश्रितां नदीम्
4345	2078001c	निषादराजो दृष्ट्वैव ज्ञातीन्संत्वरितोऽब्रवीत्
4346	2078002a	महतीयमतः सेना सागराभा प्रदृश्यते
4347	2078002c	नास्यान्तमवगच्छामि मनसापि विचिन्तयन्
4348	2078003a	स एष हि महाकायः कोविदारध्वजो रथे
4349	2078003c	बन्धयिष्यति वा दाशानथ वास्मान्वधिष्यति
4350	2078004a	अथ दाशरथिं रामं पित्रा राज्याद्विवासितम्
4351	2078004c	भरतः कैकेयीपुत्रो हन्तुं समधिगच्छति
4352	2078005a	भर्ता चैव सखा चैव रामो दाशरथिर्मम
4353	2078005c	तस्यार्थकामाः संनद्धा गङ्गानूपेऽत्र तिष्ठत
4354	2078006a	तिष्ठन्तु सर्वदाशाश्च गङ्गामन्वाश्रिता नदीम्
4355	2078006c	बलयुक्ता नदीरक्षा मांसमूलफलाशनाः
4356	2078007a	नावां शतानां पञ्चानां कैवर्तानां शतं शतम्
4357	2078007c	संनद्धानां तथा यूनां तिष्ठन्त्वत्यभ्यचोदयत्
4358	2078008a	यदा तुष्टस्तु भरतो रामस्येह भविष्यति
4359	2078008c	सेयं स्वस्तिमयी सेना गङ्गामद्य तरिष्यति
4360	2078009a	इत्युक्त्वोपायनं गृह्य मत्स्यमांसमधूनि च
4361	2078009c	अभिचक्राम भरतं निषादाधिपतिर्गुहः
4362	2078010a	तमायान्तं तु संप्रेक्ष्य सूतपुत्रः प्रतापवान्
4363	2078010c	भरतायाचचक्षेऽथ विनयज्ञो विनीतवत्
4364	2078011a	एष ज्ञातिसहस्रेण स्थपतिः परिवारितः
4365	2078011c	कुशलो दण्डकारण्ये वृद्धो भ्रातुश्च ते सखा
4366	2078012a	तस्मात्पश्यतु काकुत्स्थ त्वां निषादाधिपो गुहः
4367	2078012c	असंशयं विजानीते यत्र तौ रामलक्ष्मणौ
4368	2078013a	एतत्तु वचनं श्रुत्वा सुमन्त्राद्भरतः शुभम्
4369	2078013c	उवाच वचनं शीघ्रं गुहः पश्यतु मामिति
4370	2078014a	लब्ध्वाभ्यनुज्ञां संहृष्टो ज्ञातिभिः परिवारितः
4371	2078014c	आगम्य भरतं प्रह्वो गुहो वचनमब्रवीत्
4372	2078015a	निष्कुटश्चैव देशोऽयं वञ्चिताश्चापि ते वयम्
4373	2078015c	निवेदयामस्ते सर्वे स्वके दाशकुले वस
4374	2078016a	अस्ति मूलं फलं चैव निषादैः समुपाहृतम्
4375	2078016c	आर्द्रं च मांसं शुष्कं च वन्यं चोच्चावचं महत्
4376	2078017a	आशंसे स्वाशिता सेना वत्स्यतीमां विभावरीम्
4377	2078017c	अर्चितो विविधैः कामैः श्वः ससैन्यो गमिष्यसि
4378	2079001a	एवमुक्तस्तु भरतो निषादाधिपतिं गुहम्
4379	2079001c	प्रत्युवाच महाप्राज्ञो वाक्यं हेत्वर्थसंहितम्
4380	2079002a	ऊर्जितः खलु ते कामः कृतो मम गुरोः सखे
4381	2079002c	यो मे त्वमीदृशीं सेनामेकोऽभ्यर्चितुमिच्छसि
4382	2079003a	इत्युक्त्वा तु महातेजा गुहं वचनमुत्तमम्
4383	2079003c	अब्रवीद्भरतः श्रीमान्निषादाधिपतिं पुनः
4384	2079004a	कतरेण गमिष्यामि भरद्वाजाश्रमं गुह
4385	2079004c	गहनोऽयं भृशं देशो गङ्गानूपो दुरत्ययः
4386	2079005a	तस्य तद्वचनं श्रुत्वा राजपुत्रस्य धीमतः
4387	2079005c	अब्रवीत्प्राञ्जलिर्वाक्यं गुहो गहनगोचरः
4388	2079006a	दाशास्त्वनुगमिष्यन्ति धन्विनः सुसमाहिताः
4389	2079006c	अहं चानुगमिष्यामि राजपुत्र महायशः
4390	2079007a	कच्चिन्न दुष्टो व्रजसि रामस्याक्लिष्टकर्मणः
4391	2079007c	इयं ते महती सेना शङ्कां जनयतीव मे
4392	2079008a	तमेवमभिभाषन्तमाकाश इव निर्मलः
4393	2079008c	भरतः श्लक्ष्णया वाचा गुहं वचनमब्रवीत्
4394	2079009a	मा भूत्स कालो यत्कष्टं न मां शङ्कितुमर्हसि
4395	2079009c	राघवः स हि मे भ्राता ज्येष्ठः पितृसमो मम
4396	2079010a	तं निवर्तयितुं यामि काकुत्स्थं वनवासिनम्
4397	2079010c	बुद्धिरन्या न ते कार्या गुह सत्यं ब्रवीमि ते
4398	2079011a	स तु संहृष्टवदनः श्रुत्वा भरतभाषितम्
4399	2079011c	पुनरेवाब्रवीद्वाक्यं भरतं प्रति हर्षितः
4400	2079012a	धन्यस्त्वं न त्वया तुल्यं पश्यामि जगतीतले
4401	2079012c	अयत्नादागतं राज्यं यस्त्वं त्यक्तुमिहेच्छसि
4402	2079013a	शाश्वती खलु ते कीर्तिर्लोकाननुचरिष्यति
4403	2079013c	यस्त्वं कृच्छ्रगतं रामं प्रत्यानयितुमिच्छसि
4404	2079014a	एवं संभाषमाणस्य गुहस्य भरतं तदा
4405	2079014c	बभौ नष्टप्रभः सूर्यो रजनी चाभ्यवर्तत
4406	2079015a	संनिवेश्य स तां सेनां गुहेन परितोषितः
4407	2079015c	शत्रुघ्नेन सह श्रीमाञ्शयनं पुनरागमत्
4408	2079016a	रामचिन्तामयः शोको भरतस्य महात्मनः
4409	2079016c	उपस्थितो ह्यनर्हस्य धर्मप्रेक्षस्य तादृशः
4410	2079017a	अन्तर्दाहेन दहनः संतापयति राघवम्
4411	2079017c	वनदाहाभिसंतप्तं गूढोऽग्निरिव पादपम्
4412	2079018a	प्रस्रुतः सर्वगात्रेभ्यः स्वेदः शोकाग्निसंभवः
4413	2079018c	यथा सूर्यांशुसंतप्तो हिमवान्प्रस्रुतो हिमम्
4414	2079019a	ध्याननिर्दरशैलेन विनिःश्वसितधातुना
4415	2079019c	दैन्यपादपसंघेन शोकायासाधिशृङ्गिणा
4416	2079020a	प्रमोहानन्तसत्त्वेन संतापौषधिवेणुना
4417	2079020c	आक्रान्तो दुःखशैलेन महता कैकयीसुतः
4418	2079021a	गुहेन सार्धं भरतः समागतो; महानुभावः सजनः समाहितः
4419	2079021c	सुदुर्मनास्तं भरतं तदा पुन;र्गुहः समाश्वासयदग्रजं प्रति
4420	2080001a	आचचक्षेऽथ सद्भावं लक्ष्मणस्य महात्मनः
4421	2080001c	भरतायाप्रमेयाय गुहो गहनगोचरः
4422	2080002a	तं जाग्रतं गुणैर्युक्तं वरचापेषुधारिणम्
4423	2080002c	भ्रातृ गुप्त्यर्थमत्यन्तमहं लक्ष्मणमब्रवम्
4424	2080003a	इयं तात सुखा शय्या त्वदर्थमुपकल्पिता
4425	2080003c	प्रत्याश्वसिहि शेष्वास्यां सुखं राघवनन्दन
4426	2080004a	उचितोऽयं जनः सर्वे दुःखानां त्वं सुखोचितः
4427	2080004c	धर्मात्मंस्तस्य गुप्त्यर्थं जागरिष्यामहे वयम्
4428	2080005a	न हि रामात्प्रियतरो ममास्ति भुवि कश्चन
4429	2080005c	मोत्सुको भूर्ब्रवीम्येतदप्यसत्यं तवाग्रतः
4430	2080006a	अस्य प्रसादादाशंसे लोकेऽस्मिन्सुमहद्यशः
4431	2080006c	धर्मावाप्तिं च विपुलामर्थावाप्तिं च केवलाम्
4432	2080007a	सोऽहं प्रियसखं रामं शयानं सह सीतया
4433	2080007c	रक्षिष्यामि धनुष्पाणिः सर्वैः स्वैर्ज्ञातिभिः सह
4434	2080008a	न हि मेऽविदितं किंचिद्वनेऽस्मिंश्चरतः सदा
4435	2080008c	चतुरङ्गं ह्यपि बलं प्रसहेम वयं युधि
4436	2080009a	एवमस्माभिरुक्तेन लक्ष्मणेन महात्मना
4437	2080009c	अनुनीता वयं सर्वे धर्ममेवानुपश्यता
4438	2080010a	कथं दाशरथौ भूमौ शयाने सह सीतया
4439	2080010c	शक्या निद्रामया लब्धुं जीवितं वा सुखानि वा
4440	2080011a	यो न देवासुरैः सर्वैः शक्यः प्रसहितुं युधि
4441	2080011c	तं पश्य गुह संविष्टं तृणेषु सह सीतया
4442	2080012a	महता तपसा लब्धो विविधैश्च परिश्रमैः
4443	2080012c	एको दशरथस्यैष पुत्रः सदृशलक्षणः
4444	2080013a	अस्मिन्प्रव्राजिते राजा न चिरं वर्तयिष्यति
4445	2080013c	विधवा मेदिनी नूनं क्षिप्रमेव भविष्यति
4446	2080014a	विनद्य सुमहानादं श्रमेणोपरताः स्त्रियः
4447	2080014c	निर्घोषोपरतं नूनमद्य राजनिवेशनम्
4448	2080015a	कौसल्या चैव राजा च तथैव जननी मम
4449	2080015c	नाशंसे यदि ते सर्वे जीवेयुः शर्वरीमिमाम्
4450	2080016a	जीवेदपि हि मे माता शत्रुघ्नस्यान्ववेक्षया
4451	2080016c	दुःखिता या तु कौसल्या वीरसूर्विनशिष्यति
4452	2080017a	अतिक्रान्तमतिक्रान्तमनवाप्य मनोरथम्
4453	2080017c	राज्ये राममनिक्षिप्य पिता मे विनशिष्यति
4454	2080018a	सिद्धार्थाः पितरं वृत्तं तस्मिन्काले ह्युपस्थिते
4455	2080018c	प्रेतकार्येषु सर्वेषु संस्करिष्यन्ति भूमिपम्
4456	2080019a	रम्यचत्वरसंस्थानां सुविभक्तमहापथाम्
4457	2080019c	हर्म्यप्रासादसंपन्नां सर्वरत्नविभूषिताम्
4458	2080020a	गजाश्वरथसंबाधां तूर्यनादविनादिताम्
4459	2080020c	सर्वकल्याणसंपूर्णां हृष्टपुष्टजनाकुलाम्
4460	2080021a	आरामोद्यानसंपूर्णां समाजोत्सवशालिनीम्
4461	2080021c	सुखिता विचरिष्यन्ति राजधानीं पितुर्मम
4462	2080022a	अपि सत्यप्रतिज्ञेन सार्धं कुशलिना वयम्
4463	2080022c	निवृत्ते समये ह्यस्मिन्सुखिताः प्रविशेमहि
4464	2080023a	परिदेवयमानस्य तस्यैवं सुमहात्मनः
4465	2080023c	तिष्ठतो राजपुत्रस्य शर्वरी सात्यवर्तत
4466	2080024a	प्रभाते विमले सूर्ये कारयित्वा जटा उभौ
4467	2080024c	अस्मिन्भागीरथी तीरे सुखं संतारितौ मया
4468	2080025a	जटाधरौ तौ द्रुमचीरवाससौ; महाबलौ कुञ्जरयूथपोपमौ
4469	2080025c	वरेषुचापासिधरौ परंतपौ; व्यवेक्षमाणौ सह सीतया गतौ
4470	2081001a	गुहस्य वचनं श्रुत्वा भरतो भृशमप्रियम्
4471	2081001c	ध्यानं जगाम तत्रैव यत्र तच्छ्रुतमप्रियम्
4472	2081002a	सुकुमारो महासत्त्वः सिंहस्कन्धो महाभुजः
4473	2081002c	पुण्डरीक विशालाक्षस्तरुणः प्रियदर्शनः
4474	2081003a	प्रत्याश्वस्य मुहूर्तं तु कालं परमदुर्मनाः
4475	2081003c	पपात सहसा तोत्रैर्हृदि विद्ध इव द्विपः
4476	2081004a	तदवस्थं तु भरतं शत्रुघ्नोऽनन्तर स्थितः
4477	2081004c	परिष्वज्य रुरोदोच्चैर्विसंज्ञः शोककर्शितः
4478	2081005a	ततः सर्वाः समापेतुर्मातरो भरतस्य ताः
4479	2081005c	उपवास कृशा दीना भर्तृव्यसनकर्शिताः
4480	2081006a	ताश्च तं पतितं भूमौ रुदन्त्यः पर्यवारयन्
4481	2081006c	कौसल्या त्वनुसृत्यैनं दुर्मनाः परिषस्वजे
4482	2081007a	वत्सला स्वं यथा वत्समुपगूह्य तपस्विनी
4483	2081007c	परिपप्रच्छ भरतं रुदन्ती शोकलालसा
4484	2081008a	पुत्रव्याधिर्न ते कच्चिच्छरीरं परिबाधते
4485	2081008c	अद्य राजकुलस्यास्य त्वदधीनं हि जीवितम्
4486	2081009a	त्वां दृष्ट्वा पुत्र जीवामि रामे सभ्रातृके गते
4487	2081009c	वृत्ते दशरथे राज्ञि नाथ एकस्त्वमद्य नः
4488	2081010a	कच्चिन्न लक्ष्मणे पुत्र श्रुतं ते किंचिदप्रियम्
4489	2081010c	पुत्र वा ह्येकपुत्रायाः सहभार्ये वनं गते
4490	2081011a	स मुहूर्तं समाश्वस्य रुदन्नेव महायशाः
4491	2081011c	कौसल्यां परिसान्त्व्येदं गुहं वचनमब्रवीत्
4492	2081012a	भ्राता मे क्वावसद्रात्रिं क्व सीता क्व च लक्ष्मणः
4493	2081012c	अस्वपच्छयने कस्मिन्किं भुक्त्वा गुह शंस मे
4494	2081013a	सोऽब्रवीद्भरतं पृष्टो निषादाधिपतिर्गुहः
4495	2081013c	यद्विधं प्रतिपेदे च रामे प्रियहितेऽतिथौ
4496	2081014a	अन्नमुच्चावचं भक्ष्याः फलानि विविधानि च
4497	2081014c	रामायाभ्यवहारार्थं बहुचोपहृतं मया
4498	2081015a	तत्सर्वं प्रत्यनुज्ञासीद्रामः सत्यपराक्रमः
4499	2081015c	न हि तत्प्रत्यगृह्णात्स क्षत्रधर्ममनुस्मरन्
4500	2081016a	न ह्यस्माभिः प्रतिग्राह्यं सखे देयं तु सर्वदा
4501	2081016c	इति तेन वयं राजन्ननुनीता महात्मना
4502	2081017a	लक्ष्मणेन समानीतं पीत्वा वारि महायशाः
4503	2081017c	औपवास्यं तदाकार्षीद्राघवः सह सीतया
4504	2081018a	ततस्तु जलशेषेण लक्ष्मणोऽप्यकरोत्तदा
4505	2081018c	वाग्यतास्ते त्रयः संध्यामुपासत समाहिताः
4506	2081019a	सौमित्रिस्तु ततः पश्चादकरोत्स्वास्तरं शुभम्
4507	2081019c	स्वयमानीय बर्हींषि क्षिप्रं राघव कारणात्
4508	2081020a	तस्मिन्समाविशद्रामः स्वास्तरे सह सीतया
4509	2081020c	प्रक्षाल्य च तयोः पादावपचक्राम लक्ष्मणः
4510	2081021a	एतत्तदिङ्गुदीमूलमिदमेव च तत्तृणम्
4511	2081021c	यस्मिन्रामश्च सीता च रात्रिं तां शयितावुभौ
4512	2081022a	नियम्य पृष्ठे तु तलाङ्गुलित्रवा;ञ्शरैः सुपूर्णाविषुधी परंतपः
4513	2081022c	महद्धनुः सज्यमुपोह्य लक्ष्मणो; निशामतिष्ठत्परितोऽस्य केवलम्
4514	2081023a	ततस्त्वहं चोत्तमबाणचापधृ;क्स्थितोऽभवं तत्र स यत्र लक्ष्मणः
4515	2081023c	अतन्द्रिभिर्ज्ञातिभिरात्तकार्मुकै;र्महेन्द्रकल्पं परिपालयंस्तदा
4516	2082001a	तच्छ्रुत्वा निपुणं सर्वं भरतः सह मन्त्रिभिः
4517	2082001c	इङ्गुदीमूलमागम्य रामशय्यामवेक्ष्य ताम्
4518	2082002a	अब्रवीज्जननीः सर्वा इह तेन महात्मना
4519	2082002c	शर्वरी शयिता भूमाविदमस्य विमर्दितम्
4520	2082003a	महाभागकुलीनेन महाभागेन धीमता
4521	2082003c	जातो दशरथेनोर्व्यां न रामः स्वप्तुमर्हति
4522	2082004a	अजिनोत्तरसंस्तीर्णे वरास्तरणसंचये
4523	2082004c	शयित्वा पुरुषव्याघ्रः कथं शेते महीतले
4524	2082005a	प्रासादाग्र विमानेषु वलभीषु च सर्वदा
4525	2082005c	हैमराजतभौमेषु वरास्तरणशालिषु
4526	2082006a	पुष्पसंचयचित्रेषु चन्दनागरुगन्धिषु
4527	2082006c	पाण्डुराभ्रप्रकाशेषु शुकसंघरुतेषु च
4528	2082007a	गीतवादित्रनिर्घोषैर्वराभरणनिःस्वनैः
4529	2082007c	मृदङ्गवरशब्दैश्च सततं प्रतिबोधितः
4530	2082008a	बन्दिभिर्वन्दितः काले बहुभिः सूतमागधैः
4531	2082008c	गाथाभिरनुरूपाभिः स्तुतिभिश्च परंतपः
4532	2082009a	अश्रद्धेयमिदं लोके न सत्यं प्रतिभाति मा
4533	2082009c	मुह्यते खलु मे भावः स्वप्नोऽयमिति मे मतिः
4534	2082010a	न नूनं दैवतं किंचित्कालेन बलवत्तरम्
4535	2082010c	यत्र दाशरथी रामो भूमावेवं शयीत सः
4536	2082011a	विदेहराजस्य सुता सीता च प्रियदर्शना
4537	2082011c	दयिता शयिता भूमौ स्नुषा दशरथस्य च
4538	2082012a	इयं शय्या मम भ्रातुरिदं हि परिवर्तितम्
4539	2082012c	स्थण्डिले कठिने सर्वं गात्रैर्विमृदितं तृणम्
4540	2082013a	मन्ये साभरणा सुप्ता सीतास्मिञ्शयने तदा
4541	2082013c	तत्र तत्र हि दृश्यन्ते सक्ताः कनकबिन्दवः
4542	2082014a	उत्तरीयमिहासक्तं सुव्यक्तं सीतया तदा
4543	2082014c	तथा ह्येते प्रकाशन्ते सक्ताः कौशेयतन्तवः
4544	2082015a	मन्ये भर्तुः सुखा शय्या येन बाला तपस्विनी
4545	2082015c	सुकुमारी सती दुःखं न विजानाति मैथिली
4546	2082016a	सार्वभौम कुले जातः सर्वलोकसुखावहः
4547	2082016c	सर्वलोकप्रियस्त्यक्त्वा राज्यं प्रियमनुत्तमम्
4548	2082017a	कथमिन्दीवरश्यामो रक्ताक्षः प्रियदर्शनः
4549	2082017c	सुखभागी च दुःखार्हः शयितो भुवि राघवः
4550	2082018a	सिद्धार्था खलु वैदेही पतिं यानुगता वनम्
4551	2082018c	वयं संशयिताः सर्वे हीनास्तेन महात्मना
4552	2082019a	अकर्णधारा पृथिवी शून्येव प्रतिभाति मा
4553	2082019c	गते दशरथे स्वर्गे रामे चारण्यमाश्रिते
4554	2082020a	न च प्रार्थयते कश्चिन्मनसापि वसुंधराम्
4555	2082020c	वनेऽपि वसतस्तस्य बाहुवीर्याभिरक्षिताम्
4556	2082021a	शून्यसंवरणारक्षामयन्त्रितहयद्विपाम्
4557	2082021c	अपावृतपुरद्वारां राजधानीमरक्षिताम्
4558	2082022a	अप्रहृष्टबलां न्यूनां विषमस्थामनावृताम्
4559	2082022c	शत्रवो नाभिमन्यन्ते भक्ष्यान्विषकृतानिव
4560	2082023a	अद्य प्रभृति भूमौ तु शयिष्येऽहं तृणेषु वा
4561	2082023c	फलमूलाशनो नित्यं जटाचीराणि धारयन्
4562	2082024a	तस्यार्थमुत्तरं कालं निवत्स्यामि सुखं वने
4563	2082024c	तं प्रतिश्रवमामुच्य नास्य मिथ्या भविष्यति
4564	2082025a	वसन्तं भ्रातुरर्थाय शत्रुघ्नो मानुवत्स्यति
4565	2082025c	लक्ष्मणेन सह त्वार्यो अयोध्यां पालयिष्यति
4566	2082026a	अभिषेक्ष्यन्ति काकुत्स्थमयोध्यायां द्विजातयः
4567	2082026c	अपि मे देवताः कुर्युरिमं सत्यं मनोरथम्
4568	2082027a	प्रसाद्यमानः शिरसा मया स्वयं; बहुप्रकारं यदि न प्रपत्स्यते
4569	2082027c	ततोऽनुवत्स्यामि चिराय राघवं; वने वसन्नार्हति मामुपेक्षितुम्
4570	2083001a	व्युष्य रात्रिं तु तत्रैव गङ्गाकूले स राघवः
4571	2083001c	भरतः काल्यमुत्थाय शत्रुघ्नमिदमब्रवीत्
4572	2083002a	शत्रुघोत्तिष्ठ किं शेषे निषादाधिपतिं गुहम्
4573	2083002c	शीघ्रमानय भद्रं ते तारयिष्यति वाहिनीम्
4574	2083003a	जागर्मि नाहं स्वपिमि तथैवार्यं विचिन्तयन्
4575	2083003c	इत्येवमब्रवीद्भ्रात्रा शत्रुघ्नोऽपि प्रचोदितः
4576	2083004a	इति संवदतोरेवमन्योन्यं नरसिंहयोः
4577	2083004c	आगम्य प्राञ्जलिः काले गुहो भरतमब्रवीत्
4578	2083005a	कच्चित्सुखं नदीतीरेऽवात्सीः काकुत्स्थ शर्वरीम्
4579	2083005c	कच्चिच्च सह सैन्यस्य तव सर्वमनामयम्
4580	2083006a	गुहस्य तत्तु वचनं श्रुत्वा स्नेहादुदीरितम्
4581	2083006c	रामस्यानुवशो वाक्यं भरतोऽपीदमब्रवीत्
4582	2083007a	सुखा नः शर्वरी राजन्पूजिताश्चापि ते वयम्
4583	2083007c	गङ्गां तु नौभिर्बह्वीभिर्दाशाः संतारयन्तु नः
4584	2083008a	ततो गुहः संत्वरितः श्रुत्वा भरतशासनम्
4585	2083008c	प्रतिप्रविश्य नगरं तं ज्ञातिजनमब्रवीत्
4586	2083009a	उत्तिष्ठत प्रबुध्यध्वं भद्रमस्तु हि वः सदा
4587	2083009c	नावः समनुकर्षध्वं तारयिष्याम वाहिनीम्
4588	2083010a	ते तथोक्ताः समुत्थाय त्वरिता राजशासनात्
4589	2083010c	पञ्च नावां शतान्येव समानिन्युः समन्ततः
4590	2083011a	अन्याः स्वस्तिकविज्ञेया महाघण्डा धरा वराः
4591	2083011c	शोभमानाः पताकिन्यो युक्तवाताः सुसंहताः
4592	2083012a	ततः स्वस्तिकविज्ञेयां पाण्डुकम्बलसंवृताम्
4593	2083012c	सनन्दिघोषां कल्याणीं गुहो नावमुपाहरत्
4594	2083013a	तामारुरोह भरतः शत्रुघ्नश्च महाबलः
4595	2083013c	कौसल्या च सुमित्रा च याश्चान्या राजयोषितः
4596	2083014a	पुरोहितश्च तत्पूर्वं गुरवे ब्राह्मणाश्च ये
4597	2083014c	अनन्तरं राजदारास्तथैव शकटापणाः
4598	2083015a	आवासमादीपयतां तीर्थं चाप्यवगाहताम्
4599	2083015c	भाण्डानि चाददानानां घोषस्त्रिदिवमस्पृशत्
4600	2083016a	पताकिन्यस्तु ता नावः स्वयं दाशैरधिष्ठिताः
4601	2083016c	वहन्त्यो जनमारूढं तदा संपेतुराशुगाः
4602	2083017a	नारीणामभिपूर्णास्तु काश्चित्काश्चित्तु वाजिनाम्
4603	2083017c	कश्चित्तत्र वहन्ति स्म यानयुग्यं महाधनम्
4604	2083018a	ताः स्म गत्वा परं तीरमवरोप्य च तं जनम्
4605	2083018c	निवृत्ताः काण्डचित्राणि क्रियन्ते दाशबन्धुभिः
4606	2083019a	सवैजयन्तास्तु गजा गजारोहैः प्रचोदिताः
4607	2083019c	तरन्तः स्म प्रकाशन्ते सध्वजा इव पर्वताः
4608	2083020a	नावश्चारुरुहुस्त्वन्ये प्लवैस्तेरुस्तथापरे
4609	2083020c	अन्ये कुम्भघटैस्तेरुरन्ये तेरुश्च बाहुभिः
4610	2083021a	सा पुण्या ध्वजिनी गङ्गां दाशैः संतारिता स्वयम्
4611	2083021c	मैत्रे मुहूर्ते प्रययौ प्रयागवनमुत्तमम्
4612	2083022a	आश्वासयित्वा च चमूं महात्मा; निवेशयित्वा च यथोपजोषम्
4613	2083022c	द्रष्टुं भरद्वाजमृषिप्रवर्य;मृत्विग्वृतः सन्भरतः प्रतस्थे
4614	2084001a	भरद्वाजाश्रमं दृष्ट्वा क्रोशादेव नरर्षभः
4615	2084001c	बलं सर्वमवस्थाप्य जगाम सह मन्त्रिभिः
4616	2084002a	पद्भ्यामेव हि धर्मज्ञो न्यस्तशस्त्रपरिच्छदः
4617	2084002c	वसानो वाससी क्षौमे पुरोधाय पुरोहितम्
4618	2084003a	ततः संदर्शने तस्य भरद्वाजस्य राघवः
4619	2084003c	मन्त्रिणस्तानवस्थाप्य जगामानु पुरोहितम्
4620	2084004a	वसिष्ठमथ दृष्ट्वैव भरद्वाजो महातपाः
4621	2084004c	संचचालासनात्तूर्णं शिष्यानर्घ्यमिति ब्रुवन्
4622	2084005a	समागम्य वसिष्ठेन भरतेनाभिवादितः
4623	2084005c	अबुध्यत महातेजाः सुतं दशरथस्य तम्
4624	2084006a	ताभ्यामर्घ्यं च पाद्यं च दत्त्वा पश्चात्फलानि च
4625	2084006c	आनुपूर्व्याच्च धर्मज्ञः पप्रच्छ कुशलं कुले
4626	2084007a	अयोध्यायां बले कोशे मित्रेष्वपि च मन्त्रिषु
4627	2084007c	जानन्दशरथं वृत्तं न राजानमुदाहरत्
4628	2084008a	वसिष्ठो भरतश्चैनं पप्रच्छतुरनामयम्
4629	2084008c	शरीरेऽग्निषु वृक्षेषु शिष्येषु मृगपक्षिषु
4630	2084009a	तथेति च प्रतिज्ञाय भरद्वाजो महातपाः
4631	2084009c	भरतं प्रत्युवाचेदं राघवस्नेहबन्धनात्
4632	2084010a	किमिहागमने कार्यं तव राज्यं प्रशासतः
4633	2084010c	एतदाचक्ष्व मे सर्वं न हि मे शुध्यते मनः
4634	2084011a	सुषुवे यम मित्रघ्नं कौसल्यानन्दवर्धनम्
4635	2084011c	भ्रात्रा सह सभार्यो यश्चिरं प्रव्राजितो वनम्
4636	2084012a	नियुक्तः स्त्रीनियुक्तेन पित्रा योऽसौ महायशाः
4637	2084012c	वनवासी भवेतीह समाः किल चतुर्दश
4638	2084013a	कच्चिन्न तस्यापापस्य पापं कर्तुमिहेच्छसि
4639	2084013c	अकण्टकं भोक्तुमना राज्यं तस्यानुजस्य च
4640	2084014a	एवमुक्तो भरद्वाजं भरतः प्रत्युवाच ह
4641	2084014c	पर्यश्रु नयनो दुःखाद्वाचा संसज्जमानया
4642	2084015a	हतोऽस्मि यदि मामेवं भगवानपि मन्यते
4643	2084015c	मत्तो न दोषमाशङ्केर्नैवं मामनुशाधि हि
4644	2084016a	न चैतदिष्टं माता मे यदवोचन्मदन्तरे
4645	2084016c	नाहमेतेन तुष्टश्च न तद्वचनमाददे
4646	2084017a	अहं तु तं नरव्याघ्रमुपयातः प्रसादकः
4647	2084017c	प्रतिनेतुमयोध्यां च पादौ तस्याभिवन्दितुम्
4648	2084018a	त्वं मामेवं गतं मत्वा प्रसादं कर्तुमर्हसि
4649	2084018c	शंस मे भगवन्रामः क्व संप्रति महीपतिः
4650	2084019a	उवाच तं भरद्वाजः प्रसादाद्भरतं वचः
4651	2084019c	त्वय्येतत्पुरुषव्याघ्रं युक्तं राघववंशजे
4652	2084019e	गुरुवृत्तिर्दमश्चैव साधूनां चानुयायिता
4653	2084020a	जाने चैतन्मनःस्थं ते दृढीकरणमस्त्विति
4654	2084020c	अपृच्छं त्वां तवात्यर्थं कीर्तिं समभिवर्धयन्
4655	2084021a	असौ वसति ते भ्राता चित्रकूटे महागिरौ
4656	2084021c	श्वस्तु गन्तासि तं देशं वसाद्य सह मन्त्रिभिः
4657	2084021e	एतं मे कुरु सुप्राज्ञ कामं कामार्थकोविद
4658	2084022a	ततस्तथेत्येवमुदारदर्शनः; प्रतीतरूपो भरतोऽब्रवीद्वचः
4659	2084022c	चकार बुद्धिं च तदा महाश्रमे; निशानिवासाय नराधिपात्मजः
4660	2085001a	कृतबुद्धिं निवासाय तथैव स मुनिस्तदा
4661	2085001c	भरतं कैकयी पुत्रमातिथ्येन न्यमन्त्रयत्
4662	2085002a	अब्रवीद्भरतस्त्वेनं नन्विदं भवता कृतम्
4663	2085002c	पाद्यमर्घ्यं तथातिथ्यं वने यदूपपद्यते
4664	2085003a	अथोवाच भरद्वाजो भरतं प्रहसन्निव
4665	2085003c	जाने त्वां प्रीति संयुक्तं तुष्येस्त्वं येन केनचित्
4666	2085004a	सेनायास्तु तवैतस्याः कर्तुमिच्छामि भोजनम्
4667	2085004c	मम प्रितिर्यथा रूपा त्वमर्हो मनुजर्षभ
4668	2085005a	किमर्थं चापि निक्षिप्य दूरे बलमिहागतः
4669	2085005c	कस्मान्नेहोपयातोऽसि सबलः पुरुषर्षभ
4670	2085006a	भरतः प्रत्युवाचेदं प्राञ्जलिस्तं तपोधनम्
4671	2085006c	ससैन्यो नोपयातोऽस्मि भगवन्भगवद्भयात्
4672	2085007a	वाजि मुख्या मनुष्याश्च मत्ताश्च वर वारणाः
4673	2085007c	प्रच्छाद्य महतीं भूमिं भगवन्ननुयान्ति माम्
4674	2085008a	ते वृक्षानुदकं भूमिमाश्रमेषूटजांस्तथा
4675	2085008c	न हिंस्युरिति तेनाहमेक एवागतस्ततः
4676	2085009a	आनीयतामितः सेनेत्याज्ञप्तः परमर्षिणा
4677	2085009c	तथा तु चक्रे भरतः सेनायाः समुपागमम्
4678	2085010a	अग्निशालां प्रविश्याथ पीत्वापः परिमृज्य च
4679	2085010c	आतिथ्यस्य क्रियाहेतोर्विश्वकर्माणमाह्वयत्
4680	2085011a	आह्वये विश्वकर्माणमहं त्वष्टारमेव च
4681	2085011c	आतिथ्यं कर्तुमिच्छामि तत्र मे संविधीयताम्
4682	2085012a	प्राक्स्रोतसश्च या नद्यः प्रत्यक्स्रोतस एव च
4683	2085012c	पृथिव्यामन्तरिक्षे च समायान्त्वद्य सर्वशः
4684	2085013a	अन्याः स्रवन्तु मैरेयं सुरामन्याः सुनिष्ठिताम्
4685	2085013c	अपराश्चोदकं शीतमिक्षुकाण्डरसोपमम्
4686	2085014a	आह्वये देवगन्धर्वान्विश्वावसुहहाहुहून्
4687	2085014c	तथैवाप्सरसो देवीर्गन्धर्वीश्चापि सर्वशः
4688	2085015a	घृताचीमथ विश्वाचीं मिश्रकेशीमलम्बुसाम्
4689	2085015c	शक्रं याश्चोपतिष्ठन्ति ब्रह्माणं याश्च भामिनीः
4690	2085015e	सर्वास्तुम्बुरुणा सार्धमाह्वये सपरिच्छदाः
4691	2085016a	वनं कुरुषु यद्दिव्यं वासो भूषणपत्रवत्
4692	2085016c	दिव्यनारीफलं शश्वत्तत्कौबेरमिहैव तु
4693	2085017a	इह मे भगवान्सोमो विधत्तामन्नमुत्तमम्
4694	2085017c	भक्ष्यं भोज्यं च चोष्यं च लेह्यं च विविधं बहु
4695	2085018a	विचित्राणि च माल्यानि पादपप्रच्युतानि च
4696	2085018c	सुरादीनि च पेयानि मांसानि विविधानि च
4697	2085019a	एवं समाधिना युक्तस्तेजसाप्रतिमेन च
4698	2085019c	शिक्षास्वरसमायुक्तं तपसा चाब्रवीन्मुनिः
4699	2085020a	मनसा ध्यायतस्तस्य प्राङ्मुखस्य कृताञ्जलेः
4700	2085020c	आजग्मुस्तानि सर्वाणि दैवतानि पृथक्पृथक्
4701	2085021a	मलयं दुर्दुरं चैव ततः स्वेदनुदोऽनिलः
4702	2085021c	उपस्पृश्य ववौ युक्त्या सुप्रियात्मा सुखः शिवः
4703	2085022a	ततोऽभ्यवर्तन्त घना दिव्याः कुसुमवृष्टयः
4704	2085022c	देवदुन्दुभिघोषश्च दिक्षु सर्वासु शुश्रुवे
4705	2085023a	प्रववुश्चोत्तमा वाता ननृतुश्चाप्सरोगणाः
4706	2085023c	प्रजगुर्देवगन्धर्वा वीणा प्रमुमुचुः स्वरान्
4707	2085024a	स शब्दो द्यां च भूमिं च प्राणिनां श्रवणानि च
4708	2085024c	विवेशोच्चारितः श्लक्ष्णः समो लयगुणान्वितः
4709	2085025a	तस्मिन्नुपरते शब्दे दिव्ये श्रोत्रसुखे नृणाम्
4710	2085025c	ददर्श भारतं सैन्यं विधानं विश्वकर्मणः
4711	2085026a	बभूव हि समा भूमिः समन्तात्पञ्चयोजनम्
4712	2085026c	शाद्वलैर्बहुभिश्छन्ना नीलवैदूर्यसंनिभैः
4713	2085027a	तस्मिन्बिल्वाः कपित्थाश्च पनसा बीजपूरकाः
4714	2085027c	आमलक्यो बभूवुश्च चूताश्च फलभूषणाः
4715	2085028a	उत्तरेभ्यः कुरुभ्यश्च वनं दिव्योपभोगवत्
4716	2085028c	आजगाम नदी दिव्या तीरजैर्बहुभिर्वृता
4717	2085029a	चतुःशालानि शुभ्राणि शालाश्च गजवाजिनाम्
4718	2085029c	हर्म्यप्रासादसंघातास्तोरणानि शुभानि च
4719	2085030a	सितमेघनिभं चापि राजवेश्म सुतोरणम्
4720	2085030c	शुक्लमाल्यकृताकारं दिव्यगन्धसमुक्षितम्
4721	2085031a	चतुरस्रमसंबाधं शयनासनयानवत्
4722	2085031c	दिव्यैः सर्वरसैर्युक्तं दिव्यभोजनवस्त्रवत्
4723	2085032a	उपकल्पित सर्वान्नं धौतनिर्मलभाजनम्
4724	2085032c	कॢप्तसर्वासनं श्रीमत्स्वास्तीर्णशयनोत्तमम्
4725	2085033a	प्रविवेश महाबाहुरनुज्ञातो महर्षिणा
4726	2085033c	वेश्म तद्रत्नसंपूर्णं भरतः कैकयीसुतः
4727	2085034a	अनुजग्मुश्च तं सर्वे मन्त्रिणः सपुरोहिताः
4728	2085034c	बभूवुश्च मुदा युक्ता तं दृष्ट्वा वेश्म संविधिम्
4729	2085035a	तत्र राजासनं दिव्यं व्यजनं छत्रमेव च
4730	2085035c	भरतो मन्त्रिभिः सार्धमभ्यवर्तत राजवत्
4731	2085036a	आसनं पूजयामास रामायाभिप्रणम्य च
4732	2085036c	वालव्यजनमादाय न्यषीदत्सचिवासने
4733	2085037a	आनुपूर्व्यान्निषेदुश्च सर्वे मन्त्रपुरोहिताः
4734	2085037c	ततः सेनापतिः पश्चात्प्रशास्ता च निषेदतुः
4735	2085038a	ततस्तत्र मुहूर्तेन नद्यः पायसकर्दमाः
4736	2085038c	उपातिष्ठन्त भरतं भरद्वाजस्य शासनत्
4737	2085039a	तासामुभयतः कूलं पाण्डुमृत्तिकलेपनाः
4738	2085039c	रम्याश्चावसथा दिव्या ब्रह्मणस्तु प्रसादजाः
4739	2085040a	तेनैव च मुहूर्तेन दिव्याभरणभूषिताः
4740	2085040c	आगुर्विंशतिसाहस्रा ब्राह्मणा प्रहिताः स्त्रियः
4741	2085041a	सुवर्णमणिमुक्तेन प्रवालेन च शोभिताः
4742	2085041c	आगुर्विंशतिसाहस्राः कुबेरप्रहिताः स्त्रियः
4743	2085042a	याभिर्गृहीतः पुरुषः सोन्माद इव लक्ष्यते
4744	2085042c	आगुर्विंशतिसाहस्रा नन्दनादप्सरोगणाः
4745	2085043a	नारदस्तुम्बुरुर्गोपः पर्वतः सूर्यवर्चसः
4746	2085043c	एते गन्धर्वराजानो भरतस्याग्रतो जगुः
4747	2085044a	अलम्बुसा मिश्रकेशी पुण्डरीकाथ वामना
4748	2085044c	उपानृत्यंस्तु भरतं भरद्वाजस्य शासनात्
4749	2085045a	यानि माल्यानि देवेषु यानि चैत्ररथे वने
4750	2085045c	प्रयागे तान्यदृश्यन्त भरद्वाजस्य शासनात्
4751	2085046a	बिल्वा मार्दङ्गिका आसञ्शम्या ग्राहा बिभीतकाः
4752	2085046c	अश्वत्था नर्तकाश्चासन्भरद्वाजस्य तेजसा
4753	2085047a	ततः सरलतालाश्च तिलका नक्तमालकाः
4754	2085047c	प्रहृष्टास्तत्र संपेतुः कुब्जाभूताथ वामनाः
4755	2085048a	शिंशपामलकी जम्बूर्याश्चान्याः कानने लताः
4756	2085048c	प्रमदा विग्रहं कृत्वा भरद्वाजाश्रमेऽवसन्
4757	2085049a	सुरां सुरापाः पिबत पायसं च बुभुक्शिताः
4758	2085049c	मांसनि च सुमेध्यानि भक्ष्यन्तां यावदिच्छथ
4759	2085050a	उत्साद्य स्नापयन्ति स्म नदीतीरेषु वल्गुषु
4760	2085050c	अप्येकमेकं पुरुषं प्रमदाः सत्प चाष्ट च
4761	2085051a	संवहन्त्यः समापेतुर्नार्यो रुचिरलोचनाः
4762	2085051c	परिमृज्य तथा न्यायं पाययन्ति वराङ्गनाः
4763	2085052a	हयान्गजान्खरानुष्ट्रांस्तथैव सुरभेः सुतान्
4764	2085052c	इक्षूंश्च मधुजालांश्च भोजयन्ति स्म वाहनान्
4765	2085052e	इक्ष्वाकुवरयोधानां चोदयन्तो महाबलाः
4766	2085053a	नाश्वबन्धोऽश्वमाजानान्न गजं कुञ्जरग्रहः
4767	2085053c	मत्तप्रमत्तमुदिता चमूः सा तत्र संबभौ
4768	2085054a	तर्पिता सर्वकामैस्ते रक्तचन्दनरूषिताः
4769	2085054c	अप्सरोगणसंयुक्ताः सैन्या वाचमुदैरयन्
4770	2085055a	नैवायोध्यां गमिष्यामो न गमिष्याम दण्डकान्
4771	2085055c	कुशलं भरतस्यास्तु रामस्यास्तु तथा सुखम्
4772	2085056a	इति पादातयोधाश्च हस्त्यश्वारोहबन्धकाः
4773	2085056c	अनाथास्तं विधिं लब्ध्वा वाचमेतामुदैरयन्
4774	2085057a	संप्रहृष्टा विनेदुस्ते नरास्तत्र सहस्रशः
4775	2085057c	भरतस्यानुयातारः स्वर्गेऽयमिति चाब्रुवन्
4776	2085058a	ततो भुक्तवतां तेषां तदन्नममृतोपमम्
4777	2085058c	दिव्यानुद्वीक्ष्य भक्ष्यांस्तानभवद्भक्षणे मतिः
4778	2085059a	प्रेष्याश्चेट्यश्च वध्वश्च बलस्थाश्चापि सर्वशः
4779	2085059c	बभूवुस्ते भृशं तृप्ताः सर्वे चाहतवाससः
4780	2085060a	कुञ्जराश्च खरोष्ट्रश्च गोऽश्वाश्च मृगपक्षिणः
4781	2085060c	बभूवुः सुभृतास्तत्र नान्यो ह्यन्यमकल्पयत्
4782	2085061a	नाशुक्लवासास्तत्रासीत्क्षुधितो मलिनोऽपि वा
4783	2085061c	रजसा ध्वस्तकेशो वा नरः कश्चिददृश्यत
4784	2085062a	आजैश्चापि च वाराहैर्निष्ठानवरसंचयैः
4785	2085062c	फलनिर्यूहसंसिद्धैः सूपैर्गन्धरसान्वितैः
4786	2085063a	पुष्पध्वजवतीः पूर्णाः शुक्लस्यान्नस्य चाभितः
4787	2085063c	ददृशुर्विस्मितास्तत्र नरा लौहीः सहस्रशः
4788	2085064a	बभूवुर्वनपार्श्वेषु कूपाः पायसकर्दमाः
4789	2085064c	ताश्च कामदुघा गावो द्रुमाश्चासन्मधुश्च्युतः
4790	2085065a	वाप्यो मैरेय पूर्णाश्च मृष्टमांसचयैर्वृताः
4791	2085065c	प्रतप्त पिठरैश्चापि मार्गमायूरकौक्कुटैः
4792	2085066a	पात्रीणां च सहस्राणि शातकुम्भमयानि च
4793	2085066c	स्थाल्यः कुम्भ्यः करम्भ्यश्च दधिपूर्णाः सुसंस्कृताः
4794	2085066e	यौवनस्थस्य गौरस्य कपित्थस्य सुगन्धिनः
4795	2085067a	ह्रदाः पूर्णा रसालस्य दध्नः श्वेतस्य चापरे
4796	2085067c	बभूवुः पायसस्यान्ते शर्करायाश्च संचयाः
4797	2085068a	कल्कांश्चूर्णकषायांश्च स्नानानि विविधानि च
4798	2085068c	ददृशुर्भाजनस्थानि तीर्थेषु सरितां नराः
4799	2085069a	शुक्लानंशुमतश्चापि दन्तधावनसंचयान्
4800	2085069c	शुक्लांश्चन्दनकल्कांश्च समुद्गेष्ववतिष्ठतः
4801	2085070a	दर्पणान्परिमृष्टांश्च वाससां चापि संचयान्
4802	2085070c	पादुकोपानहां चैव युग्मान्यत्र सहस्रशः
4803	2085071a	आञ्जनीः कङ्कतान्कूर्चांश्छत्राणि च धनूंषि च
4804	2085071c	मर्मत्राणानि चित्राणि शयनान्यासनानि च
4805	2085072a	प्रतिपानह्रदान्पूर्णान्खरोष्ट्रगजवाजिनाम्
4806	2085072c	अवगाह्य सुतीर्थांश्च ह्रदान्सोत्पल पुष्करान्
4807	2085073a	नीलवैदूर्यवर्णांश्च मृदून्यवससंचयान्
4808	2085073c	निर्वापार्थं पशूनां ते ददृशुस्तत्र सर्वशः
4809	2085074a	व्यस्मयन्त मनुष्यास्ते स्वप्नकल्पं तदद्भुतम्
4810	2085074c	दृष्ट्वातिथ्यं कृतं तादृग्भरतस्य महर्षिणा
4811	2085075a	इत्येवं रममाणानां देवानामिव नन्दने
4812	2085075c	भरद्वाजाश्रमे रम्ये सा रात्रिर्व्यत्यवर्तत
4813	2085076a	प्रतिजग्मुश्च ता नद्यो गन्धर्वाश्च यथागतम्
4814	2085076c	भरद्वाजमनुज्ञाप्य ताश्च सर्वा वराङ्गनाः
4815	2085077a	तथैव मत्ता मदिरोत्कटा नरा;स्तथैव दिव्यागुरुचन्दनोक्षिताः
4816	2085077c	तथैव दिव्या विविधाः स्रगुत्तमाः; पृथक्प्रकीर्णा मनुजैः प्रमर्दिताः
4817	2086001a	ततस्तां रजनीमुष्य भरतः सपरिच्छदः
4818	2086001c	कृतातिथ्यो भरद्वाजं कामादभिजगाम ह
4819	2086002a	तमृषिः पुरुषव्याघ्रं प्रेक्ष्य प्राञ्जलिमागतम्
4820	2086002c	हुताग्निहोत्रो भरतं भरद्वाजोऽभ्यभाषत
4821	2086003a	कच्चिदत्र सुखा रात्रिस्तवास्मद्विषये गता
4822	2086003c	समग्रस्ते जनः कच्चिदातिथ्ये शंस मेऽनघ
4823	2086004a	तमुवाचाञ्जलिं कृत्वा भरतोऽभिप्रणम्य च
4824	2086004c	आश्रमादभिनिष्क्रन्तमृषिमुत्तम तेजसं
4825	2086005a	सुखोषितोऽस्मि भगवन्समग्रबलवाहनः
4826	2086005c	तर्पितः सर्वकामैश्च सामात्यो बलवत्त्वया
4827	2086006a	अपेतक्लमसंतापाः सुभक्ष्याः सुप्रतिश्रयाः
4828	2086006c	अपि प्रेष्यानुपादाय सर्वे स्म सुसुखोषिताः
4829	2086007a	आमन्त्रयेऽहं भगवन्कामं त्वामृषिसत्तम
4830	2086007c	समीपं प्रस्थितं भ्रातुर्मैरेणेक्षस्व चक्षुषा
4831	2086008a	आश्रमं तस्य धर्मज्ञ धार्मिकस्य महात्मनः
4832	2086008c	आचक्ष्व कतमो मार्गः कियानिति च शंस मे
4833	2086009a	इति पृष्टस्तु भरतं भ्रातृदर्शनलालसं
4834	2086009c	प्रत्युवाच महातेजा भरद्वाजो महातपाः
4835	2086010a	भरतार्धतृतीयेषु योजनेष्वजने वने
4836	2086010c	चित्रकूटो गिरिस्तत्र रम्यनिर्दरकाननः
4837	2086011a	उत्तरं पार्श्वमासाद्य तस्य मन्दाकिनी नदी
4838	2086011c	पुष्पितद्रुमसंछन्ना रम्यपुष्पितकानना
4839	2086012a	अनन्तरं तत्सरितश्चित्रकूटश्च पर्वतः
4840	2086012c	ततो पर्णकुटी तात तत्र तौ वसतो ध्रुवम्
4841	2086013a	दक्षिणेनैव मार्गेण सव्यदक्षिणमेव च
4842	2086013c	गजवाजिरथाकीर्णां वाहिनीं वाहिनीपते
4843	2086013e	वाहयस्व महाभाग ततो द्रक्ष्यसि राघवम्
4844	2086014a	प्रयाणमिति च श्रुत्वा राजराजस्य योषितः
4845	2086014c	हित्वा यानानि यानार्हा ब्राह्मणं पर्यवारयन्
4846	2086015a	वेपमाना कृशा दीना सह देव्या सुमन्त्रिया
4847	2086015c	कौसल्या तत्र जग्राह कराभ्यां चरणौ मुनेः
4848	2086016a	असमृद्धेन कामेन सर्वलोकस्य गर्हिता
4849	2086016c	कैकेयी तस्य जग्राह चरणौ सव्यपत्रपा
4850	2086017a	तं प्रदक्षिणमागम्य भगवन्तं महामुनिम्
4851	2086017c	अदूराद्भरतस्यैव तस्थौ दीनमनास्तदा
4852	2086018a	ततः पप्रच्छ भरतं भरद्वाजो दृढव्रतः
4853	2086018c	विशेषं ज्ञातुमिच्छामि मातॄणां तव राघव
4854	2086019a	एवमुक्तस्तु भरतो भरद्वाजेन धार्मिकः
4855	2086019c	उवाच प्राञ्जलिर्भूत्वा वाक्यं वचनकोविदः
4856	2086020a	यामिमां भगवन्दीनां शोकानशनकर्शिताम्
4857	2086020c	पितुर्हि महिषीं देवीं देवतामिव पश्यसि
4858	2086021a	एषा तं पुरुषव्याघ्रं सिंहविक्रान्तगामिनम्
4859	2086021c	कौसल्या सुषुवे रामं धातारमदितिर्यथा
4860	2086022a	अस्या वामभुजं श्लिष्टा यैषा तिष्ठति दुर्मनाः
4861	2086022c	कर्णिकारस्य शाखेव शीर्णपुष्पा वनान्तरे
4862	2086023a	एतस्यास्तौ सुतौ देव्याः कुमारौ देववर्णिनौ
4863	2086023c	उभौ लक्ष्मणशत्रुघ्नौ वीरौ सत्यपराक्रमौ
4864	2086024a	यस्याः कृते नरयाघ्रौ जीवनाशमितो गतौ
4865	2086024c	राजा पुत्रविहीनश्च स्वर्गं दशरथो गतः
4866	2086025a	ऐश्वर्यकामां कैकेयीमनार्यामार्यरूपिणीम्
4867	2086025c	ममैतां मातरं विद्धि नृशंसां पापनिश्चयाम्
4868	2086025e	यतोमूलं हि पश्यामि व्यसनं महदात्मनः
4869	2086026a	इत्युक्त्वा नरशार्दूलो बाष्पगद्गदया गिरा
4870	2086026c	स निशश्वास ताम्राक्षो क्रुद्धो नाग इवासकृत्
4871	2086027a	भरद्वाजो महर्षिस्तं ब्रुवन्तं भरतं तदा
4872	2086027c	प्रत्युवाच महाबुद्धिरिदं वचनमर्थवत्
4873	2086028a	न दोषेणावगन्तव्या कैकेयी भरत त्वया
4874	2086028c	रामप्रव्राजनं ह्येतत्सुखोदर्कं भविष्यति
4875	2086029a	अभिवाद्य तु संसिद्धः कृत्वा चैनं प्रदक्षिणम्
4876	2086029c	आमन्त्र्य भरतः सैन्यं युज्यतामित्यचोदयत्
4877	2086030a	ततो वाजिरथान्युक्त्वा दिव्यान्हेमपरिष्क्रितान्
4878	2086030c	अध्यारोहत्प्रयाणार्थी बहून्बहुविधो जनः
4879	2086031a	गजकन्यागजाश्चैव हेमकक्ष्याः पताकिनः
4880	2086031c	जीमूता इव घर्मान्ते सघोषाः संप्रतस्थिरे
4881	2086032a	विविधान्यपि यानानि महानि च लघूनि च
4882	2086032c	प्रययुः सुमहार्हाणि पादैरेव पदातयः
4883	2086033a	अथ यानप्रवेकैस्तु कौसल्याप्रमुखाः स्त्रियः
4884	2086033c	रामदर्शनकाङ्क्षिण्यः प्रययुर्मुदितास्तदा
4885	2086034a	स चार्कतरुणाभासां नियुक्तां शिबिकां शुभाम्
4886	2086034c	आस्थाय प्रययौ श्रीमान्भरतः सपरिच्छदः
4887	2086035a	सा प्रयाता महासेना गजवाजिरथाकुला
4888	2086035c	दक्षिणां दिशमावृत्य महामेघ इवोत्थितः
4889	2086035e	वनानि तु व्यतिक्रम्य जुष्टानि मृगपक्षिभिः
4890	2086036a	सा संप्रहृष्टद्विपवाजियोधा; वित्रासयन्ती मृगपक्षिसंघान्
4891	2086036c	महद्वनं तत्प्रविगाहमाना; रराज सेना भरतस्य तत्र
4892	2087001a	तया महत्या यायिन्या ध्वजिन्या वनवासिनः
4893	2087001c	अर्दिता यूथपा मत्ताः सयूथाः संप्रदुद्रुवुः
4894	2087002a	ऋक्षाः पृषतसंघाश्च रुरवश्च समन्ततः
4895	2087002c	दृश्यन्ते वनराजीषु गिरिष्वपि नदीषु च
4896	2087003a	स संप्रतस्थे धर्मात्मा प्रीतो दशरथात्मजः
4897	2087003c	वृतो महत्या नादिन्या सेनया चतुरङ्गया
4898	2087004a	सागरौघनिभा सेना भरतस्य महात्मनः
4899	2087004c	महीं संछादयामास प्रावृषि द्यामिवाम्बुदः
4900	2087005a	तुरंगौघैरवतता वारणैश्च महाजवैः
4901	2087005c	अनालक्ष्या चिरं कालं तस्मिन्काले बभूव भूः
4902	2087006a	स यात्वा दूरमध्वानं सुपरिश्रान्त वाहनः
4903	2087006c	उवाच भरतः श्रीमान्वसिष्ठं मन्त्रिणां वरम्
4904	2087007a	यादृशं लक्ष्यते रूपं यथा चैव श्रुतं मया
4905	2087007c	व्यक्तं प्राप्ताः स्म तं देशं भरद्वाजो यमब्रवीत्
4906	2087008a	अयं गिरिश्चित्रकूटस्तथा मन्दाकिनी नदी
4907	2087008c	एतत्प्रकाशते दूरान्नीलमेघनिभं वनम्
4908	2087009a	गिरेः सानूनि रम्याणि चित्रकूटस्य संप्रति
4909	2087009c	वारणैरवमृद्यन्ते मामकैः पर्वतोपमैः
4910	2087010a	मुञ्चन्ति कुसुमान्येते नगाः पर्वतसानुषु
4911	2087010c	नीला इवातपापाये तोयं तोयधरा घनाः
4912	2087011a	किन्नराचरितोद्देशं पश्य शत्रुघ्न पर्वतम्
4913	2087011c	हयैः समन्तादाकीर्णं मकरैरिव सागरम्
4914	2087012a	एते मृगगणा भान्ति शीघ्रवेगाः प्रचोदिताः
4915	2087012c	वायुप्रविद्धाः शरदि मेघराज्य इवाम्बरे
4916	2087013a	कुर्वन्ति कुसुमापीडाञ्शिरःसु सुरभीनमी
4917	2087013c	मेघप्रकाशैः फलकैर्दाक्षिणात्या यथा नराः
4918	2087014a	निष्कूजमिव भूत्वेदं वनं घोरप्रदर्शनम्
4919	2087014c	अयोध्येव जनाकीर्णा संप्रति प्रतिभाति मा
4920	2087015a	खुरैरुदीरितो रेणुर्दिवं प्रच्छाद्य तिष्ठति
4921	2087015c	तं वहत्यनिलः शीघ्रं कुर्वन्निव मम प्रियम्
4922	2087016a	स्यन्दनांस्तुरगोपेतान्सूतमुख्यैरधिष्ठितान्
4923	2087016c	एतान्संपततः शीघ्रं पश्य शत्रुघ्न कानने
4924	2087017a	एतान्वित्रासितान्पश्य बर्हिणः प्रियदर्शनान्
4925	2087017c	एतमाविशतः शैलमधिवासं पतत्रिणाम्
4926	2087018a	अतिमात्रमयं देशो मनोज्ञः प्रतिभाति मा
4927	2087018c	तापसानां निवासोऽयं व्यक्तं स्वर्गपथो यथा
4928	2087019a	मृगा मृगीभिः सहिता बहवः पृषता वने
4929	2087019c	मनोज्ञ रूपा लक्ष्यन्ते कुसुमैरिव चित्रितः
4930	2087020a	साधु सैन्याः प्रतिष्ठन्तां विचिन्वन्तु च काननम्
4931	2087020c	यथा तौ पुरुषव्याघ्रौ दृश्येते रामलक्ष्मणौ
4932	2087021a	भरतस्य वचः श्रुत्वा पुरुषाः शस्त्रपाणयः
4933	2087021c	विविशुस्तद्वनं शूरा धूमं च ददृशुस्ततः
4934	2087022a	ते समालोक्य धूमाग्रमूचुर्भरतमागताः
4935	2087022c	नामनुष्ये भवत्यग्निर्व्यक्तमत्रैव राघवौ
4936	2087023a	अथ नात्र नरव्याघ्रौ राजपुत्रौ परंतपौ
4937	2087023c	अन्ये रामोपमाः सन्ति व्यक्तमत्र तपस्विनः
4938	2087024a	तच्छ्रुत्वा भरतस्तेषां वचनं साधु संमतम्
4939	2087024c	सैन्यानुवाच सर्वांस्तानमित्रबलमर्दनः
4940	2087025a	यत्ता भवन्तस्तिष्ठन्तु नेतो गन्तव्यमग्रतः
4941	2087025c	अहमेव गमिष्यामि सुमन्त्रो गुरुरेव च
4942	2087026a	एवमुक्तास्ततः सर्वे तत्र तस्थुः समन्ततः
4943	2087026c	भरतो यत्र धूमाग्रं तत्र दृष्टिं समादधत्
4944	2087027a	व्यवस्थिता या भरतेन सा चमू;र्निरीक्षमाणापि च धूममग्रतः
4945	2087027c	बभूव हृष्टा नचिरेण जानती; प्रियस्य रामस्य समागमं तदा
4946	2088001a	दीर्घकालोषितस्तस्मिन्गिरौ गिरिवनप्रियः
4947	2088001c	विदेह्याः प्रियमाकाङ्क्षन्स्वं च चित्तं विलोभयन्
4948	2088002a	अथ दाशरथिश्चित्रं चित्रकूटमदर्शयत्
4949	2088002c	भार्याममरसंकाशः शचीमिव पुरंदरः
4950	2088003a	न राज्याद्भ्रंशनं भद्रे न सुहृद्भिर्विनाभवः
4951	2088003c	मनो मे बाधते दृष्ट्वा रमणीयमिमं गिरिम्
4952	2088004a	पश्येममचलं भद्रे नानाद्विजगणायुतम्
4953	2088004c	शिखरैः खमिवोद्विद्धैर्धातुमद्भिर्विभूषितम्
4954	2088005a	केचिद्रजतसंकाशाः केचित्क्षतजसंनिभाः
4955	2088005c	पीतमाञ्जिष्ठवर्णाश्च केचिन्मणिवरप्रभाः
4956	2088006a	पुष्यार्ककेतुकाभाश्च केचिज्ज्योती रसप्रभाः
4957	2088006c	विराजन्तेऽचलेन्द्रस्य देशा धातुविभूषिताः
4958	2088007a	नानामृगगणद्वीपितरक्ष्वृक्षगणैर्वृतः
4959	2088007c	अदुष्टैर्भात्ययं शैलो बहुपक्षिसमाकुलः
4960	2088008a	आम्रजम्ब्वसनैर्लोध्रैः प्रियालैः पनसैर्धवैः
4961	2088008c	अङ्कोलैर्भव्यतिनिशैर्बिल्वतिन्दुकवेणुभिः
4962	2088009a	काश्मर्यरिष्टवरणैर्मधूकैस्तिलकैस्तथा
4963	2088009c	बदर्यामलकैर्नीपैर्वेत्रधन्वनबीजकैः
4964	2088010a	पुष्पवद्भिः फलोपेतैश्छायावद्भिर्मनोरमैः
4965	2088010c	एवमादिभिराकीर्णः श्रियं पुष्यत्ययं गिरिः
4966	2088011a	शैलप्रस्थेषु रम्येषु पश्येमान्कामहर्षणान्
4967	2088011c	किन्नरान्द्वंद्वशो भद्रे रममाणान्मनस्विनः
4968	2088012a	शाखावसक्तान्खड्गांश्च प्रवराण्यम्बराणि च
4969	2088012c	पश्य विद्याधरस्त्रीणां क्रीडेद्देशान्मनोरमान्
4970	2088013a	जलप्रपातैरुद्भेदैर्निष्यन्दैश्च क्वचित्क्वचित्
4971	2088013c	स्रवद्भिर्भात्ययं शैलः स्रवन्मद इव द्विपः
4972	2088014a	गुहासमीरणो गन्धान्नानापुष्पभवान्वहन्
4973	2088014c	घ्राणतर्पणमभ्येत्य कं नरं न प्रहर्षयेत्
4974	2088015a	यदीह शरदोऽनेकास्त्वया सार्धमनिन्दिते
4975	2088015c	लक्ष्मणेन च वत्स्यामि न मां शोकः प्रधक्ष्यति
4976	2088016a	बहुपुष्पफले रम्ये नानाद्विजगणायुते
4977	2088016c	विचित्रशिखरे ह्यस्मिन्रतवानस्मि भामिनि
4978	2088017a	अनेन वनवासेन मया प्राप्तं फलद्वयम्
4979	2088017c	पितुश्चानृणता धर्मे भरतस्य प्रियं तथा
4980	2088018a	वैदेहि रमसे कच्चिच्चित्रकूटे मया सह
4981	2088018c	पश्यन्ती विविधान्भावान्मनोवाक्कायसंयतान्
4982	2088019a	इदमेवामृतं प्राहू राज्ञां राजर्षयः परे
4983	2088019c	वनवासं भवार्थाय प्रेत्य मे प्रपितामहाः
4984	2088020a	शिलाः शैलस्य शोभन्ते विशालाः शतशोऽभितः
4985	2088020c	बहुला बहुलैर्वर्णैर्नीलपीतसितारुणैः
4986	2088021a	निशि भान्त्यचलेन्द्रस्य हुताशनशिखा इव
4987	2088021c	ओषध्यः स्वप्रभा लक्ष्म्या भ्राजमानाः सहस्रशः
4988	2088022a	केचित्क्षयनिभा देशाः केचिदुद्यानसंनिभाः
4989	2088022c	केचिदेकशिला भान्ति पर्वतस्यास्य भामिनि
4990	2088023a	भित्त्वेव वसुधां भाति चित्रकूटः समुत्थितः
4991	2088023c	चित्रकूटस्य कूटोऽसौ दृश्यते सर्वतः शिवः
4992	2088024a	कुष्ठपुंनागतगरभूर्जपत्रोत्तरच्छदान्
4993	2088024c	कामिनां स्वास्तरान्पश्य कुशेशयदलायुतान्
4994	2088025a	मृदिताश्चापविद्धाश्च दृश्यन्ते कमलस्रजः
4995	2088025c	कामिभिर्वनिते पश्य फलानि विविधानि च
4996	2088026a	वस्वौकसारां नलिनीमत्येतीवोत्तरान्कुरून्
4997	2088026c	पर्वतश्चित्रकूटोऽसौ बहुमूलफलोदकः
4998	2088027a	इमं तु कालं वनिते विजह्रिवां;स्त्वया च सीते सह लक्ष्मणेन च
4999	2088027c	रतिं प्रपत्स्ये कुलधर्मवर्धिनीं; सतां पथि स्वैर्नियमैः परैः स्थितः
5000	2089001a	अथ शैलाद्विनिष्क्रम्य मैथिलीं कोसलेश्वरः
5001	2089001c	अदर्शयच्छुभजलां रम्यां मन्दाकिनीं नदीम्
5002	2089002a	अब्रवीच्च वरारोहां चारुचन्द्रनिभाननाम्
5003	2089002c	विदेहराजस्य सुतां रामो राजीवलोचनः
5004	2089003a	विचित्रपुलिनां रम्यां हंससारससेविताम्
5005	2089003c	कुसुमैरुपसंपन्नां पश्य मन्दाकिनीं नदीम्
5006	2089004a	नानाविधैस्तीररुहैर्वृतां पुष्पफलद्रुमैः
5007	2089004c	राजन्तीं राजराजस्य नलिनीमिव सर्वतः
5008	2089005a	मृगयूथनिपीतानि कलुषाम्भांसि साम्प्रतम्
5009	2089005c	तीर्थानि रमणीयानि रतिं संजनयन्ति मे
5010	2089006a	जटाजिनधराः काले वल्कलोत्तरवाससः
5011	2089006c	ऋषयस्त्ववगाहन्ते नदीं मन्दाकिनीं प्रिये
5012	2089007a	आदित्यमुपतिष्ठन्ते नियमादूर्ध्वबाहवः
5013	2089007c	एतेऽपरे विशालाक्षि मुनयः संशितव्रताः
5014	2089008a	मारुतोद्धूत शिखरैः प्रनृत्त इव पर्वतः
5015	2089008c	पादपैः पत्रपुष्पाणि सृजद्भिरभितो नदीम्
5016	2089009a	कच्चिन्मणिनिकाशोदां कच्चित्पुलिनशालिनीम्
5017	2089009c	कच्चित्सिद्धजनाकीर्णां पश्य मन्दाकिनीं नदीम्
5018	2089010a	निर्धूतान्वायुना पश्य विततान्पुष्पसंचयान्
5019	2089010c	पोप्लूयमानानपरान्पश्य त्वं जलमध्यगान्
5020	2089011a	तांश्चातिवल्गु वचसो रथाङ्गाह्वयना द्विजाः
5021	2089011c	अधिरोहन्ति कल्याणि निष्कूजन्तः शुभा गिरः
5022	2089012a	दर्शनं चित्रकूटस्य मन्दाकिन्याश्च शोभने
5023	2089012c	अधिकं पुरवासाच्च मन्ये च तव दर्शनात्
5024	2089013a	विधूतकलुषैः सिद्धैस्तपोदमशमान्वितैः
5025	2089013c	नित्यविक्षोभित जलां विहाहस्व मया सह
5026	2089014a	सखीवच्च विगाहस्व सीते मन्दकिनीमिमाम्
5027	2089014c	कमलान्यवमज्जन्ती पुष्कराणि च भामिनि
5028	2089015a	त्वं पौरजनवद्व्यालानयोध्यामिव पर्वतम्
5029	2089015c	मन्यस्व वनिते नित्यं सरयूवदिमां नदीम्
5030	2089016a	लक्ष्मणश्चैव धर्मात्मा मन्निदेशे व्यवस्थितः
5031	2089016c	त्वं चानुकूला वैदेहि प्रीतिं जनयथो मम
5032	2089017a	उपस्पृशंस्त्रिषवणं मधुमूलफलाशनः
5033	2089017c	नायोध्यायै न राज्याय स्पृहयेऽद्य त्वया सह
5034	2089018a	इमां हि रम्यां गजयूथलोलितां; निपीततोयां गजसिंहवानरैः
5035	2089018c	सुपुष्पितैः पुष्पधरैरलंकृतां; न सोऽस्ति यः स्यान्न गतक्रमः सुखी
5036	2089019a	इतीव रामो बहुसंगतं वचः; प्रिया सहायः सरितं प्रति ब्रुवन्
5037	2089019c	चचार रम्यं नयनाञ्जनप्रभं; स चित्रकूटं रघुवंशवर्धनः
5038	2090001a	तथा तत्रासतस्तस्य भरतस्योपयायिनः
5039	2090001c	सैन्य रेणुश्च शब्दश्च प्रादुरास्तां नभः स्पृशौ
5040	2090002a	एतस्मिन्नन्तरे त्रस्ताः शब्देन महता ततः
5041	2090002c	अर्दिता यूथपा मत्ताः सयूथा दुद्रुवुर्दिशः
5042	2090003a	स तं सैन्यसमुद्भूतं शब्दं शुश्रव राघवः
5043	2090003c	तांश्च विप्रद्रुतान्सर्वान्यूथपानन्ववैक्षत
5044	2090004a	तांश्च विद्रवतो दृष्ट्वा तं च श्रुत्वा स निःस्वनम्
5045	2090004c	उवाच रामः सौमित्रिं लक्ष्मणं दीप्ततेजसं
5046	2090005a	हन्त लक्ष्मण पश्येह सुमित्रा सुप्रजास्त्वया
5047	2090005c	भीमस्तनितगम्भीरस्तुमुलः श्रूयते स्वनः
5048	2090006a	राजा वा राजमात्रो वा मृगयामटते वने
5049	2090006c	अन्यद्वा श्वापदं किंचित्सौमित्रे ज्ञातुमर्हसि
5050	2090006e	सर्वमेतद्यथातत्त्वमचिराज्ज्ञातुमर्हसि
5051	2090007a	स लक्ष्मणः संत्वरितः सालमारुह्य पुष्पितम्
5052	2090007c	प्रेक्षमाणो दिशः सर्वाः पूर्वां दिशमवैक्षत
5053	2090008a	उदङ्मुखः प्रेक्षमाणो ददर्श महतीं चमूम्
5054	2090008c	रथाश्वगजसंबाधां यत्तैर्युक्तां पदातिभिः
5055	2090009a	तामश्वगजसंपूर्णां रथध्वजविभूषिताम्
5056	2090009c	शशंस सेनां रामाय वचनं चेदमब्रवीत्
5057	2090010a	अग्निं संशमयत्वार्यः सीता च भजतां गुहाम्
5058	2090010c	सज्यं कुरुष्व चापं च शरांश्च कवचं तथा
5059	2090011a	तं रामः पुरुषव्याघ्रो लक्ष्मणं प्रत्युवाच ह
5060	2090011c	अङ्गावेक्षस्व सौमित्रे कस्यैतां मन्यसे चमूम्
5061	2090012a	एवमुक्क्तस्तु रामेण लक्ष्माणो वाक्यमब्रवीत्
5062	2090012c	दिधक्षन्निव तां सेनां रुषितः पावको यथा
5063	2090013a	संपन्नं राज्यमिच्छंस्तु व्यक्तं प्राप्याभिषेचनम्
5064	2090013c	आवां हन्तुं समभ्येति कैकेय्या भरतः सुतः
5065	2090014a	एष वै सुमहाञ्श्रीमान्विटपी संप्रकाशते
5066	2090014c	विराजत्युद्गतस्कन्धः कोविदार ध्वजो रथे
5067	2090015a	भजन्त्येते यथाकाममश्वानारुह्य शीघ्रगान्
5068	2090015c	एते भ्राजन्ति संहृष्टा जगानारुह्य सादिनः
5069	2090016a	गृहीतधनुषौ चावां गिरिं वीर श्रयावहे
5070	2090016c	अपि नौ वशमागच्छेत्कोविदारध्वजो रणे
5071	2090017a	अपि द्रक्ष्यामि भरतं यत्कृते व्यसनं महत्
5072	2090017c	त्वया राघव संप्राप्तं सीतया च मया तथा
5073	2090018a	यन्निमित्तं भवान्राज्याच्च्युतो राघव शाश्वतीम्
5074	2090018c	संप्राप्तोऽयमरिर्वीर भरतो वध्य एव मे
5075	2090019a	भरतस्य वधे दोषं नाहं पश्यामि राघव
5076	2090019c	पूर्वापकरिणां त्यागे न ह्यधर्मो विधीयते
5077	2090019e	एतस्मिन्निहते कृत्स्नामनुशाधि वसुंधराम्
5078	2090020a	अद्य पुत्रं हतं संख्ये कैकेयी राज्यकामुका
5079	2090020c	मया पश्येत्सुदुःखार्ता हस्तिभग्नमिव द्रुमम्
5080	2090021a	कैकेयीं च वधिष्यामि सानुबन्धां सबान्धवाम्
5081	2090021c	कलुषेणाद्य महता मेदिनी परिमुच्यताम्
5082	2090022a	अद्येमं संयतं क्रोधमसत्कारं च मानद
5083	2090022c	मोक्ष्यामि शत्रुसैन्येषु कक्षेष्विव हुताशनम्
5084	2090023a	अद्यैतच्चित्रकूटस्य काननं निशितैः शरैः
5085	2090023c	भिन्दञ्शत्रुशरीराणि करिष्ये शोणितोक्षितम्
5086	2090024a	शरैर्निर्भिन्नहृदयान्कुञ्जरांस्तुरगांस्तथा
5087	2090024c	श्वापदाः परिकर्षन्तु नराश्च निहतान्मया
5088	2090025a	शराणां धनुषश्चाहमनृणोऽस्मि महावने
5089	2090025c	ससैन्यं भरतं हत्वा भविष्यामि न संशयः
5090	2091001a	सुसंरब्धं तु सौमित्रिं लक्ष्मणं क्रोधमूर्छितम्
5091	2091001c	रामस्तु परिसान्त्व्याथ वचनं चेदमब्रवीत्
5092	2091002a	किमत्र धनुषा कार्यमसिना वा सचर्मणा
5093	2091002c	महेष्वासे महाप्राज्ञे भरते स्वयमागते
5094	2091003a	प्राप्तकालं यदेषोऽस्मान्भरतो द्रष्टुमिच्छति
5095	2091003c	अस्मासु मनसाप्येष नाहितं किंचिदाचरेत्
5096	2091004a	विप्रियं कृतपूर्वं ते भरतेन कदा न किम्
5097	2091004c	ईदृशं वा भयं तेऽद्य भरतं योऽत्र शङ्कसे
5098	2091005a	न हि ते निष्ठुरं वाच्यो भरतो नाप्रियं वचः
5099	2091005c	अहं ह्यप्रियमुक्तः स्यां भरतस्याप्रिये कृते
5100	2091006a	कथं नु पुत्राः पितरं हन्युः कस्यांचिदापदि
5101	2091006c	भ्राता वा भ्रातरं हन्यात्सौमित्रे प्राणमात्मनः
5102	2091007a	यदि राज्यस्य हेतोस्त्वमिमां वाचं प्रभाषसे
5103	2091007c	वक्ष्यामि भरतं दृष्ट्वा राज्यमस्मै प्रदीयताम्
5104	2091008a	उच्यमानो हि भरतो मया लक्ष्मण तत्त्वतः
5105	2091008c	राज्यमस्मै प्रयच्छेति बाढमित्येव वक्ष्यति
5106	2091009a	तथोक्तो धर्मशीलेन भ्रात्रा तस्य हिते रतः
5107	2091009c	लक्ष्मणः प्रविवेशेव स्वानि गात्राणि लज्जया
5108	2091010a	व्रीडितं लक्ष्मणं दृष्ट्वा राघवः प्रत्युवाच ह
5109	2091010c	एष मन्ये महाबाहुरिहास्मान्द्रष्टुमागतः
5110	2091011a	वनवासमनुध्याय गृहाय प्रतिनेष्यति
5111	2091011c	इमां वाप्येश वैदेहीमत्यन्तसुखसेविनीम्
5112	2091012a	एतौ तौ संप्रकाशेते गोत्रवन्तौ मनोरमौ
5113	2091012c	वायुवेगसमौ वीर जवनौ तुरगोत्तमौ
5114	2091013a	स एष सुमहाकायः कम्पते वाहिनीमुखे
5115	2091013c	नागः शत्रुंजयो नाम वृद्धस्तातस्य धीमतः
5116	2091014a	अवतीर्य तु सालाग्रात्तस्मात्स समितिंजयः
5117	2091014c	लक्ष्मणः प्राञ्जलिर्भूत्वा तस्थौ रामस्य पार्श्वतः
5118	2091015a	भरतेनाथ संदिष्टा संमर्दो न भवेदिति
5119	2091015c	समन्तात्तस्य शैलस्य सेनावासमकल्पयत्
5120	2091016a	अध्यर्धमिक्ष्वाकुचमूर्योजनं पर्वतस्य सा
5121	2091016c	पार्श्वे न्यविशदावृत्य गजवाजिरथाकुला
5122	2091017a	सा चित्रकूटे भरतेन सेना; धर्मं पुरस्कृत्य विधूय दर्पम्
5123	2091017c	प्रसादनार्थं रघुनन्दनस्य; विरोचते नीतिमता प्रणीता
5124	2092001a	निवेश्य सेनां तु विभुः पद्भ्यां पादवतां वरः
5125	2092001c	अभिगन्तुं स काकुत्स्थमियेष गुरुवर्तकम्
5126	2092002a	निविष्ट मात्रे सैन्ये तु यथोद्देशं विनीतवत्
5127	2092002c	भरतो भ्रातरं वाक्यं शत्रुघ्नमिदमब्रवीत्
5128	2092003a	क्षिप्रं वनमिदं सौम्य नरसंघैः समन्ततः
5129	2092003c	लुब्धैश्च सहितैरेभिस्त्वमन्वेषितुमर्हसि
5130	2092004a	यावन्न रामं द्रक्ष्यामि लक्ष्मणं वा महाबलम्
5131	2092004c	वैदेहीं वा महाभागां न मे शान्तिर्भविष्यति
5132	2092005a	यावन्न चन्द्रसंकाशं द्रक्ष्यामि शुभमाननम्
5133	2092005c	भ्रातुः पद्मपलाशाक्षं न मे शान्तिर्भविष्यति
5134	2092006a	यावन्न चरणौ भ्रातुः पार्थिव व्यञ्जनान्वितौ
5135	2092006c	शिरसा धारयिष्यामि न मे शान्तिर्भविष्यति
5136	2092007a	यावन्न राज्ये राज्यार्हः पितृपैतामहे स्थितः
5137	2092007c	अभिषेकजलक्लिन्नो न मे शान्तिर्भविष्यति
5138	2092008a	कृतकृत्या महाभागा वैदेही जनकात्मजा
5139	2092008c	भर्तारं सागरान्तायाः पृथिव्या यानुगच्छति
5140	2092009a	सुभगश्चित्रकूटोऽसौ गिरिराजोपमो गिरिः
5141	2092009c	यस्मिन्वसति काकुत्स्थः कुबेर इवनन्दने
5142	2092010a	कृतकार्यमिदं दुर्गं वनं व्यालनिषेवितम्
5143	2092010c	यदध्यास्ते महातेजा रामः शस्त्रभृतां वरः
5144	2092011a	एवमुक्त्वा महातेजा भरतः पुरुषर्षभः
5145	2092011c	पद्भ्यामेव महातेजाः प्रविवेश महद्वनम्
5146	2092012a	स तानि द्रुमजालानि जातानि गिरिसानुषु
5147	2092012c	पुष्पिताग्राणि मध्येन जगाम वदतां वरः
5148	2092013a	स गिरेश्चित्रकूटस्य सालमासाद्य पुष्पितम्
5149	2092013c	रामाश्रमगतस्याग्नेर्ददर्श ध्वजमुच्छ्रितम्
5150	2092014a	तं दृष्ट्वा भरतः श्रीमान्मुमोद सहबान्धवः
5151	2092014c	अत्र राम इति ज्ञात्वा गतः पारमिवाम्भसः
5152	2092015a	स चित्रकूटे तु गिरौ निशाम्य; रामाश्रमं पुण्यजनोपपन्नम्
5153	2092015c	गुहेन सार्धं त्वरितो जगाम; पुनर्निवेश्यैव चमूं महात्मा
5154	2093001a	निविष्टायां तु सेनायामुत्सुको भरतस्तदा
5155	2093001c	जगाम भ्रातरं द्रष्टुं शत्रुघ्नमनुदर्शयन्
5156	2093002a	ऋषिं वसिष्ठं संदिश्य मातॄर्मे शीघ्रमानय
5157	2093002c	इति तरितमग्रे स जागम गुरुवत्सलः
5158	2093003a	सुमन्त्रस्त्वपि शतुघ्नमदूरादन्वपद्यत
5159	2093003c	रामदार्शनजस्तर्षो भरतस्येव तस्य च
5160	2093004a	गच्छन्नेवाथ भरतस्तापसालयसंस्थिताम्
5161	2093004c	भ्रातुः पर्णकुटीं श्रीमानुटजं च ददर्श ह
5162	2093005a	शालायास्त्वग्रतस्तस्या ददर्श भरतस्तदा
5163	2093005c	काष्टानि चावभग्नानि पुष्पाण्यवचितानि च
5164	2093006a	ददर्श च वने तस्मिन्महतः संचयान्कृतान्
5165	2093006c	मृगाणां महिषाणां च करीषैः शीतकारणात्
5166	2093007a	गच्छनेव महाबाहुर्द्युतिमान्भरतस्तदा
5167	2093007c	शत्रुघ्नं चाब्रवीद्धृष्टस्तानमात्यांश्च सर्वशः
5168	2093008a	मन्ये प्राप्ताः स्म तं देशं भरद्वाजो यमब्रवीत्
5169	2093008c	नातिदूरे हि मन्येऽहं नदीं मन्दाकिनीमितः
5170	2093009a	उच्चैर्बद्धानि चीराणि लक्ष्मणेन भवेदयम्
5171	2093009c	अभिज्ञानकृतः पन्था विकाले गन्तुमिच्छता
5172	2093010a	इदं चोदात्तदन्तानां कुञ्जराणां तरस्विनाम्
5173	2093010c	शैलपार्श्वे परिक्रान्तमन्योन्यमभिगर्जताम्
5174	2093011a	यमेवाधातुमिच्छन्ति तापसाः सततं वने
5175	2093011c	तस्यासौ दृश्यते धूमः संकुलः कृष्टवर्त्मनः
5176	2093012a	अत्राहं पुरुषव्याघ्रं गुरुसत्कारकारिणम्
5177	2093012c	आर्यं द्रक्ष्यामि संहृष्टो महर्षिमिव राघवम्
5178	2093013a	अथ गत्वा मुहूर्तं तु चित्रकूटं स राघवः
5179	2093013c	मन्दाकिनीमनुप्राप्तस्तं जनं चेदमब्रवीत्
5180	2093014a	जगत्यां पुरुषव्याघ्र आस्ते वीरासने रतः
5181	2093014c	जनेन्द्रो निर्जनं प्राप्य धिन्मे जन्म सजीवितम्
5182	2093015a	मत्कृते व्यसनं प्राप्तो लोकनाथो महाद्युतिः
5183	2093015c	सरान्कामान्परित्यज्य वने वसति राघवः
5184	2093016a	इति लोकसमाक्रुष्टः पादेष्वद्य प्रसादयन्
5185	2093016c	रामस्य निपतिष्यामि सीतायाश्च पुनः पुनः
5186	2093017a	एवं स विलपंस्तस्मिन्वने दशरथात्मजः
5187	2093017c	ददर्श महतीं पुण्यां पर्णशालां मनोरमाम्
5188	2093018a	सालतालाश्वकर्णानां पर्णैर्बहुभिरावृताम्
5189	2093018c	विशालां मृदुभिस्तीर्णां कुशैर्वेदिमिवाध्वरे
5190	2093019a	शक्रायुध निकाशैश्च कार्मुकैर्भारसाधनैः
5191	2093019c	रुक्मपृष्ठैर्महासारैः शोभितां शत्रुबाधकैः
5192	2093020a	अर्करश्मिप्रतीकाशैर्घोरैस्तूणीगतैः शरैः
5193	2093020c	शोभितां दीप्तवदनैः सर्पैर्भोगवतीमिव
5194	2093021a	महारजतवासोभ्यामसिभ्यां च विराजिताम्
5195	2093021c	रुक्मबिन्दुविचित्राभ्यां चर्मभ्यां चापि शोभिताम्
5196	2093022a	गोधाङ्गुलित्रैरासाक्तैश्चित्रैः काञ्चनभूषितैः
5197	2093022c	अरिसंघैरनाधृष्यां मृगैः सिंहगुहामिव
5198	2093023a	प्रागुदक्स्रवणां वेदिं विशालां दीप्तपावकाम्
5199	2093023c	ददर्श भरतस्तत्र पुण्यां रामनिवेशने
5200	2093024a	निरीक्ष्य स मुहूर्तं तु ददर्श भरतो गुरुम्
5201	2093024c	उटजे राममासीनां जटामण्डलधारिणम्
5202	2093025a	तं तु कृष्णाजिनधरं चीरवल्कलवाससं
5203	2093025c	ददर्श राममासीनमभितः पावकोपमम्
5204	2093026a	सिंहस्कन्धं महाबाहुं पुण्डरीकनिभेक्षणम्
5205	2093026c	पृथिव्याः सगरान्ताया भर्तारं धर्मचारिणम्
5206	2093027a	उपविष्टं महाबाहुं ब्रह्माणमिव शाश्वतम्
5207	2093027c	स्थण्डिले दर्भसस्म्तीर्णे सीतया लक्ष्मणेन च
5208	2093028a	तं दृष्ट्वा भरतः श्रीमान्दुःखमोहपरिप्लुतः
5209	2093028c	अभ्यधावत धर्मात्मा भरतः कैकयीसुतः
5210	2093029a	दृष्ट्वा च विललापार्तो बाष्पसंदिग्धया गिरा
5211	2093029c	अशक्नुवन्धारयितुं धैर्याद्वचनमब्रवीत्
5212	2093030a	यः संसदि प्रकृतिभिर्भवेद्युक्त उपासितुम्
5213	2093030c	वन्यैर्मृगैरुपासीनः सोऽयमास्ते ममाग्रजः
5214	2093031a	वासोभिर्बहुसाहस्रैर्यो महात्मा पुरोचितः
5215	2093031c	मृगाजिने सोऽयमिह प्रवस्ते धर्ममाचरन्
5216	2093032a	अधारयद्यो विविधाश्चित्राः सुमनसस्तदा
5217	2093032c	सोऽयं जटाभारमिमं सहते राघवः कथम्
5218	2093033a	यस्य यज्ञैर्यथादिष्टैर्युक्तो धर्मस्य संचयः
5219	2093033c	शरीर क्लेशसंभूतं स धर्मं परिमार्गते
5220	2093034a	चन्दनेन महार्हेण यस्याङ्गमुपसेवितम्
5221	2093034c	मलेन तस्याङ्गमिदं कथमार्यस्य सेव्यते
5222	2093035a	मन्निमित्तमिदं दुःखं प्राप्तो रामः सुखोचितः
5223	2093035c	धिग्जीवितं नृशंसस्य मम लोकविगर्हितम्
5224	2093036a	इत्येवं विलपन्दीनः प्रस्विन्नमुखपङ्कजः
5225	2093036c	पादावप्राप्य रामस्य पपात भरतो रुदन्
5226	2093037a	दुःखाभितप्तो भरतो राजपुत्रो महाबलः
5227	2093037c	उक्त्वार्येति सकृद्दीनं पुनर्नोवाच किंचन
5228	2093038a	बाष्पापिहित कण्ठश्च प्रेक्ष्य रामं यशस्विनम्
5229	2093038c	आर्येत्येवाभिसंक्रुश्य व्याहर्तुं नाशकत्ततः
5230	2093039a	शत्रुघ्नश्चापि रामस्य ववन्दे चरणौ रुदन्
5231	2093039c	तावुभौ स समालिङ्ग्य रामोऽप्यश्रूण्यवर्तयत्
5232	2093040a	ततः सुमन्त्रेण गुहेन चैव; समीयतू राजसुतावरण्ये
5233	2093040c	दिवाकरश्चैव निशाकरश्च; यथाम्बरे शुक्रबृहस्पतिभ्याम्
5234	2093041a	तान्पार्थिवान्वारणयूथपाभा;न्समागतांस्तत्र महत्यरण्ये
5235	2093041c	वनौकसस्तेऽपि समीक्ष्य सर्वे;ऽप्यश्रूण्यमुञ्चन्प्रविहाय हर्षम्
5236	2094001a	आघ्राय रामस्तं मूर्ध्नि परिष्वज्य च राघवः
5237	2094001c	अङ्के भरतमारोप्य पर्यपृच्छत्समाहितः
5238	2094002a	क्व नु तेऽभूत्पिता तात यदरण्यं त्वमागतः
5239	2094002c	न हि त्वं जीवतस्तस्य वनमागन्तुमर्हसि
5240	2094003a	चिरस्य बत पश्यामि दूराद्भरतमागतम्
5241	2094003c	दुष्प्रतीकमरण्येऽस्मिन्किं तात वनमागतः
5242	2094004a	कच्चिद्दशरथो राजा कुशली सत्यसंगरः
5243	2094004c	राजसूयाश्वमेधानामाहर्ता धर्मनिश्चयः
5244	2094005a	स कच्चिद्ब्राह्मणो विद्वान्धर्मनित्यो महाद्युतिः
5245	2094005c	इक्ष्वाकूणामुपाध्यायो यथावत्तात पूज्यते
5246	2094006a	तात कच्चिच्च कौसल्या सुमित्रा च प्रजावती
5247	2094006c	सुखिनी कच्चिदार्या च देवी नन्दति कैकयी
5248	2094007a	कच्चिद्विनय संपन्नः कुलपुत्रो बहुश्रुतः
5249	2094007c	अनसूयुरनुद्रष्टा सत्कृतस्ते पुरोहितः
5250	2094008a	कच्चिदग्निषु ते युक्तो विधिज्ञो मतिमानृजुः
5251	2094008c	हुतं च होष्यमाणं च काले वेदयते सदा
5252	2094009a	इष्वस्त्रवरसंपन्नमर्थशास्त्रविशारदम्
5253	2094009c	सुधन्वानमुपाध्यायं कच्चित्त्वं तात मन्यसे
5254	2094010a	कच्चिदात्म समाः शूराः श्रुतवन्तो जितेन्द्रियाः
5255	2094010c	कुलीनाश्चेङ्गितज्ञाश्च कृतास्ते तात मन्त्रिणः
5256	2094011a	मन्त्रो विजयमूलं हि राज्ञां भवति राघव
5257	2094011c	सुसंवृतो मन्त्रधरैरमात्यैः शास्त्रकोविदैः
5258	2094012a	कच्चिन्निद्रावशं नैषि कच्चित्काले विबुध्यसे
5259	2094012c	कच्चिंश्चापररात्रिषु चिन्तयस्यर्थनैपुणम्
5260	2094013a	कच्चिन्मन्त्रयसे नैकः कच्चिन्न बहुभिः सह
5261	2094013c	कच्चित्ते मन्त्रितो मन्त्रो राष्ट्रं न परिधावति
5262	2094014a	कच्चिदर्थं विनिश्चित्य लघुमूलं महोदयम्
5263	2094014c	क्षिप्रमारभसे कर्तुं न दीर्घयसि राघव
5264	2094015a	कच्चित्तु सुकृतान्येव कृतरूपाणि वा पुनः
5265	2094015c	विदुस्ते सर्वकार्याणि न कर्तव्यानि पार्थिवाः
5266	2094016a	कच्चिन्न तर्कैर्युक्त्वा वा ये चाप्यपरिकीर्तिताः
5267	2094016c	त्वया वा तव वामात्यैर्बुध्यते तात मन्त्रितम्
5268	2094017a	कच्चित्सहस्रान्मूर्खाणामेकमिच्छसि पण्डितम्
5269	2094017c	पण्डितो ह्यर्थकृच्छ्रेषु कुर्यान्निःश्रेयसं महत्
5270	2094018a	सहस्राण्यपि मूर्खाणां यद्युपास्ते महीपतिः
5271	2094018c	अथ वाप्ययुतान्येव नास्ति तेषु सहायता
5272	2094019a	एकोऽप्यमात्यो मेधावी शूरो दक्षो विचक्षणः
5273	2094019c	राजानं राजमात्रं वा प्रापयेन्महतीं श्रियम्
5274	2094020a	कच्चिन्मुख्या महत्स्वेव मध्यमेषु च मध्यमाः
5275	2094020c	जघन्याश्च जघन्येषु भृत्याः कर्मसु योजिताः
5276	2094021a	अमात्यानुपधातीतान्पितृपैतामहाञ्शुचीन्
5277	2094021c	श्रेष्ठाञ्श्रेष्ठेषु कच्चित्त्वं नियोजयसि कर्मसु
5278	2094022a	कच्चित्त्वां नावजानन्ति याजकाः पतितं यथा
5279	2094022c	उग्रप्रतिग्रहीतारं कामयानमिव स्त्रियः
5280	2094023a	उपायकुशलं वैद्यं भृत्यसंदूषणे रतम्
5281	2094023c	शूरमैश्वर्यकामं च यो न हन्ति स वध्यते
5282	2094024a	कच्चिद्धृष्टश्च शूरश्च धृतिमान्मतिमाञ्शुचिः
5283	2094024c	कुलीनश्चानुरक्तश्च दक्षः सेनापतिः कृतः
5284	2094025a	बलवन्तश्च कच्चित्ते मुख्या युद्धविशारदाः
5285	2094025c	दृष्टापदाना विक्रान्तास्त्वया सत्कृत्य मानिताः
5286	2094026a	कचिद्बलस्य भक्तं च वेतनं च यथोचितम्
5287	2094026c	संप्राप्तकालं दातव्यं ददासि न विलम्बसे
5288	2094027a	कालातिक्रमणे ह्येव भक्त वेतनयोर्भृताः
5289	2094027c	भर्तुः कुप्यन्ति दुष्यन्ति सोऽनर्थः सुमहान्स्मृतः
5290	2094028a	कच्चित्सर्वेऽनुरक्तास्त्वां कुलपुत्राः प्रधानतः
5291	2094028c	कच्चित्प्राणांस्तवार्थेषु संत्यजन्ति समाहिताः
5292	2094029a	कच्चिज्जानपदो विद्वान्दक्षिणः प्रतिभानवान्
5293	2094029c	यथोक्तवादी दूतस्ते कृतो भरत पण्डितः
5294	2094030a	कच्चिदष्टादशान्येषु स्वपक्षे दश पञ्च च
5295	2094030c	त्रिभिस्त्रिभिरविज्ञातैर्वेत्सि तीर्थानि चारकैः
5296	2094031a	कच्चिद्व्यपास्तानहितान्प्रतियातांश्च सर्वदा
5297	2094031c	दुर्बलाननवज्ञाय वर्तसे रिपुसूदन
5298	2094032a	कच्चिन्न लोकायतिकान्ब्राह्मणांस्तात सेवसे
5299	2094032c	अनर्थ कुशला ह्येते बालाः पण्डितमानिनः
5300	2094033a	धर्मशास्त्रेषु मुख्येषु विद्यमानेषु दुर्बुधाः
5301	2094033c	बुद्धिमान्वीक्षिकीं प्राप्य निरर्थं प्रवदन्ति ते
5302	2094034a	वीरैरध्युषितां पूर्वमस्माकं तात पूर्वकैः
5303	2094034c	सत्यनामां दृढद्वारां हस्त्यश्वरथसंकुलाम्
5304	2094035a	ब्राह्मणैः क्षत्रियैर्वैश्यैः स्वकर्मनिरतैः सदा
5305	2094035c	जितेन्द्रियैर्महोत्साहैर्वृतामात्यैः सहस्रशः
5306	2094036a	प्रासादैर्विविधाकारैर्वृतां वैद्यजनाकुलाम्
5307	2094036c	कच्चित्समुदितां स्फीतामयोध्यां परिरक्षसि
5308	2094037a	कच्चिच्चैत्यशतैर्जुष्टः सुनिविष्टजनाकुलः
5309	2094037c	देवस्थानैः प्रपाभिश्च तडागैश्चोपशोभितः
5310	2094038a	प्रहृष्टनरनारीकः समाजोत्सवशोभितः
5311	2094038c	सुकृष्टसीमा पशुमान्हिंसाभिरभिवर्जितः
5312	2094039a	अदेवमातृको रम्यः श्वापदैः परिवर्जितः
5313	2094039c	कच्चिज्जनपदः स्फीतः सुखं वसति राघव
5314	2094040a	कच्चित्ते दयिताः सर्वे कृषिगोरक्षजीविनः
5315	2094040c	वार्तायां संश्रितस्तात लोको हि सुखमेधते
5316	2094041a	तेषां गुप्तिपरीहारैः कच्चित्ते भरणं कृतम्
5317	2094041c	रक्ष्या हि राज्ञा धर्मेण सर्वे विषयवासिनः
5318	2094042a	कच्चित्स्त्रियः सान्त्वयसि कच्चित्ताश्च सुरक्षिताः
5319	2094042c	कच्चिन्न श्रद्दधास्यासां कच्चिद्गुह्यं न भाषसे
5320	2094043a	कच्चिन्नाग वनं गुप्तं कुञ्जराणं च तृप्यसि
5321	2094043c	कच्चिद्दर्शयसे नित्यं मनुष्याणां विभूषितम्
5322	2094043e	उत्थायोत्थाय पूर्वाह्णे राजपुत्रो महापथे
5323	2094044a	कच्चित्सर्वाणि दुर्गाणि धनधान्यायुधोदकैः
5324	2094044c	यन्त्रैश्च परिपूर्णानि तथा शिल्पिधनुर्धरैः
5325	2094045a	आयस्ते विपुलः कच्चित्कच्चिदल्पतरो व्ययः
5326	2094045c	अपात्रेषु न ते कच्चित्कोशो गच्छति राघव
5327	2094046a	देवतार्थे च पित्रर्थे ब्राह्मणाभ्यागतेषु च
5328	2094046c	योधेषु मित्रवर्गेषु कच्चिद्गच्छति ते व्ययः
5329	2094047a	कच्चिदार्यो विशुद्धात्मा क्षारितश्चोरकर्मणा
5330	2094047c	अपृष्टः शास्त्रकुशलैर्न लोभाद्बध्यते शुचिः
5331	2094048a	गृहीतश्चैव पृष्टश्च काले दृष्टः सकारणः
5332	2094048c	कच्चिन्न मुच्यते चोरो धनलोभान्नरर्षभ
5333	2094049a	व्यसने कच्चिदाढ्यस्य दुगतस्य च राघव
5334	2094049c	अर्थं विरागाः पश्यन्ति तवामात्या बहुश्रुताः
5335	2094050a	यानि मिथ्याभिशस्तानां पतन्त्यस्राणि राघव
5336	2094050c	तानि पुत्रपशून्घ्नन्ति प्रीत्यर्थमनुशासतः
5337	2094051a	कच्चिद्वृधांश्च बालांश्च वैद्यमुख्यांश्च राघव
5338	2094051c	दानेन मनसा वाचा त्रिभिरेतैर्बुभूषसे
5339	2094052a	कच्चिद्गुरूंश्च वृद्धांश्च तापसान्देवतातिथीन्
5340	2094052c	चैत्यांश्च सर्वान्सिद्धार्थान्ब्राह्मणांश्च नमस्यसि
5341	2094053a	कच्चिदर्थेन वा धर्मं धर्मं धर्मेण वा पुनः
5342	2094053c	उभौ वा प्रीतिलोभेन कामेन न विबाधसे
5343	2094054a	कच्चिदर्थं च धर्मं च कामं च जयतां वर
5344	2094054c	विभज्य काले कालज्ञ सर्वान्भरत सेवसे
5345	2094055a	कच्चित्ते ब्राह्मणाः शर्म सर्वशास्त्रार्थकोविदः
5346	2094055c	आशंसन्ते महाप्राज्ञ पौरजानपदैः सह
5347	2094056a	नास्तिक्यमनृतं क्रोधं प्रमादं दीर्घसूत्रताम्
5348	2094056c	अदर्शनं ज्ञानवतामालस्यं पञ्चवृत्तिताम्
5349	2094057a	एकचिन्तनमर्थानामनर्थज्ञैश्च मन्त्रणम्
5350	2094057c	निश्चितानामनारम्भं मन्त्रस्यापरिलक्षणम्
5351	2094058a	मङ्गलस्याप्रयोगं च प्रत्युत्थानं च सर्वशः
5352	2094058c	कच्चित्त्वं वर्जयस्येतान्राजदोषांश्चतुर्दश
5353	2094059a	कच्चित्स्वादुकृतं भोज्यमेको नाश्नासि राघव
5354	2094059c	कच्चिदाशंसमानेभ्यो मित्रेभ्यः संप्रयच्छसि
5355	2095001a	रामस्य वचनं श्रुत्वा भरतः प्रत्युवाच ह
5356	2095001c	किं मे धर्माद्विहीनस्य राजधर्मः करिष्यति
5357	2095002a	शाश्वतोऽयं सदा धर्मः स्थितोऽस्मासु नरर्षभ
5358	2095002c	ज्येष्ठ पुत्रे स्थिते राजन्न कनीयान्भवेन्नृपः
5359	2095003a	स समृद्धां मया सार्धमयोध्यां गच्छ राघव
5360	2095003c	अभिषेचय चात्मानं कुलस्यास्य भवाय नः
5361	2095004a	राजानं मानुषं प्राहुर्देवत्वे संमतो मम
5362	2095004c	यस्य धर्मार्थसहितं वृत्तमाहुरमानुषम्
5363	2095005a	केकयस्थे च मयि तु त्वयि चारण्यमाश्रिते
5364	2095005c	दिवमार्य गतो राजा यायजूकः सतां मतः
5365	2095006a	उत्तिष्ठ पुरुषव्याघ्र क्रियतामुदकं पितुः
5366	2095006c	अहं चायं च शत्रुघ्नः पूर्वमेव कृतोदकौ
5367	2095007a	प्रियेण किल दत्तं हि पितृलोकेषु राघव
5368	2095007c	अक्षय्यं भवतीत्याहुर्भवांश्चैव पितुः प्रियः
5369	2095008a	तां श्रुत्वा करुणां वाचं पितुर्मरणसंहिताम्
5370	2095008c	राघवो भरतेनोक्तां बभूव गतचेतनः
5371	2095009a	वाग्वज्रं भरतेनोक्तममनोज्ञं परंतपः
5372	2095009c	प्रगृह्य बाहू रामो वै पुष्पिताग्रो यथा द्रुमः
5373	2095009e	वने परशुना कृत्तस्तथा भुवि पपात ह
5374	2095010a	तथा हि पतितं रामं जगत्यां जगतीपतिम्
5375	2095010c	कूलघातपरिश्रान्तं प्रसुप्तमिव कुञ्जरम्
5376	2095011a	भ्रातरस्ते महेष्वासं सर्वतः शोककर्शितम्
5377	2095011c	रुदन्तः सह वैदेह्या सिषिचुः सलिलेन वै
5378	2095012a	स तु संज्ञां पुनर्लब्ध्वा नेत्राभ्यामास्रमुत्सृजन्
5379	2095012c	उपाक्रामत काकुत्स्थः कृपणं बहुभाषितुम्
5380	2095013a	किं नु तस्य मया कार्यं दुर्जातेन महात्मना
5381	2095013c	यो मृतो मम शोकेन न मया चापि संस्कृतः
5382	2095014a	अहो भरत सिद्धार्थो येन राजा त्वयानघ
5383	2095014c	शत्रुघेण च सर्वेषु प्रेतकृत्येषु सत्कृतः
5384	2095015a	निष्प्रधानामनेकाग्रं नरेन्द्रेण विनाकृताम्
5385	2095015c	निवृत्तवनवासोऽपि नायोध्यां गन्तुमुत्सहे
5386	2095016a	समाप्तवनवासं मामयोध्यायां परंतप
5387	2095016c	को नु शासिष्यति पुनस्ताते लोकान्तरं गते
5388	2095017a	पुरा प्रेक्ष्य सुवृत्तं मां पिता यान्याह सान्त्वयन्
5389	2095017c	वाक्यानि तानि श्रोष्यामि कुतः कर्णसुखान्यहम्
5390	2095018a	एवमुक्त्वा स भरतं भार्यामभ्येत्य राघवः
5391	2095018c	उवाच शोकसंतप्तः पूर्णचन्द्रनिभाननाम्
5392	2095019a	सीते मृतस्ते श्वशुरः पित्रा हीनोऽसि लक्ष्मण
5393	2095019c	भरतो दुःखमाचष्टे स्वर्गतं पृथिवीपतिम्
5394	2095020a	सान्त्वयित्वा तु तां रामो रुदन्तीं जनकात्मजाम्
5395	2095020c	उवाच लक्ष्मणं तत्र दुःखितो दुःखितं वचः
5396	2095021a	आनयेङ्गुदिपिण्याकं चीरमाहर चोत्तरम्
5397	2095021c	जलक्रियार्थं तातस्य गमिष्यामि महात्मनः
5398	2095022a	सीता पुरस्ताद्व्रजतु त्वमेनामभितो व्रज
5399	2095022c	अहं पश्चाद्गमिष्यामि गतिर्ह्येषा सुदारुणा
5400	2095023a	ततो नित्यानुगस्तेषां विदितात्मा महामतिः
5401	2095023c	मृदुर्दान्तश्च शान्तश्च रामे च दृढ भक्तिमान्
5402	2095024a	सुमन्त्रस्तैर्नृपसुतैः सार्धमाश्वास्य राघवम्
5403	2095024c	अवातारयदालम्ब्य नदीं मन्दाकिनीं शिवाम्
5404	2095025a	ते सुतीर्थां ततः कृच्छ्रादुपागम्य यशस्विनः
5405	2095025c	नदीं मन्दाकिनीं रम्यां सदा पुष्पितकाननाम्
5406	2095026a	शीघ्रस्रोतसमासाद्य तीर्थं शिवमकर्दमम्
5407	2095026c	सिषिचुस्तूदकं राज्ञे तत एतद्भवत्विति
5408	2095027a	प्रगृह्य च महीपालो जलपूरितमञ्जलिम्
5409	2095027c	दिशं याम्यामभिमुखो रुदन्वचनमब्रवीत्
5410	2095028a	एतत्ते राजशार्दूल विमलं तोयमक्षयम्
5411	2095028c	पितृलोकगतस्याद्य मद्दत्तमुपतिष्ठतु
5412	2095029a	ततो मन्दाकिनी तीरात्प्रत्युत्तीर्य स राघवः
5413	2095029c	पितुश्चकार तेजस्वी निवापं भ्रातृभिः सह
5414	2095030a	ऐङ्गुदं बदरीमिश्रं पिण्याकं दर्भसंस्तरे
5415	2095030c	न्यस्य रामः सुदुःखार्तो रुदन्वचनमब्रवीत्
5416	2095031a	इदं भुङ्क्ष्व महाराजप्रीतो यदशना वयम्
5417	2095031c	यदन्नः पुरुषो भवति तदन्नास्तस्य देवताः
5418	2095032a	ततस्तेनैव मार्गेण प्रत्युत्तीर्य नदीतटात्
5419	2095032c	आरुरोह नरव्याघ्रो रम्यसानुं महीधरम्
5420	2095033a	ततः पर्णकुटीद्वारमासाद्य जगतीपतिः
5421	2095033c	परिजग्राह पाणिभ्यामुभौ भरतलक्ष्मणौ
5422	2095034a	तेषां तु रुदतां शब्दात्प्रतिश्रुत्काभवद्गिरौ
5423	2095034c	भ्रातॄणां सह वैदेह्या सिंहानां नर्दतामिव
5424	2095035a	विज्ञाय तुमुलं शब्दं त्रस्ता भरतसैनिकाः
5425	2095035c	अब्रुवंश्चापि रामेण भरतः संगतो ध्रुवम्
5426	2095035e	तेषामेव महाञ्शब्दः शोचतां पितरं मृतम्
5427	2095036a	अथ वासान्परित्यज्य तं सर्वेऽभिमुखाः स्वनम्
5428	2095036c	अप्येक मनसो जग्मुर्यथास्थानं प्रधाविताः
5429	2095037a	हयैरन्ये गजैरन्ये रथैरन्ये स्वलंकृतैः
5430	2095037c	सुकुमारास्तथैवान्ये पद्भिरेव नरा ययुः
5431	2095038a	अचिरप्रोषितं रामं चिरविप्रोषितं यथा
5432	2095038c	द्रष्टुकामो जनः सर्वो जगाम सहसाश्रमम्
5433	2095039a	भ्रातॄणां त्वरितास्ते तु द्रष्टुकामाः समागमम्
5434	2095039c	ययुर्बहुविधैर्यानैः खुरनेमिसमाकुलैः
5435	2095040a	सा भूमिर्बहुभिर्यानैः खुरनेमिसमाहता
5436	2095040c	मुमोच तुमुलं शब्दं द्यौरिवाभ्रसमागमे
5437	2095041a	तेन वित्रासिता नागाः करेणुपरिवारिताः
5438	2095041c	आवासयन्तो गन्धेन जग्मुरन्यद्वनं ततः
5439	2095042a	वराहमृगसिंहाश्च महिषाः सर्क्षवानराः
5440	2095042c	व्याघ्र गोकर्णगवया वित्रेषुः पृषतैः सह
5441	2095043a	रथाङ्गसाह्वा नत्यूहा हंसाः कारण्डवाः प्लवाः
5442	2095043c	तथा पुंस्कोकिलाः क्रौञ्चा विसंज्ञा भेजिरे दिशः
5443	2095044a	तेन शब्देन वित्रस्तैराकाशं पक्षिभिर्वृतम्
5444	2095044c	मनुष्यैरावृता भूमिरुभयं प्रबभौ तदा
5445	2095045a	तान्नरान्बाष्पपूर्णाक्षान्समीक्ष्याथ सुदुःखितान्
5446	2095045c	पर्यष्वजत धर्मज्ञः पितृवन्मातृवच्च सः
5447	2095046a	स तत्र कांश्चित्परिषस्वजे नरा;न्नराश्च केचित्तु तमभ्यवादयन्
5448	2095046c	चकार सर्वान्सवयस्यबान्धवा;न्यथार्हमासाद्य तदा नृपात्मजः
5449	2095047a	ततः स तेषां रुदतां महात्मनां; भुवं च खं चानुविनादयन्स्वनः
5450	2095047c	गुहा गिरीणां च दिशश्च संततं; मृदङ्गघोषप्रतिमो विशुश्रुवे
5451	2096001a	वसिष्ठः पुरतः कृत्वा दारान्दशरथस्य च
5452	2096001c	अभिचक्राम तं देशं रामदर्शनतर्षितः
5453	2096002a	राजपत्न्यश्च गच्छन्त्यो मन्दं मन्दाकिनीं प्रति
5454	2096002c	ददृशुस्तत्र तत्तीर्थं रामलक्ष्मणसेवितम्
5455	2096003a	कौसल्या बाष्पपूर्णेन मुखेन परिशुष्यता
5456	2096003c	सुमित्रामब्रवीद्दीना याश्चान्या राजयोषितः
5457	2096004a	इदं तेषामनाथानां क्लिष्टमक्लिष्ट कर्मणाम्
5458	2096004c	वने प्राक्केवलं तीर्थं ये ते निर्विषयी कृताः
5459	2096005a	इतः सुमित्रे पुत्रस्ते सदा जलमतन्द्रितः
5460	2096005c	स्वयं हरति सौमित्रिर्मम पुत्रस्य कारणात्
5461	2096006a	दक्षिणाग्रेषु दर्भेषु सा ददर्श महीतले
5462	2096006c	पितुरिङ्गुदिपिण्याकं न्यस्तमायतलोचना
5463	2096007a	तं भूमौ पितुरार्तेन न्यस्तं रामेण वीक्ष्य सा
5464	2096007c	उवाच देवी कौसल्या सर्वा दशरथस्त्रियः
5465	2096008a	इदमिक्ष्वाकुनाथस्य राघवस्य महात्मनः
5466	2096008c	राघवेण पितुर्दत्तं पश्यतैतद्यथाविधि
5467	2096009a	तस्य देवसमानस्य पार्थिवस्य महात्मनः
5468	2096009c	नैतदौपयिकं मन्ये भुक्तभोगस्य भोजनम्
5469	2096010a	चतुरन्तां महीं भुक्त्वा महेन्द्र सदृशो भुवि
5470	2096010c	कथमिङ्गुदिपिण्याकं स भुङ्क्ते वसुधाधिपः
5471	2096011a	अतो दुःखतरं लोके न किंचित्प्रतिभाति मा
5472	2096011c	यत्र रामः पितुर्दद्यादिङ्गुदीक्षोदमृद्धिमान्
5473	2096012a	रामेणेङ्गुदिपिण्याकं पितुर्दत्तं समीक्ष्य मे
5474	2096012c	कथं दुःखेन हृदयं न स्फोटति सहस्रधा
5475	2096013a	एवमार्तां सपत्न्यस्ता जग्मुराश्वास्य तां तदा
5476	2096013c	ददृशुश्चाश्रमे रामं स्वर्गाच्च्युतमिवामरम्
5477	2096014a	सर्वभोगैः परित्यक्तं राम संप्रेक्ष्य मातरः
5478	2096014c	आर्ता मुमुचुरश्रूणि सस्वरं शोककर्शिताः
5479	2096015a	तासां रामः समुत्थाय जग्राह चरणाञ्शुभान्
5480	2096015c	मातॄणां मनुजव्याघ्रः सर्वासां सत्यसंगरः
5481	2096016a	ताः पाणिभिः सुखस्पर्शैर्मृद्वङ्गुलितलैः शुभैः
5482	2096016c	प्रममार्जू रजः पृष्ठाद्रामस्यायतलोचनाः
5483	2096017a	सौमित्रिरपि ताः सर्वा मातॄह्संप्रेक्ष्य दुःखितः
5484	2096017c	अभ्यवादयतासक्तं शनै रामादनन्तरम्
5485	2096018a	यथा रामे तथा तस्मिन्सर्वा ववृतिरे स्त्रियः
5486	2096018c	वृत्तिं दशरथाज्जाते लक्ष्मणे शुभलक्षणे
5487	2096019a	सीतापि चरणांस्तासामुपसंगृह्य दुःखिता
5488	2096019c	श्वश्रूणामश्रुपूर्णाक्षी सा बभूवाग्रतः स्थिता
5489	2096020a	तां परिष्वज्य दुःखार्तां माता दुहितरं यथा
5490	2096020c	वनवासकृशां दीनां कौसल्या वाक्यमब्रवीत्
5491	2096021a	विदेहराजस्य सुता स्नुषा दशरथस्य च
5492	2096021c	रामपत्नी कथं दुःखं संप्राप्ता निर्जने वने
5493	2096022a	पद्ममातपसंतप्तं परिक्लिष्टमिवोत्पलम्
5494	2096022c	काञ्चनं रजसा ध्वस्तं क्लिष्टं चन्द्रमिवाम्बुदैः
5495	2096023a	मुखं ते प्रेक्ष्य मां शोको दहत्यग्निरिवाश्रयम्
5496	2096023c	भृशं मनसि वैदेहि व्यसनारणिसंभवः
5497	2096024a	ब्रुवन्त्यामेवमार्तायां जनन्यां भरताग्रजः
5498	2096024c	पादावासाद्य जग्राह वसिष्ठस्य स राघवः
5499	2096025a	पुरोहितस्याग्निसमस्य तस्य वै; बृहस्पतेरिन्द्र इवामराधिपः
5500	2096025c	प्रगृह्य पादौ सुसमृद्धतेजसः; सहैव तेनोपविवेश राघवः
5501	2096026a	ततो जघन्यं सहितैः स मन्त्रिभिः; पुरप्रधानैश्च सहैव सैनिकैः
5502	2096026c	जनेन धर्मज्ञतमेन धर्मवा;नुपोपविष्टो भरतस्तदाग्रजम्
5503	2096027a	उपोपविष्टस्तु तदा स वीर्यवां;स्तपस्विवेषेण समीक्ष्य राघवम्
5504	2096027c	श्रिया ज्वलन्तं भरतः कृताञ्जलि;र्यथा महेन्द्रः प्रयतः प्रजापतिम्
5505	2096028a	किमेष वाक्यं भरतोऽद्य राघवं; प्रणम्य सत्कृत्य च साधु वक्ष्यति
5506	2096028c	इतीव तस्यार्यजनस्य तत्त्वतो; बभूव कौतूहलमुत्तमं तदा
5507	2096029a	स राघवः सत्यधृतिश्च लक्ष्मणो; महानुभावो भरतश्च धार्मिकः
5508	2096029c	वृताः सुहृद्भिश्च विरेजुरध्वरे; यथा सदस्यैः सहितास्त्रयोऽग्नयः
5509	2097001a	तं तु रामः समाश्वास्य भ्रातरं गुरुवत्सलम्
5510	2097001c	लक्ष्मणेन सह भ्रात्रा प्रष्टुं समुपचक्रमे
5511	2097002a	किमेतदिच्छेयमहं श्रोतुं प्रव्याहृतं त्वया
5512	2097002c	यस्मात्त्वमागतो देशमिमं चीरजटाजिनी
5513	2097003a	यन्निमित्तमिमं देशं कृष्णाजिनजटाधरः
5514	2097003c	हित्वा राज्यं प्रविष्टस्त्वं तत्सर्वं वक्तुमर्हसि
5515	2097004a	इत्युक्तः केकयीपुत्रः काकुत्स्थेन महात्मना
5516	2097004c	प्रगृह्य बलवद्भूयः प्राञ्जलिर्वाक्यमब्रवीत्
5517	2097005a	आर्यं तातः परित्यज्य कृत्वा कर्म सुदुष्करम्
5518	2097005c	गतः स्वर्गं महाबाहुः पुत्रशोकाभिपीडितः
5519	2097006a	स्त्रिया नियुक्तः कैकेय्या मम मात्रा परंतप
5520	2097006c	चकार सुमहत्पापमिदमात्मयशोहरम्
5521	2097007a	सा राज्यफलमप्राप्य विधवा शोककर्शिता
5522	2097007c	पतिष्यति महाघोरे निरये जननी मम
5523	2097008a	तस्य मे दासभूतस्य प्रसादं कर्तुमर्हसि
5524	2097008c	अभिषिञ्चस्व चाद्यैव राज्येन मघवानिव
5525	2097009a	इमाः प्रकृतयः सर्वा विधवा मातुरश्च याः
5526	2097009c	त्वत्सकाशमनुप्राप्ताः प्रसादं कर्तुमर्हसि
5527	2097010a	तदानुपूर्व्या युक्तं च युक्तं चात्मनि मानद
5528	2097010c	राज्यं प्राप्नुहि धर्मेण सकामान्सुहृदः कुरु
5529	2097011a	भवत्वविधवा भूमिः समग्रा पतिना त्वया
5530	2097011c	शशिना विमलेनेव शारदी रजनी यथा
5531	2097012a	एभिश्च सचिवैः सार्धं शिरसा याचितो मया
5532	2097012c	भ्रातुः शिष्यस्य दासस्य प्रसादं कर्तुमर्हसि
5533	2097013a	तदिदं शाश्वतं पित्र्यं सर्वं सचिवमण्डलम्
5534	2097013c	पूजितं पुरुषव्याघ्र नातिक्रमितुमुत्सहे
5535	2097014a	एवमुक्त्वा महाबाहुः सबाष्पः केकयीसुतः
5536	2097014c	रामस्य शिरसा पादौ जग्राह भरतः पुनः
5537	2097015a	तं मत्तमिव मातङ्गं निःश्वसन्तं पुनः पुनः
5538	2097015c	भ्रातरं भरतं रामः परिष्वज्येदमब्रवीत्
5539	2097016a	कुलीनः सत्त्वसंपन्नस्तेजस्वी चरितव्रतः
5540	2097016c	राज्यहेतोः कथं पापमाचरेत्त्वद्विधो जनः
5541	2097017a	न दोषं त्वयि पश्यामि सूक्ष्ममप्यरि सूदन
5542	2097017c	न चापि जननीं बाल्यात्त्वं विगर्हितुमर्हसि
5543	2097018a	यावत्पितरि धर्मज्ञ गौरवं लोकसत्कृते
5544	2097018c	तावद्धर्मभृतां श्रेष्ठ जनन्यामपि गौरवम्
5545	2097019a	एताभ्यां धर्मशीलाभ्यां वनं गच्छेति राघव
5546	2097019c	माता पितृभ्यामुक्तोऽहं कथमन्यत्समाचरे
5547	2097020a	त्वया राज्यमयोध्यायां प्राप्तव्यं लोकसत्कृतम्
5548	2097020c	वस्तव्यं दण्डकारण्ये मया वल्कलवाससा
5549	2097021a	एवं कृत्वा महाराजो विभागं लोकसंनिधौ
5550	2097021c	व्यादिश्य च महातेजा दिवं दशरथो गतः
5551	2097022a	स च प्रमाणं धर्मात्मा राजा लोकगुरुस्तव
5552	2097022c	पित्रा दत्तं यथाभागमुपभोक्तुं त्वमर्हसि
5553	2097023a	चतुर्दश समाः सौम्य दण्डकारण्यमाश्रितः
5554	2097023c	उपभोक्ष्ये त्वहं दत्तं भागं पित्रा महात्मना
5555	2097024a	यदब्रवीन्मां नरलोकसत्कृतः; पिता महात्मा विबुधाधिपोपमः
5556	2097024c	तदेव मन्ये परमात्मनो हितं; न सर्वलोकेश्वरभावमव्ययम्
5557	2098001a	ततः पुरुषसिंहानां वृतानां तैः सुहृद्गणैः
5558	2098001c	शोचतामेव रजनी दुःखेन व्यत्यवर्तत
5559	2098002a	रजन्यां सुप्रभातायां भ्रातरस्ते सुहृद्वृताः
5560	2098002c	मन्दाकिन्यां हुतं जप्यं कृत्वा राममुपागमन्
5561	2098003a	तूष्णीं ते समुपासीना न कश्चित्किंचिदब्रवीत्
5562	2098003c	भरतस्तु सुहृन्मध्ये रामवचनमब्रवीत्
5563	2098004a	सान्त्विता मामिका माता दत्तं राज्यमिदं मम
5564	2098004c	तद्ददामि तवैवाहं भुङ्क्ष्व राज्यमकण्टकम्
5565	2098005a	महतेवाम्बुवेगेन भिन्नः सेतुर्जलागमे
5566	2098005c	दुरावारं त्वदन्येन राज्यखण्डमिदं महत्
5567	2098006a	गतिं खर इवाश्वस्य तार्क्ष्यस्येव पतत्रिणः
5568	2098006c	अनुगन्तुं न शक्तिर्मे गतिं तव महीपते
5569	2098007a	सुजीवं नित्यशस्तस्य यः परैरुपजीव्यते
5570	2098007c	राम तेन तु दुर्जीवं यः परानुपजीवति
5571	2098008a	यथा तु रोपितो वृक्षः पुरुषेण विवर्धितः
5572	2098008c	ह्रस्वकेन दुरारोहो रूढस्कन्धो महाद्रुमः
5573	2098009a	स यदा पुष्पितो भूत्वा फलानि न विदर्शयेत्
5574	2098009c	स तां नानुभवेत्प्रीतिं यस्य हेतोः प्रभावितः
5575	2098010a	एषोपमा महाबाहो त्वमर्थं वेत्तुमर्हसि
5576	2098010c	यदि त्वमस्मानृषभो भर्ता भृत्यान्न शाधि हि
5577	2098011a	श्रेणयस्त्वां महाराज पश्यन्त्वग्र्याश्च सर्वशः
5578	2098011c	प्रतपन्तमिवादित्यं राज्ये स्थितमरिंदमम्
5579	2098012a	तवानुयाने काकुत्ष्ठ मत्ता नर्दन्तु कुञ्जराः
5580	2098012c	अन्तःपुर गता नार्यो नन्दन्तु सुसमाहिताः
5581	2098013a	तस्य साध्वित्यमन्यन्त नागरा विविधा जनाः
5582	2098013c	भरतस्य वचः श्रुत्वा रामं प्रत्यनुयाचतः
5583	2098014a	तमेवं दुःखितं प्रेक्ष्य विलपन्तं यशस्विनम्
5584	2098014c	रामः कृतात्मा भरतं समाश्वासयदात्मवान्
5585	2098015a	नात्मनः कामकारोऽस्ति पुरुषोऽयमनीश्वरः
5586	2098015c	इतश्चेतरतश्चैनं कृतान्तः परिकर्षति
5587	2098016a	सर्वे क्षयान्ता निचयाः पतनान्ताः समुच्छ्रयाः
5588	2098016c	संयोगा विप्रयोगान्ता मरणान्तं च जीवितम्
5589	2098017a	यथा फलानं पक्वानां नान्यत्र पतनाद्भयम्
5590	2098017c	एवं नरस्य जातस्य नान्यत्र मरणाद्भयम्
5591	2098018a	यथागारं दृढस्थूणं जीर्णं भूत्वावसीदति
5592	2098018c	तथावसीदन्ति नरा जरामृत्युवशं गताः
5593	2098019a	अहोरात्राणि गच्छन्ति सर्वेषां प्राणिनामिह
5594	2098019c	आयूंषि क्षपयन्त्याशु ग्रीष्मे जलमिवांशवः
5595	2098020a	आत्मानमनुशोच त्वं किमन्यमनुशोचसि
5596	2098020c	आयुस्ते हीयते यस्य स्थितस्य च गतस्य च
5597	2098021a	सहैव मृत्युर्व्रजति सह मृत्युर्निषीदति
5598	2098021c	गत्वा सुदीर्घमध्वानं सह मृत्युर्निवर्तते
5599	2098022a	गात्रेषु वलयः प्राप्ताः श्वेताश्चैव शिरोरुहाः
5600	2098022c	जरया पुरुषो जीर्णः किं हि कृत्वा प्रभावयेत्
5601	2098023a	नन्दन्त्युदित आदित्ये नन्दन्त्यस्तमिते रवौ
5602	2098023c	आत्मनो नावबुध्यन्ते मनुष्या जीवितक्षयम्
5603	2098024a	हृष्यन्त्यृतुमुखं दृष्ट्वा नवं नवमिहागतम्
5604	2098024c	ऋतूनां परिवर्तेन प्राणिनां प्राणसंक्षयः
5605	2098025a	यथा काष्ठं च काष्ठं च समेयातां महार्णवे
5606	2098025c	समेत्य च व्यपेयातां कालमासाद्य कंचन
5607	2098026a	एवं भार्याश्च पुत्राश्च ज्ञातयश्च वसूनि च
5608	2098026c	समेत्य व्यवधावन्ति ध्रुवो ह्येषां विनाभवः
5609	2098027a	नात्र कश्चिद्यथा भावं प्राणी समभिवर्तते
5610	2098027c	तेन तस्मिन्न सामर्थ्यं प्रेतस्यास्त्यनुशोचतः
5611	2098028a	यथा हि सार्थं गच्छन्तं ब्रूयात्कश्चित्पथि स्थितः
5612	2098028c	अहमप्यागमिष्यामि पृष्ठतो भवतामिति
5613	2098029a	एवं पूर्वैर्गतो मार्गः पितृपैतामहो ध्रुवः
5614	2098029c	तमापन्नः कथं शोचेद्यस्य नास्ति व्यतिक्रमः
5615	2098030a	वयसः पतमानस्य स्रोतसो वानिवर्तिनः
5616	2098030c	आत्मा सुखे नियोक्तव्यः सुखभाजः प्रजाः स्मृताः
5617	2098031a	धर्मात्मा स शुभैः कृत्स्नैः क्रतुभिश्चाप्तदक्षिणैः
5618	2098031c	धूतपापो गतः स्वर्गं पिता नः पृथिवीपतिः
5619	2098032a	भृत्यानां भरणात्सम्यक्प्रजानां परिपालनात्
5620	2098032c	अर्थादानाच्च धार्मेण पिता नस्त्रिदिवं गतः
5621	2098033a	इष्ट्वा बहुविधैर्यज्ञैर्भोगांश्चावाप्य पुष्कलान्
5622	2098033c	उत्तमं चायुरासाद्य स्वर्गतः पृथिवीपतिः
5623	2098034a	स जीर्णं मानुषं देहं परित्यज्य पिता हि नः
5624	2098034c	दैवीमृद्धिमनुप्राप्तो ब्रह्मलोकविहारिणीम्
5625	2098035a	तं तु नैवं विधः कश्चित्प्राज्ञः शोचितुमर्हति
5626	2098035c	त्वद्विधो यद्विधश्चापि श्रुतवान्बुद्धिमत्तरः
5627	2098036a	एते बहुविधाः शोका विलाप रुदिते तथा
5628	2098036c	वर्जनीया हि धीरेण सर्वावस्थासु धीमता
5629	2098037a	स स्वस्थो भव मा शोचो यात्वा चावस तां पुरीम्
5630	2098037c	तथा पित्रा नियुक्तोऽसि वशिना वदताम्व्वर
5631	2098038a	यत्राहमपि तेनैव नियुक्तः पुण्यकर्मणा
5632	2098038c	तत्रैवाहं करिष्यामि पितुरार्यस्य शासनम्
5633	2098039a	न मया शासनं तस्य त्यक्तुं न्याय्यमरिंदम
5634	2098039c	तत्त्वयापि सदा मान्यं स वै बन्धुः स नः पिता
5635	2098040a	एवमुक्त्वा तु विरते रामे वचनमर्थवत्
5636	2098040c	उवाच भरतश्चित्रं धार्मिको धार्मिकं वचः
5637	2098041a	को हि स्यादीदृशो लोके यादृशस्त्वमरिंदम
5638	2098041c	न त्वां प्रव्यथयेद्दुःखं प्रीतिर्वा न प्रहर्षयेत्
5639	2098042a	संमतश्चासि वृद्धानां तांश्च पृच्छसि संशयान्
5640	2098042c	यथा मृतस्तथा जीवन्यथासति तथा सति
5641	2098043a	यस्यैष बुद्धिलाभः स्यात्परितप्येत केन सः
5642	2098043c	स एवं व्यसनं प्राप्य न विषीदितुमर्हति
5643	2098044a	अमरोपमसत्त्वस्त्वं महात्मा सत्यसंगरः
5644	2098044c	सर्वज्ञः सर्वदर्शी च बुद्धिमांश्चासि राघव
5645	2098045a	न त्वामेवं गुणैर्युक्तं प्रभवाभवकोविदम्
5646	2098045c	अविषह्यतमं दुःखमासादयितुमर्हति
5647	2098046a	प्रोषिते मयि यत्पापं मात्रा मत्कारणात्कृतम्
5648	2098046c	क्षुद्रया तदनिष्टं मे प्रसीदतु भवान्मम
5649	2098047a	धर्मबन्धेन बद्धोऽस्मि तेनेमां नेह मातरम्
5650	2098047c	हन्मि तीव्रेण दण्डेन दण्डार्हां पापकारिणीम्
5651	2098048a	कथं दशरथाज्जातः शुद्धाभिजनकर्मणः
5652	2098048c	जानन्धर्ममधर्मिष्ठं कुर्यां कर्म जुगुप्सितम्
5653	2098049a	गुरुः क्रियावान्वृद्धश्च राजा प्रेतः पितेति च
5654	2098049c	तातं न परिगर्हेयं दैवतं चेति संसदि
5655	2098050a	को हि धर्मार्थयोर्हीनमीदृशं कर्म किल्बिषम्
5656	2098050c	स्त्रियाः प्रियचिकीर्षुः सन्कुर्याद्धर्मज्ञ धर्मवित्
5657	2098051a	अन्तकाले हि भूतानि मुह्यन्तीति पुराश्रुतिः
5658	2098051c	राज्ञैवं कुर्वता लोके प्रत्यक्षा सा श्रुतिः कृता
5659	2098052a	साध्वर्थमभिसंधाय क्रोधान्मोहाच्च साहसात्
5660	2098052c	तातस्य यदतिक्रान्तं प्रत्याहरतु तद्भवान्
5661	2098053a	पितुर्हि समतिक्रान्तं पुत्रो यः साधु मन्यते
5662	2098053c	तदपत्यं मतं लोके विपरीतमतोऽन्यथा
5663	2098054a	तदपत्यं भवानस्तु मा भवान्दुष्कृतं पितुः
5664	2098054c	अभिपत्तत्कृतं कर्म लोके धीरविगर्हितम्
5665	2098055a	कैकेयीं मां च तातं च सुहृदो बान्धवांश्च नः
5666	2098055c	पौरजानपदान्सर्वांस्त्रातु सर्वमिदं भवान्
5667	2098056a	क्व चारण्यं क्व च क्षात्रं क्व जटाः क्व च पालनम्
5668	2098056c	ईदृशं व्याहतं कर्म न भवान्कर्तुमर्हति
5669	2098057a	अथ क्लेशजमेव त्वं धर्मं चरितुमिच्छसि
5670	2098057c	धर्मेण चतुरो वर्णान्पालयन्क्लेशमाप्नुहि
5671	2098058a	चतुर्णामाश्रमाणां हि गार्हस्थ्यं श्रेष्ठमाश्रमम्
5672	2098058c	आहुर्धर्मज्ञ धर्मज्ञास्तं कथं त्यक्तुमर्हसि
5673	2098059a	श्रुतेन बालः स्थानेन जन्मना भवतो ह्यहम्
5674	2098059c	स कथं पालयिष्यामि भूमिं भवति तिष्ठति
5675	2098060a	हीनबुद्धिगुणो बालो हीनः स्थानेन चाप्यहम्
5676	2098060c	भवता च विना भूतो न वर्तयितुमुत्सहे
5677	2098061a	इदं निखिलमव्यग्रं पित्र्यं राज्यमकण्टकम्
5678	2098061c	अनुशाधि स्वधर्मेण धर्मज्ञ सह बान्धवैः
5679	2098062a	इहैव त्वाभिषिञ्चन्तु धर्मज्ञ सह बान्धवैः
5680	2098062c	ऋत्विजः सवसिष्ठाश्च मन्त्रवन्मन्त्रकोविदाः
5681	2098063a	अभिषिक्तस्त्वमस्माभिरयोध्यां पालने व्रज
5682	2098063c	विजित्य तरसा लोकान्मरुद्भिरिव वासवः
5683	2098064a	ऋणानि त्रीण्यपाकुर्वन्दुर्हृदः साधु निर्दहन्
5684	2098064c	सुहृदस्तर्पयन्कामैस्त्वमेवात्रानुशाधि माम्
5685	2098065a	अद्यार्य मुदिताः सन्तु सुहृदस्तेऽभिषेचने
5686	2098065c	अद्य भीताः पालयन्तां दुर्हृदस्ते दिशो दश
5687	2098066a	आक्रोशं मम मातुश्च प्रमृज्य पुरुषर्षभ
5688	2098066c	अद्य तत्र भवन्तं च पितरं रक्ष किल्बिषात्
5689	2098067a	शिरसा त्वाभियाचेऽहं कुरुष्व करुणां मयि
5690	2098067c	बान्धवेषु च सर्वेषु भूतेष्विव महेश्वरः
5691	2098068a	अथ वा पृष्ठतः कृत्वा वनमेव भवानितः
5692	2098068c	गमिष्यति गमिष्यामि भवता सार्धमप्यहम्
5693	2098069a	तथापि रामो भरतेन ताम्यत; प्रसाद्यमानः शिरसा महीपतिः
5694	2098069c	न चैव चक्रे गमनाय सत्त्ववा;न्मतिं पितुस्तद्वचने प्रतिष्ठितः
5695	2098070a	तदद्भुतं स्थैर्यमवेक्ष्य राघवे; समं जनो हर्षमवाप दुःखितः
5696	2098070c	न यात्ययोध्यामिति दुःखितोऽभव;त्स्थिरप्रतिज्ञत्वमवेक्ष्य हर्षितः
5697	2098071a	तमृत्विजो नैगमयूथवल्लभा;स्तथा विसंज्ञाश्रुकलाश्च मातरः
5698	2098071c	तथा ब्रुवाणं भरतं प्रतुष्टुवुः; प्रणम्य रामं च ययाचिरे सह
5699	2099001a	पुनरेवं ब्रुवाणं तु भरतं लक्ष्मणाग्रजः
5700	2099001c	प्रत्युवच ततः श्रीमाञ्ज्ञातिमध्येऽतिसत्कृतः
5701	2099002a	उपपन्नमिदं वाक्यं यत्त्वमेवमभाषथाः
5702	2099002c	जातः पुत्रो दशरथात्कैकेय्यां राजसत्तमात्
5703	2099003a	पुरा भ्रातः पिता नः स मातरं ते समुद्वहन्
5704	2099003c	मातामहे समाश्रौषीद्राज्यशुल्कमनुत्तमम्
5705	2099004a	देवासुरे च संग्रामे जनन्यै तव पार्थिवः
5706	2099004c	संप्रहृष्टो ददौ राजा वरमाराधितः प्रभुः
5707	2099005a	ततः सा संप्रतिश्राव्य तव माता यशस्विनी
5708	2099005c	अयाचत नरश्रेष्ठं द्वौ वरौ वरवर्णिनी
5709	2099006a	तव राज्यं नरव्याघ्र मम प्रव्राजनं तथा
5710	2099006c	तच्च राजा तथा तस्यै नियुक्तः प्रददौ वरम्
5711	2099007a	तेन पित्राहमप्यत्र नियुक्तः पुरुषर्षभ
5712	2099007c	चतुर्दश वने वासं वर्षाणि वरदानिकम्
5713	2099008a	सोऽहं वनमिदं प्राप्तो निर्जनं लक्ष्मणान्वितः
5714	2099008c	शीतया चाप्रतिद्वन्द्वः सत्यवादे स्थितः पितुः
5715	2099009a	भवानपि तथेत्येव पितरं सत्यवादिनम्
5716	2099009c	कर्तुमर्हति राजेन्द्रं क्षिप्रमेवाभिषेचनात्
5717	2099010a	ऋणान्मोचय राजानं मत्कृते भरत प्रभुम्
5718	2099010c	पितरं त्राहि धर्मज्ञ मातरं चाभिनन्दय
5719	2099011a	श्रूयते हि पुरा तात श्रुतिर्गीता यशस्विनी
5720	2099011c	गयेन यजमानेन गयेष्वेव पितॄन्प्रति
5721	2099012a	पुं नाम्ना नरकाद्यस्मात्पितरं त्रायते सुतः
5722	2099012c	तस्मात्पुत्र इति प्रोक्तः पितॄन्यत्पाति वा सुतः
5723	2099013a	एष्टव्या बहवः पुत्रा गुणवन्तो बहुश्रुताः
5724	2099013c	तेषां वै समवेतानामपि कश्चिद्गयां व्रजेत्
5725	2099014a	एवं राजर्षयः सर्वे प्रतीता राजनन्दन
5726	2099014c	तस्मात्त्राहि नरश्रेष्ठ पितरं नरकात्प्रभो
5727	2099015a	अयोध्यां गच्छ भरत प्रकृतीरनुरञ्जय
5728	2099015c	शत्रुघ्न सहितो वीर सह सर्वैर्द्विजातिभिः
5729	2099016a	प्रवेक्ष्ये दण्डकारण्यमहमप्यविलम्बयन्
5730	2099016c	आभ्यां तु सहितो राजन्वैदेह्या लक्ष्मणेन च
5731	2099017a	त्वं राजा भव भरत स्वयं नराणां; वन्यानामहमपि राजराण्मृगाणाम्
5732	2099017c	गच्छ त्वं पुरवरमद्य संप्रहृष्टः; संहृष्टस्त्वहमपि दण्डकान्प्रवेक्ष्ये
5733	2099018a	छायां ते दिनकरभाः प्रबाधमानं; वर्षत्रं भरत करोतु मूर्ध्नि शीताम्
5734	2099018c	एतेषामहमपि काननद्रुमाणां; छायां तामतिशयिनीं सुखं श्रयिष्ये
5735	2099019a	शत्रुघ्नः कुशलमतिस्तु ते सहायः; सौमित्रिर्मम विदितः प्रधानमित्रम्
5736	2099019c	चत्वारस्तनयवरा वयं नरेन्द्रं; सत्यस्थं भरत चराम मा विषादम्
5737	2100001a	आश्वासयन्तं भरतं जाबालिर्ब्राह्मणोत्तमः
5738	2100001c	उवाच रामं धर्मज्ञं धर्मापेतमिदं वचः
5739	2100002a	साधु राघव मा भूत्ते बुद्धिरेवं निरर्थका
5740	2100002c	प्राकृतस्य नरस्येव आर्य बुद्धेस्तपस्विनः
5741	2100003a	कः कस्य पुरुषो बन्धुः किमाप्यं कस्य केनचित्
5742	2100003c	यदेको जायते जन्तुरेक एव विनश्यति
5743	2100004a	तस्मान्माता पिता चेति राम सज्जेत यो नरः
5744	2100004c	उन्मत्त इव स ज्ञेयो नास्ति काचिद्धि कस्यचित्
5745	2100005a	यथा ग्रामान्तरं गच्छन्नरः कश्चित्क्वचिद्वसेत्
5746	2100005c	उत्सृज्य च तमावासं प्रतिष्ठेतापरेऽहनि
5747	2100006a	एवमेव मनुष्याणां पिता माता गृहं वसु
5748	2100006c	आवासमात्रं काकुत्स्थ सज्जन्ते नात्र सज्जनाः
5749	2100007a	पित्र्यं राज्यं समुत्सृज्य स नार्हति नरोत्तम
5750	2100007c	आस्थातुं कापथं दुःखं विषमं बहुकण्टकम्
5751	2100008a	समृद्धायामयोध्यायामात्मानमभिषेचय
5752	2100008c	एकवेणीधरा हि त्वां नगरी संप्रतीक्षते
5753	2100009a	राजभोगाननुभवन्महार्हान्पार्थिवात्मज
5754	2100009c	विहर त्वमयोध्यायां यथा शक्रस्त्रिविष्टपे
5755	2100010a	न ते कश्चिद्दशरतःस्त्वं च तस्य न कश्चन
5756	2100010c	अन्यो राजा त्वमन्यश्च तस्मात्कुरु यदुच्यते
5757	2100011a	गतः स नृपतिस्तत्र गन्तव्यं यत्र तेन वै
5758	2100011c	प्रवृत्तिरेषा मर्त्यानां त्वं तु मिथ्या विहन्यसे
5759	2100012a	अर्थधर्मपरा ये ये तांस्ताञ्शोचामि नेतरान्
5760	2100012c	ते हि दुःखमिह प्राप्य विनाशं प्रेत्य भेजिरे
5761	2100013a	अष्टका पितृदैवत्यमित्ययं प्रसृतो जनः
5762	2100013c	अन्नस्योपद्रवं पश्य मृतो हि किमशिष्यति
5763	2100014a	यदि भुक्तमिहान्येन देहमन्यस्य गच्छति
5764	2100014c	दद्यात्प्रवसतः श्राद्धं न तत्पथ्यशनं भवेत्
5765	2100015a	दानसंवनना ह्येते ग्रन्था मेधाविभिः कृताः
5766	2100015c	यजस्व देहि दीक्षस्व तपस्तप्यस्व संत्यज
5767	2100016a	स नास्ति परमित्येव कुरु बुद्धिं महामते
5768	2100016c	प्रत्यक्षं यत्तदातिष्ठ परोक्षं पृष्ठतः कुरु
5769	2100017a	सतां बुद्धिं पुरस्कृत्य सर्वलोकनिदर्शिनीम्
5770	2100017c	राज्यं त्वं प्रतिगृह्णीष्व भरतेन प्रसादितः
5771	2101001a	जाबालेस्तु वचः श्रुत्वा रामः सत्यात्मनां वरः
5772	2101001c	उवाच परया युक्त्या स्वबुद्ध्या चाविपन्नया
5773	2101002a	भवान्मे प्रियकामार्थं वचनं यदिहोक्तवान्
5774	2101002c	अकार्यं कार्यसंकाशमपथ्यं पथ्यसंमितम्
5775	2101003a	निर्मर्यादस्तु पुरुषः पापाचारसमन्वितः
5776	2101003c	मानं न लभते सत्सु भिन्नचारित्रदर्शनः
5777	2101004a	कुलीनमकुलीनं वा वीरं पुरुषमानिनम्
5778	2101004c	चारित्रमेव व्याख्याति शुचिं वा यदि वाशुचिम्
5779	2101005a	अनारय्स्त्वार्य संकाशः शौचाद्धीनस्तथा शुचिः
5780	2101005c	लक्षण्यवदलक्षण्यो दुःशीलः शीलवानिव
5781	2101006a	अधर्मं धर्मवेषेण यदीमं लोकसंकरम्
5782	2101006c	अभिपत्स्ये शुभं हित्वा क्रियाविधिविवर्जितम्
5783	2101007a	कश्चेतयानः पुरुषः कार्याकार्यविचक्षणः
5784	2101007c	बहु मंस्यति मां लोके दुर्वृत्तं लोकदूषणम्
5785	2101008a	कस्य यास्याम्यहं वृत्तं केन वा स्वर्गमाप्नुयाम्
5786	2101008c	अनया वर्तमानोऽहं वृत्त्या हीनप्रतिज्ञया
5787	2101009a	कामवृत्तस्त्वयं लोकः कृत्स्नः समुपवर्तते
5788	2101009c	यद्वृत्ताः सन्ति राजानस्तद्वृत्ताः सन्ति हि प्रजाः
5789	2101010a	सत्यमेवानृशंस्यं च राजवृत्तं सनातनम्
5790	2101010c	तस्मात्सत्यात्मकं राज्यं सत्ये लोकः प्रतिष्ठितः
5791	2101011a	ऋषयश्चैव देवाश्च सत्यमेव हि मेनिरे
5792	2101011c	सत्यवादी हि लोकेऽस्मिन्परमं गच्छति क्षयम्
5793	2101012a	उद्विजन्ते यथा सर्पान्नरादनृतवादिनः
5794	2101012c	धर्मः सत्यं परो लोके मूलं स्वर्गस्य चोच्यते
5795	2101013a	सत्यमेवेश्वरो लोके सत्यं पद्मा समाश्रिता
5796	2101013c	सत्यमूलानि सर्वाणि सत्यान्नास्ति परं पदम्
5797	2101014a	दत्तमिष्टं हुतं चैव तप्तानि च तपांसि च
5798	2101014c	वेदाः सत्यप्रतिष्ठानास्तस्मात्सत्यपरो भवेत्
5799	2101015a	एकः पालयते लोकमेकः पालयते कुलम्
5800	2101015c	मज्जत्येको हि निरय एकः स्वर्गे महीयते
5801	2101016a	सोऽहं पितुर्निदेशं तु किमर्थं नानुपालये
5802	2101016c	सत्यप्रतिश्रवः सत्यं सत्येन समयीकृतः
5803	2101017a	नैव लोभान्न मोहाद्वा न चाज्ञानात्तमोऽन्वितः
5804	2101017c	सेतुं सत्यस्य भेत्स्यामि गुरोः सत्यप्रतिश्रवः
5805	2101018a	असत्यसंधस्य सतश्चलस्यास्थिरचेतसः
5806	2101018c	नैव देवा न पितरः प्रतीच्छन्तीति नः श्रुतम्
5807	2101019a	प्रत्यगात्ममिमं धर्मं सत्यं पश्याम्यहं स्वयम्
5808	2101019c	भारः सत्पुरुषाचीर्णस्तदर्थमभिनन्द्यते
5809	2101020a	क्षात्रं धर्ममहं त्यक्ष्ये ह्यधर्मं धर्मसंहितम्
5810	2101020c	क्षुद्रौर्नृशंसैर्लुब्धैश्च सेवितं पापकर्मभिः
5811	2101021a	कायेन कुरुते पापं मनसा संप्रधार्य च
5812	2101021c	अनृतं जिह्वया चाह त्रिविधं कर्म पातकम्
5813	2101022a	भूमिः कीर्तिर्यशो लक्ष्मीः पुरुषं प्रार्थयन्ति हि
5814	2101022c	स्वर्गस्थं चानुबध्नन्ति सत्यमेव भजेत तत्
5815	2101023a	श्रेष्ठं ह्यनार्यमेव स्याद्यद्भवानवधार्य माम्
5816	2101023c	आह युक्तिकरैर्वाक्यैरिदं भद्रं कुरुष्व ह
5817	2101024a	कथं ह्यहं प्रतिज्ञाय वनवासमिमं गुरोः
5818	2101024c	भरतस्य करिष्यामि वचो हित्वा गुरोर्वचः
5819	2101025a	स्थिरा मया प्रतिज्ञाता प्रतिज्ञा गुरुसंनिधौ
5820	2101025c	प्रहृष्टमानसा देवी कैकेयी चाभवत्तदा
5821	2101026a	वनवासं वसन्नेवं शुचिर्नियतभोजनः
5822	2101026c	मूलैः पुष्पैः फलैः पुण्यैः पितॄन्देवांश्च तर्पयन्
5823	2101027a	संतुष्टपञ्चवर्गोऽहं लोकयात्रां प्रवर्तये
5824	2101027c	अकुहः श्रद्दधानः सन्कार्याकार्यविचक्षणः
5825	2101028a	कर्मभूमिमिमां प्राप्य कर्तव्यं कर्म यच्छुभम्
5826	2101028c	अग्निर्वायुश्च सोमश्च कर्मणां फलभागिनः
5827	2101029a	शतं क्रतूनामाहृत्य देवराट्त्रिदिवं गतः
5828	2101029c	तपांस्युग्राणि चास्थाय दिवं याता महर्षयः
5829	2101030a	सत्यं च धर्मं च पराक्रमं च; भूतानुकम्पां प्रियवादितां च
5830	2101030c	द्विजातिदेवातिथिपूजनं च; पन्थानमाहुस्त्रिदिवस्य सन्तः
5831	2101031a	धर्मे रताः सत्पुरुषैः समेता;स्तेजस्विनो दानगुणप्रधानाः
5832	2101031c	अहिंसका वीतमलाश्च लोके; भवन्ति पूज्या मुनयः प्रधानाः
5833	2102001a	क्रुद्धमाज्ञाय राम तु वसिष्ठः प्रत्युवाच ह
5834	2102001c	जाबालिरपि जानीते लोकस्यास्य गतागतिम्
5835	2102001e	निवर्तयितु कामस्तु त्वामेतद्वाक्यमब्रवीत्
5836	2102002a	इमां लोकसमुत्पत्तिं लोकनाथ निबोध मे
5837	2102002c	सर्वं सलिलमेवासीत्पृथिवी यत्र निर्मिता
5838	2102002e	ततः समभवद्ब्रह्मा स्वयम्भूर्दैवतैः सह
5839	2102003a	स वराहस्ततो भूत्वा प्रोज्जहार वसुंधराम्
5840	2102003c	असृजच्च जगत्सर्वं सह पुत्रैः कृतात्मभिः
5841	2102004a	आकाशप्रभवो ब्रह्मा शाश्वतो नित्य अव्ययः
5842	2102004c	तस्मान्मरीचिः संजज्ञे मरीचेः कश्यपः सुतः
5843	2102005a	विवस्वान्कश्यपाज्जज्ञे मनुर्वैवस्वतः स्मृतः
5844	2102005c	स तु प्रजापतिः पूर्वमिक्ष्वाकुस्तु मनोः सुतः
5845	2102006a	यस्येयं प्रथमं दत्ता समृद्धा मनुना मही
5846	2102006c	तमिक्ष्वाकुमयोध्यायां राजानं विद्धि पूर्वकम्
5847	2102007a	इक्ष्वाकोस्तु सुतः श्रीमान्कुक्षिरेवेति विश्रुतः
5848	2102007c	कुक्षेरथात्मजो वीरो विकुक्षिरुदपद्यत
5849	2102008a	विकुक्षेस्तु महातेजा बाणः पुत्रः प्रतापवान्
5850	2102008c	बाणस्य तु महाबाहुरनरण्यो महायशाः
5851	2102009a	नाना वृष्टिर्बभूवास्मिन्न दुर्भिक्षं सतां वरे
5852	2102009c	अनरण्ये महाराजे तस्करो वापि कश्चन
5853	2102010a	अनरण्यान्महाबाहुः पृथू राजा बभूव ह
5854	2102010c	तस्मात्पृथोर्महाराजस्त्रिशङ्कुरुदपद्यत
5855	2102010e	स सत्यवचनाद्वीरः सशरीरो दिवं गतः
5856	2102011a	त्रिशङ्कोरभवत्सूनुर्धुन्धुमारो महायशाः
5857	2102011c	धुन्धुमारान्महातेजा युवनाश्वो व्यजायत
5858	2102012a	युवनाश्व सुतः श्रीमान्मान्धाता समपद्यत
5859	2102012c	मान्धातुस्तु महातेजाः सुसंधिरुदपद्यत
5860	2102013a	सुसंधेरपि पुत्रौ द्वौ ध्रुवसंधिः प्रसेनजित्
5861	2102013c	यशस्वी ध्रुवसंधेस्तु भरतो रिपुसूदनः
5862	2102014a	भरतात्तु महाबाहोरसितो नाम जायत
5863	2102014c	यस्यैते प्रतिराजान उदपद्यन्त शत्रवः
5864	2102014e	हैहयास्तालजङ्घाश्च शूराश्च शशबिन्दवः
5865	2102015a	तांस्तु सर्वान्प्रतिव्यूह्य युद्धे राजा प्रवासितः
5866	2102015c	स च शैलवरे रम्ये बभूवाभिरतो मुनिः
5867	2102015e	द्वे चास्य भार्ये गर्भिण्यौ बभूवतुरिति श्रुतिः
5868	2102016a	भार्गवश्च्यवनो नाम हिमवन्तमुपाश्रितः
5869	2102016c	तमृषिं समुपागम्य कालिन्दी त्वभ्यवादयत्
5870	2102017a	स तामभ्यवदद्विप्रो वरेप्सुं पुत्रजन्मनि
5871	2102017c	ततः सा गृहमागम्य देवी पुत्रं व्यजायत
5872	2102018a	सपत्न्या तु गरस्तस्यै दत्तो गर्भजिघांसया
5873	2102018c	गरेण सह तेनैव जातः स सगरोऽभवत्
5874	2102019a	स राजा सगरो नाम यः समुद्रमखानयत्
5875	2102019c	इष्ट्वा पर्वणि वेगेन त्रासयन्तमिमाः प्रजाः
5876	2102020a	असमञ्जस्तु पुत्रोऽभूत्सगरस्येति नः श्रुतम्
5877	2102020c	जीवन्नेव स पित्रा तु निरस्तः पापकर्मकृत्
5878	2102021a	अंशुमानिति पुत्रोऽभूदसमञ्जस्य वीर्यवान्
5879	2102021c	दिलीपोंऽशुमतः पुत्रो दिलीपस्य भगीरथः
5880	2102022a	भगीरथात्ककुत्स्थस्तु काकुत्स्था येन तु स्मृताः
5881	2102022c	ककुत्स्थस्य तु पुत्रोऽभूद्रघुर्येन तु राघवः
5882	2102023a	रघोस्तु पुत्रस्तेजस्वी प्रवृद्धः पुरुषादकः
5883	2102023c	कल्माषपादः सौदास इत्येवं प्रथितो भुवि
5884	2102024a	कल्माषपादपुत्रोऽभूच्छङ्खणस्त्विति विश्रुतः
5885	2102024c	यस्तु तद्वीर्यमासाद्य सहसेनो व्यनीनशत्
5886	2102025a	शङ्खणस्य तु पुत्रोऽभूच्छूरः श्रीमान्सुदर्शनः
5887	2102025c	सुदर्शनस्याग्निवर्ण अग्निवर्षस्य शीघ्रगः
5888	2102026a	शीघ्रगस्य मरुः पुत्रो मरोः पुत्रः प्रशुश्रुकः
5889	2102026c	प्रशुश्रुकस्य पुत्रोऽभूदम्बरीषो महाद्युतिः
5890	2102027a	अम्बरीषस्य पुत्रोऽभून्नहुषः सत्यविक्रमः
5891	2102027c	नहुषस्य च नाभागः पुत्रः परमधार्मिकः
5892	2102028a	अजश्च सुव्रतश्चैव नाभागस्य सुतावुभौ
5893	2102028c	अजस्य चैव धर्मात्मा राजा दशरथः सुतः
5894	2102029a	तस्य ज्येष्ठोऽसि दायादो राम इत्यभिविश्रुतः
5895	2102029c	तद्गृहाण स्वकं राज्यमवेक्षस्व जगन्नृप
5896	2102030a	इक्ष्वाकूणां हि सर्वेषां राजा भवति पूर्वजः
5897	2102030c	पूर्वजेनावरः पुत्रो ज्येष्ठो राज्येऽभिषिच्यते
5898	2102031a	स राघवाणां कुलधर्ममात्मनः; सनातनं नाद्य विहातुमर्हसि
5899	2102031c	प्रभूतरत्नामनुशाधि मेदिनीं; प्रभूतराष्ट्रां पितृवन्महायशाः
5900	2103001a	वसिष्ठस्तु तदा राममुक्त्वा राजपुरोहितः
5901	2103001c	अब्रवीद्धर्मसंयुक्तं पुनरेवापरं वचः
5902	2103002a	पुरुषस्येह जातस्य भवन्ति गुरवस्त्रयः
5903	2103002c	आचार्यश्चैव काकुत्स्थ पिता माता च राघव
5904	2103003a	पिता ह्येनं जनयति पुरुषं पुरुषर्षभ
5905	2103003c	प्रज्ञां ददाति चाचार्यस्तस्मात्स गुरुरुच्यते
5906	2103004a	स तेऽहं पितुराचार्यस्तव चैव परंतप
5907	2103004c	मम त्वं वचनं कुर्वन्नातिवर्तेः सतां गतिम्
5908	2103005a	इमा हि ते परिषदः श्रेणयश्च समागताः
5909	2103005c	एषु तात चरन्धर्मं नातिवर्तेः सतां गतिम्
5910	2103006a	वृद्धाया धर्मशीलाया मातुर्नार्हस्यवर्तितुम्
5911	2103006c	अस्यास्तु वचनं कुर्वन्नातिवर्तेः सतां गतिम्
5912	2103007a	भरतस्य वचः कुर्वन्याचमानस्य राघव
5913	2103007c	आत्मानं नातिवर्तेस्त्वं सत्यधर्मपराक्रम
5914	2103008a	एवं मधुरमुक्तस्तु गुरुणा राघवः स्वयम्
5915	2103008c	प्रत्युवाच समासीनं वसिष्ठं पुरुषर्षभः
5916	2103009a	यन्मातापितरौ वृत्तं तनये कुरुतः सदा
5917	2103009c	न सुप्रतिकरं तत्तु मात्रा पित्रा च यत्कृतम्
5918	2103010a	यथाशक्ति प्रदानेन स्नापनाच्छादनेन च
5919	2103010c	नित्यं च प्रियवादेन तथा संवर्धनेन च
5920	2103011a	स हि राजा जनयिता पिता दशरथो मम
5921	2103011c	आज्ञातं यन्मया तस्य न तन्मिथ्या भविष्यति
5922	2103012a	एवमुक्तस्तु रामेण भरतः प्रत्यनन्तरम्
5923	2103012c	उवाच परमोदारः सूतं परमदुर्मनाः
5924	2103013a	इह मे स्थण्डिले शीघ्रं कुशानास्तर सारथे
5925	2103013c	आर्यं प्रत्युपवेक्ष्यामि यावन्मे न प्रसीदति
5926	2103014a	अनाहारो निरालोको धनहीनो यथा द्विजः
5927	2103014c	शेष्ये पुरस्ताच्छालाया यावन्न प्रतियास्यति
5928	2103015a	स तु राममवेक्षन्तं सुमन्त्रं प्रेक्ष्य दुर्मनाः
5929	2103015c	कुशोत्तरमुपस्थाप्य भूमावेवास्तरत्स्वयम्
5930	2103016a	तमुवाच महातेजा रामो राजर्षिसत्तमाः
5931	2103016c	किं मां भरत कुर्वाणं तात प्रत्युपवेक्ष्यसि
5932	2103017a	ब्राह्मणो ह्येकपार्श्वेन नरान्रोद्धुमिहार्हति
5933	2103017c	न तु मूर्धावसिक्तानां विधिः प्रत्युपवेशने
5934	2103018a	उत्तिष्ठ नरशार्दूल हित्वैतद्दारुणं व्रतम्
5935	2103018c	पुरवर्यामितः क्षिप्रमयोध्यां याहि राघव
5936	2103019a	आसीनस्त्वेव भरतः पौरजानपदं जनम्
5937	2103019c	उवाच सर्वतः प्रेक्ष्य किमार्यं नानुशासथ
5938	2103020a	ते तमूचुर्महात्मानं पौरजानपदा जनाः
5939	2103020c	काकुत्स्थमभिजानीमः सम्यग्वदति राघवः
5940	2103021a	एषोऽपि हि महाभागः पितुर्वचसि तिष्ठति
5941	2103021c	अत एव न शक्ताः स्मो व्यावर्तयितुमञ्जसा
5942	2103022a	तेषामाज्ञाय वचनं रामो वचनमब्रवीत्
5943	2103022c	एवं निबोध वचनं सुहृदां धर्मचक्षुषाम्
5944	2103023a	एतच्चैवोभयं श्रुत्वा सम्यक्संपश्य राघव
5945	2103023c	उत्तिष्ठ त्वं महाबाहो मां च स्पृश तथोदकम्
5946	2103024a	अथोत्थाय जलं स्पृष्ट्वा भरतो वाक्यमब्रवीत्
5947	2103024c	शृण्वन्तु मे परिषदो मन्त्रिणः श्रेणयस्तथा
5948	2103025a	न याचे पितरं राज्यं नानुशासामि मातरम्
5949	2103025c	आर्यं परमधर्मज्ञमभिजानामि राघवम्
5950	2103026a	यदि त्ववश्यं वस्तव्यं कर्तव्यं च पितुर्वचः
5951	2103026c	अहमेव निवत्स्यामि चतुर्दश वने समाः
5952	2103027a	धर्मात्मा तस्य तथ्येन भ्रातुर्वाक्येन विस्मितः
5953	2103027c	उवाच रामः संप्रेक्ष्य पौरजानपदं जनम्
5954	2103028a	विक्रीतमाहितं क्रीतं यत्पित्रा जीवता मम
5955	2103028c	न तल्लोपयितुं शक्यं मया वा भरतेन वा
5956	2103029a	उपधिर्न मया कार्यो वनवासे जुगुप्सितः
5957	2103029c	युक्तमुक्तं च कैकेय्या पित्रा मे सुकृतं कृतम्
5958	2103030a	जानामि भरतं क्षान्तं गुरुसत्कारकारिणम्
5959	2103030c	सर्वमेवात्र कल्याणं सत्यसंधे महात्मनि
5960	2103031a	अनेन धर्मशीलेन वनात्प्रत्यागतः पुनः
5961	2103031c	भ्रात्रा सह भविष्यामि पृथिव्याः पतिरुत्तमः
5962	2103032a	वृतो राजा हि कैकेय्या मया तद्वचनं कृतम्
5963	2103032c	अनृतान्मोचयानेन पितरं तं महीपतिम्
5964	2104001a	तमप्रतिमतेजोभ्यां भ्रातृभ्यां रोमहर्षणम्
5965	2104001c	विस्मिताः संगमं प्रेक्ष्य समवेता महर्षयः
5966	2104002a	अन्तर्हितास्त्वृषिगणाः सिद्धाश्च परमर्षयः
5967	2104002c	तौ भ्रातरौ महात्मानौ काकुत्स्थौ प्रशशंसिरे
5968	2104003a	स धन्यो यस्य पुत्रौ द्वौ धर्मज्ञौ धर्मविक्रमौ
5969	2104003c	श्रुत्वा वयं हि संभाषामुभयोः स्पृहयामहे
5970	2104004a	ततस्त्वृषिगणाः क्षिप्रं दशग्रीववधैषिणः
5971	2104004c	भरतं राजशार्दूलमित्यूचुः संगता वचः
5972	2104005a	कुले जात महाप्राज्ञ महावृत्त महायशः
5973	2104005c	ग्राह्यं रामस्य वाक्यं ते पितरं यद्यवेक्षसे
5974	2104006a	सदानृणमिमं रामं वयमिच्छामहे पितुः
5975	2104006c	अनृणत्वाच्च कैकेय्याः स्वर्गं दशरथो गतः
5976	2104007a	एतावदुक्त्वा वचनं गन्धर्वाः समहर्षयः
5977	2104007c	राजर्षयश्चैव तथा सर्वे स्वां स्वां गतिं गताः
5978	2104008a	ह्लादितस्तेन वाक्येन शुभेन शुभदर्शनः
5979	2104008c	रामः संहृष्टवदनस्तानृषीनभ्यपूजयत्
5980	2104009a	स्रस्तगात्रस्तु भरतः स वाचा सज्जमानया
5981	2104009c	कृताञ्जलिरिदं वाक्यं राघवं पुनरब्रवीत्
5982	2104010a	राजधर्ममनुप्रेक्ष्य कुलधर्मानुसंततिम्
5983	2104010c	कर्तुमर्हसि काकुत्स्थ मम मातुश्च याचनाम्
5984	2104011a	रक्षितुं सुमहद्राज्यमहमेकस्तु नोत्सहे
5985	2104011c	पौरजानपदांश्चापि रक्तान्रञ्जयितुं तथा
5986	2104012a	ज्ञातयश्च हि योधाश्च मित्राणि सुहृदश्च नः
5987	2104012c	त्वामेव प्रतिकाङ्क्षन्ते पर्जन्यमिव कर्षकाः
5988	2104013a	इदं राज्यं महाप्राज्ञ स्थापय प्रतिपद्य हि
5989	2104013c	शक्तिमानसि काकुत्स्थ लोकस्य परिपालने
5990	2104014a	इत्युक्त्वा न्यपतद्भ्रातुः पादयोर्भरतस्तदा
5991	2104014c	भृशं संप्रार्थयामास राममेवं प्रियं वदः
5992	2104015a	तमङ्के भ्रातरं कृत्वा रामो वचनमब्रवीत्
5993	2104015c	श्यामं नलिनपत्राक्षं मत्तहंसस्वरः स्वयम्
5994	2104016a	आगता त्वामियं बुद्धिः स्वजा वैनयिकी च या
5995	2104016c	भृशमुत्सहसे तात रक्षितुं पृथिवीमपि
5996	2104017a	अमात्यैश्च सुहृद्भिश्च बुद्धिमद्भिश्च मन्त्रिभिः
5997	2104017c	सर्वकार्याणि संमन्त्र्य सुमहान्त्यपि कारय
5998	2104018a	लक्ष्मीश्चन्द्रादपेयाद्वा हिमवान्वा हिमं त्यजेत्
5999	2104018c	अतीयात्सागरो वेलां न प्रतिज्ञामहं पितुः
6000	2104019a	कामाद्वा तात लोभाद्वा मात्रा तुभ्यमिदं कृतम्
6001	2104019c	न तन्मनसि कर्तव्यं वर्तितव्यं च मातृवत्
6002	2104020a	एवं ब्रुवाणं भरतः कौसल्यासुतमब्रवीत्
6003	2104020c	तेजसादित्यसंकाशं प्रतिपच्चन्द्रदर्शनम्
6004	2104021a	अधिरोहार्य पादाभ्यां पादुके हेमभूषिते
6005	2104021c	एते हि सर्वलोकस्य योगक्षेमं विधास्यतः
6006	2104022a	सोऽधिरुह्य नरव्याघ्रः पादुके ह्यवरुह्य च
6007	2104022c	प्रायच्छत्सुमहातेजा भरताय महात्मने
6008	2104023a	स पादुके ते भरतः प्रतापवा;न्स्वलंकृते संपरिगृह्य धर्मवित्
6009	2104023c	प्रदक्षिणं चैव चकार राघवं; चकार चैवोत्तमनागमूर्धनि
6010	2104024a	अथानुपूर्व्यात्प्रतिपूज्य तं जनं; गुरूंश्च मन्त्रिप्रकृतीस्तथानुजौ
6011	2104024c	व्यसर्जयद्राघववंशवर्धनः; स्थितः स्वधर्मे हिमवानिवाचलः
6012	2104025a	तं मातरो बाष्पगृहीतकण्ठो; दुःखेन नामन्त्रयितुं हि शेकुः
6013	2104025c	स त्वेव मातॄरभिवाद्य सर्वा; रुदन्कुटीं स्वां प्रविवेश रामः
6014	2105001a	ततः शिरसि कृत्वा तु पादुके भरतस्तदा
6015	2105001c	आरुरोह रथं हृष्टः शत्रुघ्नेन समन्वितः
6016	2105002a	वसिष्ठो वामदेवश्च जाबालिश्च दृढव्रतः
6017	2105002c	अग्रतः प्रययुः सर्वे मन्त्रिणो मन्त्रपूजिताः
6018	2105003a	मन्दाकिनीं नदीं रम्यां प्राङ्मुखास्ते ययुस्तदा
6019	2105003c	प्रदक्षिणं च कुर्वाणाश्चित्रकूटं महागिरिम्
6020	2105004a	पश्यन्धातुसहस्राणि रम्याणि विविधानि च
6021	2105004c	प्रययौ तस्य पार्श्वेन ससैन्यो भरतस्तदा
6022	2105005a	अदूराच्चित्रकूटस्य ददर्श भरतस्तदा
6023	2105005c	आश्रमं यत्र स मुनिर्भरद्वाजः कृतालयः
6024	2105006a	स तमाश्रममागम्य भरद्वाजस्य बुद्धिमान्
6025	2105006c	अवतीर्य रथात्पादौ ववन्दे कुलनन्दनः
6026	2105007a	ततो हृष्टो भरद्वाजो भरतं वाक्यमब्रवीत्
6027	2105007c	अपि कृत्यं कृतं तात रामेण च समागतम्
6028	2105008a	एवमुक्तस्तु भरतो भरद्वाजेन धीमता
6029	2105008c	प्रत्युवाच भरद्वाजं भरतो धर्मवत्सलः
6030	2105009a	स याच्यमानो गुरुणा मया च दृढविक्रमः
6031	2105009c	राघवः परमप्रीतो वसिष्ठं वाक्यमब्रवीत्
6032	2105010a	पितुः प्रतिज्ञां तामेव पालयिष्यामि तत्त्वतः
6033	2105010c	चतुर्दश हि वर्षाणि य प्रतिज्ञा पितुर्मम
6034	2105011a	एवमुक्तो महाप्राज्ञो वसिष्ठः प्रत्युवाच ह
6035	2105011c	वाक्यज्ञो वाक्यकुशलं राघवं वचनं महत्
6036	2105012a	एते प्रयच्छ संहृष्टः पादुके हेमभूषिते
6037	2105012c	अयोध्यायां महाप्राज्ञ योगक्षेमकरे तव
6038	2105013a	एवमुक्तो वसिष्ठेन राघवः प्राङ्मुखः स्थितः
6039	2105013c	पादुके हेमविकृते मम राज्याय ते ददौ
6040	2105014a	निवृत्तोऽहमनुज्ञातो रामेण सुमहात्मना
6041	2105014c	अयोध्यामेव गच्छामि गृहीत्वा पादुके शुभे
6042	2105015a	एतच्छ्रुत्वा शुभं वाक्यं भरतस्य महात्मनः
6043	2105015c	भरद्वाजः शुभतरं मुनिर्वाक्यमुदाहरत्
6044	2105016a	नैतच्चित्रं नरव्याघ्र शीलवृत्तवतां वर
6045	2105016c	यदार्यं त्वयि तिष्ठेत्तु निम्ने वृष्टिमिवोदकम्
6046	2105017a	अमृतः स महाबाहुः पिता दशरथस्तव
6047	2105017c	यस्य त्वमीदृशः पुत्रो धर्मात्मा धर्मवत्सलः
6048	2105018a	तमृषिं तु महात्मानमुक्तवाक्यं कृताञ्जलिः
6049	2105018c	आमन्त्रयितुमारेभे चरणावुपगृह्य च
6050	2105019a	ततः प्रदक्षिणं कृत्वा भरद्वाजं पुनः पुनः
6051	2105019c	भरतस्तु ययौ श्रीमानयोध्यां सह मन्त्रिभिः
6052	2105020a	यानैश्च शकटैश्चैव हयैश्नागैश्च सा चमूः
6053	2105020c	पुनर्निवृत्ता विस्तीर्णा भरतस्यानुयायिनी
6054	2105021a	ततस्ते यमुनां दिव्यां नदीं तीर्त्वोर्मिमालिनीम्
6055	2105021c	ददृशुस्तां पुनः सर्वे गङ्गां शिवजलां नदीम्
6056	2105022a	तां रम्यजलसंपूर्णां संतीर्य सह बान्धवः
6057	2105022c	शृङ्गवेरपुरं रम्यं प्रविवेश ससैनिकः
6058	2105023a	शृङ्गवेरपुराद्भूय अयोध्यां संददर्श ह
6059	2105023c	भरतो दुःखसंतप्तः सारथिं चेदमब्रवीत्
6060	2105024a	सारथे पश्य विध्वस्ता अयोध्या न प्रकाशते
6061	2105024c	निराकारा निरानन्दा दीना प्रतिहतस्वना
6062	2106001a	स्निग्धगम्भीरघोषेण स्यन्दनेनोपयान्प्रभुः
6063	2106001c	अयोध्यां भरतः क्षिप्रं प्रविवेश महायशाः
6064	2106002a	बिडालोलूकचरितामालीननरवारणाम्
6065	2106002c	तिमिराभ्याहतां कालीमप्रकाशां निशामिव
6066	2106003a	राहुशत्रोः प्रियां पत्नीं श्रिया प्रज्वलितप्रभाम्
6067	2106003c	ग्रहेणाभ्युत्थितेनैकां रोहिणीमिव पीडिताम्
6068	2106004a	अल्पोष्णक्षुब्धसलिलां घर्मोत्तप्तविहंगमाम्
6069	2106004c	लीनमीनझषग्राहां कृशां गिरिनदीमिव
6070	2106005a	विधूमामिव हेमाभामध्वराग्निसमुत्थिताम्
6071	2106005c	हविरभ्युक्षितां पश्चाच्छिखां विप्रलयं गताम्
6072	2106006a	विध्वस्तकवचां रुग्णगजवाजिरथध्वजाम्
6073	2106006c	हतप्रवीरामापन्नां चमूमिव महाहवे
6074	2106007a	सफेनां सस्वनां भूत्वा सागरस्य समुत्थिताम्
6075	2106007c	प्रशान्तमारुतोद्धूतां जलोर्मिमिव निःस्वनाम्
6076	2106008a	त्यक्तां यज्ञायुधैः सर्वैरभिरूपैश्च याजकैः
6077	2106008c	सुत्याकाले विनिर्वृत्ते वेदिं गतरवामिव
6078	2106009a	गोष्ठमध्ये स्थितामार्तामचरन्तीं नवं तृणम्
6079	2106009c	गोवृषेण परित्यक्तां गवां पत्नीमिवोत्सुकाम्
6080	2106010a	प्रभाकरालैः सुस्निग्धैः प्रज्वलद्भिरिवोत्तमैः
6081	2106010c	वियुक्तां मणिभिर्जात्यैर्नवां मुक्तावलीमिव
6082	2106011a	सहसा चलितां स्थानान्महीं पुण्यक्षयाद्गताम्
6083	2106011c	संहृतद्युतिविस्तारां तारामिव दिवश्च्युताम्
6084	2106012a	पुष्पनद्धां वसन्तान्ते मत्तभ्रमरशालिनीम्
6085	2106012c	द्रुतदावाग्निविप्लुष्टां क्लान्तां वनलतामिव
6086	2106013a	संमूढनिगमां सर्वां संक्षिप्तविपणापणाम्
6087	2106013c	प्रच्छन्नशशिनक्षत्रां द्यामिवाम्बुधरैर्वृताम्
6088	2106014a	क्षीणपानोत्तमैर्भिन्नैः शरावैरभिसंवृताम्
6089	2106014c	हतशौण्डामिवाकाशे पानभूमिमसंस्कृताम्
6090	2106015a	वृक्णभूमितलां निम्नां वृक्णपात्रैः समावृताम्
6091	2106015c	उपयुक्तोदकां भग्नां प्रपां निपतितामिव
6092	2106016a	विपुलां विततां चैव युक्तपाशां तरस्विनाम्
6093	2106016c	भूमौ बाणैर्विनिष्कृत्तां पतितां ज्यामिवायुधात्
6094	2106017a	सहसा युद्धशौण्डेन हयारोहेण वाहिताम्
6095	2106017c	निक्षिप्तभाण्डामुत्सृष्टां किशोरीमिव दुर्बलाम्
6096	2106018a	प्रावृषि प्रविगाढायां प्रविष्टस्याभ्र मण्डलम्
6097	2106018c	प्रच्छन्नां नीलजीमूतैर्भास्करस्य प्रभामिव
6098	2106019a	भरतस्तु रथस्थः सञ्श्रीमान्दशरथात्मजः
6099	2106019c	वाहयन्तं रथश्रेष्ठं सारथिं वाक्यमब्रवीत्
6100	2106020a	किं नु खल्वद्य गम्भीरो मूर्छितो न निशम्यते
6101	2106020c	यथापुरमयोध्यायां गीतवादित्रनिःस्वनः
6102	2106021a	वारुणीमदगन्धाश्च माल्यगन्धश्च मूर्छितः
6103	2106021c	धूपितागरुगन्धश्च न प्रवाति समन्ततः
6104	2106022a	यानप्रवरघोषश्च स्निग्धश्च हयनिःस्वनः
6105	2106022c	प्रमत्तगजनादश्च महांश्च रथनिःस्वनः
6106	2106022e	नेदानीं श्रूयते पुर्यामस्यां रामे विवासिते
6107	2106023a	तरुणैश्चारु वेषैश्च नरैरुन्नतगामिभिः
6108	2106023c	संपतद्भिरयोध्यायां न विभान्ति महापथाः
6109	2106024a	एवं बहुविधं जल्पन्विवेश वसतिं पितुः
6110	2106024c	तेन हीनां नरेन्द्रेण सिंहहीनां गुहामिव
6111	2107001a	ततो निक्षिप्य मातॄह्स अयोध्यायां दृढव्रतः
6112	2107001c	भरतः शोकसंतप्तो गुरूनिदमथाब्रवीत्
6113	2107002a	नन्दिग्रामं गमिष्यामि सर्वानामन्त्रयेऽद्य वः
6114	2107002c	तत्र दुःखमिदं सर्वं सहिष्ये राघवं विना
6115	2107003a	गतश्च हि दिवं राजा वनस्थश्च गुरुर्मम
6116	2107003c	रामं प्रतीक्षे राज्याय स हि राजा महायशाः
6117	2107004a	एतच्छ्रुत्वा शुभं वाक्यं भरतस्य महात्मनः
6118	2107004c	अब्रुवन्मन्त्रिणः सर्वे वसिष्ठश्च पुरोहितः
6119	2107005a	सदृशं श्लाघनीयं च यदुक्तं भरत त्वया
6120	2107005c	वचनं भ्रातृवात्सल्यादनुरूपं तवैव तत्
6121	2107006a	नित्यं ते बन्धुलुब्धस्य तिष्ठतो भ्रातृसौहृदे
6122	2107006c	आर्यमार्गं प्रपन्नस्य नानुमन्येत कः पुमान्
6123	2107007a	मन्त्रिणां वचनं श्रुत्वा यथाभिलषितं प्रियम्
6124	2107007c	अब्रवीत्सारथिं वाक्यं रथो मे युज्यतामिति
6125	2107008a	प्रहृष्टवदनः सर्वा मातॄह्समभिवाद्य सः
6126	2107008c	आरुरोह रथं श्रीमाञ्शत्रुघ्नेन समन्वितः
6127	2107009a	आरुह्य तु रथं शीघ्रं शत्रुघ्नभरतावुभौ
6128	2107009c	ययतुः परमप्रीतौ वृतौ मन्त्रिपुरोहितैः
6129	2107010a	अग्रतो पुरवस्तत्र वसिष्ठ प्रमुखा द्विजाः
6130	2107010c	प्रययुः प्राङ्मुखाः सर्वे नन्दिग्रामो यतोऽभवत्
6131	2107011a	बलं च तदनाहूतं गजाश्वरथसंकुलम्
6132	2107011c	प्रययौ भरते याते सर्वे च पुरवासिनः
6133	2107012a	रथस्थः स तु धर्मात्मा भरतो भ्रातृवत्सलः
6134	2107012c	नन्दिग्रामं ययौ तूर्णं शिरस्याधाय पादुके
6135	2107013a	ततस्तु भरतः क्षिप्रं नन्दिग्रामं प्रविश्य सः
6136	2107013c	अवतीर्य रथात्तूर्णं गुरूनिदमुवाच ह
6137	2107014a	एतद्राज्यं मम भ्रात्रा दत्तं संन्यासवत्स्वयम्
6138	2107014c	योगक्षेमवहे चेमे पादुके हेमभूषिते
6139	2107014e	तमिमं पालयिष्यामि राघवागमनं प्रति
6140	2107015a	क्षिप्रं संयोजयित्वा तु राघवस्य पुनः स्वयम्
6141	2107015c	चरणौ तौ तु रामस्य द्रक्ष्यामि सहपादुकौ
6142	2107016a	ततो निक्षिप्तभारोऽहं राघवेण समागतः
6143	2107016c	निवेद्य गुरवे राज्यं भजिष्ये गुरुवृत्तिताम्
6144	2107017a	राघवाय च संन्यासं दत्त्वेमे वरपादुके
6145	2107017c	राज्यं चेदमयोध्यां च धूतपापो भवामि च
6146	2107018a	अभिषिक्ते तु काकुत्स्थे प्रहृष्टमुदिते जने
6147	2107018c	प्रीतिर्मम यशश्चैव भवेद्राज्याच्चतुर्गुणम्
6148	2107019a	एवं तु विलपन्दीनो भरतः स महायशाः
6149	2107019c	नन्दिग्रामेऽकरोद्राज्यं दुःखितो मन्त्रिभिः सह
6150	2107020a	स वल्कलजटाधारी मुनिवेषधरः प्रभुः
6151	2107020c	नन्दिग्रामेऽवसद्वीरः ससैन्यो भरतस्तदा
6152	2107021a	रामागमनमाकाङ्क्षन्भरतो भ्रातृवत्सलः
6153	2107021c	भ्रातुर्वचनकारी च प्रतिज्ञापारगस्तदा
6154	2107022a	पादुके त्वभिषिच्याथ नन्दिग्रामेऽवसत्तदा
6155	2107022c	भरतः शासनं सर्वं पादुकाभ्यां न्यवेदयत्
6156	2108001a	प्रतिप्रयाते भरते वसन्रामस्तपोवने
6157	2108001c	लक्षयामास सोद्वेगमथौत्सुक्यं तपस्विनाम्
6158	2108002a	ये तत्र चित्रकूटस्य पुरस्तात्तापसाश्रमे
6159	2108002c	राममाश्रित्य निरतास्तानलक्षयदुत्सुकान्
6160	2108003a	नयनैर्भृकुटीभिश्च रामं निर्दिश्य शङ्किताः
6161	2108003c	अन्योन्यमुपजल्पन्तः शनैश्चक्रुर्मिथः कथाः
6162	2108004a	तेषामौत्सुक्यमालक्ष्य रामस्त्वात्मनि शङ्कितः
6163	2108004c	कृताञ्जलिरुवाचेदमृषिं कुलपतिं ततः
6164	2108005a	न कच्चिद्भगवन्किंचित्पूर्ववृत्तमिदं मयि
6165	2108005c	दृश्यते विकृतं येन विक्रियन्ते तपस्विनः
6166	2108006a	प्रमादाच्चरितं कच्चित्किंचिन्नावरजस्य मे
6167	2108006c	लक्ष्मणस्यर्षिभिर्दृष्टं नानुरूपमिवात्मनः
6168	2108007a	कच्चिच्छुश्रूषमाणा वः शुश्रूषणपरा मयि
6169	2108007c	प्रमदाभ्युचितां वृत्तिं सीता युक्तं न वर्तते
6170	2108008a	अथर्षिर्जरया वृद्धस्तपसा च जरां गतः
6171	2108008c	वेपमान इवोवाच रामं भूतदयापरम्
6172	2108009a	कुतः कल्याणसत्त्वायाः कल्याणाभिरतेस्तथा
6173	2108009c	चलनं तात वैदेह्यास्तपस्विषु विशेषतः
6174	2108010a	त्वन्निमित्तमिदं तावत्तापसान्प्रति वर्तते
6175	2108010c	रक्षोभ्यस्तेन संविग्नाः कथयन्ति मिथः कथाः
6176	2108011a	रावणावरजः कश्चित्खरो नामेह राक्षसः
6177	2108011c	उत्पाट्य तापसान्सर्वाञ्जनस्थाननिकेतनान्
6178	2108012a	धृष्टश्च जितकाशी च नृशंसः पुरुषादकः
6179	2108012c	अवलिप्तश्च पापश्च त्वां च तात न मृष्यते
6180	2108013a	त्वं यदा प्रभृति ह्यस्मिन्नाश्रमे तात वर्तसे
6181	2108013c	तदा प्रभृति रक्षांसि विप्रकुर्वन्ति तापसान्
6182	2108014a	दर्शयन्ति हि बीभत्सैः क्रूरैर्भीषणकैरपि
6183	2108014c	नाना रूपैर्विरूपैश्च रूपैरसुखदर्शनैः
6184	2108015a	अप्रशस्तैरशुचिभिः संप्रयोज्य च तापसान्
6185	2108015c	प्रतिघ्नन्त्यपरान्क्षिप्रमनार्याः पुरतः स्थितः
6186	2108016a	तेषु तेष्वाश्रमस्थानेष्वबुद्धमवलीय च
6187	2108016c	रमन्ते तापसांस्तत्र नाशयन्तोऽल्पचेतसः
6188	2108017a	अपक्षिपन्ति स्रुग्भाण्डानग्नीन्सिञ्चन्ति वारिणा
6189	2108017c	कलशांश्च प्रमृद्नन्ति हवने समुपस्थिते
6190	2108018a	तैर्दुरात्मभिराविष्टानाश्रमान्प्रजिहासवः
6191	2108018c	गमनायान्यदेशस्य चोदयन्त्यृषयोऽद्य माम्
6192	2108019a	तत्पुरा राम शारीरामुपहिंसां तपस्विषु
6193	2108019c	दर्शयति हि दुष्टास्ते त्यक्ष्याम इममाश्रमम्
6194	2108020a	बहुमूलफलं चित्रमविदूरादितो वनम्
6195	2108020c	पुराणाश्रममेवाहं श्रयिष्ये सगणः पुनः
6196	2108021a	खरस्त्वय्यपि चायुक्तं पुरा तात प्रवर्तते
6197	2108021c	सहास्माभिरितो गच्छ यदि बुद्धिः प्रवर्तते
6198	2108022a	सकलत्रस्य संदेहो नित्यं यत्तस्य राघव
6199	2108022c	समर्थस्यापि हि सतो वासो दुःख इहाद्य ते
6200	2108023a	इत्युक्तवन्तं रामस्तं राजपुत्रस्तपस्विनम्
6201	2108023c	न शशाकोत्तरैर्वाक्यैरवरोद्धुं समुत्सुकम्
6202	2108024a	अभिनन्द्य समापृच्छ्य समाधाय च राघवम्
6203	2108024c	स जगामाश्रमं त्यक्त्वा कुलैः कुलपतिः सह
6204	2108025a	रामः संसाध्य त्वृषिगणमनुगमना;द्देशात्तस्माच्चित्कुलपतिमभिवाद्यर्षिम्
6205	2108025c	सम्यक्प्रीतैस्तैरनुमत उपदिष्टार्थः; पुण्यं वासाय स्वनिलयमुपसंपेदे
6206	2108026a	आश्रमं त्वृषिविरहितं प्रभुः; क्षणमपि न जहौ स राघवः
6207	2108026c	राघवं हि सततमनुगता;स्तापसाश्चर्षिचरितधृतगुणाः
6208	2109001a	राघवस्त्वपयातेषु तपस्विषु विचिन्तयन्
6209	2109001c	न तत्रारोचयद्वासं कारणैर्बहुभिस्तदा
6210	2109002a	इह मे भरतो दृष्टो मातरश्च सनागराः
6211	2109002c	सा च मे स्मृतिरन्वेति तान्नित्यमनुशोचतः
6212	2109003a	स्कन्धावारनिवेशेन तेन तस्य महात्मनः
6213	2109003c	हयहस्तिकरीषैश्च उपमर्दः कृतो भृशम्
6214	2109004a	तस्मादन्यत्र गच्छाम इति संचिन्त्य राघवः
6215	2109004c	प्रातिष्ठत स वैदेह्या लक्ष्मणेन च संगतः
6216	2109005a	सोऽत्रेराश्रममासाद्य तं ववन्दे महायशाः
6217	2109005c	तं चापि भगवानत्रिः पुत्रवत्प्रत्यपद्यत
6218	2109006a	स्वयमातिथ्यमादिश्य सर्वमस्य सुसत्कृतम्
6219	2109006c	सौमित्रिं च महाभागां सीतां च समसान्त्वयत्
6220	2109007a	पत्नीं च तमनुप्राप्तां वृद्धामामन्त्र्य सत्कृताम्
6221	2109007c	सान्त्वयामास धर्मज्ञः सर्वभूतहिते रतः
6222	2109008a	अनसूयां महाभागां तापसीं धर्मचारिणीम्
6223	2109008c	प्रतिगृह्णीष्व वैदेहीमब्रवीदृषिसत्तमः
6224	2109009a	रामाय चाचचक्षे तां तापसीं धर्मचारिणीम्
6225	2109009c	दश वर्षाण्यनावृष्ट्या दग्धे लोके निरन्तरम्
6226	2109010a	यया मूलफले सृष्टे जाह्नवी च प्रवर्तिता
6227	2109010c	उग्रेण तपसा युक्ता नियमैश्चाप्यलंकृता
6228	2109011a	दशवर्षसहस्राणि यया तप्तं महत्तपः
6229	2109011c	अनसूयाव्रतैस्तात प्रत्यूहाश्च निबर्हिताः
6230	2109012a	देवकार्यनिमित्तं च यया संत्वरमाणया
6231	2109012c	दशरात्रं कृत्वा रात्रिः सेयं मातेव तेऽनघ
6232	2109013a	तामिमां सर्वभूतानां नमस्कार्यां यशस्विनीम्
6233	2109013c	अभिगच्छतु वैदेही वृद्धामक्रोधनां सदा
6234	2109014a	एवं ब्रुवाणं तमृषिं तथेत्युक्त्वा स राघवः
6235	2109014c	सीतामुवाच धर्मज्ञामिदं वचनमुत्तमम्
6236	2109015a	राजपुत्रि श्रुतं त्वेतन्मुनेरस्य समीरितम्
6237	2109015c	श्रेयोऽर्थमात्मनः शीघ्रमभिगच्छ तपस्विनीम्
6238	2109016a	अनसूयेति या लोके कर्मभिः क्यातिमागता
6239	2109016c	तां शीघ्रमभिगच्छ त्वमभिगम्यां तपस्विनीम्
6240	2109017a	सीता त्वेतद्वचः श्रुत्वा राघवस्य हितैषिणी
6241	2109017c	तामत्रिपत्नीं धर्मज्ञामभिचक्राम मैथिली
6242	2109018a	शिथिलां वलितां वृद्धां जरापाण्डुरमूर्धजाम्
6243	2109018c	सततं वेपमानाङ्गीं प्रवाते कदली यथा
6244	2109019a	तां तु सीता महाभागामनसूयां पतिव्रताम्
6245	2109019c	अभ्यवादयदव्यग्रा स्वं नाम समुदाहरत्
6246	2109020a	अभिवाद्य च वैदेही तापसीं तामनिन्दिताम्
6247	2109020c	बद्धाञ्जलिपुटा हृष्टा पर्यपृच्छदनामयम्
6248	2109021a	ततः सीतां महाभागां दृष्ट्वा तां धर्मचारिणीम्
6249	2109021c	सान्त्वयन्त्यब्रवीद्धृष्टा दिष्ट्या धर्ममवेक्षसे
6250	2109022a	त्यक्त्वा ज्ञातिजनं सीते मानमृद्धिं च मानिनि
6251	2109022c	अवरुद्धं वने रामं दिष्ट्या त्वमनुगच्छसि
6252	2109023a	नगरस्थो वनस्थो वा पापो वा यदि वाशुभः
6253	2109023c	यासां स्त्रीणां प्रियो भर्ता तासां लोका महोदयाः
6254	2109024a	दुःशीलः कामवृत्तो वा धनैर्वा परिवर्जितः
6255	2109024c	स्त्रीणामार्य स्वभावानां परमं दैवतं पतिः
6256	2109025a	नातो विशिष्टं पश्यामि बान्धवं विमृशन्त्यहम्
6257	2109025c	सर्वत्र योग्यं वैदेहि तपः कृतमिवाव्ययम्
6258	2109026a	न त्वेवमवगच्छन्ति गुण दोषमसत्स्त्रियः
6259	2109026c	कामवक्तव्यहृदया भर्तृनाथाश्चरन्ति याः
6260	2109027a	प्राप्नुवन्त्ययशश्चैव धर्मभ्रंशं च मैथिलि
6261	2109027c	अकार्य वशमापन्नाः स्त्रियो याः खलु तद्विधाः
6262	2109028a	त्वद्विधास्तु गुणैर्युक्ता दृष्टलोकपरावराः
6263	2109028c	स्त्रियः स्वर्गे चरिष्यन्ति यथा पुण्यकृतस्तथा
6264	2110001a	सा त्वेवमुक्ता वैदेही अनसूयानसूयया
6265	2110001c	प्रतिपूज्य वचो मन्दं प्रवक्तुमुपचक्रमे
6266	2110002a	नैतदाश्चर्यमार्याया यन्मां त्वमनुभाषसे
6267	2110002c	विदितं तु ममाप्येतद्यथा नार्याः पतिर्गुरुः
6268	2110003a	यद्यप्येष भवेद्भर्ता ममार्ये वृत्तवर्जितः
6269	2110003c	अद्वैधमुपवर्तव्यस्तथाप्येष मया भवेत्
6270	2110004a	किं पुनर्यो गुणश्लाघ्यः सानुक्रोशो जितेन्द्रियः
6271	2110004c	स्थिरानुरागो धर्मात्मा मातृवर्ती पितृ प्रियः
6272	2110005a	यां वृत्तिं वर्तते रामः कौसल्यायां महाबलः
6273	2110005c	तामेव नृपनारीणामन्यासामपि वर्तते
6274	2110006a	सकृद्दृष्टास्वपि स्त्रीषु नृपेण नृपवत्सलः
6275	2110006c	मातृवद्वर्तते वीरो मानमुत्सृज्य धर्मवित्
6276	2110007a	आगच्छन्त्याश्च विजनं वनमेवं भयावहम्
6277	2110007c	समाहितं हि मे श्वश्र्वा हृदये यत्स्थितं मम
6278	2110008a	प्राणिप्रदानकाले च यत्पुरा त्वग्निसंनिधौ
6279	2110008c	अनुशिष्टा जनन्यास्मि वाक्यं तदपि मे धृतम्
6280	2110009a	नवीकृतं तु तत्सर्वं वाक्यैस्ते धर्मचारिणि
6281	2110009c	पतिशुश्रूषणान्नार्यास्तपो नान्यद्विधीयते
6282	2110010a	सावित्री पतिशुश्रूषां कृत्वा स्वर्गे महीयते
6283	2110010c	तथा वृत्तिश्च याता त्वं पतिशुश्रूषया दिवम्
6284	2110011a	वरिष्ठा सर्वनारीणामेषा च दिवि देवता
6285	2110011c	रोहिणी च विना चन्द्रं मुहूर्तमपि दृश्यते
6286	2110012a	एवंविधाश्च प्रवराः स्त्रियो भर्तृदृढव्रताः
6287	2110012c	देवलोके महीयन्ते पुण्येन स्वेन कर्मणा
6288	2110013a	ततोऽनसूया संहृष्टा श्रुत्वोक्तं सीतया वचः
6289	2110013c	शिरस्याघ्राय चोवाच मैथिलीं हर्षयन्त्युत
6290	2110014a	नियमैर्विविधैराप्तं तपो हि महदस्ति मे
6291	2110014c	तत्संश्रित्य बलं सीते छन्दये त्वां शुचिव्रते
6292	2110015a	उपपन्नं च युक्तं च वचनं तव मैथिलि
6293	2110015c	प्रीता चास्म्युचितं किं ते करवाणि ब्रवीहि मे
6294	2110015e	कृतमित्यब्रवीत्सीता तपोबलसमन्विताम्
6295	2110016a	सा त्वेवमुक्ता धर्मज्ञा तया प्रीततराभवत्
6296	2110016c	सफलं च प्रहर्षं ते हन्त सीते करोम्यहम्
6297	2110017a	इदं दिव्यं वरं माल्यं वस्त्रमाभरणानि च
6298	2110017c	अङ्गरागं च वैदेहि महार्हमनुलेपनम्
6299	2110018a	मया दत्तमिदं सीते तव गात्राणि शोभयेत्
6300	2110018c	अनुरूपमसंक्लिष्टं नित्यमेव भविष्यति
6301	2110019a	अङ्गरागेण दिव्येन लिप्ताङ्गी जनकात्मजे
6302	2110019c	शोभयिष्यामि भर्तारं यथा श्रीर्विष्णुमव्ययम्
6303	2110020a	सा वस्त्रमङ्गरागं च भूषणानि स्रजस्तथा
6304	2110020c	मैथिली प्रतिजग्राह प्रीतिदानमनुत्तमम्
6305	2110021a	प्रतिगृह्य च तत्सीता प्रीतिदानं यशस्विनी
6306	2110021c	श्लिष्टाञ्जलिपुटा धीरा समुपास्त तपोधनाम्
6307	2110022a	तथा सीतामुपासीनामनसूया दृढव्रता
6308	2110022c	वचनं प्रष्टुमारेभे कथां कांचिदनुप्रियाम्
6309	2110023a	स्वयंवरे किल प्राप्ता त्वमनेन यशस्विना
6310	2110023c	राघवेणेति मे सीते कथा श्रुतिमुपागता
6311	2110024a	तां कथां श्रोतुमिच्छामि विस्तरेण च मैथिलि
6312	2110024c	यथानुभूतं कार्त्स्न्येन तन्मे त्वं वक्तुमर्हसि
6313	2110025a	एवमुक्ता तु सा सीता तां ततो धर्मचारिणीम्
6314	2110025c	श्रूयतामिति चोक्त्वा वै कथयामास तां कथाम्
6315	2110026a	मिथिलाधिपतिर्वीरो जनको नाम धर्मवित्
6316	2110026c	क्षत्रधर्मण्यभिरतो न्यायतः शास्ति मेदिनीम्
6317	2110027a	तस्य लाङ्गलहस्तस्य कर्षतः क्षेत्रमण्डलम्
6318	2110027c	अहं किलोत्थिता भित्त्वा जगतीं नृपतेः सुता
6319	2110028a	स मां दृष्ट्वा नरपतिर्मुष्टिविक्षेपतत्परः
6320	2110028c	पांशु गुण्ठित सर्वाङ्गीं विस्मितो जनकोऽभवत्
6321	2110029a	अनपत्येन च स्नेहादङ्कमारोप्य च स्वयम्
6322	2110029c	ममेयं तनयेत्युक्त्वा स्नेहो मयि निपातितः
6323	2110030a	अन्तरिक्षे च वागुक्ताप्रतिमा मानुषी किल
6324	2110030c	एवमेतन्नरपते धर्मेण तनया तव
6325	2110031a	ततः प्रहृष्टो धर्मात्मा पिता मे मिथिलाधिपः
6326	2110031c	अवाप्तो विपुलामृद्धिं मामवाप्य नराधिपः
6327	2110032a	दत्त्वा चास्मीष्टवद्देव्यै ज्येष्ठायै पुण्यकर्मणा
6328	2110032c	तया संभाविता चास्मि स्निग्धया मातृसौहृदात्
6329	2110033a	पतिसंयोगसुलभं वयो दृष्ट्वा तु मे पिता
6330	2110033c	चिन्तामभ्यगमद्दीनो वित्तनाशादिवाधनः
6331	2110034a	सदृशाच्चापकृष्टाच्च लोके कन्यापिता जनात्
6332	2110034c	प्रधर्षणामवाप्नोति शक्रेणापि समो भुवि
6333	2110035a	तां धर्षणामदूरस्थां संदृश्यात्मनि पार्थिवः
6334	2110035c	चिन्न्तार्णवगतः पारं नाससादाप्लवो यथ
6335	2110036a	अयोनिजां हि मां ज्ञात्वा नाध्यगच्छत्स चिन्तयन्
6336	2110036c	सदृशं चानुरूपं च महीपालः पतिं मम
6337	2110037a	तस्य बुद्धिरियं जाता चिन्तयानस्य संततम्
6338	2110037c	स्वयं वरं तनूजायाः करिष्यामीति धीमतः
6339	2110038a	महायज्ञे तदा तस्य वरुणेन महात्मना
6340	2110038c	दत्तं धनुर्वरं प्रीत्या तूणी चाक्षय्य सायकौ
6341	2110039a	असंचाल्यं मनुष्यैश्च यत्नेनापि च गौरवात्
6342	2110039c	तन्न शक्ता नमयितुं स्वप्नेष्वपि नराधिपाः
6343	2110040a	तद्धनुः प्राप्य मे पित्रा व्याहृतं सत्यवादिना
6344	2110040c	समवाये नरेन्द्राणां पूर्वमामन्त्र्य पार्थिवान्
6345	2110041a	इदं च धनुरुद्यम्य सज्यं यः कुरुते नरः
6346	2110041c	तस्य मे दुहिता भार्या भविष्यति न संशयः
6347	2110042a	तच्च दृष्ट्वा धनुःश्रेष्ठं गौरवाद्गिरिसंनिभम्
6348	2110042c	अभिवाद्य नृपा जग्मुरशक्तास्तस्य तोलने
6349	2110043a	सुदीर्घस्य तु कालस्य राघवोऽयं महाद्युतिः
6350	2110043c	विश्वामित्रेण सहितो यज्ञं द्रष्टुं समागतः
6351	2110044a	लक्ष्मणेन सह भ्रात्रा रामः सत्यपराक्रमः
6352	2110044c	विश्वामित्रस्तु धर्मात्मा मम पित्रा सुपूजितः
6353	2110045a	प्रोवाच पितरं तत्र राघवो रामलक्ष्मणौ
6354	2110045c	सुतौ दशरथस्येमौ धनुर्दर्शनकाङ्क्षिणौ
6355	2110045e	इत्युक्तस्तेन विप्रेण तद्धनुः समुपानयत्
6356	2110046a	निमेषान्तरमात्रेण तदानम्य स वीर्यवान्
6357	2110046c	ज्यां समारोप्य झटिति पूरयामास वीर्यवान्
6358	2110047a	तेन पूरयता वेगान्मध्ये भग्नं द्विधा धनुः
6359	2110047c	तस्य शब्दोऽभवद्भीमः पतितस्याशनेरिव
6360	2110048a	ततोऽहं तत्र रामाय पित्रा सत्याभिसंधिना
6361	2110048c	उद्यता दातुमुद्यम्य जलभाजनमुत्तमम्
6362	2110049a	दीयमानां न तु तदा प्रतिजग्राह राघवः
6363	2110049c	अविज्ञाय पितुश्छन्दमयोध्याधिपतेः प्रभोः
6364	2110050a	ततः श्वशुरमामन्त्र्य वृद्धं दशरथं नृपम्
6365	2110050c	मम पित्रा अहं दत्ता रामाय विदितात्मने
6366	2110051a	मम चैवानुजा साध्वी ऊर्मिला प्रियदर्शना
6367	2110051c	भार्यार्थे लक्ष्मणस्यापि दत्ता पित्रा मम स्वयम्
6368	2110052a	एवं दत्तास्मि रामाय तदा तस्मिन्स्वयं वरे
6369	2110052c	अनुरक्ता च धर्मेण पतिं वीर्यवतां वरम्
6370	2111001a	अनसूया तु धर्मज्ञा श्रुत्वा तां महतीं कथाम्
6371	2111001c	पर्यष्वजत बाहुभ्यां शिरस्याघ्राय मैथिलीम्
6372	2111002a	व्यक्ताक्षरपदं चित्रं भाषितं मधुरं त्वया
6373	2111002c	यथा स्वयंवरं वृत्तं तत्सर्वं हि श्रुतं मया
6374	2111003a	रमेऽहं कथया ते तु दृष्ढं मधुरभाषिणि
6375	2111003c	रविरस्तं गतः श्रीमानुपोह्य रजनीं शिवाम्
6376	2111004a	दिवसं प्रति कीर्णानामाहारार्थं पतत्रिणाम्
6377	2111004c	संध्याकाले निलीनानां निद्रार्थं श्रूयते ध्वनिः
6378	2111005a	एते चाप्यभिषेकार्द्रा मुनयः फलशोधनाः
6379	2111005c	सहिता उपवर्तन्ते सलिलाप्लुतवल्कलाः
6380	2111006a	ऋषीणामग्निहोत्रेषु हुतेषु विधिपुर्वकम्
6381	2111006c	कपोताङ्गारुणो धूमो दृश्यते पवनोद्धतः
6382	2111007a	अल्पपर्णा हि तरवो घनीभूताः समन्ततः
6383	2111007c	विप्रकृष्टेऽपि ये देशे न प्रकाशन्ति वै दिशः
6384	2111008a	रजनी रससत्त्वानि प्रचरन्ति समन्ततः
6385	2111008c	तपोवनमृगा ह्येते वेदितीर्थेषु शेरते
6386	2111009a	संप्रवृत्ता निशा सीते नक्षत्रसमलंकृता
6387	2111009c	ज्योत्स्ना प्रावरणश्चन्द्रो दृश्यतेऽभ्युदितोऽम्बरे
6388	2111010a	गम्यतामनुजानामि रामस्यानुचरी भव
6389	2111010c	कथयन्त्या हि मधुरं त्वयाहं परितोषिता
6390	2111011a	अलंकुरु च तावत्त्वं प्रत्यक्षं मम मैथिलि
6391	2111011c	प्रीतिं जनय मे वत्स दिव्यालंकारशोभिनी
6392	2111012a	सा तदा समलंकृत्य सीता सुरसुतोपमा
6393	2111012c	प्रणम्य शिरसा तस्यै रामं त्वभिमुखी ययौ
6394	2111013a	तथा तु भूषितां सीतां ददर्श वदतां वरः
6395	2111013c	राघवः प्रीतिदानेन तपस्विन्या जहर्ष च
6396	2111014a	न्यवेदयत्ततः सर्वं सीता रामाय मैथिली
6397	2111014c	प्रीतिदानं तपस्विन्या वसनाभरणस्रजाम्
6398	2111015a	प्रहृष्टस्त्वभवद्रामो लक्ष्मणश्च महारथः
6399	2111015c	मैथिल्याः सत्क्रियां दृष्ट्वा मानुषेषु सुदुर्लभाम्
6400	2111016a	ततस्तां सर्वरीं प्रीतः पुण्यां शशिनिभाननः
6401	2111016c	अर्चितस्तापसैः सिद्धैरुवास रघुनन्दनः
6402	2111017a	तस्यां रात्र्यां व्यतीतायामभिषिच्य हुताग्निकान्
6403	2111017c	आपृच्छेतां नरव्याघ्रौ तापसान्वनगोचरान्
6404	2111018a	तावूचुस्ते वनचरास्तापसा धर्मचारिणः
6405	2111018c	वनस्य तस्य संचारं राक्षसैः समभिप्लुतम्
6406	2111019a	एष पन्था महर्षीणां फलान्याहरतां वने
6407	2111019c	अनेन तु वनं दुर्गं गन्तुं राघव ते क्षमम्
6408	2111020a	इतीव तैः प्राञ्जलिभिस्तपस्विभि;र्द्विजैः कृतस्वस्त्ययनः परंतपः
6409	2111020c	वनं सभार्यः प्रविवेश राघवः; सलक्ष्मणः सूर्य इवाभ्रमण्डलम्

अरण्य

क्रमाङ्क	छन्द	श्लोक
1	3001001a	प्रविश्य तु महारण्यं दण्डकारण्यमात्मवान्
2	3001001c	ददर्श रामो दुर्धर्षस्तापसाश्रममण्डलम्
3	3001002a	कुशचीरपरिक्षिप्तं ब्राह्म्या लक्ष्म्या समावृतम्
4	3001002c	यथा प्रदीप्तं दुर्धर्शं गगने सूर्यमण्डलम्
5	3001003a	शरण्यं सर्वभूतानां सुसमृष्टाजिरं सदा
6	3001003c	पूजितं चोपनृत्तं च नित्यमप्सरसां गणैः
7	3001004a	विशालैरग्निशरणैः स्रुग्भाण्डैरजिनैः कुशैः
8	3001004c	समिद्भिस्तोयकलशैः फलमूलैश्च शोभितम्
9	3001005a	आरण्यैश्च महावृक्षैः पुण्यैः स्वादुफलैर्वृतम्
10	3001005c	बलिहोमार्चितं पुण्यं ब्रह्मघोषनिनादितम्
11	3001006a	पुष्पैर्वन्यैः परिक्षिप्तं पद्मिन्या च सपद्मया
12	3001006c	फलमूलाशनैर्दान्तैश्चीरकृष्णाजिनाम्बरैः
13	3001007a	सूर्यवैश्वानराभैश्च पुराणैर्मुनिभिर्वृतम्
14	3001007c	पुण्यैश नियताहारैः शोभितं परमर्षिभिः
15	3001008a	तद्ब्रह्मभवनप्रख्यं ब्रह्मघोषनिनादितम्
16	3001008c	ब्रह्मविद्भिर्महाभागैर्ब्राह्मणैरुपशोभितम्
17	3001009a	तद्दृष्ट्वा राघवः श्रीमांस्तापसाश्रममण्डलम्
18	3001009c	अभ्यगच्छन्महातेजा विज्यं कृत्वा महद्धनुः
19	3001010a	दिव्यज्ञानोपपन्नास्ते रामं दृष्ट्वा महर्षयः
20	3001010c	अभ्यगच्छंस्तदा प्रीता वैदेहीं च यशस्विनीम्
21	3001011a	ते तं सोममिवोद्यन्तं दृष्ट्वा वै धर्मचारिणः
22	3001011c	मङ्गलानि प्रयुञ्जानाः प्रत्यगृह्णन्दृढव्रताः
23	3001012a	रूपसंहननं लक्ष्मीं सौकुमार्यं सुवेषताम्
24	3001012c	ददृशुर्विस्मिताकारा रामस्य वनवासिनः
25	3001013a	वैदेहीं लक्ष्मणं रामं नेत्रैरनिमिषैरिव
26	3001013c	आश्चर्यभूतान्ददृशुः सर्वे ते वनचारिणः
27	3001014a	अत्रैनं हि महाभागाः सर्वभूतहिते रताः
28	3001014c	अतिथिं पर्णशालायां राघवं संन्यवेशयन्
29	3001015a	ततो रामस्य सत्कृत्य विधिना पावकोपमाः
30	3001015c	आजह्रुस्ते महाभागाः सलिलं धर्मचारिणः
31	3001016a	मूलं पुष्पं फलं वन्यमाश्रमं च महात्मनः
32	3001016c	निवेदयीत्वा धर्मज्ञास्ततः प्राञ्जलयोऽब्रुवन्
33	3001017a	धर्मपालो जनस्यास्य शरण्यश्च महायशाः
34	3001017c	पूजनीयश्च मान्यश्च राजा दण्डधरो गुरुः
35	3001018a	इन्द्रस्यैव चतुर्भागः प्रजा रक्षति राघव
36	3001018c	राजा तस्माद्वनान्भोगान्भुङ्क्ते लोकनमस्कृतः
37	3001019a	ते वयं भवता रक्ष्या भवद्विषयवासिनः
38	3001019c	नगरस्थो वनस्थो वा त्वं नो राजा जनेश्वरः
39	3001020a	न्यस्तदण्डा वयं राजञ्जितक्रोधा जितेन्द्रियाः
40	3001020c	रक्षितव्यास्त्वया शश्वद्गर्भभूतास्तपोधनाः
41	3001021a	एवमुक्त्वा फलैर्मूलैः पुष्पैर्वन्यैश्च राघवम्
42	3001021c	अन्यैश्च विविधाहारैः सलक्ष्मणमपूजयन्
43	3001022a	तथान्ये तापसाः सिद्धा रामं वैश्वानरोपमाः
44	3001022c	न्यायवृत्ता यथान्यायं तर्पयामासुरीश्वरम्
45	3002001a	कृतातिथ्योऽथ रामस्तु सूर्यस्योदयनं प्रति
46	3002001c	आमन्त्र्य स मुनीन्सर्वान्वनमेवान्वगाहत
47	3002002a	नानामृगगणाकीर्णं शार्दूलवृकसेवितम्
48	3002002c	ध्वस्तवृक्षलतागुल्मं दुर्दर्श सलिलाशयम्
49	3002003a	निष्कूजनानाशकुनि झिल्लिका गणनादितम्
50	3002003c	लक्ष्मणानुगतो रामो वनमध्यं ददर्श ह
51	3002004a	वनमध्ये तु काकुत्स्थस्तस्मिन्घोरमृगायुते
52	3002004c	ददर्श गिरिशृङ्गाभं पुरुषादं महास्वनम्
53	3002005a	गभीराक्षं महावक्त्रं विकटं विषमोदरम्
54	3002005c	बीभत्सं विषमं दीर्घं विकृतं घोरदर्शनम्
55	3002006a	वसानं चर्मवैयाघ्रं वसार्द्रं रुधिरोक्षितम्
56	3002006c	त्रासनं सर्वभूतानां व्यादितास्यमिवान्तकम्
57	3002007a	त्रीन्सिंहांश्चतुरो व्याघ्रान्द्वौ वृकौ पृषतान्दश
58	3002007c	सविषाणं वसादिग्धं गजस्य च शिरो महत्
59	3002008a	अवसज्यायसे शूले विनदन्तं महास्वनम्
60	3002008c	स रामं लक्ष्मणं चैव सीतां दृष्ट्वा च मैथिलीम्
61	3002009a	अभ्यधावत्सुसंक्रुद्धः प्रजाः काल इवान्तकः
62	3002009c	स कृत्वा भैरवं नादं चालयन्निव मेदिनीम्
63	3002010a	अङ्गेनादाय वैदेहीमपक्रम्य ततोऽब्रवीत्
64	3002010c	युवां जटाचीरधरौ सभार्यौ क्षीणजीवितौ
65	3002011a	प्रविष्टौ दण्डकारण्यं शरचापासिधारिणौ
66	3002011c	कथं तापसयोर्वां च वासः प्रमदया सह
67	3002012a	अधर्मचारिणौ पापौ कौ युवां मुनिदूषकौ
68	3002012c	अहं वनमिदं दुर्गं विराघो नाम राक्षसः
69	3002013a	चरामि सायुधो नित्यमृषिमांसानि भक्षयन्
70	3002013c	इयं नारी वरारोहा मम भर्या भविष्यति
71	3002013e	युवयोः पापयोश्चाहं पास्यामि रुधिरं मृधे
72	3002014a	तस्यैवं ब्रुवतो धृष्टं विराधस्य दुरात्मनः
73	3002014c	श्रुत्वा सगर्वितं वाक्यं संभ्रान्ता जनकात्मजा
74	3002014e	सीता प्रावेपतोद्वेगात्प्रवाते कदली यथा
75	3002015a	तां दृष्ट्वा राघवः सीतां विराधाङ्कगतां शुभाम्
76	3002015c	अब्रवील्लक्ष्मणं वाक्यं मुखेन परिशुष्यता
77	3002016a	पश्य सौम्य नरेन्द्रस्य जनकस्यात्मसंभवाम्
78	3002016c	मम भार्यां शुभाचारां विराधाङ्के प्रवेशिताम्
79	3002016e	अत्यन्त सुखसंवृद्धां राजपुत्रीं यशस्विनीम्
80	3002017a	यदभिप्रेतमस्मासु प्रियं वर वृतं च यत्
81	3002017c	कैकेय्यास्तु सुसंवृत्तं क्षिप्रमद्यैव लक्ष्मण
82	3002018a	या न तुष्यति राज्येन पुत्रार्थे दीर्घदर्शिनी
83	3002018c	ययाहं सर्वभूतानां हितः प्रस्थापितो वनम्
84	3002018e	अद्येदानीं सकामा सा या माता मम मध्यमा
85	3002019a	परस्पर्शात्तु वैदेह्या न दुःखतरमस्ति मे
86	3002019c	पितुर्विनाशात्सौमित्रे स्वराज्यहरणात्तथा
87	3002020a	इति ब्रुवति काकुत्स्थे बाष्पशोकपरिप्लुते
88	3002020c	अब्रवील्लक्ष्मणः क्रुद्धो रुद्धो नाग इव श्वसन्
89	3002021a	अनाथ इव भूतानां नाथस्त्वं वासवोपमः
90	3002021c	मया प्रेष्येण काकुत्स्थ किमर्थं परितप्स्यसे
91	3002022a	शरेण निहतस्याद्य मया क्रुद्धेन रक्षसः
92	3002022c	विराधस्य गतासोर्हि मही पास्यति शोणितम्
93	3002023a	राज्यकामे मम क्रोधो भरते यो बभूव ह
94	3002023c	तं विराधे विमोक्ष्यामि वज्री वज्रमिवाचले
95	3002024a	मम भुजबलवेगवेगितः; पततु शरोऽस्य महान्महोरसि
96	3002024c	व्यपनयतु तनोश्च जीवितं; पततु ततश्च महीं विघूर्णितः
97	3003001a	अथोवाच पुनर्वाक्यं विराधः पूरयन्वनम्
98	3003001c	आत्मानं पृच्छते ब्रूतं कौ युवां क्व गमिष्यथः
99	3003002a	तमुवाच ततो रामो राक्षसं ज्वलिताननम्
100	3003002c	पृच्छन्तं सुमहातेजा इक्ष्वाकुकुलमात्मनः
101	3003003a	क्षत्रियो वृत्तसंपन्नौ विद्धि नौ वनगोचरौ
102	3003003c	त्वां तु वेदितुमिच्छावः कस्त्वं चरसि दण्डकान्
103	3003004a	तमुवाच विराधस्तु रामं सत्यपराक्रमम्
104	3003004c	हन्त वक्ष्यामि ते राजन्निबोध मम राघव
105	3003005a	पुत्रः किल जयस्याहं माता मम शतह्रदा
106	3003005c	विराध इति मामाहुः पृथिव्यां सर्वराक्षसाः
107	3003006a	तपसा चापि मे प्राप्ता ब्रह्मणो हि प्रसादजा
108	3003006c	शस्त्रेणावध्यता लोकेऽच्छेद्याभेद्यत्वमेव च
109	3003007a	उत्सृज्य प्रमदामेनामनपेक्षौ यथागतम्
110	3003007c	त्वरमाणौ पालयेथां न वां जीवितमाददे
111	3003008a	तं रामः प्रत्युवाचेदं कोपसंरक्तलोचनः
112	3003008c	राक्षसं विकृताकारं विराधं पापचेतसं
113	3003009a	क्षुद्र धिक्त्वां तु हीनार्थं मृत्युमन्वेषसे ध्रुवम्
114	3003009c	रणे संप्राप्स्यसे तिष्ठ न मे जीवन्गमिष्यसि
115	3003010a	ततः सज्यं धनुः कृत्वा रामः सुनिशिताञ्शरान्
116	3003010c	सुशीघ्रमभिसंधाय राक्षसं निजघान ह
117	3003011a	धनुषा ज्यागुणवता सप्तबाणान्मुमोच ह
118	3003011c	रुक्मपुङ्खान्महावेगान्सुपर्णानिलतुल्यगान्
119	3003012a	ते शरीरं विराधस्य भित्त्वा बर्हिणवाससः
120	3003012c	निपेतुः शोणितादिग्धा धरण्यां पावकोपमाः
121	3003013a	स विनद्य महानादं शूलं शक्रध्वजोपमम्
122	3003013c	प्रगृह्याशोभत तदा व्यात्तानन इवान्तकः
123	3003014a	तच्छूलं वज्रसंकाशं गगने ज्वलनोपमम्
124	3003014c	द्वाभ्यां शराभ्यां चिच्छेद रामः शस्त्रभृतां वरः
125	3003015a	तस्य रौद्रस्य सौमित्रिर्बाहुं सव्यं बभञ्ज ह
126	3003015c	रामस्तु दक्षिणं बाहुं तरसा तस्य रक्षसः
127	3003016a	स भग्नबाहुः संविग्नो निपपाताशु राक्षसः
128	3003016c	धरण्यां मेघसंकाशो वज्रभिन्न इवाचलः
129	3003016e	इदं प्रोवाच काकुत्स्थं विराधः पुरुषर्षभम्
130	3003017a	कौसल्या सुप्रजास्तात रामस्त्वं विदितो मया
131	3003017c	वैदेही च महाभागा लक्ष्मणश्च महायशाः
132	3003018a	अभिशापादहं घोरां प्रविष्टो राक्षसीं तनुम्
133	3003018c	तुम्बुरुर्नाम गन्धर्वः शप्तो वैश्वरणेन हि
134	3003019a	प्रसाद्यमानश्च मया सोऽब्रवीन्मां महायशाः
135	3003019c	यदा दाशरथी रामस्त्वां वधिष्यति संयुगे
136	3003020a	तदा प्रकृतिमापन्नो भवान्स्वर्गं गमिष्यति
137	3003020c	इति वैश्रवणो राजा रम्भासक्तमुवाच ह
138	3003021a	अनुपस्थीयमानो मां संक्रुद्धो व्यजहार ह
139	3003021c	तव प्रसादान्मुक्तोऽहमभिशापात्सुदारुणात्
140	3003021e	भवनं स्वं गमिष्यामि स्वस्ति वोऽस्तु परंतप
141	3003022a	इतो वसति धर्मात्मा शरभङ्गः प्रतापवान्
142	3003022c	अध्यर्धयोजने तात महर्षिः सूर्यसंनिभः
143	3003023a	तं क्षिप्रमभिगच्छ त्वं स ते श्रेयो विधास्यति
144	3003023c	अवटे चापि मां राम निक्षिप्य कुशली व्रज
145	3003024a	रक्षसां गतसत्त्वानामेष धर्मः सनातनः
146	3003024c	अवटे ये निधीयन्ते तेषां लोकाः सनातनाः
147	3003025a	एवमुक्त्वा तु काकुत्स्थं विराधः शरपीडितः
148	3003025c	बभूव स्वर्गसंप्राप्तो न्यस्तदेहो महाबलः
149	3003026a	तं मुक्तकण्ठमुत्क्षिप्य शङ्कुकर्णं महास्वनम्
150	3003026c	विराधं प्राक्षिपच्छ्वभ्रे नदन्तं भैरवस्वनम्
151	3003027a	ततस्तु तौ काञ्चनचित्रकार्मुकौ; निहत्य रक्षः परिगृह्य मैथिलीम्
152	3003027c	विजह्रतुस्तौ मुदितौ महावने; दिवि स्थितौ चन्द्रदिवाकराविव
153	3004001a	हत्वा तु तं भीमबलं विराधं राक्षसं वने
154	3004001c	ततः सीतां परिष्वज्य समाश्वास्य च वीर्यवान्
155	3004001e	अब्रवील्लक्ष्मणां रामो भ्रातरं दीप्ततेजसं
156	3004002a	कष्टं वनमिदं दुर्गं न च स्मो वनगोचराः
157	3004002c	अभिगच्छामहे शीघ्रं शरभङ्गं तपोधनम्
158	3004003a	आश्रमं शरभङ्गस्य राघवोऽभिजगाम ह
159	3004004a	तस्य देवप्रभावस्य तपसा भावितात्मनः
160	3004004c	समीपे शरभङ्गस्य ददर्श महदद्भुतम्
161	3004005a	विभ्राजमानं वपुषा सूर्यवैश्वानरोपमम्
162	3004005c	असंस्पृशन्तं वसुधां ददर्श विबुधेश्वरम्
163	3004006a	सुप्रभाभरणं देवं विरजोऽम्बरधारिणम्
164	3004006c	तद्विधैरेव बहुभिः पूज्यमानं महात्मभिः
165	3004007a	हरिभिर्वाजिभिर्युक्तमन्तरिक्षगतं रथम्
166	3004007c	ददर्शादूरतस्तस्य तरुणादित्यसंनिभम्
167	3004008a	पाण्डुराभ्रघनप्रख्यं चन्द्रमण्डलसंनिभम्
168	3004008c	अपश्यद्विमलं छत्रं चित्रमाल्योपशोभितम्
169	3004009a	चामरव्यजने चाग्र्ये रुक्मदण्डे महाधने
170	3004009c	गृहीते वननारीभ्यां धूयमाने च मूर्धनि
171	3004010a	गन्धर्वामरसिद्धाश्च बहवः परमर्षयः
172	3004010c	अन्तरिक्षगतं देवं वाग्भिरग्र्याभिरीडिरे
173	3004011a	दृष्ट्वा शतक्रतुं तत्र रामो लक्ष्मणमब्रवीत्
174	3004011c	ये हयाः पुरुहूतस्य पुरा शक्रस्य नः श्रुताः
175	3004011e	अन्तरिक्षगता दिव्यास्त इमे हरयो ध्रुवम्
176	3004012a	इमे च पुरुषव्याघ्र ये तिष्ठन्त्यभितो रथम्
177	3004012c	शतं शतं कुण्डलिनो युवानः खड्गपाणयः
178	3004013a	उरोदेशेषु सर्वेषां हारा ज्वलनसंनिभाः
179	3004013c	रूपं बिभ्रति सौमित्रे पञ्चविंशतिवार्षिकम्
180	3004014a	एतद्धि किल देवानां वयो भवति नित्यदा
181	3004014c	यथेमे पुरुषव्याघ्रा दृश्यन्ते प्रियदर्शनाः
182	3004015a	इहैव सह वैदेह्या मुहूर्तं तिष्ठ लक्ष्मण
183	3004015c	यावज्जनाम्यहं व्यक्तं क एष द्युतिमान्रथे
184	3004016a	तमेवमुक्त्वा सौमित्रिमिहैव स्थीयतामिति
185	3004016c	अभिचक्राम काकुत्स्थः शरभङ्गाश्रमं प्रति
186	3004017a	ततः समभिगच्छन्तं प्रेक्ष्य रामं शचीपतिः
187	3004017c	शरभङ्गमनुज्ञाप्य विबुधानिदमब्रवीत्
188	3004018a	इहोपयात्यसौ रामो यावन्मां नाभिभाषते
189	3004018c	निष्ठां नयत तावत्तु ततो मां द्रष्टुमर्हति
190	3004019a	जितवन्तं कृतार्थं च द्रष्टाहमचिरादिमम्
191	3004019c	कर्म ह्यनेन कर्तव्यं महदन्यैः सुदुष्करम्
192	3004020a	इति वज्री तमामन्त्र्य मानयित्वा च तापसं
193	3004020c	रथेन हरियुक्तेन ययौ दिवमरिंदमः
194	3004021a	प्रयाते तु सहस्राक्षे राघवः सपरिच्छदः
195	3004021c	अग्निहोत्रमुपासीनं शरभङ्गमुपागमत्
196	3004022a	तस्य पादौ च संगृह्य रामः सीता च लक्ष्मणः
197	3004022c	निषेदुस्तदनुज्ञाता लब्धवासा निमन्त्रिताः
198	3004023a	ततः शक्रोपयानं तु पर्यपृच्छत्स राघवः
199	3004023c	शरभङ्गश्च तत्सर्वं राघवाय न्यवेदयत्
200	3004024a	मामेष वरदो राम ब्रह्मलोकं निनीषति
201	3004024c	जितमुग्रेण तपसा दुष्प्रापमकृतात्मभिः
202	3004025a	अहं ज्ञात्वा नरव्याघ्र वर्तमानमदूरतः
203	3004025c	ब्रह्मलोकं न गच्छामि त्वामदृष्ट्वा प्रियातिथिम्
204	3004026a	समागम्य गमिष्यामि त्रिदिवं देवसेवितम्
205	3004026c	अक्षया नरशार्दूल जिता लोका मया शुभाः
206	3004026e	ब्राह्म्याश्च नाकपृष्ठ्याश्च प्रतिगृह्णीष्व मामकान्
207	3004027a	एवमुक्तो नरव्याघ्रः सर्वशास्त्रविशारदः
208	3004027c	ऋषिणा शरभङ्गेन राघवो वाक्यमब्रवीत्
209	3004028a	अहमेवाहरिष्यामि सर्वाँल्लोकान्महामुने
210	3004028c	आवासं त्वहमिच्छामि प्रदिष्टमिह कानने
211	3004029a	राघवेणैवमुक्तस्तु शक्रतुल्यबलेन वै
212	3004029c	शरभङ्गो महाप्राज्ञः पुनरेवाब्रवीद्वचः
213	3004030a	सुतीक्ष्णमभिगच्छ त्वं शुचौ देशे तपस्विनम्
214	3004030c	रमणीये वनोद्देशे स ते वासं विधास्यति
215	3004031a	एष पन्था नरव्याघ्र मुहूर्तं पश्य तात माम्
216	3004031c	यावज्जहामि गात्राणि जीर्णं त्वचमिवोरगः
217	3004032a	ततोऽग्निं स समाधाय हुत्वा चाज्येन मन्त्रवित्
218	3004032c	शरभङ्गो महातेजाः प्रविवेश हुताशनम्
219	3004033a	तस्य रोमाणि केशांश्च ददाहाग्निर्महात्मनः
220	3004033c	जीर्णं त्वचं तथास्थीनि यच्च मांसं च शोणितम्
221	3004034a	स च पावकसंकाशः कुमारः समपद्यत
222	3004034c	उत्थायाग्निचयात्तस्माच्छरभङ्गो व्यरोचत
223	3004035a	स लोकानाहिताग्नीनामृषीणां च महात्मनाम्
224	3004035c	देवानां च व्यतिक्रम्य ब्रह्मलोकं व्यरोहत
225	3004036a	स पुण्यकर्मा भुवने द्विजर्षभः; पितामहं सानुचरं ददर्श ह
226	3004036c	पितामहश्चापि समीक्ष्य तं द्विजं; ननन्द सुस्वागतमित्युवाच ह
227	3005001a	शरभङ्गे दिवं प्राप्ते मुनिसंघाः समागताः
228	3005001c	अभ्यगच्छन्त काकुत्स्थं रामं ज्वलिततेजसं
229	3005002a	वैखानसा वालखिल्याः संप्रक्षाला मरीचिपाः
230	3005002c	अश्मकुट्टाश्च बहवः पत्राहाराश्च तापसाः
231	3005003a	दन्तोलूखलिनश्चैव तथैवोन्मज्जकाः परे
232	3005003c	मुनयः सलिलाहारा वायुभक्षास्तथापरे
233	3005004a	आकाशनिलयाश्चैव तथा स्थण्डिलशायिनः
234	3005004c	तथोर्ध्ववासिनो दान्तास्तथार्द्रपटवाससः
235	3005005a	सजपाश्च तपोनित्यास्तथा पञ्चतपोऽन्विताः
236	3005005c	सर्वे ब्राह्म्या श्रिया जुष्टा दृढयोगसमाहिताः
237	3005005e	शरभङ्गाश्रमे राममभिजग्मुश्च तापसाः
238	3005006a	अभिगम्य च धर्मज्ञा रामं धर्मभृतां वरम्
239	3005006c	ऊचुः परमधर्मज्ञमृषिसंघाः समाहिताः
240	3005007a	त्वमिक्ष्वाकुकुलस्यास्य पृथिव्याश्च महारथः
241	3005007c	प्रधानश्चासि नाथश्च देवानां मघवानिव
242	3005008a	विश्रुतस्त्रिषु लोकेषु यशसा विक्रमेण च
243	3005008c	पितृव्रतत्वं सत्यं च त्वयि धर्मश्च पुष्कलः
244	3005009a	त्वामासाद्य महात्मानं धर्मज्ञं धर्मवत्सलम्
245	3005009c	अर्थित्वान्नाथ वक्ष्यामस्तच्च नः क्षन्तुमर्हसि
246	3005010a	अधार्मस्तु महांस्तात भवेत्तस्य महीपतेः
247	3005010c	यो हरेद्बलिषड्भागं न च रक्षति पुत्रवत्
248	3005011a	युञ्जानः स्वानिव प्राणान्प्राणैरिष्टान्सुतानिव
249	3005011c	नित्ययुक्तः सदा रक्षन्सर्वान्विषयवासिनः
250	3005012a	प्राप्नोति शाश्वतीं राम कीर्तिं स बहुवार्षिकीम्
251	3005012c	ब्रह्मणः स्थानमासाद्य तत्र चापि महीयते
252	3005013a	यत्करोति परं धर्मं मुनिर्मूलफलाशनः
253	3005013c	तत्र राज्ञश्चतुर्भागः प्रजा धर्मेण रक्षतः
254	3005014a	सोऽयं ब्राह्मणभूयिष्ठो वानप्रस्थगणो महान्
255	3005014c	त्वन्नाथोऽनाथवद्राम राक्षसैर्वध्यते भृशम्
256	3005015a	एहि पश्य शरीराणि मुनीनां भावितात्मनाम्
257	3005015c	हतानां राक्षसैर्घोरैर्बहूनां बहुधा वने
258	3005016a	पम्पानदीनिवासानामनुमन्दाकिनीमपि
259	3005016c	चित्रकूटालयानां च क्रियते कदनं महत्
260	3005017a	एवं वयं न मृष्यामो विप्रकारं तपस्विनम्
261	3005017c	क्रियमाणं वने घोरं रक्षोभिर्भीमकर्मभिः
262	3005018a	ततस्त्वां शरणार्थं च शरण्यं समुपस्थिताः
263	3005018c	परिपालय नो राम वध्यमानान्निशाचरैः
264	3005019a	एतच्छ्रुत्वा तु काकुत्स्थस्तापसानां तपस्विनाम्
265	3005019c	इदं प्रोवाच धर्मात्मा सर्वानेव तपस्विनः
266	3005019e	नैवमर्हथ मां वक्तुमाज्ञाप्योऽहं तपस्विनम्
267	3005020a	भवतामर्थसिद्ध्यर्थमागतोऽहं यदृच्छया
268	3005020c	तस्य मेऽयं वने वासो भविष्यति महाफलः
269	3005020e	तपस्विनां रणे शत्रून्हन्तुमिच्छामि राक्षसान्
270	3005021a	दत्त्वा वरं चापि तपोधनानां; धर्मे धृतात्मा सहलक्ष्मणेन
271	3005021c	तपोधनैश्चापि सहार्य वृत्तः; सुतीष्क्णमेवाभिजगाम वीरः
272	3006001a	रामस्तु सहितो भ्रात्रा सीतया च परंतपः
273	3006001c	सुतीक्ष्णस्याश्रमपदं जगाम सह तैर्द्विजैः
274	3006002a	स गत्वा दूरमध्वानं नदीस्तीर्त्व बहूदकाः
275	3006002c	ददर्श विपुलं शैलं महामेघमिवोन्नतम्
276	3006003a	ततस्तदिक्ष्वाकुवरौ सततं विविधैर्द्रुमैः
277	3006003c	काननं तौ विविशतुः सीतया सह राघवौ
278	3006004a	प्रविष्टस्तु वनं घोरं बहुपुष्पफलद्रुमम्
279	3006004c	ददर्शाश्रममेकान्ते चीरमालापरिष्कृतम्
280	3006005a	तत्र तापसमासीनं मलपङ्कजटाधरम्
281	3006005c	रामः सुतीक्ष्णं विधिवत्तपोवृद्धमभाषत
282	3006006a	रामोऽहमस्मि भगवन्भवन्तं द्रष्टुमागतः
283	3006006c	तन्माभिवद धर्मज्ञ महर्षे सत्यविक्रम
284	3006007a	स निरीक्ष्य ततो वीरं रामं धर्मभृतां वरम्
285	3006007c	समाश्लिष्य च बाहुभ्यामिदं वचनमब्रवीत्
286	3006008a	स्वागतं खलु ते वीर राम धर्मभृतां वर
287	3006008c	आश्रमोऽयं त्वयाक्रान्तः सनाथ इव साम्प्रतम्
288	3006009a	प्रतीक्षमाणस्त्वामेव नारोहेऽहं महायशः
289	3006009c	देवलोकमितो वीर देहं त्यक्त्वा महीतले
290	3006010a	चित्रकूटमुपादाय राज्यभ्रष्टोऽसि मे श्रुतः
291	3006010c	इहोपयातः काकुत्स्थो देवराजः शतक्रतुः
292	3006010e	सर्वाँल्लोकाञ्जितानाह मम पुण्येन कर्मणा
293	3006011a	तेषु देवर्षिजुष्टेषु जितेषु तपसा मया
294	3006011c	मत्प्रसादात्सभार्यस्त्वं विहरस्व सलक्ष्मणः
295	3006012a	तमुग्रतपसं दीप्तं महर्षिं सत्यवादिनम्
296	3006012c	प्रत्युवाचात्मवान्रामो ब्रह्माणमिव वासवः
297	3006013a	अहमेवाहरिष्यामि स्वयं लोकान्महामुने
298	3006013c	आवासं त्वहमिच्छामि प्रदिष्टमिह कानने
299	3006014a	भवान्सर्वत्र कुशलः सर्वभूतहिते रतः
300	3006014c	आख्यातः शरभङ्गेन गौतमेन महात्मना
301	3006015a	एवमुक्तस्तु रामेण महर्षिर्लोकविश्रुतः
302	3006015c	अब्रवीन्मधुरं वाक्यं हर्षेण महताप्लुतः
303	3006016a	अयमेवाश्रमो राम गुणवान्रम्यतामिह
304	3006016c	ऋषिसंघानुचरितः सदा मूलफलैर्युतः
305	3006017a	इममाश्रममागम्य मृगसंघा महायशाः
306	3006017c	अटित्वा प्रतिगच्छन्ति लोभयित्वाकुतोभयाः
307	3006018a	तच्छ्रुत्वा वचनं तस्य महर्षेर्लक्ष्मणाग्रजः
308	3006018c	उवाच वचनं धीरो विकृष्य सशरं धनुः
309	3006019a	तानहं सुमहाभाग मृगसंघान्समागतान्
310	3006019c	हन्यां निशितधारेण शरेणाशनिवर्चसा
311	3006020a	भवांस्तत्राभिषज्येत किं स्यात्कृच्छ्रतरं ततः
312	3006020c	एतस्मिन्नाश्रमे वासं चिरं तु न समर्थये
313	3006021a	तमेवमुक्त्वा वरदं रामः संध्यामुपागमत्
314	3006021c	अन्वास्य पश्चिमां संध्यां तत्र वासमकल्पयत्
315	3006022a	ततः शुभं तापसभोज्यमन्नं; स्वयं सुतीक्ष्णः पुरुषर्षभाभ्याम्
316	3006022c	ताभ्यां सुसत्कृत्य ददौ महात्मा; संध्यानिवृत्तौ रजनीं समीक्ष्य
317	3007001a	रामस्तु सहसौमित्रिः सुतीक्ष्णेनाभिपूजितः
318	3007001c	परिणम्य निशां तत्र प्रभाते प्रत्यबुध्यत
319	3007002a	उत्थाय तु यथाकालं राघवः सह सीतया
320	3007002c	उपास्पृशत्सुशीतेन जलेनोत्पलगन्धिना
321	3007003a	अथ तेऽग्निं सुरांश्चैव वैदेही रामलक्ष्मणौ
322	3007003c	काल्यं विधिवदभ्यर्च्य तपस्विशरणे वने
323	3007004a	उदयन्न्तं दिनकरं दृष्ट्वा विगतकल्मषाः
324	3007004c	सुतीक्ष्णमभिगम्येदं श्लक्ष्णं वचनमब्रुवन्
325	3007005a	सुखोषिताः स्म भगवंस्त्वया पूज्येन पूजिताः
326	3007005c	आपृच्छामः प्रयास्यामो मुनयस्त्वरयन्ति नः
327	3007006a	त्वरामहे वयं द्रष्टुं कृत्स्नमाश्रममण्डलम्
328	3007006c	ऋषीणां पुण्यशीलानां दण्डकारण्यवासिनाम्
329	3007007a	अभ्यनुज्ञातुमिच्छामः सहैभिर्मुनिपुङ्गवैः
330	3007007c	धर्मनित्यैस्तपोदान्तैर्विशिखैरिव पावकैः
331	3007008a	अविषह्यातपो यावत्सूर्यो नातिविराजिते
332	3007008c	अमार्गेणागतां लक्ष्मीं प्राप्येवान्वयवर्जितः
333	3007009a	तावदिच्छामहे गन्तुमित्युक्त्वा चरणौ मुनेः
334	3007009c	ववन्दे सहसौमित्रिः सीतया सह राघवः
335	3007010a	तौ संस्पृशन्तौ चरणावुत्थाप्य मुनिपुंगवः
336	3007010c	गाढमालिङ्ग्य सस्नेहमिदं वचनमब्रवीत्
337	3007011a	अरिष्टं गच्छ पन्थानं राम सौमित्रिणा सह
338	3007011c	सीतया चानया सार्धं छाययेवानुवृत्तया
339	3007012a	पश्याश्रमपदं रम्यं दण्डकारण्यवासिनाम्
340	3007012c	एषां तपस्विनां वीर तपसा भावितात्मनाम्
341	3007013a	सुप्राज्यफलमूलानि पुष्पितानि वनानि च
342	3007013c	प्रशान्तमृगयूथानि शान्तपक्षिगणानि च
343	3007014a	फुल्लपङ्कजषडानि प्रसन्नसलिलानि च
344	3007014c	कारण्डवविकीर्णानि तटाकानि सरांसि च
345	3007015a	द्रक्ष्यसे दृष्टिरम्याणि गिरिप्रस्रवणानि च
346	3007015c	रमणीयान्यरण्यानि मयूराभिरुतानि च
347	3007016a	गम्यतां वत्स सौमित्रे भवानपि च गच्छतु
348	3007016c	आगन्तव्यं च ते दृष्ट्वा पुनरेवाश्रमं मम
349	3007017a	एवमुक्तस्तथेत्युक्त्वा काकुत्स्थः सहलक्ष्मणः
350	3007017c	प्रदक्षिणं मुनिं कृता प्रस्थातुमुपचक्रमे
351	3007018a	ततः शुभतरे तूणी धनुषी चायतेक्षणा
352	3007018c	ददौ सीता तयोर्भ्रात्रोः खड्गौ च विमलौ ततः
353	3007019a	आबध्य च शुभे तूणी चापे चादाय सस्वने
354	3007019c	निष्क्रान्तावाश्रमाद्गन्तुमुभौ तौ रामलक्ष्मणौ
355	3008001a	सुतीक्ष्णेनाभ्यनुज्ञातं प्रस्थितं रघुनन्दनम्
356	3008001c	वैदेही स्निग्धया वाचा भर्तारमिदमब्रवीत्
357	3008002a	अयं धर्मः सुसूक्ष्मेण विधिना प्राप्यते महान्
358	3008002c	निवृत्तेन च शक्योऽयं व्यसनात्कामजादिह
359	3008003a	त्रीण्येव व्यसनान्यत्र कामजानि भवन्त्युत
360	3008003c	मिथ्या वाक्यं परमकं तस्माद्गुरुतरावुभौ
361	3008003e	परदाराभिगमनं विना वैरं च रौद्रता
362	3008004a	मिथ्यावाक्यं न ते भूतं न भविष्यति राघव
363	3008004c	कुतोऽभिलषणं स्त्रीणां परेषां धर्मनाशनम्
364	3008005a	तच्च सर्वं महाबाहो शक्यं वोढुं जितेन्द्रियैः
365	3008005c	तव वश्येन्द्रियत्वं च जानामि शुभदर्शन
366	3008006a	तृतीयं यदिदं रौद्रं परप्राणाभिहिंसनम्
367	3008006c	निर्वैरं क्रियते मोहात्तच्च ते समुपस्थितम्
368	3008007a	प्रतिज्ञातस्त्वया वीर दण्डकारण्यवासिनाम्
369	3008007c	ऋषीणां रक्षणार्थाय वधः संयति रक्षसाम्
370	3008008a	एतन्निमित्तं च वनं दण्डका इति विश्रुतम्
371	3008008c	प्रस्थितस्त्वं सह भ्रात्रा धृतबाणशरासनः
372	3008009a	ततस्त्वां प्रस्थितं दृष्ट्वा मम चिन्ताकुलं मनः
373	3008009c	त्वद्वृत्तं चिन्तयन्त्या वै भवेन्निःश्रेयसं हितम्
374	3008010a	न हि मे रोचते वीर गमनं दण्डकान्प्रति
375	3008010c	कारणं तत्र वक्ष्यामि वदन्त्याः श्रूयतां मम
376	3008011a	त्वं हि बाणधनुष्पाणिर्भ्रात्रा सह वनं गतः
377	3008011c	दृष्ट्वा वनचरान्सर्वान्कच्चित्कुर्याः शरव्ययम्
378	3008012a	क्षत्रियाणामिह धनुर्हुताशस्येन्धनानि च
379	3008012c	समीपतः स्थितं तेजोबलमुच्छ्रयते भृशम्
380	3008013a	पुरा किल महाबाहो तपस्वी सत्यवाक्शुचिः
381	3008013c	कस्मिंश्चिदभवत्पुण्ये वने रतमृगद्विजे
382	3008014a	तस्यैव तपसो विघ्नं कर्तुमिन्द्रः शचीपतिः
383	3008014c	खड्गपाणिरथागच्छदाश्रमं भट रूपधृक्
384	3008015a	तस्मिंस्तदाश्रमपदे निहितः खड्ग उत्तमः
385	3008015c	स न्यासविधिना दत्तः पुण्ये तपसि तिष्ठतः
386	3008016a	स तच्छस्त्रमनुप्राप्य न्यासरक्षणतत्परः
387	3008016c	वने तु विचरत्येव रक्षन्प्रत्ययमात्मनः
388	3008017a	यत्र गच्छत्युपादातुं मूलानि च फलानि च
389	3008017c	न विना याति तं खड्गं न्यासरक्षणतत्परः
390	3008018a	नित्यं शस्त्रं परिवहन्क्रमेण स तपोधनः
391	3008018c	चकार रौद्रीं स्वां बुद्धिं त्यक्त्वा तपसि निश्चयम्
392	3008019a	ततः स रौद्राभिरतः प्रमत्तोऽधर्मकर्षितः
393	3008019c	तस्य शस्त्रस्य संवासाज्जगाम नरकं मुनिः
394	3008020a	स्नेहाच्च बहुमानाच्च स्मारये त्वां न शिक्षये
395	3008020c	न कथंचन सा कार्या हृहीतधनुषा त्वया
396	3008021a	बुद्धिर्वैरं विना हन्तुं राक्षसान्दण्डकाश्रितान्
397	3008021c	अपराधं विना हन्तुं लोकान्वीर न कामये
398	3008022a	क्षत्रियाणां तु वीराणां वनेषु नियतात्मनाम्
399	3008022c	धनुषा कार्यमेतावदार्तानामभिरक्षणम्
400	3008023a	क्व च शस्त्रं क्व च वनं क्व च क्षात्रं तपः क्व च
401	3008023c	व्याविद्धमिदमस्माभिर्देशधर्मस्तु पूज्यताम्
402	3008024a	तदार्यकलुषा बुद्धिर्जायते शस्त्रसेवनात्
403	3008024c	पुनर्गत्वा त्वयोध्यायां क्षत्रधर्मं चरिष्यसि
404	3008025a	अक्षया तु भवेत्प्रीतिः श्वश्रू श्वशुरयोर्मम
405	3008025c	यदि राज्यं हि संन्यस्य भवेस्त्वं निरतो मुनिः
406	3008026a	धर्मादर्थः प्रभवति धर्मात्प्रभवते सुखम्
407	3008026c	धर्मेण लभते सर्वं धर्मसारमिदं जगत्
408	3008027a	आत्मानं नियमैस्तैस्तैः कर्षयित्वा प्रयत्नतः
409	3008027c	प्राप्यते निपुणैर्धर्मो न सुखाल्लभ्यते सुखम्
410	3008028a	नित्यं शुचिमतिः सौम्य चर धर्मं तपोवने
411	3008028c	सर्वं हि विदितं तुभ्यं त्रैलोक्यमपि तत्त्वतः
412	3008029a	स्त्रीचापलादेतदुदाहृतं मे; धर्मं च वक्तुं तव कः समर्थः
413	3008029c	विचार्य बुद्ध्या तु सहानुजेन; यद्रोचते तत्कुरु माचिरेण
414	3009001a	वाक्यमेतत्तु वैदेह्या व्याहृतं भर्तृभक्तया
415	3009001c	श्रुत्वा धर्मे स्थितो रामः प्रत्युवाचाथ मैथिलीम्
416	3009002a	हितमुक्तं त्वया देवि स्निग्धया सदृशं वचः
417	3009002c	कुलं व्यपदिशन्त्या च धर्मज्ञे जनकात्मजे
418	3009003a	किं तु वक्ष्याम्यहं देवि त्वयैवोक्तमिदं वचः
419	3009003c	क्षत्रियैर्धार्यते चापो नार्तशब्दो भवेदिति
420	3009004a	ते चार्ता दण्डकारण्ये मुनयः संशितव्रताः
421	3009004c	मां सीते स्वयमागम्य शरण्याः शरणं गताः
422	3009005a	वसन्तो धर्मनिरता वने मूलफलाशनाः
423	3009005c	न लभन्ते सुखं भीता राक्षसैः क्रूरकर्मभिः
424	3009006a	काले काले च निरता नियमैर्विविधैर्वने
425	3009006c	भक्ष्यन्ते राक्षसैर्भीमैर्नरमांसोपजीविभिः
426	3009007a	ते भक्ष्यमाणा मुनयो दण्डकारण्यवासिनः
427	3009007c	अस्मानभ्यवपद्येति मामूचुर्द्विजसत्तमाः
428	3009008a	मया तु वचनं श्रुत्वा तेषामेवं मुखाच्च्युतम्
429	3009008c	कृत्वा चरणशुश्रूषां वाक्यमेतदुदाहृतम्
430	3009009a	प्रसीदन्तु भवन्तो मे ह्रीरेषा हि ममातुला
431	3009009c	यदीदृशैरहं विप्रैरुपस्थेयैरुपस्थितः
432	3009009e	किं करोमीति च मया व्याहृतं द्विजसंनिधौ
433	3009010a	सर्वैरेव समागम्य वागियं समुदाहृता
434	3009010c	राक्षसैर्दण्डकारण्ये बहुभिः कामरूपिभिः
435	3009010e	अर्दिताः स्म भृशं राम भवान्नस्त्रातुमर्हति
436	3009011a	होमकाले तु संप्राप्ते पर्वकालेषु चानघ
437	3009011c	धर्षयन्ति स्म दुर्धर्षा राक्षसाः पिशिताशनाः
438	3009012a	राक्षसैर्धर्षितानां च तापसानां तपस्विनाम्
439	3009012c	गतिं मृगयमाणानां भवान्नः परमा गतिः
440	3009013a	कामं तपः प्रभावेन शक्ता हन्तुं निशाचरान्
441	3009013c	चिरार्जितं तु नेच्छामस्तपः खण्डयितुं वयम्
442	3009014a	बहुविघ्नं तपोनित्यं दुश्चरं चैव राघव
443	3009014c	तेन शापं न मुञ्चामो भक्ष्यमाणाश्च राक्षसैः
444	3009015a	तदर्द्यमानान्रक्षोभिर्दण्डकारण्यवासिभिः
445	3009015c	रक्षनस्त्वं सह भ्रात्रा त्वन्नाथा हि वयं वने
446	3009016a	मया चैतद्वचः श्रुत्वा कार्त्स्न्येन परिपालनम्
447	3009016c	ऋषीणां दण्डकारण्ये संश्रुतं जनकात्मजे
448	3009017a	संश्रुत्य च न शक्ष्यामि जीवमानः प्रतिश्रवम्
449	3009017c	मुनीनामन्यथा कर्तुं सत्यमिष्टं हि मे सदा
450	3009018a	अप्यहं जीवितं जह्यां त्वां वा सीते सलक्ष्मणाम्
451	3009018c	न तु प्रतिज्ञां संश्रुत्य ब्राह्मणेभ्यो विशेषतः
452	3009019a	तदवश्यं मया कार्यमृषीणां परिपालनम्
453	3009019c	अनुक्तेनापि वैदेहि प्रतिज्ञाय तु किं पुनः
454	3009020a	मम स्नेहाच्च सौहार्दादिदमुक्तं त्वया वचः
455	3009020c	परितुष्टोऽस्म्यहं सीते न ह्यनिष्टोऽनुशिष्यते
456	3009020e	सदृशं चानुरूपं च कुलस्य तव शोभने
457	3009021a	इत्येवमुक्त्वा वचनं महात्मा; सीतां प्रियां मैथिल राजपुत्रीम्
458	3009021c	रामो धनुष्मान्सहलक्ष्मणेन; जगाम रम्याणि तपोवनानि
459	3010001a	अग्रतः प्रययौ रामः सीता मध्ये सुमध्यमा
460	3010001c	पृष्ठतस्तु धनुष्पाणिर्लक्ष्मणोऽनुजगाम ह
461	3010002a	तौ पश्यमानौ विविधाञ्शैलप्रस्थान्वनानि च
462	3010002c	नदीश्च विविधा रम्या जग्मतुः सह सीतया
463	3010003a	सारसांश्चक्रवाकांश्च नदीपुलिनचारिणः
464	3010003c	सरांसि च सपद्मानि युतानि जलजैः खगैः
465	3010004a	यूथबद्धांश्च पृषतान्मदोन्मत्तान्विषाणिनः
466	3010004c	महिषांश्च वराहांश्च गजांश्च द्रुमवैरिणः
467	3010005a	ते गत्वा दूरमध्वानं लम्बमाने दिवाकरे
468	3010005c	ददृशुः सहिता रम्यं तटाकं योजनायतम्
469	3010006a	पद्मपुष्करसंबाधं गजयूथैरलंकृतम्
470	3010006c	सारसैर्हंसकादम्बैः संकुलं जलचारिभिः
471	3010007a	प्रसन्नसलिले रम्यतस्मिन्सरसि शुश्रुवे
472	3010007c	गीतवादित्रनिर्घोषो न तु कश्चन दृश्यते
473	3010008a	ततः कौतूहलाद्रामो लक्ष्मणश्च महारथः
474	3010008c	मुनिं धर्मभृतं नाम प्रष्टुं समुपचक्रमे
475	3010009a	इदमत्यद्भुतं श्रुत्वा सर्वेषां नो महामुने
476	3010009c	कौतूहलं महज्जातं किमिदं साधु कथ्यताम्
477	3010010a	तेनैवमुक्तो धर्मात्मा राघवेण मुनिस्तदा
478	3010010c	प्रभावं सरसः कृत्स्नमाख्यातुमुपचक्रमे
479	3010011a	इदं पञ्चाप्सरो नाम तटाकं सार्वकालिकम्
480	3010011c	निर्मितं तपसा राम मुनिना माण्डकर्णिना
481	3010012a	स हि तेपे तपस्तीव्रं माण्डकर्णिर्महामुनिः
482	3010012c	दशवर्षसहस्राणि वायुभक्षो जलाश्रय
483	3010013a	ततः प्रव्यथिताः सर्वे देवाः साग्निपुरोगमाः
484	3010013c	अब्रुवन्वचनं सर्वे परस्पर समागताः
485	3010013e	अस्मकं कस्यचित्स्थानमेष प्रार्थयते मुनिः
486	3010014a	ततः कर्तुं तपोविघ्नं सर्वैर्देवैर्नियोजिताः
487	3010014c	प्रधानाप्सरसः पञ्चविद्युच्चलितवर्चसः
488	3010015a	अप्सरोभिस्ततस्ताभिर्मुनिर्दृष्टपरावरः
489	3010015c	नीतो मदनवश्यत्वं सुराणां कार्यसिद्धये
490	3010016a	ताश्चैवाप्सरसः पञ्चमुनेः पत्नीत्वमागताः
491	3010016c	तटाके निर्मितं तासामस्मिन्नन्तर्हितं गृहम्
492	3010017a	तत्रैवाप्सरसः पञ्चनिवसन्त्यो यथासुखम्
493	3010017c	रमयन्ति तपोयोगान्मुनिं यौवनमास्थितम्
494	3010018a	तासां संक्रीडमानानामेष वादित्रनिःस्वनः
495	3010018c	श्रूयते भूषणोन्मिश्रो गीतशब्दो मनोहरः
496	3010019a	आश्चर्यमिति तस्यैतद्वचनं भावितात्मनः
497	3010019c	राघवः प्रतिजग्राह सह भ्रात्रा महायशाः
498	3010020a	एवं कथयमानस्य ददर्शाश्रममण्डलम्
499	3010020c	कुशचीरपरिक्षिप्तं नानावृक्षसमावृतम्
500	3010021a	प्रविश्य सह वैदेह्या लक्ष्मणेन च राघवः
501	3010021c	तदा तस्मिन्स काकुत्स्थः श्रीमत्याश्रममण्डले
502	3010022a	उषित्वा सुसुखं तत्र पूर्ज्यमानो महर्षिभिः
503	3010022c	जगाम चाश्रमांस्तेषां पर्यायेण तपस्विनाम्
504	3010023a	येषामुषितवान्पूर्वं सकाशे स महास्त्रवित्
505	3010023c	क्वचित्परिदशान्मासानेकं संवत्सरं क्वचित्
506	3010024a	क्वचिच्च चतुरो मासान्पञ्चषट्चापरान्क्वचित्
507	3010024c	अपरत्राधिकान्मासानध्यर्धमधिकं क्वचित्
508	3010025a	त्रीन्मासानष्टमासांश्च राघवो न्यवसत्सुखम्
509	3010025c	तथा संवसतस्तस्य मुनीनामाश्रमेषु वै
510	3010025e	रमतश्चानुकुल्येन ययुः संवत्सरा दश
511	3010026a	परिसृत्य च धर्मज्ञो राघवः सह सीतया
512	3010026c	सुतीक्ष्णस्याश्रमं श्रीमान्पुनरेवाजगाम ह
513	3010027a	स तमाश्रममागम्य मुनिभिः प्रतिपूजितः
514	3010027c	तत्रापि न्यवसद्रामः कंचित्कालमरिंदमः
515	3010028a	अथाश्रमस्थो विनयात्कदाचित्तं महामुनिम्
516	3010028c	उपासीनः स काकुत्स्थः सुतीक्ष्णमिदमब्रवीत्
517	3010029a	अस्मिन्नरण्ये भगवन्नगस्त्यो मुनिसत्तमः
518	3010029c	वसतीति मया नित्यं कथाः कथयतां श्रुतम्
519	3010030a	न तु जानामि तं देशं वनस्यास्य महत्तया
520	3010030c	कुत्राश्रमपदं पुण्यं महर्षेस्तस्य धीमतः
521	3010031a	प्रसादात्तत्र भवतः सानुजः सह सीतया
522	3010031c	अगस्त्यमभिगच्छेयमभिवादयितुं मुनिम्
523	3010032a	मनोरथो महानेष हृदि संपरिवर्तते
524	3010032c	यदहं तं मुनिवरं शुश्रूषेयमपि स्वयम्
525	3010033a	इति रामस्य स मुनिः श्रुत्वा धर्मात्मनो वचः
526	3010033c	सुतीक्ष्णः प्रत्युवाचेदं प्रीतो दशरथात्मजम्
527	3010034a	अहमप्येतदेव त्वां वक्तुकामः सलक्ष्मणम्
528	3010034c	अगस्त्यमभिगच्छेति सीतया सह राघव
529	3010035a	दिष्ट्या त्विदानीमर्थेऽस्मिन्स्वयमेव ब्रवीषि माम्
530	3010035c	अहमाख्यामि ते वत्स यत्रागस्त्यो महामुनिः
531	3010036a	योजनान्याश्रमात्तात याहि चत्वारि वै ततः
532	3010036c	दक्षिणेन महाञ्श्रीमानगस्त्यभ्रातुराश्रमः
533	3010037a	स्थलप्राये वनोद्देशे पिप्पलीवनशोभिते
534	3010037c	बहुपुष्पफले रम्ये नानाशकुनिनादिते
535	3010038a	पद्मिन्यो विविधास्तत्र प्रसन्नसलिलाः शिवाः
536	3010038c	हंसकारण्डवाकीर्णाश्चक्रवाकोपशोभिताः
537	3010039a	तत्रैकां रजनीमुष्य प्रभाते राम गम्यताम्
538	3010039c	दक्षिणां दिशमास्थाय वनखण्डस्य पार्श्वतः
539	3010040a	तत्रागस्त्याश्रमपदं गत्वा योजनमन्तरम्
540	3010040c	रमणीये वनोद्देशे बहुपादप संवृते
541	3010040e	रंस्यते तत्र वैदेही लक्ष्मणश्च त्वया सह
542	3010041a	स हि रम्यो वनोद्देशो बहुपादपसंकुलः
543	3010041c	यदि बुद्धिः कृता द्रष्टुमगस्त्यं तं महामुनिम्
544	3010041e	अद्यैव गमने बुद्धिं रोचयस्व महायशः
545	3010042a	इति रामो मुनेः श्रुत्वा सह भ्रात्राभिवाद्य च
546	3010042c	प्रतस्थेऽगस्त्यमुद्दिश्य सानुजः सह सीतया
547	3010043a	पश्यन्वनानि चित्राणि पर्वपांश्चाभ्रसंनिभान्
548	3010043c	सरांसि सरितश्चैव पथि मार्गवशानुगाः
549	3010044a	सुतीक्ष्णेनोपदिष्टेन गत्वा तेन पथा सुखम्
550	3010044c	इदं परमसंहृष्टो वाक्यं लक्ष्मणमब्रवीत्
551	3010045a	एतदेवाश्रमपदं नूनं तस्य महात्मनः
552	3010045c	अगस्त्यस्य मुनेर्भ्रातुर्दृश्यते पुण्यकर्मणः
553	3010046a	यथा हीमे वनस्यास्य ज्ञाताः पथि सहस्रशः
554	3010046c	संनताः फलभरेण पुष्पभारेण च द्रुमाः
555	3010047a	पिप्पलीनां च पक्वानां वनादस्मादुपागतः
556	3010047c	गन्धोऽयं पवनोत्क्षिप्तः सहसा कटुकोदयः
557	3010048a	तत्र तत्र च दृश्यन्ते संक्षिप्ताः काष्ठसंचयाः
558	3010048c	लूनाश्च पथि दृश्यन्ते दर्भा वैदूर्यवर्चसः
559	3010049a	एतच्च वनमध्यस्थं कृष्णाभ्रशिखरोपमम्
560	3010049c	पावकस्याश्रमस्थस्य धूमाग्रं संप्रदृश्यते
561	3010050a	विविक्तेषु च तीर्थेषु कृतस्नाना द्विजातयः
562	3010050c	पुष्पोपहारं कुर्वन्ति कुसुमैः स्वयमार्जितैः
563	3010051a	तत्सुतीक्ष्णस्य वचनं यथा सौम्य मया श्रुतम्
564	3010051c	अगस्त्यस्याश्रमो भ्रातुर्नूनमेष भविष्यति
565	3010052a	निगृह्य तरसा मृत्युं लोकानां हितकाम्यया
566	3010052c	यस्य भ्रात्रा कृतेयं दिक्शरण्या पुण्यकर्मणा
567	3010053a	इहैकदा किल क्रूरो वातापिरपि चेल्वलः
568	3010053c	भ्रातरौ सहितावास्तां ब्राह्मणघ्नौ महासुरौ
569	3010054a	धारयन्ब्राह्मणं रूपमिल्वलः संस्कृतं वदन्
570	3010054c	आमन्त्रयति विप्रान्स श्राद्धमुद्दिश्य निर्घृणः
571	3010055a	भ्रातरं संस्कृतं भ्राता ततस्तं मेषरूपिणम्
572	3010055c	तान्द्विजान्भोजयामास श्राद्धदृष्टेन कर्मणा
573	3010056a	ततो भुक्तवतां तेषां विप्राणामिल्वलोऽब्रवीत्
574	3010056c	वातापे निष्क्रमस्वेति स्वरेण महता वदन्
575	3010057a	ततो भ्रातुर्वचः श्रुत्वा वातापिर्मेषवन्नदन्
576	3010057c	भित्त्वा भित्वा शरीराणि ब्राह्मणानां विनिष्पतत्
577	3010058a	ब्राह्मणानां सहस्राणि तैरेवं कामरूपिभिः
578	3010058c	विनाशितानि संहत्य नित्यशः पिशिताशनैः
579	3010059a	अगस्त्येन तदा देवैः प्रार्थितेन महर्षिणा
580	3010059c	अनुभूय किल श्राद्धे भक्षितः स महासुरः
581	3010060a	ततः संपन्नमित्युक्त्वा दत्त्वा हस्तावसेचनम्
582	3010060c	भ्रातरं निष्क्रमस्वेति इल्वलः सोऽभ्यभाषत
583	3010061a	तं तथा भाषमाणं तु भ्रातरं विप्रघातिनम्
584	3010061c	अब्रवीत्प्रहसन्धीमानगस्त्यो मुनिसत्तमः
585	3010062a	कुतो निष्क्रमितुं शक्तिर्मया जीर्णस्य रक्षसः
586	3010062c	भ्रातुस्ते मेष रूपस्य गतस्य यमसादनम्
587	3010063a	अथ तस्य वचः श्रुत्वा भ्रातुर्निधनसंश्रितम्
588	3010063c	प्रधर्षयितुमारेभे मुनिं क्रोधान्निशाचरः
589	3010064a	सोऽभ्यद्रवद्द्विजेन्द्रं तं मुनिना दीप्ततेजसा
590	3010064c	चक्षुषानलकल्पेन निर्दग्धो निधनं गतः
591	3010065a	तस्यायमाश्रमो भ्रातुस्तटाकवनशोभितः
592	3010065c	विप्रानुकम्पया येन कर्मेदं दुष्करं कृतम्
593	3010066a	एवं कथयमानस्य तस्य सौमित्रिणा सह
594	3010066c	रामस्यास्तं गतः सूर्यः संध्याकालोऽभ्यवर्तत
595	3010067a	उपास्य पश्चिमां संध्यां सह भ्रात्रा यथाविधि
596	3010067c	प्रविवेशाश्रमपदं तमृषिं चाभ्यवादयन्
597	3010068a	सम्यक्प्रतिगृहीतस्तु मुनिना तेन राघवः
598	3010068c	न्यवसत्तां निशामेकां प्राश्य मूलफलानि च
599	3010069a	तस्यां रात्र्यां व्यतीतायां विमले सूर्यमण्डले
600	3010069c	भ्रातरं तमगस्त्यस्य आमन्त्रयत राघवः
601	3010070a	अभिवादये त्वा भगवन्सुखमध्युषितो निशाम्
602	3010070c	आमन्त्रये त्वां गच्छामि गुरुं ते द्रष्टुमग्रजम्
603	3010071a	गम्यतामिति तेनोक्तो जगाम रघुनन्दनः
604	3010071c	यथोद्दिष्टेन मार्गेण वनं तच्चावलोकयन्
605	3010072a	नीवारान्पनसांस्तालांस्तिमिशान्वञ्जुलान्धवान्
606	3010072c	चिरिबिल्वान्मधूकांश्च बिल्वानपि च तिन्दुकान्
607	3010073a	पुष्पितान्पुष्पिताग्राभिर्लताभिरनुवेष्टितान्
608	3010073c	ददर्श रामः शतशस्तत्र कान्तारपादपान्
609	3010074a	हस्तिहस्तैर्विमृदितान्वानरैरुपशोभितान्
610	3010074c	मत्तैः शकुनिसंघैश्च शतशः प्रतिनादितान्
611	3010075a	ततोऽब्रवीत्समीपस्थं रामो राजीवलोचनः
612	3010075c	पृष्ठतोऽनुगतं वीरं लक्ष्मणं लक्ष्मिवर्धनम्
613	3010076a	स्निग्धपत्रा यथा वृक्षा यथा क्षान्ता मृगद्विजाः
614	3010076c	आश्रमो नातिदूरस्थो महर्षेर्भावितात्मनः
615	3010077a	अगस्त्य इति विख्यातो लोके स्वेनैव कर्मणा
616	3010077c	आश्रमो दृश्यते तस्य परिश्रान्त श्रमापहः
617	3010078a	प्राज्यधूमाकुलवनश्चीरमालापरिष्कृतः
618	3010078c	प्रशान्तमृगयूथश्च नानाशकुनिनादितः
619	3010079a	निगृह्य तरसा मृत्युं लोकानां हितकाम्यया
620	3010079c	दक्षिणा दिक्कृता येन शरण्या पुण्यकर्मणा
621	3010080a	तस्येदमाश्रमपदं प्रभावाद्यस्य राक्षसैः
622	3010080c	दिगियं दक्षिणा त्रासाद्दृश्यते नोपभुज्यते
623	3010081a	यदा प्रभृति चाक्रान्ता दिगियं पुण्यकर्मणा
624	3010081c	तदा प्रभृति निर्वैराः प्रशान्ता रजनीचराः
625	3010082a	नाम्ना चेयं भगवतो दक्षिणा दिक्प्रदक्षिणा
626	3010082c	प्रथिता त्रिषु लोकेषु दुर्धर्षा क्रूरकर्मभिः
627	3010083a	मार्गं निरोद्धुं सततं भास्करस्याचलोत्तमः
628	3010083c	संदेशं पालयंस्तस्य विन्ध्यशौलो न वर्धते
629	3010084a	अयं दीर्घायुषस्तस्य लोके विश्रुतकर्मणः
630	3010084c	अगस्त्यस्याश्रमः श्रीमान्विनीतमृगसेवितः
631	3010085a	एष लोकार्चितः साधुर्हिते नित्यं रतः सताम्
632	3010085c	अस्मानधिगतानेष श्रेयसा योजयिष्यति
633	3010086a	आराधयिष्याम्यत्राहमगस्त्यं तं महामुनिम्
634	3010086c	शेषं च वनवासस्य सौम्य वत्स्याम्यहं प्रभो
635	3010087a	अत्र देवाः सगन्धर्वाः सिद्धाश्च परमर्षयः
636	3010087c	अगस्त्यं नियताहारं सततं पर्युपासते
637	3010088a	नात्र जीवेन्मृषावादी क्रूरो वा यदि वा शठः
638	3010088c	नृशंसः कामवृत्तो वा मुनिरेष तथाविधः
639	3010089a	अत्र देवाश्च यक्षाश्च नागाश्च पतगैः सह
640	3010089c	वसन्ति नियताहारा धर्ममाराधयिष्णवः
641	3010090a	अत्र सिद्धा महात्मानो विमानैः सूर्यसंनिभैः
642	3010090c	त्यक्त्वा देहान्नवैर्देहैः स्वर्याताः परमर्षयः
643	3010091a	यक्षत्वममरत्वं च राज्यानि विविधानि च
644	3010091c	अत्र देवाः प्रयच्छन्ति भूतैराराधिताः शुभैः
645	3010092a	आगताः स्माश्रमपदं सौमित्रे प्रविशाग्रतः
646	3010092c	निवेदयेह मां प्राप्तमृषये सह सीतया
647	3011001a	स प्रविश्याश्रमपदं लक्ष्मणो राघवानुजः
648	3011001c	अगस्त्यशिष्यमासाद्य वाक्यमेतदुवाच ह
649	3011002a	राजा दशरथो नाम ज्येष्ठस्तस्य सुतो बली
650	3011002c	रामः प्राप्तो मुनिं द्रष्टुं भार्यया सह सीतया
651	3011003a	लक्ष्मणो नाम तस्याहं भ्राता त्ववरजो हितः
652	3011003c	अनुकूलश्च भक्तश्च यदि ते श्रोत्रमागतः
653	3011004a	ते वयं वनमत्युग्रं प्रविष्टाः पितृशासनात्
654	3011004c	द्रष्टुमिच्छामहे सर्वे भगवन्तं निवेद्यताम्
655	3011005a	तस्य तद्वचनं श्रुत्वा लक्ष्मणस्य तपोधनः
656	3011005c	तथेत्युक्त्वाग्निशरणं प्रविवेश निवेदितुम्
657	3011006a	स प्रविश्य मुनिश्रेष्ठं तपसा दुष्प्रधर्षणम्
658	3011006c	कृताञ्जलिरुवाचेदं रामागमनमञ्जसा
659	3011007a	पुत्रौ दशरथस्येमौ रामो लक्ष्मण एव च
660	3011007c	प्रविष्टावाश्रमपदं सीतया सह भार्यया
661	3011008a	द्रष्टुं भवन्तमायातौ शुश्रूषार्थमरिंदमौ
662	3011008c	यदत्रानन्तरं तत्त्वमाज्ञापयितुमर्हसि
663	3011009a	ततः शिष्यादुपश्रुत्य प्राप्तं रामं सलक्ष्मणम्
664	3011009c	वैदेहीं च महाभागामिदं वचनमब्रवीत्
665	3011010a	दिष्ट्या रामश्चिरस्याद्य द्रष्टुं मां समुपागतः
666	3011010c	मनसा काङ्क्षितं ह्यस्य मयाप्यागमनं प्रति
667	3011011a	गम्यतां सत्कृतो रामः सभार्यः सहलक्ष्मणः
668	3011011c	प्रवेश्यतां समीपं मे किं चासौ न प्रवेशितः
669	3011012a	एवमुक्तस्तु मुनिना धर्मज्ञेन महात्मना
670	3011012c	अभिवाद्याब्रवीच्छिष्यस्तथेति नियताञ्जलिः
671	3011013a	ततो निष्क्रम्य संभ्रान्तः शिष्यो लक्ष्मणमब्रवीत्
672	3011013c	क्वासौ रामो मुनिं द्रष्टुमेतु प्रविशतु स्वयम्
673	3011014a	ततो गत्वाश्रमपदं शिष्येण सह लक्ष्मणः
674	3011014c	दर्शयामास काकुत्स्थं सीतां च जनकात्मजाम्
675	3011015a	तं शिष्यः प्रश्रितं वाक्यमगस्त्यवचनं ब्रुवन्
676	3011015c	प्रावेशयद्यथान्यायं सत्कारार्थं सुसत्कृतम्
677	3011016a	प्रविवेश ततो रामः सीतया सहलक्ष्मणः
678	3011016c	प्रशान्तहरिणाकीर्णमाश्रमं ह्यवलोकयन्
679	3011017a	स तत्र ब्रह्मणः स्थानमग्नेः स्थानं तथैव च
680	3011017c	विष्णोः स्थानं महेन्द्रस्य स्थानं चैव विवस्वतः
681	3011018a	सोमस्थानं भगस्थानं स्थानं कौबेरमेव च
682	3011018c	धातुर्विधातुः स्थानं च वायोः स्थानं तथैव च
683	3011019a	ततः शिष्यैः परिवृतो मुनिरप्यभिनिष्पतत्
684	3011019c	तं ददर्शाग्रतो रामो मुनीनां दीप्ततेजसं
685	3011019e	अब्रवीद्वचनं वीरो लक्ष्मणं लक्ष्मिवर्धनम्
686	3011020a	एष लक्ष्मण निष्क्रामत्यगस्त्यो भगवानृषिः
687	3011020c	औदार्येणावगच्छामि निधानं तपसामिमम्
688	3011021a	एवमुक्त्वा महाबाहुरगस्त्यं सूर्यवर्चसं
689	3011021c	जग्राह परमप्रीतस्तस्य पादौ परंतपः
690	3011022a	अभिवाद्य तु धर्मात्मा तस्थौ रामः कृताञ्जलिः
691	3011022c	सीतया सह वैदेह्या तदा राम सलक्ष्मणः
692	3011023a	प्रतिगृह्य च काकुत्स्थमर्चयित्वासनोदकैः
693	3011023c	कुशलप्रश्नमुक्त्वा च आस्यतामिति सोऽब्रवीत्
694	3011024a	अग्निं हुत्वा प्रदायार्घ्यमतिथिं प्रतिपूज्य च
695	3011024c	वानप्रस्थेन धर्मेण स तेषां भोजनं ददौ
696	3011025a	प्रथमं चोपविश्याथ धर्मज्ञो मुनिपुंगवः
697	3011025c	उवाच राममासीनं प्राञ्जलिं धर्मकोविदम्
698	3011026a	अन्यथा खलु काकुत्स्थ तपस्वी समुदाचरन्
699	3011026c	दुःसाक्षीव परे लोके स्वानि मांसानि भक्षयेत्
700	3011027a	राजा सर्वस्य लोकस्य धर्मचारी महारथः
701	3011027c	पूजनीयश्च मान्यश्च भवान्प्राप्तः प्रियातिथिः
702	3011028a	एवमुक्त्वा फलैर्मूलैः पुष्पैश्चान्यैश्च राघवम्
703	3011028c	पूजयित्वा यथाकामं पुनरेव ततोऽब्रवीत्
704	3011029a	इदं दिव्यं महच्चापं हेमवज्रविभूषितम्
705	3011029c	वैष्णवं पुरुषव्याघ्र निर्मितं विश्वकर्मणा
706	3011030a	अमोघः सूर्यसंकाशो ब्रह्मदत्तः शरोत्तमः
707	3011030c	दत्तो मम महेन्द्रेण तूणी चाक्षयसायकौ
708	3011031a	संपूर्णौ निशितैर्बाणैर्ज्वलद्भिरिव पावकैः
709	3011031c	महाराजत कोशोऽयमसिर्हेमविभूषितः
710	3011032a	अनेन धनुषा राम हत्वा संख्ये महासुरान्
711	3011032c	आजहार श्रियं दीप्तां पुरा विष्णुर्दिवौकसाम्
712	3011033a	तद्धनुस्तौ च तूणीरौ शरं खड्गं च मानद
713	3011033c	जयाय प्रतिगृह्णीष्व वज्रं वज्रधरो यथा
714	3011034a	एवमुक्त्वा महातेजाः समस्तं तद्वरायुधम्
715	3011034c	दत्त्वा रामाय भगवानगस्त्यः पुनरब्रवीत्
716	3012001a	राम प्रीतोऽस्मि भद्रं ते परितुष्टोऽस्मि लक्ष्मण
717	3012001c	अभिवादयितुं यन्मां प्राप्तौ स्थः सह सीतया
718	3012002a	अध्वश्रमेण वां खेदो बाधते प्रचुरश्रमः
719	3012002c	व्यक्तमुत्कण्ठते चापि मैथिली जनकात्मजा
720	3012003a	एषा हि सुकुमारी च दुःखैश्च न विमानिता
721	3012003c	प्राज्यदोषं वनं प्रप्ता भर्तृस्नेहप्रचोदिता
722	3012004a	यथैषा रमते राम इह सीता तथा कुरु
723	3012004c	दुष्करं कृतवत्येषा वने त्वामनुगच्छती
724	3012005a	एषा हि प्रकृतिः स्त्रीणामासृष्टे रघुनन्दन
725	3012005c	समस्थमनुरज्यन्ते विषमस्थं त्यजन्ति च
726	3012006a	शतह्रदानां लोलत्वं शस्त्राणां तीक्ष्णतां तथा
727	3012006c	गरुडानिलयोः शैघ्र्यमनुगच्छन्ति योषितः
728	3012007a	इयं तु भवतो भार्या दोषैरेतैर्विवर्जिताः
729	3012007c	श्लाघ्या च व्यपदेश्या च यथा देवी ह्यरुन्धती
730	3012008a	अलंकृतोऽयं देशश्च यत्र सौमित्रिणा सह
731	3012008c	वैदेह्या चानया राम वत्स्यसि त्वमरिंदम
732	3012009a	एवमुक्तस्तु मुनिना राघवः संयताञ्जलिः
733	3012009c	उवाच प्रश्रितं वाक्यमृषिं दीप्तमिवानलम्
734	3012010a	धन्योऽस्म्यनुगृहीतोऽस्मि यस्य मे मुनिपुंगवः
735	3012010c	गुणैः सभ्रातृभार्यस्य वरदः परितुष्यति
736	3012011a	किं तु व्यादिश मे देशं सोदकं बहुकाननम्
737	3012011c	यत्राश्रमपदं कृत्वा वसेयं निरतः सुखम्
738	3012012a	ततोऽब्रवीन्मुनि श्रेष्ठः श्रुत्वा रामस्य भाषितम्
739	3012012c	ध्यात्वा मुहूर्तं धर्मात्मा धीरो धीरतरं वचः
740	3012013a	इतो द्वियोजने तात बहुमूलफलोदकः
741	3012013c	देशो बहुमृगः श्रीमान्पञ्चवट्यभिविश्रुतः
742	3012014a	तत्र गत्वाश्रमपदं कृत्वा सौमित्रिणा सह
743	3012014c	रमस्व त्वं पितुर्वाक्यं यथोक्तमनुपालयन्
744	3012015a	विदितो ह्येष वृत्तान्तो मम सर्वस्तवानघ
745	3012015c	तपसश्च प्रभावेन स्नेहाद्दशरथस्य च
746	3012016a	हृदयस्थश्च ते छन्दो विज्ञातस्तपसा मया
747	3012016c	इह वासं प्रतिज्ञाय मया सह तपोवने
748	3012017a	अतश्च त्वामहं ब्रूमि गच्छ पञ्चवटीमिति
749	3012017c	स हि रम्यो वनोद्देशो मैथिली तत्र रंस्यते
750	3012018a	स देशः श्लाघनीयश्च नातिदूरे च राघव
751	3012018c	गोदावर्याः समीपे च मैथिली तत्र रंस्यते
752	3012019a	प्राज्यमूलफलैश्चैव नानाद्विज गणैर्युतः
753	3012019c	विविक्तश्च महाबाहो पुण्यो रम्यस्तथैव च
754	3012020a	भवानपि सदारश्च शक्तश्च परिरक्षणे
755	3012020c	अपि चात्र वसन्रामस्तापसान्पालयिष्यसि
756	3012021a	एतदालक्ष्यते वीर मधुकानां महद्वनम्
757	3012021c	उत्तरेणास्य गन्तव्यं न्यग्रोधमभिगच्छता
758	3012022a	ततः स्थलमुपारुह्य पर्वतस्याविदूरतः
759	3012022c	ख्यातः पञ्चवटीत्येव नित्यपुष्पितकाननः
760	3012023a	अगस्त्येनैवमुक्तस्तु रामः सौमित्रिणा सह
761	3012023c	सात्कृत्यामन्त्रयामास तमृषिं सत्यवादिनम्
762	3012024a	तौ तु तेनाभ्यनुज्ञातौ कृतपादाभिवन्दनौ
763	3012024c	तदाश्रमात्पञ्चवटीं जग्मतुः सह सीतया
764	3012025a	गृहीतचापौ तु नराधिपात्मजौ; विषक्ततूणी समरेष्वकातरौ
765	3012025c	यथोपदिष्टेन पथा महर्षिणा; प्रजग्मतुः पञ्चवटीं समाहितौ
766	3013001a	अथ पञ्चवटीं गच्छन्नन्तरा रघुनन्दनः
767	3013001c	आससाद महाकायं गृध्रं भीमपराक्रमम्
768	3013002a	तं दृष्ट्वा तौ महाभागौ वनस्थं रामलक्ष्मणौ
769	3013002c	मेनाते राक्षसं पक्षिं ब्रुवाणौ को भवानिति
770	3013003a	स तौ मधुरया वाचा सौम्यया प्रीणयन्निव
771	3013003c	उवाच वत्स मां विद्धि वयस्यं पितुरात्मनः
772	3013004a	स तं पितृसखं बुद्ध्वा पूजयामास राघवः
773	3013004c	स तस्य कुलमव्यग्रमथ पप्रच्छ नाम च
774	3013005a	रामस्य वचनं श्रुत्वा कुलमात्मानमेव च
775	3013005c	आचचक्षे द्विजस्तस्मै सर्वभूतसमुद्भवम्
776	3013006a	पूर्वकाले महाबाहो ये प्रजापतयोऽभवन्
777	3013006c	तान्मे निगदतः सर्वानादितः शृणु राघव
778	3013007a	कर्दमः प्रथमस्तेषां विकृतस्तदनन्तरम्
779	3013007c	शेषश्च संश्रयश्चैव बहुपुत्रश्च वीर्यवान्
780	3013008a	स्थाणुर्मरीचिरत्रिश्च क्रतुश्चैव महाबलः
781	3013008c	पुलस्त्यश्चाङ्गिराश्चैव प्रचेताः पुलहस्तथा
782	3013009a	दक्षो विवस्वानपरोऽरिष्टनेमिश्च राघव
783	3013009c	कश्यपश्च महातेजास्तेषामासीच्च पश्चिमः
784	3013010a	प्रजापतेस्तु दक्षस्य बभूवुरिति नः श्रुतम्
785	3013010c	षष्टिर्दुहितरो राम यशस्विन्यो महायशः
786	3013011a	कश्यपः प्रतिजग्राह तासामष्टौ सुमध्यमाः
787	3013011c	अदितिं च दितिं चैव दनूमपि च कालकाम्
788	3013012a	ताम्रां क्रोधवशां चैव मनुं चाप्यनलामपि
789	3013012c	तास्तु कन्यास्ततः प्रीतः कश्यपः पुनरब्रवीत्
790	3013013a	पुत्रांस्त्रैलोक्यभर्तॄन्वै जनयिष्यथ मत्समान्
791	3013013c	अदितिस्तन्मना राम दितिश्च दनुरेव च
792	3013014a	कालका च महाबाहो शेषास्त्वमनसोऽभवन्
793	3013014c	अदित्यां जज्ञिरे देवास्त्रयस्त्रिंशदरिंदम
794	3013015a	आदित्या वसवो रुद्रा अश्विनौ च परंतप
795	3013015c	दितिस्त्वजनयत्पुत्रान्दैत्यांस्तात यशस्विनः
796	3013016a	तेषामियं वसुमती पुरासीत्सवनार्णवा
797	3013016c	दनुस्त्वजनयत्पुत्रमश्वग्रीवमरिंदम
798	3013017a	नरकं कालकं चैव कालकापि व्यजायत
799	3013017c	क्रौञ्चीं भासीं तथा श्येनीं धृतराष्ट्रीं तथा शुकीम्
800	3013018a	ताम्रापि सुषुवे कन्याः पञ्चैता लोकविश्रुताः
801	3013018c	उलूकाञ्जनयत्क्रौञ्ची भासी भासान्व्यजायत
802	3013019a	श्येनी श्येनांश्च गृध्रांश्च व्यजायत सुतेजसः
803	3013019c	धृतराष्ट्री तु हंसांश्च कलहंसांश्च सर्वशः
804	3013020a	चक्रवाकांश्च भद्रं ते विजज्ञे सापि भामिनी
805	3013020c	शुकी नतां विजज्ञे तु नताया विनता सुता
806	3013021a	दशक्रोधवशा राम विजज्ञेऽप्यात्मसंभवाः
807	3013021c	मृगीं च मृगमन्दां च हरीं भद्रमदामपि
808	3013022a	मातङ्गीमथ शार्दूलीं श्वेतां च सुरभीं तथा
809	3013022c	सर्वलक्षणसंपन्नां सुरसां कद्रुकामपि
810	3013023a	अपत्यं तु मृगाः सर्वे मृग्या नरवरोत्तम
811	3013023c	ऋष्काश्च मृगमन्दायाः सृमराश्चमरास्तथा
812	3013024a	ततस्त्विरावतीं नाम जज्ञे भद्रमदा सुताम्
813	3013024c	तस्यास्त्वैरावतः पुत्रो लोकनाथो महागजः
814	3013025a	हर्याश्च हरयोऽपत्यं वानराश्च तपस्विनः
815	3013025c	गोलाङ्गूलांश्च शार्दूली व्याघ्रांश्चाजनयत्सुतान्
816	3013026a	मातङ्ग्यास्त्वथ मातङ्गा अपत्यं मनुजर्षभ
817	3013026c	दिशागजं तु श्वेताक्षं श्वेता व्यजनयत्सुतम्
818	3013027a	ततो दुहितरौ राम सुरभिर्देव्यजायत
819	3013027c	रोहिणीं नाम भद्रं ते गन्धर्वीं च यशस्विनीम्
820	3013028a	रोहिण्यजनयद्गा वै गन्धर्वी वाजिनः सुतान्
821	3013028c	सुरसाजनयन्नागान्राम कद्रूश्च पन्नगान्
822	3013029a	मनुर्मनुष्याञ्जनयत्कश्यपस्य महात्मनः
823	3013029c	ब्राह्मणान्क्षत्रियान्वैश्याञ्शूद्रांश्च मनुजर्षभ
824	3013030a	मुखतो ब्राह्मणा जाता उरसः क्षत्रियास्तथा
825	3013030c	ऊरुभ्यां जज्ञिरे वैश्याः पद्भ्यां शूद्रा इति श्रुतिः
826	3013031a	सर्वान्पुण्यफलान्वृक्षाननलापि व्यजायत
827	3013031c	विनता च शुकी पौत्री कद्रूश्च सुरसा स्वसा
828	3013032a	कद्रूर्नागसहस्क्रं तु विजज्ञे धरणीधरम्
829	3013032c	द्वौ पुत्रौ विनतायास्तु गरुडोऽरुण एव च
830	3013033a	तस्माज्जातोऽहमरुणात्संपातिश्च ममाग्रजः
831	3013033c	जटायुरिति मां विद्धि श्येनीपुत्रमरिंदम
832	3013034a	सोऽहं वाससहायस्ते भविष्यामि यदीच्छसि
833	3013034c	सीतां च तात रक्षिष्ये त्वयि याते सलक्ष्मणे
834	3013035a	जटायुषं तु प्रतिपूज्य राघवो; मुदा परिष्वज्य च संनतोऽभवत्
835	3013035c	पितुर्हि शुश्राव सखित्वमात्मवा;ञ्जटायुषा संकथितं पुनः पुनः
836	3013036a	स तत्र सीतां परिदाय मैथिलीं; सहैव तेनातिबलेन पक्षिणा
837	3013036c	जगाम तां पञ्चवटीं सलक्ष्मणो; रिपून्दिधक्षञ्शलभानिवानलः
838	3014001a	ततः पञ्चवटीं गत्वा नानाव्यालमृगायुताम्
839	3014001c	उवाच भ्रातरं रामो लक्ष्मणं दीप्ततेजसं
840	3014002a	आगताः स्म यथोद्दिष्टममुं देशं महर्षिणा
841	3014002c	अयं पञ्चवटी देशः सौम्य पुष्पितकाननः
842	3014003a	सर्वतश्चार्यतां दृष्टिः कानने निपुणो ह्यसि
843	3014003c	आश्रमः कतरस्मिन्नो देशे भवति संमतः
844	3014004a	रमते यत्र वैदेही त्वमहं चैव लक्ष्मण
845	3014004c	तादृशो दृश्यतां देशः संनिकृष्टजलाशयः
846	3014005a	वनरामण्यकं यत्र जलरामण्यकं तथा
847	3014005c	संनिकृष्टं च यत्र स्यात्समित्पुष्पकुशोदकम्
848	3014006a	एवमुक्तस्तु रामेण लक्मणः संयताञ्जलिः
849	3014006c	सीता समक्षं काकुत्स्थमिदं वचनमब्रवीत्
850	3014007a	परवानस्मि काकुत्स्थ त्वयि वर्षशतं स्थिते
851	3014007c	स्वयं तु रुचिरे देशे क्रियतामिति मां वद
852	3014008a	सुप्रीतस्तेन वाक्येन लक्ष्मणस्य महाद्युतिः
853	3014008c	विमृशन्रोचयामास देशं सर्वगुणान्वितम्
854	3014009a	स तं रुचिरमाक्रम्य देशमाश्रमकर्मणि
855	3014009c	हस्ते गृहीत्वा हस्तेन रामः सौमित्रिमब्रवीत्
856	3014010a	अयं देशः समः श्रीमान्पुष्पितैर्तरुभिर्वृतः
857	3014010c	इहाश्रमपदं सौम्य यथावत्कर्तुमर्हसि
858	3014011a	इयमादित्यसंकाशैः पद्मैः सुरभिगन्धिभिः
859	3014011c	अदूरे दृश्यते रम्या पद्मिनी पद्मशोभिता
860	3014012a	यथाख्यातमगस्त्येन मुनिना भावितात्मना
861	3014012c	इयं गोदावरी रम्या पुष्पितैस्तरुभिर्वृता
862	3014013a	हंसकारण्डवाकीर्णा चक्रवाकोपशोभिता
863	3014013c	नातिदूरे न चासन्ने मृगयूथनिपीडिता
864	3014014a	मयूरनादिता रम्याः प्रांशवो बहुकन्दराः
865	3014014c	दृश्यन्ते गिरयः सौम्य फुल्लैस्तरुभिरावृताः
866	3014015a	सौवर्णे राजतैस्ताम्रैर्देशे देशे च धातुभिः
867	3014015c	गवाक्षिता इवाभान्ति गजाः परमभक्तिभिः
868	3014016a	सालैस्तालैस्तमालैश्च खर्जूरैः पनसाम्रकैः
869	3014016c	नीवारैस्तिमिशैश्चैव पुंनागैश्चोपशोभिताः
870	3014017a	चूतैरशोकैस्तिलकैश्चम्पकैः केतकैरपि
871	3014017c	पुष्पगुल्मलतोपेतैस्तैस्तैस्तरुभिरावृताः
872	3014018a	चन्दनैः स्यन्दनैर्नीपैः पनसैर्लकुचैरपि
873	3014018c	धवाश्वकर्णखदिरैः शमीकिंशुकपाटलैः
874	3014019a	इदं पुण्यमिदं मेध्यमिदं बहुमृगद्विजम्
875	3014019c	इह वत्स्याम सौमित्रे सार्धमेतेन पक्षिणा
876	3014020a	एवमुक्तस्तु रामेण लक्ष्मणः परवीरहा
877	3014020c	अचिरेणाश्रमं भ्रातुश्चकार सुमहाबलः
878	3014021a	पर्णशालां सुविपुलां तत्र संघातमृत्तिकाम्
879	3014021c	सुस्तम्भां मस्करैर्दीर्घैः कृतवंशां सुशोभनाम्
880	3014022a	स गत्वा लक्ष्मणः श्रीमान्नदीं गोदावरीं तदा
881	3014022c	स्नात्वा पद्मानि चादाय सफलः पुनरागतः
882	3014023a	ततः पुष्पबलिं कृत्वा शान्तिं च स यथाविधि
883	3014023c	दर्शयामास रामाय तदाश्रमपदं कृतम्
884	3014024a	स तं दृष्ट्वा कृतं सौम्यमाश्रमं सह सीतया
885	3014024c	राघवः पर्णशालायां हर्षमाहारयत्परम्
886	3014025a	सुसंहृष्टः परिष्वज्य बाहुभ्यां लक्ष्मणं तदा
887	3014025c	अतिस्निग्धं च गाढं च वचनं चेदमब्रवीत्
888	3014026a	प्रीतोऽस्मि ते महत्कर्म त्वया कृतमिदं प्रभो
889	3014026c	प्रदेयो यन्निमित्तं ते परिष्वङ्गो मया कृतः
890	3014027a	भावज्ञेन कृतज्ञेन धर्मज्ञेन च लक्ष्मण
891	3014027c	त्वया पुत्रेण धर्मात्मा न संवृत्तः पिता मम
892	3014028a	एवं लक्ष्मणमुक्त्वा तु राघवो लक्ष्मिवर्धनः
893	3014028c	तस्मिन्देशे बहुफले न्यवसत्स सुखं वशी
894	3014029a	कंचित्कालं स धर्मात्मा सीतया लक्ष्मणेन च
895	3014029c	अन्वास्यमानो न्यवसत्स्वर्गलोके यथामरः
896	3015001a	वसतस्तस्य तु सुखं राघवस्य महात्मनः
897	3015001c	शरद्व्यपाये हेमन्त ऋतुरिष्टः प्रवर्तते
898	3015002a	स कदाचित्प्रभातायां शर्वर्यां रघुनन्दनः
899	3015002c	प्रययावभिषेकार्थं रम्यां गोदावरीं नदीम्
900	3015003a	प्रह्वः कलशहस्तस्तं सीतया सह वीर्यवान्
901	3015003c	पृष्ठतोऽनुव्रजन्भ्राता सौमित्रिरिदमब्रवीत्
902	3015004a	अयं स कालः संप्राप्तः प्रियो यस्ते प्रियंवद
903	3015004c	अलंकृत इवाभाति येन संवत्सरः शुभः
904	3015005a	नीहारपरुषो लोकः पृथिवी सस्यमालिनी
905	3015005c	जलान्यनुपभोग्यानि सुभगो हव्यवाहनः
906	3015006a	नवाग्रयणपूजाभिरभ्यर्च्य पितृदेवताः
907	3015006c	कृताग्रयणकाः काले सन्तो विगतकल्मषाः
908	3015007a	प्राज्यकामा जनपदाः संपन्नतरगोरसाः
909	3015007c	विचरन्ति महीपाला यात्रार्थं विजिगीषवः
910	3015008a	सेवमाने दृढं सूर्ये दिशमन्तकसेविताम्
911	3015008c	विहीनतिलकेव स्त्री नोत्तरा दिक्प्रकाशते
912	3015009a	प्रकृत्या हिमकोशाढ्यो दूरसूर्यश्च साम्प्रतम्
913	3015009c	यथार्थनामा सुव्यक्तं हिमवान्हिमवान्गिरिः
914	3015010a	अत्यन्तसुखसंचारा मध्याह्ने स्पर्शतः सुखाः
915	3015010c	दिवसाः सुभगादित्याश्छायासलिलदुर्भगाः
916	3015011a	मृदुसूर्याः सनीहाराः पटुशीताः समारुताः
917	3015011c	शून्यारण्या हिमध्वस्ता दिवसा भान्ति साम्प्रतम्
918	3015012a	निवृत्ताकाशशयनाः पुष्यनीता हिमारुणाः
919	3015012c	शीता वृद्धतरायामास्त्रियामा यान्ति साम्प्रतम्
920	3015013a	रविसंक्रान्तसौभाग्यस्तुषारारुणमण्डलः
921	3015013c	निःश्वासान्ध इवादर्शश्चन्द्रमा न प्रकाशते
922	3015014a	ज्योत्स्ना तुषारमलिना पौर्णमास्यां न राजते
923	3015014c	सीतेव चातपश्यामा लक्ष्यते न तु शोभते
924	3015015a	प्रकृत्या शीतलस्पर्शो हिमविद्धश्च साम्प्रतम्
925	3015015c	प्रवाति पश्चिमो वायुः काले द्विगुणशीतलः
926	3015016a	बाष्पच्छन्नान्यरण्यानि यवगोधूमवन्ति च
927	3015016c	शोभन्तेऽभ्युदिते सूर्ये नदद्भिः क्रौञ्चसारसैः
928	3015017a	खर्जूरपुष्पाकृतिभिः शिरोभिः पूर्णतण्डुलैः
929	3015017c	शोभन्ते किं चिदालम्बाः शालयः कनकप्रभाः
930	3015018a	मयूखैरुपसर्पद्भिर्हिमनीहारसंवृतैः
931	3015018c	दूरमभ्युदितः सूर्यः शशाङ्क इव लक्ष्यते
932	3015019a	अग्राह्यवीर्यः पूर्वाह्णे मध्याह्ने स्पर्शतः सुखः
933	3015019c	संरक्तः किंचिदापाण्डुरातपः शोभते क्षितौ
934	3015020a	अवश्यायनिपातेन किंचित्प्रक्लिन्नशाद्वला
935	3015020c	वनानां शोभते भूमिर्निविष्टतरुणातपा
936	3015021a	अवश्यायतमोनद्धा नीहारतमसावृताः
937	3015021c	प्रसुप्ता इव लक्ष्यन्ते विपुष्पा वनराजयः
938	3015022a	बाष्पसंछन्नसलिला रुतविज्ञेयसारसाः
939	3015022c	हिमार्द्रवालुकैस्तीरैः सरितो भान्ति साम्प्रतम्
940	3015023a	तुषारपतनाच्चैव मृदुत्वाद्भास्करस्य च
941	3015023c	शैत्यादगाग्रस्थमपि प्रायेण रसवज्जलम्
942	3015024a	जराजर्जरितैः पर्णैः शीर्णकेसरकर्णिकैः
943	3015024c	नालशेषा हिमध्वस्ता न भान्ति कमलाकराः
944	3015025a	अस्मिंस्तु पुरुषव्याघ्र काले दुःखसमन्वितः
945	3015025c	तपश्चरति धर्मात्मा त्वद्भक्त्या भरतः पुरे
946	3015026a	त्यक्त्वा राज्यं च मानं च भोगांश्च विविधान्बहून्
947	3015026c	तपस्वी नियताहारः शेते शीते महीतले
948	3015027a	सोऽपि वेलामिमां नूनमभिषेकार्थमुद्यतः
949	3015027c	वृतः प्रकृतिभिर्नित्यं प्रयाति सरयूं नदीम्
950	3015028a	अत्यन्तसुखसंवृद्धः सुकुमारो हिमार्दितः
951	3015028c	कथं त्वपररात्रेषु सरयूमवगाहते
952	3015029a	पद्मपत्रेक्षणः श्यामः श्रीमान्निरुदरो महान्
953	3015029c	धर्मज्ञः सत्यवादी च ह्रीनिषेधो जितेन्द्रियः
954	3015030a	प्रियाभिभाषी मधुरो दीर्घबाहुररिंदमः
955	3015030c	संत्यज्य विविधान्सौख्यानार्यं सर्वात्मनाश्रितः
956	3015031a	जितः स्वर्गस्तव भ्रात्रा भरतेन महात्मना
957	3015031c	वनस्थमपि तापस्ये यस्त्वामनुविधीयते
958	3015032a	न पित्र्यमनुवर्न्तन्ते मातृकं द्विपदा इति
959	3015032c	ख्यातो लोकप्रवादोऽयं भरतेनान्यथाकृतः
960	3015033a	भर्ता दशरथो यस्याः साधुश्च भरतः सुतः
961	3015033c	कथं नु साम्बा कैकेयी तादृशी क्रूरदर्शिनी
962	3015034a	इत्येवं लक्ष्मणे वाक्यं स्नेहाद्ब्रुवति धार्मिके
963	3015034c	परिवादं जनन्यास्तमसहन्राघवोऽब्रवीत्
964	3015035a	न तेऽम्बा मध्यमा तात गर्हितव्या कथंचन
965	3015035c	तामेवेक्ष्वाकुनाथस्य भरतस्य कथां कुरु
966	3015036a	निश्चितापि हि मे बुद्धिर्वनवासे दृढव्रता
967	3015036c	भरतस्नेहसंतप्ता बालिशीक्रियते पुनः
968	3015037a	इत्येवं विलपंस्तत्र प्राप्य गोदावरीं नदीम्
969	3015037c	चक्रेऽभिषेकं काकुत्स्थः सानुजः सह सीतया
970	3015038a	तर्पयित्वाथ सलिलैस्ते पितॄन्दैवतानि च
971	3015038c	स्तुवन्ति स्मोदितं सूर्यं देवताश्च समाहिताः
972	3015039a	कृताभिषेकः स रराज रामः; सीताद्वितीयः सह लक्ष्मणेन
973	3015039c	कृताभिषेकस्त्वगराजपुत्र्या; रुद्रः सनन्दिर्भगवानिवेशः
974	3016001a	कृताभिषेको रामस्तु सीता सौमित्रिरेव च
975	3016001c	तस्माद्गोदावरीतीरात्ततो जग्मुः स्वमाश्रमम्
976	3016002a	आश्रमं तमुपागम्य राघवः सहलक्ष्मणः
977	3016002c	कृत्वा पौर्वाह्णिकं कर्म पर्णशालामुपागमत्
978	3016003a	स रामः पर्णशालायामासीनः सह सीतया
979	3016003c	विरराज महाबाहुश्चित्रया चन्द्रमा इव
980	3016003e	लक्ष्मणेन सह भ्रात्रा चकार विविधाः कथाः
981	3016004a	तदासीनस्य रामस्य कथासंसक्तचेतसः
982	3016004c	तं देशं राक्षसी काचिदाजगाम यदृच्छया
983	3016005a	सा तु शूर्पणखा नाम दशग्रीवस्य रक्षसः
984	3016005c	भगिनी राममासाद्य ददर्श त्रिदशोपमम्
985	3016006a	सिंहोरस्कं महाबाहुं पद्मपत्रनिभेक्षणम्
986	3016006c	सुकुमारं महासत्त्वं पार्थिवव्यञ्जनान्वितम्
987	3016007a	राममिन्दीवरश्यामं कन्दर्पसदृशप्रभम्
988	3016007c	बभूवेन्द्रोपमं दृष्ट्वा राक्षसी काममोहिता
989	3016008a	सुमुखं दुर्मुखी रामं वृत्तमध्यं महोदरी
990	3016008c	विशालाक्षं विरूपाक्षी सुकेशं ताम्रमूर्धजा
991	3016009a	प्रियरूपं विरूपा सा सुस्वरं भैरवस्वना
992	3016009c	तरुणं दारुणा वृद्धा दक्षिणं वामभाषिणी
993	3016010a	न्यायवृत्तं सुदुर्वृत्ता प्रियमप्रियदर्शना
994	3016010c	शरीरजसमाविष्टा राक्षसी राममब्रवीत्
995	3016011a	जटी तापसरूपेण सभार्यः शरचापधृक्
996	3016011c	आगतस्त्वमिमं देशं कथं राक्षससेवितम्
997	3016012a	एवमुक्तस्तु राक्षस्या शूर्पणख्या परंतपः
998	3016012c	ऋजुबुद्धितया सर्वमाख्यातुमुपचक्रमे
999	3016013a	आसीद्दशरथो नाम राजा त्रिदशविक्रमः
1000	3016013c	तस्याहमग्रजः पुत्रो रामो नाम जनैः श्रुतः
1001	3016014a	भ्रातायं लक्ष्मणो नाम यवीयान्मामनुव्रतः
1002	3016014c	इयं भार्या च वैदेही मम सीतेति विश्रुता
1003	3016015a	नियोगात्तु नरेन्द्रस्य पितुर्मातुश्च यन्त्रितः
1004	3016015c	धर्मार्थं धर्मकाङ्क्षी च वनं वस्तुमिहागतः
1005	3016016a	त्वां तु वेदितुमिच्छामि कथ्यतां कासि कस्य वा
1006	3016016c	इह वा किंनिमित्तं त्वमागता ब्रूहि तत्त्वतः
1007	3016017a	साब्रवीद्वचनं श्रुत्वा राक्षसी मदनार्दिता
1008	3016017c	श्रूयतां राम वक्ष्यामि तत्त्वार्थं वचनं मम
1009	3016018a	अहं शूर्पणखा नाम राक्षसी कामरूपिणी
1010	3016018c	अरण्यं विचरामीदमेका सर्वभयंकरा
1011	3016019a	रावणो नाम मे भ्राता राक्षसो राक्षसेश्वरः
1012	3016019c	प्रवृद्धनिद्रश्च सदा कुम्भकर्णो महाबलः
1013	3016020a	विभीषणस्तु धर्मात्मा न तु राक्षसचेष्टितः
1014	3016020c	प्रख्यातवीर्यौ च रणे भ्रातरौ खरदूषणौ
1015	3016021a	तानहं समतिक्रान्ता राम त्वापूर्वदर्शनात्
1016	3016021c	समुपेतास्मि भावेन भर्तारं पुरुषोत्तमम्
1017	3016021e	चिराय भव भर्ता मे सीतया किं करिष्यसि
1018	3016022a	विकृता च विरूपा च न सेयं सदृशी तव
1019	3016022c	अहमेवानुरूपा ते भार्यारूपेण पश्य माम्
1020	3016023a	इमां विरूपामसतीं करालां निर्णतोदरीम्
1021	3016023c	अनेन सह ते भ्रात्रा भक्षयिष्यामि मानुषीम्
1022	3016024a	ततः पर्वतशृङ्गाणि वनानि विविधानि च
1023	3016024c	पश्यन्सह मया कान्त दण्डकान्विचरिष्यसि
1024	3016025a	इत्येवमुक्तः काकुत्स्थः प्रहस्य मदिरेक्षणाम्
1025	3016025c	इदं वचनमारेभे वक्तुं वाक्यविशारदः
1026	3017001a	तां तु शूर्पणखां रामः कामपाशावपाशिताम्
1027	3017001c	स्वेच्छया श्लक्ष्णया वाचा स्मितपूर्वमथाब्रवीत्
1028	3017002a	कृतदारोऽस्मि भवति भार्येयं दयिता मम
1029	3017002c	त्वद्विधानां तु नारीणां सुदुःखा ससपत्नता
1030	3017003a	अनुजस्त्वेष मे भ्राता शीलवान्प्रियदर्शनः
1031	3017003c	श्रीमानकृतदारश्च लक्ष्मणो नाम वीर्यवान्
1032	3017004a	अपूर्वी भार्यया चार्थी तरुणः प्रियदर्शनः
1033	3017004c	अनुरूपश्च ते भर्ता रूपस्यास्य भविष्यति
1034	3017005a	एनं भज विशालाक्षि भर्तारं भ्रातरं मम
1035	3017005c	असपत्ना वरारोहे मेरुमर्कप्रभा यथा
1036	3017006a	इति रामेण सा प्रोक्ता राक्षसी काममोहिता
1037	3017006c	विसृज्य रामं सहसा ततो लक्ष्मणमब्रवीत्
1038	3017007a	अस्य रूपस्य ते युक्ता भार्याहं वरवर्णिनी
1039	3017007c	मया सह सुखं सर्वान्दण्डकान्विचरिष्यसि
1040	3017008a	एवमुक्तस्तु सौमित्री राक्षस्या वाक्यकोविदः
1041	3017008c	ततः शूर्पणखीं स्मित्वा लक्ष्मणो युक्तमब्रवीत्
1042	3017009a	कथं दासस्य मे दासी भार्या भवितुमिच्छसि
1043	3017009c	सोऽहमार्येण परवान्भ्रात्रा कमलवर्णिनी
1044	3017010a	समृद्धार्थस्य सिद्धार्था मुदितामलवर्णिनी
1045	3017010c	आर्यस्य त्वं विशालाक्षि भार्या भव यवीयसी
1046	3017011a	एतां विरूपामसतीं करालां निर्णतोदरीम्
1047	3017011c	भार्यां वृद्धां परित्यज्य त्वामेवैष भजिष्यति
1048	3017012a	को हि रूपमिदं श्रेष्ठं संत्यज्य वरवर्णिनि
1049	3017012c	मानुषेषु वरारोहे कुर्याद्भावं विचक्षणः
1050	3017013a	इति सा लक्ष्मणेनोक्ता कराला निर्णतोदरी
1051	3017013c	मन्यते तद्वचः सत्यं परिहासाविचक्षणा
1052	3017014a	सा रामं पर्णशालायामुपविष्टं परंतपम्
1053	3017014c	सीतया सह दुर्धर्षमब्रवीत्काममोहिता
1054	3017015a	इमां विरूपामसतीं करालां निर्णतोदरीम्
1055	3017015c	वृद्धां भार्यामवष्टभ्य न मां त्वं बहु मन्यसे
1056	3017016a	अद्येमां भक्षयिष्यामि पश्यतस्तव मानुषीम्
1057	3017016c	त्वया सह चरिष्यामि निःसपत्ना यथासुखम्
1058	3017017a	इत्युक्त्वा मृगशावाक्षीमलातसदृशेक्षणा
1059	3017017c	अभ्यधावत्सुसंक्रुद्धा महोल्का रोहिणीमिव
1060	3017018a	तां मृत्युपाशप्रतिमामापतन्तीं महाबलः
1061	3017018c	निगृह्य रामः कुपितस्ततो लक्ष्मणमब्रवीत्
1062	3017019a	क्रूरैरनार्यैः सौमित्रे परिहासः कथंचन
1063	3017019c	न कार्यः पश्य वैदेहीं कथंचित्सौम्य जीवतीम्
1064	3017020a	इमां विरूपामसतीमतिमत्तां महोदरीम्
1065	3017020c	राक्षसीं पुरुषव्याघ्र विरूपयितुमर्हसि
1066	3017021a	इत्युक्तो लक्ष्मणस्तस्याः क्रुद्धो रामस्य पश्यतः
1067	3017021c	उद्धृत्य खड्गं चिच्छेद कर्णनासं महाबलः
1068	3017022a	निकृत्तकर्णनासा तु विस्वरं सा विनद्य च
1069	3017022c	यथागतं प्रदुद्राव घोरा शूर्पणखा वनम्
1070	3017023a	सा विरूपा महाघोरा राक्षसी शोणितोक्षिता
1071	3017023c	ननाद विविधान्नादान्यथा प्रावृषि तोयदः
1072	3017024a	सा विक्षरन्ती रुधिरं बहुधा घोरदर्शना
1073	3017024c	प्रगृह्य बाहू गर्जन्ती प्रविवेश महावनम्
1074	3017025a	ततस्तु सा राक्षससंघसंवृतं; खरं जनस्थानगतं विरूपिता
1075	3017025c	उपेत्य तं भ्रातरमुग्रतेजसं; पपात भूमौ गगनाद्यथाशनिः
1076	3017026a	ततः सभार्यं भयमोहमूर्छिता; सलक्ष्मणं राघवमागतं वनम्
1077	3017026c	विरूपणं चात्मनि शोणितोक्षिता; शशंस सर्वं भगिनी खरस्य सा
1078	3018001a	तां तथा पतितां दृष्ट्वा विरूपां शोणितोक्षिताम्
1079	3018001c	भगिनीं क्रोधसंतप्तः खरः पप्रच्छ राक्षसः
1080	3018002a	बलविक्रमसंपन्ना कामगा कामरूपिणी
1081	3018002c	इमामवस्थां नीता त्वं केनान्तकसमा गता
1082	3018003a	देवगन्धर्वभूतानामृषीणां च महात्मनाम्
1083	3018003c	कोऽयमेवं महावीर्यस्त्वां विरूपां चकार ह
1084	3018004a	न हि पश्याम्यहं लोके यः कुर्यान्मम विप्रियम्
1085	3018004c	अन्तरेन सहस्राक्षं महेन्द्रं पाकशासनम्
1086	3018005a	अद्याहं मार्गणैः प्राणानादास्ये जीवितान्तकैः
1087	3018005c	सलिले क्षीरमासक्तं निष्पिबन्निव सारसः
1088	3018006a	निहतस्य मया संख्ये शरसंकृत्तमर्मणः
1089	3018006c	सफेनं रुधिरं रक्तं मेदिनी कस्य पास्यति
1090	3018007a	कस्य पत्ररथाः कायान्मांसमुत्कृत्य संगताः
1091	3018007c	प्रहृष्टा भक्षयिष्यन्ति निहतस्य मया रणे
1092	3018008a	तं न देवा न गन्धर्वा न पिशाचा न राक्षसाः
1093	3018008c	मयापकृष्टं कृपणं शक्तास्त्रातुं महाहवे
1094	3018009a	उपलभ्य शनैः संज्ञां तं मे शंसितुमर्हसि
1095	3018009c	येन त्वं दुर्विनीतेन वने विक्रम्य निर्जिता
1096	3018010a	इति भ्रातुर्वचः श्रुत्वा क्रुद्धस्य च विशेषतः
1097	3018010c	ततः शूर्पणखा वाक्यं सबाष्पमिदमब्रवीत्
1098	3018011a	तरुणौ रूपसंपन्नौ सुकूमारौ महाबलौ
1099	3018011c	पुण्डरीकविशालाक्षौ चीरकृष्णाजिनाम्बरौ
1100	3018012a	गन्धर्वराजप्रतिमौ पार्थिवव्यञ्जनान्वितौ
1101	3018012c	देवौ वा मानुषौ वा तौ न तर्कयितुमुत्सहे
1102	3018013a	तरुणी रूपसंपन्ना सर्वाभरणभूषिता
1103	3018013c	दृष्टा तत्र मया नारी तयोर्मध्ये सुमध्यमा
1104	3018014a	ताभ्यामुभाभ्यां संभूय प्रमदामधिकृत्य ताम्
1105	3018014c	इमामवस्थां नीताहं यथानाथासती तथा
1106	3018015a	तस्याश्चानृजुवृत्तायास्तयोश्च हतयोरहम्
1107	3018015c	सफेनं पातुमिच्छामि रुधिरं रणमूर्धनि
1108	3018016a	एष मे प्रथमः कामः कृतस्तात त्वया भवेत्
1109	3018016c	तस्यास्तयोश्च रुधिरं पिबेयमहमाहवे
1110	3018017a	इति तस्यां ब्रुवाणायां चतुर्दश महाबलान्
1111	3018017c	व्यादिदेश खरः क्रुद्धो राक्षसानन्तकोपमान्
1112	3018018a	मानुषौ शस्त्रसंपन्नौ चीरकृष्णाजिनाम्बरौ
1113	3018018c	प्रविष्टौ दण्डकारण्यं घोरं प्रमदया सह
1114	3018019a	तौ हत्वा तां च दुर्वृत्तामुपावर्तितुमर्हथ
1115	3018019c	इयं च रुधिरं तेषां भगिनी मम पास्यति
1116	3018020a	मनोरथोऽयमिष्टोऽस्या भगिन्या मम राक्षसाः
1117	3018020c	शीघ्रं संपद्यतां गत्वा तौ प्रमथ्य स्वतेजसा
1118	3018021a	इति प्रतिसमादिष्टा राक्षसास्ते चतुर्दश
1119	3018021c	तत्र जग्मुस्तया सार्धं घना वातेरिता यथा
1120	3019001a	ततः शूर्पणखा घोरा राघवाश्रममागता
1121	3019001c	रक्षसामाचचक्षे तौ भ्रातरौ सह सीतया
1122	3019002a	ते रामं पर्णशालायामुपविष्टं महाबलम्
1123	3019002c	ददृशुः सीतया सार्धं वैदेह्या लक्ष्मणेन च
1124	3019003a	तान्दृष्ट्वा राघवः श्रीमानागतां तां च राक्षसीम्
1125	3019003c	अब्रवीद्भ्रातरं रामो लक्ष्मणं दीप्ततेजसं
1126	3019004a	मुहूर्तं भव सौमित्रे सीतायाः प्रत्यनन्तरः
1127	3019004c	इमानस्या वधिष्यामि पदवीमागतानिह
1128	3019005a	वाक्यमेतत्ततः श्रुत्वा रामस्य विदितात्मनः
1129	3019005c	तथेति लक्ष्मणो वाक्यं रामस्य प्रत्यपूजयत्
1130	3019006a	राघवोऽपि महच्चापं चामीकरविभूषितम्
1131	3019006c	चकार सज्यं धर्मात्मा तानि रक्षांसि चाब्रवीत्
1132	3019007a	पुत्रौ दशरथस्यावां भ्रातरौ रामलक्ष्मणौ
1133	3019007c	प्रविष्टौ सीतया सार्धं दुश्चरं दण्डकावनम्
1134	3019008a	फलमूलाशनौ दान्तौ तापसौ धर्मचारिणौ
1135	3019008c	वसन्तौ दण्डकारण्ये किमर्थमुपहिंसथ
1136	3019009a	युष्मान्पापात्मकान्हन्तुं विप्रकारान्महावने
1137	3019009c	ऋषीणां तु नियोगेन प्राप्तोऽहं सशरासनः
1138	3019010a	तिष्ठतैवात्र संतुष्टा नोपसर्पितुमर्हथ
1139	3019010c	यदि प्राणैरिहार्थो वो निवर्तध्वं निशाचराः
1140	3019011a	तस्य तद्वचनं श्रुत्वा राक्षसास्ते चतुर्दश
1141	3019011c	ऊचुर्वाचं सुसंक्रुद्धा ब्रह्मघ्नः शूलपाणयः
1142	3019012a	संरक्तनयना घोरा रामं रक्तान्तलोचनम्
1143	3019012c	परुषा मधुराभाषं हृष्टादृष्टपराक्रमम्
1144	3019013a	क्रोधमुत्पाद्य नो भर्तुः खरस्य सुमहात्मनः
1145	3019013c	त्वमेव हास्यसे प्राणानद्यास्माभिर्हतो युधि
1146	3019014a	का हि ते शक्तिरेकस्य बहूनां रणमूर्धनि
1147	3019014c	अस्माकमग्रतः स्थातुं किं पुनर्योद्धुमाहवे
1148	3019015a	एभिर्बाहुप्रयुक्तैर्नः परिघैः शूलपट्टिशैः
1149	3019015c	प्राणांस्त्यक्ष्यसि वीर्यं च धनुश्च करपीडितम्
1150	3019016a	इत्येवमुक्त्वा संरब्धा राक्षसास्ते चतुर्दश
1151	3019016c	उद्यतायुधनिस्त्रिंशा राममेवाभिदुद्रुवुः
1152	3019016e	चिक्षिपुस्तानि शूलानि राघवं प्रति दुर्जयम्
1153	3019017a	तानि शूलानि काकुत्स्थः समस्तानि चतुर्दश
1154	3019017c	तावद्भिरेव चिच्छेद शरैः काञ्चनभूषणैः
1155	3019018a	ततः पश्चान्महातेजा नाराचान्सूर्यसंनिभान्
1156	3019018c	जग्राह परमक्रुद्धश्चतुर्दश शिलाशितान्
1157	3019019a	गृहीत्वा धनुरायम्य लक्ष्यानुद्दिश्य राक्षसान्
1158	3019019c	मुमोच राघवो बाणान्वज्रानिव शतक्रतुः
1159	3019020a	रुक्मपुङ्खाश्च विशिखाः प्रदीप्ता हेमभूषणाः
1160	3019020c	अन्तरिक्षे महोल्कानां बभूवुस्तुल्यवर्चसः
1161	3019021a	ते भित्त्वा रक्षसां वेगाद्वक्षांसि रुधिराप्लुताः
1162	3019021c	विनिष्पेतुस्तदा भूमौ न्यमज्जन्ताशनिस्वनाः
1163	3019022a	ते भिन्नहृदया भूमौ छिन्नमूला इव द्रुमाः
1164	3019022c	निपेतुः शोणितार्द्राङ्गा विकृता विगतासवः
1165	3019023a	तान्भूमौ पतितान्दृष्ट्वा राक्षसी क्रोधमूर्छिता
1166	3019023c	परित्रस्ता पुनस्तत्र व्यसृजद्भैरवं रवम्
1167	3019024a	सा नदन्ती महानादं जवाच्छूर्पणखा पुनः
1168	3019024c	उपगम्य खरं सा तु किंचित्संशुष्क शोणिता
1169	3019024e	पपात पुनरेवार्ता सनिर्यासेव वल्लरी
1170	3019025a	निपातितान्प्रेक्ष्य रणे तु राक्षसा;न्प्रधाविता शूर्पणखा पुनस्ततः
1171	3019025c	वधं च तेषां निखिलेन रक्षसां; शशंस सर्वं भगिनी खरस्य सा
1172	3020001a	स पुनः पतितां दृष्ट्वा क्रोधाच्छूर्पणखां खरः
1173	3020001c	उवाच व्यक्तता वाचा तामनर्थार्थमागताम्
1174	3020002a	मया त्विदानीं शूरास्ते राक्षसा रुधिराशनाः
1175	3020002c	त्वत्प्रियार्थं विनिर्दिष्टाः किमर्थं रुद्यते पुनः
1176	3020003a	भक्ताश्चैवानुरक्ताश्च हिताश्च मम नित्यशः
1177	3020003c	घ्नन्तोऽपि न निहन्तव्या न न कुर्युर्वचो मम
1178	3020004a	किमेतच्छ्रोतुमिच्छामि कारणं यत्कृते पुनः
1179	3020004c	हा नाथेति विनर्दन्ती सर्पवद्वेष्टसे क्षितौ
1180	3020005a	अनाथवद्विलपसि किं नु नाथे मयि स्थिते
1181	3020005c	उत्तिष्ठोत्तिष्ठ मा भैषीर्वैक्लव्यं त्यज्यतामिह
1182	3020006a	इत्येवमुक्ता दुर्धर्षा खरेण परिसान्त्विता
1183	3020006c	विमृज्य नयने सास्रे खरं भ्रातरमब्रवीत्
1184	3020007a	प्रेषिताश्च त्वया शूरा राक्षसास्ते चतुर्दश
1185	3020007c	निहन्तुं राघवं घोरा मत्प्रियार्थं सलक्ष्मणम्
1186	3020008a	ते तु रामेण सामर्षाः शूलपट्टिशपाणयः
1187	3020008c	समरे निहताः सर्वे सायकैर्मर्मभेदिभिः
1188	3020009a	तान्भूमौ पतितान्दृष्ट्वा क्षणेनैव महाबलान्
1189	3020009c	रामस्य च महत्कर्म महांस्त्रासोऽभवन्मम
1190	3020010a	सास्मि भीता समुद्विग्ना विषण्णा च निशाचर
1191	3020010c	शरणं त्वां पुनः प्राप्ता सर्वतो भयदर्शिनी
1192	3020011a	विषादनक्राध्युषिते परित्रासोर्मिमालिनि
1193	3020011c	किं मां न त्रायसे मग्नां विपुले शोकसागरे
1194	3020012a	एते च निहता भूमौ रामेण निशितैः शरैः
1195	3020012c	ये च मे पदवीं प्राप्ता राक्षसाः पिशिताशनाः
1196	3020013a	मयि ते यद्यनुक्रोशो यदि रक्षःसु तेषु च
1197	3020013c	रामेण यदि शक्तिस्ते तेजो वास्ति निशाचर
1198	3020013e	दण्डकारण्यनिलयं जहि राक्षसकण्टकम्
1199	3020014a	यदि रामं ममामित्रमद्य त्वं न वधिष्यसि
1200	3020014c	तव चैवाग्रतः प्राणांस्त्यक्ष्यामि निरपत्रपा
1201	3020015a	बुद्ध्याहमनुपश्यामि न त्वं रामस्य संयुगे
1202	3020015c	स्थातुं प्रतिमुखे शक्तः सचापस्य महारणे
1203	3020016a	शूरमानी न शूरस्त्वं मिथ्यारोपितविक्रमः
1204	3020016c	मानुषौ यन्न शक्नोषि हन्तुं तौ रामलक्ष्मणौ
1205	3020017a	अपयाहि जनस्थानात्त्वरितः सहबान्धवः
1206	3020017c	निःसत्त्वस्याल्पवीर्यस्य वासस्ते कीदृशस्त्विह
1207	3020018a	रामतेजोऽभिभूतो हि त्वं क्षिप्रं विनशिष्यसि
1208	3020018c	स हि तेजःसमायुक्तो रामो दशरथात्मजः
1209	3020018e	भ्राता चास्य महावीर्यो येन चास्मि विरूपिता
1210	3021001a	एवमाधर्षितः शूरः शूर्पणख्या खरस्तदा
1211	3021001c	उवाच रक्षसां मध्ये खरः खरतरं वचः
1212	3021002a	तवापमानप्रभवः क्रोधोऽयमतुलो मम
1213	3021002c	न शक्यते धारयितुं लवणाम्भ इवोत्थितम्
1214	3021003a	न रामं गणये वीर्यान्मानुषं क्षीणजीवितम्
1215	3021003c	आत्मा दुश्चरितैः प्राणान्हतो योऽद्य विमोक्ष्यति
1216	3021004a	बाष्पः संह्रियतामेष संभ्रमश्च विमुच्यताम्
1217	3021004c	अहं रामः सह भ्रात्रा नयामि यमसादनम्
1218	3021005a	परश्वधहतस्याद्य मन्दप्राणस्य भूतले
1219	3021005c	रामस्य रुधिरं रक्तमुष्णं पास्यसि राक्षसि
1220	3021006a	सा प्रहृष्ट्वा वचः श्रुत्वा खरस्य वदनाच्च्युतम्
1221	3021006c	प्रशशंस पुनर्मौर्ख्याद्भ्रातरं रक्षसां वरम्
1222	3021007a	तया परुषितः पूर्वं पुनरेव प्रशंसितः
1223	3021007c	अब्रवीद्दूषणं नाम खरः सेनापतिं तदा
1224	3021008a	चतुर्दश सहस्राणि मम चित्तानुवर्तिनाम्
1225	3021008c	रक्षसीं भीमवेगानां समरेष्वनिवर्तिनाम्
1226	3021009a	नीलजीमूतवर्णानां घोराणां क्रूरकर्मणाम्
1227	3021009c	लोकसिंहाविहाराणां बलिनामुग्रतेजसाम्
1228	3021010a	तेषां शार्दूलदर्पाणां महास्यानां महौजसाम्
1229	3021010c	सर्वोद्योगमुदीर्णानां रक्षसां सौम्य कारय
1230	3021011a	उपस्थापय मे क्षिप्रं रथं सौम्य धनूंषि च
1231	3021011c	शरांश्च चित्रान्खड्गांश्च शक्तीश्च विविधाः शिताः
1232	3021012a	अग्रे निर्यातुमिच्छामि पौलस्त्यानां महात्मनाम्
1233	3021012c	वधार्थं दुर्विनीतस्य रामस्य रणकोविदः
1234	3021013a	इति तस्य ब्रुवाणस्य सूर्यवर्णं महारथम्
1235	3021013c	सदश्वैः शबलैर्युक्तमाचचक्षेऽथ दूषणः
1236	3021014a	तं मेरुशिखराकारं तप्तकाञ्चनभूषणम्
1237	3021014c	हेमचक्रमसंबाधं वैदूर्यमय कूबरम्
1238	3021015a	मत्स्यैः पुष्पैर्द्रुमैः शैलैश्चन्द्रसूर्यैश्च काञ्चनैः
1239	3021015c	माङ्गल्यैः पक्षिसंघैश्च ताराभिश्च समावृतम्
1240	3021016a	ध्वजनिस्त्रिंशसंपन्नं किङ्किणीकविभूषितम्
1241	3021016c	सदश्वयुक्तं सोऽमर्षादारुरोह रथं खरः
1242	3021017a	निशाम्य तं रथगतं राक्षसा भीमविक्रमाः
1243	3021017c	तस्थुः संपरिवार्यैनं दूषणं च महाबलम्
1244	3021018a	खरस्तु तान्महेष्वासान्घोरचर्मायुधध्वजान्
1245	3021018c	निर्यातेत्यब्रवीद्दृष्ट्वा रथस्थः सर्वराक्षसान्
1246	3021019a	ततस्तद्राक्षसं सैन्यं घोरचर्मायुधध्वजम्
1247	3021019c	निर्जगाम जनस्थानान्महानादं महाजवम्
1248	3021020a	मुद्गरैः पट्टिशैः शूलैः सुतीक्ष्णैश्च परश्वधैः
1249	3021020c	खड्गैश्चक्रैश्च हस्तस्थैर्भ्राजमानैश्च तोमरैः
1250	3021021a	शक्तिभिः पतिघैर्घोरैरतिमात्रैश्च कार्मुकैः
1251	3021021c	गदासिमुसलैर्वज्रैर्गृहीतैर्भीमदर्शनैः
1252	3021022a	राक्षसानां सुघोराणां सहस्राणि चतुर्दश
1253	3021022c	निर्यातानि जनस्थानात्खरचित्तानुवर्तिनाम्
1254	3021023a	तांस्त्वभिद्रवतो दृष्ट्वा राक्षसान्भीमविक्रमान्
1255	3021023c	खरस्यापि रथः किंचिज्जगाम तदनन्तरम्
1256	3021024a	ततस्ताञ्शबलानश्वांस्तप्तकाञ्चनभूषितान्
1257	3021024c	खरस्य मतमाज्ञाय सारथिः समचोदयत्
1258	3021025a	स चोदितो रथः शीघ्रं खरस्य रिपुघातिनः
1259	3021025c	शब्देनापूरयामास दिशश्च प्रतिशस्तथा
1260	3021026a	प्रवृद्धमन्युस्तु खरः खरस्वनो; रिपोर्वधार्थं त्वरितो यथान्तकः
1261	3021026c	अचूचुदत्सारथिमुन्नदन्पुन;र्महाबलो मेघ इवाश्मवर्षवान्
1262	3022001a	तत्प्रयातं बलं घोरमशिवं शोणितोदकम्
1263	3022001c	अभ्यवर्षन्महामेघस्तुमुलो गर्दभारुणः
1264	3022002a	निपेतुस्तुरगास्तस्य रथयुक्ता महाजवाः
1265	3022002c	समे पुष्पचिते देशे राजमार्गे यदृच्छया
1266	3022003a	श्यामं रुधिरपर्यन्तं बभूव परिवेषणम्
1267	3022003c	अलातचक्रप्रतिमं प्रतिगृह्य दिवाकरम्
1268	3022004a	ततो ध्वजमुपागम्य हेमदण्डं समुच्छ्रितम्
1269	3022004c	समाक्रम्य महाकायस्तस्थौ गृध्रः सुदारुणः
1270	3022005a	जनस्थानसमीपे च समाक्रम्य खरस्वनाः
1271	3022005c	विस्वरान्विविधांश्चक्रुर्मांसादा मृगपक्षिणः
1272	3022006a	व्याजह्रुश्च पदीप्तायां दिशि वै भैरवस्वनम्
1273	3022006c	अशिवा यातु दाहानां शिवा घोरा महास्वनाः
1274	3022007a	प्रभिन्नगिरिसंकाशास्तोयशोषितधारिणः
1275	3022007c	आकाशं तदनाकाशं चक्रुर्भीमा बलाहकाः
1276	3022008a	बभूव तिमिरं घोरमुद्धतं रोमहर्षणम्
1277	3022008c	दिशो वा विदिशो वापि सुव्यक्तं न चकाशिरे
1278	3022009a	क्षतजार्द्रसवर्णाभा संध्याकालं विना बभौ
1279	3022009c	खरस्याभिमुखं नेदुस्तदा घोरा मृगाः खगाः
1280	3022010a	नित्याशिवकरा युद्धे शिवा घोरनिदर्शनाः
1281	3022010c	नेदुर्बलस्याभिमुखं ज्वालोद्गारिभिराननैः
1282	3022011a	कबन्धः परिघाभासो दृश्यते भास्करान्तिके
1283	3022011c	जग्राह सूर्यं स्वर्भानुरपर्वणि महाग्रहः
1284	3022012a	प्रवाति मारुतः शीघ्रं निष्प्रभोऽभूद्दिवाकरः
1285	3022012c	उत्पेतुश्च विना रात्रिं ताराः खद्योतसप्रभाः
1286	3022013a	संलीनमीनविहगा नलिन्यः पुष्पपङ्कजाः
1287	3022013c	तस्मिन्क्षणे बभूवुश्च विना पुष्पफलैर्द्रुमाः
1288	3022014a	उद्धूतश्च विना वातं रेणुर्जलधरारुणः
1289	3022014c	वीचीकूचीति वाश्यन्तो बभूवुस्तत्र सारिकाः
1290	3022015a	उल्काश्चापि सनिर्घोषा निपेतुर्घोरदर्शनाः
1291	3022015c	प्रचचाल मही चापि सशैलवनकानना
1292	3022016a	खरस्य च रथस्थस्य नर्दमानस्य धीमतः
1293	3022016c	प्राकम्पत भुजः सव्यः खरश्चास्यावसज्जत
1294	3022017a	सास्रा संपद्यते दृष्टिः पश्यमानस्य सर्वतः
1295	3022017c	ललाटे च रुजा जाता न च मोहान्न्यवर्तत
1296	3022018a	तान्समीक्ष्य महोत्पातानुत्थितान्रोमहर्षणान्
1297	3022018c	अब्रवीद्राक्षसान्सर्वान्प्रहसन्स खरस्तदा
1298	3022019a	महोत्पातानिमान्सर्वानुत्थितान्घोरदर्शनान्
1299	3022019c	न चिन्तयाम्यहं वीर्याद्बलवान्दुर्बलानिव
1300	3022020a	तारा अपि शरैस्तीक्ष्णैः पातयेयं नभस्तलात्
1301	3022020c	मृत्युं मरणधर्मेण संक्रुद्धो योजयाम्यहम्
1302	3022021a	राघवं तं बलोत्सिक्तं भ्रातरं चापि लक्ष्मणम्
1303	3022021c	अहत्वा सायकैस्तीक्ष्णैर्नोपावर्तितुमुत्सहे
1304	3022022a	सकामा भगिनी मेऽस्तु पीत्वा तु रुधिरं तयोः
1305	3022022c	यन्निमित्तं तु रामस्य लक्ष्मणस्य विपर्ययः
1306	3022023a	न क्वचित्प्राप्तपूर्वो मे संयुगेषु पराजयः
1307	3022023c	युष्माकमेतत्प्रत्यक्षं नानृतं कथयाम्यहम्
1308	3022024a	देवराजमपि क्रुद्धो मत्तैरावतयायिनम्
1309	3022024c	वज्रहस्तं रणे हन्यां किं पुनस्तौ च मानुषौ
1310	3022025a	सा तस्य गर्जितं श्रुत्वा राक्षसस्य महाचमूः
1311	3022025c	प्रहर्षमतुलं लेभे मृत्युपाशावपाशिता
1312	3022026a	समेयुश्च महात्मानो युद्धदर्शनकाङ्क्षिणः
1313	3022026c	ऋषयो देवगन्धर्वाः सिद्धाश्च सह चारणैः
1314	3022027a	समेत्य चोरुः सहितास्तेऽन्यायं पुण्यकर्मणः
1315	3022027c	स्वस्ति गोब्राह्मणेभ्योऽस्तु लोकानां ये च संमताः
1316	3022028a	जयतां राघवो युद्धे पौलस्त्यान्रजनीचरान्
1317	3022028c	चक्रा हस्तो यथा युद्धे सर्वानसुरपुंगवान्
1318	3022029a	एतच्चान्यच्च बहुशो ब्रुवाणाः परमर्षयः
1319	3022029c	ददृशुर्वाहिनीं तेषां राक्षसानां गतायुषाम्
1320	3022030a	रथेन तु खरो वेगात्सैन्यस्याग्राद्विनिःसृतः
1321	3022030c	तं दृष्ट्वा राक्षसं भूयो राक्षसाश्च विनिःसृताः
1322	3022031a	श्येन गामी पृथुग्रीवो यज्ञशत्रुर्विहंगमः
1323	3022031c	दुर्जयः करवीराक्षः परुषः कालकार्मुकः
1324	3022032a	मेघमाली महामाली सर्पास्यो रुधिराशनः
1325	3022032c	द्वादशैते महावीर्याः प्रतस्थुरभितः खरम्
1326	3022033a	महाकपालः स्थूलाक्षः प्रमाथी त्रिशिरास्तथा
1327	3022033c	चत्वार एते सेनाग्र्या दूषणं पृष्ठतोऽन्वयुः
1328	3022034a	सा भीमवेगा समराभिकामा; सुदारुणा राक्षसवीर सेना
1329	3022034c	तौ राजपुत्रौ सहसाभ्युपेता; मालाग्रहाणामिव चन्द्रसूर्यौ
1330	3023001a	आश्रमं प्रति याते तु खरे खरपराक्रमे
1331	3023001c	तानेवौत्पातिकान्रामः सह भ्रात्रा ददर्श ह
1332	3023002a	तानुत्पातान्महाघोरानुत्थितान्रोमहर्षणान्
1333	3023002c	प्रजानामहितान्दृष्ट्वा वाक्यं लक्ष्मणमब्रवीत्
1334	3023003a	इमान्पश्य महाबाहो सर्वभूतापहारिणः
1335	3023003c	समुत्थितान्महोत्पातान्संहर्तुं सर्वराक्षसान्
1336	3023004a	अमी रुधिरधारास्तु विसृजन्तः खरस्वनान्
1337	3023004c	व्योम्नि मेघा विवर्तन्ते परुषा गर्दभारुणाः
1338	3023005a	सधूमाश्च शराः सर्वे मम युद्धाभिनन्दिनः
1339	3023005c	रुक्मपृष्ठानि चापानि विवेष्टन्ते च लक्ष्मण
1340	3023006a	यादृशा इह कूजन्ति पक्षिणो वनचारिणः
1341	3023006c	अग्रतो नो भयं प्राप्तं संशयो जीवितस्य च
1342	3023007a	संप्रहारस्तु सुमहान्भविष्यति न संशयः
1343	3023007c	अयमाख्याति मे बाहुः स्फुरमाणो मुहुर्मुहुः
1344	3023008a	संनिकर्षे तु नः शूर जयं शत्रोः पराजयम्
1345	3023008c	सुप्रभं च प्रसन्नं च तव वक्त्रं हि लक्ष्यते
1346	3023009a	उद्यतानां हि युद्धार्थं येषां भवति लक्ष्मणः
1347	3023009c	निष्प्रभं वदनं तेषां भवत्यायुः परिक्षयः
1348	3023010a	अनागतविधानं तु कर्तव्यं शुभमिच्छता
1349	3023010c	आपदं शङ्कमानेन पुरुषेण विपश्चिता
1350	3023011a	तस्माद्गृहीत्वा वैदेहीं शरपाणिर्धनुर्धरः
1351	3023011c	गुहामाश्रयशैलस्य दुर्गां पादपसंकुलाम्
1352	3023012a	प्रतिकूलितुमिच्छामि न हि वाक्यमिदं त्वया
1353	3023012c	शापितो मम पादाभ्यां गम्यतां वत्स माचिरम्
1354	3023013a	एवमुक्तस्तु रामेण लक्ष्मणः सह सीतया
1355	3023013c	शरानादाय चापं च गुहां दुर्गां समाश्रयत्
1356	3023014a	तस्मिन्प्रविष्टे तु गुहां लक्ष्मणे सह सीतया
1357	3023014c	हन्त निर्युक्तमित्युक्त्वा रामः कवचमाविशत्
1358	3023015a	सा तेनाग्निनिकाशेन कवचेन विभूषितः
1359	3023015c	बभूव रामस्तिमिरे विधूमोऽग्निरिवोत्थितः
1360	3023016a	स चापमुद्यम्य महच्छरानादाय वीर्यवान्
1361	3023016c	बभूवावस्थितस्तत्र ज्यास्वनैः पूरयन्दिशः
1362	3023017a	ततो देवाः सगन्धर्वाः सिद्धाश्च सह चारणैः
1363	3023017c	ऊचुः परमसंत्रस्ता गुह्यकाश्च परस्परम्
1364	3023018a	चतुर्दश सहस्राणि रक्षसां भीमकर्मणाम्
1365	3023018c	एकश्च रामो धर्मात्मा कथं युद्धं भविष्यति
1366	3023019a	ततो गम्भीरनिर्ह्रादं घोरवर्मायुधध्वजम्
1367	3023019c	अनीकं यातुधानानां समन्तात्प्रत्यदृश्यत
1368	3023020a	सिंहनादं विसृजतामन्योन्यमभिगर्जताम्
1369	3023020c	चापानि विस्फरयतां जृम्भतां चाप्यभीक्ष्णशः
1370	3023021a	विप्रघुष्टस्वनानां च दुन्दुभींश्चापि निघ्नताम्
1371	3023021c	तेषां सुतुमुलः शब्दः पूरयामास तद्वनम्
1372	3023022a	तेन शब्देन वित्रस्ताः श्वापदा वनचारिणः
1373	3023022c	दुद्रुवुर्यत्र निःशब्दं पृष्ठतो नावलोकयन्
1374	3023023a	तत्त्वनीकं महावेगं रामं समुपसर्पत
1375	3023023c	घृतनानाप्रहरणं गम्भीरं सागरोपमम्
1376	3023024a	रामोऽपि चारयंश्चक्षुः सर्वतो रणपण्डितः
1377	3023024c	ददर्श खरसैन्यं तद्युद्धाभिमुखमुद्यतम्
1378	3023025a	वितत्य च धनुर्भीमं तूण्याश्चोद्धृत्य सायकान्
1379	3023025c	क्रोधमाहारयत्तीव्रं वधार्थं सर्वरक्षसाम्
1380	3023026a	दुष्प्रेक्ष्यः सोऽभवत्क्रुद्धो युगान्ताग्निरिव ज्वलन्
1381	3023026c	तं दृष्ट्वा तेजसाविष्टं प्राव्यथन्वनदेवताः
1382	3023027a	तस्य क्रुद्धस्य रूपं तु रामस्य ददृशे तदा
1383	3023027c	दक्षस्येव क्रतुं हन्तुमुद्यतस्य पिनाकिनः
1384	3024001a	अवष्टब्धधनुं रामं क्रुद्धं च रिपुघातिनम्
1385	3024001c	ददर्शाश्रममागम्य खरः सह पुरःसरैः
1386	3024002a	तं दृष्ट्वा सगुणं चापमुद्यम्य खरनिःस्वनम्
1387	3024002c	रामस्याभिमुखं सूतं चोद्यतामित्यचोदयत्
1388	3024003a	स खरस्याज्ञया सूतस्तुरगान्समचोदयत्
1389	3024003c	यत्र रामो महाबाहुरेको धुन्वन्धनुः स्थितः
1390	3024004a	तं तु निष्पतितं दृष्ट्वा सर्वे ते रजनीचराः
1391	3024004c	नर्दमाना महानादं सचिवाः पर्यवारयन्
1392	3024005a	स तेषां यातुधानानां मध्ये रतो गतः खरः
1393	3024005c	बभूव मध्ये ताराणां लोहिताङ्ग इवोदितः
1394	3024006a	ततस्तं भीमधन्वानं क्रुद्धाः सर्वे निशाचराः
1395	3024006c	रामं नानाविधैः शस्त्रैरभ्यवर्षन्त दुर्जयम्
1396	3024007a	मुद्गरैरायसैः शूलैः प्रासैः खड्गैः परश्वधैः
1397	3024007c	राक्षसाः समरे रामं निजघ्नू रोषतत्पराः
1398	3024008a	ते बलाहकसंकाशा महानादा महाबलाः
1399	3024008c	अभ्यधावन्त काकुत्स्थं रामं युद्धे जिघांसवः
1400	3024009a	ते रामे शरवर्षाणि व्यसृजन्रक्षसां गुणाः
1401	3024009c	शैलेन्द्रमिव धाराभिर्वर्षमाणा महाधनाः
1402	3024010a	स तैः परिवृतो घोरै राघवो रक्षसां गणैः
1403	3024010c	तिथिष्विव महादेवो वृतः पारिषदां गणैः
1404	3024011a	तानि मुक्तानि शस्त्राणि यातुधानैः स राघवः
1405	3024011c	प्रतिजग्राह विशिखैर्नद्योघानिव सागरः
1406	3024012a	स तैः प्रहरणैर्घोरैर्भिन्नगात्रो न विव्यथे
1407	3024012c	रामः प्रदीप्तैर्बहुभिर्वज्रैरिव महाचलः
1408	3024013a	स विद्धः क्षतजादिग्धः सर्वगात्रेषु राघवः
1409	3024013c	बभूव रामः संध्याभ्रैर्दिवाकर इवावृतः
1410	3024014a	विषेदुर्देवगन्धर्वाः सिद्धाश्च परमर्षयः
1411	3024014c	एकं सहस्त्रैर्बहुभिस्तदा दृष्ट्वा समावृतम्
1412	3024015a	ततो रामः सुसंक्रुद्धो मण्डलीकृतकार्मुकः
1413	3024015c	ससर्ज निशितान्बाणाञ्शतशोऽथ सहस्रशः
1414	3024016a	दुरावारान्दुर्विषहान्कालपाशोपमान्रणे
1415	3024016c	मुमोच लीलया रामः कङ्कपत्रानजिह्मगान्
1416	3024017a	ते शराः शत्रुसैन्येषु मुक्ता रामेण लीलया
1417	3024017c	आददू रक्षसां प्राणान्पाशाः कालकृता इव
1418	3024018a	भित्त्वा राक्षसदेहांस्तांस्ते शरा रुधिराप्लुताः
1419	3024018c	अन्तरिक्षगता रेजुर्दीप्ताग्निसमतेजसः
1420	3024019a	असंख्येयास्तु रामस्य सायकाश्चापमण्डलात्
1421	3024019c	विनिष्पेतुरतीवोग्रा रक्षः प्राणापहारिणः
1422	3024020a	तैर्धनूंषि ध्वजाग्राणि वर्माणि च शिरांसि च
1423	3024020c	बहून्सहस्ताभरणानूरून्करिकरोपमान्
1424	3024021a	ततो नालीकनाराचैस्तीक्ष्णाग्रैश्च विकर्णिभिः
1425	3024021c	भीममार्तस्वरं चक्रुर्भिद्यमाना निशाचराः
1426	3024022a	तत्सैन्यं निशितैर्बाणैरर्दितं मर्मभेदिभिः
1427	3024022c	रामेण न सुखं लेभे शुष्कं वनमिवाग्निना
1428	3024023a	केचिद्भीमबलाः शूराः शूलान्खड्गान्परश्वधान्
1429	3024023c	चिक्षिपुः परमक्रुद्धा रामाय रजनीचराः
1430	3024024a	तानि बाणैर्महाबाहुः शस्त्राण्यावार्य राघवः
1431	3024024c	जहार समरे प्राणांश्चिच्छेद च शिरोधरान्
1432	3024025a	अवशिष्टाश्च ये तत्र विषण्णाश्च निशाचराः
1433	3024025c	खरमेवाभ्यधावन्त शरणार्थं शरार्दिताः
1434	3024026a	तान्सर्वान्पुनरादाय समाश्वास्य च दूषणः
1435	3024026c	अभ्यधावत काकुत्स्थं क्रुद्धो रुद्रमिवान्तकः
1436	3024027a	निवृत्तास्तु पुनः सर्वे दूषणाश्रयनिर्भयाः
1437	3024027c	राममेवाभ्यधावन्त सालतालशिलायुधाः
1438	3024028a	तद्बभूवाद्भुतं युद्धं तुमुलं रोमहर्षणम्
1439	3024028c	रामस्यास्य महाघोरं पुनस्तेषां च रक्षसाम्
1440	3025001a	तद्द्रुमाणां शिलानां च वर्षं प्राणहरं महत्
1441	3025001c	प्रतिजग्राह धर्मात्मा राघवस्तीक्ष्णसायकैः
1442	3025002a	प्रतिगृह्य च तद्वरं निमीलित इवर्षभः
1443	3025002c	रामः क्रोधं परं भेजे वधार्थं सर्वरक्षसाम्
1444	3025003a	ततः क्रोधसमाविष्टः प्रदीप्त इव तेजसा
1445	3025003c	शरैरभ्यकिरत्सैन्यं सर्वतः सहदूषणम्
1446	3025004a	ततः सेनापतिः क्रुद्धो दूषणः शत्रुदूषणः
1447	3025004c	जग्राह गिरिशृङ्गाभं परिघं रोमहर्षणम्
1448	3025005a	वेष्टितं काञ्चनैः पट्टैर्देवसैन्याभिमर्दनम्
1449	3025005c	आयसैः शङ्कुभिस्तीक्ष्णैः कीर्णं परवसोक्षिताम्
1450	3025006a	वज्राशनिसमस्पर्शं परगोपुरदारणम्
1451	3025006c	तं महोरगसंकाशं प्रगृह्य परिघं रणे
1452	3025006e	दूषणोऽभ्यपतद्रामं क्रूरकर्मा निशाचरः
1453	3025007a	तस्याभिपतमानस्य दूषणस्य स राघवः
1454	3025007c	द्वाभ्यां शराभ्यां चिच्छेद सहस्ताभरणौ भुजौ
1455	3025008a	भ्रष्टस्तस्य महाकायः पपात रणमूर्धनि
1456	3025008c	परिघश्छिन्नहस्तस्य शक्रध्वज इवाग्रतः
1457	3025009a	स कराभ्यां विकीर्णाभ्यां पपात भुवि दूषणः
1458	3025009c	विषाणाभ्यां विशीर्णाभ्यां मनस्वीव महागजः
1459	3025010a	दृष्ट्वा तं पतितं भूमौ दूषणं निहतं रणे
1460	3025010c	साधु साध्विति काकुत्स्थं सर्वभूतान्यपूजयन्
1461	3025011a	एतस्मिन्नन्तरे क्रुद्धास्त्रयः सेनाग्रयायिनः
1462	3025011c	संहत्याभ्यद्रवन्रामं मृत्युपाशावपाशिताः
1463	3025011e	महाकपालः स्थूलाक्षः प्रमाथी च महाबलः
1464	3025012a	महाकपालो विपुलं शूलमुद्यम्य राक्षसः
1465	3025012c	स्थूलाक्षः पट्टिशं गृह्य प्रमाथी च परश्वधम्
1466	3025013a	दृष्ट्वैवापततस्तांस्तु राघवः सायकैः शितैः
1467	3025013c	तीक्ष्णाग्रैः प्रतिजग्राह संप्राप्तानतिथीनिव
1468	3025014a	महाकपालस्य शिरश्चिच्छेद रघुनङ्गनः
1469	3025014c	असंख्येयैस्तु बाणौघैः प्रममाथ प्रमाथिनम्
1470	3025015a	स्थूलाक्षस्याक्षिणी तीक्ष्णैः पूरयामास सायकैः
1471	3025015c	स पपात हतो भूमौ विटपीव महाद्रुमः
1472	3025016a	ततः पावकसंकाशैर्हेमवज्रविभूषितैः
1473	3025016c	जघनशेषं तेजस्वी तस्य सैन्यस्य सायकैः
1474	3025017a	ते रुक्मपुङ्खा विशिखाः सधूमा इव पावकाः
1475	3025017c	निजघ्नुस्तानि रक्षांसि वज्रा इव महाद्रुमान्
1476	3025018a	रक्षसां तु शतं रामः शतेनैकेन कर्णिना
1477	3025018c	सहस्रं च सहस्रेण जघान रणमूर्धनि
1478	3025019a	तैर्भिन्नवर्माभरणाश्छिन्नभिन्नशरासनाः
1479	3025019c	निपेतुः शोणितादिग्धा धरण्यां रजनीचराः
1480	3025020a	तैर्मुक्तकेशैः समरे पतितैः शोणितोक्षितैः
1481	3025020c	आस्तीर्णा वसुधा कृत्स्ना महावेदिः कुशैरिव
1482	3025021a	क्षणेन तु महाघोरं वनं निहतराक्षसं
1483	3025021c	बभूव निरय प्रख्यं मांसशोणितकर्दमम्
1484	3025022a	चतुर्दश सहस्राणि रक्षसां भीमकर्मणाम्
1485	3025022c	हतान्येकेन रामेण मानुषेण पदातिना
1486	3025023a	तस्य सैन्यस्य सर्वस्य खरः शेषो महारथः
1487	3025023c	राक्षसस्त्रिशिराश्चैव रामश्च रिपुसूदनः
1488	3025024a	ततस्तु तद्भीमबलं महाहवे; समीक्ष्य रामेण हतं बलीयसा
1489	3025024c	रथेन रामं महता खरस्ततः; समाससादेन्द्र इवोद्यताशनिः
1490	3026001a	खरं तु रामाभिमुखं प्रयान्तं वाहिनीपतिः
1491	3026001c	राक्षसस्त्रिशिरा नाम संनिपत्येदमब्रवीत्
1492	3026002a	मां नियोजय विक्रान्त संनिवर्तस्व साहसात्
1493	3026002c	पश्य रामं महाबाहुं संयुगे विनिपातितम्
1494	3026003a	प्रतिजानामि ते सत्यमायुधं चाहमालभे
1495	3026003c	यथा रामं वधिष्यामि वधार्हं सर्वरक्षसाम्
1496	3026004a	अहं वास्य रणे मृत्युरेष वा समरे मम
1497	3026004c	विनिवर्त्य रणोत्साहं मुहूर्तं प्राश्निको भव
1498	3026005a	प्रहृष्टो वा हते रामे जनस्थानं प्रयास्यसि
1499	3026005c	मयि वा निहते रामं संयुगायोपयास्यसि
1500	3026006a	खरस्त्रिशिरसा तेन मृत्युलोभात्प्रसादितः
1501	3026006c	गच्छ युध्येत्यनुज्ञातो राघवाभिमुखो ययौ
1502	3026007a	त्रिशिराश्च रथेनैव वाजियुक्तेन भास्वता
1503	3026007c	अभ्यद्रवद्रणे रामं त्रिशृङ्ग इव पर्वतः
1504	3026008a	शरधारा समूहान्स महामेघ इवोत्सृजन्
1505	3026008c	व्यसृजत्सदृशं नादं जलार्द्रस्येव दुन्दुभेः
1506	3026009a	आगच्छन्तं त्रिशिरसं राक्षसं प्रेक्ष्य राघवः
1507	3026009c	धनुषा प्रतिजग्राह विधुन्वन्सायकाञ्शितान्
1508	3026010a	स संप्रहारस्तुमुलो राम त्रिशिरसोर्महान्
1509	3026010c	बभूवातीव बलिनोः सिंहकुञ्जरयोरिव
1510	3026011a	ततस्त्रिशिरसा बाणैर्ललाटे ताडितस्त्रिभिः
1511	3026011c	अमर्षी कुपितो रामः संरब्धमिदमब्रवीत्
1512	3026012a	अहो विक्रमशूरस्य राक्षसस्येदृशं बलम्
1513	3026012c	पुष्पैरिव शरैर्यस्य ललाटेऽस्मि परिक्षतः
1514	3026012e	ममापि प्रतिगृह्णीष्व शरांश्चापगुणच्युतान्
1515	3026013a	एवमुक्त्वा तु संरब्धः शरानाशीविषोपमान्
1516	3026013c	त्रिशिरो वक्षसि क्रुद्धो निजघान चतुर्दश
1517	3026014a	चतुर्भिस्तुरगानस्य शरैः संनतपर्वभिः
1518	3026014c	न्यपातयत तेजस्वी चतुरस्तस्य वाजिनः
1519	3026015a	अष्टभिः सायकैः सूतं रथोपस्थे न्यपातयत्
1520	3026015c	रामश्चिच्छेद बाणेन ध्वजं चास्य समुच्छ्रितम्
1521	3026016a	ततो हतरथात्तस्मादुत्पतन्तं निशाचरम्
1522	3026016c	बिभेद रामस्तं बाणैर्हृदये सोऽभवज्जडः
1523	3026017a	सायकैश्चाप्रमेयात्मा सामर्षस्तस्य रक्षसः
1524	3026017c	शिरांस्यपातयत्त्रीणि वेगवद्भिस्त्रिभिः शतैः
1525	3026018a	स भूमौ शोणितोद्गारी रामबाणाभिपीडितः
1526	3026018c	न्यपतत्पतितैः पूर्वं स्वशिरोभिर्निशाचरः
1527	3026019a	हतशेषास्ततो भग्ना राक्षसाः खरसंश्रयाः
1528	3026019c	द्रवन्ति स्म न तिष्ठन्ति व्याघ्रत्रस्ता मृगा इव
1529	3026020a	तान्खरो द्रवतो दृष्ट्वा निवर्त्य रुषितः स्वयम्
1530	3026020c	राममेवाभिदुद्राव राहुश्चन्द्रमसं यथा
1531	3027001a	निहतं दूषणं दृष्ट्वा रणे त्रिशिरसा सह
1532	3027001c	खरस्याप्यभवत्त्रासो दृष्ट्वा रामस्य विक्रमम्
1533	3027002a	स दृष्ट्वा राक्षसं सैन्यमविषह्यं महाबलम्
1534	3027002c	हतमेकेन रामेण दूषणस्त्रिशिरा अपि
1535	3027003a	तद्बलं हतभूयिष्ठं विमनाः प्रेक्ष्य राक्षसः
1536	3027003c	आससाद खरो रामं नमुचिर्वासवं यथा
1537	3027004a	विकृष्य बलवच्चापं नाराचान्रक्तभोजनान्
1538	3027004c	खरश्चिक्षेप रामाय क्रुद्धानाशीविषानिव
1539	3027005a	ज्यां विधुन्वन्सुबहुशः शिक्षयास्त्राणि दर्शयन्
1540	3027005c	चचार समरे मार्गाञ्शरै रथगतः खरः
1541	3027006a	स सर्वाश्च दिशो बाणैः प्रदिशश्च महारथः
1542	3027006c	पूरयामास तं दृष्ट्वा रामोऽपि सुमहद्धनुः
1543	3027007a	स सायकैर्दुर्विषहैः सस्फुलिङ्गैरिवाग्निभिः
1544	3027007c	नभश्चकाराविवरं पर्जन्य इव वृष्टिभिः
1545	3027008a	तद्बभूव शितैर्बाणैः खररामविसर्जितैः
1546	3027008c	पर्याकाशमनाकाशं सर्वतः शरसंकुलम्
1547	3027009a	शरजालावृतः सूर्यो न तदा स्म प्रकाशते
1548	3027009c	अन्योन्यवधसंरम्भादुभयोः संप्रयुध्यतोः
1549	3027010a	ततो नालीकनाराचैस्तीक्ष्णाग्रैश्च विकर्णिभिः
1550	3027010c	आजघान रणे रामं तोत्रैरिव महाद्विपम्
1551	3027011a	तं रथस्थं धनुष्पाणिं राक्षसं पर्यवस्थितम्
1552	3027011c	ददृशुः सर्वभूतानि पाशहस्तमिवान्तकम्
1553	3027012a	तं सिंहमिव विक्रान्तं सिंहविक्रान्तगामिनम्
1554	3027012c	दृष्ट्वा नोद्विजते रामः सिंहः क्षुद्रमृगं यथा
1555	3027013a	ततः सूर्यनिकाशेन रथेन महता खरः
1556	3027013c	आससाद रणे रामं पतङ्ग इव पावकम्
1557	3027014a	ततोऽस्य सशरं चापं मुष्टिदेशे महात्मनः
1558	3027014c	खरश्चिच्छेद रामस्य दर्शयन्पाणिलाघवम्
1559	3027015a	स पुनस्त्वपरान्सप्त शरानादाय वर्मणि
1560	3027015c	निजघान रणे क्रुद्धः शक्राशनिसमप्रभान्
1561	3027016a	ततस्तत्प्रहतं बाणैः खरमुक्तैः सुपर्वभिः
1562	3027016c	पपात कवचं भूमौ रामस्यादित्यवर्चसः
1563	3027017a	स शरैरर्पितः क्रुद्धः सर्वगात्रेषु राघवः
1564	3027017c	रराज समरे रामो विधूमोऽग्निरिव ज्वलन्
1565	3027018a	ततो गम्भीरनिर्ह्रादं रामः शत्रुनिबर्हणः
1566	3027018c	चकारान्ताय स रिपोः सज्यमन्यन्महद्धनुः
1567	3027019a	सुमहद्वैष्णवं यत्तदतिसृष्टं महर्षिणा
1568	3027019c	वरं तद्धनुरुद्यम्य खरं समभिधावत
1569	3027020a	ततः कनकपुङ्खैस्तु शरैः संनतपर्वभिः
1570	3027020c	चिच्छेद रामः संक्रुद्धः खरस्य समरे ध्वजम्
1571	3027021a	स दर्शनीयो बहुधा विच्छिन्नः काञ्चनो ध्वजः
1572	3027021c	जगाम धरणीं सूर्यो देवतानामिवाज्ञया
1573	3027022a	तं चतुर्भिः खरः क्रुद्धो रामं गात्रेषु मार्गणैः
1574	3027022c	विव्याध हृदि मर्मज्ञो मातङ्गमिव तोमरैः
1575	3027023a	स रामो बहुभिर्बाणैः खरकार्मुकनिःसृतैः
1576	3027023c	विद्धो रुधिरसिक्ताङ्गो बभूव रुषितो भृशम्
1577	3027024a	स धनुर्धन्विनां श्रेष्ठः प्रगृह्य परमाहवे
1578	3027024c	मुमोच परमेष्वासः षट्शरानभिलक्षितान्
1579	3027025a	शिरस्येकेन बाणेन द्वाभ्यां बाह्वोरथार्पयत्
1580	3027025c	त्रिभिश्चन्द्रार्धवक्त्रैश्च वक्षस्यभिजघान ह
1581	3027026a	ततः पश्चान्महातेजा नाराचान्भास्करोपमान्
1582	3027026c	जिघांसू राक्षसं क्रुद्धस्त्रयोदश शिलाशितान्
1583	3027027a	ततोऽस्य युगमेकेन चतुर्भिश्चतुरो हयान्
1584	3027027c	षष्ठेन च शिरः संख्ये चिच्छेद खरसारथेः
1585	3027028a	त्रिभिस्त्रिवेणुं बलवान्द्वाभ्यामक्षं महाबलः
1586	3027028c	द्वादशेन तु बाणेन खरस्य सशरं धनुः
1587	3027028e	छित्त्वा वज्रनिकाशेन राघवः प्रहसन्निव
1588	3027028g	त्रयोदशेनेन्द्रसमो बिभेद समरे खरम्
1589	3027029a	प्रभग्नधन्वा विरथो हताश्वो हतसारथिः
1590	3027029c	गदापाणिरवप्लुत्य तस्थौ भूमौ खरस्तदा
1591	3027030a	तत्कर्म रामस्य महारथस्य; समेत्य देवाश्च महर्षयश्च
1592	3027030c	अपूजयन्प्राञ्जलयः प्रहृष्टा;स्तदा विमानाग्रगताः समेताः
1593	3028001a	खरं तु विरथं रामो गदापाणिमवस्थितम्
1594	3028001c	मृदुपूर्वं महातेजाः परुषं वाक्यमब्रवीत्
1595	3028002a	गजाश्वरथसंबाधे बले महति तिष्ठता
1596	3028002c	कृतं सुदारुणं कर्म सर्वलोकजुगुप्सितम्
1597	3028003a	उद्वेजनीयो भूतानां नृशंसः पापकर्मकृत्
1598	3028003c	त्रयाणामपि लोकानामीश्वरोऽपि न तिष्ठति
1599	3028004a	कर्म लोकविरुद्धं तु कुर्वाणं क्षणदाचर
1600	3028004c	तीक्ष्णं सर्वजनो हन्ति सर्पं दुष्टमिवागतम्
1601	3028005a	लोभात्पापानि कुर्वाणः कामाद्वा यो न बुध्यते
1602	3028005c	भ्रष्टः पश्यति तस्यान्तं ब्राह्मणी करकादिव
1603	3028006a	वसतो दण्डकारण्ये तापसान्धर्मचारिणः
1604	3028006c	किं नु हत्वा महाभागान्फलं प्राप्स्यसि राक्षस
1605	3028007a	न चिरं पापकर्माणः क्रूरा लोकजुगुप्सिताः
1606	3028007c	ऐश्वर्यं प्राप्य तिष्ठन्ति शीर्णमूला इव द्रुमाः
1607	3028008a	अवश्यं लभते कर्ता फलं पापस्य कर्मणः
1608	3028008c	घोरं पर्यागते काले द्रुमः पुष्पमिवार्तवम्
1609	3028009a	नचिरात्प्राप्यते लोके पापानां कर्मणां फलम्
1610	3028009c	सविषाणामिवान्नानां भुक्तानां क्षणदाचर
1611	3028010a	पापमाच्चरतां घोरं लोकस्याप्रियमिच्छताम्
1612	3028010c	अहमासादितो राजा प्राणान्हन्तुं निशाचर
1613	3028011a	अद्य हि त्वां मया मुक्ताः शराः काञ्चनभूषणाः
1614	3028011c	विदार्य निपतिष्यन्ति वल्मीकमिव पन्नगाः
1615	3028012a	ये त्वया दण्डकारण्ये भक्षिता धर्मचारिणः
1616	3028012c	तानद्य निहतः संख्ये ससैन्योऽनुगमिष्यसि
1617	3028013a	अद्य त्वां निहतं बाणैः पश्यन्तु परमर्षयः
1618	3028013c	निरयस्थं विमानस्था ये त्वया हिंसिताः पुरा
1619	3028014a	प्रहर त्वं यथाकामं कुरु यत्नं कुलाधम
1620	3028014c	अद्य ते पातयिष्यामि शिरस्तालफलं यथा
1621	3028015a	एवमुक्तस्तु रामेण क्रुद्धः संरक्तलोचनः
1622	3028015c	प्रत्युवाच ततो रामं प्रहसन्क्रोधमूर्छितः
1623	3028016a	प्राकृतान्राक्षसान्हत्वा युद्धे दशरथात्मज
1624	3028016c	आत्मना कथमात्मानमप्रशस्यं प्रशंससि
1625	3028017a	विक्रान्ता बलवन्तो वा ये भवन्ति नरर्षभाः
1626	3028017c	कथयन्ति न ते किंचित्तेजसा स्वेन गर्विताः
1627	3028018a	प्राकृतास्त्वकृतात्मानो लोके क्षत्रियपांसनाः
1628	3028018c	निरर्थकं विकत्थन्ते यथा राम विकत्थसे
1629	3028019a	कुलं व्यपदिशन्वीरः समरे कोऽभिधास्यति
1630	3028019c	मृत्युकाले हि संप्राप्ते स्वयमप्रस्तवे स्तवम्
1631	3028020a	सर्वथा तु लघुत्वं ते कत्थनेन विदर्शितम्
1632	3028020c	सुवर्णप्रतिरूपेण तप्तेनेव कुशाग्निना
1633	3028021a	न तु मामिह तिष्ठन्तं पश्यसि त्वं गदाधरम्
1634	3028021c	धराधरमिवाकम्प्यं पर्वतं धातुभिश्चितम्
1635	3028022a	पर्याप्तोऽहं गदापाणिर्हन्तुं प्राणान्रणे तव
1636	3028022c	त्रयाणामपि लोकानां पाशहस्त इवान्तकः
1637	3028023a	कामं बह्वपि वक्तव्यं त्वयि वक्ष्यामि न त्वहम्
1638	3028023c	अस्तं गच्छेद्धि सविता युद्धविघ्रस्ततो भवेत्
1639	3028024a	चतुर्दश सहस्राणि राक्षसानां हतानि ते
1640	3028024c	त्वद्विनाशात्करोम्यद्य तेषामश्रुप्रमार्जनम्
1641	3028025a	इत्युक्त्वा परमक्रुद्धस्तां गदां परमाङ्गदाम्
1642	3028025c	खरश्चिक्षेप रामाय प्रदीप्तामशनिं यथा
1643	3028026a	खरबाहुप्रमुक्ता सा प्रदीप्ता महती गदा
1644	3028026c	भस्मवृक्षांश्च गुल्मांश्च कृत्वागात्तत्समीपतः
1645	3028027a	तामापतन्तीं ज्वलितां मृत्युपाशोपमां गदा
1646	3028027c	अन्तरिक्षगतां रामश्चिच्छेद बहुधा शरैः
1647	3028028a	सा विशीर्णा शरैर्भिन्ना पपात धरणीतले
1648	3028028c	गदामन्त्रौषधिबलैर्व्यालीव विनिपातिता
1649	3029001a	भित्त्वा तु तां गदां बाणै राघवो धर्मवत्सलः
1650	3029001c	स्मयमानः खरं वाक्यं संरब्धमिदमब्रवीत्
1651	3029002a	एतत्ते बलसर्वस्वं दर्शितं राक्षसाधम
1652	3029002c	शक्तिहीनतरो मत्तो वृथा त्वमुपगर्जितम्
1653	3029003a	एषा बाणविनिर्भिन्ना गदा भूमितलं गता
1654	3029003c	अभिधानप्रगल्भस्य तव प्रत्ययघातिनी
1655	3029004a	यत्त्वयोक्तं विनष्टानामिदमश्रुप्रमार्जनम्
1656	3029004c	राक्षसानां करोमीति मिथ्या तदपि ते वचः
1657	3029005a	नीचस्य क्षुद्रशीलस्य मिथ्यावृत्तस्य रक्षसः
1658	3029005c	प्राणानपहरिष्यामि गरुत्मानमृतं यथा
1659	3029006a	अद्य ते भिन्नकण्ठस्य फेनबुद्बुदभूषितम्
1660	3029006c	विदारितस्य मद्बाणैर्मही पास्यति शोणितम्
1661	3029007a	पांसुरूषितसर्वाङ्गः स्रस्तन्यस्तभुजद्वयः
1662	3029007c	स्वप्स्यसे गां समाश्लिष्य दुर्लभां प्रमदामिव
1663	3029008a	प्रवृद्धनिद्रे शयिते त्वयि राक्षसपांसने
1664	3029008c	भविष्यन्त्यशरण्यानां शरण्या दण्डका इमे
1665	3029009a	जनस्थाने हतस्थाने तव राक्षसमच्छरैः
1666	3029009c	निर्भया विचरिष्यन्ति सर्वतो मुनयो वने
1667	3029010a	अद्य विप्रसरिष्यन्ति राक्षस्यो हतबान्धवाः
1668	3029010c	बाष्पार्द्रवदना दीना भयादन्यभयावहाः
1669	3029011a	अद्य शोकरसज्ञास्ता भविष्यन्ति निशाचर
1670	3029011c	अनुरूपकुलाः पत्न्यो यासां त्वं पतिरीदृशः
1671	3029012a	नृशंसशील क्षुद्रात्मन्नित्यं ब्राह्मणकण्टक
1672	3029012c	त्वत्कृते शङ्कितैरग्नौ मुनिभिः पात्यते हविः
1673	3029013a	तमेवमभिसंरब्धं ब्रुवाणं राघवं रणे
1674	3029013c	खरो निर्भर्त्सयामास रोषात्खरतर स्वनः
1675	3029014a	दृढं खल्ववलिप्तोऽसि भयेष्वपि च निर्भयः
1676	3029014c	वाच्यावाच्यं ततो हि त्वं मृत्युवश्यो न बुध्यसे
1677	3029015a	कालपाशपरिक्षिप्ता भवन्ति पुरुषा हि ये
1678	3029015c	कार्याकार्यं न जानन्ति ते निरस्तषडिन्द्रियाः
1679	3029016a	एवमुक्त्वा ततो रामं संरुध्य भृकुटिं ततः
1680	3029016c	स ददर्श महासालमविदूरे निशाचरः
1681	3029017a	रणे प्रहरणस्यार्थे सर्वतो ह्यवलोकयन्
1682	3029017c	स तमुत्पाटयामास संदृश्य दशनच्छदम्
1683	3029018a	तं समुत्क्षिप्य बाहुभ्यां विनर्दित्वा महाबलः
1684	3029018c	राममुद्दिश्य चिक्षेप हतस्त्वमिति चाब्रवीत्
1685	3029019a	तमापतन्तं बाणौघैश्छित्त्वा रामः प्रतापवान्
1686	3029019c	रोषमाहारयत्तीव्रं निहन्तुं समरे खरम्
1687	3029020a	जातस्वेदस्ततो रामो रोषाद्रक्तान्तलोचनः
1688	3029020c	निर्बिभेद सहस्रेण बाणानां समरे खरम्
1689	3029021a	तस्य बाणान्तराद्रक्तं बहु सुस्राव फेनिलम्
1690	3029021c	गिरेः प्रस्रवणस्येव तोयधारापरिस्रवः
1691	3029022a	विह्वलः स कृतो बाणैः खरो रामेण संयुगे
1692	3029022c	मत्तो रुधिरगन्धेन तमेवाभ्यद्रवद्द्रुतम्
1693	3029023a	तमापतन्तं संरब्धं कृतास्त्रो रुधिराप्लुतम्
1694	3029023c	अपसर्पत्प्रतिपदं किंचित्त्वरितविक्रमः
1695	3029024a	ततः पावकसंकाशं बधाय समरे शरम्
1696	3029024c	खरस्य रामो जग्राह ब्रह्मदण्डमिवापरम्
1697	3029025a	स तद्दत्तं मघवता सुरराजेन धीमता
1698	3029025c	संदधे च स धर्मात्मा मुमोच च खरं प्रति
1699	3029026a	स विमुक्तो महाबाणो निर्घातसमनिःस्वनः
1700	3029026c	रामेण धनुरुद्यम्य खरस्योरसि चापतत्
1701	3029027a	स पपात खरो भूमौ दह्यमानः शराग्निना
1702	3029027c	रुद्रेणैव विनिर्दग्धः श्वेतारण्ये यथान्धकः
1703	3029028a	स वृत्र इव वज्रेण फेनेन नमुचिर्यथा
1704	3029028c	बलो वेन्द्राशनिहतो निपपात हतः खरः
1705	3029029a	ततो राजर्षयः सर्वे संगताः परमर्षयः
1706	3029029c	सभाज्य मुदिता राममिदं वचनमब्रुवन्
1707	3029030a	एतदर्थं महातेजा महेन्द्रः पाकशासनः
1708	3029030c	शरभङ्गाश्रमं पुण्यमाजगाम पुरंदरः
1709	3029031a	आनीतस्त्वमिमं देशमुपायेन महर्षिभिः
1710	3029031c	एषां वधार्थं क्रूराणां रक्षसां पापकर्मणाम्
1711	3029032a	तदिदं नः कृतं कार्यं त्वया दशरथात्मज
1712	3029032c	सुखं धर्मं चरिष्यन्ति दण्डकेषु महर्षयः
1713	3029033a	एतस्मिन्नन्तरे वीरो लक्ष्मणः सह सीतया
1714	3029033c	गिरिदुर्गाद्विनिष्क्रम्य संविवेशाश्रमं सुखी
1715	3029034a	ततो रामस्तु विजयी पूज्यमानो महर्षिभिः
1716	3029034c	प्रविवेशाश्रमं वीरो लक्ष्मणेनाभिवादितः
1717	3029035a	तं दृष्ट्वा शत्रुहन्तारं महर्षीणां सुखावहम्
1718	3029035c	बभूव हृष्टा वैदेही भर्तारं परिषस्वजे
1719	3030001a	ततः शूर्पणखा दृष्ट्वा सहस्राणि चतुर्दश
1720	3030001c	हतान्येकेन रामेण रक्षसां भीमकर्मणाम्
1721	3030002a	दूषणं च खरं चैव हतं त्रिशिरसं रणे
1722	3030002c	दृष्ट्वा पुनर्महानादं ननाद जलदोपमा
1723	3030003a	सा दृष्ट्वा कर्म रामस्य कृतमन्यैः सुदुष्करम्
1724	3030003c	जगाम परमौद्विग्ना लङ्कां रावणपालिताम्
1725	3030004a	स ददर्श विमानाग्रे रावणं दीप्ततेजसं
1726	3030004c	उपोपविष्टं सचिवैर्मरुद्भिरिव वासवम्
1727	3030005a	आसीनं सूर्यसंकाशे काञ्चने परमासने
1728	3030005c	रुक्मवेदिगतं प्राज्यं ज्वलन्तमिव पावकम्
1729	3030006a	देवगन्धर्वभूतानामृषीणां च महात्मनाम्
1730	3030006c	अजेयं समरे शूरं व्यात्ताननमिवान्तकम्
1731	3030007a	देवासुरविमर्देषु वज्राशनिकृतव्रणम्
1732	3030007c	ऐरावतविषाणाग्रैरुत्कृष्टकिणवक्षसं
1733	3030008a	विंशद्भुजं दशग्रीवं दर्शनीयपरिच्छदम्
1734	3030008c	विशालवक्षसं वीरं राजलक्ष्मणलक्षितम्
1735	3030009a	स्निग्धवैदूर्यसंकाशं तप्तकाञ्चनकुण्डलम्
1736	3030009c	सुभुजं शुक्लदशनं महास्यं पर्वतोपमम्
1737	3030010a	विष्णुचक्रनिपातैश्च शतशो देवसंयुगे
1738	3030010c	आहताङ्गं समस्तैश्च देवप्रहरणैस्तथा
1739	3030011a	अक्षोभ्याणां समुद्राणां क्षोभणं क्षिप्रकारिणम्
1740	3030011c	क्षेप्तारं पर्वताग्राणां सुराणां च प्रमर्दनम्
1741	3030012a	उच्छेत्तारं च धर्माणां परदाराभिमर्शनम्
1742	3030012c	सर्वदिव्यास्त्रयोक्तारं यज्ञविघ्नकरं सदा
1743	3030013a	पुरीं भोगवतीं गत्वा पराजित्य च वासुकिम्
1744	3030013c	तक्षकस्य प्रियां भार्यां पराजित्य जहार यः
1745	3030014a	कैलासं पर्वतं गत्वा विजित्य नरवाहनम्
1746	3030014c	विमानं पुष्पकं तस्य कामगं वै जहार यः
1747	3030015a	वनं चैत्ररथं दिव्यं नलिनीं नन्दनं वनम्
1748	3030015c	विनाशयति यः क्रोधाद्देवोद्यानानि वीर्यवान्
1749	3030016a	चन्द्रसूर्यौ महाभागावुत्तिष्ठन्तौ परंतपौ
1750	3030016c	निवारयति बाहुभ्यां यः शैलशिखरोपमः
1751	3030017a	दशवर्षसहस्राणि तपस्तप्त्वा महावने
1752	3030017c	पुरा स्वयम्भुवे धीरः शिरांस्युपजहार यः
1753	3030018a	देवदानवगन्धर्वपिशाचपतगोरगैः
1754	3030018c	अभयं यस्य संग्रामे मृत्युतो मानुषादृते
1755	3030019a	मन्त्ररभितुष्टं पुण्यमध्वरेषु द्विजातिभिः
1756	3030019c	हविर्धानेषु यः सोममुपहन्ति महाबलः
1757	3030020a	आप्तयज्ञहरं क्रूरं ब्रह्मघ्नं दुष्टचारिणम्
1758	3030020c	कर्कशं निरनुक्रोशं प्रजानामहिते रतम्
1759	3030020e	रावणं सर्वभूतानां सर्वलोकभयावहम्
1760	3030021a	राक्षसी भ्रातरं क्रूरं सा ददर्श महाबलम्
1761	3030021c	तं दिव्यवस्त्राभरणं दिव्यमाल्योपशोभितम्
1762	3030021e	राक्षसेन्द्रं महाभागं पौलस्त्य कुलनन्दनम्
1763	3030022a	तमब्रवीद्दीप्तविशाललोचनं; प्रदर्शयित्वा भयमोहमूर्छिता
1764	3030022c	सुदारुणं वाक्यमभीतचारिणी; महात्मना शूर्पणखा विरूपिता
1765	3031001a	ततः शूर्पणखा दीना रावणं लोकरावणम्
1766	3031001c	अमात्यमध्ये संक्रुद्धा परुषं वाक्यमब्रवीत्
1767	3031002a	प्रमत्तः कामभोगेषु स्वैरवृत्तो निरङ्कुशः
1768	3031002c	समुत्पन्नं भयं घोरं बोद्धव्यं नावबुध्यसे
1769	3031003a	सक्तं ग्राम्येषु भोगेषु कामवृत्तं महीपतिम्
1770	3031003c	लुब्धं न बहु मन्यन्ते श्मशानाग्निमिव प्रजाः
1771	3031004a	स्वयं कार्याणि यः काले नानुतिष्ठति पार्थिवः
1772	3031004c	स तु वै सह राज्येन तैश्च कार्यैर्विनश्यति
1773	3031005a	अयुक्तचारं दुर्दर्शमस्वाधीनं नराधिपम्
1774	3031005c	वर्जयन्ति नरा दूरान्नदीपङ्कमिव द्विपाः
1775	3031006a	ये न रक्षन्ति विषयमस्वाधीना नराधिपः
1776	3031006c	ते न वृद्ध्या प्रकाशन्ते गिरयः सागरे यथा
1777	3031007a	आत्मवद्भिर्विगृह्य त्वं देवगन्धर्वदानवैः
1778	3031007c	अयुक्तचारश्चपलः कथं राजा भविष्यसि
1779	3031008a	येषां चारश्च कोशश्च नयश्च जयतां वर
1780	3031008c	अस्वाधीना नरेन्द्राणां प्राकृतैस्ते जनैः समाः
1781	3031009a	यस्मात्पश्यन्ति दूरस्थान्सर्वानर्थान्नराधिपाः
1782	3031009c	चारेण तस्मादुच्यन्ते राजानो दीर्घचक्षुषः
1783	3031010a	अयुक्तचारं मन्ये त्वां प्राकृतैः सचिवैर्वृतम्
1784	3031010c	स्वजनं च जनस्थानं हतं यो नावबुध्यसे
1785	3031011a	चतुर्दश सहस्राणि रक्षसां भीमकर्मणाम्
1786	3031011c	हतान्येकेन रामेण खरश्च सहदूषणः
1787	3031012a	ऋषीणामभयं दत्तं कृतक्षेमाश्च दण्डकाः
1788	3031012c	धर्षितं च जनस्थानं रामेणाक्लिष्टकर्मणा
1789	3031013a	त्वं तु लुब्धः प्रमत्तश्च पराधीनश्च रावण
1790	3031013c	विषये स्वे समुत्पन्नं भयं यो नावबुध्यसे
1791	3031014a	तीक्ष्णमल्पप्रदातारं प्रमत्तं गर्वितं शठम्
1792	3031014c	व्यसने सर्वभूतानि नाभिधावन्ति पार्थिवम्
1793	3031015a	अतिमानिनमग्राह्यमात्मसंभावितं नरम्
1794	3031015c	क्रोधनं व्यसने हन्ति स्वजनोऽपि नराधिपम्
1795	3031016a	नानुतिष्ठति कार्याणि भयेषु न बिभेति च
1796	3031016c	क्षिप्रं राज्याच्च्युतो दीनस्तृणैस्तुल्यो भविष्यति
1797	3031017a	शुष्ककाष्ठैर्भवेत्कार्यं लोष्टैरपि च पांसुभिः
1798	3031017c	न तु स्थानात्परिभ्रष्टैः कार्यं स्याद्वसुधाधिपैः
1799	3031018a	उपभुक्तं यथा वासः स्रजो वा मृदिता यथा
1800	3031018c	एवं राज्यात्परिभ्रष्टः समर्थोऽपि निरर्थकः
1801	3031019a	अप्रमत्तश्च यो राजा सर्वज्ञो विजितेन्द्रियः
1802	3031019c	कृतज्ञो धर्मशीलश्च स राजा तिष्ठते चिरम्
1803	3031020a	नयनाभ्यां प्रसुप्तोऽपि जागर्ति नयचक्षुषा
1804	3031020c	व्यक्तक्रोधप्रसादश्च स राजा पूज्यते जनैः
1805	3031021a	त्वं तु रावणदुर्बुद्धिर्गुणैरेतैर्विवर्जितः
1806	3031021c	यस्य तेऽविदितश्चारै रक्षसां सुमहान्वधः
1807	3031022a	परावमन्ता विषयेषु संगतो; नदेश कालप्रविभाग तत्त्ववित्
1808	3031022c	अयुक्तबुद्धिर्गुणदोषनिश्चये; विपन्नराज्यो न चिराद्विपत्स्यते
1809	3031023a	इति स्वदोषान्परिकीर्तितांस्तया; समीक्ष्य बुद्ध्या क्षणदाचरेश्वरः
1810	3031023c	धनेन दर्पेण बलेन चान्वितो; विचिन्तयामास चिरं स रावणः
1811	3032001a	ततः शूर्पणखां क्रुद्धां ब्रुवतीं परुषं वचः
1812	3032001c	अमात्यमध्ये संक्रुद्धः परिपप्रच्छ रावणः
1813	3032002a	कश्च रामः कथं वीर्यः किं रूपः किं पराक्रमः
1814	3032002c	किमर्थं दण्डकारण्यं प्रविष्टश्च सुदुश्चरम्
1815	3032003a	आयुधं किं च रामस्य निहता येन राक्षसाः
1816	3032003c	खरश्च निहतं संख्ये दूषणस्त्रिशिरास्तथा
1817	3032004a	इत्युक्ता राक्षसेन्द्रेण राक्षसी क्रोधमूर्छिता
1818	3032004c	ततो रामं यथान्यायमाख्यातुमुपचक्रमे
1819	3032005a	दीर्घबाहुर्विशालाक्षश्चीरकृष्णाजिनाम्बरः
1820	3032005c	कन्दर्पसमरूपश्च रामो दशरथात्मजः
1821	3032006a	शक्रचापनिभं चापं विकृष्य कनकाङ्गदम्
1822	3032006c	दीप्तान्क्षिपति नाराचान्सर्पानिव महाविषान्
1823	3032007a	नाददानं शरान्घोरान्न मुञ्चन्तं महाबलम्
1824	3032007c	न कार्मुकं विकर्षन्तं रामं पश्यामि संयुगे
1825	3032008a	हन्यमानं तु तत्सैन्यं पश्यामि शरवृष्टिभिः
1826	3032008c	इन्द्रेणैवोत्तमं सस्यमाहतं त्वश्मवृष्टिभिः
1827	3032009a	रक्षसां भीमवीर्याणां सहस्राणि चतुर्दश
1828	3032009c	निहतानि शरैस्तीक्ष्णैस्तेनैकेन पदातिना
1829	3032010a	अर्धाधिकमुहूर्तेन खरश्च सहदूषणः
1830	3032010c	ऋषीणामभयं दत्तं कृतक्षेमाश्च दण्डकाः
1831	3032011a	एका कथंचिन्मुक्ताहं परिभूय महात्मना
1832	3032011c	स्त्रीवधं शङ्कमानेन रामेण विदितात्मना
1833	3032012a	भ्राता चास्य महातेजा गुणतस्तुल्यविक्रमः
1834	3032012c	अनुरक्तश्च भक्तश्च लक्ष्मणो नाम वीर्यवान्
1835	3032013a	अमर्षी दुर्जयो जेता विक्रान्तो बुद्धिमान्बली
1836	3032013c	रामस्य दक्षिणे बाहुर्नित्यं प्राणो बहिष्चरः
1837	3032014a	रामस्य तु विशालाक्षी धर्मपत्नी यशस्विनी
1838	3032014c	सीता नाम वरारोहा वैदेही तनुमध्यमा
1839	3032015a	नैव देवी न गन्धर्वा न यक्षी न च किंनरी
1840	3032015c	तथारूपा मया नारी दृष्टपूर्वा महीतले
1841	3032016a	यस्य सीता भवेद्भार्या यं च हृष्टा परिष्वजेत्
1842	3032016c	अतिजीवेत्स सर्वेषु लोकेष्वपि पुरंदरात्
1843	3032017a	सा सुशीला वपुःश्लाघ्या रूपेणाप्रतिमा भुवि
1844	3032017c	तवानुरूपा भार्या सा त्वं च तस्यास्तथा पतिः
1845	3032018a	तां तु विस्तीर्णजघनां पीनोत्तुङ्गपयोधराम्
1846	3032018c	भार्यार्थे तु तवानेतुमुद्यताहं वराननाम्
1847	3032019a	तां तु दृष्ट्वाद्य वैदेहीं पूर्णचन्द्रनिभाननाम्
1848	3032019c	मन्मथस्य शराणां च त्वं विधेयो भविष्यसि
1849	3032020a	यदि तस्यामभिप्रायो भार्यार्थे तव जायते
1850	3032020c	शीघ्रमुद्ध्रियतां पादो जयार्थमिह दक्षिणः
1851	3032021a	कुरु प्रियं तथा तेषां रक्षसां राक्षसेश्वर
1852	3032021c	वधात्तस्य नृशंसस्य रामस्याश्रमवासिनः
1853	3032022a	तं शरैर्निशितैर्हत्वा लक्ष्मणं च महारथम्
1854	3032022c	हतनाथां सुखं सीतां यथावदुपभोक्ष्यसे
1855	3032023a	रोचते यदि ते वाक्यं ममैतद्राक्षसेश्वर
1856	3032023c	क्रियतां निर्विशङ्केन वचनं मम राघव
1857	3032024a	निशम्य रामेण शरैरजिह्मगै;र्हताञ्जनस्थानगतान्निशाचरान्
1858	3032024c	खरं च बुद्ध्वा निहतं च दूषणं; त्वमद्य कृत्यं प्रतिपत्तुमर्हसि
1859	3033001a	ततः शूर्पणखा वाक्यं तच्छ्रुत्वा रोमहर्षणम्
1860	3033001c	सचिवानभ्यनुज्ञाय कार्यं बुद्ध्वा जगाम ह
1861	3033002a	तत्कार्यमनुगम्याथ यथावदुपलभ्य च
1862	3033002c	दोषाणां च गुणानां च संप्रधार्य बलाबलम्
1863	3033003a	इति कर्तव्यमित्येव कृत्वा निश्चयमात्मनः
1864	3033003c	स्थिरबुद्धिस्ततो रम्यां यानशालां जगाम ह
1865	3033004a	यानशालां ततो गत्वा प्रच्छन्नं राक्षसाधिपः
1866	3033004c	सूतं संचोदयामास रथः संयुज्यतामिति
1867	3033005a	एवमुक्तः क्षणेनैव सारथिर्लघुविक्रमः
1868	3033005c	रथं संयोजयामास तस्याभिमतमुत्तमम्
1869	3033006a	काञ्चनं रथमास्थाय कामगं रत्नभूषितम्
1870	3033006c	पिशाचवदनैर्युक्तं खरैः कनकभूषणैः
1871	3033007a	मेघप्रतिमनादेन स तेन धनदानुजः
1872	3033007c	राक्षसाधिपतिः श्रीमान्ययौ नदनदीपतिम्
1873	3033008a	स श्वेतबालव्यसनः श्वेतच्छत्रो दशाननः
1874	3033008c	स्निग्धवैदूर्यसंकाशस्तप्तकाञ्चनभूषणः
1875	3033009a	दशास्यो विंशतिभुजो दर्शनीय परिच्छदः
1876	3033009c	त्रिदशारिर्मुनीन्द्रघ्नो दशशीर्ष इवाद्रिराट्
1877	3033010a	कामगं रथमास्थाय शुशुभे राक्षसाधिपः
1878	3033010c	विद्युन्मण्डलवान्मेघः सबलाक इवाम्बरे
1879	3033011a	सशैलं सागरानूपं वीर्यवानवलोकयन्
1880	3033011c	नानापुष्पफलैर्वृक्षैरनुकीर्णं सहस्रशः
1881	3033012a	शीतमङ्गलतोयाभिः पद्मिनीभिः समन्ततः
1882	3033012c	विशालैराश्रमपदैर्वेदिमद्भिः समावृतम्
1883	3033013a	कदल्याढकिसंबाधं नालिकेरोपशोभितम्
1884	3033013c	सालैस्तालैस्तमालैश्च तरुभिश्च सुपुष्पितैः
1885	3033014a	अत्यन्तनियताहारैः शोभितं परमर्षिभिः
1886	3033014c	नागैः सुपर्णैर्गन्धर्वैः किंनरैश्च सहस्रशः
1887	3033015a	जितकामैश्च सिद्धैश्च चामणैश्चोपशोभितम्
1888	3033015c	आजैर्वैखानसैर्माषैर्वालखिल्यैर्मरीचिपैः
1889	3033016a	दिव्याभरणमाल्याभिर्दिव्यरूपाभिरावृतम्
1890	3033016c	क्रीडा रतिविधिज्ञाभिरप्सरोभिः सहस्रशः
1891	3033017a	सेवितं देवपत्नीभिः श्रीमतीभिः श्रिया वृतम्
1892	3033017c	देवदानवसंघैश्च चरितं त्वमृताशिभिः
1893	3033018a	हंसक्रौञ्चप्लवाकीर्णं सारसैः संप्रणादितम्
1894	3033018c	वैदूर्यप्रस्तरं रम्यं स्निग्धं सागरतेजसा
1895	3033019a	पाण्डुराणि विशालानि दिव्यमाल्ययुतानि च
1896	3033019c	तूर्यगीताभिजुष्टानि विमानानि समन्ततः
1897	3033020a	तपसा जितलोकानां कामगान्यभिसंपतन्
1898	3033020c	गन्धर्वाप्सरसश्चैव ददर्श धनदानुजः
1899	3033021a	निर्यासरसमूलानां चन्दनानां सहस्रशः
1900	3033021c	वनानि पश्यन्सौम्यानि घ्राणतृप्तिकराणि च
1901	3033022a	अगरूणां च मुख्यानां वनान्युपवनानि च
1902	3033022c	तक्कोलानां च जात्यानां फलानां च सुगन्धिनाम्
1903	3033023a	पुष्पाणि च तमालस्य गुल्मानि मरिचस्य च
1904	3033023c	मुक्तानां च समूहानि शुष्यमाणानि तीरतः
1905	3033024a	शङ्खानां प्रस्तरं चैव प्रवालनिचयं तथा
1906	3033024c	काञ्चनानि च शैलानि राजतानि च सर्वशः
1907	3033025a	प्रस्रवाणि मनोज्ञानि प्रसन्नानि ह्रदानि च
1908	3033025c	धनधान्योपपन्नानि स्त्रीरत्नैरावृतानि च
1909	3033026a	हस्त्यश्वरथगाढानि नगराण्यवलोकयन्
1910	3033026c	तं समं सर्वतः स्निग्धं मृदुसंस्पर्शमारुतम्
1911	3033027a	अनूपं सिन्धुराजस्य ददर्श त्रिदिवोपमम्
1912	3033027c	तत्रापश्यत्स मेघाभं न्यग्रोधमृषिभिर्वृतम्
1913	3033028a	समन्ताद्यस्य ताः शाखाः शतयोजनमायताः
1914	3033028c	यस्य हस्तिनमादाय महाकायं च कच्चपम्
1915	3033028e	भक्षार्थं गरुडः शाखामाजगाम महाबलः
1916	3033029a	तस्य तां सहसा शाखां भारेण पतगोत्तमः
1917	3033029c	सुपर्णः पर्णबहुलां बभञ्जाथ महाबलः
1918	3033030a	तत्र वैखानसा माषा वालखिल्या मरीचिपाः
1919	3033030c	अजा बभूवुर्धूम्राश्च संगताः परमर्षयः
1920	3033031a	तेषां दयार्थं गरुडस्तां शाखां शतयोजनाम्
1921	3033031c	जगामादाय वेगेन तौ चोभौ गजकच्छपौ
1922	3033032a	एकपादेन धर्मात्मा भक्षयित्वा तदामिषम्
1923	3033032c	निषादविषयं हत्वा शाखया पतगोत्तमः
1924	3033032e	प्रहर्षमतुलं लेभे मोक्षयित्वा महामुनीन्
1925	3033033a	स तेनैव प्रहर्षेण द्विगुणीकृतविक्रमः
1926	3033033c	अमृतानयनार्थं वै चकार मतिमान्मतिम्
1927	3033034a	अयोजालानि निर्मथ्य भित्त्वा रत्नगृहं वरम्
1928	3033034c	महेन्द्रभवनाद्गुप्तमाजहारामृतं ततः
1929	3033035a	तं महर्षिगणैर्जुष्टं सुपर्णकृतलक्षणम्
1930	3033035c	नाम्ना सुभद्रं न्यग्रोधं ददर्श धनदानुजः
1931	3033036a	तं तु गत्वा परं पारं समुद्रस्य नदीपतेः
1932	3033036c	ददर्शाश्रममेकान्ते पुण्ये रम्ये वनान्तरे
1933	3033037a	तत्र कृष्णाजिनधरं जटावल्कलधारिणम्
1934	3033037c	ददर्श नियताहारं मारीचं नाम राक्षसं
1935	3033038a	स रावणः समागम्य विधिवत्तेन रक्षसा
1936	3033038c	ततः पश्चादिदं वाक्यमब्रवीद्वाक्यकोविदः
1937	3034001a	मारीच श्रूयतां तात वचनं मम भाषतः
1938	3034001c	आर्तोऽस्मि मम चार्तस्य भवान्हि परमा गतिः
1939	3034002a	जानीषे त्वं जनस्थानं भ्राता यत्र खरो मम
1940	3034002c	दूषणश्च महाबाहुः स्वसा शूर्पणखा च मे
1941	3034003a	त्रिशिराश्च महातेजा राक्षसः पिशिताशनः
1942	3034003c	अन्ये च बहवः शूरा लब्धलक्षा निशाचराः
1943	3034004a	वसन्ति मन्नियोगेन अधिवासं च राक्षसः
1944	3034004c	बाधमाना महारण्ये मुनीन्ये धर्मचारिणः
1945	3034005a	चतुर्दश सहस्राणि रक्षसां भीमकर्मणाम्
1946	3034005c	शूराणां लब्धलक्षाणां खरचित्तानुवर्तिनाम्
1947	3034006a	ते त्विदानीं जनस्थाने वसमाना महाबलाः
1948	3034006c	संगताः परमायत्ता रामेण सह संयुगे
1949	3034007a	तेन संजातरोषेण रामेण रणमूर्धनि
1950	3034007c	अनुक्त्वा परुषं किंचिच्छरैर्व्यापारितं धनुः
1951	3034008a	चतुर्दश सहस्राणि रक्षसां भीमकर्मणाम्
1952	3034008c	निहतानि शरैस्तीक्ष्णैर्मानुषेण पदातिना
1953	3034009a	खरश्च निहतः संख्ये दूषणश्च निपातितः
1954	3034009c	हत्वा त्रिशिरसं चापि निर्भया दण्डकाः कृताः
1955	3034010a	पित्रा निरस्तः क्रुद्धेन सभार्यः क्षीणजीवितः
1956	3034010c	स हन्ता तस्य सैन्यस्य रामः क्षत्रियपांसनः
1957	3034011a	अशीलः कर्कशस्तीक्ष्णो मूर्खो लुब्धोऽजितेन्द्रियः
1958	3034011c	त्यक्तधर्मस्त्वधर्मात्मा भूतानामहिते रतः
1959	3034012a	येन वैरं विनारण्ये सत्त्वमाश्रित्य केवलम्
1960	3034012c	कर्णनासापहारेण भगिनी मे विरूपिता
1961	3034013a	तस्य भार्यां जनस्थानात्सीतां सुरसुतोपमाम्
1962	3034013c	आनयिष्यामि विक्रम्य सहायस्तत्र मे भव
1963	3034014a	त्वया ह्यहं सहायेन पार्श्वस्थेन महाबल
1964	3034014c	भ्रातृभिश्च सुरान्युद्धे समग्रान्नाभिचिन्तये
1965	3034015a	तत्सहायो भव त्वं मे समर्थो ह्यसि राक्षस
1966	3034015c	वीर्ये युद्धे च दर्पे च न ह्यस्ति सदृशस्तव
1967	3034016a	एतदर्थमहं प्राप्तस्त्वत्समीपं निशाचर
1968	3034016c	शृणु तत्कर्म साहाय्ये यत्कार्यं वचनान्मम
1969	3034017a	सौवर्णस्त्वं मृगो भूत्वा चित्रो रजतबिन्दुभिः
1970	3034017c	आश्रमे तस्य रामस्य सीतायाः प्रमुखे चर
1971	3034018a	त्वां तु निःसंशयं सीता दृष्ट्वा तु मृगरूपिणम्
1972	3034018c	गृह्यतामिति भर्तारं लक्ष्मणं चाभिधास्यति
1973	3034019a	ततस्तयोरपाये तु शून्ये सीतां यथासुखम्
1974	3034019c	निराबाधो हरिष्यामि राहुश्चन्द्रप्रभामिव
1975	3034020a	ततः पश्चात्सुखं रामे भार्याहरणकर्शिते
1976	3034020c	विस्रब्धं प्रहरिष्यामि कृतार्थेनान्तरात्मना
1977	3034021a	तस्य रामकथां श्रुत्वा मारीचस्य महात्मनः
1978	3034021c	शुष्कं समभवद्वक्त्रं परित्रस्तो बभूव च
1979	3034022a	स रावणं त्रस्तविषण्णचेता; महावने रामपराक्रमज्ञः
1980	3034022c	कृताञ्जलिस्तत्त्वमुवाच वाक्यं; हितं च तस्मै हितमात्मनश्च
1981	3035001a	तच्छ्रुत्वा राक्षसेन्द्रस्य वाक्यं वाक्यविशारदः
1982	3035001c	प्रत्युवाच महाप्राज्ञो मारीचो राक्षसेश्वरम्
1983	3035002a	सुलभाः पुरुषा राजन्सततं प्रियवादिनः
1984	3035002c	अप्रियस्य च पथ्यस्य वक्ता श्रोता च दुर्लभः
1985	3035003a	न नूनं बुध्यसे रामं महावीर्यं गुणोन्नतम्
1986	3035003c	अयुक्तचारश्चपलो महेन्द्रवरुणोपमम्
1987	3035004a	अपि स्वस्ति भवेत्तात सर्वेषां भुवि रक्षसाम्
1988	3035004c	अपि रामो न संक्रुद्धः कुर्याल्लोकमराक्षसं
1989	3035005a	अपि ते जीवितान्ताय नोत्पन्ना जनकात्मजा
1990	3035005c	अपि सीता निमित्तं च न भवेद्व्यसनं महत्
1991	3035006a	अपि त्वामीश्वरं प्राप्य कामवृत्तं निरङ्कुशम्
1992	3035006c	न विनश्येत्पुरी लङ्का त्वया सह सराक्षसा
1993	3035007a	त्वद्विधः कामवृत्तो हि दुःशीलः पापमन्त्रितः
1994	3035007c	आत्मानं स्वजनं राष्ट्रं स राजा हन्ति दुर्मतिः
1995	3035008a	न च पित्रा परित्यक्तो नामर्यादः कथंचन
1996	3035008c	न लुब्धो न च दुःशीलो न च क्षत्रियपांसनः
1997	3035009a	न च धर्मगुणैर्हीनैः कौसल्यानन्दवर्धनः
1998	3035009c	न च तीक्ष्णो हि भूतानां सर्वेषां च हिते रतः
1999	3035010a	वञ्चितं पितरं दृष्ट्वा कैकेय्या सत्यवादिनम्
2000	3035010c	करिष्यामीति धर्मात्मा ततः प्रव्रजितो वनम्
2001	3035011a	कैकेय्याः प्रियकामार्थं पितुर्दशरथस्य च
2002	3035011c	हित्वा राज्यं च भोगांश्च प्रविष्टो दण्डकावनम्
2003	3035012a	न रामः कर्कशस्तात नाविद्वान्नाजितेन्द्रियः
2004	3035012c	अनृतं न श्रुतं चैव नैव त्वं वक्तुमर्हसि
2005	3035013a	रामो विग्रहवान्धर्मः साधुः सत्यपराक्रमः
2006	3035013c	राजा सर्वस्य लोकस्य देवानामिव वासवः
2007	3035014a	कथं त्वं तस्य वैदेहीं रक्षितां स्वेन तेजसा
2008	3035014c	इच्छसि प्रसभं हर्तुं प्रभामिव विवस्वतः
2009	3035015a	शरार्चिषमनाधृष्यं चापखड्गेन्धनं रणे
2010	3035015c	रामाग्निं सहसा दीप्तं न प्रवेष्टुं त्वमर्हसि
2011	3035016a	धनुर्व्यादितदीप्तास्यं शरार्चिषममर्षणम्
2012	3035016c	चापबाणधरं वीरं शत्रुसेनापहारिणम्
2013	3035017a	राज्यं सुखं च संत्यज्य जीवितं चेष्टमात्मनः
2014	3035017c	नात्यासादयितुं तात रामान्तकमिहार्हसि
2015	3035018a	अप्रमेयं हि तत्तेजो यस्य सा जनकात्मजा
2016	3035018c	न त्वं समर्थस्तां हर्तुं रामचापाश्रयां वने
2017	3035019a	प्राणेभ्योऽपि प्रियतरा भार्या नित्यमनुव्रता
2018	3035019c	दीप्तस्येव हुताशस्य शिखा सीता सुमध्यमा
2019	3035020a	किमुद्यमं व्यर्थमिमं कृत्वा ते राक्षसाधिप
2020	3035020c	दृष्टश्चेत्त्वं रणे तेन तदन्तं तव जीवितम्
2021	3035020e	जीवितं च सुखं चैव राज्यं चैव सुदुर्लभम्
2022	3035021a	स सर्वैः सचिवैः सार्धं विभीषणपुरस्कृतैः
2023	3035021c	मन्त्रयित्वा तु धर्मिष्ठैः कृत्वा निश्चयमात्मनः
2024	3035022a	दोषाणां च गुणानां च संप्रधार्य बलाबलम्
2025	3035022c	आत्मनश्च बलं ज्ञात्वा राघवस्य च तत्त्वतः
2026	3035022e	हितं हि तव निश्चित्य क्षमं त्वं कर्तुमर्हसि
2027	3035023a	अहं तु मन्ये तव न क्षमं रणे; समागमं कोसलराजसूनुना
2028	3035023c	इदं हि भूयः शृणु वाक्यमुत्तमं; क्षमं च युक्तं च निशाचराधिप
2029	3036001a	कदाचिदप्यहं वीर्यात्पर्यटन्पृथिवीमिमाम्
2030	3036001c	बलं नागसहस्रस्य धारयन्पर्वतोपमः
2031	3036002a	नीलजीमूतसंकाशस्तप्तकाञ्चनकुण्डलः
2032	3036002c	भयं लोकस्य जनयन्किरीटी परिघायुधः
2033	3036002e	व्यचरं दण्डकारण्यमृषिमांसानि भक्षयन्
2034	3036003a	विश्वामित्रोऽथ धर्मात्मा मद्वित्रस्तो महामुनिः
2035	3036003c	स्वयं गत्वा दशरथं नरेन्द्रमिदमब्रवीत्
2036	3036004a	अयं रक्षतु मां रामः पर्वकाले समाहितः
2037	3036004c	मारीचान्मे भयं घोरं समुत्पन्नं नरेश्वर
2038	3036005a	इत्येवमुक्तो धर्मात्मा राजा दशरथस्तदा
2039	3036005c	प्रत्युवाच महाभागं विश्वामित्रं महामुनिम्
2040	3036006a	ऊन षोडश वर्षोऽयमकृतास्त्रश्च राघवः
2041	3036006c	कामं तु मम यत्सैन्यं मया सह गमिष्यति
2042	3036006e	बधिष्यामि मुनिश्रेष्ठ शत्रुं तव यथेप्सितम्
2043	3036007a	इत्येवमुक्तः स मुनी राजानं पुनरब्रवीत्
2044	3036007c	रामान्नान्यद्बलं लोके पर्याप्तं तस्य रक्षसः
2045	3036008a	बालोऽप्येष महातेजाः समर्थस्तस्य निग्रहे
2046	3036008c	गमिष्ये राममादाय स्वस्ति तेऽस्तु परंतपः
2047	3036009a	इत्येवमुक्त्वा स मुनिस्तमादाय नृपात्मजम्
2048	3036009c	जगाम परमप्रीतो विश्वामित्रः स्वमाश्रमम्
2049	3036010a	तं तदा दण्डकारण्ये यज्ञमुद्दिश्य दीक्षितम्
2050	3036010c	बभूवावस्थितो रामश्चित्रं विस्फारयन्धनुः
2051	3036011a	अजातव्यञ्जनः श्रीमान्बालः श्यामः शुभेक्षणः
2052	3036011c	एकवस्त्रधरो धन्वी शिखी कनकमालया
2053	3036012a	शोभयन्दण्डकारण्यं दीप्तेन स्वेन तेजसा
2054	3036012c	अदृश्यत तदा रामो बालचन्द्र इवोदितः
2055	3036013a	ततोऽहं मेघसंकाशस्तप्तकाञ्चनकुण्डलः
2056	3036013c	बली दत्तवरो दर्पादाजगाम तदाश्रमम्
2057	3036014a	तेन दृष्टः प्रविष्टोऽहं सहसैवोद्यतायुधः
2058	3036014c	मां तु दृष्ट्वा धनुः सज्यमसंभ्रान्तश्चकार ह
2059	3036015a	अवजानन्नहं मोहाद्बालोऽयमिति राघवम्
2060	3036015c	विश्वामित्रस्य तां वेदिमध्यधावं कृतत्वरः
2061	3036016a	तेन मुक्तस्ततो बाणः शितः शत्रुनिबर्हणः
2062	3036016c	तेनाहं ताडितः क्षिप्तः समुद्रे शतयोजने
2063	3036017a	रामस्य शरवेगेन निरस्तो भ्रान्तचेतनः
2064	3036017c	पातितोऽहं तदा तेन गम्भीरे सागराम्भसि
2065	3036017e	प्राप्य संज्ञां चिरात्तात लङ्कां प्रति गतः पुरीम्
2066	3036018a	एवमस्मि तदा मुक्तः सहायास्ते निपातिताः
2067	3036018c	अकृतास्त्रेण रामेण बालेनाक्लिष्टकर्मणा
2068	3036019a	तन्मया वार्यमाणस्त्वं यदि रामेण विग्रहम्
2069	3036019c	करिष्यस्यापदं घोरां क्षिप्रं प्राप्य नशिष्यसि
2070	3036020a	क्रीडा रतिविधिज्ञानां समाजोत्सवशालिनाम्
2071	3036020c	रक्षसां चैव संतापमनर्थं चाहरिष्यसि
2072	3036021a	हर्म्यप्रासादसंबाधां नानारत्नविभूषिताम्
2073	3036021c	द्रक्ष्यसि त्वं पुरीं लङ्कां विनष्टां मैथिलीकृते
2074	3036022a	अकुर्वन्तोऽपि पापानि शुचयः पापसंश्रयात्
2075	3036022c	परपापैर्विनश्यन्ति मत्स्या नागह्रदे यथा
2076	3036023a	दिव्यचन्दनदिग्धाङ्गान्दिव्याभरणभूषितान्
2077	3036023c	द्रक्ष्यस्यभिहतान्भूमौ तव दोषात्तु राक्षसान्
2078	3036024a	हृतदारान्सदारांश्च दशविद्रवतो दिशः
2079	3036024c	हतशेषानशरणान्द्रक्ष्यसि त्वं निशाचरान्
2080	3036025a	शरजालपरिक्षिप्तामग्निज्वालासमावृताम्
2081	3036025c	प्रदग्धभवनां लङ्कां द्रक्ष्यसि त्वमसंशयम्
2082	3036026a	प्रमदानां सहस्राणि तव राजन्परिग्रहः
2083	3036026c	भव स्वदारनिरतः स्वकुलं रक्षराक्षस
2084	3036027a	मानं वृद्धिं च राज्यं च जीवितं चेष्टमात्मनः
2085	3036027c	यदीच्छसि चिरं भोक्तुं मा कृथा राम विप्रियम्
2086	3036028a	निवार्यमाणः सुहृदा मया भृशं; प्रसह्य सीतां यदि धर्षयिष्यसि
2087	3036028c	गमिष्यसि क्षीणबलः सबान्धवो; यमक्षयं रामशरात्तजीवितः
2088	3037001a	एवमस्मि तदा मुक्तः कथंचित्तेन संयुगे
2089	3037001c	इदानीमपि यद्वृत्तं तच्छृणुष्व यदुत्तरम्
2090	3037002a	राक्षसाभ्यामहं द्वाभ्यामनिर्विण्णस्तथा कृतः
2091	3037002c	सहितो मृगरूपाभ्यां प्रविष्टो दण्डकावनम्
2092	3037003a	दीप्तजिह्वो महाकायस्तीक्ष्णशृण्गो महाबलः
2093	3037003c	व्यचरन्दण्डकारण्यं मांसभक्षो महामृगः
2094	3037004a	अग्निहोत्रेषु तीर्थेषु चैत्यवृक्षेषु रावण
2095	3037004c	अत्यन्तघोरो व्यचरंस्तापसांस्तान्प्रधर्षयन्
2096	3037005a	निहत्य दण्डकारण्ये तापसान्धर्मचारिणः
2097	3037005c	रुधिराणि पिबंस्तेषां तथा मांसानि भक्षयन्
2098	3037006a	ऋषिमांसाशनः क्रूरस्त्रासयन्वनगोचरान्
2099	3037006c	तदा रुधिरमत्तोऽहं व्यचरं दण्डकावनम्
2100	3037007a	तदाहं दण्डकारण्ये विचरन्धर्मदूषकः
2101	3037007c	आसादयं तदा रामं तापसं धर्ममाश्रितम्
2102	3037008a	वैदेहीं च महाभागां लक्ष्मणं च महारथम्
2103	3037008c	तापसं नियताहारं सर्वभूतहिते रतम्
2104	3037009a	सोऽहं वनगतं रामं परिभूय महाबलम्
2105	3037009c	तापसोऽयमिति ज्ञात्वा पूर्ववैरमनुस्मरन्
2106	3037010a	अभ्यधावं सुसंक्रुद्धस्तीक्ष्णशृङ्गो मृगाकृतिः
2107	3037010c	जिघांसुरकृतप्रज्ञस्तं प्रहारमनुस्मरन्
2108	3037011a	तेन मुक्तास्त्रयो बाणाः शिताः शत्रुनिबर्हणाः
2109	3037011c	विकृष्य बलवच्चापं सुपर्णानिलतुल्यगाः
2110	3037012a	ते बाणा वज्रसंकाशाः सुघोरा रक्तभोजनाः
2111	3037012c	आजग्मुः सहिताः सर्वे त्रयः संनतपर्वणः
2112	3037013a	पराक्रमज्ञो रामस्य शठो दृष्टभयः पुरा
2113	3037013c	समुत्क्रान्तस्ततो मुक्तस्तावुभौ राक्षसौ हतौ
2114	3037014a	शरेण मुक्तो रामस्य कथंचित्प्राप्य जीवितम्
2115	3037014c	इह प्रव्राजितो युक्तस्तापसोऽहं समाहितः
2116	3037015a	वृक्षे वृक्षे हि पश्यामि चीरकृष्णाजिनाम्बरम्
2117	3037015c	गृहीतधनुषं रामं पाशहस्तमिवान्तकम्
2118	3037016a	अपि रामसहस्राणि भीतः पश्यामि रावण
2119	3037016c	रामभूतमिदं सर्वमरण्यं प्रतिभाति मे
2120	3037017a	राममेव हि पश्यामि रहिते राक्षसेश्वर
2121	3037017c	दृष्ट्वा स्वप्नगतं राममुद्भ्रमामि विचेतनः
2122	3037018a	रकारादीनि नामानि रामत्रस्तस्य रावण
2123	3037018c	रत्नानि च रथाश्चैव त्रासं संजनयन्ति मे
2124	3037019a	अहं तस्य प्रभावज्ञो न युद्धं तेन ते क्षमम्
2125	3037019c	रणे रामेण युध्यस्व क्षमां वा कुरु राक्षस
2126	3037019e	न ते रामकथा कार्या यदि मां द्रष्टुमिच्छसि
2127	3037020a	इदं वचो बन्धुहितार्थिना मया; यथोच्यमानं यदि नाभिपत्स्यसे
2128	3037020c	सबान्धवस्त्यक्ष्यसि जीवितं रणे; हतोऽद्य रामेण शरैरजिह्मगैः
2129	3038001a	मारीचेन तु तद्वाक्यं क्षमं युक्तं च रावणः
2130	3038001c	उक्तो न प्रतिजग्राह मर्तुकाम इवौषधम्
2131	3038002a	तं पथ्यहितवक्तारं मारीचं राक्षसाधिपः
2132	3038002c	अब्रवीत्परुषं वाक्यमयुक्तं कालचोदितः
2133	3038003a	यत्किलैतदयुक्तार्थं मारीच मयि कथ्यते
2134	3038003c	वाक्यं निष्फलमत्यर्थं बीजमुप्तमिवोषरे
2135	3038004a	त्वद्वाक्यैर्न तु मां शक्यं भेत्तुं रामस्य संयुगे
2136	3038004c	पापशीलस्य मूर्खस्य मानुषस्य विशेषतः
2137	3038005a	यस्त्यक्त्वा सुहृदो राज्यं मातरं पितरं तथा
2138	3038005c	स्त्रीवाक्यं प्राकृतं श्रुत्वा वनमेकपदे गतः
2139	3038006a	अवश्यं तु मया तस्य संयुगे खरघातिनः
2140	3038006c	प्राणैः प्रियतरा सीता हर्तव्या तव संनिधौ
2141	3038007a	एवं मे निश्चिता बुद्धिर्हृदि मारीच वर्तते
2142	3038007c	न व्यावर्तयितुं शक्या सेन्द्रैरपि सुरासुरैः
2143	3038008a	दोषं गुणं वा संपृष्टस्त्वमेवं वक्तुमर्हसि
2144	3038008c	अपायं वाप्युपायं वा कार्यस्यास्य विनिश्चये
2145	3038009a	संपृष्टेन तु वक्तव्यं सचिवेन विपश्चिता
2146	3038009c	उद्यताञ्जलिना राज्ञो य इच्छेद्भूतिमात्मनः
2147	3038010a	वाक्यमप्रतिकूलं तु मृदुपूर्वं शुभं हितम्
2148	3038010c	उपचारेण युक्तं च वक्तव्यो वसुधाधिपः
2149	3038011a	सावमर्दं तु यद्वाक्यं मारीच हितमुच्यते
2150	3038011c	नाभिनन्दति तद्राजा मानार्हो मानवर्जितम्
2151	3038012a	पञ्चरूपाणि राजानो धारयन्त्यमितौजसः
2152	3038012c	अग्नेरिन्द्रस्य सोमस्य यमस्य वरुणस्य च
2153	3038012e	औष्ण्यं तथा विक्रमं च सौम्यं दण्डं प्रसन्नताम्
2154	3038013a	तस्मात्सर्वास्ववस्थासु मान्याः पूज्याश्च पार्थिवाः
2155	3038013c	त्वं तु धर्ममविज्ञाय केवलं मोहमास्थितः
2156	3038014a	अभ्यागतं मां दौरात्म्यात्परुषं वदसीदृशम्
2157	3038014c	गुणदोषौ न पृच्छामि क्षमं चात्मनि राक्षस
2158	3038014e	अस्मिंस्तु स भवान्कृत्ये साहाय्यं कर्तुमर्हति
2159	3038015a	सौवर्णस्त्वं मृगो भूत्वा चित्रो रजतबिन्दुभिः
2160	3038015c	प्रलोभयित्वा वैदेहीं यथेष्टं गन्तुमर्हसि
2161	3038016a	त्वां तु मायामृगं दृष्ट्वा काञ्चनं जातविस्मया
2162	3038016c	आनयैनमिति क्षिप्रं रामं वक्ष्यति मैथिली
2163	3038017a	अपक्रान्ते च काकुत्स्थे लक्ष्मणे च यथासुखम्
2164	3038017c	आनयिष्यामि वैदेहीं सहस्राक्षः शचीमिव
2165	3038018a	एवं कृत्वा त्विदं कार्यं यथेष्टं गच्छ राक्षस
2166	3038018c	राज्यस्यार्धं प्रदास्यामि मारीच तव सुव्रत
2167	3038019a	गच्छ सौम्य शिवं मार्गं कार्यस्यास्य विवृद्धये
2168	3038019c	प्राप्य सीतामयुद्धेन वञ्चयित्वा तु राघवम्
2169	3038019e	लङ्कां प्रति गमिष्यामि कृतकार्यः सह त्वया
2170	3038020a	एतत्कार्यमवश्यं मे बलादपि करिष्यसि
2171	3038020c	राज्ञो हि प्रतिकूलस्थो न जातु सुखमेधते
2172	3038021a	आसाद्य तं जीवितसंशयस्ते; मृत्युर्ध्रुवो ह्यद्य मया विरुध्य
2173	3038021c	एतद्यथावत्परिगृह्य बुद्ध्या; यदत्र पथ्यं कुरु तत्तथा त्वम्
2174	3039001a	आज्ञप्तो राजवद्वाक्यं प्रतिकूलं निशाचरः
2175	3039001c	अब्रवीत्परुषं वाक्यं मारीचो राक्षसाधिपम्
2176	3039002a	केनायमुपदिष्टस्ते विनाशः पापकर्मणा
2177	3039002c	सपुत्रस्य सराष्ट्रस्य सामात्यस्य निशाचर
2178	3039003a	कस्त्वया सुखिना राजन्नाभिनन्दति पापकृत्
2179	3039003c	केनेदमुपदिष्टं ते मृत्युद्वारमुपायतः
2180	3039004a	शत्रवस्तव सुव्यक्तं हीनवीर्या निशाचर
2181	3039004c	इच्छन्ति त्वां विनश्यन्तमुपरुद्धं बलीयसा
2182	3039005a	केनेदमुपदिष्टं ते क्षुद्रेणाहितवादिना
2183	3039005c	यस्त्वामिच्छति नश्यन्तं स्वकृतेन निशाचर
2184	3039006a	वध्याः खलु न हन्यन्ते सचिवास्तव रावण
2185	3039006c	ये त्वामुत्पथमारूढं न निगृह्णन्ति सर्वशः
2186	3039007a	अमात्यैः कामवृत्तो हि राजा कापथमाश्रितः
2187	3039007c	निग्राह्यः सर्वथा सद्भिर्न निग्राह्यो निगृह्यसे
2188	3039008a	धर्ममर्थं च कामं च यशश्च जयतां वर
2189	3039008c	स्वामिप्रसादात्सचिवाः प्राप्नुवन्ति निशाचर
2190	3039009a	विपर्यये तु तत्सर्वं व्यर्थं भवति रावण
2191	3039009c	व्यसनं स्वामिवैगुण्यात्प्राप्नुवन्तीतरे जनाः
2192	3039010a	राजमूलो हि धर्मश्च जयश्च जयतां वर
2193	3039010c	तस्मात्सर्वास्ववस्थासु रक्षितव्यो नराधिपः
2194	3039011a	राज्यं पालयितुं शक्यं न तीक्ष्णेन निशाचर
2195	3039011c	न चापि प्रतिकूलेन नाविनीतेन राक्षस
2196	3039012a	ये तीक्ष्णमन्त्राः सचिवा भज्यन्ते सह तेन वै
2197	3039012c	विषमेषु रथाः शीघ्रं मन्दसारथयो यथा
2198	3039013a	बहवः साधवो लोके युक्तधर्ममनुष्ठिताः
2199	3039013c	परेषामपराधेन विनष्टाः सपरिच्छदाः
2200	3039014a	स्वामिना प्रतिकूलेन प्रजास्तीक्ष्णेन रावण
2201	3039014c	रक्ष्यमाणा न वर्धन्ते मेषा गोमायुना यथा
2202	3039015a	अवश्यं विनशिष्यन्ति सर्वे रावण राक्षसाः
2203	3039015c	येषां त्वं कर्कशो राजा दुर्बुद्धिरजितेन्द्रियः
2204	3039016a	तदिदं काकतालीयं घोरमासादितं त्वया
2205	3039016c	अत्र किं शोभनं यत्त्वं ससैन्यो विनशिष्यसि
2206	3039017a	मां निहत्य तु रामोऽसौ नचिरात्त्वां वधिष्यति
2207	3039017c	अनेन कृतकृत्योऽस्मि म्रिये यदरिणा हतः
2208	3039018a	दर्शनादेव रामस्य हतं मामुपधारय
2209	3039018c	आत्मानं च हतं विद्धि हृत्वा सीतां सबान्धवम्
2210	3039019a	आनयिष्यसि चेत्सीतामाश्रमात्सहितो मया
2211	3039019c	नैव त्वमसि नैवाहं नैव लङ्का न राक्षसाः
2212	3039020a	निवार्यमाणस्तु मया हितैषिणा; न मृष्यसे वाक्यमिदं निशाचर
2213	3039020c	परेतकल्पा हि गतायुषो नरा; हितं न गृह्णन्ति सुहृद्भिरीरितम्
2214	3040001a	एवमुक्त्वा तु परुषं मारीचो रावणं ततः
2215	3040001c	गच्छावेत्यब्रवीद्दीनो भयाद्रात्रिंचरप्रभोः
2216	3040002a	दृष्टश्चाहं पुनस्तेन शरचापासिधारिणा
2217	3040002c	मद्वधोद्यतशस्त्रेण विनष्टं जीवितं च मे
2218	3040003a	किं तु कर्तुं मया शक्यमेवं त्वयि दुरात्मनि
2219	3040003c	एष गच्छाम्यहं तात स्वस्ति तेऽस्तु निशाचर
2220	3040004a	प्रहृष्टस्त्वभवत्तेन वचनेन स राक्षसः
2221	3040004c	परिष्वज्य सुसंश्लिष्टमिदं वचनमब्रवीत्
2222	3040005a	एतच्छौण्डीर्ययुक्तं ते मच्छन्दादिव भाषितम्
2223	3040005c	इदानीमसि मारीचः पूर्वमन्यो निशाचरः
2224	3040006a	आरुह्यतामयं शीघ्रं खगो रत्नविभूषितः
2225	3040006c	मया सह रथो युक्तः पिशाचवदनैः खरैः
2226	3040007a	ततो रावणमारीचौ विमानमिव तं रथम्
2227	3040007c	आरुह्य ययतुः शीघ्रं तस्मादाश्रममण्डलात्
2228	3040008a	तथैव तत्र पश्यन्तौ पत्तनानि वनानि च
2229	3040008c	गिरींश्च सरितः सर्वा राष्ट्राणि नगराणि च
2230	3040009a	समेत्य दण्डकारण्यं राघवस्याश्रमं ततः
2231	3040009c	ददर्श सहमरीचो रावणो राक्षसाधिपः
2232	3040010a	अवतीर्य रथात्तस्मात्ततः काञ्चनभूषणात्
2233	3040010c	हस्ते गृहीत्वा मारीचं रावणो वाक्यमब्रवीत्
2234	3040011a	एतद्रामाश्रमपदं दृश्यते कदलीवृतम्
2235	3040011c	क्रियतां तत्सखे शीघ्रं यदर्थं वयमागताः
2236	3040012a	स रावणवचः श्रुत्वा मारीचो राक्षसस्तदा
2237	3040012c	मृगो भूत्वाश्रमद्वारि रामस्य विचचार ह
2238	3040013a	मणिप्रवरशृङ्गाग्रः सितासितमुखाकृतिः
2239	3040013c	रक्तपद्मोत्पलमुख इन्द्रनीलोत्पलश्रवाः
2240	3040014a	किंचिदभ्युन्नत ग्रीव इन्द्रनीलनिभोदरः
2241	3040014c	मधूकनिभपार्श्वश्च कञ्जकिञ्जल्कसंनिभः
2242	3040015a	वैदूर्यसंकाशखुरस्तनुजङ्घः सुसंहतः
2243	3040015c	इन्द्रायुधसवर्णेन पुच्छेनोर्ध्वं विराजितः
2244	3040016a	मनोहरस्निग्धवर्णो रत्नैर्नानाविधैर्वृतः
2245	3040016c	क्षणेन राक्षसो जातो मृगः परमशोभनः
2246	3040017a	वनं प्रज्वलयन्रम्यं रामाश्रमपदं च तत्
2247	3040017c	मनोहरं दर्शनीयं रूपं कृत्वा स राक्षसः
2248	3040018a	प्रलोभनार्थं वैदेह्या नानाधातुविचित्रितम्
2249	3040018c	विचरन्गच्छते सम्यक्शाद्वलानि समन्ततः
2250	3040019a	रूप्यबिन्दुशतैश्चित्रो भूत्वा च प्रियदर्शनः
2251	3040019c	विटपीनां किसलयान्भङ्क्त्वादन्विचचार ह
2252	3040020a	कदलीगृहकं गत्वा कर्णिकारानितस्ततः
2253	3040020c	समाश्रयन्मन्दगतिः सीतासंदर्शनं तदा
2254	3040021a	राजीवचित्रपृष्ठः स विरराज महामृगः
2255	3040021c	रामाश्रमपदाभ्याशे विचचार यथासुखम्
2256	3040022a	पुनर्गत्वा निवृत्तश्च विचचार मृगोत्तमः
2257	3040022c	गत्वा मुहूर्तं त्वरया पुनः प्रतिनिवर्तते
2258	3040023a	विक्रीडंश्च पुनर्भूमौ पुनरेव निषीदति
2259	3040023c	आश्रमद्वारमागम्य मृगयूथानि गच्छति
2260	3040024a	मृगयूथैरनुगतः पुनरेव निवर्तते
2261	3040024c	सीतादर्शनमाकाङ्क्षन्राक्षसो मृगतां गतः
2262	3040025a	परिभ्रमति चित्राणि मण्डलानि विनिष्पतन्
2263	3040025c	समुद्वीक्ष्य च सर्वे तं मृगा येऽन्ये वनेचराः
2264	3040026a	उपगम्य समाघ्राय विद्रवन्ति दिशो दश
2265	3040026c	राक्षसः सोऽपि तान्वन्यान्मृगान्मृगवधे रतः
2266	3040027a	प्रच्छादनार्थं भावस्य न भक्षयति संस्पृशन्
2267	3040027c	तस्मिन्नेव ततः काले वैदेही शुभलोचना
2268	3040028a	कुसुमापचये व्यग्रा पादपानत्यवर्तत
2269	3040028c	कर्णिकारानशोकांश्च चूटांश्च मदिरेक्षणा
2270	3040029a	कुसुमान्यपचिन्वन्ती चचार रुचिरानना
2271	3040029c	अनर्हारण्यवासस्य सा तं रत्नमयं मृगम्
2272	3040029e	मुक्तामणिविचित्राङ्गं ददर्श परमाङ्गना
2273	3040030a	तं वै रुचिरदण्तौष्ठं रूप्यधातुतनूरुहम्
2274	3040030c	विस्मयोत्फुल्लनयना सस्नेहं समुदैक्षत
2275	3040031a	स च तां रामदयितां पश्यन्मायामयो मृगः
2276	3040031c	विचचार ततस्तत्र दीपयन्निव तद्वनम्
2277	3040032a	अदृष्टपूर्वं दृष्ट्वा तं नानारत्नमयं मृगम्
2278	3040032c	विस्मयं परमं सीता जगाम जनकात्मजा
2279	3041001a	सा तं संप्रेक्ष्य सुश्रोणी कुसुमानि विचिन्वती
2280	3041001c	हेमराजतवर्णाभ्यां पार्श्वाभ्यामुपशोभितम्
2281	3041002a	प्रहृष्टा चानवद्याङ्गी मृष्टहाटकवर्णिनी
2282	3041002c	भर्तारमपि चाक्रन्दल्लक्ष्मणं चैव सायुधम्
2283	3041003a	तयाहूतौ नरव्याघ्रौ वैदेह्या रामलक्ष्मणौ
2284	3041003c	वीक्षमाणौ तु तं देशं तदा ददृशतुर्मृगम्
2285	3041004a	शङ्कमानस्तु तं दृष्ट्वा लक्ष्मणो राममब्रवीत्
2286	3041004c	तमेवैनमहं मन्ये मारीचं राक्षसं मृगम्
2287	3041005a	चरन्तो मृगयां हृष्टाः पापेनोपाधिना वने
2288	3041005c	अनेन निहता राम राजानः कामरूपिणा
2289	3041006a	अस्य मायाविदो मायामृगरूपमिदं कृतम्
2290	3041006c	भानुमत्पुरुषव्याघ्र गन्धर्वपुरसंनिभम्
2291	3041007a	मृगो ह्येवंविधो रत्नविचित्रो नास्ति राघव
2292	3041007c	जगत्यां जगतीनाथ मायैषा हि न संशयः
2293	3041008a	एवं ब्रुवाणं काकुत्स्थं प्रतिवार्य शुचिस्मिता
2294	3041008c	उवाच सीता संहृष्टा छद्मना हृतचेतना
2295	3041009a	आर्यपुत्राभिरामोऽसौ मृगो हरति मे मनः
2296	3041009c	आनयैनं महाबाहो क्रीडार्थं नो भविष्यति
2297	3041010a	इहाश्रमपदेऽस्माकं बहवः पुण्यदर्शनाः
2298	3041010c	मृगाश्चरन्ति सहिताश्चमराः सृमरास्तथा
2299	3041011a	ऋक्षाः पृषतसंघाश्च वानराः किंनरास्तथा
2300	3041011c	विचरन्ति महाबाहो रूपश्रेष्ठा महाबलाः
2301	3041012a	न चास्य सदृशो राजन्दृष्टपूर्वो मृगः पुरा
2302	3041012c	तेजसा क्षमया दीप्त्या यथायं मृगसत्तमः
2303	3041013a	नानावर्णविचित्राङ्गो रत्नबिन्दुसमाचितः
2304	3041013c	द्योतयन्वनमव्यग्रं शोभते शशिसंनिभः
2305	3041014a	अहो रूपमहो लक्ष्मीः स्वरसंपच्च शोभना
2306	3041014c	मृगोऽद्भुतो विचित्रोऽसौ हृदयं हरतीव मे
2307	3041015a	यदि ग्रहणमभ्येति जीवन्नेव मृगस्तव
2308	3041015c	आश्चर्यभूतं भवति विस्मयं जनयिष्यति
2309	3041016a	समाप्तवनवासानां राज्यस्थानां च नः पुनः
2310	3041016c	अन्तःपुरविभूषार्थो मृग एष भविष्यति
2311	3041017a	भरतस्यार्यपुत्रस्य श्वश्रूणां मम च प्रभो
2312	3041017c	मृगरूपमिदं दिव्यं विस्मयं जनयिष्यति
2313	3041018a	जीवन्न यदि तेऽभ्येति ग्रहणं मृगसत्तमः
2314	3041018c	अजिनं नरशार्दूल रुचिरं मे भविष्यति
2315	3041019a	निहतस्यास्य सत्त्वस्य जाम्बूनदमयत्वचि
2316	3041019c	शष्पबृस्यां विनीतायामिच्छाम्यहमुपासितुम्
2317	3041020a	कामवृत्तमिदं रौद्रं स्त्रीणामसदृशं मतम्
2318	3041020c	वपुषा त्वस्य सत्त्वस्य विस्मयो जनितो मम
2319	3041021a	तेन काञ्चनरोम्णा तु मणिप्रवरशृङ्गिणा
2320	3041021c	तरुणादित्यवर्णेन नक्षत्रपथवर्चसा
2321	3041021e	बभूव राघवस्यापि मनो विस्मयमागतम्
2322	3041022a	एवं सीतावचः श्रुत्वा दृष्ट्वा च मृगमद्भुतम्
2323	3041022c	उवाच राघवो हृष्टो भ्रातरं लक्ष्मणं वचः
2324	3041023a	पश्य लक्ष्मण वैदेह्याः स्पृहां मृगगतामिमाम्
2325	3041023c	रूपश्रेष्ठतया ह्येष मृगोऽद्य न भविष्यति
2326	3041024a	न वने नन्दनोद्देशे न चैत्ररथसंश्रये
2327	3041024c	कुतः पृथिव्यां सौमित्रे योऽस्य कश्चित्समो मृगः
2328	3041025a	प्रतिलोमानुलोमाश्च रुचिरा रोमराजयः
2329	3041025c	शोभन्ते मृगमाश्रित्य चित्राः कनकबिन्दुभिः
2330	3041026a	पश्यास्य जृम्भमाणस्य दीप्तामग्निशिखोपमाम्
2331	3041026c	जिह्वां मुखान्निःसरन्तीं मेघादिव शतह्रदाम्
2332	3041027a	मसारगल्वर्कमुखः शङ्खमुक्तानिभोदरः
2333	3041027c	कस्य नामानिरूप्योऽसौ न मनो लोभयेन्मृगः
2334	3041028a	कस्य रूपमिदं दृष्ट्वा जाम्बूनदमयप्रभम्
2335	3041028c	नानारत्नमयं दिव्यं न मनो विस्मयं व्रजेत्
2336	3041029a	मांसहेतोरपि मृगान्विहारार्थं च धन्विनः
2337	3041029c	घ्नन्ति लक्ष्मण राजानो मृगयायां महावने
2338	3041030a	धनानि व्यवसायेन विचीयन्ते महावने
2339	3041030c	धातवो विविधाश्चापि मणिरत्नसुवर्णिनः
2340	3041031a	तत्सारमखिलं नॄणां धनं निचयवर्धनम्
2341	3041031c	मनसा चिन्तितं सर्वं यथा शुक्रस्य लक्ष्मण
2342	3041032a	अर्थी येनार्थकृत्येन संव्रजत्यविचारयन्
2343	3041032c	तमर्थमर्थशास्त्रज्ञः प्राहुरर्थ्याश्च लक्ष्मण
2344	3041033a	एतस्य मृगरत्नस्य परार्ध्ये काञ्चनत्वचि
2345	3041033c	उपवेक्ष्यति वैदेही मया सह सुमध्यमा
2346	3041034a	न कादली न प्रियकी न प्रवेणी न चाविकी
2347	3041034c	भवेदेतस्य सदृशी स्पर्शनेनेति मे मतिः
2348	3041035a	एष चैव मृगः श्रीमान्यश्च दिव्यो नभश्चरः
2349	3041035c	उभावेतौ मृगौ दिव्यौ तारामृगमहीमृगौ
2350	3041036a	यदि वायं तथा यन्मां भवेद्वदसि लक्ष्मण
2351	3041036c	मायैषा राक्षसस्येति कर्तव्योऽस्य वधो मया
2352	3041037a	एतेन हि नृशंसेन मारीचेनाकृतात्मना
2353	3041037c	वने विचरता पूर्वं हिंसिता मुनिपुंगवाः
2354	3041038a	उत्थाय बहवो येन मृगयायां जनाधिपाः
2355	3041038c	निहताः परमेष्वासास्तस्माद्वध्यस्त्वयं मृगः
2356	3041039a	पुरस्तादिह वातापिः परिभूय तपस्विनः
2357	3041039c	उदरस्थो द्विजान्हन्ति स्वगर्भोऽश्वतरीमिव
2358	3041040a	स कदाचिच्चिराल्लोके आससाद महामुनिम्
2359	3041040c	अगस्त्यं तेजसा युक्तं भक्ष्यस्तस्य बभूव ह
2360	3041041a	समुत्थाने च तद्रूपं कर्तुकामं समीक्ष्य तम्
2361	3041041c	उत्स्मयित्वा तु भगवान्वातापिमिदमब्रवीत्
2362	3041042a	त्वयाविगण्य वातापे परिभूताश्च तेजसा
2363	3041042c	जीवलोके द्विजश्रेष्ठास्तस्मादसि जरां गतः
2364	3041043a	एवं तन्न भवेद्रक्षो वातापिरिव लक्ष्मण
2365	3041043c	मद्विधं योऽतिमन्येत धर्मनित्यं जितेन्द्रियम्
2366	3041044a	भवेद्धतोऽयं वातापिरगस्त्येनेव मा गतिः
2367	3041044c	इह त्वं भव संनद्धो यन्त्रितो रक्ष मैथिलीम्
2368	3041045a	अस्यामायत्तमस्माकं यत्कृत्यं रघुनन्दन
2369	3041045c	अहमेनं वधिष्यामि ग्रहीष्याम्यथ वा मृगम्
2370	3041046a	यावद्गच्छामि सौमित्रे मृगमानयितुं द्रुतम्
2371	3041046c	पश्य लक्ष्मण वैदेहीं मृगत्वचि गतस्पृहाम्
2372	3041047a	त्वचा प्रधानया ह्येष मृगोऽद्य न भविष्यति
2373	3041047c	अप्रमत्तेन ते भाव्यमाश्रमस्थेन सीतया
2374	3041048a	यावत्पृषतमेकेन सायकेन निहन्म्यहम्
2375	3041048c	हत्वैतच्चर्म आदाय शीघ्रमेष्यामि लक्ष्मण
2376	3041049a	प्रदक्षिणेनातिबलेन पक्षिणा; जटायुषा बुद्धिमता च लक्ष्मण
2377	3041049c	भवाप्रमत्तः प्रतिगृह्य मैथिलीं; प्रतिक्षणं सर्वत एव शङ्कितः
2378	3042001a	तथा तु तं समादिश्य भ्रातरं रघुनन्दनः
2379	3042001c	बबन्धासिं महातेजा जाम्बूनदमयत्सरुम्
2380	3042002a	ततस्त्रिविणतं चापमादायात्मविभूषणम्
2381	3042002c	आबध्य च कलापौ द्वौ जगामोदग्रविक्रमः
2382	3042003a	तं वञ्चयानो राजेन्द्रमापतन्तं निरीक्ष्य वै
2383	3042003c	बभूवान्तर्हितस्त्रासात्पुनः संदर्शनेऽभवत्
2384	3042004a	बद्धासिर्धनुरादाय प्रदुद्राव यतो मृगः
2385	3042004c	तं स पश्यति रूपेण द्योतमानमिवाग्रतः
2386	3042005a	अवेक्ष्यावेक्ष्य धावन्तं धनुष्पाणिर्महावने
2387	3042005c	अतिवृत्तमिषोः पाताल्लोभयानं कदाचन
2388	3042006a	शङ्कितं तु समुद्भ्रान्तमुत्पतन्तमिवाम्बरे
2389	3042006c	दश्यमानमदृश्यं च नवोद्देशेषु केषुचित्
2390	3042007a	छिन्नाभ्रैरिव संवीतं शारदं चन्द्रमण्डलम्
2391	3042007c	मुहूर्तादेव ददृशे मुहुर्दूरात्प्रकाशते
2392	3042008a	दर्शनादर्शनेनैव सोऽपाकर्षत राघवम्
2393	3042008c	आसीत्क्रुद्धस्तु काकुत्स्थो विवशस्तेन मोहितः
2394	3042009a	अथावतस्थे सुश्रान्तश्छायामाश्रित्य शाद्वले
2395	3042009c	मृगैः परिवृतो वन्यैरदूरात्प्रत्यदृश्यत
2396	3042010a	दृष्ट्वा रामो महातेजास्तं हन्तुं कृतनिश्चयः
2397	3042010c	संधाय सुदृढे चापे विकृष्य बलवद्बली
2398	3042011a	तमेव मृगमुद्दिश्य ज्वलन्तमिव पन्नगम्
2399	3042011c	मुमोच ज्वलितं दीप्तमस्त्रब्रह्मविनिर्मितम्
2400	3042012a	स भृशं मृगरूपस्य विनिर्भिद्य शरोत्तमः
2401	3042012c	मारीचस्यैव हृदयं विभेदाशनिसंनिभः
2402	3042013a	तालमात्रमथोत्पत्य न्यपतत्स शरातुरः
2403	3042013c	व्यनदद्भैरवं नादं धरण्यामल्पजीवितः
2404	3042013e	म्रियमाणस्तु मारीचो जहौ तां कृत्रिमां तनुम्
2405	3042014a	संप्राप्तकालमाज्ञाय चकार च ततः स्वरम्
2406	3042014c	सदृशं राघवस्यैव हा सीते लक्ष्मणेति च
2407	3042015a	तेन मर्मणि निर्विद्धः शरेणानुपमेन हि
2408	3042015c	मृगरूपं तु तत्त्यक्त्वा राक्षसं रूपमात्मनः
2409	3042015e	चक्रे स सुमहाकायो मारीचो जीवितं त्यजन्
2410	3042016a	ततो विचित्रकेयूरः सर्वाभरणभूषितः
2411	3042016c	हेममाली महादंष्ट्रो राक्षसोऽभूच्छराहतः
2412	3042017a	तं दृष्ट्वा पतितं भूमौ राक्षसं घोरदर्शनम्
2413	3042017c	जगाम मनसा सीतां लक्ष्मणस्य वचः स्मरन्
2414	3042018a	हा सीते लक्ष्मणेत्येवमाक्रुश्य तु महास्वरम्
2415	3042018c	ममार राक्षसः सोऽयं श्रुत्वा सीता कथं भवेत्
2416	3042019a	लक्ष्मणश्च महाबाहुः कामवस्थां गमिष्यति
2417	3042019c	इति संचिन्त्य धर्मात्मा रामो हृष्टतनूरुहः
2418	3042020a	तत्र रामं भयं तीव्रमाविवेश विषादजम्
2419	3042020c	राक्षसं मृगरूपं तं हत्वा श्रुत्वा च तत्स्वरम्
2420	3042021a	निहत्य पृषतं चान्यं मांसमादाय राघवः
2421	3042021c	त्वरमाणो जनस्थानं ससाराभिमुखस्तदा
2422	3043001a	आर्तस्वरं तु तं भर्तुर्विज्ञाय सदृशं वने
2423	3043001c	उवाच लक्ष्मणं सीता गच्छ जानीहि राघवम्
2424	3043002a	न हि मे जीवितं स्थाने हृदयं वावतिष्ठते
2425	3043002c	क्रोशतः परमार्तस्य श्रुतः शब्दो मया भृशम्
2426	3043003a	आक्रन्दमानं तु वने भ्रातरं त्रातुमर्हसि
2427	3043003c	तं क्षिप्रमभिधाव त्वं भ्रातरं शरणैषिणम्
2428	3043004a	रक्षसां वशमापन्नं सिंहानामिव गोवृषम्
2429	3043004c	न जगाम तथोक्तस्तु भ्रातुराज्ञाय शासनम्
2430	3043005a	तमुवाच ततस्तत्र कुपिता जनकात्मजा
2431	3043005c	सौमित्रे मित्ररूपेण भ्रातुस्त्वमसि शत्रुवत्
2432	3043006a	यस्त्वमस्यामवस्थायां भ्रातरं नाभिपद्यसे
2433	3043006c	इच्छसि त्वं विनश्यन्तं रामं लक्ष्मण मत्कृते
2434	3043007a	व्यसनं ते प्रियं मन्ये स्नेहो भ्रातरि नास्ति ते
2435	3043007c	तेन तिष्ठसि विस्रब्धस्तमपश्यन्महाद्युतिम्
2436	3043008a	किं हि संशयमापन्ने तस्मिन्निह मया भवेत्
2437	3043008c	कर्तव्यमिह तिष्ठन्त्या यत्प्रधानस्त्वमागतः
2438	3043009a	इति ब्रुवाणं वैदेहीं बाष्पशोकपरिप्लुताम्
2439	3043009c	अब्रवील्लक्ष्मणस्त्रस्तां सीतां मृगवधूमिव
2440	3043010a	देवि देवमनुष्येषु गन्धर्वेषु पतत्रिषु
2441	3043010c	राक्षसेषु पिशाचेषु किंनरेषु मृगेषु च
2442	3043011a	दानवेषु च घोरेषु न स विद्येत शोभने
2443	3043011c	यो रामं प्रतियुध्येत समरे वासवोपमम्
2444	3043012a	अवध्यः समरे रामो नैवं त्वं वक्तुमर्हसि
2445	3043012c	न त्वामस्मिन्वने हातुमुत्सहे राघवं विना
2446	3043013a	अनिवार्यं बलं तस्य बलैर्बलवतामपि
2447	3043013c	त्रिभिर्लोकैः समुद्युक्तैः सेश्वरैः सामरैरपि
2448	3043014a	हृदयं निर्वृतं तेऽस्तु संतापस्त्यज्यतामयम्
2449	3043014c	आगमिष्यति ते भर्ता शीघ्रं हत्वा मृगोत्तमम्
2450	3043015a	न स तस्य स्वरो व्यक्तं न कश्चिदपि दैवतः
2451	3043015c	गन्धर्वनगरप्रख्या माया सा तस्य रक्षसः
2452	3043016a	न्यासभूतासि वैदेहि न्यस्ता मयि महात्मना
2453	3043016c	रामेण त्वं वरारोहे न त्वां त्यक्तुमिहोत्सहे
2454	3043017a	कृतवैराश्च कल्याणि वयमेतैर्निशाचरैः
2455	3043017c	खरस्य निधने देवि जनस्थानवधं प्रति
2456	3043018a	राक्षसा विधिना वाचो विसृजन्ति महावने
2457	3043018c	हिंसाविहारा वैदेहि न चिन्तयितुमर्हसि
2458	3043019a	लक्ष्मणेनैवमुक्ता तु क्रुद्धा संरक्तलोचना
2459	3043019c	अब्रवीत्परुषं वाक्यं लक्ष्मणं सत्यवादिनम्
2460	3043020a	अनार्य करुणारम्भ नृशंस कुलपांसन
2461	3043020c	अहं तव प्रियं मन्ये तेनैतानि प्रभाषसे
2462	3043021a	नैतच्चित्रं सपत्नेषु पापं लक्ष्मण यद्भवेत्
2463	3043021c	त्वद्विधेषु नृशंसेषु नित्यं प्रच्छन्नचारिषु
2464	3043022a	सुदुष्टस्त्वं वने राममेकमेकोऽनुगच्छसि
2465	3043022c	मम हेतोः प्रतिच्छन्नः प्रयुक्तो भरतेन वा
2466	3043023a	कथमिन्दीवरश्यामं रामं पद्मनिभेक्षणम्
2467	3043023c	उपसंश्रित्य भर्तारं कामयेयं पृथग्जनम्
2468	3043024a	समक्षं तव सौमित्रे प्राणांस्त्यक्ष्ये न संशयः
2469	3043024c	रामं विना क्षणमपि न हि जीवामि भूतले
2470	3043025a	इत्युक्तः परुषं वाक्यं सीतया सोमहर्षणम्
2471	3043025c	अब्रवील्लक्ष्मणः सीतां प्राञ्जलिर्विजितेन्द्रियः
2472	3043026a	उत्तरं नोत्सहे वक्तुं दैवतं भवती मम
2473	3043026c	वाक्यमप्रतिरूपं तु न चित्रं स्त्रीषु मैथिलि
2474	3043027a	स्वभावस्त्वेष नारीणामेषु लोकेषु दृश्यते
2475	3043027c	विमुक्तधर्माश्चपलास्तीक्ष्णा भेदकराः स्त्रियः
2476	3043028a	उपशृण्वन्तु मे सर्वे साक्षिभूता वनेचराः
2477	3043028c	न्यायवादी यथा वाक्यमुक्तोऽहं परुषं त्वया
2478	3043029a	धिक्त्वामद्य प्रणश्य त्वं यन्मामेवं विशङ्कसे
2479	3043029c	स्त्रीत्वाद्दुष्टस्वभावेन गुरुवाक्ये व्यवस्थितम्
2480	3043030a	गमिष्ये यत्र काकुत्स्थः स्वस्ति तेऽस्तु वरानने
2481	3043030c	रक्षन्तु त्वां विशालाक्षि समग्रा वनदेवताः
2482	3043031a	निमित्तानि हि घोराणि यानि प्रादुर्भवन्ति मे
2483	3043031c	अपि त्वां सह रामेण पश्येयं पुनरागतः
2484	3043032a	लक्ष्मणेनैवमुक्ता तु रुदती जनकात्मजा
2485	3043032c	प्रत्युवाच ततो वाक्यं तीव्रं बाष्पपरिप्लुता
2486	3043033a	गोदावरीं प्रवेक्ष्यामि विना रामेण लक्ष्मण
2487	3043033c	आबन्धिष्येऽथवा त्यक्ष्ये विषमे देहमात्मनः
2488	3043034a	पिबामि वा विषं तीक्ष्णं प्रवेक्ष्यामि हुताशनम्
2489	3043034c	न त्वहं राघवादन्यं पदापि पुरुषं स्पृशे
2490	3043035a	इति लक्ष्मणमाक्रुश्य सीता दुःखसमन्विता
2491	3043035c	पाणिभ्यां रुदती दुःखादुदरं प्रजघान ह
2492	3043036a	तामार्तरूपां विमना रुदन्तीं; सौमित्रिरालोक्य विशालनेत्राम्
2493	3043036c	आश्वासयामास न चैव भर्तु;स्तं भ्रातरं किंचिदुवाच सीता
2494	3043037a	ततस्तु सीतामभिवाद्य लक्ष्मणः; कृताञ्जलिः किंचिदभिप्रणम्य
2495	3043037c	अवेक्षमाणो बहुशश्च मैथिलीं; जगाम रामस्य समीपमात्मवान्
2496	3044001a	तया परुषमुक्तस्तु कुपितो राघवानुजः
2497	3044001c	स विकाङ्क्षन्भृशं रामं प्रतस्थे नचिरादिव
2498	3044002a	तदासाद्य दशग्रीवः क्षिप्रमन्तरमास्थितः
2499	3044002c	अभिचक्राम वैदेहीं परिव्राजकरूपधृक्
2500	3044003a	श्लक्ष्णकाषायसंवीतः शिखी छत्री उपानही
2501	3044003c	वामे चांसेऽवसज्याथ शुभे यष्टिकमण्डलू
2502	3044003e	परिव्राजकरूपेण वैदेहीं समुपागमत्
2503	3044004a	तामाससादातिबलो भ्रातृभ्यां रहितां वने
2504	3044004c	रहितां सूर्यचन्द्राभ्यां संध्यामिव महत्तमः
2505	3044005a	तामपश्यत्ततो बालां राजपुत्रीं यशस्विनीम्
2506	3044005c	रोहिणीं शशिना हीनां ग्रहवद्भृशदारुणः
2507	3044006a	तमुग्रं पापकर्माणं जनस्थानरुहा द्रुमाः
2508	3044006c	समीक्ष्य न प्रकम्पन्ते न प्रवाति च मारुतः
2509	3044007a	शीघ्रस्रोताश्च तं दृष्ट्वा वीक्षन्तं रक्तलोचनम्
2510	3044007c	स्तिमितं गन्तुमारेभे भयाद्गोदावरी नदी
2511	3044008a	रामस्य त्वन्तरं प्रेप्सुर्दशग्रीवस्तदन्तरे
2512	3044008c	उपतस्थे च वैदेहीं भिक्षुरूपेण रावणः
2513	3044009a	अभव्यो भव्यरूपेण भर्तारमनुशोचतीम्
2514	3044009c	अभ्यवर्तत वैदेहीं चित्रामिव शनैश्चरः
2515	3044010a	स पापो भव्यरूपेण तृणैः कूप इवावृतः
2516	3044010c	अतिष्ठत्प्रेक्ष्य वैदेहीं रामपत्नीं यशस्विनीम्
2517	3044011a	शुभां रुचिरदन्तौष्ठीं पूर्णचन्द्रनिभाननाम्
2518	3044011c	आसीनां पर्णशालायां बाष्पशोकाभिपीडिताम्
2519	3044012a	स तां पद्मपलाशाक्षीं पीतकौशेयवासिनीम्
2520	3044012c	अभ्यगच्छत वैदेहीं दुष्टचेता निशाचरः
2521	3044013a	स मन्मथशराविष्टो ब्रह्मघोषमुदीरयन्
2522	3044013c	अब्रवीत्प्रश्रितं वाक्यं रहिते राक्षसाधिपः
2523	3044014a	तामुत्तमां त्रिलोकानां पद्महीनामिव श्रियम्
2524	3044014c	विभ्राजमानां वपुषा रावणः प्रशशंस ह
2525	3044015a	का त्वं काञ्चनवर्णाभे पीतकौशेयवासिनि
2526	3044015c	कमलानां शुभां मालां पद्मिनीव च बिभ्रती
2527	3044016a	ह्रीः श्रीः कीर्तिः शुभा लक्ष्मीरप्सरा वा शुभानने
2528	3044016c	भूतिर्वा त्वं वरारोहे रतिर्वा स्वैरचारिणी
2529	3044017a	समाः शिखरिणः स्निग्धाः पाण्डुरा दशनास्तव
2530	3044017c	विशाले विमले नेत्रे रक्तान्ते कृष्णतारके
2531	3044018a	विशालं जघनं पीनमूरू करिकरोपमौ
2532	3044018c	एतावुपचितौ वृत्तौ सहितौ संप्रगल्भितौ
2533	3044019a	पीनोन्नतमुखौ कान्तौ स्निग्धतालफलोपमौ
2534	3044019c	मणिप्रवेकाभरणौ रुचिरौ ते पयोधरौ
2535	3044020a	चारुस्मिते चारुदति चारुनेत्रे विलासिनि
2536	3044020c	मनो हरसि मे रामे नदीकूलमिवाम्भसा
2537	3044021a	करान्तमितमध्यासि सुकेशी संहतस्तनी
2538	3044021c	नैव देवी न गन्धर्वी न यक्षी न च किंनरी
2539	3044022a	नैवंरूपा मया नारी दृष्टपूर्वा महीतले
2540	3044022c	इह वासश्च कान्तारे चित्तमुन्माथयन्ति मे
2541	3044023a	सा प्रतिक्राम भद्रं ते न त्वं वस्तुमिहार्हसि
2542	3044023c	राक्षसानामयं वासो घोराणां कामरूपिणाम्
2543	3044024a	प्रासादाग्र्याणि रम्याणि नगरोपवनानि च
2544	3044024c	संपन्नानि सुगन्धीनि युक्तान्याचरितुं त्वया
2545	3044025a	वरं माल्यं वरं पानं वरं वस्त्रं च शोभने
2546	3044025c	भर्तारं च वरं मन्ये त्वद्युक्तमसितेक्षणे
2547	3044026a	का त्वं भवसि रुद्राणां मरुतां वा शुचिस्मिते
2548	3044026c	वसूनां वा वरारोहे देवता प्रतिभासि मे
2549	3044027a	नेह गच्छन्ती गन्धर्वा न देवा न च किंनराः
2550	3044027c	राक्षसानामयं वासः कथं नु त्वमिहागता
2551	3044028a	इह शाखामृगाः सिंहा द्वीपिव्याघ्रमृगास्तथा
2552	3044028c	ऋक्षास्तरक्षवः कङ्काः कथं तेभ्यो न बिभ्यसे
2553	3044029a	मदान्वितानां घोराणां कुञ्जराणां तरस्विनाम्
2554	3044029c	कथमेका महारण्ये न बिभेषि वनानने
2555	3044030a	कासि कस्य कुतश्च त्वं किंनिमित्तं च दण्डकान्
2556	3044030c	एका चरसि कल्याणि घोरान्राक्षससेवितान्
2557	3044031a	इति प्रशस्ता वैदेही रावणेन दुरात्मना
2558	3044031c	द्विजातिवेषेण हि तं दृष्ट्वा रावणमागतम्
2559	3044031e	सर्वैरतिथिसत्कारैः पूजयामास मैथिली
2560	3044032a	उपानीयासनं पूर्वं पाद्येनाभिनिमन्त्र्य च
2561	3044032c	अब्रवीत्सिद्धमित्येव तदा तं सौम्यदर्शनम्
2562	3044033a	द्विजातिवेषेण समीक्ष्य मैथिली; तमागतं पात्रकुसुम्भधारिणम्
2563	3044033c	अशक्यमुद्द्वेष्टुमुपायदर्शना;न्न्यमन्त्रयद्ब्राह्मणवद्यथागतम्
2564	3044034a	इयं बृसी ब्राह्मण काममास्यता;मिदं च पाद्यं प्रतिगृह्यतामिति
2565	3044034c	इदं च सिद्धं वनजातमुत्तमं; त्वदर्थमव्यग्रमिहोपभुज्यताम्
2566	3044035a	निमन्त्र्यमाणः प्रतिपूर्णभाषिणीं; नरेन्द्रपत्नीं प्रसमीक्ष्य मैथिलीम्
2567	3044035c	प्रहस्य तस्या हरणे धृतं मनः; समर्पयामास वधाय रावणः
2568	3044036a	ततः सुवेषं मृगया गतं पतिं; प्रतीक्षमाणा सहलक्ष्मणं तदा
2569	3044036c	निरीक्षमाणा हरितं ददर्श त;न्महद्वनं नैव तु रामलक्ष्मणौ
2570	3045001a	रावणेन तु वैदेही तदा पृष्टा जिहीर्षुणा
2571	3045001c	परिव्राजकरूपेण शशंसात्मानमात्मना
2572	3045002a	ब्राह्मणश्चातिथिश्चैष अनुक्तो हि शपेत माम्
2573	3045002c	इति ध्यात्वा मुहूर्तं तु सीता वचनमब्रवीत्
2574	3045003a	दुहिता जनकस्याहं मैथिलस्य महात्मनः
2575	3045003c	सीता नाम्नास्मि भद्रं ते रामभार्या द्विजोत्तम
2576	3045004a	संवत्सरं चाध्युषिता राघवस्य निवेशने
2577	3045004c	भुञ्जाना मानुषान्भोगान्सर्वकामसमृद्धिनी
2578	3045005a	ततः संवत्सरादूर्ध्वं सममन्यत मे पतिम्
2579	3045005c	अभिषेचयितुं रामं समेतो राजमन्त्रिभिः
2580	3045006a	तस्मिन्संभ्रियमाणे तु राघवस्याभिषेचने
2581	3045006c	कैकेयी नाम भर्तारं ममार्या याचते वरम्
2582	3045007a	प्रतिगृह्य तु कैकेयी श्वशुरं सुकृतेन मे
2583	3045007c	मम प्रव्राजनं भर्तुर्भरतस्याभिषेचनम्
2584	3045007e	द्वावयाचत भर्तारं सत्यसंधं नृपोत्तमम्
2585	3045008a	नाद्य भोक्ष्ये न च स्वप्स्ये न पास्येऽहं कदाचन
2586	3045008c	एष मे जीवितस्यान्तो रामो यद्यभिषिच्यते
2587	3045009a	इति ब्रुवाणां कैकेयीं श्वशुरो मे स मानदः
2588	3045009c	अयाचतार्थैरन्वर्थैर्न च याच्ञां चकार सा
2589	3045010a	मम भर्ता महातेजा वयसा पञ्चविंशकः
2590	3045010c	रामेति प्रथितो लोके गुणवान्सत्यवाक्शुचिः
2591	3045010e	विशालाक्षो महाबाहुः सर्वभूतहिते रतः
2592	3045011a	अभिषेकाय तु पितुः समीपं राममागतम्
2593	3045011c	कैकेयी मम भर्तारमित्युवाच द्रुतं वचः
2594	3045012a	तव पित्रा समाज्ञप्तं ममेदं शृणु राघव
2595	3045012c	भरताय प्रदातव्यमिदं राज्यमकण्टकम्
2596	3045013a	त्वया तु खलु वस्तव्यं नव वर्षाणि पञ्च च
2597	3045013c	वने प्रव्रज काकुत्स्थ पितरं मोचयानृतात्
2598	3045014a	तथेत्युवाच तां रामः कैकेयीमकुतोभयः
2599	3045014c	चकार तद्वचस्तस्या मम भर्ता दृढव्रतः
2600	3045015a	दद्यान्न प्रतिगृह्णीयात्सत्यब्रूयान्न चानृतम्
2601	3045015c	एतद्ब्राह्मण रामस्य व्रतं ध्रुवमनुत्तमम्
2602	3045016a	तस्य भ्राता तु वैमात्रो लक्ष्मणो नाम वीर्यवान्
2603	3045016c	रामस्य पुरुषव्याघ्रः सहायः समरेऽरिहा
2604	3045017a	स भ्राता लक्ष्मणो नाम धर्मचारी दृढव्रतः
2605	3045017c	अन्वगच्छद्धनुष्पाणिः प्रव्रजन्तं मया सह
2606	3045018a	ते वयं प्रच्युता राज्यात्कैलेय्यास्तु कृते त्रयः
2607	3045018c	विचराम द्विजश्रेष्ठ वनं गम्भीरमोजसा
2608	3045019a	समाश्वस मुहूर्तं तु शक्यं वस्तुमिह त्वया
2609	3045019c	आगमिष्यति मे भर्ता वन्यमादाय पुष्कलम्
2610	3045020a	स त्वं नाम च गोत्रं च कुलमाचक्ष्व तत्त्वतः
2611	3045020c	एकश्च दण्डकारण्ये किमर्थं चरसि द्विज
2612	3045021a	एवं ब्रुवत्यां सीतायां रामपत्न्यां महाबलः
2613	3045021c	प्रत्युवाचोत्तरं तीव्रं रावणो राक्षसाधिपः
2614	3045022a	येन वित्रासिता लोकाः सदेवासुरपन्नगाः
2615	3045022c	अहं स रावणो नाम सीते रक्षोगणेश्वरः
2616	3045023a	त्वां तु काञ्चनवर्णाभां दृष्ट्वा कौशेयवासिनीम्
2617	3045023c	रतिं स्वकेषु दारेषु नाधिगच्छाम्यनिन्दिते
2618	3045024a	बह्वीनामुत्तमस्त्रीणामाहृतानामितस्ततः
2619	3045024c	सर्वासामेव भद्रं ते ममाग्रमहिषी भव
2620	3045025a	लङ्का नाम समुद्रस्य मध्ये मम महापुरी
2621	3045025c	सागरेण परिक्षिप्ता निविष्टा गिरिमूर्धनि
2622	3045026a	तत्र सीते मया सार्धं वनेषु विचरिष्यसि
2623	3045026c	न चास्यारण्यवासस्य स्पृहयिष्यसि भामिनि
2624	3045027a	पञ्चदास्यः सहस्राणि सर्वाभरणभूषिताः
2625	3045027c	सीते परिचरिष्यन्ति भार्या भवसि मे यदि
2626	3045028a	रावणेनैवमुक्ता तु कुपिता जनकात्मजा
2627	3045028c	प्रत्युवाचानवद्याङ्गी तमनादृत्य राक्षसं
2628	3045029a	महागिरिमिवाकम्प्यं महेन्द्रसदृशं पतिम्
2629	3045029c	महोदधिमिवाक्षोभ्यमहं राममनुव्रता
2630	3045030a	महाबाहुं महोरस्कं सिंहविक्रान्तगामिनम्
2631	3045030c	नृसिंहं सिंहसंकाशमहं राममनुव्रता
2632	3045031a	पूर्णचन्द्राननं वीरं राजवत्सं जितेन्द्रियम्
2633	3045031c	पृथुकीर्तिं महाबाहुमहं राममनुव्रता
2634	3045032a	त्वं पुनर्जम्बुकः सिंहीं मामिहेच्छसि दुर्लभाम्
2635	3045032c	नाहं शक्या त्वया स्प्रष्टुमादित्यस्य प्रभा यथा
2636	3045033a	पादपान्काञ्चनान्नूनं बहून्पश्यसि मन्दभाक्
2637	3045033c	राघवस्य प्रियां भार्यां यस्त्वमिच्छसि रावण
2638	3045034a	क्षुधितस्य च सिंहस्य मृगशत्रोस्तरस्विनः
2639	3045034c	आशीविषस्य वदनाद्दंष्ट्रामादातुमिच्छसि
2640	3045035a	मन्दरं पर्वतश्रेष्ठं पाणिना हर्तुमिच्छसि
2641	3045035c	कालकूटं विषं पीत्वा स्वस्तिमान्गन्तुमिच्छसि
2642	3045036a	अक्षिसूच्या प्रमृजसि जिह्वया लेढि च क्षुरम्
2643	3045036c	राघवस्य प्रियां भार्यामधिगन्तुं त्वमिच्छसि
2644	3045037a	अवसज्य शिलां कण्ठे समुद्रं तर्तुमिच्छसि
2645	3045037c	सूर्या चन्द्रमसौ चोभौ प्राणिभ्यां हर्तुमिच्छसि
2646	3045037e	यो रामस्य प्रियां भार्यां प्रधर्षयितुमिच्छसि
2647	3045038a	अग्निं प्रज्वलितं दृष्ट्वा वस्त्रेणाहर्तुमिच्छसि
2648	3045038c	कल्याण वृत्तां रामस्य यो भार्यां हर्तुमिच्छसि
2649	3045039a	अयोमुखानां शूलानामग्रे चरितुमिच्छसि
2650	3045039c	रामस्य सदृशीं भार्यां योऽधिगन्तुं त्वमिच्छसि
2651	3045040a	यदन्तरं सिंहशृगालयोर्वने; यदन्तरं स्यन्दनिकासमुद्रयोः
2652	3045040c	सुराग्र्यसौवीरकयोर्यदन्तरं; तदन्तरं दाशरथेस्तवैव च
2653	3045041a	यदन्तरं काञ्चनसीसलोहयो;र्यदन्तरं चन्दनवारिपङ्कयोः
2654	3045041c	यदन्तरं हस्तिबिडालयोर्वने; तदन्तरं दशरथेस्तवैव च
2655	3045042a	यदन्तरं वायसवैनतेययो;र्यदन्तरं मद्गुमयूरयोरपि
2656	3045042c	यदन्तरं सारसगृध्रयोर्वने; तदन्तरं दाशरथेस्तवैव च
2657	3045043a	तस्मिन्सहस्राक्षसमप्रभावे; रामे स्थिते कार्मुकबाणपाणौ
2658	3045043c	हृतापि तेऽहं न जरां गमिष्ये; वज्रं यथा मक्षिकयावगीर्णम्
2659	3045044a	इतीव तद्वाक्यमदुष्टभावा; सुदृष्टमुक्त्वा रजनीचरं तम्
2660	3045044c	गात्रप्रकम्पाद्व्यथिता बभूव; वातोद्धता सा कदलीव तन्वी
2661	3045045a	तां वेपमानामुपलक्ष्य सीतां; स रावणो मृत्युसमप्रभावः
2662	3045045c	कुलं बलं नाम च कर्म चात्मनः; समाचचक्षे भयकारणार्थम्
2663	3046001a	एवं ब्रुवत्यां सीतायां संरब्धः परुषाक्षरम्
2664	3046001c	ललाटे भ्रुकुटीं कृत्वा रावणः प्रत्युवाच ह
2665	3046002a	भ्राता वैश्रवणस्याहं सापत्न्यो वरवर्णिनि
2666	3046002c	रावणो नाम भद्रं ते दशग्रीवः प्रतापवान्
2667	3046003a	यस्य देवाः सगन्धर्वाः पिशाचपतगोरगाः
2668	3046003c	विद्रवन्ति भयाद्भीता मृत्योरिव सदा प्रजाः
2669	3046004a	येन वैश्रवणो भ्राता वैमात्रः कारणान्तरे
2670	3046004c	द्वन्द्वमासादितः क्रोधाद्रणे विक्रम्य निर्जितः
2671	3046005a	मद्भयार्तः परित्यज्य स्वमधिष्ठानमृद्धिमत्
2672	3046005c	कैलासं पर्वतश्रेष्ठमध्यास्ते नरवाहनः
2673	3046006a	यस्य तत्पुष्पकं नाम विमानं कामगं शुभम्
2674	3046006c	वीर्यादावर्जितं भद्रे येन यामि विहायसं
2675	3046007a	मम संजातरोषस्य मुखं दृष्ट्वैव मैथिलि
2676	3046007c	विद्रवन्ति परित्रस्ताः सुराः शक्रपुरोगमाः
2677	3046008a	यत्र तिष्ठाम्यहं तत्र मारुतो वाति शङ्कितः
2678	3046008c	तीव्रांशुः शिशिरांशुश्च भयात्संपद्यते रविः
2679	3046009a	निष्कम्पपत्रास्तरवो नद्यश्च स्तिमितोदकाः
2680	3046009c	भवन्ति यत्र यत्राहं तिष्ठामि च चरामि च
2681	3046010a	मम पारे समुद्रस्य लङ्का नाम पुरी शुभा
2682	3046010c	संपूर्णा राक्षसैर्घोरैर्यथेन्द्रस्यामरावती
2683	3046011a	प्राकारेण परिक्षिप्ता पाण्डुरेण विराजिता
2684	3046011c	हेमकक्ष्या पुरी रम्या वैदूर्यमय तोरणा
2685	3046012a	हस्त्यश्वरथसंभाधा तूर्यनादविनादिता
2686	3046012c	सर्वकामफलैर्वृक्षैः संकुलोद्यानशोभिता
2687	3046013a	तत्र त्वं वसती सीते राजपुत्रि मया सह
2688	3046013c	न स्रमिष्यसि नारीणां मानुषीणां मनस्विनि
2689	3046014a	भुञ्जाना मानुषान्भोगान्दिव्यांश्च वरवर्णिनि
2690	3046014c	न स्मरिष्यसि रामस्य मानुषस्य गतायुषः
2691	3046015a	स्थापयित्वा प्रियं पुत्रं राज्ञा दशरथेन यः
2692	3046015c	मन्दवीर्यः सुतो ज्येष्ठस्ततः प्रस्थापितो वनम्
2693	3046016a	तेन किं भ्रष्टराज्येन रामेण गतचेतसा
2694	3046016c	करिष्यसि विशालाक्षि तापसेन तपस्विना
2695	3046017a	सर्वराक्षसभर्तारं कामात्स्वयमिहागतम्
2696	3046017c	न मन्मथशराविष्टं प्रत्याख्यातुं त्वमर्हसि
2697	3046018a	प्रत्याख्याय हि मां भीरु परितापं गमिष्यसि
2698	3046018c	चरणेनाभिहत्येव पुरूरवसमुर्वशी
2699	3046019a	एवमुक्ता तु वैदेही क्रुद्धा संरक्तलोचना
2700	3046019c	अब्रवीत्परुषं वाक्यं रहिते राक्षसाधिपम्
2701	3046020a	कथं वैश्रवणं देवं सर्वभूतनमस्कृतम्
2702	3046020c	भ्रातरं व्यपदिश्य त्वमशुभं कर्तुमिच्छसि
2703	3046021a	अवश्यं विनशिष्यन्ति सर्वे रावण राक्षसाः
2704	3046021c	येषां त्वं कर्कशो राजा दुर्बुद्धिरजितेन्द्रियः
2705	3046022a	अपहृत्य शचीं भार्यां शक्यमिन्द्रस्य जीवितुम्
2706	3046022c	न तु रामस्य भार्यां मामपनीयास्ति जीवितम्
2707	3046023a	जीवेच्चिरं वज्रधरस्य हस्ता;च्छचीं प्रधृष्याप्रतिरूपरूपाम्
2708	3046023c	न मादृशीं राक्षसधर्षयित्वा; पीतामृतस्यापि तवास्ति मोक्षः
2709	3047001a	सीताया वचनं श्रुत्वा दशग्रीवः प्रतापवान्
2710	3047001c	हस्ते हस्तं समाहत्य चकार सुमहद्वपुः
2711	3047002a	स मैथिलीं पुनर्वाक्यं बभाषे च ततो भृशम्
2712	3047002c	नोन्मत्तया श्रुतौ मन्ये मम वीर्यपराक्रमौ
2713	3047003a	उद्वहेयं भुजाभ्यां तु मेदिनीमम्बरे स्थितः
2714	3047003c	आपिबेयं समुद्रं च मृत्युं हन्यां रणे स्थितः
2715	3047004a	अर्कं रुन्ध्यां शरैस्तीक्ष्णैर्विभिन्द्यां हि महीतलम्
2716	3047004c	कामरूपिणमुन्मत्ते पश्य मां कामदं पतिम्
2717	3047005a	एवमुक्तवतस्तस्य रावणस्य शिखिप्रभे
2718	3047005c	क्रुद्धस्य हरिपर्यन्ते रक्ते नेत्रे बभूवतुः
2719	3047006a	सद्यः सौम्यं परित्यज्य भिक्षुरूपं स रावणः
2720	3047006c	स्वं रूपं कालरूपाभं भेजे वैश्रवणानुजः
2721	3047007a	संरक्तनयनः श्रीमांस्तप्तकाञ्चनकुण्डलः
2722	3047007c	दशास्यः कार्मुकी बाणी बभूव क्षणदाचरः
2723	3047008a	स परिव्राजकच्छद्म महाकायो विहाय तत्
2724	3047008c	प्रतिपेदे स्वकं रूपं रावणो राक्षसाधिपः
2725	3047009a	संरक्तनयनः क्रोधाज्जीमूतनिचयप्रभः
2726	3047009c	रक्ताम्बरधरस्तस्थौ स्त्रीरत्नं प्रेक्ष्य मैथिलीम्
2727	3047010a	स तामसितकेशान्तां भास्करस्य प्रभामिव
2728	3047010c	वसनाभरणोपेतां मैथिलीं रावणोऽब्रवीत्
2729	3047011a	त्रिषु लोकेषु विख्यातं यदि भर्तारमिच्छसि
2730	3047011c	मामाश्रय वरारोहे तवाहं सदृशः पतिः
2731	3047012a	मां भजस्व चिराय त्वमहं श्लाघ्यस्तव प्रियः
2732	3047012c	नैव चाहं क्वचिद्भद्रे करिष्ये तव विप्रियम्
2733	3047012e	त्यज्यतां मानुषो भावो मयि भावः प्रणीयताम्
2734	3047013a	राज्याच्च्युतमसिद्धार्थं रामं परिमितायुषम्
2735	3047013c	कैर्गुणैरनुरक्तासि मूढे पण्डितमानिनि
2736	3047014a	यः स्त्रिया वचनाद्राज्यं विहाय ससुहृज्जनम्
2737	3047014c	अस्मिन्व्यालानुचरिते वने वसति दुर्मतिः
2738	3047015a	इत्युक्त्वा मैथिलीं वाक्यं प्रियार्हां प्रियवादिनीम्
2739	3047015c	जग्राह रावणः सीतां बुधः खे रोहिणीमिव
2740	3047016a	वामेन सीतां पद्माक्षीं मूर्धजेषु करेण सः
2741	3047016c	ऊर्वोस्तु दक्षिणेनैव परिजग्राह पाणिना
2742	3047017a	तं दृष्ट्वा गिरिशृङ्गाभं तीक्ष्णदंष्ट्रं महाभुजम्
2743	3047017c	प्राद्रवन्मृत्युसंकाशं भयार्ता वनदेवताः
2744	3047018a	स च मायामयो दिव्यः खरयुक्तः खरस्वनः
2745	3047018c	प्रत्यदृश्यत हेमाङ्गो रावणस्य महारथः
2746	3047019a	ततस्तां परुषैर्वाक्यैरभितर्ज्य महास्वनः
2747	3047019c	अङ्केनादाय वैदेहीं रथमारोपयत्तदा
2748	3047020a	सा गृहीतातिचुक्रोश रावणेन यशस्विनी
2749	3047020c	रामेति सीता दुःखार्ता रामं दूरगतं वने
2750	3047021a	तामकामां स कामार्तः पन्नगेन्द्रवधूमिव
2751	3047021c	विवेष्टमानामादाय उत्पपाथाथ रावणः
2752	3047022a	ततः सा राक्षसेन्द्रेण ह्रियमाणा विहायसा
2753	3047022c	भृशं चुक्रोश मत्तेव भ्रान्तचित्ता यथातुरा
2754	3047023a	हा लक्ष्मण महाबाहो गुरुचित्तप्रसादक
2755	3047023c	ह्रियमाणां न जानीषे रक्षसा कामरूपिणा
2756	3047024a	जीवितं सुखमर्थांश्च धर्महेतोः परित्यजन्
2757	3047024c	ह्रियमाणामधर्मेण मां राघव न पश्यसि
2758	3047025a	ननु नामाविनीतानां विनेतासि परंतप
2759	3047025c	कथमेवंविधं पापं न त्वं शाधि हि रावणम्
2760	3047026a	ननु सद्योऽविनीतस्य दृश्यते कर्मणः फलम्
2761	3047026c	कालोऽप्यङ्गी भवत्यत्र सस्यानामिव पक्तये
2762	3047027a	स कर्म कृतवानेतत्कालोपहतचेतनः
2763	3047027c	जीवितान्तकरं घोरं रामाद्व्यसनमाप्नुहि
2764	3047028a	हन्तेदानीं सकामा तु कैकेयी बान्धवैः सह
2765	3047028c	ह्रियेयं धर्मकामस्य धर्मपत्नी यशस्विनः
2766	3047029a	आमन्त्रये जनस्थानं कर्णिकारांश्च पुष्पितान्
2767	3047029c	क्षिप्रं रामाय शंसध्वं सीतां हरति रावणः
2768	3047030a	माल्यवन्तं शिखरिणं वन्दे प्रस्रवणं गिरिम्
2769	3047030c	क्षिप्रं रामाय शंसध्वं सीतां हरति रावणः
2770	3047031a	हंससारससंघुष्टां वन्दे गोदावरीं नदीम्
2771	3047031c	क्षिप्रं रामाय शंसध्वं सीतां हरति रावणः
2772	3047032a	दैवतानि च यान्त्यस्मिन्वने विविधपादपे
2773	3047032c	नमस्करोम्यहं तेभ्यो भर्तुः शंसत मां हृताम्
2774	3047033a	यानि कानिचिदप्यत्र सत्त्वानि निवसन्त्युत
2775	3047033c	सर्वाणि शरणं यामि मृगपक्षिगणानपि
2776	3047034a	ह्रियमाणां प्रियां भर्तुः प्राणेभ्योऽपि गरीयसीम्
2777	3047034c	विवशापहृता सीता रावणेनेति शंसत
2778	3047035a	विदित्वा मां महाबाहुरमुत्रापि महाबलः
2779	3047035c	आनेष्यति पराक्रम्य वैवस्वतहृतामपि
2780	3047036a	रामाय तु यथातत्त्वं जटायो हरणं मम
2781	3047036c	लक्ष्मणाय च तत्सर्वमाख्यातव्यमशेषतः
2782	3048001a	तं शब्दमवसुप्तस्य जटायुरथ शुश्रुवे
2783	3048001c	निरैक्षद्रावणं क्षिप्रं वैदेहीं च ददर्श सः
2784	3048002a	ततः पर्वतकूटाभस्तीक्ष्णतुण्डः खगोत्तमः
2785	3048002c	वनस्पतिगतः श्रीमान्व्याजहार शुभां गिरम्
2786	3048003a	दशग्रीवस्थितो धर्मे पुराणे सत्यसंश्रयः
2787	3048003c	जटायुर्नाम नाम्नाहं गृध्रराजो महाबलः
2788	3048004a	राजा सर्वस्य लोकस्य महेन्द्रवरुणोपमः
2789	3048004c	लोकानां च हिते युक्तो रामो दशरथात्मजः
2790	3048005a	तस्यैषा लोकनाथस्य धर्मपत्नी यशस्विनी
2791	3048005c	सीता नाम वरारोहा यां त्वं हर्तुमिहेच्छसि
2792	3048006a	कथं राजा स्थितो धर्मे परदारान्परामृशेत्
2793	3048006c	रक्षणीया विशेषेण राजदारा महाबलः
2794	3048006e	निवर्तय मतिं नीचां परदाराभिमर्शनम्
2795	3048007a	न तत्समाचरेद्धीरो यत्परोऽस्य विगर्हयेत्
2796	3048007c	यथात्मनस्तथान्येषां दारा रक्ष्या विमर्शनात्
2797	3048008a	अर्थं वा यदि वा कामं शिष्टाः शास्त्रेष्वनागतम्
2798	3048008c	व्यवस्यन्त्यनु राजानं धर्मं पौरस्त्यनन्दन
2799	3048009a	राजा धर्मश्च कामश्च द्रव्याणां चोत्तमो निधिः
2800	3048009c	धर्मः शुभं वा पापं वा राजमूलं प्रवर्तते
2801	3048010a	पापस्वभावश्चपलः कथं त्वं रक्षसां वर
2802	3048010c	ऐश्वर्यमभिसंप्राप्तो विमानमिव दुष्कृती
2803	3048011a	कामस्वभावो यो यस्य न स शक्यः प्रमार्जितुम्
2804	3048011c	न हि दुष्टात्मनामार्य मा वसत्यालये चिरम्
2805	3048012a	विषये वा पुरे वा ते यदा रामो महाबलः
2806	3048012c	नापराध्यति धर्मात्मा कथं तस्यापराध्यसि
2807	3048013a	यदि शूर्पणखाहेतोर्जनस्थानगतः खरः
2808	3048013c	अतिवृत्तो हतः पूर्वं रामेणाक्लिष्टकर्मणा
2809	3048014a	अत्र ब्रूहि यथासत्यं को रामस्य व्यतिक्रमः
2810	3048014c	यस्य त्वं लोकनाथस्य हृत्वा भार्यां गमिष्यसि
2811	3048015a	क्षिप्रं विसृज वैदेहीं मा त्वा घोरेण चक्षुषा
2812	3048015c	दहेद्दहन भूतेन वृत्रमिन्द्राशनिर्यथा
2813	3048016a	सर्पमाशीविषं बद्ध्वा वस्त्रान्ते नावबुध्यसे
2814	3048016c	ग्रीवायां प्रतिमुक्तं च कालपाशं न पश्यसि
2815	3048017a	स भारः सौम्य भर्तव्यो यो नरं नावसादयेत्
2816	3048017c	तदन्नमुपभोक्तव्यं जीर्यते यदनामयम्
2817	3048018a	यत्कृत्वा न भवेद्धर्मो न कीर्तिर्न यशो भुवि
2818	3048018c	शरीरस्य भवेत्खेदः कस्तत्कर्म समाचरेत्
2819	3048019a	षष्टिवर्षसहस्राणि मम जातस्य रावण
2820	3048019c	पितृपैतामहं राज्यं यथावदनुतिष्ठतः
2821	3048020a	वृद्धोऽहं त्वं युवा धन्वी सरथः कवची शरी
2822	3048020c	तथाप्यादाय वैदेहीं कुशली न गमिष्यसि
2823	3048021a	न शक्तस्त्वं बलाद्धर्तुं वैदेहीं मम पश्यतः
2824	3048021c	हेतुभिर्न्यायसंयुक्तैर्ध्रुवां वेदश्रुतीमिव
2825	3048022a	युध्यस्व यदि शूरोऽसि मुहूर्तं तिष्ठ रावण
2826	3048022c	शयिष्यसे हतो भूमौ यथापूर्वं खरस्तथा
2827	3048023a	असकृत्संयुगे येन निहता दैत्यदानवाः
2828	3048023c	नचिराच्चीरवासास्त्वां रामो युधि वधिष्यति
2829	3048024a	किं नु शक्यं मया कर्तुं गतौ दूरं नृपात्मजौ
2830	3048024c	क्षिप्रं त्वं नश्यसे नीच तयोर्भीतो न संशयः
2831	3048025a	न हि मे जीवमानस्य नयिष्यसि शुभामिमाम्
2832	3048025c	सीतां कमलपत्राक्षीं रामस्य महषीं प्रियाम्
2833	3048026a	अवश्यं तु मया कार्यं प्रियं तस्य महात्मनः
2834	3048026c	जीवितेनापि रामस्य तथा दशरथस्य च
2835	3048027a	तिष्ठ तिष्ठ दशग्रीव मुहूर्तं पश्य रावण
2836	3048027c	युद्धातिथ्यं प्रदास्यामि यथाप्राणं निशाचर
2837	3048027e	वृन्तादिव फलं त्वां तु पातयेयं रथोत्तमात्
2838	3049001a	इत्युक्तस्य यथान्यायं रावणस्य जटायुषा
2839	3049001c	क्रुद्धस्याग्निनिभाः सर्वा रेजुर्विंशतिदृष्टयः
2840	3049002a	संरक्तनयनः कोपात्तप्तकाञ्चनकुण्डलः
2841	3049002c	राक्षसेन्द्रोऽभिदुद्राव पतगेन्द्रममर्षणः
2842	3049003a	स संप्रहारस्तुमुलस्तयोस्तस्मिन्महावने
2843	3049003c	बभूव वातोद्धतयोर्मेघयोर्गगने यथा
2844	3049004a	तद्बभूवाद्भुतं युद्धं गृध्रराक्षसयोस्तदा
2845	3049004c	सपक्षयोर्माल्यवतोर्महापर्वतयोरिव
2846	3049005a	ततो नालीकनाराचैस्तीक्ष्णाग्रैश्च विकर्णिभिः
2847	3049005c	अभ्यवर्षन्महाघोरैर्गृध्रराजं महाबलः
2848	3049006a	स तानि शरजालानि गृध्रः पत्ररथेश्वरः
2849	3049006c	जटायुः प्रतिजग्राह रावणास्त्राणि संयुगे
2850	3049007a	तस्य तीक्ष्णनखाभ्यां तु चरणाभ्यां महाबलः
2851	3049007c	चकार बहुधा गात्रे व्रणान्पतगसत्तमः
2852	3049008a	अथ क्रोधाद्दशग्रीवो जग्राह दशमार्गणान्
2853	3049008c	मृत्युदण्डनिभान्घोराञ्शत्रुमर्दनकाङ्क्षया
2854	3049009a	स तैर्बाणैर्महावीर्यः पूर्णमुक्तैरजिह्मगैः
2855	3049009c	बिभेद निशितैस्तीक्ष्णैर्गृध्रं घोरैः शिलीमुखैः
2856	3049010a	स राक्षसरथे पश्यञ्जानकीं बाष्पलोचनाम्
2857	3049010c	अचिन्तयित्वा बाणांस्तान्राक्षसं समभिद्रवत्
2858	3049011a	ततोऽस्य सशरं चापं मुक्तामणिविभूषितम्
2859	3049011c	चरणाभ्यां महातेजा बभञ्ज पतगेश्वरः
2860	3049012a	तच्चाग्निसदृशं दीप्तं रावणस्य शरावरम्
2861	3049012c	पक्षाभ्यां च महातेजा व्यधुनोत्पतगेश्वरः
2862	3049013a	काञ्चनोरश्छदान्दिव्यान्पिशाचवदनान्खरान्
2863	3049013c	तांश्चास्य जवसंपन्नाञ्जघान समरे बली
2864	3049014a	वरं त्रिवेणुसंपन्नं कामगं पावकार्चिषम्
2865	3049014c	मणिहेमविचित्राङ्गं बभञ्ज च महारथम्
2866	3049014e	पूर्णचन्द्रप्रतीकाशं छत्रं च व्यजनैः सह
2867	3049015a	स भग्नधन्वा विरथो हताश्वो हतसारथिः
2868	3049015c	अङ्केनादाय वैदेहीं पपात भुवि रावणः
2869	3049016a	दृष्ट्वा निपतितं भूमौ रावणं भग्नवाहनम्
2870	3049016c	साधु साध्विति भूतानि गृध्रराजमपूजयन्
2871	3049017a	परिश्रान्तं तु तं दृष्ट्वा जरया पक्षियूथपम्
2872	3049017c	उत्पपात पुनर्हृष्टो मैथिलीं गृह्य रावणः
2873	3049018a	तं प्रहृष्टं निधायाङ्के गच्छन्तं जनकात्मजाम्
2874	3049018c	गृध्रराजः समुत्पत्य जटायुरिदमब्रवीत्
2875	3049019a	वज्रसंस्पर्शबाणस्य भार्यां रामस्य रावण
2876	3049019c	अल्पबुद्धे हरस्येनां वधाय खलु रक्षसाम्
2877	3049020a	समित्रबन्धुः सामात्यः सबलः सपरिच्छदः
2878	3049020c	विषपानं पिबस्येतत्पिपासित इवोदकम्
2879	3049021a	अनुबन्धमजानन्तः कर्मणामविचक्षणाः
2880	3049021c	शीघ्रमेव विनश्यन्ति यथा त्वं विनशिष्यसि
2881	3049022a	बद्धस्त्वं कालपाशेन क्व गतस्तस्य मोक्ष्यसे
2882	3049022c	वधाय बडिशं गृह्य सामिषं जलजो यथा
2883	3049023a	न हि जातु दुराधर्षौ काकुत्स्थौ तव रावण
2884	3049023c	धर्षणं चाश्रमस्यास्य क्षमिष्येते तु राघवौ
2885	3049024a	यथा त्वया कृतं कर्म भीरुणा लोकगर्हितम्
2886	3049024c	तस्कराचरितो मार्गो नैष वीरनिषेवितः
2887	3049025a	युध्यस्व यदि शूरोऽसि मुहूर्तं तिष्ठ रावण
2888	3049025c	शयिष्यसे हतो भूमौ यथा भ्राता खरस्तथा
2889	3049026a	परेतकाले पुरुषो यत्कर्म प्रतिपद्यते
2890	3049026c	विनाशायात्मनोऽधर्म्यं प्रतिपन्नोऽसि कर्म तत्
2891	3049027a	पापानुबन्धो वै यस्य कर्मणः को नु तत्पुमान्
2892	3049027c	कुर्वीत लोकाधिपतिः स्वयम्भूर्भगवानपि
2893	3049028a	एवमुक्त्वा शुभं वाक्यं जटायुस्तस्य रक्षसः
2894	3049028c	निपपात भृशं पृष्ठे दशग्रीवस्य वीर्यवान्
2895	3049029a	तं गृहीत्वा नखैस्तीक्ष्णैर्विरराद समन्ततः
2896	3049029c	अधिरूढो गजारोहि यथा स्याद्दुष्टवारणम्
2897	3049030a	विरराद नखैरस्य तुण्डं पृष्ठे समर्पयन्
2898	3049030c	केशांश्चोत्पाटयामास नखपक्षमुखायुधः
2899	3049031a	स तथा गृध्रराजेन क्लिश्यमानो मुहुर्मुहुः
2900	3049031c	अमर्षस्फुरितौष्ठः सन्प्राकम्पत स राक्षसः
2901	3049032a	संपरिष्वज्य वैदेहीं वामेनाङ्केन रावणः
2902	3049032c	तलेनाभिजघानार्तो जटायुं क्रोधमूर्छितः
2903	3049033a	जटायुस्तमतिक्रम्य तुण्डेनास्य खराधिपः
2904	3049033c	वामबाहून्दश तदा व्यपाहरदरिंदमः
2905	3049034a	ततः क्रुद्धो दशक्रीवः सीतामुत्सृज्य वीर्यवान्
2906	3049034c	मुष्टिभ्यां चरणाभ्यां च गृध्रराजमपोथयत्
2907	3049035a	ततो मुहूर्तं संग्रामो बभूवातुलवीर्ययोः
2908	3049035c	राक्षसानां च मुख्यस्य पक्षिणां प्रवरस्य च
2909	3049036a	तस्य व्यायच्छमानस्य रामस्यार्थेऽथ रावणः
2910	3049036c	पक्षौ पादौ च पार्श्वौ च खड्गमुद्धृत्य सोऽच्छिनत्
2911	3049037a	स छिन्नपक्षः सहसा रक्षसा रौद्रकर्मणा
2912	3049037c	निपपात हतो गृध्रो धरण्यामल्पजीवितः
2913	3049038a	तं दृष्ट्वा पतितं भूमौ क्षतजार्द्रं जटायुषम्
2914	3049038c	अभ्यधावत वैदेही स्वबन्धुमिव दुःखिता
2915	3049039a	तं नीलजीमूतनिकाशकल्पं; सुपाण्डुरोरस्कमुदारवीर्यम्
2916	3049039c	ददर्श लङ्काधिपतिः पृथिव्यां; जटायुषं शान्तमिवाग्निदावम्
2917	3049040a	ततस्तु तं पत्ररथं महीतले; निपातितं रावणवेगमर्दितम्
2918	3049040c	पुनः परिष्वज्य शशिप्रभानना; रुरोद सीता जनकात्मजा तदा
2919	3050001a	तमल्पजीवितं भूमौ स्फुरन्तं राक्षसाधिपः
2920	3050001c	ददर्श गृध्रं पतितं समीपे राघवाश्रमात्
2921	3050002a	सा तु ताराधिपमुखी रावणेन समीक्ष्य तम्
2922	3050002c	गृध्रराजं विनिहतं विललाप सुदुःखिता
2923	3050003a	निमित्तं लक्षणज्ञानं शकुनिस्वरदर्शनम्
2924	3050003c	अवश्यं सुखदुःखेषु नराणां प्रतिदृश्यते
2925	3050004a	न नूनं राम जानासि महद्व्यसनमात्मजः
2926	3050004c	धावन्ति नूनं काकुत्स्थ मदर्थं मृगपक्षिणः
2927	3050005a	त्राहि मामद्य काकुत्स्थ लक्ष्मणेति वराङ्गना
2928	3050005c	सुसंत्रस्ता समाक्रन्दच्छृण्वतां तु यथान्तिके
2929	3050006a	तां क्लिष्टमाल्याभरणां विलपन्तीमनाथवत्
2930	3050006c	अभ्यधावत वैदेहीं रावणो राक्षसाधिपः
2931	3050007a	तां लतामिव वेष्टन्तीमालिङ्गन्तीं महाद्रुमान्
2932	3050007c	मुञ्च मुञ्चेति बहुशः प्रवदन्राक्षसाधिपः
2933	3050008a	क्रोशन्तीं राम रामेति रामेण रहितां वने
2934	3050008c	जीवितान्ताय केशेषु जग्राहान्तकसंनिभः
2935	3050009a	प्रधर्षितायां वैदेह्यां बभूव सचराचरम्
2936	3050009c	जगत्सर्वममर्यादं तमसान्धेन संवृतम्
2937	3050010a	दृष्ट्वा सीतां परामृष्टां दीनां दिव्येन चक्षुषा
2938	3050010c	कृतं कार्यमिति श्रीमान्व्याजहार पितामहः
2939	3050011a	प्रहृष्टा व्यथिताश्चासन्सर्वे ते परमर्षयः
2940	3050011c	दृष्ट्वा सीतां परामृष्टां दण्डकारण्यवासिनः
2941	3050012a	स तु तां राम रामेति रुदन्तीं लक्ष्मणेति च
2942	3050012c	जगामाकाशमादाय रावणो राक्षसाधिपः
2943	3050013a	तप्ताभरणसर्वाङ्गी पीतकौशेयवासनी
2944	3050013c	रराज राजपुत्री तु विद्युत्सौदामनी यथा
2945	3050014a	उद्धूतेन च वस्त्रेण तस्याः पीतेन रावणः
2946	3050014c	अधिकं परिबभ्राज गिरिर्दीप इवाग्निना
2947	3050015a	तस्याः परमकल्याण्यास्ताम्राणि सुरभीणि च
2948	3050015c	पद्मपत्राणि वैदेह्या अभ्यकीर्यन्त रावणम्
2949	3050016a	तस्याः कौशेयमुद्धूतमाकाशे कनकप्रभम्
2950	3050016c	बभौ चादित्यरागेण ताम्रमभ्रमिवातपे
2951	3050017a	तस्यास्तद्विमलं वक्त्रमाकाशे रावणाङ्कगम्
2952	3050017c	न रराज विना रामं विनालमिव पङ्कजम्
2953	3050018a	बभूव जलदं नीलं भित्त्वा चन्द्र इवोदितः
2954	3050018c	सुललाटं सुकेशान्तं पद्मगर्भाभमव्रणम्
2955	3050018e	शुक्लैः सुविमलैर्दन्तैः प्रभावद्भिरलंकृतम्
2956	3050019a	रुदितं व्यपमृष्टास्त्रं चन्द्रवत्प्रियदर्शनम्
2957	3050019c	सुनासं चारुताम्रौष्ठमाकाषे हाटकप्रभम्
2958	3050020a	राक्षसेन्द्रसमाधूतं तस्यास्तद्वचनं शुभम्
2959	3050020c	शुशुभे न विना रामं दिवा चन्द्र इवोदितः
2960	3050021a	सा हेमवर्णा नीलाङ्गं मैथिली राक्षसाधिपम्
2961	3050021c	शुशुभे काञ्चनी काञ्ची नीलं मणिमिवाश्रिता
2962	3050022a	सा पद्मगौरी हेमाभा रावणं जनकात्मजा
2963	3050022c	विद्युद्घनमिवाविश्य शुशुभे तप्तभूषणा
2964	3050023a	तस्या भूषणघोषेण वैदेह्या राक्षसाधिपः
2965	3050023c	बभूव विमलो नीलः सघोष इव तोयदः
2966	3050024a	उत्तमाङ्गच्युता तस्याः पुष्पवृष्टिः समन्ततः
2967	3050024c	सीताया ह्रियमाणायाः पपात धरणीतले
2968	3050025a	सा तु रावणवेगेन पुष्पवृष्टिः समन्ततः
2969	3050025c	समाधूता दशग्रीवं पुनरेवाभ्यवर्तत
2970	3050026a	अभ्यवर्तत पुष्पाणां धारा वैश्रवणानुजम्
2971	3050026c	नक्षत्रमालाविमला मेरुं नगमिवोत्तमम्
2972	3050027a	चरणान्नूपुरं भ्रष्टं वैदेह्या रत्नभूषितम्
2973	3050027c	विद्युन्मण्डलसंकाशं पपात मधुरस्वनम्
2974	3050028a	तरुप्रवालरक्ता सा नीलाङ्गं राक्षसेश्वरम्
2975	3050028c	प्राशोभयत वैदेही गजं कष्येव काञ्चनी
2976	3050029a	तां महोल्कामिवाकाशे दीप्यमानां स्वतेजसा
2977	3050029c	जहाराकाशमाविश्य सीतां वैश्रवणानुजः
2978	3050030a	तस्यास्तान्यग्निवर्णानि भूषणानि महीतले
2979	3050030c	सघोषाण्यवकीर्यन्त क्षीणास्तारा इवाम्बरात्
2980	3050031a	तस्याः स्तनान्तराद्भ्रष्टो हारस्ताराधिपद्युतिः
2981	3050031c	वैदेह्या निपतन्भाति गङ्गेव गगनाच्च्युता
2982	3050032a	उत्पात वाताभिहता नानाद्विज गणायुताः
2983	3050032c	मा भैरिति विधूताग्रा व्याजह्रुरिव पादपाः
2984	3050033a	नलिन्यो ध्वस्तकमलास्त्रस्तमीनजले चराः
2985	3050033c	सखीमिव गतोत्साहां शोचन्तीव स्म मैथिलीम्
2986	3050034a	समन्तादभिसंपत्य सिंहव्याघ्रमृगद्विजाः
2987	3050034c	अन्वधावंस्तदा रोषात्सीताच्छायानुगामिनः
2988	3050035a	जलप्रपातास्रमुखाः शृङ्गैरुच्छ्रितबाहवः
2989	3050035c	सीतायां ह्रियमाणायां विक्रोशन्तीव पर्वताः
2990	3050036a	ह्रियमाणां तु वैदेहीं दृष्ट्वा दीनो दिवाकरः
2991	3050036c	प्रविध्वस्तप्रभः श्रीमानासीत्पाण्डुरमण्डलः
2992	3050037a	नास्ति धर्मः कुतः सत्यं नार्जवं नानृशंसता
2993	3050037c	यत्र रामस्य वैदेहीं भार्यां हरति रावणः
2994	3050038a	इति सर्वाणि भूतानि गणशः पर्यदेवयन्
2995	3050038c	वित्रस्तका दीनमुखा रुरुदुर्मृगपोतकाः
2996	3050039a	उद्वीक्ष्योद्वीक्ष्य नयनैरास्रपाताविलेक्षणाः
2997	3050039c	सुप्रवेपितगात्राश्च बभूवुर्वनदेवताः
2998	3050040a	विक्रोशन्तीं दृढं सीतां दृष्ट्वा दुःखं तथा गताम्
2999	3050040c	तां तु लक्ष्मण रामेति क्रोशन्तीं मधुरस्वराम्
3000	3050041a	अवेक्षमाणां बहुषो वैदेहीं धरणीतलम्
3001	3050041c	स तामाकुलकेशान्तां विप्रमृष्टविशेषकाम्
3002	3050041e	जहारात्मविनाशाय दशग्रीवो मनस्विनाम्
3003	3050042a	ततस्तु सा चारुदती शुचिस्मिता; विनाकृता बन्धुजनेन मैथिली
3004	3050042c	अपश्यती राघवलक्ष्मणावुभौ; विवर्णवक्त्रा भयभारपीडिता
3005	3051001a	खमुत्पतन्तं तं दृष्ट्वा मैथिली जनकात्मजा
3006	3051001c	दुःखिता परमोद्विग्ना भये महति वर्तिनी
3007	3051002a	रोषरोदनताम्राक्षी भीमाक्षं राक्षसाधिपम्
3008	3051002c	रुदती करुणं सीता ह्रियमाणेदमब्रवीत्
3009	3051003a	न व्यपत्रपसे नीच कर्मणानेन रावण
3010	3051003c	ज्ञात्वा विरहितां यो मां चोरयित्वा पलायसे
3011	3051004a	त्वयैव नूनं दुष्टात्मन्भीरुणा हर्तुमिच्छता
3012	3051004c	ममापवाहितो भर्ता मृगरूपेण मायया
3013	3051004e	यो हि मामुद्यतस्त्रातुं सोऽप्ययं विनिपातितः
3014	3051005a	परमं खलु ते वीर्यं दृश्यते राक्षसाधम
3015	3051005c	विश्राव्य नामधेयं हि युद्धे नास्ति जिता त्वया
3016	3051006a	ईदृशं गर्हितं कर्म कथं कृत्वा न लज्जसे
3017	3051006c	स्त्रियाश्च हरणं नीच रहिते च परस्य च
3018	3051007a	कथयिष्यन्ति लोकेषु पुरुषाः कर्म कुत्सितम्
3019	3051007c	सुनृशंसमधर्मिष्ठं तव शौण्डीर्यमानिनः
3020	3051008a	धिक्ते शौर्यं च सत्त्वं च यत्त्वया कथितं तदा
3021	3051008c	कुलाक्रोशकरं लोके धिक्ते चारित्रमीदृशम्
3022	3051009a	किं शक्यं कर्तुमेवं हि यज्जवेनैव धावसि
3023	3051009c	मुहूर्तमपि तिष्ठस्व न जीवन्प्रतियास्यसि
3024	3051010a	न हि चक्षुःपथं प्राप्य तयोः पार्थिवपुत्रयोः
3025	3051010c	ससैन्योऽपि समर्तःस्त्वं मुहूर्तमपि जीवितुम्
3026	3051011a	न त्वं तयोः शरस्पर्शं सोढुं शक्तः कथंचन
3027	3051011c	वने प्रज्वलितस्येव स्पर्शमग्नेर्विहंगमः
3028	3051012a	साधु कृत्वात्मनः पथ्यं साधु मां मुञ्च रावण
3029	3051012c	मत्प्रधर्षणरुष्टो हि भ्रात्रा सह पतिर्मम
3030	3051012e	विधास्यति विनाशाय त्वं मां यदि न मुञ्चसि
3031	3051013a	येन त्वं व्यवसायेन बलान्मां हर्तुमिच्छसि
3032	3051013c	व्यवसायः स ते नीच भविष्यति निरर्थकः
3033	3051014a	न ह्यहं तमपश्यन्ती भर्तारं विबुधोपमम्
3034	3051014c	उत्सहे शत्रुवशगा प्राणान्धारयितुं चिरम्
3035	3051015a	न नूनं चात्मनः श्रेयः पथ्यं वा समवेक्षसे
3036	3051015c	मृत्युकाले यथा मर्त्यो विपरीतानि सेवते
3037	3051016a	मुमूर्षूणां हि सर्वेषां यत्पथ्यं तन्न रोचते
3038	3051016c	पश्यामीव हि कण्ठे त्वां कालपाशावपाशितम्
3039	3051017a	यथा चास्मिन्भयस्थाने न बिभेषे दशानन
3040	3051017c	व्यक्तं हिरण्मयान्हि त्वं संपश्यसि महीरुहान्
3041	3051018a	नदीं वैरतणीं घोरां रुधिरौघनिवाहिनीम्
3042	3051018c	खड्गपत्रवनं चैव भीमं पश्यसि रावण
3043	3051019a	तप्तकाञ्चनपुष्पां च वैदूर्यप्रवरच्छदाम्
3044	3051019c	द्रक्ष्यसे शाल्मलीं तीक्ष्णामायसैः कण्टकैश्चिताम्
3045	3051020a	न हि त्वमीदृशं कृत्वा तस्यालीकं महात्मनः
3046	3051020c	धारितुं शक्ष्यसि चिरं विषं पीत्वेव निर्घृणः
3047	3051021a	बद्धस्त्वं कालपाशेन दुर्निवारेण रावण
3048	3051021c	क्व गतो लप्स्यसे शर्म भर्तुर्मम महात्मनः
3049	3051022a	निमेषान्तरमात्रेण विना भ्रातरमाहवे
3050	3051022c	राक्षसा निहता येन सहस्राणि चतुर्दश
3051	3051023a	स कथं राघवो वीरः सर्वास्त्रकुशलो बली
3052	3051023c	न त्वां हन्याच्छरैस्तीक्ष्णैरिष्टभार्यापहारिणम्
3053	3051024a	एतच्चान्यच्च परुषं वैदेही रावणाङ्कगा
3054	3051024c	भयशोकसमाविष्टा करुणं विललाप ह
3055	3051025a	तथा भृशार्तां बहु चैव भाषिणीं; विललाप पूर्वं करुणं च भामिनीम्
3056	3051025c	जहार पापस्तरुणीं विवेष्टतीं; नृपात्मजामागतगात्रवेपथुम्
3057	3052001a	ह्रियमाणा तु वैदेही कंचिन्नाथमपश्यती
3058	3052001c	ददर्श गिरिशृङ्गस्थान्पञ्चवानरपुंगवान्
3059	3052002a	तेषां मध्ये विशालाक्षी कौशेयं कनकप्रभम्
3060	3052002c	उत्तरीयं वरारोहा शुभान्याभरणानि च
3061	3052002e	मुमोच यदि रामाय शंसेयुरिति मैथिली
3062	3052003a	वस्त्रमुत्सृज्य तन्मध्ये विनिक्षिप्तं सभूषणम्
3063	3052003c	संभ्रमात्तु दशग्रीवस्तत्कर्म न च बुद्धिवान्
3064	3052004a	पिङ्गाक्षास्तां विशालाक्षीं नेत्रैरनिमिषैरिव
3065	3052004c	विक्रोशन्तीं तदा सीतां ददृशुर्वानरर्षभाः
3066	3052005a	स च पम्पामतिक्रम्य लङ्कामभिमुखः पुरीम्
3067	3052005c	जगाम रुदतीं गृह्य मैथिलीं राक्षसेश्वरः
3068	3052006a	तां जहार सुसंहृष्टो रावणो मृत्युमात्मनः
3069	3052006c	उत्सङ्गेनैव भुजगीं तीक्ष्णदंष्ट्रां महाविषाम्
3070	3052007a	वनानि सरितः शैलान्सरांसि च विहायसा
3071	3052007c	स क्षिप्रं समतीयाय शरश्चापादिव च्युतः
3072	3052008a	तिमिनक्रनिकेतं तु वरुणालयमक्षयम्
3073	3052008c	सरितां शरणं गत्वा समतीयाय सागरम्
3074	3052009a	संभ्रमात्परिवृत्तोर्मी रुद्धमीनमहोरगः
3075	3052009c	वैदेह्यां ह्रियमाणायां बभूव वरुणालयः
3076	3052010a	अन्तरिक्षगता वाचः ससृजुश्चारणास्तदा
3077	3052010c	एतदन्तो दशग्रीव इति सिद्धास्तदाब्रुवन्
3078	3052011a	स तु सीतां विवेष्टन्तीमङ्केनादाय रावणः
3079	3052011c	प्रविवेश पुरीं लङ्कां रूपिणीं मृत्युमात्मनः
3080	3052012a	सोऽभिगम्य पुरीं लङ्कां सुविभक्तमहापथाम्
3081	3052012c	संरूढकक्ष्या बहुलं स्वमन्तःपुरमाविशत्
3082	3052013a	तत्र तामसितापाङ्गीं शोकमोहपरायणाम्
3083	3052013c	निदधे रावणः सीतां मयो मायामिवासुरीम्
3084	3052014a	अब्रवीच्च दशग्रीवः पिशाचीर्घोरदर्शनाः
3085	3052014c	यथा नैनां पुमान्स्त्री वा सीतां पश्यत्यसंमतः
3086	3052015a	मुक्तामणिसुवर्णानि वस्त्राण्याभरणानि च
3087	3052015c	यद्यदिच्छेत्तदेवास्या देयं मच्छन्दतो यथा
3088	3052016a	या च वक्ष्यति वैदेहीं वचनं किंचिदप्रियम्
3089	3052016c	अज्ञानाद्यदि वा ज्ञानान्न तस्या जीवितं प्रियम्
3090	3052017a	तथोक्त्वा राक्षसीस्तास्तु राक्षसेन्द्रः प्रतापवान्
3091	3052017c	निष्क्रम्यान्तःपुरात्तस्मात्किं कृत्यमिति चिन्तयन्
3092	3052017e	ददर्शाष्टौ महावीर्यान्राक्षसान्पिशिताशनान्
3093	3052018a	स तान्दृष्ट्वा महावीर्यो वरदानेन मोहितः
3094	3052018c	उवाचैतानिदं वाक्यं प्रशस्य बलवीर्यतः
3095	3052019a	नानाप्रहरणाः क्षिप्रमितो गच्छत सत्वराः
3096	3052019c	जनस्थानं हतस्थानं भूतपूर्वं खरालयम्
3097	3052020a	तत्रोष्यतां जनस्थाने शून्ये निहतराक्षसे
3098	3052020c	पौरुषं बलमाश्रित्य त्रासमुत्सृज्य दूरतः
3099	3052021a	बलं हि सुमहद्यन्मे जनस्थाने निवेशितम्
3100	3052021c	सदूषणखरं युद्धे हतं तद्रामसायकैः
3101	3052022a	ततः क्रोधो ममापूर्वो धैर्यस्योपरि वर्धते
3102	3052022c	वैरं च सुमहज्जातं रामं प्रति सुदारुणम्
3103	3052023a	निर्यातयितुमिच्छामि तच्च वैरमहं रिपोः
3104	3052023c	न हि लप्स्याम्यहं निद्रामहत्वा संयुगे रिपुम्
3105	3052024a	तं त्विदानीमहं हत्वा खरदूषणघातिनम्
3106	3052024c	रामं शर्मोपलप्स्यामि धनं लब्ध्वेव निर्धनः
3107	3052025a	जनस्थाने वसद्भिस्तु भवद्भी राममाश्रिता
3108	3052025c	प्रवृत्तिरुपनेतव्या किं करोतीति तत्त्वतः
3109	3052026a	अप्रमादाच्च गन्तव्यं सर्वैरेव निशाचरैः
3110	3052026c	कर्तव्यश्च सदा यत्नो राघवस्य वधं प्रति
3111	3052027a	युष्माकं हि बलज्ञोऽहं बहुशो रणमूर्धनि
3112	3052027c	अतश्चास्मिञ्जनस्थाने मया यूयं नियोजिताः
3113	3052028a	ततः प्रियं वाक्यमुपेत्य राक्षसा; महार्थमष्टावभिवाद्य रावणम्
3114	3052028c	विहाय लङ्कां सहिताः प्रतस्थिरे; यतो जनस्थानमलक्ष्यदर्शनाः
3115	3052029a	ततस्तु सीतामुपलभ्य रावणः; सुसंप्रहृष्टः परिगृह्य मैथिलीम्
3116	3052029c	प्रसज्य रामेण च वैरमुत्तमं; बभूव मोहान्मुदितः स राक्षसः
3117	3053001a	संदिश्य राक्षसान्घोरान्रावणोऽष्टौ महाबलान्
3118	3053001c	आत्मानं बुद्धिवैक्लव्यात्कृतकृत्यममन्यत
3119	3053002a	स चिन्तयानो वैदेहीं कामबाणसमर्पितः
3120	3053002c	प्रविवेश गृहं रम्यं सीतां द्रष्टुमभित्वरन्
3121	3053003a	स प्रविश्य तु तद्वेश्म रावणो राक्षसाधिपः
3122	3053003c	अपश्यद्राक्षसीमध्ये सीतां शोकपरायणम्
3123	3053004a	अश्रुपूर्णमुखीं दीनां शोकभारावपीडिताम्
3124	3053004c	वायुवेगैरिवाक्रान्तां मज्जन्तीं नावमर्णवे
3125	3053005a	मृगयूथपरिभ्रष्टां मृगीं श्वभिरिवावृताम्
3126	3053005c	अधोमुखमुखीं दीनामभ्येत्य च निशाचरः
3127	3053006a	तां तु शोकवशां दीनामवशां राक्षसाधिपः
3128	3053006c	स बलाद्दर्शयामास गृहं देवगृहोपमम्
3129	3053007a	हर्म्यप्रासादसंबधं स्त्रीसहस्रनिषेवितम्
3130	3053007c	नानापक्षिगणैर्जुष्टं नानारत्नसमन्वितम्
3131	3053008a	काञ्चनैस्तापनीयैश्च स्फाटिकै राजतैस्तथा
3132	3053008c	वज्रवैदूर्यचित्रैश्च स्तम्भैर्दृष्टिमनोहरैः
3133	3053009a	दिव्यदुन्दुभिनिर्ह्रादं तप्तकाञ्चनतोरणम्
3134	3053009c	सोपानं काञ्चनं चित्रमारुरोह तया सह
3135	3053010a	दान्तका राजताश्चैव गवाक्षाः प्रियदर्शनाः
3136	3053010c	हेमजालावृताश्चासंस्तत्र प्रासादपङ्क्तयः
3137	3053011a	सुधामणिविचित्राणि भूमिभागानि सर्वशः
3138	3053011c	दशग्रीवः स्वभवने प्रादर्शयत मैथिलीम्
3139	3053012a	दीर्घिकाः पुष्करिण्यश्च नानापुष्पसमावृताः
3140	3053012c	रावणो दर्शयामास सीतां शोकपरायणाम्
3141	3053013a	दर्शयित्वा तु वैदेहीं कृत्स्नं तद्भवनोत्तमम्
3142	3053013c	उवाच वाक्यं पापात्मा रावणो जनकात्मजाम्
3143	3053014a	दशराक्षसकोट्यश्च द्वाविंशतिरथापराः
3144	3053014c	वर्जयित्वा जरा वृद्धान्बालांश्च रजनीचरान्
3145	3053015a	तेषां प्रभुरहं सीते सर्वेषां भीमकर्मणाम्
3146	3053015c	सहस्रमेकमेकस्य मम कार्यपुरःसरम्
3147	3053016a	यदिदं राज्यतन्त्रं मे त्वयि सर्वं प्रतिष्ठितम्
3148	3053016c	जीवितं च विशालाक्षि त्वं मे प्राणैर्गरीयसी
3149	3053017a	बहूनां स्त्रीसहस्राणां मम योऽसौ परिग्रहः
3150	3053017c	तासां त्वमीश्वरी सीते मम भार्या भव प्रिये
3151	3053018a	साधु किं तेऽन्यया बुद्ध्या रोचयस्व वचो मम
3152	3053018c	भजस्व माभितप्तस्य प्रसादं कर्तुमर्हसि
3153	3053019a	परिक्षिप्ता समुद्रेण लङ्केयं शतयोजना
3154	3053019c	नेयं धर्षयितुं शक्या सेन्द्रैरपि सुरासुरैः
3155	3053020a	न देवेषु न यक्षेषु न गन्धर्वेषु नर्षिषु
3156	3053020c	अहं पश्यामि लोकेषु यो मे वीर्यसमो भवेत्
3157	3053021a	राज्यभ्रष्टेन दीनेन तापसेन गतायुषा
3158	3053021c	किं करिष्यसि रामेण मानुषेणाल्पतेजसा
3159	3053022a	भजस्व सीते मामेव भर्ताहं सदृशस्तव
3160	3053022c	यौवनं ह्यध्रुवं भीरु रमस्वेह मया सह
3161	3053023a	दर्शने मा कृथा बुद्धिं राघवस्य वरानने
3162	3053023c	कास्य शक्तिरिहागन्तुमपि सीते मनोरथैः
3163	3053024a	न शक्यो वायुराकाशे पाशैर्बद्धं महाजवः
3164	3053024c	दीप्यमानस्य वाप्यग्नेर्ग्रहीतुं विमलां शिखाम्
3165	3053025a	त्रयाणामपि लोकानां न तं पश्यामि शोभने
3166	3053025c	विक्रमेण नयेद्यस्त्वां मद्बाहुपरिपालिताम्
3167	3053026a	लङ्कायां सुमहद्राज्यमिदं त्वमनुपालय
3168	3053026c	अभिषेकोदकक्लिन्ना तुष्टा च रमयस्व माम्
3169	3053027a	दुष्कृतं यत्पुरा कर्म वनवासेन तद्गतम्
3170	3053027c	यश्च ते सुकृतो धर्मस्तस्येह फलमाप्नुहि
3171	3053028a	इह सर्वाणि माल्यानि दिव्यगन्धानि मैथिलि
3172	3053028c	भूषणानि च मुख्यानि तानि सेव मया सह
3173	3053029a	पुष्पकं नाम सुश्रोणि भ्रातुर्वैश्रवणस्य मे
3174	3053029c	विमानं रमणीयं च तद्विमानं मनोजवम्
3175	3053030a	तत्र सीते मया सार्धं विहरस्व यथासुखम्
3176	3053030c	वदनं पद्मसंकाशं विमलं चारुदर्शनम्
3177	3053031a	शोकार्तं तु वरारोहे न भ्राजति वरानने
3178	3053031c	अलं व्रीडेन वैदेहि धर्मलोप कृतेन ते
3179	3053032a	आर्षोऽयं दैवनिष्यन्दो यस्त्वामभिगमिष्यति
3180	3053032c	एतौ पादौ मया स्निग्धौ शिरोभिः परिपीडितौ
3181	3053033a	प्रसादं कुरु मे क्षिप्रं वश्यो दासोऽहमस्मि ते
3182	3053033c	नेमाः शून्या मया वाचः शुष्यमाणेन भाषिताः
3183	3053034a	न चापि रावणः कांचिन्मूर्ध्ना स्त्रीं प्रणमेत ह
3184	3053034c	एवमुक्त्वा दशग्रीवो मैथिलीं जनकात्मजाम्
3185	3053035a	कृतान्तवशमापन्नो ममेयमिति मन्यते
3186	3054001a	सा तथोक्ता तु वैदेही निर्भया शोककर्षिता
3187	3054001c	तृणमन्तरतः कृत्वा रावणं प्रत्यभाषत
3188	3054002a	राजा दशरथो नाम धर्मसेतुरिवाचलः
3189	3054002c	सत्यसन्धः परिज्ञातो यस्य पुत्रः स राघवः
3190	3054003a	रामो नाम स धर्मात्मा त्रिषु लोकेषु विश्रुतः
3191	3054003c	दीर्घबाहुर्विशालाक्षो दैवतं स पतिर्मम
3192	3054004a	इक्ष्वाकूणां कुले जातः सिंहस्कन्धो महाद्युतिः
3193	3054004c	लक्ष्मणेन सह भ्रात्रा यस्ते प्राणां हरिष्यति
3194	3054005a	प्रत्यक्षं यद्यहं तस्य त्वया स्यां धर्षिता बलात्
3195	3054005c	शयिता त्वं हतः संख्ये जनस्थाने यथा खरः
3196	3054006a	य एते राक्षसाः प्रोक्ता घोररूपा महाबलाः
3197	3054006c	राघवे निर्विषाः सर्वे सुपर्णे पन्नगा यथा
3198	3054007a	तस्य ज्याविप्रमुक्तास्ते शराः काञ्चनभूषणाः
3199	3054007c	शरीरं विधमिष्यन्ति गङ्गाकूलमिवोर्मयः
3200	3054008a	असुरैर्वा सुरैर्वा त्वं यद्यवधोऽसि रावण
3201	3054008c	उत्पाद्य सुमहद्वैरं जीवंस्तस्य न मोक्ष्यसे
3202	3054009a	स ते जीवितशेषस्य राघवोऽन्तकरो बली
3203	3054009c	पशोर्यूपगतस्येव जीवितं तव दुर्लभम्
3204	3054010a	यदि पश्येत्स रामस्त्वां रोषदीप्तेन चक्षुषा
3205	3054010c	रक्षस्त्वमद्य निर्दग्धो गच्छेः सद्यः पराभवम्
3206	3054011a	यश्चन्द्रं नभसो भूमौ पातयेन्नाशयेत वा
3207	3054011c	सागरं शोषयेद्वापि स सीतां मोचयेदिह
3208	3054012a	गतायुस्त्वं गतश्रीको गतसत्त्वो गतेन्द्रियः
3209	3054012c	लङ्का वैधव्यसंयुक्ता त्वत्कृतेन भविष्यति
3210	3054013a	न ते पापमिदं कर्म सुखोदर्कं भविष्यति
3211	3054013c	याहं नीता विना भावं पतिपार्श्वात्त्वया वनात्
3212	3054014a	स हि दैवतसंयुक्तो मम भर्ता महाद्युतिः
3213	3054014c	निर्भयो वीर्यमाश्रित्य शून्ये वसति दण्डके
3214	3054015a	स ते दर्पं बलं वीर्यमुत्सेकं च तथाविधम्
3215	3054015c	अपनेष्यति गात्रेभ्यः शरवर्षेण संयुगे
3216	3054016a	यदा विनाशो भूतानां दृश्यते कालचोदितः
3217	3054016c	तदा कार्ये प्रमाद्यन्ति नराः कालवशं गताः
3218	3054017a	मां प्रधृष्य स ते कालः प्राप्तोऽयं रक्षसाधम
3219	3054017c	आत्मनो राक्षसानां च वधायान्तःपुरस्य च
3220	3054018a	न शक्या यज्ञमध्यस्था वेदिः स्रुग्भाण्ड मण्डिता
3221	3054018c	द्विजातिमन्त्रसंपूता चण्डालेनावमर्दितुम्
3222	3054019a	इदं शरीरं निःसंज्ञं बन्ध वा घातयस्व वा
3223	3054019c	नेदं शरीरं रक्ष्यं मे जीवितं वापि राक्षस
3224	3054019e	न हि शक्ष्याम्युपक्रोशं पृथिव्यां दातुमात्मनः
3225	3054020a	एवमुक्त्वा तु वैदेही क्रोद्धात्सुपरुषं वचः
3226	3054020c	रावणं मैथिली तत्र पुनर्नोवाच किंचन
3227	3054021a	सीताया वचनं श्रुत्वा परुषं रोमहर्षणम्
3228	3054021c	प्रत्युवाच ततः सीतां भयसंदर्शनं वचः
3229	3054022a	शृणु मैथिलि मद्वाक्यं मासान्द्वादश भामिनि
3230	3054022c	कालेनानेन नाभ्येषि यदि मां चारुहासिनि
3231	3054022e	ततस्त्वां प्रातराशार्थं सूदाश्छेत्स्यन्ति लेशशः
3232	3054023a	इत्युक्त्वा परुषं वाक्यं रावणः शत्रुरावणः
3233	3054023c	राक्षसीश्च ततः क्रुद्ध इदं वचनमब्रवीत्
3234	3054024a	शीघ्रमेवं हि राक्षस्यो विकृता घोरदर्शनाः
3235	3054024c	दर्पमस्या विनेष्यन्तु मांसशोणितभोजनाः
3236	3054025a	वचनादेव तास्तस्य विकृता घोरदर्शनाः
3237	3054025c	कृतप्राञ्जलयो भूत्वा मैथिलीं पर्यवारयन्
3238	3054026a	स ताः प्रोवाच राजा तु रावणो घोरदर्शनः
3239	3054026c	प्रचाल्य चरणोत्कर्षैर्दारयन्निव मेदिनीम्
3240	3054027a	अशोकवनिकामध्ये मैथिली नीयतामिति
3241	3054027c	तत्रेयं रक्ष्यतां गूढमुष्माभिः परिवारिता
3242	3054028a	तत्रैनां तर्जनैर्घोरैः पुनः सान्त्वैश्च मैथिलीम्
3243	3054028c	आनयध्वं वशं सर्वा वन्यां गजवधूमिव
3244	3054029a	इति प्रतिसमादिष्टा राक्षस्यो रावणेन ताः
3245	3054029c	अशोकवनिकां जग्मुर्मैथिलीं परिगृह्य ताम्
3246	3054030a	सर्वकामफलैर्वृक्षैर्नानापुष्पफलैर्वृताम्
3247	3054030c	सर्वकालमदैश्चापि द्विजैः समुपसेविताम्
3248	3054031a	सा तु शोकपरीताङ्गी मैथिली जनकात्मजा
3249	3054031c	राक्षसी वशमापन्ना व्याघ्रीणां हरिणी यथा
3250	3054032a	न विन्दते तत्र तु शर्म मैथिली; विरूपनेत्राभिरतीव तर्जिता
3251	3054032c	पतिं स्मरन्ती दयितं च देवरं; विचेतनाभूद्भयशोकपीडिता
3252	3055001a	राक्षसं मृगरूपेण चरन्तं कामरूपिणम्
3253	3055001c	निहत्य रामो मारीचं तूर्णं पथि न्यवर्तत
3254	3055002a	तस्य संत्वरमाणस्य द्रष्टुकामस्य मैथिलीम्
3255	3055002c	क्रूरस्वरोऽथ गोमायुर्विननादास्य पृष्ठतः
3256	3055003a	स तस्य स्वरमाज्ञाय दारुणं रोमहर्षणम्
3257	3055003c	चिन्तयामास गोमायोः स्वरेण परिशङ्कितः
3258	3055004a	अशुभं बत मन्येऽहं गोमायुर्वाश्यते यथा
3259	3055004c	स्वस्ति स्यादपि वैदेह्या राक्षसैर्भक्षणं विना
3260	3055005a	मारीचेन तु विज्ञाय स्वरमालक्ष्य मामकम्
3261	3055005c	विक्रुष्टं मृगरूपेण लक्ष्मणः शृणुयाद्यदि
3262	3055006a	स सौमित्रिः स्वरं श्रुत्वा तां च हित्वाथ मैथिलीम्
3263	3055006c	तयैव प्रहितः क्षिप्रं मत्सकाशमिहैष्यति
3264	3055007a	राक्षसैः सहितैर्नूनं सीताया ईप्सितो वधः
3265	3055007c	काञ्चनश्च मृगो भूत्वा व्यपनीयाश्रमात्तु माम्
3266	3055008a	दूरं नीत्वा तु मारीचो राक्षसोऽभूच्छराहतः
3267	3055008c	हा लक्ष्मण हतोऽस्मीति यद्वाक्यं व्यजहार ह
3268	3055009a	अपि स्वस्ति भवेद्द्वाभ्यां रहिताभ्यां मया वने
3269	3055009c	जनस्थाननिमित्तं हि कृतवैरोऽस्मि राक्षसैः
3270	3055009e	निमित्तानि च घोराणि दृश्यन्तेऽद्य बहूनि च
3271	3055010a	इत्येवं चिन्तयन्रामः श्रुत्वा गोमायुनिःस्वनम्
3272	3055010c	आत्मनश्चापनयनं मृगरूपेण रक्षसा
3273	3055010e	आजगाम जनस्थानं राघवः परिशङ्कितः
3274	3055011a	तं दीनमानसं दीनमासेदुर्मृगपक्षिणः
3275	3055011c	सव्यं कृत्वा महात्मानं घोरांश्च ससृजुः स्वरान्
3276	3055012a	तानि दृष्ट्वा निमित्तानि महाघोराणि राघवः
3277	3055012c	ततो लक्षणमायान्तं ददर्श विगतप्रभम्
3278	3055013a	ततोऽविदूरे रामेण समीयाय स लक्ष्मणः
3279	3055013c	विषण्णः स विषण्णेन दुःखितो दुःखभागिना
3280	3055014a	संजगर्हेऽथ तं भ्राता जेष्ठो लक्ष्मणमागतम्
3281	3055014c	विहाय सीतां विजने वने राक्षससेविते
3282	3055015a	गृहीत्वा च करं सव्यं लक्ष्मणं रघुनन्दनः
3283	3055015c	उवाच मधुरोदर्कमिदं परुषमार्तवत्
3284	3055016a	अहो लक्ष्मण गर्ह्यं ते कृतं यत्त्वं विहाय ताम्
3285	3055016c	सीतामिहागतः सौम्य कच्चित्स्वस्ति भवेदिति
3286	3055017a	न मेऽस्ति संशयो वीर सर्वथा जनकात्मजा
3287	3055017c	विनष्टा भक्षिता वाप राक्षसैर्वनचारिभिः
3288	3055018a	अशुभान्येव भूयिष्ठं यथा प्रादुर्भवन्ति मे
3289	3055018c	अपि लक्ष्मण सीतायाः सामग्र्यं प्राप्नुयावहे
3290	3055019a	इदं हि रक्षोमृगसंनिकाशं; प्रलोभ्य मां दूरमनुप्रयातम्
3291	3055019c	हतं कथंचिन्महता श्रमेण; स राक्षसोऽभून्म्रियमाण एव
3292	3055020a	मनश्च मे दीनमिहाप्रहृष्टं; चक्षुश्च सव्यं कुरुते विकारम्
3293	3055020c	असंशयं लक्ष्मण नास्ति सीता; हृता मृता वा पथि वर्तते वा
3294	3056001a	स दृष्ट्वा लक्ष्मणं दीनं शून्ये दशरथात्मजः
3295	3056001c	पर्यपृच्छत धर्मात्मा वैदेहीमागतं विना
3296	3056002a	प्रस्थितं दण्डकारण्यं या मामनुजगाम ह
3297	3056002c	क्व सा लक्ष्मण वैदेही यां हित्वा त्वमिहागतः
3298	3056003a	राज्यभ्रष्टस्य दीनस्य दण्डकान्परिधावतः
3299	3056003c	क्व सा दुःखसहाया मे वैदेही तनुमध्यमा
3300	3056004a	यां विना नोत्सहे वीर मुहूर्तमपि जीवितुम्
3301	3056004c	क्व सा प्राणसहाया मे सीता सुरसुतोपमा
3302	3056005a	पतित्वममराणां वा पृथिव्याश्चापि लक्ष्मण
3303	3056005c	विना तां तपनीयाभां नेच्छेयं जनकात्मजाम्
3304	3056006a	कच्चिज्जीवति वैदेही प्राणैः प्रियतरा मम
3305	3056006c	कच्चित्प्रव्राजनं सौम्य न मे मिथ्या भविष्यति
3306	3056007a	सीतानिमित्तं सौमित्रे मृते मयि गते त्वयि
3307	3056007c	कच्चित्सकामा सुखिता कैकेयी सा भविष्यति
3308	3056008a	सपुत्रराज्यां सिद्धार्थां मृतपुत्रा तपस्विनी
3309	3056008c	उपस्थास्यति कौसल्या कच्चिन्सौम्य न कैकयीम्
3310	3056009a	यदि जीवति वैदेही गमिष्याम्याश्रमं पुनः
3311	3056009c	सुवृत्ता यदि वृत्ता सा प्राणांस्त्यक्ष्यामि लक्ष्मण
3312	3056010a	यदि मामाश्रमगतं वैदेही नाभिभाषते
3313	3056010c	पुनः प्रहसिता सीता विनशिष्यामि लक्ष्मण
3314	3056011a	ब्रूहि लक्ष्मण वैदेही यदि जीवति वा न वा
3315	3056011c	त्वयि प्रमत्ते रक्षोभिर्भक्षिता वा तपस्विनी
3316	3056012a	सुकुमारी च बाला च नित्यं चादुःखदर्शिनी
3317	3056012c	मद्वियोगेन वैदेही व्यक्तं शोचति दुर्मनाः
3318	3056013a	सर्वथा रक्षसा तेन जिह्मेन सुदुरात्मना
3319	3056013c	वदता लक्ष्मणेत्युच्चैस्तवापि जनितं भयम्
3320	3056014a	श्रुतश्च शङ्के वैदेह्या स स्वरः सदृशो मम
3321	3056014c	त्रस्तया प्रेषितस्त्वं च द्रष्टुं मां शीघ्रमागतः
3322	3056015a	सर्वथा तु कृतं कष्टं सीतामुत्सृजता वने
3323	3056015c	प्रतिकर्तुं नृशंसानां रक्षसां दत्तमन्तरम्
3324	3056016a	दुःखिताः खरघातेन राक्षसाः पिशिताशनाः
3325	3056016c	तैः सीता निहता घोरैर्भविष्यति न संशयः
3326	3056017a	अहोऽस्मि व्यसने मग्नः सर्वथा रिपुनाशन
3327	3056017c	किं त्विदानीं करिष्यामि शङ्के प्राप्तव्यमीदृशम्
3328	3056018a	इति सीतां वरारोहां चिन्तयन्नेव राघवः
3329	3056018c	आजगाम जनस्थानं त्वरया सहलक्ष्मणः
3330	3056019a	विगर्हमाणोऽनुजमार्तरूपं; क्षुधा श्रमाच्चैव पिपासया च
3331	3056019c	विनिःश्वसञ्शुष्कमुखो विषण्णः; प्रतिश्रयं प्राप्य समीक्ष्य शून्यम्
3332	3056020a	स्वमाश्रमं संप्रविगाह्य वीरो; विहारदेशाननुसृत्य कांश्चित्
3333	3056020c	एतत्तदित्येव निवासभूमौ; प्रहृष्टरोमा व्यथितो बभूव
3334	3057001a	अथाश्रमादुपावृत्तमन्तरा रघुनन्दनः
3335	3057001c	परिपप्रच्छ सौमित्रिं रामो दुःखार्दितः पुनः
3336	3057002a	तमुवाच किमर्थं त्वमागतोऽपास्य मैथिलीम्
3337	3057002c	यदा सा तव विश्वासाद्वने विहरिता मया
3338	3057003a	दृष्ट्वैवाभ्यागतं त्वां मे मैथिलीं त्यज्य लक्ष्मण
3339	3057003c	शङ्कमानं महत्पापं यत्सत्यं व्यथितं मनः
3340	3057004a	स्फुरते नयनं सव्यं बाहुश्च हृदयं च मे
3341	3057004c	दृष्ट्वा लक्ष्मण दूरे त्वां सीताविरहितं पथि
3342	3057005a	एवमुक्तस्तु सौमित्रिर्लक्ष्मणः शुभलक्षणः
3343	3057005c	भूयो दुःखसमाविष्टो दुःखितं राममब्रवीत्
3344	3057006a	न स्वयं कामकारेण तां त्यक्त्वाहमिहागतः
3345	3057006c	प्रचोदितस्तयैवोग्रैस्त्वत्सकाशमिहागतः
3346	3057007a	आर्येणेव परिक्रुष्टं हा सीते लक्ष्मणेति च
3347	3057007c	परित्राहीति यद्वाक्यं मैथिल्यास्तच्छ्रुतिं गतम्
3348	3057008a	सा तमार्तस्वरं श्रुत्वा तव स्नेहेन मैथिली
3349	3057008c	गच्छ गच्छेति मामाह रुदन्ती भयविह्वला
3350	3057009a	प्रचोद्यमानेन मया गच्छेति बहुशस्तया
3351	3057009c	प्रत्युक्ता मैथिली वाक्यमिदं त्वत्प्रत्ययान्वितम्
3352	3057010a	न तत्पश्याम्यहं रक्षो यदस्य भयमावहेत्
3353	3057010c	निर्वृता भव नास्त्येतत्केनाप्येवमुदाहृतम्
3354	3057011a	विगर्हितं च नीचं च कथमार्योऽभिधास्यति
3355	3057011c	त्राहीति वचनं सीते यस्त्रायेत्त्रिदशानपि
3356	3057012a	किंनिमित्तं तु केनापि भ्रातुरालम्ब्य मे स्वरम्
3357	3057012c	विस्वरं व्याहृतं वाक्यं लक्ष्मण त्राहि मामिति
3358	3057012e	न भवत्या व्यथा कार्या कुनारीजनसेविता
3359	3057013a	अलं वैक्लव्यमालम्ब्य स्वस्था भव निरुत्सुका
3360	3057013c	न चास्ति त्रिषु लोकेषु पुमान्यो राघवं रणे
3361	3057013e	जातो वा जायमानो वा संयुगे यः पराजयेत्
3362	3057014a	एवमुक्ता तु वैदेही परिमोहितचेतना
3363	3057014c	उवाचाश्रूणि मुञ्चन्ती दारुणं मामिदं वचः
3364	3057015a	भावो मयि तवात्यर्थं पाप एव निवेशितः
3365	3057015c	विनष्टे भ्रातरि प्राप्ते न च त्वं मामवाप्स्यसि
3366	3057016a	संकेताद्भरतेन त्वं रामं समनुगच्छसि
3367	3057016c	क्रोशन्तं हि यथात्यर्थं नैनमभ्यवपद्यसे
3368	3057017a	रिपुः प्रच्छन्नचारी त्वं मदर्थमनुगच्छसि
3369	3057017c	राघवस्यान्तरप्रेप्सुस्तथैनं नाभिपद्यसे
3370	3057018a	एवमुक्तो हि वैदेह्या संरब्धो रक्तलोचनः
3371	3057018c	क्रोधात्प्रस्फुरमाणौष्ठ आश्रमादभिनिर्गतः
3372	3057019a	एवं ब्रुवाणं सौमित्रिं रामः संतापमोहितः
3373	3057019c	अब्रवीद्दुष्कृतं सौम्य तां विना यत्त्वमागतः
3374	3057020a	जानन्नपि समर्थं मां रक्षसां विनिवारणे
3375	3057020c	अनेन क्रोधवाक्येन मैथिल्या निःसृतो भवान्
3376	3057021a	न हि ते परितुष्यामि त्यक्त्वा यद्यासि मैथिलीम्
3377	3057021c	क्रुद्धायाः परुषं श्रुत्वा स्त्रिया यत्त्वमिहागतः
3378	3057022a	सर्वथा त्वपनीतं ते सीतया यत्प्रचोदितः
3379	3057022c	क्रोधस्य वशमागम्य नाकरोः शासनं मम
3380	3057023a	असौ हि राक्षसः शेते शरेणाभिहतो मया
3381	3057023c	मृगरूपेण येनाहमाश्रमादपवादितः
3382	3057024a	विकृष्य चापं परिधाय सायकं; सलील बाणेन च ताडितो मया
3383	3057024c	मार्गीं तनुं त्यज्य च विक्लवस्वरो; बभूव केयूरधरः स राक्षसः
3384	3057025a	शराहतेनैव तदार्तया गिरा; स्वरं ममालम्ब्य सुदूरसंश्रवम्
3385	3057025c	उदाहृतं तद्वचनं सुदारुणं; त्वमागतो येन विहाय मैथिलीम्
3386	3058001a	भृशमाव्रजमानस्य तस्याधोवामलोचनम्
3387	3058001c	प्रास्फुरच्चास्खलद्रामो वेपथुश्चास्य जायते
3388	3058002a	उपालक्ष्य निमित्तानि सोऽशुभानि मुहुर्मुहुः
3389	3058002c	अपि क्षेमं तु सीताया इति वै व्याजहार ह
3390	3058003a	त्वरमाणो जगामाथ सीतादर्शनलालसः
3391	3058003c	शून्यमावसथं दृष्ट्वा बभूवोद्विग्नमानसः
3392	3058004a	उद्भ्रमन्निव वेगेन विक्षिपन्रघुनन्दनः
3393	3058004c	तत्र तत्रोटजस्थानमभिवीक्ष्य समन्ततः
3394	3058005a	ददर्श पर्णशालां च रहितां सीतया तदा
3395	3058005c	श्रिया विरहितां ध्वस्तां हेमन्ते पद्मिनीमिव
3396	3058006a	रुदन्तमिव वृक्षैश्च म्लानपुष्पमृगद्विजम्
3397	3058006c	श्रिया विहीनं विध्वस्तं संत्यक्तवनदैवतम्
3398	3058007a	विप्रकीर्णाजिनकुशं विप्रविद्धबृसीकटम्
3399	3058007c	दृष्ट्वा शून्योटजस्थानं विललाप पुनः पुनः
3400	3058008a	हृता मृता वा नष्टा वा भक्षिता वा भविष्यति
3401	3058008c	निलीनाप्यथ वा भीरुरथ वा वनमाश्रिता
3402	3058009a	गता विचेतुं पुष्पाणि फलान्यपि च वा पुनः
3403	3058009c	अथ वा पद्मिनीं याता जलार्थं वा नदीं गता
3404	3058010a	यत्नान्मृगयमाणस्तु नाससाद वने प्रियाम्
3405	3058010c	शोकरक्तेक्षणः शोकादुन्मत्त इव लक्ष्यते
3406	3058011a	वृक्षाद्वृक्षं प्रधावन्स गिरींश्चापि नदीन्नदीम्
3407	3058011c	बभूव विलपन्रामः शोकपङ्कार्णवप्लुतः
3408	3058012a	अस्ति कच्चित्त्वया दृष्टा सा कदम्बप्रिया प्रिया
3409	3058012c	कदम्ब यदि जानीषे शंस सीतां शुभाननाम्
3410	3058013a	स्निग्धपल्लवसंकाशां पीतकौशेयवासिनीम्
3411	3058013c	शंसस्व यदि वा दृष्टा बिल्व बिल्वोपमस्तनी
3412	3058014a	अथ वार्जुन शंस त्वं प्रियां तामर्जुनप्रियाम्
3413	3058014c	जनकस्य सुता भीरुर्यदि जीवति वा न वा
3414	3058015a	ककुभः ककुभोरुं तां व्यक्तं जानाति मैथिलीम्
3415	3058015c	लतापल्लवपुष्पाढ्यो भाति ह्येष वनस्पतिः
3416	3058016a	भ्रमरैरुपगीतश्च यथा द्रुमवरो ह्ययम्
3417	3058016c	एष व्यक्तं विजानाति तिलकस्तिलकप्रियाम्
3418	3058017a	अशोकशोकापनुद शोकोपहतचेतसं
3419	3058017c	त्वन्नामानं कुरु क्षिप्रं प्रियासंदर्शनेन माम्
3420	3058018a	यदि ताल त्वया दृष्टा पक्वतालफलस्तनी
3421	3058018c	कथयस्व वरारोहां कारुष्यं यदि ते मयि
3422	3058019a	यदि दृष्टा त्वया सीता जम्बुजाम्बूनदप्रभा
3423	3058019c	प्रियां यदि विजानीषे निःशङ्कं कथयस्व मे
3424	3058020a	अथ वा मृगशावाक्षीं मृग जानासि मैथिलीम्
3425	3058020c	मृगविप्रेक्षणी कान्ता मृगीभिः सहिता भवेत्
3426	3058021a	गज सा गजनासोरुर्यदि दृष्टा त्वया भवेत्
3427	3058021c	तां मन्ये विदितां तुभ्यमाख्याहि वरवारण
3428	3058022a	शार्दूल यदि सा दृष्टा प्रिया चन्द्रनिभानना
3429	3058022c	मैथिली मम विस्रब्धः कथयस्व न ते भयम्
3430	3058023a	किं धावसि प्रिये नूनं दृष्टासि कमलेक्षणे
3431	3058023c	वृक्षेणाच्छाद्य चात्मानं किं मां न प्रतिभाषसे
3432	3058024a	तिष्ठ तिष्ठ वरारोहे न तेऽस्ति करुणा मयि
3433	3058024c	नात्यर्थं हास्यशीलासि किमर्थं मामुपेक्षसे
3434	3058025a	पीतकौशेयकेनासि सूचिता वरवर्णिनि
3435	3058025c	धावन्त्यपि मया दृष्टा तिष्ठ यद्यस्ति सौहृदम्
3436	3058026a	नैव सा नूनमथ वा हिंसिता चारुहासिनी
3437	3058026c	कृच्छ्रं प्राप्तं हि मां नूनं यथोपेक्षितुमर्हति
3438	3058027a	व्यक्तं सा भक्षिता बाला राक्षसैः पिशिताशनैः
3439	3058027c	विभज्याङ्गानि सर्वाणि मया विरहिता प्रिया
3440	3058028a	नूनं तच्छुभदन्तौष्ठं मुखं निष्प्रभतां गतम्
3441	3058028c	सा हि चम्पकवर्णाभा ग्रीवा ग्रैवेय शोभिता
3442	3058029a	कोमला विलपन्त्यास्तु कान्ताया भक्षिता शुभा
3443	3058029c	नूनं विक्षिप्यमाणौ तौ बाहू पल्लवकोमलौ
3444	3058030a	भक्षितौ वेपमानाग्रौ सहस्ताभरणाङ्गदौ
3445	3058030c	मया विरहिता बाला रक्षसां भक्षणाय वै
3446	3058031a	सार्थेनेव परित्यक्ता भक्षिता बहुबान्धवा
3447	3058031c	हा लक्ष्मण महाबाहो पश्यसि त्वं प्रियां क्वचित्
3448	3058032a	हा प्रिये क्व गता भद्रे हा सीतेति पुनः पुनः
3449	3058032c	इत्येवं विलपन्रामः परिधावन्वनाद्वनम्
3450	3058033a	क्वचिदुद्भ्रमते वेगात्क्वचिद्विभ्रमते बलात्
3451	3058033c	क्वचिन्मत्त इवाभाति कान्तान्वेषणतत्परः
3452	3058034a	स वनानि नदीः शैलान्गिरिप्रस्रवणानि च
3453	3058034c	काननानि च वेगेन भ्रमत्यपरिसंस्थितः
3454	3058035a	तथा स गत्वा विपुलं महद्वनं; परीत्य सर्वं त्वथ मैथिलीं प्रति
3455	3058035c	अनिष्ठिताशः स चकार मार्गणे; पुनः प्रियायाः परमं परिश्रमम्
3456	3059001a	दृष्टाश्रमपदं शून्यं रामो दशरथात्मजः
3457	3059001c	रहितां पर्णशालां च विध्वस्तान्यासनानि च
3458	3059002a	अदृष्ट्वा तत्र वैदेहीं संनिरीक्ष्य च सर्वशः
3459	3059002c	उवाच रामः प्राक्रुश्य प्रगृह्य रुचिरौ भुजौ
3460	3059003a	क्व नु लक्ष्मण वैदेही कं वा देशमितो गता
3461	3059003c	केनाहृता वा सौमित्रे भक्षिता केन वा प्रिया
3462	3059004a	वृष्केणावार्य यदि मां सीते हसितुमिच्छसि
3463	3059004c	अलं ते हसितेनाद्य मां भजस्व सुदुःखितम्
3464	3059005a	यैः सह क्रीडसे सीते विश्वस्तैर्मृगपोतकैः
3465	3059005c	एते हीनास्त्वया सौम्ये ध्यायन्त्यस्राविलेक्षणाः
3466	3059006a	मृतं शोकेन महता सीताहरणजेन माम्
3467	3059006c	परलोके महाराजो नूनं द्रक्ष्यति मे पिता
3468	3059007a	कथं प्रतिज्ञां संश्रुत्य मया त्वमभियोजितः
3469	3059007c	अपूरयित्वा तं कालं मत्सकाशमिहागतः
3470	3059008a	कामवृत्तमनार्यं मां मृषावादिनमेव च
3471	3059008c	धिक्त्वामिति परे लोके व्यक्तं वक्ष्यति मे पिता
3472	3059009a	विवशं शोकसंतप्तं दीनं भग्नमनोरथम्
3473	3059009c	मामिहोत्सृज्य करुणं कीर्तिर्नरमिवानृजुम्
3474	3059010a	क्व गच्छसि वरारोहे मामुत्सृज्य सुमध्यमे
3475	3059010c	त्वया विरहितश्चाहं मोक्ष्ये जीवितमात्मनः
3476	3059011a	इतीव विलपन्रामः सीतादर्शनलालसः
3477	3059011c	न ददर्श सुदुःखार्तो राघवो जनकात्मजाम्
3478	3059012a	अनासादयमानं तं सीतां दशरथात्मजम्
3479	3059012c	पङ्कमासाद्य विपुलं सीदन्तमिव कुञ्जरम्
3480	3059012e	लक्ष्मणो राममत्यर्थमुवाच हितकाम्यया
3481	3059013a	मा विषादं महाबाहो कुरु यत्नं मया सह
3482	3059013c	इदं च हि वनं शूर बहुकन्दरशोभितम्
3483	3059014a	प्रियकाननसंचारा वनोन्मत्ता च मैथिली
3484	3059014c	सा वनं वा प्रविष्टा स्यान्नलिनीं वा सुपुष्पिताम्
3485	3059015a	सरितं वापि संप्राप्ता मीनवञ्जुरसेविताम्
3486	3059015c	वित्रासयितुकामा वा लीना स्यात्कानने क्वचित्
3487	3059015e	जिज्ञासमाना वैदेही त्वां मां च पुरुषर्षभ
3488	3059016a	तस्या ह्यन्वेषणे श्रीमन्क्षिप्रमेव यतावहे
3489	3059016c	वनं सर्वं विचिनुवो यत्र सा जनकात्मजा
3490	3059016e	मन्यसे यदि काकुत्स्थ मा स्म शोके मनः कृथाः
3491	3059017a	एवमुक्तस्तु सौहार्दाल्लक्ष्मणेन समाहितः
3492	3059017c	सह सौमित्रिणा रामो विचेतुमुपचक्रमे
3493	3059017e	तौ वनानि गिरींश्चैव सरितश्च सरांसि च
3494	3059018a	निखिलेन विचिन्वन्तौ सीतां दशरथात्मजौ
3495	3059018c	तस्य शैलस्य सानूनि गुहाश्च शिखराणि च
3496	3059019a	निखिलेन विचिन्वन्तौ नैव तामभिजग्मतुः
3497	3059019c	विचित्य सर्वतः शैलं रामो लक्ष्मणमब्रवीत्
3498	3059020a	नेह पश्यामि सौमित्रे वैदेहीं पर्वते शुभे
3499	3059020c	ततो दुःखाभिसंतप्तो लक्ष्मणो वाक्यमब्रवीत्
3500	3059021a	विचरन्दण्डकारण्यं भ्रातरं दीप्ततेजसं
3501	3059021c	प्राप्स्यसि त्वं महाप्राज्ञ मैथिलीं जनकात्मजाम्
3502	3059022a	यथा विष्णुर्महाबाहुर्बलिं बद्ध्वा महीमिमाम्
3503	3059022c	एवमुक्तस्तु वीरेण लक्ष्मणेन स राघवः
3504	3059023a	उवाच दीनया वाचा दुःखाभिहतचेतनः
3505	3059023c	वनं सर्वं सुविचितं पद्मिन्यः फुल्लपङ्कजाः
3506	3059024a	गिरिश्चायं महाप्राज्ञ बहुकन्दरनिर्झरः
3507	3059024c	न हि पश्यामि वैदेहीं प्राणेभ्योऽपि गरीयसीम्
3508	3059025a	एवं स विलपन्रामः सीताहरणकर्शितः
3509	3059025c	दीनः शोकसमाविष्टो मुहूर्तं विह्वलोऽभवत्
3510	3059026a	स विह्वलितसर्वाङ्गो गतबुद्धिर्विचेतनः
3511	3059026c	विषसादातुरो दीनो निःश्वस्याशीतमायतम्
3512	3059027a	बहुशः स तु निःश्वस्य रामो राजीवलोचनः
3513	3059027c	हा प्रियेति विचुक्रोश बहुशो बाष्पगद्गदः
3514	3059028a	तं सान्त्वयामास ततो लक्ष्मणः प्रियबान्धवः
3515	3059028c	बहुप्रकारं धर्मज्ञः प्रश्रितः प्रश्रिताञ्जलिः
3516	3059029a	अनादृत्य तु तद्वाक्यं लक्ष्मणौष्ठपुटच्युतम्
3517	3059029c	अपश्यंस्तां प्रियां सीतां प्राक्रोशत्स पुनः पुनः
3518	3060001a	स दीनो दीनया वाचा लक्ष्मणं वाक्यमब्रवीत्
3519	3060001c	शीघ्रं लक्ष्मण जानीहि गत्वा गोदावरीं नदीम्
3520	3060001e	अपि गोदावरीं सीता पद्मान्यानयितुं गता
3521	3060002a	एवमुक्तस्तु रामेण लक्ष्मणः पुनरेव हि
3522	3060002c	नदीं गोदावरीं रम्यां जगाम लघुविक्रमः
3523	3060003a	तां लक्ष्मणस्तीर्थवतीं विचित्वा राममब्रवीत्
3524	3060003c	नैनां पश्यामि तीर्थेषु क्रोशतो न शृणोति मे
3525	3060004a	कं नु सा देशमापन्ना वैदेही क्लेशनाशिनी
3526	3060004c	न हि तं वेद्मि वै राम यत्र सा तनुमध्यमा
3527	3060005a	लक्ष्मणस्य वचः श्रुत्वा दीनः संताप मोहितः
3528	3060005c	रामः समभिचक्राम स्वयं गोदावरीं नदीम्
3529	3060006a	स तामुपस्थितो रामः क्व सीतेत्येवमब्रवीत्
3530	3060007a	भूतानि राक्षसेन्द्रेण वधार्हेण हृतामपि
3531	3060007c	न तां शशंसू रामाय तथा गोदावरी नदी
3532	3060008a	ततः प्रचोदिता भूतैः शंसास्मै तां प्रियामिति
3533	3060008c	न च साभ्यवदत्सीतां पृष्टा रामेण शोचिता
3534	3060009a	रावणस्य च तद्रूपं कर्माणि च दुरात्मनः
3535	3060009c	ध्यात्वा भयात्तु वैदेहीं सा नदी न शशंस ताम्
3536	3060010a	निराशस्तु तया नद्या सीताया दर्शने कृतः
3537	3060010c	उवाच रामः सौमित्रिं सीतादर्शनकर्शितः
3538	3060011a	किं नु लक्ष्मण वक्ष्यामि समेत्य जनकं वचः
3539	3060011c	मातरं चैव वैदेह्या विना तामहमप्रियम्
3540	3060012a	या मे राज्यविहीनस्य वने वन्येन जीवतः
3541	3060012c	सर्वं व्यपनयच्छोकं वैदेही क्व नु सा गता
3542	3060013a	ज्ञातिपक्षविहीनस्य राजपुत्रीमपश्यतः
3543	3060013c	मन्ये दीर्घा भविष्यन्ति रात्रयो मम जाग्रतः
3544	3060014a	गोदावरीं जनस्थानमिमं प्रस्रवणं गिरिम्
3545	3060014c	सर्वाण्यनुचरिष्यामि यदि सीता हि दृश्यते
3546	3060015a	एवं संभाषमाणौ तावन्योन्यं भ्रातरावुभौ
3547	3060015c	वसुंधरायां पतितं पुष्पमार्गमपश्यताम्
3548	3060016a	तां पुष्पवृष्टिं पतितां दृष्ट्वा रामो महीतले
3549	3060016c	उवाच लक्ष्मणं वीरो दुःखितो दुःखितं वचः
3550	3060017a	अभिजानामि पुष्पाणि तानीमामीह लक्ष्मण
3551	3060017c	अपिनद्धानि वैदेह्या मया दत्तानि कानने
3552	3060018a	एवमुक्त्वा महाबाहुर्लक्ष्मणं पुरुषर्षभम्
3553	3060018c	क्रुद्धोऽब्रवीद्गिरिं तत्र सिंहः क्षुद्रमृगं यथा
3554	3060019a	तां हेमवर्णां हेमाभां सीतां दर्शय पर्वत
3555	3060019c	यावत्सानूनि सर्वाणि न ते विध्वंसयाम्यहम्
3556	3060020a	मम बाणाग्निनिर्दग्धो भस्मीभूतो भविष्यसि
3557	3060020c	असेव्यः सततं चैव निस्तृणद्रुमपल्लवः
3558	3060021a	इमां वा सरितं चाद्य शोषयिष्यामि लक्ष्मण
3559	3060021c	यदि नाख्याति मे सीतामद्य चन्द्रनिभाननाम्
3560	3060022a	एवं स रुषितो रामो दिधक्षन्निव चक्षुषा
3561	3060022c	ददर्श भूमौ निष्क्रान्तं राक्षसस्य पदं महत्
3562	3060023a	स समीक्ष्य परिक्रान्तं सीताया राक्षसस्य च
3563	3060023c	संभ्रान्तहृदयो रामः शशंस भ्रातरं प्रियम्
3564	3060024a	पश्य लक्ष्मण वैदेह्याः शीर्णाः कनकबिन्दवः
3565	3060024c	भूषणानां हि सौमित्रे माल्यानि विविधानि च
3566	3060025a	तप्तबिन्दुनिकाशैश्च चित्रैः क्षतजबिन्दुभिः
3567	3060025c	आवृतं पश्य सौमित्रे सर्वतो धरणीतलम्
3568	3060026a	मन्ये लक्ष्मण वैदेही राक्षसैः कामरूपिभिः
3569	3060026c	भित्त्वा भित्त्वा विभक्ता वा भक्षिता वा भविष्यति
3570	3060027a	तस्य निमित्तं वैदेह्या द्वयोर्विवदमानयोः
3571	3060027c	बभूव युद्धं सौमित्रे घोरं राक्षसयोरिह
3572	3060028a	मुक्तामणिचितं चेदं तपनीयविभूषितम्
3573	3060028c	धरण्यां पतितं सौम्य कस्य भग्नं महद्धनुः
3574	3060029a	तरुणादित्यसंकाशं वैदूर्यगुलिकाचितम्
3575	3060029c	विशीर्णं पतितं भूमौ कवचं कस्य काञ्चनम्
3576	3060030a	छत्रं शतशलाकं च दिव्यमाल्योपशोभितम्
3577	3060030c	भग्नदण्डमिदं कस्य भूमौ सौम्य निपातितम्
3578	3060031a	काञ्चनोरश्छदाश्चेमे पिशाचवदनाः खराः
3579	3060031c	भीमरूपा महाकायाः कस्य वा निहता रणे
3580	3060032a	दीप्तपावकसंकाशो द्युतिमान्समरध्वजः
3581	3060032c	अपविद्धश्च भग्नश्च कस्य सांग्रामिको रथः
3582	3060033a	रथाक्षमात्रा विशिखास्तपनीयविभूषणाः
3583	3060033c	कस्येमेऽभिहता बाणाः प्रकीर्णा घोरकर्मणः
3584	3060034a	वैरं शतगुणं पश्य ममेदं जीवितान्तकम्
3585	3060034c	सुघोरहृदयैः सौम्य राक्षसैः कामरूपिभिः
3586	3060035a	हृता मृता वा सीता हि भक्षिता वा तपस्विनी
3587	3060035c	न धर्मस्त्रायते सीतां ह्रियमाणां महावने
3588	3060036a	भक्षितायां हि वैदेह्यां हृतायामपि लक्ष्मण
3589	3060036c	के हि लोके प्रियं कर्तुं शक्ताः सौम्य ममेश्वराः
3590	3060037a	कर्तारमपि लोकानां शूरं करुणवेदिनम्
3591	3060037c	अज्ञानादवमन्येरन्सर्वभूतानि लक्ष्मण
3592	3060038a	मृदुं लोकहिते युक्तं दान्तं करुणवेदिनम्
3593	3060038c	निर्वीर्य इति मन्यन्ते नूनं मां त्रिदशेश्वराः
3594	3060039a	मां प्राप्य हि गुणो दोषः संवृत्तः पश्य लक्ष्मण
3595	3060039c	अद्यैव सर्वभूतानां रक्षसामभवाय च
3596	3060039e	संहृत्यैव शशिज्योत्स्नां महान्सूर्य इवोदितः
3597	3060040a	नैव यक्षा न गन्धर्वा न पिशाचा न राक्षसाः
3598	3060040c	किंनरा वा मनुष्या वा सुखं प्राप्स्यन्ति लक्ष्मण
3599	3060041a	ममास्त्रबाणसंपूर्णमाकाशं पश्य लक्ष्मण
3600	3060041c	निःसंपातं करिष्यामि ह्यद्य त्रैलोक्यचारिणाम्
3601	3060042a	संनिरुद्धग्रहगणमावारितनिशाकरम्
3602	3060042c	विप्रनष्टानलमरुद्भास्करद्युतिसंवृतम्
3603	3060043a	विनिर्मथितशैलाग्रं शुष्यमाणजलाशयम्
3604	3060043c	ध्वस्तद्रुमलतागुल्मं विप्रणाशितसागरम्
3605	3060044a	न तां कुशलिनीं सीतां प्रदास्यन्ति ममेश्वराः
3606	3060044c	अस्मिन्मुहूर्ते सौमित्रे मम द्रक्ष्यन्ति विक्रमम्
3607	3060045a	नाकाशमुत्पतिष्यन्ति सर्वभूतानि लक्ष्मण
3608	3060045c	मम चापगुणान्मुक्तैर्बाणजालैर्निरन्तरम्
3609	3060046a	अर्दितं मम नाराचैर्ध्वस्तभ्रान्तमृगद्विजम्
3610	3060046c	समाकुलममर्यादं जगत्पश्याद्य लक्ष्मण
3611	3060047a	आकर्णपूर्णैरिषुभिर्जीवलोकं दुरावरैः
3612	3060047c	करिष्ये मैथिलीहेतोरपिशाचमराक्षसं
3613	3060048a	मम रोषप्रयुक्तानां सायकानां बलं सुराः
3614	3060048c	द्रक्ष्यन्त्यद्य विमुक्तानाममर्षाद्दूरगामिनाम्
3615	3060049a	नैव देवा न दैतेया न पिशाचा न राक्षसाः
3616	3060049c	भविष्यन्ति मम क्रोधात्त्रैलोक्ये विप्रणाशिते
3617	3060050a	देवदानवयक्षाणां लोका ये रक्षसामपि
3618	3060050c	बहुधा निपतिष्यन्ति बाणौघैः शकुलीकृताः
3619	3060050e	निर्मर्यादानिमाँल्लोकान्करिष्याम्यद्य सायकैः
3620	3060051a	यथा जरा यथा मृत्युर्यथाकालो यथाविधिः
3621	3060051c	नित्यं न प्रतिहन्यन्ते सर्वभूतेषु लक्ष्मण
3622	3060051e	तथाहं क्रोधसंयुक्तो न निवार्योऽस्म्यसंशयम्
3623	3060052a	पुरेव मे चारुदतीमनिन्दितां; दिशन्ति सीतां यदि नाद्य मैथिलीम्
3624	3060052c	सदेवगन्धर्वमनुष्य पन्नगं; जगत्सशैलं परिवर्तयाम्यहम्
3625	3061001a	तप्यमानं तथा रामं सीताहरणकर्शितम्
3626	3061001c	लोकानामभवे युक्तं साम्वर्तकमिवानलम्
3627	3061002a	वीक्षमाणं धनुः सज्यं निःश्वसन्तं मुहुर्मुहुः
3628	3061002c	हन्तुकामं पशुं रुद्रं क्रुद्धं दक्षक्रतौ यथा
3629	3061003a	अदृष्टपूर्वं संक्रुद्धं दृष्ट्वा रामं स लक्ष्मणः
3630	3061003c	अब्रवीत्प्राञ्जलिर्वाक्यं मुखेन परिशुष्यता
3631	3061004a	पुरा भूत्वा मृदुर्दान्तः सर्वभूतहिते रतः
3632	3061004c	न क्रोधवशमापन्नः प्रकृतिं हातुमर्हसि
3633	3061005a	चन्द्रे लक्ष्णीः प्रभा सूर्ये गतिर्वायौ भुवि क्षमा
3634	3061005c	एतच्च नियतं सर्वं त्वयि चानुत्तमं यशः
3635	3061006a	न तु जानामि कस्यायं भग्नः सांग्रामिको रथः
3636	3061006c	केन वा कस्य वा हेतोः सायुधः सपरिच्छदः
3637	3061007a	खुरनेमिक्षतश्चायं सिक्तो रुधिरबिन्दुभिः
3638	3061007c	देशो निवृत्तसंग्रामः सुघोरः पार्थिवात्मज
3639	3061008a	एकस्य तु विमर्दोऽयं न द्वयोर्वदतां वर
3640	3061008c	न हि वृत्तं हि पश्यामि बलस्य महतः पदम्
3641	3061009a	नैकस्य तु कृते लोकान्विनाशयितुमर्हसि
3642	3061009c	युक्तदण्डा हि मृदवः प्रशान्ता वसुधाधिपाः
3643	3061010a	सदा त्वं सर्वभूतानां शरण्यः परमा गतिः
3644	3061010c	को नु दारप्रणाशं ते साधु मन्येत राघव
3645	3061011a	सरितः सागराः शैला देवगन्धर्वदानवाः
3646	3061011c	नालं ते विप्रियं कर्तुं दीक्षितस्येव साधवः
3647	3061012a	येन राजन्हृता सीता तमन्वेषितुमर्हसि
3648	3061012c	मद्द्वितीयो धनुष्पाणिः सहायैः परमर्षिभिः
3649	3061013a	समुद्रं च विचेष्यामः पर्वतांश्च वनानि च
3650	3061013c	गुहाश्च विविधा घोरा नलिनीः पार्वतीश्च ह
3651	3061014a	देवगन्धर्वलोकांश्च विचेष्यामः समाहिताः
3652	3061014c	यावन्नाधिगमिष्यामस्तव भार्यापहारिणम्
3653	3061015a	न चेत्साम्ना प्रदास्यन्ति पत्नीं ते त्रिदशेश्वराः
3654	3061015c	कोसलेन्द्र ततः पश्चात्प्राप्तकालं करिष्यसि
3655	3061016a	शीलेन साम्ना विनयेन सीतां; नयेन न प्राप्स्यसि चेन्नरेन्द्र
3656	3061016c	ततः समुत्सादय हेमपुङ्खै;र्महेन्द्रवज्रप्रतिमैः शरौघैः
3657	3062001a	तं तथा शोकसंतप्तं विलपन्तमनाथवत्
3658	3062001c	मोहेन महताविष्टं परिद्यूनमचेतनम्
3659	3062002a	ततः सौमित्रिराश्वास्य मुहूर्तादिव लक्ष्मणः
3660	3062002c	रामं संबोधयामास चरणौ चाभिपीडयन्
3661	3062003a	महता तपसा राम महता चापि कर्मणा
3662	3062003c	राज्ञा दशरथेनासील्लब्धोऽमृतमिवामरैः
3663	3062004a	तव चैव गुणैर्बद्धस्त्वद्वियोगान्महीपतिः
3664	3062004c	राजा देवत्वमापन्नो भरतस्य यथा श्रुतम्
3665	3062005a	यदि दुःखमिदं प्राप्तं काकुत्स्थ न सहिष्यसे
3666	3062005c	प्राकृतश्चाल्पसत्त्वश्च इतरः कः सहिष्यति
3667	3062006a	दुःखितो हि भवाँल्लोकांस्तेजसा यदि धक्ष्यते
3668	3062006c	आर्ताः प्रजा नरव्याघ्र क्व नु यास्यन्ति निर्वृतिम्
3669	3062007a	लोकस्वभाव एवैष ययातिर्नहुषात्मजः
3670	3062007c	गतः शक्रेण सालोक्यमनयस्तं समस्पृशत्
3671	3062008a	महर्षयो वसिष्ठस्तु यः पितुर्नः पुरोहितः
3672	3062008c	अह्ना पुत्रशतं जज्ञे तथैवास्य पुनर्हतम्
3673	3062009a	या चेयं जगतो माता देवी लोकनमस्कृता
3674	3062009c	अस्याश्च चलनं भूमेर्दृश्यते सत्यसंश्रव
3675	3062010a	यौ चेमौ जगतां नेत्रे यत्र सर्वं प्रतिष्ठितम्
3676	3062010c	आदित्यचन्द्रौ ग्रहणमभ्युपेतौ महाबलौ
3677	3062011a	सुमहान्त्यपि भूतानि देवाश्च पुरुषर्षभ
3678	3062011c	न दैवस्य प्रमुञ्चन्ति सर्वभूतानि देहिनः
3679	3062012a	शक्रादिष्वपि देवेषु वर्तमानौ नयानयौ
3680	3062012c	श्रूयेते नरशार्दूल न त्वं व्यथितुमर्हसि
3681	3062013a	नष्टायामपि वैदेह्यां हृतायामपि चानघ
3682	3062013c	शोचितुं नार्हसे वीर यथान्यः प्राकृतस्तथा
3683	3062014a	त्वद्विधा हि न शोचन्ति सततं सत्यदर्शिनः
3684	3062014c	सुमहत्स्वपि कृच्छ्रेषु रामानिर्विण्णदर्शणाः
3685	3062015a	तत्त्वतो हि नरश्रेष्ठ बुद्ध्या समनुचिन्तय
3686	3062015c	बुद्ध्या युक्ता महाप्राज्ञा विजानन्ति शुभाशुभे
3687	3062016a	अदृष्टगुणदोषाणामधृतानां च कर्मणाम्
3688	3062016c	नान्तरेण क्रियां तेषां फलमिष्टं प्रवर्तते
3689	3062017a	मामेव हि पुरा वीर त्वमेव बहुषोऽन्वशाः
3690	3062017c	अनुशिष्याद्धि को नु त्वामपि साक्षाद्बृहस्पतिः
3691	3062018a	बुद्धिश्च ते महाप्राज्ञ देवैरपि दुरन्वया
3692	3062018c	शोकेनाभिप्रसुप्तं ते ज्ञानं संबोधयाम्यहम्
3693	3062019a	दिव्यं च मानुषं चैवमात्मनश्च पराक्रमम्
3694	3062019c	इक्ष्वाकुवृषभावेक्ष्य यतस्व द्विषतां बधे
3695	3062020a	किं ते सर्वविनाशेन कृतेन पुरुषर्षभ
3696	3062020c	तमेव तु रिपुं पापं विज्ञायोद्धर्तुमर्हसि
3697	3063001a	पूर्वजोऽप्युक्तमात्रस्तु लक्ष्मणेन सुभाषितम्
3698	3063001c	सारग्राही महासारं प्रतिजग्राह राघवः
3699	3063002a	संनिगृह्य महाबाहुः प्रवृद्धं कोपमात्मनः
3700	3063002c	अवष्टभ्य धनुश्चित्रं रामो लक्ष्मणमब्रवीत्
3701	3063003a	किं करिष्यावहे वत्स क्व वा गच्छाव लक्ष्मण
3702	3063003c	केनोपायेन पश्येयं सीतामिति विचिन्तय
3703	3063004a	तं तथा परितापार्तं लक्ष्मणो राममब्रवीत्
3704	3063004c	इदमेव जनस्थानं त्वमन्वेषितुमर्हसि
3705	3063005a	राक्षसैर्बहुभिः कीर्णं नानाद्रुमलतायुतम्
3706	3063005c	सन्तीह गिरिदुर्गाणि निर्दराः कन्दराणि च
3707	3063006a	गुहाश्च विविधा घोरा नानामृगगणाकुलाः
3708	3063006c	आवासाः किंनराणां च गन्धर्वभवनानि च
3709	3063007a	तानि युक्तो मया सार्धं त्वमन्वेषितुमर्हसि
3710	3063007c	त्वद्विधो बुद्धिसंपन्ना माहात्मानो नरर्षभ
3711	3063008a	आपत्सु न प्रकम्पन्ते वायुवेगैरिवाचलाः
3712	3063008c	इत्युक्तस्तद्वनं सर्वं विचचार सलक्ष्मणः
3713	3063009a	क्रुद्धो रामः शरं घोरं संधाय धनुषि क्षुरम्
3714	3063009c	ततः पर्वतकूटाभं महाभागं द्विजोत्तमम्
3715	3063010a	ददर्श पतितं भूमौ क्षतजार्द्रं जटायुषम्
3716	3063010c	तं दृष्ट्वा गिरिशृङ्गाभं रामो लक्ष्मणमब्रवीत्
3717	3063010e	अनेन सीता वैदेही भक्षिता नात्र संशयः
3718	3063011a	गृध्ररूपमिदं व्यक्तं रक्षो भ्रमति काननम्
3719	3063011c	भक्षयित्वा विशालाक्षीमास्ते सीतां यथासुखम्
3720	3063011e	एनं वधिष्ये दीप्ताग्रैर्घोरैर्बाणैरजिह्मगैः
3721	3063012a	इत्युक्त्वाभ्यपतद्गृध्रं संधाय धनुषि क्षुरम्
3722	3063012c	क्रुद्धो रामः समुद्रान्तां चालयन्निव मेदिनीम्
3723	3063013a	तं दीनदीनया वाचा सफेनं रुधिरं वमन्
3724	3063013c	अभ्यभाषत पक्षी तु रामं दशरथात्मजम्
3725	3063014a	यामोषधिमिवायुष्मन्नन्वेषसि महावने
3726	3063014c	सा देवी मम च प्राणा रावणेनोभयं हृतम्
3727	3063015a	त्वया विरहिता देवी लक्ष्मणेन च राघव
3728	3063015c	ह्रियमाणा मया दृष्टा रावणेन बलीयसा
3729	3063016a	सीतामभ्यवपन्नोऽहं रावणश्च रणे मया
3730	3063016c	विध्वंसितरथच्छत्रः पातितो धरणीतले
3731	3063017a	एतदस्य धनुर्भग्नमेतदस्य शरावरम्
3732	3063017c	अयमस्य रणे राम भग्नः सांग्रामिको रथः
3733	3063018a	परिश्रान्तस्य मे पक्षौ छित्त्वा खड्गेन रावणः
3734	3063018c	सीतामादाय वैदेहीमुत्पपात विहायसं
3735	3063018e	रक्षसा निहतं पूर्व्म न मां हन्तुं त्वमर्हसि
3736	3063019a	रामस्तस्य तु विज्ञाय सीतासक्तां प्रियां कथाम्
3737	3063019c	गृध्रराजं परिष्वज्य रुरोद सहलक्ष्मणः
3738	3063020a	एकमेकायने दुर्गे निःश्वसन्तं कथंचन
3739	3063020c	समीक्ष्य दुःखितो रामः सौमित्रिमिदमब्रवीत्
3740	3063021a	राज्याद्भ्रंशो वने वासः सीता नष्टा हतो द्विजः
3741	3063021c	ईदृशीयं ममालक्ष्मीर्निर्दहेदपि पावकम्
3742	3063022a	संपूर्णमपि चेदद्य प्रतरेयं महोदधिम्
3743	3063022c	सोऽपि नूनं ममालक्ष्म्या विशुष्येत्सरितां पतिः
3744	3063023a	नास्त्यभाग्यतरो लोके मत्तोऽस्मिन्सचराचरे
3745	3063023c	येनेयं महती प्राप्ता मया व्यसनवागुरा
3746	3063024a	अयं पितृवयस्यो मे गृध्रराजो जरान्वितः
3747	3063024c	शेते विनिहतो भूमौ मम भाग्यविपर्ययात्
3748	3063025a	इत्येवमुक्त्वा बहुशो राघवः सहलक्ष्मणः
3749	3063025c	जटायुषं च पस्पर्श पितृस्नेहं निदर्शयन्
3750	3063026a	निकृत्तपक्षं रुधिरावसिक्तं; तं गृध्रराजं परिरभ्य रामः
3751	3063026c	क्व मैथिलि प्राणसमा ममेति; विमुच्य वाचं निपपात भूमौ
3752	3064001a	रामः प्रेक्ष्य तु तं गृध्रं भुवि रौद्रेण पातितम्
3753	3064001c	सौमित्रिं मित्रसंपन्नमिदं वचनमब्रवीत्
3754	3064002a	ममायं नूनमर्थेषु यतमानो विहंगमः
3755	3064002c	राक्षसेन हतः संख्ये प्राणांस्त्यजति दुस्त्यजान्
3756	3064003a	अयमस्य शरीरेऽस्मिन्प्राणो लक्ष्मण विद्यते
3757	3064003c	तथा स्वरविहीनोऽयं विक्लवं समुदीक्षते
3758	3064004a	जटायो यदि शक्नोषि वाक्यं व्याहरितुं पुनः
3759	3064004c	सीतामाख्याहि भद्रं ते वधमाख्याहि चात्मनः
3760	3064005a	किंनिमित्तोऽहरत्सीतां रावणस्तस्य किं मया
3761	3064005c	अपराद्धं तु यं दृष्ट्वा रावणेन हृता प्रिया
3762	3064006a	कथं तच्चन्द्रसंकाशं मुखमासीन्मनोहरम्
3763	3064006c	सीतया कानि चोक्तानि तस्मिन्काले द्विजोत्तम
3764	3064007a	कथंवीर्यः कथंरूपः किंकर्मा स च राक्षसः
3765	3064007c	क्व चास्य भवनं तात ब्रूहि मे परिपृच्छतः
3766	3064008a	तमुद्वीक्ष्याथ दीनात्मा विलपन्तमनन्तरम्
3767	3064008c	वाचातिसन्नया रामं जटायुरिदमब्रवीत्
3768	3064009a	सा हृता राक्षसेन्द्रेण रावणेन विहायसा
3769	3064009c	मायामास्थाय विपुलां वातदुर्दिनसंकुलाम्
3770	3064010a	परिश्रान्तस्य मे तात पक्षौ छित्त्वा निशाचरः
3771	3064010c	सीतामादाय वैदेहीं प्रयातो दक्षिणा मुखः
3772	3064011a	उपरुध्यन्ति मे प्राणा दृष्टिर्भ्रमति राघव
3773	3064011c	पश्यामि वृक्षान्सौवर्णानुशीरकृतमूर्धजान्
3774	3064012a	येन याति मुहूर्तेन सीतामादाय रावणः
3775	3064012c	विप्रनष्टं धनं क्षिप्रं तत्स्वामिप्रतिपद्यते
3776	3064013a	विन्दो नाम मुहूर्तोऽसौ स च काकुत्स्थ नाबुधत्
3777	3064013c	झषवद्बडिशं गृह्य क्षिप्रमेव विनश्यति
3778	3064014a	न च त्वया व्यथा कार्या जनकस्य सुतां प्रति
3779	3064014c	वैदेह्या रंस्यसे क्षिप्रं हत्वा तं राक्षसं रणे
3780	3064015a	असंमूढस्य गृध्रस्य रामं प्रत्यनुभाषतः
3781	3064015c	आस्यात्सुस्राव रुधिरं म्रियमाणस्य सामिषम्
3782	3064016a	पुत्रो विश्रवसः साक्षाद्भ्राता वैश्रवणस्य च
3783	3064016c	इत्युक्त्वा दुर्लभान्प्राणान्मुमोच पतगेश्वरः
3784	3064017a	ब्रूहि ब्रूहीति रामस्य ब्रुवाणस्य कृताञ्जलेः
3785	3064017c	त्यक्त्वा शरीरं गृध्रस्य जग्मुः प्राणा विहायसं
3786	3064018a	स निक्षिप्य शिरो भूमौ प्रसार्य चरणौ तदा
3787	3064018c	विक्षिप्य च शरीरं स्वं पपात धरणीतले
3788	3064019a	तं गृध्रं प्रेक्ष्य ताम्राक्षं गतासुमचलोपमम्
3789	3064019c	रामः सुबहुभिर्दुःखैर्दीनः सौमित्रिमब्रवीत्
3790	3064020a	बहूनि रक्षसां वासे वर्षाणि वसता सुखम्
3791	3064020c	अनेन दण्डकारण्ये विचीर्णमिह पक्षिणा
3792	3064021a	अनेकवार्षिको यस्तु चिरकालं समुत्थितः
3793	3064021c	सोऽयमद्य हतः शेते कालो हि दुरतिक्रमः
3794	3064022a	पश्य लक्ष्मण गृध्रोऽयमुपकारी हतश्च मे
3795	3064022c	सीतामभ्यवपन्नो वै रावणेन बलीयसा
3796	3064023a	गृध्रराज्यं परित्यज्य पितृपैतामहं महत्
3797	3064023c	मम हेतोरयं प्राणान्मुमोच पतगेश्वरः
3798	3064024a	सर्वत्र खलु दृश्यन्ते साधवो धर्मचारिणः
3799	3064024c	शूराः शरण्याः सौमित्रे तिर्यग्योनिगतेष्वपि
3800	3064025a	सीताहरणजं दुःखं न मे सौम्य तथागतम्
3801	3064025c	यथा विनाशो गृध्रस्य मत्कृते च परंतप
3802	3064026a	राजा दशरथः श्रीमान्यथा मम मया यशाः
3803	3064026c	पूजनीयश्च मान्यश्च तथायं पतगेश्वरः
3804	3064027a	सौमित्रे हर काष्ठानि निर्मथिष्यामि पावकम्
3805	3064027c	गृध्रराजं दिधक्षामि मत्कृते निधनं गतम्
3806	3064028a	नाथं पतगलोकस्य चितामारोपयाम्यहम्
3807	3064028c	इमं धक्ष्यामि सौमित्रे हतं रौद्रेण रक्षसा
3808	3064029a	या गतिर्यज्ञशीलानामाहिताग्नेश्च या गतिः
3809	3064029c	अपरावर्तिनां या च या च भूमिप्रदायिनाम्
3810	3064030a	मया त्वं समनुज्ञातो गच्छ लोकाननुत्तमान्
3811	3064030c	गृध्रराज महासत्त्व संस्कृतश्च मया व्रज
3812	3064031a	एवमुक्त्वा चितां दीप्तामारोप्य पतगेश्वरम्
3813	3064031c	ददाह रामो धर्मात्मा स्वबन्धुमिव दुःखितः
3814	3064032a	रामोऽथ सहसौमित्रिर्वनं यात्वा स वीर्यवान्
3815	3064032c	स्थूलान्हत्वा महारोहीननु तस्तार तं द्विजम्
3816	3064033a	रोहिमांसानि चोद्धृत्य पेशीकृत्वा महायशाः
3817	3064033c	शकुनाय ददौ रामो रम्ये हरितशाद्वले
3818	3064034a	यत्तत्प्रेतस्य मर्त्यस्य कथयन्ति द्विजातयः
3819	3064034c	तत्स्वर्गगमनं तस्य क्षिप्रं रामो जजाप ह
3820	3064035a	ततो गोदावरीं गत्वा नदीं नरवरात्मजौ
3821	3064035c	उदकं चक्रतुस्तस्मै गृध्रराजाय तावुभौ
3822	3064036a	स गृध्रराजः कृतवान्यशस्करं; सुदुष्करं कर्म रणे निपातितः
3823	3064036c	महर्षिकल्पेन च संस्कृतस्तदा; जगाम पुण्यां गतिमात्मनः शुभाम्
3824	3065001a	कृत्वैवमुदकं तस्मै प्रस्थितौ राघवौ तदा
3825	3065001c	अवेक्षन्तौ वने सीतां पश्चिमां जग्मतुर्दिशम्
3826	3065002a	तां दिशं दक्षिणां गत्वा शरचापासिधारिणौ
3827	3065002c	अविप्रहतमैक्ष्वाकौ पन्थानं प्रतिपेदतुः
3828	3065003a	गुल्मैर्वृक्षैश्च बहुभिर्लताभिश्च प्रवेष्टितम्
3829	3065003c	आवृतं सर्वतो दुर्गं गहनं घोरदर्शनम्
3830	3065004a	व्यतिक्रम्य तु वेगेन गृहीत्वा दक्षिणां दिशम्
3831	3065004c	सुभीमं तन्महारण्यं व्यतियातौ महाबलौ
3832	3065005a	ततः परं जनस्थानात्त्रिक्रोशं गम्य राघवौ
3833	3065005c	क्रौञ्चारण्यं विविशतुर्गहनं तौ महौजसौ
3834	3065006a	नानामेघघनप्रख्यं प्रहृष्टमिव सर्वतः
3835	3065006c	नानावर्णैः शुभैः पुष्पैर्मृगपक्षिगणैर्युतम्
3836	3065007a	दिदृक्षमाणौ वैदेहीं तद्वनं तौ विचिक्यतुः
3837	3065007c	तत्र तत्रावतिष्ठन्तौ सीताहरणकर्शितौ
3838	3065008a	लक्ष्मणस्तु महातेजाः सत्त्ववाञ्शीलवाञ्शुचिः
3839	3065008c	अब्रवीत्प्राञ्जलिर्वाक्यं भ्रातरं दीप्ततेजसं
3840	3065009a	स्पन्दते मे दृढं बाहुरुद्विग्नमिव मे मनः
3841	3065009c	प्रायशश्चाप्यनिष्टानि निमित्तान्युपलक्षये
3842	3065010a	तस्मात्सज्जीभवार्य त्वं कुरुष्व वचनं हितम्
3843	3065010c	ममैव हि निमित्तानि सद्यः शंसन्ति संभ्रमम्
3844	3065011a	एष वञ्चुलको नाम पक्षी परमदारुणः
3845	3065011c	आवयोर्विजयं युद्धे शंसन्निव विनर्दति
3846	3065012a	तयोरन्वेषतोरेवं सर्वं तद्वनमोजसा
3847	3065012c	संजज्ञे विपुलः शब्दः प्रभञ्जन्निव तद्वनम्
3848	3065013a	संवेष्टितमिवात्यर्थं गहनं मातरिश्वना
3849	3065013c	वनस्य तस्य शब्दोऽभूद्दिवमापूरयन्निव
3850	3065014a	तं शब्दं काङ्क्षमाणस्तु रामः कक्षे सहानुजः
3851	3065014c	ददर्श सुमहाकायं राक्षसं विपुलोरसं
3852	3065015a	आसेदतुस्ततस्तत्र तावुभौ प्रमुखे स्थितम्
3853	3065015c	विवृद्धमशिरोग्रीवं कबन्धमुदरे मुखम्
3854	3065016a	रोमभिर्निचितैस्तीक्ष्णैर्महागिरिमिवोच्छ्रितम्
3855	3065016c	नीलमेघनिभं रौद्रं मेघस्तनितनिःस्वनम्
3856	3065017a	महापक्ष्मेण पिङ्गेन विपुलेनायतेन च
3857	3065017c	एकेनोरसि घोरेण नयनेनाशुदर्शिना
3858	3065018a	महादंष्ट्रोपपन्नं तं लेलिहानं महामुखम्
3859	3065018c	भक्षयन्तं महाघोरानृक्षसिंहमृगद्विपान्
3860	3065019a	घोरौ भुजौ विकुर्वाणमुभौ योजनमायतौ
3861	3065019c	कराभ्यां विविधान्गृह्य ऋष्कान्पक्षिगणान्मृगान्
3862	3065020a	आकर्षन्तं विकर्षन्तमनेकान्मृगयूथपान्
3863	3065020c	स्थितमावृत्य पन्थानं तयोर्भ्रात्रोः प्रपन्नयोः
3864	3065021a	अथ तौ समतिक्रम्य क्रोशमात्रे ददर्शतुः
3865	3065021c	महान्तं दारुणं भीमं कबन्धं भुजसंवृतम्
3866	3065022a	स महाबाहुरत्यर्थं प्रसार्य विपुलौ भुजौ
3867	3065022c	जग्राह सहितावेव राघवौ पीडयन्बलात्
3868	3065023a	खड्गिनौ दृढधन्वानौ तिग्मतेजौ महाभुजौ
3869	3065023c	भ्रातरौ विवशं प्राप्तौ कृष्यमाणौ महाबलौ
3870	3065024a	तावुवाच महाबाहुः कबन्धो दानवोत्तमः
3871	3065024c	कौ युवां वृषभस्कन्धौ महाखड्गधनुर्धरौ
3872	3065025a	घोरं देशमिमं प्राप्तौ मम भक्षावुपस्थितौ
3873	3065025c	वदतं कार्यमिह वां किमर्थं चागतौ युवाम्
3874	3065026a	इमं देशमनुप्राप्तौ क्षुधार्तस्येह तिष्ठतः
3875	3065026c	सबाणचापखड्गौ च तीक्ष्णशृङ्गाविवर्षभौ
3876	3065026e	ममास्यमनुसंप्राप्तौ दुर्लभं जीवितं पुनः
3877	3065027a	तस्य तद्वचनं श्रुत्वा कबन्धस्य दुरात्मनः
3878	3065027c	उवाच लक्ष्मणं रामो मुखेन परिशुष्यता
3879	3065028a	कृच्छ्रात्कृच्छ्रतरं प्राप्य दारुणं सत्यविक्रम
3880	3065028c	व्यसनं जीवितान्ताय प्राप्तमप्राप्य तां प्रियाम्
3881	3065029a	कालस्य सुमहद्वीर्यं सर्वभूतेषु लक्ष्मण
3882	3065029c	त्वां च मां च नरव्याघ्र व्यसनैः पश्य मोहितौ
3883	3065029e	नातिभारोऽस्ति दैवस्य सर्वभुतेषु लक्ष्मण
3884	3065030a	शूराश्च बलवन्तश्च कृतास्त्राश्च रणाजिरे
3885	3065030c	कालाभिपन्नाः सीदन्ति यथा वालुकसेतवः
3886	3065031a	इति ब्रुवाणो दृढसत्यविक्रमो; महायशा दाशरथिः प्रतापवान्
3887	3065031c	अवेक्ष्य सौमित्रिमुदग्रविक्रमं; स्थिरां तदा स्वां मतिमात्मनाकरोत्
3888	3066001a	तौ तु तत्र स्थितौ दृष्ट्वा भ्रातरौ रामलक्ष्मणौ
3889	3066001c	बाहुपाशपरिक्षिप्तौ कबन्धो वाक्यमब्रवीत्
3890	3066002a	तिष्ठतः किं नु मां दृष्ट्वा क्षुधार्तं क्षत्रियर्षभौ
3891	3066002c	आहारार्थं तु संदिष्टौ दैवेन गतचेतसौ
3892	3066003a	तच्छ्रुत्वा लक्ष्मणो वाक्यं प्राप्तकालं हितं तदा
3893	3066003c	उवाचार्तिसमापन्नो विक्रमे कृतनिश्चयः
3894	3066004a	त्वां च मां च पुरा तूर्णमादत्ते राक्षसाधमः
3895	3066004c	तस्मादसिभ्यामस्याशु बाहू छिन्दावहे गुरू
3896	3066005a	ततस्तौ देशकालज्ञौ खड्गाभ्यामेव राघवौ
3897	3066005c	अच्छिन्दतां सुसंहृष्टौ बाहू तस्यांसदेशयोः
3898	3066006a	दक्षिणो दक्षिणं बाहुमसक्तमसिना ततः
3899	3066006c	चिच्छेद रामो वेगेन सव्यं वीरस्तु लक्ष्मणः
3900	3066007a	स पपात महाबाहुश्छिन्नबाहुर्महास्वनः
3901	3066007c	खं च गां च दिशश्चैव नादयञ्जलदो यथा
3902	3066008a	स निकृत्तौ भुजौ दृष्ट्वा शोणितौघपरिप्लुतः
3903	3066008c	दीनः पप्रच्छ तौ वीरौ कौ युवामिति दानवः
3904	3066009a	इति तस्य ब्रुवाणस्य लक्ष्मणः शुभलक्षणः
3905	3066009c	शशंस तस्य काकुत्स्थं कबन्धस्य महाबलः
3906	3066010a	अयमिक्ष्वाकुदायादो रामो नाम जनैः श्रुतः
3907	3066010c	अस्यैवावरजं विद्धि भ्रातरं मां च लक्ष्मणम्
3908	3066011a	अस्य देवप्रभावस्य वसतो विजने वने
3909	3066011c	रक्षसापहृता भार्या यामिच्छन्ताविहागतौ
3910	3066012a	त्वं तु को वा किमर्थं वा कबन्ध सदृशो वने
3911	3066012c	आस्येनोरसि दीप्तेन भग्नजङ्घो विचेष्टसे
3912	3066013a	एवमुक्तः कबन्धस्तु लक्ष्मणेनोत्तरं वचः
3913	3066013c	उवाच परमप्रीतस्तदिन्द्रवचनं स्मरन्
3914	3066014a	स्वागतं वां नरव्याघ्रौ दिष्ट्या पश्यामि चाप्यहम्
3915	3066014c	दिष्ट्या चेमौ निकृत्तौ मे युवाभ्यां बाहुबन्धनौ
3916	3066015a	विरूपं यच्च मे रूपं प्राप्तं ह्यविनयाद्यथा
3917	3066015c	तन्मे शृणु नरव्याघ्र तत्त्वतः शंसतस्तव
3918	3067001a	पुरा राम महाबाहो महाबलपराक्रम
3919	3067001c	रूपमासीन्ममाचिन्त्यं त्रिषु लोकेषु विश्रुतम्
3920	3067001e	यथा सोमस्य शक्रस्य सूर्यस्य च यथा वपुः
3921	3067002a	सोऽहं रूपमिदं कृत्वा लोकवित्रासनं महत्
3922	3067002c	ऋषीन्वनगतान्राम त्रासयामि ततस्ततः
3923	3067003a	ततः स्थूलशिरा नाम महर्षिः कोपितो मया
3924	3067003c	संचिन्वन्विविधं वन्यं रूपेणानेन धर्षितः
3925	3067004a	तेनाहमुक्तः प्रेक्ष्यैवं घोरशापाभिधायिना
3926	3067004c	एतदेव नृशंसं ते रूपमस्तु विगर्हितम्
3927	3067005a	स मया याचितः क्रुद्धः शापस्यान्तो भवेदिति
3928	3067005c	अभिशापकृतस्येति तेनेदं भाषितं वचः
3929	3067006a	यदा छित्त्वा भुजौ रामस्त्वां दहेद्विजने वने
3930	3067006c	तदा त्वं प्राप्स्यसे रूपं स्वमेव विपुलं शुभम्
3931	3067007a	श्रिया विराजितं पुत्रं दनोस्त्वं विद्धि लक्ष्मण
3932	3067007c	इन्द्रकोपादिदं रूपं प्राप्तमेवं रणाजिरे
3933	3067008a	अहं हि तपसोग्रेण पितामहमतोषयम्
3934	3067008c	दीर्घमायुः स मे प्रादात्ततो मां विभ्रमोऽस्पृशत्
3935	3067009a	दीर्घमायुर्मया प्राप्तं किं मे शक्रः करिष्यति
3936	3067009c	इत्येवं बुद्धिमास्थाय रणे शक्रमधर्षयम्
3937	3067010a	तस्य बाहुप्रमुक्तेन वज्रेण शतपर्वणा
3938	3067010c	सक्थिनी च शिरश्चैव शरीरे संप्रवेशितम्
3939	3067011a	स मया याच्यमानः सन्नानयद्यमसादनम्
3940	3067011c	पितामहवचः सत्यं तदस्त्विति ममाब्रवीत्
3941	3067012a	अनाहारः कथं शक्तो भग्नसक्थिशिरोमुखः
3942	3067012c	वज्रेणाभिहतः कालं सुदीर्घमपि जीवितुम्
3943	3067013a	एवमुक्तस्तु मे शक्रो बाहू योजनमायतौ
3944	3067013c	प्रादादास्यं च मे कुक्षौ तीक्ष्णदंष्ट्रमकल्पयत्
3945	3067014a	सोऽहं भुजाभ्यां दीर्घाभ्यां समाकृष्य वनेचरान्
3946	3067014c	सिंहद्विपमृगव्याघ्रान्भक्षयामि समन्ततः
3947	3067015a	स तु मामब्रवीदिन्द्रो यदा रामः सलक्ष्मणः
3948	3067015c	छेत्स्यते समरे बाहू तदा स्वर्गं गमिष्यसि
3949	3067016a	स त्वं रामोऽसि भद्रं ते नाहमन्येन राघव
3950	3067016c	शक्यो हन्तुं यथातत्त्वमेवमुक्तं महर्षिणा
3951	3067017a	अहं हि मतिसाचिव्यं करिष्यामि नरर्षभ
3952	3067017c	मित्रं चैवोपदेक्ष्यामि युवाभ्यां संस्कृतोऽग्निना
3953	3067018a	एवमुक्तस्तु धर्मात्मा दनुना तेन राघवः
3954	3067018c	इदं जगाद वचनं लक्ष्मणस्योपशृण्वतः
3955	3067019a	रावणेन हृता सीता मम भार्या यशस्विनी
3956	3067019c	निष्क्रान्तस्य जनस्थानात्सह भ्रात्रा यथासुखम्
3957	3067020a	नाममात्रं तु जानामि न रूपं तस्य रक्षसः
3958	3067020c	निवासं वा प्रभावं वा वयं तस्य न विद्महे
3959	3067021a	शोकार्तानामनाथानामेवं विपरिधावताम्
3960	3067021c	कारुण्यं सदृशं कर्तुमुपकारे च वर्तताम्
3961	3067022a	काष्ठान्यानीय शुष्काणि काले भग्नानि कुञ्जरैः
3962	3067022c	भक्ष्यामस्त्वां वयं वीर श्वभ्रे महति कल्पिते
3963	3067023a	स त्वं सीतां समाचक्ष्व येन वा यत्र वा हृता
3964	3067023c	कुरु कल्याणमत्यर्थं यदि जानासि तत्त्वतः
3965	3067024a	एवमुक्तस्तु रामेण वाक्यं दनुरनुत्तमम्
3966	3067024c	प्रोवाच कुशलो वक्तुं वक्तारमपि राघवम्
3967	3067025a	दिव्यमस्ति न मे ज्ञानं नाभिजानामि मैथिलीम्
3968	3067025c	यस्तां ज्ञास्यति तं वक्ष्ये दग्धः स्वं रूपमास्थितः
3969	3067026a	अदग्धस्य हि विज्ञातुं शक्तिरस्ति न मे प्रभो
3970	3067026c	राक्षसं तं महावीर्यं सीता येन हृता तव
3971	3067027a	विज्ञानं हि महद्भ्रष्टं शापदोषेण राघव
3972	3067027c	स्वकृतेन मया प्राप्तं रूपं लोकविगर्हितम्
3973	3067028a	किं तु यावन्न यात्यस्तं सविता श्रान्तवाहनः
3974	3067028c	तावन्मामवटे क्षिप्त्वा दह राम यथाविधि
3975	3067029a	दग्धस्त्वयाहमवटे न्यायेन रघुनन्दन
3976	3067029c	वक्ष्यामि तमहं वीर यस्तं ज्ञास्यति राक्षसं
3977	3067030a	तेन सख्यं च कर्तव्यं न्याय्यवृत्तेन राघव
3978	3067030c	कल्पयिष्यति ते प्रीतः साहाय्यं लघुविक्रमः
3979	3067031a	न हि तस्यास्त्यविज्ञातं त्रिषु लोकेषु राघव
3980	3067031c	सर्वान्परिसृतो लोकान्पुरा वै कारणान्तरे
3981	3068001a	एवमुक्तौ तु तौ वीरौ कबन्धेन नरेश्वरौ
3982	3068001c	गिरिप्रदरमासाद्य पावकं विससर्जतुः
3983	3068002a	लक्ष्मणस्तु महोल्काभिर्ज्वलिताभिः समन्ततः
3984	3068002c	चितामादीपयामास सा प्रजज्वाल सर्वतः
3985	3068003a	तच्छरीरं कबन्धस्य घृतपिण्डोपमं महत्
3986	3068003c	मेदसा पच्यमानस्य मन्दं दहति पावक
3987	3068004a	स विधूय चितामाशु विधूमोऽग्निरिवोत्थितः
3988	3068004c	अरजे वाससी विभ्रन्मालां दिव्यां महाबलः
3989	3068005a	ततश्चिताया वेगेन भास्वरो विरजाम्बरः
3990	3068005c	उत्पपाताशु संहृष्टः सर्वप्रत्यङ्गभूषणः
3991	3068006a	विमाने भास्वरे तिष्ठन्हंसयुक्ते यशस्करे
3992	3068006c	प्रभया च महातेजा दिशो दश विराजयन्
3993	3068007a	सोऽन्तरिक्षगतो रामं कबन्धो वाक्यमब्रवीत्
3994	3068007c	शृणु राघव तत्त्वेन यथा सीमामवाप्स्यसि
3995	3068008a	राम षड्युक्तयो लोके याभिः सर्वं विमृश्यते
3996	3068008c	परिमृष्टो दशान्तेन दशाभागेन सेव्यते
3997	3068009a	दशाभागगतो हीनस्त्वं राम सहलक्ष्मणः
3998	3068009c	यत्कृते व्यसनं प्राप्तं त्वया दारप्रधर्षणम्
3999	3068010a	तदवश्यं त्वया कार्यः स सुहृत्सुहृदां वर
4000	3068010c	अकृत्वा न हि ते सिद्धिमहं पश्यामि चिन्तयन्
4001	3068011a	श्रूयतां राम वक्ष्यामि सुग्रीवो नाम वानरः
4002	3068011c	भ्रात्रा निरस्तः क्रुद्धेन वालिना शक्रसूनुना
4003	3068012a	ऋष्यमूके गिरिवरे पम्पापर्यन्तशोभिते
4004	3068012c	निवसत्यात्मवान्वीरश्चतुर्भिः सह वानरैः
4005	3068013a	वयस्यं तं कुरु क्षिप्रमितो गत्वाद्य राघव
4006	3068013c	अद्रोहाय समागम्य दीप्यमाने विभावसौ
4007	3068014a	न च ते सोऽवमन्तव्यः सुग्रीवो वानराधिपः
4008	3068014c	कृतज्ञः कामरूपी च सहायार्थी च वीर्यवान्
4009	3068015a	शक्तौ ह्यद्य युवां कर्तुं कार्यं तस्य चिकीर्षितम्
4010	3068015c	कृतार्थो वाकृतार्थो वा कृत्यं तव करिष्यति
4011	3068016a	स ऋक्षरजसः पुत्रः पम्पामटति शङ्कितः
4012	3068016c	भास्करस्यौरसः पुत्रो वालिना कृतकिल्बिषः
4013	3068017a	संनिधायायुधं क्षिप्रमृष्यमूकालयं कपिम्
4014	3068017c	कुरु राघव सत्येन वयस्यं वनचारिणम्
4015	3068018a	स हि स्थानानि सर्वाणि कार्त्स्न्येन कपिकुञ्जरः
4016	3068018c	नरमांसाशिनां लोके नैपुण्यादधिगच्छति
4017	3068019a	न तस्याविदितं लोके किंचिदस्ति हि राघव
4018	3068019c	यावत्सूर्यः प्रतपति सहस्रांशुररिंदम
4019	3068020a	स नदीर्विपुलाञ्शैलान्गिरिदुर्गाणि कन्दरान्
4020	3068020c	अन्विष्य वानरैः सार्धं पत्नीं तेऽधिगमिष्यति
4021	3068021a	वानरांश्च महाकायान्प्रेषयिष्यति राघव
4022	3068021c	दिशो विचेतुं तां सीतां त्वद्वियोगेन शोचतीम्
4023	3068022a	स मेरुशृङ्गाग्रगतामनिन्दितां; प्रविश्य पातालतलेऽपि वाश्रिताम्
4024	3068022c	प्लवंगमानां प्रवरस्तव प्रियां; निहत्य रक्षांसि पुनः प्रदास्यति
4025	3069001a	निदर्शयित्वा रामाय सीतायाः प्रतिपादने
4026	3069001c	वाक्यमन्वर्थमर्थज्ञः कबन्धः पुनरब्रवीत्
4027	3069002a	एष राम शिवः पन्था यत्रैते पुष्पिता द्रुमाः
4028	3069002c	प्रतीचीं दिशमाश्रित्य प्रकाशन्ते मनोरमाः
4029	3069003a	जम्बूप्रियालपनसाः प्लक्षन्यग्रोधतिन्दुकाः
4030	3069003c	अश्वत्थाः कर्णिकाराश्च चूताश्चान्ये च पादपाः
4031	3069004a	तानारुह्याथवा भूमौ पातयित्वा च तान्बलात्
4032	3069004c	फलान्यमृतकल्पानि भक्षयन्तौ गमिष्यथः
4033	3069005a	चङ्क्रमन्तौ वरान्देशाञ्शैलाच्छैलं वनाद्वनम्
4034	3069005c	ततः पुष्करिणीं वीरौ पम्पां नाम गमिष्यथः
4035	3069006a	अशर्करामविभ्रंशां समतीर्थमशैवलाम्
4036	3069006c	राम संजातवालूकां कमलोत्पलशोभिताम्
4037	3069007a	तत्र हंसाः प्लवाः क्रौञ्चाः कुरराश्चैव राघव
4038	3069007c	वल्गुस्वरा निकूजन्ति पम्पासलिलगोचराः
4039	3069008a	नोद्विजन्ते नरान्दृष्ट्वा वधस्याकोविदाः शुभाः
4040	3069008c	घृतपिण्डोपमान्स्थूलांस्तान्द्विजान्भक्षयिष्यथः
4041	3069009a	रोहितान्वक्रतुण्डांश्च नलमीनांश्च राघव
4042	3069009c	पम्पायामिषुभिर्मत्स्यांस्तत्र राम वरान्हतान्
4043	3069010a	निस्त्वक्पक्षानयस्तप्तानकृशानेककण्टकान्
4044	3069010c	तव भक्त्या समायुक्तो लक्ष्मणः संप्रदास्यति
4045	3069011a	भृशं ते खादतो मत्स्यान्पम्पायाः पुष्पसंचये
4046	3069011c	पद्मगन्धि शिवं वारि सुखशीतमनामयम्
4047	3069012a	उद्धृत्य स तदाक्लिष्टं रूप्यस्फटिकसंनिभम्
4048	3069012c	अथ पुष्करपर्णेन लक्ष्मणः पाययिष्यति
4049	3069013a	स्थूलान्गिरिगुहाशय्यान्वराहान्वनचारिणः
4050	3069013c	अपां लोभादुपावृत्तान्वृषभानिव नर्दतः
4051	3069013e	रूपान्वितांश्च पम्पायां द्रक्ष्यसि त्वं नरोत्तम
4052	3069014a	सायाह्ने विचरन्राम विटपी माल्यधारिणः
4053	3069014c	शीतोदकं च पम्पायां दृष्ट्वा शोकं विहास्यसि
4054	3069015a	सुमनोभिश्चितांस्तत्र तिलकान्नक्तमालकान्
4055	3069015c	उत्पलानि च फुल्लानि पङ्कजानि च राघव
4056	3069016a	न तानि कश्चिन्माल्यानि तत्रारोपयिता नरः
4057	3069016c	मतङ्गशिष्यास्तत्रासन्नृषयः सुसमाहितः
4058	3069017a	तेषां भाराभितप्तानां वन्यमाहरतां गुरोः
4059	3069017c	ये प्रपेतुर्महीं तूर्णं शरीरात्स्वेदबिन्दवः
4060	3069018a	तानि माल्यानि जातानि मुनीनां तपसा तदा
4061	3069018c	स्वेदबिन्दुसमुत्थानि न विनश्यन्ति राघव
4062	3069019a	तेषामद्यापि तत्रैव दृश्यते परिचारिणी
4063	3069019c	श्रमणी शबरी नाम काकुत्स्थ चिरजीविनी
4064	3069020a	त्वां तु धर्मे स्थिता नित्यं सर्वभूतनमस्कृतम्
4065	3069020c	दृष्ट्वा देवोपमं राम स्वर्गलोकं गमिष्यति
4066	3069021a	ततस्तद्राम पम्पायास्तीरमाश्रित्य पश्चिमम्
4067	3069021c	आश्रमस्थानमतुलं गुह्यं काकुत्स्थ पश्यसि
4068	3069022a	न तत्राक्रमितुं नागाः शक्नुवन्ति तमाश्रमम्
4069	3069022c	ऋषेस्तस्य मतङ्गस्य विधानात्तच्च काननम्
4070	3069023a	तस्मिन्नन्दनसंकाशे देवारण्योपमे वने
4071	3069023c	नानाविहगसंकीर्णे रंस्यसे राम निर्वृतः
4072	3069024a	ऋष्यमूकस्तु पम्पायाः पुरस्तात्पुष्पितद्रुमः
4073	3069024c	सुदुःखारोहणो नाम शिशुनागाभिरक्षितः
4074	3069024e	उदारो ब्रह्मणा चैव पूर्वकाले विनिर्मितः
4075	3069025a	शयानः पुरुषो राम तस्य शैलस्य मूर्धनि
4076	3069025c	यत्स्वप्ने लभते वित्तं तत्प्रबुद्धोऽधिगच्छति
4077	3069026a	न त्वेनं विषमाचारः पापकर्माधिरोहति
4078	3069026c	तत्रैव प्रहरन्त्येनं सुप्तमादाय राक्षसाः
4079	3069027a	ततोऽपि शिशुनागानामाक्रन्दः श्रूयते महान्
4080	3069027c	क्रीडतां राम पम्पायां मतङ्गारण्यवासिनाम्
4081	3069028a	सिक्ता रुधिरधाराभिः संहत्य परमद्विपाः
4082	3069028c	प्रचरन्ति पृथक्कीर्णा मेघवर्णास्तरस्विनः
4083	3069029a	ते तत्र पीत्वा पानीयं विमलं शीतमव्ययम्
4084	3069029c	निवृत्ताः संविगाहन्ते वनानि वनगोचराः
4085	3069030a	राम तस्य तु शैलस्य महती शोभते गुहा
4086	3069030c	शिलापिधाना काकुत्स्थ दुःखं चास्याः प्रवेशनम्
4087	3069031a	तस्या गुहायाः प्राग्द्वारे महाञ्शीतोदको ह्रदः
4088	3069031c	बहुमूलफलो रम्यो नानानगसमावृतः
4089	3069032a	तस्यां वसति सुग्रीवश्चतुर्भिः सह वानरैः
4090	3069032c	कदाचिच्छिखरे तस्य पर्वतस्यावतिष्ठते
4091	3069033a	कबन्धस्त्वनुशास्यैवं तावुभौ रामलक्ष्मणौ
4092	3069033c	स्रग्वी भास्करवर्णाभः खे व्यरोचत वीर्यवान्
4093	3069034a	तं तु खस्थं महाभागं कबन्धं रामलक्ष्मणौ
4094	3069034c	प्रस्थितौ त्वं व्रजस्वेति वाक्यमूचतुरन्तिकात्
4095	3069035a	गम्यतां कार्यसिद्ध्यर्थमिति तावब्रवीच्च सः
4096	3069035c	सुप्रीतौ तावनुज्ञाप्य कबन्धः प्रस्थितस्तदा
4097	3069036a	स तत्कबन्धः प्रतिपद्य रूपं; वृतः श्रिया भास्करतुल्यदेहः
4098	3069036c	निदर्शयन्राममवेक्ष्य खस्थः; सख्यं कुरुष्वेति तदाभ्युवाच
4099	3070001a	तौ कबन्धेन तं मार्गं पम्पाया दर्शितं वने
4100	3070001c	आतस्थतुर्दिशं गृह्य प्रतीचीं नृवरात्मजौ
4101	3070002a	तौ शैलेष्वाचितानेकान्क्षौद्रकल्पफलद्रुमान्
4102	3070002c	वीक्षन्तौ जग्मतुर्द्रष्टुं सुग्रीवं रामलक्ष्मणौ
4103	3070003a	कृत्वा च शैलपृष्ठे तु तौ वासं रघुनन्दनौ
4104	3070003c	पम्पायाः पश्चिमं तीरं राघवावुपतस्थतुः
4105	3070004a	तौ पुष्करिण्याः पम्पायास्तीरमासाद्य पश्चिमम्
4106	3070004c	अपश्यतां ततस्तत्र शबर्या रम्यमाश्रमम्
4107	3070005a	तौ तमाश्रममासाद्य द्रुमैर्बहुभिरावृतम्
4108	3070005c	सुरम्यमभिवीक्षन्तौ शबरीमभ्युपेयतुः
4109	3070006a	तौ तु दृष्ट्वा तदा सिद्धा समुत्थाय कृताञ्जलिः
4110	3070006c	पादौ जग्राह रामस्य लक्ष्मणस्य च धीमतः
4111	3070007a	तामुवाच ततो रामः श्रमणीं संशितव्रताम्
4112	3070007c	कच्चित्ते निर्जिता विघ्नाः कच्चित्ते वर्धते तपः
4113	3070008a	कच्चित्ते नियतः कोप आहारश्च तपोधने
4114	3070008c	कच्चित्ते नियमाः प्राप्ताः कच्चित्ते मनसः सुखम्
4115	3070008e	कच्चित्ते गुरुशुश्रूषा सफला चारुभाषिणि
4116	3070009a	रामेण तापसी पृष्ठा सा सिद्धा सिद्धसंमता
4117	3070009c	शशंस शबरी वृद्धा रामाय प्रत्युपस्थिता
4118	3070010a	चित्रकूटं त्वयि प्राप्ते विमानैरतुलप्रभैः
4119	3070010c	इतस्ते दिवमारूढा यानहं पर्यचारिषम्
4120	3070011a	तैश्चाहमुक्ता धर्मज्ञैर्महाभागैर्महर्षिभिः
4121	3070011c	आगमिष्यति ते रामः सुपुण्यमिममाश्रमम्
4122	3070012a	स ते प्रतिग्रहीतव्यः सौमित्रिसहितोऽतिथिः
4123	3070012c	तं च दृष्ट्वा वराँल्लोकानक्षयांस्त्वं गमिष्यसि
4124	3070013a	मया तु विविधं वन्यं संचितं पुरुषर्षभ
4125	3070013c	तवार्थे पुरुषव्याघ्र पम्पायास्तीरसंभवम्
4126	3070014a	एवमुक्तः स धर्मात्मा शबर्या शबरीमिदम्
4127	3070014c	राघवः प्राह विज्ञाने तां नित्यमबहिष्कृताम्
4128	3070015a	दनोः सकाशात्तत्त्वेन प्रभावं ते महात्मनः
4129	3070015c	श्रुतं प्रत्यक्षमिच्छामि संद्रष्टुं यदि मन्यसे
4130	3070016a	एतत्तु वचनं श्रुत्वा रामवक्त्राद्विनिःसृतम्
4131	3070016c	शबरी दर्शयामास तावुभौ तद्वनं महत्
4132	3070017a	पश्य मेघघनप्रख्यं मृगपक्षिसमाकुलम्
4133	3070017c	मतङ्गवनमित्येव विश्रुतं रघुनन्दन
4134	3070018a	इह ते भावितात्मानो गुरवो मे महाद्युते
4135	3070018c	जुहवांश्चक्रिरे तीर्थं मन्त्रवन्मन्त्रपूजितम्
4136	3070019a	इयं प्रत्यक्स्थली वेदी यत्र ते मे सुसत्कृताः
4137	3070019c	पुष्पोपहारं कुर्वन्ति श्रमादुद्वेपिभिः करैः
4138	3070020a	तेषां तपः प्रभावेन पश्याद्यापि रघूत्तम
4139	3070020c	द्योतयन्ति दिशः सर्वाः श्रिया वेद्योऽतुलप्रभाः
4140	3070021a	अशक्नुवद्भिस्तैर्गन्तुमुपवासश्रमालसैः
4141	3070021c	चिन्तितेऽभ्यागतान्पश्य समेतान्सप्त सागरान्
4142	3070022a	कृताभिषेकैस्तैर्न्यस्ता वल्कलाः पादपेष्विह
4143	3070022c	अद्यापि न विशुष्यन्ति प्रदेशे रघुनन्दन
4144	3070023a	कृत्स्नं वनमिदं दृष्टं श्रोतव्यं च श्रुतं त्वया
4145	3070023c	तदिच्छाम्यभ्यनुज्ञाता त्यक्तुमेतत्कलेवरम्
4146	3070024a	तेषामिच्छाम्यहं गन्तुं समीपं भावितात्मनाम्
4147	3070024c	मुनीनामाश्रंमो येषामहं च परिचारिणी
4148	3070025a	धर्मिष्ठं तु वचः श्रुत्वा राघवः सहलक्ष्मणः
4149	3070025c	अनुजानामि गच्छेति प्रहृष्टवदनोऽब्रवीत्
4150	3070026a	अनुज्ञाता तु रामेण हुत्वात्मानं हुताशने
4151	3070026c	ज्वलत्पावकसंकाशा स्वर्गमेव जगाम सा
4152	3070027a	यत्र ते सुकृतात्मानो विहरन्ति महर्षयः
4153	3070027c	तत्पुण्यं शबरीस्थानं जगामात्मसमाधिना
4154	3071001a	दिवं तु तस्यां यातायां शबर्यां स्वेन कर्मणा
4155	3071001c	लक्ष्मणेन सह भ्रात्रा चिन्तयामास राघवः
4156	3071002a	चिन्तयित्वा तु धर्मात्मा प्रभावं तं महात्मनाम्
4157	3071002c	हितकारिणमेकाग्रं लक्ष्मणं राघवोऽब्रवीत्
4158	3071003a	दृष्टोऽयमाश्रमः सौम्य बह्वाश्चर्यः कृतात्मनाम्
4159	3071003c	विश्वस्तमृगशार्दूलो नानाविहगसेवितः
4160	3071004a	सप्तानां च समुद्राणामेषु तीर्थेषु लक्ष्मण
4161	3071004c	उपस्पृष्टं च विधिवत्पितरश्चापि तर्पिताः
4162	3071005a	प्रनष्टमशुभं यत्तत्कल्याणं समुपस्थितम्
4163	3071005c	तेन त्वेतत्प्रहृष्टं मे मनो लक्ष्मण संप्रति
4164	3071006a	हृदये हि नरव्याघ्र शुभमाविर्भविष्यति
4165	3071006c	तदागच्छ गमिष्यावः पम्पां तां प्रियदर्शनाम्
4166	3071007a	ऋश्यमूको गिरिर्यत्र नातिदूरे प्रकाशते
4167	3071007c	यस्मिन्वसति धर्मात्मा सुग्रीवोंऽशुमतः सुतः
4168	3071007e	नित्यं वालिभयात्त्रस्तश्चतुर्भिः सह वानरैः
4169	3071008a	अभित्वरे च तं द्रष्टुं सुग्रीवं वानरर्षभम्
4170	3071008c	तदधीनं हि मे सौम्य सीतायाः परिमार्गणम्
4171	3071009a	इति ब्रुवाणं तं रामं सौमित्रिरिदमब्रवीत्
4172	3071009c	गच्छावस्त्वरितं तत्र ममापि त्वरते मनः
4173	3071010a	आश्रमात्तु ततस्तस्मान्निष्क्रम्य स विशां पतिः
4174	3071010c	आजगाम ततः पम्पां लक्ष्मणेन सहाभिभूः
4175	3071011a	समीक्षमाणः पुष्पाढ्यं सर्वतो विपुलद्रुमम्
4176	3071011c	कोयष्टिभिश्चार्जुनकैः शतपत्रैश्च कीचकैः
4177	3071011e	एतैश्चान्यैश्च विविधैर्नादितं तद्वनं महत्
4178	3071012a	स रामो विधिवान्वृक्षान्सरांसि विविधानि च
4179	3071012c	पश्यन्कामाभिसंतप्तो जगाम परमं ह्रदम्
4180	3071013a	स तामासाद्य वै रामो दूरादुदकवाहिनीम्
4181	3071013c	मतङ्गसरसं नाम ह्रदं समवगाहत
4182	3071014a	स तु शोकसमाविष्टो रामो दशरथात्मजः
4183	3071014c	विवेश नलिनीं पम्पां पङ्कजैश्च समावृताम्
4184	3071015a	तिलकाशोकपुंनागबकुलोद्दाल काशिनीम्
4185	3071015c	रम्योपवनसंबाधां पद्मसंपीडितोदकाम्
4186	3071016a	स्फटिकोपमतोयाढ्यां श्लक्ष्णवालुकसंतताम्
4187	3071016c	मत्स्यकच्छपसंबाधां तीरस्थद्रुमशोभिताम्
4188	3071017a	सखीभिरिव युक्ताभिर्लताभिरनुवेष्टिताम्
4189	3071017c	किंनरोरगगन्धर्वयक्षराक्षससेविताम्
4190	3071017e	नानाद्रुमलताकीर्णां शीतवारिनिधिं शुभाम्
4191	3071018a	पद्मैः सौगन्धिकैस्ताम्रां शुक्लां कुमुदमण्डलैः
4192	3071018c	नीलां कुवलयोद्धातैर्बहुवर्णां कुथामिव
4193	3071019a	अरविन्दोत्पलवतीं पद्मसौगन्धिकायुताम्
4194	3071019c	पुष्पिताम्रवणोपेतां बर्हिणोद्घुष्टनादिताम्
4195	3071020a	स तां दृष्ट्वा ततः पम्पां रामः सौमित्रिणा सह
4196	3071020c	विललाप च तेजस्वी कामाद्दशरथात्मजः
4197	3071021a	तिलकैर्बीजपूरैश्च वटैः शुक्लद्रुमैस्तथा
4198	3071021c	पुष्पितैः करवीरैश्च पुंनागैश्च सुपुष्पितैः
4199	3071022a	मालतीकुन्दगुल्मैश्च भण्डीरैर्निचुलैस्तथा
4200	3071022c	अशोकैः सप्तपर्णैश्च केतकैरतिमुक्तकैः
4201	3071022e	अन्यैश्च विविधैर्वृक्षैः प्रमदेवोपशोभिताम्
4202	3071023a	अस्यास्तीरे तु पूर्वोक्तः पर्वतो धातुमण्डितः
4203	3071023c	ऋश्यमूक इति ख्यातश्चित्रपुष्पितकाननः
4204	3071024a	हरिरृक्षरजो नाम्नः पुत्रस्तस्य महात्मनः
4205	3071024c	अध्यास्ते तं महावीर्यः सुग्रीव इति विश्रुतः
4206	3071025a	सुग्रीवमभिगच्छ त्वं वानरेन्द्रं नरर्षभ
4207	3071025c	इत्युवाच पुनर्वाक्यं लक्ष्मणं सत्यविक्रमम्
4208	3071026a	ततो महद्वर्त्म च दूरसंक्रमं; क्रमेण गत्वा प्रविलोकयन्वनम्
4209	3071026c	ददर्श पम्पां शुभदर्श कानना;मनेकनानाविधपक्षिसंकुलाम्

किष्किन्धा

क्रमाङ्क	छन्द	श्लोक
1	4001001a	स तां पुष्करिणीं गत्वा पद्मोत्पलझषाकुलाम्
2	4001001c	रामः सौमित्रिसहितो विललापाकुलेन्द्रियः
3	4001002a	तस्य दृष्ट्वैव तां हर्षादिन्द्रियाणि चकम्पिरे
4	4001002c	स कामवशमापन्नः सौमित्रिमिदमब्रवीत्
5	4001003a	सौमित्रे पश्य पम्पायाः काननं शुभदर्शनम्
6	4001003c	यत्र राजन्ति शैलाभा द्रुमाः सशिखरा इव
7	4001004a	मां तु शोकाभिसंतप्तमाधयः पीडयन्ति वै
8	4001004c	भरतस्य च दुःखेन वैदेह्या हरणेन च
9	4001005a	अधिकं प्रविभात्येतन्नीलपीतं तु शाद्वलम्
10	4001005c	द्रुमाणां विविधैः पुष्पैः परिस्तोमैरिवार्पितम्
11	4001006a	सुखानिलोऽयं सौमित्रे कालः प्रचुरमन्मथः
12	4001006c	गन्धवान्सुरभिर्मासो जातपुष्पफलद्रुमः
13	4001007a	पश्य रूपाणि सौमित्रे वनानां पुष्पशालिनाम्
14	4001007c	सृजतां पुष्पवर्षाणि वर्षं तोयमुचामिव
15	4001008a	प्रस्तरेषु च रम्येषु विविधाः काननद्रुमाः
16	4001008c	वायुवेगप्रचलिताः पुष्पैरवकिरन्ति गाम्
17	4001009a	मारुतः सुखं संस्पर्शे वाति चन्दनशीतलः
18	4001009c	षट्पदैरनुकूजद्भिर्वनेषु मधुगन्धिषु
19	4001010a	गिरिप्रस्थेषु रम्येषु पुष्पवद्भिर्मनोरमैः
20	4001010c	संसक्तशिखरा शैला विराजन्ति महाद्रुमैः
21	4001011a	पुष्पिताग्रांश्च पश्येमान्कर्णिकारान्समन्ततः
22	4001011c	हाटकप्रतिसंछन्नान्नरान्पीताम्बरानिव
23	4001012a	अयं वसन्तः सौमित्रे नानाविहगनादितः
24	4001012c	सीतया विप्रहीणस्य शोकसंदीपनो मम
25	4001013a	मां हि शोकसमाक्रान्तं संतापयति मन्मथः
26	4001013c	हृष्टः प्रवदमानश्च समाह्वयति कोकिलः
27	4001014a	एष दात्यूहको हृष्टो रम्ये मां वननिर्झरे
28	4001014c	प्रणदन्मन्मथाविष्टं शोचयिष्यति लक्ष्मण
29	4001015a	विमिश्रा विहगाः पुम्भिरात्मव्यूहाभिनन्दिताः
30	4001015c	भृङ्गराजप्रमुदिताः सौमित्रे मधुरस्वराः
31	4001016a	मां हि सा मृगशावाक्षी चिन्ताशोकबलात्कृतम्
32	4001016c	संतापयति सौमित्रे क्रूरश्चैत्रवनानिलः
33	4001017a	शिखिनीभिः परिवृता मयूरा गिरिसानुषु
34	4001017c	मन्मथाभिपरीतस्य मम मन्मथवर्धनाः
35	4001018a	पश्य लक्ष्णम नृत्यन्तं मयूरमुपनृत्यति
36	4001018c	शिखिनी मन्मथार्तैषा भर्तारं गिरिसानुषु
37	4001019a	मयूरस्य वने नूनं रक्षसा न हृता प्रिया
38	4001019c	मम त्वयं विना वासः पुष्पमासे सुदुःसहः
39	4001020a	पश्य लक्ष्मण पुष्पाणि निष्फलानि भवन्ति मे
40	4001020c	पुष्पभारसमृद्धानां वनानां शिशिरात्यये
41	4001021a	वदन्ति रावं मुदिताः शकुनाः संघशः कलम्
42	4001021c	आह्वयन्त इवान्योन्यं कामोन्मादकरा मम
43	4001022a	नूनं परवशा सीता सापि शोचत्यहं यथा
44	4001022c	श्यामा पद्मपलाशाक्षी मृदुभाषा च मे प्रिया
45	4001023a	एष पुष्पवहो वायुः सुखस्पर्शो हिमावहः
46	4001023c	तां विचिन्तयतः कान्तां पावकप्रतिमो मम
47	4001024a	तां विनाथ विहंगोऽसौ पक्षी प्रणदितस्तदा
48	4001024c	वायसः पादपगतः प्रहृष्टमभिनर्दति
49	4001025a	एष वै तत्र वैदेह्या विहगः प्रतिहारकः
50	4001025c	पक्षी मां तु विशालाक्ष्याः समीपमुपनेष्यति
51	4001026a	पश्य लक्ष्मण संनादं वने मदविवर्धनम्
52	4001026c	पुष्पिताग्रेषु वृक्षेषु द्विजानामुपकूजताम्
53	4001027a	सौमित्रे पश्य पम्पायाश्चित्रासु वनराजिषु
54	4001027c	नलिनानि प्रकाशन्ते जले तरुणसूर्यवत्
55	4001028a	एषा प्रसन्नसलिला पद्मनीलोत्पलायता
56	4001028c	हंसकारण्डवाकीर्णा पम्पा सौगन्धिकायुता
57	4001029a	चक्रवाकयुता नित्यं चित्रप्रस्थवनान्तरा
58	4001029c	मातङ्गमृगयूथैश्च शोभते सलिलार्थिभिः
59	4001030a	पद्मकोशपलाशानि द्रष्टुं दृष्टिर्हि मन्यते
60	4001030c	सीताया नेत्रकोशाभ्यां सदृशानीति लक्ष्मण
61	4001031a	पद्मकेसरसंसृष्टो वृक्षान्तरविनिःसृतः
62	4001031c	निःश्वास इव सीताया वाति वायुर्मनोहरः
63	4001032a	सौमित्रे पश्य पम्पाया दक्षिणे गिरिसानुनि
64	4001032c	पुष्पितां कर्णिकारस्य यष्टिं परमशोभनाम्
65	4001033a	अधिकं शैलराजोऽयं धातुभिस्तु विभूषितः
66	4001033c	विचित्रं सृजते रेणुं वायुवेगविघट्टितम्
67	4001034a	गिरिप्रस्थास्तु सौमित्रे सर्वतः संप्रपुष्पितैः
68	4001034c	निष्पत्रैः सर्वतो रम्यैः प्रदीपा इव कुंशुकैः
69	4001035a	पम्पातीररुहाश्चेमे संसक्ता मधुगन्धिनः
70	4001035c	मालतीमल्लिकाषण्डाः करवीराश्च पुष्पिताः
71	4001036a	केतक्यः सिन्दुवाराश्च वासन्त्यश्च सुपुष्पिताः
72	4001036c	माधव्यो गन्धपूर्णाश्च कुन्दगुल्माश्च सर्वशः
73	4001037a	चिरिबिल्वा मधूकाश्च वञ्जुला बकुलास्तथा
74	4001037c	चम्पकास्तिलकाश्चैव नागवृक्षाश्च पुष्पिताः
75	4001038a	नीपाश्च वरणाश्चैव खर्जूराश्च सुपुष्पिताः
76	4001038c	अङ्कोलाश्च कुरण्टाश्च चूर्णकाः पारिभद्रकाः
77	4001039a	चूताः पाटलयश्चैव कोविदाराश्च पुष्पिताः
78	4001039c	मुचुकुन्दार्जुनाश्चैव दृश्यन्ते गिरिसानुषु
79	4001040a	केतकोद्दालकाश्चैव शिरीषाः शिंशपा धवाः
80	4001040c	शाल्मल्यः किंशुकाश्चैव रक्ताः कुरबकास्तथा
81	4001040e	तिनिशा नक्त मालाश्च चन्दनाः स्यन्दनास्तथा
82	4001041a	विविधा विविधैः पुष्पैस्तैरेव नगसानुषु
83	4001041c	विकीर्णैः पीतरक्ताभाः सौमित्रे प्रस्तराः कृताः
84	4001042a	हिमान्ते पश्य सौमित्रे वृक्षाणां पुष्पसंभवम्
85	4001042c	पुष्पमासे हि तरवः संघर्षादिव पुष्पिताः
86	4001043a	पश्य शीतजलां चेमां सौमित्रे पुष्करायुताम्
87	4001043c	चक्रवाकानुचरितां कारण्डवनिषेविताम्
88	4001043e	प्लवैः क्रौञ्चैश्च संपूर्णां वराहमृगसेविताम्
89	4001044a	अधिकं शोभते पम्पाविकूजद्भिर्विहंगमैः
90	4001045a	दीपयन्तीव मे कामं विविधा मुदिता द्विजाः
91	4001045c	श्यामां चन्द्रमुखीं स्मृत्वा प्रियां पद्मनिभेक्षणाम्
92	4001046a	पय सानुषु चित्रेषु मृगीभिः सहितान्मृगान्
93	4001046c	मां पुनर्मृगशावाक्ष्या वैदेह्या विरहीकृतम्
94	4001047a	एवं स विलपंस्तत्र शोकोपहतचेतनः
95	4001047c	अवेक्षत शिवां पम्पां रम्यवारिवहां शुभाम्
96	4001048a	निरीक्षमाणः सहसा महात्मा; सर्वं वनं निर्झरकन्दरं च
97	4001048c	उद्विग्नचेताः सह लक्ष्मणेन; विचार्य दुःखोपहतः प्रतस्थे
98	4001049a	तावृष्यमूकं सहितौ प्रयातौ; सुग्रीवशाखामृगसेवितं तम्
99	4001049c	त्रस्तास्तु दृष्ट्वा हरयो बभूवु;र्महौजसौ राघवलक्ष्मणौ तौ
100	4002001a	तौ तु दृष्ट्वा महात्मानौ भ्रातरौ रामलक्ष्मणौ
101	4002001c	वरायुधधरौ वीरौ सुग्रीवः शङ्कितोऽभवत्
102	4002002a	उद्विग्नहृदयः सर्वा दिशः समवलोकयन्
103	4002002c	न व्यतिष्ठत कस्मिंश्चिद्देशे वानरपुंगवः
104	4002003a	नैव चक्रे मनः स्थाने वीक्षमाणो महाबलौ
105	4002003c	कपेः परमभीतस्य चित्तं व्यवससाद ह
106	4002004a	चिन्तयित्वा स धर्मात्मा विमृश्य गुरुलाघवम्
107	4002004c	सुग्रीवः परमोद्विग्नः सर्वैरनुचरैः सह
108	4002005a	ततः स सचिवेभ्यस्तु सुग्रीवः प्लवगाधिपः
109	4002005c	शशंस परमोद्विग्नः पश्यंस्तौ रामलक्ष्मणौ
110	4002006a	एतौ वनमिदं दुर्गं वालिप्रणिहितौ ध्रुवम्
111	4002006c	छद्मना चीरवसनौ प्रचरन्ताविहागतौ
112	4002007a	ततः सुग्रीवसचिवा दृष्ट्वा परमधन्विनौ
113	4002007c	जग्मुर्गिरितटात्तस्मादन्यच्छिखरमुत्तमम्
114	4002008a	ते क्षिप्रमभिगम्याथ यूथपा यूथपर्षभम्
115	4002008c	हरयो वानरश्रेष्ठं परिवार्योपतस्थिरे
116	4002009a	एकमेकायनगताः प्लवमाना गिरेर्गिरिम्
117	4002009c	प्रकम्पयन्तो वेगेन गिरीणां शिखराणि च
118	4002010a	ततः शाखामृगाः सर्वे प्लवमाना महाबलाः
119	4002010c	बभञ्जुश्च नगांस्तत्र पुष्पितान्दुर्गसंश्रितान्
120	4002011a	आप्लवन्तो हरिवराः सर्वतस्तं महागिरिम्
121	4002011c	मृगमार्जारशार्दूलांस्त्रासयन्तो ययुस्तदा
122	4002012a	ततः सुग्रीवसचिवाः पर्वतेन्द्रं समाश्रिताः
123	4002012c	संगम्य कपिमुख्येन सर्वे प्राञ्जलयः स्थिताः
124	4002013a	ततस्तं भयसंत्रस्तं वालिकिल्बिषशङ्कितम्
125	4002013c	उवाच हनुमान्वाक्यं सुग्रीवं वाक्यकोविदः
126	4002014a	यस्मादुद्विग्नचेतास्त्वं प्रद्रुतो हरिपुंगव
127	4002014c	तं क्रूरदर्शनं क्रूरं नेह पश्यामि वालिनम्
128	4002015a	यस्मात्तव भयं सौम्य पूर्वजात्पापकर्मणः
129	4002015c	स नेह वाली दुष्टात्मा न ते पश्याम्यहं भयम्
130	4002016a	अहो शाखामृगत्वं ते व्यक्तमेव प्लवंगम
131	4002016c	लघुचित्ततयात्मानं न स्थापयसि यो मतौ
132	4002017a	बुद्धिविज्ञानसंपन्न इङ्गितैः सर्वमाचर
133	4002017c	न ह्यबुद्धिं गतो राजा सर्वभूतानि शास्ति हि
134	4002018a	सुग्रीवस्तु शुभं वाक्यं श्रुत्वा सर्वं हनूमतः
135	4002018c	ततः शुभतरं वाक्यं हनूमन्तमुवाच ह
136	4002019a	दीर्घबाहू विशालाक्षौ शरचापासिधारिणौ
137	4002019c	कस्य न स्याद्भयं दृष्ट्वा एतौ सुरसुतोपमौ
138	4002020a	वालिप्रणिहितावेतौ शङ्केऽहं पुरुषोत्तमौ
139	4002020c	राजानो बहुमित्राश्च विश्वासो नात्र हि क्षमः
140	4002021a	अरयश्च मनुष्येण विज्ञेयाश्छन्नचारिणः
141	4002021c	विश्वस्तानामविश्वस्ताश्छिद्रेषु प्रहरन्ति हि
142	4002022a	कृत्येषु वाली मेधावी राजानो बहुदर्शनाः
143	4002022c	भवन्ति परहन्तारस्ते ज्ञेयाः प्राकृतैर्नरैः
144	4002023a	तौ त्वया प्राकृतेनैव गत्वा ज्ञेयौ प्लवंगम
145	4002023c	शङ्कितानां प्रकारैश्च रूपव्याभाषणेन च
146	4002024a	लक्षयस्व तयोर्भावं प्रहृष्टमनसौ यदि
147	4002024c	विश्वासयन्प्रशंसाभिरिङ्गितैश्च पुनः पुनः
148	4002025a	ममैवाभिमुखं स्थित्वा पृच्छ त्वं हरिपुंगव
149	4002025c	प्रयोजनं प्रवेशस्य वनस्यास्य धनुर्धरौ
150	4002026a	शुद्धात्मानौ यदि त्वेतौ जानीहि त्वं प्लवंगम
151	4002026c	व्याभाषितैर्वा रूपैर्वा विज्ञेया दुष्टतानयोः
152	4002027a	इत्येवं कपिराजेन संदिष्टो मारुतात्मजः
153	4002027c	चकार गमने बुद्धिं यत्र तौ रामलक्ष्मणौ
154	4002028a	तथेति संपूज्य वचस्तु तस्य; कपेः सुभीतस्य दुरासदस्य
155	4002028c	महानुभावो हनुमान्ययौ तदा; स यत्र रामोऽतिबलश्च लक्ष्मणः
156	4003001a	वचो विज्ञाय हनुमान्सुग्रीवस्य महात्मनः
157	4003001c	पर्वतादृश्यमूकात्तु पुप्लुवे यत्र राघवौ
158	4003002a	स तत्र गत्वा हनुमान्बलवान्वानरोत्तमः
159	4003002c	उपचक्राम तौ वाग्भिर्मृद्वीभिः सत्यविक्रमः
160	4003003a	स्वकं रूपं परित्यज्य भिक्षुरूपेण वानरः
161	4003003c	आबभाषे च तौ वीरौ यथावत्प्रशशंस च
162	4003004a	राजर्षिदेवप्रतिमौ तापसौ संशितव्रतौ
163	4003004c	देशं कथमिमं प्राप्तौ भवन्तौ वरवर्णिनौ
164	4003005a	त्रासयन्तौ मृगगणानन्यांश्च वनचारिणः
165	4003005c	पम्पातीररुहान्वृक्षान्वीक्षमाणौ समन्ततः
166	4003006a	इमां नदीं शुभजलां शोभयन्तौ तरस्विनौ
167	4003006c	धैर्यवन्तौ सुवर्णाभौ कौ युवां चीरवाससौ
168	4003007a	सिंहविप्रेक्षितौ वीरौ सिंहातिबलविक्रमौ
169	4003007c	शक्रचापनिभे चापे प्रगृह्य विपुलैर्भुजैः
170	4003008a	श्रीमन्तौ रूपसंपन्नौ वृषभश्रेष्ठविक्रमौ
171	4003008c	हस्तिहस्तोपमभुजौ द्युतिमन्तौ नरर्षभौ
172	4003009a	प्रभया पर्वतेन्द्रोऽयं युवयोरवभासितः
173	4003009c	राज्यार्हावमरप्रख्यौ कथं देशमिहागतौ
174	4003010a	पद्मपत्रेक्षणौ वीरौ जटामण्डलधारिणौ
175	4003010c	अन्योन्यसदृशौ वीरौ देवलोकादिवागतौ
176	4003011a	यदृच्छयेव संप्राप्तौ चन्द्रसूर्यौ वसुंधराम्
177	4003011c	विशालवक्षसौ वीरौ मानुषौ देवरूपिणौ
178	4003012a	सिंहस्कन्धौ महासत्त्वौ समदाविव गोवृषौ
179	4003012c	आयताश्च सुवृत्ताश्च बाहवः परिघोत्तमाः
180	4003012e	सर्वभूषणभूषार्हाः किमर्थं न विभूषितः
181	4003013a	उभौ योग्यावहं मन्ये रक्षितुं पृथिवीमिमाम्
182	4003013c	ससागरवनां कृत्स्नां विन्ध्यमेरुविभूषिताम्
183	4003014a	इमे च धनुषी चित्रे श्लक्ष्णे चित्रानुलेपने
184	4003014c	प्रकाशेते यथेन्द्रस्य वज्रे हेमविभूषिते
185	4003015a	संपूर्णा निशितैर्बाणैर्तूणाश्च शुभदर्शनाः
186	4003015c	जीवितान्तकरैर्घोरैर्ज्वलद्भिरिव पन्नगैः
187	4003016a	महाप्रमाणौ विपुलौ तप्तहाटकभूषितौ
188	4003016c	खड्गावेतौ विराजेते निर्मुक्तभुजगाविव
189	4003017a	एवं मां परिभाषन्तं कस्माद्वै नाभिभाषथः
190	4003018a	सुग्रीवो नाम धर्मात्मा कश्चिद्वानरयूथपः
191	4003018c	वीरो विनिकृतो भ्रात्रा जगद्भ्रमति दुःखितः
192	4003019a	प्राप्तोऽहं प्रेषितस्तेन सुग्रीवेण महात्मना
193	4003019c	राज्ञा वानरमुख्यानां हनुमान्नाम वानरः
194	4003020a	युवाभ्यां सह धर्मात्मा सुग्रीवः सख्यमिच्छति
195	4003020c	तस्य मां सचिवं वित्तं वानरं पवनात्मजम्
196	4003021a	भिक्षुरूपप्रतिच्छन्नं सुग्रीवप्रियकाम्यया
197	4003021c	ऋश्यमूकादिह प्राप्तं कामगं कामरूपिणम्
198	4003022a	एवमुक्त्वा तु हनुमांस्तौ वीरौ रामलक्ष्मणौ
199	4003022c	वाक्यज्ञौ वाक्यकुशलः पुनर्नोवाच किंचन
200	4003023a	एतच्छ्रुत्वा वचस्तस्य रामो लक्ष्मणमब्रवीत्
201	4003023c	प्रहृष्टवदनः श्रीमान्भ्रातरं पार्श्वतः स्थितम्
202	4003024a	सचिवोऽयं कपीन्द्रस्य सुग्रीवस्य महात्मनः
203	4003024c	तमेव काङ्क्षमाणस्य ममान्तिकमुपागतः
204	4003025a	तमभ्यभाष सौमित्रे सुग्रीवसचिवं कपिम्
205	4003025c	वाक्यज्ञं मधुरैर्वाक्यैः स्नेहयुक्तमरिंदमम्
206	4004001a	ततः प्रहृष्टो हनुमान्कृत्यवानिति तद्वचः
207	4004001c	श्रुत्वा मधुरसंभाषं सुग्रीवं मनसा गतः
208	4004002a	भव्यो राज्यागमस्तस्य सुग्रीवस्य महात्मनः
209	4004002c	यदयं कृत्यवान्प्राप्तः कृत्यं चैतदुपागतम्
210	4004003a	ततः परमसंहृष्टो हनूमान्प्लवगर्षभः
211	4004003c	प्रत्युवाच ततो वाक्यं रामं वाक्यविशारदः
212	4004004a	किमर्थं त्वं वनं घोरं पम्पाकाननमण्डितम्
213	4004004c	आगतः सानुजो दुर्गं नानाव्यालमृगायुतम्
214	4004005a	तस्य तद्वचनं श्रुत्वा लक्ष्मणो रामचोदितः
215	4004005c	आचचक्षे महात्मानं रामं दशरथात्मजम्
216	4004006a	राजा दशरथो नाम द्युतिमान्धर्मवत्सलः
217	4004006c	तस्यायं पूर्वजः पुत्रो रामो नाम जनैः श्रुतः
218	4004007a	शरण्यः सर्वभूतानां पितुर्निर्देशपारगः
219	4004007c	वीरो दशरथस्यायं पुत्राणां गुणवत्तरः
220	4004008a	राज्याद्भ्रष्टो वने वस्तुं मया सार्धमिहागतः
221	4004008c	भार्यया च महातेजाः सीतयानुगतो वशी
222	4004008e	दिनक्षये महातेजाः प्रभयेव दिवाकरः
223	4004009a	अहमस्यावरो भ्राता गुणैर्दास्यमुपागतः
224	4004009c	कृतज्ञस्य बहुज्ञस्य लक्ष्मणो नाम नामतः
225	4004010a	सुखार्हस्य महार्हस्य सर्वभूतहितात्मनः
226	4004010c	ऐश्वर्येण विहीनस्य वनवासाश्रितस्य च
227	4004011a	रक्षसापहृता भार्या रहिते कामरूपिणा
228	4004011c	तच्च न ज्ञायते रक्षः पत्नी येनास्य सा हृता
229	4004012a	दनुर्नाम श्रियः पुत्रः शापाद्राक्षसतां गतः
230	4004012c	आख्यातस्तेन सुग्रीवः समर्थो वानराधिपः
231	4004013a	स ज्ञास्यति महावीर्यस्तव भार्यापहारिणम्
232	4004013c	एवमुक्त्वा दनुः स्वर्गं भ्राजमानो गतः सुखम्
233	4004014a	एतत्ते सर्वमाख्यातं याथातथ्येन पृच्छतः
234	4004014c	अहं चैव हि रामश्च सुग्रीवं शरणं गतौ
235	4004015a	एष दत्त्वा च वित्तानि प्राप्य चानुत्तमं यशः
236	4004015c	लोकनाथः पुरा भूत्वा सुग्रीवं नाथमिच्छति
237	4004016a	शोकाभिभूते रामे तु शोकार्ते शरणं गते
238	4004016c	कर्तुमर्हति सुग्रीवः प्रसादं सह यूथपैः
239	4004017a	एवं ब्रुवाणं सौमित्रिं करुणं साश्रुपातनम्
240	4004017c	हनूमान्प्रत्युवाचेदं वाक्यं वाक्यविशारदः
241	4004018a	ईदृशा बुद्धिसंपन्ना जितक्रोधा जितेन्द्रियाः
242	4004018c	द्रष्टव्या वानरेन्द्रेण दिष्ट्या दर्शनमागताः
243	4004019a	स हि राज्याच्च विभ्रष्टः कृतवैरश्च वालिना
244	4004019c	हृतदारो वने त्रस्तो भ्रात्रा विनिकृतो भृशम्
245	4004020a	करिष्यति स साहाय्यं युवयोर्भास्करात्मजः
246	4004020c	सुग्रीवः सह चास्माभिः सीतायाः परिमार्गणे
247	4004021a	इत्येवमुक्त्वा हनुमाञ्श्लक्ष्णं मधुरया गिरा
248	4004021c	बभाषे सोऽभिगच्छामः सुग्रीवमिति राघवम्
249	4004022a	एवं ब्रुवाणं धर्मात्मा हनूमन्तं स लक्ष्मणः
250	4004022c	प्रतिपूज्य यथान्यायमिदं प्रोवाच राघवम्
251	4004023a	कपिः कथयते हृष्टो यथायं मारुतात्मजः
252	4004023c	कृत्यवान्सोऽपि संप्राप्तः कृतकृत्योऽसि राघव
253	4004024a	प्रसन्नमुखवर्णश्च व्यक्तं हृष्टश्च भाषते
254	4004024c	नानृतं वक्ष्यते वीरो हनूमान्मारुतात्मजः
255	4004025a	ततः स तु महाप्राज्ञो हनूमान्मारुतात्मजः
256	4004025c	जगामादाय तौ वीरौ हरिराजाय राघवौ
257	4004026a	स तु विपुल यशाः कपिप्रवीरः; पवनसुतः कृतकृत्यवत्प्रहृष्टः
258	4004026c	गिरिवरमुरुविक्रमः प्रयातः; स शुभमतिः सह रामलक्ष्मणाभ्याम्
259	4005001a	ऋश्यमूकात्तु हनुमान्गत्वा तं मलयं गिरम्
260	4005001c	आचचक्षे तदा वीरौ कपिराजाय राघवौ
261	4005002a	अयं रामो महाप्राज्ञः संप्राप्तो दृढविक्रमः
262	4005002c	लक्ष्मणेन सह भ्रात्रा रामोऽयं सत्यविक्रमः
263	4005003a	इक्ष्वाकूणां कुले जातो रामो दशरथात्मजः
264	4005003c	धर्मे निगदितश्चैव पितुर्निर्देशपालकः
265	4005004a	तस्यास्य वसतोऽरण्ये नियतस्य महात्मनः
266	4005004c	रक्षसापहृता भार्या स त्वां शरणमागतः
267	4005005a	राजसूयाश्वमेधैश्च वह्निर्येनाभितर्पितः
268	4005005c	दक्षिणाश्च तथोत्सृष्टा गावः शतसहस्रशः
269	4005006a	तपसा सत्यवाक्येन वसुधा येन पालिता
270	4005006c	स्त्रीहेतोस्तस्य पुत्रोऽयं रामस्त्वां शरणं गतः
271	4005007a	भवता सख्यकामौ तौ भ्रातरौ रामलक्ष्मणौ
272	4005007c	प्रतिगृह्यार्चयस्वेमौ पूजनीयतमावुभौ
273	4005008a	श्रुत्वा हनुमतो वाक्यं सुग्रीवो हृष्टमानसः
274	4005008c	भयं स राघवाद्घोरं प्रजहौ विगतज्वरः
275	4005009a	स कृत्वा मानुषं रूपं सुग्रीवः प्लवगाधिपः
276	4005009c	दर्शनीयतमो भूत्वा प्रीत्या प्रोवाच राघवम्
277	4005010a	भवान्धर्मविनीतश्च विक्रान्तः सर्ववत्सलः
278	4005010c	आख्याता वायुपुत्रेण तत्त्वतो मे भवद्गुणाः
279	4005011a	तन्ममैवैष सत्कारो लाभश्चैवोत्तमः प्रभो
280	4005011c	यत्त्वमिच्छसि सौहार्दं वानरेण मया सह
281	4005012a	रोचते यदि वा सख्यं बाहुरेष प्रसारितः
282	4005012c	गृह्यतां पाणिना पाणिर्मर्यादा वध्यतां ध्रुवा
283	4005013a	एतत्तु वचनं श्रुत्वा सुग्रीवस्य सुभाषितम्
284	4005013c	संप्रहृष्टमना हस्तं पीडयामास पाणिना
285	4005013e	हृद्यं सौहृदमालम्ब्य पर्यष्वजत पीडितम्
286	4005014a	ततो हनूमान्संत्यज्य भिक्षुरूपमरिंदमः
287	4005014c	काष्ठयोः स्वेन रूपेण जनयामास पावकम्
288	4005015a	दीप्यमानं ततो वह्निं पुष्पैरभ्यर्च्य सत्कृतम्
289	4005015c	तयोर्मध्ये तु सुप्रीतो निदधे सुसमाहितः
290	4005016a	ततोऽग्निं दीप्यमानं तौ चक्रतुश्च प्रदक्षिणम्
291	4005016c	सुग्रीवो राघवश्चैव वयस्यत्वमुपागतौ
292	4005017a	ततः सुप्रीत मनसौ तावुभौ हरिराघवौ
293	4005017c	अन्योन्यमभिवीक्षन्तौ न तृप्तिमुपजग्मतुः
294	4005018a	ततः सर्वार्थविद्वांसं रामं दशरथात्मजम्
295	4005018c	सुग्रीवः प्राह तेजस्वी वाक्यमेकमनास्तदा
296	4006001a	अयमाख्याति मे राम सचिवो मन्त्रिसत्तमः
297	4006001c	हनुमान्यन्निमित्तं त्वं निर्जनं वनमागतः
298	4006002a	लक्ष्मणेन सह भ्रात्रा वसतश्च वने तव
299	4006002c	रक्षसापहृता भार्या मैथिली जनकात्मजा
300	4006003a	त्वया वियुक्ता रुदती लक्ष्मणेन च धीमता
301	4006003c	अन्तरं प्रेप्सुना तेन हत्वा गृध्रं जटायुषम्
302	4006004a	भार्यावियोगजं दुःखं नचिरात्त्वं विमोक्ष्यसे
303	4006004c	अहं तामानयिष्यामि नष्टां वेदश्रुतिं यथा
304	4006005a	रसातले वा वर्तन्तीं वर्तन्तीं वा नभस्तले
305	4006005c	अहमानीय दास्यामि तव भार्यामरिंदम
306	4006006a	इदं तथ्यं मम वचस्त्वमवेहि च राघव
307	4006006c	त्यज शोकं महाबाहो तां कान्तामानयामि ते
308	4006007a	अनुमानात्तु जानामि मैथिली सा न संशयः
309	4006007c	ह्रियमाणा मया दृष्टा रक्षसा क्रूरकर्मणा
310	4006008a	क्रोशन्ती राम रामेति लक्ष्मणेति च विस्वरम्
311	4006008c	स्फुरन्ती रावणस्याङ्के पन्नगेन्द्रवधूर्यथा
312	4006009a	आत्मना पञ्चमं मां हि दृष्ट्वा शैलतटे स्थितम्
313	4006009c	उत्तरीयं तया त्यक्तं शुभान्याभरणानि च
314	4006010a	तान्यस्माभिर्गृहीतानि निहितानि च राघव
315	4006010c	आनयिष्याम्यहं तानि प्रत्यभिज्ञातुमर्हसि
316	4006011a	तमब्रवीत्ततो रामः सुग्रीवं प्रियवादिनम्
317	4006011c	आनयस्व सखे शीघ्रं किमर्थं प्रविलम्बसे
318	4006012a	एवमुक्तस्तु सुग्रीवः शैलस्य गहनां गुहाम्
319	4006012c	प्रविवेश ततः शीघ्रं राघवप्रियकाम्यया
320	4006013a	उत्तरीयं गृहीत्वा तु शुभान्याभरणानि च
321	4006013c	इदं पश्येति रामाय दर्शयामास वानरः
322	4006014a	ततो गृहीत्वा तद्वासः शुभान्याभरणानि च
323	4006014c	अभवद्बाष्पसंरुद्धो नीहारेणेव चन्द्रमाः
324	4006015a	सीतास्नेहप्रवृत्तेन स तु बाष्पेण दूषितः
325	4006015c	हा प्रियेति रुदन्धैर्यमुत्सृज्य न्यपतत्क्षितौ
326	4006016a	हृदि कृत्वा स बहुशस्तमलंकारमुत्तमम्
327	4006016c	निशश्वास भृशं सर्पो बिलस्थ इव रोषितः
328	4006017a	अविच्छिन्नाश्रुवेगस्तु सौमित्रिं वीक्ष्य पार्श्वतः
329	4006017c	परिदेवयितुं दीनं रामः समुपचक्रमे
330	4006018a	पश्य लक्ष्मण वैदेह्या संत्यक्तं ह्रियमाणया
331	4006018c	उत्तरीयमिदं भूमौ शरीराद्भूषणानि च
332	4006019a	शाद्वलिन्यां ध्रुवं भूम्यां सीतया ह्रियमाणया
333	4006019c	उत्सृष्टं भूषणमिदं तथारूपं हि दृश्यते
334	4006020a	ब्रूहि सुग्रीव कं देशं ह्रियन्ती लक्षिता त्वया
335	4006020c	रक्षसा रौद्ररूपेण मम प्राणसमा प्रिया
336	4006021a	क्व वा वसति तद्रक्षो महद्व्यसनदं मम
337	4006021c	यन्निमित्तमहं सर्वान्नाशयिष्यामि राक्षसान्
338	4006022a	हरता मैथिलीं येन मां च रोषयता भृशम्
339	4006022c	आत्मनो जीवितान्ताय मृत्युद्वारमपावृतम्
340	4006023a	मम दयिततमा हृता वना;द्रजनिचरेण विमथ्य येन सा
341	4006023c	कथय मम रिपुं तमद्य वै; प्रवगपते यमसंनिधिं नयामि
342	4007001a	एवमुक्तस्तु सुग्रीवो रामेणार्तेन वानरः
343	4007001c	अब्रवीत्प्राञ्जलिर्वाक्यं सबाष्पं बाष्पगद्गदः
344	4007002a	न जाने निलयं तस्य सर्वथा पापरक्षसः
345	4007002c	सामर्थ्यं विक्रमं वापि दौष्कुलेयस्य वा कुलम्
346	4007003a	सत्यं तु प्रतिजानामि त्यज शोकमरिंदम
347	4007003c	करिष्यामि तथा यत्नं यथा प्राप्स्यसि मैथिलीम्
348	4007004a	रावणं सगणं हत्वा परितोष्यात्मपौरुषम्
349	4007004c	तथास्मि कर्ता नचिराद्यथा प्रीतो भविष्यसि
350	4007005a	अलं वैक्लव्यमालम्ब्य धैर्यमात्मगतं स्मर
351	4007005c	त्वद्विधानां न सदृशमीदृशं बुद्धिलाघवम्
352	4007006a	मयापि व्यसनं प्राप्तं भार्या हरणजं महत्
353	4007006c	न चाहमेवं शोचामि न च धैर्यं परित्यजे
354	4007007a	नाहं तामनुशोचामि प्राकृतो वानरोऽपि सन्
355	4007007c	महात्मा च विनीतश्चा किं पुनर्धृतिमान्भवान्
356	4007008a	बाष्पमापतितं धैर्यान्निग्रहीतुं त्वमर्हसि
357	4007008c	मर्यादां सत्त्वयुक्तानां धृतिं नोत्स्रष्टुमर्हसि
358	4007009a	व्यसने वार्थ कृच्छ्रे वा भये वा जीवितान्तगे
359	4007009c	विमृशन्वै स्वया बुद्ध्या धृतिमान्नावसीदति
360	4007010a	बालिशस्तु नरो नित्यं वैक्लव्यं योऽनुवर्तते
361	4007010c	स मज्जत्यवशः शोके भाराक्रान्तेव नौर्जले
362	4007011a	एषोऽञ्जलिर्मया बद्धः प्रणयात्त्वां प्रसादये
363	4007011c	पौरुषं श्रय शोकस्य नान्तरं दातुमर्हसि
364	4007012a	ये शोकमनुवर्तन्ते न तेषां विद्यते सुखम्
365	4007012c	तेजश्च क्षीयते तेषां न त्वं शोचितुमर्हसि
366	4007013a	हितं वयस्य भावेन ब्रूहि नोपदिशामि ते
367	4007013c	वयस्यतां पूजयन्मे न त्वं शोचितुमर्हसि
368	4007014a	मधुरं सान्त्वितस्तेन सुग्रीवेण स राघवः
369	4007014c	मुखमश्रुपरिक्लिन्नं वस्त्रान्तेन प्रमार्जयत्
370	4007015a	प्रकृतिष्ठस्तु काकुत्स्थः सुग्रीववचनात्प्रभुः
371	4007015c	संपरिष्वज्य सुग्रीवमिदं वचनमब्रवीत्
372	4007016a	कर्तव्यं यद्वयस्येन स्निग्धेन च हितेन च
373	4007016c	अनुरूपं च युक्तं च कृतं सुग्रीव तत्त्वया
374	4007017a	एष च प्रकृतिष्ठोऽहमनुनीतस्त्वया सखे
375	4007017c	दुर्लभो हीदृशो बन्धुरस्मिन्काले विशेषतः
376	4007018a	किं तु यत्नस्त्वया कार्यो मैथिल्याः परिमार्गणे
377	4007018c	राक्षसस्य च रौद्रस्य रावणस्य दुरात्मनः
378	4007019a	मया च यदनुष्ठेयं विस्रब्धेन तदुच्यताम्
379	4007019c	वर्षास्विव च सुक्षेत्रे सर्वं संपद्यते तव
380	4007020a	मया च यदिदं वाक्यमभिमानात्समीरितम्
381	4007020c	तत्त्वया हरिशार्दूल तत्त्वमित्युपधार्यताम्
382	4007021a	अनृतं नोक्तपूर्वं मे न च वक्ष्ये कदाचन
383	4007021c	एतत्ते प्रतिजानामि सत्येनैव शपामि ते
384	4007022a	ततः प्रहृष्टः सुग्रीवो वानरैः सचिवैः सह
385	4007022c	राघवस्य वचः श्रुत्वा प्रतिज्ञातं विशेषतः
386	4007023a	महानुभावस्य वचो निशम्य; हरिर्नराणामृषभस्य तस्य
387	4007023c	कृतं स मेने हरिवीर मुख्य;स्तदा स्वकार्यं हृदयेन विद्वान्
388	4008001a	परितुष्टस्तु सुग्रीवस्तेन वाक्येन वानरः
389	4008001c	लक्ष्मणस्याग्रजं राममिदं वचनमब्रवीत्
390	4008002a	सर्वथाहमनुग्राह्यो देवतानामसंशयः
391	4008002c	उपपन्नगुणोपेतः सखा यस्य भवान्मम
392	4008003a	शक्यं खलु भवेद्राम सहायेन त्वयानघ
393	4008003c	सुरराज्यमपि प्राप्तुं स्वराज्यं किं पुनः प्रभो
394	4008004a	सोऽहं सभाज्यो बन्धूनां सुहृदां चैव राघव
395	4008004c	यस्याग्निसाक्षिकं मित्रं लब्धं राघववंशजम्
396	4008005a	अहमप्यनुरूपस्ते वयस्यो ज्ञास्यसे शनैः
397	4008005c	न तु वक्तुं समर्थोऽहं स्वयमात्मगतान्गुणान्
398	4008006a	महात्मनां तु भूयिष्ठं त्वद्विधानां कृतात्मनाम्
399	4008006c	निश्चला भवति प्रीतिर्धैर्यमात्मवतामिव
400	4008007a	रजतं वा सुवर्णं वा वस्त्राण्याभरणानि वा
401	4008007c	अविभक्तानि साधूनामवगच्छन्ति साधवः
402	4008008a	आढ्यो वापि दरिद्रो वा दुःखितः सुखितोऽपि वा
403	4008008c	निर्दोषो वा सदोषो वा वयस्यः परमा गतिः
404	4008009a	धनत्यागः सुखत्यागो देहत्यागोऽपि वा पुनः
405	4008009c	वयस्यार्थे प्रवर्तन्ते स्नेहं दृष्ट्वा तथाविधम्
406	4008010a	तत्तथेत्यब्रवीद्रामः सुग्रीवं प्रियवादिनम्
407	4008010c	लक्ष्मणस्याग्रतो लक्ष्म्या वासवस्येव धीमतः
408	4008011a	ततो रामं स्थितं दृष्ट्वा लक्ष्मणं च महाबलम्
409	4008011c	सुग्रीवः सर्वतश्चक्षुर्वने लोलमपातयत्
410	4008012a	स ददर्श ततः सालमविदूरे हरीश्वरः
411	4008012c	सुपुष्पमीषत्पत्राढ्यं भ्रमरैरुपशोभितम्
412	4008013a	तस्यैकां पर्णबहुलां भङ्क्त्वा शाखां सुपुष्पिताम्
413	4008013c	सालस्यास्तीर्य सुग्रीवो निषसाद सराघवः
414	4008014a	तावासीनौ ततो दृष्ट्वा हनूमानपि लक्ष्मणम्
415	4008014c	सालशाखां समुत्पाट्य विनीतमुपवेशयत्
416	4008015a	ततः प्रहृष्टः सुग्रीवः श्लक्ष्णं मधुरया गिरा
417	4008015c	उवाच प्रणयाद्रामं हर्षव्याकुलिताक्षरम्
418	4008016a	अहं विनिकृतो भ्रात्रा चराम्येष भयार्दितः
419	4008016c	ऋश्यमूकं गिरिवरं हृतभार्यः सुदुःखितः
420	4008017a	सोऽहं त्रस्तो भये मग्नो वसाम्युद्भ्रान्तचेतनः
421	4008017c	वालिना निकृतो भ्रात्रा कृतवैरश्च राघव
422	4008018a	वालिनो मे भयार्तस्य सर्वलोकाभयंकर
423	4008018c	ममापि त्वमनाथस्य प्रसादं कर्तुमर्हसि
424	4008019a	एवमुक्तस्तु तेजस्वी धर्मज्ञो धर्मवत्सलः
425	4008019c	प्रत्युवाच स काकुत्स्थः सुग्रीवं प्रहसन्निव
426	4008020a	उपकारफलं मित्रमपकारोऽरिलक्षणम्
427	4008020c	अद्यैव तं हनिष्यामि तव भार्यापहारिणम्
428	4008021a	इमे हि मे महावेगाः पत्रिणस्तिग्मतेजसः
429	4008021c	कार्तिकेयवनोद्भूताः शरा हेमविभूषिताः
430	4008022a	कङ्कपत्रप्रतिच्छन्ना महेन्द्राशनिसंनिभाः
431	4008022c	सुपर्वाणः सुतीक्ष्णाग्रा सरोषा भुजगा इव
432	4008023a	भ्रातृसंज्ञममित्रं ते वालिनं कृतकिल्बिषम्
433	4008023c	शरैर्विनिहतं पश्य विकीर्णमिव पर्वतम्
434	4008024a	राघवस्य वचः श्रुत्वा सुग्रीवो वाहिनीपतिः
435	4008024c	प्रहर्षमतुलं लेभे साधु साध्विति चाब्रवीत्
436	4008025a	रामशोकाभिभूतोऽहं शोकार्तानां भवान्गतिः
437	4008025c	वयस्य इति कृत्वा हि त्वय्यहं परिदेवये
438	4008026a	त्वं हि पाणिप्रदानेन वयस्यो सोऽग्निसाक्षिकः
439	4008026c	कृतः प्राणैर्बहुमतः सत्येनापि शपाम्यहम्
440	4008027a	वयस्य इति कृत्वा च विस्रब्धं प्रवदाम्यहम्
441	4008027c	दुःखमन्तर्गतं यन्मे मनो दहति नित्यशः
442	4008028a	एतावदुक्त्वा वचनं बाष्पदूषितलोचनः
443	4008028c	बाष्पोपहतया वाचा नोच्चैः शक्नोति भाषितुम्
444	4008029a	बाष्पवेगं तु सहसा नदीवेगमिवागतम्
445	4008029c	धारयामास धैर्येण सुग्रीवो रामसंनिधौ
446	4008030a	संनिगृह्य तु तं बाष्पं प्रमृज्य नयने शुभे
447	4008030c	विनिःश्वस्य च तेजस्वी राघवं पुनरब्रवीत्
448	4008031a	पुराहं वलिना राम राज्यात्स्वादवरोपितः
449	4008031c	परुषाणि च संश्राव्य निर्धूतोऽस्मि बलीयसा
450	4008032a	हृता भार्या च मे तेन प्राणेभ्योऽपि गरीयसी
451	4008032c	सुहृदश्च मदीया ये संयता बन्धनेषु ते
452	4008033a	यत्नवांश्च सुदुष्टात्मा मद्विनाशाय राघव
453	4008033c	बहुशस्तत्प्रयुक्ताश्च वानरा निहता मया
454	4008034a	शङ्कया त्वेतया चाहं दृष्ट्वा त्वामपि राघव
455	4008034c	नोपसर्पाम्यहं भीतो भये सर्वे हि बिभ्यति
456	4008035a	केवलं हि सहाया मे हनुमत्प्रमुखास्त्विमे
457	4008035c	अतोऽहं धारयाम्यद्य प्राणान्कृच्छ्र गतोऽपि सन्
458	4008036a	एते हि कपयः स्निग्धा मां रक्षन्ति समन्ततः
459	4008036c	सह गच्छन्ति गन्तव्ये नित्यं तिष्ठन्ति च स्थिते
460	4008037a	संक्षेपस्त्वेष मे राम किमुक्त्वा विस्तरं हि ते
461	4008037c	स मे ज्येष्ठो रिपुर्भ्राता वाली विश्रुतपौरुषः
462	4008038a	तद्विनाशाद्धि मे दुःखं प्रनष्टं स्यादनन्तरम्
463	4008038c	सुखं मे जीवितं चैव तद्विनाशनिबन्धनम्
464	4008039a	एष मे राम शोकान्तः शोकार्तेन निवेदितः
465	4008039c	दुःखितोऽदुःखितो वापि सख्युर्नित्यं सखा गतिः
466	4008040a	श्रुत्वैतच्च वचो रामः सुग्रीवमिदमब्रवीत्
467	4008040c	किंनिमित्तमभूद्वैरं श्रोतुमिच्छामि तत्त्वतः
468	4008041a	सुखं हि कारणं श्रुत्वा वैरस्य तव वानर
469	4008041c	आनन्तर्यं विधास्यामि संप्रधार्य बलाबलम्
470	4008042a	बलवान्हि ममामर्षः श्रुत्वा त्वामवमानितम्
471	4008042c	वर्धते हृदयोत्कम्पी प्रावृड्वेग इवाम्भसः
472	4008043a	हृष्टः कथय विस्रब्धो यावदारोप्यते धनुः
473	4008043c	सृष्टश्च हि मया बाणो निरस्तश्च रिपुस्तव
474	4008044a	एवमुक्तस्तु सुग्रीवः काकुत्स्थेन महात्मना
475	4008044c	प्रहर्षमतुलं लेभे चतुर्भिः सह वानरैः
476	4008045a	ततः प्रहृष्टवदनः सुग्रीवो लक्ष्मणाग्रजे
477	4008045c	वैरस्य कारणं तत्त्वमाख्यातुमुपचक्रमे
478	4009001a	वाली नाम मम भ्राता ज्येष्ठः शत्रुनिषूदनः
479	4009001c	पितुर्बहुमतो नित्यं मम चापि तथा पुरा
480	4009002a	पितर्युपरतेऽस्माकं ज्येष्ठोऽयमिति मन्त्रिभिः
481	4009002c	कपीनामीश्वरो राज्ये कृतः परमसंमतः
482	4009003a	राज्यं प्रशासतस्तस्य पितृपैतामहं महत्
483	4009003c	अहं सर्वेषु कालेषु प्रणतः प्रेष्यवत्स्थितः
484	4009004a	मायावी नाम तेजस्वी पूर्वजो दुन्दुभेः सुतः
485	4009004c	तेन तस्य महद्वैरं स्त्रीकृतं विश्रुतं पुरा
486	4009005a	स तु सुप्ते जने रात्रौ किष्किन्धाद्वारमागतः
487	4009005c	नर्दति स्म सुसंरब्धो वालिनं चाह्वयद्रणे
488	4009006a	प्रसुप्तस्तु मम भ्राता नर्दितं भैरवस्वनम्
489	4009006c	श्रुत्वा न ममृषे वाली निष्पपात जवात्तदा
490	4009007a	स तु वै निःसृतः क्रोधात्तं हन्तुमसुरोत्तमम्
491	4009007c	वार्यमाणस्ततः स्त्रीभिर्मया च प्रणतात्मना
492	4009008a	स तु निर्धूय सर्वान्नो निर्जगाम महाबलः
493	4009008c	ततोऽहमपि सौहार्दान्निःसृतो वालिना सह
494	4009009a	स तु मे भ्रातरं दृष्ट्वा मां च दूरादवस्थितम्
495	4009009c	असुरो जातसंत्रासः प्रदुद्राव तदा भृशम्
496	4009010a	तस्मिन्द्रवति संत्रस्ते ह्यावां द्रुततरं गतौ
497	4009010c	प्रकाशोऽपि कृतो मार्गश्चन्द्रेणोद्गच्छता तदा
498	4009011a	स तृणैरावृतं दुर्गं धरण्या विवरं महत्
499	4009011c	प्रविवेशासुरो वेगादावामासाद्य विष्ठितौ
500	4009012a	तं प्रविष्टं रिपुं दृष्ट्वा बिलं रोषवशं गतः
501	4009012c	मामुवाच तदा वाली वचनं क्षुभितेन्द्रियः
502	4009013a	इह त्वं तिष्ठ सुग्रीव बिलद्वारि समाहितः
503	4009013c	यावदत्र प्रविश्याहं निहन्मि समरे रिपुम्
504	4009014a	मया त्वेतद्वचः श्रुत्वा याचितः स परंतप
505	4009014c	शापयित्वा च मां पद्भ्यां प्रविवेश बिलं तदा
506	4009015a	तस्य प्रविष्टस्य बिलं साग्रः संवत्सरो गतः
507	4009015c	स्थितस्य च मम द्वारि स कालो व्यत्यवर्तत
508	4009016a	अहं तु नष्टं तं ज्ञात्वा स्नेहादागतसंभ्रमः
509	4009016c	भ्रातरं न हि पश्यामि पापशङ्कि च मे मनः
510	4009017a	अथ दीर्घस्य कालस्य बिलात्तस्माद्विनिःसृतम्
511	4009017c	सफेनं रुधिरं रक्तमहं दृष्ट्वा सुदुःखितः
512	4009018a	नर्दतामसुराणां च ध्वनिर्मे श्रोत्रमागतः
513	4009018c	निरस्तस्य च संग्रामे क्रोशतो निःस्वनो गुरोः
514	4009019a	अहं त्ववगतो बुद्ध्या चिह्नैस्तैर्भ्रातरं हतम्
515	4009019c	पिधाय च बिलद्वारं शिलया गिरिमात्रया
516	4009019e	शोकार्तश्चोदकं कृत्वा किष्किन्धामागतः सखे
517	4009020a	गूहमानस्य मे तत्त्वं यत्नतो मन्त्रिभिः श्रुतम्
518	4009020c	ततोऽहं तैः समागम्य समेतैरभिषेचितः
519	4009021a	राज्यं प्रशासतस्तस्य न्यायतो मम राघव
520	4009021c	आजगाम रिपुं हत्वा वाली तमसुरोत्तमम्
521	4009022a	अभिषिक्तं तु मां दृष्ट्वा क्रोधात्संरक्तलोचनः
522	4009022c	मदीयान्मन्त्रिणो बद्ध्वा परुषं वाक्यमब्रवीत्
523	4009023a	निग्रहेऽपि समर्थस्य तं पापं प्रति राघव
524	4009023c	न प्रावर्तत मे बुद्धिर्भ्रातृगौरवयन्त्रिता
525	4009024a	मानयंस्तं महात्मानं यथावच्चाभ्यवादयम्
526	4009024c	उक्ताश्च नाशिषस्तेन संतुष्टेनान्तरात्मना
527	4010001a	ततः क्रोधसमाविष्टं संरब्धं तमुपागतम्
528	4010001c	अहं प्रसादयां चक्रे भ्रातरं प्रियकाम्यया
529	4010002a	दिष्ट्यासि कुशली प्राप्तो निहतश्च त्वया रिपुः
530	4010002c	अनाथस्य हि मे नाथस्त्वमेकोऽनाथनन्दनः
531	4010003a	इदं बहुशलाकं ते पूर्णचन्द्रमिवोदितम्
532	4010003c	छत्रं सवालव्यजनं प्रतीच्छस्व मयोद्यतम्
533	4010004a	त्वमेव राजा मानार्हः सदा चाहं यथापुरा
534	4010004c	न्यासभूतमिदं राज्यं तव निर्यातयाम्यहम्
535	4010005a	मा च रोषं कृथाः सौम्य मयि शत्रुनिबर्हण
536	4010005c	याचे त्वां शिरसा राजन्मया बद्धोऽयमञ्जलिः
537	4010006a	बलादस्मि समागम्य मन्त्रिभिः पुरवासिभिः
538	4010006c	राजभावे नियुक्तोऽहं शून्यदेशजिगीषया
539	4010007a	स्निग्धमेवं ब्रुवाणं मां स तु निर्भर्त्स्य वानरः
540	4010007c	धिक्त्वामिति च मामुक्त्वा बहु तत्तदुवाच ह
541	4010008a	प्रकृतीश्च समानीय मन्त्रिणश्चैव संमतान्
542	4010008c	मामाह सुहृदां मध्ये वाक्यं परमगर्हितम्
543	4010009a	विदितं वो यथा रात्रौ मायावी स महासुरः
544	4010009c	मां समाह्वयत क्रूरो युद्धाकाङ्क्षी सुदुर्मतिः
545	4010010a	तस्य तद्गर्जितं श्रुत्वा निःसृतोऽहं नृपालयात्
546	4010010c	अनुयातश्च मां तूर्णमयं भ्राता सुदारुणः
547	4010011a	स तु दृष्ट्वैव मां रात्रौ सद्वितीयं महाबलः
548	4010011c	प्राद्रवद्भयसंत्रस्तो वीक्ष्यावां तमनुद्रुतौ
549	4010011e	अनुद्रुतस्तु वेगेन प्रविवेश महाबिलम्
550	4010012a	तं प्रविष्टं विदित्वा तु सुघोरं सुमहद्बिलम्
551	4010012c	अयमुक्तोऽथ मे भ्राता मया तु क्रूरदर्शनः
552	4010013a	अहत्वा नास्ति मे शक्तिः प्रतिगन्तुमितः पुरीम्
553	4010013c	बिलद्वारि प्रतीक्ष त्वं यावदेनं निहन्म्यहम्
554	4010014a	स्थितोऽयमिति मत्वा तु प्रविष्टोऽहं दुरासदम्
555	4010014c	तं च मे मार्गमाणस्य गतः संवत्सरस्तदा
556	4010015a	स तु दृष्टो मया शत्रुरनिर्वेदाद्भयावहः
557	4010015c	निहतश्च मया तत्र सोऽसुरो बन्धुभिः सह
558	4010016a	तस्यास्यात्तु प्रवृत्तेन रुधिरौघेण तद्बिलम्
559	4010016c	पूर्णमासीद्दुराक्रामं स्तनतस्तस्य भूतले
560	4010017a	सूदयित्वा तु तं शत्रुं विक्रान्तं दुन्दुभेः सुतम्
561	4010017c	निष्क्रामन्नेव पश्यामि बिलस्य पिहितं मुखम्
562	4010018a	विक्रोशमानस्य तु मे सुग्रीवेति पुनः पुनः
563	4010018c	यदा प्रतिवचो नास्ति ततोऽहं भृशदुःखितः
564	4010019a	पादप्रहारैस्तु मया बहुशस्तद्विदारितम्
565	4010019c	ततोऽहं तेन निष्क्रम्य यथा पुनरुपागतः
566	4010020a	तत्रानेनास्मि संरुद्धो राज्यं मार्गयतात्मनः
567	4010020c	सुग्रीवेण नृशंसेन विस्मृत्य भ्रातृसौहृदम्
568	4010021a	एवमुक्त्वा तु मां तत्र वस्त्रेणैकेन वानरः
569	4010021c	तदा निर्वासयामास वाली विगतसाध्वसः
570	4010022a	तेनाहमपविद्धश्च हृतदारश्च राघव
571	4010022c	तद्भयाच्च महीकृत्स्ना क्रान्तेयं सवनार्णवा
572	4010023a	ऋश्यमूकं गिरिवरं भार्याहरणदुःखितः
573	4010023c	प्रविष्टोऽस्मि दुराधर्षं वालिनः कारणान्तरे
574	4010024a	एतत्ते सर्वमाख्यातं वैरानुकथनं महत्
575	4010024c	अनागसा मया प्राप्तं व्यसनं पश्य राघव
576	4010025a	वालिनस्तु भयार्तस्य सर्वलोकाभयंकर
577	4010025c	कर्तुमर्हसि मे वीर प्रसादं तस्य निग्रहात्
578	4010026a	एवमुक्तः स तेजस्वी धर्मज्ञो धर्मसंहितम्
579	4010026c	वचनं वक्तुमारेभे सुग्रीवं प्रहसन्निव
580	4010027a	अमोघाः सूर्यसंकाशा ममेमे निशिताः शराः
581	4010027c	तस्मिन्वालिनि दुर्वृत्ते पतिष्यन्ति रुषान्विताः
582	4010028a	यावत्तं न हि पश्येयं तव भार्यापहारिणम्
583	4010028c	तावत्स जीवेत्पापात्मा वाली चारित्रदूषकः
584	4010029a	आत्मानुमानात्पश्यामि मग्नं त्वां शोकसागरे
585	4010029c	त्वामहं तारयिष्यामि कामं प्राप्स्यसि पुष्कलम्
586	4011001a	रामस्य वचनं श्रुत्वा हर्षपौरुषवर्धनम्
587	4011001c	सुग्रीवः पूजयां चक्रे राघवं प्रशशंस च
588	4011002a	असंशयं प्रज्वलितैस्तीक्ष्णैर्मर्मातिगैः शरैः
589	4011002c	त्वं दहेः कुपितो लोकान्युगान्त इव भास्करः
590	4011003a	वालिनः पौरुषं यत्तद्यच्च वीर्यं धृतिश्च या
591	4011003c	तन्ममैकमनाः श्रुत्वा विधत्स्व यदनन्तरम्
592	4011004a	समुद्रात्पश्चिमात्पूर्वं दक्षिणादपि चोत्तरम्
593	4011004c	क्रामत्यनुदिते सूर्ये वाली व्यपगतक्लमः
594	4011005a	अग्राण्यारुह्य शैलानां शिखराणि महान्त्यपि
595	4011005c	ऊर्ध्वमुत्क्षिप्य तरसा प्रतिगृह्णाति वीर्यवान्
596	4011006a	बहवः सारवन्तश्च वनेषु विविधा द्रुमाः
597	4011006c	वालिना तरसा भग्ना बलं प्रथयतात्मनः
598	4011007a	महिषो दुन्दुभिर्नाम कैलासशिखरप्रभः
599	4011007c	बलं नागसहस्रस्य धारयामास वीर्यवान्
600	4011008a	वीर्योत्सेकेन दुष्टात्मा वरदानाच्च मोहितः
601	4011008c	जगाम स महाकायः समुद्रं सरितां पतिम्
602	4011009a	ऊर्मिमन्तमतिक्रम्य सागरं रत्नसंचयम्
603	4011009c	मम युद्धं प्रयच्छेति तमुवाच महार्णवम्
604	4011010a	ततः समुद्रो धर्मात्मा समुत्थाय महाबलः
605	4011010c	अब्रवीद्वचनं राजन्नसुरं कालचोदितम्
606	4011011a	समर्थो नास्मि ते दातुं युद्धं युद्धविशारद
607	4011011c	श्रूयतामभिधास्यामि यस्ते युद्धं प्रदास्यति
608	4011012a	शैलराजो महारण्ये तपस्विशरणं परम्
609	4011012c	शंकरश्वशुरो नाम्ना हिमवानिति विश्रुतः
610	4011013a	गुहा प्रस्रवणोपेतो बहुकन्दरनिर्झरः
611	4011013c	स समर्थस्तव प्रीतिमतुलां कर्तुमाहवे
612	4011014a	तं भीतमिति विज्ञाय समुद्रमसुरोत्तमः
613	4011014c	हिमवद्वनमागच्छच्छरश्चापादिव च्युतः
614	4011015a	ततस्तस्य गिरेः श्वेता गजेन्द्रविपुलाः शिलाः
615	4011015c	चिक्षेप बहुधा भूमौ दुन्दुभिर्विननाद च
616	4011016a	ततः श्वेताम्बुदाकारः सौम्यः प्रीतिकराकृतिः
617	4011016c	हिमवानब्रवीद्वाक्यं स्व एव शिखरे स्थितः
618	4011017a	क्लेष्टुमर्हसि मां न त्वं दुन्दुभे धर्मवत्सल
619	4011017c	रणकर्मस्वकुशलस्तपस्विशरणं ह्यहम्
620	4011018a	तस्य तद्वचनं श्रुत्वा गिरिराजस्य धीमतः
621	4011018c	उवाच दुन्दुभिर्वाक्यं क्रोधात्संरक्तलोचनः
622	4011019a	यदि युद्धेऽसमर्थस्त्वं मद्भयाद्वा निरुद्यमः
623	4011019c	तमाचक्ष्व प्रदद्यान्मे योऽद्य युद्धं युयुत्सतः
624	4011020a	हिमवानब्रवीद्वाक्यं श्रुत्वा वाक्यविशारदः
625	4011020c	अनुक्तपूर्वं धर्मात्मा क्रोधात्तमसुरोत्तमम्
626	4011021a	वाली नाम महाप्राज्ञः शक्रतुल्यपराक्रमः
627	4011021c	अध्यास्ते वानरः श्रीमान्किष्किन्धामतुलप्रभाम्
628	4011022a	स समर्थो महाप्राज्ञस्तव युद्धविशारदः
629	4011022c	द्वन्द्वयुद्धं महद्दातुं नमुचेरिव वासवः
630	4011023a	तं शीघ्रमभिगच्छ त्वं यदि युद्धमिहेच्छसि
631	4011023c	स हि दुर्धर्षणो नित्यं शूरः समरकर्मणि
632	4011024a	श्रुत्वा हिमवतो वाक्यं क्रोधाविष्टः स दुन्दुभिः
633	4011024c	जगाम तां पुरीं तस्य किष्किन्धां वालिनस्तदा
634	4011025a	धारयन्माहिषं रूपं तीक्ष्णशृङ्गो भयावहः
635	4011025c	प्रावृषीव महामेघस्तोयपूर्णो नभस्तले
636	4011026a	ततस्तु द्वारमागम्य किष्किन्धाया महाबलः
637	4011026c	ननर्द कम्पयन्भूमिं दुन्दुभिर्दुन्दुभिर्यथा
638	4011027a	समीपजान्द्रुमान्भञ्जन्वसुधां दारयन्खुरैः
639	4011027c	विषाणेनोल्लेखन्दर्पात्तद्द्वारं द्विरदो यथा
640	4011028a	अन्तःपुरगतो वाली श्रुत्वा शब्दममर्षणः
641	4011028c	निष्पपात सह स्त्रीभिस्ताराभिरिव चन्द्रमाः
642	4011029a	मितं व्यक्ताक्षरपदं तमुवाच स दुन्दुभिम्
643	4011029c	हरीणामीश्वरो वाली सर्वेषां वनचारिणाम्
644	4011030a	किमर्थं नगरद्वारमिदं रुद्ध्वा विनर्दसि
645	4011030c	दुन्दुभे विदितो मेऽसि रक्ष प्राणान्महाबल
646	4011031a	तस्य तद्वचनं श्रुत्वा वानरेन्द्रस्य धीमतः
647	4011031c	उवाच दुन्दुभिर्वाक्यं क्रोधात्संरक्तलोचनः
648	4011032a	न त्वं स्त्रीसंनिधौ वीर वचनं वक्तुमर्हसि
649	4011032c	मम युद्धं प्रयच्छ त्वं ततो ज्ञास्यामि ते बलम्
650	4011033a	अथ वा धारयिष्यामि क्रोधमद्य निशामिमाम्
651	4011033c	गृह्यतामुदयः स्वैरं कामभोगेषु वानर
652	4011034a	यो हि मत्तं प्रमत्तं वा सुप्तं वा रहितं भृशम्
653	4011034c	हन्यात्स भ्रूणहा लोके त्वद्विधं मदमोहितम्
654	4011035a	स प्रहस्याब्रवीन्मन्दं क्रोधात्तमसुरोत्तमम्
655	4011035c	विसृज्य ताः स्त्रियः सर्वास्ताराप्रभृतिकास्तदा
656	4011036a	मत्तोऽयमिति मा मंस्था यद्यभीतोऽसि संयुगे
657	4011036c	मदोऽयं संप्रहारेऽस्मिन्वीरपानं समर्थ्यताम्
658	4011037a	तमेवमुक्त्वा संक्रुद्धो मालामुत्क्षिप्य काञ्चनीम्
659	4011037c	पित्रा दत्तां महेन्द्रेण युद्धाय व्यवतिष्ठत
660	4011038a	विषाणयोर्गृहीत्वा तं दुन्दुभिं गिरिसंनिभम्
661	4011038c	वाली व्यापातयां चक्रे ननर्द च महास्वनम्
662	4011039a	युद्धे प्राणहरे तस्मिन्निष्पिष्टो दुन्दुभिस्तदा
663	4011039c	श्रोत्राभ्यामथ रक्तं तु तस्य सुस्राव पात्यतः
664	4011039e	पपात च महाकायः क्षितौ पञ्चत्वमागतः
665	4011040a	तं तोलयित्वा बाहुभ्यां गतसत्त्वमचेतनम्
666	4011040c	चिक्षेप वेगवान्वाली वेगेनैकेन योजनम्
667	4011041a	तस्य वेगप्रविद्धस्य वक्त्रात्क्षतजबिन्दवः
668	4011041c	प्रपेतुर्मारुतोत्क्षिप्ता मतङ्गस्याश्रमं प्रति
669	4011042a	तान्दृष्ट्वा पतितांस्तत्र मुनिः शोणितविप्रुषः
670	4011042c	उत्ससर्ज महाशापं क्षेप्तारं वालिनं प्रति
671	4011042e	इह तेनाप्रवेष्टव्यं प्रविष्टस्य बधो भवेत्
672	4011043a	स महर्षिं समासाद्य याचते स्म कृताञ्जलिः
673	4011044a	ततः शापभयाद्भीत ऋश्यमूकं महागिरिम्
674	4011044c	प्रवेष्टुं नेच्छति हरिर्द्रष्टुं वापि नरेश्वर
675	4011045a	तस्याप्रवेशं ज्ञात्वाहमिदं राम महावनम्
676	4011045c	विचरामि सहामात्यो विषादेन विवर्जितः
677	4011046a	एषोऽस्थिनिचयस्तस्य दुन्दुभेः संप्रकाशते
678	4011046c	वीर्योत्सेकान्निरस्तस्य गिरिकूटनिभो महान्
679	4011047a	इमे च विपुलाः सालाः सप्त शाखावलम्बिनः
680	4011047c	यत्रैकं घटते वाली निष्पत्रयितुमोजसा
681	4011048a	एतदस्यासमं वीर्यं मया राम प्रकाशितम्
682	4011048c	कथं तं वालिनं हन्तुं समरे शक्ष्यसे नृप
683	4011049a	यदि भिन्द्याद्भवान्सालानिमांस्त्वेकेषुणा ततः
684	4011049c	जानीयां त्वां महाबाहो समर्थं वालिनो वधे
685	4011050a	तस्य तद्वचनं श्रुत्वा सुग्रीवस्य महात्मनः
686	4011050c	राघवो दुन्दुभेः कायं पादाङ्गुष्ठेन लीलया
687	4011050e	तोलयित्वा महाबाहुश्चिक्षेप दशयोजनम्
688	4011051a	क्षिप्तं दृष्ट्वा ततः कायं सुग्रीवः पुनरब्रवीत्
689	4011051c	लक्ष्मणस्याग्रतो राममिदं वचनमर्थवत्
690	4011052a	आर्द्रः समांसप्रत्यग्रः क्षिप्तः कायः पुरा सखे
691	4011052c	लघुः संप्रति निर्मांसस्तृणभूतश्च राघव
692	4011052e	नात्र शक्यं बलं ज्ञातुं तव वा तस्य वाधिकम्
693	4012001a	एतच्च वचनं श्रुत्वा सुग्रीवेण सुभाषितम्
694	4012001c	प्रत्ययार्थं महातेजा रामो जग्राह कार्मुकम्
695	4012002a	स गृहीत्वा धनुर्घोरं शरमेकं च मानदः
696	4012002c	सालानुद्दिश्य चिक्षेप ज्यास्वनैः पूरयन्दिशः
697	4012003a	स विसृष्टो बलवता बाणः स्वर्णपरिष्कृतः
698	4012003c	भित्त्वा सालान्गिरिप्रस्थे सप्त भूमिं विवेश ह
699	4012004a	प्रविष्टस्तु मुहूर्तेन रसां भित्त्वा महाजवः
700	4012004c	निष्पत्य च पुनस्तूर्णं स्वतूणीं प्रविवेश ह
701	4012005a	तान्दृष्ट्वा सप्त निर्भिन्नान्सालान्वानरपुंगवः
702	4012005c	रामस्य शरवेगेन विस्मयं परमं गतः
703	4012006a	स मूर्ध्ना न्यपतद्भूमौ प्रलम्बीकृतभूषणः
704	4012006c	सुग्रीवः परमप्रीतो राघवाय कृताञ्जलिः
705	4012007a	इदं चोवाच धर्मज्ञं कर्मणा तेन हर्षितः
706	4012007c	रामं सर्वास्त्रविदुषां श्रेष्ठं शूरमवस्थितम्
707	4012008a	सेन्द्रानपि सुरान्सर्वांस्त्वं बाणैः पुरुषर्षभ
708	4012008c	समर्थः समरे हन्तुं किं पुनर्वालिनं प्रभो
709	4012009a	येन सप्त महासाला गिरिर्भूमिश्च दारिताः
710	4012009c	बाणेनैकेन काकुत्स्थ स्थाता ते को रणाग्रतः
711	4012010a	अद्य मे विगतः शोकः प्रीतिरद्य परा मम
712	4012010c	सुहृदं त्वां समासाद्य महेन्द्रवरुणोपमम्
713	4012011a	तमद्यैव प्रियार्थं मे वैरिणं भ्रातृरूपिणम्
714	4012011c	वालिनं जहि काकुत्स्थ मया बद्धोऽयमञ्जलिः
715	4012012a	ततो रामः परिष्वज्य सुग्रीवं प्रियदर्शनम्
716	4012012c	प्रत्युवाच महाप्राज्ञो लक्ष्मणानुमतं वचः
717	4012013a	अस्माद्गच्छाम किष्किन्धां क्षिप्रं गच्छ त्वमग्रतः
718	4012013c	गत्वा चाह्वय सुग्रीव वालिनं भ्रातृगन्धिनम्
719	4012014a	सर्वे ते त्वरितं गत्वा किष्किन्धां वालिनः पुरीम्
720	4012014c	वृक्षैरात्मानमावृत्य व्यतिष्ठन्गहने वने
721	4012015a	सुग्रीवो व्यनदद्घोरं वालिनो ह्वानकारणात्
722	4012015c	गाढं परिहितो वेगान्नादैर्भिन्दन्निवाम्बरम्
723	4012016a	तं श्रुत्वा निनदं भ्रातुः क्रुद्धो वाली महाबलः
724	4012016c	निष्पपात सुसंरब्धो भास्करोऽस्ततटादिव
725	4012017a	ततः सुतुमुलं युद्धं वालिसुग्रीवयोरभूत्
726	4012017c	गगने ग्रहयोर्घोरं बुधाङ्गारकयोरिव
727	4012018a	तलैरशनिकल्पैश्च वज्रकल्पैश्च मुष्टिभिः
728	4012018c	जघ्नतुः समरेऽन्योन्यं भ्रातरौ क्रोधमूर्छितौ
729	4012019a	ततो रामो धनुष्पाणिस्तावुभौ समुदीक्ष्य तु
730	4012019c	अन्योन्यसदृशौ वीरावुभौ देवाविवाश्विनौ
731	4012020a	यन्नावगच्छत्सुग्रीवं वालिनं वापि राघवः
732	4012020c	ततो न कृतवान्बुद्धिं मोक्तुमन्तकरं शरम्
733	4012021a	एतस्मिन्नन्तरे भग्नः सुग्रीवस्तेन वालिना
734	4012021c	अपश्यन्राघवं नाथमृश्यमूकं प्रदुद्रुवे
735	4012022a	क्लान्तो रुधिरसिक्ताङ्गः प्रहारैर्जर्जरीकृतः
736	4012022c	वालिनाभिद्रुतः क्रोधात्प्रविवेश महावनम्
737	4012023a	तं प्रविष्टं वनं दृष्ट्वा वाली शापभयात्ततः
738	4012023c	मुक्तो ह्यसि त्वमित्युक्त्वा स निवृत्तो महाबलः
739	4012024a	राघवोऽपि सह भ्रात्रा सह चैव हनूमता
740	4012024c	तदेव वनमागच्छत्सुग्रीवो यत्र वानरः
741	4012025a	तं समीक्ष्यागतं रामं सुग्रीवः सहलक्ष्मणम्
742	4012025c	ह्रीमान्दीनमुवाचेदं वसुधामवलोकयन्
743	4012026a	आह्वयस्वेति मामुक्त्वा दर्शयित्वा च विक्रमम्
744	4012026c	वैरिणा घातयित्वा च किमिदानीं त्वया कृतम्
745	4012027a	तामेव वेलां वक्तव्यं त्वया राघव तत्त्वतः
746	4012027c	वालिनं न निहन्मीति ततो नाहमितो व्रजे
747	4012028a	तस्य चैवं ब्रुवाणस्य सुग्रीवस्य महात्मनः
748	4012028c	करुणं दीनया वाचा राघवः पुनरब्रवीत्
749	4012029a	सुग्रीव श्रूयतां तातः क्रोधश्च व्यपनीयताम्
750	4012029c	कारणं येन बाणोऽयं न मया स विसर्जितः
751	4012030a	अलंकारेण वेषेण प्रमाणेन गतेन च
752	4012030c	त्वं च सुग्रीव वाली च सदृशौ स्थः परस्परम्
753	4012031a	स्वरेण वर्चसा चैव प्रेक्षितेन च वानर
754	4012031c	विक्रमेण च वाक्यैश्च व्यक्तिं वां नोपलक्षये
755	4012032a	ततोऽहं रूपसादृश्यान्मोहितो वानरोत्तम
756	4012032c	नोत्सृजामि महावेगं शरं शत्रुनिबर्हणम्
757	4012033a	एतन्मुहूर्ते तु मया पश्य वालिनमाहवे
758	4012033c	निरस्तमिषुणैकेन वेष्टमानं महीतले
759	4012034a	अभिज्ञानं कुरुष्व त्वमात्मनो वानरेश्वर
760	4012034c	येन त्वामभिजानीयां द्वन्द्वयुद्धमुपागतम्
761	4012035a	गजपुष्पीमिमां फुल्लामुत्पाट्य शुभलक्षणाम्
762	4012035c	कुरु लक्ष्मण कण्ठेऽस्य सुग्रीवस्य महात्मनः
763	4012036a	ततो गिरितटे जातामुत्पाट्य कुसुमायुताम्
764	4012036c	लक्ष्मणो गजपुष्पीं तां तस्य कण्ठे व्यसर्जयत्
765	4012037a	स तथा शुशुभे श्रीमाँल्लतया कण्ठसक्तया
766	4012037c	मालयेव बलाकानां ससंध्य इव तोयदः
767	4012038a	विभ्राजमानो वपुषा रामवाक्यसमाहितः
768	4012038c	जगाम सह रामेण किष्किन्धां वालिपालिताम्
769	4013001a	ऋश्यमूकात्स धर्मात्मा किष्किन्धां लक्ष्मणाग्रजः
770	4013001c	जगाम सहसुग्रीवो वालिविक्रमपालिताम्
771	4013002a	समुद्यम्य महच्चापं रामः काञ्चनभूषितम्
772	4013002c	शरांश्चादित्य संकाशान्गृहीत्वा रणसाधकान्
773	4013003a	अग्रतस्तु ययौ तस्य राघवस्य महात्मनः
774	4013003c	सुग्रीवः संहतग्रीवो लक्ष्मणश्च महाबलः
775	4013004a	पृष्ठतो हनुमान्वीरो नलो नीलश्च वानरः
776	4013004c	तारश्चैव महातेजा हरियूथप यूथपाः
777	4013005a	ते वीक्षमाणा वृक्षांश्च पुष्पभारावलम्बिनः
778	4013005c	प्रसन्नाम्बुवहाश्चैव सरितः सागरं गमाः
779	4013006a	कन्दराणि च शैलांश्च निर्झराणि गुहास्तथा
780	4013006c	शिखराणि च मुख्यानि दरीश्च प्रियदर्शनाः
781	4013007a	वैदूर्यविमलैः पर्णैः पद्मैश्चाकाशकुड्मलैः
782	4013007c	शोभितान्सजलान्मार्गे तटाकांश्च व्यलोकयन्
783	4013008a	कारण्डैः सारसैर्हंसैर्वञ्जूलैर्जलकुक्कुटैः
784	4013008c	चक्रवाकैस्तथा चान्यैः शकुनैः प्रतिनादितान्
785	4013009a	मृदुशष्पाङ्कुराहारान्निर्भयान्वनगोचरान्
786	4013009c	चरतः सर्वतोऽपश्यन्स्थलीषु हरिणान्स्थितान्
787	4013010a	तटाकवैरिणश्चापि शुक्लदन्तविभूषितान्
788	4013010c	घोरानेकचरान्वन्यान्द्विरदान्कूलघातिनः
789	4013011a	वने वनचरांश्चान्यान्खेचरांश्च विहंगमान्
790	4013011c	पश्यन्तस्त्वरिता जग्मुः सुग्रीववशवर्तिनः
791	4013012a	तेषां तु गच्छतां तत्र त्वरितं रघुनन्दनः
792	4013012c	द्रुमषण्डं वनं दृष्ट्वा रामः सुग्रीवमब्रवीत्
793	4013013a	एष मेघ इवाकाशे वृक्षषण्डः प्रकाशते
794	4013013c	मेघसंघातविपुलः पर्यन्तकदलीवृतः
795	4013014a	किमेतज्ज्ञातुमिच्छामि सखे कौतूहलं मम
796	4013014c	कौतूहलापनयनं कर्तुमिच्छाम्यहं त्वया
797	4013015a	तस्य तद्वचनं श्रुत्वा राघवस्य महात्मनः
798	4013015c	गच्छन्नेवाचचक्षेऽथ सुग्रीवस्तन्महद्वनम्
799	4013016a	एतद्राघव विस्तीर्णमाश्रमं श्रमनाशनम्
800	4013016c	उद्यानवनसंपन्नं स्वादुमूलफलोदकम्
801	4013017a	अत्र सप्तजना नाम मुनयः संशितव्रताः
802	4013017c	सप्तैवासन्नधःशीर्षा नियतं जलशायिनः
803	4013018a	सप्तरात्रकृताहारा वायुना वनवासिनः
804	4013018c	दिवं वर्षशतैर्याताः सप्तभिः सकलेवराः
805	4013019a	तेषामेवं प्रभावेन द्रुमप्राकारसंवृतम्
806	4013019c	आश्रमं सुदुराधर्षमपि सेन्द्रैः सुरासुरैः
807	4013020a	पक्षिणो वर्जयन्त्येतत्तथान्ये वनचारिणः
808	4013020c	विशन्ति मोहाद्येऽप्यत्र निवर्तन्ते न ते पुनः
809	4013021a	विभूषणरवाश्चात्र श्रूयन्ते सकलाक्षराः
810	4013021c	तूर्यगीतस्वनाश्चापि गन्धो दिव्यश्च राघव
811	4013022a	त्रेताग्नयोऽपि दीप्यन्ते धूमो ह्येष प्रदृश्यते
812	4013022c	वेष्टयन्निव वृक्षाग्रान्कपोताङ्गारुणो घनः
813	4013023a	कुरु प्रणामं धर्मात्मंस्तान्समुद्दिश्य राघवः
814	4013023c	लक्ष्मणेन सह भ्रात्रा प्रयतः संयताञ्जलिः
815	4013024a	प्रणमन्ति हि ये तेषामृषीणां भावितात्मनाम्
816	4013024c	न तेषामशुभं किंचिच्छरीरे राम दृश्यते
817	4013025a	ततो रामः सह भ्रात्रा लक्ष्मणेन कृताञ्जलिः
818	4013025c	समुद्दिश्य महात्मानस्तानृषीनभ्यवादयत्
819	4013026a	अभिवाद्य च धर्मात्मा रामो भ्राता च लक्ष्मणः
820	4013026c	सुग्रीवो वानराश्चैव जग्मुः संहृष्टमानसाः
821	4013027a	ते गत्वा दूरमध्वानं तस्मात्सप्तजनाश्रमात्
822	4013027c	ददृशुस्तां दुराधर्षां किष्किन्धां वालिपालिताम्
823	4014001a	सर्वे ते त्वरितं गत्वा किष्किन्धां वालिपालिताम्
824	4014001c	वृक्षैरात्मानमावृत्य व्यतिष्ठन्गहने वने
825	4014002a	विचार्य सर्वतो दृष्टिं कानने काननप्रियः
826	4014002c	सुग्रीवो विपुलग्रीवः क्रोधमाहारयद्भृशम्
827	4014003a	ततः स निनदं घोरं कृत्वा युद्धाय चाह्वयत्
828	4014003c	परिवारैः परिवृतो नादैर्भिन्दन्निवाम्बरम्
829	4014004a	अथ बालार्कसदृशो दृप्तसिंहगतिस्तदा
830	4014004c	दृष्ट्वा रामं क्रियादक्षं सुग्रीवो वाक्यमब्रवीत्
831	4014005a	हरिवागुरया व्याप्तं तप्तकाञ्चनतोरणाम्
832	4014005c	प्राप्ताः स्म ध्वजयन्त्राढ्यां किष्किन्धां वालिनः पुरीम्
833	4014006a	प्रतिज्ञा या त्वया वीर कृता वालिवधे पुरा
834	4014006c	सफलां तां कुरु क्षिप्रं लतां काल इवागतः
835	4014007a	एवमुक्तस्तु धर्मात्मा सुग्रीवेण स राघवः
836	4014007c	तमथोवाच सुग्रीवं वचनं शत्रुसूदनः
837	4014008a	कृताभिज्ञान चिह्नस्त्वमनया गजसाह्वया
838	4014008c	विपरीत इवाकाशे सूर्यो नक्षत्र मालया
839	4014009a	अद्य वालिसमुत्थं ते भयं वैरं च वानर
840	4014009c	एकेनाहं प्रमोक्ष्यामि बाणमोक्षेण संयुगे
841	4014010a	मम दर्शय सुग्रीववैरिणं भ्रातृरूपिणम्
842	4014010c	वाली विनिहतो यावद्वने पांसुषु वेष्टते
843	4014011a	यदि दृष्टिपथं प्राप्तो जीवन्स विनिवर्तते
844	4014011c	ततो दोषेण मा गच्छेत्सद्यो गर्हेच्च मा भवान्
845	4014012a	प्रत्यक्षं सप्त ते साला मया बाणेन दारिताः
846	4014012c	ततो वेत्सि बलेनाद्य बालिनं निहतं मया
847	4014013a	अनृतं नोक्तपूर्वं मे वीर कृच्छ्रेऽपि तिष्ठता
848	4014013c	धर्मलोभपरीतेन न च वक्ष्ये कथंचन
849	4014014a	सफलां च करिष्यामि प्रतिज्ञां जहि संभ्रमम्
850	4014014c	प्रसूतं कलमं क्षेत्रे वर्षेणेव शतक्रतुः
851	4014015a	तदाह्वाननिमित्तं त्वं वालिनो हेममालिनः
852	4014015c	सुग्रीव कुरु तं शब्दं निष्पतेद्येन वानरः
853	4014016a	जितकाशी जयश्लाघी त्वया चाधर्षितः पुरात्
854	4014016c	निष्पतिष्यत्यसंगेन वाली स प्रियसंयुगः
855	4014017a	रिपूणां धर्षणं शूरा मर्षयन्ति न संयुगे
856	4014017c	जानन्तस्तु स्वकं वीर्यं स्त्रीसमक्षं विशेषतः
857	4014018a	स तु रामवचः श्रुत्वा सुग्रीवो हेमपिङ्गलः
858	4014018c	ननर्द क्रूरनादेन विनिर्भिन्दन्निवाम्बरम्
859	4014019a	तस्य शब्देन वित्रस्ता गावो यान्ति हतप्रभाः
860	4014019c	राजदोषपरामृष्टाः कुलस्त्रिय इवाकुलाः
861	4014020a	द्रवन्ति च मृगाः शीघ्रं भग्ना इव रणे हयाः
862	4014020c	पतन्ति च खगा भूमौ क्षीणपुण्या इव ग्रहाः
863	4014021a	ततः स जीमूतगणप्रणादो; नादं व्यमुञ्चत्त्वरया प्रतीतः
864	4014021c	सूर्यात्मजः शौर्यविवृद्धतेजाः; सरित्पतिर्वानिलचञ्चलोर्मिः
865	4015001a	अथ तस्य निनादं तं सुग्रीवस्य महात्मनः
866	4015001c	शुश्रावान्तःपुरगतो वाली भ्रातुरमर्षणः
867	4015002a	श्रुत्वा तु तस्य निनदं सर्वभूतप्रकम्पनम्
868	4015002c	मदश्चैकपदे नष्टः क्रोधश्चापतितो महान्
869	4015003a	स तु रोषपरीताङ्गो वाली संध्यातपप्रभः
870	4015003c	उपरक्त इवादित्यः सद्यो निष्प्रभतां गतः
871	4015004a	वाली दंष्ट्रा करालस्तु क्रोधाद्दीप्ताग्निसंनिभः
872	4015004c	भात्युत्पतितपद्माभः समृणाल इव ह्रदः
873	4015005a	शब्दं दुर्मर्षणं श्रुत्वा निष्पपात ततो हरिः
874	4015005c	वेगेन चरणन्यासैर्दारयन्निव मेदिनीम्
875	4015006a	तं तु तारा परिष्वज्य स्नेहाद्दर्शितसौहृदा
876	4015006c	उवाच त्रस्तसंभ्रान्ता हितोदर्कमिदं वचः
877	4015007a	साधु क्रोधमिमं वीर नदी वेगमिवागतम्
878	4015007c	शयनादुत्थितः काल्यं त्यज भुक्तामिव स्रजम्
879	4015008a	सहसा तव निष्क्रामो मम तावन्न रोचते
880	4015008c	श्रूयतामभिधास्यामि यन्निमित्तं निवार्यसे
881	4015009a	पूर्वमापतितः क्रोधात्स त्वामाह्वयते युधि
882	4015009c	निष्पत्य च निरस्तस्ते हन्यमानो दिशो गतः
883	4015010a	त्वया तस्य निरस्तस्य पीडितस्य विशेषतः
884	4015010c	इहैत्य पुनराह्वानं शङ्कां जनयतीव मे
885	4015011a	दर्पश्च व्यवसायश्च यादृशस्तस्य नर्दतः
886	4015011c	निनादस्य च संरम्भो नैतदल्पं हि कारणम्
887	4015012a	नासहायमहं मन्ये सुग्रीवं तमिहागतम्
888	4015012c	अवष्टब्धसहायश्च यमाश्रित्यैष गर्जति
889	4015013a	प्रकृत्या निपुणश्चैव बुद्धिमांश्चैव वानरः
890	4015013c	अपरीक्षितवीर्येण सुग्रीवः सह नैष्यति
891	4015014a	पूर्वमेव मया वीर श्रुतं कथयतो वचः
892	4015014c	अङ्गदस्य कुमारस्य वक्ष्यामि त्वा हितं वचः
893	4015015a	तव भ्रातुर्हि विख्यातः सहायो रणकर्कशः
894	4015015c	रामः परबलामर्दी युगान्ताग्निरिवोत्थितः
895	4015016a	निवासवृक्षः साधूनामापन्नानां परा गतिः
896	4015016c	आर्तानां संश्रयश्चैव यशसश्चैकभाजनम्
897	4015017a	ज्ञानविज्ञानसंपन्नो निदेशो निरतः पितुः
898	4015017c	धातूनामिव शैलेन्द्रो गुणानामाकरो महान्
899	4015018a	तत्क्षमं न विरोधस्ते सह तेन महात्मना
900	4015018c	दुर्जयेनाप्रमेयेन रामेण रणकर्मसु
901	4015019a	शूर वक्ष्यामि ते किंचिन्न चेच्छाम्यभ्यसूयितुम्
902	4015019c	श्रूयतां क्रियतां चैव तव वक्ष्यामि यद्धितम्
903	4015020a	यौवराज्येन सुग्रीवं तूर्णं साध्वभिषेचय
904	4015020c	विग्रहं मा कृथा वीर भ्रात्रा राजन्बलीयसा
905	4015021a	अहं हि ते क्षमं मन्ये तव रामेण सौहृदम्
906	4015021c	सुग्रीवेण च संप्रीतिं वैरमुत्सृज्य दूरतः
907	4015022a	लालनीयो हि ते भ्राता यवीयानेष वानरः
908	4015022c	तत्र वा सन्निहस्थो वा सर्वथा बन्धुरेव ते
909	4015023a	यदि ते मत्प्रियं कार्यं यदि चावैषि मां हिताम्
910	4015023c	याच्यमानः प्रयत्नेन साधु वाक्यं कुरुष्व मे
911	4016001a	तामेवं ब्रुवतीं तारां ताराधिपनिभाननाम्
912	4016001c	वाली निर्भर्त्सयामास वचनं चेदमब्रवीत्
913	4016002a	गर्जतोऽस्य च संरम्भं भ्रातुः शत्रोर्विशेषतः
914	4016002c	मर्षयिष्याम्यहं केन कारणेन वरानने
915	4016003a	अधर्षितानां शूराणां समरेष्वनिवर्तिनाम्
916	4016003c	धर्षणामर्षणं भीरु मरणादतिरिच्यते
917	4016004a	सोढुं न च समर्थोऽहं युद्धकामस्य संयुगे
918	4016004c	सुग्रीवस्य च संरम्भं हीनग्रीवस्य गर्जतः
919	4016005a	न च कार्यो विषादस्ते राघवं प्रति मत्कृते
920	4016005c	धर्मज्ञश्च कृतज्ञश्च कथं पापं करिष्यति
921	4016006a	निवर्तस्व सह स्त्रीभिः कथं भूयोऽनुगच्छसि
922	4016006c	सौहृदं दर्शितं तारे मयि भक्तिः कृता त्वया
923	4016007a	प्रतियोत्स्याम्यहं गत्वा सुग्रीवं जहि संभ्रमम्
924	4016007c	दर्पं चास्य विनेष्यामि न च प्राणैर्विमोक्ष्यते
925	4016008a	शापितासि मम प्राणैर्निवर्तस्व जयेन च
926	4016008c	अहं जित्वा निवर्तिष्ये तमलं भ्रातरं रणे
927	4016009a	तं तु तारा परिष्वज्य वालिनं प्रियवादिनी
928	4016009c	चकार रुदती मन्दं दक्षिणा सा प्रदक्षिणम्
929	4016010a	ततः स्वस्त्ययनं कृत्वा मन्त्रवद्विजयैषिणी
930	4016010c	अन्तःपुरं सह स्त्रीभिः प्रविष्टा शोकमोहिता
931	4016011a	प्रविष्टायां तु तारायां सह स्त्रीभिः स्वमालयम्
932	4016011c	नगरान्निर्ययौ क्रुद्धो महासर्प इव श्वसन्
933	4016012a	स निःश्वस्य महावेगो वाली परमरोषणः
934	4016012c	सर्वतश्चारयन्दृष्टिं शत्रुदर्शनकाङ्क्षया
935	4016013a	स ददर्श ततः श्रीमान्सुग्रीवं हेमपिङ्गलम्
936	4016013c	सुसंवीतमवष्टब्धं दीप्यमानमिवानलम्
937	4016014a	स तं दृष्ट्वा महावीर्यं सुग्रीवं पर्यवस्थितम्
938	4016014c	गाढं परिदधे वासो वाली परमरोषणः
939	4016015a	स वाली गाढसंवीतो मुष्टिमुद्यम्य वीर्यवान्
940	4016015c	सुग्रीवमेवाभिमुखो ययौ योद्धुं कृतक्षणः
941	4016016a	श्लिष्टमुष्टिं समुद्यम्य संरब्धतरमागतः
942	4016016c	सुग्रीवोऽपि समुद्दिश्य वालिनं हेममालिनम्
943	4016017a	तं वाली क्रोधताम्राक्षः सुग्रीवं रणपण्डितम्
944	4016017c	आपतन्तं महावेगमिदं वचनमब्रवीत्
945	4016018a	एष मुष्टिर्मया बद्धो गाढः सुनिहिताङ्गुलिः
946	4016018c	मया वेगविमुक्तस्ते प्राणानादाय यास्यति
947	4016019a	एवमुक्तस्तु सुग्रीवः क्रुद्धो वालिनमब्रवीत्
948	4016019c	तवैव च हरन्प्राणान्मुष्टिः पततु मूर्धनि
949	4016020a	ताडितस्तेन संक्रुद्धः समभिक्रम्य वेगतः
950	4016020c	अभवच्छोणितोद्गारी सोत्पीड इव पर्वतः
951	4016021a	सुग्रीवेण तु निःसंगं सालमुत्पाट्य तेजसा
952	4016021c	गात्रेष्वभिहतो वाली वज्रेणेव महागिरिः
953	4016022a	स तु वाली प्रचरितः सालताडनविह्वलः
954	4016022c	गुरुभारसमाक्रान्ता सागरे नौरिवाभवत्
955	4016023a	तौ भीमबलविक्रान्तौ सुपर्णसमवेगिनौ
956	4016023c	प्रवृद्धौ घोरवपुषौ चन्द्रसूर्याविवाम्बरे
957	4016024a	वालिना भग्नदर्पस्तु सुग्रीवो मन्दविक्रमः
958	4016024c	वालिनं प्रति सामर्षो दर्शयामास लाघवम्
959	4016025a	ततो धनुषि संधाय शरमाशीविषोपमम्
960	4016025c	राघवेण महाबाणो वालिवक्षसि पातितः
961	4016026a	वेगेनाभिहतो वाली निपपात महीतले
962	4016027a	अथोक्षितः शोणिततोयविस्रवैः; सुपुष्पिताशोक इवानिलोद्धतः
963	4016027c	विचेतनो वासवसूनुराहवे; प्रभ्रंशितेन्द्रध्वजवत्क्षितिं गतः
964	4017001a	ततः शरेणाभिहतो रामेण रणकर्कशः
965	4017001c	पपात सहसा वाली निकृत्त इव पादपः
966	4017002a	स भूमौ न्यस्तसर्वाङ्गस्तप्तकाञ्चनभूषणः
967	4017002c	अपतद्देवराजस्य मुक्तरश्मिरिव ध्वजः
968	4017003a	तस्मिन्निपतिते भूमौ हर्यृषाणां गणेश्वरे
969	4017003c	नष्टचन्द्रमिव व्योम न व्यराजत भूतलम्
970	4017004a	भूमौ निपतितस्यापि तस्य देहं महात्मनः
971	4017004c	न श्रीर्जहाति न प्राणा न तेजो न पराक्रमः
972	4017005a	शक्रदत्ता वरा माला काञ्चनी रत्नभूषिता
973	4017005c	दधार हरिमुख्यस्य प्राणांस्तेजः श्रियं च सा
974	4017006a	स तया मालया वीरो हैमया हरियूथपः
975	4017006c	संध्यानुगतपर्यन्तः पयोधर इवाभवत्
976	4017007a	तस्य माला च देहश्च मर्मघाती च यः शरः
977	4017007c	त्रिधेव रचिता लक्ष्मीः पतितस्यापि शोभते
978	4017008a	तदस्त्रं तस्य वीरस्य स्वर्गमार्गप्रभावनम्
979	4017008c	रामबाणासनक्षिप्तमावहत्परमां गतिम्
980	4017009a	तं तथा पतितं संख्ये गतार्चिषमिवानलम्
981	4017009c	ययातिमिव पुण्यान्ते देवलोकात्परिच्युतम्
982	4017010a	आदित्यमिव कालेन युगान्ते भुवि पातितम्
983	4017010c	महेन्द्रमिव दुर्धर्षं महेन्द्रमिव दुःसहम्
984	4017011a	महेन्द्रपुत्रं पतितं वालिनं हेममालिनम्
985	4017011c	सिंहोरस्कं महाबाहुं दीप्तास्यं हरिलोचनम्
986	4017011e	लक्ष्मणानुगतो रामो ददर्शोपससर्प च
987	4017012a	स दृष्ट्वा राघवं वाली लक्ष्मणं च महाबलम्
988	4017012c	अब्रवीत्प्रश्रितं वाक्यं परुषं धर्मसंहितम्
989	4017013a	पराङ्मुखवधं कृत्वा को नु प्राप्तस्त्वया गुणः
990	4017013c	यदहं युद्धसंरब्धस्त्वत्कृते निधनं गतः
991	4017014a	कुलीनः सत्त्वसंपन्नस्तेजस्वी चरितव्रतः
992	4017014c	रामः करुणवेदी च प्रजानां च हिते रतः
993	4017015a	सानुक्रोशो महोत्साहः समयज्ञो दृढव्रतः
994	4017015c	इति ते सर्वभूतानि कथयन्ति यशो भुवि
995	4017016a	तान्गुणान्संप्रधार्याहमग्र्यं चाभिजनं तव
996	4017016c	तारया प्रतिषिद्धः सन्सुग्रीवेण समागतः
997	4017017a	न मामन्येन संरब्धं प्रमत्तं वेद्धुमर्हसि
998	4017017c	इति मे बुद्धिरुत्पन्ना बभूवादर्शने तव
999	4017018a	न त्वां विनिहतात्मानं धर्मध्वजमधार्मिकम्
1000	4017018c	जाने पापसमाचारं तृणैः कूपमिवावृतम्
1001	4017019a	सतां वेषधरं पापं प्रच्छन्नमिव पावकम्
1002	4017019c	नाहं त्वामभिजानानि धर्मच्छद्माभिसंवृतम्
1003	4017020a	विषये वा पुरे वा ते यदा नापकरोम्यहम्
1004	4017020c	न च त्वां प्रतिजानेऽहं कस्मात्त्वं हंस्यकिल्बिषम्
1005	4017021a	फलमूलाशनं नित्यं वानरं वनगोचरम्
1006	4017021c	मामिहाप्रतियुध्यन्तमन्येन च समागतम्
1007	4017022a	त्वं नराधिपतेः पुत्रः प्रतीतः प्रियदर्शनः
1008	4017022c	लिङ्गमप्यस्ति ते राजन्दृश्यते धर्मसंहितम्
1009	4017023a	कः क्षत्रियकुले जातः श्रुतवान्नष्टसंशयः
1010	4017023c	धर्मलिङ्ग प्रतिच्छन्नः क्रूरं कर्म समाचरेत्
1011	4017024a	राम राजकुले जातो धर्मवानिति विश्रुतः
1012	4017024c	अभव्यो भव्यरूपेण किमर्थं परिधावसि
1013	4017025a	साम दानं क्षमा धर्मः सत्यं धृतिपराक्रमौ
1014	4017025c	पार्थिवानां गुणा राजन्दण्डश्चाप्यपकारिषु
1015	4017026a	वयं वनचरा राम मृगा मूलफलाशनाः
1016	4017026c	एषा प्रकृतिरस्माकं पुरुषस्त्वं नरेश्वरः
1017	4017027a	भूमिर्हिरण्यं रूप्यं च निग्रहे कारणानि च
1018	4017027c	तत्र कस्ते वने लोभो मदीयेषु फलेषु वा
1019	4017028a	नयश्च विनयश्चोभौ निग्रहानुग्रहावपि
1020	4017028c	राजवृत्तिरसंकीर्णा न नृपाः कामवृत्तयः
1021	4017029a	त्वं तु कामप्रधानश्च कोपनश्चानवस्थितः
1022	4017029c	राजवृत्तैश्च संकीर्णः शरासनपरायणः
1023	4017030a	न तेऽस्त्यपचितिर्धर्मे नार्थे बुद्धिरवस्थिता
1024	4017030c	इन्द्रियैः कामवृत्तः सन्कृष्यसे मनुजेश्वर
1025	4017031a	हत्वा बाणेन काकुत्स्थ मामिहानपराधिनम्
1026	4017031c	किं वक्ष्यसि सतां मध्ये कर्म कृत्वा जुगुप्सितम्
1027	4017032a	राजहा ब्रह्महा गोघ्नश्चोरः प्राणिवधे रतः
1028	4017032c	नास्तिकः परिवेत्ता च सर्वे निरयगामिनः
1029	4017033a	अधार्यं चर्म मे सद्भी रोमाण्यस्थि च वर्जितम्
1030	4017033c	अभक्ष्याणि च मांसानि त्वद्विधैर्धर्मचारिभिः
1031	4017034a	पञ्च पञ्चनखा भक्ष्या ब्रह्मक्षत्रेण राघव
1032	4017034c	शल्यकः श्वाविधो गोधा शशः कूर्मश्च पञ्चमः
1033	4017035a	चर्म चास्थि च मे राजन्न स्पृशन्ति मनीषिणः
1034	4017035c	अभक्ष्याणि च मांसानि सोऽहं पञ्चनखो हतः
1035	4017036a	त्वया नाथेन काकुत्स्थ न सनाथा वसुंधरा
1036	4017036c	प्रमदा शीलसंपन्ना धूर्तेन पतिता यथा
1037	4017037a	शठो नैकृतिकः क्षुद्रो मिथ्या प्रश्रितमानसः
1038	4017037c	कथं दशरथेन त्वं जातः पापो महात्मना
1039	4017038a	छिन्नचारित्र्यकक्ष्येण सतां धर्मातिवर्तिना
1040	4017038c	त्यक्तधर्माङ्कुशेनाहं निहतो रामहस्तिना
1041	4017039a	दृश्यमानस्तु युध्येथा मया युधि नृपात्मज
1042	4017039c	अद्य वैवस्वतं देवं पश्येस्त्वं निहतो मया
1043	4017040a	त्वयादृश्येन तु रणे निहतोऽहं दुरासदः
1044	4017040c	प्रसुप्तः पन्नगेनेव नरः पानवशं गतः
1045	4017041a	सुग्रीवप्रियकामेन यदहं निहतस्त्वया
1046	4017041c	कण्ठे बद्ध्वा प्रदद्यां तेऽनिहतं रावणं रणे
1047	4017042a	न्यस्तां सागरतोये वा पाताले वापि मैथिलीम्
1048	4017042c	जानयेयं तवादेशाच्छ्वेतामश्वतरीमिव
1049	4017043a	युक्तं यत्प्रप्नुयाद्राज्यं सुग्रीवः स्वर्गते मयि
1050	4017043c	अयुक्तं यदधर्मेण त्वयाहं निहतो रणे
1051	4017044a	काममेवंविधं लोकः कालेन विनियुज्यते
1052	4017044c	क्षमं चेद्भवता प्राप्तमुत्तरं साधु चिन्त्यताम्
1053	4017045a	इत्येवमुक्त्वा परिशुष्कवक्त्रः; शराभिघाताद्व्यथितो महात्मा
1054	4017045c	समीक्ष्य रामं रविसंनिकाशं; तूष्णीं बभूवामरराजसूनुः
1055	4018001a	इत्युक्तः प्रश्रितं वाक्यं धर्मार्थसहितं हितम्
1056	4018001c	परुषं वालिना रामो निहतेन विचेतसा
1057	4018002a	तं निष्प्रभमिवादित्यं मुक्ततोयमिवाम्बुदम्
1058	4018002c	उक्तवाक्यं हरिश्रेष्ठमुपशान्तमिवानलम्
1059	4018003a	धर्मार्थगुणसंपन्नं हरीश्वरमनुत्तमम्
1060	4018003c	अधिक्षिप्तस्तदा रामः पश्चाद्वालिनमब्रवीत्
1061	4018004a	धर्ममर्थं च कामं च समयं चापि लौकिकम्
1062	4018004c	अविज्ञाय कथं बाल्यान्मामिहाद्य विगर्हसे
1063	4018005a	अपृष्ट्वा बुद्धिसंपन्नान्वृद्धानाचार्यसंमतान्
1064	4018005c	सौम्य वानरचापल्यात्त्वं मां वक्तुमिहेच्छसि
1065	4018006a	इक्ष्वाकूणामियं भूमिः सशैलवनकानना
1066	4018006c	मृगपक्षिमनुष्याणां निग्रहानुग्रहावपि
1067	4018007a	तां पालयति धर्मात्मा भरतः सत्यवागृजुः
1068	4018007c	धर्मकामार्थतत्त्वज्ञो निग्रहानुग्रहे रतः
1069	4018008a	नयश्च विनयश्चोभौ यस्मिन्सत्यं च सुस्थितम्
1070	4018008c	विक्रमश्च यथा दृष्टः स राजा देशकालवित्
1071	4018009a	तस्य धर्मकृतादेशा वयमन्ये च पार्थिवः
1072	4018009c	चरामो वसुधां कृत्स्नां धर्मसंतानमिच्छवः
1073	4018010a	तस्मिन्नृपतिशार्दूल भरते धर्मवत्सले
1074	4018010c	पालयत्यखिलां भूमिं कश्चरेद्धर्मनिग्रहम्
1075	4018011a	ते वयं मार्गविभ्रष्टं स्वधर्मे परमे स्थिताः
1076	4018011c	भरताज्ञां पुरस्कृत्य निगृह्णीमो यथाविधि
1077	4018012a	त्वं तु संक्लिष्टधर्मा च कर्मणा च विगर्हितः
1078	4018012c	कामतन्त्रप्रधानश्च न स्थितो राजवर्त्मनि
1079	4018013a	ज्येष्ठो भ्राता पिता चैव यश्च विद्यां प्रयच्छति
1080	4018013c	त्रयस्ते पितरो ज्ञेया धर्मे च पथि वर्तिनः
1081	4018014a	यवीयानात्मनः पुत्रः शिष्यश्चापि गुणोदितः
1082	4018014c	पुत्रवत्ते त्रयश्चिन्त्या धर्मश्चेदत्र कारणम्
1083	4018015a	सूक्ष्मः परमदुर्ज्ञेयः सतां धर्मः प्लवंगम
1084	4018015c	हृदिस्थः सर्वभूतानामात्मा वेद शुभाशुभम्
1085	4018016a	चपलश्चपलैः सार्धं वानरैरकृतात्मभिः
1086	4018016c	जात्यन्ध इव जात्यन्धैर्मन्त्रयन्द्रक्ष्यसे नु किम्
1087	4018017a	अहं तु व्यक्ततामस्य वचनस्य ब्रवीमि ते
1088	4018017c	न हि मां केवलं रोषात्त्वं विगर्हितुमर्हसि
1089	4018018a	तदेतत्कारणं पश्य यदर्थं त्वं मया हतः
1090	4018018c	भ्रातुर्वर्तसि भार्यायां त्यक्त्वा धर्मं सनातनम्
1091	4018019a	अस्य त्वं धरमाणस्य सुग्रीवस्य महात्मनः
1092	4018019c	रुमायां वर्तसे कामात्स्नुषायां पापकर्मकृत्
1093	4018020a	तद्व्यतीतस्य ते धर्मात्कामवृत्तस्य वानर
1094	4018020c	भ्रातृभार्याभिमर्शेऽस्मिन्दण्डोऽयं प्रतिपादितः
1095	4018021a	न हि धर्मविरुद्धस्य लोकवृत्तादपेयुषः
1096	4018021c	दण्डादन्यत्र पश्यामि निग्रहं हरियूथप
1097	4018022a	औरसीं भगिनीं वापि भार्यां वाप्यनुजस्य यः
1098	4018022c	प्रचरेत नरः कामात्तस्य दण्डो वधः स्मृतः
1099	4018023a	भरतस्तु महीपालो वयं त्वादेशवर्तिनः
1100	4018023c	त्वं च धर्मादतिक्रान्तः कथं शक्यमुपेक्षितुम्
1101	4018024a	गुरुधर्मव्यतिक्रान्तं प्राज्ञो धर्मेण पालयन्
1102	4018024c	भरतः कामवृत्तानां निग्रहे पर्यवस्थितः
1103	4018025a	वयं तु भरतादेशं विधिं कृत्वा हरीश्वर
1104	4018025c	त्वद्विधान्भिन्नमर्यादान्नियन्तुं पर्यवस्थिताः
1105	4018026a	सुग्रीवेण च मे सख्यं लक्ष्मणेन यथा तथा
1106	4018026c	दारराज्यनिमित्तं च निःश्रेयसि रतः स मे
1107	4018027a	प्रतिज्ञा च मया दत्ता तदा वानरसंनिधौ
1108	4018027c	प्रतिज्ञा च कथं शक्या मद्विधेनानवेक्षितुम्
1109	4018028a	तदेभिः कारणैः सर्वैर्महद्भिर्धर्मसंहितैः
1110	4018028c	शासनं तव यद्युक्तं तद्भवाननुमन्यताम्
1111	4018029a	सर्वथा धर्म इत्येव द्रष्टव्यस्तव निग्रहः
1112	4018029c	वयस्यस्योपकर्तव्यं धर्ममेवानुपश्यता
1113	4018030a	राजभिर्धृतदण्डास्तु कृत्वा पापानि मानवाः
1114	4018030c	निर्मलाः स्वर्गमायान्ति सन्तः सुकृतिनो यथा
1115	4018031a	आर्येण मम मान्धात्रा व्यसनं घोरमीप्सितम्
1116	4018031c	श्रमणेन कृते पापे यथा पापं कृतं त्वया
1117	4018032a	अन्यैरपि कृतं पापं प्रमत्तैर्वसुधाधिपैः
1118	4018032c	प्रायश्चित्तं च कुर्वन्ति तेन तच्छाम्यते रजः
1119	4018033a	तदलं परितापेन धर्मतः परिकल्पितः
1120	4018033c	वधो वानरशार्दूल न वयं स्ववशे स्थिताः
1121	4018034a	वागुराभिश्च पाशैश्च कूटैश्च विविधैर्नराः
1122	4018034c	प्रतिच्छन्नाश्च दृश्याश्च गृह्णन्ति सुबहून्मृगान्
1123	4018034e	प्रधावितान्वा वित्रस्तान्विस्रब्धानतिविष्ठितान्
1124	4018035a	प्रमत्तानप्रमत्तान्वा नरा मांसार्थिनो भृशम्
1125	4018035c	विध्यन्ति विमुखांश्चापि न च दोषोऽत्र विद्यते
1126	4018036a	यान्ति राजर्षयश्चात्र मृगयां धर्मकोविदाः
1127	4018036c	तस्मात्त्वं निहतो युद्धे मया बाणेन वानर
1128	4018036e	अयुध्यन्प्रतियुध्यन्वा यस्माच्छाखामृगो ह्यसि
1129	4018037a	दुर्लभस्य च धर्मस्य जीवितस्य शुभस्य च
1130	4018037c	राजानो वानरश्रेष्ठ प्रदातारो न संशयः
1131	4018038a	तान्न हिंस्यान्न चाक्रोशेन्नाक्षिपेन्नाप्रियं वदेत्
1132	4018038c	देवा मानुषरूपेण चरन्त्येते महीतले
1133	4018039a	त्वं तु धर्ममविज्ञाय केवलं रोषमास्थितः
1134	4018039c	प्रदूषयसि मां धर्मे पितृपैतामहे स्थितम्
1135	4018040a	एवमुक्तस्तु रामेण वाली प्रव्यथितो भृशम्
1136	4018040c	प्रत्युवाच ततो रामं प्राञ्जलिर्वानरेश्वरः
1137	4018041a	यत्त्वमात्थ नरश्रेष्ठ तदेवं नात्र संशयः
1138	4018041c	प्रतिवक्तुं प्रकृष्टे हि नापकृष्टस्तु शक्नुयात्
1139	4018042a	यदयुक्तं मया पूर्वं प्रमादाद्वाक्यमप्रियम्
1140	4018042c	तत्रापि खलु मे दोषं कर्तुं नार्हसि राघव
1141	4018043a	त्वं हि दृष्टार्थतत्त्वज्ञः प्रजानां च हिते रतः
1142	4018043c	कार्यकारणसिद्धौ ते प्रसन्ना बुद्धिरव्यया
1143	4018044a	मामप्यवगतं धर्माद्व्यतिक्रान्तपुरस्कृतम्
1144	4018044c	धर्मसंहितया वाचा धर्मज्ञ परिपालय
1145	4018045a	बाष्पसंरुद्धकण्ठस्तु वाली सार्तरवः शनैः
1146	4018045c	उवाच रामं संप्रेक्ष्य पङ्कलग्न इव द्विपः
1147	4018046a	न त्वात्मानमहं शोचे न तारां नापि बान्धवान्
1148	4018046c	यथा पुत्रं गुणश्रेष्ठमङ्गदं कनकाङ्गदम्
1149	4018047a	स ममादर्शनाद्दीनो बाल्यात्प्रभृति लालितः
1150	4018047c	तटाक इव पीताम्बुरुपशोषं गमिष्यति
1151	4018048a	सुग्रीवे चाङ्गदे चैव विधत्स्व मतिमुत्तमाम्
1152	4018048c	त्वं हि शास्ता च गोप्ता च कार्याकार्यविधौ स्थितः
1153	4018049a	या ते नरपते वृत्तिर्भरते लक्ष्मणे च या
1154	4018049c	सुग्रीवे चाङ्गदे राजंस्तां चिन्तयितुमर्हसि
1155	4018050a	मद्दोषकृतदोषां तां यथा तारां तपस्विनीम्
1156	4018050c	सुग्रीवो नावमन्येत तथावस्थातुमर्हसि
1157	4018051a	त्वया ह्यनुगृहीतेन शक्यं राज्यमुपासितुम्
1158	4018051c	त्वद्वशे वर्तमानेन तव चित्तानुवर्तिना
1159	4018052a	स तमाश्वासयद्रामो वालिनं व्यक्तदर्शनम्
1160	4018053a	न वयं भवता चिन्त्या नाप्यात्मा हरिसत्तम
1161	4018053c	वयं भवद्विशेषेण धर्मतः कृतनिश्चयाः
1162	4018054a	दण्ड्ये यः पातयेद्दण्डं दण्ड्यो यश्चापि दण्ड्यते
1163	4018054c	कार्यकारणसिद्धार्थावुभौ तौ नावसीदतः
1164	4018055a	तद्भवान्दण्डसंयोगादस्माद्विगतकल्मषः
1165	4018055c	गतः स्वां प्रकृतिं धर्म्यां धर्मदृष्ट्तेन वर्त्मना
1166	4018056a	स तस्य वाक्यं मधुरं महात्मनः; समाहितं धर्मपथानुवर्तिनः
1167	4018056c	निशम्य रामस्य रणावमर्दिनो; वचः सुयुक्तं निजगाद वानरः
1168	4018057a	शराभितप्तेन विचेतसा मया; प्रदूषितस्त्वं यदजानता प्रभो
1169	4018057c	इदं महेन्द्रोपमभीमविक्रम; प्रसादितस्त्वं क्षम मे महीश्वर
1170	4019001a	स वानरमहाराजः शयानः शरविक्षतः
1171	4019001c	प्रत्युक्तो हेतुमद्वाक्यैर्नोत्तरं प्रत्यपद्यत
1172	4019002a	अश्मभिः परिभिन्नाङ्गः पादपैराहतो भृशम्
1173	4019002c	रामबाणेन चाक्रान्तो जीवितान्ते मुमोह सः
1174	4019003a	तं भार्याबाणमोक्षेण रामदत्तेन संयुगे
1175	4019003c	हतं प्लवगशार्दूलं तारा शुश्राव वालिनम्
1176	4019004a	सा सपुत्राप्रियं श्रुत्वा वधं भर्तुः सुदारुणम्
1177	4019004c	निष्पपात भृशं त्रस्ता विविधाद्गिरिगह्वरात्
1178	4019005a	ये त्वङ्गदपरीवारा वानरा हि महाबलाः
1179	4019005c	ते सकार्मुकमालोक्य रामं त्रस्ताः प्रदुद्रुवुः
1180	4019006a	सा ददर्श ततस्त्रस्तान्हरीनापततो द्रुतम्
1181	4019006c	यूथादिव परिभ्रष्टान्मृगान्निहतयूथपान्
1182	4019007a	तानुवाच समासाद्य दुःखितान्दुःखिता सती
1183	4019007c	राम वित्रासितान्सर्वाननुबद्धानिवेषुभिः
1184	4019008a	वानरा राजसिंहस्य यस्य यूयं पुरःसराः
1185	4019008c	तं विहाय सुवित्रस्ताः कस्माद्द्रवत दुर्गताः
1186	4019009a	राज्यहेतोः स चेद्भ्राता भ्राता रौद्रेण पातितः
1187	4019009c	रामेण प्रसृतैर्दूरान्मार्गणैर्दूर पातिभिः
1188	4019010a	कपिपत्न्या वचः श्रुत्वा कपयः कामरूपिणः
1189	4019010c	प्राप्तकालमविश्लिष्टमूचुर्वचनमङ्गनाम्
1190	4019011a	जीव पुत्रे निवर्तस्य पुत्रं रक्षस्व चान्दगम्
1191	4019011c	अन्तको राम रूपेण हत्वा नयति वालिनम्
1192	4019012a	क्षिप्तान्वृक्षान्समाविध्य विपुलाश्च शिलास्तथा
1193	4019012c	वाली वज्रसमैर्बाणैर्वज्रेणेव निपातितः
1194	4019013a	अभिद्रुतमिदं सर्वं विद्रुतं प्रसृतं बलम्
1195	4019013c	अस्मिन्प्लवगशार्दूले हते शक्रसमप्रभे
1196	4019014a	रक्ष्यतां नगरं शूरैरङ्गदश्चाभिषिच्यताम्
1197	4019014c	पदस्थं वालिनः पुत्रं भजिष्यन्ति प्लवंगमाः
1198	4019015a	अथ वा रुचिरं स्थानमिह ते रुचिरानने
1199	4019015c	आविशन्ति हि दुर्गाणि क्षिप्रमद्यैव वानराः
1200	4019016a	अभार्याः सह भार्याश्च सन्त्यत्र वनचारिणः
1201	4019016c	लुब्धेभ्यो विप्रयुक्तेभ्यः स्वेभ्यो नस्तुमुलं भयम्
1202	4019017a	अल्पान्तरगतानां तु श्रुत्वा वचनमङ्गना
1203	4019017c	आत्मनः प्रतिरूपं सा बभाषे चारुहासिनी
1204	4019018a	पुत्रेण मम किं कार्यं किं राज्येन किमात्मना
1205	4019018c	कपिसिंहे महाभागे तस्मिन्भर्तरि नश्यति
1206	4019019a	पादमूलं गमिष्यामि तस्यैवाहं महात्मनः
1207	4019019c	योऽसौ रामप्रयुक्तेन शरेण विनिपातितः
1208	4019020a	एवमुक्त्वा प्रदुद्राव रुदती शोककर्शिता
1209	4019020c	शिरश्चोरश्च बाहुभ्यां दुःखेन समभिघ्नती
1210	4019021a	आव्रजन्ती ददर्शाथ पतिं निपतितं भुवि
1211	4019021c	हन्तारं दानवेन्द्राणां समरेष्वनिवर्तिनाम्
1212	4019022a	क्षेप्तारं पर्वतेन्द्राणां वज्राणामिव वासवम्
1213	4019022c	महावातसमाविष्टं महामेघौघनिःस्वनम्
1214	4019023a	शक्रतुल्यपराक्रान्तं वृष्ट्वेवोपरतं घनम्
1215	4019023c	नर्दन्तं नर्दतां भीमं शूरं शूरेण पातितम्
1216	4019024a	शार्दूलेनामिषस्यार्थे मृगराजं यथा हतम्
1217	4019024c	अर्चितं सर्वलोकस्य सपताकं सवेदिकम्
1218	4019025a	नागहेतोः सुपर्णेन चैत्यमुन्मथितं यथा
1219	4019025c	अवष्टभ्यावतिष्ठन्तं ददर्श धनुरूर्जितम्
1220	4019026a	रामं रामानुजं चैव भर्तुश्चैवानुजं शुभा
1221	4019026c	तानतीत्य समासाद्य भर्तारं निहतं रणे
1222	4019027a	समीक्ष्य व्यथिता भूमौ संभ्रान्ता निपपात ह
1223	4019027c	सुप्तेव पुनरुत्थाय आर्यपुत्रेति क्रोशती
1224	4019028a	रुरोद सा पतिं दृष्ट्वा संदितं मृत्युदामभिः
1225	4019028c	तामवेक्ष्य तु सुग्रीवः क्रोशन्तीं कुररीमिव
1226	4019029a	विषादमगमत्कष्टं दृष्ट्वा चाङ्गदमागतम्
1227	4020001a	रामचापविसृष्टेन शरेणान्तकरेण तम्
1228	4020001c	दृष्ट्वा विनिहतं भूमौ तारा ताराधिपानना
1229	4020002a	सा समासाद्य भर्तारं पर्यष्वजत भामिनी
1230	4020002c	इषुणाभिहतं दृष्ट्वा वालिनं कुञ्जरोपमम्
1231	4020003a	वानरेन्द्रं महेन्द्राभं शोकसंतप्तमानसा
1232	4020003c	तारा तरुमिवोन्मूलं पर्यदेवयदातुरा
1233	4020004a	रणे दारुणविक्रान्त प्रवीर प्लवतां वर
1234	4020004c	किं दीनामपुरोभागामद्य त्वं नाभिभाषसे
1235	4020005a	उत्तिष्ठ हरिशार्दूल भजस्व शयनोत्तमम्
1236	4020005c	नैवंविधाः शेरते हि भूमौ नृपतिसत्तमाः
1237	4020006a	अतीव खलु ते कान्ता वसुधा वसुधाधिप
1238	4020006c	गतासुरपि यां गात्रैर्मां विहाय निषेवसे
1239	4020007a	व्यक्तमन्या त्वया वीर धर्मतः संप्रवर्तता
1240	4020007c	किष्किन्धेव पुरी रम्या स्वर्गमार्गे विनिर्मिता
1241	4020008a	यान्यस्माभिस्त्वया सार्धं वनेषु मधुगन्धिषु
1242	4020008c	विहृतानि त्वया काले तेषामुपरमः कृतः
1243	4020009a	निरानन्दा निराशाहं निमग्ना शोकसागरे
1244	4020009c	त्वयि पञ्चत्वमापन्ने महायूथपयूथपे
1245	4020010a	हृदयं सुस्थिरं मह्यं दृष्ट्वा विनिहतं भुवि
1246	4020010c	यन्न शोकाभिसंतप्तं स्फुटतेऽद्य सहस्रधा
1247	4020011a	सुग्रीवस्य त्वया भार्या हृता स च विवासितः
1248	4020011c	यत्तत्तस्य त्वया व्युष्टिः प्राप्तेयं प्लवगाधिप
1249	4020012a	निःश्रेयसपरा मोहात्त्वया चाहं विगर्हिता
1250	4020012c	यैषाब्रुवं हितं वाक्यं वानरेन्द्रहितैषिणी
1251	4020013a	कालो निःसंशयो नूनं जीवितान्तकरस्तव
1252	4020013c	बलाद्येनावपन्नोऽसि सुग्रीवस्यावशो वशम्
1253	4020014a	वैधव्यं शोकसंतापं कृपणं कृपणा सती
1254	4020014c	अदुःखोपचिता पूर्वं वर्तयिष्याम्यनाथवत्
1255	4020015a	लालितश्चाङ्गदो वीरः सुकुमारः सुखोचितः
1256	4020015c	वत्स्यते कामवस्थां मे पितृव्ये क्रोधमूर्छिते
1257	4020016a	कुरुष्व पितरं पुत्र सुदृष्टं धर्मवत्सलम्
1258	4020016c	दुर्लभं दर्शनं त्वस्य तव वत्स भविष्यति
1259	4020017a	समाश्वासय पुत्रं त्वं संदेशं संदिशस्व च
1260	4020017c	मूर्ध्नि चैनं समाघ्राय प्रवासं प्रस्थितो ह्यसि
1261	4020018a	रामेण हि महत्कर्म कृतं त्वामभिनिघ्नता
1262	4020018c	आनृण्यं तु गतं तस्य सुग्रीवस्य प्रतिश्रवे
1263	4020019a	सकामो भव सुग्रीव रुमां त्वं प्रतिपत्स्यसे
1264	4020019c	भुङ्क्ष्व राज्यमनुद्विग्नः शस्तो भ्राता रिपुस्तव
1265	4020020a	किं मामेवं विलपतीं प्रेंणा त्वं नाभिभाषसे
1266	4020020c	इमाः पश्य वरा बह्वीर्भार्यास्ते वानरेश्वर
1267	4020021a	तस्या विलपितं श्रुत्वा वानर्यः सर्वतश्च ताः
1268	4020021c	परिगृह्याङ्गदं दीनं दुःखार्ताः परिचुक्रुशुः
1269	4020022a	किमङ्गदं साङ्गद वीर बाहो; विहाय यास्यद्य चिरप्रवासं
1270	4020022c	न युक्तमेवं गुणसंनिकृष्टं; विहाय पुत्रं प्रियपुत्र गन्तुम्
1271	4020023a	किमप्रियं ते प्रियचारुवेष; कृतं मया नाथ सुतेन वा ते
1272	4020023c	सहायिनीमद्य विहाय वीर; यमक्षयं गच्छसि दुर्विनीतम्
1273	4020024a	यद्यप्रियं किंचिदसंप्रधार्य; कृतं मया स्यात्तव दीर्घबाहो
1274	4020024c	क्षमस्व मे तद्धरिवंश नाथ; व्रजामि मूर्ध्ना तव वीर पादौ
1275	4020025a	तथा तु तारा करुणं रुदन्ती; भर्तुः समीपे सह वानरीभिः
1276	4020025c	व्यवस्यत प्रायमनिन्द्यवर्णा; उपोपवेष्टुं भुवि यत्र वाली
1277	4021001a	ततो निपतितां तारां च्युतां तारामिवाम्बरात्
1278	4021001c	शनैराश्वासयामास हनूमान्हरियूथपः
1279	4021002a	गुणदोषकृतं जन्तुः स्वकर्मफलहेतुकम्
1280	4021002c	अव्यग्रस्तदवाप्नोति सर्वं प्रेत्य शुभाशुभम्
1281	4021003a	शोच्या शोचसि कं शोच्यं दीनं दीनानुकम्पसे
1282	4021003c	कश्च कस्यानुशोच्योऽस्ति देहेऽस्मिन्बुद्बुदोपमे
1283	4021004a	अङ्गदस्तु कुमारोऽयं द्रष्टव्यो जीवपुत्रया
1284	4021004c	आयत्या च विधेयानि समर्थान्यस्य चिन्तय
1285	4021005a	जानास्यनियतामेवं भूतानामागतिं गतिम्
1286	4021005c	तस्माच्छुभं हि कर्तव्यं पण्डिते नैहलौकिकम्
1287	4021006a	यस्मिन्हरिसहस्राणि प्रयुतान्यर्बुदानि च
1288	4021006c	वर्तयन्ति कृतांशानि सोऽयं दिष्टान्तमागतः
1289	4021007a	यदयं न्यायदृष्टार्थः सामदानक्षमापरः
1290	4021007c	गतो धर्मजितां भूमिं नैनं शोचितुमर्हसि
1291	4021008a	सर्वे च हरिशार्दूल पुत्रश्चायं तवाङ्गदः
1292	4021008c	हर्यृष्कपतिराज्यं च त्वत्सनाथमनिन्दिते
1293	4021009a	ताविमौ शोकसंतप्तौ शनैः प्रेरय भामिनि
1294	4021009c	त्वया परिगृहीतोऽयमङ्गदः शास्तु मेदिनीम्
1295	4021010a	संततिश्च यथादृष्टा कृत्यं यच्चापि साम्प्रतम्
1296	4021010c	राज्ञस्तत्क्रियतां सर्वमेष कालस्य निश्चयः
1297	4021011a	संस्कार्यो हरिराजस्तु अङ्गदश्चाभिषिच्यताम्
1298	4021011c	सिंहासनगतं पुत्रं पश्यन्ती शान्तिमेष्यसि
1299	4021012a	सा तस्य वचनं श्रुत्वा भर्तृव्यसनपीडिता
1300	4021012c	अब्रवीदुत्तरं तारा हनूमन्तमवस्थितम्
1301	4021013a	अङ्गद प्रतिरूपाणां पुत्राणामेकतः शतम्
1302	4021013c	हतस्याप्यस्य वीरस्य गात्रसंश्लेषणं वरम्
1303	4021014a	न चाहं हरिराजस्य प्रभवाम्यङ्गदस्य वा
1304	4021014c	पितृव्यस्तस्य सुग्रीवः सर्वकार्येष्वनन्तरः
1305	4021015a	न ह्येषा बुद्धिरास्थेया हनूमन्नङ्गदं प्रति
1306	4021015c	पिता हि बन्धुः पुत्रस्य न माता हरिसत्तम
1307	4021016a	न हि मम हरिराजसंश्रया;त्क्षमतरमस्ति परत्र चेह वा
1308	4021016c	अभिमुखहतवीरसेवितं; शयनमिदं मम सेवितुं क्षमम्
1309	4022001a	वीक्षमाणस्तु मन्दासुः सर्वतो मन्दमुच्छ्वसन्
1310	4022001c	आदावेव तु सुग्रीवं ददर्श त्वात्मजाग्रतः
1311	4022002a	तं प्राप्तविजयं वाली सुग्रीवं प्लवगेश्वरम्
1312	4022002c	आभाष्य व्यक्तया वाचा सस्नेहमिदमब्रवीत्
1313	4022003a	सुग्रीवदोषेण न मां गन्तुमर्हसि किल्बिषात्
1314	4022003c	कृष्यमाणं भविष्येण बुद्धिमोहेन मां बलात्
1315	4022004a	युगपद्विहितं तात न मन्ये सुखमावयोः
1316	4022004c	सौहार्दं भ्रातृयुक्तं हि तदिदं जातमन्यथा
1317	4022005a	प्रतिपद्य त्वमद्यैव राज्यमेषां वनौकसाम्
1318	4022005c	मामप्यद्यैव गच्छन्तं विद्धि वैवस्वतक्षयम्
1319	4022006a	जीवितं च हि राज्यं च श्रियं च विपुलामिमाम्
1320	4022006c	प्रजहाम्येष वै तूर्णं महच्चागर्हितं यशः
1321	4022007a	अस्यां त्वहमवस्थायां वीर वक्ष्यामि यद्वचः
1322	4022007c	यद्यप्यसुकरं राजन्कर्तुमेव तदर्हसि
1323	4022008a	सुखार्हं सुखसंवृद्धं बालमेनमबालिशम्
1324	4022008c	बाष्पपूर्णमुखं पश्य भूमौ पतितमङ्गदम्
1325	4022009a	मम प्राणैः प्रियतरं पुत्रं पुत्रमिवौरसं
1326	4022009c	मया हीनमहीनार्थं सर्वतः परिपालय
1327	4022010a	त्वमप्यस्य हि दाता च परित्राता च सर्वतः
1328	4022010c	भयेष्वभयदश्चैव यथाहं प्लवगेश्वर
1329	4022011a	एष तारात्मजः श्रीमांस्त्वया तुल्यपराक्रमः
1330	4022011c	रक्षसां तु वधे तेषामग्रतस्ते भविष्यति
1331	4022012a	अनुरूपाणि कर्माणि विक्रम्य बलवान्रणे
1332	4022012c	करिष्यत्येष तारेयस्तरस्वी तरुणोऽङ्गदः
1333	4022013a	सुषेणदुहिता चेयमर्थसूक्ष्मविनिश्चये
1334	4022013c	औत्पातिके च विविधे सर्वतः परिनिष्ठिता
1335	4022014a	यदेषा साध्विति ब्रूयात्कार्यं तन्मुक्तसंशयम्
1336	4022014c	न हि तारामतं किंचिदन्यथा परिवर्तते
1337	4022015a	राघवस्य च ते कार्यं कर्तव्यमविशङ्कया
1338	4022015c	स्यादधर्मो ह्यकरणे त्वां च हिंस्याद्विमानितः
1339	4022016a	इमां च मालामाधत्स्व दिव्यां सुग्रीवकाञ्चनीम्
1340	4022016c	उदारा श्रीः स्थिता ह्यस्यां संप्रजह्यान्मृते मयि
1341	4022017a	इत्येवमुक्तः सुग्रीवो वालिना भ्रातृसौहृदात्
1342	4022017c	हर्षं त्यक्त्वा पुनर्दीनो ग्रहग्रस्त इवोडुराट्
1343	4022018a	तद्वालिवचनाच्छान्तः कुर्वन्युक्तमतन्द्रितः
1344	4022018c	जग्राह सोऽभ्यनुज्ञातो मालां तां चैव काञ्चनीम्
1345	4022019a	तां मालां काञ्चनीं दत्त्वा वाली दृष्ट्वात्मजं स्थितम्
1346	4022019c	संसिद्धः प्रेत्य भावाय स्नेहादङ्गदमब्रवीत्
1347	4022020a	देशकालौ भजस्वाद्य क्षममाणः प्रियाप्रिये
1348	4022020c	सुखदुःखसहः काले सुग्रीववशगो भव
1349	4022021a	यथा हि त्वं महाबाहो लालितः सततं मया
1350	4022021c	न तथा वर्तमानं त्वां सुग्रीवो बहु मंस्यते
1351	4022022a	मास्यामित्रैर्गतं गच्छेर्मा शत्रुभिररिंदम
1352	4022022c	भर्तुरर्थपरो दान्तः सुग्रीववशगो भव
1353	4022023a	न चातिप्रणयः कार्यः कर्तव्योऽप्रणयश्च ते
1354	4022023c	उभयं हि महादोषं तस्मादन्तरदृग्भव
1355	4022024a	इत्युक्त्वाथ विवृत्ताक्षः शरसंपीडितो भृशम्
1356	4022024c	विवृतैर्दशनैर्भीमैर्बभूवोत्क्रान्तजीवितः
1357	4022025a	हते तु वीरे प्लवगाधिपे तदा; प्लवंगमास्तत्र न शर्म लेभिरे
1358	4022025c	वनेचराः सिंहयुते महावने; यथा हि गावो निहते गवां पतौ
1359	4022026a	ततस्तु तारा व्यसनार्णव प्लुता; मृतस्या भर्तुर्वदनं समीक्ष्य सा
1360	4022026c	जगाम भूमिं परिरभ्य वालिनं; महाद्रुमं छिन्नमिवाश्रिता लता
1361	4023001a	ततः समुपजिघ्रन्ती कपिराजस्य तन्मुखम्
1362	4023001c	पतिं लोकाच्च्युतं तारा मृतं वचनमब्रवीत्
1363	4023002a	शेषे त्वं विषमे दुःखमकृत्वा वचनं मम
1364	4023002c	उपलोपचिते वीर सुदुःखे वसुधातले
1365	4023003a	मत्तः प्रियतरा नूनं वानरेन्द्र मही तव
1366	4023003c	शेषे हि तां परिष्वज्य मां च न प्रतिभाषसे
1367	4023004a	सुग्रीव एव विक्रान्तो वीर साहसिक प्रिय
1368	4023004c	ऋक्षवानरमुख्यास्त्वां बलिनं पर्युपासते
1369	4023005a	एषां विलपितं कृच्छ्रमङ्गदस्य च शोचतः
1370	4023005c	मम चेमां गिरं श्रुत्वा किं त्वं न प्रतिबुध्यसे
1371	4023006a	इदं तच्छूरशयनं यत्र शेषे हतो युधि
1372	4023006c	शायिता निहता यत्र त्वयैव रिपवः पुरा
1373	4023007a	विशुद्धसत्त्वाभिजन प्रिययुद्ध मम प्रिय
1374	4023007c	मामनाथां विहायैकां गतस्त्वमसि मानद
1375	4023008a	शूराय न प्रदातव्या कन्या खलु विपश्चिता
1376	4023008c	शूरभार्यां हतां पश्य सद्यो मां विधवां कृताम्
1377	4023009a	अवभग्नश्च मे मानो भग्ना मे शाश्वती गतिः
1378	4023009c	अगाधे च निमग्नास्मि विपुले शोकसागरे
1379	4023010a	अश्मसारमयं नूनमिदं मे हृदयं दृढम्
1380	4023010c	भर्तारं निहतं दृष्ट्वा यन्नाद्य शतधा गतम्
1381	4023011a	सुहृच्चैव हि भर्ता च प्रकृत्या च मम प्रियः
1382	4023011c	आहवे च पराक्रान्तः शूरः पञ्चत्वमागतः
1383	4023012a	पतिहीना तु या नारी कामं भवतु पुत्रिणी
1384	4023012c	धनधान्यैः सुपूर्णापि विधवेत्युच्यते बुधैः
1385	4023013a	स्वगात्रप्रभवे वीर शेषे रुधिरमण्डले
1386	4023013c	कृमिरागपरिस्तोमे त्वमेवं शयने यथा
1387	4023014a	रेणुशोणितसंवीतं गात्रं तव समन्ततः
1388	4023014c	परिरब्धुं न शक्नोमि भुजाभ्यां प्लवगर्षभ
1389	4023015a	कृतकृत्योऽद्य सुग्रीवो वैरेऽस्मिन्नतिदारुणे
1390	4023015c	यस्य रामविमुक्तेन हृतमेकेषुणा भयम्
1391	4023016a	शरेण हृदि लग्नेन गात्रसंस्पर्शने तव
1392	4023016c	वार्यामि त्वां निरीक्षन्ती त्वयि पञ्चत्वमागते
1393	4023017a	उद्बबर्ह शरं नीलस्तस्य गात्रगतं तदा
1394	4023017c	गिरिगह्वरसंलीनं दीप्तमाशीविषं यथा
1395	4023018a	तस्य निष्कृष्यमाणस्य बाणस्य च बभौ द्युतिः
1396	4023018c	अस्तमस्तकसंरुद्धो रश्मिर्दिनकरादिव
1397	4023019a	पेतुः क्षतजधारास्तु व्रणेभ्यस्तस्य सर्वशः
1398	4023019c	ताम्रगैरिकसंपृक्ता धारा इव धराधरात्
1399	4023020a	अवकीर्णं विमार्जन्ती भर्तारं रणरेणुना
1400	4023020c	अस्रैर्नयनजैः शूरं सिषेचास्त्रसमाहतम्
1401	4023021a	रुधिरोक्षितसर्वाङ्गं दृष्ट्वा विनिहतं पतिम्
1402	4023021c	उवाच तारा पिङ्गाक्षं पुत्रमङ्गदमङ्गना
1403	4023022a	अवस्थां पश्चिमां पश्य पितुः पुत्र सुदारुणाम्
1404	4023022c	संप्रसक्तस्य वैरस्य गतोऽन्तः पापकर्मणा
1405	4023023a	बालसूर्योदयतनुं प्रयान्तं यमसादनम्
1406	4023023c	अभिवादय राजानं पितरं पुत्र मानदम्
1407	4023024a	एवमुक्तः समुत्थाय जग्राह चरणौ पितुः
1408	4023024c	भुजाभ्यां पीनवृताभ्यामङ्गदोऽहमिति ब्रुवन्
1409	4023025a	अभिवादयमानं त्वामङ्गदं त्वं यथापुरा
1410	4023025c	दीर्घायुर्भव पुत्रेति किमर्थं नाभिभाषसे
1411	4023026a	अहं पुत्रसहाया त्वामुपासे गतचेतनम्
1412	4023026c	सिंहेन निहतं सद्यो गौः सवत्सेव गोवृषम्
1413	4023027a	इष्ट्वा संग्रामयज्ञेन नानाप्रहरणाम्भसा
1414	4023027c	अस्मिन्नवभृथे स्नातः कथं पत्न्या मया विना
1415	4023028a	या दत्ता देवराजेन तव तुष्टेन संयुगे
1416	4023028c	शातकुम्भमयीं मालां तां ते पश्यामि नेह किम्
1417	4023029a	राजश्रीर्न जहाति त्वां गतासुमपि मानद
1418	4023029c	सूर्यस्यावर्तमानस्य शैलराजमिव प्रभा
1419	4023030a	न मे वचः पथ्यमिदं त्वया कृतं; न चास्मि शक्ता हि निवारणे तव
1420	4023030c	हता सपुत्रास्मि हतेन संयुगे; सह त्वया श्रीर्विजहाति मामिह
1421	4024001a	गतासुं वालिनं दृष्ट्वा राघवस्तदनन्तरम्
1422	4024001c	अब्रवीत्प्रश्रितं वाक्यं सुग्रीवं शत्रुतापनः
1423	4024002a	न शोकपरितापेन श्रेयसा युज्यते मृतः
1424	4024002c	यदत्रानन्तरं कार्यं तत्समाधातुमर्हथ
1425	4024003a	लोकवृत्तमनुष्ठेयं कृतं वो बाष्पमोक्षणम्
1426	4024003c	न कालादुत्तरं किंचित्कर्म शक्यमुपासितुम्
1427	4024004a	नियतः कारणं लोके नियतिः कर्मसाधनम्
1428	4024004c	नियतिः सर्वभूतानां नियोगेष्विह कारणम्
1429	4024005a	न कर्ता कस्यचित्कश्चिन्नियोगे चापि नेश्वरः
1430	4024005c	स्वभावे वर्तते लोकस्तस्य कालः परायणम्
1431	4024006a	न कालः कालमत्येति न कालः परिहीयते
1432	4024006c	स्वभावं वा समासाद्य न कश्चिदतिवर्तते
1433	4024007a	न कालस्यास्ति बन्धुत्वं न हेतुर्न पराक्रमः
1434	4024007c	न मित्रज्ञातिसंबन्धः कारणं नात्मनो वशः
1435	4024008a	किं तु काल परीणामो द्रष्टव्यः साधु पश्यता
1436	4024008c	धर्मश्चार्थश्च कामश्च कालक्रमसमाहिताः
1437	4024009a	इतः स्वां प्रकृतिं वाली गतः प्राप्तः क्रियाफलम्
1438	4024009c	धर्मार्थकामसंयोगैः पवित्रं प्लवगेश्वर
1439	4024010a	स्वधर्मस्य च संयोगाज्जितस्तेन महात्मना
1440	4024010c	स्वर्गः परिगृहीतश्च प्राणानपरिरक्षता
1441	4024011a	एषा वै नियतिः श्रेष्ठा यां गतो हरियूथपः
1442	4024011c	तदलं परितापेन प्राप्तकालमुपास्यताम्
1443	4024012a	वचनान्ते तु रामस्य लक्ष्मणः परवीरहा
1444	4024012c	अवदत्प्रश्रितं वाक्यं सुग्रीवं गतचेतसं
1445	4024013a	कुरु त्वमस्य सुग्रीव प्रेतकार्यमनन्तरम्
1446	4024013c	ताराङ्गदाभ्यां सहितो वालिनो दहनं प्रति
1447	4024014a	समाज्ञापय काष्ठानि शुष्काणि च बहूनि च
1448	4024014c	चन्दनानि च दिव्यानि वालिसंस्कारकारणात्
1449	4024015a	समाश्वासय चैनं त्वमङ्गदं दीनचेतसं
1450	4024015c	मा भूर्बालिशबुद्धिस्त्वं त्वदधीनमिदं पुरम्
1451	4024016a	अङ्गदस्त्वानयेन्माल्यं वस्त्राणि विविधानि च
1452	4024016c	घृतं तैलमथो गन्धान्यच्चात्र समनन्तरम्
1453	4024017a	त्वं तार शिबिकां शीघ्रमादायागच्छ संभ्रमात्
1454	4024017c	त्वरा गुणवती युक्ता ह्यस्मिन्काले विशेषतः
1455	4024018a	सज्जीभवन्तु प्लवगाः शिबिकावाहनोचिताः
1456	4024018c	समर्था बलिनश्चैव निर्हरिष्यन्ति वालिनम्
1457	4024019a	एवमुक्त्वा तु सुग्रीवं सुमित्रानन्दवर्धनः
1458	4024019c	तस्थौ भ्रातृसमीपस्थो लक्ष्मणः परवीरहा
1459	4024020a	लक्ष्मणस्य वचः श्रुत्वा तारः संभ्रान्तमानसः
1460	4024020c	प्रविवेश गुहां शीघ्रं शिबिकासक्तमानसः
1461	4024021a	आदाय शिबिकां तारः स तु पर्यापयत्पुनः
1462	4024021c	वानरैरुह्यमानां तां शूरैरुद्वहनोचितैः
1463	4024022a	ततो वालिनमुद्यम्य सुग्रीवः शिबिकां तदा
1464	4024022c	आरोपयत विक्रोशन्नङ्गदेन सहैव तु
1465	4024023a	आरोप्य शिबिकां चैव वालिनं गतजीवितम्
1466	4024023c	अलंकारैश्च विविधैर्माल्यैर्वस्त्रैश्च भूषितम्
1467	4024024a	आज्ञापयत्तदा राजा सुग्रीवः प्लवगेश्वरः
1468	4024024c	और्ध्वदेहिकमार्यस्य क्रियतामनुरूपतः
1469	4024025a	विश्राणयन्तो रत्नानि विविधानि बहूनि च
1470	4024025c	अग्रतः प्लवगा यान्तु शिबिका तदनन्तरम्
1471	4024026a	राज्ञामृद्धिविशेषा हि दृश्यन्ते भुवि यादृशाः
1472	4024026c	तादृशं वालिनः क्षिप्रं प्राकुर्वन्नौर्ध्वदेहिकम्
1473	4024027a	अङ्गदमप्रिगृह्याशु तारप्रभृतयस्तथा
1474	4024027c	क्रोशन्तः प्रययुः सर्वे वानरा हतबान्धवाः
1475	4024028a	ताराप्रभृतयः सर्वा वानर्यो हतयूथपाः
1476	4024028c	अनुजग्मुर्हि भर्तारं क्रोशन्त्यः करुणस्वनाः
1477	4024029a	तासां रुदितशब्देन वानरीणां वनान्तरे
1478	4024029c	वनानि गिरयः सर्वे विक्रोशन्तीव सर्वतः
1479	4024030a	पुलिने गिरिनद्यास्तु विविक्ते जलसंवृते
1480	4024030c	चितां चक्रुः सुबहवो वानरा वनचारिणः
1481	4024031a	अवरोप्य ततः स्कन्धाच्छिबिकां वहनोचिताः
1482	4024031c	तस्थुरेकान्तमाश्रित्य सर्वे शोकसमन्विताः
1483	4024032a	ततस्तारा पतिं दृष्ट्वा शिबिकातलशायिनम्
1484	4024032c	आरोप्याङ्के शिरस्तस्य विललाप सुदुःखिता
1485	4024033a	जनं च पश्यसीमं त्वं कस्माच्छोकाभिपीडितम्
1486	4024033c	प्रहृष्टमिव ते वक्त्रं गतासोरपि मानद
1487	4024033e	अस्तार्कसमवर्णं च लक्ष्यते जीवतो यथा
1488	4024034a	एष त्वां रामरूपेण कालः कर्षति वानर
1489	4024034c	येन स्म विधवाः सर्वाः कृता एकेषुणा रणे
1490	4024035a	इमास्तास्तव राजेन्द्रवानर्यो वल्लभाः सदा
1491	4024035c	पादैर्विकृष्टमध्वानमागताः किं न बुध्यसे
1492	4024036a	तवेष्टा ननु नामैता भार्याश्चन्द्रनिभाननाः
1493	4024036c	इदानीं नेक्षसे कस्मात्सुग्रीवं प्लवगेश्वरम्
1494	4024037a	एते हि सचिवा राजंस्तारप्रभृतयस्तव
1495	4024037c	पुरवासिजनश्चायं परिवार्यासतेऽनघ
1496	4024038a	विसर्जयैनान्प्रवलान्यथोचितमरिंदम
1497	4024038c	ततः क्रीडामहे सर्वा वनेषु मदिरोत्कटाः
1498	4024039a	एवं विलपतीं तारां पतिशोकपरिप्लुताम्
1499	4024039c	उत्थापयन्ति स्म तदा वानर्यः शोककर्शिताः
1500	4024040a	सुग्रीवेण ततः सार्धमङ्गदः पितरं रुदन्
1501	4024040c	चितामारोपयामास शोकेनाभिहतेन्द्रियः
1502	4024041a	ततोऽग्निं विधिवद्दत्त्वा सोऽपसव्यं चकार ह
1503	4024041c	पितरं दीर्घमध्वानं प्रस्थितं व्याकुलेन्द्रियः
1504	4024042a	संस्कृत्य वालिनं ते तु विधिपूर्वं प्लवंगमाः
1505	4024042c	आजग्मुरुदकं कर्तुं नदीं शीतजलां शुभाम्
1506	4024043a	ततस्ते सहितास्तत्र अङ्गदं स्थाप्य चाग्रतः
1507	4024043c	सुग्रीवतारासहिताः सिषिचुर्वालिने जलम्
1508	4024044a	सुग्रीवेणैव दीनेन दीनो भूत्वा महाबलः
1509	4024044c	समानशोकः काकुत्स्थः प्रेतकार्याण्यकारयत्
1510	4025001a	ततः शोकाभिसंतप्तं सुग्रीवं क्लिन्नवासनम्
1511	4025001c	शाखामृगमहामात्राः परिवार्योपतस्थिरे
1512	4025002a	अभिगम्य महाबाहुं राममक्लिष्टकारिणम्
1513	4025002c	स्थिताः प्राञ्जलयः सर्वे पितामहमिवर्षयः
1514	4025003a	ततः काञ्चनशैलाभस्तरुणार्कनिभाननः
1515	4025003c	अब्रवीत्प्राञ्जलिर्वाक्यं हनुमान्मारुतात्मजः
1516	4025004a	भवत्प्रसादात्सुग्रीवः पितृपैतामहं महत्
1517	4025004c	वानराणां सुदुष्प्रापं प्राप्तो राज्यमिदं प्रभो
1518	4025005a	भवता समनुज्ञातः प्रविश्य नगरं शुभम्
1519	4025005c	संविधास्यति कार्याणि सर्वाणि ससुहृज्जनः
1520	4025006a	स्नातोऽयं विविधैर्गन्धैरौषधैश्च यथाविधि
1521	4025006c	अर्चयिष्यति रत्नैश्च माल्यैश्च त्वां विशेषतः
1522	4025007a	इमां गिरिगुहां रम्यामभिगन्तुमितोऽर्हसि
1523	4025007c	कुरुष्व स्वामि संबन्धं वानरान्संप्रहर्षयन्
1524	4025008a	एवमुक्तो हनुमता राघवः परवीरहा
1525	4025008c	प्रत्युवाच हनूमन्तं बुद्धिमान्वाक्यकोविदः
1526	4025009a	चतुर्दशसमाः सौम्य ग्रामं वा यदि वा पुरम्
1527	4025009c	न प्रवेक्ष्यामि हनुमन्पितुर्निर्देशपालकः
1528	4025010a	सुसमृद्धां गुहां दिव्यां सुग्रीवो वानरर्षभः
1529	4025010c	प्रविष्टो विधिवद्वीरः क्षिप्रं राज्येऽभिषिच्यताम्
1530	4025011a	एवमुक्त्वा हनूमन्तं रामः सुग्रीवमब्रवीत्
1531	4025011c	इममप्यङ्गदं वीर यौवराज्येऽभिषेचय
1532	4025012a	पूर्वोऽयं वार्षिको मासः श्रावणः सलिलागमः
1533	4025012c	प्रवृत्ताः सौम्य चत्वारो मासा वार्षिकसंज्ञिताः
1534	4025013a	नायमुद्योगसमयः प्रविश त्वं पुरीं शुभाम्
1535	4025013c	अस्मिन्वत्स्याम्यहं सौम्य पर्वते सहलक्ष्मणः
1536	4025014a	इयं गिरिगुहा रम्या विशाला युक्तमारुता
1537	4025014c	प्रभूतसलिला सौम्य प्रभूतकमलोत्पला
1538	4025015a	कार्तिके समनुप्राप्ते त्वं रावणवधे यत
1539	4025015c	एष नः समयः सौम्य प्रविश त्वं स्वमालयम्
1540	4025015e	अभिषिञ्चस्व राज्ये च सुहृदः संप्रहर्षय
1541	4025016a	इति रामाभ्यनुज्ञातः सुग्रीवो वानरर्षभः
1542	4025016c	प्रविवेश पुरीं रम्यां किष्किन्धां वालिपालिताम्
1543	4025017a	तं वानरसहस्राणि प्रविष्टं वानरेश्वरम्
1544	4025017c	अभिवाद्य प्रहृष्टानि सर्वतः पर्यवारयन्
1545	4025018a	ततः प्रकृतयः सर्वा दृष्ट्वा हरिगणेश्वरम्
1546	4025018c	प्रणम्य मूर्ध्ना पतिता वसुधायां समाहिताः
1547	4025019a	सुग्रीवः प्रकृतीः सर्वाः संभाष्योत्थाप्य वीर्यवान्
1548	4025019c	भ्रातुरन्तःपुरं सौम्यं प्रविवेश महाबलः
1549	4025020a	प्रविश्य त्वभिनिष्क्रान्तं सुग्रीवं वानरर्षभम्
1550	4025020c	अभ्यषिञ्चन्त सुहृदः सहस्राक्षमिवामराः
1551	4025021a	तस्य पाण्डुरमाजह्रुश्छत्रं हेमपरिष्कृतम्
1552	4025021c	शुक्ले च बालव्यजने हेमदण्डे यशस्करे
1553	4025022a	तथा सर्वाणि रत्नानि सर्वबीजौषधानि च
1554	4025022c	सक्षीराणां च वृक्षाणां प्ररोहान्कुसुमानि च
1555	4025023a	शुक्लानि चैव वस्त्राणि श्वेतं चैवानुलेपनम्
1556	4025023c	सुगन्धीनि च माल्यानि स्थलजान्यम्बुजानि च
1557	4025024a	चन्दनानि च दिव्यानि गन्धांश्च विविधान्बहून्
1558	4025024c	अक्षतं जातरूपं च प्रियङ्गुमधुसर्पिषी
1559	4025025a	दधिचर्म च वैयाघ्रं वाराही चाप्युपानहौ
1560	4025025c	समालम्भनमादाय रोचनां समनःशिलाम्
1561	4025025e	आजग्मुस्तत्र मुदिता वराः कन्यास्तु षोडश
1562	4025026a	ततस्ते वानरश्रेष्ठं यथाकालं यथाविधि
1563	4025026c	रत्नैर्वस्त्रैश्च भक्ष्यैश्च तोषयित्वा द्विजर्षभान्
1564	4025027a	ततः कुशपरिस्तीर्णं समिद्धं जातवेदसं
1565	4025027c	मन्त्रपूतेन हविषा हुत्वा मन्त्रविदो जनाः
1566	4025028a	ततो हेमप्रतिष्ठाने वरास्तरणसंवृते
1567	4025028c	प्रासादशिखरे रम्ये चित्रमाल्योपशोभिते
1568	4025029a	प्राङ्मुखं विविधैर्मन्त्रैः स्थापयित्वा वरासने
1569	4025029c	नदीनदेभ्यः संहृत्य तीर्थेभ्यश्च समन्ततः
1570	4025030a	आहृत्य च समुद्रेभ्यः सर्वेभ्यो वानरर्षभाः
1571	4025030c	अपः कनककुम्भेषु निधाय विमलाः शुभाः
1572	4025031a	शुभैर्वृषभशृङ्गैश्च कलशैश्चापि काञ्चनैः
1573	4025031c	शास्त्रदृष्टेन विधिना महर्षिविहितेन च
1574	4025032a	गजो गवाक्षो गवयः शरभो गन्धमादनः
1575	4025032c	मैन्दश्च द्विविदश्चैव हनूमाञ्जाम्बवान्नलः
1576	4025033a	अभ्यषिञ्चन्त सुग्रीवं प्रसन्नेन सुगन्धिना
1577	4025033c	सलिलेन सहस्राक्षं वसवो वासवं यथा
1578	4025034a	अभिषिक्ते तु सुग्रीवे सर्वे वानरपुंगवाः
1579	4025034c	प्रचुक्रुशुर्महात्मानो हृष्टास्तत्र सहस्रशः
1580	4025035a	रामस्य तु वचः कुर्वन्सुग्रीवो हरिपुंगवः
1581	4025035c	अङ्गदं संपरिष्वज्य यौवराज्येऽभिषेचयत्
1582	4025036a	अङ्गदे चाभिषिक्ते तु सानुक्रोशाः प्लवंगमाः
1583	4025036c	साधु साध्विति सुग्रीवं महात्मानोऽभ्यपूजयन्
1584	4025037a	हृष्टपुष्टजनाकीर्णा पताकाध्वजशोभिता
1585	4025037c	बभूव नगरी रम्या क्षिकिन्धा गिरिगह्वरे
1586	4025038a	निवेद्य रामाय तदा महात्मने; महाभिषेकं कपिवाहिनीपतिः
1587	4025038c	रुमां च भार्यां प्रतिलभ्य वीर्यवा;नवाप राज्यं त्रिदशाधिपो यथा
1588	4026001a	अभिषिक्ते तु सुग्रीवे प्रविष्टे वानरे गुहाम्
1589	4026001c	आजगाम सह भ्रात्रा रामः प्रस्रवणं गिरिम्
1590	4026002a	शार्दूलमृगसंघुष्टं सिंहैर्भीमरवैर्वृतम्
1591	4026002c	नानागुल्मलतागूढं बहुपादपसंकुलम्
1592	4026003a	ऋक्षवानरगोपुच्छैर्मार्जारैश्च निषेवितम्
1593	4026003c	मेघराशिनिभं शैलं नित्यं शुचिजलाश्रयम्
1594	4026004a	तस्य शैलस्य शिखरे महतीमायतां गुहाम्
1595	4026004c	प्रत्यगृह्णत वासार्थं रामः सौमित्रिणा सह
1596	4026005a	अवसत्तत्र धर्मात्मा राघवः सहलक्ष्मणः
1597	4026005c	बहुदृश्यदरीकुञ्जे तस्मिन्प्रस्रवणे गिरौ
1598	4026006a	सुसुखेऽपि बहुद्रव्ये तस्मिन्हि धरणीधरे
1599	4026006c	वसतस्तस्य रामस्य रतिरल्पापि नाभवत्
1600	4026006e	हृतां हि भार्यां स्मरतः प्राणेभ्योऽपि गरीयसीम्
1601	4026007a	उदयाभ्युदितं दृष्ट्वा शशाङ्कं च विशेषतः
1602	4026007c	आविवेश न तं निद्रा निशासु शयनं गतम्
1603	4026008a	तत्समुत्थेन शोकेन बाष्पोपहतचेतसं
1604	4026008c	तं शोचमानं काकुत्स्थं नित्यं शोकपरायणम्
1605	4026008e	तुल्यदुःखोऽब्रवीद्भ्राता लक्ष्मणोऽनुनयन्वचः
1606	4026009a	अलं वीर व्यथां गत्वा न त्वं शोचितुमर्हसि
1607	4026009c	शोचतो ह्यवसीदन्ति सर्वार्था विदितं हि ते
1608	4026010a	भवान्क्रियापरो लोके भवान्देवपरायणः
1609	4026010c	आस्तिको धर्मशीलश्च व्यवसायी च राघव
1610	4026011a	न ह्यव्यवसितः शत्रुं राक्षसं तं विशेषतः
1611	4026011c	समर्थस्त्वं रणे हन्तुं विक्रमैर्जिह्मकारिणम्
1612	4026012a	समुन्मूलय शोकं त्वं व्यवसायं स्थिरं कुरु
1613	4026012c	ततः सपरिवारं तं निर्मूलं कुरु राक्षसं
1614	4026013a	पृथिवीमपि काकुत्स्थ ससागरवनाचलाम्
1615	4026013c	परिवर्तयितुं शक्तः किमङ्ग पुन रावणम्
1616	4026014a	अहं तु खलु ते वीर्यं प्रसुप्तं प्रतिबोधये
1617	4026014c	दीप्तैराहुतिभिः काले भस्मच्छन्नमिवानलम्
1618	4026015a	लक्ष्मणस्य तु तद्वाक्यं प्रतिपूज्य हितं शुभम्
1619	4026015c	राघवः सुहृदं स्निग्धमिदं वचनमब्रवीत्
1620	4026016a	वाच्यं यदनुरक्तेन स्निग्धेन च हितेन च
1621	4026016c	सत्यविक्रम युक्तेन तदुक्तं लक्ष्मण त्वया
1622	4026017a	एष शोकः परित्यक्तः सर्वकार्यावसादकः
1623	4026017c	विक्रमेष्वप्रतिहतं तेजः प्रोत्साहयाम्यहम्
1624	4026018a	शरत्कालं प्रतीक्षेऽहमियं प्रावृडुपस्थिता
1625	4026018c	ततः सराष्ट्रं सगणं राक्षसं तं निहन्म्यहम्
1626	4026019a	तस्य तद्वचनं श्रुत्वा हृष्टो रामस्य लक्ष्मणः
1627	4026019c	पुनरेवाब्रवीद्वाक्यं सौमित्रिर्मित्रनन्दनः
1628	4026020a	एतत्ते सदृशं वाक्यमुक्तं शत्रुनिबर्हण
1629	4026020c	इदानीमसि काकुत्स्थ प्रकृतिं स्वामुपागतः
1630	4026021a	विज्ञाय ह्यात्मनो वीर्यं तथ्यं भवितुमर्हसि
1631	4026021c	एतत्सदृशमुक्तं ते श्रुतस्याभिजनस्य च
1632	4026022a	तस्मात्पुरुषशार्दूल चिन्तयञ्शत्रुनिग्रहम्
1633	4026022c	वर्षारात्रमनुप्राप्तमतिक्रामय राघव
1634	4026023a	नियम्य कोपं प्रतिपाल्यतां शर;त्क्षमस्व मासांश्चतुरो मया सह
1635	4026023c	वसाचलेऽस्मिन्मृगराजसेविते; संवर्धयञ्शत्रुवधे समुद्यतः
1636	4027001a	स तदा वालिनं हत्वा सुग्रीवमभिषिच्य च
1637	4027001c	वसन्माल्यवतः पृष्टे रामो लक्ष्मणमब्रवीत्
1638	4027002a	अयं स कालः संप्राप्तः समयोऽद्य जलागमः
1639	4027002c	संपश्य त्वं नभो मेघैः संवृतं गिरिसंनिभैः
1640	4027003a	नव मास धृतं गर्भं भास्कारस्य गभस्तिभिः
1641	4027003c	पीत्वा रसं समुद्राणां द्यौः प्रसूते रसायनम्
1642	4027004a	शक्यमम्बरमारुह्य मेघसोपानपङ्क्तिभिः
1643	4027004c	कुटजार्जुनमालाभिरलंकर्तुं दिवाकरम्
1644	4027005a	संध्यारागोत्थितैस्ताम्रैरन्तेष्वधिकपाण्डुरैः
1645	4027005c	स्निग्धैरभ्रपटच्छदैर्बद्धव्रणमिवाम्बरम्
1646	4027006a	मन्दमारुतनिःश्वासं संध्याचन्दनरञ्जितम्
1647	4027006c	आपाण्डुजलदं भाति कामातुरमिवाम्बरम्
1648	4027007a	एषा धर्मपरिक्लिष्टा नववारिपरिप्लुता
1649	4027007c	सीतेव शोकसंतप्ता मही बाष्पं विमुञ्चति
1650	4027008a	मेघोदरविनिर्मुक्ताः कह्लारसुखशीतलाः
1651	4027008c	शक्यमञ्जलिभिः पातुं वाताः केतकिगन्धिनः
1652	4027009a	एष फुल्लार्जुनः शैलः केतकैरधिवासितः
1653	4027009c	सुग्रीव इव शान्तारिर्धाराभिरभिषिच्यते
1654	4027010a	मेघकृष्णाजिनधरा धारायज्ञोपवीतिनः
1655	4027010c	मारुतापूरितगुहाः प्राधीता इव पर्वताः
1656	4027011a	कशाभिरिव हैमीभिर्विद्युद्भिरिव ताडितम्
1657	4027011c	अन्तःस्तनितनिर्घोषं सवेदनमिवाम्बरम्
1658	4027012a	नीलमेघाश्रिता विद्युत्स्फुरन्ती प्रतिभाति मे
1659	4027012c	स्फुरन्ती रावणस्याङ्के वैदेहीव तपस्विनी
1660	4027013a	इमास्ता मन्मथवतां हिताः प्रतिहता दिशः
1661	4027013c	अनुलिप्ता इव घनैर्नष्टग्रहनिशाकराः
1662	4027014a	क्वचिद्बाष्पाभिसंरुद्धान्वर्षागमसमुत्सुकान्
1663	4027014c	कुटजान्पश्य सौमित्रे पुष्टितान्गिरिसानुषु
1664	4027014e	मम शोकाभिभूतस्य कामसंदीपनान्स्थितान्
1665	4027015a	रजः प्रशान्तं सहिमोऽद्य वायु;र्निदाघदोषप्रसराः प्रशान्ताः
1666	4027015c	स्थिता हि यात्रा वसुधाधिपानां; प्रवासिनो यान्ति नराः स्वदेशान्
1667	4027016a	संप्रस्थिता मानसवासलुब्धाः; प्रियान्विताः संप्रति चक्रवाकः
1668	4027016c	अभीक्ष्णवर्षोदकविक्षतेषु; यानानि मार्गेषु न संपतन्ति
1669	4027017a	क्वचित्प्रकाशं क्वचिदप्रकाशं; नभः प्रकीर्णाम्बुधरं विभाति
1670	4027017c	क्वचित्क्वचित्पर्वतसंनिरुद्धं; रूपं यथा शान्तमहार्णवस्य
1671	4027018a	व्यामिश्रितं सर्जकदम्बपुष्पै;र्नवं जलं पर्वतधातुताम्रम्
1672	4027018c	मयूरकेकाभिरनुप्रयातं; शैलापगाः शीघ्रतरं वहन्ति
1673	4027019a	रसाकुलं षट्पदसंनिकाशं; प्रभुज्यते जम्बुफलं प्रकामम्
1674	4027019c	अनेकवर्णं पवनावधूतं; भूमौ पतत्याम्रफलं विपक्वम्
1675	4027020a	विद्युत्पताकाः सबलाक मालाः; शैलेन्द्रकूटाकृतिसंनिकाशाः
1676	4027020c	गर्जन्ति मेघाः समुदीर्णनादा; मत्तगजेन्द्रा इव संयुगस्थः
1677	4027021a	मेघाभिकामी परिसंपतन्ती; संमोदिता भाति बलाकपङ्क्तिः
1678	4027021c	वातावधूता वरपौण्डरीकी; लम्बेव माला रचिताम्बरस्य
1679	4027022a	निद्रा शनैः केशवमभ्युपैति; द्रुतं नदी सागरमभ्युपैति
1680	4027022c	हृष्टा बलाका घनमभ्युपैति; कान्ता सकामा प्रियमभ्युपैति
1681	4027023a	जाता वनान्ताः शिखिसुप्रनृत्ता; जाताः कदम्बाः सकदम्बशाखाः
1682	4027023c	जाता वृषा गोषु समानकामा; जाता मही सस्यवनाभिरामा
1683	4027024a	वहन्ति वर्षन्ति नदन्ति भान्ति; ध्यायन्ति नृत्यन्ति समाश्वसन्ति
1684	4027024c	नद्यो घना मत्तगजा वनान्ताः; प्रियाविनीहाः शिखिनः प्लवंगाः
1685	4027025a	प्रहर्षिताः केतकपुष्पगन्ध;माघ्राय हृष्टा वननिर्झरेषु
1686	4027025c	प्रपात शब्दाकुलिता गजेन्द्राः; सार्धं मयूरैः समदा नदन्ति
1687	4027026a	धारानिपातैरभिहन्यमानाः; कदम्बशाखासु विलम्बमानाः
1688	4027026c	क्षणार्जितं पुष्परसावगाढं; शनैर्मदं षट्चरणास्त्यजन्ति
1689	4027027a	अङ्गारचूर्णोत्करसंनिकाशैः; फलैः सुपर्याप्त रसैः समृद्धैः
1690	4027027c	जम्बूद्रुमाणां प्रविभान्ति शाखा; निलीयमाना इव षट्पदौघैः
1691	4027028a	तडित्पताकाभिरलंकृताना;मुदीर्णगम्भीरमहारवाणाम्
1692	4027028c	विभान्ति रूपाणि बलाहकानां; रणोद्यतानामिव वारणानाम्
1693	4027029a	मार्गानुगः शैलवनानुसारी; संप्रस्थितो मेघरवं निशम्य
1694	4027029c	युद्धाभिकामः प्रतिनागशङ्की; मत्तो गजेन्द्रः प्रतिसंनिवृत्तः
1695	4027030a	मुक्तासकाशं सलिलं पतद्वै; सुनिर्मलं पत्रपुटेषु लग्नम्
1696	4027030c	हृष्टा विवर्णच्छदना विहंगाः; सुरेन्द्रदत्तं तृषिताः पिबन्ति
1697	4027031a	नीलेषु नीला नववारिपूर्णा; मेघेषु मेघाः प्रविभान्ति सक्ताः
1698	4027031c	दवाग्निदग्धेषु दवाग्निदग्धाः; शैलेषु शैला इव बद्धमूलाः
1699	4027032a	मत्ता गजेन्द्रा मुदिता गवेन्द्रा; वनेषु विश्रान्ततरा मृगेन्द्राः
1700	4027032c	रम्या नगेन्द्रा निभृता नगेन्द्राः; प्रक्रीडितो वारिधरैः सुरेन्द्रः
1701	4027033a	वृत्ता यात्रा नरेन्द्राणां सेना प्रतिनिवर्तते
1702	4027033c	वैराणि चैव मार्गाश्च सलिलेन समीकृताः
1703	4027034a	मासि प्रौष्ठपदे ब्रह्म ब्राह्मणानां विवक्षताम्
1704	4027034c	अयमध्यायसमयः सामगानामुपस्थितः
1705	4027035a	निवृत्तकर्मायतनो नूनं संचितसंचयः
1706	4027035c	आषाढीमभ्युपगतो भरतः कोषकाधिपः
1707	4027036a	नूनमापूर्यमाणायाः सरय्वा वधते रयः
1708	4027036c	मां समीक्ष्य समायान्तमयोध्याया इव स्वनः
1709	4027037a	इमाः स्फीतगुणा वर्षाः सुग्रीवः सुखमश्नुते
1710	4027037c	विजितारिः सदारश्च राज्ये महति च स्थितः
1711	4027038a	अहं तु हृतदारश्च राज्याच्च महतश्च्युतः
1712	4027038c	नदीकूलमिव क्लिन्नमवसीदामि लक्ष्मण
1713	4027039a	शोकश्च मम विस्तीर्णो वर्षाश्च भृशदुर्गमाः
1714	4027039c	रावणश्च महाञ्शत्रुरपारं प्रतिभाति मे
1715	4027040a	अयात्रां चैव दृष्ट्वेमां मार्गांश्च भृशदुर्गमान्
1716	4027040c	प्रणते चैव सुग्रीवे न मया किंचिदीरितम्
1717	4027041a	अपि चातिपरिक्लिष्टं चिराद्दारैः समागतम्
1718	4027041c	आत्मकार्यगरीयस्त्वाद्वक्तुं नेच्छामि वानरम्
1719	4027042a	स्वयमेव हि विश्रम्य ज्ञात्वा कालमुपागतम्
1720	4027042c	उपकारं च सुग्रीवो वेत्स्यते नात्र संशयः
1721	4027043a	तस्मात्कालप्रतीक्षोऽहं स्थितोऽस्मि शुभलक्षण
1722	4027043c	सुग्रीवस्य नदीनां च प्रसादमनुपालयन्
1723	4027044a	उपकारेण वीरो हि प्रतिकारेण युज्यते
1724	4027044c	अकृतज्ञोऽप्रतिकृतो हन्ति सत्त्ववतां मनः
1725	4027045a	अथैवमुक्तः प्रणिधाय लक्ष्मणः; कृताञ्जलिस्तत्प्रतिपूज्य भाषितम्
1726	4027045c	उवाच रामं स्वभिराम दर्शनं; प्रदर्शयन्दर्शनमात्मनः शुभम्
1727	4027046a	यथोक्तमेतत्तव सर्वमीप्सितं; नरेन्द्र कर्ता नचिराद्धरीश्वरः
1728	4027046c	शरत्प्रतीक्षः क्षमतामिमं भवा;ञ्जलप्रपातं रिपुनिग्रहे धृतः
1729	4028001a	समीक्ष्य विमलं व्योम गतविद्युद्बलाहकम्
1730	4028001c	सारसारवसंघुष्टं रम्यज्योत्स्नानुलेपनम्
1731	4028002a	समृद्धार्थं च सुग्रीवं मन्दधर्मार्थसंग्रहम्
1732	4028002c	अत्यर्थमसतां मार्गमेकान्तगतमानसं
1733	4028003a	निवृत्तकार्यं सिद्धार्थं प्रमदाभिरतं सदा
1734	4028003c	प्राप्तवन्तमभिप्रेतान्सर्वानेव मनोरथान्
1735	4028004a	स्वां च पात्नीमभिप्रेतां तारां चापि समीप्सिताम्
1736	4028004c	विहरन्तमहोरात्रं कृतार्थं विगतज्वलम्
1737	4028005a	क्रीडन्तमिव देवेशं नन्दनेऽप्सरसां गणैः
1738	4028005c	मन्त्रिषु न्यस्तकार्यं च मन्त्रिणामनवेक्षकम्
1739	4028006a	उत्सन्नराज्यसंदेशं कामवृत्तमवस्थितम्
1740	4028006c	निश्चितार्थोऽर्थतत्त्वज्ञः कालधर्मविशेषवित्
1741	4028007a	प्रसाद्य वाक्यैर्मधुरैर्हेतुमद्भिर्मनोरमैः
1742	4028007c	वाक्यविद्वाक्यतत्त्वज्ञं हरीशं मारुतात्मजः
1743	4028008a	हितं तथ्यं च पथ्यं च सामधर्मार्थनीतिमत्
1744	4028008c	प्रणयप्रीतिसंयुक्तं विश्वासकृतनिश्चयम्
1745	4028008e	हरीश्वरमुपागम्य हनुमान्वाक्यमब्रवीत्
1746	4028009a	राज्यं प्राप्तं यशश्चैव कौली श्रीरभिवर्थिता
1747	4028009c	मित्राणां संग्रहः शेषस्तद्भवान्कर्तुमर्हति
1748	4028010a	यो हि मित्रेषु कालज्ञः सततं साधु वर्तते
1749	4028010c	तस्य राज्यं च कीर्तिश्च प्रतापश्चाभिवर्धते
1750	4028011a	यस्य कोशश्च दण्डश्च मित्राण्यात्मा च भूमिप
1751	4028011c	समवेतानि सर्वाणि स राज्यं महदश्नुते
1752	4028012a	तद्भवान्वृत्तसंपन्नः स्थितः पथि निरत्यये
1753	4028012c	मित्रार्थमभिनीतार्थं यथावत्कर्तुमर्हति
1754	4028013a	यस्तु कालव्यतीतेषु मित्रकार्येषु वर्तते
1755	4028013c	स कृत्वा महतोऽप्यर्थान्न मित्रार्थेन युज्यते
1756	4028014a	क्रियतां राघवस्यैतद्वैदेह्याः परिमार्गणम्
1757	4028014c	तदिदं वीर कार्यं ते कालातीतमरिंदम
1758	4028015a	न च कालमतीतं ते निवेदयति कालवित्
1759	4028015c	त्वरमाणोऽपि सन्प्राज्ञस्तव राजन्वशानुगः
1760	4028016a	कुलस्य केतुः स्फीतस्य दीर्घबन्धुश्च राघवः
1761	4028016c	अप्रमेयप्रभावश्च स्वयं चाप्रतिमो गुणैः
1762	4028017a	तस्य त्वं कुरु वै कार्यं पूर्वं तेन कृतं तव
1763	4028017c	हरीश्वर हरिश्रेष्ठानाज्ञापयितुमर्हसि
1764	4028018a	न हि तावद्भवेत्कालो व्यतीतश्चोदनादृते
1765	4028018c	चोदितस्य हि कार्यस्य भवेत्कालव्यतिक्रमः
1766	4028019a	अकर्तुरपि कार्यस्य भवान्कर्ता हरीश्वर
1767	4028019c	किं पुनः प्रतिकर्तुस्ते राज्येन च धनेन च
1768	4028020a	शक्तिमानसि विक्रान्तो वानरर्ष्क गणेश्वर
1769	4028020c	कर्तुं दाशरथेः प्रीतिमाज्ञायां किं नु सज्जसे
1770	4028021a	कामं खलु शरैर्शक्तः सुरासुरमहोरगान्
1771	4028021c	वशे दाशरथिः कर्तुं त्वत्प्रतिज्ञां तु काङ्क्षते
1772	4028022a	प्राणत्यागाविशङ्केन कृतं तेन तव प्रियम्
1773	4028022c	तस्य मार्गाम वैदेहीं पृथिव्यामपि चाम्बरे
1774	4028023a	न देवा न च गन्धर्वा नासुरा न मरुद्गणाः
1775	4028023c	न च यक्षा भयं तस्य कुर्युः किमुत राक्षसाः
1776	4028024a	तदेवं शक्तियुक्तस्य पूर्वं प्रियकृतस्तथा
1777	4028024c	रामस्यार्हसि पिङ्गेश कर्तुं सर्वात्मना प्रियम्
1778	4028025a	नाधस्तादवनौ नाप्सु गतिर्नोपरि चाम्बरे
1779	4028025c	कस्यचित्सज्जतेऽस्माकं कपीश्वर तवाज्ञया
1780	4028026a	तदाज्ञापय कः किं ते कृते वसतु कुत्रचित्
1781	4028026c	हरयो ह्यप्रधृष्यास्ते सन्ति कोट्यग्रतोऽनघ
1782	4028027a	तस्य तद्वचनं श्रुत्वा काले साधुनिवेदितम्
1783	4028027c	सुग्रीवः सत्त्वसंपन्नश्चकार मतिमुत्तमाम्
1784	4028028a	स संदिदेशाभिमतं नीलं नित्यकृतोद्यमम्
1785	4028028c	दिक्षु सर्वासु सर्वेषां सैन्यानामुपसंग्रहे
1786	4028029a	यथा सेना समग्रा मे यूथपालाश्च सर्वशः
1787	4028029c	समागच्छन्त्यसंगेन सेनाग्राणि तथा कुरु
1788	4028030a	ये त्वन्तपालाः प्लवगाः शीघ्रगा व्यवसायिनः
1789	4028030c	समानयन्तु ते सैन्यं त्वरिताः शासनान्मम
1790	4028030e	स्वयं चानन्तरं सैन्यं भवानेवानुपश्यतु
1791	4028031a	त्रिपञ्चरात्रादूर्ध्वं यः प्राप्नुयान्नेह वानरः
1792	4028031c	तस्य प्राणान्तिको दण्डो नात्र कार्या विचारणा
1793	4028032a	हरींश्च वृद्धानुपयातु साङ्गदो; भवान्ममाज्ञामधिकृत्य निश्चिताम्
1794	4028032c	इति व्यवस्थां हरिपुंगवेश्वरो; विधाय वेश्म प्रविवेश वीर्यवान्
1795	4029001a	गुहां प्रविष्टे सुग्रीवे विमुक्ते गगने घनैः
1796	4029001c	वर्षरात्रोषितो रामः कामशोकाभिपीडितः
1797	4029002a	पाण्डुरं गगनं दृष्ट्वा विमलं चन्द्रमण्डलम्
1798	4029002c	शारदीं रजनीं चैव दृष्ट्वा ज्योत्स्नानुलेपनाम्
1799	4029003a	कामवृत्तं च सुग्रीवं नष्टां च जनकात्मजाम्
1800	4029003c	बुद्ध्वा कालमतीतं च मुमोह परमातुरः
1801	4029004a	स तु संज्ञामुपागम्य मुहूर्तान्मतिमान्पुनः
1802	4029004c	मनःस्थामपि वैदेहीं चिन्तयामास राघवः
1803	4029005a	आसीनः पर्वतस्याग्रे हेमधातुविभूषिते
1804	4029005c	शारदं गगनं दृष्ट्व जगाम मनसा प्रियाम्
1805	4029006a	दृष्ट्वा च विमलं व्योम गतविद्युद्बलाहकम्
1806	4029006c	सारसारवसंघुष्टं विललापार्तया गिरा
1807	4029007a	सारसारवसंनादैः सारसारवनादिनी
1808	4029007c	याश्रमे रमते बाला साद्य मे रमते कथम्
1809	4029008a	पुष्पितांश्चासनान्दृष्ट्वा काञ्चनानिव निर्मलान्
1810	4029008c	कथं स रमते बाला पश्यन्ती मामपश्यती
1811	4029009a	या पुरा कलहंसानां स्वरेण कलभाषिणी
1812	4029009c	बुध्यते चारुसर्वाङ्गी साद्य मे बुध्यते कथम्
1813	4029010a	निःस्वनं चक्रवाकानां निशम्य सहचारिणाम्
1814	4029010c	पुण्डरीकविशालाक्षी कथमेषा भविष्यति
1815	4029011a	सरांसि सरितो वापीः काननानि वनानि च
1816	4029011c	तां विना मृगशावाक्षीं चरन्नाद्य सुखं लभे
1817	4029012a	अपि तां मद्वियोगाच्च सौकुमार्याच्च भामिनीम्
1818	4029012c	न दूरं पीडयेत्कामः शरद्गुणनिरन्तरः
1819	4029013a	एवमादि नरश्रेष्ठो विललाप नृपात्मजः
1820	4029013c	विहंग इव सारङ्गः सलिलं त्रिदशेश्वरात्
1821	4029014a	ततश्चञ्चूर्य रम्येषु फलार्थी गिरिसानुषु
1822	4029014c	ददर्श पर्युपावृत्तो लक्ष्मीवाँल्लक्ष्मणोऽग्रजम्
1823	4029015a	तं चिन्तया दुःसहया परीतं; विसंज्ञमेकं विजने मनस्वी
1824	4029015c	भ्रातुर्विषादात्परितापदीनः; समीक्ष्य सौमित्रिरुवाच रामम्
1825	4029016a	किमार्य कामस्य वशंगतेन; किमात्मपौरुष्यपराभवेन
1826	4029016c	अयं सदा संहृइयते समाधिः; किमत्र योगेन निवर्तितेन
1827	4029017a	क्रियाभियोगं मनसः प्रसादं; समाधियोगानुगतं च कालम्
1828	4029017c	सहायसामर्थ्यमदीनसत्त्व; स्वकर्महेतुं च कुरुष्व हेतुम्
1829	4029018a	न जानकी मानववंशनाथ; त्वया सनाथा सुलभा परेण
1830	4029018c	न चाग्निचूडां ज्वलितामुपेत्य; न दह्यते वीरवरार्ह कश्चित्
1831	4029019a	सलक्ष्मणं लक्ष्मणमप्रधृष्यं; स्वभावजं वाक्यमुवाच रामः
1832	4029019c	हितं च पथ्यं च नयप्रसक्तं; ससामधर्मार्थसमाहितं च
1833	4029020a	निःसंशयं कार्यमवेक्षितव्यं; क्रियाविशेषो ह्यनुवर्तितव्यः
1834	4029020c	ननु प्रवृत्तस्य दुरासदस्य; कुमारकार्यस्य फलं न चिन्त्यम्
1835	4029021a	अथ पद्मपलाशाक्षीं मैथिलीमनुचिन्तयन्
1836	4029021c	उवाच लक्ष्मणं रामो मुखेन परिशुष्यता
1837	4029022a	तर्पयित्वा सहस्राक्षः सलिलेन वसुंधराम्
1838	4029022c	निर्वर्तयित्वा सस्यानि कृतकर्मा व्यवस्थितः
1839	4029023a	स्निग्धगम्भीरनिर्घोषाः शैलद्रुमपुरोगमाः
1840	4029023c	विसृज्य सलिलं मेघाः परिश्रान्ता नृपात्मज
1841	4029024a	नीलोत्पलदलश्यामः श्यामीकृत्वा दिशो दश
1842	4029024c	विमदा इव मातङ्गाः शान्तवेगाः पयोधराः
1843	4029025a	जलगर्भा महावेगाः कुटजार्जुनगन्धिनः
1844	4029025c	चरित्वा विरताः सौम्य वृष्टिवाताः समुद्यताः
1845	4029026a	घनानां वारणानां च मयूराणां च लक्ष्मण
1846	4029026c	नादः प्रस्रवणानां च प्रशान्तः सहसानघ
1847	4029027a	अभिवृष्टा महामेघैर्निर्मलाश्चित्रसानवः
1848	4029027c	अनुलिप्ता इवाभान्ति गिरयश्चन्द्ररश्मिभिः
1849	4029028a	दर्शयन्ति शरन्नद्यः पुलिनानि शनैः शनैः
1850	4029028c	नवसंगमसव्रीडा जघनानीव योषितः
1851	4029029a	प्रसन्नसलिलाः सौम्य कुररीभिर्विनादिताः
1852	4029029c	चक्रवाकगणाकीर्णा विभान्ति सलिलाशयाः
1853	4029030a	अन्योन्यबद्धवैराणां जिगीषूणां नृपात्मज
1854	4029030c	उद्योगसमयः सौम्य पार्थिवानामुपस्थितः
1855	4029031a	इयं सा प्रथमा यात्रा पार्थिवानां नृपात्मज
1856	4029031c	न च पश्यामि सुग्रीवमुद्योगं वा तथाविधम्
1857	4029032a	चत्वारो वार्षिका मासा गता वर्षशतोपमाः
1858	4029032c	मम शोकाभितप्तस्य सौम्य सीतामपश्यतः
1859	4029033a	प्रियाविहीने दुःखार्ते हृतराज्ये विवासिते
1860	4029033c	कृपां न कुरुते राजा सुग्रीवो मयि लक्ष्मण
1861	4029034a	अनाथो हृतराज्योऽयं रावणेन च धर्षितः
1862	4029034c	दीनो दूरगृहः कामी मां चैव शरणं गतः
1863	4029035a	इत्येतैः कारणैः सौम्य सुग्रीवस्य दुरात्मनः
1864	4029035c	अहं वानरराजस्य परिभूतः परंतप
1865	4029036a	स कालं परिसंख्याय सीतायाः परिमार्गणे
1866	4029036c	कृतार्थः समयं कृत्वा दुर्मतिर्नावबुध्यते
1867	4029037a	त्वं प्रविश्य च किष्किन्धां ब्रूहि वानरपुंगवम्
1868	4029037c	मूर्खं ग्राम्य सुखे सक्तं सुग्रीवं वचनान्मम
1869	4029038a	अर्थिनामुपपन्नानां पूर्वं चाप्युपकारिणाम्
1870	4029038c	आशां संश्रुत्य यो हन्ति स लोके पुरुषाधमः
1871	4029039a	शुभं वा यदि वा पापं यो हि वाक्यमुदीरितम्
1872	4029039c	सत्येन परिगृह्णाति स वीरः पुरुषोत्तमः
1873	4029040a	कृतार्था ह्यकृतार्थानां मित्राणां न भवन्ति ये
1874	4029040c	तान्मृतानपि क्रव्यादः कृतघ्नान्नोपभुञ्जते
1875	4029041a	नूनं काञ्चनपृष्ठस्य विकृष्टस्य मया रणे
1876	4029041c	द्रष्टुमिच्छन्ति चापस्य रूपं विद्युद्गणोपमम्
1877	4029042a	घोरं ज्यातलनिर्घोषं क्रुद्धस्य मम संयुगे
1878	4029042c	निर्घोषमिव वज्रस्य पुनः संश्रोतुमिच्छति
1879	4029043a	काममेवं गतेऽप्यस्य परिज्ञाते पराक्रमे
1880	4029043c	त्वत्सहायस्य मे वीर न चिन्ता स्यान्नृपात्मज
1881	4029044a	यदर्थमयमारम्भः कृतः परपुरंजय
1882	4029044c	समयं नाभिजानाति कृतार्थः प्लवगेश्वरः
1883	4029045a	वर्षासमयकालं तु प्रतिज्ञाय हरीश्वरः
1884	4029045c	व्यतीतांश्चतुरो मासान्विहरन्नावबुध्यते
1885	4029046a	सामात्यपरिषत्क्रीडन्पानमेवोपसेवते
1886	4029046c	शोकदीनेषु नास्मासु सुग्रीवः कुरुते दयाम्
1887	4029047a	उच्यतां गच्छ सुग्रीवस्त्वया वत्स महाबल
1888	4029047c	मम रोषस्य यद्रूपं ब्रूयाश्चैनमिदं वचः
1889	4029048a	न च संकुचितः पन्था येन वाली हतो गतः
1890	4029048c	समये तिष्ठ सुग्रीवमा वालिपथमन्वगाः
1891	4029049a	एक एव रणे वाली शरेण निहतो मया
1892	4029049c	त्वां तु सत्यादतिक्रान्तं हनिष्यामि सबान्धवम्
1893	4029050a	तदेवं विहिते कार्ये यद्धितं पुरुषर्षभ
1894	4029050c	तत्तद्ब्रूहि नरश्रेष्ठ त्वर कालव्यतिक्रमः
1895	4029051a	कुरुष्व सत्यं मयि वानरेश्वर; प्रतिश्रुतं धर्ममवेक्ष्य शाश्वतम्
1896	4029051c	मा वालिनं प्रेत्य गतो यमक्षयं; त्वमद्य पश्येर्मम चोदितैः शरैः
1897	4029052a	स पूर्वजं तीव्रविवृद्धकोपं; लालप्यमानं प्रसमीक्ष्य दीनम्
1898	4029052c	चकार तीव्रां मतिमुग्रतेजा; हरीश्वरमानववंशनाथः
1899	4030001a	स कामिनं दीनमदीनसत्त्वः; शोकाभिपन्नं समुदीर्णकोपम्
1900	4030001c	नरेन्द्रसूनुर्नरदेवपुत्रं; रामानुजः पूर्वजमित्युवाच
1901	4030002a	न वानरः स्थास्यति साधुवृत्ते; न मंस्यते कार्यफलानुषङ्गान्
1902	4030002c	न भक्ष्यते वानरराज्यलक्ष्मीं; तथा हि नाभिक्रमतेऽस्य बुद्धिः
1903	4030003a	मतिक्षयाद्ग्राम्यसुखेषु सक्त;स्तव प्रसादाप्रतिकारबुद्धिः
1904	4030003c	हतोऽग्रजं पश्यतु वालिनं स; न राज्यमेवं विगुणस्य देयम्
1905	4030004a	न धारये कोपमुदीर्णवेगं; निहन्मि सुग्रीवमसत्यमद्य
1906	4030004c	हरिप्रवीरैः सह वालिपुत्रो; नरेन्द्रपत्न्या विचयं करोतु
1907	4030005a	तमात्तबाणासनमुत्पतन्तं; निवेदितार्थं रणचण्डकोपम्
1908	4030005c	उवच रामः परवीरहन्ता; स्ववेक्षितं सानुनयं च वाक्यम्
1909	4030006a	न हि वै त्वद्विधो लोके पापमेवं समाचरेत्
1910	4030006c	पापमार्येण यो हन्ति स वीरः पुरुषोत्तमः
1911	4030007a	नेदमद्य त्वया ग्राह्यं साधुवृत्तेन लक्ष्मण
1912	4030007c	तां प्रीतिमनुवर्तस्व पूर्ववृत्तं च संगतम्
1913	4030008a	सामोपहितया वाचा रूक्षाणि परिवर्जयन्
1914	4030008c	वक्तुमर्हसि सुग्रीवं व्यतीतं कालपर्यये
1915	4030009a	सोऽ ग्रजेनानुशिष्टार्थो यथावत्पुरुषर्षभः
1916	4030009c	प्रविवेश पुरीं वीरो लक्ष्मणः परवीरहा
1917	4030010a	ततः शुभमतिः प्राज्ञो भ्रातुः प्रियहिते रतः
1918	4030010c	लक्ष्मणः प्रतिसंरब्धो जगाम भवनं कपेः
1919	4030011a	शक्रबाणासनप्रख्यं धनुः कालान्तकोपमः
1920	4030011c	प्रगृह्य गिरिशृङ्गाभं मन्दरः सानुमानिव
1921	4030012a	यथोक्तकारी वचनमुत्तरं चैव सोत्तरम्
1922	4030012c	बृहस्पतिसमो बुद्ध्या मत्त्वा रामानुजस्तदा
1923	4030013a	कामक्रोधसमुत्थेन भ्रातुः कोपाग्निना वृतः
1924	4030013c	प्रभञ्जन इवाप्रीतः प्रययौ लक्ष्मणस्तदा
1925	4030014a	सालतालाश्वकर्णांश्च तरसा पातयन्बहून्
1926	4030014c	पर्यस्यन्गिरिकूटानि द्रुमानन्यांश्च वेगतः
1927	4030015a	शिलाश्च शकलीकुर्वन्पद्भ्यां गज इवाशुगः
1928	4030015c	दूरमेकपदं त्यक्त्वा ययौ कार्यवशाद्द्रुतम्
1929	4030016a	तामपश्यद्बलाकीर्णां हरिराजमहापुरीम्
1930	4030016c	दुर्गामिक्ष्वाकुशार्दूलः किष्किन्धां गिरिसंकटे
1931	4030017a	रोषात्प्रस्फुरमाणौष्ठः सुग्रीवं प्रति कल्ष्मणः
1932	4030017c	ददर्श वानरान्भीमान्किष्किन्धाया बहिश्चरान्
1933	4030018a	शैलशृङ्गाणि शतशः प्रवृद्धांश्च महीरुहान्
1934	4030018c	जगृहुः कुञ्जरप्रख्या वानराः पर्वतान्तरे
1935	4030019a	तान्गृहीतप्रहरणान्हरीन्दृष्ट्वा तु लक्ष्मणः
1936	4030019c	बभूव द्विगुणं क्रुद्धो बह्विन्धन इवानलः
1937	4030020a	तं ते भयपरीताङ्गाः क्रुद्धं दृष्ट्वा प्लवंगमाः
1938	4030020c	कालमृत्युयुगान्ताभं शतशो विद्रुता दिशः
1939	4030021a	ततः सुग्रीवभवनं प्रविश्य हरिपुंगवाः
1940	4030021c	क्रोधमागमनं चैव लक्ष्मणस्य न्यवेदयन्
1941	4030022a	तारया सहितः कामी सक्तः कपिवृषो रहः
1942	4030022c	न तेषां कपिवीराणां शुश्राव वचनं तदा
1943	4030023a	ततः सचिवसंदिष्टा हरयो रोमहर्षणाः
1944	4030023c	गिरिकुञ्जरमेघाभा नगर्या निर्ययुस्तदा
1945	4030024a	नखदंष्ट्रायुधा घोराः सर्वे विकृतदर्शनाः
1946	4030024c	सर्वे शार्दूलदर्पाश्च सर्वे च विकृताननाः
1947	4030025a	दशनागबलाः केचित्केचिद्दशगुणोत्तराः
1948	4030025c	केचिन्नागसहस्रस्य बभूवुस्तुल्यविक्रमाः
1949	4030026a	कृत्स्नां हि कपिभिर्व्याप्तां द्रुमहस्तैर्महाबलैः
1950	4030026c	अपश्यल्लक्ष्मणः क्रुद्धः किष्किन्धां तां दुरासदम्
1951	4030027a	ततस्ते हरयः सर्वे प्राकारपरिखान्तरात्
1952	4030027c	निष्क्रम्योदग्रसत्त्वास्तु तस्थुराविष्कृतं तदा
1953	4030028a	सुग्रीवस्य प्रमादं च पूर्वजं चार्तमात्मवान्
1954	4030028c	बुद्ध्वा कोपवशं वीरः पुनरेव जगाम सः
1955	4030029a	स दीर्घोष्णमहोच्छ्वासः कोपसंरक्तलोचनः
1956	4030029c	बभूव नरशार्दूलसधूम इव पावकः
1957	4030030a	बाणशल्यस्फुरज्जिह्वः सायकासनभोगवान्
1958	4030030c	स्वतेजोविषसंघातः पञ्चास्य इव पन्नगः
1959	4030031a	तं दीप्तमिव कालाग्निं नागेन्द्रमिव कोपितम्
1960	4030031c	समासाद्याङ्गदस्त्रासाद्विषादमगमद्भृशम्
1961	4030032a	सोऽङ्गदं रोषताम्राक्षः संदिदेश महायशाः
1962	4030032c	सुग्रीवः कथ्यतां वत्स ममागमनमित्युत
1963	4030033a	एष रामानुजः प्राप्तस्त्वत्सकाशमरिंदमः
1964	4030033c	भ्रातुर्व्यसनसंतप्तो द्वारि तिष्ठति लक्ष्मणः
1965	4030034a	लक्ष्मणस्य वचः श्रुत्वा शोकाविष्टोऽङ्गदोऽब्रवीत्
1966	4030034c	पितुः समीपमागम्य सौमित्रिरयमागतः
1967	4030035a	ते महौघनिभं दृष्ट्वा वज्राशनिसमस्वनम्
1968	4030035c	सिंहनादं समं चक्रुर्लक्ष्मणस्य समीपतः
1969	4030036a	तेन शब्देन महता प्रत्यबुध्यत वानरः
1970	4030036c	मदविह्वलताम्राक्षो व्याकुलस्रग्विभूषणः
1971	4030037a	अथाङ्गदवचः श्रुत्वा तेनैव च समागतौ
1972	4030037c	मन्त्रिणो वानरेन्द्रस्य संमतोदारदर्शिनौ
1973	4030038a	प्लक्षश्चैव प्रभावश्च मन्त्रिणावर्थधर्मयोः
1974	4030038c	वक्तुमुच्चावचं प्राप्तं लक्ष्मणं तौ शशंसतुः
1975	4030039a	प्रसादयित्वा सुग्रीवं वचनैः सामनिश्चितैः
1976	4030039c	आसीनं पर्युपासीनौ यथा शक्रं मरुत्पतिम्
1977	4030040a	सत्यसंधौ महाभागौ भ्रातरौ रामलक्ष्मणौ
1978	4030040c	वयस्य भावं संप्राप्तौ राज्यार्हौ राज्यदायिनौ
1979	4030041a	तयोरेको धनुष्पाणिर्द्वारि तिष्ठति लक्ष्मणः
1980	4030041c	यस्य भीताः प्रवेपन्ते नादान्मुञ्चन्ति वानराः
1981	4030042a	स एष राघवभ्राता लक्ष्मणो वाक्यसारथिः
1982	4030042c	व्यवसाय रथः प्राप्तस्तस्य रामस्य शासनात्
1983	4030043a	तस्य मूर्ध्ना प्रणम्य त्वं सपुत्रः सह बन्धुभिः
1984	4030043c	राजंस्तिष्ठ स्वसमये भव सत्यप्रतिश्रवः
1985	4031001a	अङ्गदस्य वचः श्रुत्वा सुग्रीवः सचिवैः सह
1986	4031001c	लक्ष्मणं कुपितं श्रुत्वा मुमोचासनमात्मवान्
1987	4031002a	सचिवानब्रवीद्वाक्यं निश्चित्य गुरुलाघवम्
1988	4031002c	मन्त्रज्ञान्मन्त्रकुशलो मन्त्रेषु परिनिष्ठितः
1989	4031003a	न मे दुर्व्याहृतं किंचिन्नापि मे दुरनुष्ठितम्
1990	4031003c	लक्ष्मणो राघवभ्राता क्रुद्धः किमिति चिन्तये
1991	4031004a	असुहृद्भिर्ममामित्रैर्नित्यमन्तरदर्शिभिः
1992	4031004c	मम दोषानसंभूताञ्श्रावितो राघवानुजः
1993	4031005a	अत्र तावद्यथाबुद्धि सर्वैरेव यथाविधि
1994	4031005c	भवद्भिर्निश्चयस्तस्य विज्ञेयो निपुणं शनैः
1995	4031006a	न खल्वस्ति मम त्रासो लक्ष्मणान्नापि राघवात्
1996	4031006c	मित्रं त्वस्थान कुपितं जनयत्येव संभ्रमम्
1997	4031007a	सर्वथा सुकरं मित्रं दुष्करं परिपालनम्
1998	4031007c	अनित्यत्वात्तु चित्तानां प्रीतिरल्पेऽपि भिद्यते
1999	4031008a	अतोनिमित्तं त्रस्तोऽहं रामेण तु महात्मना
2000	4031008c	यन्ममोपकृतं शक्यं प्रतिकर्तुं न तन्मया
2001	4031009a	सुग्रीवेणैवमुक्तस्तु हनुमान्हरिपुंगवः
2002	4031009c	उवाच स्वेन तर्केण मध्ये वानरमन्त्रिणाम्
2003	4031010a	सर्वथा नैतदाश्चर्यं यत्त्वं हरिगणेश्वर
2004	4031010c	न विस्मरसि सुस्निग्धमुपकारकृतं शुभम्
2005	4031011a	राघवेण तु शूरेण भयमुत्सृज्य दूरतः
2006	4031011c	त्वत्प्रियार्थं हतो वाली शक्रतुल्यपराक्रमः
2007	4031012a	सर्वथा प्रणयात्क्रुद्धो राघवो नात्र संशयः
2008	4031012c	भ्रातरं स प्रहितवाँल्लक्ष्मणं लक्ष्मिवर्धनम्
2009	4031013a	त्वं प्रमत्तो न जानीषे कालं कलविदां वर
2010	4031013c	फुल्लसप्तच्छदश्यामा प्रवृत्ता तु शरच्छिवा
2011	4031014a	निर्मल ग्रहनक्षत्रा द्यौः प्रनष्टबलाहका
2012	4031014c	प्रसन्नाश्च दिशः सर्वाः सरितश्च सरांसि च
2013	4031015a	प्राप्तमुद्योगकालं तु नावैषि हरिपुंगव
2014	4031015c	त्वं प्रमत्त इति व्यक्तं लक्ष्मणोऽयमिहागतः
2015	4031016a	आर्तस्य हृतदारस्य परुषं पुरुषान्तरात्
2016	4031016c	वचनं मर्षणीयं ते राघवस्य महात्मनः
2017	4031017a	कृतापराधस्य हि ते नान्यत्पश्याम्यहं क्षमम्
2018	4031017c	अन्तरेणाञ्जलिं बद्ध्वा लक्ष्मणस्य प्रसादनात्
2019	4031018a	नियुक्तैर्मन्त्रिभिर्वाच्यो अवश्यं पार्थिवो हितम्
2020	4031018c	अत एव भयं त्यक्त्वा ब्रवीम्यवधृतं वचः
2021	4031019a	अभिक्रुद्धः समर्थो हि चापमुद्यम्य राघवः
2022	4031019c	सदेवासुरगन्धर्वं वशे स्थापयितुं जगत्
2023	4031020a	न स क्षमः कोपयितुं यः प्रसाद्य पुनर्भवेत्
2024	4031020c	पूर्वोपकारं स्मरता कृतज्ञेन विशेषतः
2025	4031021a	तस्य मूर्ध्ना प्रणम्य त्वं सपुत्रः ससुहृज्जनः
2026	4031021c	राजंस्तिष्ठ स्वसमये भर्तुर्भार्येव तद्वशे
2027	4031022a	न रामरामानुजशासनं त्वया; कपीन्द्रयुक्तं मनसाप्यपोहितुम्
2028	4031022c	मनो हि ते ज्ञास्यति मानुषं बलं; सराघवस्यास्य सुरेन्द्रवर्चसः
2029	4032001a	अथ प्रतिसमादिष्टो लक्ष्मणः परवीरहा
2030	4032001c	प्रविवेश गुहां घोरां किष्किन्धां रामशासनात्
2031	4032002a	द्वारस्था हरयस्तत्र महाकाया महाबलाः
2032	4032002c	बभूवुर्लक्ष्मणं दृष्ट्वा सर्वे प्राञ्जलयः स्थिताः
2033	4032003a	निःश्वसन्तं तु तं दृष्ट्वा क्रुद्धं दशरथात्मजम्
2034	4032003c	बभूवुर्हरयस्त्रस्ता न चैनं पर्यवारयन्
2035	4032004a	स तं रत्नमयीं श्रीमान्दिव्यां पुष्पितकाननाम्
2036	4032004c	रम्यां रत्नसमाकीर्णां ददर्श महतीं गुहाम्
2037	4032005a	हर्म्यप्रासादसंबाधां नानापण्योपशोभिताम्
2038	4032005c	सर्वकामफलैर्वृक्षैः पुष्पितैरुपशोभिताम्
2039	4032006a	देवगन्धर्वपुत्रैश्च वानरैः कामरूपिभिः
2040	4032006c	दिव्य माल्याम्बरधारैः शोभितां प्रियदर्शनैः
2041	4032007a	चन्दनागरुपद्मानां गन्धैः सुरभिगन्धिनाम्
2042	4032007c	मैरेयाणां मधूनां च संमोदितमहापथाम्
2043	4032008a	विन्ध्यमेरुगिरिप्रस्थैः प्रासादैर्नैकभूमिभिः
2044	4032008c	ददर्श गिरिनद्यश्च विमलास्तत्र राघवः
2045	4032009a	अङ्गदस्य गृहं रम्यं मैन्दस्य द्विविदस्य च
2046	4032009c	गवयस्य गवाक्षस्य गजस्य शरभस्य च
2047	4032010a	विद्युन्मालेश्च संपातेः सूर्याक्षस्य हनूमतः
2048	4032010c	वीरबाहोः सुबाहोश्च नलस्य च महात्मनः
2049	4032011a	कुमुदस्य सुषेणस्य तारजाम्बवतोस्तथा
2050	4032011c	दधिवक्त्रस्य नीलस्य सुपाटलसुनेत्रयोः
2051	4032012a	एतेषां कपिमुख्यानां राजमार्गे महात्मनाम्
2052	4032012c	ददर्श गृहमुख्यानि महासाराणि लक्ष्मणः
2053	4032013a	पाण्डुराभ्रप्रकाशानि दिव्यमाल्ययुतानि च
2054	4032013c	प्रभूतधनधान्यानि स्त्रीरत्नैः शोभितानि च
2055	4032014a	पाण्डुरेण तु शैलेन परिक्षिप्तं दुरासदम्
2056	4032014c	वानरेन्द्रगृहं रम्यं महेन्द्रसदनोपमम्
2057	4032015a	शुल्कैः प्रासादशिखरैः कैलासशिखरोपमैः
2058	4032015c	सर्वकामफलैर्वृक्षैः पुष्टितैरुपशोभितम्
2059	4032016a	महेन्द्रदत्तैः श्रीमद्भिर्नीलजीमूतसंनिभैः
2060	4032016c	दिव्यपुष्पफलैर्वृक्षैः शीतच्छायैर्मनोरमैः
2061	4032017a	हरिभिः संवृतद्वारं बलिभिः शस्त्रपाणिभिः
2062	4032017c	दिव्यमाल्यावृतं शुभ्रं तप्तकाञ्चनतोरणम्
2063	4032018a	सुग्रीवस्य गृहं रम्यं प्रविवेश महाबलः
2064	4032018c	अवार्यमाणः सौमित्रिर्महाभ्रमिव भास्करः
2065	4032019a	स सप्त कक्ष्या धर्मात्मा यानासनसमावृताः
2066	4032019c	प्रविश्य सुमहद्गुप्तं ददर्शान्तःपुरं महत्
2067	4032020a	हैमराजतपर्यङ्कैर्बहुभिश्च वरासनैः
2068	4032020c	महार्हास्तरणोपेतैस्तत्र तत्रोपशोभितम्
2069	4032021a	प्रविशन्नेव सततं शुश्राव मधुरस्वरम्
2070	4032021c	तन्त्रीगीतसमाकीर्णं समगीतपदाक्षरम्
2071	4032022a	बह्वीश्च विविधाकारा रूपयौवनगर्विताः
2072	4032022c	स्त्रियः सुग्रीवभवने ददर्श स महाबलः
2073	4032023a	दृष्ट्वाभिजनसंपन्नाश्चित्रमाल्यकृतस्रजः
2074	4032023c	वरमाल्यकृतव्यग्रा भूषणोत्तमभूषिताः
2075	4032024a	नातृप्तान्नाति च व्यग्रान्नानुदात्तपरिच्छदान्
2076	4032024c	सुग्रीवानुचरांश्चापि लक्षयामास लक्ष्मणः
2077	4032025a	ततः सुग्रीवमासीनं काञ्चने परमासने
2078	4032025c	महार्हास्तरणोपेते ददर्शादित्यसंनिभम्
2079	4032026a	दिव्याभरणचित्राङ्गं दिव्यरूपं यशस्विनम्
2080	4032026c	दिव्यमाल्याम्बरधरं महेन्द्रमिव दुर्जयम्
2081	4032026e	दिव्याभरणमाल्याभिः प्रमदाभिः समावृतम्
2082	4032027a	रुमां तु वीरः परिरभ्य गाढं; वरासनस्थो वरहेमवर्णः
2083	4032027c	ददर्श सौमित्रिमदीनसत्त्वं; विशालनेत्रः सुविशालनेत्रम्
2084	4033001a	तमप्रतिहतं क्रुद्धं प्रविष्टं पुरुषर्षभम्
2085	4033001c	सुग्रीवो लक्ष्मणं दृष्ट्वा बभूव व्यथितेन्द्रियः
2086	4033002a	क्रुद्धं निःश्वसमानं तं प्रदीप्तमिव तेजसा
2087	4033002c	भ्रातुर्व्यसनसंतप्तं दृष्ट्वा दशरथात्मजम्
2088	4033003a	उत्पपात हरिश्रेष्ठो हित्वा सौवर्णमासनम्
2089	4033003c	महान्महेन्द्रस्य यथा स्वलंकृत इव ध्वजः
2090	4033004a	उत्पतन्तमनूत्पेतू रुमाप्रभृतयः स्त्रियः
2091	4033004c	सुग्रीवं गगने पूर्णं चन्द्रं तारागणा इव
2092	4033005a	संरक्तनयनः श्रीमान्विचचाल कृताञ्जलिः
2093	4033005c	बभूवावस्थितस्तत्र कल्पवृक्षो महानिव
2094	4033006a	रुमा द्वितीयं सुग्रीवं नारीमध्यगतं स्थितम्
2095	4033006c	अब्रवील्लक्ष्मणः क्रुद्धः सतारं शशिनं यथा
2096	4033007a	सत्त्वाभिजनसंपन्नः सानुक्रोशो जितेन्द्रियः
2097	4033007c	कृतज्ञः सत्यवादी च राजा लोके महीयते
2098	4033008a	यस्तु राजा स्थितोऽधर्मे मित्राणामुपकारिणाम्
2099	4033008c	मिथ्याप्रतिज्ञां कुरुते को नृशंसतरस्ततः
2100	4033009a	शतमश्वानृते हन्ति सहस्रं तु गवानृते
2101	4033009c	आत्मानं स्वजनं हन्ति पुरुषः पुरुषानृते
2102	4033010a	पूर्वं कृतार्थो मित्राणां न तत्प्रतिकरोति यः
2103	4033010c	कृतघ्नः सर्वभूतानां स वध्यः प्लवगेश्वर
2104	4033011a	गीतोऽयं ब्रह्मणा श्लोकः सर्वलोकनमस्कृतः
2105	4033011c	दृष्ट्वा कृतघ्नं क्रुद्धेन तं निबोध प्लवंगम
2106	4033012a	ब्रह्मघ्ने च सुरापे च चोरे भग्नव्रते तथा
2107	4033012c	निष्कृतिर्विहिता सद्भिः कृतघ्ने नास्ति निष्कृतिः
2108	4033013a	अनार्यस्त्वं कृतघ्नश्च मिथ्यावादी च वानर
2109	4033013c	पूर्वं कृतार्थो रामस्य न तत्प्रतिकरोषि यत्
2110	4033014a	ननु नाम कृतार्थेन त्वया रामस्य वानर
2111	4033014c	सीताया मार्गणे यत्नः कर्तव्यः कृतमिच्छता
2112	4033015a	स त्वं ग्राम्येषु भोगेषु सक्तो मिथ्या प्रतिश्रवः
2113	4033015c	न त्वां रामो विजानीते सर्पं मण्डूकराविणम्
2114	4033016a	महाभागेन रामेण पापः करुणवेदिना
2115	4033016c	हरीणां प्रापितो राज्यं त्वं दुरात्मा महात्मना
2116	4033017a	कृतं चेन्नाभिजानीषे रामस्याक्लिष्टकर्मणः
2117	4033017c	सद्यस्त्वं निशितैर्बाणैर्हतो द्रक्ष्यसि वालिनम्
2118	4033018a	न च संकुचितः पन्था येन वाली हतो गतः
2119	4033018c	समये तिष्ठ सुग्रीव मा वालिपथमन्वगाः
2120	4033019a	न नूनमिक्ष्वाकुवरस्य कार्मुका;च्च्युताञ्शरान्पश्यसि वज्रसंनिभान्
2121	4033019c	ततः सुखं नाम निषेवसे सुखी; न रामकार्यं मनसाप्यवेक्षसे
2122	4034001a	तथा ब्रुवाणं सौमित्रिं प्रदीप्तमिव तेजसा
2123	4034001c	अब्रवील्लक्ष्मणं तारा ताराधिपनिभानना
2124	4034002a	नैवं लक्ष्मण वक्तव्यो नायं परुषमर्हति
2125	4034002c	हरीणामीश्वरः श्रोतुं तव वक्त्राद्विशेषतः
2126	4034003a	नैवाकृतज्ञः सुग्रीवो न शठो नापि दारुणः
2127	4034003c	नैवानृतकथो वीर न जिह्मश्च कपीश्वरः
2128	4034004a	उपकारं कृतं वीरो नाप्ययं विस्मृतः कपिः
2129	4034004c	रामेण वीर सुग्रीवो यदन्यैर्दुष्करं रणे
2130	4034005a	रामप्रसादात्कीर्तिं च कपिराज्यं च शाश्वतम्
2131	4034005c	प्राप्तवानिह सुग्रीवो रुमां मां च परंतप
2132	4034006a	सुदुःखं शायितः पूर्वं प्राप्येदं सुखमुत्तमम्
2133	4034006c	प्राप्तकालं न जानीते विश्वामित्रो यथा मुनिः
2134	4034007a	घृताच्यां किल संसक्तो दशवर्षाणि लक्ष्मण
2135	4034007c	अहोऽमन्यत धर्मात्मा विश्वामित्रो महामुनिः
2136	4034008a	स हि प्राप्तं न जानीते कालं कालविदां वरः
2137	4034008c	विश्वामित्रो महातेजाः किं पुनर्यः पृथग्जनः
2138	4034009a	देहधर्मं गतस्यास्य परिश्रान्तस्य लक्ष्मण
2139	4034009c	अवितृप्तस्य कामेषु रामः क्षन्तुमिहार्हति
2140	4034010a	न च रोषवशं तात गन्तुमर्हसि लक्ष्मण
2141	4034010c	निश्चयार्थमविज्ञाय सहसा प्राकृतो यथा
2142	4034011a	सत्त्वयुक्ता हि पुरुषास्त्वद्विधाः पुरुषर्षभ
2143	4034011c	अविमृश्य न रोषस्य सहसा यान्ति वश्यताम्
2144	4034012a	प्रसादये त्वां धर्मज्ञ सुग्रीवार्थे समाहिता
2145	4034012c	महान्रोषसमुत्पन्नः संरम्भस्त्यज्यतामयम्
2146	4034013a	रुमां मां कपिराज्यं च धनधान्यवसूनि च
2147	4034013c	रामप्रियार्थं सुग्रीवस्त्यजेदिति मतिर्मम
2148	4034014a	समानेष्व्यति सुग्रीवः सीतया सह राघवम्
2149	4034014c	शशाङ्कमिव रोहिष्या निहत्वा रावणं रणे
2150	4034015a	शतकोटिसहस्राणि लङ्कायां किल रक्षसाम्
2151	4034015c	अयुतानि च षट्त्रिंशत्सहस्राणि शतानि च
2152	4034016a	अहत्वा तांश्च दुर्धर्षान्राक्षसान्कामरूपिणः
2153	4034016c	न शक्यो रावणो हन्तुं येन सा मैथिली हृता
2154	4034017a	ते न शक्या रणे हन्तुमसहायेन लक्ष्मण
2155	4034017c	रावणः क्रूरकर्मा च सुग्रीवेण विशेषतः
2156	4034018a	एवमाख्यातवान्वाली स ह्यभिज्ञो हरीश्वरः
2157	4034018c	आगमस्तु न मे व्यक्तः श्रवात्तस्य ब्रवीम्यहम्
2158	4034019a	त्वत्सहायनिमित्तं वै प्रेषिता हरिपुंगवाः
2159	4034019c	आनेतुं वानरान्युद्धे सुबहून्हरियूथपान्
2160	4034020a	तांश्च प्रतीक्षमाणोऽयं विक्रान्तान्सुमहाबलान्
2161	4034020c	राघवस्यार्थसिद्ध्यर्थं न निर्याति हरीश्वरः
2162	4034021a	कृता तु संस्था सौमित्रे सुग्रीवेण यथापुरा
2163	4034021c	अद्य तैर्वानरैर्सर्वैरागन्तव्यं महाबलैः
2164	4034022a	ऋक्षकोटिसहस्राणि गोलाङ्गूलशतानि च
2165	4034022c	अद्य त्वामुपयास्यन्ति जहि कोपमरिंदम
2166	4034022e	कोट्योऽनेकास्तु काकुत्स्थ कपीनां दीप्ततेजसाम्
2167	4034023a	तव हि मुखमिदं निरीक्ष्य कोपा;त्क्षतजनिभे नयने निरीक्षमाणाः
2168	4034023c	हरिवरवनिता न यान्ति शान्तिं; प्रथमभयस्य हि शङ्किताः स्म सर्वाः
2169	4035001a	इत्युक्तस्तारया वाक्यं प्रश्रितं धर्मसंहितम्
2170	4035001c	मृदुस्वभावः सौमित्रिः प्रतिजग्राह तद्वचः
2171	4035002a	तस्मिन्प्रतिगृहीते तु वाक्ये हरिगणेश्वरः
2172	4035002c	लक्ष्मणात्सुमहत्त्रासं वस्त्रं क्लिन्नमिवात्यजत्
2173	4035003a	ततः कण्ठगतं माल्यं चित्रं बहुगुणं महत्
2174	4035003c	चिच्छेद विमदश्चासीत्सुग्रीवो वानरेश्वरः
2175	4035004a	स लक्ष्मणं भीमबलं सर्ववानरसत्तमः
2176	4035004c	अब्रवीत्प्रश्रितं वाक्यं सुग्रीवः संप्रहर्षयन्
2177	4035005a	प्रनष्टा श्रीश्च कीर्तिश्च कपिराज्यं च शाश्वतम्
2178	4035005c	रामप्रसादात्सौमित्रे पुनः प्राप्तमिदं मया
2179	4035006a	कः शक्तस्तस्य देवस्य ख्यातस्य स्वेन कर्मणा
2180	4035006c	तादृशं विक्रमं वीर प्रतिकर्तुमरिंदम
2181	4035007a	सीतां प्राप्स्यति धर्मात्मा वधिष्यति च रावणम्
2182	4035007c	सहायमात्रेण मया राघवः स्वेन तेजसा
2183	4035008a	सहायकृत्यं हि तस्य येन सप्त महाद्रुमाः
2184	4035008c	शैलश्च वसुधा चैव बाणेनैकेन दारिताः
2185	4035009a	धनुर्विस्फारमाणस्य यस्य शब्देन लक्ष्मण
2186	4035009c	सशैला कम्पिता भूमिः सहायैस्तस्य किं नु वै
2187	4035010a	अनुयात्रां नरेन्द्रस्य करिष्येऽहं नरर्षभ
2188	4035010c	गच्छतो रावणं हन्तुं वैरिणं सपुरःसरम्
2189	4035011a	यदि किंचिदतिक्रान्तं विश्वासात्प्रणयेन वा
2190	4035011c	प्रेष्यस्य क्षमितव्यं मे न कश्चिन्नापराध्यति
2191	4035012a	इति तस्य ब्रुवाणस्य सुग्रीवस्य महात्मनः
2192	4035012c	अभवल्लक्ष्मणः प्रीतः प्रेंणा चेदमुवाच ह
2193	4035013a	सर्वथा हि मम भ्राता सनाथो वानरेश्वर
2194	4035013c	त्वया नाथेन सुग्रीव प्रश्रितेन विशेषतः
2195	4035014a	यस्ते प्रभावः सुग्रीव यच्च ते शौचमुत्तमम्
2196	4035014c	अर्हस्तं कपिराज्यस्य श्रियं भोक्तुमनुत्तमाम्
2197	4035015a	सहायेन च सुग्रीव त्वया रामः प्रतापवान्
2198	4035015c	वधिष्यति रणे शत्रूनचिरान्नात्र संशयः
2199	4035016a	धर्मज्ञस्य कृतज्ञस्य संग्रामेष्वनिवर्तिनः
2200	4035016c	उपपन्नं च युक्तं च सुग्रीव तव भाषितम्
2201	4035017a	दोषज्ञः सति सामर्थ्ये कोऽन्यो भाषितुमर्हति
2202	4035017c	वर्जयित्वा मम ज्येष्ठं त्वां च वानरसत्तम
2203	4035018a	सदृशश्चासि रामस्य विक्रमेण बलेन च
2204	4035018c	सहायो दैवतैर्दत्तश्चिराय हरिपुंगव
2205	4035019a	किं तु शीघ्रमितो वीर निष्क्राम त्वं मया सह
2206	4035019c	सान्त्वयस्व वयस्यं च भार्याहरणदुःखितम्
2207	4035020a	यच्च शोकाभिभूतस्य श्रुत्वा रामस्य भाषितम्
2208	4035020c	मया त्वं परुषाण्युक्तस्तच्च त्वं क्षन्तुमर्हसि
2209	4036001a	एवमुक्तस्तु सुग्रीवो लक्ष्मणेन महात्मना
2210	4036001c	हनुमन्तं स्थितं पार्श्वे सचिवं वाक्यमब्रवीत्
2211	4036002a	महेन्द्रहिमवद्विन्ध्यकैलासशिखरेषु च
2212	4036002c	मन्दरे पाण्डुशिखरे पञ्चशैलेषु ये स्थिताः
2213	4036003a	तरुणादित्यवर्णेषु भ्राजमानेषु सर्वशः
2214	4036003c	पर्वतेषु समुद्रान्ते पश्चिमस्यां तु ये दिशि
2215	4036004a	आदित्यभवने चैव गिरौ संध्याभ्रसंनिभे
2216	4036004c	पद्मतालवनं भीमं संश्रिता हरिपुंगवाः
2217	4036005a	अञ्जनाम्बुदसंकाशाः कुञ्जरप्रतिमौजसः
2218	4036005c	अञ्जने परते चैव ये वसन्ति प्लवंगमाः
2219	4036006a	मनःशिला गुहावासा वानराः कनकप्रभाः
2220	4036006c	मेरुपार्श्वगताश्चैव ये च धूम्रगिरिं श्रिताः
2221	4036007a	तरुणादित्यवर्णाश्च पर्वते ये महारुणे
2222	4036007c	पिबन्तो मधुमैरेयं भीमवेगाः प्लवंगमाः
2223	4036008a	वनेषु च सुरम्येषु सुगन्धिषु महत्सु च
2224	4036008c	तापसानां च रम्येषु वनान्तेषु समन्ततः
2225	4036009a	तांस्तांस्त्वमानय क्षिप्रं पृथिव्यां सर्ववानरान्
2226	4036009c	सामदानादिभिः कल्पैराशु प्रेषय वानरान्
2227	4036010a	प्रेषिताः प्रथमं ये च मया दूता महाजवाः
2228	4036010c	त्वरणार्थं तु भूयस्त्वं हरीन्संप्रेषयापरान्
2229	4036011a	ये प्रसक्ताश्च कामेषु दीर्घसूत्राश्च वानराः
2230	4036011c	इहानयस्व तान्सर्वाञ्शीघ्रं तु मम शासनात्
2231	4036012a	अहोभिर्दशभिर्ये च नागच्छन्ति ममाज्ञया
2232	4036012c	हन्तव्यास्ते दुरात्मानो राजशासनदूषकाः
2233	4036013a	शतान्यथ सहस्राणि कोट्यश्च मम शासनात्
2234	4036013c	प्रयान्तु कपिसिंहानां दिशो मम मते स्थिताः
2235	4036014a	मेघपर्वतसंकाशाश्छादयन्त इवाम्बरम्
2236	4036014c	घोररूपाः कपिश्रेष्ठा यान्तु मच्छासनादितः
2237	4036015a	ते गतिज्ञा गतिं गत्वा पृथिव्यां सर्ववानराः
2238	4036015c	आनयन्तु हरीन्सर्वांस्त्वरिताः शासनान्मम
2239	4036016a	तस्य वानरराजस्य श्रुत्वा वायुसुतो वचः
2240	4036016c	दिक्षु सर्वासु विक्रान्तान्प्रेषयामास वानरान्
2241	4036017a	ते पदं विष्णुविक्रान्तं पतत्रिज्योतिरध्वगाः
2242	4036017c	प्रयाताः प्रहिता राज्ञा हरयस्तत्क्षणेन वै
2243	4036018a	ते समुद्रेषु गिरिषु वनेषु च सरित्सु च
2244	4036018c	वानरा वानरान्सर्वान्रामहेतोरचोदयन्
2245	4036019a	मृत्युकालोपमस्याज्ञां राजराजस्य वानराः
2246	4036019c	सुग्रीवस्याययुः श्रुत्वा सुग्रीवभयदर्शिनः
2247	4036020a	ततस्तेऽञ्जनसंकाशा गिरेस्तस्मान्महाजवाः
2248	4036020c	तिस्रः कोट्यः प्लवंगानां निर्ययुर्यत्र राघवः
2249	4036021a	अस्तं गच्छति यत्रार्कस्तस्मिन्गिरिवरे रताः
2250	4036021c	तप्तहेमसमाभासास्तस्मात्कोट्यो दशच्युताः
2251	4036022a	कैलास शिखरेभ्यश्च सिंहकेसरवर्चसाम्
2252	4036022c	ततः कोटिसहस्राणि वानराणामुपागमन्
2253	4036023a	फलमूलेन जीवन्तो हिमवन्तमुपाश्रिताः
2254	4036023c	तेषां कोटिसहस्राणां सहस्रं समवर्तत
2255	4036024a	अङ्गारक समानानां भीमानां भीमकर्मणाम्
2256	4036024c	विन्ध्याद्वानरकोटीनां सहस्राण्यपतन्द्रुतम्
2257	4036025a	क्षीरोदवेलानिलयास्तमालवनवासिनः
2258	4036025c	नारिकेलाशनाश्चैव तेषां संख्या न विद्यते
2259	4036026a	वनेभ्यो गह्वरेभ्यश्च सरिद्भ्यश्च महाजवाः
2260	4036026c	आगच्छद्वानरी सेना पिबन्तीव दिवाकरम्
2261	4036027a	ये तु त्वरयितुं याता वानराः सर्ववानरान्
2262	4036027c	ते वीरा हिमवच्छैलं ददृशुस्तं महाद्रुमम्
2263	4036028a	तस्मिन्गिरिवरे रम्ये यज्ञो महेश्वरः पुरा
2264	4036028c	सर्वदेवमनस्तोषो बभौ दिव्यो मनोहरः
2265	4036029a	अन्नविष्यन्दजातानि मूलानि च फलानि च
2266	4036029c	अमृतस्वादुकल्पानि ददृशुस्तत्र वानराः
2267	4036030a	तदन्न संभवं दिव्यं फलं मूलं मनोहरम्
2268	4036030c	यः कश्चित्सकृदश्नाति मासं भवति तर्पितः
2269	4036031a	तानि मूलानि दिव्यानि फलानि च फलाशनाः
2270	4036031c	औषधानि च दिव्यानि जगृहुर्हरियूथपाः
2271	4036032a	तस्माच्च यज्ञायतनात्पुष्पाणि सुरभीणि च
2272	4036032c	आनिन्युर्वानरा गत्वा सुग्रीवप्रियकारणात्
2273	4036033a	ते तु सर्वे हरिवराः पृथिव्यां सर्ववानरान्
2274	4036033c	संचोदयित्वा त्वरितं यूथानां जग्मुरग्रतः
2275	4036034a	ते तु तेन मुहूर्तेन यूथपाः शीघ्रकारिणः
2276	4036034c	किष्किन्धां त्वरया प्राप्ताः सुग्रीवो यत्र वानरः
2277	4036035a	ते गृहीत्वौषधीः सर्वाः फलं मूलं च वानराः
2278	4036035c	तं प्रतिग्राहयामासुर्वचनं चेदमब्रुवन्
2279	4036036a	सर्वे परिगताः शैलाः समुद्राश्च वनानि च
2280	4036036c	पृथिव्यां वानराः सर्वे शासनादुपयान्ति ते
2281	4036037a	एवं श्रुत्वा ततो हृष्टः सुग्रीवः प्लवगाधिपः
2282	4036037c	प्रतिजग्राह च प्रीतस्तेषां सर्वमुपायनम्
2283	4037001a	प्रतिगृह्य च तत्सर्वमुपानयमुपाहृतम्
2284	4037001c	वानरान्सान्त्वयित्वा च सर्वानेव व्यसर्जयत्
2285	4037002a	विसर्जयित्वा स हरीञ्शूरांस्तान्कृतकर्मणः
2286	4037002c	मेने कृतार्थमात्मानं राघवं च महाबलम्
2287	4037003a	स लक्ष्मणो भीमबलं सर्ववानरसत्तमम्
2288	4037003c	अब्रवीत्प्रश्रितं वाक्यं सुग्रीवं संप्रहर्षयन्
2289	4037003e	किष्किन्धाया विनिष्क्राम यदि ते सौम्य रोचते
2290	4037004a	तस्य तद्वचनं श्रुत्वा लक्ष्मणस्य सुभाषितम्
2291	4037004c	सुग्रीवः परमप्रीतो वाक्यमेतदुवाच ह
2292	4037005a	एवं भवतु गच्छामः स्थेयं त्वच्छासने मया
2293	4037005c	तमेवमुक्त्वा सुग्रीवो लक्ष्मणं शुभलक्ष्मणम्
2294	4037006a	विसर्जयामास तदा तारामन्याश्च योषितः
2295	4037006c	एतेत्युच्चैर्हरिवरान्सुग्रीवः समुदाहरत्
2296	4037007a	तस्य तद्वचनं श्रुत्वा हरयः शीघ्रमाययुः
2297	4037007c	बद्धाञ्जलिपुटाः सर्वे ये स्युः स्त्रीदर्शनक्षमाः
2298	4037008a	तानुवाच ततः प्राप्तान्राजार्कसदृशप्रभः
2299	4037008c	उपस्थापयत क्षिप्रं शिबिकां मम वानराः
2300	4037009a	श्रुत्वा तु वचनं तस्य हरयः शीघ्रविक्रमाः
2301	4037009c	समुपस्थापयामासुः शिबिकां प्रियदर्शनाम्
2302	4037010a	तामुपस्थापितां दृष्ट्वा शिबिकां वानराधिपः
2303	4037010c	लक्ष्मणारुह्यतां शीघ्रमिति सौमित्रिमब्रवीत्
2304	4037011a	इत्युक्त्वा काञ्चनं यानं सुग्रीवः सूर्यसंनिभम्
2305	4037011c	बृहद्भिर्हरिभिर्युक्तमारुरोह सलक्ष्मणः
2306	4037012a	पाण्डुरेणातपत्रेण ध्रियमाणेन मूर्धनि
2307	4037012c	शुक्लैश्च बालव्यजनैर्धूयमानैः समन्ततः
2308	4037013a	शङ्खभेरीनिनादैश्च बन्दिभिश्चाभिवन्दितः
2309	4037013c	निर्ययौ प्राप्य सुग्रीवो राज्यश्रियमनुत्तमाम्
2310	4037014a	स वानरशतैस्तीष्क्णैर्बहुभिः शस्त्रपाणिभिः
2311	4037014c	परिकीर्णो ययौ तत्र यत्र रामो व्यवस्थितः
2312	4037015a	स तं देशमनुप्राप्य श्रेष्ठं रामनिषेवितम्
2313	4037015c	अवातरन्महातेजाः शिबिकायाः सलक्ष्मणः
2314	4037016a	आसाद्य च ततो रामं कृताञ्जलिपुटोऽभवत्
2315	4037016c	कृताञ्जलौ स्थिते तस्मिन्वानराश्चभवंस्तथा
2316	4037017a	तटाकमिव तद्दृष्ट्वा रामः कुड्मलपङ्कजम्
2317	4037017c	वानराणां महत्सैन्यं सुग्रीवे प्रीतिमानभूत्
2318	4037018a	पादयोः पतितं मूर्ध्ना तमुत्थाप्य हरीश्वरम्
2319	4037018c	प्रेंणा च बहुमानाच्च राघवः परिषस्वजे
2320	4037019a	परिष्वज्य च धर्मात्मा निषीदेति ततोऽब्रवीत्
2321	4037019c	तं निषण्णं ततो दृष्ट्वा क्षितौ रामोऽब्रवीद्वचः
2322	4037020a	धर्ममर्थं च कामं च काले यस्तु निषेवते
2323	4037020c	विभज्य सततं वीर स राजा हरिसत्तम
2324	4037021a	हित्वा धर्मं तथार्थं च कामं यस्तु निषेवते
2325	4037021c	स वृक्षाग्रे यथा सुप्तः पतितः प्रतिबुध्यते
2326	4037022a	अमित्राणां वधे युक्तो मित्राणां संग्रहे रतः
2327	4037022c	त्रिवर्गफलभोक्ता तु राजा धर्मेण युज्यते
2328	4037023a	उद्योगसमयस्त्वेष प्राप्तः शत्रुविनाशन
2329	4037023c	संचिन्त्यतां हि पिङ्गेश हरिभिः सह मन्त्रिभिः
2330	4037024a	एवमुक्तस्तु सुग्रीवो रामं वचनमब्रवीत्
2331	4037025a	प्रनष्टा श्रीश्च कीर्तिश्च कपिराज्यं च शाश्वतम्
2332	4037025c	त्वत्प्रसादान्महाबाहो पुनः प्राप्तमिदं मया
2333	4037026a	तव देवप्रसदाच्च भ्रातुश्च जयतां वर
2334	4037026c	कृतं न प्रतिकुर्याद्यः पुरुषाणां स दूषकः
2335	4037027a	एते वानरमुख्याश्च शतशः शत्रुसूदन
2336	4037027c	प्राप्ताश्चादाय बलिनः पृथिव्यां सर्ववानरान्
2337	4037028a	ऋक्षाश्चावहिताः शूरा गोलाङ्गूलाश्च राघव
2338	4037028c	कान्तार वनदुर्गाणामभिज्ञा घोरदर्शनाः
2339	4037029a	देवगन्धर्वपुत्राश्च वानराः कामरूपिणः
2340	4037029c	स्वैः स्वैः परिवृताः सैन्यैर्वर्तन्ते पथि राघव
2341	4037030a	शतैः शतसहस्रैश्च कोटिभिश्च प्लवंगमाः
2342	4037030c	अयुतैश्चावृता वीरा शङ्कुभिश्च परंतप
2343	4037031a	अर्बुदैरर्बुदशतैर्मध्यैश्चान्तैश्च वानराः
2344	4037031c	समुद्रैश्च परार्धैश्च हरयो हरियूथपाः
2345	4037032a	आगमिष्यन्ति ते राजन्महेन्द्रसमविक्रमाः
2346	4037032c	मेरुमन्दरसंकाशा विन्ध्यमेरुकृतालयाः
2347	4037033a	ते त्वामभिगमिष्यन्ति राक्षसं ये सबान्धवम्
2348	4037033c	निहत्य रावणं संख्ये ह्यानयिष्यन्ति मैथिलीम्
2349	4037034a	ततस्तमुद्योगमवेक्ष्य बुद्धिमा;न्हरिप्रवीरस्य निदेशवर्तिनः
2350	4037034c	बभूव हर्षाद्वसुधाधिपात्मजः; प्रबुद्धनीलोत्पलतुल्यदर्शनः
2351	4038001a	इति ब्रुवाणं सुग्रीवं रामो धर्मभृतां वरः
2352	4038001c	बाहुभ्यां संपरिष्वज्य प्रत्युवाच कृताञ्जलिम्
2353	4038002a	यदिन्द्रो वर्षते वर्षं न तच्चित्रं भवेद्भुवि
2354	4038002c	आदित्यो वा सहस्रांशुः कुर्याद्वितिमिरं नभः
2355	4038003a	चन्द्रमा रश्मिभिः कुर्यात्पृथिवीं सौम्य निर्मलाम्
2356	4038003c	त्वद्विधो वापि मित्राणां प्रतिकुर्यात्परंतप
2357	4038004a	एवं त्वयि न तच्चित्रं भवेद्यत्सौम्य शोभनम्
2358	4038004c	जानाम्यहं त्वां सुग्रीव सततं प्रियवादिनम्
2359	4038005a	त्वत्सनाथः सखे संख्ये जेतास्मि सकलानरीन्
2360	4038005c	त्वमेव मे सुहृन्मित्रं साहाय्यं कर्तुमर्हसि
2361	4038006a	जहारात्मविनाशाय वैदेहीं राक्षसाधमः
2362	4038006c	वञ्चयित्वा तु पौलोमीमनुह्लादो यथा शचीम्
2363	4038007a	नचिरात्तं हनिष्यामि रावणं निशितैः शरैः
2364	4038007c	पौलोम्याः पितरं दृप्तं शतक्रतुरिवारिहा
2365	4038008a	एतस्मिन्नन्तरे चैव रजः समभिवर्तत
2366	4038008c	उष्णां तीव्रां सहस्रांशोश्छादयद्गगने प्रभाम्
2367	4038009a	दिशः पर्याकुलाश्चासन्रजसा तेन मूर्छिताः
2368	4038009c	चचाल च मही सर्वा सशैलवनकानना
2369	4038010a	ततो नगेन्द्रसंकाशैस्तीक्ष्ण दंष्ट्रैर्महाबलैः
2370	4038010c	कृत्स्ना संछादिता भूमिरसंख्येयैः प्लवंगमैः
2371	4038011a	निमेषान्तरमात्रेण ततस्तैर्हरियूथपैः
2372	4038011c	कोटीशतपरीवारैः कामरूपिभिरावृता
2373	4038012a	नादेयैः पार्वतीयैश्च सामुद्रैश्च महाबलैः
2374	4038012c	हरिभिर्मेघनिर्ह्रादैरन्यैश्च वनचारिभिः
2375	4038013a	तरुणादित्यवर्णैश्च शशिगौरैश्च वानरैः
2376	4038013c	पद्मकेसरवर्णैश्च श्वेतैर्मेरुकृतालयैः
2377	4038014a	कोटीसहस्रैर्दशभिः श्रीमान्परिवृतस्तदा
2378	4038014c	वीरः शतबलिर्नाम वानरः प्रत्यदृश्यत
2379	4038015a	ततः काञ्चनशैलाभस्ताराया वीर्यवान्पिता
2380	4038015c	अनेकैर्दशसाहस्रैः कोटिभिः प्रत्यदृश्यत
2381	4038016a	पद्मकेसरसंकाशस्तरुणार्कनिभाननः
2382	4038016c	बुद्धिमान्वानरश्रेष्ठः सर्ववानरसत्तमः
2383	4038017a	अनीकैर्बहुसाहस्रैर्वानराणां समन्वितः
2384	4038017c	पिता हनुमतः श्रीमान्केसरी प्रत्यदृश्यत
2385	4038018a	गोलाङ्गूलमहाराजो गवाक्षो भीमविक्रमः
2386	4038018c	वृतः कोटिसहस्रेण वानराणामदृश्यत
2387	4038019a	ऋक्षाणां भीमवेगानां धूम्रः शत्रुनिबर्हणः
2388	4038019c	वृतः कोटिसहस्राभ्यां द्वाभ्यां समभिवर्तत
2389	4038020a	महाचलनिभैर्घोरैः पनसो नाम यूथपः
2390	4038020c	आजगाम महावीर्यस्तिसृभिः कोटिभिर्वृतः
2391	4038021a	नीलाञ्जनचयाकारो नीलो नामाथ यूथपः
2392	4038021c	अदृश्यत महाकायः कोटिभिर्दशभिर्वृतः
2393	4038022a	दरीमुखश्च बलवान्यूथपोऽभ्याययौ तदा
2394	4038022c	वृतः कोटिसहस्रेण सुग्रीवं समुपस्थितः
2395	4038023a	मैन्दश्च द्विविदश्चोभावश्विपुत्रौ महावलौ
2396	4038023c	कोटिकोटिसहस्रेण वानराणामदृश्यताम्
2397	4038024a	ततः कोटिसहस्राणां सहस्रेण शतेन च
2398	4038024c	पृष्ठतोऽनुगतः प्राप्तो हरिभिर्गन्धमादनः
2399	4038025a	ततः पद्मसहस्रेण वृतः शङ्कुशतेन च
2400	4038025c	युवराजोऽङ्गदः प्राप्तः पितृतुल्यपराक्रमः
2401	4038026a	ततस्ताराद्युतिस्तारो हरिर्भीमपराक्रमः
2402	4038026c	पञ्चभिर्हरिकोटीभिर्दूरतः प्रत्यदृश्यत
2403	4038027a	इन्द्रजानुः कपिर्वीरो यूथपः प्रत्यदृश्यत
2404	4038027c	एकादशानां कोटीनामीश्वरस्तैश्च संवृतः
2405	4038028a	ततो रम्भस्त्वनुप्राप्तस्तरुणादित्यसंनिभः
2406	4038028c	अयुतेन वृतश्चैव सहस्रेण शतेन च
2407	4038029a	ततो यूथपतिर्वीरो दुर्मुखो नाम वानरः
2408	4038029c	प्रत्यदृश्यत कोटिभ्यां द्वाभ्यां परिवृतो बली
2409	4038030a	कैलासशिखराकारैर्वानरैर्भीमविक्रमैः
2410	4038030c	वृतः कोटिसहस्रेण हनुमान्प्रत्यदृश्यत
2411	4038031a	नलश्चापि महावीर्यः संवृतो द्रुमवासिभिः
2412	4038031c	कोटीशतेन संप्राप्तः सहस्रेण शतेन च
2413	4038032a	शरभः कुमुदो वह्निर्वानरो रम्भ एव च
2414	4038032c	एते चान्ये च बहवो वानराः कामरूपिणः
2415	4038033a	आवृत्य पृथिवीं सर्वां पर्वतांश्च वनानि च
2416	4038033c	आप्लवन्तः प्लवन्तश्च गर्जन्तश्च प्लवंगमाः
2417	4038033e	अभ्यवर्तन्त सुग्रीवं सूर्यमभ्रगणा इव
2418	4038034a	कुर्वाणा बहुशब्दांश्च प्रहृष्टा बलशालिनः
2419	4038034c	शिरोभिर्वानरेन्द्राय सुग्रीवाय न्यवेदयन्
2420	4038035a	अपरे वानरश्रेष्ठाः संगम्य च यथोचितम्
2421	4038035c	सुग्रीवेण समागम्य स्थिताः प्राञ्जलयस्तदा
2422	4038036a	सुग्रीवस्त्वरितो रामे सर्वांस्तान्वानरर्षभान्
2423	4038036c	निवेदयित्वा धर्मज्ञः स्थितः प्राञ्जलिरब्रवीत्
2424	4038037a	यथा सुखं पर्वतनिर्झरेषु; वनेषु सर्वेषु च वानरेन्द्राः
2425	4038037c	निवेशयित्वा विधिवद्बलानि; बलं बलज्ञः प्रतिपत्तुमीष्टे
2426	4039001a	अथ राजा समृद्धार्थः सुग्रीवः प्लवगेश्वरः
2427	4039001c	उवाच नरशार्दूलं रामं परबलार्दनम्
2428	4039002a	आगता विनिविष्टाश्च बलिनः कामरूपिणः
2429	4039002c	वानरेन्द्रा महेन्द्राभा ये मद्विषयवासिनः
2430	4039003a	त इमे बहुसाहस्रैर्हरिभिर्भीमविक्रमैः
2431	4039003c	आगता वानरा घोरा दैत्यदानवसंनिभाः
2432	4039004a	ख्यातकर्मापदानाश्च बलवन्तो जितक्लमाः
2433	4039004c	पराक्रमेषु विख्याता व्यवसायेषु चोत्तमाः
2434	4039005a	पृथिव्यम्बुचरा राम नानानगनिवासिनः
2435	4039005c	कोट्यग्रश इमे प्राप्ता वानरास्तव किंकराः
2436	4039006a	निदेशवर्तिनः सर्वे सर्वे गुरुहिते रताः
2437	4039006c	अभिप्रेतमनुष्ठातुं तव शक्ष्यन्त्यरिंदम
2438	4039007a	यन्मन्यसे नरव्याघ्र प्राप्तकालं तदुच्यताम्
2439	4039007c	तत्सैन्यं त्वद्वशे युक्तमाज्ञापयितुमर्हसि
2440	4039008a	काममेषामिदं कार्यं विदितं मम तत्त्वतः
2441	4039008c	तथापि तु यथा तत्त्वमाज्ञापयितुमर्हसि
2442	4039009a	तथा ब्रुवाणं सुग्रीवं रामो दशरथात्मजः
2443	4039009c	बाहुभ्यां संपरिष्वज्य इदं वचनमब्रवीत्
2444	4039010a	ज्ञायतां सौम्य वैदेही यदि जीवति वा न वा
2445	4039010c	स च देशो महाप्राज्ञ यस्मिन्वसति रावणः
2446	4039011a	अधिगम्य च वैदेहीं निलयं रावणस्य च
2447	4039011c	प्राप्तकालं विधास्यामि तस्मिन्काले सह त्वया
2448	4039012a	नाहमस्मिन्प्रभुः कार्ये वानरेश न लक्ष्मणः
2449	4039012c	त्वमस्य हेतुः कार्यस्य प्रभुश्च प्लवगेश्वर
2450	4039013a	त्वमेवाज्ञापय विभो मम कार्यविनिश्चयम्
2451	4039013c	त्वं हि जानासि यत्कार्यं मम वीर न संशयः
2452	4039014a	सुहृद्द्वितीयो विक्रान्तः प्राज्ञः कालविशेषवित्
2453	4039014c	भवानस्मद्धिते युक्तः सुकृतार्थोऽर्थवित्तमः
2454	4039015a	एवमुक्तस्तु सुग्रीवो विनतं नाम यूथपम्
2455	4039015c	अब्रवीद्राम साम्निध्ये लक्ष्मणस्य च धीमतः
2456	4039015e	शैलाभं मेघनिर्घोषमूर्जितं प्लवगेश्वरम्
2457	4039016a	सोमसूर्यात्मजैः सार्धं वानरैर्वानरोत्तम
2458	4039016c	देशकालनयैर्युक्तः कार्याकार्यविनिश्चये
2459	4039017a	वृतः शतसहस्रेण वानराणां तरस्विनाम्
2460	4039017c	अधिगच्छ दिशं पूर्वां सशैलवनकाननाम्
2461	4039018a	तत्र सीतां च वैदेहीं निलयं रावणस्य च
2462	4039018c	मार्गध्वं गिरिदुर्गेषु वनेषु च नदीषु च
2463	4039019a	नदीं भागीरथीं रम्यां सरयूं कौशिकीं तथा
2464	4039019c	कालिन्दीं यमुनां रम्यां यामुनं च महागिरिम्
2465	4039020a	सरस्वतीं च सिन्धुं च शोणं मणिनिभोदकम्
2466	4039020c	महीं कालमहीं चैव शैलकाननशोभिताम्
2467	4039021a	ब्रह्ममालान्विदेहांश्च मालवान्काशिकोसलान्
2468	4039021c	मागधांश्च महाग्रामान्पुण्ड्रान्वङ्गांस्तथैव च
2469	4039022a	पत्तनं कोशकाराणां भूमिं च रजताकराम्
2470	4039022c	सर्वमेतद्विचेतव्यं मृगयद्भिर्ततस्ततः
2471	4039023a	रामस्य दयितां भार्यां सीतां दशरतः स्नुषाम्
2472	4039023c	समुद्रमवगाढांश्च पर्वतान्पत्तनानि च
2473	4039024a	मन्दरस्य च ये कोटिं संश्रिताः केचिदायताम्
2474	4039024c	कर्णप्रावरणाश्चैव तथा चाप्योष्ठकर्णकाः
2475	4039025a	घोरा लोहमुखाश्चैव जवनाश्चैकपादकाः
2476	4039025c	अक्षया बलवन्तश्च पुरुषाः पुरुषादकाः
2477	4039026a	किराताः कर्णचूडाश्च हेमाङ्गाः प्रियदर्शनाः
2478	4039026c	आममीनाशनास्तत्र किराता द्वीपवासिनः
2479	4039027a	अन्तर्जलचरा घोरा नरव्याघ्रा इति श्रुताः
2480	4039027c	एतेषामालयाः सर्वे विचेयाः काननौकसः
2481	4039028a	गिरिभिर्ये च गम्यन्ते प्लवनेन प्लवेन च
2482	4039028c	रत्नवन्तं यवद्वीपं सप्तराज्योपशोभितम्
2483	4039029a	सुवर्णरूप्यकं चैव सुवर्णाकरमण्डितम्
2484	4039029c	यवद्वीपमतिक्रम्य शिशिरो नाम पर्वतः
2485	4039030a	दिवं स्पृशति शृङ्गेण देवदानवसेवितः
2486	4039030c	एतेषां गिरिदुर्गेषु प्रतापेषु वनेषु च
2487	4039031a	रावणः सह वैदेह्या मार्गितव्यस्ततस्ततः
2488	4039031c	ततः समुद्रद्वीपांश्च सुभीमान्द्रष्टुमर्हथ
2489	4039032a	तत्रासुरा महाकायाश्छायां गृह्णन्ति नित्यशः
2490	4039032c	ब्रह्मणा समनुज्ञाता दीर्घकालं बुभुक्षिताः
2491	4039033a	तं कालमेघप्रतिमं महोरगनिषेवितम्
2492	4039033c	अभिगम्य महानादं तीर्थेनैव महोदधिम्
2493	4039034a	ततो रक्तजलं भीमं लोहितं नाम सागरम्
2494	4039034c	गता द्रक्ष्यथ तां चैव बृहतीं कूटशाल्मलीम्
2495	4039035a	गृहं च वैनतेयस्य नानारत्नविभूषितम्
2496	4039035c	तत्र कैलाससंकाशं विहितं विश्वकर्मणा
2497	4039036a	तत्र शैलनिभा भीमा मन्देहा नाम राक्षसाः
2498	4039036c	शैलशृङ्गेषु लम्बन्ते नानारूपा भयावहाः
2499	4039037a	ते पतन्ति जले नित्यं सूर्यस्योदयनं प्रति
2500	4039037c	अभितप्ताश्च सूर्येण लम्बन्ते स्म पुनः पुनः
2501	4039038a	ततः पाण्डुरमेघाभं क्षीरौदं नाम सागरम्
2502	4039038c	गता द्रक्ष्यथ दुर्धर्षा मुखा हारमिवोर्मिभिः
2503	4039039a	तस्य मध्ये महाश्वेत ऋषभो नाम पर्वतः
2504	4039039c	दिव्यगन्धैः कुसुमितै रजतैश्च नगैर्वृतः
2505	4039040a	सरश्च राजतैः पद्मैर्ज्वलितैर्हेमकेसरैः
2506	4039040c	नाम्ना सुदर्शनं नाम राजहंसैः समाकुलम्
2507	4039041a	विबुधाश्चारणा यक्षाः किंनराः साप्सरोगणाः
2508	4039041c	हृष्टाः समभिगच्छन्ति नलिनीं तां रिरंसवः
2509	4039042a	क्षीरोदं समतिक्रम्य ततो द्रक्ष्यथ वानराः
2510	4039042c	जलोदं सागरश्रेष्ठं सर्वभूतभयावहम्
2511	4039043a	तत्र तत्कोपजं तेजः कृतं हयमुखं महत्
2512	4039043c	अस्याहुस्तन्महावेगमोदनं सचराचरम्
2513	4039044a	तत्र विक्रोशतां नादो भूतानां सागरौकसाम्
2514	4039044c	श्रूयते चासमर्थानां दृष्ट्वा तद्वडवामुखम्
2515	4039045a	स्वादूदस्योत्तरे देशे योजनानि त्रयोदश
2516	4039045c	जातरूपशिलो नाम महान्कनकपर्वतः
2517	4039046a	आसीनं पर्वतस्याग्रे सर्वभूतनमस्कृतम्
2518	4039046c	सहस्रशिरसं देवमनन्तं नीलवाससं
2519	4039047a	त्रिशिराः काञ्चनः केतुस्तालस्तस्य महात्मनः
2520	4039047c	स्थापितः पर्वतस्याग्रे विराजति सवेदिकः
2521	4039048a	पूर्वस्यां दिशि निर्माणं कृतं तत्त्रिदशेश्वरैः
2522	4039048c	ततः परं हेममयः श्रीमानुदयपर्वतः
2523	4039049a	तस्य कोटिर्दिवं स्पृष्ट्वा शतयोजनमायता
2524	4039049c	जातरूपमयी दिव्या विराजति सवेदिका
2525	4039050a	सालैस्तालैस्तमालैश्च कर्णिकारैश्च पुष्पितैः
2526	4039050c	जातरूपमयैर्दिव्यैः शोभते सूर्यसंनिभैः
2527	4039051a	तत्र योजनविस्तारमुच्छ्रितं दशयोजनम्
2528	4039051c	शृङ्गं सौमनसं नाम जातरूपमयं ध्रुवम्
2529	4039052a	तत्र पूर्वं पदं कृत्वा पुरा विष्णुस्त्रिविक्रमे
2530	4039052c	द्वितीयं शिखरं मेरोश्चकार पुरुषोत्तमः
2531	4039053a	उत्तरेण परिक्रम्य जम्बूद्वीपं दिवाकरः
2532	4039053c	दृश्यो भवति भूयिष्ठं शिखरं तन्महोच्छ्रयम्
2533	4039054a	तत्र वैखानसा नाम वालखिल्या महर्षयः
2534	4039054c	प्रकाशमाना दृश्यन्ते सूर्यवर्णास्तपस्विनः
2535	4039055a	अयं सुदर्शनो द्वीपः पुरो यस्य प्रकाशते
2536	4039055c	यस्मिंस्तेजश्च चक्षुश्च सर्वप्रानभृतामपि
2537	4039056a	शैलस्य तस्य कुञ्जेषु कन्दरेषु वनेषु च
2538	4039056c	रावणः सह वैदेह्या मार्गितव्यस्ततस्ततः
2539	4039057a	काञ्चनस्य च शैलस्य सूर्यस्य च महात्मनः
2540	4039057c	आविष्टा तेजसा संध्या पूर्वा रक्ता प्रकाशते
2541	4039058a	ततः परमगम्या स्याद्दिक्पूर्वा त्रिदशावृता
2542	4039058c	रहिता चन्द्रसूर्याभ्यामदृश्या तिमिरावृता
2543	4039059a	शैलेषु तेषु सर्वेषु कन्दरेषु वनेषु च
2544	4039059c	य च नोक्ता मया देशा विचेया तेषु जानकी
2545	4039060a	एतावद्वानरैः शक्यं गन्तुं वानरपुंगवाः
2546	4039060c	अभास्करममर्यादं न जानीमस्ततः परम्
2547	4039061a	अधिगम्य तु वैदेहीं निलयं रावणस्य च
2548	4039061c	मासे पूर्णे निवर्तध्वमुदयं प्राप्य पर्वतम्
2549	4039062a	ऊर्ध्वं मासान्न वस्तव्यं वसन्वध्यो भवेन्मम
2550	4039062c	सिद्धार्थाः संनिवर्तध्वमधिगम्य च मैथिलीम्
2551	4039063a	महेन्द्रकान्तां वनषण्ड मण्डितां; दिशं चरित्वा निपुणेन वानराः
2552	4039063c	अवाप्य सीतां रघुवंशजप्रियां; ततो निवृत्ताः सुखितो भविष्यथ
2553	4040001a	ततः प्रस्थाप्य सुग्रीवस्तन्महद्वानरं बलम्
2554	4040001c	दक्षिणां प्रेषयामास वानरानभिलक्षितान्
2555	4040002a	नीलमग्निसुतं चैव हनुमन्तं च वानरम्
2556	4040002c	पितामहसुतं चैव जाम्बवन्तं महाकपिम्
2557	4040003a	सुहोत्रं च शरीरं च शरगुल्मं तथैव च
2558	4040003c	गजं गवाक्षं गवयं सुषेणमृषभं तथा
2559	4040004a	मैन्दं च द्विविदं चैव विजयं गन्धमादनम्
2560	4040004c	उल्कामुखमसङ्गं च हुताशन सुतावुभौ
2561	4040005a	अङ्गदप्रमुखान्वीरान्वीरः कपिगणेश्वरः
2562	4040005c	वेगविक्रमसंपन्नान्संदिदेश विशेषवित्
2563	4040006a	तेषामग्रेषरं चैव महद्बलमसंगगम्
2564	4040006c	विधाय हरिवीराणामादिशद्दक्षिणां दिशम्
2565	4040007a	ये केचन समुद्देशास्तस्यां दिशि सुदुर्गमाः
2566	4040007c	कपीशः कपिमुख्यानां स तेषां तानुदाहरत्
2567	4040008a	सहस्रशिरसं विन्ध्यं नानाद्रुमलतावृतम्
2568	4040008c	नर्मदां च नदीं दुर्गां महोरगनिषेविताम्
2569	4040009a	ततो गोदावरीं रम्यां कृष्णावेणीं महानदीम्
2570	4040009c	वरदां च महाभागां महोरगनिषेविताम्
2571	4040010a	मेखलानुत्कलांश्चैव दशार्णनगराण्यपि
2572	4040010c	अवन्तीमभ्रवन्तीं च सर्वमेवानुपश्यत
2573	4040011a	विदर्भानृषिकांश्चैव रम्यान्माहिषकानपि
2574	4040011c	तथा बङ्गान्कलिङ्गांश्च कौशिकांश्च समन्ततः
2575	4040012a	अन्वीक्ष्य दण्डकारण्यं सपर्वतनदीगुहम्
2576	4040012c	नदीं गोदावरीं चैव सर्वमेवानुपश्यत
2577	4040013a	तथैवान्ध्रांश्च पुण्ड्रांश्च चोलान्पाण्ड्यान्सकेरलान्
2578	4040013c	अयोमुखश्च गन्तव्यः पर्वतो धातुमण्डितः
2579	4040014a	विचित्रशिखरः श्रीमांश्चित्रपुष्पितकाननः
2580	4040014c	सचन्दनवनोद्देशो मार्गितव्यो महागिरिः
2581	4040015a	ततस्तामापगां दिव्यां प्रसन्नसलिलां शिवाम्
2582	4040015c	तत्र द्रक्ष्यथ कावेरीं विहृतामप्सरोगणैः
2583	4040016a	तस्यासीनं नगस्याग्रे मलयस्य महौजसं
2584	4040016c	द्रक्ष्यथादित्यसंकाशमगस्त्यमृषिसत्तमम्
2585	4040017a	ततस्तेनाभ्यनुज्ञाताः प्रसन्नेन महात्मना
2586	4040017c	ताम्रपर्णीं ग्राहजुष्टां तरिष्यथ महानदीम्
2587	4040018a	सा चन्दनवनैर्दिव्यैः प्रच्छन्ना द्वीप शालिनी
2588	4040018c	कान्तेव युवतिः कान्तं समुद्रमवगाहते
2589	4040019a	ततो हेममयं दिव्यं मुक्तामणिविभूषितम्
2590	4040019c	युक्तं कवाटं पाण्ड्यानां गता द्रक्ष्यथ वानराः
2591	4040020a	ततः समुद्रमासाद्य संप्रधार्यार्थनिश्चयम्
2592	4040020c	अगस्त्येनान्तरे तत्र सागरे विनिवेशितः
2593	4040021a	चित्रनानानगः श्रीमान्महेन्द्रः पर्वतोत्तमः
2594	4040021c	जातरूपमयः श्रीमानवगाढो महार्णवम्
2595	4040022a	नानाविधैर्नगैः फुल्लैर्लताभिश्चोपशोभितम्
2596	4040022c	देवर्षियक्षप्रवरैरप्सरोभिश्च सेवितम्
2597	4040023a	सिद्धचारणसंघैश्च प्रकीर्णं सुमनोहरम्
2598	4040023c	तमुपैति सहस्राक्षः सदा पर्वसु पर्वसु
2599	4040024a	द्वीपस्तस्यापरे पारे शतयोजनमायतः
2600	4040024c	अगम्यो मानुषैर्दीप्तस्तं मार्गध्वं समन्ततः
2601	4040024e	तत्र सर्वात्मना सीता मार्गितव्या विशेषतः
2602	4040025a	स हि देशस्तु वध्यस्य रावणस्य दुरात्मनः
2603	4040025c	राक्षसाधिपतेर्वासः सहस्राक्षसमद्युतेः
2604	4040026a	दक्षिणस्य समुद्रस्य मध्ये तस्य तु राक्षसी
2605	4040026c	अङ्गारकेति विख्याता छायामाक्षिप्य भोजिनी
2606	4040027a	तमतिक्रम्य लक्ष्मीवान्समुद्रे शतयोजने
2607	4040027c	गिरिः पुष्पितको नाम सिद्धचारणसेवितः
2608	4040028a	चन्द्रसूर्यांशुसंकाशः सागराम्बुसमावृतः
2609	4040028c	भ्राजते विपुलैः शृङ्गैरम्बरं विलिखन्निव
2610	4040029a	तस्यैकं काञ्चनं शृङ्गं सेवते यं दिवाकरः
2611	4040029c	श्वेतं राजतमेकं च सेवते यं निशाकरः
2612	4040030a	न तं कृतघ्नाः पश्यन्ति न नृशंसा न नास्तिकाः
2613	4040030c	प्रणम्य शिरसा शैलं तं विमार्गत वानराः
2614	4040031a	तमतिक्रम्य दुर्धर्षाः सूर्यवान्नाम पर्वतः
2615	4040031c	अध्वना दुर्विगाहेन योजनानि चतुर्दश
2616	4040032a	ततस्तमप्यतिक्रम्य वैद्युतो नाम पर्वतः
2617	4040032c	सर्वकामफलैर्वृक्षैः सर्वकालमनोहरैः
2618	4040033a	तत्र भुक्त्वा वरार्हाणि मूलानि च फलानि च
2619	4040033c	मधूनि पीत्वा मुख्यानि परं गच्छत वानराः
2620	4040034a	तत्र नेत्रमनःकान्तः कुञ्जरो नाम पर्वतः
2621	4040034c	अगस्त्यभवनं यत्र निर्मितं विश्वकर्मणा
2622	4040035a	तत्र योजनविस्तारमुच्छ्रितं दशयोजनम्
2623	4040035c	शरणं काञ्चनं दिव्यं नानारत्नविभूषितम्
2624	4040036a	तत्र भोगवती नाम सर्पाणामालयः पुरी
2625	4040036c	विशालरथ्या दुर्धर्षा सर्वतः परिरक्षिता
2626	4040036e	रक्षिता पन्नगैर्घोरैस्तीक्ष्णदंष्ट्रैर्महाविषैः
2627	4040037a	सर्पराजो महाघोरो यस्यां वसति वासुकिः
2628	4040037c	निर्याय मार्गितव्या च सा च भोगवती पुरी
2629	4040038a	तं च देशमतिक्रम्य महानृषभसंस्थितः
2630	4040038c	सर्वरत्नमयः श्रीमानृषभो नाम पर्वतः
2631	4040039a	गोशीर्षकं पद्मकं च हरिश्यामं च चन्दनम्
2632	4040039c	दिव्यमुत्पद्यते यत्र तच्चैवाग्निसमप्रभम्
2633	4040040a	न तु तच्चन्दनं दृष्ट्वा स्प्रष्टव्यं च कदाचन
2634	4040040c	रोहिता नाम गन्धर्वा घोरा रक्षन्ति तद्वनम्
2635	4040041a	तत्र गन्धर्वपतयः पञ्चसूर्यसमप्रभाः
2636	4040041c	शैलूषो ग्रामणीर्भिक्षुः शुभ्रो बभ्रुस्तथैव च
2637	4040042a	अन्ते पृथिव्या दुर्धर्षास्तत्र स्वर्गजितः स्थिताः
2638	4040042c	ततः परं न वः सेव्यः पितृलोकः सुदारुणः
2639	4040042e	राजधानी यमस्यैषा कष्टेन तमसावृता
2640	4040043a	एतावदेव युष्माभिर्वीरा वानरपुंगवाः
2641	4040043c	शक्यं विचेतुं गन्तुं वा नातो गतिमतां गतिः
2642	4040044a	सर्वमेतत्समालोक्य यच्चान्यदपि दृश्यते
2643	4040044c	गतिं विदित्वा वैदेह्याः संनिवर्तितमर्हथ
2644	4040045a	यस्तु मासान्निवृत्तोऽग्रे दृष्टा सीतेति वक्ष्यति
2645	4040045c	मत्तुल्यविभवो भोगैः सुखं स विहरिष्यति
2646	4040046a	ततः प्रियतरो नास्ति मम प्राणाद्विशेषतः
2647	4040046c	कृतापराधो बहुशो मम बन्धुर्भविष्यति
2648	4040047a	अमितबलपराक्रमा भवन्तो; विपुलगुणेषु कुलेषु च प्रसूताः
2649	4040047c	मनुजपतिसुतां यथा लभध्वं; तदधिगुणं पुरुषार्थमारभध्वम्
2650	4041001a	ततः प्रस्थाप्य सुग्रीवस्तान्हरीन्दक्षिणां दिशम्
2651	4041001c	बुद्धिविक्रमसंपन्नान्वायुवेगसमाञ्जवे
2652	4041002a	अथाहूय महातेजाः सुषेणं नाम यूथपम्
2653	4041002c	तारायाः पितरं राजा श्वशुरभीमविक्रमम्
2654	4041003a	अब्रवीत्प्राञ्जलिर्वाक्यमभिगम्य प्रणम्य च
2655	4041003c	साहाय्यं कुरु रामस्य कृत्येऽस्मिन्समुपस्थिते
2656	4041004a	वृतः शतसहस्रेण वानराणां तरस्विनाम्
2657	4041004c	अभिगच्छ दिशं सौम्य पश्चिमां वारुणीं प्रभो
2658	4041005a	सुराष्ट्रान्सह बाह्लीकाञ्शूराभीरांस्तथैव च
2659	4041005c	स्फीताञ्जनपदान्रम्यान्विपुलानि पुराणि च
2660	4041006a	पुंनागगहनं कुक्षिं बहुलोद्दालकाकुलम्
2661	4041006c	तथा केतकषण्डांश्च मार्गध्वं हरियूथपाः
2662	4041007a	प्रत्यक्स्रोतोगमाश्चैव नद्यः शीतजलाः शिवाः
2663	4041007c	तापसानामरण्यानि कान्तारा गिरयश्च ये
2664	4041008a	गिरिजालावृतां दुर्गां मार्गित्वा पश्चिमां दिशम्
2665	4041008c	ततः पश्चिममासाद्य समुद्रं द्रष्टुमर्हथ
2666	4041008e	तिमि नक्रायुत जलमक्षोभ्यमथ वानरः
2667	4041009a	ततः केतकषण्डेषु तमालगहनेषु च
2668	4041009c	कपयो विहरिष्यन्ति नारिकेलवनेषु च
2669	4041010a	तत्र सीतां च मार्गध्वं निलयं रावणस्य च
2670	4041010c	मरीचिपत्तनं चैव रम्यं चैव जटीपुरम्
2671	4041011a	अवन्तीमङ्गलोपां च तथा चालक्षितं वनम्
2672	4041011c	राष्ट्राणि च विशालानि पत्तनानि ततस्ततः
2673	4041012a	सिन्धुसागरयोश्चैव संगमे तत्र पर्वतः
2674	4041012c	महान्हेमगिरिर्नाम शतशृङ्गो महाद्रुमः
2675	4041013a	तस्य प्रस्थेषु रम्येषु सिंहाः पक्षगमाः स्थिताः
2676	4041013c	तिमिमत्स्यगजांश्चैव नीडान्यारोपयन्ति ते
2677	4041014a	तानि नीडानि सिंहानां गिरिशृङ्गगताश्च ये
2678	4041014c	दृप्तास्तृप्ताश्च मातङ्गास्तोयदस्वननिःस्वनाः
2679	4041014e	विचरन्ति विशालेऽस्मिंस्तोयपूर्णे समन्ततः
2680	4041015a	तस्य शृङ्गं दिवस्पर्शं काञ्चनं चित्रपादपम्
2681	4041015c	सर्वमाशु विचेतव्यं कपिभिः कामरूपिभिः
2682	4041016a	कोटिं तत्र समुद्रे तु काञ्चनीं शतयोजनम्
2683	4041016c	दुर्दर्शां परियात्रस्य गता द्रक्ष्यथ वानराः
2684	4041017a	कोट्यस्तत्र चतुर्विंशद्गन्धर्वाणां तरस्विनाम्
2685	4041017c	वसन्त्यग्निनिकाशानां घोराणां कामरूपिणाम्
2686	4041018a	नात्यासादयितव्यास्ते वानरैर्भीमविक्रमैः
2687	4041018c	नादेयं च फलं तस्माद्देशात्किंचित्प्लवंगमैः
2688	4041019a	दुरासदा हि ते वीराः सत्त्ववन्तो महाबलाः
2689	4041019c	फलमूलानि ते तत्र रक्षन्ते भीमविक्रमाः
2690	4041020a	तत्र यत्नश्च कर्तव्यो मार्गितव्या च जानकी
2691	4041020c	न हि तेभ्यो भयं किंचित्कपित्वमनुवर्तताम्
2692	4041021a	चतुर्भागे समुद्रस्य चक्रवान्नाम पर्वतः
2693	4041021c	तत्र चक्रं सहस्रारं निर्मितं विश्वकर्मणा
2694	4041022a	तत्र पञ्चजनं हत्वा हयग्रीवं च दानवम्
2695	4041022c	आजहार ततश्चक्रं शङ्खं च पुरुषोत्तमः
2696	4041023a	तस्य सानुषु चित्रेषु विशालासु गुहासु च
2697	4041023c	रावणः सह वैदेह्या मार्गितव्यस्ततस्ततः
2698	4041024a	योजनानि चतुःषष्टिर्वराहो नाम पर्वतः
2699	4041024c	सुवर्णशृङ्गः सुश्रीमानगाधे वरुणालये
2700	4041025a	तत्र प्राग्ज्योतिषं नाम जातरूपमयं पुरम्
2701	4041025c	यस्मिन्वस्ति दुष्टात्मा नरको नाम गुहासु च
2702	4041026a	तस्य सानुषु चित्रेषु विशालासु गुहासु च
2703	4041026c	रावणः सह वैदेह्या मार्गितव्यस्ततस्ततः
2704	4041027a	तमतिक्रम्य शैलेन्द्रं काञ्चनान्तरनिर्दरः
2705	4041027c	पर्वतः सर्वसौवर्णो धारा प्रस्रवणायुतः
2706	4041028a	तं गजाश्च वराहाश्च सिंहा व्याघ्राश्च सर्वतः
2707	4041028c	अभिगर्जन्ति सततं तेन शब्देन दर्पिताः
2708	4041029a	तस्मिन्हरिहयः श्रीमान्महेन्द्रः पाकशासनः
2709	4041029c	अभिषिक्तः सुरै राजा मेघवान्नाम पर्वतः
2710	4041030a	तमतिक्रम्य शैलेन्द्रं महेन्द्रपरिपालितम्
2711	4041030c	षष्टिं गिरिसहस्राणि काञ्चनानि गमिष्यथ
2712	4041031a	तरुणादित्यवर्णानि भ्राजमानानि सर्वतः
2713	4041031c	जातरूपमयैर्वृक्षैः शोभितानि सुपुष्पितैः
2714	4041032a	तेषां मध्ये स्थितो राजा मेरुरुत्तमपर्वतः
2715	4041032c	आदित्येन प्रसन्नेन शैलो दत्तवरः पुरा
2716	4041033a	तेनैवमुक्तः शैलेन्द्रः सर्व एव त्वदाश्रयाः
2717	4041033c	मत्प्रसादाद्भविष्यन्ति दिवारात्रौ च काञ्चनाः
2718	4041034a	त्वयि ये चापि वत्स्यन्ति देवगन्धर्वदानवाः
2719	4041034c	ते भविष्यन्ति रक्ताश्च प्रभया काञ्चनप्रभाः
2720	4041035a	आदित्या वसवो रुद्रा मरुतश्च दिवौकसः
2721	4041035c	आगम्य पश्चिमां संध्यां मेरुमुत्तमपर्वतम्
2722	4041036a	आदित्यमुपतिष्ठन्ति तैश्च सूर्योऽभिपूजितः
2723	4041036c	अदृश्यः सर्वभूतानामस्तं गच्छति पर्वतम्
2724	4041037a	योजनानां सहस्राणि दशतानि दिवाकरः
2725	4041037c	मुहूर्तार्धेन तं शीघ्रमभियाति शिलोच्चयम्
2726	4041038a	शृङ्गे तस्य महद्दिव्यं भवनं सूर्यसंनिभम्
2727	4041038c	प्रासादगुणसंबाधं विहितं विश्वकर्मणा
2728	4041039a	शोभितं तरुभिश्चित्रैर्नानापक्षिसमाकुलैः
2729	4041039c	निकेतं पाशहस्तस्य वरुणस्य महात्मनः
2730	4041040a	अन्तरा मेरुमस्तं च तालो दशशिरा महान्
2731	4041040c	जातरूपमयः श्रीमान्भ्राजते चित्रवेदिकः
2732	4041041a	तेषु सर्वेषु दुर्गेषु सरःसु च सरित्सु च
2733	4041041c	रावणः सह वैदेह्या मार्गितव्यस्ततस्ततः
2734	4041042a	यत्र तिष्ठति धर्मात्मा तपसा स्वेन भावितः
2735	4041042c	मेरुसावर्णिरित्येव ख्यातो वै ब्रह्मणा समः
2736	4041043a	प्रष्टव्यो मेरुसावर्णिर्महर्षिः सूर्यसंनिभः
2737	4041043c	प्रणम्य शिरसा भूमौ प्रवृत्तिं मैथिलीं प्रति
2738	4041044a	एतावज्जीवलोकस्य भास्करो रजनीक्षये
2739	4041044c	कृत्वा वितिमिरं सर्वमस्तं गच्छति पर्वतम्
2740	4041045a	एतावद्वानरैः शक्यं गन्तुं वानरपुंगवाः
2741	4041045c	अभास्करममर्यादं न जानीमस्ततः परम्
2742	4041046a	अधिगम्य तु वैदेहीं निलयं रावणस्य च
2743	4041046c	अस्तं पर्वतमासाद्य पूर्णे मासे निवर्तत
2744	4041047a	ऊर्ध्वं मासान्न वस्तव्यं वसन्वध्यो भवेन्मम
2745	4041047c	सहैव शूरो युष्माभिः श्वशुरो मे गमिष्यति
2746	4041048a	श्रोतव्यं सर्वमेतस्य भवद्भिर्दिष्ट कारिभिः
2747	4041048c	गुरुरेष महाबाहुः श्वशुरो मे महाबलः
2748	4041049a	भवन्तश्चापि विक्रान्ताः प्रमाणं सर्वकर्मसु
2749	4041049c	प्रमाणमेनं संस्थाप्य पश्यध्वं पश्चिमां दिशम्
2750	4041050a	दृष्टायां तु नरेन्द्रस्या पत्न्याममिततेजसः
2751	4041050c	कृतकृत्या भविष्यामः कृतस्य प्रतिकर्मणा
2752	4041051a	अतोऽन्यदपि यत्किंचित्कार्यस्यास्य हितं भवेत्
2753	4041051c	संप्रधार्य भवद्भिश्च देशकालार्थसंहितम्
2754	4041052a	ततः सुषेण प्रमुखाः प्लवंगमाः; सुग्रीववाक्यं निपुणं निशम्य
2755	4041052c	आमन्त्र्य सर्वे प्लवगाधिपं ते; जग्मुर्दिशं तां वरुणाभिगुप्ताम्
2756	4042001a	ततः संदिश्य सुग्रीवः श्वशुरं पश्चिमां दिशम्
2757	4042001c	वीरं शतबलिं नाम वानरं वानरर्षभः
2758	4042002a	उवाच राजा मन्त्रज्ञः सर्ववानरसंमतम्
2759	4042002c	वाक्यमात्महितं चैव रामस्य च हितं तथा
2760	4042003a	वृतः शतसहस्रेण त्वद्विधानां वनौकसाम्
2761	4042003c	वैवस्वत सुतैः सार्धं प्रतिष्ठस्व स्वमन्त्रिभिः
2762	4042004a	दिशं ह्युदीचीं विक्रान्तां हिमशैलावतंसकाम्
2763	4042004c	सर्वतः परिमार्गध्वं रामपत्नीमनिन्दिताम्
2764	4042005a	अस्मिन्कार्ये विनिवृत्ते कृते दाशरथेः प्रिये
2765	4042005c	ऋणान्मुक्ता भविष्यामः कृतार्थार्थविदां वराः
2766	4042006a	कृतं हि प्रियमस्माकं राघवेण महात्मना
2767	4042006c	तस्य चेत्प्रतिकारोऽस्ति सफलं जीवितं भवेत्
2768	4042007a	एतां बुद्धिं समास्थाय दृश्यते जानकी यथा
2769	4042007c	तथा भवद्भिः कर्तव्यमस्मत्प्रियहितैषिभिः
2770	4042008a	अयं हि सर्वभूतानां मान्यस्तु नरसत्तमः
2771	4042008c	अस्मासु चागतप्रीती रामः परपुरंजयः
2772	4042009a	इमानि वनदुर्गाणि नद्यः शैलान्तराणि च
2773	4042009c	भवन्तः परिमार्गंस्तु बुद्धिविक्रमसंपदा
2774	4042010a	तत्र म्लेच्छान्पुलिन्दांश्च शूरसेनांस्तथैव च
2775	4042010c	प्रस्थालान्भरतांश्चैव कुरूंश्च सह मद्रकैः
2776	4042011a	काम्बोजान्यवनांश्चैव शकानारट्टकानपि
2777	4042011c	बाह्लीकानृषिकांश्चैव पौरवानथ टङ्कणान्
2778	4042012a	चीनान्परमचीनांश्च नीहारांश्च पुनः पुनः
2779	4042012c	अन्विष्य दरदांश्चैव हिमवन्तं विचिन्वथ
2780	4042013a	लोध्रपद्मकषण्डेषु देवदारुवनेषु च
2781	4042013c	रावणः सह वैदेह्य मार्गितव्यस्ततस्ततः
2782	4042014a	ततः सोमाश्रमं गत्वा देवगन्धर्वसेवितम्
2783	4042014c	कालं नाम महासानुं पर्वतं तं गमिष्यथ
2784	4042015a	महत्सु तस्य शृङ्गेषु निर्दरेषु गुहासु च
2785	4042015c	विचिनुध्वं महाभागां रामपत्नीं यशस्विनीम्
2786	4042016a	तमतिक्रम्य शैलेन्द्रं हेमवर्गं महागिरिम्
2787	4042016c	ततः सुदर्शनं नाम पर्वतं गन्तुमर्हथ
2788	4042017a	तस्य काननषण्डेषु निर्दरेषु गुहासु च
2789	4042017c	रावणः सह वैदेह्या मार्गितव्यस्ततस्ततः
2790	4042018a	तमतिक्रम्य चाकाशं सर्वतः शतयोजनम्
2791	4042018c	अपर्वतनदी वृक्षं सर्वसत्त्वविवर्जितम्
2792	4042019a	तं तु शीघ्रमतिक्रम्य कान्तारं रोमहर्षणम्
2793	4042019c	कैलासं पाण्डुरं शैलं प्राप्य हृष्टा भविष्यथ
2794	4042020a	तत्र पाण्डुरमेघाभं जाम्बूनदपरिष्कृतम्
2795	4042020c	कुबेरभवनं दिव्यं निर्मितं विश्वकर्मणा
2796	4042021a	विशाला नलिनी यत्र प्रभूतकमलोत्पला
2797	4042021c	हंसकारण्डवाकीर्णा अप्सरोगणसेविता
2798	4042022a	तत्र वैश्रवणो राजा सर्वभूतनमस्कृतः
2799	4042022c	धनदो रमते श्रीमान्गुह्यकैः सह यक्षराट्
2800	4042023a	तस्य चन्द्रनिकशेषु पर्वतेषु गुहासु च
2801	4042023c	रावणः सह वैदेह्या मार्गितव्यस्ततस्ततः
2802	4042024a	क्रौञ्चं तु गिरिमासाद्य बिलं तस्य सुदुर्गमम्
2803	4042024c	अप्रमत्तैः प्रवेष्टव्यं दुष्प्रवेशं हि तत्स्मृतम्
2804	4042025a	वसन्ति हि महात्मानस्तत्र सूर्यसमप्रभाः
2805	4042025c	देवैरप्यर्चिताः सम्यग्देवरूपा महर्षयः
2806	4042026a	क्रौञ्चस्य तु गुहाश्चान्याः सानूनि शिखराणि च
2807	4042026c	निर्दराश्च नितम्बाश्च विचेतव्यास्ततस्ततः
2808	4042027a	क्रौञ्चस्य शिखरं चापि निरीक्ष्य च ततस्ततः
2809	4042027c	अवृक्षं कामशैलं च मानसं विहगालयम्
2810	4042028a	न गतिस्तत्र भूतानां देवदानवरक्षसाम्
2811	4042028c	स च सर्वैर्विचेतव्यः ससानुप्रस्थभूधरः
2812	4042029a	क्रौञ्चं गिरिमतिक्रम्य मैनाको नाम पर्वतः
2813	4042029c	मयस्य भवनं तत्र दानवस्य स्वयं कृतम्
2814	4042030a	मैनाकस्तु विचेतव्यः ससानुप्रस्थकन्दरः
2815	4042030c	स्त्रीणामश्वमुखीनां च निकेतास्तत्र तत्र तु
2816	4042031a	तं देशं समतिक्रम्य आश्रमं सिद्धसेवितम्
2817	4042031c	सिद्धा वैखानसास्तत्र वालखिल्याश्च तापसाः
2818	4042032a	वन्द्यास्ते तु तपःसिद्धास्तापसा वीतकल्मषाः
2819	4042032c	प्रष्टव्याश्चापि सीतायाः प्रवृत्तं विनयान्वितैः
2820	4042033a	हेमपुष्करसंछन्नं तत्र वैखानसं सरः
2821	4042033c	तरुणादित्यसंकाशैर्हंसैर्विचरितं शुभैः
2822	4042034a	औपवाह्यः कुबेरस्य सर्वभौम इति स्मृतः
2823	4042034c	गजः पर्येति तं देशं सदा सह करेणुभिः
2824	4042035a	तत्सारः समतिक्रम्य नष्टचन्द्रदिवाकरम्
2825	4042035c	अनक्षत्रगणं व्योम निष्पयोदमनादिमत्
2826	4042036a	गभस्तिभिरिवार्कस्य स तु देशः प्रकाशते
2827	4042036c	विश्राम्यद्भिस्तपः सिद्धैर्देवकल्पैः स्वयम्प्रभैः
2828	4042037a	तं तु देशमतिक्रम्य शैलोदा नाम निम्नगा
2829	4042037c	उभयोस्तीरयोर्यस्याः कीचका नाम वेणवः
2830	4042038a	ते नयन्ति परं तीरं सिद्धान्प्रत्यानयन्ति च
2831	4042038c	उत्तराः कुरवस्तत्र कृतपुण्यप्रतिश्रियाः
2832	4042039a	ततः काञ्चनपद्माभिः पद्मिनीभिः कृतोदकाः
2833	4042039c	नीलवैदूर्यपत्राढ्या नद्यस्तत्र सहस्रशः
2834	4042040a	रक्तोत्पलवनैश्चात्र मण्डिताश्च हिरण्मयैः
2835	4042040c	तरुणादित्यसदृशैर्भान्ति तत्र जलाशयाः
2836	4042041a	महार्हमणिपत्रैश्च काञ्चनप्रभ केसरैः
2837	4042041c	नीलोत्पलवनैश्चित्रैः स देशः सर्वतोवृतः
2838	4042042a	निस्तुलाभिश्च मुक्ताभिर्मणिभिश्च महाधनैः
2839	4042042c	उद्भूतपुलिनास्तत्र जातरूपैश्च निम्नगाः
2840	4042043a	सर्वरत्नमयैश्चित्रैरवगाढा नगोत्तमैः
2841	4042043c	जातरूपमयैश्चापि हुताशनसमप्रभैः
2842	4042044a	नित्यपुष्पफलाश्चात्र नगाः पत्ररथाकुलाः
2843	4042044c	दिव्यगन्धरसस्पर्शाः सर्वकामान्स्रवन्ति च
2844	4042045a	नानाकाराणि वासांसि फलन्त्यन्ये नगोत्तमाः
2845	4042045c	मुक्तावैदूर्यचित्राणि भूषणानि तथैव च
2846	4042046a	स्त्रीणां यान्यनुरूपाणि पुरुषाणां तथैव च
2847	4042046c	सर्वर्तुसुखसेव्यानि फलन्त्यन्ये नगोत्तमाः
2848	4042047a	महार्हाणि विचित्राणि हैमान्यन्ये नगोत्तमाः
2849	4042047c	शयनानि प्रसूयन्ते चित्रास्तारणवन्ति च
2850	4042048a	मनःकान्तानि माल्यानि फलन्त्यत्रापरे द्रुमाः
2851	4042048c	पानानि च महार्हाणि भक्ष्याणि विविधानि च
2852	4042049a	स्त्रियश्च गुणसंपन्ना रूपयौवनलक्षिताः
2853	4042049c	गन्धर्वाः किंनरा सिद्धा नागा विद्याधरास्तथा
2854	4042049e	रमन्ते सहितास्तत्र नारीभिर्भास्करप्रभाः
2855	4042050a	सर्वे सुकृतकर्माणः सर्वे रतिपरायणाः
2856	4042050c	सर्वे कामार्थसहिता वसन्ति सह योषितः
2857	4042051a	गीतवादित्रनिर्घोषः सोत्कृष्टहसितस्वनः
2858	4042051c	श्रूयते सततं तत्र सर्वभूतमनोहरः
2859	4042052a	तत्र नामुदितः कश्चिन्नास्ति कश्चिदसत्प्रियः
2860	4042052c	अहन्यहनि वर्धन्ते गुणास्तत्र मनोरमाः
2861	4042053a	समतिक्रम्य तं देशमुत्तरस्तोयसां निधिः
2862	4042053c	तत्र सोमगिरिर्नाम मध्ये हेममयो महान्
2863	4042054a	इन्द्रलोकगता ये च ब्रह्मलोकगताश्च ये
2864	4042054c	देवास्तं समवेक्षन्ते गिरिराजं दिवं गतम्
2865	4042055a	स तु देशो विसूर्योऽपि तस्य भासा प्रकाशते
2866	4042055c	सूर्यलक्ष्म्याभिविज्ञेयस्तपसेव विवस्वता
2867	4042056a	भगवानपि विश्वात्मा शम्भुरेकादशात्मकः
2868	4042056c	ब्रह्मा वसति देवेशो ब्रह्मर्षिपरिवारितः
2869	4042057a	न कथंचन गन्तव्यं कुरूणामुत्तरेण वः
2870	4042057c	अन्येषामपि भूतानां नातिक्रामति वै गतिः
2871	4042058a	सा हि सोमगिरिर्नाम देवानामपि दुर्गमः
2872	4042058c	तमालोक्य ततः क्षिप्रमुपावर्तितुमर्हथ
2873	4042059a	एतावद्वानरैः शक्यं गन्तुं वानरपुंगवाः
2874	4042059c	अभास्करममर्यादं न जानीमस्ततः परम्
2875	4042060a	सर्वमेतद्विचेतव्यं यन्मया परिकीर्तितम्
2876	4042060c	यदन्यदपि नोक्तं च तत्रापि क्रियतां मतिः
2877	4042061a	ततः कृतं दाशरथेर्महत्प्रियं; महत्तरं चापि ततो मम प्रियम्
2878	4042061c	कृतं भविष्यत्यनिलानलोपमा; विदेहजा दर्शनजेन कर्मणा
2879	4042062a	ततः कृतार्थाः सहिताः सबान्धवा; मयार्चिताः सर्वगुणैर्मनोरमैः
2880	4042062c	चरिष्यथोर्वीं प्रतिशान्तशत्रवः; सहप्रिया भूतधराः प्लवंगमाः
2881	4043001a	विशेषेण तु सुग्रीवो हनुमत्यर्थमुक्तवान्
2882	4043001c	स हि तस्मिन्हरिश्रेष्ठे निश्चितार्थोऽर्थसाधने
2883	4043002a	न भूमौ नान्तरिक्षे वा नाम्बरे नामरालये
2884	4043002c	नाप्सु वा गतिसंगं ते पश्यामि हरिपुंगव
2885	4043003a	सासुराः सहगन्धर्वाः सनागनरदेवताः
2886	4043003c	विदिताः सर्वलोकास्ते ससागरधराधराः
2887	4043004a	गतिर्वेगश्च तेजश्च लाघवं च महाकपे
2888	4043004c	पितुस्ते सदृशं वीर मारुतस्य महौजसः
2889	4043005a	तेजसा वापि ते भूतं समं भुवि न विद्यते
2890	4043005c	तद्यथा लभ्यते सीता तत्त्वमेवोपपादय
2891	4043006a	त्वय्येव हनुमन्नस्ति बलं बुद्धिः पराक्रमः
2892	4043006c	देशकालानुवृत्तश्च नयश्च नयपण्डित
2893	4043007a	ततः कार्यसमासंगमवगम्य हनूमति
2894	4043007c	विदित्वा हनुमन्तं च चिन्तयामास राघवः
2895	4043008a	सर्वथा निश्चितार्थोऽयं हनूमति हरीश्वरः
2896	4043008c	निश्चितार्थतरश्चापि हनूमान्कार्यसाधने
2897	4043009a	तदेवं प्रस्थितस्यास्य परिज्ञातस्य कर्मभिः
2898	4043009c	भर्त्रा परिगृहीतस्य ध्रुवः कार्यफलोदयः
2899	4043010a	तं समीक्ष्य महातेजा व्यवसायोत्तरं हरिम्
2900	4043010c	कृतार्थ इव संवृत्तः प्रहृष्टेन्द्रियमानसः
2901	4043011a	ददौ तस्य ततः प्रीतः स्वनामाङ्कोपशोभितम्
2902	4043011c	अङ्गुलीयमभिज्ञानं राजपुत्र्याः परंतपः
2903	4043012a	अनेन त्वां हरिश्रेष्ठ चिह्नेन जनकात्मजा
2904	4043012c	मत्सकाशादनुप्राप्तमनुद्विग्नानुपश्यति
2905	4043013a	व्यवसायश्च ते वीर सत्त्वयुक्तश्च विक्रमः
2906	4043013c	सुग्रीवस्य च संदेशः सिद्धिं कथयतीव मे
2907	4043014a	स तद्गृह्य हरिश्रेष्ठः स्थाप्य मूर्ध्नि कृताञ्जलिः
2908	4043014c	वन्दित्वा चरणौ चैव प्रस्थितः प्लवगोत्तमः
2909	4043015a	स तत्प्रकर्षन्हरिणां बलं मह;द्बभूव वीरः पवनात्मजः कपि
2910	4043015c	गताम्बुदे व्योम्नि विशुद्धमण्डलः; शशीव नक्षत्रगणोपशोभितः
2911	4043016a	अतिबलबलमाश्रितस्तवाहं; हरिवरविक्रमविक्रमैरनल्पैः
2912	4043016c	पवनसुत यथाभिगम्यते सा; जनकसुता हनुमंस्तथा कुरुष्व
2913	4044001a	तदुग्रशासनं भर्तुर्विज्ञाय हरिपुंगवाः
2914	4044001c	शलभा इव संछाद्य मेदिनीं संप्रतस्थिरे
2915	4044002a	रामः प्रस्रवणे तस्मिन्न्यवसत्सहलक्ष्मणः
2916	4044002c	प्रतीक्षमाणस्तं मासं यः सीताधिगमे कृतः
2917	4044003a	उत्तरां तु दिशं रम्यां गिरिराजसमावृताम्
2918	4044003c	प्रतस्थे सहसा वीरो हरिः शतबलिस्तदा
2919	4044004a	पूर्वां दिशं प्रति ययौ विनतो हरियूथपः
2920	4044005a	ताराङ्गदादि सहितः प्लवगः पवनात्मजः
2921	4044005c	अगस्त्यचरितामाशां दक्षिणां हरियूथपः
2922	4044006a	पश्चिमां तु दिशं घोरां सुषेणः प्लवगेश्वरः
2923	4044006c	प्रतस्थे हरिशार्दूलो भृशं वरुणपालिताम्
2924	4044007a	ततः सर्वा दिशो राजा चोदयित्वा यथा तथम्
2925	4044007c	कपिसेना पतीन्मुख्यान्मुमोद सुखितः सुखम्
2926	4044008a	एवं संचोदिताः सर्वे राज्ञा वानरयूथपाः
2927	4044008c	स्वां स्वां दिशमभिप्रेत्य त्वरिताः संप्रतस्थिरे
2928	4044009a	नदन्तश्चोन्नदन्तश्च गर्जन्तश्च प्लवंगमाः
2929	4044009c	क्ष्वेलन्तो धावमानाश्च ययुः प्लवगसत्तमाः
2930	4044009e	आनयिष्यामहे सीतां हनिष्यामश्च रावणम्
2931	4044010a	अहमेको हनिष्यामि प्राप्तं रावणमाहवे
2932	4044010c	ततश्चोन्मथ्य सहसा हरिष्ये जनकात्मजाम्
2933	4044011a	वेपमानं श्रमेणाद्य भवद्भिः स्थीयतामिति
2934	4044011c	एक एवाहरिष्यामि पातालादपि जानकीम्
2935	4044012a	विधमिष्याम्यहं वृक्षान्दारयिष्याम्यहं गिरीन्
2936	4044012c	धरणीं दारयिष्यामि क्षोभयिष्यामि सागरान्
2937	4044013a	अहं योजनसंख्यायाः प्लविता नात्र संशयः
2938	4044013c	शतं योजनसंख्यायाः शतं समधिकं ह्यहम्
2939	4044014a	भूतले सागरे वापि शैलेषु च वनेषु च
2940	4044014c	पातालस्यापि वा मध्ये न ममाच्छिद्यते गतिः
2941	4044015a	इत्येकैकं तदा तत्र वानरा बलदर्पिताः
2942	4044015c	ऊचुश्च वचनं तस्मिन्हरिराजस्य संनिधौ
2943	4045001a	गतेषु वानरेन्द्रेषु रामः सुग्रीवमब्रवीत्
2944	4045001c	कथं भवान्विनाजीते सर्वं वै मण्डलं भुवः
2945	4045002a	सुग्रीवस्तु ततो राममुवाच प्रणतात्मवान्
2946	4045002c	श्रूयतां सर्वमाख्यास्ये विस्तरेण नरर्षभ
2947	4045003a	यदा तु दुन्दुभिं नाम दानवं महिषाकृतिम्
2948	4045003c	परिकालयते वाली मलयं प्रति पर्वतम्
2949	4045004a	तदा विवेश महिषो मलयस्य गुहां प्रति
2950	4045004c	विवेश वाली तत्रापि मलयं तज्जिघांसया
2951	4045005a	ततोऽहं तत्र निक्षिप्तो गुहाद्वारिविनीतवत्
2952	4045005c	न च निष्क्रमते वाली तदा संवत्सरे गते
2953	4045006a	ततः क्षतजवेगेन आपुपूरे तदा बिलम्
2954	4045006c	तदहं विस्मितो दृष्ट्वा भ्रातृशोकविषार्दितः
2955	4045007a	अथाहं कृतबुद्धिस्तु सुव्यक्तं निहतो गुरुः
2956	4045007c	शिलापर्वतसंकाशा बिलद्वारि मया कृता
2957	4045007e	अशक्नुवन्निष्क्रमितुं महिषो विनशेदिति
2958	4045008a	ततोऽहमागां किष्किन्धां निराशस्तस्य जीविते
2959	4045008c	राज्यं च सुमहत्प्राप्तं तारा च रुमया सह
2960	4045008e	मित्रैश्च सहितस्तत्र वसामि विगतज्वरः
2961	4045009a	आजगाम ततो वाली हत्वा तं दानवर्षभम्
2962	4045009c	ततोऽहमददां राज्यं गौरवाद्भययन्त्रितः
2963	4045010a	स मां जिघांसुर्दुष्टात्मा वाली प्रव्यथितेन्द्रियः
2964	4045010c	परिलाकयते क्रोधाद्धावन्तं सचिवैः सह
2965	4045011a	ततोऽहं वालिना तेन सानुबन्धः प्रधावितः
2966	4045011c	नदीश्च विविधाः पश्यन्वनानि नगराणि च
2967	4045012a	आदर्शतलसंकाशा ततो वै पृथिवी मया
2968	4045012c	अलातचक्रप्रतिमा दृष्टा गोष्पदवत्तदा
2969	4045013a	ततः पूर्वमहं गत्वा दक्षिणामहमाश्रितः
2970	4045013c	दिशं च पश्चिमां भूयो गतोऽस्मि भयशङ्कितः
2971	4045013e	उत्तरां तु दिशं यान्तं हनुमान्मामथाब्रवीत्
2972	4045014a	इदानीं मे स्मृतं राजन्यथा वाली हरीश्वरः
2973	4045014c	मतङ्गेन तदा शप्तो ह्यस्मिन्नाश्रममण्डले
2974	4045015a	प्रविशेद्यदि वा वाली मूर्धास्य शतधा भवेत्
2975	4045015c	तत्र वासः सुखोऽस्माकं निरुद्विग्नो भविष्यति
2976	4045016a	ततः पर्वतमासाद्य ऋश्यमूकं नृपात्मज
2977	4045016c	न विवेश तदा वाली मतङ्गस्य भयात्तदा
2978	4045017a	एवं मया तदा राजन्प्रत्यक्षमुपलक्षितम्
2979	4045017c	पृथिवीमण्डलं कृत्स्नं गुहामस्म्यागतस्ततः
2980	4046001a	दर्शनार्थं तु वैदेह्याः सर्वतः कपियूथपाः
2981	4046001c	व्यादिष्टाः कपिराजेन यथोक्तं जग्मुरञ्जसा
2982	4046002a	सरांसि सरितः कक्षानाकाशं नगराणि च
2983	4046002c	नदीदुर्गांस्तथा शैलान्विचिन्वन्ति समन्ततः
2984	4046003a	सुग्रीवेण समाख्यातान्सर्वे वानरयूथपाः
2985	4046003c	प्रदेशान्प्रविचिन्वन्ति सशैलवनकाननान्
2986	4046004a	विचिन्त्य दिवसं सर्वे सीताधिगमने धृताः
2987	4046004c	समायान्ति स्म मेदिन्यां निशाकालेशु वानराः
2988	4046005a	सर्वर्तुकांश्च देशेषु वानराः सफलान्द्रुमान्
2989	4046005c	आसाद्य रजनीं शय्यां चक्रुः सर्वेष्वहःसु ते
2990	4046006a	तदहः प्रथमं कृत्वा मासे प्रस्रवणं गताः
2991	4046006c	कपिराजेन संगम्य निराशाः कपियूथपाः
2992	4046007a	विचित्य तु दिशं पूर्वां यथोक्तां सचिवैः सह
2993	4046007c	अदृष्ट्वा विनतः सीतामाजगाम महाबलः
2994	4046008a	उत्तरां तु दिशं सर्वां विचित्य स महाकपिः
2995	4046008c	आगतः सह सैन्येन वीरः शतबलिस्तदा
2996	4046009a	सुषेणः पश्चिमामाशां विचित्य सह वानरैः
2997	4046009c	समेत्य मासे संपूर्णे सुग्रीवमुपचक्रमे
2998	4046010a	तं प्रस्रवणपृष्ठस्थं समासाद्याभिवाद्य च
2999	4046010c	आसीनं सह रामेण सुग्रीवमिदमब्रुवन्
3000	4046011a	विचिताः पर्वताः सर्वे वनानि नगराणि च
3001	4046011c	निम्नगाः सागरान्ताश्च सर्वे जनपदास्तथा
3002	4046012a	गुहाश्च विचिताः सर्वा यास्त्वया परिकीर्तिताः
3003	4046012c	विचिताश्च महागुल्मा लताविततसंतताः
3004	4046013a	गहनेषु च देशेषु दुर्गेषु विषमेषु च
3005	4046013c	सत्त्वान्यतिप्रमाणानि विचितानि हतानि च
3006	4046013e	ये चैव गहना देशा विचितास्ते पुनः पुनः
3007	4046014a	उदारसत्त्वाभिजनो महात्मा; स मैथिलीं द्रक्ष्यति वानरेन्द्रः
3008	4046014c	दिशं तु यामेव गता तु सीता; तामास्थितो वायुसुतो हनूमान्
3009	4047001a	सहताराङ्गदाभ्यां तु गत्वा स हनुमान्कपिः
3010	4047001c	सुग्रीवेण यथोद्दिष्टं तं देशमुपचक्रमे
3011	4047002a	स तु दूरमुपागम्य सर्वैस्तैः कपिसत्तमैः
3012	4047002c	विचिनोति स्म विन्ध्यस्य गुहाश्च गहनानि च
3013	4047003a	पर्वताग्रान्नदीदुर्गान्सरांसि विपुलान्द्रुमान्
3014	4047003c	वृक्षषण्डांश्च विविधान्पर्वतान्घनपादपान्
3015	4047004a	अन्वेषमाणास्ते सर्वे वानराः सर्वतो दिशम्
3016	4047004c	न सीतां ददृशुर्वीरा मैथिलीं जनकात्मजाम्
3017	4047005a	ते भक्षयन्तो मूलानि फलानि विविधानि च
3018	4047005c	अन्वेषमाणा दुर्धर्षा न्यवसंस्तत्र तत्र ह
3019	4047005e	स तु देशो दुरन्वेषो गुहागहनवान्महान्
3020	4047006a	त्यक्त्वा तु तं तदा देशं सर्वे वै हरियूथपाः
3021	4047006c	देशमन्यं दुराधर्षं विविशुश्चाकुतोभयाः
3022	4047007a	यत्र वन्ध्यफला वृक्षा विपुष्पाः पर्णवर्जिताः
3023	4047007c	निस्तोयाः सरितो यत्र मूलं यत्र सुदुर्लभम्
3024	4047008a	न सन्ति महिषा यत्र न मृगा न च हस्तिनः
3025	4047008c	शार्दूलाः पक्षिणो वापि ये चान्ये वनगोचराः
3026	4047009a	स्निग्धपत्राः स्थले यत्र पद्मिन्यः फुल्लपङ्कजाः
3027	4047009c	प्रेक्षणीयाः सुगन्धाश्च भ्रमरैश्चापि वर्जिताः
3028	4047010a	कण्डुर्नाम महाभागः सत्यवादी तपोधनः
3029	4047010c	महर्षिः परमामर्षी नियमैर्दुष्प्रधर्षणः
3030	4047011a	तस्य तस्मिन्वने पुत्रो बालको दशवार्षिकः
3031	4047011c	प्रनष्टो जीवितान्ताय क्रुद्धस्तत्र महामुनिः
3032	4047012a	तेन धर्मात्मना शप्तं कृत्स्नं तत्र महद्वनम्
3033	4047012c	अशरण्यं दुराधर्षं मृगपक्षिविवर्जितम्
3034	4047013a	तस्य ते काननान्तांस्तु गिरीणां कन्दराणि च
3035	4047013c	प्रभवानि नदीनांच विचिन्वन्ति समाहिताः
3036	4047014a	तत्र चापि महात्मानो नापश्यञ्जनकात्मजाम्
3037	4047014c	हर्तारं रावणं वापि सुग्रीवप्रियकारिणः
3038	4047015a	ते प्रविश्य तु तं भीमं लतागुल्मसमावृतम्
3039	4047015c	ददृशुः क्रूरकर्माणमसुरं सुरनिर्भयम्
3040	4047016a	तं दृष्ट्वा वनरा घोरं स्थितं शैलमिवापरम्
3041	4047016c	गाढं परिहिताः सर्वे दृष्ट्वा तं पर्वतोपमम्
3042	4047017a	सोऽपि तान्वानरान्सर्वान्नष्टाः स्थेत्यब्रवीद्बली
3043	4047017c	अभ्यधावत संक्रुद्धो मुष्टिमुद्यम्य संहितम्
3044	4047018a	तमापतन्तं सहसा वालिपुत्रोऽङ्गदस्तदा
3045	4047019c	रावणोऽयमिति ज्ञात्वा तलेनाभिजघान ह
3046	4047019a	स वालिपुत्राभिहतो वक्त्राच्छोणितमुद्वमन्
3047	4047020a	असुरो न्यपतद्भूमौ पर्यस्त इव पर्वतः
3048	4047020c	ते तु तस्मिन्निरुच्छ्वासे वानरा जितकाशिनः
3049	4047020e	व्यचिन्वन्प्रायशस्तत्र सर्वं तद्गिरिगह्वरम्
3050	4047021a	विचितं तु ततः कृत्वा सर्वे ते काननं पुनः
3051	4047021c	अन्यदेवापरं घोरं विविशुर्गिरिगह्वरम्
3052	4047022a	ते विचिन्त्य पुनः खिन्ना विनिष्पत्य समागताः
3053	4047022c	एकान्ते वृक्षमूले तु निषेदुर्दीनमानसाः
3054	4048001a	अथाङ्गदस्तदा सर्वान्वानरानिदमब्रवीत्
3055	4048001c	परिश्रान्तो महाप्राज्ञः समाश्वास्य शनैर्वचः
3056	4048002a	वनानि गिरयो नद्यो दुर्गाणि गहनानि च
3057	4048002c	दर्यो गिरिगुहाश्चैव विचिता नः समन्ततः
3058	4048003a	तत्र तत्र सहास्माभिर्जानकी न च दृश्यते
3059	4048003c	तद्वा रक्षो हृता येन सीता सुरसुतोपमा
3060	4048004a	कालश्च नो महान्यातः सुग्रीवश्चोग्रशासनः
3061	4048004c	तस्माद्भवन्तः सहिता विचिन्वन्तु समन्ततः
3062	4048005a	विहाय तन्द्रीं शोकं च निद्रां चैव समुत्थिताम्
3063	4048005c	विचिनुध्वं यथा सीतां पश्यामो जनकात्मजाम्
3064	4048006a	अनिर्वेदं च दाक्ष्यं च मनसश्चापराजयम्
3065	4048006c	कार्यसिद्धिकराण्याहुस्तस्मादेतद्ब्रवीम्यहम्
3066	4048007a	अद्यापीदं वनं दुर्गं विचिन्वन्तु वनौकसः
3067	4048007c	खेदं त्यक्त्वा पुनः सर्वं वनमेतद्विचीयताम्
3068	4048008a	अवश्यं क्रियमाणस्य दृश्यते कर्मणः फलम्
3069	4048008c	अलं निर्वेदमागम्य न हि नो मलिनं क्षमम्
3070	4048009a	सुग्रीवः क्रोधनो राजा तीक्ष्णदण्डश्च वानराः
3071	4048009c	भेतव्यं तस्य सततं रामस्य च महात्मनः
3072	4048010a	हितार्थमेतदुक्तं वः क्रियतां यदि रोचते
3073	4048010c	उच्यतां वा क्षमं यन्नः सर्वेषामेव वानराः
3074	4048011a	अङ्गदस्य वचः श्रुत्वा वचनं गन्धमादनः
3075	4048011c	उवाचाव्यक्तया वाचा पिपासा श्रमखिन्नया
3076	4048012a	सदृशं खलु वो वाक्यमङ्गदो यदुवाच ह
3077	4048012c	हितं चैवानुकूलं च क्रियतामस्य भाषितम्
3078	4048013a	पुनर्मार्गामहे शैलान्कन्दरांश्च दरीस्तथा
3079	4048013c	काननानि च शून्यानि गिरिप्रस्रवणानि च
3080	4048014a	यथोद्दिष्ठानि सर्वाणि सुग्रीवेण महात्मना
3081	4048014c	विचिन्वन्तु वनं सर्वे गिरिदुर्गाणि सर्वशः
3082	4048015a	ततः समुत्थाय पुनर्वानरास्ते महाबलाः
3083	4048015c	विन्ध्यकाननसंकीर्णां विचेरुर्दक्षिणां दिशम्
3084	4048016a	ते शारदाभ्रप्रतिमं श्रीमद्रजतपर्वतम्
3085	4048016c	शृङ्गवन्तं दरीवन्तमधिरुह्य च वानराः
3086	4048017a	तत्र लोध्रवनं रम्यं सप्तपर्णवनानि च
3087	4048017c	विचिन्वन्तो हरिवराः सीतादर्शनकाङ्क्षिणः
3088	4048018a	तस्याग्रमधिरूढास्ते श्रान्ता विपुलविक्रमाः
3089	4048018c	न पश्यन्ति स्म वैदेहीं रामस्य महिषीं प्रियाम्
3090	4048019a	ते तु दृष्टिगतं कृत्वा तं शैलं बहुकन्दरम्
3091	4048019c	अवारोहन्त हरयो वीक्षमाणाः समन्ततः
3092	4048020a	अवरुह्य ततो भूमिं श्रान्ता विगतचेतसः
3093	4048020c	स्थित्वा मुहूर्तं तत्राथ वृक्षमूलमुपाश्रिताः
3094	4048021a	ते मुहूर्तं समाश्वस्ताः किंचिद्भग्नपरिश्रमाः
3095	4048021c	पुनरेवोद्यताः कृत्स्नां मार्गितुं दक्षिणां दिशम्
3096	4048022a	हनुमत्प्रमुखास्ते तु प्रस्थिताः प्लवगर्षभाः
3097	4048022c	विन्ध्यमेवादितस्तावद्विचेरुस्ते समन्ततः
3098	4049001a	सह ताराङ्गदाभ्यां तु संगम्य हनुमान्कपिः
3099	4049001c	विचिनोति स्म विन्ध्यस्य गुहाश्च गहनानि च
3100	4049002a	सिंहशार्दूलजुष्टाश्च गुहाश्च परितस्तथा
3101	4049002c	विषमेषु नगेन्द्रस्य महाप्रस्रवणेषु च
3102	4049003a	तेषां तत्रैव वसतां स कालो व्यत्यवर्तत
3103	4049004a	स हि देशो दुरन्वेषो गुहा गहनवान्महान्
3104	4049004c	तत्र वायुसुतः सर्वं विचिनोति स्म पर्वतम्
3105	4049005a	परस्परेण रहिता अन्योन्यस्याविदूरतः
3106	4049005c	गजो गवाक्षो गवयः शरभो गन्धमादनः
3107	4049006a	मैन्दश्च द्विविदश्चैव हनुमाञ्जाम्बवानपि
3108	4049006c	अङ्गदो युवराजश्च तारश्च वनगोचरः
3109	4049007a	गिरिजालावृतान्देशान्मार्गित्वा दक्षिणां दिशम्
3110	4049007c	क्षुत्पिपासा परीताश्च श्रान्ताश्च सलिलार्थिनः
3111	4049007e	अवकीर्णं लतावृक्षैर्ददृशुस्ते महाबिलम्
3112	4049008a	ततः क्रौञ्चाश्च हंसाश्च सारसाश्चापि निष्क्रमन्
3113	4049008c	जलार्द्राश्चक्रवाकाश्च रक्ताङ्गाः पद्मरेणुभिः
3114	4049009a	ततस्तद्बिलमासाद्य सुगन्धि दुरतिक्रमम्
3115	4049009c	विस्मयव्यग्रमनसो बभूवुर्वानरर्षभाः
3116	4049010a	संजातपरिशङ्कास्ते तद्बिलं प्लवगोत्तमाः
3117	4049010c	अभ्यपद्यन्त संहृष्टास्तेजोवन्तो महाबलाः
3118	4049011a	ततः पर्वतकूटाभो हनुमान्मारुतात्मजः
3119	4049011c	अब्रवीद्वानरान्सर्वान्कान्तार वनकोविदः
3120	4049012a	गिरिजालावृतान्देशान्मार्गित्वा दक्षिणां दिशम्
3121	4049012c	वयं सर्वे परिश्रान्ता न च पश्यामि मैथिलीम्
3122	4049013a	अस्माच्चापि बिलाद्धंसाः क्रौञ्चाश्च सह सारसैः
3123	4049013c	जलार्द्राश्चक्रवाकाश्च निष्पतन्ति स्म सर्वशः
3124	4049014a	नूनं सलिलवानत्र कूपो वा यदि वा ह्रदः
3125	4049014c	तथा चेमे बिलद्वारे स्निग्धास्तिष्ठन्ति पादपाः
3126	4049015a	इत्युक्तास्तद्बिलं सर्वे विविशुस्तिमिरावृतम्
3127	4049015c	अचन्द्रसूर्यं हरयो ददृशू रोमहर्षणम्
3128	4049016a	ततस्तस्मिन्बिले दुर्गे नानापादपसंकुले
3129	4049016c	अन्योन्यं संपरिष्वज्य जग्मुर्योजनमन्तरम्
3130	4049017a	ते नष्टसंज्ञास्तृषिताः संभ्रान्ताः सलिलार्थिनः
3131	4049017c	परिपेतुर्बिले तस्मिन्कंचित्कालमतन्द्रिताः
3132	4049018a	ते कृशा दीनवदनाः परिश्रान्ताः प्लवंगमाः
3133	4049018c	आलोकं ददृशुर्वीरा निराशा जीविते तदा
3134	4049019a	ततस्तं देशमागम्य सौम्यं वितिमिरं वनम्
3135	4049019c	ददृशुः काञ्चनान्वृक्षान्दीप्तवैश्वानरप्रभान्
3136	4049020a	सालांस्तालांश्च पुंनागान्ककुभान्वञ्जुलान्धवान्
3137	4049020c	चम्पकान्नागवृक्षांश्च कर्णिकारांश्च पुष्पितान्
3138	4049021a	तरुणादित्यसंकाशान्वैदूर्यमयवेदिकान्
3139	4049021c	नीलवैदूर्यवर्णाश्च पद्मिनीः पतगावृताः
3140	4049022a	महद्भिः काञ्चनैर्वृक्षैर्वृतं बालार्क संनिभैः
3141	4049022c	जातरूपमयैर्मत्स्यैर्महद्भिश्च सकच्छपैः
3142	4049023a	नलिनीस्तत्र ददृशुः प्रसन्नसलिलायुताः
3143	4049023c	काञ्चनानि विमानानि राजतानि तथैव च
3144	4049024a	तपनीयगवाक्षाणि मुक्ताजालावृतानि च
3145	4049024c	हैमराजतभौमानि वैदूर्यमणिमन्ति च
3146	4049025a	ददृशुस्तत्र हरयो गृहमुख्यानि सर्वशः
3147	4049025c	पुष्पितान्फलिनो वृक्षान्प्रवालमणिसंनिभान्
3148	4049026a	काञ्चनभ्रमरांश्चैव मधूनि च समन्ततः
3149	4049026c	मणिकाञ्चनचित्राणि शयनान्यासनानि च
3150	4049027a	महार्हाणि च यानानि ददृशुस्ते समन्ततः
3151	4049027c	हैमराजतकांस्यानां भाजनानां च संचयान्
3152	4049028a	अगरूणां च दिव्यानां चन्दनानां च संचयान्
3153	4049028c	शुचीन्यभ्यवहार्याणि मूलानि च फलानि च
3154	4049029a	महार्हाणि च पानानि मधूनि रसवन्ति च
3155	4049029c	दिव्यानामम्बराणां च महार्हाणां च संचयान्
3156	4049029e	कम्बलानां च चित्राणामजिनानां च संचयान्
3157	4049030a	तत्र तत्र विचिन्वन्तो बिले तत्र महाप्रभाः
3158	4049030c	ददृशुर्वानराः शूराः स्त्रियं कांचिददूरतः
3159	4049031a	तां दृष्ट्वा भृशसंत्रस्ताश्चीरकृष्णाजिनाम्बराम्
3160	4049031c	तापसीं नियताहारां ज्वलन्तीमिव तेजसा
3161	4049032a	ततो हनूमान्गिरिसंनिकाशः; कृताञ्जलिस्तामभिवाद्य वृद्धाम्
3162	4049032c	पप्रच्छ का त्वं भवनं बिलं च; रत्नानि चेमानि वदस्व कस्य
3163	4050001a	इत्युक्त्वा हनुमांस्तत्र पुनः कृष्णाजिनाम्बराम्
3164	4050001c	अब्रवीत्तां महाभागां तापसीं धर्मचारिणीम्
3165	4050002a	इदं प्रविष्टाः सहसा बिलं तिमिरसंवृतम्
3166	4050002c	क्षुत्पिपासा परिश्रान्ताः परिखिन्नाश्च सर्वशः
3167	4050003a	महद्धिरण्या विवरं प्रविष्टाः स्म पिपासिताः
3168	4050003c	इमांस्त्वेवं विधान्भावान्विविधानद्भुतोपमान्
3169	4050003e	दृष्ट्वा वयं प्रव्यथिताः संभ्रान्ता नष्टचेतसः
3170	4050004a	कस्येमे काञ्चना वृक्षास्तरुणादित्यसंनिभाः
3171	4050004c	शुचीन्यभ्यवहार्याणि मूलानि च फलानि च
3172	4050005a	काञ्चनानि विमानानि राजतानि गृहाणि च
3173	4050005c	तपनीय गवाक्षाणि मणिजालावृतानि च
3174	4050006a	पुष्पिताः फालवन्तश्च पुण्याः सुरभिगन्धिनः
3175	4050006c	इमे जाम्बूनदमयाः पादपाः कस्य तेजसा
3176	4050007a	काञ्चनानि च पद्मानि जातानि विमले जले
3177	4050007c	कथं मत्स्याश्च सौवर्णा चरन्ति सह कच्छपैः
3178	4050008a	आत्मानमनुभावं च कस्य चैतत्तपोबलम्
3179	4050008c	अजानतां नः सर्वेषां सर्वमाख्यातुमर्हसि
3180	4050009a	एवमुक्ता हनुमता तापसी धर्मचारिणी
3181	4050009c	प्रत्युवाच हनूमन्तं सर्वभूतहिते रता
3182	4050010a	मयो नाम महातेजा मायावी दानवर्षभः
3183	4050010c	तेनेदं निर्मितं सर्वं मायया काञ्चनं वनम्
3184	4050011a	पुरा दानवमुख्यानां विश्वकर्मा बभूव ह
3185	4050011c	येनेदं काञ्चनं दिव्यं निर्मितं भवनोत्तमम्
3186	4050012a	स तु वर्षसहस्राणि तपस्तप्त्वा महावने
3187	4050012c	पितामहाद्वरं लेभे सर्वमौशसनं धनम्
3188	4050013a	विधाय सर्वं बलवान्सर्वकामेश्वरस्तदा
3189	4050013c	उवास सुखितः कालं कंचिदस्मिन्महावने
3190	4050014a	तमप्सरसि हेमायां सक्तं दानवपुंगवम्
3191	4050014c	विक्रम्यैवाशनिं गृह्य जघानेशः पुरंदरः
3192	4050015a	इदं च ब्रह्मणा दत्तं हेमायै वनमुत्तमम्
3193	4050015c	शाश्वतः कामभोगश्च गृहं चेदं हिरण्मयम्
3194	4050016a	दुहिता मेरुसावर्णेरहं तस्याः स्वयं प्रभा
3195	4050016c	इदं रक्षामि भवनं हेमाया वानरोत्तम
3196	4050017a	मम प्रियसखी हेमा नृत्तगीतविशारदा
3197	4050017c	तया दत्तवरा चास्मि रक्षामि भवनोत्तमम्
3198	4050018a	किं कार्यं कस्य वा हेतोः कान्ताराणि प्रपद्यथ
3199	4050018c	कथं चेदं वनं दुर्गं युष्माभिरुपलक्षितम्
3200	4050019a	इमान्यभ्यवहार्याणि मूलानि च फलानि च
3201	4050019c	भुक्त्वा पीत्वा च पानीयं सर्वं मे वक्तुमर्हथ
3202	4051001a	अथ तानब्रवीत्सर्वान्विश्रान्तान्हरियूथपान्
3203	4051001c	इदं वचनमेकाग्रा तापसी धर्मचारिणी
3204	4051002a	वानरा यदि वः खेदः प्रनष्टः फलभक्षणात्
3205	4051002c	यदि चैतन्मया श्राव्यं श्रोतुमिच्छामि कथ्यताम्
3206	4051003a	तस्यास्तद्वचनं श्रुत्वा हनुमान्मारुतात्मजः
3207	4051003c	आर्जवेन यथातत्त्वमाख्यातुमुपचक्रमे
3208	4051004a	राजा सर्वस्य लोकस्य महेन्द्रवरुणोपमः
3209	4051004c	रामो दाशरथिः श्रीमान्प्रविष्टो दण्डकावनम्
3210	4051005a	लक्ष्मणेन सह भ्रात्रा वैदेह्या चापि भार्यया
3211	4051005c	तस्य भार्या जनस्थानाद्रावणेन हृता बलात्
3212	4051006a	वीरस्तस्य सखा राज्ञः सुग्रीवो नाम वानरः
3213	4051006c	राजा वानरमुख्यानां येन प्रस्थापिता वयम्
3214	4051007a	अगस्त्यचरितामाशां दक्षिणां यमरक्षिताम्
3215	4051007c	सहैभिर्वानरैर्मुख्यैरङ्गदप्रमुखैर्वयम्
3216	4051008a	रावणं सहिताः सर्वे राक्षसं कामरूपिणम्
3217	4051008c	सीतया सह वैदेह्या मार्गध्वमिति चोदिताः
3218	4051009a	विचित्य तु वयं सर्वे समग्रां दक्षिणां दिशम्
3219	4051009c	बुभुक्षिताः परिश्रान्ता वृक्षमूलमुपाश्रिताः
3220	4051010a	विवर्णवदनाः सर्वे सर्वे ध्यानपरायणाः
3221	4051010c	नाधिगच्छामहे पारं मग्नाश्चिन्तामहार्णवे
3222	4051011a	चारयन्तस्ततश्चक्षुर्दृष्टवन्तो महद्बिलम्
3223	4051011c	लतापादपसंछन्नं तिमिरेण समावृतम्
3224	4051012a	अस्माद्धंसा जलक्लिन्नाः पक्षैः सलिलरेणुभिः
3225	4051012c	कुरराः सारसाश्चैव निष्पतन्ति पतत्रिणः
3226	4051012e	साध्वत्र प्रविशामेति मया तूक्ताः प्लवंगमाः
3227	4051013a	तेषामपि हि सर्वेषामनुमानमुपागतम्
3228	4051013c	गच्छामः प्रविशामेति भर्तृकार्यत्वरान्विताः
3229	4051014a	ततो गाढं निपतिता गृह्य हस्तौ परस्परम्
3230	4051014c	इदं प्रविष्टाः सहसा बिलं तिमिरसंवृतम्
3231	4051015a	एतन्नः कायमेतेन कृत्येन वयमागताः
3232	4051015c	त्वां चैवोपगताः सर्वे परिद्यूना बुभुक्षिताः
3233	4051016a	आतिथ्यधर्मदत्तानि मूलानि च फलानि च
3234	4051016c	अस्माभिरुपभुक्तानि बुभुक्षापरिपीडितैः
3235	4051017a	यत्त्वया रक्षिताः सर्वे म्रियमाणा बुभुक्षया
3236	4051017c	ब्रूहि प्रत्युपकारार्थं किं ते कुर्वन्तु वानराः
3237	4051018a	एवमुक्ता तु सर्वज्ञा वानरैस्तैः स्वयंप्रभा
3238	4051018c	प्रत्युवाच ततः सर्वानिदं वानरयूथपम्
3239	4051019a	सर्वेषां परितुष्टास्मि वानराणां तरस्विनाम्
3240	4051019c	चरन्त्या मम धर्मेण न कार्यमिह केनचित्
3241	4052001a	एवमुक्तः शुभं वाक्यं तापस्या धर्मसंहितम्
3242	4052001c	उवाच हनुमान्वाक्यं तामनिन्दितचेष्टिताम्
3243	4052002a	शरणं त्वां प्रपन्नाः स्मः सर्वे वै धर्मचारिणि
3244	4052002c	यः कृतः समयोऽस्माकं सुग्रीवेण महात्मना
3245	4052002e	स तु कालो व्यतिक्रान्तो बिले च परिवर्तताम्
3246	4052003a	सा त्वमस्माद्बिलाद्घोरादुत्तारयितुमर्हसि
3247	4052004a	तस्मात्सुग्रीववचनादतिक्रान्तान्गतायुषः
3248	4052004c	त्रातुमर्हसि नः सर्वान्सुग्रीवभयशङ्कितान्
3249	4052005a	महच्च कार्यमस्माभिः कर्तव्यं धर्मचारिणि
3250	4052005c	तच्चापि न कृतं कार्यमस्माभिरिह वासिभिः
3251	4052006a	एवमुक्ता हनुमता तापसी वाक्यमब्रवीत्
3252	4052006c	जीवता दुष्करं मन्ये प्रविष्टेन निवर्तितुम्
3253	4052007a	तपसस्तु प्रभावेन नियमोपार्जितेन च
3254	4052007c	सर्वानेव बिलादस्मादुद्धरिष्यामि वानरान्
3255	4052008a	निमीलयत चक्षूंषि सर्वे वानरपुंगवाः
3256	4052008c	न हि निष्क्रमितुं शक्यमनिमीलितलोचनैः
3257	4052009a	ततः संमीलिताः सर्वे सुकुमाराङ्गुलैः करैः
3258	4052009c	सहसा पिदधुर्दृष्टिं हृष्टा गमनकाङ्क्षिणः
3259	4052010a	वानरास्तु महात्मानो हस्तरुद्धमुखास्तदा
3260	4052010c	निमेषान्तरमात्रेण बिलादुत्तारितास्तया
3261	4052011a	ततस्तान्वानरान्सर्वांस्तापसी धर्मचारिणी
3262	4052011c	निःसृतान्विषमात्तस्मात्समाश्वास्येदमब्रवीत्
3263	4052012a	एष विन्ध्यो गिरिः श्रीमान्नानाद्रुमलतायुतः
3264	4052012c	एष प्रसवणः शैलः सागरोऽयं महोदधिः
3265	4052013a	स्वस्ति वोऽस्तु गमिष्यामि भवनं वानरर्षभाः
3266	4052013c	इत्युक्त्वा तद्बिलं श्रीमत्प्रविवेश स्वयंप्रभा
3267	4052014a	ततस्ते ददृशुर्घोरं सागरं वरुणालयम्
3268	4052014c	अपारमभिगर्जन्तं घोरैरूर्मिभिराकुलम्
3269	4052015a	मयस्य माया विहितं गिरिदुर्गं विचिन्वताम्
3270	4052015c	तेषां मासो व्यतिक्रान्तो यो राज्ञा समयः कृतः
3271	4052016a	विन्ध्यस्य तु गिरेः पादे संप्रपुष्पितपादपे
3272	4052016c	उपविश्य महाभागाश्चिन्तामापेदिरे तदा
3273	4052017a	ततः पुष्पातिभाराग्राँल्लताशतसमावृतान्
3274	4052017c	द्रुमान्वासन्तिकान्दृष्ट्वा बभूवुर्भयशङ्किताः
3275	4052018a	ते वसन्तमनुप्राप्तं प्रतिवेद्य परस्परम्
3276	4052018c	नष्टसंदेशकालार्था निपेतुर्धरणीतले
3277	4052019a	स तु सिंहर्षभ स्कन्धः पीनायतभुजः कपिः
3278	4052019c	युवराजो महाप्राज्ञ अङ्गदो वाक्यमब्रवीत्
3279	4052020a	शासनात्कपिराजस्य वयं सर्वे विनिर्गताः
3280	4052020c	मासः पूर्णो बिलस्थानां हरयः किं न बुध्यते
3281	4052021a	तस्मिन्नतीते काले तु सुग्रीवेण कृते स्वयम्
3282	4052021c	प्रायोपवेशनं युक्तं सर्वेषां च वनौकसाम्
3283	4052022a	तीक्ष्णः प्रकृत्या सुग्रीवः स्वामिभावे व्यवस्थितः
3284	4052022c	न क्षमिष्यति नः सर्वानपराधकृतो गतान्
3285	4052023a	अप्रवृत्तौ च सीतायाः पापमेव करिष्यति
3286	4052023c	तस्मात्क्षममिहाद्यैव प्रायोपविशनं हि नः
3287	4052024a	त्यक्त्वा पुत्रांश्च दारांश्च धनानि च गृहाणि च
3288	4052024c	यावन्न घातयेद्राजा सर्वान्प्रतिगतानितः
3289	4052024e	वधेनाप्रतिरूपेण श्रेयान्मृत्युरिहैव नः
3290	4052025a	न चाहं यौवराज्येन सुग्रीवेणाभिषेचितः
3291	4052025c	नरेन्द्रेणाभिषिक्तोऽस्मि रामेणाक्लिष्टकर्मणा
3292	4052026a	स पूर्वं बद्धवैरो मां राजा दृष्ट्वा व्यतिक्रमम्
3293	4052026c	घातयिष्यति दण्डेन तीक्ष्णेन कृतनिश्चयः
3294	4052027a	किं मे सुहृद्भिर्व्यसनं पश्यद्भिर्जीवितान्तरे
3295	4052027c	इहैव प्रायमासिष्ये पुण्ये सागररोधसि
3296	4052028a	एतच्छ्रुत्वा कुमारेण युवराजेन भाषितम्
3297	4052028c	सर्वे ते वानरश्रेष्ठाः करुणं वाक्यमब्रुवन्
3298	4052029a	तीक्ष्णः प्रकृत्या सुग्रीवः प्रियासक्तश्च राघवः
3299	4052029c	अदृष्टायां च वैदेह्यां दृष्ट्वास्मांश्च समागतान्
3300	4052030a	राघवप्रियकामार्थं घातयिष्यत्यसंशयम्
3301	4052030c	न क्षमं चापराद्धानां गमनं स्वामिपार्श्वतः
3302	4052031a	प्लवंगमानां तु भयार्दितानां; श्रुत्वा वचस्तार इदं बभाषे
3303	4052031c	अलं विषादेन बिलं प्रविश्य; वसाम सर्वे यदि रोचते वः
3304	4052032a	इदं हि माया विहितं सुदुर्गमं; प्रभूतवृक्षोदकभोज्यपेयम्
3305	4052032c	इहास्ति नो नैव भयं पुरंदरा;न्न राघवाद्वानरराजतोऽपि वा
3306	4052033a	श्रुत्वाङ्गदस्यापि वचोऽनुकूल;मूचुश्च सर्वे हरयः प्रतीताः
3307	4052033c	यथा न हन्येम तथाविधान;मसक्तमद्यैव विधीयतां नः
3308	4053001a	तथा ब्रुवति तारे तु ताराधिपतिवर्चसि
3309	4053001c	अथ मेने हृतं राज्यं हनुमानङ्गदेन तत्
3310	4053002a	बुद्ध्या ह्यष्टाङ्गया युक्तं चतुर्बलसमन्वितम्
3311	4053002c	चतुर्दशगुणं मेने हनुमान्वालिनः सुतम्
3312	4053003a	आपूर्यमाणं शश्वच्च तेजोबलपराक्रमैः
3313	4053003c	शशिनं शुक्लपक्षादौ वर्धमानमिव श्रिया
3314	4053004a	बृहस्पतिसमं बुद्ध्या विक्रमे सदृशं पितुः
3315	4053004c	शुश्रूषमाणं तारस्य शुक्रस्येव पुरंदरम्
3316	4053005a	भर्तुरर्थे परिश्रान्तं सर्वशास्त्रविशारदम्
3317	4053005c	अभिसंधातुमारेभे हनुमानङ्गदं ततः
3318	4053006a	स चतुर्णामुपायानां तृतीयमुपवर्णयन्
3319	4053006c	भेदयामास तान्सर्वान्वानरान्वाक्यसंपदा
3320	4053007a	तेषु सर्वेषु भिन्नेषु ततोऽभीषयदङ्गदम्
3321	4053007c	भीषणैर्बहुभिर्वाक्यैः कोपोपायसमन्वितैः
3322	4053008a	त्वं समर्थतरः पित्रा युद्धे तारेय वै धुरम्
3323	4053008c	दृढं धारयितुं शक्तः कपिराज्यं यथा पिता
3324	4053009a	नित्यमस्थिरचित्ता हि कपयो हरिपुंगव
3325	4053009c	नाज्ञाप्यं विषहिष्यन्ति पुत्रदारान्विना त्वया
3326	4053010a	त्वां नैते ह्यनुयुञ्जेयुः प्रत्यक्षं प्रवदामि ते
3327	4053010c	यथायं जाम्बवान्नीलः सुहोत्रश्च महाकपिः
3328	4053011a	न ह्यहं त इमे सर्वे सामदानादिभिर्गुणैः
3329	4053011c	दण्डेन न त्वया शक्याः सुग्रीवादपकर्षितुम्
3330	4053012a	विगृह्यासनमप्याहुर्दुर्बलेन बलीयसः
3331	4053012c	आत्मरक्षाकरस्तस्मान्न विगृह्णीत दुर्बलः
3332	4053013a	यां चेमां मन्यसे धात्रीमेतद्बिलमिति श्रुतम्
3333	4053013c	एतल्लक्ष्मणबाणानामीषत्कार्यं विदारणे
3334	4053014a	स्वल्पं हि कृतमिन्द्रेण क्षिपता ह्यशनिं पुरा
3335	4053014c	लक्ष्मणो निशितैर्बाणैर्भिन्द्यात्पत्रपुटं यथा
3336	4053014e	लक्ष्मणस्य च नाराचा बहवः सन्ति तद्विधाः
3337	4053015a	अवस्थाने यदैव त्वमासिष्यसि परंतप
3338	4053015c	तदैव हरयः सर्वे त्यक्ष्यन्ति कृतनिश्चयाः
3339	4053016a	स्मरन्तः पुत्रदाराणां नित्योद्विग्ना बुभुक्षिताः
3340	4053016c	खेदिता दुःखशय्याभिस्त्वां करिष्यन्ति पृष्ठतः
3341	4053017a	स त्वं हीनः सुहृद्भिश्च हितकामैश्च बन्धुभिः
3342	4053017c	तृणादपि भृशोद्विग्नः स्पन्दमानाद्भविष्यसि
3343	4053018a	न च जातु न हिंस्युस्त्वां घोरा लक्ष्मणसायकाः
3344	4053018c	अपवृत्तं जिघांसन्तो महावेगा दुरासदाः
3345	4053019a	अस्माभिस्तु गतं सार्धं विनीतवदुपस्थितम्
3346	4053019c	आनुपूर्व्यात्तु सुग्रीवो राज्ये त्वां स्थापयिष्यति
3347	4053020a	धर्मकामः पितृव्यस्ते प्रीतिकामो दृढव्रतः
3348	4053020c	शुचिः सत्यप्रतिज्ञश्च ना त्वां जातु जिघांसति
3349	4053021a	प्रियकामश्च ते मातुस्तदर्थं चास्य जीवितम्
3350	4053021c	तस्यापत्यं च नास्त्यन्यत्तस्मादङ्गद गम्यताम्
3351	4054001a	श्रुत्वा हनुमतो वाक्यं प्रश्रितं धर्मसंहितम्
3352	4054001c	स्वामिसत्कारसंयुक्तमङ्गदो वाक्यमब्रवीत्
3353	4054002a	स्थैर्यं सर्वात्मना शौचमानृशंस्यमथार्जवम्
3354	4054002c	विक्रमैश्चैव धैर्यं च सुग्रीवे नोपपद्यते
3355	4054003a	भ्रातुर्ज्येष्ठस्य यो भार्यां जीवितो महिषीं प्रियाम्
3356	4054003c	धर्मेण मातरं यस्तु स्वीकरोति जुगुप्सितः
3357	4054004a	कथं स धर्मं जानीते येन भ्रात्रा दुरात्मना
3358	4054004c	युद्धायाभिनियुक्तेन बिलस्य पिहितं मुखम्
3359	4054005a	सत्यात्पाणिगृहीतश्च कृतकर्मा महायशाः
3360	4054005c	विस्मृतो राघवो येन स कस्य सुकृतं स्मरेत्
3361	4054006a	लक्ष्मणस्य भयाद्येन नाधर्मभयभीरुणा
3362	4054006c	आदिष्टा मार्गितुं सीतां धर्ममस्मिन्कथं भवेत्
3363	4054007a	तस्मिन्पापे कृतघ्ने तु स्मृतिहीने चलात्मनि
3364	4054007c	आर्यः को विश्वसेज्जातु तत्कुलीनो जिजीविषुः
3365	4054008a	राज्ये पुत्रं प्रतिष्ठाप्य सगुणो निर्गुणोऽपि वा
3366	4054008c	कथं शत्रुकुलीनं मां सुग्रीवो जीवयिष्यति
3367	4054009a	भिन्नमन्त्रोऽपराद्धश्च हीनशक्तिः कथं ह्यहम्
3368	4054009c	किष्किन्धां प्राप्य जीवेयमनाथ इव दुर्बलः
3369	4054010a	उपांशुदण्डेन हि मां बन्धनेनोपपादयेत्
3370	4054010c	शठः क्रूरो नृशंसश्च सुग्रीवो राज्यकारणात्
3371	4054011a	बन्धनाच्चावसादान्मे श्रेयः प्रायोपवेशनम्
3372	4054011c	अनुजानीत मां सर्वे गृहान्गच्छन्तु वानराः
3373	4054012a	अहं वः प्रतिजानामि न गमिष्याम्यहं पुरीम्
3374	4054012c	इहैव प्रायमासिष्ये श्रेयो मरणमेव मे
3375	4054013a	अभिवादनपूर्वं तु राजा कुशलमेव च
3376	4054013c	वाच्यस्ततो यवीयान्मे सुग्रीवो वानरेश्वरः
3377	4054014a	आरोग्यपूर्वं कुशलं वाच्या माता रुमा च मे
3378	4054014c	मातरं चैव मे तारामाश्वासयितुमर्हथ
3379	4054015a	प्रकृत्या प्रियपुत्रा सा सानुक्रोशा तपस्विनी
3380	4054015c	विनष्टं मामिह श्रुत्वा व्यक्तं हास्यति जीवितम्
3381	4054016a	एतावदुक्त्वा वचनं वृद्धानप्यभिवाद्य च
3382	4054016c	संविवेशाङ्गदो भूमौ रुदन्दर्भेषु दुर्मनाः
3383	4054017a	तस्य संविशतस्तत्र रुदन्तो वानरर्षभाः
3384	4054017c	नयनेभ्यः प्रमुमुचुरुष्णं वै वारिदुःखिताः
3385	4054018a	सुग्रीवं चैव निन्दन्तः प्रशंसन्तश्च वालिनम्
3386	4054018c	परिवार्याङ्गदो सर्वे व्यवस्यन्प्रायमासितुम्
3387	4054019a	मतं तद्वालिपुत्रस्य विज्ञाय प्लवगर्षभाः
3388	4054019c	उपस्पृश्योदकं सर्वे प्राङ्मुखाः समुपाविशन्
3389	4054019e	दक्षिणाग्रेषु दर्भेषु उदक्तीरं समाश्रिताः
3390	4054020a	स संविशद्भिर्बहुभिर्महीधरो; महाद्रिकूटप्रमितैः प्लवंगमैः
3391	4054021c	बभूव संनादितनिर्झरान्तरो; भृशं नदद्भिर्जलदैरिवोल्बणैः
3392	4055001a	उपविष्टास्तु ते सर्वे यस्मिन्प्रायं गिरिस्थले
3393	4055001c	हरयो गृध्रराजश्च तं देशमुपचक्रमे
3394	4055002a	साम्पातिर्नाम नाम्ना तु चिरजीवी विहंगमः
3395	4055002c	भ्राता जटायुषः श्रीमान्प्रख्यातबलपौरुषः
3396	4055003a	कन्दरादभिनिष्क्रम्य स विन्ध्यस्य महागिरेः
3397	4055003c	उपविष्टान्हरीन्दृष्ट्वा हृष्टात्मा गिरमब्रवीत्
3398	4055004a	विधिः किल नरं लोके विधानेनानुवर्तते
3399	4055004c	यथायं विहितो भक्ष्यश्चिरान्मह्यमुपागतः
3400	4055005a	परम्पराणां भक्षिष्ये वानराणां मृतं मृतम्
3401	4055005c	उवाचैवं वचः पक्षी तान्निरीक्ष्य प्लवंगमान्
3402	4055006a	तस्य तद्वचनं श्रुत्वा भक्षलुब्धस्य पक्षिणः
3403	4055006c	अङ्गदः परमायस्तो हनूमन्तमथाब्रवीत्
3404	4055007a	पश्य सीतापदेशेन साक्षाद्वैवस्वतो यमः
3405	4055007c	इमं देशमनुप्राप्तो वानराणां विपत्तये
3406	4055008a	रामस्य न कृतं कार्यं राज्ञो न च वचः कृतम्
3407	4055008c	हरीणामियमज्ञाता विपत्तिः सहसागता
3408	4055009a	वैदेह्याः प्रियकामेन कृतं कर्म जटायुषा
3409	4055009c	गृध्रराजेन यत्तत्र श्रुतं वस्तदशेषतः
3410	4055010a	तथा सर्वाणि भूतानि तिर्यग्योनिगतान्यपि
3411	4055010c	प्रियं कुर्वन्ति रामस्य त्यक्त्वा प्राणान्यथा वयम्
3412	4055011a	राघवार्थे परिश्रान्ता वयं संत्यक्तजीविताः
3413	4055011c	कान्ताराणि प्रपन्नाः स्म न च पश्याम मैथिलीम्
3414	4055012a	स सुखी गृध्रराजस्तु रावणेन हतो रणे
3415	4055012c	मुक्तश्च सुग्रीवभयाद्गतश्च परमां गतिम्
3416	4055013a	जटायुषो विनाशेन राज्ञो दशरथस्य च
3417	4055013c	हरणेन च वैदेह्याः संशयं हरयो गताः
3418	4055014a	रामलक्ष्मणयोर्वासामरण्ये सह सीतया
3419	4055014c	राघवस्य च बाणेन वालिनश्च तथा वधः
3420	4055015a	रामकोपादशेषाणां राक्षसानां तथा वधः
3421	4055015c	कैकेय्या वरदानेन इदं हि विकृतं कृतम्
3422	4055016a	तत्तु श्रुत्वा तदा वाक्यमङ्गदस्य मुखोद्गतम्
3423	4055016c	अब्रवीद्वचनं गृध्रस्तीक्ष्णतुण्डो महास्वनः
3424	4055017a	कोऽयं गिरा घोषयति प्राणैः प्रियतरस्य मे
3425	4055017c	जटायुषो वधं भ्रातुः कम्पयन्निव मे मनः
3426	4055018a	कथमासीज्जनस्थाने युद्धं राक्षसगृध्रयोः
3427	4055018c	नामधेयमिदं भ्रातुश्चिरस्याद्य मया श्रुतम्
3428	4055019a	यवीयसो गुणज्ञस्य श्लाघनीयस्य विक्रमैः
3429	4055019c	तदिच्छेयमहं श्रोतुं विनाशं वानरर्षभाः
3430	4055020a	भ्रातुर्जटायुषस्तस्य जनस्थाननिवासिनः
3431	4055020c	तस्यैव च मम भ्रातुः सखा दशरथः कथम्
3432	4055020e	यस्य रामः प्रियः पुत्रो ज्येष्ठो गुरुजनप्रियः
3433	4055021a	सूर्यांशुदग्धपक्षत्वान्न शक्नोमि विसर्पितुम्
3434	4055021c	इच्छेयं पर्वतादस्मादवतर्तुमरिंदमाः
3435	4056001a	शोकाद्भ्रष्टस्वरमपि श्रुत्वा ते हरियूथपाः
3436	4056001c	श्रद्दधुर्नैव तद्वाक्यं कर्मणा तस्य शङ्किताः
3437	4056002a	ते प्रायमुपविष्टास्तु दृष्ट्वा गृध्रं प्लवंगमाः
3438	4056002c	चक्रुर्बुद्धिं तदा रौद्रां सर्वान्नो भक्षयिष्यति
3439	4056003a	सर्वथा प्रायमासीनान्यदि नो भक्षयिष्यति
3440	4056003c	कृतकृत्या भविष्यामः क्षिप्रं सिद्धिमितो गताः
3441	4056004a	एतां बुद्धिं ततश्चक्रुः सर्वे ते वानरर्षभाः
3442	4056004c	अवतार्य गिरेः शृङ्गाद्गृध्रमाहाङ्गदस्तदा
3443	4056005a	बभूवुर्क्षरजो नाम वानरेन्द्रः प्रतापवान्
3444	4056005c	ममार्यः पार्थिवः पक्षिन्धार्मिकौ तस्य चात्मजौ
3445	4056006a	सुग्रीवश्चैव वली च पुत्रावोघबलावुभौ
3446	4056006c	लोके विश्रुतकर्माभूद्राजा वाली पिता मम
3447	4056007a	राजा कृत्स्नस्य जगत इक्ष्वाकूणां महारथः
3448	4056007c	रामो दाशरथिः श्रीमान्प्रविष्टो दण्डकावनम्
3449	4056008a	लक्ष्मणेन सह भ्रात्रा वैदेह्या चापि भार्यया
3450	4056008c	पितुर्निदेशनिरतो धर्म्यं पन्थानमाश्रितः
3451	4056008e	तस्य भार्या जनस्थानाद्रावणेन हृता बलात्
3452	4056009a	रामस्य च पितुर्मित्रं जटायुर्नाम गृध्रराट्
3453	4056009c	ददर्श सीतां वैदेहीं ह्रियमाणां विहायसा
3454	4056010a	रावणं विरथं कृत्वा स्थापयित्वा च मैथिलीम्
3455	4056010c	परिश्रान्तश्च वृद्धश्च रावणेन हतो रणे
3456	4056011a	एवं गृध्रो हतस्तेन रावणेन बहीयसा
3457	4056011c	संस्कृतश्चापि रामेण गतश्च गतिमुत्तमाम्
3458	4056012a	ततो मम पितृव्येण सुग्रीवेण महात्मना
3459	4056012c	चकार राघवः सख्यं सोऽवधीत्पितरं मम
3460	4056013a	माम पित्रा विरुद्धो हि सुग्रीवः सचिवैः सह
3461	4056013c	निहत्य वालिनं रामस्ततस्तमभिषेचयत्
3462	4056014a	स राज्ये स्थापितस्तेन सुग्रीवो वानरेश्वरः
3463	4056014c	राजा वानरमुख्यानां येन प्रस्थापिता वयम्
3464	4056015a	एवं रामप्रयुक्तास्तु मार्गमाणास्ततस्ततः
3465	4056015c	वैदेहीं नाधिगच्छामो रात्रौ सूर्यप्रभामिव
3466	4056016a	ते वयं दण्दकारण्यं विचित्य सुसमाहिताः
3467	4056016c	अज्ञानात्तु प्रविष्टाः स्म धरण्या विवृतं बिलम्
3468	4056017a	मयस्य माया विहितं तद्बिलं च विचिन्वताम्
3469	4056017c	व्यतीतस्तत्र नो मासो यो राज्ञा सामयः कृतः
3470	4056018a	ते वयं कपिराजस्य सर्वे वचनकारिणः
3471	4056018c	कृतां संस्थामतिक्रान्ता भयात्प्रायमुपास्महे
3472	4056019a	क्रुद्धे तस्मिंस्तु काकुत्स्थे सुग्रीवे च सलक्ष्मणे
3473	4056019c	गतानामपि सर्वेषां तत्र नो नास्ति जीवितम्
3474	4057001a	इत्युक्तः करुणं वाक्यं वानरैस्त्यक्तजीवितैः
3475	4057001c	सबाष्पो वानरान्गृध्रः प्रत्युवाच महास्वनः
3476	4057002a	यवीयान्मम स भ्राता जटायुर्नाम वानराः
3477	4057002c	यमाख्यात हतं युद्धे रावणेन बलीयसा
3478	4057003a	वृद्धभावादपक्षत्वाच्छृण्वंस्तदपि मर्षये
3479	4057003c	न हि मे शक्तिरद्यास्ति भ्रातुर्वैरविमोक्षणे
3480	4057004a	पुरा वृत्रवधे वृत्ते स चाहं च जयैषिणौ
3481	4057004c	आदित्यमुपयातौ स्वो ज्वलन्तं रश्मिमालिनम्
3482	4057005a	आवृत्याकाशमार्गेण जवेन स्म गतौ भृशम्
3483	4057005c	मध्यं प्राप्ते च सूर्ये च जटायुरवसीदति
3484	4057006a	तमहं भ्रातरं दृष्ट्वा सूर्यरश्मिभिरर्दितम्
3485	4057006c	पक्षाभ्यं छादयामास स्नेहात्परमविह्वलम्
3486	4057007a	निर्दग्धपक्षः पतितो विन्ध्येऽहं वानरोत्तमाः
3487	4057007c	अहमस्मिन्वसन्भ्रातुः प्रवृत्तिं नोपलक्षये
3488	4057008a	जटायुषस्त्वेवमुक्तो भ्रात्रा संपातिना तदा
3489	4057008c	युवराजो महाप्राज्ञः प्रत्युवाचाङ्गदस्तदा
3490	4057009a	जटायुषो यदि भ्राता श्रुतं ते गदितं मया
3491	4057009c	आख्याहि यदि जानासि निलयं तस्य रक्षसः
3492	4057010a	अदीर्घदर्शिनं तं वा रावणं राक्षसाधिपम्
3493	4057010c	अन्तिके यदि वा दूरे यदि जानासि शंस नः
3494	4057011a	ततोऽब्रवीन्महातेजा ज्येष्ठो भ्राता जटायुषः
3495	4057011c	आत्मानुरूपं वचनं वानरान्संप्रहर्षयन्
3496	4057012a	निर्दग्धपक्षो गृध्रोऽहं गतवीर्यः प्लवंगमाः
3497	4057012c	वाङ्मात्रेण तु रामस्य करिष्ये साह्यमुत्तमम्
3498	4057013a	जानामि वारुणाल्लोकान्विष्णोस्त्रैविक्रमानपि
3499	4057013c	देवासुरविमर्दांश्च अमृतस्य च मन्थनम्
3500	4057014a	रामस्य यदिदं कार्यं कर्तव्यं प्रथमं मया
3501	4057014c	जरया च हृतं तेजः प्राणाश्च शिथिला मम
3502	4057015a	तरुणी रूपसंपन्ना सर्वाभरणभूषिता
3503	4057015c	ह्रियमाणा मया दृष्टा रावणेन दुरात्मना
3504	4057016a	क्रोशन्ती राम रामेति लक्ष्मणेति च भामिनी
3505	4057016c	भूषणान्यपविध्यन्ती गात्राणि च विधुन्वती
3506	4057017a	सूर्यप्रभेव शैलाग्रे तस्याः कौशेयमुत्तमम्
3507	4057017c	असिते राक्षसे भाति यथा वा तडिदम्बुदे
3508	4057018a	तां तु सीतामहं मन्ये रामस्य परिकीर्तनात्
3509	4057018c	श्रूयतां मे कथयतो निलयं तस्य रक्षसः
3510	4057019a	पुत्रो विश्रवसः साक्षाद्भ्राता वैश्रवणस्य च
3511	4057019c	अध्यास्ते नगरीं लङ्कां रावणो नाम राकसः
3512	4057020a	इतो द्वीपे समुद्रस्य संपूर्णे शतयोजने
3513	4057020c	तस्मिँल्लङ्का पुरी रम्या निर्मिता विश्वकर्मणा
3514	4057021a	तस्यां वसति वैदेही दीना कौशेयवासिनी
3515	4057021c	रावणान्तःपुरे रुद्धा राक्षसीभिः सुरक्षिता
3516	4057022a	जनकस्यात्मजां राज्ञस्तस्यां द्रक्ष्यथ मैथिलीम्
3517	4057022c	लङ्कायामथ गुप्तायां सागरेण समन्ततः
3518	4057023a	संप्राप्य सागरस्यान्तं संपूर्णं शतयोजनम्
3519	4057023c	आसाद्य दक्षिणं कूलं ततो द्रक्ष्यथ रावणम्
3520	4057024a	तत्रैव त्वरिताः क्षिप्रं विक्रमध्वं प्लवंगमाः
3521	4057024c	ज्ञानेन खलु पश्यामि दृष्ट्वा प्रत्यागमिष्यथ
3522	4057025a	आद्यः पन्थाः कुलिङ्गानां ये चान्ये धान्यजीविनः
3523	4057025c	द्वितीयो बलिभोजानां ये च वृक्षफलाशिनः
3524	4057026a	भासास्तृतीयं गच्छन्ति क्रौञ्चाश्च कुररैः सह
3525	4057026c	श्येनाश्चतुर्थं गच्छन्ति गृध्रा गच्छन्ति पञ्चमम्
3526	4057027a	बलवीर्योपपन्नानां रूपयौवनशालिनाम्
3527	4057027c	षष्ठस्तु पन्था हंसानां वैनतेयगतिः परा
3528	4057027e	वैनतेयाच्च नो जन्म सर्वेषां वानरर्षभाः
3529	4057028a	गर्हितं तु कृतं कर्म येन स्म पिशिताशनाः
3530	4057028c	इहस्थोऽहं प्रपश्यामि रावणं जानकीं तथा
3531	4057029a	अस्माकमपि सौवर्णं दिव्यं चक्षुर्बलं तथा
3532	4057029c	तस्मादाहारवीर्येण निसर्गेण च वानराः
3533	4057029e	आयोजनशतात्साग्राद्वयं पश्याम नित्यशः
3534	4057030a	अस्माकं विहिता वृत्तिर्निसार्गेण च दूरतः
3535	4057030c	विहिता पादमूले तु वृत्तिश्चरणयोधिनाम्
3536	4057031a	उपायो दृश्यतां कश्चिल्लङ्घने लवणाम्भसः
3537	4057031c	अभिगम्य तु वैदेहीं समृद्धार्था गमिष्यथ
3538	4057032a	समुद्रं नेतुमिच्छामि भवद्भिर्वरुणालयम्
3539	4057032c	प्रदास्याम्युदकं भ्रातुः स्वर्गतस्य महात्मनः
3540	4057033a	ततो नीत्वा तु तं देशं तीरे नदनदीपतेः
3541	4057033c	निर्दग्धपक्षं संपातिं वानराः सुमहौजसः
3542	4057034a	पुनः प्रत्यानयित्वा वै तं देशं पतगेश्वरम्
3543	4057034c	बभूवुर्वानरा हृष्टाः प्रवृत्तिमुपलभ्य ते
3544	4058001a	ततस्तदमृतास्वादं गृध्रराजेन भाषितम्
3545	4058001c	निशम्य वदतो हृष्टास्ते वचः प्लवगर्षभाः
3546	4058002a	जाम्बवान्वै हरिश्रेष्ठः सह सर्वैः प्लवंगमैः
3547	4058002c	भूतलात्सहसोत्थाय गृध्रराजानमब्रवीत्
3548	4058003a	क्व सीता केन वा दृष्टा को वा हरति मैथिलीम्
3549	4058003c	तदाख्यातु भवान्सर्वं गतिर्भव वनौकसाम्
3550	4058004a	को दाशरथिबाणानां वज्रवेगनिपातिनाम्
3551	4058004c	स्वयं लक्ष्मणमुक्तानां न चिन्तयति विक्रमम्
3552	4058005a	स हरीन्प्रीतिसंयुक्तान्सीता श्रुतिसमाहितान्
3553	4058005c	पुनराश्वासयन्प्रीत इदं वचनमब्रवीत्
3554	4058006a	श्रूयतामिह वैदेह्या यथा मे हरणं श्रुतम्
3555	4058006c	येन चापि ममाख्यातं यत्र चायतलोचना
3556	4058007a	अहमस्मिन्गिरौ दुर्गे बहुयोजनमायते
3557	4058007c	चिरान्निपतितो वृद्धः क्षीणप्राणपराक्रमः
3558	4058008a	तं मामेवंगतं पुत्रः सुपार्श्वो नाम नामतः
3559	4058008c	आहारेण यथाकालं बिभर्ति पततां वरः
3560	4058009a	तीक्ष्णकामास्तु गन्धर्वास्तीक्ष्णकोपा भुजंगमाः
3561	4058009c	मृगाणां तु भयं तीक्ष्णं ततस्तीक्ष्णक्षुधा वयम्
3562	4058010a	स कदाचित्क्षुधार्तस्य मम चाहारकाङ्क्षिणः
3563	4058010c	गतसूर्योऽहनि प्राप्तो मम पुत्रो ह्यनामिषः
3564	4058011a	स मया वृद्धभावाच्च कोपाच्च परिभर्त्सितः
3565	4058011c	क्षुत्पिपासा परीतेन कुमारः पततां वरः
3566	4058012a	स ममाहारसंरोधात्पीडितः प्रीतिवर्धनः
3567	4058012c	अनुमान्य यथातत्त्वमिदं वचनमब्रवीत्
3568	4058013a	अहं तात यथाकालमामिषार्थी खमाप्लुतः
3569	4058013c	महेन्द्रस्य गिरेर्द्वारमावृत्य च समास्थितः
3570	4058014a	तत्र सत्त्वसहस्राणां सागरान्तरचारिणाम्
3571	4058014c	पन्थानमेकोऽध्यवसं संनिरोद्धुमवाङ्मुखः
3572	4058015a	तत्र कश्चिन्मया दृष्टः सूर्योदयसमप्रभाम्
3573	4058015c	स्त्रियमादाय गच्छन्वै भिन्नाञ्जनचयोपमः
3574	4058016a	सोऽहमभ्यवहारार्थी तौ दृष्ट्वा कृतनिश्चयः
3575	4058016c	तेन साम्ना विनीतेन पन्थानमभियाचितः
3576	4058017a	न हि सामोपपन्नानां प्रहर्ता विद्यते क्वचित्
3577	4058017c	नीचेष्वपि जनः कश्चित्किमङ्ग बत मद्विधः
3578	4058018a	स यातस्तेजसा व्योम संक्षिपन्निव वेगतः
3579	4058018c	अथाहं खे चरैर्भूतैरभिगम्य सभाजितः
3580	4058019a	दिष्ट्या जीवसि तातेति अब्रुवन्मां महर्षयः
3581	4058019c	कथंचित्सकलत्रोऽसौ गतस्ते स्वस्त्यसंशयम्
3582	4058020a	एवमुक्तस्ततोऽहं तैः सिद्धैः परमशोभनैः
3583	4058020c	स च मे रावणो राजा रक्षसां प्रतिवेदितः
3584	4058021a	हरन्दाशरथेर्भार्यां रामस्य जनकात्मजाम्
3585	4058021c	भ्रष्टाभरणकौशेयां शोकवेगपराजिताम्
3586	4058022a	रामलक्ष्मणयोर्नाम क्रोशन्तीं मुक्तमूर्धजाम्
3587	4058022c	एष कालात्ययस्तावदिति वाक्यविदां वरः
3588	4058023a	एतमर्थं समग्रं मे सुपार्श्वः प्रत्यवेदयत्
3589	4058023c	तच्छ्रुत्वापि हि मे बुद्धिर्नासीत्काचित्पराक्रमे
3590	4058024a	अपक्षो हि कथं पक्षी कर्म किंचिदुपक्रमेत्
3591	4058024c	यत्तु शक्यं मया कर्तुं वाग्बुद्धिगुणवर्तिना
3592	4058025a	श्रूयतां तत्प्रवक्ष्यामि भवतां पौरुषाश्रयम्
3593	4058025c	वाङ्मतिभ्यां हि सार्वेषां करिष्यामि प्रियं हि वः
3594	4058025e	यद्धि दाशरथेः कार्यं मम तन्नात्र संशयः
3595	4058026a	ते भवन्तो मतिश्रेष्ठा बलवन्तो मनस्विनः
3596	4058026c	सहिताः कपिराजेन देवैरपि दुरासदाः
3597	4058027a	रामलक्ष्मणबाणाश्च निशिताः कङ्कपत्रिणः
3598	4058027c	त्रयाणामपि लोकानां पर्याप्तास्त्राणनिग्रहे
3599	4058028a	कामं खलु दशग्रीवस्तेजोबलसमन्वितः
3600	4058028c	भवतां तु समर्थानां न किंचिदपि दुष्करम्
3601	4058029a	तदलं कालसंगेन क्रियतां बुद्धिनिश्चयः
3602	4058029c	न हि कर्मसु सज्जन्ते बुद्धिमन्तो भवद्विधाः
3603	4059001a	ततः कृतोदकं स्नातं तं गृध्रं हरियूथपाः
3604	4059001c	उपविष्टा गिरौ दुर्गे परिवार्य समन्ततः
3605	4059002a	तमङ्गदमुपासीनं तैः सर्वैर्हरिभिर्वृतम्
3606	4059002c	जनितप्रत्ययो हर्षात्संपातिः पुनरब्रवीत्
3607	4059003a	कृत्वा निःशब्दमेकाग्राः शृण्वन्तु हरयो मम
3608	4059003c	तत्त्वं संकीर्तयिष्यामि यथा जानामि मैथिलीम्
3609	4059004a	अस्य विन्ध्यस्य शिखरे पतितोऽस्मि पुरा वने
3610	4059004c	सूर्यातपपरीताङ्गो निर्दग्धः सूर्यरश्मिभिः
3611	4059005a	लब्धसंज्ञस्तु षड्रात्राद्विवशो विह्वलन्निव
3612	4059005c	वीक्षमाणो दिशः सर्वा नाभिजानामि किंचन
3613	4059006a	ततस्तु सागराञ्शैलान्नदीः सर्वाः सरांसि च
3614	4059006c	वनान्यटविदेशांश्च समीक्ष्य मतिरागमत्
3615	4059007a	हृष्टपक्षिगणाकीर्णः कन्दरान्तरकूटवान्
3616	4059007c	दक्षिणस्योदधेस्तीरे विन्ध्योऽयमिति निश्चितः
3617	4059008a	आसीच्चात्राश्रमं पुण्यं सुरैरपि सुपूजितम्
3618	4059008c	ऋषिर्निशाकरो नाम यस्मिन्नुग्रतपाभवत्
3619	4059009a	अष्टौ वर्षसहस्राणि तेनास्मिन्नृषिणा विना
3620	4059009c	वसतो मम धर्मज्ञाः स्वर्गते तु निशाकरे
3621	4059010a	अवतीर्य च विन्ध्याग्रात्कृच्छ्रेण विषमाच्छनैः
3622	4059010c	तीक्ष्णदर्भां वसुमतीं दुःखेन पुनरागतः
3623	4059011a	तमृषिं द्रष्टु कामोऽस्मि दुःखेनाभ्यागतो भृशम्
3624	4059011c	जटायुषा मया चैव बहुशोऽभिगतो हि सः
3625	4059012a	तस्याश्रमपदाभ्याशे ववुर्वाताः सुगन्धिनः
3626	4059012c	वृक्षो नापुष्पितः कश्चिदफलो वा न दृश्यते
3627	4059013a	उपेत्य चाश्रमं पुण्यं वृक्षमूलमुपाश्रितः
3628	4059013c	द्रष्टुकामः प्रतीक्षे च भगवन्तं निशाकरम्
3629	4059014a	अथापश्यमदूरस्थमृषिं ज्वलिततेजसं
3630	4059014c	कृताभिषेकं दुर्धर्षमुपावृत्तमुदङ्मुखम्
3631	4059015a	तमृक्षाः सृमरा व्याघ्राः सिंहा नागाः सरीसृपाः
3632	4059015c	परिवार्योपगच्छन्ति दातारं प्राणिनो यथा
3633	4059016a	ततः प्राप्तमृषिं ज्ञात्वा तानि सत्त्वानि वै ययुः
3634	4059016c	प्रविष्टे राजनि यथा सर्वं सामात्यकं बलम्
3635	4059017a	ऋषिस्तु दृष्ट्वा मां तुष्टः प्रविष्टश्चाश्रमं पुनः
3636	4059017c	मुहूर्तमात्रान्निष्क्रम्य ततः कार्यमपृच्छत
3637	4059018a	सौम्य वैकल्यतां दृष्ट्वा रोंणां ते नावगम्यते
3638	4059018c	अग्निदग्धाविमौ पक्षौ त्वक्चैव व्रणिता तव
3639	4059019a	द्वौ गृध्रौ दृष्टपूर्वौ मे मातरिश्वसमौ जवे
3640	4059019c	गृध्राणां चैव राजानौ भ्रातरौ कामरूपिणौ
3641	4059020a	ज्येष्ठस्त्वं तु च संपातिर्जटायुरनुजस्तव
3642	4059020c	मानुषं रूपमास्थाय गृह्णीतां चरणौ मम
3643	4059021a	किं ते व्याधिसमुत्थानं पक्षयोः पतनं कथम्
3644	4059021c	दण्डो वायं धृतः केन सर्वमाख्याहि पृच्छतः
3645	4060001a	ततस्तद्दारुणं कर्म दुष्करं साहसात्कृतम्
3646	4060001c	आचचक्षे मुनेः सर्वं सूर्यानुगमनं तथा
3647	4060002a	भगवन्व्रणयुक्तत्वाल्लज्जया चाकुलेन्द्रियः
3648	4060002c	परिश्रान्तो न शक्नोमि वचनं परिभाषितुम्
3649	4060003a	अहं चैव जटायुश्च संघर्षाद्दर्पमोहितौ
3650	4060003c	आकाशं पतितौ वीरौ जिघासन्तौ पराक्रमम्
3651	4060004a	कैलासशिखरे बद्ध्वा मुनीनामग्रतः पणम्
3652	4060004c	रविः स्यादनुयातव्यो यावदस्तं महागिरिम्
3653	4060005a	अथावां युगपत्प्राप्तावपश्याव महीतले
3654	4060005c	रथचक्रप्रमाणानि नगराणि पृथक्पृथक्
3655	4060006a	क्वचिद्वादित्रघोषांश्च ब्रह्मघोषांश्च शुश्रुव
3656	4060006c	गायन्तीश्चाङ्गना बह्वीः पश्यावो रक्तवाससः
3657	4060007a	तूर्णमुत्पत्य चाकाशमादित्यपथमास्थितौ
3658	4060007c	आवामालोकयावस्तद्वनं शाद्वलसंस्थितम्
3659	4060008a	उपलैरिव संछन्ना दृश्यते भूः शिलोच्चयैः
3660	4060008c	आपगाभिश्च संवीता सूत्रैरिव वसुंधरा
3661	4060009a	हिमवांश्चैव विन्ध्यश्च मेरुश्च सुमहान्नगः
3662	4060009c	भूतले संप्रकाशन्ते नागा इव जलाशये
3663	4060010a	तीव्रस्वेदश्च खेदश्च भयं चासीत्तदावयोः
3664	4060010c	समाविशत मोहश्च मोहान्मूर्छा च दारुणा
3665	4060011a	न दिग्विज्ञायते याम्या नागेन्या न च वारुणी
3666	4060011c	युगान्ते नियतो लोको हतो दग्ध इवाग्निना
3667	4060012a	यत्नेन महता भूयो रविः समवलोकितः
3668	4060012c	तुल्यः पृथ्वीप्रमाणेन भास्करः प्रतिभाति नौ
3669	4060013a	जटायुर्मामनापृच्छ्य निपपात महीं ततः
3670	4060013c	तं दृष्ट्वा तूर्णमाकाशादात्मानं मुक्तवानहम्
3671	4060014a	पक्षिभ्यां च मया गुप्तो जटायुर्न प्रदह्यत
3672	4060014c	प्रमादात्तत्र निर्दग्धः पतन्वायुपथादहम्
3673	4060015a	आशङ्के तं निपतितं जनस्थाने जटायुषम्
3674	4060015c	अहं तु पतितो विन्ध्ये दग्धपक्षो जडीकृतः
3675	4060016a	राज्येन हीनो भ्रात्रा च पक्षाभ्यां विक्रमेण च
3676	4060016c	सर्वथा मर्तुमेवेच्छन्पतिष्ये शिखराद्गिरेः
3677	4061001a	एवमुक्त्वा मुनिश्रेष्ठमरुदं दुःखितो भृशम्
3678	4061001c	अथ ध्यात्वा मुहूर्तं तु भगवानिदमब्रवीत्
3679	4061002a	पक्षौ च ते प्रपक्षौ च पुनरन्यौ भविष्यतः
3680	4061002c	चक्षुषी चैव प्राणाश्च विक्रमश्च बलं च ते
3681	4061003a	पुराणे सुमहत्कार्यं भविष्यं हि मया श्रुतम्
3682	4061003c	दृष्टं मे तपसा चैव श्रुत्वा च विदितं मम
3683	4061004a	राजा दशरथो नाम कश्चिदिक्ष्वाकुनन्दनः
3684	4061004c	तस्य पुत्रो महातेजा रामो नाम भविष्यति
3685	4061005a	अरण्यं च सह भ्रात्रा लक्ष्मणेन गमिष्यति
3686	4061005c	तस्मिन्नर्थे नियुक्तः सन्पित्रा सत्यपराक्रमः
3687	4061006a	नैरृतो रावणो नाम तस्या भार्यां हरिष्यति
3688	4061006c	राक्षसेन्द्रो जनस्थानादवध्यः सुरदानवैः
3689	4061007a	सा च कामैः प्रलोभ्यन्ती भक्ष्यैर्भोज्यैश्च मैथिली
3690	4061007c	न भोक्ष्यति महाभागा दुःखमग्ना यशस्विनी
3691	4061008a	परमान्नं तु वैदेह्या ज्ञात्वा दास्यति वासवः
3692	4061008c	यदन्नममृतप्रख्यं सुराणामपि दुर्लभम्
3693	4061009a	तदन्नं मैथिली प्राप्य विज्ञायेन्द्रादिदं त्विति
3694	4061009c	अग्रमुद्धृत्य रामाय भूतले निर्वपिष्यति
3695	4061010a	यदि जीवति मे भर्ता लक्ष्मणेन सह प्रभुः
3696	4061010c	देवत्वं गतयोर्वापि तयोरन्नमिदं त्विति
3697	4061011a	एष्यन्त्यन्वेषकास्तस्या रामदूताः प्लवंगमाः
3698	4061011c	आख्येया राममहिषी त्वया तेभ्यो विहंगम
3699	4061012a	सर्वथा तु न गन्तव्यमीदृशः क्व गमिष्यसि
3700	4061012c	देशकालौ प्रतीक्षस्व पक्षौ त्वं प्रतिपत्स्यसे
3701	4061013a	उत्सहेयमहं कर्तुमद्यैव त्वां सपक्षकम्
3702	4061013c	इहस्थस्त्वं तु लोकानां हितं कार्यं करिष्यसि
3703	4061014a	त्वयापि खलु तत्कार्यं तयोश्च नृपपुत्रयोः
3704	4061014c	ब्राह्मणानां सुराणां च मुनीनां वासवस्य च
3705	4061015a	इच्छाम्यहमपि द्रष्टुं भ्रातरु रामलक्ष्मणौ
3706	4061015c	नेच्छे चिरं धारयितुं प्राणांस्त्यक्ष्ये कलेवरम्
3707	4062001a	एतैरन्यैश्च बहुभिर्वाक्यैर्वाक्यविशारदः
3708	4062001c	मां प्रशस्याभ्यनुज्ञाप्य प्रविष्टः स स्वमाश्रमम्
3709	4062002a	कन्दरात्तु विसर्पित्वा पर्वतस्य शनैः शनैः
3710	4062002c	अहं विन्ध्यं समारुह्य भवतः प्रतिपालये
3711	4062003a	अद्य त्वेतस्य कालस्य साग्रं वर्षशतं गतम्
3712	4062003c	देशकालप्रतीक्षोऽस्मि हृदि कृत्वा मुनेर्वचः
3713	4062004a	महाप्रस्थानमासाद्य स्वर्गते तु निशाकरे
3714	4062004c	मां निर्दहति संतापो वितर्कैर्बहुभिर्वृतम्
3715	4062005a	उत्थितां मरणे बुद्धिं मुनि वाक्यैर्निवर्तये
3716	4062005c	बुद्धिर्या तेन मे दत्ता प्राणसंरक्षणाय तु
3717	4062005e	सा मेऽपनयते दुःखं दीप्तेवाग्निशिखा तमः
3718	4062006a	बुध्यता च मया वीर्यं रावणस्य दुरात्मनः
3719	4062006c	पुत्रः संतर्जितो वाग्भिर्न त्राता मैथिली कथम्
3720	4062007a	तस्या विलपितं श्रुत्वा तौ च सीता विनाकृतौ
3721	4062007c	न मे दशरथस्नेहात्पुत्रेणोत्पादितं प्रियम्
3722	4062008a	तस्य त्वेवं ब्रुवाणस्य संपातेर्वानरैः सह
3723	4062008c	उत्पेततुस्तदा पक्षौ समक्षं वनचारिणाम्
3724	4062009a	स दृष्ट्वा स्वां तनुं पक्षैरुद्गतैररुणच्छदैः
3725	4062009c	प्रहर्षमतुलं लेभे वानरांश्चेदमब्रवीत्
3726	4062010a	निशाकरस्य महर्षेः प्रभावादमितात्मनः
3727	4062010c	आदित्यरश्मिनिर्दग्धौ पक्षौ मे पुनरुत्थितौ
3728	4062011a	यौवने वर्तमानस्य ममासीद्यः पराक्रमः
3729	4062011c	तमेवाद्यावगच्छामि बलं पौरुषमेव च
3730	4062012a	सर्वथा क्रियतां यत्नः सीतामधिगमिष्यथ
3731	4062012c	पक्षलाभो ममायं वः सिद्धिप्रत्यय कारकः
3732	4062013a	इत्युक्त्वा तान्हरीन्सर्वान्संपातिः पततां वरः
3733	4062013c	उत्पपात गिरेः शृङ्गाज्जिज्ञासुः खगमो गतिम्
3734	4062014a	तस्य तद्वचनं श्रुत्वा प्रीतिसंहृष्टमानसाः
3735	4062014c	बभूवुर्हरिशार्दूला विक्रमाभ्युदयोन्मुखाः
3736	4062015a	अथ पवनसमानविक्रमाः; प्लवगवराः प्रतिलब्ध पौरुषाः
3737	4062015c	अभिजिदभिमुखां दिशं ययु;र्जनकसुता परिमार्गणोन्मुखाः
3738	4063001a	आख्याता गृध्रराजेन समुत्पत्य प्लवंगमाः
3739	4063001c	संगताः प्रीतिसंयुक्ता विनेदुः सिंहविक्रमाः
3740	4063002a	संपातेर्वचनं श्रुत्वा हरयो रावणक्षयम्
3741	4063002c	हृष्टाः सागरमाजग्मुः सीतादर्शनकाङ्क्षिणः
3742	4063003a	अभिक्रम्य तु तं देशं ददृशुर्भीमविक्रमाः
3743	4063003c	कृत्स्नं लोकस्य महतः प्रतिबिम्बमिव स्थितम्
3744	4063004a	दक्षिणस्य समुद्रस्य समासाद्योत्तरां दिशम्
3745	4063004c	संनिवेशं ततश्चक्रुः सहिता वानरोत्तमाः
3746	4063005a	सत्त्वैर्महद्भिर्विकृतैः क्रीडद्भिर्विविधैर्जले
3747	4063005c	व्यात्तास्यैः सुमहाकायैरूर्मिभिश्च समाकुलम्
3748	4063006a	प्रसुप्तमिव चान्यत्र क्रीडन्तमिव चान्यतः
3749	4063006c	क्वचित्पर्वतमात्रैश्च जलराशिभिरावृतम्
3750	4063007a	संकुलं दानवेन्द्रैश्च पातालतलवासिभिः
3751	4063007c	रोमहर्षकरं दृष्ट्वा विषेदुः कपिकुञ्जराः
3752	4063008a	आकाशमिव दुष्पारं सागरं प्रेक्ष्य वानराः
3753	4063008c	विषेदुः सहसा सर्वे कथं कार्यमिति ब्रुवन्
3754	4063009a	विषण्णां वाहिनीं दृष्ट्वा सागरस्य निरीक्षणात्
3755	4063009c	आश्वासयामास हरीन्भयार्तान्हरिसत्तमः
3756	4063010a	न निषादेन नः कार्यं विषादो दोषवत्तरः
3757	4063010c	विषादो हन्ति पुरुषं बालं क्रुद्ध इवोरगः
3758	4063011a	विषादोऽयं प्रसहते विक्रमे पर्युपस्थिते
3759	4063011c	तेजसा तस्य हीनस्य पुरुषार्थो न सिध्यति
3760	4063012a	तस्यां रात्र्यां व्यतीतायामङ्गदो वानरैः सह
3761	4063012c	हरिवृद्धैः समागम्य पुनर्मन्त्रममन्त्रयत्
3762	4063013a	सा वानराणां ध्वजिनी परिवार्याङ्गदं बभौ
3763	4063013c	वासवं परिवार्येव मरुतां वाहिनी स्थिता
3764	4063014a	कोऽन्यस्तां वानरीं सेनां शक्तः स्तम्भयितुं भवेत्
3765	4063014c	अन्यत्र वालितनयादन्यत्र च हनूमतः
3766	4063015a	ततस्तान्हरिवृद्धांश्च तच्च सैन्यमरिंदमः
3767	4063015c	अनुमान्याङ्गदः श्रीमान्वाक्यमर्थवदब्रवीत्
3768	4063016a	क इदानीं महातेजा लङ्घयिष्यति सागरम्
3769	4063016c	कः करिष्यति सुग्रीवं सत्यसंधमरिंदमम्
3770	4063017a	को वीरो योजनशतं लङ्घयेत प्लवंगमाः
3771	4063017c	इमांश्च यूथपान्सर्वान्मोचयेत्को महाभयात्
3772	4063018a	कस्य प्रसादाद्दारांश्च पुत्रांश्चैव गृहाणि च
3773	4063018c	इतो निवृत्ताः पश्येम सिद्धार्थाः सुखिनो वयम्
3774	4063019a	कस्य प्रसादाद्रामं च लक्ष्मणं च महाबलम्
3775	4063019c	अभिगच्छेम संहृष्टाः सुग्रीवं च महाबलम्
3776	4063020a	यदि कश्चित्समर्थो वः सागरप्लवने हरिः
3777	4063020c	स ददात्विह नः शीघ्रं पुण्यामभयदक्षिणाम्
3778	4063021a	अङ्गदस्य वचः श्रुत्वा न कश्चित्किंचिदब्रवीत्
3779	4063021c	स्तिमितेवाभवत्सर्वा सा तत्र हरिवाहिनी
3780	4063022a	पुनरेवाङ्गदः प्राह तान्हरीन्हरिसत्तमः
3781	4063022c	सर्वे बलवतां श्रेष्ठा भवन्तो दृढविक्रमाः
3782	4063023a	व्यपदेश्य कुले जाताः पूजिताश्चाप्यभीक्ष्णशः
3783	4063023c	न हि वो गमने संगः कदाचिदपि कस्यचित्
3784	4063024a	ब्रुवध्वं यस्य या शक्तिर्गमने प्लवगर्षभाः
3785	4064001a	ततोऽङ्गदवचः श्रुत्वा सर्वे ते वानरोत्तमाः
3786	4064001c	स्वं स्वं गतौ समुत्साहमाहुस्तत्र यथाक्रमम्
3787	4064002a	गजो गवाक्षो गवयः शरभो गन्धमादनः
3788	4064002c	मैन्दश्च द्विविदश्चैव सुषेणो जाम्बवांस्तथा
3789	4064003a	आबभाषे गजस्तत्र प्लवेयं दशयोजनम्
3790	4064003c	गवाक्षो योजनान्याह गमिष्यामीति विंशतिम्
3791	4064004a	गवयो वानरस्तत्र वानरांस्तानुवाच ह
3792	4064004c	त्रिंशतं तु गमिष्यामि योजनानां प्लवंगमाः
3793	4064005a	शरभो वानरस्तत्र वानरांस्तानुवाच ह
3794	4064005c	चत्वारिंशद्गमिष्यामि योजनानां न संशयः
3795	4064006a	वानरांस्तु महातेजा अब्रवीद्गन्धमादनः
3796	4064006c	योजनानां गमिष्यामि पञ्चाशत्तु न संशयः
3797	4064007a	मैन्दस्तु वानरस्तत्र वानरांस्तानुवाच ह
3798	4064007c	योजनानां परं षष्टिमहं प्लवितुमुत्सहे
3799	4064008a	ततस्तत्र महातेजा द्विविदः प्रत्यभाषत
3800	4064008c	गमिष्यामि न संदेहः सप्ततिं योजनान्यहम्
3801	4064009a	सुषेणस्तु हरिश्रेष्ठः प्रोक्तवान्कपिसत्तमान्
3802	4064009c	अशीतिं योजनानां तु प्लवेयं प्लवगर्षभाः
3803	4064010a	तेषां कथयतां तत्र सर्वांस्ताननुमान्य च
3804	4064010c	ततो वृद्धतमस्तेषां जाम्बवान्प्रत्यभाषत
3805	4064011a	पूर्वमस्माकमप्यासीत्कश्चिद्गतिपराक्रमः
3806	4064011c	ते वयं वयसः पारमनुप्राप्ताः स्म साम्प्रतम्
3807	4064012a	किं तु नैवं गते शक्यमिदं कार्यमुपेक्षितुम्
3808	4064012c	यदर्थं कपिराजश्च रामश्च कृतनिश्चयौ
3809	4064013a	साम्प्रतं कालभेदेन या गतिस्तां निबोधत
3810	4064013c	नवतिं योजनानां तु गमिष्यामि न संशयः
3811	4064014a	तांश्च सर्वान्हरिश्रेष्ठाञ्जाम्बवान्पुनरब्रवीत्
3812	4064014c	न खल्वेतावदेवासीद्गमने मे पराक्रमः
3813	4064015a	मया महाबलैश्चैव यज्ञे विष्णुः सनातनः
3814	4064015c	प्रदक्षिणीकृतः पूर्वं क्रममाणस्त्रिविक्रमः
3815	4064016a	स इदानीमहं वृद्धः प्लवने मन्दविक्रमः
3816	4064016c	यौवने च तदासीन्मे बलमप्रतिमं परैः
3817	4064017a	संप्रत्येतावतीं शक्तिं गमने तर्कयाम्यहम्
3818	4064017c	नैतावता च संसिद्धिः कार्यस्यास्य भविष्यति
3819	4064018a	अथोत्तरमुदारार्थमब्रवीदङ्गदस्तदा
3820	4064018c	अनुमान्य महाप्राज्ञो जाम्बवन्तं महाकपिम्
3821	4064019a	अहमेतद्गमिष्यामि योजनानां शतं महत्
3822	4064019c	निवर्तने तु मे शक्तिः स्यान्न वेति न निश्चितम्
3823	4064020a	तमुवाच हरिश्रेष्ठो जाम्बवान्वाक्यकोविदः
3824	4064020c	ज्ञायते गमने शक्तिस्तव हर्यृक्षसत्तम
3825	4064021a	कामं शतसहस्रं वा न ह्येष विधिरुच्यते
3826	4064021c	योजनानां भवाञ्शक्तो गन्तुं प्रतिनिवर्तितुम्
3827	4064022a	न हि प्रेषयिता तत स्वामी प्रेष्यः कथंचन
3828	4064022c	भवतायं जनः सर्वः प्रेष्यः प्लवगसत्तम
3829	4064023a	भवान्कलत्रमस्माकं स्वामिभावे व्यवस्थितः
3830	4064023c	स्वामी कलत्रं सैन्यस्य गतिरेषा परंतप
3831	4064024a	तस्मात्कलत्रवत्तात प्रतिपाल्यः सदा भवान्
3832	4064024c	अपि चैतस्य कार्यस्य भवान्मूलमरिंदम
3833	4064025a	मूलमर्थस्य संरक्ष्यमेष कार्यविदां नयः
3834	4064025c	मूले हि सति सिध्यन्ति गुणाः पुष्पफलादयः
3835	4064026a	तद्भवानस्या कार्यस्य साधने सत्यविक्रमः
3836	4064026c	बुद्धिविक्रमसंपन्नो हेतुरत्र परंतपः
3837	4064027a	गुरुश्च गुरुपुत्रश्च त्वं हि नः कपिसत्तम
3838	4064027c	भवन्तमाश्रित्य वयं समर्था ह्यर्थसाधने
3839	4064028a	उक्तवाक्यं महाप्राज्ञं जाम्बवन्तं महाकपिः
3840	4064028c	प्रत्युवाचोत्तरं वाक्यं वालिसूनुरथाङ्गदः
3841	4064029a	यदि नाहं गमिष्यामि नान्यो वानरपुंगवः
3842	4064029c	पुनः खल्विदमस्माभिः कार्यं प्रायोपवेशनम्
3843	4064030a	न ह्यकृत्वा हरिपतेः संदेशं तस्य धीमतः
3844	4064030c	तत्रापि गत्वा प्राणानां पश्यामि परिरक्षणम्
3845	4064031a	स हि प्रसादे चात्यर्थं कोपे च हरिरीश्वरः
3846	4064031c	अतीत्य तस्य संदेशं विनाशो गमने भवेत्
3847	4064032a	तद्यथा ह्यस्य कार्यस्य न भवत्यन्यथा गतिः
3848	4064032c	तद्भवानेव दृष्टार्थः संचिन्तयितुमर्हति
3849	4064033a	सोऽङ्गदेन तदा वीरः प्रत्युक्तः प्लवगर्षभः
3850	4064033c	जाम्बवानुत्तरं वाक्यं प्रोवाचेदं ततोऽङ्गदम्
3851	4064034a	अस्य ते वीर कार्यस्य न किंचित्परिहीयते
3852	4064034c	एष संचोदयाम्येनं यः कार्यं साधयिष्यति
3853	4064035a	ततः प्रतीतं प्लवतां वरिष्ठ;मेकान्तमाश्रित्य सुखोपविष्टम्
3854	4064035c	संचोदयामास हरिप्रवीरो; हरिप्रवीरं हनुमन्तमेव
3855	4065001a	अनेकशतसाहस्रीं विषण्णां हरिवाहिनीम्
3856	4065001c	जाम्बवान्समुदीक्ष्यैवं हनुमन्तमथाब्रवीत्
3857	4065002a	वीर वानरलोकस्य सर्वशास्त्रविदां वर
3858	4065002c	तूष्णीमेकान्तमाश्रित्य हनुमन्किं न जल्पसि
3859	4065003a	हनुमन्हरिराजस्य सुग्रीवस्य समो ह्यसि
3860	4065003c	रामलक्ष्मणयोश्चापि तेजसा च बलेन च
3861	4065004a	अरिष्टनेमिनः पुत्रौ वैनतेयो महाबलः
3862	4065004c	गरुत्मानिव विख्यात उत्तमः सर्वपक्षिणाम्
3863	4065005a	बहुशो हि मया दृष्टः सागरे स महाबलः
3864	4065005c	भुजगानुद्धरन्पक्षी महावेगो महायशाः
3865	4065006a	पक्षयोर्यद्बलं तस्य तावद्भुजबलं तव
3866	4065006c	विक्रमश्चापि वेगश्च न ते तेनापहीयते
3867	4065007a	बलं बुद्धिश्च तेजश्च सत्त्वं च हरिसत्तम
3868	4065007c	विशिष्टं सर्वभूतेषु किमात्मानं न बुध्यसे
3869	4065008a	अप्सराप्सरसां श्रेष्ठा विख्याता पुञ्जिकस्थला
3870	4065008c	अज्ञनेति परिख्याता पत्नी केसरिणो हरेः
3871	4065009a	अभिशापादभूत्तात वानरी कामरूपिणी
3872	4065009c	दुहिता वानरेन्द्रस्य कुञ्जरस्य महात्मनः
3873	4065010a	कपित्वे चारुसर्वाङ्गी कदाचित्कामरूपिणी
3874	4065010c	मानुषं विग्रहं कृत्वा यौवनोत्तमशालिनी
3875	4065011a	अचरत्पर्वतस्याग्रे प्रावृडम्बुदसंनिभे
3876	4065011c	विचित्रमाल्याभरणा महार्हक्षौमवासिनी
3877	4065012a	तस्या वस्त्रं विशालाक्ष्याः पीतं रक्तदशं शुभम्
3878	4065012c	स्थितायाः पर्वतस्याग्रे मारुतोऽपहरच्छनैः
3879	4065013a	स ददर्श ततस्तस्या वृत्तावूरू सुसंहतौ
3880	4065013c	स्तनौ च पीनौ सहितौ सुजातं चारु चाननम्
3881	4065014a	तां विशालायतश्रोणीं तनुमध्यां यशस्विनीम्
3882	4065014c	दृष्ट्वैव शुभसर्वाग्नीं पवनः काममोहितः
3883	4065015a	स तां भुजाभ्यां पीनाभ्यां पर्यष्वजत मारुतः
3884	4065015c	मन्मथाविष्टसर्वाङ्गो गतात्मा तामनिन्दिताम्
3885	4065016a	सा तु तत्रैव संभ्रान्ता सुवृत्ता वाक्यमब्रवीत्
3886	4065016c	एकपत्नीव्रतमिदं को नाशयितुमिच्छति
3887	4065017a	अञ्जनाया वचः श्रुत्वा मारुतः प्रत्यभाषत
3888	4065017c	न त्वां हिंसामि सुश्रोणि मा भूत्ते सुभगे भयम्
3889	4065018a	मनसास्मि गतो यत्त्वां परिष्वज्य यशस्विनि
3890	4065018c	वीर्यवान्बुद्धिसंपन्नः पुत्रस्तव भविष्यति
3891	4065019a	अभ्युत्थितं ततः सूर्यं बालो दृष्ट्वा महावने
3892	4065019c	फलं चेति जिघृक्षुस्त्वमुत्प्लुत्याभ्यपतो दिवम्
3893	4065020a	शतानि त्रीणि गत्वाथ योजनानां महाकपे
3894	4065020c	तेजसा तस्य निर्धूतो न विषादं ततो गतः
3895	4065021a	तावदापततस्तूर्णमन्तरिक्षं महाकपे
3896	4065021c	क्षिप्तमिन्द्रेण ते वज्रं क्रोधाविष्टेन धीमता
3897	4065022a	ततः शैलाग्रशिखरे वामो हनुरभज्यत
3898	4065022c	ततो हि नामधेयं ते हनुमानिति कीर्त्यते
3899	4065023a	ततस्त्वां निहतं दृष्ट्वा वायुर्गन्धवहः स्वयम्
3900	4065023c	त्रैलोक्ये भृशसंक्रुद्धो न ववौ वै प्रभञ्जनः
3901	4065024a	संभ्रान्ताश्च सुराः सर्वे त्रैलोक्ये क्षुभिते सति
3902	4065024c	प्रसादयन्ति संक्रुद्धं मारुतं भुवनेश्वराः
3903	4065025a	प्रसादिते च पवने ब्रह्मा तुभ्यं वरं ददौ
3904	4065025c	अशस्त्रवध्यतां तात समरे सत्यविक्रम
3905	4065026a	वज्रस्य च निपातेन विरुजं त्वां समीक्ष्य च
3906	4065026c	सहस्रनेत्रः प्रीतात्मा ददौ ते वरमुत्तमम्
3907	4065027a	स्वच्छन्दतश्च मरणं ते भूयादिति वै प्रभो
3908	4065027c	स त्वं केसरिणः पुत्रः क्षेत्रजो भीमविक्रमः
3909	4065028a	मारुतस्यौरसः पुत्रस्तेजसा चापि तत्समः
3910	4065028c	त्वं हि वायुसुतो वत्स प्लवने चापि तत्समः
3911	4065029a	वयमद्य गतप्राणा भवानस्मासु साम्प्रतम्
3912	4065029c	दाक्ष्यविक्रमसंपन्नः पक्षिराज इवापरः
3913	4065030a	त्रिविक्रमे मया तात सशैलवनकानना
3914	4065030c	त्रिः सप्तकृत्वः पृथिवी परिक्रान्ता प्रदक्षिणम्
3915	4065031a	तदा चौषधयोऽस्माभिः संचिता देवशासनात्
3916	4065031c	निष्पन्नममृतं याभिस्तदासीन्नो महद्बलम्
3917	4065032a	स इदानीमहं वृद्धः परिहीनपराक्रमः
3918	4065032c	साम्प्रतं कालमस्माकं भवान्सर्वगुणान्वितः
3919	4065033a	तद्विजृम्भस्व विक्रान्तः प्लवतामुत्तमो ह्यसि
3920	4065033c	त्वद्वीर्यं द्रष्टुकामेयं सर्वा वानरवाहिनी
3921	4065034a	उत्तिष्ठ हरिशार्दूल लङ्घयस्व महार्णवम्
3922	4065034c	परा हि सर्वभूतानां हनुमन्या गतिस्तव
3923	4065035a	विषाण्णा हरयः सर्वे हनुमन्किमुपेक्षसे
3924	4065035c	विक्रमस्व महावेगो विष्णुस्त्रीन्विक्रमानिव
3925	4065036a	ततस्तु वै जाम्बवताभिचोदितः; प्रतीतवेगः पवनात्मजः कपिः
3926	4065036c	प्रहर्षयंस्तां हरिवीर वाहिनीं; चकार रूपं महदात्मनस्तदा
3927	4066001a	संस्तूयमानो हनुमान्व्यवर्धत महाबलः
3928	4066001c	समाविध्य च लाङ्गूलं हर्षाच्च बलमेयिवान्
3929	4066002a	तस्य संस्तूयमानस्य सर्वैर्वानरपुंगवैः
3930	4066002c	तेजसापूर्यमाणस्य रूपमासीदनुत्तमम्
3931	4066003a	यथा विजृम्भते सिंहो विवृद्धो गिरिगह्वरे
3932	4066003c	मारुतस्यौरसः पुत्रस्तथा संप्रति जृम्भते
3933	4066004a	अशोभत मुखं तस्य जृम्भमाणस्य धीमतः
3934	4066004c	अम्बरीषोपमं दीप्तं विधूम इव पावकः
3935	4066005a	हरीणामुत्थितो मध्यात्संप्रहृष्टतनूरुहः
3936	4066005c	अभिवाद्य हरीन्वृद्धान्हनुमानिदमब्रवीत्
3937	4066006a	अरुजन्पर्वताग्राणि हुताशनसखोऽनिलः
3938	4066006c	बलवानप्रमेयश्च वायुराकाशगोचरः
3939	4066007a	तस्याहं शीघ्रवेगस्य शीघ्रगस्य महात्मनः
3940	4066007c	मारुतस्यौरसः पुत्रः प्लवने नास्ति मे समः
3941	4066008a	उत्सहेयं हि विस्तीर्णमालिखन्तमिवाम्बरम्
3942	4066008c	मेरुं गिरिमसंगेन परिगन्तुं सहस्रशः
3943	4066009a	बाहुवेगप्रणुन्नेन सागरेणाहमुत्सहे
3944	4066009c	समाप्लावयितुं लोकं सपर्वतनदीह्रदम्
3945	4066010a	ममोरुजङ्घावेगेन भविष्यति समुत्थितः
3946	4066010c	संमूर्छितमहाग्राहः समुद्रो वरुणालयः
3947	4066011a	पन्नगाशनमाकाशे पतन्तं पक्षिसेवितम्
3948	4066011c	वैनतेयमहं शक्तः परिगन्तुं सहस्रशः
3949	4066012a	उदयात्प्रस्थितं वापि ज्वलन्तं रश्मिमालिनम्
3950	4066012c	अनस्तमितमादित्यमभिगन्तुं समुत्सहे
3951	4066013a	ततो भूमिमसंस्पृश्य पुनरागन्तुमुत्सहे
3952	4066013c	प्रवेगेनैव महता भीमेन प्लवगर्षभाः
3953	4066014a	उत्सहेयमतिक्रान्तुं सर्वानाकाशगोचरान्
3954	4066014c	सागरं क्षोभयिष्यामि दारयिष्यामि मेदिनीम्
3955	4066015a	पर्वतान्कम्पयिष्यामि प्लवमानः प्लवंगमाः
3956	4066015c	हरिष्ये चोरुवेगेन प्लवमानो महार्णवम्
3957	4066016a	लतानां वीरुधां पुष्पं पादपानां च सर्वशः
3958	4066016c	अनुयास्यति मामद्य प्लवमानं विहायसा
3959	4066016e	भविष्यति हि मे पन्थाः स्वातेः पन्था इवाम्बरे
3960	4066017a	चरन्तं घोरमाकाशमुत्पतिष्यन्तमेव च
3961	4066017c	द्रक्ष्यन्ति निपतन्तं च सर्वभूतानि वानराः
3962	4066018a	महामेरुप्रतीकाशं मां द्रक्ष्यध्वं प्लवंगमाः
3963	4066018c	दिवमावृत्य गच्छन्तं ग्रसमानमिवाम्बरम्
3964	4066019a	विधमिष्यामि जीमूतान्कम्पयिष्यामि पर्वतान्
3965	4066019c	सागरं क्षोभयिष्यामि प्लवमानः समाहितः
3966	4066020a	वैनतेयस्य वा शक्तिर्मम वा मारुतस्य वा
3967	4066020c	ऋते सुपर्णराजानं मारुतं वा महाबलम्
3968	4066020e	न हि भूतं प्रपश्यामि यो मां प्लुतमनुव्रजेत्
3969	4066021a	निमेषान्तरमात्रेण निरालम्भनमम्बरम्
3970	4066021c	सहसा निपतिष्यामि घनाद्विद्युदिवोत्थिता
3971	4066022a	भविष्यति हि मे रूपं प्लवमानस्य सागरम्
3972	4066022c	विष्णोः प्रक्रममाणस्य तदा त्रीन्विक्रमानिव
3973	4066023a	बुद्ध्या चाहं प्रपश्यामि मनश्चेष्टा च मे तथा
3974	4066023c	अहं द्रक्ष्यामि वैदेहीं प्रमोदध्वं प्लवंगमाः
3975	4066024a	मारुतस्य समो वेगे गरुडस्य समो जवे
3976	4066024c	अयुतं योजनानां तु गमिष्यामीति मे मतिः
3977	4066025a	वासवस्य सवज्रस्य ब्रह्मणो वा स्वयम्भुवः
3978	4066025c	विक्रम्य सहसा हस्तादमृतं तदिहानये
3979	4066025e	लङ्कां वापि समुत्क्षिप्य गच्छेयमिति मे मतिः
3980	4066026a	तमेवं वानरश्रेष्ठं गर्जन्तममितौजसं
3981	4066026c	उवाच परिसंहृष्टो जाम्बवान्हरिसत्तमः
3982	4066027a	वीर केसरिणः पुत्र वेगवन्मारुतात्मज
3983	4066027c	ज्ञातीनां विपुलं शोकस्त्वया तात प्रणाशितः
3984	4066028a	तव कल्याणरुचयः कपिमुख्याः समागताः
3985	4066028c	मङ्गलं कार्यसिद्ध्यर्थं करिष्यन्ति समाहिताः
3986	4066029a	ऋषीणां च प्रसादेन कपिवृद्धमतेन च
3987	4066029c	गुरूणां च प्रसादेन प्लवस्व त्वं महार्णवम्
3988	4066030a	स्थास्यामश्चैकपादेन यावदागमनं तव
3989	4066030c	त्वद्गतानि च सर्वेषां जीवितानि वनौकसाम्
3990	4066031a	ततस्तु हरिशार्दूलस्तानुवाच वनौकसः
3991	4066031c	नेयं मम मही वेगं प्लवने धारयिष्यति
3992	4066032a	एतानि हि नगस्यास्य शिलासंकटशालिनः
3993	4066032c	शिखराणि महेन्द्रस्य स्थिराणि च महान्ति च
3994	4066033a	एतानि मम निष्पेषं पादयोः पततां वराः
3995	4066033c	प्लवतो धारयिष्यन्ति योजनानामितः शतम्
3996	4066034a	ततस्तु मारुतप्रख्यः स हरिर्मारुतात्मजः
3997	4066034c	आरुरोह नगश्रेष्ठं महेन्द्रमरिमर्दनः
3998	4066035a	वृतं नानाविधैर्वृक्षैर्मृगसेवितशाद्वलम्
3999	4066035c	लताकुसुमसंबाधं नित्यपुष्पफलद्रुमम्
4000	4066036a	सिंहशार्दूलचरितं मत्तमातङ्गसेवितम्
4001	4066036c	मत्तद्विजगणोद्घुष्टं सलिलोत्पीडसंकुलम्
4002	4066037a	महद्भिरुच्छ्रितं शृङ्गैर्महेन्द्रं स महाबलः
4003	4066037c	विचचार हरिश्रेष्ठो महेन्द्रसमविक्रमः
4004	4066038a	पादाभ्यां पीडितस्तेन महाशैलो महात्मना
4005	4066038c	ररास सिंहाभिहतो महान्मत्त इव द्विपः
4006	4066039a	मुमोच सलिलोत्पीडान्विप्रकीर्णशिलोच्चयः
4007	4066039c	वित्रस्तमृगमातङ्गः प्रकम्पितमहाद्रुमः
4008	4066040a	नानागन्धर्वमिथुनैः पानसंसर्गकर्कशैः
4009	4066040c	उत्पतद्भिर्विहंगैश्च विद्याधरगणैरपि
4010	4066041a	त्यज्यमानमहासानुः संनिलीनमहोरगः
4011	4066041c	शैलशृङ्गशिलोद्घातस्तदाभूत्स महागिरिः
4012	4066042a	निःश्वसद्भिस्तदा तैस्तु भुजगैरर्धनिःसृतैः
4013	4066042c	सपताक इवाभाति स तदा धरणीधरः
4014	4066043a	ऋषिभिस्त्रास संभ्रान्तैस्त्यज्यमानः शिलोच्चयः
4015	4066043c	सीदन्महति कान्तारे सार्थहीन इवाध्वगः
4016	4066044a	स वेगवान्वेगसमाहितात्मा; हरिप्रवीरः परवीरहन्ता
4017	4066044c	मनः समाधाय महानुभावो; जगाम लङ्कां मनसा मनस्वी

सुन्दर

क्रमाङ्क	छन्द	श्लोक	मूल
1	5001001a	ततो रावणनीतायाः सीतायाः शत्रुकर्शनः	मूल
2	5001001c	इयेष पदमन्वेष्टुं चारणाचरिते पथि	मूल
3	5001002a	अथ वैदूर्यवर्णेषु शाद्वलेषु महाबलः	मूल
4	5001002c	धीरः सलिलकल्पेषु विचचार यथासुखम्	मूल
5	5001003a	द्विजान्वित्रासयन्धीमानुरसा पादपान्हरन्	मूल
6	5001003c	मृगांश्च सुबहून्निघ्नन्प्रवृद्ध इव केसरी	मूल
7	5001004a	नीललोहितमाञ्जिष्ठपद्मवर्णैः सितासितैः	मूल
8	5001004c	स्वभावविहितैश्चित्रैर्धातुभिः समलंकृतम्	मूल
9	5001005a	कामरूपिभिराविष्टमभीक्ष्णं सपरिच्छदैः	मूल
10	5001005c	यक्षकिंनरगन्धर्वैर्देवकल्पैश्च पन्नगैः	मूल
11	5001006a	स तस्य गिरिवर्यस्य तले नागवरायुते	मूल
12	5001006c	तिष्ठन्कपिवरस्तत्र ह्रदे नाग इवाबभौ	मूल
13	5001007a	स सूर्याय महेन्द्राय पवनाय स्वयम्भुवे	मूल
14	5001007c	भूतेभ्यश्चाञ्जलिं कृत्वा चकार गमने मतिम्	मूल
15	5001008a	अञ्जलिं प्राङ्मुखः कुर्वन्पवनायात्मयोनये	मूल
16	5001008c	ततो हि ववृधे गन्तुं दक्षिणो दक्षिणां दिशम्	मूल
17	5001009a	प्लवंगप्रवरैर्दृष्टः प्लवने कृतनिश्चयः	मूल
18	5001009c	ववृधे रामवृद्ध्यर्थं समुद्र इव पर्वसु	मूल
19	5001010a	निष्प्रमाण शरीरः सँल्लिलङ्घयिषुरर्णवम्	मूल
20	5001010c	बाहुभ्यां पीडयामास चरणाभ्यां च पर्वतम्	मूल
21	5001011a	स चचालाचलाश्चारु मुहूर्तं कपिपीडितः	मूल
22	5001011c	तरूणां पुष्पिताग्राणां सर्वं पुष्पमशातयत्	मूल
23	5001012a	तेन पादपमुक्तेन पुष्पौघेण सुगन्धिना	मूल
24	5001012c	सर्वतः संवृतः शैलो बभौ पुष्पमयो यथा	मूल
25	5001013a	तेन चोत्तमवीर्येण पीड्यमानः स पर्वतः	मूल
26	5001013c	सलिलं संप्रसुस्राव मदं मत्त इव द्विपः	मूल
27	5001014a	पीड्यमानस्तु बलिना महेन्द्रस्तेन पर्वतः	मूल
28	5001014c	रीतिर्निर्वर्तयामास काञ्चनाञ्जनराजतीः	मूल
29	5001014e	मुमोच च शिलाः शैलो विशालाः समनःशिलाः	मूल
30	5001015a	गिरिणा पीड्यमानेन पीड्यमानानि सर्वशः	मूल
31	5001015c	गुहाविष्टानि भूतानि विनेदुर्विकृतैः स्वरैः	मूल
32	5001016a	स महासत्त्वसंनादः शैलपीडानिमित्तजः	मूल
33	5001016c	पृथिवीं पूरयामास दिशश्चोपवनानि च	मूल
34	5001017a	शिरोभिः पृथुभिः सर्पा व्यक्तस्वस्तिकलक्षणैः	मूल
35	5001017c	वमन्तः पावकं घोरं ददंशुर्दशनैः शिलाः	मूल
36	5001018a	तास्तदा सविषैर्दष्टाः कुपितैस्तैर्महाशिलाः	मूल
37	5001018c	जज्वलुः पावकोद्दीप्ता विभिदुश्च सहस्रधा	मूल
38	5001019a	यानि चौषधजालानि तस्मिञ्जातानि पर्वते	मूल
39	5001019c	विषघ्नान्यपि नागानां न शेकुः शमितुं विषम्	मूल
40	5001020a	भिद्यतेऽयं गिरिर्भूतैरिति मत्वा तपस्विनः	मूल
41	5001020c	त्रस्ता विद्याधरास्तस्मादुत्पेतुः स्त्रीगणैः सह
42	5001021a	पानभूमिगतं हित्वा हैममासनभाजनम्
43	5001021c	पात्राणि च महार्हाणि करकांश्च हिरण्मयान्
44	5001022a	लेह्यानुच्चावचान्भक्ष्यान्मांसानि विविधानि च
45	5001022c	आर्षभाणि च चर्माणि खड्गांश्च कनकत्सरून्
46	5001023a	कृतकण्ठगुणाः क्षीबा रक्तमाल्यानुलेपनाः
47	5001023c	रक्ताक्षाः पुष्कराक्षाश्च गगनं प्रतिपेदिरे
48	5001024a	हारनूपुरकेयूर पारिहार्य धराः स्त्रियः
49	5001024c	विस्मिताः सस्मितास्तस्थुराकाशे रमणैः सह
50	5001025a	दर्शयन्तो महाविद्यां विद्याधरमहर्षयः
51	5001025c	सहितास्तस्थुराकाशे वीक्षां चक्रुश्च पर्वतम्
52	5001026a	शुश्रुवुश्च तदा शब्दमृषीणां भावितात्मनाम्
53	5001026c	चारणानां च सिद्धानां स्थितानां विमलेऽम्बरे
54	5001027a	एष पर्वतसंकाशो हनूमान्मारुतात्मजः
55	5001027c	तितीर्षति महावेगं समुद्रं मकरालयम्
56	5001028a	रामार्थं वानरार्थं च चिकीर्षन्कर्म दुष्करम्
57	5001028c	समुद्रस्य परं पारं दुष्प्रापं प्राप्तुमिच्छति
58	5001029a	दुधुवे च स रोमाणि चकम्पे चाचलोपमः
59	5001029c	ननाद च महानादं सुमहानिव तोयदः
60	5001030a	आनुपूर्व्याच्च वृत्तं च लाङ्गूलं रोमभिश्चितम्
61	5001030c	उत्पतिष्यन्विचिक्षेप पक्षिराज इवोरगम्
62	5001031a	तस्य लाङ्गूलमाविद्धमतिवेगस्य पृष्ठतः
63	5001031c	ददृशे गरुडेनेव ह्रियमाणो महोरगः
64	5001032a	बाहू संस्तम्भयामास महापरिघसंनिभौ
65	5001032c	ससाद च कपिः कट्यां चरणौ संचुकोप च
66	5001033a	संहृत्य च भुजौ श्रीमांस्तथैव च शिरोधराम्
67	5001033c	तेजः सत्त्वं तथा वीर्यमाविवेश स वीर्यवान्
68	5001034a	मार्गमालोकयन्दूरादूर्ध्वप्रणिहितेक्षणः
69	5001034c	रुरोध हृदये प्राणानाकाशमवलोकयन्
70	5001035a	पद्भ्यां दृढमवस्थानं कृत्वा स कपिकुञ्जरः
71	5001035c	निकुञ्च्य कर्णौ हनुमानुत्पतिष्यन्महाबलः
72	5001035e	वानरान्वानरश्रेष्ठ इदं वचनमब्रवीत्
73	5001036a	यथा राघवनिर्मुक्तः शरः श्वसनविक्रमः
74	5001036c	गच्छेत्तद्वद्गमिष्यामि लङ्कां रावणपालिताम्
75	5001037a	न हि द्रक्ष्यामि यदि तां लङ्कायां जनकात्मजाम्
76	5001037c	अनेनैव हि वेगेन गमिष्यामि सुरालयम्
77	5001038a	यदि वा त्रिदिवे सीतां न द्रक्ष्यामि कृतश्रमः
78	5001038c	बद्ध्वा राक्षसराजानमानयिष्यामि रावणम्
79	5001039a	सर्वथा कृतकार्योऽहमेष्यामि सह सीतया
80	5001039c	आनयिष्यामि वा लङ्कां समुत्पाट्य सरावणाम्
81	5001040a	एवमुक्त्वा तु हनुमान्वानरान्वानरोत्तमः
82	5001040c	उत्पपाताथ वेगेन वेगवानविचारयन्
83	5001041a	समुत्पतति तस्मिंस्तु वेगात्ते नगरोहिणः
84	5001041c	संहृत्य विटपान्सर्वान्समुत्पेतुः समन्ततः
85	5001042a	स मत्तकोयष्टिभकान्पादपान्पुष्पशालिनः
86	5001042c	उद्वहन्नूरुवेगेन जगाम विमलेऽम्बरे
87	5001043a	ऊरुवेगोद्धता वृक्षा मुहूर्तं कपिमन्वयुः
88	5001043c	प्रस्थितं दीर्घमध्वानं स्वबन्धुमिव बान्धवाः
89	5001044a	तमूरुवेगोन्मथिताः सालाश्चान्ये नगोत्तमाः
90	5001044c	अनुजग्मुर्हनूमन्तं सैन्या इव महीपतिम्
91	5001045a	सुपुष्पिताग्रैर्बहुभिः पादपैरन्वितः कपिः
92	5001045c	हनुमान्पर्वताकारो बभूवाद्भुतदर्शनः
93	5001046a	सारवन्तोऽथ ये वृक्षा न्यमज्जँल्लवणाम्भसि
94	5001046c	भयादिव महेन्द्रस्य पर्वता वरुणालये
95	5001047a	स नानाकुसुमैः कीर्णः कपिः साङ्कुरकोरकैः
96	5001047c	शुशुभे मेघसंकाशः खद्योतैरिव पर्वतः
97	5001048a	विमुक्तास्तस्य वेगेन मुक्त्वा पुष्पाणि ते द्रुमाः
98	5001048c	अवशीर्यन्त सलिले निवृत्ताः सुहृदो यथा
99	5001049a	लघुत्वेनोपपन्नं तद्विचित्रं सागरेऽपतत्
100	5001049c	द्रुमाणां विविधं पुष्पं कपिवायुसमीरितम्
101	5001050a	पुष्पौघेणानुबद्धेन नानावर्णेन वानरः
102	5001050c	बभौ मेघ इवोद्यन्वै विद्युद्गणविभूषितः
103	5001051a	तस्य वेगसमुद्भूतैः पुष्पैस्तोयमदृश्यत
104	5001051c	ताराभिरभिरामाभिरुदिताभिरिवाम्बरम्
105	5001052a	तस्याम्बरगतौ बाहू ददृशाते प्रसारितौ
106	5001052c	पर्वताग्राद्विनिष्क्रान्तौ पञ्चास्याविव पन्नगौ
107	5001053a	पिबन्निव बभौ चापि सोर्मिजालं महार्णवम्
108	5001053c	पिपासुरिव चाकाशं ददृशे स महाकपिः
109	5001054a	तस्य विद्युत्प्रभाकारे वायुमार्गानुसारिणः
110	5001054c	नयने विप्रकाशेते पर्वतस्थाविवानलौ
111	5001055a	पिङ्गे पिङ्गाक्षमुख्यस्य बृहती परिमण्डले
112	5001055c	चक्षुषी संप्रकशेते चन्द्रसूर्याविव स्थितौ
113	5001056a	मुखं नासिकया तस्य ताम्रया ताम्रमाबभौ
114	5001056c	संध्यया समभिस्पृष्टं यथा सूर्यस्य मण्डलम्
115	5001057a	लाङ्गलं च समाविद्धं प्लवमानस्य शोभते
116	5001057c	अम्बरे वायुपुत्रस्य शक्रध्वज इवोच्छ्रितः
117	5001058a	लाङ्गूलचक्रेण महाञ्शुक्लदंष्ट्रोऽनिलात्मजः
118	5001058c	व्यरोचत महाप्राज्ञः परिवेषीव भास्करः
119	5001059a	स्फिग्देशेनाभिताम्रेण रराज स महाकपिः
120	5001059c	महता दारितेनेव गिरिर्गैरिकधातुना
121	5001060a	तस्य वानरसिंहस्य प्लवमानस्य सागरम्
122	5001060c	कक्षान्तरगतो वायुर्जीमूत इव गर्जति
123	5001061a	खे यथा निपतत्युल्का उत्तरान्ताद्विनिःसृता
124	5001061c	दृश्यते सानुबन्धा च तथा स कपिकुञ्जरः
125	5001062a	पतत्पतंगसंकाशो व्यायतः शुशुभे कपिः
126	5001062c	प्रवृद्ध इव मातंगः कक्ष्यया बध्यमानया
127	5001063a	उपरिष्टाच्छरीरेण छायया चावगाढया
128	5001063c	सागरे मारुताविष्टा नौरिवासीत्तदा कपिः
129	5001064a	यं यं देशं समुद्रस्य जगाम स महाकपिः
130	5001064c	स स तस्याङ्गवेगेन सोन्माद इव लक्ष्यते
131	5001065a	सागरस्योर्मिजालानामुरसा शैलवर्ष्मणाम्
132	5001065c	अभिघ्नंस्तु महावेगः पुप्लुवे स महाकपिः
133	5001066a	कपिवातश्च बलवान्मेघवातश्च निःसृतः
134	5001066c	सागरं भीमनिर्घोषं कम्पयामासतुर्भृशम्
135	5001067a	विकर्षन्नूर्मिजालानि बृहन्ति लवणाम्भसि
136	5001067c	अत्यक्रामन्महावेगस्तरङ्गान्गणयन्निव
137	5001068a	प्लवमानं समीक्ष्याथ भुजङ्गाः सागरालयाः
138	5001068c	व्योम्नि तं कपिशार्दूलं सुपर्णमिति मेनिरे
139	5001069a	दशयोजनविस्तीर्णा त्रिंशद्योजनमायता
140	5001069c	छाया वानरसिंहस्य जले चारुतराभवत्
141	5001070a	श्वेताभ्रघनराजीव वायुपुत्रानुगामिनी
142	5001070c	तस्य सा शुशुभे छाया वितता लवणाम्भसि
143	5001071a	प्लवमानं तु तं दृष्ट्वा प्लवगं त्वरितं तदा
144	5001071c	ववृषुः पुष्पवर्षाणि देवगन्धर्वदानवाः
145	5001072a	तताप न हि तं सूर्यः प्लवन्तं वानरेश्वरम्
146	5001072c	सिषेवे च तदा वायू रामकार्यार्थसिद्धये
147	5001073a	ऋषयस्तुष्टुवुश्चैनं प्लवमानं विहायसा
148	5001073c	जगुश्च देवगन्धर्वाः प्रशंसन्तो महौजसं
149	5001074a	नागाश्च तुष्टुवुर्यक्षा रक्षांसि विबुधाः खगाः
150	5001074c	प्रेक्ष्याकाशे कपिवरं सहसा विगतक्लमम्
151	5001075a	तस्मिन्प्लवगशार्दूले प्लवमाने हनूमति
152	5001075c	इक्ष्वाकुकुलमानार्थी चिन्तयामास सागरः
153	5001076a	साहाय्यं वानरेन्द्रस्य यदि नाहं हनूमतः
154	5001076c	करिष्यामि भविष्यामि सर्ववाच्यो विवक्षताम्
155	5001077a	अहमिक्ष्वाकुनाथेन सगरेण विवर्धितः
156	5001077c	इक्ष्वाकुसचिवश्चायं नावसीदितुमर्हति
157	5001078a	तथा मया विधातव्यं विश्रमेत यथा कपिः
158	5001078c	शेषं च मयि विश्रान्तः सुखेनातिपतिष्यति
159	5001079a	इति कृत्वा मतिं साध्वीं समुद्रश्छन्नमम्भसि
160	5001079c	हिरण्यनाभं मैनाकमुवाच गिरिसत्तमम्
161	5001080a	त्वमिहासुरसंघानां पातालतलवासिनाम्
162	5001080c	देवराज्ञा गिरिश्रेष्ठ परिघः संनिवेशितः
163	5001081a	त्वमेषां ज्ञातवीर्याणां पुनरेवोत्पतिष्यताम्
164	5001081c	पातालस्याप्रमेयस्य द्वारमावृत्य तिष्ठसि
165	5001082a	तिर्यगूर्ध्वमधश्चैव शक्तिस्ते शैलवर्धितुम्
166	5001082c	तस्मात्संचोदयामि त्वामुत्तिष्ठ नगसत्तम
167	5001083a	स एष कपिशार्दूलस्त्वामुपर्येति वीर्यवान्
168	5001083c	हनूमान्रामकार्यार्थं भीमकर्मा खमाप्लुतः
169	5001084a	तस्य साह्यं मया कार्यमिक्ष्वाकुकुलवर्तिनः
170	5001084c	मम इक्ष्वाकवः पूज्याः परं पूज्यतमास्तव
171	5001085a	कुरु साचिव्यमस्माकं न नः कार्यमतिक्रमेत्
172	5001085c	कर्तव्यमकृतं कार्यं सतां मन्युमुदीरयेत्
173	5001086a	सलिलादूर्ध्वमुत्तिष्ठ तिष्ठत्वेष कपिस्त्वयि
174	5001086c	अस्माकमतिथिश्चैव पूज्यश्च प्लवतां वरः
175	5001087a	चामीकरमहानाभ देवगन्धर्वसेवित
176	5001087c	हनूमांस्त्वयि विश्रान्तस्ततः शेषं गमिष्यति
177	5001088a	काकुत्स्थस्यानृशंस्यं च मैथिल्याश्च विवासनम्
178	5001088c	श्रमं च प्लवगेन्द्रस्य समीक्ष्योत्थातुमर्हसि
179	5001089a	हिरण्यनाभो मैनाको निशम्य लवणाम्भसः
180	5001089c	उत्पपात जलात्तूर्णं महाद्रुमलतायुतः
181	5001090a	स सागरजलं भित्त्वा बभूवात्युत्थितस्तदा
182	5001090c	यथा जलधरं भित्त्वा दीप्तरश्मिर्दिवाकरः
183	5001091a	शातकुम्भमयैः शृङ्गैः सकिंनरमहोरगैः
184	5001091c	आदित्योदयसंकाशैरालिखद्भिरिवाम्बरम्
185	5001092a	तस्य जाम्बूनदैः शृङ्गैः पर्वतस्य समुत्थितैः
186	5001092c	आकाशं शस्त्रसंकाशमभवत्काञ्चनप्रभम्
187	5001093a	जातरूपमयैः शृङ्गैर्भ्राजमानैः स्वयं प्रभैः
188	5001093c	आदित्यशतसंकाशः सोऽभवद्गिरिसत्तमः
189	5001094a	तमुत्थितमसंगेन हनूमानग्रतः स्थितम्
190	5001094c	मध्ये लवणतोयस्य विघ्नोऽयमिति निश्चितः
191	5001095a	स तमुच्छ्रितमत्यर्थं महावेगो महाकपिः
192	5001095c	उरसा पातयामास जीमूतमिव मारुतः
193	5001096a	स तदा पातितस्तेन कपिना पर्वतोत्तमः
194	5001096c	बुद्ध्वा तस्य कपेर्वेगं जहर्ष च ननन्द च
195	5001097a	तमाकाशगतं वीरमाकाशे समवस्थितम्
196	5001097c	प्रीतो हृष्टमना वाक्यमब्रवीत्पर्वतः कपिम्
197	5001097e	मानुषं धरयन्रूपमात्मनः शिखरे स्थितः
198	5001098a	दुष्करं कृतवान्कर्म त्वमिदं वानरोत्तम
199	5001098c	निपत्य मम शृङ्गेषु विश्रमस्व यथासुखम्
200	5001099a	राघावस्य कुले जातैरुदधिः परिवर्धितः
201	5001099c	स त्वां रामहिते युक्तं प्रत्यर्चयति सागरः
202	5001100a	कृते च प्रतिकर्तव्यमेष धर्मः सनातनः
203	5001100c	सोऽयं तत्प्रतिकारार्थी त्वत्तः संमानमर्हति
204	5001101a	त्वन्निमित्तमनेनाहं बहुमानात्प्रचोदितः
205	5001101c	योजनानां शतं चापि कपिरेष समाप्लुतः
206	5001101e	तव सानुषु विश्रान्तः शेषं प्रक्रमतामिति
207	5001102a	तिष्ठ त्वं हरिशार्दूल मयि विश्रम्य गम्यताम्
208	5001102c	तदिदं गन्धवत्स्वादु कन्दमूलफलं बहु
209	5001102e	तदास्वाद्य हरिश्रेष्ठ विश्रान्तोऽनुगमिष्यसि
210	5001103a	अस्माकमपि संबन्धः कपिमुख्यस्त्वयास्ति वै
211	5001103c	प्रख्यातस्त्रिषु लोकेषु महागुणपरिग्रहः
212	5001104a	वेगवन्तः प्लवन्तो ये प्लवगा मारुतात्मज
213	5001104c	तेषां मुख्यतमं मन्ये त्वामहं कपिकुञ्जर
214	5001105a	अतिथिः किल पूजार्हः प्राकृतोऽपि विजानता
215	5001105c	धर्मं जिज्ञासमानेन किं पुनर्यादृशो भवान्
216	5001106a	त्वं हि देववरिष्ठस्य मारुतस्य महात्मनः
217	5001106c	पुत्रस्तस्यैव वेगेन सदृशः कपिकुञ्जर
218	5001107a	पूजिते त्वयि धर्मज्ञ पूजां प्राप्नोति मारुतः
219	5001107c	तस्मात्त्वं पूजनीयो मे शृणु चाप्यत्र कारणम्
220	5001108a	पूर्वं कृतयुगे तात पर्वताः पक्षिणोऽभवन्
221	5001108c	तेऽपि जग्मुर्दिशः सर्वा गरुडानिलवेगिनः
222	5001109a	ततस्तेषु प्रयातेषु देवसंघाः सहर्षिभिः
223	5001109c	भूतानि च भयं जग्मुस्तेषां पतनशङ्कया
224	5001110a	ततः क्रुद्धः सहस्राक्षः पर्वतानां शतक्रतुः
225	5001110c	पक्षांश्चिच्छेद वज्रेण तत्र तत्र सहस्रशः
226	5001111a	स मामुपगतः क्रुद्धो वज्रमुद्यम्य देवराट्
227	5001111c	ततोऽहं सहसा क्षिप्तः श्वसनेन महात्मना
228	5001112a	अस्मिँल्लवणतोये च प्रक्षिप्तः प्लवगोत्तम
229	5001112c	गुप्तपक्षः समग्रश्च तव पित्राभिरक्षितः
230	5001113a	ततोऽहं मानयामि त्वां मान्यो हि मम मारुतः
231	5001113c	त्वया मे ह्येष संबन्धः कपिमुख्य महागुणः
232	5001114a	अस्मिन्नेवंगते कार्ये सागरस्य ममैव च
233	5001114c	प्रीतिं प्रीतमना कर्तुं त्वमर्हसि महाकपे
234	5001115a	श्रमं मोक्षय पूजां च गृहाण कपिसत्तम
235	5001115c	प्रीतिं च बहुमन्यस्व प्रीतोऽस्मि तव दर्शनात्
236	5001116a	एवमुक्तः कपिश्रेष्ठस्तं नगोत्तममब्रवीत्
237	5001116c	प्रीतोऽस्मि कृतमातिथ्यं मन्युरेषोऽपनीयताम्
238	5001117a	त्वरते कार्यकालो मे अहश्चाप्यतिवर्तते
239	5001117c	प्रतिज्ञा च मया दत्ता न स्थातव्यमिहान्तरा
240	5001118a	इत्युक्त्वा पाणिना शैलमालभ्य हरिपुंगवः
241	5001118c	जगामाकाशमाविश्य वीर्यवान्प्रहसन्निव
242	5001119a	स पर्वतसमुद्राभ्यां बहुमानादवेक्षितः
243	5001119c	पूजितश्चोपपन्नाभिराशीर्भिरनिलात्मजः
244	5001120a	अथोर्ध्वं दूरमुत्पत्य हित्वा शैलमहार्णवौ
245	5001120c	पितुः पन्थानमास्थाय जगाम विमलेऽम्बरे
246	5001121a	भूयश्चोर्ध्वगतिं प्राप्य गिरिं तमवलोकयन्
247	5001121c	वायुसूनुर्निरालम्बे जगाम विमलेऽम्बरे
248	5001122a	तद्द्वितीयं हनुमतो दृष्ट्वा कर्म सुदुष्करम्
249	5001122c	प्रशशंसुः सुराः सर्वे सिद्धाश्च परमर्षयः
250	5001123a	देवताश्चाभवन्हृष्टास्तत्रस्थास्तस्य कर्मणा
251	5001123c	काञ्चनस्य सुनाभस्य सहस्राक्षश्च वासवः
252	5001124a	उवाच वचनं धीमान्परितोषात्सगद्गदम्
253	5001124c	सुनाभं पर्वतश्रेष्ठं स्वयमेव शचीपतिः
254	5001125a	हिरण्यनाभशैलेन्द्रपरितुष्टोऽस्मि ते भृशम्
255	5001125c	अभयं ते प्रयच्छामि तिष्ठ सौम्य यथासुखम्
256	5001126a	साह्यं कृतं ते सुमहद्विक्रान्तस्य हनूमतः
257	5001126c	क्रमतो योजनशतं निर्भयस्य भये सति
258	5001127a	रामस्यैष हि दौत्येन याति दाशरथेर्हरिः
259	5001127c	सत्क्रियां कुर्वता शक्या तोषितोऽस्मि दृढं त्वया
260	5001128a	ततः प्रहर्षमलभद्विपुलं पर्वतोत्तमः
261	5001128c	देवतानां पतिं दृष्ट्वा परितुष्टं शतक्रतुम्
262	5001129a	स वै दत्तवरः शैलो बभूवावस्थितस्तदा
263	5001129c	हनूमांश्च मुहूर्तेन व्यतिचक्राम सागरम्
264	5001130a	ततो देवाः सगन्धर्वाः सिद्धाश्च परमर्षयः
265	5001130c	अब्रुवन्सूर्यसंकाशां सुरसां नागमातरम्
266	5001131a	अयं वातात्मजः श्रीमान्प्लवते सागरोपरि
267	5001131c	हनूमान्नाम तस्य त्वं मुहूर्तं विघ्नमाचर
268	5001132a	राक्षसं रूपमास्थाय सुघोरं पर्वतोपमम्
269	5001132c	दंष्ट्राकरालं पिङ्गाक्षं वक्त्रं कृत्वा नभःस्पृशम्
270	5001133a	बलमिच्छामहे ज्ञातुं भूयश्चास्य पराक्रमम्
271	5001133c	त्वां विजेष्यत्युपायेन विषदं वा गमिष्यति
272	5001134a	एवमुक्ता तु सा देवी दैवतैरभिसत्कृता
273	5001134c	समुद्रमध्ये सुरसा बिभ्रती राक्षसं वपुः
274	5001135a	विकृतं च विरूपं च सर्वस्य च भयावहम्
275	5001135c	प्लवमानं हनूमन्तमावृत्येदमुवाच ह
276	5001136a	मम भक्षः प्रदिष्टस्त्वमीश्वरैर्वानरर्षभ
277	5001136c	अहं त्वां भक्षयिष्यामि प्रविशेदं ममाननम्
278	5001137a	एवमुक्तः सुरसया प्राञ्जलिर्वानरर्षभः
279	5001137c	प्रहृष्टवदनः श्रीमानिदं वचनमब्रवीत्
280	5001138a	रामो दाशरथिर्नाम प्रविष्टो दण्डकावनम्
281	5001138c	लक्ष्मणेन सह भ्रात्रा वैदेह्या चापि भार्यया
282	5001139a	अस्य कार्यविषक्तस्य बद्धवैरस्य राक्षसैः
283	5001139c	तस्य सीता हृता भार्या रावणेन यशस्विनी
284	5001140a	तस्याः सकाशं दूतोऽहं गमिष्ये रामशासनात्
285	5001140c	कर्तुमर्हसि रामस्य साह्यं विषयवासिनि
286	5001141a	अथ वा मैथिलीं दृष्ट्वा रामं चाक्लिष्टकारिणम्
287	5001141c	आगमिष्यामि ते वक्त्रं सत्यं प्रतिशृणोमि ते
288	5001142a	एवमुक्ता हनुमता सुरसा कामरूपिणी
289	5001142c	अब्रवीन्नातिवर्तेन्मां कश्चिदेष वरो मम
290	5001143a	एवमुक्तः सुरसया क्रुद्धो वानरपुंगवः
291	5001143c	अब्रवीत्कुरु वै वक्त्रं येन मां विषहिष्यसे
292	5001144a	इत्युक्त्वा सुरसां क्रुद्धो दशयोजनमायतः
293	5001144c	दशयोजनविस्तारो बभूव हनुमांस्तदा
294	5001145a	तं दृष्ट्वा मेघसंकाशं दशयोजनमायतम्
295	5001145c	चकार सुरसाप्यास्यं विंशद्योजनमायतम्
296	5001146a	हनुमांस्तु ततः क्रुद्धस्त्रिंशद्योजनमायतः
297	5001146c	चकार सुरसा वक्त्रं चत्वारिंशत्तथोच्छ्रितम्
298	5001147a	बभूव हनुमान्वीरः पञ्चाशद्योजनोच्छ्रितः
299	5001147c	चकार सुरसा वक्त्रं षष्टियोजनमायतम्
300	5001148a	तथैव हनुमान्वीरः सप्ततिं योजनोच्छ्रितः
301	5001148c	चकार सुरसा वक्त्रमशीतिं योजनायतम्
302	5001149a	हनूमानचल प्रख्यो नवतिं योजनोच्छ्रितः
303	5001149c	चकार सुरसा वक्त्रं शतयोजनमायतम्
304	5001150a	तद्दृष्ट्वा व्यादितं त्वास्यं वायुपुत्रः स बुद्धिमान्
305	5001150c	दीर्घजिह्वं सुरसया सुघोरं नरकोपमम्
306	5001151a	स संक्षिप्यात्मनः कायं जीमूत इव मारुतिः
307	5001151c	तस्मिन्मुहूर्ते हनुमान्बभूवाङ्गुष्ठमात्रकः
308	5001152a	सोऽभिपत्याशु तद्वक्त्रं निष्पत्य च महाजवः
309	5001152c	अन्तरिक्षे स्थितः श्रीमानिदं वचनमब्रवीत्
310	5001153a	प्रविष्टोऽस्मि हि ते वक्त्रं दाक्षायणि नमोऽस्तु ते
311	5001153c	गमिष्ये यत्र वैदेही सत्यं चास्तु वचस्तव
312	5001154a	तं दृष्ट्वा वदनान्मुक्तं चन्द्रं राहुमुखादिव
313	5001154c	अब्रवीत्सुरसा देवी स्वेन रूपेण वानरम्
314	5001155a	अर्थसिद्ध्यै हरिश्रेष्ठ गच्छ सौम्य यथासुखम्
315	5001155c	समानय च वैदेहीं राघवेण महात्मना
316	5001156a	तत्तृतीयं हनुमतो दृष्ट्वा कर्म सुदुष्करम्
317	5001156c	साधु साध्विति भूतानि प्रशशंसुस्तदा हरिम्
318	5001157a	स सागरमनाधृष्यमभ्येत्य वरुणालयम्
319	5001157c	जगामाकाशमाविश्य वेगेन गरुणोपमः
320	5001158a	सेविते वारिधारिभिः पतगैश्च निषेविते
321	5001158c	चरिते कैशिकाचार्यैरैरावतनिषेविते
322	5001159a	सिंहकुञ्जरशार्दूलपतगोरगवाहनैः
323	5001159c	विमानैः संपतद्भिश्च विमलैः समलंकृते
324	5001160a	वज्राशनिसमाघातैः पावकैरुपशोभिते
325	5001160c	कृतपुण्यैर्महाभागैः स्वर्गजिद्भिरलंकृते
326	5001161a	बहता हव्यमत्यन्तं सेविते चित्रभानुना
327	5001161c	ग्रहनक्षत्रचन्द्रार्कतारागणविभूषिते
328	5001162a	महर्षिगणगन्धर्वनागयक्षसमाकुले
329	5001162c	विविक्ते विमले विश्वे विश्वावसुनिषेविते
330	5001163a	देवराजगजाक्रान्ते चन्द्रसूर्यपथे शिवे
331	5001163c	विताने जीवलोकस्य विततो ब्रह्मनिर्मिते
332	5001164a	बहुशः सेविते वीरैर्विद्याधरगणैर्वरैः
333	5001164c	कपिना कृष्यमाणानि महाभ्राणि चकाशिरे
334	5001165a	प्रविशन्नभ्रजालानि निष्पतंश्च पुनः पुनः
335	5001165c	प्रावृषीन्दुरिवाभाति निष्पतन्प्रविशंस्तदा
336	5001166a	प्लवमानं तु तं दृष्ट्वा सिंहिका नाम राक्षसी
337	5001166c	मनसा चिन्तयामास प्रवृद्धा कामरूपिणी
338	5001167a	अद्य दीर्घस्य कालस्य भविष्याम्यहमाशिता
339	5001167c	इदं हि मे महत्सत्त्वं चिरस्य वशमागतम्
340	5001168a	इति संचिन्त्य मनसा छायामस्य समक्षिपत्
341	5001168c	छायायां संगृहीतायां चिन्तयामास वानरः
342	5001169a	समाक्षिप्तोऽस्मि सहसा पङ्गूकृतपराक्रमः
343	5001169c	प्रतिलोमेन वातेन महानौरिव सागरे
344	5001170a	तिर्यगूर्ध्वमधश्चैव वीक्षमाणस्ततः कपिः
345	5001170c	ददर्श स महासत्त्वमुत्थितं लवणाम्भसि
346	5001171a	कपिराज्ञा यदाख्यातं सत्त्वमद्भुतदर्शनम्
347	5001171c	छायाग्राहि महावीर्यं तदिदं नात्र संशयः
348	5001172a	स तां बुद्ध्वार्थतत्त्वेन सिंहिकां मतिमान्कपिः
349	5001172c	व्यवर्धत महाकायः प्रावृषीव बलाहकः
350	5001173a	तस्य सा कायमुद्वीक्ष्य वर्धमानं महाकपेः
351	5001173c	वक्त्रं प्रसारयामास पातालाम्बरसंनिभम्
352	5001174a	स ददर्श ततस्तस्या विकृतं सुमहन्मुखम्
353	5001174c	कायमात्रं च मेधावी मर्माणि च महाकपिः
354	5001175a	स तस्या विवृते वक्त्रे वज्रसंहननः कपिः
355	5001175c	संक्षिप्य मुहुरात्मानं निष्पपात महाबलः
356	5001176a	आस्ये तस्या निमज्जन्तं ददृशुः सिद्धचारणाः
357	5001176c	ग्रस्यमानं यथा चन्द्रं पूर्णं पर्वणि राहुणा
358	5001177a	ततस्तस्य नखैस्तीक्ष्णैर्मर्माण्युत्कृत्य वानरः
359	5001177c	उत्पपाताथ वेगेन मनःसंपातविक्रमः
360	5001178a	तां हतां वानरेणाशु पतितां वीक्ष्य सिंहिकाम्
361	5001178c	भूतान्याकाशचारीणि तमूचुः प्लवगर्षभम्
362	5001179a	भीममद्य कृतं कर्म महत्सत्त्वं त्वया हतम्
363	5001179c	साधयार्थमभिप्रेतमरिष्टं प्लवतां वर
364	5001180a	यस्य त्वेतानि चत्वारि वानरेन्द्र यथा तव
365	5001180c	धृतिर्दृष्टिर्मतिर्दाक्ष्यं स कर्मसु न सीदति
366	5001181a	स तैः संभावितः पूज्यः प्रतिपन्नप्रयोजनः
367	5001181c	जगामाकाशमाविश्य पन्नगाशनवत्कपिः
368	5001182a	प्राप्तभूयिष्ठ पारस्तु सर्वतः प्रतिलोकयन्
369	5001182c	योजनानां शतस्यान्ते वनराजिं ददर्श सः
370	5001183a	ददर्श च पतन्नेव विविधद्रुमभूषितम्
371	5001183c	द्वीपं शाखामृगश्रेष्ठो मलयोपवनानि च
372	5001184a	सागरं सागरानूपान्सागरानूपजान्द्रुमान्
373	5001184c	सागरस्य च पत्नीनां मुखान्यपि विलोकयन्
374	5001185a	स महामेघसंकाशं समीक्ष्यात्मानमात्मना
375	5001185c	निरुन्धन्तमिवाकाशं चकार मतिमान्मतिम्
376	5001186a	कायवृद्धिं प्रवेगं च मम दृष्ट्वैव राक्षसाः
377	5001186c	मयि कौतूहलं कुर्युरिति मेने महाकपिः
378	5001187a	ततः शरीरं संक्षिप्य तन्महीधरसंनिभम्
379	5001187c	पुनः प्रकृतिमापेदे वीतमोह इवात्मवान्
380	5001188a	स चारुनानाविधरूपधारी; परं समासाद्य समुद्रतीरम्
381	5001188c	परैरशक्यप्रतिपन्नरूपः; समीक्षितात्मा समवेक्षितार्थः
382	5001189a	ततः स लम्बस्य गिरेः समृद्धे; विचित्रकूटे निपपात कूटे
383	5001189c	सकेतकोद्दालकनालिकेरे; महाद्रिकूटप्रतिमो महात्मा
384	5001190a	स सागरं दानवपन्नगायुतं; बलेन विक्रम्य महोर्मिमालिनम्
385	5001190c	निपत्य तीरे च महोदधेस्तदा; ददर्श लङ्काममरावतीमिव
386	5002001a	स सागरमनाधृष्यमतिक्रम्य महाबलः
387	5002001c	त्रिकूटशिखरे लङ्कां स्थितां स्वस्थो ददर्श ह
388	5002002a	ततः पादपमुक्तेन पुष्पवर्षेण वीर्यवान्
389	5002002c	अभिवृष्टः स्थितस्तत्र बभौ पुष्पमयो यथा
390	5002003a	योजनानां शतं श्रीमांस्तीर्त्वाप्युत्तमविक्रमः
391	5002003c	अनिश्वसन्कपिस्तत्र न ग्लानिमधिगच्छति
392	5002004a	शतान्यहं योजनानां क्रमेयं सुबहून्यपि
393	5002004c	किं पुनः सागरस्यान्तं संख्यातं शतयोजनम्
394	5002005a	स तु वीर्यवतां श्रेष्ठः प्लवतामपि चोत्तमः
395	5002005c	जगाम वेगवाँल्लङ्कां लङ्घयित्वा महोदधिम्
396	5002006a	शाद्वलानि च नीलानि गन्धवन्ति वनानि च
397	5002006c	गण्डवन्ति च मध्येन जगाम नगवन्ति च
398	5002007a	शैलांश्च तरुसंछन्नान्वनराजीश्च पुष्पिताः
399	5002007c	अभिचक्राम तेजस्वी हनुमान्प्लवगर्षभः
400	5002008a	स तस्मिन्नचले तिष्ठन्वनान्युपवनानि च
401	5002008c	स नगाग्रे च तां लङ्कां ददर्श पवनात्मजः
402	5002009a	सरलान्कर्णिकारांश्च खर्जूरांश्च सुपुष्पितान्
403	5002009c	प्रियालान्मुचुलिन्दांश्च कुटजान्केतकानपि
404	5002010a	प्रियङ्गून्गन्धपूर्णांश्च नीपान्सप्तच्छदांस्तथा
405	5002010c	असनान्कोविदारांश्च करवीरांश्च पुष्पितान्
406	5002011a	पुष्पभारनिबद्धांश्च तथा मुकुलितानपि
407	5002011c	पादपान्विहगाकीर्णान्पवनाधूतमस्तकान्
408	5002012a	हंसकारण्डवाकीर्णा वापीः पद्मोत्पलायुताः
409	5002012c	आक्रीडान्विविधान्रम्यान्विविधांश्च जलाशयान्
410	5002013a	संततान्विविधैर्वृक्षैः सर्वर्तुफलपुष्पितैः
411	5002013c	उद्यानानि च रम्याणि ददर्श कपिकुञ्जरः
412	5002014a	समासाद्य च लक्ष्मीवाँल्लङ्कां रावणपालिताम्
413	5002014c	परिखाभिः सपद्माभिः सोत्पलाभिरलंकृताम्
414	5002015a	सीतापहरणार्थेन रावणेन सुरक्षिताम्
415	5002015c	समन्ताद्विचरद्भिश्च राक्षसैरुग्रधन्विभिः
416	5002016a	काञ्चनेनावृतां रम्यां प्राकारेण महापुरीम्
417	5002016c	अट्टालकशताकीर्णां पताकाध्वजमालिनीम्
418	5002017a	तोरणैः काञ्चनैर्दिव्यैर्लतापङ्क्तिविचित्रितैः
419	5002017c	ददर्श हनुमाँल्लङ्कां दिवि देवपुरीमिव
420	5002018a	गिरिमूर्ध्नि स्थितां लङ्कां पाण्डुरैर्भवनैः शुभैः
421	5002018c	ददर्श स कपिः श्रीमान्पुरमाकाशगं यथा
422	5002019a	पालितां राक्षसेन्द्रेण निर्मितां विश्वकर्मणा
423	5002019c	प्लवमानामिवाकाशे ददर्श हनुमान्पुरीम्
424	5002020a	संपूर्णां राक्षसैर्घोरैर्नागैर्भोगवतीमिव
425	5002020c	अचिन्त्यां सुकृतां स्पष्टां कुबेराध्युषितां पुरा
426	5002021a	दंष्ट्रिभिर्बहुभिः शूरैः शूलपट्टिशपाणिभिः
427	5002021c	रक्षितां राक्षसैर्घोरैर्गुहामाशीविषैरपि
428	5002022a	वप्रप्राकारजघनां विपुलाम्बुनवाम्बराम्
429	5002022c	शतघ्नीशूलकेशान्तामट्टालकवतंसकाम्
430	5002023a	द्वारमुत्तरमासाद्य चिन्तयामास वानरः
431	5002023c	कैलासशिखरप्रख्यमालिखन्तमिवाम्बरम्
432	5002023e	ध्रियमाणमिवाकाशमुच्छ्रितैर्भवनोत्तमैः
433	5002024a	तस्याश्च महतीं गुप्तिं सागरं च निरीक्ष्य सः
434	5002024c	रावणं च रिपुं घोरं चिन्तयामास वानरः
435	5002025a	आगत्यापीह हरयो भविष्यन्ति निरर्थकाः
436	5002025c	न हि युद्धेन वै लङ्का शक्या जेतुं सुरैरपि
437	5002026a	इमां तु विषमां दुर्गां लङ्कां रावणपालिताम्
438	5002026c	प्राप्यापि स महाबाहुः किं करिष्यति राघवः
439	5002027a	अवकाशो न सान्त्वस्य राक्षसेष्वभिगम्यते
440	5002027c	न दानस्य न भेदस्य नैव युद्धस्य दृश्यते
441	5002028a	चतुर्णामेव हि गतिर्वानराणां महात्मनाम्
442	5002028c	वालिपुत्रस्य नीलस्य मम राज्ञश्च धीमतः
443	5002029a	यावज्जानामि वैदेहीं यदि जीवति वा न वा
444	5002029c	तत्रैव चिन्तयिष्यामि दृष्ट्वा तां जनकात्मजाम्
445	5002030a	ततः स चिन्तयामास मुहूर्तं कपिकुञ्जरः
446	5002030c	गिरिशृङ्गे स्थितस्तस्मिन्रामस्याभ्युदये रतः
447	5002031a	अनेन रूपेण मया न शक्या रक्षसां पुरी
448	5002031c	प्रवेष्टुं राक्षसैर्गुप्ता क्रूरैर्बलसमन्वितैः
449	5002032a	उग्रौजसो महावीर्यो बलवन्तश्च राक्षसाः
450	5002032c	वञ्चनीया मया सर्वे जानकीं परिमार्गिता
451	5002033a	लक्ष्यालक्ष्येण रूपेण रात्रौ लङ्का पुरी मया
452	5002033c	प्रवेष्टुं प्राप्तकालं मे कृत्यं साधयितुं महत्
453	5002034a	तां पुरीं तादृशीं दृष्ट्वा दुराधर्षां सुरासुरैः
454	5002034c	हनूमांश्चिन्तयामास विनिःश्वस्य मुहुर्मुहुः
455	5002035a	केनोपायेन पश्येयं मैथिलीं जनकात्मजाम्
456	5002035c	अदृष्टो राक्षसेन्द्रेण रावणेन दुरात्मना
457	5002036a	न विनश्येत्कथं कार्यं रामस्य विदितात्मनः
458	5002036c	एकामेकश्च पश्येयं रहिते जनकात्मजाम्
459	5002037a	भूताश्चार्थो विपद्यन्ते देशकालविरोधिताः
460	5002037c	विक्लवं दूतमासाद्य तमः सूर्योदये यथा
461	5002038a	अर्थानर्थान्तरे बुद्धिर्निश्चितापि न शोभते
462	5002038c	घातयन्ति हि कार्याणि दूताः पण्डितमानिनः
463	5002039a	न विनश्येत्कथं कार्यं वैक्लव्यं न कथं भवेत्
464	5002039c	लङ्घनं च समुद्रस्य कथं नु न वृथा भवेत्
465	5002040a	मयि दृष्टे तु रक्षोभी रामस्य विदितात्मनः
466	5002040c	भवेद्व्यर्थमिदं कार्यं रावणानर्थमिच्छतः
467	5002041a	न हि शक्यं क्वचित्स्थातुमविज्ञातेन राक्षसैः
468	5002041c	अपि राक्षसरूपेण किमुतान्येन केनचित्
469	5002042a	वायुरप्यत्र नाज्ञातश्चरेदिति मतिर्मम
470	5002042c	न ह्यस्त्यविदितं किंचिद्राक्षसानां बलीयसाम्
471	5002043a	इहाहं यदि तिष्ठामि स्वेन रूपेण संवृतः
472	5002043c	विनाशमुपयास्यामि भर्तुरर्थश्च हीयते
473	5002044a	तदहं स्वेन रूपेण रजन्यां ह्रस्वतां गतः
474	5002044c	लङ्कामभिपतिष्यामि राघवस्यार्थसिद्धये
475	5002045a	रावणस्य पुरीं रात्रौ प्रविश्य सुदुरासदाम्
476	5002045c	विचिन्वन्भवनं सर्वं द्रक्ष्यामि जनकात्मजाम्
477	5002046a	इति संचिन्त्य हनुमान्सूर्यस्यास्तमयं कपिः
478	5002046c	आचकाङ्क्षे तदा वीरा वैदेह्या दर्शनोत्सुकः
479	5002046e	पृषदंशकमात्रः सन्बभूवाद्भुतदर्शनः
480	5002047a	प्रदोषकाले हनुमांस्तूर्णमुत्पत्य वीर्यवान्
481	5002047c	प्रविवेश पुरीं रम्यां सुविभक्तमहापथम्
482	5002048a	प्रासादमालाविततां स्तम्भैः काञ्चनराजतैः
483	5002048c	शातकुम्भमयैर्जालैर्गन्धर्वनगरोपमाम्
484	5002049a	सप्तभौमाष्टभौमैश्च स ददर्श महापुरीम्
485	5002049c	तलैः स्फाटिकसंपूर्णैः कार्तस्वरविभूषितैः
486	5002050a	वैदूर्यमणिचित्रैश्च मुक्ताजालविभूषितैः
487	5002050c	तलैः शुशुभिरे तानि भवनान्यत्र रक्षसाम्
488	5002051a	काञ्चनानि विचित्राणि तोरणानि च रक्षसाम्
489	5002051c	लङ्कामुद्द्योतयामासुः सर्वतः समलंकृताम्
490	5002052a	अचिन्त्यामद्भुताकारां दृष्ट्वा लङ्कां महाकपिः
491	5002052c	आसीद्विषण्णो हृष्टश्च वैदेह्या दर्शनोत्सुकः
492	5002053a	स पाण्डुरोद्विद्धविमानमालिनीं; महार्हजाम्बूनदजालतोरणाम्
493	5002053c	यशस्विनां रावणबाहुपालितां; क्षपाचरैर्भीमबलैः समावृताम्
494	5002054a	चन्द्रोऽपि साचिव्यमिवास्य कुर्वं;स्तारागणैर्मध्यगतो विराजन्
495	5002054c	ज्योत्स्नावितानेन वितत्य लोक;मुत्तिष्ठते नैकसहस्ररश्मिः
496	5002055a	शङ्खप्रभं क्षीरमृणालवर्ण;मुद्गच्छमानं व्यवभासमानम्
497	5002055c	ददर्श चन्द्रं स कपिप्रवीरः; पोप्लूयमानं सरसीव हंसं
498	5003001a	स लम्बशिखरे लम्बे लम्बतोयदसंनिभे
499	5003001c	सत्त्वमास्थाय मेधावी हनुमान्मारुतात्मजः
500	5003002a	निशि लङ्कां महासत्त्वो विवेश कपिकुञ्जरः
501	5003002c	रम्यकाननतोयाढ्यां पुरीं रावणपालिताम्
502	5003003a	शारदाम्बुधरप्रख्यैर्भवनैरुपशोभिताम्
503	5003003c	सागरोपमनिर्घोषां सागरानिलसेविताम्
504	5003004a	सुपुष्टबलसंगुप्तां यथैव विटपावतीम्
505	5003004c	चारुतोरणनिर्यूहां पाण्डुरद्वारतोरणाम्
506	5003005a	भुजगाचरितां गुप्तां शुभां भोगवतीमिव
507	5003005c	तां सविद्युद्घनाकीर्णां ज्योतिर्मार्गनिषेविताम्
508	5003006a	चण्डमारुतनिर्ह्रादां यथेन्द्रस्यामरावतीम्
509	5003006c	शातकुम्भेन महता प्राकारेणाभिसंवृताम्
510	5003007a	किङ्किणीजालघोषाभिः पताकाभिरलंकृताम्
511	5003007c	आसाद्य सहसा हृष्टः प्राकारमभिपेदिवान्
512	5003008a	विस्मयाविष्टहृदयः पुरीमालोक्य सर्वतः
513	5003008c	जाम्बूनदमयैर्द्वारैर्वैदूर्यकृतवेदिकैः
514	5003009a	मणिस्फटिक मुक्ताभिर्मणिकुट्टिमभूषितैः
515	5003009c	तप्तहाटकनिर्यूहै राजतामलपाण्डुरैः
516	5003010a	वैदूर्यतलसोपानैः स्फाटिकान्तरपांसुभिः
517	5003010c	चारुसंजवनोपेतैः खमिवोत्पतितैः शुभैः
518	5003011a	क्रौञ्चबर्हिणसंघुष्टे राजहंसनिषेवितैः
519	5003011c	तूर्याभरणनिर्घोषैः सर्वतः प्रतिनादिताम्
520	5003012a	वस्वोकसाराप्रतिमां समीक्ष्य नगरीं ततः
521	5003012c	खमिवोत्पतितां लङ्कां जहर्ष हनुमान्कपिः
522	5003013a	तां समीक्ष्य पुरीं लङ्कां राक्षसाधिपतेः शुभाम्
523	5003013c	अनुत्तमामृद्धियुतां चिन्तयामास वीर्यवान्
524	5003014a	नेयमन्येन नगरी शक्या धर्षयितुं बलात्
525	5003014c	रक्षिता रावणबलैरुद्यतायुधधारिभिः
526	5003015a	कुमुदाङ्गदयोर्वापि सुषेणस्य महाकपेः
527	5003015c	प्रसिद्धेयं भवेद्भूमिर्मैन्दद्विविदयोरपि
528	5003016a	विवस्वतस्तनूजस्य हरेश्च कुशपर्वणः
529	5003016c	ऋक्षस्य केतुमालस्य मम चैव गतिर्भवेत्
530	5003017a	समीक्ष्य तु महाबाहो राघवस्य पराक्रमम्
531	5003017c	लक्ष्मणस्य च विक्रान्तमभवत्प्रीतिमान्कपिः
532	5003018a	तां रत्नवसनोपेतां कोष्ठागारावतंसकाम्
533	5003018c	यन्त्रागारस्तनीमृद्धां प्रमदामिव भूषिताम्
534	5003019a	तां नष्टतिमिरां दीपैर्भास्वरैश्च महागृहैः
535	5003019c	नगरीं राक्षसेन्द्रस्य ददर्श स महाकपिः
536	5003020a	प्रविष्टः सत्त्वसंपन्नो निशायां मारुतात्मजः
537	5003020c	स महापथमास्थाय मुक्तापुष्पविराजितम्
538	5003021a	हसितोद्घुष्टनिनदैस्तूर्यघोष पुरः सरैः
539	5003021c	वज्राङ्कुशनिकाशैश्च वज्रजालविभूषितैः
540	5003021e	गृहमेधैः पुरी रम्या बभासे द्यौरिवाम्बुदैः
541	5003022a	प्रजज्वाल तदा लङ्का रक्षोगणगृहैः शुभैः
542	5003022c	सिताभ्रसदृशैश्चित्रैः पद्मस्वस्तिकसंस्थितैः
543	5003022e	वर्धमानगृहैश्चापि सर्वतः सुविभाषितैः
544	5003023a	तां चित्रमाल्याभरणां कपिराजहितंकरः
545	5003023c	राघवार्थं चरञ्श्रीमान्ददर्श च ननन्द च
546	5003024a	शुश्राव मधुरं गीतं त्रिस्थानस्वरभूषितम्
547	5003024c	स्त्रीणां मदसमृद्धानां दिवि चाप्सरसामिव
548	5003025a	शुश्राव काञ्चीनिनादं नूपुराणां च निःस्वनम्
549	5003025c	सोपाननिनदांश्चैव भवनेषु महात्मनम्
550	5003025e	आस्फोटितनिनादांश्च क्ष्वेडितांश्च ततस्ततः
551	5003026a	स्वाध्याय निरतांश्चैव यातुधानान्ददर्श सः
552	5003026c	रावणस्तवसंयुक्तान्गर्जतो राक्षसानपि
553	5003027a	राजमार्गं समावृत्य स्थितं रक्षोबलं महत्
554	5003027c	ददर्श मध्यमे गुल्मे राक्षसस्य चरान्बहून्
555	5003028a	दीक्षिताञ्जटिलान्मुण्डान्गोऽजिनाम्बरवाससः
556	5003028c	दर्भमुष्टिप्रहरणानग्निकुण्डायुधांस्तथा
557	5003029a	कूटमुद्गरपाणींश्च दण्डायुधधरानपि
558	5003029c	एकाक्षानेककर्णांश्च चलल्लम्बपयोधरान्
559	5003030a	करालान्भुग्नवक्त्रांश्च विकटान्वामनांस्तथा
560	5003030c	धन्विनः खड्गिनश्चैव शतघ्नी मुसलायुधान्
561	5003030e	परिघोत्तमहस्तांश्च विचित्रकवचोज्ज्वलान्
562	5003031a	नातिष्ठूलान्नातिकृशान्नातिदीर्घातिह्रस्वकान्
563	5003031c	विरूपान्बहुरूपांश्च सुरूपांश्च सुवर्चसः
564	5003032a	शक्तिवृक्षायुधांश्चैव पट्टिशाशनिधारिणः
565	5003032c	क्षेपणीपाशहस्तांश्च ददर्श स महाकपिः
566	5003033a	स्रग्विणस्त्वनुलिप्तांश्च वराभरणभूषितान्
567	5003033c	तीक्ष्णशूलधरांश्चैव वज्रिणश्च महाबलान्
568	5003034a	शतसाहस्रमव्यग्रमारक्षं मध्यमं कपिः
569	5003034c	प्राकारावृतमत्यन्तं ददर्श स महाकपिः
570	5003035a	त्रिविष्टपनिभं दिव्यं दिव्यनादविनादितम्
571	5003035c	वाजिहेषितसंघुष्टं नादितं भूषणैस्तथा
572	5003036a	रथैर्यानैर्विमानैश्च तथा गजहयैः शुभैः
573	5003036c	वारणैश्च चतुर्दन्तैः श्वेताभ्रनिचयोपमैः
574	5003037a	भूषितं रुचिरद्वारं मत्तैश्च मृगपक्षिभिः
575	5003037c	राक्षसाधिपतेर्गुप्तमाविवेश गृहं कपिः
576	5004001a	ततः स मध्यं गतमंशुमन्तं; ज्योत्स्नावितानं महदुद्वमन्तम्
577	5004001c	ददर्श धीमान्दिवि भानुमन्तं; गोष्ठे वृषं मत्तमिव भ्रमन्तम्
578	5004002a	लोकस्य पापानि विनाशयन्तं; महोदधिं चापि समेधयन्तम्
579	5004002c	भूतानि सर्वाणि विराजयन्तं; ददर्श शीतांशुमथाभियान्तम्
580	5004003a	या भाति लक्ष्मीर्भुवि मन्दरस्था; तथा प्रदोषेषु च सागरस्था
581	5004003c	तथैव तोयेषु च पुष्करस्था; रराज सा चारुनिशाकरस्था
582	5004004a	हंसो यथा राजतपञ्जुरस्थः; सिंहो यथा मन्दरकन्दरस्थः
583	5004004c	वीरो यथा गर्वितकुञ्जरस्थ;श्चन्द्रोऽपि बभ्राज तथाम्बरस्थः
584	5004005a	स्थितः ककुद्मानिव तीक्ष्णशृङ्गो; महाचलः श्वेत इवोच्चशृङ्गः
585	5004005c	हस्तीव जाम्बूनदबद्धशृङ्गो; विभाति चन्द्रः परिपूर्णशृङ्गः
586	5004006a	प्रकाशचन्द्रोदयनष्टदोषः; प्रवृद्धरक्षः पिशिताशदोषः
587	5004006c	रामाभिरामेरितचित्तदोषः; स्वर्गप्रकाशो भगवान्प्रदोषः
588	5004007a	तन्त्री स्वनाः कर्णसुखाः प्रवृत्ताः; स्वपन्ति नार्यः पतिभिः सुवृत्ताः
589	5004007c	नक्तंचराश्चापि तथा प्रवृत्ता; विहर्तुमत्यद्भुतरौद्रवृत्ताः
590	5004008a	मत्तप्रमत्तानि समाकुलानि; रथाश्वभद्रासनसंकुलानि
591	5004008c	वीरश्रिया चापि समाकुलानि; ददर्श धीमान्स कपिः कुलानि
592	5004009a	परस्परं चाधिकमाक्षिपन्ति; भुजांश्च पीनानधिविक्षिपन्ति
593	5004009c	मत्तप्रलापानधिविक्षिपन्ति; मत्तानि चान्योन्यमधिक्षिपन्ति
594	5004010a	रक्षांसि वक्षांसि च विक्षिपन्ति; गात्राणि कान्तासु च विक्षिपन्ति
595	5004010c	ददर्श कान्ताश्च समालपन्ति; तथापरास्तत्र पुनः स्वपन्ति
596	5004011a	महागजैश्चापि तथा नदद्भिः; सूपूजितैश्चापि तथा सुसद्भिः
597	5004011c	रराज वीरैश्च विनिःश्वसद्भि;र्ह्रदो भुजङ्गैरिव निःश्वसद्भिः
598	5004012a	बुद्धिप्रधानान्रुचिराभिधाना;न्संश्रद्दधानाञ्जगतः प्रधानान्
599	5004012c	नानाविधानान्रुचिराभिधाना;न्ददर्श तस्यां पुरि यातुधानान्
600	5004013a	ननन्द दृष्ट्वा स च तान्सुरूपा;न्नानागुणानात्मगुणानुरूपान्
601	5004013c	विद्योतमानान्स च तान्सुरूपा;न्ददर्श कांश्चिच्च पुनर्विरूपान्
602	5004014a	ततो वरार्हाः सुविशुद्धभावा;स्तेषां स्त्रियस्तत्र महानुभावाः
603	5004014c	प्रियेषु पानेषु च सक्तभावा; ददर्श तारा इव सुप्रभावाः
604	5004015a	श्रिया ज्वलन्तीस्त्रपयोपगूढा; निशीथकाले रमणोपगूढाः
605	5004015c	ददर्श काश्चित्प्रमदोपगूढा; यथा विहंगाः कुसुमोपगूडाः
606	5004016a	अन्याः पुनर्हर्म्यतलोपविष्टा;स्तत्र प्रियाङ्केषु सुखोपविष्टाः
607	5004016c	भर्तुः प्रिया धर्मपरा निविष्टा; ददर्श धीमान्मनदाभिविष्टाः
608	5004017a	अप्रावृताः काञ्चनराजिवर्णाः; काश्चित्परार्ध्यास्तपनीयवर्णाः
609	5004017c	पुनश्च काश्चिच्छशलक्ष्मवर्णाः; कान्तप्रहीणा रुचिराङ्गवर्णाः
610	5004018a	ततः प्रियान्प्राप्य मनोऽभिरामा;न्सुप्रीतियुक्ताः प्रसमीक्ष्य रामाः
611	5004018c	गृहेषु हृष्टाः परमाभिरामा; हरिप्रवीरः स ददर्श रामाः
612	5004019a	चन्द्रप्रकाशाश्च हि वक्त्रमाला; वक्राक्षिपक्ष्माश्च सुनेत्रमालाः
613	5004019c	विभूषणानां च ददर्श मालाः; शतह्रदानामिव चारुमालाः
614	5004020a	न त्वेव सीतां परमाभिजातां; पथि स्थिते राजकुले प्रजाताम्
615	5004020c	लतां प्रफुल्लामिव साधुजातां; ददर्श तन्वीं मनसाभिजाताम्
616	5004021a	सनातने वर्त्मनि संनिविष्टां; रामेक्षणीं तां मदनाभिविष्टाम्
617	5004021c	भर्तुर्मनः श्रीमदनुप्रविष्टां; स्त्रीभ्यो वराभ्यश्च सदा विशिष्टाम्
618	5004022a	उष्णार्दितां सानुसृतास्रकण्ठीं; पुरा वरार्होत्तमनिष्ककण्ठीम्
619	5004022c	सुजातपक्ष्मामभिरक्तकण्ठीं; वने प्रवृत्तामिव नीलकण्ठीम्
620	5004023a	अव्यक्तलेखामिव चन्द्रलेखां; पांसुप्रदिग्धामिव हेमलेखाम्
621	5004023c	क्षतप्ररूढामिव बाणलेखां; वायुप्रभिन्नामिव मेघलेखाम्
622	5004024a	सीतामपश्यन्मनुजेश्वरस्य; रामस्य पत्नीं वदतां वरस्य
623	5004024c	बभूव दुःखाभिहतश्चिरस्य; प्लवंगमो मन्द इवाचिरस्य
624	5005001a	स निकामं विनामेषु विचरन्कामरूपधृक्
625	5005001c	विचचार कपिर्लङ्कां लाघवेन समन्वितः
626	5005002a	आससादाथ लक्ष्मीवान्राक्षसेन्द्रनिवेशनम्
627	5005002c	प्राकारेणार्कवर्णेन भास्वरेणाभिसंवृतम्
628	5005003a	रक्षितं राक्षसैर्भीमैः सिंहैरिव महद्वनम्
629	5005003c	समीक्षमाणो भवनं चकाशे कपिकुञ्जरः
630	5005004a	रूप्यकोपहितैश्चित्रैस्तोरणैर्हेमभूषितैः
631	5005004c	विचित्राभिश्च कक्ष्याभिर्द्वारैश्च रुचिरैर्वृतम्
632	5005005a	गजास्थितैर्महामात्रैः शूरैश्च विगतश्रमैः
633	5005005c	उपस्थितमसंहार्यैर्हयैः स्यन्दनयायिभिः
634	5005006a	सिंहव्याघ्रतनुत्राणैर्दान्तकाञ्चनराजतैः
635	5005006c	घोषवद्भिर्विचित्रैश्च सदा विचरितं रथैः
636	5005007a	बहुरत्नसमाकीर्णं परार्ध्यासनभाजनम्
637	5005007c	महारथसमावासं महारथमहासनम्
638	5005008a	दृश्यैश्च परमोदारैस्तैस्तैश्च मृगपक्षिभिः
639	5005008c	विविधैर्बहुसाहस्रैः परिपूर्णं समन्ततः
640	5005009a	विनीतैरन्तपालैश्च रक्षोभिश्च सुरक्षितम्
641	5005009c	मुख्याभिश्च वरस्त्रीभिः परिपूर्णं समन्ततः
642	5005010a	मुदितप्रमदा रत्नं राक्षसेन्द्रनिवेशनम्
643	5005010c	वराभरणनिर्ह्रादैः समुद्रस्वननिःस्वनम्
644	5005011a	तद्राजगुणसंपन्नं मुख्यैश्च वरचन्दनैः
645	5005011c	भेरीमृदङ्गाभिरुतं शङ्खघोषविनादितम्
646	5005012a	नित्यार्चितं पर्वहुतं पूजितं राक्षसैः सदा
647	5005012c	समुद्रमिव गम्भीरं समुद्रमिव निःस्वनम्
648	5005013a	महात्मानो महद्वेश्म महारत्नपरिच्छदम्
649	5005013c	महाजनसमाकीर्णं ददर्श स महाकपिः
650	5005014a	विराजमानं वपुषा गजाश्वरथसंकुलम्
651	5005014c	लङ्काभरणमित्येव सोऽमन्यत महाकपिः
652	5005015a	गृहाद्गृहं राक्षसानामुद्यानानि च वानरः
653	5005015c	वीक्षमाणो ह्यसंत्रस्तः प्रासादांश्च चचार सः
654	5005016a	अवप्लुत्य महावेगः प्रहस्तस्य निवेशनम्
655	5005016c	ततोऽन्यत्पुप्लुवे वेश्म महापार्श्वस्य वीर्यवान्
656	5005017a	अथ मेघप्रतीकाशं कुम्भकर्णनिवेशनम्
657	5005017c	विभीषणस्य च तथा पुप्लुवे स महाकपिः
658	5005018a	महोदरस्य च तथा विरूपाक्षस्य चैव हि
659	5005018c	विद्युज्जिह्वस्य भवनं विद्युन्मालेस्तथैव च
660	5005018e	वज्रदंष्ट्रस्य च तथा पुप्लुवे स महाकपिः
661	5005019a	शुकस्य च महावेगः सारणस्य च धीमतः
662	5005019c	तथा चेन्द्रजितो वेश्म जगाम हरियूथपः
663	5005020a	जम्बुमालेः सुमालेश्च जगाम हरियूथपः
664	5005020c	रश्मिकेतोश्च भवनं सूर्यशत्रोस्तथैव च
665	5005021a	धूम्राक्षस्य च संपातेर्भवनं मारुतात्मजः
666	5005021c	विद्युद्रूपस्य भीमस्य घनस्य विघनस्य च
667	5005022a	शुकनाभस्य वक्रस्य शठस्य विकटस्य च
668	5005022c	ह्रस्वकर्णस्य दंष्ट्रस्य रोमशस्य च रक्षसः
669	5005023a	युद्धोन्मत्तस्य मत्तस्य ध्वजग्रीवस्य नादिनः
670	5005023c	विद्युज्जिह्वेन्द्रजिह्वानां तथा हस्तिमुखस्य च
671	5005024a	करालस्य पिशाचस्य शोणिताक्षस्य चैव हि
672	5005024c	क्रममाणः क्रमेणैव हनूमान्मारुतात्मजः
673	5005025a	तेषु तेषु महार्हेषु भवनेषु महायशाः
674	5005025c	तेषामृद्धिमतामृद्धिं ददर्श स महाकपिः
675	5005026a	सर्वेषां समतिक्रम्य भवनानि समन्ततः
676	5005026c	आससादाथ लक्ष्मीवान्राक्षसेन्द्रनिवेशनम्
677	5005027a	रावणस्योपशायिन्यो ददर्श हरिसत्तमः
678	5005027c	विचरन्हरिशार्दूलो राक्षसीर्विकृतेक्षणाः
679	5005027e	शूलमुद्गरहस्ताश्च शक्तो तोमरधारिणीः
680	5005028a	ददर्श विविधान्गुल्मांस्तस्य रक्षःपतेर्गृहे
681	5005029a	रक्ताञ्श्वेतान्सितांश्चैव हरींश्चैव महाजवान्
682	5005029c	कुलीनान्रूपसंपन्नान्गजान्परगजारुजान्
683	5005030a	निष्ठितान्गजशिखायामैरावतसमान्युधि
684	5005030c	निहन्तॄन्परसैन्यानां गृहे तस्मिन्ददर्श सः
685	5005031a	क्षरतश्च यथा मेघान्स्रवतश्च यथा गिरीन्
686	5005031c	मेघस्तनितनिर्घोषान्दुर्धर्षान्समरे परैः
687	5005032a	सहस्रं वाहिनीस्तत्र जाम्बूनदपरिष्कृताः
688	5005032c	हेमजालैरविच्छिन्नास्तरुणादित्यसंनिभाः
689	5005033a	ददर्श राक्षसेन्द्रस्य रावणस्य निवेशने
690	5005033c	शिबिका विविधाकाराः स कपिर्मारुतात्मजः
691	5005034a	लतागृहाणि चित्राणि चित्रशालागृहाणि च
692	5005034c	क्रीडागृहाणि चान्यानि दारुपर्वतकानपि
693	5005035a	कामस्य गृहकं रम्यं दिवागृहकमेव च
694	5005035c	ददर्श राक्षसेन्द्रस्य रावणस्य निवेशने
695	5005036a	स मन्दरतलप्रख्यं मयूरस्थानसंकुलम्
696	5005036c	ध्वजयष्टिभिराकीर्णं ददर्श भवनोत्तमम्
697	5005037a	अनन्तरत्ननिचयं निधिजालं समन्ततः
698	5005037c	धीरनिष्ठितकर्मान्तं गृहं भूतपतेरिव
699	5005038a	अर्चिर्भिश्चापि रत्नानां तेजसा रावणस्य च
700	5005038c	विरराजाथ तद्वेश्म रश्मिमानिव रश्मिभिः
701	5005039a	जाम्बूनदमयान्येव शयनान्यासनानि च
702	5005039c	भाजनानि च शुभ्राणि ददर्श हरियूथपः
703	5005040a	मध्वासवकृतक्लेदं मणिभाजनसंकुलम्
704	5005040c	मनोरममसंबाधं कुबेरभवनं यथा
705	5005041a	नूपुराणां च घोषेण काञ्चीनां निनदेन च
706	5005041c	मृदङ्गतलघोषैश्च घोषवद्भिर्विनादितम्
707	5005042a	प्रासादसंघातयुतं स्त्रीरत्नशतसंकुलम्
708	5005042c	सुव्यूढकक्ष्यं हनुमान्प्रविवेश महागृहम्
709	5006001a	स वेश्मजालं बलवान्ददर्श; व्यासक्तवैदूर्यसुवर्णजालम्
710	5006001c	यथा महत्प्रावृषि मेघजालं; विद्युत्पिनद्धं सविहंगजालम्
711	5006002a	निवेशनानां विविधाश्च शालाः; प्रधानशङ्खायुधचापशालाः
712	5006002c	मनोहराश्चापि पुनर्विशाला; ददर्श वेश्माद्रिषु चन्द्रशालाः
713	5006003a	गृहाणि नानावसुराजितानि; देवासुरैश्चापि सुपूजितानि
714	5006003c	सर्वैश्च दोषैः परिवर्जितानि; कपिर्ददर्श स्वबलार्जितानि
715	5006004a	तानि प्रयत्नाभिसमाहितानि; मयेन साक्षादिव निर्मितानि
716	5006004c	महीतले सर्वगुणोत्तराणि; ददर्श लङ्काधिपतेर्गृहाणि
717	5006005a	ततो ददर्शोच्छ्रितमेघरूपं; मनोहरं काञ्चनचारुरूपम्
718	5006005c	रक्षोऽधिपस्यात्मबलानुरूपं; गृहोत्तमं ह्यप्रतिरूपरूपम्
719	5006006a	महीतले स्वर्गमिव प्रकीर्णं; श्रिया ज्वलन्तं बहुरत्नकीर्णम्
720	5006006c	नानातरूणां कुसुमावकीर्णं; गिरेरिवाग्रं रजसावकीर्णम्
721	5006007a	नारीप्रवेकैरिव दीप्यमानं; तडिद्भिरम्भोदवदर्च्यमानम्
722	5006007c	हंसप्रवेकैरिव वाह्यमानं; श्रिया युतं खे सुकृतां विमानम्
723	5006008a	यथा नगाग्रं बहुधातुचित्रं; यथा नभश्च ग्रहचन्द्रचित्रम्
724	5006008c	ददर्श युक्तीकृतमेघचित्रं; विमानरत्नं बहुरत्नचित्रम्
725	5006009a	मही कृता पर्वतराजिपूर्णा; शैलाः कृता वृक्षवितानपूर्णाः
726	5006009c	वृक्षाः कृताः पुष्पवितानपूर्णाः; पुष्पं कृतं केसरपत्रपूर्णम्
727	5006010a	कृतानि वेश्मानि च पाण्डुराणि; तथा सुपुष्पा अपि पुष्करिण्यः
728	5006010c	पुनश्च पद्मानि सकेसराणि; धन्यानि चित्राणि तथा वनानि
729	5006011a	पुष्पाह्वयं नाम विराजमानं; रत्नप्रभाभिश्च विवर्धमानम्
730	5006011c	वेश्मोत्तमानामपि चोच्चमानं; महाकपिस्तत्र महाविमानम्
731	5006012a	कृताश्च वैदूर्यमया विहंगा; रूप्यप्रवालैश्च तथा विहंगाः
732	5006012c	चित्राश्च नानावसुभिर्भुजंगा; जात्यानुरूपास्तुरगाः शुभाङ्गाः
733	5006013a	प्रवालजाम्बूनदपुष्पपक्षाः; सलीलमावर्जितजिह्मपक्षाः
734	5006013c	कामस्य साक्षादिव भान्ति पक्षाः; कृता विहंगाः सुमुखाः सुपक्षाः
735	5006014a	नियुज्यमानाश्च गजाः सुहस्ताः; सकेसराश्चोत्पलपत्रहस्ताः
736	5006014c	बभूव देवी च कृता सुहस्ता; लक्ष्मीस्तथा पद्मिनि पद्महस्ता
737	5006015a	इतीव तद्गृहमभिगम्य शोभनं; सविस्मयो नगमिव चारुशोभनम्
738	5006015c	पुनश्च तत्परमसुगन्धि सुन्दरं; हिमात्यये नगमिव चारुकन्दरम्
739	5006016a	ततः स तां कपिरभिपत्य पूजितां; चरन्पुरीं दशमुखबाहुपालिताम्
740	5006016c	अदृश्य तां जनकसुतां सुपूजितां; सुदुःखितां पतिगुणवेगनिर्जिताम्
741	5006017a	ततस्तदा बहुविधभावितात्मनः; कृतात्मनो जनकसुतां सुवर्त्मनः
742	5006017c	अपश्यतोऽभवदतिदुःखितं मनः; सुचक्षुषः प्रविचरतो महात्मनः
743	5007001a	तस्यालयवरिष्ठस्य मध्ये विपुलमायतम्
744	5007001c	ददर्श भवनश्रेष्ठं हनूमान्मारुतात्मजः
745	5007002a	अर्धयोजनविस्तीर्णमायतं योजनं हि तत्
746	5007002c	भवनं राक्षसेन्द्रस्य बहुप्रासादसंकुलम्
747	5007003a	मार्गमाणस्तु वैदेहीं सीतामायतलोचनाम्
748	5007003c	सर्वतः परिचक्राम हनूमानरिसूदनः
749	5007004a	चतुर्विषाणैर्द्विरदैस्त्रिविषाणैस्तथैव च
750	5007004c	परिक्षिप्तमसंबाधं रक्ष्यमाणमुदायुधैः
751	5007005a	राक्षसीभिश्च पत्नीभी रावणस्य निवेशनम्
752	5007005c	आहृताभिश्च विक्रम्य राजकन्याभिरावृतम्
753	5007006a	तन्नक्रमकराकीर्णं तिमिंगिलझषाकुलम्
754	5007006c	वायुवेगसमाधूतं पन्नगैरिव सागरम्
755	5007007a	या हि वैश्वरणे लक्ष्मीर्या चेन्द्रे हरिवाहने
756	5007007c	सा रावणगृहे सर्वा नित्यमेवानपायिनी
757	5007008a	या च राज्ञः कुबेरस्य यमस्य वरुणस्य च
758	5007008c	तादृशी तद्विशिष्टा वा ऋद्धी रक्षो गृहेष्विह
759	5007009a	तस्य हर्म्यस्य मध्यस्थं वेश्म चान्यत्सुनिर्मितम्
760	5007009c	बहुनिर्यूह संकीर्णं ददर्श पवनात्मजः
761	5007010a	ब्रह्मणोऽर्थे कृतं दिव्यं दिवि यद्विश्वकर्मणा
762	5007010c	विमानं पुष्पकं नाम सर्वरत्नविभूषितम्
763	5007011a	परेण तपसा लेभे यत्कुबेरः पितामहात्
764	5007011c	कुबेरमोजसा जित्वा लेभे तद्राक्षसेश्वरः
765	5007012a	ईहा मृगसमायुक्तैः कार्यस्वरहिरण्मयैः
766	5007012c	सुकृतैराचितं स्तम्भैः प्रदीप्तमिव च श्रिया
767	5007013a	मेरुमन्दरसंकाशैरुल्लिखद्भिरिवाम्बरम्
768	5007013c	कूटागारैः शुभाकारैः सर्वतः समलंकृतम्
769	5007014a	ज्वलनार्कप्रतीकाशं सुकृतं विश्वकर्मणा
770	5007014c	हेमसोपानसंयुक्तं चारुप्रवरवेदिकम्
771	5007015a	जालवातायनैर्युक्तं काञ्चनैः स्थाटिकैरपि
772	5007015c	इन्द्रनीलमहानीलमणिप्रवरवेदिकम्
773	5007015e	विमानं पुष्पकं दिव्यमारुरोह महाकपिः
774	5007016a	तत्रस्थः स तदा गन्धं पानभक्ष्यान्नसंभवम्
775	5007016c	दिव्यं संमूर्छितं जिघ्रन्रूपवन्तमिवानिलम्
776	5007017a	स गन्धस्तं महासत्त्वं बन्धुर्बन्धुमिवोत्तमम्
777	5007017c	इत एहीत्युवाचेव तत्र यत्र स रावणः
778	5007018a	ततस्तां प्रस्थितः शालां ददर्श महतीं शुभाम्
779	5007018c	रावणस्य मनःकान्तां कान्तामिव वरस्त्रियम्
780	5007019a	मणिसोपानविकृतां हेमजालविराजिताम्
781	5007019c	स्फाटिकैरावृततलां दन्तान्तरितरूपिकाम्
782	5007020a	मुक्ताभिश्च प्रवालैश्च रूप्यचामीकरैरपि
783	5007020c	विभूषितां मणिस्तम्भैः सुबहुस्तम्भभूषिताम्
784	5007021a	समैरृजुभिरत्युच्चैः समन्तात्सुविभूषितैः
785	5007021c	स्तम्भैः पक्षैरिवात्युच्चैर्दिवं संप्रस्थितामिव
786	5007022a	महत्या कुथयास्त्रीणं पृथिवीलक्षणाङ्कया
787	5007022c	पृथिवीमिव विस्तीर्णां सराष्ट्रगृहमालिनीम्
788	5007023a	नादितां मत्तविहगैर्दिव्यगन्धाधिवासिताम्
789	5007023c	परार्ध्यास्तरणोपेतां रक्षोऽधिपनिषेविताम्
790	5007024a	धूम्रामगरुधूपेन विमलां हंसपाण्डुराम्
791	5007024c	चित्रां पुष्पोपहारेण कल्माषीमिव सुप्रभाम्
792	5007025a	मनःसंह्लादजननीं वर्णस्यापि प्रसादिनीम्
793	5007025c	तां शोकनाशिनीं दिव्यां श्रियः संजननीमिव
794	5007026a	इन्द्रियाणीन्द्रियार्थैस्तु पञ्च पञ्चभिरुत्तमैः
795	5007026c	तर्पयामास मातेव तदा रावणपालिता
796	5007027a	स्वर्गोऽयं देवलोकोऽयमिन्द्रस्येयं पुरी भवेत्
797	5007027c	सिद्धिर्वेयं परा हि स्यादित्यमन्यत मारुतिः
798	5007028a	प्रध्यायत इवापश्यत्प्रदीपांस्तत्र काञ्चनान्
799	5007028c	धूर्तानिव महाधूर्तैर्देवनेन पराजितान्
800	5007029a	दीपानां च प्रकाशेन तेजसा रावणस्य च
801	5007029c	अर्चिर्भिर्भूषणानां च प्रदीप्तेत्यभ्यमन्यत
802	5007030a	ततोऽपश्यत्कुथासीनं नानावर्णाम्बरस्रजम्
803	5007030c	सहस्रं वरनारीणां नानावेषविभूषितम्
804	5007031a	परिवृत्तेऽर्धरात्रे तु पाननिद्रावशं गतम्
805	5007031c	क्रीडित्वोपरतं रात्रौ सुष्वाप बलवत्तदा
806	5007032a	तत्प्रसुप्तं विरुरुचे निःशब्दान्तरभूषणम्
807	5007032c	निःशब्दहंसभ्रमरं यथा पद्मवनं महत्
808	5007033a	तासां संवृतदन्तानि मीलिताक्षाणि मारुतिः
809	5007033c	अपश्यत्पद्मगन्धीनि वदनानि सुयोषिताम्
810	5007034a	प्रबुद्धानीव पद्मानि तासां भूत्वा क्षपाक्षये
811	5007034c	पुनःसंवृतपत्राणि रात्राविव बभुस्तदा
812	5007035a	इमानि मुखपद्मानि नियतं मत्तषट्पदाः
813	5007035c	अम्बुजानीव फुल्लानि प्रार्थयन्ति पुनः पुनः
814	5007036a	इति वामन्यत श्रीमानुपपत्त्या महाकपिः
815	5007036c	मेने हि गुणतस्तानि समानि सलिलोद्भवैः
816	5007037a	सा तस्य शुशुभे शाला ताभिः स्त्रीभिर्विराजिता
817	5007037c	शारदीव प्रसन्ना द्यौस्ताराभिरभिशोभिता
818	5007038a	स च ताभिः परिवृतः शुशुभे राक्षसाधिपः
819	5007038c	यथा ह्युडुपतिः श्रीमांस्ताराभिरभिसंवृतः
820	5007039a	याश्च्यवन्तेऽम्बरात्ताराः पुण्यशेषसमावृताः
821	5007039c	इमास्ताः संगताः कृत्स्ना इति मेने हरिस्तदा
822	5007040a	ताराणामिव सुव्यक्तं महतीनां शुभार्चिषाम्
823	5007040c	प्रभावर्णप्रसादाश्च विरेजुस्तत्र योषिताम्
824	5007041a	व्यावृत्तगुरुपीनस्रक्प्रकीर्णवरभूषणाः
825	5007041c	पानव्यायामकालेषु निद्रापहृतचेतसः
826	5007042a	व्यावृत्ततिलकाः काश्चित्काश्चिदुद्भ्रान्तनूपुराः
827	5007042c	पार्श्वे गलितहाराश्च काश्चित्परमयोषितः
828	5007043a	मुखा हारवृताश्चान्याः काश्चित्प्रस्रस्तवाससः
829	5007043c	व्याविद्धरशना दामाः किशोर्य इव वाहिताः
830	5007044a	सुकुण्डलधराश्चान्या विच्छिन्नमृदितस्रजः
831	5007044c	गजेन्द्रमृदिताः फुल्ला लता इव महावने
832	5007045a	चन्द्रांशुकिरणाभाश्च हाराः कासांचिदुत्कटाः
833	5007045c	हंसा इव बभुः सुप्ताः स्तनमध्येषु योषिताम्
834	5007046a	अपरासां च वैदूर्याः कादम्बा इव पक्षिणः
835	5007046c	हेमसूत्राणि चान्यासां चक्रवाका इवाभवन्
836	5007047a	हंसकारण्डवाकीर्णाश्चक्रवाकोपशोभिताः
837	5007047c	आपगा इव ता रेजुर्जघनैः पुलिनैरिव
838	5007048a	किङ्किणीजालसंकाशास्ता हेमविपुलाम्बुजाः
839	5007048c	भावग्राहा यशस्तीराः सुप्ता नद्य इवाबभुः
840	5007049a	मृदुष्वङ्गेषु कासांचित्कुचाग्रेषु च संस्थिताः
841	5007049c	बभूवुर्भूषणानीव शुभा भूषणराजयः
842	5007050a	अंशुकान्ताश्च कासांचिन्मुखमारुतकम्पिताः
843	5007050c	उपर्युपरि वक्त्राणां व्याधूयन्ते पुनः पुनः
844	5007051a	ताः पाताका इवोद्धूताः पत्नीनां रुचिरप्रभाः
845	5007051c	नानावर्णसुवर्णानां वक्त्रमूलेषु रेजिरे
846	5007052a	ववल्गुश्चात्र कासांचित्कुण्डलानि शुभार्चिषाम्
847	5007052c	मुखमारुतसंसर्गान्मन्दं मन्दं सुयोषिताम्
848	5007053a	शर्करासवगन्धः स प्रकृत्या सुरभिः सुखः
849	5007053c	तासां वदननिःश्वासः सिषेवे रावणं तदा
850	5007054a	रावणाननशङ्काश्च काश्चिद्रावणयोषितः
851	5007054c	मुखानि स्म सपत्नीनामुपाजिघ्रन्पुनः पुनः
852	5007055a	अत्यर्थं सक्तमनसो रावणे ता वरस्त्रियः
853	5007055c	अस्वतन्त्राः सपत्नीनां प्रियमेवाचरंस्तदा
854	5007056a	बाहूनुपनिधायान्याः पारिहार्य विभूषिताः
855	5007056c	अंशुकानि च रम्याणि प्रमदास्तत्र शिश्यिरे
856	5007057a	अन्या वक्षसि चान्यस्यास्तस्याः काचित्पुनर्भुजम्
857	5007057c	अपरा त्वङ्कमन्यस्यास्तस्याश्चाप्यपरा भुजौ
858	5007058a	ऊरुपार्श्वकटीपृष्ठमन्योन्यस्य समाश्रिताः
859	5007058c	परस्परनिविष्टाङ्ग्यो मदस्नेहवशानुगाः
860	5007059a	अन्योन्यस्याङ्गसंस्पर्शात्प्रीयमाणाः सुमध्यमाः
861	5007059c	एकीकृतभुजाः सर्वाः सुषुपुस्तत्र योषितः
862	5007060a	अन्योन्यभुजसूत्रेण स्त्रीमालाग्रथिता हि सा
863	5007060c	मालेव ग्रथिता सूत्रे शुशुभे मत्तषट्पदा
864	5007061a	लतानां माधवे मासि फुल्लानां वायुसेवनात्
865	5007061c	अन्योन्यमालाग्रथितं संसक्तकुसुमोच्चयम्
866	5007062a	व्यतिवेष्टितसुस्कन्थमन्योन्यभ्रमराकुलम्
867	5007062c	आसीद्वनमिवोद्धूतं स्त्रीवनं रावणस्य तत्
868	5007063a	उचितेष्वपि सुव्यक्तं न तासां योषितां तदा
869	5007063c	विवेकः शक्य आधातुं भूषणाङ्गाम्बरस्रजाम्
870	5007064a	रावणे सुखसंविष्टे ताः स्त्रियो विविधप्रभाः
871	5007064c	ज्वलन्तः काञ्चना दीपाः प्रेक्षन्तानिमिषा इव
872	5007065a	राजर्षिपितृदैत्यानां गन्धर्वाणां च योषितः
873	5007065c	रक्षसां चाभवन्कन्यास्तस्य कामवशं गताः
874	5007066a	न तत्र काचित्प्रमदा प्रसह्य; वीर्योपपन्नेन गुणेन लब्धा
875	5007066c	न चान्यकामापि न चान्यपूर्वा; विना वरार्हां जनकात्मजां तु
876	5007067a	न चाकुलीना न च हीनरूपा; नादक्षिणा नानुपचार युक्ता
877	5007067c	भार्याभवत्तस्य न हीनसत्त्वा; न चापि कान्तस्य न कामनीया
878	5007068a	बभूव बुद्धिस्तु हरीश्वरस्य; यदीदृशी राघवधर्मपत्नी
879	5007068c	इमा यथा राक्षसराजभार्याः; सुजातमस्येति हि साधुबुद्धेः
880	5007069a	पुनश्च सोऽचिन्तयदार्तरूपो; ध्रुवं विशिष्टा गुणतो हि सीता
881	5007069c	अथायमस्यां कृतवान्महात्मा; लङ्केश्वरः कष्टमनार्यकर्म
882	5008001a	तत्र दिव्योपमं मुख्यं स्फाटिकं रत्नभूषितम्
883	5008001c	अवेक्षमाणो हनुमान्ददर्श शयनासनम्
884	5008002a	तस्य चैकतमे देशे सोऽग्र्यमाल्यविभूषितम्
885	5008002c	ददर्श पाण्डुरं छत्रं ताराधिपतिसंनिभम्
886	5008003a	बालव्यजनहस्ताभिर्वीज्यमानं समन्ततः
887	5008003c	गन्धैश्च विविधैर्जुष्टं वरधूपेन धूपितम्
888	5008004a	परमास्तरणास्तीर्णमाविकाजिनसंवृतम्
889	5008004c	दामभिर्वरमाल्यानां समन्तादुपशोभितम्
890	5008005a	तस्मिञ्जीमूतसंकाशं प्रदीप्तोत्तमकुण्डलम्
891	5008005c	लोहिताक्षं महाबाहुं महारजतवाससं
892	5008006a	लोहितेनानुलिप्ताङ्गं चन्दनेन सुगन्धिना
893	5008006c	संध्यारक्तमिवाकाशे तोयदं सतडिद्गुणम्
894	5008007a	वृतमाभरणैर्दिव्यैः सुरूपं कामरूपिणम्
895	5008007c	सवृक्षवनगुल्माढ्यं प्रसुप्तमिव मन्दरम्
896	5008008a	क्रीडित्वोपरतं रात्रौ वराभरणभूषितम्
897	5008008c	प्रियं राक्षसकन्यानां राक्षसानां सुखावहम्
898	5008009a	पीत्वाप्युपरतं चापि ददर्श स महाकपिः
899	5008009c	भास्करे शयने वीरं प्रसुप्तं राक्षसाधिपम्
900	5008010a	निःश्वसन्तं यथा नागं रावणं वानरोत्तमः
901	5008010c	आसाद्य परमोद्विग्नः सोऽपासर्पत्सुभीतवत्
902	5008011a	अथारोहणमासाद्य वेदिकान्तरमाश्रितः
903	5008011c	सुप्तं राक्षसशार्दूलं प्रेक्षते स्म महाकपिः
904	5008012a	शुशुभे राक्षसेन्द्रस्य स्वपतः शयनोत्तमम्
905	5008012c	गन्धहस्तिनि संविष्टे यथाप्रस्रवणं महत्
906	5008013a	काञ्चनाङ्गदनद्धौ च ददर्श स महात्मनः
907	5008013c	विक्षिप्तौ राक्षसेन्द्रस्य भुजाविन्द्रध्वजोपमौ
908	5008014a	ऐरावतविषाणाग्रैरापीडितकृतव्रणौ
909	5008014c	वज्रोल्लिखितपीनांसौ विष्णुचक्रपरिक्षितौ
910	5008015a	पीनौ समसुजातांसौ संगतौ बलसंयुतौ
911	5008015c	सुलक्षण नखाङ्गुष्ठौ स्वङ्गुलीतललक्षितौ
912	5008016a	संहतौ परिघाकारौ वृत्तौ करिकरोपमौ
913	5008016c	विक्षिप्तौ शयने शुभ्रे पञ्चशीर्षाविवोरगौ
914	5008017a	शशक्षतजकल्पेन सुशीतेन सुगन्धिना
915	5008017c	चन्दनेन परार्ध्येन स्वनुलिप्तौ स्वलंकृतौ
916	5008018a	उत्तमस्त्रीविमृदितौ गन्धोत्तमनिषेवितौ
917	5008018c	यक्षपन्नगगन्धर्वदेवदानवराविणौ
918	5008019a	ददर्श स कपिस्तस्य बाहू शयनसंस्थितौ
919	5008019c	मन्दरस्यान्तरे सुप्तौ महार्ही रुषिताविव
920	5008020a	ताभ्यां स परिपूर्णाभ्यां भुजाभ्यां राक्षसाधिपः
921	5008020c	शुशुभेऽचलसंकाशः शृङ्गाभ्यामिव मन्दरः
922	5008021a	चूतपुंनागसुरभिर्बकुलोत्तमसंयुतः
923	5008021c	मृष्टान्नरससंयुक्तः पानगन्धपुरःसरः
924	5008022a	तस्य राक्षससिंहस्य निश्चक्राम मुखान्महान्
925	5008022c	शयानस्य विनिःश्वासः पूरयन्निव तद्गृहम्
926	5008023a	मुक्तामणिविचित्रेण काञ्चनेन विराजता
927	5008023c	मुकुटेनापवृत्तेन कुण्डलोज्ज्वलिताननम्
928	5008024a	रक्तचन्दनदिग्धेन तथा हारेण शोभिता
929	5008024c	पीनायतविशालेन वक्षसाभिविराजितम्
930	5008025a	पाण्डुरेणापविद्धेन क्षौमेण क्षतजेक्षणम्
931	5008025c	महार्हेण सुसंवीतं पीतेनोत्तमवाससा
932	5008026a	माषराशिप्रतीकाशं निःश्वसन्तं भुजङ्गवत्
933	5008026c	गाङ्गे महति तोयान्ते प्रसुतमिव कुञ्जरम्
934	5008027a	चतुर्भिः काञ्चनैर्दीपैर्दीप्यमानैश्चतुर्दिशम्
935	5008027c	प्रकाशीकृतसर्वाङ्गं मेघं विद्युद्गणैरिव
936	5008028a	पादमूलगताश्चापि ददर्श सुमहात्मनः
937	5008028c	पत्नीः स प्रियभार्यस्य तस्य रक्षःपतेर्गृहे
938	5008029a	शशिप्रकाशवदना वरकुण्डलभूषिताः
939	5008029c	अम्लानमाल्याभरणा ददर्श हरियूथपः
940	5008030a	नृत्तवादित्रकुशला राक्षसेन्द्रभुजाङ्कगाः
941	5008030c	वराभरणधारिण्यो निषन्ना ददृशे कपिः
942	5008031a	वज्रवैदूर्यगर्भाणि श्रवणान्तेषु योषिताम्
943	5008031c	ददर्श तापनीयानि कुण्डलान्यङ्गदानि च
944	5008032a	तासां चन्द्रोपमैर्वक्त्रैः शुभैर्ललितकुण्डलैः
945	5008032c	विरराज विमानं तन्नभस्तारागणैरिव
946	5008033a	मदव्यायामखिन्नास्ता राक्षसेन्द्रस्य योषितः
947	5008033c	तेषु तेष्ववकाशेषु प्रसुप्तास्तनुमध्यमाः
948	5008034a	काचिद्वीणां परिष्वज्य प्रसुप्ता संप्रकाशते
949	5008034c	महानदीप्रकीर्णेव नलिनी पोतमाश्रिता
950	5008035a	अन्या कक्षगतेनैव मड्डुकेनासितेक्षणा
951	5008035c	प्रसुप्ता भामिनी भाति बालपुत्रेव वत्सला
952	5008036a	पटहं चारुसर्वाङ्गी पीड्य शेते शुभस्तनी
953	5008036c	चिरस्य रमणं लब्ध्वा परिष्वज्येव कामिनी
954	5008037a	काचिदंशं परिष्वज्य सुप्ता कमललोचना
955	5008037c	निद्रावशमनुप्राप्ता सहकान्तेव भामिनी
956	5008038a	अन्या कनकसंकाशैर्मृदुपीनैर्मनोरमैः
957	5008038c	मृदङ्गं परिपीड्याङ्गैः प्रसुप्ता मत्तलोचना
958	5008039a	भुजपार्श्वान्तरस्थेन कक्षगेण कृशोदरी
959	5008039c	पणवेन सहानिन्द्या सुप्ता मदकृतश्रमा
960	5008040a	डिण्डिमं परिगृह्यान्या तथैवासक्तडिण्डिमा
961	5008040c	प्रसुप्ता तरुणं वत्समुपगूह्येव भामिनी
962	5008041a	काचिदाडम्बरं नारी भुजसंभोगपीडितम्
963	5008041c	कृत्वा कमलपत्राक्षी प्रसुप्ता मदमोहिता
964	5008042a	कलशीमपविद्ध्यान्या प्रसुप्ता भाति भामिनी
965	5008042c	वसन्ते पुष्पशबला मालेव परिमार्जिता
966	5008043a	पाणिभ्यां च कुचौ काचित्सुवर्णकलशोपमौ
967	5008043c	उपगूह्याबला सुप्ता निद्राबलपराजिता
968	5008044a	अन्या कमलपत्राक्षी पूर्णेन्दुसदृशानना
969	5008044c	अन्यामालिङ्ग्य सुश्रोणी प्रसुप्ता मदविह्वला
970	5008045a	आतोद्यानि विचित्राणि परिष्वज्य वरस्त्रियः
971	5008045c	निपीड्य च कुचैः सुप्ताः कामिन्यः कामुकानिव
972	5008046a	तासामेकान्तविन्यस्ते शयानां शयने शुभे
973	5008046c	ददर्श रूपसंपन्नामपरां स कपिः स्त्रियम्
974	5008047a	मुक्तामणिसमायुक्तैर्भूषणैः सुविभूषिताम्
975	5008047c	विभूषयन्तीमिव च स्वश्रिया भवनोत्तमम्
976	5008048a	गौरीं कनकवर्णाभामिष्टामन्तःपुरेश्वरीम्
977	5008048c	कपिर्मन्दोदरीं तत्र शयानां चारुरूपिणीम्
978	5008049a	स तां दृष्ट्वा महाबाहुर्भूषितां मारुतात्मजः
979	5008049c	तर्कयामास सीतेति रूपयौवनसंपदा
980	5008049e	हर्षेण महता युक्तो ननन्द हरियूथपः
981	5008050a	आस्ह्पोटयामास चुचुम्ब पुच्छं; ननन्द चिक्रीड जगौ जगाम
982	5008050c	स्तम्भानरोहन्निपपात भूमौ; निदर्शयन्स्वां प्रकृतिं कपीनाम्
983	5009001a	अवधूय च तां बुद्धिं बभूवावस्थितस्तदा
984	5009001c	जगाम चापरां चिन्तां सीतां प्रति महाकपिः
985	5009002a	न रामेण वियुक्ता सा स्वप्तुमर्हति भामिनी
986	5009002c	न भोक्तुं नाप्यलंकर्तुं न पानमुपसेवितुम्
987	5009003a	नान्यं नरमुपस्थातुं सुराणामपि चेश्वरम्
988	5009003c	न हि रामसमः कश्चिद्विद्यते त्रिदशेष्वपि
989	5009003e	अन्येयमिति निश्चित्य पानभूमौ चचार सः
990	5009004a	क्रीडितेनापराः क्लान्ता गीतेन च तथा पराः
991	5009004c	नृत्तेन चापराः क्लान्ताः पानविप्रहतास्तथा
992	5009005a	मुरजेषु मृदङ्गेषु पीठिकासु च संस्थिताः
993	5009005c	तथास्तरणमुख्य्येषु संविष्टाश्चापराः स्त्रियः
994	5009006a	अङ्गनानां सहस्रेण भूषितेन विभूषणैः
995	5009006c	रूपसंलापशीलेन युक्तगीतार्थभाषिणा
996	5009007a	देशकालाभियुक्तेन युक्तवाक्याभिधायिना
997	5009007c	रताभिरतसंसुप्तं ददर्श हरियूथपः
998	5009008a	तासां मध्ये महाबाहुः शुशुभे राक्षसेश्वरः
999	5009008c	गोष्ठे महति मुख्यानां गवां मध्ये यथा वृषः
1000	5009009a	स राक्षसेन्द्रः शुशुभे ताभिः परिवृतः स्वयम्
1001	5009009c	करेणुभिर्यथारण्यं परिकीर्णो महाद्विपः
1002	5009010a	सर्वकामैरुपेतां च पानभूमिं महात्मनः
1003	5009010c	ददर्श कपिशार्दूलस्तस्य रक्षःपतेर्गृहे
1004	5009011a	मृगाणां महिषाणां च वराहाणां च भागशः
1005	5009011c	तत्र न्यस्तानि मांसानि पानभूमौ ददर्श सः
1006	5009012a	रौक्मेषु च विशलेषु भाजनेष्वर्धभक्षितान्
1007	5009012c	ददर्श कपिशार्दूल मयूरान्कुक्कुटांस्तथा
1008	5009013a	वराहवार्ध्राणसकान्दधिसौवर्चलायुतान्
1009	5009013c	शल्यान्मृगमयूरांश्च हनूमानन्ववैक्षत
1010	5009014a	कृकरान्विविधान्सिद्धांश्चकोरानर्धभक्षितान्
1011	5009014c	महिषानेकशल्यांश्च छागांश्च कृतनिष्ठितान्
1012	5009014e	लेख्यमुच्चावचं पेयं भोज्यानि विविधानि च
1013	5009015a	तथाम्ललवणोत्तंसैर्विविधै रागषाडवैः
1014	5009015c	हार नूपुरकेयूरैरपविद्धैर्महाधनैः
1015	5009016a	पानभाजनविक्षिप्तैः फलैश्च विविधैरपि
1016	5009016c	कृतपुष्पोपहारा भूरधिकं पुष्यति श्रियम्
1017	5009017a	तत्र तत्र च विन्यस्तैः सुश्लिष्टैः शयनासनैः
1018	5009017c	पानभूमिर्विना वह्निं प्रदीप्तेवोपलक्ष्यते
1019	5009018a	बहुप्रकारैर्विविधैर्वरसंस्कारसंस्कृतैः
1020	5009018c	मांसैः कुशलसंयुक्तैः पानभूमिगतैः पृथक्
1021	5009019a	दिव्याः प्रसन्ना विविधाः सुराः कृतसुरा अपि
1022	5009019c	शर्करासवमाध्वीकाः पुष्पासवफलासवाः
1023	5009019e	वासचूर्णैश्च विविधैर्मृष्टास्तैस्तैः पृथक्पृथक्
1024	5009020a	संतता शुशुभे भूमिर्माल्यैश्च बहुसंस्थितैः
1025	5009020c	हिरण्मयैश्च करकैर्भाजनैः स्फाटिकैरपि
1026	5009020e	जाम्बूनदमयैश्चान्यैः करकैरभिसंवृता
1027	5009021a	राजतेषु च कुम्भेषु जाम्बूनदमयेषु च
1028	5009021c	पानश्रेष्ठं तदा भूरि कपिस्तत्र ददर्श ह
1029	5009022a	सोऽपश्यच्छातकुम्भानि शीधोर्मणिमयानि च
1030	5009022c	राजतानि च पूर्णानि भाजनानि महाकपिः
1031	5009023a	क्वचिदर्धावशेषाणि क्वचित्पीतानि सर्वशः
1032	5009023c	क्वचिन्नैव प्रपीतानि पानानि स ददर्श ह
1033	5009024a	क्वचिद्भक्ष्यांश्च विविधान्क्वचित्पानानि भागशः
1034	5009024c	क्वचिदन्नावशेषाणि पश्यन्वै विचचार ह
1035	5009025a	क्वचित्प्रभिन्नैः करकैः क्वचिदालोडितैर्घटैः
1036	5009025c	क्वचित्संपृक्तमाल्यानि जलानि च फलानि च
1037	5009026a	शयनान्यत्र नारीणां शून्यानि बहुधा पुनः
1038	5009026c	परस्परं समाश्लिष्य काश्चित्सुप्ता वराङ्गनाः
1039	5009027a	काचिच्च वस्त्रमन्यस्या अपहृत्योपगुह्य च
1040	5009027c	उपगम्याबला सुप्ता निद्राबलपराजिता
1041	5009028a	तासामुच्छ्वासवातेन वस्त्रं माल्यं च गात्रजम्
1042	5009028c	नात्यर्थं स्पन्दते चित्रं प्राप्य मन्दमिवानिलम्
1043	5009029a	चन्दनस्य च शीतस्य शीधोर्मधुरसस्य च
1044	5009029c	विविधस्य च माल्यस्य पुष्पस्य विविधस्य च
1045	5009030a	बहुधा मारुतस्तत्र गन्धं विविधमुद्वहन्
1046	5009030c	स्नानानां चन्दनानां च धूपानां चैव मूर्छितः
1047	5009030e	प्रववौ सुरभिर्गन्धो विमाने पुष्पके तदा
1048	5009031a	श्यामावदातास्तत्रान्याः काश्चित्कृष्णा वराङ्गनाः
1049	5009031c	काश्चित्काञ्चनवर्णाङ्ग्यः प्रमदा राक्षसालये
1050	5009032a	तासां निद्रावशत्वाच्च मदनेन विमूर्छितम्
1051	5009032c	पद्मिनीनां प्रसुप्तानां रूपमासीद्यथैव हि
1052	5009033a	एवं सर्वमशेषेण रावणान्तःपुरं कपिः
1053	5009033c	ददर्श सुमहातेजा न ददर्श च जानकीम्
1054	5009034a	निरीक्षमाणश्च ततस्ताः स्त्रियः स महाकपिः
1055	5009034c	जगाम महतीं चिन्तां धर्मसाध्वसशङ्कितः
1056	5009035a	परदारावरोधस्य प्रसुप्तस्य निरीक्षणम्
1057	5009035c	इदं खलु ममात्यर्थं धर्मलोपं करिष्यति
1058	5009036a	न हि मे परदाराणां दृष्टिर्विषयवर्तिनी
1059	5009036c	अयं चात्र मया दृष्टः परदारपरिग्रहः
1060	5009037a	तस्य प्रादुरभूच्चिन्तापुनरन्या मनस्विनः
1061	5009037c	निश्चितैकान्तचित्तस्य कार्यनिश्चयदर्शिनी
1062	5009038a	कामं दृष्ट्वा मया सर्वा विश्वस्ता रावणस्त्रियः
1063	5009038c	न तु मे मनसः किंचिद्वैकृत्यमुपपद्यते
1064	5009039a	मनो हि हेतुः सर्वेषामिन्द्रियाणां प्रवर्तते
1065	5009039c	शुभाशुभास्ववस्थासु तच्च मे सुव्यवस्थितम्
1066	5009040a	नान्यत्र हि मया शक्या वैदेही परिमार्गितुम्
1067	5009040c	स्त्रियो हि स्त्रीषु दृश्यन्ते सदा संपरिमार्गणे
1068	5009041a	यस्य सत्त्वस्य या योनिस्तस्यां तत्परिमार्ग्यते
1069	5009041c	न शक्यं प्रमदा नष्टा मृगीषु परिमार्गितुम्
1070	5009042a	तदिदं मार्गितं तावच्छुद्धेन मनसा मया
1071	5009042c	रावणान्तःपुरं सरं दृश्यते न च जानकी
1072	5009043a	देवगन्धर्वकन्याश्च नागकन्याश्च वीर्यवान्
1073	5009043c	अवेक्षमाणो हनुमान्नैवापश्यत जानकीम्
1074	5009044a	तामपश्यन्कपिस्तत्र पश्यंश्चान्या वरस्त्रियः
1075	5009044c	अपक्रम्य तदा वीरः प्रध्यातुमुपचक्रमे
1076	5010001a	स तस्य मध्ये भवनस्य वानरो; लतागृहांश्चित्रगृहान्निशागृहान्
1077	5010001c	जगाम सीतां प्रति दर्शनोत्सुको; न चैव तां पश्यति चारुदर्शनाम्
1078	5010002a	स चिन्तयामास ततो महाकपिः; प्रियामपश्यन्रघुनन्दनस्य ताम्
1079	5010002c	ध्रुवं नु सीता म्रियते यथा न मे; विचिन्वतो दर्शनमेति मैथिली
1080	5010003a	सा राक्षसानां प्रवरेण बाला; स्वशीलसंरक्षण तत्परा सती
1081	5010003c	अनेन नूनं प्रतिदुष्टकर्मणा; हता भवेदार्यपथे परे स्थिता
1082	5010004a	विरूपरूपा विकृता विवर्चसो; महानना दीर्घविरूपदर्शनाः
1083	5010004c	समीक्ष्य सा राक्षसराजयोषितो; भयाद्विनष्टा जनकेश्वरात्मजा
1084	5010005a	सीतामदृष्ट्वा ह्यनवाप्य पौरुषं; विहृत्य कालं सह वानरैश्चिरम्
1085	5010005c	न मेऽस्ति सुग्रीवसमीपगा गतिः; सुतीक्ष्णदण्डो बलवांश्च वानरः
1086	5010006a	दृष्टमन्तःपुरं सर्वं दृष्ट्वा रावणयोषितः
1087	5010006c	न सीता दृश्यते साध्वी वृथा जातो मम श्रमः
1088	5010007a	किं नु मां वानराः सर्वे गतं वक्ष्यन्ति संगताः
1089	5010007c	गत्वा तत्र त्वया वीर किं कृतं तद्वदस्व नः
1090	5010008a	अदृष्ट्वा किं प्रवक्ष्यामि तामहं जनकात्मजाम्
1091	5010008c	ध्रुवं प्रायमुपेष्यन्ति कालस्य व्यतिवर्तने
1092	5010009a	किं वा वक्ष्यति वृद्धश्च जाम्बवानङ्गदश्च सः
1093	5010009c	गतं पारं समुद्रस्य वानराश्च समागताः
1094	5010010a	अनिर्वेदः श्रियो मूलमनिर्वेदः परं सुखम्
1095	5010010c	भूयस्तावद्विचेष्यामि न यत्र विचयः कृतः
1096	5010011a	अनिर्वेदो हि सततं सर्वार्थेषु प्रवर्तकः
1097	5010011c	करोति सफलं जन्तोः कर्म यच्च करोति सः
1098	5010012a	तस्मादनिर्वेद कृतं यत्नं चेष्टेऽहमुत्तमम्
1099	5010012c	अदृष्टांश्च विचेष्यामि देशान्रावणपालितान्
1100	5010013a	आपानशालाविचितास्तथा पुष्पगृहाणि च
1101	5010013c	चित्रशालाश्च विचिता भूयः क्रीडागृहाणि च
1102	5010014a	निष्कुटान्तररथ्याश्च विमानानि च सर्वशः
1103	5010014c	इति संचिन्त्य भूयोऽपि विचेतुमुपचक्रमे
1104	5010015a	भूमीगृहांश्चैत्यगृहान्गृहातिगृहकानपि
1105	5010015c	उत्पतन्निपतंश्चापि तिष्ठन्गच्छन्पुनः क्वचित्
1106	5010016a	अपावृण्वंश्च द्वाराणि कपाटान्यवघट्टयन्
1107	5010016c	प्रविशन्निष्पतंश्चापि प्रपतन्नुत्पतन्नपि
1108	5010016e	सर्वमप्यवकाशं स विचचार महाकपिः
1109	5010017a	चतुरङ्गुलमात्रोऽपि नावकाशः स विद्यते
1110	5010017c	रावणान्तःपुरे तस्मिन्यं कपिर्न जगाम सः
1111	5010018a	प्राकरान्तररथ्याश्च वेदिकश्चैत्यसंश्रयाः
1112	5010018c	श्वभ्राश्च पुष्करिण्यश्च सर्वं तेनावलोकितम्
1113	5010019a	राक्षस्यो विविधाकारा विरूपा विकृतास्तथा
1114	5010019c	दृष्टा हनूमता तत्र न तु सा जनकात्मजा
1115	5010020a	रूपेणाप्रतिमा लोके वरा विद्याधर स्त्रियः
1116	5010020c	दृटा हनूमता तत्र न तु राघवनन्दिनी
1117	5010021a	नागकन्या वरारोहाः पूर्णचन्द्रनिभाननाः
1118	5010021c	दृष्टा हनूमता तत्र न तु सीता सुमध्यमा
1119	5010022a	प्रमथ्य राक्षसेन्द्रेण नागकन्या बलाद्धृताः
1120	5010022c	दृष्टा हनूमता तत्र न सा जनकनन्दिनी
1121	5010023a	सोऽपश्यंस्तां महाबाहुः पश्यंश्चान्या वरस्त्रियः
1122	5010023c	विषसाद महाबाहुर्हनूमान्मारुतात्मजः
1123	5010024a	उद्योगं वानरेन्द्राणं प्लवनं सागरस्य च
1124	5010024c	व्यर्थं वीक्ष्यानिलसुतश्चिन्तां पुनरुपागमत्
1125	5010025a	अवतीर्य विमानाच्च हनूमान्मारुतात्मजः
1126	5010025c	चिन्तामुपजगामाथ शोकोपहतचेतनः
1127	5011001a	विमानात्तु सुसंक्रम्य प्राकारं हरियूथपः
1128	5011001c	हनूमान्वेगवानासीद्यथा विद्युद्घनान्तरे
1129	5011002a	संपरिक्रम्य हनुमान्रावणस्य निवेशनान्
1130	5011002c	अदृष्ट्वा जानकीं सीतामब्रवीद्वचनं कपिः
1131	5011003a	भूयिष्ठं लोडिता लङ्का रामस्य चरता प्रियम्
1132	5011003c	न हि पश्यामि वैदेहीं सीतां सर्वाङ्गशोभनाम्
1133	5011004a	पल्वलानि तटाकानि सरांसि सरितस्तथा
1134	5011004c	नद्योऽनूपवनान्ताश्च दुर्गाश्च धरणीधराः
1135	5011004e	लोडिता वसुधा सर्वा न च पश्यामि जानकीम्
1136	5011005a	इह संपातिना सीता रावणस्य निवेशने
1137	5011005c	आख्याता गृध्रराजेन न च पश्यामि तामहम्
1138	5011006a	किं नु सीताथ वैदेही मैथिली जनकात्मजा
1139	5011006c	उपतिष्ठेत विवशा रावणं दुष्टचारिणम्
1140	5011007a	क्षिप्रमुत्पततो मन्ये सीतामादाय रक्षसः
1141	5011007c	बिभ्यतो रामबाणानामन्तरा पतिता भवेत्
1142	5011008a	अथ वा ह्रियमाणायाः पथि सिद्धनिषेविते
1143	5011008c	मन्ये पतितमार्याया हृदयं प्रेक्ष्य सागरम्
1144	5011009a	रावणस्योरुवेगेन भुजाभ्यां पीडितेन च
1145	5011009c	तया मन्ये विशालाक्ष्या त्यक्तं जीवितमार्यया
1146	5011010a	उपर्युपरि वा नूनं सागरं क्रमतस्तदा
1147	5011010c	विवेष्टमाना पतिता समुद्रे जनकात्मजा
1148	5011011a	आहो क्षुद्रेण चानेन रक्षन्ती शीलमात्मनः
1149	5011011c	अबन्धुर्भक्षिता सीता रावणेन तपस्विनी
1150	5011012a	अथ वा राक्षसेन्द्रस्य पत्नीभिरसितेक्षणा
1151	5011012c	अदुष्टा दुष्टभावाभिर्भक्षिता सा भविष्यति
1152	5011013a	संपूर्णचन्द्रप्रतिमं पद्मपत्रनिभेक्षणम्
1153	5011013c	रामस्य ध्यायती वक्त्रं पञ्चत्वं कृपणा गता
1154	5011014a	हा राम लक्ष्मणेत्येव हायोध्येति च मैथिली
1155	5011014c	विलप्य बहु वैदेही न्यस्तदेहा भविष्यति
1156	5011015a	अथ वा निहिता मन्ये रावणस्य निवेशने
1157	5011015c	नूनं लालप्यते मन्दं पञ्जरस्थेव शारिका
1158	5011016a	जनकस्य कुले जाता रामपत्नी सुमध्यमा
1159	5011016c	कथमुत्पलपत्राक्षी रावणस्य वशं व्रजेत्
1160	5011017a	विनष्टा वा प्रनष्टा वा मृता वा जनकात्मजा
1161	5011017c	रामस्य प्रियभार्यस्य न निवेदयितुं क्षमम्
1162	5011018a	निवेद्यमाने दोषः स्याद्दोषः स्यादनिवेदने
1163	5011018c	कथं नु खलु कर्तव्यं विषमं प्रतिभाति मे
1164	5011019a	अस्मिन्नेवंगते कर्ये प्राप्तकालं क्षमं च किम्
1165	5011019c	भवेदिति मतिं भूयो हनुमान्प्रविचारयन्
1166	5011020a	यदि सीतामदृष्ट्वाहं वानरेन्द्रपुरीमितः
1167	5011020c	गमिष्यामि ततः को मे पुरुषार्थो भविष्यति
1168	5011021a	ममेदं लङ्घनं व्यर्थं सागरस्य भविष्यति
1169	5011021c	प्रवेशश्चिव लङ्काया राक्षसानां च दर्शनम्
1170	5011022a	किं वा वक्ष्यति सुग्रीवो हरयो व समागताः
1171	5011022c	किष्किन्धां समनुप्राप्तौ तौ वा दशरथात्मजौ
1172	5011023a	गत्वा तु यदि काकुत्स्थं वक्ष्यामि परमप्रियम्
1173	5011023c	न दृष्टेति मया सीता ततस्त्यक्ष्यन्ति जीवितम्
1174	5011024a	परुषं दारुणं क्रूरं तीक्ष्णमिन्द्रियतापनम्
1175	5011024c	सीतानिमित्तं दुर्वाक्यं श्रुत्वा स न भविष्यति
1176	5011025a	तं तु कृच्छ्रगतं दृष्ट्वा पञ्चत्वगतमानसं
1177	5011025c	भृशानुरक्तो मेधावी न भविष्यति लक्ष्मणः
1178	5011026a	विनष्टौ भ्रातरौ श्रुत्वा भरतोऽपि मरिष्यति
1179	5011026c	भरतं च मृतं दृष्ट्वा शत्रुघ्नो न भविष्यति
1180	5011027a	पुत्रान्मृतान्समीक्ष्याथ न भविष्यन्ति मातरः
1181	5011027c	कौसल्या च सुमित्रा च कैकेयी च न संशयः
1182	5011028a	कृतज्ञः सत्यसंधश्च सुग्रीवः प्लवगाधिपः
1183	5011028c	रामं तथा गतं दृष्ट्वा ततस्त्यक्ष्यन्ति जीवितम्
1184	5011029a	दुर्मना व्यथिता दीना निरानन्दा तपस्विनी
1185	5011029c	पीडिता भर्तृशोकेन रुमा त्यक्ष्यति जीवितम्
1186	5011030a	वालिजेन तु दुःखेन पीडिता शोककर्शिता
1187	5011030c	पञ्चत्वगमने राज्ञस्तारापि न भविष्यति
1188	5011031a	मातापित्रोर्विनाशेन सुग्रीव व्यसनेन च
1189	5011031c	कुमारोऽप्यङ्गदः कस्माद्धारयिष्यति जीवितम्
1190	5011032a	भर्तृजेन तु शोकेन अभिभूता वनौकसः
1191	5011032c	शिरांस्यभिहनिष्यन्ति तलैर्मुष्टिभिरेव च
1192	5011033a	सान्त्वेनानुप्रदानेन मानेन च यशस्विना
1193	5011033c	लालिताः कपिराजेन प्राणांस्त्यक्ष्यन्ति वानराः
1194	5011034a	न वनेषु न शैलेषु न निरोधेषु वा पुनः
1195	5011034c	क्रीडामनुभविष्यन्ति समेत्य कपिकुञ्जराः
1196	5011035a	सपुत्रदाराः सामात्या भर्तृव्यसनपीडिताः
1197	5011035c	शैलाग्रेभ्यः पतिष्यन्ति समेत्य विषमेषु च
1198	5011036a	विषमुद्बन्धनं वापि प्रवेशं ज्वलनस्य वा
1199	5011036c	उपवासमथो शस्त्रं प्रचरिष्यन्ति वानराः
1200	5011037a	घोरमारोदनं मन्ये गते मयि भविष्यति
1201	5011037c	इक्ष्वाकुकुलनाशश्च नाशश्चैव वनौकसाम्
1202	5011038a	सोऽहं नैव गमिष्यामि किष्किन्धां नगरीमितः
1203	5011038c	न हि शक्ष्याम्यहं द्रष्टुं सुग्रीवं मैथिलीं विना
1204	5011039a	मय्यगच्छति चेहस्थे धर्मात्मानौ महारथौ
1205	5011039c	आशया तौ धरिष्येते वनराश्च मनस्विनः
1206	5011040a	हस्तादानो मुखादानो नियतो वृक्षमूलिकः
1207	5011040c	वानप्रस्थो भविष्यामि अदृष्ट्वा जनकात्मजाम्
1208	5011041a	सागरानूपजे देशे बहुमूलफलोदके
1209	5011041c	चितां कृत्वा प्रवेक्ष्यामि समिद्धमरणीसुतम्
1210	5011042a	उपविष्टस्य वा सम्यग्लिङ्गिनं साधयिष्यतः
1211	5011042c	शरीरं भक्षयिष्यन्ति वायसाः श्वापदानि च
1212	5011043a	इदमप्यृषिभिर्दृष्टं निर्याणमिति मे मतिः
1213	5011043c	सम्यगापः प्रवेक्ष्यामि न चेत्पश्यामि जानकीम्
1214	5011044a	सुजातमूला सुभगा कीर्तिमालायशस्विनी
1215	5011044c	प्रभग्ना चिररात्रीयं मम सीतामपश्यतः
1216	5011045a	तापसो वा भविष्यामि नियतो वृक्षमूलिकः
1217	5011045c	नेतः प्रतिगमिष्यामि तामदृष्ट्वासितेक्षणाम्
1218	5011046a	यदीतः प्रतिगच्छामि सीतामनधिगम्य ताम्
1219	5011046c	अङ्गदः सहितैः सर्वैर्वानरैर्न भविष्यति
1220	5011047a	विनाशे बहवो दोषा जीवन्प्राप्नोति भद्रकम्
1221	5011047c	तस्मात्प्राणान्धरिष्यामि ध्रुवो जीवति संगमः
1222	5011048a	एवं बहुविधं दुःखं मनसा धारयन्मुहुः
1223	5011048c	नाध्यगच्छत्तदा पारं शोकस्य कपिकुञ्जरः
1224	5011049a	रावणं वा वधिष्यामि दशग्रीवं महाबलम्
1225	5011049c	काममस्तु हृता सीता प्रत्याचीर्णं भविष्यति
1226	5011050a	अथवैनं समुत्क्षिप्य उपर्युपरि सागरम्
1227	5011050c	रामायोपहरिष्यामि पशुं पशुपतेरिव
1228	5011051a	इति चिन्ता समापन्नः सीतामनधिगम्य ताम्
1229	5011051c	ध्यानशोका परीतात्मा चिन्तयामास वानरः
1230	5011052a	यावत्सीतां न पश्यामि रामपत्नीं यशस्विनीम्
1231	5011052c	तावदेतां पुरीं लङ्कां विचिनोमि पुनः पुनः
1232	5011053a	संपाति वचनाच्चापि रामं यद्यानयाम्यहम्
1233	5011053c	अपश्यन्राघवो भार्यां निर्दहेत्सर्ववानरान्
1234	5011054a	इहैव नियताहारो वत्स्यामि नियतेन्द्रियः
1235	5011054c	न मत्कृते विनश्येयुः सर्वे ते नरवानराः
1236	5011055a	अशोकवनिका चापि महतीयं महाद्रुमा
1237	5011055c	इमामभिगमिष्यामि न हीयं विचिता मया
1238	5011056a	वसून्रुद्रांस्तथादित्यानश्विनौ मरुतोऽपि च
1239	5011056c	नमस्कृत्वा गमिष्यामि रक्षसां शोकवर्धनः
1240	5011057a	जित्वा तु राक्षसान्देवीमिक्ष्वाकुकुलनन्दिनीम्
1241	5011057c	संप्रदास्यामि रामाया यथासिद्धिं तपस्विने
1242	5011058a	स मुहूर्तमिव ध्यात्वा चिन्ताविग्रथितेन्द्रियः
1243	5011058c	उदतिष्ठन्महाबाहुर्हनूमान्मारुतात्मजः
1244	5011059a	नमोऽस्तु रामाय सलक्ष्मणाय; देव्यै च तस्यै जनकात्मजायै
1245	5011059c	नमोऽस्तु रुद्रेन्द्रयमानिलेभ्यो; नमोऽस्तु चन्द्रार्कमरुद्गणेभ्यः
1246	5011060a	स तेभ्यस्तु नमस्कृत्वा सुग्रीवाय च मारुतिः
1247	5011060c	दिशः सर्वाः समालोक्य अशोकवनिकां प्रति
1248	5011061a	स गत्वा मनसा पूर्वमशोकवनिकां शुभाम्
1249	5011061c	उत्तरं चिन्तयामास वानरो मारुतात्मजः
1250	5011062a	ध्रुवं तु रक्षोबहुला भविष्यति वनाकुला
1251	5011062c	अशोकवनिका चिन्त्या सर्वसंस्कारसंस्कृता
1252	5011063a	रक्षिणश्चात्र विहिता नूनं रक्षन्ति पादपान्
1253	5011063c	भगवानपि सर्वात्मा नातिक्षोभं प्रवायति
1254	5011064a	संक्षिप्तोऽयं मयात्मा च रामार्थे रावणस्य च
1255	5011064c	सिद्धिं मे संविधास्यन्ति देवाः सर्षिगणास्त्विह
1256	5011065a	ब्रह्मा स्वयम्भूर्भगवान्देवाश्चैव दिशन्तु मे
1257	5011065c	सिद्धिमग्निश्च वायुश्च पुरुहूतश्च वज्रधृत्
1258	5011066a	वरुणः पाशहस्तश्च सोमादित्यै तथैव च
1259	5011066c	अश्विनौ च महात्मानौ मरुतः सर्व एव च
1260	5011067a	सिद्धिं सर्वाणि भूतानि भूतानां चैव यः प्रभुः
1261	5011067c	दास्यन्ति मम ये चान्ये अदृष्टाः पथि गोचराः
1262	5011068a	तदुन्नसं पाण्डुरदन्तमव्रणं; शुचिस्मितं पद्मपलाशलोचनम्
1263	5011068c	द्रक्ष्ये तदार्यावदनं कदा न्वहं; प्रसन्नताराधिपतुल्यदर्शनम्
1264	5011069a	क्षुद्रेण पापेन नृशंसकर्मणा; सुदारुणालांकृतवेषधारिणा
1265	5011069c	बलाभिभूता अबला तपस्विनी; कथं नु मे दृष्टपथेऽद्य सा भवेत्
1266	5012001a	स मुहूर्तमिव ध्यत्वा मनसा चाधिगम्य ताम्
1267	5012001c	अवप्लुतो महातेजाः प्राकारं तस्य वेश्मनः
1268	5012002a	स तु संहृष्टसर्वाङ्गः प्राकारस्थो महाकपिः
1269	5012002c	पुष्पिताग्रान्वसन्तादौ ददर्श विविधान्द्रुमान्
1270	5012003a	सालानशोकान्भव्यांश्च चम्पकांश्च सुपुष्पितान्
1271	5012003c	उद्दालकान्नागवृक्षांश्चूतान्कपिमुखानपि
1272	5012004a	अथाम्रवणसंछन्नां लताशतसमावृताम्
1273	5012004c	ज्यामुक्त इव नाराचः पुप्लुवे वृक्षवाटिकाम्
1274	5012005a	स प्रविष्य विचित्रां तां विहगैरभिनादिताम्
1275	5012005c	राजतैः काञ्चनैश्चैव पादपैः सर्वतोवृताम्
1276	5012006a	विहगैर्मृगसंघैश्च विचित्रां चित्रकाननाम्
1277	5012006c	उदितादित्यसंकाशां ददर्श हनुमान्कपिः
1278	5012007a	वृतां नानाविधैर्वृक्षैः पुष्पोपगफलोपगैः
1279	5012007c	कोकिलैर्भृङ्गराजैश्च मत्तैर्नित्यनिषेविताम्
1280	5012008a	प्रहृष्टमनुजे कले मृगपक्षिसमाकुले
1281	5012008c	मत्तबर्हिणसंघुष्टां नानाद्विजगणायुताम्
1282	5012009a	मार्गमाणो वरारोहां राजपुत्रीमनिन्दिताम्
1283	5012009c	सुखप्रसुप्तान्विहगान्बोधयामास वानरः
1284	5012010a	उत्पतद्भिर्द्विजगणैः पक्षैः सालाः समाहताः
1285	5012010c	अनेकवर्णा विविधा मुमुचुः पुष्पवृष्टयः
1286	5012011a	पुष्पावकीर्णः शुशुभे हनुमान्मारुतात्मजः
1287	5012011c	अशोकवनिकामध्ये यथा पुष्पमयो गिरिः
1288	5012012a	दिशः सर्वाभिदावन्तं वृक्षषण्डगतं कपिम्
1289	5012012c	दृष्ट्वा सर्वाणि भूतानि वसन्त इति मेनिरे
1290	5012013a	वृक्षेभ्यः पतितैः पुष्पैरवकीर्णा पृथग्विधैः
1291	5012013c	रराज वसुधा तत्र प्रमदेव विभूषिता
1292	5012014a	तरस्विना ते तरवस्तरसाभिप्रकम्पिताः
1293	5012014c	कुसुमानि विचित्राणि ससृजुः कपिना तदा
1294	5012015a	निर्धूतपत्रशिखराः शीर्णपुष्पफलद्रुमाः
1295	5012015c	निक्षिप्तवस्त्राभरणा धूर्ता इव पराजिताः
1296	5012016a	हनूमता वेगवता कम्पितास्ते नगोत्तमाः
1297	5012016c	पुष्पपर्णफलान्याशु मुमुचुः पुष्पशालिनः
1298	5012017a	विहंगसंघैर्हीनास्ते स्कन्धमात्राश्रया द्रुमाः
1299	5012017c	बभूवुरगमाः सर्वे मारुतेनेव निर्धुताः
1300	5012018a	विधूतकेशी युवतिर्यथा मृदितवर्णिका
1301	5012018c	निष्पीतशुभदन्तौष्ठी नखैर्दन्तैश्च विक्षता
1302	5012019a	तथा लाङ्गूलहस्तैश्च चरणाभ्यां च मर्दिता
1303	5012019c	बभूवाशोकवनिका प्रभग्नवरपादपा
1304	5012020a	महालतानां दामानि व्यधमत्तरसा कपिः
1305	5012020c	यथा प्रावृषि विन्ध्यस्य मेघजालानि मारुतः
1306	5012021a	स तत्र मणिभूमीश्च राजतीश्च मनोरमाः
1307	5012021c	तथा काञ्चनभूमीश्च विचरन्ददृशे कपिः
1308	5012022a	वापीश्च विविधाकाराः पूर्णाः परमवारिणा
1309	5012022c	महार्हैर्मणिसोपानैरुपपन्नास्ततस्ततः
1310	5012023a	मुक्ताप्रवालसिकता स्फटिकान्तरकुट्टिमाः
1311	5012023c	काञ्चनैस्तरुभिश्चित्रैस्तीरजैरुपशोभिताः
1312	5012024a	फुल्लपद्मोत्पलवनाश्चक्रवाकोपकूजिताः
1313	5012024c	नत्यूहरुतसंघुष्टा हंससारसनादिताः
1314	5012025a	दीर्घाभिर्द्रुमयुक्ताभिः सरिद्भिश्च समन्ततः
1315	5012025c	अमृतोपमतोयाभिः शिवाभिरुपसंस्कृताः
1316	5012026a	लताशतैरवतताः सन्तानकसमावृताः
1317	5012026c	नानागुल्मावृतवनाः करवीरकृतान्तराः
1318	5012027a	ततोऽम्बुधरसंकाशं प्रवृद्धशिखरं गिरिम्
1319	5012027c	विचित्रकूटं कूटैश्च सर्वतः परिवारितम्
1320	5012028a	शिलागृहैरवततं नानावृक्षैः समावृतम्
1321	5012028c	ददर्श कपिशार्दूलो रम्यं जगति पर्वतम्
1322	5012029a	ददर्श च नगात्तस्मान्नदीं निपतितां कपिः
1323	5012029c	अङ्कादिव समुत्पत्य प्रियस्य पतितां प्रियाम्
1324	5012030a	जले निपतिताग्रैश्च पादपैरुपशोभिताम्
1325	5012030c	वार्यमाणामिव क्रुद्धां प्रमदां प्रियबन्धुभिः
1326	5012031a	पुनरावृत्ततोयां च ददर्श स महाकपिः
1327	5012031c	प्रसन्नामिव कान्तस्य कान्तां पुनरुपस्थिताम्
1328	5012032a	तस्यादूरात्स पद्मिन्यो नानाद्विजगणायुताः
1329	5012032c	ददर्श कपिशार्दूलो हनुमान्मारुतात्मजः
1330	5012033a	कृत्रिमां दीर्घिकां चापि पूर्णां शीतेन वारिणा
1331	5012033c	मणिप्रवरसोपानां मुक्तासिकतशोभिताम्
1332	5012034a	विविधैर्मृगसंघैश्च विचित्रां चित्रकाननाम्
1333	5012034c	प्रासादैः सुमहद्भिश्च निर्मितैर्विश्वकर्मणा
1334	5012034e	काननैः कृत्रिमैश्चापि सर्वतः समलंकृताम्
1335	5012035a	ये केचित्पादपास्तत्र पुष्पोपगफलोपगाः
1336	5012035c	सच्छत्राः सवितर्दीकाः सर्वे सौवर्णवेदिकाः
1337	5012036a	लताप्रतानैर्बहुभिः पर्णैश्च बहुभिर्वृताम्
1338	5012036c	काञ्चनीं शिंशुपामेकां ददर्श स महाकपिः
1339	5012037a	सोऽपश्यद्भूमिभागांश्च गर्तप्रस्रवणानि च
1340	5012037c	सुवर्णवृक्षानपरान्ददर्श शिखिसंनिभान्
1341	5012038a	तेषां द्रुमाणां प्रभया मेरोरिव महाकपिः
1342	5012038c	अमन्यत तदा वीरः काञ्चनोऽस्मीति वानरः
1343	5012039a	तां काञ्चनैस्तरुगणैर्मारुतेन च वीजिताम्
1344	5012039c	किङ्किणीशतनिर्घोषां दृष्ट्वा विस्मयमागमत्
1345	5012040a	सुपुष्पिताग्रां रुचिरां तरुणाङ्कुरपल्लवाम्
1346	5012040c	तामारुह्य महावेगः शिंशपां पर्णसंवृताम्
1347	5012041a	इतो द्रक्ष्यामि वैदेहीं राम दर्शनलालसाम्
1348	5012041c	इतश्चेतश्च दुःखार्तां संपतन्तीं यदृच्छया
1349	5012042a	अशोकवनिका चेयं दृढं रम्या दुरात्मनः
1350	5012042c	चम्पकैश्चन्दनैश्चापि बकुलैश्च विभूषिता
1351	5012043a	इयं च नलिनी रम्या द्विजसंघनिषेविता
1352	5012043c	इमां सा राममहिषी नूनमेष्यति जानकी
1353	5012044a	सा राम राममहिषी राघवस्य प्रिया सदा
1354	5012044c	वनसंचारकुशला नूनमेष्यति जानकी
1355	5012045a	अथ वा मृगशावाक्षी वनस्यास्य विचक्षणा
1356	5012045c	वनमेष्यति सा चेह रामचिन्तानुकर्शिता
1357	5012046a	रामशोकाभिसंतप्ता सा देवी वामलोचना
1358	5012046c	वनवासरता नित्यमेष्यते वनचारिणी
1359	5012047a	वनेचराणां सततं नूनं स्पृहयते पुरा
1360	5012047c	रामस्य दयिता भार्या जनकस्य सुता सती
1361	5012048a	संध्याकालमनाः श्यामा ध्रुवमेष्यति जानकी
1362	5012048c	नदीं चेमां शिवजलां संध्यार्थे वरवर्णिनी
1363	5012049a	तस्याश्चाप्यनुरूपेयमशोकवनिका शुभा
1364	5012049c	शुभा या पार्थिवेन्द्रस्य पत्नी रामस्य संमिता
1365	5012050a	यदि जिवति सा देवी ताराधिपनिभानना
1366	5012050c	आगमिष्यति सावश्यमिमां शिवजलां नदीम्
1367	5012051a	एवं तु मत्वा हनुमान्महात्मा; प्रतीक्षमाणो मनुजेन्द्रपत्नीम्
1368	5012051c	अवेक्षमाणश्च ददर्श सर्वं; सुपुष्पिते पर्णघने निलीनः
1369	5013001a	स वीक्षमाणस्तत्रस्थो मार्गमाणश्च मैथिलीम्	मूल
1370	5013001c	अवेक्षमाणश्च महीं सर्वां तामन्ववैक्षत	मूल
1371	5013002a	सन्तान कलताभिश्च पादपैरुपशोभिताम्	मूल
1372	5013002c	दिव्यगन्धरसोपेतां सर्वतः समलंकृताम्	मूल
1373	5013003a	तां स नन्दनसंकाशां मृगपक्षिभिरावृताम्	मूल
1374	5013003c	हर्म्यप्रासादसंबाधां कोकिलाकुलनिःस्वनाम्	मूल
1375	5013004a	काञ्चनोत्पलपद्माभिर्वापीभिरुपशोभिताम्	मूल
1376	5013004c	बह्वासनकुथोपेतां बहुभूमिगृहायुताम्	मूल
1377	5013005a	सर्वर्तुकुसुमै रम्यैः फलवद्भिश्च पादपैः	मूल
1378	5013005c	पुष्पितानामशोकानां श्रिया सूर्योदयप्रभाम्	मूल
1379	5013006a	प्रदीप्तामिव तत्रस्थो मारुतिः समुदैक्षत	मूल
1380	5013006c	निष्पत्रशाखां विहगैः क्रियमाणामिवासकृत्	मूल
1381	5013006e	विनिष्पतद्भिः शतशश्चित्रैः पुष्पावतंसकैः	मूल
1382	5013007a	आमूलपुष्पनिचितैरशोकैः शोकनाशनैः	मूल
1383	5013007c	पुष्पभारातिभारैश्च स्पृशद्भिरिव मेदिनीम्	मूल
1384	5013008a	कर्णिकारैः कुसुमितैः किंशुकैश्च सुपुष्पितैः	मूल
1385	5013008c	स देशः प्रभया तेषां प्रदीप्त इव सर्वतः	मूल
1386	5013009a	पुंनागाः सप्तपर्णाश्च चम्पकोद्दालकास्तथा	मूल
1387	5013009c	विवृद्धमूला बहवः शोभन्ते स्म सुपुष्पिताः	मूल
1388	5013010a	शातकुम्भनिभाः केचित्केचिदग्निशिखोपमाः	मूल
1389	5013010c	नीलाञ्जननिभाः केचित्तत्राशोकाः सहस्रशः	मूल
1390	5013011a	नन्दनं विविधोद्यानं चित्रं चैत्ररथं यथा	मूल
1391	5013011c	अतिवृत्तमिवाचिन्त्यं दिव्यं रम्यं श्रिया वृतम्	मूल
1392	5013012a	द्वितीयमिव चाकाशं पुष्पज्योतिर्गणायुतम्	मूल
1393	5013012c	पुष्परत्नशतैश्चित्रं पञ्चमं सागरं यथा	मूल
1394	5013013a	सर्वर्तुपुष्पैर्निचितं पादपैर्मधुगन्धिभिः	मूल
1395	5013013c	नानानिनादैरुद्यानं रम्यं मृगगणैर्द्विजैः	मूल
1396	5013014a	अनेकगन्धप्रवहं पुण्यगन्धं मनोरमम्	मूल
1397	5013014c	शैलेन्द्रमिव गन्धाढ्यं द्वितीयं गन्धमादनम्	मूल
1398	5013015a	अशोकवनिकायां तु तस्यां वानरपुंगवः	मूल
1399	5013015c	स ददर्शाविदूरस्थं चैत्यप्रासादमूर्जितम्	मूल
1400	5013016a	मध्ये स्तम्भसहस्रेण स्थितं कैलासपाण्डुरम्	मूल
1401	5013016c	प्रवालकृतसोपानं तप्तकाञ्चनवेदिकम्	मूल
1402	5013017a	मुष्णन्तमिव चक्षूंषि द्योतमानमिव श्रिया	मूल
1403	5013017c	विमलं प्रांशुभावत्वादुल्लिखन्तमिवाम्बरम्	मूल
1404	5013018a	ततो मलिनसंवीतां राक्षसीभिः समावृताम्	मूल
1405	5013018c	उपवासकृशां दीनां निःश्वसान्तीं पुनः पुनः	मूल
1406	5013018e	ददर्श शुक्लपक्षादौ चन्द्ररेखामिवामलाम्	मूल
1407	5013019a	मन्दप्रख्यायमानेन रूपेण रुचिरप्रभाम्	मूल
1408	5013019c	पिनद्धां धूमजालेन शिखामिव विभावसोः	मूल
1409	5013020a	पीतेनैकेन संवीतां क्लिष्टेनोत्तमवाससा	मूल
1410	5013020c	सपङ्कामनलंकारां विपद्मामिव पद्मिनीम्	मूल
1411	5013021a	व्रीडितां दुःखसंतप्तां परिम्लानां तपस्विनीम्	मूल
1412	5013021c	ग्रहेणाङ्गारकेणैव पीडितामिव रोहिणीम्	मूल
1413	5013022a	अश्रुपूर्णमुखीं दीनां कृशामननशेन च	मूल
1414	5013022c	शोकध्यानपरां दीनां नित्यं दुःखपरायणाम्	मूल
1415	5013023a	प्रियं जनमपश्यन्तीं पश्यन्तीं राक्षसीगणम्	मूल
1416	5013023c	स्वगणेन मृगीं हीनां श्वगणाभिवृतामिव	मूल
1417	5013024a	नीलनागाभया वेण्या जघनं गतयैकया	मूल
1418	5013024c	सुखार्हां दुःखसंतप्तां व्यसनानामकोदिवाम्	मूल
1419	5013025a	तां समीक्ष्य विशालाक्षीमधिकं मलिनां कृशाम्	मूल
1420	5013025c	तर्कयामास सीतेति कारणैरुपपादिभिः	मूल
1421	5013026a	ह्रियमाणा तदा तेन रक्षसा कामरूपिणा	मूल
1422	5013026c	यथारूपा हि दृष्टा वै तथारूपेयमङ्गना	मूल
1423	5013027a	पूर्णचन्द्राननां सुभ्रूं चारुवृत्तपयोधराम्	मूल
1424	5013027c	कुर्वन्तीं प्रभया देवीं सर्वा वितिमिरा दिशः	मूल
1425	5013028a	तां नीलकेशीं बिम्बौष्ठीं सुमध्यां सुप्रतिष्ठिताम्	मूल
1426	5013028c	सीतां पद्मपलाशाक्षीं मन्मथस्य रतिं यथा	मूल
1427	5013029a	इष्टां सर्वस्य जगतः पूर्णचन्द्रप्रभामिव	मूल
1428	5013029c	भूमौ सुतनुमासीनां नियतामिव तापसीम्	मूल
1429	5013030a	निःश्वासबहुलां भीरुं भुजगेन्द्रवधूमिव	मूल
1430	5013030c	शोकजालेन महता विततेन न राजतीम्	मूल
1431	5013031a	संसक्तां धूमजालेन शिखामिव विभावसोः	मूल
1432	5013031c	तां स्मृतीमिव संदिघ्दामृद्धिं निपतितामिव	मूल
1433	5013032a	विहतामिव च श्रद्धामाशां प्रतिहतामिव	मूल
1434	5013032c	सोपसर्गां यथा सिद्धिं बुद्धिं सकलुषामिव	मूल
1435	5013033a	अभूतेनापवादेन कीर्तिं निपतितामिव	मूल
1436	5013033c	रामोपरोधव्यथितां रक्षोहरणकर्शिताम्	मूल
1437	5013034a	अबलां मृगशावाक्षीं वीक्षमाणां ततस्ततः	मूल
1438	5013034c	बाष्पाम्बुप्रतिपूर्णेन कृष्णवक्त्राक्षिपक्ष्मणा	मूल
1439	5013034e	वदनेनाप्रसन्नेन निःश्वसन्तीं पुनः पुनः	मूल
1440	5013035a	मलपङ्कधरां दीनां मण्डनार्हाममण्डिताम्	मूल
1441	5013035c	प्रभां नक्षत्रराजस्य कालमेघैरिवावृताम्	मूल
1442	5013036a	तस्य संदिदिहे बुद्धिर्मुहुः सीतां निरीक्ष्य तु	मूल
1443	5013036c	आम्नायानामयोगेन विद्यां प्रशिथिलामिव	मूल
1444	5013037a	दुःखेन बुबुधे सीतां हनुमाननलंकृताम्	मूल
1445	5013037c	संस्कारेण यथाहीनां वाचमर्थान्तरं गताम्	मूल
1446	5013038a	तां समीक्ष्य विशालाक्षीं राजपुत्रीमनिन्दिताम्	मूल
1447	5013038c	तर्कयामास सीतेति कारणैरुपपादयन्	मूल
1448	5013039a	वैदेह्या यानि चाङ्गेषु तदा रामोऽन्वकीर्तयत्	मूल
1449	5013039c	तान्याभरणजालानि गात्रशोभीन्यलक्षयत्	मूल
1450	5013040a	सुकृतौ कर्णवेष्टौ च श्वदंष्ट्रौ च सुसंस्थितौ	मूल
1451	5013040c	मणिविद्रुमचित्राणि हस्तेष्वाभरणानि च	मूल
1452	5013041a	श्यामानि चिरयुक्तत्वात्तथा संस्थानवन्ति च	मूल
1453	5013041c	तान्येवैतानि मन्येऽहं यानि रामोऽव्नकीर्तयत्	मूल
1454	5013042a	तत्र यान्यवहीनानि तान्यहं नोपलक्षये	मूल
1455	5013042c	यान्यस्या नावहीनानि तानीमानि न संशयः	मूल
1456	5013043a	पीतं कनकपट्टाभं स्रस्तं तद्वसनं शुभम्	मूल
1457	5013043c	उत्तरीयं नगासक्तं तदा दृष्टं प्लवंगमैः	मूल
1458	5013044a	भूषणानि च मुख्यानि दृष्टानि धरणीतले	मूल
1459	5013044c	अनयैवापविद्धानि स्वनवन्ति महान्ति च	मूल
1460	5013045a	इदं चिरगृहीतत्वाद्वसनं क्लिष्टवत्तरम्	मूल
1461	5013045c	तथा हि नूनं तद्वर्णं तथा श्रीमद्यथेतरत्	मूल
1462	5013046a	इयं कनकवर्णाङ्गी रामस्य महिषी प्रिया	मूल
1463	5013046c	प्रनष्टापि सती यस्य मनसो न प्रणश्यति	मूल
1464	5013047a	इयं सा यत्कृते रामश्चतुर्भिः परितप्यते	मूल
1465	5013047c	कारुण्येनानृशंस्येन शोकेन मदनेन च	मूल
1466	5013048a	स्त्री प्रनष्टेति कारुण्यादाश्रितेत्यानृशंस्यतः	मूल
1467	5013048c	पत्नी नष्टेति शोकेन प्रियेति मदनेन च	मूल
1468	5013049a	अस्या देव्या यथा रूपमङ्गप्रत्यङ्गसौष्ठवम्	मूल
1469	5013049c	रामस्य च यथारूपं तस्येयमसितेक्षणा	मूल
1470	5013050a	अस्या देव्या मनस्तस्मिंस्तस्य चास्यां प्रतिष्ठितम्	मूल
1471	5013050c	तेनेयं स च धर्मात्मा मुहूर्तमपि जीवति	मूल
1472	5013051a	दुष्करं कुरुते रामो य इमां मत्तकाशिनीम्	मूल
1473	5013051c	सीतां विना महाबाहुर्मुहूर्तमपि जीवति	मूल
1474	5013052a	एवं सीतां तदा दृष्ट्वा हृष्टः पवनसंभवः	मूल
1475	5013052c	जगाम मनसा रामं प्रशशंस च तं प्रभुम्	मूल
1476	5014001a	प्रशस्य तु प्रशस्तव्यां सीतां तां हरिपुंगवः	मूल
1477	5014001c	गुणाभिरामं रामं च पुनश्चिन्तापरोऽभवत्	मूल
1478	5014002a	स मुहूर्तमिव ध्यात्वा बाष्पपर्याकुलेक्षणः	मूल
1479	5014002c	सीतामाश्रित्य तेजस्वी हनुमान्विललाप ह	मूल
1480	5014003a	मान्या गुरुविनीतस्य लक्ष्मणस्य गुरुप्रिया	मूल
1481	5014003c	यदि सीतापि दुःखार्ता कालो हि दुरतिक्रमः	मूल
1482	5014004a	रामस्य व्यवसायज्ञा लक्ष्मणस्य च धीमतः	मूल
1483	5014004c	नात्यर्थं क्षुभ्यते देवी गङ्गेव जलदागमे	मूल
1484	5014005a	तुल्यशीलवयोवृत्तां तुल्याभिजनलक्षणाम्	मूल
1485	5014005c	राघवोऽर्हति वैदेहीं तं चेयमसितेक्षणा	मूल
1486	5014006a	तां दृष्ट्वा नवहेमाभां लोककान्तामिव श्रियम्	मूल
1487	5014006c	जगाम मनसा रामं वचनं चेदमब्रवीत्	मूल
1488	5014007a	अस्या हेतोर्विशालाक्ष्या हतो वाली महाबलः	मूल
1489	5014007c	रावणप्रतिमो वीर्ये कबन्धश्च निपातितः	मूल
1490	5014008a	विराधश्च हतः संख्ये राक्षसो भीमविक्रमः	मूल
1491	5014008c	वने रामेण विक्रम्य महेन्द्रेणेव शम्बरः	मूल
1492	5014009a	चतुर्दशसहस्राणि रक्षसां भीमकर्मणाम्	मूल
1493	5014009c	निहतानि जनस्थाने शरैरग्निशिखोपमैः	मूल
1494	5014010a	खरश्च निहतः संख्ये त्रिशिराश्च निपातितः	मूल
1495	5014010c	दूषणश्च महातेजा रामेण विदितात्मना	मूल
1496	5014011a	ऐश्वर्यं वानराणां च दुर्लभं वालिपालितम्	मूल
1497	5014011c	अस्या निमित्ते सुग्रीवः प्राप्तवाँल्लोकसत्कृतम्	मूल
1498	5014012a	सागरश्च मया क्रान्तः श्रीमान्नदनदीपतिः	मूल
1499	5014012c	अस्या हेतोर्विशालाक्ष्याः पुरी चेयं निरीक्षिता	मूल
1500	5014013a	यदि रामः समुद्रान्तां मेदिनीं परिवर्तयेत्	मूल
1501	5014013c	अस्याः कृते जगच्चापि युक्तमित्येव मे मतिः	मूल
1502	5014014a	राज्यं वा त्रिषु लोकेषु सीता वा जनकात्मजा	मूल
1503	5014014c	त्रैलोक्यराज्यं सकलं सीताया नाप्नुयात्कलाम्	मूल
1504	5014015a	इयं सा धर्मशीलस्य मैथिलस्य महात्मनः	मूल
1505	5014015c	सुता जनकराजस्य सीता भर्तृदृढव्रता	मूल
1506	5014016a	उत्थिता मेदिनीं भित्त्वा क्षेत्रे हलमुखक्षते	मूल
1507	5014016c	पद्मरेणुनिभैः कीर्णा शुभैः केदारपांसुभिः	मूल
1508	5014017a	विक्रान्तस्यार्यशीलस्य संयुगेष्वनिवर्तिनः	मूल
1509	5014017c	स्नुषा दशरथस्यैषा ज्येष्ठा राज्ञो यशस्विनी	मूल
1510	5014018a	धर्मज्ञस्य कृतज्ञस्य रामस्य विदितात्मनः	मूल
1511	5014018c	इयं सा दयिता भार्या राक्षसी वशमागता	मूल
1512	5014019a	सर्वान्भोगान्परित्यज्य भर्तृस्नेहबलात्कृता	मूल
1513	5014019c	अचिन्तयित्वा दुःखानि प्रविष्टा निर्जनं वनम्	मूल
1514	5014020a	संतुष्टा फलमूलेन भर्तृशुश्रूषणे रता	मूल
1515	5014020c	या परां भजते प्रीतिं वनेऽपि भवने यथा	मूल
1516	5014021a	सेयं कनकवर्णाङ्गी नित्यं सुस्मितभाषिणी	मूल
1517	5014021c	सहते यातनामेतामनर्थानामभागिनी	मूल
1518	5014022a	इमां तु शीलसंपन्नां द्रष्टुमिच्छति राघवः	मूल
1519	5014022c	रावणेन प्रमथितां प्रपामिव पिपासितः	मूल
1520	5014023a	अस्या नूनं पुनर्लाभाद्राघवः प्रीतिमेष्यति	मूल
1521	5014023c	राजा राज्यपरिभ्रष्टः पुनः प्राप्येव मेदिनीम्	मूल
1522	5014024a	कामभोगैः परित्यक्ता हीना बन्धुजनेन च	मूल
1523	5014024c	धारयत्यात्मनो देहं तत्समागमकाङ्क्षिणी	मूल
1524	5014025a	नैषा पश्यति राक्षस्यो नेमान्पुष्पफलद्रुमान्	मूल
1525	5014025c	एकस्थहृदया नूनं राममेवानुपश्यति	मूल
1526	5014026a	भर्ता नाम परं नार्या भूषणं भूषणादपि	मूल
1527	5014026c	एषा हि रहिता तेन शोभनार्हा न शोभते	मूल
1528	5014027a	दुष्करं कुरुते रामो हीनो यदनया प्रभुः	मूल
1529	5014027c	धारयत्यात्मनो देहं न दुःखेनावसीदति	मूल
1530	5014028a	इमामसितकेशान्तां शतपत्रनिभेक्षणाम्	मूल
1531	5014028c	सुखार्हां दुःखितां दृष्ट्वा ममापि व्यथितं मनः	मूल
1532	5014029a	क्षितिक्षमा पुष्करसंनिभाक्षी; या रक्षिता राघवलक्ष्मणाभ्याम्	मूल
1533	5014029c	सा राक्षसीभिर्विकृतेक्षणाभिः; संरक्ष्यते संप्रति वृक्षमूले	मूल
1534	5014030a	हिमहतनलिनीव नष्टशोभा; व्यसनपरम्परया निपीड्यमाना	मूल
1535	5014030c	सहचररहितेव चक्रवाकी; जनकसुता कृपणां दशां प्रपन्ना	मूल
1536	5014031a	अस्या हि पुष्पावनताग्रशाखाः; शोकं दृढं वै जनयत्यशोकाः	मूल
1537	5014031c	हिमव्यपायेन च मन्दरश्मि;रभ्युत्थितो नैकसहस्ररश्मिः	मूल
1538	5014032a	इत्येवमर्थं कपिरन्ववेक्ष्य; सीतेयमित्येव निविष्टबुद्धिः	मूल
1539	5014032c	संश्रित्य तस्मिन्निषसाद वृक्षे; बली हरीणामृषभस्तरस्वी	मूल
1540	5015001a	ततः कुमुदषण्डाभो निर्मलं निर्मलः स्वयम्
1541	5015001c	प्रजगाम नभश्चन्द्रो हंसो नीलमिवोदकम्
1542	5015002a	साचिव्यमिव कुर्वन्स प्रभया निर्मलप्रभः
1543	5015002c	चन्द्रमा रश्मिभिः शीतैः सिषेवे पवनात्मजम्
1544	5015003a	स ददर्श ततः सीतां पूर्णचन्द्रनिभाननाम्
1545	5015003c	शोकभारैरिव न्यस्तां भारैर्नावमिवाम्भसि
1546	5015004a	दिदृक्षमाणो वैदेहीं हनूमान्मारुतात्मजः
1547	5015004c	स ददर्शाविदूरस्था राक्षसीर्घोरदर्शनाः
1548	5015005a	एकाक्षीमेककर्णां च कर्णप्रावरणां तथा
1549	5015005c	अकर्णां शङ्कुकर्णां च मस्तकोच्छ्वासनासिकाम्
1550	5015006a	अतिकायोत्तमाङ्गीं च तनुदीर्घशिरोधराम्
1551	5015006c	ध्वस्तकेशीं तथाकेशीं केशकम्बलधारिणीम्
1552	5015007a	लम्बकर्णललाटां च लम्बोदरपयोधराम्
1553	5015007c	लम्बौष्ठीं चिबुकौष्ठीं च लम्बास्यां लम्बजानुकाम्
1554	5015008a	ह्रस्वां दीर्घां च कुब्जां च विकटां वामनां तथा
1555	5015008c	करालां भुग्नवस्त्रां च पिङ्गाक्षीं विकृताननाम्
1556	5015009a	विकृताः पिङ्गलाः कालीः क्रोधनाः कलहप्रियाः
1557	5015009c	कालायसमहाशूलकूटमुद्गरधारिणीः
1558	5015010a	वराहमृगशार्दूलमहिषाजशिवा मुखाः
1559	5015010c	गजोष्ट्रहयपादाश्च निखातशिरसोऽपराः
1560	5015011a	एकहस्तैकपादाश्च खरकर्ण्यश्वकर्णिकाः
1561	5015011c	गोकर्णीर्हस्तिकर्णीश्च हरिकर्णीस्तथापराः
1562	5015012a	अनासा अतिनासाश्च तिर्यन्नासा विनासिकाः
1563	5015012c	गजसंनिभनासाश्च ललाटोच्छ्वासनासिकाः
1564	5015013a	हस्तिपादा महापादा गोपादाः पादचूलिकाः
1565	5015013c	अतिमात्रशिरोग्रीवा अतिमात्रकुचोदरीः
1566	5015014a	अतिमात्रास्य नेत्राश्च दीर्घजिह्वानखास्तथा
1567	5015014c	अजामुखीर्हस्तिमुखीर्गोमुखीः सूकरीमुखीः
1568	5015015a	हयोष्ट्रखरवक्त्राश्च राक्षसीर्घोरदर्शनाः
1569	5015015c	शूलमुद्गरहस्ताश्च क्रोधनाः कलहप्रियाः
1570	5015016a	कराला धूम्रकेशीश्च रक्षसीर्विकृताननाः
1571	5015016c	पिबन्तीः सततं पानं सदा मांससुराप्रियाः
1572	5015017a	मांसशोणितदिग्धाङ्गीर्मांसशोणितभोजनाः
1573	5015017c	ता ददर्श कपिश्रेष्ठो रोमहर्षणदर्शनाः
1574	5015018a	स्कन्धवन्तमुपासीनाः परिवार्य वनस्पतिम्
1575	5015018c	तस्याधस्ताच्च तां देवीं राजपुत्रीमनिन्दिताम्
1576	5015019a	लक्षयामास लक्ष्मीवान्हनूमाञ्जनकात्मजाम्
1577	5015019c	निष्प्रभां शोकसंतप्तां मलसंकुलमूर्धजाम्
1578	5015020a	क्षीणपुण्यां च्युतां भूमौ तारां निपतितामिव
1579	5015020c	चारित्र्य व्यपदेशाढ्यां भर्तृदर्शनदुर्गताम्
1580	5015021a	भूषणैरुत्तमैर्हीनां भर्तृवात्सल्यभूषिताम्
1581	5015021c	राक्षसाधिपसंरुद्धां बन्धुभिश्च विनाकृताम्
1582	5015022a	वियूथां सिंहसंरुद्धां बद्धां गजवधूमिव
1583	5015022c	चन्द्रलेखां पयोदान्ते शारदाभ्रैरिवावृताम्
1584	5015023a	क्लिष्टरूपामसंस्पर्शादयुक्तामिव वल्लकीम्
1585	5015023c	सीतां भर्तृहिते युक्तामयुक्तां रक्षसां वशे
1586	5015024a	अशोकवनिकामध्ये शोकसागरमाप्लुताम्
1587	5015024c	ताभिः परिवृतां तत्र सग्रहामिव रोहिणीम्
1588	5015025a	ददर्श हनुमान्देवीं लतामकुसुमामिव
1589	5015025c	सा मलेन च दिग्धाङ्गी वपुषा चाप्यलंकृता
1590	5015026a	मृणाली पङ्कदिघ्देव विभाति च न भाति च
1591	5015026c	मलिनेन तु वस्त्रेण परिक्लिष्टेन भामिनीम्
1592	5015027a	संवृतां मृगशावाक्षीं ददर्श हनुमान्कपिः
1593	5015027c	तां देवीं दीनवदनामदीनां भर्तृतेजसा
1594	5015028a	रक्षितां स्वेन शीलेन सीतामसितलोचनाम्
1595	5015028c	तां दृष्ट्वा हनुमान्सीतां मृगशावनिभेक्षणाम्
1596	5015029a	मृगकन्यामिव त्रस्तां वीक्षमाणां समन्ततः
1597	5015029c	दहन्तीमिव निःश्वासैर्वृक्षान्पल्लवधारिणः
1598	5015030a	संघातमिव शोकानां दुःखस्योर्मिमिवोत्थिताम्
1599	5015030c	तां क्षामां सुविभक्ताङ्गीं विनाभरणशोभिनीम्
1600	5015031a	प्रहर्षमतुलं लेभे मारुतिः प्रेक्ष्य मैथिलीम्
1601	5015031c	हर्षजानि च सोऽश्रूणि तां दृष्ट्वा मदिरेक्षणाम्
1602	5015032a	मुमोच हनुमांस्तत्र नमश्चक्रे च राघवम्
1603	5015032c	नमस्कृत्वा च रामाय लक्ष्मणाय च वीर्यवान्
1604	5015033a	सीतादर्शनसंहृष्टो हनूमान्संवृतोऽभवत्
1605	5016001a	तथा विप्रेक्षमाणस्य वनं पुष्पितपादपम्
1606	5016001c	विचिन्वतश्च वैदेहीं किंचिच्छेषा निशाभवत्
1607	5016002a	षडङ्गवेदविदुषां क्रतुप्रवरयाजिनाम्
1608	5016002c	शुश्राव ब्रह्मघोषांश्च विरात्रे ब्रह्मरक्षसाम्
1609	5016003a	अथ मङ्गलवादित्रैः शब्दैः श्रोत्रमनोहरैः
1610	5016003c	प्राबोध्यत महाबाहुर्दशग्रीवो महाबलः
1611	5016004a	विबुध्य तु यथाकालं राक्षसेन्द्रः प्रतावपान्
1612	5016004c	स्रस्तमाल्याम्बरधरो वैदेहीमन्वचिन्तयत्
1613	5016005a	भृशं नियुक्तस्तस्यां च मदनेन मदोत्कटः
1614	5016005c	न स तं राक्षसः कामं शशाकात्मनि गूहितुम्
1615	5016006a	स सर्वाभरणैर्युक्तो बिभ्रच्छ्रियमनुत्तमाम्
1616	5016006c	तां नगैर्विविधैर्जुष्टां सर्वपुष्पफलोपगैः
1617	5016007a	वृतां पुष्करिणीभिश्च नानापुष्पोपशोभिताम्
1618	5016007c	सदामदैश्च विहगैर्विचित्रां परमाद्भुताम्
1619	5016008a	ईहामृगैश्च विविधैश्वृतां दृष्टिमनोहरैः
1620	5016008c	वीथीः संप्रेक्षमाणश्च मणिकाञ्चनतोरणाः
1621	5016009a	नानामृगगणाकीर्णां फलैः प्रपतितैर्वृताम्
1622	5016009c	अशोकवनिकामेव प्राविशत्संततद्रुमाम्
1623	5016010a	अङ्गनाशतमात्रं तु तं व्रजन्तमनुव्रजत्
1624	5016010c	महेन्द्रमिव पौलस्त्यं देवगन्धर्वयोषितः
1625	5016011a	दीपिकाः काञ्चनीः काश्चिज्जगृहुस्तत्र योषितः
1626	5016011c	बालव्यजनहस्ताश्च तालवृन्तानि चापराः
1627	5016012a	काञ्चनैरपि भृङ्गारैर्जह्रुः सलिलमग्रतः
1628	5016012c	मण्डलाग्रानसींश्चैव गृह्यान्याः पृष्ठतो ययुः
1629	5016013a	काचिद्रत्नमयीं पात्रीं पूर्णां पानस्य भामिनी
1630	5016013c	दक्षिणा दक्षिणेनैव तदा जग्राह पाणिना
1631	5016014a	राजहंसप्रतीकाशं छत्रं पूर्णशशिप्रभम्
1632	5016014c	सौवर्णदण्डमपरा गृहीत्वा पृष्ठतो ययौ
1633	5016015a	निद्रामदपरीताक्ष्यो रावणस्योत्तमस्त्रियः
1634	5016015c	अनुजग्मुः पतिं वीरं घनं विद्युल्लता इव
1635	5016016a	ततः काञ्चीनिनादं च नूपुराणां च निःस्वनम्
1636	5016016c	शुश्राव परमस्त्रीणां स कपिर्मारुतात्मजः
1637	5016017a	तं चाप्रतिमकर्माणमचिन्त्यबलपौरुषम्
1638	5016017c	द्वारदेशमनुप्राप्तं ददर्श हनुमान्कपिः
1639	5016018a	दीपिकाभिरनेकाभिः समन्तादवभासितम्
1640	5016018c	गन्धतैलावसिक्ताभिर्ध्रियमाणाभिरग्रतः
1641	5016019a	कामदर्पमदैर्युक्तं जिह्मताम्रायतेक्षणम्
1642	5016019c	समक्षमिव कन्दर्पमपविद्ध शरासनम्
1643	5016020a	मथितामृतफेनाभमरजो वस्त्रमुत्तमम्
1644	5016020c	सलीलमनुकर्षन्तं विमुक्तं सक्तमङ्गदे
1645	5016021a	तं पत्रविटपे लीनः पत्रपुष्पघनावृतः
1646	5016021c	समीपमुपसंक्रान्तं निध्यातुमुपचक्रमे
1647	5016022a	अवेक्षमाणश्च ततो ददर्श कपिकुञ्जरः
1648	5016022c	रूपयौवनसंपन्ना रावणस्य वरस्त्रियः
1649	5016023a	ताभिः परिवृतो राजा सुरूपाभिर्महायशाः
1650	5016023c	तन्मृगद्विजसंघुष्टं प्रविष्टः प्रमदावनम्
1651	5016024a	क्षीबो विचित्राभरणः शङ्कुकर्णो महाबलः
1652	5016024c	तेन विश्रवसः पुत्रः स दृष्टो राक्षसाधिपः
1653	5016025a	वृतः परमनारीभिस्ताराभिरिव चन्द्रमाः
1654	5016025c	तं ददर्श महातेजास्तेजोवन्तं महाकपिः
1655	5016026a	रावणोऽयं महाबाहुरिति संचिन्त्य वानरः
1656	5016026c	अवप्लुतो महातेजा हनूमान्मारुतात्मजः
1657	5016027a	स तथाप्युग्रतेजाः सन्निर्धूतस्तस्य तेजसा
1658	5016027c	पत्रगुह्यान्तरे सक्तो हनूमान्संवृतोऽभवत्
1659	5016028a	स तामसितकेशान्तां सुश्रोणीं संहतस्तनीम्
1660	5016028c	दिदृक्षुरसितापाङ्गीमुपावर्तत रावणः
1661	5017001a	तस्मिन्नेव ततः काले राजपुत्री त्वनिन्दिता
1662	5017001c	रूपयौवनसंपन्नं भूषणोत्तमभूषितम्
1663	5017002a	ततो दृष्ट्वैव वैदेही रावणं राक्षसाधिपम्
1664	5017002c	प्रावेपत वरारोहा प्रवाते कदली यथा
1665	5017003a	ऊरुभ्यामुदरं छाद्य बाहुभ्यां च पयोधरौ
1666	5017003c	उपविष्टा विशालाक्षी रुदन्ती वरवर्णिनी
1667	5017004a	दशग्रीवस्तु वैदेहीं रक्षितां राक्षसीगणैः
1668	5017004c	ददर्श दीनां दुःखार्तं नावं सन्नामिवार्णवे
1669	5017005a	असंवृतायामासीनां धरण्यां संशितव्रताम्
1670	5017005c	छिन्नां प्रपतितां भूमौ शाखामिव वनस्पतेः
1671	5017005e	मलमण्डनदिग्धाङ्गीं मण्डनार्हाममण्डिताम्
1672	5017006a	समीपं राजसिंहस्य रामस्य विदितात्मनः
1673	5017006c	संकल्पहयसंयुक्तैर्यान्तीमिव मनोरथैः
1674	5017007a	शुष्यन्तीं रुदतीमेकां ध्यानशोकपरायणाम्
1675	5017007c	दुःखस्यान्तमपश्यन्तीं रामां राममनुव्रताम्
1676	5017008a	वेष्टमानामथाविष्टां पन्नगेन्द्रवधूमिव
1677	5017008c	धूप्यमानां ग्रहेणेव रोहिणीं धूमकेतुना
1678	5017009a	वृत्तशीले कुले जातामाचारवति धार्मिके
1679	5017009c	पुनः संस्कारमापन्नां जातमिव च दुष्कुले
1680	5017010a	सन्नामिव महाकीर्तिं श्रद्धामिव विमानिताम्
1681	5017010c	प्रज्ञामिव परिक्षीणामाशां प्रतिहतामिव
1682	5017011a	आयतीमिव विध्वस्तामाज्ञां प्रतिहतामिव
1683	5017011c	दीप्तामिव दिशं काले पूजामपहृतामिव
1684	5017012a	पद्मिनीमिव विध्वस्तां हतशूरां चमूमिव
1685	5017012c	प्रभामिव तपोध्वस्तामुपक्षीणामिवापगाम्
1686	5017013a	वेदीमिव परामृष्टां शान्तामग्निशिखामिव
1687	5017013c	पौर्णमासीमिव निशां राहुग्रस्तेन्दुमण्डलाम्
1688	5017014a	उत्कृष्टपर्णकमलां वित्रासितविहंगमाम्
1689	5017014c	हस्तिहस्तपरामृष्टामाकुलां पद्मिनीमिव
1690	5017015a	पतिशोकातुरां शुष्कां नदीं विस्रावितामिव
1691	5017015c	परया मृजया हीनां कृष्णपक्षे निशामिव
1692	5017016a	सुकुमारीं सुजाताङ्गीं रत्नगर्भगृहोचिताम्
1693	5017016c	तप्यमानामिवोष्णेन मृणालीमचिरोद्धृताम्
1694	5017017a	गृहीतामालितां स्तम्भे यूथपेन विनाकृताम्
1695	5017017c	निःश्वसन्तीं सुदुःखार्तां गजराजवधूमिव
1696	5017018a	एकया दीर्घया वेण्या शोभमानामयत्नतः
1697	5017018c	नीलया नीरदापाये वनराज्या महीमिव
1698	5017019a	उपवासेन शोकेन ध्यानेन च भयेन च
1699	5017019c	परिक्षीणां कृशां दीनामल्पाहारां तपोधनाम्
1700	5017020a	आयाचमानां दुःखार्तां प्राञ्जलिं देवतामिव
1701	5017020c	भावेन रघुमुख्यस्य दशग्रीवपराभवम्
1702	5017021a	समीक्षमाणां रुदतीमनिन्दितां; सुपक्ष्मताम्रायतशुक्ललोचनाम्
1703	5017021c	अनुव्रतां राममतीव मैथिलीं; प्रलोभयामास वधाय रावणः
1704	5018001a	स तां परिवृतां दीनां निरानन्दां तपस्विनीम्
1705	5018001c	साकारैर्मधुरैर्वाक्यैर्न्यदर्शयत रावणः
1706	5018002a	मां दृष्ट्वा नागनासोरुगूहमाना स्तनोदरम्
1707	5018002c	अदर्शनमिवात्मानं भयान्नेतुं त्वमिच्छसि
1708	5018003a	कामये त्वां विशालाक्षि बहुमन्यस्व मां प्रिये
1709	5018003c	सर्वाङ्गगुणसंपन्ने सर्वलोकमनोहरे
1710	5018004a	नेह केचिन्मनुष्या वा राक्षसाः कामरूपिणः
1711	5018004c	व्यपसर्पतु ते सीते भयं मत्तः समुत्थितम्
1712	5018005a	स्वधर्मे रक्षसां भीरु सर्वथैष न संशयः
1713	5018005c	गमनं वा परस्त्रीणां हरणं संप्रमथ्य वा
1714	5018006a	एवं चैतदकामां च न त्वां स्प्रक्ष्यामि मैथिलि
1715	5018006c	कामं कामः शरीरे मे यथाकामं प्रवर्तताम्
1716	5018007a	देवि नेह भयं कार्यं मयि विश्वसिहि प्रिये
1717	5018007c	प्रणयस्व च तत्त्वेन मैवं भूः शोकलालसा
1718	5018008a	एकवेणी धराशय्या ध्यानं मलिनमम्बरम्
1719	5018008c	अस्थानेऽप्युपवासश्च नैतान्यौपयिकानि ते
1720	5018009a	विचित्राणि च माल्यानि चन्दनान्यगरूणि च
1721	5018009c	विविधानि च वासांसि दिव्यान्याभरणानि च
1722	5018010a	महार्हाणि च पानानि यानानि शयनानि च
1723	5018010c	गीतं नृत्तं च वाद्यं च लभ मां प्राप्य मैथिलि
1724	5018011a	स्त्रीरत्नमसि मैवं भूः कुरु गात्रेषु भूषणम्
1725	5018011c	मां प्राप्य तु कथं हि स्यास्त्वमनर्हा सुविग्रहे
1726	5018012a	इदं ते चारुसंजातं यौवनं व्यतिवर्तते
1727	5018012c	यदतीतं पुनर्नैति स्रोतः शीघ्रमपामिव
1728	5018013a	त्वां कृत्वोपरतो मन्ये रूपकर्ता स विश्वकृत्
1729	5018013c	न हि रूपोपमा त्वन्या तवास्ति शुभदर्शने
1730	5018014a	त्वां समासाद्य वैदेहि रूपयौवनशालिनीम्
1731	5018014c	कः पुमानतिवर्तेत साक्षादपि पितामहः
1732	5018015a	यद्यत्पश्यामि ते गात्रं शीतांशुसदृशानने
1733	5018015c	तस्मिंस्तस्मिन्पृथुश्रोणि चक्षुर्मम निबध्यते
1734	5018016a	भव मैथिलि भार्या मे मोहमेनं विसर्जय
1735	5018016c	बह्वीनामुत्तमस्त्रीणां ममाग्रमहिषी भव
1736	5018017a	लोकेभ्यो यानि रत्नानि संप्रमथ्याहृतानि मे
1737	5018017c	तानि ते भीरु सर्वाणि राज्यं चैतदहं च ते
1738	5018018a	विजित्य पृथिवीं सर्वां नानानगरमालिनीम्
1739	5018018c	जनकाय प्रदास्यामि तव हेतोर्विलासिनि
1740	5018019a	नेह पश्यामि लोकेऽन्यं यो मे प्रतिबलो भवेत्
1741	5018019c	पश्य मे सुमहद्वीर्यमप्रतिद्वन्द्वमाहवे
1742	5018020a	असकृत्संयुगे भग्ना मया विमृदितध्वजाः
1743	5018020c	अशक्ताः प्रत्यनीकेषु स्थातुं मम सुरासुराः
1744	5018021a	इच्छ मां क्रियतामद्य प्रतिकर्म तवोत्तमम्
1745	5018021c	सप्रभाण्यवसज्जन्तां तवाङ्गे भूषणानि च
1746	5018021e	साधु पश्यामि ते रूपं संयुक्तं प्रतिकर्मणा
1747	5018022a	प्रतिकर्माभिसंयुक्ता दाक्षिण्येन वरानने
1748	5018022c	भुङ्क्ष्व भोगान्यथाकामं पिब भीरु रमस्व च
1749	5018022e	यथेष्टं च प्रयच्छ त्वं पृथिवीं वा धनानि च
1750	5018023a	ललस्व मयि विस्रब्धा धृष्टमाज्ञापयस्व च
1751	5018023c	मत्प्रभावाल्ललन्त्याश्च ललन्तां बान्धवास्तव
1752	5018024a	ऋद्धिं ममानुपश्य त्वं श्रियं भद्रे यशश्च मे
1753	5018024c	किं करिष्यसि रामेण सुभगे चीरवाससा
1754	5018025a	निक्षिप्तविजयो रामो गतश्रीर्वनगोचरः
1755	5018025c	व्रती स्थण्डिलशायी च शङ्के जीवति वा न वा
1756	5018026a	न हि वैदेहि रामस्त्वां द्रष्टुं वाप्युपलप्स्यते
1757	5018026c	पुरो बलाकैरसितैर्मेघैर्ज्योत्स्नामिवावृताम्
1758	5018027a	न चापि मम हस्तात्त्वां प्राप्तुमर्हति राघवः
1759	5018027c	हिरण्यकशिपुः कीर्तिमिन्द्रहस्तगतामिव
1760	5018028a	चारुस्मिते चारुदति चारुनेत्रे विलासिनि
1761	5018028c	मनो हरसि मे भीरु सुपर्णः पन्नगं यथा
1762	5018029a	क्लिष्टकौशेयवसनां तन्वीमप्यनलंकृताम्
1763	5018029c	तां दृष्ट्वा स्वेषु दारेषु रतिं नोपलभाम्यहम्
1764	5018030a	अन्तःपुरनिवासिन्यः स्त्रियः सर्वगुणान्विताः
1765	5018030c	यावन्त्यो मम सर्वासामैश्वर्यं कुरु जानकि
1766	5018031a	मम ह्यसितकेशान्ते त्रैलोक्यप्रवराः स्त्रियः
1767	5018031c	तास्त्वां परिचरिष्यन्ति श्रियमप्सरसो यथा
1768	5018032a	यानि वैश्रवणे सुभ्रु रत्नानि च धनानि च
1769	5018032c	तानि लोकांश्च सुश्रोणि मां च भुङ्क्ष्व यथासुखम्
1770	5018033a	न रामस्तपसा देवि न बलेन न विक्रमैः
1771	5018033c	न धनेन मया तुल्यस्तेजसा यशसापि वा
1772	5018034a	पिब विहर रमस्व भुङ्क्ष्व भोगा;न्धननिचयं प्रदिशामि मेदिनीं च
1773	5018034c	मयि लल ललने यथासुखं त्वं; त्वयि च समेत्य ललन्तु बान्धवास्ते
1774	5018035a	कुसुमिततरुजालसंततानि; भ्रमरयुतानि समुद्रतीरजानि
1775	5018035c	कनकविमलहारभूषिताङ्गी; विहर मया सह भीरु काननानि
1776	5019001a	तस्य तद्वचनं श्रुत्वा सीता रौद्रस्य रक्षसः
1777	5019001c	आर्ता दीनस्वरा दीनं प्रत्युवाच शनैर्वचः
1778	5019002a	दुःखार्ता रुदती सीता वेपमाना तपस्विनी
1779	5019002c	चिन्तयन्ती वरारोहा पतिमेव पतिव्रता
1780	5019003a	तृणमन्तरतः कृत्वा प्रत्युवाच शुचिस्मिता
1781	5019003c	निवर्तय मनो मत्तः स्वजने क्रियतां मनः
1782	5019004a	न मां प्रार्थयितुं युक्तस्त्वं सिद्धिमिव पापकृत्
1783	5019004c	अकार्यं न मया कार्यमेकपत्न्या विगर्हितम्
1784	5019004e	कुलं संप्राप्तया पुण्यं कुले महति जातया
1785	5019005a	एवमुक्त्वा तु वैदेही रावणं तं यशस्विनी
1786	5019005c	राक्षसं पृष्ठतः कृत्वा भूयो वचनमब्रवीत्
1787	5019006a	नाहमौपयिकी भार्या परभार्या सती तव
1788	5019006c	साधु धर्ममवेक्षस्व साधु साधुव्रतं चर
1789	5019007a	यथा तव तथान्येषां रक्ष्या दारा निशाचर
1790	5019007c	आत्मानमुपमां कृत्वा स्वेषु दारेषु रम्यताम्
1791	5019008a	अतुष्टं स्वेषु दारेषु चपलं चलितेन्द्रियम्
1792	5019008c	नयन्ति निकृतिप्रज्ञां परदाराः पराभवम्
1793	5019009a	इह सन्तो न वा सन्ति सतो वा नानुवर्तसे
1794	5019009c	वचो मिथ्या प्रणीतात्मा पथ्यमुक्तं विचक्षणैः
1795	5019010a	अकृतात्मानमासाद्य राजानमनये रतम्
1796	5019010c	समृद्धानि विनश्यन्ति राष्ट्राणि नगराणि च
1797	5019011a	तथेयं त्वां समासाद्य लङ्का रत्नौघ संकुला
1798	5019011c	अपराधात्तवैकस्य नचिराद्विनशिष्यति
1799	5019012a	स्वकृतैर्हन्यमानस्य रावणादीर्घदर्शिनः
1800	5019012c	अभिनन्दन्ति भूतानि विनाशे पापकर्मणः
1801	5019013a	एवं त्वां पापकर्माणं वक्ष्यन्ति निकृता जनाः
1802	5019013c	दिष्ट्यैतद्व्यसनं प्राप्तो रौद्र इत्येव हर्षिताः
1803	5019014a	शक्या लोभयितुं नाहमैश्वर्येण धनेन वा
1804	5019014c	अनन्या राघवेणाहं भास्करेण प्रभा यथा
1805	5019015a	उपधाय भुजं तस्य लोकनाथस्य सत्कृतम्
1806	5019015c	कथं नामोपधास्यामि भुजमन्यस्य कस्यचित्
1807	5019016a	अहमौपयिकी भार्या तस्यैव वसुधापतेः
1808	5019016c	व्रतस्नातस्य विप्रस्य विद्येव विदितात्मनः
1809	5019017a	साधु रावण रामेण मां समानय दुःखिताम्
1810	5019017c	वने वाशितया सार्धं करेण्वेव गजाधिपम्
1811	5019018a	मित्रमौपयिकं कर्तुं रामः स्थानं परीप्सता
1812	5019018c	वधं चानिच्छता घोरं त्वयासौ पुरुषर्षभः
1813	5019019a	वर्जयेद्वज्रमुत्सृष्टं वर्जयेदन्तकश्चिरम्
1814	5019019c	त्वद्विधं न तु संक्रुद्धो लोकनाथः स राघवः
1815	5019020a	रामस्य धनुषः शब्दं श्रोष्यसि त्वं महास्वनम्
1816	5019020c	शतक्रतुविसृष्टस्य निर्घोषमशनेरिव
1817	5019021a	इह शीघ्रं सुपर्वाणो ज्वलितास्या इवोरगाः
1818	5019021c	इषवो निपतिष्यन्ति रामलक्ष्मणलक्षणाः
1819	5019022a	रक्षांसि परिनिघ्नन्तः पुर्यामस्यां समन्ततः
1820	5019022c	असंपातं करिष्यन्ति पतन्तः कङ्कवाससः
1821	5019023a	राक्षसेन्द्रमहासर्पान्स रामगरुडो महान्
1822	5019023c	उद्धरिष्यति वेगेन वैनतेय इवोरगान्
1823	5019024a	अपनेष्यति मां भर्ता त्वत्तः शीघ्रमरिंदमः
1824	5019024c	असुरेभ्यः श्रियं दीप्तां विष्णुस्त्रिभिरिव क्रमैः
1825	5019025a	जनस्थाने हतस्थाने निहते रक्षसां बले
1826	5019025c	अशक्तेन त्वया रक्षः कृतमेतदसाधु वै
1827	5019026a	आश्रमं तु तयोः शून्यं प्रविश्य नरसिंहयोः
1828	5019026c	गोचरं गतयोर्भ्रात्रोरपनीता त्वयाधम
1829	5019027a	न हि गन्धमुपाघ्राय रामलक्ष्मणयोस्त्वया
1830	5019027c	शक्यं संदर्शने स्थातुं शुना शार्दूलयोरिव
1831	5019028a	तस्य ते विग्रहे ताभ्यां युगग्रहणमस्थिरम्
1832	5019028c	वृत्रस्येवेन्द्रबाहुभ्यां बाहोरेकस्य निग्रहः
1833	5019029a	क्षिप्रं तव स नाथो मे रामः सौमित्रिणा सह
1834	5019029c	तोयमल्पमिवादित्यः प्राणानादास्यते शरैः
1835	5019030a	गिरिं कुबेरस्य गतोऽथवालयं; सभां गतो वा वरुणस्य राज्ञः
1836	5019030c	असंशयं दाशरथेर्न मोक्ष्यसे; महाद्रुमः कालहतोऽशनेरिव
1837	5020001a	सीताया वचनं श्रुत्वा परुषं राक्षसाधिपः
1838	5020001c	प्रत्युवाच ततः सीतां विप्रियं प्रियदर्शनाम्
1839	5020002a	यथा यथा सान्त्वयिता वश्यः स्त्रीणां तथा तथा
1840	5020002c	यथा यथा प्रियं वक्ता परिभूतस्तथा तथा
1841	5020003a	संनियच्छति मे क्रोधं त्वयि कामः समुत्थितः
1842	5020003c	द्रवतो मार्गमासाद्य हयानिव सुसारथिः
1843	5020004a	वामः कामो मनुष्याणां यस्मिन्किल निबध्यते
1844	5020004c	जने तस्मिंस्त्वनुक्रोशः स्नेहश्च किल जायते
1845	5020005a	एतस्मात्कारणान्न तां घतयामि वरानने
1846	5020005c	वधार्हामवमानार्हां मिथ्याप्रव्रजिते रताम्
1847	5020006a	परुषाणि हि वाक्यानि यानि यानि ब्रवीषि माम्
1848	5020006c	तेषु तेषु वधो युक्तस्तव मैथिलि दारुणः
1849	5020007a	एवमुक्त्वा तु वैदेहीं रावणो राक्षसाधिपः
1850	5020007c	क्रोधसंरम्भसंयुक्तः सीतामुत्तरमब्रवीत्
1851	5020008a	द्वौ मासौ रक्षितव्यौ मे योऽवधिस्ते मया कृतः
1852	5020008c	ततः शयनमारोह मम त्वं वरवर्णिनि
1853	5020009a	द्वाभ्यामूर्ध्वं तु मासाभ्यां भर्तारं मामनिच्छतीम्
1854	5020009c	मम त्वां प्रातराशार्थमारभन्ते महानसे
1855	5020010a	तां तर्ज्यमानां संप्रेक्ष्य राक्षसेन्द्रेण जानकीम्
1856	5020010c	देवगन्धर्वकन्यास्ता विषेदुर्विपुलेक्षणाः
1857	5020011a	ओष्ठप्रकारैरपरा नेत्रवक्त्रैस्तथापराः
1858	5020011c	सीतामाश्वासयामासुस्तर्जितां तेन रक्षसा
1859	5020012a	ताभिराश्वासिता सीता रावणं राक्षसाधिपम्
1860	5020012c	उवाचात्महितं वाक्यं वृत्तशौण्डीर्यगर्वितम्
1861	5020013a	नूनं न ते जनः कश्चिदसिन्निःश्रेयसे स्थितः
1862	5020013c	निवारयति यो न त्वां कर्मणोऽस्माद्विगर्हितात्
1863	5020014a	मां हि धर्मात्मनः पत्नीं शचीमिव शचीपतेः
1864	5020014c	त्वदन्यस्त्रिषु लोकेषु प्रार्थयेन्मनसापि कः
1865	5020015a	राक्षसाधम रामस्य भार्याममिततेजसः
1866	5020015c	उक्तवानसि यत्पापं क्व गतस्तस्य मोक्ष्यसे
1867	5020016a	यथा दृप्तश्च मातङ्गः शशश्च सहितौ वने
1868	5020016c	तथा द्विरदवद्रामस्त्वं नीच शशवत्स्मृतः
1869	5020017a	स त्वमिक्ष्वाकुनाथं वै क्षिपन्निह न लज्जसे
1870	5020017c	चक्षुषो विषयं तस्य न तावदुपगच्छसि
1871	5020018a	इमे ते नयने क्रूरे विरूपे कृष्णपिङ्गले
1872	5020018c	क्षितौ न पतिते कस्मान्मामनार्यनिरीक्षितः
1873	5020019a	तस्य धर्मात्मनः पत्नीं स्नुषां दशरथस्य च
1874	5020019c	कथं व्याहरतो मां ते न जिह्वा पाप शीर्यते
1875	5020020a	असंदेशात्तु रामस्य तपसश्चानुपालनात्
1876	5020020c	न त्वां कुर्मि दशग्रीव भस्म भस्मार्हतेजसा
1877	5020021a	नापहर्तुमहं शक्या तस्य रामस्य धीमतः
1878	5020021c	विधिस्तव वधार्थाय विहितो नात्र संशयः
1879	5020022a	शूरेण धनदभ्राता बलैः समुदितेन च
1880	5020022c	अपोह्य रामं कस्माद्धि दारचौर्यं त्वया कृतम्
1881	5020023a	सीताया वचनं श्रुत्वा रावणो राक्षसाधिपः
1882	5020023c	विवृत्य नयने क्रूरे जानकीमन्ववैक्षत
1883	5020024a	नीलजीमूतसंकाशो महाभुजशिरोधरः
1884	5020024c	सिंहसत्त्वगतिः श्रीमान्दीप्तजिह्वोग्रलोचनः
1885	5020025a	चलाग्रमकुटः प्रांशुश्चित्रमाल्यानुलेपनः
1886	5020025c	रक्तमाल्याम्बरधरस्तप्ताङ्गदविभूषणः
1887	5020026a	श्रोणीसूत्रेण महता मेककेन सुसंवृतः
1888	5020026c	अमृतोत्पादनद्धेन भुजंगेनेव मन्दरः
1889	5020027a	तरुणादित्यवर्णाभ्यां कुण्डलाभ्यां विभूषितः
1890	5020027c	रक्तपल्लवपुष्पाभ्यामशोकाभ्यामिवाचलः
1891	5020028a	अवेक्षमाणो वैदेहीं कोपसंरक्तलोचनः
1892	5020028c	उवाच रावणः सीतां भुजंग इव निःश्वसन्
1893	5020029a	अनयेनाभिसंपन्नमर्थहीनमनुव्रते
1894	5020029c	नाशयाम्यहमद्य त्वां सूर्यः संध्यामिवौजसा
1895	5020030a	इत्युक्त्वा मैथिलीं राजा रावणः शत्रुरावणः
1896	5020030c	संदिदेश ततः सर्वा राक्षसीर्घोरदर्शनाः
1897	5020031a	एकाक्षीमेककर्णां च कर्णप्रावरणां तथा
1898	5020031c	गोकर्णीं हस्तिकर्णीं च लम्बकर्णीमकर्णिकाम्
1899	5020032a	हस्तिपद्य श्वपद्यौ च गोपदीं पादचूलिकाम्
1900	5020032c	एकाक्षीमेकपादीं च पृथुपादीमपादिकाम्
1901	5020033a	अतिमात्रशिरोग्रीवामतिमात्रकुचोदरीम्
1902	5020033c	अतिमात्रास्यनेत्रां च दीर्घजिह्वामजिह्विकाम्
1903	5020033e	अनासिकां सिंहमुखीं गोमुखीं सूकरीमुखीम्
1904	5020034a	यथा मद्वशगा सीता क्षिप्रं भवति जानकी
1905	5020034c	तथा कुरुत राक्षस्यः सर्वाः क्षिप्रं समेत्य च
1906	5020035a	प्रतिलोमानुलोमैश्च सामदानादिभेदनैः
1907	5020035c	आवर्तयत वैदेहीं दण्डस्योद्यमनेन च
1908	5020036a	इति प्रतिसमादिश्य राक्षसेन्द्रः पुनः पुनः
1909	5020036c	काममन्युपरीतात्मा जानकीं पर्यतर्जयत्
1910	5020037a	उपगम्य ततः क्षिप्रं राक्षसी धान्यमालिनी
1911	5020037c	परिष्वज्य दशग्रीवमिदं वचनमब्रवीत्
1912	5020038a	मया क्रीड महाराजसीतया किं तवानया
1913	5020038c	अकामां कामयानस्य शरीरमुपतप्यते
1914	5020038e	इच्छन्तीं कामयानस्य प्रीतिर्भवति शोभना
1915	5020039a	एवमुक्तस्तु राक्षस्या समुत्क्षिप्तस्ततो बली
1916	5020039c	ज्वलद्भास्करवर्णाभं प्रविवेश निवेशनम्
1917	5020040a	देवगन्धर्वकन्याश्च नागकन्याश्च तास्ततः
1918	5020040c	परिवार्य दशग्रीवं विविशुस्तद्गृहोत्तमम्
1919	5020041a	स मैथिलीं धर्मपरामवस्थितां; प्रवेपमानां परिभर्त्स्य रावणः
1920	5020041c	विहाय सीतां मदनेन मोहितः; स्वमेव वेश्म प्रविवेश भास्वरम्
1921	5021001a	इत्युक्त्वा मैथिलीं राजा रावणः शत्रुरावणः
1922	5021001c	संदिश्य च ततः सर्वा राक्षसीर्निर्जगाम ह
1923	5021002a	निष्क्रान्ते राक्षसेन्द्रे तु पुनरन्तःपुरं गते
1924	5021002c	राक्षस्यो भीमरूपास्ताः सीतां समभिदुद्रुवुः
1925	5021003a	ततः सीतामुपागम्य राक्षस्यः क्रोधमूर्छिताः
1926	5021003c	परं परुषया वाचा वैदेहीमिदमब्रुवन्
1927	5021004a	पौलस्त्यस्य वरिष्ठस्य रावणस्य महात्मनः
1928	5021004c	दशग्रीवस्य भार्यात्वं सीते न बहु मन्यसे
1929	5021005a	ततस्त्वेकजटा नाम राक्षसी वाक्यमब्रवीत्
1930	5021005c	आमन्त्र्य क्रोधताम्राक्षी सीतां करतलोदरीम्
1931	5021006a	प्रजापतीनां षण्णां तु चतुर्थो यः प्रजापतिः
1932	5021006c	मानसो ब्रह्मणः पुत्रः पुलस्त्य इति विश्रुतः
1933	5021007a	पुलस्त्यस्य तु तेजस्वी महर्षिर्मानसः सुतः
1934	5021007c	नाम्ना स विश्रवा नाम प्रजापतिसमप्रभः
1935	5021008a	तस्य पुत्रो विशालाक्षि रावणः शत्रुरावणः
1936	5021008c	तस्य त्वं राक्षसेन्द्रस्य भार्या भवितुमर्हसि
1937	5021008e	मयोक्तं चारुसर्वाङ्गि वाक्यं किं नानुमन्यसे
1938	5021009a	ततो हरिजटा नाम राक्षसी वाक्यमब्रवीत्
1939	5021009c	विवृत्य नयने कोपान्मार्जारसदृशेक्षणा
1940	5021010a	येन देवास्त्रयस्त्रिंशद्देवराजश्च निर्जितः
1941	5021010c	तस्य त्वं राक्षसेन्द्रस्य भार्या भवितुमर्हसि
1942	5021011a	वीर्योत्सिक्तस्य शूरस्य संग्रामेष्वनिवर्तिनः
1943	5021011c	बलिनो वीर्ययुक्तस्या भार्यात्वं किं न लप्स्यसे
1944	5021012a	प्रियां बहुमतां भार्यां त्यक्त्वा राजा महाबलः
1945	5021012c	सर्वासां च महाभागां त्वामुपैष्यति रावणः
1946	5021013a	समृद्धं स्त्रीसहस्रेण नानारत्नोपशोभितम्
1947	5021013c	अन्तःपुरं समुत्सृज्य त्वामुपैष्यति रावणः
1948	5021014a	असकृद्देवता युद्धे नागगन्धर्वदानवाः
1949	5021014c	निर्जिताः समरे येन स ते पार्श्वमुपागतः
1950	5021015a	तस्य सर्वसमृद्धस्या रावणस्य महात्मनः
1951	5021015c	किमर्थं राक्षसेन्द्रस्य भार्यात्वं नेच्छसेऽधमे
1952	5021016a	यस्य सूर्यो न तपति भीतो यस्य च मारुतः
1953	5021016c	न वाति स्मायतापाङ्गे किं त्वं तस्य न तिष्ठसि
1954	5021017a	पुष्पवृष्टिं च तरवो मुमुचुर्यस्य वै भयात्
1955	5021017c	शैलाश्च सुभ्रु पानीयं जलदाश्च यदेच्छति
1956	5021018a	तस्य नैरृतराजस्य राजराजस्य भामिनि
1957	5021018c	किं त्वं न कुरुषे बुद्धिं भार्यार्थे रावणस्य हि
1958	5021019a	साधु ते तत्त्वतो देवि कथितं साधु भामिनि
1959	5021019c	गृहाण सुस्मिते वाक्यमन्यथा न भविष्यसि
1960	5022001a	ततः सीतामुपागम्य राक्षस्यो विकृताननाः	मूल
1961	5022001c	परुषं परुषा नार्य ऊचुस्ता वाक्यमप्रियम्	मूल
1962	5022002a	किं त्वमन्तःपुरे सीते सर्वभूतमनोहरे	मूल
1963	5022002c	महार्हशयनोपेते न वासमनुमन्यसे	मूल
1964	5022003a	मानुषी मानुषस्यैव भार्यात्वं बहु मन्यसे	मूल
1965	5022003c	प्रत्याहर मनो रामान्न त्वं जातु भविष्यसि	मूल
1966	5022004a	मानुषी मानुषं तं तु राममिच्छसि शोभने	मूल
1967	5022004c	राज्याद्भ्रष्टमसिद्धार्थं विक्लवं तमनिन्दिते	मूल
1968	5022005a	राक्षसीनां वचः श्रुत्वा सीता पद्मनिभेक्षणा	मूल
1969	5022005c	नेत्राभ्यामश्रुपूर्णाभ्यामिदं वचनमब्रवीत्	मूल
1970	5022006a	यदिदं लोकविद्विष्टमुदाहरथ संगताः	मूल
1971	5022006c	नैतन्मनसि वाक्यं मे किल्बिषं प्रतितिष्ठति	मूल
1972	5022007a	न मानुषी राक्षसस्य भार्या भवितुमर्हति	मूल
1973	5022007c	कामं खादत मां सर्वा न करिष्यामि वो वचः	मूल
1974	5022007e	दीनो वा राज्यहीनो वा यो मे भर्ता स मे गुरुः	मूल
1975	5022008a	सीताया वचनं श्रुत्वा राक्षस्यः क्रोधमूर्छिताः	मूल
1976	5022008c	भर्त्सयन्ति स्म परुषैर्वाक्यै रावणचोदिताः	मूल
1977	5022009a	अवलीनः स निर्वाक्यो हनुमाञ्शिंशपाद्रुमे	मूल
1978	5022009c	सीतां संतर्जयन्तीस्ता राक्षसीरशृणोत्कपिः	मूल
1979	5022010a	तामभिक्रम्य संरब्धा वेपमानां समन्ततः	मूल
1980	5022010c	भृशं संलिलिहुर्दीप्तान्प्रलम्बदशनच्छदान्	मूल
1981	5022011a	ऊचुश्च परमक्रुद्धाः प्रगृह्याशु परश्वधान्	मूल
1982	5022011c	नेयमर्हति भर्तारं रावणं राक्षसाधिपम्	मूल
1983	5022012a	सा भर्त्स्यमाना भीमाभी राक्षसीभिर्वरानना	मूल
1984	5022012c	सा बाष्पमपमार्जन्ती शिंशपां तामुपागमत्	मूल
1985	5022013a	ततस्तां शिंशपां सीता राक्षसीभिः समावृता	मूल
1986	5022013c	अभिगम्य विशालाक्षी तस्थौ शोकपरिप्लुता	मूल
1987	5022014a	तां कृशां दीनवदनां मलिनाम्बरधारिणीम्	मूल
1988	5022014c	भर्त्सयां चक्रिरे भीमा राक्षस्यस्ताः समन्ततः	मूल
1989	5022015a	ततस्तां विनता नाम राक्षसी भीमदर्शना	मूल
1990	5022015c	अब्रवीत्कुपिताकारा कराला निर्णतोदरी	मूल
1991	5022016a	सीते पर्याप्तमेतावद्भर्तृस्नेहो निदर्शितः	मूल
1992	5022016c	सर्वत्रातिकृतं भद्रे व्यसनायोपकल्पते	मूल
1993	5022017a	परितुष्टास्मि भद्रं ते मानुषस्ते कृतो विधिः	मूल
1994	5022017c	ममापि तु वचः पथ्यं ब्रुवन्त्याः कुरु मैथिलि	मूल
1995	5022018a	रावणं भज भर्तारं भर्तारं सर्वरक्षसाम्	मूल
1996	5022018c	विक्रान्तं रूपवन्तं च सुरेशमिव वासवम्	मूल
1997	5022019a	दक्षिणं त्यागशीलं च सर्वस्य प्रियवादिनम्	मूल
1998	5022019c	मानुषं कृपणं रामं त्यक्त्वा रावणमाश्रय	मूल
1999	5022020a	दिव्याङ्गरागा वैदेहि दिव्याभरणभूषिता	मूल
2000	5022020c	अद्य प्रभृति सर्वेषां लोकानामीश्वरी भव	मूल
2001	5022020e	अग्नेः स्वाहा यथा देवी शचीवेन्द्रस्य शोभने	मूल
2002	5022021a	किं ते रामेण वैदेहि कृपणेन गतायुषा	मूल
2003	5022022a	एतदुक्तं च मे वाक्यं यदि त्वं न करिष्यसि	मूल
2004	5022022c	अस्मिन्मुहूर्ते सर्वास्त्वां भक्षयिष्यामहे वयम्	मूल
2005	5022023a	अन्या तु विकटा नाम लम्बमानपयोधरा	मूल
2006	5022023c	अब्रवीत्कुपिता सीतां मुष्टिमुद्यम्य गर्जती	मूल
2007	5022024a	बहून्यप्रतिरूपाणि वचनानि सुदुर्मते	मूल
2008	5022024c	अनुक्रोशान्मृदुत्वाच्च सोढानि तव मैथिलि	मूल
2009	5022024e	न च नः कुरुषे वाक्यं हितं कालपुरस्कृतम्	मूल
2010	5022025a	आनीतासि समुद्रस्य पारमन्यैर्दुरासदम्	मूल
2011	5022025c	रावणान्तःपुरं घोरं प्रविष्टा चासि मैथिलि	मूल
2012	5022026a	रावणस्य गृहे रुधा अस्माभिस्तु सुरक्षिता	मूल
2013	5022026c	न त्वां शक्तः परित्रातुमपि साक्षात्पुरंदरः	मूल
2014	5022027a	कुरुष्व हितवादिन्या वचनं मम मैथिलि	मूल
2015	5022027c	अलमश्रुप्रपातेन त्यज शोकमनर्थकम्	मूल
2016	5022028a	भज प्रीतिं प्रहर्षं च त्यजैतां नित्यदैन्यताम्	मूल
2017	5022028c	सीते राक्षसराजेन सह क्रीड यथासुखम्	मूल
2018	5022029a	जानासि हि यथा भीरु स्त्रीणां यौवनमध्रुवम्	मूल
2019	5022029c	यावन्न ते व्यतिक्रामेत्तावत्सुखमवाप्नुहि	मूल
2020	5022030a	उद्यानानि च रम्याणि पर्वतोपवनानि च	मूल
2021	5022030c	सह राक्षसराजेन चर त्वं मदिरेक्षणे	मूल
2022	5022031a	स्त्रीसहस्राणि ते सप्त वशे स्थास्यन्ति सुन्दरि	मूल
2023	5022031c	रावणं भज भर्तारं भर्तारं सर्वरक्षसाम्	मूल
2024	5022032a	उत्पाट्य वा ते हृदयं भक्षयिष्यामि मैथिलि	मूल
2025	5022032c	यदि मे व्याहृतं वाक्यं न यथावत्करिष्यसि	मूल
2026	5022033a	ततश्चण्डोदरी नाम राक्षसी क्रूरदर्शना	मूल
2027	5022033c	भ्रामयन्ती महच्छूलमिदं वचनमब्रवीत्	मूल
2028	5022034a	इमां हरिणलोकाक्षीं त्रासोत्कम्पपयोधराम्	मूल
2029	5022034c	रावणेन हृतां दृष्ट्वा दौर्हृदो मे महानभूत्	मूल
2030	5022035a	यकृत्प्लीहमथोत्पीडं हृदयं च सबन्धनम्	मूल
2031	5022035c	अन्त्राण्यपि तथा शीर्षं खादेयमिति मे मतिः	मूल
2032	5022036a	ततस्तु प्रघसा नाम राक्षसी वाक्यमब्रवीत्	मूल
2033	5022036c	कण्ठमस्या नृशंसायाः पीडयामः किमास्यते	मूल
2034	5022037a	निवेद्यतां ततो राज्ञे मानुषी सा मृतेति ह	मूल
2035	5022037c	नात्र कश्चन संदेहः खादतेति स वक्ष्यति	मूल
2036	5022038a	ततस्त्वजामुखी नाम राक्षसी वाक्यमब्रवीत्	मूल
2037	5022038c	विशस्येमां ततः सर्वान्समान्कुरुत पीलुकान्	मूल
2038	5022039a	विभजाम ततः सर्वा विवादो मे न रोचते	मूल
2039	5022039c	पेयमानीयतां क्षिप्रं माल्यं च विविधं बहु	मूल
2040	5022040a	ततः शूर्पणखा नाम राक्षसी वाक्यमब्रवीत्	मूल
2041	5022040c	अजामुखा यदुक्तं हि तदेव मम रोचते	मूल
2042	5022041a	सुरा चानीयतां क्षिप्रं सर्वशोकविनाशिनी	मूल
2043	5022041c	मानुषं मांसमासाद्य नृत्यामोऽथ निकुम्भिलाम्	मूल
2044	5022042a	एवं संभर्त्स्यमाना सा सीता सुरसुतोपमा	मूल
2045	5022042c	राक्षसीभिः सुघोराभिर्धैर्यमुत्सृज्य रोदिति	मूल
2046	5023001a	तथा तासां वदन्तीनां परुषं दारुणं बहु	मूल
2047	5023001c	राक्षसीनामसौम्यानां रुरोद जनकात्मजा	मूल
2048	5023002a	एवमुक्ता तु वैदेही राक्षसीभिर्मनस्विनी	मूल
2049	5023002c	उवाच परमत्रस्ता बाष्पगद्गदया गिरा	मूल
2050	5023003a	न मानुषी राक्षसस्य भार्या भवितुमर्हति	मूल
2051	5023003c	कामं खादत मां सर्वा न करिष्यामि वो वचः	मूल
2052	5023004a	सा राक्षसी मध्यगता सीता सुरसुतोपमा	मूल
2053	5023004c	न शर्म लेभे दुःखार्ता रावणेन च तर्जिता	मूल
2054	5023005a	वेपते स्माधिकं सीता विशन्तीवाङ्गमात्मनः	मूल
2055	5023005c	वने यूथपरिभ्रष्टा मृगी कोकैरिवार्दिता	मूल
2056	5023006a	सा त्वशोकस्य विपुलां शाखामालम्ब्य पुष्पिताम्	मूल
2057	5023006c	चिन्तयामास शोकेन भर्तारं भग्नमानसा	मूल
2058	5023007a	सा स्नापयन्ती विपुलौ स्तनौ नेत्रजलस्रवैः	मूल
2059	5023007c	चिन्तयन्ती न शोकस्य तदान्तमधिगच्छति	मूल
2060	5023008a	सा वेपमाना पतिता प्रवाते कदली यथा	मूल
2061	5023008c	राक्षसीनां भयत्रस्ता विवर्णवदनाभवत्	मूल
2062	5023009a	तस्या सा दीर्घविपुला वेपन्त्याः सीतया तदा	मूल
2063	5023009c	ददृशे कम्पिनी वेणी व्यालीव परिसर्पती	मूल
2064	5023010a	सा निःश्वसन्ती दुःखार्ता शोकोपहतचेतना	मूल
2065	5023010c	आर्ता व्यसृजदश्रूणि मैथिली विललाप ह	मूल
2066	5023011a	हा रामेति च दुःखार्ता पुनर्हा लक्ष्मणेति च	मूल
2067	5023011c	हा श्वश्रु मम कौसल्ये हा सुमित्रेति भाविनि	मूल
2068	5023012a	लोकप्रवादः सत्योऽयं पण्डितैः समुदाहृतः	मूल
2069	5023012c	अकाले दुर्लभो मृत्युः स्त्रिया वा पुरुषस्य वा	मूल
2070	5023013a	यत्राहमाभिः क्रूराभी राक्षसीभिरिहार्दिता	मूल
2071	5023013c	जीवामि हीना रामेण मुहूर्तमपि दुःखिता	मूल
2072	5023014a	एषाल्पपुण्या कृपणा विनशिष्याम्यनाथवत्	मूल
2073	5023014c	समुद्रमध्ये नौ पूर्णा वायुवेगैरिवाहता	मूल
2074	5023015a	भर्तारं तमपश्यन्ती राक्षसीवशमागता	मूल
2075	5023015c	सीदामि खलु शोकेन कूलं तोयहतं यथा	मूल
2076	5023016a	तं पद्मदलपत्राक्षं सिंहविक्रान्तगामिनम्	मूल
2077	5023016c	धन्याः पश्यन्ति मे नाथं कृतज्ञं प्रियवादिनम्	मूल
2078	5023017a	सर्वथा तेन हीनाया रामेण विदितात्मना	मूल
2079	5023017c	तीष्क्णं विषमिवास्वाद्य दुर्लभं मम जीवितम्	मूल
2080	5023018a	कीदृशं तु मया पापं पुरा देहान्तरे कृतम्	मूल
2081	5023018c	येनेदं प्राप्यते दुःखं मया घोरं सुदारुणम्	मूल
2082	5023019a	जीवितं त्यक्तुमिच्छामि शोकेन महता वृता	मूल
2083	5023019c	राक्षसीभिश्च रक्षन्त्या रामो नासाद्यते मया	मूल
2084	5023020a	धिगस्तु खलु मानुष्यं धिगस्तु परवश्यताम्	मूल
2085	5023020c	न शक्यं यत्परित्यक्तुमात्मच्छन्देन जीवितम्	मूल
2086	5024001a	प्रसक्ताश्रुमुखीत्येवं ब्रुवन्ती जनकात्मजा	मूल
2087	5024001c	अधोमुखमुखी बाला विलप्तुमुपचक्रमे	मूल
2088	5024002a	उन्मत्तेव प्रमत्तेव भ्रान्तचित्तेव शोचती	मूल
2089	5024002c	उपावृत्ता किशोरीव विवेष्टन्ती महीतले	मूल
2090	5024003a	राघवस्याप्रमत्तस्य रक्षसा कामरूपिणा	मूल
2091	5024003c	रावणेन प्रमथ्याहमानीता क्रोशती बलात्	मूल
2092	5024004a	राक्षसी वशमापन्ना भर्त्यमाना सुदारुणम्	मूल
2093	5024004c	चिन्तयन्ती सुदुःखार्ता नाहं जीवितुमुत्सहे	मूल
2094	5024005a	न हि मे जीवितेनार्थो नैवार्थैर्न च भूषणैः	मूल
2095	5024005c	वसन्त्या राक्षसी मध्ये विना रामं महारथम्	मूल
2096	5024006a	धिङ्मामनार्यामसतीं याहं तेन विना कृता	मूल
2097	5024006c	मुहूर्तमपि रक्षामि जीवितं पापजीविता	मूल
2098	5024007a	का च मे जीविते श्रद्धा सुखे वा तं प्रियं विना	मूल
2099	5024007c	भर्तारं सागरान्ताया वसुधायाः प्रियं वदम्	मूल
2100	5024008a	भिद्यतां भक्ष्यतां वापि शरीरं विसृजाम्यहम्	मूल
2101	5024008c	न चाप्यहं चिरं दुःखं सहेयं प्रियवर्जिता	मूल
2102	5024009a	चरणेनापि सव्येन न स्पृशेयं निशाचरम्	मूल
2103	5024009c	रावणं किं पुनरहं कामयेयं विगर्हितम्	मूल
2104	5024010a	प्रत्याख्यातं न जानाति नात्मानं नात्मनः कुलम्	मूल
2105	5024010c	यो नृशंस स्वभावेन मां प्रार्थयितुमिच्छति	मूल
2106	5024011a	छिन्ना भिन्ना विभक्ता वा दीप्ते वाग्नौ प्रदीपिता	मूल
2107	5024011c	रावणं नोपतिष्ठेयं किं प्रलापेन वश्चिरम्	मूल
2108	5024012a	ख्यातः प्राज्ञः कृतज्ञश्च सानुक्रोशश्च राघवः	मूल
2109	5024012c	सद्वृत्तो निरनुक्रोशः शङ्के मद्भाग्यसंक्षयात्	मूल
2110	5024013a	राक्षसानां जनस्थाने सहस्राणि चतुर्दश	मूल
2111	5024013c	येनैकेन निरस्तानि स मां किं नाभिपद्यते	मूल
2112	5024014a	निरुद्धा रावणेनाहमल्पवीर्येण रक्षसा	मूल
2113	5024014c	समर्थः खलु मे भर्ता रावणं हन्तुमाहवे	मूल
2114	5024015a	विराधो दण्डकारण्ये येन राक्षसपुंगवः	मूल
2115	5024015c	रणे रामेण निहतः स मां किं नाभिपद्यते	मूल
2116	5024016a	कामं मध्ये समुद्रस्य लङ्केयं दुष्प्रधर्षणा	मूल
2117	5024016c	न तु राघवबाणानां गतिरोधी ह विद्यते	मूल
2118	5024017a	किं नु तत्कारणं येन रामो दृढपराक्रमः	मूल
2119	5024017c	रक्षसापहृतां भार्यामिष्टां नाभ्यवपद्यते	मूल
2120	5024018a	इहस्थां मां न जानीते शङ्के लक्ष्मणपूर्वजः	मूल
2121	5024018c	जानन्नपि हि तेजस्वी धर्षणां मर्षयिष्यति	मूल
2122	5024019a	हृतेति योऽधिगत्वा मां राघवाय निवेदयेत्	मूल
2123	5024019c	गृध्रराजोऽपि स रणे रावणेन निपातितः	मूल
2124	5024020a	कृतं कर्म महत्तेन मां तदाभ्यवपद्यता	मूल
2125	5024020c	तिष्ठता रावणद्वन्द्वे वृद्धेनापि जटायुषा	मूल
2126	5024021a	यदि मामिह जानीयाद्वर्तमानां स राघवः	मूल
2127	5024021c	अद्य बाणैरभिक्रुद्धः कुर्याल्लोकमराक्षसं	मूल
2128	5024022a	विधमेच्च पुरीं लङ्कां शोषयेच्च महोदधिम्	मूल
2129	5024022c	रावणस्य च नीचस्य कीर्तिं नाम च नाशयेत्	मूल
2130	5024023a	ततो निहतनथानां राक्षसीनां गृहे गृहे	मूल
2131	5024023c	यथाहमेवं रुदती तथा भूयो न संशयः	मूल
2132	5024023e	अन्विष्य रक्षसां लङ्कां कुर्याद्रामः सलक्ष्मणः	मूल
2133	5024024a	न हि ताभ्यां रिपुर्दृष्टो मुहूतमपि जीवति	मूल
2134	5024024c	चिता धूमाकुलपथा गृध्रमण्डलसंकुला	मूल
2135	5024024e	अचिरेण तु लङ्केयं श्मशानसदृशी भवेत्	मूल
2136	5024025a	अचिरेणैव कालेन प्राप्स्याम्येव मनोरथम्	मूल
2137	5024025c	दुष्प्रस्थानोऽयमाख्याति सर्वेषां वो विपर्ययः	मूल
2138	5024026a	यादृशानि तु दृश्यन्ते लङ्कायामशुभानि तु	मूल
2139	5024026c	अचिरेणैव कालेन भविष्यति हतप्रभा	मूल
2140	5024027a	नूनं लङ्का हते पापे रावणे राक्षसाधिपे	मूल
2141	5024027c	शोषं यास्यति दुर्धर्षा प्रमदा विधवा यथा	मूल
2142	5024028a	पुष्योत्सवसमृद्धा च नष्टभर्त्री सराक्षसा	मूल
2143	5024028c	भविष्यति पुरी लङ्का नष्टभर्त्री यथाङ्गना	मूल
2144	5024029a	नूनं राक्षसकन्यानां रुदन्तीनां गृहे गृहे	मूल
2145	5024029c	श्रोष्यामि नचिरादेव दुःखार्तानामिह ध्वनिम्	मूल
2146	5024030a	सान्धकारा हतद्योता हतराक्षसपुंगवा	मूल
2147	5024030c	भविष्यति पुरी लङ्का निर्दग्धा रामसायकैः	मूल
2148	5024031a	यदि नाम स शूरो मां रामो रक्तान्तलोचनः	मूल
2149	5024031c	जानीयाद्वर्तमानां हि रावणस्य निवेशने	मूल
2150	5024032a	अनेन तु नृशंसेन रावणेनाधमेन मे	मूल
2151	5024032c	समयो यस्तु निर्दिष्टस्तस्य कालोऽयमागतः	मूल
2152	5024033a	अकार्यं ये न जानन्ति नैरृताः पापकारिणः	मूल
2153	5024033c	अधर्मात्तु महोत्पातो भविष्यति हि साम्प्रतम्	मूल
2154	5024034a	नैते धर्मं विजानन्ति राक्षसाः पिशिताशनाः	मूल
2155	5024034c	ध्रुवं मां प्रातराशार्थे राक्षसः कल्पयिष्यति	मूल
2156	5024035a	साहं कथं करिष्यामि तं विना प्रियदर्शनम्	मूल
2157	5024035c	रामं रक्तान्तनयनमपश्यन्ती सुदुःखिता	मूल
2158	5024036a	यदि कश्चित्प्रदाता मे विषस्याद्य भवेदिह	मूल
2159	5024036c	क्षिप्रं वैवस्वतं देवं पश्येयं पतिना विना	मूल
2160	5024037a	नाजानाज्जीवतीं रामः स मां लक्ष्मणपूर्वजः	मूल
2161	5024037c	जानन्तौ तौ न कुर्यातां नोर्व्यां हि मम मार्गणम्	मूल
2162	5024038a	नूनं ममैव शोकेन स वीरो लक्ष्मणाग्रजः	मूल
2163	5024038c	देवलोकमितो यातस्त्यक्त्वा देहं महीतले	मूल
2164	5024039a	धन्या देवाः सगन्धर्वाः सिद्धाश्च परमर्षयः	मूल
2165	5024039c	मम पश्यन्ति ये नाथं रामं राजीवलोचनम्	मूल
2166	5024040a	अथ वा न हि तस्यार्थे धर्मकामस्य धीमतः	मूल
2167	5024040c	मया रामस्य राजर्षेर्भार्यया परमात्मनः	मूल
2168	5024041a	दृश्यमाने भवेत्प्रीतः सौहृदं नास्त्यपश्यतः	मूल
2169	5024041c	नाशयन्ति कृतघ्रास्तु न रामो नाशयिष्यति	मूल
2170	5024042a	किं नु मे न गुणाः केचित्किं वा भाग्य क्षयो हि मे	मूल
2171	5024042c	याहं सीता वरार्हेण हीना रामेण भामिनी	मूल
2172	5024043a	श्रेयो मे जीवितान्मर्तुं विहीना या महात्मना	मूल
2173	5024043c	रामादक्लिष्टचारित्राच्छूराच्छत्रुनिबर्हणात्	मूल
2174	5024044a	अथ वा न्यस्तशस्त्रौ तौ वने मूलफलाशनौ	मूल
2175	5024044c	भ्रातरौ हि नर श्रेष्ठौ चरन्तौ वनगोचरौ	मूल
2176	5024045a	अथ वा राक्षसेन्द्रेण रावणेन दुरात्मना	मूल
2177	5024045c	छद्मना घातितौ शूरौ भ्रातरौ रामलक्ष्मणौ	मूल
2178	5024046a	साहमेवंगते काले मर्तुमिच्छामि सर्वथा	मूल
2179	5024046c	न च मे विहितो मृत्युरस्मिन्दुःखेऽपि वर्तति	मूल
2180	5024047a	धन्याः खलु महात्मानो मुनयः सत्यसंमताः	मूल
2181	5024047c	जितात्मानो महाभागा येषां न स्तः प्रियाप्रिये	मूल
2182	5024048a	प्रियान्न संभवेद्दुःखमप्रियादधिकं भयम्	मूल
2183	5024048c	ताभ्यां हि ये वियुज्यन्ते नमस्तेषां महात्मनाम्	मूल
2184	5024049a	साहं त्यक्ता प्रियेणेह रामेण विदितात्मना	मूल
2185	5024049c	प्राणांस्त्यक्ष्यामि पापस्य रावणस्य गता वशम्	मूल
2186	5025001a	इत्युक्ताः सीतया घोरं राक्षस्यः क्रोधमूर्छिताः	मूल
2187	5025001c	काश्चिज्जग्मुस्तदाख्यातुं रावणस्य तरस्विनः	मूल
2188	5025002a	ततः सीतामुपागम्य राक्षस्यो घोरदर्शनाः	मूल
2189	5025002c	पुनः परुषमेकार्थमनर्थार्थमथाब्रुवन्	मूल
2190	5025003a	हन्तेदानीं तवानार्ये सीते पापविनिश्चये	मूल
2191	5025003c	राक्षस्यो भक्षयिष्यन्ति मांसमेतद्यथासुखम्	मूल
2192	5025004a	सीतां ताभिरनार्याभिर्दृष्ट्वा संतर्जितां तदा	मूल
2193	5025004c	राक्षसी त्रिजटावृद्धा शयाना वाक्यमब्रवीत्	मूल
2194	5025005a	आत्मानं खादतानार्या न सीतां भक्षयिष्यथ	मूल
2195	5025005c	जनकस्य सुतामिष्टां स्नुषां दशरथस्य च	मूल
2196	5025006a	स्वप्नो ह्यद्य मया दृष्टो दारुणो रोमहर्षणः	मूल
2197	5025006c	राक्षसानामभावाय भर्तुरस्या भवाय च	मूल
2198	5025007a	एवमुक्तास्त्रिजटया राक्षस्यः क्रोधमूर्छिताः	मूल
2199	5025007c	सर्वा एवाब्रुवन्भीतास्त्रिजटां तामिदं वचः	मूल
2200	5025008a	कथयस्व त्वया दृष्टः स्वप्नेऽयं कीदृशो निशि	मूल
2201	5025009a	तासां श्रुत्वा तु वचनं राक्षसीनां मुखोद्गतम्	मूल
2202	5025009c	उवाच वचनं काले त्रिजटास्वप्नसंश्रितम्	मूल
2203	5025010a	गजदन्तमयीं दिव्यां शिबिकामन्तरिक्षगाम्	मूल
2204	5025010c	युक्तां वाजिसहस्रेण स्वयमास्थाय राघवः	मूल
2205	5025011a	स्वप्ने चाद्य मया दृष्टा सीता शुक्लाम्बरावृता	मूल
2206	5025011c	सागरेण परिक्षिप्तं श्वेतपर्वतमास्थिता	मूल
2207	5025011e	रामेण संगता सीता भास्करेण प्रभा यथा	मूल
2208	5025012a	राघवश्च मया दृष्टश्चतुर्दन्तं महागजम्	मूल
2209	5025012c	आरूढः शैलसंकाशं चचार सहलक्ष्मणः	मूल
2210	5025013a	ततस्तौ नरशार्दूलौ दीप्यमानौ स्वतेजसा	मूल
2211	5025013c	शुक्लमाल्याम्बरधरौ जानकीं पर्युपस्थितौ	मूल
2212	5025014a	ततस्तस्य नगस्याग्रे आकाशस्थस्य दन्तिनः	मूल
2213	5025014c	भर्त्रा परिगृहीतस्य जानकी स्कन्धमाश्रिता	मूल
2214	5025015a	भर्तुरङ्कात्समुत्पत्य ततः कमललोचना	मूल
2215	5025015c	चन्द्रसूर्यौ मया दृष्टा पाणिभ्यां परिमार्जती	मूल
2216	5025016a	ततस्ताभ्यां कुमाराभ्यामास्थितः स गजोत्तमः	मूल
2217	5025016c	सीतया च विशालाक्ष्या लङ्काया उपरि स्थितः	मूल
2218	5025017a	पाण्डुरर्षभयुक्तेन रथेनाष्टयुजा स्वयम्	मूल
2219	5025017c	शुक्लमाल्याम्बरधरो लक्ष्मणेन समागतः	मूल
2220	5025017e	लक्ष्मणेन सह भ्रात्रा सीतया सह भार्यया	मूल
2221	5025018a	विमानात्पुष्पकादद्य रावणः पतितो भुवि	मूल
2222	5025018c	कृष्यपाणः स्त्रिया दृष्टो मुण्डः कृष्णाम्बरः पुनः	मूल
2223	5025019a	रथेन खरयुक्तेन रक्तमाल्यानुलेपनः	मूल
2224	5025019c	प्रयातो दक्षिणामाशां प्रविष्टः कर्दमं ह्रदम्	मूल
2225	5025020a	कण्ठे बद्ध्वा दशग्रीवं प्रमदा रक्तवासिनी	मूल
2226	5025020c	काली कर्दमलिप्ताङ्गी दिशं याम्यां प्रकर्षति	मूल
2227	5025021a	वराहेण दशग्रीवः शिंशुमारेण चेन्द्रजित्	मूल
2228	5025021c	उष्ट्रेण कुम्भकर्णश्च प्रयातो दक्षिणां दिशम्	मूल
2229	5025022a	समाजश्च महान्वृत्तो गीतवादित्रनिःस्वनः	मूल
2230	5025022c	पिबतां रक्तमाल्यानां रक्षसां रक्तवाससाम्	मूल
2231	5025023a	लङ्का चेयं पुरी रम्या सवाजिरथसंकुला	मूल
2232	5025023c	सागरे पतिता दृष्टा भग्नगोपुरतोरणा	मूल
2233	5025024a	पीत्व तैलं प्रनृत्ताश्च प्रहसन्त्यो महास्वनाः	मूल
2234	5025024c	लङ्कायां भस्मरूक्षायां सर्वा राक्षसयोषितः	मूल
2235	5025025a	कुम्भकर्णादयश्चेमे सर्वे राक्षसपुंगवाः	मूल
2236	5025025c	रक्तं निवसनं गृह्य प्रविष्टा गोमयह्रदे	मूल
2237	5025026a	अपगच्छत नश्यध्वं सीतामाप्नोति राघवः	मूल
2238	5025026c	घातयेत्परमामर्षी सर्वैः सार्धं हि राक्षसैः	मूल
2239	5025027a	प्रियां बहुमतां भार्यां वनवासमनुव्रताम्	मूल
2240	5025027c	भर्त्सितां तर्जितां वापि नानुमंस्यति राघवः	मूल
2241	5025028a	तदलं क्रूरवाक्यैर्वः सान्त्वमेवाभिधीयताम्	मूल
2242	5025028c	अभियाचाम वैदेहीमेतद्धि मम रोचते	मूल
2243	5025029a	यस्या ह्येवं विधः स्वप्नो दुःखितायाः प्रदृश्यते	मूल
2244	5025029c	सा दुःखैर्बहुभिर्मुक्ता प्रियं प्राप्नोत्यनुत्तमम्	मूल
2245	5025030a	भर्त्सितामपि याचध्वं राक्षस्यः किं विवक्षया	मूल
2246	5025030c	राघवाद्धि भयं घोरं राक्षसानामुपस्थितम्	मूल
2247	5025031a	प्रणिपात प्रसन्ना हि मैथिली जनकात्मजा	मूल
2248	5025031c	अलमेषा परित्रातुं राक्षस्यो महतो भयात्	मूल
2249	5025032a	अपि चास्या विशालाक्ष्या न किंचिदुपलक्षये	मूल
2250	5025032c	विरुद्धमपि चाङ्गेषु सुसूक्ष्ममपि लक्ष्मणम्	मूल
2251	5025033a	छाया वैगुण्य मात्रं तु शङ्के दुःखमुपस्थितम्	मूल
2252	5025033c	अदुःखार्हामिमां देवीं वैहायसमुपस्थिताम्	मूल
2253	5025034a	अर्थसिद्धिं तु वैदेह्याः पश्याम्यहमुपस्थिताम्	मूल
2254	5025034c	राक्षसेन्द्रविनाशं च विजयं राघवस्य च	मूल
2255	5025035a	निमित्तभूतमेतत्तु श्रोतुमस्या महत्प्रियम्	मूल
2256	5025035c	दृश्यते च स्फुरच्चक्षुः पद्मपत्रमिवायतम्	मूल
2257	5025036a	ईषच्च हृषितो वास्या दक्षिणाया ह्यदक्षिणः	मूल
2258	5025036c	अकस्मादेव वैदेह्या बाहुरेकः प्रकम्पते	मूल
2259	5025037a	करेणुहस्तप्रतिमः सव्यश्चोरुरनुत्तमः	मूल
2260	5025037c	वेपन्सूचयतीवास्या राघवं पुरतः स्थितम्	मूल
2261	5025038a	पक्षी च शाखा निलयं प्रविष्टः; पुनः पुनश्चोत्तमसान्त्ववादी	मूल
2262	5025038c	सुखागतां वाचमुदीरयाणः; पुनः पुनश्चोदयतीव हृष्टः	मूल
2263	5026001a	सा राक्षसेन्द्रस्य वचो निशम्य; तद्रावणस्याप्रियमप्रियार्ता	मूल
2264	5026001c	सीता वितत्रास यथा वनान्ते; सिंहाभिपन्ना गजराजकन्या	मूल
2265	5026002a	सा राक्षसी मध्यगता च भीरु;र्वाग्भिर्भृशं रावणतर्जिता च	मूल
2266	5026002c	कान्तारमध्ये विजने विसृष्टा; बालेव कन्या विललाप सीता	मूल
2267	5026003a	सत्यं बतेदं प्रवदन्ति लोके; नाकालमृत्युर्भवतीति सन्तः	मूल
2268	5026003c	यत्राहमेवं परिभर्त्स्यमाना; जीवामि किंचित्क्षणमप्यपुण्या	मूल
2269	5026004a	सुखाद्विहीनं बहुदुःखपूर्ण;मिदं तु नूनं हृदयं स्थिरं मे	मूल
2270	5026004c	विदीर्यते यन्न सहस्रधाद्य; वज्राहतं शृङ्गमिवाचलस्य	मूल
2271	5026005a	नैवास्ति नूनं मम दोषमत्र; वध्याहमस्याप्रियदर्शनस्य	मूल
2272	5026005c	भावं न चास्याहमनुप्रदातु;मलं द्विजो मन्त्रमिवाद्विजाय	मूल
2273	5026006a	नूनं ममाङ्गान्यचिरादनार्यः; शस्त्रैः शितैश्छेत्स्यति राक्षसेन्द्रः	मूल
2274	5026006c	तस्मिन्ननागच्छति लोकनाथे; गर्भस्थजन्तोरिव शल्यकृन्तः	मूल
2275	5026007a	दुःखं बतेदं मम दुःखिताया; मासौ चिरायाभिगमिष्यतो द्वौ	मूल
2276	5026007c	बद्धस्य वध्यस्य यथा निशान्ते; राजापराधादिव तस्करस्य	मूल
2277	5026008a	हा राम हा लक्ष्मण हा सुमित्रे; हा राम मातः सह मे जनन्या	मूल
2278	5026008c	एषा विपद्याम्यहमल्पभाग्या; महार्णवे नौरिव मूढ वाता	मूल
2279	5026009a	तरस्विनौ धारयता मृगस्य; सत्त्वेन रूपं मनुजेन्द्रपुत्रौ	मूल
2280	5026009c	नूनं विशस्तौ मम कारणात्तौ; सिंहर्षभौ द्वाविव वैद्युतेन	मूल
2281	5026010a	नूनं स कालो मृगरूपधारी; मामल्पभाग्यां लुलुभे तदानीम्	मूल
2282	5026010c	यत्रार्यपुत्रं विससर्ज मूढा; रामानुजं लक्ष्मणपूर्वकं च	मूल
2283	5026011a	हा राम सत्यव्रत दीर्घवाहो; हा पूर्णचन्द्रप्रतिमानवक्त्र	मूल
2284	5026011c	हा जीवलोकस्य हितः प्रियश्च; वध्यां न मां वेत्सि हि राक्षसानाम्	मूल
2285	5026012a	अनन्यदेवत्वमियं क्षमा च; भूमौ च शय्या नियमश्च धर्मे	मूल
2286	5026012c	पतिव्रतात्वं विफलं ममेदं; कृतं कृतघ्नेष्विव मानुषाणाम्	मूल
2287	5026013a	मोघो हि धर्मश्चरितो ममायं; तथैकपत्नीत्वमिदं निरर्थम्	मूल
2288	5026013c	या त्वां न पश्यामि कृशा विवर्णा; हीना त्वया संगमने निराशा	मूल
2289	5026014a	पितुर्निर्देशं नियमेन कृत्वा; वनान्निवृत्तश्चरितव्रतश्च	मूल
2290	5026014c	स्त्रीभिस्तु मन्ये विपुलेक्षणाभिः; संरंस्यसे वीतभयः कृतार्थः	मूल
2291	5026015a	अहं तु राम त्वयि जातकामा; चिरं विनाशाय निबद्धभावा	मूल
2292	5026015c	मोघं चरित्वाथ तपोव्रतं च; त्यक्ष्यामि धिग्जीवितमल्पभाग्या	मूल
2293	5026016a	सा जीवितं क्षिप्रमहं त्यजेयं; विषेण शस्त्रेण शितेन वापि	मूल
2294	5026016c	विषस्य दाता न तु मेऽस्ति कश्चि;च्छस्त्रस्य वा वेश्मनि राक्षसस्य	मूल
2295	5026017a	शोकाभितप्ता बहुधा विचिन्त्य; सीताथ वेण्युद्ग्रथनं गृहीत्वा	मूल
2296	5026017c	उद्बध्य वेण्युद्ग्रथनेन शीघ्र;महं गमिष्यामि यमस्य मूलम्	मूल
2297	5026018a	इतीव सीता बहुधा विलप्य; सर्वात्मना राममनुस्मरन्ती	मूल
2298	5026018c	प्रवेपमाना परिशुष्कवक्त्रा; नगोत्तमं पुष्पितमाससाद	मूल
2299	5026019a	उपस्थिता सा मृदुर्सर्वगात्री; शाखां गृहीत्वाथ नगस्य तस्य	मूल
2300	5026019c	तस्यास्तु रामं प्रविचिन्तयन्त्या; रामानुजं स्वं च कुलं शुभाङ्ग्याः	मूल
2301	5026020a	शोकानिमित्तानि तदा बहूनि; धैर्यार्जितानि प्रवराणि लोके	मूल
2302	5026020c	प्रादुर्निमित्तानि तदा बभूवुः; पुरापि सिद्धान्युपलक्षितानि	मूल
2303	5027001a	तथागतां तां व्यथितामनिन्दितां; व्यपेतहर्षां परिदीनमानसाम्	मूल
2304	5027001c	शुभां निमित्तानि शुभानि भेजिरे; नरं श्रिया जुष्टमिवोपजीविनः	मूल
2305	5027002a	तस्याः शुभं वाममरालपक्ष्म; राजीवृतं कृष्णविशालशुक्लम्	मूल
2306	5027002c	प्रास्पन्दतैकं नयनं सुकेश्या; मीनाहतं पद्ममिवाभिताम्रम्	मूल
2307	5027003a	भुजश्च चार्वञ्चितपीनवृत्तः; परार्ध्य कालागुरुचन्दनार्हः	मूल
2308	5027003c	अनुत्तमेनाध्युषितः प्रियेण; चिरेण वामः समवेपताशु	मूल
2309	5027004a	गजेन्द्रहस्तप्रतिमश्च पीन;स्तयोर्द्वयोः संहतयोः सुजातः	मूल
2310	5027004c	प्रस्पन्दमानः पुनरूरुरस्या; रामं पुरस्तात्स्थितमाचचक्षे	मूल
2311	5027005a	शुभं पुनर्हेमसमानवर्ण;मीषद्रजोध्वस्तमिवामलाक्ष्याः	मूल
2312	5027005c	वासः स्थितायाः शिखराग्रदन्त्याः; किंचित्परिस्रंसत चारुगात्र्याः	मूल
2313	5027006a	एतैर्निमित्तैरपरैश्च सुभ्रूः; संबोधिता प्रागपि साधुसिद्धैः	मूल
2314	5027006c	वातातपक्लान्तमिव प्रनष्टं; वर्षेण बीजं प्रतिसंजहर्ष	मूल
2315	5027007a	तस्याः पुनर्बिम्बफलोपमौष्ठं; स्वक्षिभ्रुकेशान्तमरालपक्ष्म	मूल
2316	5027007c	वक्त्रं बभासे सितशुक्लदंष्ट्रं; राहोर्मुखाच्चन्द्र इव प्रमुक्तः	मूल
2317	5027008a	सा वीतशोका व्यपनीततन्द्री; शान्तज्वरा हर्षविबुद्धसत्त्वा	मूल
2318	5027008c	अशोभतार्या वदनेन शुक्ले; शीतान्शुना रात्रिरिवोदितेन	मूल
2319	5028001a	हनुमानपि विक्रान्तः सर्वं शुश्राव तत्त्वतः	मूल
2320	5028001c	सीतायास्त्रिजटायाश्च राक्षसीनां च तर्जनम्	मूल
2321	5028002a	अवेक्षमाणस्तां देवीं देवतामिव नन्दने	मूल
2322	5028002c	ततो बहुविधां चिन्तां चिन्तयामास वानरः	मूल
2323	5028003a	यां कपीनां सहस्राणि सुबहून्ययुतानि च	मूल
2324	5028003c	दिक्षु सर्वासु मार्गन्ते सेयमासादिता मया	मूल
2325	5028004a	चारेण तु सुयुक्तेन शत्रोः शक्तिमवेक्षिता	मूल
2326	5028004c	गूढेन चरता तावदवेक्षितमिदं मया	मूल
2327	5028005a	राक्षसानां विशेषश्च पुरी चेयमवेक्षिता	मूल
2328	5028005c	राक्षसाधिपतेरस्य प्रभावो रावणस्य च	मूल
2329	5028006a	युक्तं तस्याप्रमेयस्य सर्वसत्त्वदयावतः	मूल
2330	5028006c	समाश्वासयितुं भार्यां पतिदर्शनकाङ्क्षिणीम्	मूल
2331	5028007a	अहमाश्वासयाम्येनां पूर्णचन्द्रनिभाननाम्	मूल
2332	5028007c	अदृष्टदुःखां दुःखस्य न ह्यन्तमधिगच्छतीम्	मूल
2333	5028008a	यदि ह्यहमिमां देवीं शोकोपहतचेतनाम्	मूल
2334	5028008c	अनाश्वास्य गमिष्यामि दोषवद्गमनं भवेत्	मूल
2335	5028009a	गते हि मयि तत्रेयं राजपुत्री यशस्विनी	मूल
2336	5028009c	परित्राणमविन्दन्ती जानकी जीवितं त्यजेत्	मूल
2337	5028010a	मया च स महाबाहुः पूर्णचन्द्रनिभाननः	मूल
2338	5028010c	समाश्वासयितुं न्याय्यः सीतादर्शनलालसः	मूल
2339	5028011a	निशाचरीणां प्रत्यक्षमक्षमं चाभिभाषणम्	मूल
2340	5028011c	कथं नु खलु कर्तव्यमिदं कृच्छ्र गतो ह्यहम्	मूल
2341	5028012a	अनेन रात्रिशेषेण यदि नाश्वास्यते मया	मूल
2342	5028012c	सर्वथा नास्ति संदेहः परित्यक्ष्यति जीवितम्	मूल
2343	5028013a	रामश्च यदि पृच्छेन्मां किं मां सीताब्रवीद्वचः	मूल
2344	5028013c	किमहं तं प्रतिब्रूयामसंभाष्य सुमध्यमाम्	मूल
2345	5028014a	सीतासंदेशरहितं मामितस्त्वरया गतम्	मूल
2346	5028014c	निर्दहेदपि काकुत्स्थः क्रुद्धस्तीव्रेण चक्षुषा	मूल
2347	5028015a	यदि चेद्योजयिष्यामि भर्तारं रामकारणात्	मूल
2348	5028015c	व्यर्थमागमनं तस्य ससैन्यस्य भविष्यति	मूल
2349	5028016a	अन्तरं त्वहमासाद्य राक्षसीनामिह स्थितः	मूल
2350	5028016c	शनैराश्वासयिष्यामि संतापबहुलामिमाम्	मूल
2351	5028017a	अहं ह्यतितनुश्चैव वनरश्च विशेषतः	मूल
2352	5028017c	वाचं चोदाहरिष्यामि मानुषीमिह संस्कृताम्	मूल
2353	5028018a	यदि वाचं प्रदास्यामि द्विजातिरिव संस्कृताम्	मूल
2354	5028018c	रावणं मन्यमाना मां सीता भीता भविष्यति	मूल
2355	5028019a	अवश्यमेव वक्तव्यं मानुषं वाक्यमर्थवत्	मूल
2356	5028019c	मया सान्त्वयितुं शक्या नान्यथेयमनिन्दिता	मूल
2357	5028020a	सेयमालोक्य मे रूपं जानकी भाषितं तथा	मूल
2358	5028020c	रक्षोभिस्त्रासिता पूर्वं भूयस्त्रासं गमिष्यति	मूल
2359	5028021a	ततो जातपरित्रासा शब्दं कुर्यान्मनस्विनी	मूल
2360	5028021c	जानमाना विशालाक्षी रावणं कामरूपिणम्	मूल
2361	5028022a	सीतया च कृते शब्दे सहसा राक्षसीगणः	मूल
2362	5028022c	नानाप्रहरणो घोरः समेयादन्तकोपमः	मूल
2363	5028023a	ततो मां संपरिक्षिप्य सर्वतो विकृताननाः	मूल
2364	5028023c	वधे च ग्रहणे चैव कुर्युर्यत्नं यथाबलम्	मूल
2365	5028024a	तं मां शाखाः प्रशाखाश्च स्कन्धांश्चोत्तमशाखिनाम्	मूल
2366	5028024c	दृष्ट्वा विपरिधावन्तं भवेयुर्भयशङ्किताः	मूल
2367	5028025a	मम रूपं च संप्रेक्ष्य वनं विचरतो महत्	मूल
2368	5028025c	राक्षस्यो भयवित्रस्ता भवेयुर्विकृताननाः	मूल
2369	5028026a	ततः कुर्युः समाह्वानं राक्षस्यो रक्षसामपि	मूल
2370	5028026c	राक्षसेन्द्रनियुक्तानां राक्षसेन्द्रनिवेशने	मूल
2371	5028027a	ते शूलशरनिस्त्रिंश विविधायुधपाणयः	मूल
2372	5028027c	आपतेयुर्विमर्देऽस्मिन्वेगेनोद्विग्नकारिणः	मूल
2373	5028028a	संक्रुद्धस्तैस्तु परितो विधमन्रक्षसां बलम्	मूल
2374	5028028c	शक्नुयं न तु संप्राप्तुं परं पारं महोदधेः	मूल
2375	5028029a	मां वा गृह्णीयुराप्लुत्य बहवः शीघ्रकारिणः	मूल
2376	5028029c	स्यादियं चागृहीतार्था मम च ग्रहणं भवेत्	मूल
2377	5028030a	हिंसाभिरुचयो हिंस्युरिमां वा जनकात्मजाम्	मूल
2378	5028030c	विपन्नं स्यात्ततः कार्यं रामसुग्रीवयोरिदम्	मूल
2379	5028031a	उद्देशे नष्टमार्गेऽस्मिन्राक्षसैः परिवारिते	मूल
2380	5028031c	सागरेण परिक्षिप्ते गुप्ते वसति जानकी	मूल
2381	5028032a	विशस्ते वा गृहीते वा रक्षोभिर्मयि संयुगे	मूल
2382	5028032c	नान्यं पश्यामि रामस्य सहायं कार्यसाधने	मूल
2383	5028033a	विमृशंश्च न पश्यामि यो हते मयि वानरः	मूल
2384	5028033c	शतयोजनविस्तीर्णं लङ्घयेत महोदधिम्	मूल
2385	5028034a	कामं हन्तुं समर्थोऽस्मि सहस्राण्यपि रक्षसाम्	मूल
2386	5028034c	न तु शक्ष्यामि संप्राप्तुं परं पारं महोदधेः	मूल
2387	5028035a	असत्यानि च युद्धानि संशयो मे न रोचते	मूल
2388	5028035c	कश्च निःसंशयं कार्यं कुर्यात्प्राज्ञः ससंशयम्	मूल
2389	5028036a	एष दोषो महान्हि स्यान्मम सीताभिभाषणे	मूल
2390	5028036c	प्राणत्यागश्च वैदेह्या भवेदनभिभाषणे	मूल
2391	5028037a	भूताश्चार्था विनश्यन्ति देशकालविरोधिताः	मूल
2392	5028037c	विक्लवं दूतमासाद्य तमः सूर्योदये यथा	मूल
2393	5028038a	अर्थानर्थान्तरे बुद्धिर्निश्चितापि न शोभते	मूल
2394	5028038c	घातयन्ति हि कार्याणि दूताः पण्डितमानिनः	मूल
2395	5028039a	न विनश्येत्कथं कार्यं वैक्लव्यं न कथं भवेत्	मूल
2396	5028039c	लङ्घनं च समुद्रस्य कथं नु न वृथा भवेत्	मूल
2397	5028040a	कथं नु खलु वाक्यं मे शृणुयान्नोद्विजेत च	मूल
2398	5028040c	इति संचिन्त्य हनुमांश्चकार मतिमान्मतिम्	मूल
2399	5028041a	राममक्लिष्टकर्माणं स्वबन्धुमनुकीर्तयन्	मूल
2400	5028041c	नैनामुद्वेजयिष्यामि तद्बन्धुगतमानसाम्	मूल
2401	5028042a	इक्ष्वाकूणां वरिष्ठस्य रामस्य विदितात्मनः	मूल
2402	5028042c	शुभानि धर्मयुक्तानि वचनानि समर्पयन्	मूल
2403	5028043a	श्रावयिष्यामि सर्वाणि मधुरां प्रब्रुवन्गिरम्	मूल
2404	5028043c	श्रद्धास्यति यथा हीयं तथा सर्वं समादधे	मूल
2405	5028044a	इति स बहुविधं महानुभावो; जगतिपतेः प्रमदामवेक्षमाणः	मूल
2406	5028044c	मधुरमवितथं जगाद वाक्यं; द्रुमविटपान्तरमास्थितो हनूमान्	मूल
2407	5029001a	एवं बहुविधां चिन्तां चिन्तयित्व महाकपिः	मूल
2408	5029001c	संश्रवे मधुरं वाक्यं वैदेह्या व्याजहार ह	मूल
2409	5029002a	राजा दशरथो नाम रथकुञ्जरवाजिनाम्	मूल
2410	5029002c	पुण्यशीलो महाकीर्तिरृजुरासीन्महायशाः	मूल
2411	5029002e	चक्रवर्तिकुले जातः पुरंदरसमो बले	मूल
2412	5029003a	अहिंसारतिरक्षुद्रो घृणी सत्यपराक्रमः	मूल
2413	5029003c	मुख्यश्चेक्ष्वाकुवंशस्य लक्ष्मीवाँल्लक्ष्मिवर्धनः	मूल
2414	5029004a	पार्थिवव्यञ्जनैर्युक्तः पृथुश्रीः पार्थिवर्षभः	मूल
2415	5029004c	पृथिव्यां चतुरन्तयां विश्रुतः सुखदः सुखी	मूल
2416	5029005a	तस्य पुत्रः प्रियो ज्येष्ठस्ताराधिपनिभाननः	मूल
2417	5029005c	रामो नाम विशेषज्ञः श्रेष्ठः सर्वधनुष्मताम्	मूल
2418	5029006a	रक्षिता स्वस्य वृत्तस्य स्वजनस्यापि रक्षिता	मूल
2419	5029006c	रक्षिता जीवलोकस्य धर्मस्य च परंतपः	मूल
2420	5029007a	तस्य सत्याभिसंधस्य वृद्धस्य वचनात्पितुः	मूल
2421	5029007c	सभार्यः सह च भ्रात्रा वीरः प्रव्रजितो वनम्	मूल
2422	5029008a	तेन तत्र महारण्ये मृगयां परिधावता	मूल
2423	5029008c	जनस्थानवधं श्रुत्वा हतौ च खरदूषणौ	मूल
2424	5029008e	ततस्त्वमर्षापहृता जानकी रावणेन तु	मूल
2425	5029009a	यथारूपां यथावर्णां यथालक्ष्मीं विनिश्चिताम्	मूल
2426	5029009c	अश्रौषं राघवस्याहं सेयमासादिता मया	मूल
2427	5029010a	विररामैवमुक्त्वासौ वाचं वानरपुंगवः	मूल
2428	5029010c	जानकी चापि तच्छ्रुत्वा विस्मयं परमं गता	मूल
2429	5029011a	ततः सा वक्रकेशान्ता सुकेशी केशसंवृतम्	मूल
2430	5029011c	उन्नम्य वदनं भीरुः शिंशपावृक्षमैक्षत	मूल
2431	5029012a	सा तिर्यगूर्ध्वं च तथाप्यधस्ता;न्निरीक्षमाणा तमचिन्त्य बुद्धिम्	मूल
2432	5029012c	ददर्श पिङ्गाधिपतेरमात्यं; वातात्मजं सूर्यमिवोदयस्थम्	मूल
2433	5030001a	ततः शाखान्तरे लीनं दृष्ट्वा चलितमानसा	मूल
2434	5030001c	सा ददर्श कपिं तत्र प्रश्रितं प्रियवादिनम्	मूल
2435	5030002a	सा तु दृष्ट्वा हरिश्रेष्ठं विनीतवदुपस्थितम्	मूल
2436	5030002c	मैथिली चिन्तयामास स्वप्नोऽयमिति भामिनी	मूल
2437	5030003a	सा तं समीक्ष्यैव भृशं विसंज्ञा; गतासुकल्पेव बभूव सीता	मूल
2438	5030003c	चिरेण संज्ञां प्रतिलभ्य चैव; विचिन्तयामास विशालनेत्रा	मूल
2439	5030004a	स्वप्नो मयायं विकृतोऽद्य दृष्टः; शाखामृगः शास्त्रगणैर्निषिद्धः	मूल
2440	5030004c	स्वस्त्यस्तु रामाय सलक्ष्मणाय; तथा पितुर्मे जनकस्य राज्ञः	मूल
2441	5030005a	स्वप्नोऽपि नायं न हि मेऽस्ति निद्रा; शोकेन दुःखेन च पीडितायाः	मूल
2442	5030005c	सुखं हि मे नास्ति यतोऽस्मि हीना; तेनेन्दुपूर्णप्रतिमाननेन	मूल
2443	5030006a	अहं हि तस्याद्य मनो भवेन; संपीडिता तद्गतसर्वभावा	मूल
2444	5030006c	विचिन्तयन्ती सततं तमेव; तथैव पश्यामि तथा शृणोमि	मूल
2445	5030007a	मनोरथः स्यादिति चिन्तयामि; तथापि बुद्ध्या च वितर्कयामि	मूल
2446	5030007c	किं कारणं तस्य हि नास्ति रूपं; सुव्यक्तरूपश्च वदत्ययं माम्	मूल
2447	5030008a	नमोऽस्तु वाचस्पतये सवज्रिणे; स्वयम्भुवे चैव हुताशनाय	मूल
2448	5030008c	अनेन चोक्तं यदिदं ममाग्रतो; वनौकसा तच्च तथास्तु नान्यथा	मूल
2449	5031001a	तामब्रवीन्महातेजा हनूमान्मारुतात्मजः	मूल
2450	5031001c	शिरस्यञ्जलिमाधाय सीतां मधुरया गिरा	मूल
2451	5031002a	का नु पद्मपलाशाक्षी क्लिष्टकौशेयवासिनी	मूल
2452	5031002c	द्रुमस्य शाखामालम्ब्य तिष्ठसि त्वमनिन्दिता	मूल
2453	5031003a	किमर्थं तव नेत्राभ्यां वारि स्रवति शोकजम्	मूल
2454	5031003c	पुण्डरीकपलाशाभ्यां विप्रकीर्णमिवोदकम्	मूल
2455	5031004a	सुराणामसुराणां च नागगन्धर्वरक्षसाम्	मूल
2456	5031004c	यक्षाणां किंनराणां च का त्वं भवसि शोभने	मूल
2457	5031005a	का त्वं भवसि रुद्राणां मरुतां वा वरानने	मूल
2458	5031005c	वसूनां वा वरारोहे देवता प्रतिभासि मे	मूल
2459	5031006a	किं नु चन्द्रमसा हीना पतिता विबुधालयात्	मूल
2460	5031006c	रोहिणी ज्योतिषां श्रेष्ठा श्रेष्ठा सर्वगुणान्विता	मूल
2461	5031007a	कोपाद्वा यदि वा मोहाद्भर्तारमसितेक्षणा	मूल
2462	5031007c	वसिष्ठं कोपयित्वा त्वं नासि कल्याण्यरुन्धती	मूल
2463	5031008a	को नौ पुत्रः पिता भ्रात भर्ता वा ते सुमध्यमे	मूल
2464	5031008c	अस्माल्लोकादमुं लोकं गतं त्वमनुशोचसि	मूल
2465	5031009a	व्यञ्जनानि हि ते यानि लक्षणानि च लक्षये	मूल
2466	5031009c	महिषी भूमिपालस्य राजकन्यासि मे मता	मूल
2467	5031010a	रावणेन जनस्थानाद्बलादपहृता यदि	मूल
2468	5031010c	सीता त्वमसि भद्रं ते तन्ममाचक्ष्व पृच्छतः	मूल
2469	5031011a	सा तस्य वचनं श्रुत्वा रामकीर्तनहर्षिता	मूल
2470	5031011c	उवाच वाक्यं वैदेही हनूमन्तं द्रुमाश्रितम्	मूल
2471	5031012a	दुहिता जनकस्याहं वैदेहस्य महात्मनः	मूल
2472	5031012c	सीता च नाम नाम्नाहं भार्या रामस्य धीमतः	मूल
2473	5031013a	समा द्वादश तत्राहं राघवस्य निवेशने	मूल
2474	5031013c	भुञ्जाना मानुषान्भोगान्सर्वकामसमृद्धिनी	मूल
2475	5031014a	ततस्त्रयोदशे वर्षे राज्येनेक्ष्वाकुनन्दनम्	मूल
2476	5031014c	अभिषेचयितुं राजा सोपाध्यायः प्रचक्रमे	मूल
2477	5031015a	तस्मिन्संभ्रियमाणे तु राघवस्याभिषेचने	मूल
2478	5031015c	कैकेयी नाम भर्तारं देवी वचनमब्रवीत्	मूल
2479	5031016a	न पिबेयं न खादेयं प्रत्यहं मम भोजनम्	मूल
2480	5031016c	एष मे जीवितस्यान्तो रामो यद्यभिषिच्यते	मूल
2481	5031017a	यत्तदुक्तं त्वया वाक्यं प्रीत्या नृपतिसत्तम	मूल
2482	5031017c	तच्चेन्न वितथं कार्यं वनं गच्छतु राघवः	मूल
2483	5031018a	स राजा सत्यवाग्देव्या वरदानमनुस्मरन्	मूल
2484	5031018c	मुमोह वचनं श्रुत्वा कैकेय्याः क्रूरमप्रियम्	मूल
2485	5031019a	ततस्तु स्थविरो राजा सत्यधर्मे व्यवस्थितः	मूल
2486	5031019c	ज्येष्ठं यशस्विनं पुत्रं रुदन्राज्यमयाचत	मूल
2487	5031020a	स पितुर्वचनं श्रीमानभिषेकात्परं प्रियम्	मूल
2488	5031020c	मनसा पूर्वमासाद्य वाचा प्रतिगृहीतवान्	मूल
2489	5031021a	दद्यान्न प्रतिगृह्णीयान्न ब्रूयत्किंचिदप्रियम्	मूल
2490	5031021c	अपि जीवितहेतोर्हि रामः सत्यपराक्रमः	मूल
2491	5031022a	स विहायोत्तरीयाणि महार्हाणि महायशाः	मूल
2492	5031022c	विसृज्य मनसा राज्यं जनन्यै मां समादिशत्	मूल
2493	5031023a	साहं तस्याग्रतस्तूर्णं प्रस्थिता वनचारिणी	मूल
2494	5031023c	न हि मे तेन हीनाया वासः स्वर्गेऽपि रोचते	मूल
2495	5031024a	प्रागेव तु महाभागः सौमित्रिर्मित्रनन्दनः	मूल
2496	5031024c	पूर्वजस्यानुयात्रार्थे द्रुमचीरैरलंकृतः	मूल
2497	5031025a	ते वयं भर्तुरादेशं बहु मान्यदृढव्रताः	मूल
2498	5031025c	प्रविष्टाः स्म पुराद्दृष्टं वनं गम्भीरदर्शनम्	मूल
2499	5031026a	वसतो दण्डकारण्ये तस्याहममितौजसः	मूल
2500	5031026c	रक्षसापहृता भार्या रावणेन दुरात्मना	मूल
2501	5031027a	द्वौ मासौ तेन मे कालो जीवितानुग्रहः कृतः	मूल
2502	5031027c	ऊर्ध्वं द्वाभ्यां तु मासाभ्यां ततस्त्यक्ष्यामि जीवितम्	मूल
2503	5032001a	तस्यास्तद्वचनं श्रुत्वा हनूमान्हरियूथपः	मूल
2504	5032001c	दुःखाद्दुःखाभिभूतायाः सान्तमुत्तरमब्रवीत्	मूल
2505	5032002a	अहं रामस्य संदेशाद्देवि दूतस्तवागतः	मूल
2506	5032002c	वैदेहि कुशली रामस्त्वां च कौशलमब्रवीत्	मूल
2507	5032003a	यो ब्राह्ममस्त्रं वेदांश्च वेद वेदविदां वरः	मूल
2508	5032003c	स त्वां दाशरथी रामो देवि कौशलमब्रवीत्	मूल
2509	5032004a	लक्ष्मणश्च महातेजा भर्तुस्तेऽनुचरः प्रियः	मूल
2510	5032004c	कृतवाञ्शोकसंतप्तः शिरसा तेऽभिवादनम्	मूल
2511	5032005a	सा तयोः कुशलं देवी निशम्य नरसिंहयोः	मूल
2512	5032005c	प्रीतिसंहृष्टसर्वाङ्गी हनूमान्तमथाब्रवीत्	मूल
2513	5032006a	कल्याणी बत गथेयं लौकिकी प्रतिभाति मे	मूल
2514	5032006c	एहि जीवन्तमानदो नरं वर्षशतादपि	मूल
2515	5032007a	तयोः समागमे तस्मिन्प्रीतिरुत्पादिताद्भुता	मूल
2516	5032007c	परस्परेण चालापं विश्वस्तौ तौ प्रचक्रतुः	मूल
2517	5032008a	तस्यास्तद्वचनं श्रुत्वा हनूमान्हरियूथपः	मूल
2518	5032008c	सीतायाः शोकदीनायाः समीपमुपचक्रमे	मूल
2519	5032009a	यथा यथा समीपं स हनूमानुपसर्पति	मूल
2520	5032009c	तथा तथा रावणं सा तं सीता परिशङ्कते	मूल
2521	5032010a	अहो धिग्धिक्कृतमिदं कथितं हि यदस्य मे	मूल
2522	5032010c	रूपान्तरमुपागम्य स एवायं हि रावणः	मूल
2523	5032011a	तामशोकस्य शाखां सा विमुक्त्वा शोककर्शिता	मूल
2524	5032011c	तस्यामेवानवद्याङ्गी धरण्यां समुपाविशत्	मूल
2525	5032012a	अवन्दत महाबाहुस्ततस्तां जनकात्मजाम्	मूल
2526	5032012c	सा चैनं भयवित्रस्ता भूयो नैवाभ्युदैक्षत	मूल
2527	5032013a	तं दृष्ट्वा वन्दमानं तु सीता शशिनिभानना	मूल
2528	5032013c	अब्रवीद्दीर्घमुच्छ्वस्य वानरं मधुरस्वरा	मूल
2529	5032014a	मायां प्रविष्टो मायावी यदि त्वं रावणः स्वयम्	मूल
2530	5032014c	उत्पादयसि मे भूयः संतापं तन्न शोभनम्	मूल
2531	5032015a	स्वं परित्यज्य रूपं यः परिव्राजकरूपधृत्	मूल
2532	5032015c	जनस्थाने मया दृष्टस्त्वं स एवासि रावणः	मूल
2533	5032016a	उपवासकृशां दीनां कामरूप निशाचर	मूल
2534	5032016c	संतापयसि मां भूयः संतापं तन्न शोभनम्	मूल
2535	5032017a	यदि रामस्य दूतस्त्वमागतो भद्रमस्तु ते	मूल
2536	5032017c	पृच्छामि त्वां हरिश्रेष्ठ प्रिया राम कथा हि मे	मूल
2537	5032018a	गुणान्रामस्य कथय प्रियस्य मम वानर	मूल
2538	5032018c	चित्तं हरसि मे सौम्य नदीकूलं यथा रयः	मूल
2539	5032019a	अहो स्वप्नस्य सुखता याहमेवं चिराहृता	मूल
2540	5032019c	प्रेषितं नाम पश्यामि राघवेण वनौकसं	मूल
2541	5032020a	स्वप्नेऽपि यद्यहं वीरं राघवं सहलक्ष्मणम्	मूल
2542	5032020c	पश्येयं नावसीदेयं स्वप्नोऽपि मम मत्सरी	मूल
2543	5032021a	नाहं स्वप्नमिमं मन्ये स्वप्ने दृष्ट्वा हि वानरम्	मूल
2544	5032021c	न शक्योऽभ्युदयः प्राप्तुं प्राप्तश्चाभ्युदयो मम	मूल
2545	5032022a	किं नु स्याच्चित्तमोहोऽयं भवेद्वातगतिस्त्वियम्	मूल
2546	5032022c	उन्मादजो विकारो वा स्यादियं मृगतृष्णिका	मूल
2547	5032023a	अथ वा नायमुन्मादो मोहोऽप्युन्मादलक्ष्मणः	मूल
2548	5032023c	संबुध्ये चाहमात्मानमिमं चापि वनौकसं	मूल
2549	5032024a	इत्येवं बहुधा सीता संप्रधार्य बलाबलम्	मूल
2550	5032024c	रक्षसां कामरूपत्वान्मेने तं राक्षसाधिपम्	मूल
2551	5032025a	एतां बुद्धिं तदा कृत्वा सीता सा तनुमध्यमा	मूल
2552	5032025c	न प्रतिव्याजहाराथ वानरं जनकात्मजा	मूल
2553	5032026a	सीतायाश्चिन्तितं बुद्ध्वा हनूमान्मारुतात्मजः	मूल
2554	5032026c	श्रोत्रानुकूलैर्वचनैस्तदा तां संप्रहर्षयत्	मूल
2555	5032027a	आदित्य इव तेजस्वी लोककान्तः शशी यथा	मूल
2556	5032027c	राजा सर्वस्य लोकस्य देवो वैश्रवणो यथा	मूल
2557	5032028a	विक्रमेणोपपन्नश्च यथा विष्णुर्महायशाः	मूल
2558	5032028c	सत्यवादी मधुरवाग्देवो वाचस्पतिर्यथा	मूल
2559	5032029a	रूपवान्सुभगः श्रीमान्कन्दर्प इव मूर्तिमान्	मूल
2560	5032029c	स्थानक्रोधप्रहर्ता च श्रेष्ठो लोके महारथः	मूल
2561	5032029e	बाहुच्छायामवष्टब्धो यस्य लोको महात्मनः	मूल
2562	5032030a	अपकृष्याश्रमपदान्मृगरूपेण राघवम्	मूल
2563	5032030c	शून्ये येनापनीतासि तस्य द्रक्ष्यसि यत्फलम्	मूल
2564	5032031a	नचिराद्रावणं संख्ये यो वधिष्यति वीर्यवान्	मूल
2565	5032031c	रोषप्रमुक्तैरिषुभिर्ज्वलद्भिरिव पावकैः	मूल
2566	5032032a	तेनाहं प्रेषितो दूतस्त्वत्सकाशमिहागतः	मूल
2567	5032032c	त्वद्वियोगेन दुःखार्तः स त्वां कौशलमब्रवीत्	मूल
2568	5032033a	लक्ष्मणश्च महातेजाः सुमित्रानन्दवर्धनः	मूल
2569	5032033c	अभिवाद्य महाबाहुः सोऽपि कौशलमब्रवीत्	मूल
2570	5032034a	रामस्य च सखा देवि सुग्रीवो नाम वानरः	मूल
2571	5032034c	राजा वानरमुख्यानां स त्वां कौशलमब्रवीत्	मूल
2572	5032035a	नित्यं स्मरति रामस्त्वां ससुग्रीवः सलक्ष्मणः	मूल
2573	5032035c	दिष्ट्या जीवसि वैदेहि राक्षसी वशमागता	मूल
2574	5032036a	नचिराद्द्रक्ष्यसे रामं लक्ष्मणं च महारथम्	मूल
2575	5032036c	मध्ये वानरकोटीनां सुग्रीवं चामितौजसं	मूल
2576	5032037a	अहं सुग्रीवसचिवो हनूमान्नाम वानरः	मूल
2577	5032037c	प्रविष्टो नगरीं लङ्कां लङ्घयित्वा महोदधिम्	मूल
2578	5032038a	कृत्वा मूर्ध्नि पदन्यासं रावणस्य दुरात्मनः	मूल
2579	5032038c	त्वां द्रष्टुमुपयातोऽहं समाश्रित्य पराक्रमम्	मूल
2580	5032039a	नाहमस्मि तथा देवि यथा मामवगच्छसि	मूल
2581	5032039c	विशङ्का त्यज्यतामेषा श्रद्धत्स्व वदतो मम	मूल
2582	5033001a	तां तु राम कथां श्रुत्वा वैदेही वानरर्षभात्	मूल
2583	5033001c	उवाच वचनं सान्त्वमिदं मधुरया गिरा	मूल
2584	5033002a	क्व ते रामेण संसर्गः कथं जानासि लक्ष्मणम्	मूल
2585	5033002c	वानराणां नराणां च कथमासीत्समागमः	मूल
2586	5033003a	यानि रामस्य लिङ्गानि लक्ष्मणस्य च वानर	मूल
2587	5033003c	तानि भूयः समाचक्ष्व न मां शोकः समाविशेत्	मूल
2588	5033004a	कीदृशं तस्य संस्थानं रूपं रामस्य कीदृशम्	मूल
2589	5033004c	कथमूरू कथं बाहू लक्ष्मणस्य च शंस मे	मूल
2590	5033005a	एवमुक्तस्तु वैदेह्या हनूमान्मारुतात्मजः	मूल
2591	5033005c	ततो रामं यथातत्त्वमाख्यातुमुपचक्रमे	मूल
2592	5033006a	जानन्ती बत दिष्ट्या मां वैदेहि परिपृच्छसि	मूल
2593	5033006c	भर्तुः कमलपत्राक्षि संख्यानं लक्ष्मणस्य च	मूल
2594	5033007a	यानि रामस्य चिह्नानि लक्ष्मणस्य च यानि वै	मूल
2595	5033007c	लक्षितानि विशालाक्षि वदतः शृणु तानि मे	मूल
2596	5033008a	रामः कमलपत्राक्षः सर्वभूतमनोहरः	मूल
2597	5033008c	रूपदाक्षिण्यसंपन्नः प्रसूतो जनकात्मजे	मूल
2598	5033009a	तेजसादित्यसंकाशः क्षमया पृथिवीसमः	मूल
2599	5033009c	बृहस्पतिसमो बुद्ध्या यशसा वासवोपमः	मूल
2600	5033010a	रक्षिता जीवलोकस्य स्वजनस्य च रक्षिता	मूल
2601	5033010c	रक्षिता स्वस्य वृत्तस्य धर्मस्य च परंतपः	मूल
2602	5033011a	रामो भामिनि लोकस्य चातुर्वर्ण्यस्य रक्षिता	मूल
2603	5033011c	मर्यादानां च लोकस्य कर्ता कारयिता च सः	मूल
2604	5033012a	अर्चिष्मानर्चितोऽत्यर्थं ब्रह्मचर्यव्रते स्थितः	मूल
2605	5033012c	साधूनामुपकारज्ञः प्रचारज्ञश्च कर्मणाम्	मूल
2606	5033013a	राजविद्याविनीतश्च ब्राह्मणानामुपासिता	मूल
2607	5033013c	श्रुतवाञ्शीलसंपन्नो विनीतश्च परंतपः	मूल
2608	5033014a	यजुर्वेदविनीतश्च वेदविद्भिः सुपूजितः	मूल
2609	5033014c	धनुर्वेदे च वेदे च वेदाङ्गेषु च निष्ठितः	मूल
2610	5033015a	विपुलांसो महाबाहुः कम्बुग्रीवः शुभाननः	मूल
2611	5033015c	गूढजत्रुः सुताम्राक्षो रामो देवि जनैः श्रुतः	मूल
2612	5033016a	दुन्दुभिस्वननिर्घोषः स्निग्धवर्णः प्रतापवान्	मूल
2613	5033016c	समः समविभक्ताङ्गो वर्णं श्यामं समाश्रितः	मूल
2614	5033017a	त्रिस्थिरस्त्रिप्रलम्बश्च त्रिसमस्त्रिषु चोन्नतः	मूल
2615	5033017c	त्रिवलीवांस्त्र्यवणतश्चतुर्व्यङ्गस्त्रिशीर्षवान्	मूल
2616	5033018a	चतुष्कलश्चतुर्लेखश्चतुष्किष्कुश्चतुःसमः	मूल
2617	5033018c	चतुर्दशसमद्वन्द्वश्चतुर्दष्टश्चतुर्गतिः	मूल
2618	5033019a	महौष्ठहनुनासश्च पञ्चस्निग्धोऽष्टवंशवान्	मूल
2619	5033019c	दशपद्मो दशबृहत्त्रिभिर्व्याप्तो द्विशुक्लवान्	मूल
2620	5033019e	षडुन्नतो नवतनुस्त्रिभिर्व्याप्नोति राघवः	मूल
2621	5033020a	सत्यधर्मपरः श्रीमान्संग्रहानुग्रहे रतः	मूल
2622	5033020c	देशकालविभागज्ञः सर्वलोकप्रियंवदः	मूल
2623	5033021a	भ्राता च तस्य द्वैमात्रः सौमित्रिरपराजितः	मूल
2624	5033021c	अनुरागेण रूपेण गुणैश्चैव तथाविधः	मूल
2625	5033022a	त्वामेव मार्गमाणो तौ विचरन्तौ वसुंधराम्	मूल
2626	5033022c	ददर्शतुर्मृगपतिं पूर्वजेनावरोपितम्	मूल
2627	5033023a	ऋश्यमूकस्य पृष्ठे तु बहुपादपसंकुले	मूल
2628	5033023c	भ्रातुर्भार्यार्तमासीनं सुग्रीवं प्रियदर्शनम्	मूल
2629	5033024a	वयं तु हरिराजं तं सुग्रीवं सत्यसंगरम्	मूल
2630	5033024c	परिचर्यामहे राज्यात्पूर्वजेनावरोपितम्	मूल
2631	5033025a	ततस्तौ चीरवसनौ धनुःप्रवरपाणिनौ	मूल
2632	5033025c	ऋश्यमूकस्य शैलस्य रम्यं देशमुपागतौ	मूल
2633	5033026a	स तौ दृष्ट्वा नरव्याघ्रौ धन्विनौ वानरर्षभः	मूल
2634	5033026c	अभिप्लुतो गिरेस्तस्य शिखरं भयमोहितः	मूल
2635	5033027a	ततः स शिखरे तस्मिन्वानरेन्द्रो व्यवस्थितः	मूल
2636	5033027c	तयोः समीपं मामेव प्रेषयामास सत्वरः	मूल
2637	5033028a	तावहं पुरुषव्याघ्रौ सुग्रीववचनात्प्रभू	मूल
2638	5033028c	रूपलक्षणसंपन्नौ कृताञ्जलिरुपस्थितः	मूल
2639	5033029a	तौ परिज्ञाततत्त्वार्थौ मया प्रीतिसमन्वितौ	मूल
2640	5033029c	पृष्ठमारोप्य तं देशं प्रापितौ पुरुषर्षभौ	मूल
2641	5033030a	निवेदितौ च तत्त्वेन सुग्रीवाय महात्मने	मूल
2642	5033030c	तयोरन्योन्यसंभाषाद्भृशं प्रीतिरजायत	मूल
2643	5033031a	तत्र तौ कीर्तिसंपन्नौ हरीश्वरनरेश्वरौ	मूल
2644	5033031c	परस्परकृताश्वासौ कथया पूर्ववृत्तया	मूल
2645	5033032a	तं ततः सान्त्वयामास सुग्रीवं लक्ष्मणाग्रजः	मूल
2646	5033032c	स्त्रीहेतोर्वालिना भ्रात्रा निरस्तमुरु तेजसा	मूल
2647	5033033a	ततस्त्वन्नाशजं शोकं रामस्याक्लिष्टकर्मणः	मूल
2648	5033033c	लक्ष्मणो वानरेन्द्राय सुग्रीवाय न्यवेदयत्	मूल
2649	5033034a	स श्रुत्वा वानरेन्द्रस्तु लक्ष्मणेनेरितं वचः	मूल
2650	5033034c	तदासीन्निष्प्रभोऽत्यर्थं ग्रहग्रस्त इवांशुमान्	मूल
2651	5033035a	ततस्त्वद्गात्रशोभीनि रक्षसा ह्रियमाणया	मूल
2652	5033035c	यान्याभरणजालानि पातितानि महीतले	मूल
2653	5033036a	तानि सर्वाणि रामाय आनीय हरियूथपाः	मूल
2654	5033036c	संहृष्टा दर्शयामासुर्गतिं तु न विदुस्तव	मूल
2655	5033037a	तानि रामाय दत्तानि मयैवोपहृतानि च	मूल
2656	5033037c	स्वनवन्त्यवकीर्णन्ति तस्मिन्विहतचेतसि	मूल
2657	5033038a	तान्यङ्के दर्शनीयानि कृत्वा बहुविधं ततः	मूल
2658	5033038c	तेन देवप्रकाशेन देवेन परिदेवितम्	मूल
2659	5033039a	पश्यतस्तस्या रुदतस्ताम्यतश्च पुनः पुनः	मूल
2660	5033039c	प्रादीपयन्दाशरथेस्तानि शोकहुताशनम्	मूल
2661	5033040a	शयितं च चिरं तेन दुःखार्तेन महात्मना	मूल
2662	5033040c	मयापि विविधैर्वाक्यैः कृच्छ्रादुत्थापितः पुनः	मूल
2663	5033041a	तानि दृष्ट्वा महार्हाणि दर्शयित्वा मुहुर्मुहुः	मूल
2664	5033041c	राघवः सहसौमित्रिः सुग्रीवे स न्यवेदयत्	मूल
2665	5033042a	स तवादर्शनादार्ये राघवः परितप्यते	मूल
2666	5033042c	महता ज्वलता नित्यमग्निनेवाग्निपर्वतः	मूल
2667	5033043a	त्वत्कृते तमनिद्रा च शोकश्चिन्ता च राघवम्	मूल
2668	5033043c	तापयन्ति महात्मानमग्न्यगारमिवाग्नयः	मूल
2669	5033044a	तवादर्शनशोकेन राघवः प्रविचाल्यते	मूल
2670	5033044c	महता भूमिकम्पेन महानिव शिलोच्चयः	मूल
2671	5033045a	कानानानि सुरम्याणि नदीप्रस्रवणानि च	मूल
2672	5033045c	चरन्न रतिमाप्नोति त्वमपश्यन्नृपात्मजे	मूल
2673	5033046a	स त्वां मनुजशार्दूलः क्षिप्रं प्राप्स्यति राघवः	मूल
2674	5033046c	समित्रबान्धवं हत्वा रावणं जनकात्मजे	मूल
2675	5033047a	सहितौ रामसुग्रीवावुभावकुरुतां तदा	मूल
2676	5033047c	समयं वालिनं हन्तुं तव चान्वेषणं तथा	मूल
2677	5033048a	ततो निहत्य तरसा रामो वालिनमाहवे	मूल
2678	5033048c	सर्वर्क्षहरिसंघानां सुग्रीवमकरोत्पतिम्	मूल
2679	5033049a	रामसुग्रीवयोरैक्यं देव्येवं समजायत	मूल
2680	5033049c	हनूमन्तं च मां विद्धि तयोर्दूतमिहागतम्	मूल
2681	5033050a	स्वराज्यं प्राप्य सुग्रीवः समनीय महाहरीन्	मूल
2682	5033050c	त्वदर्थं प्रेषयामास दिशो दश महाबलान्	मूल
2683	5033051a	आदिष्टा वानरेन्द्रेण सुग्रीवेण महौजसः	मूल
2684	5033051c	अद्रिराजप्रतीकाशाः सर्वतः प्रस्थिता महीम्	मूल
2685	5033052a	अङ्गदो नाम लक्ष्मीवान्वालिसूनुर्महाबलः	मूल
2686	5033052c	प्रस्थितः कपिशार्दूलस्त्रिभागबलसंवृतः	मूल
2687	5033053a	तेषां नो विप्रनष्टानां विन्ध्ये पर्वतसत्तमे	मूल
2688	5033053c	भृशं शोकपरीतनामहोरात्रगणा गताः	मूल
2689	5033054a	ते वयं कार्यनैराश्यात्कालस्यातिक्रमेण च	मूल
2690	5033054c	भयाच्च कपिराजस्य प्राणांस्त्यक्तुं व्यवस्थिताः	मूल
2691	5033055a	विचित्य वनदुर्गाणि गिरिप्रस्रवणानि च	मूल
2692	5033055c	अनासाद्य पदं देव्याः प्राणांस्त्यक्तुं व्यवस्थिताः	मूल
2693	5033056a	भृशं शोकार्णवे मग्नः पर्यदेवयदङ्गदः	मूल
2694	5033056c	तव नाशं च वैदेहि वालिनश्च तथा वधम्	मूल
2695	5033056e	प्रायोपवेशमस्माकं मरणं च जटायुषः	मूल
2696	5033057a	तेषां नः स्वामिसंदेशान्निराशानां मुमूर्षताम्	मूल
2697	5033057c	कार्यहेतोरिवायातः शकुनिर्वीर्यवान्महान्	मूल
2698	5033058a	गृध्रराजस्य सोदर्यः संपातिर्नाम गृध्रराट्	मूल
2699	5033058c	श्रुत्वा भ्रातृवधं कोपादिदं वचनमब्रवीत्	मूल
2700	5033059a	यवीयान्केन मे भ्राता हतः क्व च विनाशितः	मूल
2701	5033059c	एतदाख्यातुमिच्छामि भवद्भिर्वानरोत्तमाः	मूल
2702	5033060a	अङ्गदोऽकथयत्तस्य जनस्थाने महद्वधम्	मूल
2703	5033060c	रक्षसा भीमरूपेण त्वामुद्दिश्य यथातथम्	मूल
2704	5033061a	जटायोस्तु वधं श्रुत्वा दुःखितः सोऽरुणात्मजः	मूल
2705	5033061c	त्वामाह स वरारोहे वसन्तीं रावणालये	मूल
2706	5033062a	तस्य तद्वचनं श्रुत्वा संपातेः प्रीतिवर्धनम्	मूल
2707	5033062c	अङ्गदप्रमुखाः सर्वे ततः संप्रस्थिता वयम्	मूल
2708	5033062e	त्वद्दर्शनकृतोत्साहा हृष्टास्तुष्टाः प्लवंगमाः	मूल
2709	5033063a	अथाहं हरिसैन्यस्य सागरं दृश्य सीदतः	मूल
2710	5033063c	व्यवधूय भयं तीव्रं योजनानां शतं प्लुतः	मूल
2711	5033064a	लङ्का चापि मया रात्रौ प्रविष्टा राक्षसाकुला	मूल
2712	5033064c	रावणश्च मया दृष्टस्त्वं च शोकनिपीडिता	मूल
2713	5033065a	एतत्ते सर्वमाख्यातं यथावृत्तमनिन्दिते	मूल
2714	5033065c	अभिभाषस्व मां देवि दूतो दाशरथेरहम्	मूल
2715	5033066a	त्वं मां रामकृतोद्योगं त्वन्निमित्तमिहागतम्	मूल
2716	5033066c	सुग्रीव सचिवं देवि बुध्यस्व पवनात्मजम्	मूल
2717	5033067a	कुशली तव काकुत्स्थः सर्वशस्त्रभृतां वरः	मूल
2718	5033067c	गुरोराराधने युक्तो लक्ष्मणश्च सुलक्षणः	मूल
2719	5033068a	तस्य वीर्यवतो देवि भर्तुस्तव हिते रतः	मूल
2720	5033068c	अहमेकस्तु संप्राप्तः सुग्रीववचनादिह	मूल
2721	5033069a	मयेयमसहायेन चरता कामरूपिणा	मूल
2722	5033069c	दक्षिणा दिगनुक्रान्ता त्वन्मार्गविचयैषिणा	मूल
2723	5033070a	दिष्ट्याहं हरिसैन्यानां त्वन्नाशमनुशोचताम्	मूल
2724	5033070c	अपनेष्यामि संतापं तवाभिगमशंसनात्	मूल
2725	5033071a	दिष्ट्या हि न मम व्यर्थं देवि सागरलङ्घनम्	मूल
2726	5033071c	प्राप्स्याम्यहमिदं दिष्ट्या त्वद्दर्शनकृतं यशः	मूल
2727	5033072a	राघवश्च महावीर्यः क्षिप्रं त्वामभिपत्स्यते	मूल
2728	5033072c	समित्रबान्धवं हत्वा रावणं राक्षसाधिपम्	मूल
2729	5033073a	कौरजो नाम वैदेहि गिरीणामुत्तमो गिरिः	मूल
2730	5033073c	ततो गच्छति गोकर्णं पर्वतं केसरी हरिः	मूल
2731	5033074a	स च देवर्षिभिर्दृष्टः पिता मम महाकपिः	मूल
2732	5033074c	तीर्थे नदीपतेः पुण्ये शम्बसादनमुद्धरत्	मूल
2733	5033075a	तस्याहं हरिणः क्षेत्रे जातो वातेन मैथिलि	मूल
2734	5033075c	हनूमानिति विख्यातो लोके स्वेनैव कर्मणा	मूल
2735	5033075e	विश्वासार्थं तु वैदेहि भर्तुरुक्ता मया गुणाः	मूल
2736	5033076a	एवं विश्वासिता सीता हेतुभिः शोककर्शिता	मूल
2737	5033076c	उपपन्नैरभिज्ञानैर्दूतं तमवगच्छति	मूल
2738	5033077a	अतुलं च गता हर्षं प्रहर्षेण तु जानकी	मूल
2739	5033077c	नेत्राभ्यां वक्रपक्ष्माभ्यां मुमोचानन्दजं जलम्	मूल
2740	5033078a	चारु तच्चाननं तस्यास्ताम्रशुक्लायतेक्षणम्	मूल
2741	5033078c	अशोभत विशालाक्ष्या राहुमुक्त इवोडुराट्	मूल
2742	5033078e	हनूमन्तं कपिं व्यक्तं मन्यते नान्यथेति सा	मूल
2743	5033079a	अथोवाच हनूमांस्तामुत्तरं प्रियदर्शनाम्	मूल
2744	5033080a	हतेऽसुरे संयति शम्बसादने; कपिप्रवीरेण महर्षिचोदनात्	मूल
2745	5033080c	ततोऽस्मि वायुप्रभवो हि मैथिलि; प्रभावतस्तत्प्रतिमश्च वानरः	मूल
2746	5034001a	भूय एव महातेजा हनूमान्मारुतात्मजः	मूल
2747	5034001c	अब्रवीत्प्रश्रितं वाक्यं सीताप्रत्ययकारणात्	मूल
2748	5034002a	वानरोऽहं महाभागे दूतो रामस्य धीमतः	मूल
2749	5034002c	रामनामाङ्कितं चेदं पश्य देव्यङ्गुलीयकम्	मूल
2750	5034002e	समाश्वसिहि भद्रं ते क्षीणदुःखफला ह्यसि	मूल
2751	5034003a	गृहीत्वा प्रेक्षमाणा सा भर्तुः करविभूषणम्	मूल
2752	5034003c	भर्तारमिव संप्राप्ता जानकी मुदिताभवत्	मूल
2753	5034004a	चारु तद्वदनं तस्यास्ताम्रशुक्लायतेक्षणम्	मूल
2754	5034004c	बभूव प्रहर्षोदग्रं राहुमुक्त इवोडुराट्	मूल
2755	5034005a	ततः सा ह्रीमती बाला भर्तुः संदेशहर्षिता	मूल
2756	5034005c	परितुट्षा प्रियं श्रुत्वा प्राशंसत महाकपिम्	मूल
2757	5034006a	विक्रान्तस्त्वं समर्थस्त्वं प्राज्ञस्त्वं वानरोत्तम	मूल
2758	5034006c	येनेदं राक्षसपदं त्वयैकेन प्रधर्षितम्	मूल
2759	5034007a	शतयोजनविस्तीर्णः सागरो मकरालयः	मूल
2760	5034007c	विक्रमश्लाघनीयेन क्रमता गोष्पदीकृतः	मूल
2761	5034008a	न हि त्वां प्राकृतं मन्ये वनरं वनरर्षभ	मूल
2762	5034008c	यस्य ते नास्ति संत्रासो रावणान्नापि संभ्रमः	मूल
2763	5034009a	अर्हसे च कपिश्रेष्ठ मया समभिभाषितुम्	मूल
2764	5034009c	यद्यसि प्रेषितस्तेन रामेण विदितात्मना	मूल
2765	5034010a	प्रेषयिष्यति दुर्धर्षो रामो न ह्यपरीक्षितम्	मूल
2766	5034010c	पराक्रममविज्ञाय मत्सकाशं विशेषतः	मूल
2767	5034011a	दिष्ट्या च कुशली रामो धर्मात्मा धर्मवत्सलः	मूल
2768	5034011c	लक्ष्मणश्च महातेजाः सुमित्रानन्दवर्धनः	मूल
2769	5034012a	कुशली यदि काकुत्स्थः किं नु सागरमेखलाम्	मूल
2770	5034012c	महीं दहति कोपेन युगान्ताग्निरिवोत्थितः	मूल
2771	5034013a	अथ वा शक्तिमन्तौ तौ सुराणामपि निग्रहे	मूल
2772	5034013c	ममैव तु न दुःखानामस्ति मन्ये विपर्ययः	मूल
2773	5034014a	कच्चिच्च व्यथते रामः कच्चिन्न परिपत्यते	मूल
2774	5034014c	उत्तराणि च कार्याणि कुरुते पुरुषोत्तमः	मूल
2775	5034015a	कच्चिन्न दीनः संभ्रान्तः कार्येषु च न मुह्यति	मूल
2776	5034015c	कच्चिन्पुरुषकार्याणि कुरुते नृपतेः सुतः	मूल
2777	5034016a	द्विविधं त्रिविधोपायमुपायमपि सेवते	मूल
2778	5034016c	विजिगीषुः सुहृत्कच्चिन्मित्रेषु च परंतपः	मूल
2779	5034017a	कच्चिन्मित्राणि लभते मित्रैश्चाप्यभिगम्यते	मूल
2780	5034017c	कच्चित्कल्याणमित्रश्च मित्रैश्चापि पुरस्कृतः	मूल
2781	5034018a	कच्चिदाशास्ति देवानां प्रसादं पार्थिवात्मजः	मूल
2782	5034018c	कच्चित्पुरुषकारं च दैवं च प्रतिपद्यते	मूल
2783	5034019a	कच्चिन्न विगतस्नेहो विवासान्मयि राघवः	मूल
2784	5034019c	कच्चिन्मां व्यसनादस्मान्मोक्षयिष्यति वानरः	मूल
2785	5034020a	सुखानामुचितो नित्यमसुखानामनूचितः	मूल
2786	5034020c	दुःखमुत्तरमासाद्य कच्चिद्रामो न सीदति	मूल
2787	5034021a	कौसल्यायास्तथा कच्चित्सुमित्रायास्तथैव च	मूल
2788	5034021c	अभीक्ष्णं श्रूयते कच्चित्कुशलं भरतस्य च	मूल
2789	5034022a	मन्निमित्तेन मानार्हः कच्चिच्छोकेन राघवः	मूल
2790	5034022c	कच्चिन्नान्यमना रामः कच्चिन्मां तारयिष्यति	मूल
2791	5034023a	कच्चिदक्षौहिणीं भीमां भरतो भ्रातृवत्सलः	मूल
2792	5034023c	ध्वजिनीं मन्त्रिभिर्गुप्तां प्रेषयिष्यति मत्कृते	मूल
2793	5034024a	वानराधिपतिः श्रीमान्सुग्रीवः कच्चिदेष्यति	मूल
2794	5034024c	मत्कृते हरिभिर्वीरैर्वृतो दन्तनखायुधैः	मूल
2795	5034025a	कच्चिच्च लक्ष्मणः शूरः सुमित्रानन्दवर्धनः	मूल
2796	5034025c	अस्त्रविच्छरजालेन राक्षसान्विधमिष्यति	मूल
2797	5034026a	रौद्रेण कच्चिदस्त्रेण रामेण निहतं रणे	मूल
2798	5034026c	द्रक्ष्याम्यल्पेन कालेन रावणं ससुहृज्जनम्	मूल
2799	5034027a	कच्चिन्न तद्धेमसमानवर्णं; तस्याननं पद्मसमानगन्धि	मूल
2800	5034027c	मया विना शुष्यति शोकदीनं; जलक्षये पद्ममिवातपेन	मूल
2801	5034028a	धर्मापदेशात्त्यजतश्च राज्यां; मां चाप्यरण्यं नयतः पदातिम्	मूल
2802	5034028c	नासीद्व्यथा यस्य न भीर्न शोकः; कच्चित्स धैर्यं हृदये करोति	मूल
2803	5034029a	न चास्य माता न पिता न चान्यः; स्नेहाद्विशिष्टोऽस्ति मया समो वा	मूल
2804	5034029c	तावद्ध्यहं दूतजिजीविषेयं; यावत्प्रवृत्तिं शृणुयां प्रियस्य	मूल
2805	5034030a	इतीव देवी वचनं महार्थं; तं वानरेन्द्रं मधुरार्थमुक्त्वा	मूल
2806	5034030c	श्रोतुं पुनस्तस्य वचोऽभिरामं; रामार्थयुक्तं विरराम रामा	मूल
2807	5034031a	सीताया वचनं श्रुत्वा मारुतिर्भीमविक्रमः	मूल
2808	5034031c	शिरस्यञ्जलिमाधाय वाक्यमुत्तरमब्रवीत्	मूल
2809	5034032a	न त्वामिहस्थां जानीते रामः कमललोचनः	मूल
2810	5034032c	श्रुत्वैव तु वचो मह्यं क्षिप्रमेष्यति राघवः	मूल
2811	5034033a	चमूं प्रकर्षन्महतीं हर्यृष्कगणसंकुलाम्	मूल
2812	5034033c	विष्टम्भयित्वा बाणौघैरक्षोभ्यं वरुणालयम्	मूल
2813	5034033e	करिष्यति पुरीं लङ्कां काकुत्स्थः शान्तराक्षसाम्	मूल
2814	5034034a	तत्र यद्यन्तरा मृत्युर्यदि देवाः सहासुराः	मूल
2815	5034034c	स्थास्यन्ति पथि रामस्य स तानपि वधिष्यति	मूल
2816	5034035a	तवादर्शनजेनार्ये शोकेन स परिप्लुतः	मूल
2817	5034035c	न शर्म लभते रामः सिंहार्दित इव द्विपः	मूल
2818	5034036a	दर्दरेण च ते देवि शपे मूलफलेन च	मूल
2819	5034036c	मलयेन च विन्ध्येन मेरुणा मन्दरेण च	मूल
2820	5034037a	यथा सुनयनं वल्गु बिम्बौष्ठं चारुकुण्डलम्	मूल
2821	5034037c	मुखं द्रक्ष्यसि रामस्य पूर्णचन्द्रमिवोदितम्	मूल
2822	5034038a	क्षिप्रं द्रक्ष्यसि वैदेहि रामं प्रस्रवणे गिरौ	मूल
2823	5034038c	शतक्रतुमिवासीनं नाकपृष्ठस्य मूर्धनि	मूल
2824	5034039a	न मांसं राघवो भुङ्क्ते न चापि मधुसेवते	मूल
2825	5034039c	वन्यं सुविहितं नित्यं भक्तमश्नाति पञ्चमम्	मूल
2826	5034040a	नैव दंशान्न मशकान्न कीटान्न सरीसृपान्	मूल
2827	5034040c	राघवोऽपनयेद्गत्रात्त्वद्गतेनान्तरात्मना	मूल
2828	5034041a	नित्यं ध्यानपरो रामो नित्यं शोकपरायणः	मूल
2829	5034041c	नान्यच्चिन्तयते किंचित्स तु कामवशं गतः	मूल
2830	5034042a	अनिद्रः सततं रामः सुप्तोऽपि च नरोत्तमः	मूल
2831	5034042c	सीतेति मधुरां वाणीं व्याहरन्प्रतिबुध्यते	मूल
2832	5034043a	दृष्ट्वा फलं वा पुष्पं वा यच्चान्यत्स्त्रीमनोहरम्	मूल
2833	5034043c	बहुशो हा प्रियेत्येवं श्वसंस्त्वामभिभाषते	मूल
2834	5034044a	स देवि नित्यं परितप्यमान;स्त्वामेव सीतेत्यभिभाषमाणः	मूल
2835	5034044c	धृतव्रतो राजसुतो महात्मा; तवैव लाभाय कृतप्रयत्नः	मूल
2836	5034045a	सा रामसंकीर्तनवीतशोका; रामस्य शोकेन समानशोका	मूल
2837	5034045c	शरन्मुखेनाम्बुदशेषचन्द्रा; निशेव वैदेहसुता बभूव	मूल
2838	5035001a	सीता तद्वचनं श्रुत्वा पूर्णचन्द्रनिभानना	मूल
2839	5035001c	हनूमन्तमुवाचेदं धर्मार्थसहितं वचः	मूल
2840	5035002a	अमृतं विषसंसृष्टं त्वया वानरभाषितम्	मूल
2841	5035002c	यच्च नान्यमना रामो यच्च शोकपरायणः	मूल
2842	5035003a	ऐश्वर्ये वा सुविस्तीर्णे व्यसने वा सुदारुणे	मूल
2843	5035003c	रज्ज्वेव पुरुषं बद्ध्वा कृतान्तः परिकर्षति	मूल
2844	5035004a	विधिर्नूनमसंहार्यः प्राणिनां प्लवगोत्तम	मूल
2845	5035004c	सौमित्रिं मां च रामं च व्यसनैः पश्य मोहितान्	मूल
2846	5035005a	शोकस्यास्य कदा पारं राघवोऽधिगमिष्यति	मूल
2847	5035005c	प्लवमानः परिश्रान्तो हतनौः सागरे यथा	मूल
2848	5035006a	राक्षसानां क्षयं कृत्वा सूदयित्वा च रावणम्	मूल
2849	5035006c	लङ्कामुन्मूलितां कृत्वा कदा द्रक्ष्यति मां पतिः	मूल
2850	5035007a	स वाच्यः संत्वरस्वेति यावदेव न पूर्यते	मूल
2851	5035007c	अयं संवत्सरः कालस्तावद्धि मम जीवितम्	मूल
2852	5035008a	वर्तते दशमो मासो द्वौ तु शेषौ प्लवंगम	मूल
2853	5035008c	रावणेन नृशंसेन समयो यः कृतो मम	मूल
2854	5035009a	विभीषणेन च भ्रात्रा मम निर्यातनं प्रति	मूल
2855	5035009c	अनुनीतः प्रयत्नेन न च तत्कुरुते मतिम्	मूल
2856	5035010a	मम प्रतिप्रदानं हि रावणस्य न रोचते	मूल
2857	5035010c	रावणं मार्गते संख्ये मृत्युः कालवशं गतम्	मूल
2858	5035011a	ज्येष्ठा कन्यानला नम विभीषणसुता कपे	मूल
2859	5035011c	तया ममैतदाख्यातं मात्रा प्रहितया स्वयम्	मूल
2860	5035012a	अविन्ध्यो नाम मेधावी विद्वान्राक्षसपुंगवः	मूल
2861	5035012c	धृतिमाञ्शीलवान्वृद्धो रावणस्य सुसंमतः	मूल
2862	5035013a	रामात्क्षयमनुप्राप्तं रक्षसां प्रत्यचोदयत्	मूल
2863	5035013c	न च तस्यापि दुष्टात्मा शृणोति वचनं हितम्	मूल
2864	5035014a	आशंसेति हरिश्रेष्ठ क्षिप्रं मां प्राप्स्यते पतिः	मूल
2865	5035014c	अन्तरात्मा हि मे शुद्धस्तस्मिंश्च बहवो गुणाः	मूल
2866	5035015a	उत्साहः पौरुषं सत्त्वमानृशंस्यं कृतज्ञता	मूल
2867	5035015c	विक्रमश्च प्रभावश्च सन्ति वानरराघवे	मूल
2868	5035016a	चतुर्दशसहस्राणि राक्षसानां जघान यः	मूल
2869	5035016c	जनस्थाने विना भ्रात्रा शत्रुः कस्तस्य नोद्विजेत्	मूल
2870	5035017a	न स शक्यस्तुलयितुं व्यसनैः पुरुषर्षभः	मूल
2871	5035017c	अहं तस्यानुभावज्ञा शक्रस्येव पुलोमजा	मूल
2872	5035018a	शरजालांशुमाञ्शूरः कपे रामदिवाकरः	मूल
2873	5035018c	शत्रुरक्षोमयं तोयमुपशोषं नयिष्यति	मूल
2874	5035019a	इति संजल्पमानां तां रामार्थे शोककर्शिताम्	मूल
2875	5035019c	अश्रुसंपूर्णवदनामुवाच हनुमान्कपिः	मूल
2876	5035020a	श्रुत्वैव तु वचो मह्यं क्षिप्रमेष्यति राघवः	मूल
2877	5035020c	चमूं प्रकर्षन्महतीं हर्यृक्षगणसंकुलाम्	मूल
2878	5035021a	अथ वा मोचयिष्यामि तामद्यैव हि राक्षसात्	मूल
2879	5035021c	अस्माद्दुःखादुपारोह मम पृष्ठमनिन्दिते	मूल
2880	5035022a	त्वं हि पृष्ठगतां कृत्वा संतरिष्यामि सागरम्	मूल
2881	5035022c	शक्तिरस्ति हि मे वोढुं लङ्कामपि सरावणाम्	मूल
2882	5035023a	अहं प्रस्रवणस्थाय राघवायाद्य मैथिलि	मूल
2883	5035023c	प्रापयिष्यामि शक्राय हव्यं हुतमिवानलः	मूल
2884	5035024a	द्रक्ष्यस्यद्यैव वैदेहि राघवं सहलक्ष्मणम्	मूल
2885	5035024c	व्यवसाय समायुक्तं विष्णुं दैत्यवधे यथा	मूल
2886	5035025a	त्वद्दर्शनकृतोत्साहमाश्रमस्थं महाबलम्	मूल
2887	5035025c	पुरंदरमिवासीनं नागराजस्य मूर्धनि	मूल
2888	5035026a	पृष्ठमारोह मे देवि मा विकाङ्क्षस्व शोभने	मूल
2889	5035026c	योगमन्विच्छ रामेण शशाङ्केनेव रोहिणी	मूल
2890	5035027a	कथयन्तीव चन्द्रेण सूर्येणेव सुवर्चला	मूल
2891	5035027c	मत्पृष्ठमधिरुह्य त्वं तराकाशमहार्णवम्	मूल
2892	5035028a	न हि मे संप्रयातस्य त्वामितो नयतोऽङ्गने	मूल
2893	5035028c	अनुगन्तुं गतिं शक्ताः सर्वे लङ्कानिवासिनः	मूल
2894	5035029a	यथैवाहमिह प्राप्तस्तथैवाहमसंशयम्	मूल
2895	5035029c	यास्यामि पश्य वैदेहि त्वामुद्यम्य विहायसं	मूल
2896	5035030a	मैथिली तु हरिश्रेष्ठाच्छ्रुत्वा वचनमद्भुतम्	मूल
2897	5035030c	हर्षविस्मितसर्वाङ्गी हनूमन्तमथाब्रवीत्	मूल
2898	5035031a	हनूमन्दूरमध्वनं कथं मां वोढुमिच्छसि	मूल
2899	5035031c	तदेव खलु ते मन्ये कपित्वं हरियूथप	मूल
2900	5035032a	कथं वाल्पशरीरस्त्वं मामितो नेतुमिच्छसि	मूल
2901	5035032c	सकाशं मानवेन्द्रस्य भर्तुर्मे प्लवगर्षभ	मूल
2902	5035033a	सीताया वचनं श्रुत्वा हनूमान्मारुतात्मजः	मूल
2903	5035033c	चिन्तयामास लक्ष्मीवान्नवं परिभवं कृतम्	मूल
2904	5035034a	न मे जानाति सत्त्वं वा प्रभावं वासितेक्षणा	मूल
2905	5035034c	तस्मात्पश्यतु वैदेही यद्रूपं मम कामतः	मूल
2906	5035035a	इति संचिन्त्य हनुमांस्तदा प्लवगसत्तमः	मूल
2907	5035035c	दर्शयामास वैदेह्याः स्वरूपमरिमर्दनः	मूल
2908	5035036a	स तस्मात्पादपाद्धीमानाप्लुत्य प्लवगर्षभः	मूल
2909	5035036c	ततो वर्धितुमारेभे सीताप्रत्ययकारणात्	मूल
2910	5035037a	मेरुमन्दारसंकाशो बभौ दीप्तानलप्रभः	मूल
2911	5035037c	अग्रतो व्यवतस्थे च सीताया वानरर्षभः	मूल
2912	5035038a	हरिः पर्वतसंकाशस्ताम्रवक्त्रो महाबलः	मूल
2913	5035038c	वज्रदंष्ट्रनखो भीमो वैदेहीमिदमब्रवीत्	मूल
2914	5035039a	सपर्वतवनोद्देशां साट्टप्राकारतोरणाम्	मूल
2915	5035039c	लङ्कामिमां सनथां वा नयितुं शक्तिरस्ति मे	मूल
2916	5035040a	तदवस्थाप्य तां बुद्धिरलं देवि विकाङ्क्षया	मूल
2917	5035040c	विशोकं कुरु वैदेहि राघवं सहलक्ष्मणम्	मूल
2918	5035041a	तं दृष्ट्वाचलसंकाशमुवाच जनकात्मजा	मूल
2919	5035041c	पद्मपत्रविशालाक्षी मारुतस्यौरसं सुतम्	मूल
2920	5035042a	तव सत्त्वं बलं चैव विजानामि महाकपे	मूल
2921	5035042c	वायोरिव गतिं चापि तेजश्चाग्निरिवाद्भुतम्	मूल
2922	5035043a	प्राकृतोऽन्यः कथं चेमां भूमिमागन्तुमर्हति	मूल
2923	5035043c	उदधेरप्रमेयस्य पारं वानरपुंगव	मूल
2924	5035044a	जानामि गमने शक्तिं नयने चापि ते मम	मूल
2925	5035044c	अवश्यं साम्प्रधार्याशु कार्यसिद्धिरिहात्मनः	मूल
2926	5035045a	अयुक्तं तु कपिश्रेष्ठ मया गन्तुं त्वया सह	मूल
2927	5035045c	वायुवेगसवेगस्य वेगो मां मोहयेत्तव	मूल
2928	5035046a	अहमाकाशमासक्ता उपर्युपरि सागरम्	मूल
2929	5035046c	प्रपतेयं हि ते पृष्ठाद्भयाद्वेगेन गच्छतः	मूल
2930	5035047a	पतिता सागरे चाहं तिमिनक्रझषाकुले	मूल
2931	5035047c	भयेयमाशु विवशा यादसामन्नमुत्तमम्	मूल
2932	5035048a	न च शक्ष्ये त्वया सार्धं गन्तुं शत्रुविनाशन	मूल
2933	5035048c	कलत्रवति संदेहस्त्वय्यपि स्यादसंशयम्	मूल
2934	5035049a	ह्रियमाणां तु मां दृष्ट्वा राक्षसा भीमविक्रमाः	मूल
2935	5035049c	अनुगच्छेयुरादिष्टा रावणेन दुरात्मना	मूल
2936	5035050a	तैस्त्वं परिवृतः शूरैः शूलमुद्गर पाणिभिः	मूल
2937	5035050c	भवेस्त्वं संशयं प्राप्तो मया वीर कलत्रवान्	मूल
2938	5035051a	सायुधा बहवो व्योम्नि राक्षसास्त्वं निरायुधः	मूल
2939	5035051c	कथं शक्ष्यसि संयातुं मां चैव परिरक्षितुम्	मूल
2940	5035052a	युध्यमानस्य रक्षोभिस्ततस्तैः क्रूरकर्मभिः	मूल
2941	5035052c	प्रपतेयं हि ते पृष्ठद्भयार्ता कपिसत्तम	मूल
2942	5035053a	अथ रक्षांसि भीमानि महान्ति बलवन्ति च	मूल
2943	5035053c	कथंचित्साम्पराये त्वां जयेयुः कपिसत्तम	मूल
2944	5035054a	अथ वा युध्यमानस्य पतेयं विमुखस्य ते	मूल
2945	5035054c	पतितां च गृहीत्वा मां नयेयुः पापराक्षसाः	मूल
2946	5035055a	मां वा हरेयुस्त्वद्धस्ताद्विशसेयुरथापि वा	मूल
2947	5035055c	अव्यवस्थौ हि दृश्येते युद्धे जयपराजयौ	मूल
2948	5035056a	अहं वापि विपद्येयं रक्षोभिरभितर्जिता	मूल
2949	5035056c	त्वत्प्रयत्नो हरिश्रेष्ठ भवेन्निष्फल एव तु	मूल
2950	5035057a	कामं त्वमपि पर्याप्तो निहन्तुं सर्वराक्षसान्	मूल
2951	5035057c	राघवस्य यशो हीयेत्त्वया शस्तैस्तु राक्षसैः	मूल
2952	5035058a	अथ वादाय रक्षांसि न्यस्येयुः संवृते हि माम्	मूल
2953	5035058c	यत्र ते नाभिजानीयुर्हरयो नापि राघवः	मूल
2954	5035059a	आरम्भस्तु मदर्थोऽयं ततस्तव निरर्थकः	मूल
2955	5035059c	त्वया हि सह रामस्य महानागमने गुणः	मूल
2956	5035060a	मयि जीवितमायत्तं राघवस्य महात्मनः	मूल
2957	5035060c	भ्रातॄणां च महाबाहो तव राजकुलस्य च	मूल
2958	5035061a	तौ निराशौ मदर्थे तु शोकसंतापकर्शितौ	मूल
2959	5035061c	सह सर्वर्क्षहरिभिस्त्यक्ष्यतः प्राणसंग्रहम्	मूल
2960	5035062a	भर्तुर्भक्तिं पुरस्कृत्य रामादन्यस्य वानर	मूल
2961	5035062c	नाहं स्प्रष्टुं पदा गात्रमिच्छेयं वानरोत्तम	मूल
2962	5035063a	यदहं गात्रसंस्पर्शं रावणस्य गता बलात्	मूल
2963	5035063c	अनीशा किं करिष्यामि विनाथा विवशा सती	मूल
2964	5035064a	यदि रामो दशग्रीवमिह हत्वा सराक्षसं	मूल
2965	5035064c	मामितो गृह्य गच्छेत तत्तस्य सदृशं भवेत्	मूल
2966	5035065a	श्रुता हि दृष्टाश्च मया पराक्रमा; महात्मनस्तस्य रणावमर्दिनः	मूल
2967	5035065c	न देवगन्धर्वभुजंगराक्षसा; भवन्ति रामेण समा हि संयुगे	मूल
2968	5035066a	समीक्ष्य तं संयति चित्रकार्मुकं; महाबलं वासवतुल्यविक्रमम्	मूल
2969	5035066c	सलक्ष्मणं को विषहेत राघवं; हुताशनं दीप्तमिवानिलेरितम्	मूल
2970	5035067a	सलक्ष्मणं राघवमाजिमर्दनं; दिशागजं मत्तमिव व्यवस्थितम्	मूल
2971	5035067c	सहेत को वानरमुख्य संयुगे; युगान्तसूर्यप्रतिमं शरार्चिषम्	मूल
2972	5035068a	स मे हरिश्रेष्ठ सलक्ष्मणं पतिं; सयूथपं क्षिप्रमिहोपपादय	मूल
2973	5035068c	चिराय रामं प्रति शोककर्शितां; कुरुष्व मां वानरमुख्य हर्षिताम्	मूल
2974	5036001a	ततः स कपिशार्दूलस्तेन वाक्येन हर्षितः
2975	5036001c	सीतामुवाच तच्छ्रुत्वा वाक्यं वाक्यविशारदः
2976	5036002a	युक्तरूपं त्वया देवि भाषितं शुभदर्शने
2977	5036002c	सदृशं स्त्रीस्वभावस्य साध्वीनां विनयस्य च
2978	5036003a	स्त्रीत्वं न तु समर्थं हि सागरं व्यतिवर्तितुम्
2979	5036003c	मामधिष्ठाय विस्तीर्णं शतयोजनमायतम्
2980	5036004a	द्वितीयं कारणं यच्च ब्रवीषि विनयान्विते
2981	5036004c	रामादन्यस्य नार्हामि संस्पर्शमिति जानकि
2982	5036005a	एतत्ते देवि सदृशं पत्न्यास्तस्य महात्मनः
2983	5036005c	का ह्यन्या त्वामृते देवि ब्रूयाद्वचनमीदृशम्
2984	5036006a	श्रोष्यते चैव काकुत्स्थः सर्वं निरवशेषतः
2985	5036006c	चेष्टितं यत्त्वया देवि भाषितं मम चाग्रतः
2986	5036007a	कारणैर्बहुभिर्देवि राम प्रियचिकीर्षया
2987	5036007c	स्नेहप्रस्कन्नमनसा मयैतत्समुदीरितम्
2988	5036008a	लङ्काया दुष्प्रवेशत्वाद्दुस्तरत्वान्महोदधेः
2989	5036008c	सामर्थ्यादात्मनश्चैव मयैतत्समुदाहृतम्
2990	5036009a	इच्छामि त्वां समानेतुमद्यैव रघुबन्धुना
2991	5036009c	गुरुस्नेहेन भक्त्या च नान्यथा तदुदाहृतम्
2992	5036010a	यदि नोत्सहसे यातुं मया सार्धमनिन्दिते
2993	5036010c	अभिज्ञानं प्रयच्छ त्वं जानीयाद्राघवो हि यत्
2994	5036011a	एवमुक्ता हनुमता सीता सुरसुतोपमा
2995	5036011c	उवाच वचनं मन्दं बाष्पप्रग्रथिताक्षरम्
2996	5036012a	इदं श्रेष्ठमभिज्ञानं ब्रूयास्त्वं तु मम प्रियम्
2997	5036012c	शैलस्य चित्रकूटस्य पादे पूर्वोत्तरे तदा
2998	5036013a	तापसाश्रमवासिन्याः प्राज्यमूलफलोदके
2999	5036013c	तस्मिन्सिद्धाश्रमे देशे मन्दाकिन्या अदूरतः
3000	5036014a	तस्योपवनषण्डेषु नानापुष्पसुगन्धिषु
3001	5036014c	विहृत्य सलिलक्लिन्ना तवाङ्के समुपाविशम्
3002	5036015a	पर्यायेण प्रसुप्तश्च ममाङ्के भरताग्रजः
3003	5036016a	ततो मांससमायुक्तो वायसः पर्यतुण्डयत्
3004	5036016c	तमहं लोष्टमुद्यम्य वारयामि स्म वायसं
3005	5036017a	दारयन्स च मां काकस्तत्रैव परिलीयते
3006	5036017c	न चाप्युपरमन्मांसाद्भक्षार्थी बलिभोजनः
3007	5036018a	उत्कर्षन्त्यां च रशनां क्रुद्धायां मयि पक्षिणे
3008	5036018c	स्रंसमाने च वसने ततो दृष्टा त्वया ह्यहम्
3009	5036019a	त्वया विहसिता चाहं क्रुद्धा संलज्जिता तदा
3010	5036019c	भक्ष्य गृद्धेन कालेन दारिता त्वामुपागता
3011	5036020a	आसीनस्य च ते श्रान्ता पुनरुत्सङ्गमाविशम्
3012	5036020c	क्रुध्यन्ती च प्रहृष्टेन त्वयाहं परिसान्त्विता
3013	5036021a	बाष्पपूर्णमुखी मन्दं चक्षुषी परिमार्जती
3014	5036021c	लक्षिताहं त्वया नाथ वायसेन प्रकोपिता
3015	5036022a	आशीविष इव क्रुद्धः श्वसान्वाक्यमभाषथाः
3016	5036022c	केन ते नागनासोरु विक्षतं वै स्तनान्तरम्
3017	5036022e	कः क्रीडति सरोषेण पञ्चवक्त्रेण भोगिना
3018	5036023a	वीक्षमाणस्ततस्तं वै वायसं समवैक्षथाः
3019	5036023c	नखैः सरुधिरैस्तीक्ष्णैर्मामेवाभिमुखं स्थितम्
3020	5036024a	पुत्रः किल स शक्रस्य वायसः पततां वरः
3021	5036024c	धरान्तरचरः शीघ्रं पवनस्य गतौ समः
3022	5036025a	ततस्तस्मिन्महाबाहुः कोपसंवर्तितेक्षणः
3023	5036025c	वायसे कृतवान्क्रूरां मतिं मतिमतां वर
3024	5036026a	स दर्भसंस्तराद्गृह्य ब्रह्मणोऽस्त्रेण योजयः
3025	5036026c	स दीप्त इव कालाग्निर्जज्वालाभिमुखो द्विजम्
3026	5036027a	चिक्षेपिथ प्रदीप्तां तामिषीकां वायसं प्रति
3027	5036027c	अनुसृष्टस्तदा कालो जगाम विविधां गतिम्
3028	5036027e	त्राणकाम इमं लोकं सर्वं वै विचचार ह
3029	5036028a	स पित्रा च परित्यक्तः सुरैः सर्वैर्महर्षिभिः
3030	5036028c	त्रीँल्लोकान्संपरिक्रम्य त्वामेव शरणं गतः
3031	5036029a	तं त्वं निपतितं भूमौ शरण्यः शरणागतम्
3032	5036029c	वधार्हमपि काकुत्स्थ कृपया पर्यपालयः
3033	5036029e	न शर्म लब्ध्वा लोकेषु त्वामेव शरणं गतः
3034	5036030a	परिद्यूनं विषण्णं च स त्वमायान्तमुक्तवान्
3035	5036030c	मोघं कर्तुं न शक्यं तु ब्राह्ममस्त्रं तदुच्यताम्
3036	5036031a	ततस्तस्याक्षि काकस्य हिनस्ति स्म स दक्षिणम्
3037	5036032a	स ते तदा नमस्कृत्वा राज्ञे दशरथाय च
3038	5036032c	त्वया वीर विसृष्टस्तु प्रतिपेदे स्वमालयम्
3039	5036033a	मत्कृते काकमात्रेऽपि ब्रह्मास्त्रं समुदीरितम्
3040	5036033c	कस्माद्यो मां हरत्त्वत्तः क्षमसे तं महीपते
3041	5036034a	स कुरुष्व महोत्साहं कृपां मयि नरर्षभ
3042	5036034c	आनृशंस्यं परो धर्मस्त्वत्त एव मया श्रुतः
3043	5036035a	जानामि त्वां महावीर्यं महोत्साहं महाबलम्
3044	5036035c	अपारपारमक्षोभ्यं गाम्भीर्यात्सागरोपमम्
3045	5036035e	भर्तारं ससमुद्राया धरण्या वासवोपमम्
3046	5036036a	एवमस्त्रविदां श्रेष्ठः सत्त्ववान्बलवानपि
3047	5036036c	किमर्थमस्त्रं रक्षःसु न योजयसि राघव
3048	5036037a	न नागा नापि गन्धर्वा नासुरा न मरुद्गणाः
3049	5036037c	रामस्य समरे वेगं शक्ताः प्रति समाधितुम्
3050	5036038a	तस्या वीर्यवतः कश्चिद्यद्यस्ति मयि संभ्रमः
3051	5036038c	किमर्थं न शरैस्तीक्ष्णैः क्षयं नयति राक्षसान्
3052	5036039a	भ्रातुरादेशमादाय लक्ष्मणो वा परंतपः
3053	5036039c	कस्य हेतोर्न मां वीरः परित्राति महाबलः
3054	5036040a	यदि तौ पुरुषव्याघ्रौ वाय्विन्द्रसमतेजसौ
3055	5036040c	सुराणामपि दुर्धर्षो किमर्थं मामुपेक्षतः
3056	5036041a	ममैव दुष्कृतं किंचिन्महदस्ति न संशयः
3057	5036041c	समर्थावपि तौ यन्मां नावेक्षेते परंतपौ
3058	5036042a	कौसल्या लोकभर्तारं सुषुवे यं मनस्विनी
3059	5036042c	तं ममार्थे सुखं पृच्छ शिरसा चाभिवादय
3060	5036043a	स्रजश्च सर्वरत्नानि प्रिया याश्च वराङ्गनाः
3061	5036043c	ऐश्वर्यं च विशालायां पृथिव्यामपि दुर्लभम्
3062	5036044a	पितरं मातरं चैव संमान्याभिप्रसाद्य च
3063	5036044c	अनुप्रव्रजितो रामं सुमित्रा येन सुप्रजाः
3064	5036044e	आनुकूल्येन धर्मात्मा त्यक्त्वा सुखमनुत्तमम्
3065	5036045a	अनुगच्छति काकुत्स्थं भ्रातरं पालयन्वने
3066	5036045c	सिंहस्कन्धो महाबाहुर्मनस्वी प्रियदर्शनः
3067	5036046a	पितृवद्वर्तते रामे मातृवन्मां समाचरन्
3068	5036046c	ह्रियमाणां तदा वीरो न तु मां वेद लक्ष्मणः
3069	5036047a	वृद्धोपसेवी लक्ष्मीवाञ्शक्तो न बहुभाषिता
3070	5036047c	राजपुत्रः प्रियश्रेष्ठः सदृशः श्वशुरस्य मे
3071	5036048a	मत्तः प्रियतरो नित्यं भ्राता रामस्य लक्ष्मणः
3072	5036048c	नियुक्तो धुरि यस्यां तु तामुद्वहति वीर्यवान्
3073	5036049a	यं दृष्ट्वा राघवो नैव वृद्धमार्यमनुस्मरत्
3074	5036049c	स ममार्थाय कुशलं वक्तव्यो वचनान्मम
3075	5036049e	मृदुर्नित्यं शुचिर्दक्षः प्रियो रामस्य लक्ष्मणः
3076	5036050a	इदं ब्रूयाश्च मे नाथं शूरं रामं पुनः पुनः
3077	5036050c	जीवितं धारयिष्यामि मासं दशरथात्मज
3078	5036050e	ऊर्ध्वं मासान्न जीवेयं सत्येनाहं ब्रवीमि ते
3079	5036051a	रावणेनोपरुद्धां मां निकृत्या पापकर्मणा
3080	5036051c	त्रातुमर्हसि वीर त्वं पातालादिव कौशिकीम्
3081	5036052a	ततो वस्त्रगतं मुक्त्वा दिव्यं चूडामणिं शुभम्
3082	5036052c	प्रदेयो राघवायेति सीता हनुमते ददौ
3083	5036053a	प्रतिगृह्य ततो वीरो मणिरत्नमनुत्तमम्
3084	5036053c	अङ्गुल्या योजयामास न ह्यस्या प्राभवद्भुजः
3085	5036054a	मणिरत्नं कपिवरः प्रतिगृह्याभिवाद्य च
3086	5036054c	सीतां प्रदक्षिणं कृत्वा प्रणतः पार्श्वतः स्थितः
3087	5036055a	हर्षेण महता युक्तः सीतादर्शनजेन सः
3088	5036055c	हृदयेन गतो रामं शरीरेण तु विष्ठितः
3089	5036056a	मणिवरमुपगृह्य तं महार्हं; जनकनृपात्मजया धृतं प्रभावात्
3090	5036056c	गिरिवरपवनावधूतमुक्तः; सुखितमनाः प्रतिसंक्रमं प्रपेदे
3091	5037001a	मणिं दत्त्वा ततः सीता हनूमन्तमथाब्रवीत्	मूल
3092	5037001c	अभिज्ञानमभिज्ञातमेतद्रामस्य तत्त्वतः	मूल
3093	5037002a	मणिं तु दृष्ट्वा रामो वै त्रयाणां संस्मरिष्यति	मूल
3094	5037002c	वीरो जनन्या मम च राज्ञो दशरथस्य च	मूल
3095	5037003a	स भूयस्त्वं समुत्साहे चोदितो हरिसत्तम	मूल
3096	5037003c	अस्मिन्कार्यसमारम्भे प्रचिन्तय यदुत्तरम्	मूल
3097	5037004a	त्वमस्मिन्कार्यनिर्योगे प्रमाणं हरिसत्तम	मूल
3098	5037004c	तस्य चिन्तय यो यत्नो दुःखक्षयकरो भवेत्	मूल
3099	5037005a	स तथेति प्रतिज्ञाय मारुतिर्भीमविक्रमः	मूल
3100	5037005c	शिरसावन्द्य वैदेहीं गमनायोपचक्रमे	मूल
3101	5037006a	ज्ञात्वा संप्रस्थितं देवी वानरं मारुतात्मजम्	मूल
3102	5037006c	बाष्पगद्गदया वाचा मैथिली वाक्यमब्रवीत्	मूल
3103	5037007a	कुशलं हनुमन्ब्रूयाः सहितौ रामलक्ष्मणौ	मूल
3104	5037007c	सुग्रीवं च सहामात्यं वृद्धान्सर्वांश्च वानरान्	मूल
3105	5037008a	यथा च स महाबाहुर्मां तारयति राघवः	मूल
3106	5037008c	अस्माद्दुःखाम्बुसंरोधात्त्वं समाधातुमर्हसि	मूल
3107	5037009a	जीवन्तीं मां यथा रामः संभावयति कीर्तिमान्	मूल
3108	5037009c	तत्त्वया हनुमन्वाच्यं वाचा धर्ममवाप्नुहि	मूल
3109	5037010a	नित्यमुत्साहयुक्ताश्च वाचः श्रुत्वा मयेरिताः	मूल
3110	5037010c	वर्धिष्यते दाशरथेः पौरुषं मदवाप्तये	मूल
3111	5037011a	मत्संदेशयुता वाचस्त्वत्तः श्रुत्वैव राघवः	मूल
3112	5037011c	पराक्रमविधिं वीरो विधिवत्संविधास्यति	मूल
3113	5037012a	सीतायास्तद्वचः श्रुत्वा हनुमान्मारुतात्मजः	मूल
3114	5037012c	शिरस्यञ्जलिमाधाय वाक्यमुत्तरमब्रवीत्	मूल
3115	5037013a	क्षिप्रमेष्यति काकुत्स्थो हर्यृक्षप्रवरैर्वृतः	मूल
3116	5037013c	यस्ते युधि विजित्यारीञ्शोकं व्यपनयिष्यति	मूल
3117	5037014a	न हि पश्यामि मर्त्येषु नामरेष्वसुरेषु वा	मूल
3118	5037014c	यस्तस्य वमतो बाणान्स्थातुमुत्सहतेऽग्रतः	मूल
3119	5037015a	अप्यर्कमपि पर्जन्यमपि वैवस्वतं यमम्	मूल
3120	5037015c	स हि सोढुं रणे शक्तस्तवहेतोर्विशेषतः	मूल
3121	5037016a	स हि सागरपर्यन्तां महीं शासितुमीहते	मूल
3122	5037016c	त्वन्निमित्तो हि रामस्य जयो जनकनन्दिनि	मूल
3123	5037017a	तस्य तद्वचनं श्रुत्वा सम्यक्सत्यं सुभाषितम्	मूल
3124	5037017c	जानकी बहु मेनेऽथ वचनं चेदमब्रवीत्	मूल
3125	5037018a	ततस्तं प्रस्थितं सीता वीक्षमाणा पुनः पुनः	मूल
3126	5037018c	भर्तुः स्नेहान्वितं वाक्यं सौहार्दादनुमानयत्	मूल
3127	5037019a	यदि वा मन्यसे वीर वसैकाहमरिंदम	मूल
3128	5037019c	कस्मिंश्चित्संवृते देशे विश्रान्तः श्वो गमिष्यसि	मूल
3129	5037020a	मम चेदल्पभाग्यायाः साम्निध्यात्तव वीर्यवान्	मूल
3130	5037020c	अस्य शोकस्य महतो मुहूर्तं मोक्षणं भवेत्	मूल
3131	5037021a	गते हि हरिशार्दूल पुनरागमनाय तु	मूल
3132	5037021c	प्राणानामपि संदेहो मम स्यान्नात्र संशयः	मूल
3133	5037022a	तवादर्शनजः शोको भूयो मां परितापयेत्	मूल
3134	5037022c	दुःखाद्दुःखपरामृष्टां दीपयन्निव वानर	मूल
3135	5037023a	अयं च वीर संदेहस्तिष्ठतीव ममाग्रतः	मूल
3136	5037023c	सुमहांस्त्वत्सहायेषु हर्यृक्षेषु हरीश्वर	मूल
3137	5037024a	कथं नु खलु दुष्पारं तरिष्यन्ति महोदधिम्	मूल
3138	5037024c	तानि हर्यृक्षसैन्यानि तौ वा नरवरात्मजौ	मूल
3139	5037025a	त्रयाणामेव भूतानां सागरस्येह लङ्घने	मूल
3140	5037025c	शक्तिः स्याद्वैनतेयस्य तव वा मारुतस्य वा	मूल
3141	5037026a	तदस्मिन्कार्यनिर्योगे वीरैवं दुरतिक्रमे	मूल
3142	5037026c	किं पश्यसि समाधानं त्वं हि कार्यविदां वरः	मूल
3143	5037027a	काममस्य त्वमेवैकः कार्यस्य परिसाधने	मूल
3144	5037027c	पर्याप्तः परवीरघ्न यशस्यस्ते बलोदयः	मूल
3145	5037028a	बलैः समग्रैर्यदि मां रावणं जित्य संयुगे	मूल
3146	5037028c	विजयी स्वपुरं यायात्तत्तु मे स्याद्यशस्करम्	मूल
3147	5037029a	बलैस्तु संकुलां कृत्वा लङ्कां परबलार्दनः	मूल
3148	5037029c	मां नयेद्यदि काकुत्स्थस्तत्तस्य सदृशं भवेत्	मूल
3149	5037030a	तद्यथा तस्य विक्रान्तमनुरूपं महात्मनः	मूल
3150	5037030c	भवेदाहव शूरस्य तथा त्वमुपपादय	मूल
3151	5037031a	तदर्थोपहितं वाक्यं सहितं हेतुसंहितम्	मूल
3152	5037031c	निशम्य हनुमाञ्शेषं वाक्यमुत्तरमब्रवीत्	मूल
3153	5037032a	देवि हर्यृक्षसैन्यानामीश्वरः प्लवतां वरः	मूल
3154	5037032c	सुग्रीवः सत्त्वसंपन्नस्तवार्थे कृतनिश्चयः	मूल
3155	5037033a	स वानरसहस्राणां कोटीभिरभिसंवृतः	मूल
3156	5037033c	क्षिप्रमेष्यति वैदेहि राक्षसानां निबर्हणः	मूल
3157	5037034a	तस्य विक्रमसंपन्नाः सत्त्ववन्तो महाबलाः	मूल
3158	5037034c	मनःसंकल्पसंपाता निदेशे हरयः स्थिताः	मूल
3159	5037035a	येषां नोपरि नाधस्तान्न तिर्यक्सज्जते गतिः	मूल
3160	5037035c	न च कर्मसु सीदन्ति महत्स्वमिततेजसः	मूल
3161	5037036a	असकृत्तैर्महोत्सहैः ससागरधराधरा	मूल
3162	5037036c	प्रदक्षिणीकृता भूमिर्वायुमार्गानुसारिभिः	मूल
3163	5037037a	मद्विशिष्टाश्च तुल्याश्च सन्ति तत्र वनौकसः	मूल
3164	5037037c	मत्तः प्रत्यवरः कश्चिन्नास्ति सुग्रीवसंनिधौ	मूल
3165	5037038a	अहं तावदिह प्राप्तः किं पुनस्ते महाबलाः	मूल
3166	5037038c	न हि प्रकृष्टाः प्रेष्यन्ते प्रेष्यन्ते हीतरे जनाः	मूल
3167	5037039a	तदलं परितापेन देवि शोको व्यपैतु ते	मूल
3168	5037039c	एकोत्पातेन ते लङ्कामेष्यन्ति हरियूथपाः	मूल
3169	5037040a	मम पृष्ठगतौ तौ च चन्द्रसूर्याविवोदितौ	मूल
3170	5037040c	त्वत्सकाशं महासत्त्वौ नृसिंहावागमिष्यतः	मूल
3171	5037041a	तौ हि वीरौ नरवरौ सहितौ रामलक्ष्मणौ	मूल
3172	5037041c	आगम्य नगरीं लङ्कां सायकैर्विधमिष्यतः	मूल
3173	5037042a	सगणं रावणं हत्वा राघवो रघुनन्दनः	मूल
3174	5037042c	त्वामादाय वरारोहे स्वपुरं प्रतियास्यति	मूल
3175	5037043a	तदाश्वसिहि भद्रं ते भव त्वं कालकाङ्क्षिणी	मूल
3176	5037043c	नचिराद्द्रक्ष्यसे रामं प्रज्वजन्तमिवानिलम्	मूल
3177	5037044a	निहते राक्षसेन्द्रे च सपुत्रामात्यबान्धवे	मूल
3178	5037044c	त्वं समेष्यसि रामेण शशाङ्केनेव रोहिणी	मूल
3179	5037045a	क्षिप्रं त्वं देवि शोकस्य पारं यास्यसि मैथिलि	मूल
3180	5037045c	रावणं चैव रामेण निहतं द्रक्ष्यसेऽचिरात्	मूल
3181	5037046a	एवमाश्वस्य वैदेहीं हनूमान्मारुतात्मजः	मूल
3182	5037046c	गमनाय मतिं कृत्वा वैदेहीं पुनरब्रवीत्	मूल
3183	5037047a	तमरिघ्नं कृतात्मानं क्षिप्रं द्रक्ष्यसि राघवम्	मूल
3184	5037047c	लक्ष्मणं च धनुष्पाणिं लङ्काद्वारमुपस्थितम्	मूल
3185	5037048a	नखदंष्ट्रायुधान्वीरान्सिंहशार्दूलविक्रमान्	मूल
3186	5037048c	वानरान्वारणेन्द्राभान्क्षिप्रं द्रक्ष्यसि संगतान्	मूल
3187	5037049a	शैलाम्बुदनिकाशानां लङ्कामलयसानुषु	मूल
3188	5037049c	नर्दतां कपिमुख्यानामार्ये यूथान्यनेकशः	मूल
3189	5037050a	स तु मर्मणि घोरेण ताडितो मन्मथेषुणा	मूल
3190	5037050c	न शर्म लभते रामः सिंहार्दित इव द्विपः	मूल
3191	5037051a	मा रुदो देवि शोकेन मा भूत्ते मनसोऽप्रियम्	मूल
3192	5037051c	शचीव पथ्या शक्रेण भर्त्रा नाथवती ह्यसि	मूल
3193	5037052a	रामाद्विशिष्टः कोऽन्योऽस्ति कश्चित्सौमित्रिणा समः	मूल
3194	5037052c	अग्निमारुतकल्पौ तौ भ्रातरौ तव संश्रयौ	मूल
3195	5037053a	नास्मिंश्चिरं वत्स्यसि देवि देशे; रक्षोगणैरध्युषितोऽतिरौद्रे	मूल
3196	5037053c	न ते चिरादागमनं प्रियस्य; क्षमस्व मत्संगमकालमात्रम्	मूल
3197	5038001a	श्रुत्वा तु वचनं तस्य वायुसूनोर्महात्मनः	मूल
3198	5038001c	उवाचात्महितं वाक्यं सीता सुरसुतोपमा	मूल
3199	5038002a	त्वां दृष्ट्वा प्रियवक्तारं संप्रहृष्यामि वानर	मूल
3200	5038002c	अर्धसंजातसस्येव वृष्टिं प्राप्य वसुंधरा	मूल
3201	5038003a	यथा तं पुरुषव्याघ्रं गात्रैः शोकाभिकर्शितैः	मूल
3202	5038003c	संस्पृशेयं सकामाहं तथा कुरु दयां मयि	मूल
3203	5038004a	अभिज्ञानं च रामस्य दत्तं हरिगणोत्तम	मूल
3204	5038004c	क्षिप्तामीषिकां काकस्य कोपादेकाक्षिशातनीम्	मूल
3205	5038005a	मनःशिलायास्तिकलो गण्डपार्श्वे निवेशितः	मूल
3206	5038005c	त्वया प्रनष्टे तिलके तं किल स्मर्तुमर्हसि	मूल
3207	5038006a	स वीर्यवान्कथं सीतां हृतां समनुमन्यसे	मूल
3208	5038006c	वसन्तीं रक्षसां मध्ये महेन्द्रवरुणोपम	मूल
3209	5038007a	एष चूडामणिर्दिव्यो मया सुपरिरक्षितः	मूल
3210	5038007c	एतं दृष्ट्वा प्रहृष्यामि व्यसने त्वामिवानघ	मूल
3211	5038008a	एष निर्यातितः श्रीमान्मया ते वारिसंभवः	मूल
3212	5038008c	अतः परं न शक्ष्यामि जीवितुं शोकलालसा	मूल
3213	5038009a	असह्यानि च दुःखानि वाचश्च हृदयच्छिदः	मूल
3214	5038009c	राक्षसीनां सुघोराणां त्वत्कृते मर्षयाम्यहम्	मूल
3215	5038010a	धारयिष्यामि मासं तु जीवितं शत्रुसूदन	मूल
3216	5038010c	मासादूर्ध्वं न जीविष्ये त्वया हीना नृपात्मज	मूल
3217	5038011a	घोरो राक्षसराजोऽयं दृष्टिश्च न सुखा मयि	मूल
3218	5038011c	त्वां च श्रुत्वा विपद्यन्तं न जीवेयमहं क्षणम्	मूल
3219	5038012a	वैदेह्या वचनं श्रुत्वा करुणं साश्रुभाषितम्	मूल
3220	5038012c	अथाब्रवीन्महातेजा हनुमान्मारुतात्मजः	मूल
3221	5038013a	त्वच्छोकविमुखो रामो देवि सत्येन ते शपे	मूल
3222	5038013c	रामे शोकाभिभूते तु लक्ष्मणः परितप्यते	मूल
3223	5038014a	दृष्टा कथंचिद्भवती न कालः परिशोचितुम्	मूल
3224	5038014c	इमं मुहूर्तं दुःखानामन्तं द्रक्ष्यसि भामिनि	मूल
3225	5038015a	तावुभौ पुरुषव्याघ्रौ राजपुत्रावनिन्दितौ	मूल
3226	5038015c	त्वद्दर्शनकृतोत्साहौ लङ्कां भस्मीकरिष्यतः	मूल
3227	5038016a	हत्वा तु समरे क्रूरं रावणं सह बान्धवम्	मूल
3228	5038016c	राघवौ त्वां विशालाक्षि स्वां पुरीं प्रापयिष्यतः	मूल
3229	5038017a	यत्तु रामो विजानीयादभिज्ञानमनिन्दिते	मूल
3230	5038017c	प्रीतिसंजननं तस्य भूयस्त्वं दातुमर्हसि	मूल
3231	5038018a	साब्रवीद्दत्तमेवेह मयाभिज्ञानमुत्तमम्	मूल
3232	5038018c	एतदेव हि रामस्य दृष्ट्वा मत्केशभूषणम्	मूल
3233	5038018e	श्रद्धेयं हनुमन्वाक्यं तव वीर भविष्यति	मूल
3234	5038019a	स तं मणिवरं गृह्य श्रीमान्प्लवगसत्तमः	मूल
3235	5038019c	प्रणम्य शिरसा देवीं गमनायोपचक्रमे	मूल
3236	5038020a	तमुत्पातकृतोत्साहमवेक्ष्य हरिपुंगवम्	मूल
3237	5038020c	वर्धमानं महावेगमुवाच जनकात्मजा	मूल
3238	5038020e	अश्रुपूर्णमुखी दीना बाष्पगद्गदया गिरा	मूल
3239	5038021a	हनूमन्सिंहसंकाशौ भ्रातरौ रामलक्ष्मणौ	मूल
3240	5038021c	सुग्रीवं च सहामात्यं सर्वान्ब्रूया अनामयम्	मूल
3241	5038022a	यथा च स महाबाहुर्मां तारयति राघवः	मूल
3242	5038022c	अस्माद्दुःखाम्बुसंरोधात्तत्समाधातुमर्हसि	मूल
3243	5038023a	इमं च तीव्रं मम शोकवेगं; रक्षोभिरेभिः परिभर्त्सनं च	मूल
3244	5038023c	ब्रूयास्तु रामस्य गतः समीपं; शिवश्च तेऽध्वास्तु हरिप्रवीर	मूल
3245	5038024a	स राजपुत्र्या प्रतिवेदितार्थः; कपिः कृतार्थः परिहृष्टचेताः	मूल
3246	5038024c	तदल्पशेषं प्रसमीक्ष्य कार्यं; दिशं ह्युदीचीं मनसा जगाम	मूल
3247	5039001a	स च वाग्भिः प्रशस्ताभिर्गमिष्यन्पूजितस्तया	मूल
3248	5039001c	तस्माद्देशादपक्रम्य चिन्तयामास वानरः	मूल
3249	5039002a	अल्पशेषमिदं कार्यं दृष्टेयमसितेक्षणा	मूल
3250	5039002c	त्रीनुपायानतिक्रम्य चतुर्थ इह दृश्यते	मूल
3251	5039003a	न साम रक्षःसु गुणाय कल्पते; न दनमर्थोपचितेषु वर्तते	मूल
3252	5039003c	न भेदसाध्या बलदर्पिता जनाः; पराक्रमस्त्वेष ममेह रोचते	मूल
3253	5039004a	न चास्य कार्यस्य पराक्रमादृते; विनिश्चयः कश्चिदिहोपपद्यते	मूल
3254	5039004c	हृतप्रवीरास्तु रणे हि राक्षसाः; कथंचिदीयुर्यदिहाद्य मार्दवम्	मूल
3255	5039005a	कार्ये कर्मणि निर्दिष्टो यो बहून्यपि साधयेत्	मूल
3256	5039005c	पूर्वकार्यविरोधेन स कार्यं कर्तुमर्हति	मूल
3257	5039006a	न ह्येकः साधको हेतुः स्वल्पस्यापीह कर्मणः	मूल
3258	5039006c	यो ह्यर्थं बहुधा वेद स समर्थोऽर्थसाधने	मूल
3259	5039007a	इहैव तावत्कृतनिश्चयो ह्यहं; यदि व्रजेयं प्लवगेश्वरालयम्	मूल
3260	5039007c	परात्मसंमर्द विशेषतत्त्ववि;त्ततः कृतं स्यान्मम भर्तृशासनम्	मूल
3261	5039008a	कथं नु खल्वद्य भवेत्सुखागतं; प्रसह्य युद्धं मम राक्षसैः सह	मूल
3262	5039008c	तथैव खल्वात्मबलं च सारव;त्समानयेन्मां च रणे दशाननः	मूल
3263	5039009a	इदमस्य नृशंसस्य नन्दनोपममुत्तमम्	मूल
3264	5039009c	वनं नेत्रमनःकान्तं नानाद्रुमलतायुतम्	मूल
3265	5039010a	इदं विध्वंसयिष्यामि शुष्कं वनमिवानलः	मूल
3266	5039010c	अस्मिन्भग्ने ततः कोपं करिष्यति स रावणः	मूल
3267	5039011a	ततो महत्साश्वमहारथद्विपं; बलं समानेष्वपि राक्षसाधिपः	मूल
3268	5039011c	त्रिशूलकालायसपट्टिशायुधं; ततो महद्युद्धमिदं भविष्यति	मूल
3269	5039012a	अहं तु तैः संयति चण्डविक्रमैः; समेत्य रक्षोभिरसंगविक्रमः	मूल
3270	5039012c	निहत्य तद्रावणचोदितं बलं; सुखं गमिष्यामि कपीश्वरालयम्	मूल
3271	5039013a	ततो मारुतवत्क्रुद्धो मारुतिर्भीमविक्रमः	मूल
3272	5039013c	ऊरुवेगेन महता द्रुमान्क्षेप्तुमथारभत्	मूल
3273	5039014a	ततस्तद्धनुमान्वीरो बभञ्ज प्रमदावनम्	मूल
3274	5039014c	मत्तद्विजसमाघुष्टं नानाद्रुमलतायुतम्	मूल
3275	5039015a	तद्वनं मथितैर्वृक्षैर्भिन्नैश्च सलिलाशयैः	मूल
3276	5039015c	चूर्णितैः पर्वताग्रैश्च बभूवाप्रियदर्शनम्	मूल
3277	5039016a	लतागृहैश्चित्रगृहैश्च नाशितै;र्महोरगैर्व्यालमृगैश्च निर्धुतैः	मूल
3278	5039016c	शिलागृहैरुन्मथितैस्तथा गृहैः; प्रनष्टरूपं तदभून्महद्वनम्	मूल
3279	5039017a	स तस्य कृत्वार्थपतेर्महाकपि;र्महद्व्यलीकं मनसो महात्मनः	मूल
3280	5039017c	युयुत्सुरेको बहुभिर्महाबलैः; श्रिया ज्वलंस्तोरणमाश्रितः कपिः	मूल
3281	5040001a	ततः पक्षिनिनादेन वृक्षभङ्गस्वनेन च	मूल
3282	5040001c	बभूवुस्त्राससंभ्रान्ताः सर्वे लङ्कानिवासिनः	मूल
3283	5040002a	विद्रुताश्च भयत्रस्ता विनेदुर्मृगपक्षुणः	मूल
3284	5040002c	रक्षसां च निमित्तानि क्रूराणि प्रतिपेदिरे	मूल
3285	5040003a	ततो गतायां निद्रायां राक्षस्यो विकृताननाः	मूल
3286	5040003c	तद्वनं ददृशुर्भग्नं तं च वीरं महाकपिम्	मूल
3287	5040004a	स ता दृष्ट्व महाबाहुर्महासत्त्वो महाबलः	मूल
3288	5040004c	चकार सुमहद्रूपं राक्षसीनां भयावहम्	मूल
3289	5040005a	ततस्तं गिरिसंकाशमतिकायं महाबलम्	मूल
3290	5040005c	राक्षस्यो वानरं दृष्ट्वा पप्रच्छुर्जनकात्मजाम्	मूल
3291	5040006a	कोऽयं कस्य कुतो वायं किंनिमित्तमिहागतः	मूल
3292	5040006c	कथं त्वया सहानेन संवादः कृत इत्युत	मूल
3293	5040007a	आचक्ष्व नो विशालाक्षि मा भूत्ते सुभगे भयम्	मूल
3294	5040007c	संवादमसितापाङ्गे त्वया किं कृतवानयम्	मूल
3295	5040008a	अथाब्रवीत्तदा साध्वी सीता सर्वाङ्गशोभना	मूल
3296	5040008c	रक्षसां कामरूपाणां विज्ञाने मम का गतिः	मूल
3297	5040009a	यूयमेवास्य जानीत योऽयं यद्वा करिष्यति	मूल
3298	5040009c	अहिरेव अहेः पादान्विजानाति न संशयः	मूल
3299	5040010a	अहमप्यस्य भीतास्मि नैनं जानामि कोऽन्वयम्	मूल
3300	5040010c	वेद्मि राक्षसमेवैनं कामरूपिणमागतम्	मूल
3301	5040011a	वैदेह्या वचनं श्रुत्वा राक्षस्यो विद्रुता द्रुतम्	मूल
3302	5040011c	स्थिताः काश्चिद्गताः काश्चिद्रावणाय निवेदितुम्	मूल
3303	5040012a	रावणस्य समीपे तु राक्षस्यो विकृताननाः	मूल
3304	5040012c	विरूपं वानरं भीममाख्यातुमुपचक्रमुः	मूल
3305	5040013a	अशोकवनिका मध्ये राजन्भीमवपुः कपिः	मूल
3306	5040013c	सीतया कृतसंवादस्तिष्ठत्यमितविक्रमः	मूल
3307	5040014a	न च तं जानकी सीता हरिं हरिणलोचणा	मूल
3308	5040014c	अस्माभिर्बहुधा पृष्टा निवेदयितुमिच्छति	मूल
3309	5040015a	वासवस्य भवेद्दूतो दूतो वैश्रवणस्य वा	मूल
3310	5040015c	प्रेषितो वापि रामेण सीतान्वेषणकाङ्क्षया	मूल
3311	5040016a	तेन त्वद्भूतरूपेण यत्तत्तव मनोहरम्	मूल
3312	5040016c	नानामृगगणाकीर्णं प्रमृष्टं प्रमदावनम्	मूल
3313	5040017a	न तत्र कश्चिदुद्देशो यस्तेन न विनाशितः	मूल
3314	5040017c	यत्र सा जानकी सीता स तेन न विनाशितः	मूल
3315	5040018a	जानकीरक्षणार्थं वा श्रमाद्वा नोपलभ्यते	मूल
3316	5040018c	अथ वा कः श्रमस्तस्य सैव तेनाभिरक्षिता	मूल
3317	5040019a	चारुपल्लवपत्राढ्यं यं सीता स्वयमास्थिता	मूल
3318	5040019c	प्रवृद्धः शिंशपावृक्षः स च तेनाभिरक्षितः	मूल
3319	5040020a	तस्योग्ररूपस्योग्रं त्वं दण्डमाज्ञातुमर्हसि	मूल
3320	5040020c	सीता संभाषिता येन तद्वनं च विनाशितम्	मूल
3321	5040021a	मनःपरिगृहीतां तां तव रक्षोगणेश्वर	मूल
3322	5040021c	कः सीतामभिभाषेत यो न स्यात्त्यक्तजीवितः	मूल
3323	5040022a	राक्षसीनां वचः श्रुत्वा रावणो राक्षसेश्वरः	मूल
3324	5040022c	हुतागिरिव जज्वाल कोपसंवर्तितेक्षणः	मूल
3325	5040023a	आत्मनः सदृशाञ्शूरान्किंकरान्नाम राक्षसान्	मूल
3326	5040023c	व्यादिदेश महातेजा निग्रहार्थं हनूमतः	मूल
3327	5040024a	तेषामशीतिसाहस्रं किंकराणां तरस्विनाम्	मूल
3328	5040024c	निर्ययुर्भवनात्तस्मात्कूटमुद्गरपाणयः	मूल
3329	5040025a	महोदरा महादंष्ट्रा घोररूपा महाबलाः	मूल
3330	5040025c	युद्धाभिमनसः सर्वे हनूमद्ग्रहणोन्मुखाः	मूल
3331	5040026a	ते कपिं तं समासाद्य तोरणस्थमवस्थितम्	मूल
3332	5040026c	अभिपेतुर्महावेगाः पतङ्गा इव पावकम्	मूल
3333	5040027a	ते गदाभिर्विचित्राभिः परिघैः काञ्चनाङ्गदैः	मूल
3334	5040027c	आजघ्नुर्वानरश्रेष्ठं शरैरादित्यसंनिभैः	मूल
3335	5040028a	हनूमानपि तेजस्वी श्रीमान्पर्वतसंनिभः	मूल
3336	5040028c	क्षितावाविध्य लाङ्गूलं ननाद च महास्वनम्	मूल
3337	5040029a	तस्य संनादशब्देन तेऽभवन्भयशङ्किताः	मूल
3338	5040029c	ददृशुश्च हनूमन्तं संध्यामेघमिवोन्नतम्	मूल
3339	5040030a	स्वामिसंदेशनिःशङ्कास्ततस्ते राक्षसाः कपिम्	मूल
3340	5040030c	चित्रैः प्रहरणैर्भीमैरभिपेतुस्ततस्ततः	मूल
3341	5040031a	स तैः परिवृतः शूरैः सर्वतः स महाबलः	मूल
3342	5040031c	आससादायसं भीमं परिघं तोरणाश्रितम्	मूल
3343	5040032a	स तं परिघमादाय जघान रजनीचरान्	मूल
3344	5040033a	स पन्नगमिवादाय स्फुरन्तं विनतासुतः	मूल
3345	5040033c	विचचाराम्बरे वीरः परिगृह्य च मारुतिः	मूल
3346	5040034a	स हत्वा राक्षसान्वीरः किंकरान्मारुतात्मजः	मूल
3347	5040034c	युद्धाकाङ्क्षी पुनर्वीरस्तोरणं समुपस्थितः	मूल
3348	5040035a	ततस्तस्माद्भयान्मुक्ताः कतिचित्तत्र राक्षसाः	मूल
3349	5040035c	निहतान्किंकरान्सर्वान्रावणाय न्यवेदयन्	मूल
3350	5040036a	स राक्षसानां निहतं महाबलं; निशम्य राजा परिवृत्तलोचनः	मूल
3351	5040036c	समादिदेशाप्रतिमं पराक्रमे; प्रहस्तपुत्रं समरे सुदुर्जयम्	मूल
3352	5041001a	ततः स किंकरान्हत्वा हनूमान्ध्यानमास्थितः	मूल
3353	5041001c	वनं भग्नं मया चैत्यप्रासादो न विनाशितः	मूल
3354	5041001e	तस्मात्प्रासादमप्येवमिमं विध्वंसयाम्यहम्	मूल
3355	5041002a	इति संचिन्त्य हनुमान्मनसा दर्शयन्बलम्	मूल
3356	5041002c	चैत्यप्रासादमाप्लुत्य मेरुशृङ्गमिवोन्नतम्	मूल
3357	5041002e	आरुरोह हरिश्रेष्ठो हनूमान्मारुतात्मजः	मूल
3358	5041003a	संप्रधृष्य च दुर्धर्षश्चैत्यप्रासादमुन्नतम्	मूल
3359	5041003c	हनूमान्प्रज्वलँल्लक्ष्म्या पारियात्रोपमोऽभवत्	मूल
3360	5041004a	स भूत्वा तु महाकायो हनूमान्मारुतात्मजः	मूल
3361	5041004c	धृष्टमास्फोटयामास लङ्कां शब्देन पूरयन्	मूल
3362	5041005a	तस्यास्फोटितशब्देन महता श्रोत्रघातिना	मूल
3363	5041005c	पेतुर्विहंगा गगनादुच्चैश्चेदमघोषयत्	मूल
3364	5041006a	जयत्यतिबलो रामो लक्ष्मणश्च महाबलः	मूल
3365	5041006c	राजा जयति सुग्रीवो राघवेणाभिपालितः	मूल
3366	5041007a	दासोऽहं कोसलेन्द्रस्य रामस्याक्लिष्टकर्मणः	मूल
3367	5041007c	हनुमाञ्शत्रुसैन्यानां निहन्ता मारुतात्मजः	मूल
3368	5041008a	न रावणसहस्रं मे युद्धे प्रतिबलं भवेत्	मूल
3369	5041008c	शिलाभिस्तु प्रहरतः पादपैश्च सहस्रशः	मूल
3370	5041009a	अर्दयित्वा पुरीं लङ्कामभिवाद्य च मैथिलीम्	मूल
3371	5041009c	समृद्धार्थो गमिष्यामि मिषतां सर्वरक्षसाम्	मूल
3372	5041010a	एवमुक्त्वा विमानस्थश्चैत्यस्थान्हरिपुंगवः	मूल
3373	5041010c	ननाद भीमनिर्ह्रादो रक्षसां जनयन्भयम्	मूल
3374	5041011a	तेन शब्देन महता चैत्यपालाः शतं ययुः	मूल
3375	5041011c	गृहीत्वा विविधानस्त्रान्प्रासान्खड्गान्परश्वधान्	मूल
3376	5041011e	विसृजन्तो महाक्षया मारुतिं पर्यवारयन्	मूल
3377	5041012a	आवर्त इव गङ्गायास्तोयस्य विपुलो महान्	मूल
3378	5041012c	परिक्षिप्य हरिश्रेष्ठं स बभौ रक्षसां गणः	मूल
3379	5041013a	ततो वातात्मजः क्रुद्धो भीमरूपं समास्थितः	मूल
3380	5041014a	प्रासादस्य महांस्तस्य स्तम्भं हेमपरिष्कृतम्	मूल
3381	5041014c	उत्पाटयित्वा वेगेन हनूमान्मारुतात्मजः	मूल
3382	5041014e	ततस्तं भ्रामयामास शतधारं महाबलः	मूल
3383	5041015a	स राक्षसशतं हत्वा वज्रेणेन्द्र इवासुरान्	मूल
3384	5041015c	अन्तरिक्षस्थितः श्रीमानिदं वचनमब्रवीत्	मूल
3385	5041016a	मादृशानां सहस्राणि विसृष्टानि महात्मनाम्	मूल
3386	5041016c	बलिनां वानरेन्द्राणां सुग्रीववशवर्तिनाम्	मूल
3387	5041017a	शतैः शतसहस्रैश्च कोटीभिरयुतैरपि	मूल
3388	5041017c	आगमिष्यति सुग्रीवः सर्वेषां वो निषूदनः	मूल
3389	5041018a	नेयमस्ति पुरी लङ्का न यूयं न च रावणः	मूल
3390	5041018c	यस्मादिक्ष्वाकुनाथेन बद्धं वैरं महात्मना	मूल
3391	5042001a	संदिष्टो राक्षसेन्द्रेण प्रहस्तस्य सुतो बली	मूल
3392	5042001c	जम्बुमाली महादंष्ट्रो निर्जगाम धनुर्धरः	मूल
3393	5042002a	रक्तमाल्याम्बरधरः स्रग्वी रुचिरकुण्डलः	मूल
3394	5042002c	महान्विवृत्तनयनश्चण्डः समरदुर्जयः	मूल
3395	5042003a	धनुः शक्रधनुः प्रख्यं महद्रुचिरसायकम्	मूल
3396	5042003c	विस्फारयाणो वेगेन वज्राशनिसमस्वनम्	मूल
3397	5042004a	तस्य विस्फारघोषेण धनुषो महता दिशः	मूल
3398	5042004c	प्रदिशश्च नभश्चैव सहसा समपूर्यत	मूल
3399	5042005a	रथेन खरयुक्तेन तमागतमुदीक्ष्य सः	मूल
3400	5042005c	हनूमान्वेगसंपन्नो जहर्ष च ननाद च	मूल
3401	5042006a	तं तोरणविटङ्कस्थं हनूमन्तं महाकपिम्	मूल
3402	5042006c	जम्बुमाली महाबाहुर्विव्याध निशितैः शरैः	मूल
3403	5042007a	अर्धचन्द्रेण वदने शिरस्येकेन कर्णिना	मूल
3404	5042007c	बाह्वोर्विव्याध नाराचैर्दशभिस्तं कपीश्वरम्	मूल
3405	5042008a	तस्य तच्छुशुभे ताम्रं शरेणाभिहतं मुखम्	मूल
3406	5042008c	शरदीवाम्बुजं फुल्लं विद्धं भास्कररश्मिना	मूल
3407	5042009a	चुकोप बाणाभिहतो राक्षसस्य महाकपिः	मूल
3408	5042009c	ततः पार्श्वेऽतिविपुलां ददर्श महतीं शिलाम्	मूल
3409	5042010a	तरसा तां समुत्पाट्य चिक्षेप बलवद्बली	मूल
3410	5042010c	तां शरैर्दशभिः क्रुद्धस्ताडयामास राक्षसः	मूल
3411	5042011a	विपन्नं कर्म तद्दृष्ट्वा हनूमांश्चण्डविक्रमः	मूल
3412	5042011c	सालं विपुलमुत्पाट्य भ्रामयामास वीर्यवान्	मूल
3413	5042012a	भ्रामयन्तं कपिं दृष्ट्वा सालवृक्षं महाबलम्	मूल
3414	5042012c	चिक्षेप सुबहून्बाणाञ्जम्बुमाली महाबलः	मूल
3415	5042013a	सालं चतुर्भिर्चिच्छेद वानरं पञ्चभिर्भुजे	मूल
3416	5042013c	उरस्येकेन बाणेन दशभिस्तु स्तनान्तरे	मूल
3417	5042014a	स शरैः पूरिततनुः क्रोधेन महता वृतः	मूल
3418	5042014c	तमेव परिघं गृह्य भ्रामयामास वेगितः	मूल
3419	5042015a	अतिवेगोऽतिवेगेन भ्रामयित्वा बलोत्कटः	मूल
3420	5042015c	परिघं पातयामास जम्बुमालेर्महोरसि	मूल
3421	5042016a	तस्य चैव शिरो नास्ति न बाहू न च जानुनी	मूल
3422	5042016c	न धनुर्न रथो नाश्वास्तत्रादृश्यन्त नेषवः	मूल
3423	5042017a	स हतस्तरसा तेन जम्बुमाली महारथः	मूल
3424	5042017c	पपात निहतो भूमौ चूर्णिताङ्गविभूषणः	मूल
3425	5042018a	जम्बुमालिं च निहतं किंकरांश्च महाबलान्	मूल
3426	5042018c	चुक्रोध रावणः श्रुत्वा कोपसंरक्तलोचनः	मूल
3427	5042019a	स रोषसंवर्तितताम्रलोचनः; प्रहस्तपुत्रे निहते महाबले	मूल
3428	5042019c	अमात्यपुत्रानतिवीर्यविक्रमा;न्समादिदेशाशु निशाचरेश्वरः	मूल
3429	5043001a	ततस्ते राक्षसेन्द्रेण चोदिता मन्त्रिणः सुताः	मूल
3430	5043001c	निर्ययुर्भवनात्तस्मात्सप्त सप्तार्चिवर्चसः	मूल
3431	5043002a	महाबलपरीवारा धनुष्मन्तो महाबलाः	मूल
3432	5043002c	कृतास्त्रास्त्रविदां श्रेष्ठाः परस्परजयैषिणः	मूल
3433	5043003a	हेमजालपरिक्षिप्तैर्ध्वजवद्भिः पताकिभिः	मूल
3434	5043003c	तोयदस्वननिर्घोषैर्वाजियुक्तैर्महारथैः	मूल
3435	5043004a	तप्तकाञ्चनचित्राणि चापान्यमितविक्रमाः	मूल
3436	5043004c	विस्फारयन्तः संहृष्टास्तडिद्वन्त इवाम्बुदाः	मूल
3437	5043005a	जनन्यस्तास्ततस्तेषां विदित्वा किंकरान्हतान्	मूल
3438	5043005c	बभूवुः शोकसंभ्रान्ताः सबान्धवसुहृज्जनाः	मूल
3439	5043006a	ते परस्परसंघर्षास्तप्तकाञ्चनभूषणाः	मूल
3440	5043006c	अभिपेतुर्हनूमन्तं तोरणस्थमवस्थितम्	मूल
3441	5043007a	सृजन्तो बाणवृष्टिं ते रथगर्जितनिःस्वनाः	मूल
3442	5043007c	वृष्टिमन्त इवाम्भोदा विचेरुर्नैरृतर्षभाः	मूल
3443	5043008a	अवकीर्णस्ततस्ताभिर्हनूमाञ्शरवृष्टिभिः	मूल
3444	5043008c	अभवत्संवृताकारः शैलराडिव वृष्टिभिः	मूल
3445	5043009a	स शरान्वञ्चयामास तेषामाशुचरः कपिः	मूल
3446	5043009c	रथवेगांश्च वीराणां विचरन्विमलेऽम्बरे	मूल
3447	5043010a	स तैः क्रीडन्धनुष्मद्भिर्व्योम्नि वीरः प्रकाशते	मूल
3448	5043010c	धनुष्मद्भिर्यथा मेघैर्मारुतः प्रभुरम्बरे	मूल
3449	5043011a	स कृत्वा निनदं घोरं त्रासयंस्तां महाचमूम्	मूल
3450	5043011c	चकार हनुमान्वेगं तेषु रक्षःसु वीर्यवान्	मूल
3451	5043012a	तलेनाभिहनत्कांश्चित्पादैः कांश्चित्परंतपः	मूल
3452	5043012c	मुष्टिनाभ्यहनत्कांश्चिन्नखैः कांश्चिद्व्यदारयत्	मूल
3453	5043013a	प्रममाथोरसा कांश्चिदूरुभ्यामपरान्कपिः	मूल
3454	5043013c	केचित्तस्यैव नादेन तत्रैव पतिता भुवि	मूल
3455	5043014a	ततस्तेष्ववपन्नेषु भूमौ निपतितेषु च	मूल
3456	5043014c	तत्सैन्यमगमत्सर्वं दिशो दशभयार्दितम्	मूल
3457	5043015a	विनेदुर्विस्वरं नागा निपेतुर्भुवि वाजिनः	मूल
3458	5043015c	भग्ननीडध्वजच्छत्रैर्भूश्च कीर्णाभवद्रथैः	मूल
3459	5043016a	स तान्प्रवृद्धान्विनिहत्य राक्षसा;न्महाबलश्चण्डपराक्रमः कपिः	मूल
3460	5043016c	युयुत्सुरन्यैः पुनरेव राक्षसै;स्तदेव वीरोऽभिजगाम तोरणम्	मूल
3461	5044001a	हतान्मन्त्रिसुतान्बुद्ध्वा वानरेण महात्मना	मूल
3462	5044001c	रावणः संवृताकारश्चकार मतिमुत्तमाम्	मूल
3463	5044002a	स विरूपाक्षयूपाक्षौ दुर्धरं चैव राक्षसं	मूल
3464	5044002c	प्रघसं भासकर्णं च पञ्चसेनाग्रनायकान्	मूल
3465	5044003a	संदिदेश दशग्रीवो वीरान्नयविशारदान्	मूल
3466	5044003c	हनूमद्ग्रहणे व्यग्रान्वायुवेगसमान्युधि	मूल
3467	5044004a	यात सेनाग्रगाः सर्वे महाबलपरिग्रहाः	मूल
3468	5044004c	सवाजिरथमातङ्गाः स कपिः शास्यतामिति	मूल
3469	5044005a	यत्तैश्च खलु भाव्यं स्यात्तमासाद्य वनालयम्	मूल
3470	5044005c	कर्म चापि समाधेयं देशकालविरोधितम्	मूल
3471	5044006a	न ह्यहं तं कपिं मन्ये कर्मणा प्रतितर्कयन्	मूल
3472	5044006c	सर्वथा तन्महद्भूतं महाबलपरिग्रहम्	मूल
3473	5044006e	भवेदिन्द्रेण वा सृष्टमस्मदर्थं तपोबलात्	मूल
3474	5044007a	सनागयक्षगन्धर्वा देवासुरमहर्षयः	मूल
3475	5044007c	युष्माभिः सहितैः सर्वैर्मया सह विनिर्जिताः	मूल
3476	5044008a	तैरवश्यं विधातव्यं व्यलीकं किंचिदेव नः	मूल
3477	5044008c	तदेव नात्र संदेहः प्रसह्य परिगृह्यताम्	मूल
3478	5044009a	नावमन्यो भवद्भिश्च हरिः क्रूरपराक्रमः	मूल
3479	5044009c	दृष्टा हि हरयः शीघ्रा मया विपुलविक्रमाः	मूल
3480	5044010a	वाली च सह सुग्रीवो जाम्बवांश्च महाबलः	मूल
3481	5044010c	नीलः सेनापतिश्चैव ये चान्ये द्विविदादयः	मूल
3482	5044011a	नैव तेषां गतिर्भीमा न तेजो न पराक्रमः	मूल
3483	5044011c	न मतिर्न बलोत्साहो न रूपपरिकल्पनम्	मूल
3484	5044012a	महत्सत्त्वमिदं ज्ञेयं कपिरूपं व्यवस्थितम्	मूल
3485	5044012c	प्रयत्नं महदास्थाय क्रियतामस्य निग्रहः	मूल
3486	5044013a	कामं लोकास्त्रयः सेन्द्राः ससुरासुरमानवाः	मूल
3487	5044013c	भवतामग्रतः स्थातुं न पर्याप्ता रणाजिरे	मूल
3488	5044014a	तथापि तु नयज्ञेन जयमाकाङ्क्षता रणे	मूल
3489	5044014c	आत्मा रक्ष्यः प्रयत्नेन युद्धसिद्धिर्हि चञ्चला	मूल
3490	5044015a	ते स्वामिवचनं सर्वे प्रतिगृह्य महौजसः	मूल
3491	5044015c	समुत्पेतुर्महावेगा हुताशसमतेजसः	मूल
3492	5044016a	रथैश्च मत्तैर्नागैश्च वाजिभिश्च महाजवैः	मूल
3493	5044016c	शस्त्रैश्च विविधैस्तीक्ष्णैः सर्वैश्चोपचिता बलैः	मूल
3494	5044017a	ततस्तं ददृशुर्वीरा दीप्यमानं महाकपिम्	मूल
3495	5044017c	रश्मिमन्तमिवोद्यन्तं स्वतेजोरश्मिमालिनम्	मूल
3496	5044018a	तोरणस्थं महावेगं महासत्त्वं महाबलम्	मूल
3497	5044018c	महामतिं महोत्साहं महाकायं महाबलम्	मूल
3498	5044019a	तं समीक्ष्यैव ते सर्वे दिक्षु सर्वास्ववस्थिताः	मूल
3499	5044019c	तैस्तैः प्रहरणैर्भीमैरभिपेतुस्ततस्ततः	मूल
3500	5044020a	तस्य पञ्चायसास्तीक्ष्णाः सिताः पीतमुखाः शराः	मूल
3501	5044020c	शिरस्त्युत्पलपत्राभा दुर्धरेण निपातिताः	मूल
3502	5044021a	स तैः पञ्चभिराविद्धः शरैः शिरसि वानरः	मूल
3503	5044021c	उत्पपात नदन्व्योम्नि दिशो दश विनादयन्	मूल
3504	5044022a	ततस्तु दुर्धरो वीरः सरथः सज्जकार्मुकः	मूल
3505	5044022c	किरञ्शरशतैर्नैकैरभिपेदे महाबलः	मूल
3506	5044023a	स कपिर्वारयामास तं व्योम्नि शरवर्षिणम्	मूल
3507	5044023c	वृष्टिमन्तं पयोदान्ते पयोदमिव मारुतः	मूल
3508	5044024a	अर्द्यमानस्ततस्तेन दुर्धरेणानिलात्मजः	मूल
3509	5044024c	चकार निनदं भूयो व्यवर्धत च वेगवान्	मूल
3510	5044025a	स दूरं सहसोत्पत्य दुर्धरस्य रथे हरिः	मूल
3511	5044025c	निपपात महावेगो विद्युद्राशिर्गिराविव	मूल
3512	5044026a	ततस्तं मथिताष्टाश्वं रथं भग्नाक्षकूवरम्	मूल
3513	5044026c	विहाय न्यपतद्भूमौ दुर्धरस्त्यक्तजीवितः	मूल
3514	5044027a	तं विरूपाक्षयूपाक्षौ दृष्ट्वा निपतितं भुवि	मूल
3515	5044027c	संजातरोषौ दुर्धर्षावुत्पेततुररिंदमौ	मूल
3516	5044028a	स ताभ्यां सहसोत्पत्य विष्ठितो विमलेऽम्बरे	मूल
3517	5044028c	मुद्गराभ्यां महाबाहुर्वक्षस्यभिहतः कपिः	मूल
3518	5044029a	तयोर्वेगवतोर्वेगं विनिहत्य महाबलः	मूल
3519	5044029c	निपपात पुनर्भूमौ सुपर्णसमविक्रमः	मूल
3520	5044030a	स सालवृक्षमासाद्य समुत्पाट्य च वानरः	मूल
3521	5044030c	तावुभौ राक्षसौ वीरौ जघान पवनात्मजः	मूल
3522	5044031a	ततस्तांस्त्रीन्हताञ्ज्ञात्वा वानरेण तरस्विना	मूल
3523	5044031c	अभिपेदे महावेगः प्रसह्य प्रघसो हरिम्	मूल
3524	5044032a	भासकर्णश्च संक्रुद्धः शूलमादाय वीर्यवान्	मूल
3525	5044032c	एकतः कपिशार्दूलं यशस्विनमवस्थितौ	मूल
3526	5044033a	पट्टिशेन शिताग्रेण प्रघसः प्रत्यपोथयत्	मूल
3527	5044033c	भासकर्णश्च शूलेन राक्षसः कपिसत्तमम्	मूल
3528	5044034a	स ताभ्यां विक्षतैर्गात्रैरसृग्दिग्धतनूरुहः	मूल
3529	5044034c	अभवद्वानरः क्रुद्धो बालसूर्यसमप्रभः	मूल
3530	5044035a	समुत्पाट्य गिरेः शृङ्गं समृगव्यालपादपम्	मूल
3531	5044035c	जघान हनुमान्वीरो राक्षसौ कपिकुञ्जरः	मूल
3532	5044036a	ततस्तेष्ववसन्नेषु सेनापतिषु पञ्चसु	मूल
3533	5044036c	बलं तदवशेषं तु नाशयामास वानरः	मूल
3534	5044037a	अश्वैरश्वान्गजैर्नागान्योधैर्योधान्रथै रथान्	मूल
3535	5044037c	स कपिर्नाशयामास सहस्राक्ष इवासुरान्	मूल
3536	5044038a	हतैर्नागैश्च तुरगैर्भग्नाक्षैश्च महारथैः	मूल
3537	5044038c	हतैश्च राक्षसैर्भूमी रुद्धमार्गा समन्ततः	मूल
3538	5044039a	ततः कपिस्तान्ध्वजिनीपतीन्रणे; निहत्य वीरान्सबलान्सवाहनान्	मूल
3539	5044039c	तदेव वीरः परिगृह्य तोरणं; कृतक्षणः काल इव प्रजाक्षये	मूल
3540	5045001a	सेनापतीन्पञ्च स तु प्रमापिता;न्हनूमता सानुचरान्सवाहनान्	मूल
3541	5045001c	समीक्ष्य राजा समरोद्धतोन्मुखं; कुमारमक्षं प्रसमैक्षताक्षतम्	मूल
3542	5045002a	स तस्य दृष्ट्यर्पणसंप्रचोदितः; प्रतापवान्काञ्चनचित्रकार्मुकः	मूल
3543	5045002c	समुत्पपाताथ सदस्युदीरितो; द्विजातिमुख्यैर्हविषेव पावकः	मूल
3544	5045003a	ततो महद्बालदिवाकरप्रभं; प्रतप्तजाम्बूनदजालसंततम्	मूल
3545	5045003c	रथां समास्थाय ययौ स वीर्यवा;न्महाहरिं तं प्रति नैरृतर्षभः	मूल
3546	5045004a	ततस्तपःसंग्रहसंचयार्जितं; प्रतप्तजाम्बूनदजालशोभितम्	मूल
3547	5045004c	पताकिनं रत्नविभूषितध्वजं; मनोजवाष्टाश्ववरैः सुयोजितम्	मूल
3548	5045005a	सुरासुराधृष्यमसंगचारिणं; रविप्रभं व्योमचरं समाहितम्	मूल
3549	5045005c	सतूणमष्टासिनिबद्धबन्धुरं; यथाक्रमावेशितशक्तितोमरम्	मूल
3550	5045006a	विराजमानं प्रतिपूर्णवस्तुना; सहेमदाम्ना शशिसूर्यवर्वसा	मूल
3551	5045006c	दिवाकराभं रथमास्थितस्ततः; स निर्जगामामरतुल्यविक्रमः	मूल
3552	5045007a	स पूरयन्खं च महीं च साचलां; तुरंगमतङ्गमहारथस्वनैः	मूल
3553	5045007c	बलैः समेतैः स हि तोरणस्थितं; समर्थमासीनमुपागमत्कपिम्	मूल
3554	5045008a	स तं समासाद्य हरिं हरीक्षणो; युगान्तकालाग्निमिव प्रजाक्षये	मूल
3555	5045008c	अवस्थितं विस्मितजातसंभ्रमः; समैक्षताक्षो बहुमानचक्षुषा	मूल
3556	5045009a	स तस्य वेगं च कपेर्महात्मनः; पराक्रमं चारिषु पार्थिवात्मजः	मूल
3557	5045009c	विचारयन्खं च बलं महाबलो; हिमक्षये सूर्य इवाभिवर्धते	मूल
3558	5045010a	स जातमन्युः प्रसमीक्ष्य विक्रमं; स्थिरः स्थितः संयति दुर्निवारणम्	मूल
3559	5045010c	समाहितात्मा हनुमन्तमाहवे; प्रचोदयामास शरैस्त्रिभिः शितैः	मूल
3560	5045011a	ततः कपिं तं प्रसमीक्ष्य गर्वितं; जितश्रमं शत्रुपराजयोर्जितम्	मूल
3561	5045011c	अवैक्षताक्षः समुदीर्णमानसः; सबाणपाणिः प्रगृहीतकार्मुकः	मूल
3562	5045012a	स हेमनिष्काङ्गदचारुकुण्डलः; समाससादाशु पराक्रमः कपिम्	मूल
3563	5045012c	तयोर्बभूवाप्रतिमः समागमः; सुरासुराणामपि संभ्रमप्रदः	मूल
3564	5045013a	ररास भूमिर्न तताप भानुमा;न्ववौ न वायुः प्रचचाल चाचलः	मूल
3565	5045013c	कपेः कुमारस्य च वीक्ष्य संयुगं; ननाद च द्यौरुदधिश्च चुक्षुभे	मूल
3566	5045014a	ततः स वीरः सुमुखान्पतत्रिणः; सुवर्णपुङ्खान्सविषानिवोरगान्	मूल
3567	5045014c	समाधिसंयोगविमोक्षतत्त्ववि;च्छरानथ त्रीन्कपिमूर्ध्न्यपातयत्	मूल
3568	5045015a	स तैः शरैर्मूर्ध्नि समं निपातितैः; क्षरन्नसृग्दिग्धविवृत्तलोचनः	मूल
3569	5045015c	नवोदितादित्यनिभः शरांशुमा;न्व्यराजतादित्य इवांशुमालिकः	मूल
3570	5045016a	ततः स पिङ्गाधिपमन्त्रिसत्तमः; समीक्ष्य तं राजवरात्मजं रणे	मूल
3571	5045016c	उदग्रचित्रायुधचित्रकार्मुकं; जहर्ष चापूर्यत चाहवोन्मुखः	मूल
3572	5045017a	स मन्दराग्रस्थ इवांशुमाली; विवृद्धकोपो बलवीर्यसंयुतः	मूल
3573	5045017c	कुमारमक्षं सबलं सवाहनं; ददाह नेत्राग्निमरीचिभिस्तदा	मूल
3574	5045018a	ततः स बाणासनशक्रकार्मुकः; शरप्रवर्षो युधि राक्षसाम्बुदः	मूल
3575	5045018c	शरान्मुमोचाशु हरीश्वराचले; बलाहको वृष्टिमिवाचलोत्तमे	मूल
3576	5045019a	ततः कपिस्तं रणचण्डविक्रमं; विवृद्धतेजोबलवीर्यसायकम्	मूल
3577	5045019c	कुमारमक्षं प्रसमीक्ष्य संयुगे; ननाद हर्षाद्घनतुल्यविक्रमः	मूल
3578	5045020a	स बालभावाद्युधि वीर्यदर्पितः; प्रवृद्धमन्युः क्षतजोपमेक्षणः	मूल
3579	5045020c	समाससादाप्रतिमं रणे कपिं; गजो महाकूपमिवावृतं तृणैः	मूल
3580	5045021a	स तेन बाणैः प्रसभं निपातितै;श्चकार नादं घननादनिःस्वनः	मूल
3581	5045021c	समुत्पपाताशु नभः स मारुति;र्भुजोरुविक्षेपण घोरदर्शनः	मूल
3582	5045022a	समुत्पतन्तं समभिद्रवद्बली; स राक्षसानां प्रवरः प्रतापवान्	मूल
3583	5045022c	रथी रथश्रेष्ठतमः किरञ्शरैः; पयोधरः शैलमिवाश्मवृष्टिभिः	मूल
3584	5045023a	स ताञ्शरांस्तस्य विमोक्षयन्कपि;श्चचार वीरः पथि वायुसेविते	मूल
3585	5045023c	शरान्तरे मारुतवद्विनिष्पत;न्मनोजवः संयति चण्डविक्रमः	मूल
3586	5045024a	तमात्तबाणासनमाहवोन्मुखं; खमास्तृणन्तं विविधैः शरोत्तमैः	मूल
3587	5045024c	अवैक्षताक्षं बहुमानचक्षुषा; जगाम चिन्तां च स मारुतात्मजः	मूल
3588	5045025a	ततः शरैर्भिन्नभुजान्तरः कपिः; कुमारवर्येण महात्मना नदन्	मूल
3589	5045025c	महाभुजः कर्मविशेषतत्त्ववि;द्विचिन्तयामास रणे पराक्रमम्	मूल
3590	5045026a	अबालवद्बालदिवाकरप्रभः; करोत्ययं कर्म महन्महाबलः	मूल
3591	5045026c	न चास्य सर्वाहवकर्मशोभिनः; प्रमापणे मे मतिरत्र जायते	मूल
3592	5045027a	अयं महात्मा च महांश्च वीर्यतः; समाहितश्चातिसहश्च संयुगे	मूल
3593	5045027c	असंशयं कर्मगुणोदयादयं; सनागयक्षैर्मुनिभिश्च पूजितः	मूल
3594	5045028a	पराक्रमोत्साहविवृद्धमानसः; समीक्षते मां प्रमुखागतः स्थितः	मूल
3595	5045028c	पराक्रमो ह्यस्य मनांसि कम्पये;त्सुरासुराणामपि शीघ्रकारिणः	मूल
3596	5045029a	न खल्वयं नाभिभवेदुपेक्षितः; पराक्रमो ह्यस्य रणे विवर्धते	मूल
3597	5045029c	प्रमापणं त्वेव ममास्य रोचते; न वर्धमानोऽग्निरुपेक्षितुं क्षमः	मूल
3598	5045030a	इति प्रवेगं तु परस्य तर्कय;न्स्वकर्मयोगं च विधाय वीर्यवान्	मूल
3599	5045030c	चकार वेगं तु महाबलस्तदा; मतिं च चक्रेऽस्य वधे महाकपिः	मूल
3600	5045031a	स तस्य तानष्टहयान्महाजवा;न्समाहितान्भारसहान्विवर्तने	मूल
3601	5045031c	जघान वीरः पथि वायुसेविते; तलप्रहालैः पवनात्मजः कपिः	मूल
3602	5045032a	ततस्तलेनाभिहतो महारथः; स तस्य पिङ्गाधिपमन्त्रिनिर्जितः	मूल
3603	5045032c	स भग्ननीडः परिमुक्तकूबरः; पपात भूमौ हतवाजिरम्बरात्	मूल
3604	5045033a	स तं परित्यज्य महारथो रथं; सकार्मुकः खड्गधरः खमुत्पतत्	मूल
3605	5045033c	तपोऽभियोगादृषिरुग्रवीर्यवा;न्विहाय देहं मरुतामिवालयम्	मूल
3606	5045034a	ततः कपिस्तं विचरन्तमम्बरे; पतत्रिराजानिलसिद्धसेविते	मूल
3607	5045034c	समेत्य तं मारुतवेगविक्रमः; क्रमेण जग्राह च पादयोर्दृढम्	मूल
3608	5045035a	स तं समाविध्य सहस्रशः कपि;र्महोरगं गृह्य इवाण्डजेश्वरः	मूल
3609	5045035c	मुमोच वेगात्पितृतुल्यविक्रमो; महीतले संयति वानरोत्तमः	मूल
3610	5045036a	स भग्नबाहूरुकटीशिरो धरः; क्षरन्नसृन्निर्मथितास्थिलोचनः	मूल
3611	5045036c	स भिन्नसंधिः प्रविकीर्णबन्धनो; हतः क्षितौ वायुसुतेन राक्षसः	मूल
3612	5045037a	महाकपिर्भूमितले निपीड्य तं; चकार रक्षोऽधिपतेर्महद्भयम्	मूल
3613	5045038a	महर्षिभिश्चक्रचरैर्महाव्रतैः; समेत्य भूतैश्च सयक्षपन्नगैः	मूल
3614	5045038c	सुरैश्च सेन्द्रैर्भृशजातविस्मयै;र्हते कुमारे स कपिर्निरीक्षितः	मूल
3615	5045039a	निहत्य तं वज्रसुतोपमप्रभं; कुमारमक्षं क्षतजोपमेक्षणम्	मूल
3616	5045039c	तदेव वीरोऽभिजगाम तोरणं; कृतक्षणः काल इव प्रजाक्षये	मूल
3617	5046001a	ततस्तु रक्षोऽधिपतिर्महात्मा; हनूमताक्षे निहते कुमारे	मूल
3618	5046001c	मनः समाधाय तदेन्द्रकल्पं; समादिदेशेन्द्रजितं स रोषात्	मूल
3619	5046002a	त्वमस्त्रविच्छस्त्रभृतां वरिष्ठः; सुरासुराणामपि शोकदाता	मूल
3620	5046002c	सुरेषु सेन्द्रेषु च दृष्टकर्मा; पितामहाराधनसंचितास्त्रः	मूल
3621	5046003a	तवास्त्रबलमासाद्य नासुरा न मरुद्गणाः	मूल
3622	5046003c	न कश्चित्त्रिषु लोकेषु संयुगे न गतश्रमः	मूल
3623	5046004a	भुजवीर्याभिगुप्तश्च तपसा चाभिरक्षितः	मूल
3624	5046004c	देशकालविभागज्ञस्त्वमेव मतिसत्तमः	मूल
3625	5046005a	न तेऽस्त्यशक्यं समरेषु कर्मणा; न तेऽस्त्यकार्यं मतिपूर्वमन्त्रणे	मूल
3626	5046005c	न सोऽस्ति कश्चित्त्रिषु संग्रहेषु वै; न वेद यस्तेऽस्त्रबलं बलं च ते	मूल
3627	5046006a	ममानुरूपं तपसो बलं च ते; पराक्रमश्चास्त्रबलं च संयुगे	मूल
3628	5046006c	न त्वां समासाद्य रणावमर्दे; मनः श्रमं गच्छति निश्चितार्थम्	मूल
3629	5046007a	निहता इंकराः सर्वे जम्बुमाली च राक्षसः	मूल
3630	5046007c	अमात्यपुत्रा वीराश्च पञ्च सेनाग्रयायिनः	मूल
3631	5046008a	सहोदरस्ते दयितः कुमारोऽक्षश्च सूदितः	मूल
3632	5046008c	न तु तेष्वेव मे सारो यस्त्वय्यरिनिषूदन	मूल
3633	5046009a	इदं हि दृष्ट्वा मतिमन्महद्बलं; कपेः प्रभावं च पराक्रमं च	मूल
3634	5046009c	त्वमात्मनश्चापि समीक्ष्य सारं; कुरुष्व वेगं स्वबलानुरूपम्	मूल
3635	5046010a	बलावमर्दस्त्वयि संनिकृष्टे; यथा गते शाम्यति शान्तशत्रौ	मूल
3636	5046010c	तथा समीक्ष्यात्मबलं परं च; समारभस्वास्त्रविदां वरिष्ठ	मूल
3637	5046011a	न खल्वियं मतिः श्रेष्ठा यत्त्वां संप्रेषयाम्यहम्	मूल
3638	5046011c	इयं च राजधर्माणां क्षत्रस्य च मतिर्मता	मूल
3639	5046012a	नानाशस्त्रैश्च संग्रामे वैशारद्यमरिंदम	मूल
3640	5046012c	अवश्यमेव बोद्धव्यं काम्यश्च विजयो रणे	मूल
3641	5046013a	ततः पितुस्तद्वचनं निशम्य; प्रदक्षिणं दक्षसुतप्रभावः	मूल
3642	5046013c	चकार भर्तारमदीनसत्त्वो; रणाय वीरः प्रतिपन्नबुद्धिः	मूल
3643	5046014a	ततस्तैः स्वगणैरिष्टैरिन्द्रजित्प्रतिपूजितः	मूल
3644	5046014c	युद्धोद्धतकृतोत्साहः संग्रामं प्रतिपद्यत	मूल
3645	5046015a	श्रीमान्पद्मपलाशाक्षो राक्षसाधिपतेः सुतः	मूल
3646	5046015c	निर्जगाम महातेजाः समुद्र इव पर्वसु	मूल
3647	5046016a	स पक्षि राजोपमतुल्यवेगै;र्व्यालैश्चतुर्भिः सिततीक्ष्णदंष्ट्रैः	मूल
3648	5046016c	रथं समायुक्तमसंगवेगं; समारुरोहेन्द्रजिदिन्द्रकल्पः	मूल
3649	5046017a	स रथी धन्विनां श्रेष्ठः शस्त्रज्ञोऽस्त्रविदां वरः	मूल
3650	5046017c	रथेनाभिययौ क्षिप्रं हनूमान्यत्र सोऽभवत्	मूल
3651	5046018a	स तस्य रथनिर्घोषं ज्यास्वनं कार्मुकस्य च	मूल
3652	5046018c	निशम्य हरिवीरोऽसौ संप्रहृष्टतरोऽभवत्	मूल
3653	5046019a	सुमहच्चापमादाय शितशल्यांश्च सायकान्	मूल
3654	5046019c	हनूमन्तमभिप्रेत्य जगाम रणपण्डितः	मूल
3655	5046020a	तस्मिंस्ततः संयति जातहर्षे; रणाय निर्गच्छति बाणपाणौ	मूल
3656	5046020c	दिशश्च सर्वाः कलुषा बभूवु;र्मृगाश्च रौद्रा बहुधा विनेदुः	मूल
3657	5046021a	समागतास्तत्र तु नागयक्षा; महर्षयश्चक्रचराश्च सिद्धाः	मूल
3658	5046021c	नभः समावृत्य च पक्षिसंघा; विनेदुरुच्चैः परमप्रहृष्टाः	मूल
3659	5046022a	आयन्तं सरथं दृष्ट्वा तूर्णमिन्द्रजितं कपिः	मूल
3660	5046022c	विननाद महानादं व्यवर्धत च वेगवान्	मूल
3661	5046023a	इन्द्रजित्तु रथं दिव्यमास्थितश्चित्रकार्मुकः	मूल
3662	5046023c	धनुर्विस्फारयामास तडिदूर्जितनिःस्वनम्	मूल
3663	5046024a	ततः समेतावतितीक्ष्णवेगौ; महाबलौ तौ रणनिर्विशङ्कौ	मूल
3664	5046024c	कपिश्च रक्षोऽधिपतेश्च पुत्रः; सुरासुरेन्द्राविव बद्धवैरौ	मूल
3665	5046025a	स तस्य वीरस्य महारथस्या; धनुष्मतः संयति संमतस्य	मूल
3666	5046025c	शरप्रवेगं व्यहनत्प्रवृद्ध;श्चचार मार्गे पितुरप्रमेयः	मूल
3667	5046026a	ततः शरानायततीक्ष्णशल्या;न्सुपत्रिणः काञ्चनचित्रपुङ्खान्	मूल
3668	5046026c	मुमोच वीरः परवीरहन्ता; सुसंततान्वज्रनिपातवेगान्	मूल
3669	5046027a	स तस्य तत्स्यन्दननिःस्वनं च; मृदङ्गभेरीपटहस्वनं च	मूल
3670	5046027c	विकृष्यमाणस्य च कार्मुकस्य; निशम्य घोषं पुनरुत्पपात	मूल
3671	5046028a	शराणामन्तरेष्वाशु व्यवर्तत महाकपिः	मूल
3672	5046028c	हरिस्तस्याभिलक्षस्य मोक्षयँल्लक्ष्यसंग्रहम्	मूल
3673	5046029a	शराणामग्रतस्तस्य पुनः समभिवर्तत	मूल
3674	5046029c	प्रसार्य हस्तौ हनुमानुत्पपातानिलात्मजः	मूल
3675	5046030a	तावुभौ वेगसंपन्नौ रणकर्मविशारदौ	मूल
3676	5046030c	सर्वभूतमनोग्राहि चक्रतुर्युद्धमुत्तमम्	मूल
3677	5046031a	हनूमतो वेद न राक्षसोऽन्तरं; न मारुतिस्तस्य महात्मनोऽन्तरम्	मूल
3678	5046031c	परस्परं निर्विषहौ बभूवतुः; समेत्य तौ देवसमानविक्रमौ	मूल
3679	5046032a	ततस्तु लक्ष्ये स विहन्यमाने; शरेषु मोघेषु च संपतत्सु	मूल
3680	5046032c	जगाम चिन्तां महतीं महात्मा; समाधिसंयोगसमाहितात्मा	मूल
3681	5046033a	ततो मतिं राक्षसराजसूनु;श्चकार तस्मिन्हरिवीरमुख्ये	मूल
3682	5046033c	अवध्यतां तस्य कपेः समीक्ष्य; कथं निगच्छेदिति निग्रहार्थम्	मूल
3683	5046034a	ततः पैतामहां वीरः सोऽस्त्रमस्त्रविदां वरः	मूल
3684	5046034c	संदधे सुमहातेजास्तं हरिप्रवरं प्रति	मूल
3685	5046035a	अवध्योऽयमिति ज्ञात्वा तमस्त्रेणास्त्रतत्त्ववित्	मूल
3686	5046035c	निजग्राह महाबाहुर्मारुतात्मजमिन्द्रजित्	मूल
3687	5046036a	तेन बद्धस्ततोऽस्त्रेण राक्षसेन स वानरः	मूल
3688	5046036c	अभवन्निर्विचेष्टश्च पपात च महीतले	मूल
3689	5046037a	ततोऽथ बुद्ध्वा स तदास्त्रबन्धं; प्रभोः प्रभावाद्विगताल्पवेगः	मूल
3690	5046037c	पितामहानुग्रहमात्मनश्च; विचिन्तयामास हरिप्रवीरः	मूल
3691	5046038a	ततः स्वायम्भुवैर्मन्त्रैर्ब्रह्मास्त्रमभिमन्त्रितम्	मूल
3692	5046038c	हनूमांश्चिन्तयामास वरदानं पितामहात्	मूल
3693	5046039a	न मेऽस्त्रबन्धस्य च शक्तिरस्ति; विमोक्षणे लोकगुरोः प्रभावात्	मूल
3694	5046039c	इत्येवमेवंविहितोऽस्त्रबन्धो; मयात्मयोनेरनुवर्तितव्यः	मूल
3695	5046040a	स वीर्यमस्त्रस्य कपिर्विचार्य; पितामहानुग्रहमात्मनश्च	मूल
3696	5046040c	विमोक्षशक्तिं परिचिन्तयित्वा; पितामहाज्ञामनुवर्तते स्म	मूल
3697	5046041a	अस्त्रेणापि हि बद्धस्य भयं मम न जायते	मूल
3698	5046041c	पितामहमहेन्द्राभ्यां रक्षितस्यानिलेन च	मूल
3699	5046042a	ग्रहणे चापि रक्षोभिर्महन्मे गुणदर्शनम्	मूल
3700	5046042c	राक्षसेन्द्रेण संवादस्तस्माद्गृह्णन्तु मां परे	मूल
3701	5046043a	स निश्चितार्थः परवीरहन्ता; समीक्ष्य करी विनिवृत्तचेष्टः	मूल
3702	5046043c	परैः प्रसह्याभिगतैर्निगृह्य; ननाद तैस्तैः परिभर्त्स्यमानः	मूल
3703	5046044a	ततस्तं राक्षसा दृष्ट्वा निर्विचेष्टमरिंदमम्	मूल
3704	5046044c	बबन्धुः शणवल्कैश्च द्रुमचीरैश्च संहतैः	मूल
3705	5046045a	स रोचयामास परैश्च बन्धनं; प्रसह्य वीरैरभिनिग्रहं च	मूल
3706	5046045c	कौतूहलान्मां यदि राक्षसेन्द्रो; द्रष्टुं व्यवस्येदिति निश्चितार्थः	मूल
3707	5046046a	स बद्धस्तेन वल्केन विमुक्तोऽस्त्रेण वीर्यवान्	मूल
3708	5046046c	अस्त्रबन्धः स चान्यं हि न बन्धमनुवर्तते	मूल
3709	5046047a	अथेन्द्रजित्तं द्रुमचीरबन्धं; विचार्य वीरः कपिसत्तमं तम्	मूल
3710	5046047c	विमुक्तमस्त्रेण जगाम चिन्ता;मन्येन बद्धो ह्यनुवर्ततेऽस्त्रम्	मूल
3711	5046048a	अहो महत्कर्म कृतं निरर्थकं; न राक्षसैर्मन्त्रगतिर्विमृष्टा	मूल
3712	5046048c	पुनश्च नास्त्रे विहतेऽस्त्रमन्य;त्प्रवर्तते संशयिताः स्म सर्वे	मूल
3713	5046049a	अस्त्रेण हनुमान्मुक्तो नात्मानमवबुध्यते	मूल
3714	5046049c	कृष्यमाणस्तु रक्षोभिस्तैश्च बन्धैर्निपीडितः	मूल
3715	5046050a	हन्यमानस्ततः क्रूरै राक्षसैः काष्ठमुष्टिभिः	मूल
3716	5046050c	समीपं राक्षसेन्द्रस्य प्राकृष्यत स वानरः	मूल
3717	5046051a	अथेन्द्रजित्तं प्रसमीक्ष्य मुक्त;मस्त्रेण बद्धं द्रुमचीरसूत्रैः	मूल
3718	5046051c	व्यदर्शयत्तत्र महाबलं तं; हरिप्रवीरं सगणाय राज्ञे	मूल
3719	5046052a	तं मत्तमिव मातङ्गं बद्धं कपिवरोत्तमम्	मूल
3720	5046052c	राक्षसा राक्षसेन्द्राय रावणाय न्यवेदयन्	मूल
3721	5046053a	कोऽयं कस्य कुतो वापि किं कार्यं को व्यपाश्रयः	मूल
3722	5046053c	इति राक्षसवीराणां तत्र संजज्ञिरे कथाः	मूल
3723	5046054a	हन्यतां दह्यतां वापि भक्ष्यतामिति चापरे	मूल
3724	5046054c	राक्षसास्तत्र संक्रुद्धाः परस्परमथाब्रुवन्	मूल
3725	5046055a	अतीत्य मार्गं सहसा महात्मा; स तत्र रक्षोऽधिपपादमूले	मूल
3726	5046055c	ददर्श राज्ञः परिचारवृद्धा;न्गृहं महारत्नविभूषितं च	मूल
3727	5046056a	स ददर्श महातेजा रावणः कपिसत्तमम्	मूल
3728	5046056c	रक्षोभिर्विकृताकारैः कृष्यमाणमितस्ततः	मूल
3729	5046057a	राक्षसाधिपतिं चापि ददर्श कपिसत्तमः	मूल
3730	5046057c	तेजोबलसमायुक्तं तपन्तमिव भास्करम्	मूल
3731	5046058a	स रोषसंवर्तितताम्रदृष्टि;र्दशाननस्तं कपिमन्ववेक्ष्य	मूल
3732	5046058c	अथोपविष्टान्कुलशीलवृद्धा;न्समादिशत्तं प्रति मन्त्रमुख्यान्	मूल
3733	5046059a	यथाक्रमं तैः स कपिश्च पृष्टः; कार्यार्थमर्थस्य च मूलमादौ	मूल
3734	5046059c	निवेदयामास हरीश्वरस्य; दूतः सकाशादहमागतोऽस्मि	मूल
3735	5047001a	ततः स कर्मणा तस्य विस्मितो भीमविक्रमः	मूल
3736	5047001c	हनुमान्रोषताम्राक्षो रक्षोऽधिपमवैक्षत	मूल
3737	5047002a	भाजमानं महार्हेण काञ्चनेन विराजता	मूल
3738	5047002c	मुक्ताजालावृतेनाथ मुकुटेन महाद्युतिम्	मूल
3739	5047003a	वज्रसंयोगसंयुक्तैर्महार्हमणिविग्रहैः	मूल
3740	5047003c	हैमैराभरणैश्चित्रैर्मनसेव प्रकल्पितैः	मूल
3741	5047004a	महार्हक्षौमसंवीतं रक्तचन्दनरूषितम्	मूल
3742	5047004c	स्वनुलिप्तं विचित्राभिर्विविधभिश्च भक्तिभिः	मूल
3743	5047005a	विपुलैर्दर्शनीयैश्च रक्षाक्षैर्भीमदर्शनैः	मूल
3744	5047005c	दीप्ततीक्ष्णमहादंष्ट्रैः प्रलम्बदशनच्छदैः	मूल
3745	5047006a	शिरोभिर्दशभिर्वीरं भ्राजमानं महौजसं	मूल
3746	5047006c	नानाव्यालसमाकीर्णैः शिखरैरिव मन्दरम्	मूल
3747	5047007a	नीलाञ्जनचय प्रख्यं हारेणोरसि राजता	मूल
3748	5047007c	पूर्णचन्द्राभवक्त्रेण सबलाकमिवाम्बुदम्	मूल
3749	5047008a	बाहुभिर्बद्धकेयूरैश्चन्दनोत्तमरूषितैः	मूल
3750	5047008c	भ्राजमानाङ्गदैः पीनैः पञ्चशीर्षैरिवोरगैः	मूल
3751	5047009a	महति स्फाटिके चित्रे रत्नसंयोगसंस्कृते	मूल
3752	5047009c	उत्तमास्तरणास्तीर्णे उपविष्टं वरासने	मूल
3753	5047010a	अलंकृताभिरत्यर्थं प्रमदाभिः समन्ततः	मूल
3754	5047010c	वालव्यजनहस्ताभिरारात्समुपसेवितम्	मूल
3755	5047011a	दुर्धरेण प्रहस्तेन महापार्श्वेन रक्षसा	मूल
3756	5047011c	मन्त्रिभिर्मन्त्रतत्त्वज्ञैर्निकुम्भेन च मन्त्रिणा	मूल
3757	5047012a	उपोपविष्टं रक्षोभिश्चतुर्भिर्बलदर्पितैः	मूल
3758	5047012c	कृत्स्नैः परिवृतं लोकं चतुर्भिरिव सागरैः	मूल
3759	5047013a	मन्त्रिभिर्मन्त्रतत्त्वज्ञैरन्यैश्च शुभबुद्धिभिः	मूल
3760	5047013c	अन्वास्यमानं सचिवैः सुरैरिव सुरेश्वरम्	मूल
3761	5047014a	अपश्यद्राक्षसपतिं हनूमानतितेजसं	मूल
3762	5047014c	विष्ठितं मेरुशिखरे सतोयमिव तोयदम्	मूल
3763	5047015a	स तैः संपीड्यमानोऽपि रक्षोभिर्भीमविक्रमैः	मूल
3764	5047015c	विस्मयं परमं गत्वा रक्षोऽधिपमवैक्षत	मूल
3765	5047016a	भ्राजमानं ततो दृष्ट्वा हनुमान्राक्षसेश्वरम्	मूल
3766	5047016c	मनसा चिन्तयामास तेजसा तस्य मोहितः	मूल
3767	5047017a	अहो रूपमहो धैर्यमहो सत्त्वमहो द्युतिः	मूल
3768	5047017c	अहो राक्षसराजस्य सर्वलक्षणयुक्तता	मूल
3769	5047018a	यद्यधर्मो न बलवान्स्यादयं राक्षसेश्वरः	मूल
3770	5047018c	स्यादयं सुरलोकस्य सशक्रस्यापि रक्षिता	मूल
3771	5047019a	तेन बिभ्यति खल्वस्माल्लोकाः सामरदानवाः	मूल
3772	5047019c	अयं ह्युत्सहते क्रुद्धः कर्तुमेकार्णवं जगत्	मूल
3773	5047020a	इति चिन्तां बहुविधामकरोन्मतिमान्कपिः	मूल
3774	5047020c	दृष्ट्वा राक्षसराजस्य प्रभावममितौजसः	मूल
3775	5048001a	तमुद्वीक्ष्य महाबाहुः पिङ्गाक्षं पुरतः स्थितम्	मूल
3776	5048001c	रोषेण महताविष्टो रावणो लोकरावणः	मूल
3777	5048002a	स राजा रोषताम्राक्षः प्रहस्तं मन्त्रिसत्तमम्	मूल
3778	5048002c	कालयुक्तमुवाचेदं वचो विपुलमर्थवत्	मूल
3779	5048003a	दुरात्मा पृच्छ्यतामेष कुतः किं वास्य कारणम्	मूल
3780	5048003c	वनभङ्गे च कोऽस्यार्थो राक्षसीनां च तर्जने	मूल
3781	5048004a	रावणस्य वचः श्रुत्वा प्रहस्तो वाक्यमब्रवीत्	मूल
3782	5048004c	समाश्वसिहि भद्रं ते न भीः कार्या त्वया कपे	मूल
3783	5048005a	यदि तावत्त्वमिन्द्रेण प्रेषितो रावणालयम्	मूल
3784	5048005c	तत्त्वमाख्याहि मा ते भूद्भयं वानर मोक्ष्यसे	मूल
3785	5048006a	यदि वैश्रवणस्य त्वं यमस्य वरुणस्य च	मूल
3786	5048006c	चारुरूपमिदं कृत्वा यमस्य वरुणस्य च	मूल
3787	5048007a	विष्णुना प्रेषितो वापि दूतो विजयकाङ्क्षिणा	मूल
3788	5048007c	न हि ते वानरं तेजो रूपमात्रं तु वानरम्	मूल
3789	5048008a	तत्त्वतः कथयस्वाद्य ततो वानर मोक्ष्यसे	मूल
3790	5048008c	अनृतं वदतश्चापि दुर्लभं तव जीवितम्	मूल
3791	5048009a	अथ वा यन्निमित्तस्ते प्रवेशो रावणालये	मूल
3792	5048010a	एवमुक्तो हरिवरस्तदा रक्षोगणेश्वरम्	मूल
3793	5048010c	अब्रवीन्नास्मि शक्रस्य यमस्य वरुणस्य वा	मूल
3794	5048011a	धनदेन न मे सख्यं विष्णुना नास्मि चोदितः	मूल
3795	5048011c	जातिरेव मम त्वेषा वानरोऽहमिहागतः	मूल
3796	5048012a	दर्शने राक्षसेन्द्रस्य दुर्लभे तदिदं मया	मूल
3797	5048012c	वनं राक्षसराजस्य दर्शनार्थे विनाशितम्	मूल
3798	5048013a	ततस्ते राक्षसाः प्राप्ता बलिनो युद्धकाङ्क्षिणः	मूल
3799	5048013c	रक्षणार्थं च देहस्य प्रतियुद्धा मया रणे	मूल
3800	5048014a	अस्त्रपाशैर्न शक्योऽहं बद्धुं देवासुरैरपि	मूल
3801	5048014c	पितामहादेव वरो ममाप्येषोऽभ्युपागतः	मूल
3802	5048015a	राजानं द्रष्टुकामेन मयास्त्रमनुवर्तितम्	मूल
3803	5048015c	विमुक्तो अहमस्त्रेण राक्षसैस्त्वतिपीडितः	मूल
3804	5048016a	दूतोऽहमिति विज्ञेयो राघवस्यामितौजसः	मूल
3805	5048016c	श्रूयतां चापि वचनं मम पथ्यमिदं प्रभो	मूल
3806	5049001a	तं समीक्ष्य महासत्त्वं सत्त्ववान्हरिसत्तमः	मूल
3807	5049001c	वाक्यमर्थवदव्यग्रस्तमुवाच दशाननम्	मूल
3808	5049002a	अहं सुग्रीवसंदेशादिह प्राप्तस्तवालयम्	मूल
3809	5049002c	राक्षसेन्द्र हरीशस्त्वां भ्राता कुशलमब्रवीत्	मूल
3810	5049003a	भ्रातुः शृणु समादेशं सुग्रीवस्य महात्मनः	मूल
3811	5049003c	धर्मार्थोपहितं वाक्यमिह चामुत्र च क्षमम्	मूल
3812	5049004a	राजा दशरथो नाम रथकुञ्जरवाजिमान्	मूल
3813	5049004c	पितेव बन्धुर्लोकस्य सुरेश्वरसमद्युतिः	मूल
3814	5049005a	ज्येष्ठस्तस्य महाबाहुः पुत्रः प्रियकरः प्रभुः	मूल
3815	5049005c	पितुर्निदेशान्निष्क्रान्तः प्रविष्टो दण्डकावनम्	मूल
3816	5049006a	लक्ष्मणेन सह भ्रात्रा सीतया चापि भार्यया	मूल
3817	5049006c	रामो नाम महातेजा धर्म्यं पन्थानमाश्रितः	मूल
3818	5049007a	तस्य भार्या वने नष्टा सीता पतिमनुव्रता	मूल
3819	5049007c	वैदेहस्य सुता राज्ञो जनकस्य महात्मनः	मूल
3820	5049008a	स मार्गमाणस्तां देवीं राजपुत्रः सहानुजः	मूल
3821	5049008c	ऋश्यमूकमनुप्राप्तः सुग्रीवेण च संगतः	मूल
3822	5049009a	तस्य तेन प्रतिज्ञातं सीतायाः परिमार्गणम्	मूल
3823	5049009c	सुग्रीवस्यापि रामेण हरिराज्यं निवेदितम्	मूल
3824	5049010a	ततस्तेन मृधे हत्वा राजपुत्रेण वालिनम्	मूल
3825	5049010c	सुग्रीवः स्थापितो राज्ये हर्यृक्षाणां गणेश्वरः	मूल
3826	5049011a	स सीतामार्गणे व्यग्रः सुग्रीवः सत्यसंगरः	मूल
3827	5049011c	हरीन्संप्रेषयामास दिशः सर्वा हरीश्वरः	मूल
3828	5049012a	तां हरीणां सहस्राणि शतानि नियुतानि च	मूल
3829	5049012c	दिक्षु सर्वासु मार्गन्ते अधश्चोपरि चाम्बरे	मूल
3830	5049013a	वैनतेय समाः केचित्केचित्तत्रानिलोपमाः	मूल
3831	5049013c	असंगगतयः शीघ्रा हरिवीरा महाबलाः	मूल
3832	5049014a	अहं तु हनुमान्नाम मारुतस्यौरसः सुतः	मूल
3833	5049014c	सीतायास्तु कृते तूर्णं शतयोजनमायतम्	मूल
3834	5049014e	समुद्रं लङ्घयित्वैव तां दिदृक्षुरिहागतः	मूल
3835	5049015a	तद्भवान्दृष्टधर्मार्थस्तपः कृतपरिग्रहः	मूल
3836	5049015c	परदारान्महाप्राज्ञ नोपरोद्धुं त्वमर्हसि	मूल
3837	5049016a	न हि धर्मविरुद्धेषु बह्वपायेषु कर्मसु	मूल
3838	5049016c	मूलघातिषु सज्जन्ते बुद्धिमन्तो भवद्विधाः	मूल
3839	5049017a	कश्च लक्ष्मणमुक्तानां रामकोपानुवर्तिनाम्	मूल
3840	5049017c	शराणामग्रतः स्थातुं शक्तो देवासुरेष्वपि	मूल
3841	5049018a	न चापि त्रिषु लोकेषु राजन्विद्येत कश्चन	मूल
3842	5049018c	राघवस्य व्यलीकं यः कृत्वा सुखमवाप्नुयात्	मूल
3843	5049019a	तत्त्रिकालहितं वाक्यं धर्म्यमर्थानुबन्धि च	मूल
3844	5049019c	मन्यस्व नरदेवाय जानकी प्रतिदीयताम्	मूल
3845	5049020a	दृष्टा हीयं मया देवी लब्धं यदिह दुर्लभम्	मूल
3846	5049020c	उत्तरं कर्म यच्छेषं निमित्तं तत्र राघवः	मूल
3847	5049021a	लक्षितेयं मया सीता तथा शोकपरायणा	मूल
3848	5049021c	गृह्य यां नाभिजानासि पञ्चास्यामिव पन्नगीम्	मूल
3849	5049022a	नेयं जरयितुं शक्या सासुरैरमरैरपि	मूल
3850	5049022c	विषसंसृष्टमत्यर्थं भुक्तमन्नमिवौजसा	मूल
3851	5049023a	तपःसंतापलब्धस्ते योऽयं धर्मपरिग्रहः	मूल
3852	5049023c	न स नाशयितुं न्याय्य आत्मप्राणपरिग्रहः	मूल
3853	5049024a	अवध्यतां तपोभिर्यां भवान्समनुपश्यति	मूल
3854	5049024c	आत्मनः सासुरैर्देवैर्हेतुस्तत्राप्ययं महान्	मूल
3855	5049025a	सुग्रीवो न हि देवोऽयं नासुरो न च मानुषः	मूल
3856	5049025c	न राक्षसो न गन्धर्वो न यक्षो न च पन्नगः	मूल
3857	5049026a	मानुषो राघवो राजन्सुग्रीवश्च हरीश्वरः	मूल
3858	5049026c	तस्मात्प्राणपरित्राणं कथं राजन्करिष्यसि	मूल
3859	5049027a	न तु धर्मोपसंहारमधर्मफलसंहितम्	मूल
3860	5049027c	तदेव फलमन्वेति धर्मश्चाधर्मनाशनः	मूल
3861	5049028a	प्राप्तं धर्मफलं तावद्भवता नात्र संशयः	मूल
3862	5049028c	फलमस्याप्यधर्मस्य क्षिप्रमेव प्रपत्स्यसे	मूल
3863	5049029a	जनस्थानवधं बुद्ध्वा बुद्ध्वा वालिवधं तथा	मूल
3864	5049029c	रामसुग्रीवसख्यं च बुध्यस्व हितमात्मनः	मूल
3865	5049030a	कामं खल्वहमप्येकः सवाजिरथकुञ्जराम्	मूल
3866	5049030c	लङ्कां नाशयितुं शक्तस्तस्यैष तु विनिश्चयः	मूल
3867	5049031a	रामेण हि प्रतिज्ञातं हर्यृक्षगणसंनिधौ	मूल
3868	5049031c	उत्सादनममित्राणां सीता यैस्तु प्रधर्षिता	मूल
3869	5049032a	अपकुर्वन्हि रामस्य साक्षादपि पुरंदरः	मूल
3870	5049032c	न सुखं प्राप्नुयादन्यः किं पुनस्त्वद्विधो जनः	मूल
3871	5049033a	यां सीतेत्यभिजानासि येयं तिष्ठति ते वशे	मूल
3872	5049033c	कालरात्रीति तां विद्धि सर्वलङ्काविनाशिनीम्	मूल
3873	5049034a	तदलं कालपाशेन सीता विग्रहरूपिणा	मूल
3874	5049034c	स्वयं स्कन्धावसक्तेन क्षममात्मनि चिन्त्यताम्	मूल
3875	5049035a	सीतायास्तेजसा दग्धां रामकोपप्रपीडिताम्	मूल
3876	5049035c	दह्यमनामिमां पश्य पुरीं साट्टप्रतोलिकाम्	मूल
3877	5049036a	स सौष्ठवोपेतमदीनवादिनः; कपेर्निशम्याप्रतिमोऽप्रियं वचः	मूल
3878	5049036c	दशाननः कोपविवृत्तलोचनः; समादिशत्तस्य वधं महाकपेः	मूल
3879	5050001a	तस्य तद्वचनं श्रुत्वा वानरस्य महात्मनः	मूल
3880	5050001c	आज्ञापयद्वधं तस्य रावणः क्रोधमूर्छितः	मूल
3881	5050002a	वधे तस्य समाज्ञप्ते रावणेन दुरात्मना	मूल
3882	5050002c	निवेदितवतो दौत्यं नानुमेने विभीषणः	मूल
3883	5050003a	तं रक्षोऽधिपतिं क्रुद्धं तच्च कार्यमुपस्थितम्	मूल
3884	5050003c	विदित्वा चिन्तयामास कार्यं कार्यविधौ स्थितः	मूल
3885	5050004a	निश्चितार्थस्ततः साम्नापूज्य शत्रुजिदग्रजम्	मूल
3886	5050004c	उवाच हितमत्यर्थं वाक्यं वाक्यविशारदः	मूल
3887	5050005a	राजन्धर्मविरुद्धं च लोकवृत्तेश्च गर्हितम्	मूल
3888	5050005c	तव चासदृशं वीर कपेरस्य प्रमापणम्	मूल
3889	5050006a	असंशयं शत्रुरयं प्रवृद्धः; कृतं ह्यनेनाप्रियमप्रमेयम्	मूल
3890	5050006c	न दूतवध्यां प्रवदन्ति सन्तो; दूतस्य दृष्टा बहवो हि दण्डाः	मूल
3891	5050007a	वैरूप्यामङ्गेषु कशाभिघातो; मौण्ड्यं तथा लक्ष्मणसंनिपातः	मूल
3892	5050007c	एतान्हि दूते प्रवदन्ति दण्डा;न्वधस्तु दूतस्य न नः श्रुतोऽपि	मूल
3893	5050008a	कथं च धर्मार्थविनीतबुद्धिः; परावरप्रत्ययनिश्चितार्थः	मूल
3894	5050008c	भवद्विधः कोपवशे हि तिष्ठे;त्कोपं नियच्छन्ति हि सत्त्ववन्तः	मूल
3895	5050009a	न धर्मवादे न च लोकवृत्ते; न शास्त्रबुद्धिग्रहणेषु वापि	मूल
3896	5050009c	विद्येत कश्चित्तव वीरतुल्य;स्त्वं ह्युत्तमः सर्वसुरासुराणाम्	मूल
3897	5050010a	न चाप्यस्य कपेर्घाते कंचित्पश्याम्यहं गुणम्	मूल
3898	5050010c	तेष्वयं पात्यतां दण्डो यैरयं प्रेषितः कपिः	मूल
3899	5050011a	साधुर्वा यदि वासाधुर्परैरेष समर्पितः	मूल
3900	5050011c	ब्रुवन्परार्थं परवान्न दूतो वधमर्हति	मूल
3901	5050012a	अपि चास्मिन्हते राजन्नान्यं पश्यामि खेचरम्	मूल
3902	5050012c	इह यः पुनरागच्छेत्परं पारं महोदधिः	मूल
3903	5050013a	तस्मान्नास्य वधे यत्नः कार्यः परपुरंजय	मूल
3904	5050013c	भवान्सेन्द्रेषु देवेषु यत्नमास्थातुमर्हति	मूल
3905	5050014a	अस्मिन्विनष्टे न हि दूतमन्यं; पश्यामि यस्तौ नरराजपुत्रौ	मूल
3906	5050014c	युद्धाय युद्धप्रियदुर्विनीता;वुद्योजयेद्दीर्घपथावरुद्धौ	मूल
3907	5050015a	पराक्रमोत्साहमनस्विनां च; सुरासुराणामपि दुर्जयेन	मूल
3908	5050015c	त्वया मनोनन्दन नैरृतानां; युद्धायतिर्नाशयितुं न युक्ता	मूल
3909	5050016a	हिताश्च शूराश्च समाहिताश्च; कुलेषु जाताश्च महागुणेषु	मूल
3910	5050016c	मनस्विनः शस्त्रभृतां वरिष्ठाः; कोट्यग्रशस्ते सुभृताश्च योधाः	मूल
3911	5050017a	तदेकदेशेन बलस्य ताव;त्केचित्तवादेशकृतोऽपयान्तु	मूल
3912	5050017c	तौ राजपुत्रौ विनिगृह्य मूढौ; परेषु ते भावयितुं प्रभावम्	मूल
3913	5051001a	तस्य तद्वचनं श्रुत्वा दशग्रीवो महाबलः	मूल
3914	5051001c	देशकालहितं वाक्यं भ्रातुरुत्तममब्रवीत्	मूल
3915	5051002a	सम्यगुक्तं हि भवता दूतवध्या विगर्हिता	मूल
3916	5051002c	अवश्यं तु वधादन्यः क्रियतामस्य निग्रहः	मूल
3917	5051003a	कपीनां किल लाङ्गूलमिष्टं भवति भूषणम्	मूल
3918	5051003c	तदस्य दीप्यतां शीघ्रं तेन दग्धेन गच्छतु	मूल
3919	5051004a	ततः पश्यन्त्विमं दीनमङ्गवैरूप्यकर्शितम्	मूल
3920	5051004c	समित्रा ज्ञातयः सर्वे बान्धवाः ससुहृज्जनाः	मूल
3921	5051005a	आज्ञापयद्राक्षसेन्द्रः पुरं सर्वं सचत्वरम्	मूल
3922	5051005c	लाङ्गूलेन प्रदीप्तेन रक्षोभिः परिणीयताम्	मूल
3923	5051006a	तस्य तद्वचनं श्रुत्वा राक्षसाः कोपकर्कशाः	मूल
3924	5051006c	वेष्टन्ते तस्य लाङ्गूलं जीर्णैः कार्पासिकैः पटैः	मूल
3925	5051007a	संवेष्ट्यमाने लाङ्गूले व्यवर्धत महाकपिः	मूल
3926	5051007c	शुष्कमिन्धनमासाद्य वनेष्विव हुताशनः	मूल
3927	5051008a	तैलेन परिषिच्याथ तेऽग्निं तत्रावपातयन्	मूल
3928	5051009a	लाङ्गूलेन प्रदीप्तेन राक्षसांस्तानपातयत्	मूल
3929	5051009c	रोषामर्षपरीतात्मा बालसूर्यसमाननः	मूल
3930	5051010a	स भूयः संगतैः क्रूरै राकसैर्हरिसत्तमः	मूल
3931	5051010c	निबद्धः कृतवान्वीरस्तत्कालसदृशीं मतिम्	मूल
3932	5051011a	कामं खलु न मे शक्ता निबधस्यापि राक्षसाः	मूल
3933	5051011c	छित्त्वा पाशान्समुत्पत्य हन्यामहमिमान्पुनः	मूल
3934	5051012a	सर्वेषामेव पर्याप्तो राक्षसानामहं युधि	मूल
3935	5051012c	किं तु रामस्य प्रीत्यर्थं विषहिष्येऽहमीदृशम्	मूल
3936	5051013a	लङ्का चरयितव्या मे पुनरेव भवेदिति	मूल
3937	5051013c	रात्रौ न हि सुदृष्टा मे दुर्गकर्मविधानतः	मूल
3938	5051013e	अवश्यमेव द्रष्टव्या मया लङ्का निशाक्षये	मूल
3939	5051014a	कामं बन्धैश्च मे भूयः पुच्छस्योद्दीपनेन च	मूल
3940	5051014c	पीडां कुर्वन्तु रक्षांसि न मेऽस्ति मनसः श्रमः	मूल
3941	5051015a	ततस्ते संवृताकारं सत्त्ववन्तं महाकपिम्	मूल
3942	5051015c	परिगृह्य ययुर्हृष्टा राक्षसाः कपिकुञ्जरम्	मूल
3943	5051016a	शङ्खभेरीनिनादैस्तैर्घोषयन्तः स्वकर्मभिः	मूल
3944	5051016c	राक्षसाः क्रूरकर्माणश्चारयन्ति स्म तां पुरीम्	मूल
3945	5051017a	हनुमांश्चारयामास राक्षसानां महापुरीम्	मूल
3946	5051017c	अथापश्यद्विमानानि विचित्राणि महाकपिः	मूल
3947	5051018a	संवृतान्भूमिभागांश्च सुविभक्तांश्च चत्वरान्	मूल
3948	5051018c	रथ्याश्च गृहसंबाधाः कपिः शृङ्गाटकानि च	मूल
3949	5051019a	चत्वरेषु चतुष्केषु राजमार्गे तथैव च	मूल
3950	5051019c	घोषयन्ति कपिं सर्वे चारीक इति राक्षसाः	मूल
3951	5051020a	दीप्यमाने ततस्तस्य लाङ्गूलाग्रे हनूमतः	मूल
3952	5051020c	राक्षस्यस्ता विरूपाक्ष्यः शंसुर्देव्यास्तदप्रियम्	मूल
3953	5051021a	यस्त्वया कृतसंवादः सीते ताम्रमुखः कपिः	मूल
3954	5051021c	लाङ्गूलेन प्रदीप्तेन स एष परिणीयते	मूल
3955	5051022a	श्रुत्वा तद्वचनं क्रूरमात्मापहरणोपमम्	मूल
3956	5051022c	वैदेही शोकसंतप्ता हुताशनमुपागमत्	मूल
3957	5051023a	मङ्गलाभिमुखी तस्य सा तदासीन्महाकपेः	मूल
3958	5051023c	उपतस्थे विशालाक्षी प्रयता हव्यवाहनम्	मूल
3959	5051024a	यद्यस्ति पतिशुश्रूषा यद्यस्ति चरितं तपः	मूल
3960	5051024c	यदि चास्त्येकपत्नीत्वं शीतो भव हनूमतः	मूल
3961	5051025a	यदि कश्चिदनुक्रोशस्तस्य मय्यस्ति धीमतः	मूल
3962	5051025c	यदि वा भाग्यशेषं मे शीतो भव हनूमतः	मूल
3963	5051026a	यदि मां वृत्तसंपन्नां तत्समागमलालसाम्	मूल
3964	5051026c	स विजानाति धर्मात्मा शीतो भव हनूमतः	मूल
3965	5051027a	यदि मां तारयत्यार्यः सुग्रीवः सत्यसंगरः	मूल
3966	5051027c	अस्माद्दुःखान्महाबाहुः शीतो भव हनूमतः	मूल
3967	5051028a	ततस्तीक्ष्णार्चिरव्यग्रः प्रदक्षिणशिखोऽनलः	मूल
3968	5051028c	जज्वाल मृगशावाक्ष्याः शंसन्निव शिवं कपेः	मूल
3969	5051029a	दह्यमाने च लाङ्गूले चिन्तयामास वानरः	मूल
3970	5051029c	प्रदीप्तोऽग्निरयं कस्मान्न मां दहति सर्वतः	मूल
3971	5051030a	दृश्यते च महाज्वालः करोति च न मे रुजम्	मूल
3972	5051030c	शिशिरस्येव संपातो लाङ्गूलाग्रे प्रतिष्ठितः	मूल
3973	5051031a	अथ वा तदिदं व्यक्तं यद्दृष्टं प्लवता मया	मूल
3974	5051031c	रामप्रभावादाश्चर्यं पर्वतः सरितां पतौ	मूल
3975	5051032a	यदि तावत्समुद्रस्य मैनाकस्य च धीमथ	मूल
3976	5051032c	रामार्थं संभ्रमस्तादृक्किमग्निर्न करिष्यति	मूल
3977	5051033a	सीतायाश्चानृशंस्येन तेजसा राघवस्य च	मूल
3978	5051033c	पितुश्च मम सख्येन न मां दहति पावकः	मूल
3979	5051034a	भूयः स चिन्तयामास मुहूर्तं कपिकुञ्जरः	मूल
3980	5051034c	उत्पपाताथ वेगेन ननाद च महाकपिः	मूल
3981	5051035a	पुरद्वारं ततः श्रीमाञ्शैलशृङ्गमिवोन्नतम्	मूल
3982	5051035c	विभक्तरक्षःसंबाधमाससादानिलात्मजः	मूल
3983	5051036a	स भूत्वा शैलसंकाशः क्षणेन पुनरात्मवान्	मूल
3984	5051036c	ह्रस्वतां परमां प्राप्तो बन्धनान्यवशातयत्	मूल
3985	5051037a	विमुक्तश्चाभवच्छ्रीमान्पुनः पर्वतसंनिभः	मूल
3986	5051037c	वीक्षमाणश्च ददृशे परिघं तोरणाश्रितम्	मूल
3987	5051038a	स तं गृह्य महाबाहुः कालायसपरिष्कृतम्	मूल
3988	5051038c	रक्षिणस्तान्पुनः सर्वान्सूदयामास मारुतिः	मूल
3989	5051039a	स तान्निहत्वा रणचण्डविक्रमः; समीक्षमाणः पुनरेव लङ्काम्	मूल
3990	5051039c	प्रदीप्तलाङ्गूलकृतार्चिमाली; प्रकाशतादित्य इवांशुमाली	मूल
3991	5052001a	वीक्षमाणस्ततो लङ्कां कपिः कृतमनोरथः	मूल
3992	5052001c	वर्धमानसमुत्साहः कार्यशेषमचिन्तयत्	मूल
3993	5052002a	किं नु खल्वविशिष्टं मे कर्तव्यमिह साम्प्रतम्	मूल
3994	5052002c	यदेषां रक्षसां भूयः संतापजननं भवेत्	मूल
3995	5052003a	वनं तावत्प्रमथितं प्रकृष्टा राक्षसा हताः	मूल
3996	5052003c	बलैकदेशः क्षपितः शेषं दुर्गविनाशनम्	मूल
3997	5052004a	दुर्गे विनाशिते कर्म भवेत्सुखपरिश्रमम्	मूल
3998	5052004c	अल्पयत्नेन कार्येऽस्मिन्मम स्यात्सफलः श्रमः	मूल
3999	5052005a	यो ह्ययं मम लाङ्गूले दीप्यते हव्यवाहनः	मूल
4000	5052005c	अस्य संतर्पणं न्याय्यं कर्तुमेभिर्गृहोत्तमैः	मूल
4001	5052006a	ततः प्रदीप्तलाङ्गूलः सविद्युदिव तोयदः	मूल
4002	5052006c	भवनाग्रेषु लङ्काया विचचार महाकपिः	मूल
4003	5052007a	मुमोच हनुमानग्निं कालानलशिखोपमम्	मूल
4004	5052008a	श्वसनेन च संयोगादतिवेगो महाबलः	मूल
4005	5052008c	कालाग्निरिव जज्वाल प्रावर्धत हुताशनः	मूल
4006	5052009a	प्रदीप्तमग्निं पवनस्तेषु वेश्मसु चारयत्	मूल
4007	5052010a	तानि काञ्चनजालानि मुक्तामणिमयानि च	मूल
4008	5052010c	भवनान्यवशीर्यन्त रत्नवन्ति महान्ति च	मूल
4009	5052011a	तानि भग्नविमानानि निपेतुर्वसुधातले	मूल
4010	5052011c	भवनानीव सिद्धानामम्बरात्पुण्यसंक्षये	मूल
4011	5052012a	वज्रविद्रुमवैदूर्यमुक्तारजतसंहितान्	मूल
4012	5052012c	विचित्रान्भवनाद्धातून्स्यन्दमानान्ददर्श सः	मूल
4013	5052013a	नाग्निस्तृप्यति काष्ठानां तृणानां च यथा तथा	मूल
4014	5052013c	हनूमान्राक्षसेन्द्राणां वधे किंचिन्न तृप्यति	मूल
4015	5052014a	हुताशनज्वालसमावृता सा; हतप्रवीरा परिवृत्तयोधा	मूल
4016	5052014c	हनूमातः क्रोधबलाभिभूता; बभूव शापोपहतेव लङ्का	मूल
4017	5052015a	ससंभ्रमं त्रस्तविषण्णराक्षसां; समुज्ज्वलज्ज्वालहुताशनाङ्किताम्	मूल
4018	5052015c	ददर्श लङ्कां हनुमान्महामनाः; स्वयम्भुकोपोपहतामिवावनिम्	मूल
4019	5052016a	स राक्षसांस्तान्सुबहूंश्च हत्वा; वनं च भङ्क्त्वा बहुपादपं तत्	मूल
4020	5052016c	विसृज्य रक्षो भवनेषु चाग्निं; जगाम रामं मनसा महात्मा	मूल
4021	5052017a	लङ्कां समस्तां संदीप्य लाङ्गूलाग्निं महाकपिः	मूल
4022	5052017c	निर्वापयामास तदा समुद्रे हरिसत्तमः	मूल
4023	5053001a	संदीप्यमानां विध्वस्तां त्रस्तरक्षो गणां पुरीम्	मूल
4024	5053001c	अवेक्ष्य हानुमाँल्लङ्कां चिन्तयामास वानरः	मूल
4025	5053002a	तस्याभूत्सुमहांस्त्रासः कुत्सा चात्मन्यजायत	मूल
4026	5053002c	लङ्कां प्रदहता कर्म किंस्वित्कृतमिदं मया	मूल
4027	5053003a	धन्यास्ते पुरुषश्रेष्ठ ये बुद्ध्या कोपमुत्थितम्	मूल
4028	5053003c	निरुन्धन्ति महात्मानो दीप्तमग्निमिवाम्भसा	मूल
4029	5053004a	यदि दग्धा त्वियं लङ्का नूनमार्यापि जानकी	मूल
4030	5053004c	दग्धा तेन मया भर्तुर्हतं कार्यमजानता	मूल
4031	5053005a	यदर्थमयमारम्भस्तत्कार्यमवसादितम्	मूल
4032	5053005c	मया हि दहता लङ्कां न सीता परिरक्षिता	मूल
4033	5053006a	ईषत्कार्यमिदं कार्यं कृतमासीन्न संशयः	मूल
4034	5053006c	तस्य क्रोधाभिभूतेन मया मूलक्षयः कृतः	मूल
4035	5053007a	विनष्टा जानकी व्यक्तं न ह्यदग्धः प्रदृश्यते	मूल
4036	5053007c	लङ्कायाः कश्चिदुद्देशः सर्वा भस्मीकृता पुरी	मूल
4037	5053008a	यदि तद्विहतं कार्यं मया प्रज्ञाविपर्ययात्	मूल
4038	5053008c	इहैव प्राणसंन्यासो ममापि ह्यतिरोचते	मूल
4039	5053009a	किमग्नौ निपताम्यद्य आहोस्विद्वडवामुखे	मूल
4040	5053009c	शरीरमाहो सत्त्वानां दद्मि सागरवासिनाम्	मूल
4041	5053010a	कथं हि जीवता शक्यो मया द्रष्टुं हरीश्वरः	मूल
4042	5053010c	तौ वा पुरुषशार्दूलौ कार्यसर्वस्वघातिना	मूल
4043	5053011a	मया खलु तदेवेदं रोषदोषात्प्रदर्शितम्	मूल
4044	5053011c	प्रथितं त्रिषु लोकेषु कपितमनवस्थितम्	मूल
4045	5053012a	धिगस्तु राजसं भावमनीशमनवस्थितम्	मूल
4046	5053012c	ईश्वरेणापि यद्रागान्मया सीता न रक्षिता	मूल
4047	5053013a	विनष्टायां तु सीतायां तावुभौ विनशिष्यतः	मूल
4048	5053013c	तयोर्विनाशे सुग्रीवः सबन्धुर्विनशिष्यति	मूल
4049	5053014a	एतदेव वचः श्रुत्वा भरतो भ्रातृवत्सलः	मूल
4050	5053014c	धर्मात्मा सहशत्रुघ्नः कथं शक्ष्यति जीवितुम्	मूल
4051	5053015a	इक्ष्वाकुवंशे धर्मिष्ठे गते नाशमसंशयम्	मूल
4052	5053015c	भविष्यन्ति प्रजाः सर्वाः शोकसंतापपीडिताः	मूल
4053	5053016a	तदहं भाग्यरहितो लुप्तधर्मार्थसंग्रहः	मूल
4054	5053016c	रोषदोषपरीतात्मा व्यक्तं लोकविनाशनः	मूल
4055	5053017a	इति चिन्तयतस्तस्य निमित्तान्युपपेदिरे	मूल
4056	5053017c	पूरमप्युपलब्धानि साक्षात्पुनरचिन्तयत्	मूल
4057	5053018a	अथ वा चारुसर्वाङ्गी रक्षिता स्वेन तेजसा	मूल
4058	5053018c	न नशिष्यति कल्याणी नाग्निरग्नौ प्रवर्तते	मूल
4059	5053019a	न हि धर्मान्मनस्तस्य भार्याममिततेजसः	मूल
4060	5053019c	स्वचारित्राभिगुप्तां तां स्प्रष्टुमर्हति पावकः	मूल
4061	5053020a	नूनं रामप्रभावेन वैदेह्याः सुकृतेन च	मूल
4062	5053020c	यन्मां दहनकर्मायं नादहद्धव्यवाहनः	मूल
4063	5053021a	त्रयाणां भरतादीनां भ्रातॄणां देवता च या	मूल
4064	5053021c	रामस्य च मनःकान्ता सा कथं विनशिष्यति	मूल
4065	5053022a	यद्वा दहनकर्मायं सर्वत्र प्रभुरव्ययः	मूल
4066	5053022c	न मे दहति लाङ्गूलं कथमार्यां प्रधक्ष्यति	मूल
4067	5053023a	तपसा सत्यवाक्येन अनन्यत्वाच्च भर्तरि	मूल
4068	5053023c	अपि सा निर्दहेदग्निं न तामग्निः प्रधक्ष्यति	मूल
4069	5053024a	स तथा चिन्तयंस्तत्र देव्या धर्मपरिग्रहम्	मूल
4070	5053024c	शुश्राव हनुमान्वाक्यं चारणानां महात्मनाम्	मूल
4071	5053025a	अहो खलु कृतं कर्म दुर्विषह्यं हनूमता	मूल
4072	5053025c	अग्निं विसृजताभीक्ष्णं भीमं राक्षससद्मनि	मूल
4073	5053026a	दग्धेयं नगरी लङ्का साट्टप्राकारतोरणा	मूल
4074	5053026c	जानकी न च दग्धेति विस्मयोऽद्भुत एव नः	मूल
4075	5053027a	स निमित्तैश्च दृष्टार्थैः कारणैश्च महागुणैः	मूल
4076	5053027c	ऋषिवाक्यैश्च हनुमानभवत्प्रीतमानसः	मूल
4077	5053028a	ततः कपिः प्राप्तमनोरथार्थ;स्तामक्षतां राजसुतां विदित्वा	मूल
4078	5053028c	प्रत्यक्षतस्तां पुनरेव दृष्ट्वा; प्रतिप्रयाणाय मतिं चकार	मूल
4079	5054001a	ततस्तु शिंशपामूले जानकीं पर्यवस्थिताम्	मूल
4080	5054001c	अभिवाद्याब्रवीद्दिष्ट्या पश्यामि त्वामिहाक्षताम्	मूल
4081	5054002a	ततस्तं प्रस्थितं सीता वीक्षमाणा पुनः पुनः	मूल
4082	5054002c	भर्तृस्नेहान्वितं वाक्यं हनूमन्तमभाषत	मूल
4083	5054003a	काममस्य त्वमेवैकः कार्यस्य परिसाधने	मूल
4084	5054003c	पर्याप्तः परवीरघ्न यशस्यस्ते बलोदयः	मूल
4085	5054004a	बलैस्तु संकुलां कृत्वा लङ्कां परबलार्दनः	मूल
4086	5054004c	मां नयेद्यदि काकुत्स्थस्तस्य तत्सादृशं भवेत्	मूल
4087	5054005a	तद्यथा तस्य विक्रान्तमनुरूपं महात्मनः	मूल
4088	5054005c	भवत्याहवशूरस्य तत्त्वमेवोपपादय	मूल
4089	5054006a	तदर्थोपहितं वाक्यं प्रश्रितं हेतुसंहितम्	मूल
4090	5054006c	निशम्य हनुमांस्तस्या वाक्यमुत्तरमब्रवीत्	मूल
4091	5054007a	क्षिप्रमेष्यति काकुत्स्थो हर्यृक्षप्रवरैर्वृतः	मूल
4092	5054007c	यस्ते युधि विजित्यारीञ्शोकं व्यपनयिष्यति	मूल
4093	5054008a	एवमाश्वास्य वैदेहीं हनूमान्मारुतात्मजः	मूल
4094	5054008c	गमनाय मतिं कृत्वा वैदेहीमभ्यवादयत्	मूल
4095	5054009a	ततः स कपिशार्दूलः स्वामिसंदर्शनोत्सुकः	मूल
4096	5054009c	आरुरोह गिरिश्रेष्ठमरिष्टमरिमर्दनः	मूल
4097	5054010a	तुङ्गपद्मकजुष्टाभिर्नीलाभिर्वनराजिभिः	मूल
4098	5054010c	सालतालाश्वकर्णैश्च वंशैश्च बहुभिर्वृतम्	मूल
4099	5054011a	लतावितानैर्विततैः पुष्पवद्भिरलंकृतम्	मूल
4100	5054011c	नानामृगगणाकीर्णं धातुनिष्यन्दभूषितम्	मूल
4101	5054012a	बहुप्रस्रवणोपेतं शिलासंचयसंकटम्	मूल
4102	5054012c	महर्षियक्षगन्धर्वकिंनरोरगसेवितम्	मूल
4103	5054013a	लतापादपसंबाधं सिंहाकुलितकन्दरम्	मूल
4104	5054013c	व्याघ्रसंघसमाकीर्णं स्वादुमूलफलद्रुमम्	मूल
4105	5054014a	तमारुरोहातिबलः पर्वतं प्लवगोत्तमः	मूल
4106	5054014c	रामदर्शनशीघ्रेण प्रहर्षेणाभिचोदितः	मूल
4107	5054015a	तेन पादतलाक्रान्ता रम्येषु गिरिसानुषु	मूल
4108	5054015c	सघोषाः समशीर्यन्त शिलाश्चूर्णीकृतास्ततः	मूल
4109	5054016a	स तमारुह्य शैलेन्द्रं व्यवर्धत महाकपिः	मूल
4110	5054016c	दक्षिणादुत्तरं पारं प्रार्थयँल्लवणाम्भसः	मूल
4111	5054017a	अधिरुह्य ततो वीरः पर्वतं पवनात्मजः	मूल
4112	5054017c	ददर्श सागरं भीमं मीनोरगनिषेवितम्	मूल
4113	5054018a	स मारुत इवाकाशं मारुतस्यात्मसंभवः	मूल
4114	5054018c	प्रपेदे हरिशार्दूलो दक्षिणादुत्तरां दिशम्	मूल
4115	5054019a	स तदा पीडितस्तेन कपिना पर्वतोत्तमः	मूल
4116	5054019c	ररास सह तैर्भूतैः प्राविशद्वसुधातलम्	मूल
4117	5054019e	कम्पमानैश्च शिखरैः पतद्भिरपि च द्रुमैः	मूल
4118	5054020a	तस्योरुवेगान्मथिताः पादपाः पुष्पशालिनः	मूल
4119	5054020c	निपेतुर्भूतले रुग्णाः शक्रायुधहता इव	मूल
4120	5054021a	कन्दरोदरसंस्थानां पीडितानां महौजसाम्	मूल
4121	5054021c	सिंहानां निनदो भीमो नभो भिन्दन्स शुश्रुवे	मूल
4122	5054022a	स्रस्तव्याविद्धवसना व्याकुलीकृतभूषणा	मूल
4123	5054022c	विद्याधर्यः समुत्पेतुः सहसा धरणीधरात्	मूल
4124	5054023a	अतिप्रमाणा बलिनो दीप्तजिह्वा महाविषाः	मूल
4125	5054023c	निपीडितशिरोग्रीवा व्यवेष्टन्त महाहयः	मूल
4126	5054024a	किंनरोरगगन्धर्वयक्षविद्याधरास्तथा	मूल
4127	5054024c	पीडितं तं नगवरं त्यक्त्वा गगनमास्थिताः	मूल
4128	5054025a	स च भूमिधरः श्रीमान्बलिना तेन पीडितः	मूल
4129	5054025c	सवृक्षशिखरोदग्राः प्रविवेश रसातलम्	मूल
4130	5054026a	दशयोजनविस्तारस्त्रिंशद्योजनमुच्छ्रितः	मूल
4131	5054026c	धरण्यां समतां यातः स बभूव धराधरः	मूल
4132	5055001a	सचन्द्रकुमुदं रम्यं सार्ककारण्डवं शुभम्
4133	5055001c	तिष्यश्रवणकदम्बमभ्रशैवलशाद्वलम्
4134	5055002a	पुनर्वसु महामीनं लोहिताङ्गमहाग्रहम्
4135	5055002c	ऐरावतमहाद्वीपं स्वातीहंसविलोडितम्
4136	5055003a	वातसंघातजातोर्मिं चन्द्रांशुशिशिराम्बुमत्
4137	5055003c	भुजंगयक्षगन्धर्वप्रबुद्धकमलोत्पलम्
4138	5055004a	ग्रसमान इवाकाशं ताराधिपमिवालिखन्
4139	5055004c	हरन्निव सनक्षत्रं गगनं सार्कमण्डलम्
4140	5055005a	मारुतस्यालयं श्रीमान्कपिर्व्योमचरो महान्
4141	5055005c	हनूमान्मेघजालानि विकर्षन्निव गच्छति
4142	5055006a	पाण्डुरारुणवर्णानि नीलमाञ्जिष्ठकानि च
4143	5055006c	हरितारुणवर्णानि महाभ्राणि चकाशिरे
4144	5055007a	प्रविशन्नभ्रजालानि निष्क्रमंश्च पुनः पुनः
4145	5055007c	प्रच्छन्नश्च प्रकाशश्च चन्द्रमा इव लक्ष्यते
4146	5055008a	नदन्नादेन महता मेघस्वनमहास्वनः
4147	5055008c	आजगाम महातेजाः पुनर्मध्येन सागरम्
4148	5055009a	पर्वतेन्द्रं सुनाभं च समुपस्पृश्य वीर्यवान्
4149	5055009c	ज्यामुक्त इव नाराचो महावेगोऽभ्युपागतः
4150	5055010a	स किंचिदनुसंप्राप्तः समालोक्य महागिरिम्
4151	5055010c	महेन्द्रमेघसंकाशं ननाद हरिपुंगवः
4152	5055011a	निशम्य नदतो नादं वानरास्ते समन्ततः
4153	5055011c	बभूवुरुत्सुकाः सर्वे सुहृद्दर्शनकाङ्क्षिणः
4154	5055012a	जाम्बवान्स हरिश्रेष्ठः प्रीतिसंहृष्टमानसः
4155	5055012c	उपामन्त्र्य हरीन्सर्वानिदं वचनमब्रवीत्
4156	5055013a	सर्वथा कृतकार्योऽसौ हनूमान्नात्र संशयः
4157	5055013c	न ह्यस्याकृतकार्यस्य नाद एवंविधो भवेत्
4158	5055014a	तस्या बाहूरुवेगं च निनादं च महात्मनः
4159	5055014c	निशम्य हरयो हृष्टाः समुत्पेतुस्ततस्ततः
4160	5055015a	ते नगाग्रान्नगाग्राणि शिखराच्छिखराणि च
4161	5055015c	प्रहृष्टाः समपद्यन्त हनूमन्तं दिदृक्षवः
4162	5055016a	ते प्रीताः पादपाग्रेषु गृह्य शाखाः सुपुष्पिताः
4163	5055016c	वासांसीव प्रकाशानि समाविध्यन्त वानराः
4164	5055017a	तमभ्रघनसंकाशमापतन्तं महाकपिम्
4165	5055017c	दृष्ट्वा ते वानराः सर्वे तस्थुः प्राञ्जलयस्तदा
4166	5055018a	ततस्तु वेगवांस्तस्य गिरेर्गिरिनिभः कपिः
4167	5055018c	निपपात महेन्द्रस्य शिखरे पादपाकुले
4168	5055019a	ततस्ते प्रीतमनसः सर्वे वानरपुंगवाः
4169	5055019c	हनूमन्तं महात्मानं परिवार्योपतस्थिरे
4170	5055020a	परिवार्य च ते सर्वे परां प्रीतिमुपागताः
4171	5055020c	प्रहृष्टवदनाः सर्वे तमरोगमुपागतम्
4172	5055021a	उपायनानि चादाय मूलानि च फलानि च
4173	5055021c	प्रत्यर्चयन्हरिश्रेष्ठं हरयो मारुतात्मजम्
4174	5055022a	विनेदुर्मुदिताः केचिच्चक्रुः किल किलां तथा
4175	5055022c	हृष्टाः पादपशाखाश्च आनिन्युर्वानरर्षभाः
4176	5055023a	हनूमांस्तु गुरून्वृद्धाञ्जाम्बवत्प्रमुखांस्तदा
4177	5055023c	कुमारमङ्गदं चैव सोऽवन्दत महाकपिः
4178	5055024a	स ताभ्यां पूजितः पूज्यः कपिभिश्च प्रसादितः
4179	5055024c	दृष्टा देवीति विक्रान्तः संक्षेपेण न्यवेदयत्
4180	5055025a	निषसाद च हस्तेन गृहीत्वा वालिनः सुतम्
4181	5055025c	रमणीये वनोद्देशे महेन्द्रस्य गिरेस्तदा
4182	5055026a	हनूमानब्रवीद्धृष्टस्तदा तान्वानरर्षभान्
4183	5055026c	अशोकवनिकासंस्था दृष्टा सा जनकात्मजा
4184	5055027a	रक्ष्यमाणा सुघोराभी राक्षसीभिरनिन्दिता
4185	5055027c	एकवेणीधरा बाला रामदर्शनलालसा
4186	5055027e	उपवासपरिश्रान्ता मलिना जटिला कृशा
4187	5055028a	ततो दृष्टेति वचनं महार्थममृतोपमम्
4188	5055028c	निशम्य मारुतेः सर्वे मुदिता वानरा भवन्
4189	5055029a	क्ष्वेडन्त्यन्ये नदन्त्यन्ये गर्जन्त्यन्ये महाबलाः
4190	5055029c	चक्रुः किल किलामन्ये प्रतिगर्जन्ति चापरे
4191	5055030a	केचिदुच्छ्रितलाङ्गूलाः प्रहृष्टाः कपिकुञ्जराः
4192	5055030c	अञ्चितायतदीर्घाणि लाङ्गूलानि प्रविव्यधुः
4193	5055031a	अपरे तु हनूमन्तं वानरा वारणोपमम्
4194	5055031c	आप्लुत्य गिरिशृङ्गेभ्यः संस्पृशन्ति स्म हर्षिताः
4195	5055032a	उक्तवाक्यं हनूमन्तमङ्गदस्तु तदाब्रवीत्
4196	5055032c	सर्वेषां हरिवीराणां मध्ये वाचमनुत्तमाम्
4197	5055033a	सत्त्वे वीर्ये न ते कश्चित्समो वानरविद्यते
4198	5055033c	यदवप्लुत्य विस्तीर्णं सागरं पुनरागतः
4199	5055034a	दिष्ट्या दृष्टा त्वया देवी रामपत्नी यशस्विनी
4200	5055034c	दिष्ट्या त्यक्ष्यति काकुत्स्थः शोकं सीता वियोगजम्
4201	5055035a	ततोऽङ्गदं हनूमन्तं जाम्बवन्तं च वानराः
4202	5055035c	परिवार्य प्रमुदिता भेजिरे विपुलाः शिलाः
4203	5055036a	श्रोतुकामाः समुद्रस्य लङ्घनं वानरोत्तमाः
4204	5055036c	दर्शनं चापि लङ्कायाः सीताया रावणस्य च
4205	5055036e	तस्थुः प्राञ्जलयः सर्वे हनूमद्वदनोन्मुखाः
4206	5055037a	तस्थौ तत्राङ्गदः श्रीमान्वानरैर्बहुभिर्वृतः
4207	5055037c	उपास्यमानो विबुधैर्दिवि देवपतिर्यथा
4208	5055038a	हनूमता कीर्तिमता यशस्विना; तथाङ्गदेनाङ्गदबद्धबाहुना
4209	5055038c	मुदा तदाध्यासितमुन्नतं मह;न्महीधराग्रं ज्वलितं श्रियाभवत्
4210	5056001a	ततस्तस्य गिरेः शृङ्गे महेन्द्रस्य महाबलाः
4211	5056001c	हनुमत्प्रमुखाः प्रीतिं हरयो जग्मुरुत्तमाम्
4212	5056002a	तं ततः प्रतिसंहृष्टः प्रीतिमन्तं महाकपिम्
4213	5056002c	जाम्बवान्कार्यवृत्तान्तमपृच्छदनिलात्मजम्
4214	5056003a	कथं दृष्टा त्वया देवी कथं वा तत्र वर्तते
4215	5056003c	तस्यां वा स कथं वृत्तः क्रूरकर्मा दशाननः
4216	5056004a	तत्त्वतः सर्वमेतन्नः प्रब्रूहि त्वं महाकपे
4217	5056004c	श्रुतार्थाश्चिन्तयिष्यामो भूयः कार्यविनिश्चयम्
4218	5056005a	यश्चार्थस्तत्र वक्तव्यो गतैरस्माभिरात्मवान्
4219	5056005c	रक्षितव्यं च यत्तत्र तद्भवान्व्याकरोतु नः
4220	5056006a	स नियुक्तस्ततस्तेन संप्रहृष्टतनूरुहः
4221	5056006c	नमस्यञ्शिरसा देव्यै सीतायै प्रत्यभाषत
4222	5056007a	प्रत्यक्षमेव भवतां महेन्द्राग्रात्खमाप्लुतः
4223	5056007c	उदधेर्दक्षिणं पारं काङ्क्षमाणः समाहितः
4224	5056008a	गच्छतश्च हि मे घोरं विघ्नरूपमिवाभवत्
4225	5056008c	काञ्चनं शिखरं दिव्यं पश्यामि सुमनोहरम्
4226	5056009a	स्थितं पन्थानमावृत्य मेने विघ्नं च तं नगम्
4227	5056010a	उपसंगम्य तं दिव्यं काञ्चनं नगसत्तमम्
4228	5056010c	कृता मे मनसा बुद्धिर्भेत्तव्योऽयं मयेति च
4229	5056011a	प्रहतं च मया तस्य लाङ्गूलेन महागिरेः
4230	5056011c	शिखरं सूर्यसंकाशं व्यशीर्यत सहस्रधा
4231	5056012a	व्यवसायं च मे बुद्ध्वा स होवाच महागिरिः
4232	5056012c	पुत्रेति मधुरां बाणीं मनःप्रह्लादयन्निव
4233	5056013a	पितृव्यं चापि मां विद्धि सखायं मातरिश्वनः
4234	5056013c	मैनाकमिति विख्यातं निवसन्तं महोदधौ
4235	5056014a	पक्ष्ववन्तः पुरा पुत्र बभूवुः पर्वतोत्तमाः
4236	5056014c	छन्दतः पृथिवीं चेरुर्बाधमानाः समन्ततः
4237	5056015a	श्रुत्वा नगानां चरितं महेन्द्रः पाकशासनः
4238	5056015c	चिच्छेद भगवान्पक्षान्वज्रेणैषां सहस्रशः
4239	5056016a	अहं तु मोक्षितस्तस्मात्तव पित्रा महात्मना
4240	5056016c	मारुतेन तदा वत्स प्रक्षिप्तोऽस्मि महार्णवे
4241	5056017a	रामस्य च मया साह्ये वर्तितव्यमरिंदम
4242	5056017c	रामो धर्मभृतां श्रेष्ठो महेन्द्रसमविक्रमः
4243	5056018a	एतच्छ्रुत्वा मया तस्य मैनाकस्य महात्मनः
4244	5056018c	कार्यमावेद्य तु गिरेरुद्धतं च मनो मम
4245	5056019a	तेन चाहमनुज्ञातो मैनाकेन महात्मना
4246	5056019c	उत्तमं जवमास्थाय शेषमध्वानमास्थितः
4247	5056020a	ततोऽहं सुचिरं कालं वेगेनाभ्यगमं पथि
4248	5056020c	ततः पश्याम्यहं देवीं सुरसां नागमातरम्
4249	5056021a	समुद्रमध्ये सा देवी वचनं मामभाषत
4250	5056021c	मम भक्ष्यः प्रदिष्टस्त्वममारैर्हरिसत्तमम्
4251	5056021e	ततस्त्वां भक्षयिष्यामि विहितस्त्वं चिरस्य मे
4252	5056022a	एवमुक्तः सुरसया प्राञ्जलिः प्रणतः स्थितः
4253	5056022c	विवर्णवदनो भूत्वा वाक्यं चेदमुदीरयम्
4254	5056023a	रामो दाशरथिः श्रीमान्प्रविष्टो दण्डकावनम्
4255	5056023c	लक्ष्मणेन सह भ्रात्रा सीतया च परंतपः
4256	5056024a	तस्य सीता हृता भार्या रावणेन दुरात्मना
4257	5056024c	तस्याः सकाशं दूतोऽहं गमिष्ये रामशासनात्
4258	5056025a	कर्तुमर्हसि रामस्य साह्यं विषयवासिनि
4259	5056026a	अथ वा मैथिलीं दृष्ट्वा रामं चाक्लिष्टकारिणम्
4260	5056026c	आगमिष्यामि ते वक्त्रं सत्यं प्रतिशृणोति मे
4261	5056027a	एवमुक्ता मया सा तु सुरसा कामरूपिणी
4262	5056027c	अब्रवीन्नातिवर्तेत कश्चिदेष वरो मम
4263	5056028a	एवमुक्तः सुरसया दशयोजनमायतः
4264	5056028c	ततोऽर्धगुणविस्तारो बभूवाहं क्षणेन तु
4265	5056029a	मत्प्रमाणानुरूपं च व्यादितं तन्मुखं तया
4266	5056029c	तद्दृष्ट्वा व्यादितं त्वास्यं ह्रस्वं ह्यकरवं वपुः
4267	5056030a	तस्मिन्मुहूर्ते च पुनर्बभूवाङ्गुष्ठसंमितः
4268	5056030c	अभिपत्याशु तद्वक्त्रं निर्गतोऽहं ततः क्षणात्
4269	5056031a	अब्रवीत्सुरसा देवी स्वेन रूपेण मां पुनः
4270	5056031c	अर्थसिद्ध्यै हरिश्रेष्ठ गच्छ सौम्य यथासुखम्
4271	5056032a	समानय च वैदेहीं राघवेण महात्मना
4272	5056032c	सुखी भव महाबाहो प्रीतास्मि तव वानर
4273	5056033a	ततोऽहं साधु साध्वीति सर्वभूतैः प्रशंसितः
4274	5056033c	ततोऽन्तरिक्षं विपुलं प्लुतोऽहं गरुडो यथा
4275	5056034a	छाया मे निगृहीता च न च पश्यामि किंचन
4276	5056034c	सोऽहं विगतवेगस्तु दिशो दश विलोकयन्
4277	5056034e	न किंचित्तत्र पश्यामि येन मेऽपहृता गतिः
4278	5056035a	ततो मे बुद्धिरुत्पन्ना किं नाम गमने मम
4279	5056035c	ईदृशो विघ्न उत्पन्नो रूपं यत्र न दृश्यते
4280	5056036a	अधो भागेन मे दृष्टिः शोचता पातिता मया
4281	5056036c	ततोऽद्राक्षमहं भीमां राक्षसीं सलिले शयाम्
4282	5056037a	प्रहस्य च महानादमुक्तोऽहं भीमया तया
4283	5056037c	अवस्थितमसंभ्रान्तमिदं वाक्यमशोभनम्
4284	5056038a	क्वासि गन्ता महाकाय क्षुधिताया ममेप्सितः
4285	5056038c	भक्षः प्रीणय मे देहं चिरमाहारवर्जितम्
4286	5056039a	बाढमित्येव तां वाणीं प्रत्यगृह्णामहं ततः
4287	5056039c	आस्य प्रमाणादधिकं तस्याः कायमपूरयम्
4288	5056040a	तस्याश्चास्यं महद्भीमं वर्धते मम भक्षणे
4289	5056040c	न च मां सा तु बुबुधे मम वा विकृतं कृतम्
4290	5056041a	ततोऽहं विपुलं रूपं संक्षिप्य निमिषान्तरात्
4291	5056041c	तस्या हृदयमादाय प्रपतामि नभस्तलम्
4292	5056042a	सा विसृष्टभुजा भीमा पपात लवणाम्भसि
4293	5056042c	मया पर्वतसंकाशा निकृत्तहृदया सती
4294	5056043a	शृणोमि खगतानां च सिद्धानां चारणैः सह
4295	5056043c	राक्षसी सिंहिका भीमा क्षिप्रं हनुमता हृता
4296	5056044a	तां हत्वा पुनरेवाहं कृत्यमात्ययिकं स्मरन्
4297	5056044c	गत्वा च महदध्वानं पश्यामि नगमण्डितम्
4298	5056044e	दक्षिणं तीरमुदधेर्लङ्का यत्र च सा पुरी
4299	5056045a	अस्तं दिनकरे याते रक्षसां निलयं पुरीम्
4300	5056045c	प्रविष्टोऽहमविज्ञातो रक्षोभिर्भीमविक्रमैः
4301	5056046a	तत्राहं सर्वरात्रं तु विचिन्वञ्जनकात्मजाम्
4302	5056046c	रावणान्तःपुरगतो न चापश्यं सुमध्यमाम्
4303	5056047a	ततः सीतामपश्यंस्तु रावणस्य निवेशने
4304	5056047c	शोकसागरमासाद्य न पारमुपलक्षये
4305	5056048a	शोचता च मया दृष्टं प्राकारेण समावृतम्
4306	5056048c	काञ्चनेन विकृष्टेन गृहोपवनमुत्तमम्
4307	5056049a	स प्राकारमवप्लुत्य पश्यामि बहुपादपम्
4308	5056050a	अशोकवनिकामध्ये शिंशपापादपो महान्
4309	5056050c	तमारुह्य च पश्यामि काञ्चनं कदली वनम्
4310	5056051a	अदूराच्छिंशपावृक्षात्पश्यामि वनवर्णिनीम्
4311	5056051c	श्यामां कमलपत्राक्षीमुपवासकृशाननाम्
4312	5056052a	राक्षसीभिर्विरूपाभिः क्रूराभिरभिसंवृताम्
4313	5056052c	मांसशोणितभक्ष्याभिर्व्याघ्रीभिर्हरिणीं यथा
4314	5056053a	तां दृष्ट्वा तादृशीं नारीं रामपत्नीमनिन्दिताम्
4315	5056053c	तत्रैव शिंशपावृक्षे पश्यन्नहमवस्थितः
4316	5056054a	ततो हलहलाशब्दं काञ्चीनूपुरमिश्रितम्
4317	5056054c	शृणोम्यधिकगम्भीरं रावणस्य निवेशने
4318	5056055a	ततोऽहं परमोद्विग्नः स्वरूपं प्रत्यसंहरम्
4319	5056055c	अहं च शिंशपावृक्षे पक्षीव गहने स्थितः
4320	5056056a	ततो रावणदाराश्च रावणश्च महाबलः
4321	5056056c	तं देशं समनुप्राप्ता यत्र सीताभवत्स्थिता
4322	5056057a	तं दृष्ट्वाथ वरारोहा सीता रक्षोगणेश्वरम्
4323	5056057c	संकुच्योरू स्तनौ पीनौ बाहुभ्यां परिरभ्य च
4324	5056058a	तामुवाच दशग्रीवः सीतां परमदुःखिताम्
4325	5056058c	अवाक्शिराः प्रपतितो बहु मन्यस्व मामिति
4326	5056059a	यदि चेत्त्वं तु मां दर्पान्नाभिनन्दसि गर्विते
4327	5056059c	द्विमासानन्तरं सीते पास्यामि रुधिरं तव
4328	5056060a	एतच्छ्रुत्वा वचस्तस्य रावणस्य दुरात्मनः
4329	5056060c	उवाच परमक्रुद्धा सीता वचनमुत्तमम्
4330	5056061a	राक्षसाधम रामस्य भार्याममिततेजसः
4331	5056061c	इक्ष्वाकुकुलनाथस्य स्नुषां दशरथस्य च
4332	5056061e	अवाच्यं वदतो जिह्वा कथं न पतिता तव
4333	5056062a	किंस्विद्वीर्यं तवानार्य यो मां भर्तुरसंनिधौ
4334	5056062c	अपहृत्यागतः पाप तेनादृष्टो महात्मना
4335	5056063a	न त्वं रामस्य सदृशो दास्येऽप्यस्या न युज्यसे
4336	5056063c	यज्ञीयः सत्यवाक्चैव रणश्लाघी च राघवः
4337	5056064a	जानक्या परुषं वाक्यमेवमुक्तो दशाननः
4338	5056064c	जज्वाल सहसा कोपाच्चितास्थ इव पावकः
4339	5056065a	विवृत्य नयने क्रूरे मुष्टिमुद्यम्य दक्षिणम्
4340	5056065c	मैथिलीं हन्तुमारब्धः स्त्रीभिर्हाहाकृतं तदा
4341	5056066a	स्त्रीणां मध्यात्समुत्पत्य तस्य भार्या दुरात्मनः
4342	5056066c	वरा मन्दोदरी नाम तया स प्रतिषेधितः
4343	5056067a	उक्तश्च मधुरां वाणीं तया स मदनार्दितः
4344	5056067c	सीतया तव किं कार्यं महेन्द्रसमविक्रम
4345	5056067e	मया सह रमस्वाद्य मद्विशिष्टा न जानकी
4346	5056068a	देवगन्धर्वकन्याभिर्यक्षकन्याभिरेव च
4347	5056068c	सार्धं प्रभो रमस्वेह सीतया किं करिष्यसि
4348	5056069a	ततस्ताभिः समेताभिर्नारीभिः स महाबलः
4349	5056069c	उत्थाप्य सहसा नीतो भवनं स्वं निशाचरः
4350	5056070a	याते तस्मिन्दशग्रीवे राक्षस्यो विकृताननाः
4351	5056070c	सीतां निर्भर्त्सयामासुर्वाक्यैः क्रूरैः सुदारुणैः
4352	5056071a	तृणवद्भाषितं तासां गणयामास जानकी
4353	5056071c	तर्जितं च तदा तासां सीतां प्राप्य निरर्थकम्
4354	5056072a	वृथागर्जितनिश्चेष्टा राक्षस्यः पिशिताशनाः
4355	5056072c	रावणाय शशंसुस्ताः सीताव्यवसितं महत्
4356	5056073a	ततस्ताः सहिताः सर्वा विहताशा निरुद्यमाः
4357	5056073c	परिक्षिप्य समन्तात्तां निद्रावशमुपागताः
4358	5056074a	तासु चैव प्रसुप्तासु सीता भर्तृहिते रता
4359	5056074c	विलप्य करुणं दीना प्रशुशोच सुदुःखिता
4360	5056075a	तां चाहं तादृशीं दृष्ट्वा सीताया दारुणां दशाम्
4361	5056075c	चिन्तयामास विश्रान्तो न च मे निर्वृतं मनः
4362	5056076a	संभाषणार्थे च मया जानक्याश्चिन्तितो विधिः
4363	5056076c	इक्ष्वाकुकुलवंशस्तु ततो मम पुरस्कृतः
4364	5056077a	श्रुत्वा तु गदितां वाचं राजर्षिगणपूजिताम्
4365	5056077c	प्रत्यभाषत मां देवी बाष्पैः पिहितलोचना
4366	5056078a	कस्त्वं केन कथं चेह प्राप्तो वानरपुंगव
4367	5056078c	का च रामेण ते प्रीतिस्तन्मे शंसितुमर्हसि
4368	5056079a	तस्यास्तद्वचनं श्रुत्वा अहमप्यब्रुवं वचः
4369	5056079c	देवि रामस्य भर्तुस्ते सहायो भीमविक्रमः
4370	5056079e	सुग्रीवो नाम विक्रान्तो वानरेन्दो महाबलः
4371	5056080a	तस्य मां विद्धि भृत्यं त्वं हनूमन्तमिहागतम्
4372	5056080c	भर्त्राहं प्रहितस्तुभ्यं रामेणाक्लिष्टकर्मणा
4373	5056081a	इदं च पुरुषव्याघ्रः श्रीमान्दाशरथिः स्वयम्
4374	5056081c	अङ्गुलीयमभिज्ञानमदात्तुभ्यं यशस्विनि
4375	5056082a	तदिच्छामि त्वयाज्ञप्तं देवि किं करवाण्यहम्
4376	5056082c	रामलक्ष्मणयोः पार्श्वं नयामि त्वां किमुत्तरम्
4377	5056083a	एतच्छ्रुत्वा विदित्वा च सीता जनकनन्दिनी
4378	5056083c	आह रावणमुत्साद्य राघवो मां नयत्विति
4379	5056084a	प्रणम्य शिरसा देवीमहमार्यामनिन्दिताम्
4380	5056084c	राघवस्य मनोह्लादमभिज्ञानमयाचिषम्
4381	5056085a	एवमुक्ता वरारोहा मणिप्रवरमुत्तमम्
4382	5056085c	प्रायच्छत्परमोद्विग्ना वाचा मां संदिदेश ह
4383	5056086a	ततस्तस्यै प्रणम्याहं राजपुत्र्यै समाहितः
4384	5056086c	प्रदक्षिणं परिक्राममिहाभ्युद्गतमानसः
4385	5056087a	उत्तरं पुनरेवाह निश्चित्य मनसा तदा
4386	5056087c	हनूमन्मम वृत्तान्तं वक्तुमर्हसि राघवे
4387	5056088a	यथा श्रुत्वैव नचिरात्तावुभौ रामलक्ष्मणौ
4388	5056088c	सुग्रीवसहितौ वीरावुपेयातां तथा कुरु
4389	5056089a	यद्यन्यथा भवेदेतद्द्वौ मासौ जीवितं मम
4390	5056089c	न मां द्रक्ष्यति काकुत्स्थो म्रिये साहमनाथवत्
4391	5056090a	तच्छ्रुत्वा करुणं वाक्यं क्रोधो मामभ्यवर्तत
4392	5056090c	उत्तरं च मया दृष्टं कार्यशेषमनन्तरम्
4393	5056091a	ततोऽवर्धत मे कायस्तदा पर्वतसंनिभः
4394	5056091c	युद्धकाङ्क्षी वनं तच्च विनाशयितुमारभे
4395	5056092a	तद्भग्नं वनषण्डं तु भ्रान्तत्रस्तमृगद्विजम्
4396	5056092c	प्रतिबुद्धा निरीक्षन्ते राक्षस्यो विकृताननाः
4397	5056093a	मां च दृष्ट्वा वने तस्मिन्समागम्य ततस्ततः
4398	5056093c	ताः समभ्यागताः क्षिप्रं रावणायाचचक्षिरे
4399	5056094a	राजन्वनमिदं दुर्गं तव भग्नं दुरात्मना
4400	5056094c	वानरेण ह्यविज्ञाय तव वीर्यं महाबल
4401	5056095a	दुर्बुद्धेस्तस्य राजेन्द्र तव विप्रियकारिणः
4402	5056095c	वधमाज्ञापय क्षिप्रं यथासौ विलयं व्रजेत्
4403	5056096a	तच्छ्रुत्वा राक्षसेन्द्रेण विसृष्टा भृशदुर्जयाः
4404	5056096c	राक्षसाः किंकरा नाम रावणस्य मनोऽनुगाः
4405	5056097a	तेषामशीतिसाहस्रं शूलमुद्गरपाणिनाम्
4406	5056097c	मया तस्मिन्वनोद्देशे परिघेण निषूदितम्
4407	5056098a	तेषां तु हतशेषा ये ते गता लघुविक्रमाः
4408	5056098c	निहतं च मया सैन्यं रावणायाचचक्षिरे
4409	5056099a	ततो मे बुद्धिरुत्पन्ना चैत्यप्रासादमाक्रमम्
4410	5056100a	तत्रस्थान्राक्षसान्हत्वा शतं स्तम्भेन वै पुनः
4411	5056100c	ललाम भूतो लङ्काया मया विध्वंसितो रुषा
4412	5056101a	ततः प्रहस्तस्य सुतं जम्बुमालिनमादिशत्
4413	5056102a	तमहं बलसंपन्नं राक्षसं रणकोविदम्
4414	5056102c	परिघेणातिघोरेण सूदयामि सहानुगम्
4415	5056103a	तच्छ्रुत्वा राक्षसेन्द्रस्तु मन्त्रिपुत्रान्महाबलान्
4416	5056103c	पदातिबलसंपन्नान्प्रेषयामास रावणः
4417	5056103e	परिघेणैव तान्सर्वान्नयामि यमसादनम्
4418	5056104a	मन्त्रिपुत्रान्हताञ्श्रुत्वा समरे लघुविक्रमान्
4419	5056104c	पञ्चसेनाग्रगाञ्शूरान्प्रेषयामास रावणः
4420	5056104e	तानहं सह सैन्यान्वै सर्वानेवाभ्यसूदयम्
4421	5056105a	ततः पुनर्दशग्रीवः पुत्रमक्षं महाबलम्
4422	5056105c	बहुभी राकसैः सार्धं प्रेषयामास संयुगे
4423	5056106a	तं तु मन्दोदरी पुत्रं कुमारं रणपण्डितम्
4424	5056106c	सहसा खं समुत्क्रान्तं पादयोश्च गृहीतवान्
4425	5056106e	चर्मासिनं शतगुणं भ्रामयित्वा व्यपेषयम्
4426	5056107a	तमक्षमागतं भग्नं निशम्य स दशाननः
4427	5056107c	तत इन्द्रजितं नाम द्वितीयं रावणः सुतम्
4428	5056107e	व्यादिदेश सुसंक्रुद्धो बलिनं युद्धदुर्मदम्
4429	5056108a	तस्याप्यहं बलं सर्वं तं च राक्षसपुंगवम्
4430	5056108c	नष्टौजसं रणे कृत्वा परं हर्षमुपागमम्
4431	5056109a	महता हि महाबाहुः प्रत्ययेन महाबलः
4432	5056109c	प्रेषितो रावणेनैष सह वीरैर्मदोत्कटैः
4433	5056110a	ब्राह्मेणास्त्रेण स तु मां प्रबध्नाच्चातिवेगतः
4434	5056110c	रज्जूभिरभिबध्नन्ति ततो मां तत्र राक्षसाः
4435	5056111a	रावणस्य समीपं च गृहीत्वा मामुपानयन्
4436	5056111c	दृष्ट्वा संभाषितश्चाहं रावणेन दुरात्मना
4437	5056112a	पृष्टश्च लङ्कागमनं राक्षसानां च तद्वधम्
4438	5056112c	तत्सर्वं च मया तत्र सीतार्थमिति जल्पितम्
4439	5056113a	अस्याहं दर्शनाकाङ्क्षी प्राप्तस्त्वद्भवनं विभो
4440	5056113c	मारुतस्यौरसः पुत्रो वानरो हनुमानहम्
4441	5056114a	रामदूतं च मां विद्धि सुग्रीवसचिवं कपिम्
4442	5056114c	सोऽहं दौत्येन रामस्य त्वत्समीपमिहागतः
4443	5056115a	शृणु चापि समादेशं यदहं प्रब्रवीमि ते
4444	5056115c	राक्षसेश हरीशस्त्वां वाक्यमाह समाहितम्
4445	5056115e	धर्मार्थकामसहितं हितं पथ्यमिवाशनम्
4446	5056116a	वसतो ऋष्यमूके मे पर्वते विपुलद्रुमे
4447	5056116c	राघवो रणविक्रान्तो मित्रत्वं समुपागतः
4448	5056117a	तेन मे कथितं राजन्भार्या मे रक्षसा हृता
4449	5056117c	तत्र साहाय्यहेतोर्मे समयं कर्तुमर्हसि
4450	5056118a	वालिना हृतराज्येन सुग्रीवेण सह प्रभुः
4451	5056118c	चक्रेऽग्निसाक्षिकं सक्यं राघवः सहलक्ष्मणः
4452	5056119a	तेन वालिनमुत्साद्य शरेणैकेन संयुगे
4453	5056119c	वानराणां महाराजः कृतः संप्लवतां प्रभुः
4454	5056120a	तस्य साहाय्यमस्माभिः कार्यं सर्वात्मना त्विह
4455	5056120c	तेन प्रस्थापितस्तुभ्यं समीपमिह धर्मतः
4456	5056121a	क्षिप्रमानीयतां सीता दीयतां राघवस्य च
4457	5056121c	यावन्न हरयो वीरा विधमन्ति बलं तव
4458	5056122a	वानराणां प्रभवो हि न केन विदितः पुरा
4459	5056122c	देवतानां सकाशं च ये गच्छन्ति निमन्त्रिताः
4460	5056123a	इति वानरराजस्त्वामाहेत्यभिहितो मया
4461	5056123c	मामैक्षत ततो रुष्टश्चक्षुषा प्रदहन्निव
4462	5056124a	तेन वध्योऽहमाज्ञप्तो रक्षसा रौद्रकर्मणा
4463	5056125a	ततो विभीषणो नाम तस्य भ्राता महामतिः
4464	5056125c	तेन राक्षसराजोऽसौ याचितो मम कारणात्
4465	5056126a	दूतवध्या न दृष्टा हि राजशास्त्रेषु राक्षस
4466	5056126c	दूतेन वेदितव्यं च यथार्थं हितवादिना
4467	5056127a	सुमहत्यपराधेऽपि दूतस्यातुलविक्रमः
4468	5056127c	विरूपकरणं दृष्टं न वधोऽस्तीह शास्त्रतः
4469	5056128a	विभीषणेनैवमुक्तो रावणः संदिदेश तान्
4470	5056128c	राक्षसानेतदेवाद्य लाङ्गूलं दह्यतामिति
4471	5056129a	ततस्तस्य वचः श्रुत्वा मम पुच्छं समन्ततः
4472	5056129c	वेष्टितं शणवल्कैश्च पटैः कार्पासकैस्तथा
4473	5056130a	राक्षसाः सिद्धसंनाहास्ततस्ते चण्डविक्रमाः
4474	5056130c	तदादीप्यन्त मे पुच्छं हनन्तः काष्ठमुष्टिभिः
4475	5056131a	बद्धस्य बहुभिः पाशैर्यन्त्रितस्य च राक्षसैः
4476	5056131c	न मे पीडा भवेत्काचिद्दिदृक्षोर्नगरीं दिवा
4477	5056132a	ततस्ते राक्षसाः शूरा बद्धं मामग्निसंवृतम्
4478	5056132c	अघोषयन्राजमार्गे नगरद्वारमागताः
4479	5056133a	ततोऽहं सुमहद्रूपं संक्षिप्य पुनरात्मनः
4480	5056133c	विमोचयित्वा तं बन्धं प्रकृतिष्ठः स्थितः पुनः
4481	5056134a	आयसं परिघं गृह्य तानि रक्षांस्यसूदयम्
4482	5056134c	ततस्तन्नगरद्वारं वेगेनाप्लुतवानहम्
4483	5056135a	पुच्छेन च प्रदीप्तेन तां पुरीं साट्टगोपुराम्
4484	5056135c	दहाम्यहमसंभ्रान्तो युगान्ताग्निरिव प्रजाः
4485	5056136a	दग्ध्वा लङ्कां पुनश्चैव शङ्का मामभ्यवर्तत
4486	5056136c	दहता च मया लङ्कां दघ्दा सीता न संशयः
4487	5056137a	अथाहं वाचमश्रौषं चारणानां शुभाक्षराम्
4488	5056137c	जानकी न च दग्धेति विस्मयोदन्तभाषिणाम्
4489	5056138a	ततो मे बुद्धिरुत्पन्ना श्रुत्वा तामद्भुतां गिरम्
4490	5056138c	पुनर्दृष्टा च वैदेही विसृष्टश्च तया पुनः
4491	5056139a	राघवस्य प्रभावेन भवतां चैव तेजसा
4492	5056139c	सुग्रीवस्य च कार्यार्थं मया सर्वमनुष्ठितम्
4493	5056140a	एतत्सर्वं मया तत्र यथावदुपपादितम्
4494	5056140c	अत्र यन्न कृतं शेषं तत्सर्वं क्रियतामिति
4495	5057001a	एतदाख्यानं तत्सर्वं हनूमान्मारुतात्मजः
4496	5057001c	भूयः समुपचक्राम वचनं वक्तुमुत्तरम्
4497	5057002a	सफलो राघवोद्योगः सुग्रीवस्य च संभ्रमः
4498	5057002c	शीलमासाद्य सीताया मम च प्लवनं महत्
4499	5057003a	आर्यायाः सदृशं शीलं सीतायाः प्लवगर्षभाः
4500	5057003c	तपसा धारयेल्लोकान्क्रुद्धा वा निर्दहेदपि
4501	5057004a	सर्वथातिप्रवृद्धोऽसौ रावणो राक्षसाधिपः
4502	5057004c	यस्य तां स्पृशतो गात्रं तपसा न विनाशितम्
4503	5057005a	न तदग्निशिखा कुर्यात्संस्पृष्टा पाणिना सती
4504	5057005c	जनकस्यात्मजा कुर्यादुत्क्रोधकलुषीकृता
4505	5057006a	अशोकवनिकामध्ये रावणस्य दुरात्मनः
4506	5057006c	अधस्ताच्छिंशपावृक्षे साध्वी करुणमास्थिता
4507	5057007a	राक्षसीभिः परिवृता शोकसंतापकर्शिता
4508	5057007c	मेघलेखापरिवृता चन्द्रलेखेव निष्प्रभा
4509	5057008a	अचिन्तयन्ती वैदेही रावणं बलदर्पितम्
4510	5057008c	पतिव्रता च सुश्रोणी अवष्टब्धा च जानकी
4511	5057009a	अनुरक्ता हि वैदेही रामं सर्वात्मना शुभा
4512	5057009c	अनन्यचित्ता रामे च पौलोमीव पुरंदरे
4513	5057010a	तदेकवासःसंवीता रजोध्वस्ता तथैव च
4514	5057010c	शोकसंतापदीनाङ्गी सीता भर्तृहिते रता
4515	5057011a	सा मया राक्षसी मध्ये तर्ज्यमाना मुहुर्मुहुः
4516	5057011c	राक्षसीभिर्विरूपाभिर्दृष्टा हि प्रमदा वने
4517	5057012a	एकवेणीधरा दीना भर्तृचिन्तापरायणा
4518	5057012c	अधःशय्या विवर्णाङ्गी पद्मिनीव हिमागमे
4519	5057013a	रावणाद्विनिवृत्तार्था मर्तव्यकृतनिश्चया
4520	5057013c	कथंचिन्मृगशावाक्षी विश्वासमुपपादिता
4521	5057014a	ततः संभाषिता चैव सर्वमर्थं च दर्शिता
4522	5057014c	रामसुग्रीवसख्यं च श्रुत्वा प्रीतिमुपागता
4523	5057015a	नियतः समुदाचारो भक्तिर्भर्तरि चोत्तमा
4524	5057016a	यन्न हन्ति दशग्रीवं स महात्मा दशाननः
4525	5057016c	निमित्तमात्रं रामस्तु वधे तस्य भविष्यति
4526	5057017a	एवमास्ते महाभागा सीता शोकपरायणा
4527	5057017c	यदत्र प्रतिकर्तव्यं तत्सर्वमुपपाद्यताम्
4528	5058001a	तस्य तद्वचनं श्रुत्वा वालिसूनुरभाषत
4529	5058001c	जाम्बवत्प्रमुखान्सर्वाननुज्ञाप्य महाकपीन्
4530	5058002a	अस्मिन्नेवंगते कार्ये भवतां च निवेदिते
4531	5058002c	न्याय्यं स्म सह वैदेह्या द्रष्टुं तौ पार्थिवात्मजौ
4532	5058003a	अहमेकोऽपि पर्याप्तः सराक्षसगणां पुरीम्
4533	5058003c	तां लङ्कां तरसा हन्तुं रावणं च महाबलम्
4534	5058004a	किं पुनः सहितो वीरैर्बलवद्भिः कृतात्मभिः
4535	5058004c	कृतास्त्रैः प्लवगैः शक्तैर्भवद्भिर्विजयैषिभिः
4536	5058005a	अहं तु रावणं युद्धे ससैन्यं सपुरःसरम्
4537	5058005c	सपुत्रं विधमिष्यामि सहोदरयुतं युधि
4538	5058006a	ब्राह्ममैन्द्रं च रौद्रं च वायव्यं वारुणं तथा
4539	5058006c	यदि शक्रजितोऽस्त्राणि दुर्निरीक्ष्याणि संयुगे
4540	5058006e	तान्यहं विधमिष्यामि निहनिष्यामि राक्षसान्
4541	5058007a	भवतामभ्यनुज्ञातो विक्रमो मे रुणद्धि तम्
4542	5058008a	मयातुला विसृष्टा हि शैलवृष्टिर्निरन्तरा
4543	5058008c	देवानपि रणे हन्यात्किं पुनस्तान्निशाचरान्
4544	5058009a	सागरोऽप्यतियाद्वेलां मन्दरः प्रचलेदपि
4545	5058009c	न जाम्बवन्तं समरे कम्पयेदरिवाहिनी
4546	5058010a	सर्वराक्षससंघानां राक्षसा ये च पूर्वकाः
4547	5058010c	अलमेको विनाशाय वीरो वायुसुतः कपिः
4548	5058011a	पनसस्योरुवेगेन नीलस्य च महात्मनः
4549	5058011c	मन्दरोऽप्यवशीर्येत किं पुनर्युधि राक्षसाः
4550	5058012a	सदेवासुरयुद्धेषु गन्धर्वोरगपक्षिषु
4551	5058012c	मैन्दस्य प्रतियोद्धारं शंसत द्विविदस्य वा
4552	5058013a	अश्विपुत्रौ महावेगावेतौ प्लवगसत्तमौ
4553	5058013c	पितामहवरोत्सेकात्परमं दर्पमास्थितौ
4554	5058014a	अश्विनोर्माननार्थं हि सर्वलोकपितामहः
4555	5058014c	सर्वावध्यत्वमतुलमनयोर्दत्तवान्पुरा
4556	5058015a	वरोत्सेकेन मत्तौ च प्रमथ्य महतीं चमूम्
4557	5058015c	सुराणाममृतं वीरौ पीतवन्तौ प्लवंगमौ
4558	5058016a	एतावेव हि संक्रुद्धौ सवाजिरथकुञ्जराम्
4559	5058016c	लङ्कां नाशयितुं शक्तौ सर्वे तिष्ठन्तु वानराः
4560	5058017a	अयुक्तं तु विना देवीं दृष्टबद्भिः प्लवंगमाः
4561	5058017c	समीपं गन्तुमस्माभी राघवस्य महात्मनः
4562	5058018a	दृष्टा देवी न चानीता इति तत्र निवेदनम्
4563	5058018c	अयुक्तमिव पश्यामि भवद्भिः ख्यातविक्रमैः
4564	5058019a	न हि वः प्लवते कश्चिन्नापि कश्चित्पराक्रमे
4565	5058019c	तुल्यः सामरदैत्येषु लोकेषु हरिसत्तमाः
4566	5058020a	तेष्वेवं हतवीरेषु राक्षसेषु हनूमता
4567	5058020c	किमन्यदत्र कर्तव्यं गृहीत्वा याम जानकीम्
4568	5058021a	तमेवं कृतसंकल्पं जाम्बवान्हरिसत्तमः
4569	5058021c	उवाच परमप्रीतो वाक्यमर्थवदर्थवित्
4570	5058022a	न तावदेषा मतिरक्षमा नो; यथा भवान्पश्यति राजपुत्र
4571	5058022c	यथा तु रामस्य मतिर्निविष्टा; तथा भवान्पश्यतु कार्यसिद्धिम्
4572	5059001a	ततो जाम्बवतो वाक्यमगृह्णन्त वनौकसः
4573	5059001c	अङ्गदप्रमुखा वीरा हनूमांश्च महाकपिः
4574	5059002a	प्रीतिमन्तस्ततः सर्वे वायुपुत्रपुरःसराः
4575	5059002c	महेन्द्राग्रं परित्यज्य पुप्लुवुः प्लवगर्षभाः
4576	5059003a	मेरुमन्दरसंकाशा मत्ता इव महागजाः
4577	5059003c	छादयन्त इवाकाशं महाकाया महाबलाः
4578	5059004a	सभाज्यमानं भूतैस्तमात्मवन्तं महाबलम्
4579	5059004c	हनूमन्तं महावेगं वहन्त इव दृष्टिभिः
4580	5059005a	राघवे चार्थनिर्वृत्तिं भर्तुश्च परमं यशः
4581	5059005c	समाधाय समृद्धार्थाः कर्मसिद्धिभिरुन्नताः
4582	5059006a	प्रियाख्यानोन्मुखाः सर्वे सर्वे युद्धाभिनन्दिनः
4583	5059006c	सर्वे रामप्रतीकारे निश्चितार्था मनस्विनः
4584	5059007a	प्लवमानाः खमाप्लुत्य ततस्ते काननौक्षकः
4585	5059007c	नन्दनोपममासेदुर्वनं द्रुमलतायुतम्
4586	5059008a	यत्तन्मधुवनं नाम सुग्रीवस्याभिरक्षितम्
4587	5059008c	अधृष्यं सर्वभूतानां सर्वभूतमनोहरम्
4588	5059009a	यद्रक्षति महावीर्यः सदा दधिमुखः कपिः
4589	5059009c	मातुलः कपिमुख्यस्य सुग्रीवस्य महात्मनः
4590	5059010a	ते तद्वनमुपागम्य बभूवुः परमोत्कटाः
4591	5059010c	वानरा वानरेन्द्रस्य मनःकान्ततमं महत्
4592	5059011a	ततस्ते वानरा हृष्टा दृष्ट्वा मधुवनं महत्
4593	5059011c	कुमारमभ्ययाचन्त मधूनि मधुपिङ्गलाः
4594	5059012a	ततः कुमारस्तान्वृद्धाञ्जाम्बवत्प्रमुखान्कपीन्
4595	5059012c	अनुमान्य ददौ तेषां निसर्गं मधुभक्षणे
4596	5059013a	ततश्चानुमताः सर्वे संप्रहृष्टा वनौकसः
4597	5059013c	मुदिताश्च ततस्ते च प्रनृत्यन्ति ततस्ततः
4598	5059014a	गायन्ति केचित्प्रणमन्ति के चि;न्नृत्यन्ति केचित्प्रहसन्ति केचित्
4599	5059014c	पतन्ति केचिद्विचरन्ति के चि;त्प्लवन्ति केचित्प्रलपन्ति केचित्
4600	5059015a	परस्परं केचिदुपाश्रयन्ते; परस्परं केचिदतिब्रुवन्ते
4601	5059015c	द्रुमाद्द्रुमं केचिदभिप्लवन्ते; क्षितौ नगाग्रान्निपतन्ति केचित्
4602	5059016a	महीतलात्केचिदुदीर्णवेगा; महाद्रुमाग्राण्यभिसंपतन्ते
4603	5059016c	गायन्तमन्यः प्रहसन्नुपैति; हसन्तमन्यः प्रहसन्नुपैति
4604	5059017a	रुदन्तमन्यः प्ररुदन्नुपैति; नुदन्तमन्यः प्रणुदन्नुपैति
4605	5059017c	समाकुलं तत्कपिसैन्यमासी;न्मधुप्रपानोत्कट सत्त्वचेष्टम्
4606	5059017e	न चात्र कश्चिन्न बभूव मत्तो; न चात्र कश्चिन्न बभूव तृप्तो
4607	5059018a	ततो वनं तत्परिभक्ष्यमाणं; द्रुमांश्च विध्वंसितपत्रपुष्पान्
4608	5059018c	समीक्ष्य कोपाद्दधिवक्त्रनामा; निवारयामास कपिः कपींस्तान्
4609	5059019a	स तैः प्रवृद्धैः परिभर्त्स्यमानो; वनस्य गोप्ता हरिवीरवृद्धः
4610	5059019c	चकार भूयो मतिमुग्रतेजा; वनस्य रक्षां प्रति वानरेभ्यः
4611	5059020a	उवाच कांश्चित्परुषाणि धृष्ट;मसक्तमन्यांश्च तलैर्जघान
4612	5059020c	समेत्य कैश्चित्कलहं चकार; तथैव साम्नोपजगाम कांश्चित्
4613	5059021a	स तैर्मदाच्चाप्रतिवार्य वेगै;र्बलाच्च तेनाप्रतिवार्यमाणैः
4614	5059021c	प्रधर्षितस्त्यक्तभयैः समेत्य; प्रकृष्यते चाप्यनवेक्ष्य दोषम्
4615	5059022a	नखैस्तुदन्तो दशनैर्दशन्त;स्तलैश्च पादैश्च समाप्नुवन्तः
4616	5059022c	मदात्कपिं तं कपयः समग्रा; महावनं निर्विषयं च चक्रुः
4617	5060001a	तानुवाच हरिश्रेष्ठो हनूमान्वानरर्षभः
4618	5060001c	अव्यग्रमनसो यूयं मधु सेवत वानराः
4619	5060002a	श्रुत्वा हनुमतो वाक्यं हरीणां प्रवरोऽङ्गदः
4620	5060002c	प्रत्युवाच प्रसन्नात्मा पिबन्तु हरयो मधु
4621	5060003a	अवश्यं कृतकार्यस्य वाक्यं हनुमतो मया
4622	5060003c	अकार्यमपि कर्तव्यं किमङ्ग पुनरीदृशम्
4623	5060004a	अन्दगस्य मुखाच्छ्रुत्वा वचनं वानरर्षभाः
4624	5060004c	साधु साध्विति संहृष्टा वानराः प्रत्यपूजयन्
4625	5060005a	पूजयित्वाङ्गदं सर्वे वानरा वानरर्षभम्
4626	5060005c	जग्मुर्मधुवनं यत्र नदीवेग इव द्रुतम्
4627	5060006a	ते प्रहृष्टा मधुवनं पालानाक्रम्य वीर्यतः
4628	5060006c	अतिसर्गाच्च पटवो दृष्ट्वा श्रुत्वा च मैथिलीम्
4629	5060007a	उत्पत्य च ततः सर्वे वनपालान्समागताः
4630	5060007c	ताडयन्ति स्म शतशः सक्तान्मधुवने तदा
4631	5060008a	मधूनि द्रोणमात्राणि बहुभिः परिगृह्य ते
4632	5060008c	घ्नन्ति स्म सहिताः सर्वे भक्षयन्ति तथापरे
4633	5060009a	केचित्पीत्वापविध्यन्ति मधूनि मधुपिङ्गलाः
4634	5060009c	मधूच्चिष्टेन केचिच्च जघ्नुरन्योन्यमुत्कटाः
4635	5060010a	अपरे वृक्षमूलेषु शाखां गृह्य व्यवस्थितः
4636	5060010c	अत्यर्थं च मदग्लानाः पर्णान्यास्तीर्य शेरते
4637	5060011a	उन्मत्तभूताः प्लवगा मधुमत्ताश्च हृष्टवत्
4638	5060011c	क्षिपन्त्यपि तथान्योन्यं स्खलन्त्यपि तथापरे
4639	5060012a	केचित्क्ष्वेडान्प्रकुर्वन्ति केचित्कूजन्ति हृष्टवत्
4640	5060012c	हरयो मधुना मत्ताः केचित्सुप्ता महीतले
4641	5060013a	येऽप्यत्र मधुपालाः स्युः प्रेष्या दधिमुखस्य तु
4642	5060013c	तेऽपि तैर्वानरैर्भीमैः प्रतिषिद्धा दिशो गताः
4643	5060014a	जानुभिश्च प्रकृष्टाश्च देवमार्गं च दर्शिताः
4644	5060014c	अब्रुवन्परमोद्विग्ना गत्वा दधिमुखं वचः
4645	5060015a	हनूमता दत्तवरैर्हतं मधुवनं बलात्
4646	5060015c	वयं च जानुभिः कृष्टा देवमार्गं च दर्शिताः
4647	5060016a	ततो दधिमुखः क्रुद्धो वनपस्तत्र वानरः
4648	5060016c	हतं मधुवनं श्रुत्वा सान्त्वयामास तान्हरीन्
4649	5060017a	एतागच्छत गच्छामो वानरानतिदर्पितान्
4650	5060017c	बलेनावारयिष्यामो मधु भक्षयतो वयम्
4651	5060018a	श्रुत्वा दधिमुखस्येदं वचनं वानरर्षभाः
4652	5060018c	पुनर्वीरा मधुवनं तेनैव सहिता ययुः
4653	5060019a	मध्ये चैषां दधिमुखः प्रगृह्य सुमहातरुम्
4654	5060019c	समभ्यधावद्वेगेना ते च सर्वे प्लवंगमाः
4655	5060020a	ते शिलाः पादपांश्चापि पाषाणांश्चापि वानराः
4656	5060020c	गृहीत्वाभ्यागमन्क्रुद्धा यत्र ते कपिकुञ्जराः
4657	5060021a	ते स्वामिवचनं वीरा हृदयेष्ववसज्य तत्
4658	5060021c	त्वरया ह्यभ्यधावन्त सालतालशिलायुधाः
4659	5060022a	वृक्षस्थांश्च तलस्थांश्च वानरान्बलदर्पितान्
4660	5060022c	अभ्यक्रामन्त ते वीराः पालास्तत्र सहस्रशः
4661	5060023a	अथ दृष्ट्वा दधिमुखं क्रुद्धं वानरपुंगवाः
4662	5060023c	अभ्यधावन्त वेगेन हनूमत्प्रमुखास्तदा
4663	5060024a	तं सवृक्षं महाबाहुमापतन्तं महाबलम्
4664	5060024c	आर्यकं प्राहरत्तत्र बाहुभ्यां कुपितोऽङ्गदः
4665	5060025a	मदान्धश न वेदैनमार्यकोऽयं ममेति सः
4666	5060025c	अथैनं निष्पिपेषाशु वेगवद्वसुधातले
4667	5060026a	स भग्नबाहुर्विमुखो विह्वलः शोणितोक्षितः
4668	5060026c	मुमोह सहसा वीरो मुहूर्तं कपिकुञ्जरः
4669	5060027a	स कथंचिद्विमुक्तस्तैर्वानरैर्वानरर्षभः
4670	5060027c	उवाचैकान्तमागम्य भृत्यांस्तान्समुपागतान्
4671	5060028a	एते तिष्ठन्तु गच्छामो भर्ता नो यत्र वानरः
4672	5060028c	सुग्रीवो विपुलग्रीवः सह रामेण तिष्ठति
4673	5060029a	सर्वं चैवाङ्गदे दोषं श्रावयिष्यामि पार्थिव
4674	5060029c	अमर्षी वचनं श्रुत्वा घातयिष्यति वानरान्
4675	5060030a	इष्टं मधुवनं ह्येतत्सुग्रीवस्य महात्मनः
4676	5060030c	पितृपैतामहं दिव्यं देवैरपि दुरासदम्
4677	5060031a	स वानरानिमान्सर्वान्मधुलुब्धान्गतायुषः
4678	5060031c	घातयिष्यति दण्डेन सुग्रीवः ससुहृज्जनान्
4679	5060032a	वध्या ह्येते दुरात्मानो नृपाज्ञा परिभाविनः
4680	5060032c	अमर्षप्रभवो रोषः सफलो नो भविष्यति
4681	5060033a	एवमुक्त्वा दधिमुखो वनपालान्महाबलः
4682	5060033c	जगाम सहसोत्पत्य वनपालैः समन्वितः
4683	5060034a	निमेषान्तरमात्रेण स हि प्राप्तो वनालयः
4684	5060034c	सहस्रांशुसुतो धीमान्सुग्रीवो यत्र वानरः
4685	5060035a	रामं च लक्ष्मणं चैव दृष्ट्वा सुग्रीवमेव च
4686	5060035c	समप्रतिष्ठां जगतीमाकाशान्निपपात ह
4687	5060036a	स निपत्य महावीर्यः सर्वैस्तैः परिवारितः
4688	5060036c	हरिर्दधिमुखः पालैः पालानां परमेश्वरः
4689	5060037a	स दीनवदनो भूत्वा कृत्वा शिरसि चाञ्जलिम्
4690	5060037c	सुग्रीवस्य शुभौ मूर्ध्ना चरणौ प्रत्यपीडयत्
4691	5061001a	ततो मूर्ध्ना निपतितं वानरं वानरर्षभः
4692	5061001c	दृष्ट्वैवोद्विग्नहृदयो वाक्यमेतदुवाच ह
4693	5061002a	उत्तिष्ठोत्तिष्ठ कस्मात्त्वं पादयोः पतितो मम
4694	5061002c	अभयं ते भवेद्वीर सत्यमेवाभिधीयताम्
4695	5061003a	स तु विश्वासितस्तेन सुग्रीवेण महात्मना
4696	5061003c	उत्थाय च महाप्राज्ञो वाक्यं दधिमुखोऽब्रवीत्
4697	5061004a	नैवर्क्षरजसा राजन्न त्वया नापि वालिना
4698	5061004c	वनं निसृष्टपूर्वं हि भक्षितं तत्तु वानरैः
4699	5061005a	एभिः प्रधर्षिताश्चैव वारिता वनरक्षिभिः
4700	5061005c	मधून्यचिन्तयित्वेमान्भक्षयन्ति पिबन्ति च
4701	5061006a	शिष्टमत्रापविध्यन्ति भक्षयन्ति तथापरे
4702	5061006c	निवार्यमाणास्ते सर्वे भ्रुवौ वै दर्शयन्ति हि
4703	5061007a	इमे हि संरब्धतरास्तथा तैः संप्रधर्षिताः
4704	5061007c	वारयन्तो वनात्तस्मात्क्रुद्धैर्वानरपुंगवैः
4705	5061008a	ततस्तैर्बहुभिर्वीरैर्वानरैर्वानरर्षभाः
4706	5061008c	संरक्तनयनैः क्रोधाद्धरयः संप्रचालिताः
4707	5061009a	पाणिभिर्निहताः केचित्केचिज्जानुभिराहताः
4708	5061009c	प्रकृष्टाश्च यथाकामं देवमार्गं च दर्शिताः
4709	5061010a	एवमेते हताः शूरास्त्वयि तिष्ठति भर्तरि
4710	5061010c	कृत्स्नं मधुवनं चैव प्रकामं तैः प्रभक्ष्यते
4711	5061011a	एवं विज्ञाप्यमानं तु सुग्रीवं वानरर्षभम्
4712	5061011c	अपृच्छत्तं महाप्राज्ञो लक्ष्मणः परवीरहा
4713	5061012a	किमयं वानरो राजन्वनपः प्रत्युपस्थितः
4714	5061012c	कं चार्थमभिनिर्दिश्य दुःखितो वाक्यमब्रवीत्
4715	5061013a	एवमुक्तस्तु सुग्रीवो लक्ष्मणेन महात्मना
4716	5061013c	लक्ष्मणं प्रत्युवाचेदं वाक्यं वाक्यविशारदः
4717	5061014a	आर्य लक्ष्मण संप्राह वीरो दधिमुखः कपिः
4718	5061014c	अङ्गदप्रमुखैर्वीरैर्भक्षितं मधुवानरैः
4719	5061015a	नैषामकृतकृत्यानामीदृशः स्यादुपक्रमः
4720	5061015c	वनं यथाभिपन्नं तैः साधितं कर्म वानरैः
4721	5061016a	दृष्टा देवी न संदेहो न चान्येन हनूमता
4722	5061016c	न ह्यन्यः साधने हेतुः कर्मणोऽस्य हनूमतः
4723	5061017a	कार्यसिद्धिर्हनुमति मतिश्च हरिपुंगव
4724	5061017c	व्यवसायश्च वीर्यं च श्रुतं चापि प्रतिष्ठितम्
4725	5061018a	जाम्बवान्यत्र नेता स्यादङ्गदस्य बलेश्वरः
4726	5061018c	हनूमांश्चाप्यधिष्ठाता न तस्य गतिरन्यथा
4727	5061019a	अङ्गदप्रमुखैर्वीरैर्हतं मधुवनं किल
4728	5061019c	विचिन्त्य दक्षिणामाशामागतैर्हरिपुंगवैः
4729	5061020a	आगतैश्च प्रविष्टं तद्यथा मधुवनं हि तैः
4730	5061020c	धर्षितं च वनं कृत्स्नमुपयुक्तं च वानरैः
4731	5061020e	वारिताः सहिताः पालास्तथा जानुभिराहताः
4732	5061021a	एतदर्थमयं प्राप्तो वक्तुं मधुरवागिह
4733	5061021c	नाम्ना दधिमुखो नाम हरिः प्रख्यातविक्रमः
4734	5061022a	दृष्टा सीता महाबाहो सौमित्रे पश्य तत्त्वतः
4735	5061022c	अभिगम्य यथा सर्वे पिबन्ति मधु वानराः
4736	5061023a	न चाप्यदृष्ट्वा वैदेहीं विश्रुताः पुरुषर्षभ
4737	5061023c	वनं दात्त वरं दिव्यं धर्षयेयुर्वनौकसः
4738	5061024a	ततः प्रहृष्टो धर्मात्मा लक्ष्मणः सहराघवः
4739	5061024c	श्रुत्वा कर्णसुखां वाणीं सुग्रीववदनाच्च्युताम्
4740	5061025a	प्राहृष्यत भृशं रामो लक्ष्मणश्च महायशाः
4741	5061025c	श्रुत्वा दधिमुखस्येदं सुग्रीवस्तु प्रहृष्य च
4742	5061025e	वनपालं पुनर्वाक्यं सुग्रीवः प्रत्यभाषत
4743	5061026a	प्रीतोऽस्मि सौम्य यद्भुक्तं वनं तैः कृतकर्मभिः
4744	5061026c	मर्षितं मर्षणीयं च चेष्टितं कृतकर्मणाम्
4745	5061027a	इच्छामि शीघ्रं हनुमत्प्रधाना;न्शाखामृगांस्तान्मृगराजदर्पान्
4746	5061027c	द्रष्टुं कृतार्थान्सह राघवाभ्यां; श्रोतुं च सीताधिगमे प्रयत्नम्
4747	5062001a	सुग्रीवेणैवमुक्तस्तु हृष्टो दधिमुखः कपिः
4748	5062001c	राघवं लक्ष्मणं चैव सुग्रीवं चाभ्यवादयत्
4749	5062002a	स प्रणम्य च सुग्रीवं राघवौ च महाबलौ
4750	5062002c	वानरैः सहितैः शूरैर्दिवमेवोत्पपात ह
4751	5062003a	स यथैवागतः पूर्वं तथैव त्वरितो गतः
4752	5062003c	निपत्य गगनाद्भूमौ तद्वनं प्रविवेश ह
4753	5062004a	स प्रविष्टो मधुवनं ददर्श हरियूथपान्
4754	5062004c	विमदानुद्धतान्सर्वान्मेहमानान्मधूदकम्
4755	5062005a	स तानुपागमद्वीरो बद्ध्वा करपुटाञ्जलिम्
4756	5062005c	उवाच वचनं श्लक्ष्णमिदं हृष्टवदङ्गदम्
4757	5062006a	सौम्य रोषो न कर्तव्यो यदेभिरभिवारितः
4758	5062006c	अज्ञानाद्रक्षिभिः क्रोधाद्भवन्तः प्रतिषेधिताः
4759	5062007a	युवराजस्त्वमीशश्च वनस्यास्य महाबल
4760	5062007c	मौर्ख्यात्पूर्वं कृतो दोषस्तद्भवान्क्षन्तुमर्हति
4761	5062008a	यथैव हि पिता तेऽभूत्पूर्वं हरिगणेश्वरः
4762	5062008c	तथा त्वमपि सुग्रीवो नान्यस्तु हरिसत्तम
4763	5062009a	आख्यातं हि मया गत्वा पितृव्यस्य तवानघ
4764	5062009c	इहोपयानं सर्वेषामेतेषां वनचारिणाम्
4765	5062010a	स त्वदागमनं श्रुत्वा सहैभिर्हरियूथपैः
4766	5062010c	प्रहृष्टो न तु रुष्टोऽसौ वनं श्रुत्वा प्रधर्षितम्
4767	5062011a	प्रहृष्टो मां पितृव्यस्ते सुग्रीवो वानरेश्वरः
4768	5062011c	शीघ्रं प्रेषय सर्वांस्तानिति होवाच पार्थिवः
4769	5062012a	श्रुत्वा दधिमुखस्यैतद्वचनं श्लक्ष्णमङ्गदः
4770	5062012c	अब्रवीत्तान्हरिश्रेष्ठो वाक्यं वाक्यविशारदः
4771	5062013a	शङ्के श्रुतोऽयं वृत्तान्तो रामेण हरियूथपाः
4772	5062013c	तत्क्षमं नेह नः स्थातुं कृते कार्ये परंतपाः
4773	5062014a	पीत्वा मधु यथाकामं विश्रान्ता वनचारिणः
4774	5062014c	किं शेषं गमनं तत्र सुग्रीवो यत्र मे गुरुः
4775	5062015a	सर्वे यथा मां वक्ष्यन्ति समेत्य हरियूथपाः
4776	5062015c	तथास्मि कर्ता कर्तव्ये भवद्भिः परवानहम्
4777	5062016a	नाज्ञापयितुमीशोऽहं युवराजोऽस्मि यद्यपि
4778	5062016c	अयुक्तं कृतकर्माणो यूयं धर्षयितुं मया
4779	5062017a	ब्रुवतश्चाङ्गदश्चैवं श्रुत्वा वचनमव्ययम्
4780	5062017c	प्रहृष्टमनसो वाक्यमिदमूचुर्वनौकसः
4781	5062018a	एवं वक्ष्यति को राजन्प्रभुः सन्वानरर्षभ
4782	5062018c	ऐश्वर्यमदमत्तो हि सर्वोऽहमिति मन्यते
4783	5062019a	तव चेदं सुसदृशं वाक्यं नान्यस्य कस्यचित्
4784	5062019c	संनतिर्हि तवाख्याति भविष्यच्छुभभाग्यताम्
4785	5062020a	सर्वे वयमपि प्राप्तास्तत्र गन्तुं कृतक्षणाः
4786	5062020c	स यत्र हरिवीराणां सुग्रीवः पतिरव्ययः
4787	5062021a	त्वया ह्यनुक्तैर्हरिभिर्नैव शक्यं पदात्पदम्
4788	5062021c	क्वचिद्गन्तुं हरिश्रेष्ठ ब्रूमः सत्यमिदं तु ते
4789	5062022a	एवं तु वदतां तेषामङ्गदः प्रत्यभाषत
4790	5062022c	बाढं गच्छाम इत्युक्त्वा उत्पपात महीतलात्
4791	5062023a	उत्पतन्तमनूत्पेतुः सर्वे ते हरियूथपाः
4792	5062023c	कृत्वाकाशं निराकाशं यज्ञोत्क्षिप्ता इवानलाः
4793	5062024a	तेऽम्बरं सहसोत्पत्य वेगवन्तः प्लवंगमाः
4794	5062024c	विनदन्तो महानादं घना वातेरिता यथा
4795	5062025a	अङ्गदे ह्यननुप्राप्ते सुग्रीवो वानराधिपः
4796	5062025c	उवाच शोकोपहतं रामं कमललोचनम्
4797	5062026a	समाश्वसिहि भद्रं ते दृष्टा देवी न संशयः
4798	5062026c	नागन्तुमिह शक्यं तैरतीते समये हि नः
4799	5062027a	न मत्सकाशमागच्छेत्कृत्ये हि विनिपातिते
4800	5062027c	युवराजो महाबाहुः प्लवतां प्रवरोऽङ्गदः
4801	5062028a	यद्यप्यकृतकृत्यानामीदृशः स्यादुपक्रमः
4802	5062028c	भवेत्तु दीनवदनो भ्रान्तविप्लुतमानसः
4803	5062029a	पितृपैतामहं चैतत्पूर्वकैरभिरक्षितम्
4804	5062029c	न मे मधुवनं हन्यादहृष्टः प्लवगेश्वरः
4805	5062030a	कौसल्या सुप्रजा राम समाश्वसिहि सुव्रत
4806	5062030c	दृष्टा देवी न संदेहो न चान्येन हनूमता
4807	5062030e	न ह्यन्यः कर्मणो हेतुः साधने तद्विधो भवेत्
4808	5062031a	हनूमति हि सिद्धिश्च मतिश्च मतिसत्तम
4809	5062031c	व्यवसायश्च वीर्यं च सूर्ये तेज इव ध्रुवम्
4810	5062032a	जाम्बवान्यत्र नेता स्यादङ्गदश्च बलेश्वरः
4811	5062032c	हनूमांश्चाप्यधिष्ठाता न तस्य गतिरन्यथा
4812	5062033a	मा भूश्चिन्ता समायुक्तः संप्रत्यमितविक्रम
4813	5062034a	ततः किल किला शब्दं शुश्रावासन्नमम्बरे
4814	5062034c	हनूमत्कर्मदृप्तानां नर्दतां काननौकसाम्
4815	5062034e	किष्किन्धामुपयातानां सिद्धिं कथयतामिव
4816	5062035a	ततः श्रुत्वा निनादं तं कपीनां कपिसत्तमः
4817	5062035c	आयताञ्चितलाङ्गूलः सोऽभवद्धृष्टमानसः
4818	5062036a	आजग्मुस्तेऽपि हरयो रामदर्शनकाङ्क्षिणः
4819	5062036c	अङ्गदं पुरतः कृत्वा हनूमन्तं च वानरम्
4820	5062037a	तेऽङ्गदप्रमुखा वीराः प्रहृष्टाश्च मुदान्विताः
4821	5062037c	निपेतुर्हरिराजस्य समीपे राघवस्य च
4822	5062038a	हनूमांश्च महाबहुः प्रणम्य शिरसा ततः
4823	5062038c	नियतामक्षतां देवीं राघवाय न्यवेदयत्
4824	5062039a	निश्चितार्थं ततस्तस्मिन्सुग्रीवं पवनात्मजे
4825	5062039c	लक्ष्मणः प्रीतिमान्प्रीतं बहुमानादवैक्षत
4826	5062040a	प्रीत्या च रममाणोऽथ राघवः परवीरहा
4827	5062040c	बहु मानेन महता हनूमन्तमवैक्षत
4828	5063001a	ततः प्रस्रवणं शैलं ते गत्वा चित्रकाननम्
4829	5063001c	प्रणम्य शिरसा रामं लक्ष्मणं च महाबलम्
4830	5063002a	युवराजं पुरस्कृत्य सुग्रीवमभिवाद्य च
4831	5063002c	प्रवृत्तमथ सीतायाः प्रवक्तुमुपचक्रमुः
4832	5063003a	रावणान्तःपुरे रोधं राक्षसीभिश्च तर्जनम्
4833	5063003c	रामे समनुरागं च यश्चापि समयः कृतः
4834	5063004a	एतदाख्यान्ति ते सर्वे हरयो राम संनिधौ
4835	5063004c	वैदेहीमक्षतां श्रुत्वा रामस्तूत्तरमब्रवीत्
4836	5063005a	क्व सीता वर्तते देवी कथं च मयि वर्तते
4837	5063005c	एतन्मे सर्वमाख्यात वैदेहीं प्रति वानराः
4838	5063006a	रामस्य गदितं श्रुत्व हरयो रामसंनिधौ
4839	5063006c	चोदयन्ति हनूमन्तं सीतावृत्तान्तकोविदम्
4840	5063007a	श्रुत्वा तु वचनं तेषां हनूमान्मारुतात्मजः
4841	5063007c	उवाच वाक्यं वाक्यज्ञः सीताया दर्शनं यथा
4842	5063008a	समुद्रं लङ्घयित्वाहं शतयोजनमायतम्
4843	5063008c	अगच्छं जानकीं सीतां मार्गमाणो दिदृक्षया
4844	5063009a	तत्र लङ्केति नगरी रावणस्य दुरात्मनः
4845	5063009c	दक्षिणस्य समुद्रस्य तीरे वसति दक्षिणे
4846	5063010a	तत्र दृष्टा मया सीता रावणान्तःपुरे सती
4847	5063010c	संन्यस्य त्वयि जीवन्ती रामा राम मनोरथम्
4848	5063011a	दृष्टा मे राक्षसी मध्ये तर्ज्यमाना मुहुर्मुहुः
4849	5063011c	राक्षसीभिर्विरूपाभी रक्षिता प्रमदावने
4850	5063012a	दुःखमापद्यते देवी तवादुःखोचिता सती
4851	5063012c	रावणान्तःपुरे रुद्ध्वा राक्षसीभिः सुरक्षिता
4852	5063013a	एकवेणीधरा दीना त्वयि चिन्तापरायणा
4853	5063013c	अधःशय्या विवर्णाङ्गी पद्मिनीव हिमागमे
4854	5063014a	रावणाद्विनिवृत्तार्था मर्तव्यकृतनिश्चया
4855	5063014c	देवी कथंचित्काकुत्स्थ त्वन्मना मार्गिता मया
4856	5063015a	इक्ष्वाकुवंशविख्यातिं शनैः कीर्तयतानघ
4857	5063015c	स मया नरशार्दूल विश्वासमुपपादिता
4858	5063016a	ततः संभाषिता देवी सर्वमर्थं च दर्शिता
4859	5063016c	रामसुग्रीवसख्यं च श्रुत्वा प्रीतिमुपागता
4860	5063017a	नियतः समुदाचारो भक्तिश्चास्यास्तथा त्वयि
4861	5063017c	एवं मया महाभागा दृष्टा जनकनन्दिनी
4862	5063017e	उग्रेण तपसा युक्ता त्वद्भक्त्या पुरुषर्षभ
4863	5063018a	अभिज्ञानं च मे दत्तं यथावृत्तं तवान्तिके
4864	5063018c	चित्रकूटे महाप्राज्ञ वायसं प्रति राघव
4865	5063019a	विज्ञाप्यश्च नर व्याघ्रो रामो वायुसुत त्वया
4866	5063019c	अखिलेनेह यद्दृष्टमिति मामाह जानकी
4867	5063020a	इदं चास्मै प्रदातव्यं यत्नात्सुपरिरक्षितम्
4868	5063020c	ब्रुवता वचनान्येवं सुग्रीवस्योपशृण्वतः
4869	5063021a	एष चूडामणिः श्रीमान्मया ते यत्नरक्षितः
4870	5063021c	मनःशिलायास्तिकलस्तं स्मरस्वेति चाब्रवीत्
4871	5063022a	एष निर्यातितः श्रीमान्मया ते वारिसंभवः
4872	5063022c	एतं दृष्ट्वा प्रमोदिष्ये व्यसने त्वामिवानघ
4873	5063023a	जीवितं धारयिष्यामि मासं दशरथात्मज
4874	5063023c	ऊर्ध्वं मासान्न जीवेयं रक्षसां वशमागता
4875	5063024a	इति मामब्रवीत्सीता कृशाङ्गी धर्म चारिणी
4876	5063024c	रावणान्तःपुरे रुद्धा मृगीवोत्फुल्ललोचना
4877	5063025a	एतदेव मयाख्यातं सर्वं राघव यद्यथा
4878	5063025c	सर्वथा सागरजले संतारः प्रविधीयताम्
4879	5063026a	तौ जाताश्वासौ राजपुत्रौ विदित्वा; तच्चाभिज्ञानं राघवाय प्रदाय
4880	5063026c	देव्या चाख्यातं सर्वमेवानुपूर्व्या;द्वाचा संपूर्णं वायुपुत्रः शशंस
4881	5064001a	एवमुक्तो हनुमता रामो दशरथात्मजः
4882	5064001c	तं मणिं हृदये कृत्वा प्ररुरोद सलक्ष्मणः
4883	5064002a	तं तु दृष्ट्वा मणिश्रेष्ठं राघवः शोककर्शितः
4884	5064002c	नेत्राभ्यामश्रुपूर्णाभ्यां सुग्रीवमिदमब्रवीत्
4885	5064003a	यथैव धेनुः स्रवति स्नेहाद्वत्सस्य वत्सला
4886	5064003c	तथा ममापि हृदयं मणिरत्नस्य दर्शनात्
4887	5064004a	मणिरत्नमिदं दत्तं वैदेह्याः श्वशुरेण मे
4888	5064004c	वधूकाले यथा बद्धमधिकं मूर्ध्नि शोभते
4889	5064005a	अयं हि जलसंभूतो मणिः प्रवरपूजितः
4890	5064005c	यज्ञे परमतुष्टेन दत्तः शक्रेण धीमता
4891	5064006a	इमं दृष्ट्वा मणिश्रेष्ठं तथा तातस्य दर्शनम्
4892	5064006c	अद्यास्म्यवगतः सौम्य वैदेहस्य तथा विभोः
4893	5064007a	अयं हि शोभते तस्याः प्रियाया मूर्ध्नि मे मणिः
4894	5064007c	अद्यास्य दर्शनेनाहं प्राप्तां तामिव चिन्तये
4895	5064008a	किमाह सीता वैदेही ब्रूहि सौम्य पुनः पुनः
4896	5064008c	परासुमिव तोयेन सिञ्चन्ती वाक्यवारिणा
4897	5064009a	इतस्तु किं दुःखतरं यदिमं वारिसंभवम्
4898	5064009c	मणिं पश्यामि सौमित्रे वैदेहीमागतं विना
4899	5064010a	चिरं जीवति वैदेही यदि मासं धरिष्यति
4900	5064010c	क्षणं सौम्य न जीवेयं विना तामसितेक्षणाम्
4901	5064011a	नय मामपि तं देशं यत्र दृष्टा मम प्रिया
4902	5064011c	न तिष्ठेयं क्षणमपि प्रवृत्तिमुपलभ्य च
4903	5064012a	कथं सा मम सुश्रोणि भीरु भीरुः सती तदा
4904	5064012c	भयावहानां घोराणां मध्ये तिष्ठति रक्षसाम्
4905	5064013a	शारदस्तिमिरोन्मुखो नूनं चन्द्र इवाम्बुदैः
4906	5064013c	आवृतं वदनं तस्या न विराजति राक्षसैः
4907	5064014a	किमाह सीता हनुमंस्तत्त्वतः कथयस्व मे
4908	5064014c	एतेन खलु जीविष्ये भेषजेनातुरो यथा
4909	5064015a	मधुरा मधुरालापा किमाह मम भामिनी
4910	5064015c	मद्विहीना वरारोहा हनुमन्कथयस्व मे
4911	5064015e	दुःखाद्दुःखतरं प्राप्य कथं जीवति जानकी
4912	5065001a	एवमुक्तस्तु हनुमान्राघवेण महात्मना
4913	5065001c	सीताया भाषितं सर्वं न्यवेदयत राघवे
4914	5065002a	इदमुक्तवती देवी जानकी पुरुषर्षभ
4915	5065002c	पूर्ववृत्तमभिज्ञानं चित्रकूटे यथा तथम्
4916	5065003a	सुखसुप्ता त्वया सार्धं जानकी पूर्वमुत्थिता
4917	5065003c	वायसः सहसोत्पत्य विरराद स्तनान्तरे
4918	5065004a	पर्यायेण च सुप्तस्त्वं देव्यङ्के भरताग्रज
4919	5065004c	पुनश्च किल पक्षी स देव्या जनयति व्यथाम्
4920	5065005a	ततः पुनरुपागम्य विरराद भृशं किल
4921	5065005c	ततस्त्वं बोधितस्तस्याः शोणितेन समुक्षितः
4922	5065006a	वायसेन च तेनैव सततं बाध्यमानया
4923	5065006c	बोधितः किल देव्यास्त्वं सुखसुप्तः परंतप
4924	5065007a	तां तु दृष्ट्वा महाबाहो रादितां च स्तनान्तरे
4925	5065007c	आशीविष इव क्रुद्धो निःश्वसन्नभ्यभाषथाः
4926	5065008a	नखाग्रैः केन ते भीरु दारितं तु स्तनान्तरम्
4927	5065008c	कः क्रीडति सरोषेण पञ्चवक्त्रेण भोगिना
4928	5065009a	निरीक्षमाणः सहसा वायसं समवैक्षताः
4929	5065009c	नखैः सरुधिरैस्तीक्ष्णैर्मामेवाभिमुखं स्थितम्
4930	5065010a	सुतः किल स शक्रस्य वायसः पततां वरः
4931	5065010c	धरान्तरचरः शीघ्रं पवनस्य गतौ समः
4932	5065011a	ततस्तस्मिन्महाबाहो कोपसंवर्तितेक्षणः
4933	5065011c	वायसे त्वं कृत्वाः क्रूरां मतिं मतिमतां वर
4934	5065012a	स दर्भं संस्तराद्गृह्य ब्रह्मास्त्रेण न्ययोजयः
4935	5065012c	स दीप्त इव कालाग्निर्जज्वालाभिमुखः खगम्
4936	5065013a	स त्वं प्रदीप्तं चिक्षेप दर्भं तं वायसं प्रति
4937	5065013c	ततस्तु वायसं दीप्तः स दर्भोऽनुजगाम ह
4938	5065014a	स पित्रा च परित्यक्तः सुरैः सर्वैर्महर्षिभिः
4939	5065014c	त्रीँल्लोकान्संपरिक्रम्य त्रातारं नाधिगच्छति
4940	5065015a	तं त्वं निपतितं भूमौ शरण्यः शरणागतम्
4941	5065015c	वधार्हमपि काकुत्स्थ कृपया परिपालयः
4942	5065016a	मोघमस्त्रं न शक्यं तु कर्तुमित्येव राघव
4943	5065016c	ततस्तस्याक्षिकाकस्य हिनस्ति स्म स दक्षिणम्
4944	5065017a	राम त्वां स नमस्कृत्वा राज्ञो दशरथस्य च
4945	5065017c	विसृष्टस्तु तदा काकः प्रतिपेदे खमालयम्
4946	5065018a	एवमस्त्रविदां श्रेष्ठः सत्त्ववाञ्शीलवानपि
4947	5065018c	किमर्थमस्त्रं रक्षःसु न योजयसि राघव
4948	5065019a	न नागा नापि गन्धर्वा नासुरा न मरुद्गणाः
4949	5065019c	तव राम मुखे स्थातुं शक्ताः प्रतिसमाधितुम्
4950	5065020a	तव वीर्यवतः कच्चिन्मयि यद्यस्ति संभ्रमः
4951	5065020c	क्षिप्रं सुनिशितैर्बाणैर्हन्यतां युधि रावणः
4952	5065021a	भ्रातुरादेशमादाय लक्ष्मणो वा परंतपः
4953	5065021c	स किमर्थं नरवरो न मां रक्षति राघवः
4954	5065022a	शक्तौ तौ पुरुषव्याघ्रौ वाय्वग्निसमतेजसौ
4955	5065022c	सुराणामपि दुर्धर्षौ किमर्थं मामुपेक्षतः
4956	5065023a	ममैव दुष्कृतं किंचिन्महदस्ति न संशयः
4957	5065023c	समर्थौ सहितौ यन्मां नापेक्षेते परंतपौ
4958	5065024a	वैदेह्या वचनं श्रुत्वा करुणं साश्रुभाषितम्
4959	5065024c	पुनरप्यहमार्यां तामिदं वचनमब्रुवम्
4960	5065025a	त्वच्छोकविमुखो रामो देवि सत्येन ते शपे
4961	5065025c	रामे दुःखाभिभूते च लक्ष्मणः परितप्यते
4962	5065026a	कथंचिद्भवती दृष्टा न कालः परिशोचितुम्
4963	5065026c	इमं मुहूर्तं दुःखानामन्तं द्रक्ष्यसि भामिनि
4964	5065027a	तावुभौ नरशार्दूलौ राजपुत्रावरिंदमौ
4965	5065027c	त्वद्दर्शनकृतोत्साहौ लङ्कां भस्मीकरिष्यतः
4966	5065028a	हत्वा च समरे रौद्रं रावणं सह बान्धवम्
4967	5065028c	राघवस्त्वां महाबाहुः स्वां पुरीं नयते ध्रुवम्
4968	5065029a	यत्तु रामो विजानीयादभिज्ञानमनिन्दिते
4969	5065029c	प्रीतिसंजननं तस्य प्रदातुं तत्त्वमर्हसि
4970	5065030a	साभिवीक्ष्य दिशः सर्वा वेण्युद्ग्रथनमुत्तमम्
4971	5065030c	मुक्त्वा वस्त्राद्ददौ मह्यं मणिमेतं महाबल
4972	5065031a	प्रतिगृह्य मणिं दिव्यं तव हेतो रघूत्तम
4973	5065031c	शिरसा संप्रणम्यैनामहमागमने त्वरे
4974	5065032a	गमने च कृतोत्साहमवेक्ष्य वरवर्णिनी
4975	5065032c	विवर्धमानं च हि मामुवाच जनकात्मजा
4976	5065032e	अश्रुपूर्णमुखी दीना बाष्पसंदिग्धभाषिणी
4977	5065033a	हनुमन्सिंहसंकाशौ तावुभौ रामलक्ष्मणौ
4978	5065033c	सुग्रीवं च सहामात्यं सर्वान्ब्रूया अनामयम्
4979	5065034a	यथा च स महाबाहुर्मां तारयति राघवः
4980	5065034c	अस्माद्दुःखाम्बुसंरोधात्तत्समाधातुमर्हसि
4981	5065035a	इमं च तीव्रं मम शोकवेगं; रक्षोभिरेभिः परिभर्त्सनं च
4982	5065035c	ब्रूयास्तु रामस्य गतः समीपं; शिवश्च तेऽध्वास्तु हरिप्रवीर
4983	5065036a	एतत्तवार्या नृपराजसिंह; सीता वचः प्राह विषादपूर्वम्
4984	5065036c	एतच्च बुद्ध्वा गदितं मया त्वं; श्रद्धत्स्व सीतां कुशलां समग्राम्
4985	5066001a	अथाहमुत्तरं देव्या पुनरुक्तः ससंभ्रमम्
4986	5066001c	तव स्नेहान्नरव्याघ्र सौहार्यादनुमान्य च
4987	5066002a	एवं बहुविधं वाच्यो रामो दाशरथिस्त्वया
4988	5066002c	यथा मामाप्नुयाच्छीघ्रं हत्वा रावणमाहवे
4989	5066003a	यदि वा मन्यसे वीर वसैकाहमरिंदम
4990	5066003c	कस्मिंश्चित्संवृते देशे विश्रान्तः श्वो गमिष्यसि
4991	5066004a	मम चाप्यल्पभाग्यायाः साम्निध्यात्तव वानर
4992	5066004c	अस्य शोकविपाकस्य मुहूर्तं स्याद्विमोक्षणम्
4993	5066005a	गते हि त्वयि विक्रान्ते पुनरागमनाय वै
4994	5066005c	प्राणानामपि संदेहो मम स्यान्नात्र संशयः
4995	5066006a	तवादर्शनजः शोको भूयो मां परितापयेत्
4996	5066006c	दुःखाद्दुःखपराभूतां दुर्गतां दुःखभागिनीम्
4997	5066007a	अयं तु वीरसंदेहस्तिष्ठतीव ममाग्रतः
4998	5066007c	सुमहांस्त्वत्सहायेषु हर्यृक्षेषु असंशयः
4999	5066008a	कथं नु खलु दुष्पारं तरिष्यन्ति महोदधिम्
5000	5066008c	तानि हर्यृक्षसैन्यानि तौ वा नरवरात्मजौ
5001	5066009a	त्रयाणामेव भूतानां सागरस्यास्य लङ्घने
5002	5066009c	शक्तिः स्याद्वैनतेयस्य वायोर्वा तव वानघ
5003	5066010a	तदस्मिन्कार्यनियोगे वीरैवं दुरतिक्रमे
5004	5066010c	किं पश्यसि समाधानं ब्रूहि कार्यविदां वर
5005	5066011a	काममस्य त्वमेवैकः कार्यस्य परिसाधने
5006	5066011c	पर्याप्तः परवीरघ्न यशस्यस्ते बलोदयः
5007	5066012a	बलैः समग्रैर्यदि मां हत्वा रावणमाहवे
5008	5066012c	विजयी स्वां पुरीं रामो नयेत्तत्स्याद्यशस्करम्
5009	5066013a	यथाहं तस्य वीरस्य वनादुपधिना हृता
5010	5066013c	रक्षसा तद्भयादेव तथा नार्हति राघवः
5011	5066014a	बलैस्तु संकुलां कृत्वा लङ्कां परबलार्दनः
5012	5066014c	मां नयेद्यदि काकुत्स्थस्तत्तस्य सदृशं भवेत्
5013	5066015a	तद्यथा तस्य विक्रान्तमनुरूपं महात्मनः
5014	5066015c	भवत्याहवशूरस्य तथा त्वमुपपादय
5015	5066016a	तदर्थोपहितं वाक्यं प्रश्रितं हेतुसंहितम्
5016	5066016c	निशम्याहं ततः शेषं वाक्यमुत्तरमब्रुवम्
5017	5066017a	देवि हर्यृक्षसैन्यानामीश्वरः प्लवतां वरः
5018	5066017c	सुग्रीवः सत्त्वसंपन्नस्तवार्थे कृतनिश्चयः
5019	5066018a	तस्य विक्रमसंपन्नाः सत्त्ववन्तो महाबलाः
5020	5066018c	मनःसंकल्पसंपाता निदेशे हरयः स्थिताः
5021	5066019a	येषां नोपरि नाधस्तान्न तिर्यक्सज्जते गतिः
5022	5066019c	न च कर्मसु सीदन्ति महत्स्वमिततेजसः
5023	5066020a	असकृत्तैर्महाभागैर्वानरैर्बलसंयुतैः
5024	5066020c	प्रदक्षिणीकृता भूमिर्वायुमार्गानुसारिभिः
5025	5066021a	मद्विशिष्टाश्च तुल्याश्च सन्ति तत्र वनौकसः
5026	5066021c	मत्तः प्रत्यवरः कश्चिन्नास्ति सुग्रीवसंनिधौ
5027	5066022a	अहं तावदिह प्राप्तः किं पुनस्ते महाबलाः
5028	5066022c	न हि प्रकृष्टाः प्रेष्यन्ते प्रेष्यन्ते हीतरे जनाः
5029	5066023a	तदलं परितापेन देवि मन्युर्व्यपैतु ते
5030	5066023c	एकोत्पातेन ते लङ्कामेष्यन्ति हरियूथपाः
5031	5066024a	मम पृष्ठगतौ तौ च चन्द्रसूर्याविवोदितौ
5032	5066024c	त्वत्सकाशं महाभागे नृसिंहावागमिष्यतः
5033	5066025a	अरिघ्नं सिंहसंकाशं क्षिप्रं द्रक्ष्यसि राघवम्
5034	5066025c	लक्ष्मणं च धनुष्पाणिं लङ्का द्वारमुपस्थितम्
5035	5066026a	नखदंष्ट्रायुधान्वीरान्सिंहशार्दूलविक्रमान्
5036	5066026c	वानरान्वानरेन्द्राभान्क्षिप्रं द्रक्ष्यसि संगतान्
5037	5066027a	शैलाम्बुदन्निकाशानां लङ्कामलयसानुषु
5038	5066027c	नर्दतां कपिमुख्यानामचिराच्छोष्यसे स्वनम्
5039	5066028a	निवृत्तवनवासं च त्वया सार्धमरिंदमम्
5040	5066028c	अभिषिक्तमयोध्यायां क्षिप्रं द्रक्ष्यसि राघवम्
5041	5066029a	ततो मया वाग्भिरदीनभाषिणी; शिवाभिरिष्टाभिरभिप्रसादिता
5042	5066029c	जगाम शान्तिं मम मैथिलात्मजा; तवापि शोकेन तथाभिपीडिता

युद्ध

क्रमाङ्क	छन्द	श्लोक
1	6001001a	श्रुत्वा हनुमतो वाक्यं यथावदभिभाषितम्
2	6001001c	रामः प्रीतिसमायुक्तो वाक्यमुत्तरमब्रवीत्
3	6001002a	कृतं हनुमता कार्यं सुमहद्भुवि दुष्करम्
4	6001002c	मनसापि यदन्येन न शक्यं धरणीतले
5	6001003a	न हि तं परिपश्यामि यस्तरेत महार्णवम्
6	6001003c	अन्यत्र गरुणाद्वायोरन्यत्र च हनूमतः
7	6001004a	देवदानवयक्षाणां गन्धर्वोरगरक्षसाम्
8	6001004c	अप्रधृष्यां पुरीं लङ्कां रावणेन सुरक्षिताम्
9	6001005a	प्रविष्टः सत्त्वमाश्रित्य जीवन्को नाम निष्क्रमेत्
10	6001005c	को विशेत्सुदुराधर्षां राक्षसैश्च सुरक्षिताम्
11	6001005e	यो वीर्यबलसंपन्नो न समः स्याद्धनूमतः
12	6001006a	भृत्यकार्यं हनुमता सुग्रीवस्य कृतं महत्
13	6001006c	एवं विधाय स्वबलं सदृशं विक्रमस्य च
14	6001007a	यो हि भृत्यो नियुक्तः सन्भर्त्रा कर्मणि दुष्करे
15	6001007c	कुर्यात्तदनुरागेण तमाहुः पुरुषोत्तमम्
16	6001008a	नियुक्तो नृपतेः कार्यं न कुर्याद्यः समाहितः
17	6001008c	भृत्यो युक्तः समर्थश्च तमाहुः पुरुषाधमम्
18	6001009a	तन्नियोगे नियुक्तेन कृतं कृत्यं हनूमता
19	6001009c	न चात्मा लघुतां नीतः सुग्रीवश्चापि तोषितः
20	6001010a	अहं च रघुवंशश्च लक्ष्मणश्च महाबलः
21	6001010c	वैदेह्या दर्शनेनाद्य धर्मतः परिरक्षिताः
22	6001011a	इदं तु मम दीनस्या मनो भूयः प्रकर्षति
23	6001011c	यदिहास्य प्रियाख्यातुर्न कुर्मि सदृशं प्रियम्
24	6001012a	एष सर्वस्वभूतस्तु परिष्वङ्गो हनूमतः
25	6001012c	मया कालमिमं प्राप्य दत्तस्तस्य महात्मनः
26	6001013a	सर्वथा सुकृतं तावत्सीतायाः परिमार्गणम्
27	6001013c	सागरं तु समासाद्य पुनर्नष्टं मनो मम
28	6001014a	कथं नाम समुद्रस्य दुष्पारस्य महाम्भसः
29	6001014c	हरयो दक्षिणं पारं गमिष्यन्ति समाहिताः
30	6001015a	यद्यप्येष तु वृत्तान्तो वैदेह्या गदितो मम
31	6001015c	समुद्रपारगमने हरीणां किमिवोत्तरम्
32	6001016a	इत्युक्त्वा शोकसंभ्रान्तो रामः शत्रुनिबर्हणः
33	6001016c	हनूमन्तं महाबाहुस्ततो ध्यानमुपागमत्
34	6002001a	तं तु शोकपरिद्यूनं रामं दशरथात्मजम्
35	6002001c	उवाच वचनं श्रीमान्सुग्रीवः शोकनाशनम्
36	6002002a	किं त्वं संतप्यसे वीर यथान्यः प्राकृतस्तथा
37	6002002c	मैवं भूस्त्यज संतापं कृतघ्न इव सौहृदम्
38	6002003a	संतापस्य च ते स्थानं न हि पश्यामि राघव
39	6002003c	प्रवृत्तावुपलब्धायां ज्ञाते च निलये रिपोः
40	6002004a	धृतिमाञ्शास्त्रवित्प्राज्ञः पण्डितश्चासि राघव
41	6002004c	त्यजेमां पापिकां बुद्धिं कृत्वात्मेवार्थदूषणीम्
42	6002005a	समुद्रं लङ्घयित्वा तु महानक्रसमाकुलम्
43	6002005c	लङ्कामारोहयिष्यामो हनिष्यामश्च ते रिपुम्
44	6002006a	निरुत्साहस्य दीनस्य शोकपर्याकुलात्मनः
45	6002006c	सर्वार्था व्यवसीदन्ति व्यसनं चाधिगच्छति
46	6002007a	इमे शूराः समर्थाश्च सर्वे नो हरियूथपाः
47	6002007c	त्वत्प्रियार्थं कृतोत्साहाः प्रवेष्टुमपि पावकम्
48	6002008a	एषां हर्षेण जानामि तर्कश्चास्मिन्दृढो मम
49	6002008c	विक्रमेण समानेष्ये सीतां हत्वा यथा रिपुम्
50	6002009a	सेतुरत्र यथा वध्येद्यथा पश्येम तां पुरीम्
51	6002009c	तस्य राक्षसराजस्य तथा त्वं कुरु राघव
52	6002010a	दृष्ट्वा तां हि पुरीं लङ्कां त्रिकूटशिखरे स्थिताम्
53	6002010c	हतं च रावणं युद्धे दर्शनादुपधारय
54	6002011a	सेतुबद्धः समुद्रे च यावल्लङ्का समीपतः
55	6002011c	सर्वं तीर्णं च वै सैन्यं जितमित्युपधार्यताम्
56	6002012a	इमे हि समरे शूरा हरयः कामरूपिणः
57	6002012c	तदलं विक्लवा बुद्धी राजन्सर्वार्थनाशनी
58	6002013a	पुरुषस्य हि लोकेऽस्मिञ्शोकः शौर्यापकर्षणः
59	6002013c	यत्तु कार्यं मनुष्येण शौण्डीर्यमवलम्बता
60	6002013e	शूराणां हि मनुष्याणां त्वद्विधानां महात्मनाम्
61	6002014a	विनष्टे वा प्रनष्टे वा शोकः सर्वार्थनाशनः
62	6002014c	त्वं तु बुद्धिमतां श्रेष्ठः सर्वशास्त्रार्थकोविदः
63	6002015a	मद्विधैः सचिवैः सार्थमरिं जेतुमिहार्हसि
64	6002015c	न हि पश्याम्यहं कंचित्त्रिषु लोकेषु राघव
65	6002016a	गृहीतधनुषो यस्ते तिष्ठेदभिमुखो रणे
66	6002016c	वानरेषु समासक्तं न ते कार्यं विपत्स्यते
67	6002017a	अचिराद्द्रक्ष्यसे सीतां तीर्त्वा सागरमक्षयम्
68	6002017c	तदलं शोकमालम्ब्य क्रोधमालम्ब भूपते
69	6002018a	निश्चेष्टाः क्षत्रिया मन्दाः सर्वे चण्डस्य बिभ्यति
70	6002018c	लङ्गनार्थं च घोरस्य समुद्रस्य नदीपतेः
71	6002019a	सहास्माभिरिहोपेतः सूक्ष्मबुद्धिर्विचारय
72	6002019c	इमे हि समरे शूरा हरयः कामरूपिणः
73	6002020a	तानरीन्विधमिष्यन्ति शिलापादपवृष्टिभिः
74	6002020c	कथंचित्परिपश्यामस्ते वयं वरुणालयम्
75	6002021a	किमुक्त्वा बहुधा चापि सर्वथा विजयी भवान्
76	6003001a	सुग्रीवस्य वचः श्रुत्वा हेतुमत्परमार्थवित्
77	6003001c	प्रतिजग्राह काकुत्स्थो हनूमन्तमथाब्रवीत्
78	6003002a	तरसा सेतुबन्धेन सागरोच्छोषणेन वा
79	6003002c	सर्वथा सुसमर्थोऽस्मि सागरस्यास्य लङ्घने
80	6003003a	कति दुर्गाणि दुर्गाया लङ्कायास्तद्ब्रवीहि मे
81	6003003c	ज्ञातुमिच्छामि तत्सर्वं दर्शनादिव वानर
82	6003004a	बलस्य परिमाणं च द्वारदुर्गक्रियामपि
83	6003004c	गुप्ति कर्म च लङ्काया रक्षसां सदनानि च
84	6003005a	यथासुखं यथावच्च लङ्कायामसि दृष्टवान्
85	6003005c	सरमाचक्ष्व तत्त्वेन सर्वथा कुशलो ह्यसि
86	6003006a	श्रुत्वा रामस्य वचनं हनूमान्मारुतात्मजः
87	6003006c	वाक्यं वाक्यविदां श्रेष्ठो रामं पुनरथाब्रवीत्
88	6003007a	श्रूयतां सर्वमाख्यास्ये दुर्गकर्मविधानतः
89	6003007c	गुप्ता पुरी यथा लङ्का रक्षिता च यथा बलैः
90	6003008a	परां समृद्धिं लङ्कायाः सागरस्य च भीमताम्
91	6003008c	विभागं च बलौघस्य निर्देशं वाहनस्य च
92	6003009a	प्रहृष्टा मुदिता लङ्का मत्तद्विपसमाकुला
93	6003009c	महती रथसंपूर्णा रक्षोगणसमाकुला
94	6003010a	दृढबद्धकवाटानि महापरिघवन्ति च
95	6003010c	द्वाराणि विपुलान्यस्याश्चत्वारि सुमहान्ति च
96	6003011a	वप्रेषूपलयन्त्राणि बलवन्ति महान्ति च
97	6003011c	आगतं परसैन्यं तैस्तत्र प्रतिनिवार्यते
98	6003012a	द्वारेषु संस्कृता भीमाः कालायसमयाः शिताः
99	6003012c	शतशो रोचिता वीरैः शतघ्न्यो रक्षसां गणैः
100	6003013a	सौवर्णश्च महांस्तस्याः प्राकारो दुष्प्रधर्षणः
101	6003013c	मणिविद्रुमवैदूर्यमुक्ताविचरितान्तरः
102	6003014a	सर्वतश्च महाभीमाः शीततोया महाशुभाः
103	6003014c	अगाधा ग्राहवत्यश्च परिखा मीनसेविताः
104	6003015a	द्वारेषु तासां चत्वारः संक्रमाः परमायताः
105	6003015c	यन्त्रैरुपेता बहुभिर्महद्भिर्दृढसंधिभिः
106	6003016a	त्रायन्ते संक्रमास्तत्र परसैन्यागमे सति
107	6003016c	यन्त्रैस्तैरवकीर्यन्ते परिखासु समन्ततः
108	6003017a	एकस्त्वकम्प्यो बलवान्संक्रमः सुमहादृढः
109	6003017c	काञ्चनैर्बहुभिः स्तम्भैर्वेदिकाभिश्च शोभितः
110	6003018a	स्वयं प्रकृतिसंपन्नो युयुत्सू राम रावणः
111	6003018c	उत्थितश्चाप्रमत्तश्च बलानामनुदर्शने
112	6003019a	लङ्का पुरी निरालम्बा देवदुर्गा भयावहा
113	6003019c	नादेयं पार्वतं वन्यं कृत्रिमं च चतुर्विधम्
114	6003020a	स्थिता पारे समुद्रस्य दूरपारस्य राघव
115	6003020c	नौपथश्चापि नास्त्यत्र निरादेशश्च सर्वतः
116	6003021a	शैलाग्रे रचिता दुर्गा सा पूर्देवपुरोपमा
117	6003021c	वाजिवारणसंपूर्णा लङ्का परमदुर्जया
118	6003022a	परिघाश्च शतघ्न्यश्च यन्त्राणि विविधानि च
119	6003022c	शोभयन्ति पुरीं लङ्कां रावणस्य दुरात्मनः
120	6003023a	अयुतं रक्षसामत्र पश्चिमद्वारमाश्रितम्
121	6003023c	शूलहस्ता दुराधर्षाः सर्वे खड्गाग्रयोधिनः
122	6003024a	नियुतं रक्षसामत्र दक्षिणद्वारमाश्रितम्
123	6003024c	चतुरङ्गेण सैन्येन योधास्तत्राप्यनुत्तमाः
124	6003025a	प्रयुतं रक्षसामत्र पूर्वद्वारं समाश्रितम्
125	6003025c	चर्मखड्गधराः सर्वे तथा सर्वास्त्रकोविदाः
126	6003026a	अर्बुदं रक्षसामत्र उत्तरद्वारमाश्रितम्
127	6003026c	रथिनश्चाश्ववाहाश्च कुलपुत्राः सुपूजिताः
128	6003027a	शतं शतसहस्राणां मध्यमं गुल्ममाश्रितम्
129	6003027c	यातुधाना दुराधर्षाः साग्रकोटिश्च रक्षसाम्
130	6003028a	ते मया संक्रमा भग्नाः परिखाश्चावपूरिताः
131	6003028c	दग्धा च नगरी लङ्का प्राकाराश्चावसादिताः
132	6003029a	येन केन तु मार्गेण तराम वरुणालयम्
133	6003029c	हतेति नगरी लङ्कां वानरैरवधार्यताम्
134	6003030a	अङ्गदो द्विविदो मैन्दो जाम्बवान्पनसो नलः
135	6003030c	नीलः सेनापतिश्चैव बलशेषेण किं तव
136	6003031a	प्लवमाना हि गत्वा तां रावणस्य महापुरीम्
137	6003031c	सप्रकारां सभवनामानयिष्यन्ति मैथिलीम्
138	6003032a	एवमाज्ञापय क्षिप्रं बलानां सर्वसंग्रहम्
139	6003032c	मुहूर्तेन तु युक्तेन प्रस्थानमभिरोचय
140	6004001a	श्रुत्वा हनूमतो वाक्यं यथावदनुपूर्वशः
141	6004001c	ततोऽब्रवीन्महातेजा रामः सत्यपराक्रमः
142	6004002a	यां निवेदयसे लङ्कां पुरीं भीमस्य रक्षसः
143	6004002c	क्षिप्रमेनां वधिष्यामि सत्यमेतद्ब्रवीमि ते
144	6004003a	अस्मिन्मुहूर्ते सुग्रीव प्रयाणमभिरोचये
145	6004003c	युक्तो मुहूर्तो विजयः प्राप्तो मध्यं दिवाकरः
146	6004004a	उत्तरा फल्गुनी ह्यद्य श्वस्तु हस्तेन योक्ष्यते
147	6004004c	अभिप्रयाम सुग्रीव सर्वानीकसमावृताः
148	6004005a	निमित्तानि च धन्यानि यानि प्रादुर्भवन्ति मे
149	6004005c	निहत्य रावणं सीतामानयिष्यामि जानकीम्
150	6004006a	उपरिष्टाद्धि नयनं स्फुरमाणमिदं मम
151	6004006c	विजयं समनुप्राप्तं शंसतीव मनोरथम्
152	6004007a	अग्रे यातु बलस्यास्य नीलो मार्गमवेक्षितुम्
153	6004007c	वृतः शतसहस्रेण वानराणां तरस्विनाम्
154	6004008a	फलमूलवता नील शीतकाननवारिणा
155	6004008c	पथा मधुमता चाशु सेनां सेनापते नय
156	6004009a	दूषयेयुर्दुरात्मानः पथि मूलफलोदकम्
157	6004009c	राक्षसाः परिरक्षेथास्तेभ्यस्त्वं नित्यमुद्यतः
158	6004010a	निम्नेषु वनदुर्गेषु वनेषु च वनौकसः
159	6004010c	अभिप्लुत्याभिपश्येयुः परेषां निहतं बलम्
160	6004011a	सागरौघनिभं भीममग्रानीकं महाबलाः
161	6004011c	कपिसिंहा प्रकर्षन्तु शतशोऽथ सहस्रशः
162	6004012a	गजश्च गिरिसंकाशो गवयश्च महाबलः
163	6004012c	गवाक्षश्चाग्रतो यान्तु गवां दृप्ता इवर्षभाः
164	6004013a	यातु वानरवाहिन्या वानरः प्लवतां पतिः
165	6004013c	पालयन्दक्षिणं पार्श्वमृषभो वानरर्षभः
166	6004014a	गन्धहस्तीव दुर्धर्षस्तरस्वी गन्धमादनः
167	6004014c	यातु वानरवाहिन्याः सव्यं पार्श्वमधिष्ठितः
168	6004015a	यास्यामि बलमध्येऽहं बलौघमभिहर्षयन्
169	6004015c	अधिरुह्य हनूमन्तमैरावतमिवेश्वरः
170	6004016a	अङ्गदेनैष संयातु लक्ष्मणश्चान्तकोपमः
171	6004016c	सार्वभौमेण भूतेशो द्रविणाधिपतिर्यथा
172	6004017a	जाम्बवांश्च सुषेणश्च वेगदर्शी च वानरः
173	6004017c	ऋक्षराजो महासत्त्वः कुक्षिं रक्षन्तु ते त्रयः
174	6004018a	राघवस्य वचः श्रुत्वा सुग्रीवो वाहिनीपतिः
175	6004018c	व्यादिदेश महावीर्यान्वानरान्वानरर्षभः
176	6004019a	ते वानरगणाः सर्वे समुत्पत्य युयुत्सवः
177	6004019c	गुहाभ्यः शिखरेभ्यश्च आशु पुप्लुविरे तदा
178	6004020a	ततो वानरराजेन लक्ष्मणेन च पूजितः
179	6004020c	जगाम रामो धर्मात्मा ससैन्यो दक्षिणां दिशम्
180	6004021a	शतैः शतसहस्रैश्च कोटीभिरयुतैरपि
181	6004021c	वारणाभिश्च हरिभिर्ययौ परिवृतस्तदा
182	6004022a	तं यान्तमनुयाति स्म महती हरिवाहिनी
183	6004023a	हृष्टाः प्रमुदिताः सर्वे सुग्रीवेणाभिपालिताः
184	6004023c	आप्लवन्तः प्लवन्तश्च गर्जन्तश्च प्लवंगमाः
185	6004023e	क्ष्वेलन्तो निनदन्तश्च जग्मुर्वै दक्षिणां दिशम्
186	6004024a	भक्षयन्तः सुगन्धीनि मधूनि च फलानि च
187	6004024c	उद्वहन्तो महावृक्षान्मञ्जरीपुञ्जधारिणः
188	6004025a	अन्योन्यं सहसा दृष्टा निर्वहन्ति क्षिपन्ति च
189	6004025c	पतन्तश्चोत्पतन्त्यन्ये पातयन्त्यपरे परान्
190	6004026a	रावणो नो निहन्तव्यः सर्वे च रजनीचराः
191	6004026c	इति गर्जन्ति हरयो राघवस्य समीपतः
192	6004027a	पुरस्तादृषभो वीरो नीलः कुमुद एव च
193	6004027c	पथानं शोधयन्ति स्म वानरैर्बहुभिः सह
194	6004028a	मध्ये तु राजा सुग्रीवो रामो लक्ष्मण एव च
195	6004028c	बहुभिर्बलिभिर्भीमैर्वृताः शत्रुनिबर्हणः
196	6004029a	हरिः शतबलिर्वीरः कोटीभिर्दशभिर्वृतः
197	6004029c	सर्वामेको ह्यवष्टभ्य ररक्ष हरिवाहिनीम्
198	6004030a	कोटीशतपरीवारः केसरी पनसो गजः
199	6004030c	अर्कश्चातिबलः पार्श्वमेकं तस्याभिरक्षति
200	6004031a	सुषेणो जाम्बवांश्चैव ऋक्षैर्बहुभिरावृतः
201	6004031c	सुग्रीवं पुरतः कृत्वा जघनं संररक्षतुः
202	6004032a	तेषां सेनापतिर्वीरो नीलो वानरपुंगवः
203	6004032c	संपतन्पततां श्रेष्ठस्तद्बलं पर्यपालयत्
204	6004033a	दरीमिखः प्रजङ्घश्च जम्भोऽथ रभसः कपिः
205	6004033c	सर्वतश्च ययुर्वीरास्त्वरयन्तः प्लवंगमान्
206	6004034a	एवं ते हरिशार्दूला गच्छन्तो बलदर्पिताः
207	6004034c	अपश्यंस्ते गिरिश्रेष्ठं सह्यं द्रुमलतायुतम्
208	6004035a	सागरौघनिभं भीमं तद्वानरबलं महत्
209	6004035c	निःससर्प महाघोषं भीमवेग इवार्णवः
210	6004036a	तस्य दाशरथेः पार्श्वे शूरास्ते कपिकुञ्जराः
211	6004036c	तूर्णमापुप्लुवुः सर्वे सदश्वा इव चोदिताः
212	6004037a	कपिभ्यामुह्यमानौ तौ शुशुभते नरर्षभौ
213	6004037c	महद्भ्यामिव संस्पृष्टौ ग्राहाभ्यां चन्द्रभास्करौ
214	6004038a	तमङ्गदगतो रामं लक्ष्मणः शुभया गिरा
215	6004038c	उवाच प्रतिपूर्णार्थः स्मृतिमान्प्रतिभानवान्
216	6004039a	हृतामवाप्य वैदेहीं क्षिप्रं हत्वा च रावणम्
217	6004039c	समृद्धार्थः समृद्धार्थामयोध्यां प्रतियास्यसि
218	6004040a	महान्ति च निमित्तानि दिवि भूमौ च राघव
219	6004040c	शुभान्ति तव पश्यामि सर्वाण्येवार्थसिद्धये
220	6004041a	अनु वाति शुभो वायुः सेनां मृदुहितः सुखः
221	6004041c	पूर्णवल्गुस्वराश्चेमे प्रवदन्ति मृगद्विजाः
222	6004042a	प्रसन्नाश्च दिशः सर्वा विमलश्च दिवाकरः
223	6004042c	उशना च प्रसन्नार्चिरनु त्वां भार्गवो गतः
224	6004043a	ब्रह्मराशिर्विशुद्धश्च शुद्धाश्च परमर्षयः
225	6004043c	अर्चिष्मन्तः प्रकाशन्ते ध्रुवं सर्वे प्रदक्षिणम्
226	6004044a	त्रिशङ्कुर्विमलो भाति राजर्षिः सपुरोहितः
227	6004044c	पितामहवरोऽस्माकमिष्क्वाकूणां महात्मनाम्
228	6004045a	विमले च प्रकाशेते विशाखे निरुपद्रवे
229	6004045c	नक्षत्रं परमस्माकमिक्ष्वाकूणां महात्मनाम्
230	6004046a	नैरृतं नैरृतानां च नक्षत्रमभिपीड्यते
231	6004046c	मूलं मूलवता स्पृष्टं धूप्यते धूमकेतुना
232	6004047a	सरं चैतद्विनाशाय राक्षसानामुपस्थितम्
233	6004047c	काले कालगृहीतानां नकत्रं ग्रहपीडितम्
234	6004048a	प्रसन्नाः सुरसाश्चापो वनानि फलवन्ति च
235	6004048c	प्रवान्त्यभ्यधिकं गन्धा यथर्तुकुसुमा द्रुमाः
236	6004049a	व्यूढानि कपिसैन्यानि प्रकाशन्तेऽधिकं प्रभो
237	6004049c	देवानामिव सैन्यानि संग्रामे तारकामये
238	6004050a	एवमार्य समीक्ष्यैतान्प्रीतो भवितुमर्हसि
239	6004050c	इति भ्रातरमाश्वास्य हृष्टः सौमित्रिरब्रवीत्
240	6004051a	अथावृत्य महीं कृत्स्नां जगाम महती चमूः
241	6004051c	ऋक्षवानरशार्दूलैर्नखदंष्ट्रायुधैर्वृता
242	6004052a	कराग्रैश्चरणाग्रैश्च वानरैरुद्धतं रजः
243	6004052c	भौममन्तर्दधे लोकं निवार्य सवितुः प्रभाम्
244	6004053a	सा स्म याति दिवारात्रं महती हरिवाहिनी
245	6004053c	हृष्टप्रमुदिता सेना सुग्रीवेणाभिरक्षिता
246	6004054a	वनरास्त्वरितं यान्ति सर्वे युद्धाभिनन्दनः
247	6004054c	मुमोक्षयिषवः सीतां मुहूर्तं क्वापि नासत
248	6004055a	ततः पादपसंबाधं नानामृगसमाकुलम्
249	6004055c	सह्यपर्वतमासेदुर्मलयं च मही धरम्
250	6004056a	काननानि विचित्राणि नदीप्रस्रवणानि च
251	6004056c	पश्यन्नपि ययौ रामः सह्यस्य मलयस्य च
252	6004057a	चम्पकांस्तिलकांश्चूतानशोकान्सिन्दुवारकान्
253	6004057c	करवीरांश्च तिमिशान्भञ्जन्ति स्म प्लवंगमाः
254	6004058a	फलान्यमृतगन्धीनि मूलानि कुसुमानि च
255	6004058c	बुभुजुर्वानरास्तत्र पादपानां बलोत्कटाः
256	6004059a	द्रोणमात्रप्रमाणानि लम्बमानानि वानराः
257	6004059c	ययुः पिबन्तो हृष्टास्ते मधूनि मधुपिङ्गलाः
258	6004060a	पादपानवभञ्जन्तो विकर्षन्तस्तथा लताः
259	6004060c	विधमन्तो गिरिवरान्प्रययुः प्लवगर्षभाः
260	6004061a	वृक्षेभ्योऽन्ये तु कपयो नर्दन्तो मधुदर्पिताः
261	6004061c	अन्ये वृक्षान्प्रपद्यन्ते प्रपतन्त्यपि चापरे
262	6004062a	बभूव वसुधा तैस्तु संपूर्णा हरिपुंगवैः
263	6004062c	यथा कमलकेदारैः पक्वैरिव वसुंधरा
264	6004063a	महेन्द्रमथ संप्राप्य रामो राजीवलोचनः
265	6004063c	अध्यारोहन्महाबाहुः शिखरं द्रुमभूषितम्
266	6004064a	ततः शिखरमारुह्य रामो दशरथात्मजः
267	6004064c	कूर्ममीनसमाकीर्णमपश्यत्सलिलाशयम्
268	6004065a	ते सह्यं समतिक्रम्य मलयं च महागिरिम्
269	6004065c	आसेदुरानुपूर्व्येण समुद्रं भीमनिःस्वनम्
270	6004066a	अवरुह्य जगामाशु वेलावनमनुत्तमम्
271	6004066c	रामो रमयतां श्रेष्ठः ससुग्रीवः सलक्ष्मणः
272	6004067a	अथ धौतोपलतलां तोयौघैः सहसोत्थितैः
273	6004067c	वेलामासाद्य विपुलां रामो वचनमब्रवीत्
274	6004068a	एते वयमनुप्राप्ताः सुग्रीव वरुणालयम्
275	6004068c	इहेदानीं विचिन्ता सा या न पूर्वं समुत्थिता
276	6004069a	अतः परमतीरोऽयं सागरः सरितां पति
277	6004069c	न चायमनुपायेन शक्यस्तरितुमर्णवः
278	6004070a	तदिहैव निवेशोऽस्तु मन्त्रः प्रस्तूयतामिह
279	6004070c	यथेदं वानरबलं परं पारमवाप्नुयात्
280	6004071a	इतीव स महाबाहुः सीताहरणकर्शितः
281	6004071c	रामः सागरमासाद्य वासमाज्ञापयत्तदा
282	6004072a	संप्राप्तो मन्त्रकालो नः सागरस्येह लङ्घने
283	6004072c	स्वां स्वां सेनां समुत्सृज्य मा च कश्चित्कुतो व्रजेत्
284	6004072e	गच्छन्तु वानराः शूरा ज्ञेयं छन्नं भयं च नः
285	6004073a	रामस्य वचनं श्रुत्वा सुग्रीवः सहलक्ष्मणः
286	6004073c	सेनां न्यवेशयत्तीरे सागरस्य द्रुमायुते
287	6004074a	विरराज समीपस्थं सागरस्य तु तद्बलम्
288	6004074c	मधुपाण्डुजलः श्रीमान्द्वितीय इव सागरः
289	6004075a	वेलावनमुपागम्य ततस्ते हरिपुंगवाः
290	6004075c	विनिविष्टाः परं पारं काङ्क्षमाणा महोदधेः
291	6004076a	सा महार्णवमासाद्य हृष्टा वानरवाहिनी
292	6004076c	वायुवेगसमाधूतं पश्यमाना महार्णवम्
293	6004077a	दूरपारमसंबाधं रक्षोगणनिषेवितम्
294	6004077c	पश्यन्तो वरुणावासं निषेदुर्हरियूथपाः
295	6004078a	चण्डनक्रग्रहं घोरं क्षपादौ दिवसक्षये
296	6004078c	चन्द्रोदये समाधूतं प्रतिचन्द्रसमाकुलम्
297	6004079a	चण्डानिलमहाग्राहैः कीर्णं तिमितिमिंगिलैः
298	6004079c	दीप्तभोगैरिवाक्रीर्णं भुजंगैर्वरुणालयम्
299	6004080a	अवगाढं महासत्तैर्नानाशैलसमाकुलम्
300	6004080c	दुर्गं द्रुगममार्गं तमगाधमसुरालयम्
301	6004081a	मकरैर्नागभोगैश्च विगाढा वातलोहिताः
302	6004081c	उत्पेतुश्च निपेतुश्च प्रवृद्धा जलराशयः
303	6004082a	अग्निचूर्णमिवाविद्धं भास्कराम्बुमनोरगम्
304	6004082c	सुरारिविषयं घोरं पातालविषमं सदा
305	6004083a	सागरं चाम्बरप्रख्यमम्बरं सागरोपमम्
306	6004083c	सागरं चाम्बरं चेति निर्विशेषमदृश्यत
307	6004084a	संपृक्तं नभसा ह्यम्भः संपृक्तं च नभोऽम्भसा
308	6004084c	तादृग्रूपे स्म दृश्येते तारा रत्नसमाकुले
309	6004085a	समुत्पतितमेघस्य वीच्चि मालाकुलस्य च
310	6004085c	विशेषो न द्वयोरासीत्सागरस्याम्बरस्य च
311	6004086a	अन्योन्यैराहताः सक्ताः सस्वनुर्भीमनिःस्वनाः
312	6004086c	ऊर्मयः सिन्धुराजस्य महाभेर्य इवाहवे
313	6004087a	रत्नौघजलसंनादं विषक्तमिव वायुना
314	6004087c	उत्पतन्तमिव क्रुद्धं यादोगणसमाकुलम्
315	6004088a	ददृशुस्ते महात्मानो वाताहतजलाशयम्
316	6004088c	अनिलोद्धूतमाकाशे प्रवल्गतमिवोर्मिभिः
317	6004088e	भ्रान्तोर्मिजलसंनादं प्रलोलमिव सागरम्
318	6005001a	सा तु नीलेन विधिवत्स्वारक्षा सुसमाहिता
319	6005001c	सागरस्योत्तरे तीरे साधु सेना निवेशिता
320	6005002a	मैन्दश्च द्विविधश्चोभौ तत्र वानरपुंगवौ
321	6005002c	विचेरतुश्च तां सेनां रक्षार्थं सर्वतो दिशम्
322	6005003a	निविष्टायां तु सेनायां तीरे नदनदीपतेः
323	6005003c	पार्श्वस्थं लक्ष्मणं दृष्ट्वा रामो वचनमब्रवीत्
324	6005004a	शोकश्च किल कालेन गच्छता ह्यपगच्छति
325	6005004c	मम चापश्यतः कान्तामहन्यहनि वर्धते
326	6005005a	न मे दुःखं प्रिया दूरे न मे दुःखं हृतेति च
327	6005005c	एतदेवानुशोचामि वयोऽस्या ह्यतिवर्तते
328	6005006a	वाहि वात यतः कन्या तां स्पृष्ट्वा मामपि स्पृश
329	6005006c	त्वयि मे गात्रसंस्पर्शश्चन्द्रे दृष्टिसमागमः
330	6005007a	तन्मे दहति गात्राणि विषं पीतमिवाशये
331	6005007c	हा नाथेति प्रिया सा मां ह्रियमाणा यदब्रवीत्
332	6005008a	तद्वियोगेन्धनवता तच्चिन्ताविपुलार्चिषा
333	6005008c	रात्रिं दिवं शरीरं मे दह्यते मदनाग्निना
334	6005009a	अवगाह्यार्णवं स्वप्स्ये सौमित्रे भवता विना
335	6005009c	कथंचित्प्रज्वलन्कामः समासुप्तं जले दहेत्
336	6005010a	बह्वेतत्कामयानस्य शक्यमेतेन जीवितुम्
337	6005010c	यदहं सा च वामोरुरेकां धरणिमाश्रितौ
338	6005011a	केदारस्येव केदारः सोदकस्य निरूदकः
339	6005011c	उपस्नेहेन जीवामि जीवन्तीं यच्छृणोमि ताम्
340	6005012a	कदा तु खलु सुस्शोणीं शतपत्रायतेक्षणाम्
341	6005012c	विजित्य शत्रून्द्रक्ष्यामि सीतां स्फीतामिव श्रियम्
342	6005013a	कदा नु चारुबिम्बौष्ठं तस्याः पद्ममिवाननम्
343	6005013c	ईषदुन्नम्य पास्यामि रसायनमिवातुरः
344	6005014a	तौ तस्याः संहतौ पीनौ स्तनौ तालफलोपमौ
345	6005014c	कदा नु खलु सोत्कम्पौ हसन्त्या मां भजिष्यतः
346	6005015a	सा नूनमसितापाङ्गी रक्षोमध्यगता सती
347	6005015c	मन्नाथा नाथहीनेव त्रातारं नाधिगच्छति
348	6005016a	कदा विक्षोभ्य रक्षांसि सा विधूयोत्पतिष्यति
349	6005016c	विधूय जलदान्नीलाञ्शशिलेखा शरत्स्विव
350	6005017a	स्वभावतनुका नूनं शोकेनानशनेन च
351	6005017c	भूयस्तनुतरा सीता देशकालविपर्ययात्
352	6005018a	कदा नु राक्षसेन्द्रस्य निधायोरसि सायकान्
353	6005018c	सीतां प्रत्याहरिष्यामि शोकमुत्सृज्य मानसं
354	6005019a	कदा नु खलु मां साध्वी सीतामरसुतोपमा
355	6005019c	सोत्कण्ठा कण्ठमालम्ब्य मोक्ष्यत्यानन्दजं जलम्
356	6005020a	कदा शोकमिमं घोरं मैथिली विप्रयोगजम्
357	6005020c	सहसा विप्रमोक्ष्यामि वासः शुक्लेतरं यथा
358	6005021a	एवं विलपतस्तस्य तत्र रामस्य धीमतः
359	6005021c	दिनक्षयान्मन्दवपुर्भास्करोऽस्तमुपागमत्
360	6005022a	आश्वासितो लक्ष्मणेन रामः संध्यामुपासत
361	6005022c	स्मरन्कमलपत्राक्षीं सीतां शोकाकुलीकृतः
362	6006001a	लङ्कायां तु कृतं कर्म घोरं दृष्ट्वा भवावहम्
363	6006001c	राक्षसेन्द्रो हनुमता शक्रेणेव महात्मना
364	6006001e	अब्रवीद्राक्षसान्सर्वान्ह्रिया किंचिदवाङ्मुखः
365	6006002a	धर्षिता च प्रविष्टा च लङ्का दुष्प्रसहा पुरी
366	6006002c	तेन वानरमात्रेण दृष्टा सीता च जानकी
367	6006003a	प्रसादो धर्षितश्चैत्यः प्रवरा राक्षसा हताः
368	6006003c	आविला च पुरी लङ्का सर्वा हनुमता कृता
369	6006004a	किं करिष्यामि भद्रं वः किं वा युक्तमनन्तरम्
370	6006004c	उच्यतां नः समर्थं यत्कृतं च सुकृतं भवेत्
371	6006005a	मन्त्रमूलं हि विजयं प्राहुरार्या मनस्विनः
372	6006005c	तस्माद्वै रोचये मन्त्रं रामं प्रति महाबलाः
373	6006006a	त्रिविधाः पुरुषा लोके उत्तमाधममध्यमाः
374	6006006c	तेषां तु समवेतानां गुणदोषं वदाम्यहम्
375	6006007a	मन्त्रिभिर्हितसंयुक्तैः समर्थैर्मन्त्रनिर्णये
376	6006007c	मित्रैर्वापि समानार्थैर्बान्धवैरपि वा हितैः
377	6006008a	सहितो मन्त्रयित्वा यः कर्मारम्भान्प्रवर्तयेत्
378	6006008c	दैवे च कुरुते यत्नं तमाहुः पुरुषोत्तमम्
379	6006009a	एकोऽर्थं विमृशेदेको धर्मे प्रकुरुते मनः
380	6006009c	एकः कार्याणि कुरुते तमाहुर्मध्यमं नरम्
381	6006010a	गुणदोषावनिश्चित्य त्यक्त्वा दैवव्यपाश्रयम्
382	6006010c	करिष्यामीति यः कार्यमुपेक्षेत्स नराधमः
383	6006011a	यथेमे पुरुषा नित्यमुत्तमाधममध्यमाः
384	6006011c	एवं मन्त्रोऽपि विज्ञेय उत्तमाधममध्यमः
385	6006012a	ऐकमत्यमुपागम्य शास्त्रदृष्टेन चक्षुषा
386	6006012c	मन्त्रिणो यत्र निरस्तास्तमाहुर्मन्त्रमुत्तमम्
387	6006013a	बह्व्योऽपि मतयो गत्वा मन्त्रिणो ह्यर्थनिर्णये
388	6006013c	पुनर्यत्रैकतां प्राप्तः स मन्त्रो मध्यमः स्मृतः
389	6006014a	अन्योन्यमतिमास्थाय यत्र संप्रतिभाष्यते
390	6006014c	न चैकमत्ये श्रेयोऽस्ति मन्त्रः सोऽधम उच्यते
391	6006015a	तस्मात्सुमन्त्रितं साधु भवन्तो मन्त्रिसत्तमाः
392	6006015c	कार्यं संप्रतिपद्यन्तामेतत्कृत्यतमं मम
393	6006016a	वानराणां हि वीराणां सहस्रैः परिवारितः
394	6006016c	रामोऽभ्येति पुरीं लङ्कामस्माकमुपरोधकः
395	6006017a	तरिष्यति च सुव्यक्तं राघवः सागरं सुखम्
396	6006017c	तरसा युक्तरूपेण सानुजः सबलानुगः
397	6006018a	अस्मिन्नेवंगते कार्ये विरुद्धे वानरैः सह
398	6006018c	हितं पुरे च सैन्ये च सर्वं संमन्त्र्यतां मम
399	6007001a	इत्युक्ता राक्षसेन्द्रेण राक्षसास्ते महाबलाः
400	6007001c	ऊचुः प्राञ्जलयः सर्वे रावणं राक्षसेश्वरम्
401	6007002a	राजन्परिघशक्त्यृष्टिशूलपट्टससंकुलम्
402	6007002c	सुमहन्नो बलं कस्माद्विषादं भजते भवान्
403	6007003a	कैलासशिखरावासी यक्षैर्बहुभिरावृतः
404	6007003c	सुमहत्कदनं कृत्वा वश्यस्ते धनदः कृतः
405	6007004a	स महेश्वरसख्येन श्लाघमानस्त्वया विभो
406	6007004c	निर्जितः समरे रोषाल्लोकपालो महाबलः
407	6007005a	विनिहत्य च यक्षौघान्विक्षोभ्य च विगृह्य च
408	6007005c	त्वया कैलासशिखराद्विमानमिदमाहृतम्
409	6007006a	मयेन दानवेन्द्रेण त्वद्भयात्सख्यमिच्छता
410	6007006c	दुहिता तव भार्यार्थे दत्ता राक्षसपुंगव
411	6007007a	दानवेन्द्रो मधुर्नाम वीर्योत्सिक्तो दुरासदः
412	6007007c	विगृह्य वशमानीतः कुम्भीनस्याः सुखावहः
413	6007008a	निर्जितास्ते महाबाहो नागा गत्वा रसातलम्
414	6007008c	वासुकिस्तक्षकः शङ्खो जटी च वशमाहृताः
415	6007009a	अक्षया बलवन्तश्च शूरा लब्धवराः पुनः
416	6007009c	त्वया संवत्सरं युद्ध्वा समरे दानवा विभो
417	6007010a	स्वबलं समुपाश्रित्य नीता वशमरिंदम
418	6007010c	मायाश्चाधिगतास्तत्र बहवो राक्षसाधिप
419	6007011a	शूराश्च बलवन्तश्च वरुणस्य सुता रणे
420	6007011c	निर्जितास्ते महाबाहो चतुर्विधबलानुगाः
421	6007012a	मृत्युदण्डमहाग्राहं शाल्मलिद्वीपमण्डितम्
422	6007012c	अवगाह्य त्वया राजन्यमस्य बलसागरम्
423	6007013a	जयश्च विप्लुलः प्राप्तो मृत्युश्च प्रतिषेधितः
424	6007013c	सुयुद्धेन च ते सर्वे लोकास्तत्र सुतोषिताः
425	6007014a	क्षत्रियैर्बहुभिर्वीरैः शक्रतुल्यपराक्रमैः
426	6007014c	आसीद्वसुमती पूर्णा महद्भिरिव पादपैः
427	6007015a	तेषां वीर्यगुणोत्साहैर्न समो राघवो रणे
428	6007015c	प्रसह्य ते त्वया राजन्हताः परमदुर्जयाः
429	6007016a	राजन्नापदयुक्तेयमागता प्राकृताज्जनात्
430	6007016c	हृदि नैव त्वया कार्या त्वं वधिष्यसि राघवम्
431	6008001a	ततो नीलाम्बुदनिभः प्रहस्तो नाम राक्षसः
432	6008001c	अब्रवीत्प्राञ्जलिर्वाक्यं शूरः सेनापतिस्तदा
433	6008002a	देवदानवगन्धर्वाः पिशाचपतगोरगाः
434	6008002c	न त्वां धर्षयितुं शक्ताः किं पुनर्वानरा रणे
435	6008003a	सर्वे प्रमत्ता विश्वस्ता वञ्चिताः स्म हनूमता
436	6008003c	न हि मे जीवतो गच्छेज्जीवन्स वनगोचरः
437	6008004a	सर्वां सागरपर्यन्तां सशैलवनकाननाम्
438	6008004c	करोम्यवानरां भूमिमाज्ञापयतु मां भवान्
439	6008005a	रक्षां चैव विधास्यामि वानराद्रजनीचर
440	6008005c	नागमिष्यति ते दुःखं किंचिदात्मापराधजम्
441	6008006a	अब्रवीच्च सुसंक्रुद्धो दुर्मुखो नाम राक्षसः
442	6008006c	इदं न क्षमणीयं हि सर्वेषां नः प्रधर्षणम्
443	6008007a	अयं परिभवो भूयः पुरस्यान्तःपुरस्य च
444	6008007c	श्रीमतो राक्षसेन्द्रस्य वानरेन्द्रप्रधर्षणम्
445	6008008a	अस्मिन्मुहूर्ते हत्वैको निवर्तिष्यामि वानरान्
446	6008008c	प्रविष्टान्सागरं भीममम्बरं वा रसातलम्
447	6008009a	ततोऽब्रवीत्सुसंक्रुद्धो वज्रदंष्ट्रो महाबलः
448	6008009c	प्रगृह्य परिघं घोरं मांसशोणितरूपितम्
449	6008010a	किं वो हनुमता कार्यं कृपणेन तपस्विना
450	6008010c	रामे तिष्ठति दुर्धर्षे सुग्रीवे सहलक्ष्मणे
451	6008011a	अद्य रामं ससुग्रीवं परिघेण सलक्ष्मणम्
452	6008011c	आगमिष्यामि हत्वैको विक्षोभ्य हरिवाहिनीम्
453	6008012a	कौम्भकर्णिस्ततो वीरो निकुम्भो नाम वीर्यवान्
454	6008012c	अब्रवीत्परमकुर्द्धो रावणं लोकरावणम्
455	6008013a	सर्वे भवन्तस्तिष्ठन्तु महाराजेन संगताः
456	6008013c	अहमेको हनिष्यामि राघवं सहलक्ष्मणम्
457	6008014a	ततो वज्रहनुर्नाम राक्षसः पर्वतोपमः
458	6008014c	क्रुद्धः परिलिहन्वक्त्रं जिह्वया वाक्यमब्रवीत्
459	6008015a	स्वैरं कुर्वन्तु कार्याणि भवन्तो विगतज्वराः
460	6008015c	एकोऽहं भक्षयिष्यामि तान्सर्वान्हरियूथपान्
461	6008016a	स्वस्थाः क्रीडन्तु निश्चिन्ताः पिबन्तु मधुवारुणीम्
462	6008016c	अहमेको हनिष्यामि सुग्रीवं सहलक्ष्मणम्
463	6008016e	साङ्गदं च हनूमन्तं रामं च रणकुञ्जरम्
464	6009001a	ततो निकुम्भो रभसः सूर्यशत्रुर्महाबलः
465	6009001c	सुप्तघ्नो यज्ञकोपश्च महापार्श्वो महोअरः
466	6009002a	अग्निकेतुश्च दुर्धर्षो रश्मिकेतुश्च राक्षसः
467	6009002c	इन्द्रजिच्च महातेजा बलवान्रावणात्मजः
468	6009003a	प्रहस्तोऽथ विरूपाक्षो वज्रदंष्ट्रो महाबलः
469	6009003c	धूम्राक्षश्चातिकायश्च दुर्मुखश्चैव राक्षसः
470	6009004a	परिघान्पट्टसान्प्रासाञ्शक्तिशूलपरश्वधान्
471	6009004c	चापानि च सबाणानि खड्गांश्च विपुलाञ्शितान्
472	6009005a	प्रगृह्य परमक्रुद्धाः समुत्पत्य च राक्षसाः
473	6009005c	अब्रुवन्रावणं सर्वे प्रदीप्ता इव तेजसा
474	6009006a	अद्य रामं वधिष्यामः सुग्रीवं च सलक्ष्मणम्
475	6009006c	कृपणं च हनूमन्तं लङ्का येन प्रधर्षिता
476	6009007a	तान्गृहीतायुधान्सर्वान्वारयित्वा विभीषणः
477	6009007c	अब्रवीत्प्राञ्जलिर्वाक्यं पुनः प्रत्युपवेश्य तान्
478	6009008a	अप्युपायैस्त्रिभिस्तात योऽर्थः प्राप्तुं न शक्यते
479	6009008c	तस्य विक्रमकालांस्तान्युक्तानाहुर्मनीषिणः
480	6009009a	प्रमत्तेष्वभियुक्तेषु दैवेन प्रहतेषु च
481	6009009c	विक्रमास्तात सिध्यन्ति परीक्ष्य विधिना कृताः
482	6009010a	अप्रमत्तं कथं तं तु विजिगीषुं बले स्थितम्
483	6009010c	जितरोषं दुराधर्षं प्रधर्षयितुमिच्छथ
484	6009011a	समुद्रं लङ्घयित्वा तु घोरं नदनदीपतिम्
485	6009011c	कृतं हनुमता कर्म दुष्करं तर्कयेत कः
486	6009012a	बलान्यपरिमेयानि वीर्याणि च निशाचराः
487	6009012c	परेषां सहसावज्ञा न कर्तव्या कथंचन
488	6009013a	किं च राक्षसराजस्य रामेणापकृतं पुरा
489	6009013c	आजहार जनस्थानाद्यस्य भार्यां यशस्विनः
490	6009014a	खरो यद्यतिवृत्तस्तु रामेण निहतो रणे
491	6009014c	अवश्यं प्राणिनां प्राणा रक्षितव्या यथा बलम्
492	6009015a	एतन्निमित्तं वैदेही भयं नः सुमहद्भवेत्
493	6009015c	आहृता सा परित्याज्या कलहार्थे कृते न किम्
494	6009016a	न नः क्षमं वीर्यवता तेन धर्मानुवर्तिना
495	6009016c	वैरं निरर्थकं कर्तुं दीयतामस्य मैथिली
496	6009017a	यावन्न सगजां साश्वां बहुरत्नसमाकुलाम्
497	6009017c	पुरीं दारयते बाणैर्दीयतामस्य मैथिली
498	6009018a	यावत्सुघोरा महती दुर्धर्षा हरिवाहिनी
499	6009018c	नावस्कन्दति नो लङ्कां तावत्सीता प्रदीयताम्
500	6009019a	विनश्येद्धि पुरी लङ्का शूराः सर्वे च राक्षसाः
501	6009019c	रामस्य दयिता पत्नी न स्वयं यदि दीयते
502	6009020a	प्रसादये त्वां बन्धुत्वात्कुरुष्व वचनं मम
503	6009020c	हितं पथ्यं त्वहं ब्रूमि दीयतामस्य मैथिली
504	6009021a	पुरा शरत्सूर्यमरीचिसंनिभा;न्नवाग्रपुङ्खान्सुदृढान्नृपात्मजः
505	6009021c	सृजत्यमोघान्विशिखान्वधाय ते; प्रदीयतां दाशरथाय मैथिली
506	6009022a	त्यजस्व कोपं सुखधर्मनाशनं; भजस्व धर्मं रतिकीर्तिवर्धनम्
507	6009022c	प्रसीद जीवेम सपुत्रबान्धवाः; प्रदीयतां दाशरथाय मैथिली
508	6010001a	सुनिविष्टं हितं वाक्यमुक्तवन्तं विभीषणम्
509	6010001c	अब्रवीत्परुषं वाक्यं रावणः कालचोदितः
510	6010002a	वसेत्सह सपत्नेन क्रुद्धेनाशीविषेण वा
511	6010002c	न तु मित्रप्रवादेन संवसेच्छत्रुसेविना
512	6010003a	जानामि शीलं ज्ञातीनां सर्वलोकेषु राक्षस
513	6010003c	हृष्यन्ति व्यसनेष्वेते ज्ञातीनां ज्ञातयः सदा
514	6010004a	प्रधानं साधकं वैद्यं धर्मशीलं च राक्षस
515	6010004c	ज्ञातयो ह्यवमन्यन्ते शूरं परिभवन्ति च
516	6010005a	नित्यमन्योन्यसंहृष्टा व्यसनेष्वाततायिनः
517	6010005c	प्रच्छन्नहृदया घोरा ज्ञातयस्तु भयावहाः
518	6010006a	श्रूयन्ते हस्तिभिर्गीताः श्लोकाः पद्मवने क्वचित्
519	6010006c	पाशहस्तान्नरान्दृष्ट्वा शृणु तान्गदतो मम
520	6010007a	नाग्निर्नान्यानि शस्त्राणि न नः पाशा भयावहाः
521	6010007c	घोराः स्वार्थप्रयुक्तास्तु ज्ञातयो नो भयावहाः
522	6010008a	उपायमेते वक्ष्यन्ति ग्रहणे नात्र संशयः
523	6010008c	कृत्स्नाद्भयाज्ज्ञातिभयं सुकष्टं विदितं च नः
524	6010009a	विद्यते गोषु संपन्नं विद्यते ब्राह्मणे दमः
525	6010009c	विद्यते स्त्रीषु चापल्यं विद्यते ज्ञातितो भयम्
526	6010010a	ततो नेष्टमिदं सौम्य यदहं लोकसत्कृतः
527	6010010c	ऐश्वर्यमभिजातश्च रिपूणां मूर्ध्नि च स्थितः
528	6010011a	अन्यस्त्वेवंविधं ब्रूयाद्वाक्यमेतन्निशाचर
529	6010011c	अस्मिन्मुहूर्ते न भवेत्त्वां तु धिक्कुलपांसनम्
530	6010012a	इत्युक्तः परुषं वाक्यं न्यायवादी विभीषणः
531	6010012c	उत्पपात गदापाणिश्चतुर्भिः सह राक्षसैः
532	6010013a	अब्रवीच्च तदा वाक्यं जातक्रोधो विभीषणः
533	6010013c	अन्तरिक्षगतः श्रीमान्भ्रातरं राक्षसाधिपम्
534	6010014a	स त्वं भ्रातासि मे राजन्ब्रूहि मां यद्यदिच्छसि
535	6010014c	इदं तु परुषं वाक्यं न क्षमाम्यनृतं तव
536	6010015a	सुनीतं हितकामेन वाक्यमुक्तं दशानन
537	6010015c	न गृह्णन्त्यकृतात्मानः कालस्य वशमागताः
538	6010016a	सुलभाः पुरुषा राजन्सततं प्रियवादिनः
539	6010016c	अप्रियस्य तु पथ्यस्य वक्ता श्रोता च दुर्लभः
540	6010017a	बद्धं कालस्य पाशेन सर्वभूतापहारिणा
541	6010017c	न नश्यन्तमुपेक्षेयं प्रदीप्तं शरणं यथा
542	6010018a	दीप्तपावकसंकाशैः शितैः काञ्चनभूषणैः
543	6010018c	न त्वामिच्छाम्यहं द्रष्टुं रामेण निहतं शरैः
544	6010019a	शूराश्च बलवन्तश्च कृतास्त्राश्च रणाजिरे
545	6010019c	कालाभिपन्ना सीदन्ति यथा वालुकसेतवः
546	6010020a	आत्मानं सर्वथा रक्ष पुरीं चेमां सराक्षसाम्
547	6010020c	स्वस्ति तेऽस्तु गमिष्यामि सुखी भव मया विना
548	6010021a	निवार्यमाणस्य मया हितैषिणा; न रोचते ते वचनं निशाचर
549	6010021c	परीतकाला हि गतायुषो नरा; हितं न गृह्णन्ति सुहृद्भिरीरितम्
550	6011001a	इत्युक्त्वा परुषं वाक्यं रावणं रावणानुजः
551	6011001c	आजगाम मुहूर्तेन यत्र रामः सलक्ष्मणः
552	6011002a	तं मेरुशिखराकारं दीप्तामिव शतह्रदाम्
553	6011002c	गगनस्थं महीस्थास्ते ददृशुर्वानराधिपाः
554	6011003a	तमात्मपञ्चमं दृष्ट्वा सुग्रीवो वानराधिपः
555	6011003c	वानरैः सह दुर्धर्षश्चिन्तयामास बुद्धिमान्
556	6011004a	चिन्तयित्वा मुहूर्तं तु वानरांस्तानुवाच ह
557	6011004c	हनूमत्प्रमुखान्सर्वानिदं वचनमुत्तमम्
558	6011005a	एष सर्वायुधोपेतश्चतुर्भिः सह राक्षसैः
559	6011005c	राक्षसोऽभ्येति पश्यध्वमस्मान्हन्तुं न संशयः
560	6011006a	सुग्रीवस्य वचः श्रुत्वा सर्वे ते वानरोत्तमाः
561	6011006c	सालानुद्यम्य शैलांश्च इदं वचनमब्रुवन्
562	6011007a	शीघ्रं व्यादिश नो राजन्वधायैषां दुरात्मनाम्
563	6011007c	निपतन्तु हताश्चैते धरण्यामल्पजीविताः
564	6011008a	तेषां संभाषमाणानामन्योन्यं स विभीषणः
565	6011008c	उत्तरं तीरमासाद्य खस्थ एव व्यतिष्ठत
566	6011009a	उवाच च महाप्राज्ञः स्वरेण महता महान्
567	6011009c	सुग्रीवं तांश्च संप्रेक्ष्य खस्थ एव विभीषणः
568	6011010a	रावणो नाम दुर्वृत्तो राक्षसो राक्षसेश्वरः
569	6011010c	तस्याहमनुजो भ्राता विभीषण इति श्रुतः
570	6011011a	तेन सीता जनस्थानाद्धृता हत्वा जटायुषम्
571	6011011c	रुद्ध्वा च विवशा दीना राक्षसीभिः सुरक्षिता
572	6011012a	तमहं हेतुभिर्वाक्यैर्विविधैश्च न्यदर्शयम्
573	6011012c	साधु निर्यात्यतां सीता रामायेति पुनः पुनः
574	6011013a	स च न प्रतिजग्राह रावणः कालचोदितः
575	6011013c	उच्यमानो हितं वाक्यं विपरीत इवौषधम्
576	6011014a	सोऽहं परुषितस्तेन दासवच्चावमानितः
577	6011014c	त्यक्त्वा पुत्रांश्च दारांश्च राघवं शरणं गतः
578	6011015a	सर्वलोकशरण्याय राघवाय महात्मने
579	6011015c	निवेदयत मां क्षिप्रं विभीषणमुपस्थितम्
580	6011016a	एतत्तु वचनं श्रुत्वा सुग्रीवो लघुविक्रमः
581	6011016c	लक्ष्मणस्याग्रतो रामं संरब्धमिदमब्रवीत्
582	6011017a	रावणस्यानुजो भ्राता विभीषण इति श्रुतः
583	6011017c	चतुर्भिः सह रक्षोभिर्भवन्तं शरणं गतः
584	6011018a	रावणेन प्रणिहितं तमवेहि विभीषणम्
585	6011018c	तस्याहं निग्रहं मन्ये क्षमं क्षमवतां वर
586	6011019a	राक्षसो जिह्मया बुद्ध्या संदिष्टोऽयमुपस्थितः
587	6011019c	प्रहर्तुं मायया छन्नो विश्वस्ते त्वयि राघव
588	6011020a	बध्यतामेष तीव्रेण दण्डेन सचिवैः सह
589	6011020c	रावणस्य नृशंसस्य भ्राता ह्येष विभीषणः
590	6011021a	एवमुक्त्वा तु तं रामं संरब्धो वाहिनीपतिः
591	6011021c	वाक्यज्ञो वाक्यकुशलं ततो मौनमुपागमत्
592	6011022a	सुग्रीवस्य तु तद्वाक्यं श्रुत्वा रामो महाबलः
593	6011022c	समीपस्थानुवाचेदं हनूमत्प्रमुखान्हरीन्
594	6011023a	यदुक्तं कपिराजेन रावणावरजं प्रति
595	6011023c	वाक्यं हेतुमदत्यर्थं भवद्भिरपि तच्छ्रुतम्
596	6011024a	सुहृदा ह्यर्थकृच्छेषु युक्तं बुद्धिमता सता
597	6011024c	समर्थेनापि संदेष्टुं शाश्वतीं भूतिमिच्छता
598	6011025a	इत्येवं परिपृष्टास्ते स्वं स्वं मतमतन्द्रिताः
599	6011025c	सोपचारं तदा राममूचुर्हितचिकीर्षवः
600	6011026a	अज्ञातं नास्ति ते किंचित्त्रिषु लोकेषु राघव
601	6011026c	आत्मानं पूजयन्राम पृच्छस्यस्मान्सुहृत्तया
602	6011027a	त्वं हि सत्यव्रतः शूरो धार्मिको दृढविक्रमः
603	6011027c	परीक्ष्य कारा स्मृतिमान्निसृष्टात्मा सुहृत्सु च
604	6011028a	तस्मादेकैकशस्तावद्ब्रुवन्तु सचिवास्तव
605	6011028c	हेतुतो मतिसंपन्नाः समर्थाश्च पुनः पुनः
606	6011029a	इत्युक्ते राघवायाथ मतिमानङ्गदोऽग्रतः
607	6011029c	विभीषणपरीक्षार्थमुवाच वचनं हरिः
608	6011030a	शत्रोः सकाशात्संप्राप्तः सर्वथा शङ्क्य एव हि
609	6011030c	विश्वासयोग्यः सहसा न कर्तव्यो विभीषणः
610	6011031a	छादयित्वात्मभावं हि चरन्ति शठबुद्धयः
611	6011031c	प्रहरन्ति च रन्ध्रेषु सोऽनर्थः सुमहान्भवेत्
612	6011032a	अर्थानर्थौ विनिश्चित्य व्यवसायं भजेत ह
613	6011032c	गुणतः संग्रहं कुर्याद्दोषतस्तु विसर्जयेत्
614	6011033a	यदि दोषो महांस्तस्मिंस्त्यज्यतामविशङ्कितम्
615	6011033c	गुणान्वापि बहूञ्ज्ञात्वा संग्रहः क्रियतां नृप
616	6011034a	शरभस्त्वथ निश्चित्य सार्थं वचनमब्रवीत्
617	6011034c	क्षिप्रमस्मिन्नरव्याघ्र चारः प्रतिविधीयताम्
618	6011035a	प्रणिधाय हि चारेण यथावत्सूक्ष्मबुद्धिना
619	6011035c	परीक्ष्य च ततः कार्यो यथान्यायं परिग्रहः
620	6011036a	जाम्बवांस्त्वथ संप्रेक्ष्य शास्त्रबुद्ध्या विचक्षणः
621	6011036c	वाक्यं विज्ञापयामास गुणवद्दोषवर्जितम्
622	6011037a	बद्धवैराच्च पापाच्च राक्षसेन्द्राद्विभीषणः
623	6011037c	अदेश काले संप्राप्तः सर्वथा शङ्क्यतामयम्
624	6011038a	ततो मैन्दस्तु संप्रेक्ष्य नयापनयकोविदः
625	6011038c	वाक्यं वचनसंपन्नो बभाषे हेतुमत्तरम्
626	6011039a	वचनं नाम तस्यैष रावणस्य विभीषणः
627	6011039c	पृच्छ्यतां मधुरेणायं शनैर्नरवरेश्वर
628	6011040a	भावमस्य तु विज्ञाय ततस्तत्त्वं करिष्यसि
629	6011040c	यदि दृष्टो न दुष्टो वा बुद्धिपूर्वं नरर्षभ
630	6011041a	अथ संस्कारसंपन्नो हनूमान्सचिवोत्तमः
631	6011041c	उवाच वचनं श्लक्ष्णमर्थवन्मधुरं लघु
632	6011042a	न भवन्तं मतिश्रेष्ठं समर्थं वदतां वरम्
633	6011042c	अतिशाययितुं शक्तो बृहस्पतिरपि ब्रुवन्
634	6011043a	न वादान्नापि संघर्षान्नाधिक्यान्न च कामतः
635	6011043c	वक्ष्यामि वचनं राजन्यथार्थं रामगौरवात्
636	6011044a	अर्थानर्थनिमित्तं हि यदुक्तं सचिवैस्तव
637	6011044c	तत्र दोषं प्रपश्यामि क्रिया न ह्युपपद्यते
638	6011045a	ऋते नियोगात्सामर्थ्यमवबोद्धुं न शक्यते
639	6011045c	सहसा विनियोगो हि दोषवान्प्रतिभाति मे
640	6011046a	चारप्रणिहितं युक्तं यदुक्तं सचिवैस्तव
641	6011046c	अर्थस्यासंभवात्तत्र कारणं नोपपद्यते
642	6011047a	अदेश काले संप्राप्त इत्ययं यद्विभीषणः
643	6011047c	विवक्षा चात्र मेऽस्तीयं तां निबोध यथा मति
644	6011048a	स एष देशः कालश्च भवतीह यथा तथा
645	6011048c	पुरुषात्पुरुषं प्राप्य तथा दोषगुणावपि
646	6011049a	दौरात्म्यं रावणे दृष्ट्वा विक्रमं च तथा त्वयि
647	6011049c	युक्तमागमनं तस्य सदृशं तस्य बुद्धितः
648	6011050a	अज्ञातरूपैः पुरुषैः स राजन्पृच्छ्यतामिति
649	6011050c	यदुक्तमत्र मे प्रेक्षा काचिदस्ति समीक्षिता
650	6011051a	पृच्छ्यमानो विशङ्केत सहसा बुद्धिमान्वचः
651	6011051c	तत्र मित्रं प्रदुष्येत मिथ्यपृष्टं सुखागतम्
652	6011052a	अशक्यः सहसा राजन्भावो वेत्तुं परस्य वै
653	6011052c	अन्तः स्वभावैर्गीतैस्तैर्नैपुण्यं पश्यता भृशम्
654	6011053a	न त्वस्य ब्रुवतो जातु लक्ष्यते दुष्टभावता
655	6011053c	प्रसन्नं वदनं चापि तस्मान्मे नास्ति संशयः
656	6011054a	अशङ्कितमतिः स्वस्थो न शठः परिसर्पति
657	6011054c	न चास्य दुष्टा वाक्चापि तस्मान्नास्तीह संशयः
658	6011055a	आकारश्छाद्यमानोऽपि न शक्यो विनिगूहितुम्
659	6011055c	बलाद्धि विवृणोत्येव भावमन्तर्गतं नृणाम्
660	6011056a	देशकालोपपन्नं च कार्यं कार्यविदां वर
661	6011056c	सफलं कुरुते क्षिप्रं प्रयोगेणाभिसंहितम्
662	6011057a	उद्योगं तव संप्रेक्ष्य मिथ्यावृत्तं च रावणम्
663	6011057c	वालिनश्च वधं श्रुत्वा सुग्रीवं चाभिषेचितम्
664	6011058a	राज्यं प्रार्थयमानश्च बुद्धिपूर्वमिहागतः
665	6011058c	एतावत्तु पुरस्कृत्य युज्यते त्वस्य संग्रहः
666	6011059a	यथाशक्ति मयोक्तं तु राक्षसस्यार्जवं प्रति
667	6011059c	त्वं प्रमाणं तु शेषस्य श्रुत्वा बुद्धिमतां वर
668	6012001a	अथ रामः प्रसन्नात्मा श्रुत्वा वायुसुतस्य ह
669	6012001c	प्रत्यभाषत दुर्धर्षः श्रुतवानात्मनि स्थितम्
670	6012002a	ममापि तु विवक्षास्ति काचित्प्रति विभीषणम्
671	6012002c	श्रुतमिच्छामि तत्सर्वं भवद्भिः श्रेयसि स्थितैः
672	6012003a	मित्रभावेन संप्राप्तं न त्यजेयं कथंचन
673	6012003c	दोषो यद्यपि तस्य स्यात्सतामेतदगर्हितम्
674	6012004a	रामस्य वचनं श्रुत्वा सुग्रीवः प्लवगेश्वरः
675	6012004c	प्रत्यभाषत काकुत्स्थं सौहार्देनाभिचोदितः
676	6012005a	किमत्र चित्रं धर्मज्ञ लोकनाथशिखामणे
677	6012005c	यत्त्वमार्यं प्रभाषेथाः सत्त्ववान्सपथे स्थितः
678	6012006a	मम चाप्यन्तरात्मायं शुद्धिं वेत्ति विभीषणम्
679	6012006c	अनुमनाच्च भावाच्च सर्वतः सुपरीक्षितः
680	6012007a	तस्मात्क्षिप्रं सहास्माभिस्तुल्यो भवतु राघव
681	6012007c	विभीषणो महाप्राज्ञः सखित्वं चाभ्युपैतु नः
682	6012008a	स सुग्रीवस्य तद्वाक्यं रामः श्रुत्वा विमृश्य च
683	6012008c	ततः शुभतरं वाक्यमुवाच हरिपुंगवम्
684	6012009a	सुदुष्टो वाप्यदुष्टो वा किमेष रजनीचरः
685	6012009c	सूक्ष्ममप्यहितं कर्तुं ममाशक्तः कथंचन
686	6012010a	पिशाचान्दानवान्यक्षान्पृथिव्यां चैव राक्षसान्
687	6012010c	अङ्गुल्यग्रेण तान्हन्यामिच्छन्हरिगणेश्वर
688	6012011a	श्रूयते हि कपोतेन शत्रुः शरणमागतः
689	6012011c	अर्चितश्च यथान्यायं स्वैश्च मांसैर्निमन्त्रितः
690	6012012a	स हि तं प्रतिजग्राह भार्या हर्तारमागतम्
691	6012012c	कपोतो वानरश्रेष्ठ किं पुनर्मद्विधो जनः
692	6012013a	ऋषेः कण्वस्य पुत्रेण कण्डुना परमर्षिणा
693	6012013c	शृणु गाथां पुरा गीतां धर्मिष्ठां सत्यवादिना
694	6012014a	बद्धाञ्जलिपुटं दीनं याचन्तं शरणागतम्
695	6012014c	न हन्यादानृशंस्यार्थमपि शत्रुं परं पत
696	6012015a	आर्तो वा यदि वा दृप्तः परेषां शरणं गतः
697	6012015c	अरिः प्राणान्परित्यज्य रक्षितव्यः कृतात्मना
698	6012016a	स चेद्भयाद्वा मोहाद्वा कामाद्वापि न रक्षति
699	6012016c	स्वया शक्त्या यथातत्त्वं तत्पापं लोकगर्हितम्
700	6012017a	विनष्टः पश्यतस्तस्य रक्षिणः शरणागतः
701	6012017c	आदाय सुकृतं तस्य सर्वं गच्छेदरक्षितः
702	6012018a	एवं दोषो महानत्र प्रपन्नानामरक्षणे
703	6012018c	अस्वर्ग्यं चायशस्यं च बलवीर्यविनाशनम्
704	6012019a	करिष्यामि यथार्थं तु कण्डोर्वचनमुत्तमम्
705	6012019c	धर्मिष्ठं च यशस्यं च स्वर्ग्यं स्यात्तु फलोदये
706	6012020a	सकृदेव प्रपन्नाय तवास्मीति च याचते
707	6012020c	अभयं सर्वभूतेभ्यो ददाम्येतद्व्रतं मम
708	6012021a	आनयैनं हरिश्रेष्ठ दत्तमस्याभयं मया
709	6012021c	विभीषणो वा सुग्रीव यदि वा रावणः स्वयम्
710	6012022a	ततस्तु सुग्रीववचो निशम्य त;द्धरीश्वरेणाभिहितं नरेश्वरः
711	6012022c	विभीषणेनाशु जगाम संगमं; पतत्रिराजेन यथा पुरंदरः
712	6013001a	राघवेणाभये दत्ते संनतो रावणानुजः
713	6013001c	खात्पपातावनिं हृष्टो भक्तैरनुचरैः सह
714	6013002a	स तु रामस्य धर्मात्मा निपपात विभीषणः
715	6013002c	पादयोः शरणान्वेषी चतुर्भिः सह राक्षसैः
716	6013003a	अब्रवीच्च तदा रामं वाक्यं तत्र विभीषणः
717	6013003c	धर्मयुक्तं च युक्तं च साम्प्रतं संप्रहर्षणम्
718	6013004a	अनुजो रावणस्याहं तेन चास्म्यवमानितः
719	6013004c	भवन्तं सर्वभूतानां शरण्यं शरणं गतः
720	6013005a	परित्यक्ता मया लङ्का मित्राणि च धनानि च
721	6013005c	भवद्गतं मे राज्यं च जीवितं च सुखानि च
722	6013006a	राक्षसानां वधे साह्यं लङ्कायाश्च प्रधर्षणे
723	6013006c	करिष्यामि यथाप्राणं प्रवेक्ष्यामि च वाहिनीम्
724	6013007a	इति ब्रुवाणं रामस्तु परिष्वज्य विभीषणम्
725	6013007c	अब्रवील्लक्ष्मणं प्रीतः समुद्राज्जलमानय
726	6013008a	तेन चेमं महाप्राज्ञमभिषिञ्च विभीषणम्
727	6013008c	राजानं रक्षसां क्षिप्रं प्रसन्ने मयि मानद
728	6013009a	एवमुक्तस्तु सौमित्रिरभ्यषिञ्चद्विभीषणम्
729	6013009c	मध्ये वानरमुख्यानां राजानं रामशासनात्
730	6013010a	तं प्रसादं तु रामस्य दृष्ट्वा सद्यः प्लवंगमाः
731	6013010c	प्रचुक्रुशुर्महानादान्साधु साध्विति चाब्रुवन्
732	6013011a	अब्रवीच्च हनूमांश्च सुग्रीवश्च विभीषणम्
733	6013011c	कथं सागरमक्षोभ्यं तराम वरुणालयम्
734	6013012a	उपायैरभिगच्छामो यथा नदनदीपतिम्
735	6013012c	तराम तरसा सर्वे ससैन्या वरुणालयम्
736	6013013a	एवमुक्तस्तु धर्मज्ञः प्रत्युवाच विभीषणः
737	6013013c	समुद्रं राघवो राजा शरणं गन्तुमर्हति
738	6013014a	खानितः सगरेणायमप्रमेयो महोदधिः
739	6013014c	कर्तुमर्हति रामस्य ज्ञातेः कार्यं महोदधिः
740	6013015a	एवं विभीषणेनोक्ते राक्षसेन विपश्चिता
741	6013015c	प्रकृत्या धर्मशीलस्य राघवस्याप्यरोचत
742	6013016a	स लक्ष्मणं महातेजाः सुग्रीवं च हरीश्वरम्
743	6013016c	सत्क्रियार्थं क्रियादक्षः स्मितपूर्वमुवाच ह
744	6013017a	विभीषणस्य मन्त्रोऽयं मम लक्ष्मण रोचते
745	6013017c	ब्रूहि त्वं सहसुग्रीवस्तवापि यदि रोचते
746	6013018a	सुग्रीवः पण्डितो नित्यं भवान्मन्त्रविचक्षणः
747	6013018c	उभाभ्यां संप्रधार्यार्यं रोचते यत्तदुच्यताम्
748	6013019a	एवमुक्तौ तु तौ वीरावुभौ सुग्रीवलक्ष्मणौ
749	6013019c	समुदाचार संयुक्तमिदं वचनमूचतुः
750	6013020a	किमर्थं नो नरव्याघ्र न रोचिष्यति राघव
751	6013020c	विभीषणेन यत्तूक्तमस्मिन्काले सुखावहम्
752	6013021a	अबद्ध्वा सागरे सेतुं घोरेऽस्मिन्वरुणालये
753	6013021c	लङ्का नासादितुं शक्या सेन्द्रैरपि सुरासुरैः
754	6013022a	विभीषणस्य शूरस्य यथार्थं क्रियतां वचः
755	6013022c	अलं कालात्ययं कृत्वा समुद्रोऽयं नियुज्यताम्
756	6013023a	एवमुक्तः कुशास्तीर्णे तीरे नदनदीपतेः
757	6013023c	संविवेश तदा रामो वेद्यामिव हुताशनः
758	6014001a	तस्य रामस्य सुप्तस्य कुशास्तीर्णे महीतले
759	6014001c	नियमादप्रमत्तस्य निशास्तिस्रोऽतिचक्रमुः
760	6014002a	न च दर्शयते मन्दस्तदा रामस्य सागरः
761	6014002c	प्रयतेनापि रामेण यथार्हमभिपूजितः
762	6014003a	समुद्रस्य ततः क्रुद्धो रामो रक्तान्तलोचनः
763	6014003c	समीपस्थमुवाचेदं लक्ष्मणं शुभलक्ष्मणम्
764	6014004a	पश्य तावदनार्यस्य पूज्यमानस्य लक्ष्मण
765	6014004c	अवलेपं समुद्रस्य न दर्शयति यत्स्वयम्
766	6014005a	प्रशमश्च क्षमा चैव आर्जवं प्रियवादिता
767	6014005c	असामर्थ्यं फलन्त्येते निर्गुणेषु सतां गुणाः
768	6014006a	आत्मप्रशंसिनं दुष्टं धृष्टं विपरिधावकम्
769	6014006c	सर्वत्रोत्सृष्टदण्डं च लोकः सत्कुरुते नरम्
770	6014007a	न साम्ना शक्यते कीर्तिर्न साम्ना शक्यते यशः
771	6014007c	प्राप्तुं लक्ष्मण लोकेऽस्मिञ्जयो वा रणमूधनि
772	6014008a	अद्य मद्बाणनिर्भिन्नैर्मकरैर्मकरालयम्
773	6014008c	निरुद्धतोयं सौमित्रे प्लवद्भिः पश्य सर्वतः
774	6014009a	महाभोगानि मत्स्यानां करिणां च करानिह
775	6014009c	भोगांश्च पश्य नागानां मया भिन्नानि लक्ष्मण
776	6014010a	सशङ्खशुक्तिका जालं समीनमकरं शरैः
777	6014010c	अद्य युद्धेन महता समुद्रं परिशोषये
778	6014011a	क्षमया हि समायुक्तं मामयं मकरालयः
779	6014011c	असमर्थं विजानाति धिक्क्षमामीदृशे जने
780	6014012a	चापमानय सौमित्रे शरांश्चाशीविषोपमान्
781	6014012c	अद्याक्षोभ्यमपि क्रुद्धः क्षोभयिष्यामि सागरम्
782	6014013a	वेलासु कृतमर्यादं सहसोर्मिसमाकुलम्
783	6014013c	निर्मर्यादं करिष्यामि सायकैर्वरुणालयम्
784	6014014a	एवमुक्त्वा धनुष्पाणिः क्रोधविस्फारितेक्षणः
785	6014014c	बभूव रामो दुर्धर्षो युगान्ताग्निरिव ज्वलन्
786	6014015a	संपीड्य च धनुर्घोरं कम्पयित्वा शरैर्जगत्
787	6014015c	मुमोच विशिखानुग्रान्वज्राणीव शतक्रतुः
788	6014016a	ते ज्वलन्तो महावेगास्तेजसा सायकोत्तमाः
789	6014016c	प्रविशन्ति समुद्रस्य सलिलं त्रस्तपन्नगम्
790	6014017a	ततो वेगः समुद्रस्य सनक्रमकरो महान्
791	6014017c	संबभूव महाघोरः समारुतरवस्तदा
792	6014018a	महोर्मिमालाविततः शङ्खशुक्तिसमाकुलः
793	6014018c	सधूमपरिवृत्तोर्मिः सहसाभून्महोदधिः
794	6014019a	व्यथिताः पन्नगाश्चासन्दीप्तास्या दीप्तलोचनाः
795	6014019c	दानवाश्च महावीर्याः पातालतलवासिनः
796	6014020a	ऊर्मयः सिन्धुराजस्य सनक्रमकरास्तदा
797	6014020c	विन्ध्यमन्दरसंकाशाः समुत्पेतुः सहस्रशः
798	6014021a	आघूर्णिततरङ्गौघः संभ्रान्तोरगराक्षसः
799	6014021c	उद्वर्तित महाग्राहः संवृत्तः सलिलाशयः
800	6015001a	ततो मध्यात्समुद्रस्य सागरः स्वयमुत्थितः
801	6015001c	उदयन्हि महाशैलान्मेरोरिव दिवाकरः
802	6015001e	पन्नगैः सह दीप्तास्यैः समुद्रः प्रत्यदृश्यत
803	6015002a	स्निग्धवैदूर्यसंकाशो जाम्बूनदविभूषितः
804	6015002c	रक्तमाल्याम्बरधरः पद्मपत्रनिभेक्षणः
805	6015003a	सागरः समतिक्रम्य पूर्वमामन्त्र्य वीर्यवान्
806	6015003c	अब्रवीत्प्राञ्जलिर्वाक्यं राघवं शरपाणिनम्
807	6015004a	पृथिवी वायुराकाशमापो ज्योतिश्च राघवः
808	6015004c	स्वभावे सौम्य तिष्ठन्ति शाश्वतं मार्गमाश्रिताः
809	6015005a	तत्स्वभावो ममाप्येष यदगाधोऽहमप्लवः
810	6015005c	विकारस्तु भवेद्राध एतत्ते प्रवदाम्यहम्
811	6015006a	न कामान्न च लोभाद्वा न भयात्पार्थिवात्मज
812	6015006c	ग्राहनक्राकुलजलं स्तम्भयेयं कथंचन
813	6015007a	विधास्ये राम येनापि विषहिष्ये ह्यहं तथा
814	6015007c	ग्राहा न प्रहरिष्यन्ति यावत्सेना तरिष्यति
815	6015008a	अयं सौम्य नलो नाम तनुजो विश्वकर्मणः
816	6015008c	पित्रा दत्तवरः श्रीमान्प्रतिमो विश्वकर्मणः
817	6015009a	एष सेतुं महोत्साहः करोतु मयि वानरः
818	6015009c	तमहं धारयिष्यामि तथा ह्येष यथा पिता
819	6015010a	एवमुक्त्वोदधिर्नष्टः समुत्थाय नलस्ततः
820	6015010c	अब्रवीद्वानरश्रेष्ठो वाक्यं रामं महाबलः
821	6015011a	अहं सेतुं करिष्यामि विस्तीर्णे वरुणालये
822	6015011c	पितुः सामर्थ्यमास्थाय तत्त्वमाह महोदधिः
823	6015012a	मम मातुर्वरो दत्तो मन्दरे विश्वकर्मणा
824	6015012c	औरसस्तस्य पुत्रोऽहं सदृशो विश्वकर्मणा
825	6015013a	न चाप्यहमनुक्तो वै प्रब्रूयामात्मनो गुणान्
826	6015013c	काममद्यैव बध्नन्तु सेतुं वानरपुंगवाः
827	6015014a	ततो निसृष्टरामेण सर्वतो हरियूथपाः
828	6015014c	अभिपेतुर्महारण्यं हृष्टाः शतसहस्रशः
829	6015015a	ते नगान्नगसंकाशाः शाखामृगगणर्षभाः
830	6015015c	बभञ्जुर्वानरास्तत्र प्रचकर्षुश्च सागरम्
831	6015016a	ते सालैश्चाश्वकर्णैश्च धवैर्वंशैश्च वानराः
832	6015016c	कुटजैरर्जुनैस्तालैस्तिकलैस्तिमिशैरपि
833	6015017a	बिल्वकैः सप्तपर्णैश्च कर्णिकारैश्च पुष्पितैः
834	6015017c	चूतैश्चाशोकवृक्षैश्च सागरं समपूरयन्
835	6015018a	समूलांश्च विमूलांश्च पादपान्हरिसत्तमाः
836	6015018c	इन्द्रकेतूनिवोद्यम्य प्रजह्रुर्हरयस्तरून्
837	6015019a	प्रक्षिप्यमाणैरचलैः सहसा जलमुद्धतम्
838	6015019c	समुत्पतितमाकाशमपासर्पत्ततस्ततः
839	6015020a	दशयोजनविस्तीर्णं शतयोजनमायतम्
840	6015020c	नलश्चक्रे महासेतुं मध्ये नदनदीपतेः
841	6015021a	शिलानां क्षिप्यमाणानां शैलानां तत्र पात्यताम्
842	6015021c	बभूव तुमुलः शब्दस्तदा तस्मिन्महोदधौ
843	6015022a	स नलेन कृतः सेतुः सागरे मकरालये
844	6015022c	शुशुभे सुभगः श्रीमान्स्वातीपथ इवाम्बरे
845	6015023a	ततो देवाः सगन्धर्वाः सिद्धाश्च परमर्षयः
846	6015024a	आप्लवन्तः प्लवन्तश्च गर्जन्तश्च प्लवंगमाः
847	6015024c	तमचिन्त्यमसह्यं च अद्भुतं लोमहर्षणम्
848	6015024e	ददृशुः सर्वभूतानि सागरे सेतुबन्धनम्
849	6015025a	तानि कोटिसहस्राणि वानराणां महौजसाम्
850	6015025c	बध्नन्तः सागरे सेतुं जग्मुः पारं महोदधेः
851	6015026a	विशालः सुकृतः श्रीमान्सुभूमिः सुसमाहितः
852	6015026c	अशोभत महासेतुः सीमन्त इव सागरे
853	6015027a	ततः परे समुद्रस्य गदापाणिर्विभीषणः
854	6015027c	परेषामभिघतार्थमतिष्ठत्सचिवैः सह
855	6015028a	अग्रतस्तस्य सैन्यस्य श्रीमान्रामः सलक्ष्मणः
856	6015028c	जगाम धन्वी धर्मात्मा सुग्रीवेण समन्वितः
857	6015029a	अन्ये मध्येन गच्छन्ति पार्श्वतोऽन्ये प्लवंगमाः
858	6015029c	सलिले प्रपतन्त्यन्ये मार्गमन्ये न लेभिरे
859	6015029e	केचिद्वैहायस गताः सुपर्णा इव पुप्लुवुः
860	6015030a	घोषेण महता घोषं सागरस्य समुच्छ्रितम्
861	6015030c	भीममन्तर्दधे भीमा तरन्ती हरिवाहिनी
862	6015031a	वानराणां हि सा तीर्णा वाहिनी नल सेतुना
863	6015031c	तीरे निविविशे राज्ञा बहुमूलफलोदके
864	6015032a	तदद्भुतं राघव कर्म दुष्करं; समीक्ष्य देवाः सह सिद्धचारणैः
865	6015032c	उपेत्य रामं सहिता महर्षिभिः; समभ्यषिञ्चन्सुशुभैर्जलैः पृथक्
866	6015033a	जयस्व शत्रून्नरदेव मेदिनीं; ससागरां पालय शाश्वतीः समाः
867	6015033c	इतीव रामं नरदेवसत्कृतं; शुभैर्वचोभिर्विविधैरपूजयन्
868	6016001a	सबले सागरं तीर्णे रामे दशरथात्मजे
869	6016001c	अमात्यौ रावणः श्रीमानब्रवीच्छुकसारणौ
870	6016002a	समग्रं सागरं तीर्णं दुस्तरं वानरं बलम्
871	6016002c	अभूतपूर्वं रामेण सागरे सेतुबन्धनम्
872	6016003a	सागरे सेतुबन्धं तु न श्रद्दध्यां कथंचन
873	6016003c	अवश्यं चापि संख्येयं तन्मया वानरं बलम्
874	6016004a	भवन्तौ वानरं सैन्यं प्रविश्यानुपलक्षितौ
875	6016004c	परिमाणं च वीर्यं च ये च मुख्याः प्लवंगमाः
876	6016005a	मन्त्रिणो ये च रामस्य सुग्रीवस्य च संमताः
877	6016005c	ये पूर्वमभिवर्तन्ते ये च शूराः प्लवंगमाः
878	6016006a	स च सेतुर्यथा बद्धः सागरे सलिलार्णवे
879	6016006c	निवेशश्च यथा तेषां वानराणां महात्मनाम्
880	6016007a	रामस्य व्यवसायं च वीर्यं प्रहरणानि च
881	6016007c	लक्ष्मणस्य च वीरस्य तत्त्वतो ज्ञातुमर्हथ
882	6016008a	कश्च सेनापतिस्तेषां वानराणां महौजसाम्
883	6016008c	एतज्ज्ञात्वा यथातत्त्वं शीघ्रमगन्तुमर्हथः
884	6016009a	इति प्रतिसमादिष्टौ राक्षसौ शुकसारणौ
885	6016009c	हरिरूपधरौ वीरौ प्रविष्टौ वानरं बलम्
886	6016010a	ततस्तद्वानरं सैन्यमचिन्त्यं लोमहर्षणम्
887	6016010c	संख्यातुं नाध्यगच्छेतां तदा तौ शुकसारणौ
888	6016011a	तत्स्थितं पर्वताग्रेषु निर्दरेषु गुहासु च
889	6016011c	समुद्रस्य च तीरेषु वनेषूपवनेषु च
890	6016012a	तरमाणं च तीर्णं च तर्तुकामं च सर्वशः
891	6016012c	निविष्टं निविशच्चैव भीमनादं महाबलम्
892	6016013a	तौ ददर्श महातेजाः प्रच्छन्नौ च विभीषणः
893	6016013c	आचचक्षेऽथ रामाय गृहीत्वा शुकसारणौ
894	6016013e	लङ्कायाः समनुप्राप्तौ चारौ परपुरंजयौ
895	6016014a	तौ दृष्ट्वा व्यथितौ रामं निराशौ जीविते तदा
896	6016014c	कृताञ्जलिपुटौ भीतौ वचनं चेदमूचतुः
897	6016015a	आवामिहागतौ सौम्य रावणप्रहितावुभौ
898	6016015c	परिज्ञातुं बलं कृत्स्नं तवेदं रघुनन्दन
899	6016016a	तयोस्तद्वचनं श्रुत्वा रामो दशरथात्मजः
900	6016016c	अब्रवीत्प्रहसन्वाक्यं सर्वभूतहिते रतः
901	6016017a	यदि दृष्टं बलं कृत्स्नं वयं वा सुसमीक्षिताः
902	6016017c	यथोक्तं वा कृतं कार्यं छन्दतः प्रतिगम्यताम्
903	6016018a	प्रविश्य नगरीं लङ्कां भवद्भ्यां धनदानुजः
904	6016018c	वक्तव्यो रक्षसां राजा यथोक्तं वचनं मम
905	6016019a	यद्बलं च समाश्रित्य सीतां मे हृतवानसि
906	6016019c	तद्दर्शय यथाकामं ससैन्यः सहबान्धवः
907	6016020a	श्वःकाले नगरीं लङ्कां सप्राकारां सतोरणाम्
908	6016020c	राक्षसं च बलं पश्य शरैर्विध्वंसितं मया
909	6016021a	घोरं रोषमहं मोक्ष्ये बलं धारय रावण
910	6016021c	श्वःकाले वज्रवान्वज्रं दानवेष्विव वासवः
911	6016022a	इति प्रतिसमादिष्टौ राक्षसौ शुकसारणौ
912	6016022c	आगम्य नगरीं लङ्कामब्रूतां राक्षसाधिपम्
913	6016023a	विभीषणगृहीतौ तु वधार्हौ राक्षसेश्वर
914	6016023c	दृष्ट्वा धर्मात्मना मुक्तौ रामेणामिततेजसा
915	6016024a	एकस्थानगता यत्र चत्वारः पुरुषर्षभाः
916	6016024c	लोकपालोपमाः शूराः कृतास्त्रा दृढविक्रमाः
917	6016025a	रामो दाशरथिः श्रीमाँल्लक्ष्मणश्च विभीषणः
918	6016025c	सुग्रीवश्च महातेजा महेन्द्रसमविक्रमः
919	6016026a	एते शक्ताः पुरीं लङ्कां सप्राकारां सतोरणाम्
920	6016026c	उत्पाट्य संक्रामयितुं सर्वे तिष्ठन्तु वानराः
921	6016027a	यादृशं तस्य रामस्य रूपं प्रहरणानि च
922	6016027c	वधिष्यति पुरीं लङ्कामेकस्तिष्ठन्तु ते त्रयः
923	6016028a	रामलक्ष्मणगुप्ता सा सुग्रीवेण च वाहिनी
924	6016028c	बभूव दुर्धर्षतरा सर्वैरपि सुरासुरैः
925	6016029a	प्रहृष्टरूपा ध्वजिनी वनौकसां; महात्मनां संप्रति योद्धुमिच्छताम्
926	6016029c	अलं विरोधेन शमो विधीयतां; प्रदीयतां दाशरथाय मैथिली
927	6017001a	तद्वचः पथ्यमक्लीबं सारणेनाभिभाषितम्
928	6017001c	निशम्य रावणो राजा प्रत्यभाषत सारणम्
929	6017002a	यदि मामभियुञ्जीरन्देवगन्धर्वदानवाः
930	6017002c	नैव सीतां प्रदास्यामि सर्वलोकभयादपि
931	6017003a	त्वं तु सौम्य परित्रस्तो हरिभिर्निर्जितो भृशम्
932	6017003c	प्रतिप्रदानमद्यैव सीतायाः साधु मन्यसे
933	6017003e	को हि नाम सपत्नो मां समरे जेतुमर्हति
934	6017004a	इत्युक्त्वा परुषं वाक्यं रावणो राक्षसाधिपः
935	6017004c	आरुरोह ततः श्रीमान्प्रासादं हिमपाण्डुरम्
936	6017004e	बहुतालसमुत्सेधं रावणोऽथ दिदृक्षया
937	6017005a	ताभ्यां चराभ्यां सहितो रावणः क्रोधमूर्छितः
938	6017005c	पश्यमानः समुद्रं च पर्वतांश्च वनानि च
939	6017005e	ददर्श पृथिवीदेशं सुसंपूर्णं प्लवंगमैः
940	6017006a	तदपारमसंख्येयं वानराणां महद्बलम्
941	6017006c	आलोक्य रावणो राजा परिपप्रच्छ सारणम्
942	6017007a	एषां वानरमुख्यानां के शूराः के महाबलाः
943	6017007c	के पूर्वमभिवर्तन्ते महोत्साहाः समन्ततः
944	6017008a	केषां शृणोति सुग्रीवः के वा यूथपयूथपाः
945	6017008c	सारणाचक्ष्व मे सर्वं के प्रधानाः प्लवंगमाः
946	6017009a	सारणो राक्षसेन्द्रस्य वचनं परिपृच्छतः
947	6017009c	आचचक्षेऽथ मुख्यज्ञो मुख्यांस्तांस्तु वनौकसः
948	6017010a	एष योऽभिमुखो लङ्कां नर्दंस्तिष्ठति वानरः
949	6017010c	यूथपानां सहस्राणां शतेन परिवारितः
950	6017011a	यस्य घोषेण महता सप्राकारा सतोरणा
951	6017011c	लङ्का प्रवेपते सर्वा सशैलवनकानना
952	6017012a	सर्वशाखामृगेन्द्रस्य सुग्रीवस्य महात्मनः
953	6017012c	बलाग्रे तिष्ठते वीरो नीलो नामैष यूथपः
954	6017013a	बाहू प्रगृह्य यः पद्भ्यां महीं गच्छति वीर्यवान्
955	6017013c	लङ्कामभिमुखः कोपादभीक्ष्णं च विजृम्भते
956	6017014a	गिरिशृङ्गप्रतीकाशः पद्मकिञ्जल्कसंनिभः
957	6017014c	स्फोटयत्यभिसंरब्धो लाङ्गूलं च पुनः पुनः
958	6017015a	यस्य लाङ्गूलशब्देन स्वनन्तीव दिशो दश
959	6017015c	एष वानरराजेन सुर्ग्रीवेणाभिषेचितः
960	6017015e	यौवराज्येऽङ्गदो नाम त्वामाह्वयति संयुगे
961	6017016a	ये तु विष्टभ्य गात्राणि क्ष्वेडयन्ति नदन्ति च
962	6017016c	उत्थाय च विजृम्भन्ते क्रोधेन हरिपुंगवाः
963	6017017a	एते दुष्प्रसहा घोराश्चण्डाश्चण्डपराक्रमाः
964	6017017c	अष्टौ शतसहस्राणि दशकोटिशतानि च
965	6017018a	य एनमनुगच्छन्ति वीराश्चन्दनवासिनः
966	6017018c	एष आशंसते लङ्कां स्वेनानीकेन मर्दितुम्
967	6017019a	श्वेतो रजतसंकाशः सबलो भीमविक्रमः
968	6017019c	बुद्धिमान्वानरः शूरस्त्रिषु लोकेषु विश्रुतः
969	6017020a	तूर्णं सुग्रीवमागम्य पुनर्गच्छति वानरः
970	6017020c	विभजन्वानरीं सेनामनीकानि प्रहर्षयन्
971	6017021a	यः पुरा गोमतीतीरे रम्यं पर्येति पर्वतम्
972	6017021c	नाम्ना संकोचनो नाम नानानगयुतो गिरिः
973	6017022a	तत्र राज्यं प्रशास्त्येष कुमुदो नाम यूथपः
974	6017022c	योऽसौ शतसहस्राणां सहस्रं परिकर्षति
975	6017023a	यस्य वाला बहुव्यामा दीर्घलाङ्गूलमाश्रिताः
976	6017023c	ताम्राः पीताः सिताः श्वेताः प्रकीर्णा घोरकर्मणः
977	6017024a	अदीनो रोषणश्चण्डः संग्राममभिकाङ्क्षति
978	6017024c	एषैवाशंसते लङ्कां स्वेनानीकेन मर्दितुम्
979	6017025a	यस्त्वेष सिंहसंकाशः कपिलो दीर्घकेसरः
980	6017025c	निभृतः प्रेक्षते लङ्कां दिधक्षन्निव चक्षुषा
981	6017026a	विन्ध्यं कृष्णगिरिं सह्यं पर्वतं च सुदर्शनम्
982	6017026c	राजन्सततमध्यास्ते रम्भो नामैष यूथपः
983	6017027a	शतं शतसहस्राणां त्रिंशच्च हरियूथपाः
984	6017027c	परिवार्यानुगच्छन्ति लङ्कां मर्दितुमोजसा
985	6017028a	यस्तु कर्णौ विवृणुते जृम्भते च पुनः पुनः
986	6017028c	न च संविजते मृत्योर्न च यूथाद्विधावति
987	6017029a	महाबलो वीतभयो रम्यं साल्वेय पर्वतम्
988	6017029c	राजन्सततमध्यास्ते शरभो नाम यूथपः
989	6017030a	एतस्य बलिनः सर्वे विहारा नाम यूथपाः
990	6017030c	राजञ्शतसहस्राणि चत्वारिंशत्तथैव च
991	6017031a	यस्तु मेघ इवाकाशं महानावृत्य तिष्ठति
992	6017031c	मध्ये वानरवीराणां सुराणामिव वासवः
993	6017032a	भेरीणामिव संनादो यस्यैष श्रूयते महान्
994	6017032c	घोरः शाखामृगेन्द्राणां संग्राममभिकाङ्क्षताम्
995	6017033a	एष पर्वतमध्यास्ते पारियात्रमनुत्तमम्
996	6017033c	युद्धे दुष्प्रसहो नित्यं पनसो नाम यूथपः
997	6017034a	एनं शतसहस्राणां शतार्धं पर्युपासते
998	6017034c	यूथपा यूथपश्रेष्ठं येषां यूथानि भागशः
999	6017035a	यस्तु भीमां प्रवल्गन्तीं चमूं तिष्ठति शोभयन्
1000	6017035c	स्थितां तीरे समुद्रस्य द्वितीय इव सागरः
1001	6017036a	एष दर्दरसंकाशो विनतो नाम यूथपः
1002	6017036c	पिबंश्चरति पर्णाशां नदीनामुत्तमां नदीम्
1003	6017037a	षष्टिः शतसहस्राणि बलमस्य प्लवंगमाः
1004	6017037c	त्वामाह्वयति युद्धाय क्रथनो नाम यूथपः
1005	6017038a	यस्तु गैरिकवर्णाभं वपुः पुष्यति वानरः
1006	6017038c	गवयो नाम तेजस्वी त्वां क्रोधादभिवर्तते
1007	6017039a	एनं शतसहस्राणि सप्ततिः पर्युपासते
1008	6017039c	एष आशंसते लङ्कां स्वेनानीकेन मर्दितुम्
1009	6017040a	एते दुष्प्रसहा घोरा बलिनः कामरूपिणः
1010	6017040c	यूथपा यूथपश्रेष्ठा येषां संख्या न विद्यते
1011	6018001a	तांस्तु तेऽहं प्रवक्ष्यामि प्रेक्षमाणस्य यूथपान्
1012	6018001c	राघवार्थे पराक्रान्ता ये न रक्षन्ति जीवितम्
1013	6018002a	स्निग्धा यस्य बहुश्यामा बाला लाङ्गूलमाश्रिताः
1014	6018002c	ताम्राः पीताः सिताः श्वेताः प्रकीर्णा घोरकर्मणः
1015	6018003a	प्रगृहीताः प्रकाशन्ते सूर्यस्येव मरीचयः
1016	6018003c	पृथिव्यां चानुकृष्यन्ते हरो नामैष यूथपः
1017	6018004a	यं पृष्ठतोऽनुगच्छन्ति शतशोऽथ सहस्रशः
1018	6018004c	द्रुमानुद्यम्य सहिता लङ्कारोहणतत्पराः
1019	6018005a	एष कोटीसहस्रेण वानराणां महौजसाम्
1020	6018005c	आकाङ्क्षते त्वां संग्रामे जेतुं परपुरंजय
1021	6018006a	नीलानिव महामेघांस्तिष्ठतो यांस्तु पश्यसि
1022	6018006c	असिताञ्जनसंकाशान्युद्धे सत्यपराक्रमान्
1023	6018007a	नखदंष्ट्रायुधान्वीरांस्तीक्ष्णकोपान्भयावहान्
1024	6018007c	असंख्येयाननिर्देश्यान्परं पारमिवोदधेः
1025	6018008a	पर्वतेषु च ये केचिद्विषमेषु नदीषु च
1026	6018008c	एते त्वामभिवर्तन्ते राजन्नृष्काः सुदारुणाः
1027	6018009a	एषां मध्ये स्थितो राजन्भीमाक्षो भीमदर्शनः
1028	6018009c	पर्जन्य इव जीमूतैः समन्तात्परिवारितः
1029	6018010a	ऋक्षवन्तं गिरिश्रेष्ठमध्यास्ते नर्मदां पिबन्
1030	6018010c	सर्वर्क्षाणामधिपतिर्धूम्रो नामैष यूथपः
1031	6018011a	यवीयानस्य तु भ्राता पश्यैनं पर्वतोपमम्
1032	6018011c	भ्रात्रा समानो रूपेण विशिष्टस्तु पराक्रमे
1033	6018012a	स एष जाम्बवान्नाम महायूथपयूथपः
1034	6018012c	प्रशान्तो गुरुवर्ती च संप्रहारेष्वमर्षणः
1035	6018013a	एतेन साह्यं सुमहत्कृतं शक्रस्य धीमता
1036	6018013c	देवासुरे जाम्बवता लब्धाश्च बहवो वराः
1037	6018014a	आरुह्य पर्वताग्रेभ्यो महाभ्रविपुलाः शिलाः
1038	6018014c	मुञ्चन्ति विपुलाकारा न मृत्योरुद्विजन्ति च
1039	6018015a	राक्षसानां च सदृशाः पिशाचानां च रोमशाः
1040	6018015c	एतस्य सैन्ये बहवो विचरन्त्यग्नितेजसः
1041	6018016a	यं त्वेनमभिसंरब्धं प्लवमानमिव स्थितम्
1042	6018016c	प्रेक्षन्ते वानराः सर्वे स्थितं यूथपयूथपम्
1043	6018017a	एष राजन्सहस्राक्षं पर्युपास्ते हरीश्वरः
1044	6018017c	बलेन बलसंपन्नो रम्भो नामैष यूथपः
1045	6018018a	यः स्थितं योजने शैलं गच्छन्पार्श्वेन सेवते
1046	6018018c	ऊर्ध्वं तथैव कायेन गतः प्राप्नोति योजनम्
1047	6018019a	यस्मान्न परमं रूपं चतुष्पादेषु विद्यते
1048	6018019c	श्रुतः संनादनो नाम वानराणां पितामहः
1049	6018020a	येन युद्धं तदा दत्तं रणे शक्रस्य धीमता
1050	6018020c	पराजयश्च न प्राप्तः सोऽयं यूथपयूथपः
1051	6018020e	यस्य विक्रममाणस्य शक्रस्येव पराक्रमः
1052	6018021a	एष गन्धर्वकन्यायामुत्पन्नः कृष्णवर्त्मना
1053	6018021c	पुरा देवासुरे युद्धे साह्यार्थं त्रिदिवौकसाम्
1054	6018022a	यस्य वैश्रवणो राजा जम्बूमुपनिषेवते
1055	6018022c	यो राजा पर्वतेन्द्राणां बहुकिंनरसेविनाम्
1056	6018023a	विहारसुखदो नित्यं भ्रातुस्ते राक्षसाधिप
1057	6018023c	तत्रैष वसति श्रीमान्बलवान्वानरर्षभः
1058	6018023e	युद्धेष्वकत्थनो नित्यं क्रथनो नाम यूथपः
1059	6018024a	वृतः कोटिसहस्रेण हरीणां समुपस्थितः
1060	6018024c	एषैवाशंसते लङ्कां स्वेनानीकेन मर्दितुम्
1061	6018025a	यो गङ्गामनु पर्येति त्रासयन्हस्तियूथपान्
1062	6018025c	हस्तिनां वानराणां च पूर्ववैरमनुस्मरन्
1063	6018026a	एष यूथपतिर्नेता गच्छन्गिरिगुहाशयः
1064	6018026c	हरीणां वाहिनी मुख्यो नदीं हैमवतीमनु
1065	6018027a	उशीर बीजमाश्रित्य पर्वतं मन्दरोपमम्
1066	6018027c	रमते वानरश्रेष्ठो दिवि शक्र इव स्वयम्
1067	6018028a	एनं शतसहस्राणां सहस्रमभिवर्तते
1068	6018028c	एष दुर्मर्षणो राजन्प्रमाथी नाम यूथपः
1069	6018029a	वातेनेवोद्धतं मेघं यमेनमनुपश्यसि
1070	6018029c	विवर्तमानं बहुशो यत्रैतद्बहुलं रजः
1071	6018030a	एतेऽसितमुखा घोरा गोलाङ्गूला महाबलाः
1072	6018030c	शतं शतसहस्राणि दृष्ट्वा वै सेतुबन्धनम्
1073	6018031a	गोलाङ्गूलं महावेगं गवाक्षं नाम यूथपम्
1074	6018031c	परिवार्याभिवर्तन्ते लङ्कां मर्दितुमोजसा
1075	6018032a	भ्रमराचरिता यत्र सर्वकामफलद्रुमाः
1076	6018032c	यं सूर्यतुल्यवर्णाभमनुपर्येति पर्वतम्
1077	6018033a	यस्य भासा सदा भान्ति तद्वर्णा मृगपक्षिणः
1078	6018033c	यस्य प्रस्थं महात्मानो न त्यजन्ति महर्षयः
1079	6018034a	तत्रैष रमते राजन्रम्ये काञ्चनपर्वते
1080	6018034c	मुख्यो वानरमुख्यानां केसरी नाम यूथपः
1081	6018035a	षष्टिर्गिरिसहस्राणां रम्याः काञ्चनपर्वताः
1082	6018035c	तेषां मध्ये गिरिवरस्त्वमिवानघ रक्षसाम्
1083	6018036a	तत्रैते कपिलाः श्वेतास्ताम्रास्या मधुपिङ्गलाः
1084	6018036c	निवसन्त्युत्तमगिरौ तीक्ष्णदंष्ट्रानखायुधाः
1085	6018037a	सिंह इव चतुर्दंष्ट्रा व्याघ्रा इव दुरासदाः
1086	6018037c	सर्वे वैश्वनरसमा ज्वलिताशीविषोपमाः
1087	6018038a	सुदीर्घाञ्चितलाङ्गूला मत्तमातंगसंनिभाः
1088	6018038c	महापर्वतसंकाशा महाजीमूतनिस्वनाः
1089	6018039a	एष चैषामधिपतिर्मध्ये तिष्ठति वीर्यवान्
1090	6018039c	नाम्ना पृथिव्यां विख्यातो राजञ्शतबलीति यः
1091	6018039e	एषैवाशंसते लङ्कां स्वेनानीकेन मर्दितुम्
1092	6018040a	गजो गवाक्षो गवयो नलो नीलश्च वानरः
1093	6018040c	एकैक एव यूथानां कोटिभिर्दशभिर्वृतः
1094	6018041a	तथान्ये वानरश्रेष्ठा विन्ध्यपर्वतवासिनः
1095	6018041c	न शक्यन्ते बहुत्वात्तु संख्यातुं लघुविक्रमाः
1096	6018042a	सर्वे महाराज महाप्रभावाः; सर्वे महाशैलनिकाशकायाः
1097	6018042c	सर्वे समर्थाः पृथिवीं क्षणेन; कर्तुं प्रविध्वस्तविकीर्णशैलाम्
1098	6019001a	सारणस्य वचः श्रुत्वा रावणं राक्षसाधिपम्
1099	6019001c	बलमालोकयन्सर्वं शुको वाक्यमथाब्रवीत्
1100	6019002a	स्थितान्पश्यसि यानेतान्मत्तानिव महाद्विपान्
1101	6019002c	न्यग्रोधानिव गाङ्गेयान्सालान्हैमवतीनिव
1102	6019003a	एते दुष्प्रसहा राजन्बलिनः कामरूपिणः
1103	6019003c	दैत्यदानवसंकाशा युद्धे देवपराक्रमाः
1104	6019004a	एषां कोटिसहस्राणि नव पञ्चच सप्त च
1105	6019004c	तथा शङ्खसहस्राणि तथा वृन्दशतानि च
1106	6019005a	एते सुग्रीवसचिवाः किष्किन्धानिलयाः सदा
1107	6019005c	हरयो देवगन्धर्वैरुत्पन्नाः कामरूपिणः
1108	6019006a	यौ तौ पश्यसि तिष्ठन्तौ कुमारौ देवरूपिणौ
1109	6019006c	मैन्दश्च द्विविदश्चोभौ ताभ्यां नास्ति समो युधि
1110	6019007a	ब्रह्मणा समनुज्ञातावमृतप्राशिनावुभौ
1111	6019007c	आशंसेते युधा लङ्कामेतौ मर्दितुमोजसा
1112	6019008a	यावेतावेतयोः पार्श्वे स्थितौ पर्वतसंनिभौ
1113	6019008c	सुमुखो विमुखश्चैव मृत्युपुत्रौ पितुः समौ
1114	6019009a	यं तु पश्यसि तिष्ठन्तं प्रभिन्नमिव कुञ्जरम्
1115	6019009c	यो बलात्क्षोभयेत्क्रुद्धः समुद्रमपि वानरः
1116	6019010a	एषोऽभिगन्ता लङ्काया वैदेह्यास्तव च प्रभो
1117	6019010c	एनं पश्य पुरा दृष्टं वानरं पुनरागतम्
1118	6019011a	ज्येष्ठः केसरिणः पुत्रो वातात्मज इति श्रुतः
1119	6019011c	हनूमानिति विख्यातो लङ्घितो येन सागरः
1120	6019012a	कामरूपी हरिश्रेष्ठो बलरूपसमन्वितः
1121	6019012c	अनिवार्यगतिश्चैव यथा सततगः प्रभुः
1122	6019013a	उद्यन्तं भास्करं दृष्ट्वा बालः किल पिपासितः
1123	6019013c	त्रियोजनसहस्रं तु अध्वानमवतीर्य हि
1124	6019014a	आदित्यमाहरिष्यामि न मे क्षुत्प्रतियास्यति
1125	6019014c	इति संचिन्त्य मनसा पुरैष बलदर्पितः
1126	6019015a	अनाधृष्यतमं देवमपि देवर्षिदानवैः
1127	6019015c	अनासाद्यैव पतितो भास्करोदयने गिरौ
1128	6019016a	पतितस्य कपेरस्य हनुरेका शिलातले
1129	6019016c	किंचिद्भिन्ना दृढहनोर्हनूमानेष तेन वै
1130	6019017a	सत्यमागमयोगेन ममैष विदितो हरिः
1131	6019017c	नास्य शक्यं बलं रूपं प्रभावो वानुभाषितुम्
1132	6019018a	एष आशंसते लङ्कामेको मर्दितुमोजसा
1133	6019018c	यश्चैषोऽनन्तरः शूरः श्यामः पद्मनिभेक्षणः
1134	6019019a	इक्ष्वाकूणामतिरथो लोके विख्यात पौरुषः
1135	6019019c	यस्मिन्न चलते धर्मो यो धर्मं नातिवर्तते
1136	6019020a	यो ब्राह्ममस्त्रं वेदांश्च वेद वेदविदां वरः
1137	6019020c	यो भिन्द्याद्गगनं बाणैः पर्वतांश्चापि दारयेत्
1138	6019021a	यस्य मृत्योरिव क्रोधः शक्रस्येव पराक्रमः
1139	6019021c	स एष रामस्त्वां योद्धुं राजन्समभिवर्तते
1140	6019022a	यश्चैष दक्षिणे पार्श्वे शुद्धजाम्बूनदप्रभः
1141	6019022c	विशालवक्षास्ताम्राक्षो नीलकुञ्चितमूर्धजः
1142	6019023a	एषोऽस्य लक्ष्मणो नाम भ्राता प्राणसमः प्रियः
1143	6019023c	नये युद्धे च कुशलः सर्वशास्त्रविशारदः
1144	6019024a	अमर्षी दुर्जयो जेता विक्रान्तो बुद्धिमान्बली
1145	6019024c	रामस्य दक्षिणो बाहुर्नित्यं प्राणो बहिश्चरः
1146	6019025a	न ह्येष राघवस्यार्थे जीवितं परिरक्षति
1147	6019025c	एषैवाशंसते युद्धे निहन्तुं सर्वराक्षसान्
1148	6019026a	यस्तु सव्यमसौ पक्षं रामस्याश्रित्य तिष्ठति
1149	6019026c	रक्षोगणपरिक्षिप्तो राजा ह्येष विभीषणः
1150	6019027a	श्रीमता राजराजेन लङ्कायामभिषेचितः
1151	6019027c	त्वामेव प्रतिसंरब्धो युद्धायैषोऽभिवर्तते
1152	6019028a	यं तु पश्यसि तिष्ठन्तं मध्ये गिरिमिवाचलम्
1153	6019028c	सर्वशाखामृगेन्द्राणां भर्तारमपराजितम्
1154	6019029a	तेजसा यशसा बुद्ध्या ज्ञानेनाभिजनेन च
1155	6019029c	यः कपीनति बभ्राज हिमवानिव पर्वतान्
1156	6019030a	किष्किन्धां यः समध्यास्ते गुहां सगहनद्रुमाम्
1157	6019030c	दुर्गां पर्वतदुर्गस्थां प्रधानैः सह यूथपैः
1158	6019031a	यस्यैषा काञ्चनी माला शोभते शतपुष्करा
1159	6019031c	कान्ता देवमनुष्याणां यस्यां लक्ष्मीः प्रतिष्ठिता
1160	6019032a	एतां च मालां तारां च कपिराज्यं च शाश्वतम्
1161	6019032c	सुग्रीवो वालिनं हत्वा रामेण प्रतिपादितः
1162	6019033a	एवं कोटिसहस्रेण शङ्कूनां च शतेन च
1163	6019033c	सुग्रीवो वानरेन्द्रस्त्वां युद्धार्थमभिवर्तते
1164	6019034a	इमां महाराजसमीक्ष्य वाहिनी;मुपस्थितां प्रज्वलितग्रहोपमाम्
1165	6019034c	ततः प्रयत्नः परमो विधीयतां; यथा जयः स्यान्न परैः पराजयः
1166	6020001a	शुकेन तु समाख्यातांस्तान्दृष्ट्वा हरियूथपान्
1167	6020001c	समीपस्थं च रामस्य भ्रातरं स्वं विभीषणम्
1168	6020002a	लक्ष्मणं च महावीर्यं भुजं रामस्य दक्षिणम्
1169	6020002c	सर्ववानरराजं च सुग्रीवं भीमविक्रमम्
1170	6020003a	किंचिदाविग्नहृदयो जातक्रोधश्च रावणः
1171	6020003c	भर्त्सयामास तौ वीरौ कथान्ते शुकसारणौ
1172	6020004a	अधोमुखौ तौ प्रणतावब्रवीच्छुकसारणौ
1173	6020004c	रोषगद्गदया वाचा संरब्धः परुषं वचः
1174	6020005a	न तावत्सदृशं नाम सचिवैरुपजीविभिः
1175	6020005c	विप्रियं नृपतेर्वक्तुं निग्रहप्रग्रहे विभोः
1176	6020006a	रिपूणां प्रतिकूलानां युद्धार्थमभिवर्तताम्
1177	6020006c	उभाभ्यां सदृशं नाम वक्तुमप्रस्तवे स्तवम्
1178	6020007a	आचार्या गुरवो वृद्धा वृथा वां पर्युपासिताः
1179	6020007c	सारं यद्राजशास्त्राणामनुजीव्यं न गृह्यते
1180	6020008a	गृहीतो वा न विज्ञातो भारो ज्ञानस्य वोछ्यते
1181	6020008c	ईदृशैः सचिवैर्युक्तो मूर्खैर्दिष्ट्या धराम्यहम्
1182	6020009a	किं नु मृत्योर्भयं नास्ति मां वक्तुं परुषं वचः
1183	6020009c	यस्य मे शासतो जिह्वा प्रयच्छति शुभाशुभम्
1184	6020010a	अप्येव दहनं स्पृष्ट्वा वने तिष्ठन्ति पादपाः
1185	6020010c	राजदोषपरामृष्टास्तिष्ठन्ते नापराधिनः
1186	6020011a	हन्यामहमिमौ पापौ शत्रुपक्षप्रशंसकौ
1187	6020011c	यदि पूर्वोपकारैर्मे न क्रोधो मृदुतां व्रजेत्
1188	6020012a	अपध्वंसत गच्छध्वं संनिकर्षादितो मम
1189	6020012c	न हि वां हन्तुमिच्छामि स्मरन्नुपकृतानि वाम्
1190	6020012e	हतावेव कृतघ्नौ तौ मयि स्नेहपराङ्मुखौ
1191	6020013a	एवमुक्तौ तु सव्रीडौ तावुभौ शुकसारणौ
1192	6020013c	रावणं जयशब्देन प्रतिनन्द्याभिनिःसृतौ
1193	6020014a	अब्रवीत्स दशग्रीवः समीपस्थं महोदरम्
1194	6020014c	उपस्थापय शीघ्रं मे चारान्नीतिविशारदान्
1195	6020015a	ततश्चराः संत्वरिताः प्राप्ताः पार्थिवशासनात्
1196	6020015c	उपस्थिताः प्राञ्जलयो वर्धयित्वा जयाशिषा
1197	6020016a	तानब्रवीत्ततो वाक्यं रावणो राक्षसाधिपः
1198	6020016c	चारान्प्रत्ययिकाञ्शूरान्भक्तान्विगतसाध्वसान्
1199	6020017a	इतो गच्छत रामस्य व्यवसायं परीक्षथ
1200	6020017c	मन्त्रेष्वभ्यन्तरा येऽस्य प्रीत्या तेन समागताः
1201	6020018a	कथं स्वपिति जागर्ति किमन्यच्च करिष्यति
1202	6020018c	विज्ञाय निपुणं सर्वमागन्तव्यमशेषतः
1203	6020019a	चारेण विदितः शत्रुः पण्डितैर्वसुधाधिपैः
1204	6020019c	युद्धे स्वल्पेन यत्नेन समासाद्य निरस्यते
1205	6020020a	चारास्तु ते तथेत्युक्त्वा प्रहृष्टा राक्षसेश्वरम्
1206	6020020c	कृत्वा प्रदक्षिणं जग्मुर्यत्र रामः सलक्ष्मणः
1207	6020021a	ते सुवेलस्य शैलस्य समीपे रामलक्ष्मणौ
1208	6020021c	प्रच्छन्ना ददृशुर्गत्वा ससुग्रीवविभीषणौ
1209	6020022a	ते तु धर्मात्मना दृष्टा राक्षसेन्द्रेण राक्षसाः
1210	6020022c	विभीषणेन तत्रस्था निगृहीता यदृच्छया
1211	6020023a	वानरैरर्दितास्ते तु विक्रान्तैर्लघुविक्रमैः
1212	6020023c	पुनर्लङ्कामनुप्राप्ताः श्वसन्तो नष्टचेतसः
1213	6020024a	ततो दशग्रीवमुपस्थितास्ते; चारा बहिर्नित्यचरा निशाचराः
1214	6020024c	गिरेः सुवेलस्य समीपवासिनं; न्यवेदयन्भीमबलं महाबलाः
1215	6021001a	ततस्तमक्षोभ्य बलं लङ्काधिपतये चराः
1216	6021001c	सुवेले राघवं शैले निविष्टं प्रत्यवेदयन्
1217	6021002a	चाराणां रावणः श्रुत्वा प्राप्तं रामं महाबलम्
1218	6021002c	जातोद्वेगोऽभवत्किंचिच्छार्दूलं वाक्यमब्रवीत्
1219	6021003a	अयथावच्च ते वर्णो दीनश्चासि निशाचर
1220	6021003c	नासि कच्चिदमित्राणां क्रुद्धानां वशमागतः
1221	6021004a	इति तेनानुशिष्टस्तु वाचं मन्दमुदीरयत्
1222	6021004c	तदा राक्षसशार्दूलं शार्दूलो भयविह्वलः
1223	6021005a	न ते चारयितुं शक्या राजन्वानरपुंगवाः
1224	6021005c	विक्रान्ता बलवन्तश्च राघवेण च रक्षिताः
1225	6021006a	नापि संभाषितुं शक्याः संप्रश्नोऽत्र न लभ्यते
1226	6021006c	सर्वतो रक्ष्यते पन्था वानरैः पर्वतोपमैः
1227	6021007a	प्रविष्टमात्रे ज्ञातोऽहं बले तस्मिन्नचारिते
1228	6021007c	बलाद्गृहीतो बहुभिर्बहुधास्मि विदारितः
1229	6021008a	जानुभिर्मुष्टिभिर्दन्तैस्तलैश्चाभिहतो भृशम्
1230	6021008c	परिणीतोऽस्मि हरिभिर्बलवद्भिरमर्षणैः
1231	6021009a	परिणीय च सर्वत्र नीतोऽहं रामसंसदम्
1232	6021009c	रुधिरादिग्धसर्वाङ्गो विह्वलश्चलितेन्द्रियः
1233	6021010a	हरिभिर्वध्यमानश्च याचमानः कृताञ्जलिः
1234	6021010c	राघवेण परित्रातो जीवामि ह यदृच्छया
1235	6021011a	एष शैलैः शिलाभिश्च पूरयित्वा महार्णवम्
1236	6021011c	द्वारमाश्रित्य लङ्काया रामस्तिष्ठति सायुधः
1237	6021012a	गरुडव्यूहमास्थाय सर्वतो हरिभिर्वृतः
1238	6021012c	मां विसृज्य महातेजा लङ्कामेवाभिवर्तते
1239	6021013a	पुरा प्राकारमायाति क्षिप्रमेकतरं कुरु
1240	6021013c	सीतां चास्मै प्रयच्छाशु सुयुद्धं वा प्रदीयताम्
1241	6021014a	मनसा संततापाथ तच्छ्रुत्वा राक्षसाधिपः
1242	6021014c	शार्दूलस्य महद्वाक्यमथोवाच स रावणः
1243	6021015a	यदि मां प्रतियुध्येरन्देवगन्धर्वदानवाः
1244	6021015c	नैव सीतां प्रदास्यामि सर्वलोकभयादपि
1245	6021016a	एवमुक्त्वा महातेजा रावणः पुनरब्रवीत्
1246	6021016c	चारिता भवता सेना केऽत्र शूराः प्लवंगमाः
1247	6021017a	कीदृशाः किंप्रभावाश्च वानरा ये दुरासदाः
1248	6021017c	कस्य पुत्राश्च पौत्राश्च तत्त्वमाख्याहि राक्षस
1249	6021018a	तत्रत्र प्रतिपत्स्यामि ज्ञात्वा तेषां बलाबलम्
1250	6021018c	अवश्यं बलसंख्यानं कर्तव्यं युद्धमिच्छता
1251	6021019a	अथैवमुक्तः शार्दूलो रावणेनोत्तमश्चरः
1252	6021019c	इदं वचनमारेभे वक्तुं रावणसंनिधौ
1253	6021020a	अथर्क्षरजसः पुत्रो युधि राजन्सुदुर्जयः
1254	6021020c	गद्गदस्याथ पुत्रोऽत्र जाम्बवानिति विश्रुतः
1255	6021021a	गद्गदस्यैव पुत्रोऽन्यो गुरुपुत्रः शतक्रतोः
1256	6021021c	कदनं यस्य पुत्रेण कृतमेकेन रक्षसाम्
1257	6021022a	सुषेणश्चापि धर्मात्मा पुत्रो धर्मस्य वीर्यवान्
1258	6021022c	सौम्यः सोमात्मजश्चात्र राजन्दधिमुखः कपिः
1259	6021023a	सुमुखो दुर्मुखश्चात्र वेगदर्शी च वानरः
1260	6021023c	मृत्युर्वानररूपेण नूनं सृष्टः स्वयम्भुवा
1261	6021024a	पुत्रो हुतवहस्याथ नीलः सेनापतिः स्वयम्
1262	6021024c	अनिलस्य च पुत्रोऽत्र हनूमानिति विश्रुतः
1263	6021025a	नप्ता शक्रस्य दुर्धर्षो बलवानङ्गदो युवा
1264	6021025c	मैन्दश्च द्विविदश्चोभौ बलिनावश्विसंभवौ
1265	6021026a	पुत्रा वैवस्वतस्यात्र पञ्चकालान्तकोपमाः
1266	6021026c	गजो गवाक्षो गवयः शरभो गन्धमादनः
1267	6021027a	श्वेतो ज्योतिर्मुखश्चात्र भास्करस्यात्मसंभवौ
1268	6021027c	वरुणस्य च पुत्रोऽथ हेमकूटः प्लवंगमः
1269	6021028a	विश्वकर्मसुतो वीरो नलः प्लवगसत्तमः
1270	6021028c	विक्रान्तो वेगवानत्र वसुपुत्रः सुदुर्धरः
1271	6021029a	दशवानरकोट्यश्च शूराणां युद्धकाङ्क्षिणाम्
1272	6021029c	श्रीमतां देवपुत्राणां शेषान्नाख्यातुमुत्सहे
1273	6021030a	पुत्रो दशरथस्यैष सिंहसंहननो युवा
1274	6021030c	दूषणो निहतो येन खरश्च त्रिशिरास्तथा
1275	6021031a	नास्ति रामस्य सदृशो विक्रमे भुवि कश्चन
1276	6021031c	विराधो निहतो येन कबन्धश्चान्तकोपमः
1277	6021032a	वक्तुं न शक्तो रामस्य नरः कश्चिद्गुणान्क्षितौ
1278	6021032c	जनस्थानगता येन तावन्तो राक्षसा हताः
1279	6021033a	लक्ष्मणश्चात्र धर्मात्मा मातंगानामिवर्षभः
1280	6021033c	यस्य बाणपथं प्राप्य न जीवेदपि वासवः
1281	6021034a	राक्षसानां वरिष्ठश्च तव भ्राता विभीषणः
1282	6021034c	परिगृह्य पुरीं लङ्कां राघवस्य हिते रतः
1283	6021035a	इति सर्वं समाख्यातं तवेदं वानरं बलम्
1284	6021035c	सुवेलेऽधिष्ठितं शैले शेषकार्ये भवान्गतिः
1285	6022001a	ततस्तमक्षोभ्यबलं लङ्कायां नृपतेश्चरः
1286	6022001c	सुवेले राघवं शैले निविष्टं प्रत्यवेदयन्
1287	6022002a	चाराणां रावणः श्रुत्वा प्राप्तं रामं महाबलम्
1288	6022002c	जातोद्वेगोऽभवत्किंचित्सचिवांश्चेदमब्रवीत्
1289	6022003a	मन्त्रिणः शीघ्रमायान्तु सर्वे वै सुसमाहिताः
1290	6022003c	अयं नो मन्त्रकालो हि संप्राप्त इव राक्षसाः
1291	6022004a	तस्य तच्छासनं श्रुत्वा मन्त्रिणोऽभ्यागमन्द्रुतम्
1292	6022004c	ततः संमन्त्रयामास सचिवै राक्षसैः सह
1293	6022005a	मन्त्रयित्वा स दुर्धर्षः क्षमं यत्समनन्तरम्
1294	6022005c	विसर्जयित्वा सचिवान्प्रविवेश स्वमालयम्
1295	6022006a	ततो राक्षसमाहूय विद्युज्जिह्वं महाबलम्
1296	6022006c	मायाविदं महामायः प्राविशद्यत्र मैथिली
1297	6022007a	विद्युज्जिह्वं च मायाज्ञमब्रवीद्राक्षसाधिपः
1298	6022007c	मोहयिष्यामहे सीतां मायया जनकात्मजाम्
1299	6022008a	शिरो मायामयं गृह्य राघवस्य निशाचर
1300	6022008c	मां त्वं समुपतिष्ठस्व महच्च सशरं धनुः
1301	6022009a	एवमुक्तस्तथेत्याह विद्युज्जिह्वो निशाचरः
1302	6022009c	तस्य तुष्टोऽभवद्राजा प्रददौ च विभूषणम्
1303	6022010a	अशोकवनिकायां तु प्रविवेश महाबलः
1304	6022010c	ततो दीनामदैन्यार्हां ददर्श धनदानुजः
1305	6022010e	अधोमुखीं शोकपरामुपविष्टां महीतले
1306	6022011a	भर्तारमेव ध्यायन्तीमशोकवनिकां गताम्
1307	6022011c	उपास्यमानां घोराभी राक्षसीभिरदूरतः
1308	6022012a	उपसृत्य ततः सीतां प्रहर्षन्नाम कीर्तयन्
1309	6022012c	इदं च वचनं धृष्टमुवाच जनकात्मजाम्
1310	6022013a	सान्त्व्यमाना मया भद्रे यमुपाश्रित्य वल्गसे
1311	6022013c	खर हन्ता स ते भर्ता राघवः समरे हतः
1312	6022014a	छिन्नं ते सर्वतो मूलं दर्पस्ते निहतो मया
1313	6022014c	व्यसनेनात्मनः सीते मम भार्या भविष्यसि
1314	6022015a	अल्पपुण्ये निवृत्तार्थे मूढे पण्डितमानिनि
1315	6022015c	शृणु भर्तृबधं सीते घोरं वृत्रवधं यथा
1316	6022016a	समायातः समुद्रान्तं मां हन्तुं किल राघवः
1317	6022016c	वानरेन्द्रप्रणीतेन बलेन महता वृतः
1318	6022017a	संनिविष्टः समुद्रस्य तीरमासाद्य दक्षिणम्
1319	6022017c	बलेन महता रामो व्रजत्यस्तं दिवाकरे
1320	6022018a	अथाध्वनि परिश्रान्तमर्धरात्रे स्थितं बलम्
1321	6022018c	सुखसुप्तं समासाद्य चारितं प्रथमं चरैः
1322	6022019a	तत्प्रहस्तप्रणीतेन बलेन महता मम
1323	6022019c	बलमस्य हतं रात्रौ यत्र रामः सुलक्ष्मणः
1324	6022020a	पट्टसान्परिघान्खड्गांश्चक्रान्दण्डान्महायसान्
1325	6022020c	बाणजालानि शूलानि भास्वरान्कूटमुद्गरान्
1326	6022021a	यष्टीश्च तोमरान्प्रासंश्चक्राणि मुसलानि च
1327	6022021c	उद्यम्योद्यम्य रक्षोभिर्वानरेषु निपातिताः
1328	6022022a	अथ सुप्तस्य रामस्य प्रहस्तेन प्रमाथिना
1329	6022022c	असक्तं कृतहस्तेन शिरश्छिन्नं महासिना
1330	6022023a	विभीषणः समुत्पत्य निगृहीतो यदृच्छया
1331	6022023c	दिशः प्रव्राजितः सर्वैर्लक्ष्मणः प्लवगैः सह
1332	6022024a	सुग्रीवो ग्रीवया शेते भग्नया प्लवगाधिपः
1333	6022024c	निरस्तहनुकः शेते हनूमान्राक्षसैर्हतः
1334	6022025a	जाम्बवानथ जानुभ्यामुत्पतन्निहतो युधि
1335	6022025c	पट्टसैर्बहुभिश्छिन्नो निकृत्तः पादपो यथा
1336	6022026a	मैन्दश्च द्विविदश्चोभौ निहतौ वानरर्षभौ
1337	6022026c	निःश्वसन्तौ रुदन्तौ च रुधिरेण समुक्षितौ
1338	6022027a	असिनाभ्याहतश्छिन्नो मध्ये रिपुनिषूदनः
1339	6022027c	अभिष्टनति मेदिन्यां पनसः पनसो यथा
1340	6022028a	नाराचैर्बहुभिश्छिन्नः शेते दर्यां दरीमुखः
1341	6022028c	कुमुदस्तु महातेजा निष्कूजन्सायकैर्हतः
1342	6022029a	अङ्गदो बहुभिश्छिन्नः शरैरासाद्य राक्षसैः
1343	6022029c	पातितो रुधिरोद्गारी क्षितौ निपतितोऽङ्गदः
1344	6022030a	हरयो मथिता नागै रथजालैस्तथापरे
1345	6022030c	शायिता मृदितास्तत्र वायुवेगैरिवाम्बुदाः
1346	6022031a	प्रद्रुताश्च परे त्रस्ता हन्यमाना जघन्यतः
1347	6022031c	अभिद्रुतास्तु रक्षोभिः सिंहैरिव महाद्विपाः
1348	6022032a	सागरे पतिताः केचित्केचिद्गगनमाश्रिताः
1349	6022032c	ऋक्षा वृक्षानुपारूढा वानरैस्तु विमिश्रिताः
1350	6022033a	सागरस्य च तीरेषु शैलेषु च वनेषु च
1351	6022033c	पिङ्गाक्षास्ते विरूपाक्षैर्बहुभिर्बहवो हताः
1352	6022034a	एवं तव हतो भर्ता ससैन्यो मम सेनया
1353	6022034c	क्षतजार्द्रं रजोध्वस्तमिदं चास्याहृतं शिरः
1354	6022035a	ततः परमदुर्धर्षो रावणो राक्षसेश्वरः
1355	6022035c	सीतायामुपशृण्वन्त्यां राक्षसीमिदमब्रवीत्
1356	6022036a	राक्षसं क्रूरकर्माणं विद्युज्जिह्वं त्वमानय
1357	6022036c	येन तद्राघवशिरः संग्रामात्स्वयमाहृतम्
1358	6022037a	विद्युज्जिह्वस्ततो गृह्य शिरस्तत्सशरासनम्
1359	6022037c	प्रणामं शिरसा कृत्वा रावणस्याग्रतः स्थितः
1360	6022038a	तमब्रवीत्ततो राजा रावणो राक्षसं स्थितम्
1361	6022038c	विद्युज्जिह्वं महाजिह्वं समीपपरिवर्तिनम्
1362	6022039a	अग्रतः कुरु सीतायाः शीघ्रं दाशरथेः शिरः
1363	6022039c	अवस्थां पश्चिमां भर्तुः कृपणा साधु पश्यतु
1364	6022040a	एवमुक्तं तु तद्रक्षः शिरस्तत्प्रियदर्शनम्
1365	6022040c	उपनिक्षिप्य सीतायाः क्षिप्रमन्तरधीयत
1366	6022041a	रावणश्चापि चिक्षेप भास्वरं कार्मुकं महत्
1367	6022041c	त्रिषु लोकेषु विख्यातं सीतामिदमुवाच ह
1368	6022042a	इदं तत्तव रामस्य कार्मुकं ज्यासमन्वितम्
1369	6022042c	इह प्रहस्तेनानीतं हत्वा तं निशि मानुषम्
1370	6022043a	स विद्युज्जिह्वेन सहैव तच्छिरो; धनुश्च भूमौ विनिकीर्य रावणः
1371	6022043c	विदेहराजस्य सुतां यशस्विनीं; ततोऽब्रवीत्तां भव मे वशानुगा
1372	6023001a	सा सीता तच्छिरो दृष्ट्वा तच्च कार्मुकमुत्तमम्
1373	6023001c	सुग्रीवप्रतिसंसर्गमाख्यातं च हनूमता
1374	6023002a	नयने मुखवर्णं च भर्तुस्तत्सदृशं मुखम्
1375	6023002c	केशान्केशान्तदेशं च तं च चूडामणिं शुभम्
1376	6023003a	एतैः सर्वैरभिज्ञानैरभिज्ञाय सुदुःखिता
1377	6023003c	विजगर्हेऽथ कैकेयीं क्रोशन्ती कुररी यथा
1378	6023004a	सकामा भव कैकेयि हतोऽयं कुलनन्दनः
1379	6023004c	कुलमुत्सादितं सर्वं त्वया कलहशीलया
1380	6023005a	आर्येण किं नु कैकेय्याः कृतं रामेण विप्रियम्
1381	6023005c	यद्गृहाच्चीरवसनस्तया प्रस्थापितो वनम्
1382	6023006a	एवमुक्त्वा तु वैदेही वेपमाना तपस्विनी
1383	6023006c	जगाम जगतीं बाला छिन्ना तु कदली यथा
1384	6023007a	सा मुहूर्तात्समाश्वस्य प्रतिलभ्य च चेतनाम्
1385	6023007c	तच्छिरः समुपाघ्राय विललापायतेक्षणा
1386	6023008a	हा हतास्मि महाबाहो वीरव्रतमनुव्रता
1387	6023008c	इमां ते पश्चिमावस्थां गतास्मि विधवा कृता
1388	6023009a	प्रथमं मरणं नार्या भर्तुर्वैगुण्यमुच्यते
1389	6023009c	सुवृत्तः साधुवृत्तायाः संवृत्तस्त्वं ममाग्रतः
1390	6023010a	दुःखाद्दुःखं प्रपन्नाया मग्नायाः शोकसागरे
1391	6023010c	यो हि मामुद्यतस्त्रातुं सोऽपि त्वं विनिपातितः
1392	6023011a	सा श्वश्रूर्मम कौसल्या त्वया पुत्रेण राघव
1393	6023011c	वत्सेनेव यथा धेनुर्विवत्सा वत्सला कृता
1394	6023012a	आदिष्टं दीर्घमायुस्ते यैरचिन्त्यपराक्रम
1395	6023012c	अनृतं वचनं तेषामल्पायुरसि राघव
1396	6023013a	अथ वा नश्यति प्रज्ञा प्राज्ञस्यापि सतस्तव
1397	6023013c	पचत्येनं तथा कालो भूतानां प्रभवो ह्ययम्
1398	6023014a	अदृष्टं मृत्युमापन्नः कस्मात्त्वं नयशास्त्रवित्
1399	6023014c	व्यसनानामुपायज्ञः कुशलो ह्यसि वर्जने
1400	6023015a	तथा त्वं संपरिष्वज्य रौद्रयातिनृशंसया
1401	6023015c	कालरात्र्या मयाच्छिद्य हृतः कमललोचनः
1402	6023016a	उपशेषे महाबाहो मां विहाय तपस्विनीम्
1403	6023016c	प्रियामिव शुभां नारीं पृथिवीं पुरुषर्षभ
1404	6023017a	अर्चितं सततं यत्नाद्गन्धमाल्यैर्मया तव
1405	6023017c	इदं ते मत्प्रियं वीर धनुः काञ्चनभूषितम्
1406	6023018a	पित्रा दशरथेन त्वं श्वशुरेण ममानघ
1407	6023018c	पूर्वैश्च पितृभिः सार्धं नूनं स्वर्गे समागतः
1408	6023019a	दिवि नक्षत्रभूतस्त्वं महत्कर्म कृतं प्रियम्
1409	6023019c	पुण्यं राजर्षिवंशं त्वमात्मनः समुपेक्षसे
1410	6023020a	किं मान्न प्रेक्षसे राजन्किं मां न प्रतिभाषसे
1411	6023020c	बालां बालेन संप्राप्तां भार्यां मां सहचारिणीम्
1412	6023021a	संश्रुतं गृह्णता पाणिं चरिष्यामीति यत्त्वया
1413	6023021c	स्मर तन्मम काकुत्स्थ नय मामपि दुःखिताम्
1414	6023022a	कस्मान्मामपहाय त्वं गतो गतिमतां वर
1415	6023022c	अस्माल्लोकादमुं लोकं त्यक्त्वा मामिह दुःखिताम्
1416	6023023a	कल्याणैरुचितं यत्तत्परिष्वक्तं मयैव तु
1417	6023023c	क्रव्यादैस्तच्छरीरं ते नूनं विपरिकृष्यते
1418	6023024a	अग्निष्टोमादिभिर्यज्ञैरिष्टवानाप्तदक्षिणैः
1419	6023024c	अग्निहोत्रेण संस्कारं केन त्वं तु न लप्स्यसे
1420	6023025a	प्रव्रज्यामुपपन्नानां त्रयाणामेकमागतम्
1421	6023025c	परिप्रक्ष्यति कौसल्या लक्ष्मणं शोकलालसा
1422	6023026a	स तस्याः परिपृच्छन्त्या वधं मित्रबलस्य ते
1423	6023026c	तव चाख्यास्यते नूनं निशायां राक्षसैर्वधम्
1424	6023027a	सा त्वां सुप्तं हतं श्रुत्वा मां च रक्षोगृहं गताम्
1425	6023027c	हृदयेन विदीर्णेन न भविष्यति राघव
1426	6023028a	साधु पातय मां क्षिप्रं रामस्योपरि रावणः
1427	6023028c	समानय पतिं पत्न्या कुरु कल्याणमुत्तमम्
1428	6023029a	शिरसा मे शिरश्चास्य कायं कायेन योजय
1429	6023029c	रावणानुगमिष्यामि गतिं भर्तुर्महात्मनः
1430	6023029e	मुहूर्तमपि नेच्छामि जीवितुं पापजीविना
1431	6023030a	श्रुतं मया वेदविदां ब्राह्मणानां पितुर्गृहे
1432	6023030c	यासां स्त्रीणां प्रियो भर्ता तासां लोका महोदयाः
1433	6023031a	क्षमा यस्मिन्दमस्त्यागः सत्यं धर्मः कृतज्ञता
1434	6023031c	अहिंसा चैव भूतानां तमृते का गतिर्मम
1435	6023032a	इति सा दुःखसंतप्ता विललापायतेक्षणा
1436	6023032c	भर्तुः शिरो धनुस्तत्र समीक्ष्य जनकात्मजा
1437	6023033a	एवं लालप्यमानायां सीतायां तत्र राक्षसः
1438	6023033c	अभिचक्राम भर्तारमनीकस्थः कृताञ्जलिः
1439	6023034a	विजयस्वार्यपुत्रेति सोऽभिवाद्य प्रसाद्य च
1440	6023034c	न्यवेदयदनुप्राप्तं प्रहस्तं वाहिनीपतिम्
1441	6023035a	अमात्यैः सहितः सर्वैः प्रहस्तः समुपस्थितः
1442	6023035c	किंचिदात्ययिकं कार्यं तेषां त्वं दर्शनं कुरु
1443	6023036a	एतच्छ्रुत्वा दशग्रीवो राक्षसप्रतिवेदितम्
1444	6023036c	अशोकवनिकां त्यक्त्वा मन्त्रिणां दर्शनं ययौ
1445	6023037a	स तु सर्वं समर्थ्यैव मन्त्रिभिः कृत्यमात्मनः
1446	6023037c	सभां प्रविश्य विदधे विदित्वा रामविक्रमम्
1447	6023038a	अन्तर्धानं तु तच्छीर्षं तच्च कार्मुकमुत्तमम्
1448	6023038c	जगाम रावणस्यैव निर्याणसमनन्तरम्
1449	6023039a	राक्षसेन्द्रस्तु तैः सार्धं मन्त्रिभिर्भीमविक्रमैः
1450	6023039c	समर्थयामास तदा रामकार्यविनिश्चयम्
1451	6023040a	अविदूरस्थितान्सर्वान्बलाध्यक्षान्हितैषिणः
1452	6023040c	अब्रवीत्कालसदृशो रावणो राक्षसाधिपः
1453	6023041a	शीघ्रं भेरीनिनादेन स्फुटकोणाहतेन मे
1454	6023041c	समानयध्वं सैन्यानि वक्तव्यं च न कारणम्
1455	6023042a	ततस्तथेति प्रतिगृह्य तद्वचो; बलाधिपास्ते महदात्मनो बलम्
1456	6023042c	समानयंश्चैव समागतं च ते; न्यवेदयन्भर्तरि युद्धकाङ्क्षिणि
1457	6024001a	सीतां तु मोहितां दृष्ट्वा सरमा नाम राक्षसी
1458	6024001c	आससादाशु वैदेहीं प्रियां प्रणयिनी सखी
1459	6024002a	सा हि तत्र कृता मित्रं सीतया रक्ष्यमाणया
1460	6024002c	रक्षन्ती रावणादिष्टा सानुक्रोशा दृढव्रता
1461	6024003a	सा ददर्श सखीं सीतां सरमा नष्टचेतनाम्
1462	6024003c	उपावृत्योत्थितां ध्वस्तां वडवामिव पांसुषु
1463	6024004a	तां समाश्वासयामास सखी स्नेहेन सुव्रता
1464	6024004c	उक्ता यद्रावणेन त्वं प्रत्युक्तं च स्वयं त्वया
1465	6024005a	सखीस्नेहेन तद्भीरु मया सर्वं प्रतिश्रुतम्
1466	6024005c	लीनया गनहे शूह्ये भयमुत्सृज्य रावणात्
1467	6024005e	तव हेतोर्विशालाक्षि न हि मे जीवितं प्रियम्
1468	6024006a	स संभ्रान्तश्च निष्क्रान्तो यत्कृते राक्षसाधिपः
1469	6024006c	तच्च मे विदितं सर्वमभिनिष्क्रम्य मैथिलि
1470	6024007a	न शक्यं सौप्तिकं कर्तुं रामस्य विदितात्मनः
1471	6024007c	वधश्च पुरुषव्याघ्रे तस्मिन्नेवोपपद्यते
1472	6024008a	न चैव वानरा हन्तुं शक्याः पादपयोधिनः
1473	6024008c	सुरा देवर्षभेणेव रामेण हि सुरक्षिताः
1474	6024009a	दीर्घवृत्तभुजः श्रीमान्महोरस्कः प्रतापवान्
1475	6024009c	धन्वी संहननोपेतो धर्मात्मा भुवि विश्रुतः
1476	6024010a	विक्रान्तो रक्षिता नित्यमात्मनश्च परस्य च
1477	6024010c	लक्ष्मणेन सह भ्रात्रा कुशली नयशास्त्रवित्
1478	6024011a	हन्ता परबलौघानामचिन्त्यबलपौरुषः
1479	6024011c	न हतो राघवः श्रीमान्सीते शत्रुनिबर्हणः
1480	6024012a	अयुक्तबुद्धिकृत्येन सर्वभूतविरोधिना
1481	6024012c	इयं प्रयुक्ता रौद्रेण माया मायाविदा त्वयि
1482	6024013a	शोकस्ते विगतः सर्वः कल्याणं त्वामुपस्थितम्
1483	6024013c	ध्रुवं त्वां भजते लक्ष्मीः प्रियं प्रीतिकरं शृणु
1484	6024014a	उत्तीर्य सागरं रामः सह वानरसेनया
1485	6024014c	संनिविष्टः समुद्रस्य तीरमासाद्य दक्षिणम्
1486	6024015a	दृष्टो मे परिपूर्णार्थः काकुत्स्थः सहलक्ष्मणः
1487	6024015c	सहितैः सागरान्तस्थैर्बलैस्तिष्ठति रक्षितः
1488	6024016a	अनेन प्रेषिता ये च राक्षसा लघुविक्रमः
1489	6024016c	राघवस्तीर्ण इत्येवं प्रवृत्तिस्तैरिहाहृता
1490	6024017a	स तां श्रुत्वा विशालाक्षि प्रवृत्तिं राक्षसाधिपः
1491	6024017c	एष मन्त्रयते सर्वैः सचिवैः सह रावणः
1492	6024018a	इति ब्रुवाणा सरमा राक्षसी सीतया सह
1493	6024018c	सर्वोद्योगेन सैन्यानां शब्दं शुश्राव भैरवम्
1494	6024019a	दण्डनिर्घातवादिन्याः श्रुत्वा भेर्या महास्वनम्
1495	6024019c	उवाच सरमा सीतामिदं मधुरभाषिणी
1496	6024020a	संनाहजननी ह्येषा भैरवा भीरु भेरिका
1497	6024020c	भेरीनादं च गम्भीरं शृणु तोयदनिस्वनम्
1498	6024021a	कल्प्यन्ते मत्तमातंगा युज्यन्ते रथवाजिनः
1499	6024021c	तत्र तत्र च संनद्धाः संपतन्ति पदातयः
1500	6024022a	आपूर्यन्ते राजमार्गाः सैन्यैरद्भुतदर्शनैः
1501	6024022c	वेगवद्भिर्नदद्भिश्च तोयौघैरिव सागरः
1502	6024023a	शास्त्राणां च प्रसन्नानां चर्मणां वर्मणां तथा
1503	6024023c	रथवाजिगजानां च भूषितानां च रक्षसाम्
1504	6024024a	प्रभां विसृजतां पश्य नानावर्णां समुत्थिताम्
1505	6024024c	वनं निर्दहतो धर्मे यथारूपं विभावसोः
1506	6024025a	घण्टानां शृणु निर्घोषं रथानां शृणु निस्वनम्
1507	6024025c	हयानां हेषमाणानां शृणु तूर्यध्वनिं यथा
1508	6024026a	उद्यतायुधहस्तानां राक्षसेन्द्रानुयायिनाम्
1509	6024026c	संभ्रमो रक्षसामेष तुमुलो लोमहर्षणः
1510	6024027a	श्रीस्त्वां भजति शोकघ्नी रक्षसां भयमागतम्
1511	6024027c	रामात्कमलपत्राक्षि दैत्यानामिव वासवात्
1512	6024028a	अवजित्य जितक्रोधस्तमचिन्त्यपराक्रमः
1513	6024028c	रावणं समरे हत्वा भर्ता त्वाधिगमिष्यति
1514	6024029a	विक्रमिष्यति रक्षःसु भर्ता ते सहलक्ष्मणः
1515	6024029c	यथा शत्रुषु शत्रुघ्नो विष्णुना सह वासवः
1516	6024030a	आगतस्य हि रामस्य क्षिप्रमङ्कगतां सतीम्
1517	6024030c	अहं द्रक्ष्यामि सिद्धार्थां त्वां शत्रौ विनिपातिते
1518	6024031a	अश्रूण्यानन्दजानि त्वं वर्तयिष्यसि शोभने
1519	6024031c	समागम्य परिष्वक्ता तस्योरसि महोरसः
1520	6024032a	अचिरान्मोक्ष्यते सीते देवि ते जघनं गताम्
1521	6024032c	धृतामेतां बहून्मासान्वेणीं रामो महाबलः
1522	6024033a	तस्य दृष्ट्वा मुखं देवि पूर्णचन्द्रमिवोदितम्
1523	6024033c	मोक्ष्यसे शोकजं वारि निर्मोकमिव पन्नगी
1524	6024034a	रावणं समरे हत्वा नचिरादेव मैथिलि
1525	6024034c	त्वया समग्रं प्रियया सुखार्हो लप्स्यते सुखम्
1526	6024035a	समागता त्वं रामेण मोदिष्यसि महात्मना
1527	6024035c	सुवर्षेण समायुक्ता यथा सस्येन मेदिनी
1528	6024036a	गिरिवरमभितोऽनुवर्तमानो; हय इव मण्डलमाशु यः करोति
1529	6024036c	तमिह शरणमभ्युपेहि देवि; दिवसकरं प्रभवो ह्ययं प्रजानाम्
1530	6025001a	अथ तां जातसंतापां तेन वाक्येन मोहिताम्
1531	6025001c	सरमा ह्लादयामास पृतिवीं द्यौरिवाम्भसा
1532	6025002a	ततस्तस्या हितं सख्याश्चिकीर्षन्ती सखी वचः
1533	6025002c	उवाच काले कालज्ञा स्मितपूर्वाभिभाषिणी
1534	6025003a	उत्सहेयमहं गत्वा त्वद्वाक्यमसितेक्षणे
1535	6025003c	निवेद्य कुशलं रामे प्रतिच्छन्ना निवर्तितुम्
1536	6025004a	न हि मे क्रममाणाया निरालम्बे विहायसि
1537	6025004c	समर्थो गतिमन्वेतुं पवनो गरुडोऽपि वा
1538	6025005a	एवं ब्रुवाणां तां सीता सरमां पुनरब्रवीत्
1539	6025005c	मधुरं श्लक्ष्णया वाचा पूर्वशोकाभिपन्नया
1540	6025006a	समर्था गगनं गन्तुमपि वा त्वं रसातलम्
1541	6025006c	अवगच्छाम्यकर्तव्यं कर्तव्यं ते मदन्तरे
1542	6025007a	मत्प्रियं यदि कर्तव्यं यदि बुद्धिः स्थिरा तव
1543	6025007c	ज्ञातुमिच्छामि तं गत्वा किं करोतीति रावणः
1544	6025008a	स हि मायाबलः क्रूरो रावणः शत्रुरावणः
1545	6025008c	मां मोहयति दुष्टात्मा पीतमात्रेव वारुणी
1546	6025009a	तर्जापयति मां नित्यं भर्त्सापयति चासकृत्
1547	6025009c	राक्षसीभिः सुघोराभिर्या मां रक्षन्ति नित्यशः
1548	6025010a	उद्विग्ना शङ्किता चास्मि न च स्वस्थं मनो मम
1549	6025010c	तद्भयाच्चाहमुद्विग्ना अशोकवनिकां गताः
1550	6025011a	यदि नाम कथा तस्य निश्चितं वापि यद्भवेत्
1551	6025011c	निवेदयेथाः सर्वं तत्परो मे स्यादनुग्रहः
1552	6025012a	सा त्वेवं ब्रुवतीं सीतां सरमा वल्गुभाषिणी
1553	6025012c	उवाच वचनं तस्याः स्पृशन्ती बाष्पविक्लवम्
1554	6025013a	एष ते यद्यभिप्रायस्तस्माद्गच्छामि जानकि
1555	6025013c	गृह्य शत्रोरभिप्रायमुपावृत्तां च पश्य माम्
1556	6025014a	एवमुक्त्वा ततो गत्वा समीपं तस्य रक्षसः
1557	6025014c	शुश्राव कथितं तस्य रावणस्य समन्त्रिणः
1558	6025015a	सा श्रुत्वा निश्चयं तस्य निश्चयज्ञा दुरात्मनः
1559	6025015c	पुनरेवागमत्क्षिप्रमशोकवनिकां तदा
1560	6025016a	सा प्रविष्टा पुनस्तत्र ददर्श जनकात्मजाम्
1561	6025016c	प्रतीक्षमाणां स्वामेव भ्रष्टपद्मामिव श्रियम्
1562	6025017a	तां तु सीता पुनः प्राप्तां सरमां वल्गुभाषिणीम्
1563	6025017c	परिष्वज्य च सुस्निग्धं ददौ च स्वयमासनम्
1564	6025018a	इहासीना सुखं सर्वमाख्याहि मम तत्त्वतः
1565	6025018c	क्रूरस्य निश्चयं तस्य रावणस्य दुरात्मनः
1566	6025019a	एवमुक्ता तु सरमा सीतया वेपमानया
1567	6025019c	कथितं सर्वमाचष्ट रावणस्य समन्त्रिणः
1568	6025020a	जनन्या राक्षसेन्द्रो वै त्वन्मोक्षार्थं बृहद्वचः
1569	6025020c	अविद्धेन च वैदेहि मन्त्रिवृद्धेन बोधितः
1570	6025021a	दीयतामभिसत्कृत्य मनुजेन्द्राय मैथिली
1571	6025021c	निदर्शनं ते पर्याप्तं जनस्थाने यदद्भुतम्
1572	6025022a	लङ्घनं च समुद्रस्य दर्शनं च हनूमतः
1573	6025022c	वधं च रक्षसां युद्धे कः कुर्यान्मानुषो भुवि
1574	6025023a	एवं स मन्त्रिवृद्धैश्च मात्रा च बहु भाषितः
1575	6025023c	न त्वामुत्सहते मोक्तुमर्तह्मर्थपरो यथा
1576	6025024a	नोत्सहत्यमृतो मोक्तुं युद्धे त्वामिति मैथिलि
1577	6025024c	सामात्यस्य नृशंसस्य निश्चयो ह्येष वर्तते
1578	6025025a	तदेषा सुस्थिरा बुद्धिर्मृत्युलोभादुपस्थिता
1579	6025025c	भयान्न शक्तस्त्वां मोक्तुमनिरस्तस्तु संयुगे
1580	6025025e	राक्षसानां च सर्वेषामात्मनश्च वधेन हि
1581	6025026a	निहत्य रावणं संख्ये सर्वथा निशितैः शरैः
1582	6025026c	प्रतिनेष्यति रामस्त्वामयोध्यामसितेक्षणे
1583	6025027a	एतस्मिन्नन्तरे शब्दो भेरीशङ्खसमाकुलः
1584	6025027c	श्रुतो वै सर्वसैन्यानां कम्पयन्धरणीतलम्
1585	6025028a	श्रुत्वा तु तं वानरसैन्यशब्दं; लङ्कागता राक्षसराजभृत्याः
1586	6025028c	नष्टौजसो दैन्यपरीतचेष्टाः; श्रेयो न पश्यन्ति नृपस्य दोषैः
1587	6026001a	तेन शङ्खविमिश्रेण भेरीशब्देन राघवः
1588	6026001c	उपयतो महाबाहू रामः परपुरंजयः
1589	6026002a	तं निनादं निशम्याथ रावणो राक्षसेश्वरः
1590	6026002c	मुहूर्तं ध्यानमास्थाय सचिवानभ्युदैक्षत
1591	6026003a	अथ तान्सचिवांस्तत्र सर्वानाभाष्य रावणः
1592	6026003c	सभां संनादयन्सर्वामित्युवाच महाबलः
1593	6026004a	तरणं सागरस्यापि विक्रमं बलसंचयम्
1594	6026004c	यदुक्तवन्तो रामस्य भवन्तस्तन्मया श्रुतम्
1595	6026004e	भवतश्चाप्यहं वेद्मि युद्धे सत्यपराक्रमान्
1596	6026005a	ततस्तु सुमहाप्राज्ञो माल्यवान्नाम राक्षसः
1597	6026005c	रावणस्य वचः श्रुत्वा मातुः पैतामहोऽब्रवीत्
1598	6026006a	विद्यास्वभिविनीतो यो राजा राजन्नयानुगः
1599	6026006c	स शास्ति चिरमैश्वर्यमरींश्च कुरुते वशे
1600	6026007a	संदधानो हि कालेन विगृह्णंश्चारिभिः सह
1601	6026007c	स्वपक्षवर्धनं कुर्वन्महदैश्वर्यमश्नुते
1602	6026008a	हीयमानेन कर्तव्यो राज्ञा संधिः समेन च
1603	6026008c	न शत्रुमवमन्येत ज्यायान्कुर्वीत विग्रहम्
1604	6026009a	तन्मह्यं रोचते संधिः सह रामेण रावण
1605	6026009c	यदर्थमभियुक्ताः स्म सीता तस्मै प्रदीयताम्
1606	6026010a	तस्य देवर्षयः सर्वे गन्धर्वाश्च जयैषिणः
1607	6026010c	विरोधं मा गमस्तेन संधिस्ते तेन रोचताम्
1608	6026011a	असृजद्भगवान्पक्षौ द्वावेव हि पितामहः
1609	6026011c	सुराणामसुराणां च धर्माधर्मौ तदाश्रयौ
1610	6026012a	धर्मो हि श्रूयते पक्षः सुराणां च महात्मनाम्
1611	6026012c	अधर्मो रक्षसं पक्षो ह्यसुराणां च रावण
1612	6026013a	धर्मो वै ग्रसतेऽधर्मं ततः कृतमभूद्युगम्
1613	6026013c	अधर्मो ग्रसते धर्मं ततस्तिष्यः प्रवर्तते
1614	6026014a	तत्त्वया चरता लोकान्धर्मो विनिहतो महान्
1615	6026014c	अधर्मः प्रगृहीतश्च तेनास्मद्बलिनः परे
1616	6026015a	स प्रमादाद्विवृद्धस्तेऽधर्मोऽहिर्ग्रसते हि नः
1617	6026015c	विवर्धयति पक्षं च सुराणां सुरभावनः
1618	6026016a	विषयेषु प्रसक्तेन यत्किंचित्कारिणा त्वया
1619	6026016c	ऋषीणामग्निकल्पानामुद्वेगो जनितो महान्
1620	6026016e	तेषां प्रभावो दुर्धर्षः प्रदीप्त इव पावकः
1621	6026017a	तपसा भावितात्मानो धर्मस्यानुग्रहे रताः
1622	6026017c	मुख्यैर्यज्ञैर्यजन्त्येते नित्यं तैस्तैर्द्विजातयः
1623	6026018a	जुह्वत्यग्नींश्च विधिवद्वेदांश्चोच्चैरधीयते
1624	6026018c	अभिभूय च रक्षांसि ब्रह्मघोषानुदैरयन्
1625	6026018e	दिशो विप्रद्रुताः सर्वे स्तनयित्नुरिवोष्णगे
1626	6026019a	ऋषीणामग्निकल्पानामग्निहोत्रसमुत्थितः
1627	6026019c	आदत्ते रक्षसां तेजो धूमो व्याप्य दिशो दश
1628	6026020a	तेषु तेषु च देशेषु पुण्येषु च दृढव्रतैः
1629	6026020c	चर्यमाणं तपस्तीव्रं संतापयति राक्षसान्
1630	6026021a	उत्पातान्विविधान्दृष्ट्वा घोरान्बहुविधांस्तथा
1631	6026021c	विनाशमनुपश्यामि सर्वेषां रक्षसामहम्
1632	6026022a	खराभिस्तनिता घोरा मेघाः प्रतिभयंकरः
1633	6026022c	शोणितेनाभिवर्षन्ति लङ्कामुष्णेन सर्वतः
1634	6026023a	रुदतां वाहनानां च प्रपतन्त्यस्रबिन्दवः
1635	6026023c	ध्वजा ध्वस्ता विवर्णाश्च न प्रभान्ति यथापुरम्
1636	6026024a	व्याला गोमायवो गृध्रा वाशन्ति च सुभैरवम्
1637	6026024c	प्रविश्य लङ्कामनिशं समवायांश्च कुर्वते
1638	6026025a	कालिकाः पाण्डुरैर्दन्तैः प्रहसन्त्यग्रतः स्थिताः
1639	6026025c	स्त्रियः स्वप्नेषु मुष्णन्त्यो गृहाणि प्रतिभाष्य च
1640	6026026a	गृहाणां बलिकर्माणि श्वानः पर्युपभुञ्जते
1641	6026026c	खरा गोषु प्रजायन्ते मूषिका नकुलैः सह
1642	6026027a	मार्जारा द्वीपिभिः सार्धं सूकराः शुनकैः सह
1643	6026027c	किंनरा राक्षसैश्चापि समेयुर्मानुषैः सह
1644	6026028a	पाण्डुरा रक्तपादाश्च विहगाः कालचोदिताः
1645	6026028c	राक्षसानां विनाशाय कपोता विचरन्ति च
1646	6026029a	चीकी कूचीति वाशन्त्यः शारिका वेश्मसु स्थिताः
1647	6026029c	पतन्ति ग्रथिताश्चापि निर्जिताः कलहैषिणः
1648	6026030a	करालो विकटो मुण्डः पुरुषः कृष्णपिङ्गलः
1649	6026030c	कालो गृहाणि सर्वेषां काले कालेऽन्ववेक्षते
1650	6026030e	एतान्यन्यानि दुष्टानि निमित्तान्युत्पतन्ति च
1651	6026031a	विष्णुं मन्यामहे रामं मानुषं देहमास्थितम्
1652	6026031c	न हि मानुषमात्रोऽसौ राघवो दृढविक्रमः
1653	6026032a	येन बद्धः समुद्रस्य स सेतुः परमाद्भुतः
1654	6026032c	कुरुष्व नरराजेन संधिं रामेण रावण
1655	6026033a	इदं वचस्तत्र निगद्य माल्यव;न्परीक्ष्य रक्षोऽधिपतेर्मनः पुनः
1656	6026033c	अनुत्तमेषूत्तमपौरुषो बली; बभूव तूष्णीं समवेक्ष्य रावणम्
1657	6027001a	तत्तु माल्यवतो वाक्यं हितमुक्तं दशाननः
1658	6027001c	न मर्षयति दुष्टात्मा कालस्य वशमागतः
1659	6027002a	स बद्ध्वा भ्रुकुटिं वक्त्रे क्रोधस्य वशमागतः
1660	6027002c	अमर्षात्परिवृत्ताक्षो माल्यवन्तमथाब्रवीत्
1661	6027003a	हितबुद्ध्या यदहितं वचः परुषमुच्यते
1662	6027003c	परपक्षं प्रविश्यैव नैतच्छ्रोत्रगतं मम
1663	6027004a	मानुषं कृपणं राममेकं शाखामृगाश्रयम्
1664	6027004c	समर्थं मन्यसे केन त्यक्तं पित्रा वनालयम्
1665	6027005a	रक्षसामीश्वरं मां च देवतानां भयंकरम्
1666	6027005c	हीनं मां मन्यसे केन अहीनं सर्वविक्रमैः
1667	6027006a	वीरद्वेषेण वा शङ्के पक्षपातेन वा रिपोः
1668	6027006c	त्वयाहं परुषाण्युक्तः परप्रोत्साहनेन वा
1669	6027007a	प्रभवन्तं पदस्थं हि परुषं कोऽह्बिधास्यति
1670	6027007c	पण्डितः शास्त्रतत्त्वज्ञो विना प्रोत्साहनाद्रिपोः
1671	6027008a	आनीय च वनात्सीतां पद्महीनामिव श्रियम्
1672	6027008c	किमर्थं प्रतिदास्यामि राघवस्य भयादहम्
1673	6027009a	वृतं वानरकोटीभिः ससुग्रीवं सलक्ष्मणम्
1674	6027009c	पश्य कैश्चिदहोभिस्त्वं राघवं निहतं मया
1675	6027010a	द्वन्द्वे यस्य न तिष्ठन्ति दैवतान्यपि संयुगे
1676	6027010c	स कस्माद्रावणो युद्धे भयमाहारयिष्यति
1677	6027011a	द्विधा भज्येयमप्येवं न नमेयं तु कस्यचित्
1678	6027011c	एष मे सहजो दोषः स्वभावो दुरतिक्रमः
1679	6027012a	यदि तावत्समुद्रे तु सेतुर्बद्धो यदृच्छया
1680	6027012c	रामेण विस्मयः कोऽत्र येन ते भयमागतम्
1681	6027013a	स तु तीर्त्वार्णवं रामः सह वानरसेनया
1682	6027013c	प्रतिजानामि ते सत्यं न जीवन्प्रतियास्यति
1683	6027014a	एवं ब्रुवाणं संरब्धं रुष्टं विज्ञाय रावणम्
1684	6027014c	व्रीडितो माल्यवान्वाक्यं नोत्तरं प्रत्यपद्यत
1685	6027015a	जयाशिषा च राजानं वर्धयित्वा यथोचितम्
1686	6027015c	माल्यवानभ्यनुज्ञातो जगाम स्वं निवेशनम्
1687	6027016a	रावणस्तु सहामात्यो मन्त्रयित्वा विमृश्य च
1688	6027016c	लङ्कायामतुलां गुप्तिं कारयामास राक्षसः
1689	6027017a	व्यादिदेश च पूर्वस्यां प्रहस्तं द्वारि राक्षसं
1690	6027017c	दक्षिणस्यां महावीर्यौ महापार्श्व महोदरौ
1691	6027018a	पश्चिमायामथो द्वारि पुत्रमिन्द्रजितं तथा
1692	6027018c	व्यादिदेश महामायं राक्षसैर्बहुभिर्वृतम्
1693	6027019a	उत्तरस्यां पुरद्वारि व्यादिश्य शुकसारणौ
1694	6027019c	स्वयं चात्र भविष्यामि मन्त्रिणस्तानुवाच ह
1695	6027020a	राक्षसं तु विरूपाक्षं महावीर्यपराक्रमम्
1696	6027020c	मध्यमेऽस्थापयद्गुल्मे बहुभिः सह राक्षसैः
1697	6027021a	एवंविधानं लङ्कायां कृत्वा राक्षसपुंगवः
1698	6027021c	मेने कृतार्थमात्मानं कृतान्तवशमागतः
1699	6027022a	विसर्जयामास ततः स मन्त्रिणो; विधानमाज्ञाप्य पुरस्य पुष्कलम्
1700	6027022c	जयाशिषा मन्त्रगणेन पूजितो; विवेश सोऽन्तःपुरमृद्धिमन्महत्
1701	6028001a	नरवानरराजौ तौ स च वायुसुतः कपिः
1702	6028001c	जाम्बवानृक्षराजश्च राक्षसश्च विभीषणः
1703	6028002a	अङ्गदो वालिपुत्रश्च सौमित्रिः शरभः कपिः
1704	6028002c	सुषेणः सहदायादो मैन्दो द्विविद एव च
1705	6028003a	गजो गवाक्षो कुमुदो नलोऽथ पनसस्तथा
1706	6028003c	अमित्रविषयं प्राप्ताः समवेताः समर्थयन्
1707	6028004a	इयं सा लक्ष्यते लङ्का पुरी रावणपालिता
1708	6028004c	सासुरोरगगन्धर्वैरमरैरपि दुर्जया
1709	6028005a	कार्यसिद्धिं पुरस्कृत्य मन्त्रयध्वं विनिर्णये
1710	6028005c	नित्यं संनिहितो ह्यत्र रावणो राक्षसाधिपः
1711	6028006a	तथा तेषु ब्रुवाणेषु रावणावरजोऽब्रवीत्
1712	6028006c	वाक्यमग्राम्यपदवत्पुष्कलार्थं विभीषणः
1713	6028007a	अनलः शरभश्चैव संपातिः प्रघसस्तथा
1714	6028007c	गत्वा लङ्कां ममामात्याः पुरीं पुनरिहागताः
1715	6028008a	भूत्वा शकुनयः सर्वे प्रविष्टाश्च रिपोर्बलम्
1716	6028008c	विधानं विहितं यच्च तद्दृष्ट्वा समुपस्थिताः
1717	6028009a	संविधानं यथाहुस्ते रावणस्य दुरात्मनः
1718	6028009c	राम तद्ब्रुवतः सर्वं यथातथ्येन मे शृणु
1719	6028010a	पूर्वं प्रहस्तः सबलो द्वारमासाद्य तिष्ठति
1720	6028010c	दक्षिणं च महावीर्यौ महापार्श्वमहोदरौ
1721	6028011a	इन्द्रजित्पश्चिमद्वारं राक्षसैर्बहुभिर्वृतः
1722	6028011c	पट्टसासिधनुष्मद्भिः शूलमुद्गरपाणिभिः
1723	6028012a	नानाप्रहरणैः शूरैरावृतो रावणात्मजः
1724	6028012c	राक्षसानां सहस्रैस्तु बहुभिः शस्त्रपाणिभिः
1725	6028013a	युक्तः परमसंविग्नो राक्षसैर्बहुभिर्वृतः
1726	6028013c	उत्तरं नगरद्वारं रावणः स्वयमास्थितः
1727	6028014a	विरूपाक्षस्तु महता शूलखड्गधनुष्मता
1728	6028014c	बलेन राक्षसैः सार्धं मध्यमं गुल्ममास्थितः
1729	6028015a	एतानेवंविधान्गुल्माँल्लङ्कायां समुदीक्ष्य ते
1730	6028015c	मामकाः सचिवाः सर्वे शीघ्रं पुनरिहागताः
1731	6028016a	गजानां च सहस्रं च रथानामयुतं पुरे
1732	6028016c	हयानामयुते द्वे च साग्रकोटी च रक्षसाम्
1733	6028017a	विक्रान्ता बलवन्तश्च संयुगेष्वाततायिनः
1734	6028017c	इष्टा राक्षसराजस्य नित्यमेते निशाचराः
1735	6028018a	एकैकस्यात्र युद्धार्थे राक्षसस्य विशां पते
1736	6028018c	परिवारः सहस्राणां सहस्रमुपतिष्ठते
1737	6028019a	एतां प्रवृत्तिं लङ्कायां मन्त्रिप्रोक्तं विभीषणः
1738	6028019c	रामं कमलपत्राक्षमिदमुत्तरमब्रवीत्
1739	6028020a	कुबेरं तु यदा राम रावणः प्रत्ययुध्यत
1740	6028020c	षष्टिः शतसहस्राणि तदा निर्यान्ति राक्षसाः
1741	6028021a	पराक्रमेण वीर्येण तेजसा सत्त्वगौरवात्
1742	6028021c	सदृशा योऽत्र दर्पेण रावणस्य दुरात्मनः
1743	6028022a	अत्र मन्युर्न कर्तव्यो रोषये त्वां न भीषये
1744	6028022c	समर्थो ह्यसि वीर्येण सुराणामपि निग्रहे
1745	6028023a	तद्भवांश्चतुरङ्गेण बलेन महता वृतः
1746	6028023c	व्यूह्येदं वानरानीकं निर्मथिष्यसि रावणम्
1747	6028024a	रावणावरजे वाक्यमेवं ब्रुवति राघवः
1748	6028024c	शत्रूणां प्रतिघातार्थमिदं वचनमब्रवीत्
1749	6028025a	पूर्वद्वारे तु लङ्काया नीलो वानरपुंगवः
1750	6028025c	प्रहस्तं प्रतियोद्धा स्याद्वानरैर्बहुभिर्वृतः
1751	6028026a	अङ्गदो वालिपुत्रस्तु बलेन महता वृतः
1752	6028026c	दक्षिणे बाधतां द्वारे महापार्श्वमहोदरौ
1753	6028027a	हनूमान्पश्चिमद्वारं निपीड्य पवनात्मजः
1754	6028027c	प्रविशत्वप्रमेयात्मा बहुभिः कपिभिर्वृतः
1755	6028028a	दैत्यदानवसंघानामृषीणां च महात्मनाम्
1756	6028028c	विप्रकारप्रियः क्षुद्रो वरदानबलान्वितः
1757	6028029a	परिक्रामति यः सर्वाँल्लोकान्संतापयन्प्रजाः
1758	6028029c	तस्याहं राक्षसेन्द्रस्य स्वयमेव वधे धृतः
1759	6028030a	उत्तरं नगरद्वारमहं सौमित्रिणा सह
1760	6028030c	निपीड्याभिप्रवेक्ष्यामि सबलो यत्र रावणः
1761	6028031a	वानरेन्द्रश्च बलवानृक्षराजश्च जाम्बवान्
1762	6028031c	राक्षसेन्द्रानुजश्चैव गुल्मे भवतु मध्यमे
1763	6028032a	न चैव मानुषं रूपं कार्यं हरिभिराहवे
1764	6028032c	एषा भवतु नः संज्ञा युद्धेऽस्मिन्वानरे बले
1765	6028033a	वानरा एव निश्चिह्नं स्वजनेऽस्मिन्भविष्यति
1766	6028033c	वयं तु मानुषेणैव सप्त योत्स्यामहे परान्
1767	6028034a	अहमेव सह भ्रात्रा लक्ष्मणेन महौजसा
1768	6028034c	आत्मना पञ्चमश्चायं सखा मम विभीषणः
1769	6028035a	स रामः कार्यसिद्ध्यर्थमेवमुक्त्वा विभीषणम्
1770	6028035c	सुवेलारोहणे बुद्धिं चकार मतिमान्मतिम्
1771	6028036a	ततस्तु रामो महता बलेन; प्रच्छाद्य सर्वां पृथिवीं महात्मा
1772	6028036c	प्रहृष्टरूपोऽभिजगाम लङ्कां; कृत्वा मतिं सोऽरिवधे महात्मा
1773	6029001a	स तु कृत्वा सुवेलस्य मतिमारोहणं प्रति
1774	6029001c	लक्ष्मणानुगतो रामः सुग्रीवमिदमब्रवीत्
1775	6029002a	विभीषणं च धर्मज्ञमनुरक्तं निशाचरम्
1776	6029002c	मन्त्रज्ञं च विधिज्ञं च श्लक्ष्णया परया गिरा
1777	6029003a	सुवेलं साधु शैलेन्द्रमिमं धातुशतैश्चितम्
1778	6029003c	अध्यारोहामहे सर्वे वत्स्यामोऽत्र निशामिमाम्
1779	6029004a	लङ्कां चालोकयिष्यामो निलयं तस्य रक्षसः
1780	6029004c	येन मे मरणान्ताय हृता भार्या दुरात्मना
1781	6029005a	येन धर्मो न विज्ञातो न वृत्तं न कुलं तथा
1782	6029005c	राक्षस्या नीचया बुद्ध्या येन तद्गर्हितं कृतम्
1783	6029006a	यस्मिन्मे वर्धते रोषः कीर्तिते राक्षसाधमे
1784	6029006c	यस्यापराधान्नीचस्य वधं द्रक्ष्यामि रक्षसाम्
1785	6029007a	एको हि कुरुते पापं कालपाशवशं गतः
1786	6029007c	नीचेनात्मापचारेण कुलं तेन विनश्यति
1787	6029008a	एवं संमन्त्रयन्नेव सक्रोधो रावणं प्रति
1788	6029008c	रामः सुवेलं वासाय चित्रसानुमुपारुहत्
1789	6029009a	पृष्ठतो लक्ष्मण चैनमन्वगच्छत्समाहितः
1790	6029009c	सशरं चापमुद्यम्य सुमहद्विक्रमे रतः
1791	6029010a	तमन्वरोहत्सुग्रीवः सामात्यः सविभीषणः
1792	6029010c	हनूमानङ्गदो नीलो मैन्दो द्विविद एव च
1793	6029011a	गजो गवाक्षो गवयः शरभो गन्धमादनः
1794	6029011c	पनसः कुमुदश्चैव हरो रम्भश्च यूथपः
1795	6029012a	एते चान्ये च बहवो वानराः शीघ्रगामिनः
1796	6029012c	ते वायुवेगप्रवणास्तं गिरिं गिरिचारिणः
1797	6029012e	अध्यारोहन्त शतशः सुवेलं यत्र राघवः
1798	6029013a	ते त्वदीर्घेण कालेन गिरिमारुह्य सर्वतः
1799	6029013c	ददृशुः शिखरे तस्य विषक्तामिव खे पुरीम्
1800	6029014a	तां शुभां प्रवरद्वारां प्राकारवरशोभिताम्
1801	6029014c	लङ्कां राक्षससंपूर्णां ददृशुर्हरियूथपाः
1802	6029015a	प्राकारचयसंस्थैश्च तथा नीलैर्निशाचरैः
1803	6029015c	ददृशुस्ते हरिश्रेष्ठाः प्राकारमपरं कृतम्
1804	6029016a	ते दृष्ट्वा वानराः सर्वे राक्षसान्युद्धकाङ्क्षिणः
1805	6029016c	मुमुचुर्विपुलान्नादांस्तत्र रामस्य पश्यतः
1806	6029017a	ततोऽस्तमगमत्सूर्यः संध्यया प्रतिरञ्जितः
1807	6029017c	पूर्णचन्द्रप्रदीपा च क्षपा समभिवर्तते
1808	6029018a	ततः स रामो हरिवाहिनीपति;र्विभीषणेन प्रतिनन्द्य सत्कृतः
1809	6029018c	सलक्ष्मणो यूथपयूथसंवृतः; सुवेल पृष्ठे न्यवसद्यथासुखम्
1810	6030001a	तां रात्रिमुषितास्तत्र सुवेले हरिपुंगवाः
1811	6030001c	लङ्कायां ददृशुर्वीरा वनान्युपवनानि च
1812	6030002a	समसौम्यानि रम्याणि विशालान्यायतानि च
1813	6030002c	दृष्टिरम्याणि ते दृष्ट्वा बभूवुर्जातविस्मयाः
1814	6030003a	चम्पकाशोकपुंनागसालतालसमाकुला
1815	6030003c	तमालवनसंछन्ना नागमालासमावृता
1816	6030004a	हिन्तालैरर्जुनैर्नीपैः सप्तपर्णैश्च पुष्पितैः
1817	6030004c	तिलकैः कर्णिकारैश्च पटालैश्च समन्ततः
1818	6030005a	शुशुभे पुष्पिताग्रैश्च लतापरिगतैर्द्रुमैः
1819	6030005c	लङ्का बहुविधैर्दिव्यैर्यथेन्द्रस्यामरावती
1820	6030006a	विचित्रकुसुमोपेतै रक्तकोमलपल्लवैः
1821	6030006c	शाद्वलैश्च तथा नीलैश्चित्राभिर्वनराजिभिः
1822	6030007a	गन्धाढ्यान्यभिरम्याणि पुष्पाणि च फलानि च
1823	6030007c	धारयन्त्यगमास्तत्र भूषणानीव मानवाः
1824	6030008a	तच्चैत्ररथसंकाशं मनोज्ञं नन्दनोपमम्
1825	6030008c	वनं सर्वर्तुकं रम्यं शुशुभे षट्पदायुतम्
1826	6030009a	नत्यूहकोयष्टिभकैर्नृत्यमानैश्च बर्हिभिः
1827	6030009c	रुतं परभृतानां च शुश्रुवे वननिर्झरे
1828	6030010a	नित्यमत्तविहंगानि भ्रमराचरितानि च
1829	6030010c	कोकिलाकुलषण्डानि विहगाभिरुतानि च
1830	6030011a	भृङ्गराजाभिगीतानि भ्रमरैः सेवितानि च
1831	6030011c	कोणालकविघुष्टानि सारसाभिरुतानि च
1832	6030012a	विविशुस्ते ततस्तानि वनान्युपवनानि च
1833	6030012c	हृष्टाः प्रमुदिता वीरा हरयः कामरूपिणः
1834	6030013a	तेषां प्रविशतां तत्र वानराणां महौजसाम्
1835	6030013c	पुष्पसंसर्गसुरभिर्ववौ घ्राणसुखोऽनिलः
1836	6030014a	अन्ये तु हरिवीराणां यूथान्निष्क्रम्य यूथपाः
1837	6030014c	सुग्रीवेणाभ्यनुज्ञाता लङ्कां जग्मुः पताकिनीम्
1838	6030015a	वित्रासयन्तो विहगांस्त्रासयन्तो मृगद्विपान्
1839	6030015c	कम्पयन्तश्च तां लङ्कां नादैः स्वैर्नदतां वराः
1840	6030016a	कुर्वन्तस्ते महावेगा महीं चारणपीडिताम्
1841	6030016c	रजश्च सहसैवोर्ध्वं जगाम चरणोद्धतम्
1842	6030017a	ऋक्षाः सिंहा वराहाश्च महिषा वारणा मृगाः
1843	6030017c	तेन शब्देन वित्रस्ता जग्मुर्भीता दिशो दश
1844	6030018a	शिखरं तु त्रिकूटस्य प्रांशु चैकं दिविस्पृशम्
1845	6030018c	समन्तात्पुष्पसंछन्नं महारजतसंनिभम्
1846	6030019a	शतयोजनविस्तीर्णं विमलं चारुदर्शनम्
1847	6030019c	श्लक्ष्णं श्रीमन्महच्चैव दुष्प्रापं शकुनैरपि
1848	6030020a	मनसापि दुरारोहं किं पुनः कर्मणा जनैः
1849	6030020c	निविष्टा तत्र शिखरे लङ्का रावणपालिता
1850	6030021a	सा पुरी गोपुरैरुच्चैः पाण्डुराम्बुदसंनिभैः
1851	6030021c	काञ्चनेन च सालेन राजतेन च शोभिता
1852	6030022a	प्रासादैश्च विमानैश्च लङ्का परमभूषिता
1853	6030022c	घनैरिवातपापाये मध्यमं वैष्णवं पदम्
1854	6030023a	यस्यां स्तम्भसहस्रेण प्रासादः समलंकृतः
1855	6030023c	कैलासशिखराकारो दृश्यते खमिवोल्लिखन्
1856	6030024a	चैत्यः स राक्षसेन्द्रस्य बभूव पुरभूषणम्
1857	6030024c	शतेन रक्षसां नित्यं यः समग्रेण रक्ष्यते
1858	6030025a	तां समृद्धां समृद्धार्थो लक्ष्मीवाँल्लक्ष्मणाग्रजः
1859	6030025c	रावणस्य पुरीं रामो ददर्श सह वानरैः
1860	6030026a	तां रत्नपूर्णां बहुसंविधानां; प्रासादमालाभिरलंकृतां च
1861	6030026c	पुरीं महायन्त्रकवाटमुख्यां; ददर्श रामो महता बलेन
1862	6031001a	अथ तस्मिन्निमित्तानि दृष्ट्वा लक्ष्मणपूर्वजः
1863	6031001c	लक्ष्मणं लक्ष्मिसंपन्नमिदं वचनमब्रवीत्
1864	6031002a	परिगृह्योदकं शीतं वनानि फलवन्ति च
1865	6031002c	बलौघं संविभज्येमं व्यूह्य तिष्ठेम लक्ष्मण
1866	6031003a	लोकक्षयकरं भीमं भयं पश्याम्युपस्थितम्
1867	6031003c	निबर्हणं प्रवीराणामृक्षवानररक्षसाम्
1868	6031004a	वाताश्च परुषं वान्ति कम्पते च वसुंधरा
1869	6031004c	पर्वताग्राणि वेपन्ते पतन्ति धरणीधराः
1870	6031005a	मेघाः क्रव्यादसंकाशाः परुषाः परुषस्वनाः
1871	6031005c	क्रूराः क्रूरं प्रवर्षन्ति मिश्रं शोणितबिन्दुभिः
1872	6031006a	रक्तचन्दनसंकाशा संध्यापरमदारुणा
1873	6031006c	ज्वलच्च निपतत्येतदादित्यादग्निमण्डलम्
1874	6031007a	आदित्यमभिवाश्यन्ते जनयन्तो महद्भयम्
1875	6031007c	दीना दीनस्वरा घोरा अप्रशस्ता मृगद्विजाः
1876	6031008a	रजन्यामप्रकाशश्च संतापयति चन्द्रमाः
1877	6031008c	कृष्णरक्तांशुपर्यन्तो यथा लोकस्य संक्षये
1878	6031009a	ह्रस्वो रूक्षोऽप्रशस्तश्च परिवेषः सुलोहितः
1879	6031009c	आदित्यमण्डले नीलं लक्ष्म लक्ष्मण दृश्यते
1880	6031010a	दृश्यन्ते न यथावच्च नक्षत्राण्यभिवर्तते
1881	6031010c	युगान्तमिव लोकस्य पश्य लक्ष्मण शंसति
1882	6031011a	काकाः श्येनास्तथा गृध्रा नीचैः परिपतन्ति च
1883	6031011c	शिवाश्चाप्यशिवा वाचः प्रवदन्ति महास्वनाः
1884	6031012a	क्षिप्रमद्य दुराधर्षां पुरीं रावणपालिताम्
1885	6031012c	अभियाम जवेनैव सर्वतो हरिभिर्वृताः
1886	6031013a	इत्येवं तु वदन्वीरो लक्ष्मणं लक्ष्मणाग्रजः
1887	6031013c	तस्मादवातरच्छीघ्रं पर्वताग्रान्महाबलः
1888	6031014a	अवतीर्य तु धर्मात्मा तस्माच्छैलात्स राघवः
1889	6031014c	परैः परमदुर्धर्षं ददर्श बलमात्मनः
1890	6031015a	संनह्य तु ससुग्रीवः कपिराजबलं महत्
1891	6031015c	कालज्ञो राघवः काले संयुगायाभ्यचोदयत्
1892	6031016a	ततः काले महाबाहुर्बलेन महता वृतः
1893	6031016c	प्रस्थितः पुरतो धन्वी लङ्कामभिमुखः पुरीम्
1894	6031017a	तं विभीषण सुग्रीवौ हनूमाञ्जाम्बवान्नलः
1895	6031017c	ऋक्षराजस्तथा नीलो लक्ष्मणश्चान्ययुस्तदा
1896	6031018a	ततः पश्चात्सुमहती पृतनर्क्षवनौकसाम्
1897	6031018c	प्रच्छाद्य महतीं भूमिमनुयाति स्म राघवम्
1898	6031019a	शैलशृङ्गाणि शतशः प्रवृद्धांश्च महीरुहाम्
1899	6031019c	जगृहुः कुञ्जरप्रख्या वानराः परवारणाः
1900	6031020a	तौ त्वदीर्घेण कालेन भ्रातरौ रामलक्ष्मणौ
1901	6031020c	रावणस्य पुरीं लङ्कामासेदतुररिंदमौ
1902	6031021a	पताकामालिनीं रम्यामुद्यानवनशोभिताम्
1903	6031021c	चित्रवप्रां सुदुष्प्रापामुच्चप्राकारतोरणाम्
1904	6031022a	तां सुरैरपि दुर्धर्षां रामवाक्यप्रचोदिताः
1905	6031022c	यथानिदेशं संपीड्य न्यविशन्त वनौकसः
1906	6031023a	लङ्कायास्तूत्तरद्वारं शैलशृङ्गमिवोन्नतम्
1907	6031023c	रामः सहानुजो धन्वी जुगोप च रुरोध च
1908	6031024a	लङ्कामुपनिविष्टश्च रामो दशरथात्मजः
1909	6031024c	लक्ष्मणानुचरो वीरः पुरीं रावणपालिताम्
1910	6031025a	उत्तरद्वारमासाद्य यत्र तिष्ठति रावणः
1911	6031025c	नान्यो रामाद्धि तद्द्वारं समर्थः परिरक्षितुम्
1912	6031026a	रावणाधिष्ठितं भीमं वरुणेनेव सागरम्
1913	6031026c	सायुधौ राक्षसैर्भीमैरभिगुप्तं समन्ततः
1914	6031026e	लघूनां त्रासजननं पातालमिव दानवैः
1915	6031027a	विन्यस्तानि च योधानां बहूनि विविधानि च
1916	6031027c	ददर्शायुधजालानि तथैव कवचानि च
1917	6031028a	पूर्वं तु द्वारमासाद्य नीलो हरिचमूपतिः
1918	6031028c	अतिष्ठत्सह मैन्देन द्विविदेन च वीर्यवान्
1919	6031029a	अङ्गदो दक्षिणद्वारं जग्राह सुमहाबलः
1920	6031029c	ऋषभेण गवाक्षेण गजेन गवयेन च
1921	6031030a	हनूमान्पश्चिमद्वारं ररक्ष बलवान्कपिः
1922	6031030c	प्रमाथि प्रघसाभ्यां च वीरैरन्यैश्च संगतः
1923	6031031a	मध्यमे च स्वयं गुल्मे सुग्रीवः समतिष्ठत
1924	6031031c	सह सर्वैर्हरिश्रेष्ठैः सुपर्णश्वसनोपमैः
1925	6031032a	वानराणां तु षट्त्रिंशत्कोट्यः प्रख्यातयूथपाः
1926	6031032c	निपीड्योपनिविष्टाश्च सुग्रीवो यत्र वानरः
1927	6031033a	शासनेन तु रामस्य लक्ष्मणः सविभीषणः
1928	6031033c	द्वारे द्वारे हरीणां तु कोटिं कोटिं न्यवेशयत्
1929	6031034a	पश्चिमेन तु रामस्य सुग्रीवः सह जाम्बवान्
1930	6031034c	अदूरान्मध्यमे गुल्मे तस्थौ बहुबलानुगः
1931	6031035a	ते तु वानरशार्दूलाः शार्दूला इव दंष्ट्रिणः
1932	6031035c	गृहीत्वा द्रुमशैलाग्रान्हृष्टा युद्धाय तस्थिरे
1933	6031036a	सर्वे विकृतलाङ्गूलाः सर्वे दंष्ट्रानखायुधाः
1934	6031036c	सर्वे विकृतचित्राङ्गाः सर्वे च विकृताननाः
1935	6031037a	दशनागबलाः केचित्केचिद्दशगुणोत्तराः
1936	6031037c	केचिन्नागसहस्रस्य बभूवुस्तुल्यविक्रमाः
1937	6031038a	सन्ति चौघा बलाः केचित्केचिच्छतगुणोत्तराः
1938	6031038c	अप्रमेयबलाश्चान्ये तत्रासन्हरियूथपाः
1939	6031039a	अद्भुतश्च विचित्रश्च तेषामासीत्समागमः
1940	6031039c	तत्र वानरसैन्यानां शलभानामिवोद्गमः
1941	6031040a	परिपूर्णमिवाकाशं संछन्नेव च मेदिनी
1942	6031040c	लङ्कामुपनिविष्टैश्च संपतद्भिश्च वानरैः
1943	6031041a	शतं शतसहस्राणां पृथगृक्षवनौकसाम्
1944	6031041c	लङ्का द्वाराण्युपाजग्मुरन्ये योद्धुं समन्ततः
1945	6031042a	आवृतः स गिरिः सर्वैस्तैः समन्तात्प्लवंगमैः
1946	6031042c	अयुतानां सहस्रं च पुरीं तामभ्यवर्तत
1947	6031043a	वानरैर्बलवद्भिश्च बभूव द्रुमपाणिभिः
1948	6031043c	सर्वतः संवृता लङ्का दुष्प्रवेशापि वायुना
1949	6031044a	राक्षसा विस्मयं जग्मुः सहसाभिनिपीडिताः
1950	6031044c	वानरैर्मेघसंकाशैः शक्रतुल्यपराक्रमैः
1951	6031045a	महाञ्शब्दोऽभवत्तत्र बलौघस्याभिवर्ततः
1952	6031045c	सागरस्येव भिन्नस्य यथा स्यात्सलिलस्वनः
1953	6031046a	तेन शब्देन महता सप्राकारा सतोरणा
1954	6031046c	लङ्का प्रचलिता सर्वा सशैलवनकानना
1955	6031047a	रामलक्ष्मणगुप्ता सा सुग्रीवेण च वाहिनी
1956	6031047c	बभूव दुर्धर्षतरा सर्वैरपि सुरासुरैः
1957	6031048a	राघवः संनिवेश्यैवं सैन्यं स्वं रक्षसां वधे
1958	6031048c	संमन्त्र्य मन्त्रिभिः सार्धं निश्चित्य च पुनः पुनः
1959	6031049a	आनन्तर्यमभिप्रेप्सुः क्रमयोगार्थतत्त्ववित्
1960	6031049c	विभीषणस्यानुमते राजधर्ममनुस्मरन्
1961	6031049e	अङ्गदं वालितनयं समाहूयेदमब्रवीत्
1962	6031050a	गत्वा सौम्य दशग्रीवं ब्रूहि मद्वचनात्कपे
1963	6031050c	लङ्घयित्वा पुरीं लङ्कां भयं त्यक्त्वा गतव्यथः
1964	6031051a	भ्रष्टश्रीकगतैश्वर्यमुमूर्षो नष्टचेतनः
1965	6031051c	ऋषीणां देवतानां च गन्धर्वाप्सरसां तथा
1966	6031052a	नागानामथ यक्षाणां राज्ञां च रजनीचर
1967	6031052c	यच्च पापं कृतं मोहादवलिप्तेन राक्षस
1968	6031053a	नूनमद्य गतो दर्पः स्वयम्भू वरदानजः
1969	6031053c	यस्य दण्डधरस्तेऽहं दाराहरणकर्शितः
1970	6031053e	दण्डं धारयमाणस्तु लङ्काद्वरे व्यवस्थितः
1971	6031054a	पदवीं देवतानां च महर्षीणां च राक्षस
1972	6031054c	राजर्षीणां च सर्वेणां गमिष्यसि मया हतः
1973	6031055a	बलेन येन वै सीतां मायया राक्षसाधम
1974	6031055c	मामतिक्रामयित्वा त्वं हृतवांस्तद्विदर्शय
1975	6031056a	अराक्षसमिमं लोकं कर्तास्मि निशितैः शरैः
1976	6031056c	न चेच्छरणमभ्येषि मामुपादाय मैथिलीम्
1977	6031057a	धर्मात्मा रक्षसां श्रेष्ठः संप्राप्तोऽयं विभीषणः
1978	6031057c	लङ्कैश्वर्यं ध्रुवं श्रीमानयं प्राप्नोत्यकण्टकम्
1979	6031058a	न हि राज्यमधर्मेण भोक्तुं क्षणमपि त्वया
1980	6031058c	शक्यं मूर्खसहायेन पापेनाविजितात्मना
1981	6031059a	युध्यस्व वा धृतिं कृत्वा शौर्यमालम्ब्य राक्षस
1982	6031059c	मच्छरैस्त्वं रणे शान्तस्ततः पूतो भविष्यसि
1983	6031060a	यद्याविशसि लोकांस्त्रीन्पक्षिभूतो मनोजवः
1984	6031060c	मम चक्षुष्पथं प्राप्य न जीवन्प्रतियास्यसि
1985	6031061a	ब्रवीमि त्वां हितं वाक्यं क्रियतामौर्ध्वदेकिकम्
1986	6031061c	सुदृष्टा क्रियतां लङ्का जीवितं ते मयि स्थितम्
1987	6031062a	इत्युक्तः स तु तारेयो रामेणाक्लिष्टकर्मणा
1988	6031062c	जगामाकाशमाविश्य मूर्तिमानिव हव्यवाट्
1989	6031063a	सोऽतिपत्य मुहूर्तेन श्रीमान्रावणमन्दिरम्
1990	6031063c	ददर्शासीनमव्यग्रं रावणं सचिवैः सह
1991	6031064a	ततस्तस्याविदूरेण निपत्य हरिपुंगवः
1992	6031064c	दीप्ताग्निसदृशस्तस्थावङ्गदः कनकाङ्गदः
1993	6031065a	तद्रामवचनं सर्वमन्यूनाधिकमुत्तमम्
1994	6031065c	सामात्यं श्रावयामास निवेद्यात्मानमात्मना
1995	6031066a	दूतोऽहं कोसलेन्द्रस्य रामस्याक्लिष्टकर्मणः
1996	6031066c	वालिपुत्रोऽङ्गदो नाम यदि ते श्रोत्रमागतः
1997	6031067a	आह त्वां राघवो रामः कौसल्यानन्दवर्धनः
1998	6031067c	निष्पत्य प्रतियुध्यस्व नृशंसं पुरुषाधम
1999	6031068a	हन्तास्मि त्वां सहामात्यं सपुत्रज्ञातिबान्धवम्
2000	6031068c	निरुद्विग्नास्त्रयो लोका भविष्यन्ति हते त्वयि
2001	6031069a	देवदानवयक्षाणां गन्धर्वोरगरक्षसाम्
2002	6031069c	शत्रुमद्योद्धरिष्यामि त्वामृषीणां च कण्टकम्
2003	6031070a	विभीषणस्य चैश्वर्यं भविष्यति हते त्वयि
2004	6031070c	न चेत्सत्कृत्य वैदेहीं प्रणिपत्य प्रदास्यसि
2005	6031071a	इत्येवं परुषं वाक्यं ब्रुवाणे हरिपुंगवे
2006	6031071c	अमर्षवशमापन्नो निशाचरगणेश्वरः
2007	6031072a	ततः स रोषताम्राक्षः शशास सचिवांस्तदा
2008	6031072c	गृह्यतामेष दुर्मेधा वध्यतामिति चासकृत्
2009	6031073a	रावणस्य वचः श्रुत्वा दीप्ताग्निसमतेजसः
2010	6031073c	जगृहुस्तं ततो घोराश्चत्वारो रजनीचराः
2011	6031074a	ग्राहयामास तारेयः स्वयमात्मानमात्मना
2012	6031074c	बलं दर्शयितुं वीरो यातुधानगणे तदा
2013	6031075a	स तान्बाहुद्वये सक्तानादाय पतगानिव
2014	6031075c	प्रासादं शैलसंकाशमुत्पापाताङ्गदस्तदा
2015	6031076a	तेऽन्तरिक्षाद्विनिर्धूतास्तस्य वेगेन राक्षसाः
2016	6031076c	भुमौ निपतिताः सर्वे राक्षसेन्द्रस्य पश्यतः
2017	6031077a	ततः प्रासादशिखरं शैलशृङ्गमिवोन्नतम्
2018	6031077c	तत्पफाल तदाक्रान्तं दशग्रीवस्य पश्यतः
2019	6031078a	भङ्क्त्वा प्रासादशिखरं नाम विश्राव्य चात्मनः
2020	6031078c	विनद्य सुमहानादमुत्पपात विहायसा
2021	6031079a	रावणस्तु परं चक्रे क्रोधं प्रासादधर्षणात्
2022	6031079c	विनाशं चात्मनः पश्यन्निःश्वासपरमोऽभवत्
2023	6031080a	रामस्तु बहुभिर्हृष्टैर्निनदद्भिः प्लवंगमैः
2024	6031080c	वृतो रिपुवधाकाङ्क्षी युद्धायैवाभ्यवर्तत
2025	6031081a	सुषेणस्तु महावीर्यो गिरिकूटोपमो हरिः
2026	6031081c	बहुभिः संवृतस्तत्र वानरैः कामरूपिभिः
2027	6031082a	चतुर्द्वाराणि सर्वाणि सुग्रीववचनात्कपिः
2028	6031082c	पर्याक्रमत दुर्धर्षो नक्षत्राणीव चन्द्रमाः
2029	6031083a	तेषामक्षौहिणिशतं समवेक्ष्य वनौकसाम्
2030	6031083c	लङ्कामुपनिविष्टानां सागरं चातिवर्तताम्
2031	6031084a	राक्षसा विस्मयं जग्मुस्त्रासं जग्मुस्तथापरे
2032	6031084c	अपरे समरोद्धर्षाद्धर्षमेवोपपेदिरे
2033	6031085a	कृत्स्नं हि कपिभिर्व्याप्तं प्राकारपरिखान्तरम्
2034	6031085c	ददृशू राक्षसा दीनाः प्राकारं वानरीकृतम्
2035	6031086a	तस्मिन्महाभीषणके प्रवृत्ते; कोलाहले राक्षसराजधान्याम्
2036	6031086c	प्रगृह्य रक्षांसि महायुधानि; युगान्तवाता इव संविचेरुः
2037	6032001a	ततस्ते राक्षसास्तत्र गत्वा रावणमन्दिरम्
2038	6032001c	न्यवेदयन्पुरीं रुद्धां रामेण सह वानरैः
2039	6032002a	रुद्धां तु नगरीं श्रुत्वा जातक्रोधो निशाचरः
2040	6032002c	विधानं द्विगुणं श्रुत्वा प्रासादं सोऽध्यरोहत
2041	6032003a	स ददर्शावृतां लङ्कां सशैलवनकाननाम्
2042	6032003c	असंख्येयैर्हरिगणैः सर्वतो युद्धकाङ्क्षिभिः
2043	6032004a	स दृष्ट्वा वानरैः सर्वां वसुधां कवलीकृताम्
2044	6032004c	कथं क्षपयितव्याः स्युरिति चिन्तापरोऽभवत्
2045	6032005a	स चिन्तयित्वा सुचिरं धैर्यमालम्ब्य रावणः
2046	6032005c	राघवं हरियूथांश्च ददर्शायतलोचनः
2047	6032006a	प्रेक्षतो राक्षसेन्द्रस्य तान्यनीकानि भागशः
2048	6032006c	राघवप्रियकामार्थं लङ्कामारुरुहुस्तदा
2049	6032007a	ते ताम्रवक्त्रा हेमाभा रामार्थे त्यक्तजीविताः
2050	6032007c	लङ्कामेवाह्यवर्तन्त सालतालशिलायुधाः
2051	6032008a	ते द्रुमैः पर्वताग्रैश्च मुष्टिभिश्च प्लवंगमाः
2052	6032008c	प्रासादाग्राणि चोच्चानि ममन्तुस्तोरणानि च
2053	6032009a	पारिखाः पूरयन्ति स्म प्रसन्नसलिलायुताः
2054	6032009c	पांसुभिः पर्वताग्रैश्च तृणैः काष्ठैश्च वानराः
2055	6032010a	ततः सहस्रयूथाश्च कोटियूथाश्च यूथपाः
2056	6032010c	कोटीशतयुताश्चान्ये लङ्कामारुरुहुस्तदा
2057	6032011a	काञ्चनानि प्रमृद्नन्तस्तोरणानि प्लवंगमाः
2058	6032011c	कैलासशिखराभानि गोपुराणि प्रमथ्य च
2059	6032012a	आप्लवन्तः प्लवन्तश्च गर्जन्तश्च प्लवंगमाः
2060	6032012c	लङ्कां तामभ्यवर्तन्त महावारणसंनिभाः
2061	6032013a	जयत्यतिबलो रामो लक्ष्मणश्च महाबलः
2062	6032013c	राजा जयति सुग्रीवो राघवेणाभिपालितः
2063	6032014a	इत्येवं घोषयन्तश्च गर्जन्तश्च प्लवंगमाः
2064	6032014c	अभ्यधावन्त लङ्कायाः प्राकारं कामरूपिणः
2065	6032015a	वीरबाहुः सुबाहुश्च नलश्च वनगोचरः
2066	6032015c	निपीड्योपनिविष्टास्ते प्राकारं हरियूथपाः
2067	6032016a	एतस्मिन्नन्तरे चक्रुः स्कन्धावारनिवेशनम्
2068	6032017a	पूर्वद्वारं तु कुमुदः कोटिभिर्दशभिर्वृतः
2069	6032017c	आवृत्य बलवांस्तस्थौ हरिभिर्जितकाशिभिः
2070	6032018a	दक्षिणद्वारमागम्य वीरः शतबलिः कपिः
2071	6032018c	आवृत्य बलवांस्तस्थौ विंशत्या कोटिभिर्वृतः
2072	6032019a	सुषेणः पश्चिमद्वारं गतस्तारा पिता हरिः
2073	6032019c	आवृत्य बलवांस्तस्थौ षष्टि कोटिभिरावृतः
2074	6032020a	उत्तरद्वारमासाद्य रामः सौमित्रिणा सह
2075	6032020c	आवृत्य बलवांस्तस्थौ सुग्रीवश्च हरीश्वरः
2076	6032021a	गोलाङ्गूलो महाकायो गवाक्षो भीमदर्शनः
2077	6032021c	वृतः कोट्या महावीर्यस्तस्थौ रामस्य पार्वतः
2078	6032022a	ऋष्काणां भीमवेगानां धूम्रः शत्रुनिबर्हणः
2079	6032022c	वृतः कोट्या महावीर्यस्तस्थौ रामस्य पार्श्वतः
2080	6032023a	संनद्धस्तु महावीर्यो गदापाणिर्विभीषणः
2081	6032023c	वृतो यस्तैस्तु सचिवैस्तस्थौ तत्र महाबलः
2082	6032024a	गजो गवाक्षो गवयः शरभो गन्धमादनः
2083	6032024c	समन्तात्परिघावन्तो ररक्षुर्हरिवाहिनीम्
2084	6032025a	ततः कोपपरीतात्मा रावणो राक्षसेश्वरः
2085	6032025c	निर्याणं सर्वसैन्यानां द्रुतमाज्ञापयत्तदा
2086	6032026a	निष्पतन्ति ततः सैन्या हृष्टा रावणचोदिताः
2087	6032026c	समये पूर्यमाणस्य वेगा इव महोदधेः
2088	6032027a	एतस्मिन्नन्तरे घोरः संग्रामः समपद्यत
2089	6032027c	रक्षसां वानराणां च यथा देवासुरे पुरा
2090	6032028a	ते गदाभिः प्रदीप्ताभिः शक्तिशूलपरश्वधैः
2091	6032028c	निजघ्नुर्वानरान्घोराः कथयन्तः स्वविक्रमान्
2092	6032029a	तथा वृक्षैर्महाकायाः पर्वताग्रैश्च वानराः
2093	6032029c	राक्षसास्तानि रक्षांसि नखैर्दन्तैश्च वेगिताः
2094	6032030a	राक्षसास्त्वपरे भीमाः प्राकारस्था महीगतान्
2095	6032030c	भिण्डिपालैश्च खड्गैश्च शूलैश्चैव व्यदारयन्
2096	6032031a	वानराश्चापि संक्रुद्धाः प्राकारस्थान्महीगताः
2097	6032031c	राक्षसान्पातयामासुः समाप्लुत्य प्लवंगमाः
2098	6032032a	स संप्रहारस्तुमुलो मांसशोणितकर्दमः
2099	6032032c	रक्षसां वानराणां च संबभूवाद्भुतोपमाः
2100	6033001a	युध्यतां तु ततस्तेषां वानराणां महात्मनाम्
2101	6033001c	रक्षसां संबभूवाथ बलकोपः सुदारुणः
2102	6033002a	ते हयैः काञ्चनापीडैर्ध्वजैश्चाग्निशिखोपमैः
2103	6033002c	रथैश्चादित्यसंकाशैः कवचैश्च मनोरमैः
2104	6033003a	निर्ययू राक्षसव्याघ्रा नादयन्तो दिशो दश
2105	6033003c	राक्षसा भीमकर्माणो रावणस्य जयैषिणः
2106	6033004a	वानराणामपि चमूर्महती जयमिच्चताम्
2107	6033004c	अभ्यधावत तां सेनां रक्षसां कामरूपिणाम्
2108	6033005a	एतस्मिन्नन्तरे तेषामन्योन्यमभिधावताम्
2109	6033005c	रक्षसां वानराणां च द्वन्द्वयुद्धमवर्तत
2110	6033006a	अङ्गदेनेन्द्रजित्सार्धं वालिपुत्रेण राक्षसः
2111	6033006c	अयुध्यत महातेजास्त्र्यम्बकेण यथान्धकः
2112	6033007a	प्रजङ्घेन च संपातिर्नित्यं दुर्मर्षणो रणे
2113	6033007c	जम्बूमालिनमारब्धो हनूमानपि वानरः
2114	6033008a	संगतः सुमहाक्रोधो राक्षसो रावणानुजः
2115	6033008c	समरे तीक्ष्णवेगेन मित्रघ्नेन विभीषणः
2116	6033009a	तपनेन गजः सार्धं राक्षसेन महाबलः
2117	6033009c	निकुम्भेन महातेजा नीलोऽपि समयुध्यत
2118	6033010a	वानरेन्द्रस्तु सुग्रीवः प्रघसेन समागतः
2119	6033010c	संगतः समरे श्रीमान्विरूपाक्षेण लक्ष्मणः
2120	6033011a	अग्निकेतुश्च दुर्धर्षो रश्मिकेतुश्च राक्षसः
2121	6033011c	सुप्तघ्नो यज्ञकोपश्च रामेण सह संगताः
2122	6033012a	वज्रमुष्टिस्तु मैन्देन द्विविदेनाशनिप्रभः
2123	6033012c	राक्षसाभ्यां सुघोराभ्यां कपिमुख्यौ समागतौ
2124	6033013a	वीरः प्रतपनो घोरो राक्षसो रणदुर्धरः
2125	6033013c	समरे तीक्ष्णवेगेन नलेन समयुध्यत
2126	6033014a	धर्मस्य पुत्रो बलवान्सुषेण इति विश्रुतः
2127	6033014c	स विद्युन्मालिना सार्धमयुध्यत महाकपिः
2128	6033015a	वानराश्चापरे भीमा राक्षसैरपरैः सह
2129	6033015c	द्वन्द्वं समीयुर्बहुधा युद्धाय बहुभिः सह
2130	6033016a	तत्रासीत्सुमहद्युद्धं तुमुलं लोमहर्षणम्
2131	6033016c	रक्षसां वानराणां च वीराणां जयमिच्छताम्
2132	6033017a	हरिराक्षसदेहेभ्यः प्रसृताः केशशाड्वलाः
2133	6033017c	शरीरसंघाटवहाः प्रसुस्रुः शोणितापगाः
2134	6033018a	आजघानेन्द्रजित्क्रुद्धो वज्रेणेव शतक्रतुः
2135	6033018c	अङ्गदं गदया वीरं शत्रुसैन्यविदारणम्
2136	6033019a	तस्य काञ्चनचित्राङ्गं रथं साश्वं ससारथिम्
2137	6033019c	जघान समरे श्रीमानङ्गदो वेगवान्कपिः
2138	6033020a	संपातिस्तु त्रिभिर्बाणैः प्रजङ्घेन समाहतः
2139	6033020c	निजघानाश्वकर्णेन प्रजङ्घं रणमूर्धनि
2140	6033021a	जम्बूमाली रथस्थस्तु रथशक्त्या महाबलः
2141	6033021c	बिभेद समरे क्रुद्धो हनूमन्तं स्तनान्तरे
2142	6033022a	तस्य तं रथमास्थाय हनूमान्मारुतात्मजः
2143	6033022c	प्रममाथ तलेनाशु सह तेनैव रक्षसा
2144	6033023a	भिन्नगात्रः शरैस्तीक्ष्णैः क्षिप्रहस्तेन रक्षसा
2145	6033023c	प्रजघानाद्रिशृङ्गेण तपनं मुष्टिना गजः
2146	6033024a	ग्रसन्तमिव सैन्यानि प्रघसं वानराधिपः
2147	6033024c	सुग्रीवः सप्तपर्णेन निर्बिभेद जघान च
2148	6033025a	प्रपीड्य शरवर्षेण राक्षसं भीमदर्शनम्
2149	6033025c	निजघान विरूपाक्षं शरेणैकेन लक्ष्मणः
2150	6033026a	अग्निकेतुश्च दुर्धर्षो रश्मिकेतुश्च राक्षसः
2151	6033026c	सुप्तिघ्नो यज्ञकोपश्च रामं निर्बिभिदुः शरैः
2152	6033027a	तेषां चतुर्णां रामस्तु शिरांसि समरे शरैः
2153	6033027c	क्रुद्धश्चतुर्भिश्चिच्छेद घोरैरग्निशिखोपमैः
2154	6033028a	वज्रमुष्टिस्तु मैन्देन मुष्टिना निहतो रणे
2155	6033028c	पपात सरथः साश्वः पुराट्ट इव भूतले
2156	6033029a	वज्राशनिसमस्पर्शो द्विविदोऽप्यशनिप्रभम्
2157	6033029c	जघान गिरिशृङ्गेण मिषतां सर्वरक्षसाम्
2158	6033030a	द्विविदं वानरेन्द्रं तु द्रुमयोधिनमाहवे
2159	6033030c	शरैरशनिसंकाशैः स विव्याधाशनिप्रभः
2160	6033031a	स शरैरतिविद्धाङ्गो द्विविदः क्रोधमूर्छितः
2161	6033031c	सालेन सरथं साश्वं निजघानाशनिप्रभम्
2162	6033032a	निकुम्भस्तु रणे नीलं नीलाञ्जनचयप्रभम्
2163	6033032c	निर्बिभेद शरैस्तीक्ष्णैः करैर्मेघमिवांशुमान्
2164	6033033a	पुनः शरशतेनाथ क्षिप्रहस्तो निशाचरः
2165	6033033c	बिभेद समरे नीलं निकुम्भः प्रजहास च
2166	6033034a	तस्यैव रथचक्रेण नीलो विष्णुरिवाहवे
2167	6033034c	शिरश्चिच्छेद समरे निकुम्भस्य च सारथेः
2168	6033035a	विद्युन्माली रथस्थस्तु शरैः काञ्चनभूषणैः
2169	6033035c	सुषेणं ताडयामास ननाद च मुहुर्मुहुः
2170	6033036a	तं रथस्थमथो दृष्ट्वा सुषेणो वानरोत्तमः
2171	6033036c	गिरिशृङ्गेण महता रथमाशु न्यपातयत्
2172	6033037a	लाघवेन तु संयुक्तो विद्युन्माली निशाचरः
2173	6033037c	अपक्रम्य रथात्तूर्णं गदापाणिः क्षितौ स्थितः
2174	6033038a	ततः क्रोधसमाविष्टः सुषेणो हरिपुंगवः
2175	6033038c	शिलां सुमहतीं गृह्य निशाचरमभिद्रवत्
2176	6033039a	तमापतन्तं गदया विद्युन्माली निशाचरः
2177	6033039c	वक्षस्यभिजग्नानाशु सुषेणं हरिसत्तमम्
2178	6033040a	गदाप्रहारं तं घोरमचिन्त्यप्लवगोत्तमः
2179	6033040c	तां शिलां पातयामास तस्योरसि महामृधे
2180	6033041a	शिलाप्रहाराभिहतो विद्युन्माली निशाचरः
2181	6033041c	निष्पिष्टहृदयो भूमौ गतासुर्निपपात ह
2182	6033042a	एवं तैर्वानरैः शूरैः शूरास्ते रजनीचराः
2183	6033042c	द्वन्द्वे विमृदितास्तत्र दैत्या इव दिवौकसैः
2184	6033043a	भल्लैः खड्गैर्गदाभिश्च शक्तितोमर पट्टसैः
2185	6033043c	अपविद्धश्च भिन्नश्च रथैः सांग्रामिकैर्हयैः
2186	6033044a	निहतैः कुञ्जरैर्मत्तैस्तथा वानरराक्षसैः
2187	6033044c	चक्राक्षयुगदण्डैश्च भग्नैर्धरणिसंश्रितैः
2188	6033044e	बभूवायोधनं घोरं गोमायुगणसेवितम्
2189	6033045a	कबन्धानि समुत्पेतुर्दिक्षु वानररक्षसाम्
2190	6033045c	विमर्दे तुमुले तस्मिन्देवासुररणोपमे
2191	6033046a	विदार्यमाणा हरिपुंगवैस्तदा; निशाचराः शोणितदिग्धगात्राः
2192	6033046c	पुनः सुयुद्धं तरसा समाश्रिता; दिवाकरस्यास्तमयाभिकाङ्क्षिणः
2193	6034001a	युध्यतामेव तेषां तु तदा वानररक्षसाम्
2194	6034001c	रविरस्तं गतो रात्रिः प्रवृत्ता प्राणहारिणी
2195	6034002a	अन्योन्यं बद्धवैराणां घोराणां जयमिच्छताम्
2196	6034002c	संप्रवृत्तं निशायुद्धं तदा वारणरक्षसाम्
2197	6034003a	राक्षसोऽसीति हरयो हरिश्चासीति राक्षसाः
2198	6034003c	अन्योन्यं समरे जघ्नुस्तस्मिंस्तमसि दारुणे
2199	6034004a	जहि दारय चैतीति कथं विद्रवसीति च
2200	6034004c	एवं सुतुमुलः शब्दस्तस्मिंस्तमसि शुश्रुवे
2201	6034005a	कालाः काञ्चनसंनाहास्तस्मिंस्तमसि राक्षसाः
2202	6034005c	संप्रादृश्यन्त शैलेन्द्रा दीप्तौषधिवना इव
2203	6034006a	तस्मिंस्तमसि दुष्पारे राक्षसाः क्रोधमूर्छिताः
2204	6034006c	परिपेतुर्महावेगा भक्षयन्तः प्लवंगमान्
2205	6034007a	ते हयान्काञ्चनापीडन्ध्वजांश्चाग्निशिखोपमान्
2206	6034007c	आप्लुत्य दशनैस्तीक्ष्णैर्भीमकोपा व्यदारयन्
2207	6034008a	कुञ्जरान्कुञ्जरारोहान्पताकाध्वजिनो रथान्
2208	6034008c	चकर्षुश्च ददंशुश्च दशनैः क्रोधमूर्छिताः
2209	6034009a	लक्ष्मणश्चापि रामश्च शरैराशीविषोमपैः
2210	6034009c	दृश्यादृश्यानि रक्षांसि प्रवराणि निजघ्नतुः
2211	6034010a	तुरंगखुरविध्वस्तं रथनेमिसमुद्धतम्
2212	6034010c	रुरोध कर्णनेत्राणिण्युध्यतां धरणीरजः
2213	6034011a	वर्तमाने तथा घोरे संग्रामे लोमहर्षणे
2214	6034011c	रुधिरोदा महावेगा नद्यस्तत्र प्रसुस्रुवुः
2215	6034012a	ततो भेरीमृदङ्गानां पणवानां च निस्वनः
2216	6034012c	शङ्खवेणुस्वनोन्मिश्रः संबभूवाद्भुतोपमः
2217	6034013a	हतानां स्तनमानानां राक्षसानां च निस्वनः
2218	6034013c	शस्त्राणां वानराणां च संबभूवातिदारुणः
2219	6034014a	शस्त्रपुष्पोपहारा च तत्रासीद्युद्धमेदिनी
2220	6034014c	दुर्ज्ञेया दुर्निवेशा च शोणितास्रवकर्दमा
2221	6034015a	सा बभूव निशा घोरा हरिराक्षसहारिणी
2222	6034015c	कालरात्रीव भूतानां सर्वेषां दुरतिक्रमा
2223	6034016a	ततस्ते राक्षसास्तत्र तस्मिंस्तमसि दारुणे
2224	6034016c	राममेवाभ्यधावन्त संहृष्टा शरवृष्टिभिः
2225	6034017a	तेषामापततां शब्दः क्रुद्धानामभिगर्जताम्
2226	6034017c	उद्वर्त इव सप्तानां समुद्राणामभूत्स्वनः
2227	6034018a	तेषां रामः शरैः षड्भिः षड्जघान निशाचरान्
2228	6034018c	निमेषान्तरमात्रेण शितैरग्निशिखोपमैः
2229	6034019a	यज्ञशत्रुश्च दुर्धर्षो महापार्श्वमहोदरौ
2230	6034019c	वज्रदंष्ट्रो महाकायस्तौ चोभौ शुकसारणौ
2231	6034020a	ते तु रामेण बाणौघः सर्वमर्मसु ताडिताः
2232	6034020c	युद्धादपसृतास्तत्र सावशेषायुषोऽभवन्
2233	6034021a	ततः काञ्चनचित्राङ्गैः शरैरग्निशिखोपमैः
2234	6034021c	दिशश्चकार विमलाः प्रदिशश्च महाबलः
2235	6034022a	ये त्वन्ये राक्षसा वीरा रामस्याभिमुखे स्थिताः
2236	6034022c	तेऽपि नष्टाः समासाद्य पतंगा इव पावकम्
2237	6034023a	सुवर्णपुङ्खैर्विशिखैः संपतद्भिः सहस्रशः
2238	6034023c	बभूव रजनी चित्रा खद्योतैरिव शारदी
2239	6034024a	राक्षसानां च निनदैर्हरीणां चापि गर्जितैः
2240	6034024c	सा बभूव निशा घोरा भूयो घोरतरा तदा
2241	6034025a	तेन शब्देन महता प्रवृद्धेन समन्ततः
2242	6034025c	त्रिकूटः कन्दराकीर्णः प्रव्याहरदिवाचलः
2243	6034026a	गोलाङ्गूला महाकायास्तमसा तुल्यवर्चसः
2244	6034026c	संपरिष्वज्य बाहुभ्यां भक्षयन्रजनीचरान्
2245	6034027a	अङ्गदस्तु रणे शत्रुं निहन्तुं समुपस्थितः
2246	6034027c	रावणेर्निजघानाशु सारथिं च हयानपि
2247	6034028a	इन्द्रजित्तु रथं त्यक्त्वा हताश्वो हतसारथिः
2248	6034028c	अङ्गदेन महामायस्तत्रैवान्तरधीयत
2249	6034029a	सोऽन्तर्धान गतः पापो रावणी रणकर्कशः
2250	6034029c	ब्रह्मदत्तवरो वीरो रावणिः क्रोधमूर्छितः
2251	6034029e	अदृश्यो निशितान्बाणान्मुमोचाशनिवर्चसः
2252	6034030a	स रामं लक्ष्मणं चैव घोरैर्नागमयैः शरैः
2253	6034030c	बिभेद समरे क्रुद्धः सर्वगात्रेषु राक्षसः
2254	6035001a	स तस्य गतिमन्विच्छन्राजपुत्रः प्रतापवान्
2255	6035001c	दिदेशातिबलो रामो दशवानरयूथपान्
2256	6035002a	द्वौ सुषेणस्य दायादौ नीलं च प्लवगर्षभम्
2257	6035002c	अङ्गदं वालिपुत्रं च शरभं च तरस्विनम्
2258	6035003a	विनतं जाम्बवन्तं च सानुप्रस्थं महाबलम्
2259	6035003c	ऋषभं चर्षभस्कन्धमादिदेश परंतपः
2260	6035004a	ते संप्रहृष्टा हरयो भीमानुद्यम्य पादपान्
2261	6035004c	आकाशं विविशुः सर्वे मार्गामाणा दिशो दश
2262	6035005a	तेषां वेगवतां वेगमिषुभिर्वेगवत्तरैः
2263	6035005c	अस्त्रवित्परमास्त्रेण वारयामास रावणिः
2264	6035006a	तं भीमवेगा हरयो नाराचैः क्षतविक्षताः
2265	6035006c	अन्धकारे न ददृशुर्मेघैः सूर्यमिवावृतम्
2266	6035007a	रामलक्ष्मणयोरेव सर्वमर्मभिदः शरान्
2267	6035007c	भृशमावेशयामास रावणिः समितिंजयः
2268	6035008a	निरन्तरशरीरौ तु भ्रातरौ रामलक्ष्मणौ
2269	6035008c	क्रुद्धेनेन्द्रजिता वीरौ पन्नगैः शरतां गतैः
2270	6035009a	तयोः क्षतजमार्गेण सुस्राव रुधिरं बहु
2271	6035009c	तावुभौ च प्रकाशेते पुष्पिताविव किंशुकौ
2272	6035010a	ततः पर्यन्तरक्ताक्षो भिन्नाञ्जनचयोपमः
2273	6035010c	रावणिर्भ्रातरौ वाक्यमन्तर्धानगतोऽब्रवीत्
2274	6035011a	युध्यमानमनालक्ष्यं शक्रोऽपि त्रिदशेश्वरः
2275	6035011c	द्रष्टुमासादितुं वापि न शक्तः किं पुनर्युवाम्
2276	6035012a	प्रावृताविषुजालेन राघवौ कङ्कपत्रिणा
2277	6035012c	एष रोषपरीतात्मा नयामि यमसादनम्
2278	6035013a	एवमुक्त्वा तु धर्मज्ञौ भ्रातरौ रामलक्ष्मणौ
2279	6035013c	निर्बिभेद शितैर्बाणैः प्रजहर्ष ननाद च
2280	6035014a	भिन्नाञ्जनचयश्यामो विस्फार्य विपुलं धनुः
2281	6035014c	भूयो भूयः शरान्घोरान्विससर्ज महामृधे
2282	6035015a	ततो मर्मसु मर्मज्ञो मज्जयन्निशिताञ्शरान्
2283	6035015c	रामलक्ष्मणयोर्वीरो ननाद च मुहुर्मुहुः
2284	6035016a	बद्धौ तु शरबन्धेन तावुभौ रणमूर्धनि
2285	6035016c	निमेषान्तरमात्रेण न शेकतुरुदीक्षितुम्
2286	6035017a	ततो विभिन्नसर्वाङ्गौ शरशल्याचितावुभौ
2287	6035017c	ध्वजाविव महेन्द्रस्य रज्जुमुक्तौ प्रकम्पितौ
2288	6035018a	तौ संप्रचलितौ वीरौ मर्मभेदेन कर्शितौ
2289	6035018c	निपेततुर्महेष्वासौ जगत्यां जगतीपती
2290	6035019a	तौ वीरशयने वीरौ शयानौ रुधिरोक्षितौ
2291	6035019c	शरवेष्टितसर्वाङ्गावार्तौ परमपीडितौ
2292	6035020a	न ह्यविद्धं तयोर्गात्रं बभूवाङ्गुलमन्तरम्
2293	6035020c	नानिर्भिन्नं न चास्तब्धमा कराग्रादजिह्मगैः
2294	6035021a	तौ तु क्रूरेण निहतौ रक्षसा कामरूपिणा
2295	6035021c	असृक्सुस्रुवतुस्तीव्रं जलं प्रस्रवणाविव
2296	6035022a	पपात प्रथमं रामो विद्धो मर्मसु मार्गणैः
2297	6035022c	क्रोधादिन्द्रजिता येन पुरा शक्रो विनिर्जितः
2298	6035023a	नारचैरर्धनाराचैर्भल्लैरञ्जलिकैरपि
2299	6035023c	विव्याध वत्सदन्तैश्च सिंहदंष्ट्रैः क्षुरैस्तथा
2300	6035024a	स वीरशयने शिश्ये विज्यमादाय कार्मुकम्
2301	6035024c	भिन्नमुष्टिपरीणाहं त्रिणतं रुक्मभूषितम्
2302	6035025a	बाणपातान्तरे रामं पतितं पुरुषर्षभम्
2303	6035025c	स तत्र लक्ष्मणो दृष्ट्वा निराशो जीवितेऽभवत्
2304	6035026a	बद्धौ तु वीरौ पतितौ शयानौ; तौ वानराः संपरिवार्य तस्थुः
2305	6035026c	समागता वायुसुतप्रमुख्या; विषदमार्ताः परमं च जग्मुः
2306	6036001a	ततो द्यां पृथिवीं चैव वीक्षमाणा वनौकसः
2307	6036001c	ददृशुः संततौ बाणैर्भ्रातरौ रामलक्ष्मणौ
2308	6036002a	वृष्ट्वेवोपरते देवे कृतकर्मणि राक्षसे
2309	6036002c	आजगामाथ तं देशं ससुग्रीवो विभीषणः
2310	6036003a	नीलद्विविदमैन्दाश्च सुषेणसुमुखाङ्गदाः
2311	6036003c	तूर्णं हनुमता सार्धमन्वशोचन्त राघवौ
2312	6036004a	निश्चेष्टौ मन्दनिःश्वासौ शोणितौघपरिप्लुतौ
2313	6036004c	शरजालाचितौ स्तब्धौ शयानौ शरतल्पयोः
2314	6036005a	निःश्वसन्तौ यथा सर्पौ निश्चेष्टौ मन्दविक्रमौ
2315	6036005c	रुधिरस्रावदिग्धाङ्गौ तापनीयाविव ध्वजौ
2316	6036006a	तौ वीरशयने वीरौ शयानौ मन्दचेष्टितौ
2317	6036006c	यूथपैस्तैः परिवृतौ बाष्पव्याकुललोचनैः
2318	6036007a	राघवौ पतितौ दृष्ट्वा शरजालसमावृतौ
2319	6036007c	बभूवुर्व्यथिताः सर्वे वानराः सविभीषणाः
2320	6036008a	अन्तरिक्षं निरीक्षन्तो दिशः सर्वाश्च वानराः
2321	6036008c	न चैनं मायया छन्नं ददृशू रावणिं रणे
2322	6036009a	तं तु मायाप्रतिच्छिन्नं माययैव विभीषणः
2323	6036009c	वीक्षमाणो ददर्शाथ भ्रातुः पुत्रमवस्थितम्
2324	6036010a	तमप्रतिम कर्माणमप्रतिद्वन्द्वमाहवे
2325	6036010c	ददर्शान्तर्हितं वीरं वरदानाद्विभीषणः
2326	6036011a	इन्द्रजित्त्वात्मनः कर्म तौ शयानौ समीक्ष्य च
2327	6036011c	उवाच परमप्रीतो हर्षयन्सर्वनैरृतान्
2328	6036012a	दूषणस्य च हन्तारौ खरस्य च महाबलौ
2329	6036012c	सादितौ मामकैर्बाणैर्भ्रातरौ रामलक्ष्मणौ
2330	6036013a	नेमौ मोक्षयितुं शक्यावेतस्मादिषुबन्धनात्
2331	6036013c	सर्वैरपि समागम्य सर्षिसङ्घैः सुरासुरैः
2332	6036014a	यत्कृते चिन्तयानस्य शोकार्तस्य पितुर्मम
2333	6036014c	अस्पृष्ट्वा शयनं गात्रैस्त्रियामा याति शर्वती
2334	6036015a	कृत्स्नेयं यत्कृते लङ्का नदी वर्षास्विवाकुला
2335	6036015c	सोऽयं मूलहरोऽनर्थः सर्वेषां निहतो मया
2336	6036016a	रामस्य लक्ष्मणस्यैव सर्वेषां च वनौकसाम्
2337	6036016c	विक्रमा निष्फलाः सर्वे यथा शरदि तोयदाः
2338	6036017a	एवमुक्त्वा तु तान्सर्वान्राक्षसान्परिपार्श्वगान्
2339	6036017c	यूथपानपि तान्सर्वांस्ताडयामास रावणिः
2340	6036018a	तानर्दयित्वा बाणौघैस्त्रासयित्वा च वानरान्
2341	6036018c	प्रजहास महाबाहुर्वचनं चेदमब्रवीत्
2342	6036019a	शरबन्धेन घोरेण मया बद्धौ चमूमुखे
2343	6036019c	सहितौ भ्रातरावेतौ निशामयत राक्षसाः
2344	6036020a	एवमुक्तास्तु ते सर्वे राक्षसाः कूटयोधिनः
2345	6036020c	परं विस्मयमाजग्मुः कर्मणा तेन तोषिताः
2346	6036021a	विनेदुश्च महानादान्सर्वे ते जलदोपमाः
2347	6036021c	हतो राम इति ज्ञात्वा रावणिं समपूजयन्
2348	6036022a	निष्पन्दौ तु तदा दृष्ट्वा तावुभौ रामलक्ष्मणौ
2349	6036022c	वसुधायां निरुच्छ्वासौ हतावित्यन्वमन्यत
2350	6036023a	हर्षेण तु समाविष्ट इन्द्रजित्समितिंजयः
2351	6036023c	प्रविवेश पुरीं लङ्कां हर्षयन्सर्वनैरृतान्
2352	6036024a	रामलक्ष्मणयोर्दृष्ट्वा शरीरे सायकैश्चिते
2353	6036024c	सर्वाणि चाङ्गोपाङ्गानि सुग्रीवं भयमाविशत्
2354	6036025a	तमुवाच परित्रस्तं वानरेन्द्रं विभीषणः
2355	6036025c	सबाष्पवदनं दीनं शोकव्याकुललोचनम्
2356	6036026a	अलं त्रासेन सुग्रीव बाष्पवेगो निगृह्यताम्
2357	6036026c	एवं प्रायाणि युद्धानि विजयो नास्ति नैष्ठिकः
2358	6036027a	सशेषभाग्यतास्माकं यदि वीर भविष्यति
2359	6036027c	मोहमेतौ प्रहास्येते भ्रातरौ रामलक्ष्मणौ
2360	6036028a	पर्यवस्थापयात्मानमनाथं मां च वानर
2361	6036028c	सत्यधर्मानुरक्तानां नास्ति मृत्युकृतं भयम्
2362	6036029a	एवमुक्त्वा ततस्तस्य जलक्लिन्नेन पाणिना
2363	6036029c	सुग्रीवस्य शुभे नेत्रे प्रममार्ज विभीषणः
2364	6036030a	प्रमृज्य वदनं तस्य कपिराजस्य धीमतः
2365	6036030c	अब्रवीत्कालसंप्रातमसंभ्रान्तमिदं वचः
2366	6036031a	न कालः कपिराजेन्द्र वैक्लव्यमनुवर्तितुम्
2367	6036031c	अतिस्नेहोऽप्यकालेऽस्मिन्मरणायोपपद्यते
2368	6036032a	तस्मादुत्सृज्य वैक्लव्यं सर्वकार्यविनाशनम्
2369	6036032c	हितं रामपुरोगाणां सैन्यानामनुचिन्त्यताम्
2370	6036033a	अथ वा रक्ष्यतां रामो यावत्संज्ञा विपर्ययः
2371	6036033c	लब्धसंज्ञौ तु काकुत्स्थौ भयं नो व्यपनेष्यतः
2372	6036034a	नैतत्किंचन रामस्य न च रामो मुमूर्षति
2373	6036034c	न ह्येनं हास्यते लक्ष्मीर्दुर्लभा या गतायुषाम्
2374	6036035a	तस्मादाश्वासयात्मानं बलं चाश्वासय स्वकम्
2375	6036035c	यावत्सर्वाणि सैन्यानि पुनः संस्थापयाम्यहम्
2376	6036036a	एते ह्युत्फुल्लनयनास्त्रासादागतसाध्वसाः
2377	6036036c	कर्णे कर्णे प्रकथिता हरयो हरिपुंगव
2378	6036037a	मां तु दृष्ट्वा प्रधावन्तमनीकं संप्रहर्षितुम्
2379	6036037c	त्यजन्तु हरयस्त्रासं भुक्तपूर्वामिव स्रजम्
2380	6036038a	समाश्वास्य तु सुग्रीवं राक्षसेन्द्रो विभीषणः
2381	6036038c	विद्रुतं वानरानीकं तत्समाश्वासयत्पुनः
2382	6036039a	इन्द्रजित्तु महामायः सर्वसैन्यसमावृतः
2383	6036039c	विवेश नगरीं लङ्कां पितरं चाभ्युपागमत्
2384	6036040a	तत्र रावणमासीनमभिवाद्य कृताञ्जलिः
2385	6036040c	आचचक्षे प्रियं पित्रे निहतौ रामलक्ष्मणौ
2386	6036041a	उत्पपात ततो हृष्टः पुत्रं च परिषस्वजे
2387	6036041c	रावणो रक्षसां मध्ये श्रुत्वा शत्रू निपातितौ
2388	6036042a	उपाघ्राय स मूर्ध्न्येनं पप्रच्छ प्रीतमानसः
2389	6036042c	पृच्छते च यथावृत्तं पित्रे सर्वं न्यवेदयत्
2390	6036043a	स हर्षवेगानुगतान्तरात्मा; श्रुत्वा वचस्तस्य महारथस्य
2391	6036043c	जहौ ज्वरं दाशरथेः समुत्थितं; प्रहृष्य वाचाभिननन्द पुत्रम्
2392	6037001a	प्रतिप्रविष्टे लङ्कां तु कृतार्थे रावणात्मजे
2393	6037001c	राघवं परिवार्यार्ता ररक्षुर्वानरर्षभाः
2394	6037002a	हनूमानङ्गदो नीलः सुषेणः कुमुदो नलः
2395	6037002c	गजो गवाक्षो गवयः शरभो गन्धमादनः
2396	6037003a	जाम्बवानृषभः सुन्दो रम्भः शतबलिः पृथुः
2397	6037003c	व्यूढानीकाश्च यत्ताश्च द्रुमानादाय सर्वतः
2398	6037004a	वीक्षमाणा दिशः सर्वास्तिर्यगूर्ध्वं च वानराः
2399	6037004c	तृणेष्वपि च चेष्टत्सु राक्षसा इति मेनिरे
2400	6037005a	रावणश्चापि संहृष्टो विसृज्येन्द्रजितं सुतम्
2401	6037005c	आजुहाव ततः सीता रक्षणी राक्षसीस्तदा
2402	6037006a	राक्षस्यस्त्रिजटा चापि शासनात्तमुपस्थिताः
2403	6037006c	ता उवाच ततो हृष्टो राक्षसी राक्षसेश्वरः
2404	6037007a	हताविन्द्रजिताख्यात वैदेह्या रामलक्ष्मणौ
2405	6037007c	पुष्पकं च समारोप्य दर्शयध्वं हतौ रणे
2406	6037008a	यदाश्रयादवष्टब्धो नेयं मामुपतिष्ठति
2407	6037008c	सोऽस्या भर्ता सह भ्रात्रा निरस्तो रणमूर्धनि
2408	6037009a	निर्विशङ्का निरुद्विग्ना निरपेक्षा च मैथिली
2409	6037009c	मामुपस्थास्यते सीता सर्वाभरणभूषिता
2410	6037010a	अद्य कालवशं प्राप्तं रणे रामं सलक्ष्मणम्
2411	6037010c	अवेक्ष्य विनिवृत्ताशा नान्यां गतिमपश्यती
2412	6037011a	तस्य तद्वचनं श्रुत्वा रावणस्य दुरात्मनः
2413	6037011c	राक्षस्यस्तास्तथेत्युक्त्वा प्रजग्मुर्यत्र पुष्पकम्
2414	6037012a	ततः पुष्पकमादय राक्षस्यो रावणाज्ञया
2415	6037012c	अशोकवनिकास्थां तां मैथिलीं समुपानयन्
2416	6037013a	तामादाय तु राक्षस्यो भर्तृशोकपरायणाम्
2417	6037013c	सीतामारोपयामासुर्विमानं पुष्पकं तदा
2418	6037014a	ततः पुष्पकमारोप्य सीतां त्रिजटया सह
2419	6037014c	रावणोऽकारयल्लङ्कां पताकाध्वजमालिनीम्
2420	6037015a	प्राघोषयत हृष्टश्च लङ्कायां राक्षसेश्वरः
2421	6037015c	राघवो लक्ष्मणश्चैव हताविन्द्रजिता रणे
2422	6037016a	विमानेनापि सीता तु गत्वा त्रिजटया सह
2423	6037016c	ददर्श वानराणां तु सर्वं सिन्यं निपातितम्
2424	6037017a	प्रहृष्टमनसश्चापि ददर्श पिशिताशनान्
2425	6037017c	वानरांश्चापि दुःखार्तान्रामलक्ष्मणपार्श्वतः
2426	6037018a	ततः सीता ददर्शोभौ शयानौ शततल्पयोः
2427	6037018c	लक्ष्मणं चैव रामं च विसंज्ञौ शरपीडितौ
2428	6037019a	विध्वस्तकवचौ वीरौ विप्रविद्धशरासनौ
2429	6037019c	सायकैश्छिन्नसर्वाङ्गौ शरस्तम्भमयौ क्षितौ
2430	6037020a	तौ दृष्ट्वा भ्रातरौ तत्र वीरौ सा पुरुषर्षभौ
2431	6037020c	दुःखार्ता सुभृशं सीता करुणं विललाप ह
2432	6037021a	सा बाष्पशोकाभिहता समीक्ष्य; तौ भ्रातरौ देवसमप्रभावौ
2433	6037021c	वितर्कयन्ती निधनं तयोः सा; दुःखान्विता वाक्यमिदं जगाद
2434	6038001a	भर्तारं निहतं दृष्ट्वा लक्ष्मणं च महाबलम्
2435	6038001c	विललाप भृशं सीता करुणं शोककर्शिता
2436	6038002a	ऊचुर्लक्षणिका ये मां पुत्रिण्यविधवेति च
2437	6038002c	तेऽस्य सर्वे हते रामेऽज्ञानिनोऽनृतवादिनः
2438	6038003a	यज्वनो महिषीं ये मामूचुः पत्नीं च सत्रिणः
2439	6038003c	तेऽद्य सर्वे हते रामेऽज्ञानिनोऽनृतवादिनः
2440	6038004a	वीरपार्थिवपत्नी त्वं ये धन्येति च मां विदुः
2441	6038004c	तेऽद्य सर्वे हते रामेऽज्ञानिनोऽनृतवादिनः
2442	6038005a	ऊचुः संश्रवणे ये मां द्विजाः कार्तान्तिकाः शुभाम्
2443	6038005c	तेऽद्य सर्वे हते रामेऽज्ञानिनोऽनृतवादिनः
2444	6038006a	इमानि खलु पद्मानि पादयोर्यैः किल स्त्रियः
2445	6038006c	अधिराज्येऽभिषिच्यन्ते नरेन्द्रैः पतिभिः सह
2446	6038007a	वैधव्यं यान्ति यैर्नार्योऽलक्षणैर्भाग्यदुर्लभाः
2447	6038007c	नात्मनस्तानि पश्यामि पश्यन्ती हतलक्षणा
2448	6038008a	सत्यानीमानि पद्मानि स्त्रीणामुक्त्वानि लक्षणे
2449	6038008c	तान्यद्य निहते रामे वितथानि भवन्ति मे
2450	6038009a	केशाः सूक्ष्माः समा नीला भ्रुवौ चासंगते मम
2451	6038009c	वृत्ते चालोमशे जङ्घे दन्ताश्चाविरला मम
2452	6038010a	शङ्खे नेत्रे करौ पादौ गुल्फावूरू च मे चितौ
2453	6038010c	अनुवृत्ता नखाः स्निग्धाः समाश्चाङ्गुलयो मम
2454	6038011a	स्तनौ चाविरलौ पीनौ ममेमौ मग्नचूचुकौ
2455	6038011c	मग्ना चोत्सङ्गिनी नाभिः पार्श्वोरस्कं च मे चितम्
2456	6038012a	मम वर्णो मणिनिभो मृदून्यङ्गरुहाणि च
2457	6038012c	प्रतिष्ठितां द्वदशभिर्मामूचुः शुभलक्षणाम्
2458	6038013a	समग्रयवमच्छिद्रं पाणिपादं च वर्णवत्
2459	6038013c	मन्दस्मितेत्येव च मां कन्यालक्षणिका विदुः
2460	6038014a	अधिराज्येऽभिषेको मे ब्राह्मणैः पतिना सह
2461	6038014c	कृतान्तकुशलैरुक्तं तत्सर्वं वितथीकृतम्
2462	6038015a	शोधयित्वा जनस्थानं प्रवृत्तिमुपलभ्य च
2463	6038015c	तीर्त्वा सागरमक्षोभ्यं भ्रातरौ गोष्पदे हतौ
2464	6038016a	ननु वारुणमाग्नेयमैन्द्रं वायव्यमेव च
2465	6038016c	अस्त्रं ब्रह्मशिरश्चैव राघवौ प्रत्यपद्यताम्
2466	6038017a	अदृश्यमानेन रणे मायया वासवोपमौ
2467	6038017c	मम नाथावनाथाया निहतौ रामलक्ष्मणौ
2468	6038018a	न हि दृष्टिपथं प्राप्य राघवस्य रणे रिपुः
2469	6038018c	जीवन्प्रतिनिवर्तेत यद्यपि स्यान्मनोजवः
2470	6038019a	न कालस्यातिभारोऽस्ति कृतान्तश्च सुदुर्जयः
2471	6038019c	यत्र रामः सह भ्रात्रा शेते युधि निपाथितः
2472	6038020a	नाहं शोचामि भर्तारं निहतं न च लक्ष्मणम्
2473	6038020c	नात्मानं जननी चापि यथा श्वश्रूं तपस्विनीम्
2474	6038021a	सा हि चिन्तयते नित्यं समाप्तव्रतमागतम्
2475	6038021c	कदा द्रक्ष्यामि सीतां च रामं च सहलक्ष्मणम्
2476	6038022a	परिदेवयमानां तां राक्षसी त्रिजटाब्रवीत्
2477	6038022c	मा विषादं कृथा देवि भर्तायं तव जीवति
2478	6038023a	कारणानि च वक्ष्यामि महान्ति सदृशानि च
2479	6038023c	यथेमौ जीवतो देवि भ्रातरौ रामलक्ष्मणौ
2480	6038024a	न हि कोपपरीतानि हर्षपर्युत्सुकानि च
2481	6038024c	भवन्ति युधि योधानां मुखानि निहते पतौ
2482	6038025a	इदं विमानं वैदेहि पुष्पकं नाम नामतः
2483	6038025c	दिव्यं त्वां धारयेन्नेदं यद्येतौ गजजीवितौ
2484	6038026a	हतवीरप्रधाना हि हतोत्साहा निरुद्यमा
2485	6038026c	सेना भ्रमति संख्येषु हतकर्णेव नौर्जले
2486	6038027a	इयं पुनरसंभ्रान्ता निरुद्विग्ना तरस्विनी
2487	6038027c	सेना रक्षति काकुत्स्थौ मायया निर्जितौ रणे
2488	6038028a	सा त्वं भव सुविस्रब्धा अनुमानैः सुखोदयैः
2489	6038028c	अहतौ पश्य काकुत्स्थौ स्नेहादेतद्ब्रवीमि ते
2490	6038029a	अनृतं नोक्तपूर्वं मे न च वक्ष्ये कदाचन
2491	6038029c	चारित्रसुखशीलत्वात्प्रविष्टासि मनो मम
2492	6038030a	नेमौ शक्यौ रणे जेतुं सेन्द्रैरपि सुरासुरैः
2493	6038030c	एतयोराननं दृष्ट्वा मया चावेदितं तव
2494	6038031a	इदं च सुमहच्चिह्नं शनैः पश्यस्व मैथिलि
2495	6038031c	निःसंज्ञावप्युभावेतौ नैव लक्ष्मीर्वियुज्यते
2496	6038032a	प्रायेण गतसत्त्वानां पुरुषाणां गतायुषाम्
2497	6038032c	दृश्यमानेषु वक्त्रेषु परं भवति वैकृतम्
2498	6038033a	त्यज शोकं च दुःखं च मोहं च जनकात्मजे
2499	6038033c	रामलक्ष्मणयोरर्थे नाद्य शक्यमजीवितुम्
2500	6038034a	श्रुत्वा तु वचनं तस्याः सीता सुरसुतोपमा
2501	6038034c	कृताञ्जलिरुवाचेदमेवमस्त्विति मैथिली
2502	6038035a	विमानं पुष्पकं तत्तु समिवर्त्य मनोजवम्
2503	6038035c	दीना त्रिजटया सीता लङ्कामेव प्रवेशिता
2504	6038036a	ततस्त्रिजटया सार्धं पुष्पकादवरुह्य सा
2505	6038036c	अशोकवनिकामेव रक्षसीभिः प्रवेशिता
2506	6038037a	प्रविश्य सीता बहुवृक्षषण्डां; तां राक्षसेन्द्रस्य विहारभूमिम्
2507	6038037c	संप्रेक्ष्य संचिन्त्य च राजपुत्रौ; परं विषादं समुपाजगाम
2508	6039001a	घोरेण शरबन्धेन बद्धौ दशरथात्मजौ
2509	6039001c	निश्वसन्तौ यथा नागौ शयानौ रुधिरोक्षितौ
2510	6039002a	सर्वे ते वानरश्रेष्ठाः ससुग्रीवा महाबलाः
2511	6039002c	परिवार्य महात्मानौ तस्थुः शोकपरिप्लुताः
2512	6039003a	एतस्मिन्नन्तेरे रामः प्रत्यबुध्यत वीर्यवान्
2513	6039003c	स्थिरत्वात्सत्त्वयोगाच्च शरैः संदानितोऽपि सन्
2514	6039004a	ततो दृष्ट्वा सरुधिरं विषण्णं गाढमर्पितम्
2515	6039004c	भ्रातरं दीनवदनं पर्यदेवयदातुरः
2516	6039005a	किं नु मे सीतया कार्यं किं कार्यं जीवितेन वा
2517	6039005c	शयानं योऽद्य पश्यामि भ्रातरं युधि निर्जितम्
2518	6039006a	शक्या सीता समा नारी प्राप्तुं लोके विचिन्वता
2519	6039006c	न लक्ष्मणसमो भ्राता सचिवः साम्परायिकः
2520	6039007a	परित्यक्ष्याम्यहं प्राणान्वानराणां तु पश्यताम्
2521	6039007c	यदि पञ्चत्वमापन्नः सुमित्रानन्दवर्धनः
2522	6039008a	किं नु वक्ष्यामि कौसल्यां मातरं किं नु कैकयीम्
2523	6039008c	कथमम्बां सुमित्रांच पुत्रदर्शनलालसाम्
2524	6039009a	विवत्सां वेपमानां च क्रोशन्तीं कुररीमिव
2525	6039009c	कथमाश्वासयिष्यामि यदि यास्यामि तं विना
2526	6039010a	कथं वक्ष्यामि शत्रुघ्नं भरतं च यशस्विनम्
2527	6039010c	मया सह वनं यातो विना तेनागतः पुनः
2528	6039011a	उपालम्भं न शक्ष्यामि सोढुं बत सुमित्रया
2529	6039011c	इहैव देहं त्यक्ष्यामि न हि जीवितुमुत्सहे
2530	6039012a	धिङ्मां दुष्कृतकर्माणमनार्यं यत्कृते ह्यसौ
2531	6039012c	लक्ष्मणः पतितः शेते शरतल्पे गतासुवत्
2532	6039013a	त्वं नित्यं सुविषण्णं मामाश्वासयसि लक्ष्मण
2533	6039013c	गतासुर्नाद्य शक्नोषि मामार्तमभिभाषितुम्
2534	6039014a	येनाद्य बहवो युद्धे राक्षसा निहताः क्षितौ
2535	6039014c	तस्यामेव क्षितौ वीरः स शेते निहतः परैः
2536	6039015a	शयानः शरतल्पेऽस्मिन्स्वशोणितपरिप्लुतः
2537	6039015c	शरजालैश्चितो भाति भास्करोऽस्तमिव व्रजन्
2538	6039016a	बाणाभिहतमर्मत्वान्न शक्नोत्यभिवीक्षितुम्
2539	6039016c	रुजा चाब्रुवतो ह्यस्य दृष्टिरागेण सूच्यते
2540	6039017a	यथैव मां वनं यान्तमनुयातो महाद्युतिः
2541	6039017c	अहमप्यनुयास्यामि तथैवैनं यमक्षयम्
2542	6039018a	इष्टबन्धुजनो नित्यं मां च नित्यमनुव्रतः
2543	6039018c	इमामद्य गतोऽवस्थां ममानार्यस्य दुर्नयैः
2544	6039019a	सुरुष्टेनापि वीरेण लक्ष्मणेना न संस्मरे
2545	6039019c	परुषं विप्रियं वापि श्रावितं न कदाचन
2546	6039020a	विससर्जैकवेगेन पञ्चबाणशतानि यः
2547	6039020c	इष्वस्त्रेष्वधिकस्तस्मात्कार्तवीर्याच्च लक्ष्मणः
2548	6039021a	अस्त्रैरस्त्राणि यो हन्याच्छक्रस्यापि महात्मनः
2549	6039021c	सोऽयमुर्व्यांहतः शेते महार्हशयनोचितः
2550	6039022a	तच्च मिथ्या प्रलप्तं मां प्रधक्ष्यति न संशयः
2551	6039022c	यन्मया न कृतो राजा राक्षसानां विभीषणः
2552	6039023a	अस्मिन्मुहूर्ते सुग्रीव प्रतियातुमितोऽर्हसि
2553	6039023c	मत्वा हीनं मया राजन्रावणोऽभिद्रवेद्बली
2554	6039024a	अङ्गदं तु पुरस्कृत्य ससैन्यः ससुहृज्जनः
2555	6039024c	सागरं तर सुग्रीव पुनस्तेनैव सेतुना
2556	6039025a	कृतं हनुमता कार्यं यदन्यैर्दुष्करं रणे
2557	6039025c	ऋक्षराजेन तुष्यामि गोलाङ्गूलाधिपेन च
2558	6039026a	अङ्गदेन कृतं कर्म मैन्देन द्विविदेन च
2559	6039026c	युद्धं केसरिणा संख्ये घोरं संपातिना कृतम्
2560	6039027a	गवयेन गवाक्षेण शरभेण गजेन च
2561	6039027c	अन्यैश्च हरिभिर्युद्धं मदार्थे त्यक्तजीवितैः
2562	6039028a	न चातिक्रमितुं शक्यं दैवं सुग्रीव मानुषैः
2563	6039028c	यत्तु शक्यं वयस्येन सुहृदा वा परंतप
2564	6039028e	कृतं सुग्रीव तत्सर्वं भवताधर्मभीरुणा
2565	6039029a	मित्रकार्यं कृतमिदं भवद्भिर्वानरर्षभाः
2566	6039029c	अनुज्ञाता मया सर्वे यथेष्टं गन्तुमर्हथ
2567	6039030a	शुश्रुवुस्तस्य ते सर्वे वानराः परिदेवितम्
2568	6039030c	वर्तयां चक्रुरश्रूणि नेत्रैः कृष्णेतरेक्षणाः
2569	6039031a	ततः सर्वाण्यनीकानि स्थापयित्वा विभीषणः
2570	6039031c	आजगाम गदापाणिस्त्वरितो यत्र राघवः
2571	6039032a	तं दृष्ट्वा त्वरितं यान्तं नीलाञ्जनचयोपमम्
2572	6039032c	वानरा दुद्रुवुः सर्वे मन्यमानास्तु रावणिम्
2573	6040001a	अथोवाच महातेजा हरिराजो महाबलः
2574	6040001c	किमियं व्यथिता सेना मूढवातेव नौर्जले
2575	6040002a	सुग्रीवस्य वचः श्रुत्वा वालिपुत्रोऽङ्गदोऽब्रवीत्
2576	6040002c	न त्वं पश्यसि रामं च लक्ष्मणं च महाबलम्
2577	6040003a	शरजालाचितौ वीरावुभौ दशरथात्मजौ
2578	6040003c	शरतल्पे महात्मानौ शयानौ रुधिरोक्षितौ
2579	6040004a	अथाब्रवीद्वानरेन्द्रः सुग्रीवः पुत्रमङ्गदम्
2580	6040004c	नानिमित्तमिदं मन्ये भवितव्यं भयेन तु
2581	6040005a	विषण्णवदना ह्येते त्यक्तप्रहरणा दिशः
2582	6040005c	प्रपलायन्ति हरयस्त्रासादुत्फुल्ललोचनाः
2583	6040006a	अन्योन्यस्य न लज्जन्ते न निरीक्षन्ति पृष्ठतः
2584	6040006c	विप्रकर्षन्ति चान्योन्यं पतितं लङ्घयन्ति च
2585	6040007a	एतस्मिन्नन्तरे वीरो गदापाणिर्विभीषणः
2586	6040007c	सुग्रीवं वर्धयामास राघवं च निरैक्षत
2587	6040008a	विभीषणं तं सुग्रीवो दृष्ट्वा वानरभीषणम्
2588	6040008c	ऋक्षराजं समीपस्थं जाम्बवन्तमुवाच ह
2589	6040009a	विभीषणोऽयं संप्राप्तो यं दृष्ट्वा वानरर्षभाः
2590	6040009c	विद्रवन्ति परित्रस्ता रावणात्मजशङ्कया
2591	6040010a	शीघ्रमेतान्सुवित्रस्तान्बहुधा विप्रधावितान्
2592	6040010c	पर्यवस्थापयाख्याहि विभीषणमुपस्थितम्
2593	6040011a	सुग्रीवेणैवमुक्तस्तु जाम्बवानृक्षपार्थिवः
2594	6040011c	वानरान्सान्त्वयामास संनिवर्त्य प्रहावतः
2595	6040012a	ते निवृत्ताः पुनः सर्वे वानरास्त्यक्तसंभ्रमाः
2596	6040012c	ऋक्षराजवचः श्रुत्वा तं च दृष्ट्वा विभीषणम्
2597	6040013a	विभीषणस्तु रामस्य दृष्ट्वा गात्रं शरैश्चितम्
2598	6040013c	लक्ष्मणस्य च धर्मात्मा बभूव व्यथितेन्द्रियः
2599	6040014a	जलक्लिन्नेन हस्तेन तयोर्नेत्रे प्रमृज्य च
2600	6040014c	शोकसंपीडितमना रुरोद विललाप च
2601	6040015a	इमौ तौ सत्त्वसंपन्नौ विक्रान्तौ प्रियसंयुगौ
2602	6040015c	इमामवस्थां गमितौ राकसैः कूटयोधिभिः
2603	6040016a	भ्रातुः पुत्रेण मे तेन दुष्पुत्रेण दुरात्मना
2604	6040016c	राक्षस्या जिह्मया बुद्ध्या छलितावृजुविक्रमौ
2605	6040017a	शरैरिमावलं विद्धौ रुधिरेण समुक्षितौ
2606	6040017c	वसुधायामिम सुप्तौ दृश्येते शल्यकाविव
2607	6040018a	ययोर्वीर्यमुपाश्रित्य प्रतिष्ठा काङ्क्षिता मया
2608	6040018c	तावुभौ देहनाशाय प्रसुप्तौ पुरुषर्षभौ
2609	6040019a	जीवन्नद्य विपन्नोऽस्मि नष्टराज्यमनोरथः
2610	6040019c	प्राप्तप्रतिज्ञश्च रिपुः सकामो रावणः कृतः
2611	6040020a	एवं विलपमानं तं परिष्वज्य विभीषणम्
2612	6040020c	सुग्रीवः सत्त्वसंपन्नो हरिराजोऽब्रवीदिदम्
2613	6040021a	राज्यं प्राप्स्यसि धर्मज्ञ लङ्कायां नात्र संशयः
2614	6040021c	रावणः सह पुत्रेण स राज्यं नेह लप्स्यते
2615	6040022a	शरसंपीडितावेतावुभौ राघवलक्ष्मणौ
2616	6040022c	त्यक्त्वा मोहं वधिष्येते सगणं रावणं रणे
2617	6040023a	तमेवं सान्त्वयित्वा तु समाश्वास्य च राक्षसं
2618	6040023c	सुषेणं श्वशुरं पार्श्वे सुग्रीवस्तमुवाच ह
2619	6040024a	सह शूरैर्हरिगणैर्लब्धसंज्ञावरिंदमौ
2620	6040024c	गच्छ त्वं भ्रातरौ गृह्य किष्किन्धां रामलक्ष्मणौ
2621	6040025a	अहं तु रावणं हत्वा सपुत्रं सहबान्धवम्
2622	6040025c	मैथिलीमानयिष्यामि शक्रो नष्टामिव श्रियम्
2623	6040026a	श्रुत्वैतद्वानरेन्द्रस्य सुषेणो वाक्यमब्रवीत्
2624	6040026c	देवासुरं महायुद्धमनुभूतं सुदारुणम्
2625	6040027a	तदा स्म दानवा देवाञ्शरसंस्पर्शकोविदाः
2626	6040027c	निजघ्नुः शस्त्रविदुषश्छादयन्तो मुहुर्मुहुः
2627	6040028a	तानार्तान्नष्टसंज्ञांश्च परासूंश्च बृहस्पतिः
2628	6040028c	विध्याभिर्मन्त्रयुक्ताभिरोषधीभिश्चिकित्सति
2629	6040029a	तान्यौषधान्यानयितुं क्षीरोदं यान्तु सागरम्
2630	6040029c	जवेन वानराः शीघ्रं संपाति पनसादयः
2631	6040030a	हरयस्तु विजानन्ति पार्वती ते महौषधी
2632	6040030c	संजीवकरणीं दिव्यां विशल्यां देवनिर्मिताम्
2633	6040031a	चन्द्रश्च नाम द्रोणश्च पर्वतौ सागरोत्तमे
2634	6040031c	अमृतं यत्र मथितं तत्र ते परमौषधी
2635	6040032a	ते तत्र निहिते देवैः पर्वते परमौषधी
2636	6040032c	अयं वायुसुतो राजन्हनूमांस्तत्र गच्छतु
2637	6040033a	एतस्मिन्नन्तरे वायुर्मेघांश्चापि सविद्युतः
2638	6040033c	पर्यस्यन्सागरे तोयं कम्पयन्निव पर्वतान्
2639	6040034a	महता पक्षवातेन सर्वे द्वीपमहाद्रुमाः
2640	6040034c	निपेतुर्भग्नविटपाः समूला लवणाम्भसि
2641	6040035a	अभवन्पन्नगास्त्रस्ता भोगिनस्तत्रवासिनः
2642	6040035c	शीघ्रं सर्वाणि यादांसि जग्मुश्च लवणार्णवम्
2643	6040036a	ततो मुहूर्तद्गरुडं वैनतेयं महाबलम्
2644	6040036c	वानरा ददृशुः सर्वे ज्वलन्तमिव पावकम्
2645	6040037a	तमागतमभिप्रेक्ष्य नागास्ते विप्रदुद्रुवुः
2646	6040037c	यैस्तौ सत्पुरुषौ बद्धौ शरभूतैर्महाबलौ
2647	6040038a	ततः सुपर्णः काकुत्स्थौ दृष्ट्वा प्रत्यभिनन्द्य च
2648	6040038c	विममर्श च पाणिभ्यां मुखे चन्द्रसमप्रभे
2649	6040039a	वैनतेयेन संस्पृष्टास्तयोः संरुरुहुर्व्रणाः
2650	6040039c	सुवर्णे च तनू स्निग्धे तयोराशु बभूवतुः
2651	6040040a	तेजो वीर्यं बलं चौज उत्साहश्च महागुणाः
2652	6040040c	प्रदर्शनं च बुद्धिश्च स्मृतिश्च द्विगुणं तयोः
2653	6040041a	तावुत्थाप्य महावीर्यौ गरुडो वासवोपमौ
2654	6040041c	उभौ तौ सस्वजे हृष्टौ रामश्चैनमुवाच ह
2655	6040042a	भवत्प्रसादाद्व्यसनं रावणिप्रभवं महत्
2656	6040042c	आवामिह व्यतिक्रान्तौ शीघ्रं च बलिनौ कृतौ
2657	6040043a	यथा तातं दशरथं यथाजं च पितामहम्
2658	6040043c	तथा भवन्तमासाद्य हृषयं मे प्रसीदति
2659	6040044a	को भवान्रूपसंपन्नो दिव्यस्रगनुलेपनः
2660	6040044c	वसानो विरजे वस्त्रे दिव्याभरणभूषितः
2661	6040045a	तमुवाच महातेजा वैनतेयो महाबलः
2662	6040045c	पतत्रिराजः प्रीतात्मा हर्षपर्याकुलेक्षणः
2663	6040046a	अहं सखा ते काकुत्स्थ प्रियः प्राणो बहिश्चरः
2664	6040046c	गरुत्मानिह संप्राप्तो युवयोः साह्यकारणात्
2665	6040047a	असुरा वा महावीर्या दानवा वा महाबलाः
2666	6040047c	सुराश्चापि सगन्धर्वाः पुरस्कृत्य शतक्रतुम्
2667	6040048a	नेमं मोक्षयितुं शक्ताः शरबन्धं सुदारुणम्
2668	6040048c	माया बलादिन्द्रजिता निर्मितं क्रूरकर्मणा
2669	6040049a	एते नागाः काद्रवेयास्तीक्ष्णदंष्ट्राविषोल्बणाः
2670	6040049c	रक्षोमाया प्रभावेन शरा भूत्वा त्वदाश्रिताः
2671	6040050a	सभाग्यश्चासि धर्मज्ञ राम सत्यपराक्रम
2672	6040050c	लक्ष्मणेन सह भ्रात्रा समरे रिपुघातिना
2673	6040051a	इमं श्रुत्वा तु वृत्तान्तं त्वरमाणोऽहमागतः
2674	6040051c	सहसा युवयोः स्नेहात्सखित्वमनुपालयन्
2675	6040052a	मोक्षितौ च महाघोरादस्मात्सायकबन्धनात्
2676	6040052c	अप्रमादश्च कर्तव्यो युवाभ्यां नित्यमेव हि
2677	6040053a	प्रकृत्या राक्षसाः सर्वे संग्रामे कूटयोधिनः
2678	6040053c	शूराणां शुद्धभावानां भवतामार्जवं बलम्
2679	6040054a	तन्न विश्वसितव्यं वो राक्षसानां रणाजिरे
2680	6040054c	एतेनैवोपमानेन नित्यजिह्मा हि राक्षसाः
2681	6040055a	एवमुक्त्वा ततो रामं सुपर्णः सुमहाबलः
2682	6040055c	परिष्वज्य सुहृत्स्निग्धमाप्रष्टुमुपचक्रमे
2683	6040056a	सखे राघव धर्मज्ञ रिपूणामपि वत्सल
2684	6040056c	अभ्यनुज्ञातुमिच्छामि गमिष्यामि यथागतम्
2685	6040057a	बालवृद्धावशेषां तु लङ्कां कृत्वा शरोर्मिभिः
2686	6040057c	रावणं च रिपुं हत्वा सीतां समुपलप्स्यसे
2687	6040058a	इत्येवमुक्त्वा वचनं सुपर्णः शीघ्रविक्रमः
2688	6040058c	रामं च विरुजं कृत्वा मध्ये तेषां वनौकसाम्
2689	6040059a	प्रदक्षिणं ततः कृत्वा परिष्वज्य च वीर्यवान्
2690	6040059c	जगामाकाशमाविश्य सुपर्णः पवनो यथा
2691	6040060a	विरुजौ राघवौ दृष्ट्वा ततो वानरयूथपाः
2692	6040060c	सिंहनादांस्तदा नेदुर्लाङ्गूलं दुधुवुश्च ते
2693	6040061a	ततो भेरीः समाजघ्नुर्मृदङ्गांश्च व्यनादयन्
2694	6040061c	दध्मुः शङ्खान्संप्रहृष्टाः क्ष्वेलन्त्यपि यथापुरम्
2695	6040062a	आस्फोट्यास्फोट्य विक्रान्ता वानरा नगयोधिनः
2696	6040062c	द्रुमानुत्पाट्य विविधांस्तस्थुः शतसहस्रशः
2697	6040063a	विसृजन्तो महानादांस्त्रासयन्तो निशाचरान्
2698	6040063c	लङ्काद्वाराण्युपाजग्मुर्योद्धुकामाः प्लवंगमाः
2699	6040064a	ततस्तु भीमस्तुमुलो निनादो; बभूव शाखामृगयूथपानाम्
2700	6040064c	क्षये निदाघस्य यथा घनानां; नादः सुभीमो नदतां निशीथे
2701	6041001a	तेषां सुतुमुलं शब्दं वानराणां तरस्विनाम्
2702	6041001c	नर्दतां राक्षसैः सार्धं तदा शुश्राव रावणः
2703	6041002a	स्निग्धगम्भीरनिर्घोषं श्रुत्वा स निनदं भृशम्
2704	6041002c	सचिवानां ततस्तेषां मध्ये वचनमब्रवीत्
2705	6041003a	यथासौ संप्रहृष्टानां वानराणां समुत्थितः
2706	6041003c	बहूनां सुमहान्नादो मेघानामिव गर्जताम्
2707	6041004a	व्यक्तं सुमहती प्रीतिरेतेषां नात्र संशयः
2708	6041004c	तथा हि विपुलैर्नादैश्चुक्षुभे वरुणालयः
2709	6041005a	तौ तु बद्धौ शरैस्तीष्क्णैर्भ्रातरौ रामलक्ष्मणौ
2710	6041005c	अयं च सुमहान्नादः शङ्कां जनयतीव मे
2711	6041006a	एतत्तु वचनं चोक्त्वा मन्त्रिणो राक्षसेश्वरः
2712	6041006c	उवाच नैरृतांस्तत्र समीपपरिवर्तिनः
2713	6041007a	ज्ञायतां तूर्णमेतषां सर्वेषां वनचारिणाम्
2714	6041007c	शोककाले समुत्पन्ने हर्षकारणमुत्थितम्
2715	6041008a	तथोक्तास्तेन संभ्रान्ताः प्राकारमधिरुह्य ते
2716	6041008c	ददृशुः पालितां सेनां सुग्रीवेण महात्मना
2717	6041009a	तौ च मुक्तौ सुघोरेण शरबन्धेन राघवौ
2718	6041009c	समुत्थितौ महाभागौ विषेदुः प्रेक्ष्य राक्षसाः
2719	6041010a	संत्रस्तहृदया सर्वे प्राकारादवरुह्य ते
2720	6041010c	विषण्णवदनाः सर्वे राक्षसेन्द्रमुपस्थिताः
2721	6041011a	तदप्रियं दीनमुखा रावणस्य निशाचराः
2722	6041011c	कृत्स्नं निवेदयामासुर्यथावद्वाक्यकोविदाः
2723	6041012a	यौ ताविन्द्रजिता युद्धे भ्रातरौ रामलक्ष्मणौ
2724	6041012c	निबद्धौ शरबन्धेन निष्प्रकम्पभुजौ कृतौ
2725	6041013a	विमुक्तौ शरबन्धेन तौ दृश्येते रणाजिरे
2726	6041013c	पाशानिव गजौ छित्त्वा गजेन्द्रसमविक्रमौ
2727	6041014a	तच्छ्रुत्वा वचनं तेषां राक्षसेन्द्रो महाबलः
2728	6041014c	चिन्ताशोकसमाक्रान्तो विषण्णवदनोऽब्रवीत्
2729	6041015a	घोरैर्दत्तवरैर्बद्धौ शरैराशीविषोमपैः
2730	6041015c	अमोघैः सूर्यसंकाशैः प्रमथ्येन्द्रजिता युधि
2731	6041016a	तमस्त्रबन्धमासाद्य यदि मुक्तौ रिपू मम
2732	6041016c	संशयस्थमिदं सर्वमनुपश्याम्यहं बलम्
2733	6041017a	निष्फलाः खलु संवृत्ताः शरा वासुकितेजसः
2734	6041017c	आदत्तं यैस्तु संग्रामे रिपूणां मम जीवितम्
2735	6041018a	एवमुक्त्वा तु संक्रुद्धो निश्वसन्नुरगो यथा
2736	6041018c	अब्रवीद्रक्षसां मध्ये धूम्राक्षं नाम राकसं
2737	6041019a	बलेन महता युक्तो रक्षसां भीमकर्मणाम्
2738	6041019c	त्वं वधायाभिनिर्याहि रामस्य सह वानरैः
2739	6041020a	एवमुक्तस्तु धूम्राक्षो राक्षसेन्द्रेण धीमता
2740	6041020c	कृत्वा प्रणामं संहृष्टो निर्जगाम नृपालयात्
2741	6041021a	अभिनिष्क्रम्य तद्द्वारं बलाध्यक्षमुवाच ह
2742	6041021c	त्वरयस्व बलं तूर्णं किं चिरेण युयुत्सतः
2743	6041022a	धूम्राक्षस्य वचः श्रुत्वा बलाध्यक्षो बलानुगः
2744	6041022c	बलमुद्योजयामास रावणस्याज्ञया द्रुतम्
2745	6041023a	ते बद्धघण्टा बलिनो घोररूपा निशाचराः
2746	6041023c	विनर्दमानाः संहृष्टा धूम्राक्षं पर्यवारयन्
2747	6041024a	विविधायुधहस्ताश्च शूलमुद्गरपाणयः
2748	6041024c	गदाभिः पट्टसैर्दण्डैरायसैर्मुसलैर्भृशम्
2749	6041025a	परिघैर्भिण्डिपालैश्च भल्लैः प्रासैः परश्वधैः
2750	6041025c	निर्ययू राक्षसा घोरा नर्दन्तो जलदा यथा
2751	6041026a	रथैः कवचिनस्त्वन्ये ध्वजैश्च समलंकृतैः
2752	6041026c	सुवर्णजालविहितैः खरैश्च विविधाननैः
2753	6041027a	हयैः परमशीघ्रैश्च गजेन्द्रैश्च मदोत्कटैः
2754	6041027c	निर्ययू राक्षसव्याघ्रा व्याघ्रा इव दुरासदाः
2755	6041028a	वृकसिंहमुखैर्युक्तं खरैः कनकभूषणैः
2756	6041028c	आरुरोह रथं दिव्यं धूम्राक्षः खरनिस्वनः
2757	6041029a	स निर्यातो महावीर्यो धूम्राक्षो राक्षसैर्वृतः
2758	6041029c	प्रहसन्पश्चिमद्वारं हनूमान्यत्र यूथपः
2759	6041030a	प्रयान्तं तु महाघोरं राक्षसं भीमदर्शनम्
2760	6041030c	अन्तरिक्षगताः क्रूराः शकुनाः प्रत्यवारयन्
2761	6041031a	रथशीर्षे महाभीमो गृध्रश्च निपपात ह
2762	6041031c	ध्वजाग्रे ग्रथिताश्चैव निपेतुः कुणपाशनाः
2763	6041032a	रुधिरार्द्रो महाञ्श्वेतः कबन्धः पतितो भुवि
2764	6041032c	विस्वरं चोत्सृजन्नादं धूम्राक्षस्य समीपतः
2765	6041033a	ववर्ष रुधिरं देवः संचचाल च मेदिनी
2766	6041033c	प्रतिलोमं ववौ वायुर्निर्घातसमनिस्वनः
2767	6041033e	तिमिरौघावृतास्तत्र दिशश्च न चकाशिरे
2768	6041034a	स तूत्पातांस्ततो दृष्ट्वा राक्षसानां भयावहान्
2769	6041034c	प्रादुर्भूतान्सुघोरांश्च धूम्राक्षो व्यथितोऽभवत्
2770	6041035a	ततः सुभीमो बहुभिर्निशाचरै;र्वृतोऽभिनिष्क्रम्य रणोत्सुको बली
2771	6041035c	ददर्श तां राघवबाहुपालितां; समुद्रकल्पां बहुवानरीं चमूम्
2772	6042001a	धूम्राक्षं प्रेक्ष्य निर्यान्तं राक्षसं भीमनिस्वनम्
2773	6042001c	विनेदुर्वानराः सर्वे प्रहृष्टा युद्धकाङ्क्षिणः
2774	6042002a	तेषां तु तुमुलं युद्धं संजज्ञे हरिरक्षसाम्
2775	6042002c	अन्योन्यं पादपैर्घोरैर्निघ्नतं शूलमुद्गरैः
2776	6042003a	राक्षसैर्वानरा घोरा विनिकृत्ताः समन्ततः
2777	6042003c	वानरै राक्षसाश्चापि द्रुमैर्भूमौ समीकृताः
2778	6042004a	राक्षसाश्चापि संक्रुद्धा वानरान्निशितैः शरैः
2779	6042004c	विव्यधुर्घोरसंकाशैः कङ्कपत्रैरजिह्मगैः
2780	6042005a	ते गदाभिश्च भीमाभिः पट्टसैः कूटमुद्गरैः
2781	6042005c	घोरैश्च परिघैश्चित्रैस्त्रिशूलैश्चापि संशितैः
2782	6042006a	विदार्यमाणा रक्षोभिर्वानरास्ते महाबलाः
2783	6042006c	अमर्षाज्जनितोद्धर्षाश्चक्रुः कर्माण्यभीतवत्
2784	6042007a	शरनिर्भिन्नगात्रास्ते शूलनिर्भिन्नदेहिनः
2785	6042007c	जगृहुस्ते द्रुमांस्तत्र शिलाश्च हरियूथपाः
2786	6042008a	ते भीमवेगा हरयो नर्दमानास्ततस्ततः
2787	6042008c	ममन्थू राक्षसान्भीमान्नामानि च बभाषिरे
2788	6042009a	तद्बभूवाद्भुतं घोरं युद्धं वानररक्षसाम्
2789	6042009c	शिलाभिर्विविधाभिश्च बहुशाखैश्च पादपैः
2790	6042010a	राक्षसा मथिताः केचिद्वानरैर्जितकाशिभिः
2791	6042010c	ववर्षू रुधिरं केचिन्मुखै रुधिरभोजनाः
2792	6042011a	पार्श्वेषु दारिताः केचित्केचिद्राशीकृता द्रुमैः
2793	6042011c	शिलाभिश्चूर्णिताः केचित्केचिद्दन्तैर्विदारिताः
2794	6042012a	ध्वजैर्विमथितैर्भग्नैः खरैश्च विनिपातितैः
2795	6042012c	रथैर्विध्वंसितैश्चापि पतितै रजनीचरैः
2796	6042013a	वानरैर्भीमविक्रान्तैराप्लुत्याप्लुत्य वेगितैः
2797	6042013c	राक्षसाः करजैस्तीक्ष्णैर्मुखेषु विनिकर्तिताः
2798	6042014a	विवर्णवदना भूयो विप्रकीर्णशिरोरुहाः
2799	6042014c	मूढाः शोणितगन्धेन निपेतुर्धरणीतले
2800	6042015a	नये तु परमक्रुद्धा राक्षसा भीमविक्रमाः
2801	6042015c	तलैरेवाभिधावन्ति वज्रस्पर्शसमैर्हरीन्
2802	6042016a	वनरैरापतन्तस्ते वेगिता वेगवत्तरैः
2803	6042016c	मुष्टिभिश्चरणैर्दन्तैः पादपैश्चापपोथिताः
2804	6042017a	सन्यं तु विद्रुतं दृष्ट्वा धूम्राक्षो राक्षसर्षभः
2805	6042017c	क्रोधेन कदनं चक्रे वानराणां युयुत्सताम्
2806	6042018a	प्रासैः प्रमथिताः केचिद्वानराः शोणितस्रवाः
2807	6042018c	मुद्गरैराहताः केचित्पतिता धरणीतले
2808	6042019a	परिघैर्मथितः केचिद्भिण्डिपालैर्विदारिताः
2809	6042019c	पट्टसैराहताः केचिद्विह्वलन्तो गतासवः
2810	6042020a	केचिद्विनिहता भूमौ रुधिरार्द्रा वनौकसः
2811	6042020c	केचिद्विद्राविता नष्टाः संक्रुद्धै राक्षसैर्युधि
2812	6042021a	विभिन्नहृदयाः केचिदेकपार्श्वेन शायिताः
2813	6042021c	विदारितास्त्रशूलै च केचिदान्त्रैर्विनिस्रुताः
2814	6042022a	तत्सुभीमं महद्युद्धं हरिराकस संकुलम्
2815	6042022c	प्रबभौ शस्त्रबहुलं शिलापादपसंकुलम्
2816	6042023a	धनुर्ज्यातन्त्रिमधुरं हिक्कातालसमन्वितम्
2817	6042023c	मन्द्रस्तनितसंगीतं युद्धगान्धर्वमाबभौ
2818	6042024a	धूम्राक्षस्तु धनुष्पाणिर्वानरान्रणमूर्धनि
2819	6042024c	हसन्विद्रावयामास दिशस्ताञ्शरवृष्टिभिः
2820	6042025a	धूम्राक्षेणार्दितं सैन्यं व्यथितं दृश्य मारुतिः
2821	6042025c	अभ्यवर्तत संक्रुद्धः प्रगृह्य विपुलां शिलाम्
2822	6042026a	क्रोधाद्द्विगुणताम्राक्षः पितृतुल्यपराक्रमः
2823	6042026c	शिलां तां पातयामास धूम्राक्षस्य रथं प्रति
2824	6042027a	आपतन्तीं शिलां दृष्ट्वा गदामुद्यम्य संभ्रमात्
2825	6042027c	रथादाप्लुत्य वेगेन वसुधायां व्यतिष्ठत
2826	6042028a	सा प्रमथ्य रथं तस्य निपपात शिलाभुवि
2827	6042028c	सचक्रकूबरं साश्वं सध्वजं सशरासनम्
2828	6042029a	स भङ्क्त्वा तु रथं तस्य हनूमान्मारुतात्मजः
2829	6042029c	रक्षसां कदनं चक्रे सस्कन्धविटपैर्द्रुमैः
2830	6042030a	विभिन्नशिरसो भूत्वा राक्षसाः शोणितोक्षिताः
2831	6042030c	द्रुमैः प्रमथिताश्चान्ये निपेतुर्धरणीतले
2832	6042031a	विद्राव्य राक्षसं सैन्यं हनूमान्मारुतात्मजः
2833	6042031c	गिरेः शिखरमादाय धूम्राक्षमभिदुद्रुवे
2834	6042032a	तमापतन्तं धूम्राक्षो गदामुद्यम्य वीर्यवान्
2835	6042032c	विनर्दमानः सहसा हनूमन्तमभिद्रवत्
2836	6042033a	ततः क्रुद्धस्तु वेगेन गदां तां बहुकण्टकाम्
2837	6042033c	पातयामास धूम्राक्षो मस्तके तु हनूमतः
2838	6042034a	ताडितः स तया तत्र गदया भीमरूपया
2839	6042034c	स कपिर्मारुतबलस्तं प्रहारमचिन्तयन्
2840	6042034e	धूम्राक्षस्य शिरो मध्ये गिरिशृङ्गमपातयत्
2841	6042035a	स विह्वलितसर्वाङ्गो गिरिशृङ्गेण ताडितः
2842	6042035c	पपात सहसा भूमौ विकीर्ण इव पर्वतः
2843	6042036a	धूम्राक्षं निहतं दृष्ट्वा हतशेषा निशाचराः
2844	6042036c	त्रस्ताः प्रविविशुर्लङ्कां वध्यमानाः प्लवंगमैः
2845	6042037a	स तु पवनसुतो निहत्य शत्रुं; क्षतजवहाः सरितश्च संविकीर्य
2846	6042037c	रिपुवधजनितश्रमो महात्मा; मुदमगमत्कपिभिश्च पूज्यमानः
2847	6043001a	धूम्राक्षं निहतं श्रुत्वा रावणो राक्षसेश्वरः
2848	6043001c	बलाध्यक्षमुवाचेदं कृताञ्जलिमुपस्थितम्
2849	6043002a	शीघ्रं निर्यान्तु दुर्धर्षा राक्षसा भीमविक्रमाः
2850	6043002c	अकम्पनं पुरस्कृत्य सर्वशस्त्रप्रकोविदम्
2851	6043003a	ततो नानाप्रहरणा भीमाक्षा भीमदर्शनाः
2852	6043003c	निष्पेतू राक्षसा मुख्या बलाध्यक्षप्रचोदिताः
2853	6043004a	रथमास्थाय विपुलं तप्तकाञ्चनकुण्डलः
2854	6043004c	राकसैः संवृतो घोरैस्तदा निर्यात्यकम्पनः
2855	6043005a	न हि कम्पयितुं शक्यः सुरैरपि महामृधे
2856	6043005c	अकम्पनस्ततस्तेषामादित्य इव तेजसा
2857	6043006a	तस्य निधावमानस्य संरब्धस्य युयुत्सया
2858	6043006c	अकस्माद्दैन्यमागच्छद्धयानां रथवाहिनाम्
2859	6043007a	व्यस्फुरन्नयनं चास्य सव्यं युद्धाभिनन्दिनः
2860	6043007c	विवर्णो मुखवर्णश्च गद्गदश्चाभवत्स्वरः
2861	6043008a	अभवत्सुदिने चापि दुर्दिने रूक्षमारुतम्
2862	6043008c	ऊचुः खगा मृगाः सर्वे वाचः क्रूरा भयावहाः
2863	6043009a	स सिंहोपचितस्कन्धः शार्दूलसमविक्रमः
2864	6043009c	तानुत्पातानचिन्त्यैव निर्जगाम रणाजिरम्
2865	6043010a	तदा निर्गच्छतस्तस्य रक्षसः सह राक्षसैः
2866	6043010c	बभूव सुमहान्नादः क्षोभयन्निव सागरम्
2867	6043011a	तेन शब्देन वित्रस्ता वानराणां महाचमूः
2868	6043011c	द्रुमशैलप्रहरणा योद्धुं समवतिष्ठत
2869	6043012a	तेषां युद्धं महारौद्रं संजज्ञे कपिरक्षसाम्
2870	6043012c	रामरावणयोरर्थे समभित्यक्तजीविनाम्
2871	6043013a	सर्वे ह्यतिबलाः शूराः सर्वे पर्वतसंनिभाः
2872	6043013c	हरयो राक्षसाश्चैव परस्परजिघंसवः
2873	6043014a	तेषां विनर्दातां शब्दः संयुगेऽतितरस्विनाम्
2874	6043014c	शुश्रुवे सुमहान्क्रोधादन्योन्यमभिगर्जताम्
2875	6043015a	रजश्चारुणवर्णाभं सुभीममभवद्भृशम्
2876	6043015c	उद्धूतं हरिरक्षोभिः संरुरोध दिशो दश
2877	6043016a	अन्योन्यं रजसा तेन कौशेयोद्धूतपाण्डुना
2878	6043016c	संवृतानि च भूतानि ददृशुर्न रणाजिरे
2879	6043017a	न ध्वजो न पताकावा वर्म वा तुरगोऽपि वा
2880	6043017c	आयुधं स्यन्दनं वापि ददृशे तेन रेणुना
2881	6043018a	शब्दश्च सुमहांस्तेषां नर्दतामभिधावताम्
2882	6043018c	श्रूयते तुमुले युद्धे न रूपाणि चकाशिरे
2883	6043019a	हरीनेव सुसंक्रुद्धा हरयो जघ्नुराहवे
2884	6043019c	राक्षसाश्चापि रक्षांसि निजघ्नुस्तिमिरे तदा
2885	6043020a	परांश्चैव विनिघ्नन्तः स्वांश्च वानरराक्षसाः
2886	6043020c	रुधिरार्द्रं तदा चक्रुर्महीं पङ्कानुलेपनाम्
2887	6043021a	ततस्तु रुधिरौघेण सिक्तं व्यपगतं रजः
2888	6043021c	शरीरशवसंकीर्णा बभूव च वसुंधरा
2889	6043022a	द्रुमशक्तिशिलाप्रासैर्गदापरिघतोमरैः
2890	6043022c	हरयो राक्षसास्तूर्णं जघ्नुरन्योन्यमोजसा
2891	6043023a	बाहुभिः परिघाकारैर्युध्यन्तः पर्वतोपमाः
2892	6043023c	हरयो भीमकर्माणो राक्षसाञ्जघ्नुराहवे
2893	6043024a	राक्षसाश्चापि संक्रुद्धाः प्रासतोमरपाणयः
2894	6043024c	कपीन्निजघ्निरे तत्र शस्त्रैः परमदारुणैः
2895	6043025a	हरयस्त्वपि रक्षांसि महाद्रुममहाश्मभिः
2896	6043025c	विदारयन्त्यभिक्रम्य शस्त्राण्याच्छिद्य वीर्यतः
2897	6043026a	एतस्मिन्नन्तरे वीरा हरयः कुमुदो नलः
2898	6043026c	मैन्दश्च परमक्रुद्धश्चक्रुर्वेगमनुत्तमम्
2899	6043027a	ते तु वृक्षैर्महावेगा राक्षसानां चमूमुखे
2900	6043027c	कदनं सुमह चक्रुर्लीलया हरियूथपाः
2901	6044001a	तद्दृष्ट्वा सुमहत्कर्म कृतं वानरसत्तमैः
2902	6044001c	क्रोधमाहारयामास युधि तीव्रमकम्पनः
2903	6044002a	क्रोधमूर्छितरूपस्तु ध्नुवन्परमकार्मुकम्
2904	6044002c	दृष्ट्वा तु कर्म शत्रूणां सारथिं वाक्यमब्रवीत्
2905	6044003a	तत्रैव तावत्त्वरितं रथं प्रापय सारथे
2906	6044003c	एतेऽत्र बहवो घ्नन्ति सुबहून्राक्षसान्रणे
2907	6044004a	एतेऽत्र बलवन्तो हि भीमकायाश्च वानराः
2908	6044004c	द्रुमशैलप्रहरणास्तिष्ठन्ति प्रमुखे मम
2909	6044005a	एतान्निहन्तुमिच्छामि समरश्लाघिनो ह्यहम्
2910	6044005c	एतैः प्रमथितं सर्वं दृश्यते राक्षसं बलम्
2911	6044006a	ततः प्रजविताश्वेन रथेन रथिनां वरः
2912	6044006c	हरीनभ्यहनत्क्रोधाच्छरजालैरकम्पनः
2913	6044007a	न स्थातुं वानराः शेकुः किं पुनर्योद्धुमाहवे
2914	6044007c	अकम्पनशरैर्भग्नाः सर्व एव प्रदुद्रुवुः
2915	6044008a	तान्मृत्युवशमापन्नानकम्पनवशं गतान्
2916	6044008c	समीक्ष्य हनुमाञ्ज्ञातीनुपतस्थे महाबलः
2917	6044009a	तं महाप्लवगं दृष्ट्वा सर्वे प्लवगयूथपाः
2918	6044009c	समेत्य समरे वीराः सहिताः पर्यवारयन्
2919	6044010a	व्यवस्थितं हनूमन्तं ते दृष्ट्वा हरियूथपाः
2920	6044010c	बभूवुर्बलवन्तो हि बलवन्तमुपाश्रिताः
2921	6044011a	अकम्पनस्तु शैलाभं हनूमन्तमवस्थितम्
2922	6044011c	महेन्द्र इव धाराभिः शरैरभिववर्ष ह
2923	6044012a	अचिन्तयित्वा बाणौघाञ्शरीरे पतिताञ्शितान्
2924	6044012c	अकम्पनवधार्थाय मनो दध्रे महाबलः
2925	6044013a	स प्रहस्य महातेजा हनूमान्मारुतात्मजः
2926	6044013c	अभिदुद्राव तद्रक्षः कम्पयन्निव मेदिनीम्
2927	6044014a	तस्याभिनर्दमानस्य दीप्यमानस्य तेजसा
2928	6044014c	बभूव रूपं दुर्धर्षं दीप्तस्येव विभावसोः
2929	6044015a	आत्मानं त्वप्रहरणं ज्ञात्वा क्रोधसमन्वितः
2930	6044015c	शैलमुत्पाटयामास वेगेन हरिपुंगवः
2931	6044016a	तं गृहीत्वा महाशैलं पाणिनैकेन मारुतिः
2932	6044016c	विनद्य सुमहानादं भ्रामयामास वीर्यवान्
2933	6044017a	ततस्तमभिदुद्राव राक्षसेन्द्रमकम्पनम्
2934	6044017c	यथा हि नमुचिं संख्ये वज्रेणेव पुरंदरः
2935	6044018a	अकम्पनस्तु तद्दृष्ट्वा गिरिशृङ्गं समुद्यतम्
2936	6044018c	दूरादेव महाबाणैरर्धचन्द्रैर्व्यदारयत्
2937	6044019a	तत्पर्वताग्रमाकाशे रक्षोबाणविदारितम्
2938	6044019c	विकीर्णं पतितं दृष्ट्वा हनूमान्क्रोधमूर्छितः
2939	6044020a	सोऽश्वकर्णं समासाद्य रोषदर्पान्वितो हरिः
2940	6044020c	तूर्णमुत्पाटयामास महागिरिमिवोच्छ्रितम्
2941	6044021a	तं गृहीत्वा महास्कन्धं सोऽश्वकर्णं महाद्युतिः
2942	6044021c	प्रहस्य परया प्रीत्या भ्रामयामास संयुगे
2943	6044022a	प्रधावन्नुरुवेगेन प्रभञ्जंस्तरसा द्रुमान्
2944	6044022c	हनूमान्परमक्रुद्धश्चरणैर्दारयत्क्षितिम्
2945	6044023a	गजांश्च सगजारोहान्सरथान्रथिनस्तथा
2946	6044023c	जघान हनुमान्धीमान्राक्षसांश्च पदातिकान्
2947	6044024a	तमन्तकमिव क्रुद्धं समरे प्राणहारिणम्
2948	6044024c	हनूमन्तमभिप्रेक्ष्य राक्षसा विप्रदुद्रुवुः
2949	6044025a	तमापतन्तं संक्रुद्धं राक्षसानां भयावहम्
2950	6044025c	ददर्शाकम्पनो वीरश्चुक्रोध च ननाद च
2951	6044026a	स चतुर्दशभिर्बाणैः शितैर्देहविदारणैः
2952	6044026c	निर्बिभेद हनूमन्तं महावीर्यमकम्पनः
2953	6044027a	स तथा प्रतिविद्धस्तु बह्वीभिः शरवृष्टिभिः
2954	6044027c	हनूमान्ददृशे वीरः प्ररूढ इव सानुमान्
2955	6044028a	ततोऽन्यं वृक्षमुत्पाट्य कृत्वा वेगमनुत्तमम्
2956	6044028c	शिरस्यभिजघानाशु राक्षसेन्द्रमकम्पनम्
2957	6044029a	स वृक्षेण हतस्तेन सक्रोधेन महात्मना
2958	6044029c	राक्षसो वानरेन्द्रेण पपात स ममार च
2959	6044030a	तं दृष्ट्वा निहतं भूमौ राक्षसेन्द्रमकम्पनम्
2960	6044030c	व्यथिता राक्षसाः सर्वे क्षितिकम्प इव द्रुमाः
2961	6044031a	त्यक्तप्रहरणाः सर्वे राक्षसास्ते पराजिताः
2962	6044031c	लङ्कामभिययुस्त्रस्ता वानरैस्तैरभिद्रुताः
2963	6044032a	ते मुक्तकेशाः संभ्रान्ता भग्नमानाः पराजिताः
2964	6044032c	स्रवच्छ्रमजलैरङ्गैः श्वसन्तो विप्रदुद्रुवुः
2965	6044033a	अन्योन्यं प्रममन्तुस्ते विविशुर्नगरं भयात्
2966	6044033c	पृष्ठतस्ते सुसंमूढाः प्रेक्षमाणा मुहुर्मुहुः
2967	6044034a	तेषु लङ्कां प्रविष्टेषु राक्षसेषु महाबलाः
2968	6044034c	समेत्य हरयः सर्वे हनूमन्तमपूजयन्
2969	6044035a	सोऽपि प्रहृष्टस्तान्सर्वान्हरीन्संप्रत्यपूजयत्
2970	6044035c	हनूमान्सत्त्वसंपन्नो यथार्हमनुकूलतः
2971	6044036a	विनेदुश्च यथा प्राणं हरयो जितकाशिनः
2972	6044036c	चकर्षुश्च पुनस्तत्र सप्राणानेव राक्षसान्
2973	6044037a	स वीरशोभामभजन्महाकपिः; समेत्य रक्षांसि निहत्य मारुतिः
2974	6044037c	महासुरं भीमममित्रनाशनं; यथैव विष्णुर्बलिनं चमूमुखे
2975	6044038a	अपूजयन्देवगणास्तदा कपिं; स्वयं च रामोऽतिबलश्च लक्ष्मणः
2976	6044038c	तथैव सुग्रीवमुखाः प्लवंगमा; विभीषणश्चैव महाबलस्तदा
2977	6045001a	अकम्पनवधं श्रुत्वा क्रुद्धो वै राक्षसेश्वरः
2978	6045001c	किंचिद्दीनमुखश्चापि सचिवांस्तानुदैक्षत
2979	6045002a	स तु ध्यात्वा मुहूर्तं तु मन्त्रिभिः संविचार्य च
2980	6045002c	पुरीं परिययौ लङ्कां सर्वान्गुल्मानवेक्षितुम्
2981	6045003a	तां राक्षसगणैर्गुप्तां गुल्मैर्बहुभिरावृताम्
2982	6045003c	ददर्श नगरीं लङ्कां पताकाध्वजमालिनीम्
2983	6045004a	रुद्धां तु नगरीं दृष्ट्वा रावणो राक्षसेश्वरः
2984	6045004c	उवाचामर्षितः काले प्रहस्तं युद्धकोविदम्
2985	6045005a	पुरस्योपनिविष्टस्य सहसा पीडितस्य च
2986	6045005c	नान्यं युद्धात्प्रपश्यामि मोक्षं युद्धविशारद
2987	6045006a	अहं वा कुम्भकर्णो वा त्वं वा सेनापतिर्मम
2988	6045006c	इन्द्रजिद्वा निकुम्भो वा वहेयुर्भारमीदृशम्
2989	6045007a	स त्वं बलमितः शीघ्रमादाय परिगृह्य च
2990	6045007c	विजयायाभिनिर्याहि यत्र सर्वे वनौकसः
2991	6045008a	निर्याणादेव ते नूनं चपला हरिवाहिनी
2992	6045008c	नर्दतां राक्षसेन्द्राणां श्रुत्वा नादं द्रविष्यति
2993	6045009a	चपला ह्यविनीताश्च चलचित्ताश्च वानराः
2994	6045009c	न सहिष्यन्ति ते नादं सिंहनादमिव द्विपाः
2995	6045010a	विद्रुते च बले तस्मिन्रामः सौमित्रिणा सह
2996	6045010c	अवशस्ते निरालम्बः प्रहस्तवशमेष्यति
2997	6045011a	आपत्संशयिता श्रेयो नात्र निःसंशयीकृता
2998	6045011c	प्रतिलोमानुलोमं वा यद्वा नो मन्यसे हितम्
2999	6045012a	रावणेनैवमुक्तस्तु प्रहस्तो वाहिनीपतिः
3000	6045012c	राक्षसेन्द्रमुवाचेदमसुरेन्द्रमिवोशना
3001	6045013a	राजन्मन्त्रितपूर्वं नः कुशलैः सह मन्त्रिभिः
3002	6045013c	विवादश्चापि नो वृत्तः समवेक्ष्य परस्परम्
3003	6045014a	प्रदानेन तु सीतायाः श्रेयो व्यवसितं मया
3004	6045014c	अप्रदाने पुनर्युद्धं दृष्टमेतत्तथैव नः
3005	6045015a	सोऽहं दानैश्च मानैश्च सततं पूजितस्त्वया
3006	6045015c	सान्त्वैश्च विविधैः काले किं न कुर्यां प्रियं तव
3007	6045016a	न हि मे जीवितं रक्ष्यं पुत्रदारधनानि वा
3008	6045016c	त्वं पश्य मां जुहूषन्तं त्वदर्थे जीवितं युधि
3009	6045017a	एवमुक्त्वा तु भर्तारं रावणं वाहिनीपतिः
3010	6045017c	समानयत मे शीघ्रं राक्षसानां महद्बलम्
3011	6045018a	मद्बाणाशनिवेगेन हतानां तु रणाजिरे
3012	6045018c	अद्य तृप्यन्तु मांसेन पक्षिणः काननौकसाम्
3013	6045019a	इत्युक्तास्ते प्रहस्तेन बलाध्यक्षाः कृतत्वराः
3014	6045019c	बलमुद्योजयामासुस्तस्मिन्राक्षसमन्दिरे
3015	6045020a	सा बभूव मुहूर्तेन तिग्मनानाविधायुधैः
3016	6045020c	लङ्का राक्षसवीरैस्तैर्गजैरिव समाकुला
3017	6045021a	हुताशनं तर्पयतां ब्राह्मणांश्च नमस्यताम्
3018	6045021c	आज्यगन्धप्रतिवहः सुरभिर्मारुतो ववौ
3019	6045022a	स्रजश्च विविधाकारा जगृहुस्त्वभिमन्त्रिताः
3020	6045022c	संग्रामसज्जाः संहृष्टा धारयन्राक्षसास्तदा
3021	6045023a	सधनुष्काः कवचिनो वेगादाप्लुत्य राक्षसाः
3022	6045023c	रावणं प्रेक्ष्य राजानं प्रहस्तं पर्यवारयन्
3023	6045024a	अथामन्त्र्य च राजानं भेरीमाहत्य भैरवाम्
3024	6045024c	आरुरोह रथं दिव्यं प्रहस्तः सज्जकल्पितम्
3025	6045025a	हयैर्महाजवैर्युक्तं सम्यक्सूतसुसंयुतम्
3026	6045025c	महाजलदनिर्घोषं साक्षाच्चन्द्रार्कभास्वरम्
3027	6045026a	उरगध्वजदुर्धर्षं सुवरूथं स्वपस्करम्
3028	6045026c	सुवर्णजालसंयुक्तं प्रहसन्तमिव श्रिया
3029	6045027a	ततस्तं रथमास्थाय रावणार्पितशासनः
3030	6045027c	लङ्काया निर्ययौ तूर्णं बलेन महता वृतः
3031	6045028a	ततो दुंदुभिनिर्घोषः पर्जन्यनिनदोपमः
3032	6045028c	शुश्रुवे शङ्खशब्दश्च प्रयाते वाहिनीपतौ
3033	6045029a	निनदन्तः स्वरान्घोरान्राक्षसा जग्मुरग्रतः
3034	6045029c	भीमरूपा महाकायाः प्रहस्तस्य पुरःसराः
3035	6045030a	व्यूढेनैव सुघोरेण पूर्वद्वारात्स निर्ययौ
3036	6045030c	गजयूथनिकाशेन बलेन महता वृतः
3037	6045031a	सागरप्रतिमौघेन वृतस्तेन बलेन सः
3038	6045031c	प्रहस्तो निर्ययौ तूर्णं क्रुद्धः कालान्तकोपमः
3039	6045032a	तस्य निर्याण घोषेण राक्षसानां च नर्दताम्
3040	6045032c	लङ्कायां सर्वभूतानि विनेदुर्विकृतैः स्वरैः
3041	6045033a	व्यभ्रमाकाशमाविश्य मांसशोणितभोजनाः
3042	6045033c	मण्डलान्यपसव्यानि खगाश्चक्रू रथं प्रति
3043	6045034a	वमन्त्यः पावकज्वालाः शिवा घोरा ववाशिरे
3044	6045035a	अन्तरिक्षात्पपातोल्का वायुश्च परुषो ववौ
3045	6045035c	अन्योन्यमभिसंरब्धा ग्रहाश्च न चकाशिरे
3046	6045036a	ववर्षू रुधिरं चास्य सिषिचुश्च पुरःसरान्
3047	6045036c	केतुमूर्धनि गृध्रोऽस्य विलीनो दक्षिणामुखः
3048	6045037a	सारथेर्बहुशश्चास्य संग्राममवगाहतः
3049	6045037c	प्रतोदो न्यपतद्धस्तात्सूतस्य हयसादिनः
3050	6045038a	निर्याण श्रीश्च यास्यासीद्भास्वरा च सुदुर्लभा
3051	6045038c	सा ननाश मुहूर्तेन समे च स्खलिता हयाः
3052	6045039a	प्रहस्तं त्वभिनिर्यान्तं प्रख्यात बलपौरुषम्
3053	6045039c	युधि नानाप्रहरणा कपिसेनाभ्यवर्तत
3054	6045040a	अथ घोषः सुतुमुलो हरीणां समजायत
3055	6045040c	वृक्षानारुजतां चैव गुर्वीश्चागृह्णतां शिलाः
3056	6045041a	उभे प्रमुदिते सैन्ये रक्षोगणवनौकसाम्
3057	6045041c	वेगितानां समर्थानामन्योन्यवधकाङ्क्षिणाम्
3058	6045041e	परस्परं चाह्वयतां निनादः श्रूयते महान्
3059	6045042a	ततः प्रहस्तः कपिराजवाहिनी;मभिप्रतस्थे विजयाय दुर्मतिः
3060	6045042c	विवृद्धवेगां च विवेश तां चमूं; यथा मुमूर्षुः शलभो विभावसुम्
3061	6046001a	ततः प्रहस्तं निर्यान्तं भीमं भीमपराक्रमम्
3062	6046001c	गर्जन्तं सुमहाकायं राक्षसैरभिसंवृतम्
3063	6046002a	ददर्श महती सेना वानराणां बलीयसाम्
3064	6046002c	अतिसंजातरोषाणां प्रहस्तमभिगर्जताम्
3065	6046003a	खड्गशक्त्यष्टिबाणाश्च शूलानि मुसलानि च
3066	6046003c	गदाश्च परिघाः प्रासा विविधाश्च परश्वधाः
3067	6046004a	धनूंषि च विचित्राणि राक्षसानां जयैषिणाम्
3068	6046004c	प्रगृहीतान्यशोभन्त वानरानभिधावताम्
3069	6046005a	जगृहुः पादपांश्चापि पुष्पितान्वानरर्षभाः
3070	6046005c	शिलाश्च विपुला दीर्घा योद्धुकामाः प्लवंगमाः
3071	6046006a	तेषामन्योन्यमासाद्य संग्रामः सुमहानभूत्
3072	6046006c	बहूनामश्मवृष्टिं च शरवृष्टिं च वर्षताम्
3073	6046007a	बहवो राक्षसा युद्धे बहून्वानरयूथपान्
3074	6046007c	वानरा राक्षसांश्चापि निजघ्नुर्बहवो बहून्
3075	6046008a	शूलैः प्रमथिताः केचित्केचित्तु परमायुधैः
3076	6046008c	परिघैराहताः केचित्केचिच्छिन्नाः परश्वधैः
3077	6046009a	निरुच्छ्वासाः पुनः केचित्पतिता धरणीतले
3078	6046009c	विभिन्नहृदयाः केचिदिषुसंतानसंदिताः
3079	6046010a	केचिद्द्विधाकृताः खड्गैः स्फुरन्तः पतिता भुवि
3080	6046010c	वानरा राक्षसैः शूलैः पार्श्वतश्च विदारिताः
3081	6046011a	वानरैश्चापि संक्रुद्धै राक्षसौघाः समन्ततः
3082	6046011c	पादपैर्गिरिशृङ्गैश्च संपिष्टा वसुधातले
3083	6046012a	वज्रस्पर्शतलैर्हस्तैर्मुष्टिभिश्च हता भृशम्
3084	6046012c	वेमुः शोणितमास्येभ्यो विशीर्णदशनेक्षणः
3085	6046013a	आर्तस्वरं च स्वनतां सिंहनादं च नर्दताम्
3086	6046013c	बभूव तुमुलः शब्दो हरीणां रक्षसां युधि
3087	6046014a	वानरा राक्षसाः क्रुद्धा वीरमार्गमनुव्रताः
3088	6046014c	विवृत्तनयनाः क्रूराश्चक्रुः कर्माण्यभीतवत्
3089	6046015a	नरान्तकः कुम्भहनुर्महानादः समुन्नतः
3090	6046015c	एते प्रहस्तसचिवाः सर्वे जघ्नुर्वनौकसः
3091	6046016a	तेषामापततां शीघ्रं निघ्नतां चापि वानरान्
3092	6046016c	द्विविदो गिरिशृङ्गेण जघानैकं नरान्तकम्
3093	6046017a	दुर्मुखः पुनरुत्पाट्य कपिः स विपुलद्रुमम्
3094	6046017c	राक्षसं क्षिप्रहस्तस्तु समुन्नतमपोथयत्
3095	6046018a	जाम्बवांस्तु सुसंक्रुद्धः प्रगृह्य महतीं शिलाम्
3096	6046018c	पातयामास तेजस्वी महानादस्य वक्षसि
3097	6046019a	अथ कुम्भहनुस्तत्र तारेणासाद्य वीर्यवान्
3098	6046019c	वृक्षेणाभिहतो मूर्ध्नि प्राणांस्तत्याज राक्षसः
3099	6046020a	अमृष्यमाणस्तत्कर्म प्रहस्तो रथमास्थितः
3100	6046020c	चकार कदनं घोरं धनुष्पाणिर्वनौकसाम्
3101	6046021a	आवर्त इव संजज्ञे उभयोः सेनयोस्तदा
3102	6046021c	क्षुभितस्याप्रमेयस्य सागरस्येव निस्वनः
3103	6046022a	महता हि शरौघेण प्रहस्तो युद्धकोविदः
3104	6046022c	अर्दयामास संक्रुद्धो वानरान्परमाहवे
3105	6046023a	वानराणां शरीरैस्तु राक्षसानां च मेदिनी
3106	6046023c	बभूव निचिता घोरा पतितैरिव पर्वतैः
3107	6046024a	सा महीरुधिरौघेण प्रच्छन्ना संप्रकाशते
3108	6046024c	संछन्ना माधवे मासि पलाशैरिव पुष्पितैः
3109	6046025a	हतवीरौघवप्रां तु भग्नायुधमहाद्रुमाम्
3110	6046025c	शोणितौघमहातोयां यमसागरगामिनीम्
3111	6046026a	यकृत्प्लीहमहापङ्कां विनिकीर्णान्त्रशैवलाम्
3112	6046026c	भिन्नकायशिरोमीनामङ्गावयवशाड्वलाम्
3113	6046027a	गृध्रहंसगणाकीर्णां कङ्कसारससेविताम्
3114	6046027c	मेधःफेनसमाकीर्णामार्तस्तनितनिस्वनाम्
3115	6046028a	तां कापुरुषदुस्तारां युद्धभूमिमयीं नदीम्
3116	6046028c	नदीमिव घनापाये हंससारससेविताम्
3117	6046029a	राक्षसाः कपिमुख्याश्च तेरुस्तां दुस्तरां नदीम्
3118	6046029c	यथा पद्मरजोध्वस्तां नलिनीं गजयूथपाः
3119	6046030a	ततः सृजन्तं बाणौघान्प्रहस्तं स्यन्दने स्थितम्
3120	6046030c	ददर्श तरसा नीलो विनिघ्नन्तं प्लवंगमान्
3121	6046031a	स तं परमदुर्धर्षमापतन्तं महाकपिः
3122	6046031c	प्रहस्तं ताडयामास वृक्षमुत्पाट्य वीर्यवान्
3123	6046032a	स तेनाभिहतः क्रुद्धो नदन्राक्षसपुंगवः
3124	6046032c	ववर्ष शरवर्षाणि प्लवगानां चमूपतौ
3125	6046033a	अपारयन्वारयितुं प्रत्यगृह्णान्निमीलितः
3126	6046033c	यथैव गोवृषो वर्षं शारदं शीघ्रमागतम्
3127	6046034a	एवमेव प्रहस्तस्य शरवर्षं दुरासदम्
3128	6046034c	निमीलिताक्षः सहसा नीलः सेहे सुदारुणम्
3129	6046035a	रोषितः शरवर्षेण सालेन महता महान्
3130	6046035c	प्रजघान हयान्नीलः प्रहस्तस्य मनोजवान्
3131	6046036a	विधनुस्तु कृतस्तेन प्रहस्तो वाहिनीपतिः
3132	6046036c	प्रगृह्य मुसलं घोरं स्यन्दनादवपुप्लुवे
3133	6046037a	तावुभौ वाहिनीमुख्यौ जातरोषौ तरस्विनौ
3134	6046037c	स्थितौ क्षतजदिग्धाङ्गौ प्रभिन्नाविव कुञ्जरौ
3135	6046038a	उल्लिखन्तौ सुतीक्ष्णाभिर्दंष्ट्राभिरितरेतरम्
3136	6046038c	सिंहशार्दूलसदृशौ सिंहशार्दूलचेष्टितौ
3137	6046039a	विक्रान्तविजयौ वीरौ समरेष्वनिवर्तिनौ
3138	6046039c	काङ्क्षमाणौ यशः प्राप्तुं वृत्रवासवयोः समौ
3139	6046040a	आजघान तदा नीलं ललाटे मुसलेन सः
3140	6046040c	प्रहस्तः परमायस्तस्तस्य सुस्राव शोणितम्
3141	6046041a	ततः शोणितदिग्धाङ्गः प्रगृह्य सुमहातरुम्
3142	6046041c	प्रहस्तस्योरसि क्रुद्धो विससर्ज महाकपिः
3143	6046042a	तमचिन्त्यप्रहारं स प्रगृह्य मुसलं महत्
3144	6046042c	अभिदुद्राव बलिनं बली नीलं प्लवंगमम्
3145	6046043a	तमुग्रवेगं संरब्धमापतन्तं महाकपिः
3146	6046043c	ततः संप्रेक्ष्य जग्राह महावेगो महाशिलाम्
3147	6046044a	तस्य युद्धाभिकामस्य मृधे मुसलयोधिनः
3148	6046044c	प्रहस्तस्य शिलां नीलो मूर्ध्नि तूर्णमपातयत्
3149	6046045a	सा तेन कपिमुख्येन विमुक्ता महती शिला
3150	6046045c	बिभेद बहुधा घोरा प्रहस्तस्य शिरस्तदा
3151	6046046a	स गतासुर्गतश्रीको गतसत्त्वो गतेन्द्रियः
3152	6046046c	पपात सहसा भूमौ छिन्नमूल इव द्रुमः
3153	6046047a	विभिन्नशिरसस्तस्य बहु सुस्रावशोणितम्
3154	6046047c	शरीरादपि सुस्राव गिरेः प्रस्रवणं यथा
3155	6046048a	हते प्रहस्ते नीलेन तदकम्प्यं महद्बलम्
3156	6046048c	रक्षसामप्रहृष्टानां लङ्कामभिजगाम ह
3157	6046049a	न शेकुः समवस्थातुं निहते वाहिनीपतौ
3158	6046049c	सेतुबन्धं समासाद्य विशीर्णं सलिलं यथा
3159	6046050a	हते तस्मिंश्चमूमुख्ये राक्षसस्ते निरुद्यमाः
3160	6046050c	रक्षःपतिगृहं गत्वा ध्यानमूकत्वमागताः
3161	6046051a	ततस्तु नीलो विजयी महाबलः; प्रशस्यमानः स्वकृतेन कर्मणा
3162	6046051c	समेत्य रामेण सलक्ष्मणेन; प्रहृष्टरूपस्तु बभूव यूथपः
3163	6047001a	तस्मिन्हते राक्षससैन्यपाले; प्लवंगमानामृषभेण युद्धे
3164	6047001c	भीमायुधं सागरतुल्यवेगं; प्रदुद्रुवे राक्षसराजसैन्यम्
3165	6047002a	गत्वा तु रक्षोऽधिपतेः शशंसुः; सेनापतिं पावकसूनुशस्तम्
3166	6047002c	तच्चापि तेषां वचनं निशम्य; रक्षोऽधिपः क्रोधवशं जगाम
3167	6047003a	संख्ये प्रहस्तं निहतं निशम्य; शोकार्दितः क्रोधपरीतचेताः
3168	6047003c	उवाच तान्नैरृतयोधमुख्या;निन्द्रो यथा चामरयोधमुख्यान्
3169	6047004a	नावज्ञा रिपवे कार्या यैरिन्द्रबलसूदनः
3170	6047004c	सूदितः सैन्यपालो मे सानुयात्रः सकुञ्जरः
3171	6047005a	सोऽहं रिपुविनाशाय विजयायाविचारयन्
3172	6047005c	स्वयमेव गमिष्यामि रणशीर्षं तदद्भुतम्
3173	6047006a	अद्य तद्वानरानीकं रामं च सहलक्ष्मणम्
3174	6047006c	निर्दहिष्यामि बाणौघैर्वनं दीप्तैरिवाग्निभिः
3175	6047007a	स एवमुक्त्वा ज्वलनप्रकाशं; रथं तुरंगोत्तमराजियुक्तम्
3176	6047007c	प्रकाशमानं वपुषा ज्वलन्तं; समारुरोहामरराजशत्रुः
3177	6047008a	स शङ्खभेरीपटह प्रणादै;रास्फोटितक्ष्वेडितसिंहनादैः
3178	6047008c	पुण्यैः स्तवैश्चाप्यभिपूज्यमान;स्तदा ययौ राक्षसराजमुख्यः
3179	6047009a	स शैलजीमूतनिकाश रूपै;र्मांसाशनैः पावकदीप्तनेत्रैः
3180	6047009c	बभौ वृतो राक्षसराजमुख्यै;र्भूतैर्वृतो रुद्र इवामरेशः
3181	6047010a	ततो नगर्याः सहसा महौजा; निष्क्रम्य तद्वानरसैन्यमुग्रम्
3182	6047010c	महार्णवाभ्रस्तनितं ददर्श; समुद्यतं पादपशैलहस्तम्
3183	6047011a	तद्राक्षसानीकमतिप्रचण्ड;मालोक्य रामो भुजगेन्द्रबाहुः
3184	6047011c	विभीषणं शस्त्रभृतां वरिष्ठ;मुवाच सेनानुगतः पृथुश्रीः
3185	6047012a	नानापताकाध्वजशस्त्रजुष्टं; प्रासासिशूलायुधचक्रजुष्टम्
3186	6047012c	सैन्यं नगेन्द्रोपमनागजुष्टं; कस्येदमक्षोभ्यमभीरुजुष्टम्
3187	6047013a	ततस्तु रामस्य निशम्य वाक्यं; विभीषणः शक्रसमानवीर्यः
3188	6047013c	शशंस रामस्य बलप्रवेकं; महात्मनां राक्षसपुंगवानाम्
3189	6047014a	योऽसौ गजस्कन्धगतो महात्मा; नवोदितार्कोपमताम्रवक्त्रः
3190	6047014c	प्रकम्पयन्नागशिरोऽभ्युपैति; ह्यकम्पनं त्वेनमवेहि राजन्
3191	6047015a	योऽसौ रथस्थो मृगराजकेतु;र्धून्वन्धनुः शक्रधनुःप्रकाशम्
3192	6047015c	करीव भात्युग्रविवृत्तदंष्ट्रः; स इन्द्रजिन्नाम वरप्रधानः
3193	6047016a	यश्चैष विन्ध्यास्तमहेन्द्रकल्पो; धन्वी रथस्थोऽतिरथोऽतिवीर्यः
3194	6047016c	विस्फारयंश्चापमतुल्यमानं; नाम्नातिकायोऽतिविवृद्धकायः
3195	6047017a	योऽसौ नवार्कोदितताम्रचक्षु;रारुह्य घण्टानिनदप्रणादम्
3196	6047017c	गजं खरं गर्जति वै महात्मा; महोदरो नाम स एष वीरः
3197	6047018a	योऽसौ हयं काञ्चनचित्रभाण्ड;मारुह्य संध्याभ्रगिरिप्रकाशम्
3198	6047018c	प्रासं समुद्यम्य मरीचिनद्धं; पिशाच एषाशनितुल्यवेगः
3199	6047019a	यश्चैष शूलं निशितं प्रगृह्य; विद्युत्प्रभं किंकरवज्रवेगम्
3200	6047019c	वृषेन्द्रमास्थाय गिरिप्रकाश;मायाति सोऽसौ त्रिशिरा यशस्वी
3201	6047020a	असौ च जीमूतनिकाश रूपः; कुम्भः पृथुव्यूढसुजातवक्षाः
3202	6047020c	समाहितः पन्नगराजकेतु;र्विस्फारयन्भाति धनुर्विधून्वन्
3203	6047021a	यश्चैष जाम्बूनदवज्रजुष्टं; दीप्तं सधूमं परिघं प्रगृह्य
3204	6047021c	आयाति रक्षोबलकेतुभूतः; सोऽसौ निकुम्भोऽद्भुतघोरकर्मा
3205	6047022a	यश्चैष चापासिशरौघजुष्टं; पताकिनं पावकदीप्तरूपम्
3206	6047022c	रथं समास्थाय विभात्युदग्रो; नरान्तकोऽसौ नगशृङ्गयोधी
3207	6047023a	यश्चैष नानाविधघोररूपै;र्व्याघ्रोष्ट्रनागेन्द्रमृगेन्द्रवक्त्रैः
3208	6047023c	भूतैर्वृतो भाति विवृत्तनेत्रैः; सोऽसौ सुराणामपि दर्पहन्ता
3209	6047024a	यत्रैतदिन्दुप्रतिमं विभाति;च्छत्त्रं सितं सूक्ष्मशलाकमग्र्यम्
3210	6047024c	अत्रैष रक्षोऽधिपतिर्महात्मा; भूतैर्वृतो रुद्र इवावभाति
3211	6047025a	असौ किरीटी चलकुण्डलास्यो; नागेन्द्रविन्ध्योपमभीमकायः
3212	6047025c	महेन्द्रवैवस्वतदर्पहन्ता; रक्षोऽधिपः सूर्य इवावभाति
3213	6047026a	प्रत्युवाच ततो रामो विभीषणमरिंदमम्
3214	6047026c	अहो दीप्तो महातेजा रावणो राक्षसेश्वरः
3215	6047027a	आदित्य इव दुष्प्रेक्ष्यो रश्मिभिर्भाति रावणः
3216	6047027c	सुव्यक्तं लक्षये ह्यस्य रूपं तेजःसमावृतम्
3217	6047028a	देवदानववीराणां वपुर्नैवंविधं भवेत्
3218	6047028c	यादृशं राक्षसेन्द्रस्य वपुरेतत्प्रकाशते
3219	6047029a	सर्वे पर्वतसंकाशाः सर्वे पर्वतयोधिनः
3220	6047029c	सर्वे दीप्तायुधधरा योधश्चास्य महौजसः
3221	6047030a	भाति राक्षसराजोऽसौ प्रदीप्तैर्भीमविक्रमैः
3222	6047030c	भूतैः परिवृतस्तीक्ष्णैर्देहवद्भिरिवान्तकः
3223	6047031a	एवमुक्त्वा ततो रामो धनुरादाय वीर्यवान्
3224	6047031c	लक्ष्मणानुचरस्तस्थौ समुद्धृत्य शरोत्तमम्
3225	6047032a	ततः स रक्षोऽधिपतिर्महात्मा; रक्षांसि तान्याह महाबलानि
3226	6047032c	द्वारेषु चर्यागृहगोपुरेषु; सुनिर्वृतास्तिष्ठत निर्विशङ्काः
3227	6047033a	विसर्जयित्वा सहसा ततस्ता;न्गतेषु रक्षःसु यथानियोगम्
3228	6047033c	व्यदारयद्वानरसागरौघं; महाझषः पूर्ममिवार्णवौघम्
3229	6047034a	तमापतन्तं सहसा समीक्ष्य; दीप्तेषुचापं युधि राक्षसेन्द्रम्
3230	6047034c	महत्समुत्पाट्य महीधराग्रं; दुद्राव रक्षोऽधिपतिं हरीशः
3231	6047035a	तच्छैलशृङ्गं बहुवृक्षसानुं; प्रगृह्य चिक्षेप निशाचराय
3232	6047035c	तमापतन्तं सहसा समीक्ष्य; बिभेद बाणैस्तपनीयपुङ्खैः
3233	6047036a	तस्मिन्प्रवृद्धोत्तमसानुवृक्षे; शृङ्गे विकीर्णे पतिते पृथिव्याम्
3234	6047036c	महाहिकल्पं शरमन्तकाभं; समाददे राक्षसलोकनाथः
3235	6047037a	स तं गृहीत्वानिलतुल्यवेगं; सविस्फुलिङ्गज्वलनप्रकाशम्
3236	6047037c	बाणं महेन्द्राशनितुल्यवेगं; चिक्षेप सुग्रीववधाय रुष्टः
3237	6047038a	स सायको रावणबाहुमुक्तः; शक्राशनिप्रख्यवपुः शिताग्रः
3238	6047038c	सुग्रीवमासाद्य बिभेद वेगा;द्गुहेरिता क्रौचमिवोग्रशक्तिः
3239	6047039a	स सायकार्तो विपरीतचेताः; कूजन्पृथिव्यां निपपात वीरः
3240	6047039c	तं प्रेक्ष्य भूमौ पतितं विसंज्मं; नेदुः प्रहृष्टा युधि यातुधानाः
3241	6047040a	ततो गवाक्षो गवयः सुदंष्ट्र;स्तथर्षभो ज्योतिमुखो नलश्च
3242	6047040c	शैलान्समुद्यम्य विवृद्धकायाः; प्रदुद्रुवुस्तं प्रति राक्षसेन्द्रम्
3243	6047041a	तेषां प्रहारान्स चकार मेघा;न्रक्षोऽधिपो बाणगणैः शिताग्रैः
3244	6047041c	तान्वानरेन्द्रानपि बाणजालै;र्बिभेद जाम्बूनदचित्रपुङ्खैः
3245	6047042a	ते वानरेन्द्रास्त्रिदशारिबाणै;र्भिन्ना निपेतुर्भुवि भीमरूपाः
3246	6047042c	ततस्तु तद्वानरसैन्यमुग्रं; प्रच्छादयामास स बाणजालैः
3247	6047043a	ते वध्यमानाः पतिताग्र्यवीरा; नानद्यमाना भयशल्यविद्धाः
3248	6047043c	शाखामृगा रावणसायकार्ता; जग्मुः शरण्यं शरणं स्म रामम्
3249	6047044a	ततो महात्मा स धनुर्धनुष्मा;नादाय रामः सहरा जगाम
3250	6047044c	तं लक्ष्मणः प्राञ्जलिरभ्युपेत्य; उवाच वाक्यं परमार्थयुक्तम्
3251	6047045a	काममार्यः सुपर्याप्तो वधायास्य दुरात्मनः
3252	6047045c	विधमिष्याम्यहं नीचमनुजानीहि मां विभो
3253	6047046a	तमब्रवीन्महातेजा रामः सत्यपराक्रमः
3254	6047046c	गच्छ यत्नपरश्चापि भव लक्ष्मण संयुगे
3255	6047047a	रावणो हि महावीर्यो रणेऽद्भुतपराक्रमः
3256	6047047c	त्रैलोक्येनापि संक्रुद्धो दुष्प्रसह्यो न संशयः
3257	6047048a	तस्य च्छिद्राणि मार्गस्व स्वच्छिद्राणि च गोपय
3258	6047048c	चक्षुषा धनुषा यत्नाद्रक्षात्मानं समाहितः
3259	6047049a	राघवस्य वचः श्रुत्वा संपरिष्वज्य पूज्य च
3260	6047049c	अभिवाद्य ततो रामं ययौ सौमित्रिराहवम्
3261	6047050a	स रावणं वारणहस्तबाहु;र्ददर्श दीप्तोद्यतभीमचापम्
3262	6047050c	प्रच्छादयन्तं शरवृष्टिजालै;स्तान्वानरान्भिन्नविकीर्णदेहान्
3263	6047051a	तमालोक्य महातेजा हनूमान्मारुतात्मजा
3264	6047051c	निवार्य शरजालानि प्रदुद्राव स रावणम्
3265	6047052a	रथं तस्य समासाद्य भुजमुद्यम्य दक्षिणम्
3266	6047052c	त्रासयन्रावणं धीमान्हनूमान्वाक्यमब्रवीत्
3267	6047053a	देवदानवगन्धर्वा यक्षाश्च सह राक्षसैः
3268	6047053c	अवध्यत्वात्त्वया भग्ना वानरेभ्यस्तु ते भयम्
3269	6047054a	एष मे दक्षिणो बाहुः पञ्चशाखः समुद्यतः
3270	6047054c	विधमिष्यति ते देहाद्भूतात्मानं चिरोषितम्
3271	6047055a	श्रुत्वा हनूमतो वाक्यं रावणो भीमविक्रमः
3272	6047055c	संरक्तनयनः क्रोधादिदं वचनमब्रवीत्
3273	6047056a	क्षिप्रं प्रहर निःशङ्कं स्थिरां कीर्तिमवाप्नुहि
3274	6047056c	ततस्त्वां ज्ञातिविक्रान्तं नाशयिष्यामि वानर
3275	6047057a	रावणस्य वचः श्रुत्वा वायुसूनुर्वचोऽब्रवीत्
3276	6047057c	प्रहृतं हि मया पूर्वमक्षं स्मर सुतं तव
3277	6047058a	एवमुक्तो महातेजा रावणो राक्षसेश्वरः
3278	6047058c	आजघानानिलसुतं तलेनोरसि वीर्यवान्
3279	6047059a	स तलाभिहतस्तेन चचाल च मुहुर्मुहुः
3280	6047059c	आजघानाभिसंक्रुद्धस्तलेनैवामरद्विषम्
3281	6047060a	ततस्तलेनाभिहतो वानरेण महात्मना
3282	6047060c	दशग्रीवः समाधूतो यथा भूमिचलेऽचलः
3283	6047061a	संग्रामे तं तथा दृष्ट्व रावणं तलताडितम्
3284	6047061c	ऋषयो वानराः सिद्धा नेदुर्देवाः सहासुराः
3285	6047062a	अथाश्वस्य महातेजा रावणो वाक्यमब्रवीत्
3286	6047062c	साधु वानरवीर्येण श्लाघनीयोऽसि मे रिपुः
3287	6047063a	रावणेनैवमुक्तस्तु मारुतिर्वाक्यमब्रवीत्
3288	6047063c	धिगस्तु मम वीर्यं तु यत्त्वं जीवसि रावण
3289	6047064a	सकृत्तु प्रहरेदानीं दुर्बुद्धे किं विकत्थसे
3290	6047064c	ततस्त्वां मामको मुष्टिर्नयिष्यामि यथाक्षयम्
3291	6047064e	ततो मारुतिवाक्येन क्रोधस्तस्य तदाज्वलत्
3292	6047065a	संरक्तनयनो यत्नान्मुष्टिमुद्यम्य दक्षिणम्
3293	6047065c	पातयामास वेगेन वानरोरसि वीर्यवान्
3294	6047065e	हनूमान्वक्षसि व्यूधे संचचाल हतः पुनः
3295	6047066a	विह्वलं तं तदा दृष्ट्वा हनूमन्तं महाबलम्
3296	6047066c	रथेनातिरथः शीघ्रं नीलं प्रति समभ्यगात्
3297	6047067a	पन्नगप्रतिमैर्भीमैः परमर्मातिभेदिभिः
3298	6047067c	शरैरादीपयामास नीलं हरिचमूपतिम्
3299	6047068a	स शरौघसमायस्तो नीलः कपिचमूपतिः
3300	6047068c	करेणैकेन शैलाग्रं रक्षोऽधिपतयेऽसृजत्
3301	6047069a	हनूमानपि तेजस्वी समाश्वस्तो महामनाः
3302	6047069c	विप्रेक्षमाणो युद्धेप्सुः सरोषमिदमब्रवीत्
3303	6047070a	नीलेन सह संयुक्तं रावणं राक्षसेश्वरम्
3304	6047070c	अन्येन युध्यमानस्य न युक्तमभिधावनम्
3305	6047071a	रावणोऽपि महातेजास्तच्छृङ्गं सप्तभिः शरैः
3306	6047071c	आजघान सुतीक्ष्णाग्रैस्तद्विकीर्णं पपात ह
3307	6047072a	तद्विकीर्णं गिरेः शृङ्गं दृष्ट्वा हरिचमूपतिः
3308	6047072c	कालाग्निरिव जज्वाल क्रोधेन परवीरहा
3309	6047073a	सोऽश्वकर्णान्धवान्सालांश्चूतांश्चापि सुपुष्पितान्
3310	6047073c	अन्यांश्च विविधान्वृक्षान्नीलश्चिक्षेप संयुगे
3311	6047074a	स तान्वृक्षान्समासाद्य प्रतिचिच्छेद रावणः
3312	6047074c	अभ्यवर्षत्सुघोरेण शरवर्षेण पावकिम्
3313	6047075a	अभिवृष्टः शरौघेण मेघेनेव महाचलः
3314	6047075c	ह्रस्वं कृत्वा तदा रूपं ध्वजाग्रे निपपात ह
3315	6047076a	पावकात्मजमालोक्य ध्वजाग्रे समवस्थितम्
3316	6047076c	जज्वाल रावणः क्रोधात्ततो नीलो ननाद ह
3317	6047077a	ध्वजाग्रे धनुषश्चाग्रे किरीटाग्रे च तं हरिम्
3318	6047077c	लक्ष्मणोऽथ हनूमांश्च दृष्ट्वा रामश्च विस्मिताः
3319	6047078a	रावणोऽपि महातेजाः कपिलाघवविस्मितः
3320	6047078c	अस्त्रमाहारयामास दीप्तमाग्नेयमद्भुतम्
3321	6047079a	ततस्ते चुक्रुशुर्हृष्टा लब्धलक्ष्याः प्लवंगमाः
3322	6047079c	नीललाघवसंभ्रान्तं दृष्ट्वा रावणमाहवे
3323	6047080a	वानराणां च नादेन संरब्धो रावणस्तदा
3324	6047080c	संभ्रमाविष्टहृदयो न किंचित्प्रत्यपद्यत
3325	6047081a	आग्नेयेनाथ संयुक्तं गृहीत्वा रावणः शरम्
3326	6047081c	ध्वजशीर्षस्थितं नीलमुदैक्षत निशाचरः
3327	6047082a	ततोऽब्रवीन्महातेजा रावणो राक्षसेश्वरः
3328	6047082c	कपे लाघवयुक्तोऽसि मायया परयानया
3329	6047083a	जीवितं खलु रक्षस्व यदि शक्नोषि वानर
3330	6047083c	तानि तान्यात्मरूपाणि सृजसे त्वमनेकशः
3331	6047084a	तथापि त्वां मया मुक्तः सायकोऽस्त्रप्रयोजितः
3332	6047084c	जीवितं परिरक्षन्तं जीविताद्भ्रंशयिष्यति
3333	6047085a	एवमुक्त्वा महाबाहू रावणो राक्षसेश्वरः
3334	6047085c	संधाय बाणमस्त्रेण चमूपतिमताडयत्
3335	6047086a	सोऽस्त्रयुक्तेन बाणेन नीलो वक्षसि ताडितः
3336	6047086c	निर्दह्यमानः सहसा निपपात महीतले
3337	6047087a	पितृमाहात्म्य संयोगादात्मनश्चापि तेजसा
3338	6047087c	जानुभ्यामपतद्भूमौ न च प्राणैर्व्ययुज्यत
3339	6047088a	विसंज्ञं वानरं दृष्ट्वा दशग्रीवो रणोत्सुकः
3340	6047088c	रथेनाम्बुदनादेन सौमित्रिमभिदुद्रुवे
3341	6047089a	तमाह सौमित्रिरदीनसत्त्वो; विस्फारयन्तं धनुरप्रमेयम्
3342	6047089c	अन्वेहि मामेव निशाचरेन्द्र; न वानरांस्त्वं प्रति योद्धुमर्हसि
3343	6047090a	स तस्य वाक्यं परिपूर्णघोषं; ज्याशब्दमुग्रं च निशम्य राजा
3344	6047090c	आसाद्य सौमित्रिमवस्थितं तं; कोपान्वितं वाक्यमुवाच रक्षः
3345	6047091a	दिष्ट्यासि मे राघव दृष्टिमार्गं; प्राप्तोऽन्तगामी विपरीतबुद्धिः
3346	6047091c	अस्मिन्क्षणे यास्यसि मृत्युदेशं; संसाद्यमानो मम बाणजालैः
3347	6047092a	तमाह सौमित्रिरविस्मयानो; गर्जन्तमुद्वृत्तसिताग्रदंष्ट्रम्
3348	6047092c	राजन्न गर्जन्ति महाप्रभावा; विकत्थसे पापकृतां वरिष्ठ
3349	6047093a	जानामि वीर्यं तव राक्षसेन्द्र; बलं प्रतापं च पराक्रमं च
3350	6047093c	अवस्थितोऽहं शरचापपाणि;रागच्छ किं मोघविकत्थनेन
3351	6047094a	स एवमुक्तः कुपितः ससर्ज; रक्षोऽधिपः सप्तशरान्सुपुङ्खान्
3352	6047094c	ताँल्लक्ष्मणः काञ्चनचित्रपुङ्खै;श्चिच्छेद बाणैर्निशिताग्रधारैः
3353	6047095a	तान्प्रेक्षमाणः सहसा निकृत्ता;न्निकृत्तभोगानिव पन्नगेन्द्रान्
3354	6047095c	लङ्केश्वरः क्रोधवशं जगाम; ससर्ज चान्यान्निशितान्पृषत्कान्
3355	6047096a	स बाणवर्षं तु ववर्ष तीव्रं; रामानुजः कार्मुकसंप्रयुक्तम्
3356	6047096c	क्षुरार्धचन्द्रोत्तमकर्णिभल्लैः; शरांश्च चिच्छेद न चुक्षुभे च
3357	6047097a	स लक्ष्मणश्चाशु शराञ्शिताग्रा;न्महेन्द्रवज्राशनितुल्यवेगान्
3358	6047097c	संधाय चापे ज्वलनप्रकाशा;न्ससर्ज रक्षोऽधिपतेर्वधाय
3359	6047098a	स तान्प्रचिच्छेद हि राक्षसेन्द्र;श्छित्त्वा च ताँल्लक्ष्मणमाजघान
3360	6047098c	शरेण कालाग्निसमप्रभेण; स्वयम्भुदत्तेन ललाटदेशे
3361	6047099a	स लक्ष्मणो रावणसायकार्त;श्चचाल चापं शिथिलं प्रगृह्य
3362	6047099c	पुनश्च संज्ञां प्रतिलभ्य कृच्छ्रा;च्चिच्छेद चापं त्रिदशेन्द्रशत्रोः
3363	6047100a	निकृत्तचापं त्रिभिराजघान; बाणैस्तदा दाशरथिः शिताग्रैः
3364	6047100c	स सायकार्तो विचचाल राजा; कृच्छ्राच्च संज्ञां पुनराससाद
3365	6047101a	स कृत्तचापः शरताडितश्च; स्वेदार्द्रगात्रो रुधिरावसिक्तः
3366	6047101c	जग्राह शक्तिं समुदग्रशक्तिः; स्वयम्भुदत्तां युधि देवशत्रुः
3367	6047102a	स तां विधूमानलसंनिकाशां; वित्रासनीं वानरवाहिनीनाम्
3368	6047102c	चिक्षेप शक्तिं तरसा ज्वलन्तीं; सौमित्रये राक्षसराष्ट्रनाथः
3369	6047103a	तामापतन्तीं भरतानुजोऽस्त्रै;र्जघान बाणैश्च हुताग्निकल्पैः
3370	6047103c	तथापि सा तस्य विवेश शक्ति;र्भुजान्तरं दाशरथेर्विशालम्
3371	6047104a	शक्त्या ब्राम्या तु सौमित्रिस्ताडितस्तु स्तनान्तरे
3372	6047104c	विष्णोरचिन्त्यं स्वं भागमात्मानं प्रत्यनुस्मरत्
3373	6047105a	ततो दानवदर्पघ्नं सौमित्रिं देवकण्टकः
3374	6047105c	तं पीडयित्वा बाहुभ्यामप्रभुर्लङ्घनेऽभवत्
3375	6047106a	हिमवान्मन्दरो मेरुस्त्रैलोक्यं वा सहामरैः
3376	6047106c	शक्यं भुजाभ्यामुद्धर्तुं न संख्ये भरतानुजः
3377	6047107a	अथैनं वैष्णवं भागं मानुषं देहमास्थितम्
3378	6047107c	विसंज्ञं लक्ष्मणं दृष्ट्वा रावणो विस्मितोऽभवत्
3379	6047108a	अथ वायुसुतः क्रुद्धो रावणं समभिद्रवत्
3380	6047108c	आजघानोरसि क्रुद्धो वज्रकल्पेन मुष्टिना
3381	6047109a	तेन मुष्टिप्रहारेण रावणो राक्षसेश्वरः
3382	6047109c	जानुभ्यामपतद्भूमौ चचाल च पपात च
3383	6047110a	विसंज्ञं रावणं दृष्ट्वा समरे भीमविक्रमम्
3384	6047110c	ऋषयो वानराश्चैव नेदुर्देवाः सवासवाः
3385	6047111a	हनूमानपि तेजस्वी लक्ष्मणं रावणार्दितम्
3386	6047111c	अनयद्राघवाभ्याशं बाहुभ्यां परिगृह्य तम्
3387	6047112a	वायुसूनोः सुहृत्त्वेन भक्त्या परमया च सः
3388	6047112c	शत्रूणामप्रकम्प्योऽपि लघुत्वमगमत्कपेः
3389	6047113a	तं समुत्सृज्य सा शक्तिः सौमित्रिं युधि दुर्जयम्
3390	6047113c	रावणस्य रथे तस्मिन्स्थानं पुनरुपागमत्
3391	6047114a	रावणोऽपि महातेजाः प्राप्य संज्ञां महाहवे
3392	6047114c	आददे निशितान्बाणाञ्जग्राह च महद्धनुः
3393	6047115a	आश्वस्तश्च विशल्यश्च लक्ष्मणः शत्रुसूदनः
3394	6047115c	विष्णोर्भागममीमांस्यमात्मानं प्रत्यनुस्मरन्
3395	6047116a	निपातितमहावीरां वानराणां महाचमूम्
3396	6047116c	राघवस्तु रणे दृष्ट्वा रावणं समभिद्रवत्
3397	6047117a	अथैनमुपसंगम्य हनूमान्वाक्यमब्रवीत्
3398	6047117c	मम पृष्ठं समारुह्य रक्षसं शास्तुमर्हसि
3399	6047118a	तच्छ्रुत्वा राघवो वाक्यं वायुपुत्रेण भाषितम्
3400	6047118c	आरोहत्सहसा शूरो हनूमन्तं महाकपिम्
3401	6047118e	रथस्थं रावणं संख्ये ददर्श मनुजाधिपः
3402	6047119a	तमालोक्य महातेजाः प्रदुद्राव स राघवः
3403	6047119c	वैरोचनमिव क्रुद्धो विष्णुरभ्युद्यतायुधः
3404	6047120a	ज्याशब्दमकरोत्तीव्रं वज्रनिष्पेषनिस्वनम्
3405	6047120c	गिरा गम्भीरया रामो राक्षसेन्द्रमुवाच ह
3406	6047121a	तिष्ठ तिष्ठ मम त्वं हि कृत्वा विप्रियमीदृशम्
3407	6047121c	क्व नु राक्षसशार्दूल गतो मोक्षमवाप्स्यसि
3408	6047122a	यदीन्द्रवैवस्वत भास्करान्वा; स्वयम्भुवैश्वानरशंकरान्वा
3409	6047122c	गमिष्यसि त्वं दश वा दिशो वा; तथापि मे नाद्य गतो विमोक्ष्यसे
3410	6047123a	यश्चैष शक्त्याभिहतस्त्वयाद्य; इच्छन्विषादं सहसाभ्युपेतः
3411	6047123c	स एष रक्षोगणराज मृत्युः; सपुत्रदारस्य तवाद्य युद्धे
3412	6047124a	राघवस्य वचः श्रुत्वा राक्षसेन्द्रो महाकपिम्
3413	6047124c	आजघान शरैस्तीक्ष्णैः कालानलशिखोपमैः
3414	6047125a	राक्षसेनाहवे तस्य ताडितस्यापि सायकैः
3415	6047125c	स्वभावतेजोयुक्तस्य भूयस्तेजो व्यवर्धत
3416	6047126a	ततो रामो महातेजा रावणेन कृतव्रणम्
3417	6047126c	दृष्ट्वा प्लवगशार्दूलं क्रोधस्य वशमेयिवान्
3418	6047127a	तस्याभिसंक्रम्य रथं सचक्रं; साश्वध्वजच्छत्रमहापताकम्
3419	6047127c	ससारथिं साशनिशूलखड्गं; रामः प्रचिच्छेद शरैः सुपुङ्खैः
3420	6047128a	अथेन्द्रशत्रुं तरसा जघान; बाणेन वज्राशनिसंनिभेन
3421	6047128c	भुजान्तरे व्यूढसुजातरूपे; वज्रेण मेरुं भगवानिवेन्द्रः
3422	6047129a	यो वज्रपाताशनिसंनिपाता;न्न चुक्षुभे नापि चचाल राजा
3423	6047129c	स रामबाणाभिहतो भृशार्त;श्चचाल चापं च मुमोच वीरः
3424	6047130a	तं विह्वलन्तं प्रसमीक्ष्य रामः; समाददे दीप्तमथार्धचन्द्रम्
3425	6047130c	तेनार्कवर्णं सहसा किरीटं; चिच्छेद रक्षोऽधिपतेर्महात्माः
3426	6047131a	तं निर्विषाशीविषसंनिकाशं; शान्तार्चिषं सूर्यमिवाप्रकाशम्
3427	6047131c	गतश्रियं कृत्तकिरीटकूट;मुवाच रामो युधि राक्षसेन्द्रम्
3428	6047132a	कृतं त्वया कर्म महत्सुभीमं; हतप्रवीरश्च कृतस्त्वयाहम्
3429	6047132c	तस्मात्परिश्रान्त इति व्यवस्य; न त्वं शरैर्मृत्युवशं नयामि
3430	6047133a	स एवमुक्तो हतदर्पहर्षो; निकृत्तचापः स हताश्वसूतः
3431	6047133c	शरार्दितः कृत्तमहाकिरीटो; विवेश लङ्कां सहसा स्म राजा
3432	6047134a	तस्मिन्प्रविष्टे रजनीचरेन्द्रे; महाबले दानवदेवशत्रौ
3433	6047134c	हरीन्विशल्यान्सहलक्ष्मणेन; चकार रामः परमाहवाग्रे
3434	6047135a	तस्मिन्प्रभग्ने त्रिदशेन्द्रशत्रौ; सुरासुरा भूतगणा दिशश्च
3435	6047135c	ससागराः सर्षिमहोरगाश्च; तथैव भूम्यम्बुचराश्च हृष्टाः
3436	6048001a	स प्रविश्य पुरीं लङ्कां रामबाणभयार्दितः
3437	6048001c	भग्नदर्पस्तदा राजा बभूव व्यथितेन्द्रियः
3438	6048002a	मातंग इव सिंहेन गरुडेनेव पन्नगः
3439	6048002c	अभिभूतोऽभवद्राजा राघवेण महात्मना
3440	6048003a	ब्रह्मदण्डप्रकाशानां विद्युत्सदृशवर्चसाम्
3441	6048003c	स्मरन्राघवबाणानां विव्यथे राक्षसेश्वरः
3442	6048004a	स काञ्चनमयं दिव्यमाश्रित्य परमासनम्
3443	6048004c	विक्प्रेक्षमाणो रक्षांसि रावणो वाक्यमब्रवीत्
3444	6048005a	सर्वं तत्खलु मे मोघं यत्तप्तं परमं तपः
3445	6048005c	यत्समानो महेन्द्रेण मानुषेणास्मि निर्जितः
3446	6048006a	इदं तद्ब्रह्मणो घोरं वाक्यं मामभ्युपस्थितम्
3447	6048006c	मानुषेभ्यो विजानीहि भयं त्वमिति तत्तथा
3448	6048007a	देवदानवगन्धर्वैर्यक्षराक्षसपन्नगैः
3449	6048007c	अवध्यत्वं मया प्राप्तं मानुषेभ्यो न याचितम्
3450	6048008a	एतदेवाभ्युपागम्य यत्नं कर्तुमिहार्हथ
3451	6048008c	राक्षसाश्चापि तिष्ठन्तु चर्यागोपुरमूर्धसु
3452	6048009a	स चाप्रतिमगम्भीरो देवदानवदर्पहा
3453	6048009c	ब्रह्मशापाभिभूतस्तु कुम्भकर्णो विबोध्यताम्
3454	6048010a	स पराजितमात्मानं प्रहस्तं च निषूदितम्
3455	6048010c	ज्ञात्वा रक्षोबलं भीममादिदेश महाबलः
3456	6048011a	द्वारेषु यत्नः क्रियतां प्राकाराश्चाधिरुह्यताम्
3457	6048011c	निद्रावशसमाविष्टः कुम्भकर्णो विबोध्यताम्
3458	6048012a	नव षट्सप्त चाष्टौ च मासान्स्वपिति राक्षसः
3459	6048012c	तं तु बोधयत क्षिप्रं कुम्भकर्णं महाबलम्
3460	6048013a	स हि संख्ये महाबाहुः ककुदं सर्वरक्षसाम्
3461	6048013c	वानरान्राजपुत्रौ च क्षिप्रमेव वधिष्यति
3462	6048014a	कुम्भकर्णः सदा शेते मूढो ग्राम्यसुखे रतः
3463	6048014c	रामेणाभिनिरस्तस्य संग्रामोऽस्मिन्सुदारुणे
3464	6048015a	भविष्यति न मे शोकः कुम्भकर्णे विबोधिते
3465	6048015c	किं करिष्याम्यहं तेन शक्रतुल्यबलेन हि
3466	6048016a	ईदृशे व्यसने प्राप्ते यो न साह्याय कल्पते
3467	6048016c	ते तु तद्वचनं श्रुत्वा राक्षसेन्द्रस्य राक्षसाः
3468	6048017a	जग्मुः परमसंभ्रान्ताः कुम्भकर्णनिवेशनम्
3469	6048017c	ते रावणसमादिष्टा मांसशोणितभोजनाः
3470	6048018a	गन्धमाल्यांस्तथा भक्ष्यानादाय सहसा ययुः
3471	6048018c	तां प्रविश्य महाद्वारां सर्वतो योजनायताम्
3472	6048019a	कुम्भकर्णगुहां रम्यां सर्वगन्धप्रवाहिनीम्
3473	6048019c	प्रतिष्ठमानाः कृच्छ्रेण यत्नात्प्रविविशुर्गुहाम्
3474	6048020a	तां प्रविश्य गुहां रम्यां शुभां काञ्चनकुट्टिमाम्
3475	6048020c	ददृशुर्नैरृतव्याघ्रं शयानं भीमदर्शनम्
3476	6048021a	ते तु तं विकृतं सुप्तं विकीर्णमिव पर्वतम्
3477	6048021c	कुम्भकर्णं महानिद्रं सहिताः प्रत्यबोधयन्
3478	6048022a	ऊर्ध्वरोमाञ्चिततनुं श्वसन्तमिव पन्नगम्
3479	6048022c	त्रासयन्तं महाश्वासैः शयानं भीमदर्शनम्
3480	6048023a	भीमनासापुटं तं तु पातालविपुलाननम्
3481	6048023c	ददृशुर्नैरृतव्याघ्रं कुम्भकर्णं महाबलम्
3482	6048024a	ततश्चक्रुर्महात्मानः कुम्भकर्णाग्रतस्तदा
3483	6048024c	मांसानां मेरुसंकाशं राशिं परमतर्पणम्
3484	6048025a	मृगाणां महिषाणां च वराहाणां च संचयान्
3485	6048025c	चक्रुर्नैरृतशार्दूला राशिमन्नस्य चाद्भुतम्
3486	6048026a	ततः शोणितकुम्भांश्च मद्यानि विविधानि च
3487	6048026c	पुरस्तात्कुम्भकर्णस्य चक्रुस्त्रिदशशत्रवः
3488	6048027a	लिलिपुश्च परार्ध्येन चन्दनेन परंतपम्
3489	6048027c	दिव्यैराच्छादयामासुर्माल्यैर्गन्धैः सुगन्धिभिः
3490	6048028a	धूपं सुगन्धं ससृजुस्तुष्टुवुश्च परंतपम्
3491	6048028c	जलदा इव चोनेदुर्यातुधानाः सहस्रशः
3492	6048029a	शङ्खानापूरयामासुः शशाङ्कसदृशप्रभान्
3493	6048029c	तुमुलं युगपच्चापि विनेदुश्चाप्यमर्षिताः
3494	6048030a	नेदुरास्फोटयामासुश्चिक्षिपुस्ते निशाचराः
3495	6048030c	कुम्भकर्णविबोधार्थं चक्रुस्ते विपुलं स्वनम्
3496	6048031a	सशङ्खभेरीपटहप्रणाद;मास्फोटितक्ष्वेडितसिंहनादम्
3497	6048031c	दिशो द्रवन्तस्त्रिदिवं किरन्तः; श्रुत्वा विहंगाः सहसा निपेतुः
3498	6048032a	यदा भृशं तैर्निनदैर्महात्मा; न कुम्भकर्णो बुबुधे प्रसुप्तः
3499	6048032c	ततो मुसुण्डीमुसलानि सर्वे; रक्षोगणास्ते जगृहुर्गदाश्च
3500	6048033a	तं शैलशृङ्गैर्मुसलैर्गदाभि;र्वृक्षैस्तलैर्मुद्गरमुष्टिभिश्च
3501	6048033c	सुखप्रसुप्तं भुवि कुम्भकर्णं; रक्षांस्युदग्राणि तदा निजघ्नुः
3502	6048034a	तस्य निश्वासवातेन कुम्भकर्णस्य रक्षसः
3503	6048034c	राक्षसा बलवन्तोऽपि स्थातुं नाशक्नुवन्पुरः
3504	6048035a	ततोऽस्य पुरतो गाढं राक्षसा भीमविक्रमाः
3505	6048035c	मृदङ्गपणवान्भेरीः शङ्खकुम्भगणांस्तथा
3506	6048035e	दशराक्षससाहस्रं युगपत्पर्यवादयन्
3507	6048036a	नीलाञ्जनचयाकारं ते तु तं प्रत्यबोधयन्
3508	6048036c	अभिघ्नन्तो नदन्तश्च नैव संविविदे तु सः
3509	6048037a	यदा चैनं न शेकुस्ते प्रतिबोधयितुं तदा
3510	6048037c	ततो गुरुतरं यत्नं दारुणं समुपाक्रमन्
3511	6048038a	अश्वानुष्ट्रान्खरान्नागाञ्जघ्नुर्दण्डकशाङ्कुशैः
3512	6048038c	भेरीशङ्खमृदङ्गांश्च सर्वप्राणैरवादयन्
3513	6048039a	निजघ्नुश्चास्य गात्राणि महाकाष्ठकटं करैः
3514	6048039c	मुद्गरैर्मुसलैश्चैव सर्वप्राणसमुद्यतैः
3515	6048040a	तेन शब्देन महता लङ्का समभिपूरिता
3516	6048040c	सपर्वतवना सर्वा सोऽपि नैव प्रबुध्यते
3517	6048041a	ततः सहस्रं भेरीणां युगपत्समहन्यत
3518	6048041c	मृष्टकाञ्चनकोणानामसक्तानां समन्ततः
3519	6048042a	एवमप्यतिनिद्रस्तु यदा नैव प्रबुध्यत
3520	6048042c	शापस्य वशमापन्नस्ततः क्रुद्धा निशाचराः
3521	6048043a	महाक्रोधसमाविष्टाः सर्वे भीमपराक्रमाः
3522	6048043c	तद्रक्षोबोधयिष्यन्तश्चक्रुरन्ये पराक्रमम्
3523	6048044a	अन्ये भेरीः समाजघ्नुरन्ये चक्रुर्महास्वनम्
3524	6048044c	केशानन्ये प्रलुलुपुः कर्णावन्ये दशन्ति च
3525	6048044e	न कुम्भकर्णः पस्पन्दे महानिद्रावशं गतः
3526	6048045a	अन्ये च बलिनस्तस्य कूटमुद्गरपाणयः
3527	6048045c	मूर्ध्नि वक्षसि गात्रेषु पातयन्कूटमुद्गरान्
3528	6048046a	रज्जुबन्धनबद्धाभिः शतघ्नीभिश्च सर्वतः
3529	6048046c	वध्यमानो महाकायो न प्राबुध्यत राक्षसः
3530	6048047a	वारणानां सहस्रं तु शरीरेऽस्य प्रधावितम्
3531	6048047c	कुम्भकर्णस्ततो बुद्धः स्पर्शं परमबुध्यत
3532	6048048a	स पात्यमानैर्गिरिशृङ्गवृक्षै;रचिन्तयंस्तान्विपुलान्प्रहारान्
3533	6048048c	निद्राक्षयात्क्षुद्भयपीडितश्च; विजृम्भमाणः सहसोत्पपात
3534	6048049a	स नागभोगाचलशृङ्गकल्पौ; विक्षिप्य बाहू गिरिशृङ्गसारौ
3535	6048049c	विवृत्य वक्त्रं वडवामुखाभं; निशाचरोऽसौ विकृतं जजृम्भे
3536	6048050a	तस्य जाजृम्भमाणस्य वक्त्रं पातालसंनिभम्
3537	6048050c	ददृशे मेरुशृङ्गाग्रे दिवाकर इवोदितः
3538	6048051a	विजृम्भमाणोऽतिबलः प्रतिबुद्धो निशाचरः
3539	6048051c	निश्वासश्चास्य संजज्ञे पर्वतादिव मारुतः
3540	6048052a	रूपमुत्तिष्ठतस्तस्य कुम्भकर्णस्य तद्बभौ
3541	6048052c	तपान्ते सबलाकस्य मेघस्येव विवर्षतः
3542	6048053a	तस्य दीप्ताग्निसदृशे विद्युत्सदृशवर्चसी
3543	6048053c	ददृशाते महानेत्रे दीप्ताविव महाग्रहौ
3544	6048054a	आदद्बुभुक्षितो मांसं शोणितं तृषितोऽपिबत्
3545	6048054c	मेदः कुम्भं च मद्यं च पपौ शक्ररिपुस्तदा
3546	6048055a	ततस्तृप्त इति ज्ञात्वा समुत्पेतुर्निशाचराः
3547	6048055c	शिरोभिश्च प्रणम्यैनं सर्वतः पर्यवारयन्
3548	6048056a	स सर्वान्सान्त्वयामास नैरृतान्नैरृतर्षभः
3549	6048056c	बोधनाद्विस्मितश्चापि राक्षसानिदमब्रवीत्
3550	6048057a	किमर्थमहमाहत्य भवद्भिः प्रतिबोधितः
3551	6048057c	कच्चित्सुकुशलं राज्ञो भयं वा नेह किंचन
3552	6048058a	अथ वा ध्रुवमन्येभ्यो भयं परमुपस्थितम्
3553	6048058c	यदर्थमेव त्वरितैर्भवद्भिः प्रतिबोधितः
3554	6048059a	अद्य राक्षसराजस्य भयमुत्पाटयाम्यहम्
3555	6048059c	पातयिष्ये महेन्द्रं वा शातयिष्ये तथानलम्
3556	6048060a	न ह्यल्पकारणे सुप्तं बोधयिष्यति मां भृशम्
3557	6048060c	तदाख्यातार्थतत्त्वेन मत्प्रबोधनकारणम्
3558	6048061a	एवं ब्रुवाणं संरब्धं कुम्भकर्णमरिंदमम्
3559	6048061c	यूपाक्षः सचिवो राज्ञः कृताञ्जलिरुवाच ह
3560	6048062a	न नो देवकृतं किंचिद्भयमस्ति कदाचन
3561	6048062c	न दैत्यदानवेभ्यो वा भयमस्ति हि तादृशम्
3562	6048062e	यादृशं मानुषं राजन्भयमस्मानुपस्थितम्
3563	6048063a	वानरैः पर्वताकारैर्लङ्केयं परिवारिता
3564	6048063c	सीताहरणसंतप्ताद्रामान्नस्तुमुलं भयम्
3565	6048064a	एकेन वानरेणेयं पूर्वं दग्धा महापुरी
3566	6048064c	कुमारो निहतश्चाक्षः सानुयात्रः सकुञ्जरः
3567	6048065a	स्वयं रक्षोऽधिपश्चापि पौलस्त्यो देवकण्टकः
3568	6048065c	मृतेति संयुगे मुक्तारामेणादित्यतेजसा
3569	6048066a	यन्न देवैः कृतो राजा नापि दैत्यैर्न दानवैः
3570	6048066c	कृतः स इह रामेण विमुक्तः प्राणसंशयात्
3571	6048067a	स यूपाक्षवचः श्रुत्वा भ्रातुर्युधि पराजयम्
3572	6048067c	कुम्भकर्णो विवृत्ताक्षो यूपाक्षमिदमब्रवीत्
3573	6048068a	सर्वमद्यैव यूपाक्ष हरिसैन्यं सलक्ष्मणम्
3574	6048068c	राघवं च रणे हत्वा पश्चाद्द्रक्ष्यामि रावणम्
3575	6048069a	राक्षसांस्तर्पयिष्यामि हरीणां मांसशोणितैः
3576	6048069c	रामलक्ष्मणयोश्चापि स्वयं पास्यामि शोणितम्
3577	6048070a	तत्तस्य वाक्यं ब्रुवतो निशम्य; सगर्वितं रोषविवृद्धदोषम्
3578	6048070c	महोदरो नैरृतयोधमुख्यः; कृताञ्जलिर्वाक्यमिदं बभाषे
3579	6048071a	रावणस्य वचः श्रुत्वा गुणदोषु विमृश्य च
3580	6048071c	पश्चादपि महाबाहो शत्रून्युधि विजेष्यसि
3581	6048072a	महोदरवचः श्रुत्वा राक्षसैः परिवारितः
3582	6048072c	कुम्भकर्णो महातेजाः संप्रतस्थे महाबलः
3583	6048073a	तं समुत्थाप्य भीमाक्षं भीमरूपपराक्रमम्
3584	6048073c	राक्षसास्त्वरिता जग्मुर्दशग्रीवनिवेशनम्
3585	6048074a	ततो गत्वा दशग्रीवमासीनं परमासने
3586	6048074c	ऊचुर्बद्धाञ्जलिपुटाः सर्व एव निशाचराः
3587	6048075a	प्रबुद्धः कुम्भकर्णोऽसौ भ्राता ते राक्षसर्षभ
3588	6048075c	कथं तत्रैव निर्यातु द्रक्ष्यसे तमिहागतम्
3589	6048076a	रावणस्त्वब्रवीद्धृष्टो यथान्यायं च पूजितम्
3590	6048076c	द्रष्टुमेनमिहेच्छामि यथान्यायं च पूजितम्
3591	6048077a	तथेत्युक्त्वा तु ते सर्वे पुनरागम्य राक्षसाः
3592	6048077c	कुम्भकर्णमिदं वाक्यमूचू रावणचोदिताः
3593	6048078a	द्रष्टुं त्वां काङ्क्षते राजा सर्वराक्षसपुंगवः
3594	6048078c	गमने क्रियतां बुद्धिर्भ्रातरं संप्रहर्षय
3595	6048079a	कुम्भकर्णस्तु दुर्धर्षो भ्रातुराज्ञाय शासनम्
3596	6048079c	तथेत्युक्त्वा महावीर्यः शयनादुत्पपात ह
3597	6048080a	प्रक्षाल्य वदनं हृष्टः स्नातः परमभूषितः
3598	6048080c	पिपासुस्त्वरयामास पानं बलसमीरणम्
3599	6048081a	ततस्ते त्वरितास्तस्य राज्षसा रावणाज्ञया
3600	6048081c	मद्यं भक्ष्यांश्च विविधान्क्षिप्रमेवोपहारयन्
3601	6048082a	पीत्वा घटसहस्रं स गमनायोपचक्रमे
3602	6048083a	ईषत्समुत्कटो मत्तस्तेजोबलसमन्वितः
3603	6048083c	कुम्भकर्णो बभौ हृष्टः कालान्तकयमोपमः
3604	6048084a	भ्रातुः स भवनं गच्छन्रक्षोबलसमन्वितः
3605	6048084c	कुम्भकर्णः पदन्यासैरकम्पयत मेदिनीम्
3606	6048085a	स राजमार्गं वपुषा प्रकाशय;न्सहस्ररश्मिर्धरणीमिवांशुभिः
3607	6048085c	जगाम तत्राञ्जलिमालया वृतः; शतक्रतुर्गेहमिव स्वयम्भुवः
3608	6048086a	केचिच्छरण्यं शरणं स्म रामं; व्रजन्ति केचिद्व्यथिताः पतन्ति
3609	6048086c	केचिद्दिशः स्म व्यथिताः प्रयान्ति; केचिद्भयार्ता भुवि शेरते स्म
3610	6048087a	तमद्रिशृङ्गप्रतिमं किरीटिनं; स्पृशन्तमादित्यमिवात्मतेजसा
3611	6048087c	वनौकसः प्रेक्ष्य विवृद्धमद्भुतं; भयार्दिता दुद्रुविरे ततस्ततः
3612	6049001a	ततो रामो महातेजा धनुरादाय वीर्यवान्
3613	6049001c	किरीटिनं महाकायं कुम्भकर्णं ददर्श ह
3614	6049002a	तं दृष्ट्वा राक्षसश्रेष्ठं पर्वताकारदर्शनम्
3615	6049002c	क्रममाणमिवाकाशं पुरा नारायणं प्रभुम्
3616	6049003a	सतोयाम्बुदसंकाशं काञ्चनाङ्गदभूषणम्
3617	6049003c	दृष्ट्वा पुनः प्रदुद्राव वानराणां महाचमूः
3618	6049004a	विद्रुतां वाहिनीं दृष्ट्वा वर्धमानं च राक्षसं
3619	6049004c	सविस्मयमिदं रामो विभीषणमुवाच ह
3620	6049005a	कोऽसौ पर्वतसंकशः किरीटी हरिलोचनः
3621	6049005c	लङ्कायां दृश्यते वीरः सविद्युदिव तोयदः
3622	6049006a	पृथिव्याः केतुभूतोऽसौ महानेकोऽत्र दृश्यते
3623	6049006c	यं दृष्ट्वा वानराः सर्वे विद्रवन्ति ततस्ततः
3624	6049007a	आचक्ष्व मे महान्कोऽसौ रक्षो वा यदि वासुरः
3625	6049007c	न मयैवंविधं भूतं दृष्टपूर्वं कदाचन
3626	6049008a	स पृष्टो राजपुत्रेण रामेणाक्लिष्टकारिणा
3627	6049008c	विभीषणो महाप्राज्ञः काकुत्स्थमिदमब्रवीत्
3628	6049009a	येन वैवस्वतो युद्धे वासवश्च पराजितः
3629	6049009c	सैष विश्रवसः पुत्रः कुम्भकर्णः प्रतापवान्
3630	6049010a	एतेन देवा युधि दानवाश्च; यक्षा भुजंगाः पिशिताशनाश्च
3631	6049010c	गन्धर्वविद्याधरकिंनराश्च; सहस्रशो राघव संप्रभग्नाः
3632	6049011a	शूलपाणिं विरूपाक्षं कुम्भकर्णं महाबलम्
3633	6049011c	हन्तुं न शेकुस्त्रिदशाः कालोऽयमिति मोहिताः
3634	6049012a	प्रकृत्या ह्येष तेजस्वी कुम्भकर्णो महाबलः
3635	6049012c	अन्येषां राक्षसेन्द्राणां वरदानकृतं बलम्
3636	6049013a	एतेन जातमात्रेण क्षुधार्तेन महात्मना
3637	6049013c	भक्षितानि सहस्राणि सत्त्वानां सुबहून्यपि
3638	6049014a	तेषु संभक्ष्यमाणेषु प्रजा भयनिपीडिताः
3639	6049014c	यान्ति स्म शरणं शक्रं तमप्यर्थं न्यवेदयन्
3640	6049015a	स कुम्भकर्णं कुपितो महेन्द्रो; जघान वज्रेण शितेन वज्री
3641	6049015c	स शक्रवज्राभिहतो महात्मा; चचाल कोपाच्च भृशं ननाद
3642	6049016a	तस्य नानद्यमानस्य कुम्भकर्णस्य धीमतः
3643	6049016c	श्रुत्वा निनादं वित्रस्ता भूयो भूमिर्वितत्रसे
3644	6049017a	ततः कोपान्महेन्द्रस्य कुम्भकर्णो महाबलः
3645	6049017c	विकृष्यैरावताद्दन्तं जघानोरसि वासवम्
3646	6049018a	कुम्भकर्णप्रहारार्तो विचचाल स वासवः
3647	6049018c	ततो विषेदुः सहसा देवब्रह्मर्षिदानवाः
3648	6049019a	प्रजाभिः सह शक्रश्च ययौ स्थानं स्वयम्भुवः
3649	6049019c	कुम्भकर्णस्य दौरात्म्यं शशंसुस्ते प्रजापतेः
3650	6049019e	प्रजानां भक्षणं चापि देवानां चापि धर्षणम्
3651	6049020a	एवं प्रजा यदि त्वेष भक्षयिष्यति नित्यशः
3652	6049020c	अचिरेणैव कालेन शून्यो लोको भविष्यति
3653	6049021a	वासवस्य वचः श्रुत्वा सर्वलोकपितामहः
3654	6049021c	रक्षांस्यावाहयामास कुम्भकर्णं ददर्श ह
3655	6049022a	कुम्भकर्णं समीक्ष्यैव वितत्रास प्रजापतिः
3656	6049022c	दृष्ट्वा निश्वस्य चैवेदं स्वयम्भूरिदमब्रवीत्
3657	6049023a	ध्रुवं लोकविनाशाय पौरस्त्येनासि निर्मितः
3658	6049023c	तस्मात्त्वमद्य प्रभृति मृतकल्पः शयिष्यसि
3659	6049023e	ब्रह्मशापाभिभूतोऽथ निपपाताग्रतः प्रभोः
3660	6049024a	ततः परमसंभ्रान्तो रावणो वाक्यमब्रवीत्
3661	6049024c	विवृद्धः काञ्चनो वृक्षः फलकाले निकृत्यते
3662	6049025a	न नप्तारं स्वकं न्याय्यं शप्तुमेवं प्रजापते
3663	6049025c	न मिथ्यावचनश्च त्वं स्वप्स्यत्येष न संशयः
3664	6049025e	कालस्तु क्रियतामस्य शयने जागरे तथा
3665	6049026a	रावणस्य वचः श्रुत्वा स्वयम्भूरिदमब्रवीत्
3666	6049026c	शयिता ह्येष षण्मासानेकाहं जागरिष्यति
3667	6049027a	एकेनाह्ना त्वसौ वीरश्चरन्भूमिं बुभुक्षितः
3668	6049027c	व्यात्तास्यो भक्षयेल्लोकान्संक्रुद्ध इव पावकः
3669	6049028a	सोऽसौ व्यसनमापन्नः कुम्भकर्णमबोधयत्
3670	6049028c	त्वत्पराक्रमभीतश्च राजा संप्रति रावणः
3671	6049029a	स एष निर्गतो वीरः शिबिराद्भीमविक्रमः
3672	6049029c	वानरान्भृशसंक्रुद्धो भक्षयन्परिधावति
3673	6049030a	कुम्भकर्णं समीक्ष्यैव हरयो विप्रदुद्रुवुः
3674	6049030c	कथमेनं रणे क्रुद्धं वारयिष्यन्ति वानराः
3675	6049031a	उच्यन्तां वानराः सर्वे यन्त्रमेतत्समुच्छ्रितम्
3676	6049031c	इति विज्ञाय हरयो भविष्यन्तीह निर्भयाः
3677	6049032a	विभीषणवचः श्रुत्वा हेतुमत्सुमुखोद्गतम्
3678	6049032c	उवाच राघवो वाक्यं नीलं सेनापतिं तदा
3679	6049033a	गच्छ सैन्यानि सर्वाणि व्यूह्य तिष्ठस्व पावके
3680	6049033c	द्वाराण्यादाय लङ्कायाश्चर्याश्चाप्यथ संक्रमान्
3681	6049034a	शैलशृङ्गाणि वृक्षांश्च शिलाश्चाप्युपसंहरन्
3682	6049034c	तिष्ठन्तु वानराः सर्वे सायुधाः शैलपाणयः
3683	6049035a	राघवेण समादिष्टो नीलो हरिचमूपतिः
3684	6049035c	शशास वानरानीकं यथावत्कपिकुञ्जरः
3685	6049036a	ततो गवाक्षः शरभो हनुमानङ्गदो नलः
3686	6049036c	शैलशृङ्गाणि शैलाभा गृहीत्वा द्वारमभ्ययुः
3687	6049037a	ततो हरीणां तदनीकमुग्रं; रराज शैलोद्यतवृक्षहस्तम्
3688	6049037c	गिरेः समीपानुगतं यथैव; महन्महाम्भोधरजालमुग्रम्
3689	6050001a	स तु राक्षसशार्दूलो निद्रामदसमाकुलः
3690	6050001c	राजमार्गं श्रिया जुष्टं ययौ विपुलविक्रमः
3691	6050002a	राक्षसानां सहस्रैश्च वृतः परमदुर्जयः
3692	6050002c	गृहेभ्यः पुष्पवर्षेण कार्यमाणस्तदा ययौ
3693	6050003a	स हेमजालविततं भानुभास्वरदर्शनम्
3694	6050003c	ददर्श विपुलं रम्यं राक्षसेन्द्रनिवेशनम्
3695	6050004a	स तत्तदा सूर्य इवाभ्रजालं; प्रविश्य रक्षोऽधिपतेर्निवेशनम्
3696	6050004c	ददर्श दूरेऽग्रजमासनस्थं; स्वयम्भुवं शक्र इवासनस्थम्
3697	6050005a	सोऽभिगम्य गृहं भ्रातुः कक्ष्यामभिविगाह्य च
3698	6050005c	ददर्शोद्विग्नमासीनं विमाने पुष्पके गुरुम्
3699	6050006a	अथ दृष्ट्वा दशग्रीवः कुम्भकर्णमुपस्थितम्
3700	6050006c	तूर्णमुत्थाय संहृष्टः संनिकर्षमुपानयत्
3701	6050007a	अथासीनस्य पर्यङ्के कुम्भकर्णो महाबलः
3702	6050007c	भ्रातुर्ववन्दे चरणां किं कृत्यमिति चाब्रवीत्
3703	6050007e	उत्पत्य चैनं मुदितो रावणः परिषस्वजे
3704	6050008a	स भ्रात्रा संपरिष्वक्तो यथावच्चाभिनन्दितः
3705	6050008c	कुम्भकर्णः शुभं दिव्यं प्रतिपेदे वरासनम्
3706	6050009a	स तदासनमाश्रित्य कुम्भकर्णो महाबलः
3707	6050009c	संरक्तनयनः कोपाद्रावणं वाक्यमब्रवीत्
3708	6050010a	किमर्थमहमादृत्य त्वया राजन्प्रबोधितः
3709	6050010c	शंस कस्माद्भयं तेऽस्ति कोऽद्य प्रेतो भविष्यति
3710	6050011a	भ्रातरं रावणः क्रुद्धं कुम्भकर्णमवस्थितम्
3711	6050011c	ईषत्तु परिवृत्ताभ्यां नेत्राभ्यां वाक्यमब्रवीत्
3712	6050012a	अद्य ते सुमहान्कालः शयानस्य महाबल
3713	6050012c	सुखितस्त्वं न जानीषे मम रामकृतं भयम्
3714	6050013a	एष दाशरथी रामः सुग्रीवसहितो बली
3715	6050013c	समुद्रं सबलस्तीर्त्वा मूलं नः परिकृन्तति
3716	6050014a	हन्त पश्यस्व लङ्काया वनान्युपवनानि च
3717	6050014c	सेतुना सुखमागम्य वानरैकार्णवं कृतम्
3718	6050015a	ये राक्षसा मुख्यतमा हतास्ते वानरैर्युधि
3719	6050015c	वानराणां क्षयं युद्धे न पश्यामि कदाचन
3720	6050016a	सर्वक्षपितकोशं च स त्वमभ्यवपद्य माम्
3721	6050016c	त्रायस्वेमां पुरीं लङ्कां बालवृद्धावशेषिताम्
3722	6050017a	भ्रातुरर्थे महाबाहो कुरु कर्म सुदुष्करम्
3723	6050017c	मयैवं नोक्तपूर्वो हि कश्चिद्भ्रातः परंतप
3724	6050017e	त्वय्यस्ति मम च स्नेहः परा संभावना च मे
3725	6050018a	देवासुरविमर्देषु बहुशो राक्षसर्षभ
3726	6050018c	त्वया देवाः प्रतिव्यूह्य निर्जिताश्चासुरा युधि
3727	6050018e	न हि ते सर्वभूतेषु दृश्यते सदृशो बली
3728	6050019a	कुरुष्व मे प्रियहितमेतदुत्तमं; यथाप्रियं प्रियरणबान्धवप्रिय
3729	6050019c	स्वतेजसा विधम सपत्नवाहिनीं; शरद्घनं पवन इवोद्यतो महान्
3730	6051001a	तस्य राक्षसराजस्य निशम्य परिदेवितम्
3731	6051001c	कुम्भकर्णो बभाषेऽथ वचनं प्रजहास च
3732	6051002a	दृष्टो दोषो हि योऽस्माभिः पुरा मन्त्रविनिर्णये
3733	6051002c	हितेष्वनभियुक्तेन सोऽयमासादितस्त्वया
3734	6051003a	शीघ्रं खल्वभ्युपेतं त्वां फलं पापस्य कर्मणः
3735	6051003c	निरयेष्वेव पतनं यथा दुष्कृतकर्मणः
3736	6051004a	प्रथमं वै महाराज कृत्यमेतदचिन्तितम्
3737	6051004c	केवलं वीर्यदर्पेण नानुबन्धो विचारितः
3738	6051005a	यः पश्चात्पूर्वकार्याणि कुर्यादैश्वर्यमास्थितः
3739	6051005c	पूर्वं चोत्तरकार्याणि न स वेद नयानयौ
3740	6051006a	देशकालविहीनानि कर्माणि विपरीतवत्
3741	6051006c	क्रियमाणानि दुष्यन्ति हवींष्यप्रयतेष्विव
3742	6051007a	त्रयाणां पञ्चधा योगं कर्मणां यः प्रपश्यति
3743	6051007c	सचिवैः समयं कृत्वा स सभ्ये वर्तते पथि
3744	6051008a	यथागमं च यो राजा समयं विचिकीर्षति
3745	6051008c	बुध्यते सचिवान्बुद्ध्या सुहृदश्चानुपश्यति
3746	6051009a	धर्ममर्थं च कामं च सर्वान्वा रक्षसां पते
3747	6051009c	भजते पुरुषः काले त्रीणि द्वन्द्वानि वा पुनः
3748	6051010a	त्रिषु चैतेषु यच्छ्रेष्ठं श्रुत्वा तन्नावबुध्यते
3749	6051010c	राजा वा राजमात्रो वा व्यर्थं तस्य बहुश्रुतम्
3750	6051011a	उपप्रदानं सान्त्वं वा भेदं काले च विक्रमम्
3751	6051011c	योगं च रक्षसां श्रेष्ठ तावुभौ च नयानयौ
3752	6051012a	काले धर्मार्थकामान्यः संमन्त्र्य सचिवैः सह
3753	6051012c	निषेवेतात्मवाँल्लोके न स व्यसनमाप्नुयात्
3754	6051013a	हितानुबन्धमालोक्य कार्याकार्यमिहात्मनः
3755	6051013c	राजा सहार्थतत्त्वज्ञैः सचिवैः सह जीवति
3756	6051014a	अनभिज्ञाय शास्त्रार्थान्पुरुषाः पशुबुद्धयः
3757	6051014c	प्रागल्भ्याद्वक्तुमिच्छन्ति मन्त्रेष्वभ्यन्तरीकृताः
3758	6051015a	अशास्त्रविदुषां तेषां न कार्यमहितं वचः
3759	6051015c	अर्थशास्त्रानभिज्ञानां विपुलां श्रियमिच्छताम्
3760	6051016a	अहितं च हिताकारं धार्ष्ट्याज्जल्पन्ति ये नराः
3761	6051016c	अवेक्ष्य मन्त्रबाह्यास्ते कर्तव्याः कृत्यदूषणाः
3762	6051017a	विनाशयन्तो भर्तारं सहिताः शत्रुभिर्बुधैः
3763	6051017c	विपरीतानि कृत्यानि कारयन्तीह मन्त्रिणः
3764	6051018a	तान्भर्ता मित्रसंकाशानमित्रान्मन्त्रनिर्णये
3765	6051018c	व्यवहारेण जानीयात्सचिवानुपसंहितान्
3766	6051019a	चपलस्येह कृत्यानि सहसानुप्रधावतः
3767	6051019c	छिद्रमन्ये प्रपद्यन्ते क्रौञ्चस्य खमिव द्विजाः
3768	6051020a	यो हि शत्रुमवज्ञाय नात्मानमभिरक्षति
3769	6051020c	अवाप्नोति हि सोऽनर्थान्स्थानाच्च व्यवरोप्यते
3770	6051021a	तत्तु श्रुत्वा दशग्रीवः कुम्भकर्णस्य भाषितम्
3771	6051021c	भ्रुकुटिं चैव संचक्रे क्रुद्धश्चैनमुवाच ह
3772	6051022a	मान्यो गुरुरिवाचार्यः किं मां त्वमनुशासति
3773	6051022c	किमेवं वाक्श्रमं कृत्वा काले युक्तं विधीयताम्
3774	6051023a	विभ्रमाच्चित्तमोहाद्वा बलवीर्याश्रयेण वा
3775	6051023c	नाभिपन्नमिदानीं यद्व्यर्थास्तस्य पुनः कृथाः
3776	6051024a	अस्मिन्काले तु यद्युक्तं तदिदानीं विधीयताम्
3777	6051024c	ममापनयजं दोषं विक्रमेण समीकुरु
3778	6051025a	यदि खल्वस्ति मे स्नेहो भ्रातृत्वं वावगच्छसि
3779	6051025c	यदि वा कार्यमेतत्ते हृदि कार्यतमं मतम्
3780	6051026a	स सुहृद्यो विपन्नार्थं दीनमभ्यवपद्यते
3781	6051026c	स बन्धुर्योऽपनीतेषु साहाय्यायोपकल्पते
3782	6051027a	तमथैवं ब्रुवाणं तु वचनं धीरदारुणम्
3783	6051027c	रुष्टोऽयमिति विज्ञाय शनैः श्लक्ष्णमुवाच ह
3784	6051028a	अतीव हि समालक्ष्य भ्रातरं क्षुभितेन्द्रियम्
3785	6051028c	कुम्भकर्णः शनैर्वाक्यं बभाषे परिसान्त्वयन्
3786	6051029a	अलं राक्षसराजेन्द्र संतापमुपपद्य ते
3787	6051029c	रोषं च संपरित्यज्य स्वस्थो भवितुमर्हसि
3788	6051030a	नैतन्मनसि कर्तव्व्यं मयि जीवति पार्थिव
3789	6051030c	तमहं नाशयिष्यामि यत्कृते परितप्यसे
3790	6051031a	अवश्यं तु हितं वाच्यं सर्वावस्थं मया तव
3791	6051031c	बन्धुभावादभिहितं भ्रातृस्नेहाच्च पार्थिव
3792	6051032a	सदृशं यत्तु कालेऽस्मिन्कर्तुं स्निग्धेन बन्धुना
3793	6051032c	शत्रूणां कदनं पश्य क्रियमाणं मया रणे
3794	6051033a	अद्य पश्य महाबाहो मया समरमूर्धनि
3795	6051033c	हते रामे सह भ्रात्रा द्रवन्तीं हरिवाहिनीम्
3796	6051034a	अद्य रामस्य तद्दृष्ट्वा मयानीतं रणाच्छिरः
3797	6051034c	सुखीभव महाबाहो सीता भवतु दुःखिता
3798	6051035a	अद्य रामस्य पश्यन्तु निधनं सुमहत्प्रियम्
3799	6051035c	लङ्कायां राक्षसाः सर्वे ये ते निहतबान्धवाः
3800	6051036a	अद्य शोकपरीतानां स्वबन्धुवधकारणात्
3801	6051036c	शत्रोर्युधि विनाशेन करोम्यस्रप्रमार्जनम्
3802	6051037a	अद्य पर्वतसंकाशं ससूर्यमिव तोयदम्
3803	6051037c	विकीर्णं पश्य समरे सुग्रीवं प्लवगेश्वरम्
3804	6051038a	न परः प्रेषणीयस्ते युद्धायातुल विक्रम
3805	6051038c	अहमुत्सादयिष्यामि शत्रूंस्तव महाबल
3806	6051039a	यदि शक्रो यदि यमो यदि पावकमारुतौ
3807	6051039c	तानहं योधयिष्यामि कुबेर वरुणावपि
3808	6051040a	गिरिमात्रशरीरस्य शितशूलधरस्य मे
3809	6051040c	नर्दतस्तीक्ष्णदंष्ट्रस्य बिभीयाच्च पुरंदरः
3810	6051041a	अथ वा त्यक्तशस्त्रस्य मृद्गतस्तरसा रिपून्
3811	6051041c	न मे प्रतिमुखे कश्चिच्छक्तः स्थातुं जिजीविषुः
3812	6051042a	नैव शक्त्या न गदया नासिना न शितैः शरैः
3813	6051042c	हस्ताभ्यामेव संरब्धो हनिष्याम्यपि वज्रिणम्
3814	6051043a	यदि मे मुष्टिवेगं स राघवोऽद्य सहिष्यति
3815	6051043c	ततः पास्यन्ति बाणौघा रुधिरं राघवस्य ते
3816	6051044a	चिन्तया बाध्यसे राजन्किमर्थं मयि तिष्ठति
3817	6051044c	सोऽहं शत्रुविनाशाय तव निर्यातुमुद्यतः
3818	6051045a	मुञ्च रामाद्भयं राजन्हनिष्यामीह संयुगे
3819	6051045c	राघवं लक्ष्मणं चैव सुग्रीवं च महाबलम्
3820	6051045e	असाधारणमिच्छामि तव दातुं महद्यशः
3821	6051046a	वधेन ते दाशरथेः सुखावहं; सुखं समाहर्तुमहं व्रजामि
3822	6051046c	निहत्य रामं सहलक्ष्मणेन; खादामि सर्वान्हरियूथमुख्यान्
3823	6051047a	रमस्व कामं पिब चाग्र्यवारुणीं; कुरुष्व कृत्यानि विनीयतां ज्वरः
3824	6051047c	मयाद्य रामे गमिते यमक्षयं; चिराय सीता वशगा भविष्यति
3825	6052001a	तदुक्तमतिकायस्य बलिनो बाहुशालिनः
3826	6052001c	कुम्भकर्णस्य वचनं श्रुत्वोवाच महोदरः
3827	6052002a	कुम्भकर्णकुले जातो धृष्टः प्राकृतदर्शनः
3828	6052002c	अवलिप्तो न शक्नोषि कृत्यं सर्वत्र वेदितुम्
3829	6052003a	न हि राजा न जानीते कुम्भकर्ण नयानयौ
3830	6052003c	त्वं तु कैशोरकाद्धृष्टः केवलं वक्तुमिच्छसि
3831	6052004a	स्थानं वृद्धिं च हानिं च देशकालविभागवित्
3832	6052004c	आत्मनश्च परेषां च बुध्यते राक्षसर्षभ
3833	6052005a	यत्तु शक्यं बलवता कर्तुं प्राकृतबुद्धिना
3834	6052005c	अनुपासितवृद्धेन कः कुर्यात्तादृशं बुधः
3835	6052006a	यांस्तु धर्मार्थकामांस्त्वं ब्रवीषि पृथगाश्रयान्
3836	6052006c	अनुबोद्धुं स्वभावेन न हि लक्षणमस्ति ते
3837	6052007a	कर्म चैव हि सर्वेषां कारणानां प्रयोजनम्
3838	6052007c	श्रेयः पापीयसां चात्र फलं भवति कर्मणाम्
3839	6052008a	निःश्रेयस फलावेव धर्मार्थावितरावपि
3840	6052008c	अधर्मानर्थयोः प्राप्तिः फलं च प्रत्यवायिकम्
3841	6052009a	ऐहलौकिकपारत्र्यं कर्म पुम्भिर्निषेव्यते
3842	6052009c	कर्माण्यपि तु कल्प्यानि लभते काममास्थितः
3843	6052010a	तत्र कॢप्तमिदं राज्ञा हृदि कार्यं मतं च नः
3844	6052010c	शत्रौ हि साहसं यत्स्यात्किमिवात्रापनीयते
3845	6052011a	एकस्यैवाभियाने तु हेतुर्यः प्रकृतस्त्वया
3846	6052011c	तत्राप्यनुपपन्नं ते वक्ष्यामि यदसाधु च
3847	6052012a	येन पूर्वं जनस्थाने बहवोऽतिबला हताः
3848	6052012c	राक्षसा राघवं तं त्वं कथमेको जयिष्यसि
3849	6052013a	ये पुरा निर्जितास्तेन जनस्थाने महौजसः
3850	6052013c	राक्षसांस्तान्पुरे सर्वान्भीतानद्यापि पश्यसि
3851	6052014a	तं सिंहमिव संक्रुद्धं रामं दशरथात्मजम्
3852	6052014c	सर्पं सुप्तमिवाबुद्ध्या प्रबोधयितुमिच्छसि
3853	6052015a	ज्वलन्तं तेजसा नित्यं क्रोधेन च दुरासदम्
3854	6052015c	कस्तं मृत्युमिवासह्यमासादयितुमर्हति
3855	6052016a	संशयस्थमिदं सर्वं शत्रोः प्रतिसमासने
3856	6052016c	एकस्य गमनं तत्र न हि मे रोचते तव
3857	6052017a	हीनार्थस्तु समृद्धार्थं को रिपुं प्राकृतो यथा
3858	6052017c	निश्चितं जीवितत्यागे वशमानेतुमिच्छति
3859	6052018a	यस्य नास्ति मनुष्येषु सदृशो राक्षसोत्तम
3860	6052018c	कथमाशंससे योद्धुं तुल्येनेन्द्रविवस्वतोः
3861	6052019a	एवमुक्त्वा तु संरब्धं कुम्भकर्णं महोदरः
3862	6052019c	उवाच रक्षसां मध्ये रावणो लोकरावणम्
3863	6052020a	लब्ध्वा पुनस्तां वैदेहीं किमर्थं त्वं प्रजल्पसि
3864	6052020c	यदेच्छसि तदा सीता वशगा ते भविष्यति
3865	6052021a	दृष्टः कश्चिदुपायो मे सीतोपस्थानकारकः
3866	6052021c	रुचितश्चेत्स्वया बुद्ध्या राक्षसेश्वर तं शृणु
3867	6052022a	अहं द्विजिह्वः संह्रादी कुम्भकर्णो वितर्दनः
3868	6052022c	पञ्चरामवधायैते निर्यान्तीत्यवघोषय
3869	6052023a	ततो गत्वा वयं युद्धं दास्यामस्तस्य यत्नतः
3870	6052023c	जेष्यामो यदि ते शत्रून्नोपायैः कृत्यमस्ति नः
3871	6052024a	अथ जीवति नः शत्रुर्वयं च कृतसंयुगाः
3872	6052024c	ततः समभिपत्स्यामो मनसा यत्समीक्षितुम्
3873	6052025a	वयं युद्धादिहैष्यामो रुधिरेण समुक्षिताः
3874	6052025c	विदार्य स्वतनुं बाणै रामनामाङ्कितैः शितैः
3875	6052026a	भक्षितो राघवोऽस्माभिर्लक्ष्मणश्चेति वादिनः
3876	6052026c	तव पादौ ग्रहीष्यामस्त्वं नः काम प्रपूरय
3877	6052027a	ततोऽवघोषय पुरे गजस्कन्धेन पार्थिव
3878	6052027c	हतो रामः सह भ्रात्रा ससैन्य इति सर्वतः
3879	6052028a	प्रीतो नाम ततो भूत्वा भृत्यानां त्वमरिंदम
3880	6052028c	भोगांश्च परिवारांश्च कामांश्च वसुदापय
3881	6052029a	ततो माल्यानि वासांसि वीराणामनुलेपनम्
3882	6052029c	पेयं च बहु योधेभ्यः स्वयं च मुदितः पिब
3883	6052030a	ततोऽस्मिन्बहुलीभूते कौलीने सर्वतो गते
3884	6052030c	प्रविश्याश्वास्य चापि त्वं सीतां रहसि सान्त्वय
3885	6052030e	धनधान्यैश्च कामैश्च रत्नैश्चैनां प्रलोभय
3886	6052031a	अनयोपधया राजन्भयशोकानुबन्धया
3887	6052031c	अकामा त्वद्वशं सीता नष्टनाथा गमिष्यति
3888	6052032a	रञ्जनीयं हि भर्तारं विनष्टमवगम्य सा
3889	6052032c	नैराश्यात्स्त्रीलघुत्वाच्च त्वद्वशं प्रतिपत्स्यते
3890	6052033a	सा पुरा सुखसंवृद्धा सुखार्हा दुःखकर्षिता
3891	6052033c	त्वय्यधीनः सुखं ज्ञात्वा सर्वथोपगमिष्यति
3892	6052034a	एतत्सुनीतं मम दर्शनेन; रामं हि दृष्ट्वैव भवेदनर्थः
3893	6052034c	इहैव ते सेत्स्यति मोत्सुको भू;र्महानयुद्धेन सुखस्य लाभः
3894	6052035a	अनष्टसैन्यो ह्यनवाप्तसंशयो; रिपूनयुद्धेन जयञ्जनाधिप
3895	6052035c	यशश्च पुण्यं च महन्महीपते; श्रियं च कीर्तिं च चिरं समश्नुते
3896	6053001a	स तथोक्तस्तु निर्भर्त्स्य कुम्भकर्णो महोदरम्
3897	6053001c	अब्रवीद्राक्षसश्रेष्ठं भ्रातरं रावणं ततः
3898	6053002a	सोऽहं तव भयं घोरं वधात्तस्य दुरात्मनः
3899	6053002c	रामस्याद्य प्रमार्जामि निर्वैरस्त्वं सुखीभव
3900	6053003a	गर्जन्ति न वृथा शूर निर्जला इव तोयदाः
3901	6053003c	पश्य संपाद्यमानं तु गर्जितं युधि कर्मणा
3902	6053004a	न मर्षयति चात्मानं संभावयति नात्मना
3903	6053004c	अदर्शयित्वा शूरास्तु कर्म कुर्वन्ति दुष्करम्
3904	6053005a	विक्लवानामबुद्धीनां राज्ञां पण्डितमानिनाम्
3905	6053005c	शृण्वतामादित इदं त्वद्विधानां महोदर
3906	6053006a	युद्धे कापुरुषैर्नित्यं भवद्भिः प्रियवादिभिः
3907	6053006c	राजानमनुगच्छद्भिः कृत्यमेतद्विनाशितम्
3908	6053007a	राजशेषा कृता लङ्का क्षीणः कोशो बलं हतम्
3909	6053007c	राजानमिममासाद्य सुहृच्चिह्नममित्रकम्
3910	6053008a	एष निर्याम्यहं युद्धमुद्यतः शत्रुनिर्जये
3911	6053008c	दुर्नयं भवतामद्य समीकर्तुं महाहवे
3912	6053009a	एवमुक्तवतो वाक्यं कुम्भकर्णस्य धीमतः
3913	6053009c	प्रत्युवाच ततो वाक्यं प्रहसन्राक्षसाधिपः
3914	6053010a	महोदरोऽयं रामात्तु परित्रस्तो न संशयः
3915	6053010c	न हि रोचयते तात युद्धं युद्धविशारद
3916	6053011a	कश्चिन्मे त्वत्समो नास्ति सौहृदेन बलेन च
3917	6053011c	गच्छ शत्रुवधाय त्वं कुम्भकर्णजयाय च
3918	6053012a	आददे निशितं शूलं वेगाच्छत्रुनिबर्हणः
3919	6053012c	सर्वकालायसं दीप्तं तप्तकाञ्चनभूषणम्
3920	6053013a	इन्द्राशनिसमं भीमं वज्रप्रतिमगौरवम्
3921	6053013c	देवदानवगन्धर्वयक्षकिंनरसूदनम्
3922	6053014a	रक्तमाल्य महादाम स्वतश्चोद्गतपावकम्
3923	6053014c	आदाय निशितं शूलं शत्रुशोणितरञ्जितम्
3924	6053014e	कुम्भकर्णो महातेजा रावणं वाक्यमब्रवीत्
3925	6053015a	गमिष्याम्यहमेकाकी तिष्ठत्विह बलं महत्
3926	6053015c	अद्य तान्क्षुधितः क्रुद्धो भक्षयिष्यामि वानरान्
3927	6053016a	कुम्भकर्णवचः श्रुत्वा रावणो वाक्यमब्रवीत्
3928	6053016c	सैन्यैः परिवृतो गच्छ शूलमुद्गलपाणिभिः
3929	6053017a	वानरा हि महात्मानः शीघ्राश्च व्यवसायिनः
3930	6053017c	एकाकिनं प्रमत्तं वा नयेयुर्दशनैः क्षयम्
3931	6053018a	तस्मात्परमदुर्धर्षैः सैन्यैः परिवृतो व्रज
3932	6053018c	रक्षसामहितं सर्वं शत्रुपक्षं निसूदय
3933	6053019a	अथासनात्समुत्पत्य स्रजं मणिकृतान्तराम्
3934	6053019c	आबबन्ध महातेजाः कुम्भकर्णस्य रावणः
3935	6053020a	अङ्गदानङ्गुलीवेष्टान्वराण्याभरणानि च
3936	6053020c	हारं च शशिसंकाशमाबबन्ध महात्मनः
3937	6053021a	दिव्यानि च सुगन्धीनि माल्यदामानि रावणः
3938	6053021c	श्रोत्रे चासज्जयामास श्रीमती चास्य कुण्डले
3939	6053022a	काञ्चनाङ्गदकेयूरो निष्काभरणभूषितः
3940	6053022c	कुम्भकर्णो बृहत्कर्णः सुहुतोऽग्निरिवाबभौ
3941	6053023a	श्रोणीसूत्रेण महता मेचकेन विराजितः
3942	6053023c	अमृतोत्पादने नद्धो भुजंगेनेव मन्दरः
3943	6053024a	स काञ्चनं भारसहं निवातं; विद्युत्प्रभं दीप्तमिवात्मभासा
3944	6053024c	आबध्यमानः कवचं रराज; संध्याभ्रसंवीत इवाद्रिराजः
3945	6053025a	सर्वाभरणनद्धाङ्गः शूलपाणिः स राक्षसः
3946	6053025c	त्रिविक्रमकृतोत्साहो नारायण इवाबभौ
3947	6053026a	भ्रातरं संपरिष्वज्य कृत्वा चापि प्रदक्षिणम्
3948	6053026c	प्रणम्य शिरसा तस्मै संप्रतस्थे महाबलिः
3949	6053026e	तमाशीर्भिः प्रशस्ताभिः प्रेषयामास रावणः
3950	6053027a	शङ्खदुन्दुभिनिर्घोषैः सैन्यैश्चापि वरायुधैः
3951	6053027c	तं गजैश्च तुरंगैश्च स्यन्दनैश्चाम्बुदस्वनैः
3952	6053027e	अनुजग्मुर्महात्मानं रथिनो रथिनां वरम्
3953	6053028a	सर्पैरुष्ट्रैः खरैरश्वैः सिंहद्विपमृगद्विजैः
3954	6053028c	अनुजग्मुश्च तं घोरं कुम्भकर्णं महाबलम्
3955	6053029a	स पुष्पवर्णैरवकीर्यमाणो; धृतातपत्रः शितशूलपाणिः
3956	6053029c	मदोत्कटः शोणितगन्धमत्तो; विनिर्ययौ दानवदेवशत्रुः
3957	6053030a	पदातयश बहवो महानादा महाबलाः
3958	6053030c	अन्वयू राक्षसा भीमा भीमाक्षाः शस्त्रपाणयः
3959	6053031a	रक्ताक्षाः सुमहाकाया नीलाञ्जनचयोपमाः
3960	6053031c	शूरानुद्यम्य खड्गांश्च निशितांश्च परश्वधान्
3961	6053032a	बहुव्यामांश्च विपुलान्क्षेपणीयान्दुरासदान्
3962	6053032c	तालस्कन्धांश्च विपुलान्क्षेपणीयान्दुरासदान्
3963	6053033a	अथान्यद्वपुरादाय दारुणं लोमहर्षणम्
3964	6053033c	निष्पपात महातेजाः कुम्भकर्णो महाबलः
3965	6053034a	धनुःशतपरीणाहः स षट्शतसमुच्छितः
3966	6053034c	रौद्रः शकटचक्राक्षो महापर्वतसंनिभः
3967	6053035a	संनिपत्य च रक्षांसि दग्धशैलोपमो महान्
3968	6053035c	कुम्भकर्णो महावक्त्रः प्रहसन्निदमब्रवीत्
3969	6053036a	अद्य वानरमुख्यानां तानि यूथानि भागशः
3970	6053036c	निर्दहिष्यामि संक्रुद्धः शलभानिव पावकः
3971	6053037a	नापराध्यन्ति मे कामं वानरा वनचारिणः
3972	6053037c	जातिरस्मद्विधानां सा पुरोद्यानविभूषणम्
3973	6053038a	पुररोधस्य मूलं तु राघवः सहलक्ष्मणः
3974	6053038c	हते तस्मिन्हतं सर्वं तं वधिष्यामि संयुगे
3975	6053039a	एवं तस्य ब्रुवाणस्य कुम्भकर्णस्य राक्षसाः
3976	6053039c	नादं चक्रुर्महाघोरं कम्पयन्त इवार्णवम्
3977	6053040a	तस्य निष्पततस्तूर्णं कुम्भकर्णस्य धीमतः
3978	6053040c	बभूवुर्घोररूपाणि निमित्तानि समन्ततः
3979	6053041a	उल्काशनियुता मेघा विनेदुश्च सुदारुणाः
3980	6053041c	ससागरवना चैव वसुधा समकम्पत
3981	6053042a	घोररूपाः शिवा नेदुः सज्वालकवलैर्मुखैः
3982	6053042c	मण्डलान्यपसव्यानि बबन्धुश्च विहंगमाः
3983	6053043a	निष्पपात च गृध्रेऽस्य शूले वै पथि गच्छतः
3984	6053043c	प्रास्फुरन्नयनं चास्य सव्यो बाहुरकम्पत
3985	6053044a	निष्पपात तदा चोक्ला ज्वलन्ती भीमनिस्वना
3986	6053044c	आदित्यो निष्प्रभश्चासीन्न प्रवाति सुखोऽनिलः
3987	6053045a	अचिन्तयन्महोत्पातानुत्थिताँल्लोमहर्षणान्
3988	6053045c	निर्ययौ कुम्भकर्णस्तु कृतान्तबलचोदितः
3989	6053046a	स लङ्घयित्वा प्राकारं पद्भ्यां पर्वतसंनिभः
3990	6053046c	ददर्शाभ्रघनप्रख्यं वानरानीकमद्भुतम्
3991	6053047a	ते दृष्ट्वा राक्षसश्रेष्ठं वानराः पर्वतोपमम्
3992	6053047c	वायुनुन्ना इव घना ययुः सर्वा दिशस्तदा
3993	6053048a	तद्वानरानीकमतिप्रचण्डं; दिशो द्रवद्भिन्नमिवाभ्रजालम्
3994	6053048c	स कुम्भकर्णः समवेक्ष्य हर्षा;न्ननाद भूयो घनवद्घनाभः
3995	6053049a	ते तस्य घोरं निनदं निशम्य; यथा निनादं दिवि वारिदस्य
3996	6053049c	पेतुर्धरण्यां बहवः प्लवंगा; निकृत्तमूला इव सालवृक्षाः
3997	6053050a	विपुलपरिघवान्स कुम्भकर्णो; रिपुनिधनाय विनिःसृतो महात्मा
3998	6053050c	कपि गणभयमाददत्सुभीमं; प्रभुरिव किंकरदण्डवान्युगान्ते
3999	6054001a	स ननाद महानादं समुद्रमभिनादयन्
4000	6054001c	जनयन्निव निर्घातान्विधमन्निव पर्वतान्
4001	6054002a	तमवध्यं मघवता यमेन वरुणेन च
4002	6054002c	प्रेक्ष्य भीमाक्षमायान्तं वानरा विप्रदुद्रुवुः
4003	6054003a	तांस्तु विद्रवतो दृष्ट्वा वालिपुत्रोऽङ्गदोऽब्रवीत्
4004	6054003c	नलं नीलं गवाक्षं च कुमुदं च महाबलम्
4005	6054004a	आत्मानमत्र विस्मृत्य वीर्याण्यभिजनानि च
4006	6054004c	क्व गच्छत भयत्रस्ताः प्राकृता हरयो यथा
4007	6054005a	साधु सौम्या निवर्तध्वं किं प्राणान्परिरक्षथ
4008	6054005c	नालं युद्धाय वै रक्षो महतीयं विभीषिकाः
4009	6054006a	महतीमुत्थितामेनां राक्षसानां विभीषिकाम्
4010	6054006c	विक्रमाद्विधमिष्यामो निवर्तध्वं प्लवंगमाः
4011	6054007a	कृच्छ्रेण तु समाश्वास्य संगम्य च ततस्ततः
4012	6054007c	वृक्षाद्रिहस्ता हरयः संप्रतस्थू रणाजिरम्
4013	6054008a	ते निवृत्य तु संक्रुद्धाः कुम्भकर्णं वनौकसः
4014	6054008c	निजघ्नुः परमक्रुद्धाः समदा इव कुञ्जराः
4015	6054008e	प्रांशुभिर्गिरिशृङ्गैश्च शिलाभिश्च महाबलाः
4016	6054009a	पादपैः पुष्पिताग्रैश्च हन्यमानो न कम्पते
4017	6054009c	तस्य गात्रेषु पतिता भिद्यन्ते शतशः शिलाः
4018	6054009e	पादपाः पुष्पिताग्राश्च भग्नाः पेतुर्महीतले
4019	6054010a	सोऽपि सैन्यानि संक्रुद्धो वानराणां महौजसाम्
4020	6054010c	ममन्थ परमायत्तो वनान्यग्निरिवोत्थितः
4021	6054011a	लोहितार्द्रास्तु बहवः शेरते वानरर्षभाः
4022	6054011c	निरस्ताः पतिता भूमौ ताम्रपुष्पा इव द्रुमाः
4023	6054012a	लङ्घयन्तः प्रधावन्तो वानरा नावलोकयन्
4024	6054012c	केचित्समुद्रे पतिताः केचिद्गगनमाश्रिताः
4025	6054013a	वध्यमानास्तु ते वीरा राक्षसेन बलीयसा
4026	6054013c	सागरं येन ते तीर्णाः पथा तेनैव दुद्रुवुः
4027	6054014a	ते स्थलानि तथा निम्नं विषण्णवदना भयात्
4028	6054014c	ऋक्षा वृक्षान्समारूढाः केचित्पर्वतमाश्रिताः
4029	6054015a	ममज्जुरर्णवे केचिद्गुहाः केचित्समाश्रिताः
4030	6054015c	निषेदुः प्लवगाः केचित्केचिन्नैवावतस्थिरे
4031	6054016a	तान्समीक्ष्याङ्गदो भङ्गान्वानरानिदमब्रवीत्
4032	6054016c	अवतिष्ठत युध्यामो निवर्तध्वं प्लवंगमाः
4033	6054017a	भग्नानां वो न पश्यामि परिगम्य महीमिमाम्
4034	6054017c	स्थानं सर्वे निवर्तध्वं किं प्राणान्परिरक्षथ
4035	6054018a	निरायुधानां द्रवतामसंगगतिपौरुषाः
4036	6054018c	दारा ह्यपहसिष्यन्ति स वै घातस्तु जीविताम्
4037	6054019a	कुलेषु जाताः सर्वे स्म विस्तीर्णेषु महत्सु च
4038	6054019c	अनार्याः खलु यद्भीतास्त्यक्त्वा वीर्यं प्रधावत
4039	6054020a	विकत्थनानि वो यानि यदा वै जनसंसदि
4040	6054020c	तानि वः क्व च यतानि सोदग्राणि महान्ति च
4041	6054021a	भीरुप्रवादाः श्रूयन्ते यस्तु जीवति धिक्कृतः
4042	6054021c	मार्गः सत्पुरुषैर्जुष्टः सेव्यतां त्यज्यतां भयम्
4043	6054022a	शयामहे वा निहताः पृथिव्यामल्पजीविताः
4044	6054022c	दुष्प्रापं ब्रह्मलोकं वा प्राप्नुमो युधि सूदिताः
4045	6054022e	संप्राप्नुयामः कीर्तिं वा निहत्य शत्रुमाहवे
4046	6054023a	न कुम्भकर्णः काकुत्स्थं दृष्ट्वा जीवन्गमिष्यति
4047	6054023c	दीप्यमानमिवासाद्य पतंगो ज्वलनं यथा
4048	6054024a	पलायनेन चोद्दिष्टाः प्राणान्रक्षामहे वयम्
4049	6054024c	एकेन बहवो भग्ना यशो नाशं गमिष्यति
4050	6054025a	एवं ब्रुवाणं तं शूरमङ्गदं कनकाङ्गदम्
4051	6054025c	द्रवमाणास्ततो वाक्यमूचुः शूरविगर्हितम्
4052	6054026a	कृतं नः कदनं घोरं कुम्भकर्णेन रक्षसा
4053	6054026c	न स्थानकालो गच्छामो दयितं जीवितं हि नः
4054	6054027a	एतावदुक्त्वा वचनं सर्वे ते भेजिरे दिशः
4055	6054027c	भीमं भीमाक्षमायान्तं दृष्ट्वा वानरयूथपाः
4056	6054028a	द्रवमाणास्तु ते वीरा अङ्गदेन वलीमुखाः
4057	6054028c	सान्त्वैश्च बहुमानैश्च ततः सर्वे निवर्तिताः
4058	6054029a	ऋषभशरभमैन्दधूम्रनीलाः; कुमुदसुषेणगवाक्षरम्भताराः
4059	6054029c	द्विविदपनसवायुपुत्रमुख्या;स्त्वरिततराभिमुखं रणं प्रयाताः
4060	6055001a	ते निवृत्ता महाकायाः श्रुत्वाङ्गदवचस्तदा
4061	6055001c	नैष्ठिकीं बुद्धिमास्थाय सर्वे संग्रामकाङ्क्षिणः
4062	6055002a	समुदीरितवीर्यास्ते समारोपितविक्रमाः
4063	6055002c	पर्यवस्थापिता वाक्यैरङ्गदेन वलीमुखाः
4064	6055003a	प्रयाताश्च गता हर्षं मरणे कृतनिश्चयाः
4065	6055003c	चक्रुः सुतुमुलं युद्धं वानरास्त्यक्तजीविताः
4066	6055004a	अथ वृक्षान्महाकायाः सानूनि सुमहान्ति च
4067	6055004c	वानरास्तूर्णमुद्यम्य कुम्भकर्णमभिद्रवन्
4068	6055005a	स कुम्भकर्णः संक्रुद्धो गदामुद्यम्य वीर्यवान्
4069	6055005c	अर्दयन्सुमहाकायः समन्ताद्व्याक्षिपद्रिपून्
4070	6055006a	शतानि सप्त चाष्टौ च सहस्राणि च वानराः
4071	6055006c	प्रकीर्णाः शेरते भूमौ कुम्भकर्णेन पोथिताः
4072	6055007a	षोडशाष्टौ च दश च विंशत्त्रिंशत्तथैव च
4073	6055007c	परिक्षिप्य च बाहुभ्यां खादन्विपरिधावति
4074	6055007e	भक्षयन्भृशसंक्रुद्धो गरुडः पन्नगानिव
4075	6055008a	हनूमाञ्शैलशृङ्गाणि वृक्षांश्च विविधान्बहून्
4076	6055008c	ववर्ष कुम्भकर्णस्य शिरस्यम्बरमास्थितः
4077	6055009a	तानि पर्वतशृङ्गाणि शूलेन तु बिभेद ह
4078	6055009c	बभञ्ज वृक्षवर्षं च कुम्भकर्णो महाबलः
4079	6055010a	ततो हरीणां तदनीकमुग्रं; दुद्राव शूलं निशितं प्रगृह्य
4080	6055010c	तस्थौ ततोऽस्यापततः पुरस्ता;न्महीधराग्रं हनुमान्प्रगृह्य
4081	6055011a	स कुम्भकर्णं कुपितो जघान; वेगेन शैलोत्तमभीमकायम्
4082	6055011c	स चुक्षुभे तेन तदाभिबूतो; मेदार्द्रगात्रो रुधिरावसिक्तः
4083	6055012a	स शूलमाविध्य तडित्प्रकाशं; गिरिं यथा प्रज्वलिताग्रशृङ्गम्
4084	6055012c	बाह्वन्तरे मारुतिमाजघान; गुहोऽचलं क्रौञ्चमिवोग्रशक्त्या
4085	6055013a	स शूलनिर्भिन्न महाभुजान्तरः; प्रविह्वलः शोणितमुद्वमन्मुखात्
4086	6055013c	ननाद भीमं हनुमान्महाहवे; युगान्तमेघस्तनितस्वनोपमम्
4087	6055014a	ततो विनेदुः सहसा प्रहृष्टा; रक्षोगणास्तं व्यथितं समीक्ष्य
4088	6055014c	प्लवंगमास्तु व्यथिता भयार्ताः; प्रदुद्रुवुः संयति कुम्भकर्णात्
4089	6055015a	नीलश्चिक्षेप शैलाग्रं कुम्भकर्णाय धीमते
4090	6055015c	तमापतन्तं संप्रेक्ष्य मुष्टिनाभिजघान ह
4091	6055016a	मुष्टिप्रहाराभिहतं तच्छैलाग्रं व्यशीर्यत
4092	6055016c	सविस्फुलिङ्गं सज्वालं निपपात महीतले
4093	6055017a	ऋषभः शरभो नीलो गवाक्षो गन्धमादनः
4094	6055017c	पञ्चवानरशार्दूलाः कुम्भकर्णमुपाद्रवन्
4095	6055018a	शैलैर्वृक्षैस्तलैः पादैर्मुष्टिभिश्च महाबलाः
4096	6055018c	कुम्भकर्णं महाकायं सर्वतोऽभिनिजघ्निरे
4097	6055019a	स्पर्शानिव प्रहारांस्तान्वेदयानो न विव्यथे
4098	6055019c	ऋषभं तु महावेगं बाहुभ्यां परिषस्वजे
4099	6055020a	कुम्भकर्णभुजाभ्यां तु पीडितो वानरर्षभः
4100	6055020c	निपपातर्षभो भीमः प्रमुखागतशोणितः
4101	6055021a	मुष्टिना शरभं हत्वा जानुना नीलमाहवे
4102	6055021c	आजघान गवाक्षं च तलेनेन्द्ररिपुस्तदा
4103	6055022a	दत्तप्रहरव्यथिता मुमुहुः शोणितोक्षिताः
4104	6055022c	निपेतुस्ते तु मेदिन्यां निकृत्ता इव किंशुकाः
4105	6055023a	तेषु वानरमुख्येषु पतितेषु महात्मसु
4106	6055023c	वानराणां सहस्राणि कुम्भकर्णं प्रदुद्रुवुः
4107	6055024a	तं शैलमिव शैलाभाः सर्वे तु प्लवगर्षभाः
4108	6055024c	समारुह्य समुत्पत्य ददंशुश्च महाबलाः
4109	6055025a	तं नखैर्दशनैश्चापि मुष्टिभिर्जानुभिस्तथा
4110	6055025c	कुम्भकर्णं महाकायं ते जघ्नुः प्लवगर्षभाः
4111	6055026a	स वानरसहस्रैस्तैराचितः पर्वतोपमः
4112	6055026c	रराज राक्षसव्याघ्रो गिरिरात्मरुहैरिव
4113	6055027a	बाहुभ्यां वानरान्सर्वान्प्रगृह्य स महाबलः
4114	6055027c	भक्षयामास संक्रुद्धो गरुडः पन्नगानिव
4115	6055028a	प्रक्षिप्ताः कुम्भकर्णेन वक्त्रे पातालसंनिभे
4116	6055028c	नासा पुटाभ्यां निर्जग्मुः कर्णाभ्यां चैव वानराः
4117	6055029a	भक्षयन्भृशसंक्रुद्धो हरीन्पर्वतसंनिभः
4118	6055029c	बभञ्ज वानरान्सर्वान्संक्रुद्धो राक्षसोत्तमः
4119	6055030a	मांसशोणितसंक्लेदां भूमिं कुर्वन्स राक्षसः
4120	6055030c	चचार हरिसैन्येषु कालाग्निरिव मूर्छितः
4121	6055031a	वज्रहस्तो यथा शक्रः पाशहस्त इवान्तकः
4122	6055031c	शूलहस्तो बभौ तस्मिन्कुम्भकर्णो महाबलः
4123	6055032a	यथा शुष्काण्यरण्यानि ग्रीष्मे दहति पावकः
4124	6055032c	तथा वानरसैन्यानि कुम्भकर्णो विनिर्दहत्
4125	6055033a	ततस्ते वध्यमानास्तु हतयूथा विनायकाः
4126	6055033c	वानरा भयसंविग्ना विनेदुर्विस्वरं भृशम्
4127	6055034a	अनेकशो वध्यमानाः कुम्भकर्णेन वानराः
4128	6055034c	राघवं शरणं जग्मुर्व्यथिताः खिन्नचेतसः
4129	6055035a	तमापतन्तं संप्रेक्ष्य कुम्भकर्णं महाबलम्
4130	6055035c	उत्पपात तदा वीरः सुग्रीवो वानराधिपः
4131	6055036a	स पर्वताग्रमुत्क्षिप्य समाविध्य महाकपिः
4132	6055036c	अभिदुद्राव वेगेन कुम्भकर्णं महाबलम्
4133	6055037a	तमापतन्तं संप्रेक्ष्य कुम्भकर्णः प्लवंगमम्
4134	6055037c	तस्थौ विवृतसर्वाङ्गो वानरेन्द्रस्य संमुखः
4135	6055038a	कपिशोणितदिग्धाङ्गं भक्षयन्तं महाकपीन्
4136	6055038c	कुम्भकर्णं स्थितं दृष्ट्वा सुग्रीवो वाक्यमब्रवीत्
4137	6055039a	पातिताश्च त्वया वीराः कृतं कर्म सुदुष्करम्
4138	6055039c	भक्षितानि च सैन्यानि प्राप्तं ते परमं यशः
4139	6055040a	त्यज तद्वानरानीकं प्राकृतैः किं करिष्यसि
4140	6055040c	सहस्वैकं निपातं मे पर्वतस्यास्य राक्षस
4141	6055041a	तद्वाक्यं हरिराजस्य सत्त्वधैर्यसमन्वितम्
4142	6055041c	श्रुत्वा राक्षसशार्दूलः कुम्भकर्णोऽब्रवीद्वचः
4143	6055042a	प्रजापतेस्तु पौत्रस्त्वं तथैवर्क्षरजःसुतः
4144	6055042c	श्रुतपौरुषसंपन्नस्तस्माद्गर्जसि वानर
4145	6055043a	स कुम्भकर्णस्य वचो निशम्य; व्याविध्य शैलं सहसा मुमोच
4146	6055043c	तेनाजघानोरसि कुम्भकर्णं; शैलेन वज्राशनिसंनिभेन
4147	6055044a	तच्छैलशृङ्गं सहसा विकीर्णं; भुजान्तरे तस्य तदा विशाले
4148	6055044c	ततो विषेदुः सहसा प्लवंगमा; रक्षोगणाश्चापि मुदा विनेदुः
4149	6055045a	स शैलशृङ्गाभिहतश्चुकोप; ननाद कोपाच्च विवृत्य वक्त्रम्
4150	6055045c	व्याविध्य शूलं च तडित्प्रकाशं; चिक्षेप हर्यृक्षपतेर्वधाय
4151	6055046a	तत्कुम्भकर्णस्य भुजप्रविद्धं; शूलं शितं काञ्चनदामजुष्टम्
4152	6055046c	क्षिप्रं समुत्पत्य निगृह्य दोर्भ्यां; बभञ्ज वेगेन सुतोऽनिलस्य
4153	6055047a	कृतं भारसहस्रस्य शूलं कालायसं महत्
4154	6055047c	बभञ्ज जनौमारोप्य प्रहृष्टः प्लवगर्षभः
4155	6055048a	स तत्तदा भग्नमवेक्ष्य शूलं; चुकोप रक्षोऽधिपतिर्महात्मा
4156	6055048c	उत्पाट्य लङ्कामलयात्स शृङ्गं; जघान सुग्रीवमुपेत्य तेन
4157	6055049a	स शैलशृङ्गाभिहतो विसंज्ञः; पपात भूमौ युधि वानरेन्द्रः
4158	6055049c	तं प्रेक्ष्य भूमौ पतितं विसंज्ञं; नेदुः प्रहृष्टा युधि यातुधानाः
4159	6055050a	तमभ्युपेत्याद्भुतघोरवीर्यं; स कुम्भकर्णो युधि वानरेन्द्रम्
4160	6055050c	जहार सुग्रीवमभिप्रगृह्य; यथानिलो मेघमतिप्रचण्डः
4161	6055051a	स तं महामेघनिकाशरूप;मुत्पाट्य गच्छन्युधि कुम्भकर्णः
4162	6055051c	रराज मेरुप्रतिमानरूपो; मेरुर्यथात्युच्छ्रितघोरशृङ्गः
4163	6055052a	ततः समुत्पाट्य जगाम वीरः; संस्तूयमानो युधि राक्षसेन्द्रैः
4164	6055052c	शृण्वन्निनादं त्रिदशालयानां; प्लवंगराजग्रहविस्मितानाम्
4165	6055053a	ततस्तमादाय तदा स मेने; हरीन्द्रमिन्द्रोपममिन्द्रवीर्यः
4166	6055053c	अस्मिन्हृते सर्वमिदं हृतं स्या;त्सराघवं सैन्यमितीन्द्रशत्रुः
4167	6055054a	विद्रुतां वाहिनीं दृष्ट्वा वानराणां ततस्ततः
4168	6055054c	कुम्भकर्णेन सुग्रीवं गृहीतं चापि वानरम्
4169	6055055a	हनूमांश्चिन्तयामास मतिमान्मारुतात्मजः
4170	6055055c	एवं गृहीते सुग्रीवे किं कर्तव्यं मया भवेत्
4171	6055056a	यद्वै न्याय्यं मया कर्तुं तत्करिष्यामि सर्वथा
4172	6055056c	भूत्वा पर्वतसंकाशो नाशयिष्यामि राक्षसं
4173	6055057a	मया हते संयति कुम्भकर्णे; महाबले मुष्टिविशीर्णदेहे
4174	6055057c	विमोचिते वानरपार्थिवे च; भवन्तु हृष्टाः प्रवगाः समग्राः
4175	6055058a	अथ वा स्वयमप्येष मोक्षं प्राप्स्यति पार्थिवः
4176	6055058c	गृहीतोऽयं यदि भवेत्त्रिदशैः सासुरोरगैः
4177	6055059a	मन्ये न तावदात्मानं बुध्यते वानराधिपः
4178	6055059c	शैलप्रहाराभिहतः कुम्भकर्णेन संयुगे
4179	6055060a	अयं मुहूर्तात्सुग्रीवो लब्धसंज्ञो महाहवे
4180	6055060c	आत्मनो वानराणां च यत्पथ्यं तत्करिष्यति
4181	6055061a	मया तु मोक्षितस्यास्य सुग्रीवस्य महात्मनः
4182	6055061c	अप्रीतश्च भवेत्कष्टा कीर्तिनाशश्च शाश्वतः
4183	6055062a	तस्मान्मुहूर्तं काङ्क्षिष्ये विक्रमं पार्थिवस्य नः
4184	6055062c	भिन्नं च वानरानीकं तावदाश्वासयाम्यहम्
4185	6055063a	इत्येवं चिन्तयित्वा तु हनूमान्मारुतात्मजः
4186	6055063c	भूयः संस्तम्भयामास वानराणां महाचमूम्
4187	6055064a	स कुम्भकर्णोऽथ विवेश लङ्कां; स्फुरन्तमादाय महाहरिं तम्
4188	6055064c	विमानचर्यागृहगोपुरस्थैः; पुष्पाग्र्यवर्षैरवकीर्यमाणः
4189	6055065a	ततः स संज्ञामुपलभ्य कृच्छ्रा;द्बलीयसस्तस्य भुजान्तरस्थः
4190	6055065c	अवेक्षमाणः पुरराजमार्गं; विचिन्तयामास मुहुर्महात्मा
4191	6055066a	एवं गृहीतेन कथं नु नाम; शक्यं मया संप्रति कर्तुमद्य
4192	6055066c	तथा करिष्यामि यथा हरीणां; भविष्यतीष्टं च हितं च कार्यम्
4193	6055067a	ततः कराग्रैः सहसा समेत्य; राजा हरीणाममरेन्द्रशत्रोः
4194	6055067c	नखैश्च कर्णौ दशनैश्च नासां; ददंश पार्श्वेषु च कुम्भकर्णम्
4195	6055068a	स कुम्भकर्णौ हृतकर्णनासो; विदारितस्तेन विमर्दितश्च
4196	6055068c	रोषाभिभूतः क्षतजार्द्रगात्रः; सुग्रीवमाविध्य पिपेष भूमौ
4197	6055069a	स भूतले भीमबलाभिपिष्टः; सुरारिभिस्तैरभिहन्यमानः
4198	6055069c	जगाम खं वेगवदभ्युपेत्य; पुनश्च रामेण समाजगाम
4199	6055070a	कर्णनासा विहीनस्य कुम्भकर्णो महाबलः
4200	6055070c	रराज शोणितोत्सिक्तो गिरिः प्रस्रवणैरिव
4201	6055071a	ततः स पुर्याः सहसा महात्मा; निष्क्रम्य तद्वानरसैन्यमुग्रम्
4202	6055071c	बभक्ष रक्षो युधि कुम्भकर्णः; प्रजा युगान्ताग्निरिव प्रदीप्तः
4203	6055072a	बुभुक्षितः शोणितमांसगृध्नुः; प्रविश्य तद्वानरसैन्यमुग्रम्
4204	6055072c	चखाद रक्षांसि हरीन्पिशाचा;नृक्षांश्च मोहाद्युधि कुम्भकर्णः
4205	6055073a	एकं द्वौ त्रीन्बहून्क्रुद्धो वानरान्सह राक्षसैः
4206	6055073c	समादायैकहस्तेन प्रचिक्षेप त्वरन्मुखे
4207	6055074a	संप्रस्रवंस्तदा मेदः शोणितं च महाबलः
4208	6055074c	वध्यमानो नगेन्द्राग्रैर्भक्षयामास वानरान्
4209	6055074e	ते भक्ष्यमाणा हरयो रामं जग्मुस्तदा गतिम्
4210	6055075a	तस्मिन्काले सुमित्रायाः पुत्रः परबलार्दनः
4211	6055075c	चकार लक्ष्मणः क्रुद्धो युद्धं परपुरंजयः
4212	6055076a	स कुम्भकर्णस्य शराञ्शरीरे सप्त वीर्यवान्
4213	6055076c	निचखानाददे चान्यान्विससर्ज च लक्ष्मणः
4214	6055077a	अतिक्रम्य च सौमित्रिं कुम्भकर्णो महाबलः
4215	6055077c	राममेवाभिदुद्राव दारयन्निव मेदिनीम्
4216	6055078a	अथ दाशरथी रामो रौद्रमस्त्रं प्रयोजयन्
4217	6055078c	कुम्भकर्णस्य हृदये ससर्ज निशिताञ्शरान्
4218	6055079a	तस्य रामेण विद्धस्य सहसाभिप्रधावतः
4219	6055079c	अङ्गारमिश्राः क्रुद्धस्य मुखान्निश्चेरुरर्चिषः
4220	6055080a	तस्योरसि निमग्नाश्च शरा बर्हिणवाससः
4221	6055080c	हस्ताच्चास्य परिभ्रष्टा पपातोर्व्यां महागदा
4222	6055081a	स निरायुधमात्मानं यदा मेने महाबलः
4223	6055081c	मुष्टिभ्यां चारणाभ्यां च चकार कदनं महत्
4224	6055082a	स बाणैरतिविद्धाङ्गः क्षतजेन समुक्षितः
4225	6055082c	रुधिरं परिसुस्राव गिरिः प्रस्रवणानिव
4226	6055083a	स तीव्रेण च कोपेन रुधिरेण च मूर्छितः
4227	6055083c	वानरान्राक्षसानृक्षान्खादन्विपरिधावति
4228	6055084a	तस्मिन्काले स धर्मात्मा लक्ष्मणो राममब्रवीत्
4229	6055084c	कुम्भकर्णवधे युक्तो योगान्परिमृशन्बहून्
4230	6055085a	नैवायं वानरान्राजन्न विजानाति राक्षसान्
4231	6055085c	मत्तः शोणितगन्धेन स्वान्परांश्चैव खादति
4232	6055086a	साध्वेनमधिरोहन्तु सर्वतो वानरर्षभाः
4233	6055086c	यूथपाश्च यथामुख्यास्तिष्ठन्त्वस्य समन्ततः
4234	6055087a	अप्ययं दुर्मतिः काले गुरुभारप्रपीडितः
4235	6055087c	प्रपतन्राक्षसो भूमौ नान्यान्हन्यात्प्लवंगमान्
4236	6055088a	तस्य तद्वचनं श्रुत्वा राजपुत्रस्य धीमतः
4237	6055088c	ते समारुरुहुर्हृष्टाः कुम्भकर्णं प्लवंगमाः
4238	6055089a	कुम्भकर्णस्तु संक्रुद्धः समारूढः प्लवंगमैः
4239	6055089c	व्यधूनयत्तान्वेगेन दुष्टहस्तीव हस्तिपान्
4240	6055090a	तान्दृष्ट्वा निर्धूतान्रामो रुष्टोऽयमिति राक्षसः
4241	6055090c	समुत्पपात वेगेन धनुरुत्तममाददे
4242	6055091a	स चापमादाय भुजंगकल्पं; दृढज्यमुग्रं तपनीयचित्रम्
4243	6055091c	हरीन्समाश्वास्य समुत्पपात; रामो निबद्धोत्तमतूणबाणः
4244	6055092a	स वानरगणैस्तैस्तु वृतः परमदुर्जयः
4245	6055092c	लक्ष्मणानुचरो रामः संप्रतस्थे महाबलः
4246	6055093a	स ददर्श महात्मानं किरीटिनमरिंदमम्
4247	6055093c	शोणिताप्लुतसर्वाङ्गं कुम्भकर्णं महाबलम्
4248	6055094a	सर्वान्समभिधावन्तं यथारुष्टं दिशा गजम्
4249	6055094c	मार्गमाणं हरीन्क्रुद्धं राक्षसैः परिवारितम्
4250	6055095a	विन्ध्यमन्दरसंकाशं काञ्चनाङ्गदभूषणम्
4251	6055095c	स्रवन्तं रुधिरं वक्त्राद्वर्षमेघमिवोत्थितम्
4252	6055096a	जिह्वया परिलिह्यन्तं शोणितं शोणितोक्षितम्
4253	6055096c	मृद्नन्तं वानरानीकं कालान्तकयमोपमम्
4254	6055097a	तं दृष्ट्वा राक्षसश्रेष्ठं प्रदीप्तानलवर्चसं
4255	6055097c	विस्फारयामास तदा कार्मुकं पुरुषर्षभः
4256	6055098a	स तस्य चापनिर्घोषात्कुपितो नैरृतर्षभः
4257	6055098c	अमृष्यमाणस्तं घोषमभिदुद्राव राघवम्
4258	6055099a	ततस्तु वातोद्धतमेघकल्पं; भुजंगराजोत्तमभोगबाहुम्
4259	6055099c	तमापतन्तं धरणीधराभ;मुवाच रामो युधि कुम्भकर्णम्
4260	6055100a	आगच्छ रक्षोऽधिपमा विषाद;मवस्थितोऽहं प्रगृहीतचापः
4261	6055100c	अवेहि मां शक्रसपत्न राम;मयं मुहूर्ताद्भविता विचेताः
4262	6055101a	रामोऽयमिति विज्ञाय जहास विकृतस्वनम्
4263	6055101c	पातयन्निव सर्वेषां हृदयानि वनौकसाम्
4264	6055102a	प्रहस्य विकृतं भीमं स मेघस्वनितोपमम्
4265	6055102c	कुम्भकर्णो महातेजा राघवं वाक्यमब्रवीत्
4266	6055103a	नाहं विराधो विज्ञेयो न कबन्धः खरो न च
4267	6055103c	न वाली न च मारीचः कुम्भकर्णोऽहमागतः
4268	6055104a	पश्य मे मुद्गरं घोरं सर्वकालायसं महत्
4269	6055104c	अनेन निर्जिता देवा दानवाश्च मया पुरा
4270	6055105a	विकर्णनास इति मां नावज्ञातुं त्वमर्हसि
4271	6055105c	स्वल्पापि हि न मे पीडा कर्णनासाविनाशनात्
4272	6055106a	दर्शयेक्ष्वाकुशार्दूल वीर्यं गात्रेषु मे लघु
4273	6055106c	ततस्त्वां भक्षयिष्यामि दृष्टपौरुषविक्रमम्
4274	6055107a	स कुम्भकर्णस्य वचो निशम्य; रामः सुपुङ्खान्विससर्ज बाणान्
4275	6055107c	तैराहतो वज्रसमप्रवेगै;र्न चुक्षुभे न व्यथते सुरारिः
4276	6055108a	यैः सायकैः सालवरा निकृत्ता; वाली हतो वानरपुंगवश्च
4277	6055108c	ते कुम्भकर्णस्य तदा शरीरं; वज्रोपमा न व्यथयां प्रचक्रुः
4278	6055109a	स वारिधारा इव सायकांस्ता;न्पिबञ्शरीरेण महेन्द्रशत्रुः
4279	6055109c	जघान रामस्य शरप्रवेगं; व्याविध्य तं मुद्गरमुग्रवेगम्
4280	6055110a	ततस्तु रक्षः क्षतजानुलिप्तं; वित्रासनं देवमहाचमूनाम्
4281	6055110c	व्याविध्य तं मुद्गरमुग्रवेगं; विद्रावयामास चमूं हरीणाम्
4282	6055111a	वायव्यमादाय ततो वरास्त्रं; रामः प्रचिक्षेप निशाचराय
4283	6055111c	समुद्गरं तेन जहार बाहुं; स कृत्तबाहुस्तुमुलं ननाद
4284	6055112a	स तस्य बाहुर्गिरिशृङ्गकल्पः; समुद्गरो राघवबाणकृत्तः
4285	6055112c	पपात तस्मिन्हरिराजसैन्ये; जघान तां वानरवाहिनीं च
4286	6055113a	ते वानरा भग्नहतावशेषाः; पर्यन्तमाश्रित्य तदा विषण्णाः
4287	6055113c	प्रवेपिताङ्गा ददृशुः सुघोरं; नरेन्द्ररक्षोऽधिपसंनिपातम्
4288	6055114a	स कुम्भकर्णोऽस्त्रनिकृत्तबाहु;र्महान्निकृत्ताग्र इवाचलेन्द्रः
4289	6055114c	उत्पाटयामास करेण वृक्षं; ततोऽभिदुद्राव रणे नरेन्द्रम्
4290	6055115a	तं तस्य बाहुं सह सालवृक्षं; समुद्यतं पन्नगभोगकल्पम्
4291	6055115c	ऐन्द्रास्त्रयुक्तेन जहार रामो; बाणेन जाम्बूनदचित्रितेन
4292	6055116a	स कुम्भकर्णस्य भुजो निकृत्तः; पपात भूमौ गिरिसंनिकाशः
4293	6055116c	विवेष्टमानो निजघान वृक्षा;ञ्शैलाञ्शिलावानरराक्षसांश्च
4294	6055117a	तं छिन्नबाहुं समवेक्ष्य रामः; समापतन्तं सहसा नदन्तम्
4295	6055117c	द्वावर्धचन्द्रौ निशितौ प्रगृह्य; चिच्छेद पादौ युधि राक्षसस्य
4296	6055118a	निकृत्तबाहुर्विनिकृत्तपादो; विदार्य वक्त्रं वडवामुखाभम्
4297	6055118c	दुद्राव रामं सहसाभिगर्ज;न्राहुर्यथा चन्द्रमिवान्तरिक्षे
4298	6055119a	अपूरयत्तस्य मुखं शिताग्रै; रामः शरैर्हेमपिनद्धपुङ्खैः
4299	6055119c	स पूर्णवक्त्रो न शशाक वक्तुं; चुकूज कृच्छ्रेण मुमोह चापि
4300	6055120a	अथाददे सूर्यमरीचिकल्पं; स ब्रह्मदण्डान्तककालकल्पम्
4301	6055120c	अरिष्टमैन्द्रं निशितं सुपुङ्खं; रामः शरं मारुततुल्यवेगम्
4302	6055121a	तं वज्रजाम्बूनदचारुपुङ्खं; प्रदीप्तसूर्यज्वलनप्रकाशम्
4303	6055121c	महेन्द्रवज्राशनितुल्यवेगं; रामः प्रचिक्षेप निशाचराय
4304	6055122a	स सायको राघवबाहुचोदितो; दिशः स्वभासा दश संप्रकाशयन्
4305	6055122c	विधूमवैश्वानरदीप्तदर्शनो; जगाम शक्राशनितुल्यविक्रमः
4306	6055123a	स तन्महापर्वतकूटसंनिभं; विवृत्तदंष्ट्रं चलचारुकुण्डलम्
4307	6055123c	चकर्त रक्षोऽधिपतेः शिरस्तदा; यथैव वृत्रस्य पुरा पुरंदरः
4308	6055124a	तद्रामबाणाभिहतं पपात; रक्षःशिरः पर्वतसंनिकाशम्
4309	6055124c	बभञ्ज चर्यागृहगोपुराणि; प्राकारमुच्चं तमपातयच्च
4310	6055125a	तच्चातिकायं हिमवत्प्रकाशं; रक्षस्तदा तोयनिधौ पपात
4311	6055125c	ग्राहान्महामीनचयान्भुजंगमा;न्ममर्द भूमिं च तथा विवेश
4312	6055126a	तस्मिर्हते ब्राह्मणदेवशत्रौ; महाबले संयति कुम्भकर्णे
4313	6055126c	चचाल भूर्भूमिधराश्च सर्वे; हर्षाच्च देवास्तुमुलं प्रणेदुः
4314	6055127a	ततस्तु देवर्षिमहर्षिपन्नगाः; सुराश्च भूतानि सुपर्णगुह्यकाः
4315	6055127c	सयक्षगन्धर्वगणा नभोगताः; प्रहर्षिता राम पराक्रमेण
4316	6055128a	प्रहर्षमीयुर्बहवस्तु वानराः; प्रबुद्धपद्मप्रतिमैरिवाननैः
4317	6055128c	अपूजयन्राघवमिष्टभागिनं; हते रिपौ भीमबले दुरासदे
4318	6055129a	स कुम्भकर्णं सुरसैन्यमर्दनं; महत्सु युद्धेष्वपराजितश्रमम्
4319	6055129c	ननन्द हत्वा भरताग्रजो रणे; महासुरं वृत्रमिवामराधिपः
4320	6056001a	कुम्भकर्णं हतं दृष्ट्वा राघवेण महात्मना
4321	6056001c	राक्षसा राक्षसेन्द्राय रावणाय न्यवेदयन्
4322	6056002a	श्रुत्वा विनिहतं संख्ये कुम्भकर्णं महाबलम्
4323	6056002c	रावणः शोकसंतप्तो मुमोह च पपात च
4324	6056003a	पितृव्यं निहतं श्रुत्वा देवान्तकनरान्तकौ
4325	6056003c	त्रिशिराश्चातिकायश्च रुरुदुः शोकपीडिताः
4326	6056004a	भ्रातरं निहतं श्रुत्वा रामेणाक्लिष्टकर्मणा
4327	6056004c	महोदरमहापार्श्वौ शोकाक्रान्तौ बभूवतुः
4328	6056005a	ततः कृच्छ्रात्समासाद्य संज्ञां राक्षसपुंगवः
4329	6056005c	कुम्भकर्णवधाद्दीनो विललाप स रावणः
4330	6056006a	हा वीर रिपुदर्पघ्न कुम्भकर्ण महाबल
4331	6056006c	शत्रुसैन्यं प्रताप्यैकः क्व मां संत्यज्य गच्छसि
4332	6056007a	इदानीं खल्वहं नास्मि यस्य मे पतितो भुजः
4333	6056007c	दक्षिणो यं समाश्रित्य न बिभेमि सुरासुरान्
4334	6056008a	कथमेवंविधो वीरो देवदानवदर्पहा
4335	6056008c	कालाग्निप्रतिमो ह्यद्य राघवेण रणे हतः
4336	6056009a	यस्य ते वज्रनिष्पेषो न कुर्याद्व्यसनं सदा
4337	6056009c	स कथं रामबाणार्तः प्रसुप्तोऽसि महीतले
4338	6056010a	एते देवगणाः सार्धमृषिभिर्गगने स्थिताः
4339	6056010c	निहतं त्वां रणे दृष्ट्वा निनदन्ति प्रहर्षिताः
4340	6056011a	ध्रुवमद्यैव संहृष्टा लब्धलक्ष्याः प्लवंगमाः
4341	6056011c	आरोक्ष्यन्तीह दुर्गाणि लङ्काद्वाराणि सर्वशः
4342	6056012a	राज्येन नास्ति मे कार्यं किं करिष्यामि सीतया
4343	6056012c	कुम्भकर्णविहीनस्य जीविते नास्ति मे रतिः
4344	6056013a	यद्यहं भ्रातृहन्तारं न हन्मि युधि राघवम्
4345	6056013c	ननु मे मरणं श्रेयो न चेदं व्यर्थजीवितम्
4346	6056014a	अद्यैव तं गमिष्यामि देशं यत्रानुजो मम
4347	6056014c	न हि भ्रातॄन्समुत्सृज्य क्षणं जीवितुमुत्सहे
4348	6056015a	देवा हि मां हसिष्यन्ति दृष्ट्वा पूर्वापकारिणम्
4349	6056015c	कथमिन्द्रं जयिष्यामि कुम्भकर्णहते त्वयि
4350	6056016a	तदिदं मामनुप्राप्तं विभीषणवचः शुभम्
4351	6056016c	यदज्ञानान्मया तस्य न गृहीतं महात्मनः
4352	6056017a	विभीषणवचो यावत्कुम्भकर्णप्रहस्तयोः
4353	6056017c	विनाशोऽयं समुत्पन्नो मां व्रीडयति दारुणः
4354	6056018a	तस्यायं कर्मणः प्रातो विपाको मम शोकदः
4355	6056018c	यन्मया धार्मिकः श्रीमान्स निरस्तो विभीषणः
4356	6056019a	इति बहुविधमाकुलान्तरात्मा; कृपणमतीव विलप्य कुम्भकर्णम्
4357	6056019c	न्यपतदथ दशाननो भृशार्त;स्तमनुजमिन्द्ररिपुं हतं विदित्वा
4358	6057001a	एवं विलपमानस्य रावणस्य दुरात्मनः
4359	6057001c	श्रुत्वा शोकाभितप्तस्य त्रिशिरा वाक्यमब्रवीत्
4360	6057002a	एवमेव महावीर्यो हतो नस्तात मध्यमः
4361	6057002c	न तु सत्पुरुषा राजन्विलपन्ति यथा भवान्
4362	6057003a	नूनं त्रिभुवणस्यापि पर्याप्तस्त्वमसि प्रभो
4363	6057003c	स कस्मात्प्राकृत इव शोकस्यात्मानमीदृशम्
4364	6057004a	ब्रह्मदत्तास्ति ते शक्तिः कवचः सायको धनुः
4365	6057004c	सहस्रखरसंयुक्तो रथो मेघसमस्वनः
4366	6057005a	त्वयासकृद्विशस्त्रेण विशस्ता देवदानवाः
4367	6057005c	स सर्वायुधसंपन्नो राघवं शास्तुमर्हसि
4368	6057006a	कामं तिष्ठ महाराजनिर्गमिष्याम्यहं रणम्
4369	6057006c	उद्धरिष्यामि ते शत्रून्गरुडः पन्नगानिह
4370	6057007a	शम्बरो देवराजेन नरको विष्णुना यथा
4371	6057007c	तथाद्य शयिता रामो मया युधि निपातितः
4372	6057008a	श्रुत्वा त्रिशिरसो वाक्यं रावणो राक्षसाधिपः
4373	6057008c	पुनर्जातमिवात्मानं मन्यते कालचोदितः
4374	6057009a	श्रुत्वा त्रिशिरसो वाक्यं देवान्तकनरान्तकौ
4375	6057009c	अतिकायश्च तेजस्वी बभूवुर्युद्धहर्षिताः
4376	6057010a	ततोऽहमहमित्येवं गर्जन्तो नैरृतर्षभाः
4377	6057010c	रावणस्य सुता वीराः शक्रतुल्यपराक्रमाः
4378	6057011a	अन्तरिक्षचराः सर्वे सर्वे माया विशारदाः
4379	6057011c	सर्वे त्रिदशदर्पघ्नाः सर्वे च रणदुर्मदाः
4380	6057012a	सर्वेऽस्त्रबलसंपन्नाः सर्वे विस्तीर्ण कीर्तयः
4381	6057012c	सर्वे समरमासाद्य न श्रूयन्ते स्म निर्जिताः
4382	6057013a	सर्वेऽस्त्रविदुषो वीराः सर्वे युद्धविशारदाः
4383	6057013c	सर्वे प्रवरजिज्ञानाः सर्वे लब्धवरास्तथा
4384	6057014a	स तैस्तथा भास्करतुल्यवर्चसैः; सुतैर्वृतः शत्रुबलप्रमर्दनैः
4385	6057014c	रराज राजा मघवान्यथामरै;र्वृतो महादानवदर्पनाशनैः
4386	6057015a	स पुत्रान्संपरिष्वज्य भूषयित्वा च भूषणैः
4387	6057015c	आशीर्भिश्च प्रशस्ताभिः प्रेषयामास संयुगे
4388	6057016a	महोदरमहापार्श्वौ भ्रातरौ चापि रावणः
4389	6057016c	रक्षणार्थं कुमाराणां प्रेषयामास संयुगे
4390	6057017a	तेऽभिवाद्य महात्मानं रावणं रिपुरावणम्
4391	6057017c	कृत्वा प्रदक्षिणं चैव महाकायाः प्रतस्थिरे
4392	6057018a	सर्वौषधीभिर्गन्धैश्च समालभ्य महाबलाः
4393	6057018c	निर्जग्मुर्नैरृतश्रेष्ठाः षडेते युद्धकाङ्क्षिणः
4394	6057019a	ततः सुदर्शनं नाम नीलजीमूतसंनिभम्
4395	6057019c	ऐरावतकुले जातमारुरोह महोदरः
4396	6057020a	सर्वायुधसमायुक्तं तूणीभिश्च स्वलंकृतम्
4397	6057020c	रराज गजमास्थाय सवितेवास्तमूर्धनि
4398	6057021a	हयोत्तमसमायुक्तं सर्वायुधसमाकुलम्
4399	6057021c	आरुरोह रथश्रेष्ठं त्रिशिरा रावणात्मजः
4400	6057022a	त्रिशिरा रथमास्थाय विरराज धनुर्धरः
4401	6057022c	सविद्युदुल्कः सज्वालः सेन्द्रचाप इवाम्बुदः
4402	6057023a	त्रिभिः किरीटैस्त्रिशिराः शुशुभे स रथोत्तमे
4403	6057023c	हिमवानिव शैलेन्द्रस्त्रिभिः काञ्चनपर्वतैः
4404	6057024a	अतिकायोऽपि तेजस्वी राक्षसेन्द्रसुतस्तदा
4405	6057024c	आरुरोह रथश्रेष्ठं श्रेष्ठः सर्वधनुष्मताम्
4406	6057025a	सुचक्राक्षं सुसंयुक्तं सानुकर्षं सकूबरम्
4407	6057025c	तूणीबाणासनैर्दीप्तं प्रासासि परिघाकुलम्
4408	6057026a	स काञ्चनविचित्रेण किरीटेन विराजता
4409	6057026c	भूषणैश्च बभौ मेरुः प्रभाभिरिव भास्वरः
4410	6057027a	स रराज रथे तस्मिन्राजसूनुर्महाबलः
4411	6057027c	वृतो नैरृतशार्दूलैर्वज्रपाणिरिवामरैः
4412	6057028a	हयमुच्चैःश्रवः प्रख्यं श्वेतं कनकभूषणम्
4413	6057028c	मनोजवं महाकायमारुरोह नरान्तकः
4414	6057029a	गृहीत्वा प्रासमुक्लाभं विरराज नरान्तकः
4415	6057029c	शक्तिमादाय तेजस्वी गुहः शत्रुष्विवाहवे
4416	6057030a	देवान्तकः समादाय परिघं वज्रभूषणम्
4417	6057030c	परिगृह्य गिरिं दोर्भ्यां वपुर्विष्णोर्विडम्बयन्
4418	6057031a	महापार्श्वो महातेजा गदामादाय वीर्यवान्
4419	6057031c	विरराज गदापाणिः कुबेर इव संयुगे
4420	6057032a	ते प्रतस्थुर्महात्मानो बलैरप्रतिमैर्वृताः
4421	6057032c	सुरा इवामरावत्यां बलैरप्रतिमैर्वृताः
4422	6057033a	तान्गजैश्च तुरंगैश्च रथैश्चाम्बुदनिस्वनैः
4423	6057033c	अनुजग्मुर्महात्मानो राक्षसाः प्रवरायुधाः
4424	6057034a	ते विरेजुर्महात्मानो कुमाराः सूर्यवर्चसः
4425	6057034c	किरीटिनः श्रिया जुष्टा ग्रहा दीप्ता इवाम्बरे
4426	6057035a	प्रगृहीता बभौ तेषां छत्राणामावलिः सिता
4427	6057035c	शारदाभ्रप्रतीकाशां हंसावलिरिवाम्बरे
4428	6057036a	मरणं वापि निश्चित्य शत्रूणां वा पराजयम्
4429	6057036c	इति कृत्वा मतिं वीरा निर्जग्मुः संयुगार्थिनः
4430	6057037a	जगर्जुश्च प्रणेदुश्च चिक्षिपुश्चापि सायकान्
4431	6057037c	जहृषुश्च महात्मानो निर्यान्तो युद्धदुर्मदाः
4432	6057038a	क्ष्वेडितास्फोटनिनदैः संचचालेव मेदिनी
4433	6057038c	रक्षसां सिंहनादैश्च पुस्फोटेव तदाम्बरम्
4434	6057039a	तेऽभिनिष्क्रम्य मुदिता राक्षसेन्द्रा महाबलाः
4435	6057039c	ददृशुर्वानरानीकं समुद्यतशिलानगम्
4436	6057040a	हरयोऽपि महात्मानो ददृशुर्नैरृतं बलम्
4437	6057040c	हस्त्यश्वरथसंबाधं किङ्किणीशतनादितम्
4438	6057041a	नीलजीमूतसंकाशं समुद्यतमहायुधम्
4439	6057041c	दीप्तानलरविप्रख्यैर्नैरृतैः सर्वतो वृतम्
4440	6057042a	तद्दृष्ट्वा बलमायान्तं लब्धलक्ष्याः प्लवंगमाः
4441	6057042c	समुद्यतमहाशैलाः संप्रणेदुर्मुहुर्मुहुः
4442	6057043a	ततः समुद्घुष्टरवं निशम्य; रक्षोगणा वानरयूथपानाम्
4443	6057043c	अमृष्यमाणाः परहर्षमुग्रं; महाबला भीमतरं विनेदुः
4444	6057044a	ते राक्षसबलं घोरं प्रविश्य हरियूथपाः
4445	6057044c	विचेरुरुद्यतैः शैलैर्नगाः शिखरिणो यथा
4446	6057045a	केचिदाकाशमाविश्य केचिदुर्व्यां प्लवंगमाः
4447	6057045c	रक्षःसैन्येषु संक्रुद्धाश्चेरुर्द्रुमशिलायुधाः
4448	6057046a	ते पादपशिलाशैलैश्चक्रुर्वृष्टिमनुत्तमाम्
4449	6057046c	बाणौघैर्वार्यमाणाश्च हरयो भीमविक्रमाः
4450	6057047a	सिंहनादान्विनेदुश्च रणे राक्षसवानराः
4451	6057047c	शिलाभिश्चूर्णयामासुर्यातुधानान्प्लवंगमाः
4452	6057048a	निजघ्नुः संयुगे क्रुद्धाः कवचाभरणावृतान्
4453	6057048c	केचिद्रथगतान्वीरान्गजवाजिगतानपि
4454	6057049a	निजघ्नुः सहसाप्लुत्य यातुधानान्प्लवंगमाः
4455	6057049c	शैलशृङ्गनिपातैश्च मुष्टिभिर्वान्तलोचनाः
4456	6057049e	चेलुः पेतुश्च नेदुश्च तत्र राक्षसपुंगवाः
4457	6057050a	ततः शैलैश्च खड्गैश्च विसृष्टैर्हरिराक्षसैः
4458	6057050c	मुहूर्तेनावृता भूमिरभवच्छोणिताप्लुता
4459	6057051a	विकीर्णपर्वताकारै रक्षोभिररिमर्दनैः
4460	6057051c	आक्षिप्ताः क्षिप्यमाणाश्च भग्नशूलाश्च वानरैः
4461	6057052a	वानरान्वानरैरेव जग्नुस्ते रजनीचराः
4462	6057052c	राक्षसान्राक्षसैरेव जघ्नुस्ते वानरा अपि
4463	6057053a	आक्षिप्य च शिलास्तेषां निजघ्नू राक्षसा हरीन्
4464	6057053c	तेषां चाच्छिद्य शस्त्राणि जघ्नू रक्षांसि वानराः
4465	6057054a	निजघ्नुः शैलशूलास्त्रैर्विभिदुश्च परस्परम्
4466	6057054c	सिंहनादान्विनेदुश्च रणे वानरराक्षसाः
4467	6057055a	छिन्नवर्मतनुत्राणा राक्षसा वानरैर्हताः
4468	6057055c	रुधिरं प्रस्रुतास्तत्र रससारमिव द्रुमाः
4469	6057056a	रथेन च रथं चापि वारणेन च वारणम्
4470	6057056c	हयेन च हयं केचिन्निजघ्नुर्वानरा रणे
4471	6057057a	क्षुरप्रैरर्धचन्द्रैश्च भल्लैश्च निशितैः शरैः
4472	6057057c	राक्षसा वानरेन्द्राणां चिच्छिदुः पादपाञ्शिलाः
4473	6057058a	विकीर्णैः पर्वताग्रैश्च द्रुमैश्छिन्नैश्च संयुगे
4474	6057058c	हतैश्च कपिरक्षोभिर्दुर्गमा वसुधाभवत्
4475	6057059a	तस्मिन्प्रवृत्ते तुमुले विमर्दे; प्रहृष्यमाणेषु वली मुखेषु
4476	6057059c	निपात्यमानेषु च राक्षसेषु; महर्षयो देवगणाश्च नेदुः
4477	6057060a	ततो हयं मारुततुल्यवेग;मारुह्य शक्तिं निशितां प्रगृह्य
4478	6057060c	नरान्तको वानरराजसैन्यं; महार्णवं मीन इवाविवेश
4479	6057061a	स वानरान्सप्तशतानि वीरः; प्रासेन दीप्तेन विनिर्बिभेद
4480	6057061c	एकः क्षणेनेन्द्ररिपुर्महात्मा; जघान सैन्यं हरिपुंगवानाम्
4481	6057062a	ददृशुश्च महात्मानं हयपृष्ठे प्रतिष्ठितम्
4482	6057062c	चरन्तं हरिसैन्येषु विद्याधरमहर्षयः
4483	6057063a	स तस्य ददृशे मार्गो मांसशोणितकर्दमः
4484	6057063c	पतितैः पर्वताकारैर्वानरैरभिसंवृतः
4485	6057064a	यावद्विक्रमितुं बुद्धिं चक्रुः प्लवगपुंगवाः
4486	6057064c	तावदेतानतिक्रम्य निर्बिभेद नरान्तकः
4487	6057065a	ज्वलन्तं प्रासमुद्यम्य संग्रामान्ते नरान्तकः
4488	6057065c	ददाह हरिसैन्यानि वनानीव विभावसुः
4489	6057066a	यावदुत्पाटयामासुर्वृक्षाञ्शैलान्वनौकसः
4490	6057066c	तावत्प्रासहताः पेतुर्वज्रकृत्ता इवाचलाः
4491	6057067a	दिक्षु सर्वासु बलवान्विचचार नरान्तकः
4492	6057067c	प्रमृद्नन्सर्वतो युद्धे प्रावृट्काले यथानिलः
4493	6057068a	न शेकुर्धावितुं वीरा न स्थातुं स्पन्दितुं कुतः
4494	6057068c	उत्पतन्तं स्थितं यान्तं सर्वान्विव्याध वीर्यवान्
4495	6057069a	एकेनान्तककल्पेन प्रासेनादित्यतेजसा
4496	6057069c	भिन्नानि हरिसैन्यानि निपेतुर्धरणीतले
4497	6057070a	वज्रनिष्पेषसदृशं प्रासस्याभिनिपातनम्
4498	6057070c	न शेकुर्वानराः सोढुं ते विनेदुर्महास्वनम्
4499	6057071a	पततां हरिवीराणां रूपाणि प्रचकाशिरे
4500	6057071c	वज्रभिन्नाग्रकूटानां शैलानां पततामिव
4501	6057072a	ये तु पूर्वं महात्मानः कुम्भकर्णेन पातिताः
4502	6057072c	तेऽस्वस्था वानरश्रेष्ठाः सुग्रीवमुपतस्थिरे
4503	6057073a	विप्रेक्षमाणः सुग्रीवो ददर्श हरिवाहिनीम्
4504	6057073c	नरान्तकभयत्रस्तां विद्रवन्तीमितस्ततः
4505	6057074a	विद्रुतां वाहिनीं दृष्ट्वा स ददर्श नरान्तकम्
4506	6057074c	गृहीतप्रासमायान्तं हयपृष्ठे प्रतिष्ठितम्
4507	6057075a	अथोवाच महातेजाः सुग्रीवो वानराधिपः
4508	6057075c	कुमारमङ्गदं वीरं शक्रतुल्यपराक्रमम्
4509	6057076a	गच्छैनं राक्षसं वीर योऽसौ तुरगमास्थितः
4510	6057076c	क्षोभयन्तं हरिबलं क्षिप्रं प्राणैर्वियोजय
4511	6057077a	स भर्तुर्वचनं श्रुत्वा निष्पपाताङ्गदस्तदा
4512	6057077c	अनीकान्मेघसंकाशान्मेघानीकादिवांशुमान्
4513	6057078a	शैलसंघातसंकाशो हरीणामुत्तमोऽङ्गदः
4514	6057078c	रराजाङ्गदसंनद्धः सधातुरिव पर्वतः
4515	6057079a	निरायुधो महातेजाः केवलं नखदंष्ट्रवान्
4516	6057079c	नरान्तकमभिक्रम्य वालिपुत्रोऽब्रवीद्वचः
4517	6057080a	तिष्ठ किं प्राकृतैरेभिर्हरिभिस्त्वं करिष्यसि
4518	6057080c	अस्मिन्वज्रसमस्पर्शे प्रासं क्षिप ममोरसि
4519	6057081a	अङ्गदस्य वचः श्रुत्वा प्रचुक्रोध नरान्तकः
4520	6057081c	संदश्य दशनैरोष्ठं निश्वस्य च भुजंगवत्
4521	6057082a	स प्रासमाविध्य तदाङ्गदाय; समुज्ज्वलन्तं सहसोत्ससर्ज
4522	6057082c	स वालिपुत्रोरसि वज्रकल्पे; बभूव भग्नो न्यपतच्च भूमौ
4523	6057083a	तं प्रासमालोक्य तदा विभग्नं; सुपर्णकृत्तोरगभोगकल्पम्
4524	6057083c	तलं समुद्यम्य स वालिपुत्र;स्तुरंगमस्याभिजघान मूर्ध्नि
4525	6057084a	निमग्नपादः स्फुटिताक्षि तारो; निष्क्रान्तजिह्वोऽचलसंनिकाशः
4526	6057084c	स तस्य वाजी निपपात भूमौ; तलप्रहारेण विकीर्णमूर्धा
4527	6057085a	नरान्तकः क्रोधवशं जगाम; हतं तुरगं पतितं निरीक्ष्य
4528	6057085c	स मुष्टिमुद्यम्य महाप्रभावो; जघान शीर्षे युधि वालिपुत्रम्
4529	6057086a	अथाङ्गदो मुष्टिविभिन्नमूर्धा; सुस्राव तीव्रं रुधिरं भृशोष्णम्
4530	6057086c	मुहुर्विजज्वाल मुमोह चापि; संज्ञां समासाद्य विसिष्मिये च
4531	6057087a	अथाङ्गदो वज्रसमानवेगं; संवर्त्य मुष्टिं गिरिशृङ्गकल्पम्
4532	6057087c	निपातयामास तदा महात्मा; नरान्तकस्योरसि वालिपुत्रः
4533	6057088a	स मुष्टिनिष्पिष्टविभिन्नवक्षा; ज्वालां वमञ्शोणितदिग्धगात्रः
4534	6057088c	नरान्तको भूमितले पपात; यथाचलो वज्रनिपातभग्नः
4535	6057089a	अथान्तरिक्षे त्रिदशोत्तमानां; वनौकसां चैव महाप्रणादः
4536	6057089c	बभूव तस्मिन्निहतेऽग्र्यवीरे; नरान्तके वालिसुतेन संख्ये
4537	6057090a	अथाङ्गदो राममनः प्रहर्षणं; सुदुष्करं तं कृतवान्हि विक्रमम्
4538	6057090c	विसिष्मिये सोऽप्यतिवीर्य विक्रमः; पुनश्च युद्धे स बभूव हर्षितः
4539	6058001a	नरान्तकं हतं दृष्ट्वा चुक्रुशुर्नैरृतर्षभाः
4540	6058001c	देवान्तकस्त्रिमूर्धा च पौलस्त्यश्च महोदरः
4541	6058002a	आरूढो मेघसंकाशं वारणेन्द्रं महोदरः
4542	6058002c	वालिपुत्रं महावीर्यमभिदुद्राव वीर्यवान्
4543	6058003a	भ्रातृव्यसनसंतप्तस्तदा देवान्तको बली
4544	6058003c	आदाय परिघं दीप्तमङ्गदं समभिद्रवत्
4545	6058004a	रथमादित्यसंकाशं युक्तं परमवाजिभिः
4546	6058004c	आस्थाय त्रिशिरा वीरो वालिपुत्रमथाभ्ययात्
4547	6058005a	स त्रिभिर्देवदर्पघ्नैर्नैरृतेन्द्रैरभिद्रुतः
4548	6058005c	वृक्षमुत्पाटयामास महाविटपमङ्गदः
4549	6058006a	देवान्तकाय तं वीरश्चिक्षेप सहसाङ्गदः
4550	6058006c	महावृक्षं महाशाखं शक्रो दीप्तमिवाशनिम्
4551	6058007a	त्रिशिरास्तं प्रचिच्छेद शरैराशीविषोपमैः
4552	6058007c	स वृक्षं कृत्तमालोक्य उत्पपात ततोऽङ्गदः
4553	6058008a	स ववर्ष ततो वृक्षाञ्शिलाश्च कपिकुञ्जरः
4554	6058008c	तान्प्रचिच्छेद संक्रुद्धस्त्रिशिरा निशितैः शरैः
4555	6058009a	परिघाग्रेण तान्वृक्षान्बभञ्ज च सुरान्तकः
4556	6058009c	त्रिशिराश्चाङ्गदं वीरमभिदुद्राव सायकैः
4557	6058010a	गजेन समभिद्रुत्य वालिपुत्रं महोदरः
4558	6058010c	जघानोरसि संक्रुद्धस्तोमरैर्वज्रसंनिभैः
4559	6058011a	देवान्तकश्च संक्रुद्धः परिघेण तदाङ्गदम्
4560	6058011c	उपगम्याभिहत्याशु व्यपचक्राम वेगवान्
4561	6058012a	स त्रिभिर्नैरृतश्रेष्ठैर्युगपत्समभिद्रुतः
4562	6058012c	न विव्यथे महातेजा वालिपुत्रः प्रतापवान्
4563	6058013a	तलेन भृशमुत्पत्य जघानास्य महागजम्
4564	6058013c	पेततुर्लोचने तस्य विननाद स वारणः
4565	6058014a	विषाणं चास्य निष्कृष्य वालिपुत्रो महाबलः
4566	6058014c	देवान्तकमभिद्रुत्य ताडयामास संयुगे
4567	6058015a	स विह्वलितसर्वाङ्गो वातोद्धत इव द्रुमः
4568	6058015c	लाक्षारससवर्णं च सुस्राव रुधिरं मुखात्
4569	6058016a	अथाश्वास्य महातेजाः कृच्छ्राद्देवान्तको बली
4570	6058016c	आविध्य परिघं घोरमाजघान तदाङ्गदम्
4571	6058017a	परिघाभिहतश्चापि वानरेन्द्रात्मजस्तदा
4572	6058017c	जानुभ्यां पतितो भूमौ पुनरेवोत्पपात ह
4573	6058018a	समुत्पतन्तं त्रिशिरास्त्रिभिराशीविषोपमैः
4574	6058018c	घोरैर्हरिपतेः पुत्रं ललाटेऽभिजघान ह
4575	6058019a	ततोऽङ्गदं परिक्षिप्तं त्रिभिर्नैरृतपुंगवैः
4576	6058019c	हनूमानपि विज्ञाय नीलश्चापि प्रतस्थतुः
4577	6058020a	ततश्चिक्षेप शैलाग्रं नीलस्त्रिशिरसे तदा
4578	6058020c	तद्रावणसुतो धीमान्बिभेद निशितैः शरैः
4579	6058021a	तद्बाणशतनिर्भिन्नं विदारितशिलातलम्
4580	6058021c	सविस्फुलिङ्गं सज्वालं निपपात गिरेः शिरः
4581	6058022a	ततो जृम्भितमालोक्य हर्षाद्देवान्तकस्तदा
4582	6058022c	परिघेणाभिदुद्राव मारुतात्मजमाहवे
4583	6058023a	तमापतन्तमुत्पत्य हनूमान्मारुतात्मजः
4584	6058023c	आजघान तदा मूर्ध्नि वज्रवेगेन मुष्टिना
4585	6058024a	स मुष्टिनिष्पिष्टविकीर्णमूर्धा; निर्वान्तदन्ताक्षिविलम्बिजिह्वः
4586	6058024c	देवान्तको राक्षसराजसूनु;र्गतासुरुर्व्यां सहसा पपात
4587	6058025a	तस्मिन्हते राक्षसयोधमुख्ये; महाबले संयति देवशत्रौ
4588	6058025c	क्रुद्धस्त्रिमूर्धा निशिताग्रमुग्रं; ववर्ष नीलोरसि बाणवर्षम्
4589	6058026a	स तैः शरौघैरभिवर्ष्यमाणो; विभिन्नगात्रः कपिसैन्यपालः
4590	6058026c	नीलो बभूवाथ विसृष्टगात्रो; विष्टम्भितस्तेन महाबलेन
4591	6058027a	ततस्तु नीलः प्रतिलभ्य संज्ञां; शैलं समुत्पाट्य सवृक्षषण्डम्
4592	6058027c	ततः समुत्पत्य भृशोग्रवेगो; महोदरं तेन जघान मूर्ध्नि
4593	6058028a	ततः स शैलाभिनिपातभग्नो; महोदरस्तेन सह द्विपेन
4594	6058028c	विपोथितो भूमितले गतासुः; पपात वर्जाभिहतो यथाद्रिः
4595	6058029a	पितृव्यं निहतं दृष्ट्वा त्रिशिराश्चापमाददे
4596	6058029c	हनूमन्तं च संक्रुद्धो विव्याध निशितैः शरैः
4597	6058030a	हनूमांस्तु समुत्पत्य हयांस्त्रिशिरसस्तदा
4598	6058030c	विददार नखैः क्रुद्धो गजेन्द्रं मृगराडिव
4599	6058031a	अथ शक्तिं समादाय कालरात्रिमिवान्तकः
4600	6058031c	चिक्षेपानिलपुत्राय त्रिशिरा रावणात्मजः
4601	6058032a	दिवि क्षिप्तामिवोल्कां तां शक्तिं क्षिप्तामसंगताम्
4602	6058032c	गृहीत्वा हरिशार्दूलो बभञ्ज च ननाद च
4603	6058033a	तां दृष्ट्वा घोरसंकाशां शक्तिं भग्नां हनूमता
4604	6058033c	प्रहृष्टा वानरगणा विनेदुर्जलदा इव
4605	6058034a	ततः खड्गं समुद्यम्य त्रिशिरा राक्षसोत्तमः
4606	6058034c	निचखान तदा रोषाद्वानरेन्द्रस्य वक्षसि
4607	6058035a	खड्गप्रहाराभिहतो हनूमान्मारुतात्मजः
4608	6058035c	आजघान त्रिमूर्धानं तलेनोरसि वीर्यवान्
4609	6058036a	स तलभिहतस्तेन स्रस्तहस्ताम्बरो भुवि
4610	6058036c	निपपात महातेजास्त्रिशिरास्त्यक्तचेतनः
4611	6058037a	स तस्य पततः खड्गं समाच्छिद्य महाकपिः
4612	6058037c	ननाद गिरिसंकाशस्त्रासयन्सर्वनैरृतान्
4613	6058038a	अमृष्यमाणस्तं घोषमुत्पपात निशाचरः
4614	6058038c	उत्पत्य च हनूमन्तं ताडयामास मुष्टिना
4615	6058039a	तेन मुष्टिप्रहारेण संचुकोप महाकपिः
4616	6058039c	कुपितश्च निजग्राह किरीटे राक्षसर्षभम्
4617	6058040a	स तस्य शीर्षाण्यसिना शितेन; किरीटजुष्टानि सकुण्डलानि
4618	6058040c	क्रुद्धः प्रचिच्छेद सुतोऽनिलस्य; त्वष्टुः सुतस्येव शिरांसि शक्रः
4619	6058041a	तान्यायताक्षाण्यगसंनिभानि; प्रदीप्तवैश्वानरलोचनानि
4620	6058041c	पेतुः शिरांसीन्द्ररिपोर्धरण्यां; ज्योतींषि मुक्तानि यथार्कमार्गात्
4621	6058042a	तस्मिन्हते देवरिपौ त्रिशीर्षे; हनूमत शक्रपराक्रमेण
4622	6058042c	नेदुः प्लवंगाः प्रचचाल भूमी; रक्षांस्यथो दुद्रुविरे समन्तात्
4623	6058043a	हतं त्रिशिरसं दृष्ट्वा तथैव च महोदरम्
4624	6058043c	हतौ प्रेक्ष्य दुराधर्षौ देवान्तकनरान्तकौ
4625	6058044a	चुकोप परमामर्षी महापार्श्वो महाबलः
4626	6058044c	जग्राहार्चिष्मतीं चापि गदां सर्वायसीं शुभाम्
4627	6058045a	हेमपट्टपरिक्षिप्तां मांसशोणितलेपनाम्
4628	6058045c	विराजमानां वपुषा शत्रुशोणितरञ्जिताम्
4629	6058046a	तेजसा संप्रदीप्ताग्रां रक्तमाल्यविभूषिताम्
4630	6058046c	ऐरावतमहापद्मसार्वभौम भयावहाम्
4631	6058047a	गदामादाय संक्रुद्धो महापार्श्वो महाबलः
4632	6058047c	हरीन्समभिदुद्राव युगान्ताग्निरिव ज्वलन्
4633	6058048a	अथर्षयः समुत्पत्य वानरो रवणानुजम्
4634	6058048c	महापार्श्वमुपागम्य तस्थौ तस्याग्रतो बली
4635	6058049a	तं पुरस्तात्स्थितं दृष्ट्वा वानरं पर्वतोपमम्
4636	6058049c	आजघानोरसि क्रुद्धो गदया वज्रकल्पया
4637	6058050a	स तयाभिहतस्तेन गदया वानरर्षभः
4638	6058050c	भिन्नवक्षाः समाधूतः सुस्राव रुधिरं बहु
4639	6058051a	स संप्राप्य चिरात्संज्ञामृषभो वानरर्षभः
4640	6058051c	क्रुद्धो विस्फुरमाणौष्ठो महापार्श्वमुदैक्षत
4641	6058052a	तां गृहीत्वा गदां भीमामाविध्य च पुनः पुनः
4642	6058052c	मत्तानीकं महापार्श्वं जघान रणमूर्धनि
4643	6058053a	स स्वया गदया भिन्नो विकीर्णदशनेक्षणः
4644	6058053c	निपपात महापार्श्वो वज्राहत इवाचलः
4645	6058054a	तस्मिन्हते भ्रातरि रावणस्य; तन्नैरृतानां बलमर्णवाभम्
4646	6058054c	त्यक्तायुधं केवलजीवितार्थं; दुद्राव भिन्नार्णवसंनिकाशम्
4647	6059001a	स्वबलं व्यथितं दृष्ट्वा तुमुलं लोमहर्षणम्
4648	6059001c	भ्रातॄंश्च निहतान्दृष्ट्वा शक्रतुल्यपराक्रमान्
4649	6059002a	पितृव्यौ चापि संदृश्य समरे संनिषूदितौ
4650	6059002c	महोदरमहापार्श्वौ भ्रातरौ राक्षसर्षभौ
4651	6059003a	चुकोप च महातेजा ब्रह्मदत्तवरो युधि
4652	6059003c	अतिकायोऽद्रिसंकाशो देवदानवदर्पहा
4653	6059004a	स भास्करसहस्रस्य संघातमिव भास्वरम्
4654	6059004c	रथमास्थाय शक्रारिरभिदुद्राव वानरान्
4655	6059005a	स विस्फार्य महच्चापं किरीटी मृष्टकुण्डलः
4656	6059005c	नाम विश्रावयामास ननाद च महास्वनम्
4657	6059006a	तेन सिंहप्रणादेन नामविश्रावणेन च
4658	6059006c	ज्याशब्देन च भीमेन त्रासयामास वानरान्
4659	6059007a	ते तस्य रूपमालोक्य यथा विष्णोस्त्रिविक्रमे
4660	6059007c	भयार्ता वानराः सर्वे विद्रवन्ति दिशो दश
4661	6059008a	तेऽतिकायं समासाद्य वानरा मूढचेतसः
4662	6059008c	शरण्यं शरणं जग्मुर्लक्ष्मणाग्रजमाहवे
4663	6059009a	ततोऽतिकायं काकुत्स्थो रथस्थं पर्वतोपमम्
4664	6059009c	ददर्श धन्विनं दूराद्गर्जन्तं कालमेघवत्
4665	6059010a	स तं दृष्ट्वा महात्मानं राघवस्तु सुविस्मितः
4666	6059010c	वानरान्सान्त्वयित्वा तु विभीषणमुवाच ह
4667	6059011a	कोऽसौ पर्वतसंकाशो धनुष्मान्हरिलोचनः
4668	6059011c	युक्ते हयसहस्रेण विशाले स्यन्दने स्थितः
4669	6059012a	य एष निशितैः शूलैः सुतीक्ष्णैः प्रासतोमरैः
4670	6059012c	अर्चिष्मद्भिर्वृतो भाति भूतैरिव महेश्वरः
4671	6059013a	कालजिह्वाप्रकाशाभिर्य एषोऽभिविराजते
4672	6059013c	आवृतो रथशक्तीभिर्विद्युद्भिरिव तोयदः
4673	6059014a	धनूंसि चास्य सज्यानि हेमपृष्ठानि सर्वशः
4674	6059014c	शोभयन्ति रथश्रेष्ठं शक्रपातमिवाम्बरम्
4675	6059015a	क एष रक्षः शार्दूलो रणभूमिं विराजयन्
4676	6059015c	अभ्येति रथिनां श्रेष्ठो रथेनादित्यतेजसा
4677	6059016a	ध्वजशृङ्गप्रतिष्ठेन राहुणाभिविराजते
4678	6059016c	सूर्यरश्मिप्रभैर्बाणैर्दिशो दश विराजयन्
4679	6059017a	त्रिणतं मेघनिर्ह्रादं हेमपृष्ठमलंकृतम्
4680	6059017c	शतक्रतुधनुःप्रख्यं धनुश्चास्य विराजते
4681	6059018a	सध्वजः सपताकश्च सानुकर्षो महारथः
4682	6059018c	चतुःसादिसमायुक्तो मेघस्तनितनिस्वनः
4683	6059019a	विंशतिर्दश चाष्टौ च तूणीररथमास्थिताः
4684	6059019c	कार्मुकाणि च भीमानि ज्याश्च काञ्चनपिङ्गलाः
4685	6059020a	द्वौ च खड्गौ रथगतौ पार्श्वस्थौ पार्श्वशोभिनौ
4686	6059020c	चतुर्हस्तत्सरुचितौ व्यक्तहस्तदशायतौ
4687	6059021a	रक्तकण्ठगुणो धीरो महापर्वतसंनिभः
4688	6059021c	कालः कालमहावक्त्रो मेघस्थ इव भास्करः
4689	6059022a	काञ्चनाङ्गदनद्धाभ्यां भुजाभ्यामेष शोभते
4690	6059022c	शृङ्गाभ्यामिव तुङ्गाभ्यां हिमवान्पर्वतोत्तमः
4691	6059023a	कुण्डलाभ्यां तु यस्यैतद्भाति वक्त्रं शुभेक्षणम्
4692	6059023c	पुनर्वस्वन्तरगतं पूर्णबिम्बमिवैन्दवम्
4693	6059024a	आचक्ष्व मे महाबाहो त्वमेनं राक्षसोत्तमम्
4694	6059024c	यं दृष्ट्वा वानराः सर्वे भयार्ता विद्रुता दिशः
4695	6059025a	स पृष्ठो राजपुत्रेण रामेणामिततेजसा
4696	6059025c	आचचक्षे महातेजा राघवाय विभीषणः
4697	6059026a	दशग्रीवो महातेजा राजा वैश्रवणानुजः
4698	6059026c	भीमकर्मा महोत्साहो रावणो राक्षसाधिपः
4699	6059027a	तस्यासीद्वीर्यवान्पुत्रो रावणप्रतिमो रणे
4700	6059027c	वृद्धसेवी श्रुतधरः सर्वास्त्रविदुषां वरः
4701	6059028a	अश्वपृष्ठे रथे नागे खड्गे धनुषि कर्षणे
4702	6059028c	भेदे सान्त्वे च दाने च नये मन्त्रे च संमतः
4703	6059029a	यस्य बाहुं समाश्रित्य लङ्का भवति निर्भया
4704	6059029c	तनयं धान्यमालिन्या अतिकायमिमं विदुः
4705	6059030a	एतेनाराधितो ब्रह्मा तपसा भावितात्मना
4706	6059030c	अस्त्राणि चाप्यवाप्तानि रिपवश्च पराजिताः
4707	6059031a	सुरासुरैरवध्यत्वं दत्तमस्मै स्वयम्भुवा
4708	6059031c	एतच्च कवचं दिव्यं रथश्चैषोऽर्कभास्करः
4709	6059032a	एतेन शतशो देवा दानवाश्च पराजिताः
4710	6059032c	रक्षितानि च रक्षामि यक्षाश्चापि निषूदिताः
4711	6059033a	वज्रं विष्टम्भितं येन बाणैरिन्द्रस्य धीमतः
4712	6059033c	पाशः सलिलराजस्य युद्धे प्रतिहतस्तथा
4713	6059034a	एषोऽतिकायो बलवान्राक्षसानामथर्षभः
4714	6059034c	रावणस्य सुतो धीमान्देवदनव दर्पहा
4715	6059035a	तदस्मिन्क्रियतां यत्नः क्षिप्रं पुरुषपुंगव
4716	6059035c	पुरा वानरसैन्यानि क्षयं नयति सायकैः
4717	6059036a	ततोऽतिकायो बलवान्प्रविश्य हरिवाहिनीम्
4718	6059036c	विस्फारयामास धनुर्ननाद च पुनः पुनः
4719	6059037a	तं भीमवपुषं दृष्ट्वा रथस्थं रथिनां वरम्
4720	6059037c	अभिपेतुर्महात्मानो ये प्रधानाः प्लवंगमाः
4721	6059038a	कुमुदो द्विविदो मैन्दो नीलः शरभ एव च
4722	6059038c	पादपैर्गिरिशृङ्गैश्च युगपत्समभिद्रवन्
4723	6059039a	तेषां वृक्षांश्च शैलांश्च शरैः काञ्चनभूषणैः
4724	6059039c	अतिकायो महातेजाश्चिच्छेदास्त्रविदां वरः
4725	6059040a	तांश्चैव सरान्स हरीञ्शरैः सर्वायसैर्बली
4726	6059040c	विव्याधाभिमुखः संख्ये भीमकायो निशाचरः
4727	6059041a	तेऽर्दिता बाणबर्षेण भिन्नगात्राः प्लवंगमाः
4728	6059041c	न शेकुरतिकायस्य प्रतिकर्तुं महारणे
4729	6059042a	तत्सैन्यं हरिवीराणां त्रासयामास राक्षसः
4730	6059042c	मृगयूथमिव क्रुद्धो हरिर्यौवनमास्थितः
4731	6059043a	स राषसेन्द्रो हरिसैन्यमध्ये; नायुध्यमानं निजघान कंचित्
4732	6059043c	उपेत्य रामं सधनुः कलापी; सगर्वितं वाक्यमिदं बभाषे
4733	6059044a	रथे स्थितोऽहं शरचापपाणि;र्न प्राकृतं कंचन योधयामि
4734	6059044c	यस्यास्ति शक्तिर्व्यवसाय युक्ता; ददातुं मे क्षिप्रमिहाद्य युद्धम्
4735	6059045a	तत्तस्य वाक्यं ब्रुवतो निशम्य; चुकोप सौमित्रिरमित्रहन्ता
4736	6059045c	अमृष्यमाणश्च समुत्पपात; जग्राह चापं च ततः स्मयित्वा
4737	6059046a	क्रुद्धः सौमित्रिरुत्पत्य तूणादाक्षिप्य सायकम्
4738	6059046c	पुरस्तादतिकायस्य विचकर्ष महद्धनुः
4739	6059047a	पूरयन्स महीं शैलानाकाशं सागरं दिशः
4740	6059047c	ज्याशब्दो लक्ष्मणस्योग्रस्त्रासयन्रजनीचरान्
4741	6059048a	सौमित्रेश्चापनिर्घोषं श्रुत्वा प्रतिभयं तदा
4742	6059048c	विसिष्मिये महातेजा राक्षसेन्द्रात्मजो बली
4743	6059049a	अथातिकायः कुपितो दृष्ट्वा लक्ष्मणमुत्थितम्
4744	6059049c	आदाय निशितं बाणमिदं वचनमब्रवीत्
4745	6059050a	बालस्त्वमसि सौमित्रे विक्रमेष्वविचक्षणः
4746	6059050c	गच्छ किं कालसदृशं मां योधयितुमिच्छसि
4747	6059051a	न हि मद्बाहुसृष्टानामस्त्राणां हिमवानपि
4748	6059051c	सोढुमुत्सहते वेगमन्तरिक्षमथो मही
4749	6059052a	सुखप्रसुप्तं कालाग्निं प्रबोधयितुमिच्छसि
4750	6059052c	न्यस्य चापं निवर्तस्व मा प्राणाञ्जहि मद्गतः
4751	6059053a	अथ वा त्वं प्रतिष्टब्धो न निवर्तितुमिच्छसि
4752	6059053c	तिष्ठ प्राणान्परित्यज्य गमिष्यसि यमक्षयम्
4753	6059054a	पश्य मे निशितान्बाणानरिदर्पनिषूदनान्
4754	6059054c	ईश्वरायुधसंकाशांस्तप्तकाञ्चनभूषणान्
4755	6059055a	एष ते सर्पसंकाशो बाणः पास्यति शोणितम्
4756	6059055c	मृगराज इव क्रुद्धो नागराजस्य शोणितम्
4757	6059056a	श्रुत्वातिकायस्य वचः सरोषं; सगर्वितं संयति राजपुत्रः
4758	6059056c	स संचुकोपातिबलो बृहच्छ्री;रुवाच वाक्यं च ततो महार्थम्
4759	6059057a	न वाक्यमात्रेण भवान्प्रधानो; न कत्थनात्सत्पुरुषा भवन्ति
4760	6059057c	मयि स्थिते धन्विनि बाणपाणौ; विदर्शयस्वात्मबलं दुरात्मन्
4761	6059058a	कर्मणा सूचयात्मानं न विकत्थितुमर्हसि
4762	6059058c	पौरुषेण तु यो युक्तः स तु शूर इति स्मृतः
4763	6059059a	सर्वायुधसमायुक्तो धन्वी त्वं रथमास्थितः
4764	6059059c	शरैर्वा यदि वाप्यस्त्रैर्दर्शयस्व पराक्रमम्
4765	6059060a	ततः शिरस्ते निशितैः पातयिष्याम्यहं शरैः
4766	6059060c	मारुतः कालसंपक्वं वृन्तात्तालफलं यथा
4767	6059061a	अद्य ते मामका बाणास्तप्तकाञ्चनभूषणाः
4768	6059061c	पास्यन्ति रुधिरं गात्राद्बाणशल्यान्तरोत्थितम्
4769	6059062a	बालोऽयमिति विज्ञाय न मावज्ञातुमर्हसि
4770	6059062c	बालो वा यदि वा वृद्धो मृत्युं जानीहि संयुगे
4771	6059063a	लक्ष्मणस्य वचः श्रुत्वा हेतुमत्परमार्थवत्
4772	6059063c	अतिकायः प्रचुक्रोध बाणं चोत्तममाददे
4773	6059064a	ततो विद्याधरा भूता देवा दैत्या महर्षयः
4774	6059064c	गुह्यकाश्च महात्मानस्तद्युद्धं ददृशुस्तदा
4775	6059065a	ततोऽतिकायः कुपितश्चापमारोप्य सायकम्
4776	6059065c	लक्ष्मणस्य प्रचिक्षेप संक्षिपन्निव चाम्बरम्
4777	6059066a	तमापतन्तं निशितं शरमाशीविषोपमम्
4778	6059066c	अर्धचन्द्रेण चिच्छेद लक्ष्मणः परवीरहा
4779	6059067a	तं निकृत्तं शरं दृष्ट्वा कृत्तभोगमिवोरगम्
4780	6059067c	अतिकायो भृशं क्रुद्धः पञ्चबाणान्समाददे
4781	6059068a	ताञ्शरान्संप्रचिक्षेप लक्ष्मणाय निशाचरः
4782	6059068c	तानप्राप्ताञ्शरैस्तीक्ष्णैश्चिच्छेद भरतानुजः
4783	6059069a	स तांश्छित्त्वा शरैस्तीक्ष्णैर्लक्ष्मणः परवीरहा
4784	6059069c	आददे निशितं बाणं ज्वलन्तमिव तेजसा
4785	6059070a	तमादाय धनुः श्रेष्ठे योजयामास लक्ष्मणः
4786	6059070c	विचकर्ष च वेगेन विससर्ज च सायकम्
4787	6059071a	पूर्णायतविसृष्टेन शरेणानत पर्वणा
4788	6059071c	ललाटे राक्षसश्रेष्ठमाजघान स वीर्यवान्
4789	6059072a	स ललाटे शरो मग्नस्तस्य भीमस्य रक्षसः
4790	6059072c	ददृशे शोणितेनाक्तः पन्नगेन्द्र इवाहवे
4791	6059073a	राक्षसः प्रचकम्पे च लक्ष्मणेषु प्रकम्पितः
4792	6059073c	रुद्रबाणहतं भीमं यथा त्रिपुरगोपुरम्
4793	6059074a	चिन्तयामास चाश्वस्य विमृश्य च महाबलः
4794	6059074c	साधु बाणनिपातेन श्वाघनीयोऽसि मे रिपुः
4795	6059075a	विचार्यैवं विनम्यास्यं विनम्य च भुजावुभौ
4796	6059075c	स रथोपस्थमास्थाय रथेन प्रचचार ह
4797	6059076a	एकं त्रीन्पञ्च सप्तेति सायकान्राक्षसर्षभः
4798	6059076c	आददे संदधे चापि विचकर्षोत्ससर्ज च
4799	6059077a	ते बाणाः कालसंकाशा राक्षसेन्द्रधनुश्च्युताः
4800	6059077c	हेमपुङ्खा रविप्रख्याश्चक्रुर्दीप्तमिवाम्बरम्
4801	6059078a	ततस्तान्राक्षसोत्सृष्टाञ्शरौघान्रावणानुजः
4802	6059078c	असंभ्रान्तः प्रचिच्छेद निशितैर्बहुभिः शरैः
4803	6059079a	ताञ्शरान्युधि संप्रेक्ष्य निकृत्तान्रावणात्मजः
4804	6059079c	चुकोप त्रिदशेन्द्रारिर्जग्राह निशितं शरम्
4805	6059080a	स संधाय महातेजास्तं बाणं सहसोत्सृजत्
4806	6059080c	ततः सौमित्रिमायान्तमाजघान स्तनान्तरे
4807	6059081a	अतिकायेन सौमित्रिस्ताडितो युधि वक्षसि
4808	6059081c	सुस्राव रुधिरं तीव्रं मदं मत्त इव द्विपः
4809	6059082a	स चकार तदात्मानं विशल्यं सहसा विभुः
4810	6059082c	जग्राह च शरं तीष्णमस्त्रेणापि समादधे
4811	6059083a	आग्नेयेन तदास्त्रेण योजयामास सायकम्
4812	6059083c	स जज्वाल तदा बाणो धनुश्चास्य महात्मनः
4813	6059084a	अतिकायोऽतितेजस्वी सौरमस्त्रं समाददे
4814	6059084c	तेन बाणं भुजंगाभं हेमपुङ्खमयोजयत्
4815	6059085a	ततस्तं ज्वलितं घोरं लक्ष्मणः शरमाहितम्
4816	6059085c	अतिकायाय चिक्षेप कालदण्डमिवान्तकः
4817	6059086a	आग्नेयेनाभिसंयुक्तं दृष्ट्वा बाणं निशाचरः
4818	6059086c	उत्ससर्ज तदा बाणं दीप्तं सूर्यास्त्रयोजितम्
4819	6059087a	तावुभावम्बरे बाणावन्योन्यमभिजघ्नतुः
4820	6059087c	तेजसा संप्रदीप्ताग्रौ क्रुद्धाविव भुजं गमौ
4821	6059088a	तावन्योन्यं विनिर्दह्य पेततुर्धरणीतले
4822	6059088c	निरर्चिषौ भस्मकृतौ न भ्राजेते शरोत्तमौ
4823	6059089a	ततोऽतिकायः संक्रुद्धस्त्वस्त्रमैषीकमुत्सृजत्
4824	6059089c	तत्प्रचिच्छेद सौमित्रिरस्त्रमैन्द्रेण वीर्यवान्
4825	6059090a	ऐषीकं निहतं दृष्ट्वा कुमारो रावणात्मजः
4826	6059090c	याम्येनास्त्रेण संक्रुद्धो योजयामास सायकम्
4827	6059091a	ततस्तदस्त्रं चिक्षेप लक्ष्मणाय निशाचरः
4828	6059091c	वायव्येन तदस्त्रं तु निजघान स लक्ष्मणः
4829	6059092a	अथैनं शरधाराभिर्धाराभिरिव तोयदः
4830	6059092c	अभ्यवर्षत संक्रुद्धो लक्ष्मणो रावणात्मजम्
4831	6059093a	तेऽतिकायं समासाद्य कवचे वज्रभूषिते
4832	6059093c	भग्नाग्रशल्याः सहसा पेतुर्बाणा महीतले
4833	6059094a	तान्मोघानभिसंप्रेक्ष्य लक्ष्मणः परवीरहा
4834	6059094c	अभ्यवर्षत बाणानां सहस्रेण महायशाः
4835	6059095a	स वर्ष्यमाणो बाणौघैरतिकायो महाबलः
4836	6059095c	अवध्यकवचः संख्ये राक्षसो नैव विव्यथे
4837	6059096a	न शशाक रुजं कर्तुं युधि तस्य नरोत्तमः
4838	6059096c	अथैनमभ्युपागम्य वायुर्वाक्यमुवाच ह
4839	6059097a	ब्रह्मदत्तवरो ह्येष अवध्य कवचावृतः
4840	6059097c	ब्राह्मेणास्त्रेण भिन्ध्येनमेष वध्यो हि नान्यथा
4841	6059098a	ततः स वायोर्वचनं निशम्य; सौमित्रिरिन्द्रप्रतिमानवीर्यः
4842	6059098c	समाददे बाणममोघवेगं; तद्ब्राह्ममस्त्रं सहसा नियोज्य
4843	6059099a	तस्मिन्वरास्त्रे तु नियुज्यमाने; सौमित्रिणा बाणवरे शिताग्रे
4844	6059099c	दिशः सचन्द्रार्कमहाग्रहाश्च; नभश्च तत्रास ररास चोर्वी
4845	6059100a	तं ब्रह्मणोऽस्त्रेण नियुज्य चापे; शरं सुपुङ्खं यमदूतकल्पम्
4846	6059100c	सौमित्रिरिन्द्रारिसुतस्य तस्य; ससर्ज बाणं युधि वज्रकल्पम्
4847	6059101a	तं लक्ष्मणोत्सृष्टममोघवेगं; समापतन्तं ज्वलनप्रकाशम्
4848	6059101c	सुवर्णवज्रोत्तमचित्रपुङ्खं; तदातिकायः समरे ददर्श
4849	6059102a	तं प्रेक्षमाणः सहसातिकायो; जघान बाणैर्निशितैरनेकैः
4850	6059102c	स सायकस्तस्य सुपर्णवेग;स्तदातिवेगेन जगाम पार्श्वम्
4851	6059103a	तमागतं प्रेक्ष्य तदातिकायो; बाणं प्रदीप्तान्तककालकल्पम्
4852	6059103c	जघान शक्त्यृष्टिगदाकुठारैः; शूलैर्हलैश्चाप्यविपन्नचेष्टः
4853	6059104a	तान्यायुधान्यद्भुतविग्रहाणि; मोघानि कृत्वा स शरोऽग्निदीप्तः
4854	6059104c	प्रसह्य तस्यैव किरीटजुष्टं; तदातिकायस्य शिरो जहार
4855	6059105a	तच्छिरः सशिरस्त्राणं लक्ष्मणेषुप्रपीडितम्
4856	6059105c	पपात सहसा भूमौ शृङ्गं हिमवतो यथा
4857	6059106a	प्रहर्षयुक्ता बहवस्तु वानरा; प्रबुद्धपद्मप्रतिमाननास्तदा
4858	6059106c	अपूजयँल्लक्ष्मणमिष्टभागिनं; हते रिपौ भीमबले दुरासदे
4859	6060001a	ततो हतान्राक्षसपुंगवांस्ता;न्देवान्तकादित्रिशिरोऽतिकायान्
4860	6060001c	रक्षोगणास्तत्र हतावशिष्टा;स्ते रावणाय त्वरितं शशंसुः
4861	6060002a	ततो हतांस्तान्सहसा निशम्य; राजा मुमोहाश्रुपरिप्लुताक्षः
4862	6060002c	पुत्रक्षयं भ्रातृवधं च घोरं; विचिन्त्य राजा विपुलं प्रदध्यौ
4863	6060003a	ततस्तु राजानमुदीक्ष्य दीनं; शोकार्णवे संपरिपुप्लुवानम्
4864	6060003c	अथर्षभो राक्षसराजसूनु;रथेन्द्रजिद्वाक्यमिदं बभाषे
4865	6060004a	न तात मोहं प्रतिगन्तुमर्हसि; यत्रेन्द्रजिज्जीवति राक्षसेन्द्र
4866	6060004c	नेन्द्रारिबाणाभिहतो हि कश्चि;त्प्राणान्समर्थः समरेऽभिधर्तुम्
4867	6060005a	पश्याद्य रामं सहलक्ष्मणेन; मद्बाणनिर्भिन्नविकीर्णदेहम्
4868	6060005c	गतायुषं भूमितले शयानं; शरैः शितैराचितसर्वगात्रम्
4869	6060006a	इमां प्रतिज्ञां शृणु शक्रशत्रोः; सुनिश्चितां पौरुषदैवयुक्ताम्
4870	6060006c	अद्यैव रामं सहलक्ष्मणेन; संतापयिष्यामि शरैरमोघैः
4871	6060007a	अद्येन्द्रवैवस्वतविष्णुमित्र; साध्याश्विवैश्वानरचन्द्रसूर्याः
4872	6060007c	द्रक्ष्यन्ति मे विक्रममप्रमेयं; विष्णोरिवोग्रं बलियज्ञवाटे
4873	6060008a	स एवमुक्त्वा त्रिदशेन्द्रशत्रु;रापृच्छ्य राजानमदीनसत्त्वः
4874	6060008c	समारुरोहानिलतुल्यवेगं; रथं खरश्रेष्ठसमाधियुक्तम्
4875	6060009a	समास्थाय महातेजा रथं हरिरथोपमम्
4876	6060009c	जगाम सहसा तत्र यत्र युद्धमरिंदम
4877	6060010a	तं प्रस्थितं महात्मानमनुजग्मुर्महाबलाः
4878	6060010c	संहर्षमाणा बहवो धनुःप्रवरपाणयः
4879	6060011a	गजस्कन्धगताः केचित्केचित्परमवाजिभिः
4880	6060011c	प्रासमुद्गरनिस्त्रिंश परश्वधगदाधराः
4881	6060012a	स शङ्खनिनदैर्भीमैर्भेरीणां च महास्वनैः
4882	6060012c	जगाम त्रिदशेन्द्रारिः स्तूयमानो निशाचरैः
4883	6060013a	स शङ्खशशिवर्णेन छत्रेण रिपुसादनः
4884	6060013c	रराज परिपूर्णेन नभश्चन्द्रमसा यथा
4885	6060014a	अवीज्यत ततो वीरो हैमैर्हेमविभूषितैः
4886	6060014c	चारुचामरमुख्यैश्च मुख्यः सर्वधनुष्मताम्
4887	6060015a	ततस्त्विन्द्रजिता लङ्का सूर्यप्रतिमतेजसा
4888	6060015c	रराजाप्रतिवीर्येण द्यौरिवार्केण भास्वता
4889	6060016a	स तु दृष्ट्वा विनिर्यान्तं बलेन महता वृतम्
4890	6060016c	राक्षसाधिपतिः श्रीमान्रावणः पुत्रमब्रवीत्
4891	6060017a	त्वमप्रतिरथः पुत्र जितस्ते युधि वासवः
4892	6060017c	किं पुनर्मानुषं धृष्यं न वधिष्यसि राघवम्
4893	6060018a	तथोक्तो राक्षसेन्द्रेण प्रतिगृह्य महाशिषः
4894	6060018c	रथेनाश्वयुजा वीरः शीघ्रं गत्वा निकुम्भिलाम्
4895	6060019a	स संप्राप्य महातेजा युद्धभूमिमरिंदमः
4896	6060019c	स्थापयामास रक्षांसि रथं प्रति समन्ततः
4897	6060020a	ततस्तु हुतभोक्तारं हुतभुक्सदृशप्रभः
4898	6060020c	जुहुवे राक्षसश्रेष्ठो मन्त्रवद्विधिवत्तदा
4899	6060021a	स हविर्जालसंस्कारैर्माल्यगन्धपुरस्कृतैः
4900	6060021c	जुहुवे पावकं तत्र राक्षसेन्द्रः प्रतापवान्
4901	6060022a	शस्त्राणि शरपत्राणि समिधोऽथ विभीतकः
4902	6060022c	लोहितानि च वासांसि स्रुवं कार्ष्णायसं तथा
4903	6060023a	स तत्राग्निं समास्तीर्य शरपत्रैः सतोमरैः
4904	6060023c	छागस्य सर्वकृष्णस्य गलं जग्राह जीवतः
4905	6060024a	सकृदेव समिद्धस्य विधूमस्य महार्चिषः
4906	6060024c	बभूवुस्तानि लिङ्गानि विजयं यान्यदर्शयन्
4907	6060025a	प्रदक्षिणावर्तशिखस्तप्तकाञ्चनसंनिभः
4908	6060025c	हविस्तत्प्रतिजग्राह पावकः स्वयमुत्थितः
4909	6060026a	सोऽस्त्रमाहारयामास ब्राह्ममस्त्रविदां वरः
4910	6060026c	धनुश्चात्मरथं चैव सर्वं तत्राभ्यमन्त्रयत्
4911	6060027a	तस्मिन्नाहूयमानेऽस्त्रे हूयमाने च पावके
4912	6060027c	सार्कग्रहेन्दु नक्षत्रं वितत्रास नभस्तलम्
4913	6060028a	स पावकं पावकदीप्ततेजा; हुत्वा महेन्द्रप्रतिमप्रभावः
4914	6060028c	सचापबाणासिरथाश्वसूतः; खेऽन्तर्दध आत्मानमचिन्त्यरूपः
4915	6060029a	स सैन्यमुत्सृज्य समेत्य तूर्णं; महारणे वानरवाहिनीषु
4916	6060029c	अदृश्यमानः शरजालमुग्रं; ववर्ष नीलाम्बुधरो यथाम्बु
4917	6060030a	ते शक्रजिद्बाणविशीर्णदेहा; मायाहता विस्वरमुन्नदन्तः
4918	6060030c	रणे निपेतुर्हरयोऽद्रिकल्पा; यथेन्द्रवज्राभिहता नगेन्द्राः
4919	6060031a	ते केवलं संददृशुः शिताग्रा;न्बाणान्रणे वानरवाहिनीषु
4920	6060031c	माया निगूढं च सुरेन्द्रशत्रुं; न चात्र तं राक्षसमभ्यपश्यन्
4921	6060032a	ततः स रक्षोऽधिपतिर्महात्मा; सर्वा दिशो बाणगणैः शिताग्रैः
4922	6060032c	प्रच्छादयामास रविप्रकाशै;र्विषादयामास च वानरेन्द्रान्
4923	6060033a	स शूलनिस्त्रिंश परश्वधानि; व्याविध्य दीप्तानलसंनिभानि
4924	6060033c	सविस्फुलिङ्गोज्ज्वलपावकानि; ववर्ष तीव्रं प्लवगेन्द्रसैन्ये
4925	6060034a	ततो ज्वलनसंकाशैः शितैर्वानरयूथपाः
4926	6060034c	ताडिताः शक्रजिद्बाणैः प्रफुल्ला इव किंशुकाः
4927	6060035a	अन्योन्यमभिसर्पन्तो निनदन्तश्च विस्वरम्
4928	6060035c	राक्षसेन्द्रास्त्रनिर्भिन्ना निपेतुर्वानरर्षभाः
4929	6060036a	उदीक्षमाणा गगनं केचिन्नेत्रेषु ताडिताः
4930	6060036c	शरैर्विविशुरन्योन्यं पेतुश्च जगतीतले
4931	6060037a	हनूमन्तं च सुग्रीवमङ्गदं गन्धमादनम्
4932	6060037c	जाम्बवन्तं सुषेणं च वेगदर्शिनमेव च
4933	6060038a	मैन्दं च द्विविदं नीलं गवाक्षं गजगोमुखौ
4934	6060038c	केसरिं हरिलोमानं विद्युद्दंष्ट्रं च वानरम्
4935	6060039a	सूर्याननं ज्योतिमुखं तथा दधिमुखं हरिम्
4936	6060039c	पावकाक्षं नलं चैव कुमुदं चैव वानरम्
4937	6060040a	प्रासैः शूलैः शितैर्बाणैरिन्द्रजिन्मन्त्रसंहितैः
4938	6060040c	विव्याध हरिशार्दूलान्सर्वांस्तान्राक्षसोत्तमः
4939	6060041a	स वै गदाभिर्हरियूथमुख्या;न्निर्भिद्य बाणैस्तपनीयपुङ्खैः
4940	6060041c	ववर्ष रामं शरवृष्टिजालैः; सलक्ष्मणं भास्कररश्मिकल्पैः
4941	6060042a	स बाणवर्षैरभिवर्ष्यमाणो; धारानिपातानिव तान्विचिन्त्य
4942	6060042c	समीक्षमाणः परमाद्भुतश्री; रामस्तदा लक्ष्मणमित्युवाच
4943	6060043a	असौ पुनर्लक्ष्मण राक्षसेन्द्रो; ब्रह्मास्त्रमाश्रित्य सुरेन्द्रशत्रुः
4944	6060043c	निपातयित्वा हरिसैन्यमुग्र;मस्माञ्शरैरर्दयति प्रसक्तम्
4945	6060044a	स्वयम्भुवा दत्तवरो महात्मा; खमास्थितोऽन्तर्हितभीमकायः
4946	6060044c	कथं नु शक्यो युधि नष्टदेहो; निहन्तुमद्येन्द्रजिदुद्यतास्त्रः
4947	6060045a	मन्ये स्वयम्भूर्भगवानचिन्त्यो; यस्यैतदस्त्रं प्रभवश्च योऽस्य
4948	6060045c	बाणावपातांस्त्वमिहाद्य धीम;न्मया सहाव्यग्रमनाः सहस्व
4949	6060046a	प्रच्छादयत्येष हि राक्षसेन्द्रः; सर्वा दिशः सायकवृष्टिजालैः
4950	6060046c	एतच्च सर्वं पतिताग्र्यवीरं; न भ्राजते वानरराजसैन्यम्
4951	6060047a	आवां तु दृष्ट्वा पतितौ विसंज्ञौ; निवृत्तयुद्धौ हतरोषहर्षौ
4952	6060047c	ध्रुवं प्रवेक्ष्यत्यमरारिवासं; असौ समादाय रणाग्रलक्ष्मीम्
4953	6060048a	ततस्तु ताविन्द्रजिदस्त्रजालै;र्बभूवतुस्तत्र तदा विशस्तौ
4954	6060048c	स चापि तौ तत्र विषादयित्वा; ननाद हर्षाद्युधि राक्षसेन्द्रः
4955	6060049a	स तत्तदा वानरराजसैन्यं; रामं च संख्ये सहलक्ष्मणेन
4956	6060049c	विषादयित्वा सहसा विवेश; पुरीं दशग्रीवभुजाभिगुप्ताम्
4957	6061001a	तयोस्तदा सादितयो रणाग्रे; मुमोह सैन्यं हरियूथपानाम्
4958	6061001c	सुग्रीवनीलाङ्गदजाम्बवन्तो; न चापि किंचित्प्रतिपेदिरे ते
4959	6061002a	ततो विषण्णं समवेक्ष्य सैन्यं; विभीषणो बुद्धिमतां वरिष्ठः
4960	6061002c	उवाच शाखामृगराजवीरा;नाश्वासयन्नप्रतिमैर्वचोभिः
4961	6061003a	मा भैष्ट नास्त्यत्र विषादकालो; यदार्यपुत्राववशौ विषण्णौ
4962	6061003c	स्वयम्भुवो वाक्यमथोद्वहन्तौ; यत्सादिताविन्द्रजिदस्त्रजालैः
4963	6061004a	तस्मै तु दत्तं परमास्त्रमेत;त्स्वयम्भुवा ब्राह्मममोघवेगम्
4964	6061004c	तन्मानयन्तौ यदि राजपुत्रौ; निपातितौ कोऽत्र विषादकालः
4965	6061005a	ब्राह्ममस्त्रं तदा धीमान्मानयित्वा तु मारुतिः
4966	6061005c	विभीषणवचः श्रुत्वा हनूमांस्तमथाब्रवीत्
4967	6061006a	एतस्मिन्निहते सैन्ये वानराणां तरस्विनाम्
4968	6061006c	यो यो धारयते प्राणांस्तं तमाश्वासयावहे
4969	6061007a	तावुभौ युगपद्वीरौ हनूमद्राक्षसोत्तमौ
4970	6061007c	उल्काहस्तौ तदा रात्रौ रणशीर्षे विचेरतुः
4971	6061008a	छिन्नलाङ्गूलहस्तोरुपादाङ्गुलि शिरो धरैः
4972	6061008c	स्रवद्भिः क्षतजं गात्रैः प्रस्रवद्भिः समन्ततः
4973	6061009a	पतितैः पर्वताकारैर्वानरैरभिसंकुलाम्
4974	6061009c	शस्त्रैश्च पतितैर्दीप्तैर्ददृशाते वसुंधराम्
4975	6061010a	सुग्रीवमङ्गदं नीलं शरभं गन्धमादनम्
4976	6061010c	जाम्बवन्तं सुषेणं च वेगदर्शनमाहुकम्
4977	6061011a	मैन्दं नलं ज्योतिमुखं द्विविदं पनसं तथा
4978	6061011c	विभीषणो हनूमांश्च ददृशाते हतान्रणे
4979	6061012a	सप्तषष्टिर्हताः कोट्यो वानराणां तरस्विनाम्
4980	6061012c	अह्नः पञ्चमशेषेण वल्लभेन स्वयम्भुवः
4981	6061013a	सागरौघनिभं भीमं दृष्ट्वा बाणार्दितं बलम्
4982	6061013c	मार्गते जाम्बवन्तं स्म हनूमान्सविभीषणः
4983	6061014a	स्वभावजरया युक्तं वृद्धं शरशतैश्चितम्
4984	6061014c	प्रजापतिसुतं वीरं शाम्यन्तमिव पावकम्
4985	6061015a	दृष्ट्वा तमुपसंगम्य पौलस्त्यो वाक्यमब्रवीत्
4986	6061015c	कच्चिदार्यशरैस्तीर्ष्णैर्न प्राणा ध्वंसितास्तव
4987	6061016a	विभीषणवचः श्रुत्वा जाम्बवानृक्षपुंगवः
4988	6061016c	कृच्छ्रादभ्युद्गिरन्वाक्यमिदं वचनमब्रवीत्
4989	6061017a	नैरृतेन्द्रमहावीर्यस्वरेण त्वाभिलक्षये
4990	6061017c	पीड्यमानः शितैर्बाणैर्न त्वां पश्यामि चक्षुषा
4991	6061018a	अञ्जना सुप्रजा येन मातरिश्वा च नैरृत
4992	6061018c	हनूमान्वानरश्रेष्ठः प्राणान्धारयते क्वचित्
4993	6061019a	श्रुत्वा जाम्बवतो वाक्यमुवाचेदं विभीषणः
4994	6061019c	आर्यपुत्रावतिक्रम्य कस्मात्पृच्छसि मारुतिम्
4995	6061020a	नैव राजनि सुग्रीवे नाङ्गदे नापि राघवे
4996	6061020c	आर्य संदर्शितः स्नेहो यथा वायुसुते परः
4997	6061021a	विभीषणवचः श्रुत्वा जाम्बवान्वाक्यमब्रवीत्
4998	6061021c	शृणु नैरृतशार्दूल यस्मात्पृच्छामि मारुतिम्
4999	6061022a	तस्मिञ्जीवति वीरे तु हतमप्यहतं बलम्
5000	6061022c	हनूमत्युज्झितप्राणे जीवन्तोऽपि वयं हताः
5001	6061023a	ध्रियते मारुतिस्तात मारुतप्रतिमो यदि
5002	6061023c	वैश्वानरसमो वीर्ये जीविताशा ततो भवेत्
5003	6061024a	ततो वृद्धमुपागम्य नियमेनाभ्यवादयत्
5004	6061024c	गृह्य जाम्बवतः पादौ हनूमान्मारुतात्मजः
5005	6061025a	श्रुत्वा हनुमतो वाक्यं तथापि व्यथितेन्द्रियः
5006	6061025c	पुनर्जातमिवात्मानं स मेने ऋक्षपुंगवः
5007	6061026a	ततोऽब्रवीन्महातेजा हनूमन्तं स जाम्बवान्
5008	6061026c	आगच्छ हरिशार्दूलवानरांस्त्रातुमर्हसि
5009	6061027a	नान्यो विक्रमपर्याप्तस्त्वमेषां परमः सखा
5010	6061027c	त्वत्पराक्रमकालोऽयं नान्यं पश्यामि कञ्चन
5011	6061028a	ऋक्षवानरवीराणामनीकानि प्रहर्षय
5012	6061028c	विशल्यौ कुरु चाप्येतौ सादितौ रामलक्ष्मणौ
5013	6061029a	गत्वा परममध्वानमुपर्युपरि सागरम्
5014	6061029c	हिमवन्तं नगश्रेष्ठं हनूमन्गन्तुमर्हसि
5015	6061030a	ततः काञ्चनमत्युग्रमृषभं पर्वतोत्तमम्
5016	6061030c	कैलासशिखरं चापि द्रक्ष्यस्यरिनिषूदन
5017	6061031a	तयोः शिखरयोर्मध्ये प्रदीप्तमतुलप्रभम्
5018	6061031c	सर्वौषधियुतं वीर द्रक्ष्यस्यौषधिपर्वतम्
5019	6061032a	तस्य वानरशार्दूलचतस्रो मूर्ध्नि संभवाः
5020	6061032c	द्रक्ष्यस्योषधयो दीप्ता दीपयन्त्यो दिशो दश
5021	6061033a	मृतसंजीवनीं चैव विशल्यकरणीमपि
5022	6061033c	सौवर्णकरणीं चैव संधानीं च महौषधीम्
5023	6061034a	ताः सर्वा हनुमन्गृह्य क्षिप्रमागन्तुमर्हसि
5024	6061034c	आश्वासय हरीन्प्राणैर्योज्य गन्धवहात्मजः
5025	6061035a	श्रुत्वा जाम्बवतो वाक्यं हनूमान्हरिपुंगवः
5026	6061035c	आपूर्यत बलोद्धर्षैस्तोयवेगैरिवार्णवः
5027	6061036a	स पर्वततटाग्रस्थः पीडयन्पर्वतोत्तरम्
5028	6061036c	हनूमान्दृश्यते वीरो द्वितीय इव पर्वतः
5029	6061037a	हरिपादविनिर्भिन्नो निषसाद स पर्वतः
5030	6061037c	न शशाक तदात्मानं सोढुं भृशनिपीडितः
5031	6061038a	तस्य पेतुर्नगा भूमौ हरिवेगाच्च जज्वलुः
5032	6061038c	शृङ्गाणि च व्यकीर्यन्त पीडितस्य हनूमता
5033	6061039a	तस्मिन्संपीड्यमाने तु भग्नद्रुमशिलातले
5034	6061039c	न शेकुर्वानराः स्थातुं घूर्णमाने नगोत्तमे
5035	6061040a	स घूर्णितमहाद्वारा प्रभग्नगृहगोपुरा
5036	6061040c	लङ्का त्रासाकुला रात्रौ प्रनृत्तेवाभवत्तदा
5037	6061041a	पृथिवीधरसंकाशो निपीड्य धरणीधरम्
5038	6061041c	पृथिवीं क्षोभयामास सार्णवां मारुतात्मजः
5039	6061042a	पद्भ्यां तु शैलमापीड्य वडवामुखवन्मुखम्
5040	6061042c	विवृत्योग्रं ननादोच्चैस्त्रासयन्निव राक्षसान्
5041	6061043a	तस्य नानद्यमानस्य श्रुत्वा निनदमद्भुतम्
5042	6061043c	लङ्कास्था राक्षसाः सर्वे न शेकुः स्पन्दितुं भयात्
5043	6061044a	नमस्कृत्वाथ रामाय मारुतिर्भीमविक्रमः
5044	6061044c	राघवार्थे परं कर्म समैहत परंतपः
5045	6061045a	स पुच्छमुद्यम्य भुजंगकल्पं; विनम्य पृष्ठं श्रवणे निकुञ्च्य
5046	6061045c	विवृत्य वक्त्रं वडवामुखाभ;मापुप्लुवे व्योम्नि स चण्डवेगः
5047	6061046a	स वृक्षषण्डांस्तरसा जहार; शैलाञ्शिलाः प्राकृतवानरांश्च
5048	6061046c	बाहूरुवेगोद्धतसंप्रणुन्ना;स्ते क्षीणवेगाः सलिले निपेतुः
5049	6061047a	स तौ प्रसार्योरगभोगकल्पौ; भुजौ भुजंगारिनिकाशवीर्यः
5050	6061047c	जगाम मेरुं नगराजमग्र्यं; दिशः प्रकर्षन्निव वायुसूनुः
5051	6061048a	स सागरं घूर्णितवीचिमालं; तदा भृशं भ्रामितसर्वसत्त्वम्
5052	6061048c	समीक्षमाणः सहसा जगाम; चक्रं यथा विष्णुकराग्रमुक्तम्
5053	6061049a	स पर्वतान्वृक्षगणान्सरांसि; नदीस्तटाकानि पुरोत्तमानि
5054	6061049c	स्फीताञ्जनांस्तानपि संप्रपश्य;ञ्जगाम वेगात्पितृतुल्यवेगः
5055	6061050a	आदित्यपथमाश्रित्य जगाम स गतश्रमः
5056	6061050c	स ददर्श हरिश्रेष्ठो हिमवन्तं नगोत्तमम्
5057	6061051a	नानाप्रस्रवणोपेतं बहुकंदरनिर्झरम्
5058	6061051c	श्वेताभ्रचयसंकाशैः शिखरैश्चारुदर्शनैः
5059	6061052a	स तं समासाद्य महानगेन्द्र;मतिप्रवृद्धोत्तमघोरशृङ्गम्
5060	6061052c	ददर्श पुण्यानि महाश्रमाणि; सुरर्षिसंघोत्तमसेवितानि
5061	6061053a	स ब्रह्मकोशं रजतालयं च; शक्रालयं रुद्रशरप्रमोक्षम्
5062	6061053c	हयाननं ब्रह्मशिरश्च दीप्तं; ददर्श वैवस्वत किंकरांश्च
5063	6061054a	वज्रालयं वैश्वरणालयं च; सूर्यप्रभं सूर्यनिबन्धनं च
5064	6061054c	ब्रह्मासनं शंकरकार्मुकं च; ददर्श नाभिं च वसुंधरायाः
5065	6061055a	कैलासमग्र्यं हिमवच्छिलां च; तथर्षभं काञ्चनशैलमग्र्यम्
5066	6061055c	स दीप्तसर्वौषधिसंप्रदीप्तं; ददर्श सर्वौषधिपर्वतेन्द्रम्
5067	6061056a	स तं समीक्ष्यानलरश्मिदीप्तं; विसिष्मिये वासवदूतसूनुः
5068	6061056c	आप्लुत्य तं चौषधिपर्वतेन्द्रं; तत्रौषधीनां विचयं चकार
5069	6061057a	स योजनसहस्राणि समतीत्य महाकपिः
5070	6061057c	दिव्यौषधिधरं शैलं व्यचरन्मारुतात्मजः
5071	6061058a	महौषध्यस्तु ताः सर्वास्तस्मिन्पर्वतसत्तमे
5072	6061058c	विज्ञायार्थिनमायान्तं ततो जग्मुरदर्शनम्
5073	6061059a	स ता महात्मा हनुमानपश्यं;श्चुकोप कोपाच्च भृशं ननाद
5074	6061059c	अमृष्यमाणोऽग्निनिकाशचक्षु;र्महीधरेन्द्रं तमुवाच वाक्यम्
5075	6061060a	किमेतदेवं सुविनिश्चितं ते; यद्राघवे नासि कृतानुकम्पः
5076	6061060c	पश्याद्य मद्बाहुबलाभिभूतो; विकीर्णमात्मानमथो नगेन्द्र
5077	6061061a	स तस्य शृङ्गं सनगं सनागं; सकाञ्चनं धातुसहस्रजुष्टम्
5078	6061061c	विकीर्णकूटं चलिताग्रसानुं; प्रगृह्य वेगात्सहसोन्ममाथ
5079	6061062a	स तं समुत्पाट्य खमुत्पपात; वित्रास्य लोकान्ससुरान्सुरेन्द्रान्
5080	6061062c	संस्तूयमानः खचरैरनेकै;र्जगाम वेगाद्गरुडोग्रवीर्यः
5081	6061063a	स भास्कराध्वानमनुप्रपन्न;स्तद्भास्कराभं शिखरं प्रगृह्य
5082	6061063c	बभौ तदा भास्करसंनिकाशो; रवेः समीपे प्रतिभास्कराभः
5083	6061064a	स तेन शैलेन भृशं रराज; शैलोपमो गन्धवहात्मजस्तु
5084	6061064c	सहस्रधारेण सपावकेन; चक्रेण खे विष्णुरिवोद्धृतेन
5085	6061065a	तं वानराः प्रेक्ष्य तदा विनेदुः; स तानपि प्रेक्ष्य मुदा ननाद
5086	6061065c	तेषां समुद्घुष्टरवं निशम्य; लङ्कालया भीमतरं विनेदुः
5087	6061066a	ततो महात्मा निपपात तस्मि;ञ्शैलोत्तमे वानरसैन्यमध्ये
5088	6061066c	हर्युत्तमेभ्यः शिरसाभिवाद्य; विभीषणं तत्र च सस्वजे सः
5089	6061067a	तावप्युभौ मानुषराजपुत्रौ; तं गन्धमाघ्राय महौषधीनाम्
5090	6061067c	बभूवतुस्तत्र तदा विशल्या;वुत्तस्थुरन्ये च हरिप्रवीराः
5091	6061068a	ततो हरिर्गन्धवहात्मजस्तु; तमोषधीशैलमुदग्रवीर्यः
5092	6061068c	निनाय वेगाद्धिमवन्तमेव; पुनश्च रामेण समाजगाम
5093	6062001a	ततोऽब्रवीन्महातेजाः सुग्रीवो वानराधिपः
5094	6062001c	अर्थ्यं विजापयंश्चापि हनूमन्तं महाबलम्
5095	6062002a	यतो हतः कुम्भकर्णः कुमाराश्च निषूदिताः
5096	6062002c	नेदानीमुपनिर्हारं रावणो दातुमर्हति
5097	6062003a	ये ये महाबलाः सन्ति लघवश्च प्लवंगमाः
5098	6062003c	लङ्कामभ्युत्पतन्त्वाशु गृह्योल्काः प्लवगर्षभाः
5099	6062004a	ततोऽस्तं गत आदित्ये रौद्रे तस्मिन्निशामुखे
5100	6062004c	लङ्कामभिमुखाः सोल्का जग्मुस्ते प्लवगर्षभाः
5101	6062005a	उल्काहस्तैर्हरिगणैः सर्वतः समभिद्रुताः
5102	6062005c	आरक्षस्था विरूपाक्षाः सहसा विप्रदुद्रुवुः
5103	6062006a	गोपुराट्ट प्रतोलीषु चर्यासु विविधासु च
5104	6062006c	प्रासादेषु च संहृष्टाः ससृजुस्ते हुताशनम्
5105	6062007a	तेषां गृहसहस्राणि ददाह हुतभुक्तदा
5106	6062007c	आवासान्राक्षसानां च सर्वेषां गृहमेधिनाम्
5107	6062008a	हेमचित्रतनुत्राणां स्रग्दामाम्बरधारिणाम्
5108	6062008c	सीधुपानचलाक्षाणां मदविह्वलगामिनाम्
5109	6062009a	कान्तालम्बितवस्त्राणां शत्रुसंजातमन्युनाम्
5110	6062009c	गदाशूलासि हस्तानां खादतां पिबतामपि
5111	6062010a	शयनेषु महार्हेषु प्रसुप्तानां प्रियैः सह
5112	6062010c	त्रस्तानां गच्छतां तूर्णं पुत्रानादाय सर्वतः
5113	6062011a	तेषां गृहसहस्राणि तदा लङ्कानिवासिनाम्
5114	6062011c	अदहत्पावकस्तत्र जज्वाल च पुनः पुनः
5115	6062012a	सारवन्ति महार्हाणि गम्भीरगुणवन्ति च
5116	6062012c	हेमचन्द्रार्धचन्द्राणि चन्द्रशालोन्नतानि च
5117	6062013a	रत्नचित्रगवाक्षाणि साधिष्ठानानि सर्वशः
5118	6062013c	मणिविद्रुमचित्राणि स्पृशन्तीव च भास्करम्
5119	6062014a	क्रौञ्चबर्हिणवीणानां भूषणानां च निस्वनैः
5120	6062014c	नादितान्यचलाभानि वेश्मान्यग्निर्ददाह सः
5121	6062015a	ज्वलनेन परीतानि तोरणानि चकाशिरे
5122	6062015c	विद्युद्भिरिव नद्धानि मेघजालानि घर्मगे
5123	6062016a	विमानेषु प्रसुप्ताश्च दह्यमाना वराङ्गनाः
5124	6062016c	त्यक्ताभरणसंयोगा हाहेत्युच्चैर्विचुक्रुशः
5125	6062017a	तत्र चाग्निपरीतानि निपेतुर्भवनान्यपि
5126	6062017c	वज्रिवज्रहतानीव शिखराणि महागिरेः
5127	6062018a	तानि निर्दह्यमानानि दूरतः प्रचकाशिरे
5128	6062018c	हिमवच्छिखराणीव दीप्तौषधिवनानि च
5129	6062019a	हर्म्याग्रैर्दह्यमानैश्च ज्वालाप्रज्वलितैरपि
5130	6062019c	रात्रौ सा दृश्यते लङ्का पुष्पितैरिव किंशुकैः
5131	6062020a	हस्त्यध्यक्षैर्गजैर्मुक्तैर्मुक्तैश्च तुरगैरपि
5132	6062020c	बभूव लङ्का लोकान्ते भ्रान्तग्राह इवार्णवः
5133	6062021a	अश्वं मुक्तं गजो दृष्ट्वा कच्चिद्भीतोऽपसर्पति
5134	6062021c	भीतो भीतं गजं दृष्ट्वा क्वचिदश्वो निवर्तते
5135	6062022a	सा बभूव मुहूर्तेन हरिभिर्दीपिता पुरी
5136	6062022c	लोकस्यास्य क्षये घोरे प्रदीप्तेव वसुंधरा
5137	6062023a	नारी जनस्य धूमेन व्याप्तस्योच्चैर्विनेदुषः
5138	6062023c	स्वनो ज्वलनतप्तस्य शुश्रुवे दशयोजनम्
5139	6062024a	प्रदग्धकायानपरान्राक्षसान्निर्गतान्बहिः
5140	6062024c	सहसाभ्युत्पतन्ति स्म हरयोऽथ युयुत्सवः
5141	6062025a	उद्घुष्टं वानराणां च राक्षसानां च निस्वनः
5142	6062025c	दिशो दश समुद्रं च पृथिवीं चान्वनादयत्
5143	6062026a	विशल्यौ तु महात्मानौ तावुभौ रामलक्ष्मणौ
5144	6062026c	असंभ्रान्तौ जगृहतुस्तावुभौ धनुषी वरे
5145	6062027a	ततो विस्फारयाणस्य रामस्य धनुरुत्तमम्
5146	6062027c	बभूव तुमुलः शब्दो राक्षसानां भयावहः
5147	6062028a	अशोभत तदा रामो धनुर्विस्फारयन्महत्
5148	6062028c	भगवानिव संक्रुद्धो भवो वेदमयं धनुः
5149	6062029a	वानरोद्घुष्टघोषश्च राक्षसानां च निस्वनः
5150	6062029c	ज्याशब्दश्चापि रामस्य त्रयं व्याप दिशो दश
5151	6062030a	तस्य कार्मुकमुक्तैश्च शरैस्तत्पुरगोपुरम्
5152	6062030c	कैलासशृङ्गप्रतिमं विकीर्णमपतद्भुवि
5153	6062031a	ततो रामशरान्दृष्ट्वा विमानेषु गृहेषु च
5154	6062031c	संनाहो राक्षसेन्द्राणां तुमुलः समपद्यत
5155	6062032a	तेषां संनह्यमानानां सिंहनादं च कुर्वताम्
5156	6062032c	शर्वरी राक्षसेन्द्राणां रौद्रीव समपद्यत
5157	6062033a	आदिष्टा वानरेन्द्रास्ते सुग्रीवेण महात्मना
5158	6062033c	आसन्ना द्वारमासाद्य युध्यध्वं प्लवगर्षभाः
5159	6062034a	यश्च वो वितथं कुर्यात्तत्र तत्र व्यवस्थितः
5160	6062034c	स हन्तव्योऽभिसंप्लुत्य राजशासनदूषकः
5161	6062035a	तेषु वानरमुख्येषु दीप्तोल्कोज्ज्वलपाणिषु
5162	6062035c	स्थितेषु द्वारमासाद्य रावणं मन्युराविशत्
5163	6062036a	तस्य जृम्भितविक्षेपाद्व्यामिश्रा वै दिशो दश
5164	6062036c	रूपवानिव रुद्रस्य मन्युर्गात्रेष्वदृश्यत
5165	6062037a	स निकुम्भं च कुम्भं च कुम्भकर्णात्मजावुभौ
5166	6062037c	प्रेषयामास संक्रुद्धो राक्षसैर्बहुभिः सह
5167	6062038a	शशास चैव तान्सर्वान्राक्षसान्राक्षसेश्वरः
5168	6062038c	राक्षसा गच्छतात्रैव सिंहनादं च नादयन्
5169	6062039a	ततस्तु चोदितास्तेन राक्षसा ज्वलितायुधाः
5170	6062039c	लङ्काया निर्ययुर्वीराः प्रणदन्तः पुनः पुनः
5171	6062040a	भीमाश्वरथमातंगं नानापत्ति समाकुलम्
5172	6062040c	दीप्तशूलगदाखड्गप्रासतोमरकार्मुकम्
5173	6062041a	तद्राक्षसबलं घोरं भीमविक्रमपौरुषम्
5174	6062041c	ददृशे ज्वलितप्रासं किङ्किणीशतनादितम्
5175	6062042a	हेमजालाचितभुजं व्यावेष्टितपरश्वधम्
5176	6062042c	व्याघूर्णितमहाशस्त्रं बाणसंसक्तकार्मुकम्
5177	6062043a	गन्धमाल्यमधूत्सेकसंमोदित महानिलम्
5178	6062043c	घोरं शूरजनाकीर्णं महाम्बुधरनिस्वनम्
5179	6062044a	तं दृष्ट्वा बलमायान्तं राक्षसानां सुदारुणम्
5180	6062044c	संचचाल प्लवंगानां बलमुच्चैर्ननाद च
5181	6062045a	जवेनाप्लुत्य च पुनस्तद्राक्षसबलं महत्
5182	6062045c	अभ्ययात्प्रत्यरिबलं पतंग इव पावकम्
5183	6062046a	तेषां भुजपरामर्शव्यामृष्टपरिघाशनि
5184	6062046c	राक्षसानां बलं श्रेष्ठं भूयस्तरमशोभत
5185	6062047a	तथैवाप्यपरे तेषां कपीनामसिभिः शितैः
5186	6062047c	प्रवीरानभितो जघ्नुर्घोररूपा निशाचराः
5187	6062048a	घ्नन्तमन्यं जघानान्यः पातयन्तमपातयत्
5188	6062048c	गर्हमाणं जगर्हान्ये दशन्तमपरेऽदशत्
5189	6062049a	देहीत्यन्ये ददात्यन्यो ददामीत्यपरः पुनः
5190	6062049c	किं क्लेशयसि तिष्ठेति तत्रान्योन्यं बभाषिरे
5191	6062050a	समुद्यतमहाप्रासं मुष्टिशूलासिसंकुलम्
5192	6062050c	प्रावर्तत महारौद्रं युद्धं वानररक्षसाम्
5193	6062051a	वानरान्दश सप्तेति राक्षसा अभ्यपातयन्
5194	6062051c	राक्षसान्दशसप्तेति वानरा जघ्नुराहवे
5195	6062052a	विस्रस्तकेशरसनं विमुक्तकवचध्वजम्
5196	6062052c	बलं राक्षसमालम्ब्य वानराः पर्यवारयन्
5197	6063001a	प्रवृत्ते संकुले तस्मिन्घोरे वीरजनक्षये
5198	6063001c	अङ्गदः कम्पनं वीरमाससाद रणोत्सुकः
5199	6063002a	आहूय सोऽङ्गदं कोपात्ताडयामास वेगितः
5200	6063002c	गदया कम्पनः पूर्वं स चचाल भृशाहतः
5201	6063003a	स संज्ञां प्राप्य तेजस्वी चिक्षेप शिखरं गिरेः
5202	6063003c	अर्दितश्च प्रहारेण कम्पनः पतितो भुवि
5203	6063004a	हतप्रवीरा व्यथिता राक्षसेन्द्रचमूस्तदा
5204	6063004c	जगामाभिमुखी सा तु कुम्भकर्णसुतो यतः
5205	6063004e	आपतन्तीं च वेगेन कुम्भस्तां सान्त्वयच्चमूम्
5206	6063005a	स धनुर्धन्विनां श्रेष्ठः प्रगृह्य सुसमाहितः
5207	6063005c	मुमोचाशीविषप्रख्याञ्शरान्देहविदारणान्
5208	6063006a	तस्य तच्छुशुभे भूयः सशरं धनुरुत्तमम्
5209	6063006c	विद्युदैरावतार्चिष्मद्द्वितीयेन्द्रधनुर्यथा
5210	6063007a	आकर्णकृष्टमुक्तेन जघान द्विविदं तदा
5211	6063007c	तेन हाटकपुङ्खेन पत्रिणा पत्रवाससा
5212	6063008a	सहसाभिहतस्तेन विप्रमुक्तपदः स्फुरन्
5213	6063008c	निपपाताद्रिकूटाभो विह्वलः प्लवगोत्तमः
5214	6063009a	मैन्दस्तु भ्रातरं दृष्ट्वा भग्नं तत्र महाहवे
5215	6063009c	अभिदुद्राव वेगेन प्रगृह्य महतीं शिलाम्
5216	6063010a	तां शिलां तु प्रचिक्षेप राक्षसाय महाबलः
5217	6063010c	बिभेद तां शिलां कुम्भः प्रसन्नैः पञ्चभिः शरैः
5218	6063011a	संधाय चान्यं सुमुखं शरमाशीविषोपमम्
5219	6063011c	आजघान महातेजा वक्षसि द्विविदाग्रजम्
5220	6063012a	स तु तेन प्रहारेण मैन्दो वानरयूथपः
5221	6063012c	मर्मण्यभिहतस्तेन पपात भुवि मूर्छितः
5222	6063013a	अङ्गदो मातुलौ दृष्ट्वा पतितौ तौ महाबलौ
5223	6063013c	अभिदुद्राव वेगेन कुम्भमुद्यतकार्मुकम्
5224	6063014a	तमापतन्तं विव्याध कुम्भः पञ्चभिरायसैः
5225	6063014c	त्रिभिश्चान्यैः शितैर्बाणैर्मातंगमिव तोमरैः
5226	6063015a	सोऽङ्गदं विविधैर्बाणैः कुम्भो विव्याध वीर्यवान्
5227	6063015c	अकुण्ठधारैर्निशितैस्तीक्ष्णैः कनकभूषणैः
5228	6063016a	अङ्गदः प्रतिविद्धाङ्गो वालिपुत्रो न कम्पते
5229	6063016c	शिलापादपवर्षाणि तस्य मूर्ध्नि ववर्ष ह
5230	6063017a	स प्रचिच्छेद तान्सर्वान्बिभेद च पुनः शिलाः
5231	6063017c	कुम्भकर्णात्मजः श्रीमान्वालिपुत्रसमीरितान्
5232	6063018a	आपतन्तं च संप्रेक्ष्य कुम्भो वानरयूथपम्
5233	6063018c	भ्रुवोर्विव्याध बाणाभ्यामुल्काभ्यामिव कुञ्जरम्
5234	6063019a	अङ्गदः पाणिना नेत्रे पिधाय रुधिरोक्षिते
5235	6063019c	सालमासन्नमेकेन परिजग्राह पाणिना
5236	6063020a	तमिन्द्रकेतुप्रतिमं वृक्षं मन्दरसंनिभम्
5237	6063020c	समुत्सृजन्तं वेगेन पश्यतां सर्वरक्षसाम्
5238	6063021a	स चिच्छेद शितैर्बाणैः सप्तभिः कायभेदनैः
5239	6063021c	अङ्गदो विव्यथेऽभीक्ष्णं ससाद च मुमोह च
5240	6063022a	अङ्गदं व्यथितं दृष्ट्वा सीदन्तमिव सागरे
5241	6063022c	दुरासदं हरिश्रेष्ठा राघवाय न्यवेदयन्
5242	6063023a	रामस्तु व्यथितं श्रुत्वा वालिपुत्रं महाहवे
5243	6063023c	व्यादिदेश हरिश्रेष्ठाञ्जाम्बवत्प्रमुखांस्ततः
5244	6063024a	ते तु वानरशार्दूलाः श्रुत्वा रामस्य शासनम्
5245	6063024c	अभिपेतुः सुसंक्रुद्धाः कुम्भमुद्यतकार्मुकम्
5246	6063025a	ततो द्रुमशिलाहस्ताः कोपसंरक्तलोचनाः
5247	6063025c	रिरक्षिषन्तोऽभ्यपतन्नङ्गदं वानरर्षभाः
5248	6063026a	जाम्बवांश्च सुषेणश्च वेगदर्शी च वानरः
5249	6063026c	कुम्भकर्णात्मजं वीरं क्रुद्धाः समभिदुद्रुवुः
5250	6063027a	समीक्ष्यातततस्तांस्तु वानरेन्द्रान्महाबलान्
5251	6063027c	आववार शरौघेण नगेनेव जलाशयम्
5252	6063028a	तस्य बाणचयं प्राप्य न शोकेरतिवर्तितुम्
5253	6063028c	वानरेन्द्रा महात्मानो वेलामिव महोदधिः
5254	6063029a	तांस्तु दृष्ट्वा हरिगणाञ्शरवृष्टिभिरर्दितान्
5255	6063029c	अङ्गदं पृष्ठतः कृत्वा भ्रातृजं प्लवगेश्वरः
5256	6063030a	अभिदुद्राव वेगेन सुग्रीवः कुम्भमाहवे
5257	6063030c	शैलसानु चरं नागं वेगवानिव केसरी
5258	6063031a	उत्पाट्य च महाशैलानश्वकर्णान्धवान्बहून्
5259	6063031c	अन्यांश्च विविधान्वृक्षांश्चिक्षेप च महाबलः
5260	6063032a	तां छादयन्तीमाकाशं वृक्षवृष्टिं दुरासदाम्
5261	6063032c	कुम्भकर्णात्मजः श्रीमांश्चिच्छेद निशितैः शरैः
5262	6063033a	अभिलक्ष्येण तीव्रेण कुम्भेन निशितैः शरैः
5263	6063033c	आचितास्ते द्रुमा रेजुर्यथा घोराः शतघ्नयः
5264	6063034a	द्रुमवर्षं तु तच्छिन्नं दृष्ट्वा कुम्भेन वीर्यवान्
5265	6063034c	वानराधिपतिः श्रीमान्महासत्त्वो न विव्यथे
5266	6063035a	निर्भिद्यमानः सहसा सहमानश्च ताञ्शरान्
5267	6063035c	कुम्भस्य धनुराक्षिप्य बभञ्जेन्द्रधनुःप्रभम्
5268	6063036a	अवप्लुत्य ततः शीघ्रं कृत्वा कर्म सुदुष्करम्
5269	6063036c	अब्रवीत्कुपितः कुम्भं भग्नशृङ्गमिव द्विपम्
5270	6063037a	निकुम्भाग्रज वीर्यं ते बाणवेगं तदद्भुतम्
5271	6063037c	संनतिश्च प्रभावश्च तव वा रावणस्य वा
5272	6063038a	प्रह्रादबलिवृत्रघ्नकुबेरवरुणोपम
5273	6063038c	एकस्त्वमनुजातोऽसि पितरं बलवत्तरः
5274	6063039a	त्वामेवैकं महाबाहुं शूलहस्तमरिंदमम्
5275	6063039c	त्रिदशा नातिवर्तन्ते जितेन्द्रियमिवाधयः
5276	6063040a	वरदानात्पितृव्यस्ते सहते देवदानवान्
5277	6063040c	कुम्भकर्णस्तु वीर्येण सहते च सुरासुरान्
5278	6063041a	धनुषीन्द्रजितस्तुल्यः प्रतापे रावणस्य च
5279	6063041c	त्वमद्य रक्षसां लोके श्रेष्ठोऽसि बलवीर्यतः
5280	6063042a	महाविमर्दं समरे मया सह तवाद्भुतम्
5281	6063042c	अद्य भूतानि पश्यन्तु शक्रशम्बरयोरिव
5282	6063043a	कृतमप्रतिमं कर्म दर्शितं चास्त्रकौशलम्
5283	6063043c	पातिता हरिवीराश्च त्वयैते भीमविक्रमाः
5284	6063044a	उपालम्भभयाच्चापि नासि वीर मया हतः
5285	6063044c	कृतकर्मा परिश्रान्तो विश्रान्तः पश्य मे बलम्
5286	6063045a	तेन सुग्रीववाक्येन सावमानेन मानितः
5287	6063045c	अग्नेराज्यहुतस्येव तेजस्तस्याभ्यवर्धत
5288	6063046a	ततः कुम्भः समुत्पत्य सुग्रीवमभिपद्य च
5289	6063046c	आजघानोरसि क्रुद्धो वज्रवेगेन मुष्टिना
5290	6063047a	तस्य चर्म च पुस्फोट संजज्ञे चास्य शोणितम्
5291	6063047c	स च मुष्टिर्महावेगः प्रतिजघ्नेऽस्थिमण्डले
5292	6063048a	तदा वेगेन तत्रासीत्तेजः प्रज्वालितं मुहुः
5293	6063048c	वज्रनिष्पेषसंजातज्वाला मेरौ यथा गिरौ
5294	6063049a	स तत्राभिहतस्तेन सुग्रीवो वानरर्षभः
5295	6063049c	मुष्टिं संवर्तयामास वज्रकल्पं महाबलः
5296	6063050a	अर्चिःसहस्रविकचं रविमण्डलसप्रभम्
5297	6063050c	स मुष्टिं पातयामास कुम्भस्योरसि वीर्यवान्
5298	6063051a	मुष्टिनाभिहतस्तेन निपपाताशु राक्षसः
5299	6063051c	लोहिताङ्ग इवाकाशाद्दीप्तरश्मिर्यदृच्छया
5300	6063052a	कुम्भस्य पततो रूपं भग्नस्योरसि मुष्टिना
5301	6063052c	बभौ रुद्राभिपन्नस्य यथारूपं गवां पतेः
5302	6063053a	तस्मिन्हते भीमपराक्रमेण; प्लवंगमानामृषभेण युद्धे
5303	6063053c	मही सशैला सवना चचाल; भयं च रक्षांस्यधिकं विवेश
5304	6064001a	निकुम्भो भ्रातरं दृष्ट्वा सुग्रीवेण निपातितम्
5305	6064001c	प्रदहन्निव कोपेन वानरेन्द्रमवैक्षत
5306	6064002a	ततः स्रग्दामसंनद्धं दत्तपञ्चाङ्गुलं शुभम्
5307	6064002c	आददे परिघं वीरो नगेन्द्रशिखरोपमम्
5308	6064003a	हेमपट्टपरिक्षिप्तं वज्रविद्रुमभूषितम्
5309	6064003c	यमदण्डोपमं भीमं रक्षसां भयनाशनम्
5310	6064004a	तमाविध्य महातेजाः शक्रध्वजसमं रणे
5311	6064004c	विननाद विवृत्तास्यो निकुम्भो भीमविक्रमः
5312	6064005a	उरोगतेन निष्केण भुजस्थैरङ्गदैरपि
5313	6064005c	कुण्डलाभ्यां च मृष्टाभ्यां मालया च विचित्रया
5314	6064006a	निकुम्भो भूषणैर्भाति तेन स्म परिघेण च
5315	6064006c	यथेन्द्रधनुषा मेघः सविद्युत्स्तनयित्नुमान्
5316	6064007a	परिघाग्रेण पुस्फोट वातग्रन्थिर्महात्मनः
5317	6064007c	प्रजज्वाल सघोषश्च विधूम इव पावकः
5318	6064008a	नगर्या विटपावत्या गन्धर्वभवनोत्तमैः
5319	6064008c	सह चैवामरावत्या सर्वैश्च भवनैः सह
5320	6064009a	सतारागणनक्षत्रं सचन्द्रं समहाग्रहम्
5321	6064009c	निकुम्भपरिघाघूर्णं भ्रमतीव नभस्तलम्
5322	6064010a	दुरासदश्च संजज्ञे परिघाभरणप्रभः
5323	6064010c	क्रोधेन्धनो निकुम्भाग्निर्युगान्ताग्निरिवोत्थितः
5324	6064011a	राक्षसा वानराश्चापि न शेकुः स्पन्दितुं भयात्
5325	6064011c	हनूमंस्तु विवृत्योरस्तस्थौ प्रमुखतो बली
5326	6064012a	परिघोपमबाहुस्तु परिघं भास्करप्रभम्
5327	6064012c	बली बलवतस्तस्य पातयामास वक्षसि
5328	6064013a	स्थिरे तस्योरसि व्यूढे परिघः शतधा कृतः
5329	6064013c	विशीर्यमाणः सहसा उल्का शतमिवाम्बरे
5330	6064014a	स तु तेन प्रहारेण चचाल च महाकपिः
5331	6064014c	परिघेण समाधूतो यथा भूमिचलेऽचलः
5332	6064015a	स तथाभिहतस्तेन हनूमान्प्लवगोत्तमः
5333	6064015c	मुष्टिं संवर्तयामास बलेनातिमहाबलः
5334	6064016a	तमुद्यम्य महातेजा निकुम्भोरसि वीर्यवान्
5335	6064016c	अभिचिक्षेप वेगेन वेगवान्वायुविक्रमः
5336	6064017a	ततः पुस्फोट चर्मास्य प्रसुस्राव च शोणितम्
5337	6064017c	मुष्टिना तेन संजज्ञे ज्वाला विद्युदिवोत्थिता
5338	6064018a	स तु तेन प्रहारेण निकुम्भो विचचाल ह
5339	6064018c	स्वस्थश्चापि निजग्राह हनूमन्तं महाबलम्
5340	6064019a	विचुक्रुशुस्तदा संख्ये भीमं लङ्कानिवासिनः
5341	6064019c	निकुम्भेनोद्धृतं दृष्ट्वा हनूमन्तं महाबलम्
5342	6064020a	स तथा ह्रियमाणोऽपि कुम्भकर्णात्मजेन हि
5343	6064020c	आजघानानिलसुतो वज्रवेगेन मुष्टिना
5344	6064021a	आत्मानं मोचयित्वाथ क्षितावभ्यवपद्यत
5345	6064021c	हनूमानुन्ममथाशु निकुम्भं मारुतात्मजः
5346	6064022a	निक्षिप्य परमायत्तो निकुम्भं निष्पिपेष च
5347	6064022c	उत्पत्य चास्य वेगेन पपातोरसि वीर्यवान्
5348	6064023a	परिगृह्य च बाहुभ्यां परिवृत्य शिरोधराम्
5349	6064023c	उत्पाटयामास शिरो भैरवं नदतो महत्
5350	6064024a	अथ विनदति सादिते निकुम्भे; पवनसुतेन रणे बभूव युद्धम्
5351	6064024c	दशरथसुतराक्षसेन्द्रचम्वो;र्भृशतरमागतरोषयोः सुभीमम्
5352	6065001a	निकुम्भं च हतं श्रुत्वा कुम्भं च विनिपातितम्
5353	6065001c	रावणः परमामर्षी प्रजज्वालानलो यथा
5354	6065002a	नैरृतः क्रोधशोकाभ्यां द्वाभ्यां तु परिमूर्छितः
5355	6065002c	खरपुत्रं विशालाक्षं मकराक्षमचोदयत्
5356	6065003a	गच्छ पुत्र मयाज्ञप्तो बलेनाभिसमन्वितः
5357	6065003c	राघवं लक्ष्मणं चैव जहि तौ सवनौकसौ
5358	6065004a	रावणस्य वचः श्रुत्वा शूरो मानी खरात्मजः
5359	6065004c	बाढमित्यब्रवीद्धृष्टो मकराक्षो निशाचरः
5360	6065005a	सोऽभिवाद्य दशग्रीवं कृत्वा चापि प्रदक्षिणम्
5361	6065005c	निर्जगाम गृहाच्छुभ्राद्रावणस्याज्ञया बली
5362	6065006a	समीपस्थं बलाध्यक्षं खरपुत्रोऽब्रवीदिदम्
5363	6065006c	रथमानीयतां शीघ्रं सैन्यं चानीयतां त्वरात्
5364	6065007a	तस्य तद्वचनं श्रुत्वा बलाध्यक्षो निशाचरः
5365	6065007c	स्यन्दनं च बलं चैव समीपं प्रत्यपादयत्
5366	6065008a	प्रदक्षिणं रथं कृत्वा आरुरोह निशाचरः
5367	6065008c	सूतं संचोदयामास शीघ्रं मे रथमावह
5368	6065009a	अथ तान्राक्षसान्सर्वान्मकराक्षोऽब्रवीदिदम्
5369	6065009c	यूयं सर्वे प्रयुध्यध्वं पुरस्तान्मम राक्षसाः
5370	6065010a	अहं राक्षसराजेन रावणेन महात्मना
5371	6065010c	आज्ञप्तः समरे हन्तुं तावुभौ रामलक्ष्मणौ
5372	6065011a	अद्य रामं वधिष्यामि लक्ष्मणं च निशाचराः
5373	6065011c	शाखामृगं च सुग्रीवं वानरांश्च शरोत्तमैः
5374	6065012a	अद्य शूलनिपातैश्च वानराणां महाचमूम्
5375	6065012c	प्रदहिष्यामि संप्राप्तां शुष्केन्धनमिवानलः
5376	6065013a	मकराक्षस्य तच्छ्रुत्वा वचनं ते निशाचराः
5377	6065013c	सर्वे नानायुधोपेता बलवन्तः समाहिताः
5378	6065014a	ते कामरूपिणः शूरा दंष्ट्रिणः पिङ्गलेक्षणाः
5379	6065014c	मातंगा इव नर्दन्तो ध्वस्तकेशा भयानकाः
5380	6065015a	परिवार्य महाकाया महाकायं खरात्मजम्
5381	6065015c	अभिजग्मुस्तदा हृष्टाश्चालयन्तो वसुंधराम्
5382	6065016a	शङ्खभेरीसहस्राणामाहतानां समन्ततः
5383	6065016c	क्ष्वेडितास्फोटितानां च ततः शब्दो महानभूत्
5384	6065017a	प्रभ्रष्टोऽथ करात्तस्य प्रतोदः सारथेस्तदा
5385	6065017c	पपात सहसा चैव ध्वजस्तस्य च रक्षसः
5386	6065018a	तस्य ते रथसंयुक्ता हया विक्रमवर्जिताः
5387	6065018c	चरणैराकुलैर्गत्वा दीनाः सास्रमुखा ययुः
5388	6065019a	प्रवाति पवनस्तस्य सपांसुः खरदारुणः
5389	6065019c	निर्याणे तस्य रौद्रस्य मकराक्षस्य दुर्मतेः
5390	6065020a	तानि दृष्ट्वा निमित्तानि राक्षसा वीर्यवत्तमाः
5391	6065020c	अचिन्त्यनिर्गताः सर्वे यत्र तौ रामलक्ष्मणौ
5392	6065021a	घनगजमहिषाङ्गतुल्यवर्णाः; समरमुखेष्वसकृद्गदासिभिन्नाः
5393	6065021c	अहमहमिति युद्धकौशलास्ते; रजनिचराः परिबभ्रमुर्नदन्तः
5394	6066001a	निर्गतं मकराक्षं ते दृष्ट्वा वानरपुंगवाः
5395	6066001c	आप्लुत्य सहसा सर्वे योद्धुकामा व्यवस्थिताः
5396	6066002a	ततः प्रवृत्तं सुमहत्तद्युद्धं लोमहर्षणम्
5397	6066002c	निशाचरैः प्लवंगानां देवानां दानवैरिव
5398	6066003a	वृक्षशूलनिपातैश्च शिलापरिघपातनैः
5399	6066003c	अन्योन्यं मर्दयन्ति स्म तदा कपिनिशाचराः
5400	6066004a	शक्तिशूलगदाखड्गैस्तोमरैश्च निशाचराः
5401	6066004c	पट्टसैर्भिन्दिपालैश्च बाणपातैः समन्ततः
5402	6066005a	पाशमुद्गरदण्डैश्च निर्घातैश्चापरैस्तथा
5403	6066005c	कदनं कपिसिंहानां चक्रुस्ते रजनीचराः
5404	6066006a	बाणौघैरर्दिताश्चापि खरपुत्रेण वानराः
5405	6066006c	संभ्रान्तमनसः सर्वे दुद्रुवुर्भयपीडिताः
5406	6066007a	तान्दृष्ट्वा राक्षसाः सर्वे द्रवमाणान्वनौकसः
5407	6066007c	नेदुस्ते सिंहवद्धृष्टा राक्षसा जितकाशिनः
5408	6066008a	विद्रवत्सु तदा तेषु वानरेषु समन्ततः
5409	6066008c	रामस्तान्वारयामास शरवर्षेण राक्षसान्
5410	6066009a	वारितान्राक्षसान्दृष्ट्वा मकराक्षो निशाचरः
5411	6066009c	क्रोधानलसमाविष्टो वचनं चेदमब्रवीत्
5412	6066010a	तिष्ठ राम मया सार्धं द्वन्द्वयुद्धं ददामि ते
5413	6066010c	त्याजयिष्यामि ते प्राणान्धनुर्मुक्तैः शितैः शरैः
5414	6066011a	यत्तदा दण्डकारण्ये पितरं हतवान्मम
5415	6066011c	मदग्रतः स्वकर्मस्थं स्मृत्वा रोषोऽभिवर्धते
5416	6066012a	दह्यन्ते भृशमङ्गानि दुरात्मन्मम राघव
5417	6066012c	यन्मयासि न दृष्टस्त्वं तस्मिन्काले महावने
5418	6066013a	दिष्ट्यासि दर्शनं राम मम त्वं प्राप्तवानिह
5419	6066013c	काङ्क्षितोऽसि क्षुधार्तस्य सिंहस्येवेतरो मृगः
5420	6066014a	अद्य मद्बाणवेगेन प्रेतराड्विषयं गतः
5421	6066014c	ये त्वया निहताः शूराः सह तैस्त्वं समेष्यसि
5422	6066015a	बहुनात्र किमुक्तेन शृणु राम वचो मम
5423	6066015c	पश्यन्तु सकला लोकास्त्वां मां चैव रणाजिरे
5424	6066016a	अस्त्रैर्वा गदया वापि बाहुभ्यां वा महाहवे
5425	6066016c	अभ्यस्तं येन वा राम तेन वा वर्ततां युधि
5426	6066017a	मकराक्षवचः श्रुत्वा रामो दशरथात्मजः
5427	6066017c	अब्रवीत्प्रहसन्वाक्यमुत्तरोत्तरवादिनम्
5428	6066018a	चतुर्दशसहस्राणि रक्षसां त्वत्पिता च यः
5429	6066018c	त्रिशिरा दूषणश्चापि दण्डके निहता मया
5430	6066019a	स्वाशितास्तव मांसेन गृध्रगोमायुवायसाः
5431	6066019c	भविष्यन्त्यद्य वै पाप तीक्ष्णतुण्डनखाङ्कुशाः
5432	6066020a	एवमुक्तस्तु रामेण खरपुत्रो निशाचरः
5433	6066020c	बाणौघानसृजत्तस्मै राघवाय रणाजिरे
5434	6066021a	ताञ्शराञ्शरवर्षेण रामश्चिच्छेद नैकधा
5435	6066021c	निपेतुर्भुवि ते छिन्ना रुक्मपुङ्खाः सहस्रशः
5436	6066022a	तद्युद्धमभवत्तत्र समेत्यान्योन्यमोजसा
5437	6066022c	खर राक्षसपुत्रस्य सूनोर्दशरथस्य च
5438	6066023a	जीमूतयोरिवाकाशे शब्दो ज्यातलयोस्तदा
5439	6066023c	धनुर्मुक्तः स्वनोत्कृष्टः श्रूयते च रणाजिरे
5440	6066024a	देवदानवगन्धर्वाः किंनराश्च महोरगाः
5441	6066024c	अन्तरिक्षगताः सर्वे द्रष्टुकामास्तदद्भुतम्
5442	6066025a	विद्धमन्योन्यगात्रेषु द्विगुणं वर्धते बलम्
5443	6066025c	कृतप्रतिकृतान्योन्यं कुर्वाते तौ रणाजिरे
5444	6066026a	राममुक्तास्तु बाणौघान्राक्षसस्त्वच्छिनद्रणे
5445	6066026c	रक्षोमुक्तांस्तु रामो वै नैकधा प्राच्छिनच्छरैः
5446	6066027a	बाणौघवितताः सर्वा दिशश्च विदिशस्तथा
5447	6066027c	संछन्ना वसुधा चैव समन्तान्न प्रकाशते
5448	6066028a	ततः क्रुद्धो महाबाहुर्धनुश्चिच्छेद रक्षसः
5449	6066028c	अष्टाभिरथ नाराचैः सूतं विव्याध राघवः
5450	6066028e	भित्त्वा शरै रथं रामो रथाश्वान्समपातयत्
5451	6066029a	विरथो वसुधां तिष्ठन्मकराक्षो निशाचरः
5452	6066029c	अतिष्ठद्वसुधां रक्षः शूलं जग्राह पाणिना
5453	6066029e	त्रासनं सर्वभूतानां युगान्ताग्निसमप्रभम्
5454	6066030a	विभ्राम्य च महच्छूलं प्रज्वलन्तं निशाचरः
5455	6066030c	स क्रोधात्प्राहिणोत्तस्मै राघवाय महाहवे
5456	6066031a	तमापतन्तं ज्वलितं खरपुत्रकराच्च्युतम्
5457	6066031c	बाणैस्तु त्रिभिराकाशे शूलं चिच्छेद राघवः
5458	6066032a	सच्छिन्नो नैकधा शूलो दिव्यहाटकमण्डितः
5459	6066032c	व्यशीर्यत महोक्लेव रामबाणार्दितो भुवि
5460	6066033a	तच्छूलं निहतं दृष्ट्वा रामेणाद्भुतकर्मणा
5461	6066033c	साधु साध्विति भूतानि व्याहरन्ति नभोगताः
5462	6066034a	तद्दृष्ट्वा निहतं शूलं मकराक्षो निशाचरः
5463	6066034c	मुष्टिमुद्यम्य काकुत्स्थं तिष्ठ तिष्ठेति चाब्रवीत्
5464	6066035a	स तं दृष्ट्वा पतन्तं वै प्रहस्य रघुनन्दनः
5465	6066035c	पावकास्त्रं ततो रामः संदधे स्वशरासने
5466	6066036a	तेनास्त्रेण हतं रक्षः काकुत्स्थेन तदा रणे
5467	6066036c	संछिन्नहृदयं तत्र पपात च ममार च
5468	6066037a	दृष्ट्वा ते राक्षसाः सर्वे मकराक्षस्य पातनम्
5469	6066037c	लङ्कामेव प्रधावन्त रामबालार्दितास्तदा
5470	6066038a	दशरथनृपपुत्रबाणवेगै; रजनिचरं निहतं खरात्मजं तम्
5471	6066038c	ददृशुरथ च देवताः प्रहृष्टा; गिरिमिव वज्रहतं यथा विशीर्णम्
5472	6067001a	मकराक्षं हतं श्रुत्वा रावणः समितिंजयः
5473	6067001c	आदिदेशाथ संक्रुद्धो रणायेन्द्रजितं सुतम्
5474	6067002a	जहि वीर महावीर्यौ भ्रातरौ रामलक्ष्मणौ
5475	6067002c	अदृश्यो दृश्यमानो वा सर्वथा त्वं बलाधिकः
5476	6067003a	त्वमप्रतिमकर्माणमिन्द्रं जयसि संयुगे
5477	6067003c	किं पुनर्मानुषौ दृष्ट्वा न वधिष्यसि संयुगे
5478	6067004a	तथोक्तो राक्षसेन्द्रेण प्रतिगृह्य पितुर्वचः
5479	6067004c	यज्ञभूमौ स विधिवत्पावकं जुहुवे न्द्रजित्
5480	6067005a	जुह्वतश्चापि तत्राग्निं रक्तोष्णीषधराः स्त्रियः
5481	6067005c	आजग्मुस्तत्र संभ्रान्ता राक्षस्यो यत्र रावणिः
5482	6067006a	शस्त्राणि शरपत्राणि समिधोऽथ विभीतकाः
5483	6067006c	लोहितानि च वासांसि स्रुवं कार्ष्णायसं तथा
5484	6067007a	सर्वतोऽग्निं समास्तीर्य शरपत्रैः समन्ततः
5485	6067007c	छागस्य सर्वकृष्णस्य गलं जग्राह जीवतः
5486	6067008a	चरुहोमसमिद्धस्य विधूमस्य महार्चिषः
5487	6067008c	बभूवुस्तानि लिङ्गानि विजयं दर्शयन्ति च
5488	6067009a	प्रदक्षिणावर्तशिखस्तप्तहाटकसंनिभः
5489	6067009c	हविस्तत्प्रतिजग्राह पावकः स्वयमुत्थितः
5490	6067010a	हुत्वाग्निं तर्पयित्वाथ देवदानवराक्षसान्
5491	6067010c	आरुरोह रथश्रेष्ठमन्तर्धानगतं शुभम्
5492	6067011a	स वाजिभिश्चतुर्भिस्तु बाणैश्च निशितैर्युतः
5493	6067011c	आरोपितमहाचापः शुशुभे स्यन्दनोत्तमे
5494	6067012a	जाज्वल्यमानो वपुषा तपनीयपरिच्छदः
5495	6067012c	शरैश्चन्द्रार्धचन्द्रैश्च स रथः समलंकृतः
5496	6067013a	जाम्बूनदमहाकम्बुर्दीप्तपावकसंनिभः
5497	6067013c	बभूवेन्द्रजितः केतुर्वैदूर्यसमलंकृतः
5498	6067014a	तेन चादित्यकल्पेन ब्रह्मास्त्रेण च पालितः
5499	6067014c	स बभूव दुराधर्षो रावणिः सुमहाबलः
5500	6067015a	सोऽभिनिर्याय नगरादिन्द्रजित्समितिंजयः
5501	6067015c	हुत्वाग्निं राक्षसैर्मन्त्रैरन्तर्धानगतोऽब्रवीत्
5502	6067016a	अद्य हत्वाहवे यौ तौ मिथ्या प्रव्रजितौ वने
5503	6067016c	जयं पित्रे प्रदास्यामि रावणाय रणाधिकम्
5504	6067017a	कृत्वा निर्वानरामुर्वीं हत्वा रामं सलक्ष्मणम्
5505	6067017c	करिष्ये परमां प्रीतिमित्युक्त्वान्तरधीयत
5506	6067018a	आपपाताथ संक्रुद्धो दशग्रीवेण चोदितः
5507	6067018c	तीक्ष्णकार्मुकनाराचैस्तीक्ष्णस्त्विन्द्ररिपू रणे
5508	6067019a	स ददर्श महावीर्यौ नागौ त्रिशिरसाविव
5509	6067019c	सृजन्ताविषुजालानि वीरौ वानरमध्यगौ
5510	6067020a	इमौ ताविति संचिन्त्य सज्यं कृत्वा च कार्मुकम्
5511	6067020c	संततानेषुधाराभिः पर्जन्य इव वृष्टिमान्
5512	6067021a	स तु वैहायसं प्राप्य सरथो रामलक्ष्मणौ
5513	6067021c	अचक्षुर्विषये तिष्ठन्विव्याध निशितैः शरैः
5514	6067022a	तौ तस्य शरवेगेन परीतौ रामलक्ष्मणौ
5515	6067022c	धनुषी सशरे कृत्वा दिव्यमस्त्रं प्रचक्रतुः
5516	6067023a	प्रच्छादयन्तौ गगनं शरजालैर्महाबलौ
5517	6067023c	तमस्त्रैः सुरसंकाशौ नैव पस्पर्शतुः शरैः
5518	6067024a	स हि धूमान्धकारं च चक्रे प्रच्छादयन्नभः
5519	6067024c	दिशश्चान्तर्दधे श्रीमान्नीहारतमसावृतः
5520	6067025a	नैव ज्यातलनिर्घोषो न च नेमिखुरस्वनः
5521	6067025c	शुश्रुवे चरतस्तस्य न च रूपं प्रकाशते
5522	6067026a	घनान्धकारे तिमिरे शरवर्षमिवाद्भुतम्
5523	6067026c	स ववर्ष महाबाहुर्नाराचशरवृष्टिभिः
5524	6067027a	स रामं सूर्यसंकाशैः शरैर्दत्तवरो भृशम्
5525	6067027c	विव्याध समरे क्रुद्धः सर्वगात्रेषु रावणिः
5526	6067028a	तौ हन्यमानौ नाराचैर्धाराभिरिव पर्वतौ
5527	6067028c	हेमपुङ्खान्नरव्याघ्रौ तिग्मान्मुमुचतुः शरान्
5528	6067029a	अन्तरिक्षं समासाद्य रावणिं कङ्कपत्रिणः
5529	6067029c	निकृत्य पतगा भूमौ पेतुस्ते शोणितोक्षिताः
5530	6067030a	अतिमात्रं शरौघेण पीड्यमानौ नरोत्तमौ
5531	6067030c	तानिषून्पततो भल्लैरनेकैर्निचकर्ततुः
5532	6067031a	यतो हि ददृशाते तौ शरान्निपतिताञ्शितान्
5533	6067031c	ततस्ततो दाशरथी ससृजातेऽस्त्रमुत्तमम्
5534	6067032a	रावणिस्तु दिशः सर्वा रथेनातिरथः पतन्
5535	6067032c	विव्याध तौ दाशरथी लघ्वस्त्रो निशितैः शरैः
5536	6067033a	तेनातिविद्धौ तौ वीरौ रुक्मपुङ्खैः सुसंहतैः
5537	6067033c	बभूवतुर्दाशरथी पुष्पिताविव किंशुकौ
5538	6067034a	नास्य वेद गतिं कश्चिन्न च रूपं धनुः शरान्
5539	6067034c	न चान्यद्विदितं किंचित्सूर्यस्येवाभ्रसंप्लवे
5540	6067035a	तेन विद्धाश्च हरयो निहताश्च गतासवः
5541	6067035c	बभूवुः शतशस्तत्र पतिता धरणीतले
5542	6067036a	लक्ष्मणस्तु सुसंक्रुद्धो भ्रातरं वाक्यमब्रवीत्
5543	6067036c	ब्राह्ममस्त्रं प्रयोक्ष्यामि वधार्थं सर्वरक्षसाम्
5544	6067037a	तमुवाच ततो रामो लक्ष्मणं शुभलक्षणम्
5545	6067037c	नैकस्य हेतो रक्षांसि पृथिव्यां हन्तुमर्हसि
5546	6067038a	अयुध्यमानं प्रच्छन्नं प्राञ्जलिं शरणागतम्
5547	6067038c	पलायन्तं प्रमत्तं वा न त्वं हन्तुमिहार्हसि
5548	6067039a	अस्यैव तु वधे यत्नं करिष्यावो महाबल
5549	6067039c	आदेक्ष्यावो महावेगानस्त्रानाशीविषोपमान्
5550	6067040a	तमेनं मायिनं क्षुद्रमन्तर्हितरथं बलात्
5551	6067040c	राक्षसं निहनिष्यन्ति दृष्ट्वा वानरयूथपाः
5552	6067041a	यद्येष भूमिं विशते दिवं वा; रसातलं वापि नभस्तलं वा
5553	6067041c	एवं निगूढोऽपि ममास्त्रदग्धः; पतिष्यते भूमितले गतासुः
5554	6067042a	इत्येवमुक्त्वा वचनं महात्मा; रघुप्रवीरः प्लवगर्षभैर्वृतः
5555	6067042c	वधाय रौद्रस्य नृशंसकर्मण;स्तदा महात्मा त्वरितं निरीक्षते
5556	6068001a	विज्ञाय तु मनस्तस्य राघवस्य महात्मनः
5557	6068001c	संनिवृत्याहवात्तस्मात्प्रविवेश पुरं ततः
5558	6068002a	सोऽनुस्मृत्य वधं तेषां राक्षसानां तरस्विनाम्
5559	6068002c	क्रोधताम्रेक्षणः शूरो निर्जगाम महाद्युतिः
5560	6068003a	स पश्चिमेन द्वारेण निर्ययौ राक्षसैर्वृतः
5561	6068003c	इन्द्रजित्तु महावीर्यः पौलस्त्यो देवकण्टकः
5562	6068004a	इन्द्रजित्तु ततो दृष्ट्वा भ्रातरौ रामलक्ष्मणौ
5563	6068004c	रणायाभ्युद्यतौ वीरौ मायां प्रादुष्करोत्तदा
5564	6068005a	इन्द्रजित्तु रथे स्थाप्य सीतां मायामयीं तदा
5565	6068005c	बलेन महतावृत्य तस्या वधमरोचयत्
5566	6068006a	मोहनार्थं तु सर्वेषां बुद्धिं कृत्वा सुदुर्मतिः
5567	6068006c	हन्तुं सीतां व्यवसितो वानराभिमुखो ययौ
5568	6068007a	तं दृष्ट्वा त्वभिनिर्यान्तं नगर्याः काननौकसः
5569	6068007c	उत्पेतुरभिसंक्रुद्धाः शिलाहस्ता युयुत्सवः
5570	6068008a	हनूमान्पुरतस्तेषां जगाम कपिकुञ्जरः
5571	6068008c	प्रगृह्य सुमहच्छृङ्गं पर्वतस्य दुरासदम्
5572	6068009a	स ददर्श हतानन्दां सीतामिन्द्रजितो रथे
5573	6068009c	एकवेणीधरां दीनामुपवासकृशाननाम्
5574	6068010a	परिक्लिष्टैकवसनाममृजां राघवप्रियाम्
5575	6068010c	रजोमलाभ्यामालिप्तैः सर्वगात्रैर्वरस्त्रियम्
5576	6068011a	तां निरीक्ष्य मुहूर्तं तु मैथिलीमध्यवस्य च
5577	6068011c	बाष्पपर्याकुलमुखो हनूमान्व्यथितोऽभवत्
5578	6068012a	अब्रवीत्तां तु शोकार्तां निरानन्दां तपस्विनाम्
5579	6068012c	दृष्ट्वा रथे स्तितां सीतां राक्षसेन्द्रसुताश्रिताम्
5580	6068013a	किं समर्थितमस्येति चिन्तयन्स महाकपिः
5581	6068013c	सह तैर्वानरश्रेष्ठैरभ्यधावत रावणिम्
5582	6068014a	तद्वानरबलं दृष्ट्वा रावणिः क्रोधमूर्छितः
5583	6068014c	कृत्वा विशोकं निस्त्रिंशं मूर्ध्नि सीतां परामृशत्
5584	6068015a	तं स्त्रियं पश्यतां तेषां ताडयामास रावणिः
5585	6068015c	क्रोशन्तीं राम रामेति मायया योजितां रथे
5586	6068016a	गृहीतमूर्धजां दृष्ट्वा हनूमान्दैन्यमागतः
5587	6068016c	दुःखजं वारिनेत्राभ्यामुत्सृजन्मारुतात्मजः
5588	6068016e	अब्रवीत्परुषं वाक्यं क्रोधाद्रक्षोऽधिपात्मजम्
5589	6068017a	दुरात्मन्नात्मनाशाय केशपक्षे परामृशः
5590	6068017c	ब्रह्मर्षीणां कुले जातो राक्षसीं योनिमाश्रितः
5591	6068017e	धिक्त्वां पापसमाचारं यस्य ते मतिरीदृशी
5592	6068018a	नृशंसानार्य दुर्वृत्त क्षुद्र पापपराक्रम
5593	6068018c	अनार्यस्येदृशं कर्म घृणा ते नास्ति निर्घृण
5594	6068019a	च्युता गृहाच्च राज्याच्च रामहस्ताच्च मैथिली
5595	6068019c	किं तवैषापराद्धा हि यदेनां हन्तुमिच्छसि
5596	6068020a	सीतां च हत्वा न चिरं जीविष्यसि कथंचन
5597	6068020c	वधार्हकर्मणानेन मम हस्तगतो ह्यसि
5598	6068021a	ये च स्त्रीघातिनां लोका लोकवध्यैश्च कुत्सिताः
5599	6068021c	इह जीवितमुत्सृज्य प्रेत्य तान्प्रतिलप्स्यसे
5600	6068022a	इति ब्रुवाणो हनुमान्सायुधैर्हरिभिर्वृतः
5601	6068022c	अभ्यधावत संक्रुद्धो राक्षसेन्द्रसुतं प्रति
5602	6068023a	आपतन्तं महावीर्यं तदनीकं वनौकसाम्
5603	6068023c	रक्षसां भीमवेगानामनीकेन न्यवारयत्
5604	6068024a	स तां बाणसहस्रेण विक्षोभ्य हरिवाहिनीम्
5605	6068024c	हरिश्रेष्ठं हनूमन्तमिन्द्रजित्प्रत्युवाच ह
5606	6068025a	सुग्रीवस्त्वं च रामश्च यन्निमित्तमिहागताः
5607	6068025c	तां हनिष्यामि वैदेहीमद्यैव तव पश्यतः
5608	6068026a	इमां हत्वा ततो रामं लक्ष्मणं त्वां च वानर
5609	6068026c	सुग्रीवं च वधिष्यामि तं चानार्यं विभीषणम्
5610	6068027a	न हन्तव्याः स्त्रियश्चेति यद्ब्रवीषि प्लवंगम
5611	6068027c	पीडा करममित्राणां यत्स्यात्कर्तव्यमेत तत्
5612	6068028a	तमेवमुक्त्वा रुदतीं सीतां मायामयीं ततः
5613	6068028c	शितधारेण खड्गेन निजघानेन्द्रजित्स्वयम्
5614	6068029a	यज्ञोपवीतमार्गेण छिन्ना तेन तपस्विनी
5615	6068029c	सा पृथिव्यां पृथुश्रोणी पपात प्रियदर्शना
5616	6068030a	तामिन्द्रजित्स्त्रियं हत्वा हनूमन्तमुवाच ह
5617	6068030c	मया रामस्य पश्येमां कोपेन च निषूदिताम्
5618	6068031a	ततः खड्गेन महता हत्वा तामिन्द्रजित्स्वयम्
5619	6068031c	हृष्टः स रथमास्थाय विननाद महास्वनम्
5620	6068032a	वानराः शुश्रुवुः शब्दमदूरे प्रत्यवस्थिताः
5621	6068032c	व्यादितास्यस्य नदतस्तद्दुर्गं संश्रितस्य तु
5622	6068033a	तथा तु सीतां विनिहत्य दुर्मतिः; प्रहृष्टचेताः स बभूव रावणिः
5623	6068033c	तं हृष्टरूपं समुदीक्ष्य वानरा; विषण्णरूपाः समभिप्रदुद्रुवुः
5624	6069001a	श्रुत्वा तं भीमनिर्ह्रादं शक्राशनिसमस्वनम्
5625	6069001c	वीक्षमाणा दिशः सर्वा दुद्रुवुर्वानरर्षभाः
5626	6069002a	तानुवाच ततः सर्वान्हनूमान्मारुतात्मजः
5627	6069002c	विषण्णवदनान्दीनांस्त्रस्तान्विद्रवतः पृथक्
5628	6069003a	कस्माद्विषण्णवदना विद्रवध्वं प्लवंगमाः
5629	6069003c	त्यक्तयुद्धसमुत्साहाः शूरत्वं क्व नु वो गतम्
5630	6069004a	पृष्ठतोऽनुव्रजध्वं मामग्रतो यान्तमाहवे
5631	6069004c	शूरैरभिजनोपेतैरयुक्तं हि निवर्तितुम्
5632	6069005a	एवमुक्ताः सुसंक्रुद्धा वायुपुत्रेण धीमता
5633	6069005c	शैलशृङ्गान्द्रुमांश्चैव जगृहुर्हृष्टमानसाः
5634	6069006a	अभिपेतुश्च गर्जन्तो राक्षसान्वानरर्षभाः
5635	6069006c	परिवार्य हनूमन्तमन्वयुश्च महाहवे
5636	6069007a	स तैर्वानरमुख्यैस्तु हनूमान्सर्वतो वृतः
5637	6069007c	हुताशन इवार्चिष्मानदहच्छत्रुवाहिनीम्
5638	6069008a	स राक्षसानां कदनं चकार सुमहाकपिः
5639	6069008c	वृतो वानरसैन्येन कालान्तकयमोपमः
5640	6069009a	स तु शोकेन चाविष्टः क्रोधेन च महाकपिः
5641	6069009c	हनूमान्रावणि रथे महतीं पातयच्छिलाम्
5642	6069010a	तामापतन्तीं दृष्ट्वैव रथः सारथिना तदा
5643	6069010c	विधेयाश्व समायुक्तः सुदूरमपवाहितः
5644	6069011a	तमिन्द्रजितमप्राप्य रथथं सहसारथिम्
5645	6069011c	विवेश धरणीं भित्त्वा सा शिलाव्यर्थमुद्यता
5646	6069012a	पतितायां शिलायां तु रक्षसां व्यथिता चमूः
5647	6069012c	तमभ्यधावञ्शतशो नदन्तः काननौकसः
5648	6069013a	ते द्रुमांश्च महाकाया गिरिशृङ्गाणि चोद्यताः
5649	6069013c	चिक्षिपुर्द्विषतां मध्ये वानरा भीमविक्रमाः
5650	6069014a	वानरैर्तैर्महावीर्यैर्घोररूपा निशाचराः
5651	6069014c	वीर्यादभिहता वृक्षैर्व्यवेष्टन्त रणक्षितौ
5652	6069015a	स्वसैन्यमभिवीक्ष्याथ वानरार्दितमिन्द्रजित्
5653	6069015c	प्रगृहीतायुधः क्रुद्धः परानभिमुखो ययौ
5654	6069016a	स शरौघानवसृजन्स्वसैन्येनाभिसंवृतः
5655	6069016c	जघान कपिशार्दूलान्सुबहून्दृष्टविक्रमः
5656	6069017a	शूलैरशनिभिः खड्गैः पट्टसैः कूटमुद्गरैः
5657	6069017c	ते चाप्यनुचरांस्तस्य वानरा जघ्नुराहवे
5658	6069018a	सस्कन्धविटपैः सालैः शिलाभिश्च महाबलैः
5659	6069018c	हनूमान्कदनं चक्रे रक्षसां भीमकर्मणाम्
5660	6069019a	स निवार्य परानीकमब्रवीत्तान्वनौकसः
5661	6069019c	हनूमान्संनिवर्तध्वं न नः साध्यमिदं बलम्
5662	6069020a	त्यक्त्वा प्राणान्विचेष्टन्तो राम प्रियचिकीर्षवः
5663	6069020c	यन्निमित्तं हि युध्यामो हता सा जनकात्मजा
5664	6069021a	इममर्थं हि विज्ञाप्य रामं सुग्रीवमेव च
5665	6069021c	तौ यत्प्रतिविधास्येते तत्करिष्यामहे वयम्
5666	6069022a	इत्युक्त्वा वानरश्रेष्ठो वारयन्सर्ववानरान्
5667	6069022c	शनैः शनैरसंत्रस्तः सबलः स न्यवर्तत
5668	6069023a	स तु प्रेक्ष्य हनूमन्तं व्रजन्तं यत्र राघवः
5669	6069023c	निकुम्भिलामधिष्ठाय पावकं जुहुवे न्द्रजित्
5670	6069024a	यज्ञभूम्यां तु विधिवत्पावकस्तेन रक्षसा
5671	6069024c	हूयमानः प्रजज्वाल होमशोणितभुक्तदा
5672	6069025a	सोऽर्चिः पिनद्धो ददृशे होमशोणिततर्पितः
5673	6069025c	संध्यागत इवादित्यः स तीव्राग्निः समुत्थितः
5674	6069026a	अथेन्द्रजिद्राक्षसभूतये तु; जुहाव हव्यं विधिना विधानवत्
5675	6069026c	दृष्ट्वा व्यतिष्ठन्त च राक्षसास्ते; महासमूहेषु नयानयज्ञाः
5676	6070001a	राघवश्चापि विपुलं तं राक्षसवनौकसाम्
5677	6070001c	श्रुत्वा संग्रामनिर्घोषं जाम्बवन्तमुवाच ह
5678	6070002a	सौम्य नूनं हनुमता कृतं कर्म सुदुष्करम्
5679	6070002c	श्रूयते हि यथा भीमः सुमहानायुधस्वनः
5680	6070003a	तद्गच्छ कुरु साहाय्यं स्वबलेनाभिसंवृतः
5681	6070003c	क्षिप्रमृष्कपते तस्य कपिश्रेष्ठस्य युध्यतः
5682	6070004a	ऋक्षराजस्तथेत्युक्त्वा स्वेनानीकेन संवृतः
5683	6070004c	आगच्छत्पश्चिमद्वारं हनूमान्यत्र वानरः
5684	6070005a	अथायान्तं हनूमन्तं ददर्शर्क्षपतिः पथि
5685	6070005c	वानरैः कृतसंग्रामैः श्वसद्भिरभिसंवृतम्
5686	6070006a	दृष्ट्वा पथि हनूमांश्च तदृष्कबलमुद्यतम्
5687	6070006c	नीलमेघनिभं भीमं संनिवार्य न्यवर्तत
5688	6070007a	स तेन हरिसैन्येन संनिकर्षं महायशाः
5689	6070007c	शीघ्रमागम्य रामाय दुःखितो वाक्यमब्रवीत्
5690	6070008a	समरे युध्यमानानामस्माकं प्रेक्षतां च सः
5691	6070008c	जघान रुदतीं सीतामिन्द्रजिद्रावणात्मजः
5692	6070009a	उद्भ्रान्तचित्तस्तां दृष्ट्वा विषण्णोऽहमरिंदम
5693	6070009c	तदहं भवतो वृत्तं विज्ञापयितुमागतः
5694	6070010a	तस्य तद्वचनं श्रुत्वा राघवः शोकमूर्छितः
5695	6070010c	निपपात तदा भूमौ छिन्नमूल इव द्रुमः
5696	6070011a	तं भूमौ देवसंकाशं पतितं दृश्य राघवम्
5697	6070011c	अभिपेतुः समुत्पत्य सर्वतः कपिसत्तमाः
5698	6070012a	असिञ्चन्सलिलैश्चैनं पद्मोत्पलसुगन्धिभिः
5699	6070012c	प्रदहन्तमसह्यं च सहसाग्निमिवोत्थितम्
5700	6070013a	तं लक्ष्मणोऽथ बाहुभ्यां परिष्वज्य सुदुःखितः
5701	6070013c	उवाच राममस्वस्थं वाक्यं हेत्वर्थसंहितम्
5702	6070014a	शुभे वर्त्मनि तिष्ठन्तं त्वामार्यविजितेन्द्रियम्
5703	6070014c	अनर्थेभ्यो न शक्नोति त्रातुं धर्मो निरर्थकः
5704	6070015a	भूतानां स्थावराणां च जङ्गमानां च दर्शनम्
5705	6070015c	यथास्ति न तथा धर्मस्तेन नास्तीति मे मतिः
5706	6070016a	यथैव स्थावरं व्यक्तं जङ्गमं च तथाविधम्
5707	6070016c	नायमर्थस्तथा युक्तस्त्वद्विधो न विपद्यते
5708	6070017a	यद्यधर्मो भवेद्भूतो रावणो नरकं व्रजेत्
5709	6070017c	भवांश्च धर्मसंयुक्तो नैवं व्यसनमाप्नुयात्
5710	6070018a	तस्य च व्यसनाभावाद्व्यसनं च गते त्वयि
5711	6070018c	धर्मेणोपलभेद्धर्ममधर्मं चाप्यधर्मतः
5712	6070019a	यदि धर्मेण युज्येरन्नाधर्मरुचयो जनाः
5713	6070019c	धर्मेण चरतां धर्मस्तथा चैषां फलं भवेत्
5714	6070020a	यस्मादर्था विवर्धन्ते येष्वधर्मः प्रतिष्ठितः
5715	6070020c	क्लिश्यन्ते धर्मशीलाश्च तस्मादेतौ निरर्थकौ
5716	6070021a	वध्यन्ते पापकर्माणो यद्यधर्मेण राघव
5717	6070021c	वधकर्महतो धर्मः स हतः कं वधिष्यति
5718	6070022a	अथ वा विहितेनायं हन्यते हन्ति वा परम्
5719	6070022c	विधिरालिप्यते तेन न स पापेन कर्मणा
5720	6070023a	अदृष्टप्रतिकारेण अव्यक्तेनासता सता
5721	6070023c	कथं शक्यं परं प्राप्तुं धर्मेणारिविकर्शन
5722	6070024a	यदि सत्स्यात्सतां मुख्य नासत्स्यात्तव किंचन
5723	6070024c	त्वया यदीदृशं प्राप्तं तस्मात्सन्नोपपद्यते
5724	6070025a	अथ वा दुर्बलः क्लीबो बलं धर्मोऽनुवर्तते
5725	6070025c	दुर्बलो हृतमर्यादो न सेव्य इति मे मतिः
5726	6070026a	बलस्य यदि चेद्धर्मो गुणभूतः पराक्रमे
5727	6070026c	धर्ममुत्सृज्य वर्तस्व यथा धर्मे तथा बले
5728	6070027a	अथ चेत्सत्यवचनं धर्मः किल परंतप
5729	6070027c	अनृतस्त्वय्यकरुणः किं न बद्धस्त्वया पिता
5730	6070028a	यदि धर्मो भवेद्भूत अधर्मो वा परंतप
5731	6070028c	न स्म हत्वा मुनिं वज्री कुर्यादिज्यां शतक्रतुः
5732	6070029a	अधर्मसंश्रितो धर्मो विनाशयति राघव
5733	6070029c	सर्वमेतद्यथाकामं काकुत्स्थ कुरुते नरः
5734	6070030a	मम चेदं मतं तात धर्मोऽयमिति राघव
5735	6070030c	धर्ममूलं त्वया छिन्नं राज्यमुत्सृजता तदा
5736	6070031a	अर्थेभ्यो हि विवृद्धेभ्यः संवृद्धेभ्यस्ततस्ततः
5737	6070031c	क्रियाः सर्वाः प्रवर्तन्ते पर्वतेभ्य इवापगाः
5738	6070032a	अर्थेन हि वियुक्तस्य पुरुषस्याल्पतेजसः
5739	6070032c	व्युच्छिद्यन्ते क्रियाः सर्वा ग्रीष्मे कुसरितो यथा
5740	6070033a	सोऽयमर्थं परित्यज्य सुखकामः सुखैधितः
5741	6070033c	पापमारभते कर्तुं तथा दोषः प्रवर्तते
5742	6070034a	यस्यार्थास्तस्य मित्राणि यस्यार्थास्तस्य बान्धवः
5743	6070034c	यस्यार्थाः स पुमाँल्लोके यस्यार्थाः स च पण्डितः
5744	6070035a	यस्यार्थाः स च विक्रान्तो यस्यार्थाः स च बुद्धिमान्
5745	6070035c	यस्यार्थाः स महाभागो यस्यार्थाः स महागुणः
5746	6070036a	अर्थस्यैते परित्यागे दोषाः प्रव्याहृता मया
5747	6070036c	राज्यमुत्सृजता वीर येन बुद्धिस्त्वया कृता
5748	6070037a	यस्यार्था धर्मकामार्थास्तस्य सर्वं प्रदक्षिणम्
5749	6070037c	अधनेनार्थकामेन नार्थः शक्यो विचिन्वता
5750	6070038a	हर्षः कामश्च दर्पश्च धर्मः क्रोधः शमो दमः
5751	6070038c	अर्थादेतानि सर्वाणि प्रवर्तन्ते नराधिप
5752	6070039a	येषां नश्यत्ययं लोकश्चरतां धर्मचारिणाम्
5753	6070039c	तेऽर्थास्त्वयि न दृश्यन्ते दुर्दिनेषु यथा ग्रहाः
5754	6070040a	त्वयि प्रव्रजिते वीर गुरोश्च वचने स्थिते
5755	6070040c	रक्षसापहृता भार्या प्राणैः प्रियतरा तव
5756	6070041a	तदद्य विपुलं वीर दुःखमिन्द्रजिता कृतम्
5757	6070041c	कर्मणा व्यपनेष्यामि तस्मादुत्तिष्ठ राघव
5758	6070042a	अयमनघ तवोदितः प्रियार्थं; जनकसुता निधनं निरीक्ष्य रुष्टः
5759	6070042c	सहयगजरथां सराक्षसेन्द्रां; भृशमिषुभिर्विनिपातयामि लङ्काम्
5760	6071001a	राममाश्वासयाने तु लक्ष्मणे भ्रातृवत्सले
5761	6071001c	निक्षिप्य गुल्मान्स्वस्थाने तत्रागच्छद्विभीषणः
5762	6071002a	नानाप्रहरणैर्वीरैश्चतुर्भिः सचिवैर्वृतः
5763	6071002c	नीलाञ्जनचयाकारैर्मातंगैरिव यूथपः
5764	6071003a	सोऽभिगम्य महात्मानं राघवं शोकलालसं
5765	6071003c	वानरांश्चैव ददृशे बाष्पपर्याकुलेक्षणान्
5766	6071004a	राघवं च महात्मानमिक्ष्वाकुकुलनन्दनम्
5767	6071004c	ददर्श मोहमापन्नं लक्ष्मणस्याङ्कमाश्रितम्
5768	6071005a	व्रीडितं शोकसंतप्तं दृष्ट्वा रामं विभीषणः
5769	6071005c	अन्तर्दुःखेन दीनात्मा किमेतदिति सोऽब्रवीत्
5770	6071006a	विभीषण मुखं दृष्ट्वा सुग्रीवं तांश्च वानरान्
5771	6071006c	उवाच लक्ष्मणो वाक्यमिदं बाष्पपरिप्लुतः
5772	6071007a	हतामिन्द्रजिता सीतामिह श्रुत्वैव राघवः
5773	6071007c	हनूमद्वचनात्सौम्य ततो मोहमुपागतः
5774	6071008a	कथयन्तं तु सौमित्रिं संनिवार्य विभीषणः
5775	6071008c	पुष्कलार्थमिदं वाक्यं विसंज्ञं राममब्रवीत्
5776	6071009a	मनुजेन्द्रार्तरूपेण यदुक्तस्त्वं हनूमता
5777	6071009c	तदयुक्तमहं मन्ये सागरस्येव शोषणम्
5778	6071010a	अभिप्रायं तु जानामि रावणस्य दुरात्मनः
5779	6071010c	सीतां प्रति महाबाहो न च घातं करिष्यति
5780	6071011a	याच्यमानः सुबहुशो मया हितचिकीर्षुणा
5781	6071011c	वैदेहीमुत्सृजस्वेति न च तत्कृतवान्वचः
5782	6071012a	नैव साम्ना न भेदेन न दानेन कुतो युधा
5783	6071012c	सा द्रष्टुमपि शक्येत नैव चान्येन केनचित्
5784	6071013a	वानरान्मोहयित्वा तु प्रतियातः स राक्षसः
5785	6071013c	चैत्यं निकुम्भिलां नाम यत्र होमं करिष्यति
5786	6071014a	हुतवानुपयातो हि देवैरपि सवासवैः
5787	6071014c	दुराधर्षो भवत्येष संग्रामे रावणात्मजः
5788	6071015a	तेन मोहयता नूनमेषा माया प्रयोजिता
5789	6071015c	विघ्नमन्विच्छता तात वानराणां पराक्रमे
5790	6071015e	ससैन्यास्तत्र गच्छामो यावत्तन्न समाप्यते
5791	6071016a	त्यजेमं नरशार्दूलमिथ्या संतापमागतम्
5792	6071016c	सीदते हि बलं सर्वं दृष्ट्वा त्वां शोककर्शितम्
5793	6071017a	इह त्वं स्वस्थ हृदयस्तिष्ठ सत्त्वसमुच्छ्रितः
5794	6071017c	लक्ष्मणं प्रेषयास्माभिः सह सैन्यानुकर्षिभिः
5795	6071018a	एष तं नरशार्दूलो रावणिं निशितैः शरैः
5796	6071018c	त्याजयिष्यति तत्कर्म ततो वध्यो भविष्यति
5797	6071019a	तस्यैते निशितास्तीक्ष्णाः पत्रिपत्राङ्गवाजिनः
5798	6071019c	पतत्रिण इवासौम्याः शराः पास्यन्ति शोणितम्
5799	6071020a	तत्संदिश महाबाहो लक्ष्मणं शुभलक्षणम्
5800	6071020c	राक्षसस्य विनाशाय वज्रं वज्रधरो यथा
5801	6071021a	मनुजवर न कालविप्रकर्षो; रिपुनिधनं प्रति यत्क्षमोऽद्य कर्तुम्
5802	6071021c	त्वमतिसृज रिपोर्वधाय बाणी;मसुरपुरोन्मथने यथा महेन्द्रः
5803	6071022a	समाप्तकर्मा हि स राक्षसेन्द्रो; भवत्यदृश्यः समरे सुरासुरैः
5804	6071022c	युयुत्सता तेन समाप्तकर्मणा; भवेत्सुराणामपि संशयो महान्
5805	6072001a	तस्य तद्वचनं श्रुत्वा राघवः शोककर्शितः
5806	6072001c	नोपधारयते व्यक्तं यदुक्तं तेन रक्षसा
5807	6072002a	ततो धैर्यमवष्टभ्य रामः परपुरंजयः
5808	6072002c	विभीषणमुपासीनमुवाच कपिसंनिधौ
5809	6072003a	नैरृताधिपते वाक्यं यदुक्तं ते विभीषण
5810	6072003c	भूयस्तच्छ्रोतुमिच्छामि ब्रूहि यत्ते विवक्षितम्
5811	6072004a	राघवस्य वचः श्रुत्वा वाक्यं वाक्यविशारदः
5812	6072004c	यत्तत्पुनरिदं वाक्यं बभाषे स विभीषणः
5813	6072005a	यथाज्ञप्तं महाबाहो त्वया गुल्मनिवेशनम्
5814	6072005c	तत्तथानुष्ठितं वीर त्वद्वाक्यसमनन्तरम्
5815	6072006a	तान्यनीकानि सर्वाणि विभक्तानि समन्ततः
5816	6072006c	विन्यस्ता यूथपाश्चैव यथान्यायं विभागशः
5817	6072007a	भूयस्तु मम विजाप्यं तच्छृणुष्व महायशः
5818	6072007c	त्वय्यकारणसंतप्ते संतप्तहृदया वयम्
5819	6072008a	त्यज राजन्निमं शोकं मिथ्या संतापमागतम्
5820	6072008c	तदियं त्यज्यतां चिन्ता शत्रुहर्षविवर्धनी
5821	6072009a	उद्यमः क्रियतां वीर हर्षः समुपसेव्यताम्
5822	6072009c	प्राप्तव्या यदि ते सीता हन्तव्यश्व्च निशाचराः
5823	6072010a	रघुनन्दन वक्ष्यामि श्रूयतां मे हितं वचः
5824	6072010c	साध्वयं यातु सौमित्रिर्बलेन महता वृतः
5825	6072010e	निकुम्भिलायां संप्राप्य हन्तुं रावणिमाहवे
5826	6072011a	धनुर्मण्डलनिर्मुक्तैराशीविषविषोपमैः
5827	6072011c	शरैर्हन्तुं महेष्वासो रावणिं समितिंजयः
5828	6072012a	तेन वीरेण तपसा वरदानात्स्वयम्भुतः
5829	6072012c	अस्त्रं ब्रह्मशिरः प्राप्तं कामगाश्च तुरंगमाः
5830	6072013a	निकुम्भिलामसंप्राप्तमहुताग्निं च यो रिपुः
5831	6072013c	त्वामाततायिनं हन्यादिन्द्रशत्रो स ते वधः
5832	6072013e	इत्येवं विहितो राजन्वधस्तस्यैव धीमतः
5833	6072014a	वधायेन्द्रजितो राम तं दिशस्व महाबलम्
5834	6072014c	हते तस्मिन्हतं विद्धि रावणं ससुहृज्जनम्
5835	6072015a	विभीषणवचः श्रुत्व रामो वाक्यमथाब्रवीत्
5836	6072015c	जानामि तस्य रौद्रस्य मायां सत्यपराक्रम
5837	6072016a	स हि ब्रह्मास्त्रवित्प्राज्ञो महामायो महाबलः
5838	6072016c	करोत्यसंज्ञान्संग्रामे देवान्सवरुणानपि
5839	6072017a	तस्यान्तरिक्षे चरतो रथस्थस्य महायशः
5840	6072017c	न गतिर्ज्ञायते वीरसूर्यस्येवाभ्रसंप्लवे
5841	6072018a	राघवस्तु रिपोर्ज्ञात्वा मायावीर्यं दुरात्मनः
5842	6072018c	लक्ष्मणं कीर्तिसंपन्नमिदं वचनमब्रवीत्
5843	6072019a	यद्वानरेन्द्रस्य बलं तेन सर्वेण संवृतः
5844	6072019c	हनूमत्प्रमुखैश्चैव यूथपैः सहलक्ष्मण
5845	6072020a	जाम्बवेनर्क्षपतिना सह सैन्येन संवृतः
5846	6072020c	जहि तं राक्षससुतं मायाबलविशारदम्
5847	6072021a	अयं त्वां सचिवैः सार्धं महात्मा रजनीचरः
5848	6072021c	अभिज्ञस्तस्य देशस्य पृष्ठतोऽनुगमिष्यति
5849	6072022a	राघवस्य वचः श्रुत्वा लक्ष्मणः सविभीषणः
5850	6072022c	जग्राह कार्मुकं श्रेष्ठमन्यद्भीमपराक्रमः
5851	6072023a	संनद्धः कवची खड्गी स शरी हेमचापधृक्
5852	6072023c	रामपादावुपस्पृश्य हृष्टः सौमित्रिरब्रवीत्
5853	6072024a	अद्य मत्कार्मुकोन्मुखाः शरा निर्भिद्य रावणिम्
5854	6072024c	लङ्कामभिपतिष्यन्ति हंसाः पुष्करिणीमिव
5855	6072025a	अद्यैव तस्य रौद्रस्य शरीरं मामकाः शराः
5856	6072025c	विधमिष्यन्ति हत्वा तं महाचापगुणच्युताः
5857	6072026a	स एवमुक्त्वा द्युतिमान्वचनं भ्रातुरग्रतः
5858	6072026c	स रावणिवधाकाङ्क्षी लक्ष्मणस्त्वरितो ययौ
5859	6072027a	सोऽभिवाद्य गुरोः पादौ कृत्वा चापि प्रदक्षिणम्
5860	6072027c	निकुम्भिलामभिययौ चैत्यं रावणिपालितम्
5861	6072028a	विभीषणेन सहितो राजपुत्रः प्रतापवान्
5862	6072028c	कृतस्वस्त्ययनो भ्रात्रा लक्ष्मणस्त्वरितो ययौ
5863	6072029a	वानराणां सहस्रैस्तु हनूमान्बहुभिर्वृतः
5864	6072029c	विभीषणः सहामात्यस्तदा लक्ष्मणमन्वगात्
5865	6072030a	महता हरिसैन्येन सवेगमभिसंवृतः
5866	6072030c	ऋक्षराजबलं चैव ददर्श पथि विष्ठितम्
5867	6072031a	स गत्वा दूरमध्वानं सौमित्रिर्मित्रनन्दनः
5868	6072031c	राक्षसेन्द्रबलं दूरादपश्यद्व्यूहमास्थितम्
5869	6072032a	स संप्राप्य धनुष्पाणिर्मायायोगमरिंदम
5870	6072032c	तस्थौ ब्रह्मविधानेन विजेतुं रघुनन्दनः
5871	6072033a	विविधममलशस्त्रभास्वरं त;द्ध्वजगहनं विपुलं महारथैश्च
5872	6072033c	प्रतिभयतममप्रमेयवेगं; तिमिरमिव द्विषतां बलं विवेश
5873	6073001a	अथ तस्यामवस्थायां लक्ष्मणं रावणानुजः
5874	6073001c	परेषामहितं वाक्यमर्थसाधकमब्रवीत्
5875	6073002a	अस्यानीकस्य महतो भेदने यतलक्ष्मण
5876	6073002c	राक्षसेन्द्रसुतोऽप्यत्र भिन्ने दृश्यो भविष्यति
5877	6073003a	स त्वमिन्द्राशनिप्रख्यैः शरैरवकिरन्परान्
5878	6073003c	अभिद्रवाशु यावद्वै नैतत्कर्म समाप्यते
5879	6073004a	जहि वीरदुरात्मानं मायापरमधार्मिकम्
5880	6073004c	रावणिं क्रूरकर्माणं सर्वलोकभयावहम्
5881	6073005a	विभीषणवचः श्रुत्वा लक्ष्मणः शुभलक्षणः
5882	6073005c	ववर्ष शरवर्षाणि राक्षसेन्द्रसुतं प्रति
5883	6073006a	ऋक्षाः शाखामृगाश्चैव द्रुमाद्रिवरयोधिनः
5884	6073006c	अभ्यधावन्त सहितास्तदनीकमवस्थितम्
5885	6073007a	राक्षसाश्च शितैर्बाणैरसिभिः शक्तितोमरैः
5886	6073007c	उद्यतैः समवर्तन्त कपिसैन्यजिघांसवः
5887	6073008a	स संप्रहारस्तुमुलः संजज्ञे कपिरक्षसाम्
5888	6073008c	शब्देन महता लङ्कां नादयन्वै समन्ततः
5889	6073009a	शस्त्रैर्बहुविधाकारैः शितैर्बाणैश्च पादपैः
5890	6073009c	उद्यतैर्गिरिशृङ्गैश्च घोरैराकाशमावृतम्
5891	6073010a	ते राक्षसा वानरेषु विकृताननबाहवः
5892	6073010c	निवेशयन्तः शस्त्राणि चक्रुस्ते सुमहद्भयम्
5893	6073011a	तथैव सकलैर्वृक्षैर्गिरिशृङ्गैश्च वानराः
5894	6073011c	अभिजघ्नुर्निजघ्नुश्च समरे राक्षसर्षभान्
5895	6073012a	ऋक्षवानरमुख्यैश्च महाकायैर्महाबलैः
5896	6073012c	रक्षसां वध्यमानानां महद्भयमजायत
5897	6073013a	स्वमनीकं विषण्णं तु श्रुत्वा शत्रुभिरर्दितम्
5898	6073013c	उदतिष्ठत दुर्धर्षस्तत्कर्मण्यननुष्ठिते
5899	6073014a	वृक्षान्धकारान्निष्क्रम्य जातक्रोधः स रावणिः
5900	6073014c	आरुरोह रथं सज्जं पूर्वयुक्तं स राक्षसः
5901	6073015a	स भीमकार्मुकशरः कृष्णाञ्जनचयोपमः
5902	6073015c	रक्तास्यनयनः क्रूरो बभौ मृत्युरिवान्तकः
5903	6073016a	दृष्ट्वैव तु रथस्थं तं पर्यवर्तत तद्बलम्
5904	6073016c	रक्षसां भीमवेगानां लक्ष्मणेन युयुत्सताम्
5905	6073017a	तस्मिन्काले तु हनुमानुद्यम्य सुदुरासदम्
5906	6073017c	धरणीधरसंकाशी महावृक्षमरिंदमः
5907	6073018a	स राक्षसानां तत्सैन्यं कालाग्निरिव निर्दहन्
5908	6073018c	चकार बहुभिर्वृक्षैर्निःसंज्ञं युधि वानरः
5909	6073019a	विध्वंसयन्तं तरसा दृष्ट्वैव पवनात्मजम्
5910	6073019c	राक्षसानां सहस्राणि हनूमन्तमवाकिरन्
5911	6073020a	शितशूलधराः शूलैरसिभिश्चासिपाणयः
5912	6073020c	शक्तिभिः शक्तिहस्ताश्च पट्टसैः पट्टसायुधाः
5913	6073021a	परिघैश्च गदाभिश्च कुन्तैश्च शुभदर्शनैः
5914	6073021c	शतशश्च शतघ्नीभिरायसैरपि मुद्गरैः
5915	6073022a	घोरैः परशुभिश्चैव भिण्डिपालैश्च राक्षसाः
5916	6073022c	मुष्टिभिर्वज्रवेगैश्च तलैरशनिसंनिभैः
5917	6073023a	अभिजघ्नुः समासाद्य समन्तात्पर्वतोपमम्
5918	6073023c	तेषामपि च संक्रुद्धश्चकार कदनं महत्
5919	6073024a	स ददर्श कपिश्रेष्ठमचलोपममिन्द्रजित्
5920	6073024c	सूदयानममित्रघ्नममित्रान्पवनात्मजम्
5921	6073025a	स सारथिमुवाचेदं याहि यत्रैष वानरः
5922	6073025c	क्षयमेव हि नः कुर्याद्राक्षसानामुपेक्षितः
5923	6073026a	इत्युक्तः सारथिस्तेन ययौ यत्र स मारुतिः
5924	6073026c	वहन्परमदुर्धर्षं स्थितमिन्द्रजितं रथे
5925	6073027a	सोऽभ्युपेत्य शरान्खड्गान्पट्टसासिपरश्वधान्
5926	6073027c	अभ्यवर्षत दुर्धर्षः कपिमूर्ध्नि स राक्षसः
5927	6073028a	तानि शस्त्राणि घोराणि प्रतिगृह्य स मारुतिः
5928	6073028c	रोषेण महताविषो वाक्यं चेदमुवाच ह
5929	6073029a	युध्यस्व यदि शूरोऽसि रावणात्मज दुर्मते
5930	6073029c	वायुपुत्रं समासाद्य न जीवन्प्रतियास्यसि
5931	6073030a	बाहुभ्यां संप्रयुध्यस्व यदि मे द्वन्द्वमाहवे
5932	6073030c	वेगं सहस्व दुर्बुद्धे ततस्त्वं रक्षसां वरः
5933	6073031a	हनूमन्तं जिघांसन्तं समुद्यतशरासनम्
5934	6073031c	रावणात्मजमाचष्टे लक्ष्मणाय विभीषणः
5935	6073032a	यस्तु वासवनिर्जेता रावणस्यात्मसंभवः
5936	6073032c	स एष रथमास्थाय हनूमन्तं जिघांसति
5937	6073033a	तमप्रतिमसंस्थानैः शरैः शत्रुविदारणैः
5938	6073033c	जीवितान्तकरैर्घोरैः सौमित्रे रावणिं जहि
5939	6073034a	इत्येवमुक्तस्तु तदा महात्मा; विभीषणेनारिविभीषणेन
5940	6073034c	ददर्श तं पर्वतसंनिकाशं; रथस्थितं भीमबलं दुरासदम्
5941	6074001a	एवमुक्त्वा तु सौमित्रिं जातहर्षो विभीषणः
5942	6074001c	धनुष्पाणिनमादाय त्वरमाणो जगाम सः
5943	6074002a	अविदूरं ततो गत्वा प्रविश्य च महद्वनम्
5944	6074002c	दर्शयामास तत्कर्म लक्ष्मणाय विभीषणः
5945	6074003a	नीलजीमूतसंकाशं न्यग्रोधं भीमदर्शनम्
5946	6074003c	तेजस्वी रावणभ्राता लक्ष्मणाय न्यवेदयत्
5947	6074004a	इहोपहारं भूतानां बलवान्रावणातजः
5948	6074004c	उपहृत्य ततः पश्चात्संग्राममभिवर्तते
5949	6074005a	अदृश्यः सर्वभूतानां ततो भवति राक्षसः
5950	6074005c	निहन्ति समरे शत्रून्बध्नाति च शरोत्तमैः
5951	6074006a	तमप्रविष्टं न्यग्रोधं बलिनं रावणात्मजम्
5952	6074006c	विध्वंसय शरैस्तीक्ष्णैः सरथं साश्वसारथिम्
5953	6074007a	तथेत्युक्त्वा महातेजाः सौमित्रिर्मित्रनन्दनः
5954	6074007c	बभूवावस्थितस्तत्र चित्रं विस्फारयन्धनुः
5955	6074008a	स रथेनाग्निवर्णेन बलवान्रावणात्मजः
5956	6074008c	इन्द्रजित्कवची खड्गी सध्वजः प्रत्यदृश्यत
5957	6074009a	तमुवाच महातेजाः पौलस्त्यमपराजितम्
5958	6074009c	समाह्वये त्वां समरे सम्यग्युद्धं प्रयच्छ मे
5959	6074010a	एवमुक्तो महातेजा मनस्वी रावणात्मजः
5960	6074010c	अब्रवीत्परुषं वाक्यं तत्र दृष्ट्वा विभीषणम्
5961	6074011a	इह त्वं जातसंवृद्धः साक्षाद्भ्राता पितुर्मम
5962	6074011c	कथं द्रुह्यसि पुत्रस्य पितृव्यो मम राक्षस
5963	6074012a	न ज्ञातित्वं न सौहार्दं न जातिस्तव दुर्मते
5964	6074012c	प्रमाणं न च सोदर्यं न धर्मो धर्मदूषण
5965	6074013a	शोच्यस्त्वमसि दुर्बुद्धे निन्दनीयश्च साधुभिः
5966	6074013c	यस्त्वं स्वजनमुत्सृज्य परभृत्यत्वमागतः
5967	6074014a	नैतच्छिथिलया बुद्ध्या त्वं वेत्सि महदन्तरम्
5968	6074014c	क्व च स्वजनसंवासः क्व च नीचपराश्रयः
5969	6074015a	गुणवान्वा परजनः स्वजनो निर्गुणोऽपि वा
5970	6074015c	निर्गुणः स्वजनः श्रेयान्यः परः पर एव सः
5971	6074016a	निरनुक्रोशता चेयं यादृशी ते निशाचर
5972	6074016c	स्वजनेन त्वया शक्यं परुषं रावणानुज
5973	6074017a	इत्युक्तो भ्रातृपुत्रेण प्रत्युवाच विभीषणः
5974	6074017c	अजानन्निव मच्छीलं किं राक्षस विकत्थसे
5975	6074018a	राक्षसेन्द्रसुतासाधो पारुष्यं त्यज गौरवात्
5976	6074018c	कुले यद्यप्यहं जातो रक्षसां क्रूरकर्मणाम्
5977	6074018e	गुणोऽयं प्रथमो नॄणां तन्मे शीलमराक्षसं
5978	6074019a	न रमे दारुणेनाहं न चाधर्मेण वै रमे
5979	6074019c	भ्रात्रा विषमशीलेन कथं भ्राता निरस्यते
5980	6074020a	परस्वानां च हरणं परदाराभिमर्शनम्
5981	6074020c	सुहृदामतिशङ्कां च त्रयो दोषाः क्षयावहाः
5982	6074021a	महर्षीणां वधो घोरः सर्वदेवैश्च विग्रहः
5983	6074021c	अभिमानश्च कोपश्च वैरित्वं प्रतिकूलता
5984	6074022a	एते दोषा मम भ्रातुर्जीवितैश्वर्यनाशनाः
5985	6074022c	गुणान्प्रच्छादयामासुः पर्वतानिव तोयदाः
5986	6074023a	दोषैरेतैः परित्यक्तो मया भ्राता पिता तव
5987	6074023c	नेयमस्ति पुरी लङ्का न च त्वं न च ते पिता
5988	6074024a	अतिमानी च बालश्च दुर्विनीतश्च राक्षस
5989	6074024c	बद्धस्त्वं कालपाशेन ब्रूहि मां यद्यदिच्छसि
5990	6074025a	अद्य ते व्यसनं प्राप्तं किमिह त्वं तु वक्ष्यसि
5991	6074025c	प्रवेष्टुं न त्वया शक्यो न्यग्रोधो राक्षसाधम
5992	6074026a	धर्षयित्वा तु काकुत्स्थौ न शक्यं जीवितुं त्वया
5993	6074026c	युध्यस्व नरदेवेन लक्ष्मणेन रणे सह
5994	6074026e	हतस्त्वं देवता कार्यं करिष्यसि यमक्षये
5995	6074027a	निदर्शयस्वात्मबलं समुद्यतं; कुरुष्व सर्वायुधसायकव्ययम्
5996	6074027c	न लक्ष्मणस्यैत्य हि बाणगोचरं; त्वमद्य जीवन्सबलो गमिष्यसि
5997	6075001a	विभीषण वचः श्रुत्वा रावणिः क्रोधमूर्छितः
5998	6075001c	अब्रवीत्परुषं वाक्यं वेगेनाभ्युत्पपात ह
5999	6075002a	उद्यतायुधनिस्त्रिंशो रथे तु समलंकृते
6000	6075002c	कालाश्वयुक्ते महति स्थितः कालान्तकोपमः
6001	6075003a	महाप्रमाणमुद्यम्य विपुलं वेगवद्दृढम्
6002	6075003c	धनुर्भीमं परामृश्य शरांश्चामित्रनाशनान्
6003	6075004a	उवाचैनं समारब्धः सौमित्रिं सविभीषणम्
6004	6075004c	तांश्च वानरशार्दूलान्पश्यध्वं मे पराक्रमम्
6005	6075005a	अद्य मत्कार्मुकोत्सृष्टं शरवर्षं दुरासदम्
6006	6075005c	मुक्तं वर्षमिवाकाशे वारयिष्यथ संयुगे
6007	6075006a	अद्य वो मामका बाणा महाकार्मुकनिःसृताः
6008	6075006c	विधमिष्यन्ति गात्राणि तूलराशिमिवानलः
6009	6075007a	तीक्ष्णसायकनिर्भिन्नाञ्शूलशक्त्यृष्टितोमरैः
6010	6075007c	अद्य वो गमयिष्यामि सर्वानेव यमक्षयम्
6011	6075008a	क्षिपतः शरवर्षाणि क्षिप्रहस्तस्य मे युधि
6012	6075008c	जीमूतस्येव नदतः कः स्थास्यति ममाग्रतः
6013	6075009a	तच्छ्रुत्वा राक्षसेन्द्रस्य गर्जितं लक्ष्मणस्तदा
6014	6075009c	अभीतवदनः क्रुद्धो रावणिं वाक्यमब्रवीत्
6015	6075010a	उक्तश्च दुर्गमः पारः कार्याणां राक्षस त्वया
6016	6075010c	कार्याणां कर्मणा पारं यो गच्छति स बुद्धिमान्
6017	6075011a	स त्वमर्थस्य हीनार्थो दुरवापस्य केनचित्
6018	6075011c	वचो व्याहृत्य जानीषे कृतार्थोऽस्मीति दुर्मते
6019	6075012a	अन्तर्धानगतेनाजौ यस्त्वयाचरितस्तदा
6020	6075012c	तस्कराचरितो मार्गो नैष वीरनिषेवितः
6021	6075013a	यथा बाणपथं प्राप्य स्थितोऽहं तव राक्षस
6022	6075013c	दर्शयस्वाद्य तत्तेजो वाचा त्वं किं विकत्थसे
6023	6075014a	एवमुक्तो धनुर्भीमं परामृश्य महाबलः
6024	6075014c	ससर्जे निशितान्बाणानिन्द्रजित्समिजिंजय
6025	6075015a	ते निसृष्टा महावेगाः शराः सर्पविषोपमाः
6026	6075015c	संप्राप्य लक्ष्मणं पेतुः श्वसन्त इव पन्नगाः
6027	6075016a	शरैरतिमहावेगैर्वेगवान्रावणात्मजः
6028	6075016c	सौमित्रिमिन्द्रजिद्युद्धे विव्याध शुभलक्षणम्
6029	6075017a	स शरैरतिविद्धाङ्गो रुधिरेण समुक्षितः
6030	6075017c	शुशुभे लक्ष्मणः श्रीमान्विधूम इव पावकः
6031	6075018a	इन्द्रजित्त्वात्मनः कर्म प्रसमीक्ष्याधिगम्य च
6032	6075018c	विनद्य सुमहानादमिदं वचनमब्रवीत्
6033	6075019a	पत्रिणः शितधारास्ते शरा मत्कार्मुकच्युताः
6034	6075019c	आदास्यन्तेऽद्य सौमित्रे जीवितं जीवितान्तगाः
6035	6075020a	अद्य गोमायुसंघाश्च श्येनसंघाश्च लक्ष्मण
6036	6075020c	गृध्राश्च निपतन्तु त्वां गतासुं निहतं मया
6037	6075021a	क्षत्रबन्धुः सदानार्यो रामः परमदुर्मतिः
6038	6075021c	भक्तं भ्रातरमद्यैव त्वां द्रक्ष्यति मया हतम्
6039	6075022a	विशस्तकवचं भूमौ व्यपविद्धशरासनम्
6040	6075022c	हृतोत्तमाङ्गं सौमित्रे त्वामद्य निहतं मया
6041	6075023a	इति ब्रुवाणं संरब्धं परुषं रावणात्मजम्
6042	6075023c	हेतुमद्वाक्यमत्यर्थं लक्ष्मणः प्रत्युवाच ह
6043	6075024a	अकृत्वा कत्थसे कर्म किमर्थमिह राक्षस
6044	6075024c	कुरु तत्कर्म येनाहं श्रद्दध्यां तव कत्थनम्
6045	6075025a	अनुक्त्वा परुषं वाक्यं किंचिदप्यनवक्षिपन्
6046	6075025c	अविकत्थन्वधिष्यामि त्वां पश्य पुरुषादन
6047	6075026a	इत्युक्त्वा पञ्चनाराचानाकर्णापूरिताञ्शरान्
6048	6075026c	निचखान महावेगाँल्लक्ष्मणो राक्षसोरसि
6049	6075027a	स शरैराहतस्तेन सरोषो रावणात्मजः
6050	6075027c	सुप्रयुक्तैस्त्रिभिर्बाणैः प्रतिविव्याध लक्ष्मणम्
6051	6075028a	स बभूव महाभीमो नरराक्षससिंहयोः
6052	6075028c	विमर्दस्तुमुलो युद्धे परस्परवधैषिणोः
6053	6075029a	उभौ हि बलसंपन्नावुभौ विक्रमशालिनौ
6054	6075029c	उभावपि सुविक्रान्तौ सर्वशस्त्रास्त्रकोविदौ
6055	6075030a	उभौ परमदुर्जेयावतुल्यबलतेजसौ
6056	6075030c	युयुधाते महावीरौ ग्रहाविव नभो गतौ
6057	6075031a	बलवृत्राविव हि तौ युधि वै दुष्प्रधर्षणौ
6058	6075031c	युयुधाते महात्मानौ तदा केसरिणाविव
6059	6075032a	बहूनवसृजन्तौ हि मार्गणौघानवस्थितौ
6060	6075032c	नरराक्षससिंहौ तौ प्रहृष्टावभ्ययुध्यताम्
6061	6075033a	सुसंप्रहृष्टौ नरराक्षसोत्तमौ; जयैषिणौ मार्गणचापधारिणौ
6062	6075033c	परस्परं तौ प्रववर्षतुर्भृशं; शरौघवर्षेण बलाहकाविव
6063	6076001a	ततः शरं दाशरथिः संधायामित्रकर्शनः
6064	6076001c	ससर्ज राक्षसेन्द्राय क्रुद्धः सर्प इव श्वसन्
6065	6076002a	तस्य ज्यातलनिर्घोषं स श्रुत्वा रावणात्मजः
6066	6076002c	विवर्णवदनो भूत्वा लक्ष्मणं समुदैक्षत
6067	6076003a	तं विषण्णमुखं दृष्ट्वा राक्षसं रावणात्मजम्
6068	6076003c	सौमित्रिं युद्धसंसक्तं प्रत्युवाच विभीषणः
6069	6076004a	निमित्तान्यनुपश्यामि यान्यस्मिन्रावणात्मजे
6070	6076004c	त्वर तेन महाबाहो भग्न एष न संशयः
6071	6076005a	ततः संधाय सौमित्रिः शरानग्निशिखोपमान्
6072	6076005c	मुमोच निशितांस्तस्मै सर्वानिव विषोल्बणान्
6073	6076006a	शक्राशनिसमस्पर्शैर्लक्ष्मणेनाहतः शरैः
6074	6076006c	मुहूर्तमभवन्मूढः सर्वसंक्षुभितेन्द्रियः
6075	6076007a	उपलभ्य मुहूर्तेन संज्ञां प्रत्यागतेन्द्रियः
6076	6076007c	ददर्शावस्थितं वीरं वीरो दशरथात्मजम्
6077	6076008a	सोऽभिचक्राम सौमित्रिं रोषात्संरक्तलोचनः
6078	6076008c	अब्रवीच्चैनमासाद्य पुनः स परुषं वचः
6079	6076009a	किं न स्मरसि तद्युद्धे प्रथमे मत्पराक्रमम्
6080	6076009c	निबद्धस्त्वं सह भ्रात्रा यदा युधि विचेष्टसे
6081	6076010a	युवा खलु महायुद्धे शक्राशनिसमैः शरैः
6082	6076010c	शायिनौ प्रथमं भूमौ विसंज्ञौ सपुरःसरौ
6083	6076011a	स्मृतिर्वा नास्ति ते मन्ये व्यक्तं वा यमसादनम्
6084	6076011c	गन्तुमिच्छसि यस्मात्त्वं मां धर्षयितुमिच्छसि
6085	6076012a	यदि ते प्रथमे युद्धे न दृष्टो मत्पराक्रमः
6086	6076012c	अद्य त्वां दर्शयिष्यामि तिष्ठेदानीं व्यवस्थितः
6087	6076013a	इत्युक्त्वा सप्तभिर्बाणैरभिविव्याध लक्ष्मणम्
6088	6076013c	दशभिश्च हनूमन्तं तीक्ष्णधारैः शरोत्तमैः
6089	6076014a	ततः शरशतेनैव सुप्रयुक्तेन वीर्यवान्
6090	6076014c	क्रोधाद्द्विगुणसंरब्धो निर्बिभेद विभीषणम्
6091	6076015a	तद्दृष्ट्वेन्द्रजितः कर्म कृतं रामानुजस्तदा
6092	6076015c	अचिन्तयित्वा प्रहसन्नैतत्किंचिदिति ब्रुवन्
6093	6076016a	मुमोच स शरान्घोरान्संगृह्य नरपुंगवः
6094	6076016c	अभीतवदनः क्रुद्धो रावणिं लक्ष्मणो युधि
6095	6076017a	नैवं रणगतः शूराः प्रहरन्ति निशाचर
6096	6076017c	लघवश्चाल्पवीर्याश्च सुखा हीमे शरास्तव
6097	6076018a	नैवं शूरास्तु युध्यन्ते समरे जयकाङ्क्षिणः
6098	6076018c	इत्येवं तं ब्रुवाणस्तु शरवर्षैरवाकिरत्
6099	6076019a	तस्य बाणैस्तु विध्वस्तं कवचं हेमभूषितम्
6100	6076019c	व्यशीर्यत रथोपस्थे ताराजालमिवाम्बरात्
6101	6076020a	विधूतवर्मा नाराचैर्बभूव स कृतव्रणः
6102	6076020c	इन्द्रजित्समरे शूरः प्ररूढ इव सानुमान्
6103	6076021a	अभीक्ष्णं निश्वसन्तौ हि युध्येतां तुमुलं युधि
6104	6076021c	शरसंकृत्तसर्वाङ्गो सर्वतो रुधिरोक्षितौ
6105	6076022a	अस्त्राण्यस्त्रविदां श्रेष्ठौ दर्शयन्तौ पुनः पुनः
6106	6076022c	शरानुच्चावचाकारानन्तरिक्षे बबन्धतुः
6107	6076023a	व्यपेतदोषमस्यन्तौ लघुचित्रं च सुष्ठु च
6108	6076023c	उभौ तु तुमुलं घोरं चक्रतुर्नरराक्षसौ
6109	6076024a	तयोः पृथक्पृथग्भीमः शुश्रुवे तलनिस्वनः
6110	6076024c	सुघोरयोर्निष्टनतोर्गगने मेघयोरिव
6111	6076025a	ते गात्रयोर्निपतिता रुक्मपुङ्खाः शरा युधि
6112	6076025c	असृग्दिग्धा विनिष्पेतुर्विविशुर्धरणीतलम्
6113	6076026a	अन्यैः सुनिशितैः शस्त्रैराकाशे संजघट्टिरे
6114	6076026c	बभञ्जुश्चिच्छिदुश्चापि तयोर्बाणाः सहस्रशः
6115	6076027a	स बभूव रणे घोरस्तयोर्बाणमयश्चयः
6116	6076027c	अग्निभ्यामिव दीप्ताभ्यां सत्रे कुशमयश्चयः
6117	6076028a	तयोः कृतव्रणौ देहौ शुशुभाते महात्मनोः
6118	6076028c	सपुष्पाविव निष्पत्रौ वने शाल्मलिकुंशुकौ
6119	6076029a	चक्रतुस्तुमुलं घोरं संनिपातं मुहुर्मुहुः
6120	6076029c	इन्द्रजिल्लक्ष्मणश्चैव परस्परजयैषिणौ
6121	6076030a	लक्ष्मणो रावणिं युद्धे रावणिश्चापि लक्ष्मणम्
6122	6076030c	अन्योन्यं तावभिघ्नन्तौ न श्रमं प्रत्यपद्यताम्
6123	6076031a	बाणजालैः शरीरस्थैरवगाढैस्तरस्विनौ
6124	6076031c	शुशुभाते महावीरौ विरूढाविव पर्वतौ
6125	6076032a	तयो रुधिरसिक्तानि संवृतानि शरैर्भृशम्
6126	6076032c	बभ्राजुः सर्वगात्राणि ज्वलन्त इव पावकाः
6127	6076033a	तयोरथ महान्कालो व्यतीयाद्युध्यमानयोः
6128	6076033c	न च तौ युद्धवैमुख्यं श्रमं वाप्युपजग्मतुः
6129	6076034a	अथ समरपरिश्रमं निहन्तुं; समरमुखेष्वजितस्य लक्ष्मणस्य
6130	6076034c	प्रियहितमुपपादयन्महौजाः; समरमुपेत्य विभीषणोऽवतस्थे
6131	6077001a	युध्यमानौ तु तौ दृष्ट्वा प्रसक्तौ नरराक्षसौ
6132	6077001c	शूरः स रावणभ्राता तस्थौ संग्राममूर्धनि
6133	6077002a	ततो विस्फारयामास महद्धनुरवस्थितः
6134	6077002c	उत्ससर्ज च तीक्ष्णाग्रान्राक्षसेषु महाशरान्
6135	6077003a	ते शराः शिखिसंकाशा निपतन्तः समाहिताः
6136	6077003c	राक्षसान्दारयामासुर्वज्रा इव महागिरीन्
6137	6077004a	विभीषणस्यानुचरास्तेऽपि शूलासिपट्टसैः
6138	6077004c	चिच्छेदुः समरे वीरान्राक्षसान्राक्षसोत्तमाः
6139	6077005a	राक्षसैस्तैः परिवृतः स तदा तु विभीषणः
6140	6077005c	बभौ मध्ये प्रहृष्टानां कलभानामिव द्विपः
6141	6077006a	ततः संचोदयानो वै हरीन्रक्षोरणप्रियान्
6142	6077006c	उवाच वचनं काले कालज्ञो रक्षसां वरः
6143	6077007a	एकोऽयं राक्षसेन्द्रस्य परायणमिव स्थितः
6144	6077007c	एतच्छेषं बलं तस्य किं तिष्ठत हरीश्वराः
6145	6077008a	अस्मिन्विनिहते पापे राक्षसे रणमूर्धनि
6146	6077008c	रावणं वर्जयित्वा तु शेषमस्य बलं हतम्
6147	6077009a	प्रहस्तो निहतो वीरो निकुम्भश्च महाबलः
6148	6077009c	कुम्भकर्णश्च कुम्भश्च धूम्राक्षश्च निशाचरः
6149	6077010a	अकम्पनः सुपार्श्वश्च चक्रमाली च राक्षसः
6150	6077010c	कम्पनः सत्त्ववन्तश्च देवान्तकनरान्तकौ
6151	6077011a	एतान्निहत्यातिबलान्बहून्राक्षससत्तमान्
6152	6077011c	बाहुभ्यां सागरं तीर्त्वा लङ्घ्यतां गोष्पदं लघु
6153	6077012a	एतावदिह शेषं वो जेतव्यमिह वानराः
6154	6077012c	हताः सर्वे समागम्य राक्षसा बलदर्पिताः
6155	6077013a	अयुक्तं निधनं कर्तुं पुत्रस्य जनितुर्मम
6156	6077013c	घृणामपास्य रामार्थे निहन्यां भ्रातुरात्मजम्
6157	6077014a	हन्तुकामस्य मे बाष्पं चक्शुश्चैव निरुध्यते
6158	6077014c	तदेवैष महाबाहुर्लक्ष्मणः शमयिष्यति
6159	6077014e	वानरा घ्नन्तुं संभूय भृत्यानस्य समीपगान्
6160	6077015a	इति तेनातियशसा राक्षसेनाभिचोदिताः
6161	6077015c	वानरेन्द्रा जहृषिरे लाङ्गलानि च विव्यधुः
6162	6077016a	ततस्ते कपिशार्दूलाः क्ष्वेडन्तश्च मुहुर्मुहुः
6163	6077016c	मुमुचुर्विविधान्नादान्मेघान्दृष्ट्वेव बर्हिणः
6164	6077017a	जाम्बवानपि तैः सर्वैः स्वयूथैरभिसंवृतः
6165	6077017c	अश्मभिस्ताडयामास नखैर्दन्तैश्च राक्षसान्
6166	6077018a	निघ्नन्तमृक्षाधिपतिं राक्षसास्ते महाबलाः
6167	6077018c	परिवव्रुर्भयं त्यक्त्वा तमनेकविधायुधाः
6168	6077019a	शरैः परशुभिस्तीक्ष्णैः पट्टसैर्यष्टितोमरैः
6169	6077019c	जाम्बवन्तं मृधे जघ्नुर्निघ्नन्तं राक्षसीं चमूम्
6170	6077020a	स संप्रहारस्तुमुलः संजज्ञे कपिराक्षसाम्
6171	6077020c	देवासुराणां क्रुद्धानां यथा भीमो महास्वनः
6172	6077021a	हनूमानपि संक्रुद्धः सालमुत्पाट्य पर्वतात्
6173	6077021c	रक्षसां कदनं चक्रे समासाद्य सहस्रशः
6174	6077022a	स दत्त्वा तुमुलं युद्धं पितृव्यस्येन्द्रजिद्युधि
6175	6077022c	लक्ष्मणं परवीरघ्नं पुनरेवाभ्यधावत
6176	6077023a	तौ प्रयुद्धौ तदा वीरौ मृधे लक्ष्मणराक्षसौ
6177	6077023c	शरौघानभिवर्षन्तौ जघ्नतुस्तौ परस्परम्
6178	6077024a	अभीक्ष्णमन्तर्दधतुः शरजालैर्महाबलौ
6179	6077024c	चन्द्रादित्याविवोष्णान्ते यथा मेघैस्तरस्विनौ
6180	6077025a	न ह्यादानं न संधानं धनुषो वा परिग्रहः
6181	6077025c	न विप्रमोक्षो बाणानां न विकर्षो न विग्रहः
6182	6077026a	न मुष्टिप्रतिसंधानं न लक्ष्यप्रतिपादनम्
6183	6077026c	अदृश्यत तयोस्तत्र युध्यतोः पाणिलाघवात्
6184	6077027a	चापवेगप्रमुक्तैश्च बाणजालैः समन्ततः
6185	6077027c	अन्तरिक्षेऽभिसंछन्ने न रूपाणि चकाशिरे
6186	6077027e	तमसा पिहितं सर्वमासीद्भीमतरं महत्
6187	6077028a	न तदानीं ववौ वायुर्न जज्वाल च पावकः
6188	6077028c	स्वस्त्यस्तु लोकेभ्य इति जजल्पश्च महर्षयः
6189	6077028e	संपेतुश्चात्र संप्राप्ता गन्धर्वाः सह चारणैः
6190	6077029a	अथ राक्षससिंहस्य कृष्णान्कनकभूषणान्
6191	6077029c	शरैश्चतुर्भिः सौमित्रिर्विव्याध चतुरो हयान्
6192	6077030a	ततोऽपरेण भल्लेन सूतस्य विचरिष्यतः
6193	6077030c	लाघवाद्राघवः श्रीमाञ्शिरः कायादपाहरत्
6194	6077031a	निहतं सारथिं दृष्ट्वा समरे रावणात्मजः
6195	6077031c	प्रजहौ समरोद्धर्षं विषण्णः स बभूव ह
6196	6077032a	विषण्णवदनं दृष्ट्वा राक्षसं हरियूथपाः
6197	6077032c	ततः परमसंहृष्टो लक्ष्मणं चाभ्यपूजयन्
6198	6077033a	ततः प्रमाथी शरभो रभसो गन्धमादनः
6199	6077033c	अमृष्यमाणाश्चत्वारश्चक्रुर्वेगं हरीश्वराः
6200	6077034a	ते चास्य हयमुख्येषु तूर्णमुत्पत्य वानराः
6201	6077034c	चतुर्षु सुमहावीर्या निपेतुर्भीमविक्रमाः
6202	6077035a	तेषामधिष्ठितानां तैर्वानरैः पर्वतोपमैः
6203	6077035c	मुखेभ्यो रुधिरं व्यक्तं हयानां समवर्तत
6204	6077036a	ते निहत्य हयांस्तस्य प्रमथ्य च महारथम्
6205	6077036c	पुनरुत्पत्य वेगेन तस्थुर्लक्ष्मणपार्श्वतः
6206	6077037a	स हताश्वादवप्लुत्य रथान्मथितसारथेः
6207	6077037c	शरवर्षेण सौमित्रिमभ्यधावत रावणिः
6208	6077038a	ततो महेन्द्रप्रतिमंह्स लक्ष्मणः; पदातिनं तं निशितैः शरोत्तमैः
6209	6077038c	सृजन्तमादौ निशिताञ्शरोत्तमा;न्भृशं तदा बाणगणैर्न्यवारयत्
6210	6078001a	स हताश्वो महातेजा भूमौ तिष्ठन्निशाचरः
6211	6078001c	इन्द्रजित्परमक्रुद्धः संप्रजज्वाल तेजसा
6212	6078002a	तौ धन्विनौ जिघांसन्तावन्योन्यमिषुभिर्भृशम्
6213	6078002c	विजयेनाभिनिष्क्रान्तौ वने गजवृषाविव
6214	6078003a	निबर्हयन्तश्चान्योन्यं ते राक्षसवनौकसः
6215	6078003c	भर्तारं न जहुर्युद्धे संपतन्तस्ततस्ततः
6216	6078004a	स लक्ष्मणं समुद्दिश्य परं लाघवमास्थितः
6217	6078004c	ववर्ष शरवर्षाणि वर्षाणीव पुरंदरः
6218	6078005a	मुक्तमिन्द्रजिता तत्तु शरवर्षमरिंदमः
6219	6078005c	अवारयदसंभ्रान्तो लक्ष्मणः सुदुरासदम्
6220	6078006a	अभेद्यकचनं मत्वा लक्ष्मणं रावणात्मजः
6221	6078006c	ललाटे लक्ष्मणं बाणैः सुपुङ्खैस्त्रिभिरिन्द्रजित्
6222	6078006e	अविध्यत्परमक्रुद्धः शीघ्रमस्त्रं प्रदर्शयन्
6223	6078007a	तैः पृषत्कैर्ललाटस्थैः शुशुभे रघुनन्दनः
6224	6078007c	रणाग्रे समरश्लाघी त्रिशृङ्ग इव पर्वतः
6225	6078008a	स तथाप्यर्दितो बाणै राक्षसेन महामृधे
6226	6078008c	तमाशु प्रतिविव्याध लक्ष्मणः पनभिः शरैः
6227	6078009a	लक्ष्मणेन्द्रजितौ वीरौ महाबलशरासनौ
6228	6078009c	अन्योन्यं जघ्नतुर्बाणैर्विशिखैर्भीमविक्रमौ
6229	6078010a	तौ परस्परमभ्येत्य सर्वगात्रेषु धन्विनौ
6230	6078010c	घोरैर्विव्यधतुर्बाणैः कृतभावावुभौ जये
6231	6078011a	तस्मै दृढतरं क्रुद्धो हताश्वाय विभीषणः
6232	6078011c	वज्रस्पर्शसमान्पञ्च ससर्जोरसि मार्गणान्
6233	6078012a	ते तस्य कायं निर्भिद्य रुक्मपुङ्खा निमित्तगाः
6234	6078012c	बभूवुर्लोहितादिग्धा रक्ता इव महोरगाः
6235	6078013a	स पितृव्यस्य संक्रुद्ध इन्द्रजिच्छरमाददे
6236	6078013c	उत्तमं रक्षसां मध्ये यमदत्तं महाबलः
6237	6078014a	तं समीक्ष्य महातेजा महेषुं तेन संहितम्
6238	6078014c	लक्ष्मणोऽप्याददे बाणमन्यं भीमपराक्रमः
6239	6078015a	कुबेरेण स्वयं स्वप्ने यद्दत्तममितात्मना
6240	6078015c	दुर्जयं दुर्विषह्यं च सेन्द्रैरपि सुरासुरैः
6241	6078016a	ताभ्यां तौ धनुषि श्रेष्ठे संहितौ सायकोत्तमौ
6242	6078016c	विकृष्यमाणौ वीराभ्यां भृशं जज्वलतुः श्रिया
6243	6078017a	तौ भासयन्तावाकाशं धनुर्भ्यां विशिखौ च्युतौ
6244	6078017c	मुखेन मुखमाहत्य संनिपेततुरोजसा
6245	6078018a	तौ महाग्रहसंकाशावन्योन्यं संनिपत्य च
6246	6078018c	संग्रामे शतधा यातौ मेदिन्यां विनिपेततुः
6247	6078019a	शरौ प्रतिहतौ दृष्ट्वा तावुभौ रणमूर्धनि
6248	6078019c	व्रीडितो जातरोषौ च लक्ष्मणेन्द्रजितावुभौ
6249	6078020a	सुसंरब्धस्तु सौमित्रिरस्त्रं वारुणमाददे
6250	6078020c	रौद्रं महेद्रजिद्युद्धे व्यसृजद्युधि विष्ठितः
6251	6078021a	तयोः सुतुमुलं युद्धं संबभूवाद्भुतोपमम्
6252	6078021c	गगनस्थानि भूतानि लक्ष्मणं पर्यवारयन्
6253	6078022a	भैरवाभिरुते भीमे युद्धे वानरराक्षसाम्
6254	6078022c	भूतैर्बहुभिराकाशं विस्मितैरावृतं बभौ
6255	6078023a	ऋषयः पितरो देवा गन्धर्वा गरुणोरगाः
6256	6078023c	शतक्रतुं पुरस्कृत्य ररक्षुर्लक्ष्मणं रणे
6257	6078024a	अथान्यं मार्गणश्रेष्ठं संदधे रावणानुजः
6258	6078024c	हुताशनसमस्पर्शं रावणात्मजदारुणम्
6259	6078025a	सुपत्रमनुवृत्ताङ्गं सुपर्वाणं सुसंस्थितम्
6260	6078025c	सुवर्णविकृतं वीरः शरीरान्तकरं शरम्
6261	6078026a	दुरावारं दुर्विषहं राक्षसानां भयावहम्
6262	6078026c	आशीविषविषप्रख्यं देवसंघैः समर्चितम्
6263	6078027a	येन शक्रो महातेजा दानवानजयत्प्रभुः
6264	6078027c	पुरा देवासुरे युद्धे वीर्यवान्हरिवाहनः
6265	6078028a	तदैन्द्रमस्त्रं सौमित्रिः संयुगेष्वपराजितम्
6266	6078028c	शरश्रेष्ठं धनुः श्रेष्ठे नरश्रेष्ठोऽभिसंदधे
6267	6078029a	संधायामित्रदलनं विचकर्ष शरासनम्
6268	6078029c	सज्यमायम्य दुर्धर्शः कालो लोकक्षये यथा
6269	6078030a	संधाय धनुषि श्रेष्ठे विकर्षन्निदमब्रवीत्
6270	6078030c	लक्ष्मीवाँल्लक्ष्मणो वाक्यमर्थसाधकमात्मनः
6271	6078031a	धर्मात्मा सत्यसंधश्च रामो दाशरथिर्यदि
6272	6078031c	पौरुषे चाप्रतिद्वन्द्वस्तदेनं जहि रावणिम्
6273	6078032a	इत्युक्त्वा बाणमाकर्णं विकृष्य तमजिह्मगम्
6274	6078032c	लक्ष्मणः समरे वीरः ससर्जेन्द्रजितं प्रति
6275	6078032e	ऐन्द्रास्त्रेण समायुज्य लक्ष्मणः परवीरहा
6276	6078033a	तच्छिरः सशिरस्त्राणं श्रीमज्ज्वलितकुण्डलम्
6277	6078033c	प्रमथ्येन्द्रजितः कायात्पपात धरणीतले
6278	6078034a	तद्राक्षसतनूजस्य छिन्नस्कन्धं शिरो महत्
6279	6078034c	तपनीयनिभं भूमौ ददृशे रुधिरोक्षितम्
6280	6078035a	हतस्तु निपपाताशु धरण्यां रावणात्मजः
6281	6078035c	कवची सशिरस्त्राणो विध्वस्तः सशरासनः
6282	6078036a	चुक्रुशुस्ते ततः सर्वे वानराः सविभीषणाः
6283	6078036c	हृष्यन्तो निहते तस्मिन्देवा वृत्रवधे यथा
6284	6078037a	अथान्तरिक्षे भूतानामृषीणां च महात्मनाम्
6285	6078037c	अभिजज्ञे च संनादो गन्धर्वाप्सरसामपि
6286	6078038a	पतितं समभिज्ञाय राक्षसी सा महाचमूः
6287	6078038c	वध्यमाना दिशो भेजे हरिभिर्जितकाशिभिः
6288	6078039a	वनरैर्वध्यमानास्ते शस्त्राण्युत्सृज्य राक्षसाः
6289	6078039c	लङ्कामभिमुखाः सर्वे नष्टसंज्ञाः प्रधाविताः
6290	6078040a	दुद्रुवुर्बहुधा भीता राक्षसाः शतशो दिशः
6291	6078040c	त्यक्त्वा प्रहरणान्सर्वे पट्टसासिपरश्वधान्
6292	6078041a	केचिल्लङ्कां परित्रस्ताः प्रविष्टा वानरार्दिताः
6293	6078041c	समुद्रे पतिताः केचित्केचित्पर्वतमाश्रिताः
6294	6078042a	हतमिन्द्रजितं दृष्ट्वा शयानं समरक्षितौ
6295	6078042c	राक्षसानां सहस्रेषु न कश्चित्प्रत्यदृश्यत
6296	6078043a	यथास्तं गत आदित्ये नावतिष्ठन्ति रश्मयः
6297	6078043c	तथा तस्मिन्निपतिते राक्षसास्ते गता दिशः
6298	6078044a	शान्तरक्श्मिरिवादित्यो निर्वाण इव पावकः
6299	6078044c	स बभूव महातेजा व्यपास्त गतजीवितः
6300	6078045a	प्रशान्तपीडा बहुलो विनष्टारिः प्रहर्षवान्
6301	6078045c	बभूव लोकः पतिते राक्षसेन्द्रसुते तदा
6302	6078046a	हर्षं च शक्रो भगवान्सह सर्वैः सुरर्षभैः
6303	6078046c	जगाम निहते तस्मिन्राक्षसे पापकर्मणि
6304	6078047a	शुद्धा आपो नभश्चैव जहृषुर्दैत्यदानवाः
6305	6078047c	आजग्मुः पतिते तस्मिन्सर्वलोकभयावहे
6306	6078048a	ऊचुश्च सहिताः सर्वे देवगन्धर्वदानवाः
6307	6078048c	विज्वराः शान्तकलुषा ब्राह्मणा विचरन्त्विति
6308	6078049a	ततोऽभ्यनन्दन्संहृष्टाः समरे हरियूथपाः
6309	6078049c	तमप्रतिबलं दृष्ट्वा हतं नैरृतपुंगवम्
6310	6078050a	विभीषणो हनूमांश्च जाम्बवांश्चर्क्षयूथपः
6311	6078050c	विजयेनाभिनन्दन्तस्तुष्टुवुश्चापि लक्ष्मणम्
6312	6078051a	क्ष्वेडन्तश्च नदन्तश्च गर्जन्तश्च प्लवंगमाः
6313	6078051c	लब्धलक्षा रघुसुतं परिवार्योपतस्थिरे
6314	6078052a	लाङ्गूलानि प्रविध्यन्तः स्फोटयन्तश्च वानराः
6315	6078052c	लक्ष्मणो जयतीत्येवं वाक्यं व्यश्रावयंस्तदा
6316	6078053a	अन्योन्यं च समाश्लिष्य कपयो हृष्टमानसाः
6317	6078053c	चक्रुरुच्चावचगुणा राघवाश्रयजाः कथाः
6318	6078054a	तदसुकरमथाभिवीक्ष्य हृष्टाः; प्रियसुहृदो युधि लक्ष्मणस्य कर्म
6319	6078054c	परममुपलभन्मनःप्रहर्षं; विनिहतमिन्द्ररिपुं निशम्य देवाः
6320	6079001a	रुधिरक्लिन्नगात्रस्तु लक्ष्मणः शुभलक्षणः
6321	6079001c	बभूव हृष्टस्तं हत्वा शक्रजेतारमाहवे
6322	6079002a	ततः स जाम्बवन्तं च हनूमन्तं च वीर्यवान्
6323	6079002c	संनिवर्त्य महातेजास्तांश्च सर्वान्वनौकसः
6324	6079003a	आजगाम ततः शीघ्रं यत्र सुग्रीवराघवौ
6325	6079003c	विभीषणमवष्टभ्य हनूमन्तं च लक्ष्मणः
6326	6079004a	ततो राममभिक्रम्य सौमित्रिरभिवाद्य च
6327	6079004c	तस्थौ भ्रातृसमीपस्थः शक्रस्येन्द्रानुजो यथा
6328	6079004e	आचचक्षे तदा वीरो घोरमिन्द्रजितो वधम्
6329	6079005a	रावणस्तु शिरश्छिन्नं लक्ष्मणेन महात्मना
6330	6079005c	न्यवेदयत रामाय तदा हृष्टो विभीषणः
6331	6079006a	उपवेश्य तमुत्सङ्गे परिष्वज्यावपीडितम्
6332	6079006c	मूर्ध्नि चैनमुपाघ्राय भूयः संस्पृश्य च त्वरन्
6333	6079006e	उवाच लक्ष्मणं वाक्यमाश्वास्य पुरुषर्षभः
6334	6079007a	कृतं परमकल्याणं कर्म दुष्करकारिणा
6335	6079007c	निरमित्रः कृतोऽस्म्यद्य निर्यास्यति हि रावणः
6336	6079007e	बलव्यूहेन महता श्रुत्वा पुत्रं निपातितम्
6337	6079008a	तं पुत्रवधसंतप्तं निर्यान्तं राक्षसाधिपम्
6338	6079008c	बलेनावृत्य महता निहनिष्यामि दुर्जयम्
6339	6079009a	त्वया लक्ष्मण नाथेन सीता च पृथिवी च मे
6340	6079009c	न दुष्प्रापा हते त्वद्य शक्रजेतरि चाहवे
6341	6079010a	स तं भ्रातरमाश्वास्य पारिष्वज्य च राघवः
6342	6079010c	रामः सुषेणं मुदितः समाभाष्येदमब्रवीत्
6343	6079011a	सशल्योऽयं महाप्राज्ञः सौमित्रिर्मित्रवत्सलः
6344	6079011c	यथा भवति सुस्वस्थस्तथा त्वं समुपाचर
6345	6079011e	विशल्यः क्रियतां क्षिप्रं सौमित्रिः सविभीषणः
6346	6079012a	कृष वानरसैन्यानां शूराणां द्रुमयोधिनाम्
6347	6079012c	ये चान्येऽत्र च युध्यन्तः सशल्या व्रणिनस्तथा
6348	6079012e	तेऽपि सर्वे प्रयत्नेन क्रियन्तां सुखिनस्त्वया
6349	6079013a	एवमुक्तः स रामेण महात्मा हरियूथपः
6350	6079013c	लक्ष्मणाय ददौ नस्तः सुषेणः परमौषधम्
6351	6079014a	स तस्य गन्धमाघ्राय विशल्यः समपद्यत
6352	6079014c	तदा निर्वेदनश्चैव संरूढव्रण एव च
6353	6079015a	विभीषण मुखानां च सुहृदां राघवाज्ञया
6354	6079015c	सर्ववानरमुख्यानां चिकित्सां स तदाकरोत्
6355	6079016a	ततः प्रकृतिमापन्नो हृतशल्यो गतव्यथः
6356	6079016c	सौमित्रिर्मुदितस्तत्र क्षणेन विगतज्वरः
6357	6079017a	तथैव रामः प्लवगाधिपस्तदा; विभीषणश्चर्क्षपतिश्च जाम्बवान्
6358	6079017c	अवेक्ष्य सौमित्रिमरोगमुत्थितं; मुदा ससैन्यः सुचिरं जहर्षिरे
6359	6079018a	अपूजयत्कर्म स लक्ष्मणस्य; सुदुष्करं दाशरथिर्महात्मा
6360	6079018c	हृष्टा बभूवुर्युधि यूथपेन्द्रा; निशम्य तं शक्रजितं निपातितम्
6361	6080001a	ततः पौलस्त्य सचिवाः श्रुत्वा चेन्द्रजितं हतम्
6362	6080001c	आचचक्षुरभिज्ञाय दशग्रीवाय सव्यथाः
6363	6080002a	युद्धे हतो महाराज लक्ष्मणेन तवात्मजः
6364	6080002c	विभीषणसहायेन मिषतां नो महाद्युते
6365	6080003a	शूरः शूरेण संगम्य संयुगेष्वपराजितः
6366	6080003c	लक्ष्णनेन हतः शूरः पुत्रस्ते विबुधेन्द्रजित्
6367	6080004a	स तं प्रतिभयं श्रुत्वा वधं पुत्रस्य दारुणम्
6368	6080004c	घोरमिन्द्रजितः संख्ये कश्मलं प्राविशन्महत्
6369	6080005a	उपलभ्य चिरात्संज्ञां राजा राक्षसपुंगवः
6370	6080005c	पुत्रशोकार्दितो दीनो विललापाकुलेन्द्रियः
6371	6080006a	हा राक्षसचमूमुख्य मम वत्स महारथ
6372	6080006c	जित्वेन्द्रं कथमद्य त्वं लक्ष्मणस्य वशं गतः
6373	6080007a	ननु त्वमिषुभिः क्रुद्धो भिन्द्याः कालान्तकावपि
6374	6080007c	मन्दरस्यापि शृङ्गाणि किं पुनर्लक्ष्मणं रणे
6375	6080008a	अद्य वैवस्वतो राजा भूयो बहुमतो मम
6376	6080008c	येनाद्य त्वं महाबाहो संयुक्तः कालधर्मणा
6377	6080009a	एष पन्थाः सुयोधानां सर्वामरगणेष्वपि
6378	6080009c	यः कृते हन्यते भर्तुः स पुमान्स्वर्गमृच्छति
6379	6080010a	अद्य देवगणाः सर्वे लोकपालास्तथर्षयः
6380	6080010c	हतमिन्द्रजितं दृष्ट्वा सुखं स्वप्स्यन्ति निर्भयाः
6381	6080011a	अद्य लोकास्त्रयः कृत्स्नाः पृथिवी च सकानना
6382	6080011c	एकेनेन्द्रजिता हीना शूण्येव प्रतिभाति मे
6383	6080012a	अद्य नैरृतकन्यायां श्रोष्याम्यन्तःपुरे रवम्
6384	6080012c	करेणुसंघस्य यथा निनादं गिरिगह्वरे
6385	6080013a	यौवराज्यं च लङ्कां च रक्षांसि च परंतप
6386	6080013c	मातरं मां च भार्यां च क्व गतोऽसि विहाय नः
6387	6080014a	मम नाम त्वया वीर गतस्य यमसादनम्
6388	6080014c	प्रेतकार्याणि कार्याणि विपरीते हि वर्तसे
6389	6080015a	स त्वं जीवति सुग्रीवे राघवे च सलक्ष्मणे
6390	6080015c	मम शल्यमनुद्धृत्य क्व गतोऽसि विहाय नः
6391	6080016a	एवमादिविलापार्तं रावणं राक्षसाधिपम्
6392	6080016c	आविवेश महान्कोपः पुत्रव्यसनसंभवः
6393	6080017a	घोरं प्रकृत्या रूपं तत्तस्य क्रोधाग्निमूर्छितम्
6394	6080017c	बभूव रूपं रुद्रस्य क्रुद्धस्येव दुरासदम्
6395	6080018a	तस्य क्रुद्धस्य नेत्राभ्यां प्रापतन्नस्रबिन्दवः
6396	6080018c	दीप्ताभ्यामिव दीपाभ्यां सार्चिषः स्नेहबिन्दवः
6397	6080019a	दन्तान्विदशतस्तस्य श्रूयते दशनस्वनः
6398	6080019c	यन्त्रस्यावेष्ट्यमानस्य महतो दानवैरिव
6399	6080020a	कालाग्निरिव संक्रुद्धो यां यां दिशमवैक्षत
6400	6080020c	तस्यां तस्यां भयत्रस्ता राक्षसाः संनिलिल्यिरे
6401	6080021a	तमन्तकमिव क्रुद्धं चराचरचिखादिषुम्
6402	6080021c	वीक्षमाणं दिशः सर्वा राक्षसा नोपचक्रमुः
6403	6080022a	ततः परमसंक्रुद्धो रावणो राक्षसाधिपः
6404	6080022c	अब्रवीद्रक्षसां मध्ये संस्तम्भयिषुराहवे
6405	6080023a	मया वर्षसहस्राणि चरित्वा दुश्चरं तपः
6406	6080023c	तेषु तेष्ववकाशेषु स्वयम्भूः परितोषितः
6407	6080024a	तस्यैव तपसो व्युष्ट्या प्रसादाच्च स्वयम्भुवः
6408	6080024c	नासुरेभ्यो न देवेभ्यो भयं मम कदाचन
6409	6080025a	कवचं ब्रह्मदत्तं मे यदादित्यसमप्रभम्
6410	6080025c	देवासुरविमर्देषु न भिन्नं वज्रशक्तिभिः
6411	6080026a	तेन मामद्य संयुक्तं रथस्थमिह संयुगे
6412	6080026c	प्रतीयात्कोऽद्य मामाजौ साक्षादपि पुरंदरः
6413	6080027a	यत्तदाभिप्रसन्नेन सशरं कार्मुकं महत्
6414	6080027c	देवासुरविमर्देषु मम दत्तं स्वयम्भुवा
6415	6080028a	अद्य तूर्यशतैर्भीमं धनुरुत्थाप्यतां महत्
6416	6080028c	रामलक्ष्मणयोरेव वधाय परमाहवे
6417	6080029a	स पुत्रवधसंतप्तः शूरः क्रोधवशं गतः
6418	6080029c	समीक्ष्य रावणो बुद्ध्या सीतां हन्तुं व्यवस्यत
6419	6080030a	प्रत्यवेक्ष्य तु ताम्राक्षः सुघोरो घोरदर्शनान्
6420	6080030c	दीनो दीनस्वरान्सर्वांस्तानुवाच निशाचरान्
6421	6080031a	मायया मम वत्सेन वञ्चनार्थं वनौकसाम्
6422	6080031c	किंचिदेव हतं तत्र सीतेयमिति दर्शितम्
6423	6080032a	तदिदं सत्यमेवाहं करिष्ये प्रियमात्मनः
6424	6080032c	वैदेहीं नाशयिष्यामि क्षत्रबन्धुमनुव्रताम्
6425	6080032e	इत्येवमुक्त्वा सचिवान्खड्गमाशु परामृशत्
6426	6080033a	उद्धृत्य गुणसंपन्नं विमलाम्बरवर्चसं
6427	6080033c	निष्पपात स वेगेन सभायाः सचिवैर्वृतः
6428	6080034a	रावणः पुत्रशोकेन भृशमाकुलचेतनः
6429	6080034c	संक्रुद्धः खड्गमादाय सहसा यत्र मैथिली
6430	6080035a	व्रजन्तं राक्षसं प्रेक्ष्य सिंहनादं प्रचुक्रुशुः
6431	6080035c	ऊचुश्चान्योन्यमाश्लिष्य संक्रुद्धं प्रेक्ष्य राक्षसाः
6432	6080036a	अद्यैनं तावुभौ दृष्ट्वा भ्रातरौ प्रव्यथिष्यतः
6433	6080036c	लोकपाला हि चत्वारः क्रुद्धेनानेन निर्जिताः
6434	6080036e	बहवः शत्रवश्चान्ये संयुगेष्वभिपातिताः
6435	6080037a	तेषां संजल्पमानानामशोकवनिकां गताम्
6436	6080037c	अभिदुद्राव वैदेहीं रावणः क्रोधमूर्छितः
6437	6080038a	वार्यमाणः सुसंक्रुद्धः सुहृद्भिर्हितबुद्धिभिः
6438	6080038c	अभ्यधावत संक्रुद्धः खे ग्रहो रोहिणीमिव
6439	6080039a	मैथिली रक्ष्यमाणा तु राक्षसीभिरनिन्दिता
6440	6080039c	ददर्श राक्षसं क्रुद्धं निस्त्रिंशवरधारिणम्
6441	6080040a	तं निशाम्य सनिस्त्रिंशं व्यथिता जनकात्मजा
6442	6080040c	निवार्यमाणं बहुशः सुहृद्भिरनिवर्तिनम्
6443	6080041a	यथायं मामभिक्रुद्धः समभिद्रवति स्वयम्
6444	6080041c	वधिष्यति सनाथां मामनाथामिव दुर्मतिः
6445	6080042a	बहुशश्चोदयामास भर्तारं मामनुव्रताम्
6446	6080042c	भार्या भव रमस्येति प्रत्याख्यातोऽभवन्मया
6447	6080043a	सोऽयं मामनुपस्थानाद्व्यक्तं नैराश्यमागतः
6448	6080043c	क्रोधमोहसमाविष्टो निहन्तुं मां समुद्यतः
6449	6080044a	अथ वा तौ नरव्याघ्रौ भ्रातरौ रामलक्ष्मणौ
6450	6080044c	मन्निमित्तमनार्येण समरेऽद्य निपातितौ
6451	6080044e	अहो धिन्मन्निमित्तोऽयं विनाशो राजपुत्रयोः
6452	6080045a	हनूमतो हि तद्वाक्यं न कृतं क्षुद्रया मया
6453	6080045c	यद्यहं तस्य पृष्ठेन तदायासमनिन्दिता
6454	6080045e	नाद्यैवमनुशोचेयं भर्तुरङ्कगता सती
6455	6080046a	मन्ये तु हृदयं तस्याः कौसल्यायाः फलिष्यति
6456	6080046c	एकपुत्रा यदा पुत्रं विनष्टं श्रोष्यते युधि
6457	6080047a	सा हि जन्म च बाल्यं च यौवनं च महात्मनः
6458	6080047c	धर्मकार्याणि रूपं च रुदती संस्रमिष्यति
6459	6080048a	निराशा निहते पुत्रे दत्त्वा श्राद्धमचेतना
6460	6080048c	अग्निमारोक्ष्यते नूनमपो वापि प्रवेक्ष्यति
6461	6080049a	धिगस्तु कुब्जामसतीं मन्थरां पापनिश्चयाम्
6462	6080049c	यन्निमित्तमिदं दुःखं कौसल्या प्रतिपत्स्यते
6463	6080050a	इत्येवं मैथिलीं दृष्ट्वा विलपन्तीं तपस्विनीम्
6464	6080050c	रोहिणीमिव चन्द्रेण विना ग्रहवशं गताम्
6465	6080051a	सुपार्श्वो नाम मेधावी रावणं राक्षसेश्वरम्
6466	6080051c	निवार्यमाणं सचिवैरिदं वचनमब्रवीत्
6467	6080052a	कथं नाम दशग्रीव साक्षाद्वैश्रवणानुज
6468	6080052c	हन्तुमिच्छसि वैदेहीं क्रोधाद्धर्ममपास्य हि
6469	6080053a	वेद विद्याव्रत स्नातः स्वधर्मनिरतः सदा
6470	6080053c	स्त्रियाः कस्माद्वधं वीर मन्यसे राक्षसेश्वर
6471	6080054a	मैथिलीं रूपसंपन्नां प्रत्यवेक्षस्व पार्थिव
6472	6080054c	त्वमेव तु सहास्माभी राघवे क्रोधमुत्सृज
6473	6080055a	अभ्युत्थानं त्वमद्यैव कृष्णपक्षचतुर्दशीम्
6474	6080055c	कृत्वा निर्याह्यमावास्यां विजयाय बलैर्वृतः
6475	6080056a	शूरो धीमान्रथी खड्गी रथप्रवरमास्थितः
6476	6080056c	हत्वा दाशरथिं रामं भवान्प्राप्स्यति मैथिलीम्
6477	6080057a	स तद्दुरात्मा सुहृदा निवेदितं; वचः सुधर्म्यं प्रतिगृह्य रावणः
6478	6080057c	गृहं जगामाथ ततश्च वीर्यवा;न्पुनः सभां च प्रययौ सुहृद्वृतः
6479	6081001a	स प्रविश्य सभां राजा दीनः परमदुःखितः
6480	6081001c	निषसादासने मुख्ये सिंहः क्रुद्ध इव श्वसन्
6481	6081002a	अब्रवीच्च तदा सर्वान्बलमुख्यान्महाबलः
6482	6081002c	रावणः प्राञ्जलीन्वाक्यं पुत्रव्यसनकर्शितः
6483	6081003a	सर्वे भवन्तः सर्वेण हस्त्यश्वेन समावृताः
6484	6081003c	निर्यान्तु रथसंघैश्च पादातैश्चोपशोभिताः
6485	6081004a	एकं रामं परिक्षिप्य समरे हन्तुमर्हथ
6486	6081004c	प्रहृष्टा शरवर्षेण प्रावृट्काल इवाम्बुदाः
6487	6081005a	अथ वाहं शरैर्तीक्ष्णैर्भिन्नगात्रं महारणे
6488	6081005c	भवद्भिः श्वो निहन्तास्मि रामं लोकस्य पश्यतः
6489	6081006a	इत्येवं राक्षसेन्द्रस्य वाक्यमादाय राक्षसाः
6490	6081006c	निर्ययुस्ते रथैः शीघ्रं नागानीकैश्च संवृताः
6491	6081007a	स संग्रामो महाभीमः सूर्यस्योदयनं प्रति
6492	6081007c	रक्षसां वानराणां च तुमुलः समपद्यत
6493	6081008a	ते गदाभिर्विचित्राभिः प्रासैः खड्गैः परश्वधैः
6494	6081008c	अन्योन्यं समरे जघ्नुस्तदा वानरराक्षसाः
6495	6081009a	मातंगरथकूलस्य वाजिमत्स्या ध्वजद्रुमाः
6496	6081009c	शरीरसंघाटवहाः प्रसस्रुः शोणितापगाः
6497	6081010a	ध्वजवर्मरथानश्वान्नानाप्रहरणानि च
6498	6081010c	आप्लुत्याप्लुत्य समरे वानरेन्द्रा बभञ्जिरे
6499	6081011a	केशान्कर्णललाटांश्च नासिकाश्च प्लवंगमाः
6500	6081011c	रक्षसां दशनैस्तीक्ष्णैर्नखैश्चापि व्यकर्तयन्
6501	6081012a	एकैकं राक्षसं संख्ये शतं वानरपुंगवाः
6502	6081012c	अभ्यधावन्त फलिनं वृक्षं शकुनयो यथा
6503	6081013a	तथा गदाभिर्गुर्वीभिः प्रासैः खड्गैः परश्वधैः
6504	6081013c	निर्जघ्नुर्वानरान्घोरान्राक्षसाः पर्वतोपमाः
6505	6081014a	राक्षसैर्वध्यमानानां वानराणां महाचमूः
6506	6081014c	शरण्यं शरणं याता रामं दशरथात्मजम्
6507	6081015a	ततो रामो महातेजा धनुरादाय वीर्यवान्
6508	6081015c	प्रविश्य राक्षसं सैन्यं शरवर्षं ववर्ष ह
6509	6081016a	प्रविष्टं तु तदा रामं मेघाः सूर्यमिवाम्बरे
6510	6081016c	नाभिजग्मुर्महाघोरं निर्दहन्तं शराग्निना
6511	6081017a	कृतान्येव सुघोराणि रामेण रजनीचराः
6512	6081017c	रणे रामस्य ददृशुः कर्माण्यसुकराणि च
6513	6081018a	चालयन्तं महानीकं विधमन्तं महारथान्
6514	6081018c	ददृशुस्ते न वै रामं वातं वनगतं यथा
6515	6081019a	छिन्नं भिन्नं शरैर्दग्धं प्रभग्नं शस्त्रपीडितम्
6516	6081019c	बलं रामेण ददृशुर्न रमं शीघ्रकारिणम्
6517	6081020a	प्रहरन्तं शरीरेषु न ते पश्यन्ति राघवम्
6518	6081020c	इन्द्रियार्थेषु तिष्ठन्तं भूतात्मानमिव प्रजाः
6519	6081021a	एष हन्ति गजानीकमेष हन्ति महारथान्
6520	6081021c	एष हन्ति शरैस्तीक्ष्णैः पदातीन्वाजिभिः सह
6521	6081022a	इति ते राक्षसाः सर्वे रामस्य सदृशान्रणे
6522	6081022c	अन्योन्यकुपिता जघ्नुः सादृश्याद्राघवस्य ते
6523	6081023a	न ते ददृशिरे रामं दहन्तमरिवाहिनीम्
6524	6081023c	मोहिताः परमास्त्रेण गान्धर्वेण महात्मना
6525	6081024a	ते तु रामसहस्राणि रणे पश्यन्ति राक्षसाः
6526	6081024c	पुनः पश्यन्ति काकुत्स्थमेकमेव महाहवे
6527	6081025a	भ्रमन्तीं काञ्चनीं कोटिं कार्मुकस्य महात्मनः
6528	6081025c	अलातचक्रप्रतिमां ददृशुस्ते न राघवम्
6529	6081026a	शरीरनाभि सत्त्वार्चिः शरीरं नेमिकार्मुकम्
6530	6081026c	ज्याघोषतलनिर्घोषं तेजोबुद्धिगुणप्रभम्
6531	6081027a	दिव्यास्त्रगुणपर्यन्तं निघ्नन्तं युधि राक्षसान्
6532	6081027c	ददृशू रामचक्रं तत्कालचक्रमिव प्रजाः
6533	6081028a	अनीकं दशसाहस्रं रथानां वातरंहसाम्
6534	6081028c	अष्टादशसहस्राणि कुञ्जराणां तरस्विनाम्
6535	6081029a	चतुर्दशसहस्राणि सारोहाणां च वाजिनाम्
6536	6081029c	पूर्णे शतसहस्रे द्वे राक्षसानां पदातिनाम्
6537	6081030a	दिवसस्याष्टमे भागे शरैरग्निशिखोपमैः
6538	6081030c	हतान्येकेन रामेण रक्षसां कामरूपिणाम्
6539	6081031a	ते हताश्वा हतरथाः श्रान्ता विमथितध्वजाः
6540	6081031c	अभिपेतुः पुरीं लङ्कां हतशेषा निशाचराः
6541	6081032a	हतैर्गजपदात्यश्वैस्तद्बभूव रणाजिरम्
6542	6081032c	आक्रीडभूमी रुद्रस्य क्रुद्धस्येव पिनाकिनः
6543	6081033a	ततो देवाः सगन्धर्वाः सिद्धाश्च परमर्षयः
6544	6081033c	साधु साध्विति रामस्य तत्कर्म समपूजयन्
6545	6081034a	अब्रवीच्च तदा रामः सुग्रीवं प्रत्यनन्तरम्
6546	6081034c	एतदस्त्रबलं दिव्यं मम वा त्र्यम्बकस्य वा
6547	6081035a	निहत्य तां राक्षसवाहिनीं तु; रामस्तदा शक्रसमो महात्मा
6548	6081035c	अस्त्रेषु शस्त्रेषु जितक्लमश्च; संस्तूयते देवगणैः प्रहृष्टैः
6549	6082001a	तानि नागसहस्राणि सारोहाणां च वाजिनाम्
6550	6082001c	रथानां चाग्निवर्णानां सध्वजानां सहस्रशः
6551	6082002a	राक्षसानां सहस्राणि गदापरिघयोधिनाम्
6552	6082002c	काञ्चनध्वजचित्राणां शूराणां कामरूपिणाम्
6553	6082003a	निहतानि शरैस्तीक्ष्णैस्तप्तकाञ्चनभूषणैः
6554	6082003c	रावणेन प्रयुक्तानि रामेणाक्लिष्टकर्मणा
6555	6082004a	दृष्ट्वा श्रुत्वा च संभ्रान्ता हतशेषा निशाचराः
6556	6082004c	राक्षस्यश्च समागम्य दीनाश्चिन्तापरिप्लुताः
6557	6082005a	विधवा हतपुत्राश्च क्रोशन्त्यो हतबान्धवाः
6558	6082005c	राक्षस्यः सह संगम्य दुःखार्ताः पर्यदेवयन्
6559	6082006a	कथं शूर्पणखा वृद्धा कराला निर्णतोदरी
6560	6082006c	आससाद वने रामं कन्दर्पमिव रूपिणम्
6561	6082007a	सुकुमारं महासत्त्वं सर्वभूतहिते रतम्
6562	6082007c	तं दृष्ट्वा लोकवध्या सा हीनरूपा प्रकामिता
6563	6082008a	कथं सर्वगुणैर्हीना गुणवन्तं महौजसं
6564	6082008c	सुमुखं दुर्मुखी रामं कामयामास राक्षसी
6565	6082009a	जनस्यास्याल्पभाग्यत्वात्पलिनी श्वेतमूर्धजा
6566	6082009c	अकार्यमपहास्यं च सर्वलोकविगर्हितम्
6567	6082010a	राक्षसानां विनाशाय दूषणस्य खरस्य च
6568	6082010c	चकाराप्रतिरूपा सा राघवस्य प्रधर्षणम्
6569	6082011a	तन्निमित्तमिदं वैरं रावणेन कृतं महत्
6570	6082011c	वधाय नीता सा सीता दशग्रीवेण रक्षसा
6571	6082012a	न च सीतां दशग्रीवः प्राप्नोति जनकात्मजाम्
6572	6082012c	बद्धं बलवता वैरमक्षयं राघवेण ह
6573	6082013a	वैदेहीं प्रार्थयानं तं विराधं प्रेक्ष्य राक्षसं
6574	6082013c	हतमेकेन रामेण पर्याप्तं तन्निदर्शनम्
6575	6082014a	चतुर्दशसहस्राणि रक्षसां भीमकर्मणाम्
6576	6082014c	निहतानि जनस्थाने शरैरग्निशिखोपमैः
6577	6082015a	खरश्च निहतः संख्ये दूषणस्त्रिशिरास्तथा
6578	6082015c	शरैरादित्यसंकाशैः पर्याप्तं तन्निदर्शनम्
6579	6082016a	हतो योजनबाहुश्च कबन्धो रुधिराशनः
6580	6082016c	क्रोधार्तो विनदन्सोऽथ पर्याप्तं तन्निदर्शनम्
6581	6082017a	जघान बलिनं रामः सहस्रनयनात्मजम्
6582	6082017c	बालिनं मेघसंकाशं पर्याप्तं तन्निदर्शनम्
6583	6082018a	ऋश्यमूके वसञ्शैले दीनो भग्नमनोरथः
6584	6082018c	सुग्रीवः स्थापितो राज्ये पर्याप्तं तन्निदर्शनम्
6585	6082019a	धर्मार्थसहितं वाक्यं सर्वेषां रक्षसां हितम्
6586	6082019c	युक्तं विभीषणेनोक्तं मोहात्तस्य न रोचते
6587	6082020a	विभीषणवचः कुर्याद्यदि स्म धनदानुजः
6588	6082020c	श्मशानभूता दुःखार्ता नेयं लङ्का पुरी भवेत्
6589	6082021a	कुम्भकर्णं हतं श्रुत्वा राघवेण महाबलम्
6590	6082021c	प्रियं चेन्द्रजितं पुत्रं रावणो नावबुध्यते
6591	6082022a	मम पुत्रो मम भ्राता मम भर्ता रणे हतः
6592	6082022c	इत्येवं श्रूयते शब्दो राक्षसानां कुले कुले
6593	6082023a	रथाश्चाश्वाश्च नागाश्च हताः शतसहस्रशः
6594	6082023c	रणे रामेण शूरेण राक्षसाश्च पदातयः
6595	6082024a	रुद्रो वा यदि वा विष्णुर्महेन्द्रो वा शतक्रतुः
6596	6082024c	हन्ति नो रामरूपेण यदि वा स्वयमन्तकः
6597	6082025a	हतप्रवीरा रामेण निराशा जीविते वयम्
6598	6082025c	अपश्यन्त्यो भयस्यान्तमनाथा विलपामहे
6599	6082026a	रामहस्ताद्दशग्रीवः शूरो दत्तवरो युधि
6600	6082026c	इदं भयं महाघोरमुत्पन्नं नावबुध्यते
6601	6082027a	न देवा न च गन्धर्वा न पिशाचा न राक्षसाः
6602	6082027c	उपसृष्टं परित्रातुं शक्ता रामेण संयुगे
6603	6082028a	उत्पाताश्चापि दृश्यन्ते रावणस्य रणे रणे
6604	6082028c	कथयिष्यन्ति रामेण रावणस्य निबर्हणम्
6605	6082029a	पितामहेन प्रीतेन देवदानवराक्षसैः
6606	6082029c	रावणस्याभयं दत्तं मानुषेभ्यो न याचितम्
6607	6082030a	तदिदं मानुषान्मन्ये प्राप्तं निःसंशयं भयम्
6608	6082030c	जीवितान्तकरं घोरं रक्षसां रावणस्य च
6609	6082031a	पीड्यमानास्तु बलिना वरदानेन रक्षसा
6610	6082031c	दीप्तैस्तपोभिर्विबुधाः पितामहमपूजयन्
6611	6082032a	देवतानां हितार्थाय महात्मा वै पितामहः
6612	6082032c	उवाच देवताः सर्वा इदं तुष्टो महद्वचः
6613	6082033a	अद्य प्रभृति लोकांस्त्रीन्सर्वे दानवराक्षसाः
6614	6082033c	भयेन प्रावृता नित्यं विचरिष्यन्ति शाश्वतम्
6615	6082034a	दैवतैस्तु समागम्य सर्वैश्चेन्द्रपुरोगमैः
6616	6082034c	वृषध्वजस्त्रिपुरहा महादेवः प्रसादितः
6617	6082035a	प्रसन्नस्तु महादेवो देवानेतद्वचोऽब्रवीत्
6618	6082035c	उत्पत्स्यति हितार्थं वो नारी रक्षःक्षयावहा
6619	6082036a	एषा देवैः प्रयुक्ता तु क्षुद्यथा दानवान्पुरा
6620	6082036c	भक्षयिष्यति नः सीता राक्षसघ्नी सरावणान्
6621	6082037a	रावणस्यापनीतेन दुर्विनीतस्य दुर्मतेः
6622	6082037c	अयं निष्टानको घोरः शोकेन समभिप्लुतः
6623	6082038a	तं न पश्यामहे लोके यो नः शरणदो भवेत्
6624	6082038c	राघवेणोपसृष्टानां कालेनेव युगक्षये
6625	6082039a	इतीव सर्वा रजनीचरस्त्रियः; परस्परं संपरिरभ्य बाहुभिः
6626	6082039c	विषेदुरार्तातिभयाभिपीडिता; विनेदुरुच्चैश्च तदा सुदारुणम्
6627	6083001a	आर्तानां राक्षसीनां तु लङ्कायां वै कुले कुले
6628	6083001c	रावणः करुणं शब्दं शुश्राव परिवेदितम्
6629	6083002a	स तु दीर्घं विनिश्वस्य मुहूर्तं ध्यानमास्थितः
6630	6083002c	बभूव परमक्रुद्धो रावणो भीमदर्शनः
6631	6083003a	संदश्य दशनैरोष्ठं क्रोधसंरक्तलोचनः
6632	6083003c	राक्षसैरपि दुर्दर्शः कालाग्निरिव मूर्छितः
6633	6083004a	उवाच च समीपस्थान्राक्षसान्राक्षसेश्वरः
6634	6083004c	भयाव्यक्तकथांस्तत्र निर्दहन्निव चक्षुषा
6635	6083005a	महोदरं महापार्श्वं विरूपाक्षं च राक्षसं
6636	6083005c	शीघ्रं वदत सैन्यानि निर्यातेति ममाज्ञया
6637	6083006a	तस्य तद्वचनं श्रुत्वा राक्षसास्ते भयार्दिताः
6638	6083006c	चोदयामासुरव्यग्रान्राक्षसांस्तान्नृपाज्ञया
6639	6083007a	ते तु सर्वे तथेत्युक्त्वा राक्षसा घोरदर्शनाः
6640	6083007c	कृतस्वस्त्ययनाः सर्वे रावणाभिमुखा ययुः
6641	6083008a	प्रतिपूज्य यथान्यायं रावणं ते महारथाः
6642	6083008c	तस्थुः प्राञ्जलयः सर्वे भर्तुर्विजयकाङ्क्षिणः
6643	6083009a	अथोवाच प्रहस्यैतान्रावणः क्रोधमूर्छितः
6644	6083009c	महोदरमहापार्श्वौ विरूपाक्षं च राक्षसं
6645	6083010a	अद्य बाणैर्धनुर्मुक्तैर्युगान्तादित्यसंनिभैः
6646	6083010c	राघवं लक्ष्मणं चैव नेष्यामि यमसाधनम्
6647	6083011a	खरस्य कुम्भकर्णस्य प्रहस्तेन्द्रजितोस्तथा
6648	6083011c	करिष्यामि प्रतीकारमद्य शत्रुवधादहम्
6649	6083012a	नैवान्तरिक्षं न दिशो न नद्यो नापि सागरः
6650	6083012c	प्रकाशत्वं गमिष्यन्ति मद्बाणजलदावृताः
6651	6083013a	अद्य वानरयूथानां तानि यूथानि भागशः
6652	6083013c	धनुःसमुद्रादुद्भूतैर्मथिष्यामि शरोर्मिभिः
6653	6083014a	व्याकोशपद्मचक्राणि पद्मकेसरवर्चसाम्
6654	6083014c	अद्य यूथतटाकानि गजवत्प्रमथाम्यहम्
6655	6083015a	सशरैरद्य वदनैः संख्ये वानरयूथपाः
6656	6083015c	मण्डयिष्यन्ति वसुधां सनालैरिव पङ्कलैः
6657	6083016a	अद्य युद्धप्रचण्डानां हरीणां द्रुमयोधिनाम्
6658	6083016c	मुक्तेनैकेषुणा युद्धे भेत्स्यामि च शतंशतम्
6659	6083017a	हतो भर्ता हतो भ्राता यासां च तनया हताः
6660	6083017c	वधेनाद्य रिपोस्तासां कर्मोम्यस्रप्रमार्जनम्
6661	6083018a	अद्य मद्बाणनिर्भिन्नैः प्रकीर्णैर्गतचेतनैः
6662	6083018c	करोमि वानरैर्युद्धे यत्नावेक्ष्यतलां महीम्
6663	6083019a	अद्य गोमायवो गृध्रा ये च मांसाशिनोऽपरे
6664	6083019c	सर्वांस्तांस्तर्पयिष्यामि शत्रुमांसैः शरार्दितैः
6665	6083020a	कल्प्यतां मे रथशीघ्रं क्षिप्रमानीयतां धनुः
6666	6083020c	अनुप्रयान्तु मां युद्धे येऽवशिष्टा निशाचराः
6667	6083021a	तस्य तद्वचनं श्रुत्वा महापार्श्वोऽब्रवीद्वचः
6668	6083021c	बलाध्यक्षान्स्थितांस्तत्र बलं संत्वर्यतामिति
6669	6083022a	बलाध्यक्षास्तु संरब्धा राक्षसांस्तान्गृहाद्गृहात्
6670	6083022c	चोदयन्तः परिययुर्लङ्कां लघुपराक्रमाः
6671	6083023a	ततो मुहूर्तान्निष्पेतू राक्षसा भीमविक्रमाः
6672	6083023c	नर्दन्तो भीमवदना नानाप्रहरणैर्भुजैः
6673	6083024a	असिभिः पट्टसैः शूलैर्गलाभिर्मुसलैर्हलैः
6674	6083024c	शक्तिभिस्तीक्ष्णधाराभिर्महद्भिः कूटमुद्गरैः
6675	6083025a	यष्टिभिर्विमलैश्चक्रैर्निशितैश्च परश्वधैः
6676	6083025c	भिण्डिपालैः शतघ्नीभिरन्यैश्चापि वरायुधैः
6677	6083026a	अथानयन्बलाध्यक्षाश्चत्वारो रावणाज्ञया
6678	6083026c	द्रुतं सूतसमायुक्तं युक्ताष्टतुरगं रथम्
6679	6083027a	आरुरोह रथं दिव्यं दीप्यमानं स्वतेजसा
6680	6083027c	रावणः सत्त्वगाम्भीर्याद्दारयन्निव मेदिनीम्
6681	6083028a	रावणेनाभ्यनुज्ञातौ महापार्श्वमहोदरौ
6682	6083028c	विरूपाक्षश्च दुर्धर्षो रथानारुरुहुस्तदा
6683	6083029a	ते तु हृष्टा विनर्दन्तो भिन्दन्त इव मेदिनीम्
6684	6083029c	नादं घोरं विमुञ्चन्तो निर्ययुर्जयकाङ्क्षिणः
6685	6083030a	ततो युद्धाय तेजस्वी रक्षोगणबलैर्वृतः
6686	6083030c	निर्ययावुद्यतधनुः कालान्तकयमोमपः
6687	6083031a	ततः प्रजवनाश्वेन रथेन स महारथः
6688	6083031c	द्वारेण निर्ययौ तेन यत्र तौ रामलक्ष्मणौ
6689	6083032a	ततो नष्टप्रभः सूर्यो दिशश्च तिमिरावृताः
6690	6083032c	द्विजाश्च नेदुर्घोराश्च संचचाल च मेदिनी
6691	6083033a	ववर्ष रुधिरं देवश्चस्खलुश्च तुरंगमाः
6692	6083033c	ध्वजाग्रे न्यपतद्गृध्रो विनेदुश्चाशिवं शिवाः
6693	6083034a	नयनं चास्फुरद्वामं सव्यो बाहुरकम्पत
6694	6083034c	विवर्णवदनश्चासीत्किंचिदभ्रश्यत स्वरः
6695	6083035a	ततो निष्पततो युद्धे दशग्रीवस्य रक्षसः
6696	6083035c	रणे निधनशंसीनि रूपाण्येतानि जज्ञिरे
6697	6083036a	अन्तरिक्षात्पपातोल्का निर्घातसमनिस्वना
6698	6083036c	विनेदुरशिवं गृध्रा वायसैरनुनादिताः
6699	6083037a	एतानचिन्तयन्घोरानुत्पातान्समुपस्थितान्
6700	6083037c	निर्ययौ रावणो मोहाद्वधार्थी कालचोदितः
6701	6083038a	तेषां तु रथघोषेण राक्षसानां महात्मनाम्
6702	6083038c	वानराणामपि चमूर्युद्धायैवाभ्यवर्तत
6703	6083039a	तेषां सुतुमुलं युद्धं बभूव कपिरक्षसाम्
6704	6083039c	अन्योन्यमाह्वयानानां क्रुद्धानां जयमिच्छताम्
6705	6083040a	ततः क्रुद्धो दशग्रीवः शरैः काञ्चनभूषणैः
6706	6083040c	वानराणामनीकेषु चकार कदनं महत्
6707	6083041a	निकृत्तशिरसः केचिद्रावणेन वलीमुखाः
6708	6083041c	निरुच्छ्वासा हताः केचित्केचित्पार्श्वेषु दारिताः
6709	6083041e	केचिद्विभिन्नशिरसः केचिच्चक्षुर्विवर्जिताः
6710	6083042a	दशाननः क्रोधविवृत्तनेत्रो; यतो यतोऽभ्येति रथेन संख्ये
6711	6083042c	ततस्ततस्तस्य शरप्रवेगं; सोढुं न शेकुर्हरियूथपास्ते
6712	6084001a	तथा तैः कृत्तगात्रैस्तु दशग्रीवेण मार्गणैः
6713	6084001c	बभूव वसुधा तत्र प्रकीर्णा हरिभिर्वृता
6714	6084002a	रावणस्याप्रसह्यं तं शरसंपातमेकतः
6715	6084002c	न शेकुः सहितुं दीप्तं पतंगा इव पावकम्
6716	6084003a	तेऽर्दिता निशितैर्बाणैः क्रोशन्तो विप्रदुद्रुवुः
6717	6084003c	पावकार्चिःसमाविष्टा दह्यमाना यथा गजाः
6718	6084004a	प्लवंगानामनीकानि महाभ्राणीव मारुतः
6719	6084004c	स ययौ समरे तस्मिन्विधमन्रावणः शरैः
6720	6084005a	कदनं तरसा कृत्वा राक्षसेन्द्रो वनौकसाम्
6721	6084005c	आससाद ततो युद्धे राघवं त्वरितस्तदा
6722	6084006a	सुग्रीवस्तान्कपीन्दृष्ट्वा भग्नान्विद्रवतो रणे
6723	6084006c	गुल्मे सुषेणं निक्षिप्य चक्रे युद्धे द्रुतं मनः
6724	6084007a	आत्मनः सदृशं वीरं स तं निक्षिप्य वानरम्
6725	6084007c	सुग्रीवोऽभिमुखः शत्रुं प्रतस्थे पादपायुधः
6726	6084008a	पार्श्वतः पृष्ठतश्चास्य सर्वे यूथाधिपाः स्वयम्
6727	6084008c	अनुजह्रुर्महाशैलान्विविधांश्च महाद्रुमान्
6728	6084009a	स नदन्युधि सुग्रीवः स्वरेण महता महान्
6729	6084009c	पातयन्विविधांश्चान्याञ्जघानोत्तमराक्षसान्
6730	6084010a	ममर्द च महाकायो राक्षसान्वानरेश्वरः
6731	6084010c	युगान्तसमये वायुः प्रवृद्धानगमानिव
6732	6084011a	राक्षसानामनीकेषु शैलवर्षं ववर्ष ह
6733	6084011c	अश्मवर्षं यथा मेघः पक्षिसंघेषु कानने
6734	6084012a	कपिराजविमुक्तैस्तैः शैलवर्षैस्तु राक्षसाः
6735	6084012c	विकीर्णशिरसः पेतुर्निकृत्ता इव पर्वताः
6736	6084013a	अथ संक्षीयमाणेषु राक्षसेषु समन्ततः
6737	6084013c	सुग्रीवेण प्रभग्नेषु पतत्सु विनदत्सु च
6738	6084014a	विरूपाक्षः स्वकं नाम धन्वी विश्राव्य राक्षसः
6739	6084014c	रथादाप्लुत्य दुर्धर्षो गजस्कन्धमुपारुहत्
6740	6084015a	स तं द्विरदमारुह्य विरूपाक्षो महारथः
6741	6084015c	विनदन्भीमनिर्ह्रालं वानरानभ्यधावत
6742	6084016a	सुग्रीवे स शरान्घोरान्विससर्ज चमूमुखे
6743	6084016c	स्थापयामासा चोद्विग्नान्राक्षसान्संप्रहर्षयन्
6744	6084017a	सोऽतिविद्धः शितैर्बाणैः कपीन्द्रस्तेन रक्षसा
6745	6084017c	चुक्रोध च महाक्रोधो वधे चास्य मनो दधे
6746	6084018a	ततः पादपमुद्धृत्य शूरः संप्रधने हरिः
6747	6084018c	अभिपत्य जघानास्य प्रमुखे तं महागजम्
6748	6084019a	स तु प्रहाराभिहतः सुग्रीवेण महागजः
6749	6084019c	अपासर्पद्धनुर्मात्रं निषसाद ननाद च
6750	6084020a	गजात्तु मथितात्तूर्णमपक्रम्य स वीर्यवान्
6751	6084020c	राक्षसोऽभिमुखः शत्रुं प्रत्युद्गम्य ततः कपिम्
6752	6084021a	आर्षभं चर्मखड्गं च प्रगृह्य लघुविक्रमः
6753	6084021c	भर्त्सयन्निव सुग्रीवमाससाद व्यवस्थितम्
6754	6084022a	स हि तस्याभिसंक्रुद्धः प्रगृह्य महतीं शिलाम्
6755	6084022c	विरूपाक्षाय चिक्षेप सुग्रीवो जलदोपमाम्
6756	6084023a	स तां शिलामापतन्तीं दृष्ट्वा राक्षसपुंगवः
6757	6084023c	अपक्रम्य सुविक्रान्तः खड्गेन प्राहरत्तदा
6758	6084024a	तेन खड्गेन संक्रुद्धः सुग्रीवस्य चमूमुखे
6759	6084024c	कवचं पातयामास स खड्गाभिहतोऽपतत्
6760	6084025a	स समुत्थाय पतितः कपिस्तस्य व्यसर्जयत्
6761	6084025c	तलप्रहारमशनेः समानं भीमनिस्वनम्
6762	6084026a	तलप्रहारं तद्रक्षः सुग्रीवेण समुद्यतम्
6763	6084026c	नैपुण्यान्मोचयित्वैनं मुष्टिनोरस्यताडयत्
6764	6084027a	ततस्तु संक्रुद्धतरः सुग्रीवो वानरेश्वरः
6765	6084027c	मोक्षितं चात्मनो दृष्ट्वा प्रहारं तेन रक्षसा
6766	6084028a	स ददर्शान्तरं तस्य विरूपाक्षस्य वानरः
6767	6084028c	ततो न्यपातयत्क्रोधाच्छङ्खदेशे महातलम्
6768	6084029a	महेन्द्राशनिकल्पेन तलेनाभिहतः क्षितौ
6769	6084029c	पपात रुधिरक्लिन्नः शोणितं स समुद्वमन्
6770	6084030a	विवृत्तनयनं क्रोधात्सफेनरुधिराप्लुतम्
6771	6084030c	ददृशुस्ते विरूपाक्षं विरूपाक्षतरं कृतम्
6772	6084031a	स्फुरन्तं परिवर्जन्तं पार्श्वेन रुधिरोक्षितम्
6773	6084031c	करुणं च विनर्दान्तं ददृशुः कपयो रिपुम्
6774	6084032a	तथा तु तौ संयति संप्रयुक्तौ; तरस्विनौ वानरराक्षसानाम्
6775	6084032c	बलार्णवौ सस्वनतुः सभीमं; महार्णवौ द्वाविव भिन्नवेलौ
6776	6084033a	विनाशितं प्रेक्ष्य विरूपनेत्रं; महाबलं तं हरिपार्थिवेन
6777	6084033c	बलं समस्तं कपिराक्षसाना;मुन्मत्तगङ्गाप्रतिमं बभूव
6778	6085001a	हन्यमाने बले तूर्णमन्योन्यं ते महामृधे
6779	6085001c	सरसीव महाघर्मे सूपक्षीणे बभूवतुः
6780	6085002a	स्वबलस्य विघातेन विरूपाक्षवधेन च
6781	6085002c	बभूव द्विगुणं क्रुद्धो रावणो राक्षसाधिपः
6782	6085003a	प्रक्षीणं तु बलं दृष्ट्वा वध्यमानं वलीमुखैः
6783	6085003c	बभूवास्य व्यथा युद्धे प्रेक्ष्य दैवविपर्ययम्
6784	6085004a	उवाच च समीपस्थं महोदरमरिंदमम्
6785	6085004c	अस्मिन्काले महाबाहो जयाशा त्वयि मे स्थिता
6786	6085005a	जहि शत्रुचमूं वीर दर्शयाद्य पराक्रमम्
6787	6085005c	भर्तृपिण्डस्य कालोऽयं निर्वेष्टुं साधु युध्यताम्
6788	6085006a	एवमुक्तस्तथेत्युक्त्वा राक्षसेन्द्रं महोदरः
6789	6085006c	प्रविवेशारिसेनां स पतंग इव पावकम्
6790	6085007a	ततः स कदनं चक्रे वानराणां महाबलः
6791	6085007c	भर्तृवाक्येन तेजस्वी स्वेन वीर्येण चोदितः
6792	6085008a	प्रभग्नां समरे दृष्ट्वा वानराणां महाचमूम्
6793	6085008c	अभिदुद्राव सुग्रीवो महोदरमनन्तरम्
6794	6085009a	प्रगृह्य विपुलां घोरां महीधरसमां शिलाम्
6795	6085009c	चिक्षेप च महातेजास्तद्वधाय हरीश्वरः
6796	6085010a	तामापतन्तीं सहसा शिलां दृष्ट्वा महोदरः
6797	6085010c	असंभ्रान्तस्ततो बाणैर्निर्बिभेद दुरासदाम्
6798	6085011a	रक्षसा तेन बाणौघैर्निकृत्ता सा सहस्रधा
6799	6085011c	निपपात शिला भूमौ गृध्रचक्रमिवाकुलम्
6800	6085012a	तां तु भिन्नां शिलां दृष्ट्वा सुग्रीवः क्रोधमूर्छितः
6801	6085012c	सालमुत्पाट्य चिक्षेप रक्षसे रणमूर्धनि
6802	6085012e	शरैश्च विददारैनं शूरः परपुरंजयः
6803	6085013a	स ददर्श ततः क्रुद्धः परिघं पतितं भुवि
6804	6085013c	आविध्य तु स तं दीप्तं परिघं तस्य दर्शयन्
6805	6085013e	परिघाग्रेण वेगेन जघानास्य हयोत्तमान्
6806	6085014a	तस्माद्धतहयाद्वीरः सोऽवप्लुत्य महारथात्
6807	6085014c	गदां जग्राह संक्रुद्धो राक्षसोऽथ महोदरः
6808	6085015a	गदापरिघहस्तौ तौ युधि वीरौ समीयतुः
6809	6085015c	नर्दन्तौ गोवृषप्रख्यौ घनाविव सविद्युतौ
6810	6085016a	आजघान गदां तस्य परिघेण हरीश्वरः
6811	6085016c	पपात स गदोद्भिन्नः परिघस्तस्य भूतले
6812	6085017a	ततो जग्राह तेजस्वी सुग्रीवो वसुधातलात्
6813	6085017c	आयसं मुसलं घोरं सर्वतो हेमभूषितम्
6814	6085018a	तं समुद्यम्य चिक्षेप सोऽप्यन्यां व्याक्षिपद्गदाम्
6815	6085018c	भिन्नावन्योन्यमासाद्य पेततुर्धरणीतले
6816	6085019a	ततो भग्नप्रहरणौ मुष्टिभ्यां तौ समीयतुः
6817	6085019c	तेजोबलसमाविष्टौ दीप्ताविव हुताशनौ
6818	6085020a	जघ्नतुस्तौ तदान्योन्यं नेदतुश्च पुनः पुनः
6819	6085020c	तलैश्चान्योन्यमाहत्य पेततुर्धरणीतले
6820	6085021a	उत्पेततुस्ततस्तूर्णं जघ्नतुश्च परस्परम्
6821	6085021c	भुजैश्चिक्षेपतुर्वीरावन्योन्यमपराजितौ
6822	6085022a	आजहार तदा खड्गमदूरपरिवर्तिनम्
6823	6085022c	राक्षसश्चर्मणा सार्धं महावेगो महोदरः
6824	6085023a	तथैव च महाखड्गं चर्मणा पतितं सह
6825	6085023c	जग्राह वानरश्रेष्ठः सुग्रीवो वेगवत्तरः
6826	6085024a	तौ तु रोषपरीताङ्गौ नर्दन्तावभ्यधावताम्
6827	6085024c	उद्यतासी रणे हृष्टौ युधि शस्त्रविशारदौ
6828	6085025a	दक्षिणं मण्डलं चोभौ तौ तूर्णं संपरीयतुः
6829	6085025c	अन्योन्यमभिसंक्रुद्धौ जये प्रणिहितावुभौ
6830	6085026a	स तु शूरो महावेगो वीर्यश्लाघी महोदरः
6831	6085026c	महाचर्मणि तं खड्गं पातयामास दुर्मतिः
6832	6085027a	लग्नमुत्कर्षतः खड्गं खड्गेन कपिकुञ्जरः
6833	6085027c	जहार सशिरस्त्राणं कुण्डलोपहितं शिरः
6834	6085028a	निकृत्तशिरसस्तस्य पतितस्य महीतले
6835	6085028c	तद्बलं राक्षसेन्द्रस्य दृष्ट्वा तत्र न तिष्ठति
6836	6085029a	हत्वा तं वानरैः सार्धं ननाद मुदितो हरिः
6837	6085029c	चुक्रोध च दशग्रीवो बभौ हृष्टश्च राघवः
6838	6086001a	महोदरे तु निहते महापार्श्वो महाबलः
6839	6086001c	अङ्गदस्य चमूं भीमां क्षोभयामास सायकैः
6840	6086002a	स वानराणां मुख्यानामुत्तमाङ्गानि सर्वशः
6841	6086002c	पातयामास कायेभ्यः फलं वृन्तादिवानिलः
6842	6086003a	केषांचिदिषुभिर्बाहून्स्कन्धांश्चिछेद राक्षसः
6843	6086003c	वानराणां सुसंक्रुद्धः पार्श्वं केषां व्यदारयत्
6844	6086004a	तेऽर्दिता बाणवर्षेण महापार्श्वेन वानराः
6845	6086004c	विषादविमुखाः सर्वे बभूवुर्गतचेतसः
6846	6086005a	निरीक्ष्य बलमुद्विग्नमङ्गदो राक्षसार्दितम्
6847	6086005c	वेगं चक्रे महाबाहुः समुद्र इव पर्वणि
6848	6086006a	आयसं परिघं गृह्य सूर्यरश्मिसमप्रभम्
6849	6086006c	समरे वानरश्रेष्ठो महापार्श्वे न्यपातयत्
6850	6086007a	स तु तेन प्रहारेण महापार्श्वो विचेतनः
6851	6086007c	ससूतः स्यन्दनात्तस्माद्विसंज्ञः प्रापतद्भुवि
6852	6086008a	सर्क्षराजस्तु तेजस्वी नीलाञ्जनचयोपमः
6853	6086008c	निष्पत्य सुमहावीर्यः स्वाद्यूथान्मेघसंनिभात्
6854	6086009a	प्रगृह्य गिरिशृङ्गाभां क्रुद्धः स विपुलां शिलाम्
6855	6086009c	अश्वाञ्जघान तरसा स्यन्दनं च बभञ्ज तम्
6856	6086010a	मुहूर्ताल्लब्धसंज्ञस्तु महापार्श्वो महाबलः
6857	6086010c	अङ्गदं बहुभिर्बाणैर्भूयस्तं प्रत्यविध्यत
6858	6086011a	जाम्बवन्तं त्रिभिर्बाणैराजघान स्तनान्तरे
6859	6086011c	ऋक्षराजं गवाक्षं च जघान बहुभिः शरैः
6860	6086012a	गवाक्षं जाम्बवन्तं च स दृष्ट्वा शरपीडितौ
6861	6086012c	जग्राह परिघं घोरमङ्गदः क्रोधमूर्छितः
6862	6086013a	तस्याङ्गदः प्रकुपितो राक्षसस्य तमायसं
6863	6086013c	दूरस्थितस्य परिघं रविरश्मिसमप्रभम्
6864	6086014a	द्वाभ्यां भुजाभ्यां संगृह्य भ्रामयित्वा च वेगवान्
6865	6086014c	महापार्श्वाय चिक्षेप वधार्थं वालिनः सुतः
6866	6086015a	स तु क्षिप्तो बलवता परिघस्तस्य रक्षसः
6867	6086015c	धनुश्च सशरं हस्ताच्छिरस्त्रं चाप्यपातयत्
6868	6086016a	तं समासाद्य वेगेन वालिपुत्रः प्रतापवान्
6869	6086016c	तलेनाभ्यहनत्क्रुद्धः कर्णमूले सकुण्डले
6870	6086017a	स तु क्रुद्धो महावेगो महापार्श्वो महाद्युतिः
6871	6086017c	करेणैकेन जग्राह सुमहान्तं परश्वधम्
6872	6086018a	तं तैलधौतं विमलं शैलसारमयं दृढम्
6873	6086018c	राक्षसः परमक्रुद्धो वालिपुत्रे न्यपातयत्
6874	6086019a	तेन वामांसफलके भृशं प्रत्यवपातितम्
6875	6086019c	अङ्गदो मोक्षयामास सरोषः स परश्वधम्
6876	6086020a	स वीरो वज्रसंकाशमङ्गदो मुष्टिमात्मनः
6877	6086020c	संवर्तयन्सुसंक्रुद्धः पितुस्तुल्यपराक्रमः
6878	6086021a	राक्षसस्य स्तनाभ्याशे मर्मज्ञो हृदयं प्रति
6879	6086021c	इन्द्राशनिसमस्पर्शं स मुष्टिं विन्यपातयत्
6880	6086022a	तेन तस्य निपातेन राक्षसस्य महामृधे
6881	6086022c	पफाल हृदयं चाशु स पपात हतो भुवि
6882	6086023a	तस्मिन्निपतिते भूमौ तत्सैन्यं संप्रचुक्षुभे
6883	6086023c	अभवच्च महान्क्रोधः समरे रावणस्य तु
6884	6087001a	महोदरमहापार्श्वौ हतौ दृष्ट्वा तु राक्षसौ
6885	6087001c	तस्मिंश्च निहते वीरे विरूपाक्षे महाबले
6886	6087002a	आविवेश महान्क्रोधो रावणं तु महामृधे
6887	6087002c	सूतं संचोदयामास वाक्यं चेदमुवाच ह
6888	6087003a	निहतानाममात्यानां रुद्धस्य नगरस्य च
6889	6087003c	दुःखमेषोऽपनेष्यामि हत्वा तौ रामलक्ष्मणौ
6890	6087004a	रामवृक्षं रणे हन्मि सीतापुष्पफलप्रदम्
6891	6087004c	प्रशाखा यस्य सुग्रीवो जाम्बवान्कुमुदो नलः
6892	6087005a	स दिशो दश घोषेण रथस्यातिरथो महान्
6893	6087005c	नादयन्प्रययौ तूर्णं राघवं चाभ्यवर्तत
6894	6087006a	पूरिता तेन शब्देन सनदीगिरिकानना
6895	6087006c	संचचाल मही सर्वा सवराहमृगद्विपा
6896	6087007a	तामसं सुमहाघोरं चकारास्त्रं सुदारुणम्
6897	6087007c	निर्ददाह कपीन्सर्वांस्ते प्रपेतुः समन्ततः
6898	6087008a	तान्यनीकान्यनेकानि रावणस्य शरोत्तमैः
6899	6087008c	दृष्ट्वा भग्नानि शतशो राघवः पर्यवस्थितः
6900	6087009a	स ददर्श ततो रामं तिष्ठन्तमपराजितम्
6901	6087009c	लक्ष्मणेन सह भ्रात्रा विष्णुना वासवं यथा
6902	6087010a	आलिखन्तमिवाकाशमवष्टभ्य महद्धनुः
6903	6087010c	पद्मपत्रविशालाक्षं दीर्घबाहुमरिंदमम्
6904	6087011a	वानरांश्च रणे भग्नानापतन्तं च रावणम्
6905	6087011c	समीक्ष्य राघवो हृष्टो मध्ये जग्राह कार्मुकम्
6906	6087012a	विस्फारयितुमारेभे ततः स धनुरुत्तमम्
6907	6087012c	महावेगं महानादं निर्भिन्दन्निव मेदिनीम्
6908	6087013a	तयोः शरपथं प्राप्य रावणो राजपुत्रयोः
6909	6087013c	स बभूव यथा राहुः समीपे शशिसूर्ययोः
6910	6087014a	रावणस्य च बाणौघै रामविस्फरितेन च
6911	6087014c	शब्देन राक्षसास्तेन पेतुश्च शतशस्तदा
6912	6087015a	तमिच्छन्प्रथमं योद्धुं लक्ष्मणो निशितैः शरैः
6913	6087015c	मुमोच धनुरायम्य शरानग्निशिखोपमान्
6914	6087016a	तान्मुक्तमात्रानाकाशे लक्ष्मणेन धनुष्मता
6915	6087016c	बाणान्बाणैर्महातेजा रावणः प्रत्यवारयत्
6916	6087017a	एकमेकेन बाणेन त्रिभिस्त्रीन्दशभिर्दश
6917	6087017c	लक्ष्मणस्य प्रचिच्छेद दर्शयन्पाणिलाघवम्
6918	6087018a	अभ्यतिक्रम्य सौमित्रिं रावणः समितिंजयः
6919	6087018c	आससाद ततो रामं स्थितं शैलमिवाचलम्
6920	6087019a	स संख्ये राममासाद्य क्रोधसंरक्तलोचनः
6921	6087019c	व्यसृजच्छरवर्षानि रावणो राघवोपरि
6922	6087020a	शरधारास्ततो रामो रावणस्य धनुश्च्युताः
6923	6087020c	दृष्ट्वैवापतिताः शीघ्रं भल्लाञ्जग्राह सत्वरम्
6924	6087021a	ताञ्शरौघांस्ततो भल्लैस्तीक्ष्णैश्चिच्छेद राघवः
6925	6087021c	दीप्यमानान्महावेगान्क्रुद्धानाशीविषानिव
6926	6087022a	राघवो रावणं तूर्णं रावणो राघवं तथा
6927	6087022c	अन्योन्यं विविधैस्तीक्ष्णैः शरैरभिववर्षतुः
6928	6087023a	चेरतुश्च चिरं चित्रं मण्डलं सव्यदक्षिणम्
6929	6087023c	बाणवेगान्समुदीक्ष्य समरेष्वपराजितौ
6930	6087024a	तयोर्भूतानि वित्रेषुर्युगपत्संप्रयुध्यतोः
6931	6087024c	रौद्रयोः सायकमुचोर्यमान्तकनिकाशयोः
6932	6087025a	संततं विविधैर्बाणैर्बभूव गगनं तदा
6933	6087025c	घनैरिवातपापाये विद्युन्मालासमाकुलैः
6934	6087026a	गवाक्षितमिवाकाशं बभूव शूरवृष्टिभिः
6935	6087026c	महावेगैः सुतीक्ष्णाग्रैर्गृध्रपत्रैः सुवाजितैः
6936	6087027a	शरान्धकारं तौ भीमं चक्रतुः परमं तदा
6937	6087027c	गतेऽस्तं तपने चापि महामेघाविवोत्थितौ
6938	6087028a	बभूव तुमुलं युद्धमन्योन्यवधकाङ्क्षिणोः
6939	6087028c	अनासाद्यमचिन्त्यं च वृत्रवासवयोरिव
6940	6087029a	उभौ हि परमेष्वासावुभौ शस्त्रविशारदौ
6941	6087029c	उभौ चास्त्रविदां मुख्यावुभौ युद्धे विचेरतुः
6942	6087030a	उभौ हि येन व्रजतस्तेन तेन शरोर्मयः
6943	6087030c	ऊर्मयो वायुना विद्धा जग्मुः सागरयोरिव
6944	6087031a	ततः संसक्तहस्तस्तु रावणो लोकरावणः
6945	6087031c	नाराचमालां रामस्य ललाटे प्रत्यमुञ्चत
6946	6087032a	रौद्रचापप्रयुक्तां तां नीलोत्पलदलप्रभाम्
6947	6087032c	शिरसा धारयन्रामो न व्यथां प्रत्यपद्यत
6948	6087033a	अथ मन्त्रानपि जपन्रौद्रमस्त्रमुदीरयन्
6949	6087033c	शरान्भूयः समादाय रामः क्रोधसमन्वितः
6950	6087034a	मुमोच च महातेजाश्चापमायम्य वीर्यवान्
6951	6087034c	ताञ्शरान्राक्षसेन्द्राय चिक्षेपाच्छिन्नसायकः
6952	6087035a	ते महामेघसंकाशे कवचे पतिताः शराः
6953	6087035c	अवध्ये राक्षसेन्द्रस्य न व्यथां जनयंस्तदा
6954	6087036a	पुनरेवाथ तं रामो रथस्थं राक्षसाधिपम्
6955	6087036c	ललाटे परमास्त्रेण सर्वास्त्रकुशलोऽभिनत्
6956	6087037a	ते भित्त्वा बाणरूपाणि पञ्चशीर्षा इवोरगाः
6957	6087037c	श्वसन्तो विविशुर्भूमिं रावणप्रतिकूलताः
6958	6087038a	निहत्य राघवस्यास्त्रं रावणः क्रोधमूर्छितः
6959	6087038c	आसुरं सुमहाघोरमन्यदस्त्रं समाददे
6960	6087039a	सिंहव्याघ्रमुखांश्चान्यान्कङ्ककाकमुखानपि
6961	6087039c	गृध्रश्येनमुखांश्चापि सृगालवदनांस्तथा
6962	6087040a	ईहामृगमुखांश्चान्यान्व्यादितास्यान्भयावहान्
6963	6087040c	पञ्चास्याँल्लेलिहानांश्च ससर्ज निशिताञ्शरान्
6964	6087041a	शरान्खरमुखांश्चान्यान्वराहमुखसंस्थितान्
6965	6087041c	श्वानकुक्कुटवक्त्रांश्च मकराशीविषाननान्
6966	6087042a	एतांश्चान्यांश्च मायाभिः ससर्ज निशिताञ्शरान्
6967	6087042c	रामं प्रति महातेजाः क्रुद्धः सर्प इव श्वसन्
6968	6087043a	आसुरेण समाविष्टः सोऽस्त्रेण रघुनन्दनः
6969	6087043c	ससर्जास्त्रं महोत्साहः पावकं पावकोपमः
6970	6087044a	अग्निदीप्तमुखान्बाणांस्तथा सूर्यमुखानपि
6971	6087044c	चन्द्रार्धचन्द्रवक्त्रांश्च धूमकेतुमुखानपि
6972	6087045a	ग्रहनक्षत्रवर्णांश्च महोल्कामुखसंस्थितान्
6973	6087045c	विद्युज्जिह्वोपमांश्चान्यान्ससर्ज निशिताञ्शरान्
6974	6087046a	ते रावणशरा घोरा राघवास्त्रसमाहताः
6975	6087046c	विलयं जग्मुराकाशे जग्मुश्चैव सहस्रशः
6976	6087047a	तदस्त्रं निहतं दृष्ट्वा रामेणाक्लिष्टकर्मणा
6977	6087047c	हृष्टा नेदुस्ततः सर्वे कपयः कामरूपिणः
6978	6088001a	तस्मिन्प्रतिहतेऽस्त्रे तु रावणो राक्षसाधिपः
6979	6088001c	क्रोधं च द्विगुणं चक्रे क्रोधाच्चास्त्रमनन्तरम्
6980	6088002a	मयेन विहितं रौद्रमन्यदस्त्रं महाद्युतिः
6981	6088002c	उत्स्रष्टुं रावणो घोरं राघवाय प्रचक्रमे
6982	6088003a	ततः शूलानि निश्चेरुर्गदाश्च मुसलानि च
6983	6088003c	कार्मुकाद्दीप्यमानानि वज्रसाराणि सर्वशः
6984	6088004a	कूटमुद्गरपाशाश्च दीप्ताश्चाशनयस्तथा
6985	6088004c	निष्पेतुर्विविधास्तीक्ष्णा वाता इव युगक्षये
6986	6088005a	तदस्त्रं राघवः श्रीमानुत्तमास्त्रविदां वरः
6987	6088005c	जघान परमास्त्रेण गन्धर्वेण महाद्युतिः
6988	6088006a	तस्मिन्प्रतिहतेऽस्त्रे तु राघवेण महात्मना
6989	6088006c	रावणः क्रोधताम्राक्षः सौरमस्त्रमुदीरयत्
6990	6088007a	ततश्चक्राणि निष्पेतुर्भास्वराणि महान्ति च
6991	6088007c	कार्मुकाद्भीमवेगस्य दशग्रीवस्य धीमतः
6992	6088008a	तैरासीद्गगनं दीप्तं संपतद्भिरितस्ततः
6993	6088008c	पतद्भिश्च दिशो दीप्तैश्चन्द्रसूर्यग्रहैरिव
6994	6088009a	तानि चिच्छेद बाणौघैश्चक्राणि तु स राघवः
6995	6088009c	आयुधानि विचित्राणि रावणस्य चमूमुखे
6996	6088010a	तदस्त्रं तु हतं दृष्ट्वा रावणो राक्षसाधिपः
6997	6088010c	विव्याध दशभिर्बाणै रामं सर्वेषु मर्मसु
6998	6088011a	स विद्धो दशभिर्बाणैर्महाकार्मुकनिःसृतैः
6999	6088011c	रावणेन महातेजा न प्राकम्पत राघवः
7000	6088012a	ततो विव्याध गात्रेषु सर्वेषु समितिंजयः
7001	6088012c	राघवस्तु सुसंक्रुद्धो रावणं बहुभिः शरैः
7002	6088013a	एतस्मिन्नन्तरे क्रुद्धो राघवस्यानुजो बली
7003	6088013c	लक्ष्मणः सायकान्सप्त जग्राह परवीरहा
7004	6088014a	तैः सायकैर्महावेगै रावणस्य महाद्युतिः
7005	6088014c	ध्वजं मनुष्यशीर्षं तु तस्य चिच्छेद नैकधा
7006	6088015a	सारथेश्चापि बाणेन शिरो ज्वलितकुण्डलम्
7007	6088015c	जहार लक्ष्मणः श्रीमान्नैरृतस्य महाबलः
7008	6088016a	तस्य बाणैश्च चिच्छेद धनुर्गजकरोपमम्
7009	6088016c	लक्ष्मणो राक्षसेन्द्रस्य पञ्चभिर्निशितैः शरैः
7010	6088017a	नीलमेघनिभांश्चास्य सदश्वान्पर्वतोपमान्
7011	6088017c	जघानाप्लुत्य गदया रावणस्य विभीषणः
7012	6088018a	हताश्वाद्वेगवान्वेगादवप्लुत्य महारथात्
7013	6088018c	क्रोधमाहारयत्तीव्रं भ्रातरं प्रति रावणः
7014	6088019a	ततः शक्तिं महाशक्तिर्दीप्तां दीप्ताशनीमिव
7015	6088019c	विभीषणाय चिक्षेप राक्षसेन्द्रः प्रतापवान्
7016	6088020a	अप्राप्तामेव तां बाणैस्त्रिभिश्चिच्छेद लक्ष्मणः
7017	6088020c	अथोदतिष्ठत्संनादो वानराणां तदा रणे
7018	6088021a	सा पपात त्रिधा छिन्ना शक्तिः काञ्चनमालिनी
7019	6088021c	सविस्फुलिङ्गा ज्वलिता महोल्केव दिवश्च्युता
7020	6088022a	ततः संभाविततरां कालेनापि दुरासदाम्
7021	6088022c	जग्राह विपुलां शक्तिं दीप्यमानां स्वतेजसा
7022	6088023a	सा वेगिना बलवता रावणेन दुरात्मना
7023	6088023c	जज्वाल सुमहाघोरा शक्राशनिसमप्रभा
7024	6088024a	एतस्मिन्नन्तरे वीरो लक्ष्मणस्तं विभीषणम्
7025	6088024c	प्राणसंशयमापन्नं तूर्णमेवाभ्यपद्यत
7026	6088025a	तं विमोक्षयितुं वीरश्चापमायम्य लक्ष्मणः
7027	6088025c	रावणं शक्तिहस्तं तं शरवर्षैरवाकिरत्
7028	6088026a	कीर्यमाणः शरौघेण विसृष्टेन महात्मना
7029	6088026c	न प्रहर्तुं मनश्चक्रे विमुखीकृतविक्रमः
7030	6088027a	मोक्षितं भ्रातरं दृष्ट्वा लक्ष्मणेन स रावणः
7031	6088027c	लक्ष्मणाभिमुखस्तिष्ठन्निदं वचनमब्रवीत्
7032	6088028a	मोक्षितस्ते बलश्लाघिन्यस्मादेवं विभीषणः
7033	6088028c	विमुच्य राक्षसं शक्तिस्त्वयीयं विनिपात्यते
7034	6088029a	एषा ते हृदयं भित्त्वा शक्तिर्लोहितलक्षणा
7035	6088029c	मद्बाहुपरिघोत्सृष्टा प्राणानादाय यास्यति
7036	6088030a	इत्येवमुक्त्वा तां शक्तिमष्टघण्टां महास्वनाम्
7037	6088030c	मयेन मायाविहिताममोघां शत्रुघातिनीम्
7038	6088031a	लक्ष्मणाय समुद्दिश्य ज्वलन्तीमिव तेजसा
7039	6088031c	रावणः परमक्रुद्धश्चिक्षेप च ननाद च
7040	6088032a	सा क्षिप्ता भीमवेगेन शक्राशनिसमस्वना
7041	6088032c	शक्तिरभ्यपतद्वेगाल्लक्ष्मणं रणमूर्धनि
7042	6088033a	तामनुव्याहरच्छक्तिमापतन्तीं स राघवः
7043	6088033c	स्वस्त्यस्तु लक्ष्मणायेति मोघा भव हतोद्यमा
7044	6088034a	न्यपतत्सा महावेगा लक्ष्मणस्य महोरसि
7045	6088034c	जिह्वेवोरगराजस्य दीप्यमाना महाद्युतिः
7046	6088035a	ततो रावणवेगेन सुदूरमवगाढया
7047	6088035c	शक्त्या निर्भिन्नहृदयः पपात भुवि लक्ष्मणः
7048	6088036a	तदवस्थं समीपस्थो लक्ष्मणं प्रेक्ष्य राघवः
7049	6088036c	भ्रातृस्नेहान्महातेजा विषण्णहृदयोऽभवत्
7050	6088037a	स मुहूर्तमनुध्याय बाष्पव्याकुललोचनः
7051	6088037c	बभूव संरब्धतरो युगान्त इव पावकः
7052	6088038a	न विषादस्य कालोऽयमिति संचिन्त्य राघवः
7053	6088038c	चक्रे सुतुमुलं युद्धं रावणस्य वधे धृतः
7054	6088039a	स ददर्श ततो रामः शक्त्या भिन्नं महाहवे
7055	6088039c	लक्ष्मणं रुधिरादिग्धं सपन्नगमिवाचलम्
7056	6088040a	तामपि प्रहितां शक्तिं रावणेन बलीयसा
7057	6088040c	यत्नतस्ते हरिश्रेष्ठा न शेकुरवमर्दितुम्
7058	6088040e	अर्दिताश्चैव बाणौघैः क्षिप्रहस्तेन रक्षसा
7059	6088041a	सौमित्रिं सा विनिर्भिद्य प्रविष्टा धरणीतलम्
7060	6088041c	तां कराभ्यां परामृश्य रामः शक्तिं भयावहाम्
7061	6088041e	बभञ्ज समरे क्रुद्धो बलवद्विचकर्ष च
7062	6088042a	तस्य निष्कर्षतः शक्तिं रावणेन बलीयसा
7063	6088042c	शराः सर्वेषु गात्रेषु पातिता मर्मभेदिनः
7064	6088043a	अचिन्तयित्वा तान्बाणान्समाश्लिष्य च लक्ष्मणम्
7065	6088043c	अब्रवीच्च हनूमन्तं सुग्रीवं चैव राघवः
7066	6088043e	लक्ष्मणं परिवार्येह तिष्ठध्वं वानरोत्तमाः
7067	6088044a	पराक्रमस्य कालोऽयं संप्राप्तो मे चिरेप्सितः
7068	6088044c	पापात्मायं दशग्रीवो वध्यतां पापनिश्चयः
7069	6088044e	काङ्क्षितः स्तोककस्येव घर्मान्ते मेघदर्शनम्
7070	6088045a	अस्मिन्मुहूर्ते नचिरात्सत्यं प्रतिशृणोमि वः
7071	6088045c	अरावणमरामं वा जगद्द्रक्ष्यथ वानराः
7072	6088046a	राज्यनाशं वने वासं दण्डके परिधावनम्
7073	6088046c	वैदेह्याश्च परामर्शं रक्षोभिश्च समागमम्
7074	6088047a	प्राप्तं दुःखं महद्घोरं क्लेशं च निरयोपमम्
7075	6088047c	अद्य सर्वमहं त्यक्ष्ये हत्वा तं रावणं रणे
7076	6088048a	यदर्थं वानरं सैन्यं समानीतमिदं मया
7077	6088048c	सुग्रीवश्च कृतो राज्ये निहत्वा वालिनं रणे
7078	6088049a	यदर्थं सागरः क्रान्तः सेतुर्बद्धश्च सागरे
7079	6088049c	सोऽयमद्य रणे पापश्चक्षुर्विषयमागतः
7080	6088050a	चक्षुर्विषयमागम्य नायं जीवितुमर्हति
7081	6088050c	दृष्टिं दृष्टिविषस्येव सर्पस्य मम रावणः
7082	6088051a	स्वस्थाः पश्यत दुर्धर्षा युद्धं वानरपुंगवाः
7083	6088051c	आसीनाः पर्वताग्रेषु ममेदं रावणस्य च
7084	6088052a	अद्य रामस्य रामत्वं पश्यन्तु मम संयुगे
7085	6088052c	त्रयो लोकाः सगन्धर्वाः सदेवाः सर्षिचारणाः
7086	6088053a	अद्य कर्म करिष्यामि यल्लोकाः सचराचराः
7087	6088053c	सदेवाः कथयिष्यन्ति यावद्भूमिर्धरिष्यति
7088	6088054a	एवमुक्त्वा शितैर्बाणैस्तप्तकाञ्चनभूषणैः
7089	6088054c	आजघान दशग्रीवं रणे रामः समाहितः
7090	6088055a	अथ प्रदीप्तैर्नाराचैर्मुसलैश्चापि रावणः
7091	6088055c	अभ्यवर्षत्तदा रामं धाराभिरिव तोयदः
7092	6088056a	रामरावणमुक्तानामन्योन्यमभिनिघ्नताम्
7093	6088056c	शराणां च शराणां च बभूव तुमुलः स्वनः
7094	6088057a	ते भिन्नाश्च विकीर्णाश्च रामरावणयोः शराः
7095	6088057c	अन्तरिक्षात्प्रदीप्ताग्रा निपेतुर्धरणीतले
7096	6088058a	तयोर्ज्यातलनिर्घोषो रामरावणयोर्महान्
7097	6088058c	त्रासनः सर्वबूतानां स बभूवाद्भुतोपमः
7098	6088059a	स कीर्यमाणः शरजालवृष्टिभि;र्महात्मना दीप्तधनुष्मतार्दितः
7099	6088059c	भयात्प्रदुद्राव समेत्य रावणो; यथानिलेनाभिहतो बलाहकः
7100	6089001a	स दत्त्वा तुमुलं युद्धं रावणस्य दुरात्मनः
7101	6089001c	विसृजन्नेव बाणौघान्सुषेणं वाक्यमब्रवीत्
7102	6089002a	एष रावणवेगेन लक्ष्मणः पतितः क्षितौ
7103	6089002c	सर्पवद्वेष्टते वीरो मम शोकमुदीरयन्
7104	6089003a	शोणितार्द्रमिमं वीरं प्राणैरिष्टतरं मम
7105	6089003c	पश्यतो मम का शक्तिर्योद्धुं पर्याकुलात्मनः
7106	6089004a	अयं स समरश्लाघी भ्राता मे शुभलक्षणः
7107	6089004c	यदि पञ्चत्वमापन्नः प्राणैर्मे किं सुखेन वा
7108	6089005a	लज्जतीव हि मे वीर्यं भ्रश्यतीव कराद्धनुः
7109	6089005c	सायका व्यवसीदन्ति दृष्टिर्बाष्पवशं गता
7110	6089005e	चिन्ता मे वर्धते तीव्रा मुमूर्षा चोपजायते
7111	6089006a	भ्रातरं निहतं दृष्ट्वा रावणेन दुरात्मना
7112	6089006c	परं विषादमापन्नो विललापाकुलेन्द्रियः
7113	6089007a	न हि युद्धेन मे कार्यं नैव प्राणैर्न सीतया
7114	6089007c	भ्रातरं निहतं दृष्ट्वा लक्ष्मणं रणपांसुषु
7115	6089008a	किं मे राज्येन किं प्राणैर्युद्धे कार्यं न विद्यते
7116	6089008c	यत्रायं निहतः शेते रणमूर्धनि लक्ष्मणः
7117	6089009a	राममाश्वासयन्वीरः सुषेणो वाक्यमब्रवीत्
7118	6089009c	न मृतोऽयं महाबाहुर्लक्ष्मणो लक्ष्मिवर्धनः
7119	6089010a	न चास्य विकृतं वक्त्रं नापि श्यामं न निष्प्रभम्
7120	6089010c	सुप्रभं च प्रसन्नं च मुखमस्याभिलक्ष्यते
7121	6089011a	पद्मरक्ततलौ हस्तौ सुप्रसन्ने च लोचने
7122	6089011c	एवं न विद्यते रूपं गतासूनां विशां पते
7123	6089011e	मां विषादं कृथा वीर सप्राणोऽयमरिंदम
7124	6089012a	आख्यास्यते प्रसुप्तस्य स्रस्तगात्रस्य भूतले
7125	6089012c	सोच्छ्वासं हृदयं वीर कम्पमानं मुहुर्मुहुः
7126	6089013a	एवमुक्त्वा तु वाक्यज्ञः सुषेणो राघवं वचः
7127	6089013c	समीपस्थमुवाचेदं हनूमन्तमभित्वरन्
7128	6089014a	सौम्य शीघ्रमितो गत्वा शैलमोषधिपर्वतम्
7129	6089014c	पूर्वं हि कथितो योऽसौ वीर जाम्बवता शुभः
7130	6089015a	दक्षिणे शिखरे तस्य जातामोषधिमानय
7131	6089015c	विशल्यकरणी नाम विशल्यकरणीं शुभाम्
7132	6089016a	सौवर्णकरणीं चापि तथा संजीवनीमपि
7133	6089016c	संधानकरणीं चापि गत्वा शीघ्रमिहानय
7134	6089016e	संजीवनार्थं वीरस्य लक्ष्मणस्य महात्मनः
7135	6089017a	इत्येवमुक्तो हनुमान्गत्वा चौषधिपर्वतम्
7136	6089017c	चिन्तामभ्यगमच्छ्रीमानजानंस्ता महौषधीः
7137	6089018a	तस्य बुद्धिः समुत्पन्ना मारुतेरमितौजसः
7138	6089018c	इदमेव गमिष्यामि गृहीत्वा शिखरं गिरेः
7139	6089019a	अगृह्य यदि गच्छामि विशल्यकरणीमहम्
7140	6089019c	कालात्ययेन दोषः स्याद्वैक्लव्यं च महद्भवेत्
7141	6089020a	इति संचिन्त्य हनुमान्गत्वा क्षिप्रं महाबलः
7142	6089020c	उत्पपात गृहीत्वा तु हनूमाञ्शिखरं गिरेः
7143	6089021a	ओषधीर्नावगछामि ता अहं हरिपुंगव
7144	6089021c	तदिदं शिखरं कृत्स्नं गिरेस्तस्याहृतं मया
7145	6089022a	एवं कथयमानं तं प्रशस्य पवनात्मजम्
7146	6089022c	सुषेणो वानरश्रेष्ठो जग्राहोत्पाट्य चौषधीः
7147	6089023a	ततः संक्षोदयित्वा तामोषधिं वानरोत्तमः
7148	6089023c	लक्ष्मणस्य ददौ नस्तः सुषेणः सुमहाद्युतिः
7149	6089024a	सशल्यः स समाघ्राय लक्ष्मणः परवीरहा
7150	6089024c	विशल्यो विरुजः शीघ्रमुदतिष्ठन्महीतलात्
7151	6089025a	समुत्थितं ते हरयो भूतलात्प्रेक्ष्य लक्ष्मणम्
7152	6089025c	साधु साध्विति सुप्रीताः सुषेणं प्रत्यपूजयन्
7153	6089026a	एह्येहीत्यब्रवीद्रामो लक्ष्मणं परवीरहा
7154	6089026c	सस्वजे स्नेहगाढं च बाष्पपर्याकुलेक्षणः
7155	6089027a	अब्रवीच्च परिष्वज्य सौमित्रिं राघवस्तदा
7156	6089027c	दिष्ट्या त्वां वीर पश्यामि मरणात्पुनरागतम्
7157	6089028a	न हि मे जीवितेनार्थः सीतया च जयेन वा
7158	6089028c	को हि मे जीवितेनार्थस्त्वयि पञ्चत्वमागते
7159	6089029a	इत्येवं वदतस्तस्य राघवस्य महात्मनः
7160	6089029c	खिन्नः शिथिलया वाचा लक्ष्मणो वाक्यमब्रवीत्
7161	6089030a	तां प्रतिज्ञां प्रतिज्ञाय पुरा सत्यपराक्रम
7162	6089030c	लघुः कश्चिदिवासत्त्वो नैवं वक्तुमिहार्हसि
7163	6089031a	न प्रतिज्ञां हि कुर्वन्ति वितथां साधवोऽनघ
7164	6089031c	लक्षणं हि महत्त्वस्य प्रतिज्ञापरिपालनम्
7165	6089032a	नैराश्यमुपगन्तुं ते तदलं मत्कृतेऽनघ
7166	6089032c	वधेन रावणस्याद्य प्रतिज्ञामनुपालय
7167	6089033a	न जीवन्यास्यते शत्रुस्तव बाणपथं गतः
7168	6089033c	नर्दतस्तीक्ष्णदंष्ट्रस्य सिंहस्येव महागजः
7169	6089034a	अहं तु वधमिच्छामि शीघ्रमस्य दुरात्मनः
7170	6089034c	यावदस्तं न यात्येष कृतकर्मा दिवाकरः
7171	6090001a	लक्ष्मणेन तु तद्वाक्यमुक्तं श्रुत्वा स राघवः
7172	6090001c	रावणाय शरान्घोरान्विससर्ज चमूमुखे
7173	6090002a	दशग्रीवो रथस्थस्तु रामं वज्रोपमैः शरैः
7174	6090002c	आजघान महाघोरैर्धाराभिरिव तोयदः
7175	6090003a	दीप्तपावकसंकाशैः शरैः काञ्चनभूषणैः
7176	6090003c	निर्बिभेद रणे रामो दशग्रीवं समाहितः
7177	6090004a	भूमिस्थितस्य रामस्य रथस्थस्य च रक्षसः
7178	6090004c	न समं युद्धमित्याहुर्देवगन्धर्वदानवाः
7179	6090005a	ततः काञ्चनचित्राङ्गः किंकिणीशतभूषितः
7180	6090005c	तरुणादित्यसंकाशो वैदूर्यमयकूबरः
7181	6090006a	सदश्वैः काञ्चनापीडैर्युक्तः श्वेतप्रकीर्णकैः
7182	6090006c	हरिभिः सूर्यसंकाशैर्हेमजालविभूषितैः
7183	6090007a	रुक्मवेणुध्वजः श्रीमान्देवराजरथो वरः
7184	6090007c	अभ्यवर्तत काकुत्स्थमवतीर्य त्रिविष्टपात्
7185	6090008a	अब्रवीच्च तदा रामं सप्रतोदो रथे स्थितः
7186	6090008c	प्राञ्जलिर्मातलिर्वाक्यं सहस्राक्षस्य सारथिः
7187	6090009a	सहस्राक्षेण काकुत्स्थ रथोऽयं विजयाय ते
7188	6090009c	दत्तस्तव महासत्त्व श्रीमाञ्शत्रुनिबर्हणः
7189	6090010a	इदमैन्द्रं महच्चापं कवचं चाग्निसंनिभम्
7190	6090010c	शराश्चादित्यसंकाशाः शक्तिश्च विमला शिताः
7191	6090011a	आरुह्येमं रथं वीर राक्षसं जहि रावणम्
7192	6090011c	मया सारथिना राम महेन्द्र इव दानवान्
7193	6090012a	इत्युक्तः स परिक्रम्य रथं तमभिवाद्य च
7194	6090012c	आरुरोह तदा रामो लोकाँल्लक्ष्म्या विराजयन्
7195	6090013a	तद्बभूवाद्भुतं युद्धं द्वैरथं लोमहर्षणम्
7196	6090013c	रामस्य च महाबाहो रावणस्य च रक्षसः
7197	6090014a	स गान्धर्वेण गान्धर्वं दैवं दैवेन राघवः
7198	6090014c	अस्त्रं राक्षसराजस्य जघान परमास्त्रवित्
7199	6090015a	अस्त्रं तु परमं घोरं राक्षसं राकसाधिपः
7200	6090015c	ससर्ज परमक्रुद्धः पुनरेव निशाचरः
7201	6090016a	ते रावणधनुर्मुक्ताः शराः काञ्चनभूषणाः
7202	6090016c	अभ्यवर्तन्त काकुत्स्थं सर्पा भूत्वा महाविषाः
7203	6090017a	ते दीप्तवदना दीप्तं वमन्तो ज्वलनं मुखैः
7204	6090017c	राममेवाभ्यवर्तन्त व्यादितास्या भयानकाः
7205	6090018a	तैर्वासुकिसमस्पर्शैर्दीप्तभोगैर्महाविषैः
7206	6090018c	दिशश्च संतताः सर्वाः प्रदिशश्च समावृताः
7207	6090019a	तान्दृष्ट्वा पन्नगान्रामः समापतत आहवे
7208	6090019c	अस्त्रं गारुत्मतं घोरं प्रादुश्चक्रे भयावहम्
7209	6090020a	ते राघवधनुर्मुक्ता रुक्मपुङ्खाः शिखिप्रभाः
7210	6090020c	सुपर्णाः काञ्चना भूत्वा विचेरुः सर्पशत्रवः
7211	6090021a	ते तान्सर्वाञ्शराञ्जघ्नुः सर्परूपान्महाजवान्
7212	6090021c	सुपर्णरूपा रामस्य विशिखाः कामरूपिणः
7213	6090022a	अस्त्रे प्रतिहते क्रुद्धो रावणो राक्षसाधिपः
7214	6090022c	अभ्यवर्षत्तदा रामं घोराभिः शरवृष्टिभिः
7215	6090023a	ततः शरसहस्रेण राममक्लिष्टकारिणम्
7216	6090023c	अर्दयित्वा शरौघेण मातलिं प्रत्यविध्यत
7217	6090024a	पातयित्वा रथोपस्थे रथात्केतुं च काञ्चनम्
7218	6090024c	ऐन्द्रानभिजघानाश्वाञ्शरजालेन रावणः
7219	6090025a	विषेदुर्देवगन्धर्वा दानवाश्चारणैः सह
7220	6090025c	राममार्तं तदा दृष्ट्वा सिद्धाश्च परमर्षयः
7221	6090026a	व्यथिता वानरेन्द्राश्च बभूवुः सविभीषणाः
7222	6090026c	रामचन्द्रमसं दृष्ट्वा ग्रस्तं रावणराहुणा
7223	6090027a	प्राजापत्यं च नक्षत्रं रोहिणीं शशिनः प्रियाम्
7224	6090027c	समाक्रम्य बुधस्तस्थौ प्रजानामशुभावहः
7225	6090028a	सधूमपरिवृत्तोर्मिः प्रज्वलन्निव सागरः
7226	6090028c	उत्पपात तदा क्रुद्धः स्पृशन्निव दिवाकरम्
7227	6090029a	शस्त्रवर्णः सुपरुषो मन्दरश्मिर्दिवाकरः
7228	6090029c	अदृश्यत कबन्धाङ्गः संसक्तो धूमकेतुना
7229	6090030a	कोसलानां च नक्षत्रं व्यक्तमिन्द्राग्निदैवतम्
7230	6090030c	आक्रम्याङ्गारकस्तस्थौ विशाखामपि चाम्बरे
7231	6090031a	दशास्यो विंशतिभुजः प्रगृहीतशरासनः
7232	6090031c	अदृश्यत दशग्रीवो मैनाक इव पर्वतः
7233	6090032a	निरस्यमानो रामस्तु दशग्रीवेण रक्षसा
7234	6090032c	नाशकदभिसंधातुं सायकान्रणमूर्धनि
7235	6090033a	स कृत्वा भ्रुकुटीं क्रुद्धः किंचित्संरक्तलोचनः
7236	6090033c	जगाम सुमहाक्रोधं निर्दहन्निव चक्षुषा
7237	6091001a	तस्य क्रुद्धस्य वदनं दृष्ट्वा रामस्य धीमतः
7238	6091001c	सर्वभूतानि वित्रेषुः प्राकम्पत च मेदिनी
7239	6091002a	सिंहशार्दूलवाञ्शैलः संचचालाचलद्रुमः
7240	6091002c	बभूव चापि क्षुभितः समुद्रः सरितां पतिः
7241	6091003a	खगाश्च खरनिर्घोषा गगने परुषस्वनाः
7242	6091003c	औत्पातिका विनर्दन्तः समन्तात्परिचक्रमुः
7243	6091004a	रामं दृष्ट्वा सुसंक्रुद्धमुत्पातांश्च सुदारुणान्
7244	6091004c	वित्रेषुः सर्वभूतानि रावणस्याविशद्भयम्
7245	6091005a	विमानस्थास्तदा देवा गन्धर्वाश्च महोरगाः
7246	6091005c	ऋषिदानवदैत्याश्च गरुत्मन्तश्च खेचराः
7247	6091006a	ददृशुस्ते तदा युद्धं लोकसंवर्तसंस्थितम्
7248	6091006c	नानाप्रहरणैर्भीमैः शूरयोः संप्रयुध्यतोः
7249	6091007a	ऊचुः सुरासुराः सर्वे तदा विग्रहमागताः
7250	6091007c	प्रेक्षमाणा महायुद्धं वाक्यं भक्त्या प्रहृष्टवत्
7251	6091008a	दशग्रीवं जयेत्याहुरसुराः समवस्थिताः
7252	6091008c	देवा राममथोचुस्ते त्वं जयेति पुनः पुनः
7253	6091009a	एतस्मिन्नन्तरे क्रोधाद्राघवस्य स रावणः
7254	6091009c	प्रहर्तुकामो दुष्टात्मा स्पृशन्प्रहरणं महत्
7255	6091010a	वज्रसारं महानादं सर्वशत्रुनिबर्हणम्
7256	6091010c	शैलशृङ्गनिभैः कूटैश्चितं दृष्टिभयावहम्
7257	6091011a	सधूममिव तीक्ष्णाग्रं युगान्ताग्निचयोपमम्
7258	6091011c	अतिरौद्रमनासाद्यं कालेनापि दुरासदम्
7259	6091012a	त्रासनं सर्वभूतानां दारणं भेदनं तथा
7260	6091012c	प्रदीप्त इव रोषेण शूलं जग्राह रावणः
7261	6091013a	तच्छूलं परमक्रुद्धो मध्ये जग्राह वीर्यवान्
7262	6091013c	अनेकैः समरे शूरै राक्षसैः परिवारितः
7263	6091014a	समुद्यम्य महाकायो ननाद युधि भैरवम्
7264	6091014c	संरक्तनयनो रोषात्स्वसैन्यमभिहर्षयन्
7265	6091015a	पृथिवीं चान्तरिक्षं च दिशश्च प्रदिशस्तथा
7266	6091015c	प्राकम्पयत्तदा शब्दो राक्षसेन्द्रस्य दारुणः
7267	6091016a	अतिनादस्य नादेन तेन तस्य दुरात्मनः
7268	6091016c	सर्वभूतानि वित्रेषुः सागरश्च प्रचुक्षुभे
7269	6091017a	स गृहीत्वा महावीर्यः शूलं तद्रावणो महत्
7270	6091017c	विनद्य सुमहानादं रामं परुषमब्रवीत्
7271	6091018a	शूलोऽयं वज्रसारस्ते राम रोषान्मयोद्यतः
7272	6091018c	तव भ्रातृसहायस्य सद्यः प्राणान्हरिष्यति
7273	6091019a	रक्षसामद्य शूराणां निहतानां चमूमुखे
7274	6091019c	त्वां निहत्य रणश्लाघिन्करोमि तरसा समम्
7275	6091020a	तिष्ठेदानीं निहन्मि त्वामेष शूलेन राघव
7276	6091020c	एवमुक्त्वा स चिक्षेप तच्छूलं राक्षसाधिपः
7277	6091021a	आपतन्तं शरौघेण वारयामास राघवः
7278	6091021c	उत्पतन्तं युगान्ताग्निं जलौघैरिव वासवः
7279	6091022a	निर्ददाह स तान्बाणान्रामकार्मुकनिःसृतान्
7280	6091022c	रावणस्य महाशूलः पतंगानिव पावकः
7281	6091023a	तान्दृष्ट्वा भस्मसाद्भूताञ्शूलसंस्पर्शचूर्णितान्
7282	6091023c	सायकानन्तरिक्षस्थान्राघवः क्रोधमाहरत्
7283	6091024a	स तां मातलिनानीतां शक्तिं वासवनिर्मिताम्
7284	6091024c	जग्राह परमक्रुद्धो राघवो रघुनन्दनः
7285	6091025a	सा तोलिता बलवता शक्तिर्घण्टाकृतस्वना
7286	6091025c	नभः प्रज्वालयामास युगान्तोल्केव सप्रभा
7287	6091026a	सा क्षिप्ता राक्षसेन्द्रस्य तस्मिञ्शूले पपात ह
7288	6091026c	भिन्नः शक्त्या महाञ्शूलो निपपात गतद्युतिः
7289	6091027a	निर्बिभेद ततो बाणैर्हयानस्य महाजवान्
7290	6091027c	रामस्तीक्ष्णैर्महावेगैर्वज्रकल्पैः शितैः शरैः
7291	6091028a	निर्बिभेदोरसि तदा रावणं निशितैः शरैः
7292	6091028c	राघवः परमायत्तो ललाटे पत्रिभिस्त्रिभिः
7293	6091029a	स शरैर्भिन्नसर्वाङ्गो गात्रप्रस्रुतशोणितः
7294	6091029c	राक्षसेन्द्रः समूहस्थः फुल्लाशोक इवाबभौ
7295	6091030a	स रामबाणैरतिविद्धगात्रो; निशाचरेन्द्रः क्षतजार्द्रगात्रः
7296	6091030c	जगाम खेदं च समाजमध्ये; क्रोधं च चक्रे सुभृशं तदानीम्
7297	6092001a	स तु तेन तदा क्रोधात्काकुत्स्थेनार्दितो रणे
7298	6092001c	रावणः समरश्लाघी महाक्रोधमुपागमत्
7299	6092002a	स दीप्तनयनो रोषाच्चापमायम्य वीर्यवान्
7300	6092002c	अभ्यर्दयत्सुसंक्रुद्धो राघवं परमाहवे
7301	6092003a	बाणधारासहस्रैस्तु स तोयद इवाम्बरात्
7302	6092003c	राघवं रावणो बाणैस्तटाकमिव पूरयत्
7303	6092004a	पूरितः शरजालेन धनुर्मुक्तेन संयुगे
7304	6092004c	महागिरिरिवाकम्प्यः काकुस्थो न प्रकम्पते
7305	6092005a	स शरैः शरजालानि वारयन्समरे स्थितः
7306	6092005c	गभस्तीनिव सूर्यस्य प्रतिजग्राह वीर्यवान्
7307	6092006a	ततः शरसहस्राणि क्षिप्रहस्तो निशाचरः
7308	6092006c	निजघानोरसि क्रुद्धो राघवस्य महात्मनः
7309	6092007a	स शोणितसमादिग्धः समरे लक्ष्मणाग्रजः
7310	6092007c	दृष्टः फुल्ल इवारण्ये सुमहान्किंशुकद्रुमः
7311	6092008a	शराभिघातसंरब्धः सोऽपि जग्राह सायकान्
7312	6092008c	काकुत्स्थः सुमहातेजा युगान्तादित्यवर्चसः
7313	6092009a	ततोऽन्योन्यं सुसंरब्धावुभौ तौ रामरावणौ
7314	6092009c	शरान्धकारे समरे नोपालक्षयतां तदा
7315	6092010a	ततः क्रोधसमाविष्टो रामो दशरथात्मजः
7316	6092010c	उवाच रावणं वीरः प्रहस्य परुषं वचः
7317	6092011a	मम भार्या जनस्थानादज्ञानाद्राक्षसाधम
7318	6092011c	हृता ते विवशा यस्मात्तस्मात्त्वं नासि वीर्यवान्
7319	6092012a	मया विरहितां दीनां वर्तमानां महावने
7320	6092012c	वैदेहीं प्रसभं हृत्वा शूरोऽहमिति मन्यसे
7321	6092013a	स्त्रीषु शूर विनाथासु परदाराभिमर्शके
7322	6092013c	कृत्वा कापुरुषं कर्म शूरोऽहमिति मन्यसे
7323	6092014a	भिन्नमर्याद निर्लज्ज चारित्रेष्वनवस्थित
7324	6092014c	दर्पान्मृत्युमुपादाय शूरोऽहमिति मन्यसे
7325	6092015a	शूरेण धनदभ्रात्रा बलैः समुदितेन च
7326	6092015c	श्लाघनीयं यशस्यं च कृतं कर्म महत्त्वया
7327	6092016a	उत्सेकेनाभिपन्नस्य गर्हितस्याहितस्य च
7328	6092016c	कर्मणः प्राप्नुहीदानीं तस्याद्य सुमहत्फलम्
7329	6092017a	शूरोऽहमिति चात्मानमवगच्छसि दुर्मते
7330	6092017c	नैव लज्जास्ति ते सीतां चोरवद्व्यपकर्षतः
7331	6092018a	यदि मत्संनिधौ सीता धर्षिता स्यात्त्वया बलात्
7332	6092018c	भ्रातरं तु खरं पश्येस्तदा मत्सायकैर्हतः
7333	6092019a	दिष्ट्यासि मम दुष्टात्मंश्चक्षुर्विषयमागतः
7334	6092019c	अद्य त्वां सायकैस्तीक्ष्णैर्नयामि यमसादनम्
7335	6092020a	अद्य ते मच्छरैश्छिन्नं शिरो ज्वलितकुण्डलम्
7336	6092020c	क्रव्यादा व्यपकर्षन्तु विकीर्णं रणपांसुषु
7337	6092021a	निपत्योरसि गृध्रास्ते क्षितौ क्षिप्तस्य रावण
7338	6092021c	पिबन्तु रुधिरं तर्षाद्बाणशल्यान्तरोथितम्
7339	6092022a	अद्य मद्बाणाभिन्नस्य गतासोः पतितस्य ते
7340	6092022c	कर्षन्त्वन्त्राणि पतगा गरुत्मन्त इवोरगान्
7341	6092023a	इत्येवं स वदन्वीरो रामः शत्रुनिबर्हणः
7342	6092023c	राक्षसेन्द्रं समीपस्थं शरवर्षैरवाकिरत्
7343	6092024a	बभूव द्विगुणं वीर्यं बलं हर्षश्च संयुगे
7344	6092024c	रामस्यास्त्रबलं चैव शत्रोर्निधनकाङ्क्षिणः
7345	6092025a	प्रादुर्बभूवुरस्त्राणि सर्वाणि विदितात्मनः
7346	6092025c	प्रहर्षाच्च महातेजाः शीघ्रहस्ततरोऽभवत्
7347	6092026a	शुभान्येतानि चिह्नानि विज्ञायात्मगतानि सः
7348	6092026c	भूय एवार्दयद्रामो रावणं राक्षसान्तकृत्
7349	6092027a	हरीणां चाश्मनिकरैः शरवर्षैश्च राघवात्
7350	6092027c	हन्यमानो दशग्रीवो विघूर्णहृदयोऽभवत्
7351	6092028a	यदा च शस्त्रं नारेभे न व्यकर्षच्छरासनम्
7352	6092028c	नास्य प्रत्यकरोद्वीर्यं विक्लवेनान्तरात्मना
7353	6092029a	क्षिप्ताश्चापि शरास्तेन शस्त्राणि विविधानि च
7354	6092029c	न रणार्थाय वर्तन्ते मृत्युकालेऽभिवर्ततः
7355	6092030a	सूतस्तु रथनेतास्य तदवस्थं निरीक्ष्य तम्
7356	6092030c	शनैर्युद्धादसंभान्तो रथं तस्यापवाहयत्
7357	6093001a	स तु मोहात्सुसंक्रुद्धः कृतान्तबलचोदितः
7358	6093001c	क्रोधसंरक्तनयनो रावणो सूतमब्रवीत्
7359	6093002a	हीनवीर्यमिवाशक्तं पौरुषेण विवर्जितम्
7360	6093002c	भीरुं लघुमिवासत्त्वं विहीनमिव तेजसा
7361	6093003a	विमुक्तमिव मायाभिरस्त्रैरिव बहिष्कृतम्
7362	6093003c	मामवज्ञाय दुर्बुद्धे स्वया बुद्ध्या विचेष्टसे
7363	6093004a	किमर्थं मामवज्ञाय मच्छन्दमनवेक्ष्य च
7364	6093004c	त्वया शत्रुसमक्षं मे रथोऽयमपवाहितः
7365	6093005a	त्वयाद्य हि ममानार्य चिरकालसमार्जितम्
7366	6093005c	यशो वीर्यं च तेजश्च प्रत्ययश्च विनाशितः
7367	6093006a	शत्रोः प्रख्यातवीर्यस्य रञ्जनीयस्य विक्रमैः
7368	6093006c	पश्यतो युद्धलुब्धोऽहं कृतः कापुरुषस्त्वया
7369	6093007a	यस्त्वं रथमिमं मोहान्न चोद्वहसि दुर्मते
7370	6093007c	सत्योऽयं प्रतितर्को मे परेण त्वमुपस्कृतः
7371	6093008a	न हीदं विद्यते कर्म सुहृदो हितकाङ्क्षिणः
7372	6093008c	रिपूणां सदृशं चैतन्न त्वयैतत्स्वनुष्ठितम्
7373	6093009a	निवर्तय रथं शीघ्रं यावन्नापैति मे रिपुः
7374	6093009c	यदि वाप्युषितोऽसि त्वं स्मर्यन्ते यदि वा गुणाः
7375	6093010a	एवं परुषमुक्तस्तु हितबुद्धिरबुद्धिना
7376	6093010c	अब्रवीद्रावणं सूतो हितं सानुनयं वचः
7377	6093011a	न भीतोऽस्मि न मूढोऽस्मि नोपजप्तोऽस्मि शत्रुभिः
7378	6093011c	न प्रमत्तो न निःस्नेहो विस्मृता न च सत्क्रिया
7379	6093012a	मया तु हितकामेन यशश्च परिरक्षता
7380	6093012c	स्नेहप्रस्कन्नमनसा प्रियमित्यप्रियं कृतम्
7381	6093013a	नास्मिन्नर्थे महाराज त्वं मां प्रियहिते रतम्
7382	6093013c	कश्चिल्लघुरिवानार्यो दोषतो गन्तुमर्हसि
7383	6093014a	श्रूयतामभिधास्यामि यन्निमित्तं मया रथः
7384	6093014c	नदीवेग इवाम्भोभिः संयुगे विनिवर्तितः
7385	6093015a	श्रमं तवावगच्छामि महता रणकर्मणा
7386	6093015c	न हि ते वीर सौमुख्यं प्रहर्षं वोपधारये
7387	6093016a	रथोद्वहनखिन्नाश्च त इमे रथवाजिनः
7388	6093016c	दीना घर्मपरिश्रान्ता गावो वर्षहता इव
7389	6093017a	निमित्तानि च भूयिष्ठं यानि प्रादुर्भवन्ति नः
7390	6093017c	तेषु तेष्वभिपन्नेषु लक्षयाम्यप्रदक्षिणम्
7391	6093018a	देशकालौ च विज्ञेयौ लक्षणानीङ्गितानि च
7392	6093018c	दैन्यं हर्षश्च खेदश्च रथिनश्च बलाबलम्
7393	6093019a	स्थलनिम्नानि भूमेश्च समानि विषमाणि च
7394	6093019c	युद्धकालश्च विज्ञेयः परस्यान्तरदर्शनम्
7395	6093020a	उपयानापयाने च स्थानं प्रत्यपसर्पणम्
7396	6093020c	सर्वमेतद्रथस्थेन ज्ञेयं रथकुटुम्बिना
7397	6093021a	तव विश्रामहेतोस्तु तथैषां रथवाजिनाम्
7398	6093021c	रौद्रं वर्जयता खेदं क्षमं कृतमिदं मया
7399	6093022a	न मया स्वेच्छया वीर रथोऽयमपवाहितः
7400	6093022c	भर्तृस्नेहपरीतेन मयेदं यत्कृतं विभो
7401	6093023a	आज्ञापय यथातत्त्वं वक्ष्यस्यरिनिषूदन
7402	6093023c	तत्करिष्याम्यहं वीरं गतानृण्येन चेतसा
7403	6093024a	संतुष्टस्तेन वाक्येन रावणस्तस्य सारथेः
7404	6093024c	प्रशस्यैनं बहुविधं युद्धलुब्धोऽब्रवीदिदम्
7405	6093025a	रथं शीघ्रमिमं सूत राघवाभिमुखं कुरु
7406	6093025c	नाहत्वा समरे शत्रून्निवर्तिष्यति रावणः
7407	6093026a	एवमुक्त्वा ततस्तुष्टो रावणो राक्षसेश्वरः
7408	6093026c	ददौ तस्य शुभं ह्येकं हस्ताभरणमुत्तमम्
7409	6093027a	ततो द्रुतं रावणवाक्यचोदितः; प्रचोदयामास हयान्स सारथिः
7410	6093027c	स राक्षसेन्द्रस्य ततो महारथः; क्षणेन रामस्य रणाग्रतोऽभवत्
7411	6094001a	तमापतन्तं सहसा स्वनवन्तं महाध्वजम्
7412	6094001c	रथं राक्षसराजस्य नरराजो ददर्श ह
7413	6094002a	कृष्णवाजिसमायुक्तं युक्तं रौद्रेण वर्चसा
7414	6094002c	तडित्पताकागहनं दर्शितेन्द्रायुधायुधम्
7415	6094002e	शरधारा विमुञ्चन्तं धारासारमिवान्बुदम्
7416	6094003a	तं दृष्ट्वा मेघसंकाशमापतन्तं रथं रिपोः
7417	6094003c	गिरेर्वज्राभिमृष्टस्य दीर्यतः सदृशस्वनम्
7418	6094003e	उवाच मातलिं रामः सहस्राक्षस्य सारथिम्
7419	6094004a	मातले पश्य संरब्धमापतन्तं रथं रिपोः
7420	6094004c	यथापसव्यं पतता वेगेन महता पुनः
7421	6094004e	समरे हन्तुमात्मानं तथानेन कृता मतिः
7422	6094005a	तदप्रमादमातिष्ठ प्रत्युद्गच्छ रथं रिपोः
7423	6094005c	विध्वंसयितुमिच्छामि वायुर्मेघमिवोत्थितम्
7424	6094006a	अविक्लवमसंभ्रान्तमव्यग्रहृदयेक्षणम्
7425	6094006c	रश्मिसंचारनियतं प्रचोदय रथं द्रुतम्
7426	6094007a	कामं न त्वं समाधेयः पुरंदररथोचितः
7427	6094007c	युयुत्सुरहमेकाग्रः स्मारये त्वां न शिक्षये
7428	6094008a	परितुष्टः स रामस्य तेन वाक्येन मातलिः
7429	6094008c	प्रचोदयामास रथं सुरसारथिसत्तमः
7430	6094009a	अपसव्यं ततः कुर्वन्रावणस्य महारथम्
7431	6094009c	चक्रोत्क्षिप्तेन रजसा रावणं व्यवधूनयत्
7432	6094010a	ततः क्रुद्धो दशग्रीवस्ताम्रविस्फारितेक्षणः
7433	6094010c	रथप्रतिमुखं रामं सायकैरवधूनयत्
7434	6094011a	धर्षणामर्षितो रामो धैर्यं रोषेण लङ्घयन्
7435	6094011c	जग्राह सुमहावेगमैन्द्रं युधि शरासनम्
7436	6094011e	शरांश्च सुमहातेजाः सूर्यरश्मिसमप्रभान्
7437	6094012a	तदुपोढं महद्युद्धमन्योन्यवधकाङ्क्षिणोः
7438	6094012c	परस्पराभिमुखयोर्दृप्तयोरिव सिंहयोः
7439	6094013a	ततो देवाः सगन्धर्वाः सिद्धाश्च परमर्षयः
7440	6094013c	समीयुर्द्वैरथं द्रष्टुं रावणक्षयकाङ्क्षिणः
7441	6094014a	समुत्पेतुरथोत्पाता दारुणा लोमहर्षणाः
7442	6094014c	रावणस्य विनाशाय राघवस्य जयाय च
7443	6094015a	ववर्ष रुधिरं देवो रावणस्य रथोपरि
7444	6094015c	वाता मण्डलिनस्तीव्रा अपसव्यं प्रचक्रमुः
7445	6094016a	महद्गृध्रकुलं चास्य भ्रममाणं नभस्तले
7446	6094016c	येन येन रथो याति तेन तेन प्रधावति
7447	6094017a	संध्यया चावृता लङ्का जपापुष्पनिकाशया
7448	6094017c	दृश्यते संप्रदीतेव दिवसेऽपि वसुंधरा
7449	6094018a	सनिर्घाता महोल्काश्च संप्रचेतुर्महास्वनाः
7450	6094018c	विषादयन्त्यो रक्षांसि रावणस्य तदाहिताः
7451	6094019a	रावणश्च यतस्तत्र प्रचचाल वसुंधरा
7452	6094019c	रक्षसां च प्रहरतां गृहीता इव बाहवः
7453	6094020a	ताम्राः पीताः सिताः श्वेताः पतिताः सूर्यरश्मयः
7454	6094020c	दृश्यन्ते रावणस्याङ्गे पर्वतस्येव धातवः
7455	6094021a	गृध्रैरनुगताश्चास्य वमन्त्यो ज्वलनं मुखैः
7456	6094021c	प्रणेदुर्मुखमीक्षन्त्यः संरब्धमशिवं शिवाः
7457	6094022a	प्रतिकूलं ववौ वायू रणे पांसून्समुत्किरन्
7458	6094022c	तस्य राक्षसराजस्य कुर्वन्दृष्टिविलोपनम्
7459	6094023a	निपेतुरिन्द्राशनयः सैन्ये चास्य समन्ततः
7460	6094023c	दुर्विषह्य स्वना घोरा विना जलधरस्वनम्
7461	6094024a	दिशश्च प्रदिशः सर्वा बभूवुस्तिमिरावृताः
7462	6094024c	पांसुवर्षेण महता दुर्दर्शं च नभोऽभवत्
7463	6094025a	कुर्वन्त्यः कलहं घोरं सारिकास्तद्रथं प्रति
7464	6094025c	निपेतुः शतशस्तत्र दारुणा दारुणस्वनाः
7465	6094026a	जघनेभ्यः स्फुलिङ्गांश्च नेत्रेभ्योऽश्रूणि संततम्
7466	6094026c	मुमुचुस्तस्य तुरगास्तुल्यमग्निं च वारि च
7467	6094027a	एवं प्रकारा बहवः समुत्पाता भयावहाः
7468	6094027c	रावणस्य विनाशाय दारुणाः संप्रजज्ञिरे
7469	6094028a	रामस्यापि निमित्तानि सौम्यानि च शिवानि च
7470	6094028c	बभूवुर्जयशंसीनि प्रादुर्भूतानि सर्वशः
7471	6094029a	ततो निरीक्ष्यात्मगतानि राघवो; रणे निमित्तानि निमित्तकोविदः
7472	6094029c	जगाम हर्षं च परां च निर्वृतिं; चकार युद्धेऽभ्यधिकं च विक्रमम्
7473	6095001a	ततः प्रवृत्तं सुक्रूरं रामरावणयोस्तदा
7474	6095001c	सुमहद्द्वैरथं युद्धं सर्वलोकभयावहम्
7475	6095002a	ततो राक्षससैन्यं च हरीणां च महद्बलम्
7476	6095002c	प्रगृहीतप्रहरणं निश्चेष्टं समतिष्ठत
7477	6095003a	संप्रयुद्धौ ततो दृष्ट्वा बलवन्नरराक्षसौ
7478	6095003c	व्याक्षिप्तहृदयाः सर्वे परं विस्मयमागताः
7479	6095004a	नानाप्रहरणैर्व्यग्रैर्भुजैर्विस्मितबुद्धयः
7480	6095004c	तस्थुः प्रेक्ष्य च संग्रामं नाभिजघ्नुः परस्परम्
7481	6095005a	रक्षसां रावणं चापि वानराणां च राघवम्
7482	6095005c	पश्यतां विस्मिताक्षाणां सैन्यं चित्रमिवाबभौ
7483	6095006a	तौ तु तत्र निमित्तानि दृष्ट्वा राघवरावणौ
7484	6095006c	कृतबुद्धी स्थिरामर्षौ युयुधाते अभीतवत्
7485	6095007a	जेतव्यमिति काकुत्स्थो मर्तव्यमिति रावणः
7486	6095007c	धृतौ स्ववीर्यसर्वस्वं युद्धेऽदर्शयतां तदा
7487	6095008a	ततः क्रोधाद्दशग्रीवः शरान्संधाय वीर्यवान्
7488	6095008c	मुमोच ध्वजमुद्दिश्य राघवस्य रथे स्थितम्
7489	6095009a	ते शरास्तमनासाद्य पुरंदररथध्वजम्
7490	6095009c	रक्तशक्तिं परामृश्य निपेतुर्धरणीतले
7491	6095010a	ततो रामोऽभिसंक्रुद्धश्चापमायम्य वीर्यवान्
7492	6095010c	कृतप्रतिकृतं कर्तुं मनसा संप्रचक्रमे
7493	6095011a	रावणध्वजमुद्दिश्य मुमोच निशितं शरम्
7494	6095011c	महासर्पमिवासह्यं ज्वलन्तं स्वेन तेजसा
7495	6095012a	जगाम स महीं भित्त्वा दशग्रीवध्वजं शरः
7496	6095012c	स निकृत्तोऽपतद्भूमौ रावणस्य रथध्वजः
7497	6095013a	ध्वजस्योन्मथनं दृष्ट्वा रावणः सुमहाबलः
7498	6095013c	क्रोधजेनाग्निना संख्ये प्रदीप्त इव चाभवत्
7499	6095014a	स रोषवशमापन्नः शरवर्षं महद्वमन्
7500	6095014c	रामस्य तुरगान्दिव्याञ्शरैर्विव्याध रावणः
7501	6095015a	ते विद्धा हरयस्तस्य नास्खलन्नापि बभ्रमुः
7502	6095015c	बभूवुः स्वस्थहृदयाः पद्मनालैरिवाहताः
7503	6095016a	तेषामसंभ्रमं दृष्ट्वा वाजिनां रावणस्तदा
7504	6095016c	भूय एव सुसंक्रुद्धः शरवर्षं मुमोच ह
7505	6095017a	गदाश्च परिघांश्चैव चक्राणि मुसलानि च
7506	6095017c	गिरिशृङ्गाणि वृक्षांश्च तथा शूलपरश्वधान्
7507	6095018a	मायाविहितमेतत्तु शस्त्रवर्षमपातयत्
7508	6095018c	सहस्रशस्ततो बाणानश्रान्तहृदयोद्यमः
7509	6095019a	तुमुलं त्रासजननं भीमं भीमप्रतिस्वनम्
7510	6095019c	दुर्धर्षमभवद्युद्धे नैकशस्त्रमयं महत्
7511	6095020a	विमुच्य राघवरथं समन्ताद्वानरे बले
7512	6095020c	सायकैरन्तरिक्षं च चकाराशु निरन्तरम्
7513	6095020e	मुमोच च दशग्रीवो निःसङ्गेनान्तरात्मना
7514	6095021a	व्यायच्छमानं तं दृष्ट्वा तत्परं रावणं रणे
7515	6095021c	प्रहसन्निव काकुत्स्थः संदधे सायकाञ्शितान्
7516	6095022a	स मुमोच ततो बाणान्रणे शतसहस्रशः
7517	6095022c	तान्दृष्ट्वा रावणश्चक्रे स्वशरैः खं निरन्तरम्
7518	6095023a	ततस्ताभ्यां प्रयुक्तेन शरवर्षेण भास्वता
7519	6095023c	शरबद्धमिवाभाति द्वितीयं भास्वदम्बरम्
7520	6095024a	नानिमित्तोऽभवद्बाणो नातिभेत्ता न निष्फलः
7521	6095024c	तथा विसृजतोर्बाणान्रामरावणयोर्मृधे
7522	6095025a	प्रायुध्येतामविच्छिन्नमस्यन्तौ सव्यदक्षिणम्
7523	6095025c	चक्रतुस्तौ शरौघैस्तु निरुच्छ्वासमिवाम्बरम्
7524	6095026a	रावणस्य हयान्रामो हयान्रामस्य रावणः
7525	6095026c	जघ्नतुस्तौ तदान्योन्यं कृतानुकृतकारिणौ
7526	6096001a	तौ तथा युध्यमानौ तु समरे रामरावणौ
7527	6096001c	ददृशुः सर्वभूतानि विस्मितेनान्तरात्मना
7528	6096002a	अर्दयन्तौ तु समरे तयोस्तौ स्यन्दनोत्तमौ
7529	6096002c	परस्परवधे युक्तौ घोररूपौ बभूवतुः
7530	6096003a	मण्डलानि च वीथीश्च गतप्रत्यागतानि च
7531	6096003c	दर्शयन्तौ बहुविधां सूतौ सारथ्यजां गतिम्
7532	6096004a	अर्दयन्रावणं रामो राघवं चापि रावणः
7533	6096004c	गतिवेगं समापन्नौ प्रवर्तन निवर्तने
7534	6096005a	क्षिपतोः शरजालानि तयोस्तौ स्यन्दनोत्तमौ
7535	6096005c	चेरतुः संयुगमहीं सासारौ जलदाविव
7536	6096006a	दर्शयित्वा तदा तौ तु गतिं बहुविधां रणे
7537	6096006c	परस्परस्याभिमुखौ पुनरेव च तस्थतुः
7538	6096007a	धुरं धुरेण रथयोर्वक्त्रं वक्त्रेण वाजिनाम्
7539	6096007c	पताकाश्च पताकाभिः समेयुः स्थितयोस्तदा
7540	6096008a	रावणस्य ततो रामो धनुर्मुक्तैः शितैः शरैः
7541	6096008c	चतुर्भिश्चतुरो दीप्तान्हयान्प्रत्यपसर्पयत्
7542	6096009a	स क्रोधवशमापन्नो हयानामपसर्पणे
7543	6096009c	मुमोच निशितान्बाणान्राघवाय निशाचरः
7544	6096010a	सोऽतिविद्धो बलवता दशग्रीवेण राघवः
7545	6096010c	जगाम न विकारं च न चापि व्यथितोऽभवत्
7546	6096011a	चिक्षेप च पुनर्बाणान्वज्रपातसमस्वनान्
7547	6096011c	सारथिं वज्रहस्तस्य समुद्दिश्य निशाचरः
7548	6096012a	मातलेस्तु महावेगाः शरीरे पतिताः शराः
7549	6096012c	न सूक्ष्ममपि संमोहं व्यथां वा प्रददुर्युधि
7550	6096013a	तया धर्षणया क्रोद्धो मातलेर्न तथात्मनः
7551	6096013c	चकार शरजालेन राघवो विमुखं रिपुम्
7552	6096014a	विंशतिं त्रिंशतं षष्टिं शतशोऽथ सहस्रशः
7553	6096014c	मुमोच राघवो वीरः सायकान्स्यन्दने रिपोः
7554	6096015a	गदानां मुसलानां च परिघाणां च निस्वनैः
7555	6096015c	शराणां पुङ्खवातैश्च क्षुभिताः सप्तसागराः
7556	6096016a	क्षुब्धानां सागराणां च पातालतलवासिनः
7557	6096016c	व्यथिताः पन्नगाः सर्वे दानवाश्च सहस्रशः
7558	6096017a	चकम्पे मेदिनी कृत्स्ना सशैलवनकानना
7559	6096017c	भास्करो निष्प्रभश्चाभून्न ववौ चापि मारुतः
7560	6096018a	ततो देवाः सगन्धर्वाः सिद्धाश्च परमर्षयः
7561	6096018c	चिन्तामापेदिरे सर्वे सकिंनरमहोरगाः
7562	6096019a	स्वस्ति गोब्राह्मणेभ्योऽस्तु लोकास्तिष्ठन्तु शाश्वताः
7563	6096019c	जयतां राघवः संख्ये रावणं राक्षसेश्वरम्
7564	6096020a	ततः क्रुद्धो महाबाहू रघूणां कीर्तिवर्धनः
7565	6096020c	संधाय धनुषा रामः क्षुरमाशीविषोपमम्
7566	6096020e	रावणस्य शिरोऽच्छिन्दच्छ्रीमज्ज्वलितकुण्डलम्
7567	6096021a	तच्छिरः पतितं भूमौ दृष्टं लोकैस्त्रिभिस्तदा
7568	6096021c	तस्यैव सदृशं चान्यद्रावणस्योत्थितं शिरः
7569	6096022a	तत्क्षिप्रं क्षिप्रहस्तेन रामेण क्षिप्रकारिणा
7570	6096022c	द्वितीयं रावणशिरश्छिन्नं संयति सायकैः
7571	6096023a	छिन्नमात्रं च तच्छीर्षं पुनरन्यत्स्म दृश्यते
7572	6096023c	तदप्यशनिसंकाशैश्छिन्नं रामेण सायकैः
7573	6096024a	एवमेव शतं छिन्नं शिरसां तुल्यवर्चसाम्
7574	6096024c	न चैव रावणस्यान्तो दृश्यते जीवितक्षये
7575	6096025a	ततः सर्वास्त्रविद्वीरः कौसल्यानन्दिवर्धनः
7576	6096025c	मार्गणैर्बहुभिर्युक्तश्चिन्तयामास राघवः
7577	6096026a	मारीचो निहतो यैस्तु खरो यैस्तु सुदूषणः
7578	6096026c	क्रञ्चारण्ये विराधस्तु कबन्धो दण्डका वने
7579	6096027a	त इमे सायकाः सर्वे युद्धे प्रत्ययिका मम
7580	6096027c	किं नु तत्कारणं येन रावणे मन्दतेजसः
7581	6096028a	इति चिन्तापरश्चासीदप्रमत्तश्च संयुगे
7582	6096028c	ववर्ष शरवर्षाणि राघवो रावणोरसि
7583	6096029a	रावणोऽपि ततः क्रुद्धो रथस्थो राक्षसेश्वरः
7584	6096029c	गदामुसलवर्षेण रामं प्रत्यर्दयद्रणे
7585	6096030a	देवदानवयक्षाणां पिशाचोरगरक्षसाम्
7586	6096030c	पश्यतां तन्महद्युद्धं सर्वरात्रमवर्तत
7587	6096031a	नैव रत्रिं न दिवसं न मुहूर्तं न चक्षणम्
7588	6096031c	रामरावणयोर्युद्धं विराममुपगच्छति
7589	6097001a	अथ संस्मारयामास राघवं मातलिस्तदा
7590	6097001c	अजानन्निव किं वीर त्वमेनमनुवर्तसे
7591	6097002a	विसृजास्मै वधाय त्वमस्त्रं पैतामहं प्रभो
7592	6097002c	विनाशकालः कथितो यः सुरैः सोऽद्य वर्तते
7593	6097003a	ततः संस्मारितो रामस्तेन वाक्येन मातलेः
7594	6097003c	जग्राह स शरं दीप्तं निश्वसन्तमिवोरगम्
7595	6097004a	यमस्मै प्रथमं प्रादादगस्त्यो भगवानृषिः
7596	6097004c	ब्रह्मदत्तं महद्बाणममोघं युधि वीर्यवान्
7597	6097005a	ब्रह्मणा निर्मितं पूर्वमिन्द्रार्थममितौजसा
7598	6097005c	दत्तं सुरपतेः पूर्वं त्रिलोकजयकाङ्क्षिणः
7599	6097006a	यस्य वाजेषु पवनः फले पावकभास्करौ
7600	6097006c	शरीरमाकाशमयं गौरवे मेरुमन्दरौ
7601	6097007a	जाज्वल्यमानं वपुषा सुपुङ्खं हेमभूषितम्
7602	6097007c	तेजसा सर्वभूतानां कृतं भास्करवर्चसं
7603	6097008a	सधूममिव कालाग्निं दीप्तमाशीविषं यथा
7604	6097008c	रथनागाश्ववृन्दानां भेदनं क्षिप्रकारिणम्
7605	6097009a	द्वाराणां परिघाणां च गिरीणामपि भेदनम्
7606	6097009c	नानारुधिरसिक्ताङ्गं मेदोदिग्धं सुदारुणम्
7607	6097010a	वज्रसारं महानादं नानासमितिदारुणम्
7608	6097010c	सर्ववित्रासनं भीमं श्वसन्तमिव पन्नगम्
7609	6097011a	कङ्कगृध्रबलानां च गोमायुगणरक्षसाम्
7610	6097011c	नित्यं भक्षप्रदं युद्धे यमरूपं भयावहम्
7611	6097012a	नन्दनं वानरेन्द्राणां रक्षसामवसादनम्
7612	6097012c	वाजितं विविधैर्वाजैश्चारुचित्रैर्गरुत्मतः
7613	6097013a	तमुत्तमेषुं लोकानामिक्ष्वाकुभयनाशनम्
7614	6097013c	द्विषतां कीर्तिहरणं प्रहर्षकरमात्मनः
7615	6097014a	अभिमन्त्र्य ततो रामस्तं महेषुं महाबलः
7616	6097014c	वेदप्रोक्तेन विधिना संदधे कार्मुके बली
7617	6097015a	स रावणाय संक्रुद्धो भृशमायम्य कार्मुकम्
7618	6097015c	चिक्षेप परमायत्तस्तं शरं मर्मघातिनम्
7619	6097016a	स वज्र इव दुर्धर्षो वज्रबाहुविसर्जितः
7620	6097016c	कृतान्त इव चावार्यो न्यपतद्रावणोरसि
7621	6097017a	स विसृष्टो महावेगः शरीरान्तकरः शरः
7622	6097017c	बिभेद हृदयं तस्य रावणस्य दुरात्मनः
7623	6097018a	रुधिराक्तः स वेगेन जीवितान्तकरः शरः
7624	6097018c	रावणस्य हरन्प्राणान्विवेश धरणीतलम्
7625	6097019a	स शरो रावणं हत्वा रुधिरार्द्रकृतच्छविः
7626	6097019c	कृतकर्मा निभृतवत्स्वतूणीं पुनराविशत्
7627	6097020a	तस्य हस्ताद्धतस्याशु कार्मुकं तत्ससायकम्
7628	6097020c	निपपात सह प्राणैर्भ्रश्यमानस्य जीवितात्
7629	6097021a	गतासुर्भीमवेगस्तु नैरृतेन्द्रो महाद्युतिः
7630	6097021c	पपात स्यन्दनाद्भूमौ वृत्रो वज्रहतो यथा
7631	6097022a	तं दृष्ट्वा पतितं भूमौ हतशेषा निशाचराः
7632	6097022c	हतनाथा भयत्रस्ताः सर्वतः संप्रदुद्रुवुः
7633	6097023a	नर्दन्तश्चाभिपेतुस्तान्वानरा द्रुमयोधिनः
7634	6097023c	दशग्रीववधं दृष्ट्वा विजयं राघवस्य च
7635	6097024a	अर्दिता वानरैर्हृष्टैर्लङ्कामभ्यपतन्भयात्
7636	6097024c	हताश्रयत्वात्करुणैर्बाष्पप्रस्रवणैर्मुखैः
7637	6097025a	ततो विनेदुः संहृष्टा वानरा जितकाशिनः
7638	6097025c	वदन्तो राघवजयं रावणस्य च तं वधम्
7639	6097026a	अथान्तरिक्षे व्यनदत्सौम्यस्त्रिदशदुन्दुभिः
7640	6097026c	दिव्यगन्धवहस्तत्र मारुतः सुसुखो ववौ
7641	6097027a	निपपातान्तरिक्षाच्च पुष्पवृष्टिस्तदा भुवि
7642	6097027c	किरन्ती राघवरथं दुरवापा मनोहराः
7643	6097028a	राघवस्तवसंयुक्ता गगने च विशुश्रुवे
7644	6097028c	साधु साध्विति वागग्र्या देवतानां महात्मनाम्
7645	6097029a	आविवेश महान्हर्षो देवानां चारणैः सह
7646	6097029c	रावणे निहते रौद्रे सर्वलोकभयंकरे
7647	6097030a	ततः सकामं सुग्रीवमङ्गदं च महाबलम्
7648	6097030c	चकार राघवः प्रीतो हत्वा राक्षसपुंगवम्
7649	6097031a	ततः प्रजग्मुः प्रशमं मरुद्गणा; दिशः प्रसेदुर्विमलं नभोऽभवत्
7650	6097031c	मही चकम्पे न च मारुता ववुः; स्थिरप्रभश्चाप्यभवद्दिवाकरः
7651	6097032a	ततस्तु सुग्रीवविभीषणादयः; सुहृद्विशेषाः सहलक्ष्मणास्तदा
7652	6097032c	समेत्य हृष्टा विजयेन राघवं; रणेऽभिरामं विधिनाभ्यपूजयन्
7653	6097033a	स तु निहतरिपुः स्थिरप्रतिज्ञः; स्वजनबलाभिवृतो रणे रराज
7654	6097033c	रघुकुलनृपनन्दनो महौजा;स्त्रिदशगणैरभिसंवृतो यथेन्द्रः
7655	6098001a	रावणं निहतं श्रुत्वा राघवेण महात्मना
7656	6098001c	अन्तःपुराद्विनिष्पेतू राक्षस्यः शोककर्शिताः
7657	6098002a	वार्यमाणाः सुबहुशो वृष्टन्त्यः क्षितिपांसुषु
7658	6098002c	विमुक्तकेश्यो दुःखार्ता गावो वत्सहता यथा
7659	6098003a	उत्तरेण विनिष्क्रम्य द्वारेण सह राक्षसैः
7660	6098003c	प्रविश्यायोधनं घोरं विचिन्वन्त्यो हतं पतिम्
7661	6098004a	आर्यपुत्रेति वादिन्यो हा नाथेति च सर्वशः
7662	6098004c	परिपेतुः कबन्धाङ्कां महीं शोणितकर्दमाम्
7663	6098005a	ता बाष्पपरिपूर्णाक्ष्यो भर्तृशोकपराजिताः
7664	6098005c	करेण्व इव नर्दन्त्यो विनेदुर्हतयूथपाः
7665	6098006a	ददृशुस्ता महाकायं महावीर्यं महाद्युतिम्
7666	6098006c	रावणं निहतं भूमौ नीलाञ्जनचयोपमम्
7667	6098007a	ताः पतिं सहसा दृष्ट्वा शयानं रणपांसुषु
7668	6098007c	निपेतुस्तस्य गात्रेषु छिन्ना वनलता इव
7669	6098008a	बहुमानात्परिष्वज्य काचिदेनं रुरोद ह
7670	6098008c	चरणौ काचिदालिङ्ग्य काचित्कण्ठेऽवलम्ब्य च
7671	6098009a	उद्धृत्य च भुजौ काचिद्भूमौ स्म परिवर्तते
7672	6098009c	हतस्य वदनं दृष्ट्वा काचिन्मोहमुपागमत्
7673	6098010a	काचिदङ्के शिरः कृत्वा रुरोद मुखमीक्षती
7674	6098010c	स्नापयन्ती मुखं बाष्पैस्तुषारैरिव पङ्कजम्
7675	6098011a	एवमार्ताः पतिं दृष्ट्वा रावणं निहतं भुवि
7676	6098011c	चुक्रुशुर्बहुधा शोकाद्भूयस्ताः पर्यदेवयन्
7677	6098012a	येन वित्रासितः शक्रो येन वित्रासितो यमः
7678	6098012c	येन वैश्रवणो राजा पुष्पकेण वियोजितः
7679	6098013a	गन्धर्वाणामृषीणां च सुराणां च महात्मनाम्
7680	6098013c	भयं येन महद्दत्तं सोऽयं शेते रणे हतः
7681	6098014a	असुरेभ्यः सुरेभ्यो वा पन्नगेभ्योऽपि वा तथा
7682	6098014c	न भयं यो विजानाति तस्येदं मानुषाद्भयम्
7683	6098015a	अवध्यो देवतानां यस्तथा दानवरक्षसाम्
7684	6098015c	हतः सोऽयं रणे शेते मानुषेण पदातिना
7685	6098016a	यो न शक्यः सुरैर्हन्तुं न यक्षैर्नासुरैस्तथा
7686	6098016c	सोऽयं कश्चिदिवासत्त्वो मृत्युं मर्त्येन लम्भितः
7687	6098017a	एवं वदन्त्यो बहुधा रुरुदुस्तस्य ताः स्त्रियः
7688	6098017c	भूय एव च दुःखार्ता विलेपुश्च पुनः पुनः
7689	6098018a	अशृण्वता तु सुहृदां सततं हितवादिनाम्
7690	6098018c	एताः सममिदानीं ते वयमात्मा च पातिताः
7691	6098019a	ब्रुवाणोऽपि हितं वाक्यमिष्टो भ्राता विभीषणः
7692	6098019c	धृष्टं परुषितो मोहात्त्वयात्मवधकाङ्क्षिणा
7693	6098020a	यदि निर्यातिता ते स्यात्सीता रामाय मैथिली
7694	6098020c	न नः स्याद्व्यसनं घोरमिदं मूलहरं महत्
7695	6098021a	वृत्तकामो भवेद्भ्राता रामो मित्रकुलं भवेत्
7696	6098021c	वयं चाविधवाः सर्वाः सकामा न च शत्रवः
7697	6098022a	त्वया पुनर्नृशंसेन सीतां संरुन्धता बलात्
7698	6098022c	राक्षसा वयमात्मा च त्रयं तुलं निपातितम्
7699	6098023a	न कामकारः कामं वा तव राक्षसपुंगव
7700	6098023c	दैवं चेष्टयते सर्वं हतं दैवेन हन्यते
7701	6098024a	वानराणां विनाशोऽयं राक्षसानां च ते रणे
7702	6098024c	तव चैव महाबाहो दैवयोगादुपागतः
7703	6098025a	नैवार्थेन न कामेन विक्रमेण न चाज्ञया
7704	6098025c	शक्या दैवगतिर्लोके निवर्तयितुमुद्यता
7705	6098026a	विलेपुरेवं दीनास्ता राक्षसाधिपयोषितः
7706	6098026c	कुरर्य इव दुःखार्ता बाष्पपर्याकुलेक्षणाः
7707	6099001a	तासां विलपमानानां तथा राक्षसयोषिताम्
7708	6099001c	ज्येष्ठा पत्नी प्रिया दीना भर्तारं समुदैक्षत
7709	6099002a	दशग्रीवं हतं दृष्ट्वा रामेणाचिन्त्यकर्मणा
7710	6099002c	पतिं मन्दोदरी तत्र कृपणा पर्यदेवयत्
7711	6099003a	ननु नाम महाबाहो तव वैश्रवणानुज
7712	6099003c	क्रुद्धस्य प्रमुखे स्थातुं त्रस्यत्यपि पुरंदरः
7713	6099004a	ऋषयश्च महीदेवा गन्धर्वाश्च यशस्विनः
7714	6099004c	ननु नाम तवोद्वेगाच्चारणाश्च दिशो गताः
7715	6099005a	स त्वं मानुषमात्रेण रामेण युधि निर्जितः
7716	6099005c	न व्यपत्रपसे राजन्किमिदं राक्षसर्षभ
7717	6099006a	कथं त्रैलोक्यमाक्रम्य श्रिया वीर्येण चान्वितम्
7718	6099006c	अविषह्यं जघान त्वां मानुषो वनगोचरः
7719	6099007a	मानुषाणामविषये चरतः कामरूपिणः
7720	6099007c	विनाशस्तव रामेण संयुगे नोपपद्यते
7721	6099008a	न चैतत्कर्म रामस्य श्रद्दधामि चमूमुखे
7722	6099008c	सर्वतः समुपेतस्य तव तेनाभिमर्शनम्
7723	6099009a	इन्द्रियाणि पुरा जित्वा जितं त्रिभुवणं त्वया
7724	6099009c	स्मरद्भिरिव तद्वैरमिन्द्रियैरेव निर्जितः
7725	6099010a	अथ वा रामरूपेण वासवः स्वयमागतः
7726	6099010c	मायां तव विनाशाय विधायाप्रतितर्किताम्
7727	6099011a	यदैव हि जनस्थाने राक्षसैर्बहुभिर्वृतः
7728	6099011c	खरस्तव हतो भ्राता तदैवासौ न मानुषः
7729	6099012a	यदैव नगरीं लङ्कां दुष्प्रवेषां सुरैरपि
7730	6099012c	प्रविष्टो हनुमान्वीर्यात्तदैव व्यथिता वयम्
7731	6099013a	क्रियतामविरोधश्च राघवेणेति यन्मया
7732	6099013c	उच्यमानो न गृह्णासि तस्येयं व्युष्टिरागता
7733	6099014a	अकस्माच्चाभिकामोऽसि सीतां राक्षसपुंगव
7734	6099014c	ऐश्वर्यस्य विनाशाय देहस्य स्वजनस्य च
7735	6099015a	अरुन्धत्या विशिष्टां तां रोहिण्याश्चापि दुर्मते
7736	6099015c	सीतां धर्षयता मान्यां त्वया ह्यसदृशं कृतम्
7737	6099016a	न कुलेन न रूपेण न दाक्षिण्येन मैथिली
7738	6099016c	मयाधिका वा तुल्या वा त्वं तु मोहान्न बुध्यसे
7739	6099017a	सर्वथा सर्वभूतानां नास्ति मृत्युरलक्षणः
7740	6099017c	तव तावदयं मृत्युर्मैथिलीकृतलक्षणः
7741	6099018a	मैथिली सह रामेण विशोका विहरिष्यति
7742	6099018c	अल्पपुण्या त्वहं घोरे पतिता शोकसागरे
7743	6099019a	कैलासे मन्दरे मेरौ तथा चैत्ररथे वने
7744	6099019c	देवोद्यानेषु सर्वेषु विहृत्य सहिता त्वया
7745	6099020a	विमानेनानुरूपेण या याम्यतुलया श्रिया
7746	6099020c	पश्यन्ती विविधान्देशांस्तांस्तांश्चित्रस्रगम्बरा
7747	6099020e	भ्रंशिता कामभोगेभ्यः सास्मि वीरवधात्तव
7748	6099021a	सत्यवाक्स महाभागो देवरो मे यदब्रवीत्
7749	6099021c	अयं राक्षसमुख्यानां विनाशः पर्युपस्थितः
7750	6099022a	कामक्रोधसमुत्थेन व्यसनेन प्रसङ्गिना
7751	6099022c	त्वया कृतमिदं सर्वमनाथं रक्षसां कुलम्
7752	6099023a	न हि त्वं शोचितव्यो मे प्रख्यातबलपौरुषः
7753	6099023c	स्त्रीस्वभावात्तु मे बुद्धिः कारुण्ये परिवर्तते
7754	6099024a	सुकृतं दुष्कृतं च त्वं गृहीत्वा स्वां गतिं गतः
7755	6099024c	आत्मानमनुशोचामि त्वद्वियोगेन दुःखिताम्
7756	6099025a	नीलजीमूतसंकाशः पीताम्बरशुभाङ्गदः
7757	6099025c	सर्वगात्राणि विक्षिप्य किं शेषे रुधिराप्लुतः
7758	6099025e	प्रसुप्त इव शोकार्तां किं मां न प्रतिभाषसे
7759	6099026a	महावीर्यस्य दक्षस्य संयुगेष्वपलायिनः
7760	6099026c	यातुधानस्य दौहित्रीं किं त्वं मां नाभ्युदीक्षसे
7761	6099027a	येन सूदयसे शत्रून्समरे सूर्यवर्चसा
7762	6099027c	वज्रो वज्रधरस्येव सोऽयं ते सततार्चितः
7763	6099028a	रणे शत्रुप्रहरणो हेमजालपरिष्कृतः
7764	6099028c	परिघो व्यवकीर्णस्ते बाणैश्छिन्नः सहस्रधा
7765	6099029a	धिगस्तु हृदयं यस्या ममेदं न सहस्रधा
7766	6099029c	त्वयि पञ्चत्वमापन्ने फलते शोकपीडितम्
7767	6099030a	एतस्मिन्नन्तरे रामो विभीषणमुवाच ह
7768	6099030c	संस्कारः क्रियतां भ्रातुः स्त्रियश्चैता निवर्तय
7769	6099031a	तं प्रश्रितस्ततो रामं श्रुतवाक्यो विभीषणः
7770	6099031c	विमृश्य बुद्ध्या धर्मज्ञो धर्मार्थसहितं वचः
7771	6099031e	रामस्यैवानुवृत्त्यर्थमुत्तरं प्रत्यभाषत
7772	6099032a	त्यक्तधर्मव्रतं क्रूरं नृशंसमनृतं तथा
7773	6099032c	नाहमर्होऽस्मि संस्कर्तुं परदाराभिमर्शकम्
7774	6099033a	भ्रातृरूपो हि मे शत्रुरेष सर्वाहिते रतः
7775	6099033c	रावणो नार्हते पूजां पूज्योऽपि गुरुगौरवात्
7776	6099034a	नृशंस इति मां राम वक्ष्यन्ति मनुजा भुवि
7777	6099034c	श्रुत्वा तस्य गुणान्सर्वे वक्ष्यन्ति सुकृतं पुनः
7778	6099035a	तच्छ्रुत्वा परमप्रीतो रामो धर्मभृतां वरः
7779	6099035c	विभीषणमुवाचेदं वाक्यज्ञो वाक्यकोविदम्
7780	6099036a	तवापि मे प्रियं कार्यं त्वत्प्रभवाच्च मे जितम्
7781	6099036c	अवश्यं तु क्षमं वाच्यो मया त्वं राक्षसेश्वर
7782	6099037a	अधर्मानृतसंयुक्तः काममेष निशाचरः
7783	6099037c	तेजस्वी बलवाञ्शूरः संग्रामेषु च नित्यशः
7784	6099038a	शतक्रतुमुखैर्देवैः श्रूयते न पराजितः
7785	6099038c	महात्मा बलसंपन्नो रावणो लोकरावणः
7786	6099039a	मरणान्तानि वैराणि निर्वृत्तं नः प्रयोजनम्
7787	6099039c	क्रियतामस्य संस्कारो ममाप्येष यथा तव
7788	6099040a	त्वत्सकाशान्महाबाहो संस्कारं विधिपूर्वकम्
7789	6099040c	क्षिप्रमर्हति धर्मज्ञ त्वं यशोभाग्भविष्यसि
7790	6099041a	राघवस्य वचः श्रुत्वा त्वरमाणो विभीषणः
7791	6099041c	संस्कारेणानुरूपेण योजयामास रावणम्
7792	6099042a	स ददौ पावकं तस्य विधियुक्तं विभीषणः
7793	6099042c	ताः स्त्रियोऽनुनयामास सान्त्वमुक्त्वा पुनः पुनः
7794	6099043a	प्रविष्टासु च सर्वासु राक्षसीषु विभीषणः
7795	6099043c	रामपार्श्वमुपागम्य तदातिष्ठद्विनीतवत्
7796	6099044a	रामोऽपि सह सैन्येन ससुग्रीवः सलक्ष्मणः
7797	6099044c	हर्षं लेभे रिपुं हत्वा यथा वृत्रं शतक्रतुः
7798	6100001a	ते रावणवधं दृष्ट्वा देवगन्धर्वदानवाः
7799	6100001c	जग्मुस्तैस्तैर्विमानैः स्वैः कथयन्तः शुभाः कथाः
7800	6100002a	रावणस्य वधं घोरं राघवस्य पराक्रमम्
7801	6100002c	सुयुद्धं वानराणां च सुग्रीवस्य च मन्त्रितम्
7802	6100003a	अनुरागं च वीर्यं च सौमित्रेर्लक्ष्मणस्य च
7803	6100003c	कथयन्तो महाभागा जग्मुर्हृष्टा यथागतम्
7804	6100004a	राघवस्तु रथं दिव्यमिन्द्रदत्तं शिखिप्रभम्
7805	6100004c	अनुज्ञाय महाभागो मातलिं प्रत्यपूजयत्
7806	6100005a	राघवेणाभ्यनुज्ञातो मातलिः शक्रसारथिः
7807	6100005c	दिव्यं तं रथमास्थाय दिवमेवारुरोह सः
7808	6100006a	तस्मिंस्तु दिवमारूढे सुरसारथिसत्तमे
7809	6100006c	राघवः परमप्रीतः सुग्रीवं परिषस्वजे
7810	6100007a	परिष्वज्य च सुग्रीवं लक्ष्मणेनाभिवादितः
7811	6100007c	पूज्यमानो हरिश्रेष्ठैराजगाम बलालयम्
7812	6100008a	अब्रवीच्च तदा रामः समीपपरिवर्तिनम्
7813	6100008c	सौमित्रिं सत्त्वसंपन्नं लक्ष्मणं दीप्ततेजसं
7814	6100009a	विभीषणमिमं सौम्य लङ्कायामभिषेचय
7815	6100009c	अनुरक्तं च भक्तं च मम चैवोपकारिणम्
7816	6100010a	एष मे परमः कामो यदिमं रावणानुजम्
7817	6100010c	लङ्कायां सौम्य पश्येयमभिषिक्तं विभीषणम्
7818	6100011a	एवमुक्तस्तु सौमित्री राघवेण महात्मना
7819	6100011c	तथेत्युक्त्वा तु संहृष्टः सौवर्णं घटमाददे
7820	6100012a	घटेन तेन सौमित्रिरभ्यषिञ्चद्विभीषणम्
7821	6100012c	लङ्कायां रक्षसां मध्ये राजानं रामशासनात्
7822	6100013a	अभ्यषिञ्चत्स धर्मात्मा शुद्धात्मानं विभीषणम्
7823	6100013c	तस्यामात्या जहृषिरे भक्ता ये चास्य राक्षसाः
7824	6100014a	दृष्ट्वाभिषिक्तं लङ्कायां राक्षसेन्द्रं विभीषणम्
7825	6100014c	राघवः परमां प्रीतिं जगाम सहलक्ष्मणः
7826	6100015a	स तद्राज्यं महत्प्राप्य रामदत्तं विभीषणः
7827	6100015c	प्रकृतीः सान्त्वयित्वा च ततो राममुपागमत्
7828	6100016a	अक्षतान्मोदकाँल्लाजान्दिव्याः सुमनसस्तथा
7829	6100016c	आजह्रुरथ संहृष्टाः पौरास्तस्मै निशाचराः
7830	6100017a	स तान्गृहीत्वा दुर्धर्षो राघवाय न्यवेदयत्
7831	6100017c	मङ्गल्यं मङ्गलं सर्वं लक्ष्मणाय च वीर्यवान्
7832	6100018a	कृतकार्यं समृद्धार्थं दृष्ट्वा रामो विभीषणम्
7833	6100018c	प्रतिजग्राह तत्सर्वं तस्यैव प्रियकाम्यया
7834	6100019a	ततः शैलोपमं वीरं प्राञ्जलिं पार्श्वतः स्थितम्
7835	6100019c	अब्रवीद्राघवो वाक्यं हनूमन्तं प्लवंगमम्
7836	6100020a	अनुमान्य महाराजमिमं सौम्य विभीषणम्
7837	6100020c	प्रविश्य रावणगृहं विनयेनोपसृत्य च
7838	6100021a	वैदेह्या मां कुशलिनं ससुग्रीवं सलक्ष्मणम्
7839	6100021c	आचक्ष्व जयतां श्रेष्ठ रावणं च मया हतम्
7840	6100022a	प्रियमेतदुदाहृत्य मैथिल्यास्त्वं हरीश्वर
7841	6100022c	प्रतिगृह्य च संदेशमुपावर्तितुमर्हसि
7842	6101001a	इति प्रतिसमादिष्टो हनूमान्मारुतात्मजः
7843	6101001c	प्रविवेश पुरीं लङ्कां पूज्यमानो निशाचरैः
7844	6101002a	प्रविश्य तु महातेजा रावणस्य निवेशनम्
7845	6101002c	ददर्श शशिना हीनां सातङ्कामिव रोहिणीम्
7846	6101003a	निभृतः प्रणतः प्रह्वः सोऽभिगम्याभिवाद्य च
7847	6101003c	रामस्य वचनं सर्वमाख्यातुमुपचक्रमे
7848	6101004a	वैदेहि कुशली रामः ससुग्रीवः सलक्ष्मणः
7849	6101004c	कुशलं चाह सिद्धार्थो हतशत्रुररिंदमः
7850	6101005a	विभीषणसहायेन रामेण हरिभिः सह
7851	6101005c	निहतो रावणो देवि लक्ष्मणस्य नयेन च
7852	6101006a	पृष्ट्वा च कुशलं रामो वीरस्त्वां रघुनन्दनः
7853	6101006c	अब्रवीत्परमप्रीतः कृतार्थेनान्तरात्मना
7854	6101007a	प्रियमाख्यामि ते देवि त्वां तु भूयः सभाजये
7855	6101007c	दिष्ट्या जीवसि धर्मज्ञे जयेन मम संयुगे
7856	6101008a	लब्धो नो विजयः सीते स्वस्था भव गतव्यथा
7857	6101008c	रावणः स हतः शत्रुर्लङ्का चेयं वशे स्थिता
7858	6101009a	मया ह्यलब्धनिद्रेण धृतेन तव निर्जये
7859	6101009c	प्रतिज्ञैषा विनिस्तीर्णा बद्ध्वा सेतुं महोदधौ
7860	6101010a	संभ्रमश्च न कर्तव्यो वर्तन्त्या रावणालये
7861	6101010c	विभीषणविधेयं हि लङ्कैश्वर्यमिदं कृतम्
7862	6101011a	तदाश्वसिहि विश्वस्ता स्वगृहे परिवर्तसे
7863	6101011c	अयं चाभ्येति संहृष्टस्त्वद्दर्शनसमुत्सुकः
7864	6101012a	एवमुक्ता समुत्पत्य सीता शशिनिभानना
7865	6101012c	प्रहर्षेणावरुद्धा सा व्याजहार न किंचन
7866	6101013a	अब्रवीच्च हरिश्रेष्ठः सीतामप्रतिजल्पतीम्
7867	6101013c	किं त्वं चिन्तयसे देवि किं च मां नाभिभाषसे
7868	6101014a	एवमुक्ता हनुमता सीता धर्मे व्यवस्थिता
7869	6101014c	अब्रवीत्परमप्रीता हर्षगद्गदया गिरा
7870	6101015a	प्रियमेतदुपश्रुत्य भर्तुर्विजयसंश्रितम्
7871	6101015c	प्रहर्षवशमापन्ना निर्वाक्यास्मि क्षणान्तरम्
7872	6101016a	न हि पश्यामि सदृशं चिन्तयन्ती प्लवंगम
7873	6101016c	मत्प्रियाख्यानकस्येह तव प्रत्यभिनन्दनम्
7874	6101017a	न च पश्यामि तत्सौम्य पृथिव्यामपि वानर
7875	6101017c	सदृशं मत्प्रियाख्याने तव दातुं भवेत्समम्
7876	6101018a	हिरण्यं वा सुवर्णं वा रत्नानि विविधानि च
7877	6101018c	राज्यं वा त्रिषु लोकेषु नैतदर्हति भाषितुम्
7878	6101019a	एवमुक्तस्तु वैदेह्या प्रत्युवाच प्लवंगमः
7879	6101019c	प्रगृहीताञ्जलिर्वाक्यं सीतायाः प्रमुखे स्थितः
7880	6101020a	भर्तुः प्रियहिते युक्ते भर्तुर्विजयकाङ्क्षिणि
7881	6101020c	स्निग्धमेवंविधं वाक्यं त्वमेवार्हसि भाषितुम्
7882	6101021a	तवैतद्वचनं सौम्ये सारवत्स्निग्धमेव च
7883	6101021c	रत्नौघाद्विविधाच्चापि देवराज्याद्विशिष्यते
7884	6101022a	अर्थतश्च मया प्राप्ता देवराज्यादयो गुणाः
7885	6101022c	हतशत्रुं विजयिनं रामं पश्यामि यत्स्थितम्
7886	6101023a	इमास्तु खलु राक्षस्यो यदि त्वमनुमन्यसे
7887	6101023c	हन्तुमिच्छाम्यहं सर्वा याभिस्त्वं तर्जिता पुरा
7888	6101024a	क्लिश्यन्तीं पतिदेवां त्वामशोकवनिकां गताम्
7889	6101024c	घोररूपसमाचाराः क्रूराः क्रूरतरेक्षणाः
7890	6101025a	राक्षस्यो दारुणकथा वरमेतं प्रयच्छ मे
7891	6101025c	इच्छामि विविधैर्घातैर्हन्तुमेताः सुदारुणाः
7892	6101026a	मुष्टिभिः पाणिभिश्चैव चरणैश्चैव शोभने
7893	6101026c	घोरैर्जानुप्रहारैश्च दशनानां च पातनैः
7894	6101027a	भक्षणैः कर्णनासानां केशानां लुञ्चनैस्तथा
7895	6101027c	भृशं शुष्कमुखीभिश्च दारुणैर्लङ्घनैर्हतैः
7896	6101028a	एवंप्रकारैर्बहुभिर्विप्रकारैर्यशस्विनि
7897	6101028c	हन्तुमिच्छाम्यहं देवि तवेमाः कृतकिल्बिषाः
7898	6101029a	एवमुक्ता महुमता वैदेही जनकात्मजा
7899	6101029c	उवाच धर्मसहितं हनूमन्तं यशस्विनी
7900	6101030a	राजसंश्रयवश्यानां कुर्वतीनां पराज्ञया
7901	6101030c	विधेयानां च दासीनां कः कुप्येद्वानरोत्तम
7902	6101031a	भाग्यवैषम्ययोगेन पुरा दुश्चरितेन च
7903	6101031c	मयैतत्प्राप्यते सर्वं स्वकृतं ह्युपभुज्यते
7904	6101032a	प्राप्तव्यं तु दशायोगान्मयैतदिति निश्चितम्
7905	6101032c	दासीनां रावणस्याहं मर्षयामीह दुर्बला
7906	6101033a	आज्ञप्ता रावणेनैता राक्षस्यो मामतर्जयन्
7907	6101033c	हते तस्मिन्न कुर्युर्हि तर्जनं वानरोत्तम
7908	6101034a	अयं व्याघ्रसमीपे तु पुराणो धर्मसंहितः
7909	6101034c	ऋक्षेण गीतः श्लोको मे तं निबोध प्लवंगम
7910	6101035a	न परः पापमादत्ते परेषां पापकर्मणाम्
7911	6101035c	समयो रक्षितव्यस्तु सन्तश्चारित्रभूषणाः
7912	6101036a	पापानां वा शुभानां वा वधार्हाणां प्लवंगम
7913	6101036c	कार्यं कारुण्यमार्येण न कश्चिन्नापराध्यति
7914	6101037a	लोकहिंसाविहाराणां रक्षसां कामरूपिणम्
7915	6101037c	कुर्वतामपि पापानि नैव कार्यमशोभनम्
7916	6101038a	एवमुक्तस्तु हनुमान्सीतया वाक्यकोविदः
7917	6101038c	प्रत्युवाच ततः सीतां रामपत्नीं यशस्विनीम्
7918	6101039a	युक्ता रामस्य भवती धर्मपत्नी यशस्विनी
7919	6101039c	प्रतिसंदिश मां देवि गमिष्ये यत्र राघवः
7920	6101040a	एवमुक्ता हनुमता वैदेही जनकात्मजा
7921	6101040c	अब्रवीद्द्रष्टुमिच्छामि भर्तारं वानरोत्तम
7922	6101041a	तस्यास्तद्वचनं श्रुत्वा हनुमान्पवनात्मजः
7923	6101041c	हर्षयन्मैथिलीं वाक्यमुवाचेदं महाद्युतिः
7924	6101042a	पूर्णचन्द्राननं रामं द्रक्ष्यस्यार्ये सलक्ष्मणम्
7925	6101042c	स्थिरमित्रं हतामित्रं शचीव त्रिदशेश्वरम्
7926	6101043a	तामेवमुक्त्वा राजन्तीं सीतां साक्षादिव श्रियम्
7927	6101043c	आजगाम महावेगो हनूमान्यत्र राघवः
7928	6102001a	स उवाच महाप्रज्ञमभिगम्य प्लवंगमः
7929	6102001c	रामं वचनमर्थज्ञो वरं सर्वधनुष्मताम्
7930	6102002a	यन्निमित्तोऽयमारम्भः कर्मणां च फलोदयः
7931	6102002c	तां देवीं शोकसंतप्तां मैथिलीं द्रष्टुमर्हसि
7932	6102003a	सा हि शोकसमाविष्टा बाष्पपर्याकुलेक्षणा
7933	6102003c	मैथिली विजयं श्रुत्वा तव हर्षमुपागमत्
7934	6102004a	पूर्वकात्प्रत्ययाच्चाहमुक्तो विश्वस्तया तया
7935	6102004c	भर्तारं द्रष्टुमिच्छामि कृतार्थं सहलक्ष्मणम्
7936	6102005a	एवमुक्तो हनुमता रामो धर्मभृतां वरः
7937	6102005c	अगच्छत्सहसा ध्यानमासीद्बाष्पपरिप्लुतः
7938	6102006a	दीर्घमुष्णं च निश्वस्य मेदिनीमवलोकयन्
7939	6102006c	उवाच मेघसंकाशं विभीषणमुपस्थितम्
7940	6102007a	दिव्याङ्गरागां वैदेहीं दिव्याभरणभूषिताम्
7941	6102007c	इह सीतां शिरःस्नातामुपस्थापय माचिरम्
7942	6102008a	एवमुक्तस्तु रामेण त्वरमाणो विभीषणः
7943	6102008c	प्रविश्यान्तःपुरं सीतां स्त्रीभिः स्वाभिरचोदयत्
7944	6102009a	दिव्याङ्गरागा वैदेही दिव्याभरणभूषिता
7945	6102009c	यानमारोह भद्रं ते भर्ता त्वां द्रष्टुमिच्छति
7946	6102010a	एवमुक्ता तु वैदेही प्रत्युवाच विभीषणम्
7947	6102010c	अस्नाता द्रष्टुमिच्छामि भर्तारं राक्षसाधिप
7948	6102011a	तस्यास्तद्वचनं श्रुत्वा प्रत्युवाच विभीषणः
7949	6102011c	यथाह रामो भर्ता ते तत्तथा कर्तुमर्हसि
7950	6102012a	तस्य तद्वचनं श्रुत्वा मैथिली भर्तृदेवता
7951	6102012c	भर्तृभक्तिव्रता साध्वी तथेति प्रत्यभाषत
7952	6102013a	ततः सीतां शिरःस्नातां युवतीभिरलंकृताम्
7953	6102013c	महार्हाभरणोपेतां महार्हाम्बरधारिणीम्
7954	6102014a	आरोप्य शिबिकां दीप्तां परार्ध्याम्बरसंवृताम्
7955	6102014c	रक्षोभिर्बहुभिर्गुप्तामाजहार विभीषणः
7956	6102015a	सोऽभिगम्य महात्मानं ज्ञात्वाभिध्यानमास्थितम्
7957	6102015c	प्रणतश्च प्रहृष्टश्च प्राप्तां सीतां न्यवेदयत्
7958	6102016a	तामागतामुपश्रुत्य रक्षोगृहचिरोषिताम्
7959	6102016c	हर्षो दैन्यं च रोषश्च त्रयं राघवमाविशत्
7960	6102017a	ततः पार्श्वगतं दृष्ट्वा सविमर्शं विचारयन्
7961	6102017c	विभीषणमिदं वाक्यमहृष्टो राघवोऽब्रवीत्
7962	6102018a	राक्षसाधिपते सौम्य नित्यं मद्विजये रत
7963	6102018c	वैदेही संनिकर्षं मे शीघ्रं समुपगच्छतु
7964	6102019a	स तद्वचनमाज्ञाय राघवस्य विभीषणः
7965	6102019c	तूर्णमुत्सारणे यत्नं कारयामास सर्वतः
7966	6102020a	कञ्चुकोष्णीषिणस्तत्र वेत्रझर्झरपाणयः
7967	6102020c	उत्सारयन्तः पुरुषाः समन्तात्परिचक्रमुः
7968	6102021a	ऋक्षाणां वानराणां च राक्षसानां च सर्वतः
7969	6102021c	वृन्दान्युत्सार्यमाणानि दूरमुत्ससृजुस्ततः
7970	6102022a	तेषामुत्सार्यमाणानां सर्वेषां ध्वनिरुत्थितः
7971	6102022c	वायुनोद्वर्तमानस्य सागरस्येव निस्वनः
7972	6102023a	उत्सार्यमाणांस्तान्दृष्ट्वा समन्ताज्जातसंभ्रमान्
7973	6102023c	दाक्षिण्यात्तदमर्षाच्च वारयामास राघवः
7974	6102024a	संरब्धश्चाब्रवीद्रामश्चक्षुषा प्रदहन्निव
7975	6102024c	विभीषणं महाप्राज्ञं सोपालम्भमिदं वचः
7976	6102025a	किमर्थं मामनादृत्य कृश्यतेऽयं त्वया जनः
7977	6102025c	निवर्तयैनमुद्योगं जनोऽयं स्वजनो मम
7978	6102026a	न गृहाणि न वस्त्राणि न प्राकारास्तिरस्क्रियाः
7979	6102026c	नेदृशा राजसत्कारा वृत्तमावरणं स्त्रियः
7980	6102027a	व्यसनेषु न कृच्छ्रेषु न युद्धे न स्वयंवरे
7981	6102027c	न क्रतौ नो विवाहे च दर्शनं दुष्यते स्त्रियः
7982	6102028a	सैषा युद्धगता चैव कृच्छ्रे महति च स्थिता
7983	6102028c	दर्शनेऽस्या न दोषः स्यान्मत्समीपे विशेषतः
7984	6102029a	तदानय समीपं मे शीघ्रमेनां विभीषण
7985	6102029c	सीता पश्यतु मामेषा सुहृद्गणवृतं स्थितम्
7986	6102030a	एवमुक्तस्तु रामेण सविमर्शो विभीषणः
7987	6102030c	रामस्योपानयत्सीतां संनिकर्षं विनीतवत्
7988	6102031a	ततो लक्ष्मणसुग्रीवौ हनूमांश्च प्लवंगमः
7989	6102031c	निशम्य वाक्यं रामस्य बभूवुर्व्यथिता भृशम्
7990	6102032a	कलत्रनिरपेक्षैश्च इङ्गितैरस्य दारुणैः
7991	6102032c	अप्रीतमिव सीतायां तर्कयन्ति स्म राघवम्
7992	6102033a	लज्जया त्ववलीयन्ती स्वेषु गात्रेषु मैथिली
7993	6102033c	विभीषणेनानुगता भर्तारं साभ्यवर्तत
7994	6102034a	सा वस्त्रसंरुद्धमुखी लज्जया जनसंसदि
7995	6102034c	रुरोदासाद्य भर्तारमार्यपुत्रेति भाषिणी
7996	6102035a	विस्मयाच्च प्रहर्षाच्च स्नेहाच्च परिदेवता
7997	6102035c	उदैक्षत मुखं भर्तुः सौम्यं सौम्यतरानना
7998	6102036a	अथ समपनुदन्मनःक्लमं सा; सुचिरमदृष्टमुदीक्ष्य वै प्रियस्य
7999	6102036c	वदनमुदितपूर्णचन्द्रकान्तं; विमलशशाङ्कनिभानना तदासीत्
8000	6103001a	तां तु पार्श्वे स्थितां प्रह्वां रामः संप्रेक्ष्य मैथिलीम्
8001	6103001c	हृदयान्तर्गतक्रोधो व्याहर्तुमुपचक्रमे
8002	6103002a	एषासि निर्जिता भद्रे शत्रुं जित्वा मया रणे
8003	6103002c	पौरुषाद्यदनुष्ठेयं तदेतदुपपादितम्
8004	6103003a	गतोऽस्म्यन्तममर्षस्य धर्षणा संप्रमार्जिता
8005	6103003c	अवमानश्च शत्रुश्च मया युगपदुद्धृतौ
8006	6103004a	अद्य मे पौरुषं दृष्टमद्य मे सफलः श्रमः
8007	6103004c	अद्य तीर्णप्रतिज्ञत्वात्प्रभवामीह चात्मनः
8008	6103005a	या त्वं विरहिता नीता चलचित्तेन रक्षसा
8009	6103005c	दैवसंपादितो दोषो मानुषेण मया जितः
8010	6103006a	संप्राप्तमवमानं यस्तेजसा न प्रमार्जति
8011	6103006c	कस्तस्य पुरुषार्थोऽस्ति पुरुषस्याल्पतेजसः
8012	6103007a	लङ्घनं च समुद्रस्य लङ्कायाश्चावमर्दनम्
8013	6103007c	सफलं तस्य तच्छ्लाघ्यमद्य कर्म हनूमतः
8014	6103008a	युद्धे विक्रमतश्चैव हितं मन्त्रयतश्च मे
8015	6103008c	सुग्रीवस्य ससैन्यस्य सफलोऽद्य परिश्रमः
8016	6103009a	निर्गुणं भ्रातरं त्यक्त्वा यो मां स्वयमुपस्थितः
8017	6103009c	विभीषणस्य भक्तस्य सफलोऽद्य परिश्रमः
8018	6103010a	इत्येवं ब्रुवतस्तस्य सीता रामस्य तद्वचः
8019	6103010c	मृगीवोत्फुल्लनयना बभूवाश्रुपरिप्लुता
8020	6103011a	पश्यतस्तां तु रामस्य भूयः क्रोधोऽभ्यवर्तत
8021	6103011c	प्रभूताज्यावसिक्तस्य पावकस्येव दीप्यतः
8022	6103012a	स बद्ध्वा भ्रुकुटिं वक्त्रे तिर्यक्प्रेक्षितलोचनः
8023	6103012c	अब्रवीत्परुषं सीतां मध्ये वानररक्षसाम्
8024	6103013a	यत्कर्तव्यं मनुष्येण धर्षणां परिमार्जता
8025	6103013c	तत्कृतं सकलं सीते शत्रुहस्तादमर्षणात्
8026	6103014a	निर्जिता जीवलोकस्य तपसा भावितात्मना
8027	6103014c	अगस्त्येन दुराधर्षा मुनिना दक्षिणेव दिक्
8028	6103015a	विदितश्चास्तु भद्रं ते योऽयं रणपरिश्रमः
8029	6103015c	स तीर्णः सुहृदां वीर्यान्न त्वदर्थं मया कृतः
8030	6103016a	रक्षता तु मया वृत्तमपवादं च सर्वशः
8031	6103016c	प्रख्यातस्यात्मवंशस्य न्यङ्गं च परिमार्जता
8032	6103017a	प्राप्तचारित्रसंदेहा मम प्रतिमुखे स्थिता
8033	6103017c	दीपो नेत्रातुरस्येव प्रतिकूलासि मे दृढम्
8034	6103018a	तद्गच्छ ह्यभ्यनुज्ञाता यतेष्टं जनकात्मजे
8035	6103018c	एता दश दिशो भद्रे कार्यमस्ति न मे त्वया
8036	6103019a	कः पुमान्हि कुले जातः स्त्रियं परगृहोषिताम्
8037	6103019c	तेजस्वि पुनरादद्यात्सुहृल्लेखेन चेतसा
8038	6103020a	रावणाङ्कपरिभ्रष्टां दृष्टां दुष्टेन चक्षुषा
8039	6103020c	कथं त्वां पुनरादद्यां कुलं व्यपदिशन्महत्
8040	6103021a	तदर्थं निर्जिता मे त्वं यशः प्रत्याहृतं मया
8041	6103021c	नास्ति मे त्वय्यभिष्वङ्गो यथेष्टं गम्यतामितः
8042	6103022a	इति प्रव्याहृतं भद्रे मयैतत्कृतबुद्धिना
8043	6103022c	लक्ष्मणे भरते वा त्वं कुरु बुद्धिं यथासुखम्
8044	6103023a	सुग्रीवे वानरेन्द्रे वा राक्षसेन्द्रे विभीषणे
8045	6103023c	निवेशय मनः सीते यथा वा सुखमात्मनः
8046	6103024a	न हि त्वां रावणो दृष्ट्वा दिव्यरूपां मनोरमाम्
8047	6103024c	मर्षयते चिरं सीते स्वगृहे परिवर्तिनीम्
8048	6103025a	ततः प्रियार्हश्वरणा तदप्रियं; प्रियादुपश्रुत्य चिरस्य मैथिली
8049	6103025c	मुमोच बाष्पं सुभृशं प्रवेपिता; गजेन्द्रहस्ताभिहतेव वल्लरी
8050	6104001a	एवमुक्ता तु वैदेही परुषं लोमहर्षणम्
8051	6104001c	राघवेण सरोषेण भृशं प्रव्यथिताभवत्
8052	6104002a	सा तदश्रुतपूर्वं हि जने महति मैथिली
8053	6104002c	श्रुत्वा भर्तृवचो रूक्षं लज्जया व्रीडिताभवत्
8054	6104003a	प्रविशन्तीव गात्राणि स्वान्येव जनकात्मजा
8055	6104003c	वाक्शल्यैस्तैः सशल्येव भृशमश्रूण्यवर्तयत्
8056	6104004a	ततो बाष्पपरिक्लिष्टं प्रमार्जन्ती स्वमाननम्
8057	6104004c	शनैर्गद्गदया वाचा भर्तारमिदमब्रवीत्
8058	6104005a	किं मामसदृशं वाक्यमीदृशं श्रोत्रदारुणम्
8059	6104005c	रूक्षं श्रावयसे वीर प्राकृतः प्राकृतामिव
8060	6104006a	न तथास्मि महाबाहो यथा त्वमवगच्छसि
8061	6104006c	प्रत्ययं गच्छ मे स्वेन चारित्रेणैव ते शपे
8062	6104007a	पृथक्स्त्रीणां प्रचारेण जातिं त्वं परिशङ्कसे
8063	6104007c	परित्यजेमां शङ्कां तु यदि तेऽहं परीक्षिता
8064	6104008a	यद्यहं गात्रसंस्पर्शं गतास्मि विवशा प्रभो
8065	6104008c	कामकारो न मे तत्र दैवं तत्रापराध्यति
8066	6104009a	मदधीनं तु यत्तन्मे हृदयं त्वयि वर्तते
8067	6104009c	पराधीनेषु गात्रेषु किं करिष्याम्यनीश्वरा
8068	6104010a	सहसंवृद्धभावाच्च संसर्गेण च मानद
8069	6104010c	यद्यहं ते न विज्ञाता हता तेनास्मि शाश्वतम्
8070	6104011a	प्रेषितस्ते यदा वीरो हनूमानवलोककः
8071	6104011c	लङ्कास्थाहं त्वया वीर किं तदा न विसर्जिता
8072	6104012a	प्रत्यक्षं वानरेन्द्रस्य त्वद्वाक्यसमनन्तरम्
8073	6104012c	त्वया संत्यक्तया वीर त्यक्तं स्याज्जीवितं मया
8074	6104013a	न वृथा ते श्रमोऽयं स्यात्संशये न्यस्य जीवितम्
8075	6104013c	सुहृज्जनपरिक्लेशो न चायं निष्फलस्तव
8076	6104014a	त्वया तु नरशार्दूल क्रोधमेवानुवर्तता
8077	6104014c	लघुनेव मनुष्येण स्त्रीत्वमेव पुरस्कृतम्
8078	6104015a	अपदेशेन जनकान्नोत्पत्तिर्वसुधातलात्
8079	6104015c	मम वृत्तं च वृत्तज्ञ बहु ते न पुरस्कृतम्
8080	6104016a	न प्रमाणीकृतः पाणिर्बाल्ये बालेन पीडितः
8081	6104016c	मम भक्तिश्च शीलं च सर्वं ते पृष्ठतः कृतम्
8082	6104017a	एवं ब्रुवाणा रुदती बाष्पगद्गदभाषिणी
8083	6104017c	अब्रवील्लक्ष्मणं सीता दीनं ध्यानपरं स्थितम्
8084	6104018a	चितां मे कुरु सौमित्रे व्यसनस्यास्य भेषजम्
8085	6104018c	मिथ्यापवादोपहता नाहं जीवितुमुत्सहे
8086	6104019a	अप्रीतस्य गुणैर्भर्तुस्त्यक्तया जनसंसदि
8087	6104019c	या क्षमा मे गतिर्गन्तुं प्रवेक्ष्ये हव्यवाहनम्
8088	6104020a	एवमुक्तस्तु वैदेह्या लक्ष्मणः परवीरहा
8089	6104020c	अमर्षवशमापन्नो राघवाननमैक्षत
8090	6104021a	स विज्ञाय मनश्छन्दं रामस्याकारसूचितम्
8091	6104021c	चितां चकार सौमित्रिर्मते रामस्य वीर्यवान्
8092	6104022a	अधोमुखं ततो रामं शनैः कृत्वा प्रदक्षिणम्
8093	6104022c	उपासर्पत वैदेही दीप्यमानं हुताशनम्
8094	6104023a	प्रणम्य देवताभ्यश्च ब्राह्मणेभ्यश्च मैथिली
8095	6104023c	बद्धाञ्जलिपुटा चेदमुवाचाग्निसमीपतः
8096	6104024a	यथा मे हृदयं नित्यं नापसर्पति राघवात्
8097	6104024c	तथा लोकस्य साक्षी मां सर्वतः पातु पावकः
8098	6104025a	एवमुक्त्वा तु वैदेही परिक्रम्य हुताशनम्
8099	6104025c	विवेश ज्वलनं दीप्तं निःसङ्गेनान्तरात्मना
8100	6104026a	जनः स सुमहांस्तत्र बालवृद्धसमाकुलः
8101	6104026c	ददर्श मैथिलीं तत्र प्रविशन्तीं हुताशनम्
8102	6104027a	तस्यामग्निं विशन्त्यां तु हाहेति विपुलः स्वनः
8103	6104027c	रक्षसां वानराणां च संबभूवाद्भुतोपमः
8104	6105001a	ततो वैश्रवणो राजा यमश्चामित्रकर्शनः
8105	6105001c	सहस्राक्षो महेन्द्रश्च वरुणश्च परंतपः
8106	6105002a	षडर्धनयनः श्रीमान्महादेवो वृषध्वजः
8107	6105002c	कर्ता सर्वस्य लोकस्य ब्रह्मा ब्रह्मविदां वरः
8108	6105003a	एते सर्वे समागम्य विमानैः सूर्यसंनिभैः
8109	6105003c	आगम्य नगरीं लङ्कामभिजग्मुश्च राघवम्
8110	6105004a	ततः सहस्ताभरणान्प्रगृह्य विपुलान्भुजान्
8111	6105004c	अब्रुवंस्त्रिदशश्रेष्ठाः प्राञ्जलिं राघवं स्थितम्
8112	6105005a	कर्ता सर्वस्य लोकस्य श्रेष्ठो ज्ञानवतां वरः
8113	6105005c	उपेक्षसे कथं सीतां पतन्तीं हव्यवाहने
8114	6105005e	कथं देवगणश्रेष्ठमात्मानं नावबुध्यसे
8115	6105006a	ऋतधामा वसुः पूर्वं वसूनां च प्रजापतिः
8116	6105006c	त्वं त्रयाणां हि लोकानामादिकर्ता स्वयंप्रभुः
8117	6105007a	रुद्राणामष्टमो रुद्रः साध्यानामपि पञ्चमः
8118	6105007c	अश्विनौ चापि ते कर्णौ चन्द्रसूर्यौ च चक्षुषी
8119	6105008a	अन्ते चादौ च लोकानां दृश्यसे त्वं परंतप
8120	6105008c	उपेक्षसे च वैदेहीं मानुषः प्राकृतो यथा
8121	6105009a	इत्युक्तो लोकपालैस्तैः स्वामी लोकस्य राघवः
8122	6105009c	अब्रवीत्त्रिदशश्रेष्ठान्रामो धर्मभृतां वरः
8123	6105010a	आत्मानं मानुषं मन्ये रामं दशरथात्मजम्
8124	6105010c	योऽहं यस्य यतश्चाहं भगवांस्तद्ब्रवीतु मे
8125	6105011a	इति ब्रुवाणं काकुत्स्थं ब्रह्मा ब्रह्मविदां वरः
8126	6105011c	अब्रवीच्छृणु मे राम सत्यं सत्यपराक्रम
8127	6105012a	भवान्नारायणो देवः श्रीमांश्चक्रायुधो विभुः
8128	6105012c	एकशृङ्गो वराहस्त्वं भूतभव्यसपत्नजित्
8129	6105013a	अक्षरं ब्रह्मसत्यं च मध्ये चान्ते च राघव
8130	6105013c	लोकानां त्वं परो धर्मो विष्वक्सेनश्चतुर्भुजः
8131	6105014a	शार्ङ्गधन्वा हृषीकेशः पुरुषः पुरुषोत्तमः
8132	6105014c	अजितः खड्गधृग्विष्णुः कृष्णश्चैव बृहद्बलः
8133	6105015a	सेनानीर्ग्रामणीश्च त्वं बुद्धिः सत्त्वं क्षमा दमः
8134	6105015c	प्रभवश्चाप्ययश्च त्वमुपेन्द्रो मधुसूदनः
8135	6105016a	इन्द्रकर्मा महेन्द्रस्त्वं पद्मनाभो रणान्तकृत्
8136	6105016c	शरण्यं शरणं च त्वामाहुर्दिव्या महर्षयः
8137	6105017a	सहस्रशृङ्गो वेदात्मा शतजिह्वो महर्षभः
8138	6105017c	त्वं यज्ञस्त्वं वषट्कारस्त्वमोंकारः परंतप
8139	6105018a	प्रभवं निधनं वा ते न विदुः को भवानिति
8140	6105018c	दृश्यसे सर्वभूतेषु ब्राह्मणेषु च गोषु च
8141	6105019a	दिक्षु सर्वासु गगने पर्वतेषु वनेषु च
8142	6105019c	सहस्रचरणः श्रीमाञ्शतशीर्षः सहस्रधृक्
8143	6105020a	त्वं धारयसि भूतानि वसुधां च सपर्वताम्
8144	6105020c	अन्ते पृथिव्याः सलिले दृश्यसे त्वं महोरगः
8145	6105021a	त्रीँल्लोकान्धारयन्राम देवगन्धर्वदानवान्
8146	6105021c	अहं ते हृदयं राम जिह्वा देवी सरस्वती
8147	6105022a	देवा गात्रेषु लोमानि निर्मिता ब्रह्मणा प्रभो
8148	6105022c	निमेषस्तेऽभवद्रात्रिरुन्मेषस्तेऽभवद्दिवा
8149	6105023a	संस्कारास्तेऽभवन्वेदा न तदस्ति त्वया विना
8150	6105023c	जगत्सर्वं शरीरं ते स्थैर्यं ते वसुधातलम्
8151	6105024a	अग्निः कोपः प्रसादस्ते सोमः श्रीवत्सलक्षण
8152	6105024c	त्वया लोकास्त्रयः क्रान्ताः पुराणे विक्रमैस्त्रिभिः
8153	6105025a	महेन्द्रश्च कृतो राजा बलिं बद्ध्वा महासुरम्
8154	6105025c	सीता लक्ष्मीर्भवान्विष्णुर्देवः कृष्णः प्रजापतिः
8155	6105026a	वधार्थं रावणस्येह प्रविष्टो मानुषीं तनुम्
8156	6105026c	तदिदं नः कृतं कार्यं त्वया धर्मभृतां वर
8157	6105027a	निहतो रावणो राम प्रहृष्टो दिवमाक्रम
8158	6105027c	अमोघं बलवीर्यं ते अमोघस्ते पराक्रमः
8159	6105028a	अमोघास्ते भविष्यन्ति भक्तिमन्तश्च ये नराः
8160	6105028c	ये त्वां देवं ध्रुवं भक्ताः पुराणं पुरुषोत्तमम्
8161	6105029a	ये नराः कीर्तयिष्यन्ति नास्ति तेषां पराभवः
8162	6106001a	एतच्छ्रुत्वा शुभं वाक्यं पितामहसमीरितम्
8163	6106001c	अङ्केनादाय वैदेहीमुत्पपात विभावसुः
8164	6106002a	तरुणादित्यसंकाशां तप्तकाञ्चनभूषणाम्
8165	6106002c	रक्ताम्बरधरां बालां नीलकुञ्चितमूर्धजाम्
8166	6106003a	अक्लिष्टमाल्याभरणां तथा रूपां मनस्विनीम्
8167	6106003c	ददौ रामाय वैदेहीमङ्के कृत्वा विभावसुः
8168	6106004a	अब्रवीच्च तदा रामं साक्षी लोकस्य पावकः
8169	6106004c	एषा ते राम वैदेही पापमस्या न विद्यते
8170	6106005a	नैव वाचा न मनसा नानुध्यानान्न चक्षुषा
8171	6106005c	सुवृत्ता वृत्तशौण्डीरा न त्वामतिचचार ह
8172	6106006a	रावणेनापनीतैषा वीर्योत्सिक्तेन रक्षसा
8173	6106006c	त्वया विरहिता दीना विवशा निर्जनाद्वनात्
8174	6106007a	रुद्धा चान्तःपुरे गुप्ता त्वक्चित्ता त्वत्परायणा
8175	6106007c	रक्षिता राक्षसी संघैर्विकृतैर्घोरदर्शनैः
8176	6106008a	प्रलोभ्यमाना विविधं भर्त्स्यमाना च मैथिली
8177	6106008c	नाचिन्तयत तद्रक्षस्त्वद्गतेनान्तरात्मना
8178	6106009a	विशुद्धभावां निष्पापां प्रतिगृह्णीष्व राघव
8179	6106009c	न किंचिदभिधातव्यमहमाज्ञापयामि ते
8180	6106010a	एवमुक्तो महातेजा धृतिमान्दृढविक्रमः
8181	6106010c	अब्रवीत्त्रिदशश्रेष्ठं रामो धर्मभृतां वरः
8182	6106011a	अवश्यं त्रिषु लोकेषु सीता पावनमर्हति
8183	6106011c	दीर्घकालोषिता चेयं रावणान्तःपुरे शुभा
8184	6106012a	बालिशः खलु कामात्मा रामो दशरथात्मजः
8185	6106012c	इति वक्ष्यन्ति मां सन्तो जानकीमविशोध्य हि
8186	6106013a	अनन्यहृदयां भक्तां मच्चित्तपरिरक्षणीम्
8187	6106013c	अहमप्यवगच्छामि मैथिलीं जनकात्मजाम्
8188	6106014a	प्रत्ययार्थं तु लोकानां त्रयाणां सत्यसंश्रयः
8189	6106014c	उपेक्षे चापि वैदेहीं प्रविशन्तीं हुताशनम्
8190	6106015a	इमामपि विशालाक्षीं रक्षितां स्वेन तेजसा
8191	6106015c	रावणो नातिवर्तेत वेलामिव महोदधिः
8192	6106016a	न हि शक्तः स दुष्टात्मा मनसापि हि मैथिलीम्
8193	6106016c	प्रधर्षयितुमप्राप्तां दीप्तामग्निशिखामिव
8194	6106017a	नेयमर्हति चैश्वर्यं रावणान्तःपुरे शुभा
8195	6106017c	अनन्या हि मया सीतां भास्करेण प्रभा यथा
8196	6106018a	विशुद्धा त्रिषु लोकेषु मैथिली जनकात्मजा
8197	6106018c	न हि हातुमियं शक्या कीर्तिरात्मवता यथा
8198	6106019a	अवश्यं च मया कार्यं सर्वेषां वो वचो हितम्
8199	6106019c	स्निग्धानां लोकमान्यानामेवं च ब्रुवतां हितम्
8200	6106020a	इतीदमुक्त्वा वचनं महाबलैः; प्रशस्यमानः स्वकृतेन कर्मणा
8201	6106020c	समेत्य रामः प्रियया महाबलः; सुखं सुखार्होऽनुबभूव राघवः
8202	6107001a	एतच्छ्रुत्वा शुभं वाक्यं राघवेण सुभाषितम्
8203	6107001c	इदं शुभतरं वाक्यं व्याजहार महेश्वरः
8204	6107002a	पुष्कराक्ष महाबाहो महावक्षः परंतप
8205	6107002c	दिष्ट्या कृतमिदं कर्म त्वया शस्त्रभृतां वर
8206	6107003a	दिष्ट्या सर्वस्य लोकस्य प्रवृद्धं दारुणं तमः
8207	6107003c	अपावृत्तं त्वया संख्ये राम रावणजं भयम्
8208	6107004a	आश्वास्य भरतं दीनं कौसल्यां च यशस्विनीम्
8209	6107004c	कैकेयीं च सुमित्रां च दृष्ट्वा लक्ष्मणमातरम्
8210	6107005a	प्राप्य राज्यमयोध्यायां नन्दयित्वा सुहृज्जनम्
8211	6107005c	इक्ष्वाकूणां कुले वंशं स्थापयित्वा महाबल
8212	6107006a	इष्ट्वा तुरगमेधेन प्राप्य चानुत्तमं यशः
8213	6107006c	ब्राह्मणेभ्यो धनं दत्त्वा त्रिदिवं गन्तुमर्हसि
8214	6107007a	एष राजा विमानस्थः पिता दशरथस्तव
8215	6107007c	काकुत्स्थ मानुषे लोके गुरुस्तव महायशाः
8216	6107008a	इन्द्रलोकं गतः श्रीमांस्त्वया पुत्रेण तारितः
8217	6107008c	लक्ष्मणेन सह भ्रात्रा त्वमेनमभिवादय
8218	6107009a	महादेववचः श्रुत्वा काकुत्स्थः सहलक्ष्मणः
8219	6107009c	विमानशिखरस्थस्य प्रणाममकरोत्पितुः
8220	6107010a	दीप्यमानं स्वयां लक्ष्म्या विरजोऽम्बरधारिणम्
8221	6107010c	लक्ष्मणेन सह भ्रात्रा ददर्श पितरं प्रभुः
8222	6107011a	हर्षेण महताविष्टो विमानस्थो महीपतिः
8223	6107011c	प्राणैः प्रियतरं दृष्ट्वा पुत्रं दशरथस्तदा
8224	6107012a	आरोप्याङ्कं महाबाहुर्वरासनगतः प्रभुः
8225	6107012c	बाहुभ्यां संपरिष्वज्य ततो वाक्यं समाददे
8226	6107013a	न मे स्वर्गो बहुमतः संमानश्च सुरर्षिभिः
8227	6107013c	त्वया राम विहीनस्य सत्यं प्रतिशृणोमि ते
8228	6107014a	कैकेय्या यानि चोक्तानि वाक्यानि वदतां वर
8229	6107014c	तव प्रव्राजनार्थानि स्थितानि हृदये मम
8230	6107015a	त्वां तु दृष्ट्वा कुशलिनं परिष्वज्य सलक्ष्मणम्
8231	6107015c	अद्य दुःखाद्विमुक्तोऽस्मि नीहारादिव भास्करः
8232	6107016a	तारितोऽहं त्वया पुत्र सुपुत्रेण महात्मना
8233	6107016c	अष्टावक्रेण धर्मात्मा तारितो ब्राह्मणो यथा
8234	6107017a	इदानीं च विजानामि यथा सौम्य सुरेश्वरैः
8235	6107017c	वधार्थं रावणस्येह विहितं पुरुषोत्तमम्
8236	6107018a	सिद्धार्था खलु कौसल्या या त्वां राम गृहं गतम्
8237	6107018c	वनान्निवृत्तं संहृष्टा द्रक्ष्यते शत्रुसूदन
8238	6107019a	सिद्धार्थाः खलु ते राम नरा ये त्वां पुरीं गतम्
8239	6107019c	जलार्द्रमभिषिक्तं च द्रक्ष्यन्ति वसुधाधिपम्
8240	6107020a	अनुरक्तेन बलिना शुचिना धर्मचारिणा
8241	6107020c	इच्छेयं त्वामहं द्रष्टुं भरतेन समागतम्
8242	6107021a	चतुर्दशसमाः सौम्य वने निर्यापितास्त्वया
8243	6107021c	वसता सीतया सार्धं लक्ष्मणेन च धीमता
8244	6107022a	निवृत्तवनवासोऽसि प्रतिज्ञा सफला कृता
8245	6107022c	रावणं च रणे हत्वा देवास्ते परितोषिताः
8246	6107023a	कृतं कर्म यशः श्लाघ्यं प्राप्तं ते शत्रुसूदन
8247	6107023c	भ्रातृभिः सह राज्यस्थो दीर्घमायुरवाप्नुहि
8248	6107024a	इति ब्रुवाणं राजानं रामः प्राञ्जलिरब्रवीत्
8249	6107024c	कुरु प्रसादं धर्मज्ञ कैकेय्या भरतस्य च
8250	6107025a	सपुत्रां त्वां त्यजामीति यदुक्ता कैकयी त्वया
8251	6107025c	स शापः कैकयीं घोरः सपुत्रां न स्पृशेत्प्रभो
8252	6107026a	स तथेति महाराजो राममुक्त्वा कृताञ्जलिम्
8253	6107026c	लक्ष्मणं च परिष्वज्य पुनर्वाक्यमुवाच ह
8254	6107027a	रामं शुश्रूषता भक्त्या वैदेह्या सह सीतया
8255	6107027c	कृता मम महाप्रीतिः प्राप्तं धर्मफलं च ते
8256	6107028a	धर्मं प्राप्स्यसि धर्मज्ञ यशश्च विपुलं भुवि
8257	6107028c	रामे प्रसन्ने स्वर्गं च महिमानं तथैव च
8258	6107029a	रामं शुश्रूष भद्रं ते सुमित्रानन्दवर्धन
8259	6107029c	रामः सर्वस्य लोकस्य शुभेष्वभिरतः सदा
8260	6107030a	एते सेन्द्रास्त्रयो लोकाः सिद्धाश्च परमर्षयः
8261	6107030c	अभिगम्य महात्मानमर्चन्ति पुरुषोत्तमम्
8262	6107031a	एतत्तदुक्तमव्यक्तमक्षरं ब्रह्मनिर्मितम्
8263	6107031c	देवानां हृदयं सौम्य गुह्यं रामः परंतपः
8264	6107032a	अवाप्तं धर्मचरणं यशश्च विपुलं त्वया
8265	6107032c	रामं शुश्रूषता भक्त्या वैदेह्या सह सीतया
8266	6107033a	स तथोक्त्वा महाबाहुर्लक्ष्मणं प्राञ्जलिं स्थितम्
8267	6107033c	उवाच राजा धर्मात्मा वैदेहीं वचनं शुभम्
8268	6107034a	कर्तव्यो न तु वैदेहि मन्युस्त्यागमिमं प्रति
8269	6107034c	रामेण त्वद्विशुद्ध्यर्थं कृतमेतद्धितैषिणा
8270	6107035a	न त्वं सुभ्रु समाधेया पतिशुश्रूवणं प्रति
8271	6107035c	अवश्यं तु मया वाच्यमेष ते दैवतं परम्
8272	6107036a	इति प्रतिसमादिश्य पुत्रौ सीतां तथा स्नुषाम्
8273	6107036c	इन्द्रलोकं विमानेन ययौ दशरथो ज्वलन्
8274	6108001a	प्रतिप्रयाते काकुत्स्थे महेन्द्रः पाकशासनः
8275	6108001c	अब्रवीत्परमप्रीतो राघवं प्राञ्जलिं स्थितम्
8276	6108002a	अमोघं दर्शनं राम तवास्माकं परंतप
8277	6108002c	प्रीतियुक्तोऽस्मि तेन त्वं ब्रूहि यन्मनसेच्छसि
8278	6108003a	एवमुक्तस्तु काकुत्स्थः प्रत्युवाच कृताञ्जलिः
8279	6108003c	लक्ष्मणेन सह भ्रात्रा सीतया चापि भार्यया
8280	6108004a	यदि प्रीतिः समुत्पन्ना मयि सर्वसुरेश्वर
8281	6108004c	वक्ष्यामि कुरु मे सत्यं वचनं वदतां वर
8282	6108005a	मम हेतोः पराक्रान्ता ये गता यमसादनम्
8283	6108005c	ते सर्वे जीवितं प्राप्य समुत्तिष्ठन्तु वानराः
8284	6108006a	मत्प्रियेष्वभिरक्ताश्च न मृत्युं गणयन्ति च
8285	6108006c	त्वत्प्रसादात्समेयुस्ते वरमेतदहं वृणे
8286	6108007a	नीरुजान्निर्व्रणांश्चैव संपन्नबलपौरुषान्
8287	6108007c	गोलाङ्गूलांस्तथैवर्क्षान्द्रष्टुमिच्छामि मानद
8288	6108008a	अकाले चापि मुख्यानि मूलानि च फलानि च
8289	6108008c	नद्यश्च विमलास्तत्र तिष्ठेयुर्यत्र वानराः
8290	6108009a	श्रुत्वा तु वचनं तस्य राघवस्य महात्मनः
8291	6108009c	महेन्द्रः प्रत्युवाचेदं वचनं प्रीतिलक्षणम्
8292	6108010a	महानयं वरस्तात त्वयोक्तो रघुनन्दन
8293	6108010c	समुत्थास्यन्ति हरयः सुप्ता निद्राक्षये यथा
8294	6108011a	सुहृद्भिर्बान्धवैश्चैव ज्ञातिभिः स्वजनेन च
8295	6108011c	सर्व एव समेष्यन्ति संयुक्ताः परया मुदा
8296	6108012a	अकाले पुष्पशबलाः फलवन्तश्च पादपाः
8297	6108012c	भविष्यन्ति महेष्वास नद्यश्च सलिलायुताः
8298	6108013a	सव्रणैः प्रथमं गात्रैः संवृतैर्निव्रणैः पुनः
8299	6108013c	बभूवुर्वानराः सर्वे किमेतदिति विस्मितः
8300	6108014a	काकुत्स्थं परिपूर्णार्थं दृष्ट्वा सर्वे सुरोत्तमाः
8301	6108014c	ऊचुस्ते प्रथमं स्तुत्वा स्तवार्हं सहलक्ष्मणम्
8302	6108015a	गच्छायोध्यामितो वीर विसर्जय च वानरान्
8303	6108015c	मैथिलीं सान्त्वयस्वैनामनुरक्तां तपस्विनीम्
8304	6108016a	भ्रातरं पश्य भरतं त्वच्छोकाद्व्रतचारिणम्
8305	6108016c	अभिषेचय चात्मानं पौरान्गत्वा प्रहर्षय
8306	6108017a	एवमुक्त्वा तमामन्त्र्य रामं सौमित्रिणा सह
8307	6108017c	विमानैः सूर्यसंकाशैर्हृष्टा जग्मुः सुरा दिवम्
8308	6108018a	अभिवाद्य च काकुत्स्थः सर्वांस्तांस्त्रिदशोत्तमान्
8309	6108018c	लक्ष्मणेन सह भ्रात्रा वासमाज्ञापयत्तदा
8310	6108019a	ततस्तु सा लक्ष्मणरामपालिता; महाचमूर्हृष्टजना यशस्विनी
8311	6108019c	श्रिया ज्वलन्ती विरराज सर्वतो; निशाप्रणीतेव हि शीतरश्मिना
8312	6109001a	तां रात्रिमुषितं रामं सुखोत्थितमरिंदमम्
8313	6109001c	अब्रवीत्प्राञ्जलिर्वाक्यं जयं पृष्ट्वा विभीषणः
8314	6109002a	स्नानानि चाङ्गरागाणि वस्त्राण्याभरणानि च
8315	6109002c	चन्दनानि च दिव्यानि माल्यानि विविधानि च
8316	6109003a	अलंकारविदश्चेमा नार्यः पद्मनिभेक्षणाः
8317	6109003c	उपस्थितास्त्वां विधिवत्स्नापयिष्यन्ति राघव
8318	6109004a	एवमुक्तस्तु काकुत्स्थः प्रत्युवाच विभीषणम्
8319	6109004c	हरीन्सुग्रीवमुख्यांस्त्वं स्नानेनोपनिमन्त्रय
8320	6109005a	स तु ताम्यति धर्मात्मा ममहेतोः सुखोचितः
8321	6109005c	सुकुमारो महाबाहुः कुमारः सत्यसंश्रवः
8322	6109006a	तं विना कैकेयीपुत्रं भरतं धर्मचारिणम्
8323	6109006c	न मे स्नानं बहुमतं वस्त्राण्याभरणानि च
8324	6109007a	इत एव पथा क्षिप्रं प्रतिगच्छाम तां पुरीम्
8325	6109007c	अयोध्यामायतो ह्येष पन्थाः परमदुर्गमः
8326	6109008a	एवमुक्तस्तु काकुत्स्थं प्रत्युवाच विभीषणः
8327	6109008c	अह्ना त्वां प्रापयिष्यामि तां पुरीं पार्थिवात्मज
8328	6109009a	पुष्पकं नाम भद्रं ते विमानं सूर्यसंनिभम्
8329	6109009c	मम भ्रातुः कुबेरस्य रावणेनाहृतं बलात्
8330	6109010a	तदिदं मेघसंकाशं विमानमिह तिष्ठति
8331	6109010c	तेन यास्यसि यानेन त्वमयोध्यां गजज्वरः
8332	6109011a	अहं ते यद्यनुग्राह्यो यदि स्मरसि मे गुणान्
8333	6109011c	वस तावदिह प्राज्ञ यद्यस्ति मयि सौहृदम्
8334	6109012a	लक्ष्मणेन सह भ्रात्रा वैदेह्या चापि भार्यया
8335	6109012c	अर्चितः सर्वकामैस्त्वं ततो राम गमिष्यसि
8336	6109013a	प्रीतियुक्तस्तु मे राम ससैन्यः ससुहृद्गणः
8337	6109013c	सत्क्रियां विहितां तावद्गृहाण त्वं मयोद्यताम्
8338	6109014a	प्रणयाद्बहुमानाच्च सौहृदेन च राघव
8339	6109014c	प्रसादयामि प्रेष्योऽहं न खल्वाज्ञापयामि ते
8340	6109015a	एवमुक्तस्ततो रामः प्रत्युवाच विभीषणम्
8341	6109015c	रक्षसां वानराणां च सर्वेषां चोपशृण्वताम्
8342	6109016a	पूजितोऽहं त्वया वीर साचिव्येन परंतप
8343	6109016c	सर्वात्मना च चेष्टिभिः सौहृदेनोत्तमेन च
8344	6109017a	न खल्वेतन्न कुर्यां ते वचनं राक्षसेश्वर
8345	6109017c	तं तु मे भ्रातरं द्रष्टुं भरतं त्वरते मनः
8346	6109018a	मां निवर्तयितुं योऽसौ चित्रकूटमुपागतः
8347	6109018c	शिरसा याचतो यस्य वचनं न कृतं मया
8348	6109019a	कौसल्यां च सुमित्रां च कैकेयीं च यशस्विनीम्
8349	6109019c	गुरूंश्च सुहृदश्चैव पौरांश्च तनयैः सह
8350	6109020a	उपस्थापय मे क्षिप्रं विमानं राक्षसेश्वर
8351	6109020c	कृतकार्यस्य मे वासः कथंचिदिह संमतः
8352	6109021a	अनुजानीहि मां सौम्य पूजितोऽस्मि विभीषण
8353	6109021c	मन्युर्न खलु कर्तव्यस्त्वरितस्त्वानुमानये
8354	6109022a	ततः काञ्चनचित्राङ्गं वैदूर्यमणिवेदिकम्
8355	6109022c	कूटागारैः परिक्षिप्तं सर्वतो रजतप्रभम्
8356	6109023a	पाण्डुराभिः पताकाभिर्ध्वजैश्च समलंकृतम्
8357	6109023c	शोभितं काञ्चनैर्हर्म्यैर्हेमपद्मविभूषितम्
8358	6109024a	प्रकीर्णं किङ्किणीजालैर्मुक्तामणिगवाक्षितम्
8359	6109024c	घण्टाजालैः परिक्षिप्तं सर्वतो मधुरस्वनम्
8360	6109025a	तन्मेरुशिखराकारं निर्मितं विश्वकर्मणा
8361	6109025c	बहुभिर्भूषितं हर्म्यैर्मुक्तारजतसंनिभौ
8362	6109026a	तलैः स्फटिकचित्राङ्गैर्वैदूर्यैश्च वरासनैः
8363	6109026c	महार्हास्तरणोपेतैरुपपन्नं महाधनैः
8364	6109027a	उपस्थितमनाधृष्यं तद्विमानं मनोजवम्
8365	6109027c	निवेदयित्वा रामाय तस्थौ तत्र विभीषणः
8366	6110001a	उपस्थितं तु तं दृष्ट्वा पुष्पकं पुष्पभूषितम्
8367	6110001c	अविदूरे स्थितं रामं प्रत्युवाच विभीषणः
8368	6110002a	स तु बद्धाञ्जलिः प्रह्वो विनीतो राक्षसेश्वरः
8369	6110002c	अब्रवीत्त्वरयोपेतः किं करोमीति राघवम्
8370	6110003a	तमब्रवीन्महातेजा लक्ष्मणस्योपशृण्वतः
8371	6110003c	विमृश्य राघवो वाक्यमिदं स्नेहपुरस्कृतम्
8372	6110004a	कृतप्रयत्नकर्माणो विभीषण वनौकसः
8373	6110004c	रत्नैरर्थैश्च विविभैर्भूषणैश्चाभिपूजय
8374	6110005a	सहैभिरर्दिता लङ्का निर्जिता राक्षसेश्वर
8375	6110005c	हृष्टैः प्राणभयं त्यक्त्वा संग्रामेष्वनिवर्तिभिः
8376	6110006a	एवं संमानिताश्चेमे मानार्हा मानद त्वया
8377	6110006c	भविष्यन्ति कृतज्ञेन निर्वृता हरियूथपाः
8378	6110007a	त्यागिनं संग्रहीतारं सानुक्रोशं यशस्विनम्
8379	6110007c	यतस्त्वामवगच्छन्ति ततः संबोधयामि ते
8380	6110008a	एवमुक्तस्तु रामेण वानरांस्तान्विभीषणः
8381	6110008c	रत्नार्थैः संविभागेन सर्वानेवान्वपूजयत्
8382	6110009a	ततस्तान्पूजितान्दृष्ट्वा रत्नैरर्थैश्च यूथपान्
8383	6110009c	आरुरोह ततो रामस्तद्विमानमनुत्तमम्
8384	6110010a	अङ्केनादाय वैदेहीं लज्जमानां यशस्विनीम्
8385	6110010c	लक्ष्मणेन सह भ्रात्रा विक्रान्तेन धनुष्मता
8386	6110011a	अब्रवीच्च विमानस्थः काकुत्स्थः सर्ववानरान्
8387	6110011c	सुग्रीवं च महावीर्यं राक्षसं च विभीषणम्
8388	6110012a	मित्रकार्यं कृतमिदं भवद्भिर्वानरोत्तमाः
8389	6110012c	अनुज्ञाता मया सर्वे यथेष्टं प्रतिगच्छत
8390	6110013a	यत्तु कार्यं वयस्येन सुहृदा वा परंतप
8391	6110013c	कृतं सुग्रीव तत्सर्वं भवता धर्मभीरुणा
8392	6110013e	किष्किन्धां प्रतियाह्याशु स्वसैन्येनाभिसंवृतः
8393	6110014a	स्वराज्ये वस लङ्कायां मया दत्ते विभीषण
8394	6110014c	न त्वां धर्षयितुं शक्ताः सेन्द्रा अपि दिवौकसः
8395	6110015a	अयोध्यां प्रतियास्यामि राजधानीं पितुर्मम
8396	6110015c	अभ्यनुज्ञातुमिच्छामि सर्वानामन्त्रयामि वः
8397	6110016a	एवमुक्तास्तु रामेण वानरास्ते महाबलाः
8398	6110016c	ऊचुः प्राञ्जलयो रामं राक्षसश्च विभीषणः
8399	6110016e	अयोध्यां गन्तुमिच्छामः सर्वान्नयतु नो भवान्
8400	6110017a	दृष्ट्वा त्वामभिषेकार्द्रं कौसल्यामभिवाद्य च
8401	6110017c	अचिरेणागमिष्यामः स्वान्गृहान्नृपतेः सुत
8402	6110018a	एवमुक्तस्तु धर्मात्मा वानरैः सविभीषणैः
8403	6110018c	अब्रवीद्राघवः श्रीमान्ससुग्रीवविभीषणान्
8404	6110019a	प्रियात्प्रियतरं लब्धं यदहं ससुहृज्जनः
8405	6110019c	सर्वैर्भवद्भिः सहितः प्रीतिं लप्स्ये पुरीं गतः
8406	6110020a	क्षिप्रमारोह सुग्रीव विमानं वानरैः सह
8407	6110020c	त्वमध्यारोह सामात्यो राक्षसेन्द्रविभीषण
8408	6110021a	ततस्तत्पुष्पकं दिव्यं सुग्रीवः सह सेनया
8409	6110021c	अध्यारोहत्त्वरञ्शीघ्रं सामात्यश्च विभीषणः
8410	6110022a	तेष्वारूढेषु सर्वेषु कौबेरं परमासनम्
8411	6110022c	राघवेणाभ्यनुज्ञातमुत्पपात विहायसं
8412	6110023a	ययौ तेन विमानेन हंसयुक्तेन भास्वता
8413	6110023c	प्रहृष्टश्च प्रतीतश्च बभौ रामः कुबेरवत्
8414	6111001a	अनुज्ञातं तु रामेण तद्विमानमनुत्तमम्
8415	6111001c	उत्पपात महामेघः श्वसनेनोद्धतो यथा
8416	6111002a	पातयित्वा ततश्चक्षुः सर्वतो रघुनन्दनः
8417	6111002c	अब्रवीन्मैथिलीं सीतां रामः शशिनिभाननाम्
8418	6111003a	कैलासशिखराकारे त्रिकूटशिखरे स्थिताम्
8419	6111003c	लङ्कामीक्षस्व वैदेहि निर्मितां विश्वकर्मणा
8420	6111004a	एतदायोधनं पश्य मांसशोणितकर्दमम्
8421	6111004c	हरीणां राक्षसानां च सीते विशसनं महत्
8422	6111005a	तवहेतोर्विशालाक्षि रावणो निहतो मया
8423	6111005c	कुम्भकर्णोऽत्र निहतः प्रहस्तश्च निशाचरः
8424	6111006a	लक्ष्मणेनेन्द्रजिच्चात्र रावणिर्निहतो रणे
8425	6111006c	विरूपाक्षश्च दुष्प्रेक्ष्यो महापार्श्वमहोदरौ
8426	6111007a	अकम्पनश्च निहतो बलिनोऽन्ये च राक्षसाः
8427	6111007c	त्रिशिराश्चातिकायश्च देवान्तकनरान्तकौ
8428	6111008a	अत्र मन्दोदरी नाम भार्या तं पर्यदेवयत्
8429	6111008c	सपत्नीनां सहस्रेण सास्रेण परिवारिता
8430	6111009a	एतत्तु दृश्यते तीर्थं समुद्रस्य वरानने
8431	6111009c	यत्र सागरमुत्तीर्य तां रात्रिमुषिता वयम्
8432	6111010a	एष सेतुर्मया बद्धः सागरे सलिलार्णवे
8433	6111010c	तवहेतोर्विशालाक्षि नलसेतुः सुदुष्करः
8434	6111011a	पश्य सागरमक्षोभ्यं वैदेहि वरुणालयम्
8435	6111011c	अपारमभिगर्जन्तं शङ्खशुक्तिनिषेवितम्
8436	6111012a	हिरण्यनाभं शैलेन्द्रं काञ्चनं पश्य मैथिलि
8437	6111012c	विश्रमार्थं हनुमतो भित्त्वा सागरमुत्थितम्
8438	6111013a	अत्र राक्षसराजोऽयमाजगाम विभीषणः
8439	6111014a	एषा सा दृश्यते सीते किष्किन्धा चित्रकानना
8440	6111014c	सुग्रीवस्य पुरी रम्या यत्र वाली मया हतः
8441	6111015a	दृश्यतेऽसौ महान्सीते सविद्युदिव तोयदः
8442	6111015c	ऋश्यमूको गिरिश्रेष्ठः काञ्चनैर्धातुभिर्वृतः
8443	6111016a	अत्राहं वानरेन्द्रेण सुग्रीवेण समागतः
8444	6111016c	समयश्च कृतः सीते वधार्थं वालिनो मया
8445	6111017a	एषा सा दृश्यते पम्पा नलिनी चित्रकानना
8446	6111017c	त्वया विहीनो यत्राहं विललाप सुदुःखितः
8447	6111018a	अस्यास्तीरे मया दृष्टा शबरी धर्मचारिणी
8448	6111018c	अत्र योजनबाहुश्च कबन्धो निहतो मया
8449	6111019a	दृश्यतेऽसौ जनस्थाने सीते श्रीमान्वनस्पतिः
8450	6111019c	यत्र युद्धं महद्वृत्तं तवहेतोर्विलासिनि
8451	6111019e	रावणस्य नृशंसस्य जटायोश्च महात्मनः
8452	6111020a	खरश्च निहतश्संख्ये दूषणश्च निपातितः
8453	6111020c	त्रिशिराश्च महावीर्यो मया बाणैरजिह्मगैः
8454	6111021a	पर्णशाला तथा चित्रा दृश्यते शुभदर्शना
8455	6111021c	यत्र त्वं राक्षसेन्द्रेण रावणेन हृता बलात्
8456	6111022a	एषा गोदावरी रम्या प्रसन्नसलिला शिवा
8457	6111022c	अगस्त्यस्याश्रमो ह्येष दृश्यते पश्य मैथिलि
8458	6111023a	वैदेहि दृश्यते चात्र शरभङ्गाश्रमो महान्
8459	6111023c	उपयातः सहस्राक्षो यत्र शक्रः पुरंदरः
8460	6111024a	एते ते तापसावासा दृश्यन्ते तनुमध्यमे
8461	6111024c	अत्रिः कुलपतिर्यत्र सूर्यवैश्वानरप्रभः
8462	6111024e	अत्र सीते त्वया दृष्टा तापसी धर्मचारिणी
8463	6111025a	अस्मिन्देशे महाकायो विराधो निहतो मया
8464	6111026a	असौ सुतनुशैलेन्द्रश्चित्रकूटः प्रकाशते
8465	6111026c	यत्र मां कैकयीपुत्रः प्रसादयितुमागतः
8466	6111027a	एषा सा यमुना दूराद्दृश्यते चित्रकानना
8467	6111027c	भरद्वाजाश्रमो यत्र श्रीमानेष प्रकाशते
8468	6111028a	एषा त्रिपथगा गङ्गा दृश्यते वरवर्णिनि
8469	6111028c	शृङ्गवेरपुरं चैतद्गुहो यत्र समागतः
8470	6111029a	एषा सा दृश्यतेऽयोध्या राजधानी पितुर्मम
8471	6111029c	अयोध्यां कुरु वैदेहि प्रणामं पुनरागता
8472	6111030a	ततस्ते वानराः सर्वे राक्षसश्च विभीषणः
8473	6111030c	उत्पत्योत्पत्य ददृशुस्तां पुरीं शुभदर्शनाम्
8474	6111031a	ततस्तु तां पाण्डुरहर्म्यमालिनीं; विशालकक्ष्यां गजवाजिसंकुलाम्
8475	6111031c	पुरीमयोध्यां ददृशुः प्लवंगमाः; पुरीं महेन्द्रस्य यथामरावतीम्
8476	6112001a	पूर्णे चतुर्दशे वर्षे पञ्चभ्यां लक्ष्मणाग्रजः
8477	6112001c	भरद्वाजाश्रमं प्राप्य ववन्दे नियतो मुनिम्
8478	6112002a	सोऽपृच्छदभिवाद्यैनं भरद्वाजं तपोधनम्
8479	6112002c	शृणोषि कचिद्भगवन्सुभिक्षानामयं पुरे
8480	6112002e	कच्चिच्च युक्तो भरतो जीवन्त्यपि च मातरः
8481	6112003a	एवमुक्तस्तु रामेण भरद्वाजो महामुनिः
8482	6112003c	प्रत्युवाच रघुश्रेष्ठं स्मितपूर्वं प्रहृष्टवत्
8483	6112004a	पङ्कदिग्धस्तु भरतो जटिलस्त्वां प्रतीक्षते
8484	6112004c	पादुके ते पुरस्कृत्य सर्वं च कुशलं गृहे
8485	6112005a	त्वां पुरा चीरवसनं प्रविशन्तं महावनम्
8486	6112005c	स्त्रीतृतीयं च्युतं राज्याद्धर्मकामं च केवलम्
8487	6112006a	पदातिं त्यक्तसर्वस्वं पितुर्वचनकारिणम्
8488	6112006c	स्वर्गभोगैः परित्यक्तं स्वर्गच्युतमिवामरम्
8489	6112007a	दृष्ट्वा तु करुणा पूर्वं ममासीत्समितिंजय
8490	6112007c	कैकेयीवचने युक्तं वन्यमूलफलाशनम्
8491	6112008a	साम्प्रतं सुसमृद्धार्थं समित्रगणबान्धवम्
8492	6112008c	समीक्ष्य विजितारिं त्वां मम प्रीतिरनुत्तमा
8493	6112009a	सर्वं च सुखदुःखं ते विदितं मम राघव
8494	6112009c	यत्त्वया विपुलं प्राप्तं जनस्थानवधादिकम्
8495	6112010a	ब्राह्मणार्थे नियुक्तस्य रक्षतः सर्वतापसान्
8496	6112010c	मारीचदर्शनं चैव सीतोन्मथनमेव च
8497	6112011a	कबन्धदर्शनं चैव पम्पाभिगमनं तथा
8498	6112011c	सुग्रीवेण च ते सख्यं यच्च वाली हतस्त्वया
8499	6112012a	मार्गणं चैव वैदेह्याः कर्म वातात्मजस्य च
8500	6112012c	विदितायां च वैदेह्यां नलसेतुर्यथा कृतः
8501	6112012e	यथा च दीपिता लङ्का प्रहृष्टैर्हरियूथपैः
8502	6112013a	सपुत्रबान्धवामात्यः सबलः सह वाहनः
8503	6112013c	यथा च निहतः संख्ये रावणो देवकण्टकः
8504	6112014a	समागमश्च त्रिदशैर्यथादत्तश्च ते वरः
8505	6112014c	सर्वं ममैतद्विदितं तपसा धर्मवत्सल
8506	6112015a	अहमप्यत्र ते दद्मि वरं शस्त्रभृतां वर
8507	6112015c	अर्घ्यं प्रतिगृहाणेदमयोध्यां श्वो गमिष्यसि
8508	6112016a	तस्य तच्छिरसा वाक्यं प्रतिगृह्य नृपात्मजः
8509	6112016c	बाढमित्येव संहृष्टः श्रीमान्वरमयाचत
8510	6112017a	अकालफलिनो वृक्षाः सर्वे चापि मधुस्रवाः
8511	6112017c	भवन्तु मार्गे भगवन्नयोध्यां प्रति गच्छतः
8512	6112018a	निष्फलाः फलिनश्चासन्विपुष्पाः पुष्पशालिनः
8513	6112018c	शुष्काः समग्रपत्रास्ते नगाश्चैव मधुस्रवाः
8514	6113001a	अयोध्यां तु समालोक्य चिन्तयामास राघवः
8515	6113001c	चिन्तयित्वा ततो दृष्टिं वानरेषु न्यपातयत्
8516	6113002a	प्रियकामः प्रियं रामस्ततस्त्वरितविक्रमम्
8517	6113002c	उवाच धीमांस्तेजस्वी हनूमन्तं प्लवंगमम्
8518	6113003a	अयोध्यां त्वरितो गच्छ क्षिप्रं त्वं प्लवगोत्तम
8519	6113003c	जानीहि कच्चित्कुशली जनो नृपतिमन्दिरे
8520	6113004a	शृङ्गवेरपुरं प्राप्य गुहं गहनगोचरम्
8521	6113004c	निषादाधिपतिं ब्रूहि कुशलं वचनान्मम
8522	6113005a	श्रुत्वा तु मां कुशलिनमरोगं विगतज्वरम्
8523	6113005c	भविष्यति गुहः प्रीतः स ममात्मसमः सखा
8524	6113006a	अयोध्यायाश्च ते मार्गं प्रवृत्तिं भरतस्य च
8525	6113006c	निवेदयिष्यति प्रीतो निषादाधिपतिर्गुहः
8526	6113007a	भरतस्तु त्वया वाच्यः कुशलं वचनान्मम
8527	6113007c	सिद्धार्थं शंस मां तस्मै सभार्यं सहलक्ष्मणम्
8528	6113008a	हरणं चापि वैदेह्या रावणेन बलीयसा
8529	6113008c	सुग्रीवेण च संवादं वालिनश्च वधं रणे
8530	6113009a	मैथिल्यन्वेषणं चैव यथा चाधिगता त्वया
8531	6113009c	लङ्घयित्वा महातोयमापगापतिमव्ययम्
8532	6113010a	उपयानं समुद्रस्य सागरस्य च दर्शनम्
8533	6113010c	यथा च कारितः सेतू रावणश्च यथा हतः
8534	6113011a	वरदानं महेन्द्रेण ब्रह्मणा वरुणेन च
8535	6113011c	महादेवप्रसादाच्च पित्रा मम समागमम्
8536	6113012a	जित्वा शत्रुगणान्रामः प्राप्य चानुत्तमं यशः
8537	6113012c	उपयाति समृद्धार्थः सह मित्रैर्महाबलः
8538	6113013a	एतच्छ्रुत्वा यमाकारं भजते भरतस्ततः
8539	6113013c	स च ते वेदितव्यः स्यात्सर्वं यच्चापि मां प्रति
8540	6113014a	ज्ञेयाः सर्वे च वृत्तान्ता भरतस्येङ्गितानि च
8541	6113014c	तत्त्वेन मुखवर्णेन दृष्ट्या व्याभाषणेन च
8542	6113015a	सर्वकामसमृद्धं हि हस्त्यश्वरथसंकुलम्
8543	6113015c	पितृपैतामहं राज्यं कस्य नावर्तयेन्मनः
8544	6113016a	संगत्या भरतः श्रीमान्राज्येनार्थी स्वयं भवेत्
8545	6113016c	प्रशास्तु वसुधां सर्वामखिलां रघुनन्दनः
8546	6113017a	तस्य बुद्धिं च विज्ञाय व्यवसायं च वानर
8547	6113017c	यावन्न दूरं याताः स्मः क्षिप्रमागन्तुमर्हसि
8548	6113018a	इति प्रतिसमादिष्टो हनूमान्मारुतात्मजः
8549	6113018c	मानुषं धारयन्रूपमयोध्यां त्वरितो ययौ
8550	6113019a	लङ्घयित्वा पितृपथं भुजगेन्द्रालयं शुभम्
8551	6113019c	गङ्गायमुनयोर्भीमं संनिपातमतीत्य च
8552	6113020a	शृङ्गवेरपुरं प्राप्य गुहमासाद्य वीर्यवान्
8553	6113020c	स वाचा शुभया हृष्टो हनूमानिदमब्रवीत्
8554	6113021a	सखा तु तव काकुत्स्थो रामः सत्यपराक्रमः
8555	6113021c	ससीतः सह सौमित्रिः स त्वां कुशलमब्रवीत्
8556	6113022a	पञ्चमीमद्य रजनीमुषित्वा वचनान्मुनेः
8557	6113022c	भरद्वाजाभ्यनुज्ञातं द्रक्ष्यस्यद्यैव राघवम्
8558	6113023a	एवमुक्त्वा महातेजाः संप्रहृष्टतनूरुहः
8559	6113023c	उत्पपात महावेगो वेगवानविचारयन्
8560	6113024a	सोऽपश्यद्रामतीर्थं च नदीं वालुकिनीं तथा
8561	6113024c	गोमतीं तां च सोऽपश्यद्भीमं सालवनं तथा
8562	6113025a	स गत्वा दूरमध्वानं त्वरितः कपिकुञ्जरः
8563	6113025c	आससाद द्रुमान्फुल्लान्नन्दिग्रामसमीपजान्
8564	6113026a	क्रोशमात्रे त्वयोध्यायाश्चीरकृष्णाजिनाम्बरम्
8565	6113026c	ददर्श भरतं दीनं कृशमाश्रमवासिनम्
8566	6113027a	जटिलं मलदिग्धाङ्गं भ्रातृव्यसनकर्शितम्
8567	6113027c	फलमूलाशिनं दान्तं तापसं धर्मचारिणम्
8568	6113028a	समुन्नतजटाभारं वल्कलाजिनवाससं
8569	6113028c	नियतं भावितात्मानं ब्रह्मर्षिसमतेजसं
8570	6113029a	पादुके ते पुरस्कृत्य शासन्तं वै वसुंधराम्
8571	6113029c	चतुर्वर्ण्यस्य लोकस्य त्रातारं सर्वतो भयात्
8572	6113030a	उपस्थितममात्यैश्च शुचिभिश्च पुरोहितैः
8573	6113030c	बलमुख्यैश्च युक्तैश्च काषायाम्बरधारिभिः
8574	6113031a	न हि ते राजपुत्रं तं चीरकृष्णाजिनाम्बरम्
8575	6113031c	परिमोक्तुं व्यवस्यन्ति पौरा वै धर्मवत्सलाः
8576	6113032a	तं धर्ममिव धर्मज्ञं देववन्तमिवापरम्
8577	6113032c	उवाच प्राञ्जलिर्वाक्यं हनूमान्मारुतात्मजः
8578	6113033a	वसन्तं दण्डकारण्ये यं त्वं चीरजटाधरम्
8579	6113033c	अनुशोचसि काकुत्स्थं स त्वा कुशलमब्रवीत्
8580	6113034a	प्रियमाख्यामि ते देव शोकं त्यक्ष्यसि दारुणम्
8581	6113034c	अस्मिन्मुहूर्ते भ्रात्रा त्वं रामेण सह संगतः
8582	6113035a	निहत्य रावणं रामः प्रतिलभ्य च मैथिलीम्
8583	6113035c	उपयाति समृद्धार्थः सह मित्रैर्महाबलैः
8584	6113036a	लक्ष्मणश्च महातेजा वैदेही च यशस्विनी
8585	6113036c	सीता समग्रा रामेण महेन्द्रेण शची यथा
8586	6113037a	एवमुक्तो हनुमता भरतः कैकयीसुतः
8587	6113037c	पपात सहसा हृष्टो हर्षान्मोहं जगाम ह
8588	6113038a	ततो मुहूर्तादुत्थाय प्रत्याश्वस्य च राघवः
8589	6113038c	हनूमन्तमुवाचेदं भरतः प्रियवादिनम्
8590	6113039a	अशोकजैः प्रीतिमयैः कपिमालिङ्ग्य संभ्रमात्
8591	6113039c	सिषेच भरतः श्रीमान्विपुलैरश्रुबिन्दुभिः
8592	6113040a	देवो वा मानुषो वा त्वमनुक्रोशादिहागतः
8593	6113040c	प्रियाख्यानस्य ते सौम्य ददामि ब्रुवतः प्रियम्
8594	6113041a	गवां शतसहस्रं च ग्रामाणां च शतं परम्
8595	6113041c	सकुण्डलाः शुभाचारा भार्याः कन्याश्च षोडश
8596	6113042a	हेमवर्णाः सुनासोरूः शशिसौम्याननाः स्त्रियः
8597	6113042c	सर्वाभरणसंपन्ना संपन्नाः कुलजातिभिः
8598	6113043a	निशम्य रामागमनं नृपात्मजः; कपिप्रवीरस्य तदाद्भुतोपमम्
8599	6113043c	प्रहर्षितो रामदिदृक्षयाभव;त्पुनश्च हर्षादिदमब्रवीद्वचः
8600	6114001a	बहूनि नाम वर्षाणि गतस्य सुमहद्वनम्
8601	6114001c	शृणोम्यहं प्रीतिकरं मम नाथस्य कीर्तनम्
8602	6114002a	कल्याणी बत गाथेयं लौकिकी प्रतिभाति मे
8603	6114002c	एति जीवन्तमानन्दो नरं वर्षशतादपि
8604	6114003a	राघवस्य हरीणां च कथमासीत्समागमः
8605	6114003c	कस्मिन्देशे किमाश्रित्य तत्त्वमाख्याहि पृच्छतः
8606	6114004a	स पृष्टो राजपुत्रेण बृस्यां समुपवेशितः
8607	6114004c	आचचक्षे ततः सर्वं रामस्य चरितं वने
8608	6114005a	यथा प्रव्रजितो रामो मातुर्दत्ते वरे तव
8609	6114005c	यथा च पुत्रशोकेन राजा दशरथो मृतः
8610	6114006a	यथा दूतैस्त्वमानीतस्तूर्णं राजगृहात्प्रभो
8611	6114006c	त्वयायोध्यां प्रविष्टेन यथा राज्यं न चेप्सितम्
8612	6114007a	चित्रकूटं गिरिं गत्वा राज्येनामित्रकर्शनः
8613	6114007c	निमन्त्रितस्त्वया भ्राता धर्ममाचरिता सताम्
8614	6114008a	स्थितेन राज्ञो वचने यथा राज्यं विसर्जितम्
8615	6114008c	आर्यस्य पादुके गृह्य यथासि पुनरागतः
8616	6114009a	सर्वमेतन्महाबाहो यथावद्विदितं तव
8617	6114009c	त्वयि प्रतिप्रयाते तु यद्वृत्तं तन्निबोध मे
8618	6114010a	अपयाते त्वयि तदा समुद्भ्रान्तमृगद्विजम्
8619	6114010c	प्रविवेशाथ विजनं सुमहद्दण्डकावनम्
8620	6114011a	तेषां पुरस्ताद्बलवान्गच्छतां गहने वने
8621	6114011c	विनदन्सुमहानादं विराधः प्रत्यदृश्यत
8622	6114012a	तमुत्क्षिप्य महानादमूर्ध्वबाहुमधोमुखम्
8623	6114012c	निखाते प्रक्षिपन्ति स्म नदन्तमिव कुञ्जरम्
8624	6114013a	तत्कृत्वा दुष्करं कर्म भ्रातरौ रामलक्ष्मणौ
8625	6114013c	सायाह्ने शरभङ्गस्य रम्यमाश्रममीयतुः
8626	6114014a	शरभङ्गे दिवं प्राप्ते रामः सत्यपराक्रमः
8627	6114014c	अभिवाद्य मुनीन्सर्वाञ्जनस्थानमुपागमत्
8628	6114015a	चतुर्दशसहस्राणि रक्षसां भीमकर्मणाम्
8629	6114015c	हतानि वसता तत्र राघवेण महात्मना
8630	6114016a	ततः पश्चाच्छूर्पणखा रामपार्श्वमुपागता
8631	6114016c	ततो रामेण संदिष्टो लक्ष्मणः सहसोत्थितः
8632	6114017a	प्रगृह्य खड्गं चिच्छेद कर्णनासे महाबलः
8633	6114017c	ततस्तेनार्दिता बाला रावणं समुपागता
8634	6114018a	रावणानुचरो घोरो मारीचो नाम राक्षसः
8635	6114018c	लोभयामास वैदेहीं भूत्वा रत्नमयो मृगः
8636	6114019a	सा राममब्रवीद्दृष्ट्वा वैदेही गृह्यतामिति
8637	6114019c	अहो मनोहरः कान्त आश्रमे नो भविष्यति
8638	6114020a	ततो रामो धनुष्पाणिर्धावन्तमनुधावति
8639	6114020c	स तं जघान धावन्तं शरेणानतपर्वणा
8640	6114021a	अथ सौम्या दशग्रीवो मृगं याते तु राघवे
8641	6114021c	लक्ष्मणे चापि निष्क्रान्ते प्रविवेशाश्रमं तदा
8642	6114021e	जग्राह तरसा सीतां ग्रहः खे रोहिणीमिव
8643	6114022a	त्रातुकामं ततो युद्धे हत्वा गृध्रं जटायुषम्
8644	6114022c	प्रगृह्य सीतां सहसा जगामाशु स रावणः
8645	6114023a	ततस्त्वद्भुतसंकाशाः स्थिताः पर्वतमूर्धनि
8646	6114023c	सीतां गृहीत्वा गच्छन्तं वानराः पर्वतोपमाः
8647	6114023e	ददृशुर्विस्मितास्तत्र रावणं राक्षसाधिपम्
8648	6114024a	प्रविवेर्श तदा लङ्कां रावणो लोकरावणः
8649	6114025a	तां सुवर्णपरिक्रान्ते शुभे महति वेश्मनि
8650	6114025c	प्रवेश्य मैथिलीं वाक्यैः सान्त्वयामास रावणः
8651	6114026a	निवर्तमानः काकुत्स्थो दृष्ट्वा गृध्रं प्रविव्यथे
8652	6114027a	गृध्रं हतं तदा दग्ध्वा रामः प्रियसखं पितुः
8653	6114027c	गोदावरीमनुचरन्वनोद्देशांश्च पुष्पितान्
8654	6114027e	आसेदतुर्महारण्ये कबन्धं नाम राक्षसं
8655	6114028a	ततः कबन्धवचनाद्रामः सत्यपराक्रमः
8656	6114028c	ऋश्यमूकं गिरिं गत्वा सुग्रीवेण समागतः
8657	6114029a	तयोः समागमः पूर्वं प्रीत्या हार्दो व्यजायत
8658	6114029c	इतरेतर संवादात्प्रगाढः प्रणयस्तयोः
8659	6114030a	रामः स्वबाहुवीर्येण स्वराज्यं प्रत्यपादयत्
8660	6114030c	वालिनं समरे हत्वा महाकायं महाबलम्
8661	6114031a	सुग्रीवः स्थापितो राज्ये सहितः सर्ववानरैः
8662	6114031c	रामाय प्रतिजानीते राजपुत्र्यास्तु मार्गणम्
8663	6114032a	आदिष्टा वानरेन्द्रेण सुग्रीवेण महात्मना
8664	6114032c	दशकोट्यः प्लवंगानां सर्वाः प्रस्थापिता दिशः
8665	6114033a	तेषां नो विप्रनष्टानां विन्ध्ये पर्वतसत्तमे
8666	6114033c	भृशं शोकाभितप्तानां महान्कालोऽत्यवर्तत
8667	6114034a	भ्राता तु गृध्रराजस्य संपातिर्नाम वीर्यवान्
8668	6114034c	समाख्याति स्म वसतिं सीताया रावणालये
8669	6114035a	सोऽहं दुःखपरीतानां दुःखं तज्ज्ञातिनां नुदन्
8670	6114035c	आत्मवीर्यं समास्थाय योजनानां शतं प्लुतः
8671	6114036a	तत्राहमेकामद्राक्षमशोकवनिकां गताम्
8672	6114036c	कौशेयवस्त्रां मलिनां निरानन्दां दृढव्रताम्
8673	6114037a	तया समेत्य विधिवत्पृष्ट्वा सर्वमनिन्दिताम्
8674	6114037c	अभिज्ञानं मणिं लब्ध्वा चरितार्थोऽहमागतः
8675	6114038a	मया च पुनरागम्य रामस्याक्लिष्टकर्मणः
8676	6114038c	अभिज्ञानं मया दत्तमर्चिष्मान्स महामणिः
8677	6114039a	श्रुत्वा तां मैथिलीं हृष्टस्त्वाशशंसे स जीवितम्
8678	6114039c	जीवितान्तमनुप्राप्तः पीत्वामृतमिवातुरः
8679	6114040a	उद्योजयिष्यन्नुद्योगं दध्रे लङ्कावधे मनः
8680	6114040c	जिघांसुरिव लोकांस्ते सर्वाँल्लोकान्विभावसुः
8681	6114041a	ततः समुद्रमासाद्य नलं सेतुमकारयत्
8682	6114041c	अतरत्कपिवीराणां वाहिनी तेन सेतुना
8683	6114042a	प्रहस्तमवधीन्नीलः कुम्भकर्णं तु राघवः
8684	6114042c	लक्ष्मणो रावणसुतं स्वयं रामस्तु रावणम्
8685	6114043a	स शक्रेण समागम्य यमेन वरुणेन च
8686	6114043c	सुरर्षिभिश्च काकुत्स्थो वराँल्लेभे परंतपः
8687	6114044a	स तु दत्तवरः प्रीत्या वानरैश्च समागतः
8688	6114044c	पुष्पकेण विमानेन किष्किन्धामभ्युपागमत्
8689	6114045a	तं गङ्गां पुनरासाद्य वसन्तं मुनिसंनिधौ
8690	6114045c	अविघ्नं पुष्ययोगेन श्वो रामं द्रष्टुमर्हसि
8691	6114046a	ततः स सत्यं हनुमद्वचो मह;न्निशम्य हृष्टो भरतः कृताञ्जलिः
8692	6114046c	उवाच वाणीं मनसः प्रहर्षिणी; चिरस्य पूर्णः खलु मे मनोरथः
8693	6115001a	श्रुत्वा तु परमानन्दं भरतः सत्यविक्रमः
8694	6115001c	हृष्टमाज्ञापयामास शत्रुघ्नं परवीरहा
8695	6115002a	दैवतानि च सर्वाणि चैत्यानि नगरस्य च
8696	6115002c	सुगन्धमाल्यैर्वादित्रैरर्चन्तु शुचयो नराः
8697	6115003a	राजदारास्तथामात्याः सैन्याः सेनागणाङ्गनाः
8698	6115003c	अभिनिर्यान्तु रामस्य द्रष्टुं शशिनिभं मुखम्
8699	6115004a	भरतस्य वचः श्रुत्वा शत्रुघ्नः परवीरहा
8700	6115004c	विष्टीरनेकसाहस्रीश्चोदयामास वीर्यवान्
8701	6115005a	समीकुरुत निम्नानि विषमाणि समानि च
8702	6115005c	स्थानानि च निरस्यन्तां नन्दिग्रामादितः परम्
8703	6115006a	सिञ्चन्तु पृथिवीं कृत्स्नां हिमशीतेन वारिणा
8704	6115006c	ततोऽभ्यवकिरंस्त्वन्ये लाजैः पुष्पैश्च सर्वतः
8705	6115007a	समुच्छ्रितपताकास्तु रथ्याः पुरवरोत्तमे
8706	6115007c	शोभयन्तु च वेश्मानि सूर्यस्योदयनं प्रति
8707	6115008a	स्रग्दाममुक्तपुष्पैश्च सुगन्धैः पञ्चवर्णकैः
8708	6115008c	राजमार्गमसंबाधं किरन्तु शतशो नराः
8709	6115009a	मत्तैर्नागसहस्रैश्च शातकुम्भविभूषितः
8710	6115009c	अपरे हेमकक्ष्याभिः सगजाभिः करेणुभिः
8711	6115009e	निर्ययुस्त्वरया युक्ता रथैश्च सुमहारथाः
8712	6115010a	ततो यानान्युपारूढाः सर्वा दशरथस्त्रियः
8713	6115010c	कौसल्यां प्रमुखे कृत्वा सुमित्रां चापि निर्ययुः
8714	6115011a	अश्वानां खुरशब्देन रथनेमिस्वनेन च
8715	6115011c	शङ्खदुन्दुभिनादेन संचचालेव मेदिनी
8716	6115012a	कृत्स्नं च नगरं तत्तु नन्दिग्राममुपागमत्
8717	6115012c	द्विजातिमुख्यैर्धर्मात्मा श्रेणीमुख्यैः सनैगमैः
8718	6115013a	माल्यमोदक हस्तैश्च मन्त्रिभिर्भरतो वृतः
8719	6115013c	शङ्खभेरीनिनादैश्च बन्दिभिश्चाभिवन्दितः
8720	6115014a	आर्यपादौ गृहीत्वा तु शिरसा धर्मकोविदः
8721	6115014c	पाण्डुरं छत्रमादाय शुक्लमाल्योपशोभितम्
8722	6115015a	शुक्ले च वालव्यजने राजार्हे हेमभूषिते
8723	6115015c	उपवासकृशो दीनश्चीरकृष्णाजिनाम्बरः
8724	6115016a	भ्रातुरागमनं श्रुत्वा तत्पूर्वं हर्षमागतः
8725	6115016c	प्रत्युद्ययौ तदा रामं महात्मा सचिवैः सह
8726	6115017a	समीक्ष्य भरतो वाक्यमुवाच पवनात्मजम्
8727	6115017c	कच्चिन्न खलु कापेयी सेव्यते चलचित्तता
8728	6115017e	न हि पश्यामि काकुत्स्थं राममार्यं परंतपम्
8729	6115018a	अथैवमुक्ते वचने हनूमानिदमब्रवीत्
8730	6115018c	अर्थं विज्ञापयन्नेव भरतं सत्यविक्रमम्
8731	6115019a	सदा फलान्कुसुमितान्वृक्षान्प्राप्य मधुस्रवान्
8732	6115019c	भरद्वाजप्रसादेन मत्तभ्रमरनादितान्
8733	6115020a	तस्य चैष वरो दत्तो वासवेन परंतप
8734	6115020c	ससैन्यस्य तदातिथ्यं कृतं सर्वगुणान्वितम्
8735	6115021a	निस्वनः श्रूयते भीमः प्रहृष्टानां वनौकसाम्
8736	6115021c	मन्ये वानरसेना सा नदीं तरति गोमतीम्
8737	6115022a	रजोवर्षं समुद्भूतं पश्य वालुकिनीं प्रति
8738	6115022c	मन्ये सालवनं रम्यं लोलयन्ति प्लवंगमाः
8739	6115023a	तदेतद्दृश्यते दूराद्विमलं चन्द्रसंनिभम्
8740	6115023c	विमानं पुष्पकं दिव्यं मनसा ब्रह्मनिर्मितम्
8741	6115024a	रावणं बान्धवैः सार्धं हत्वा लब्धं महात्मना
8742	6115024c	धनदस्य प्रसादेन दिव्यमेतन्मनोजवम्
8743	6115025a	एतस्मिन्भ्रातरौ वीरौ वैदेह्या सह राघवौ
8744	6115025c	सुग्रीवश्च महातेजा राक्षसेन्द्रो विभीषणः
8745	6115026a	ततो हर्षसमुद्भूतो निस्वनो दिवमस्पृशत्
8746	6115026c	स्त्रीबालयुववृद्धानां रामोऽयमिति कीर्तितः
8747	6115027a	रथकुञ्जरवाजिभ्यस्तेऽवतीर्य महीं गताः
8748	6115027c	ददृशुस्तं विमानस्थं नराः सोममिवाम्बरे
8749	6115028a	प्राञ्जलिर्भरतो भूत्वा प्रहृष्टो राघवोन्मुखः
8750	6115028c	स्वागतेन यथार्थेन ततो राममपूजयत्
8751	6115029a	मनसा ब्रह्मणा सृष्टे विमाने लक्ष्मणाग्रजः
8752	6115029c	रराज पृथुदीर्घाक्षो वज्रपाणिरिवापरः
8753	6115030a	ततो विमानाग्रगतं भरतो भ्रातरं तदा
8754	6115030c	ववन्दे प्रणतो रामं मेरुस्थमिव भास्करम्
8755	6115031a	आरोपितो विमानं तद्भरतः सत्यविक्रमः
8756	6115031c	राममासाद्य मुदितः पुनरेवाभ्यवादयत्
8757	6115032a	तं समुत्थाप्य काकुत्स्थश्चिरस्याक्षिपथं गतम्
8758	6115032c	अङ्के भरतमारोप्य मुदितः परिषष्वजे
8759	6115033a	ततो लक्ष्मणमासाद्य वैदेहीं च परंतपः
8760	6115033c	अभ्यवादयत प्रीतो भरतो नाम चाब्रवीत्
8761	6115034a	सुग्रीवं कैकयी पुत्रो जाम्बवन्तं तथाङ्गदम्
8762	6115034c	मैन्दं च द्विविदं नीलमृषभं चैव सस्वजे
8763	6115035a	ते कृत्वा मानुषं रूपं वानराः कामरूपिणः
8764	6115035c	कुशलं पर्यपृष्हन्त प्रहृष्टा भरतं तदा
8765	6115036a	विभीषणं च भरतः सान्त्वयन्वाक्यमब्रवीत्
8766	6115036c	दिष्ट्या त्वया सहायेन कृतं कर्म सुदुष्करम्
8767	6115037a	शत्रुघ्नश्च तदा राममभिवाद्य सलक्ष्मणम्
8768	6115037c	सीतायाश्चरणौ पश्चाद्ववन्दे विनयान्वितः
8769	6115038a	रामो मातरमासाद्य विषण्णं शोककर्शिताम्
8770	6115038c	जग्राह प्रणतः पादौ मनो मातुः प्रसादयन्
8771	6115039a	अभिवाद्य सुमित्रां च कैकेयीं च यशस्विनीम्
8772	6115039c	स मातॄश्च तदा सर्वाः पुरोहितमुपागमत्
8773	6115040a	स्वागतं ते महाबाहो कौसल्यानन्दवर्धन
8774	6115040c	इति प्राञ्जलयः सर्वे नागरा राममब्रुवन्
8775	6115041a	तन्यञ्जलिसहस्राणि प्रगृहीतानि नागरैः
8776	6115041c	आकोशानीव पद्मानि ददर्श भरताग्रजः
8777	6115042a	पादुके ते तु रामस्य गृहीत्वा भरतः स्वयम्
8778	6115042c	चरणाभ्यां नरेन्द्रस्य योजयामास धर्मवित्
8779	6115043a	अब्रवीच्च तदा रामं भरतः स कृताञ्जलिः
8780	6115043c	एतत्ते रक्षितं राजन्राज्यं निर्यातितं मया
8781	6115044a	अद्य जन्म कृतार्थं मे संवृत्तश्च मनोरथः
8782	6115044c	यस्त्वां पश्यामि राजानमयोध्यां पुनरागतम्
8783	6115045a	अवेक्षतां भवान्कोशं कोष्ठागारं पुरं बलम्
8784	6115045c	भवतस्तेजसा सर्वं कृतं दशगुणं मया
8785	6115046a	तथा ब्रुवाणं भरतं दृष्ट्वा तं भ्रातृवत्सलम्
8786	6115046c	मुमुचुर्वानरा बाष्पं राक्षसश्च विभीषणः
8787	6115047a	ततः प्रहर्षाद्भरतमङ्कमारोप्य राघवः
8788	6115047c	ययौ तेन विमानेन ससैन्यो भरताश्रमम्
8789	6115048a	भरताश्रममासाद्य ससैन्यो राघवस्तदा
8790	6115048c	अवतीर्य विमानाग्रादवतस्थे महीतले
8791	6115049a	अब्रवीच्च तदा रामस्तद्विमानमनुत्तमम्
8792	6115049c	वह वैश्रवणं देवमनुजानामि गम्यताम्
8793	6115050a	ततो रामाभ्यनुज्ञातं तद्विमानमनुत्तमम्
8794	6115050c	उत्तरां दिशमुद्दिश्य जगाम धनदालयम्
8795	6115051a	पुरोहितस्यात्मसमस्य राघवो; बृहस्पतेः शक्र इवामराधीअफ्
8796	6115051c	निपीड्य पादौ पृथगासने शुभे; सहैव तेनोपविवेश वीर्यवान्
8797	6116001a	शिरस्यञ्जलिमादाय कैकेयीनन्दिवर्धनः
8798	6116001c	बभाषे भरतो ज्येष्ठं रामं सत्यपराक्रमम्
8799	6116002a	पूजिता मामिका माता दत्तं राज्यमिदं मम
8800	6116002c	तद्ददामि पुनस्तुभ्यं यथा त्वमददा मम
8801	6116003a	धुरमेकाकिना न्यस्तामृषभेण बलीयसा
8802	6116003c	किशोरवद्गुरुं भारं न वोढुमहमुत्सहे
8803	6116004a	वारिवेगेन महता भिन्नः सेतुरिव क्षरन्
8804	6116004c	दुर्बन्धनमिदं मन्ये राज्यच्छिद्रमसंवृतम्
8805	6116005a	गतिं खर इवाश्वस्य हंसस्येव च वायसः
8806	6116005c	नान्वेतुमुत्सहे देव तव मार्गमरिंदम
8807	6116006a	यथा च रोपितो वृक्षो जातश्चान्तर्निवेशने
8808	6116006c	महांश्च सुदुरारोहो महास्कन्धः प्रशाखवान्
8809	6116007a	शीर्येत पुष्पितो भूत्वा न फलानि प्रदर्शयेत्
8810	6116007c	तस्य नानुभवेदर्थं यस्य हेतोः स रोप्यते
8811	6116008a	एषोपमा महाबाहो त्वमर्थं वेत्तुमर्हसि
8812	6116008c	यद्यस्मान्मनुजेन्द्र त्वं भक्तान्भृत्यान्न शाधि हि
8813	6116009a	जगदद्याभिषिक्तं त्वामनुपश्यतु सर्वतः
8814	6116009c	प्रतपन्तमिवादित्यं मध्याह्ने दीप्ततेजसं
8815	6116010a	तूर्यसंघातनिर्घोषैः काञ्चीनूपुरनिस्वनैः
8816	6116010c	मधुरैर्गीतशब्दैश्च प्रतिबुध्यस्व शेष्व च
8817	6116011a	यावदावर्तते चक्रं यावती च वसुंधरा
8818	6116011c	तावत्त्वमिह सर्वस्य स्वामित्वमभिवर्तय
8819	6116012a	भरतस्य वचः श्रुत्वा रामः परपुरंजयः
8820	6116012c	तथेति प्रतिजग्राह निषसादासने शुभे
8821	6116013a	ततः शत्रुघ्नवचनान्निपुणाः श्मश्रुवर्धकाः
8822	6116013c	सुखहस्ताः सुशीघ्राश्च राघवं पर्युपासत
8823	6116014a	पूर्वं तु भरते स्नाते लक्ष्मणे च महाबले
8824	6116014c	सुग्रीवे वानरेन्द्रे च राक्षसेन्द्रे विभीषणे
8825	6116015a	विशोधितजटः स्नातश्चित्रमाल्यानुलेपनः
8826	6116015c	महार्हवसनोपेतस्तस्थौ तत्र श्रिया ज्वलन्
8827	6116016a	प्रतिकर्म च रामस्य कारयामास वीर्यवान्
8828	6116016c	लक्ष्मणस्य च लक्ष्मीवानिक्ष्वाकुकुलवर्धनः
8829	6116017a	प्रतिकर्म च सीतायाः सर्वा दशरथस्त्रियः
8830	6116017c	आत्मनैव तदा चक्रुर्मनस्विन्यो मनोहरम्
8831	6116018a	ततो राघवपत्नीनां सर्वासामेव शोभनम्
8832	6116018c	चकार यत्नात्कौसल्या प्रहृष्टा पुत्रवत्सला
8833	6116019a	ततः शत्रुघ्नवचनात्सुमन्त्रो नाम सारथिः
8834	6116019c	योजयित्वाभिचक्राम रथं सर्वाङ्गशोभनम्
8835	6116020a	अर्कमण्डलसंकाशं दिव्यं दृष्ट्वा रथं स्थितम्
8836	6116020c	आरुरोह महाबाहू रामः सत्यपराक्रमः
8837	6116021a	अयोध्यायां तु सचिवा राज्ञो दशरथस्य ये
8838	6116021c	पुरोहितं पुरस्कृत्य मन्त्रयामासुरर्थवत्
8839	6116022a	मन्त्रयन्रामवृद्ध्यर्थं वृत्त्यर्थं नगरस्य च
8840	6116022c	सर्वमेवाभिषेकार्थं जयार्हस्य महात्मनः
8841	6116022e	कर्तुमर्हथ रामस्य यद्यन्मङ्गलपूर्वकम्
8842	6116023a	इति ते मन्त्रिणः सर्वे संदिश्य तु पुरोहितम्
8843	6116023c	नगरान्निर्ययुस्तूर्णं रामदर्शनबुद्धयः
8844	6116024a	हरियुक्तं सहस्राक्षो रथमिन्द्र इवानघः
8845	6116024c	प्रययौ रथमास्थाय रामो नगरमुत्तमम्
8846	6116025a	जग्राह भरतो रश्मीञ्शत्रुघ्नश्छत्रमाददे
8847	6116025c	लक्ष्मणो व्यजनं तस्य मूर्ध्नि संपर्यवीजयत्
8848	6116026a	श्वेतं च वालव्यजनं सुग्रीवो वानरेश्वरः
8849	6116026c	अपरं चन्द्रसंकाशं राक्षसेन्द्रो विभीषणः
8850	6116027a	ऋषिसंघैर्तदाकाशे देवैश्च समरुद्गणैः
8851	6116027c	स्तूयमानस्य रामस्य शुश्रुवे मधुरध्वनिः
8852	6116028a	ततः शत्रुंजयं नाम कुञ्जरं पर्वतोपमम्
8853	6116028c	आरुरोह महातेजाः सुग्रीवो वानरेश्वरः
8854	6116029a	नवनागसहस्राणि ययुरास्थाय वानराः
8855	6116029c	मानुषं विग्रहं कृत्वा सर्वाभरणभूषिताः
8856	6116030a	शङ्खशब्दप्रणादैश्च दुन्दुभीनां च निस्वनैः
8857	6116030c	प्रययू पुरुषव्याघ्रस्तां पुरीं हर्म्यमालिनीम्
8858	6116031a	ददृशुस्ते समायान्तं राघवं सपुरःसरम्
8859	6116031c	विराजमानं वपुषा रथेनातिरथं तदा
8860	6116032a	ते वर्धयित्वा काकुत्स्थं रामेण प्रतिनन्दिताः
8861	6116032c	अनुजग्मुर्महात्मानं भ्रातृभिः परिवारितम्
8862	6116033a	अमात्यैर्ब्राह्मणैश्चैव तथा प्रकृतिभिर्वृतः
8863	6116033c	श्रिया विरुरुचे रामो नक्षत्रैरिव चन्द्रमाः
8864	6116034a	स पुरोगामिभिस्तूर्यैस्तालस्वस्तिकपाणिभिः
8865	6116034c	प्रव्याहरद्भिर्मुदितैर्मङ्गलानि ययौ वृतः
8866	6116035a	अक्षतं जातरूपं च गावः कन्यास्तथा द्विजाः
8867	6116035c	नरा मोदकहस्ताश्च रामस्य पुरतो ययुः
8868	6116036a	सख्यं च रामः सुग्रीवे प्रभावं चानिलात्मजे
8869	6116036c	वानराणां च तत्कर्म व्याचचक्षेऽथ मन्त्रिणाम्
8870	6116036e	श्रुत्वा च विस्मयं जग्मुरयोध्यापुरवासिनः
8871	6116037a	द्युतिमानेतदाख्याय रामो वानरसंवृतः
8872	6116037c	हृष्टपुष्टजनाकीर्णामयोध्यां प्रविवेश ह
8873	6116038a	ततो ह्यभ्युच्छ्रयन्पौराः पताकास्ते गृहे गृहे
8874	6116038c	ऐक्ष्वाकाध्युषितं रम्यमाससाद पितुर्गृहम्
8875	6116039a	पितुर्भवनमासाद्य प्रविश्य च महात्मनः
8876	6116039c	कौसल्यां च सुमित्रां च कैकेयीं चाभ्यवादयत्
8877	6116040a	अथाब्रवीद्राजपुत्रो भरतं धर्मिणां वरम्
8878	6116040c	अथोपहितया वाचा मधुरं रघुनन्दनः
8879	6116041a	यच्च मद्भवनं श्रेष्ठं साशोकवनिकं महत्
8880	6116041c	मुक्तावैदूर्यसंकीर्णं सुग्रीवस्य निवेदय
8881	6116042a	तस्य तद्वचनं श्रुत्वा भरतः सत्यविक्रमः
8882	6116042c	पाणौ गृहीत्वा सुग्रीवं प्रविवेश तमालयम्
8883	6116043a	ततस्तैलप्रदीपांश्च पर्यङ्कास्तरणानि च
8884	6116043c	गृहीत्वा विविशुः क्षिप्रं शत्रुघ्नेन प्रचोदिताः
8885	6116044a	उवाच च महातेजाः सुग्रीवं राघवानुजः
8886	6116044c	अभिषेकाय रामस्य दूतानाज्ञापय प्रभो
8887	6116045a	सौवर्णान्वानरेन्द्राणां चतुर्णां चतुरो घटान्
8888	6116045c	ददौ क्षिप्रं स सुग्रीवः सर्वरत्नविभूषितान्
8889	6116046a	यथा प्रत्यूषसमये चतुर्णां सागराम्भसाम्
8890	6116046c	पूर्णैर्घटैः प्रतीक्षध्वं तथा कुरुत वानराः
8891	6116047a	एवमुक्ता महात्मानो वानरा वारणोपमाः
8892	6116047c	उत्पेतुर्गगनं शीघ्रं गरुडा इव शीघ्रगाः
8893	6116048a	जाम्बवांश्च हनूमांश्च वेगदर्शी च वानरः
8894	6116048c	ऋषभश्चैव कलशाञ्जलपूर्णानथानयन्
8895	6116048e	नदीशतानां पञ्चानां जले कुम्भैरुपाहरन्
8896	6116049a	पूर्वात्समुद्रात्कलशं जलपूर्णमथानयत्
8897	6116049c	सुषेणः सत्त्वसंपन्नः सर्वरत्नविभूषितम्
8898	6116050a	ऋषभो दक्षिणात्तूर्णं समुद्राज्जलमाहरत्
8899	6116051a	रक्तचन्दनकर्पूरैः संवृतं काञ्चनं घटम्
8900	6116051c	गवयः पश्चिमात्तोयमाजहार महार्णवात्
8901	6116052a	रत्नकुम्भेन महता शीतं मारुतविक्रमः
8902	6116052c	उत्तराच्च जलं शीघ्रं गरुडानिलविक्रमः
8903	6116053a	अभिषेकाय रामस्य शत्रुघ्नः सचिवैः सह
8904	6116053c	पुरोहिताय श्रेष्ठाय सुहृद्भ्यश्च न्यवेदयत्
8905	6116054a	ततः स प्रयतो वृद्धो वसिष्ठो ब्राह्मणैः सह
8906	6116054c	रामं रत्नमयो पीठे सहसीतं न्यवेशयत्
8907	6116055a	वसिष्ठो वामदेवश्च जाबालिरथ काश्यपः
8908	6116055c	कात्यायनः सुयज्ञश्च गौतमो विजयस्तथा
8909	6116056a	अभ्यषिञ्चन्नरव्याघ्रं प्रसन्नेन सुगन्धिना
8910	6116056c	सलिलेन सहस्राक्षं वसवो वासवं यथा
8911	6116057a	ऋत्विग्भिर्ब्राह्मणैः पूर्वं कन्याभिर्मन्त्रिभिस्तथा
8912	6116057c	योधैश्चैवाभ्यषिञ्चंस्ते संप्रहृष्टाः सनैगमैः
8913	6116058a	सर्वौषधिरसैश्चापि दैवतैर्नभसि स्थितैः
8914	6116058c	चतुर्हिर्लोकपालैश्च सर्वैर्देवैश्च संगतैः
8915	6116059a	छत्रं तस्य च जग्राह शत्रुघ्नः पाण्डुरं शुभम्
8916	6116059c	श्वेतं च वालव्यजनं सुग्रीवो वानरेश्वरः
8917	6116059e	अपरं चन्द्रसंकाशं राक्षसेन्द्रो विभीषणः
8918	6116060a	मालां ज्वलन्तीं वपुषा काञ्चनीं शतपुष्कराम्
8919	6116060c	राघवाय ददौ वायुर्वासवेन प्रचोदितः
8920	6116061a	सर्वरत्नसमायुक्तं मणिरत्नविभूषितम्
8921	6116061c	मुक्ताहारं नरेन्द्राय ददौ शक्रप्रचोदितः
8922	6116062a	प्रजगुर्देवगन्धर्वा ननृतुश्चाप्सरो गणाः
8923	6116062c	अभिषेके तदर्हस्य तदा रामस्य धीमतः
8924	6116063a	भूमिः सस्यवती चैव फलवन्तश्च पादपाः
8925	6116063c	गन्धवन्ति च पुष्पाणि बभूवू राघवोत्सवे
8926	6116064a	सहस्रशतमश्वानां धेनूनां च गवां तथा
8927	6116064c	ददौ शतं वृषान्पूर्वं द्विजेभ्यो मनुजर्षभः
8928	6116065a	त्रिंशत्कोटीर्हिरण्यस्य ब्राह्मणेभ्यो ददौ पुनः
8929	6116065c	नानाभरणवस्त्राणि महार्हाणि च राघवः
8930	6116066a	अर्करश्मिप्रतीकाशां काञ्चनीं मणिविग्रहाम्
8931	6116066c	सुग्रीवाय स्रजं दिव्यां प्रायच्छन्मनुजर्षभः
8932	6116067a	वैदूर्यमणिचित्रे च वज्ररत्नविभूषिते
8933	6116067c	वालिपुत्राय धृतिमानङ्गदायाङ्गदे ददौ
8934	6116068a	मणिप्रवरजुष्टं च मुक्ताहारमनुत्तमम्
8935	6116068c	सीतायै प्रददौ रामश्चन्द्ररश्मिसमप्रभम्
8936	6116069a	अरजे वाससी दिव्ये शुभान्याभरणानि च
8937	6116069c	अवेक्षमाणा वैदेही प्रददौ वायुसूनवे
8938	6116070a	अवमुच्यात्मनः कण्ठाद्धारं जनकनन्दिनी
8939	6116070c	अवैक्षत हरीन्सर्वान्भर्तारं च मुहुर्मुहुः
8940	6116071a	तामिङ्गितज्ञः संप्रेक्ष्य बभाषे जनकात्मजाम्
8941	6116071c	प्रदेहि सुभगे हारं यस्य तुष्टासि भामिनि
8942	6116072a	पौरुषं विक्रमो बुद्धिर्यस्मिन्नेतानि नित्यदा
8943	6116072c	ददौ सा वायुपुत्राय तं हारमसितेक्षणा
8944	6116073a	हनूमांस्तेन हारेण शुशुभे वानरर्षभः
8945	6116073c	चन्द्रांशुचयगौरेण श्वेताभ्रेण यथाचलः
8946	6116074a	ततो द्विविद मैन्दाभ्यां नीलाय च परंतपः
8947	6116074c	सर्वान्कामगुणान्वीक्ष्य प्रददौ वसुधाधिपः
8948	6116075a	सर्ववानरवृद्धाश्च ये चान्ये वानरेश्वराः
8949	6116075c	वासोभिर्भूषणैश्चैव यथार्हं प्रतिपूजिताः
8950	6116076a	यथार्हं पूजिताः सर्वे कामै रत्नैश्च पुष्कलैर्
8951	6116076c	प्रहृष्टमनसः सर्वे जग्मुरेव यथागतम्
8952	6116077a	राघवः परमोदारः शशास परया मुदा
8953	6116077c	उवाच लक्ष्मणं रामो धर्मज्ञं धर्मवत्सलः
8954	6116078a	आतिष्ठ धर्मज्ञ मया सहेमां; गां पूर्वराजाध्युषितां बलेन
8955	6116078c	तुल्यं मया त्वं पितृभिर्धृता या; तां यौवराज्ये धुरमुद्वहस्व
8956	6116079a	सर्वात्मना पर्यनुनीयमानो; यदा न सौमित्रिरुपैति योगम्
8957	6116079c	नियुज्यमानो भुवि यौवराज्ये; ततोऽभ्यषिञ्चद्भरतं महात्मा
8958	6116080a	राघवश्चापि धर्मात्मा प्राप्य राज्यमनुत्तमम्
8959	6116080c	ईजे बहुविधैर्यज्ञैः ससुहृद्भ्रातृबान्धवः
8960	6116081a	पौण्डरीकाश्वमेधाभ्यां वाजपेयेन चासकृत्
8961	6116081c	अन्यैश्च विविधैर्यज्ञैरयजत्पार्थिवर्षभः
8962	6116082a	राज्यं दशसहस्राणि प्राप्य वर्षाणि राघवः
8963	6116082c	शताश्वमेधानाजह्रे सदश्वान्भूरिदक्षिणान्
8964	6116083a	आजानुलम्बिबाहुश्च महास्कन्धः प्रतापवान्
8965	6116083c	लक्ष्मणानुचरो रामः पृथिवीमन्वपालयत्
8966	6116084a	न पर्यदेवन्विधवा न च व्यालकृतं भयम्
8967	6116084c	न व्याधिजं भयं वापि रामे राज्यं प्रशासति
8968	6116085a	निर्दस्युरभवल्लोको नानर्थः कंचिदस्पृशत्
8969	6116085c	न च स्म वृद्धा बालानां प्रेतकार्याणि कुर्वते
8970	6116086a	सर्वं मुदितमेवासीत्सर्वो धर्मपरोऽभवत्
8971	6116086c	राममेवानुपश्यन्तो नाभ्यहिंसन्परस्परम्
8972	6116087a	आसन्वर्षसहस्राणि तथा पुत्रसहस्रिणः
8973	6116087c	निरामया विशोकाश्च रामे राज्यं प्रशासति
8974	6116088a	नित्यपुष्पा नित्यफलास्तरवः स्कन्धविस्तृताः
8975	6116088c	कालवर्षी च पर्जन्यः सुखस्पर्शश्च मारुतः
8976	6116089a	स्वकर्मसु प्रवर्तन्ते तुष्ठाः स्वैरेव कर्मभिः
8977	6116089c	आसन्प्रजा धर्मपरा रामे शासति नानृताः
8978	6116090a	सर्वे लक्षणसंपन्नाः सर्वे धर्मपरायणाः
8979	6116090c	दशवर्षसहस्राणि रामो राज्यमकारयत्

The short URL of the present article is: https://sanaatanyuvaa.org/wINEa

Categories: ॥ रामायण ॥, उद्योग, धर्मोरक्षतिAugust 5, 2020, Wednesday Leave a comment

Tags: Lower Criticism Text ram ram mandir ram temple Rāmāyaṇa धर्मोरक्षति पाठ भूमि पूजन राम मंदिर रामायण लघ्वालोचना

Leave a Reply Cancel reply